25-05-22, 04:15 AM
| #13 | ||||
 
|  بارت 4 الجزء الاول خالد وهو مشتغل يتذكر الي صار معاه امس وهو عند فهد وش هالشي الي كانو يتكلمون انا متاكد سمعت اسم خالد لكني ما فهمت تنهدت بضيق كل شي حوله يخنقه امس قام يغسل بعد ما خلص عشا وهو جالس يغسل كان في غرفة جنب الحمامات والمغسلة قريب من الباب يعني ينسمع الكلام فهد: انتي مجنونة تبين تشوفينه جمانه ودموعها برموش عيونها: اترجاك يا فهد علشاني ابي اشوفه فهد مصدوم: شوي وتقولين ابي احظنه واشمه جمانه بانهيار: ياليت والله ترا قلبي ما يتحمل والله خلاص كفاية جفاء فهد تنهد بضيق: يا مرة خالد اكيد بيحس صعبه والله افهميني جمانه تعبت يا فهد ضميري يأنبني والله مو قادر انام جا بدر وهو يتكلم بصوت شوي عالي: خالد وش فيك للحين هنا فهد وجمانه تصنمو معقول سمعهم خالد بقلبه مو وقتك ابي اعرف وش سالفتي ليه يتكلمون وجابو اسميx ما فهمت الكلام خالد بابتسامة: دخلت الحمام (اكرمكم الله) علشان كذا تاخرت بدربابتسامة: امش نلعب بليستيشن خالد بتعذر: والله تعبان ابي اروح البيتx اريح شوي جا فهد بعد ما سمع ان خالد يبي يمشي فهد بترجي :ليه يابوك تبي تمشي خليك خالد بابتسامة: والله تعبان غير مرة انشا الله فهد : نهاية الاسبوع بنطلع نزهة تراك بتجي خالد: لا يعمي انت والاهل وش يحشرني بينكم فهد بزعل: افا وانا اقول انك مثل بدر وانت مانت حاسب نفسك من عندنا خالد باحراج: ولو يعمي الشرف لي لكن .... قاطعه فهد: لا لكن ولا شي بتجي يعني بتجي رجع للواقع وتنهيدة كبيرة خرجت منه: اه بس من وين ما اجي للدنيا تكفخ فيني من جهة ابوي كلامه جرحني حتى وان كان اخوي ليه مافي حد مهتم لامري طول عمره رامينا هنا ويوم قرر يجي عندي صار باخوي كذا صرت غالي ووصاني باخوي ربي يشهد بلعكس غصب عني اتحمل اخوي لكن ليه مافي حد فكر فيني حتى امي ما فكرت فيني يوم تركتني وراحت نزلت دموعه بقوة: ليه يايمة تركتيني روح يتيمة مافي حد ماكل همي كلن حامل هم نفسه وهم اللي حوله كل ما دورت حولي ابي اشوف شخص حامل همي مافي جرت دموعه حارة وشهقات متتالية دفن وجهه بالمخدة وبدأ بالبكاء تحمل يا ولدي تراك ماشفت شي ضباع وبيتكاتفون فوقك ولا تدري تراهم ضباع بروح ملاك كلن شيطاني بداخله وخارجه براءة وعفة واخلاق ————————————————� �——————— رجعت ام ندى وبدأت بالبحث عن غلاها ام ندى وهي تصيح بوجع ودموعها مغرقتها: وينك يا غلاي وينك وينك باعتذر لك على غلطي كيف نسيتك غلاااااا وينك تراكض وكانها مجنونة كروح تائهة تبحث عن الامان غلااااا تعالي انا جيت تذكرتك بعد ما نسيتك جعل ربي اخذني يوم نسيتك غلاااا جا ابو ندى وحاول يلزمها قبل توقع عليهم ام ندى ناظرته بقرف: وخر عني وخرررر ابو ندى فضل الصمت ام ندى كملت: غلااااا ...غلاي تعالي يبعد امك ماهي الا ثواني خارت قواها ركض لعندها ابو ندى وشالها بسرعه حاول يصحيها لكن مافي عجز كانت تهذر: غغغغ..غلاااااا .....غلاااا....ي......بدأت تبكي وتقول: ايوه.....ايووو....ه انا تركتك .....