الارمله والمجنون

[جوهرة ال سيف]

الفصل السابع
اللقاء الثانى
خرجت ليلى من غرفة العمليات لقت عمر فى وشهاx

عمر : ابراهيم عامل ايه ...وكان حرفيا بيرتعشx

ليلي اشفقت عليه : الحمد لله الاصابه بعيد عن القلب ... طلعنا الرصاصه بس هو نزف كتير واحتاج نقل دم ودلوقتى هو فى العنايه

xالمركزه وحضرتك مش هتقدر تشوفوا النهاردهx عن اذنكx

ليلى سابته ومشيت ومش اديتلوا فرصه يتكلم ولا يعلق على كلمهاx

طبعا عمر مش مصدق ان فيه حد بيعامله كده ... لا وست كمان سأل عليها علشان يروح يطلع همه فيها لقاها مشيتx

قال فى نفسه ملحوقه هتروحى منى فين ... حاول يدخل لصاحبه بس كانت مديه اوامرها ممنوع الزياره نهائيا ... قعد على كرسي قدام باب العنايه ونام وهو قاعدx

تانى يوم عمر سأل على ابراهيم قالوا له فاق وسأل عليك قولنا له انك موجود من امبارح برهx

عمر : طيب عاوز اشوفهx

ممرضه :x لسه الدكتوره ليلي مش مرت ولسه الزياره ممنوعه لحد ما تؤمرx

عمر : مين ليلي دى وبتؤمر بصفتها ايه ... كانت ليلي واقفه وراهx

ليلي : انا ليلي ... الدكتوره ليلي المنشاوي ... وبأمر بصفتى المسؤله عن الحاله وانا اللى عملت له العمليه واكتر واحده عارفه ايه

xيناسبه وايه لا ... فهمت ولا اعيد تانى ( بتلمح لكلامه امبارح ) وقبل ما يفوق كانت سابته ومشيت دخلت اوضه العنايه تطمن على ابراهيمx

ليلي : عامل ايه يا بطل النهاردهx

ابراهيم : كويس يا دكتوره ... الحمد للهx

ليلي : عال خالص .... انا شايفه الوضع كويس ممكن تنتقل لاوضه عاديه ... علشان اللى عاوز يزورك يبقى عادىx

ليلي كتبت تعليماتها وجت تمشى ابراهيم ندهلها

ليلي : ايوه حضرتك عاوز حاجه ....x

ابراهيم : فيه واحد صاحبى واقف برده .... شوفتيهx

ليلي : ايوه شوفته مالهx

ابراهيم : مينفعش نعمل له عمليه تغيير مخx

ليلي : ليلى ابتسمت مش تخصصى انا جراحه وده عاوز مخ واعصاب واعتقد هيحتاج امراض نفسيه وعصبيهx

ابراهيم : يبقى شفتيه وحالته واضحه للعيان ... مبالك السليمx

ليلي : خلاص يا ابراهيم متتكلمش كتير ... اشوفك بكرهx

ابراهيم : هشوفها بكره ... وبعد بكرهx

خرجت ليلي جه عمر يكلمها سابته ومشيت

عمر : دى مجنونه رسمىx

طلعوا ابراهيم على اوضه عاديه وهو عامل يغنى هشوفها بكره وبعد بكره

عمر : مالك يا ابراهيم هى الاصابه اثرت على مخك

ابراهيم : يا اخى طلعتنى من المودx

عمر : ايه الهبل اللى انت بتقوله ده فيه ايهx

ابراهيم : مشوفتش حته الشيكولاته اللى لسه خارجه من عندى دىx

عمر : شيكولاته ايه مشوفتشx

ابراهيم : تبقى اعمى مبتشوفش دى بتنور وهى ماشيهx

عمر : بتتكلم عن مين يا ابراهيم يا اخرة صبرىx

ابراهيم : الدكتورة ليلي اوعى تقول مشوفتهاشx

عمر : جتك القرف فى ذوقك ... دى بارده وجلفه ... وقليلة ذوق ... ده انا مستحلف لها بس اعرف اوقفها قدامى وشوف هاعملك فيها ايهx

ابراهيم : لا والنبي يا عمر دا انا ماصدقت لقيت واحدة بتنور بدل اللمبه ... اهى حتى هتوفر ومش هحتاج اشغل الكهربا طول ماهى فى البيت

عمر : دا انت حبيتها بقهx

ابراهيم : لا لسه باحاول اشوف كده ... يمكن احبهاx

عمر : طيب ما يمكن متجوزه يا فالحx

ابراهيم : مفيش فى ايدها دبلهx

عمر : يمكن بتقلعها فى الشغلx

ابراهيم : ممكن ... هبقى اسـألها لما اشوفها بكره وبعد بكرهx

عمر اتضايق من كلام ابراهيم عليها مش عارف ليهx







رحمه : ابراهيم عامل ايه يا عمرx

عمر : كويس يا ماما خرج من العنايهx

رحمه : طيب الحمد لله ... عاوزه اروح ازوره .. واجب بردواx

عمر : حاضر يا ماما استريح وانام شويه ولما اصحى اخدك اوديكيx

رحمه : ماشي يا ابني مش عاوز تاكلx

عمر : لا يا امى انا عاوز انام .... لما سمر تيجى صحينى ...

جت سمر ورحمه صحت عمر واتغدوا ورحمه جهزت نفسها علشان تروح تزور ابراهيمx

عمر : طيب وسمر يا ماما هتقعد فى البيت لوحدهاx

رحمه : عادى يا عمر يعنى هى اول مره تقعد لوحدهاx

عمر خاف حد ييجي يتهجم عليها وهى لوحدها : طيب ماتلبس وتيجى معانا هنقعد شويه عند ابراهيم وبعد كده نخرج نتفسح فى اى مكانx

رحمه : طيب وماله يا عمر انت من زمان متجاهلها ... ونادت على سمر علشان تلبس وتيجى معاهمx

دخل عمر ومامته وسمر اوضه ابراهيم بعد ماسلموا عليه واطمنوا عليه

عمر : مالك يا ابنى ... شايل طاجن ستك كده ليهx

ابراهيم : اللمبه طلعت محروقه يا عمر

عمر ضحك باعلى صوته : مش قولت لك وتلاقيها قاصده تقلع الفيشهx

ابراهيم : لا مش قاصده ... الفيشه وقعت لوحدها مش بمزاحها امر اللهx ... الله يرحمهاx

عمر : بردو اكيد قاصده تكون من غير الفيشهx

سمر : هو فيه ايه يا ابيه حكاية اللمبه اللى محيراكم دى

ابراهيم : الله ...واحده مؤدبه وبتقول يا ابيه ... بزمتك يا طنط ده شكل واحد حدx يقولوا ابيهx

عمر : طيب بزمتك انت لايق عليك طنط دىx

ابراهيم : بصراحه لاx

ضحكوا كلهم طول القعده على مشاكسات ابراهيم لعمر

سمر عجبها ابراهيم ..دمه خفيف وباين عليه طيب وعلاقته باخوها حلوة عجبتها ... وقعدت تبص عليه من تحت رموشها كدهx

ابراهيم كمان .. كان اول مرة يشوف سمر طلعت احلى كتير من كلام عمر عن رقتها وطيبتها ولا جمالها ... لا عمر له حق يخاف

xعليهاx ( اعقل يا ابراهيمx .. انت هتعاكس اخت صاحبك ..بس دى شركه الكهربا كلها ... مش هتنور بيتنا بس ...لا هتنور العمارة كلهاx

وهما قاعدين جت ليلي تشوفه قبل نهايه النبطشيه بتاعتهاx

ليلي : السلام عليكم ... ايه اخبارك يا استاذ ابراهيمx

ابراهيم : والله الصبح كنت حلو بس دلوقتى مش قوىx

ليلي : طيب انت حاسس بأيه ... انا شايفه كل حاجه تمام .. دا انا هاكتب لك على خروج بكره ان شاء اللهx

ابراهيم : اكتبى يا دكتورة خلاص مش فرقهx

ضحك عمر على صاحبه ... ليلي بصت عليه واستغربت بيضحك ليه ده ...ورجعت لابراهيمx

ليلي : طيب يا استاذ ابراهيم انا كتبت لحضرتك على العلاج اللى هتمشى عليه فى البيت ... ويا ريت يكون فيه حد متخصص يغير لك

xعلى الجرح .. لو مفيش ممكن تتفق مع حد من التمريض هنا يعدى عليك يغير لك علشان نضمن ان الجرح يفضل نضيف ويخف

xبسرعه ...لو حابب تفضل هنا كام يوم ممكن زي ما تحبx

ابراهيم : انا كنت حابب جدا بس خلاص بقه اروح بيتى احسن ...x

ليلي : تماما ماشى .. الحمد لله على سلامتك ...x

التفتت علشان تمشى شافت رحمه ...ورحمه كانت بتبص عليها جامد ...

سمر كانت بتبص على ابراهيم ومش عارفه ايه حكايته هو وعمر ...

عمر طلع ورا الدكتوره علشان يهزأها ... بس لقاها واقفه مع دكتور تانى وباصه فى الارض ووشها احمرx

شويه وراحت رافعه وشها وبان عليها الغضب مكانش سامع بس تقريبا كانت بتزعق للدكتور ده وراحت سايباه وماشيه

سابها عمر ورجع تانى لصاحبهx

عمر : اجيلك بكره علشان اخدك اروحك الساعه كام كدهx

ابراهيم تعالى لى الظهر اكون صحيت من النومx

عمر : صحيت من النوم بردو ولا تكون شفت اللمبه بتاعتكx

ابراهيم : لا ما خلاص كده اللمبه معدتش جايهx

سمر فهمت انهم كانوا بيتكلموا على الدكتوره واتضايقت من ابراهيم بس مش عارفه ليهx

ابراهيم لمحها لقاها باين عليها متضايقه من حاجهx

عمر اخد مامته واخته وراحوا سهروا شويه فى النادى واتعشوا هناك وبعدين روحواx







ليلي راحت جابت ايلين من عند عمها و اتعشت معاهم وروحت بيتهاx وكانت متنرفزه من اللى حصل فى المستشفىx

ليلي بتكلم نفسها (ايه الحكايه دى هو انا كل يوم اقابل الاشكال دى .... يا ريتهم بيطلبوا الجواز كنا قلنا عادى وبتحصل بس اللى عرفى

xواللى زوجه تانيه فى السر ايه القرف ده واللى صحبيه كده بس ) بكت ليلي زى كل يوم وهى حاضنا صورة كريمx

سيبتنى للكلاب يا كريم كله عاوز ينهش فيا .... يا رب انا مش معترضه والله ... يا رب خليك معايا انا مليش غيرك يا ربx

بصت على صورة كريم : انت وحشتنى قوى كل حاجه فيك وحشتنى ملامحك, كلامك ,معاملتك معايا ,خوفك عليا،انا مش عارفه

xهكمل حياتى ازاى من غيرك ده احنا لسه 3سنين ومش قادره قدامى 20 سنه لحد ايلين ماتكبر وتتجوز وساعتها هتمنى الموت كل

xساعه وكل دقيقه علشان اكون معاك وفضلت كده تكلم نفسها لحد مانامت زى كل يومx




تانى يوم قامت ليلي صلت الصبح وصحت ايلين فطرتها وجهزتها زي كل يوم ولبست وطلعت من بيتها تستنى الباص بتاع الحضانه قدام البيتx

ايلين : ماما هو انا فين بابا بتاعى

ليلي استغربت لان ايلين مش فاكره حاجه عن باباهاx

بتسألى ليه يا حبيتىx

ايلين : علشان كل صاحباتى عندهم بابا بيوديهم الحضانه ويستناهم وانا لا بس انتى وجدو ....فين بابا و صاحباتى بيضحكوا علي علشان معنديش باباx

ليلي : لا يا حبيبتى مش انا وريتك صوره بابا وقولتى لى ده جميل قوى وانتى بتحبيهx ....x

ايلين : بس بابا مش بيجى عندنا خالص وانا عاوزه اوريه لصحباتىx

ليلي : لا بابا مش هيقدر ييجى يا ايلين ولما تكبري شويه كمان هقولك بابا فين ودلوقتى خدى صورة بابا معاكى ولما حد يقولك انتى

xمش عنك بابا وريهم صورة بابا الجميل ده وقولى لهم بابا مسافر بعيد قوىx

جه الباص وركبت ايلين وهى حاضنه صورة باباها جامدx

ليلي كانت بتتقطع من جوه على بنتها واحساسها بالعجز انها مش قادرة تعمل لها حاجهx







رحمه : يا عمر كده مينفعش اختك مش عيلة صغيره سيبها تختار حياتها وتشتغل ... وبعدين هى هتشتغل يعنى فى حته غريبهx دى

xشركتكم يا ابنى ومعاها فارس وعمك موجود متخافش سيبها تتعلم علشان لما تبقى لوحدها تعرف تتصرفx

عمر : انا خايف عليها جدا يا ماما سمر طيبه قوى ومش متخيله السوء اللى موجود فى الحياهx

رحمه : كانت بتروح الجامعه لوحدها واكيد شافت هناك الحلو والوحش واتعلمت من ده واخدت خبره سيبها تنزل تشتغل علشان تاخد

xخبره اكتر وانت معاها مش هتسيبها وان لقيت حاجه مش عجباك ابقى قعدهاx

عمرسكت وبدأ يقتنع شويه : خلاص يا ماما انا هكلم عمى وافهمه يشغلها معاه فى المكتبx

رحمه : لا يا عمر مش تصغر اختك قدام الناس وتخليهم يعاملوها على اساس انها انها واحده متخلفه فاقده القدرة على التصرفx

سيبها هى تتصرف وانت راقب من بعيدx

بكره اختك هتتجوز وتفتح بيت ير ضيك جوزها يعاملها انها ملهاش رأى ومتقدرش تاخد قرار زى مانت بتعمل كدهx

عمر : خلاص يا ماما انا هاروح معاها بكرة الشركه اوصلها واشوف عمىx

رحمه : ربنا يبارك لنا فيك يا قلب امك ويسعدك و يرز...

عمر قاطع مامته : بس يا ماما الا دى خلينا حلووينx

رحمه هزت راسها مش عاجبها حال ابنها 3 سنين مروا على الحال ده ومفيش تغييرx

رحمه دعت فى سرهاx ان ربنا يرزقه بواحده بنت حلال تنسيه التجربه القاسيه اللى عاشها وتسعده ويرزقه منها الذريه الصالحهx







ليلي خارجه من المستشفى تعبانه راحت على عمها لقيتهم واقفين فى الشارع قلقت ونزلت من العربيه جرى : ايه اللى حصل يا عمىx

سيد : ايلين لحد دلوقتى مجاتش يا بنتى وانتى تليفونك غير متاح ومش عارف رقم سواق الباص

ليلي : انا ... انا راحه الحضانه اسأل عليهاx وطلعت جرى على الحضانهx

لقت الباب مقفول بالقفل والغفير قالها مفيش حد جوه ... اتصلت على سواق الباص رد عليهاx

سواق : لا يا دكتوره مركبتش الباص النهاردهx

ليلي : امال راحت فين .... بنتى راحت فين دانا هاخرب بيتكمx

سواق : طيب انا هسأل مشرفه الباص واكلم حضرتكx




السواق : المشرفه بتقول انها لما جابت الولاد من الفصل هى مكانتش موجوده وهى متاكده ان الفصل كان فاضى يمكن خرجت وكانت فى فصل تانى ... حضرتك بلغى المديرهx

ليلي : انا مش هبلغ المديره .. دانا هبلغ البوليس وهوديكم فى ستين داهيهx

ليلي طلعت على قسم الشرطه اللى تبعه الحضانه وطلبت تقابل المسؤلx

عسكرى : يا فندم فيه واحده واقفه بره وعاوزه تقابل حضرتكx

عمر : واحده عاوزة تقابلنى انا قالت لك عمرx

عسكرى : لا يا افندم قالت لى عاوزة المسؤولx

طيب يا ابنى وديها لابراهيم بيه ... العسكرى خرج وراح ل ليلي

عسكرى : اتفضلى معاياx

العسكرى خبط ودخل هو وليلي : الست عاوزة تقابل المسؤول وعمر بيه قالى اجيبها لحضرتكx

ابراهيم كان فى ايده ملف ومش باصص عليهم اصلا ومن غير ما يشوف مين : انا مش فاضى قوله فى ايدي شغلx

ليلي راحت مزعقه : ايه الاستهتار اللى انتو فيه ده انا بقالى نص ساعه مش عارف اقابل حد يعنى لو باستغيث بيكم على اما تتفضلوا وتشوفونى عاوزه ايه تكون خربت مالطه ... هى ارواح الناس عندكم متستاهلشx

طبعا ليلي بتتكلم وعيونها مش مبطله دموعx

ابراهيم بص على اللى بتتكلم وعرفها طبعا اللمبهx

ابراهيم : احنا اسفين يا دكتورة اتفضلى حضرتك .... هات ليمون يا ابنى ... اهدى ارجوكىx

خرج العسكرى لقى عمر بينده عليه : مين بيزعق كده يا ابنىx

العسكرى : الست اللى كانت عاوزة تكلم حد مسؤلx

عمر : جاتله على الطبطابه نهارها اسود النهارده هى فين ...كان بيقول كده وهو طلع من مكتبهx

العسكرى : طلعت معرفة ابراهيم بيه وقاعده عنده دلوقتى وهو بيقوله كده كان وصل مكتب ابراهيم وفتح الباب فجأهx

عمر : انتى يا ست انتى هى وكاله من غير بواب انتى بتزعقى فاكراها زريبه زى اللى انتى جايه منها .... انتى لازم يتعملك محضر

xتعدى وتباتى النهارده فى الحجز علشان تعرفى قيمتك .... سكت عمر لما لمح ليلي واتعرف عليها ...وشاف حالتها وعيونها الحمرا

xصعبت عليه يا ترى مالهاx

ابراهيم : خلصت اتفضل اقعد خلينا نفهم الموضوعx

عمر مشالش عيونه من على ليلي اول مرة يشوفها ضعيفه كدهx

ابراهيم : اتفضلى يا دكتورةx

ليلي : انا بنتى ايلين 5 سنين فى حضانه .... جه الباص اخدها منى الساعه 8 من قدام البيت زى كل يوم والمفروض انهم بيروحوها الساعه 3 بيت جدها .. روحت النهارده الساعه 5 اجيبها لقيت جدها واقف فى الشارع وبيقول مجتش ومش عارف يتصرفx

روحت الحضانه لقيتها مقفوله والغفيرقال مفيش حد جوهx

كلمت السواق قال مركبتش معاه انهاردهx

كلمنا المشرفه اللى بتجيبهم من الفصل وتركبهم الباص قالت مكانتش فى الفصلx

المفروض انهم مبيطلعوش من باب الفصل لوحدهم حتى لو w c بيكون معاهم مشرفهx

عمر : طيب انتى متأكده انها دخلت النهارده الحضانهx

ليلي : انا ركبتها الباص زى كل يوم والباص فيه مشرفه بتدخل كل واحد فصله يعنى هتروح فينx

عمر : ادينى ارقام الناس دى كلها .... ابراهيم ابعت حد لمديره المدرسه تيجى على المدرسه وعاوز السواق والمشرفه ومدرسه

xالفصل ... بسرعه يا ابراهيم ... اتفضلى معايا يا دكتوره هنروح المدرسه دلوقتى ... متخافيش هى اكيد جوه المدرسه هندور عليها وهنلقيها ان شاء الله

[جوهرة ال سيف]

الفصل الثامن
ذكريات الماضى
عمر وابراهيم وليلي ركبوا فى عربيه عمر وطلعوا على المدرسهx

نزل ابراهيم نده على الغفيرx : افتح الباب دهx

الغفير : مين حضرتك مقدرش افتح الا بأوامر مديره المدرسهx

ابراهيم : انا هطلع روحك فى ايدي لو كانت البنت طلعت من الباب وانت واقف كده ...

