ياليت الماضي مجرد ماضي وانتهى، بقلم / أسرار قلب ، اماراتيه ( مكتملة )

[فيتامين سي]

بسم الله الرحمن الرحيم

الحمدلله والصلاة والسلام على رسول الله وعلى آله وصحبه أجمعين

السلام عليكم ورحمة الله وبركاته

اعضاء روايتي الغالين نقدم لكم رواية

(( ياليت الماضي مجرد ماضي وانتهى ))

بقلم / أسرار قلب



قراءة ممتعة لكم .....

[فيتامين سي]

رابط لتحميل الرواية

هنـــــــــــــــــــــــ ـــا




1
البداية :



إلى كل من كان له بصمة في حياتي ..
إلي من علمني كيف أعيش وأكون أنا وليس غيري أن أفهم نفسي قبل غيري ..
إلي من علمني أنا الحياة لحظات أعيشها لحظه بلحظه والعمر ينقص ،، والأيام صفحات تنطوي ..
إلي من علمنى أن لا أقف في منتصف الطريق حتى لو بعدت مسافة الوصول ..
إلى من علمني أن الصداقة مثل الزهور تحتاج من يرويها بإستمرار ..
وإن ذبلت لن تعود كما كآنت إلآ بزع بذرة جديده ..
وإلي من علمني أن أسعى للسعادة لآ أن أنتظر قدومها ..
أن أحكم بعقلي وقلبي وأن أجعل لكل شخص مكانة خاصة في حياتي ..
أن لآ أفضل نفسي على الغير وأن أفرح حين يفرحون رغم الألم ..
أن أجعل إسلوبي في الحياة منهجي وطريقي لما يرضي ربي ..
أن أحاول أن أفهم معنى الحياه ..
فالحياة فرح بعد حزن ..
أمل بعد ألم ..
شوق بعد فراق ..
صبر بعد يأس ..
تفائل بعد طموح ..
إهداء الي أناس أحببتهم بقلب صافي ..
هكذا هيه الحياة نذوق طعم تلك المشاعر في لحظآت نعبر فيها ولحظآت نعجز عن التعبير ..
وسيظل القلب في لهفه إلي المستقبل البعيد وإلي حنين للمآضي السجين ..
وهنا بين صفحات من الورق بقية الصفحات القديمة كماضي سجين في الذكرى وإستمرت الحكايه ..

***


عشت مثل أي إنساان كبر بين أهله وأصدقاائه .. كآان لي حلم تمنيت أحققه عشت طفولتي أفكر في المستقبل ..
ندم على السنين الي راحت ..من طفوولتي لأني ماحسيت بالأياام وإهي إتمر .. أيام بريئه والكل يتمنى لو يرجع لها ..
وألحين صرت الشخص إلي أحلم فيه دووم ... الصوره إلي رسمتهاا لي وأناا صغير صاارت حقيقه ..
كبرت وتغريت ..
تألمت وتعلمت ..
صرت أعرف معنى الحزن , الألم , الفراق , الشوق , الحسره , الندم صرت أشيل الهم ..
منو كان يتوقع أن الأيام بتمر بسرعه وبكبر وبتم الأيام الحلوه مجرد ذكري ..
..
تعلمت ومازلت أتعلم من حيااتي .. عشت الفرح الحزن الألم الندم الفراق التضحيه التعب ..
كل المشااعر إلي سلكت طريقهآا لي ..



"صفحاات قديمة حمل معنى الفرآاق وذكرياآت سعيده وسط وآقع مؤلم" ..




في يوم الأحد :-

هل الحياة التي يجب أن تفهمنآ ؟؟ أو نحنُ من يجب أن يفهمها ؟؟
ماذا نختار الحزن في سبيل إسعاد الآخرين أو الفرح في سبيل إتعاس الآخرين ؟؟
لماذا نختار الراحة طموح لمستقبلنآا وننسى معنى الراحة الحقيقة ..
نخوض في مصائب كثيره بين ضحكة ودمعه ..
بين فراق ولقاء ..
كره ومحبه ..
صدق وكذب ..
وفاء وخيانه ..
نلوم الآخرين فيمآ نقوم به ويلومنآ الآخرون بمآ فعلوا ..
عجيب أمر البشر إلي متى سيظل لكل منهم سلسلة من ألوان تتغير كل يوم ..
أم أن العجيب هو هذه الحيآة فقد كونت فينا تلك الصفات والأحاسيس ..
من الصعب أن أحكي ولكن هنآا تبدأ الحكاية ..


وقفت أضحك على ربعي محمد وفهد كنت أضحك عليهم وهم يلعبون مثل اليهال بماي البحر ..

كنت أحس بفرحه وأنآ أسمع صوتهم وهم يضحكون تمنيت أني كنت بينهم ..
بس القدر كتب لي أعيش حيااتي بعيد عنهم أو هم إختااروا فرااقي وبمعنى أصح يتجاهلون وجودي ..


حسيت بشعور ما أقدر أوصفه أهوو شووق ولآ فرح ولآ حنين لأياامي معاهم ..

تجدمت خطوة بدون مآ أحس كاان في داخلي شي يخليني أتجدم أكثر وأكثر ..
بدأت المساافه إلي بيني وبينهم تقل وتقل بلحظه حسيت أنهم بينتبهون علي ..
حيسيت الشوق مكلني صار يتحكم فيني شي يجذبني إليهم ..
تقرب ..
وتقرب ..
بس بلحظه تحركت بسرعة ورحت بعييد يلست صووب البحر وبدييت العب بالرمل وأتأمل البحر ..
هذاا البحر إلي سمع للناس .. كل من يلس شكى حااله ..
ياا بحر سمعت للإنساان وحـفظت أسراره ..
أسألك وين الوفا في زمن صآر الغدر شعآره ..
ويـن العـشره لآ صـاار الزمن يكتــب أقداره !! ..
ويـن إلــي يشيل همي يادنيآا ليش غداره ..
حساافه الحب إختفى وصاار مثـل شراره ..
القريب منـك يخونـك والله أن الدنيـآا دواره ..
وين الي يضيء حيآتي ويصير مثل المناره ..
يضيء لي قلبي وسط الظلمه والحساره ..
صـرت أحس بالحـزن وصرت أذوق المراره ..
توقعت النسيان مـا أقدر غير أقول خساره ..


حسيت بالهواا البارد على ويهي وقفت وتجدمت صوب البحر أكثر بعدهاا سمعت صوت قلت يمكن فهد أو محمد ..

بسرعه رجعت لي سيارتي وكأني خاايف يشوفوني ..
دخلت وسكرت بااب السياره فريت فوني على الكرسي إلي حذالي ..
وبدييت أراقبهم من بعييد .. مرت لحظآات ودقاايق وساعاات ..
حسيت بحزن بداخلي مآعرفت شو أسوي خذلتني أفكااري وقلت بهرب من الوااقع ..
بعدهاا شغلت سياتي وقررت أرجع البيت قلت في باالي ..
ليش مكتووب علي أخسر أعز النآاس ؟؟ .. هم نسوني خلآص وجودي بينهم وعدمه وآاحد ..
أنآا إلي إعبرتهم خوااني وأكثر حساافه ..
هذاا المكآن إلي دوم أيلس معااهم أفرآحناا وحده أحزآناا وحده كل ذكرياتناا اهني وألحين وجودي صاار سرااب ..
صعب الفراق ..
بس الأصعب أنك تعيش الفراق والإنسان جدآمك ..
منو يتوقع في يوم كآن يعتبر إثنين من أعز ربعه..
إثنين معزتهم كبييييييييره..
إثنين كآن لآيلست بينهم تحس أنك بخير ..
بس كالشي في هالدنيا جآيز مآ ألووم إلي قالوا دنيا العجايب ..
ماقدرت أحرك عيوني تميت أراقب فهد محمد خذيت فوني مدري ليش خطر على بالي أشغل هالانشوده ..


ياليت اليوم تفهمني وتفهم خاطري وارحل

تكلم وش جرى مني ..سيف الهم ترى استل
جفى الاصحاب يقتلني ..يقتلني وانا اتأمل ..
تكلم وش جرى مني ..سيف الهم ترى استل


غريب بعالمي وحزني وحيد ولا احد يسأل..

اعاني الهم واتعنى ومشوار الألم طول..


قااطع على أفكااري صوت فوني يرن خذيته شفت الشاشه " المتصل الوالده " قلت آآه يالغآليه أحمد ربي أنج معااي ربي يحفظج لي ..

سكرت الانشوده و رديت عليهاا وأنآا أسمع صوتها الهادي والحنون ..


قالت و واضح خوفها علي : هلآ حمد وينك تأخرت ؟؟ ..

وحليلج يا أميه خايفه علي قلت لهآا : أهلين يالغآليه ألحين يااي لتحآتين ..
أميه : شوي شوي سووق لآتسرع ..
تذكرت أخوي قلت : إن شاء الله من عيوني ..
ردت وقالت الكلمه إلي دوم لماا أسمعهاا أحس بفرح بدآاخلي : الله يرضى عليك ويحفظك لي قول آمين ..
قلت لهاا : آامين ويحفظج لي ياآرب ..
أميه : يالله عيل أنآا بروح أسوي لك شي تاكله ..
قلت لهاا : لآ لتعبين عمرج تعشيت ..
أميه : لآتقول هالرمس لآتعب ولا شي ..
قلت : تسلميين والله صح إنتوا تعشيتوا ؟؟ ..
أميه : هيه تعشينآا من زمآن حد يسأل عن العشاا وبتستوي الساعه 12 بالليل..
ضحك على عمري : ههههه بالعافيه .. "كيف ماحسيت بالوقت"
أميه : بسم الله عليك شو فيك ليكون تعباان ؟؟
رديت : لآ بس ماحستيت بالوقت ..
أميه : خلآص ماعلي إنتبه ألحينه للطريج ..
أميه دومهآا إتخآاف علي واايد قلت : إن شاء الله..
ردت علي : يالله أخليك فحفظ الرحمن ..
قلت لهاا : مع السلآمه ..


************************************************** *



"ودي كل شي يتم على حاله ومايتغير خلاص كفايه أعز الناس تغير علي"



مر الوقت ووصلت .. وقفت سياارتي ودخلت الفله إنصدمت لمآا دخلت شفت أميه شاله صحن الكيك..

الكل يالس يغني لي كأني وآحد عمره عشر سنواات وأسمع صوت إختي عوااش إتغني هاابي بيرث دي توو يوو ..
والكل يغني معااهاا وإميه قربت مني عسب أطفي الشموع ..
ههه إتصدقون كنت أباا أضحك بس خفت يزعلون ومآحبيت أزعلهم ..
طفييت الشموع والكل يصفك ويقوول حقي كل عام وإنت بخير وعقبال مليون سنه ..
سحبتني أميه من إيدي لين الصاله وحطت صحن الكيك ويلست على الغنفه ..
أميه : ربي يحفظك لي يالله ماتبي إتقص الكيكه ..
عطتني السجينه ههه يلست أقطع الكيكه وصرت أضحك على عمري ما أعرف أقطع الكيكه ..
..
يلس عبوود يمي ويستهبل علي قال : يالله منوو قدك ألحين بعد شوو تباا أكثر من جيه والله ياااهل ههه ..
ضحكوا على عبوود .. قلت له : ههه شو هالغيره ؟؟
عبوود : هههه منو قاال ..
كملت أميه وقطعت الكيك وحطته في صحوون ويلسوا ياكلون .. دخلت عنوود وحطت العصير ..
عنود : يالله عقباال ماتقص كيكة عرسك قوولوا آمين ..
أميه : آمييييييين يااارب ..
عواش : هههه ويين توه صاار عمره 23..
ردت أميه عليهآا : أرييد أشووف عياال ولدي العود قبل لآ ربي ياخذ أمآنته ..
قلت لهاا : أفااا أم حمد لآتقولين جيه الله يطول من عمرج بعدج صغيره شو هالرمسه ..
ردت علي وإمين أنهاا زعلآنه : شو ماتبوني أفرح وأشوفكم معاريس ..
مآ عرفت شو أقول لهاا طالعت عنود بنظره وإهي فهمت علي ..
عنود : أميييه كل شي في وقته حلوو لتحااتي بتشوفين عياال عياالج وعياال عيااال عيالج
أمييه : الله يسمع منج ..
عبوود ويستهبل : ولآ تزعليييييين أناا قررت أتزوج ..
طالعت عبوود بنظره وقلت : تستهبل شووه بعدك تدرس ..
عوااش وعنود منصدماأت : شووو !!
عبوود : هههههههه أمزح معااكم هههههههه بالأول أشيل عمري عقب يصير خير ..
أمييه ضحك على خباال عبوود : ههههه هيه والله روح المدرسه بالأول كل يووم غاايب ..
عوااش : هيه والله إنت ويه زوااج جاابل درااستك أبرك ..
عبوود : هههه طااع منوو ينصح رووحي إنتي بالأول كملي وآاجبااتج عقب إرمسي عني وياا هالرااس ..
عوااش : خلصت واجبااتي ..
وقفت عسب أروح أرتآاح في حجرتي قلت : يالله عيل أناا بروح أرتااح تصبحون على خير ..
أمييه : وإنت من هله ..
أفاا حمد ماتوقعهآآ ألحين تدري أن أميه بتضاايق هذاا جزاتناا يالسين وفرحانين علشانك أووف والله يقهر هالإنسان سمعت أميه
إتقول :عنوود عنوود ..
قلت : هلآ أميه
أميه : خلآص شلي الأكل وحطيه فالثلاجه ..
قلت : ماعلي خلي عواش وعبود وبياكلون ..
أميه : أوك لآ تسوون إزعاج وشوفي خوانج حمد تعبان ..
حمد هذا يباله ضرب بعد الحركه إلي سوهآا : إنزين ..
أميه : يالله أنا بروح أرقد ..
قلت : خلآص ولآيهمج روحي إرقدي وأنا بشوف اليهال تصبحين على خير..
أميه : وإنتي من هله .. وراحت
هيه أكيييد زعلت قلت : عبووود عوااااااااش تعااالوا شلوا وياايه ..
..
مدري يمكن إتضايقوا مني ..
سكرت باب حجرتي شغلت الليت كآانت ريحة الحجره بخوور فديتهاا أميه دومهاا إرتب حجرتي وإتبخرهآا ..
رحت أتسبح وعقب نمت


************************************************** ************



" أحاول أنسى بس النسيآن صعب أحآول أتنآسى بس أني أتنآسى أصعب"



يوم الاثنين : ..

