17-02-23, 12:17 AM
| #1092 | ||||
| نجم روايتي وفراشة الروايات المنقولة
|  حقيقة كمية جمال في السرد ذوق في القصة عموما رقي في الشخصيات دقة في التفاصيل مع نورية و البنات احساس يوصل لين شبعنا بكى عسى السعاة بتحل علىرشا سماهر بنت الي بتحني للناس نسيت اسمهااخت اللي صارت معاه مشكلة في الحقل مع سهاج اظن بتكون لها قصة مع عياش | ||||
|  |
|
17-02-23, 12:37 AM
| #1093 | |||||
| اقتباس:
فعلًا نادية تصرفاتها تقهر شخصية مهزوزه ومو عارفه تدبر حياتها، قاهرتني انها خربت علاقة فاطمه وعمر، وبالنسبة لراشد بالبداية كنت احسه يستاهل البرود من طرفها لكن لما ظهرت لي جوانب من حياته رحمته | |||||
|
| |
|
18-02-23, 03:44 PM
| #1100 | ||||
 
| السلام عليكم ورحمة الله وبركاته يا قوم منتدى روايتي، ويا أصحاب وقارئين الرحيل والحنين، لعلي هجرت المنتدى فتره طويله، لكن اليوم أجبرتني هالروايه على الدخول والكتابه، واللي أجبرني اكمل إن الرفيقه الفريده بتواجدها دائمًا "شجن العذوب" موجوده بين هالصفحات، وأعرفها شجن ماتقرا الا الجميل من الكتابه🙏🏻 ظل السحاب، الحقيقه اشتقت لقراءة مثل هالبدايات وهالفصول، ماتوقعت ارجع اقرا واقابلّ شي يرجع يشدني حتى وتفكيري ومحبتي للروايات تغييرت، نادرًا صار يلفت انتباهي شي، لكن اهلًا بعودة الشغف واللّذه! ••• بالبدايه جذبني جدًا السرد، ودي أوصفه بس عجزت، سرد فريد، عميق لكن العمق القريب للقلب، عمق ماهو ثقيل، ولا فيه تكلف، عُمق يلامس ذهني ويتركني غصب أندمج، ويعطيني الاحداث بذاكرتي بشكل مصور كأني موجوده بينهم! اشتقت اقرا سرد جديد علي، وياجمال اللي طحت فيه🙏🏻 انا يفتن قلبي بروايتك، ان افكارك كـ كاتبه والرأي الخاص فيك ابدًا ما انطرح بمباشره بين السطور، بالعكس قاعدين نشوف الموضوع من وجهات نظر الابطال كلٍ ورأيه وتفكيره بدون مثاليه! الواقعيه في النقاشات والافكار والأطباع من كثر ماهي صادقه وقريبه للقلب اقعد اعيدها! قاعده اشوف شخصيات شجاعه وجبانه وحقيره وصريحه وصادقه وحاقده وطيبه ومتردده، انا معجبه بكل ابطالك، ماهو لافعالهم، لا معجبه لطريقة طرحك لهم وسردك عنهم🙏🏻 والطابع البدوي في روايتك ياخذ قلبي، الجمل قريبه لي جدًا بالذات العجايز اذا تكلموا اخ نسخ لصق لكلام جداتي حرفيًا جاني حنييييييييين لهم ابي ارجع اسمع سوالفهم بأقرب وقت🥺 وممكن اتحدث عن نقطه الاحداث والتسلسل، الله يفرج همومك ويحل لك كل عسير مثل ماروايتك وتسلسل احداثها بالسرعه هذي، اعشق شي مافيه تمديد وتمغيط احداث وتطوييل، اقولها لك وانا من اللي يكتبون واحداثهم تطووول للاسف، لكن يفز قلبي اذا قريت روايه كذا، سرعتك معقوله ونعيش الاجواء ونتوتر ونضحك ونحزن لكن ورا بعض! مانقعد بنفس النقطه على فصول كثيره تطفش🙏🏻 صراحه فخوره وسعييده ان عودتي للقراءه كانت في شيء دسم، رغم اني ودعت روايات النت وأعتزلت وتأكدت مافيه شي يستحق اقراه، لكن انقلبت الموازين وقاعده اكتشف كاتبات مثل العسل🤍 • نبدا