09-05-22, 03:22 PM
| #2163 | ||||
 
|  اللهم صل على سيدنا محمد وعلى آل سيدنا محمد كما صليت على سيدنا إبراهيم وعلى آل سيدنا إبراهيم وبارك على سيدنا محمد وعلى آل سيدنا محمد كما باركت على سيدنا إبراهيم وعلى آل سيدنا إبراهيم في العالمين إنك حميد مجيد لا تنسوا الباقيات الصالحات سبحان الله الحمد لله لا إله إلا الله الله أكبر لا حول ولا قوة إلا بالله العلي العظيم | ||||
|  |
|
16-05-22, 12:59 PM
| #2165 | |||||
|  السلام عليكم ورحمة الله وبركاته اخباركم يا جميلات عيون الرهاف اشتقتُ لكنّ كثير.. وماحبيت اعود إلا وأكون قد الوعد بإذن الله دقائق أخيرة مع مراجعة الـجُزء الثامن و العشرون واعذروني على قصره لكن الوعد بالأجزاء قادمة بإذن الله... | |||||
| |
|
16-05-22, 02:25 PM
| #2167 | |||||
|  الـجُزء الثامن والعشرون الـجُزء الثامن والعشرون . . . .. عيون الرهاف .. . . . ********** لا تلهيكم رواية عن صلاة بوقتها قراءة ممتعة. ********** من ردى الحظ قلبي طول الأيام خايف خايفٍ والليالي ماتجي له بكيفه ماتجي له بكيفه مثل ماكان شايف كيف الأيام جاله بالحياه الكسيفه الحياه الكسيفه والعنا والكلايف عقب عزه تعرقل بالظروف الكليفه الظروف الكليفه والدموع الذرايف والسهر والترجي بعد فرقا وليفه بعد فرقا وليفه مالقا له ولايف غيّم الجو وأظلم بالهموم العنيفه الهموم العنيفه بالضلوع النحايف خلّت القلب يرجف بالضلوع النحيفه بالضلوع النحيفه عقب يأس وحسايف وش تفيد الحسايف والقدر حط سيفه القدر حط سيفه دون زين الوصايف حال من دون شوفه مابقى غير طيفه مابقى غير طيفه داخل القلب طايف طيف زين الوصايف والخدود النظيفه الخدود النظيفه والثمان الرهايف يوم جيته وجاني بالعباة الرهيفه العباة الرهيفه فوق ذيك الردايف واعنا قلبي اللي ما اهتنى في مصيفه كلمات : فهد بن سعيد. **** يوم جديد الأحد 12 مايو 2019 7 رمضان 1440 هـ الذي كان يستلقى على إحدى الاسرة ناقلة بالمستشفى، بعد أن أخذ المهدئ مفعوله وبعد خروجه من عملية، وجد باب غرفته ينفتح وعلى يدين العسكري بخطواته غريبة، وحينما اقترب منه مباشرة رفع سلاحه قابض على الزناد وهو مصوبه على رأس سعود ضحك بخبث وهو يتأمل نظرة صدمة بمقلتي سعود: لو أنك طعت شور ياسعود كان ماحد نحش من ثاني.. سعود بغبن بكل خلية تمس جسده : شلون دخلت ياكلب؟؟؟ الشبل بنبرة تهديد : اطلق سراح بو سهم مقابل سراحك ياسعود.. ومن هاللحين اعرف قدرك ياخسيس.. منذهل فهو دخل بزي عسكري من الحرس الوطني ولا يتضح عليه بتاتًا البتة بأنه احدى رجال العامة! ابتسم سعود : كل الغدر وله الثمن يالشبل.. ثم صرخ سعود بمفتاحه الخاص : ياعسكر البارود يأهل العـــوجا.. به مداييس الظلام.. الشبل : سعود.. اجتمع كل رجال العسكر مصوب زناد السلاح على الشبل ابتسم سعود رغم تعب الذي باديًا على محياه : هاه ودك بضربة الغريب؟؟ الكايد هذا هو وصل.. ابتسم الصقر مع دخوله : اوووه به ضيفن ماطعت شور يالحر العنيد.. ضحك سعود : الغدر يستاهل مين يطعنه.. وإلا وش شورك يالكايد الصقر.. الصقر وبتفاوض : ارفع يدينك يا الشبل.. وبهدوء وبدون شوشرة.. الشبل بفطنة : ماتشيله مثل الحريم.. البارود بين عيونه ورأسه.. سلم الرأس برأس.. يالعميد الصقر.. ببرود اطلق الصقر : كود الموراي فيك يسمع نحيب... مابه مرقا لأبو سهم.. واعترف حتى يهون عقابك.. ندري ونعلم بأنك إحدى ضحايا يا حبيب.. اترك سلاح وارميه، وارفع يدينك.. الشبل بيدين متوترة ينظر لعينين سعود مبتسمة واثقة، ********** ( في فيلا العساف ) بالغرفة وهو بدأ يتجهز نفسه آمراً لها : جديل.. جديل : جواد... علامك؟؟؟ تنهد جواد : أبوي سطام يبيك بصالة... نظرة لوجه أخيها الذي لا يبشر بالخير : طيب علامك تقولها تسذا.. جواد : مافيه شيء بس عجلي.. نظرت نفسها بالمرايا طويلة قريبة من طرف باب غرفتها في فيلا جدها العساف. فستانها بارد بنقوش نجوم ناعمة، شعرها الأسود فالته على طول ظهرها ابتسمت بالرضا خرجت من غرفتها لترى مرأة بثلاثة فتيات يجلسنّ بجانب جدتها مليحه، ما توقعت بهذا سرعة التفت لها منيرة وبمحبة وهي ترفع النقاب : وشلونك يابنتي جديل؟؟ جديل نظرت لأبيها سطام وبنظرات عاتبة مليحة بحنية : اقربي ياجدتتس سلمي على مرة أبوتس.. سطام بحب لها : تعالي يا جديل.. رحبي بأخواتس.. جديل شملت لهن بنظرة غاضبة بوجهها طفولي، تراجعت بخطواتها قلقة سطام الذي نوى أن يلحقها إذا بيدين منيرة تمنعه : ممكن يأبو جديل اروح لمها.. وبعون الله بترضا.. وبعد إذا ما رضت يحق لها.. هي شايفتني مأخذه مقام أمها.. بينما الأخوات يتهامسن سيوف : عشتو زعلت ملكة دلال.. المها بغصة : سيوف ياتسكتين يا تبلعين العافية.. ضحكت الهنوف : كل كلام يؤدي المعنى.. مير صدق شفتي صحبتك شلون استقبلتنا امحق بنيه.. المها : اسكتن فشلتنا... سيوف : والله اني معجبني ذا جواد.. بحطه برأسي دامكن كلكن عرستن.. الهنوف : هاللحين ليه تجيبن طاري العرس.. من زينه من سالفة؟؟؟ سيوف : بعدين ذا شيبه طلع انه مطنوخ من سيارته.. المها : سلمن وأنتن ساكتين.. العساف الجد : وشلونك ياحفيدة الحوازم؟؟؟ المها : بخير.. العساف الجد : وأخواتس.. أردفن : طيبين.. سطام ابتسم لهم بحنيه : حياكن الله.. ارتاحن.. البيت بيتكن.. ********** على الجانب الآخر هناي : والله بشتاق لك حَنينوه خلاص عمي باهر وصل.. لزوم يجي يوم يفطر عندنا.. حَنين ابتسمت لها : إن شاء الله.. يلا خالتي اسلم عليج.. وديمة : الله يحفظتس حبيبتي.. تنبهي على نفستس.. وخليتس قريبه من عصير ليمون والعسل.. وجهتس والله ماهو عاجبني ابد.. ابتسمت لها : لا ماعليتس فيني.. عقب الفطور بإذن الله بأخذ مشروبج.. عشوق بحب : استودعناك الله.. خليتس حَنين اللي عرفها.. ولا تسببين مشكلة