مقلوله الزمن يعيد الماضي في حسرة المستقبل ..
الأيام تمر وكل شي يتغير بس بلحظه تحس أن الزمن قاعد يعيد نفسه !!
..
.. ساااااالم وقف لترووح خلك إهنييه دخيييييلك سامحني لآتاخذ بخاطرك مني
سالم
سالم
سااااااالم
أناا حمددد
سالم ..
دخيلك ..
أناا حمد رد علي ليش سااكت وين بترووح ..
إنت مب مضاايق مني صح دخيييلك قول أنك مب مضايق خلني أرتااح ..
سااالم لاترووح ..
لاتعذبني ..
حمممد حمممممممد حمددد قووم صل أذن ..
ساالم ..
حمدددددددددد قوووم يالله
بسم الله الرحمن الرحيم !!! حسيت بقلبي يدق بسرعه ..
.. :حمممممممد
هذي عواش : إنزين عوااش ..
عواش : قووم يالله ...
شكلي كنت أحلم الله يرحمك ياخوي ماتدري شو يصير فيني خلآص أنا تعبت والله ..
آآآآه يالله أقوم أصلي يمكن يرتااح قلبي ..
...
وبعد ماصليت تجهزت ولبست غترتي وتعطرت وشليت فوني وسويج السياره ..
ولما طلعت شفت أميه بستها فووق راسهاا كانت شاله المبخر ويلست إتبخرني ..
أمييه : صبااح الخير يالله إنزل وإتريق مع خوانك ..
إبتسمت لهاا وقلت : إن شاء الله ..
نزلت من الدري ودخلت على خواني كانوا يتريقون : صبااح النور
عبود : صبااح الخير ..
عواش على طول بدون مقدماات : حمد لآتنسى ..
تذكرت وعدي لهاا : هيه لتخافين مآنسيت بوصلج المدرسه ..
عبود : هيه بعد أناا أبااك إتوصلني ..
يلست بالكرسي إلي حذال عبود وقلت : إن شاء الله بس شكلكم ناويين إتأخروني عن الدوآم !!
عواش وتضحك : ههههه مب أول مره تتأخر
ضحك على عمري هيه صح أناا أصلآ كل يوم أتأخر مافرقت اليوم هههه
دخلت عنود : صبااااااااح النووور والسروووووور
قلت : صبااح الورد ..
عواش + عبوود : صبااح الخير
عنود : يالله أناا بروح الجامعه تآمروني بشي ..
رديت عليهاا : سلآمتج وهاا ماوصيج ركزي فالكلاسات وشدي حيلج ..
عنود : من عيوووني يالله فمآن الله ..
آآآآآه مدري أحس أن اليوم مآبيعدي على خير في الجآمعه ..
يالله عنوود صبري مآبقى إلآ شوي وبتخلصييين وعقبهآآآ برتآآآح ههه والله مآ أتخل كيف بتكون اللحظه إلي
بخصل فيهآا كابووس الجآمعه ..
ركبت سيارتي علشاان أروح الجآمعه والله أحسن شي سويته خذيت الليسن أروح وأرجع على رآحتي ومآ أحتاي
أقول لحد يوصلني ..
شويه ولآ أسمع فوني يردن شفت الشاشه هذي حمده رديت ..
حمده : عنوووووووووووووووووووونه ويييينج
خييييبه هذي كل صبح نفس المنوال : حمدوووه تراني والله مآبخليج في حالج إذاا شفتج ..
حمده : عنووونه حياتي تأخرتي تعرفين مآعندي حد يوصلني ..
أووف كرهنتي في اسمي : حمده حياتي قولي عنود ..
حمده : إنزيين أناا أدلعج ..
قلت : مآ أحب شو عنوونه قولي عنود وبس ..
حمده : إنزين عنود إنتي وين؟؟
قلت : ألحين بمر صوبج ..
حمده : أوك لآ تتأخرين لمآ توصلين دقي رنه أوك ..
أنآآ أقدر أقول لا خخخ والله بتسويلي سالفه : أوك قلبوو ..
حمده : يالله فديتج مع السلامه ..
قلت : في أمآن الله .. وسكت وكمل طريجي ..
..
بعد مااخلصناا الريوق سلمت على أميه وطبعاا يلست إتوصيني وحليهاا تخااف علي أحس عمري يااهل !! ههه
ركبت سياارتي وركبت معااي عوااش وعبوود بعد .. شغلت سيااتي ورحناا ..
يلسوا عبوود وعوااش طول الطريج يتمصخروون على بعض ويستهبلوون ..>> هذيله خواني دوم جيه إلي ييلس معاهم
يكره نفسه خخخخ يالله كله علشاان الوالده ..
عبوود : إجلبي ويهج ولآترمسني ..
عواش : ماا عندي ساالفه أرمسك ..
عبوود : جب جب >>دووم يتهااوشون
عصبت منهم وقلت : آآآآآخر مره أوصلكم تحلمووون أوصلكم مره ثاانيه ..
عوااش وتترجااني : لآ حمد خلآاص بسكت السمووحه ..
رديت عليهاا وأناا صااد ويهي أوني زعلآن : ماتحترموني ..
عبود : يالله عاااد قلناا السمووحه ماا بنستهبل مره ثاانيه ..
عوااش : ليكوون زعلت ؟؟
رديت وأناا أضحك عليهم : ههه أمزح ويااكم بس صج مره ثاانيه إحترموني ..
عوااش : إن شااء الله أناا عندي حمد غييرك ..
قلت : هييييه خاالي حمد ..
عوااش : هههههه لآ لآ إنت غير ماافي مثلك ..
ههه جآان أصدق عمري إحم إحم
رديت علهاا بتوااضع هههه : تسلمين عوااش ..
عبوود ويتطنز : مشكله إلي يصدقووون عمرهم
يااخي هذاا دووم جيه يغااار !!! رديت عليه : هييييييييه مشكله ..
عواش وتضحك : هههه والله حااله أقوول عبوود أناا أرمس أخووي حياااتي حمد ليش رااز فيسك ؟؟؟
عبوود ويقلد صوتهاا : أخووي حيااتي حمد شوفهآا إتقوول أني رااز ويهي نحن مب خواان ؟؟
ضحك عليهم وقلت : الله يعطيييييكم عقل ..
عوااش : لآأأأ عاااد عن الغلط ..
رديت عليهاا : حشى علي ماقلت شي قلت الله يعطيكم عقل .. !!
عبوود : خلآص عيل الله يعطييك عقل إنت بعد ..
هههه قفطني ماعرفت شوو أقوول ضحكت : ههههههه
عوااش : هيه والله ..
وبعدهاا وصلت عوااش لمدرستهاا وعقب وصلت عبوود ..
وكملت طريجي


************************************************** *************



مر الوقت وتأخرت عن الشغل وصلت الشركه نزلت من سياارتي بعد ماوقفتهاا فالباركن ..

وعقب مشيت لين ما وصلت الشركه لأنه الباركناات إلي حذاال الشركه كلهاا سياراات ..
شفت من بين السيارات سيارة فهد ..
شوري مثل كل يوم هذا ونحن نشتغل في نفس المكان ما أشوفه ..
كأنه يحاول مايشوفني ..
آآه شو أقول بس الله يسامحني على إلي سويته
ماظي أسود أنا كنت السبب الله يسامحني على إلي صار مالومهم يكرهوني حتى أهلي مالومهم ..
دخلت الشركه ورحت لمكتبي طبعاا المسؤول يلس يسألني ليش متأخر!! وغيره
وإتفااهمت معااه حذرني وخصموا من معااشي هههه مب أول مره قاال إذا تميت على التأخير بتصرف معااك بطريقه ثانيه ..
إتصدقوون صرت مهمل في شغلي !!! ههه أعرف عمري زين ..
رحت ويلست في مكتبي يلست أشوف الأورااق وأخلص شغلي ..
في حد دق البااب ..
قلت : إتفضل ..
دخل علي : السلآم عليكم هاا كيف الشغل ؟؟
رديت عليه : والله تماام بس ملل ..
علي : مب بس إنت ملآن كلناا ..
رديت عليه : حياااك إيلس نسوولف شوي ..
علي : لآ لآزم أكمل شغلي بس كنت يااي أسلم ..
رديت عليه :اهاا خلآص برااحتك ..
علي : يالله أترخص .. وظهر .......................
تدرون أن كل إلي فالشركه يحاولون يبتعدون عني ..
ماأدري شعور يقتل يوم تحس الكل يحاول يبتعد عنك وأنهم لما يكلمونك بس علشان لاتحس بأنهم مايبون يرمسونك ..
منو تم لي غير أهلي .


************************************************** ******



"الدنياا تكتب لنآ أحيانا أمور لآزم نفهمهاا قبل لآ نحكم"



وعقب كملت شغلي مر الوقت بسرعه وخلص دواامي ظهرت من الشركه ماصدقت خلص الدوام ..

شفت إربيعي فهد مر من صووبي وماكلف على عمره وييه يسلم علي ..
كملت طريجي وبروح عند سياارتي مشيت فالشاارع عسب أروح صوب سيارتي ..
وفجأه شفت سيااره ياايه بسرعه صووبي ترددت مااعرفت ويين أسير سمعت صووت حد يقووول حــــــــمد تحرك ..
مآ أدري شو صاار فيني ريولي تيبست وما قدرت أتحرك .. الموقف مر بسرعه خلآاص فاات الأواان ..
السيااره دعمتني طحت علي الأرض وأناا أحس بألم فضييع في ريولي وجسمي حااول أتحرك حسيت أنهاا نهايتي ..
شفت فهد ماسكني ماحسيت بعمري وغمضت عيوني ..

[فيتامين سي]

2
محد يهرب من القدر ..
دام صار مايفيد ياليت ماصار ..
أحيانا نقول الدنيا تظلمناا ..
وأحيانا نقول أن الدنيا تفتح لنآ أبواب ..
شفت القدر يبتسم لي بلحظآت ولحظآت أشوف الماضي الأسود ..
حالة ضعف خوف ألم حسره ندم ....
,,
فتحت عيوني بصعوبه إلتفت يمين ويساار شفت عمري في سرير أبيض وريولي مجبسه وإيدي ملفووفه بلف ..
حسيت بألم حاولت أتكلم حتى الكلام كآن صعب من العوار وماقدرت اتكلم حطييت إيدي على رااسي وشفت المغذي في إيدي ..
عرفت أني فالمستشفى خذلتني عيوني وغمضت مره ثانيه ....



فالبيت ..

أميه والخووف والتوتر إمبين عليهااا : ويييينه تأخره ؟؟؟ ليش ماارجع ؟؟؟ عنوود إتصلي عليييه ..
قلت : أميييه إتصلت ماايرد علي يمكن مشغوول ..
أميه : أناا قلبي مب مطمني أخاف صااير معااه شي .. !!!!!!
رديت: لتفااوليين عليه إن شااء الله مافي إلآ كل خير لي متى بتمين إتخاافين عليه جيه حمد مب صغيير ..
أميه بحزن : ماا أريد أخسره مثل مااخسرت سالم ..
مب وقته أميه : الله يرحمه أمييه لتقوولين جيه مااصار شي ..
أميه : عيل ويينه لييش مايرد علييج لييش تأخر ؟؟
رحت ومسكتهاا ويلستهاا على الغنيه : إنتي يلسي وهدي يمكن عنده شغل ..
أميه : عنوود قلبي مب مطمني صااير شي بالولد قلبي حااس ..
رديت : لآ حول ولآ قوه إلآ بالله أمييه حمد مب يااهل لتحااتين ..
أميه : إن شااء الله مايصير فيه شي ليش تأخر كل هالوقت ..
حسيت بأن أميه خلاص توترت ومب ناقصه يصير فيها شي : أميه حمد كلمني وقال بيتأخر ..
أميه وبشك : ليش شو فيه ليش بيتأخر صار فيه شي ؟؟؟
قلت : لآ لآ مافيه شي قال عنده شغل ..
أميه : شغل للحينه ؟؟
مسكتهاا من إيدهاا : أميه الله يهديج شغل شو يعني بيكون بلاج إتفاولين تعالي باخذج حجرتج ..
عوااش تراقب الموقف من بعيد : عبووود تعاال ..
عبود ويااي صوبهاا : خييير آنسه عوومه
عوااش : عوومه حررررمتك يالتيس
عبود : لآ عاااااد ما اتفقنىآ جيه تزقريني عقب تغلطيييييين على حرمتي ..
عواش : جب زييين تحسييييس منو بترضى تااخذك أصلا
عبود ويمسكهاا من شعرهاا : أقوووول عوااش تراني مب متفيج خلصييييناا شو عندج ..؟
عواش وتضربه على صدره : هدي بالاول
عبود : هاا يالله قولي خلصيني؟؟
عواش : سمعت أميه وعنود يرمسوون ...
وقبل متكمل : لآ والله صج
عواش : جب مب وقته إتعلق إسمع حمد تأخر ومارجع البيت أميه على ما اظن تقول يمكن صاير فيه شي
عبود باستفزاااز : ويعني؟
عواش : أقوووووول إجلب أنا الغبيه إلي يالسه اكلمك
عبود سوا لهاا حركه بمعنى مالت وراااح ..


************************************************** ********


بين هدوء و سكون المكآن سمعت همس صوت لذكريات مضت ..
صووت كان مثل الحلم ..
هل ممكن الصدفة تجعلنآا قريبين من أشخاص تركونآ ..
الخيال ..
يصبح واقع !!
أود أن لآيكون حلما ..
أود أن أجعله واقعي ..
أود أن لآ أخدع نفسي ..
أود أن لا نفترق ..
ولكن هل مانتمنآه سيصبح حقيقه في يوم مآ ..
أم أن يوم مآ ليس من أيام الإسبوع ..
بل كلمة عبرت عن إعجازي وقصوري تجآه الواقع ..
حسيت بحد يحركني من كتفي بهدووء فتحت عيني وشفت فهد !! طالعته وأنا مستغرب بعده موجود
رجع فهد خطوه لورا وقال وإنصدمت من كلآمه : سلآماات متشوف شر ..
حااولت أرد عليه قلت بصعوبه : فـ هـ !!
فهد : هيه فهد لآتتكلم إرتااح ألحين ..
قلت له : شـ شو صآر ؟؟
فهد بهدوء : يليته صار ..
ما كآن همي شو صار معااي بس إلي همي أني رمست إربيعي فهد بعد مروور 4 سنواات ..
تعرفون شو يعني أني أكلم أخووي وإربيعي وكآآن أعز وأقرب النااس لي من بعد أربع سنواات .. أربع سنواات مب شوي شعور
ماا ينوصف شهوور من العين لييين القلب وأناا أشووفه يكلمني ..
كنت أحسها معجزه ..
حسيت بالدموع تبي تثبت وجودهآ وتثبت شوقي للي واقف جدآمي ..
حسيت بمعنى الألم ..
الألم إلي كآن أشد من إلي أعانيه وأنا في هالسرير أشد من العواار إلي في جسمي..
الألم إلي رسم أثره في قلبي من سنين وأناا أحاول ..
أنسى ..
أتناسى ..
أصبر ..
أتحمل ..
مرت لحظآآت وعيني مابعدت عنه ..
فهد معقوله أنك واقف جدامي وتحمد لي بالسلامه ..
معقووله يا فهد بس حساافه صاار الي توقعته وقاال ..
فهد بهدووء : يالله أناا أستأذن ..
كنت أرييد أقووله فهد وين خلك معااي بس ظهر ..
ظهر كأنه يقول حمد تراك من الماضي ما أريد أكون في مكآن تكون إنت فيه كل ما اشوفك أتذكره ..
تعرفون شو يعني لي الماضي ..
ماضي أسوود ..
ماضي غير وااااااااااايد أشياء
آآه بس لو ..
حسيت بالوحده تذكرت أمييه وخوااني أكيد ألحين خاايفين علي إلتفت شفت فووني على السرير يمي ..
خذيته وإتصلت أشوف عنود ..
ردت عنوود وكأنهاا كانت تنتظر مني أتصل : هلآآآ حمد ويينك إنت زيين جيه خوفت إماايه طوول اليووم ياالسه إتفكر ؟؟
كنت برد عليهاا بس تذكرت أني ماا أقدر أتكلم عدل وبتحس من صووتي أني تعباان .. سكرت في ويهااا
عقب كتبت لهاا مسج ..
(أناا في إجتمااع فالشركه ماا أقدر أكلمج لتخافون علي بس بتأخر اليوم )
قرت عنود المسج وطرشت مسج حقي كاتبه فيه..
( إنزين لاتتأخر تراا أميه وآيد خافيه ؟)
فديتهاا أميه مستحيل أروح لهاا وأنا في هالحاله طرشت مسج أبرر لهاا ..
( لآ أنا مابقدر يمكن نطول وإذا مارجعت البيت إعروفوا إني مابييه البيت)
ردت علي ( خلآص بتفااهم مع إميه إهتم بعمرك) ..
رديت عليهاا ( أوك حااولي تتفاهمين معااهاا فمآن الله) ..
غلقت فوني وحاولت أتحرك من مكااني وعقب دخل علي الدكتور .
غريبه والله كيف يعني مشغول !! ألحين شو بقول حق أميه ..
ممممم يالله ماعلي بحاول أتفاهم معاهاا
.. عنووووووووووود عنووووود
قلت : هلآ عوااش إهنيه ..
دخلت عواش : أقولج عنود تعالي شوفي الفلم وايد حلوو
خخخ عواش مدمنة أفلآم : عقب ألحين مب فاضيه ..
عواش : طع هذيييييي مالت أقولج الفلم ككككككششششششخه
طالتهاا بنظره : إنزين برمس أميه فشي عقب يصير خير ..
عوااش : أوككككيك .. وظهرت ..
رحت عند اميه علشاان أطمنهآآ على حمد ..



*********************************************


الدكتور : السلآم عليكم ..
رديت عليه بصووت مبحوح : وعليكم السلآم ..
قرب مني الدكتور وقال : سلآمات إنت إسمك حمد ..
رديت عليه : هيه حمد ..
الدكتور : الحمد الله مافيك إلآ كل خير بس شويه إلتواء وإصابات بسيطه ..
لازم نسوي كشف وفحوصات إجاريه وإتم معاناا إسبوع وإن شاء الله كل شي بيكون تماام
رديت عليه : إسبووووع !! دكتور أنا لآزم أرجع البيت ..
الدكتور : مااينفع إنت طالع من حاادث لآزم إتم معاناا تحت المراقبه كم يوم ..
شفته بحزن : وأهلي ؟؟
الدكتور : أخووك رااح يكلمهم ..
إستغرب أخووي منو عبوود قلت : أخووي ؟
الدكتور : أخووك فهد !!
مدري كنت بقوول هذا مب أخووي بس قلت : هيه خلآص دكتور أناا مافيني شي برجع البيت ..
الدكتور : حمد إنت تعرض نفسك لخطر إذا طلعت من المستشفى ..
حسيت أنه ماافي أمل ولو طلعت كيف بيكون موقف أميه لمآا إتشوفيني جيه قلت : خلآص الي اتشووفه ..
الدكتور : خلآص إرتااح ألحين .. وظهر من الغرفه ..
حسيت بالوحده ملكتني ..
وكأني سجين ياالس بروحي ومحد معآاي مآ أعرف شو بيصير مع أميه بس إلي أعرفه عنود تعرف تتصرف ..