نسيتك يا بعد امك حط يده على جبينها حرارتها كانت مثل النار شالها بسرعه وتوجه للبيت بسرعه وشغل المدفأة لها جات ندى وجلست عند رجولها تبكي ضميره يصيح يكفي تكابر خلاص بنتك بنتك منت جايبها من الشارع بنتك الي كنت منتظرها ليه الحين نبذتها لا تكابر تراك خليت روحها روح يتيمة حرام عليك يكفي جفا خليها تحس مرة وحدة انك ابوها صوت ثاني بداخله تبي تعترف فيها علشان يقولون ابو القزمة ابو الاقزام السبعه الصوت الاول لي مت او هي ماتت اعترف بذنبك وصيح يا حيف ويا ندم خسرت بنتي الصوت الثاني اصلا انت معترف فيها لا تنكر بس لا تعترف فيها بالخارج بتروح فيها احتار وش يسوي ام ندى الزمت يدها بقوة: مرة وحدة حسسها انك ابوها وروح دورها مرة وحدة دموع ام ندى كانت تنزل بغزارة ————————————————� �——————————————— جالسين بالصالة بعد ما مشو ابو راكان واهله كانو مجتمعين سارة وهي تستفز جدتها بكلامها :ابوي كان عندك عمي في حد طلب يد جدتي وغمزة لجدتها ابو سارة ابتسم لسارة وسكت ام جاسم (الجدة )وهي ترفع عصاها :عنبو ابليستس من بنت تبين تتزوجين جددتس يمال الوجع سارة مبتسمة وتحاول تستفزها: وش فيها الله يعين جدي عليك كيف متحملك وانتي كل ما حد تكلم معاك رفعتي عصاك الا صدك يجدتي رفعتي عصاك على جدي الله يرحمه شيxx ؟ ام جاسم بعصبية: عنبوك من بنت ماحدن بيخلص من لسانتس وكص اسكتي قال ارفع عصاتي عليه ام جاسم وهي تطلق تنهيدة :الغالي الله يرحمه بحياته ما اوجعني لا بكلام ولا بتصرف الله يرحمه سارة ابتسمت: اكول حدتي تزوجي يمكن تنسينه ام جاسم بحالميه: تبين انسي من سكن روحي وتعشعش فيها حتى وهو بقبره انسى اللي ما يوم كسرني ولا جرحني ودايم يطيب خاطري من ما كان اذا حاول جرحي وقف بوجهه قال هذي ام جاسم ما اسمح لحدن يتعبها ولا ينزل دمعها سارة: الله يرحمه. فديت جدي لو للحين عايش كان زوجته ام جاسم بغضب: امعصي تبين تزوجينه الا اوريك نجوم الظهر سارة بغمزة: تغارين يام جاسم ام جاسم بتنهيدة: بكرا تتزوجين وتعرفين مو كل الرجال نفس جدك جدك الوحيد الي يستاهل من يغار عليه سارة سكتت ابوها واخوانها موجودين ما تقدر تتكلم بتروح وطي وقتها نظرات ابوها ما تطمن الله يستر وش مهبب عمي يارب سترك ناظرت بندر كان يناظر فيها بقهر يمه ايش مسوية تذكرت كل شي مخبيته مافي شي يستاهل نظراته بكرا يذوب الثلج ويبان المرج يارب ايش فيهم جاسم ابو سارة: احمممم بندر تعال المكتب سارة نطت: يبة محتاج اساعدك بشي جاسم بابتسامة غامضة: لا يبنيتي مافي شي سارة ابتسمت مجاملة وهي تفرك يدينها ايش فييييييي بموت فضول ام سارة بتسائل :سارة اجلسي وش فيك واقفة كذا سارة بارتباك: لا ....ولا شي بس كنت افكر اسوي قهوة او شاي اذا بقت واقفة كذا من دون سبب بتجيب شكوك لها استغفرت ربها بداخلها ناظرت امها الي جاوبتها: سوي لنا قهوة جدتك تحبها الحين ومن يدك ام جاسم تفكر بابو جاسم وبحنين لايامه ما شافت وجه ولدها الي باين وراه شي راحت سارة تسوي قهوة واقفة تنتظر القهوة وهي تفكر ابوي نظراته ما تطمن نظرات بندر يمةةةةة والله الا شوي اسويها على حالي نادت زوجة بندر: سهاد ....