جه عمر:x افتح الباب انا الرائد عمر الهنداوىx

الغفير فتح الباب ودخل عمر وليلي وابراهيمx

ليلي طلعت تجرى على الفصل لقيته مقفول

بصت على الغفيرx

xالغفير : والله مفاتيح الفصول مع المشرفهx

عمر اتنرفز : فين الناس يا ابراهيمx

قبل ما يجاوب كانت مديره المدرسه والمشرفه والسواق والمدرسه قدامهx

ليلي : قعدت تزعق لمديرة المدرسه : والله بنتي لو جرالها حاجه هوديكم فى ستين داهيهx

عمر كان بيبص على ليلي ومقدر شعورها : خلاص يا دكتوره سيبينا نجيب لك بنتكx

افتحى الباب دهx

المشرفه فتحت الباب دخل عمر وليلي ووراهم ابراهيم ... الفصل فاضيx

عمر للمدرسه : البنت كانت فى الفصل النهاردهx

المدرسه : ايوه يا افندم لحد نهايه اليوم وهى موجودهx

عمر : طيب انتى بتطلعى من الفصل امتىx

المدرسه : لما المشرفه بتاخد الاولاد للباصx

عمر سأل المشرفهx : وانتى لما جيتى تاخديهم كانت موجودهx

المشرفه : لا والله مكانتش موجودهx انا قولت يمكن والدتها جت واخدتهاx

عمر بدأ يلف فى الفصل ويفتح الدواليب اللى فيهx

عمر لاجظ حاجه متكومه بين الدولاب والحيطه ... بص لقى بنت جميله نايمه زى الملائكه راح عندها وشالها من الارض وقع منها صورة شاب جميل جدا يشبه البنت كتير اكيد باباها



عمر : بنتك دى يا دكتورهx

ليلي اخدتها منه : ايلين حبيبتى يا بنتى ... ايلين يا عمرى ردي علياx

ايلين صحيت من النوم ولقت مامتها : مامى انا كنت خايفه كتير كلهم مشيو وسابونىx

ليلي : وانتى كنتى فينx

ايلين : كنت بجيب صورة بابا ..سارة رمتها ورا الدولاب .علشان العيال كلها قالوا ان بابايا اجمل من بابا العيال كلها وهى اتغاظت واخدت الصورة ورمتها ورا الدولابx

ليلي بصت على المديره وعلى استاذة الفصل : على فكرة دى مش اول مرة الاولاد يتنمروا على بنتى ... والمفروض ان مدرسه

xالفصل بتتابع كل الاولاد وسلوكياتهمx بس الظاهر انها مكانتش فاضيه وسابت الاولاد ييعايروا طفله يتيمه ان معندهاش اب ولما

xورتهم انها عندها سابتهم يحرموها حتى من صورته ... صدقينى انا حزينه انى كنت السبب فى ان بنتى تتعرض للتجربه القاسيه دى وهى فى سنها ده لما جبتها عندكم فى الحضانه هنا

انا بكره هتقدم بشكوى رسميه ضد ادارة المدرسه على سوء الادارة ... لان حياة بنتى اتعرضت للخطر بسببكم

تليفون ليلي رن برقم عمها : ايوه يا عمى لقيتها يا حبيبي ... معايا والله يا عمى ... لقيتها والله يا ماما سحر صدقينى هى هتكلمك اهه

ايلين : الو يا نانا انا كنت نايمه وعمو وماما هما اللى صحونى ... مش تعيطي يا نانا انا جايالك اهو ... الو يا جدو انا حلوة وجميله لا مش تعبانه بس جعانه خلى نانا تحط اكل كتير ل ايلي ماما اهه معاياx

ليلي اخدت التليفون : الحمد لله يا عمى كويسه والله ..لما اجى هبقى احكى لحضرتك ... حاضر يا عمى ..حاضر ..مع السلامه

عمر اخد باله من تعاملها المحترم مع حماها وحماتها وخوفها عليهم ...عمر بص على صورة كريم تانى وشبه عليه وعلى ليلي وافتكر الموضوع اللى حصل زمان ... لانه قعد شويه مع كريم واتكلموا مع بعض لما راحولهم البيت ياخدوا ليلي

عمر شال ايلين من مامتها : انتى اسمك ايه يا قمر يا صغنن انتىx

ايلين : اسمى ايلين كريم سيد خليل المنشاوىx

عمر ضحك ضحكه خلابه وقال لايلين : انتى شطوره خالص ...زى واحده شبهك كده كنت اعرفها وهى اكبر منك شويه وكانت تايهه وبابايا لقاهاx

ايلين : بردو زى ايلين

عمر : ايوه بردو زى ايلين وكانت حافظه اسمها وعنوان بيتهمx

عمر : هات الناس دى كلها على القسم علشان نعمل محضر بالواقعهx

عمر : اتفضلى معايا يا دكتوره علشان نكمل المحضرx

ابراهيم ماشى ورا عمر مش فاهم حاجه ومستغرب بقى ده عمر .... سبحان مغير الاحوالx

عمر خلى ابراهيم هو اللى يسوق ... علشان يعرف يكلم ايلينx

عمر : قولى لى بقه يا ايلي عاوزه تطلعى ايه لما تكبريx

ايلين : مهندسه زى بابا علشان اسافر اشتغل معاه ومش اسيبه خالص

عمر اتأثر من براءه ايلين وبص ل ليلي لقى عيونها مدمعه .... ابراهيم كمان قلبه وجعه على البنتx

عمر علشان يغير الموضوعx

عمر : انتى عارفه يا ايلين ان انا كنت عارف باباكى وقعدت معاه واتكلمنا كمان وكان قايل لى انه عاوز يطلع مهندسx

ليلي بصت على عمر : انت كنت تعرف كريم فعلاx

عمر : اه واعرفك انتى كمان وعمك سيد ابو كريمx

ليلي : تعرفنا منين احنا كنا فى الصعيد ولسه جايين بقالنا فتره بسيطه لما كريم شغله اتنقل هناx

عمر:x قبل ماتسافرواx .... انا هسيبك تفتكرى لوحدك ... واديكى اماره كمان انتى والدك ووالدتك ماتوا فى حادثه وانتى صغيره وعمك هو اللى رعاكى صح كده ... وكنتى بتعملى شعرك امممم ضفيره واحدة متجيبيها على جنب

ليلي بصت لعمر قوى هو يعرفنا منين ... مش فاكراه خالصx

عمر : اسهلها لك شويه انا اسمى عمر سليم الهنداوى و مامتى اسمها رحمه ... فكرى انتى بقه براحتكx

ايلين : طيب يا عمو قول لبابا يرجع شوية صغيرينx عاوزة اشوفه وابوسه واوري لصحابى ان انا عندى بابا زيهمx

حضنها عمر جامد ومش قادر ايه وجع القلب دهx

ليلي كده جابت اخرها والتعب والتوتر اثروا عليهاx و اغم عليها وهى قاعده فى عربيه عمرx

ايلين : ماما الحق يا عمو ماما وسابت عمر ونطت على مامتها تبوس فيها وتصحيهاx

عمر : اركن يا ابراهيم لما نفوقهاx

ابراهيم ركن ونزل عمر وطلع ازازة برفان من العربيه وراح ل ليلي وبدأ يفوق فيها : متخافيش ياx ايلين ماما كويسهx

ابراهيم شال ايلين من فوق مامتها وبدأت ليلي تفوق : كريم ... كريم ... كريم وبكت ودموعها غرقت خدودها وبدأت تفوق لنفسها وتفتكر هى فين فتحت عينيها : ايلينx

ايلين سابت ابراهيم : انا هنا يا ماما انتى تعبانه ... تعالى نروح لجدو سيد ونانا سحرx

ليلي حضنت ايلين وقالتx : ماشى يا حبيبتى يلا

عمر ركب وطلعوا غلى مركز الشرطه وخلص المحضر و اصر ان ليلي مش تسوق وهى كدهx

ركب هو و ابراهيم عربيتها ووصلوها لحد بيت حماها ... كانت سحر واقفه فى البلكونه واول ما شلفتهم نزلت هى و سيدx

سيد استغرب مين دول و بيعملوا ايه مع ليليx

سيد : خير يا ليلي فيه حاجه وهو بيبص عل عمر وابراهيم

عمر اتقدم وسلم على سيد : ازيك يا عمx سيد انت اكيد مش فاكرنى.... انا ابن المرحوم اللواء سليم الهنداوىx

الاسم ده مش بيفكرك بحد

سيد مش فاكر حاجه ...بس بعد شويه : ياااااه انت بتقول المرحوم ... هو سليم بيه اتوفى

عمر : ايوه من فترهx

سيد : انتى افتكرتيهم يا ليليx

ليلي هزت راسها بمعنى لاx

سيد : ده ابن الراجل الطيب اللى اخدك بيتهم لما توهتى مننا وانتى صغيرهx

ليلي افتكرت الموضوع بس مش فاكره عمر : ايوه افتكرت يا عموx

سيد : اتفضلوا اطلعوا معانا يا جماعه لازم تشربوا حاجهx

عمر : مره تانيه يا عمو هجيب والدتى علشان تشوف الدكتوره وتسلم عليهاx

يلا يا ابراهيم وشال ايلين وباسهاx : باى يا قمر يا صعننx

طلعت ليلي مع عمها وحكت لهم الموضوع كله وان عمر عرف كريم من الصورهx

ليلي : بكره هاروح ان شاء الله اشوف مدرسه تانيه علشان دى كده مش مناسبه خالص

يلا يا ايلينx

سيد : خليكى النهارده يا بنتي انتى تعبانه احسن تتعبى اكتر بالليل ومحدش معاكىx

متخافش يا عمو ربنا معاى ولو حصل حاجه هكلم حضرتكx




عمر روح وحكى لمامتهx

رحمه : انا اول ما شوفتها شبهت عليها والله .... بس صعبت عليا البنت دى مسكينه يعنى مبتلاهx

عمر : و لو شفتى بنتها ولا سمعتى كلامها حاجه تقطع القلبx

رحمه : لازم اشوفها يا عمر واروح ازورهم البنت دى غلبانه وصعبانه عليا

عمر : ماشى ياماما هاشوف معاد مناسب وابلغ حضرتكx




عمر دخل اوضته غير هدومه ... ومن غير ما يحس لقى نفسه بيفكر فى ليلي و اللى حصل لها وافتكر كريم وحبهم لبعض من الصغرx

(لا ووفيه ليه بعد مماته يا عمر بيه ... ده الفرق بين القلب والعقل ) عمر فكر فى كلام ابراهيم وانه لسه فيه اخلاص ... ( جايز )

عمر نام بعد تفكير كتير فى ليلي وبنتها وكريم و....




سمر بتشتغل دلوقتى فى شركة الهنداوى واثبتت جدارة فعلا فى فترة بسيطه ... و طبعا الامر مايسلمش ... كذا حد جه يتقدم لها وعمر

xرفضهم لانها مش موافقه تتخطب بالشكل دهx

فارس كان خلاص مش قادر عاوز يتقدم لها وخايف يخسرها وخايف يستنى ييجى غيره وياخدها مش عارف يعمل ايهx

فارس دخل على سمر المكتب : خلصتى يا سمر الشغل اللى معاكىx

سمر : خلاص يا فارس اتفضلx

فارس اخد الملف وهو مش شايف فيه حاجه اصلا ... دى كانت حجه علشان ييجى يكلمها ويشوفهاx

فارس وهو باصص فى الملف : بقولك ايه يا سمر عاوزك فى موضوع كده بس مينفعش هنا فى الشركهx

سمر : اوكى يا فارس تعالى البيت نتكلم براحتناx

فارس ( يا سلام على ترعة المفهوميه .... هوx لو ينفع فى البيت هستأذن منك ... البت دى يا هبله ومش فاهمه حاجه ...يا فاهمه و بتستهبل ومش عاوزانى افاتحها )

فارس : طيب ما تيجى نروح النادى منها نغير جو ونتكلمx

سمر عارفه فارس عاوز ايه بس مش عاوزه احراج لانها بتعتبره اخوها : انت عارف عمر يا فارس مش هينفع خالص انا ماصدقت

xرضي يطلعنى اشتغل مش عاوزه ازعله احسن يقعدنى تانى

فارس اتصل فى ساعتها بعمر : الو ايوه يا عمر ( سمر تنحت واتضيقت ودعت ربنا عمر يرفض )عامل ايه يا حبيبيx

بقولك كنت عاوز استأذنك اروح مع سمر النادى فيه موضوع كده عاوز اكلمها فيه بعد اذنك ومش هأخرها صدقنىx

لا هى مش موافقه خالص وبتقول عمر هيزعل منىx

لا نص ساعه بالكتير وهروحها بنفسي ... تسلم يا غالى ..يلا سلامx

فارس : كده اخدنا اذن عمر جهزى نفسك كمان نص ساعه هنطلعx

وسابهاx

سمر اتصلت على عمر : ايه يا ابيه وافقت ليه وانت عارف هو عاوز ايهx

عمر : لازم نخلص من الموضوع ده يا سمر بدل مهو معلق نفسه بيكى على امل لازم يعرف ان مفيش املx

سمر انا واثق فيكي والا مكنتش خليتك تقعدى معاه ...

سمر : ربنا يستر ويفهم بسهوله بدل مايفهم بطريقه اصعبx

عمر : فارس طيب براحه عليه هو متعشم جامد فهميه بهدوء انك شايفاه زى عمر ونظرتك دى مش هتتغير وانك تتمنى تفضلوا اخوات واصدقاء وان الموضوع ده ميأثرش على علاقتكم وكدهx

سمر : ماشى لما اخلص هكلمك

عمر : ماشى يا قلبى باى

ابراهيم كان قاعد وسامع الموضوع كله وكأنه قاعد على فحم مولع نفسه يطلع على النادى جرى يجيب الواد فارس ده من حواجبه قبل ما يقول حاجه لسمرx

عمر اخد باله من ابراهيم اللى عمال ينفخ ويتململ فى قعدتهx

عمر : فيه ايه يا ابنى مالكx

ابراهيم بص له ومش عارف يصارحه بصفته صاحبه ولا يخاف منه بصفته اخو حبيبتهx

عمر : هتقول مالك ولا تقوم تروح مكتبكx

ابراهيم : نتكلم جد شويه ... بص يا عمر انت صاحبي واكتر من اخويا وانا مقدرش اخبي عليك انى حبيتx

عمر بص لابراهيم من تحت رموشه كده هو شبه عارف بس عاوز هو اللى يتكلم : متقول يا ابنى خايف من ايهx

ابراهيم : اصلك ايدك طارشه ومش بتتفاهمx

عمر : متخافش انت حبيبي من زمانx

ابراهيم : بص يا عمر انا حبيت اختك سمر ومش شفتها غير مره واحده... بس من ساعتها وانا مش قادر اطلعها من دماغى واول ما

xبتجيب سيرتها قلبي بيقع منه كام دقه كده ...ومبيرجعوش طول اليوم وهو ده اللى انا كنت مستنيهx

يعنى اختك سمر هىx لمبة حياتى ... انا قولت اللى عندى واعمل افي اللى انت عاوزه بقهx

عمر ساكت ومفيش تعبير على وشه خالص وبعدها راح ضاحك على صاحبه المرعوب منه

عمر : وكنت مستني لحد امتى حضرتك ..لما تتجوز وتخلف لها كام عيل ... انت عارف انا رافض كام عريس لحد دلوقتى و مستنى جنابك تتنيل وتتكلم ... انت فاكرنى مش حاسس بيك انت اخويا وصاحبي ...وانا مش هامن لاختى غير معاك بس ...

ابراهيم : لا والنبي بلاش بس دي ابوس ودنكx

عمر : تبوس ودنى جاتك القرف فى تشبيهاتك... ادينى فرصه اكمل .... سمر مش هتتجوز غير واحد قلبها يدق لما تشوفهx

وانا مش عارف لما شافتك حصلها ايهx

ابراهيم : ايه يا عمر انت صعيدي يعنى البنات عندينا ملهمش رأي ... وانا قولت لك هتتجوزى ابراهيم يعنى هتتجوزيه ورجلك فوق رقبتكx

عمر : لا يا شيخ وانت ترضاها تتجوز واحده مش عاوزاك

ابراهيم : اه ارضاها انا معنديش دم وارضاها بس جوزهالى ... دا انا من ساعة ما سمعتها بتقولك يا ابيه وانا سلمت وقولت هى دىx

عمر : صدقنى يا ابراهيم انا موافق بس سيبنى شويه اظبط لك الموضوع

ابراهيم : عمر انا مش قادر اقعد وانا عارف انها قاعده مع واحد بيحبها وهيطلب ايدها كمانx

عمر اشفق على صاحبه بس حابب سمر اللى تنهى الموضوع علشان ميخصرش فارس ابن عمه

عمر : متقلقش يا ابراهيم فارس محترم وسمر زمانها خلصت الموضوع

[جوهرة ال سيف]

الفصل التاسع
بشاير الحب
فارس : انا مش عارف ابتدي الزاى ... وخايف اخسرك لو اتكلمت

سمر : احنا عمرنا ما هنخسر بعض يا فارس علشان قبل اى حاجه انت ابن عمى وفى مقام عمر بالظبط

فارس وشه اتغير.... لما قالت زي عمر اتردد يقول ولا ايه

سمر كانت فاهمه المعاناه اللى هو فيها .... ومستنياه يتكلم علشان تنهى الموضوع ده

فارس : بس انا مش باعتبر نفسي زي عمر بالنسبالك ... سمر انا ...بحبك...ومن زمان قوي ...تقريبا طول عمرى بحبك وانت طول

عمرك شايفانى زى عمر ... حاولى تشوفينى بطريقة تانيه ... حاولى تشوفينى زى اى شاب ممكن تعجبي بصفاته بشكله بشخصيته

حاولى تشوفينى كحبيب خطيب زوج مش اخ .. يمكن تحبينى انتى كمان

سمر ساكته ومش عارفه ترد ازاى بطريقة مش تجرح مشاعر فارس

سمر : بص يا فارس انت فعلا تعتبر شاب لقطه وانا شايفه كل البنات فى الشركه هيموتوا عليك ...كلك ميزات حلوة تجذب اي بنت

بس ... انا مش شايفاك غير اخ ... اخويا اللى كان بيهتم بيا واحنا فى المدرسه ... اخويا اللى كان بيذاكر لى اخويا اللى اخد باله منى

طول فترة دراسه عمر ... عمرى ما تخيلتك حاجه تانيه ... يعنى انا عمرى ما غيرت عليك مثلا ..وبافرح لما بلاقى بنت بتحبك

وبتتقرب لك .. وكنت دايما بقول انك اول واحد هقوله لما احب لانك اكتر حد بيفهمنى .... صعب تيجي دلوقتى وتقولى اغير نظرتى

ليك ... صعب اتخيلك غير اخ باحترمه وخايفه دلوقتى كلامنا ده يخسىرنى اخ وصديق وابن عم

فارس الدموع فى عينيه قد كده هى مش حاسه بيه خالص ... اكيد فيه حد تانى

فارس : انتى بتحبي حد تانى يا سمر ... فيه حد تانى فى دماغك .... انتى معندكيش استعداد تحاولى

سمر عينيها اتهزت بس ثبتتها على عيونه مش هينفع تضعف دلوقتى

سمر : حتى لو هفضل طول عمرى من غير جواز مش هتجوز غير حد احبه الاول وبعدين اتجوزه ... مش اتجوزه واجرب اشوف

هاحبه ولا لا...انسانى يا فارس وشوف نفسك مع حد تانى ... اكيد مترضاش انى اتجوزك وافضل طول عمرى ندمانه انى مش

استنيت الشخص اللى احبه ويخلى قلبى يدق من اول نظرة ..

فارس عرف ان مفيش امل وهى كده نهت الموضوع

سمر : بس اتمنى تفضل علاقتنا زى ما هى .... لانى انا هافضل طول عمرى اطلبك لو محتاجه حاجه قبل ما اطلب عمر

فارس قعد وسند ظهرة على الكرسى باحباط : انا مش هقدر ارد عليكى دلوقتى يا سمر سيبينى اتقبل الوضح الجديد واشوف هتعامل معاكى ازاى ....




ابراهيم كان خلاص ... كده جاب اخره قام اتنفض من مكانه ولف حوالين مكتب عمر

ابراهيم : كده كتير يا عمر ..دول بقالهم اكتر من ساعه قاعدين فى النادي .... انا قلقت ..لتكون اختك بدأت تقتنع بكلامه

ابراهيم شد عمر من ايده بيقومه من على الكرسي

ابراهيم : قوم بينا يلا نروحلهم على النادي ... يلا يا عمر انا مصدقت لقيت لمبه تناسبني ... انت بارد ليه كده يا اخى... اختك قاعده مع

راجل غريب وبيقولها انه بيحبها وعاوز يتجوزها ... انت صعيدى انت

عمر كان باصص على ابراهيم ومبسوط قوى ومبتسم من منظره

عمر : اهدى يا ابنى متعملش فى نفسك كده ... احنا عارفين لسه ما يمكن توافق عليه ... وابن عمها اولى بيها بردو

ابراهيم خلاص الدم بدأ يفور فى دماغه وكان حاسس انه لو استنى لحظة واحده كمان هيجيله جلطه

عمر اشفق علي حالته : شوفت الحب بيعمل فى البنى ادم ايه .. انت ممكن تموت قبل متتجوزها..وتموت فداء للمحبوب

ابراهيم : انا نفسي قبل ما اموت اشوفك بتحب.... واللى بتحبها ولا سأله فيك ...لا وتكون بتحب واحد تانى

واقعد انا واحط رجل على رجل واتفرج عليك وانت دايخ دوختى ... حتى انا عندى امل ..لكن انت ميكونش عندك امل

عمر : يا ستير يا رب .... دا انا بحبك وكنت ناوى اساعدك تتجوز اختى بس خلاص بقه ...

ابراهيم نط ومسك ايد عمر : ابوس ايدك يا ابيه جوزهالى ارجوك ... يا رب اللى كنت بتحبها وهى بتحب واحد تانى ترجع فى كلامها

و تحبك انت وتموت فيك كمان ... جوزهالى بقه

عمرحط رجل على رجل وقاله : على العموم سمر خلصت و روحت من زمان بس انا كنت عاوز اتعب اعصابك شويه

ابراهيم قعد واخد نفسه بصوت : طمنتني ...الحمد لله .. طيب ايه عملت ايه

عمر : انت مالك ملكش فيه ...المهم انها خلصت الموضوع زى ماحنا عاوزين

ابراهيم : طيب وموضوعنا .. هتكلمها امتى ... بسرعه الله يبارك لك .. انا خلاص شعرى ابيض وداخل على شيخوخه مبكره ...يدوب

الحق اخلفلى حته عيل قبل ما اعجز ..

عمر : كان بيضحك على صاحبه : لا كده انا اعيد نظر فى الموضوع ... انا اختى لسه صغيره وانت كده قلقتنى عليها ... انا ايه اللى

يخلينى اجوزها لواحد عجوز زيك ....

ابراهيم حط ايده فى وسطه : يا اخويا ....انا اصغر منك على فكرة .... يعنى شوف نفسك عجزت ولا لسه انا اصغر بردو

عمر : حايدنى يا ابراهيم ... يا اما هتندم صدقنى

ابراهيم : حبيبي يا غالى يا ابو نسب ( عمر بصله ورفع حاجبه ) باعتبار ما سيكون ..فيه ايه يا اخى خليك روووويح




سمر روحت ... وكلمت عمر انها فى البيت دلوقتى وخلصت الموضوع مع فارس ... بس هي تعبانه مش قادرة تقول تفاصيل

رحمه : مالك يا سمر داخله وشك متغير فيه ايه طمنينى

سمر : مفيش يا ماما موضوع كده كان مضايقنى بس خلاص الحمد لله .. هبقى احكى لحضرتك لما اصحى علشان تعبانه

رحمه : ماشى يا حبيبتى




شويه ووصل عمر وابراهيم اللى مقدرش يروح غير لما يطمن انها كويسه ومش متأثره من كلام ابن عمها

رحمه : اهلا يا حبيبي ... عامل ايه دلوقتى يا ابراهيم يا ابنى

ابراهيم : اهلا بحضرتك يا طنط ... انا الحمد لله كويس

عمر : امال سمر فين

رحمه : مش عارفه مالها يا عمر جت من الشغل وشها تعبان كد ومتغير ونامت على طول

ابراهيم بص لعمر بمعنى شوفت مش قولت لك بلاش تقعد معاه لوحدها

عمر : طيب انا هاروح اشوفها جهزى لنا انت بس حاجه ناكلها وانا هصحيها







عمر : سمورتى مالك يا حبيبتى ايه اللى حصل

سمر رمت نفسها فى حضن عمر وبكت

عمر اتخض عليها : ايه اللى حصل مالك فارس قالك حاجه ضايقتك

سمر هزت اسها بمعنى لا : بس فارس صعبان عليا ... انا كسرته جامد وهو طيب وميستاهلش

عمر : هو اللى غلطان ... محدش قاله يحب واحده من غير ما يعرف هى بتبادله نفس الاحساس ولا لا

سمر : الحب مش بايد حد يا عمر ...سعيد الحظ هو اللى بيكون الحب متبادل ...لكن ربنا يحفظنا لو من طرف واحد بيبقى عذاب مش حب

عمر لقاها فرصه يلمح لها على ابراهيم

عمر : عندك حق يا سمر عندك ابراهيم صاحبي مثلا (عمر بص على سمر يشوف مهتمه ولا عادى ..لقاها ابتسمت ونزلت عيونها فى

الارض ... اللهم صل على النبي ..شكله متبادل يابن المحظوظه ) بيحب واحده بس هى مش حاسه بيه خالص

سمر الابتسامه اللى على وشها اختفت وفتحت عينيها وبان عليها الخضه

سمر : ازاى يعنى .. بيحب مين ... الدكتورة بردو ..