************************************************** ****



"أنا ما أريد أكون سبب في ضيجة إنسآن خلآص كفايه حتى لو أكون ضحيه النسيان"



مر الوقت خذيت فوني وفتحته وشفت الساعه صارت3 فليل وبعدني مآ أقدر أنآام أحس بضيقه بروحي ..

تميت أتقلب أو أحاول أتحرك سمعت فوني يرن رديت كآن زميلي فالشغل علي ..
علي : مرحبآا السااع ..
حسيت بفرحه لماا سمعت صوته : مرحبتين هلآ علي ..
علي : سلآماات متشوف شر يقولون مسوي حآدث؟؟
شكله فهد رمسه عني : لآ بس دعمني وآحد الله يساامحه ..
علي : إنزين طمني عليك كيف حالك ألحين .. هيه يقولون الي دعمك ماقدروا يمسكونه ؟؟
رديت : الله يسامحه .. يالله الحمد الله على كل حاال تسلم ..
علي : الله يسلمك أنآا برمس المدير وبآخذ لك طلب إجازه مرضيه لتحآاتي إنت المهم سلآمتك ..
وحليلك متقصر زين حد يفكر فيني : مشكوور ومتقصر تعبتك معااي ..
علي : العفو مآسويت شي .. خلآص عيل السموحه متصل في هالوقت بس قلت أطمن عليك ..
رديت : لآ عاادي مسمووح ..
علي : يالله عيل تآامرني بشي ..؟؟
كنت أبااه يتم يرمسني بس مآ أقدر أقوله : سلآمتك ..
علي : الله يسلمك يالله مع السلآمه ..
رديت : مع السلآمه ..
تذكرت الماضى وكأني أشووف شريط من ذكرياات كآنت مثل الصدمه في حياتي ..
بس ماقدرت أستحمل نمت من التعب إلي فيني ..


************************************************** ****



"ربي يحفظهم يوم البسمه في ويهم تحلي أيآمي وتمسح الهم "

الثلاثاء : ..
فتحت عيني وأناا أسمع صوت فوني كآآن المنبه علشاان أقوم أصلي الفير بس كيف بصلي وأنآآ في هالحاله غمضت عيوني ونمت .............
............................. سمعت حد يدق البااب إلتفت شفت الساعه 8 الصبح شكله التعب اثر فيني وصرت اناام بدوم ما أحس دخلت النيرس
ويابت معاها الريوق بس أنا ما كآن لي نفس آكل أصرت علي بس مآ كليت شربت مااي وإهي حطت لي المغذي وظهرت ..
خذيت فوني أطمن على أميه وخوآني ..
ردت عنود وكانت معصبه : حممممممد ويينك أميه مااقدرت إتنااام أمس وللحين إتحاااتيك ..
شو أقولهاا أقول سويت حاادث لآ لآ عقب اميه تنصدم أخااف يصير فيها شي أجذب وأقول لهاا أني نقلت شغلي في العين والحين مستأجر شقه ..
عنود : ألوووووو؟؟؟ وينك ؟؟
مافي حل ثاني : هلا معاج بس أناا الحين فالشقه نقلوا شغلي في العين وتعرفين مابقدر عندي دوام وما ألحق أرجع بوظبي ..
عنود ومنصدمه : ليييييييييييييييييش !! ومتى صاار هذاا ..
آلسموحه والله لأني يالس أجذب عليكم بس ما اقدر أخبركم عن الحآدث رديت لهاا : أمس نقلوني بعد الإجتمآع لتحااتي كم يوم وبرجع لكم ..
عنود : إنزيين وثياابك وأغراضك كيف دبرت عمرك ..
قلت لهاا : بطلب منج خدمه أبااج إتحطين ثياابي وإتجهزيينهاا فالشنطه وإربيعي بيمر عطي عبود الشنطه علشان يعطيه ..
عنود : خلآص ولآيهمك متى بييه إربيعك ..
أناا يااالس أجذب على عنوود !! : إن شاء الله على الساعه 6 المغرب ..
عنود : خلآص ولآيهمك ..
تذكرت عواش وعبوود : تسلميين شو صاار مع عواش وعبود قااموا ولآ بعدهم ..
عنود وتضحك : ههه لآ لتحااتي من الفير نشوا من الرقااد ..
مدري ضحكتهاا تغير شي في دااخلي كل مآ أسمعهاا : أشووه إنزين وإميه دخيلج حااولي إتفهمينهاا ..
عنود : لآ تحااتي بس والله كسرت خاطري كل شوي اتقول حقي اتصلي عليه قلبي حااس صاير فالولد شي ..
قلب الأم أكييد حااسه فيني آآه ياا اميه لو تدرين بحاالي : ماعلي حاولي ويااهاا ..
عنود : المهم إنت إهتم بعمرك
قلت لهاا : ان شاء الله وانتوا بعد .. كنت احس اني مابرجع لهم
عنود : خلاص عيل شوف شغلك فمآن الله ..
ليش الكل يحااتي شغلي شوف شغلك وشو شغلك شوفوا شغلي وين وصلني ..
عنود : الووو ؟!!!
رديت : هلآ السموحه الله ويااج ..
عنود : مع السلامه وسكرت ..
آآآه يعني بتم اهنييييه محد معااي تمييت اتقلب واحس الالم في إيدي وإريولي ملييت من المكاان أرييد أطلع ..
..
.
عوااش : مااااااااااامااااااااااات ييييييييييي وينج
عبود وييلس : لآ حول من صباح الخير ومعليين على صوت التلفزيوون
عواش : لآ والله صج إستااذ
عبود : عوااش بلييييييييز دونت توك وذ مي ..
عواش : عشتووووو قال دونك توك ..
عبود أونه مطنش : عنود شو منو بيوصلني ولآ أروح مع سيف
عنود : لآ خلك أنا بوصلكم وبعدين حمد كم مره يحذرك لآ تظهرت مع هذا الي اسمه سيف تراه راعي مشاكل ..
عبوود ورافع حاجبه : نعم عيدي
عواااش : هييييه وأنآآ برمس حمد وبخبره نسيييييت وعدك له ..
عبود : ياخي كيفي ربيعي إنتوا شو يخصكم ؟؟؟
عنود وتجرب من عبود : عبود تعرف حمد شو بتكون ردت فعله
عبود : ماله خص فيني ..
عواش وفاااجه عيوونهااا : عبوووود
عنود : جب لآتسمعك أميه شو هالرمس هذا أخووك العود ..
عبود ويوقف : يعني علشااان سيف أخوو فهد أوك هم برااايهم بس نحن بتم ربع .. ويالله أترااااااج بررررع .. وظهر
..
.
حااول أوقف وقفت بصعووبه مسك السرير وقدرت امشي بس بصعوبه .... دخل علي الدكتور وشاافني وعلى طول ييه صوبي ومسكني .
الدكتور :لآ حمد مايصيير تتحرك
يلسي على السرير وقلت : دكتور اريد أطلع من إهنيه ..
الدكتور : ان شاء الله بس وين اهلك ..
قلت : تبي الصج ما اريد حد يعرف اني فالمستشفى ..
الدكتور : لازم حد يكون معاااك على الاقل يشوفك
قلت : حد ييه سال عني ؟؟
الدكتور : أخوك فهد سأل عنك وراح ..
فهد!! سأل عني : شو قلت له ؟؟
الدكتور : قلت انك بخير بس لازم إتم معانا فتره ..
سكت فجأه وعقب قلت : دكتوور أناا لآزم أرجع البيت أميه إتحاتيني وخاايفه علي ..
الدكتور : خلاص ارتاح الحين وان شاء الله خير ..
نمت على السرير ويلس الدكتور يتكلم عن حالتي وأناا سرحان أفكر أخبر عنود ولآ لآ .. وبعدهاا طلع الدكتور وأناا مب حااس ..
خذت فوني وإتصلت على عنود ....

[فيتامين سي]

3
بفتح باب لماضي أسود الكل بيذكر غلتطي الكل بيحس بالحزن ..
آه أنا أستآهل إلي يصير معاي أستاهل الموت ..
حتى هالحادث البسيط أحسه عقااب على إلي سويته ..
الماضي والماضي ..
لي متى أعآآني ..
ذكريااتي الحلوه تغطيهاا أياام كاانت مثل الجرح إلي ميطيب جرح القلب إلي ماله علاج ..
أنا سبب كل شي ..
..
رن الفون وعقب سمعت عنود إتقول ..
عنود : هلآ حمد
كنت مترردد : هـ هلآ
عنود : شحاالك بلآك ؟؟
قلت : عنود بقولج شي بس بيني وبيينج وما اريد حد يعرف ..
عنود وبخووف : شوو صااير فيك شي والله ما أجذب عليك حتى أنا أحس صاير فيك شي إنت وين ؟؟ ..
وحليلهم حااسيين فيني : أناا فالمستشفى ..
عنود وبخووف : شووووووو حمد بلآك شو صار ليش فالمستشفى لتخوفني ؟؟
قلت : هدي مافيني شي بس إصابات بسيطه وإن شاء الله خير
عنود : شوووووووووووه !!!!!! متى وكييف حااادث؟؟
لآ بالله بيصير فيهاا شي : وااحد دعمني وألحين أناا في مستشفى........
عنود : كييييييييييييييف !! خلآص أناا يايه ألحييين ..
قلت : لتخبريين حد ..
عنود وحسيت أنهاا إتصيح : لآ مابخبر ..
حسيت فيهاا وفي خوفهاا علي : لآتصيحين أقولج حادث بسيط ..
عنود وإتصيح : سالم قاال لناا حادث بسييط وخلآناا وألحين ماا اريد يصير الي صاار ..
تذكرت أخوي سالم الله يرحمه : عنود بس خلاص لاتصيحين تعالي وشوفي بنفسج مافيني شي ..
عنود وبعدهاا اتصيح : أناا مابرتااح إلآ لماا أشووفك حمد دخليك قول الصج ..
قلت لهاا : عنود بلاج لتحاتين أقولج أنا بخير ..
عنود وإتصيح : حمد لو تعزني قول الصج شو صار ..
قلت : عنود بس خلاص لاتصيحين لتخليني أحس بالندم لأني قلتلج ..
عنود : حمد قول والله مافيك شي
قلت بعصبيه : عنوووود بلآج أقوولج بخيير
عنود وبخوف : لآأأأ مااا اصددددق الا لماا اشووفك
قلت : لآ حوووووول أوك إذاا متصدقين أنا في مستشفى .......
عنود : مابيرتااح قلبي إلآ لما أشوفك ألحييين بيييه ..
رديت عليها : خلاص أتريااج ..
عنود ومستعيله : إن شاء الله يالله فمآن الله ..
قلت : مع السلامه .. وسكرت ..............
رحت بسرعه وخذيت مفتاح الكبت أطلع لي عبايه وشيله وكل شوي يطيح المفتاح من إيدي ..
حسيت بتوتر وإيدي صارت ترتجف ..
يارب مايصير إلي في بالي يارب يكوون بخير ..
لبست بسرعه دخلت حجرة حمد وحطيت له ثياب في الشنطه على السريع ..
وخذيت سويج السياره وطلع بدون محد يدري ..
كنت خايفه ..
لحظآت وأناا أسوق كنت أسرح ومآ أحس بعمري ..
تذكرت سالم ..
وإلي صاار ماحسييت إلآ بصووت حد يضرب هرن فالسياره ..
والحمدلله تحرك في الوقت المنااسب ..
عنوود هدي لآيصيير فيج شي ..


************************************************** ********



"أنا ماني بإنسآن ينكر محبة غيره ولا أني إنسان ينكر كرهه لغيره"

مر الوقت وأناا أنتظر متى توصل عنود وبعد دقاايق سمعت صوت حد يدق البااب وعقب دخلت كاانت عنود ..
شفت الدمووع فعيينهاا حطت راسهاا في حضني ومسحت على راسهاا اهديهاا ..
عنود : حممممممممممد لييييييييش ماقلت حقي ليييش ..
مسحت فوق راسهاا : فديتج لتصيحين مافيني شي لتحاتين وقريب بظهر من المستشفى ..
عنود والدموع في عيونهاا : نسييت إلي صاار مع ساالم أذكرت ..
آآه ياعنود يبتيهاا على الجرح : خلاص هدي ماصار شي ..
عنود وإتصيح : ليش جيه حمد ليش ؟؟؟؟؟؟؟..
قلت : عنود خلاص بس ..
عنود ومااسكه ايدي : حمد بتم معااك ..
قلت : لآ بعدين اميه بتحس بشي ما اريدهاا تعرف ..
عنود : فالنهاايه بتعرف ..
ديت : يصييير خير .
تميناا أكثر من دقيقه ساكتين ..
شفت عنود إطالعني بنظرات مافهمتاا ..
نظراات حزن ألم .. كأنهآآ تذكر سالم كأنهاا تشوف الماضي الأسود في عيوني
كأنهآ تقول حمد بعد إلي صاار تبي ترحل بسهوله ..
وبعدهاا كسرت عنود تفكيري وقالت ..
عنود : حمد أنا يبت لك ثياب على السريع وحطيتهم فالشنطه ..
قلت : مشكووره ربي لايحرمني منج
عنود ومااسكه ايدي بقوو كأنهاا ماتبي تخليني : حمد إنت بترجع البيت ..
ضحكت مب من قلبي : عنود لتكبرين السالفه مافيني شي
عنود دموعهاا تنزل : ليش ماترجع اليوم
مآ أنكر عنود أقرب وحده لي بالنسبه للباقيين : برجع بااجر إرتحتي ..
عنود : هيه ..
يلست اسوولف معاهاا ومر الوقت ويلست عنود إتأكلني غصبن عني وأناا ما أريد آكل بس شو أسوي هذي عنود محد يردهاا ههه
وبعدهاا تمت اتوصيني وتكلمت مع الدكتور ورجعت البيت ..
حسيت برااحه لأنهاا يلست معااي وإهتمت فيني فرحت لأنه في حد معااي لو أنهاا
رجعت البيت بس ماقصرت معااي كلمت الدكتور وقال شاف الفحوصات ومافيني شي الحمد الله وفتره وبرجع البيت ..
تذكرت نظرآت فهد لي يوم يابني المستشفى ..
ليش جيه يحسسني بالذنب مدري يوم قال يليت صار ..
حسيته كان يقول تستاهل جزاتك تستاهل أكثر من إلي صار ..
آآه يليت الماضي يروح ومايترك وراه شي ..