سهاد تعالي سهاد جات عندها تمشي بثقل مع الحمل يادوب تمشي: هلا سارونة سارة بطولة بال: يا ليل ابو لمبة بعد سنة بتوصلين سهاد ضربتها على كتفها بانزعاج :بدل لا تساعديني وتجين علي قولي زوجة اخوي بتجيب لنا امير يزين بيتنا سارة بضحكة: وش زينه بيتنا انا فيه. ههههههه سهاد وهي تحط يدها على بطنها وتتحسس بطنها وبرفعة حاجب: بكرا بتشوفين حبيبي ولدي كيف بيغطي علي وعليك سارة تغيضها: غطى عليك يوم سواك دب قطبي ههههههه سهاد بانزعاج: جب جب اليوم بسير ادعي عليك بصلاتي سارة باستهزاء: دخيلك ارضي باروح فيها الحين خليك من ..... سهاد بضيق قطعت كلامها: ريحةx غاز قوية سارة ضربت جبينها وكارت تطفي الطباخ نست القهوة انكبت على الطباخ وبدا يطلع ريحة غاز لان النار طفت سهاد حطت حجابها على خشمها: افتحي الشباك لساني ما دعيت عليك بس فكرت كنتي بتروحين نفسك وتروحينا سارة بطفش: اففففف استغفر الله ياربي جلست على الكرسي بتعب جات سهاد جنبها وحطت يدها على يد سارة وشدت عليها تطمنها: وش فيك يا قلبي سارة بضيق: نظرات ابوي وبندر مضيقة خلقي مخوفتني نظرات بندر هزتني كاني مسوية شي سارة لانها وحيدة لاهلها مدلله الجميع اكيد بتكون حساسة حظنت سهاد بقوة وشدت بحظنها: يا سهاد والله ما سويت شي ليه يا ناظروني كذا وبدأت تبكي تفاجأت بصوت جا من خلفهم: ما عاش من يزعل سارة وانا عايش افا بس تبكين وبسبب مين بسبب نظراتي جعلني العمى يوخيتي ناظرته وشفايفها نازله لتحت بطفولية ودموعها نازلة: وش مسوية ياخوي ليه تناظرني كذا ابتسم بوجع مو قادر يرد اكتفى فتح يدينه لها بمعنى ارتمي بحظني جات بسرعه عنده وحظنته بقوة وهي تبكي بندر بوجع: ليه تبكين يا بعد اخوك سارة بضيق: ما ادري ماني مرتاحة احس اني تعبانه بندر وهو يطمنها: الله يطمن قلبك تبين نطلع برا نغير جو سارة محتاجة كثير هزت راسها بايه حس بهزتها مسح على شعرها سهاد بغيرة: كفاية احضان على ما اعتقد خلو لي شوي سارة من بين دموعها ضحكت: تغارين يا سويهد سهاد بغيرة باينه: اي واله ليه ما اغار بندر برومانسية : فديت الي يغارون علي سارة بانزعاج: يا مال الوجع انا هنا وتراني مو متزوجة ارحمو بحالي سنكل بندر حب يغير جوها: اقول سهادي ايش رايك نكنسل على سوير ونروح انا وانتي بس وغمز لها سهاد وهي تتدلع: حبيبي مثل ما تبي وانا ما ابي عذال بيننا سارة اشرت عليها: مالت افشل ثنين بالغزل بروح غرفتي وانتو كملو غزلكم الخايس سهاد صغرة عيونها: قولي انك تغارين مافي حد يتغزل فيك سارة: يا ليت بس مافي شي يخليني اغار يا حظي وحدة كنها بطريق وزوجها يمثل عليها ويتغزل فيها بندر: لاااا الا سهادي ما تتكلمي عنها كذا هذي الغالية وبعدين يالبطريق تتكلمين عن زوجتي كذا ما كان توك حاضنتها شوي وبتطيحين ولدي سارة كشت عليه: مالت عليك وعلى زوجتك وعلى ولدك بروح اشوف لي فلم مسلسل احسن لي من مقابلكم بندر بزعل: افا تغلطين على حرم بندر سهاد بتعب: يكفي كلام امشو نطلع تعبتوني سارة تهمس لاخوها: الله يعينك عليها دومها تعبانه سهاد بعصبية دمت عليها علبه الموية وضربت بجبهتها سارة بوجع: ليه يا حرمة اخوي كذا انتي قاسية وش تكلمت انا سهاد بعصبية :لك عين تتكلمين يا مال الوجع وبزعل كملت: كذا تتكلمين عني زعلت بندر مكيف على هواشهم وردة فعل سهاد بس ما يبي يكسر بخاطرها: اقول يا سارة وش عليك بزوجتي كيفها ذي الملكة تتامر اي شي تبيه فورا يصير قالت نطلع يعني نطلع غمز لها بحب سهاد خجلت وناظرت الارض سارة كشت عليهم: مالت عليكم وعلى حظي الي مجلسني عندكم امشو نطلع طلعو وبندر