|
جاري القراءه 🧡🧡🧡 |
البارت الاربعون مر شهر ثاني وتركي يحاول يتجنب ميار وميار ارتاحت لهالشي والي حصل ان جاسر تقدم لها لكن تركي ما يعرف واهي تفكر شنو تقول سبب رفضها لجاسر لانها ماتقدر تقول له ان قلبها لاحين متعلق بتركي .... وبيوم كانت بالمحاضره تحاضر واندق الباب واذنت بالدخول وكان تركي فدخل وقعد جنب مكتبها يسمع شرحها بالمحاضره وكملت ميار المحاضره وفجاة انفتح الباب بقوه وكان جاسر فاستغرب الكل وصرخ بربكه لميار ..... جاسر بصراخ وربكه وخوف : ميار بسرعه ... مهران يكلمج وتلفونج مغلق بسرعه كلميه يقول تاله تعبانه .... ارتجفت ميار واهي تسمعه وكان تركي قريب منها وحست ان بيغمى عليها وتطيح بالارض لكن يدين تركي مسكتها وساندها وقعدها على الكرسي .... تركي واهو يصرخ على الطلبه ويحس قلبه بينشلع على تاله : الي معاه ماي اييبه بسرعه .... ميار اصحي ... ميار اهدي انشاء الله مافيها الا كل خير .... وانت شلون تيي وتقول لها جذيه هذا خبر ينقال جذيه ..... جاسر واهو يقرب لميار : ميار انا اسف لكن مهران كان يصرخ واهو يكلمني وقال لي بسرعه و.... اسف والله اسف قومي اخذج للمستشفى تشوفيها ان شاء الله اهي بخير .... ميار واهي تاشر على شنطتها بعد ما شربت ماي : ابي تلفوني بكلم ركان اييني ..... مد تركي التلفون لها لانه بارز وقلبه شاب لانه يضنه زوجها واتصلت وفهم من كلامها انه برى ينتظرها لانه يتصل وتلفونها مغلق و ما يعرف وينها فقامت وطلعت ولا انتبهت انها ما خذت شنطتهاواغراضها فانتبه لها تركي لمى كلم الطلبه بان المحاضره تاجلت فاخذ شنطتها واغراضها بسرعه وطلع يلحقها ولقاها تو بتصعد السياره وجاسر جنب السياره يكلم ركان وتركي يضنه زوجها لانهم نسخه من بعض فصرخ تركي باسمها ولفت له فاشر على اغراضها فتوجهة له تاخذهم .... ميار واهي تاخذ شنطتها واغراضها : شكرا دكتور واسفه لاني تعبتك معاي .... بالاذن .... تركي قبل تمشي : طمنيني عليها .... اقدر اتصل فيج ... ميار واهي تلف له : شكرا ...برسل لك رساله او اتصل اطمنك عليها ... توجهة ميار للسياره وصعدت وحرك ركان بسرعه وتركي واقف مكانه يطالع السياره تروح فنزل راسه واهو متحير مع نفسه ليش خايف عليها جذيه بس لانه يعرفها واستلطفها فتنهد وتوجه لمكتبه ياخذ اغراضه ويطلع فتوجه للشركه يبي فهد يسال عنها ويخبره شفيها لكن لمى وصل استلموه اجتماعات وفهد كان مشغول وايد واستغرب من نفسه برغم انه مشغول لكن يفكر بتاله وصحتها وقبل يخلص اخر شغله ياه مسج من ميار تطمنهان تاله بخير لكن كان يبي يعرف شنو فيها بالضبط فحس انه غلط لو يسالها فقرر يسالها اذا شافها بكره لكن باليوم الثاني خاب امله لان ميار اعتذرت لرئيس الجامع واخذت اجازه فضن تركي انعا سهرانه مع تاله وماقدرت تداوم اليوم الثاني لكن اليوم سحب اسبوع واهو متردد يتصل عليها او يرسل لها مسج فحسها صعبه ويمكن يسبب لها مشاكل مع زوجها فحس بكبته بصدره ونزل يقعد مع امه وابوه ولحظات وياهم طلال اخوه وقعدو مع بعض سوالف وبعد ساعتين سمعو جرس الباب وطلع طلال يشوف من وبعد دقايق رجع ويطالعه ..... طلال واهو يطالع تركي : تركي .... مو عارف شقول لك لكن الي بالباب ميار واخوانها وواحد ما اعرفه يبونك بشي مهم وايد .... ابو تركي واهو يوقف ومستغرب : شي مهم ... شنو هالشي ... طلال : مو عارف لكن يبه ميار منهاره وحالتها حاله وكانت مصره تبي تركي واخوانها يهدونها والي معاهم .... شكله زوجها .... كشر تركي ووقف بيروح المجلس لكن صوت امه وقفه .... ام تركي : انتظر تركي ... خل ابوك واخوك معاك وانا ودي ايي معاكم لكن ببقى هني اخاف تنزل اروى وتسوي لنا سالفه ..... تركي : ليش من متى تهمني عشان اهتم الي شي تسويه خل تذلف .... ابو تركي واهو يمسك جتف تركي : كلام امك صح ... موب عشانها او خوف على مشاعرها لكن عشان لا تفضحنا بالرياييل ...يله امشو نشوفهم ... يله طلال ... ام تركي ارسلي الضيافه مع الشغاله ..... ام تركي : موجوده بالمجلس طلال يضيفهم .... طلال : على راسي يله عيب تاخرنا عليهم .... دخل تركي بعد ابوه وجنبه طلال وانصدم من شكل ميار لانها كانت هزلانه بزود وويها شاحب وباين عليها التعب ومهران يسلم على ابوه فلف مهران والتقت عينهم ببعض وحس تركي ان مهران للحين زعلان عليه فلم وصل له ومد يده تركي يصافحه طالع مهران يد تركي ورجع طالع تركي ..... مهران بضيق : سبق وصافحتك وياتني طعنه بظهري منك .... مابينا سلام باليد ... تركي واهو يصافح ماهر وبعده ركان : لا تقول طعنتك لاني مو مستعد ابرر او اتكلم بالماضي واذا يايين لهالشي ما عندي شي اقوله والله ستار غفور .... ميار واهي توقف فوقف معاها ركان وماسكها من جتوفها وخايف تطيح ودموعها تنزل : تركي ما ييتك للماضي الي ببالك ييتك انتخيك ... ييت اترجاك ... ارجوك تركي بنتي بتموت ... ارتعش تركي وتالم لحالتها لكن تماسك وطالعها : الله يشفيها ويقومها لكم بالسلامه ... اهدي ميار واقعدي ... وضحي شتبين مني شنو اقدر اقدم لج ...... ميار وركان يقعدها ويقعد جنبها : ابيك تفحص وتشوف يمكن تتوافق معاها .... تاله معاها الكلى من ولادتها وحالتها سائت هالفتره والدكتور قال ضروري احد يتبرع لها ..... طلال بالم على حالها وعلى تاله : لا اله الا الله ... زين وانتو ليش محد تبرع لها ... انتي امها يعني اكيد تتوافق معاج ..... مهران : وتضن بنيي لولا ان الكل فحص .... حتى فهد وعياله وزوجته فحصو .... الامل الوحيد تركي ..... تركي واهو ياشر على ركان : شلون انا اخر امل لها ليش انا ....انا مالي صله فيها المفروض ابوها يتبرع لها واضنه يتوافق اكثر معاها ..... ركان واهو مستغرب : من ابوها .... انا .... انا ابو تاله ... ليش قلت اني ابوها ..... تركي : لمى شفت تاله بالسوبر ماركت سالتها وين بابا قالت واهي تاشر لي انك انت وميار بالجهه الي ييتو منها ... ثم يوم الي يانا جاسر يخبرها بتعب تاله كلمتك وانت ييتها ..... ماهر بعصبيه وصراخ واهو ياشر على ركان : هذا يا فهيم اخوها بالرضاع وهذا ركان والي شفته بالسوبر ماركت ريان ..... تعرف انك منت ريال لمى ما تعترف فيها وللحين متهمها بقذارتك .... قوم مهران قلت لكم هذا مشكك وللحين متهم ميار ... قومي لا تبجي والله لو الف العالم الا القى لها احد تتطابق معاه لو ابيع كل املاكي بتعيش فاهمه بتعيش ولا تبجي خلاص ...... ميار واهي توقف وتطالع تركي ودموعها تنزل وحالتها حاله وركان وقف يسندها : انت فعلا ما بقلبك رحمه معقوله حتى بهذي اللحظه مشكك ليش ...ليش انا كنت حامل فيها وانا بايطاليا والله والله ما خنتك ... بجت ميار ووقف مهران وسحبها وضمها بقوه واهو يطالع تركي الي وقف ومو فاهم معنى كلامها .... ابو تركي : يا يبه اذكرو الله واقعدو وخلونا نفهم انا بصراحه مو فاهم شي من كلامكم و من الي ما يعترف فيه تركي فهموني ..... مهران واهو ضام ميار وياشر على تركي : الي نتكلم عنها تاله بنت ميار وولدك ما يبي يعترف فيها ... اوكي قبل قلت تجاهلك وعدم اهتمامك راجع لك وما نبي منك شي والبنت بتتربى بوسطنا ولا تحس انها اقل من غيرها وربيتها مثل ما ربيت امها وصرت ابوها تضن بترك ميار تذل نفسها لك انا لولا حالة تاله صعبه ماقبلت تييك ولولا ان الدكتور قال انك اخر امل لتاله ولا مستحيل اييك ..... طلال : معلي مهران انا يمكن فهمت لكن قولها والله الي تقوله كبير .... ماهر : ليش كبير ... معقوله ما قال لكم ..... ابو تركي بحيره : ما قال لنا شنو ... قولو انتو وريحونا ..... ركان : اسمح لي انا اقول لك يا عمي ..... ميار لمى سافرة لكندا يات عندنا باصرار مني انا واخوي التوم وابوي واحنا نكون عيال عمها واخوانها بالرضاع ... بعد الي حصل وطلاقها رفضنا تبقى هني لان نفسيتها بتتعب وبتتعذب بقربها له ... المهم بعد فتره من وصولها لنا لاحظنا تعبها وكثرت اغمائاتها واخذناها للمستشفى وبعد التحاليل تبين انها حامل وباول شهرها الرابع ..... تركي بصدمه ويحس رجفه بجسمه : انت شتقول .... ميار كانت حامل قبل اطلقها ..... ليش محد قال لي .... ليش ما اعرف ..... ميار واهي تلف وتطالعه : شنو .... من الي ما قال لك مهران ارسل لك ... وانت الي تجاهلت هالخبر ولا سالت او اهتميت وكلنا فهمنا انك مشكك ومتهمني انها موب بنتك .... حتى ليلى وفهد وندى فهمو هالشي لانك حتى اهلك وفهد ما قلت لهم ولا حتى ذكرته بيوم فشنو معناه .... تركي : من الي خبرني ... مهران ... مهران لمى ياني هني ضربني وعاتبني وتركني وطلع ومنها ما شفته بالمره الا اليوم ..... مهران : انا ارسلت لك ظرف فيه تحويل اسهمك وشيك وورقه اذكر لك فيها حمل ميار وان ما نبي منك شي لكن نعطيك خبر ... ولعلمك حمل ميار كان من قبل ترجع هني من ايطاليا وتزوج عليها زوجتك ..... تركي ودموعه تنزل : كنت حاس فيها ... لكن الظرف ما كان فيه غير اوراق الاسهم والشيك ...ما كان فيه اي شي وحتى الشيك للحين عندي ما صرفته وتركته عشان ارده لك ..... طلال واهو بمسح دموعه : اي حتى لمى سلمته له زوجته انا كنت يمه و لمى وصل الظرف للبيت كان تركي بالعمره وقتها يعني استلمه بعد اسبوع من وصوله ... حتى اسالو ابوي وامي وقتها كانو موجودين وشافو الي بالظرف .... ابو تركي : كلام طلال صحيح وانا شفت كل شي بالظرف بنفسي ولو بنقول الورقه طاحت بتسلمها الشغاله لام تركي او بنلاحظها .... ماهر لمهران : انت متاكد انك حطيتها بالظرف اهاف ظلمناه كل هالسنين ولو كلمناه بالتلفون مثل ما قالت امي كان اقضل ..... تركي لميار واهو ياشر على ركان : هذا موب زوجج ....ليش كنتي ساكته وانتي تعرفي اني اضنه زوجج وكنت اكلم تاله قبالج وتقول لي بابا قال ....ليش من تقصد ببابا .... مهران : تقصدني ... وميار نبهت على ليلى وفهد وندى ما يكلموك بتاله وخبت ابوتك لها لمى لقتك تجاهلت واعتبرناه تشكيك بابوتك لتاله فخافة على تاله تتاثر من كلامك لو قالت لك انها بنتك ... اضنك فاهم الحين واعذر فهد تراه مجبور من ميار .... ابو تركي ودموعه تنزل : يعني تركي عنده بنت .... يبه ميار احنا شذنبنا ما نعرف لو ان فعلا تركي ما اعترف فيها كلنا وقفنا معاج .... ميار واهي تنزل قبال ابو تركي بالارض وتمسك يده : اعذرني يبه .... والله كنت اتالم لمى التقيت في خالتي ام تركي وما قالت لها ان تاله حفيدتها .... كله من خوفي من كلام تركي .... انا يا عمي ما اسلم من لسانه بالجامعه ويعيد بالكلام باني خنته .... انا بريئه من اتهامه مثل برائة الذئب من دم النبي يوسف ..... ابو تركي واهو يمسح على راسها : والله عارف انج بريئه لكن ما اقدر الومه واهو مجروح مثلج و معتبر الي شافه بعينه خيانه .... انا ما همني كل هذا الي يهمني الحين حفيدتي ابي اشوفها وهذا من حقي .... مهران : من حقك يا عمي ومحد يقدر يمنعك .... تركي بتفحص وتشوف اذا تتوافق مع تاله او لا ..... تركي واهو يطالع مهران : اكيد بفحص .... لكن ابي اعرف اذا فعلا انت تركت ورقة تخبرني فيها عن حمل ميار لو لا ..... مهران : مثل ما انا متاكد اني اشوفك قبالي ....حتى بالاماره كنت حاط ورقه صفره من الي استخدمهم بايطاليا للملاحظات للشركات اضنك تذكرهم كانو اصغر من الظرف بشوي ..... تركي : اي اذكرهم حتى ختم الشركه محفور فيه .... طلال : شتفكر فيه تركي ..... تركي : مو مهم الحين شفكر فيه المهم اروح المستشفى لتاله اتطمن عليها افحص ..... ميار لي حساب عسير معاج على سواتج هذي .... حرمتيني من بنتي خمس سنين ولا تقولي الورقه كان ممكن مثل ما قال ماهر بقتراح خالتي احد يكلمني مباشره او يكلم ابوي او امي .... طلال : والله الي حسابها عسير ندى انا اوريها بسكوتها ولا لمى اسالها عن تاله تقول ميار تزوجة بتبقى على اطلال اخوك اوريها ..... ابو تركي واهو يمشي للباب : والله اذا واحد منكم قرب لبناتي يا ويله ...كل واحد يهدد ويوعد قولو حرف لهم واوريكم انا .... طلال انت تروح لامك وتفهمها بكل الي حصل ... تركي : طلال ..... لا تعرف اروى شي مابيها تسمع ..... لفت ميار واخوانها يطالعو تركي لانهم مفكرينه خايف على مشاعر اروى لا تتاثر لكن ما يعرفو ان تركي ما يبيها تعرف لانه شاك انها فاتحه الظرف فقرب مهران من ميار ولف يده حول جتف ميار وطلعو كلهم متوجهين للمستشفى ولمى وصلو لغرفة تاله وقفت ميار وطالعت تركي وابوه ..... ميار : بمهد لها .... ما بيها تنصدم خصوصا انها تعرف تركي من لمى قابلته ببيت طلال ...... تركي : شنو بتقولي لها .... اذا معرفتها فيني بتاثر على وضعها الحين اجلي لحد ما تتحسن وبندخل كاننا نزورها ...... ميار : لا بالعكس الجانب النفسي يساعد على تهدئتها واهي كذا مره تسال عنك ومهران يقول لها قريب تعرف لكن في ظروف تمنع معرفتها فيك .... اهي حافظه اسمك بالكامل فاذا دخلت وطلبت تشوف هويتك ورها تتاكد تاله تعرف تقرء اللغتين ..... ابو تركي : زين يبه ادخلي وهيئيها وبعدها يدخل تركي وانا بعدين عشان تشبع من ابوها ...... هزت ميار راسها وطالعت مهران فتنهد وقرب لها ودخل معاها لانه الاقرب لتاله من بعد ميار ويقدر يمهد لها الخبر وتتقبل تركي وابوه وباقي اهله وخصوصا انها زارتهم من قبل ..... ميار واهي تبوس يدين تاله واهي قاعده جنبها ومهران قبالها : شلون حبيبت ماما الحين ..... تاله بخمول : احسن ماما ...... ماما وين رحتي صحيت من النوم وما لقيتج لا انتي و لا بابا ..... ميار : لاني حبيبتي رحت لمكان مهم عشانج .... تبين تعرفي لمن رحت مهران : تاله .... طالعيني بابا .... تذكري لمى قلت لج انا ما اكون باباتج الي يابج وانتي تحملي اسمه ...... تاله : اي وقلت لي بيي يوم واعرفه وان بابا بعيد عني .... بابا انا تمنيت شي لكن خبيته عن ماما خفت تزعل مني ..... ميار واهي تبوس راس تاله : لا حبيبتي ماما ما تزعل منج .... قولي شنو تمنيتي .... تاله واهي تطالع ميار : ماما تذكري عمو الي ساعدني بالسوبر ماركت ...وهم اسعفني ببيت خاله ندى ... انا ما اعرف اسمه ..... ميار بربكه وخوف ان تاله ما تقبلت تركي : اي حبيبتي اذكره شنو فيه.. تاله واهي منزله راسها وبحزن : انا تمنيت يكون بابا الصجي .... ماما لا تزعلي مني لكن اذا اشوفه افرح واهو يعاملني غير .... احسه يخاف علي ويبي يحميني ... ماما اهو غنى لي اغنيه حلوه وايد وانا غنيت له وكانه بابا .... اسفه ماما لاني تمنيت واحد غير بابا يكون اهو بابا .... مهران واهو يبوس يدينها وياشر على قلبها : تاله هذا شنو حس فيه له اعني الي ساعدج ... تحبيه ..... تاله واهي تطالع ميار بخوف ثم مهران : اي ... بابا اهو طيب .... ميار : وتتمني يكون بابا .... تاله : بس لا تزعلي مني .... ميار : لا يا روحي ما ازعل منج تعرفي ليش ..... تاله : لا ليش ..... مهران : لان انا وماما وخالج ماهر وركان رحنا لبابا وقلن له الحين تاله محتاجه بابا يقول لها انا بابا ..... تاله احنا كنا نضن بابا يعرف انج موجوده تذكري قبل قلت لج كان في مشاكل لهالشي بابا وماما انفصلو وبعدها احنا سافرنا وعرفنا ان تاله ببطن ماما وبتيي للدنيا .... بعدها انا ارسلت رساله لبابا لكن الرساله ما وصلت كامله وخبر انج ببطن ماما ما وصل له فاحنا ضنينه انه ما يبي تاله لكن لمى رحنا له اليوم عرفنا وانا اعترف لج انا غلط لمى ما كلمته تلفون وخبرته ... الحين ابيج تسامحيني اول وبعدها بييب لج بابا تشوفيه ..... تاله ودموعها تنزل : يعني بابا ما كان يعرف ان تاله عايشه ..... ميار واهي تمسح دموع تاله وتقاوم لا تبجي : لا حبيبتي وانا هم اسفه لاني ما كلمته ولا بينت له ان تاله بنته الحلوه .... تعرفي بابا يحب تاله وايد واهو قريب منج ويبي تاله تحبه ..... تاله واهي تمسك يد مهران : بابا انت قلت بتييبها لي ... انا ابي اعرفه واشوفها ... بليز بابا ولا تزعل لاني بقول له بابا .... مهران : بدخله لج ومحد يزعل من تاله وصدقيني بابا احق واحد بهذي الكلمه واعرفي بابا طيب وايد ويحب ماما لكن الظروف بعدتهم وانا اقول لج لا تخلطي ترك البابا للماما بتاله لان بابا لمى عرف صرخ ليش ما قلتو لي وانا غلطان بحقه فسامحيني يا بابا اوكي .... هزت تاله راسها واهي تبتسم ففتحت ذراعاتها لمهران وضمها لصدره وتاثرت ميار بمنظرهم ... مهران واهو يبعد تاله ويبوس خدودها وجبينها : يله حبيبتي استعدي عشان تعرفي بابا وتشوفيه ... اي وجدو هم معاه قال ابي حفيدتي اشوفها وللمعلومه انتي اول حفيده من ابوج واول بنت لهم ... ادخله ... تاله واهي تمسك يد ميار : ماما خلج يمي اوكي .... ماما انا اعرف بابا . ميار واهي تمسك يدين تاله وتبوسها : الحين تشوفيه ماما وبتحبيه ... دخله مهران تاله مستعده .... توجه مهران للباب وفتحه وطل على تركي الي واقف ويفرك بيدينه دليل توتره وخوفه فقرب لمهران وهمس ..... تركي بهمس : هاااه طمني متقبله .... مهران واهو يبتسم : وتمنتك تكون ابوها تراها ما تعرف اسمك قالت عمو الي ساعدني واسعفني ...كانت تتمنى تكون ابوها وتحس بانجذاب لك .... افرح تاله حست فيك .... تماسك تركي واهو يبتسم بربكه فحط مهران يده هلى جتف تركي وتركي طالعه .... مهرا بضيق : لولا الي سويته بميار ما تغيرت عليك وتاله خلتني اعذرك بعدم معرفتك بوجودها لكن سواتك بميار وغدرك فيها وعدم صونك للامانه ما بسامحك عليه ... بتعامل معاك كاب لتاله وبس لكن ترجع اخ لا .... ادخل تاله تنتظرك ..... حس تركي بالم من كلام مهران وندم اكثر لانه رد اروى وخسر كل شي بسببها فسمى بالله ودخل وعينه تدور تاله فلقاها على سريرها وجنبها ميار وماسكه يدها وباين توترها فشهقت اول ما دخل وحس بشهقتها روحها تطلع وممكن ما تتنفس فركض لها وتركت يدين ميار ومدتهم لها فضمها لصدره و دموعه تنزل وحس كان روحه ردت لها وحس بجسمها يرجف بحضنه فحملها وباس ويها بكل مكان وكان منظرهم مؤثر وايد وتاله ما تتكلم بس دموعها تنزل وتطالع تركي واهو يبوس فيها بكل مكان بويها فبعدت ميار تعطيهم حريتهم مع بعض ..... ميار : اقعد معاها هني وحاسب للمغذي تركي لا ينزل من يدها .... بتركم مع بعض تاخذو راحتكم ..... تركي واهو ينزل تاله على سريرها ويقعد جنبها على السرير : لا ميار خلج ... ابيج معانا ..... ميار واهي تطالع تاله الساكته وتطالع تركي الي يبوس بيدينها ويمسح على ويها : ماما تكلمي قولي لبابا بلي داخلج .... تاله بصوت مهزوز وتطالع تركي : ماما انا احلم بابا اهو الي ساعدني .... ماما ليش ما قال لي انه بابا .... ميار واهي تنزل راسها : قال لج بابا مهران ... ما كنا نعرف انه ما يدري بتاله ضنيناه يتجاهل .... تاله بابا يحبج وايد وانا غلط بحقه وحقج لما كنت ابعدج عنه كنت خايفه يقول ما ابيها لكن كنت غلط وما ابيج تزعلي مني لاني انا هم لي عذري وبابا هم له عذره .... تركي واهو يمسح على ويه تاله : ما اضن هذا وقته وعقلها مابيستوعب كل هذا كافي صدمتها فيني ... مثل صدمتي فيها ... تعرفي كنت متحير مع نفسي ليش منجذب لج وحبيتج برغم اني ضنيتج بنت واحد ثاني غيري ..... سامحيني يا بابا على كل لحظه مرت من عمرج وما كنت موجود فيها ..... تعرفي في اشياء كثيره كنت قايل لماما قبل عنها واحلم اسويها مع بنتي .... كنت اتمنى اشوفج اول ما تيبن على هالدنيا واسمع اول صرخه لج ... كنت ابي اشمج اول ما تيين ... كنت ابي احط عيني بعينج واشوف اول نضره لج ... واسمع اول مناغه لج واول ....... ما تحمل تركي ووقف عن وصفه للي تمناها وبجى بحرقه وضم تاله الي تبجي وظلت تبجي وتركي ضامها واهو هم يبجي وميار ما تحملت ودموعها تنزل فطلعت بسرعه وكان مهران قبالها فرتمت بحضنه وخاف عليها الكل وتقربو لها يبون يعرفو وخافو يكون تركي غلط عليها .... ابو تركي : شفيج يبه .... تركي غلط عليج بشي قال لج شي .... ميار واهي تبعد عن حصن مهران وتطالع ابو تركي : لا يا عمي محشوم يسويها لكني عرفة اني ظالمه له ولبنتي .... ضيعت عليه اول فرحته وكل لحظه تمناها معاها وللاسف ضيعتها على تاله هم .... يمكن مهران عوضها لو قليل لكن يبقى ابوها غير .... اتمنى انه يسامحني وتاله هم تسامحني ..... ابو تركي : محد يلومج انتي هم كنتي معذوره ولو اي وحده مكانج انتي واهلج كانو فكرو مثل تفكيركم ... صدقيني تركي ما بيعديها وبيعرف من اخذ الورقه من الظرف دام مهران ارسلها يعني احد اخذها .... ركان : معقوله يا عمي ... من بيتجرء ويفتح الظرف ... ثم تركي ما سك لمى لقاه مفتوح ..... ابو تركي : الي فتحه يا يبه مو غبي عشان يترك جريمته باينه الي فتحه رجع يكره .... ماهر : بس شلون فتحه .... لان مهران يكتب على الظرف بخط يده يعني مو معقوله بيغير الظرف والظرف خاص بالشركه ..... ابو تركي : في طرق وايد لفتحه وتسكيره بدون يتلاحظ لكن لو بندقق بنلاحظ في تغير بالتسكير ... لا تخافو انا بتاكد بنفسي ولاني شاك باحد .... متى ايي دوري اشوف حفيدتي ..... مهران : هههههه خل تشبع من ابوها ويصحى تركي لنفسه وبعدها تشوفها تراني خبرتها انك هني وتبي تشوفها ... لا تخاف عمي تاله بتتقبلك .... ظلت ميار مع ابو تركي تخبره بكل الي حصل لها من رجعت من ايطاليا وكل الي حصل لها لهذا الوقت واهو بدوره خبرها بكل الي حصل من رجع تركي ليوم الي استلم فيه تركي ظرف مهران وكانو اخوان ميار يسمعوه بكل شي يذكره لها لانهم يبون يتوضح لهم كل شي .... ميار واهي توقف وتطالع ساعتها : صار لهم ساعه مع بعض اضن صار وقت دخولك عمي ... . ابو تركي : كم مره بقول لج قولي يبه ... شكلج ما تعتبريني مثل ابوج .. مهران : لا والله يا عمي ظلمتها تراها لمى تذكرك تقول ابوي وكنا نتلخبط من تقصد انت او عمي فتعودت على قول لعمي يبه وانت بعمي وخذت عليها .... ميار واهي تبوس راس ابو تركي : السموحه يبه ولك مني اقول ابوي بدر زين جذيه ..... ضحك ابو تركي وضمها وباس جبينها وميار كامت محتاجه لهالحضن لانها تحس انها فعلا مع ابوها الي انحرمت منه لان تعامل ابو تركي بحنان مع الكل ..... ميار واهي تبعد : بدخل اقول لتاله تبي تشوفها .... هز ابو تركي راسه ودخلت ميار ولقت تركي متمدد جنب تاله على السرير وضامها له ويبوسها ويكلمها فلف لمى دخلت ميار يطالعها ... تركي واهو على وضعه مع تاله : شنو طولنا وايد .... ميار : لا خذ راحتك معاها عارفه ولا كل الوقت يعوض الي فات لكن شكلك نسيت ابوي بدر برى يبي يشوف تاله وتعرف عليه .... تاله ما التقت فيه ابدا واهو بس سمع عنها من خالتي ...... تركي : قلتي لابوي ابوي بدر وامي خالتي اما جذيه او جذيه ولا تقلبي .... وين ابوي .... ميار بضيق من اسلوب تركي معاها : برى ينطر .... بدخله تاله هذا يدج تاله بحماس : ماما مثل جدو قاسم ...... ميار : مثله وانتي تقولي لي بعدين من احن اوكي .... تركي : بدينا بالتمييز .... خزته ميار فابتسم ابتسامت نذاله ولفت ميار تفتح الباب لابو تركي فدخل واهو مبتسم وتفاجاو تركي وميار ان معاه كيس كبير فقرب لتاله الي تطالعه وتطالع تركي .... تاله واهي تاشر على ابو تركي : بابا هذا جدو ...بابا ما يشبهك وايد بس شوي ..... ضحكو عليها وقرب ابو تركي وفتح ذراعاته لتاله ووقفت على السرير وارتمت بحضن جدها فبعد تركي يفسح المجال لابوه وعشان المغذي ما ينزع من يد تاله فلف لميار لقاها تطالع تاله وابوه فقرب لها وهمس قريب لاذنها .... تركي بهمس : تطالعيها وتبتسمي ... تعرفي شكثر حرمتيني وحرمتي كل اهلي منها ... افرحي الحين لكن بس تشافى و تخلص من نقاهت العمليه باخذها واحرمج منها مثل ما حرمتيني ..... انصدمت ميار من تهديده لها وكلامه فطالعته ولقته يطالعها بشر وتحدي فرجفت وخافة وطالعت تاله واهي بحضن يدها ويفتح معاها اللعبه الي يابها لها واهي فرحانه ورجعت طالعت تركي فلقته يطالعها بسخريه فتماسكت لان ما تبي تهور وتصرخ وتقلب الدنيا ولان مصلحت تاله قبل كل شي بالنسبه لها فلفت وطلعت وتركته معاهم ولمى طلعت لقت امها وسناء موجودين فقعدت معاهم ...... ام مهران واهي تمسك يد ميار : يمه فيج شي ..... ميار واهي منزله راسه : سلامتج الغاليه ... شنو غير حالة تاله و عمليتها ..... مهران لازم تركي يحلل نبي نتاكد من اذا يوافقها لو لا .... مهران : معلي اتركيه الحين يتهنى معاها واكيد بيذكر من نفسه ويروح يحلل لا تخافي ان شاء الله في امل .... ركان واهو يقعد جنب ميار الجهه الثانيه وبهمس : شفيج ... لو تهربتي من الكل الا انا ما تقدري ... شكلج متغير وفيج شي كاتمته .... طالعته ميار وابتسمت بالم : مو وقته ... اذا الكل راح خلك معاي واخبرك ..... ضمها ركان من جنبها واهي حطت راسها على جتفه وغمضت عينه ولحظات وطلع تركي من الغرفه وشاف ميار بوضعها مع ركان فحس بغيره كبيره ووده يسحبها من حضنه ويضمها اهو لكن تماسك و كبت مشاعره وتوجه لام مهران وباس راسها ونزل على ركبه قبالها واهو ماسك يدها وباسها .... تركي : عارف انج زعلانه مني لكن مكانتج كبيره وامور توضحت لي وضنيتج خلاص مستحيل تهتمي لي بشي ..... ام مهران : وليتك تستاهل يا تركي ... لا تضن دفاعي عنك لاني مصدقه اتهامك لبنتي تربيتي لا لاني ما ارضى بالغلط وكان من حقك تعرف وتنضرب على راسك لو فعلا انك مشكك بابوتك لتاله وكان معاي بالراي ابو ريان ولا هذول خذتهم الحميه لاختهم وما تحملو تتهمها زود وتشكك بعفتها .... هذي بنتي يا تركي تربيتي وتربية مهران وانت بشكك واتهامك لها يعتبر اتهام لنا ... هاااه للحين بنتي خاينه لك وربها قبلك ... تركي بضيق واهو منزل راسه : وشنو يثبت لي لا تربطي تربيتج وتربيت مهران بالي حصل انا لهذا اليوم مو مستوعب لكن اي ريال بيشوف هالمنضر بيصدق فيها ... وكاهو ماهر ما حصل له نفس الشي وطلقها .... من اخذ حقه غير مهران منها ومن الي كان صاحبه ... يمه ابيج تفهميني لا تكونو ضدي وانا هم تعبت من هذي المسئله ... عمري ما شفت من ميار تصرف غلط باخلاقها من تزوجتها لكن باخر ايامنا محد حولنا وانا غلط لمى قلت لها خلاصها مني بخيانتها او موتي .... مهران لانه جنب امه ويسمع كل شي برغم ان صوتهم خافت : كنت تبين ما تنزل فيها ضرب ... تعرف نتيجت ضربك وتكميمكلها وتربيطك سببت اها بالربو والله لطف لقينا دكتور متمرس وساعدها تتخلص منه وتعرف هم انها طول فترة حملها على السرير وممنوع تتحرك والمغذي مغروس بجسمها ٢٤ ساعه لحد بعد ولادتها غير النفسيه الزفت بتجاهلك لرسالتي وخبر حملها ... تعرف ان تاله صابها الكلى لكل هلي صاب ميار وحتى الدكتور قال في كدمه بجسم تاله نتيجة اذه صاب ميار بحملها وللحين اثره بجسمها ... من سبب كل هذا هاااه قول ... لو انك كلمتني وخبرتني بسواد ويهك وغلطة كنت حليت لك السالفه وتعرف اني كنت اعرف بسوات اختك مع الساحر والمحضر وانا الي منعت كتابت اسم اختي واختك .... ارجع لزوج اختك واساله من تحرك بالسالفه ومنعته يتكلم .... تعرف ان كل شي يحصل لاي واحد منكم يوصلني من تزوجة ميار وانت مثلك مثل باقي عايلتي مراقب لحمايتك فاهم لكن من طلقة ميار خلاص تركتك ولا تدخلت فيك بشي عرفت الحين انك غبي ومغفل واتركني ساكت بامور ثانيه وتثبت لك شكثر انت مغفل بحياتك .... طالع تركي مهران واهو يتكلم وانصدم بكلامه وعمره ما تصور ان مهران يسوي جذيه عشان يحمي الكل ويساعدهم بدون لا يعرفو فحس انه صغير وايد فطالع ميار لقاها على وضعها وللحين مغمضه عينها ولا كانها سمعت شي هذا يدل على انها عارفه كل شي وساكته ولا مره تكلمت او ردت على سخريته منها واتهاماته لكن للحين ما تبرئت لان برائتها بيد الياس والياس للحين بغيبوبه لف راسه لام مهران لمى حطة يدها على جتفه ..... ام مهران : لا تعتبر كلام مهران معاير لا مهران وضح لك شي بسيط بس و اترك كل هذا الحين لان الي يهمنا كلنا تاله وصحتها .... قوم وروح حلل عشان نعرف تطابق معاخا لو لا عشان نرسل فحوصاتها وتحاليلها برى نشوف لها متبرع اذا ما تطابق معاها ..... تركي : معقوله ما تطابق مع احد منا لا انا ولا امها حتى ... ليش هالشي معاها يصير ..... مهران : تبي تفهم مضبوط شوف الدكتور تبعها واهو يوضح لك لكن اهي كان يتابعها دكتور غير لمى كنا بكندا ورشح لنا هذا الدمتور يتابعها هني ..... قوم معاي اخذك له يسوي لك التحاليل ويشرح لك وضع تاله .. وقف تركي وباس راس ام مهران وتوجه مع مهران للدكتور واهو يمشي مر جنب ميار ولاحظ انها ما تحرك فلف لمهران .... تركي بخوف : مهران ... ميار ما تحرك ابد من طلعت من الغرفه .... مهران بعد ما لف يطالع ميار وكمل مشي : ركان نيمها من تقعد جنبه واهي تعبانه ينيمها بكلامه معاها ..... تركي : الحين هذا ركان .... والثاني ريان ...مافي فرق بينهم شلون تميزوهم وشلون ينيم ميار جذيه برى..... مهران : ريان وركان بينهم فرق بسيط احنا نلاحظه ونعرفهم واذا تعودت عليهم بتميزهم ونوم ميار برى لان لو بينقلها لغرفه مابتنام ابد ميار ما نامت من تعبت تاله للحين غير كم ساعه وهالشي يتعبها واهي الي بتطيح لنا لهالشي يستغل ركان اللحظه الي تكون جنبه وينيمها .... تركي بدون وعي : مو مصدق ميار تنام على جتف غيري وبسهوله .... مهران واهو يبتسم : تراها ماعادت زوجتك تعتب ... ثم ركان طبيب نفسي يعرف لها اكثر منك .... تركي واهو يوقف ويطالع مهران بغيض : لا والله محد يعرفها كثري و تنام بحضنه غيري .... مهران واهو يمسك ذراع تركي ويسحبه : امش امش الله يستر على اهلك انت بعتها وانتهينا ماعاد لك فيها ظفر والي بينك وبينا تاله وبس ... اصلا ميار انخطبت واذا تعدت تاله ازمتها بيكون زواجها وانت اول المعزومين ..... وصلنا لغرفة الدكتور ..... تركي واهو يمسك يد مهران لا يفتح الباب وبرجئ : مهران ميار لا تزوج .... ومن هذا الي متقدم لها ... مهران من جدك ميار تتزوج انا ... مهران واهو يشوف تركي سكت ولا كمل : انت شنو ... تركي كنت تضن ريان وركان زوجها وتقبلت ليش منت متقبل الحين ... عادي من حقها تزوج وتعيش حياتها مثل ما انت متزوج وعايش حياتك وكافي عليها خمس سنين تربي تاله وانت برى الخط يا وقت تشاركها تربيتها واهي تشوف حالها وتييب غيرها ..... سكت تركي وظل كلام مهران بباله حتى واهو يسمع الدكتور يشرح له حالة تاله النادره لان عدم تطابق انسجتها مع كل افراد عايلتها يعتبر نادر وبعدها اخذوه للمختبر واخذو منه عينات يحللو اذا يتطابق مع تاله لو لا لان مهران قرر ياخذها المانيا اذا ما لقو لها احد يتطابق معاها ويحطو اعلان عن متبرع بمبلغ كبير عشان يتم زراعت الكلى لها وتعيش طبيعيه لمى خلص تركي وكمل يومه مع تاله وابوه استاذن عشان الباقي ياخذو راحتهم بعد ما ياتهم ام تركي وطلال وفرحة تاله فيهم واهم هم فرحو بتقبلها لهم وبالمسى ظلت ميار وركان معاها وتركي جنب تاله يساعدها بتركيب لعبتها الي يابتها لها ام تركي وميار وركان بعيدين عنهم على الكنب ..... ميار لتاله واهي بمكانها : ماما ما تعبتي من اللعب .... وقت نومج عدى بوايد ..... تاله برجئ : ماما بليز بابا شاطر بالتركيب حل لي اللعبه بسرعه .... تركي واهو يبوس خد تاله : حبيبت بابا انا حليتها لج لاني لقيتج متحيره لكن مره ثانيا لازم تفكري اكثر وتحليها بنفسج .... خلاص بابا مثل ما قالت ماما وقت نوم لان الوقت تاخر .... تاله بزعل : بتروح وتخليني ..... تركي واهو يحملها ويحطها بحضنه ويبوسها : لا يا روحي انا ما صدقت تقبليني اتركج ... انا برجع البيت اريح وبكره تفتحي عينج تلقيني يمج تمام .... ركان : تاله حبيبي بابا متزوج ولازم يرجع لزوجته مثل خالو ماهر ما يقول لنا انا عندي زوجه ومسؤل عنها لازم يرجع لها وبكره اهو عندج . طالع تركي ركان وكان ركان يطالعه بسخريه ويغيض تركي لانه لاف ذراعه حول خصر ميار ورجع لف راسه لتاله للي تقوله .... تاله وعينها تلمع دايل مسكها لدموعها : بابا انت متزوج .... يعني مستحيل نصير انا وانت وماما ببيت ... ما بكون مثل شادن ومرام يعيشو مع امهم وابوهم .... انت بتروح لزوجتك وتتركنا مره ثانيا .... تركي بسرعه واهو يضمها ويمسح على ظهرها : لا يا روحي ما بتركج ابد كل يوم اما معاج .... ثم من شادن ومرام هذول .... تاله : بنات خالو ماهر .... بابا انت ما تحب ماما عشان جذيه تزوجة وحده ثانيه وتركت ماما ..... تركي واهو يطالعها : لا يا روحي ... في امور انتي صغيره علىيها الحين وانا ما تزوجة وحده ثانيه لاني احبها .... اقول لج سر بيني وبينج .... هزت تاله راسها بحماس فابتسم تركس وباس جبينها واهو ماسك ويها بيدينه .... تركي بهمس : سرنا اني احب ماما اكثر من اي احد للحين .... مابي احد يعرف اوكي ..... تاله واهي تبوس خد تركي وطايره من الفرح : اوكي ... بابا بكره بتيي الصبح .... تركي واهو يمددها ويبعد العابها : اي قبل تفتحي عيمج انا هني بكون ... لكن لازم تسمعي كلام ماما وتريحي اوكي .... انا بتركج الحين مع ماما عشان تاخذ حقها منج اليوم خذيتج منها ... ياه وين لوست بابا قبل النوم ..... قرب تركي لها ولف يدينها حول رقبته وباسته بخده ثنينها فضمها تركي واهي متمدده على سريرها وباسها بكل مكان بويها ومسح على خدها واهو يتامل ويها المبتسم له فابتسم وبعد عنها ومر جنب ركان وميار ووقف قبالهم وبصوت واطي لانه ما يبي تاله تسمع .... تركي لركان : لا تصيد بالماي العكر وتحاول تخرب بيني وبين بنتي .... ولا تييب سيرت زوجتي على لسانك فاهم .... ركان بسخريه وبهمس : اي اكيد لان زوجتك شريفة مكه ....عفوا اعتذر لكن ما اعرف امسك لساني ولازم ارد على الغلط ..... اقول توكل وانت ما هميتني بشي وكل الي لك عندنا تاله وبس ولولا تعبها وحاجتها لمتبرع ما عرفة انها بنتك واذا بصطاد بالماي العكر سهله اقول لتاله ابوج الي فرحتي فيه متهم ماما انج منتي بنته وكل هالسنين رافضج وتعرف وقتها تاله ترفضك وتعتبرك ميت ..... تركي واهو يطالع ميار : اقضبي كلبج لا اربيه واعرف شلون اسكر فمه للابد ..... ركان واهو يوقف بسرعه وبويه تركي : يله كان انك تقول انك ريال ورني والمس شعره وحده لكن من وين لك الرجوله ولافي لك على زباله ... اقول روح ولم شرفك المهدور بالشاليهات والمراقص انت لاهي بتدريسك وشركتك والي ببيتك لاهي بالفساد ...... ميار واهي توقف بينهم وتبعد ركان عن تركي : تركي ارجوك روح .... تركي عشان تاله ولا تنسى اهي بالغرفه معانا ..... تركي لميار : لولا تاله كنت وريته من الريال و انت اسمع اذا بتتكلم كاهي الي بينا دور وراها عن حقيقة سواتها والي شفته .... من غير مع السلامه ..... ركان واهو يشوف تركي يمشي للباب : درب الي تودي ولا تييب ... لف تركي بيرجع لكن منضر ميار ونضراتها له ترجاه يمشي خلته يلف ويطلع واهو يغلي على كلام ركان لانه كرر كلام ميار وتلميحاتها وغفل فعلا عن انه يدور ورى اروى ويشوف شنو تسوي من وراه لكن اهو متاكد انها اهي الي اخفة رسالة مهران لانه اهو الي علمها من سنين شلون تفتح ظرف المدرسه لمى ارسلو لامها عن تدني مستواها فاجل محاسبتها لمى يشوف تاله ويرجع لها لهالشي منع امع تخبرها بتاله وانها بنته لانها بتتخلص من الرساله هذا اذا كانت محتفظه فيها ولا تخلصت منها من قبل ....دخل تركي بيتهم وكان صوت ابوه يصارخ على طلال فاستغرب لان طلال اكثر واحد فيهم حريص على رضى والدينهم ... تركي : السلام عليكم .... شنو حصل وليش كل هالصراخ .... ابوتركي بعصبيه : وعليكم السلام .... تعال شوف اخوك المحترم يبي يطلق زوجته وماد يده عليها وطردها لبيت اهلها .... انت غبي او تستهبل انت شنو دخلك بحيات اخوك مالك حق تحاسبها هذا بينها وبين صديقتها ...يعني تبيها تغدر فيها ... طلال : لا يبه ما قلت تغدر لكن هالسالفه كبيره شلون تخبي علي بنت اخوي ليش هذي الامانه ولمى سالتها من ابو تاله قالت ما يحق لي اقول لك وميار ما اذنت لي اخبرك .... تركي : الحين افهم من كلامك انك متخانق مع ندى عشان خبت عليك ان عندي بنت من ميار .... طلال اعقل تصرفها سليم لان صديقتها امنتها على سر تيي وتقوله لك شلون ... ام تركي : وكاهو اخوك يقول لك انها ما غلطت .... انت غلط لمى حاسبتها يا يمه ما يصير تقول لك وتركي اخوك ليلى قالت لفهد لانه صديقه وبيكتم السر لان ميار طلبت ما يكلم تركي او يعاتبه ...ميار بنفسها قالت لي حتى قالت كانت متردده تقول لندى عشان هلي احنا فبه الحين لكن لو خشت عنها بتزعل وتعرف لو اني مكان ميار واهلها بفكر نفس تفكيرهم ما غلطو .... تركي : طلال ندى وين الحين ... طلال : نزلتها بيت اهلها اهي والعيال .... تركي : لا حول وتبي عيالك يتشتتو مثل تاله .... طلال راض ندى اهي ماقصرة بحقك وحق عيالك بشي قايمه بكل واجباتها .. ابو تركي : انتو ما تحبو تعيشو غير مع الوساخه .... هاااه انت هم لافي لك على وحده زباله ...... كا اخوك طلق ام بنته الشريفه العفيفه و ترك الي خانتها وخربت حياته معاه .... كفوك انت وياه كفوك ..... دخلت بهذي اللحظه اروى لهم راجعه من برى البيت .... تركي : وين كنتي انتي .... من وين يايه هذا الوقت .... اروى : كنت ببيت ابوي ... امي تعبانه وكنت يمها .... تركي بعصبيه واهو يوقف ومتوجه لها : من من استاذنتي يا مدام ...ما وراج ريال تكلميه .... اروى بربكه وخوف واهي تركض لام تركي : والله كلمتك لكن تلفونك مغلق حتى شوف اكيد وصلك مسج بالمكالمات ... ابو تركي واهو يوقف : تركي تعال ابيك بالمكتب وانتي يا اروى خلج هني ابيج لا تطلعي فوق بتاتا .... طلال لاروى بعد ما دخل تركي وابوه المكتب وبسخريه : من متى تخافي من تركي .... اروى : والله اخوك صاير هذي الايام يخوف وعصبي من رجعت الحيه واهو يده شغاله واذا سلمت مره من يده مابسلم كل مره ..... ام تركي : شنو فيها امج .... امس مكلمتها مافيها الا العافيه .... اروى : تقول تحس بتعب وايد بجسمها ومثل الخمول ظليت يمها وبكره اخواني بياخذوها المستشفى يسوو تحاليل لها ..... الا طلال غريبه انت هني ..... طلال : ابد ندى بايته ببيت اهلها وييت ابات انا هني مابي ابقى بالبيت بروحي ما اتحمل ابقى فيه بدونها .... البيت ظلمه .... ام تركي واهي تبتسم على كلام طلال ما كانه طارد ندى ومخانقها لكن تعرف ان طلال يموت على ندى لكن عتبان عليها لانها خشت عنه موضوع تاله .... اما تركي وابوه فتفاجئ تركي ان ابوه يفكر مثله و طلب منه يدخل اروى واهو بيحاسبها وطلب منه اييب الظرف له فطلع تركي لجناحه وخبر اروى تدخل لابوه ولمى دخلت طلب منها تقعد وتنتظر تركي يوصل .... تركي واهو يقعد جنب ابوه وقبال اروى على كنبه : تعرفي ليش طلبناج هني وبروحنا ... اروى : لا ... عشان طلعت بدون اذنك ... انت اول مره تحاسبني على هالشي ... لنا سنين واحنا مع بعض ومخليني على راحتي وواثق فيني . تركي : وليش معتبرته ثقه ... لا انتي ما ينوثق فيج اعتبريه تجاهل لج اروى : وسوالك اليوم اهتمام يعني ..... تركي : لا ... عمري ما بهتم لج بحياتي وندمان على المشاعر الحلوه الي كنيتها لج وكل كلمه حلوه قلتها لج .... مو مهم هالكلام وماله معنى ... تفضل يبه قول لها ليش يبناها هني .... ابو تركي : اروى تذكري من خمس سنين ونص او اكثر بكم شهر ... وصل لتركي ظرف من شركة ال مهران وكنا وقتها بالعمرهوانتي الوحيده هني وانتي سلمتيه لتركي وقلتي استلمتيه بنفسج صح هالكلام .. اروى واهي ناسيه الرساله : اي اذكر حتى وقتها تركي فتحه يمنا وكان فيه تحول اسهمه وشيك بمليونين تعويض عن التحويل .... ابو تركي واهو يبتسم : اي ... تعرفي اني ما اعرف كم بالشيك وتركي ما خبرنا كم بس قال شنو فيه ولا تكلم بالتفاصيل انتي شلون عرفتي ... اروى بربكه وخوف : هاااه لا انا يمعت تركي يقول لطلال ... تركي : ولا طلال يعرف انا ما قلت لاحد الا فهد وركان وهم بالمكتب .... هاااه شرايج ...... اروى بخوف اكثر : مو ذاكره انت قلت لمن وسمعتك ..... ابو تركي لتركي : هات الظرف .... طلع تركي الظرف من جيبه ومده لابوه وابوه خذه ونزله على الطاوله قبال اروى واروى تطالع الظرف وبعدها طالعتهم ..... ابو تركي : اروى انتي فتحتي الظرف واخذتب او تخلصتي من رساله داخله ..... اروى بسرعه وبخوف : لا عمي ما فتحته .... اصلا شلون بفتحه وانا سلمته لتركي مسكر .... تركي : شكلج ناسيه اني انا الي معلمج شلون تفتحي اظرف المدرسه وتاخذي الاستدعائات لابوج او خالتي ..... وين الرساله .... شنو سويتي فيها .... اروى واهي تهز راسها وبخوف : لا تركي انا ما فتحته ولا خذيت شي .. تركي بصرخه خوفتها : اخذتي .... اروى نطقي شنو سويتي بالرساله .. اروى بخوف واهي تمثل الشجاعه : اصلا انت ليش تقول كان في رساله ....انا ما فتحت شي ..... تركي : الحين يبان كل شي .... يبه تعال معاي انت وامي وطلال للجناح ونشوف اذا في رساله لو لا ..... ارتبكت اروى واشر لها ابو تركي تلحقهم وطلعو كلهم للجناح وام تركي فهمت كل شي منهم واهم طالعين فوق و ساعدت تركي بالتفتيش باغراض اروى و تعبو وعجزو يلقو شي لكن انتبه تركي لشنطه سفر ولا مره لقاها تستخدمها اذا سافرة مع ابوها او خالته فسحبها ونزلها بالارض وهني اروى رجفت وخافت وفتحها تركي ولقى فيها ملابس قديمه وفتش فيها ولقى الرساله بوسط الملابس وكانت موقعه من مهران تاكد انها منه وفيها شعار الشركه محفور بالورقه فرفعهة قبالها وهني اروى نزلت على ركبها بالارض مثل المنهزمه لكن لحظات واغمى عليها وطاحت بالارض فقربت ام تركي لها وحاولة تصحيها وبعد فتره صحة.. تركي واهو يلوح لها بالرساله واهي قاعده بالارض وجنبها ام تركي : هااااه هذي شلون يات هني ..... ليش بملابسج القديمه ....انطقي ليش خذيتيها .... طلال : هذي الرساله تثبت لك ان ميار بريئه يا تركي لو انها خانتك ما ارسل لك مهران وبيشك اهو باخلاقها لان لو خانت ما بيخبرك وبيضن الجنين من الياس ... لا تنتظر صحوت الياس يبريها ..... اروى برجفه وحقد دفين : لا خانت و حملها مو منك .... اهي خانتك بفراشك يعني لمسها .... تركي انا خبيت الرساله لان الجنين مو لك خبيتها لاني مابي شي يضحكو عليك فيه ..... ام تركي بصراخ وعصبيه : خافي ربج الى متى هالطغيان .... ميار اشرف من الشرف نفسه ومن يتكلم عن الخيانه .... انتي خاينه وتركي ردج بس لتهديدج وخربتي حياته بغباوته وراج ..... احنا عرفنا بهذي الرساله لان مهران خبره انه ارسلها تعرفي ليش لان تركي عاتبهم ليش ما خبروه ان ميار كانت حامل .... تعرفي هم ليش لان تركي عنده بنت من ميار ....عنده بنت انحرم منها والسبب خشج لهالرساله وضنوه يفكر مثل كلامج مشكك بابوته لها وما لومهم ناس اشراف لازم بتاثر فيهم التهمه بشرفهم .... تركي بعصبيه : غلطتج هذي عن الف غلطه .... مابي اوسخ يدي فيج قومي ولمي زبالتج وبرى لبيت ابوج ...... اروى واهي توقف : لا انا ماببعد عنك .... تركي يدتي تزعل عليك لو طلقتني ..... ابو تركي : بهذي ما غلطي .... تركي يدتك تعبانه هذي الفتره وهم خالتك واذا طلقتها الحين الناس بتاكلك انت واهي وحتى ميار لان بيربطو طلاقك من اروى بردت ميار ووجود تاله .... انت هاجرها على كلامك من سنه تقريبا فخلها مثل ما اهي لفتره وكلم يدتك وخلها بالصوره وكلنا نشهد معاك و خالتك لمى تخف امك تكلمها واضنها تعرف بنتها زين .... تنهد تركي وطالع اروى : شوفي لولا الي قاله ابوي والله ما تبقي لحظه على ذمتي بسواتج انا من زمان انتظر الزله عليج واتاريج من اكثر من خمس سنين مسويتها وانا غاث نفسي فيج .... لمي اغراضج وتحت مابي اشوفج بالجناح .... يمه خليها بغرفة ملاك او سمر ..... اروى : لكن ا..... تركي واهو يقاطعها وبصراخ : جب انتي تنطمي ....ولو تكلمتي بلغي هالشي لبيت ابوج سامعه ..... اروى بسرعه : لا لا خلاص بروح غرفة ملاك بس ما تطلقني ..... الكل تركها ونزلو تحت عشان تنقل اغراضها لغرفة ملاك وتركي حاس بخنقه لانه ما تخلص منها فبقى مع اهله لحد ما بلغته الشغاله ان اروى انتقلت لغرفة ملاك فاستاذن من اهله وطلع يريح ولمى تمدد على السرير اخذ تلفونه يطالع صور تاله معاه و وقف على صوره اخذها لميار بدون لا تنتبه و لو عرفة انه صورها اذبحته فابتسم وكبر الصوره ولاحظ التعب باين عليها وسواد تحت عينها يدل على قلت نومها فتنهد و اختار صوره له مع تاله وارسلها لها وكتب لها ( شرايج بابو حديث الولاده مع بنته .... كم صوره لج معاها من خمس سنين تجمعكم هذي اول صوره لي معاها ... وين صوري معاها بولادتها وبكل مرحله من عمرها من ولدتيها لهذا اليوم .... ارد على نفسي ... واحد ... هذي لهذا اليوم وبس والياي اكثر .... ميار عوضيني وعوضي بنتانا عن عدم وجودي للسنين الي راحت ).... |