************************************************** ******************



"سالم رحت وترك بصمتك في كل جزء من البيت بس والله بعدك فالقلب موجود .. حمد لآتتركنا مثل ماتركنا سالم

رجعت البيت وأنآآ محتآره أرمس أميه عن حمد ولآ لآ أدري أنهآ مستحيل تتقبل وبتخآاف ويمكن يصير فيهآ شي خلآص أنا مابرمسهآا وبنتظر
لين مآ يرجع حمد البيت مآ أعرف أدري إذا خبرتهآآ بتخآآف وايد ..
........... :عنوود
يخوفي تحس بشي : هلآ أمي
أميه : وينج تأخرتي اليوم ؟؟
رديت : لآ ولآشي وصلت إربيعتي مريم
أميه : إتصلتي على حمد ؟
ياربي كنت متوقعه هالسؤال ألحين شو أقول ..
أميه : بلآج أكلمج ردي علي ؟؟
خلاص بقولهاا : أميه حمد نقل شغله وإن شاء الله باجر بيرجع لأنه عنده شغل فالعين ..
أميه : ليش ماكلمني ليش مآ إتصل ؟؟
رديت : لآ أهو ألحينه مشغول وإن شاء الله في أقرب فرصه بيتصل ..
أميه وبعدهاا خاايفه : متأكده مافيه شي ؟
رديت : لتحاتي ما فيه شي ..
أميه : خلآص بدلي ثيابج وشوفي خوانج ..
زين عدت على خير .. رديت : إن شاء الله ..
خبرت عبود وعواش عند حمد ووصيتهم مآيخبرون أمايه أو يحسسونهاا في شي ..
..
.
سمعت فوني يررن شفت الشااشه الإستااااذ هذاا عبوود !!!!! شو يبي معقوله عنود خبرته شي ؟؟
رديت وسمعت عبوود وعوااش ..
... : حمممممممممممممممممممممممد حمممووود
بعدت الفون شوي وقلت : هلآااا بلآلآكم
عبود يصارخ : إنـــــــــــــــــــــت فالمستشفى ؟؟؟
لآ بالله بيفضحني : عبود لآتسمعك أميه ..
عوااش : نححححن فالحجره محد يسمعنآآآآآآآآ
عبوود : هيييه لتخاااف عوااش وخري عندي يالدووبه ..
ههه خباال : هيه فالمستشفى ..
عواش : إيييييييه عبوود إجلب أناا برمسه .. حمممد إنت فيك شي شو صااار ؟؟
عبود : هاااتي فووووني ..
عواش : ميخصنييييي أناا أريد أرمسه عقب إرمسته إنت
رديت : لآ حووول يووم بتخلصوون هواشتكم عقب ارمسوووا
عبوود : عوااااااااش والله بتحصليييين بووكس في ويهج
عواش وإتصاارخ : أناا قلتتت برمسه قبلك
عبود : لآأأأ والله هذاا فووووني مب فوونج ..
عواش : ماااااااااااااااااااابي عطنيييي برمس ..
ههههههههههههههههههههههههه ههه ضحك عليهم تموو يمكن دقييقتيين ويضااربوون ..
عبود : ألووووووو ويينك ؟؟
رديت ههههه زين خلصوا : هاا شو النتيجه
عبود : ههههه راااحت إتصييح عند أميييه
رديت : حرام عليك خخخ حساابي معاك عقب
عبود ويضحك يبي يغير السالفه : المووهيم يابو الشبااب كيف الجوو عندك
رديت : ماالت بدال متقوول الحمدلله على السلامه
عبود : أوووه السموحه حقك علي الحمدلله على السلامه طمني
رديت : الحمدلله بس لآتتكلمون جدآم أميه ..
عبود وكأن مستعيل على شي : لآتحآتي أوك يالله أخلييك ألحييينه تآمر بشي ..
رديت : سلآمتك ..
مر الوقت وحسيت أن المستقبل بيكون أصعب من الماضي بلحظه أحس أني بدييت أتخيل أشياء بتصير
كأني يالس أرسم مستقبلي وكيف بيكون ..
حاول أقنع نفسي أني مابغلط غلطه ثانيه وأخبر علاقتي مع أهلي ..
صعب الواحد يقنع نفسه في شي متأكد منه كل يوم مر كنت أشوف الأمور عاديه بس هذي مجرد بدايه ..
كل شي يتغير بسهوله محد يري شو جايز يصير .. أنا كنت السبب في شي كبير
وأي غلطه مني إتغير كل شي بنيته ..

[فيتامين سي]

4
"ياربي لاتحرمني منهم من بعدهم الدنيا ماتسوى شي وهم مايستهالون يصير شي"
القلب يحمل الشوق للبعيد والمحبه للقريب ..
لحظة ضعف في حياتي وحادث بسيط مثل هذا ما يأثر علي ..
بس الحزن لآ صار في القلب ذكرى عزيز وغالي وصار من بعدها مجرد صفحات من الماضي والخوف شاغل قلب الغاليه علي ..
وينك ياخوي رحت وخليتني ..
وين إلي كان معاي مثل ظلي ..
وين إلي ببسمته يروح همي ..
.. بعد يومين "يوم الخميس"
طمني الدكتور على صحتي وعطاني إذن أطلع والحمدالله صرت أقدر أمشي شوي بس لآزم هالفتره أمشي بالعكازه وإيدي بتم ملفوفه فتره
وشكلي بااخذ إجازه لين متصح هيه صح كيف نسيت علآوي أكيد خذا لي إجآزه هيه أهو قال بيطلب إجآزه حقي يالله حلينآ مشكلة الشغل بس غريبه مارد علي
خبر للحين ؟؟..
يالله وين غترتي اوووف كيف بلفهاا يلآ مب لآزم .. ..
زي جيه عنود يبتي الشنطه و ورطتيني كيف بشلهاا ألحين خلاص برايهاا لمآ إتييه تآخذني بخليهآ إتشلهآ
أتوقع ألحينه إتوصل عواش وعبود المدرسه يعني عندي وقت بروح عند الدكتور ألحينه ..


************************************************** **************

"لو الخوف لآزم أصبر وأشوف مستحيل أسمح بالشي يتكرر مره ثانيه "


وصلت عبود وألحين وصلت عواش : يالله عواش نزلي

عواش : يالله مع السلامه ..
قلت : إنتبهي في درآستج ..
عواش : لتخافين أنا شطوره .. ونزلت من السيااره ..
قلت : الله ويااج ..
كملت طريجي وتذكرت .......
حمد : كييييييييف يعني ليش أهوو شو قال بالضبط ؟؟
قلت وأنا متوتره : ح ح حمد والله م مـا أدري ..
حمد : عنود هدي وتذكري شو قالج ..
حاولت أتذكر وتذكرت : قال أن فالمستشفى وألحين طالع ..
حمد ويطلع فونه من مخباته : أي مستشفى في هالوقت عنوود مب معقوله أكييد صاير شي ..
قلت بخوف : حمد أميه لآزم ماتعرف ..
حمد ويضرب الطوفه إلي حذاله بإيده : أنا الغلطااان كله مني ..
قلت وخلاص مدري شو صار ليش جيه يصير : إنت مالك خص ..
حمد ويطالعني بنظرت حزن : كيف مالي خص أناا لو أني ماصرخت عليه ومديت ايدي ما ظهر معصب ..
فجأه رن فون حمد ..
حمد : هذاا سااالم ..؟؟
أول مره أصرخ جيه على حمد وأرفع صوتي : ررررد عليييه شو تنتظرررر ..
حمد رد : هلاا سالم بلااك ويييينك؟؟؟ .... فالمسسسسستشفى ؟؟؟ ... أي مستشفى ... متأكد .. سالم لاتاخذ بخاطرك مني ... يعني إنت بخير ...
ألحيين بييه لك ... متأككد أنك بخيير مافيك شي ... صووتك مب طبيعي فيك شي .. خلاص لاتأخر .... فمان الله ..
مسك إيد حمد بقوو وقلت : شوو قااال ؟؟؟
حمد : الحمدلله مافيه شي يقوول لاتحاتون ألحين راجع البيت حادث بسيط ..
أول ما قال حادث قلبي صار يدق بسرعه : ك كيف يعني ح حادث؟؟
حمد : مدري والله بس إطمني الحين راجع ..
............. وبعدهاا
أمييه : ويييييينه ويينه ليش تأخر ..
حمد : ألحيين راجع ..
أمييه : صارلكم ساعه إتقولون ألحيين راجع ؟؟؟ عنود شو صاير ..
قلت : أمايه حمد رمس سالم وشويه وبييه ..
أميه بخووف : اتصل وشووف ..
حمد : أميييه صبري عليه ....
وبعد سااعاات رن فوون حمد إلي وصلناا منه الكلمه الي ماا توقعناهاا ..
حمد : ألوو هلآ ... هيه أخوي سالم ... شوووووووووووووووو ؟؟؟؟؟؟؟ ..وطاح التلفون ..
أمييه وتهز حمد تنتظر أي رد : حمد حمممد بلاك حمد .. حمدددد صار شي في اخووك .. "وإهنيه نزلت دموووع أميه "
حمد ويطيح على الارض ماقدر يستحمل الخبر : سالم ..
رحت عند حمد وقلت وأنا اصرخ : شوو فيييه؟؟
حمد ومنزل راسه أول مره أشوف حمد ضعيف جيه حتى الدموع خانته ونزلت : سالم خلاص مات ...
أمايه على طوول أغمى عليهاا كانت صدمه كبيره ..
.
.
.
آآه مات سااالم ماات الله يرحمك يااخوي ..
أثرك في قلوبنآآ موجود وكل ذكرى عشتهاا بيناا موجوده
آآه شو نقول غير فقدتك لكن البقاء لله ..
الله يرحمك
الله يرحمك ..


************************************************** ***********




"ليش الزمن دوم ضدناا لآفرحنا شوي .. نرجع نصيح"

شكله الدكتور مشغول يالله برجع الحجره أخااف إتييه عنود ومتحصلني فالحجره ..
كملت طريجي بسسسسسسسس
شفت شي انصصصصصصصصصصصصصدمت
حسيت بخووف
وأنا أشوف ريال من بعيد ماشفت ملامحه
بس اهووووو هيه
كيف رجع نفس الجسسسسم
حااولت أركز أكثر قلت يمكن بديييييت أتخيل أشياء مالها وجود ..
بس شفت عمر
هيه عمرر ..
تجدمت وأنا مصدوم أريد أتأكد من إلي أشووفه جدامي
بس فجأه تجمت مكااني ..
كنت أحس بثقل في داخلي
شي كبيييييييييييييير يمنعني أجدم أكثر ..
رجعت لذكريات الماضي تذكرت وحسيييت بأني صرت أسمع أصواتهم ..
الألم إلي فراسي يزيد ويزييييد ..
ضميت راسي بإيدي ويلست أشوف الأرض حسيت كل شي يدور ..يلست أمشي عشوائي
ما اعرف وين اروح وبعدهاا صدمني شي أسود أقصد في بنيه صدمتني
وشكلهاا كانت مستعيله وبدون مآ أحس ردت فعله سريعه ودزيتهاا بقو بس صج عورتني..
حسيت من بعد الحركه أني رجعت ثابت قلت مدري ليش أطلع القهر إلي فداخلي : هيه إنتي بلآااج متشوفين جدآآمج !!!
شفتهاا من كثر ما دزيتهاا بقوو رجعت لوراا وكانت بطيح لولا أن الطوفه كانت حذالهاا ..
شو هاا صج ماتستحي حتى مآ قالت السموحه قلت : حتى ماتعرفين تعتذرين ؟؟؟
كآنت منزله راسهاا وماتكلمت بحرف واحد ..
لفت إنتباهي الريال الي حسيته عمر كان يمشي ..
ومشيت عنهاا ورحت أشوف شكل الريال من قريب كنت خاايف ومتررد
بس لمآ مسكته من كتفه من وراا إلتفت صوبي وقال : خير أخوي في شي ؟
حسيييت بإرتيآح يوم عرفت أني كنت أتخيل ومستحيل عمر يكون موجود قلت : لآ سلامتك أخوي بس شبهتك بحد
ضحك الريال : ههه ماعلي اتصير يالله اترخص تآمر بشي ..
رديت : لآ مشكور الله وياك
بعدهاا تحرك وتذكرت البنت بس مدري وين سارت ..
رجعت الحجره ..


************************************************** *******************

دخلت المستشفى وكنت فرحانه لأن حمد بيظهر اليوم كنت مستانسه ..
رحت أدور حجرته سمعت صوت حد أعرفه ..
........ : عنووووووووووووووونه
إلفت هذي حمده : هلآ .. "سلمت عليها"
حمده : غريييييييييييييبه مااا اصدق عنونه إهنيه فالمستشفى أحييدج تكرهيين المستشفى وتضاايقين لماا نتكلم عن المستشفى !
طاعتهاا بنظره : انتي الي ليييش اهنيه ؟؟
حمده وشبه مصدومه : هاااا صدمتيني معقوله ماتعرفيين اني بسوي عمليه قرييييب ؟؟
حاولت اتذكر : لا ما اتذكر مره قلتي شي ؟؟
حمده : ماااالت أناا للحين أذكر يوم رمستج عن سالفة العمليه الي بسويهاا في عيوني ..
طالعتهااا باستغراااااب : صصصصصصصصصصصصج
حمده وتضربني على الخفيف : هيييه انتي عيل كنتي مطنشتني يوم كنت أرمسج
ضحكت : هههههههههه اتصدقيين شكلي جيه
حمده أونهاا زعلآنه : زعلت
رديت : أقووووووول يالله روحي سوي شغلج ما احب سوالف الزعل
حمده : لا والله إنزييييين يا عنووود
ضحكت : هههههه أخيرا قلتي عنوود
حمده : هههه انزين خبريني ليش انتي اهنيه ؟؟
قلت : أخوووي
حمده منصدمه : أيييييي وااحد ؟؟
طالعتهاا بنظره : نعم وانتي ليش تسإلين أي واحد المهم أخوي وخلاص ..
حمده : شو يعني عادي خوانج مثل خواني والعكس ..
قلت : على كييفج شو ؟؟
حمده وتضحك :هههههههه خلاص هاا ما أريد أعرف شي يالله بسير أكيد أخووي بيسوي لي سالفه يترياني برع ..
رديت : مممممن صجج حرام عليج يالسه اتسوولفين واهو يتريااج. .
حمده : جب يعني انتي أحس بعد إنتي يالسه إتسوولفين
تذكرت حمد : هييييييييييييه تعالي حمد يتريااني يالله مع السلامه ..
حمده : يعنييييي حمد إلي فالمستشفى ليش شوو صااير ؟؟
رديت : حاادث يالله مع السلامه ..
رحت بسرعه أكييد حمد يتريااني ..
.................................................. سمعت حد يدق البااب عقب
............ : صبااااااح الخييير
إبتسمت لهاا وقلت : صبآآح النور يا أحلى إخت ..
عنود ويلست عدالي : شخباار أخووي الحلو ؟؟
قلت : إحم عيونج الحلوه أنآ الحمدلله إنتوا أخبآآركم وصلتي عوااش وعبود المدرسه ..
عنود وتدلع : عيوني الحلوه إحم ههه
قلت : ههه عيل يالسه إتقولين حقي الحلو ؟
عنود : آآه شو أسوي أعشق هالانساان ..
قلت بعصبيه : هاا منو هالانساان ؟
عنود وتضحك : ههههه منو غيرك
ردييت وأنآ أطآلعهاا بنظرة شك : لآ الظآهر نزل الحب فجأه وآيد تمدحيني أشووف ؟؟
عنود : خخخخ خلآص بسكت المهم نحن بخير ووصلت الثناائي المرح خخخ
ضحكت : ههههه زين يعني طفروووج ..
عنود : تدري توووووووبه ولا اوصلهم مره ثاانيه ..
ضحتك على كلآمهاا : هههههه
عنود : هههه والله صج كيف كل يوم تستحمل هوااشهم يصدعون الراس ؟؟
غصبن عني أستحمل وأناا أقدر أقوول للغاليه لآ مابوصلهم : ماعلي متعود هه
عنود وقفت ومسكتني من إيدي : يالله قوم نروح البيت ..
وقفت : شلي الشنطه وياااج ما اروم أشلهاا ..
عنود وتروح تاخذ الشنطه : مب مشكله هيه أناا رمست الدكتور وقال بعد ثلاث أيام تقدر تشل الجبس من ريلك ..
قلت : إن شاء الله ..
عنود وتمسك كتفي : يالله عيل سرنآآاااااا
يلست عنود تستهبل علي طول الطريج وتعلق على الجبس خخخ
قلت : عنووود شوفي الكل يالس يطاالعناا ..
عنود : يطالعوون برايهم ههه بعدين برااايهم كيفي اخوووي (وظهرت إلسانهآ)..
يلست اضحك عليها صج هالعنود خبله : هههه
عنود : بسك ضحك ألحين بنرجع البيت وبيبدأ الصياااح ..
هيه والله لاحقين للبجي : مافكرتي شو بنقول حق أمايه ؟؟
عنود وإتفكر : ممممم والله مدري
ممممممم: ولآ أناا ..
عنود : تدري قول أنك طحت من الدري
طالعتهاا بإستغراب : من صجج حد يطيح من الدري جيه يصير معااه ؟؟
عنود : هيه صج يعني شوو تبي اتقولهاا ..
قلت : خلاص براايج طحت من الدري خخخ
عنود : يالله إركب ..
ركبناا السياااره علشاان نرجع البيت ..
أخآف أميه تشوفني جيه وتخاف علي ويصير شي يارب يعدي هالحادث على خير الله يسامح إلي كان يسوق يعني
في حد يسرع صوب الباركنات حتى مافكر يعتذر أو شي أتوقع للحين ماعرفووه هالناس لازم تتعاقب ..
.. إذا أميه درت أني أدري أن حمد فالمستشفى وأني كنت أجذب عليها والله بتعصب وبزعل مني يالله بحاول أقنعهآ أناا وحمد ..

