فضاءات اليأس والأمل *مميزة*

[شكلاطه]

المشاركة الأصلية كتبت بواسطة نورة502

السلام عَليكم ورحمة الله وبركاته.. يا صباح الخير والنور والنوير..
تسجيل حضور مبكر، أصلاً توني انتهيت من قراءة الجزء الاخير، وفي انتظار الملحق؛ لأني متأكدة انه يخص المكالمة… ‏/تذكرتك يا شكلاطة يومك تقولين كيف تنتظرون لين نص الأسبوع، أنا عادي أتحمل وأحب اجمع جزئين على الاقل لأن جزء واحد ما يرضي حماسي\\..
‏نرجع للرواية ‏وبعض التعليقات المتفرقة: حسيتها نشرة طقس مو تعليق😂😂 .. اخلصي بس..
بنات صدق لاحظتوا ان رعب فرات مو طبيعي لما كان يدعي ان ربي يفكه من شر الجليلة!!!؟!!!. ما حسيته مجرد حوار، ما ادري ليه رحمته، حسيت عقدته نابعة من مواقف صعبة ننتظرها تنكشف لنا مع الاحداث بإذن الله.
أما بخصوص مشوار ابو خالد ففعلاً كنت متوقعة ان المشوار كان يخص أملاك او فلوس، بس ما توقعت ان لمزنة علاقة في الموضوع.. حماسي يزيد ويزيد يا أنفاس والله يعيننا على الترقب.
مها ومتعب ودك من يمسكهم ويصك روسهم في بعض، ولا هذا كلام ينقال بين الازواج؟!! اعوذ بالله بس رفعوا ضغطي.
وبس والله.. في الانتظار دائمًا وأبدًا.

تخيلي ي نورة اني اقولكم استغرب من اللي يقرون البارت نص الاسبوع او بعد اياك من نزلوه وفتحته بعد ما نزل ب6 دقايق بالضبط🤣🤣😭انا فظييييييعة مافيني صبر حماسي مايوقف
وخاطري اجمع بارتين ع الاقل نفسكم واستمتع فالقراءة بس مافيني💔🥺

.
.
صح فرات ع قولة وحدة من البنات شكله متعرض لعنف والله اعلم بس ع ان معتقده هذا غبي ويقهرني مرات بس احب شخصيته لو بس يتخلص من هالمعتقد اللي مب منطقي لان اصلاً التعميم لغة الجهلاء وهو ع باله كل العربيات نفس امه و ام حامد حتى انه ما تزوج عربية

[أنفاس الوطن.]

فعلا يصعب التخمين في رواياتك ، دائما ما تفاجئينا بأحداث غير متوقعة ، و الواضح أن بعض التي صحَّت توقعاتهن قارئات فذَّات .
بالنسبة لتوقعي بشأن أبو خالد ، أعتقد بأن شهاب هو من سيكون المتبرع له ، و من الممكن أن يكون سبب سفره هو التبرع أو فعلا يكون بسبب العمل و تحدث مصادفات جميلة.

[سراااااااب]

شكلاطه
ان شاءالله الاخ فُرات يطلع ذرب فهالمكالمة بس بما انها أول لقاء بينهم كزوجين لازم يحترم هالنقطة وعالاقل يسمعها كلمة حلوة مثلاً مبروك ويرحب فيها يعني حتى غزل ما نباه اهم شي كلام حلو يحسسها بقيمتها شوي مب فوق اللي مسويه يقولها ليش ما تردين او حاقرتني! والله بذبحه🔪🔪🔪🙂





😂😂😂 نفس التفكير // عقب الركادة والثقل تي الدفاشة
بس ماله كلمة ابد ولا عتااب😌
فديت جيلو ي قلبي بعد حتى عتابها رقيق 😂
شكلها حتى فالمكالمة بتعق كلمة كلمتين ع تاخيره فالاتصال ومباركة زواجهم //


تتوقعن شهاب يخلي أميرة تروح معه // يكون عشان تبعد عن الجليلة شوي ويخليها تكمل دراستها برع وتفرد شخصيتها شوي/ 🏃😐»» الله العالم

[هند عثمان]

تصبيره صغيره كان نفسي اعرف مكالمة الجليله وفرات وش بيقول لها

وشهاب اكيد راح يأخذ اميره معه وبيسجل لها جامعه معه بره

وعندي احساس انه ضي بتتزوج حامد

[جمانه_]

السلام عليكم ورحمة الله .

اهلًا اهلًا انفاس ، شكل البارتات الصغيرة متخصصة بقلب الاحداث

صدمني طلب الأب هادي ، يمكن المقصد باللي يجي بأن ( مزنة لا تروح ) يقصد فيها السفرة بكبرها مو العملية
فممكن اللي خايف انه يصير لها بيصير بالسفرة ، الله يجيب العواقب سليمة


الجليلة وفرات ..

الله يهدي الجد وحفيدة اخروا المكالمة المنتظرة ..
اتوقع بيكون الحوار مبني على الاحترام مع غطرسة بسيطة من جهة فرات والجليلة ترد عليه بحزم محترم ..


