28-05-21, 05:11 AM
| #511 | ||||
 
|  صباحك أشطه يا أشطه قرات البارت متاخر اليوم . . بارت هادي من غير قفله شريره ومن ملاحظتي لرواياتك السابقه البارت الهادي يجي بعده بارت قنبلة ( ومن الحين مستعده ومجهزه اللب والشاي ) لزوم المخمخه . . انا شهاب شاغل بالي مسجون توقعت في السعوديه بس طلع في مصر وبحسبه صغيره دام عمر اميره 23 او 24 - لان مساعد ذكر انها مفروض تكون مخلصه الجامعه لولا انها ترسب وتعيد سنوات الدراسه - وبما ان شهاب حضر ولادتها وبدايتها في الكلام فممكن نخمن انه مسجون من عشرين سنه او اقل بشويات والروايه احداثها في 2013 زي ماقالت انفاس رجعت لقوقل وسويت بحث عن الاحداث اللي صارت في مصر اواخر التسعينات وبداية الالفين لقيت احداث ارهابيه كثير تفجير مزارات ومساجد فقلت يمكن يكون متهم في واحد من هالاحداث الارهابيه بغض النظر هو بري او لا او ممكن يدرس واشترك في مظاهرات مااعرف عجزت اخمن سبب سجنه مااتوقع قتل ياقضيه سياسيه او ارهاب . . وكمان احس اني خبصت الدنيا كلها اخو جابر شنو قصته انفاس ماراح تضيف البنوته للروايه زياده عدد اكيد موت ابوها وانشغال امها لسبب . . وبس يارب اصيد لو ربع نجمه ⭐💫⭐💫⭐💫 | ||||
|
|
28-05-21, 05:44 AM
| #512 | ||||
| تركي والهنوف وطلع زي مااتوقعنا ابوه الي كان في الحفل احسن خليه ينقهر شوي زي ماقهرها ذي السنوات كلها عجبني لمن نرفزه تركي بدا يحس فيها شوي شوي وهذا ي تركي مامر يومين على قولتك احسن كنت تبي سنه خلها سنة ليش مستعجل بس اتوقع يمكن تصير بعد شهرين مدري ليه 🙄🤔🤔 دانة وسعود هي كمان من حقها بس بعد العلاجات خلها تجرب مرة ثانية ان شاء الله تصيب معاهم غالية وجابر غالية ممكن تسامح جابر لانه غلطه ماهو هكبر وأخير راح نشوف جواهر ذول ومع ايش زواج ديمة وعبدالعزيز ايه المفاجئة البطلة دي متعب ومها اتمنى تنحل مشاكلهم ويتناقشوا فيها هي كمان غلطانة وهو كمان غلطان دمتي سالمة أنفاس قطر وشكرا على الفصل الجميل ذا | ||||
|
|
|
28-05-21, 06:47 AM
| #514 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  شكراً من القلب لكل من يقرأ مشاركاتي... بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته كيف حالكم إن شاء الله دائما بخير ؟ أنفاس شلونك شخبارك إن شاء الله بخير شوفي على قولة اخوانا المصريين انتي بنت حلال مصفي كنت بحط في فقرة ما يطلبه القراء إنك تزحلقين أبطال بين الغياب بين الفقرات وأكثر أثنين ودي أشوف وش جرا عليهم فاطمة وثاني المغرور شويتين أو ثلاث أو يمكن أربع وخبرك تدرين بنيتنا فاطمة يتيمة وحيدة ودلوعة فوجب الاطمئنان عليها والبقية عاد ما نخلص لو كل واحد بتطمن عليه، بس صج في خاطري أشوفهم وش جرا عليهم وتدرين عبدالله من أبطال التحرير وحرب الخليج فولدنا منا وفينا ما ننحرم منه يا رب.... وأحب أقول للقراء إللي يعلقون على مشاركاتي حياكم الله مسرورة إن مشاركاتي تعجبكم كلكم وتردون عليها سواء بالرواية أو بالخاص ، إن شاركتموني برأي حياكم الله وإن اختلفتم معي فالاختلاف في رأي لا يفسد للود قضية و النقد مقبول والزعل ممنوع.... أما بعد فنعود لفصل اليوم ما أدري ليه حسيت إنه حلو حيل ولا قصور في الفصول السابقة بس هذا كان مميز وكنت ناوية أختصر بالرد لان والله اليوم من الظهاري عيوني ناغزتني ما أدري شنو فيها قطرت وغسلتها بس داخل فيها شي الظاهر خدشها شوي بس الله يقدرني وأكتب اللي في بالي لأنه واجد.... بسم الله الرحمن الرحيم نبتدي.... مشهد الأستاذة الهنوف وعمي أبو متعب...... والمتغطرس المتغطرس الله يشفيك حالتك صعبة انت مو صاحي أبد... تعتب على شنو بالضبط ؟؟ بروحه عيوني تعورني خلقة ومنك راسي انشطر نصين، ألحين لو نسوي فلاش باك حق كلامك مو تقول عن الهنوف بزر الناس شنو تقصد بكلمة بزر يعني جاهل لا تفقه ولا يؤخذ برايها لا حق ولا باطل ولا عليها شرهة صح أنا أدري كلامي صح مو قاعد أسئلك بس أأكد على كلامي إن صح غصبن ما عليك..... أما أنت يا سبع البرمبا فالناضج يعني كلامك ينحسب عليك وعليك كل أنواع الشرهة والمشروه والمشاريه.... التذمر والعتب على والدك أبو متعب وعلى الهنوف باطل، تدري ليه ؟؟ لأن خلال 8 سنوات لو إنك سائل سؤال واحد من 3 كلمات حق أبيك وهو يبه شلون الهنوف ؟؟؟ وإذا أبيك ما رد عليك بتفاصيل التفاصيل و زود وما ذكر إنها تدرس إهنه تشهره إن أبيك ما قالك الهنوف تدرس ماجستير بس دامك ما تعرف بالأصول وإنك الرجال والرجال عنده القوامة من الله والحرمة في ذمتك و واجبك انت تسأل عنها، وطالما حضرتك ما سألت فمالك حق تعاتب الهنوف، لأنها ما راح تتصل فيك لأن هذا مو دورها، دورك انت كان انت اتصلت كان سألت خواتك أو أمك ، دامك رافع الجام ومحطوط ع الصامت فلا تقول محد قالي ومحد شاورني لإنك انت المقصر. القوامة، مفهوم إسلامي يُراد به غالباً قوامة الرجل على المرأة «القوامة الزوجية». فالقوامة في اللغة: من قام على الشيء، أي حافظ عليه وراعى مصالحه، والقوامة الزوجية: هي ولاية يفوَّض بها الزوج، للقيام على مصالح زوجته بالتدبير والصيانة والإنفاق، وغير ذلك، وفيها تكليف للزوج يحاسب عليه أمام الله لو فرَّط فيها، كما أنّها تشريفٌ للمرأة، فقد أوجب الله على الزوج بمقتضى القِوامة، رعاية زوجته التي ارتبط بها بعقد زواج شرعي، واستحل الزوج الاستمتاع بزوجته بذلك الميثاق الغليظ، كما وصفه الله في القرآن في سورة النساء حيث قال: وَكَيْفَ تَأْخُذُونَهُ وَقَدْ أَفْضَى بَعْضُكُمْ إِلَى بَعْضٍ وَأَخَذْنَ مِنكُم مِّيثَاقًا غَلِيظًا فهي بذلك تكليف لا تشريف، وضابطها التعامل في نطاق الأسرة، بما يحقق السعادة لها في حدود شرع الله، وفقًا لقوله صلى الله عليه وآله وسلم: «أَكْمَلُ الْمُؤْمِنِينَ إِيمَانًا أَحْسَنُهُمْ خُلُقًا، وَخِيَارُكُمْ خِيَارُكُمْ لِنِسَائِهِمْ» رواه أبو داود، والترمذي من طريق عبدة بن سليمان، عن محمَّد بن عمرو، واللفظ له. شنو سويت من هذا إللي مذكور فوق ؟؟ أنت سويت الهنوف أرض بور تدري يعني شنو أرض بور لا تصلح لا زرع ولا بني، أرض مهجورة فقط. وراح تتحاسب يوم القيامة إن شاء الله العمر يمشي مثل القطار السريع مستكثر عليها تدرس يعني تبيها تقعد بالبيت تعد الطوف وتخدم أمك وأبيك.... بعدين ليش تظن إن الهنوف غبية وبليدة يعني محد ذكي غيرك شفت روحك درست دكتوراه كاهي درست ماستر وبتكمل وإن شاء الله يا رب تطلع بعثه بديره أجنبية وتسافر بروحها وتطلب وطلاق وتتزوج أحسن منك ما أدري على شنو متكبر ؟؟!! ظاهرة غريبة كل واحد صار قبل اسمه حرف الدال يصير هو إللي فاهم وغيره غبي وما يفهم يشوفون الناس كنهم حشرات ويطالعونهم بطرف عين.... ترا بالزمن التعليم عن بعد الأون لاين حتى القطاوة بتصير دكاترة لا تستغربون.... أما إللي مثل تركي يتفلسفون الله يشفيهم المرضى، ترا أجدادنا ربوا أحسن الأجيال وهم نادر ما يقرون ويكتبون.... شوف فكرك عن الهنوف يا المتخلف راح احصر الكلمات إللي استخدمتها لأن ما أقدر كوبي بيست كل الفقرة طويلة تفضل: "قطعة أثاث - ممتلكات البيت- يا الجبانة - بليدة وأقرب للغباء - كالبهيمة " يا إللي ما تخاف من الله إذا هي كالبهيمة فأنت كما تقول الآية الكريم "بل هم أظل سبيلا" يعني إذا البهايم مسيرة مو مخيرة فأنت تعرف الخط المستقيم لكنك اخترت طريق الظلال يا ظلالي يا مفتري... وعلى العموم قطعة الأثاث الغبية البليدة البهيمة قالوا عنها اليوم: "الطالبة الأخيرة في تكريم اليوم هي من أكثر طالباتنا تميزا وأبحاثها كانت دائما مثار جدل بيننا نحن أساتذتها.. وكل بحث جزئي لها يشكل مشروع جاد لرسالة ماجستير متميزة.. ومن أبحاثها المتميزة المقدمة خلال العام الدراسي بفصليه الخريف والربيع............ الأستاذ بدأ بتعداد أسماء الأبحاث التي وصل عددها لسبعة أبحاث بدت لخبرة تركي البحثية مشاريع متميزة جدا وهو يمد نظره بفضول طبيعي.. ليرى من هي صاحبة هذه الأبحاث.. لتكون صدمته البالغة في الاسم الذي سمعه : الهنوف علي متعب آل حزام" سبحان الله يا غافلين لكم الله وانت يا تركي يقول المثل إللي ما يرضى بجزة يرضى بجزة وخروف بليلة عشاك أبوك عجز وهو يقنعك اعرس اعرس ، قلت بضبط أوضاعي بعد سنة إن شاء الله يصير خير ألحين يوم قالت الهنوف ما أبي بعد شهرين أبي بعد سنة وكسرت كلامك قلعتك ما رضيت طيب منك رضيت غصبن عليك ونعكست الأدوار أنت إللي قاعد تنطرها مو هي إللي تنطرك صرت انت إللي ناطر 9 سنين بدال 8 عسى هالسنة تمر عليك دهر تشوف نجوم الليل بعز الظهر ورتب أشغالك مع فُرات والجامعة سوالفك وخرابيطك إللي كنت تحجج فيها اشغل وقت فراغك على كيف كيف ما في شي تسويه ما وراك شي يا شيبه.... الهنوف على فكرة كلمة الحق تنقال ترا مو عاجبني تحشين في ولد عمك قدام صديقاتك أنا ما أعرف ضي بس في ناس تشوفينهم يضحكون لك بالوجه وبالظهر خنجر ، بغض النظر ضي زينة ولا موب زينة أي أحد لا تتكلمين عن زوجك قدام أحد... ياما بيوت انهدمت سبت سوالف فضفضة صلات رحم انقطعت سبت كلام ماله قيمة ومزح ، هرج على الفاضي... دري بالك.... بالنسبة للهنوف لسان حالك يقول لبست ثياب الاماني .. وانتظر منــك وعــــد الهوى اللي لك دعاني .. ما جمعني فيك ابد طالما اهديتك زماني .. وش تبي مني بعد ..  