عمر: لا يا سمر مش الدكتورة واحده تانيه احلى من الدكتوره 100 مره

سمر : ياسلام ... احلى من الدكتوره كمان ...دى تبقى حلوة قوى..صحبك ده شكله مبيحبش غير الحلوين

عمر : بس للاسف من طرف واحد

سمر : هو سألها يعنى عرف منين انها مش بتحبه

عمر : نفسه يسألها بس مش عارف ازاى يفاتحها

سمر : اللى يشوفه يقول جرئ ويعرف يتصرف فى المواضيع دى

عمر : ده لخمه ويغرق فى شبر مياه ... على العموم هو معايا بره ..جبته لما لقيته مكتئب قولت نخفف عنه شويه .. اهو عندك انصحيه انت يعترف لحبيبته ازاى

سمر قعدت تقرش على سنانها ومش طايقه ابراهيم وبتبص له نظرات كلها ضيق وتنفخ بنرفزه

عمر فى نفسه ( والله انت غلبان وتستاهل )

ابراهيم مالها دى هتتحول ولا ايه هى مش طايقانى ليه كده

سمر : قولى بقه يا استاذ ابراهيم .اللى بتحبها دى تعرفها منين

ابراهيم عرف ان عمر كلمها بس الله اعلم قال لها ايه قلبها عليه كده : اخت واحد صاحبى بس مش صاحبى قوى يعنى

سمر : طيب وشوفتها فين ...يعنى كلمتها قبل كده يعنى

ابراهيم : شوفتها مع اخوها ومتكلمناش قبل كده

سمر : امال حبيتها ازاى وانت مكلمتهاش ما يمكن تكون رخمه ولا بارده يعنى ...اقصد انت بتحب وخلاص مش تعرف انت بتحب مين وشخصيتها ايه

ابراهيم : هو انا بيتحقق معايا ولا ايه ... لا يا ستى انا ...متقوم يا عمر علشان اعرف اتكلم

عمر : وحياه النبي ..انت انهبلت يلا اقوم ازاى يعنى واسيبك مع اختى

ابراهيم : اختك بتسأل اسأله محرجه مينفعش انت بالذات تسمعها

عمر : ابراهيم احترم نفسك

ابراهيم : خلاص يا سمر هبقى اقولك بعدين انا حبيتها ازاى بس هى شخصيتها حلوة قوى ...

سمر : طيب ليه مش بتطلب ايدها على طول طالما عجباك

ابراهيم : انا نفسي اتقدم لها النهارده قبل بكره ... بس انا مقبلش تتجوزنى علشان عريس مناسب وخلاص من غير حب

انا عاوزها تتجوزنى علشان بتحبنى

سمر( نفس فكرتى بالظبط ) : وجهة نظر تحترم

ابراهيم : طيب ما تطلب تقابلها وتتكلم معاها وتشوف فيه قبول من ناحيتها ولا لا ولو لقيت قبول اسألها هى بتحس اى مشاعر من

ناحيتك وفى فترة خطوبة لو لقيتها مش بتحبك زى مانت عاوز سيبها

ابراهيم بص لعمر ورقص حواجبه : فكرة والله ايه رأيك يا عمورى

عمر قام جرى علشان يضرب ابراهيم ..وابراهيم قام جرى من قدامه .. وسمر مستغربه مالهم دول

رحمه : يلا يا ولاد الاكل جاهز

قاموا كلهم على السفرة واتغدوا فى جو كله موده وابراهيم كان عامل جو كوميدي فى البيت ...عمر كان ملاحظ ان اخته مهتمه بابراهيم وكل كلمه بيقولها

رحمه : انت مكلمتش ليلي يا عمر علشان اروح زورها

عمر : نسيت والله يا ماما حاضر هكلمها

رحمه : طيب اتصل بيها دلوقتى احسن تنسى تانى

عمر : حاضر يا ماما ...اتصل عمر على رقم ليلي

ليلي : الو ... مين معايا

عمر لما سمع صوتها حس بحاجه غريبه زى مايكون قلبه دق بسرعه

عمر: الو يا دكتوره معاكى الرائد عمر الهنداوى

ليلي : اه اهلا يا عمر بيه خير فيه حاجه

عمر : خير ان شاء الله ... والدتى لما كلمتها على حضرتك نفسها تيجى تشوفك وتسلم عليكى .. فا كنت عاوز احدد ميعاد معاكى علشان اجيب الحاجه واجيلكم

ليلي حست انه جاى يخطبها مش جاى يزورها : تمام يا عمر بيه ممكن حضرتك تيجيب الوالده وتيجي بكره بعد العشا على بيت عمى عارفه طبعا

عمر ( ايه الحكايه عامل زى مايكون رايح اشوف عروسه ) : تمام بكره بعد العشا ان شاء الله

قفل عمر وبلغ مامته بالميعاد

عمر : ايه يا ماما فين القهوه بتاعتك يا حبيبتي

قامت رحمه تحضر القهوه

عمر بص لسمر وكريم : بصوا انا مبحبش اللف والدوران ... انا هسيبكم تتكلموا وتخلصوا موضوعكم ده 10 دقايق يا ابراهيم هجيب القهوة مع رحمه اجى القاك خلصت ماشى .. شوفت انا جدع معاك ازاى

ابراهيم : رجوله يا عمورى والله

سابهم عمر ودخل لمامته المطبخ يقولها موضوع سمر وابراهيم

ابراهيم : انتى قاعده بعيد ليه كده .... انتى سمعانى ...اجيب ميكروفون

سمر كانت مكسوفه وقاعده ساكته

ابراهيم : يلا يا بنتى الله يكرمك اخوكى زمانه جاى ينطلنا زى القرد خلينا نقول الكلمتين

سمر اتجرأت تتكلم : عاوز تقول ايه

ابراهيم : اللهم صل على النبى... ايوه كده خلى الدنيا تنور... مش انتى كنتى عاوزه تعرفى انا حبيت اخت زميلى ازاى

سمر عوجت بقهه : اممممم قول

ابراهيم : انا يا ستى كنت تعبان فى المستشفى وقاعد حزين ... فجأه لقيت الدنيا نورت ولقيت صاحبي داخل عليا هو ومامته واخته اول

ماشوفتها قلبى دق 3 دقات وقولت هى دى .. وبعدين اتكلمت وسمعت صوتها قلبى دق نفس ال3 دقات قولت لا اكيد هى دى ..

عرفتيها ولا لسه

سمر حست انه بيتكلم عليها بس حابه تتاكد : لا لسه

ابراهيم : يا ستى اللى بحبها اول حرف من اسمها سمر والتانى سليم الهنداوى ... عرفتيها

سمر ابتسمت واتكسفت وقامت جرى

ابراهيم : خدى يا مجنونه انا معرفتش رأيك ... طيب ادينى اماره

عمر دخل : ايه يا ابنى انت بتزعق كدا ليه فاكر نفسك فى الشارع

ابراهيم : اختك مجنونه يا حاج ... دى طلعت تجرى من غير اى اتعبير يعنى مفهمتش هى حاسه بأيه

عمر : غبي مبتفهمش .... اكيد موافقه ...لان لو الكلام مش عاجبها كانت قعدت وفهمتك غلطك ...يلا اشرب القهوة وقوم هوينا علشان

كده كتير عليا بصراحه بقالك كام ساعه فى خلقتى

ابراهيم : طيب وحياه ابوك تسألها وتطمنى

عمر : حاضر ان شاء الله

ابراهيم : وحياه ابوك انهارده

عمر : ان شاء الله

ابراهيم : وحياه ابوك قوم دلوقتى

عمر حدف ابراهيم بال طفايه :غور من هنا يلا انا اتجننت اجوز اختى لواحد اهبل




رحمه وعمر وسمر راحوا على بيت عم ليلي علشان يزوزوها

الباب خبط فتح سيد : اهلا وسهلا بالغاليين .. اتفضل يا استاذ عمر اتفضلى يا حاجه

دخل عمر وعيونه بتدور على ليلي .. بس لقى اللى ماسكاه من رجله ..بص لتحت لقى ايلين ...شالها وباسها من خدها

عمر : اهلا بالصغنن القمر حبيب عمو

ايلين كمان باست عمر من خده : اهلا بعمو الجميل ده

عمر : والله مفيش جميل غيرك انت يا روحى

رحمه : مش هتسلمى على تيتى يا ايلين

ايلين بصت لعمرقالها : روحى سلمى على مامتى يا ايلين

راحت ايلين وحضنت رحمه وباستها ورحمه كمان حضنتها وباستها من خدها ...سبحان الله ليلي وهى صغيره ....شبه مامتك بالظبط يا ايلين

جات ليلي سلمت على رحمه وحضنتها جامد ... هى مش ناسيه حنيه الست دى عليها لما كنت محتاجه اى حضن حنين

وسلمت على سمر ...هى مش فكراها قوى ولا فاكره عمر

رحمه : حبيبتى يا ليله... كبرتي يا عمرى وبقيتى قمر ...ماشاء الله

ليلي : خلاص يا طنط اهى ايام بنعيشها وربنا يكرمنى ويدينى العمر واربى بنتي احسن تربيه

رحمه بصت لسيد وسحر ومش قادره تقولها انها لسه صغيره والعمر قدامها وبكره تلاقى ابن الحلال اللى يعوضها

رحمه : ربنا يعوض عليكى يا حبيبتى ويفرحك ... لازم تيجي تزورينى يا ليله انا ما صدقت لقيتك وعرفت طريقك ... بعد اذنك طبعا يا استاذ سيد

سيد : يا ريت والله يا ست ام عمر انا نفسي تطلع والله وتغير الحاله اللى هى فيها دى علشان خاطر ايلين كمان

رحمه : خلاص يبقى تشرفونا يوم الجمعه الجايه على الغدا يا ست ام كريم علشان ليلي ترضي تيجي

سحر كانت حاسه ان الست دي جايه تاخد منها ليلي وايلين : اللى تشوفه ليلي انا مش هغصب عليها

سيد : خلاص يا ست ام عمر سيبى ليلي علي انا جايين ان شاء الله

[جوهرة ال سيف]

الفصل العاشر
الخطوبه
ليلي : ليه يا عمى توعدها .. انا مش عاوزه اروح لحد ولا اعمل علاقات مع حد

سيد : خلاص متجيش يا ليلي واحرجينىx انا هاخد سحر وايلين واروحx

ليلي : ماعاش ولا كان اللى يحرجك يا عمى بس انا مش مرتاحة كدهx

سحر : هما مين دول يا سيد اللى عاوزنا نختلط بيهم ... احنا منعرفهمش ولا نعرف اخلاقهمx

سيد : بس انا وليلي نعرفهم كويس ونعرف انهم ناس محترمين وانتى شفتى بنفسك جايين كلهم علشان يشوفوا ليلي ويطمنوا عليهاx

سجر : مش مرتاحه لهم يا ابو كريم ... زيارتهم دى غريبه واصرارهم اننا نروحلهم اغربx

سيد : متخافيش يا سحر اللى ربنا كاتبه لنا هنشوفه ... لا يمنع حذر من قدرx

سيد : ايه يا ليلي هتيجى معانا ولا ايهx

ليلي : اللى تشوفه يا عمىx

سيد : ربنا يهديكى يا حبيبتى استعدى انتى وايلين يوم الحمعه نروح نزورهمx

ليلي اخدت بنتها وروحت بيتها وطلعت هدوم كريم لبست بنطلونه وتي شيرته وقعدت تعيط على حالها ... وانها خلاص حياتها وقفت

xلحد كده .. ومعدش عندها قبول لاى مظهر من مظاهر الحياه ... ولا انها تعمل علاقات مع حد ... ولا تزور حد ... بس عمها عنده حق

xايلين ملهاش ذنب انا مش هموتها بالحياه علشان باباها مات وانا موت معاه ... لازم اوفر لها حياه طبيعيه علشان مش تطلع بنت معقده

x...هحاول يا كريم اعيشx قدام الناس ..بس بينى وبين نفسي انا ميته يا كريم وفضلت تعيط لحد ماراحت فى النومx







عمر : سمر ممكن اتكلم معاكى شوبهx

سمر : اتفضل يا حبيبي تحت امركx

عمر : ايه رأيك فى ابراهيمx

سمر سكتت وحطت عنيها فىxالارض

عمر : سمر حبيبتى لازم تجوبينى بصراحه انتى عارفه انى واقف معاكى طول عمرى ... ومبتخبيش على حاجهx

عمر : ابراهيم عجبك ... يعنى دخل دماغكx

سمر و هى منزله وشها فى الارض هزت راسها بمعنى ايوهx

عمر : يعنى لو اتقدم لك هتوافقى عليهx

سمر ردت : ايوه موافقه

عمر : يعنى انتى معحبه بيه زى ماهو معجب بيكىx

سمر اتكسفت اكتر ومردتش عليهx

عمر : انا هقوله يجيب والده ووالدته ويجي يتقدم لك رسمىx

قام عمر حضنها وباس راسها ... مبروك يا قلب اخوكىx

سمر : بس ...

عمرقلق : بس ايه خير

سمر : فارس كده هيفتكر انى رفضته علشان كنت بحب ابراهيم ... وهيزعل وعمك كمان هيزعلx

عمر : متقلقيش يا حبيبتى انا هتكلم مع فارس وافهمه انx ابراهيم اتقدملى وانا شفته مناسب ليكى واقنعتكx

سمر : ربنا يستر ومفيش حاجه وحشه تحصلx

عمر : يا سلام ... للدرجه دى ... الحب ولع فى الدرةx

سمر قامت وجريت على اوضتها وعمر اتصل على ابراهيمx

ابراهيم : اهلا يا ابو نسب ...x

عمر : اهو انا ممكن ارفض علشان حكاية ابو نسب دىx

ابراهيم : لا ابوس ايدك يا ابيه ... انت بابا وانت ماماx

عمر : جاتك بو .... اوعى تقولى ابيه دى تانىx

عمر : تجيب الجماعه وتيجى يوم الخميس الجاى تطلبوها رسمى ... ويا ريت انت متجيش احسن علشان الموضوع يتمx

ابراهيم : وحياة ابوك ..وافقت ... والنبى وافقت ... طب قالت لك ايهx

عمر : اتلم يلا بدل ما اجى المك انا ...

ابراهيم : طيب احنا لسه هنستنى للخميس مش هقدر ...متخليها بكرهx

عمر : يا سلام لا خليها الخميس لسه فيه شويه حاجات ...هظبطها مع عمى ....مبروك يا ابراهيمx

ابراهيم : الله يبارك فيك يا عمر يا حبيبي ...عقبالكx

عمر : تف من بقك ...مش كل الناس حظها حلو زيك ولقت بنت حلال ...فيه ناس مبيقعش فى طريقهم غير ولاد الحرامx

ابراهيم : متقولش كده يا عمر مش علشان واحده طلعت وحشه يبقى كله كده .....x

عمر : لا كلهم بقوا كده ... قليل قوى اللى مخلصينx

ابراهيم : لو تحب اقعد اعد لك امثله لناس مخلصه قابلتها فى حياتى مش هنخلص عد ... طيب انا هقولك مثال واحدx

الدكتوره ليلي ... دى بقه يتيمه يعنى مفيش حد هيحاسبها ... جوزها مات وهى لسه شابه و من 3 سنيين ...يعنى لو اتجوزت محدش

xهيقدر يلومها ... لا مخلصه لذكرى زوجها ... ومفيش راجل يتجرأ يكلمها او حتى يلمح لها انه بيحبهاx

على فكرة ده مثال واحد و فى امثله كتير على الاخلاص ... اظن انت شوفت والدتك وقفت ازاى لعمك بعد وفاة والدك .. لما بس لمح

xانه عاوز يتجوزها علشان ياخد باله منهاهى وسمر وانت مش موجود .... حرمته يدخل بيتكوا تانى ... عاوز تانى ولا كده كفايهx

عمر : خلاص يا ابراهيم سيبك منى وروح كلم اهلك وشوف هتجيب معاك ايه وانت جاى تخطب اختى ... انا مقبلش اقل من تورتايه وعلبه جاتوهx

ابراهيم : انتم داخلين على طمع ... هو كيس برتقال وكيس موز ... اه احنا داخلين على جواز ولازم امسك ايدي شويهx

فضل عمر وابراهيم يضحكوا سوى واتفقوا على كل حاجه علشان لما يجى يوم الخميس يقرأوا الفاتحه على طولx

وعمر كلم فارس وقاله على موضوع ابراهيم وطلب يحضر هو وعمه معاه يوم الخميس .... فارس كان صعبان عليه بس الجواز لازم قبول من الطرفين







يوم الخميس ...فى بيت عمر ... رحمه عماله تجرى من اوضه لاوضه للمطبخ والفرحه مش سعياها ...اخيرا هتطمن على بنتهاx

هى بتحب ابراهيم وفرحانه انه كان من نصيب بنتهاx

رحمه : يلا يا عمر انت مستنى ايه روح هات الطلبات اللى قولت لك عليها خلصx

عمر : نازل اهو ..... انا مش عارف ايه لزمته اللى انتى بتعمليه ده كله ..هو ابراهيم غريب ..ده ابراهيمx

رحمه : بس دى اول مره ييجى على انه خطيب اختك ..لازم يبقى فيه فرق .... انت لسه هتضيع وقت يلا انزلx




رحمه دخلت المطبخ شافت الاكل وتممت على كل حاجه ... دخلت اوضه سمرx

رحمه : اللهم صل على النبي .. ماشاء الله ... تبارك الله ..ده انتى عاوزه تجننىx ابراهيمx

سمر : ماما مش تكسفينى بقه ... وبعدين مانا طول عمرى كدهx

رحمه : بس انهارده جمالك زايد شويتين ... وعيونك بتلمع ...والفرحه مخلياكى مختلفهx

سمر حضنت مامتها : حببتي يا رحومهx

رحمه : يلا اجهزى الناس زمانها على وصولx ....وسابتها وخرجت تتمم على كل التجهيزاتx

شويه وجه سالم وفارس وكريمهx

رحمهx : اهلا يا ام فارس اتفضلى يا حبيبتى عقبال فارسx

فارس كان قلبه بيتقطع وهو شايف حب السنين بيضيع منه ... هو جاى النهارده علشان يشوف سمر موافقه و مبسوطه على الجوازه دى ولا عمر غاصبها ...x

سالم لقاها فرصه يشوف رحمه .... اللى حرمته يدخل البيت ده او هى تروح عندهمx

كريمه كانت عارفه اللى فى قلب ابنها بس مش فى ايدها حاجه تعملهاx

شويه وجه عمر ... رحب بيهم وكان فاكر ان فارس مش هييجي ....x

شويه وابراهيم وعائلته جم ... ولقوا ترحيب جامد من عمر ورحمهx

عمر قاعد جنب ابراهيم : مالك ياد مكسوف ليه كده مش عوايدكx

ابراهيم : اسكت يا عمر يا اخويا اصل الواد اخوها ده دمه ثقيل وخايف يغلس عليا ويحرجنى... ولا ميوافقش

عمر : والله ... بقه اخوها دمه ثقيل ... طيب ايه رأيك انى مش هوافق فعلا .. وهجوزها للواد فارس ..x

ابراهيم : طيب وانت زعلان ليه يا عمر يا حبيبي ... انا بقول على اخوها

عمر : اتعدل ياد احسنلك .. وخلى النهارده يعدى على خير

ابراهيم : هو احنا مستنيين ايه ... هو الراجل ابويا ده مش هيتكلم ولا ايه .. وراح غامز ابوه ....متتكلم ياحاج انت نسيت احنا جايين ليه ولا ايه ..

ابو ابراهيم اتكلم : احنا يشرفنا ويسعدنا اننا نطلب ايد الانسه سمر لابننا ابراهيم على سنه الله ورسوله وكل طلباتكم مجابه باذن اللهx

عمر مش ادى فرصه لعمه انه يتكلم علشان ميقولش حاجه وتتفركش الجوازهx : والله يا عمى احنا نعرف ابراهيم من زمان وانا مش

xهلاقى لاختى عريس احسن منه .... بس حضرتك عارف الاصول ناخد رأى العروسه لو وافقت انا كمان موافق ... ولا ايه رأى

xحضرتك يا ماماx

رحمه : والله انا بحب ابراهيم زى عمر بالظبط واتمنى سمر توافق .. انا كمان معنديش مانعx

عمر وجه كلامه لعمه علشان شكلهم قدام الناس : ورأى حضرتك ايه يا عمى

سالم فهم اللى عمر عمله ..ان الرأى الاول ليه هو وامه وانا حتى لو موافقتش مش هيفرق: طيب مش نتفق يا عمر يا ابنى الاول قبل ما

xناخد رأى البنت ولا ايه يا استاذ محمود (ابو ابراهيم )x

محمود : والله يا سالم بيه احنا ابننا شارى البنت ومستعد لاى طلبات واحنا وافقنا على كل طلبات الجماعه ...ولو فيه طلبات ذياده احنا موافقين عليها من غير مانعرفهاx

سالم اتكبس وسكت .. وعمر اتكلم : احنا قولنا لابراهيم على كل حاجه يا عم محمود بس فاضل موافقه سمر علشان نقرأ الفاتحه

عمر قام جاب سمر.. وسلمت على ابو ابراهيم ومامته واخته ..وسلمت على عمها ومراته وجت قدام فارس ووقف علشان يسلم عليها

xراحت هزه دماغها ومشيت قعدت جنب عمر وابراهيم قاعد جنب عمر من الناحيه التانبهx

عمر اتكلم قدام الناس لاخته : ان شاء الله يا سمر ابراهيم جاى النهارده يتقدم لك وانا موافق وماما موافقه وفاضل نسمع رأيكx

سمر اتكسفت من الموقف وحطت وشها فى الارض : اللى تشوفه يا ابيهx

عمر : طيب نقرأ الفاتحه يا جماعه ... بدأوا يقراوا الفاتحه وبعدها ابراهيم طلع علبه فيها دبلتين واسوره شيك ورقيقه جدا و

ولبسها لسمر وهى مكسوفه ووشها احمر ... قام عمر راح مع رحمه المطبخ يطلعوا العشا وابراهيم قام قعد جنب سمرx

ابراهيمx وطى على سمر وقالها بصوت واطي: الف مبروك يا سمورتى ... انا مش مصدق انك دلوقتى بقيتى خطيبتىx

وكلها كام شهر وهتبقى مراتىx

ولسه هيكمل لقى عمر رجع وقالهx : قوم ياد مكانى ده على فكره ...

ابراهيم : بس انا اللى جيت هنا الاول اقعد انت وراx

عمر : قوم ياد احسن لكx

ابراهيم : لسه ملحقناش نقول حاجه .ربنا على المفترى ..وقام قعد مكانهx

عمر : بكره تقول لما تشبع يا اخويا ...يلا قوم علشان تتعشى مع اهلكx

ابراهيم : لا انا شبعانx ... روح انت والنبيx

عمر : قوم يا ابنى علشان اهلك عيب كدهx

ابراهيم : مالكش دعوة بأهلى روح انت بس وسيبنىx

عمر : كده ..براحتك .. يلا يا سمر يا حبيبتى علشان نتعشى واخد سمر وقام ... وابراهيم طلع جرى وراهمx

خلصت الخطوبه فى جو كله ود وحب وسعاده على البعض و حقد وحزن على البعض الاخرx







رحمه : الف مبروك يا سمر يا حبيبتى ... عقبالك يا عمر يا حبيبي

عمر : خلاص يا رحمه ركزى مع سمر وسيبك منىx

رحمه هزت راسها مش عاجبها كلام عمرx

رحمه : متنساش بكره معاد زيارة ليلي وعمها ...x

عمر ...حس بحاجه بتنغمش قلبه : حاضر يا رحمه ما انتى وخدانى فحت وردمx







سيد اتصل على ليلي : جهزتى يا ليلي ...