فيه ضيقة من سالفة بيت عمه كاسرة خاطره سارة وحالتها بارت 4الجزء الثاني نايمة ودموعها على خدودها لم اكن سوى طفلة بريئة قتلتموني وعلمتموني الوجع على اصوله لم افعل شيئا دوما كنت اتمنى قربهم انا شخص احيا بوجودكم ليه تعلموني الجفا وش ذنبي وش مسوية اخطيت يوم فيني علة رب الكون خلقني كذا ماهو بيدي ليه تعايروني ليه تنبذوني ما ذنبي اني خلقت هكذا كان يدور عليها بعيونه ومعه كشاف ناظر شاف شي جوة شجرة قرب ووجه الكشاف على ذاك الشي افاقت بانزعاج من الكشاف الي على عيونها حطت يدها وهي تحاول ما يأثر على عيونها لحظات صامته وقاتله صوت بداخله اتركها هذي ماهي بنتك مو انت ما تبيها ليه تدور عليها هذي البنت ما راح تكبر بيبقى طوله مثل ماهو مافي حد بيطق بابك يبيها بتبقى على قلبك والكل يبي يعايرك صوت ثاني بداخله حرام عليك الدنيا برد وانت جالس تفكر. بكرا لا صار فيها شي وش بتحصل من الناس هذي بنتك وانت قلت لام ندى انك بتجيبها تنهد بضيق وحط يده على راسه: ياااارب استغفر ربه شالها من الارض وتوجه للبيت وهو في طريقه حس بعضة قوية برجله ما قدر يكمل نزل الارض وهو يتوجع ما كان يقدر يصرخ غلا فاقت وراحت تركض باتجاه البيت ما حس عليها يوم قامت كل تفكيره وش هالشي الي اصابه بعد دقايق شاف جيرانه يركض باتجاهة جا عنده ابو محمد :خير يا ابو ندى عسى ما شر ابو ندى بالم باين بوجهة: الشر ما يجيك ان شاء الله خير ابو محمد :قوم معي ابو ندى بالم :اسندني والله مو قادر ابو محمد بضيق: شكله ثعبان الله يستر امش بسرعه سنده ومشو باتجاه السيارة وعلى طول راحو المستشفى ام ندى بدت تنزل حرارتها ام محمد كانت عندها وتداري فيها وكل شوي ام ندى تسألها وين غلا ما كانت تقدر ترد تكتفي بالصمت قررت تقول لها اننا لقيناها عسى تقوم للحين مافي خبر حتى من ابوها ولا ابو محمد يارب سترك لا تروح فيها بهالظلمه والحشرات والحيوانات كثيرة بعد كم ساعه تأخرو مافي خبر عن احد وجوالي فالبيت ما جبته يارب وش اسوي الحين ام ندى نزلت حرارتها اشوى وش اقولها اذا اقعدت كانت تهلوس وقوة اقنعتها انها نايمة بالداخل طلع الصبح ام ندى فتحت عيونها شافت ام محمد جنبها استغربت ايش في طلعت برى شافت ندى نايمة ومكشفة شوي غطتها بسرعه بس وين ابو ندى استغربت ما حبت تقعد ام محمد جلست على الكنبه وبدأت تسترجع وش صار امس اخر شي لما ركبت السيارة ومشينه فيها وبعدين وش صار ايوة في شي صار بس وش هو قطع افكارها صوت الباب لبست جلالها وراحت جنب الباب منو؟ ابو محمد: السلام عليكم اختي ام ندى باستغراب: وعليكم السلام ابو محمد :معي ابو ندى بادخله يريح ام ندى فتحت الباب وهي مستغربه ليه يريح وش فيه دخلو وابو ندى ملفوفه رجوله بشاش ام ندى ضربت وجهها: وش فيه ابو ندى وش فيها رجوله ابو محمد يهدي فيها: استهدي بالله يا اختي ما فيه الا العافية الحمد لله تحسن ام ندى بتسائل: ليه وش فيه؟ ابو محمد تنهد: امس وهو يدور عن غلا وبعد ما جابها لدغه ثعبان الحمد لله انها جات وتكلمت قبل لا يصير فيه شي وتلاحقناه ام ندى تشوش عقلها ايش في غلا ويدور عنها شايلها ولدغه ثعبان :يا اخوي والله اني تشوشت وينها غلا ليه يدور عنها ابو محمد يذكرها: امس وانتو تروحون المدينة بنص دربكم تذكرتو ان غلا ماهي معكم ورجعتو تدورونها وانتي تخربطتي عليهم لان حرارتك كانت مرتفع ضربت نفسها بقوة: يا ويل حالي وين غلا ابو محمد يهديها: استهدي بالله وخلني اكمل لك بس خذي طريق ادخله داخل كان حاطيه بكرسي متحرك خذت طريق نزله سريره وهي تنتظره بالصاله على نار وهي تستعجل ام محمد علشان يكمل لها ابو محمد اللي صار صبرها نفذ جلس ابو محمد وهو منزل راسه تنهد: بعد ما تخربطتي راح ابو ندى يدور لغلا بعد دقايق جات عندي وخبرتني ان ابوها جالس يتوجع وكان قريب مرة رحت له وهي جات البيت شلته ووديته المستشفى عالجوه وهذا هو كدامك مافيه الا العافية ضربت نفسها بقوة يا خوي ماهي بالبيت وبدأت تبكي :غلطانه يوم اني نسيتها وبعد ما رجعت اخذها استسلمت لضعفي ونسيت بنتي وبعدها تفقدت الكل ونسيت بنتي وش انا من ام يارب وش انا من ام بدأت تبكي ابو محمد خرج يدور عليها هو متاكد انا جات باتجاه البيت ليه ما دخلت نسوك يا اميرتي وعاتبتهم وحاربتهم صدمتي بحالي اني نسيتك ما نسيتهم ويل قلبي عليك يوم كسرتك انا موب هم سامحيني ودليني وش اسوي كلاني ألهم #مملكة الصمت ياريت يا جماعه ياريت تكتبون رايكم طبعا اضطريت اغير بعض الاشياء لكن مو بهالبارت بالبارتات الجاية اتمنى تعجبكم صدقوني اتعب واني اكتب وجنت هواي متحمسة بالاخير محد يكتب هالشي يحبط مع ذلك كلت ميخالف لازم اكمل 😿😿💔 | ||||
|
|
29-05-22, 09:23 PM
| #14 | ||||
| البارت 5 الجزء الاول صرخت بقوة: انتو وش تتكلمون وش هالكلام امها ودموعها على خدها اربع اربع وتشاهق: يايمة ماسرني خبرك دليني وش بيدي سارة وهي منهارة وتبكي :يايمة ليه بعتوني ليه وش مسوية لكم وبرجاء:اذا علشان مصرفي والله اشتغل واصرف على حالي لا تبيعوني بندر وقلبه يتقطع حاول يبرر: والله مو بيدي والله لو علي ما اخليك الا اذا وافقتي سارة بخيبة: وهي تاشر على حالها وتضرب قلبها: انا انا اللي قلتو لي نحبك انا اللي قلتو ما نضيمك ناظرتهم بانكسار وبضعف: ليه تبيعوني ما ابي والله ما ابي انا وحيدتكم وين حبكم اللي قلتوه وين اللي قالو ما نضيمك ليت غيركم من كسرني ولا جات منكم وبدت تضرب حالها بقوة: اتركوووووني خلااااص جا عندها وبعد يدينها وهو يحظنها حاول يخفف بحظنه عليها ماهي الا ثواني طاحت مثل الورقة ووجهة تغير لونه ليتكم كذبتو علي وقلتو مانبيك ولا قلتو نبيك ووقت عازتي خذلتوني ليه يايمة ليه تتركوني ————————————————� �——————————————— جا عند اخوه خلاص يكفيني اللي فيني ليه احزن على ناس باعوني صرت روح يتيمة وكلهم لهم يد خطوة تتقدم وخطوة تتراجع هذا باب غرفة اخوه اخذ نفس عميق وزفره طق الباب كم طرقة وصله صوت ابوه :ادخل دخل وهو واثق من خطواته هيبة بمشيته لابس ثوبه وكانه رجال عمره بالثلاثين ابوه وقف يهلي ويرحب به وكان الارض مو سايعته :حي الله من جا حي الله ولدي خالد بقلبه ليه يابوي ما تسال ليه يوم اجيك تشيلني من الارض ويوم الف راسي تنساني ليييييه ابتسم خالد: الله يحييك ويبقيك يبه زوجةابوه بغل: ايش جابك يالورع ابتسم خالد بوجهها: هلا فيك خالتي كيفك زوجة ابوه وهي تناظر ابو خالد بقهر اشر بعيونه اطلعي وملامحة تدل على الغضب خذت جنطتها وطلعت بسرعه وهي معصبة ليه يجيب هالحيوان جنب ولدي