26-02-22, 02:18 PM | #271 | ||||||
| اقتباس:
اقتباس:
الله يكبر قدرك زينه انتي والبنات … والله كل وحده هنا تشارك وتحترم تعب الكاتبه … تستاهل نجوم … والطيب حبيبتي منكم وفيكم … | ||||||
26-02-22, 04:44 PM | #272 | ||||
| السلام عليكم ورحمه الله وبركاته مساكم الله بالخير جميعاً بسم الله عليك ماشاءالله " اغاني " ، فصول مُذهله وسرد لايوصف من جماله تبارك الله ، اما طريقه وصفك لأحوال واحاسيس الابطال فـ هي فوق الخيال .. الله يعطيك العافيه ولا يحرمنا من ابداعاتك 🤎 .. " المشهد الاول " رياض وغالـب .. فهمت الان ليش كان بابا حمّاد كان خايف على رياض وغالب ، ابن الاخ يمشي على خُطى عمه .. وعشان يتحرر غالب من سُلطه الاب المُجحفه قرر يستقل بعمله الخاص وكان رياض خير سند وخير شريك عمل .. بهالجزئيه اكتشفنا كذا شي ، رياض غضبّه حارق وياويل اللي حوله اذا عصّب ، فيه شريك ثالث كان معهم والواضح انه خانهم ، ابو غالب سبب مشكله رياض ويُمنى ، والهدف كان غالب وللأسف رياض كان متواجد بالوقت الغلط وتورط ودمرّ كل شي .. " ريـاض " يالله ياكميه الالم والحزن والوجع .. كتمـان يخنق لابارك الله في اللي كان السبب .. توضح لنا ان " وتين " معروفه للجميع بس ماعرفنا هل يعرفونها شكلاً وهي تعرفهم ولا بس بينهم مكالمات واخبار للصله والمحروم الوحيد من كل شي هو رياض .. اعتقد والله اعلم ان شكوك مهاوي الجميله بتصير واقع ورياض جايب العيد 🥺😢 ، يالله لو يكون جد شكّكّ بنسب بنته بسبب خدعه قذره للأن هو يتحمل نتايجها .. " سماح " من الخارج يشوفونها الناس مُعقده نفسيه ، بس انا اشوفها انسانه جالسه تحمي نفسها .. تخاف تتعلق بأحد وتقوّي علاقتها فيه ويفارقها وتنهار .. اعتقد علاقتها بأخوها كانت قويه جداً ، وتفاجئت بخبر موته وفراقه الابدي ، ومدري ليش عندي احساس انها للأن ماطلّعت الوجع اللي بقلبها على فراقه وجالسه تكبت وتكبت الى ان تصل للحظه بتنهار فيها انهيار قوي 😫💔 .. موقفها مع الطالبه الدلوعه ، هل فعلاً راح يوصل للشرطه ووقتها يتدخل ليث بطلب من امها وتاكله سماح بقشوره !! الله يكون بعونه لو صارت جد لان سماح وقتها بتخرّج الحرّه فيه 🤣 .. المعلمه اللطيفه وسماح ، ربما تكون بدايه لصُحبه صالحه تُخرج سماح من حاله الجمود اللي تعيشها .. هل ممكن تكون هالمعلمه اللطيفه وحده من حفيدات بابا حمّاد !! جات ببالي دانيه بس قلت ممكن هي مو موظفه .. " يُمنى " عملياً هي ناجحه وبشدّه ، اما حياتها الشخصيه كانت عباره عن خذلان وصدمات .. للأن طبعاً ما اتضّح سبب مشكلتها مع رياض ولكن للأسف للان مو قادره تستوعب كيف قدرت تحرم بنتها من انه يكون لها عائله واب واهل .. لنفترض انها بتعاقب رياض وهي فعلاً ماقصرّت عرفت تقتّص منه بس ليش مافكرت ببنتها !! بكرا لو كبرت البنت واكتشفت ان لها اب ، وكان انفصال يمنى ورياض شكّه بكونها بنته هل بتقدر يُمنى تصرّح بالسبب الحقيقي لبنتها ؟ ياربي انا بس اتخيل تسويها يضرب راسي صداع " بابا حمّاد وماما لولو " ياحلو الجدّان وياحلو جلستهم 🥺 ، حبيت الوصف وتخيلته كأني بوسطهم .. الحمدلله بابا حمّاد مستوعب ان سبب مشاكل دانيه كانت بسببها هي وغالب ماله يدّ فيها الا انه واقعي مايهتم بالحب بينما دانيه عاطفيه حالمه .. " إيه هي ما هي جايته بالقوة! بس مثل مالها سنين موقفتكم على روس أصابعكم بدلعها بتوقفه هو بعد " سبحان الله وكأن ماما لولو تنبأت بنهايه قصتّهم 😂 ، وهذا اللي اظّنه