ليلي : اه يا عمى .. انا فى الطريق خلاص 10 دقايق واكون عند حضرتكx

سيد : ماشى يا بنتى مستنينكx

ليلي عدت على عمها وراحوا على بيت عمر حسب دعوة رحمهx

طبعا لقوا ترحيب من رحمه جامد وعمر كمان رحب بيهم و شال ايلين اول ما شافها ( البنت دى دخلت قلبي مش عارف ليه ... نفسي

xتفضل معايا على طول ) ... سحر كانت متجفظه وحاسه ان الموضوع مش هيعدى على خيرx

رحمه نادت ليلي معاها المطبخ علشان تساعدها فى تجهيز السفره ( حجه طبعا ... علشان تنفرد بيها )

رحمه : انتى عامله ايه يا ليله يا حبيبتى ... طمنيني عليكىx

ليلي مش عارفه ليه قلبها مرتاح للست دى ونفسها تحضنها وتعيط على كتفها : الحمد لله ..كويسه عايشهxx

رحمه : مهو كلناxعايشين يا حبيبتى ... بس المهم عايشين ازاى ...x

ليلي : معدتش فرقه معايا العيشه ... انا معدش عندي سبب يخلينى سعيده .. انا عندى رساله باديها وهى ايلين بنتي ... السعاده خلاص راحت مع اللى راح

رحمه : استغفرى ربك يا بنتى ... انتى كده بتعترضي على حكمة ربنا ... هو لو كان عاوزك تموتى مع جوزك زى مانتى بتعملى كده

x...كان موتك معاه .... بس هو سايبك تعيشى ..يبقى تعيشي ..مش تعيشي ميته ...x

ليلي : الكلام سهل ... لكن تنفيذه صعب ... كريم كان حياتى كلها وراحت منى ... مش قادرة اتجاوز المرحله دى مش قادره اعيش ..انا

xفاكره كل تفاصيل حياتى معاه ... فاكرة كلامه وضحكته فاكرة معاملته لي ... كل ذكرياتنا من واحنا لسه صغيرين ... لحد يوم وفاته

xلما كان بيودعنىx

رحمه : ومش هتنسيه يا حبيبتى ... مش بننسي ... بس بنتعلم نعيش تانى ونبدأ حياه تانيه وهما معانا بذكرياتهم ونصايحهمx

حاولى يا ليلي تعيشي لسه بدرى قوى بنتك لسه صغيره ومش هتفقدى الحياه من دلوقتى انتى لسه صغيره قوىx

ليلي بكت : انا مش عارفه ليه كل حاجه حلوة بتروح منى .... بابا وماما ماتو وانا لسه صغيره و من بعدهم انا مشوفتش فرح غير مع

xكريم ... وراح منى قبل ما اشبع منه ... انا بنتى صعبانه عليه قوى هتعيش محرومه من حنان الاب ورعايته ... انا كريم كان

xمعوضنى كان هو ابويا وامى وصاحبى ... لكن هى مش لاقيه حد يملا الفراغ اللى سابه كريمx

رحمه : انتى معاها وجدها وجدتها ... وبكره تكبر شويه وتلاقى اصدقاء يحتووها زى مانتى لقيتى كريم ... بلاش تحملى نفسك فوق

xطاقتها ...ربنا بيدبر الامر من غير حول منا ولا قوة مش بيقولوا ربك بيقطع من هنا وبيوصل من هنا ... بلا بقه احسن اتأخرنا على

xالجماعه وانا ليه معاكى قعده طويلهx

كل الكلام ده سمعه عمر اللى كان جاى يشوف مامته ويساعدها .... حالة ليلي اثرت فيه ... وكلامها عن ايلين اثر فيه اكتر

السفرة جهزت والجماعه قامو اتغدوا وسيد كان مبسوط للتقارب اللى بين ليلي ورحمه ... كان عاوز يخرحها من العزله اللى هيا فيها

xويبقى ليها اصحاب وناس تانيه فى حياتها غيرهمx

كمان اخد باله من ايلين وتعلقها ب عمر وتعلق عمر بيها ...وقال فى نفسه ( الله يرحمك يا كريم ... بنتك بتدور على اى حد يعوضها عنك )x

انتهت الزيارة على امل لقاء تانى بين رحمه وليلي واخدوا تليفونات بعض علشان يتواصلوا ... وايلين مكانتش عاوزة تسيب عمر ولا

xهو كان عاوز يسيبهاx

عمر : انا كده كده نازل هاخدها معايا واوصلها لحد البيت يا عم سيد متخافش عليهاxx

اخدها معاه فى عربيته ومشى وراهم علشان يروحها ومتزعلش منه

[جوهرة ال سيف]

الفصل الحادى عشر
الحلم
عمر : خلاص يا ايلى يا روحى... رووحى مع ماما وجدو وانا هجيلك تانى صدقينى ... هاجى اخدك افسحك واوديكى الملاهىx

ايلين : لا انت بتضحك علي انا بحبك يا عمو ومش عاوزة اسيبك

عمر : وانا كمان بحبك وبموت فيكى يا قلب عمو ... بس يرضيكى تسيبي ماما ...شوفى واقفه زعلانه ازاىx

ايلين : خلاص تعالى معانا انت كمان .... انا وانت وماما نروح سوا

عمر : مش ينفع يا حبيبتى علشان انا لى بيت تانى اللى فيه تيتى رحمه

ايلين : خلاص خدنى انا وماما معاك بيت تيتى رحمه ... علشان احنا بنقعد لوحدينا وانا بخاف ... وماما بتقعد تعيط كتير

كل ده وليلي على اخرها خالص ... مش مصدقه انه ايلين متعلقه بحد غيرها وغير جدها وجدتها ... وفاضل لها شويه وهتجيبها منه بالعافيه .... عمها كان واقف وشايف الموقف كلهx

سيد : اطلعى انتى يا ليلي وانا هجيب ايلين واطلع وراكى

احسن حاجه عملها عمها والا كانت اتصرفت تصرف مش حلو خالص

سيد : يلا يا ايلين علشان عمو عنده شغل ... كده شوفتى ماما زعلت منك ومشيت وسابتك ازاىx

ايلين : طيب اناعملت اي ...وماما زعلت ليه

سيد : علشان انتى عاوزه تروحى مع عمو وتسيبيهاx

ايلين : لا انا مش هسيبها انا هاخدها معانا ... مش كده يا عموx

عمر : مش ينفع يا ايلين انا رايح الشغل دلوقتى ... روحى مع جدو وانا وعد منى هاجى يوم تانى اخدك لتيتي رحمه وطنط سمر

ايلين سابت عمر وراحت لجدها .. وهى زعلانه وهتبكىx

عمر سلم على سيد وباس ايلين ومشى .. ومرضيش يبص وراه علشان ميرجعش يا خد ايلين معاه واللى يحصل يحصل

سيدx طلع هو وايلين لقوا سحر صوتها عالى ومتنرفزة وبتكلم ليلي

سحر : مكانش له لزوم ان احنا نروح ... بس انت شكلك كان نفسك تروحي .. لو قولتى لعمك مش رايحه مكانش غصب عليكىx

وادى النتيجه بنتك مش راضيه تسيب الاستاذ وعاوزة يا انتم تروحوا تعيشوا معاه يا هو ييجى يعيش معاكوا ..اكيد مبسوطه دلوقتى

والله مانا عارفه الحكايه دى هترسي على ايه ...

ليلي كانت مصدومه من كلام حماتها واتهاماتها ليها انها مبسوطه من اللى بتعمله ايلين

ليلي اخدت ايلين من عمها واستأذنت ومشيتx

سيد : ليه كده يا ام كريم ... انتى بتعاملى البنت ليه كدهx

سحر : انا خايفه يا سيد .... البنت اتعلقت بيه زى مانت شايف ومش بعيد ليلي كمان علشان خاطر بنتها تعمل اى حاجهx

سيد : طيب وفيها ايه يا سحر ... ليلي لسه صغيره وبنتها كمان صغيره ... ومش عيب ولا حرام .... لو سألتى كريم الله يرحمه كان

xهيقولك عاوز ليلي تكون مبسوطه ... ومش هيعجبه قعدتها لوحدها وحزنها اللى هيقضي عليها دهx

سحر و هى بتبكى: انت عاوزها تتجوز راجل تانى غيركريمx

سيد عيونه دمعت : كريم الله يرحمه ... والحى ابقى من الميت ...

سحر : خلاص لو عاوزه تتجوز مع السلامه بس تدينى ايلين بنت الغالى ... انا مش عاوزه منها حاجهx

سيد : يعنى ايه تديكى ايلين .. انتى عاوزة البنت تبقى يتيمه الاب والام ...

سيد : طيب انا هقولك حاجه تانيه يا سحر ... لو اللى حصل ده بعد الشر حصل مع سهير ... كان هيكون ده رأيك ... لو هى اللى

xاترملت وهى لسه صغيره مش كنتى هتبقى عاوزاها تعيش حياتها ... حطى سهير بنتك مكان ليلي وانتى تحسى انا بفكر ازاىx

ومع الفرق كمان ان دى يتيمه ... لا ليها اب ولا ام ...ولا فرحت فى حياتها ..

سحر : مش قادرة يا سيد ... طيبx و كريم ... خلاص كده تنساه ... وتنسي هو كان بيحبها ازاى ونقولها روحى عيشي حياتكx واعتبريه مكانش موجود ...x

سيد : صدقينى يا سحر لو عاوزة كريم يبقى مرتاح ريحى ليلي ... هو كان بيحبها وبيحب يشوفها مبسوطه مش زى ما هى كده ... هى

xعاجباك كده ... ماشيه ميته مش عايشه ... ولولا بنتها كان زمانها ماتت ورا كريمx

اللى منرضاهوش على بنتنا منرضاهوش على بنات الناس يا سحر ...... فكرى فى كلامى وانتى هتلاقيه صحx

سحر سابت سيد وقامت علشان تنام وهى عماله تفكر فى كلامهx







ايلين عماله تبكىx

ليلي : ايه يا ايلين بتعيطى ليه ..انا عملت لك حاجه ... فيه حد عملك حاجهx

ايلين : لا انا عاوزه عمو عمر ...

ليلي : عيب كده يا ايلين ..عمو عمر روح بيته ..... و مينفعش حد يقعد فى بيت حد تانى ... يعنى احنا لينا بيتنا نقعد فيه وعمو عمر ليه بيته يقعد فيهx

ايلين عيطت اكتر : انا عاوزة بابا .... اتصلى ب بابا ييجىx

ليلي : لا حول ولا قوة الا بالله ... فعلا مرا ت عمى كان عندها حق مكانش ليه لزوم الزياره دى .... بعد كده ملوش لزوم ايلين تقابل

xاللى اسمه عمر ده .... دى عملت كده من مقابلتين ... وقعدت تسكت فى بنتهاx




ماما بلاش يا ماما مش تغرقيهم يا ماما ... عمر الحق ليلي يا عمر ... ماما هتموت ليلي يا عمرx

سحر صوتت وقامت من النوم مفزوعه : كريييييم

سيد : اعوذ بالله من الشيطان الرجيم ... مالك يا ام كريم خير اللهم اجعله خير ... متخافيشx دا كابوس ...وناولها كوبايه المياهx

سحر : يا ساتر يا رب يا سيد كابوس وحش قوى ... كريم كان خايف منى على ليلي وايلين ...كنت بغرقم فى البحر ...x و قعد يستنجد

xبعمر ينقذهم .... وعمر نطx فى البحر وطلعهمx ومشى هو وكريم وليلي وايلين وسابونىx

كريم مرضيش يبص لى وبعد عنى وقعدت انادى عليه مردش على ولا التفت لىx

سيد : لا حول ولا قوة الا بالله .... ابنك جالك يقنعك باللى انا قولته لك امبارح ... وزعلان من كلامك مع ليلي وقلقان عليها منك ...

xالحلم متفسر خالص

سحر : يعنى انت خلاص قررت ان عمر عاوز ليلي .. ما يمكن يكون خاطب ولا بيحب حد تانىx

سيد : يمكن .. عمر ده رمز فى الحلم المهم المبدأ .. كريم بيقولك سيبى مراتى وبنتي يعشوا ... متموتيهمش ... وان مكانش عمر ينقذهم

xاكيد فيه غيره ...فهمتى يا سحر

سحر سكتت وبتفكر فى الحلم وفى كلام سيد ( يعنى كده كريم عاوز ليلي تعيش بعده وتشوف حياتها ....x طيب واحناx ...اكيد لما تتجوز

xجوزها هيمنعها تقابل اهل جوزهاx الاول .... انا خلاصهx مش عارف افكر )

سيد : نامى يا ام كريم مفيش سبب تقلقى علشانه ... لا ليلي بتفكر تتجوز ولا عمر لمح حتى .. يبقى خايفه من ايه ... انت كنت بالفت

xنظرك انك متقفيش فى طريقها لو جالها نصيبهاx

سحر بصت على جوزها من غير كلام ونامت واتغطت بس بتفكر لو حصل هتعمل ايه ...







رحمه : ايه أيك يا عمر يا ابنى فى ليلي وعائلتهاx

عمر : والله يا ماما ايلين صعبت عليا جدا البنت مسكت فيه ومكانتش عاوزة تسيبنى ... البنت مفتقده ابوها جدا ... وبتدور عليه فى اى راجل

رحمه : طيب و ليلي ؟

عمر : مالها يا ماما انا مالى بيها ... كويسين .. ناس طيبينx

رحمه : يعنىx مأخدتش بالك من جمال ليلي ولا ادبها ولا....قاطعها عمرx

عمر : لا مأخدتش بالى .... وطلعى اللى فى دماغك ده يا ماما ... مش هيحصلx

رحمه : يا ابنى البنت لقطه ما تتفوتش وانا خايفه حد تانى يظهر فى الصورة ....x

عمر حس بحاجه غريبه .... (ايه ده ..هو انا مالى زعلت ليه لما ماما قالت حد تانى بتجوزها )

عمر : ريحى نفسك يا ماما .... هى بتحب جوزها الله يرحمه و مش هتبص لحد غيره ... و لو بصت يبقى الله يسهلها ملناش فيه

رحمهx اخدت بالها ان ابنها بيفكر : خلاص براحتك انا البنت صعبانه على قعدتها كده ... ان مكنتش انت عاوزها اشوف لها واحد تانى من ولاد اصحابناx

عمر : لا حول ولا قوة الا بالله وانت تشوفيلها ليه ....x احنا مالنا بيها ... هى طلبت منك ... حد من اهلها قالك والنبي شوفى لها عريس

x...خلاص يا حبيبتى ما تتدخليش فى حياتها سبيها تتصرف هى ... تتجوز تانى ما تتجوزش براحتها ... احنا مالناx

رحمه : يا ابنى البنت غلبانه وطيبه ومش هتعرف تختار عريس مناسب ليها ولبنتها .... مش احسن ما تقع فى واحد يوريها الويل ولا يعامل بنتها وحش

عمر ( ايلين لا كله الا ايلين .. دا انا ممكن اموته .. ) : يا ماما اهل جوزها مش هيسيبوا اى حد يؤذى البنتx

رحمه : خلاص براحتك انا كنت بشوف لو عاجباك اتصرف ... طالما لا خلاص مش هاغصب عليك .. حلال علىx صاحب نصيبهاx

عمر كلام امه ضايقه جدا ومش عارف ليه ... بس رحمه عارفهx







عمر : ايه يا ابنى مالكx

ابراهيم وهو مبوزx : مفيشx

عمر : هى لحقت نكدت عليكx

ابراهيم : هى مين دي

عمر : اختى العزيزة سمر الهنداوى

ابراهيم : ولا اعرفها يا حضرة الظابط .... هو انا شوفتها ولا كلمتها من يوم الخطوبهx

عمر : طيب وايه اللى مانعك تشوفها وتكلمهاx

ابراهيم بص له وضيق عينيه : ربنا على المفترى ...x

عمر : ما تيجى تشوفها فى البيت انا منعتك ... انا قولت خروج بره البيت لوحدكم لاx

ابراهيم : طيب ورقم تليفونها ماخدوش ليه بقه ان شاء الله ... امال هحبها ازاى وانا قاعد فى بيتكم وانت قاعد وسطيناx

عمر : والله هو ده اللى عندى مكانش عاجبك نفضها الخطوبه دىx

ابراهيم جرى عليه : لا عاجبنى ....انا اقدريا كبير ( يا ربx xتحتاس حوستى ...تحب ولا تطلش .... وابقى انا اتجوزت وقاعد متهنى

xومستريح وانت دايخ ورا اللى بتحبها ..يا ربxيا عمر يا ابن رحمه تجعل دعوتى من حدك ومن نصيبك )

عمر : طيب يلا يا اخويا علشان نشوف شغلناx

ابراهيم : يلا يا باشا







عمر باله كان مشغول بكلام رحمه ( هى شكلها طيبه فعلا وممكن اى حد يمثل عليها الحب . والضحيه هتكون البنت الصغيره اليتيمه )

عمر نده لعسكرى عنده : انده لى رضا من بره

العسكرى : حاضر يا باشاx

بعد شويه دخل العسكرى رضا : تحت امرك يا افندمx

عمر : بص يا رضا هو فيه مأموريه انا هكلفك بيها ومش عاوز حد يعرف عنها حاجه سريه يعنىx

رضا : اوامرك يا باشاx

عمر مكانش عارف يجيبها لم ازاى

عمر : بص يا رضا ..فيه دكتورةx اسمهاx ليلي المنشاوى شغاله فى مستشفى .... عاوزك تراقبها ذي ضلها ..من غير هى ما تحسx

x...وتكتب لى تقرير بكل تحركاتها ..بتكلم ..مين بتقابل مين كل حاجه ... من ساعة ما بتتطلع من بيتها لحد ما بترجع تانى

x....الموضوع مهم يا رضا وفى سريه تامه ...x

رضا ادى التحيه لعمر وسأله على صورة ليها ...عمر مش معاه صوره ليهاx

عمر بزعيق : روح اسأل عليها اى حد يا رضا هيقولك هى دى انا هعرفك شغلك ولا ايهx

خرج العسكرى رضا وهو عمالxيبرطم ( انا هسأل عليها ازاى وهقولهم بسأل عليها ليه ... وانا اصلا براقب الدكتورة دى ليه .. مش يفهمنى )







ليلي فى المستشفى بتكشف على مريض وجالها دكتور حاتم ( بيحبها وبقاله مده بيلف وراها وبيلمح لها ): خير يا دكتورة ايه الاخبارx

ليلي بصت له باستغراب بس مبينتش حاجه قدام المريض : تمامx

ليلي للمريض : لا عال خالص الجرح بقى كويس ومفيش مضاعفات .. وحضرتك تقدر تروح النهارده ..انا هاكتب لك على خروج

x...والعلاج ده تمشى عيه اسبوع كامل ..عن اذنك

خرج حاتم وراها و نده عليها : دكتورة ليلي لحظة من فضلك

ليلي وقفت ونفخت ( يا دى السخافه ): افندم يا دكتور

حاتم : كنت عاوزك فى موضوع كده ...

ليلي: حاجه خاصه بالشغل يغنىx

حاتم : لا موضوع خاصx

ليلي : مفيش بينى وبين حضرتك مواضيع خاصه نتكلم فيها... لو حاجه خاصه بالشغل انا تحتx x امر حضرتك غير كده اسفه جدا ... بعد اذنك .. ومشيت وسابتهx

حاتم : مسيرك هتقعى يا ليلي وانا بالي طويل جدا

كل ده حصل قدام رضا ... بعد ما سأل على ليلي واتعرف على شكلها .... وطبعا بلغ عمر باللى حصل كلهx

ليلي خلصت شغلها وطلعت ركبت عربيتها وراحت على بيت حماهاx

ليلي : السلام عليكم يا ماما ... امال عمى وايلينx فينx

سحر : عمك اخدها وراح يجيب لها غزل البناتx من على اول الشارع

ليلي قعدت وهى مش عارفه حماتها هتسمعها ايه : ماشى ... طيب انتى مش عاوزة منى حاجه اعملها لك لحد ما ييجوx

سحر : اه عاوزهx يا ليلي .... عاوزة انك ماتزعليش من كلامىx معاكى .... وتفهمينى ... انا خفت لما لقيت ايلين مرتبطه بعمر ده كدهx

x... حسيت انه هياخد مكان كريم ... وماكنتش عارفه اعبر عن كده ازاى وكلمتك بطريقه وحشه سامحينى علشان كريم يسامحنى ...

xطول مانتى زعلانه كريم زعلان

ليلي : اولا انا مش بزعل منك يا ماما علشان انتى مامت الغالى .... ثانيا متخافيش يا ماما مفييش حد يقدر ياخد مكان مكان كريم لا

xعندى ولا عند ايلين ... بس هى لسه صغيره ومش فاهمه حاجه ...ثالثا يا ماما انا مكنتش عاوزة اروح الزيارة دى بس عمى اصر

xوقالى انى انا هحرجه لو ماروحتش علشان كده روحت معاكمx

سحر : عارفه ... عارفه يا بنتى متزعليش منى من كلمتين قولتهم فى وقت ضيقى

ليلي : مش زعلانه خلاص ...

[جوهرة ال سيف]

الفصل الثانى عشر
الزياره
عمر : اممممم ...و ايه حكايه سي حاتم ده كمان .... مش اول مره يجيلى تقرير انه بيتعرض لها لا دا عاوز زيارهx

ابراهيم دخل على عمر و هو بيكلم نفسه

ابراهيم : احمدك يا رب ...دعاوى استجابت ... والله وبقيت تكلم نفسك يا غالى

عمر انتبه ل ابراهيم : ايه بتقول حاجه .. انت دخلت امتىx

ابراهيم : من ساعة ما كنت بتكلم نفسك يا عينى عليك ..x

عمر : ابراهيم اتلم ... احسن انت عارفx

ابراهيم : عارف يا اخويا عارف .... ربنا على المفترى .... اعمل حسابك انا جاى معاك النهارده اشوف الجماعةx

عمر : جماعة ايه ... اللى جاى تشوفهمx

ابراهيم : المودام ... باعتبار ما سيكون ... وعاوز اسألها على شويه تفاصيل فى الشقه بعد اذنك .. ان مكانش عندك مانع انها تختار الوان شقتها وتفاصيلها علشان عاوز اخلصx واشترى الفرش ونكتب الكتاب ... ونعلى الجواب ...وعقبالك يا ام فاروقx

عمر : ايه هو ده هو سلق بيض مش لسه لما تتعرفوا على بعض وتشوفوا هتتفقوا مع بعض ولا ذى ما دخلنا بالمعروف نخرج بالمعروفx

ابراهيم : لا والنبي .... ده اللى هو هيحصل الذاى .فى الحلم ... هتعرفنى منين ولا انا هعرفها منين ... انا ونصيبي بقه يا طلعت حمرا يا طلعت العكس ... نبقى نتعرف على بعض لما نتجوز طالما الاوبشن ده مش متوفر عندكم فى الخطوبه ... بس انا اللى غلطان كان المفروض سألت على كل الامكانيات المتاحه قبل الخطوبه ...