[فيتامين سي]

5
"يمكن الجرح يطيب لكن يترك أثر"
الدنيا تخلينا نحس أنها صعبه وأن فيها وايد أشياء مستحيل إتصير ..
بين الصعوبات اللي إنمر فيها وبين اللحظآت إلي نحس فيها أنآ كنا سبب في شي كبير
ذكريات تمر فالبال والأيام تمر بسرعه ..
كيف بيكون موقف شي كان السبب في شي كبير
كيف بتكون حياته لما يحس أن كل شي وقف ضده للحظه ..
لما القريب يبيعه بسهوله يشتري فراقه ..
الأهل ..
المال ..
الأصدقاء ..
الأيام ..
الوقت ..
كل شي يتغير إلي كان عندك يمكن في يوم يروح ..
إلي ماعرفت قيمة باجر لما يروح بتعرف قيمته ..
لما الكل يتغير بلحظه علشان ماضي راح شو بيكون الموقف ..
الماضي يروح لكن يترك أثر في المستقبل .. إن كان ماضي حلو أو أسود
وتستمر الحكايه ..
مرر الوقت ..
يلست عنود تعطيني محااضره لأني ثاني مره أطلعهآآ من الجآآمعه إنزين كملي معرووفج توج أخووي الحلو وكلام حلو خخخ صج
في هالزمن ماتحصل كلام حلو الا وبعد كلام ثاني خخخخ
نزلت من السياره ونزلت عنود الشنطه ويت اللحظه الي اميه اتشوفني جيه ماخذيت العكازه وقلت بمشي أدري اذا شافتني فالعكازه
بتخااف أكثر ومافيني يصير فيهاا شي ..
فتحت الباب ودخلت عنود ودخلت وسكرت البااب ..
............... أميه من بعيد : منوووو ؟؟
عنود : أنآ عنود ..
أميه ويايه صوبنااا : عنووود ليش ..... حمممممممممممممد !!!!!!!!!!!
يت صوبي ومسكتني من ايدي وشويه بتصيح : حمد بلآك شو فيك شو صار ؟؟؟؟
قلت : أميه لتحااتي مافيني شي بس طحت من الدري ..
أميه وحسيت انهاا شويه وبيصير فيهاا شي : انت بخيير عنود شوو صاار ليش ماخبرتني حمد ريلك اتعورك أشووف ..
قلت : أميه بلآج والله مافيني شي أناا بخير لتحآتين ..
عنود : أناا كلمت الدكتور وقال ما فيه شي
أميه مسكتني وخذتني يلستني : إيلس لاتتحرك والله قلبي كاان حااس جيه إتجذبون على أمكم ..
عنود وإطالعني : شو فيج أميه حمد بخير شوفي جدامج مافيه شي ..
قلت : هيه أميه لو فيني شي ما طلعني الدكتور من المستشفى ..
أميه : زييين جيه إتخليني أحاااتي أي دري هذاا يسوي جيه ..
عنود وإطآلعني : أميه تعرفين حمد دوم متسعيل صح حمد ..
قلت : هيه ومآ إنتبهت فزلقت ..
اميه وشكلهاا ارتااحت لو أني أدري أنهاا مب مصدقه : خلااص لاتعب عمرك ايلس مكانك أكيد يوعاان ..
حست فيني : ميت من اليووع ما كليت فالمستشفى أحب أكل أم حمد ..
عنود ضحكت : ههههه
أميه : خلاص احيين بزهب الريووق ..
عنود : يالله أناا أترخص وهمست حقي يالله منو قدك بدلعوونك ألحينه ..
قلت لهاا : أعووذ بالله من الغييييره
عنود : هههه يالله مع السلامه ..
قلت : الله ويااج ..
تبووون الصج ماتوقعت بتعدي السالفه مع أميه بخيير بس مع هذا حيت أميه تضايقت ليش مارمستهاا ألحين زين جذبت على أميه ..
مرت دقاايق ويت إميه ويلست إتأكلني خخ أقولكم يحسسنوني أني صغيير خلصت وراحت أميه المطبخ الحين اناا كيف بروح حجرتي
مشيت بصعوبه وركبت الدري لين ما وصلت حجرتي وصلني مسج من الشركه إلي أدآوم فيها قالوا بأن بياخذون سيارتي وبييبونها البيت ..
زين ريحوني خخخخ .. وعقب دخلت أتسبح شليت اللف من ايدي اماا الجبس نصه صاار مااي خخخ ياهي حاله..
رقدت من التعب ....................


************************************************** ***********



"كل شي يهون حتى البعد لآزم يهون"

نشيت من نومي واناا أحس بحركه فالحجره أول مافتحت عنيني شفت عوااش يالسه فوق الشبريه واتنااقز ...
عوااش : حمد حمد قوووم ..
حطيت راسي تحت المخده وقلت : عوااش طلعي برع بنااام ..
عوااش وتسحب المخده : ماا بطلع قوووم عمتي نوره إهنيه تبااا اتشووفك ..
قلت بدون مآ أنتبه : وأنااا ما ابي اشوووفهاا ..
عوااش : خلااااص عيل بقولهاا حمد يقول ما يبي يشووفج ..
هذي الي تبي تفضحناا : بذذذبحج قولي الحين يااي ..
عوااش : بسرعه إنزييييين .. وهيييييييه الحمدلله على السلامه "وبعدهاا سمعت صوت البااب يتسكر شكلهاا طلعت "
أووف مب وقته إتييه عمتي أخااف عواش تفضحني اتسويهاا ..
دخلت اخذ شور ولبست وتعطرت وخذيت فوني ورحت أووف مافي شي مخرب كشختي غير هالجبس زين شليت اللف من إيدي ..
...........................
نزلت لمحت شي حريم فالصاله .. أحييد عواش قالت عمتي تسأل عني !!
......... : حمد !!
رديت : هلا عنووود عيل وين عمتي ؟؟؟
عنود : بلآك إدخل محد موجود غير عمتي وبنتهاا وامايه ..
قلت : لا مابدخل خبريهاا أني إهنيه وإتيه اتسلم علي خخخ ..
عنود : لآ والله شو هالرمسه تعاال .. "وسحبتني من ايدي"
عنود دخلت وأنا معاهاا : عمتي هذاا حمد يبي يسلم عليج
عمتي نوره وقفت ويت إتسلم علي : هلآ والله بالغالي شحااالك سلاماات متشوف شر ..
سلمت عليهاا وبست فوق راسهاا : الله يسلمج عموه بخير الحمد الله انتوا اخباركم ؟؟
عمتي نوره : بخيير بشوفتكم شفيهاا ريلك عسى ماشر؟
قلت : والله ماشي شوي إلتوااء وبتصح ..
سمعت صووت بس ما عرفت منوو صاحبة الصووت : سلامات حمد ..
قلت : الله يسلمج تسلمين !!
عمتي : حيااك ايلس ليش واقف ..
عنود : ههه شكله مستحي ..
مب وقتج عنوود قلت : لآ بس أنتظر إتصاال ونسيت فوني فووق ..
عااد فوووني بدأ يرن أو ما قلت فوني فوق الكل يطالعني بنظره إهنيه تفشلك مدري وين أذلف ويهي مبببب وقته أبدددددددددد ..
عنود : عيل شو هذاا الصوت مب فونك ..
قلت أبرر : لا هذاا فوني الثاني الظاهر إتصلوا في رقم الثااني وماحصلوني وإتصلوا بهذا الرقم ..
عنود وعمتي : أهاا
أشوه صدقوني أووف شو هالحظ : خلآص يالله أترخص تآمروني بشي ..
عمتي : سلآمتك ..
قلت : الله يسلمج سلمي على الأهل عمي والعياال ..
عمتي : يووصل ..
عنود : وين بتظهر من البيت ؟؟
قلت : لآ بس برد على الإتصاال ..
عمتي : خذ رااحتك ..
ظهرت من الصاله ورجعت حجرتي أووف من هالفوون فشلني شفت الشااشه كآن زميلي علي متصل ..
إتصل أشووف شو يبي ...
علي : السلام عليكم ..
رديت حسيت بفرح لما سمعت صوته : وعليكم السلام هلا علي ..
علي : أهلين حمد وينك سرت المستشفى ما حصلتك ؟؟
نسيت أقوله أني ظهرت من المستشفى : ظهروني من المستشفى اليوم ..
علي : أهاا خلآص مب مشكله أجر وعافيه ..
رديت : تسلم ربي يعافيك ..
علي : أناا رمست المدير وخذيت لك إجازه إسبوعين ..
خيبه ثلاث أسابيع ليش خخ من الله صدقوا أني باخذ إجآآزه يبون الفكه هههه زين ريحوني : تسلم علي تعبتك معااي ..
علي : أفاا عليك ماسويت شي ..
قلت : لآ شو ماسويت سويت الي عليك وأكثر مشكور ..
علي : العفوو يالله عيل تآمرني بشي ..
قلت : لآ سلآمتك ..
علي : مع السلامه ..
رديت : الله ويااك .. وسكرت
تعرفون شو إحساسي لمآ ما أعيش حياتي مثل باقي الناس كل الشباب يظهرون مع بعض إلآ أنآ ..
أعيش حياتي بعيد عن ربعي بعيد عن حتى إلي يحاول يصير قريب مني ..
الخوف سكني ما أريد أشوف إلي شفته مره ثانيه
ما أريد باجر يقولون حمد إنت السبب إنت ..
إذا ظهرت أشوف الشباب مع بعض وسوالف وضحك حس بخنقه بضييق لأني مب مثلهم أنا خلاص ماتم لي حد غير
أهلي والباقي يحاولون يبتعدون عني يلست أفكر وأفكر ..
................... : إحم إحم
حسيت بصوت إلتفت عبوود شو يبي ألحين : هلا عبوود خير في شي ؟
عبود ويدخل : مممم هيه
يليتني مااا سألت أكيد بيتشرط : تفضل شو عندك ؟؟
عبود : الله يسلمك أبااك تاخذني المول أناا وعاشوه ..
كنت حااس مشكله لمآآ إدلعهم يتعدوون : أنا مب كل يوم بآآخذكم ..
عبود ويترجآآني : بس اليووم ..
خخ يقص على منو هالدب : كل يوم تعال وقول بس اليوم خخ
عبود : ههه لآ صج بس اليوم ..
رديييت بشك : بس اليووم!!
عبود ومتردد : هيه ..
سويت عمري أفكر وعبود يترياني وعقب : خلاص باخذكم قريب المغرب ..
عبود ويحضني : فديييييتك والله ..
شفتوا خواني كله كلامهم علشاان المصلحه : إنزين روح شووف الغداا جااهز ولآ ..
عبود : تآآمر أمر .. "وظهر "
خخ عباله باخذهم أصلا أنآ مآ أروم أسوق وهالجبس في ريلي ..


************************************************** *****

وينه هذاا حمد تأخخخخخخخخر لآزم جيه يفشلنآآ
عمتي نوره : هآ وينه ؟؟
قلت : ألحيين يااي ..
عمتي نوره : يمكن تعباان أو شي توه طالع من المستشفى ..
قلت : ماعلي لتحآتين ألحين بشوفه ..
عمتي : مب مشكله ..
،،
شوووفوا ألحييين أناا ميت من اليوووع يبوني أوصل عمتي لآ حول مب وقته شو الأهم بطني ولآ هم لآزم أضحي يعني ..
عنود وتدخل بعصبيه : يالله حمد بلآااااك ؟؟
طالعتها بنظره قهر : عنووود إنتي دووم أخباارج جيه بداال متقوليين تعاال اتغدى إتقولين تعال وصل عمتك وبنتهاا ..
عنود : لا تستهبل عيب هذي عمتك ..
إنزين أدري أنهاا عمتي : والله أدري بس يوووعآآآن وبعدين إنتي إتشوفين حالتي تسمح أسوق ..
عنود وتضحك :ههههه إستحمل وصلهم بيتهم قريب وعقب إرجع تغدى ..
أناا شكلي منحووس في حيااتي هذي : إن شااء الله وينهم يالله بسرعه ..
عنوود : ههههههه حمد بلآك معصب ..
رديييت بصوت عالي : مب معصب يالله وينهم ..
عنود : تحت ينتظرونك ..
قلت : إنزين قولي ألحين بييه بلبس غترتي ..
عنود : إنزين لآتتأخر ..
قلت بقهر : هيه الادريول على كيفكم أمشي بروحهاا ريلي إتعورني مقدر أمشي مثل الأوادم ..
عنود ضحكت علي : هههه خلآص شو بلآااك ..
هههه والله كنت بضحك من طريقه كلامي بس قلت : روحي وصليهم إنتي ..
عنود : ليكووون عسب شهد ؟؟
رديت مستغرب : منوو شهد !!!!
عنود : أونك ماا تعرف بنت عمتي ..
شدخل : هيه علشاانهاا إرتحتي مآ أريد أسيير ..
عنود : أونك تستحي شووو ؟؟
ليش أستحي والله هالبنت تستهبل علي : عنود واايد قمتي تستهبلين روحي قولي أني يااي ..
عنود : هههه إنزين يالله بسرعه .. "وظهرت"
أونه أستحي تفكيير هالبنت مثلهاا وبعدين منو المفروض يستحي !!..خخخ لبست غتريتي ونزلت أوصلهم

[فيتامين سي]