شهاب ..

احساسي يقول انه يبيها تجهز اميرة للسفر معه ..
وانه ما يبيها تخبر الجليلة الا اذا جا وقت السفرة ..


تسلم يدك انفاس .. متحمسين لبارت الخميس من الحين ..

-------
جمانه

[الزمن القديم]

السلام عليكم
اتوقع شهاب بياخذ اميره معهوبيطلب من بثينه تجهز اغراضها وماتعلمها لين وقت السفر ويمكن هناك يشوف حمد ولد فرات الي بيتعرف على اميره وتكون من نصيبه .
جيلوو الله يكون بعونها
هادي وش ساسر الجازي !!معقوله قال لها انه ماراح يسوي شي !!ا او قال لها اذا رجعت طيب تاخذين خالد ..وهي وافقت !! >>ام الشطحه ههنهههه

[خووووله الهاشمي]

البارت الجديد صفحة كم

[خووووله الهاشمي]

💙💙💙💙 اول مرة كاتبه تذكرني تسلمي🙈🙈🙈

[مِسك]

السلام عليكم ورحمه الله وبركاته
مساءكم سعيد جميعاً
كيف حالكم صديقات الفضاءات
ان شاءالله انكم بخير ..


انفاس الابداع ، بسم الله عليك ماشاءالله .. ابداع يتبعه ابداع واحنا غرقانين بكل سعاده في ابداعك ..
لي فتره مُنقطعه عن تعليقات الفضاءات ، وجابني الشوق الكبير لكل شي ، للفضاءات ولك انفاس ولـ ابطالنا بكل تناقضاتهم ..

مُبارك لنجمات الفصل تستاهلونها ياجميلات ⭐🤎 ..


" تتمّه الفضاء الرابع والثلاثين "


" العم هادي "

يعني من الاساس هو مبيّت النيه انه مايسوي العمليه ، رحمته والله فوق المرض يشوف هالكوابيس اللي تزيده هم فوق همّه ، وبنفس الوقت رحمت عياله ، فرحانين بأن ربي سهّل ويسّر له العمليه وبنصدمون بأنه يرفض تماماً العمليه 😩 ..

يجيني احساس ان مزنه بيصير فيها شي حتى لو قبل العمليه ، او ممكن وقت يشوفون رفض ابوهم تعلمّهم امهم عن الكوابيس و يطلبون من الجازي تجي تتبرع وياسعاده الجازي وقتها 🥺 ..



" الجليله وحمد الكبير والصغير "

الجليله كونّها تعودت على المسؤوليه ولشخصيتها القويه ماشاءالله ماراح تتعب كثير ببيت فُرات ، التعب بيجي اذا رجع ابو العُقد " فرات " من سفره ..

لقاءها بـ الجد حمّد وحمّد الصغير جمييل جداً ، مليان جو اسري لطيف 🥺🤎 .. حمد وحمد مُتحدثيّن لبقَيّن ومنطلقين ماشاءالله .. من بدايه الروايه وانا اقول آل حمد جميعهم غريبين وجمالهم وتفردّهم بهالغرابه ..

اعتقد بمكالمه فُرات لـ جليله راح يسأل ويوصيها على ميّ كثير .. وممكن حتى بما انه صريح حدّ اللامعقول 🌚 ممكن يوضّح لها ان ميّ مو متقبله هالزواج حالياً ..



" شـهاب "

بسم الله شفيهم ابطالنا فجأه الكل بيسافر 😂 ..
خالد واهله مسافرين ، سعود ممكن يلحقهم ، فُرات وحامد عمّه مسافرين ، حمد الصغير بيسافر ، جابر وضي بيسافرون ، شهاب اللحين كمان قال لنا بيسافر ..
على كذا من بقى بقطر !! تركي ومتعب ، ومحمد !! 😂

اعتقد طلب شهاب من بُثينه هو تجهيز شنطه لـ الدلوعه اميره ، بما انه مابيخليها تروح لأخواته بفتره سفره ، ومارح يترك مساعد يكنسل سفره ، ماباقي الا حل واحد وهو ياخذ اميره معاه ..

لان مايقدر يترك عندها بُثينه ومحمد ، ممكن بوقت يضطر محمد يسافر لعمّه ويصيرون اخواته ماعندهم احد ، وبنفس الوقت صعب يرسل اخته لبيت عمّه ..


تسلم يدّك انفاس ،
بإنتظار القادم بكل شوق ومحبه 🤎
وعذراً على القصور في التعليقات
ان شاءالله انها اخر القطعات 🙈🥺

" استغفرالله العليّ العظيم واتوب إليه "

[اسمهان الناضي]

ياعمري الجليلة اذا تعب ابو فرات من بيكون معها ولدها وحفيده مسافرين واخوانها مسافرين.

مزنة بتتزوج اللاعب اخو فرات بيلتقون معهم في السفر،

الشخصيات كثيرة وحكايات مشوقة