ابو خالد ناظر بخالد وهو فرحان: تفضل تفضل اجلس خالد وهو يأشر على تيم: كيف وضعه ابو خالد بحزن: ماهو بخير يولدي حاله مايسر عدو ولا صديق خالد بمواساة: الله يشافيه الله قادر على كل شي كان صاحي يسمع الكلام ومغمض عيونه خالد كمل كلامه: يابوي تراني على عهدي تيم اخوي وان ماشلته ما اكون اخو ما يطيح وانا اخوه وان جا يوم وطاح بطيح قبله ابو خالد ناظر خالد بفخر: عز الله انك ولد امك ربتك واحسنت تربيتك وهذا نشدي بك تيم وكلامه كان على الجرح يداوي جروحه دايم يصيح لي طحت من بيشلني طاحت دموع عيونه خالد حاول ما تظهر مشاعره ابتسم بصمت ————————————————� �——————— مثل المجنونة تدور وتدور وتصيح: وينك وينك يايمة راحت مكان ماشافوها امس لكن مافي اي اثر راحو قريب من البيت وما حصلو شي ببيت ابو محمد بقى القن الي يحطون في الدجاج دخلت بقوة كل الدجاج بدا يناقز مخترع دورت لكن مافي شي ناظرت بتمعن مافي رفعت راسها تدعي وعيونها غرقانه: يارب شافت في جسم فوق ببيت الدجاج اللي يحطون فيه البيض شافتها نايمة ركضت بسرعه جنونية وهي تصعد الرجات بسرعة جلست قريب لكنها نايمة حطتها بحظنها وهي تبكي وتنوح :اااه يايمة ليه تسوين فيني كذا بدت تبوس فيها بسرعه خدها جبهتها رقبتها شمت ريحتها وهي تحظنها اكثر :ااااخ يايمة عليك ااااخ ليه تركتك ليه نسيتك ليه حاولت تمسح وجهها وهي مستغربة ليه للحين مافي رد ولا حتى فتحت عيونها خافت يكون فيها شي ناظرت هدومها خاف قارصنها شي وهي نايمة ناظرة جسمها مافي شي يدها وهي تتحسسها كان يلسع من الحرارة شالتها بسرعه ونزلت تركض وهي تصيح :عمي ابو محمد ياعمي الحق علي جا عندها ابو محمد تفاجا يوم شاف غلا بين يدينها فرح: الحمد لله ناظر ام غلا وهي تبكي وتنوح: ياويل حالي على بنيتي الحقني يا ابو محمد تفاجاة بصراخها: وش فيك يام ندى تكلمت وهي تشاهق: الحق علي وخذها المستشفى حرارتها عاليه بالحيل بسرعه الله يخليك تكلم ابو محمد وهو مصدوم: حطيها بالسيارة ونادي ام محمد تروح معي زوجك بحاجتك ناظرت مافي مجال بتتركها للمرة الثالثة مشت وبمشيتها كانت تدوس على قلبها وتبكي بشده راحت تخبر ام محمد علشان يطلعون بسرعه بعد مامشت السيارة كانت تايهة بين قلبها وعقلها قلبها: تركتيها هه؟ وتسمين نفسك ام بلاك من ام ما تدرين شي وشهي الامومة وعقلها: تراك سويتي الصح زوجك من بيكون جنبه لي صحى وطلب شي بنتك النايمة اذا صحت من بتلاقي قلبها:ونسيتي بنتك الثانية دوم تصيحين ليه تعاملوها كذا ليه عاملتيها كذا تخيلي تموت ماهي ثواني وسقطت على الارض ————————————————� �——————— ناظر زوجته وهي فرحانه وخواته كانو فرحانات وهو ابتسامته ما توسعه وكان يردد بقلبها بلاكم مادريتو ان انا فرحان اكثر منكم لو علي كان فرشت المجلس ايام وليالي على فرحتي عزايم دخل غرفته وهو يناظر كل شي اخترته حسب ما عرفت انك تحبيه ما ناقصني يابعد عمري الا وجودك انا تايهة بلاك ليتك وافقتي من اول كان بنتي منك كان ما ظلمت جود دخلت جود وهي فرحانه:صدقني يوم بتشوف الغرفة تنهبل فيها ناظرها بعصبية :من سمح لك تدخلين ناظرته بكسرة: اسفة بس قاطعه بقوة وهو رافع يده بتنبيه: :اخر مرة تدخلين صدقيني مايصير خير مرة الجايه ناظرته باسف :اخر مرة