بالابطال، وياكثر الهرج اللي بصدري ابي اقوله لك صوتيًا اكثر من الكتابه، ابي من كثر الكلام تصدعين مني وتقولين بسّ يانبض، ارجعي من حيث أتيتِ • المهم كنت أتوقع الشخص اللي بأكرهه عمر كامل ببداية الروايه هي سماهر، لكن الصدمه كرهت الكل ولاكرهتها، الكل بلا نقص ولا زياده كريهين، واللي شنيت عليها الحرب بالفصل الاول كانت هي السلام، ماننكر غلطها الفادح، بس عجز عقلي يستوعب هالكميه من العقل والحنيه والثقل هي نفس الشخص اللي هرب بمراهقته! ياكثر وجعها من ابوها والعالم أجمع، هذي نتايج افعالها بس خلاص، 25 سنه كافيه واخذت الانتقام من جوفها، الله وهو الكبير يسامح اذا تاب عبده من هم البشر مايسامحون😔ومثل سماهر والله تستحق سماح ومحبه اكبر، ماتستاهل هالتعب اللي اثقل روحها😔 وجيداء، الشخصيه بالمركز الثاني الحاصله على المحبه، أعطيها شعار يحق لها مالا يحق لغيرها، إن بغت تقل إحترام، وإن بغت تبطش، وإن بغت تتمرد، مصيري ارجع وادورّ لها العذر وأحبها اكثر واكثر، بس الحمدلله هي وحتى الان تصرفاتها في كامل الحدود ولا اتوقع بتطلع منها تربية سماهر🙏🏻 انتظر اللقاء لها مع جدها لفاء، اتمنى ما اشوف منها الضعف والخوف، رغم اني اتوقع لقاء هادي لكن بمجرد اتذكر انها نسخة مشعل، فشكلها هي اللي بتجبر لفاء يدخل المستشفى هالمره من الغبنه وينسدح جنب هذال وهذا احسن . وشخصيًا بنتكلم عن لفاء، تعالي ياسحاب نوقف وقفة تستاهل اضيع وقتي في سبيل أفهم، هل إذا كتبتي عنه تموتين من الحسره مثل ما اموت وانا اقرا عنه؟ يعني بالله ياسحاب مايجيك شعور ودك تدخلين تخنقينه وتدفنينه؟ انا مستغربه كيف صنعتي شخصيه بكل هالخبث والحقاره والدنائه وباقي بعقلك؟ لو اكتب عنه والله ليجيني القولون ويرتفع الضغط والسكر عندي، هو حتى وهو ساكت يجيب الهم، انا مايبرد كبدي الا سعود يوم هو مسمي ناقته مدري حصان المهم حيوان سماه عليه، احسن لانه مثله ومن طينته اللهم ياقاضي الحاجات اقضي عليه انا اتمنى بالنهايه نشوف لفاء جالس بزاوية مجلسه فيه الزهايمر ورجله مبتوره ويده مشلوله، ولسانه ماينطق حرف واحد، وعيونه اللي فرحان فيها مكسوره كسر مايتمناه احد لاشد اعدائه، ابيه يذوق الحسره والعجز والكل يعيش حياته بالطول والعرض، ابي الضيوف اللي يملا مجلسه فيهم يحسبهم بيدخلونه الجنه يمرون عليه ويعيبونه ويشمتون في حاله، مانبيه يموت، نبي يتمنى الموت ولا يلقاه، وبجنبه حزام، اللي ماهو اقل منه بالردى، ولك اللي تبين ياسحاب، ان بغيتي عيون احد طلعتها لك من محاجرها وان بغيتي راس احد قصيته وان بغيتي القمر رحت وجبته، بس خلينا نشوف هالإثنين يتعذبون عذاب يبكي القلوب كلها ولا يبكينا، اخ ياكبر الغبنه منهم😔 ""والله ماخلاني ارد دمعتي الا عبدالله، عبدالله ياحسنة المنابر الوحيده😔اخ وانت تجلده كأنك تحط على نار صدري ثلج وبردّ، نبي اكثر واكثر نبي يجي هذاك اليوم اللي تمشون فيه لمستشفى المجانين ويقولكم الدكتور ماينفع فيه أطب طبيب ولا علاج، هذا ماله