05-03-22, 09:49 AM | #1001 | |||||
عضو موقوف
| اقتباس:
صمت لم يصمته الصامتون من قبل .. تنمر أقوى من كذا ما فيه أطالب أفراد الأحزاب جميعاً بأسقاط ميسو لتنمرها على “رئيسة الحزب الساقط ” 😒😂🤌🏻.. | |||||
05-03-22, 09:53 AM | #1002 | |||||
عضو موقوف
| اقتباس:
صبحك الله بالنور والسرور يامرحبا بأبها ❤.. شاركيني إنتي التوقعات والشطحات 🌚😂. | |||||
05-03-22, 02:15 PM | #1003 | ||||||||
| اقتباس:
كلامك عين العقل وأوافقك فيه كاملًا ما شاء الله ♥ اقتباس:
ههههههههههههههههههههههه بديت أحس اسم "ذاك" في توقّعاتكم غريب كأنّه اسم غير عربي 😂😂💔 اقتباس:
لكن لا بد من موافقة الشعب حضرة الرئيسة صاحبة الحزب الساقط 👀 وأنا كوني أحد أفراد هذا الشعب "غير موافقة" 😌😝 اقتباس:
يومك سعيد أبها 💛 أنا نصحت صح لكن إلى الآن ببالي أفكار وتوقعات كثير وبشاركها بإذن الله.. فشاركينا توقّعاتك ما تخافيش هو كذا ولا كذا لا بدّ من الشطحات 😂 وفعلًا صدقتِ نقاشات البنات جميلة ومُمتعة 💛✨ | ||||||||
05-03-22, 03:09 PM | #1004 | ||||||
| خلاص يا عبق بأدلي بدلوي، انصياعاً لطلبك . 😉 أكيد لاحظتوا وصف عزام لميس ،،، (( حتى ابتسم حين عرف تلك الفاتنة التي توليه ظهرها .. اقترب أكثر ليصله صوتها الساحر .. كانت تمشي بكبرياء تحاول جاهدة المحافظة عليه .. و كم كان يليق بها .. أنيقة كما عهدها دوماً ....الذي لا يظهر سوى ملامحها الفاتنة بطبيعتها .. بدت كعادتها امرأة ذات جمال صاخب و مثير .. رغم أنها كوالدته لا تضع أي مكياج على ملامحها الجذابة .. لكن جاذبيتها الشرقية كانت غنية عن ذلك .. بتلك العينان الواسعتان الكحيلتان .. و شفتين مكتنزتين تبدوان دوماً كجمر لا ينطفئ )) .. وصف عجيب لأدق التفاصيل،، فصفص الحرمة من ،،، إلى هذا التفصيل أظن إنه ينبع من شخص مهتم، ومعجب وبشدة لهذه الشخصية الملفتة،،، *عزام قد يستخدم ميس كورقة لمقايضة أمه،،، تبيني أتزوج ميس ؟ ارجعي للوطن . عزام بداخله، كاره حياة الشتات، والعزلة،، والوحدة. يشتاق أن يجمتع مع أمه في مسكن واحد،، يشتاق أن يحط رحاله على أرض الوطن فتسكن نفسه المحلقة دوماً. ويسكن جسده في حضن أمه الغائبة دوماً. لذلك أتوقع ( عزام & ميس) 😁 *رياض( وش لنا شغل فيها؟ تدور على خالها و تروح عنده) لفتت نظري هالعبارة ،، ليش تدّور خالها ! هو هربان من العدالة ؟ أو مختفي بعد الحادثه لغرض ما ؟ هذا يعني إن توقع البنات صح إن الخال متورط أيضاً. ! 🤔 | ||||||
05-03-22, 03:38 PM | #1005 | |||||
عضو موقوف
| اقتباس:
صح وصفه شككتني بحمله مشاعر لها بس بعد شعوره بتانيب الضمير تجاهها خلاني احس انه ماسكن لها مشاعر 👀 ممكن من كثرة اختلاطه فيها حفظ شكلها وايضا ممكن يكن لها مشاعر لكن في داخله ماكتشفها ✔ صح بعد توقع منطقي ليه قال تدوره ؟ انا قلت يمكن امها مو من البلد في بلد آخر علشان كذا قال تدوره ! او نفس كلامك ✔ | |||||
06-03-22, 04:28 AM | #1006 | ||||
