حكمة أم-قلوب أحلام قصيرة زائرة للكاتبة منال الشباسي *كاملة*

[منال الشباسي]

أنا منال الشباسى يسعدنى وجودى بينكم مرة أخرى و هشارك معاكم للمرة الثانية بقصة قصيرة بعنوان( حكمة أم ) واتمنى تعجبكم وهنتظر رأيكم فيها

نبذة صغيرة
..الاب والأم ضلعان اساسيان في بنيان العائلة، التفاهم بينهم يؤدى لحصاد مشرف فى بناء الابناء حتى إن تعثر احدهم استطاع الأخر ان يؤازره لكى يستطيع الوقوف مرة أخرى وبشكل أقوى

انتظرونى يوم الثلاثاء إن شاء الله

كتابة وتأليف:: منال الشباسي

تدقيق ومراجعة لغوية::منال الشباسي

تصميم متكامل: موني محمد

إشراف القصة:: Fatima Zahrae Azouz

في المشاركات التالية

بعد انتهاء القصة

لا تحرموا الكاتبة من آراءكم وتعليقاتكم
دمتم في حفظ الله ورعايته

[م ام زياد]

مبارك حبيبتي أن شاء اول تهنئه 😘

[الشامـخه]

المشاركة الأصلية كتبت بواسطة منال الشباسي

أنا منال الشباسى يسعدنى وجودى بينكم مرة أخرى و هشارك معاكم للمرة الثانية بقصة قصيرة بعنوان( حكمة أم ) واتمنى تعجبكم وهنتظر رأيكم فيها

نبذة صغيرة
..الاب والأم ضلعان اساسيان في بنيان العائلة، التفاهم بينهم يؤدى لحصاد مشرف فى بناء الابناء حتى إن تعثر احدهم استطاع الأخر ان يؤازره لكى يستطيع الوقوف مرة أخرى وبشكل أقوى

انتظرونى يوم الخميس إن شاء الله

أهلاً عزيزتـي مـنال ، انا اسعد حبيبتي تسـلم أنـامـلك فعـلاً الاب والام عـمـود

الـبـيـت وبـ انتـظارك 🌹

[دفنا عمر]

سلمت يداك حبيبتي
وفي انتظارك ❤❤

[منال الشباسي]

المشاركة الأصلية كتبت بواسطة م ام زياد

مبارك حبيبتي أن شاء اول تهنئه 😘

سباقة بالخير دايما حبيبتى😘😘

[منال الشباسي]

المشاركة الأصلية كتبت بواسطة دفنا عمر

سلمت يداك حبيبتي
وفي انتظارك ❤❤

تسلمى يارب حبيبتى 😘😘

[منال الشباسي]

المشاركة الأصلية كتبت بواسطة الشامـخه

أهلاً عزيزتـي مـنال ، انا اسعد حبيبتي تسـلم أنـامـلك فعـلاً الاب والام عـمـود

الـبـيـت وبـ انتـظارك 🌹

حبيبتى منحرمش منك واتمنى تعجبك لما تقريها ان شاء الله وسعيدة جدا بمتابعتك😘😍

[منال الشباسي]

مساء الخير حبيباتى
موعدنا بكرة وقصتنا القصيرة( حكمة أم) مين منتظر

[منال الشباسي]

اقتباس سريع

شريكى طلبك لإبنه لؤى وانا وافقت وهيجو الاسبوع الجاى لقراءة الفاتحة وتلبيس الشبكة والفرح بعد النتيجة ان شاء الله "
..تحدثت بخفوت " بس يا بابا أنا مش عايزة اتجوز دلوقت وكمان لؤشريكى طلبك لإبنه لؤى وانا وافقت وهيجو الاسبوع الجاى لقراءة الفاتحة وتلبيس الشبكة والفرح بعد النتيجة ان شاء الله "
..تحدثت بخفوت " بس يا بابا أنا مش عايزة اتجوز دلوقت وكمان لؤى انا مش بستريح له وكمان انا كنت عايزة ..."
.. قاطعها مفيش حاجة اسمها مش بستريح له هو جزمة هتلبسيها؟الكلام دا بيجى بعد الخطوبة والجواز..الموضوع منتهى وجهزى نفسك على الميعاد"ى انا مش بستريح له وكمان انا كنت عايزة ..."
.. قاطعها مفيش حاجة اسمها مش بستريح له هو جزمة هتلبسيها؟الكلام دا بيجى بعد الخطوبة والجواز..الموضوع منتهى وجهزى نفسك على الميعاد"