6
الحياة تدور فمن كان صديق يغدو عدواً ومن كان صديق الأمس ربما يصبح عدو اليوم ..
الأمر ليست مجرد أحداث تمر فكل لحظه نحاسب عليها وكل لحظه تصنع لنا هذه الأيام
الواقع دائما في أعيننا والخيال دائما أملنا ..
نرسم أمالا كثيره ونبحث عن أقرب فرصة لكي تتحقق
ولكن المراد لا يتحقق فقط بالكلام ومن الصعب العيش ..
في زمن يرسم المشاعر في بحار من القسوة
زمن لون الحياة بلآلام كثيره ..
ولكن ..
عنود : يالله حــــــــــــــمد ..
يعني إتشوفنيني ناازل من الدري بطير مثلا : إن شااء الله ..
يلسوا يسلمون على بعض هذا بروحه ياخذ سااعه ..
عقب ركبوا السياره ورحنآآ ..
عمتي : إن شاء الله ما تعبنااك ..
تعبتوووني وبس يعني إذاا صاار حادث بسبت هالجبس الواحد مايعرف يسووق خخخ .. : لآ عمتي منو قاال لآ تعب ولآ شي ..
عمتي نوره كانت يالسه فالكرسي الحذالي أما شهد فيلست ورا ..
يلست عمتي إطالعني : ماشاء الله كبرت
والله كنت بضحك عيل إتقووول كبرت كأنهاا مب شايفتني من سنه خخ : هيه والله شفتي كيف كبرت باجر بصير شيبه
عمتي نوره : هههههه لا وينك بعدك شبااب ..
طالعتهاا: عمتي من صجج ألحين إنتي إتقولين كبرت على أي أسااس ؟؟
عمتي: والله إنت قااطع لاتزورناا ولا تسأل ..
تعالوا ألحين فهمت ليش أنا آخر مره شفت عمتي نوره من قبل أكثر من 5 شهور عسب جيه إتقول كبرت خخخ ..
رديت : هاا عمتي يعني إنتي مب فالشبااب ..
عمتي : لآ وييييين أنا خلاص عصرت عيوز
رديت : أفاا منو قال بعدج صغيره وحلوه
عمتي يلست تضحك : هههه خل عنك هالسوالف
ضحكت : ههههه
عمتي : يالله العمر عند الله منو عايش ومنو ميت محد يدري ..
آآآه ما أدري حسيت بتوتر يوم قالت هالعباره وكأنهاا تلمح لشي ..
رديت : هيه والله صح كلامج .. ماقلتي عمووه شخبار زايد مايتصل الا من فتره لفتره ..
عمتي : زاااااايد هذاا يباله حد يوقفه عند حده كل يوم يطلع ومايرجع الا متأخر وأيام ماتشوفه فالبيت
هههه زيوود دوم يحاوط مع الربع رديت كنت أريد أسمع صوت شهد شكلهاا سرحانه ومن يوم دخلناا ساكته : ليش شهد متشوفين زايد ..؟
ماسمعت رد !!
بس عقب سمعت : هاا هيه تعرت زايد مب لآزم أقولك
خخخ رديت : عيل محد يقدر عليه غير بو زيوود ..
عمتي نوره : هيه والله مايسمع كلامي بس يوم أبوه يرمسه يسمع كأني مب أمه ..
هههههه بعدهاا تغاار رديت : شو عموووه قولي تغارييين بعد
عمتي وتدلع : هيه أكيد أغاار عيل يسمع كلام أبوه ومايسمع كلامي ..
رديت : خلاص ولايهمج أناا برمسه وبأدبه لج ..
عمتي ومستانسه : هيه إرمسه .>
عقب دقاايق وصلت بيت عمتي بيتهم مب بعيد واايد عن بيتناا ..
عمتي : مشكور
ابتسمت وقلت : العفوو سلمي على الكل ..
عمتي نزلت : يوصل وإنت إهتم بعمرك ......وبدها فجأه"حط ايدها فوق راسهاا" هييييه نسيييييت أقوول حق أمك إتقولي إسم البخور ..
عاد أناا إهني مت ضحك : هههههههه عمتي ولآهمج برمسهآآ تخبرج ههههه
حسييت بعيون إطآآلعني إلتفت شفد شهد إطآلعني كاانت ماسكه ضحكتهآآ طاحت عيني في عينهآآ بس إهي نزلت راسهاا وضحكت ..
ألحيين هذي تضحك علي ولآ على عمتي ههههه لهدجه ضحكتي إتضحك هههه
عمتي : هيييه إرمسهآآ ..
قلت : إن شاء الله من عيوني يالله فمآن الله ههه..
عمتي : الله ويااك .. "عقب دخلوا البيت"
وأنآآ بعدني أفكر ألحين إهي ضحكت علي !! أووف صج ماعندي سالفه خلني أرجع البيت وأتغدى واايد أحسن .......................
..
.
حلوه الضحكه لآ كانت من القلب حتى لو في موضوع تافه ..
دخلت البيت وشفتهم يالسين ينتظروني وحليهم كسروا خاطري : السلآم عليكم ..
أميه : وعليكم السلآم حيااك إيلس ..
عوااش : زيييييين شرفت
أحسن عيل تبون تاكلون قبلي فديت أميه : بروح أغسل إيدي وبرجع ..
عنود : أميه مآ طاعة نآآكل غير لمآ ترجع ..
قلت : فدييتهآآآ أم حمد ..
أميه وتمسكني من كتفي : عيل تبوون تآآكلون بدون ولدي الغآآلي ..
عبود : يالله منو قدك ألحين ؟؟
وبعديييين من حقي ولدهآ العود لآزم أوني هههههههه ..
عقب يلسنآآ نتغدى ورحت حجرتي نمت............................
.................................................. ................................
كالعااده حسييت بحركه في حجرتي وبهمس فتحت عيني شفت عبود وعواش لابسين ويتهامسون ..
قلت : شووو الساالفه ...
خرعت عوااش : خييبه خوفتني ..
ضحكت عليهم : هههههههه شو ياايبنكم حجرتي ؟؟
عبود : نسييييت شوه ؟؟
كيف أنسى بس عنااد ما باخذهم : شو ؟؟
عبود : إنت قلت بتاخذناا المول ..
قلت : حدد أي موول ؟؟
عبود : ممممم بنروح المارينا..
قلت : خلآص بآآجر مب اليووم ..
عوآش وتترجآآني : حمد يالله لبسنآآ ونحن ننتظرك ميصير جيه إنت قلت كلمة وبتاخذنآآ ليش ألحين غيرت رآيك ..
صديت ويهي : لأني تعبآآآن ..
عبود : حمد أماانه يالله قوووم ..
تدرون كسروا خاطري : خلآص يالله إنتظروني تحت ..
عبود وعوآآش ماصدقوا يلسووا يحضنوني ..
عوآش : فدييييييييييييتك والله ..
عبود :احم هيه جيه خلك قد كلمتك ..
يلست أدزهاا : وخري بتجتليني والله دريت انج فرحانه ..
عبود : إنزين ننتظرك تحت .. "وظهروآ"
يالله حمد تحمل إلي بييك أناا شو جبرني يالله خلهم يستآآنسون شوي خخخ ..
************************************************** ********
يلست أسوي إلي علي وأخلص عسب باجر عندي محآظره ..
إتصلت على حمده وإتفاهمت معاها وزين خلص بسرعه هالمره إلي علي ومن باجر بختار الشركه إلي بدرب فيهاا ..
يالله بنآم ألحين ..
،،
لماا وصلناا ..
قلت : يالله عبود خلك مع عوآش وخذ هذي البيزآآت روحوا سوو إلي تبونه وبعد نص سااعه أحصلكم إهنيه ..
عبود ويآخذ البيزآت : إنزين ..
عوآش وتمسكني : لآ ميصير تعآآل معآنآآ ..
قلت : إنتوا مب يهاال صار عمرج 16 سنه ..
عوآش : ولو تعآال معآنآآ ..
قلت : أووف إنزين خلصونآآا ..
يلسوا يتشرون ويلعبوون وعوااش دوختني من كثر ماا إتغير راايهاا كل حين محل لين مآ لفينآآ المحلآت كلهآآ 3 ساعاات وهم يتشرون
وفوق هذاا تبي إتروح السنمآآ وإطرييت أحضر ويااهم فلم يجتل الواحد من سخاافته ..
شو أقوول ربي صبرني يلست أدعي يخلص ..
الفلم زين أنه خلص قبل مآ أنفجر .. صج نااس ماعندهم سالفه يطالعون فلم مثل هذا ..
ولمآ طلعنآآ .عوآش : الفلم كشششششششخه
هذي إلي بتذبحني : صج
عوآش : هيه واايد حلو حمد دخييلك خلنآآ نحضر فلم ثااني دخييلك ..
لآ الظآهر الساالفه طولت : لآ يعني لآ
عوآش : دخيييلك
قلت بعصبيه : قلتلج لآ شوفي صارت الساعه 11 وشي وبتستوي 12 ..
عبود : عاادي ..
قلت بقهررررر أطلع حرتي : هيه عاادي بالنسبه لك أناا ريلي إتعورني شو متحسوون ..
عواش أونهآآ إتراضينآآ : خلآص حمود خلنآآ نرجع آسفيين ..
قلت بعصبيه : شو بيفيدني أسفج ألحين ؟؟
عوآش : حمد خلآص لآتزعل ..
مشيت وقلت : يالله البييت .. "ولحقوا ورآي والله حسيت أنهم عياالي هههه تموا يمشون ورااي لين مآ وصلنآآ لسيآره"
فتحت لهم الباب : يالله دخوا ..
دخلوا بدون ميقولون أي كلمه ههه زين إتأدبوا ..
دخلت وشغلت السيارة ورجعنآآ البيت .. تموا طول الطريج ساكتين كسروا خاطري أنا ما كآن قصدي أصرخ عليهم بس صج كنت تعباان من
المشي
وأي واحد كآآن سواا الي سويته ..
نزلوا من السياره ودخلنآآ البيت ..
عوآش منزله راسهآا : حمد آسفه ..
قرصتهآآ من خدهآآ مب قوو خفيف : أناا أقدر أزعل من عوآآشي ..
عوآش : يعني مب زعلآن ؟؟
إبتسمت : لآ مب زعلآن ..
عواش وتحضني : مشكوووووووور يا أحلى أخ .." عقب رااحت الحجره إترآوي عنود شو إشترت
عبود يلست يطالعني يبي يعتذر بس ما يعرف كيف ..
ضربته على كتفه : يالله سمعني إعتذآآرك ..
عبود ويضحك : هههه آسف والله ..
قلت : ههه عاادي ولآيهمك ..
عبود : يالله تصبح على خير .. "ورآح حجرته"
رحت لحجرتي كنت أحس بألم فضيييع بس إستحملت وبدلت ثيابي وعقب نمت ................
...........................................


************************************************** **********



"آآه يا سالم لو تدري من بعدك صارت العيوون تتبلل من الدمووع" ..

قمت من رقآدي هالجبس وآيد متعبني متى أشله وأرتآاح إلتفت أشوف الساعه إنصدمت الساااااااااعه 12 وشي كيف مااحسيت فالوق
غريبه محد مر صوب حجرتي شو؟؟ قمت بسرعه مستغرب دخلت خذيت شور سريع وعلى طول نزلت دور حد ماحصل وين راحوا هذيله أميي
أمييييييه ؟؟؟ غريبه بشوف يمكن فالمطبخ !!
قلت وأنا أدخل المطبخ : أمييه إنتي إهنيه ؟
مآحصلت حد يمكن أميه في حجرتهآ تتسبح او شي خلاص بروح أشوفهآا ..
رحت حجرة أميه دقيت البااب : الوالده إنتي إهنيه ؟؟

[فيتامين سي]

7
الي متى يظل القلب في خوف من الماضي ..
الي متى سيبقى العهد باقي ..
..
.
رحت حجرة أميه دقيت البااب : الوالده إنتي إهنيه ؟؟
سمعت صوتهآ : هلآ حمد إدخل ..
فتحت البااب ودخلت وشفتهآ يالسه على الشبريه ومآسكه صوره !!!
شافتني وأشرت علي أيلس يمهآ ..
يلست وشفت الصوره : سالم ..!!
أميه وإطآلع الصوره : هيه سآلم إشتقت له ولهت عليه ..
شفت فيهاا ملامح الحزن مسكت إيدهآ : أميه الدموع عمرهآ مارجعت حد لآتسوين في عمرج جيه إدعي له ..
أميه ونزل دمعه من عيونهآ حسيت بأنه قلبي تقطع وأناا أشوفهآا قالت : الله يرحمه الله يرحمه ..
قلت : آمين يارب يالله لآتسوين في عمرج جيه وخلج قويه ..
أميه وتحولت نظراتها لنظرات قسوه : حمد غلطتك كبيير كبيير
نزلت راسي ماقدر ارد شو تبوني أقول حتى الأسف مايفيد ..
أميه : حمد كنت السبب في موت أخوك الي من لحمك ودمك ..
مدري كيف قدرت ارد عليهاا : لا اتيبين المااضي ..
أميه وبحزن : آآه وينك يا ساالم وينك خليت أمك ..
حسيت بقلبي يتقطع ....
أكثر
وأكثثثثثر
تميناا ساكتين وشفت أميه سرحانه تفكر ..
فجأه قالت أميه : حمد أريد أزوجك
شعرت بشعور غريب كنت أريد أقولهآ إلي تآمرين عليه بس مآ أريد أنآ بعدي مآ أفكر فالزوآج فسكت ..
حطت الصوره دآخل الألبوم وقالت : مآفرحت بشوفت سالم متزوج خلني أفرح بشوفتك متزوج ..
مآ قدرت أقول شي ..
قالت : أريد أشوف عيالك مآتبيني أشوفهم ويزقروني يدوه .. !!
قلت : كل شي بوقته حلو ..
وقفت ووقفت معآهآ قالت : إنت إختآر بنت الحلآل وأنآ موافقه ..
قلت : إن شاء الله خير ..
طالعتني بنظره : أناا أشوف لو تآخذ شهد بنت عمتك ما شاء الله عليهآ أخلآق وجمآل ..
رجعنآآ لشهد : إن شاء الله خير ..
حسيت أن أميه حست بأني مآ أريد أتزوج ألحين .. غيرت السالفه وقلت
: أم حمد أريد آكل شي ..
أميه : من عيوني والله ألحين بحط لك شي تآكله ..
قلت : تسلم عيوونج يا أغلى أم ..
ظهرنآ من الحجره ورآحت المطبخ إتشووف الأكل ..
قالت : خلك فالصآله ..
قلت : إن شاء الله .. ورحت الصاله
سمعت صوتهآ من المطبخ إتقول : حمد بتتغداا ولآ بتتريآا خوانك ؟؟
صح ألحين وقت غداا وخواني بعد شوي بيرجعون من المدرسه قلت : خلآاااص عيل بنتظر ..
أميه وإهي فالمطبخ : خلاص عيل إصبر ..
بصبر مافي حل ثاني شغلت التلفزيون ويلست أسمع الأخبآار....................
..............................................عق ب يلسنآآ نتغدى ورحت حجرتي وسمعت فوني يرن..
هذاا زااايد الدوب يالله شو يبي ..
رديت وكالعاده زيود متحمس : هلآآآآآآآآآآآآآآ والله حمد هلآااا بالقاااطع إلي يبااله كلمه إتعلمه شوو يعني ربع
رديت : زيوود يالدب تراني ما احب هالرمسه
زيود ويضحك : هههه خف علييناا يالحساااس
هذااا إلي يباله طراق : أقووولك زيود تعرف تجلب ويهك
زيود : أفااااا والله ..
ضحكت : ههه السمووحه اشتقتلك اتصدق ..؟
زيود : لآ وهيه تعاال ابااك في كلمة راااس
انصدمت يوم قال لا .. رديت : خير إن شاء الله ؟؟
زيود : إنت رمست الوالده في شي
رديت : هيه وبعديين ودر عنك سوالف الطلعات وتتأخر تراهاا تخاف عليك وايد واليوم رمستني ..
زيود : تبيني أصيير مثلك !
حسيت لساني انقطع ماعرفت شو ارد عليه ..
زيود : حمد قووول جاوبني تبااني أصير مثلك هذا وإنت بعد العشره ماتسأل عني وعن راشد وكل ما ارمسك تعال اظهر معاناا تتحجج وتقول ماتقدر ..
توترت ماعرفت شو اقول : زايد تعرف أني ما أحب أحتك وايد معاكم
زيود وحسيته عصب : ليش نحن عياال عم وربع شو إلي تغير تبيهاا من الآخر انت تغيرت واايد
رديت : لاتحكم على الشي من الظاهر كل واحد وله أسبابه ..
زايد وبعصبيه : هيه يعني تبيع عيال عمك علشاان أسبابك
صدمني تفكيره ماتوقعت يقول جيه شكله معصب رديت : خلاص غير السالفه
زايد : يعني تخااف أذكرك فلي صااار لي متى ..
لا ما اريد نتكلم عن الماضي : زايد السموحه بسكر ألحين ..
زايد وبقهر : لاتربط الاحدااث مع بعض مشكلتك مع ربعك والي صاار مب معناته تتخلى عن كل ربعك ..
رديت : زيود خلاص بس ..
زايد : أوك مب مشكله برايك هذاا الشي راجع لك بس اتمنى على الأقل تسأل وماتنسى إلي بيناا والأياام الي راحت ..
رديت : اوك يالله فمآن الله
زايد : مع السلامه ..
حسيت بأن زايد ماخذ بخاطره مني بس شو أسوي وجودي معاهم يذكري في أشياء ما أريد أتذكرهاا ..
الأيام تمر بسرعه ..
..
.
والعمر مره إذا مب مكتوب أعيش الراحه فالدنياا أعيشهآ فالآخره ..
وإلي مآيبيني مآلي لزمه له ..
فالفرحه تلقآآقم الكل متيمع .. والشده وينهم !!
مآ أريد غير أسوي إلي علي وأرحل بسكآت ..
ومر الوقت وسمعت صوت عوااش ......
عواش : أمييييييييييييي رجعت ..
قلت : هلآ عوااشي ..
عواش ويت يلست يمي وحضنتني : هلآااا يا أحلى أخ ..
عورت إيدي هالبنت قلت لهآ : أهلييين يالغلآ ..
عواش : حموود تغديييت ..؟؟؟
قلت لهآ : لآ أنتظركم ..
عواش : فدييييييتك والله دقاايق وأبدل ورآآجعه ..وقامت تروح تبدل ..
يلست أنتظر متى يحطون الغداا رن فوني كآن راشد ولد عمتى رديت عليه : السلام عليكم
راشد : هلا والله ..
قلت : أهليين راشد شحالك؟
راشد : يسرك الحال إنت شحالك؟
قلت : بخير والله
راشد : ها بشر إن شاء الله ريلك أحسن ..
خفت زيود قال شي : هيه الحمد الله ..
راشد : متشوف شر كنت بسألك إذا فآضي اليوم وإنمر عند الربع ..
السموحه والله ما اريد أظهر معاهم خلاص انا تعودت جيه اتكون حياتي : لآ مشغول شوي ..
راشد وامبين انه زعل : أهآ خلاص إلي إتشوفه ..
قلت :إن شاء الله أول مآ أشل الجبس بروح ويآاكم ..
راشد ومستعيل : خلآص ولآيهمك يالله أخليك
قلت : الله ويآاك ..
راشد: مع السلآمه .. وسكر "
..
سمعت صوت أميه تزقد : حمد حمد
قلت : هلآ اميه ..
قالت : يالله تعااال تغداا وصل عبدالله ..
زين عبود ييه ههه .. قمت ورحنآآ تغدينآا .. وبعد الغدا يلست أشووف عبود وعوآش طفروني لين مآ يذاكرون ..
عواش : أوووووف مب فاهمه كيف الحل .!!
عبود : لأنج غبيه والغبي معذوور ..
لآ حول مابيسكتون وبيذآكرون عدل ..
عوآش : هيه وإنت عبقري وأنآ مآ أدري ..
عبود : هيه طبعاً أنآ عبقري وأذكى منج بس المنهج مب شي مب من إهتمآمآتي ..
إهنيه ضحكنآ أنآ وعوآش هههههه
عواش : هيه مستوآآك أكبر من جيه ..
عبود وبثقه : طبعاً..
ضحكت : هههه والله يوم كنت بكبرك كنت شااطر ..
عبود ومتحمس : هيه حمد إنت كنت علمي مب أدبي صح
قلت : هههه شو نسيت هيه صح وكنت أريد أطلع مهندس كبير وإن شاء الله أقدر أحصل مكانه كبيره ..
عوااش : أناا بصير مهندسه ..
قلت : إن شاء الله ..
عبود : أناا مابعور راسي بدخل شرطه ..
قلت : ما عندك طموح صح أني مآ صرت مهندس بس أقدر أصير وعلى الأقل كآن عندي طموح ..
عوآش : حمد مافكرت إتكمل درااسه برع ..؟؟
قلت : الله كريم ..
مر الوقت وأنا يالس مع خواني ..
حسيت بأني كنت مقصر معاهم وايد .. لأني مآ كنت أيلس معاهم بس ألحين صار عندي وقت أيلس معاهم ..
من الشغل للبيت وأنآم .. بس ألحين حصلت وقت دامني ماخذ اجازه ..
واليلسه معاهم حلوه لو أنهم عبط وإستهبال خخ بس ماعلي المهم هم مستانسين ..
.
.
************************************************** *****