مشهد د. دانة & د. تهاني بالمشهد دانة كانت سارحة وتضرب أخماس بأسداس كلامها لسعود بالفصل إللي فات إنها إذا الله ما كتب وسقطت فلنا كلام بعدها شخصياً أحس إن الدانة ما راح ترضى إن سعود يزوج عليها ، فراح تطلب الطلاق ، وكلنا ندري دانة روحها متعلقة في سعود لكن صعب تشوفه مع وحدة ثانية... وحدة ما تحب زوجها يتزوج عليها تموت شلون باللي تحبه حب من أيام الطفولة ؟؟ بعيداً عن الرواية حالات مثل الدانة تستغربون تكون مشكلتهم روحانية من كلام تهاني وهي صديقتها الروح بالروح شوفوا شنو تقول عنها "تهاني ببساطة: إذا مقتنعة قطيه.. مو مقتنعة قولي لا... سعود يعشق الأرض اللي تمشين عليها.. ما أظن عنده خلاف.. مارح يجبرج.." أقول دكتورة تهاني ذكري الله و قولي ماشاء الله الرازق بالسما والحاسد بالأرض فإذا دكتورة تهاني تشوف دانة بهالنظرة شلون خلق الله المفاجيع إللي مو شايفين خير لا حب ولا حنان... قبل كم سنة عايلة حاطين صورة اعلان عزيمة لعرس ولدهم باستقرام عايلتهم فوحدة كاتبة "وانتو كل يوم عرس أنا رجولي قامت عورني من الرقص في عروسكم بس تعبت" خلال أسبوع كانوا عايلة المعرس رايحين رحلة بيخت مع المعرس والعروس احترق فيهم اليخت المعرس والعروس ماتوا والعايلة معظمهم ماتوا والعاش حروق درجة ثالثة الله يشفيهم ويرأف في حالهم ، بعدها باسبوع صار حادث سير لنفس العايلة 4 ماتوا الله يرحمهم. فإللي بوصل له العين حق ويمكن دانة وسعود محسودين والله أعلم مشهد مزنة و رفعة قرطسوا مخش اللي أصلا هو كله متقرطس.. مزنة مشروع شاعرة على مستوى شعر قطني الهوى قط .. عليك يا مقطقط يا لابس الشال .. والثوب المنقط لك مستقبل شعري يا مزنة استمري كود تصيرين شاعرة المليون، ليش لأ على قولة حبيبنا اللزم عبدالعزيز جاسم الله يرحمه في مسلسل فايز التوش... المهم بلا شعر بلا خرابيط يا ماما مالك شغل بمحمد خلاص صار حلال غيرك لا تفكرين بمحمد عيب عقلك الباطن مخلي عندك التفكير إنك لأنك ردتي محمد فما راح تتوفقين فتعوذي من بليس وادحري الشيطان. ورفعه ترا هذي كلمتي لا تستخدمينها رجاءً قولوا لامارا ما قالت ترا أرفع عليك قضية حقوق ملكية هالأيام الناس هابين شغالين رفع قضايا صايرة روحة المحكمة أسهل من روحة البقالة... أول الناس تضيع حقوقها ولا يرفعون قضايا ومشاكل أما جيل هالوقت يقعدون في بالبيت ويترزقون على الله من قضايا التعويض.... المهم نرجع حق سالفة مزنة لو أحد يسألني عن العمر إذا أصغر شوي من البنت هل عادي تتزوجه ؟ الجواب أعرف وايد زواجات ناجحة والعمر يصير مجرد رقم لأن هذا الشاب يكون ناضج فكرياً فيحتاج وحدة ناضجة أذكر صديقتي قالت أخوي خطب بعد مدة سألتها أخوك عرس كان تقول فلت الخطبة لأن بعد أٍسبوع قالهم أخوهم حرفياً ما في مخ وما تناسبه سألتها هي صغيرة قالت لا مو صغيرة بس عقليتها ما تناسبه. ففي شباب يحتاجون بنت ناضجة ما عندهم مشكلة أكبر منهم شوي.... يعني حالة مزنة بين تاخذ محمد إللي تزوج خلاص وبين أصغر منها بسنة منو أحسن ؟؟ الجواب متروك للقراء أنا عارفة الجواب مشهد بو خالد و محمد على هامان يا فرعون... على قولة منصور آل كساب مبروم على مبروم ما يفتر يا محمد مسوي روحك صايد الحركة مشكلة الجيل الجديد يستغبى الجيل القديم... كنت حاطة آمال كبيرة على هالزيارة بس راحت سدى ما منها فود حسافة..... "أبو خالد بمودة: وأشلونك يا أبيك؟ واشلون شغلك وهلك؟؟ الوالدة؟ وخواتك؟ وبنت طالب وش علومها؟؟.. الله الله فيها تراها بنية يتيمة ومن عرب(ن) أجواد.. رحمة الله على طالب.. وفك الله عوق شهاب.. محمد بمودة: كلهم طيبين.. واللهم آمين يرحم عمي ويفك عوق نسيبي.. " نسيبي خالد قال لو فرضاً شهاب خال بثينة هل خالد راح يقول فك الله عوق خال مرتي ولا يكتفي بنسيبي صراحة مو حاسة إنه أخو عيال بو مساعد مشهد الجليلة ومساعد اليوم بالمقدمة قالت أنفاس انا قاعد أحط لكم تلميحات بين السطور وانتوا مو قاعد تنتبهون أحس أكثر عايلة غامضة بيت بو مساعد مثل اليوم قال مساعد "مساعد يعتدل جالسا، لينظر نظرة مباشرة للجليلة ويهتف بحزن غريب: أنا ما عرفت شهاب إلا من سوالفش عنه، لكن شهاب اللي تقولين لي عنه، ما أشوفه لا قابلته.. كأنهم شخصين