ياترى هيحصل ايه

[منال الشباسي]

مساء الخير عليكم
كل عام وكل أم طيبة وبخير...معاكم الليلة القصة القصيرة
(حكمة أم) اتمنى تعجبكم وهنتظر تعليقاتكم


العائلة مؤسسة لابد ان يكون أساسها متين قوى حتى تنشأ بشكل صحيح..الاب والأم ضلعان اساسيان في هذا البنيان، التفاهم بينهم يؤدى لحصاد مشرف فى بناء الابناء حتى إن تعثر احدهم استطاع الأخر ان يؤازره لكى يستطيع الوقوف مرة أخرى وبشكل أقوى
-------------
استيقظت سها صباحا تشعر بنشاط غريب ولكن قبضة قوية تغلف قلبها تؤكد لها أن سوء سوف يحدث ولكنها لا تعلم كنهه..تغاضت عن هذا الإحساس ودلفت لحمامها لتنعش جسدها بحمام دافىء مع إكمال طقوسها اليومية حتى انتهت وجلست على طاولة الإفطار بعد إلقاء تحية الصباح على والديها..

" صباح الخير "
.. والدها بحدة " صباح النور..جاهزة بدرى يعنى ؟
" اصلى عندى اختبار عملى فى اول محاضرة وخايفة اتأخر بالمواصلات "
.. والدتها بابتسامة " صباح الخير ياقلبى اخبار ضرسك إيه لسه تعبك؟
" احسن ياماما الحمد لله بس لازم أروح للدكتور اشوف حل له بعد الكلية إن شاء الله "
..نادر بإستفسارx " هتروحى لوحدك ولا أيه؟
"لا يا بابا هروح مع حلا صاحبتى..حضرتك عارف انه عمها "
..أوما برأسه ثم استقام ليغادر قائلا " مش عايز تأخير تخلصى وترجعى على البيت على طول مفهوم"
xx "مفهوم حاضر "

..تنفس كلا من الام وابنتها بمغادرة الأب بسبب حدته الدائمة معهم لشدته وحزمه ولكنهم أكيدين من حبه لهما..
..سها " ماما من اول ما صحيت من النوم وانا حاسة بقبضة فى قلبى..شكلى هلبخ فى الامتحان "
..هيام "بعد الشر متحطيش فى دماغك؛ انتى بس قلقانة..اتوكلى على الله وربنا يوفقك ياقلب امك"
..قامت وقبلتها وطلبت منها الاستمرار بالدعاء لها..
--------------
..فى كلية الصيدلة داخل المعمل تقف حلا وسها ويجاورهم صديقيهما مازن وإياد وباقى الطلبة والكل منهمك فى تحضير تجربته والانتهاء قبل الموعد المحدد..
..خرج الجميع بعد انتهاء الإختبار لينالو فترة استراحة قبل بدء الجدول اليومى..
..تنحت سها وإياد جانبا بعض الشىء ليستفسر منها عن سبب ملامحها العابثة اليوم ..

إياد " مالك ياحبيبتى مضايقة ليه..باين على وشك الزعل..لو قلقانة من الامتحان أطمنى انا كنت مركز معاكى وكله تمام"
..تنهدت قائلة " الحمد لله عارفة انى حليت صح..بس فى حاجة طابقة على صدرى من اول ماصحيت مش عارفة ليه"
..اعطى لها زجاجة ماء" استغفرى وان شاء الله خير..مشاريعك إيه انهاردة"
..تلمست خدها وهى تجيبه " هروح لدكتور الأسنان لان ضرسى تاعبنى وكمان مورم خدى شوية"
..سألها ليتأكد " طبعا عند عم حلا..انا هاجى معاكى وهنتظر برة "
..كادت ان ترفض فاكمل "متقلقيش انا هدخل بعدكم واقعد على اساس منتظر حد ولما اطمن واشوفكم خارجين هنزل الاول "
..أومات بالموافقة لانها تعلم انه لن يتراجع.. ان شاء الله "
..انضم اليهما حلا ومازن الذى مازحهما قائلا "ايه يا دوك وصفت العلاج ولا لسه محتاج وقت للشرح والتوضيح ؟
..اغتاظ اياد منه وقال من بين اسنانه "خفيف قوى"