اقتباس:
اهلا فيكي ناي ....🌹 |
روعه تسلم ايدك لا تتأخر ي |
اقتباس:
تسلمي حبيبتي وان شاء الله مافي اي تاخير ...🥰 |
البارت الواحد والاربعون وصلت الرساله لميار ووقتها كانت متمدده على سرير المرافق وجنبها على الكنبه ركان ولمى سمع صوت المسج لف يطالعها وينتظر تكلمه لكن لاحظ ان عينها غرورقت فقعد وقرب لها يشوف وعصب للكلام الي قراه ..... ركان بعصبيه وصوت واطي عشان تاله نايمه : هذا من صجه يعاتب .... غيره ينطم ويسكت على سواته ... خل يعرف من الي ضيع عليه وعلى بنته كل هذا .... ميار واهي تمسح دموعها وصوت واطي : دموعي مو عليه على بنتي الي ما تهنت مثل باقي الاطفال بهالشي ... اهو عباله بس هالشي فقدته .... صح بيعوضها بالسنين اليايه .... تعرف ودي ارد عليه لكن تراجعت لاني ما ابي اقسى عليه اكثر انا عاذرته للي قاله .... واحد تو عرف انه اب اكيد كان يتمنى هالشي واهو يشوف اخوه وخواته قبله صارو وشلون متهنين مع عيالهم يلعبوهم ويضحكو ويفرحو فيهم وحتى عقابهم يفرحو له وانت اكثر واحد فاهم قصدي ..... ركان واهو يحط يده ورا راسه واهو متمدد : فاهمج وفاهمه لكن ابيه يفهم انه غلط ويتحمل نتيجة غلطته .... اهو ليش حتى ما حاول يتواصل مع امي او مهران ما كان بينهم عشره .... ميار حتى وليد متاثر بتجاهله انتي صح منعتي ندى وليلى وفهد يكلموه عنج وكله بسبب تجاهله لكن هم كان لو يبي بيسال بنفسه ولا يحتاج لهم .... وانتي هم غلطي لو تركتيهم يتكلمو كان حس و قرب .... ميار : ركان انا وقتها رفضت يتكلمو لاني مابي اسمع كلامه عني بالتجريح ولا ابي اعرف عنه شي .... تذكر لمى كانت ندى تتكلم عنهم وتبي تقول لي عن تركي منعتها لان مثل ما اهو ما يعرف شي عني انا هم مو لازم اعرف عنه شي .... صح ندمت لكن لمى فكرة لقيتها افضل لنا لكن لتاله لا .... ركان واهو يلف ويطالعها ويبتسم : تعالي هني وقولي لي شنو حسيتي واهو مع تاله .... ما غرتي على تاله ..... ميار واهي تبتسم : ليش اغار بنتي وسعيده وفرحانه بوجود ابوها بحياتها هالشي يسعدني .... ركان : يعني تبين تجذبي علي .... انتي فاهمه قصدي ... ما غرتيوقلتي بياخذ مكاني عندها .... ميار : ركان لا طبعا لو تركي يسوي شنو لتاله مستحيل ياخذ مكاني عندها انت ما شفتها شلةن واهي معاه وفرحانه فيه وكل لحظه تطل تتاكد اذا انا هني لو لا وتعرف انها عاتبتني ليش تركتها وطلعت .... ركان : ليش كانت خايفه من شنو .... ميار : خايفه من الي انت قلته اني اغار ... تعرف احمد ربي ان تاله واعيه برغم صغرها وتفكر لقدام وايد .... اتمنى تركي يطابق معاها وترتاح ..... ركان : طلال هم سوى التحاليل ونتيجته مع تركي وقال بكره خواته وازواجهم بيون .... اي قال هم ندى بتيي تشوف .... ميار : حبيبتي ندى كلمتني لمى عرفة وعاتبتني ليش ما خبرتها .... تعرف ان ليلى ولدت امس .... ركان : هههههه وانا اقول ليش تلفونج هادي امس واليوم ... اتاربها والده ... هههههه الا شيابت .... ميار : بنوته .... وفهد قال لي انه بيسميها على اسمي لكن ليلى تعبت فيها وللاسف ولدتها بعمليه ... ما قدرت اكلمها لكن بكره امرها وتكون صحت ..... ركان : فيه الخير فهد .... ولده الكبير سماه على تركي والبنت عليج ... كل هذا حب وتقدير .... اتمنى تركي يقدر موقف فهد ولا يسوي له سالفه لانه خبى عليه تاله ..... ميار : لا تخاف انا خبرته وفهد اصلا متوعد بتركي يقول خل ينطق بطلع الاولي والتالي فيه واصلا اهو مقهور منه من خبره انه بيرد اروى واهو كابت بقلبه ..... ركان : تعرفي تركي يبيله علاج نفسي احسه متخبط وايد بحياته ولا قادر ياخذ قراراته بدون تدخل احد ... ميار : عني لولاك ماكنت كملت دراستي ولا ربيت بنتي لاني كنت مثل المغيبه بصدمتي بتركي .... فاهو ما الومه و انا اعرف كل الي حصل له من عمي لكن قال لي عطيه فرصه يتكلم معاج ويشرح لكن بعد هذي الرساله ما اضنه مستعد لهالشي ..... ركان : اتركيه على راحته وانا بلاحظه واتصيد له ..... ميار : الا ريان متى يوصل ..... ركان : بكره ... خبرته بكل شي ومتحمس لينون تركي ومتحلف فيه ههههههههههه .... ابتسمت ميار وسكتت واشرت لركان ينام لان الوقت تاخر واهي تفكر بهبل اخوانها بالرضاع يحبو يلعبو باعصاب اي احد يلقوه سهل بتعصيبه والحين الدور على تركي لكن اهي تعرف ان تركي يكبت لكن خايفه ياثر عليه مع تاله وقررت تنبهه لانها مو ناقصه ينونه وخصوصا ملاحظه انه صاير حساس تنهدت وغمضت عينها تنام بعد ما لفت تطمن على تاله وركان وتاكدت انه نام من انتظام تنفسه ..... صحى تركي على صوت المنبه الفير وقام بسرعه بصلي وياخذ شور ويروح للمستشفى واهو نازل لقى امه بالمطبخ فراح لها وباس راسها ويدينها ..... ام تركي واهي تمد له كوب عصير وسندويش : كل لك لقمه يمه قبل تروح ... توقعتك تروح لها مبجر ..... تركي واهو يشرب العصير : مابي اخلف بوعدي لها وهذا ثاني يوم لنا .. ام تركي : الا متى تطلع النتيجه للتحليل لك ولاخوك ..... تركي : بعد بكره وهذي السريعه.... يمه دعواتج لها تطابق مع احد منا.. ام تركي : بدون لا توصي يمه ادعي لها ولكم .... يمه بطلب منك طلب ولا تردني ..... تركي : يمه اذا بخصوص اروى لا تقولي انا ما احب اردج بشي ..... ام تركي : لا يمه ... ميار .... تركي مستغرب : شفيها يمه ... شكت مني لج .... ام تركي : لا والله البنت ايوديه .... للحين مثل ما اهي اذا قبل واهي على ذمتك ما شكت الحين تشكي .... ميار عانت وايد بحمل وولادت وتربيت تاله فلا تزيدها عليها هم انت ما اضنها ناقصتك .... تركي : اهي قايله لج ... اعني عن الي حصل لها مثل ما قلتي ..... ام تركي : لا ... ابوك طلب منها يعرف كل شي من عرفة بزواجك من اروى لحد امس وكل الي مرت فيه بتربية تاله .... تركي ميار صح كان حولها امها واخوانها وعمها واهي بره لكن كانت محتاجه لاب حقيقي لتاله قالت اخوانها ما قصرو بانها يحاولو ياخذو مكانك لكن تاله تصر على سؤالها عنك وتطلب كل ليله من امها تكلمها عنك وشلون تزوجتو وميار كانت صريحه مع تاله لكن اخفة عنها اي شي سلبي عنك عشان تبقى على حبها وتعلقها فيك وانتظارها لك ..... تركي : دامها مهيئتها لوجودي بحياتها ليش اصرت على منع ندى وفهد الي بكسر راسه من انهم يخبروني ..... ام تركي : حط نفسك مكانها وتعرف موقفها ... تركي تعرف ان فهد ياه بنت وسمهاها ميار ..... تركي بفرح : جد يمه ... ليش ما خبرني ... تعرفي يشفعله اسم بنته بكلمه الحين وانا رايح لتاله ... يله يمه انا ماشي ... سلام .... ام تركي و اهي تشوف تركي يبوس راسها ويطلع : الله يحفظك ويسهل امرك ويقوم بنتك بالسلامه ويرد ميار لحياتك وترتاح .... اروى واهي جنب الباب الثاني للمطبخ : يرتاح مع وحده شافها بعينه تخونه وبفراشه ..... ام تركي واهي تلف تطالع اروى : انتي اخر من يتكلم عن الخيانه .... اروى انتي بنت اختي وهذا الشي الوحيد الي يخليني اتحمل وجودج لكن مابيدوم وانا اليوم رايحه لامي واخبرها بكل شي واهي الي بتطلب من تركي يطلقج وسبب طلاقج سهل للناس .... طلعت ام تركي ودفت اروى من جنب الباب واروى مصدومه من كلام خالتها فلفت ترجع لغرفتها واهي تفكر بشي تنتقم فيه من ميار وتركي والكل بنفس الوقت فتذكرة تاله بنتهم والحفيده الي فرحانين فيها وظلت بغرفتها تفكر شلون توصل لتاله و تحرق قلبهم عليها كلهم ..... اول ما حرك تركي سيارته اتصل لفهد وياه صوت فهد على اخر رنه واهو تعبان .... فهد بتعب : خيييييييير ... شتبي مصحيني من الفير ..... تركي : هههههه مصحيك عشان ابارك لك ببنوتك اليديده وصرت مثلي توك تصير اب لبنت .... فهد واهو يعتدل بقعدته ويصحصح : ههههههههه يقال يعني تعاتب الحين ... اول مشكور على تهنيتك ببنتي الحلوه الي غطة على بنتك الشيفه ... وثانيا تستاهل ..... تركي : من بنته شيفه والله لو تلقى بربع جمالها تعال وورني ... انت تطول جمالها ... ثم على شنو استاهل على حرماني منها خمس سنين ... فهد : لو كنت مكاني ونختك وحده ما تكلم عن حياتها لطليقها شنو بتسوي ترفض وخصوصا انها تعذبت منه وارسلو يخبروه واهو ما اهتم ولا حتى خبر اقرب ربعه .... انت خبرتني بالاسهم والشيك لكن حملها لا ليش .... تركي : لاني ماكنت اعرف .... فهد : لا والله مهران اكد لي انه ترك رساله مع الشيك واوراق التحويل ... تركي ما تدخل العقل .... تركي : لا تدخل لو كانت بحياتي اروى .... فهد بحيره : شتقصد ما فهمت شنو تعني .... تركي : اعني انها فتحت الظرف واخذت الرساله واخفتها بشنطه قديمه بغرفتها وانا ياغافلين لكم الله .... البارحه انا وابوي شكينه فيها ويبناها وزلت بلسانها عن المبلغ بالشيك و انا ما قلت لاحد عنه بالبيت ابد ومنعا فتشنا غرفتها انا وامي ولقيته بشنطه مثل ما خبرتك ... فهد بصدمه : هذي الانسانه تصدمني بكل بلوه ... واكيد ما تبي تعرف ... اوكي ما خافت يتصلو او يرسلو مره ثانيه ... تركي : الي ساعدها ان ميار لزمت عليكم ما تكلموني بهالشي دامني ما تكلمت لكن لو احد زل وتكلم كنت تخلصت منها من زمان .... فهد : وشنو مانعك الحين ..... تركي : ظهور ميار بحياتي ومعاها بنت لي الناس مابترحم لا ميار ولا انا ولا اروى صح اروى ما تهمني لكني فكرت بميار مالها ذنب احد يتكلم عنها بالشينه ابد .... فهد : حنيت تركي ... تركي : فهد انا ما نسيتها لحظه لكن الي حصل يمنعني اقرب منها لكن القدر يقربنا غصب ..... فهد : تقصد تاله .... تركي : وفي غيرها ... تعرف ان ميار انخطبت وبتزوج لكن من ما اعرف ... فهد : اعرف واعرف هم من .... تركي بلهفه : انا اعرفه ..... فهد : اي لكن لا تسال من ما يحق لي اتكلم دامهم ما خبروك ... مردك تعرفه ... الا عرفت شنو سميت بنتي .... تركي : ما الاسم شفع لك لا اذبحك على تخبيك تاله ....المهم لها اغلا هديه من بعد بنتي ... ارسل لي وين غرفتها عشان ازورها وابارك لليلى فهد : ههههه اوكي برسل لك ... الا انت بالسياره وين رايح .... تركي : رايح لبنتي تاله .... فهد : هالبنت تشرح القلب جد تركي ميار ربته صح الله يهنيك فيها وعقبال تخاويها ..... تركي : الاوله امين لكن الثانيه ما اضن ... اذا ميار سوتها وتزوجة يمكن تخاويها .... فهد : احس نار يطلع من السماعه وانت تقوله ... يا اخي تبيها كلمها وعدل اسلوبك وانسى كل الماضي الي بنيته بنفسك .... تركي واهو يركن سيارته جنب محل العاب وهدايا : اقول قفلها سيره وهم يتلفونك ابي اخذ لتاله شي واروح لخا مابي اتاخر واحلف بوعدي.. ضحك فهد وسكر من تركي وانقهر تركي من ضحك فهد لانه يحس بنار بقلبه واهو يعرف ان ميار انخطبة وممكن تتزوج فعلا ....دخل محل العاب جنب المستشفى واخذ كم لعبه وحلويات اطفال مشكله لانه ما يعرف شنو تحب تاله بالضبط واخذ باقة ورد وكان يفكر بميار لكن عارف مستحيل تقبلها منه وتوجع للمستشفى ولمى دخل الغرفه بهدوء لقى ميار ترتب الغرفه وتاله نايمه فاشرت له يهدء لانها نايمه فابتسم ونزل الي بيده ومد لها الباقه ورفعت حاجبها وكان بيضحك على شكلها لكن حط يده على فمه يمنع ضحكته ومن حركته حطة ميار يدينها على خصرها يعني معصبه فقرب لها تركي وهمس .... تركي بهمس : اقول لا تتهوري لان حركتج هذي تغري ..... ميار واهي تعدل وقفتها وتهمس واهي مكشره : قذر ... عارف انك قذر بكلامك ... احشم نفسك انا ام بنتك موب صاحبتك ..... تركي بهمس : ما لي صاحبه ... تصيري صاحبتي ..... غمضت ميار عينها تكتم عصبيتها لان تركي يتمادا معاها كل مره وما تبي تغلط بالكلام حتى لو بالهمس وتاله موجوده حتى لو نايمه فلفت بتبعد لكن يد تركي وقفتها لانه مسك يدها واهي نفضتها على طول وتو بتهدده قطعها تركي واهو يهمس .... تركي بهمس : قسم اسف .. جد ميار كنت امزح ...ميار الباقه اعرف انج ما بتقبليها لكن قلت اجرب دام محد حولنا ... لكن حطيها بالفازا لتاله ميار : لا تعتذر لانك ما غلط مو انا خاينه لك من قبل اكيد بكون بنظرك زباله مثل الي يم الباب وبقبل باي كلام او فعل .... ممكن طلب .... تركي : امري ... ميار : اذا وصلت المستشفى وقربت لغرفة تاله عطني رنه .... واذا بتطلع نفس الشي .... تركي واه مستغرب : ليش .... ميار واهي تلبس شنطتها مثل ما تعودت على كتف واحد وكروس : ابد عشان افضي لك المكان وما تشوف ويها وتذكر خيانتي ... بالاذن .... تركي واهو يمنع مرورها للباب : ميار ..اعتذرت وقلت اسف ... خلاص خلج .... ميار : تركي بعد وجودي غلط معاك ... بعد تركي بعد.... تركي : ميار خلاص اعتذر ... شنو تبيني ابوس راسج عشان تبقي... خلج.... اي مبروك على سميتج...زرتيها.... ميار : اكيد بزورها .... ثم احشم نفسك شنو تبوس راسي ..... تركي : اوكي اوكي حشمنا انفسنا .... اي انتي ما قدمتي لي عذر لغيابج عن الجامعه .. .. ميار : قدمته للي اكبر منك .... تركي : المفروض لي انا ..... ميار انتي ما تاكلي زين صح ولا تنامي عدل .... ميار واهي تطالع تاله : من له نفس اكل او نوم .... هذي اول مره تتعب جذيه .... تركي واهو يطالع تاله : انشاء الله نتطابق مع بعض وترتاح عقب ... لكن غريبه انتي ما تطابقت معاج انتي امها ..... ميار واهي تخزه : تمسخر حضرتك ..... موب شرط .... تعرف تمنيت تكون عيلت غيرها من اروى ..... الا ليش للحين ما ياكم عيال ..... تركي واهو يطالعها ورافع حاجب : وليش تسالي .... موب هذي خصوصياتي ..... ميار واهي تلف تطالع تاله : عادي .... سؤال عابر اي احد بيساله .... عموما مثل ما قلت خصوصياتك واعتذر لاني سالتك بخصوصياتك .... اسحب سؤالي .... ظل تركي يطالعها ويبي يقول لها انه هاجر اروى اكثر من سنه وينعدون على الاصابع لمى يقاربها لانه مايعتبر زوجه غيرها اهي لكن سكت لمى تذكر انها مخطوبه ..... تركي : سمعت انج انخطبتي ..... مبروك ... عيل زواجج بعد ما تطمني على تاله ..... ميار واهي مصدومه انه يعرف وفكرة ان جاسر اهو الي خبره : هااااه .... اي ... لكن للحين ما رديت لهم على موافقه او رفض ..... تركي وهو يلف بسرعه لها : وليش تقبلي .... ليش تشغلي نفسج عن تاله .... ميار من الي متقدم لج ..... جاسر واهو يدخل لان الباب مفتوح وبيده باقة ورد وكيس : انا .... وليش تبيها ترفض ... لهالدرجه انت اناني ما تبيها تعيش حياتها مثل ما انت مستقر مع زوجتك .... انصدم تركي ولف يطالع ميار الي جمدت مكانها بعدين تحركت جهة جاسر واخذت الباقه والكيس وحطتهم على الطاوله ..... ميار واهي تاخذ الباقه والكيس : لازم كل مره باقه و سوالفك معاها .... اذا خربت علي بخلي مهران يذبحك ..... جاسر واهو يبتسم ويطالع تركي : تموني ... لكن اذا احد بيذبح فاهو انتي لانج وقتها حلالي .... شلونها اليوم ... اشوفها للحين نايمه .... ميار واهي تطالع تاله وتاشر لجاسر على الكنبه : وضعها افضل ... تفضل ونومها لان الدكتور يبيها تطول بالنوم تريح امس بذلت مجهود كبير لمى تعرفة على ابوها ويدها ويدتها وعمها ... خاف تتعب اليوم فخلو لها مسكن تنام زود ...... تركي واهو يطالع تاله وبعدها ميار وبخوف : ما ياثر عليها ... اعني لعمرها وحالتها .... ميار واهي تاشر لتركي على نفس الكنبه : لا ... الدكتور يعرف الي ينفعها من الي يضرها ثم بكندا دكتورها كان ينومها اكثر .... ريح من ييت ما ريحت .... شنو تشربو .... جاسر : عني مشكوره لاني توني فاطر مع الوالده والوالد ... اي بتييج اليوم لكن وقت الزياره .... ميار : الله يحيها باي وقت .... تركي اييب لك كوف اعرفك تحبه هذا الوقت ..... تركي واهو يبتسم بسخريه ويطالع جاسر وبعده ميار : اي ... اوكي لكن ميار شنو تذكري عن الي احبه وما احبه ..... المفروض تعرفي شيحب خطيبج ..... ميار واهي تاشر لجاسر يسكت واهي بترد : ومن قال لك ما اعرف ان جاسر يفطر مع والدينه قبل يطلع ويكون مفول لان والدته الله يخليها له ما تقصر بتغذيته لكن سؤالي عشان الواجب اما الي اذكره عنك امور عاديه وبسيطه والانسان ما ينساها لو بعد سنين طويله وانت عشت معانا بايطاليا ببيتنا وكل يوم لازم الكوفي واحنا طالعين للجامعه ... تذكر جاسر كم مره كانو الشباب يعلقو عليه انه ما يعيش بدون كوفي .... جاسر واهو يبتسم على كلام ميار الهجومي وشكل تركي الي تغير لمى ذكرت له ميار معلومات بسيطه عن جاسر : اي اذكر ومن ينسى هالشي تراه للحين يدخل الجامعه وبيده كوب كبير من الكفيهات .... اي تركي ما بتداوم ..... تركي : لا باقي مع تاله قدمت على اجازه مفتوحه بتفرغ لبنتي ..... جاسر : اوووه يعني بتقسم محاضراتك ومحاضرات ميار علينا .... الله يعين .... ميار : لا انا بعد بكره معاكم لان البرفيسور ما يقدر يعطيني اكثر من جذيه انا توني متعينه لكن دام تركي اجازه اكيد بيحول الاشراف على احد منكم ..... تركي واهو يسترخي ويلعب بتلفونه : لا انا اكدت عليه اني بكمل معاج ومابي احولج لاحد وفترة غيابي ما بتطول انشاء الله ولا تنسي تقريرج الشهري ..... جاسر واهو يكبت غيضه لان تركي روح عليه فرصة التقرب لميار اكثر : اي ... لكن لو تحولها لغيرك اريح لك ولها لان تبي تقضي مع تاله وقت وتتقرب لها ... وهم شركتك ... اضن تعب عليك ..... تركي واهو يبتسم : للاسف جاسر الخباثه ما تلوق لك .... جاسر ميار تحت اشرافي ومحد بيراعي وضعها غيري وغيرك وانت مركزك ما يسمح لانك تكون المشرف عليها لان ميار ماخذه شهادات عليه والدكتوراه تبعها عاليه واسمح لي اعلى من شهادتك .... جاسر : ماكنت عارف بشهادتها اعلى مني اسف ميار .... ميار : لا ليش تعتذر ولي الشرف اكون تحت اشرافك مو مهم من شهادته اعلى من الثاني لكن انت خبرتك بالتدريس اعلى مني ولا تنسى نصايحك لي بالبدايه واكيد ببقى محتاجه لها حتى لمى اتثبت معاكم ..... بهذي اللحظه سمعو صوت تاله فتحركة ميار بسرعه لها ولحقها تركي وجاسر وقف يطالعهم واهو واقف جنب الحاجز الي بين سرير تاله والجلسه للضيافه ..... ميار واهي تعدل سرير تاله وتخليها قاعده : هاااه ماما ... شبعتي نوم .... او تحسي تبين النوم اكثر .... تاله واهي مو منتبه لتركي لان عينها شبه مسكره : ماما انا حلمت ان بابا ياني وبقى معاي وهم ياني يدو وديده ومعاهم عمو .... تعرفي ماما يشبه وصفج لي لشكل بابا مثل عيني ولون شعري لكن شعر بابا بالحلم طويل مو مثل ما قلتي قصير.....اي ماما حلم حلو صح ... حتى وعدني اول ما افتح عيني اشوفه .... كان حلم ... تركي واهو يقعد مكان ميار بعد ما بعدها وميار عينها تدمع وتركي هم : لا مو حلم ... انا موجود بابا ومثل ما وعدتج بتلقيني اول ما تفتحي عينج ... فتحي وتشوفيني .... فتحت تاله وابتسمت ولتركي ورمت نفسها بحضنه واهو ضمها بقوه ووده يدخلها بظلوعه ويعوضها عن خمس سنين واهو بعيد عنها ... ميار دموعها تنزل واهي واقفه تطالعهم ولمى تذكرة جاسر لفت ولقته يطالعهم وجامد مكانه ونضراته بارده ما تقدر تحدد شنو يحس فالتقت عينعا بعينه لمى طالعها اهي وابتسم لها بلطف فمشت له واهو واقف مكانه .... ميار واهي تمسح دموعها : اعذرني ما تحملت كلامها ... قرب لها وخل تعرف انك وفيت بوعدك لها .... جاسر : وعدي ولا شي يم وعد ابوها ووفى فيه شوفيها شلون ردت روحها بشوفته ... ما الومها لكن منظرهم مفرح ومؤلم بنفس الوقت ... خليهم براحتهم محتاجين يكونو مع بعض وانا برجع بكره بوقت الزياره . ميار : لا جاسر انت ييت ووفيت بوعدك ولا تبي تخذلها ... جاسر ممكن نتكلم بمكان ثاني حابه اوضح كم شغله لك ... تعب تاله لهاني عن الكلام معاك فيها .... جاسر بهمس : عارف ... ميار انتي رافضتني لان تركي للحين بقلبج ... حاس فيج وبقولها ليش لاني للحين مو قادر اطلعج من قلبي ... الي يحب بصدق ما ينسى محبوبه ... الريال يقدر يعيش مع اي مره حتى لو ما يحبها لكن يلقاها مناسبه لشخصه وممكن يتاقلم معاها وتكون شريكته عكس بعض الحريم ما يقدرو لان يعتبر اي شعور لغير الزوج خيانه بنضرهم ... وانا مثلج ميار ماقدرت اتزوج غيرج وانتي بقلبي لكن بعد رفضج هذا بفكر صح وبفرح اهلي بزواجي من اي بنت تناسبني واستقر ... غلط بلي حللته ..... مياربهمس واهي مبتسمه له براحه : اكون لك شاكره لانك حسيت فيني ... جاسر جد انت اخ لي واذا بتكون غير هالشي صديق وفي واكون شاكره لك تقديرك ..... اتمنى اكون يمك بكل خططك للزواج ... وتعرفني عليها .... جاسر واهو مبتسم لبتسامتها : تعرفي شكلج بتخليني اشغلج خطابه .... دوري لي بنت تناسبني لاني ما اضمن ذوق امي وخواتي بيختارو لي وحده تمشي وراهم وقتها انتحر ...... ميار بضحكه : ههههههه ليش خايف من شنو بالضبط .... جاسر : هههههه من هوس السوق ... اقول شكلنا طولنا على تاله ... ميار انا بكلم تركي بوقت ثاني ... لا تطالعيني جذيه لمى دخلت وسمعت كلامه فار الدم بعروقي وحسيته يبي تبقي جذيه لا زواج ولا شي يبيج يطالعج جذيه ويقط كلام قاسي ويضن انه ينتقم منج فيها .... ميار : ناجل النقاش بهالشي لوقت ثاني ... يبيله قعده ... وحشتني قعداتنا وقت الفراغ بالجامعه ووحشتني الجامع والشرح .... جاسر : هههههه امشي امشي الناس تتعب تمل وانتي تلذذي بالشرح ... لفت ميار ولقت تركي حاط تاله بحضنه ويطالعوها وتركي يطالعها بقهر وتاله مبتسمه ... تاله لجاسر لمى مشى لها : عمو .... مثل ما وعدتني وفيت ..... جاسر واهو يحملها من حضن تركي ويبوس خدها : اكيد اوفي لاجمل بنت بالكون ... هاااه انتي وفيتي مثل ما وفيت انا .... تاله واهي تمسك ويه جاسر بيديها وتبوس خده : اي .... ماما قولي له وفيت لو لا ..... ميار : بلا اكلت وشربت كل الاكل لكن ... اثول لو لا .... تاله : انا اقول ... عمو يرضيك كل لحظه ايون ويغزوني ابره ... جاسر : لا ما يرضيني .... ميار تقدري تطلبي منه يغزوه بالمغذي الي بيدها .... ميار : الدكتور يقول في ادويه لازم يسري بعروقها دفعه وحده والمغذي ياخذ وقت .... جاسر واهو ينزل تاله بحضن تركي : تركي ميار باين عليها تعبانه ومو مركزه لكن انت كلم الدكتور ... على فكره تاله كلامها صحيح كل لحظه تغزز ابر تراه متعب انا جربته وانا كبير اهي صغيره ... سوري اقوله قبالها لكني حاس فيها .... تركي واهو يضم تاله من ظهرها ويبوس خدها : اكيد بكلم الدكتور عشان اميرتي ما تالم ..... تاله : بابا جد انا اميرتك .... عيل من الملكه .... اي تذكرة انت متزوج اكيد زوجتك ..... تركي : انتي اميرتي وحياتي كلها ومافي احد غيرج يمليها والملكه اتركيها لوقت ثاني اخبرج عنها ..... جاسر واهو ينزل ويبوس خد تاله : هنيالج توته اميرة بابتها .... اعذريني حبيبتي لازم اروح الحين الشغل وارجع لج بكره واذا حصل ييتج اليوم مع الوالده ..... تركي : اعتذر جاسر بثقل عليك بالمحاضرات ... اذا احتجت مساعده او شي مو واضح خبرني واوضحه لك ... جاسر : اي ارسل لي محاضراتك لوين وصلت وهم نموذج المحاضرات مابي اشتت طلبتكم بشرح ثاني ابي امشي على طريجك .... ميار ممكن توصليني لبرى .... ميار : اكيد تفضل .... تاله قولي شكرا لعمو جاسر ياب لج الي تحبيه وهم باقة حلوه ..... تاله : شكرا عمو وايد وانتظرك ترجع على الوعد .... جاسر : على الوعد حبيبتي ... يله باي .... طلعت ميار برى مع جاسر على اساس توصله لكن جاسر كان يتفق معاها على كلام بيقولوه لتركي واجلوه يكون بعد ما يتطمنو على تاله وتبقى خطوبتهم مستمره ومحد يعرف انها ردت عليه بالرفض .... رجعت ميار وقبل توصل للفاصل بين الجلسه وسرير تاله سمعت تركي يسال تاله بهمس عن جاسر فوقفت جنب الحاجز وتطالعهم وتاله تتكلم عن جاسر انه يزورهم بالبيت قبل تتعب ويلعبها وياخذ لها العاب وحلويات تحبها وكتب تعليميه ورفعت راسها وابتسمت لميار وميار ردت الابتسامه وعينها عليهم ثنينهم ..... ميار واهي تقرب لهم : توته حبيبتي المفروض ناخذ شور الحين وبعدين نفطر ..... تاله واهي تمد يدها لميار الي فيها المغذي : ماما اول هذا شيليه .... تركي بسرعه وخوف واهو يمسك يدها : لا بابا هذا ما يشيلوه الا اذا بتطلعي.... هذا يفيدج ..... ميار واهي تتجه لدرج وتاخذ منه شغله صغيره مثل الغطى : لا تخاف جذيه .... الدكتور سامح نشيله ونرجعه اذا لزم ... انا برجعه لها لمى نخلص لانه يعيق بحركتها وانا احممها ..... تركي واهو يطالعها واهي تنزع انبوب المغذي وتقفله بالغطى الي يابته : متاكده ميار ... ثم انتي شلون تعرفي ما خبري لج بالطب .... ميار واهي تحمل تاله من حضنه : تعلمت كل شي عشان تاله وانا معاها بهالشي من ولادتها فلو دارسه طب تخرجت والي تعلمته بدورة الاسعافات يسمح لي بشغل اي ممرضه ... يله ماما هوبا نتحمم بدون لعب .... تاله واهي لافه رجليها حول خصر ميار ويدينه حول رقبتها : ماما لو بالبيت اوكي تواليت المستشفى صغير .... ماما لودي متى ايي واشوفه اشتقت له ..... تركي واهو يوقف جنب باب الحمام ومعطيهم ظهره : ليش وليد ما يزور تاله ... اهو وين ..... ميار واهي تحمم تاله : بعدين اخبرك .... تركي اسفه بتعبك بس ممكن روب تاله نسيته بالخزانه ..... تركي واهو يتحرك للخزانه : اطلبي ومافي بينا هالرسميات .... اي لون فيهم الوردي او البنفسجي .... تاله بسرعه واهي تعلي صوتها : بابا البيربلي ..... ضحك تركي واخذه ومده لميار لمى طلعت له برى الحمام وشكرته ورجعت تحمم تاله وطلعت واهي حامله تاله وتضحك معاها وتركي يطالعهم واهو فرحان ان الله انعم عليه ببنته لكن يتمنى يرجعو اسره سعيده ولا كان شي حصل ..... اليوم الثاني ميار مع تاله يلونو وتركي كان نازل اييب له ولميار كوفي وتاله عصير واهو راجع لقى وليد واقف جنب باب الغرفه فتذكر كلام ميار بان وليد ما يزور تاله لانه ما يتحمل يشوفها تتالم و لان وليد شهد على كل معانات تاله بصغرها ويتاثر وايد لمى تتعب وتبقى بالمستشفى واهو يعتكف غرفته لحد ما ترجع ..... قرب تركي لوليد وحط يده على جتفه فلف وليد بفزع ولمى لقاه تركي كان بيبعد يرجع مكان ما يا منه لكن تركي مسكه من ذراعه ونفضها وليد .... تركي واهو يوقف بويه وليد : لهالدرجه كارهني .... وليد عطني فرصه نتكلم ...... وليد بعصبيه لكن بصوت هادي : مابينا كلام .... انت انتهيت من حياتي وحيات الكل لمى مديت يدك على ماما وطلقتها .... بعد .... تركي واهو يمنعه يمر : لا وليد ... انت كبرة الحين واقدر اوضح كل شي لك انت غالي علي وايد ..... وليد بعصبيه لكن بهمس : شنو توضح انك متهم ماما بالخيانه تضن ما اعرف انا من البدايه اعرف كل شي لكن انت منت عارف اي شي بحياتك .... ابعد عن طريجي .... الحسنه الوحيده لك اهي تاله لكن اتمنى ما تحبك وللاسف ما اقدر اقول لها هالشي وحتى ماما وبابا ويدتي حببوها فيك لكنك ما تستاهل هالشي تستحق الرفض منه ..... تركي : وليد خل نقعد برى المستشفى وافهمك انا عارف انك زعلان مني لكن انت غالي علي .... وليد بسخريه : اي وليد والدليل الي سويته بماما .... تذكر ... كنت تقول وليد غلاتك من غلات مامتك ... بينت غلاتها وايد بحياتك .... تركه وليد وتجمد تركي مكانه من كلام وليد لان وليد يتكلم مثل الكبار ... اهو صح كبر وبسن المراهقه لكن كلامه يدل على وعيه وتفتحه بكل شي فتنهد وكلم نفسه .... تركي واهو يلف يطالع ظهر وليد واهو يمشي بالممر يطلع : ما الومك ....ميار عرفة تربي صح .... الله يا ميار الكل يدافع عنك وانا الاقرب لك صدقت خيانتج .... المشكله اني متاكد انج ما خنتي لكن المنضر يتكرر قبال عيني دايما وغصبا عني اصدقه .... سامحيني انا عارف اني ظلمت لكن ما معاي دليل برائتج ...... مهران من وراه : زين انك تعترف على الاقل لنفسك ..... تركي واهو يلف يطالعه ويبتسم : معترف من البدايه لكن مو قادر انسى المنظر .... متى يصحى ولد عمك ..... مهران : وليش تبيه يصحى .... ان صحى او ما صحى مافي شي بيتغير .... كلنا متاكدين من برائة ميار ومحنا محتاجين اثباتات وادله وانت مو مهم تصدق لو لا واذا للحين مشكك خذ تاله وتاكد اذا بنتك لو لا .... تركي : تاله متاكد انها بنتي حتى بدون الاوراق الي عطيتها لي ... تراني ما اطلعت عليها ولا ابي اطلع عليها .... مهران : متى يخبرك الدكتور بنتيجة تحاليلك وتحاليل طلال وخواتك ..... تركي : انا وطلال اليوم قال الظهر وخواتي بكره الصبح .... مهران : الله يسهل .... تركي الكوفي برد والعصير سخن .... تركي واهو يبتسم : امش ... لو اعرف انك ياي يبت لك كوفي معانا .... لكن لحظه خذه واشرب الي لي وانا برجع اييب غيره .... مهران : اقول امش انا ياي من الشركه و بنفجر سوائل ... انا يوعان اتمنى القى شي اكله مع ميار بشوف بنتي والعبها وارجع اريح .... تركي : ما كانكم لغيتو وجودي عند بنتي كل واحد تناديه بابا ... مهران واهو يطالع تركي بسخريه : اقول تركي خلني ساكت قال شنو الغينه ابوته ... بنتك من انولدت واهي بين يديني واربيها اكثر مما ربيت وليد ... تعرف اني الي بديت اكلمها عنك لكن ما تستاهل هالشي .... دخل مهران ولحقه تركي وحس تركي انه غلط فعلا بكلامه لان ابوه خبره بكل كلام ميار وخصوصا تربيت تاله و اكثر من تعلق بتاله وتعلقت فيه اهو مهران وبدل لا يشكره يتذمر .... دخل تركي ولقى مهران واقف مكانه جنب الباب يطالع ميار واهي ضامه تاله بحضنها وتغني لها فتنح اهو هم بصوت ميار والكلمات الي تغنيها .... ميار بحنام واهي تمسح على شعر تاله : غنيت شو غنيت .. ماحسيت ماحسيت إني قبل منك كنت غني ضيعت قلبي كثر ماحنيت .. ماحنيت خلقتي ومعك قلبي طلع مني روح الماما .. يا قلب الماما أنتي حياتها .. وأنتي غرامها عيونك بدي غنيلها .. يا رب تكبر "تاله" يا رب تكبر "تاله" --- نمتي ببيت صغير .. وقت كبير .. خفت كتير دقات قلبي ما توعيكي معقول لاقي سرير .. حب كبير .. حب كبير أكثر ما دفيتك .. يدفيكي؟ روح الماما .. يا قلب الماما أنتي حياتها .. وأنتي غرامها عيونك بدي غنيلها .. يا رب تكبر "تاله" يا رب تكبر "تاله" مهران واهو يقرب لهم ويفتح ذراعاته لتاله : يا روح البابا والماما .... ما كانج ميار سرقتي بنوتي مني ... شلونج بابا ..... تاله واهي تصرخ فرحانه وتنط لمهران لان المغذي ماكان بيدها : بابا حبيبي .... بابا مهران ليش تاخرة علي اليوم ..... مهران واهو يبوسها بكل ويها ويقعد فيها : حبيبت بابتها شنو قلنا .... تاله : بابا انت تتاخر وتي ولودي ما تييني ... قول له توته زعلانه منك. مهران : ومن يتحمل زعل توته ... حبيبتي لودي ياج لكن رجع مره ثانيه يقول مابي اشوف توته تعبانه ... انتي تعرفي شكثر لودي يحبج ... تاله واهي تطالع تركي : اعرف ... بابا بابا تركي اييني كل يوم من الصبح ويروح لمى انام ... مهران واهو يطالع تركي واهو يمد الكوب لميار : اي بابا عطالي بطالي ما يشتغل ... تاله بزعل : بابا تبي النار انا ابيك بالجنه معاي ... بابا تركي دكتور بالجامعه مع ماما ... صح بابا تركي .... تركي واهو يقرب العصير لفمها : بابا حبيبتي بابا مهران يمزح ويبيني اخانقه ... لا تهتمي ....اشربي بابا .... ميار : مهران وليد يا هني فعلا .... مهران واهو يشرب تاله : اي ورجع من لحظات ....اقول ميور متى طلعت اغنية روح ماما هذي ... يديده علي .... تاله : ههههههه بابا انت مغبر مثل ما يقول بابا تركي ... الاغنية قديمه صح ماما .... ميار واهي توقف : صح ماما ... بابا مهران لاهي بشركته واوراقه ... انا بلحق على وليد وبييبه .... تاله بفرح واهي تصفق : جد ماما هاااااااااااي ..... ضحكو على حماسها وطلعت ميار ولحقها تركي بسرعه ومشى يمها فطالعته ووقفت ووقف ... ميار : نعم ليش يايا في شي .... تركي واهو يسحبها من شنطتها ويكمل مشي معاها : لوليد ابي اقنعه عكس الي بباله .... ميار واهي تلف له وتوقف : تركي وليد يعرف كل شي شنو تفهمه عكس الي فاهمه .... بتقول له ما تشك فيني للحين وتتهمني او بتقول له ما مديت يدك واثرت على تاله وانا حامل فيها ... وليد موب قادر يسامحك على تاله اكثر شي وتجاهلك .... تركي واهو يسحبها من يدها ويرجع يمشي : لمى اكون عارف بحملج حاسبيني ... اضن وضحت لمهران كل شي وبلغج .... ميار واهي تسحب يدها : اترك يدي كم مره بقول لك ما احل لك ولا تلمسني ....ثم مهران ماقابلته الا اليوم امس مر على تاله بوجودك ناسي اني كنت برى .... تركي : اكره هالكلمه منج من ست سنين اكرها .... ميار بسخريه : وعشان هالكلمه اقتنعت اني خنت صح .... تركي : حركي لا يطلع وليد برى المستشفى .... ميار : انتظرك يعني ارسلت له لا يروح مع السايق لاني ابيه .... كاهو هناك .... وليد ماما هنيى..... لف وليد لصوت ميار وكشر لمى لقى تركي معاها و عقد ذراعاته على صدره وسند ظهره بالجدار فابتسم تركي لان حركة وليد مثل مهران .... ميار بعد ما لاحظة ابتسامة تركي : ليش مبتسم ... في شي مفرحك .... تركي : ابد لكن وليد اشوفه مهران ... سبحان الله الولد سر ابيه .... ميار و اهي تبتسم بخبث : عيل الحمدلله تاله بنت يعني طالعه علي .... اغتاض تركي وتكلم عكس داخله : اي بكره يصير لها اخ يكون نسخت ابوه ... طنشت ميار كلامه وما تبي تتعب عقلها تحلل كلامه فضمت وليد بقوة لمى وصلت له واهو بادلها الضم .... ميار واهي تشد على وليد : اشتقت لك .... ليش جذيه ما تقول وحشتني ماما واختي ..... وليد واهو يبعدها ويطالعها وبحزن : ماما كم مره بقول لا تقولي اختي .... ماما انتي اكثر وحده تعرف اني ما اتحمل منظرها واهي تالم ... لو تطابقة معاها كنت برتاح واتصبر لكن محد للحين ممكن يريحها ويعطينا امل ..... تركي : ما توقعت وليد العاقل والفاهم والواعي بالدين ان الامل دايما موجود دامنا نتنفس ... وليد اذا محد منا تطابق ممكن تطابق مع اي احد برى ... انا مجهز كل شي لو محد منا تطابق انا واهلي برسل لبرى بالعالم كله كل تحاليلها وانشاء الله نلقى ..... طالع وليد ميار فابتسمت له ميار : ماما ما تشوف نفسيتي افضل عمو تركي واخوه وخواته وازواجه حللو والنتيجه اليوم لعمو تركي وطلال ... تفائل يا ماما تفائلو بالخير تجدوه ..... تركي : ثم الى متى تصد عني وليد انا ماكنت اعرف بحمل ميار لان الرساله الي فيها خبر حملها اخذتها اروى من الظرف وسلمته لي لمى رجعت من العمره وقتها محد بالبيت غيرها ..... وليد بسخريه : اي والله صدقت هالشي ... يعني بتفتح الظرف ولا بتشك انها خذت منه شي .... قويه .... تركي : للاسف كان مقفول وانا ما انتبهت لانه انفتح وتسكر وسهله تفتحه وترجع تيكره لاني معلمها لمى كنا صغار شلون تفتح ظرف الشكاوة من المدرسه لخالتي ... وليد واهو يطالع ميار مستغرب ويرجع يطالع تركي : يعني اقدر افتح ظرف متسكر واقر الي فيه وارجع اسكره ... ميار : وليد لا تسمع شلون اخاف تنفذها مع بابا .... خلاص الموضوع توضح وانتهينا يله معاي فوق تاله تنتظرك فلا تزعلها اكثر انت عارف الجانب النفسي مهم لها ..... تركي واهو يلف ذراعه حول جتف وليد : تعال يمي مشتاق لك وايد ... عارف مابتسامحني بسرعه وبتحمل لانك غالي لكن لا تطول صبري قليل على الي احبهم .... وليد : لا الي يحب يصبر على الي يحبهم وايد لانه يثبت حبه لهم .... تركي : ههههههه انا عكس الناس ما اتحمل الصد وايد لاني اتنفس حب سكت وليد ومشى مع تركي وميار ولاحظ تركي ان ميار تمشى وعينها لقدام ولمى قربو من غرفة تاله سرعة وسبقتهم واول ما دخلو ركضت تاله لوليد واهو ضمعا وحملها وقعدها بحضنه ورفضت تاله تبعد عن وليد الا لمى تغبت ونامت فحملها تركي ونزلها على السرير وغطاها وبهذي اللحظه دخل الدكتور والكل جمد مكانه لان الدكتور بيعطيهم نتيجة تحاليل تركي وطلال اذا احد يناسب تاله ويتبرع لها .... الدكتور واهو يطالع تاله : شلون الحلوه اليوم .... تاله واهي مبتسمه وبحضن وليد : معاي اخوي حبيبي بكون بخير .... الدكتور واهو يبتسم لها : الله يخليه لج ويزورج دايما ونشوف هالابتسامه الحلوه .... احمممم .... ممكن اخ تركي ومدام ميار نتكلم بمكتبي ..... مهران واهو يوقف : اقدر اكون معاهم ..... الدكتور : اكيد اخ مهران واسف لاني ما طلبتك ... بس قلت الوالدين .... تفضلو .... مهران : لا عادي فاهمك دكتور .... وليد خلك مع تاله ... شوي وراجعين يله ميار ..... ميار واهي تطالع وليد : اوكي .... وليد حبيبي دير بالك عليها ولا تسمح بحلويات زايده اوكي .... وليد : بعيوني ماما لا تخافي عليها اعرف امنعها لو زودت .... ابتسمت ميار ولفت تمشي فلقت تركي يطالعها ويبتسم لها فنزلت راسها ومشت جنب مهران وتوجهو لمكتب الدكتور الي سبقهم ودخلو بعد ما اذن لهم بالدخول ..... تركي بعد ما جلس قبال مكتب الدكتور : خير دكتور ... ظهرة نتيجة التحاليل لي ولاخوي ..... الدكتور بضيق : اسف ... مابي اطولها عليكم لكن لا ابوها ولا عمها وهم للاسف نتيجة عماتها ظهرة لان المختبر خلصو لها تحاليل تخصها عشان حالتها .... محد يتطابق معاها ..... انهارت ميار ودفنت ويها بيدينها فضمها مهران من جنبها ودفنت ويها بصدره ..... تركي بصلابه وتماسك : لو والديني يحللو يكون في امل .... الدكتور : للاسف اخ تركي انا مقدر مشاعرك لكن كبار السن ما ينفعوها بشي انا حتى زوج عمتها يدخن رفضت يحلل لان حتى لو تطابق بيرفضه جسمها .... اعذرني لكن اهلك ما عندهم اطفال ....اهل مدام ميار كلهم حللو حتى عيالهم والاخ فهد حلل لعياله هم وزوجته ... اخوك وخواتك ما معاهم عيال يمكن يطابق معاهم وبيكون افضل لان اعضائهم متقاربه بالحجم ..... تركي بامل : يعني عادي انا ضنيت ماينفع لانهم صغار ... بكلمهم اييبونهم ويحللو لهم .... الدكتور : اوكي بنتظارهم الحين في امل جديد ....... تركي وتو ينتبه لميار واهي بوضعها بحضن مهران ولاحظ سكونها : شفيها ..... مهران ميار ما تحرك ... لف مهران ويه ميار ولقاها غايبه عن الوعي وما حس فيها لان باله بتاله و عدم تطابق تحاليل ابوها والباقي معاها فما حس بثقل جسم ميار وانها ساكنه فخاف عليها وصار يضرب على خدها ويناديها يبيها تصحى وتركي فز بسرعها وفك شيلتها لكن تركها تستر شعرها لانه عارف شكثر ميار حريصه على سترها و صار يهوي عليها بورق من على مكتب الدكتور وقرب بعدها الدكتور لها ومسك يدها يجس نبضها وبعدها ياب منديل بلله بمعقم وطلب من مهران يمددها على الكنبه ويثني ركبتها لصدرها يقرب بعدها المنديل لانفها ونفذ مهران كلام الدكتور وفتحت ميار عينها بالتدريج واول ما يات عينها بعينه اهو تركي وباين بعينه الخوف عليها فغمض عينه وتنهد ..... الدكتور : خوفتينا عليج .... الضغط انخفض عندج .... ميار بتعب : اسفه .... الخبر كان صدمه لي ... دكتور في حل او افقده .. مهران بسرعه واهو يساعدها تقعد : استغفري ربج ... ميار من متى تياسي .... الدكتور قال في وتركي ماكان يعرف ان الصغار مممن يتبرعو .... بييبوهم يفحصوهم وانشاء الله احد يتطابق معاها .... ميار واهي توقف وتضبط شالها : ونعم بالله .... دكتور ... اذا وهذ انا اقول اذا لا سمح الله محد تطابق معاها شنو بيكون الحل ... انشر واطلب متبرع من برى العايله ..... الدكتور : مدام ميار سبق وقلت لج حالة تاله نادره ... يعني جسمها مو ممكن يتقبل اي جزء من احد غريب بسهوله ... القراب افضل لها لان مممن بعد كم سنه تتغب وجسمها يرفض الكلى المتبرعها وترجع تحتاج لمتبرع ثاني لهالشي طلبت منج ابوها يتبرع لها لكن للاسف ما تطابق لا انتي ولا اهو ولا اي احد من جهتكم لكن املنا باطفال عايلة ابوها .... وعشان اريحج بقول لج ان في امل حتى لو محد تطابق لاني تناقشت مع دكتورها جون بكندا و قال ان الفكره الي براسي بتكون ناجحه اذا نفذتوها ومضمونه ..... تركي بلهفه : قول دكتور شنو اهي واحتا مستعدين بس تطيب تاله وتعيش مثلها مثل باقي الاطفال ..... الدكتور : لا اعذروني اتفقت مع دكتور جون اخبركم فيه اذا محد تطابق والحين ننتظر لحد ما نشوف الصغار نن طرف الاخ تركي ولو محد تطابق بخبركم ..... مهران : اوكي دكتور يعطيك العافيه واذا حصل اي شي خبرنا .... لكن متى تاله تطلع ..... الدكتور : تقدرو تاخذوها بكره واذا طلعت نتيجة التحليل بطلبكمواخبىكم بالنتيجه وبعدها نحدد متى العمليه على حسب الوضع والظروف ..... تركي : اوكي انا الحين بكلم اخوي واييبهم ... يعطيك العافيه ..... طلعو من مكتب الدكتور ومهران لاف ذراعه حول ميار وتركي اخذ ركن واتصل لطلال وخبره بكل شي وطلب اييبو الصغار ويفحصوهم وطلال وخواته ما رفضو بالعكس يوهم بسرعه ومعاهم عيالهم وطبعا الكل حضر والدين تركي وام مهران وركان وريان والكل يهون على ميار وتركي وخصوصا ميار وبوقت لويتهم ببيت ابو تركي وبجي ام تركي واهي تجهز نفسها تروح احفيدتها كانت تدعي وفهمت اروى كل شي بدون لا تسال لان لمى خبروها كانت يمها وسمعت كل شي وللاسف اروى لها معارف بالمستشفى وخصوصا بالمختبر فكلمة صاحبها وتحب الفلوس واتفقت معاها على تغيير التحاليل اذا لقو احد متطابق معاها وفعلا هذا الي حصل لان بدر ولد طلال تطابق مع تاله لكن صديقة اروى غيرة النتيجه وتلفت النتيجة الاصليه وبعد يومين من رخصة تاله من المستشفى اتصل الدكتور لتركي وطلب منه يروح له ومعاه ميار فكلم تركي ميار وخبرها ووقتها كانت ميار مع اهلها و راحت المستشفى ومعاها ريان وركان و لمى يات بتدخل معاها عند الدكتور طلبت الممرضه من ريان وركان ينتظرو وهالشي بطلب الدكتور فدخلت مع تركي بروحهم وبعد السلام تكلم الدكتور ..... |