| كل الشخصيات تهون عند شخصية دانيه وش هالدلع الماصخ ؟ كل ماصار بينها وبين غالب شي راحت بالاشهر عند اهلها اوكي تبين حب ومشاعره تبادلك اجلسي عنده عشان يحبك اما سنه مرت على زواجكم وهالسنه اغلبها عند اهلك كيف تبينه يلتفت لك ؟ وكل مره يبادر ويعتذر حتى لو مايخطي ابوها كيف كذا مدلعها ؟ المفروض يحشمون غالب ويسألونها عن الاسباب اللي تخليها كل يوم والثاني شايله قشها وجايتهم 😤 وكل الحياه الزوجيه مشاكل بمشاكل يعني لو ماواجهتي هالمشاكل وحليتيها مع زوجك ماراح تتفقون مدري يوم تزوجت هل كانت متوقعه الحياه تكون ورديه ؟ وان غالب يدلعها ويراعيي مشاعرها نفس ابوها 😂 معليشششش بس ترفع الضضضغط ياليت امها تسطرها كف يرجع عقلها لراسها وتترك الدلع الزايد | ||||
06-03-22, 05:18 AM | #1007 | ||||
| السلام عليكم ورحمة الله وبركاته صباح الخيرات و المسرات .. كيف حالكم آل اروقة القلب ؟ مُبارك مره اخرى للجميلات اللي حصلوا على نجمات و عقبال البقيه ♥️ اغاني ما شاء الله ابدعتِ وصفك للمشاعر و المواقف بالمفردات الفصيحه المُعبره ، تسلسل المواقف و الغموض في القصص و الماضي مع الحبكه القويه ، الثنائيات و الاحداث غير المتوقعه ، استمتعت جدًا جدًا بالقراءه ، الروايه فيها كمية من المشاعر الجميله بوصف و حوار مُبهر و مُذهل !.. وصلنا الفصل السابع و الابداع يتجدد و يزيد في كل فصل .. تسلم اناملك الله يعطيك العافيه كاتبتنا اغاني الرائعه ♥️ " غالب و دانيه " " كان عقله المشتت بعيداً كل البعد عما تهذر به .. : غزلان وش تقولين ترى...... -ليشهق بإستدراك متأخر- دانية!! ابتسمت غزلان بتوتر .. و هي تراقب نظرات دانية التي تتكسر خيبةً به .. و بمكانتها في قلبه .. : اللي آخذ عقلك ي شيخ! زفر بكدر أدركتاه .. من نبرة صوته .. وهو يهتف كاذباً .. : ما نسيت...آآ قولي لها كان طالع مشوار و راجع لها اللحين " غالب فعلاً كان عقله مشتت و الظروف من حوله تجبره ينسى نفسه حتى !.. غير انهم في وقت عزاء و ظرف صعب جدًا و شايل هم رياض و يبحث عنه .. فأشوف ان الظرف هذا عذر قوي جدًا عشان ينساها و بعد حاول يكذب عشان يعدل الموقف .. و بالنسبه لدانيا مكانتك في قلبه ابدًا ابدًا ماله دخل في انه ينساك نفس ما فكرتِ لان هل كل شخص بالعالم يتزوج و يأخذ زوجته لبيت عمها و ما ينساها هناك معناه انه يحبها جدًا ولها مكانه كبيره عنده ؟ .. ما هو منطق فالحُب ماله دخل ، و سبب نسيان غالب لدانيه عقله المشتت اللي يفكر بشيء اهم .. بس نقول يالله ما عليه تزعل و لكن ! .. بينهم و في بيتهم و لوحدهم بدون ما تدخل اهلها بزعلها . " فالتقطت هي هاتفها بسرعة .. لتتصل بأخيها .. و ما إن سمعت صوته حتى انهارت باكية .. : هلا حاتم...أنا في بيت عمي...تكفى تعال خذني بسرعة " لا إله إلا الله انهيار مره وحده ! .. وش هالدلع السخيف ! ترا ناسيك في بيت اهلك و عمك و هم طيبين و حاولوا يخففون عنك و ما يضايقونك .. " هذا الأب اللامبالي .. بحال إبنه .. و الأسوأ تغاضيه عن حالة إبنته المدللة .. التي تعتكف على غضبها التافه لتهجر بيتها و زوجها كل تلك الشهور .. ليقابل دلالها عناداً أقوى من زوجها .. فيتركها بلا أي نية لإسترضائها .. و كل من في البيت لا يمسها بكلمة .. والدها سعيد بقربها .. و جدها يعطيها أكبر مساحة ليدعم دلالها .. حتى حاتم بدل أن يقنعها بالعودة .. أقنعها بإقامة مشروع لها لتنشغل به .. و تتناسى ذاك البيت و الزوج الذي هجرتهما .." هذي الصدمه الاقوى استفزازًا .. رحمت غالب وش هالاهل تحبون بنتكم بهالشكل ؟ ليه من البدايه تزوجونها كان خليتوها عندكم .. و المشكله ان الجد هو اللي زوجها لغالب ! و هو بالاخير زوجها وولد عمها قريبين لبعض الافضل كان ان احد منهم يتدخل يجمعهم في مجلس و يصلح بينهم .. من واجبنا نأمر بالمعروف و ننصح .. صح غالب نساها و كنت بقول لو رجع يراضيها بس تذكرت انه حتى ما يعرف انها كانت تسمع المكالمه و عرفت انه نساها و هنا نعرف ان التجسس ما فيه خير و منفعه .. دانيه سوت من الحبه قُبه و الخطأ اللي سوته هو انها دخلت اهلها بينها و بين زوجها .. هل اهلها ساعدوها ؟ .. حلوا مشكلتها ؟ .. نصحوها ؟ .. لا .. " إذن هل يجرب أن يعيدها بالكذب؟؟ .. بالحيلة !! هل يبني حياته معها على أكاذيب تخدر قلبها الهائم .. " اشوف انه يكذب على عقله مو على قلبه و على دانيه .. لانه يحبها و الحل ؟ .. يبادر و مستغربه ما عندهم مواقع تواصل اجتماعي ؟ يتواصل معها و يرسل لها يحلون مشكلتهم بالجوال و بعدين يجي يأخذها لبيتها .. و حلوو يقدم لها هديه ورد احمر للدلاله على انه يحبها 😂 .. و شوكولاته لذيذه .. و اشتراكين في دوره للحياه الزوجيه السعيده 😂 .. الصراحه مشكلتهم تضحك من كثر تفاهتها و مستفزه في نفس الوقت ، لو اعتبرتها دانيه موقف مضحك و ضحكت مع غزلان و بالمستقبل تحكيها لاولادها و احفادها و يضحكون كلهم و تصير سالفه مُسليه كان بيتغير الكثير .. بس شخصية دانيه حساسه و دلوعه و عاطفيه جدًا ما اتخيلها تتصرف كذا و العتب مو عليها دام هذي شخصيتها العتب على اهلها .. لازم احد يتنازل اما غالب او دانيا عشان يستمر زواجهم بإذن الله .. و على حالهم هذا و هم لهم شهور مفترقين عشان شيء بسيط كيف لو تصير مستقبلاً مشكله اكبر بطبيعة الحياه ! .. غالب و دانيه غير مهيئين للزواج و لازم يكونون واعين اكثر و مسؤولين و يتفقون على الامور اللي تبني زواجهم ما تهدمه .. و يبنون حياتهم على قواعد واضحه تناسبهم اهمها ان مشاكلهم ما تطلع من بيتهم و يحلونها بينهم و الله يهديهم و يصلحهم .. " سحاب و حاتم " سحاب لطيفه و حنونه تعاملها مع الاطفال يجنن و تخصصها حلوو بعد عرفت تختار المجال اللي يناسبها حُبها لحاتم حُب من الطفوله كونه كان يهتم فيها و يراعيها حتى لما كبرت شوي بالعمر بس بالشكل و التفكير لازالت طفله و لازال حاتم يشوفها صغيره ما اتوقع يتشجع يخطبها خصوصًا فرق العمر بينهم 15 سنه الفرق كبييير و احس هذا العائق الاكبر .. حنية حاتم و عطفه و تعامله الابوي مع بناته جميييل كمية مشاعر بالمواقف اللي فيها الابو و بناته 🥺 .. اما زوجته الانانيه كيف تترك بناتها قطعه من قلبها !!! .. واضح ان حاتم حبها و ما قصر معها لكنها خذلته و ما قدرت النعمه اللي الله