..ضحك ثلاثتهم وانضم اليهم رابعهم واكمل يومهم الدراسى وبعد الانتهاء توجهت الفتاتان لعيادة الطبيب ومعهما إياد كما اتفقا سابقا..
..بعد الكشف عليها وإعطائها روشتة بالعلاج المطلوب للتخلص من الالتهاب الذى اصاب ضرسها..غادرت وذهب ورائها كما اتى حتى اطمئن أنها دلفت لبنايتهم واتجه هو لمنزله ايضا الذى يبعد عنها مسافة شارعين فقط على وعد بإتصال هاتفى منها اخر اليوم "
-------------
..دخلت لمنزلهم وكان والديها بغرفة المعيشة..أمها تشاهد التلفاز وفى الركن الأخر الأب يتابع بعض الأعمال على حاسوبه الشخصى ..
..دلفت والقت التحية ثم جلست بجوار والدتها التى سالتها عن يومها والطبيب..
."السلام عليكم "
..الاثنان " وعليكم السلام ورحمة الله "
" هيام " عملت ايه عند الدكتور؟
" الحمد لله طلع التهاب وعطانى العلاج وجبته من الصيدليه اللى تحت العيادة"
.. ملست على راسها بحنان متمتمة " ربنا يحوش عنك يا قلب امك وتبقى زى الفل إن شاء الله "

..قطع نادر همستهم مناديا على إبنته لتجاوره الأريكة..فتحركت وداخلها يشعر أن قبضة قلبها منذ الصباح ستعلن عن هويتها الأن..
..نادر بجمود " دلوقت انتى أخر سنة فى الكلية وهتخلص بعد كام شهر..علشان كدا شريكى طلبك لإبنه لؤى وانا وافقت وهيجو الاسبوع الجاى لقراءة الفاتحة وتلبيس الشبكة والفرح بعد النتيجة ان شاء الله "
..تحدثت بخفوت " بس يا بابا أنا مش عايزة اتجوز دلوقت وكمان لؤى انا مش بستريح له وكمان انا كنت عايزة ..."
.. قاطعها مفيش حاجة اسمها مش بستريح له هو جزمة هتلبسيها؟الكلام دا بيجى بعد الخطوبة والجواز..الموضوع منتهى وجهزى نفسك على الميعاد"

..القى قنبلته التى انفجرت بوجه الإبنة وأمها ثم غادر تارك الأولى فى ذهول والثانية تبكى حظ ابنتها العسر من أب قسوته غلبت حنانه وهى الوحيدة التى تعرف اسبابه ولكنها لن تستطيع البوح ولكن يجب أن تتحدث معه وتمنع أن تقع أبنتها فيما وقعت هى قبلها فيه..
..شرعت ذراعيها لإبنتها لتندس داخل صدرها لتمنحها حنانها وتعدها أنها ستقف بجانبها حتى أخر لحظة..

..بكت سها بحضن هيام متمتمة " ليه بيعمل فيا كدا هو انا مش بنته الوحيدة والمفروض يعمل اللى يفرحنى لكن طول عمره بيعمل العكس مع أنى بحسه بحنانه رغم شدته "
..الام" اهدى ياقلب أمك ومتخافيش مفيش جواز الا برضاكى..قوليلى أخبار إياد ايه ؟

..مسحت دموعها بظهر كفها " خلاص جهز الصيدلية بتاعته وهيفتحها اول مانتخرج وكنا متفقين هشتغل معاه (وعادت للبكاء ) انا كنت حاسة ان فى حاجة هتحصل "
..شدت أمها على كفيها " اسمعينى كويس أنا عايزة اقابل إياد بكرة ضرورى "
" ليه يا ماما عايزاه فى ايه هو حصل حاجة ؟
..طمأنتها " متخافيش انا بس هسألو على كام حاجة كدا هو بس اللى هيقدر يجاوبنى عليهم "
..اومأت لها " حاضر هقوله وربنا يستر "
" طب يلا قومى غيرى هدومك وفرفشى كدا ومتقلقيش طول ما أنا موجودة "
------------
..فى غرفة نوم الأب يجلس شاردا يفكر هل ما يفعله صحيح..هى ابنته وقرة عينه نعم يعاملها بقسوة وحزم لخوفه عليها ولكنه يحبها..أما موضوع الزواج فهو بضغط من شريكه وتهديده بخسارة الشركة بإنسحابه بعد ان خسر الأول كثيرا من أسهمه بالبورصة..المقابل الوحيد زواج ابنته من ابنه المتيم بها بشكل كبير ولكنه عابث يبدلx الفتايات كما يبدل قمصانه..ليس بيده شىء سوى الموافقة والإ سيخسر كل شىء..