لأبوتس وحرمته.. نظرة لعينين عشوق وابتسمت لها : يصير خير.. سلمي لي على سلطاه وه مابسته.. عشوق : يوصل.. رمت طرحتها ، حتى تخرج وتجد والدها باهر ينتظرها بسيارة مع السائق، جلست بجانبه حتى تجده بهدوئه باهر : عسى استناستي.. تنهدت حَنين : ايه بالحيل.. وش هوله تركتني فيذا.. وراه ما أخذتني معك.. ضحك باهر : تو مالنا أسبوع إلا وراجعين من الكويت.. ومابعدت هاليومين إلا عشان الحلال.. حَنين : ايه.. باهر : سعود وشلونه.. حَنين بقلق : ادق عليه من البارح مارفع سماعته.. باهر : ماعليتس في سعود قدها وقدود.. بعد أن وصل للقصر الخاص به، وكانت في انتظاره زوجته ابتسم لها بينما نجود التي كانت ماسكه بهاتفها المحمول تعلب إحدى تطبيقات بملل وبصوت تأفف : ايه عمي حمدلله على سلامتك.. عزيزة نظرة لها بغضب حتى تقوم بإلقاء السلام عليه ابتسم لها باهر : وشلونتس يانجود.. نجود : لوني زين ياعمي.. باهر التفت لعزيزة : إلا جبر وشلونه؟؟؟ تنهدت عزيزة : مسكين مرابط نفسه بدوامه.. مانعنينه من الاجازة.. باهر : عسى الله يقويه.. حَنين ابتسمت من خلف قلبها الذي أكل عليه قلق من تجاهل سعود وعدم اجابته على اتصالتها.. عزيزة : حَنين ياخالتس أنتي معي.. نجود بسخرية : مشغولة أكيد ماهي يمتس ياعزيزة.. عزيزة بنظرات غاضبة، حتى تمد نجود بمصافحة حَنين بطرف يدها نجود : عشتو على شنو رفعة هالخشم.. ترى كلنا بنات حواء وأبونا آدم.. كتم ضحكته باهر : ماعليه ياعمتس حَنين... وين بنتي النشمية اللي اعرفها.. حَنين بضيق اعتلى ملامحها قلقلة : ماعليه سامحني يأبوي.. وخالتي بصراحة تعبانة ولا لي خلق اعذروني.. ثم شدة نفسها حتى تصعد لغرفتها، فتحت أبواب النوافذ حتى تستنشق بعض الهواء ، علقت عباءتها بمكانها المخصص ثم نظرت لوجهها الشاحب هي منذُ أيام والشحوب الذي استمر معها، اغمضت عينها اتصلت للمرة الأخيرة، حتى تجد الخط به من الرنين تنفست الصعداء ثم همت بالجلوس على الأريكة التي مقابل سريرها الذي يتسع لأربع اشخاص .. ********** في طرف الآخر أجاب بصوته : هلا بطوايف أهلي.. حَنين : سعود... سعود تنهد : ياروح سعود.. حَنين : انت طيب.. اقلقتني عليج من أمس دق عليج ماترد؟؟؟ سعود بحب : يازين قلقانين ... أنا بخير.. أنتي علومتس؟؟؟ وجهتس بعده مصفري.. حَنين بخوف من قلقه : وجهي احسن من أول.. بس أنت ليه أسمع عندج صوت ضجة؟؟ سعود أنت وينج فيه؟؟؟ سعود : في العمل حبيبتي وين بكون فيه يعني.. ماعليتس فيني.. عمي باهر أخذتس.. حَنين : أيه أنا في بيت أبوي.. سعود بخبث : ياعقبال بعد كمن يوم تقولين أنا في بيت حبيبي سعود.. بخجل : ســعود.. وش هالأصوات؟؟ ذا ماهو بصوت تخطيط القلب.. سعود أنت وينج فيه؟؟؟ سعود : هيه نسينا انتس دكتورة.. حنينة قلبي... تنهدت وهي تستلقي على سريرها تستقبل همهات صوته : همممم.. سعود : واضح عليتس للحين مانمتي.. نامي.. عقب بدق عليج.. حَنين : لا عادي اهرج وأنا بكون معج.. سعود عرف ان سلطان النوم زراها أخيراً ابتسم بحب وكأنما يراها الآن سعود : بحكي لك عن قصتن ... ثم سمع صوت تنفسها عميق ابتسم : نوم العوافي عنيدة حتى في نومتس... اغلق الخط منها متصل على والدته والتي شعرت فيه بعدم رجوعه للمنزل.. وديمة : يأمك ياسعود وينك فيه ابطيت.. سعود بحب لها : بالعمل يالغالية.. إلا يمه طلبتك نفسي في ريحة القعود باكر إلا السحور.. وديمة بقلب الأم : ياسعود طلبتك يأمك صوتك به تعب... أنت وينك فيه؟؟؟ سعود تنهد، حتى يرى نظرات الصقر بأن يسلم لها هاتفه وديمة : الوو.. ياسعود.. الصقر بمحبة : وشلونتس يأم وقاص.. وديمة بنبرة عاتبة : الصقر.. الا بالله الصقر.. أنت وينك عن الناس هاه... ما كأنك لك خالة وإلا أم تحتريك تنشد عنها.. الصقر : على رأسي يا أغلى من هالروح.. اقسم بمن حل القسم انه كنت مدوش لحد رأسي... وديمة بفطنة حادة : ايه تعلمني فيك.. مير شلون هو أنت عند عمل سعود؟؟؟؟ اخبره طبيب.. هو وش صاير؟؟؟ ابتسم الصقر : أي فديتك عند سعود.. مير ابي وقاص يجيني هو حولتس.. نظرت وديمة لولدها الذي كان نائما متوسداً بصالة على قدمين زوجته عشوق وديمة : يأمتس قومي رجلتس اصعدن فوق واضحتن عليه ما اقيل.. عشوق بخجل واحراج : إن شاء الله.. وقـاص.. أبو سلطان.. فتح عينيه ثقيلة من أثر النعاس حتى يتأمل وجهها الحبيب لقلبه : هاه وش صار؟؟ وديمة بحينة : يأمك اصعد لدارك بعد وش حقه نايم لي فيذا!!! نظر لوجه عشوق الذي اصطبغ بالاحمرار ابتسم بخبث : ايه ريحة أم سلطان تخدر ياوديمة.. إلا أبو زناد علامه ابطى؟؟ وديمة وهي تمد الهاتف له : خذ ذا أخيك الصقر ينشد عنك.. عدل بجلسته ثم أخذ الهاتف مبتعد عنهم وقاص : ها شايب وش بغيت؟؟؟ الصقر بهدوء : وراه مقفل جوالك ؟؟؟؟ وقاص يحك برأسه : راحت علي نومة.. علامك؟؟؟ أخيك سعود انصاب.. أبيك تمهد لمميتي وديمة، وتبلغ انها صار له ألم بسيط بالكتف... وقاص بقلق : هو طيب.. ابتسم الصقر : أخوك الذيب ما ينخاف عليه.. وقاص : والله مين يقدر عليك يالصقر.. مير ماهنا إلا كل الخير.. الصقر : العلم جاك.. يلا سلام.. ********** ( فيلا آل عقاب ) كانت تجهز حمام ساخناً، سمعت صوت. إغلاق باب غرفتها خرجت من دورة المياه حتى تجده يمد يده ليفتح أزرار ثوبه العلوي، رامي شماغه وعقاله على الاريكة جانبية نظرت له وهي تخفي كل قهرها وقفت بالقرب منه خميلة : رعود.. تجاهلها داخلا لغرفة تبديل أخذ له شورت وتيشرت قطني خميلة بضيق : رعود اكلمك... بعد ان ارتدى لباسه ثم فتح الخزانه اخذ اللحاف ووسادة وضعها فوق الكنبة ثم رتب حتى استلقى مغلق جفونه خميلة تتأمل تصرفاته غاضبة وصامتة لحد الوجع الذي بدأ مؤخراً لا يفارقها اقتربت منه تقبل جبينه وبحب : رعود اكلمك.. ثلاث ليالي هاجرني ماهو كافي.. نظر لها بنظرة غاضبة قاتلة، ابتعدت عنه دخلت