بيصير .. الله يكون بعونك ياغالب " رتيل تقواه " اممممم ماما لولو خلينا حبايب وحلوين مع بعض لوسمحتي ، رتيل لعمّار وعمّار لرتيل ومافي مجال للنقاش ابداً .. دخول صِبا وديمه ناري عذب جداً .. صبا بصخبها وروحها الجميله وديمه بحنانها ولطافتها ، حبييت حبّهم لرتيل 🥺😫 ، ديمه اللي كانت بتودّع جوالها يوم العيد بسبب تصويرها لعزام ، استغنت عنه في سبيل تكون رتيل بقربها دائماً .. " عمّار " مُبدعه " اغاني " في وصف الاختناق اللي يعيش فيه عمار ، جد دائماً اذا طلع لنا بالفصول احسّه مخنوق 🥺 .. " في الأزمة الأولى .. و إن اغتصب والده النصر فيها غدراً .. لكن كانت الخسائر هائلة .. موجعة .. لمن حوله .. " شكلها هالازمه والله اعلم سبب بدايه المشاكل ، ممكن كانت مع زوج اخته واللي يصير عمّ يُمنى .. وممكن هالازمه بالذات كانت دافع لغالب ورياض بتأسيس عملهم الخاص .. " سيراهن حتى بحياتهم .. و إستقرارهم .. كما يرغب .. كما يسير به تيار الطموح .. " للأسف ان كل اللي يسوّيه ابو غالب لا يمّت للطموح بصله ، الا طمع وجشع وهوس مرضي للانتصار دائماً وابداً حتى لو فيه اشخاص تضرروا مايهمه اهم شي يفوز .. عمّار البارد والكوتش عمّار ، شخصيتين بشخص واحد ، مابين اختناق عمّار وبروده ومعالجته لاخطاء والده والبحث عن حلول في شركتهم ، وبين الكوتش عمّار النابض بالحياه ، يصارخ ويدّرب ويسوي شي يحبّه ينّفس فيه عن الضغوطات اللي يمر فيها .. انا كـ قارئه ودّي اخليه دوم بالمكان اللي يحبّه ، كيف امّه عطاها قلبها تقول انه يضيع وقته بالنادي !! هي ماعندها عيون تشوف حال عيالها المتدهور ولا اغرتها الفلوس والمكانه الفارغه اللي هم فيها ؟ .. الله يكون بعون عيالها وبالاخص غزلان وعمار 🥺 .. " رتيل " بعد ماكانت حمامه السلام ، احب اضيف لها لقب الجندي المجهول ، لها بصمه في حياه الجميع واولها دراسه مروان ، والله ياهي مدلّعته دلع معاملته كأخ لها بس هو نظرته لها كيف !! الله اعلم .. بحنانها واحتوائها اشوفها تليق مع عمّار جداً 🥺 .. " مروان " ملح الروايه كل ابوها ، خفّه دمه تهبل ، روحه جميله وجلسته خفيفه عالقلب .. جلسته مع شيبان الحاره شي فضيع 😂😂😂😫 ، خصوصاً ابو محمد والرقم السري 🏃🏻♀🤭 .. اتمنى مانفقد روح مروان المرحه الجميله بسبب مشاعر يحملها لرتيل 🥺💔 .. لي رجاء صغير اغاني ، اذا تقدرين تحطين لنا اعمار الابطال تقريباً او توضحينها بالفصول بين الكلام ، لاني للحين مبتلشه برتيل ومروان .. مره اقول هي اكبر ومره اقول شكل مابينهم فرق بالعمر كونه يرسب .. " عائلة ابو فارس " لاحظت اننا للحين مانعرف اسم ابوهم ، او ممكن انذكر وانا ماركزت ما اعرف ، المهم .. عائله مثاليه تمتلك كل بوادر العائله السعيده .. حنّيه الاب وقلبه الكبير واهتمامه بأولاده حتى بدراستهم ، شقاوه مزن وفارس ، وحلاوه سحاب ووتين 🥺 ، وصرامه الام ويُمنى .. كل شخص فيهم يكمل وجود الثاني ، عاد اكثر من اكل قلبي هي سحاب 😫 ، يالله قد ايش لايق لها تكون رياض اطفال .. " حاتم " اتضح لنا جزء صغير من حياته مع طليقته ، وللأمانه اشوف ان ماعليها حسافه ابداً .. انسانه انانيه ماتفكر الا بنفسها ، ولا بالله في ام يعطيها قلبها تفرط ببناتها لأسباب تافهه !! اشوف سحاب تليق فيه جداً وبتكون خير ام واخت لبناته بس هل بيوافق هو يطلب يد وحده اصغر منه بفرق كبير !! ردّه على سؤال ليث كان واقعي جداً ومن تجربه مرّ فيها ، صحيح والله يعرفونا او مايعرفونا بيشوفون