"أيام تمر وصدفهاا كثيره يوم نلقى حبايبناا من بعد طول غياب ويوم نلقى ... "

مرت الأيام بسرعه ولآزم أروح المستشفى عسب أشل الجبس من رييلي وأنا بصراحه اووف تعبت منه وأريد الفكه ..
.. : يالله أنآ بروح المستشفى تآمروني بشي؟
عواش : هيييه حمد بروح ويااك ..
قلت وأنا أتأفف : أووف عواش والله مافيني آخذ ويايه ..
عواش : لييييييش !!!!!!!
قلت : خلآص قلت لآ ..
عبود : عااشووه تعالي بنلعب برايه ..
عواش زعلت : أوك ..
خخ أونهاا خلاص زعلانه : يالله عيل إذا نشت أميه خبروهاا أني رحت المستشفى إنزيين ..
عبود وعواش أونهم مايسمعون ..
: إحم قلت إنززززززيييييين ..
عواش بقهر : إنزيييين أووف ..
ضحكت عليهاا : هههه حياتي والله ..
عواش وماده بوزهاا : لتحااول زعلت ..
عبود : مشششششكله الدلع ..
عواش : جب زيين ترا والله مابلعب وياك
قلت : خلآص هدوا يالله لعبوا وأنا أترخص ألحين يالله فمآن الله ..
عبود وعواش : الله وياك..................
.................................................. ..........
ظهرت ورحت لسيارتي شغلتهاا ورحت المستشفى زين اني وصلت بسلامه مدري كيف قدر اسوق وهالجبس مغطي نص ريلي ..
دخلت المستشفى ويلست أنتظر الدكتور وبعدهاا شفته والحمدلله شلوووا الجبس من ريلي وإرتحت بس مع هذا لفهاا بلف وقال حقي
أخلي اللف فيها كم يوم ..
طلعت من عند الدكتور بس إتخيلوووووووا؟؟؟؟؟؟؟ ..
تدرون منووووو شفت !!
لا مستحيل ما اتخيل ..
معقووله ؟؟
ولآ أناا أتخيل ..
!!
!!
!!
بالاول كنت شاااك .؟ بس بعدهاااا تأكدت
شـ
شفتـــــــــــــــــــ..

[فيتامين سي]

8
الصدف وايد تصير في حياتنهاا ..
يوم تلتقي في ناس تتمنى ماتشوفوهم ..
ويوم تلتقي في نااس تتمنى اتشوفهم من زماان ..
وأحيانا تشوف نااس وماتتوقع انك تشووفهم مره ثاانيه ..
..
.
دخلت المستشفى ويلست أنتظر الدكتور وبعدهاا شفته والحمدلله شلوووا الجبس من ريلي وإرتحت بس مع هذا لفهاا بلف وقال حقي
أخلي اللف فيها كم يوم ..
طلعت من عند الدكتور بس إتخيلوووووووا؟؟؟؟؟؟؟ ..
تدرون منووووو شفت !!
لا مستحيل ما اتخيل ..
معقووله ؟؟
ولآ أنا أتخيل
!!
!!
!!
بالاول كنت شاااك .؟ بس بعدهاااا تأكدت
شـ
شفتـــــــــــــــــــ..
نفس البنت إلي دعمت فيني وهي تمشي الخميس إلي طاف .. مب معقوله صدفه أني أشوفهاا!! ولآ شكلهاا تشتغل فالمستشفى ..
ههه للحين أذكر الموقف كآن راسي يعوني ومنصدم وماحسيت بعمري الا وأنا داعم فيهاا خخ ,.
والله مدري كيف شكلها يكسر الخاطر إمبين عليها وحده على نياتهاا ..
كملت طريجي علشاان أرجع البيت ..
يس مدري ياني فضول أروح أسمع إلي يدور بينهاا وبين هذي إلي واقفه معاهاا ..
وقف وصرت أمشي صوبهن بدون ماينتبهن صوبي شفتهن يتكلمن أعتقد والبنيه شاله دفتر..
بس مافهمت شو السالفه عقب راحت ربيعتهاا ..
حسيت عمري واحد فااضي ويالس يراقب وحده مايعرفهاا قلت برجع البيت ..
!!! شفتهاا قامت من مكانهاا وشلت شنطتهاا ورااحت..
مدري لأول مره أفكر في حد وييني فضول جيه ..
يلست أمشي لين ماقربت ..
غريبه يمكن تشتغل إهنيه أو فيها شي !! وأناا أفكر إنصدمت كأني شفت دفتر على الأرض؟؟
رحت بسرعه وخذيته ويلست أدورهاا شكلهاا ما إنتبهت على الدفتر أو نست ..
يلست أدورهااا ..
رحت على أساس آخذ الدفتر وأعطيهآآ حسيت نفسي متفيج
دورت ماحصلتهآآ طلعت من المستشفى مدري وين ساارت!!
ألحيين شو أسوي في هالدفتر براايه حطييته على الرصييف ورحت لسيارتي ..
شغلت سيارتي مدري ليش هالدفتر سيطر على مخي؟؟!!
ياني فضوول أشووف شو مكتوب دااخله !!
نزلت بسرعه من سيارتي أخاف حد شااف الدفتر ........روحت صوب المكان إلي حطيته ..
.............. زين بعده موجود خذيت الدفتر ورجعت للسياره حطيته على الكرسي إلي حذالي و روحت ..
تميت طول الطريج أفكر ..
أفتح الدفتر وأشووف شو داخله ولآ لآ !!
حرآم يمكن البنت كآتبه شي خااص !!
إنزين بشوف شو مكتوب وباجر إذا رحت المستشفى بعطيهاا !!
شو إلي يضمن أني بحصلهآآ فالمستشفى يمكن مآتروح؟؟
أووف وبعديين يااااا حمد يعني خلآص برايه مآ أريد أشووف شو مكتووب ..


************************************************** ********

............ رجعت البيت ورحت لحجرتي وفريت الدفتر على الشبريه ..
دخلت أسبح وعقب سمعت أميه يالسه تزقرني علشان أنزل أتعشى ..
.
.
رحت الصاله وكانت أميه مزهبه العشاا حقناا قلت : تسلم إيييدج أماايه
أميه : ربي يسلمك
قلت : ويسلمج ياارب
يلست أتعشى ..
شفت عبود يطالعني بنظرات غريبه مب كالعاده قلت .. : عبووود بلااك ؟؟
عبود : هاا لا مااشي ..
خفت ليكون ظهر مع سيف عسب جيه خاايف مني رديت : انت ظهرت من البيت ؟؟
عبود : هاا لاا ماظهرت ..
طاعت عواش .. عواش : ماطلع مكاان ..
كملت أكلي ..
وبعد مآخلصت يلست أشووف مسرحيه مع عبود وعواش ..
بس عواش مدري وين سارت ..
قلت : عبوود أقولك روح هاات بيبسي من الثلاجه ..
عبود ومندجم فالمسرحيه : إخدم نفسك بنفسك
ههه قلت : أفاااا
عبود : شو ماتروم تروح إتييب لك بيبسي من الثلاجه ..
صج ماله فايده هالولد : أقوول إسمع الكلآم ولآ تتفلسف ..
عبود ويتأفف : إنزيين عقب ألحين أشووف المسرحيه ..
قلت : وأنآآ أقول ألحيين ...
قااطع عليناا صوت عواش نازله من الدري وياايه صوبناا تركض ..
عواش : حموووودي هذااا دفتررررررك ؟؟؟؟؟
قلت وأنا مب منتبه لهاا : دفتر شوو ؟؟
عواش : مممم مدري جيه دفتر بنووتي بس لونه أسود وأبيض؟؟
أول ماا قالت لونه أسود وأبيض إلتفت صوبهآآ وقلت : عطييييني الدفتر ..
عواش ومستغربه : لييييش هذااا دفترك ؟؟ ..
رحت صوبهاا أريد آخر الدفتر بس إهيه ركضت وركبت الدري ..
قلت وأناا معصب : عوااااااش نزلي عطيني الدفتر ..
عواش وتفتح الدفتر : مكتوووووووووووب ليش أذووق الألم ......
إهنيه عصبت ورحت لهاا وسحب الدفتر بقووو : يويييلج إذاا عدتييي هالحركه فااااااهمه ..
عواش وشويه بتصيح : إنزييييين ليش معصب
قلت : داام الشي مب ماالج...... فمالج الحق أنج تااخذينه ..
عواش : إنزيين دفتر منو ..
مدري شو صار لي وصرخت في ويهاا : قللللتج شي مااايخصج ماااتفهمييين!!!
شفتهاا نزلت واهي اتصيييح .. وشكلهاا راحت تشكي حق أميه ..
عبود : خخخ يالله ألحين تحمل إلي بييلك ..
بصرآحه ما عرفت شو أرد على عبود رجعت حجرتي وسكرت الباب بقوو ..
عوااش ماتصدق يصير شي ..
شفت الدفتر وقلت بقهر : كله من هالدفتررررر ..
وفرتيته ..
يلست وشغلت اللآب أشوف أشغالي والأوراق ..
يليت أحصل ترقيه في شغلي ويعطوني فرصه أبدع ..
كنت أشتغل في برنامج أوتوكاد ويالس اصمم تركيب فله .. وأناا أشتغل على البرنامج أسوي شغلي
تذكرت الكلمات الي قالتهاا عواش !!
تعالوا أنا كيف ماا إنتبهت على الكلماات إلي قرتهآآ من الدفتر
قالت شي غرييب .. ليش أذووق الألم كيييف يعني !!
رحت وخذيت الدفتر ..
ولماا فتحت أول صفحه فيه كآن مكتوووب .. ليش أذووق الألم!!!!!!!
كيف يعني !!
شكلهاا البنت حزينه ولآ ليش كآآتبه هالكلآم !!
قلبت الصفحه مآحصلت شي مكتوب يلست أدور شي ثااني مكتوب ماحصلت وفالنهايه فتحت لقيت مكتوب ..
"ألحيين ولآ عقب" .. ومسافه "ممممم" ومسافه "ألحين" .. يلست أقرااا وأناااا مستغرب كليااا من الي مكتوب ..
ويالسه تخطط شو تبي إتسوي فالدفتر؟؟
فريت الصفحه .. وشفت مكتوب .. "مابقى غير اتفاهم مع امايه ياربي اكلمهاا ولا لا"
بصراحه أناا خلاااص بصير خبل شو هذاا طلعت البنت مريضه نفسيا!!
يالسه تكتب شو بتسوي صج معقده !!!
عسب جيه إهي فالمستشفى !!!
يمكن تتعالج من مرض نفسي ولا شي !!!
..
************************************************** *******
.
هاا يعني ما خاب ظني كنت حاسه هذي حمدوه يبالهاا ضرب على الحركه إلي سوتهآآ ..
ألحين بتصل وبتفاهم معآآهآآ ..
خذيت فوني وإتصلت على حمده ..
بلآهآ مترد .. .. .. ..
.. : ألووو
قلت : هلآ حمده بلآج ساعه لين متردين ؟؟
حمده : هلا عنوني السموحه تأخرت عليج ..
قلت : لآ عادي قولي عنووود بليييز ...
حمده : أووبس سوري ولآ تزعلين عنود ..
قلت : شحالج ؟؟
حمده : بخير وإنتي ؟
قلت ألمح : هيه بخير بس سمعت خبر غريب
حمده ومتوتره : خ خبر شو ؟
قلت : والله كيف أقوولج مممممممم هيه يقولون أن حد متكلم عني ..
حمده : هاا كيف يعني ؟؟
قلت : لآ مب عني أقصد ................
************************************************** *******
فالصاله ..
عواش : عبووووود صج ما استهبل إنت تعرف أن حمد مااااايرضى افهمهاا يااخي ..
عبود : براايه اناا بظهر ألحيين إذاا حد سأل عني قولي ظهر مع إربيعه ..
عواش : سييف
عبود : هييييه سيف
عوواش : حراام عليك والله انت كل مره تتكلم سيف اتذكر حمد بلي صاار
عبود : ويعني الي صاار صاار هيه عوااش خبري أميه اذاا تأخرت لآتحااتي أوك ..
عواش : اوك ..
ظهر عبود من البيت وعواش راحت اتكلم حمد ..
،،
"لي متى بتم أفكر .. ماكنت أدري أن هالدفتر بيسوي فيني جيه!! "
أووف أناا لييش قرييت شو كااتبه وعورت رااسي بااجر إذاا مريت المستشفى بحط الدفتر مكاان ماخذيته ..
سمعت حد يدق البااب ..
قلت : منوو؟
عواش بهدوء : هذي أناا
لحظه ما أصدق عوااش !! : دخلي ..
دخلت عواش ويت يلست حذالي ..
عواش وتبتسم : حمود زعلت مني ؟؟؟؟؟
قلت : لا ما أزعل منج السموحه رفعت صوتي عليج ما كآن قصدي ..
عواش ومب مهتمه بكلامي : انزييين ماقلت هذااا دفترك ؟؟
ضحكت يعني مب يايه الا عسب تعرف شو سالفه الدفتر .. : مب دفترتي
عواش : يعني دفترررر منووووو ؟؟
قلت : هههه متحمسه مممم دفتر إتصدقين مدري دفتر منوو
عواش وإطاعني مستغربه : من صجك ؟؟
قلت : المهم يالله روحي إرقدي بآجر عندج مدرسه ..
عواش ومعصبه : كيييييييفك لآ تقول إنزين يالله تصبح على خيير ..
قلت : ههه وإنتي من هله ..
ظهرت عواش بس رجعت : حمد عبود ظهر ..
طالعتهاا : وين ؟
عواش : مدري بس قال مابيتأخر ..
قلت : سيف ؟!؟؟!
عواش اتهز راسهاا بمعني هيه ..
رديت : خلاص ماعلي برايه .. ظهرت عواش
ويلست أكمل شغلي لين مآحسيت عمري خلآص مآ أروم أتم واعي أكثر فنمت .............
.................................................. ...............