صدقني عطاها ظهره ورفع يده ✋:الحين ممكن تطلعين نزلت دمعه حارة مسحتها بسرعه مشت قابلتها لمار وهي جاية شالتها بتطلع جا عندها خذاها منها:اتركيها تدخل ذي الاميرة وذيك الملكة عطته لمار وصلت عند غرفتها وسكرت الباب بقوة وجلست تبكي وتشاهق لييييييه ما تحبني وش فيني ليه بايعني من اول ليه وش سويت لك تذكرت من شراها وهي مارضت فيه اختارته هو كانو رايحين الشاليه هم وعمانها جالسين النسوان بخيمتهم فرحانين كانت رايحة تجيب جوالها من خيمة البنات صادفها وكانت اختها معاها وهو كان متقصد حد يكون معها علشان لا ينفهم غلط جا حمد عندهمx وهو منزل عيونه: السلام عليكم كيف الحال جواهر:وعليكم السلام 'الحمد لله انت كيفك حمد. اخذ نفس :الحمد لله اردف حمد وهو مستحي: ياجود يا بنت عمي انا شاريك وهاويك ولا هوى القلب لا عذر عليه جيتي والكلام غلط المفروض اقول لابوك اول جود ناظرته بصدمه كمل حمد: انا يجود ابيك تكونين زوجتي اذا تقبلين مانسري من هنا الاوقد كتبنا كتابنا وان قلتي لا الله يوفقك مع غيري لكن مابيشتريك زيي جود مصدومة: انا تفاجات من كلامك ومصدومة ممكن تعطيني وقت افكر حمد ماهو مطمن: خذي وقتك وردي خبر مع اختي هزت راسها جود وهي في حالة صدمة جا عندها وهو يتعكز متركز على الحيطان وصل عندها وشافها كيف طايحة حاول يدوس على رجوله بقوة وهو متألم كثير وصل عندها ونزل الارض شالها من الارض وحط راسه عند رجوله: ام ندى ضربها على خدودها بالخفيف: ام ندى حبيبتي وش فيك قومي بدأت تفتح عيونها بخفة وشافت وجهة جلست وهي تقول: وش جابني هنا ...ليه انا كذا نايمة هنا ناظرت فيه بتسأل وهو ما كان عنده علم: ما ادريx انا توه ابو محمد الله يسلمه جابني هنا ونمت لكن ما طولت بس صحيت جيت ادورك تفاجات انك طايحة حاول تركز وتتذكر طاحت دموعها: عذبتها يا وليد (ابو ندى)نسيتها يوم طلعت ونسيتها وطحت وتركتها وهي مريضة وبدأت تضرب نفسها بقوة وش انا من ام ليه سويت فيها كذا اشهقت بقوة وهي تناظره بتشتت: كنت اعاتبكم ليه تسوون فيها كذا وانا اكثر من خذلها بوقت احتاجتني فيه يارب وش سويت انا كسرت روح ومو اي روح وبخذلان: روح يتيمة لزم يدها بقوة وشد عليها: انتي علمتيني كيف احبها ما انكر في لحظات كنت اتمنى اجي عندها وابوسها واحظنها لكن اشر على عقله: هذا ما يقبل دوم يعاكس كلام قلبي ومشيت وراه دائما كلامك كان يصحي ضميري انتي احسن ام واجهت الكل ببنتها الي بيتوقف النمو عندها وما راح تقدر تطول كانت تسمعه ودموعها تنزل :معقول كلامي جاب عندك نتيجة وعندي طاح الفعل ما سويت من كلامي ناظرته بحزن :انا يا وليد اللي سويته ماهو بقليل انك تنسى روحك عادي بس عيالك من حالك كيف بتنساهم وليد بتسأل: وينهم الحين ليه ماهي معكم ابو محمد قال انه جات عندكم امس ناظرته بأسف: ودوها المستشفى حرارتها منخفضة وليد بيتكلم سمع صوت الجوال ناظرها بامل: يمكن يكون ابو محمد ممكن تجيبيه ركضت بسرعه تجيبه وعطته اياه وفتحت سبيكر ناظرها بابتسامة يطمنها: هلا ابو محمد شلونك ابو محمد: بخير الله يسلمك وليد بلهفة ظاهرة: كيفها يابو محمد ابو محمد بأطمئنان: الحمد لله جبناها بالوقت المناسب كنا فاقدينها وليد زفر نفسه وهو يقول: الحمد لله يعطيك العافية ما قصرت الله يجزاك خير ابو محمد: ماهي بينا ياخوي وقفاتك لنا كثيرة وليد: كله فضل الله ...