عمر : سبحان الله طيب تمام وانا اللى اقتنعت اديك رقم تليفونها ... خلاص ملوش لزوم بقه ... طالما انت راضي كدهx

ابراهيم : لا والنبي ابوس دماغك ادينى الرقم بسرعه ...xx

عمر : ماشى انا هعمل بأصلى بردوا بس مفيش سهر طول الليل على التليفون كبيرك الساعه 10 و متتصلش بعدها خلاصx

ابراهيم من تحت درسه ..: خلاص ...اوامر تانيه يا ابيهx

عمر : ياك بو .... سيبنى بقه وروح شوف شغلكx

ابراهيم : الرقم ...x

عمر : اكتب عندك يا اخويا ........... مكاتبتش يعنىx

ابراهيم : ده انا حفظته بقلبى ...

عمر : على الله تنساه وتتصل برقم تانى و تتهزء

ابراهيم كان بيسجل الرقم واتصل : الو ... انسه سمر ..( هى هى .. والله العظيم هى ) .. اسيبك بقهx

عمر : خد يلا البت فى الشغل .. هتعطلهاx

ابراهيم جرى على مكتبه وقفل الباب بسرعهx




سمر عرفت ان ده ابراهيم وبيجرى من عمر وقعدت تضحكx

ابراهيم : الو ... معلش يا انسه سمر ... انا واحد معجب وعاوز اتعرف عليكىx

سمر ضحكت فى سرها ( ده انت قديم قوى لسه فيه حد بيقول كده ) : امممم ... نتعرف ليه لا ..

ابراهيم اتصدم كان فاكرها هتهزأه وتقوله انها مخطوبه وكدهx

سمر : ايه نسيت اسمك ولا ايه يا ابراهيمx

ابراهيم اخد نفسه .... : وقعتى قلبى يا شيخه ... افتكرتك بتتكلمى جد ....x

سمر : لا متخافش وراك رجاله ... اخيرا عمر حن عليك واداك الرقمx

ابراهيم : اخوكى ده ... ربنا على المفترى ... ان شاء الله يدوخ دوختى قادر يا كريمx

سمر : لا يا ابراهيم ازعل منك ... كله الا عمرx

ابراهيم : طب قولى ابراهيم تانى كدهx

سمر : ابراهيم ...

ابراهيم : الله يخرب بيتك يا عمر كنت حارمنى من الدلع والرقه دى ...بقولك ايه .. انا جاى النهارده مع عمر وجايب معايا كتالوجات الديكورات بتاعه الشقه علشان تختارى منها وابدأ اشتغل ... نفسى اسمع ابراهيم بتاعتك دى بتجلجل فى شقتى .... ادينى واحده ابراهيم تانى

سمر : خلاص بقه يا ابراهيم انا فى الشغل وانت كمان بلا اقفل ...ولا والله اقول لابيهx

ابراهيم : هى مال الدنيا غيمت كده وبدأت تمطر كمان... اقفلى يا سمر اقفلى يا اخت عمرx

قفلت سمر مع ابراهيم وضحك ابراهيم فى نفسه ..( مجنونه ... بس بحبك )







عمر بيفكرفى طريقه يقابل بيها الدكتور حاتم مهو مش هيسيب واحد ذي ده يضحك على ليليx ( طيب وانت مالك يا عمر ما يضحك ولا ميضحكش ...شاغلك ليه الموضوع ده ... اوعى تكون ....لا ...لا .. مفيش الكلام ده ..هو موضوع انسانى بحت ... الراجل ده شكله بيغلس عليها وانا هخلصها منه علشان خاطر ايلين )

عمر راح المستشفى ودخل على الاستقبال : عاوز الدكتوره ليلي المنشاوىx

موظف الاستقبال : مجاتش النهارده يا افندم .. فيه دكتور حاتم لو تحب تدخلهx

عمر جاتلك على الطبطاب يا عمر : احب طبعاx

دخل عمر لحاتمxx

حاتم : اتفضل حضرتك بتشتكى من ايه خيرx

عمر : فيه واحد واقف فى زورىx

حاتم : افندمx

عمر : والله زي ما بقولك كده .... واحد بارد واقف فى زورى ومش عارف اتخلص منه ازاىx

حاتم : حضرتك يا اما بتهزر يا اما عاوز عيادة النفسيه والعصبيهx




عمر قام وقف ... حاتم خاف واتخض من طول عمر وعضلاتهx وخصوصا لما حط ايده فى وسطه وبان المسدس اللى فى ظهره

حاتم : خير يا استاذ انا هضطر انادى الامن ... لو سمحت اخرج بهدوء و متجيبش لنفسك مشكلهx

عمر : انا عملت لك حاجه . امن ايه ومشكله ليه ... انا واحد جاى اكشف وكنت جاى ل ليلي بس قالولى ادخلك انت ... ايه مشكلتك

حاتم برق عينيه ورفع حواجبه : ليلي . انت تقصد الدكتوره ليلى المنشاوى

عمر : اه هى بس مقالتش انها هتغيب النهارده لما كنت عندهم .. لما اخرج من هنا هروح لها اشوفها مجاتش ليه واطمن على ايلين حبيبة قلبىx

حاتم : وانت تعرف ليلي منين وبتزورها بصفتك ايهx

عمر : اولا بالنسبه ليك اسمها الدكتورة ليلي ... ثانيا بروح لها بصفتى ايه بكرة تعرف ... ثالثا ..اسمع انك بتضايقها او بتغلس عليها زى ما بتعمل دلوقتى صدقنى هاجى اطلعك من زورى بمعرفتى ... ومش بعيد اطلعك من المستشفى دى كمانx

حاتم واقف مش عارف يرد ... ده مين ده ... وايه علاقته بليليx

خرج عمرسعيد وبيبتسمx وسابx حاتم دماغه عماله تودى وتجيب ....

عمر لقى رضا قدام باب المستشفى شاور له عمر يعنى تعالى ورايا على القسمx

رضا : ربنا يسترx







رضا راح لعمر القسم وخبط على باب المكتب ودخل : تحت امرك يا افندمx

عمر : تعالى يا رضا ادخل .... مقولتليش هى الدكتوره ليلي غايبه ليه النهاردهx

رضا ...انا فضلت واقف زى كل يوم قدام بيتها مستنيها تنزل منزلتش لا هى ولا بنتها الصغيره.. ولما حضرتك قولت لى اقابلك عند المستشفى سيبت قدام بيتها وجيت ...x

عمر : طيب انا عاوز اعرف مجاتش الشغل ليه وبنتها منزلتش حضانتها ليهx

رضا : تحت امر حضرتك يا عمر باشا ... بس انا عاوز اعرف هى عملت حاجه ... علشان كده بنراقبها .. دى غلبانه ولا بتكلم حد ولا بتزور حد ولا حد بيزورها .... هى فى حالها قافله على نفسها وبنتها وحزينه على المرحوم جوزها ... اصلها باين عليها كانت بتحبه قوىx

عمر:x انصراف يا عسكرى رضا وخليك فى شغلك ومتفكرش كتيرx







ايلين : ماما يا حبيبتى انتى تعبانه يا ماما اكلم جدو سيد و تيتي سحر فى الموبايلx

ليلي : لا يا حبيبتى مش تقلقيهم انا اخدت دواء وشويه هكون كويسهx

ليلي : روحى انتى العبى ... وانا شويه وهاقوم اعملك اكلx

ايلين : لا انا هافضل جنبك مش عاوزة العب .. يمكن تعوزى تشربى تانىx

ليلي : حبيبتى يا بنتى ربنا يبارك لى فيكى وتكبرى واشوفك عروسه جميلهx




بعد شويه ..تليفون ليلى رن ايلين ردت ...: الو ... مين معاياx

رحمه : انا تيتي رحمه يا ايلين ماما فينx

ايلين : ماما نايمه تعبانه وانا قاعده جنبها يمكن تعوز تشرب اجيب لهاx

رحمه : طيب مش كلمتى جدو ليهx

ايلين : ماما مش راضيه ... هى اخدت دواء ونامت وهتقوم تعمل لنا الاكل كمان شويهx

رحمه : يا حبيبتى .. انتى لسه مش اكلتىx

ايلين : لا لسه ... مش عاوزه اكل ...لما ماما تاكل هاكل معاهاx

رحمه : طيب يا ايلين تعرفى تقولى لى عنوان بيتكم علشان اجى اشوف ماماx

ايلين قالت لرحمه العنوان وقفلت التليفونx ونامت جنبx مامتها

بعد ساعه الباب خبط ليلي قلقت لقت ايلين نايمه جنبها وحضناها جامد صعبت عليها

قامت ليلي فتحت الباب لقت رحمه قدامهاx

ليلي استغربت : طنط رحمه ... اهلا بحضرتك اتفضلىx

ليلي كان باين عليها التعبx

رحمه : الف سلامه عليكى يا قمرنا ... مالك هما الدكاترة الحلوين بيتعبوا زينا ولا ايه

ليلي ضحكت على طريقة رحمه بتكلمها كأنها لسه ليلي الطفله الصغيرة اللى كانت تايهه واخدوها عندهم

ليلي : اه بيتعبوا عادى يا طنط بس حضرتك عرفتى منين وجبتى العنوان منين

رحمه : ايلين طلعت شاطرة زى مامتها ... وحافظة العنوان ... لما تصلت اسأل عليكى عرفت انك تعبانه وسألتها على العنوان وقالت لى عليهx

ليلي: و تعبتى نفسك ليه بس يا طنط مكانش له لزومx

رحمه : اسكتى يا ليلي انتى بتعاملينى زى الغريبه وكده هازعل منك واجيب ناس تزعل كمانx

ليلي : لا يا طنط مقدرش على زعل حضرتك .... انا بس مش عاوزة اتعبك معايا

رحمه : لا مفيش تعب تعالى ... علشان تاكلى لك لقمه فين حبيبة قلبىx

ليلي : نايمه و انا مش قادرة اكل حاجه خالص ...

رحمه : بت يا ليلي متفتكريش انك دكتورة وكده لا ... عادى انت زى سمر وممكن اضربك كمان لو مسعتيش كلامى ..يلا صحى البنت الغلبانه اللى نايمه من غير اكل دى ومش راضيه تاكل الا معاكىx

ليلي : هو انا اطول اكون بنت حضرتك ... حاضر يا طنط

رحمه : انتى فعلا بنتى يا ليلي وربنا اعلمx

دخلت ليلي صحت ايلين علشان فعلا لازم تاكل ماكلتش حاجهx من امبارح خالص

ورحمه جهزت الاكل على السفره واستنتهم لما ييجوx










رضا : الو يا عمر بيهx

عمر : ها يا رضا لقيت ايهx

رضا : الدكتورة تعبانه ... واخده دور برد مرقدها النهاردهx

عمر : والبنتx

رضا : مش عارف عنها حاجهx

عمر : يعنى فيه حد معاهم ... جد البنت او جدتها عندها

رضا : لا يا باشا محدش جالهم خالص لحد دلوقتى غير بتاع الدليفرى بتاع الصيدليهx

عمر : ماشى يا رضا روح انت النهارده اكيد مش هتخرج النهاردهx

رضا : تحت امرك يا عمر باشاx

عمر قعد يفكر شويه وصعبوا عليه وقرر انه هياخد لهم اكل و هيروح لهم علشان البنت الغلبانه دىx




عمر خبط على الباب كانت ليلي بتغير هدوم ايلين جوة ورحمه هى اللى فتحتx

رحمه اتفاجأت طبعا ان عمر واقف قدامها ورفعت حواجبها وابتسمتx

عمر : ماما انتى هنا من امتى ومقولتيش انك جايهx

رحمه : انا مجيي عادى انما انت هنا ليه يا عمر باشا

عمر اتلخبط : انا هنا جاى اشوف ايلين علشان وعدتهاx

رحمه : بس انت جايب اكل معاك ... مش غريبه شويهx

عمر شاف ليلي جايه عليهم تشوف مين اللى كان بيخبط واستغربت هى كمان .. ايه الحكايه النهارده هى ايلين قالت له هو كمان

رحمه : معلش يا ليلي انا كنت كلمت عمر وطلبت يجيب لكم اكل ... مكانش الاكل اللى انا طبخاه لسه خلص وخفت اتأخر عليكى فقولت له يطلب اى حاجه سريعه ويجيبهالكم ...كانت بتتكلم وهى باصه على عمر وبتبتسمx

عمر اخد نفسهx وحمد ربنا ان مامته طلعته من مأزق اكيد ليلي كانت هتسأل هو عرف منين انها عيانهx

رحمه : معلش يا لولو متزعليش منى انى اديته العنوانx

ليلي الموضوع مكانش عاجبها : لا يا طنط مفيش مشكله اتفضلواx

دخل عمر الشقه ... لقى بوستر كبير لكريم على الحائط كأنه بيرحب بيه .. كريم كان وسيم ووشه بيضحك ... والحائط التانى صورة لكريم وليلي محبهاش عمر الصورة دى ... كانوا على البحر تقريبا فى شهر العسل كانوا ماسكين ايدين بعض بيبصوا لبعض بعشق ... اتضايق عمر من الصورة دى ... شويه وجت ايلين تجرى واخدها عمر فى حضنهx

ايلين : عمو عمر انت وحشتنى جداx

عمر وهوعمال يبوس فى ايلين : انتى اكتر يا قلب عمو عمرx

ايلين : انا زعلانه منك علشان مش جيت زى ما وعدتنىx

عمر : مش انا قولت لك عندى شغل ولما اخلص هاجى لك ... انا جيت اهوه

ايلين : انا قعدت استنيتك كل يوم عند جدوx

عمر معلش يا روحى متزعليش منى حقك عليا

ليلي : خلاص يا ايلين عيب كده متضايقيش عمو وانزلى

عمر : متسيبيها يا ستى حد قالك انى متضايق منها ... خليكى يا ايلي

رحمه : يلا يا ايلين علشان تاكلى ماما مستنياكى مش راضيه تاكل غير معاكى

ايلين : انا جعانه قوى يا تيتى رحمه يلا يا عمو علشان ناكلx

عمر كان مبسوط مش عارف ليهx ونفسه مفتوحه للاكلx x: ماشى يا حبيبتى يلا بينا وقعد عمر على السفرة وايلين على رجله واستغربت رحمه تصرفات ابنها ( والله بتحبها يا عمر بس مش عاوز تعترف ...بدليل انك لما عرفت انها تعبانه جيت جرى وجبت لها اكل كمان )x

رحمه : يلا يا ليلي يا حبيتى لازم تاكلى اى حاجه على قد نفسكx

قعدت ليلي ورحمه ولسه هيبدأوا الباب خبطx

قامت ليلي علشان تفتح ... وقفها عمرx : خليكى يا دكتورةx ... هافتح انا .... انا مش غريبxx

هو كان متخيل انه حاتم فحب يفاجاه بس للاسف طلع سيد وسحر قلقواxعلى ليلي وايلين وجم يشوفوهم مجوش انهارده ولا بيردو على التليفون ليهx

سيد: عمر انت هنا بتعمل ايه .... حد من البنات جراله حاجهx

عمر : متخافش يا عم سيد هى الدكتورة تعبانه شويه وماما كانت بتتصل عليها و ردت عليها ايلين وقالت لها على تعب مامتها فطلبت منى اجيب اكل واجيلها على هنا

سيدx : طيب مقالولناش ليه ... كنت جيت اناxوام كريم بدري واخدنا بالنا منها ومن ايلين

سيد : كتر خيركم يا ابني ... تعبناكم معاناx

ليلي جت تشوف عمر بيكلم مين....لقت عمها ومراته واقفينx ( يا دى الحظ يا ربي ... ماما سحر هتقول ايه دلوقتى ...انا مصدقت انها هديت على شويه )

ليليx : اتفضلوا ..ادخل يا عمى تعالى يا ماماx

سيد دخل هو وسحر اللى كانت ساكته خالصx

رحمهx قامت وقفت : اهلا يا ام كريمx ....ازيك يا استاذ سيد ... اتفضلوا الغدا بقى سبحان الله لينا نصيب نشوف بعض النهارده و من غير ميعاد ... يلا على الاكل احسن ليلي وايلين مش راضيين ياكلوا حاجه خالص يمكن لما تقعدوا معاهم تشجعوهمx

سيد حب يلطف الجو اللى كان متوتر: هنقعد طبعاx ....يلا يا ليلي يا حبيبتى... يلا يا عمر يا ابنى اتفضلوا ...تعالى يا ام كريمx

امال ايلين فين ...

ايلين كانت مستخبيه فى حضن عمر وخايفه من سحر علشان المرة اللى فاتت زعقت ل ليلي جامد لما كان عمر جايبها من عندهمx

سيد : ايه يا ايلين مش هتسلمى علي انا وتيتى

ايلين : انا خايفه يا جدو ... تيتيى سحر هتزعق لماما تانى ذى المرة اللى فاتت.. وماما تعبانه ...x

سيد : لا يا حبيبتى متخافيش تيتي سحر يتحب ماما ومش هتزعلها ولا هتزعلكx

ايلين نزلت من حضن عمر وهى متردده راحت لسيد اللى حضنها جامد وباسها من راسهاx

عمر بص على ليلي كانت باصه لسحر وزى مايكون خايفه منها ومستنيه تشوفها هتقول ايهx

عمر : طيب يا عم سيد استأذن انا بقه علشان عندى شغل ... والف سلامه للدكتورةx

سيد : الله استنى يا عمر يا ابنى مش هتاكل معانا ولا ايهx

عمر : لا يا عم سيد دا انا سيبت الشغل والله علشان اجيب لماما الطلبات وراجع تانى ضرورى معلش اعذرنىx المرة دىx

سيد : مفيش اعذار يا عمر كل وامشيx

رحمه : خلاص يا عمر علشان عمك سيد مش يزعلx

عمر بيبص على ليلي اللى حاطه وشها فى الارض وباين عليها التعب والاجهاد ...فبص لمامته وفهمتهx

رحمه راحت ل ليلي حضتنها بدراعها : مالك يا ليلي انتى تعبانه .. تعالى نروح المستشفىx

ليلي صوتها طالع بالعافيه من التوتر : لا يا طنط انا هاكل واخد الدواء وانام هبقى كويسه

رحمه : طيب تعالى اقعدى يا حبيبتى واقفه ليه .. يلا يا اساذ سيد اقعدوا خلى الاولاد ياكلوا وكل واحد يشوف مصالحه ... اقعدى يا اما كريمx

قعدوا كلهم ياكلوا وكل واحد بيفكر فى حاجه ... ليلي بتفكر فى رد فعل سحر وسكوتها ده مش مطمنها

سيد بيفكر ان ايلين عادت خايفه منهم بسبب سحر ولما مامتها تعبت قالت للغرب ومقالتش لهم وسكوت سحر... ده خايف تنفجر فى اى لحظه ويخسروا ليلي وايلين للابد

عمر انا ايه اللى عملته ده ... عملت ليها مشكله مع اهلها ... وايه حكايه خوفها من ام كريم ده .... انا ليه قلبى بيتألم كده علشانهاx

رحمه يا ترى هيحصل ايه بعد الاكلx ...سحر هتقول ايه ولا هتعمل ايه ... بس كده انا اتأكدت ان عمر مهتم ب ليلي ربنا يحقق لى اللى فى بالىx

سحر : كانت متلخبطه جواها نار بيت ابنها دخله الغريب وبيتصرف فيه كانه بيته ... وبنته بتعامل الغريب و متعلقه فيه كأنه ابوها ...وليلي ...اااااه يا ليلي يا ترى ناويه على ايه ... ومن ناحيه تانيه كريم وزعله منها لما زعقت لهم المرة اللى فاتت ... مش قادرة تخرج النار اللى جواها

[جوهرة ال سيف]

الفصل الثالث عشر
اعتراف
بعد الغدا عمر اخد رحمه وروحوا ....و سيد قعد هو وسحر مع ليلي علشان ياخدوا بالهم من ايلين لحد مامتها ماتخفx




رحمه : ايه يا عمورى مش عاوز تقولى حاجهx

عمر فى نفسه ( ايوه جينا لاستجواب رحمه .... وما ادراكم ما استجواب رحمه ) : ايوه يا حبيبتى خير اقول حاجه ذى ايهx

رحمه ( على ماما ) : بص يا عمورى انت هتقول هتقول ... فريح نفسك وريحنى وقول على طولx

عمر بيفكر فى حجه : مفيش يا حبيبتى انا كنت فى المستشفى النهارده كان لى مصلحه هناك وعرفت ان ليلي مجاتش وعيانه ...x x x x ف ايلين صعبت على اخدت لها اكل وروحت ...بس كدهx

رحمه : بص يا عمر يا حبيبي انا هقولك كلمتين فكر فيهم كويس ... انت بدأت تميل ل ليلي مش هقول بتحبها علشان ما تزعلش ... كل ما تصدق الموضوع ده بدري هتوفر على نفسك وقت وجهد بيضيعوا فى الانكارx

عمر : حب ايه يا ماما حضرتك عارفه انى انا مش بتاع حب ....واعتقد ليلي مش هتتجوز بعد كريم ... فاى كلام فى الموضوع ده ملوش لازمهx

رحمه : طيب انا هسألك سؤال ومتجاوبش عليه لى جاوب عليه لنفسك ... لو بكرة ليلي قررت تتجوز واتقدم لها شخص مناسب ..ووافقت عليه ... انت احساسك هيكون ايه ساعتهاx ...انا قولت اللى عندى وانت حر وسابته ومشيتx

عمر قعد مع نفسه ..( هى ايه الحكايه انا عمرى ما عملت كده مع اى واحده ... ليه حاسس انى مسؤل عنها .. ليه قلبى بيوجعنى كل ماافتكر حبها لجوزها .... ليه اتضايقت من سؤال ماما ... يعنى لو حصل كده فعلا ... انا مش هاستحمل انها تتجوز اي حد تانىx ... بس انا مش حاسس انى بحبها .. ولا هو ده الحب ... انا لازم اتأكد من مشاعرى الاول وبعد كده هيكون لى تصرف تانى )







سيد : ينفع كده يا ليلي يعنى تبقى تعبانه ومتقوليش لنا ... امال هتقولى لمينx

سحر ردت :x مهى قالت يا ابو كريمx

سيد زعق : سحر ... لو سمحتى اعملى لى شاى واعملى ل ليلي حاجه دافيه

xليلي : لا يا عمى مش عاوزة حاجه ... انا هقوم اعمل لحضرتك شاىx

سيد : ليلي احنا جايين نريحك مش نكون عبأ عليكى ... يلا يا ام كريم روحى اعملى لنا شاىx