البارت الثاني و الاربعون الدكتور : اعتذر اكثر من كل مره لان تاله محد تطابق معاها حتى الاطفال من جهة ابوها ..... لكن في امل اخير ومافي بعده شي غير تنشرو وتنتظرو احد يتطابق معاها من العالم كله لكن ابيكم تفكرو تتخذو قرار بالي بقوله والحل بيدكم انتو الاثنين محد غيركم او تنتظرو بعد النشر ... ميار وتركي بنفس الوقت : وشنو الحل .... الدمتور واهو يبتسم على تطابق كلامهم : يقولو القلوب شواهد .... اوكي اولا اسال هل انتو مستعدين لاي شي عشان تاله تتشافى .... ميار : لو فيها روحي عطيتها لها بدون تردد انا مستعده لاي شي لكن تتعالج وترتاح ..... الدكتور واهو يطالع تركي : وانت اخ تركي .... تركي : بدون تردد او تفكير اكيد مستعد لاي شي لكن شنو الحل الي بيدنا احنا ... الدكتور واهو ياشر عليهم : انتو تييبو لها اخ او اخت ... ميار بصدمه : شنو .... دكتور قول شي معقول الواحد يصدقه يعني تبيني اتزوج واييب لها اخ او اخت .... دكتور ابوها متزوج ويقدر اييب لها لكن شلون وطفل تو مولود تسوو له عمليه .... الدكتور : اولا انا ما طلبت تتزوجي ... انا قلت انتو تييبو لها ... انا عارف ان الاخ تركي متزوج لكن احتمال هم ما يتطابق معاها لكن اخ او اخت شقيق مضمون مئه بالمئه ... تركي : قصدك نرجع لبعض ... الدكتور : عليك نور هذا الي قصدته .... ميار بعصبيه : لا طبعا مستحيل ... تركي انت تضن اني مغفله لفيت على الدكتور تبيني ارجع لك بحجة علاج تاله .... اخر شي توقعته منك فعلا وانت يا دكتور اي ضمير لك عشان تعاون معاه انت واعي للي تقوله ..... تركي بعصبيه : ميار الزمي حدج انا لا اتفقت ولا كلمة الدكتور بهلي تقوليه .... من لحظات قلتي تعطيها روحج والحين مستحيل .... دكتور اذا في امل يتطابق بين تاله واخو لها من طرفي انا مستعد اييب لها من زوجتي ..... الدكتور واهو يطالع ميار : مدام ميار ... انا عتبان عليج انتي تضني اني متعاون مع الاخ تركي ضدج ... انتي تعرفتي علي من طرف الدكتور جون ما تكلم لج عني باني مستحيل اسيئ لاحد بشي انا كل الي يهمني مصلحة المريض ..... ميار واهي تفرك جبينها بتعب : اعتذر دكتور لكن التعب هادني وصايره ما اركز بالقريب من البعيد لكن الي تقوله فوق طاقتي .... انت ما تعرف شكثر عانيت واساسا تاله يات بهذي الحاله بسبب نفسيتي بفترة حملها واهو السبب ... تبيني ارجع له .... انا عندي ارمي نفسي بالنار ولا ارجع للظلم معاه ..... تركي : ميار اسكتي ولا تفتحي دفاتر مقفله وانا مابي افتحها ... دكتور ما رديت علي ممكن يتطابق لو من جهتي بس ..... الدكتور : الاحتماليه ضعيفه ..... انا قلت انتو الاثنين لان تاله يات من جيناتكم المشتركه وتبين من التحاليل ان في تطابق بينكم مع بعض بجينات وهالشي خلى تاله ما تطابق مع احد حتى انتو لكن لو لها شقيق منكم بيكون مثل جيناتها تماما ويتطابق مئه بالمئه عكس لو كان لها اخ من الام او من الاب نسبة تطابقه ضعيفه وايد .... مثل ما قلت الحل بيدينكم انتو الاثنين .... ميار : شلي ياكد لك ان مئه بالمئه يتطابق لو كان شقيق .... الدكتور : هالشي تاكدة منه لاني ارسلة عينات تاله وعيناتج وعينات الاخ تركي لمخابر المانيا والنتيجه وصلت قبل اخبركم بان ابوها وعمها والباقي ما يتطابقو معاها واجلته لنتيجة الصغار .... مدام ميار تاله ممكن تتحمل لاربع سنين قدام لكن بعدها بتتعب وانتي شايفه حالتها شلون ممكن بعد سنتين تحتاج للغسيل وانتي عارف الغسيل يتعب وايد المريض الكبير فشلون بنت صغيره .... انتي فعلا ماقصرتي معاها بشي والدكتور جون يشهد على هالشي ومدحج بهتمامج فيها من ولادتها وخوفج عليها وحرصج على كل شي يخصها لكن الحين بيدج انتي وابوها تقررو اذا تنتظرو متبرع والله العالم متى تلقونه او ترجعي له وتييبو لها اخت او اخ وبعد سنه ونص كحد ادنى ونسوي لهم عملية نقل الكلى واضمن لكم ان المولود ما بيعاني بالمستقبل من تبرعه بالكلى لتاله لان جسم تاله ما يتحمل كليتين تعبانين لكن وحده اهون بوايد من الثانيه .... فكرو ولكم القرار اما بتقول لي اخ تركي طفل من جهتك فلا تلومني لو ياك طفل وما تطابق معاها بعدين لان جينات الام مختلفه ....... تركي : كم عندنا من وقت للقرار ..... الدكتور واهو يطالع ميار ويرجع يطالع تركي : كلما سرعتو كلما كان افضل .... اتمنى تتخذو القرار الصحيح واذا اخذتو القرار بلغني لان بكلا الحالتين ارسلت لكل المشافي الخاصه بالكلى بالعالم كله .... ماراح انتظر قراركم اذا ترجعو وتنجبو لكن اتمنى يكون القرارين يتنفذ واذا لقينا متبرع مطابق ما تخسرو شي لو رجعتو لبعض وحصل حمل بنشوف من الافضل ونجري العملي على اساسه ... ميار : ولمى ارسلت للمشافي محد قال في تطابق لو بسيط ...... الدكتور : للاسف مدام ميار سبق وخبرتج وحتى دكتور جون خبرج ان تاله جيناتها نادره .... لمى اخذت عيناتكم وارسلته تبين ان في خلايه منج تطابق مع خلايه اخ تركي ونتجة عنه حمايه لتاله لكن صعب نلقى احد يطابق لها .... مابي ادخل معاكم بشرح مفصل لاني بحتاج لموسوعه معاكم لهالشي وعموما الطب يتطور ويكتشفو طرق يديده ... انا بالبدايه تعجبت لانج ما تطابقتي معاها لان العاده الام او الاب يطابق او احد الاعمام او عيالهم لكن الاخو يتطابق تمام ... بعد مناقشتي مع دكتور جون تاكدنا ان تاله من الحالات النادره جدا بالعالم كله وصعب تلقي لهم متبرع حتى الاقارب ...... تركي واهو ملاحظ تعب ميار : اوكي دكتور احنا بنتشاور وانرد لك خبر .... تفضلي .... ميار واهي توقف وتطالع الدكتور : دكتور اكرر اسفي لك على سوء ضني و عدم لباقتي معاك لكن مخي شت بكلامك مع الضغوطات علي ..... الدكتور واهو يبتسم بلطف : انا مقدر وضعج مدام وعارف بشنو تحسي ..... انا سبق وكلمت الاخ مهران ووضح لي كل شي وكنت محتاج اعرف فعلا عشان افهم ليش تاله انولدت بكلى تعبانه .... صحيح فترة حملج اثرة وايد عليها لكن دكتور جون قال ان جلد تاله بجهة الكلى المصابه كان فيها مثل الكدمه واثرها موجود للحين وتمدد مع نموها فخبرني مهران بانج تعرضتي للاذى ونتج هالشي .... لكن سؤال كنتي باي شهر مع الاذى الي تلقيتيه ..... ميار : موب متاكده لكن اضنه بنهاية الثاني او بالثالث لان بعد شهرين من الانفصال عرفة بالحمل وكنت بالرابع .... تركي بضيق : ممكن دكتور يكون حمل بشهرين ياثر على الجنين بكدمه الدكتور : صدق او لا تصدق اخ تركي ... من مراقبة لعض الاجنى بارحام امهاتهم تبين ان الجنين يحمي امه بحالة اي خطر عليها وهالشي يدل على التواصل بين الام وجنينها وقوة المحبه بينهم .... اي مدام ميار بعد اربع ايام ابي اشوف تاله وافحصها الفحص الدوري ..... ميار : اوكي دكتور ارسل لمهران الموعد بالتمام وبييبها .... شكرا دكتور لهتمامك وتحملك تهوراتي بالحكم ..... الدكتور : حصل خير ... سلامي للوالده ومهران .... ميار واهي تبتسم على خفيف : يوصل باذن الله ... مع السلامه .... تركي واهو يصافح الدكتور : اشكرك دكتور .... راح ارسل لك القرار اذا قررنا .... مع السلامه ..... طلعت ميار بعد ما فتح لها تركي الباب وفسح لها مجال تمر وطلع وراها واول ما شافوها ركان وريان توجهو لها بسرعه ..... ريان بخوف : طمنونا .... شنو حصل ... احد تطابق معاها ...... تركي : لا للاسف محد تطابق ...... ركان بعصبيه واهو ياشر على باب مكتب الدكتور : عيل ليش طلبكم وصار لكم ساعه معاه ... خلانا على اعصابنا نضرب اخماس بسداس واخرها محد كان ممكن يخبرنا بالتلفون .... ريان واهو يمسك يد ميار ويرفع راسها : ميار خلج من هالعصبي انا مو عارف شلون دكتور نفسي .... شنو قال لكم ... تركي شفيها ميار ليش ما تنطق ... شقال لكم تاله لها امل للعلاج لو لا تكلمو ...... تركي واهو يطالع ميار واهي منزله راسها : في لكن يبيله شرح وتوضيح .... انا بخبر اهلي وميار تخبركم كلكم اذا تجمعتو ... كلام جذيه واحنا هني ما ينفع ..... ركان : تركي يرحم امك تكلم تاله شلون يلقو لها متبرع ...... ميار بنفاذ صبر وبعصبيه : اييب لها اخ او اخت من هذا ارتحت الحين .. تركتهم ميار اول ما قالت كلامها و مشت تطلع برى المستشفى وريان وركان تنحو واهم مكانهم ولفو لتركي يبونه ينفي كلامها لكنه تنهد واهو يمرر اصابعه بشعره ..... تركي : مثل ما قالت لازم نرجع لبعض وتييب بيبي يتبرع لتاله بعد سنه ونص من ولادته ..... ركان : انت واعي للي تقوله .... اقنعني ..... ريان واهو يسحبه ويمشي : ركان مو وقتك ميار طلعت واحنا هني خل نلحقها ونفهم ... وانت تركي لازم نمشي باي ..... هز تركي راسه لهم متفهم وطلع اهو هم واتصل لفهد يطلب منه يلتقي معاه اهو وركان باستراحتهم وانتظرهم ولمى وصلو خبرهم بكل الي دار بينه وبين ميار والدكتور ...... ركان بعد ما خلص تركي كلامه : انت شنو تفكر تردها او شنو ..... تركي : من صجك انت هذي بنتي والله لو تبي قلبي شلعته لها بس تعيش وتتهنى مثلها مثل غيرها .... ركان : عيل كلمهم وقول لهم انك موافق وميار اكيد بتقبل عشان تاله ..... فهد ... فهد شفيك ساكت ..... فهد واهو يطالع تركي : ساكت افكر بكلامه ورده عليك ...... تركي : شنو فيه ردي ... انت لو مكان بتسوي مثلي ..... فهد : اي لكن انت فكرة وفهمت ليش ميار رافضه ترجع لك .... انا ابصم لك مو بالعشر الا بالمليون ميار مستعده لاي شي عشان تاله لكن رجعتها لك معناه معانات ثانيه وممكن مولود ثاني مريض بمرض ادمر من تاله.. تركي مستغرب : شقاعد تقول فهد لو ترجع لي تييب طفل مريض ليش يعني جيناتنا ما تتوافق ..... فهد : لا لو فعلا كانت تاله بسم الله عليها ياتك مريضه باعاقه لكن مرض تاله بسبب النفسيه وقلة التغذيه لميار بفترة الحمل وهذي كانت بعيده عنك ولمجرد انك تجاهلة رسالة مهران تعبت وضنت انك تضن فيها ضن السوء عيل شلون بتكون نفسيتها واهي معاك وكل لحظه بتعيد وتزيد بكلامك الي يسم .... ونيي لنقطه مهمه شلون بتحمل وانت للحين شاك فيها ولا بريتها .... شلون بتردها وانت بهذا التفكير ..... سكت تركي ولا قدر يرد على كلام فهد لانه فعلا للحين يذكر منظر الياس واهوجنب ميار ويضنها خانته معاه فشلون بيقدر ينسى ويتزوجها ويلمسها من جديد ...... ركان : تركي كلام فهد صحيح ... انت تقول مستعد وتعطيها روحك وتضحي لكن هل انت قد هذي التضحيه لو فعلا تبي تردها وتييب طفل ثاني لاجل تاله تماسك وحط حجر على قلبك وتفكيرك وانسى كل شي مضى وردها وييب الطفل ..... فهد : فكر تركي عدل ومثل ما قال ركان حط حجر على قلبك وعقلك ولا تييب اي ذكرى له وحط ببالك انكم انفصلتو ورديتو لبعض وافتح صفحه يديده وتاله تحليها لكم ...... تركي : للحين منظرها واهو يمها ببالي ما اقدر انساه .... فهد : اذا جذيه اتركها بحالها وانتظرو الفرج والله يعين تاله والمها ولا تلوم ميار على ردت فعلها معاك ومع الدكتور ..... تركي : واترك بنتي تتالم لا طبعا الدكتور قال احتمال بعد سنتين تحتاج لغسيل واهي طفله ما تتحمل .... ركان : لا اله الا الله .... تركي شنو قلنا انسى واضغط على نفسك وردها و ييب لك طفل سليم يساعد تاله تعيش مثل اي طفل وما تعرف يمكن الله ضيقها عليكم بمتبرع عشان تردو لبعض وتكملو حياتكم وتراك رديت اروى واهي فعلا خانت فشلون الي تتهمها لمجرد شي شفتها وفسرته خيانه .. تركي بحيره : اروى رديتها عشان تهديدها لي وخوفي من خسارت ميار ولمى عرفة خسرتها بغبائي وخيانتها .... لا تقول ردينا لكن عقلي يقول خانت وقلبي يقول لا ميار متربيه وعفيفه وشريفه حرمه حره محد يتجرء يلمس شي منها وما يحل لها .... انا لمى مسكت ذراعها ويحجب بينا ملابسها رفضت وكلما قربت منها بعدت لكن منضرها وولد عمها جنبها على فراشي ما انساه .... فهد : تركي بسالك بالتفصيل واذكر مضبوط .... تركي واهو يطالعه : بشنو تبي تسال ..... فهد : بهذاك اليوم المشؤم .... قبل تطلع مع اروى شنو حصل بينك وبين ميار ..... تركي : ولا شي كنت اجهز والبس بغرفتنا وكانت تقرا بمجله واذكر كانت بملابس البيت العاديه ..... فهد : اوكي انت قلت تناجرتو وميار كانت هاديه وليلى قالت لمى تكلمت مع ميار ميار قالت انك كنت تعمد تجرحها بتقربك من اروى ... هالشي انت تصرفت فيه بشكل سيئ فكرة فيه .... تركي : عارف يا فهد والله عارف بعد الي حصل فكرة بكل الي سويته واعترف اني كنت غبي بتصرفاتي من ردي لاروى لاخر لحظه بينا ولمى قهرتني بكلامها اخذتها للبيت ابي اقهرها لكن ندمت اول ما يبت اروى وحسيت اني بصغر بعينها اكثر لو تراجعت وكنت ناوي بعد شهر من دخول اروى البيت اردها لبيت ابوها او بشقه واحاول مع ميار لكن ميار كانت مصره على الانفصال ..... فهد : المفروض ما اقول لكن ميار كانت مستعده تسامحك وتقعد معاك تتفاهمو لكنك قطعت كل شي بينكم لمى اغتصبتها ودخلت اروى بيتكم ... اوكي سؤالي الحين لمى دخلت ولقيت الياس ميار شلون كان وضعها وتذكر عدل اوكي ...... تركي بعد ما تنهد بضيق : ما قلت لك كنت غبي .... ميار كانت ممدده على السرير وما انتبهت اذا تكلم معاه لو لا ..... ركان : اوكي ما تذكر لكن فكر لو وحده معاها عشيقها او حبيبها زوجها مو مهم من يكون وكانو بالفراش وقابله هل بتنام وتمدد او تقابله و تكلم معاه وتضحك وانت عارف هذي الامور شلون تتم .... تركي : تقصد ان ميار فعلا كانت نايمه والياس يمثل انه كان معاها .... لحظه ميار قالت لي انها كانت نايمه وصحت من نومها على صراخي مع الياس وانصدمت بوجوده واذكر وقتها اتهمتني اني متامر معاه على هالشي عشان اتخلص منها بفضيحه ... ضنت اني ابي فراقها ... لو ابي طلقتها بدون شي ليش تضنها فكرة جذيه ..... ركان واهو يتكتف قباله : من الصدمات الي تلقتها منك لو انك متامر مع الياس وتبي الفضيحه انت بتكون صفحتك بيضه قبال اهلها واهلك ومحد يلومك بردك لاروى ... هذا الي فكرت فيه وضنت فيك هالضن انت اتهمتها بالخيانه واهي هم من حقها تتهمك بالخيانه فهمت شلون فكرة وقتها وتكتمها على وجود تاله نابع من تراكمات .... تركي انت سبب من اسباب مرض تاله والدليل الكدمه الدايمه بجسمها ... لا تزعل مني لكنها الحقيقه وواجب عليك تضغط على نفسك لاجلها ...... تركي ودموعه تنزل : من قال الدكتور هالشي وانا اجاهد ابعد التهمه عني وانت قلتها بويهي .... حتى ميار ما قالتها بويهي .... لمحت وانا تجاهلت هالشي .... فهد : تركي فكر كل الي صابكم متدبر من الياس واحد ساعده .... تركي ميار ما قالتها بويهك لانها ما تبي تضايقك وتحسسك بالذنب ... وركان قاله لك ينبهك ويصحيك من غفلتك .... قوم وروح ريح وخبر اهلك وتناقش معاهم ونصيحه اجتمع بميار واهلك واهلها وتشاورو واتفقو واقبل اي شرط تشرطه ميار مهما كان وانا واثق انك للحين تحبها واهي هم ...... تركي بسخريه : هاااه تحبني ... كثر منها ميار لو تحبني ماقبلت بجاسر .... لكن الحين شور الدكتور بيخرب عليها خطبتها ..... ركان واهو يبتسم : تركي اقول لك شي ... فهد شفيك لازم يعرف و لا تنسى جاسر خبرنا وقال اهو بيخبره لكن يا الوقت يعرف دام السالفه فيها حل لمرض تاله ..... تركي واهو يطالعهم ثنينهم : شنو خاشين علي هم وشنو قال لكم جاسر.. فهد واهو يضرب ركان بمزح على جتفه : انت ما تعرف تسكت ابد ... شزف تركي جاسر التقى فينا من يومين وخبرنا بخطبته لميار وقال بيكلمك واحنا ما يحق لنا نقول ... انت يا ابو لسان فلتان كلم جاسر ايي الحين ويترك الي بيده او نلتقي بمكان واهو يخبر تركي بنفسه .... ضحك ركان واتصل بجاسر و اتفق معاه يتقابلو بكفيه اربعه و اجتمعو وبعد السلام والسؤال عن الحال خبرو جاسر عن كلام الدكتور لتركي وميار وكان تركي يطالع ردت فعل جاسر واهو ينصدم بلي يسمعه وتعجب تركي من خوفه على تاله لانه ضنه يتقرب لتاله بس عشان ميار تقبل فيه .... جاسر بضيق وحزن : وشنو تنتظرو المفروض تعجلو لان كلما تاخرتو تاخر علاجها وتالم تاله اكثر ..... تركي مستغرب : نعجل ... انت تقول نعجل .... انت خاطب ميار وهالشي بيخرب عليكم او اني غلطان ..... طالع جاسر ركان وغهد الي ماسكين ضحكتهم فابتسم لانه فهم انهم ما خبرو تركي برفض ميار فضحك على شكلهم وانفجرو ثنينهم يضحكو وتركي ضايع بينهم .... تركي بعصبيه واهو يوقف : انتو على شنو تضحكو ... ليش حالي يضحك انا تايه وتالم وانتو تضحكو .... جاسر واهو يوقف بسرعه ويمسك ذراع تركي ويقعده : اهدى اهدى تركي الي يضحكنا اني مخبر فهد وركان وضنيتهم خبروك بسبب هذا الموضوع وضحكت لان شكلهم يضحك واهو كاتمين وكانهم مسوين مقلب فيني وفيك .... اسمع تركي .... تذكر لمى ييت المستشفى وكنت تسال ميار من الي خطبها وانا رديت عليك انه انا وطلبت منك ما تكون اناني ..... تركي : اذكر ويومها كنت تكلم ميار بروحكم وضحكم واصل لي انا وتاله. جاسر : تركي ميار وقتها عطتني ردها او نقول انا قلت ردها لانها متردده تخبرني ومتخوفه من اني اخذ على خاطري لانها ردتني مرتين .... ميار ما تقدر تتزوجني او تزوج غيري.... ميار الي يسكن قلبها انت ولو تزوجة غيرك تعتبر نفسها تخونه لانك ساكن فيها لكن انا طلبت منها ناجل خبر رفضها لبعد تشافي تاله لان الوضع موتر .... تركي وحده رافضه ترتبط باي ريال لانك بقلبه تعتقد تقدر تخونك انت ... فكر صح ميار اطهر انسانه عرفتها بحياتي .... مسار مستحيل تخونك وقبلها تخون ربها .... تركي براحه : الله يريحك مثل ما ريحتني ... كلامك وضح لي قصدها الفعلي بكلامها ورفضها لردتنا لبعض لاني فسرتها على انها تبيك .... جاسر بحرج وضيق : تركي ... انا اسف لكن كنت ابي انتهز الفرصه واتزوجها قبل تردها بصراحه من نضراتك لها يبين انك تبيها لكن متردد او نقول مجروح من الماضي الي تتوهمه ...... تركي : اتوهم ..... جاسر انت شنو تعرف من الموضوع اساسا ..... جاسر : ميار خبرتني بكل شي لمى طلبتها للزواج قالت لي انك متهمها بالخيانه مع الياس لمجرد انك دخلت ولقيته على السرير واهي نايمه .... تركي في شي مخفي انتو ما تعرفوه واهو مع الياس والخادمه الي هربت ولهذا اليوم محد عرف مكانها واتوقع في من ساعد الياس غيرها .... تركي : انت شلون عرفة ان للحين ما لقوها .... فهد : ليش انت ما تعرف ان مهران موكل مخبر يفتش بهالسالفه ....وهذي مو جديده عليه لانه سبق ودور ورى زوج بنت عمه عشان يخلصها منه وغيرها من سوالف ثانيه .... تركي : ميار لمحت لي كذى مره بشغلات لكن ترفض توضح شي .... جاسر : تركي بغض النضر عن شكك وضنونك تاله ما تستاهل تتغاضى عن كل شكوكك وتطمن ميار وتردها .... اسمح لي ميار صايره حساسه بزياده من هالسالفه واخوانها وامها اكدو هالشي لمى طلبتها ..... تركي : لحظه فهد انت شلون عرفة عن بنت عمهم .... الي اعرفه انها معلقه ..... فهد : لا اخوانها تكلمو وقالو عن تخليص مهران لها لمى تكلم ولد عمهم الي اسمه صقر يبيها ويبي زوجها يطلقها ولمى سئلوها خوانها عن رايها وافقة و جذيه خبرو ابوهم ان معران طلقها من زوجها من سنين ... والبنت تزوجت ليش ما سمعت عن زواجهم من سنه تقريبا .... ركان : موب هذا موضوعنا الحين ..... تركي شنو قررت بعد كلام جاسر لك ...... تركي : احس نفسي تايه لكن باخذ بنصيحة جاسر واتغاضى عن الماضي وارد ميار ونعالج بعدها تاله ..... ركان : تركي نصيحه هيئ نفسك لاي طلب تطلبه ميار او شروط اقبل عشان تاله ...... فهد : كلام ركان صحيح لان ميار اكيد رافضه وخايفه من تعاملك معاها اذا رديتها ..... تركي : خلاص فهمت الي تلون توصلوه .... افكر اخبر اهلي واكلم مهران ونحدد وقت ومكان نجتمع فيه كلنا ونقرر .... جاسر : هذا افضل شي عشان محد يلوم الثاني .... تركي واهو يحط يده على جتف جاسر : جاسر منت زعلان مني .... جاسر واهو يطبطب على جتف تركي : لا تخاف رد ميار ماصدمني لاني توقعته ... انا ملاحظ نضراتكم لبعض لسانكم منشار لبعض لكن العين تكلم بالحب بينكم .... تركي انت اخ وعزيز وغالي علي وميار بترجع اخت لي وزميله .. .... فهد : الله يسعدك ونفرح فيك وبهذا الشايب ..... ركان واهو يضحك : ههههههههه اذا انا شايب فكلكم شياب مثلي ..... تركي : اي لا تظلم جاسر تراه اصغرنا ..... ضحكو كلهم وبقو يسوافو بامور شبابيه وتركي مرتاح من جاسر وكل فترة والثانيه يطالعه يبي يتاكد اذا رفض ميار ماثر عليه من تصرفاته لكن لقاه عادي مثل ما تعود عليه ويفكر شلون جاسر قادر ياقلم نفسه على رفض ميار له وخسارتخ لها واهو يعرف ومتاكد انه فعلا يحبها فمسك يد جاسر فجاه ولف جاسر له يطالعه .... جاسر واهو يحط يده الثانيه على يد تركي : هلا تركي .... شفيك تطالعني جذيه .... تركي بضيق والم لجاسر : شلون ..... جاسر واهو مستغرب : شلون شنو تركي ... شنو تقصد .... تركي : شلون قادر تعيش حياتك عادي وانت تحبها فعلا ... اي واحد غيري بيرفض يعترف بهالشي لكن ما اقدر اتجاهل هالشي وانت صاحبي واعرف شلون انت حساس ..... جاسر واهو يطبطب على جتف تركي : اهدى ... تركي بجاوبك ولا تستغرب ... انا من داخلي اتقطع لانها مو لي لكني واقعي اهي تحبك وانت تحبها فتضن بتضايق لسعادتها معاك لا طبعا وهذا الشي الي يهون علي بالمره الاوله لمى طلبت اهلي يروحو ايطاليا عشان اخطبها وانت سبقتني انهرت وحسيت روحي تطلع مني و حسيتك اناني و بقيت بهواجس لكن لمى شفتك معاها بعد ما رجعت الجامعه ولقيتها سعيده معاك ارتحت وقلت الحب يشع من عينها لك شلون كنت بعيش معاها وقلبها لك اكيد مابكمل معاها لكن لمى طلقتها تضايقت لحالكم وبقيت اناظر ترجع لكن قلت لا بروح واشوف احوالها والتقيت بمهران بكندا وخبرني بنفسيتها شلون وعرفة بتاله وفهمني ليش ميار ملتبي احد يكلمك بموضوع تاله والتزمت الصمت وقتها ميار كانت توه والده ورجعت قلت مستحيل نفسيتها تتقبل ريال ثاني وكنت اسال مهران عنها كلةفترة وقال لي ميار من النوع الي يوفي حتى لو مطعونه وما يضنها تقبل باحد بعدك لكن كان عندي امل ترجع وتكون غير انا صح تفاجا فيها لمى يات الجامعه لكن مو لاني ما اعرف انها تكمل للدمتوراه لا لاني ما كنت عارف بوقت رجعتها لاني ما تواصلت مع مهران من فتره وتفاجاة فيها لكن لقيت وحده ثانيه غير الي عرفتها انسانه صلبه انثى بكل ما تعنيه من كلمه زادت مسؤلياتها واعجبت فيها اكثر وتقربت لها واخرها خطبتها وكنت متوقع دها لهالشي ما زعلت او قلبت نفسيتي مثل قبل .... اهي بالنعايه لك لكن تركي حاول تحسسها بقيمتها عندك اهي تضن انك رديت اروى لانك تحب اروى واهي لعبت مشاعرها وبس ... تركي : الله كل هذا بقلبك .... جاسر انا تزوجة ميار وتحركة لمى فهد خبرني انك تبيها فتخيلتها معاك وحسيت النار تشب فؤني صح كنت اناني لكني كنت حاس بمشاعرها لي فهالشي على اسبابي خلاني اطلبها واقنع امها ومهران .... عارف اني خذلتهم لكن اهم عرفو ليش رديت اروى والكل عرف ... وكنت غبي وقتها واستمريت بغبائي ولو اخذت بنصيحة فهد ماخسرة ميار ولا دخل الشك بقلبي عليها .... لا تلوموني مكانتها كبيره وما اقدر انكر هالشي ميار اذا بوصف مكانتها بقلبي بقول لكم اهي قلبي ونبضي وطول فراقنا كنت ميت اي والكل لاحظ شلون تغيرت من رجعت حتى اناجرها واغلط عليها بس لاني ابيها تكامني وعارف انها بترفض اي تقرب مني لها طول ما انا اشك فيها ..... ابيكم تساعدوني وانت بالاخص جاسر بثقل عليك وابيك تقنعها تقبل نرد لبعض .... جاسر : بدون لا تقول اذا تقابلنا بالجامعه بكلمها بكره .... شكر تركي جاسر وكملو جمعتهم مع بعض ورجع تركي لبيت اهله ولقى اروى معاهم فصرخ عليها تطلع لغرفتها لانه من يشوفها يذكر انه مو قادر يتخلص منها بسبب مرض يدته وخالته وخايفين تنتكس حالتهم لو عرفو بطلاقهم وسوات اروى .... لمى طلعت اروى لغرفتها مثل ما يضنو خبر تركي امه وابوه بكل الي قاله الدكتور وهذي كانت صدمة اروى لان بسواتها قربت ميار لتركي واهي كانت تبي محد يتبرع لتاله وتموت وجذيه مافي شي يربط تركي بميار فحست بقهر من نفسها لانها خسرة لكن قررة تتخلص من تاله بطريقه ثانيه وعلى مهل ..... |
ليش التأخير متي سيتم نشر الباقي |
🧡🧡🧡 موفقة يا احلى مهضومة بالرواية |
اقتباس:
اهلا ام سلما .... حبيبتي مافي اي تاخير ابد وانا انزل باوقات متفاوته لكن كل اسبوع بارت واليوم ينزل بارت .... |
اقتباس:
شكرا هيا لمرورج ... اسعدني تواجدج ... روايتي ولا شي جنب روايتج حبيبتي 🥰 |
البارت الثالث و الاربعون اما ميار فمن طلعت من المستشفى واهي ساكته بالبدايه وتبجي لكن بعدين خبرت ريان وركان بكلام الدكتور ورجعت تبجي واول ما وصلت قصرهم توجهة على طول لغرفتها ولا تكلمت لاحد حتى تاله لمى نادتها ما وقفت لها وتوجه ريان لتاله وحملها وقعد فيها واهو يفهمها ان ميار تعبانه وراسها مصدع لهالشي ما سمعتها وطلب من وليد ياخذها للحديقه تلعب وخبرو الباقي بكل شي .... بقت ميار بغرفتها والكل احترم رغبتها بانها تختلي بنفسها لكن اليوم الثاني دخلت لها امها غرفتها وكانت ميار نايمه بغير عادتها لانها اساسا ما نامت الا بعد صلاة الفجر بوايد فتاخرة بالنوم وحتى الجامعه ماداونت وارسلت لجاسر ياخذ لها عذر وياخذ مكانها بالمحاضره لان عندها محاضره وحده ..... ام مهران واهي تفتح الستاير : قومي يا كسوله ... من متى تنامي للظهر ..... ميار بعد ما تقلبت منزعجه من الاضائه واهي تدفن راسها تحت الوساده : ماما بليز نمت بعد صلاة الفجر بمده ... تعبانه .... ام مهران واهي تقعد على طرف السرير وتمسح على ظهرها : قومي يمه تاله ما هدت من ييتي امس واهي الا تييج وبالزور سكتت لمى ياها تركي ... ميار واهي تفز بسرعه : شنو ليش يايها لا تكون كلمته تشكي .... ام مهران واهي تضربها بالوساده على ويها : ويعه ليش موب ابوها و من حقه يشوفها باي وقت .... كافي انه ساكت ولا قال يبيها عنده .... ميار : يحلم اصلا ليش انا بايعه بنتي اسلمها لصايعته .... تاله وينها الحين .... ام مهران : تاله شكت له انج ما تكلميها من امس واستاذني ياخذها معاه لاهله ويلعبها ... قومي تراهم بعد ساعه يوصلو كلهم واخوانج واختج وعمامج هني يله .... ميار مستغربه : ليش شنو المناسبه .... ام مهران : شكلج ناسيه موضوع تاله وكلام الدكتور معاج امس .... ميار : لا ذاكره لكن شدخل هذي بهذي .... ام مهران واهي توقف : دخلها ان تركي كلم مهران يبي نجتمع وتقررو والكل يشهد عليكم بقراركم ما يبي احد يلوم الثاني بعدين ... ميار واهي توقف : اوكي له الي يبيه سي السيد ..... باخذ شور وانزل بعدها ..... ام مهران : ميار فكرتي وقررتي لو للحين .... ميار واهي توجه للحمام : قررت يمه قررت لكن انشاء الله ما تعارضو قراري ..... ام مهران واهي توجه للباب : الله يستر من قرارج ... خلصي والحقيني بخليهم يجهزو لج شي تاكليه بغرفة الطعام .... ميار : لا ماما ماله داعي باخذ شي خفيف من المطبخ بجناحي مابي شي ثقيل .... هزت ام مهران راسها ونزلت للباقي وخبرتهم ان ميار تجهز وبتنزل وبعد مده نزلت ميار وسلمت على الكل وقعدت جنب وليد .... ركان لوليد : وانت متى تخليها شوي لنا ما كانك مصختها ..... وليد واهو يبوس خد ميار ويغيضه : والله امي وبكيفي معاها صح ماما... ثم ليش محتر تزوج وفكنا منك ...... ركان واهو يطالع ام مهران : قريب .... هاااه يمه كلمتيهم او للحين ... ميار : ههههههه ركان عمها بييك اليوم كلمه وفك عمرك ماما تبي تمهد اول مع امها وبعدها تخبرها ... عمتك صعبه وايد وتخاف على عيالها حتى اهلهم مانعتهم عنهم ..... ريان : صحيح يمه يصيرو عيال عم تركي .... ام مهران : اي ... ما هان علي ما ازورهم لمى رجعنا وخصوصا سمعة ان ولدهم يتعامل مع عيال عمك فقلت اكيد فكتهم و تركتهم مع الناس .... سناء : غريب امرها ليش ما تخليهم يختلطو بالناس ... ركان انتبه يمكن خطيبتك تكون انطوائيه وحساسه بعدين تتعب معاها ...... ميار : هههههههه واهو شلون عرفها وحبها .... البنت مريضه عنده لكن مرضها عادي ..... ماهر : تبي وحده معقده .... اي تلوق لك فجج عقدها وعقدها بينونك بعدها ...... الكل ضحك على طريقة ماهر وركان معاهم ..... ريان : ههههههه الله وكيلك ياني واهو فاج حلجه يقول بنت تهبل الواحد ليش تخاف من ان الناس ما تتقبلها اذا انا من جلسه وحده حبيتها .... ميار : اذكر تركي كان يقول ان امهم ترفض يطلعو مع احد من كانو صغار وتمنعهم يختلطو فيهم اهم حتى لمى توفى ابوهم منعتهم يحضرو اجتماعاتهم اكثر لكن الولد الكبير طفش و صار يطلع مع عيال عمه احمد وطلال لان تركي وقتها يدرس بايطاليا لمى تقرب لهم لكن الباقي بنات فمنعتهم ..... ام مهران : لا الحين غير البنات كبرو واهم الي يبون الناس لكن يتحذرو والدليل ميس لمى راحت لركان بنفسها تبي تتعالج من خوفها بان الناس ما تقبلها لانها تحذر منهم لان امها ماثره عليها ..... سناء : اي بس ليش منعتهم من شنو اهي متاثره ... او مصدومه من احد ..... ركان : المفروض ما اتكلم لكن بنكون نسايب ولازم تعرفو عشان تقربو لهم وهالشي يساعد امهم والباقي بالتاقلم اكثر من الناس .... امعم انغدرت من صديقتها قبل سنين لمى حاولت تاخذ زوجها منها واهي كانت واثقه فيها وتغليها اكثر من خواتها لكن زوجها الله يرحمه خلاها تشوف خيانت صديقتها لها لانه جاراها واهي انصدمة وماعادت تثق باحد خصوصا ان بنت عمها ساعدت صديقتها عليها من حقدها عليها بانها افضل منها بكل شي وانتو تفهمو هالنوعيه شنو ممكن تسوي بلي حولها دخل مهران واهو حامل تاله فنزلت بسرعه وركضت لميار لمى انتبهت انها موجودها وارتمت بحضن ميار ..... تاله واهي تضم ميار وتبوس خدها : ماما حبيبتي ليش تركتيني امس انتي زعلانه مني انا سويت شي غلط ..... ميار واهي تبوس تاله : لا يا روحي انا كنت تعبانه وماسمعتج .... انتي وين رحتي .... تاله : ياني بابا تركي ورحت معاه اخذني لبيت يدو وديده فرحة وايد وورتني كل البيت وغرفتي ماما شرت لي غرفة يديده والعاب وفساتين وايد وايد .... ماما احنا بنعيش معاهم هناك ونترك هني ..... ميار بحيره وربكه : هااه ... لا ماما لكن ... لكن ... مهران : بابا حبيبتي ناجل هالكلام لبعدين ....تعالي عندي .... تاله : لحظه بابا بقول لماما شي ... ماما انا شفت وحده شكلها حلو لكن كانت مكشره ولمى ديده تركتني تييب اكل اهي قالت لي لا اروح مره ثانيه هناك لاني بموت لو رحت مره ثانيه ... ميار بخوف واهي تضم تاله : لا حبيبتي بسم الله عليج ... لا تهتمي لها ... ماما اذا شفتيها مره ثانيه بعدي ولا تكوني معاها بروحكم فاهمتني ماما ..... ام مهران واهي تفتح ذراعاتها لتاله : تعالي تعالي يا روح الديده تعالي ولا تخافي هذي تمزح معاج حبيبتي لا تهتمي ..... مهران واهو كاتم غيضه من اروى لكلامها مع تاله : يمه عمامي يقولو بيون بعد شوي ويبونا نجتمع بالميلس لان ابو تركي واخوه هم معاه .... اي ميار قررتي لو للحين ..... تنهدت ميار وهزت راسها فاشر لها تلحقه واهو ماشي لمكتبه فلحقته والباقي توجهو للمجلس عشان يستقبلو عمام ميار وابو تركي وتركي وطلال ..... مهران واهو ياشر لميار تقعد جنبه على الكنبه : مابي نطولها انا فاهمج وعارف تفكيرج ومابلومج لو رفضتي ..... ميار : تضن اقدر ارفض ... هذي تاله ... مهران : عارف لهالشي قلت نتكلم لان لو قررتي ترفضي بقنعج عشان تاله ... انا كلمت الدكتور وفهمني كل شي وكلمة دكتور جون وقال مثل كلام دكتور ناصر .... المهم عندج شروط او شي .... ميار : عندي في بقوله قبالكم والباقي بيني وبينه .... مهران : ههههههه يعني لو ذراع ما يصلح اعرف ... ميار احنا دافنينه سوه .... ميار : اعوذ بالله من هالتشبيه .... انت لاحظة شنو قالت لتاله ... مهران انا بقبل عشان تاله وبس وبعدها ننفصل وفوق هذا قبل يقرب مني يفحث وشرطي لحد ما يتم الحمل ما يقرب لها ابد لاني مو ناقصه امراض ووساخه ... كافي بضغط على نفسي وللحين منضره معاها براسي مانسيته .... مهران : محد يلومج او يلومه حطي ببالج انه للحين حاط براسه انج خنتي .... ميار : لهالشي رفضت لمى قال الدكتور كلامه .... الا تاله شلون يات معاك ماما قالت تركي اخذها .... مهران : التقيت فيه معاها بالطريج كان ماخذها تشتري العاب وقال بييبهم معاه لمى ايي وتاله من شافتني باعت ابوها ..... ميار : وكان ناقصها العاب والله الغرف بتنفج من العابها هالبنت ماخذ حقها وزود .... مهران : خليها تفرح والكل فرحان فيها ولا تنسي انها بنت ولدهم الكبير وانتي اخر العنقود فاكيد بتدلل من الطرفين ... قومي وخلينا نتفاهم ونحدد كل شي .... طلعت ميار مه مهران واهو لاف ذراعه حول خصرها ومقربها له ودخلو المجلس والكل متواجد عدى تاله ووليد ويات عين ميار على تركي الي عينه عليها فارتجفت وحس فيها مهران وباس جبينها وهمس .... مهران : اهدي واسترخي كل شي بيمشي مثل ما تبين وتاله تتعالج .... ميار بهمس : انشاء الله .... سلمت ميار على ام تركي وسمر وملاك وابو تركي وحية طلال واهو مكانه وقعدت بين مهران وركان ..... ابو تركي : طبعا كلنا عارفين ليش اجتمعنا اليوم .... ابو خالد : اكيد ... ما نبي نطولها خلونا نقط الماضي ورى ظهرنا ونفكر بتاله .. ابو تركي : عين العقل ... هاااه تركي قابل بكلام ابو خالد .... تركي : قابل .... ابو صقر : وانتي ميار قابله ترمي الماضي وتتفاهمو بتاله .... ميار : اكيد عمي تاله اهم شي واهي الاساس لهذا الاجتماع .... ابو صقر : على خير .... تركي شنو قرارك .... تركي وعينه على ميار : سبق وقلت اني موافق قباله بالمستشفى وانا ااكد اني ابي اردها ...... ابو صقر : وانتي ميار مواقفه تردي لتركي .... ميار : مواقفه لكن بشروطي ..... قاسم : يبه الوضع ما يستدعي شروط ... المهم تاله مثل ما قلتي ..... ميار : يبه تبيني ارد له و ينعاد الماضي ... لا مو مستعده اييب طفل او طفله مثل حالة تاله او اسوء انت شهدت حالتي وانا حامل فيها تبيني اعيش نفس الوضع ويذلني بزوجته لا لي شروطي او ينسى ارد له وتاله الله يتولاها برحمته ..... طلال : ميار كلنا عارفين انج بريئه وتركي قال بينسى الماضي وتعيشو الحاضر والمستقبل .... تركي واهو يقاطع طلال : لا طلال من حقها تشرط وتكون مرتاحه ... تفضلي اسمعج قولي الي تبينه انا هم عندي شروط .... ميار : اوكي .... اولا هذا الزواج مؤقت .... ابو خالد بفجعه : شنو يعني مؤقت شتقصدي ..... تركي واهو ياشر لميار تسكت : انا اقول لك انا فاهمها ... يعني لمى تولد اطلقها هذا قصدج .... ميار : ويكون افضل لو من يتم الحمل .... ابو صقر : مايجوز يبه هالزيجه يعني زواج بشرط الطلاق ما يجوز وهم طلاق وانتي حامل ما يمشي ..... مهران : عمي كلنا فاهمين ليش ميار شرطة هذا الشرط .... تركي تقبل ... ممكن لو توالفتو تبقى اذا انت تبي ..... ابتسم تركي لانه فهم قصد مهران : موافق لكن لو غيرتي رايج بيكون افضل ..... في شرط غيره ..... ميار : في لكن بيكون بيني وبينك واهو الاهم عندي .... قاسم : يبه قوليه قبالنا مانبي شي برى هذا الاجتماع عشان نشهد عليه وعليج ..... ريان : يبه الله يهديك اكيد شي محرج وميار بتقوله لتركي شكلها بتبيجح معاه بس ..... الكل ضحك وميار ابتسمت لكن الي سكت ريان عن الضحك علبة المناديل الي ياته براسه من ميار فضحكو الباقي على صدمته ..... ماهر : هههههه محد قال لك تعدى معاها انت تعرفها ما تمزح بهذي الامور ..... ام مهران : تركي ميار خلصت شروطها العلنيه انت قول شروطك .... تركي : اهو شرط واحد ... نسكن ببيت اهلي ... ميار بسرعه : لا طبعا مستحيل اعيش بنفس المكان مع زوجتك ... اذا ما عندك امكانيه تسكن معانا هني ..... تركي : انتي عارفه اني اقدر اسكنج ببيت بروحج لكن ابي تاله تعيش جو الاسره .... لا تخافي بتسكني بجناح طلال لانه ما يسكن ببيت اهلي ومحد يستخدمه واروى مابتقرب منج او من تاله ابد ..... ميار : شيضمن لي ما تاذي بنتي اذا اليوم تخوفها بانها لو راحت بيتكم بتموت تبيني اعيشها جنبها لا طبعا ..... مهران بصرخه : ميار .... من متى تنقلي كلام احد جذيه تبين المشاكل قبل تردي له .... ميار : مهران لا تصرخ علي .... انت سمعتها شلون تكلم واهي خايفه وصفتها بانها حلوه لكن كلامها خوفها تبيني اسكن بنتي معاها شنو تضن بقبل واسكت خل يعرف وليش تضنه بيهتم ويخانقها يعني لا انا قلت كلام تاله لاني مابي تعرض لنفس الموقف او اكثر انا احمي بنتي .. ام تركي : لا تلومها يمه ... ميار انا سمعتها لمى دخلت عليهم وخبرت تركي ولا تضني انها تقدر تاذي تاله وبنسكت لها لا وتركي تصرف معاها لهالشي قال لج مابتقرب لا لج ولا لتاله ... ما تثقي بكلامي .... ميار واهي توقف وتبوس راس ام تركي : اعذريني خالتي ما اقصد اضايقج عارفه انج تحبيها وتخافي عليها وبتحميها وتاله قالت انج رحتي تييبي لها شي تاكله ما قالت انج قصرتي لا لكن خفت عليها من زوجة ابوها ومابيها تاذى منها بغفله حتى مني ..... ابو تركي : محد يلومج يبه ... ميار احنا نبيج معانا مانبي تبعدو عنا وانا خلاص تركت الشغل وابي احفادي حولي حتى طلال سكن ببيت يم بيتنا ودايما اهو وندى وعيالهم عندنا ... شقلتي البيت مليان ونبيج معانا انسي انه شرط من تركي اعتبريه طلب مني ومن امج الثانيه .... ميار واهي تبوس راسه : ماعاش من يردك عمي .... ابو تركي : هاااه شقلنا رديتي لعمي .... ميار : ههههه اسفه يبه خلاص بس لا انطق .... ابو صقر : اي الله يهديج عن شرطج وتلغيه هم ..... ميار واهي تبوس خد ابو صقر وتقعد جنبه : عمي اسمح لي هذي ما اقدر الغيها .... ابو صقر بهمس لها : طيعيني يبه تكبري بعينه .... ميار بهمس لعمها : لا تزعل مني لكني اعرفه زين وبتقول بنت اخوي صاجه ... بيني وبينك شرطي بس عشان يعرف اني مو قاطه نفسي عليه ويحس باني رديت بس لبنتي .... ضمها عمها وباس جبينها وكانو الباقي يسولفو بامور ثانيه لكن عين تركي عليها فنغزه طلال بخصره ولف يطالعه مستغرب تصرفه .... تركي بهمس : شفيك .... طلال بهمس : والله انك فاضح نفسك شيل عينك عنه شوي .... اقول منت خايف من شروطها الثانيه الي بينكم .... تركي بهمس : اسكت انا قبلت بشرطها لان مهران حسسني انها بتتنازل عنه بعدين ... خايف بصراحه تشرط شروط تربطني فيها ولا اقدر ارفضها ..... طلال بهمس : ما تعرف يمكن شروط تعجبك ولصالحك .... شوف خواتك شلون مندمجين معاهم .... ابو تركي لمهران: يبه مهران ممكن ميار تقول باقي شروطها لتركي بمكان منفرد عشان نتفاهم بباقي الامور لزواجهم .... مهران : اي اكيد عمي لكن على شنو نتفق اهم متزوجين من قبل فبنعقد وتوكل معاه ماله داعي كل هذي الامور وحتى لو يبيها من الحين ياخذها لكن لو اسويها تذبحني فاكيد تبي تجهز اغراضها واغراض اميرتي وبعدها ياخذها معاه اذا مكانهم جاهز ببيتك ..... ام تركي : المكان جاهز بالكامل اهم بس يشرفونا وشنو ترجع جذيه لا لازم اسوي لها حفله لو حفلة عشى للقرايب ..... ام مهران : يشرف مقدارج حبيبتي .... ميار خذي تركي للصالون الثاني وتفاهمو هناك ..... ميار واهي توقف وتاشر لتركي على الباب : تفضل من هني ..... وقف تركي ومشى مع ميار للصالون ولمى دخلت ميار سكر تركي الباب ولفت ميار عليه بسرعه .... ميار : افتحه .... افتح الباب لا تسكره ..... تركي واهو يمشي جهة الكنب ويقعد : لا تصيري اوفر .... تعالي وقعدي خليني اسمع دررج ... كلهم قريبين محنا بعاد عنهم ولو تصرخي التمو كلهم .... تعالي وخلصيني .... ميار : من اولها هذا اسلوبك ترانا على البر اذا بيكون تعاملك جذيه معاي الله الغني انت بحالك وانا بحالي .... تركي : لاحول .... زين تعالي وخلصيني .... قعدت ميار على الكنبه الثانيه لكن قريبه منه فابتسم تركي وتو بيوقف عشان يقعد جنبها وقفه كلامها .... ميار بسرعه : اقعد مكانك والله اذا فكرة تيي يمي اصرخ واقول تهجم علي واخليهم يكوفنوك بدل الزواج .... تركي واهو يقعد : ول عليج محد يتنقرش فيج ... شفيج تغيرتي وصرتي تهددي .... ميار : لانك ما تبي تصدق اني ماشيه على شرع ربي .... تركي : ميار قلنا نترك الماضي ورانا ... زين قولي شروطج ... ميار : قبل اقول شرطي لا تسال ليش ابيك تنفذه .... تركي : وليش ما اسال .... ميار : لي اسبابي .... تركي : اوكي قولي اسمعج .... ميار بحرج : انت تبيني ارد لك عشان يتم الحمل ويتبرع لتاله وهذا غرضنا من هالزيجه لكن ابيك قبل تفحص فحص تناسلي .... تركي : فحص تناسلي ... قصج اذا اعاني من مرض ممكن ينتقل لج ... اوكي هذي عاديه ومن حقج وافضل انتي هم تسويه ... في شرط ثاني... ميار : اي في .... اذا سويت الفحص من لحظته ما تقرب لزوجتك ... تركي واهو مستغرب طلبها وتماسك ما يخبرها انه فعلا ما يقرب لها : شلون يعني ... قصدج شنو بالضبط ..... ميار : بقولها لك على بلاطه ... مابيك تلمسها تقاربها ابد من تسوي الفحص لحد ما يتم الحمل وبعدها ارجع لها براحتك وانا تبعد عني وصلت لك او للحين .... تركي : والسبب ليش يعني بتقولي تقززي .... ميار : سبق وقلت لك لا تسال لان لي اسبابي ومابي اقولها ..... تركي : مو مهم اوكي في غيره ..... ميار : لا ... اي زوجتك لا تقرب مني انا وبنتي ممكن لاني مابي اوتر نفسي واذا تم الحمل ارجع هني ابي اكون مرتاحه مابي نفسيتي تتعب ممكن ..... تركي : لا هذي على حسب الوضع مابعتبرها شرط اوكي .... ميار : لا تنيذل معاي تركي ممكن .... تركي : ما اتنيذل على قولتج لكن ما تعرفي يمكن انتي نفسج ترفضي تبعدي.... اذا على نفسيتج بوفر لج الجو المناسب ولا تخافي انا حريص على ان ولدي ايي سليم ولو كنت عارف بحملج بتاله كنت سويت نفس الشي ولا تقولي انت السبب خلاص انسي او تناسي كل شي وخلينا نعيش الحاضر والمستقبل .... ميار : تقولها وكانت بتنفذه ... اقص يدي اذا واصلت على هذا الكلام .... تركي : تغيرتي يا ميار ... لكن اتمنى يكون قناع ويزول .... ميار واهي توقف : ما اضن في شي ثاني اقوله او تقوله ... خلاص تفضل معاهم .... تركي واهو يوقف بسرعه ويمسك يدها وتنفضها بسرعه : اوقفي ... ههههه شفيج بتصيري زوجتي وحلالي .... ميار : اذا صار وقتها امسك براحتك لكن الحين لا تحملني ذنوبك ... شتبي موقفني .... تركي : ابد بس ابي اعرف متى تبين نرد لبعض .... ميار واهي تمشي للباب وتفتحه : تفاهمو مع بعض ما يهمني متى المهم بنتي تكون بامان وبخير ..... طلعت ميار وتنهد تركي واهو مو مصدق انه مسك نفسه ولا باسها او ضمها لانه حس بفرح بداخله واهو معاها لكن استغرب طلبها وشك تكون عارفه شي عن اروى اهو موب غبي وميار مستحيل تطلب شي يخالف شرع الله لان طلبها يخالفه بانها تمنعه عن زوجته الثانيه لكن اكيد تعرف امور يجهلها عن اروى واهي تخونه لكن وين دليله ففكر يخلي احد يراقبها بتحركاتها عشان يمسك عليها مستمسك ومحد يلومه اكثر على طلاقها وخصوصا يدته ... صحى من تفكيره لمى لاحظ انه رروحه فضحك على نفسه لانهم بيضنو انه محرج يطلع بعد شروطها فمثل انه يسكر تلفونه واهو طالع عشان يضنو انه تاخر لانه يكلم بالتلفون ... بعد اسبوع توجهو للمحكمه عشان يتزوجو من جديد وكان مع ميار مهران وريان وماهر ومع تركي ابوه وطلال وتم العقد واهم طالعين مسك تركي يد ميار ولفت تطالع فهمس .... تركي بهمس : شنو حلالي صرتي .... مهران واهو يلبس نظارته : تركي فكها خل نمشي والمسا طلع ابداعاتك طلال واهو فاطس ضحك : حلوه ابداعات .... اي خلاص الحفله بمزرعتكم .... ماهر : اي ليش الخساير بقاعه مثل ما والدتك قالت المزرعه كبيره وتسع وايد ثم المعازيم موب غرب ومافي فرق بمكانا او مكانكم وزين عمي اقنع ابوك وقبل ..... تركي واهو للحين ماسك ميار ويمشي فيها لسيارته : انتو هذرو انا ابي اعطي زوجتي هديه ..... ريان : اقول ننطر او نمشي ونتركها معاك ..... تركي واهو يمشي لسيارته : لا انا ارجعها توكلو .... ميار : لا انطروني بيي معاكم .... تركي بهمس : ليش ... خايفه مني الليله انتي بحضني ... ميار بهمس وخجل : اقول اول نفذة شرطي .... تركي بهمس واهو يفتح لها باب السياره : اي وبوريج ورقة الفحص ... اصعدي .... ميار : لا هات الي عندك برجع مع اخواني .... تركي واهو ياشر لها على سيارة مهران : كاهو راح يمشي ... اخوانج فاهمين وعارفين انج مع زوجج ماله داعي كل هالخوف مني .... تنهدت ميار واهي تشوف سيارة مهران تمشي بعد ما سلمو على ابو تركي وطلال ولقتهم اهم هم يحركو سيارتهم فطالعة الكرسي وصعدت وسكر تركي بابها ولف لمكانه وصعد وارتعش جسمها لمى لقته قريب منها وايد ..... تركي واهو ملاحظ ربكتها : شفيج ... كانها اول مره تصعدي معاي .... قبل نتزوج اول مره كنت اوصلج الجامعه ونروح ونرد مع بعض ... ما كنتي جذيه شنو تغير .... ميار واهي تطالع برى : ما تغير شي ولا تضن ما حصل لي نفس التوتر اول مره ..... تركي واهو يبتسم : اذكر ... كنت اتنقرش فيج ... ميار .... ميار وعينها برى : نعم .... تركي : افا وين لبيه..... امر..... عيونها ... ميار بملل : امر .... تركي واهو يمسك يدها وتخرعة ميار : شفيج تخرعتي جذيه ... ميار مو من نفسج ... اوكي شفيج للحين ما تبين تردي لي خلاص احنا ردينا لبعض ونبي نفتح صفحه يديده ..... ميار واهي ماسكه نفسها لا تبجي : تركي اجل هالكلام لوقت ثاني الحين رجعني لازم اكون بالبيت خبيرة التجميل وصلت وانا برى ... تركي : اوكي لكن اول بعطيج شي وابيج تلبسيه الليله اوكي .... ميار : شنو هالشي .... تركي : اوصلج برغم اني ابيج معاي وقت اطول لكن دامج بتجهزي لي بردج ... لكن ابيج تفتحيها قبل تروحي المزرعه اوكي ... ميار : اوكي .... تركي وين ورقة الفحص .... تركي : افتحي الدرج وتلاقيها فيه ... يمج .... فتحت ميار الدرج الي يمها ولقت اوراق كثيره فقامت تفتح كل ورقه وتشوف واهي تسحب الورق طاحة صورة فنزلت تاخذها وترجعها ولفتها لقتها صورتها معاه واهم بتايلند وكان ضامها من ورى وثنينهم مبتسمين والسعاده واضحه عليهم فتنهدت وبهذي اللحظه لف تركي وانتبه للصوره فابتسم .... تركي واهو ياخذها من يدها : كانت ايام حلوه ... كل مره اغير السياره لازم انقلها فيها ... بس كنت اخاف اعلقها بالمرايه ..... ميار واهي ترجع الاوراق بعد ما لقت الورقة الي تبيها : شي طبيعي تخاف ودامك طلقتني المفروض ما تحتفظ فيها ..... تركي واهو موب فاهم قصدها بخوفه : ليش مو انتي محتفظه بصوري بتلفونج و وريتيها تاله ..... ميار : لا غلطان تلفوني بقى عندك ببيتك مع كل اغراضي ولا نسيت والي وريته لتاله كان بجهاز وليد لمى نقل كل الصور من تلفوني وتلفونك عشان يضبطها ويطبعها لنا مثل ما انت طلبت منه لو ناسي ... لكن لمى سالت تاله عنك نقلتهم لتلفوني عشان تتفرج عليهم كل مره تبي وكانت تتفرج عليهم قبل تنام ..... تركي من سويت الفحص قربت لزوجتك .... تركي : ههههههههه لا تخافي انا عند كلمتي لا ما قربتها .... ميار عندي فضول ليش كل هذا ... ارضي فضولي .... ميار واهي ترجع الورقه مكانها : لا لي اسبابي وماراح ارضي فضولك تركي : اوكي وين ورقتج من حقي انا هم اتطمن ان زوجتي ما تشكي من شي .... ميار واهي تفتح شنطتها وتمد له الورقه : لا تخاف ما اعاني من امراض يعني اذا رديت لزوجتك ما بتنقل لها مرض مني .... تركي واهو ياخذها ويوقف على جنب : اوكي زين اتطمن جذيه .... اووووه كل شي تمام فيج .... ميار مممن سؤال وما تزعلي ..... ميار : شكلك بتطول .... قول وخلصني ..... تركي وعينه بعينعا : ليش ماتزوجتي قبل ترجعي ... محد تقدم لج قبل جاسر ..... ميار بعد ما تنهدت ولفت راسها لقدام : بلا تقدمو وايد ورفضت ولا تسال ليش رفضت لاسباب تخصني ... وبقول واحد منها لاني مابي ريال يضايق بنتي .... تركي : بس ... يعني بس خايفه على تاله .... ميار واهي تطالع برى : مافي اهم منها عندي .... قبل كنت اقول وليد بجري لكن الضنى غير ... لكن يبق وليد الاول بتربيتي للاطفال وتاله اول عيالي من حشاي ووضعها هم يخلي لها مكانه خاصه .... تركي حرك ابي ارجع الحين تاله رجعت من المدرسه ..... تركي واهو يحاول يتماسك ويسوق السياره : اوكي ... مثل ما تحبي ...