..دلفت هيام على زوجها مقررة المواجهة مهما كانت النتيجة ..
..نادت عليه " نادر ..البنت شكلها مش موافقة على ابن شريكك دا فعلشان خاطرى بلاش..احنا معندناش غيرها "
..نكس رأسه قائلا " ياريت صعب وبعدين الولد مش وحش وخريج جامعة"
..أكملت " وبتاع بنات وسهر وسجاير وانا بنتى ملهاش فى الجو دا وكمان رافضة ونفسها فى الصيدلية اللى وعدتها بها اول مادخلت الجامعة

..زفرا بضجر " كل الشباب كدا بكرة لما يخطبها يعقل ويحس بالمسؤلية "
..صمتت لحظات ثم فاجأته بما افصحت عنه .
" انا عارفة السبب ورا اصرارك دا "

..ارتبك قليلا ثم تماسك " اسباب ايه؟ مفيش غير اللى قلته..وياريت تقفلى على الكلام (استقام ليغادر فاوقفته ) علشان خسرت معظم اسهمك فى البورصة"
..برقت عينيه ونظر لها متألما " للأسف غصب عنى "
..تحركت هيام وربتت على كتفه" لا يا نادر دى بنتى الوحيدة ناكل عيش حاف بس منظلمهاش"

" طب أعمل ايه ابنه بيزن عليه وهو بيضغط عليا؟
"شوف ياسيدى انت اول حاجة هتقوله ان مفيش اى خطوبة ولا كلام من دا الا لما تخلص والنتيجة تطلع..واحنا فى الكام شهر دول هنرتب هنعمل ايه "
..نظر لها غير مصدق لترتيب أفكارها" ربنا يخليكى ليا انتى وسها ونعدى الفترة دى على خير "
" ويخليك لينا يارب..متقلقش وسيبها على الله"
..ربت على يدها "ونعم بالله "
------------
فى اليوم التالى بشركة نادر داخل مكتبه وهو منهمك فى العمل على حاسوبه يريد تعويض ما خسره لعله ينقذ نفسهx من الإفلاس وابنته من الزواج ليقطع تركيزه دخول شريكه عليه لكى يأخذ الرد على طلبه..
..ممدوح " صباح الخير ..مشغول كدا فى ايه ؟
" صباح النور .. عادى بشوف اخبار الدنيا ايه؟
..سأله " طب واخبار موضوعنا ايه ياترى؟
..تصنع عدم الفهم " اى موضوع مش فاهم "
..رد بعصبية " نادر متوهش..موضوع خطوبة لؤى وسها..اخدت رأيها ؟
..رد كأنه تذكر " ااه افتكرت..مش هينفع دلوقت خالص "
..تجهم وجه " ليه إن شاء الله ؟
..رد بغضب " فى إيه ياممدوح..البنت عندها امتحانات ودى اخر سنة وانا مش هشغلها بخطوبة وهيصة دلوقت..ان شاء الله بعد النتيجة نشوف الموضوع دا..وياريت نقفل عليه"
..كز اسنانه " دا أخر كلام عندك "
..اومأ له " ايوة..نرجع بقى لشغلنا لو سمحت"

..غضب الأخر وخرج واغلق الباب بقوة..زفر بعدها نادر انفاسه وحمد الله أنه لم يتسرع واستمع لكلامه زوجته ..