طلعت سحر على المطبخx

ليلي : والله يا عمى انا كنت نايمه واتفاجأت ان طنط رحمه جايه تشوفنى وبعدها الاستاذ عمر كان جايب الاكل وعرفت ان ايلين هى اللى ردت عليها واديتها العنوان ... يعنى انا معقول هطلب منx الغربx يساعدونى وحضرتك موجودx

سيد : انا مش باتهمك يا ليلي علشان تبررى لى ... انا زعلان انك مقولتيش ليناx

ليلي : انا ماكنتش عاوزة اتعبكم معايا يا عمى .. وبعدين انا قولت دول شويه برد ومش مستاهلينx

سيد : لا يا ليلي ... انا قولت لك اعتمدى على نفسك ... مش موتى نفسك ... وبعدين انتى بنتى يا ليلي ... وبعزك زى سهير ويمكن اكتر متعمليش فرق بينا تانى يا ليلي

جت سحر بالشاى : الشاى يا ابو كريم ... متزعليش يا ليلي انا بس زعلت لما لقيت حد غريب هو اللى بيهتم بيكى و بايلين انا عملت لك يانسون علشان البرد

ليلي : شكرا يا ماما ربنا ما يحرمنى منكم ومش عاوزاكم تزعلوا منى علشان موضوع طنط رحمه ....x الموضوع جه صدفه والله مش مقصودهx

سيد : خلاص فضوها سيرةx فى الموضوع ده بقه










عمر عمال يتقلب يمين وشمال مش جايله نوم ( هو ممكن ليلي فعلا تفكر تتجوز تانى .... طيب افرض انها فكرت هتعمل ايه يا عمر .... طيب والحل... الله يسامحك يا ماما كان لازم السؤال ده ) قام عمر قعد ومسك تليفونهx

ابراهيم وهونايم ومش شايف مين اللى بيتصل : يعنى ده وقت حد يكلم حد فيهx

عمر : فوق يا واد انت وكلمنى عدلx

ابراهيم قام من النوم مفزوع ومن الخضه التليفون وقع من ايده .. جاب التليفون : عمر حبيبي ايه اللى مصحيك دلوقتى حد جراله حاجه انتم كويسينx

عمر مش عارف هو اتصل بابراهيم ليه ... هو ملوش اصحابx بجد غيره : كلهم كويسين ... انا اللى مش كويس يا ابراهيم

ابراهيم اتكلم جد :x فيه ايه يا صاحبي مالك ... اجيلكx

عمر : انا تايه ومتلخبط ومش فاهم مالى ... ابراهيم انا شكلى معجب ب ليلي ... بس مش مبسوط انى معجب بيها.... انا بتصرف تصرفات غريبه مش بتاعتى ... انا روحت هددت واحد النهارده عرفتx انه معجب بيها ... تصدق ده ... ولما عرفت انها عيانه اخدت اكل وروحت لها البيتx

ابراهيم : وانت بتعرف اخبارها ازاىx

عمرسكت شويه : خليت رضا يراقبهاx .... انا قلبي بيوجعنى قوىx لما افكر انها بتروح بيتها تقعد لوحدها تبكى على جوزها ... مش عارف بيوجعنى عليها ولا عليا انا ... يا ابراهيم انا اسمع ان اللى بيحب بيكون فرحان ومبسوط ...انا لا ...مش عارف ليه ... انا معجب بواحده بتحب واحد تانى ومفيش امل تفكر فى حد تانى غيرهx ... ابراهيم انت نمتx

ابراهيم : لا يا عمر مش نمتx باسمعك ... انت مش معحب بس يا عمر ده انت واقع فيها ومحدش سمى عليك ... دا كفايه انك خليت رضا يراقبها يا راجل.... بص يا عمر يا حبيبي انت بتحبها و مش مبسوط لانك مكنتش عاوز تقع فى الحب يعنى زعلان من قلبك انه اتمرد على القوانين اللى انت حاططتها وحب ... بص يا عمر احنا بنعيش مرة واحده والعمر بيجرى واللى ممكن تعمله دلوقتى ومعملتوش مش هيكون متاح ليك بعد كام سنه وساعتها هتندم وتقول يا ريتنىx ... طالما الحب خبط على قلبك افتح له وجربه وعيشه بتفاصيله اللى حرمت نفسك منها طول عمرك ... صدقنى الحب ده اجمل شئ فى الحياه ..ااااه اسألنى اناx

عمر : امشي يلا غور بدل واللهx انت عارف ...x

روح يا اخويا نام انت وسيبنى انا مش دعيت علي ودعوتك استجابت بركاتك يا شيخ ابراهيمx

ابراهيم : كله من طيبه قلبي .. وظلمك ليه ...x

عمر : روح يا شيخ منك للهx

ابراهيم : بكرة تدعيلى ... لما تدوق حلاوة الحب ...خصوصاx لماx اللى بتحبها تبادلك نفس المشاعرx

عمر : ما اظنش ده هيحصل ... ليلي قفلت قلبها بعد جوزها وصعب ...لا مستحيل تحبنى او تبصلى حتىx

ابراهيم : وانت فين ...هتسيبها ...دا انت عمر ... مفيش حاجه تستعصى عليك ... حاول معاها و متيأسش ... وانت معاك ميزه حلوه ان بنتها بتحبك وانت بتحبها ... وهى علشان بنتها ممكن تديلك فرصه ..استغل انت الفرصه دى ومش تضيع وقت .... خلاص كده الموضوع عاد واضح انت بتحب ليلي اتصرف على هذا الاساس .... احسن حد تانى يدخل فى الخط ... مفيش حاجه مضمونهx

عمر : ايه حكايتك انت ورحمه ... حد يخطفها ..حد يدخل فى الخط .... امال رضا بيعمل ايهx

ابراهيم ضحك بصوت عالى وعمر كان ضحك : اه يا قادر رضا ....x

عمرx : خلاص بلاش دوشه صدعتنى ... روح نام وسيبنى انامx

ابراهيم قلد صوت ست : بقه كده يا عمورى .. بعد ما اخدت غرضك منى ياx قاسى .... عاوز تتخلص منى .... بس ده بعدك ...انى ابعد عنكx

عمر : غور ياد هتجيبلى مصيبه الله يخربx بيتك حد يسمعك يقول ايهx

ابراهيم : خلاص يا عمورى ...اسيبك تستريح يمكن ...يمكن .. يمكن .. تنام ..وماظمش يلا تصبح على خيرx

انهى ابراهيم المكالمه مع عمر .... وعمر كشرو بعدها ضحكx : بتحب يا عمر ... لا ويازين ما اخترت ..طيب مالبنات كتير ...طول عمرك فقرى ..ملقتش الا دى ...طريقك صعب يا عمر باشا ...بس على مين ... مش هسيبك يا ليله االا وانتى حرمx الرائد /عمر الهنداوىx







ابتدت رحله جديدة فى حياة عمر .... لما صحى الصبح حس ان كل حاجه متغيره زى مايكون الدنيا عنده كانت بالابيض والاسود ودلوقتىx بقت بالألوانx مبسوطx مش عارف ليه ... متحمس ..حابب الحياه ..

و رحمه كمان لاحظت التغيير ده عليه حتى فى طريقة لبسه وتسريحة شعره... ابتسامتهx

رحمه : انت جاوبت على السؤال يا عمرx

عمر : انتى شايفه ايه يا ماماx

رحمه : شكلك منمتش الا اما جاوبتx

عمر ضحك و معلقش على كلام مامتهx

رحمه : طيب لو احتاجت مساعده عرفنى ... احنا فى الخدمهx

عمر قام حضن مامته وباس راسها وايدها و خرج و هو مبتسمx







ليلي قامت من النوم زى كل يوم جهزت بنتها للحضانه وطلعت على شغلها .. ودخلت المستشفى جهزت نفسها ومرت على المرضى ...قابلها الدكتور حاتمx

حاتم : السلام عليكم ... ازيك يا .... دكتورةx ليلي ( واتكى قوى وهو بيقول دكتورة ) ... الحمد لله على سلامتكx

ليلي استغربت اسلوبه : الحمد لله ... شكرا يا دكتور ...ولفت علشان تمشىx

حاتم : يعنى يا دكتورة لما تبقى زعلانه منى من حاجه مش لازم تبعتيلى حد يهددنى ... قوليها لى انتx

ليلي : انا مش فاهمه انت بتتكلم عن ايه

حاتم : الاستاذ الى انتى بعتيه امبارح يهددنى طول بعرض بعضلات و شايل مسدس

ليلي : انا مبعتش حد ولو عاوزة اقول حاجه مش هاجيب واسطه ...عن اذنك ..جت تمشى وقف قدامها حاتم

حاتم : يعنى انتى متعرفيهوش اصله بيقول انه بيجلكم البيت ... وانى محاولش اكلمكx

ليلي : انا معرفش انت بتتكلم عن مين .. بس يا ريت تسمع كلامه ومتحاولش تكلمنى ...x وسابته ليلي وراحت على مكتبها .. دخلت لقت عمر قاعد مستنيهاx

ليلي : استاذ عمر ... خير ... فيه حاجه حصلت .... حد جراله حاجه

عمر : بس بس يا ستير يا رب ...ايه مفيش الا المصايب فى دماغك ..x قلقت وجيت اطمنx بعد موضوع امبارح ...واضح انك كنتى خايفه من مرات عمك ... قالت لك حاجه تديقك بسببي ...x

ليلي بعد كلام عمر حست ان هو اللى جه كلم حاتم كل المواصفات تنطبق عليه عضلات وشايل مسدس : طيب وانت تقلق ليه ... وتطمن على بصفتك ايهx

عمر : هو انا جبت سيرتك .. انا جاى اطمن على ايلين حبيبتى ... خفت مرات عمك تكون زعقت معاكى والبنت اتضايقت ...انت حاشرة نفسك ليهx

ليلي : وتطمن على ايلين بصفتك ايهx

عمر : صاحبتى وبحبها وامرها يهمنى ... مالك انتىx

ليلي : استاذ عمر ..ارجوك .. ايلين دلوقتى بتمر بمرحله صعبه من فقدها لباباها واحتياجها لاى حد يعوضها حنان الاب اللى هى فقداه ...ارجوك بلاش تعلقها بيك اكتر من كده .. انت مش عارف كل مرة بتشوفك او تقعد معاكx بتعمل فينا ايه بعدهالحد ما تهدى تانىx

عمر : طيب وانتى ايه اللى يضايقكxفى ده...x طبيعى ان البنت يكون فى حياتها حد يعوضها حنان ابوها ... ولو مكانش انا صدقينى هتشوف حد تانى .. وهتفضل طول عمرها حاسه بالحرمان حتى لو انتى وجدها عملتوا لها كل اللى تقدروا عليه .. هتفضل حاسه بالحرمان بردوا ... وكونى موجود معاها دى ميزة مش عيب ...حد انتى تعرفيه وواثقه انه مش هيأذيهاx

ليلي : ايوه بس بتقعد معاها شويه وتسيبها ... هى مش بتقدر تفهم ان ده الطبيعى هى عاوزاك موجود معاها على طولx

عمر ابتسم : والله يا ريت وانا كمان عاوز ابقى معاها على طول ... ما تديهالى يونبكx ثوابxفينا

ليلي : يا سلام اديك مين ... اديك بنتىx

عمر: طيب خلاص صعبتى عليا نقسم الاسبوع بينا انتى 3 ايام وانا 3 ايام واليوم السابع عند جدها وجدتها .. ايه رأيك

ليلي ضحكت : لا انت اكيد مش طبيعى ... سبحان الله ولا باين عليك حاجه خلاص .. اللى يشوفك يقول عاقل وطبيعى

عمر بص على ليلي وابتسم : خلاص براحتك .... بينى وبينك المحكمه ... بقولك صحيح قبل ما انسي .... المدرسه اللى انتى مقدمه فيها للبنت دى مش كويسه مدرسة ..... افضل منها بمراحلx

ليلي بصت له : انا فعلا قدمت لهاx فيها بس ورقها اترفض ....

عمر : هاتى لى الورق بتاعها وانا هقدمه ... واعتبريها دخلتهاx

ليلي : وتقدمه بصفتك ايهx

عمر : ملكيش فيه ... صاحبها ... حبيبها ... انتى مش ليكى انها تدخلها وخلاصx

ليلي سكتت ومش مبسوطه للتقارب اللى حاصل بين عمر وايلين : ماشي هخلى عمى يجبلك الورقx

عمر قام وقف : لا بلاش تتعبي عم سيدx ...جهزيه انتى بس وانا هاجى اخده منك بكرة .. ليه مصلحه فى المستشفى بخلصها وهاجى تانى بكره ان شاء الله ... اشوفك بكرة ...وطلع وساب ليلي مستغربه من طريقته بيتصرف كأنه واحد من العيلهx







ابراهيم : تعالى يا غالى ... تعالى قولى عملت ايهx

عمر: عملت ايه فى ايهx

ابراهيم : ما انت اكيد مش جالك نوم طول الليل واول ما صحيت من النوم جريت على ليلي علشان تشوفها وتكلمها ... ها قولى عكيت الدنيا ولا لسهx

عمر : انت عبيط يا ابنى .. انت تعرف عنى كده ....x

ابراهيم : ما انت مش فى حالتك الطبيعيه ... وممكن تتهبل ..و تروح تقولها انك معجب بيها ...وكده ... ما انت مدب و اول مرة تحبx

عمر : لا يا اخويا مش تخاف عليا ... ليلي عاوزة تخطيط وصبر .. وانا عرفت مدخلها ...وان شاء الله فرحنا يكون سوا انا وانتx

ابراهيم : نعم يا اخويا وانت تتجوز معاياي فى اليوم بتاعى ليه ... لا انا عاوز يوم لوحدىx

عمر : خلاص استنى اما اتجوز انا وابقى شوفلك يوم لوحدك بعدهاx

ابراهيم : طب انا بحبx من قبلك يبقى اتجوز انا الاول وبعدين انتxx

عمر: بص يا ابراهيم يا حبيبي ... مفيش جواز ليك قبل ما اتجوز انا ليلي ... فا احسن لك تساعدنى علشان تتجوز بسرعهx

ابراهيمx (بيبرطم فى سره ربنا على المفترى ... يعنى سمر ملقيتش غيرك انت اللى تبقى اخته .... مش كفايه عليا قدامى فى الشغل ... لا وتبقى خال عيالى و العيال بيطلعوا لخالهم ... اصلها كانت ناقصه )

عمر : بتقول حاجه يا ابراهيم يا حبيبيx

ابراهيم : ابدا يا ابو نسب ... انا اقدر اقول حاجهx .. انا تحت امرك معاليك شوف عاوز منى ايه ...

عمربتفكير : اممممم والله هتنفعنى يا واد يا ابراهيم ...افكر وابقى اقولك ..يلا روح شوف شغلك متعطلنيش ...

[جوهرة ال سيف]

الفصل الرابع عشر
المطارده
ليلي : السلام عليكم يا عمى اخباركم ايهx

سيد : نحمد الله يا بنتي تعالى ... اقعدى يا ليليx

ليلي : امال ايلين فين .. وطنط سحرx

سيد : سحر اخدت ايلين ودخلوا ناموا .... دلوقتى يصحوا ... اقعدى معايا شويه ... عاوز اطمن عليك ... انا معنتش بقعد معاكى خالص ... الشغل واخد معظم وقتك

ليلي : معلش يا عمى يا حبيبي ... انت عارف الحياه صعبه ازاى وانا عاوزة اوفر ل ايلين حياه كريمه و متحسش ان حاجه نقصاها

سيد : عارف يا بنتي ... بس بنتك ناقصها حاجات اهم من الفلوس .... ناقصها تبقى زى اصحابها ... لها امx و...ابx كمان

ليلي : انا مش مقصرة معاها يا عمى ... و موضوع باباها ف ده مش بايدى ... وفى كتير زيها كده اتربوا من غير اب سواء اتوفى او مسافر او انفصل عن الام .... ده عادى و موجود

سيد : طيب و فكرك بيكونوا طبيعيين واسوياءx

ليلي : ناس كتير منهم بيكونوا افضل من الطبيعيين كمان ...x

سيد : شوفى انتى قولتى ايه ... ناس منهم .. مش اغلبهم ... يعنى مش القاعده انهم الافضلx

ليلي : حضرتك عاوز توصل لايه يا عمىx

سيد : يا بنتى الجو اللى بنتك عايشه فيه ده مش صحى هى محتاجه حياه وضحك ولعب وفسح ... مش ام هلكانه طول النهار من الشغل وبتروٌح عاوزة تستريح و تحزن لها شويه وتنام طيب فين انطلاق الطفوله هتعيشه امتى لما تكبر و تعدى المرحله دى وهى حاسه بالحرمان ... يا ليلي اسمعى منى ... انا حاسس بايلين ... البنت بقت عصبيه و صوتها عالى وبتزعق على اى سبب

ليلي : طيب انا فى ايدي ايه اعمله معملتوش يا عمىx

سيد : لازم تخرجى من حاله الحزن اللى انتى عايشاها دىx .... سيبك من السواد اللى انتى معيشه نفسك فيهx

سيد بتردد : انا .... انا .. جالى واحد النهارده طلب ايدك منى .... وانا موافق عليه ... وقولت له هنفكرx

ليلي قامت اتنفضت : انت بتقول ايه يا عمى ... انا معاك انى احاول اعيش حياه طبيعيه واخرج من حاله الحزن ... بس مش لدرجه انى ادخل واحد تانى فى حياتى بعد كريم .... ارجوك يا عمى اقفل على الموضوع ده ومتفتحهوش معايا تانىx

قامت ليلي وسابت عمها ودخلت اوضه سحر شالت ايلين وهى نايمه واستأذنت من عمها ومشيتx

سيد (: ربنا يهديلك حالك يا ليلي وتعرفى مصلحتك قبل فوات الاوان )

سحر : مهى ربنا هاديها يا ابو كريم ... هى لازم تتجوز علشان يبقى ربنا هاديها ... فيه ستات زيها كتير ويمكن اصغر منها كمان ولما ازواجهم ماتوا ما اتجوزوش وعاشوا على ذكراهم ... هى مش اول ولا اخر واحدهx

سيد : ليلي يتيمه يا ام كريم لو انا وانتى متنا الصبح هى و بنتها هيعملوا ايه فى حياتهم ....مين هيسند ظهرهم ... مين هيحميهم من الناس ... والزمن اللى احنا فيه ده صعبx

سحر متردده : هو ... هو صحيحx فيه حد اتقدم ل ليلي النهارده يا سيدx

سيد : ايوه يا سحر ومش اول واحد ولا هيكون اخر واحد بس ده مناسب وانا شايفه فرصه كويسهx

سحر : عمر ؟

سيد : ايوه ... الست ام عمر كلمتنى النهارده ... قالتلى على رغبه ابنها ..بس قالتلى مقولش ل ليلي دلوقتى علشان هترفض ..وطلبت انى استنى شويه لحد ما ليلي تلين دماغها شويهx

سحر دموعها نزلت : وهان عليك كريم يا ابو كريم ... بتخطب لمراتو وحبيبتو وام بنتو... وذاد بكاها بصورة خلت سيد دموعه هو كمان نزلتx

سيد اخد سحر فى حضنهx

سيد : محدش يا سحر ضامن عمره .... وانا راجل كبرت وعجزت والاعمار بيد الله .. ومش عاوز اقابل كريم ويسألنى على مراته وبنته عاملين ايه وسيبتهم لمين اقوله ايه ... سيبتهم فى الدنيا لوحدهم.... دى لال ليها اب ولا ام ولا اخ ولا عم .... ملهاش حد غيرناx ....هيزعل منى وانا عارف ابني كان بيحب ليلي الزاى وكان بيحب يشوفها مبسوطه ... هيزعل منى انى محاولتش اسعدها قبل ما اموت ... صدقينى يا سحر لو كريم معانا دلوقتى وبناخد رأيه هيقولك تتجوز وتتهنا ..... طالما هى مبسوطه انا مبسوط ...

سحر و هى دموعها نازلهx : طيب واش عرفك ان عمر ده هيسعدها و يحافظ عليهاx

سيد : علشان ابن ناس طيبين ... وبيحب ايلين وايلين كمان بتحبه ... وبيحب ليلي. وطالما بيحبها هيخاف على زعلهاx

سحر : ليلي مش هتتجوز بعد كريم .. ريح نفسك وسيبها متلعبش فى دماغها ... هى مبسوطه بحالها كده

سيد : يا شيخه حرام عليكى هى فين المبسوطه دى .... بصى يا سحر انا مش هغصب عليها هى حره طبعا انا بنصحها نفس النصيحه اللى كنت هنصح بيها بنتى لو فى مكانها .. علشان مظلمهاش ... واشيل ذنبهاxقدام ربناx

سحر : خلاص انت عملت اللى عليك وهى رفضت سيبها بقه مش تقعد كل شويه تزن عليهاx

سيد : اللى فيه الخير يقدمه ربنا ....x قومى اعملى لنا حاجه نشربهاx







ابراهيم : ده انت جرئ قوى تحبها امبارح بالليل تروح النهارده الصبح تكلمها ... قولت لها بحبك ولا لسه يا عمر ... طلبت ايدها للجواز ولا ايه يا حبيبيx

عمر : اسكت شويه ايه بالع راديو .... ادينى فرصه اتكلمx

ابراهيم : مش بتقول روحت ل ليلي وكلمتها ...