مثل ما تحبي .... كمل تركي طريجه واهو يفكر بكلام ميار وتهربها من انها تعترف بحبها له الي يمنعها ترتبط بغيره ..... وصل قبال قصرهم ولف لها قبل تنزل ومسك يدها فطالعته ميار .... ميار : شنو هم الحين .... تركي : انا زوجج الحين وين توديعج لي قبل تنزلي .... ميار : مابدعي عدم الفهم ... تركي اتركني الحين وبالتدريج اتعود وارجع مثل قبل .... الشي ما ايي مره وحده اوكي .... تركي واهو يلف للكرسي الخلفي : اوكي ... لحظه اعطيج هديتج .... تفضلي .... طالعت ميار العلبه الي مدها لها كانت بحجم الكف وبشكل مكعب وباين انها علبة مجوهرات لونها اسود وملفوفه بشريط احمر ... ميار واهي تاخذ العلبه : شكرا لكن شنو فيها ... احسها خفيفه .... تركي واهو يبتسم : شي بيعجبج بس ابيج تعطيني وعد تلبسي الي فيها واشوفه عليج اوكي .... ميار برغم انها موب مقتنعه : اوكي ... وعد .... تركي : تلبسيه هني مع لبسج اوكي قبل تروحي المزرعه .... ميار واهي بتنزل : اوكي نشوف لوين نوصل معاك ... باي .... تركي : باي يا ام تاله ..... ميار لا تنسي لا تفتحيها الا قبل تغيري لبسج وتروحي المزرعه اوكي .... هزت ميار راسها ودخلت القصر وحرك تركي متوجه لبيت ابوه واهو فرحان لان ميار رجعت زوجته لكن فرحته ماكملة لانه اول ما دخل بيت ابوه سمع صراخ اروى مع سمر وامه فركض يشوف شنو الموضوع ... تركي واهو يقرب لهم : شفيكم .... ليش كل هالصراخ .... شنو عندها هذي تصارخ جذيه ..... سمر واهي تاشر على اروى وبصراخ : ييتوشفت الخانم تعلي صوتها على امي ولا الا تبي تحضر الحفله الليله ..... تركي واهو يطالع امه وماسك نفسه : يمه ليش هذي معليه صوتها عليج ... شنو عندها .... ام تركي وخافة على اروى : لا يمه اهي ماكانت تعلي صوتها علي تخانقني بس انفعلت لمى قلت له ما ينفع تروح الحفله واهي تبي تحضر تركي واهو يطالع اروى : وليش حضرتج تبين تحضري .... اروى : وليش ما احضر حفله و بتسووها انتو شنو يمنع حضوري ثم ماما بتحضر وحريم اخواني والكل الا انا ليش .... تركي : وجودج بهذا البيت غير مرغوب فيه وبحياتي كلها فلولا تعب يدتي وخالتي كنت قطيتج من زمان ... ثم ما تخجلي على نفسج تحضري حفل ردتي لزوجتي .... موب خايفه من الناس تكلم عنج .... اروى واهي تبتسم : خايف على مشاعري لا احد يجرحها ... تركي بشمئزاز : لا خايف على ميار تضايق من وجودج .... شوفي لا تضني لاني سمحت لج تردي الجناح معناته ابيج لا رديتج عشان ميار ما تسال ليش انتي برى الجناح لاني مابيها تعرف باني بطلقج وان تكلمتي عجلتي باجلج فاهمه ... وشوفي اذا قربتي لها او لتاله بشي والله لاوريج شي عمرج ما شفتيه بحياتج من اذا .... والحين اطلعي غرفتج واذا عليتي صوتج مره ثانيه على امي او احد من خواتي او ابوي والله لدفنج حيه فهمتي ... يله .... خافة اروى من نضرات تركي لها وطلعت فوق بسرعه وخاب املها لانها كانت تبي تحضر الحفله وتحرج تركي وتضايق ميار باي شي تقوله لميار او حتى المعازيم المهم تخرب الحفله عليهم لانها سمعة خالتها تكلم بالتلفون صديقه لها تاكد عليها العزومه وتدلها لمكان المزرعه فعصبت لانهم يخبو عليها كل شي وتعرفه بالصدفه فخبرت خالتها انها بتحضر لكن ام تركي رفضت وقالت لها انها غير مرحب فيها معاهم فقامت تصرخ ودخلت سمر وكملت خناق معاها ..... تذكرة الجناح الي خصصوه لميار وتاله وكانت تبي تدخل تخربه لكن تعرف ان تركي بيطين عيشتها لو سوت شي بالجناح وبتكون التهمه عليها حتى لو انكرت فقالت اشوفه على الاقل لكن لقت الباب مقفل بالمفتاح فتوجهة لجناحها وقررة تستلم ميار وتاله اذا وصلو والايام طويله لكن هدفها تاله وتتخلص منها لكن شلون موب عارفه فتحسفت لان لو الياس موجود معاها كان طلع لها الف فكره وفكره تتخلص فيها من تاله ..... هدو ام تركي وسمر تركي بعد ما طلعت اروى لفوق و توجهة سمر للمطبخ تييب له عصير ليمون يهديه ..... ام تركي واهي تطبطب على يد تركي : هد نفسك يمه ...... اي يمه مبروك وعساه ما تفارقك ابد وافرح بعيالك وتاله عروس .... تركي واهو يبتسم لامه : يبارك فيج يمه .... الله يسمع منج وما يحصل شي يفرقنا وانشاء الله تلغي هالشرط ..... ام تركي : اهي كتبته بالعقد ..... تركي : لا ابد قالت ماتبيه ينكتب لان بيحرجنا قبال القاضي .... قالت دامها شهدت الكل علي مالي عذر .... سمر واهي تمد له الكاسه : لانها اصيله وعاقله لو تبي تحرجك كانت كتبته ..... اي بقول لك شي كنت ناسيته من فتره .... تركي بعد ما شرب من العصير : عن شنو ..... سمر : عنك مع ميار .... تذكر لمى خبرتنا ان اروى بتزتك بالمحضر والفيديو للساحر .... تركي : اذكر واهم للحين معاي للحين ماتخلصت منهم ... بس ليش تسالي شالطاري .... سمر : الموضوع ان كل الي عندك مزور ومفبرك ..... تركي بصدمه : شنو ... شتقولي وشلون عرفتي ..... سمر : انا بقول لك الي قاله جاسم والباقي تعرفه من مهران او ماهر لان جاسم يقول ان مهران خبره باشياء ثانيه ... المهم جاسم قال لي ان المحضر ما انذكر ابدا فيه اسم ميار او ملاك ومهران تدخل واكد على واحد مسؤل يعرفه المحضر كله يتلف لو ذكر الساحر اسمائهم لكن جاسم اكد لهم انه ما انذكر ولزمو على جاسم يكتم الموضوع لكن لمى خبرته بكلامك و قال لي السالفه ولمى خبرته بكلام ميار عن ذيك الليله حللها وقال ان اكيد ولد عمها مادخل الا بمساعدة الشغاله والشغاله تعرف ان ميار تشرب من العصير قبل تنام فحطت لها مخدر مؤقت واكيد الياس معطيها اياه و خبرته بنومها ودخل يمثل عليك برجعتك انه كان مع ميار وانها تخونك ..... ام تركي بفجعه : يا الله ليش جذيه هذي بنت عمه ليش يهدم حياتها ما يخاف الله هذا .... تركي : بالاساس انا ماكنت مصدق انها ممكن تخوني لكن الوضع الي شفته يخلي العاقل يجن .... كلام جاسم ياكد ان ميار بريئه لكن هم ابي اعرف كل شي ..... ام تركي : كل الحقيقه عن ولد عمها بتنطر يصحى وبعدها تعدل حياتك معاها ... يا يمه انا ماصدقت ترد لك تبي تطفشها من حياتك انا تكلمت مع امها وقالت لي ميار شرطة هالشرط لانه انطعنت منك وللحين متثره وحتى وصل فيها تضنك متفق مع ولد عمها عشان تخلص منها لانها تضنك رديت اروى من حبك لاروى وانك لعبت بمشاعرها .. سمر : كلام امي صحيح حتى ندى قالت ان ميار بفترت حملها كانت تتعالج عند طبيبه نفسيه من صدمتها فيه وبعد ولادتها دفنت نفسها بتاله ودراستها ووليد ... تركي ميار خسرت وايد فحافظ عليها وانت هم وين كنت ووين وصلت من ردت وانت متغير للحسن .... تركي : لا تخافو انا ببالي احاول معاها نكمل وبحاول اغير رايها بمسئلة الزواج المؤقت لحد تولد ..... سمر بمساير: اي تركي ميار شنو شرطة عليك بروحكم ..... تركي : هههههههه مابقول لج يا فضوليه ... سر بيني وبينها وقبلت فيه لاني مطبقه بدون شرطها .... المهم انا بريح لي كم ساعه عشان الليل من صحيت ما وقفت شغل بترتيبات الليله ... يله بالاذن .... سمر : تركي لحظه بسالك .... ليش رديت اروى جناحكم ..... تركي : اي زين ذكرتيني مابي ميار تعرف شي عن علاقتي باروى ابدا .. ام تركي : ليش يعني ثم اهي بتشوف بعينها .... تركي : لي غرض يمه ابي العب باعصابها شوي .... سمر واهي تحذره : تركي لا تلعب بالنار لانك انت الي بتخسر واذا لعبت باعصابها بييك طفل تعبان او فيه شي لا يمح الله النفسيه مهمه للحامل قبل وبفترة الحمل انتبه ..... تركي : فاهم ولا تخافي قرصة اذن على شرطها وبعدها بتعرف كل شي لا تخافي انا حريص على راحتها ومابي اطفشها مني ... باي ...لا تنسو تصحوني .... صعد تركي لفوق وتوجه للجناح المخصص له مع ميار لانه سمح لاروى ترجع للجناح لانه يبي يختبر ميار بكم شغله واولها حبها له عن طريق غيرتها عليه من اروى وبنفس الوقت يبعد اروى عن ميار لان الغرفة الي تركها فيها جنب جناح ميار فحب يبعدها عنها .... |
مهضوووووومة😍😍 اول مرة اعرف ان عندك رواية . ماشاء الله رواية روعة اول مرة شدني اسم الرواية وبعدها شدني ان انتي كاتبتها وبعدها الرواية بذاتها وهكذا علقت وتم الامر💜💜💜😂😂😂 |
اقتباس:
تسلمي يا عمري والله من ذوقج واتشرف بوجودج بالروايه ورايج وتعليقج يهمني ...🌹 |
البارت الاربعة و الاربعون دخل تركي الجناح بعد ما فتح بالمفتاح وقبل يسكر الباب لقى اروى واقفه جنب الباب .... تركي : شتبين يايه بعد سواتج لج ويه هم موب خايفه اكوفنج .... اروى بدلع ومياعه : ليش حبيبي تكوفني .... انا ماغلط كنت ابي احضر حفلتك وافرح معاكم .... تركي : اي الي ما يعرفج كثري منها تفرحي معانا ... شتبين الحين .... اروى واهي تقرب له : ابي تسامحني على غلطتي وتقبل اعتذاري واعيش معاك زوجه مثلي مثلها تراك ماكل حقوقي من زمان وانا ساكته لكن تردها لا ابي حقوقي مثلها ... اعدل بينا .... تركي : اوووه اروى تكلم عن العدل .... اروى انا تعبان وفرحان لاني رديت ميار وابي اعيش براحه ... شوفي تركتج على ذمتي للحين لاني ما لقيت غلطه عليج لكن اعرف انج تغلطي غير موضوع الرساله الي خشيتيها وحرمتيني من بنتي خمس سنين هذي على مهل باخذ حقي وحق بنتي وميار منج فيها .... تجنبيني يا بنت خالتي وخليني شايل هالقربه لج وحقوقج منهي منها من زمان وكل الي قربتج فيهم ينعدون على الاصابع من يد وحده ما تكمل ... ردتج للجناح لي غايه فيها موب حبا فيج ... والحين فارقي واذلفي من قبالي .... اي اذا يات ميار ابيج تنفذي كل الي بقوله لج بالحرف فاهمه واذا اذيتيها او اذيتي تاله محد يرحمج مني ..... ارتعشت اروى خوف من كلام تركي وخزه لها وابتعدت بسرعه لجناحها بعد ما صفق تركي الباب بويها واهي تعيد كلامه براسها وتفكر انه اكتشف خياناتها له بعد ما كانت تبي تلعب بالكلام معاه وتحاول تقرب منه بغاية قهر ميار لكن كلام تركي يدل على انه مستحيل يفرط بميار ولا يسمح اها تاذيها او تلعب باعصابها لكن بتحاول تلقى لها فرصه بغياب تركي والكل وتلعب باعصابها ...... جهزة ميار وباقي تلبس الفستان الي طلبته لها سناء من اكبر دور ازياء بفرنسا بعد ما كانت بتلبس فستان بسيط وعادي لانها ما تبي تتزين مثل العروس لكن سناء وهناء زوجة ماهر اصرو الا تتزين عروس وامها ساعدتهم بالاختيار ولا كانها رفضت كل شي جهزوه .... تحس بضيق وراحه بنفس الوقت .... اهي تبي تركي وتحبه لكنها متخوفه من انه يعيد ويزيد بشكه فيها وانها خانته واهي ما تملك دليل برائتها وخايفه من اي شي ممكن تسويه لها اروى لانها تعرف كل شي عنها وتخاف يفلت لسانها وتقول كل شي تامنت عليه من سنين تنهدت ولفت راسها بعيد عن الفستان وانتبهت للعلبه الي اعطاها لها تركي وتذكرة شلون سناء وهناء جننوها الا تفتحها وما فكوها الا لمى امها هزئتهم بانها خصوصيات بينها وبين زوجها دامه طلب تفتحها قبل تغير ملابسها وكان امها تعرف شنو داخل العلبه وتو بتمد يدها تاخذها وتفتحها دخلت عليها تاله واهي فرحانه بفستانها الي طلبوه لها مع فستان ميار والباقي ..... تاله واهي تلف حول نفسها قبال ميار: شوفي ماما فستاني حلو صح ... بابا مهران قال اني العروس بدالج ههههههههه ..... ميار واهي تضمها و تبوسها : حبيبتي انتي احلى بنت بالكون كله .... الله يعطيني العمر واشوفج عروس ..... دخلت ام مهران وبيدها علبه مخمليه كبيره : هاااه وريتي ماما فستانج يله روحي لخاله هناء عشان تزينج الخبيره مثل شادن ..... تاله واهي تبوس خد ميار : ابي مثل ماما .... ام مهران : لا حبيبتي انتي صغيره ماما مكياجها لعروس وانتي اميرة بابا لازم مكياجج خفيف وناعم مثلج .... هزت تاله راسها وركضت تطلع واهي فرحانه وميار عينها عليها فقربت ام مهران وقعدت جنب ميار على الكنبه وحطة العلبه بحضن ميار .... ميار واهي تطالع العلبه وبعدها امها : شنو هذا ماما ..... ام مهران : افتحيها ماما وتعرفي ..... فتحتها ميار ولقت طقم من الماس فطالعت امها بعدها ..... ام مهران : تعرفي هذا من من ...... ميار : لا بس لا تقولي تركي ارسله .... ام مهران واهي تضحك : هههههههه لا حبيبتي تركي ارسل لج مع دزتج اذا ما انتبهتي له بالصندوق فالمفروض تلبسيه الليله لكن انا ابيج تلبسي هذا لانه من ابوج الله يرحمه ..... ميار بصدمه : شنو .... ماما بابا توفى واساسا ماكان يعرف انج حامل فيني ... اذا انتي عرفتي بعد وفاته ... شلون يعني منه لي .... ام مهران واهي تضرب ميار على جتفها : اجذب انا يعني .... اسمعي وتعرفي شلون تركه لج .... قبل وفاة ابوج بشهر تقريبا ياني ومعاه هذا الطقم وقال انه حلم باحد يقول له اترك ذكرى لبنتك منك ليوم زواجها فانا ضنيته يقصد سناء لكنه قال انه قال له الصوت بنت يديده بتعاني بحياتها وتتمنى وجوده وانا لازم اسلمها ذكرتك لها بيوم زواجها .... ميار : لكن انا ارد لتركر موب توني اتزوجه يمه .... ليش ما قلتيلي عن هالشي قبل .... ام مهران : لمى تزوجتي تركي كنا بايطاليا وليلة زفافج منه كنت ملبوكه ونسيته وبعدها سافرنا وتذكرته واحنا بايطاليا لكن قلت اسلمه لج اذا رجعنا ولمى رجعنا انتي انشغلتي مع تركي وبعدها حصلة المشكله وسافرنا قلت يمكن موب نصيبج تركي وبسلمه لج اذا تزوجتي غيره لكن امس زارني ابوج بالحلم وطلب اسلمه لج لان تركي نصيبج .... ميار بضيق : ماما انتي تقولي لي جذيه عشان الغي شرطيى.... ام مهران : تشكي فيني ميار ... يعني انا اجذب عليج .... ميار واهي تبوس راس وجتف امها : لا ابد ماما لكن اعرف انج تحبي تركي وما تبينا نبتعد ...تبينه قريب لنا ... ام مهران : فيج وبلياج تركي قريب ولا تنسي تاله تقربه لنا .... اعترفي انج ندمانه على شرطج ..... ميار : لا ماما انا لي غرض بهذا الشرط ... ابي اعرف تركي يبيني او لا لانه قبل عشان يتم الزواج واحمل لكن اذا يبيني فعلا بيتقرب لي ويحاول يكسبني واذا لا مابيهتم ووقتها بتاكد اني ولا شي بحياته ولولا تاله ماردني اساسا .... ام مهران : ومتى بتعرفي كل هذا ..... ميار : اذا حملت وولدت وقتها بيبان كل شي .... ام مهران : زين يمه هذي حياتج وانتي حره فيها لكن لا تنسي اني يمج وحولج ومتى ما احتجتي نصيحه بتلقيني .... ميار واهي تضم امها : الله لا يحرمني منج ... ماما بلبس هذا الطقم وبيكون الاهم عندي والاغلى من اي شي ثاني ... هذا من بابا لي ... شدت عليها امها وبعدتها بعدها لان خافة يخرب مكياجها اذا بجت واقترحة على ميار تغير ملابسها بالمزرعه عشان ما يلبكها بالحركه وفعلا لمت ميار كل الي تحتاجه و خذة هدية تركه وحطتا بشنطة يدها وتوجهو للمزرعه ولمى كانت بتلبس تذكرة الهديه وطلعتها وفتحتها واستغربت لانهة لقت قماش خفيف احمر ولما طلعته فردته وبطلت عينها من الصدمه لان الي بيدها قميص نوم عاري تماما لو تلبسه مايغطي شي الا القليل واهي تطالعه دخلت سناء وشافة القميص فصفرت وميار من لبكتها وتوترها لمته بيدها وخبته بالشنطه .... سناء واهي تركض وتبي تطلع القميص من الشنطه : طلعيه ... هاتيه ابي اشوفه مضبوط ... ميار لا تعاندي هاتيه .... ميار واهي تبعد بشنطتها وتلف فيها بعيد : سناء بلا سخافه بعدي مافي شي ... سناء : بلا في انا شفت بيدج قميص خطير ... ااااه يا خطيره تبين تدوخيه من اول ليله ... ابي اشوفه ثم متى شريتيه من وراي ...وهذي الي تقول لا مابي قمصان نوم خل يولي ...وين كلامج .... ميار واهي تمد لها الشنطه وتقعد على الكرسي بضيق : هذي هدية تركي الي بالعلبه .... تذكرتها وفتحتها ولمى فردته انتي دخلتي ... اصلا استغربت قطعة قماش ليش... اخرها هذا ... سخيف وقذر فعلا .... سناء واهي تطلع القميص وتفرده قبالها : ليش حبيبتي ريال ويبيج تلبسي له ... والله وتركي ذوقه خطير ... شوفي الموديل ... وااااو ميار هذا من نفس دار الازياء لفستانج ... يعني براند ...البسيه تحت الفستان عشان اسرع لج .... ميار : يحلم ... اذا عاجبج خذيه .... سناء : انهبلتي انتي هذي هدية تركي لج تخيلج فيه تبيني انا البسه لا والله واذا سالج تقولي هديته لسناء اي ويه لي اجابله ... ولا تبين هذا يدخل جسمي خلاص مستحيل اوصل لجسمج لو شنو يكون ..... ميار : اوكي خبيه بالشنطه الثانيه واذا رحتي البيت خذيها معاج او عطيها ماما لاني ماباخذ هذي الشنطه بردها البيت ..... سناء : ليش شنو بداخلها هذي الشنطه....... ميار : ملابسي الي بغيرها وملابس تاله يعني يبيلها تنظيف وكوي ... ساعديني اغير هذا الفستان يبيله تسكير من ورى مع هذي الخيوط الي ابلشتوني فيها ..... ضحكة سناء لانها اتفقة مع هناء زوجة ماهر يختارو فستان يتسكر من الظهر بخيوط عشان ميار تحتاج لتركي يساعدها وجذيه ما تقدر تفلت منه لانها خبرتهم انها بتمنعه اول ليله يقربها لحد ما تعود عليه مثل قبل وخبت سناء القميص بشنطة ميار الثانيه الي اكيد بتاخذها معاها الفندق لان تركي خبر مهران انهم بيقضو اسبوع بالفندف وقررة ترسل لتركي رساله تخبره انها شافة هديته مع مياروان ميار رافضه تلبسه او تاخذه معاها وانها خبته بالجيب الامامي للشنطه ..... ابتسم تركي على المسج الي وصله من سناء واهو جنب فهد بالركن الي خصصوه للرجال فلاحظ فهد ابتسامته .... فهد بهمس : فرحنا معاك ليش شاق الحلج جذيه ... تركي واهو يدخل التلفون بجيبه : ابد لكن سناء مرسله لي مسج تساعدني على ميار فابتسمت للي كتبته .... فهد : الله يستر على هالمسكينه منكم ... الا شلون كسبتهم بهالسرعه .. تركي : افا ليش انا ما انحب ..... كلعم سامحوني لاني معذور بضنهم فيني ... ثم انا اتقرب لهم ابي اكسبهم مابي اهل زوجتي يكونو شايلين بقلبهم علي .... فهد واهو يبتسم براحه : الله يتمم عليك بخير وييكم فهد صغير نفرح فيه. تركي واهو يرفع حاجب : من الي بيسمي فهد ... فهد : انت ... لا تقول مابتسمي باسمي ... شوف انا سميت باسمك واجلت فيصل عشانك ... اذا سميت بدر ادفنك مكانك فاهم .... تركي : هههههههه اذا عطيتني ضمان ان ميار تقبل نييب غيره اسميه باسمك اما اذا تمسكة بشرطها فاسمح لي اسم ابوي اولى .... فهد بغيض : اخوك سمى باسم ابوك ... لا تعذر ... انا بنتظر لحد ما ايي واذا سميته بدر اتركك زين ...... مات تركي ضحك والكل لف يطالعه فانتبه لهم ومسك ضحكته وحط يده على فمه ولمى تماسك تعذر منهم لكن كان ماسك ضحكته لا يرجع ينفجر بالضحك وفهد جنبه يخزه ..... جهزت ميار وطلعت على زفه قصيره لانها رفضت لكن مع اصرار الباقي قبلت بشرط تكون قصيره وقعدت بالمكان الي خصصوه لها وكانت بكرسي مرجيحه خشب طبيعي وشكلها خيال وتسع لشخصين و وبعد مده عطو خبر ان تركي بيدخل وكانت تاله معاه ماسكته من يده وفرحانه ولمى وصلو لميار وقفت ميار ومسكت تاله يدها وحطتها بيد تركي والكل صفق لها وتاثرو من حركتها حتى ميار وتركي وكان بهذي الحركه تقول لهم خلونا نعيش اسره سعيده فابتسم تركي لها ونزل لمستواها واهو ماسك يد ميار وباس خدها وجبينها .... تاله واهي تبوس خد تركي : مبروك بابا نبيك دايما معانا .... تركي : الله لا يحرمني منج يا نور عيني ... حبيبتي انشاء الله نبقى مع بعض على طول ولا شي يبعدنا .... وقف تركي وطالع ميار وتاملها لقى قباله ملاك فغمض عينه واهو يستنشق عبيرها فتح ولقاهة قباله فباس يدينها وقرب لها وباس جبينها وخدها بعدها قعد جنبها مثل ماخبرته سناء .... تركي بهمس : مبروك عليج انا .... كانت ميار ترجف واهو ماسك يدها وقاعد جنبها وردت بهمس حتى انه ما سمع شتقول لكن فهم انها ترد على مباركته .... تركي واهو يضغط على يدها ويهمس : شنو بردانه ... تبين ادفيج .... ميار بهمس و رجفه وعينها على تاله قدام : لا و لا تفضحنا بحركاتك .. ابتسم تركي على كلامها وخوفها من انه يتصرف تصرف يحرجها فلف يده حول خصرها واشهقت واهي تلف تطالعه فمسك ضحكته لكن ابتسم.. تركي لسمر : سمر هني شبكة ردتها لي خلينا نخلص ابي اتوكل واطلع بزوجتي .... سناء واهي تقرب لهم وبهمس : تركي ماله داعي تغير طقمها ماما تقول الكل تفرج على شبكتك لان الي عليها ذكرى من بابا لميار ... لا تطالعها متعجب تخبرك بالسالفه اذا صرتو بالفندق .... بنفتح البوفيه عشان تقدرو توكلو .... ميار بهمس : سناء تاله مع من بترجع انتي او ماما ..... سناء : ومن يتجرء يقرب لها و بابا مهران ولودي هني على قولت بنتج ... مهران اكد على ماما بيباتو هني كلهم وتاله معاهم .... بييب لج الرداء عشان تروحي مع زوجج ...... ميار بعد ما رجعت سناء بالرداء واهي تلبس : سناء تاله تنام مع ماما اخاف تصحى و تطلع من جناح مهران وتروح مكان اهي ما تعرف كل مكان بالمزرعه انتبهو لها لا تقرب جهة العمال ..... سناء : لا تخافي ماما مستحيل تتركها تنام مع مهران ... بتكون بحضنها ... يله انتي جاهزه غطي شعرج بالقبعه ...... رفعة ميار القبعه ومسك تركي يدها وسلمو على تاله وام تركي وام مهران وطلع فيها قبال قسم النساء وكانو اخوانها وابو تركي ينتظروهم فسلمو عليهم وباركو لهم مع توصيات مشدده من مهران وابو تركي لتركي وبعدها صعدو السياره وتوجه للفندق وطول الطريق وميار ساكته فاحترم تركي سكوتها لانه سالها اذا ناسيه شي ياخذوه قبل يمشو للفندق فهزت راسها ولا نطقت بحرف ولمى وصلو الجناح المخصص لهم دخلت واهو شكر العامل الي حمل الشنط وعطاه اكراميه وسكر الباب وكانت ميار واقفه بالصاله للجناح ولا نزلت القبعه او الرداء فقرب لها تركي وفك الرداء واهو واقف وراها ونزله عنها ورماه على الكنبه ولف يدينه حول خصرها وحس برجفتها ولصق ظهرها بصدره فهمس باذنها .... تركي بهمس واهو يتنفس عطرها ويمرر شفاته على رقبتها واذنها : خايفه مني ..... ميار واهي على وضعيتها وبصوت يرجف : وليش اخاف .... انت وحش تركي واهو يبتسم ويكمل تمرير شفاته على رقبتها : اي وحش ... عيل ليش ترجفي ..... ميار واهي تفك يدينه وتبعد وتلف له : تركي .... شوف انا متوتره من هذي اللحظه ... حاسه وكاني توني ...... ااااه تركي بعد الحين انا متوتره وبس ..... تركي واهو ينزع جاكيته ويفك الجرافه : عادي وطبيعي لاي عروس باول ليله حتى لو عندها خبره سابقه .... اهي اول لحظه وبعدها تعودي مثل قبل .... تعالي ابي نتكلم مع بعض واتركي عنج التوتر والخوف .... مسك يدها وسحبها معاه للكنبه وقعدها جنبه فبقى ماسك يدها ويلعب باصابعها فطالع ويها وكانت منزله راسها ورفعه بيده الثانيه .... تركي بهمس وويهه قريب من ويها : احنا الثنين قبلنا نرجع لبعض عشان تاله لكن كل واحد له اسباب ثانيه ... مابي نبدي حياتنا مع بعض بشد ورخي بالكلام والفعل ابي نفتح صفحه يديده نعيشها مع بعض بكل ظروفها ونحاول نعوض السنين الماضيه واحنا مفترقين ...... ميار : الاهم تاله .... اهي الي محتاجه للتعويض عن عدم وجودك بحياتها كل السنين الماضيه ..... تركي واهو على وضعه : ومن سبب كل هذا ... ميار واهي تطالعه بعصبيه : لا تتهمني فاهم انت لك يد بكل الي حصل وزوجتك المصون .... لا تطالعني جذيه ... عارفه بتقول لا تكلمي عنها ... هذا الواقع وانا ما غلط عليها ..... تركي واهو يمثل العصبيه : اي لا تكلمي عنها ... اذا انا معاج مالج دخل فيها لا تييبي سيرتها فاهمه ..... ميار بعصبيه : ليش خايف يتلوث ذكرها على لساني .... انا ماغلط على غاليتك بالكلام .... تركي واهو مواصل بتمثيله : لا غلطي قلت لا تييبي سيرتها اهي بحالها وانتي بحالج فاهمه تكلمي عن الكل الا اهي مفهوم .... من البدايه اقولها حياتج معاي بصوب وحياتها معاي بصوب لا تحشريها بكلامنا ...... ميار واهي تدفه من صدره وتوقف : بعد هذي من اولها تخانقني عشانها انا قلت ردتي لك غلط بغلط ...... مشت ميار بسرعه للغرفة وكان تركي مصدوم من انفعالها بهذي الطريقه فلحقها لا تتهور وتاذي نفسها ولقاها تفتش بشنطة يدها وتطلع تلفونها وتو بتتصل سحبه منها بسرعه ودخله بجيبه .... ميار بعصبيه واهي تمد يدها : هاته ... هات تلفوني عبالك بتركك تمد يدك مثل قبل وتاخذ تلفوني تقطعني عن اهلي هاته .... وجعه كلامها لانها ذكرته بسواته قبل لمى حرمها من الكلام مع اهلها وعذبها فتنهد وقرب لها ومسك يدها وسحبها وضمها وحس انه زودها معاها ولازم يتكلم معاها ويفهمها وضعها بحياته لكن ما يخبرها بعلاقته باروى شلون صايره وانه قريب يطلقها لانه مهد ليدته ..... تركي واهو يشد عليها ويحاول يهديها لانها تصده : شششششش اهدي ... كنت امازحج ... ميار انتي مكانتج مثل ما اهي الا زادت انتي الغاليه وانتي كل حياتي ... انتي ام بنتي الي نورة حياتنا لا تقولي ردتنا لبعض غلط ... تعب تاله عدم وجود متبرع سبب لردتنا لبعض لكن بالحقيقه انا ينيت لمى ضنيتج متزوجه من غيري وعيلتي ..... ميار واهي تبجي وتشد على قميصه : شلون اصدقك وانت للحين تشك فيني .... انا ..... تركي بعد ما لاحظ سكوتها : ميار احنا محتاجين نتصارح بمشاعرنا والي نفكر فيه ... توافقيني الراي .... ميار واهي ترفع راسها وتطالعه : اوكي لكن موب الحين لاني تعبانه ابي اريح .... تركي واهو يغمز لها : اي انا هم ابي اريح ... الا وين هديتي لبستيها ... ميار واهي ترجف وتبعد بسرعه عنه : سخيف ... تركي واهو ميت ضحك ويسحبها من يدها ويضمها من ورى : ههههههههه جبانه ... بعطيج اجازه الليله لكن ابي بكره هديتي لج .... ميار واهي متوتره من ضمه لها لكن مرتاحه بداخلها : ممكن تتركني الحين ابي اغير ما اضن ينفع انام بهذي الملابس .... فكها تركي وتوجهة لشنطتها وخذت بجامه وكم شغله وتوجهةللحمام وتركي يطالعها ويتامل كل حركاتها فتنهد وطلع للصاله بعد ما خبرها تلحقه عشان العشا لانه يعرف انها ماتعشت وطبعا كل الاخبار وصلته من سناء وسمر فابتسم عليهم ثنتينهم لمى كلموه قبل يدخل لميار بالمزرعه وكل وحده تخطف التلفون من الثانيه وتعطيه معلومه لكن اخر المكالمه قالت له سناء انها تساعده لان سمر وضحت لها شلون حياته كانت بغياب ميار وعلاقته مع اروى شلون وخبرته يكون حنون مع ميار ويساعدها تخبره بكل شي تحسه وحسته بغيابه لان بيساعده بحياتهم واكدت له ان ميار مستعده تكمل معاه لكن تبي تطمن ما ينعاد الماضي حتى لو انه يحب اروى وان ميار ام لبنت لكن تعرف مكانها الفعلي وين ويبعد حياته مع اروى بعيد عن حياته مع ميار .... كل كلام سناء اكد له برائة ميار لانه عارف ان الياس تعمد يشككه بعفتها لكن متى كل هذا بعد ما خسرها وتسرع بطلاقها ..... تنهد ورفع راسه وابتسم لمى لقى ميار واقفه جنب باب الغرفه واهي ببجامتها و يحسها خجلانه برغم انها زوجته وام بنته لكن تبقى فيها البرائه فاشر لها تقرب وتقعد جنبه فلمى قربت وتو بتقعد جنبه سحبها وصارت بحضنه .... تركي واهو يثبتها لانها كانت بتقوم : ميار .. اهدي وخلينا نقرب لبعض ... مشتاق لج وانتي بحضني ..... ارتعشت ميار وطالعته ووجها بوجهه : تركي ... تركي واهو يمرراصبعه على شفاتها : قولي اسمعج .... ميار : ابي اكلم ماما اتطمن على تاله .... طلع تركي التلفون ومده لها واهو يطالعها شلون تتصل و يتامل شكلها شلون تغير وصارة ناضجه اكثر وانوثتها طاغيه وجسمها متناسق اكثر من قبل برغم انها ام فباس رقبتها واهي تكلم امها وارتعشت وتلخبطت بالكلام فمسك ضحكته واخذ منها التلفون يكلم امها واهو ماسك ضحكته.. تركي واهو يكلم ام مهران : خالتي شلون تاله .... ام مهران : تاله فرحانه وكاهي ترقص مع البنات ... اختك ملاك وبنات عمك مستلمينها الا يعلموها ترقص .... تركي ميار فيها شي .... تركي واهو يمرر اصبعه على خد ميار : لا خالتي لا تخافي الامور تمام وببيض الويه هذي المره ... خالتي كلمي بنتج تهدى شوي .... ام مهران واهي فاهمه قصده : والله اهي بين يديك ومثل ما شكلتها على هواك قبل تقدر تسترجعها الحين لكن خل ببالك بدون الصراحه والوضوح مابتقدر تنسى وتعيش انت معاها ... الكلام وحده ماينفع لازم تتصارحو وتفتشو عن السبب بفراقكم قبل ويتحاسب كل مخطي ... تركي خلك صريح معاها اذا موب الليله بعد مده عشان كل واحد يعرف مكانه وين .. تركي : فاهمج خالتي فاهمج وابشري .... تطمني ... اتركج خالتي وبنتي امانه لبعد اسبوع نشوفكم .... سكرت ام مهران واهي تدعي لهم وتحمد ربها ان اتصالهم يا بعد الي حصر بعد ما اخذ تركي ميار لان اروى دخلت عليهم واهي لابسه فستان عروس وداخله بزفه ومعاها كم وحده من صديقاتها لكن خاب املها لمى عرفة ان ميار وتركي طلعو لكن تاله ماسلمت منها لانها صرخت قبال الكل عليها وكررة نفس الكلام لها بانها اذا راحت البيت بتموت فخافة عليها ام مهران وسكرة اذانها لكن تاله سمعتها وصارت تبجي ولولا ملاك وبناتها وبنات عمهم حاولو معاها يضحكوها ويعلموها الرقص ولا نامت ببجيها وكان ميار حاسه ان تاله تبجي واتصلت بلحظة ما قامت ترقص ..... احترم تركي رغبت ميار بان ما يقرب لها باول ليله برغم انه يبي قربها واكتفى بنومه جنبها .... لكن ميار كانت تحس بكبت على صدرها حاسه ان تاله فيها شي فموب قادره تنام ولمى لاحظت ان تركي انتضم تنفسه سحبت نفسها من بين ذراعاته ونزلت من السرير ولبست الروب وخذت تلفونهة وطلعت للصاله وقعدت على الكنبه وشيكت اذا ريان او ركان متصلين لو لا ولقت ريان فكتبت له تبي تكلمه فرد عليها على طول اذا تركي اذاها او سوى لها شي فنفت واكدت له انها بخير وكل شي تمام فخبرها انه بيتصل فيها فردت على طول عشان تركؤ لا يسمع صوت الرنه .... ريان بمزح : ول عليج حتى رنه وحده ماكمل .... هاااه الافندي وينه عنج المفروض الحين دايخ معاج ...... ميار بعصبيه لكن بصوت واطي : يا قليل الادب والله لولا ان تركي نايم كنت عليت صوتي وعلمتك الادب .... وين ركون .... ركان بعصبيه : ركون بعينج اسمعج يا هبله وينه عنج تاركج تكلمي انصاف الليول ..... ميار : ول عليكم محد يتنقرش فيكم ... ثم زوجي مالك دخل فيه فاهم ... ريان واهو ميت ضحك : ههههههههه اقول ميرو فتحي الكام ابي اشوف جناحج .... ميار : فاهمتك يا خبيث اعرف شتبي ....حيوان .... ريان : اذا انا حيوان ريلج شنو يكون من قبل تكلمينا ... قولي شنو حصل بينكم ... علمينا يمكن نستفيد لاول ليله ..... ميار : ماقلت لك انك حيوان .... ركان خذ حقي منه لانك يمه ... ركان : لا توصي صفقته على راسه من يصدق ان هذا ضابط .. المهم ميور ليش متصله ما تكلمتي الا فيج شي قولي الثج تركي ضايقج بشي كلام او فعل .... ميار : طبيعي يصير تج بينا وخصوصا مع كل الي حصل لنا لكن عدت واحنا تمام ومتفاهمين تقريبا ... المهم تاله بخير اتصالي لها .... ريان : تاله باتت مع يدتها ام ابوها يدها اصر تنام معاهم الليله يقول يبونهة تعود وماما قبلت ومهران سكت ..... ميار بضيق : خايفه حاسه فيها شي .... اخاف اكلم ماما ام تركي تضن اني موب مستامنا على تاله عندها ..... ريان : بصراحه حسيت ماما ماتبي لكن لنفس سببج تركتها حتى مهران اول مره يسكت ولمى راحت له تاله تودعه نزلها بسرعه وبعد عنها .... ميار ماكلمو تركي ... ميار : لا لكن قلبي مقبوض .... ركان : ميار استهدي بالله واقري لج كم ايه ونامي والصبح كلميهم او اطلبي من تركي يكلمهم وتطمني عليها او رجعو بيت اهله وتلقيها هناك ميار : باخذ لكلامك واحاول انام والله موب مرتاحه ابي اتطمن عليها ... ريان : اهدي ولا تخافي ماما تركت كل ادويتها بسنطتهة وخبرت يدتها بكل شي يخصه .... ركان : اي ميار لا تنسي تاخذب شور وتوضي عشان تلمسي القران وانتي طاهره ..ههههههههههههه ميار بعصبيه : انت وياه حيوان واذا التقيت فيكم بذبحكم .... يله فارج انت وياه يا عديمين الذوق ..... سكرت ميار واهي مبتسمه لان سكرت واهي تسمع صحك ريان وركان عليها لانهم شاكسوها بهالموضوع لانهم يعرفو انها ما تحب تكلم بهذي الامور ابدا معاهم .... وقفت ميار ولفت وتصنمت مكانه لمى لقت تركي واقف جنب الباب ومستند عليه ومكتف يدينه على صدره يعني كان من فترة هني لكنها ما حست عليه .... تركي بصلابه واهو على وضعه : من تكلمي هالوقت .... ميار واهي تمشي جهة الغرفه : وليش تسال ..... تركي واهو يدخل وراها بعد ماتعدته : ابد طوف الي معاج ... اصحى من النوم ما القاج جنبي واطلع اقاج متسحبه وتكلمي بالتلفون مع من تكلمي يا مدام بهذا الوقت ..... ميار واهي تطلع جلالها وسجاده من شنطتها : ريان وركان واذا شاك عندك التلفون فتش بالمحادثه لريان واتصل بتلقاه صاحي مع ركان ... تركي واهو مستغرب : ليش مكلمتهم او اهم الي مكلمينج .... ميار واهي تلف وتقعد على الكرسي بضيق : انا كلمت ريان بالمحادثه واهو اتصل فرديت عليه دايركت وتكلمت معاه ومع ركان وكنت اسال عن تاله لان قلبي ناغزني عليها فقالو ان امك خذتها بطلب من ابوك لان يبيها تتعود وماما ومهران ماعارضو وخذوها معاهم وانا موب مرتاحه حاسه فيها شي ... لكن خجلانه اكلم امك واسالها عنها اخاف تحسس وتضني ما امن بنتي معاها ..... في سبب ثاني .... حس تركي بضيق لانه ضايقها باسالته وحسسها انه ما يثق فيها لكن اهو تضايق لمى ما لقاها جنبه وضن انها ما تبي تنام جنبه .... مشى لها ونزل قبالها على ركبه ورفع راسها ومسح دموعها وسحبها يضمها فبجت اول ما دفنت نفسها بصدره واهو يمسح على ظهرها وباس راسها .... تركي : اهدي اهدي حبيبتي تاله بخير ... بسج بجي هذي اول ليله وبجيتي وايد الي يشوفج يقول مغصوبه على الزواج ... اهدي انا اليف ضحكة ميار واهي دافنه ويها بصدره فابتسم تركي ورفع راسها وباسها على عينها وحط جبينه على جبينها .... تركي : مابي هذي العيون تذرف الدموع ... ابيها تفرح ... تبين تطمني على تاله الحين اكلم ابوي وتطمني اوكي .... هزت ميار راسها وبعد تركي واخذ تلفونه ورجع جنبها ولف يده حول جتفها وقربها منه ولمى رد ابوه طمنهم على تاله وخبرهم انها نايمه معاهم بسريرهم وصورها لهم وارتاحت ميار لمى تطمنت على بنتها .. تركي واهو يهمس باذنها ولازال لاف يده حول جتفها : تعرفي برغم اني ما احب تبجي لكن شكلج عذاب بعد البجي .... ابتسمت ميار ولا فهمت قصده فعض طرف اذنها وميار نفضت وضحك عليها تركي وهمس لها .... تركي بهيام وهمس : ابيج .... مشتاق موت .... ارتعش جسم ميار وسكتت ونزلت راسها خجلانه من طلبه الصريح فاعتبرها تركي قبول فقرب لها ومسك ويها من ذقنها ولف ويها له وباس شفاتها بنعومه وبالتدريج تعمق ببوسته لها وماتحمل ونزل على رقبتها وميار تنفسها يتسارع مع تركي فحملها تركي بسرعه للسرير واهو متلهف لها وووووووووووو |
واو روعه تسلم ايدك |
[quote=ام سلما;15581353]واو روعه تسلم ايدك[/quote اهلا ام سلما ... اشكرج حبيبتي وانتظري التكمله لان النهايه قربة ..... |
انتهتِ المواسمُ يا صاحبي وقد خَلَتْ أيام الله؛ ذهبَ رمضان ومرّتِ العشرُ الأواخر، وقد مضَتْ ليلة القدر وما أدراك ما ليلة القدر، وكبّرنا الله على ما هدانا، وانتهى عيد الفطر وقد ولّى زمنِ الاعتكاف، انتهتْ في لمح البصر الليالي العشر من ذي الحجة وقد مَنَّ اللهُ علينا ببلوغ يوم عرفة العظيم وبلوغ الدعاء فيه، ثم أتى يوم النحر فذبحنا طاعة لأمر الله، وأكلنا مما رزقنا لحمًا طيبًا، وكادت تنتهي أيام التشريق كلها.. انتهى كل شيء يا صاحبي ولم ينتهِ القرآن بعد، ولم تنتهِ الصلاة، ولم ينتهِ الدعاء والسجود والقيام والصدق مع اللهِ، فتذّكر دائمًا قوله تعالى « يَا أَيُّهَا الَّذِينَ آمَنُوا اتَّقُوا اللَّهَ وَكُونُوا مَعَ الصَّادِقِينَ» وإياك أن تكون عبدًا موسميًا تعبده بصدقٍ في أيامٍ وتغدر وتفجر في أيام أخرى، انتهى كل شيءٍ يا صاحبي ولم يبقَ لك إلّا الله. |
( لا اله الا الله محمد رسول الله ) إن الإنسان يولد في هذه الدنيا بقدرة الله عز وجل، ويعيش طوال حياته وهو في كون الله وملكوته، فلا يقدر على فعل شيء في كون الله إلا بإرادة الله عز وجل، ويرغب الإنسان المسلم أن يتقرب من الله وخاصة عندما يتعرض لأي شيء ينغص عليه حياته، فإنه يلجأ إلى الله سبحانه وتعالى، ويرغب في التقرب إليه، لأن الله تعالى هو الوحيد القادر على إسعاده. ويعد اجمل دعاء للتقرب الى الله عز وجل من الأدعية التي يبحث عنها الكثير من الأشخاص لكي يتقربوا من الله سبحانه وتعالى، ولا يوجد أفضل من الدعاء إلى الله والتضرع إليه بأفضل عبارات الدعاء والخضوع والاستسلام له وحده، حيث أن الله هو الركن المتين الذي يلجأ إليه العبد عندما تضيق عليها الدنيا، فالله تعالى لا يرد عبد ذهب إليه، كما أنه يتقرب إلى العباد الذين يرغبون في التقرب إليه. إن أهمية اجمل دعاء للتقرب إلى الله عز وجل تلعب دوراً كبيراً في تقرب العبد من ربه، حيث أن الله يحب سماع صوت عباده، كما أن أهمية اجمل دعاء للتقرب إلى الله عز وجل تتمثل في السكينة وطمأنينة النفس التي تحيط بالإنسان عندما يردد أدعية التقرب من الله عز وجل، وتجعله لا يخشى شيء سوى الله تعالى، مهما تعرض لأي شيء. |
اجمل دعاء للتقرب إلى الله عز وجل اللهم يا حي يا قيوم، يا ذا الجلال والإكرام، أسألك باسمك الأعظم الطيب المبارك الأحب إليك الذي إذا دعيت به أجبت وإذا استرحمت به رحمت، وإذا استفرجت به فرجت، أن تجعلنا في هذه الدنيا من المقبولين والى أعلى درجاتك سابقين. واغفر لي ذنوبي وخطاياي وجميع المسلمين، اللهم اغفر لي وعافني واعف عني واهدني الى صراطك المستقيم وارحمني يا أرحم الراحمين برحمتك أستعين، سبحان الله والحمد لله ولا إله إلا الله، والله أكبر ولله الحمد. أستغفر الله عدد خلقك ورضى نفسك وزنة عرشك ومداد كلماتك، اللهم اغفر للمسلمين جميعا الأحياء منهم والأموات وأدخلهم جناتك، وأعزهم من عذابك، ولك الحمد ، وصلى اللهم على أشرف الخلق سيد المرسلين محمد. اللهم لا تحرمني وأنا أدعوك وتخيبني وأنا أرجوك. اللهم أني أسألك يا فارج الهم ويا كاشف الغم يا مجيب دعوة المضطرين يا رحمن الدنيا يا رحيم الأخرة ارحمني برحمة تغنيني بها عن رحمة من سواك يا أرحم الراحمين. اللهم لك أسلمت وبك آمنت وعليك توكلت وبك خاصمت إليك حاكمت فاغفر لي ما قدمت وما أخرت وما أسررت وما أعلنت أنت المقدم وأنت المؤخر لا إله إلا أنت الأول والأخر والظاهر والباطن عليك توكلت وأنت رب العرش العظيم. |