************************************************** ***

"ييه الوقت إلي أنهي سالفه هالدفتر"
نشيت على صوت المنبه وقمت أصلي .. وبعدهاا رحت الصاله ..
كنت حاط في بالي اروح المستشفى أعرف ساالفة هالدفتر كنت متردد فالاول بس عقب غيرت رايي ..
قلت : صبااح الخير ..
عواش وعبود : صباح الخيرات ..
أميه : صبحك الله بالنور ..
عواش : يالله أتوقع الباص ييه سي ياااااااا ..
أميه : شدي حيلج وعن السوالف الزايده فالحصه مب كل مره تتصل الأبله وإتقول بنتج وبنتج ..
عواش ببرائه : ماماتي ماسويت شي بروحاا الأبله مدري شو فيها علي ..
قلت وأنا أطالع عواش بنظره تهديد : أشوف مره ثانيه تتصل أي أبله وتشتكي حق أميه وبشوفين شي مايعيبج عقبهاا .
عواش راحت إتييب شنطتهاا : إنزييين أأوووف ..
عبود : أنا بروح مع إربيعي بيمر علي ألحين يالله تامرون بشي ..
قلت بشك : إربييعك ؟؟
عبود : هيه سيييف ..
قلت بعصبيه : كم مره قلت لك خلك بعيد عن سييف ..
عبود بعصبيه : كيييييفي اربيعي ..
طالعت بنظرت كيف يرفع صوته علي !! : شو قلت ؟؟؟؟
عبود ومنزل راسه : السموحه ..
أميه : حمد خل الولد براحته روح عبدالله الله وياك ..
بصراحه زعلت من أميه كيف إتحسس أن كلامي مب مهم !!
عبود ويطالعني : صح أن سيييف أخوو فهد بس هذاا مب مبرر .؟
طالعته بعصبيه : قلتك لآ ترووح معاااه ماتفهم ..
عبود : يالله فمان الله .. "وظهر"
أول ما ظهر قلت لأميه : أميه ليش إتخلينه يظهر مع سيف إنتي تعرفين أنه راعي مشاكل ..
أميه : عبدالله يعرف مصلحته وين لتخاف عليه ..
قلت بقهررر: ولوو المفروض ما إتخلينه يظهر معااه ..
عواش صدمتني : حمد حرام عليك تخرب العلاقه بينهم وصح كلامه الي صار بينك وبين فهد مب مبرر ..
رديت : عوااش أقولج سيف راعي مشااكل ما تكلمت عن فهد ..
أميه : ماعلي أن أدري بولدي يعرف شو الصح وشو الغلط مب صغير ..
والله معرف شو أرد عليها شو هالثقه في عبود : براحتج .. يالله بعد أنا بترخص ألحين تآمريني بشي ..
أميه : لآ سلامتك وين رايح ؟ ..
قلت : الله يسلمج من كل شر يالغاليه بسير المستشفى ..
أميه : أهاا يالله ماعلي الله وياك ..
"وعقب رحت حجرتي ولبست وخذيت الدفتر"
فتحت باب البيت وقلت : يالله أمييييييه أنااا راااايح ..
أميه شكلهاا فالمطبخ : الله ويااااك ..
ظهرت وشغلت السياره ورحت المستشفى ..

[فيتامين سي]

9
"ما ألوم إلي قال ورى كل إنسان حكايه"
أحيانا نقف عند حكاية شخص نجد الأمور بسيطه بالنسبه للغير ..
وأحيانا نكتشف أن خلف كل قصه أشياء لم نتوقعها ..
قد يكون الماضي جزء من الحاضر أو أن الماضي يصنع الحاضر ..
تختلف الأمور ولكن لكل منا قصة تغير من حياته ..
وتستمر الحكايه
..
.
دخلت المستشفى ويلست أدور وأسأل عن البيت إلي ما أعرف عنها شي غير هالدفتر ..
تميت أدور بس ماشي فايده البنت مب موجوده ..!!
رحت المكاان إلي كانت يالسه فيه قبل بعد مب موجوده ..
مرت ساعه وأنا أدور ..
رن فوني .. شفته كآن جاسم ..
جاسم : حممممد شحاااااااالك شوو الاخباار ياخي اشتقتلك ؟؟؟؟؟؟؟؟؟؟؟..
رديت : جسوووووووم يالقااطع رحت وسافرت خلاص بعد ماتسأل ..
جاسم : تعرف اشغاال وجيه المهم شخباارك كيف الربع؟؟
رديت : والله أنا مثل ما أنآا ماشي يديد
جاسم ويضحك : هههه بعدك تدوام ؟؟
استغربت شوي : ليش يعني ؟؟
جاسم : ممم عباالي بتساافر انت وراشد ؟؟
بعده يتذكر : هيه للحين ما حالف الحظ رشود مشغول وأنا بعد إنت خبرني كيف حالك ومتى ناوي ترجع ؟
جاسم ويضحك : اقولك اناا في بوظبي ألحينه ..
انصدمت : احلللللللللللف متى وصلت!!
جاسم : والله أمس رجعت وقلت أطمن عليكم ..
ماتوقعت انه رجع رديت : الحمدلله على السلامه ..
جاسم : الله يسلمك ..
وأنآ أرمس شفت راعيه الدفتر داخله المستفى مع الي كانت معاها قبل ..
قلت لجاسم : جسووم أقولك عقب برمسك ..
جاسم : هاا اوك ... خلاص ولايهمك ..
رديت : أوك يالله فمان الله ..
جاسم : مع السلامه .. "وسكر"
كان شكلهن مستعيلات .. مدري شو سالفتهن بس الظاهر تشتغل اهنيه ..
يلست أنتظر إلي معاها إتروح عسب أقدر أعطيها الدفتر بدون مايصير سوء فهم ..
وصج إلي معاهاا تكلمت معاها عقب راحت مدري وين ..
أما راعية الدفتر مشت وكانت تبي تظهرت من المستشفى بسرعه !! لحقت وراهااا ..
ولماا وصلت صوبهاا قلت : إختيييه لو سمحتي ..
وقفت وإلتفتت صوبي وكانت مصدوومه !!!!!!! .....
شكلها تذكرت الموقف قلت : السموحه بس أريد أسألج هذا الدفتر دفترج ..
على طول سحبت الدفتر من ايدي بعصبيه ومشت ..
عاد أناا إهنييي إنقهرررت إنزيين هذي جزااتي !!
قلت لهاا : هييه لحظه مااخلصت كلآمي ..
رحت و وقفت جدامهاا واهي وقفت ..
قلت : يعني ماتعرفين إتقولين شكرا ولا آسفه ولآ شي وبعد إتسوي طااف ؟؟
تمت واقفه إطالعني بنظرات خوف !!
قلت : ليش إطالعيني جيه ..
بعد مب طاعيه إترد ..
قلت بقهر : يعني مب طااايعه تتكلمييين ؟؟
يلست تلتفت كأنها إدور حد يطلعهاا من هالموقف ..
الشي الوحيييد الي مقدر أستحمله أن حد يسوي حقي طاااف ..
طالعتهاا انتظر أي رد .. بس ماشي فايده
قلت : ليكوون مااعندج لساان علشان تتكلميين ..؟؟؟
شفتهاا إطالعني والدموع في عيونهاا وعقب مشت عني ..
شوو الساالفه ّ!! يعني لهدرجه إتخااف تتكلم معااي ..
بعدهاا شفت الي كانت معاها يايه بسرعه من إبعييد وإتقوول : ..... لحظه .. زين أنج مارجعتي ..
تميت واقف مكاني أسمع الي يدور بينهن وشفت راعيه الدفتر اتوقع الي زقرتها قالت شو اسمها بس ما انتبهت المهم يالسه إطالعني بنظرات ..
البنت : أشووه أنج مارجعتي كنت بقولج ترمسين مايد ياخذج بيت عمتي مريم ..
راعيه الدفتر ساكته ..
البنت : إنزين يالله روحي ميوود من زمان ينتظر بيعصب فمآن الله ..
عقب ظهرت من المستفى وإلي كانت معاها راحت يمكن تشتغل إهنيه !!
ياني فضوول مقدر أوصفه بس مدري أحس أني يالس أدخل في حياة إنسانه وبصراحه ما اريد أسوي مشاكل ..
************************************************** *****
"لست أحب الصمت ولكن لم يعد لي خيار"
رحت عند سيارة مايد ودخلت ....
مايد : يعنييييي لآزم تتأخييير نسيتي أني عندييي شغل أناا الغلطاان ولاتفكرين بترجعين البيت مره ثانيه..
الله يسلمحك إلآ إهي كم دقيقه ..
مايد ويصرخ علي : يالله خلصيييييييناا وين تبين إتروحين ألحييينه ؟؟
رن فون ماايد ..
مايد ويرد : هلآ نوره .. بيت عمتي مريم .. اوك مب مشكله يالله مع السلامه .."وسكر فونه" ..
عقب شغل السياره ومشيناا ..
مجبور بسكوت والقلب يحمل الآهآت ..
حتى الآهآت إنحرمت منهاا ..
صرت مجرت إنساانه لآ أقدر أشكي ولآ أقدر أطلع إلي في قلبي ..
يليت ما كان وما صار ..
يليت أرجع مثل قبل وأقوول إلي في قلبي على إلساني ..
كنت أكتب أحساسي في كلآمي ..
كنت أسمع الكلام وأترجم عبااراتي ..
كنت أخلي من الكلآم سلآحي ..
وقت الحزن وقت الفرحه أرسم عباراتي ..
وألحين صرت أنا والجماد واحد ..
أشوف وأسمع بس ما أتكلم ..
الكل يستغل هالشي ويجرحني بكلامه ..
وألحين الغريب صار يجرحني بكلامه ..
ويطنز علي لأني مارديت عليه ..
لو يدري شو إلي أنا فيه ..
مر الوقت وسمعت مايد يقول حقي إنزلي وكأنه متقزز مني ..
نزلت من السياره وقفت أترياا اي كلمه منه بس ماعبرني شغل سيارة ورااح ..
كيف يخليني بروحي ويسير على الأقل وصلني لداخل البيت الله يسامحك..!
دخلت بيت عمتي شفت سياره عمتي مريم ..
يلست أمشي من زمآن مارحت عند عمتي يعني تقريبا صار لي اسبوعين ماشفتهاا .. يلست أمشي لين ماحسيت حد مسكني من إيدي وسحبني ..
عرفته وكنت حاسه أن أهوو .. يلس يمشي ويسحبني من إيدي وأنا أحاول أبتعد ..
عقب وقف وقال : نور البيت ..
يلست أحاول أبتعد بس أهو ماسك إيدي بقوو ومب طاعي يهدني ..
قال وبعده ماسك ايدي : بلآج هدي ..
شو يبي فيني يدري أني مقدر أزقر حد عسب جيه يستغل هالشي ..
قال حقي وهو حاط عينه بعيني : شو بتسوين ألحين لآتقدرين تزقرين حد ولآحد بييه يشوفج ..
حيوان يفكرني مابخبر عمتي مريم ..
عقب قال : ممممم تعالي ..
يلست يسحبني لين سيارته وقعدني جدام ..
حاول أظهر من السياره بس قفل الباب ..
وعقب شغل السياره وقال : بااخذج معاي عند يدووه ..
ياربي ألحين شو أسوي هذا ماخذ راحته بروحي مب ناقصه مشاكل كل يوم لازم يصير شي ..
شغل السياره ورحناا ..
يلس كل شوي يطالعني ..
وعقب قال : إشتقتلج أنا أمس راجع من استراليا ويحظي أني شفتج .. سكت عقب خذا فونه ويلس يكتب ..
وبعدها سمعت صوت فوني أنه وصلني مسج مب معقوله يكون أهوو من وين حصل رقمي!!
طالعته وأهو طالعني بإبتسامه ..
خذيت فوني وشفت المسج كاتب "شو يعني مافي الحمدلله على سلامتك"
طالعته وعقب دخلت فوني فالشنطه ..
صج يقهر على اساس مقدر أتكلم يالس يستهبل علي ..
رد طرش مسج بس أنا عناد ما بشوف ..
قال حقي : اليازيه مستخسره كم كلمة تكتبيهاا حقي الله يسامحج ..
مدري ليش حسيته تضايق ..
************************************************** **********
"إشتقت لكل إنساان له معزه كبيره في قلبي"
عقب شوي وصلنا بيت يدووه وإهو نزل وفتح لي الباب وقال : ترا يدووه إهي إلي رمستني علشان أييبج ولآ انا مستحيل آخذ وأغصبج جيه ..
ياربي مشتااقه حقهاا وااايد من زماان ما شفتهاا ..
فديتها والله والله أحب هالانسانه واايد ..
دخلناا وشفتهاا يالسه فالصاله ..
مدري شو صار فيني ماقدر أمسك عمري رحت طحت في حضنهاا ويلست أصيح ..
يدوه : يزووووووووووي ويينج لآ تمرين عند يدتج ولا تسإليين .. فديت روحج لآتصيحين ..
والله مب في إيدي ماقدرت أرفع راسي يلست أصيح أريد أكلمهاا بس مقدر أريد أعبر عن شوقي لهاا ماقدرت ..
يدوه وتمسح راسي : خلاص بس عورتي قلبي مشكور جاسم ..
جاسم : العفو يدووه ولآيهمج يالله اليازيه كله ولا دموعج ..
قمت ومسحت دموعي .. ويدووه مسكت إيدي وقالت : إن شاء الله إنتي بخير ..
هزيت راسي بمعني هيه ..
يدووه : عسى دووم بخير يارب ..
جاسم ويأشر على الباب : يعني أنا أطلع ؟؟
يدوه : لآ وين خلك معاناا ..
جاسم : لآ اليازيه ماتبيني أكون معاكم يالله فمآن الله بعد ساعه برجع ..
يدوه : خلاص الله وياك .. "عقب ظهر"
يلست يدووه ترمسني وتتطمن على حالي وأنا مقدر غير أهز راسي ..
يدوه : يالله إن شاء الله ميصير إلآ إلي يرضيج ..
هزيت راسي ..
يلست يدووه تسألني عن خواني وأميه وإنتبهت على الكدمه الي فويهي إنصدمت ..
يدوه وماسكه ويهي : بلآه ويهج !!!!! ماايد ضربج
هزيت راسي بمعنى هيه ..
يدوه معصبه : فدييت رووحج ماعلي اناا بكلمه يعل ايييده القص إذاا مدهاا مره ثاانيه ..
ابتسم لهاا فديتها دوم ادافع عني ..
يدوه وتمسك ايدي : لييش ماتآكلين عدل مافيج لحم شو يأكلووونج كله من أمج قلت لهاا خلي البنت تعيش معااي مارضت هذي امك جيه ماتشووف بنتهاا؟؟؟؟ ..
منو يسأل عني أصلا ..
يدوه وقفت : قوومي بأكلج من طباااخي يمكن يصيير فيج لحم..
ضحكت هههه والله يدوه دوم لماا اتشوفني اتقول حقي ليش ماتاكلين صح أني ضعيفه بس مب هذاك الزود ..
تمت إتسولف وتضحك ..
إستغربت محد موجود عندهاا غير الخدامه وين عمتي فاطمه وعيالها ..
معرف كيف أسألها فسكت وتميت أسمعها ويلست إتأكلني ليين ماحسييت خلاص اكتفييت ...
مر الوقت ..
مقدر أووصف شعووري يلست تسولف ونذكر أياام قبل
فدييت يدتي وفدييت وسواالفهاا يلست تضحك وشفت الفرحه في عيونهاا ..
بعد شوي رحت المطبخ اشرب ماي وسمعت صوت شفت مهره دخلت وكانت منصدمه : اليازيه !!!!!!!
طالعتهاا وانا ابتسم رحت اسلم عليهاا بس سوت حركه مب حلوه وابتعدت ..
طالعتهاا بمعنى بلاج ؟؟
مهره وتصاارخ : إنننننتي شو يااااابج اهنيه هااا مالج قعده اهنييه طلعي برع ..
كنت متوقعه هالشي ..
مهره وتضحك : ههههههه سووري نسييت أنج مااتنطقيين وبعديين حبيبتي الحركاات هذي مب علي أونج ياايه اتزورين يدتي ..
مافهمت شو تقصد !!
مهره ونظرة كره : أونج اتسويين عمرج مسكيينه ادريي يالسه اتزورين يدووه عسب تااخذيين حصتج من البيييت بعد ماتموت ..
انصصصصصدمت كيف اتييب سيرة المووت .. كييف !! خفت لاتدخل يدوه وتسمعهااا ..
مهره : لعبي على حد ثااني وحده مثلج مالهاا مكاان في هالبيت والحيين يالله ذلفي من جداااااااااامي
حسيييييت بالاهاانه هذي وااقفه تتكلم عني وأناا مقدر ارد علييهاا والله بتندميين مشيت أريد أظهر من المطبخ بس اهي مسكتني وسحبتني ..
شفت الغييره الكره الحقد في عيوونهاا جدمت صوبي ويت عيني بعيينهاا حسيت بألم واهي ماسكتني بقوو وقال : وييييييين سايره للحين ماخلصت كلامي ..
حاول ابتعد بس ماقدرت ..
دزتني وقاالت : إذاااااا شفتج مره ثاانيه اهنيه مااتلومين نفسج فااهمه ..
طالعتهاا بنظره مب بكييفهاا..
ماحسيت الا بأنهاا مسكتني بقوو من ايدي ودزتني تبي اطلعني ..
تمت ادزني ليين ماظهرت حسيت عمري دعمت فحد ماقدرت أرفع راسي ..
بس سمعت ..
مهره ومنصدمه : إ إ نــــــت !!!!!!!!
.. : مهـــــــــــره ..
هذاا الصوت اعرفه !! ..