لدورة المياه نزعت لباسها وهي تتلمس بطنها مسطح دون أي جنين يحمل بروحيهما وجدت نفسي تبكي بالصمت و تثرثر ( أنتي اللي جبتيها لنفسك ياخميلة.. بس أنا زوجته وحبيبته وهجرني شلون لو صدق تزوج الهنوف وش بيقبى لك غير بقايا رجل.. قومي.. ما اخبرتس بالضعف ذا..) ارتدت لباس جريئ ، وخرجت تتقدم نحوه خميلة : رعــود حبيبي.. فتح عينه مُرهقة ، ويجد لليل قد احتضنهما رعود بعتب : وش هالخرابيط اللي لبستها؟؟؟ خميلة : اتزين لك صار مثل خرابيط؟؟؟ رعود : وش حقه تتزينين وانتى تبين تعرسين لرجلتس.. خميلة بألم : رعود ناظر في عيوني.. تحسبني ساكته منيب موجوعه إلا والله موجوعتن بالحيل مير يحق لك يكون لك الضنا.. رعود بصد وجفاف : ماهو قلت لتس مأبي ولد مايكون أمه أنتي.. خميلة : بس أنا عقيم.. وغيره الوقت يارعود.. رعود بغضب منها مسيطر عليه : وش وقته يأم وقت؟؟؟ قومي عن وجهي ياخميلة.. قومي مابي اجرحتس.. خميلة تمسح دموعها : ويهون عليتس اجلس اطامر وراتس كأني ورعة... رعود : جزاك واقل بعد... ممكن تتركيني وراي قومه من صباح ربي.. ايه بعد حطي في بالتس عرسي قريب.. وأنتي اللي بغيت هالشيء تحملي ما يجيتس.. ابتعدت عنه ثم رمت نفسها على سريرها وبكت كان يسمع صوت نحيبها وبقلبه قد رق لها لكن لا .. سوف تتعلم ثمن اخطائها... ********** ( في فيلا العساف ) سيوف : هيه ترى ما صارت كل ذا زعلانه عشان عرس!!!!! نظرت لها نظرة طويلة الهنوف وبغضب : مابي عرس... مهو غصب.. من بكره صباح بعلم امي تعتذر مني يم زيجة... واللي يصير يصير.. المها بتعب وهي ترتب ملابسها بالخزانة : كان غيرك اشطر ... كان قبلها انا سويتها بس هم بعد ماتدرين يمكن يكون رجل صالح لتس... سيوف : شوفي انا انقد انه معرس قبلتس ولا بعد يحبها... الهنوف بتأفف : انزين الحل وشو.. اجلس تسذا؟؟؟؟ المها : ماهو خالي مروان قال لتس ملكة وزيجة رابع العيد... الهنوف وهي تشد اللحاف مستلقية تتأمل السقف بملل : استخرت هو صح مرتاحة بس بعد ماني مبسوطة... في شيء معكر لي مزاجي.... بعدين شفتي مرته في بيت خالتي وديمة... مرته مزيونه بالحيل ماتجي صوبي... المها : ماهو كل شيء زين... انتي بعد حلوة .. نامي.. نامي.. ورانا شغل دام امتس منيرة متوعدة فينا... سيوف : ماعليكن.. هالحين بنت الحسن والدلال وراه ضايقه ولا بعد امي تراضيها.. شين الحلايا.... المها : سيوف ... مهو من جدك.. بنت اكيد بتزعل وتتضايق بعد ذا ابوها... يا تكملين شغلتس يا تنامين.. مثل اختس.. سيوف بتهرب : لا اكبر مخدتي ازين لي... انت فاضيه... بعد ان وجدت اخواتها نائمات.. خرجت لتتجه لغرفة جديل بعد ان طرقت الباب جديل وهي تمسح دمعتها : منو؟؟؟ المها بحب لها : اختس مهاوي والحب ضاوي... ضحكت وهي تفتح لها الباب... حتى تقوم باحتضانها : لاه لاه .. جديل تبسي.. على شنوو يالخايسة ********** ( في قصر شمايل - قسم قائد ) قائد: انتي غريبة ما اشوفك تدرسين… شادن نظرت لعينه : قائد تراني منيب يم دراسة.. سنه ويالله بالعافية تحملت ماقدر … انا انسانه قنوعة وحمدلله انت عندي وتصرف علي بعد وش حقه ادرس!!! اي والله .. قائد : عجيب وين اللي كانت تقول بدرس برا اتعلم.. كتمت ضحكتها : بالله ذا وجه مال سفر… كنت ابي اي حجه اتمسك فيها لان وقتها منيفة بتتزوج وبظل بروحي.. انت الحين لا تبلش نفسك فيني… لك كماسبوع ومتغير !!! وش فيك معقولة للهالحزه مالقيت خالتي… قائد بهم : اي بالله ذا اللي حرني!! اول مره تسويها وتختفي تسذا.. شادن : الله يرجعها بسلامة… قائد.. اهم : همممم شادن: ابيك تنزلني بطريقك على بيتي خالتي شيخة وديمة… قائد: عسى ماشر؟!! شادن تبتسم : مو تبي تذوق من يديني بطبخ لك بعد لزوم اتعلم …. ضحك من قلبه : من صدقك !! شادن : اي والله.. اذا ماتعلمت حق قايد حبيبي اجل تعلم حق منو؟؟؟؟ قبل رأسها بحب هالبنت كبرت بعينه زود وفوق هذا قلبه له متسع وكل ماله يزيد الحب كبير لها هي من تستحقه وكفى.. قائد: اجل تم قومـي جهزي نفسك قبل ما يبدأ الحجر وتحقيق … ********** على الجانب الآخر كانت تجلس بجانبه يحتضن يديها ويقبلها بحنان، وهي قد غابت في ظن سوء تفكيرها وهواجسها !! مُهاب : يابنت الحلال والله اني برئي منه… منيفة: لا والله مسج يجي لك خاص وكله ضحك ودعوات وتقول برئي.. مُهاب: ويش اللي يقنعك هالحين تبين ادق عليها قدامك حتى تصدقين!!! بضيق : مابي شيء.. ممكن تخليني بروحي… مُهاب ضرب بيده يمنه ويسره : لا حول ولا قوة إلا بالله.. منيفة بعدين بالله اكو احد عنده هالزين ويتغزل بأحد ثاني.. منيفة تضيق عيونها بغيض منه : مُــــهاب.. ذيك المرة يوم اخذت الجرعة وش صار متكي عالطاولة الاستقبال وتكلمها كأنها أختك... مهيب اختك هي... ضحك من قلبه وبدأ ينثر قبلاته بين عينيها نزولاً للدين : يافديت اللي يغارون.. يابنت الحلال ذيك مرة مثل أختي غصون وأكثر لا تحطين هالشيء ببالك.. ويوم قربت أتأكد من حجز موعدك.. منيفة بألم : بعد ما يحق لك تسوي ذا سوايا ... أنا وحدتن تغار عليك تفهم مستحيل اخلي احد يأخذك مني... مُهاب : وأنا كلي لك.... وبين يديك... بعدين ما كأن الاسبوع الجاي قرب العيد... وش عيديتي؟؟؟ منيفة نظرة لعينه و بدلال الانثى الخجول : مفاجأة... الا صحيح يا مُهاب الاوراق أنا قلبتها وما فهمت منها شيء ... مُهاب تنهد : من ناحية الأوراق هي بالحفظ والصون عند قائد يقول بحللها ثم يجتمع فيك أنتي واختس ويعلمتس فيها... كل اللي أبيه منتس يابعدي .. لا تفكرين بشيء له وقته ولآوانه.. منيفة : إن شاء الله خير... ********** بعد اسبوعين الاثنين 27 مايو 2019 22 رمضان 1440 هـ مع بداية نسمات الهواء الحارة بداية الظهيرة انطلق بسيارته بعد أن وجد رسالة الذي اعتلت فوق هاتفه المحمول مشار للموقع الذي يقع عن أراضي بعيدة عن الرياض