..اما الأخر فولج لمكتبه ليجد إبنه فى انتظاره ليعلم الرد على طلبه ..
..لؤى " ها يا بابا طمنى حددتم معاد ؟
" لا.. محددناش حاجة.. أجل لبعد النتيجة "
..تعصب إبنه " نعم .. دا لسه اربع شهور واكتر واحنا اتفقنا خطوبة دلوقت وجواز بعد النتيجة..تقولى كدا"
..رد بغضب " يعنى اقتله علشان يوافق..خسارة فى البورصة ووقعته.. وضغط عليه وضغطت..مطلوب منى ايه اكتر من كدا"
..واكمل " قلتلك شاغلها وقرب منها كل ما تكونو فى النادى..سمعتك الزفت سبقاك..حلها انت بقى يافالح "
..رد على ابيه بخفوت" انا بطلت كل اللى كنت بعمله بس هما البنات ولاد التيت اللى كل ما يلمحونى يجيو جرى عليا اعمل ايه "
..ضحك أبيه ساخرا " طبعا مش بنك مفتوح ليهم ومسخرة وقلة أدب..تصدق بالله بنت نادر خسارة فيك..والحاجة الوحيدة اللى بتخلينا اسعى لجوازكم على امل ينصلح حالك معها "
..لؤى بترجى ووعد " وحياتك هبقى كويس وملتزم بس جوزهالى..انا من اول مرة شوفتها وحبتها ونفسى اتجوزها باى شكل "
..تنهد ماسحا على وجه " يبقى تهدى كدا وتصبر وكلهم كام شهر يعدو هوا"
..اوما برأسه " حاضر هصبر..بس هتكون ليا يعنى هتكون ليا" (وغادر مباشرة)
----------------
..أما عند هيام وسها وهما يجلسان فى كافيه برفقة إياد كما طلبت الاولى لتتكلم مع الأخير ..
..بعد مقدمات التحية والأسئلة التقلدية بين الجميع تطرقت هيام للموضوع التى أتت من اجله..
" شوف يابنى أنا طبعا عارفة مشاعرك لبنتى ومتاكدة من أخلاقك ونيتك وخصوصا لما والدتك كلمتنى وطلبت ايد سها وقالت انكم هتتقدمو رسمى بعد النتيجة..بس كانت زى ما بيقولو كدا بتحجزها ليك..وعلشان كدا انا هكلمك بصراحة "
..توجس إياد خوفا من القادم " فى ايه ياطنط قلقتينى..انا مستعد لاى حاجة"
..ابتسمت له " ان شاء الله كل خير بس اسمعنى بدون مقاطعة "
..حرك رأسه بالموافقة وداخله يتأكل رعبا ..
" انتم ان شاء الله هتخلصو امتحانات بعد حوالى تلات شهور وشويه ولحد ما النتيجة تطلع وانا مطمنة على نجاحكم بإذن الله هنكون كتبنا كتابكم وبعت اوراقكم لاخويا فى ألمانيا علشان يبعتلكم دعوة وتسافرو هناك تعملو الدكتوراه سنتين وترجعم"
..قاطعها " بس حضرتك عارفة انى جهزت الصيدلية بتاعتى وهعمل ان شاء الله الدكتوراه هنا على مهلى انا وسها "
..أشارت له أن يسمع باقى حديثها" بصراحة لؤى ابن ممدوح شريك ابوها عايز يتجوزها وضاغط على عمك..وانا مش عايزاه يدخل معاهم فى مشاكل بسبب الرفض"
..وأخذت نفسا وأكملت "علشان كدا تتجوزو وتسافرو على طول سنتين تخلصو دراستكم وترجعو لعملكم هنا ومتنساش ان الصيدليه هتكون كدا كدا تحت تصرف دكتور أكبر منك لحد ما انت تاخد الدكتوراه سواء فى سنة او فى عشرة سنين.. وبكدا نحط لؤى ادام الأمر الواقع ويكون عمك ظبط أموره.. ها ايه رأيك مستعد نخوض المعركة سوا؟

..لبث ليفكر وهو ينظر لعين حبيبته التى تنتظر إجابته على أهم أختبار لحبهم فهل سيخذلها أم سيؤكد لها انه من يستحق أن تكمل حياتها معه؟

..لحظات توتر مرت عليهم گ الدهر حتى قطعها بسؤال ..
" طب عمى هيوافق على اتمام الموضوع بالشكل دا ؟
..أجابته " ملكش دعوى انا هتكفل بالنقطة دى وعارفة ازاى اقنعه..المهم رأيك لان لازم نتحرك من دلوقت "
..اجاب مباشرة " طبعا موافق..انا أهم أحلامى هو ارتباطى بسها والدكتوراة"
..زفرت الأم وابنتها نفسا يريح صدرهما بعد موافقة الأخر على خطتها وباقى أن تقنع والدها وهى قادرة على ذلك ..
..وجهت حديث أخير له قبل المغادرة " طبعا انا هعرف والدها بان والدتك طلبتها للخطوبة من فترة وانا كنت مأجلة لبعد النتيجة وكمان متجبش سيرة خالها خالص وسيبنى انا ارتبها.. اتفقنا ؟
..رد يطمئنها " اكيد طبعا وكل اللى حضرتك هتقوليه هنفذه على طول إن شاء الله "
..استقامت هى وابنتها واستعدت للمغادرة بعد ان اكد الموافقة وانه سوف سيذهب ليعلم والدته أيضا ويضعها داخل الصورة..
-----------------
..عاد نادر للمنزل فى موعده وبعض تناول طعامهم واحتساء قهوتهم طلبت منه التوجه لغرفتهما لموضوع مهم تريد ان تتحدث معه بخصوصه..
..وافق ودلفا سويا حتى ينعما بخصوصية الحوار والمناقشة..
..بدات زوجته بقص بعض ماحدث بينها وببن إياد ولكن فى إطار ما يتقبله الزوج ولا يشعر باى جرح لكرامته وأكدت ان بداية الطلب جاء من أم اياد وانها استشفت ميول ابنتها للموافقة عليه وبعد ان انتهت من حديثها انتظرت رده الذى جاء بعد دقائق كثيرة مرت ببطء شديد عليها ..
..مسح وجهه بيدهx مستغفرا ثم بدأ الحديث مستفسرا..
" طب يعنى هنجوزهم فى السر ونهربهم ولا ايه ؟
..ردت نافية " أكيد لا طبعا..انا لازم افرح ببنتى واشوفها فى الفستان الابيض"