مختلفين.." هذا الكلام معناته إن مساعد كان في عمر صغير لا يستطيع تكوين أفكار عن شخصية شهاب يعني شهاب اختفى قبل السن المعرفة والإدراك عند مساعد يعني فوق 15 سنة غايب و بمصر.... صايرة أحزر تحازير مو تحليلات ولا توقعات المهم دايماً أقول إللي بالجدر يطلعه الملاس.... مشهد فُرات ومي اليوم أنفاس قالت إن إحنا قلنا فُرات مو مهتم بمي ما أدري شلون أوصلك قصدي الاهتمام موجود وبعدة طرق لكن طالما حست إنه في فراغ معناتها في حاجة محتاجة اشباع ، يمكن مفتقده أمها عشان كذا أدور الطلعات والخرجات والسفرات بس ما عجبتني لسانها طويل تقول عن عم أبوها وأخوها الكلاب من خبرتي فيك أنفاس ما تكتبي حرف إلى وراه مغزى فليه كتبتي إنها قالت كلاب مع إن إنتي مو من نوع الكاتبات إللي يتلفظون أبداً أذكر مرة نقلت رواية الكاتبة لوعة كبدي من كثر ما تكتب ألفاظ نابية آخر شي حذفت الرواية وما كملتها ودي أقولها لما تكتين هالكلام بالصج انتي عادي جدام أخوك وأبوك تقولين هالألفاظ طبعاً كانت ألفاظها مو مستوى كلاب، كانت تكتب شي قذر يلوع الكبد حتى لو بتحط إن الشخصية لسانها زفر تقدر تحط بين قوسين ونقط عاد كلن ومستوى تفكيرة شنو نوع المسبة تكون مو ضروري تجبرنا نقرا ألفاظ خاسة الله يسامحها المهم فُرات له مشهد ثاني راح أكتب فيه موشحات ولا يهمكم. مشهد تركي و حزام ومساعد الظاهر مساعد جاي يطلب من عمه إن أميرة بتقعد عندهم فترة سفرهم بنات للحين مو مقتنعة إن شهاب أخوهم.... لأن الفصل الأول بو متعب قعد يندب الراحلون طالب وعلي ما ذكر وشهاب وإذا شهاب مسجون كل هالمدة بتكون فاجعة للعائلة مثلها مثل المصاب الجلل خاصة إذا مظلوم أو مو قصده فما أحس إن ولد عمهم طالب صراحة ؟ يمكن يمكن أخوهم من أمهم تذكرون مهاب كان أخو كاسرة بس من أمها فأتوقع إذا مو خالهم فهو اخوهم من أمهم مشهد الجازي و سعود الجازي سعود قاعد يقول لك: "سعود بغضب يحاول كتمه: بس ويش.. الجازي أنتي عداش العيب.. حشمتي عمش.. وولد عمش وبنات عمش.. وحشمتي الدوحة كلها فوقهم.. ثم خفف من نبرته أكثر وهو يهتف بمؤازرة: الجازي أنتي الحين صغيرة.. بس السنوات تمر بسرعة وعمرش بيروح.. يكفي ماراح منه يا أخيش.. خلاص أنتي مالش دخل.. كل شيء بيكون في وجهي أنا.. أنا اللي باتصرف من الألف إلى الياء.. لين أجيب لش ورقتش.." معناته إنتي العوبة لا تتحججين بعمك ولا أمك اثنينهم يدرون إن خالد غلطان إنتي جبانة و خوافة، خايفة إذا خذيتيه يضربك ضرب اليهود، وجبانة متحسفة إنه يطلقك وثاني يوم يعرس وعلى حظك الأقشر يصير خوش رجال مع مرته إنتي تقعدين مطلقة لا من عرس ولا من خالد اعقليها وتوكلي على الله يا الجازي سواء بالزواج ولا بالطلاق لا تقعدين مثل البيت الواقف الحل بايدك يا بنتي.... على الله المستعان مشهد ريحة الطبين مع الأثنين الخايبين.... بناتنا الصغار كبروا وحملوا يا حلوهم منتظرة أروح عرس عبدالعزيز ولد جواهر وعبدالله أشوى عندي بدل سهرة حلوة وأشوى 2013 ما في كورونا ما في شروط تباعد وكمامات وقلافز وتعقيم سقا الله أيام ما كنا نتحاضن ونتباوس ونعبر عن مشاعرنا بذمة وضمير.... أنفاس من فضلك قبل العرس بكم يوم بلغينا نتحضر ونتخصر ونمشي ونتبختر رايحين عرس ديمة وعبدالعزيز نجي حق الخايبين المشكلة إن متعب مهموم ما يدري من شنو ليش مها طلعت له وجه الكراهية ومو طايقتها يعني كل إللي سوته هباء منثور مها ليه ما حطيتي النقط على الحروف مثل إللى بدا مشورا الألف ميل بخطوة وحدة بعدين رجع قصتكم تجيب الحارج صراحة حط النقط فوق الحروف ... خلنا نشوف خلنا نشوف كانك تحاسبني الخطا ... اخطائك انت بالالوف واضح انا كل الوضوح ... ابعد وروح ابعد وروح منك عذابي ولوعتي ... وانت سبب كل الجروح غصب علي لازم اقول ... مالك قبول ما لك قبول تبغاني احبك بالغصب ... ما حس انا لحبك ميول هذا هو الحل الوحيد ... خلك بعيد خلك بعيد يكفيني ما شفته خلاص ... لاترجع الماضي وتعيد خلك بعيد خلك بعيد "كيفه.. ماعلي منه.. بالطقاق.. المهم إنه فاكني منه.. ومن شره" مها هالكلام إذا خطب متعب وجات الفَكرة وراحت السكرة قولي بالطقاق عدل ها مها حطي عينك بعيني وأنا بإيدي دعوة عرس متعب أرزها بوجهك وانتي فيك خير قولي عادي بالطقاق ما همني.... ما قدروا عليها العجايز المخرفين عشان انتي يا البزر تقدرين عليها أذكر وحدة تسولف لي عن خالتها أم رجلها تقول عمرها 70 سنة على الريوق يعني الفطور عمى أبو زوجها إللى عمره 80 يتحلطم على خالتها يقولها شفتي خالتك الخبلة شنو مسوية فيني تالي الليل وانا نايم ؟ تقوله كنته: عسى ماشر ؟؟ يرد عليها زنطتني باليل وأنا نايم الكنة تقول: ليش خالي تزنطين عمي مسكين ما سوى شي ؟!! ترد الخالة إللي عمرها 70 حلمت إنه متزوج علي وحدة ثانية.... بالحلم بس و ما قدرت تصبر لي الصبح عشان تسأله وش السالفة قررت تموته ولا تدري إن تزوج عليها أو لا... تعتقدين يا مها إنتي من صجك تقدرين يا بنت العشرين ؟؟ حلاته يخطب مزنة وتصلي استخارة وتحس احساس راحة وتوافق عليه وقعدي جابليها اهي غصن البان وانتي الفيل وشحليكم بنات عم ماخذين رجال واحد أصلاً هو نفسه يجيب الهم.... مشهد عدة أيام عبرت بأطيافها... فضاءاتها.. يأسها وآمالها.. عايلة فجأة درعمت علينا بدون استئذان بس كلهم ما منهم فود ما فيهم لا معرس ولا عروس شياب أثنين و برز... إللي فهمته جابر هو زوج غالية وضي البنت أم عين زايغة إلى تقز تركي بحفل التخرج لا تزالون حروف بدون أحداث ننتظر عليكم شوي قد تكونون النقطة الفارقة بالرواية والله أعلم.... مشهد الجلية وأميرة أميرة كنت أقول عنك طبيعية طلعتي حالة تعلق عاطفي المرضي الله يشفيك وانا كنت أقول عنك بالمستوى الطبيعي بس طلعتي اوفر لا حول ولا قوة إلا بالله.... يمكن صفع جليلة لك راح يشكل نقطة فارقة ولو بشكل بسيط بالبداية نجي حق سالفة "أنا بعد ما أبي أشوف وجهه.. أكرهه.. من زين الشوفة.. المجرم..." الــــ................. وانتي يا نوسة ردتي علي برد خاص جداً وحميم جداً وصرت فوق السحاب جداً لأني متميزة جداً ولا أحد قدي جداً ولاني لامارا الذهبية جداً وما في أحد مثلي جداً والكبر لله جداً ويوزي يا بنت جداً لا يطردونك جداً.... المهم قلتي لي التالي: بالنسبة لكون شهاب مسجون أو غير ذلك.. بيتضح بعدين.. وفي حال كونه مسجون هل هذا سبب لنفور فرات من الفكرة؟؟ أيضا يرجع لطريقة التفكير الشائعة عندنا.. احنا ماعندنا مشكلة في كون الشخص مسجون.. إلا في لو كان في قضية تخص الشرف.. يعني المسجون في دين أو قتل خطأ أو قتل بسبب دفاع عن النفس مثلا هذي كلها لا تخترم الشرف أو المروءة.. شهاب تنتظركم معه قصة خاصة به.. وهو شخصية مثيرة جدا.. لكن حكايته موب الحين.. شوفي نوسة خل نتفق إلى حدما ان ثقافة الخليج نوعاً متشابة لأن خليجنا واحد وشعبنا واحد سالفة السجن لو مثلاً واحد يخطب وحدة، وكان مسجون بسبب مسألة الفلوس. فإن معظم الأحيان قبل لا ياخذونه السجن،معظم العوائل ومتعارف عليه إذا واحد انضك بالفلوس يحطون له جماعته مبالغ بس عشان لا ينسجن ولدهم هذا شي شايع ما أتوقع بالكويت موجود ومو موجود بقطر !!!! أما سالفة القتل الخطأ فهي متشعبة جداً القتل الخطأ إذا سلاح صيد، إذا كان خطأ طبي، إذا حادث سيارة، إذا هوشة عنيفة ما أدري مقاييس الناس حتى بالكويت ما عندي معلومة دقيقة بس من وجهة نظري أنا إذا تقدم لهم واحد يخطب بنتهم وهو متهم بالقتل الخطأ فإذا سلاح صيد هذا أرعن وما يصلح، وإذا حادث سيارة هذا متهور، وإذا هوشة هذا مجنون وما يصلح وإذا طبيب خطأ طبي هذا مستهتر... فالاختيار الزواجي يحتاج تأني ما عندكم مشكلة بالمسجون كانسان صديق يدخل ويطلع عليكم على راحتكم هذا عادي، بس بالنسبة للزواج والنسب محتاج مراجعة وتفكير هذا رايي والاختلاف برأي لا يفسد بالود قضية مشهد غالية ومزنة يا مره ثقلي شوي بس شوي لا تفضيحنا بين القبايل والعربان انتي يعني مو ما تتصلين لا اتصلي وسئلي وشلونك وشخبارك وعسى ما شر ما اتصلت ؟ بس سالفة حبني واحبك أجليها شوي لين نفهم وش السالفة مجلس بو فُرات و فُرات و حامد ضحكة شريرة فُرات يعني بروحي ما أواطنك خلقة بس انت أناني لي درجة مو طبيعية ما تبي تتزوج براحتك بس تفرض على ولدك و عمك تعالوا تزوجوا يا زعم تيبون حق بنتي اخت !!!!!!!! بالله فرضاً حمد فُرات تزوج ومرته طلعت نحيسة ما تبي أحد يلمس عيالها مثل وحدة زميلة معنا بالدوام تقول بنتي شعرها كيرلي وأنا ما أحب ريحة الحنة يوم كانت بنتها نازلة حق أهل رجلها سوو حق بنتهم سشوار خلو شعرها ستريت و حطوا لها مع باقي الحفيدات حنة نقشة أم خماس تقول لما صعدت بنتي سبحتها ورجعت شعرها كيرلي و غسلت ايدها بليفة خشنة حيل عشان تروح الحنة و قلت حق زوجي رجاءً محد يتدخل في بنتي قلت زوجك شنو رد عليك قالت قالي مالي شغل بسوالف الحريم قلت لها أنا لو كنت مكان أم زوجك واحمدي ربك إني مو أم زوجك والله لا يرزقني بكنة مثلك كان ثاني يوم خذيت البنت أول شي حنيت شعرها و ثاني