البارت الخامس والاربعون صحى تركي واهو مرتاح لاول مره من افترق عن ميار ولف ويهه يطالعها واهي على صدره وغاطى بنوم عميق وابتسم على شكلها واهو يتذكر شلون قاومته بالبدايه لمى حست على نفسها معاه مثل اول مره له معاها وكانت فعلا كانها بنت بنوت بكل شي حصل بينهم وتذكر كلام الدكتورة النفسيه الي استشارها قبل يملج على ميار لانه حس انه متوتر من لقائهم اول مره فلجئ لهة لان سمعتها تسبقها فخبرته بعد ما وضح لها كل شي حصل بينه وبين ميار من تعرف عليها لحد اليوم الي راح لها فيه فقالت له لا يتسرع بمقاربه لميار لانها بتكون متوتره اكثر منه لان بذاكرتها منظره مع اروى واهو بفراشها وهم شكوكه ببرائتها ووضح تركي للدكتورة انه يعرف ان ميار مستحيل تخون لكن منظرها ما يغيب عن باله فاكدت له لو ترك هالشي بباله مابيقدر يقرب لها ويعيش معاها مثل ما اهو يبي فطلبت منه يذكر كل لحظاته الحلوه مع ميار ويتناسى اي شي سيئ مهم كان ويدرب نفسه على التماسك لو حس ان لسانه بيفلت بكلام غلط يذكر فيه الماضي وقدر فعلا يسيطر على انفعالاته وكان كل الي بباله كل لحظاته الحلوه مع ميار وقت الي يقاربها فيه وحس انها ترجف بين يديه مثل اول مره قرب لها فيه .... اتبه على انها تحركت فطل عليها وانتبه لحركت جفنها وتاكد انها صاحيه فنزل لجفنها وباسه واهو يبتسم على احمرار ويها .... تركي بهمس : عارف انج صاحيه .... فتحي خليني اشوف عينج ... ما تحملت ميار لانها محرجه منه فتو بتلف تبعد عنه لكنه شد عليها له ونزل بوس فيها فصرخت ميار وتركي يضحك عليها ..... تركي واهو يلف ويصير فوقها : تبين تهربي مني هاااااه ههههههههه اوريج ..... ميار برجاى واهي تحط بدينها على صدره تمنعه ينزل ويهه لها : تركي لا ... رجيتك لازم اخذ شور تاخرنا على الصلاة .... تركي واهو يمسك بدينه ويبوسهم : اوكي ابعد لكن بعد ما اختم على جسمج كله بشفاتي ..... صرخت ميار لان تركي نزل بويهه عليها وصار يوزع بوساته على كل جسمها واهو يضحك معاها ويشاكسها مثل قبل وكانت ميار مرتاحه انهم عدو هالمرحله بسلام لانها كانت متوتره وخايفه من هذي النقطه ولانها اهي هم كانت تراجع دكتورة نفسيه من كانت حامل بتاله ولحد يوم ملجتهم كانت تكلمها تستشيرها شلون تتعامل مع تركي وسبق ودربتها الدكتورة لمى كانت بكندا على تعدي المرحله وخصوصا ان تركي وقتها كان متزوج اروى و لكن ميار تاثرة لانه غدر فيها وسوى هالشي من وراها وطعنها ومنظره ما نسته لكن ضغطة على نفسها وتماسكت لمى قرب لها وحاولت تصده لكن تعامل تركي معاها خلاها ترضخ له وتسلمه نفسها برضى ...... ببيت ابو تركي كانو كلهم ملتمين وفرحانين بتاله وسوالفها وكان الحياة دخلت للبيت بوجودها وحركتها فيه لكن اروى لها راي ثاني لانها بعد ما طلعت من المزرعه بخيبة امل انها تخرب على ميار وتركي طلعت وتوجهة لاستراحه كانت منقطعه عنها من عرفة برجوع ميار واهي تحاول تقرب لتركي لكن تركي كان يصدها ومن حظها هالشي لان تركي ترك واحد يراقبها من لمحت له ميار بان اروى تخونه لكن الي تركه يراقبها يخبره باماكن تواجدها ومع من ومحد غير صديقاتها وبيت اهلها وبيوت صديقاتها ومعارفهم لكن المخبر تحير شلون يخبر تركي بانها بستراحه مشبوها واهو يعرف انها ليلة زواجه فاجل يخبره لليوم الثاني ولمى اتصل له يخبره كان مصمت تلفونه ومع ميار بعالمهم لكن تركي لمى جهز عشان يروح مع ميار لبيت ابوه وميار تجهز انتبه لاتصال المخبر و قبل يتصل طلعت ميار له جاهزه فابتيم لها ودخل التلفون بجيبه ولف يده حول خصرها وباسها بحب وطلع معاها لبيت ابوه ولمى وصل قبال بيت ابوه ميار تعجبت وسالته .... ميار : تركي هذا موب بيت ابوك ..... تركي واهو يركن السياره : ههههه لا حبيبتي هذا اهو .... شوفي هذا بيت طلال ... ابوي شرى هالبيت اكبرمن القبلي عشان نلتم فيه وكل واحد له جناح فيه يقول يبي احفاد وايد ويبيه يكفيهم ... يله نزلي الكل هني ينتظرنا ..... نزلت ميار ولف تركي لها وشبك يده ببدها وسحبها ولصقها فيه وضحك على نظرتها له لانه فاجاه ويعرف انها ما تحب يسوي جذيه بالشارع ... اول ما دخلت ميار مع تركي فرحة لان تاله ياتها تركض فضمتها وحملتها واهي تبوس فيها بكل مكان بويها وبدينها ..... ميار واهي تبوس تاله : حبيبتي وحشتيني .... انتي بخير حبيبتي .... تاله واهي تلف يدينها حول رقبة ميار وتلصق خدها بخد ميار : اي ماما انا بخير لا تخافي ... ماما اشتقت لج وايد والكل هني يحبني ..... ميار : تعبتي ديده ... ازعل منج .... تاله واهي تبوس خد ميار : ماما ... انا تاله تربية مهوري ...... تركي واهو ياخذ تاله ويبوسها : السلام بس لماما وبابا وين .... انا زعلان منج .... تاله واهي تبوس خدود تركي : لا لا كلشي الا زعل باباتي .... وهذي بوسات لك .... تركي واهو يقرص انفها : زعلي لانج تفضلي مهورج علي .... ميار واهي تحط يدها على جتف تركي : اذا ما قالت انها تربيته جحدته وما اضنك تبيها تجحد الي رباها بغيابك وانت دورك الياي ..... ابتسم تركي وقرب بيبوس ميار لكنها فهمته وبتعدت بسرعه وتوجهة للكل تسلم عليهم وعين تركي عليها يتوعدها بنظراته ...و بعد السلامات قعدو جنب بعض وتاله بحضن تركي .... طلال لتاله : الحين خلاص عفتي لعبي ولصقتي بابوج تعالي ابوج عريس يديد تخربي عليه ..... خجلت ميار وطالعها تركي واهو مبتسم وبعدها ضحك بصوت عالي .... تاله : بابا ليش تضحك .... تركي : ابد حبيبتي لكن عمج يذب كلام وناسي ان ماما تخجل من ظلها ... الا قالولي انج رقصتي امس صح .... تاله بخجل : بابا .... عميمه ملوكه وبنات عمك اهم علموني ..... اي بعد ما .... قاطعتها ام تركي بسرعه لان ما تبيها تخبر تركي وميار موجوده لان ما تبي ميار تتضايق .... ام تركي : اي تاله حبيبتي تعالي وخذي تلفوني وري بابا وماما رقصج انا صورتج عشانهم ..... الكل طالع ام تركي وفهمو قصدها عدى تركي وميار وابتسمو ونطت تاله ليدتها وخذت التلفون ورجعت لتركي وميار وصارت بالنص بينهم واهو يشوفو معاها الفيديو ..... طلال بهمس لسمر : ول امي بسرعه لحقت عليها .... مركزه معاهم .... سمر بهمس : هههه انت اهبل اكيد لان اشرت لي لمى وصلو على تاله وانا مافهمتها لكن الحين فهمت لانها نست تنبه على تاله ما تخبر تركي وميار .... شوف ما احلاهم .... طلال بهمس : اي شوفي تركي تغير وايد وتحسيه حيا من يديد .... الا بنت خالتج للحين ما يات ..... سمر بهمس : امي تقول ما رجعت حتى الشغاله تقول طلعت بعد طلعت تركي من امس العصر انت عارف تركي تجهز ببيتي ..... طلال : يمه خالتي شلونها الحين ..... ام تركي : احسن .... اي يمه ميار كلمتج لانها قالت لي بتكلمج وتبارك لج .... ميار واهي ترتب شعر تاله : اي يمه كلمتني لكن صوتها تعبان وايد ... ودي ازورها معاج اذا بتزوريها قريب .... ام تركي : اكيد حبيبتي تفرح وايد اذا زرتيها ... تركي بهمس لميار : لا والله وباذن من قررتي .... ميار بهمس واهي تبتسم : باذني وانت مابترفض لانك بتروح معاي .... شنو للحين معترض .... تركي بهمس : اي وابي تراضيني اذا رحنا الفندق ..... تاله بلقافه وصوت عالي : وليش بابا تراضيك بالفندق تراضيك هني .... ثم بتتركوني هني وتروحو ... بيي معاكم ...... طلال بغمزه : اي تروحي معاهم جذيه امج ماتقدر تراضي ابوج .... تعالي تعالي انا العبج... انا لعبتج بهاليوم اكثر مما لعبت عيالي من ببتهم .... ندى : يحصل لك اصلا تلعب الاميرة تاله ... انت لو تعرف جماهيرها شكثر تقول انا الخسران ... صح تاله ..... تاله : اي جماهير خالتو .... ماما خاله ندى شنو تعني .... ميار واهي تبتسم : تقصد خوالج و عمج وكل الي يلعب معاج ماما اعجز اعد كل الي تسحبيهم وتحوليهم من كبار ليهال مثلج ..... تاله : ماما ...ابي لودي امس ما التقيت فيه واليوم هم ... متى نرجع ... ابو تركي واهو يمد يده لها : تعالي حبيبتي مليتي منا .... تعالي .... تاله بعبوس واهي بحضن تركي : لا يدو انا احبكم كلكم وابي ابقى هني لكن هذيك خوفتني البارحه لمى طلعو ماما وبابا ... اهي قالت بموت اذا بقيت هني ..... انصدم تركي وميار وشهقت ميار وخذت تاله لحضنها وضمتها وتركي يطالعهم كلهم بضيق .... تركي بضيق : من تقصد يمه .... يمه من تقصد ... اروى .... ملاك بعصبيه : اي اهي ... قلت لكم لازم يعرف ومردهم يعرفو وتاله للحين خايفه قلتو لا بعدين وتوهم عرسان ... تركي اروى دخلت المزرعه بزفه واهي متزينه مثل العروس الا كانت لابسه عروس وضنت بتخرب على ميار لكن انصدمت لمى ما لقتكم وقطت كم كلمه وصراخها وصل للرجال فرد عليها واحد من اخوان ميار من برى يقول لها المكان يتعذرها وما يبي مزرعتهم توسخ بأشكالها فقطت كل شي ولفت لتاله وقالت لها الي قالته تاله الحين وكانت لاصقه ويها بتاله وتكلمت بطريقه مرعبه حتى خالتي ام مهران دفتها عن تاله وسناء خذت تاله لخالها يهديها وبعدها لهيناها بالرقص لكن كاهي خايفه للحين واروى للحين ما يات البيت ..... تركي : كل هذا يحصل وانا ما اعرف ... اوكي ليش يبتو تاله هني يمه مكانها بحضن يدتها ام مهران اريح لها ..... ابو تركي : يا يبه قلنا لازم تيي هني وتعرف ان هذا بيتها واروى مالها مكان هني ومستحيل تقدر تاذيها ..... ام تركي بعتب : يمه تشك اذا نقدر نحميها لو لا ... ميار واهي توقف وتبوس راس ام تركي وابو تركي : محشومه خالتي انتي امها وبتحميها وترعيها اكثر مني انا لكن تركي يقصد ان تاله متعوده على ماما وماما تعرف لها والي سويتو اكيد لصالح تاله بيعزز ثقتها بنفسها لان لازم تواجه مخاوفها بنفسها .... ابو تركي واهو ياخذ تاله من ميار : هاااه هذا الكلام السنع والصح ... تعالي بابا ليدج واقول لج عن ابوج واهو صغير شكان يسوي لنا .... طلال بضحك : هههههه اي يبه طلع فضايحه لبنته وخل تعرف ابوها شكان يسوي قبل عشان اذا قال لها كنت وكنت تذكره بكلامك عنه وغرامياته قبل ..... الكل ضحك عدى ميار ابتسمت بضيق لانها تعرف ان تركي طفولته مع اروى وغرامياته الي يقصدها طلال اهي اروى ... لف تركي لميار واهو يضحك وانتبه لانها ابتسمت لكن ابتسامت مجامله لكلام طلال وتذكر انه قال لها قبل ان كل طفولته مع اروى فتنهد لان طلال فتح باب جرح ميار بدون قصد .... سمر : ميار تعالي نسوي قعدت حريم ... يله يمه ... ملاك ..ندى ... شنو بناديكم بالاسم يله قومو .... طلال لتركي بعد ما طلعو : تركي ... شنو ناوي مع اروى .... ابو تركي واهو ياشر بعينه على تاله : طلال خذ اخوك برى .... تركي واهو يسحب طلال من قميصه لبرى : تبي تعرف ... تعال .... طلال واهو يمشي مع تركي بالحديقه : قلت لي انك معين مخبر وراها ... لشنو وصلت .. ما مسك عليها شي .... تركي واهو يتصل : لا ... لكن اول مره يكلمني .... بقى تركي يتصل والمخبر ما يرد واستغرب هالشي فضن انه انشغل او مايقدر يرد واهو يسوق فترك الاتصال عليه ودخل يطل على ميار لانه حاس انها متضايقه ومثل ما توقع لقاها سرحانه وخواته وامه وندى يسولفو واهي ساكته ومنزله راسها واهو يعرف حركتها هذي معناه انها تفكر بشي فتنحنح وقرب لهم ومسك يدها واستاذنهم ياخذها يفرجها على البيت والجناح الخاص فيهم فلف فيها البيت وكانو خواته معاهم لكن لمى طلعو لفوق تركوهم عشان ياخذو راحتهم .... تركي واهو يفتح الباب لجناحهم : هذا جناحنا ..... مملكتنا .... ميار شفيج ادخلي .... ميار واهي تلف وتاشر على باب جناحه مع اروى : هذا جناحك مع زوجتك صح .... تركي واهو مبتسم لانه فاهم الي فيها : اي ليش تبين تشوفيه ... عادي اروى للحين ما رجعت ... تعالي .... ميار واهي تطالعه : انت فحصت صح .... متاكد انك ما قربتها من الفحص لهذا اليوم .... تركي واهو يطالع الممر خايف احد ايي ويسمعهم : اي ... ميار ادخلي ونتفاهم داخل ... دخلي .... دخلت ميار ولا طالعت شي او دققت بالاثاث والديكورات وقعدت على كرسي منفرد فابتسم تركي على حركتها الي معناها لا تقرب ومابي اقعد جنبك فقرب لها ونزل بمستواها وحملها وميار صرخت من المفاجاة فضحك على شكلها وقعد مكانها ونزلها بحضنه ولف يدينه حولها يمنعها تنزل لمى حاولت تنزل وسحب شيلتها وفك شعرها والي نزل على ظهرها وغطى جزء منه ويها فبعدها عن ويها لورى اذنها .... تركي بهمس ووجهه قبال وجها : تغاري .... انا وعدتج وقد وعدي واضنه شرط لو اخلفت فيه يخل بصحة زواجنا ... ميار ممكن ترجع لي ميار العاقله المتزنه ... حبيبتي في شي بقوله لج كنت ماجله لكن ما اتحمل اشوف ضيقج هذا .... انا واروى زواجنا شبه زواج على الورق وطول هذي السنين ما قربتها الا كم مره ومعدوده على الاصابع الوحده هم .... قربتها لغريزه بس ومن اكثر من سنه وانا هاجرها تماما حتى اهي بغرفه وانا بغرفه من تركنا بعض .... ميار لا تضني انه سهل علي بعدنا وهم لمى قربتها موب لشخصها لحاجة اي ريال ... ميار ودموعها تنزل : لا تضن هالشي يرضيني اهي زوجتك بشرع الله ورب العالمين بيحاسبك على هالشي ودامك ما تبي تعطيها حقوقها الزوجيه ليش تركتها على ذمتك وحرمتها العيال ... تركي واهو يمسح دموعها : كنت بطلقها لكنها رفضت وقالت مالي حق اطلقها بدون سبب وما تبي غير انها تبقى على ذمتي وما تبي عيال ولا حقوق .... لكن كنت بطلقها لمى اكتشفت انها خبت الرساله الي تركها مهران لي لكن ابوي ذكرني بتعب خالتي ويدتي .... ميار باجل طلاقي لها لوقت مناسب وهم مابي احد يتكلم عليج بيقولو يات و طلقتها منه وتعرفي كلام الناس .... كنت بخبي عليج كل هذا والعب باعصابج لكن قلبي ما طاوعني وخفت الامور تصعب بينا ..... ميار : فاهمه ... اوكي ممكن الحين تتركني انزل .... تركي واهو يغمز لها : لا ليش انا مرتاح ... الا شرايج ننتقل للسرير اضنه افضل .... ميار واهي مبتسمه بخجل : تركي ... احنا ببيت اهلك وهم الكل تحت ينتظرنا ... تركي : يا ليل ما اطولك .... اوكي بقبل لكن لمى نرجع الفندق ابي جرئه وسهره حلوه وهديتي تلبسيها ممكن ..... ميار واهي تتهرب : كان ودي اخذ تاله معانا .... تركي ابيها معاي بعد الي سمعته خايفه عليها ..... تركي : ومن سمعج لكن خايف امي وابوي يزعلو ويضنو ما نثق فيهم ... ثم انا بشهر عسل شنو تاله وسطنا ... كلها اسبوع وتنام معانا .... ميار : لا ليش تو نتزوج او نعرف بعض ... ابي نسكن هني اذا الوضع جذيه تروح وتييب اغراضنا من الفندق وكنسل الحجز .... تركي : احلفي انتي بس ... اقول بعد هذا الاسبوع في سفره لنا انا وانتي وتاله بنسافر ثلاثنا اوكي واضن جذيه تسكتي عن اسبوعنا مع بعض تمام ..... ضحكة ميار واهي تهز راسها له واهو فرح لضحكتها وحس الروح ترد له من جديد و متناسي الماضي لانه يبي يعيش حاضره ومستقبله معاها ونادم على كل لحظه عاشوها بعاد عن بعض .... كان يفكر اوقات لمى فترقو ليش افترقو وكل هالحب بينهم ويرجع يقول لا ما حبها ولا حبته وكله وهم لكن يشتاق لها ويبجي على ذكرياته معاها ويحس انه ممكن يموت لو ما اجتمع فيها والحين يحس انه مولود من جديد وانه ملك الدنيا بردتها له ..... مر اليوم كله واروى ما رجعت وقبل ايي وقت طلعته مع ميار متوجه للفندق قرر يكلم المخبر لانه مارجع كلمه مره ثانيه واستغرب تصرفه فخبر ميار انه بيكلم مكالمه مهمه بالحديقه لحد ما تجهز و تجهز تاله للنوم بغرفة امه وابوه لانهم مصرين تنام وسطهم وهالشي ريح ميار اكثر...... اتصل تركي اكثر من مره والمخبر مايرد وقبل يسكر التلفون رد المخبر وكان صوته باين انه كان يركض فاستغرب تركي .... تركي واهو متعجب : شنو كنت تلعب رياضه او شنو ..... المهبر واهو يبعد اليد الي تلعب بشعره : هاااه ... لا بس كنت بعيد وييت بسرعه للتلفون .... تركي : شنو اخبار الوضع عندك وليش كلمتني الصبح ولمى كلمتك ما رديت ..... المخبر واهو يبلع ريجه : هاااه اي اليوم كلمتك عشان اخبرك ان مدام اروى طلعت بعد ما انت طلعت وتوجهة لمركز تجميل وطلعت منه وكانها اهي العروس وتوجهة للمزرعه ..... تركي واهو يقاطعه : هالشي اعرفه وصلني من الاهل ... اهي وين الحين بعد ما طلعت من المزرعه وين راحت .. . المخبر : بيت صديقتها غزل ... واهي للحين عندها ... انت تعرفها عزبه وما طلعو ابد من البيت ولمى انت كلمتني انا كنت نايم و مساعدي خاف يرد بدالي عليك ..... تركي : اوكي خلك مناوب معاه وبزيد لك مكافاتك اعوضك عن تعبك ... اسمع لا تتصل علي اذا حصل شي بالمسى كلم ركان او طلال معاك ارقامهم صح .... المخبر : اي معاي .... مع السلامه ...... سكر المخبر التلفون ولف على الي جنبه بالسرير يشاركها الخيانه بعد ما سحبته الصبح مع اصحبها لمى لمحه واحد منهم وربطوه وقلعوه كل ملابسه وصوروه وواحد من الشباب يتحرش فيه فصرخ انه بينفذ الي يبونه لكن يمسحو التصوير وقبلت اروى بطلبه لكن بالاوله تركته يقاربها وواحد من الي معاها يصورهم فصار تابع لها بدل يراقبها وينقل اخبارها لتركي .... اروى واهي تبوس خد المخبر واهي بحضنه : برافو .... شاطر لك احلا مكافاه على الي سويته وبدل ما اهو يراقبني احنا نراقبه ونقول له الي يبيه ... هاااه مرتاح الحين او قعدتك بالسياره تراقب احلى .... المخبر واهو ياكل جسمها بعينه ويعض على شفاته برغبه : والله غبي الي يراقبج ويروح على نفسه هالحلى ..... اصلا انا من شفتج اول مره وانا بنهبل عليج ..... ضحكة اروى بمياعه ورمت نفسها على السرير واهي تاشر له باصبعها يروح لها فهجم عليها مثل الثور الهايج والكمرات تصور كل شي يحصل وكلها لحظات وانضمو لهم ثنين يكملو محرماتهم ..... باليوم الثاني اتصلت ام تركي لتركي تخبره ان اروى رجعت و كانت طبيعيه فطلب منها تركي تنتبه لتاله وتبعدها عن اروى لكن ميار خافة واصرت انهم يرجعو ولان تركي يبي يكسبها فقبل وقدم السفر وطلب من امه تجهز شنطه لتاله و خبرو الكل انه بيسافرو ثلاثهم فالكل تجمع ببيت ابو تركي على عزومة عشى سواها ابو تركي بمناسبة ردت ميار لتركي وطبعا خالة تركي حضرة والكل استغرب فرحتها الا ميار لان في سر بينهم والي استغربوه اكثر ان ابو عادل حضر وبارك لتركي وميار اما اروى فالتزمت جناحها بعد تهديد تركي لها لانه ما يبي تضايق ميار بوجودها قبال الكل لانه يعرف ان ميار ما تثق بتصرفاة اروى خصوصا بعد سواتها بزواجهم وفلتو منها لان طلعو قبل وصولها ..... ندى لميار بهمس : بشري .. حصل شي بينج وبين اروى لمى وصلتو اليوم ..... ميار بهمس : لا ... تعرفي خايفه منها جد .... ندى بهمس : تخافي وتركي بصفج ... الا ما استغربتي ييت ابو عادل .... ميار بهمس : لا ليش استغرب انا عارفه ليش يو ... لا تطالعيني جذيه مابقول سر بيني وبينهم حتى تركي ما يعرف ....ثم من وين يبتيها تركي بصفي ... ندى انا مابي مشاكل معاها وانا اعرفها اكثر منكم كلكم ... ثم خوفي على تاله موب علي .... كان تركي مع الريال لكن باله مع ميار وخوفها الزايد من اروى وتذكر شلون فزعت وصرخت عليه يرجعو بسرعه ووصلت لدرجت البجي والترجي .... تعجب لكن حب يهديها ويريحها واذا سافرو يكلمها ويعرف شنو مخوفها لهذي الدرجه لان مهم كانت اروى حقوده وممكن تاذي بلسانها لانه يعرف انها تخاف منه لو تصرفة غلط لكن يعرف ان ميار تعرف اشياء اهو يجهلها .... صحى من سرحانه على يد مهران على جتفه فطالعه يبي يعرف شيبي ولقى الكل يضحك ففهم انهم كان يقطو كلام عليه واهو سرحان ولا سمعهم ..... فهد وهو يغمز لتركي : اقول للحين منت مصدق انك بعيد عنها شنو تتذكر هاااه .... ريان : اقول يا الحبيب محارمنا لا تقرب يمهم بهالسوالف لا اخذ دورها.. ركان صديق تركي : ههههههه والله وراحت عليك فهد ... طلع لك واحد يهدد عشان ميار ..... ركان اخو ميار واهو بدف ركان من جتفه بمزح : قلنا لا تييب طاري محارمنا انت وياه .... تركي هذول على طول جذيه بكلامهم .... ماهر : يكون انت واخوك العقال يعني ... اقول فهد انت وركان لا يهموكم تراهم صرخه وحده من مهران ويشردو .... ركان صديق تركي : هههههه اخرها تشردو من صرخه وانا الي خفة صج منكم .... فهد : غارك ضخامتهم تراهم كبر ميار ... مهران لتركي : تركي ابيك على جنب ممكن .... هز تركي راسه ووقف مع مهران متوجهين لبرى ووقفهم صوت عم مهران قاسم ..... قاسم : مهران ... في شي .... مهران واهو يحط يده على جتف تركي يدفه لبرى : لا يبه لا تخاف كلام بسيط ... ماراح اكله ... امش انت ... مشو ثنينهم بالحديقه لحد ما وصلو للمسبح وكان ضو القمر يعكس على ماي المسبح ومعطي المكان شكل حلو فنزل مهران ومد يده بالماي واهو يحركها لقدام وورى وكانه يلعب وتركي واقف ويطالعه ينتظر يتكلم ومهران طول وكانه يفكر بالي بيقوله لكن مهران يبي يهدى عشان ماينفعل بالكلام مع تركي .... تركي واهو يطالع القمر : قول الي عندك مهران .... مهران واهو يوقف وياخذ منشفه على كرسي استرخاء ويجفف يده : المكان يغري للسباحه .... تركي واهو يبتسم لانه فاهم حركات مهران : ودك تجربه ... اروح واشغل الاناره وارجع لك بمايوه عشان تجربه مع اني عارف انه ولا شي يم مسبحكم بالقصر ..... مهران : ههههههه لا حلوه ... المسبح موب بحجمه او شكله لكن هني مكانه وطريقته وترتيبه حلو ويرغب بالسباحه لكن موب انا الي بسبح فيه .... انت اذا ماعجبني كلامك ..... تركي : هههههههههه اوكي اعتبره تهديد ... لعلمك تراني عوام واعرف اغطس هم ..... مهران بهدوء واهو يقرب لتركي : عارف ... تركي انت عارف ليش رديت لك ميار ..... تركي بخجل : عارف ... مهران انت عارف اني ندمت مع اني معذور لكن انا تماديت وانا الغلطان بكل شي لاني لو كلمتك واخذت بنصيحة فهد ما كنا وصلنا لهالشي .... مهران : بالضبط هذا الي ابيك تعرفه انت الي غلط بالاساس فلا تحمل احد غلطك وميار تحاسبت على طول لسانها عليك وعلى خشها عني الي حصل ... لا تضن كان عاجبني خشها نفسها وتاله عن الكل وسبب هالشي نفسيتها لمى انت تجاهلت وكلنا تضايقنا حتى امي لكن قلنا اهلك مالهم ذنب وخصوصا انهم وقفو مع ميار لكن حالة ميار كانت صعبه واذا خالفنا رغباتها ممكن تننتكس ونخسرها ..... تركي : فاهم مهران وهالشي تعديته .... مهران : لا تركي في شي انت ما تعرفه حصل لميار بفترة حملها بتاله .... ميار انصدمت بتجاهلك وصارت تصيبها حالات هستيريه صدمتها كبيره فيك ياها انهيار عصبي حاد وكان ممكن يوصل لغيبوبه لكن سيطرنا عليها ... محد عرف بهالشي حتى ليلى وندى لان بفترة ازمتها كانت الوالده ترد عليهم وتقول لهم تعبانه ونايمه واي اعذار لكن ميار منهاره والكلام عنك كان يتعبها وعرضناها على طبيبه نفسيه وعدت الوضع بصعوبه .... وقتها حسيت روحي تطلع وانا اشوف بنتي جذيه الكل كان ممكن يذبحك لو لقاك .... تركي ميار عانت وايد وهذي النقطه ماخبرت ابوك فيها ... خبرتك عشان تعرف حجم الوضع الي كانت فيه وتعذر خوفها من مواجهتك لو عرفة بتاله لان ميار كانت منصدمه انك شاك باخلاقها ... فاهم قصدي والي حصل واذا تبي بعطيك رقم دكتورتها تشرح لك اكثر وقبل زواجك كلمتها تهيئها لنسيان منظرك براسها وانت بفراشها مع اروى .... تركي مصدوم من الي سمعه و انهار على اقرب كرسي ودفن ويهه بيدينه فرفعه لمى مسك جتفه مهران وكان ويه تركي كله دموع ولا حس بنفسه لان دموعه نزلت غصبا عنه لاحساسه بالذنب ... مهران : عارف منت افضل منها بالوضع انت شفتها بمنظر ما اضنك تنساه وانت عارف انه تمثيل عشان تشك فيها .... تركي ابيك تنسى وتنسيها معاك انا قبلت بشرطك مع انه مؤذي لميار وتاله هم وجود اروى معاكم متعب لاعصابها واتمنى تحاول تبعدهم عن بعض عشان يكون حمل ميار مريح ممكن .... تركي واهو يوقف ويمسح دموعه : اكيد ولا تخاف انا حريص على راحتها وبعد كلامك هذا بحرص اكثر واروى وجودها لفترة وبعدها بطلقها لكني ماجل لفترة عشان كلام الناس مابي احد يطول ميار بشي وهم يدتي تعبانه مابيها تتعب اكثر لو احد كلمها بشي انت فاهم الوضع شلون ممكن يكون ومكانت اروى عندها .... مهران : فاهم ... خل نرجع مانبي عمي تتلف اعصابه اهو خايف اكون اهددك .... تركي : ههههه يعرفك مجرم .... مهران واهو يمشي مع تركي ويدفه : اقول لو اني مجرم كنت من زمان وريتك الاجرام على اصوله تحمد ربك اني رحيم معاك ... ضحك تركي على حركات مهران لان مهران غير شكل ويهه على اساس انه يخوف لكن شلكه كان يضحك فابتسم مهران واهو يتنهد ... سافر تركي مع ميار وتاله لفرنسا بختيار تاله لانها تبي ديزني وكانت رحلتهم حلوه وحس تركي بجو الاسرة وحمد ربه الف مره انه رد ميار وحاول يعوضها ويعوض تاله ويعوض نفسه السنين الي فاتتهم واهم مفترقين لكن وجود تاله معاهم حرم تركي من ميار لان تاله معاهم دايما حتى وقت النوم تنام بوسطهم برغم ان لها غرفة منفصله لكنها تلبس بجامتها وتنط لهم بوسط السرير بينهم ..... قبل رجوعهم بيومين كانت تاله بغرفتها تغير وميار تو طالعه من الحمام ماخذه شور ومتوجهى لغرفة الملابس عشان تلبس فدخل تركي الغرفة وابتسم اول ما انتبه لها بالروب فقفل الباب وركض وراها لانها فهمته وركضت بسرعه تبي تلبس لكن يد تركي اسرع منها وسحبها وضمها لصدرها وصار يوزع بوساته على كل ويها ورقبتها ..... ميار واهي تحاول تملص من يدينه : تركي .... تركي لا ... تركي تاله هني .... تركي واهو يبوس رقبتها : يا ظالمه وينها .... ميار واهي تضحك وتمسك ويهه ويطالعها : هههههه تركي انا ظالمه .... تركي واهو يبوس خدها : اي ظالمه عيل تبين اشوفج جذيه ولا اقول ظالمه .... ميار الشوق ذبحني صرفي بنتج ... ميار واهي تلعب بازرار قميصه : حبيبي لو اقدر ما اتاخر ثم اهي بنتك هم انا ما يبتها من الهوى ... تركي واهو يبتسم ويعض على شفته السفليه : لا يبتيها من الهوى الي بينا .... اويل حالي على الي تقط كلام ولا تثمن معناه ... دامج قلتي حبيبي وتلعبي بازرار قميصي تصرفي بنتنا لا اتهور واهي بوسطنا واسويها فاهمه ..... ضحكة ميار لمى سمعت طق الباب من تاله فرفع تركي حاجبه و كشر يعني زعلان فباست ميار خده .... ميار بعد ما باست خده : افتح لها وانا بغير ملابسي واتركها تنام وننقلها لغرفتها ولا تهدد لا اعاند لك ..... تركي واهو فرحان مثل الياهل الي راضوه : هييييييييه .... بفتح واذا ما نامت بسرعه بحذفها .... روحي وبسرعه غيري لي اسبوع محروح ... روحي ..... ضحكة ميار عليه و دخلت غرفة الملابس وفتح تركي لتاله وعلى طول ركضت للسرير وتمددت مكانها وبيدها عروستها ..... تاله : بابا انت للحين ما غيرت ملابسك .... تركي : لا حبيبتي باخذ شور وبعدها اغير .... تاله حبيبتي تعبانه .... فيج النوم ..... تاله واهي فرحانه : اول بابا حكاية قبل النوم وبعدها انام ... يله بابا بنتظرك لا تاخر .... كاهي ماما سبقتك ولبست ... ابتسمت ميار على شكل تركي المتورط ويبي باي طريقه يصرف تاله فرحمته ميار لانها ملاحظه انه صار يتضايق من وجود تاله وقت النوم واهي عارفه انه يحب وجودها معاهم لكن يبقى ريال ويبي يلبي رغباته واهي تبي تعيش معاه بدون منغصات لانها قررت تكمل معاه وتبعد فكرة الانفصال بعد الولاده من راسها خصوصا لمى لاحظة تغير حال تاله و فرحتها وتغير تركي وسعادته الي مبينه من عينه ..... قربة ميار من تاله وتمددت جنبها وسندت راسها بخلفة السرير وباست خد تاله ... ميار : تاله باين نسيتي ماما و اخذ الباب مكاني .... ما تبين تسمعي قصصي مثل قبل ..... تاله واهي تلف يدينها حول رقبة ميار وتبوس خدها : لا ماما لا تزعلي تاله تحب ماما وايد لكن بابا قصصه غير وابي اسمعها ... وعشان ما تزعلي بسمع قصتج اوكي بابا انت اجازه اليوم و روح خذ شور .... ابتسم تركي لانه فهم حركة ميار وحس براحه وسعاده لان ميار رجعت له مثل قبل تدور راحته والي يسعده فقرب لهم وباس خد ميار وبعدها تاله ..... تركي واهو يغمز لميار : حبيبتي استمتعي بقصة ماما اليوم وانا باخذ شور مثل ما قلتي و وبعدها نامي اوكي .... هزة تاله راسها بحماس فنزل تركي من السرير وتوجه للحمام ياخذ شور وميار تقول القصه لتاله ولمى طلع تركي من الحمام بالروب لقى ميار تمسح على شعر تالها واهي نايمه فابتسم واشر لميار اذا تاله نامت لو لا فابتسمت له وهزة راسها فقرب وباس خد ميار بسعاده وحمل تاله و طلع فيها لغرفتها ورجع غرفته مع ميار لكن ما لقاها بالسرير فطلع متوجه للمطبخ لانه ضنها راحت تشرب لكن مالقاها ورجع الغرفه لقاها واقفه جنب باب غرفة الملابس وعليها روب قميص نوم طويل فابتسم ودخل وقفل الباب وتوجه لها وضمها واهو يبوسها بشفاتها ومرر يدينه على جسمها وفك حزام الروب ونزله .... تركي واهو يتاملها من فوق لتحت بعد ما غيرة لقميص نوم مغري : احسد نفسي على الكنز الي معاي .... احبج وببقى احبج لاخر نفس اتنفسه .... ميار : اذا انت تحبني فانا اعشقك .... تركي مابي شي يفرقنا او يغير بينا ويزعزع ثقتنا ببعض .... تركي واهو بمرر اصابعه على خدها : افهم من كلامج لغيتي شرطج بالانفصال بعد الولاده .... هزة ميار راسها واهي تبتسم فصرخ تركي من فرحته وضمها وباسها بقوة بشفاتهة وحملها واهو يدور فيها واهو يضحك من فرحته واهي متمسكه فيه من رقبته وتضحك معاه وتوجه فيها للسرير يجدد عهده معاها ويغوصو بعالمهم الخاص ..... |
الفصل جميل تسلمى اروى انسانة قذرة جدا ومقرفة |
تسلم ايدك جميله جدا |
اقتباس:
اهلا رحاب ..... انا بنضري كل انسان سيئ لابد ان فيه حسنات .... اروى تربت على الاهتمام وتلبيت رغباتها مهم كانت ولانها تبي تركي باي طريقه غطت سيئاتها عنه وعن القراب له عشان توصل له باي طريقه تكون ولمى طلقها بعد ما اكتشف خيانتها له وانها غير عن الي عرفها قبل طلعت الشيطان الي داخلها عشان تفرق بين ميار وتركي وتبقى اهي الفايزه وطبعا هذا حال اي احد يكون ضعيف نفس لاهوائه واروى وحده منهم .... قرائه ممتعه واتمنى تعليق على اي شخصيه او حدث بالروايه لاني محتاجه للتعليقات للتحسين من كتاباتي المستقبليه واكون لج شاكره بتواجدج ورايج .....🥰 |
اقتباس:
هلا ام سلما .... تسلمي حبيبتي يسعدني تواجدج .... ودي بتعليق اطول حتى لو كان نقد سلبي على الروايه لان ودي احسن بكتابات اليايه ورايكم يهمني 🥰 |
السلام عليكم ورحمة الله وبركاته ...... صباح الخير .... اعتذر منكم لاني بضطر اتاخر بتنزيل البارت لهذا الاسبوع لظروف خاصه منعتني من تكملة البارت .... اول ما اكمل من كتابت البارت بنزله باي يوم .... مع محبتي ....🌹 |
البارت السادس والاربعون رجعو من سفرهم والكل سعيد لخبر لغي ميار شرطها عدى اروى لكن ما بينت اي ردت فعلا لانها عارفه ان تركي بيحرجها قبال ميار واهي تبي تنتقم من الثنين لانها ماعادت تبي تركي لحب او لاسمه تخفتفي وراه بفعايلها لا اهي تبي تنتقم لكرامتها الي انهدرت على يد تركي من تزوج عليها ميار واهي تغلي بداخلها وحتى لمى ردها ما حست ان كرامتها ردت لها لان تركي متعلق لميار فالي يريحها عذابهم اهم الثنين فكانت تخونه بدم بارد خصوصا لمى دخل الياس بغيبوبه حست ان محد يمسك عليها شي خصوصا لمى كلمها الياس قبل الحادث وخبرها انه بيعترف بكل شي بعد ما يهدو لكن ربكته وصراخه عليها خلاه ما بنتبه للشاحنه واصطدم فيها وتقلبت فيه السياره ولولا الناس الي طلعوه كان مات لمى انفجرة السياره ... لكن اروى الحين لها اعوان اكثر من الي تخون تركي معاهم واخرهم المخبر الي انتبه له واحد من اصحابها وسمعه واهو يكلم اهله انه مشغول بمراقبت اروى ولازم يخبر زوجها بمكانها لانه لقى الي يبيه تركي فدخل اها صاحبها بسرعه وخبرها وطلبت منه ومن الباقي يمسكوه وياعدوها عليه بتصويره عريان مع كم بنت عريانات وهددوه بيرسلوهم لزوجته واهله ويفضحوه وقبل لكل طلباتها وعشان تاكد له انها مابتاذيه سلمته نفسها وكاول اثبات منه لولائه لها غير كلامه لتركي وغطى عليها بتحركاتها ..... قررة اروى تاذي تاله بانها تذوب باكل تاله وشربها ماده سامه مفعولها يكون بالتدريج فكانت تغافل ميار وام تركي والخدم وترش على اكل تاله لان اكل تاله مخصوص لها بسبب مرضها .... مر على رجوع ميار لتركي شهر و ميار علاقتها بتركي كلما لها نحسن اكثر واكثر وخصوصا ان تركي يبعد اي ذكرى سيئه للماضي بباله لهالشي علاقتهم تمام لكن ميار ملاحظه ضيق تركي من المخبر الي اجره يراقب اروى فحبت تلمح له لشكوكها لانها تعرف اساسا ان اروى تخونه فكانت تلمح له قبل ترد له ولمى ردت له خبرها بالمخبر .... بيوم كان تركي سرحان بجناحه مع ميار ويفكر بتغير حال المخبر وانه ما يخبره بتحركات اروى ولمى ساله قال له ما تروح غير لبيت اهلها او لصديقتها لكن تركي ملاحظ ان المخبر يتلعثم وايد ... حس تركي بيد ميار على جتفه فطالعها وابتسم لمى لقاها تمد له كاس عصير .... تركي واهو يبوس يدها وياخذ الكاس : تسلم يدج حبيبتي .... تعالي يمي .... الا تاله نامت بهالسرعه .... ميار واهي تنزل راسها بضيق : مضايقني وضعها ... احسها تتعب وايد هذي الايام بسرعه ... حتى اللعب يتعبها .... تركي واهو يضمها من جتفها ويبوس راسها : حبيبتي لا توسوسي ... عموما بعد ثلاث ايام موعدها يفحصها الدكتور ونتطمن عليها .... الا حبيبتي مافي شي ياي في الطريج .... ميار واهي تبتسم وتطالعه : ليش مستعيل ... تبي بيبي لعلاج تاله او لصوة بيبي بينا .... تركي واهو يبوس خدها بهيام : الا ابي شي يربط بينا اكثر ... ابي قطعه مني تكبر بحشاج واشوفها بعيني ... ابي لاجل تاله لكن ودي اشوفج وانتي حامل ... ابي اعوض الي فاتني بتاله ... ميار واهي تطالع عينه وتحط يدها على صدره : قول يا رب واذا الله اراد بيي .... تركي ... تركي واهو يبوس رقبتها : روحه ... حبي ناجل كلام لبعدين ... خل نستغل الفرصه دام تاله نايمه .... ميار واهي تبعد ويهه عن رقبتها وتطالعه وتحط عينها بعينه : حبيبي ابي اكلمك بشي مهم وناجل الي تبيه لوقت ثاني ... الي ابي اكلمك فيه شاغل بالك وابيك ترتاح .... تركي واهو متعجب : ليش انتي عارفه انا افكر بشنو ... ميار : اي عارفه ... تركي بهتمام : شنو الي تعرفيه قولي ... ميار بضيق وتوتر : عارفه انك تفكر بتغير المخبر لانه ما يقول لك عن تحركات اروى .... تركي : وانتي تعرفي ليش ... ميار انا ما تكلمت معاج بهالشي ... تعرفي شي انا ما اعرفه ... ميار بخوف : اعرف لكن مابيك تسمع مني ابيك تشوف بعينك وتتاكد مابي اقول شي ما معاي عليه دليل .... تركي بضيق واهو ماسك اعصابه : تكلمي ميار بوضوح قولي الي تعرفيه بدون لف ودوران ...انا عارف ... الا متاكد انج تعرفي عن اروى كل شي لانج لمحتي لي اكثر من مره ولهالشي عينت مخبر ... قولي ميار ... قولي وريحيني ... ميار : تركي قلت لك ما اقدر اقول لان ما معاي دليل ... اسمعني لا تعصب او تضايق ... تركي المخبر باين ما يراقب ويصرفك بكلامه لكن انت لازم تراقبها بنفسك لو مره وحده ولا تعتمد على المخبر .... تركي : ميار بدل لا انا اراقب قول لي وانتي عارفه انا بصدقج فقولي .... ميار : مستحيل تركي لا ... انت راقبها وشوف ...تركي اذا تكلمت لازم اعطيك دليل وانا ما معاي غير اذني وعيني وغيره ما املك .... تركي : زين باخذ بنصيحتج لكن اعرفي ما بسامحج لو انج تعرفي شي ممكن يجرحني ويهيني وساكته ما خبرتيني بدل كل هذا .. ميار : لا تحملني اخطاء غيري لو انا اذنبت حاسبني .... تركي واهو يوقف بضيق : يصير خير ميار يصير خير ..... توجه تركي للسرير وتمدد بعد ما بعد الغطى و غمض عينه وعين ميار تراقب حركاته فتنهدت ووقفت و تطفي الاضائه وتوجه لجهتها بالسرير وتمدد واهي تفكر بوضعهم ووضع اروى مع تركي ... اهي ما تبي تكون بوسطهم برغم حبها له لكن وضع تاله يلزمها تتنازل عن قراراتها وترجع له وتلغي شرطها بالطلاق بعد ولادتها لو تم الحمل لكن خيانة اروى لتركي المفروض ما تسكت عنها موب لغيرتها منها لا لكن لازم تركي يعرف فاهي لمحت له اكثر من مره قبل ترد له عن خيانة اروى له بعد ما شافتها بعينها اول ما وصلت لمى شافتها مع واحد بالمطار وتبوسه و تضمه ولاحظة انه يتلمس جسمها واروى تضحك فضنت انها تطلقة من تركي وتزوجة لكن تذكرة ان ندى تكلمة عنها معاهم بسوالفها فتحيرت ومن يومها واهي تسمع كلام من معارف لها والواضح ان تركي واهله بس الي غافلين عنها لان الناس تتكلم عنها بانها ماشيه على كيفها حتى لمى زارت امها صديقه لها تكلمت بصراحه ان ولدها على علاقه مع اروى وتخون زوجها وتحاول انها تبعد ولدها عنها لكن تعبت معاه فخافة ميار على تركي وفهمت انه تاركها براحتها خصوصا لمى طلبتها خالته وكلمتها تستر الي تغرفه لكن ميار وضحت لها ان المفروض تركي يعرف فسمحت لها تلمح لتركي لان خالته خجلان منه بعد ما عرفة حقيقة اروى الي محد يعرفها غيرها اهي وابو عادل وام عادل والجده ..... فزعت ميار بسبب لمست تركي لذراعها فقعد بسرعه جنبها وفتح الابجوره من جهته وسمى عليها وضمها .... تركي واهو ضامها : اسف حبيبتي كنت ابي اتاكد اذا نمتي لو للحين ... ميار واهي تبعد عن صدره وترتب شعرها : لا خلاص عادي ... تركي ... زعلان مني ... ارجوك تركي ما بيدي شي غير انصحك وانا نصحتك وانت بكيفك .... تركي واهو يسحبها ويضمها ويمسح على شعرها : خلاص انسي الموضوع وانا بتصرف ... تعالي نامي بحصني ...مابي تنامي بعيد عني ابتسمت ميار واهي تمدد معاه وتنام على صدره واهو محاوطها بذراعاته وكانها ممكن تهرب منه فنامت واهي تتمنى ان الامور تعدي على خير .... بعد يومين قرر تركي يراقب اروى بدون تنتبه له فاوهمهم انه طالع لشغل بيتاخر فيه للمسى فطلع وركن سيارته بعيد عن بيتهم وكلها ربع ساعه وطلعت اروى ولحقها بسياره ثانيه استاجرها عشان ما تعرفه اروى .. ولمى لحقها لاحظ انه تكلم بالتلفون كلها ربع ساعه ووصلت لفيلا كبيره ما يعرف لمن ودخلت من البوابه وكلها لحظات والسيارات تدخل المدخل للفلا ولاحظ سيارة المخبر تدخل من بينهم فتبين له سبب تغيره اهو انه يتستر عليها وانه معاها فعصب وتمهل وبقى مكانه مده وبعدها نزل و مشى للبوابه وتكلم مع الحارس واول ما قال انه مع اروى سمح له الحارس يدخل فدخل وتوجه للمبنى وسمع صوة الموسيقى العالي وصوت الضحك فدخل ولقى المكان كله بنات شبه عرات وشباب معاهم كل واحد بوضع اردى من الثاني وعينه تدور عن اروى لكن ما لقاها لا اهي ولا المخبر فسال واحد اذا يعرف وينها فاشر له عل باب غرفة واهو يتطوطح وماسك خصر وحده فتعوذ تركي من الشيطان وتوجه لباب الغرفه وفتحه وكان الي توقعه اروى مع المخبر بالفراش وتخونه بدم بارد لكن لمى انتبهت له فزت خايفه ودفت المحقق عنها فلف لمكان الي تطالعه وتلعثم واهو خايف ويحاول يتكلم لكن الي صدمهم ان تركي طلع واهو ساكت فطالعو بعض مستغربين لكن اروى فزت بسرعه ولبست ملابسها وطلعت تدوره ما لقته وتوترت شنو ممكن تسوي ووين تروح فقررت تبقى مكانها لان محد لها الحين وخلاص .... اما تركي فلمى لقاها وشاف وضعها ما تحرك شي بداخله غير التقزز من شكلها لانه يعتبر منفصل عنها لانه لمى سال شيخ عن وضعه معاها قبل يرد ميار قال له انه معتبر منفصلين لان ماله عذر بعدم قربها لانها تعتبر محرمه لو مر عليها ٤ شهور ولا قربها بدون عذر وقبول منها فخبره تركي انها تحاول معاه اكثر من مره لكنه يرفضها لانه اساسا ما يبيها ولمى قربها قبل كان لحاجه غريزيه ولانه تذكر لحظاته مع ميار فحتاج يفرغ رغبته مثل اي ريال فقال له الشيخ يطلقها بالمحكمه افضل ودامه شاك فيها يطلقها افضل من انه يحمل اثمها على خيانتها له لان خيانتها له لانه مقصر بحقها واهو يقدر يلبي حاجتها لكن تركي خبره انه ما يقدر بسبب تعب يدته الي زاد بالفترة الاخيره خصوصا لمى عرفة برجعة ميار وان لتركي بنت منها فحس انها تخبي شي كبير عنه لهالشي تعبت .... حس تركي بقهر من ميار لانها تعرف وخبت عليه و فكر انها تعمدت تطلب منه يراقب اروى بنفسه لانها تبي توريه ان اروى تخونه واهو ردها قبل من وراها وطعنها فحبت تذوقه الي ذوقه لها من قبل وناسيه انه للحين ما ارتاح من الي حصل وتسبب بطلاقهم قبل فتوجه للبيت واهو مفول حده منها والف فكره وفكره براسه سيئه عنها لانه تذكر شكلها لمى لقى الياس على السرير وغلى دمه ولا حس بنفسه لمى دخل ولقاها تضحك مع امه وخواته وزوجة اخوه فتوجه لها بسرعه وسحبها بدون اي كلام و صار يصفعها فيها ولولا امه وخواته سحبوها وصراخهم بالبيت ما تركها لانه حس بسكاكين تنغرس بجسمه وقلب كل الحقائق ضدها ونسى ان اروى خانته قبل ونسى كل شي حلو بينه وبين ميار وبدل ما يطلع كل غيضه من اروى باروى والمحقق طلعه بميار لانه اعتبرها تستغفله وتتشمت فيه وكل الي حصل بينهم من ردها وهم وتمثيل بس عشان ترد له الطعنه ..... صحى تركي من هيجانه على صرخة ابوه لمى حاول يسحب ميار مره ثانيه من حضن امه .... ابو تركي واهو يوقف بويه تركي وبدفه بقوة : شتبي انت ... شنو غلطة فيه وياي تمد يدكك عليها ... هذا الي وعدت فيه اهلها ... تكلم ليش ياي بشرك جذيه .... تركي واهو يصرخ وياشر عليها وجسمه يهتز : الكلبه الحيوانه تبي تذوقني الي ذقته قبل ... ارسلتيني اشوف بنفس الي شفته منج ... لا يا مدام الي شفته قلب عليج تركتها بقذارتها وييت اذكرج بخيانتج قبل .... ميار واهي تمسح دموعها وتبعد من حضن ام تركي : ياي تحاسبني على اغلاطها ... قلت لك لا تحاسبني بجرم غيري واي خيانه الي تكلم عنها ... انت الي خنت ويا تحاسبني لا تقول رديتها بالحلال لا انت طعنتني ولو انك كنت واثق ان الي تسويه صح ما سويته بالخش .. بتقول بسبب تهديدها برجع اقول لك لانك غبي ومنت ريال فاهم لو انك ريال ما لعبت عليك قبل ولهذا اليوم وانت بدل ما تحاسبها ياي تحاسبني .... تركي بصراخ ولولا ابوه كان وصل لها وصفقها كف : لا يا كلبه انتي ارسلتيني تشمتي ... قلت لج اني هاجرها وتعتبر موب حلالي ليش كل هذا الحين ترسليني ليش وراها .... ميار واهي تبتسم بسخريه : اذا على قولتك ما تهمك ليش معصب وطاق لك عرق جذيه ليش حارق دمك ... تعرف ليش ... لانك تعرف انها مربوطه باسمك و عيبها انت تشيله قبل اهلها ... لكن تستاهل تعرف ان كل الي يحصل لك تستاهله لانك اغبى انسان قابلته بحياتي وانا غلطانه لمى صدقتك ورديت لك ولغيت شرطي ... لكن ملحوقه ارد لاهلي وانا رافعه راسي لان الي علي سويته وما علي لوم بطلبي انفصالنا وتاله الله يتولاها ..... تحركة ميار للسلم ووقفت مصدومه لمى لقت تاله واقفه ودموعها تنزل وجسمها كله يرجف وباين انها شافت وسمعت كل شي فخافة ميار عليها من شكلها وركضت لها واول ما وصلت لها ولحقت عليها قبل تطيح بالارض لان تاله اغمى عليها وصرخة ميار باسمها والكل انتبه لها وتراكضو لها واولهم تركي يبي يشوف شنو ببنته وقلبه انشلع شلع عليها ... تركي واهو يحاول ياخذ تاله من يديها : شنو فيها ... هاتيها باخذها امددها على الكنبه .... ميار بصراخ واهي تضم تاله لصدرها ودموعها تنزل : بعد ... بعد لا تلمس بنتي الي حصل لها بسببك سمعت وشافت كل شي انت السبب اذا حصل لها شي ما بسامحك ابد فاهم مستحيل اسامحك ... ابو تركي واهو يمد يده لميار وخايف على حفيدته : هاتيها عندي والبسي ناخذها للمستشفى هاتيها يبه هاتيها .... مدت ميار تاله ابو تركي و حس تركي بالف طعنه بقلبه واهو يشوف شحوب ويه تاله واهي بين يدين ابوه وندم عل تسرعه وغبائه فطالع ميار واهي تلبس شيلتها بسرعه ولاحظ انه غلط عليها بدون ذنب غير انها نبهته لتلاعب المحقق وتعاونه مع اروى وسبق ولمحت له بخيانة اروى لكنه حملها كل الغلط بس لانه ضن انها تتشمت فيه فعظ على شفاته واهو يغمض عينه ندمان وفتح عينه ولقى ابوه يركض بتاله لبرى البيت وميار معاه وامه وخواته وندى وراهم ولمى طلع يلحفهم لقى ابوه يحط تاله بحضن ميار بسيارت طلال واهي قاعده ورى وجنبها امه وابوه يصعد قدام وخواته يركبو سيارت سمر وندى معاهم فركض ومسك باب سيارت طلال قبل يسكره فطالع طلال واهو مستعجل ومستغرب .... طلال بسرعه واهو مستعجل : شتبي الحين اترك الباب خل اخذ بنتك للمستشفى .... تركي واهو يسحب طلال من ذراعه : انزل وخذ خواتك انت وانا اخذهم هذي بنتي .... ابو تركي بعصبيه وصرخه : بعد تركي لا تعطلنا بنتك للحين غايبه عن الوعي وهذا يضرها بعد وحسابك بعدين يكفينا الي فيها بعد .... تركي ودموعه تنزل : يبه بنتي .... طلال واهو ينزل : زين لكن انتبه ولا تسرع وترتبك ... يبه على هونك عليه واجل عتبك لبعدين ... يله اصعد .... صعد تركي وقبل يحرك لف لميار يطالعها وكانت منزله راسها لتاله وتمسح على ويها وشعرها ودموعها تز ل وتقرئ القران عليها فحرك بسرعه والصمت يعم المكان الا من صوت ميار واهي تقرئ على تاله وامه وابوه يدعو الله ينجيها ووصل المستشفى ونزل بسرعه ولف لجهة ميار وفتح الباب ومد يده لها ياخذ تاله لكن ميار صدت عنه .... تركي بخوف ورجاء : ميار ارجوج هاتيها ...ميار عشان تاله موب عشاني ارجوج ..... مدت ميار تاله له ودموعها تنزل ونزلت بسرعه ولحقت وراه واهو يركض بتاله لداخل الطوارء واخذوها منه بسرعه وخبر الدكتور واهو ياخذها منه بسرعه عن حالتها ودخلوها غرفة الفحص وكانت ميار على اعصابها والكل مثلها وميار واقفه جنب باب الغرفه وتركي جنبها لكنها مو حاسه بشي غير قلبها الي يخفق بسرعه خوف على بنتها ففزت لمى حط تركي يده على ظهرها وبعدت عنه .... ميار بسرعه واهي ترجع جنب الباب : بعد دام النفس عليك طيبه والزم حدودك معاي الي بينا انتهى واول ما تطلع تاله من المستشفى ورقتي توصلني .... تركي بندم : ميار ارجوج ... والله كنت منفعل والشيطان يوسوس لي وبدل لا احاسبها اهي تركتها وييتج لان ضنيتج متعمده وتتشمتي فيني ميار بغصه : بعد تركي بعد مالي بال لك ولا لتفاهاتك ... انت اتهمتني وغلط بحقي ... ابعد انا كل الي يهمني تاله وبس بعد .... تركي : ميار تاله بنتي مثل ما اهي بنتج واكيد خايف عليها لكن ابيج تسامحيني ... ميار .... سكتت ميار ولفت للباب تطل من الزجاج يمكن تقدر تشوف شي برغم وجود العازل للرؤيه لكن تبي شي يريحها ويطمنها على تاله ... وتذكرة امها ومهران فارسلت لمهران رساله تخبره بتعب تاله وانها بالمستشفى معاها وللحين ما تعرف شي عنها وكلها ربع ساعه ومهران وام مهران وماهر وريان وركان وسناء يايين وركض مهران لميار وضمها لصدره لانه لاحظ رجفتها .... مهران واهو ضام ميار ويطالع تركي : شلي حصل ... شنو فيها تاله .... صد تركي وابتعد لانه يحس ان تاله ما اغمى عليها الا من صدمتها بلي شافته منه والي سمعته منه واهو يصرخ على ميار .. لكن مهران حس ان تركي السبب فطالع ابو تركي وام تركي وخواته وطلال وزوجته و لاحظ انهم منزلين راسهم عرف ان الموضوع فيه انا فبعد ميار ... مهران بجمود : حصل شي بينج وبينه وتاله سمعتكم او شافتكم ... شنو حصل زوجته لها دخل بشي .... ام مهران واهي تضم ميار : مهران موب وقته ما تشوف اختك شلون حالها ... ثم ليش اتهمت تركي اكيد اهو هم خايف على بنته والكل هم ... مهران واهو يطالع تركي : معلي اعذروني لكن اذا تبين الي ببالي لا تلومني يا تركي فاهم ..... ارتعش جسم تركي من كلام مهران ونظراته له ففهم ان مهران مستحيل يعديها على خير اذا عرف كل شي لانه للحين ما سامحه على سواته قبل بيسامحه الحين اكيد لا فالتزم الصمت ووقف مكانه قريب لميار وكلها دقايق و طلع الدكتور المسؤل عن حالة تاله من الغرفه مع الدكتور المناوب فالكل تراكض له واولهم ميار وتركي ... ميار بخوف ورجاء : دكتور ارجوك قول لي شلون وضعها الحين ..... طالع الدكتور الكل وبعدهة ميار وتركي وفهم مهران سبب نظراته .... مهران : دكتور تكلم الكل اهلها ومافي شي ينخش عنا ... قول .... الدكتور بنزعاج : انا ابي افهم شلون طفله بعمر خمس سنين ونص اييها انهيار عصبي .... تاله صابتها صدمه قوية وانهارت ... شنو حصل انا الي اسالج مدام شلي وصلها لهالشي .... بجت ميار ولفت لريان الي ضمها لانه جنبها وتركي تنهد اهو واهله لانهم يعرفو ليش انهارت فنزلت دموع تركي ونزل على الارض منهار لانه السبب فقرب له طلال بسرعه ووقفه واستغربو اهل ميار لكن مهران وماهر ما غفلو عن هالشي وتاكدو ان تركي السبب .... مهران : وضعها الحين شلون .... اعني بخصوص مرضها ياثر عليه انهيارها .... الدكتور : انا ما خلصت الي عندي ..... مدام ميار من المسول عن اكل وشرب تاله ..... ميار واهي ترفع راسها وتمسح دموعها وتطالعه واهي مستغربه : انا .... لا انا و يدتها ... ليش دكتور سؤالك هذا .... الدكتور واهو يلف يدور ام تركي : العفو منج خالتي .... انتي تعرفي الممنوعات عن تاله من اطعمه معينه .... ام تركي : اكيد دكتور ... ميار معطتني ورقه فيها المسموح والممنوع انا حتى بالطبخ اطبخ لها لوحدها ... ام مهران : دكتور ...