..اكملت " انت ناسى ان بعد شهرين ممدوح لازم يسافر تلات ايام علشان سنوية مراته وعمره ما اتخلف عن طقوسه دى وكمان بياخد ابنه معاه"

.. أخذت نفس وتابعت خطتها " احنا بقى هنرتب كل حاجة فى الايام دى..نكتب كتابهم ونعملهم فرحهم وبعدها كل واحد فى بيته..ويبدا هو يظبط ورقهم واول ما النتيجة تطلع يسحبو ملفاتهم ويسافرو على طول ..ايه رأيك؟

..نظر لها بإنبهار لتفكيرها " معقول ياهيام انت رتبتى كل دا..انتى مسبتيش حاجة غير وظبطيها"

..حضنت كفيه بين راحتها " ياحبيبى احنا معندناش غير بنت واحدة ولازم اشوفها سعيدة وبصراحة لؤى مش الراجل اللى اطمن على بنتى معاه ومتاكدة ان دا رأيك..صح ولا انا غلطانة ؟

..لثم ظهر كفيها وقال " طول عمرك فهمانى وواقفة فى ضهرى وسندى..والاهم انك عارفة انى قسوتى خوف عليها..وعايز اقولك انى كنت ناوى اعمل خطوبة بس لحد ما ادور نفسى ومكنتش هتمم جوازهم ابدا "

..اومات برأسها" انا كنت متأكدة ان فى حاجة انت مخبيها..بس عايزة اقولك حاجة ومعرفش صح ولا غلط..أنا شاكة ان حصل عليك لعبة فى حكاية البورصة وخسارتك الغريبة دى..طول عمرك بتشارك فيها وبتكسب فجاءة كدا تخسر كل دا"

..أكد على كلامها " وانا كمان وببحث بس بهدوء علشان اوصل لاصل الموضوع..المهم دلوقت الخطوة الجاية ايه ؟

" أم إياد منتظرة منى تليفون علشان احدد ميعاد يجيو رسمى ونقرا الفاتحة..ايه رأيك الجمعة الجاية"

..أجابها " لا خليها السبت علشان يكون يوم شغل ونضمن انه ميطبش علينا من غير معاد "
..إبتسمت " صح عندك حق.. على بركة الله هكلمها واتفق معاها"
..شعرا الاثنان بالراحة لإزالة الهم عن صدرهما والفرحة أنهما سيطمئنا على مستقبل ابنتهما وحياتها..
---------------
..اعلمت هيام ابنتها بموافقة والدها وطلبت منها أن تبلغ إياد بالموعد ليتفق مع والدته ويحضر للاتفاق على التفاصيل وإتمام الخطبة..