استعان بالرحمن ثم وقف سيارته أمام المبنى المهجور وهالته الصدمة حينما وجد أخيه عناد وقبله قائد الذي كان يتصبب عرقاً من أثر المشاجرة التي احتلت بين الأخوين قبل ذلك بساعة الثانية عشر ظهراً قائد الذي للحظة شك بحركات عناد الأخيرة التي تصدر منه تتبع خطواته حتى ترجل من سيارته وحينما وجد أخيه يمشي بين الممرات ذات البناء المخيف و المظلم إلا من إنارة خافتة فوق سقف ترج يمنه ويسره وكأنه دخل إحدى السجون قديمة انصدم صدمة عمره حينما وجد والدته مقيدة اليدين وبعض صحون التي تراكمت ولم يبقى منها إلا رائحتها العفنة قائد بصدمة : عنـــــــــــاد!!! أمـــــــي... حينها انفرجت أساريرها ببكاء يمزق القلب : قــــائد.. يأمك الحقني... يوجعني جسمي ... فكني يأمك... قائد : أنت ! أنت شلون سويتها ياعنـــاد يأخوي الكبير شلووووووووون؟؟؟؟؟؟؟ عناد ابتلع غضبه وبدأ يبتسم له باستفزاز : خير هذاني اقتصيت حق من حقوقي.. هالام ماهي أمي هذي مجرد حثالة زبالة وكان لها ذا المكان يستاهلها اكثر مننك ومن أختك... قائد بغضب محموم براكينه : مهبول.. انجنـــــيت ..... وش مستفيد من ذا كله.. بردت حرتك يأخوي... حينها صرخت بغضب : فكونــــــي... يوجعنننني... فكني ياقائد... ذا أخوك.. أخوك خله ... أنا استاهل بس فكني.. والله استاهل اللي يجيني .... مسك من ثوبه حتى يلقيه على الجدار وبصوت غاضب و متملك أسى وحزن منه : ليه ياعناد وأنت خابرني يأخوي أدور عن أمي من شهور.. لــــيه يأخيك ليــــــــــه؟؟؟؟ دخل مُهاب انذاك وبكل سخرية أردف : جزاها وأقل.... بس بعد مابردت حرتي... وينه فيه الواطي... وينه فيه الخاين... نواهل بغصة : ذا أبوك يا مُهاب.... أبوك.... صرخ فيها بغضب وهو يقترب منها : ماهو أبوي.... ذا عامل كان شغال عند جدي.... عامل ما وصل المراجيل ولا يعرفها..... وأنتي تبلعين العافية وتنطمين..... ياجعل الوجع يوصلك ولا يتعداك..... قائد: كـــــــــافي.... انتقام واخذت انتقامك وش استفدت الحين.. ابتسم عناد باستفزاز له : منهو قال لك أني انتقمت ذا شيء بسيط... للي مثل هالاشكال مكانها القبر.. قائد بحرقة الدم : اصحـــــــــى ياعناد.. صحيح أنك أخوي بس بتظل أمي.. رضيت وإلا انرضيت..... هي غلطت وراح يتصحح الغلط،،، لكن اللي تسويه يأخوي ماهو من شيمك... ولا هو من تصرفك... عناد بغصة : مثل ما اتهمت أمي زور وتلفظت عليها.. هههه شرطة ذا صوتها تسمعه.. مُهاب بغضب وكأنه في قفص مسجون : أنا بعد ما أخذت بثاري..... أنا منيب ولدك أنتي فاهمة... نواهل بألم : أنا استاهل اللي يجيني أنا استاهل... سامحوني طلبتكم تسامحوني.... ********** في غرفتها مابين أخواتها التوأم... كانت تكتم بكائها بقهر مغبون : قلت لكم منيب يم زيجة.. افهمي يا عزيزة.. وأنتي يا منيرة.. ما كأنكم تعرفون أخيتكم رحمة... منيرة بحب وهي تمسك بيد رحمة التي ترتجف : ذا أنتي قلتيها نعرفك يختي.. عنيد ورأسك يابس.. لكن الصقر ماحدن يرده.. ولا عليه حسايف.. ولد عارف عسى الله يرحمه وصاته وغير ذا كله انت بعمر تحتاجين رجلن يمك لا نكذب على بعض.. وأمي مريم عارفتن بذا شيء ولاهيب اللي ضغطتن عليتس.. زواجتس حول اسبوع يا رحمة.. وأنت حتى تجهيز لتس ما اخذتي... رحمة بغضب : ما أبيه... تفهمون والله ثم والله لا اهج عنتسن أنتم تبونها فضايح ابشروا... عزيزة : وحر قلبي عليتس.. أنتي تتخبلين.. وش لقيتي بهالعجوز... عمره من عمر عمي دخيل خبل أنتي خبل... رحمة ترميها بنظرات غاضبة : مالتس شغل... وهالعجوز اللي تسبينه عززني وكرمني... مالكن شغل في حياتي.... عزيزة : الله أكبر أي حياة اللي تتكلمين عنها... رحوم بطلي خبال.... عمته علمتني أنهن بسوين لتس حفلة صغيرة في البيت ... وأنتي حتى فستان ما شريتي اعقلي... منيرة تنهدت بهم : عسى الله يحنن قلبتس يأختس ويصلح حالتس... رحمة وهي تقف أمام الخزانه : هذي خلاقيني.... سود بسود... ولاني بغيرها حشمته تفهمن وإلا لا.. أخرجن مابي احد عندي.... منيرة مسكت بيد عزيزة... حتى تبقى حال رحمة مع ذكريات أسيرة بقيت فيها الرجفة القلب الحزين، والخوف متأصل من الحياة قادمة !! هي لا تريد رجل آخر... لا تريد لما لا يفهمون ذلك... لما لا يفهمون بأن الحظ ضحك ثم أبكى مابقى لي منه إلا طيفه... منيرة بغصة : كله منك يالفخر.. قلت لك منيب متزوجة عقبك... ماهوب غصب... اغمضت عينيها بهم وهي تتخيل حضوره وصوته الحنون حينما أوصى عليها ، وصوت أبيها الغاضب منها لما الأحزان لا تفارقها لما يا رحمة ؟ بغضب وهي تمشي ناحية المرايا التسريحة تنظر لوجهها خالي من أي زينة، و كأن ليالي تراها عبر هذا المشنقة التي تصب فيها صباً هي تجد نفسها في مرحلة يأس والسيف الذي يمزقها بألم بوعيد : صدقني يا الصقر منيب بنت ثورة إذا وافقت عليك.. وسوي اللي تسونه يا أهلي.. عجزتوا وأنا صغير عجزوا بي وأنا كبيرة... أخذت عبائتها ثم طرحتها، فالفؤاد مجروح خطواتها التي أبت أن تخرج من غرفتها ومن المنزل بكبره إلا صوت من بعيد وقف لها بالمرصاد : وين ساريه يابنت الاجواد؟؟؟؟؟ ********** نهاية الـجُزء الثامن والعشرون من الفصل الثاني.. ألتقيكم بحول لله وقوته بعد أسبوعين يوم السبت.. أختكم و بقلم : عيون الليل. | |||||
|
| |
|
16-05-22, 03:18 PM
| #2169 | ||||
| اللهم صل على سيدنا محمد وعلى آل سيدنا محمد كما صليت على سيدنا إبراهيم وعلى آل سيدنا إبراهيم وبارك على سيدنا محمد وعلى آل سيدنا محمد كما باركت على سيدنا إبراهيم وعلى آل سيدنا إبراهيم في العالمين إنك حميد مجيد لا تنسوا الباقيات الصالحات سبحان الله الحمد لله لا إله إلا الله الله أكبر لا حول ولا قوة إلا بالله العلي العظيم | ||||
|
| |
 |
| أدوات الموضوع | |
| انواع عرض الموضوع | |
|
|
14689Likes
العرض العادي