فهمنا اكل تاله اثر عليها بشكل سلبي او شنو ... احنا كلنا منتبهين لهالشي وانا اشهد لام تركي بعيني شفتها تمنع تاله من اكل شي يضرها ... دكتور تكلم تاله شنو فيها .... الدكتور واهو يتنهد بقوة والضيق واضح عليه : اعتذر منكم لكن مدام ميار والخاله ام تركي بتتحولو للتحقيق بالمستشفى ... الكل انصدم واستغرب ليش يتحولو للتحقيق فقرب تركي للدكتور بسرعه ومسكه من البالطو بعصبيه وبسرعه لحقه طلال لانه يعرف انه بيتهور ويطق الدكتور فمسك بسرعه يد تركي يبعدها عن الدكتور .... تركي واهو شاد على البالطو للدكتور ويهزه وطلال ماسك يد تركي يحاول يفكه : انت تلعب باعصابنا .... احترمناك واخرها تبي ترسل زوجتي وامي للتحقيق ...طلال اتركني اربي هذا .... مهران تحرك يفك يد تركي من الدكتور ويدفه بعيد لكن طلال مسك تركي لا يطيح بالارض .... مهران واهو يصرخ على تركي وبعدها يلف لابو تركي و للدكتور : رب نفسك اول وبعدها رب غيرك .... العذر ابو تركي منك انت وخالتي .... وانت وضح كلامك لاني ماسك نفسي واخواني عنك مع هلي تقوله ... ليش تبي ترسلهم للتحقيق غلطو او اجرمو بشنو ..... الدكتور واهو يرتب البالطو و يتكلم لمهران وبعدها ميار : بتكلم لكن اذا احد نطاول لا يلوم الا نفسه ... انا مسؤل عن تاله مثل مسؤليتكم لها ... مدام ميار تاله باكلها سم تعرفي يعني شنو وانتي قلتي انتي ويدتها تجهزو اكلها .. والتحقيق لسلامة تاله لان الموضوع فيه جريمة قتل الي قلته لسلامتها وهذا جزاي ابوها يتهجم علي ..... ابو تركي باسف : العذر منك لتصرف تركي اهو يسمعك تتهم زوجته وامه وتبيه يفهمك وانت تكلم بالقطاره ... لكن امها ويدتها تعتقد يضروها ... الدكتور : لا طبعا لكن التحقيق عشان نعرف من ممكن يضرها واذا لاحظو شي ثم هذا شغل المحقق وانا علي ابلغه والكل الي بالبيت بيتحقق معاه لكن اهم اول لانهم الي ياكلوها ومسؤلين عنها .... ركان : تقدر تقول من متى السم دخل جسمها او للحين ما بان هالشي ... الدكتور : على حسب التحليل بان انه من كم يوم وكحد اقصى اسبوع موب اكثر وهالشي بيبان بالتحليل النهائي ....... ريان : سويتو لها غسل .... الدكتور : اكيد .... اخ تركي اعتذر منك على طريقتي بالكلام لكن انا الي يهمني مصلحة المريض ولازم كل مخطي يتحمل سواته وانا مريت بحوادث كثيره من اهالي لعيالهم وانا عارف ان مدام ميار او الوالده مستحيل يغلطو بشي يخص تاله لكنها اجرائات لازمه .... تركي : اسمح لي من انفعالي لكني ما تحملت فكرة زوجتي وامي متهمين ... اضنك فاهمني .... مهران : المهم الكلى تاثرة من هالشي .... الدكتور : للاسف اي و احتمال تحتاج لغسيل كلى قريب .... انا وضحت هالشي من قبل ..... استغرب الدكتور هدوء ميار وسكوتها لانه تعود اهي الي دايما تسال عن كل شي بالدقه فلف يشوفها مكان ما كلمها قبل فانصدم انها بالارض والكل ما لاحظ انها اغمى عليها فاشر عليها .... الدكتور بسرعه وفزع : سستر بسرعه مدام ميار اغمى عليها ..... لفو كلهم بسرعه على كلامه وكان ريان اقرب شخص لها فبسرعه رفع راسها عن الارض لانها على ويها فحملها بسرعه تركي واهو خايف والممرض تاشر له على الغرفه الفاضيه و مددها بسرعه واهو خايف عليها والكل وراه خايفين عليها ومستغربين شلون ما لاحظو هدوئها فقرب لها الدكتور يقيس نبضها والضغط و قربو لها النشادر عشان تصحى وتحركة فتنهد الدكتور ولف لهم والي جنبه تركي وماسك يد ميار ... الدكتور : الحمدلله اغماء بسيط ... باين ان تغذيتج سيئه هالفتره لان ويهج اصفر ..... سستر خذي عينت دم عشان التحليل .... تركي واهو يقعد جنب ميار على طرف السرير واهو مقابلها وماسك يدها: ليش دكتور التحليل ... الدكتور : اضنك سمعتني بلي قلته وهم ابي اتاكد يمكن يكون احد داس لها اهي هم السم لان نوعيته خطيره .... مهران : دكتور ممكن تعطيني اسم السم اذا وصلتو لنوعه .... الدكتور : طبعا ممكن تفضل معاي مكتبي .. اذا سمحتو وجودكم ماله داعي لان تاله الحين نايمه بتاثير المسكن وماراح تصحى الا بكره ومدام ميار بنشوف تحليلها واذا تمام تقدر تروح معاكم .... ميار واهي تقعد بمساعدت ركان لانها دفت يد تركي : من متى انا اترك بنتي .... مهران لو سمحت ابي جناح خاص لها وبكن معاها ..... هز مهران راسه وكان بيطلع ورى الدكتور لكن وقفه كلام تركي ... تركي : ميار تطلبي مني انا انا زوجج وانا ابو تاله ... العفو منك مهران ل..... قاطعته ميار بعصبيه : انت تنسى هلي قلته ومالك مكان هني .... اطلع برى .... تركي بصدمه ورجاء : ميار ... ميار انا... ميار بصراخ واهي تقاطعه : مابي اسمع شي منك .... برى ... اطلع برى حياتي واتركنا بحالنا انسى كل شي وارجع لحياتك قبل تكتشف ابوتك لتاله ... انت ما تستاهل تكون ابوها .... برى برى ..... مهران بصدمه : شنو الي وصلها معاك لهالشي .... تركي ... بشنو اذيتهم تكلم ... تاله صابتها الصدمه بسببك صح .... احد يتكلم ... ميار نطقي شنو حصل ..... ميار ودموعها تنزل ومنزله راسها : غلط لاني رديت له .... كل غلطتي اني وثقت فيه مره ثانيه وقلت لا خلاص اهو ما يستاهل اشرط عليه بفراقنا لا للحين انا بقلبه وكلامه صحيح اهي وهم ..... لحقها وعرف حقيقتها و تركها بحالها وياني انا يحاسبني .... اهي تغلط وتخون وانا انطق مثل الكلبه .... خيانتها ذكرته بخيانتي مثل ما يقول .... تاله سمعت وشافت كل شي ... انتبهت لها ورجت اركض ابي امحي الي سمعته وشافته لكن صدمتها ما مهلتني وطاحت بين يديني ..... كان تركي خايف من ردت فعل مهران او خوانها لكن موب خوف من الضرب لا خوف من ان يعاقبوه ببعدها ويطلبو طلاقهم فكان يبي يتكلم وبنفس الوقت مربوط لسانه وعارف انه غلط غلطة كبيره لان ميار شذنبها يفرغ فيها غضبه اهي لمحت له وبصريح العباره قالتها ما املك دليل لكلام شوف بعينك لكن اهو ما يبي يصدق ان اروى كانت تيتغفله والي حطه يراقبها صف معاها لانه اهو كان متهاون بموضوع اروى وما يبي يركز معاها وكله بسبب يدته والوعد الي قطعه لها بانه ما يطلق اروى لكن الحين لازم يفهم من يدته سبب اصرارها وبعد ما تاكد لعينه خيانت ةروى وعدم استحقاقها ارتباطها فيه واهي بالاساس محرمه عليه ... صحى من تفكيره على يد ريان واهو يهزه فلف يطالعه لقاه ياشر له على الباب و لف راسه لمهران لقاه ياشر له يطلع واهو ساكت ففهم انهم بيتفاهمو معاه برى لكن اهو مستحيل يطلع قبل بتطمن على ميار وتاله .. تركي باصرار : ما راح اطلع الا لمى اتطمن عليهم .... اجل كل الي تبيه لبعدين وانا مستعد للي تبي ..... مهران واهو ماسك اعصابه : الحشيمه موب لك لابوك وامك ولا انت غسلت يدي منك .... بعد اخر كلامي معاك رديت تمد يدك .... ما همني اذا للحين تشك فيها انا كل همي هلي انهارت بسببك ... انت ابوها اي بس بالاسم لكن ما لها اب غيري من اليوم وطالع .... تطلع من هني وورقتها توصل بكره ومابي اشوف رقعت ويهم ابد واذا تاله قبلت تشوفك بتلقاها ببيتك برسم الخدمه بزياره محدد وقتها ولا تحاول تلجئ للمحاكم لانك بتتعب اذا حطيتك براسي فاهم ..... ابو تركي لمهران : يبه مهران اهدى و اجل كل هذا لبعدين اول نتطمن على تاله ولك مني نجتمع ونشوف ليش هالاهوج رد مد يده عليها ومالك الا طيبت الخاطر .... ميار مالي خاطر عندج يبه .... ميار : انت غالي علي يبه ولك كل الي تبيه لكن يتاجل كل شي المهم الحين تاله ..... ركان واهو يساعد ميار تنزل من السرير : الحين تاله لازم نشوفها .... امشي انا اسندج .... ام مهران لتركي بعد ما طلعو اغلبهم ومابقى الا ابو تركي وام تركي و مهران : ضنيتك صحيت على نفسك ومثل ماقلت انك واثق ان الي حصل كله تمثيل الغرض منه تفريقكم لكن من الي سمعته فهمت الي حصل .... يعني بدل ما تحاسب الي خانتك مع المخبر الي حطيته يراقبها رحت لميار تحاسبها لانها ماقالت لك ان اروى تخونك ....ليش تعتقد تربيتي لها تسمح انها تكلم بشي بدون دليل ..... انطق من الغلطان انت او اهي .... تركي باسف : يمه كنت مطعون للمره الثانيه او نقول للالف وميار تعرف ليش تخبي عني تخيلتها تشمت فيني لمى طلبت اني اراقب اروى واهي عارفه ليش ما جنبتني المنضر الي شفته هذا كان سبب مدت يدي عليها تخيلتها تضحك سماته فيني ..... ام مهران : ولي يحب احد يشمت فيه .... ام تركي : اكيد لا واهو عارف انه غلط من ساسه لراسه لكن يا ام مهران ما نبي يحصل الطلاق نبي نهدي الامور بينهم .... تركي : مستحيل اطلق لو فيه موتي ميار بتبقى زوجتي وانا برضيها بلي تبيه لكن طلاق لا .... مهران : يا وقاحتك تبيني اتركها لك .... تحلم فاهم واذا ما طلقت بالحسنا بالغصب بتطلق ولا الخلع ما يضر بشي .... طلع مهران بعد كلامه واهو معصب وواصل حده لكن ماسك نفسه لا يمد يده على تركي و بعده طلعو كلهم وكانت ميار واقفه جنب غرفة تاله تنتظر الدكتور يطلع يطمنها عليها ويسمح تشوفها .... مهران اول ما وصل لهم : هاااه شقال الدكتور .... ريان : يفحصها فحص اخير وبعدها ندخل نتطمن عليها لكن كل واحد بروحه او ثنين ثنين ..... سمر لميار : ميار بغض النضر عن الي حصل .... تاله صغيره وماله داعي تبقى على فكرة ان تركي مد يده عليج .... لازم تعطوها عذر يبري تركي ولا تشيل عليه ... حطي ببالج علاقتهم ببعض مستقبلا ... كلامي موب عشان تركي لا عشان تاله ..... ام مهران : كلام سمر صحيح .... احد يعطينا عذر يمشي على تاله وتتقبله ولا تشيل على تركي ولا تتغير علاقتهم ببعض .... طلال : نقول لها انها مزحه ... اي تركي ياي يمازح ميار ويمثل انه معصب ويخانقها يبون يشوفو ردت فعل الكل من يوقف بصف تركي ومن ميار و ما خبروها لانها مو موجوده وكانت مع اليهال ..... ابو تركي : معقول لان هالحركه سبق وسواها طلال مع ندى بالبيت وتاله كانت موجوده لكن طلال ما مد يده على ندى ويختبرو عيالهم ... شقلتي ميار تاله ممكن تصدق .... ميار : ما اعرف الموضوع موب تركي بس انا هم رديت عليه وصرخت وكنت ماشيه لفوق .... ندى : ميار اهي على اساس تمثيل فطبيعي بتردي عليه ... اتوقعها تصدق لان لمى سويناها قبل اهي بجت.... ام تركي : جذيه لازم تدخلو لها ثنينكم وتتصرفو طبيعي ولا كان شي حصل .... تنهدت ميار وغمضت عينها بتعب نفسي اكثر ما اهو تعب بجسمها والكل متفهم سكوتها وكلها لحظات وطلع الدمتور وسمح لهم يدخلو و اول من دخل ميار وتركي لكن قبل تدخل ميار مسك يدها تركي ولفت تطالعه بعصبيه لكن لانت ملامحها لمى تذكرة ان لازم تمثل قبال تاله فدخلت مع تركي وكان تركي لاف ذراعه حول جتفها لكن ميار تركته وركضت لتاله تضمها ودموعها تسبقها وتاله ضمت ميار وشدت عليها واهي تبجي ورفعت راسها تطالع تركي فابتسم لها لكن تاله ما ابتسمت وسدت على ميار اكثر فتذكرة ميار ان لازم تفهمها كل الي اتفقو عليه عشان مصلحتها لان موب من صالحها تاخذ فكره سيئه عن تركي فبعدتها ميار ولاحظت ان تاله ما تبي تطالع تركي فاشرت لتركي يجلس قبال تاله عل طرف السرير والجهى الثانيه ميار .... ميار واهي تبوس كف تاله : ماما ... انتي تثقي فيني صح .... تاله ببرائه : اكيد ماما انا ما اثق باحد اكثر منج انتيوبابا مهران .... تركي بعتب : افاااا وبابا تركي خلاص صار كخه ما ينحب ..... سكتت تاله وصدت عن تركي و عينعا على ميار فلفت ميار ويه تاله لتركي ... ميار لتاله واهي ماسكه ويه تاله موجه لتركي : هذا بابا .... محد بيحبج ويخاف عليج اكثر منه ... بابا مهران يحلج ويخاف عليج وايد لكن هذا اهو الي يابج .... اسمج باسمه وكل الي شفتيه وسمعتيه كان تمثيل وانا وبابا متفقين عليه ..... تاله واهي مستغربه وتطالع ميار وبعدها تىكي : تمثلو ... ليش ... ماما بابا كان يصارخ وانتي هم ... ليش تسوو جذيه .... تركيواهو يبوس يدين تاله : حبيبتي اهو كان اختبار للكبار من يصف معاي ومن مع ماما لكن ما انتبهنى لج ولا خبىناج لانج مع عيال عمج وعماتج ..... تاله : انا دخلت ابي اسال ماما اذا ممكن اخذ من حلا حلاوه مطاطيه وانا ما اعرف اذا مسموح لي فيها او لا فشفتك تطق ماما وديدا وعماتو ىبعدوك عن ماما خفت منك وماما هم صرخت وقالت كلام انا ما فهمته .... تركي باسف حقيقي وقلبه يتقطع واهو ماسك يده : اسف بابا سامحيني احنا كنا نبي نسوي مثل عمو طلال وخاله ندى .... سامحيني بابا .... ارتمت تاله بحضن تركي وشد عليها تركي واهو يبوسها بىاسها وكان الروح ردت له لانه تخيل انه انتهى بحياة تاله وانها مستحيل تسامحه لكن اقتراح طلال انقذه من الورطه الي تورطها .... طالع تركي ميار واهو ضام تاله فلقاها منزله راسها و سرحانه فحط يده على جتفها ورفعت راسها تطالعه فبعدت يده عنها ووقفت وتنهد تركي بقهر على نفسه وعارف الطريق طويل قباله عشان يرضيها ويرضي مهران وام مهران .... تركي لميار واهو يساعد تاله تمدد : تحسي بشي .... تعبانه .... ميار واهي تطالع تاله : لا ..... مرتاحه ماما جذيه او ارفعه لج .... تاله وتركي يغطيها بالبطانيه : لا ماما ابي اتمدد احس براحه جذيه .... ميار واهي تبوس تاله بخدها : اوكي حبيبتي الحين لازم نطلع انا وبابا عشان ما سمح الدكتور الا كل ثنين مع بعض ولا تخافي انا ببقى هني معاج اوكي .... تاله : وبابا .... تركي واهو يضمها : اكيد معاج بابا لا تخافي انا وماما هني يمج اوكي ... هزت تاله راسها واهي تبتسم لهم وطلعو ميار وتركي وابتعدت ميار عن تركي اول ما طلعو ودخلو بعدهم ام مهران وام تركي والباقي بالتدريج و لمى مر ابوقت ياهم الدكتور و كانت ميار سانده راسها على جتف ماهر ومهران كان طالع بعد ما اخذ من الدكتور اسم السم وخبره الدكتور ان نوع السم نادر وخطير وطبيعي من كل صيدليه لمى تبيعه تبيعه بوصفى من طبيب ولازم يتسجل اسم المشتري وكل بيناته .... الدكتور واهو يطالع ميار وبعدها تركي : عندي خبر بيفرحكم مثل ما فرحني .... ميار بسرعه واهي توقف : بشر دكتور لقيتو متبرع لتاله .... ام تركي : لا اكيد عرفو من الي دس السم لتاله ... طمنا دكتور بخصوص السم ..... الدكتور واهو يبتسم لام تركي : لا خالتي هذي مهمت المحقق اهو اخذ اقوالكم والخبر عنده .... لكن الي عندي يخص مدام ميار والاخ تركي وتاله اكثر من اي احد ثاني ...ومدام ميار اقرب للي عندي ..... تركي واهو يبتسم ويقرب لميار : انا عرفة ... اقدر اقول .... الدكتور واهو مبتسم ويهز راسه : اكيد تفضل واذا انت فعلا ذكي بتعرف ... تركي واهو يلف يطالع ميار ومبتسم ويمسك يدها ويبوسها : ميار حامل ... صح توقعي ..... الكل تفاجاء من كلام تركي والاكثر من رد الدكتور بالموافقه فالكل فرح وبارك لهم لكن ميار مصدومه فغمضت عينها وسحبت يدها من تركي وقعدت مكانها واهي ساكته وفهم تركي ان مشاعرها متضاربه لان حتى لو بتفرح فرحتها سلبها منها بتصرفه فنزل على ركبه قبالها واول ما مسك يدها سحبتها بسرعه منه ..... تركي باسف : سامحيني .... انا اعترف لج غلط .. ميار واهي تقاطعه و تطالعه بعصبيه : بعد عني مابي اسمع منك شي .....الي تزوجنا عشانه حصل فابعد وانسى اني لغيت شرطي لانه جاري ... تركي واهو يمسك يدها وبخوف وربكه : لا ميار لا لا تقولي جذيه ... انا غلط ومنج السماح ... ميار ارجوج عطيني فرصه ... اوكي شبتقولي لتاله ... ميار واهي توقف : اقول الي اقوله لكن ابعد عن حياتي انت كل الي لك عندي تاله وهلي ياي بالطريج اذا الله اراد وغير هالشي ماكو اوكي ..... ماهر واهو يوقف ببنهم ويواجه تركي : بعد تركي اذا يهمك ان الي بحشاها يكون سليم بعد ... كافي تاله والي صابها بسببك ... تركي ودموعه تنزل : ماهر محد منكم فاهمني انا نفسي مو عارف شلون اشرح كل الي حسيت فيه ميار بالنسبه لي الراحه والقاها تعطيني ظهرها .... والله اني غلط واعترف ابيها تسامحني بس .... طلال واهو يمسك ذراع تركي ويسحبه : امش معاي الحين ريح انت محتاج للراحه عشان تقدر تعدل الي قلبته بحياتك ... ام مهران واهي متعاطفه مع تركي: تركي روح مع اخوك و لمى ترجع تعال لي ابي اسمعك وبعدها يحلها الف حلال ولا تخاف دامني بسمعك ما بيصير الا الخير ...... باس تركي راس ام مهران وهمس باذنها بكلام محد سمعه غيرها فهزت راسها وطبطبت على جتفه و طالع ميار الي صدت اول ما يات عينها بعينه ومشى بعدها مع طلال لكن ما طلع من المستشفى لانه وعد تاله يكون قريب لكن اخذ له طلال غرفة يريح فيها وطول على ما ياه النوم ولمى صحى كانت امه الي معاه بالغرفه ..... ام تركي واهي تترك المجله من يدها وتوقف له : نوم العوافي حبيبي ... شنو تحس الحين احسن .... تركي واهو يمر اصابعه بشعره لورى ويقعد : احسن يمه ...... يمه شلون ميار وتاله .... ام تركي واهي تمد له منشفه : الدكتور سمح لميار تبات معاها لان نقلوها لجناح خاص .... ادخل خذ لك شور تصحصح وانا بكلم ام مهران تبي تييك المسكينه باقيه هني عشانك تقول ماراح امشي الا لمى اسمعه ... تركي : ليش الباقي مشو .... ام تركي واهي تاخذ شنطت يدها : اي يمه انا هم ماشيه وانت خذ شور وانا بخبر ام مهران وانتبه الي تقوله لك نفذه عشان حياتك مع ميار تعدل .... اي على فكره خالتك كلمتني وسالت عن اروى وانا خبرتها بكل شي واهي قالت ان عندها كلام مهم لازم تعرفه عن اروى ولا تروح ليدتك ... تركي واهو مستغرب وواقف يم باب الحمام : ليش يمه ... ليش ما تبيني اكلم يدتي .... ام تركي واهي تفتح الباب : تقول في شي مهم تعرفه وتقول يدتك بتمنعك تعرفه وتقول ميار تعرفه وبتوضح لك اشياء كثيره انا حاولت اعرف شنو لكنها رفضت تقول لي وتقول لازم تمرها باسرع وقت ممكن .... هز تركي راسه وطلعت ام تركي ودخل تركي ياخذ سور واهو يفكر بكلام امه من خالته ومستغرب وصار عنده فضول يبي يعرفه ولمى خلص طلع ولقى ام مهران تنتظره فمن حظه انه لبس بالحمام فابتيم لها وقعد مكان ما اشرت وباس راسها وقعد قبالها فمدت له فرشات شعره وضحك واهو يرتب شعره بعد الشور .... ام مهران واهي تاشر على شعره : غريبه مطوله ... تركي واهو يمرر اصابعه بشعره الي طةل لجتفه : من الفراغه .... ميار تقول يلوق لي وعشانها بس اضبطه وما تبي اطوله اكثر من جذيه .... يمه قولي الي بقلبج علي .... ام مهران : قول لي انت الي بقلبك انا حاسه انك شايل جبل على صدرك والكل لامك ونسى انك كتمت بقلبك وراعيت ولبيت رغبات الكل ....اسمعك ..... تركي واهو منزل راسه : شنو تبيني اقول او من وين ابدي .... من لمى اكتشفت ان اختي اذتني انا وميار وخذت شي من اثر ميار لساحر او من تهديد اروى لي او من خوفي اخسر ميار على كلامها ان لو انذكر اسمها بالمحضر بيجبروني اطلقها او من تهوري وغبائي ورضوخي لاروى ولا من اكتشتف ميار زواجي من اروى ولا محاولاتي معاها ارضيها ولا من غبائي وانا اغايضها باروى ولا من صدمتي بمنضرها مع الياس ولا من تهوري وتطليقي لها ولا معاناتي بغيابها ... كثير يا يمه الي بقلبي ولا شنو اكتشافي لتاله بنتي او فجعتي بخبر خطبة ميار .... مرض تاله وانا سببه ... اااااه يمه وثقة بميار وسندة ظهري عليها اكثر من قبل وكنت ابيها تهون علي اهي واهي تخبرني لكنها ارسلتني اشوف بعيني الي كنت شاك فيه ..... ام مهران : تلومها لانها ما تبي تكون ظالمه .... تركي انت تعرف ميار ليش كنت تبيها تقول لك بلسانها عن خيانت اروى لك ..... تركي : يمه انا عارف ان اروى تخوني و انا تاركها بذمتي لان يدتي حلفتني ما اطلقها ابد حتى لو شفت عليها شي ولمى ميار لمحت لي حطيت مخبر ولمى ميار شرطة شرطها تاكدت ان اروى تخوني لان ميار مستحيل تخالف شرع الله ... يمه كنت ابيها تقول لي ان اروى تخوني وماكنت ابي دليل قلت لها قولي الي عندج واذا عرفت من غيرج لا تلوميني اذا زعلت منج ... ميار اصرت اشوف بعيني عارف ان هذا اكبر دليل لكن تخيلت ميار تتشمت فيني وحسؤت جذبه من رفضها تخبرني بنفسها ...يمه انا نفسي بدوامه كنت متحير بينهم لكن حيرتي صارت من يدتي وميار والحين خالتي هم تبيني ولا تبيني اخبر يدتي بشي ..... ام مهران : تركي ماير ما غلطت وانت متاكد من هالشي وردت فعلك بضربها لمى لقيتها تضحك وعلى الي قلته لي مابعاتبك بس لانك اعترفت بغلطك وعلى وصفك ميار لازم تتحمل وتسامحك لكن تحمل الي بييك منها لانها حامل والحامل ما تنوخذ باي قرار لان اوقات الهرمونات تاثر عليها بكل قراراتها وبعدين تندم عليها ميار مشاعرها متضاربه الحين وصدقني من داخلها عاذرتك اكن اهانتها قرال اهلك موب بسيطه ... تركي : مستعد اسوي اي شي تبيه بس تسامحني لو تبي احط اعتذار رسمي بالجرايد سويتها لكن تقبل اعتذاري ... ام مهران واهي تبتسم : ما توصل لهذي الدرجه .... تركي تحب تعرف الياس شلون دخل بيتك وشنو الي حصل بغيابك .... |
تركى متسرع هل ياتري حتسامحه ولا لأ |
اقتباس:
اهلا ام سلما .... فعلا تركي متسرع بتفكيره وقراراته احيانا .... انتي شنو تتوقعي تسامحه لو لا .... البارت الجاي قريب انزله بحاول انتهي من الروايه باسرع وقت ...🌹 |
انا معاكى ان كل انسان جواة الخير والشر بس فيه انسان يغلبه شره او شيطانه زى اروى استحلت كل المحرامات اللى ربنا منعنا عنه انجرفت للقذارة معندهاش مبرر لكل دة حتى لو تركى بقى مش بيحبها او اتجوز بس واضح ان هيا كدة من قبل حبها لتركى دى حقيقتها اللى مخبيها الروايه رائعة ويشرفنى متابعتك فى كل اللى هتكتبية تمنياتى بالتوفيق ديما |
اقتباس:
اهلا رحاب نبيل .... كلامك كله صحيح والبارت الجاي بيوضح سبب تصرفاة اروى وانفلاتها التام للانحراف واروى ما حبت تركي لشخصه لا حبت تتملك شخص محط اعجاب البنات وحبت تكون الفايزه بينهظ والاحسن ... طبعا هذي حال بعض البنات الي يتفاخرو بازواجهم بالشكل او بان في من البنات الي يبونه لكن اهي الي فازت بينهم .... اتمنى اكون وضحت لج تفكير اروى من جهة تركي ... وبالنسبه لكتاباتي انا كتبت قبل ونزلتهم بالمنتدى لكن مقرره اعيد كتابة الروايتين الاوله والثانيه لي لكن اذا حابه تتطلعي على روايه سبق وكتبتها في رواية نور نورت حياتي بعد عتمتها ... اتمنى تنال اعجابج ..🌹 |
البارت السابع والاربعون تركي : وبشنو بيفيدني اذا عرفة .... هالشي ما بيخلي ميار تسامحني واذا قصدج كلامي لها .... يمه كان عشان احركها واغيضها وابيها تتشمت فيني مثل ما تخيلت ... مستغربه كنت ابي امسكها عليها ولا اكون غلطان لكن طلعت غلطان ومينون جد لمى فكرة بهذي الطريقه ... ام معران : الا يبيلك تبات بالطب النفسي ..... اسمع انا ابيك تسمع كل شي حصل وشلون دخل الياس بيتك .... الياس صحى من شهر لكن محد يعرف انه صحى الا اهله وانا وبنتي سناء لا مهران ولا ماهر ولا ميار يعرفو .... تركي بصدمه كبيره : صحى .... معقوله ست سنين بغيبوبه وصحى الحين .... قلتي من شهر يعني من رديت ميار .... ام مهران : بالضبط .... ميار زارت الياس قبل زواجكم بيوم وكنت معاها ومهران وكانت تاله هم معانا ووقفتها قبال الياس وكانت تكلم الياس تخبره انها يابت تاله وانه السبب ببعدها عنك لانه فرقكم وتاله تربت بعيد عنك لكن بترجع لك عشان تاله ... لكن ميار همست بشي باذن الياس لا انا ولا مهران سمعناه لكن الدكتور قال انه تحرك لحظت ما ميار همست له لانه لاحظ النبضات ما اعرف شنو من الشاشه الي موصله فيه واحنا طلعنا واليوم الثاني زواجكم و بعد سفركم خبرتني سناء ان عمها يبيني ورحت له وتفاجاة بالياس صاحي وكان قاعد بسريره بغرفة ثانيه وكلمني واعتذر وطلب يكلم ميار لان عنده كلام لها لكن انا قلت له ان صعب تروح له لان وقتها انتو مسافرين وفضلت انه يتعافا اكثر عشان يقدر يتكلم ويتحرك بشكل طبيعي لان نومته ست سنين اثرة عليه ويحتاج لعلاج ... كنت بخبر مهران لكن تراجعة لاني خفت يتهور ويروح له يخانقه ... لكن بعد هلي حصل اليوم قلت لازم انت تعرف وانت تقرر ميار تروح او لا لانه مصل يكلمها .... تركي : يعرف اناا انفصلنا وردينا لبعض .... ام مهران : اصر يعرف شنو حصل لكم بعد الحادث وابوه خبره كل شي .... تركي الياس نادم ويبي يكفر عن ذنبه ورفض يتكلم الا بحضور ميار وانت .... تركي بهدوء عكس البركان الي بداخله : بعد شنو ندم ... بعد ما فرقنا ... وشنو بيقول ... ام مهران : قال انه ندم وكان متوجه لبيتي يعترف لنا بكل شي لكن حصل له الحادث ... تركي مستعد تسمعه او اخذ ميار بس له لاني كلفت سناء تخبرها بنفس الوقت الي اكلمك الحين فيه .... تركي : بدون قبولي لروحتها يمه .... ام مهران : لا تضن اشجعها على عصيانك حتى وانت طاقها .... تركي بخجل واهو منزل راسه : يمه ..... ااااه والله انج تمسكيني من رقبتي ... اوكي خلاص بنروح له لكن من بيكون مع تاله وقتها .... ام مهران : وقتها تاله بتطلع الدمتور قال بعد يومين نقدر ناخذها وانت تروح بكره اخالتك تشوف شتبي منك وبعد اسبوع نروح الى الياس لانه حاليا بالصين يسوولها علاجات بالمياه الكبريتيه و الابر الصينيه... لمى يرجع بعد اسبوع نروح له ... تركي : اوكي على خير .... يمه ميار شنو العمل معاها الحين .... ام مهران : تحمل الي اييك منها ....اي على فكره مهران وصل لاسماء الي شرو السم بوصفه طبيه لانه نادر اساسا و قال بكره يتاكد اذا كانت وصفاة حقيقيه او مزيفه لاحد والي شروه في منهم شاك فيهم ... تركي لا تضن مهران يبي يتصيد لاروى لكن ثنين منهم من الي مع اروى .... تركي مستغرب : شنو ... ليش مهران يعرفهم ..... تنهدت ام مهران : يمه تركي كلنا نعرف ان اروى تخونك من سنين لكن ما بيدنا شي اهو صح المفروض نتكلم لكن انت شاك فيها ولو تبي تعرف من زمان كنت عرفة كل شي بسهوله ... شوف يمه من سنتين رجع مهران هني و له معرفة بواحد وبينهم شغل وعزمه على حفله بمناسبة نجاح الصفقه ولمى راح مهران كانت خفله مختلطه وهالشي ما استغربه مهران لانه يعرف ان هالريال منفتح ومنفلت لكن كل الي بينهم شغل وبوسط الحفله انتبه مهران ان ريال يروحو غرف العلويه ويسمع ضحك وصراخ لكن قال مالي دخل وكلها كم دقيقه واطلع اكن تفاجئ بصاحب الحفله يعرض عليه يختلي بوحده وخبره انها مطلوبه وانه خباها له مخصوص ولا بيقدمها لغيره الا بعده مهران رفضواعتذر يبي يطلع لكن الريال سحبه ومهران تورط معاه فقرر يدخل ويفهم البنت انه موب راعي هالسوالف ويعطيها كم فلس ويتركها لكن الي صدمه لمى لقى الي داخل اروى ...وقتها اروى ما عرفة مهران وبدت شغلها اول ما طلع الريال تغري مهران ... وقتها مهران ما تحمل وصفعها و قال لها يا خسارة تركي واهو غافل عنج هني اروى عرفة مهران و خافة لكن بعدين تصنعت القوة وقالت ما معاك دليل علي وتركي مستحيل يصدقك فقال لها صح ظامه قد الشرف ولم القذاره لازم ما يصدق ومن يومها ومهران ماخذ موقف اكبر منك وتعرف ان بصعوبه اقنعته يقبل ان ميار ترد لك برغم ان السبب الرئيسي اهي تاله ... تعرف ليش .... تركي : ليش .... ام مهران : لانك تعاشر زانيه وما يبي تلمس ميار .... لكن ارتاح لمى ميار خبرته بشرطها عليك زانت قبلت ..... تركي : انا هاجرها تماما اكثر من سنه ونص لكن بعد كلامج انا تقززت من نفسي اني لمستها واساسا ما قاربتها الا كم مره من طلقت ميار ... يمكن مره بالسنه .... ام مهران : دامك ما تبيها ليش ما طلقتها وتزوجة غيرها تعف نفسك فيها .... تركي واهو ياشر على قلبه : لان هذا مشغول ببنتج ... انا ما قربت لاروى الا اطفي غريزه وبس وهم كنت اتخيل ميار ... اسف اتكلم جذيه بهالموضوع لكني اقول الي حسيته ... انا حتى ما حبيت اتزوج زواج مسيار بس لاني مابي غير ميار .... ام مهران : برغم انك شاك فيها ما تبي غيرها .... تركي : ما اقدر اقول شاك انا عارف انها بريئه لكن ابي اثبات يريحني من المنظر الي ببالي ولا تربيتج ما تشكك فيها ...وقتها ضنيتها طعنتني وهذا الي ذبحني ... غيرها ما همني لكن ميار دمي الي يجري بعروقي وبدونها اموت .... ام مهران : ادعي ربك يحنن قلبها عليك وتسامحك ... ما اوعدك لكن بحاول معاها بس عشان تاله والي بحشاها ولاني صدقتك ..... تركي واهو يبوس راسها : الله لا يحرمني منك ومن حنيتج .... وعد مستحيل اغلط لحقها مره ثانيه توبه خلاص ..... ضحكة ام مهران على تركي واهو يرفع اصبعه دليل التوبه ويبوس جتفها ...... ام مهران : لكن بكلمها بالبيت تعرف بالمستشفى ما ينفع ابيها لمى تريح .... تركي واهو يبوس يدينها وبترجي : يمه رجيتج حاولي معاها هني انا ما اتحمل بعدها لو تنام بعيد احترق تعودت على دفاها ..... ام مهران واهي توقف وتضربه على جتفه : ووين كنت تنام من ست سنين ... تركي اعقل وعطها وقت عشان تراجع نفسها لنفسها ولا تنسى موضوع تسمم تاله ما بيعدي على خير وهالشي شاغل بالها وايد وانت تعرفها شلون تفكر .... تركي واهو يطلع معاها من الغرفه : الله يعيني على صدها ... وصل تركي ام مهران للمصعد لانها راجعه لبيتها واهو توجه لجناح تاله ولمى دخل لقى تاله نايمه بسريرها وميار واقفه جنب الشباك تطالع برى وباين انها سرحانه فقرب منها وصار وراها واول ما رفع يده بيصمها وقفه صوتها .... ميار بصوت واطي : لا تفكر تلمسني وابعد عني ويفضل تطلع برى الجناح وترجع لحضن ..... استغفر الله مابي اغلط باحد لكن بعد تركي واهو تو يلاحظ انعكاس صورته على زجاج الشباك : والله خرعتيني وانا اقول شلون عرفت اني وراها ...حبيبتي فرصه عشان نتحاور واوضح لج كل شي وكل شي يكون تمام .... ميار واهي واقفه مكانها : تركي روح مابينا حوار الي بينا انتهى .... تركي برجاء : عشان تاله والي بحشاج عطيني فرصه اتكلم .... ميار واهي تلف له بعصبيه وتاشر على تاله وبصوت واطي : لو انها تهمك ما ييت تهجم علي وتهيني ولا كنت قلت الي قلته قبالها ... روح وبعد الي هنتني عشانها تنتظرك بحضن غيرك ... روح تركي ولا توصلني للصراخ .... تركي واهو يبعد عنها لانه خايف عليها : خلاص ببعد لكن اهدي العصبيه موب زينه لج ... اوكي ناجل لوقت ثاني لكن ببقى هني عشان تاله ولا تنسي انا وعدتها ابقى هني يمها .... ميار واهي ترجع على وضعها القبلي وتطالع برى : ليتك توفي بوعودك كلها .... تنهد تركي وفهم قصدها بانه ما وفى بوعوده معاها لا قبل يتطلقو ولا بعد ما رجعها فقعد بكرسي قريب من تاله و يسمح له يراقب ميار و طلع تلفونه يراسل فهد ويخبره بكل الي حصل له وما لقى من فهد ىدود غير التهزيئ والخناق لكن بالنهايه نصحه يترك ميار براحتها ولا يكلمها بمسامحته لحد ما تتشافى تاله و ترجع البيت وخبره انه بيزور تاله اهو وليلى اليوم الثاني ..... تطمنت ميار على تاله وتمددت على الكنبه القريبه من تاله وملاحظه نظرات تركي عليها وتعرف انه ندمان لكن تبي تادبه ولا يكرر تصرفاته مره ثانيه ... اهي عارفه بلي حس فيه لمى شاف اروى مع المخبر لكن ما يحق له يلومها لانها ما خبرته بهذي الخيانه واهو اساسا شاك وكان بكلامها تاكد له هالشي كافي انها نصحته يراقب بنفسه هذا كافي ياكد له شكوكه لكن لمى شاف بعينه فكرها تتشمت فيه لكنها كانت تبيه يشوف بعينه ولا يكون في شك ويقدر يواجه يدته لانها تعرف ان يدته ماخذه منه وعد ما يطلق اروى مهما سوت لكن هالشي غلط ولا يغتفر واكبر غلط انه يتركها على ذمته واهو عارف انها تخونه خيانه كامله لانه يعتبر ديوث لو قبلها على نفسه واهي ما تبي لنفسها او عياله يرتبطو فيه واهو بهذي الحاله من الخضوع ليدته ... يحبها ويحترمها مافيها شي لكن يرضخ لها بالغلط مستحيل تقبله ابد لا له ولا لها ومن حقها تدافع عن حياتها وحيات عيالها معاه ..... مرة الليله على خير لان تركي اخذ بنصيحة فهد وام معران وترك ميار براحتها لكنه صحاها لمى خبرته الممرضه ان الدكتور بيمر يكشف على تاله بعد ربع ساعه ولمى صحت دايركت خبرها عشان لا تعصب فهزت راسها وتوجهة للحمام تغسل وتصلي بمكان ثاني متدارى بالجناح ورجعت له وطلت على تاله ورجعت قعدت على الكنبه ولحظات ودخل الدكتور وبعد السلام كشف على تاله الي للحين نايمه .... ميار واهي تراقب فحص الدكتور لتاله : دكتور ليش للحين نايمه طولت وايد ... الدكتور واهو يرجع الغطى على تاله ويلف لميار : ناسيه التعب الي حصل لها والتسمم وهم عملية التنظيف تاخذ مجهود منها ومع صغر حجمها .... انا معطيها منوم بسيط لكن المفروض بعد ساعه تصحى ... تركي : شنو بالنسبه للكلى تاثرة وايد .... الدكتور : تاثرة لكن موب وايد لكن احتمال تحتاج غسيل قبل الوقت المحدد لها والسبب الي حصل ... لكن حمل مدام ميار يعتبر طوق نجاة لها ... اي صحيح مدام يا ريت تكون تحت اشراف الدكتورة سهى لان بتقدر تتعاون معاي بخصوص فحوصاتج و ملاحظة الجنين عشان عملية تاله .... ميار : اوكي ماما خذة منها موعد عشان المتابعه لكن بيكون بعد ما اتم الثالث .... الدكتور : اوكي برجع افحصها تاله بعد الفطور ويا ليت تاكل كل الي بييبوه لها ... ما تشوف شر ... تركي : الشر ما اييك ومشكور .... طلع الدكتور ورجعت ميار تمسح على شعر تاله وباست راسها وقعدت جتبها واهي ماسكه يدها فقرب لها تركي ووقف جنبها وباس جبين تاله.. تركي واهو يطالع ميار : بروح الكفتيريا شنو تبين فطور اييبه لج .... ميار وعينها على تاله : مابي شي منك .... تركي : اوكي انتي ما تبين لكن ولدي يبي واتوقع انه يوعان لانج من امس ما كليتي شي ولازم يتغذى .... ميار : ولدك ما يبي مثل امه واذا بغيت شي طلبته بنفسي من الكفتيريا واييبوه لي اما انت ما نبي منك شي ..... تركي واهو ينزل لمستواها ويهمس باذنها : مافي شي تاخذيه مني هاااه ... وهلي بحشاج من من هاااه موب مني وتاله من من ... ارتعش جسم ميار وبلعت ريجها ونزلت راسها خجلانه فابتسم تركي لانه يعرف خجلها بيمنعها ترد عليه فانتهز الفرصه وباس خدها بقوة وبعد واهو يضحك عليها ويعتدل بوقفته .... تركي واهو يمرر اصبعه على خدها : اعرف شتحبين بروح وارجع وتاكل كل الي اييبه اذا تبين شي معين ارسلي لي على الواتس وبييبه .... تركها تركي وطلع واهو مبتسم اما ميار فسبت نفسها على ضعفها وسكوتها معاه لانه بيضن انها رضت وسامحته او ممكن تسامحه فتنهدت واهي تتامل تاله وتمسح على بطنها وتفكر بحياتهم الجايه .. مر يومين وبعدها طلعت تاله من المستشفى و طلعت فيها ميار للقصر ورفضت ترجع مع تركي وتركي سكت ولا تكلم ولا حاول يمنعها لانه يبي يتخلص من اروى اول لانه اجل زيارته لخالته وجدته بعد ما تطلع تاله من المستشفى فترك ميار تروح القصر ويبي يردها بعدها ... والي محد يعرفه ان تركي كلم الياس باتصال مرئي وخبره الياس بكل شي وشلون خطط مع اروى على كل شي وشلون اروى الي كلمته تبيه يخرب بين تركي وميار عشان تكون له وتركي يكون لاروى ... اما مهران فتوصل مع الشرطه للي سمم تاله واهي اروى بعد ما قبضو على صاحبها الي اشترى السم واهي استخدمته لتاله لكن اروى مختفية مع المخبر ويبحثو عنها عشان يقبضو عليها وطبعا الكل يعرف بكل هذا وتركي توجه لبيت يدته وطلب من عادل ياخذ امه وابوه واخوانه لبيت الجده عشان كل شي يتوضح له ...... دخل تركي ومعاه امه وابوه بيت الجده وكانت خالته وزوجها وعيالها موجودين والجده بمكانها المعتاد وكانت منزله راسها وباين عليها التوتر والخوف فجلس تركي بوسط امه وابوه مقابل لخالته وزوجها والجده قريبه منهم وعادل واخوانه قاعدين قريب من امهم وابوهم .... تركي لخالته : طلبتيني خالتي واعتذر لاني اجلت لكن انتي عارفه تاله كانت بالمستشفى واليوم طلعت ... امريني .... ام عادل واهي تطالع امها وبعدها تركي : ما يامر عليك عدو ... حبيبي كنت ابي ميار معاك ليش ما حضرت ..... ام تركي : ليش يا وخيتي انتي تعرفي ميار مع تاله وتو طالعه من المستشفى فاهي هم محتاجه للراحه وتعرفي انها حامل ... ابو تركي : ضروري وجودها يا ام عادل ..... ابو عادل : اهي تغرف الي بنقوله لكن فؤ امور ما تعرفها ونبي وجودها لكن دامه تعب عليها تركي ينقل لها اذا يحب بعد ما يعرف .... تركي واهو يطالع يدته ومستغرب سكوتها : يدتي فيج شي ... تعبانه ... الجده واهي على حالتها منزله راسها وصوتها يرجف : مافي شي .... ام عادل : تركي اترك امي الحين لمى اتكلم بتعرف ليش هذا حالها وطبها ابو عادل بخبركم بكل شي من البدايه وحتى عيالي ما يعرفو ولازم تعرفو اني انا نفسي ما عرفت الا من ست سنين او اكثر ... تكلم يا ابو عادل ... ابو عادل لتركي : اولا ابيك تسامحني على تعاملي معاك قبل ورفضي لك لمى تقدمت لاروى لكن رفضي كان لمصلحتك وقبولي كان بضغط من يدتك موب من اصرار اروى عليك ... تركي : هالشي ما عاد يهمني لان اروى اساسا من اكتشفتها على حقيقتها كرهت اللحظه الي حسيت فيها بمشاعر لها .... لكن كمل الي عندك وايف قاطعتك .... ابو عادل : رفضي كان من محبتي لك .... تركي اروى موب بنت خالتك ولا بنتي اساسا .... الكل عدى الجده وام عادل بصدمه : شنو ..... ابو تركي بصدمه كبيره : انت شقاعد تقول شتخربط .... شلون اروى موب بنتكم .... ام تركي بصدمه و هستيريا : شلون موب بنتكم و ام عادل كانت حامل قبل الولاده ... فهمونا شلون .... عادل : يبه شتقول شلون يعني اروى موب اختنا .... ام عادل : لا موب اختكم ولا حتى بالرضاع لان وقتها انا ما قدرت ارضعها لان جسمي ما تحمل بعد الولاده وانا كنت اتعالج فمنعو ارضعها ... كمل ابو عادل .... ابو عادل : كلامج تم تركي صحيح ام عادل كانت حامل واذا تذكري قبل موعد ولادتها باسبوع انتي خذيتي العيال عندج لانها كانت تعبانه وايد من الحمل .... وقتها كنا بالبيت وانا ياني اتصال ضروري وطارء للشغل ولمى تاكدت من ام عادل انهة تمام رحت وكان الوقت متاخر والجو شتا وكان الجو دمار المهم رحت للمخازن وحصلت اعطال بسبب الجو و انشغلت معاهم ونسيت الوقت والي ما كنت اعرفه ان ام عادل ياها الطلق والشبكه عندي ضعيفه واهي تتصل ولا يوصلني اتصالاتها لكن بعد مده لاحظت الوقت وانتبهت لتلفوني بدون شبكه فاتصلت لام عادل من تلفون المخازن ومثل ما حسيت كانت تطلق و انا كلمت يدتكم وخبرتها ولان المسافه بعيده من بيت اليده للبيت طلبت منها تسبقنا على المستشفى وانا رجعت لام عادل وكانت بحاله حرجه واخذتها لامستشفى و نقلوها بسرعه للولادها و اثناء الولاده ام عادل غابة عن الوعي وللاسف الجنين توفى بوقت الولاده وكانت بنت مثل ما تبين بالسونار وتعرفو ام عادل تعلقت فيها ولان ما عندها بنت قبل فلمى خبرونا ان البنت نزلت ميته انا انصدمت وفكرة على طول بام عادل شنو اقول لها وانا اشوفها من عرفة ان الجنين بنت واهي فرحانها وما تركت شي ما جهزته لها فضليت مكاني وسالت اليده شمو اسوي وشلون اقول لها بنتها ماتت وقتها ام عادل غايبه عن الوعي لكن صحوها وبعدها نامت و انا تحيرت لكن اليده تركتني ورجعت بعد مده وخبرتني ان في مولوده لفوها جنب باب المستشفى مرميه وانعا كلمة ادارة المستشفى بان يسمحو لنا نربيها بدل بنتنا الي ماتت ولا يخبرو ام عادل ويعطوها البنت على انها بنتها بالبدايه رفضت لكن لمى فكرة بام عادل وخصوصا انه اخر امل لها بالحمل قبلت و هالطفله اهي اروى .... وليد بعصبيه : يعني لقيطه .... ربيتو بينا لقيطه شلون قدرت يبه تخليها بينا لو انك مخبر امي بتتاثر فترة وبعدها تنسى ..... عادل : وليد اسكت كمل يبه قول باقي الاسرار .... ابو عادل : اروى تربت بينكم مثل ما قلت يا وليد وكنا نتعامل معاها على انهة لنتنا لكن ام عادل قالت شي خوفني تكتشف الحقيقه ووقتها تنهار اذا عرفة انها موب بنتها وبنتها ماتت ... قالت لي كذ مره انها ما تحس لاروى بمشاعر مثل ما حست فيه لعادل ووليد وسامر لكن انا لفيت معاها بالكلام على اساس ان اروى اول بنت لها .... و الي حصل بعد سنين ان ياتنؤ وحده روسيه بالشركه واعترفة انها ام اروى وانها راقبت اروى من تركتها احد ما خذيناها للبيت وقتها خفت تطالب فيها لكن صدمتني انها تساومني وتهددني اذا ما عطبتها فلوس بتخبر ام عادل وحصل اني صرت ادفع لها كل شه مبلغ بعد ما تاكدت انها فعلا بنتها وتوضح ليان هذي الروسيه بياعة هوا من بنات الليل وتعتبر اروى بنت حرام ولمى سالتها من ابوها وتغرفه لو لا قالت لي ما تعرف لانها كل يوم مع اكثر من واحد فصعب تعرف من ابوها .... تركي اخيرا بعدالي سمعه وبسخريه: يا سلام ... يعني الحب طالع على بذرهوالبنت على امها....وبعدين .... ابو عادل : ربيناها لكن لمى صار عمر اروى ١٢ سنه انا لاحظة عليها تصرفات خوفتني منها لان تصرفاتها وكانها تعرض نفسها على عيالي وعلي وتخوفت قلت مثل ما انت قلت الحين طالعه على امها وبدمها الشي فكلمت اليده وقالت لي ييبها عندي بعد ما تشد من خلافاتك مع ام عادل على اروى وتاشبها بكل شي لان ام عادل بتشك ليش تروح تعيش عند يدتها جذيه وفعلا ظليت انشب لها بكل صغيره وكبيره واسمح لاروى بكل شي تبيه وام عادل ما تقبل وتقول هذي بنت اذا تركتها بكيفها تخرب ما تعرف ان دمها كله فاسد وتدخلت اليده واخذتها والكل يضن اني بخربها لكن للامانه كنت احن عليها وتكسر خاطري ولا اتحمل تزعل علي وكانها بنتي فعلا والي حصل انها عاشت عند اليده وانا ادفع لامها عشان تسكت وبيوم ياتني اروى الشركه وكانت امها عندي تبي زود وسمعتها اروى بالبدايه انصدمت لكن بعدين تقبلت الوضع عادي .... كان معرفتها قبل تخطبها وهني اروى ياتنيتبجي وتردد لاني مو بنتك ما تهتم للي ابيه وكسرت خاطري لكن رفضي كان خوف عليك منها اني اعرف انها بتخونك وهالشي فيها ... مابي اتكلم بتفاصيل سواياها لكن كنت ابي اجنبك كل هلي حصل لك وانتو اعتبرتو رفضي كره لك ... قسم يا تركي كنت احترق من داخلي وانا اشوفك معاها ولمى سافرة انت اهي طلعت المواهب الدفينه فيها مع الشباب والي ما تعرفوه اني كنت امسكها لا تسلم نفسها موب مثل ما قالت لكم اني جابرها .... سامر بصراخ ودموعه تنزل : ليش ليش تتركها باسمنا تعرف شكثر انا خجلت من الشباب واهم يتكلمو عنها ويطالعوني بطرف عينهم يتشمتو فيني تعرف ليش قررة اهاجر اخذ زوجتي واهج تعرف ان زوجتي تبي تطلق لان خايفه بناتها مني يكونو مثل عمتهم وحال وليد اردى مني تعرفو شسويتو فينا عار عار حملناه ومالنا دخل فيه .... ليس ما اعترفتو واعلنتو هالشي للناس خل يعرفو انها ما لها صلا فينا ...