..رنة على هاتفه وما أن ابصر رقمها قام بفتح الخط سريعا " الو حبيبتى طمنينى ايه الاخبار وافق صح اتكلمى ساكتة ليه يوووه انطقى بسرعة "
..ضحكت على كلامه " إهدا ياحبيبى وادينى فرصة ارد "
..تنهد قائلا " اتفضلى انا هديت أهو "
" برافو حبيبى ..ايوة وافق وهنستناكو يوم السبت ان شاء الله "
..استغرب الموعد " اشمعنا السبت ليه مش الجمعة اجازة عمى؟
..اجابته " مش عارفة بس ماما قالتلى انها بعد الخطوبة هتقعد معاك علشان ترتبو سوا الخطوات اللى بعد كدا "
..أوما برأسه كأنها تراه وهو يقول" خلاص ياحبيبتى هنكون عندكم فى المعاد وبعدها كله هيتظبط ان شاء الله..اشوفك بكرة فى الجامعة..تصبحى على خير"
" بإذن الله.. وانت من اهل الخير "
------------
..مر الأسبوع وجاء اياد برفقة والدته وأخته الصغيرة وتم الاتفاق على كل شىء وقراءة الفاتحة وتأجيل الشبكة والدبل مع الحفلة بعد شهران من الأن..
-------
..فى الشركة مازال نادر يبحث عن سبب ماحدث له يتمنى أن يمسك دليل يكون سلاح قوى معه للمواجهة بعد كشف خطته..وفى نفس الوقت يعمل بجد حتى يعوض خسارته ويقف مرة أخرى على قدميه بعد أن اطمئن على ابنته ..

..طرق على باب مكتبه فأذن للطارق بالدخول..كان موظف صغير يعمل بالقسم المالى الخاص بالبورصة..

..الموظف "صباح الخير يافندم..كنت عايز اقول لحضرتك على حاجة "
..اشار له ليجلس " اقعد ياصلاح خير ان شاء الله؟

" من حوالى شهر كدا ممدوح بيه طلب منى اوقف حساب حضرتك على البورصة علشان عايز تبيع مجموعة من الاسهم..بصراحة أنا نفذت بدون ما اسأل لان عارف انكم شركاء وكدا..بس من اسبوع اكتشفت ان هو اللى شغال عليهم وعمال يكسب ويحول الارصدة دى لحسابه.. فضلت اتابع الموضوع لحد ما اتاكدت..حسيت ان فى حاجة غلط وقلت لازم ابلغك"

..ذهل مما سمع وعلم لماذا لا يستطيع تعويض خسارته حتى الأن..ولكنه تمالك نفسه وسأله..

" طب تقدر تكمل شغل على حسابى بس تحول كل المكسب على انا زى الاول؟

..اجاب "طبعا يافندم ماهو دا اللى الاساسى "

..وضح له " لا مش كدا بس انا عايز ممدوح يفضل فاكر انك بتحول عليه ولو حس ان مفيش زيادة قوله مفيش تتطور والاسعار شبه ثابته لحد ما انا اقولك كفايه..ااه ولو سالك انت لسه موقف حسابى قوله ااه.. اتفقنا؟!
..اومأ له " اكيد اتفقنا حضرتك "
..قام ليغادر فنادى عليه " صلاح "
..استدار له " نعم "
" مش هوصيك الموضوع بينا احنا بس "
" اكيد حضرتك متقلقش..عن إذنك"

..بعد ان غادر الموظف أخذ نادر يسب ممدوح وفعلته الحقيرة وعلم أنه فعلها ليجبره على زواج ابنته من ابنه الماجن العابث..ولكن حكمة زوجته انقذت الجميع من براثن تفكيرهم الشيطانى..
--------
عاد نادر للمنزل السعادة تملا وجهه وقابل ابنته فجذبها لصدره متمتم بالدعاء لها بالسعادة والتوفيق وكم سعدت سها بتصرف والدها ودعت له بطول العمر وفى نفس اللحظة ولجت زوجته فشرع احدى ذراعيه لتدخل هى ايضا بصدره ويضمهما بحرارة سعيد بوجودهما فى حياته لاثما رأس كلا منها ..

" ربنا يخليكم ليا وافرح بيك يا بنتى واشوفك فى الفستان الابيض "
.. أمنت هيام " أمين يارب هانت لسه شهر ونص ونفرح بيها ياقلبى ويخليك لينا ويعطيك الصحة والعافية "
----------------------------
مرت الأيام وجاء اليوم الذى ينتظره كل اب وأم لحظة أن يرو ابنتهم بثوبها الابيض تتهادى فيه كأنها حورية تمشى على الارض..يسلمها والدها بيده بكل فخر للشخص المناسب الذى توافق قلبهما سويا..
..استلم اياد يد سها من يد والدها ملثما جبينها ومباركا لها..
" الف مبروك ياحبيبتى..اخيرا بقيتى مراتى ربنا يقدرنى واسعدك "
..العروس " الله يبارك فيك ياحبيبى..ربنا ميحرمنيش منك أبدا "