عمر : ايوه كلمتها بس كلام عادى عن ايلين ومدرستها وكده ... هو انا اهبل هاروح اقولها بحبكx ...دى مش طايقه تشوف حدx

ابراهيم اخد نفسه بصوت : طمنتنى ... اصلك مستجد فى موضوع الحب ده ... لازم تستشير الخبراء الاولx

عمر : وهما فين الخبراءx دول

ابراهيم رفع ليا قة قميصه : عميت فى نظرك مهم قدامك اهمx

عمر : يا شيخ اتلهى ... ده لولا ان اللىx انت حبيتهاx طلعت سمر اختى كان زمانها اتجوزت وخلفت وانت قاعد زى خبيتها تبكى على الاطلال...اقعد انت واتعلم منx الاستاذ شوفه هيعمل ايه ... وان مكنتش اتجوز قبلك يا ابراهيم مبقاش انا عمر الهنداوىx

ابراهيم : نعم يا اخويا هو انا لسه هستناك تخطط و تكتك وتتجوز لايا اخوياx .... انا اتجوز الاول وانت تحصلنى براحتك

عمر : طيب ايه رأيك يا ابراهيم مفيش جواز ليكم الا وانا مراتى معاياx ...x

ابراهيم : ليه بس كده يا عمريا حبيبي ... بتعمل معايا كده ليه ... انا عمرى زعلتك فى حاجه ... حرام عليك يا شيخx

عمر : خلاص صعبت علىx

ابراهيم ابتسم وقايم علشان ياخد عمر بالحضنx

عمر : خلاص تتجوزوا معانا فى نفس اليوم .... شوفت بحبك ازاى

ابراهيم : ربنا على المفترى ...x يمهل ولا يهمل .... يمهل ولا يهمل ..... وخرج ابراهيم وهو عمال يتحسبن على عمرx

عمر قعد يخطط على اللى ناوى يعمله وازاى هيوصل لقلب ليلي بأسرع طريق




رحمه بعد ما اتصلت على سيد قعدت تحلم باليوم اللى هتجوز فيه عمر وتطمن عليه ... (ليلي طيبه وبنت حلال ..ربنا يهديكى يا ليلي وتوافقى بسرعه متتعبيش قلبنا معاكى)x

سمر : ايه يا ماما يا حبيبتى انتى بتكلمى نفسك ولا ايهx

رحمه : تعالى يا حبيبتى ... لا ابدا بفكر فى حاجه كدهx

سمر : خير يا رحمه ... استر يا رب

رحمه : خير طبعا .... بفكر اجوز عمر اخوكىx

سمر : يا سلام ... وهو بمزاجك يعنى ...مانتى عارفه رأيه فى الموضوع ده

رحمه : لا مهو غير رأيهx

سمر : لا والله وانا اخر من يعلم ... وغيره امتى ان شاء الله وليه بقه

رحمه : غيره النهارده الصبح .... اصله بيحبx

سمر : طب احلفى ..ابيه عمر ...بيحب ...انتى متأكدهx

رحمه : اه .... متأكده ... ويمكن يتجوز قبلك كمانx

سمر : قبلى ازاى ...لا دا انا خلاص ابراهيم تقريبا خلص كل حاجه ... ومش هنستنى احنا حد

xعمر : لا يا حبيبه اخوكى هتستني نتجوز فى يوم واحدx ... يا كده يا مفيش جواز خالص ... قولتى ايهx

سمر : لا طبعا ... موافقه ... قال مفيش جواز قال... ده الموضوع بصحيح بقهx

عمر : صحيح الصحيح ... دعواتك ربنا يسهلى ...اصل موضوع اخوكى صعب قوىx

رحمه : مش قوى ولا حاجه ... انا معاك لحد متوافقx ...انا عملت محاوله كده هتساعدكx كتيرx

عمر : استر يا رب عملتى ايه يا ماما

رحمه : متخافش انا فاهمه ان الوضع حساس ...بس حبيت نكون عل نور .. انا طلبت ايدها من عمهاx

عمر قام وقف : بتقولى ايه يا ماما ... طلبتى ايدها من حماهاx

رحمه : متخافش ...الراجل ده عمها و هو اللى مربيها ... وهو وافق على فكرة ورحب كمان ... وفاهم دماغ بنت اخوهx

عمر : هترفض يا ماما .. استعجلتى ... قولت لحضرتك سيبينى انا هتصرفx

رحمه :x متخافش يا عمر قولت لك الراجل فاهم الحاله اللى هى فيها ... هو مش هيفاتحها خالص الا لما تلين ... عمك سيد هيساعدنا متخافش

عمر : ربنا يستر







تانى يوم ... عمر واقف قدام باب المستشفى مستنى ليليx

ليلي شافته واقف ( صبرنى يا رب ... ايه حكايته ده كمان ... كانت نقصاه )

ليلي : استاذ عمر خير ... واقف كده ليه....x

عمر : انتى اللى خير يا دكتورة .. قولت لك لى مصلحه هنا فى المستشفى ... مش جايلك على فكرهx

ليلي اتكسقت و لسه هتمشى عمر وقف قدامهاx

عمر : صحيح : جبتى ورق ايلينx

ليلي : اه معايا ... وطلعته من شنطتهاx

عمر اخد منها الورقx : ده انتى كان قلبك حاسس انى جاىx

ليلي : ... لا عادى انا قولتx علشان لو طلبته يكون موجود معاياx ... بعد اذنك بقه عندى شغل ... ولو حاجه تمت فى موضوع مدرسه ايلين عرفنى

عمر : تمام يا دكتورة اتفضلى ... هكلمك لما اخلص الموضوعx

ليلي دخلت المستشفى ومش اخدت بالها من دكتور حاتم اللى كان واقف ومتابع الحوارx




عمر مشى راح على المدرسه وكلم المدير وقدم الورق على اساس ان ايلين تبقى قريبته ويهمه امرها ...x

مدير المدرسه : حضرتك عارف صعوبة الموضوع ده بس احنا منقدرش على زعلك يا عمر بيهx

عمر : وده العشم بردوا ... انا مش عاوز اوصيك على البنت ... ايلين انا باعتبرها بنتى يعنى اى حاجه تزعلها هتزعلنى انا كمان ... ولو فيه اى حاجه تخصها يا ريت تواصل معاياx

مدير المدرسه : انت تؤمر يا عمر بيه .... ان شاء الله البنت تقدر من بدايه الاسبوع تحضر مع زمايلها ...x

xعمر قام وقف وسلم على المدير :x تمامx ... شكرا لحضرتك اشوفك فى بدايه الاسبوع مع ايلينx

عمر طلع من المدرسه على المستشفىx










حاتم : دكتورة ليلي ... لو سمحتىx

ليلى اخدت نفس بصوت وزهق : افندم يا دكتور خيرx

حاتم : امال كنتى بتقولى متعرفيش الشخص ده اللى جه وهددنى ... طلعتى تعرفيه وبينكم موضوع كمانx

ليلي لسه هترد عليه رد يستاهله ...بس سمعت الرد من من شخص تانىx

عمر : اظن احنا تكلمنا قبل كده انك ملكش دعوة بالدكتورة .... وانك متضايقهاشx

حاتم : لو سمحت با استاذ احنا زملاء و شغالين فى مستشفى واحده ... طبيعى انى اتكلم مع ليلي ( تعمد يقول اسمها من غير القاب )x

عمر ضغط على اسنانه : شكلك نسيت الكلام اللى قولته لك .. متزعلش بقهx

عمر : لو سمحتى يا دكتورة اتفضلى حضرتك على مكتبكx

ليلي لسه هتتكلم مع عمر وتوقفه عند حده ..

عمر علا صوته و فتح عينيه على الاخر: ليلي اتفضلى بعد اذنك اسمعى الكلامx

ليلي مشيت علشان الموضوع ميكبرش .... بس ناويه لعمر لما تشوفه هتقطع معاه خالصx







عمر : قولت لك يا دكتور انك لو اتعرضت لحد تبعى انا اللى هحاسبكx

عمر طلع تليفونه واتصل على رقم مدير المستشفى ( اللى الشرطه متعاقده معاهم .... وعمر يعرفه معرفه شخصيه )

عمر: الو .. ازيك يا كمال ... عامل ايهx

كمال : ....

عمر : تسلم يا كبير انا عندك فى المستشفى دلوقتى ... انت فينx

كمال : .....

عمر : طيب تيجي بالسلامه ابقى افتكر اخوك ببدله شيك بقه علشان ناوى اتجوزx

كمال : ....

عمر : يا مسهل ادعيلي انت بس ...بقولك ... فيه حد عندك هنا فى المستشفى عمل معايا موقف مش حلو ....واتعدى على حد يخصنىx

كمال : ....

عمر : ده العشم يا صاحبي ... دكتور اسمه حاتمx

كمال : ...

عمر : خلاص الموضوع ده عندك ... لما اجى المستشفى المره الجايه مش عاوز اشوفه ....اتفقنا ؟

كمال : ....

عمر : تمام يا كبير ... اشوفك لما تيجي بالسلامه وابقى اجكيلك ...يلا سلامx

عمر بص ل حاتم اللى كان متابع الحوار و مش مصدق اللى بيحصل ... تليقون حاتم رن برقم المدير

حاتم : الو ....اهلا يا دكتورx

كمال : ...

حاتم : بس يا دكتور محصلش حاجه لكدهx

كمال : ...

حاتم : طيب افهم حضرتك الموضوع الاول ... و...اسمعنى طيب ....

حاتم : اللى تشوفه يا دكتور .... تمام بكره هسلم هنا فى المستشفى وهاروح على فرع الاسكندريهx

حاتم قفل ... وبص على عمرx

عمر : انت اللى ما سمعتش الكلام واتحدتنى ... انا كنت اقدر امشيك من المستشفى خالص ... بس انا مبحبش اقطع عيش حد ... دى بس قرصه ودن علشان تحره تبص لحاجه غيرك ... وسابه ومشىx راح ل ليلي




xليلي كانت راحه جايه ومش طايقه نفسها ( هو ازاى يعلى صوته عليا... وازاى يكلمنى كده ... هو بيعمل كده بصفته ايه ... انا لازم اشوف حل فى الموضوع ده ) ....

[جوهرة ال سيف]

الفصل الخامس عشر
اول دقه
سيد : والله هى رافضه الموضوع تماما يا ست ام عمر فاتحتها و مش موافقه حتى نتناقش فيه ...سيبيها شويه ...ربنا يهدى لها حالها وينور بصيرتها
موضوع جوازها بعد المرحوم كريم صعب جدا ربنا يصبرها ويصبرنا
رحمه :انا عارفه قد ايه الموضوع ده صعب عليكم يا استاذ سيد بس انا عارفه انك بتعتبر ليلي بنتك مش بنت اخوك و مرات المرحوم ابنك
علشان كده انا باتكلم معاك لمصلحتها ولمصلحة ايلين ...ليلي لسه صغيره و فقدت والدها ووالدتها وهى صغيره وانحرمت من حنانهم ...وبعد كده فقدت حب حياتها وملحقتش تفرح
انا مش باتكلم كده علشان عمر ابنى وربنا اعلم انا غرضى سعادة ليلي ومصلحتها حتى لو مش وافقت على عمر
سيد :انا عارف يا ست ام عمر ومقتنع بكلامك بس الموضوع عاوز صبر وربنا يعمل اللى فيه الخير
رحمه :ونعم بالله انا آسفه لو كنت ضايقت حضرتك
سيد :لا ولا ضايقتينى ولا حاجه انا كمان يهمنى مصلحة ليلي وايلين واتمنى اشوفهم مبسوطين واطمن عليهم قبل ما اموت
رحمه :ربنا يطول فى عمرك ويديم عليك الصحه والستر وتعيش وتشوف فرح ايلين وتفرح باولادها كمان
سيد :الاعمار بيد الله واللى بيجى ساعته خلاص "وما تدرى نفس باى أرض تموت "
اطمنى ان شاء الله خير بس شوية وقت
رحمه :ان شاء الله ربنا يعمل اللى فيه الخير...سلملي على الست ام كريم ...اشوفكم بخير ...مع السلامه




سمر : طيب وانت ما كلمتهوش ليه يا سي ابراهيم ...انا هكلم اخويا اقوله انا عاوزه اتجوز و مش هستناك
ابراهيم :اه يا حبيبتي وفيها ايه ...قولى له يا عمر انا عاوزه اتجوز و ألحق اجيب لى عيلين قبل ما اعجز ... احنا مش عارفين انت قدامك قد ايه وان شاء الله بعد عمر طويل لو ...لو ليلى وافقت هكون انا عنست وابراهيم هيكون كبر وبان عليه الشيخوخه
سمر :والله ... ابراهيم انت بتهزر ..عمر فعلا مش هيوافق على ميعاد فرحنا غير لما يخلص موضوعه مع ليلي ..مهما قولنا او عملنا
ابراهيم :طيب والحل يا اخر صبرى
سمر : احنا لازم نساعد عمر فى موضوعه مع ليلي علشان نخلص ونتجوز بقه
ابراهيم : ازاى يا مغلبانى انت واخوكى
سمر :فكر يا ابراهيم ...شغل دماغك شويه بدل ما تصدى من الركنه
ابراهيم :والله ...انتى اخدتى عليا قوى ...بس معلش ملحوقة والله لتشوفى ايام ....
سمر :مالها ايامى يا ابراهيم بيه
ابراهيم: عسل ...والله عسل ملزق ان شاء الله
سمر :ايوه كده اتعدل ...خلينا نفكر فى المهم ازاى هنساعد عمر



ابراهيم : قبل ما تفكرى تعملى اى حاجه لازم تعرفى عمر لانه رافض اى حد يتدخل فى الوضوع ده
سمر :ماشى اكيد هنسق معاه بس فين الخطه الاول
ابراهيم :بصى يا ستى انتى لازم تصاحبيها... كده كده هى هتكون مرات اخوكى يعنى زى اختك ابدأى من دلوقتى وصاحبيها علشان تساعدى عمر يتقرب منها
سمر :ماشى وبعدين ..انت هتعمل ايه
ابراهيم : هاعمل مطنش ... هههه ...هاشجعك واشور عليكى وعلى اخوكى مش كفايه كده
سمر علت صوتها وبرقت عينيها : لا والله ...ابراهيم
ابراهيم : ايه يا بت انتى هتتحولى ولا ايه ...الله يهدك يا عمر البت انهبلت قبل ما تدخل دنيا ...مالك يا سمر يا حبيبتي وحدى الله ...انتى عاوزانى اعمل ايه
سمر : مش عارفه هشوف لك حاجه تعملها وبعدين اقولك
ابراهيم :طيب اقوم انا شكل عمر مطول جوه مع الحاجه رحمه ...شكلهم بيخططوا على تقيل وانا عاوز اروح ...ابقى سلمى لى عليهم
سمر :طيب استنى هنادي عليهم
ابراهيم : مش لازم يا حبيبي خليهم على راحتهم ...هكلمك لما اوصل ...يلا تصبحى على جنه
سمر ابتسمت :وانت من اهل الجنه يا هيمه
ابراهيم : منك لله يا عمر ...هتحرمنى من الدلع ده اشوف فيك يوم
عمر :بتقول حاجه يا هيمه
ابراهيم اتخض : ابدا يا كبير دا انا كنت بدعى لك ربنا يوفقك وتخلص موضوعك بسرعه علشان مستعجلين ...انت عارف السن بقه ويدوب الحق اجيب لى عيل قبل الشيخوخة
هه استأذن انا علشان الوقت أتأخر واشوفك بكره يا غالى تصبحوا على خير


ليلي نايمه واخده ايلين فى حضنها وبتفكر فى اللى حصل النهارده بينها وبين عمر ....
( ليلي فى اوضتها فى المستشفى راحه جايه دخل عليها عمر من غير ما يخبط
ليلي :ايه اللى انت عملته ده ازاى تدخل من غير ما تخبط
عمر :سيبك من المواضيع التافهه دى هى دى داخله الظباط ...
الراجل ده لو اتعرض لك تانى جوه المستشفى او بره المستشفى تعرفيني
ليلي :واعرفك انت بصفتك ايه ...انت مالك بي ...لو سمحت ملكش دعوه بحياتى تانى مره انا باعرف اتصرف
عمر :بقولك ايه يا ليله حاولى تتقبلى وجودى فى حياتك لانه خلاص بقه امر واقع
ليلي :اولا يا ريت لما تكلمنى مترفعش التكليف انا اسمى الدكتوره ليلي
ثانيا ايه اللى يخلينى اقبل وجود حضرتك فى حياتى كأمر واقع
عمر ابتسم و بص لها قوى وسكت شويه ..ليلي اتوترت من نظراته وابتسامته :

عمر كان لسه هيعترف لها بحبه واللى يحصل يحصل
بس الباب خبط
ليلي : اتفضل
دخلت ممرضه :دكتوره ليلي عاوزين حضرتك فى الاستقبال
ليلي : حاضر اتفضلى انتى وانا جايه وراكى
طلعت الممرضه و ليلي بصت لعمر
ليلي : لو سمحت يا استاذ عمر ابعد عن حياتى ويا ريت متجيش لى المستشفى تانى علشان كده شكلى هيكون وحش قدام الناس وقدام عائلتى
عمر :لنا كلام تانى يا دكتوره... وابقى جهزي ايلين من اول الاسبوع هتنتظم فى المدرسه الجديده انا كنت جاى ابلغك وانا اللى هاروح معاها اول يوم علشان انا قولت لهم انها قريبتى ومسؤولة منى وكمان علشان البنت متحسش انها اقل من اصحابها اللى باباهم بيودوهم اول يوم المدرسه
ولو سمحتى مش هاقبل منك اى اعتراض فى موضوع ايلين
وسابها وخرج )
ليلي بتكلم نفسها وهى بتلعب فى شعر ايلين : هو ايه حكاية عمر ده هو عاوز مننا ايه
ليه مهتم قوى كده بحياتنا
انا مش عاوزه كده انا عاوزه اعتمد على نفسي ومش عاوزه حد يعملى حاجه ولا لبنتى
وهى كده التليفون رن
ليلي : الو ..مين معايا
سمر : الو ازيك يا ليلي انا سمر الهنداوي
ليلي استغربت قوى
ليلي :اهلا يا سمر ازيك وطنط رحمه عامله ايه
سمر : كويسه بتسلم عليكى ما انا اخدت منها الرقم علشان اكلمك ...
انتى عامله ايه وايلين كويسه
ليلي :اه الحمد لله كويسين وانتى اخبارك ايه خلصتوا شقتكوا ولا لسه
سمر : لسه فيه شويه حاجات بسيطه ابراهيم بيخلصها
ليلي : ربنا يتمم لك بخير
سمر : اشكرك يا حبيبتي ...طبعا انتى مستغربه اتصالى بيكى كده من غير سبب
ليلي :لا ابدا انتى تتصلى بيا فى اى وقت
سمر : بصى يا ليلي انا عمر اخويا طول عمره قافل على ومعنديش اصحاب نهائى وكان مانع اختلاطى باى حد بس معاكى انتى الموضوع مختلف ف يا ريت تقبلى اننا نكون اصحاب
ليلي : طيب وهو مانعك من الاصحاب ليه هو بيتدخل فى كل حاجه فى حياتك كده حتى اصحابك
سمر : لا مش حكاية بيتدخل هو بيخاف علي جدا بعد وفاة والدى حس انه بقى مسؤول عنى يحافظ على
و مكانش قافل على قوى كده
بس بعد موضوع مراته واللى حصله منها اتغير خالص ومبقاش يثق فى اى حد
بس الحمد لله انه موجود فى حياتى عمر ده احسن و احن اخ فى الدنيا دى برغم غيرته علي وتحكمه فى كل حاجه تخصني بس لما عرف انى بحب ابراهيم وان ابراهيم كمان بيحبني ساعدنا اننا نتخطب
ويعتبر هو اللى خطب ابراهيم ... لان ابراهيم كان محرج منه لانى اخت صاحبه وكده
ليلي : غريبه ...بعد كل التحكمات بتاعته دى ... يوافق بسهوله كده على موضوع حبك لصاحبه
سمر : ضحكت بس ايه زل ابراهيم فى اول خطوبتنا مفيش تليفونات و مفيش زيارات الا مره واحده كل اسبوع وهو قاعد فى وسطينا
مش فكها علينا شويه الا لما بدأنا نجهز سمح بموضوع التليفون علشان ابراهيم يا خد رأيى فى تجهيز الشقه و السيراميك والوان الحيطان
ليلي : ده ديكتاتور بقه
سمر : لا والله ابدا هو بس بيخاف على زياده علشان اللى شافه من مراته مش شويه واحد غيره كان زمانه يا فى السجن يا فى مستشفى المجانيين
سيبك منى أنت عامله ايه وايلين كويسه...مبروك يا ستى المدرسة الجديدة بتاعة ايلين
ليلي: الله يبارك فيك...طبعا الفضل لعمر اخوكى لو مش هو اتدخل ماكنوش قبلوها ...انا فعلا قدمت لها كذا مره فى نفس المدرسه ومش اتقبلت
سمر : لا عادى ايلين دى حبيبتنا كلنا وانتى انا باعتبرك اختى وحبيتك اكتر من كلام ماما عنك وحبها ليكى
ليلي : ربنا يبارك لكم فيها ...انا كمان بحبها والله
سمر :طيب هاشوفك امتى وفين علشان نوثق موضوع الصداقه ده
ليلي : مش عارفه والله المشكله انا معنديش وقت اخرج خالص
سمر :يا سلام ...لا هنشوف وقت نطلع انا وانتى وايلين مشوار بنات
ليلي: ههه حلو مشوار بنات ده
سمر : ايون ...انتى بتخلصي مستشفى الساعه كام
ليلي : بخلص الساعه 4 وباجيب ايلين من عند عمى واروح على 6
سمر :خلاص يبقى متروحيش على بيتك احنا نطلع نتعشى فى مكان ونقعد مع بعض ونفسح ايلين
ايه رايك
ليلي فكرت فى كلام عمها عن ايلين وانها محتاجه تغير الحياه دى وتعيش طفولتها ويمكن ربنا بعت لها سمر علشان تكون سبب فى التغيير ده
ليلي :ماشى يا سمر اوكي
بس خلينا الخميس علشان يكون عندى اجازه تانى يوم
سمر :تمام يا حبيبتي وانا كمان بفضل الخميس يلا اسيبك تنامى معلش قلقتك
ليلي : لا ابدا انتى اتصلى فى وقت
ليلى بعد ما قفلت مع سمر قعدت تفكر فى كلامها عن عمر (يا ترى ايه اللى حصله من مراته ... طيب وانا مهتمه اعرف ليه و انا مالى ...بس تركيبه عجيبه من البشر ...يلا انام بقه علشان اقدر اصحى فايقه ...سكتت شويه كده وقامت قعدت وهى مبرقه عينيها انا النهارده مفكرتش فى كريم خالص وتفكيرى كله كان فى اللى اسمه عمر ده
هو بدأ يشوشر على افكارى ..ايه الحكايه يا ليلي ...وقامت جابت صورة كريم وباستها "الله يرحمك يا كريم ...وحشتنى قوى يا حبيبي و دموعها نزلت " واخدت الصوره فى حضنها ونامت زى كل يوم


عمر :سمر حبيبتى انتى خارجه النهارده مع ليلي
سمر :ان شاء الله يا حبيبي
عمر : هتروحوا فين
سمر وهى بتبص لاخوها من تحت لتحت ..يمكن النادى لسه هاشوف
عمر :يعنى ايه لسه هتشوفى لازم تقولى لى انتى هتكون فين علشان ابقى مطمن عليكى
سمر : ماشى لما نقرر هاعرفك انا لسه مش عارفه ليلي هتوافق على النادى ولا هتقول ايه .. بس ان شاء الله هنروح النادى علشان ايلين تاخد راحتها وتلعب
اه لو سمحت يا عمر بلاش تيجى علشان شكلى قدام ليلي متقولش انى متفقه معاك خلاص
عمر :خلاص يا اختى بس ابقى طمنينى عليكم كل شويه
سمر قامت باست اخوها من خده واخدت شنتطها :حاضر يا حبيبي ربنا يخليك لي ويحقق لك اللى فى بالك بسرعه بقه
عمر : اه يا اختى مستعجله علشان تتجوزوا بسرعه
سمر :انكر يعنى يا عموري ...انت غلطان على فكره ايه اللى يربطك بناس زينا ...انت لازم ليك يوم لوحدك ...على رواقه كده ...تخلص منى انا وابراهيم وشوف نفسك على راحتك
عمر : تمام انتى صح انا ايه اللى يخلينى ابوظ ليلتى واشترك مع ناس تانيه
تمام يا سمورتى خلاص نأجل موضوعك انتى وابراهيم لحد انا اخلص موضوعى واروق لكم
يلا علشان متتأخريش على شغلك
سمر وقفت وتنحت :بس انا كنت بقول...قاطعها عمر قبل ما تكمل
عمر : يلا يا سمر قفلنا مناقشه فى الموضوع ده
سمر اخدت شنتطها وهى خارجه تبرطم قابلت رحمه
رحمه : مالها دى بتكلم نفسها ليه
عمر : سيبك منها يا ماما ...ايه الاخبار مفيش جديد
رحمه : لا انا مش عاوزه اضغط على البنت علشان مش تحس اننا بنفرض نفسنا على حياتها كفايه عليها سمر دلوقتى
عمر :ماما شكل الموضوع مطول كده ...وسمر وابراهيم صعبانين على خلاص اول لما ابراهيم يخلص نحدد معاد فرحهم
رحمه قمت حضنت عمر وباسته : ربنا ما يحرمنا منك يا حبيبي كده احسن بردو
عمر : انا رايح شغلى اما اشوف المجنون التانى زمان سمر كلمته وزمانه طايح فى الكل