متى بتجون ابو محمد يطمنه :ان شا الله ما نطول وليد وهو يأشر لها ارتاحي: حياكم حنا بأنتاظركم انتهت المكالمة ابتسم لها وهو يطمنها: بخير يعمري ارتاحي ام ندى وهي حزينة على حالها دخلت وهي تعبانه تبي تبكي لحالها وليد قرر يتركها براحتها وبلش يتعكز على الاشياء علشان يقوم ويدخل ————————————————� �——————————————— جالس يناظرها اخ يخيتي يالي مالي غيرك وش سويت فيك والله ما كان بيدي نزلت دموعه تلثم وجلس يبكي وش فايدتي اخوها وضايمها فتحت عيونها بشويش وهي تشوف السقف ناظرت حولها تفاجات بندر جالس يبكي ومتلثم سارة: بندر وش فيك تبكي حاولت تقوم لكن ما قدرت دخلت سهاد ودموعها بطرف عينها ناظرتها سارة باستغراب: وش فيك كانك تبكين سهاد شافت بندر يبكي ما قدرت تتحمل طلعتي بسرعه سارة تذكرت الي شافته ما تدري هو منام ولا واقع ويوم ناظرت بندر والموقف الي صار مع سهاد تاكدت انه واقع مو حلم بدأت تنزل دموعها في شي لازم تسويه ما راح تسمح لهم يظلمونها. وياخذونها حجة علشان يسوون الي يبون لبست نعالها (تكرمون) ونزلت الدرج بسرعه شافت امها بالصالة تبكي وسهاد معها سارة بتعصب: وينه ابوي جا بندر وهو يركض خايف من نزلتها بالمنظر ذا امها وهي تمسح دموعها ناظرتها برجا: يا يمة وش بتسوين سارة وهي بتطلع تمشي وتصيح بأسمه جا بندر عندها وهو يحظنها بقوة من ورا بدأت تناكز تحاول تبعده وهي تصيح: وخر عني ابي اتكلم معه بندر وهو شاد عليها علشان لا تروح عنده: في ضيوف عنده خلاص اتركيه الحين سارة وهو بدأت تبكي وتصيح: خل ضيوفه يعرفون من هو وش سوا فيني بندر بضيق: والله اجبرونا يا خيتي والله الود ودي اعطيك واحد احسن منه سارة وهي تبكي وتشاهق بقوة: ياخوي راعي بنات ومتزوج كيف تبوني اخذه كيف زوجته ما تستاهل والله بندر بتنهيدة: المشكلة انها هي الي جات وطلبت يدك معاهم ارتخت يدينها وهي تاخذ نفس بقوة :ااااه ياخوي يهددونكم بشي المفروض ما يستخدمونه لو ما كانو بايعين عشرتكم ما هددوكم بانتهائها انا وش ذنبي نزل يده وهي لفة عنده وهي تناظره بقوة: وش ذنبي جاسم (ابو سارة) :ذنبك انك ما تحشمين احد قليلة الحيا صوتك واصل المجلس سارة ناظرته بعتب: يوم بعتني ما تكلمت معي ويوم وصلك صوتي تكلمت جاسم ناظرها بحدة: انتبهي لكلامك واوزنيه ما بعتك الشرع حلل اربع وانسب من ابن اخوي مافي اصلا من زمان كان ودي انه ياخذك. لكن وش اقول ناظرته بيأس: حسافة فيك كل مرة قلت فيها يبة وحاولت انك تكون عزوة صوت الكف هز القصر كله ......... | ||||
|
|
|
02-07-22, 10:49 AM
| #15 | ||||
| اشراف القسم 
| تغلق الرواية لحين عودة الكاتبة لانزال الفصول حسب قوانين قسم وحي الاعضاء للغلق عند رغبة الكاتبة باعادة فتح الرواية يرجى مراسلة احدى مشرفات قسم وحي الاعضاء وبما اننا ولاول مرة سمحنا بفترة غير الفترة الموجودة في القوانين نرجو من اي كاتبة عدم مراسلتنا الا بعد مرور اسبوعين من تاريخ الاغلاق (rontii ، um soso ، كاردينيا الغوازي, rola2065, ebti ، رغيدا) تحياتنا اشراف وحي الاعضاء | ||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
5Likes
العرض العادي