..وبدا الحفل برقصة العروسان ثم ارتداء المحابس والشبكة وتخلل الحفل الرقص والاغانى وفرحة اهلهم بيهما حتى انتهى الحفل كما تمنو وأكثر وعاد كلا منهما لمنزله حتى يتم العام الدراسى على خير وتكمل خطتهمx ..
--------------------------
..انقضت الايام سريعا بين تجهيز سها لكل ما تحتاجه العروس فى سفرها وإياد فى تجهيز اوراقهم بالتواصل الدائم مع خالها لاتمام اجراءت سفرهم حتى جاء وقت الاختبارات النهائيه وتمت بالفعل واعقبها النتيجة والتى اعلنت عن نجاحهما وبتفوق على الدفعة حتى أنهم رشحو كمعيدين بالكلية ولكنهم خططو وانتهى الأمر..سيذهبون ويعودو حاملين لشهادة الدكتوراه ان اراد الله لهم التوفيق
-----
..فى المطار يقف الاهل لتوديعهم بالدموع والدعاء والتوصية..
..نادر " مش هوصيك على سها يا إياد خلى بالك منها ومن نفسك "
" مش محتاج ياعمى دى فى عينية "

..هيام " خالك هينتظركم فى المطار وهناك هيظبطلكم وضعكم..خلى بالكم من بعض "
" حاضر ياماما متقلقيش اول ما اوصل ان شاء الله هكلمك"

..ام إياد " اوعى الغربة تاخدك وتعيش برة على طول"
..لثم رأسها " ازاى ياأمى ان شاء الله سنتين ويمكن أقل وهنرجع ونكمل حياتنا..وانت يا اوزعة خلى بالك من ماما والدكتور عماد هيجيب ليكم ايراد الصيدلية اول كل شهر..وانا هتصل بيكم دايما "

..ذاع النداء الأخير على سرعة التوجه لبوابة المغادرة فودعو الجميع واختفو ورا الفاصل الزجاجى والكل يتمنى لهم السعادة والتوفيق
-------------
..ذهب نادر للشركة متاخر على غير عادته فقابل ممدوح الذى سأله عن تأخره اليوم فأجابه ببرود ..

" أصلى كنت بوصل سها المطار "
..برق عين شريكه " مطار ؟! ليه خيرا ؟

..سافرت مع جوزها هيقضو شهر العسل وهيكملو دراستهم ان شاء الله"
..تكلم بغضب " جوز مين..انت بتستهبل يا نادر
نسيت انها مخطوبة لابنى لؤى؟

..بنفس البرود " مين قال الكلام دا..بنتى اتجوزت دكتور زميلها وسافرت لخالها يكملو دراستهم "
..تكلم بتهديد " شكلك نسيت ان وضع الشركة ضايع ولو انا انسحبت انت هتفلس "

..قهقه عاليا " انت فعلا هتسيب الشركة..لانك شخص غير أمين وبالنسبة للإفلاس فدا ما يخصكش "
..ممدوح " يعنى ايه الكلام دا ؟

..نادر " زى ما فهمت بالظبط..المحامى هيكون هنا بعد ربع ساعة لإنهاء الشراكة والصداقة كمان لانى ميشرفنيش انك تكون فى حياتى باى شكل.. ونصيحة اخيرا منى بلاش تمشى ورا نصايح ابنك..ربيه الاول وبعد كدا خليه ينصحك..كدا احنا وصلنا لنهاية طريقنا سوا يلى كنت فى يوم من الأيام صاحبى "

..بالفعل تم فسخ الشراكة بينهما وقد استرد نادر كل ماخسره بفعل تصرف ممدوح ورجعت الشركة كما كانت وأفضل حالا..
اما العشاق عاشا شهر عسل من اروع ما يكون ثم بدا دراستهم بكل جد ونشاط حتى يقللو أيام غربتهما ويعودا غانمين حاصدين نجاحهما..
----------
بعد عامان عادت سها وزوجهاx إياد حاملين الدكتوراه لكليهما وحاملين أيضا ابنتهم ذات العام الواحد( نور ) وكان فى استقبالهم الاهل كما ودعاهما من قبل ولكنهم يستقبلو معهم ضيفتهم وقرة عينهم واستلم الصيدلية الخاصة به وبدأ حياتهم الجديدة بأرض الوطن الحبيب ..
..قبل نادر جبهة زوجته قائلا "لولا حكمتك ورجاحة تفكيرك لكنت فى لحظة ضعف صابتني قضيت على مستقبل بنتى .."شكرا لانك فى حياتى "

تمت بحمد لله