سمر : ايوه يا ابراهيم ...زى ما بقولك كده جيت اكحلها عاميتها
ابراهيم : شاطره يا اختى ...شاطره ...خلينا نخلل جنب اخوكى....
يا نهار اسود طيب افرض البت محبتهوش او استتقلت دمه نعمل ايه احنا
سمر بتعيط بصوت : خلاص بقه يا ابراهيم كفايه انا مش مستحمله يلا مع السلامه
ابراهيم : متعيطيش يا حبيبتى لما ييجىx هاتكلم معاه انا بس بلاش تعيطيx خلاص بقه علشان خاطرى
سمر : طيب يا ابراهيم خلاص
ابراهيم : طيب واحده هيمه علشان اصدق انك خلاص
سمر بسهوكه : يا هيمه
ابراهيم :الله يهدك يا عمر اشوف فيك يوم
عمر : هو انا كل ما ادخل عليك الاقيك بتدعى على يا اخى حرام عليك طيب متغير وادعيلى ...على سبيل التغيير يعنى
ابراهيم : طيب مع السلامه انتى انا رايح اقابل الوحش ادعيلى
ابراهيم : هو انت عمرك ما بتخبط على باب ايه وكاله من غير بواب ... وبعدين ادعي لك بتاع ايه مريحني ده انت كانت معرفتك سودا من يوم ما شوفتك وانا متمرط معاك .. لا و مش احب غير اختك انت ... ضاقت الدينا بيا وسيبت كل البنات واقع فى اخت هولاكو
عمر : عندك حق انت غلطان ولازم تصلح الغلطه دى سيبك من اخت هولاكو وروح شوف لك واحده تانيه
ابراهيم قام جرى وراح واقف قدام عمر : انت صدقت يا عموري انت عارف دا انا محبتش سمر الا علشان هى اختك ...اخت صاحبى وحبيبي ...انت عارف انا بحب اهزر معاك يا كبير
عمر بص له وسكت شويه ...ابراهيم كان مستنى رد فعل عمر
عمر : خلاص عفوت عنك ...بس عارف تدعى على تانى هاموتك كفايه كلx دعواتك على مستجابه
ابراهيم : علشان دعوة مظلوم .. وانت ظالمني بطل تظلمنى وانا ادعيلك بتيسير الاحوال
عمر ابتسم: طيب ادعيلى ربنا يقرب البعيد وانول المراد وانا اقولك حاجه تفرحك
ابراهيم : يا رب يا عمر يا ابن طنط رحمه تسعدك وتفرح قلبك وليلي بنت ....مش مهم ...توافق تتجوزك ..،لا يا رب
عمر بص له جامد : انت بتقول ايه يا غبى
ابراهيم : استنى يا اخى باعدل الدعوه ...تحبك وتموت فيك وبعدين تتجوزك ...حلو كده
عمر : اممم علشان الدعوه الحلوه دى اول ما شقتكوا تجهز تعالى علشان نحدد معاد فرحكم ملكوش دعوه بيا
ابراهيم : طيب احلف والله لتحلف
عمر : والله العظيم ...انت مجنون مش عارف اختى عاجبها فيك ايه ... اه يا اخويا صدق هتتجوز خلاص
ابراهيم حضن عمر ومثل انه بيعيط من الفرحه : والله مش عارف اقول ايه ولا اعمل ايه انا كنت عارف انك طيب ومش هيهون عليك زعلنا ...انا هاخد اجازه كام يوم واخلص اللى ناقص لى فى الشقه وطلع يجرى
عمر : خد يا واد... خد يا مجنون ...رايح فين

[جوهرة ال سيف]

الفصل السادس عشر
المهمه المستحيله
سمر : انتى فين يا ليلي انا واقفه بعربيتي قدام بيت عمك
ليلي :انا خلاص طالعه من بوابة البيت اهو خرجت ليلي وشاورت ل سمر
دخلت ليلي وايلين العربيه وسلموا على سمر
سمر : هاه يا حلوين عاوزين تروحوا فين
ايلين :الملاهى
سمر : والله وانا كمان نفسي اروح الملاهى بس عمر وابراهيم يولعوا فيا لو روحت لوحدى من غير حد فيهم
بقولك تعالوا نروح النادى وهناك فيه مراجيح والعاب حلوه بردو واسمنا فى مكان امين
ليلي : ماشى يا سمر انا موافقه
سمر : والانسه ايلين موافقه
ايلين : موافقه
سمر : استنى بقه لما اكلم عمر ليخرب الدنيا لو معرفش انا فين
ليلي باستغراب : ايه يا بنتى ده مربي لك رعب
سمر : ابدا خالص عمره ما زعلنى ولا مد ايده على ...بس هو بيحب يطمن على انا فين ومع مين وخلاص
سمر: الو ازيك يا عموري انا رايحه النادى ....اه معايا الدكتوره ليلي و ايلين ....طيب ماشى ايلين معاك اهه
كلمى عمر يا ايلين
ايلين : الو ازيك يا عمو عامل ايه .... انا زعلانه منك علشان بقالى كتير مش شفتك
عمر .....
ايلين : يعنى هتيجى يوم الاحد توديني المدرسه ...خلاص هستناك
عمر :....
ايلين : اه انا وماما طنط سمر رايحين المراجيح ....كنت عاوزه اروح الملاهى بس طنط سمر مش موافقه وقالت نروح النادى
عمر : .....
ايلين : خلاص ابقى ودينا الملاهى انت زى ما وعدتنى
طيب خد ماما معاك اهه
ليلي برقت لايلين ومكانتش راضيه تاخد التليفون
ليلي : خلاص يا ايلين اقفلى انتى وخلاص
ايلين حطت التليفون على ودنها: الو ...ازيك يا استاذ عمر
عمر .....
ليلي : لا ابدا مش عاوزه اكلمك ليه ....بس مفيش كلام بينا
عمر : ...
ليلي : ولا زعلانه ولا حاجه ...تمام ماشى هنستناك قدام المدرسه يوم الاحد
عمر .....
ليلي : لا مش هينفع تيجى تاخدنا من البيت
عمر : ....
ليلي : خلاص هنستناك عند عمى واهو بردو بيجى معانا علشان مينفعش نركب معاك لوحدنا
عمر ....
ليلي : لا شكرا مش عاوزين حاجه سمر معاك اهه وادت التليفون لسمر قبل مايقول حاجه
سمر : ماشى يا حبيبي عاوز حاجه
عمر : ....
سمر : متخافش عليهم دول فى عنيه ...يلا باى
ليلي استغربت ان عمر بيوصى سمر تاخد بالها منهم على اساس انهم يخصوه يعنى

ليلي وسمر وصلوا النادى ....الاول طلبوا حاجه يشربوها وبعدين اخدوا ايلين لمكان الالعاب ولعبت كل اللى نفسها فيه وبعدين رجعوا طلبوا العشا واكلوا وقعدوا يتكلموا شويه وايلين بتلعب حواليهم
ليلي : النادى ده جميل فعلا ...مكان هادىء ومحترم
هو ممكن اى حد يشترك فيه ولا بيقبلوا الاشتراكات على اى اساس
سمر : على فكره المكان مش واو يعنى بس هنا بيعملوا لنا حساب علشان بابا الله يرحمه وعلشان عمر ...زيه زى اى مكان فيه المحترم واللى مش محترم
يعنى عمر عرف مراته من النادى وكانت بنت ناس بس طلعت ....يلا الله يسهلها دمرت اخويا خالص وهزت ثقته بنفسه وبكل الناس اللى حواليه
ليلي : انا عارفه انى مليش اتكلم بس انتى ليه جايه عليها قوى كده مش يمكن مظلومه واخوكى هو اللى وحش
سمر : لا يا ليلي مش مظلومه دى كانت بتخونه وفى بيته وهو ظبطها فى سريره ولولا ستر ربنا كان زمانه قتلها بس ربنا كريم الحمد لله قدر يمسك نفسه واتعامل بهدوء ...مش عاوزين نفتكر الايام دى ...وانتى كمان يا ليلي بلاش تجيبى سيره لعمر او ماما انك عرفتى
ليلي انصدمت فعلا ماكنتش تعرف ان الموضوع كده : هى ماكنتش بتحبه ؟..امال اتجوزته ليه
سمر : طمع يا حبيبتى انا لو قولت لك على شبكتها وطلباتها مش هتصدقوا
ليلي : اكيد كان بيحبها علشان وافق على طلباتها
سمر : ابدا محبهاش ...هى كانت جوازه مناسبه وخلاص ...وطلباتها عمى هو اللى دبسه فيها ووافق على طلباتهم من غير عمر ما يوافق وطبعا مش هيكسب كلام عمى قدام الناس
ليلي : ربنا يعوض عليه ويرزقه باللى احسن منها
سمر : يا رب يا ليلي دى امنيه ماما بتدعى الدعوه دى ليلي نهار هو كان رافض الموضوع ده تماما او ان حد يتكلم بس قدامه فيه ...بس تقريبا بدأ يغير رأيه
كلام فى سرك عمر مش ممكن يغير رأيه غير لو حب بجد
ليلي حست بحاجه غريبه مش قدرت تفسرها : ربنا يوفقه ويعمل له اللى فيه الخير
وانتى بقه اخبارك ايه مع ابراهيم
سمر : بحبه قوى يا ليلي ...وهو كمانبيموت فيا انتى عارفه انه كان مضرب عن الجواز ورافض انه يتجوز غير عن حب
وانا كمان رفضت ابن عمى و كنت عاوزه حد احبه من اول نظره وده اللى حصل لى لما شوفت ابراهيم
ليلي : الله الله ... حلو ده وبعدين
سمر : بس يا ستى انا شوفته مره واحده لما كان عندكم فى المستشفىx ومن ساعتها وانا مش مطلعاه من تفكيرى وهو كمان حبنى من يومها بس يا ستى بعد كده ابن عمى اتقدم لى وعمر اخويا حبيبي ربنا يبارك لى فى عمره كان حاسس بينا وقعد يستفز ابراهيم لحد ما صارحه انه بيحبني وعمل نفس الحكايه معايا واتخطبت لابراهيم وخلاص كلها كام يوم ونتجوز
ليلي :واحد بشخصية عمر اخوكى مش متوقع منه كده خالص بس كويس عمل خير
سمر : انتى ليه واخده فكره ان عمر متسلط وديكتاتور ده حبوب خالص مش شفتيه وهو واقف مع ماما فى المطبخ يغسل لها المواعين او يقطع لها الخضار
ولا وهو بيلعب معايا كوتشينة او بلاي استيشن
مش الظابط المتنشن اللى بالك فيه
وانتى يا ليلي حكايتك ايه انا كنت صغيره قوى لما انتى جيتى عندنا مش فاكره الموضوع ده
ليلي : مفيش يا ستى انا والدى ووالدتي ماتوا فى حادثه وانا صغيره وعشت عمرى كله فى بيت عمى اللى مراته وبنته كانوا بيكرهوني جدا من غير سبب
وكان فيه كريم ابن عمى كان كل حاجه ليه كان ابويا وامى واخويا وصاحبى ولما كبرت شويه كان حبيبي
بس كنت طول عمرى محرومه منه وانا صغيره امه كانت بتزعل لما بتلاقيه قاعد معايا وكانت بتضربنى فكان مش بيقعد معايا علشان مش انضرب بسببه
ولما كبرت شويه عمى جاب واحده تقعد معايا مخصوص علشان تمنع كريم انه يقعد معايا الا فى وجودها
وبعدها كريم دخل الجامعه فى القاهره وانا فى الصعيد ولما انخطبنا اشتغل فى القاهره بردو يا دوب لسه الدنيا هتضحك لى ملحقتش يدوب قعدت معاه 3 سنين بس ومات وسابنى بردو
سمر قامت وحضنت ليلي ودموعها نزلت : يا حبيبتى يا ليلي ان شاء الله ربنا هيعوضك وهتشوفي الفرح اللى عمرك ما شوفتيه ... انتى لسه صغيره والعمر لسه قدامك
ليلي : انا خلاص يا سمر حياتى انتهت بموت كريم ...صدقينى انا مش عارفه اتنفس من غيره
سمر :لا يا ليلي انتى حياتك لسه هتبتدى والحلو لسه جاى ...ربنا لو كان عاوز ينهى حياتك مع كريم كنتى موتى معاه بس لا هو عاوزك تعيشىx لسه علشان بنتك مش تشوف اللى انتى شوفتيه ...لازم تعيشىx وتفرحى بنتك
ليلي : نفس الكلام اللى باسمعه من يوم وفاة كريم ...بس الكلام سهل محدش هيحس بيا غير اللى مر بنفس ظروفى
سمر : انا معاكى ان الموضوع صعب بس لازم انتىx تساعدى نفسكx محدش هيغير تفكيرك او احساسك غيرك انتى حاولى علشان انتى لسه قدامك كتير لما بنتك تكبر ونتجوز وتشوفو ولادها كمان
ليلي : يلا خلينا نقوم احنا اتأخرنا انا تعبانه وعاوزه استريح
سمر : خلاص يا ليلي مش حابه اضغط عليكى انا اسفه انى كلمتك فى حاجه تضايقك فى اول خروجه بينا
ليلي : لا يا سمر انا مش ببطل كلام فى الواضيع دى عمى كل يوم يسمعنى نفس الكلام ...ده كمان جايب لى عريس ...تصدقى عمى ابو كريم واكتر واحد عارف اناx كنت بحب كريم قد ايه وكريم كان بالنسبه لى ايه هو اللى بيقولى لازم اتجوز وانسى كريم
سمر : يا ليلي لازم تقدرى تضحية عمك وان الموضوع ده صعب عليه بس هو فضل مصلحتك ومصلحة بنتك ...واضح انه بيحبك جدا
ليلي : فعلا هو بيحبني زى بنته ويمكن اكتر كمان ...بس اللى بيطلبه صعب
سمر : بصى يا ليلي ما تضغطيش على نفسك وسيبى الامور تمشى زى ما ربنا ميسرها مش لازم تنجوزى بس عيشي وعيشى بنتك ومش هقولك انسي كريم بس مش تقعدى انتى اللى تستحضرى النكد ...ربنا كاتب ان الحزن بيقل والحياة بتمشي ...مش كل ما الحياة تمشى توقيفها انتى ...
تليفون سمر رن : ده عمر
سمر : ايوه يا عموري ... اه فى النادى لسه ...خارجين اهو ..لا ملوش لزوم تيجى انا معايا العربيه هوصلهم بنفسى متخافش عليهم
ماشى يا حبيبي هكلمك اول ما اوصلهم
ليلي : معلش اخرتك وعملت لك مشكله
سمر : لا يا حبيبة قلبى ولا مشكله ولا حاجه هو عاوز يطمن عليكم انكم وصلتم البيت بسلام ...ده كان عاوز بيجى بنفسه يوصلكم
يلا بينا علشان مش نتأخر عليه اصل ده مجنون وممكن القاه طابب علينا دلوقتى
سمر روحت ليلي وايلين واستنت تحت البيت لحد ما ليلي كلمتها انها جوه الشقه دلوقتى وروحت بعدها سمر على بيتها
لقت عمر مستنيها على نار ومعاه رحمه
رحمه : ايه يا سمر اتأخرتى ليه وانتى معيطه ولا ايه
سمر : مش اتأخرنا ولا حاجه يا ماما الساعه لسه 9
يعنى كلها ساعتين فى النادى وساعه فى الطريق
رحمه : طيب ومالك معيطه ليه
سمر : البنت دى صعبانه عليه قوى يا ماما ...مش شافت يوم حلو فى حياتها ...وحكايتها مع كريم اصعب من اننا نتخيله عاشت طول عمرها بتحبه وهو بيحبها بس محرومين من بعض ولما ربنا سهل واتجوزها وعرفوا يكونوا مع بعض مات هو قبل ما تشبع منه
عمر كان بيسمع الكلام ده وقلبه فيه نار قايده وجسمه كله بيغلى
عمر : يعنى انتى راحه تنسيها كريم تقوم هى اللى تأثر عليكى
سمر : لا يا عمر الموضوع مش كده ..،البنت دى لازم تحبك وغير كده متحاولش ... عمرها ما هتفكر فى حد تانى غير كريم ولو قعدت تحارب عمرك كله
يعنى فكر ازاى تخليها هى اللى تحبك و تبطل تفكر فى كريم من نفسها ومش تصغط عليها سيبها هى اللى تاخد قرار انها عاوزه تتجوز تانى الانسان اللى بتحبه ويحسسها بالامان
عمر فكر وحس ان كلام سمر منطقى جدا الاسلوب بتاعه مش مظبوط ولازم يغيره ...هو فارض نفسه عليها لازم يخليها هى اللى تعوزه وتدور عليه
عمر : طيب تمام تصبحوا على خير
رحمه صعب عليها عمر بس فعلا سمر كلامها مظبوطx وهى مش هتسيبه وهتساعده على قد ما تقدر



يوم الاحد راح عمر على بيت سيد علشان ياخد ايلين المدرسه ...اول ايلين ما شافته راحت جرى عليه وحضنته جامد وهو كمان حضنها وباسها من جبينها : وحشتينى يا روح قلبى ...مش شوفتك من زمان ينفع كده
ايلين عيونها دمعت : انا اللى زعلانه منك انت مش بتسأل على ولا عاوز تيجى تشوفنى
عمر اتأثر من كلامها : انا يا حبيبي مش عاوز اشوفك دا انا نفسيx تفضلى قدامى على طول بس انتى كبيره وعارفه انه مش ينفع
ابقى اطلبى من ماما تجيبك عند تيتة رحمه علشان انت واحشاها هى كمان
سيد كان مراقب الموقف وزعلان على بنت ابنه اللى مهما عملوا ليها هو ومامتها مش هيعوضوها عن حنان وامان الاب اللى هى بتلاقيه مع عمر
سيد : يلا يا عمر يا ابنى هنتأخر على المدرسه
عمر : معلش ازيك يا عم سيد انا مش سلمت على حضرتك ...ايلين مش اداتنى فرصه
ازيك يا دكتوره عاملين ايه
ليلي : الحمد لله يلا فعلا كده هنتأخر
عمر : تمام يلا بينا
فى المدرسه الكل كان واقف فى استقبال ايلين اكراما ل عمر ودخلوها احسن فصل فى المدرسه وعمر بنفسه هو اللى دخلها وقعدها فى مكانها قدام الاولاد كلهم وهى كانت مبسوطه اول مره تحس ان لها بابا زى الاولاد والكل شافه وبعد كده طلع عمر وليلي وسيد وقعدوا مع مدير المدرسه
المدير : طبعاx المفروض بيتعملx امتحان لقياس مستوى البنت ونحدد الفصل اللى هتدخله بناء على مستواها بس احنا تجاوزنا عن الامتحان ده طبعا ...بس نتمنى البنت مستواهاx يكون زى زمايلها فى الفصل
عمر : اكيد طبعا والبركه فى حضراتكم رقم تليفونى مع حضرتك لو فيه حاجه كلمنى ...وطبعا الدكتوره هتسيب رقمها هى كمان وتقدر تتواصل معانا ...مش عاوز ااكد على حضرتك ان ايلين دى قريبتى وامرها يهمنى يعنى تعتبر بنتى ...واى حاجه تزعلها تزعلني انا كمان
المدير : لا ان شاء الله مفيش زعل يا عمر بيه
عمر :x طيب حضرتك عاوزه تسألى على حاجه يا دكتوره
ليلي : لا تمام ولو فيه حاجه نتواصل مع الاداره
عمر قام وقف ...: طيب تمام نستأذن احناx
وخرجوا كلهم برا المدرسه
سيد : احنا مش عارفين نشكرك الزاى يا عمر يا ابنى
عمر : كده ازعل يا عم سيد ايلين دى حبيبتى واى حاجه تخصها تهمنى يلا علشان اوصلكم
سيد : لا يا عمر اتفضل انت علشان متتأخرش على شغلك واحنا هناخد تاكسي
عمر :ابدا يا عم سيد مش هتأخر اتفضل حضرتك وفتح باب العربيه اتفضلى يا دكتوره
سيد روح لقى مراته قاعده وحاطه ايدها على خدها
سيد : مالك يا ام كريم
سحر : مش عاجبنى الوضع ده يا ابو كريم
سيد : وضع ايه يا سحر
سحر : حكاية عمر وليلي
سيد : وايه اللىx حصل جديد
سحر : انت مش سيبته يوصلها المستشفى لوحدهم
سيد : استغفر الله العظيم لا يا سحر احنا وصلنا ليلي الاول وبعدين وصلنى عمر لهنا كتر خيره معطل نفسه بيلف بينا من الصبح
سحر : مش لله يا سيد غرضه معروف
سيد : يا شيخه حرام عليكى الولد عينه مش بتترفع فى البنت ولا بيكلمها ولا هى بتديله ريق حلو يبقى ايه ...كتر خيره لو هو مش اتدخل فى موضوع ايلين مكانتش قبلت فى المدرسه دى ووجوده اختصر كتير من الاجراءات ...ولو شوفتى البنت وهى ماسكه فيه وعماله تلف الفصل علشان تورى زمايلها انها ليها حد زيهم كانت صعبت عليكى
ربنا يهديكى يا سحر ...اوعى تنسي الحلم يا ام كريم ...اوعى تكونى سبب فى موت ليلي وايلين بالحياه يا سحر
سحر ...خلاص يا سيد انا اللى غلطانه حقك عليا حقكوا كلكوا عليا
سيد : لا حول ولا قوة الا بالله

ليلي فى المستشفى بتفكر فى اللى حصل انهارده
ليلى ( هو ماله كان متجاهلنى خالص النهارده وبيتكلم برسيمه ...
سمر بتقول انه بيحب يمكن حبيبته حرجت عليه يكلم ستات ...طيب مش ده اللى انا كنت عاوزاه ...انه يبعد عنى ...بس عمل معايا جميله جامده بدخول ايلين للمدرسه دى ...والبنت كانت فرحانه جداx .... ووجوده فعلا فرق معاها انهارده ...كان المفروض اشكره بس مش عارفه فيه ايه دائما بهاجمه كده ...خلاص لما اشوفه ابقى اشكره ...او ابلغ طنط رحمه وهى تشكره بدالى )