شي سويت شعرها كرياتين و وريني شلون بتغسلين شعرها من الحنة والكرياتين.... دامك نذلة أنا أعلمك النذالة على أصولها يا حرمه البنت بنتهم باسمهم مو باسمك انتي سوو شعرها مردها بتسبح ليه تعاندينهم والحنة كلها كم يوم وتروح ما راح تقعد ليش تسوين كذا ترد علي عناد ليش يسوون شي أنا ما أحبه... قلت لها مالت عليك الله يرزقك كنة بأخلاقك الحمدلله والشكر.... فيا فُرات ليش متوقع إن العوض في بنات حامد ولا حمد ولا حتى بناتك يمكن ما راح يكونون عوض لها انت ما تبي تتزوج لا تزوج الناس عشان بنتك قمة هذي الأنانية وصراحة حمد صغيرة مو عمر زواج و حامد كلامه صح يخلص ويعتزل عادي بعدي هم توه صغير... // نجي للاعب حامد خيبت ظني 180 درجة كنت متوقعتك مو لاعب فريق طلعت لاعب فريق للأسف ألحين عندك عروسة اليوم أنفاس قالت في عضوة كاتبة تصور مذهل أنا بعد قريت تصور خاص فيك إن الجازي انضربت سبة صورتك فلو الشيخ خالد أفندي يطلق الجازي عادي تاخذها ؟؟ تركي يمدحك يزوجك اخته ألحين طلع عنده البندري و وحدة ثانية الثانية محد درا عنها شنو وضعها بس اشدعوة يا حافظ أخيك راجع من السفر حتى ما مريتي سلمتي ولو هي متزوج صدق علام النسيب ماله بينه ؟؟!! في غموض بالموضوع..... نرجع حق موضوع بيت بو فُرات هناك خطبة في الطريق ولو إن بو فُرات مو من نوع اللي يزوج خلق الله بس إن شاء الله يقلب الطاولة على فُرات يعني بسالفة البنات يقتنع بعذر حامد أما سالفة الزواج يقول حق فُرات ما أرضى عليك إذا ما تزوجت وينقلب السحر على الساحر ههههه ضحكة شريرة الله يعين إللي بتاخذك انت معقد حتى وصف أنفاس حق مكتبك خاصة اللوحة الغير مكتملة هذي فيها علوم واقف عند نقطة ما تقدر ترجع ولا تقدر تكمل شاغل روحك بالعمل وما عندك وقت فراغ لما تتزوج بنت الناس راح تعاني من الإهمال في رجال خاصة رجال الأعمال الزواج بالنسبة لهم شي مو ضروري وضع فرات أسوأ لأن عنده عيال بنت و ولد فيفكر ليش أتزوج.... والله أعلم آخ ألم عيوني وصل لي خدي من الساعة 10 بليل إلى اليوم فوق 6:35 قاعد أكتب البارت وأنقح وأعد ما أدري شلون طلع التعليق بس هذا إللي قدرت عليه.... اليوم سعدت جداً بقراءة اسم الغالية عذراً يا قلب عقبال يرجعون جميع القارئات المميزات السابقة الغالية إرادة والغالية إرادة حياة , حبيبتي زارا كان الرواية تولع عندنا ننتظركم بشوق آمانة إللي يعرف أي قارئة يبلغها عن نفسي بلغت كل الحبايب إللي يقرون حق ننوسة أعتذر عن فقرة ما يطلبه القراء... إهداء للهنوف احب حبيبا يحب عذابى.. فهل كان حظى عذاب الحبيب ؟ سأشكوه ربى وابدى عتابي فيا رب هون عذاب الحبيب متى يا حبيبب تحس بناري وتطفى اللهيب ؟ اأا فى هواك احن اليك ... رجوت لقاك حرام عليك سهرت الليالى وانت فى بالى فيا رب هون عذاب الحبيب حبيب الروح كفانا جروح وداري دموعي وقلبي ينوح متى يا حبيب كفى لا تغيب التعديل الأخير تم بواسطة لامارا ; 28-05-21 الساعة 08:48 PM | ||||
|
|
|
28-05-21, 07:03 AM
| #515 | ||||
| صباااح 🌹🌹🌹 ثاني مره اقرأ البارت عشان اركز فيه وبرضوه فيه غموض ورموز مافهمتها🤕 ♥تركي والهنوف يحبون بعض بس كل واحد بطريقته هو اعتبرها فرضت عليه وشي من املاكه مايبغى يخسرها وهي اعتبرته سند لكنه اهملها الشد اللي صار بينهم في هذا البارت بداية الشرارة والتصادمات اللي بتصير بينهم متشوقه للبارتات الجايه عشان مواقفهم 😉 ♥الجازي واه يالجازي بالعه الموس على الحدين الله يكون في عونها وخالد خليه هو وخباله مايتصرف يدور اي شي بدال ماهم كذا معلقين لامتزوجين ولا متطلقين 🥺 ♥الجليلة واميره صراحة هذا تعلق مرضي بالمره زودتها اميره اتوقع انها بتكون حجره في طريق الجليلة اذا تقدم لها فرات بتسوي النون ومايعلمون وبتلعب في حسبتها ♥مزنه جالسه ادور لها واحد من الشخصيات بس مالقيت الااذا كانت بثينه ماتجيب عيال ومحمد يرجع يطلبها مره ثانيه 🤔 ♥غاليه وحبها لجابر اعتقد انها لقيت احد في الكليه من اللي كانو على علاقه بزوجها عشان كذا مو قادرة تثق فيه مره ثانيه ولان فيه شوفه نفس ليه مايبرر لهاويتفاهم معهاغبي والله بس والله قلبه قاسي هذه المده كلها ماكلمها لعنبو ابليسه حجر مايحس😡 ♥مها ومتعب اووف يامها هذا كله تكابر ومو مهتمه في متعب والله انها كذابه انهاتموت فيه بس تبغى تربيه يعني 😒متعب معقول مو قادر يستوعب رفض مها له والا انه حاس بالذنب او انه قاعد يفكر يتزوج عليها عشان يأدبها مادري احس هدوءه وحزنه غريب الا اذا كان عاشق لحدالنخاع ومها جرحته في الصميم يمكن هذه لها جلسه غيير 😉 ♥شهاب ياشهاب ايش قصتك وفي مصر مو في قطر يعني محكوم في قضيه ياقتل يانصب واحتيال وتورط فيها من غير مايدري او انه تورط في قضية اغتيال او شارك في مظاهرات لان من واضح من السياق انه مظلوم مدام انهم يزورونه ♥♥♥ البنت الصغيره مين؟ بنت مين ؟ جابر زوج غاليه عمها ؟ والا غاليه زوجة جابر خالتها لكن لا قالت خالتي غاليه تزوجت سعودي وراحت لاهلها اجل هي بنت اخو جابر لكن مين اخوه 🤔 انا مخي شطح شوي معقول تكون بنت اخت البندري اللي مختفيه ولسى مافهمنا قصتها 🤔 ماادري والله ان مخي حسيته ضرب معد فيني حيل ارجع اقرأ البارتات من جديد 🥺بنام 😢 ♥♥ابو فرات فهم الموضوع غلط يفكر حامد غلط مع بنت واعتقد ان السالفه فيها معجبات ياتصور معهم ياانهم يكلمونه وكشفه فرات لكن ماتتجاوز لابعد من كذا مستحيل هو لاعب مشهور مابيضيع سمعته طيب ليش حامد مايتقدم لمزنه مدام اني قد خطبت الجليلة لفرات😂😂😂😂 المعذرة ياانفاس بازوج ابطالك واطلقهم على كيفي😂😂😂😂 ♥♥♥شوفي البارت فيه شي بين السطور لسى ماعرفته لكن ان شاء الله اني القى لي فرصة وبارجع اقرأ الرواية من البداية عشان افهمها ♥♥♥♥تصبحون على ماتحبون | ||||
|
|
|
28-05-21, 08:01 AM
| #516 | ||||||||||||
| إدارية ومشرفة سابقة وكاتبة وقاصة في قسم قصص من وحي قلم الأعضاء وأميرة الخيال وشاعرة متألقة بالقسم الأدبي  
| لامارا اقتباس:
 اقتباس:
 طراء في بالي شي يمكن اللي قتله عنده ولد ينتظرونه يكمل السن القانوني ويعتق رقبته واللي قتله زوج امه وهي مصرية وزوجها مصري وعندها ولد منه ويكون ولد طالب من زوجة مصرية او اصلا قتل رجل في مصري ودخل السجن فيه والرجال هذا عنده ولد يبونه يوصل السن القانوني جننتني انفاس بالتوقعات هي والقارئات انا من حزب شهاب سواء كان في ابو زعبل او في العصفورية اما اللاعب الدنجوان هذا دواه عندنا بس خلينا نعرف وش سالفه لو يطلع هو سبب نكبة الجازي مع خويلد  عاد كبدي منه كن عليها من الصالي شبوب  | ||||||||||||
|
|
|
28-05-21, 08:49 AM
| #517 | ||||
| السلام عليكم ورحمة الله. مرحبًا لأحلى كاتبة وأجمل قراء. الفصل هذا كان متأرجح بين الاستمتاع والفضول. ^™تركي: ملك من أملاكك!!! ليش هي مجرد متاع زايد ما عندها قلب ولا إحساس؟ لكن أعجبني جدًا استقعاد أبوه له. وأخيرًا الهنوف قالت كلمتها خليها تنتقم منه شوية وتبرد كبودنا فيه البارد البليد اللي يخمن من راسه شخصيتها! غبية وبليدة! على كيفك هو تقرر وأنت حتى ما سألت أهلك كلهم عن شخصيتها ولا إيش دراستها ولا كيف مستوى تفكيرها، الله أكبر عليك تحكم وتبغى الحكم كمان يكون صحيح لا بالله ما حزرت شخصية الهنوف بعيدة عن تخمينك المتنح مثلك يا الخبل. "لا تزعلي مني يا أنفاس لأني عصبت من تركي أكره الشخصية اللي تحكم من كيفها وتبي تمشي حكمها على الناس باللي هي تبغاه! لا ما بيحزر أبد" ^™الهنوف: لا يا الهنوف ما توقعت تحكي لصديقتك عن تفاصيل حياتك وتخبريها أنك طالبة الطلاق منه! جد الصديقات ما ينضمنون أبد في أفكارهم المريضة طبعًا مو الكل لكن الأغلب إلا من رحم ربي، للأسف الأسرار وخصوصًا الشخصية منها والحياتية الخاصة خلوها تبقى خاصة ومقفلة عليها في صندوق أسراركم. اليوم تحكي لضي ما تدري بكرة إيش يصير وضي تردها لك وممكن تحكي عند وحدة ثانية وتوصل لمسامع تركي ما تقولينه عنه وبعدها ما بيسكت وبيقلب الطاولة عليك وتطلعين الغلطانة وقتها بسبب ثقتك الزايدة بالناس. ^™الجليلة: ليه كذا يا الجليلة؟ اسكتيها بأي شيء إلا الضرب، أنتي كسرتي شيء كبير في أميرة بعد أن أعطيتيها الأمان والحب والدفء عندك والحين بس بسبب غلطة بسيطة حتى لو أهانت شخص مظلوم وما يستحق ويكبرها بكثير ويحبها وما يرضى عليها برضه ما يعطيك الحق تيجين الحين وتعطينها كف على طول، بصراحة بالغت الجليلة في ردت فعلها المفروض أنها كان تصرفت بحلم أكثر شوية وأفهمت أميرة بغلطتها بس إيش نقول أكيد ورا تصرفها ذا حبكة جديدة جاية. ^™الجازي: لا تقعدي تسكتي وبعدين تقولي أبي الفكة! خير يا طير ألزم ما علي حريتي والكل شايف ما أحد بلايمك لو طلبتي الطلاق وأدخلتي أخوانك في الموضوع أنتي بس اتخذي موقف لا تحطي حجج واهنة وتقولي أخاف على عمي وعلى بطيخ وغيره، ترى عمك بنفسه مو عاجبه تصرف ولده بس ما بيوقف معك لو أنتي ساكتة يا الخبلة. "معليش يا أنفاس اليوم أبطالك أغلبهم خبول" ^™البنت الجديدة وجدتها: يا الله أحزنتني وقطعت قلبي ولكنها تدخل القلب بسرعة وأحس أن قصتها بتكون محزنة مرة وما أدري بس أتوقع أن أمها بعد ما أبوها توفى تزوجت وتركت الصغيرة وبس تيجي وتشوفها مرة كل شهر أو شهرين. فعشان كذا البنت تحس باليتم وأمها حية ترزق... ^™غالية: واشتقنا للحبيب طيب بمجرد ما تسمعي صوته الحين في الاتصال القادم بترحميه يا ترى؟ ولا بتهجمي عليه كما أتوقع بشكوكك وأنه قاعد يكلم ومستغل فرصة الزعل بالكلام مع البنات ترى الشك ذا بيصير بهتان واضح وبتخسرينه فاهجدي يا بنتي اسمعي نصيحة محبة لك وتخاف عليك. ^™أهلاً أهلاً بأحلى الأخبار عن أبطال بعد الغياب، "أنفاس مرة فرحنا بأبطال بعد الغياب وأخبار الصديقات لكن متعطشين للمزيد من مقتطفات حياتهم" ^™فرات وعائلته: مرة فرحت أن مي خرجت خرجة عائلية وأخيرًا فرحت المسكينة. حامد شكله أعطى وجه للمعجبات وفرات عصب وما قدر يسكت على حامد بس إيش دخل الزواج بمضايقة من المعجبات ياما متزوجين ومشاهير والمعجبات يزعجونهم أتوقع أن الموضوع أكبر من سالفة معجبات بس ما أدري إيش هو؟ #شكرًا أنفاس الجميلة على هذا الجمال وفعلاً الرواية مليءة بالغموض وخصوصًا قصة شهاب اللي ما عرفنا منها إلا القليل منها فعشان كذا ما بأتوقع شيء الحين وبأنتظر شوية كمان. على فكرة أشكر كل المشرفات شكر خاص على جهودهن المبذولة في هذا المنتدى العظيم وأعتذر بسبب عدم معرفتي في كيفية تكبير الخط من الجوال. أشكرك أنفاس حبيبتي على الفصل ويعطيك ألف عافية 🙏♥♥♥ | ||||
|
|
|
28-05-21, 10:24 AM
| #518 | ||||||||
 
| ي هلا وي مسهلا وش ذا الصبح المبارك للي صبحت فيه بأنفاس قطر والله أني مشتاقة لقطر وطاريها سبحان الله كيف مرت عشر سنوات كنت كل مرة أفتح أدور شي جديد بعدين صرت أفتح كل صباح خميس لين خذتنا الدنيا بس والله فرحتي اليوم تساوي ملايين | ||||||||
|
|
|
28-05-21, 10:24 AM
| #519 | ||||||||
| مراقبة عامة ومشرفة منتدى الروايات المنقولة  
| السلام عليكم ورحمة الله وبركاته فاتتني أمس الجمعه ماحضرتها ولما قرأت الفصل ماشاء الله الفصل يجنن والسكوت في حرم الجمال جمال وماشاء الله حبيباتي ماقصرن في الردود وعاد لامارا ماشاء الله ماخلت لنا شيء مشاركه ولا أروع منها والبركه في أنفاس اللي رجعتك لنا ورجعت لنا كثير من المعرفات اللي فقدناها هنا وهناك المهم ما أطول عليكم بأكتب على السريع تعليق وأن خطر على بالي شيء ثاني رجعت لكم أول شيء شهاب وإن شاء الله أن توقعي عنه صح شهاب ممكن يكون خال جليله وبما إنه مسجون في مصر ممكن يكون طالب أبو الجليله متزوج مصريه وومن كلام جليله عن شهاب وهي تقول لا تلومونه واضح إنه ماهو مجرم وسجنه أما قتل ممكن دفاع عن النفس أو قتل أو ضرب تسبب في عاهه لشخص تعرض لمحارمه حامد بما أنه لاعب كوره فهو مشهور وأكيد بنت أو بنات من مجانين الكوره والمعجبات به أو بلعبه طلبن منه توقيع أو صوره في هالحاله هو صادق ماله ذنب هن اللي ماهن متربيات لكن الظاهر فرات يدور حجه حتى يزوجه تركي & الهنوف تركي للآن فيه أشياء ماعرفتها عن الهنوف وبتبهرك وتغير نظرتك لها منتظره الوقت اللي يشوف شكلها ووصفه لها على لسانه ههههههههه الهنوف بما إنها تدرس أتوقع تركي راح يدرسها وراح يكون بينهم نقاشات وشد وغيره عليها خاصه وهو ماهو متقبل فكرة الإختلاط الهنوف ما أتوقع تكون ضعيفه والحبيب المطاوع لتركي خاصه وهي تعرف إن عمها معها ويوقف لها لما تكون على حق أبو تركي عجبني وبرد فلبي في تركي ويامهنا جاكا ماتتمنى وأنتقم من تركي وفشله قدام الهنوف ورد للهنوف اعتبارها متعب & مها متعب واضح يحب مها حب كبير ويظن إنها تبادله المشاعر لكن انصدم من كلامها له وأظن للآن مافاق من الصدمه هههههههه مها حاليا مرتاحه لأنها تخلصت من كلامه الجارح لكن شوي ماراح يعجبها الحال لأنها تحبه ولا راح يعجبها الحاله اللي وصل لها متعب واللي ماراح يعجبها أكثر لو حست إنه اقتنع بكلامها أو تزوج أرجع وأقول محتاجين جلست مصارحه تصفى بعدها النفوس أعرف فيه ناس ماذكرتهم لكن مرهقه وبنام ولاحقه عليهم إن شاء الله شكرا أنفاس على الجمال اللي تقدمينه لنا ومنتظرين باقي الأحداث | ||||||||
|
|
|
28-05-21, 11:38 AM
| #520 | |||||
| اقتباس:
-- يابعد عمري يـ لامارا ع الاهداء يعساني م اخلا واتفق معش وش يفيد الحب اذا مافيه احترام 💙 ودمتي بخير .. | |||||
|
|
 |
| أدوات الموضوع | |
| انواع عرض الموضوع | |
|
|
66226Likes
.png)
.png)
.png)
العرض العادي