اللي يبغون يشوفونه ويتجاهلون الباقي .. " ليث " طبيب بالنهار وشيف بالليل ، سهرته اخر الليل مع حاتم ومروان ، كان ملحها كالعاده مروان وتعليقاته 😂 ، تشريحه للدجاجه وانتصار العادات الطبيّه والحرص اللي يحسّ فيه بداخل العمليات ، والليمونه اللي خلّاها ورده وطلع الشيف اللي بداخله 😂💔 متعدد المواهب والمِهن الله يحفظه .. " لتعود تغزو أفكاره مهما يبعدها عنه .. و مازالت تلك الكلمة منها .. عالقة في ذهنه .. (هذا) " بسم الله على قلبه حارقته كلمه سماح له 🏃🏻♀🤣 ، وسؤاله لهم عن انطباعهم اذا شافوه والله انك شيخ الرجال بس سماح عمياء ماتشوف 🥺🤎🤎 .. " دانيه وغالـب " واخيراً تغلغلت دانيه بداخل غالب وانتصرت ، اما غالب ينطبق عليه المثل اللي يقول " لافات الفوت ماينفع الصوت " استسلم للحب بالوقت اللي دانيه قررت فيه تتجاهل حبّه لها .. " عزام " هالادمي ذوقه ولا غلطه ، وصفّك لبيته يفتح النفس ماشاءالله ، من لون الارضيات الى توزيع الاضاءات الى البراويز والصور واخيراً ركن القهوه ، ياربيي عالجمال ماشاءالله تبارك الله .. "ما ظنيت وحده تقواه...أخاف بدال ما تمسكه لنا..تطير هي معه..مثل ما طارت أمه الله يسامحها بأبوه الله يغفر له و يرحمه" وطلعت امّه حيّه مثل ماكنت متوقعه ، ليش مافي تواصل له مع امه !! او ممكن فيه تواصل بس قليل جداً .. وليش الجد حماد قال الله يسامحها ؟ ايش اللي مسويته هالام الغريبه .. ختاماً الله يسلم يدّك اغاني ويعطيك العافيه .. بإنتظار القادم بكل شوق دمتم بخير وسعاده .. | ||||
26-02-22, 04:59 PM | #273 | |||||||
| اقتباس:
ماشاءالله مُبارك نجمه المساء ، تستاهلينها وعقبال النجوم الباقيه .. اقتباس:
وعليكم السلام ورحمه الله وبركاته يامساء الخيرات والمسرات ، هلا والله وميّه هلا ، انا اقول صفحات الاروقه زايد نورها 🥺🤎🤎 .. اقتباس:
والله يا ابها ماودّي اظلم المواد بس شكلها والله اعلم رياضيات ، درستني مره استاذه رياضيات اخلاقها بخشمها 😂💔 .. طبعاً واكيد مو الكل نفس بعض وفيه معلمات الله يجزاهم الجنه على اخلاصهم 🥺 .. بس احساس بداخلي يقول سماح تخصصها رياضيات | |||||||
26-02-22, 08:18 PM | #274 | |||||
عضو موقوف
| اقتباس:
برضو انا معك ، احس تخصصها من المواد العلمية 🌚😂. وطرى في بالي ممكن يكون فنية ! بس بعدين كنسلت أستاذات الفنية رايقات وسموحه ابعد ما تكون رايقه باقي بس الذبان تهاوشه 😭😭😂. هي ما تحتاج لأحد ودايم تقوم بشغلها بنفسها بدون مساعدة .. ممكن المادة خفيفة مش ثقيل نصاب حصصها فيه يعني مواد علمية والله اعلم 🌚🏃🏻♀. | |||||
26-02-22, 08:47 PM | #275 | |||||
| اقتباس:
لا لا مره ما احس فنّيه ، دايم مدرسات الفنّي لهم لمسات وحسّ فني عالي .. سماح العروسه اللي بسيارتها مكتوب عليها " طزّ " لاتمت للفني والحس الفني بصله 😂😂🏃🏻♀ .. احسّ رياضيات او من المواد العلميه مثل ماقلتي وقالت ابها .. | |||||
26-02-22, 09:05 PM | #276 | |||||||
| اقتباس:
أنا مثلكم ،، مادري ليش فكرت إنها معلمة أحد التخصصات العلمية 😄 الله يسامحهم،، تاريخي معاهم مش ولابد ،،😂 لا يطرى في بالك يا ميم تربية فنية 🎨👩🏻🎨،، راح تزعل أغاني عليك 😉 | |||||||
26-02-22, 09:10 PM | #278 | |||||
| اقتباس:
هم كذا الله يهديهم موادهم دسمه ونصابهم بالحصص كثير ، مالهم خلق ودايم معصبين ومستعجلين بيخلصون المناهج قبل تداهمهم الاختبارات 😂😂💔 | |||||
أدوات الموضوع | |
انواع عرض الموضوع | |
|
|