اعطاها اياها ، يمكن يجي يوم تندم لكن بعد فوات الاوان .. اكتشفت ان حاتم و اخته دانيه كلهم شخصيات عاطفيه .. الموقف الاخير فجأه سحاب دخلت المجلس و من الصدمه ما استوعبت بدري ضحكت عليها 😂 .. و يا حلوها عشان تسعد يُمنى و تخليها تضحك قالت لها ♥️ .. سحاب اسم على مسمى ✨ " عمار " " ضحكت صبا .. و هي تصحح له .. : ههههه يبه ترى عمار مسوي لوك اسمه باز كت مو أصلع لتقاطعه والدتها قبل أن يجيب .. ساخرة .. : ماشاءالله عليه أبوك ما يشتهي! عمار مرة وحدة..تقولك لوك مو صلعتك الأصلية اللي أول ماتطلع عليها الشمس انعكست بعيني و صحيت! " و عرفنا ان عمار مو ابو صلعه و عنده شعر يمكن يطلع شعره اذا تزوج 😂 .. ام صبا ضحكت من كلامها ما توقعت شخصيتها كذا .. لان مره تكلمت عن شكل صبا بنقد و ما حبيت كلامها .. صبا خفيفة دم يا حلوها روحها ايجابيه ♥️😂 " تحده الأيام أن يضع يده .. بيد من يشابهه .. لقد وجد والده صورةً مرعبةً منه .. في هذا الشريك الجديد .." نقول بما ان ابو علي نسخه من ذاك يمكن حتى عياله نفس عيال ذاك طيبين .. " لذا قاطعهما قالباً الحديث عليه .. حين عاطفته .. و إهتمامه .. سبقا تفكيره .. ليفاجأهما بإعلانه .. : لنا الشرف يا أبوعلي...ولو عطيتنا قربك ما نعافه " " و هكذا سيصبح بعد أسبوع زوجاً رغماً عنه .. لفتاة لا بد أنها تنشغل هذه اللحظة بعالمٍ بعيد .. عن مستقبلها الذي خطه والدها معه !! " تضحية عمار عشان اخته غزلان كبرته في عيني و نعم الاخ 🥺.. عمار شخصيته جميله و يضحي و يعطي ما يستطيع عشان الناس اللي يحبهم او يشوف انهم يحتاجونه ، قلبه طيب هالولد الله يرزقه بالزوجه الطيبه .. و توقعاتي لزوجة عمار بنت ابو علي الكبيره انها شخصيه مُتزنه و جميله .. هل بتمر الملكه على خير و الكل راضي و مبسوط ؟ لا ما اتوقع و متحمسه للثنائي الجديد القادم .. " سماح " " اعترفت إحداهن بصدق .. : أستاذة الصراحة ما فهمت أنا اذا شفت المطرعقلي على طول ياخذ اجازة " ما شاء الله تجرأت تتكلم و المعلمه سماح 😂 .. ما الومك بس الشكوى لله ادعي ان المطر ما يوقف حتى تخلص الحصه و تطلعون 🌧️ .. اغاني ابدعتِ بوصفك للمطر و لما خيم الظلام على الفصل و جو الحصه حسيت اني جالسه بأحد الكراسي بالفصل من كثر ما تخيلت الموقف بكتابتك المُبهره و احب لما تنتبهين لادق التفاصيل اللي تخلينا ننسجم مع الروايه ما شاء الله عليك ♥️ " لتؤكد لها هازئة ببرود .. : والله ماودي أصدمك يا مي بس عقلك كل الحصص آخذ إجازة...مطر أو من غير مطر " هههههههههه جانب جديد من سماح حلوه بس رحمت مي زود على انها ما طلعت بالمطر قالت لها سماح كذا و اكيد تفشلت ، الله يهديها استاذه سماح ما احد يعرف يتكلم معها بصراحه 😂🏃🏻♀️ " حينما أنهت حصتها أخيراً .. خرجت متيقنة من سباب الطالبات الذي انهال خلف ظهرها .. و لم تكن لتهتم .." استاذه سماح نصيحه صغيرونه : الطالبات بيجي يوم يتخرجون من المدرسه و ينتهي دورك في تدريسهم لكن الذكرى تبقى لسنوات طويله و ممكن مدى الحياه ، حلوو ان الاستاذه تترك ذكرى طيبه في نفوس طالباتها ممكن حتى انهم يحبون الماده عشانها و لحسن اخلاقها و تعاملها معهن و اذا تذكروها دعوا لها و ايش احلى من دعوات طيبه في ظهر الغيب ؟ " : زرع هم زرع! عشان يفرحون بالمطر علقت بحذر .. لتسألها بوجل .. : ليه ما تحبين الأجواء الحلوة؟ ردت و هي تمدد يديها بكسل .. : حلاة النوم بس بهالجو ! " صفه مشتركه بينهم ، المعلمه هذي متأكده لها دور و بتصير قريبة من سماح بس متى ؟ و كيف ؟ ووين ؟ .. ما ادري بالضبط بس ممكن المعلمه تساعد سماح و تطلعها من مشكله مع احد الطالبات و تبدأ تستلطفها سماح بإذن الله و صديقة تخصص بعد ! شكلها زوجة عمار حلوو بعد حتى تخصصها رياضيات يعني اذا سوت له العصير اللي يحبه تضبط المقادير بالملي 😂 .. و عمار يحس ان هذا الذ عصير ذاقه بحياته لانه من زوجته الحلوه > شطحة بدون اي تلميح انها فعلاً بنت ابو علي بس مو مشكله اهم شيء نضحك 😂 " يُمنى و رتيل و رياض " " وجدت لها عزاءً بسيطاً جداً بفرحتها .. و لهفتها .. و هي أخيراً تتعرف على جدها .. جدتها .. و عمها .." الحمد لله كنت افكر بالطفله وتين لان مالها ذنب و انبسطت لما قرأت هالاقتباس ♥️🥺.. رياض و يُمنى للان ما اقدر اتكلم عنهم بشكل مُفصل لان حياتهم في الماضي غامضه .. " بنت راضي كلها خير تربي بنتك و بناته " هذا كلام ابو رياض عن يُمنى ، طيب ايش تفسير مشاعر رياض ليُمنى ؟ يكرهها او موجوع منها فقط او بسبب كبريائه و كرامته ؟هل رياض طلقها ؟ ام يُمنى طلبت الطلاق ؟ " تكدست الكلمات كحجارة قاسية في حلقه .. يخشى عليها من هذا الوجع .. و كم يخشى أكثر من وجع أكبر حين تعرف السبب .. يخشى أن يرى اللوم الذي دفع من عمره الكثير كي يمحوه من عينيها .. يعود يبرق دمعاً يقتص لها من قلبه الظالم .. " رياض اخطأ بحق رتيل ، ممكن كان احد الاسباب اللي حرمتها من ابوها لذلك كان يهتم لها و يرعاها عشان ما يشوف نظرة اللوم بعيونها و ممكن حرم نفسه من بنته لانه حرم رتيل من ابوها .. عشان كذا يشوف ان قلبه ظالم ؟ " عزام و امه و ميس " ما توقعت ان هذي حياة امه وقصتها مع ابوه قصه مختلفه ، وصفك لجولة عزام يجنن استمتعت وانا اقرأ و اتخيل .. ميس شخصيه جديده بالروايه ، لطيفه احسها بتكون زوجة عزام لايقين على بعض مثل ما قالت امه 👀 " حتى وصل خاله .. و والدته .. ليرتاح أخيراً من شعور الذنب الذي يملأه وهو يصد .. كل تلك المشاعر الرقيقة التي يلمحها بحديثها .. و تصرفاتها معه .." هذا سبب تعامله معها شعوره بالذنب لانه يصد مشاعرها الواضحه له و اللي تحاول تخفيها .. ام عزام شكلها غيرانه من عمة ولدها اللي بتسكن ببيته و جده اللولو اللي بتخطب له 😂 .. عندها كبرياء عالي ، شخصيه عمليه ، غير عاطفيه ، كتومه ، غامضه ، مكتفيه بنفسها و عملها ، هذا انطباعي عن شخصيتها حاليًا. " لم يرد .. صمت منهياً النقاش .. وهو يبتسم برضا .. سعيد بكل غباء لغيرتها عليه .." رحمت عزام هذي مشاعره لان امه تدخلت بحياته لاول مره حسيت انه طفل فاقد للحنان الله يعوضه 🥺 " مروان و رتيل " خوف رتيل و شتاتها يحزن و الكل خايف انها تعرف سبب تعب الجد حماد 🥺 .. اذا المشكله بين " ذاك " و رياض و ابو يُمنى وابو رتيل .. ايش علاقة رتيل و يُمنى فيها ؟ هل بس ان المشكله كانت بين ابائهم ! .. ما اتوقع يمكن فيه مشكلتين حصلت بنفس الوقت .. " .. تلوم نفسها و الكل على رحيله .." ، " ترمي بأعماقها .. سراً لم تبوح به .. و لن تبوح أبداً .." ايش معنى تفكير رتيل هذا ؟! .. وايش هو السر اللي ما تبغى تبوح فيه ؟ هل كانت احد الاسباب بالمشكله بجهل منها ؟ و أخذت ابوها لمكان وقوع الحادثه بدون ما تعرف وش بيصير ؟اتوقع ان رياض و رتيل و ابو رتيل تواجدوا بالمكان في الوقت الخاطئ .. و ممكن ان المكان كان بيت رياض لانه ما يدخله إلا لقسم معين .. او شركته .. او شركة " ذاك " . " روحي طلعي كل اللي في قلبك لربك..قومي صلي يارتيل و استودعيه الله سبحانه..و خلي ظنك بالله كبير..جلستك كذا ما تفيده بشيء..أدعيله و طمني قلبك " هذي النصيحه الصحيحه اللي تحتاجها .. و الله يشفي جميع مرضى المسلمين ♥️ كان فصل جميل ، ممتع ، رائع .. حبيت التنوع بالشخصيات ، الاماكن ، الاعمال ، الاحداث .. الروايه و كاتبتها في اروقة قلبي 🥺 .. حبيت هذا المكان المليئ بالمشاعر الدافئه و الألفه ، الله لا يحرمنا من هالاجتماع الطيب و بأنتظارك اغاني المتألقه بكل حُب و حماس ♥️ " سبحان الله وبحمده سبحان الله العظيم " | ||||
06-03-22, 06:37 AM | #1008 | ||||||
| صبحكم الله بالخير يا وجيه الخير 🍃❤ يسعد صباحك jojo ،، 🌺 ما شاءالله تبارك الله،، تعليق جميل جميل جميل جداً،، 👍🏼 أعجبني دقة ملاحظاتك على بعض الأمور ،، تبارك الرحمن . خاصة هالجزئية ،، " تلوم نفسها و الكل على رحيله . ترمي بأعماقها،سراً لم تبوح به . و لن تبوح أبداً .." عجيب ! 🤔 شنو السّر اللي مخفيته رتيل وما علمته أحد؟ هل تكون شاهدة على شيء ،، أو سمعت شي خاص ؟ وممكن لو تكلمت ،، تفادوا وقوع الجريمة !! تفاصيل القضية شغلت بالنا،، قمنا نضرب أخماس بأسداس ونهذي فيها ! 😅 ريحينا يا أغاني وعلمينا،، الله يريّح بالك 🤲🏼 | ||||||
06-03-22, 07:25 AM | #1009 | |||||
| اقتباس:
صبحك الله بالنور و السرور هلا ابها البهيه 🌸 الله يسعدك من ذوقك ♥️ تساؤلات منطقيه ، احس ان له علاقه بالقضيه .. و بعد جاء ببالي ممكن السر انها تحب مروان ! لان حتى في لحظات ضعفها ما انهارت إلا بوجوده .. الاقتباس جبته من ذكريات مروان و رتيل بالفصل السابق .. صادقه كل شوي نفكر و نتوقع و نشطح و نحلل بالقضيه ♥️😂 | |||||
06-03-22, 09:53 AM | #1010 | |||||
عضو موقوف
| اقتباس:
صباحك اسعد ابها ❤❤ اي والله ابدعت جوجو وامتعتنا وحنا نقرأ التعليق الرائع المبهر ماشاء الله ❤ امم تساؤل جميل من جوجو ومنك 👀 ممكن مثل ماقالت جوجو انها ودته لمكان الجريمه ، او ممكن تلوم نفسها انها وصلت متاخر وما انقذته لانها الى الان تتذكر الدماء البارده مما يعني انها تاخرت ف الوصول له السّر يمكن شي يتعلق بمشاعرها 👀 علشان كذا ماراح تبوحه لاحد ممكن ف المستقبل تقدر ✔❤ | |||||
أدوات الموضوع | |
انواع عرض الموضوع | |
|
|