ليش يبه ليش ..... ام عادل واهي تصرخ بعصبيه : ابوك ماله ذنب يدكت الي اصرت يسكت حتى لمى انا عرفة حلفة تبرى مني لو تكلمت وحتى ميار هددتها وكان ميار محتاجه تهديد ... يمه ميار سكتت لان ما تبين نتكلم ولا ميار وعايلتها ياكلونا كلنا ويودونا ورى الشمس .... تركي مستغرب : شدخل ميار .... خالتي شدخل ميار بالسالفه وشلون عرفة ومتى ..... ام عادل : تذكر لمى رديت اروى وقلت لك ميار ما تستاهل تطعنها لمى يات وراك ياتني بيتي لاني كنت تعبانه ومن طيبها تزورني وتييب لي هدايا وشغلات كنت موصيتها عليها واهي عندي خبرتني انها بتزور يدتك عشان تهديها فقلت لها بروح معاها لاني ماله بالبيت فرحنا ولمى وصلنا لقينا سيارة ابو عادل واستغربت لانه قال مشغول وايد بالشغل ودخلنا وكان الباب مفتوح وتصنمنا مكانا من الي سمعناه ابو عادل يتخانق مع امي على سكوته عن اروى واهي تخون الكل وتبيع نفسها لكل واحد مثل امها وانه لازم يعترف لي لكن امي رفضت وهني انا صرخت فيهم شلي كاتمينه عني وتفاجاو فينا لكن امي خافة من ميار لا تخبر تركي وب غم ان تركي طعنها ما خبرته وتكتمت على السالفه ... ابو عادل : هالبنت انت محظوظ فيها تعرف لمى التقيت فيها بكندا وسالتها ليش ما خبرتك باصل اروى قالت وليش اخبره واجرحه فيها واهي ما تبيه يعرف ولانها وعدت اليده تسكت لاخر لحظه بعمرها الا لو انفضح الموضوع من غيرها ..... تركي ميار متربيه تربيه اصيله واهنيك فيها .... الله عوضك فيها وبعد عنك اروى ليش تطعن زوجتك فيها وترد اروى ... عشان تهدبدها لك ... لو تكلمت لمهران كان ساعدك وحمى حياة اخته .... ابو تركي : توكم تعرفو ميار .... انا من شفتها مع تركي اول مره وتذكرة امها وابوها هالبنت اصيله ومن نسل اصيل ... تعرف يا تركي انت للحين مهزوم قبال ميار ... شفت الي متهجم عليها تلومها تتهمها انهة تتشمت فيك لمى نصحتك تراقب اروى ... تعرف انا الحين اقول لك ما تستاهلها فعلا انت تلوق لك اروى وامثالها .... تركي بصدمه وعصبيه واهو يطالع ابوه : يبه تبي ميار تتركني اذا ام مهران فهمتني انت تقول جذيه تبي ميار تتركني .... ام تركي : لا يمه ما يبيها تتركك لكن ينبهم للفرق بينكم انت تغلط واهي تسامح وتتحمل عكسك ... باين ما ربيناك صح .... تركي واهو ياشر على الجده : لا ربيتوني صح والدليل اني ماشي على وعدي لامج .... بدتي تكلمي انتي ليش خذيتي وعود علي عشان اروى وانتي عارفه اصلها ... قولي ليش تبيني ابقى على بنت حرام واخليها بءمتي على البنت الي اشرف منها بملايين ... قولي يمه ليش اخذتي علي هالوعود ومكلبشى يديني حتى امي وابوي يضنو من كيفي امشي وانهم ما ربوني عدل ... قولي ليش تهددي ميار وتحبي اروى ليش تبينها لي انا بالذات اتحمل مصايبها وبلاويها ... تعرفي انها مسممى بنتي تعرفي انها تخوني مع الف واحد ... تعرفي وابيهنها بذمتي ليش .. الكل انصدم من كلام تركي ووقفو كلهم يطالعوها واهي مكانها منزله راسها وترجف واهي مايكه عصاها .... ام تركي بنهيار ودموعها تنزل : ليش يمه ولدي رخيص عندج ليش تبليه في بنت حرام .. ليش يمه .... ابو تركي واهو يسند ام تركي ويحاول يهديها : خالتي انا احترمج طول عمري لكن الي سويتيه بتركي غلط كبير ... انتي الي شجعتيه على اروى من كان صغير كنتي تعلقيه فيها واحنا ما تكلمنا او عارضنا قلنا بنت خالته وما بعيبها شي لكن تعرفي انها مو بنتهم و بنت حرام وتبليها بولدي ولا تخربي حياته مع زوجته وتهدديها لا تتكلم ببنت الحرام ... ليش خالتي ليش شنو هالسر الي تخفيه لاني اعرف ان تركي غالي عليج فليش كل هذا ..... عادل ببرود واهو مكانه : انا اقول لكم ليش يدتي سوت كل هذا .... الكل لف عليه واستغربو هدؤه فقرب منه تركي و سحبه يوقفه من ذراعه .... تركي بعصبيه : تعرف وتاركها تبليني فيها ... ليش عاجبك اذيتي ... انا اذيتك بشنو انت هم .... عادل واهو ينفض يد تركي : لا تمد يدك انا مالي دخل يدتي طلبتني امس وخبرتني خايفه من مواجهتكم وتبيني انا اقول كل شي لكن انا انتظرت تاله تطلع وكنت بكلمك لكنك سبقتني وييت هني معاهم واذا تبون بتكلم عنها لاني ما اتوقعها تقدر تتكلم .... ابو عادل : قول ليش ساكت دامك تعرف ... قول وخلصنا .... عادل واهو يقعد جنب يدته ويلف يده حول جتفها ويبوس راسها : لان اروى بنت خالي حسام .... الكل انصدم وقعدو من صدمتهم لكن تركي ما تحمل ياخذ المعلومات بالقطاره فصرخ فيهم .... تركي : فهمنا شلون بنت خالي حسام وخالي عمره ما تزوج ومتوفي من ٢٠ سنه ... تكلم بكل الي تغرفه ولا تعطينا بالقطاره اعصابي فلتت .... عادل : ام اروى ياتها واهي حامل فيها و الصدفه امي هم كانت حامل وخبرت يدتي ان خالي معاها وانها حامل منه ولمى يدتي واجهته انكر وقال لها انها بنت ليل و الي بحشاها مستحيل تعرف من ابوه وانها تبي تبتزه .... وقتها يدتي صدقته لكن عشان ما تبي الفضايح صارت تصرف عليها وسكنتها بشقه ببنايتها والصدف يوم ولادتها نفس ليلة ولادة امي ولمى ابوي كلمها كانت بالمستشفى مع ام اروى وخالي كان مسافر او نقول هج ما يبي يتشبلق بالروسيه لكن يدتي اخذت منه عينه وتركتها بالمستشفى واول ما انولدة اروى فحصوها وتبين انعا بنت خالي ويدتي كلمته دايركت ايي ويعترف فيها لكن خالي رفض واصر ينكرها فحتارت يدتي ولمى امي ولدة البنت ميته يدتي فكرة باروى فقررة تتفق مع الروسيه تربيها لان الروسيه ما تبيها وتبي ارجع بلادها فاخذتها يدتي وقالت لابوي الي قاله .... امها اوهمت يدتي انها سافرة لكنها كانت تراقب وين بتاخذ يدتي اروى ولمى لقت ان ابوي معاه فلوس قررة تبتزه وخصوصا لمى عرفة من يدتي بزلت لسان ان اختي يات ميته وامي ما تعرف فاستغلت هالسالفه ولبتزته احد ما اروى عرفة واهي منعته وسفرتها وصارة اروى الي تاخذ بدل امها ....المهم يدتي تركتك يا تركي تتقرب لاروى لانها تبيها يمها تشوف فيها خالي وكانت تبي تلبي كل رغباتها وكل الي سوته يدته بس رضى اروى وعلى فكرة اروى الي قالت ليدتي انها تحبك ويدتي كانت تسهل لك الطريج وتحببك فيها بصفاة عكسها واحنا ما عرفناها عدل لان بمراهقتها مع بدتي وما رجعت البيت الا قبل خطبتك لها بشهر ... اعتذر منك تركي لكن لو كنت اعرف كنت نبهتك .... يدتي تصرفة كل هالتصرفاة لان اروى تييها تبجي وتهددها تبي تنتحر واضنكم عارفين مكانت خالي عند يدتي واروى اخر شي منه فاتوقع فهمتو كل شي ...... تركي بنهيار وصراخ و هستيريا : وميار وتاله شنو ذنبهم يمه .... قوليلي شنو ذنب بنتي تتربى بعيد عني ... فولي يمه ليش انحرم السعاده بس عشان بنت الحرام تكون سعيده .... وخالي بشنو ريحج قبل عشان تتحسري عليه قولي يمه كنتي بتفرحي لو تاله ماتت ... قولي تفرحي لموت بنتي وبنت ولدج تعيش بقذارتها مثل امها ... عاجبج الناس تتمسخر فيني لاني زوج الزانيه وساكت ..... تعرفي شنو يسموني ... شنو انا ديوووووووووووث .... انا ديوث عاجبج ... عاجبج قولي ليش ساكته عاجبج ..... انهار تركي على الارض يبجي مثل الياهل الي خرلت لعبته المتعلق فيها فتراكضو له ابوه وابو عادل وعيال خاله وضمه ابوه ودفن ويهه بصدر ابوه واهو يبجي والكل نزلت دمعتهم على حالته لانه المتضرر الاكبر من كل الي حصل وكله بسبب حب يدته لخاله وتمسكها ببنته الوحيده غافله عن الاذى الي تسببته بحياة تركي وميار وتاله .... ام تركي واهي تسحب تركي من حضن ابوه وتضمه وتبوس راسه : لا تبجي يمه خالص انت قلت انها محرمه عليك من زمان والشيخ قال لك انه بيطلقها منك طلاق دايم لو كلمته ... خلاص تخلص منها وانا كنت حاطه اعتبرار لاخي ودامها موب بنتها وطلعت بنت حرام حتى لو بنت اخوي ما همتني شعره وبعد سواتها بتاله خلاص كرهتها كره العمى .... الجده واهي تبجي وتهتز : لا تقسو عليها تراها الباقيه من ريحت اخوكم ... هذي الي بقى منه .... ام عادل : لو حسام الله يرحمه عايش كان ذبحها ... يمه حسام كان يعرف انها موب بنته بروحه حتى لو طلع ان نسبته اكثر فتكونت من اكثر من نطفه ....ذبحتي تركي وعذبتيني انا وهددتي ميار وكانها بتهتم بتهديدج لكن انتي هددتي واروى نفذت .... تعرف يا تركي امي ما تستاهل حبك واحترامك لها ... تعرف انه هددت ميار قبالي انا وابو عادل انها بتاذيها اهي واهلها وتوصل للقتل لاغلا من عندها اذا خبرتك باصل اروى ...لكن اروى نفذت وسممت تاله ... راضيه يمه ... تركي واهو يبعد عن امه ويوقف قبال يدته : بنت الحرام وين .... انتي تعرفي وينها .... الجده وراسها بالارض : ما اعرف من شفتها انت مع المخبر كلمتني وخبرتني بهالشي وما ياتنا الا عشان تاخذ فلوس ومنها ما اتصلت ولا اعرف لوين راحت ..... تركي بوعيد : اذا مسكتها ما افكها الا وطالعه روحها بيدي ..... الجده بخوف واهي تمسك يده : لا يمه لا تخلي غضبك يعميك هذي بنت خالك وزوجتك .... تركي بصراخ بويه جدته وبدون وعي : وانا ... انا ولد حرام عندج ... هذي ما تيوى شي وصبري عليها كان عشانج لكن انتي الحين مالج مكانه عندي .... بنت ولدج حسابها عسير عندي لانها تجرائة واذت بنتي ... كل الي سوته بجهى و هلي سوته بجهى ثانيه ... طلع تركي بعد ما قال كلامه والكل يطالع الجده مستنكرين سواتها ومافي جنبها الا عادل وخايف عليها لانه حاس برعشتها لانها سبق ووضحت له انها ندمانه وانها كانت بتخبر تركي بكل شي لكن تجيها اروى تلجي ومن تطالع وبها تشوف ولدها وتتراجع وتساعدها فبقى معاها بعد ما تركوها كلهم وما تحمل يتركها تبات بروحها وهذي حالتها فكلم زوجته الي تعرف كل شي منه و طلب منها تييهممع عيالهم عشان تلهي الجده ولا تبقى بخوفها على تركي واروى ..... تركي طلع ولا رد على الاتصالات فخافوعليه فكلمت ام تركي ميار وخبرتها بكل الي حصل فريحتها ميار بانها بتتصرف وبتطمنها على تركي قريب ولان ميار اكثر من يعرف تركي شلون يفكر فطلعت متوجهى لمكانه ومثل ما توقعت لقت سيارة جنب البيت الي عاشو فيه قبل ينفصلو فنزلت و بقت مده تطالع البيت واهي واقفه قباله تتذكر كل الي حصل فيه فتنهدت واهي تغمض عينها و بعدها فتحت واخذت نفس و مشت بالممر وكان الزرع بالجهتين اخضر ومليان ورد الي اهي تحبه فابتسمت لانها فهمت ان تركي معتني بالبيت حتى بعد ما انفصلو لهذا اليوم وسبق وخبرها فهد ان تركي متمسك بالبيت ورفض يبيعه لمى سالته عن اللبيت اذا باعه او لا .... لقت ميار الباب مسكر لكن موب مقفل ففتحته ودخلت كانت الانوار مشغله بكل مكان بالبيت ودورته بالطابق الارضي ما لقته فطلعت فوق وانتبهت لان الغرفة الي كانت لهم مضويه فتوجهت لها وكان الباب مفتوح لقت تركي قاعد على الارض وماسك بيده ملابسها السابقه وكل شي مثل ما اهو ما تغير اي شي من اخر مره كانت موجوده فيها هني فارتعش جسمها واهي تتذكر كل الي حصل لها هني من اذى بعد ما كانت سعيده بهالبيت فصحت من ذكرياتها على صوت تركي ولقته واقف بوسط الغرفه وماسك بيده قميص نوم لها .... تركي واهو ياشر لها على كل مكان بالغرفه : تذكري .... تذكري شنو الي حصل هني ... انا ذبحتج هني ... طعنتج بردي لاروى و بمقاربي لها بفراشج و بطعنج بشرفج وتصديقي لهم .... لو بعيد وازيد بكل الي حصل ما بخلص من اخطائي بحقج .... ييتي تدوري علي ... ييتي بعد ما كلموج .... خبروج الي حصل قالو لج ان يدتي لعبت فيني على حساب بنت حرام ...انا وانتي وتاله ذقنا الويل والسبب ان يدتي تبي بنت ولدها ما ينقصها شي ولا همها على حساب من يكون ..... سامحيني ... كل الي حصل بسببي لاني رضخت ليدتي ولبيت طلباتها ... كنت مثل الدميه الي تحركها لاروى بكيفها مستغله نقطة ضعفها واهو خالي وانا استغلت يدتي حبي واحترامي لها ..... ميااااار .... سامحيني ..... انا منهان اكثر منج ... محتاجج قسم بالله ...... كانت ميار دموعها تنزل واهي تسمع كلامه وتشوف المه قبالها بكلامه ودموعه تنزل فركضت لها وضمته فبجى تركي بنهيار وشد عليها ومن كثر البجي والانهيار نزل معاها على الارض واهو ضامها ويبجي .... تركي بعد ما رفع راسه ورفع راس ميار يجوف ويها فباس عينينها : لا تنزل دموعج علي فاهمه ..... ميار واهي تمسح دموعه : ما اتحمل اشوفك بهذي الحاله و اصمد ... قلبي ما يتحمل ..... ابتسم تركي ابتسامت الم فحط جبينه على جبينها بتعب : أنا آسف ولو ترجع أبفرشلك ضلوعي دروب وأبد ما أعاتبك وأجزع وعن كل الخطا بأتوب من أول وأنت تعنيلي قبل تسكن مواويلي وزاد الحب فوق الحب ألا يا حلمي وليلي من أول وأنت تعنيلي قبل تسكن مواويلي وزاد الحب فوق الحب ألا يا حلمي وليلي وأنا مخطي وبتعذر ولكن عاشقك مجبر خذاني الصوت فغيابك خذاني والغرام أكبر وأنا مخطي وبتعذر ولكن عاشقك مجبر خذاني الصوت فغيابك خذاني والغرام أكبر تغاضى والعتب مرفوع تناسى ذنبي المسموع في بعدك ماني متحمل تلاحق قلبي الموجوع تغاضى والعتب مرفوع تناسى ذنبي المسموع في بعدك ماني متحمل تلاحق قلبي الموجوع أبيها منك هالمرة أبطفي بالحشى جمره ترى أيامي عقب عينك غدت يا صاحبي مره أبيها منك هالمرة أبطفي بالحشى جمره ترى أيامي عقب عينك غدت يا صاحبي مره وأنا مخطي وبتعذر ولكن عاشقك مجبر خذاني الصوت فغيابك خذاني والغرام أكبر وأنا مخطي وبتعذر ولكن عاشقك مجبر خذاني الصوت فغيابك خذاني والغرام أكبر أنا آسف ابتسمت ميار له ورجعة دفنت راسها بصدره ففهمها تركي وابتسم وشد عليها وباس راسها .... تركي واهو يمسح على ظهرها : اعتبر خلاص سامحتيني وننسى الماضي كله .... ميار واهي ترفع راسها وتحط عينها بعينه : شلون تركي وانت لليوم ما تطمنت من ناحيت اني ما خنتك ..... تركي وعينه بعينها : من طلقتج صحيت على نفسي .. تضني مصدق انج خنتي ... لساني ينطقها وقلبي ينفيها ... كنت محتاج تبرير للي حصل وبس .... تعرفي كنت بلحقج واردج لكن كنت عارف مستحيل تقبلي تردي لي بعد كل الي سويتها ومهران مابيسامحني ولا حتى امج .... كنت بدوامه وبحيره بين بنت خالتي الي ضنيت اني بظلمها لو طلقتها و تصير علكه بحلوج الناس وبينج وانا الي طعنتج ...لا تضني اني اخترتها لا انا اخترت اعطي نفسي وقت عشان اروى تغلط وتكون حجه وانتي الحقج واحاول فيج واردج لكن كلام فهد لي بانج ما تبين تعرفي عني شي ولا اعرف عنج شي حطمني وضنيتج بعتي ومستحيل تسامحي وتردي... لو تركتيه يقول لي اخبارج كنت عرفة بحملج ورحت لج لكن انتي منعتيهم يتكلمو واروى خبت الرساله وجذيه قطع اي شي بينا من تواصل .... ميار واهي تطالع بعينه : ولو عرفة باني حامل كنت بتيي عشان الحمل .... تركي واهو يبوس شفاتها ويضحك : هههههههه حتى من هالشي بتغاري .... لا كنت بيي عشان عندي حجه تردي لي ... ميار للحين شاكه لمدى حبي لج ..... ميار واهي تبتسم وتهز راسها بلا : لا ... كنت واثقه لكن في تذبذب بهذي الثقه من افعالك .... وهم رضوخك ليدتك كان يضايقني وكنت انتظر متى تحرر منه .... تركي بضيق : تحررت منها لكن بعد شنو بعد ما خسرة كثير ... خسرت حياتي معاج قبل وصحة بنتنا و سمعتي وسط الناس ... من يعوضنا عن كل الي فات من يعوضنا عن سنين الفراق ومن يعوض تاله صحتها والخطر الي تعرضت له ... لو فكرة يدتي بكل الي طلبته مني كانت عرفة اني خسران وهم بنت ولدها خسرانه .... ميار ابي انسى كل الي حصل مابي ابقى على هالماضي المر .... ميار واهي تمسح على خده : راح تنسى ونعيش حياة سعيده ... احممم تركي تعبت من هذي الجلسه احس بالم بظهري ابي اتمدد .... خاف عليها تركي فحملها بسرعه ووقف فيها ومشى فيها طالع لبرى الغرفة وميار استغربت واهي تشوفه يطلع برى الغرفة ... ميار واهي لافه يدرنها حول رقبته : وين حبيبي ماخذني كنت نزلتني على السرير بالغرفة ... تركي واهو ينزل السلم فيها ومتوجه للصاله : لا حبيبتي الغرفة فوضه والشراشف موب مغيره من ست سنين ... هني تريحي بالصاله على الكنبه وبعدها نرجع البيت اوكي .... ميار وتركي ينزلها على الكنبه : لا تركي لازم ارجع البيت تاله نايمه ... تىكي واهو يقعد جنبها واهي متمدده على الكنبه الطويله : ليش حبيبتي موب خلاص سامحتيني يعني ترجعي معاي .... ميار : معلي ارجع معاك بكره ... تركي ممكن سؤال ... تركي واهو يبوس يدينها : كلي لج يا روحي موب سؤال واحد .... ميار : تسلم ...تركي ليش رفضت تبيع البيت ... تركي : تقصدي انه بيذكرني بكل الي حصل ... صحيح كنت اتذكر كل شي وخصوصا منظرج والياس يمج لكن من رديتي لي هالخيالات راحت لكن لمى شفت اروى مع المخبر تذكرته .... تعرفي في شي محد يعرفه.. ميار : وتبي تقوله او ما تبي ... تركي واهو يبتسم ويلعب باصابعها : لا طبعا بخبرج ... انا تكلمة مع الياس وخبرني بكل شي ....ميار اروى ورى كل الي حصل ومثل ما توقعتي متفقة معاه من طلقتها يعني حتى قبل تشوفيهم بالمجمع ... ميار: الكل توقع انه ورى كل الي حصل وان اروى معاه لكن كان ينقص الدليل او اعتراف اروى ... تعرف ان مهران عرض عليها مبلغ خيالي عشان تعترف لكنها رفضت .... تركي واهو مصدوم : متى هالشي حصل ... ميار : من سنتين تقريبا ... ماما خبرتني انها قالت لك عن موقف معران معاها بحفلة واحد ... تركي بغض النظر عن كل الي حصل واصلها ... شعورك ناحيتها شنو ... لا تخاف حتى لو مشاعر حب بتقبله منك لان.... حط تركي يده على شفاتها يمنعها تكمل كلام : ميار لازم تتاكدياني من حبيتج عرفة معنى المشاعر الي حسيتها لها ومثل ما قلت لج قبل حب تعود ما كان حب صادق بس لاني كنت اتوهم من ملام يدتي لي عنها اني احبها كنت افرح بهذي المشاعر وكنت استغرب من كلام الشباب عن الوله والشوق الي يحسوه حتى لمى يوصفو هالمشاعر بانه اكبر من انها تنوصف وبانها لذيذه برغم المها .... ما كنت احسه مع اروى وحسيته معاج ... كانت تكسر خاطري لان محد يلعب معاها لمى كنا صغار وكنت العب معاها وادافع عنها فصارو يعلقو اني احبها ولذا كبرنا بتزوجها والي كبر هالشي براسي يدتي ... تعرف .. فهد اهو الوحيد الي قال لي لمى كنا ندرس بالثانويه ان مشاعري لاروى مشاعر شفقه مافيها حب العاشق الولهان وعاطاني ادله اكني نفيت ملامه ومشيت على اني احبها وبتزوجها ولمى سافرة ادرس ببريطانيا كانت يدتي تييبها معاها لمى تزورني وتعمد تتركنا بروحنا ... تعرفي تو انتبه ان يدتي كانت تصنع المواقف بينا .... اااااخ ... ضيعت عمري بالهوى وانا اوهم نفسي بحبها ... لكن الله ارسلج لي هديه على صفاء النيه بقلبي ... ميار : ابو عادل قال لي انه رفضك لانه خايف عليك توصل لهذا الوضع ... تعرف ان امها كانت متزوجه قبل تصير جذيه اعني من بنات الليل وان اول مره تجربها بالخيانه اهو مع صديق زوجها وبرضى زوجها ... بعدها صار يتاجر فيها ولمى تمكنت من الشغله تطلقة منه ويات هني والتقت بخالك .... تركي : كنتي عارفه كل شي يعني .... يدتي قالت انج ما تعرفي الا بس ان اروى موب بنت خالتي .... شلون عرفتي كل ماضيها .... ميار واهي تقعد وتسند ظهرها للكنبه : تضن كنت بسكت عن الظلم واتركها تبتز ابو عادل و اتفرج على اذيته .... تركي : مهران الي تصرف معاها ..... ميار : لا طبعا .... انا الي تصرفة معاها .... تركي : متى هالشي حصل خالتي قالت انج عرفتي هالشي قبل تكتشفي اني رديت اروى ..... ميار واهي منزله راسها : بعد طلاقك مني ..... ارسلت واحد من المراسلين قبل اسافر كندا و ضبط بينا موعد وقابلتها عند مروه و علاء ساعدني عليها ... تعرف اهو محامي فقدرت اسد فمها واخذ منها تعهد بعدم التعرض لاحد منكم وتسافر ولا ترجع البلاد ابد ..... تركي : كم دفعتي لها ..... ميار : مو مهم .... تركي بعصبيه : كم ميار وابو عادل يعرف .... ميار : لا ولا تصارخ علي انا ما غلط انا ساعدت ابو عادل لان شركته كانت بحالة طوارء وهذي تبتزه يعني كان بيخسر كل شي لو كمل يعطيها ....ابو عادل ساعدك كثير عشان تكتشف اروى بدون لا تحس لان ما يبي يتكلم عن اصل اروى ويدتك مشدده عليهم ما يتكلمو .... تركي : وانتي ليش ما تكلمتيلو تكلمتي كنا ارتحنا بعيشتنا ولا افترقنا ... ميار : ليش يعني ... حتى لو لي مصلحه مستحيل اكشف سر احد .... تركي انت للحين ما تعرفني تقول لي هالكلام .... تركي : المشكله اني اعرفج .... زين يعني علاء ومروه يعرفو بالسالفه كلها .... ميار : لا طبعا ... مروه ما تعرف شي ابد لكن علاء يعرف انها تبتز ابو عادل لكن ما تعرف انها ام اروى ... لا تخاف اعرف شلون امشي اموري .... تركي : ااااخ عليج ... والحين في شي ما اعرفه قوليه .... ميار واهي تبتسم : لا ماكو واذا في ويخص غيري ما بخبرك فيه يا حشري ..... تركي واهو يخزها : لا انا حشري .... ميار واهي تضحك على شكله : هههههه اي ... تركي لا تطالعني جذيه تضحكني بدل لا ارتعب منك .... تركي ما تفكر تبيع البيت .... تركي واهو يطالع كل مكان حولهم ويرجع يطالعها : لا ... انتي موب تحبيه ليش تبين اتخلص منه ... ما تبين نسكن فيه .... ميار : احبه اي لكن حصل فيه امور اكرها واكره اتذكرها ... ثم البيت صغير واحنا عددنا بيزيد يعني نحتاج لغرف اكثر .... تركي : سهله انا شريت الارض الي وراه نضمها للبيت ونبنيه وندخله على البيت من ورى وجذيه يكبر ... شقلتي ... انا ابي نسكن هني مابي ناخذ غيره حتى اني عينت زراع يعتني لحديقتج الي خططتي لها .... ميار : لاحظة ان المكان مليان من الورد الي احبه ... تركي متاكد تبي نسكن هني باقي حياتنا .... تركي واهو يحط يده على بطنها ويبتسم : قبل ايي بيكون كل شي جاهز وحتى غرفته نجهزها ... هاااه اقول تمام ونبدي بالمخطط للبيت ... هزة ميار راسها واهي تبتسم وسعيده لان الامور تصلحت بينها وبين تركي وكل شي وضح بينهم ولا عاد باقي شي تخبيه عنه او يخبيه عنها .. ميار واهي تعتدل بقعدتها وتلف شيلتها : حبيبي وصلني لان احس بتعب ومابي اسوق ..... تركي واهو يساعدها توقف : حبيبتي خلج معاي ابيج بحضني الليله ... ميار : تركي تاله مع ماما وابي ارجع لها مابي ارجع بيت اهلك وتاله موب معاي .... تركي واهو يمشي معاها لبرى البيت ولاف يده حول خصرها : خلاص تباتي معاي بالفندق انا هم مابي ارد البيت وانتي موب معاي كافي اليومين الي فاتو ... على فكره تراني كنت انام بالمجلس وامي تييب لي ملابسي ... للحين ما دخلت الجناح ابيه ادخل معاج .... ميار : تركي وتاله .... تركي واهو يقفل البوابه الخارجيه : حبي اقول لج محتاجج ... ما استاهل تكوني معاي ثم تاله الحين نايمه وامج معاها يعني تطمني .... ميار واهي تطلع تلفونها من الشنطه وتتصل : اوكي بخبر ماما عشان لا ينشغل بالها علي ... وهم اطمنها عليك .... فرح تركي وضمها بقوة ونسى انها حامل ولولا انها نبهته ولا كان هرسها بين ذراعاته من كثر سعادته بانها ىجعت معاه وسامحته ومن فرحته فيها تناسى كل شي لانه يبي يعيش معاها كل لحظه بدون منغصات ..... رجعو اليوم الثاني لتاله واخذوها لبيت اهله والكل ارتاح لانهم تفاهمو وردت ميار لكن مهران زعلان من تركب ولا يكلمه ابد حتى اذا تقابل معاه ببيته يصد عنه ويطلع من المكان الي تركي فيه ..... |
🥰😍😍🥰😍😍🥰😍😍🥰😍😍🥰😍😍🥰😍😍🥰😍😍🥰😍😍🥰😍😍🥰😍😍ر |
اقتباس:
😘😘💐 شكرا حبيبتي |
ان شاء الله اتبعهم واقراهم |
اقتباس:
تسلمي حبيبتي لكن انا كنت اكتب ومازلت بالتلفون وكنت قبل اغفل عن الاخطاء الاملائيه لان التلفون السابق كان الكيبور تبعه سيئ لكن حاليا تمام وافضل فراح اطلب مسحهم واعيد كتابتهم وتعديلهم وانزلهم مره ثانيه لكن الي اهون مثل ما سبق وخبرتج اهي نور نورت حياتي بعد عتمتها .... |
موفقة يا مهضومة الجميلة 😍😍😍😍 |
اقتباس:
تسلمي هيا وشكرا على اشارتج لروايتي بروايتج |
البارت الثامن والاربعون مر شهرين وتركي مقاطع الجده برغم محاولاته بانها ترضيه لكن ميار رحمتها وزارتها تطمنها على تركي والجده تمسكت بميار تعتذر منها وتطلب منها تسامحها وطبعا ميار سامحتها بطيب خاطر ولا عاتبتها لكبر سنها وبالمقابل تحاول مع تركي عشان يسامح الجده ويزورها خصوصا انها ما عادت تقدر تتحرك وايد ....اما الياس فزار تركي وميار و خبرهم بكل شي مره ثانيه قبال ميار وابو تركي واعتذر وايد لهم وقبلو اعتذاره مراعات لتعبه وضعفه وندمه الحقيقي ..... كان تركي مع ميار وتاله بحديقة بيت ابوه اهو يلعب تاله بالمرجيحه وميار قاعده على الطاوله وتجهز للمحاضرات تبي تعوض الطلبه الفترة الي تغيبت فيها بسبب تعب تاله والوحم الي معاها و غريب عليها لانه ما صابها بحملها بتاله والكل يقول لها ان حملها بولد دامه مختلف .... تركي واهو ينزل تاله من المرجيحه و يركبها دراجتها : يله بابا العبي بدراجتج انا تعبت وانا ادفج ..... تاله واهي تطالع تركي ببرائه : بابا قول تبي تروح لماما لا تقول تعبت ادفج ... ضحك تركي عليها ونزل باس خدها : هههههههههه محد كاشفني غيرج ... يله روحي ابي اقعد مع ماما زين جذيه .... تاله واهي تضحك : ههههههه اي لابا جذيه احسن نكون صريحين ... باي .... تركي وعينه عليها واهي تمشي بالدراجه : بابا لا تقربي للبوابه خليج قريبا منا تمام ... لوحت تاله لتركي بيدها يعني اوكي فابتسم تركي وتوجه لميار وباس خدها بقوة وقعد جنبها بعد ما ضربته على جتفه لانه فزعها ..... تركي واهو يمسح مكان الضربه : اااااح ...تالم ... عليج اصابع تلسع ... ميار واهي تطالعه وبعدها تطالع تاله : احسن عشان مره ثانيه تكررها وتفزعني جذيه .....تركي اصرخ على تاله لا تبعد اكثر مابي اصرخ واحنا بالحديقه ..... تركي واهو يطالع تاله ويرجع بطالع ميار : حبي نبهتها لا تخافي مابتبعد ... ما خلصتي للحين ..... ميار واهي توريه : لا باقي قليل ... شوف جذيه تمام او اضيف عليه .... تركي بعد ما شيك على الي جهزته : شغلج تمام لكن اكثر من اللازم ... لا تدلعيهم بالملخصات خليهم يتعبو شوي ويبحثو .... ميار : موب القصد اريحهم لكن لقيت ان لو الخص لهم بيفهمو اكثر واسرع لا تنسى التقصير من جهتي للغيابات الي خذيتها .... تركي : انتي مضطره ... ثم قلت لج خذي ملخصاتي انتي رفضتي ... ميار : لا عيل اشرفة علي شنو بتكتب بتقريرك عني ... بتكتب انك ساعدتني بملخصاتك لاني زوجتك ... اصلا المفروض يحولوني على غيرك .... تركي : مالج مفر مني محد غيري موجود ...ثم من قال لج برحمج بالتقرير بذكر كل غياباتج وتقصيرج بحق الطلبه .... ميار واهي تكشر : اخر نذاله ... تركي واهو يضحك : ههههههه تو تقولي شنو بتكتب والحين موب عاجبج .... لكن تعرفي ليش بكتب جذيه ... ميار : نذاله يعني ليش .... تركي بهمس واهو يمسك يدها : عشان تبقي تحت اشرافي واستفرد فيج اكثر بالجامعه .... خجلة ميار وتو تنزل راسها الا سمعو صراخ تاله فركض بسرعه تركي جهة الصوت ولحقته ميار واهي تركض ولا منتبهى لانها حامل فلما وصلو لقو تاله طايحه على الارض والدراجه مرميه بعيد عنها وكانت تاله تطالع جهة البوابه وتاشر فحملها تركي بسرعه واهي تشبثة فيه بقوة وكانت تبجي وترجف من خوفها ... تركي واهو يمسح على ظهرها ويحاول يهديها وعينه على البوابه : بس بس حبيبتي انتي بخير ... يالمج شي .... تالهواهي تبجي وبصراخ وخوف واضح : بابا ..... بابا ... ذبحها ... قتلها الريال ... اهي اهي يات تركض واهو وراها مدت يدها لي تبي اساعدها لكنه قتلها بابا قتلها .... انصدم تركي من كلام تاله فلف لجهة ميار ولقاها قاعده بالارض وماسكه ظهرها فخاف عليها وبسرعه ركض لها ونزل تاله جنبها عشان تطمن عليها فضمتها ميار بسرعه بيدها الثانيه وكانت تتنفس بسرعه دليل انها ركضت .... تركي بعتب واهو يمسح على راس تاله وميار : ليش تركضي ... شوفيها كاهي بخير مافيها شي ... ميار واهي تغمض عينها بالم وتفتح وتطالعه: تاكد منوكلامها ... شوف البوابه ..... تركي واهو يتنهد ويطالعها ويرجع يطالع البوابه : ميار معقوله كلامها يمكن تتخيل من بيي البيت يستنجد فينا ولا قتل هم .... ميار : تركي تاله ما تعرف تجذب ولا انا اسمح لها تتفرج على شي من هالقبيل بتقول تتخيل .... ثم نا تعرف يمكن وحده هاربه من احد موب شرط يايه لنا قاصده تاكد تركي ما تخسر شي .... تركي واهو يوقف : اوكي لكن انتي بخير ... تحسي بشي .. ميار : الم بسيط وبيروح لا تخاف انت روح وانا باخذ تاله لداخل .... ساعدها تركي توقف وحمل تاله عنه ووصلها لباب المدخل للبيت ونزل تاله تمشي جنب ميار وكانت ترجف خوف فرجع للبوابه يبي يتاكد واول ما طلع لاحظ ان في فعلا اثار دم على الارض وخط مسحوب من الدم وانقطع بعد مسافه للجهة الثانيه من الشارع مما يدل على ان الي انقتلت مثل ما قالت تاله انسحبت وانحطة بسياره لان اثر اطارات السياره بالارض فىجع تركي بسرعه للبيت ولاحظ اثار دم على حديد البوابه الي بشكل اعمده على الطراز القديم مافيها اي زجاج او عوازل للرؤيه لكن صعب فتحه الا من داخل او لو احد معاه المفتاح واهم غيرو مفاتيح البوابه وكل الابولب من طلق اروى عشان ما تقدر تدخل البيت لان تركي متاكد انها بتحاول تضر ميار او تاله او اي احد ثاني حتى اهو .... دخل البيت ولقى تاله بحضن ابوه وامه جنبها يلهوها وميار متمدده عل كنبه بالجهى الثانيه فراح لها بسرعه يتطمن عليها لانه لاحظ عبوس ويها ويدل على المها .... تركي واهو ينزل على ركبه قبالها ويمسح على ويها : تحسي بالم وايد ... اخذج المستشفى .... ميار واهي تفتح عينها وتبتسم بالم وتمسح على خده : لا لا تخاف بريح ويروح الالم ... طمني شلقيت .... كلامها صحيح او شنو .... تركي واهو يطالع جهة تاله ويرجع يطالعها وبهمس : موب عارف لكن لقيت اثار دم على البوابه والارض وينقطع للجهى الثانيه من الشارع ... بكلم جاسم زوج سمر ايي يشوف السالفه ... لكن خايف على تاله ... ميار واهي تتنهد وبخوف : يا الله .... تاله مستحيل تعدي هالسالفه عندها بسهوله ... يعني كلامها صحيح وفي من قتل بنت قبالها ... يا خوفي يحاولو ياذو تاله لانها شافت الي قتل البنت .... تركي : ليش مفكره بسمح ان احد يمس شعره منها ... عشان موته على يدي ... انا خوفؤ على نفسيتها وهم لمى يسالوها لانها شاهده.... تضني تعرف من البنت انا ما سالتها لان وقتها ضنيتها تتخيل .... ميار : روح كلم جاسم وانا وانت نكلمها قبل يوصل ... لا تخاف امك وابوك معانا وانا خبرتهم بلي قالته تاله .... تنهد تركي وطلع تلفونه يكلم زوج سمر واهو يفكر بالمصيبه الي طاحة على راسهم من جديد وكانهم ناقصين اهو ما صدق حياته مع ميار تتعدل وتسامحه ويعيشو براحه والي مكدر باله مرض تاله ومتى ترتاح والحين صار خوفه عليها بالي سهدة عليه بعينها واهي بنت صغيره ما كملت للحين الست سنين ..... خب تركي جاسم كل شي قالته تاله والي شافه وكلها لحظات ووصل طلال وندى وعيالهم بعد ما خب تهم ام تركي لانها تبيهم ايون بعيالهم عشان تاله تلهي وتنسى ..... طلال بهمس لتركي : الحين من صجك تاله شافة واحد يقتل بنت ... ما كلمتوها سالتوها ..... تركي : قالت ميار نسالها اذا تعرفها لو لا لكن متردد خصوصا بعد ما شفتها هدت من ييتو ... طلال : اتركها تلعب يمكن تنسى هذي ياهل وصغيره .... تركي : تنسى ... تضن بتنسى لا تاله الحين تحاول تتناسى هذي مثل ميار تضغط على نفسها عشان تبين انها تمام ومافيها شي ... لكن جاسم طبيعي بيسالها عن الي شافته ..... دق الجرس فطلع طلال يفتحه وكان جاسم ومعاه قسم البحث الجنائي وباين انهم بدو باخذ عينات الدم و طوقو المكان فظخل جاسم بعد السلام و توجه للداخل وانتبه ان تاله تلعب لكن موب بحماس مثل ما كل مره يلاحظها ولمى انتبهت له ما ركضت له كالعاده تسلم عليه وبقت مكانها ماسكه اللعبه فبعد ما سلم على الكل توجه لها وكانت منزله راسها فقعد قبالها على الارض ومسك لعبه تركيب وصار يركب واهو يركب مد لها مكعب تركب معاه واهو يبتسم لها فنزلت دموعها و ما تحمل وحملها يضمها ويحاول يهديها واهو مستغرب من هالبنت الي كل تصرفاتها اكبر من عمرها وسبق وخبرته سمر انعة نسخه عن امها وما استغرب من ميار لانه يعرف كل الي مرة فيه مافي وحده تتحمله بعد ما اكتشفو كل الي متخبي عنهم لخصوص اروى واصلها وكل الي مرو فيه ميار واركي من تحت راسها .... جاسم واهو يطبطب على ظهر تاله : حبيبتي خلاص اهدي .... انتي تعرفي انا شكثر احبج واخاف عليج ... خايفه مني .... تاله واهي تهز راسها بالنفي : لا .... انا احبك عمو لكن خايفه ما تصدقني مثل بابا .... جاسم واهو يبعدها ويمسح دموعهة ةيقعدها بحضنه : لا حبيبتي غلطانه لو بابا ما صدقج ما كلمني ايي وشوف شنو الموضوع ... تاله انتي قوية صح .... تاله بذكاء : اي لكن اعرف تبي تسالني اعرف من الي انقتلت ... اي اعرفها وكلكم تعرفوها .... جاسم واهو متوقع من : قولي لي من اهي .... تاله : خاله اروى .... انا شفتها تنزل من سياره بالجهى الثانيه من الشارع كنت لعيده عن البوابه لكن لمى شفتهة تركص وتمد يدها لي وتصرخ ساعدبني خفت وكنت بنزل من الدراجه و اروح اساعدها فطحت من الدراجه ولمى كنت بوقف شفت واحد وراها وبيده سكين وضربها بالسكين بظهرها واهي طاحت وكانت ماده بدها لي وانا خفة وصرخة وانا ازحف لورى بعيد خفت ايي يقتلني لانه شافني ..... جاسم بصدمه : تعرفيه او شفتيه من قبل .... تاله واهي تهز راسها بالنفي : لا .... لكن لو اشوفه مره ثانيه اعرفه ... عمو خاله اروى جذيه ماتت .... جاسم واهو يضمها : الله العالم يا بابا ... ادعي لها تعيش ... تاله لا تخافي محد يقدر يقرب منج وانا لخلي حرس حول البيت واتوقع خالج مهران اذا عرف محد يقدر يقرب منج باذى دامه حولج ... تاله : بابا معران عنده حرس كبا وكانهم جدار .... ضحك جاسم على اسلوبها بوصفهم جدار واهي مكشره ويها دليل انها ما تتقبلهم فلعب معاها وطبعا الكل سمع كلامها فبجو ام تركي وميار وندى على اروى برغم كل الي واجهوه منها لكن تبقى وحده عاشت بينهم وكلو وشربو مع بعض واروى تكون بنتهم حتى لو انها بالحرام .... جاسم لتركي وطلال وابو تركي بالمجلس : كلام تاله يدل على ان اروى يات تستنجد فيكم لكن احد طعنها بسكين بظهرها ... انا عارف كل الي حصل منها لكن بسال اذا تعرفو مع من كانت او شاكين باحد .... تركي بسخريه : ليش جاسم تضن كنا معاها بعلاقاتها .... طلال واهو يخز تركي : تركي شهالكلام .... جاسم اخر خبر عنها عرفنا انها هربت مع المحقق الي عينه تركي يراقبها .... ابو تركي : شوف يبه اهو صعب لكن اتركه اخر حل لك ... اليده اكيد تعرف عنها وين راحت لان اكيد كلمتها تاخذ منها فلوس .... اسالها لكن كاخر حل واذا اضطريت لهالشي لا تقول عن الي شافته تاله طلع لك اي سبب لسؤالك عنها .... تركي : ليش يبه يدتي مسيرها تعرف هلي فضلتها على الكل شنو تسوي ونهاياها شلون ..... ابو تركي بعصبيه : تركي شهالكلام هذي يدتك وانت عارف ضعفها بخصوص خالك واروى اخر شي منه شنو تتوقع منها ولا تنسى شكثر دللتك اكثر واحد .... تركي : اي يبه والدليل لدلالها انها لعبت بعقلي و اوهمتني اني احب بنت الحرام وانها الانسب لي وحتى لمى لقيت الي تناسبني واحبها وتحبني ساعدة بنت الحرام بخراب بيتي ... يبه لا تغفل عن كل الي تسببت لي فيه .... جاسم واهو يحاول يهدي الجو : اذكرو الله ... عمي اترك تركي واضن جرحه من اليده للحين ما التم لكن تعرف غلاتها عنده ومرده يرد لها وينسى الي حصل .... انا بحط حرس يراقبو المكان لان تاله شهدت على الي حصل وهالشخص اكيد بيحاول يوصل لتاله .... طلال : اوكي ليش ما توريها صور لمشتبه لهم بمكن تعرفه وجذيه تختصر الوقت .... جاسم واهو يوقف : شي طبيعي لكن باجله لبكره تك ن تاله هدت شوي واحنا بنبحث بالمنطقه والمناطق القريبه يمكن نستدل على شي ...بالاذن طلع جاسم وباقي فرقة البحث الجنائي وتركو حرس جنب البوابه الاماميه والخلفيه لكن هذول ما يكفون عند مهران لمى عرف وحاوط البيت بالحرس الخاص فيه و حاول مع ميار ياخذ تاله بالقصر لكنها قالت له يستاذن تركي لانه ابوها والقرار بيده وحركة ميار عشان تحسس مهران ان تركي اهو الاساس وكلمتها من بعده وانها ما غلطة لمى سامحته وردت له بسرعه لكن مهران رافض هالشي ومازال زعلان من تركي لانه خذله وخان الوعد ... مر اسبوع والشرطه تدور على اروى او اي اثر لها وللمخبر لكن ما لقو شي يدل على ان اروى انطعنت او انقتلت لان مافي اي جثه لقوها باي مكان ولا احد بلغ عن اي شي غريب فقرر جاسم يكلم الجده ويسالها عن اخر لقاء او مكالمه بينها وبين اروى فكان متواج ابو تركي وام تركي وابو عادل وام عادل معاها عشان لو انفعلت يساعدوها ويكونو جنبها .. جاسم للجده : يدتي انا اليوم يايج موب كولدج لا ياي كضابط شرطه ... ابيج تساعديني بالمعلومات الي عندج .... الجده بقلق : معلومات شنو وعن من .... ام تركي واهي تمسك يد الجده : يمه يبي يعرف عن اروى اذا تعرفي مكانها او اذا كلمتج .... الجده : لا ... ما اعرف عنها شي من كشفها تركي مع المهبر كلمتني ويات تاخذ فلوس ومنها ما كلمتني او يات .... ليش تركي يتهمها بشي هم ... اهو طلقها وخلاصى شنو هم يبي فيها .... جاسم : يدتي تركي ما يبي منها شي لكن .... الجده بخوف : لكن شنو ... شمو تعرفو عن اروى وانا ما اعرفه .... ابو عادل : يمه اروى راحت لبيت ابو تركي والظاهر انها تبي تلجئ عندهم وخايفه من احد وفي احد اخذها مره ثانيه حتى قبل تطق الجرس لكن تاله شافتها و سمعتها تصرخ تستنجد ... يمه اذا تعرفي وين كانت خبرينا او مع من عشان نتلاحق عليها ... الجده ودموعها تنزل : يمه بنت ولدي .... لا اهي ليش تروح لكم ... ثم شلون تاله شافتها ... ابو تركي : تاله كانت تلعب بالحديقه قريب لامها وابوها و كانت قريب للبوابه وشافت اروى وصرخت وركضو لها خايفين يكون حصل لها شي وخبرتهم بلي قاله ابو عادل والحين لهم اسبوع يدوروها وما لقوها ... يمه تكلمي اذا تعرفي شي لان الظاهر ان اروى تعذب مع الي اهي معاه.. بجت الجده بحرقه وتحاوطوها بناتها وكان الكل خايف عليها لا تتعب لكن الي فاجاهم دخول تركي ومعاه ميار فقرب ليدته بعد ما سلمت عليها ميار وباس رايها فرفعت راسها اليده وما صدقت ان تركي قبالها ويبوس راسها فبجت زود ومدت يدينها له فنزل قبالها وضمها وكانت تبجي مثل الياهل بحضن امه .... تركي واهو يبوس راس يدته : يدتي اهدي لا تتعبي .... الجده واهي تطالع ويه تركي وتمسح على ويهه : انت سامحتني يمه .... سامحتني صج .... تركي واهو يبوس يدينها : اكيد يمه انا كنت عتبان ... الجده واهي تطالع ميار : محد حنن قلبك علي غير هذي الاجوديه ... تركي واهو يبتسم ويطالع ميار : تلوميني بحبها يمه ... احد عنده هذا الملاك ولا يطيعه .... المهم الحين انتي بخير ... الجده : انا باحسن حال وانت يمي .... تركي : يمه ... احممم ... يمه اذا تعرفي شي عن اروى قوليه لجاسم عشان سلامتها انا وميار متنازلين عن اي شي ضدها ... ما تبينها ترجع لحضنج وتكون يمج .... الجده : اهي كلمتني من شهرين ونص وقالت انها تبي ترد وان المخبر يعذبها ... انا قلت لها تسافر واني بارسل لها الي تبيه لكن قالت لا وكان صوتها خايف قالت ان كل الي عطيته لها خذاه وتبي ترجع لكن انا خفت منكم لو ردت ... من يومها ما كلمتني وانا خايفه عليها ... جاسم : ما قالت لج وين سكنت معاه ... اي شي ممكن نوصل لمكانها ... الجده : بلا قالت منطقه كلها مصانع وفي وافدين اسيويين وايد لكن ما قالت اسم المنطقه ابد وقالت البيوت تعبانه وانها منقرفه من المكان كله.. شكر جاسم الجده وطمنها انه بيخبرها باي شي يوصل له بخصوص اروى و عرف من كلامها وين ممكن تكون فتوجه مع قوات للمنطقه الصناعيه والي حولها وصارو يفتشو ويورو صورة اروى الي ساكنين هناك يمكن احد يعرفه وبعد بحث يومين خبرهم واحد اسيوي انه شاف اروى وعرفها من الصورة مع مجموعة رجال بمزرعه ورى مصنع واشر له عليها وخبرهم ان من شهرين واكثر ما بينت لكن الرجال تدخل وتطلع من المزرعه .... تم اقتحام المزرعه بعد ما يابو تصريح وفتشوها وتحفظو على كل الموجودين وكان في كم بنت اسيويه وكم بنت عربيه بينهم لكن ما لقو اروى لكن جاسم متاكد ان اروى موجوده او جثتها هني وتعرف على المخبر لان صورته معاه فضغطو عليه بالضرب واعترف لمى تعب من كثر الضرب الي ياه وخبرهم انه حابسها تحت الارض بسرداب بابه مخفي ولمى وراهم مكانه لقو اروى مرميه وحالته حرجه لان باين انها نزفت وايد وما لقت الرعايه اللازمه لكن الجرح موب غزير لهالشي عاشت موب مثل ما تصورة تاله بانها ماتت فنقلوها للمستشفى ودخلوها العمليات عشان الجىح الي فيها ملتهب وبحتاج جراحه وخبر جاسم تركي بكل الي حصل والكل وصل عدى الجده لان محد خبرها خوف عليها وميار وسمر وملاك وندى لان تركي منع ميار تروح لانها تعبانه وبقو معاها وقررو يزورو اروى لمى تتحسن حالتها .... طلال للدكتور لمى طلع من العمليات : طمنا دكتور شنو وضعها الحين ... الدكتور : للاسف الجرح التهب وايد واثر على الكلى من جهة الطعنه وتلفت فاضطرينا لازالتها وتحتاج لمتبرع بعد مده لان كلى وحده ما تتحمل وهم جسمها تعرض للاعتداء بالضرب والجنسي ... فيها اثار كثيره لتعذيب قاسي وهم سوء تغذيه وسبب لها جفاف ومع الجرح الملوث تاثرة وايد فبتبقى مده طويله تحت الملاحظه وبعدها نقرر لكن اتمنى احد يتبرع لها بسرعه بالكلى .... عادل : احنا عيال عمتها ممكن تتطابق معانا او شنو ... الدكتور : لو يكون قريب من الدرجه الاوله او الثانيه يكون افضل ... تركي : مالها اخوان او خوات وامها برى والوصول لها صعب ولا اضنها تتوافق معاها لانها سكيره وابوها متوفي من سنين ... ام تركي : انا عمتها اتبرع لها .... ابو تركي بسرعه : ام تىكي انتي ما تحملي ... الدكتور : الي يبي يتبرع يفحص وبعدها نشوف لكن اذا احد مدخن او يتعاطى المخدرات او المسكرات لا يفحص لان ما ينفع ابد ... تركي : نعرف كل هذا سبق وحللنا عشان بنتي اهي تعالج عند دكتور عماد هني .... الدكتور : تمام عموما دكتور عماد اهو الي بيتولا حالتها ويخبركم بكل شي .. الف لا باس عليها .... ابو عادل : متى نقدر نشوفها .... الدكتور : حاليا اسف لان الشرطه الي يابوها والقرار بيدهم وعموما اهي ما بتصحى الا بكره وتقدرو تزوروها بكره ... بالاذن .... تركي : سمعتو يعني وقوفنا هني ماله داعي ... يبه شنو نقول ليدتي .... ام عادل واهي تبجي : لا تقولو لها شي الا لمى تتحسن حالة اروى وبعدها نييبها ولا تخبروها بالتبرع لاني عارفه بتقول بتبرع لها واهي تعبانه ..... وليد : يمه الدكتور قال لو المتبرع ما تطابق مابياخذو كلته ويدتي كبيره بالسن وما اضن يقبلو حتى تحلل.... ابو تركي : كلام وليد صحيح لان تاله ما قبلو نتبرع لها لاننا كبار بالسن يعني يبون احد بصحة ممتازه ... الحين ارجعو كلكم وبكره نييها .... الكل رجع واول ما دخل تركي البيت مع ابوه وامه وطلال لقو ميار وندى وسمر وملاك ايونهم بسرعه فخاف تركي على ميار وبسرعه وصل لها ومسكها وقعدها لان باين عليها التعب .... تركي واهو يقعدها وبعتب : انتي تحبي الشقى ...شكلج ما تبي هلي بحشاج ايي .... ميار : لا تقول جذيه الله يحفظه ... طمني شنو حالها .... ام تركي واهي تقعد بتعب : تركي معاه حق انتي تتعبي نفسج وايد ... ميار اهدي اروى بخير ... ملاك : طمنونا الحين واتركو عتبكم لميار بعدين ... وعلى فكره تركي تراها واقفه مده طويله تطل من الشباك تنتظركم .... طالع تركي ميار بعتب فنزلت راسها وهمست له : لا تلومني حاسه بتانيب ضمير عليها .... تركي بهمس : ليش انتي الي قلتي لها تسوي الي سوته بنفسها ... قولي لج دخل فيها بشي ...( طالعها وفهم نظراتها فعصب وتكلم بصوت مسموع للكل ).....ميار لا تقولي للحين تفكري لو ما تزوجتبني كانت الحين ما وصلت لهالشي اذبحج فاهمه ..... سمر : لا تلومها تركي هرمونات الحمل مخبصى زوجتك بالتفكير تراها صايره هبله ولا تركز ... نصيحه قعدها بالبيت لا تهبل بطلبتكم .... ضحكو كلهم وخزت ميار سمر بلوم لانها انحرجت من الكل .... تركي واهو يلف يده حول جتف ميار : محد مثل عقل زوجتي حبيبتي انتي تقولي هلشي لانج غيرانه منها اهي دكتورة وانتي بس شهاده دبلوم سمر بمزح : اي تمحق دكتورة ... بذمتك تركي نا نحس انعا كبيره عليها هالكلمه لو دكتورة اطفال قبلنا اكن دكتورة جامعه وبهذا العمر ما تمشي ولا نتفه مثل زوجتك ما تركب ابد .... ميار : ههههه بمشيها لج هذي المره لانج ضحكتيني بس .... والحين طمنونا عن اروى .... خبرهم ابو تركي بكل شي فقررويتبرعو لها ويحللو كلهم عدى ميار لانها حامل و ام تركي وابو تركي لكن تركي ما تكلم ولا قال انه بيتبرع لها ... تركي : حبيبتي تاله وينها .... ميار : خذتها ماما معاها ... ما خبرتك لانك كنت بالمستشفى وما حبيت اتصل لهالشي تركتها تروح .... تركي واهو يوقف ويسحب ميار بهدوء توقف معاه : اوكي احنا نستاذن انا تعبان وابي انام ... يله حبي قومي .... طلعو فوق بعد ما باست ميار راس ام وابو تركي واول ما دخلو جناحهم حملها تركي و شهقت ميار لانه فاجاها .... تركي واهو يصحك ويدخل فيها الغرفه : ههههههه شكلج تحفه وانتي مفزوعه .... ميار واهي تضربه بخفيف على صدره واهو ينزلها على السرير : فزعتني ... لا تعيدها لا يوقف قلبي بيوم .... تركي واهو يبوس خدها : بعيد الشر عنج يعل عدوج ولا انتي ... احممم ... حبي مشتاق ... ميار واهي تبعد ويهه عنها : حبيبي اول قول لي ... بتبرع لاروى لو لا لانك ما تكلمت تحت لمى قالو انهم بيتبرعو لها ... تركي واهو يعتدل بقعدته جنبها ويطالع قدام : لا ماراح اتبرع لها ... ميار واهي مستغربه لانها قدرت تقنعه يسامح اروى قبل يلقوها : ليش تركي انت سامحتها ... تركي واهو يلف زيهه ويطالعها : سامحتها عشانج بس ولا انا للحين شايل عليها وخصوصا لانها سممت تاله وحاولت تقتلها ... هالشي كبير وفوق طاقتي فاهمه .... ميار : تركي لا تضن اني سامحتها وتاله ما يهمني الي حصل معاها لا لكن فكرة بعقلي لاني اذا سامحتها ربي يسهل علينا ولا يعسرها ... تركي المسامح كريم وانت اكبر من انك تحقد على احد ... تاله الحمدلله صحتها افضل ولا تنسى ان الله يمهل ولا بهمل والي حصل لاروى موب شوي وكاهي خسرة كلى لها ومحتاجه متبرع باسرع وقت ممكن وحط بلالك لو انعا تطابق معاك وانت ماتبرعت لها وحصل لها شي ذنبها برقبتك لان بامكانك تنقذ روح وانت تعمدت تتركها تتالم .... تركي بعصبيه : وانا وانتي وتاله والكل ما تالم من سواياها ... تاله شنو ذنبها تتالم وتتحمل وتسكت ... انا للحين ما سامحتها على خفيها لرسالة مهران وبسببها انتي تالمتي وضنيتي اني اتجاهلج واثر على صحتج وصحة تاله ويات تعبانه ... ولولا اتفاقها من الياس ما مديت يدي عليج واثر بتاله وفيج ... تضني كل هذا وغيره انساه ... لا مستحيل انساه ممكن اسامح وامشي الامور عشانج وعشان يدتي لان صحتها ماتحمل لكن اسامح من قلبي لا فاهمه النار بصدري شابه ولو تعرفي شكثر ما تتحملي .... تاثرة ميار من كلامه و كانت تضنه فعلا سامحها ونسى كل هذا لكن تبين لها انه يكتم بقلبه بس عشان ما يضايقها فارتمت بحضنه وشدت عليه وباست خده ... ميار واهي تشد عليه وتبوس خده : اسفه ... والله اسفه ما تخيلت انك كاتم كل هذا بقلبك ... تركي سامحني وخلاص انسى كلامي وسو الي تبيه ... اسفه .... تركي واهو يمسح على ظهرها واهي بحضنه : خلاص حبيبتي اهدي حصل خير .... ميار انتي بحضني وبستي خدي كمليها وتجراي اكثر ... ضحكة ميار وفهمت قصده فطالعت ويهه وهزت راسها باي وباست شفاته بسرعه واهي خجلانه فضحك تركي على خجلها الي يحليها ويحبه فيها وباس شفاتها بعمق واهو يمددها معاه على السرير ووووووووو... اليوم الثاني الكل زار اروى وتحمدله بالسلامه وعرفو ان جاسم حقق معاها قبل زيارتهم وكانت اروى ساكته ومنزله راسها طول الوقت حتى لمى سلمت عليها ميار نزلت راسهة بسرعه وكانها خايفه ..... ام عادل : يمه اروى تعبانه او تحسي بالم .... اروى بصوت مهزوز ويرجف : الم ..... اا .. المي داخل .... سامر واهو يوقف بسرعه : بكلم الدمتور ايي يشوفج .... اروى بسرعه قبل يفتح الباب : لا . . سامر ما قصدت داخل جسمي .... اعني ضميري ... الكل سكت وابتسم تركي بسخريه ولولا ان ميار انتبهت لبتسامته ومسكت يده كان رد عليها بكلام جارح لانه ماكان يبي يزورها لولا اصرار ابوه ولمى دخل سلم بس ولا تحمدلها بالسلامه .... اروى واهي منزله راسها : عارفه محد يبي يجىحني بكلامه ويقول لي اي ضمير تملكيه .... انا غلط وايد ويمكن مافي شي عدل سويته ... ميار ... سامحيني على كل الي سويته فيج وبتركي وتاله ... . ميار : المسامح كريم ... انتي الحين تعبانه فلا تشغلي بالج بشي غير صحتج ... واذا ندمانه فعلا كفري عن ذنوبج بتقربج لرب العباد و وانتي قدامج عمر تقدري تغيري حياتج للاحسن .... اروى : مشكورة وايد .... بصراحه ما توقعتج تزوريني ولا تركي لكن انتو بالي تسووه تخجلوني من نفسي اكثر ... ام تركي : يمه اروى دامج تكلمي قولي لنا شنو حصل معاج وليس ييتي البيت ومن الي طعنج .... اروى : الي حصل شي ما ينقال لكن اعرف من حقكم تعرفو ... لكن يدتي ليش ما ياتني اكيد زعلانه مني .... ام عادل : لا يمه احنا ما خبرناها عشان لا تتغب قلنا نخبرها اذا تعافيتي وما نبي نخبرها عن عمليتج اذا تطابقتي مع احد .... اروى : اتطابق مع احد .... تبون تعرفو شنو حصل ... انا من بعد ما شافني تركي بقيت مكاني لكن باليوم الثاني ياني خبر تعب تاله ومنها عرفة اني بنكشف بخصوص السم الي باكل تاله ... تبيون تعرفو شلون وخالتي وميار الي يهتمو باكلها ... كنت احط لو نقطه وحده بكوبها او صحن اكلها واوقات اقدر ادخل المطبخ واحط باكلها الخاص .... وقف تركي بعصبيه لدرجة ان الكرسي وراه طاح على الارض فالكل ارتعب وخاف لكن ميار تداركة الموصوع ووقفت جنبه وامسكت ذراعه ... ميار واهي تسحب تركي : بالاذن ... يله تركي نبي نروح ناخذ تاله من مهاما ... تركي واهو يوقفها ويطالع اروى وبحتقار : لولا الوعد الي قطعته لميار كنت دفنتج مكانج والحشيمه للي موجودين لكن انتي مكانج الزباله ... تفو على هالضمير الي عندج ...... طلع تركي وميار ماسكه ذراعه وكان معصب حده وميار التزمت الصمت ولمى وصلو السياره وصعدت ميار جنبه بقى تركي مكانه ولا شغل السياره فمسكت ميار يده ولف يطالعها ... ميار واهي تمسح على يده : حبيبي اهدى ... احنا قلنا نسامح ونتناسى ....ليش العصبيه الحين وحرق اعصابك ...اذا انا هديت .... تركي بعصبيه : هديتي ... احلفي انج هديتي هاااه وين الي تحلف تذبحني لو صاب تاله شي والحين هذي تسامحيها واهي تتكلم عن تسميمها لتاله ... وين حبج لبنتج وخوفج عليها ويييييين .... ميار بعد ما اخذت نفس طويل واهي تحط يدها على بطنها الي برز وبهدوء : لا تضن للحظه وحده ان هالشي ما يالمني ويذبحني لكني تعلمت اسامح والله اهو الي يحاسب ... اذا اخطينا وتضرعنا لرب العباد يسامحنا ويغفر لنا ويغفل فشلون احنا البشر ... اهي ندمة واعتذرة وانا لمى فكرة بكل الي ساوته لنا استنتجت ان كله نابع عن الغيره والضعف واهي ايمانها ضعيف ... تركي احنا لازم نساعدها على التوبه ما نحاسبها على اغلاطها لها رب يحاسبها .... تركي واهو يهدى بعد كلامها : وبسماحي لها اساعدها برايج يعني ... ما تهمني تابت او لا بس تبعد عني وعنكم بشرها ثم هذي طامسه بالقذاره والوساخه كلها اي توبه تقبل لها ..... ميار بسرعه : استغفر ربك تركي ليش انت الله تفتي تقبل توبتها لو لا... بسماحك عنها اهي تتشجع وتكون صادقه بتوبتها ..... تركي صف قلبك ولا تحقد على احد ثم لا تنسى في رابط دم بينكم .... تركي : ليته بالحلال الا بالحرام ... ميار لا تضغطي علي اكثر من جذيه انا ييت عشان خاطرج بس ... شفيج تحسي بالم .... ميار واهي تطالعه وبعدها تطالع مكان يدها : ههه لا بس ردت فعل طبيعيه اذا احس يبي حمايه ... كنت متوتره من عصبيتك وحطيت يدي وكاني اهديه ان ما بيصيبه شي من عصبيتك .... تركي واهو يخزها : ليش يعني وانا بطقج عشان تحميه ... ميار : تركييييي .... تركي واهو ياخذ يدها ويبوسها ويضحك : هههههههه غهمتج لكن حبيت اتحركش فيج عشان تثمني كلامج مره ثانيه ... عيل تقولي له انج بتحميه هاااه ... وانا ما احميه .... ميار واهي تمسح على خده : تحميه وتحمي اخته وامه .... تركي واهو يحط يده على بطنها : ما كان البروز بسرعه ظهر ... انتي مافيج جسم وبين بسرعه .... ميار واهي تبتسم وتحط يدها على يده : شوف انا بقول لك بحساسي لكن لا تامل الا لمى افحص بالسونار اوكي .... تركي : شنو لا تخوفيني ... ميار واهي مبتسمه : حاسه بالحركه والثقل غير عن تاله ... تركي : ويعني ... كل هذا لانه ولد مثل ما يقولو .... ميار واهي على ابتسامتها وتهز راسها بالنفي : لا .. حاسه انهم توم .. تركي واهو يفتح عينه على وسعها من الصدمه وبعدها يضحك ويمسح على بطنها : اا ههههههههه ميار جد قولي جد توم ... من قدي بيكون عندي توم .... ميار واهي فرحانه لفرحه وانها غيرت مزاجه : قول ان شاء الله انا للحين ما فحصت تو دخلت الرابع من اسبوع ... تركي واهو ينزل بسرعه من السياره : انزلي ... بسرعه انزلي .... ميار واهي تنزل ومستغربه وتشوفه يلف لها : ليش شنو حصل تركي ... تركي واهو يلف ذراعه حول خصرها ويقربها له : عشان تفحصي الحين موب متحمل ابي اعرف واتاكد .... ميار واهي تبعد بسرعه وتلفت : تركي احنا بالشارع... ثم ليش مستعيل بعد اسبوع موعدي مع الدكتوره ..... تركي واهو يمسك يدها ويسحبها وراه للمستشفى : وانا شنو ينطرني لا الحين وبيبان هم اذا اولاد او بنات .... ابتسمت ميار واهي تشوف حماسه وفرحته و حست بندم لانها ما قبلت يتصلو فيه لمى كانت حامل بتاله ... بقو ينتظرو لان ما لهم موعد ولمى يا دورهم دخل تركي قبل ميار من حماسه وفرحته .... الدكتورة : طمنيني ميار ... حاسه بشي عشان جذيه ييتي .... تركي بسرعه : لا لكن نبي نسوي سونار الحين .... الدكتورة واهي تبتسم على منظر تركي واهو مبتسم : اخ تركي ليش تبي السونار الحين بعد اسبوع حددته لميار ... ميار واهي محرجه ومبتسمه بحرج : انا .... احممم دكتورة قلت له اني شاكه انهم توم وحب يتاكد ومثل ما تشوفي متحمس وايد ويابني نتاكد.. هزة الدكتوره راسها واهي مبتسمه واشرة لميار على السرير للفحص و توجهة ميار للسرير وتمددت ووقف تركي جنبها واهو ماسك يدها وكان يسال عن كل شي تسويه الدكتوره واهي تفحص ميار لدرجة ان ميار خجلة من الدكتورة ..... الدكتورة واهي تاشر على الشاشه : شوفو هني .... هذا كيس الحمل ... هني يكون الجنين .... تركي باحباط : يعني واحد ... خساره كنت فرحان بيونا ثنين .... يله اليايه ناكد على ثنين ..... ميار بخجل وويها صار احمر من الاحراج : تركي .... تركي واهو يسمع الدكتوره تضحك : شنو حبيبتي قلت شي غلط او ناويه بس هذا وخلاص ... حبيبتي ابي غيره هم ... لكن اقنعج بعدين لمى نكون بروحنا بطريقتي ..... ماتت الدكتورة ضحك عليهم وخصوصا ان ميار غطة ويها بيدها الثانيه واهي تعض على شفتها لكن رحمتها لانها صارت تعرف طبع ميار الخجول بالعلاقة الحميميه بينها وبين زوجها من لمى سالتها عن امور خاصه بينهم عشان تنبها عليها عشان سلامت الجنين ..... الدكتورة بعد وقفت ضحك : اخ تركي انت جريئ وايد عكس زوجتك ... لكن انا ما قلت انه جنين واحد ان وضحت مكان الجنين .. اوكي طالعو هني داخل الكيس ... شوف هذي النقطه السوده الي مثل الفاصوليا.... كم وحده تشوفو .... تركي واهو ياشر على الشاشه : قصدج هذي .... الدكتورة : اي هذي ... ميار اكيد عارفه هذي شنو لان سبق و حملتي قبل وسويتي سونار صح ... ميار : اي صحيح لكن كان شكل الجنين اكبر لاني ما طليت الا وانا بالسادس ..... الدكتورة : وطبعا كان واضح كل شي تمام ... شوفو هني هم واضح لكن لانهم صغار ما يوضح لكن تمام .... تركي بفرحة : يعني ثنين مثل ما حست .... الدكتورة واهي مبتسمه وتاشر على الشاشه : لا ... اهم ثرافل .... ثلاث الله يتمم عليها وتييبهم بالسلامه ..... صرخ تركي من فرحته وضم ميار واهو يرفعها بوضعية الجلوس ودفن ويهه برقبتها و نزلت دموعه ... هني حست الدكتورة انهم محتاجين يكونو مع بعض فتىكتهم ب وحهم وطلعت من الغرفة وانتبهت لها ميار فرفعة ويه تركي وابتسمت واهي تمسح دموعه .... ميار واهي تمسح دموعه : ما تخيلت ان هالشي بيفرحك جذيه ... تركي واهو يبتسم ويمسح دموعها الي ما حست فيها : ما تعرفي شكثر هالشي يسعدني ... تاله ما فرحت فيها وانتي حامل فيها وتمنيت الله يعوضني هذا الاحساس ... والله عوضني بثلاثه مره وحده ... الحمدلله ... ضمته ميار واهي مرتاحه وتحمدالله على هالنعمه و على تغيير نفسية تركي للافضل فشكرو الدكتورة و توجه فيها تركي لقصر ام مهران وبشروهم بالخبر و فرحو بخبر تحديد موعد زواج ركان وميس بنت عم تركي لكن مهران بارك لميار وتركهم و توجه لمكتبه وهالشي حز بخاطر تركي ولاحظو الكل هالشي وتضايقو للوضع بينهم لان كلهم تسامحو مع تركي لان ميار سامحته وادرى بحياتها معاه وما حبو يخربو حياتهم وتركوهم يعيشوها مثل ما يبون .... ماهر وبرغم انه مثل مهران لكن تقبل الوضع بعد ما تكلم مع ميار : تركي اذا تبي تعدل الوضع بينك وبين مهران هذي فرصتك .... ام مهران : اذا تبي يمه روح له مكتبه وانت تعرف مهران مستحيل يطردك من مكانه وانت امنعه يترك المكان وانت فيه .... هزت ميار راسها له تايدهم على كلامهم لمى طالعها فابتسم لها ووقف وباس خدها وراس ام معران وتوجه للمكتب .... طق تركي الباب وسمع مهران ياذن بالدخول لانه ما توقعه تركي فدخل تركي ورفع مهران راسه من على الورق الي قدامه وتفاجا ان الي دخل تركي فتو بيوقف لقى تركي يقفل الباب بالمفتاح ويحط المفتاح لجيبه .... تركي واهو يمشي للكرسي قبال مكتب مهران : مابسمح لك تترك المكان الا لمى نتصالح وترضى علي حتى لو بضربي .... مهران واهو يقعد ويحط رجل على رجل : شتبي .... تركي : ابيك تسامحني .... ميار تفهمت وسامحتني ... مهران عارف بتقول لي اني نقضت وعدي لك لكن انا وقتها كنت بحاله ما يعلم فيها غير الله ونفسيتي دمار وتخيلت ميار تشمت فيني لانها دفعتني لاني اشوف بنفسي بدل ما تقول لي بلسانها ..... مهران : ولو قالت لك بتصدقها ... تركي : فهمت مقصدها وغايتها متاخر بعد ما شفت لوين وصلت تاله وميار طبعا ... انا غلط واعترفة بغلطتي واعتذرت وميار صدت فيني لين قلت بس وبرغم انها فاهمتني لكنها عاقبتني .... مهران لولا انك غالي علي ما تضايقت من صدك لي .... مهران : مستعد لعقابي .... تركي واهو يبتسم ويوقف : مستعد باي تبيه ... يله تفضل اضرب مكان ما تبي ... مهران واهو يوقف : لا عقابي غير ... افتح الباب وامش اقوله لك قبالهم واهم يشهدو عليك وعلي ... استغرب تركي لكن سوى مثل ما يبي مهران وطلع معاه للجهى الي الكل ملتم فيها و ضنو انهظ تصالحو لكن لاحظو انهم يمشو بعيد عن بعض ومافي اي تعبير للفرح على ويوهمفوقف مهران بالنص واشر لتركي يوقف قريب منه .... مهران : اكيد كلكم عارفين ليش تركي ياني المكتب وانا قلت له عشان اسامحه بعاقبه بعقاب واهو قال انه متحمل العقاب الي بقوله ... هاااه تشهدو عليه وعلي ..... ريان بحماس : اي انا اشهد شنو ... بكسات او مصارعه او كراتيه قول وانا اعين واعاون ..... ضربته ميار على جتفه لانه جنبها فضحكو عليهم كلهم وريان يفرك مكان الضربه .... ريان واهو يفرك مكان الضربه : ااااح ... تلسع ... هذي موب يد هذي مسطره ... شنو ما قلنا شي اهو قال يتحمل .... ماهر : قول مهران شنو عقابك لتركي ..... مهران : اول تشهدو واهو يقول قبل اقول العقاب يقبل باي عقاب مثل ما قال لي بالمكتب .... تركي : قابل بلي تبيه ...قول .... مهران : هاااه تشهدو .... الكل قال يشهد ولف مهران لميار : وانتي ميار شاهده ... الي بقوله يخصج .... ميار واهي حاسه بان ورى كلام مهران عقاب كبير لا اهي ولا تركي بيتحملوه : اوكي اشهد اكني حاسه بخطر من هذا العقاب .... مهران واهو يغمز لها : اكيد ما انتي تربيتي لازم تعرفي ان عقابي موب اي عقاب .... تركي بعد ما بلع ريجه وحس بصعوبة العقاب : مهران على سنو ناوي.. مهران بتحدي : هاااه تراجعت .... تركي : لا قول ... مهران : من اليوم او نقول من هذي اللحظه ميار اطلعي لجناحج تنتي وتاله وانت تركي توكل ومالك عندنا من الليله لشهر كامل زوجه لك بنت تيي تسوفها وتاخذها اذا تبي وغيره لا لسهر كامل ... هااه هذا عقابي .. تركي بصدمه واهو يصرخ : مهران .... لا سنو تقول ... شنو شهر .... اوكي ببل الليله لكن شهر لا وايد .... مهران باصرار واهو يقعد ويحط ريل على ريل : لا ... سهر ولا انسى اسامحك .... تركي : اوكي مهران قلل .... خلها يومين .... مهران واهو ياشر باصبعه بلا : نو ... شهر .... تركي واهو بطالع ميار : ميار اقنعيه ... بقبل اسبوع وهم وايد ..... مهران : لا محد يتدخل كلهم شهدو عليك وعلي ... اذا تراجعت عادي خذ زوجتك وبنتك ويبقى الحال على ما هو عليه ولا تقرب يمي مره ثانيه ..... |
البارت التاسع والاربعون تركي بسرعه واهو يطالع ميار : لا خلاص ... بس اول عطني مجال اودعها .... ركان واهو مبتسم : ليش بتسافر عنك ... بكره معاك بالجامعه ... اهي وقت النوم مابتكون بحضنك بس . .. مهران واهو يشوف تركي يبتسم : لا تفرح ... تلفونها باخذه منها ومافي بينكم مكالمات وهم انت بتعطيها اجازة شهر .... ميار بسرعه : لا شنو تجازه ... مهران انا مضيعه محاضرات كثيره على الطلبه ولولا جاسر ياخذ مكاني اذا قدر ولا تروح عليهم ... شلون شهر واساسا الامتحانات قربت .... مهران : موب مشكله جهزي كل شي وجاسر يقدمه لهم ... ثم لا تنسي انتي حامل والراحه افضل لج ... اذا ما تبي تركي خذها وتوكل .... تركي واهو يمد يده لميار : باخذ لج اجازه و باخذ منج كل يوم المحاضرات ... تعالي ابيج قبل امشي .... معران بسرعه واهو يشوف تركي يمشي مع ميار للصالون الثاني : المحاضرات انا بسلمهة جاسر او ايي ياخذها انت ما بينك وبينها اتصالات .... تنهد تركي ودخل بميار الصالون الثاني وضمها بقوة بدون لا يتكلم فباس رقبتها بشغف فحست ميار بالم من قوة ضمه ومسكت يده تحاول تبعدها لكن تركي يشد اكثر ورفع راسه يطالع عيونها .... تركي : لا تكوني انتي واخوج علي اتركيني اشبع منج لو للحظه .... ميار واهي تبعد يدينه : تركي اصحى انت تالمني جذيه لو موب حامل اوكي لكن عيالك بحشاي وانت تصغط بقوة علي .... تركي واهو يقعدها جنبه على الكنبه : اسف والله اسف ... من عصبيتي وهذا الموقف الي صرت فيه ما حسيت على نفسي .... للحين تالمي .... ميار واهي تمسح على خده : لا حبيبي ... تركي تقبل عقابه ... انت قلت اوكي ... خلاص تحمل هذي الفتره .... تركي واهو يبوس خدها : كان ودي نحتفل الليله بالخبر الحلو .... ميار واهي تبتسم : الي يبي العسل يتحمل اللسع .... تركي بهمس واهو يغمز لها : باين بحتفل الحين معاج دامنا بروحنا ... قبل يتم الحجر ..... ضحكة ميار بخجل واهي متحيره فيه وموب عارفه شلون ترضيه والي يبيه ما ينفع ابد ..... ميار واهي ماسه ويهه بيدينها : حبيبي انت شايف المكان مناسب للي ببالك ... ثم تلقى مهران ياي يطردك الحين .... تركي واهو يبوس يدينها : عارف عارف والله عارف لكن اقول الي بقلبي ... الواحد ما يتمنى يعني ... اقول حبي ... بس ينامو اطلعي لي وتلقيني برى ... بنروح الفندق ومحد يعرف ..... ماتت ميار ضحك على افكاره المتهورة وكانه مراهق فضحك معاها تركي وضمها لصدره .... ولحظات وسمعو طق على الباب فاعتدلت ميار وبعدت عن تركي لكن بقت يدهم مشبوكه ببعض وانفتح الباب بعد ما اذن تركي وكان مهران ووقف جنب الباب وشبك يدينه على صدره وسند نفسه بالباب .... مهران : هاااه ما خلصت من توديع زوجتك ... يات الساعه ١٢ يا سندريلا يله على جناحج ... تاله سبقتج ... وانت اذا ما تبي تروح تقدر تسهر مع الشباب تراهم بالاستراحه الي يم المسبح .... تركي : دامكن سهرانين اتركني مع زوجتي اشبع منها انت حكمة بشهر والله بين فيها ارحمني شوي ... من تطلع الشمس هويتكم .... مهران : لا ... انا قلت شهر والحين دخلنا يوم يديد ... لاني بردها لك بنفس الوقت ... حست ميار ان تركي بينفجر فقررة تتدخل عشان مهران يخفف عليه : مهران عشاني بس اول ما تطلع الشمس تركي بيروح ... مهران : عشانج بس ... اي على فكره اذا ييت تشوف تاله تعطيني خبر عشان هذي تبقى بجناحها ... برحمك واتركك تبات معاها الليله بجناحه عشان خاطرها بس وغيره ماك ومن تطلع الشمس تطلع من جناحها ... ابتسم تركي ووقف مع ميار و طلع فيها للجناح ولمى مر بمهران باس خده وضحك على صدمة مهران من حركة تركي وقضى تركي الليله بجناح ميار واهي بحضانه واول ما طلعت الشمس باس كل مكان بميار بعد ما اخذ شور ولبس .... ميار واهي واقفه معاه جنب باب جناحها : حبيبي تحمل ولا تعصب ... بتشوفني بتاله .... تركي : حبي زوغي لمى ايي لتاله ... ميار واهي تضحك : هههههه تحسسني اننا مراهقين و على علاقه والعياذو بالله .... تركي واهو يبوس رقبتها : والله مهران طير مخي ... ميوره مابي اروح ... ميار واهي تبوس شفاته بسرعه : هذي هديتك قبل تروح ويله مانبي مهران ايي يهزء .... باسها تركي بشغف بشفاتها ولانه مايبي يتعذب اكثر فتح الباب وطلع وبسرعه نزل من السلم وطلع برى القصر ولا لف الا لمى ركب سيارته فلقى ميار واقفه بالبلكونه الخاصه بجناحها فتنهد واشر لها فابتسمت ولوحت له وابتسم وطير لها بوساته وساق وطلع من حدود القصر وتوجه لبيت ابوه واول ما دخل الجناح تنهد بقوة و ما تحمل يبقى فيه وميار موب موجوده فاخذ له شنطه ولم له ملابس واغراض مممن يحتاجه و نزل لغرفة الضيوف ..... الكل عرف بالي حصل لتركي وميار وحملها بثلاث وفرحو بالخبر لكن تضايقو بعقاب مهران لتركي ... تبين ان محد يتطابق مع اروى ولا احد يقدر يتبرع لها والجده عرفة بكل شي وبقت تدعي لها لكن تذكرة شغله ممكن تساعد اروى فطلبت من تركي يزورها .... تركي واهو ينزل فنجان القهوة : امري بدتي ... انا عارف ما يبتيني الا في شي تبينه اسويه صح .... الجده : اي ... لكن قول لي شنو فيك ليش ضعفان وباين عليك التعب ... حصل شي لتاله .... تركي واهو يبتسم بالم : لا الحمدلله اهي بخير ... ما سمعتي بان مهران معاقبني لاني مديت يدي على ميار ... الجده واهي مستغربه : عقاب ... بس بشنو عاقبك موب ميار سامحتك ليش اهو يتدخل بينكم .... تركي : ما تدخل ابد لكن يصد عني وزعلان مني ولا يكلمني ... علاقتنا مثل الخوان وانا كل مره اخذله ... العقاب عشان يسامحني .... الجده : من متى معاقبك .... تركي : اسبوع .... الجده : وتاله ما تشوفها هم .... تركي : لا ماحرمني منها لكن مصبرتني اشم ريحت امها فيها ... ههههه تعرفي يدتي صرت مراهق ارسل مع تاله رسايل لميار تخيلي ... اراسلها بالرسايل ..... الجده : ههههههه ليش وين التقنيه اليديده ... ليش ما تكلمها بالتلفون . تركي : ماخذ تلفونها ومانع اي احد يعطيها تلفون ولا تلمس حتى تلفون جناحها وتاله مانعها تستخدم الايباد بالجناح ... الجده : زين والجامعه ما تشوفها فيها .... تركي : مامن نفسه من مل جهة ... عطيتها اجازه شهر وترسل لجاسر المحاضرات ... اتركج عني انا و حياتي .. قولي لي شنو تبين مني وانا حاضر .... الجده : تسلم يمه ... حبيبي ابي اقول لك شي محد يعرفه غير ابو عا.ل وابيك تساعدني فيه .... تركي : اكيد يخص اروى صح .... الجده : اي يمه ... تركي : يدتي انا وميار تنازلنا عشان سالفت تسميم تاله لكن الحق العام ما اقدر انزله عنها .... الجده : لا يمه المحامي قال لي و قال بيحاول يخفف عنها الحكم لكن ابيك بخصوص التبرع لها بالكلى .... تركي : يدتي لا تطلبي مني احلل .... الجده : لا يمه اذا الكل ما تطابق انت اكيد مابتطابق وانت فصيلة دمك غير ... اصلا الدكتور تبع تاله شيك بينك وبينها وهم انت ما تطابق معاها ... انا عندي احد ممكن يتبرع لها و اكيد يتطابق معاها لان بينهم صلت دم .... تركي : من يدتي ... لا تقولي خالي الله يرحمه عنده بنت ولا ولد ثاني بالحرام .... الجده : تركي شتقول ... لا انا اعرف ان لها اخ من امها لكن محد يعرفه الا انا وابو عادل .... تركي : اوكي ... تبيني ادور عليه او اكلمه تعرفيه وين .... الجده : وانت تعرفه .... تركي مستغرب : انا اعرفه ... من ... الجده : عاصم ... تركي بصدمه كبيره : عاصم ... اي عاصم ... تقصدي الي تزوجها ... الجده : اي ... لا تطالعني جذيه لمى تزوجها عرفنا والحمدلله ما لمسها ... امها لمى عرفة انها تطلقت منك وتزوجة سالت من تزوجة ولمى خبرتها صرخة وقالت نا يجوز لانه اخوها ... عاصم ولدها من ابو عاصم تزوجها و طلقها بعد كم سهر لمى عرف انها بياعة هوى لكن فاجاته بانها حامل ولمى تاكد انه ولده تركها عنده ولمى ولدة طلقها و عطاها مبلغ عشان تسكت وكتبه باسم زوجته الثانيه ... تركي : معقوله ابو عاصم تزوج ام اروى ... اوكي عاصم طلقها لهالشي ولا مثل ما قالو لانعة داخله له بواحد وسكرانه .... الجده واهي تنزل راسها : للاسف للثنين ... اولا لمى دخلت له وبيظها واحد وسكرانه نزل فيها ضرب وكانت تهذي باسمك وتقول له منت ريال ولا توصل لتركي ويابها عندي وقال لي بلي ساوته ووقتها حاولت اهديه و اقنعه ما يطلقها لكن لمى كلمتني امها وقالت لي ان عاصم ولدها طلبت منه يزورنا اهو وابوه وطلبت ابو عادل ولمى سالت ابو عاصم اول انكر لكن لمى قلنا له ان اروى بنتها اعترف وقال الحقيقه وقتها هستر عاصم وصار يصرخ بانه موب مصدق الي يسمعه تزوج اخته ولمى ساله ابو عادل اذا لمسها قال انها تمنعت ورفضت واهو صبر عليها وقتها طلقها وسال شيخ قال له يعتبر زواج باطل ولا كانه تزوجها لكن تكتمنى على هالشي وانت عارف مكانة ابو عاصم وزوجته ... تركي : تتوقعي يقبل يتبرع لها .... الجده : اهو رفض يتواصل معاها وانت عارف تزوج وعيل وزوجته ما تعرف بان اروى اخته فيمكن يرفض عشان محد بعرف باصل امه .... تركي : زين بكلمه واشوف وبرد عليج ... يله يدتي استاذن بمر تاله مواعدها بالملاهي .... الجده : يمه مالقيتو متبرع لتاله للحين .... تركي : لا بمه الامل بواحد من الي بحشى ميار ... الجده واهي تطبطب على يده : الله كريم والحمدلله الي الله عوضكم بثلاث واحد منهم يتبرع لها .... تركي واهو يبوس راسها : الحمدلله ... ادعي لها يمه .. بالاذن ... تنهدت الجده بعد ما تركها تركي وطلع واهي تدعي له وتاله وميار وندمانه على مل الي تسببته له بس لانها كانت تبي ترضي بنت ولدها ولا فكرة بعواقب الي تسويه ... استغفرة الله وتوجهة لغرفتها تصلي وتدعي لتاله يلقو لها متبرع ولا تتعذب زود لحد ما تولد ميار ويكبرو الي بحشاها ويتبرع واحد لها .... كلم تركي عاصم و تواعد معاه وتقابلو وبعد السلامات والسؤال عن الحال دخل تركي بالموضوع .... تركي : عاصم انا يايك مرسول من يدتي .... عاصم بضيق : عارف شنو تبي من كلمتني لاني عارف كل شي عن اروى ... تركي : اوكي دامك عارف ليش ما حللت ... عاصم اهي اختك مهم كان.. عاصم : ولي يسلمك تركي لا تقول اختي ... انت تعرف ليش انا اصلا قبلت اتزوجها بعد خيانتها لك معاي.... تركي : عاصم الي تتكلم فيه ماضي ومايهمني بشي انا متزوج ومعيل مثلي مثلك وانتظر الي ياي بالطريج لو بنتكلم عن الاذى الي حصل لي منها ما بنتهي ابد .... عاصم : لكن انا ابيك تعرف كل شي .... تركي واهو يسند ظهرا ويتكتف : تفضل اسمعك ... قول كل الي بخاطرك .... عاصم : تعرف ان ابوي وابو عادل بينهم شغل وقبل انت تخطبها ابوي طلب من ابو عادل يزوجني اروى ووقتها انا ما كنت اعرفها ... المهم ابو عادل رفض وقال لابوي حجج ومن ضمنها انك تبيها ... تركي واهو مصدوم : ابو عادل رفض ... لكنه كان رافض يزوجها لي ولمى تكشف كل شي قال لي انه رفص لانه خاف علي من مل الي حصل لي معاها ... يعني حب يحميني .... عاصم : صحيح لكن كانت حجه عشان يحميني ... مثل سببه لحمايتك ... كنت اشوف ابو عادل برفضه لئيم ولا كنت اعرف حقيقته الطيبه ... وضح لي كل شي لمى ابوي اعترف باني اخو اروى ومن امنا وشلون يابني ... تركي : ابو عادل غريب بتصرفاته كلن يحاول يحمينا ويبين لنا انه يدلل فيها ويحرضها على الفساد لكن الصحيح كان يكشف لنا حقيقتها ... المهم كمل الي عندك .... عاصم : اوكي ... لمى انت ملجة عليها وسافرة انا هني قلت خلاص موب من نصيبي لكن تفاجاة فيها تكلمني .... لا تستغرب اهي الي ملمتني وطلبت نتقابل وقتها قلت اشوف سنو تبي وتفاجاة فيها تبي نكون علاقه وانها معجبه فيني وكانت تصر على ابو عادل تيي معاه لمى يكون بجتماع مع ابوي وتعرف اني معاه وكانت تطلع معاي برغبتها يعني كل الي قالته لك جذب وحتى ابو عادل جذب بس عشان ما ينفضح منها ... انا لمى عرفة من ربعي الي معاك بايطاليا انك مع الي متزوجها الحين وباين انك ناوي تتزوجها ووصفو لي شكثر الفرق بينها وبين اروى فقررت اساعدك بقرارك و اكشفها لك وارسلت لك فيديوات لها وصوتها واهي سكرانه .... تعرف انها عرضت نفسها علي وقالت لي كل الي جرى بينكم قبل تسافر من علاقة حمبميه بينكم ... طلبت اسوي معاها نفس الشي ... وقتها قلت طلاقها منك اسلم لك صراحه قلت حرام تربط نفسك بوحده مثلها .... تركي : وليش انت تزوجتها ..... عاصم : امجبىت من ضغط من ابوي ... كنت ناوي اتزوج زوجتي بنت عمي لكن ابوي قال لي لازم اتزوجها بعد الكلام الي انتشر عنها واني خربت حياتها معاك فتزوجتها وقررة اطلقها بعد كم شهر او ينه بالكثير لكن الي ساوته خلا عقلي يفصل ... تخيل يايه لي وبيدهة واحد لا بعرفها ولا تعرفه وتقول لي فض لنا المكان وتبي تختلي معاه ... وقتها ما تحملت ونزلت فيها ضرب لكن امى عرفة الحقيقه ما استغربت كل تصرفاتها لان لدمها النجاسه ولا تصدق انها تتوب ...الحين ياي تبيني اتبرع لها بالكلى ... ليش عشان تعيش اكثر و تكمل فسادها .... لا انا موب مستعد اعرض نفسي للخطر على حساب وحده بنت حرام حتى لو انها اختي انا عندي عيال وابي اربيهم و اعيش مع زوجتي بسعاده .... تركي : بعد كل الي قلته ما الومك وانا رفضت هم احلل لاني شايل عليها وفوق هذا مسممه بنتي الي متعلله بنفس علتها وكان الزمن يدور ويذوقها نفس الي تذوقه بنتي .... عاصم : ما لقيت لها متبرع ... تركي : لا ... محد منا بتطابق معاها ... حالتها نادره جدا ... الدكتور يقول السبب لان جيناتي وجينات زوجتي متطابقه ببعضها ما اعرف بهذي الشغلات لكن هذا الي فهمته واهو الي سبب هاللخبطه لتاله ... عاصم واهو يبتسم : اسمها تاله ... حلو اسمها ... كم عمرها ... تركي واهو يوريه صورة تاله بتلفونه : هذي اهي ... عمرها خمس سنين بعد شهرين تتم السته .... عاصم واهو يتامل تاله : ماشاء الله ... بنتك بمدرسه خاصه صح ... تركي : اي ... عاصم : شفتها من قبل تعرف انها مع ولدي سراج ... اهو بعمرها ...بنتك معذبى الاولاد بالمدرسه الكل يبي صحبتها .... تركي واهو يضحك : ههههههه الله يرجك بعدهم ما طلعو من البيضه ويلاحقو بنتي ... عاصم : جيل فاسد ... لا تخاف بنتك مسفها الكل .... تركي : ههههه عارفها تخبرني بكل شي كل يوم .... عاصم ردك انك رافض خلاص اوصله ليدتي .... عاصم : رد نهائي ... خل الي اسمها امها تبرع لها بدل ما اهي من فراش لفراش .... تركي : عاصم سؤال واذا ما تبي ترد لا ترد ... عاصم : عارف ... لا تخاف ما اتضايق انا ما اعتبرها امي ولنى عرفة الحقيقه تازمت نفسيتي بالبدايه لكن كلام امي الي ربتني بلسم على قلبي ... تبي تعرف اكيد قالت لي اني ولدها مهم كان وموب الام الي تحمل وتولد لا الام الي تربي وحلفة لي انها رصعتني مثل باقي اخواني وان مستحيل احد يعرف من الي حملة فيني لان حتى بينها وبين تفسها تقول اني ولدها واول فرحتها ... ةقتها قطيت كل شي ورى ظهري وعشت حياتي صح ما خليت هالشي يعيقني ابد .... تركي : الله يخليها لك ويخليك لها وتبرها دايما ... اخلك واستاذن لازم اوصل كلامك ليدتي .... عاصم واهو يوقف مع تركي : سلملي عليها وبلغها اسفي لو طالبه روحي لها كنت لبيت اما لبنت الحرام لا ... الا تركي من يعرف غيرك بموضوعي .... تركي : محد غير ابو عادل وانت عارف يدتي خبرتني عشان اكلمك ... لا تخاف محد بيعرف وسرك ببير .... عاصم واهو يصافحه جنب السياره : بلغ سلامي لمهران وقول له انتظر يعطف علي ويقبل بالشغل بينا ..... تركي : يوصل ... بالاذن ... مشى تركي بسيارته متوجه لبيت الجده وباله مشغول بميار وشوقه لها يزيد كل يوم اكثر واكثر حتى انه ما ناقش عاصم او حاول يقنعه لانه للحين مقهور من اروى لانعا سبب كل عذابه فوصل ةبلغ الجده بكلام عاصم و خبرها ان الدمتور لازم بيحط اعلان لمتبرع يطابق لها حتى لو من برى فاستاذن و كلم ام معران يخررها انه بيزور تاله ولمى وصل لقى تاله بالحديقه وقريبه من بلكونت ميار فابتسم وخطر بباله فك ة يقدر يشوف فيها ميار فلعب تاله وعطاها رساله طلب منها تخبيها وتسلمها لميار ..... ميار كانت تراقبه من ورى زجاج البلكونه واهو ما يقدر يشوفها بسبب العازل ولمى اعطى تاله الرساله ابتسمت على الفكرة الي وصل لها عشان يتواصلو فيها ببعض فاول ما دخلت تاله الجناح اعطت ميار الرساله و شمرتهة ميار لان تاله محافظه على هذا السر عن الكل ولمى قرة الرساله تفاجاة بانه يطلب منها تفتح البلكونه الساعه وحده بعد نص الليل وكانت متحيره ليش يطلب هالشي لكنها نفذت طلبه وبعد ما ساعدت تاله بالتروش وتغيير ملابسها رجعت غرفتها وخذت شور و قبل تدخل بفراشها طالعت الباب للبلكونه فابتسمت لمى تذكرة طلب تركي و بقت تنتظر الساعه وحده ولمى صار الوقت المحدد سمعت صوت ياي من البلكونه فنزلت من السرير ولبست الروب وغطة شعرها وتو بتبعد ستار البلكونه حست بيد تمسك يدها وتو بتصرخ انحطت يد على فمها تكتم صرختها واهي تضن انه حرامي وكلها لحظات ويبان لها تركي وضمها بدون اي كلام وكانت انفاسه سريعه ولا استوعبت الا لنىحملها وتوجه فيها للسرير ..... ميار واهي تلمس خده : تركي ..... تركي واهو ينزع حجابها ويفك خبوط الروب : يا روح وقلب ودم ودنية تركي اي هذا انا ... مشتاق لج موت .... ميار واهي تحاول تبعد ويهه عن رقبتها : تركي ... شلون دخلت ... تركي بعد اكلمك ..... تركي بعد ما باس رقبتها وشفاتها بهيام : حبي مو وقته انا مشتاق لج وبعدين نتكلم الحين ابي اطفي لو جزء من شوقي لج .... ما اعطاها مجال تعترض او حتى تتكلم لانه نزع التيشيرت تبعه وسحبها معاه يروي عطشه وشوقه لها ..... ميار واهي بحضن تركي وراسها على صدره العاري : شلون وصلت فوق .... تركي واهو يلعب بشعرها وباليد الثانيه بلعب باصابعها : سهله ... لاحظة ان الشجره الي يم بلكونتج عاليه وضخمه فتسلقتها ... شنو ما اشتقتي لي مثل ما اشتقت لج ..... ميار واهي تلعب بصدره : شلون ما اشتاق لك حبيبي ... يممن شوقي لك اكبر .... تركي الي سويته تهور و.... احمم وهم تنقض بوعدك لمهران ... تركي واعو يتنهد ويرفعها تطالعه : اااااه ... حبي عقابه قاسي وايد انا ابيه يسامحني وترجيته يقلل لكنه عند وانا ما تحملت ولا تكفيني الرسايل الي بينا ... انتي عاجبج عقابه هذا ..... ميار واهي تلف الغطى حول صدرها : تركي انت عارف مغزى مهران من كل هذا ... تركي واهو يمسك ذراعها قبل تنزل : وين ... بعدني ما شبعت منج ... ميار واهي تبتسم وتمسح على خده : حبيبي لازم اخذ شور وانت هم نبي ناكلم وتلحق تنزل قبل احد يحس عليك ..... تركي واهو يسحلها وترتمي بحضنه ويغمز لها : قلت لج ما شبعت منج.. ميار واهي تبعد وتضحك : ههههههه وانت متى شبعت ... تركي الوقت سرقنا وماباقي شي على الفجر ... اخاف احد يصحى ويشوفك هني عندي وقتها شنو موقفي وموقفك ..... تركي : هههههه محسيتني اننا على علاقه وخايفين احد يقفطنا ... ميار : دامك موب خايف ليش ييتمن البلكون ... تركي : لاني حاولت مع مهران يسمح لي اشوفج لكنه رفض وهم حاولت معاه يكتفي بالاسبوع ورفض ... ميار انا كل يوم بييج واهو خل يضن اني ملتزم ..... ميار : تركي .... تركي واهو يمزح : هههههه شنو انا زوجج ... على فكره الي يسويه حرام واذا رحت لغيرج لوميه وقتها ..... انصدمت ميار من كلامه و اعتبرته تهديد برغم ان تركي كان يضحك ومبتسم لكن جراحها منه للحين ما تشافت واهي سامحته عشان الحياة تستمر بينهم لكن يقولها بهذا الشكل معناه ابد ما اتعض وممكن يرميها باي وقت ومكانتها عنده ولا شي فغمضت عينهة وخذت نفس طويل ويدها على بطنها ولمى شاف تركي صدمتها وحالتها فهم الي ببالها فاول ما مسك بدها يبي يكلمها نفضته وتو بتنزل من السرير لكنه حاوطها وضمها من ورى ويدينه عل بطنها وراسه براسها وهمس باذنها ... تركي بهمس : قسم امزح ... والله لو يصفو قبالي كل بنات العالم ما يهزو شعره مني ...محد غيرج يهمني ... انتي كل حياتي ... ميار ... حبيبتي اهدي ارجوج .... ميار واهي تحط يدها على يده وتحاول تفكها : تركي انا للحين مجروحه منك لمني سامحتك لاني مابي اهدم الي بينا ... انا اتمسك فيك وانت بكل سهوله تقول تاخذ غيري بس لان مهران عاقبك .... تخيل لو اني ما سامحتك مابيكون هذا حالنا ... قول لي وقتها بتنفذ كلامك وتروح لغيري. تركي : لو بسويه كنت سويته بالست سنين فراق ... لا تقولي اروى معاك ... والله ماقاربتها الا بسبب ولهي لج واغلب اللحظات الي اشتاق فيها لج اتماسك ولا اقرب لها لاني بعدها اصحى على نفسي واشمئز من نفسي لاني قاربتها .... ميار انا فاهمج ومقدر كل الي سويتيه اي وتنازلاتج لكن ارجوج كلمي مهران انا ما اتحمل اكثر .... لا تفكري ان غايتي مقاربج لغريزتي لا انا ابيج قبالي يمي ابي افتح عيني القاج معاي اصبح فيج وامسي فيج اشكيلج مشاكلي بالشغل وغيره مابي اعيش بدونج تراني اموت .... ميار واهي تلف له وتمسك ويهه بيدينها : بسم الله عليك لا تقول جذيه تركي تراك توجع قلبي .... تركي واهو يبتسم ويبوس شفاتها : الله لا بحرمني منج ويحنن قلب اخوج علي .... ميار واهي ترتمي بحضنه : ولا يحرمني منك ... تركي الي سويته غلط بييتك هني انا فاهمه موقفك و عارفه بلي تحس فيه لكن حاول تحمل عشان مهران يسامحك ... مهران ما يستاهل منك تتحمل .... تركي واهو يشد عليها ويبوس راسها : يستاهل ابو وليد ... ميار .... ميار واهي على وضعها : امر حبيبي .... تركي : احممم ... ما يامر عليج ظالم ... احمممم ... حبي ابي اتطمن على عيالي ممكن ..... ضحكة ميار لانها تعرف شلون يبي يتطمن على الي بحشاها فضحك معاها و تمدد معاها على السرير وشفاته بشفاتها ..... كمل الشهر وتركي التزم فيه ولا نط مره ثانيه لميار وكان يكتفي بانه يطلب منها تطل من البلكونه له وطبعا من خلال الرسايل ولمى اخذها سافر معاها لدبي اسبوع لكن بدون تاله ولمى رجعو عرفو ان اروى حالتها تسوء اكثر واكثر و الكلى السليمه صارت تتعب فقرر تركي بكلم عاصم مره ثانيه وياخذ مهران معاه عشان يقنعه وتقابلو بكفيه وبعد السلام والسؤال عن الاحوال تكلم مهران ..... معران واهو بطالع عاصم : عاصم انا ياي وكلي امل ما تردني .... عاصم : افااا ... ما عاش من يردك امرني .... مهران واهو يطالع تركي وبعدها عاصم : اختك .... عاصم واهو تاسي اروى ويضنه يقصد وحده من خواته : من فيهم تعني تركي : عاصم ما نعني خواتك الله يحفظه من ابوك نعني اروى ... عاصم بضيق واهو يستند على الكرسي : تركي لا تقول انك ياي لنفس الموضوع .... مهران : اي يايين عشانه ... اوكي انت شنو سبب رفضك قول وابي اقتنع ان سببك ما يقبل لان بالنهايه اهي اختك .... عاصم : شوف ييتك انت وتركي عزيزه وغاليه علي لكن اروى تعتبر عار اثم ولازم تبعد والي صابها اقل شي ممكن يصيبها ... انا مستغرب منكم وبالاخص انت تركي اهي سممت بنتك و فرقة بينك وبين زوجتك وياي تبيني اتبرع لها ... بذمتكم وحده مثلها تستاهل احد ياكلها اصلا هذي بياعة هوى مثل امها فنجسه بكل الاحوال .... مهران : عاصم اروى مهم كانت ومهم سوت فاهي روح ... ومثل ما قلت ليش تركي واختي يبون يساعدوها ... لان في تسامح الحقد عمره ماراح يعمر حياتهم ... تبي اوضح لك اكثر .... عاصم : تفضل جد عندي فضول ليش مسامحينها على كل الي سوته فيكم ... مهران : لان وكلنا امرنا لرب العباد اهو الي يجازيها ثم تعرف من الي طلب مني ايي مع تركي ... زوجته الي اهي اختي وتعرف شكثر تضررت منها ... ميار تبي تكسب اجر فيها وكلنا بالمثل ... الانسان اذا اخطئ وضلينا نعايره وما نسامحه بيعند ويبقى على حاله لكن اذا احتويته وسامحته لوجه الله تضنه يبقى على حاله او ينصلح ولو ما انصلح حالها احنا كسبنا فيها اجر وكسبنا اخرتنا واهي خسرة بالدنيا والاخره .... تركي : صدقني يا عاصم انا الشهر الي فات كنت شايل عليها لكن بالاسبوع الي كنت فيه مع زوجتي كلمتني عشان اسامحها من قلبي وهدتني بجد ومنها احس اني خفيف لا لي ولا علي لاحد شي ... انت اروى ما ضرتك ذره مثل ما ضرتنا فشنو السبب الاصلي لرفضك بالتبرع عاصم واهو يحرك الكوب قباله وعينه على الكوب : صراحه مابي زوجتي تعرف ان اروى اختي من الام وان امي موب الي يابتني ... مابي اهدم حياتي لاني اذا تبرعة لها بتسالني ليش ممكن تقلب حياتنا وتضن اني بردها خصوصا ان اروى لمى قابلتها كذا مره باماكن مختلفه تحرج زوجتي وتلمح لها لاني معاها واخون زوجتي معاها ... فهمتو سبب رفضي الحين .... تركي واهو يتنهد : هااااه وهذي ابد نا تركت احد بحاله .... مهران واهو يطالع تركي وبعدها عاصم : عاصم اذا هذا سببك محلوله ... تركي : قول حلك يا ابو الحلول .... مهران : ههههه حلوه لكن لا تعيدها لا احرمك من ميار شهرين ... تركي واهو يرفع السكين البلاستيك ويهدد بمزح : اي ناوي على عمرك هذي المره ... الحين ورضيت شنو سببك بعد .... عاصم : ههههه باين انه شايل عليك يا مهران وايد ... ليش سبق وحرمته منها .... مهران : اي شهر كامل ومن اسبوع تقريبا افرجنا عنها واخذها وسافر ما تسمعه من لحظات يقول لك الاسبوع الي كان فيه مع زوجته ... مسافر يختلي فيها لا احد يقاطعه ..... تركي واهو يضرب مهران على جتفه بقوة : استح على ويهك انت تكلم عن زوجتي الي اهي اختك وعلى قولتك بنتك .... مهران واهو يفرك مكان الضربه : اااااح ... يدك مثل زوجتك تلسع على قولت ريان .... عاصم واهو ميت ضحك عليهم : ههههههه حياتكم حلوه ... والله تشهو الواحد يقط نفسه عليكم .... تركي واهو يبتسم : حياك بلمت المهبل ... عيال عمامه وحوش ياكلوك باللعب .... عاصم : ههههه اعرفهم اخوي باسم مصاحب عيال عمه ابو صقر .... اوكي مهران قول حلك ونشوف ... . مهران : اوكي ... الحل انك تسافر معاي على ان في صفقه بينا واهو بيكون فعلا على اتفاقنا قبل وبدل لا نوقعها هني بيكون سفرك لالمانيا ويكونو سبقونا باروى لالمانيا لكن ينشرو انها سافرة للعلاج باي بلد ثاني عسان لا تشك زوجتك او حتى اهلك ...وامى ترجع قول لها انك تبرعة لواحد تعرفه وحالته كانت صعبه وما يتحمل ينتظر احد لمى يتبىع له و اروى ما ترد الا بعدك بشهور عشان محد يلاحظ او يشك تمام ... عاصم : حلك تمام لكن .... تركي : لكن شنو ... قول عاصم لا تخجل الي بقلبك قوله ..... عاصم : اروى .... ابيكم تنبهو عليها تبعد عن حياتي وزوجتي وكل اهلي بعد ابتبرع ..... مهران واهو مستغرب : ليش عاصم ... انا مستغرب رفضك لها مع انها كانت زوجتك حتى لو انه باطل يعني اخترتها .... تركي بسرعه قبل يرد عاصم : مهران ... عاصم خبرني قبل انه تزوجها مجبر لان الكلام زاد عليها بعد ما طلقتها معاه ... ابوه جبره يتزوجها وبعد سنه او كم شهر يطلقها لكنه طلقها لسواياها وهم لانها اخته من الام ....ولولا انك انت الي كلمتني عن معرفتك باخوتهم ولا ما طلبت منك تيي .... مهران : انا اعرف من عاصم نفسه ... عاصم ما خبرته شلون انت خبرتني ولمى ياك كلمتني .... عاصم : لا تركي وقتها ما اصر ولا الح وكانه موب مقتنع بالي يطلبه ... تركي : كلامك صحيح وهم لان تفكيري مشغول بفراقي لزوجتي ... المهم الحين شلون مهران عرف خبروني .... مهران بعد ما اشر له عاصم يتكلم : انت عارف اني اتعامل مع تجار بكل مكان وكان بيني وبين ابوه صفقه وكانت بروسيا ولمى كنت بالفندق مليت ونزلت اشرب شي ولاحظة عاصم مع وحده باين عليها كبيره لكن مهتمه بنفسها وكان معصب و استغربت منه لاني اعرف اخلاقياته مع الناس لكن قلت ابعد لان باين ما يبي احد ينتبه له لانه يتلفت كل لحظه لكن لمحني و ياني جناحي و فكر اني اخذت فكره سيئه عنه لاني ابتعدت لكن وضحت نضرتي وطمنته لكن عاصم كان محتاج يتكلم فخبرني من تكون وخبرني انها ام اروى وامه ... اسف عاصم اعرف ما تحب احد يقول انها امك لكن هذي الحقيقه المره .... تركي : عاصم انت المفروض هالشي ما ياثر عليك لانك ييت بالحلال مايابتك بالحرام مثل اروى .... عاصم : ليش اهي الواحد يفتخ فيها يعني ... مهران واهو يطبطب على يده : لا طبعا لكن تبقى امك ... عاصم انت المفروض تبرها ... لا تطالعني جذيه اهي الي يابتك انت سو الواجب الي عليك تجاها ساعدها تتوب وتترك الي اهي فيه وهم اروى لان الي بينكم دم ولازم يتوبو واكسب اجرهم ..... عاصم : وبعدها بيطلبو يقربو لزوجتي وعيالي وانفضح لعيال عيالي واجيال ... تركي : حط لهم حدود من البدايه ولا يقربو منك واساسا مافي دليل على انها امك اساسا انت ميجل باسم امك الي ربتك من انولدة لهذا يومك ... مهران : تركي اتركه الحين من هذا الموضوع واهو يفكر فيه ويقرر وحط ببالك لو احتجت اي مساعده انا موجود .... تركي : وشرطك بيتم ولعلمك محد بيعرف من المتبرع الا ابو عادل لانه يعرف كل شي وهم اهو الي بيسافر معاها .... عاصم : اوكي لكن المفروص اولا اسوي التحاليل .... تركي : ان شاء الله بتطابق معاها لانك اخوها وفصيلة دمك متطابقه معاها يعني نسبة تطابقك معاها اكبر .... مهران : تركي اعطه اسم الدمتور وخبر الدكتور عنه ونبه عليه السريه ... تركي : لا تخاف فاتحته بالموضوع وقال بيرسل التحاليل برى لالمانيا ومعاه كل شي يخص حالة اروى عشان السريه ... هااه تمام جذيه ... عاصم براحه : تمام .... كملو سوالف بالشغل وبعدها افترقو وباليوم الثاني توجه عاصم للمستشفى للدكتور المختص بحالة اروى وخبره الدكتور ان لو تطابق المفروض يسافر باسرع وقت ... وبعد كم يوم تبين انه متطابق مع اروى وتحدد موعد سفر اروى عشان تتجهز للعمليه قبل عاصم ... وقبل سفرها بيوم طلبة من الجده تقنع تركي يزورها لانه ما يزورها ابدا ولانها تبي تخبره بشي مهم وايد لكن تركي اعتذر من يدته فكلمة اليده ميار وخبرتها لانها تعرف ان محد يقدر يقنع تركي غيرها و رضخ تركي وراح بس عشان ميار ورفضة ميار تكون معاه واكدة عليه انها تثق فيه واكيد اروى تبيه بروحه .... |
| الساعة الآن 05:57 PM |
Powered by vBulletin®
Copyright ©2000 - 2024, vBulletin Solutions, Inc.