عقل ومهووس وبيموت بين جدران المستشفى، اااخ ياحلم الايام الشداد"" هذا الكلام كتبته في حدث والبارت اللي بعده اشوف حزام مختفي عن اجواء الروايه وصدق دخل المستشفى⬆⬆ سعيده جدًا هذا مكانك وعقبال يجي الاردى والأمر . ونجي عند سعود، ياحلو هالطاري وهالأسم، انا اعرف ماراح يجي احد اسمه سعود وفيه شي شين، كل سعود بالدنيا طيّب وعاقل، الصراحه والعقلانيه عنده خلته يرتفع اكثر من سهاج، رغم محبتي لسهاج لكن لانه يحب الزفت لفاء ويلمع له فهذا ينقصه درجه، ويرفع سعود اكثر، اللي مايبرد حرتي في العجوز المنتهي غيره، وزواجه من ليلى كان الأفضل، كنت متخوفه زواج بدون هذال، لكن توسعت فرحتي وانا اختم الفصل 23 بصحوة العقيد، الحمدلله ألفًا، انا اتوقع لو دخلت ليلى عليه وسمحوا له يشوفها ويشوف عيونها بيعرف بنته، او اتمنى هذا اللي يصير😔متأكده ماراح يهون حزنه بأمه الا ليلى، ولا بيهوّن على ليلى الا هو، بس اخ من الانتظار اللي بننتظره، وهل لنا صبر عشان يتعافى هذال ويقوى؟ تكفى عشان ليلى بس😔 • بخصوص هذال الصراحه بالبدايه كنت مستنكره خوفهم المبالغ ولا اهتميت لشخصيته بس الفصل 18 وهم رايحين له مع سماهر كنت اقرا واكل وغصيت في اللقمه من الخوف يمه كيف وصلني بهيبته، بس بالاخير ماصار شي ولاصحّى😔كيف ماصحيت والعاتي 20 سنه تهرج عليك وتبوس فيك، ماتوقعتها منك ياهذال اجل تصحى يوم هي بالقبر والعاتي توفت، من الفصل الاول وقلبي قابضني، كنت اعرف روايه بهالثقل الابداعي مستحيل تمر مرور الكرام، مستحيل ماتضربنا الضربه العنيفه وتفقدنا احد فقده بيوجعنا، جملة "سلام لعيني هذال" عرفت انها وداعية العاتي، عيون هذال هي امه، وامه وعيونه راحوا ، الله يسامحك ياسحاب، مالك عذر بموتها، تركتي لفاء وتركتي سفيان وتركتي امه وخواته وتركتي حزام وراح الموت للعاتي؟ الله يسامحك، من نعتزي فيه الحين😔من نتطمن انه ظهر لسماهر يردع عنها اذية لفاء، من من من من😔 ختامية فصل موت العاتي، ردعت دموعي اللي تصبرت وانكتمت كثير وانا اقرا "سلام" بكل مره تتكرر هالكلمه يوجعني قلبي، كيف خطت اناملك كتابة مشهد إبداعي ثقيل مليان بالحزن، رغم اني مازلت على قناعه إن الحزن سهله كتابته وسهل يتأثر القارئ مهما كان ضعف السرد، لكن عند مشهدك هُنا بموت العاتي وسردك، أعترف إن ثقل الحزن بقلمك كان متخلف، أخترتي الكلمات بعنايه وصوبتيها سهم بصدورنا، كيف قدر قلبك يموت حسنة المنابر وكبيرتهم، عجزت القى لك عذر ياسحاب عجزت . احاول اتخيل ردة فعل هذال للعالم حوله، هل بيتقبل بنته؟ هل بيصمد بخبر موت امه او بنشوف عنه ردة فعل ثقيله؟ رغم اني اتوقعه الصابر، لكن يبقى انسان، اخ ياكبر الوجع يوم سأل عنها، تكفى ياراشد كيف بتقدر تقولها، ولا ابي راشد يكذب ويقول حيه، علموه بسرعه انها ماتت خلاص خلو رحلة الحزن هذي تمر بخصوص غيبوبته، هل فعليًا هي كذا بدون اسباب؟ هل هي بدون عارض نفسي من جد؟ تراودني توقعات كثيره، كنت اقول هذال من حسرته لفعلة سماهر، دخل غيبوبه بس بعد ما استوعبت ان مابينهم قرابه لا هو اخوها ولاعم ولا خال ولا محرم، اجل ماهو هالسبب، قلت ممكن يحبها؟ بس ماشفت له احداث واضحه بمشاعره وهو طول الوقت نايم، أرجح انه يحب سماهر، وممكن مشعل كان رفيقه ويدري بحبه واخذها؟ احتمال بعييد جدًا، وشكل صدق مافيه اسباب! لان فعليًا مشهد الحادث كان يوضح لنا ان هذال ماكان فيه شي ولا كان قبلها صاير حدث ثقيل، شكل الموضوع كان ابتلاء للعاتي فعلًا ورحلت العاتي ورُفع الابتلاء، وموتها الان بلاء لك ياهذال، عيش الحسره اللي عاشتها😔 المهم هل ممكن هذال يثور في عودة سماهر وكسرهم لحكمه؟ ولا حزنه بالعاتي وصدمته بالسنين اللي نام فيها بتنسيه إياها؟ اذا فعلًا شفنا منه الغضب، مين يدافع عن سماهر؟ وين العاتي يوم قالت بأمشي على ولدي الأمر اللي مشيته عليك يالفاء؟ العاتي راحت، سماهر من لها بعد الله؟ هالحدث اللي شايله همه متى نوصل له؟ ومين اول الداخلين على هذال؟ ليلى ولا لفاء ولا سهاج؟ لحظة اللقاء هذي بالذات مع ليلى احسها بتكون ثقيله، وعاطفيه، او اتمنى انها تكون كذا . غدير، ياااااخوافه، الجبن والخوف هذا ودي اخنقها عليه، ليت هذال ماتزوجك ولا فكر فيك يالجبانه، وليته من يوم شاف الحياه معك مستحيله من اول الايام ماعاد كمل اكثر، يعني بالله كيف تفكر هي؟ اذا الرجال ايام كلن متزوجك وهو اساسًا قايل روحي لاهلك وكان الطلاق بيصير لولا الحمل وش يخوفك الحين؟ خلاصصص هو أعلن لك انه ناوي الفراق ناويه انتي حماره لدرجة تخافين للحين؟ اتحدى لو هز رمشه ان درى في خلعك! والله ماجاب خبرك يالجبانه! • اخ ياختي ياسحاب الف وادور ولا اقدر الا وارجع للعاتي واقول ليش تموت كل الزوايا مرتبطه فيها ليييش ليييش لييييش ياسحاب ليششش • جيداء وسهاج، او حتى كل ثنائيات الروايه، احبك ياسحاب على هالنقطه المحببه لقلبي، بعيدًا عن تكرار الروايات لعلاقات الثنائيات بعيد عن الكبرياء عن الزعل والضيق والاحداث المكرره المعروفه وووجود طرف ثالث ووو، لقيت بثنائياتك شي مختلف، علاقة صحيحه واقعيه تدخل فيها المشاكل بس بشكل طبيعي! ايه هذا اللي ابحث عنه هذي الواقعيه المنتظره وماهو بس فيهم الا في كل الشخصيات! مثلًا نوريه، هي فعلًا موجوده بالواقع رغم بعض الصفات فيها لكن جانبها الطيب والمحترم يظهر! افتكينا من شخصية الخبيثه اللي تدور الزله وتخرب وتخطط باشكال واحداث طفوليه! تمسكت بالقراءه اكثر لاني لمست في الشخصيات شي مختلف عن المعتاد وخلود، ودي اتكلم عنها بالذات وهي تقول احس ما اقدر اتعالج، الاكتئاب اسوأ شعور يمر الانسان، والاسوأ اذا عاشه الشخص وحيد لارفيق ولا احد يعرف عنه، يشوفونها تضحك وتربي عيالها وعايشه في بيتها ويتوقعون انها بأحسن حال وهي بالخفاء تحارب الغرق بالظلمه، وتاكل أدويه مستعده احلف ماتساعد، يارب فهد يعرف بأسرع وقت ويساند، اتوقع مساندته ماراح تكون افضل من فيصل لكن بتكون اقرب • جيداء بديت افقد وجودها بالاحداث الاخيره، ماهو عتب ولا هو مطالبه بتواجدها كثير لكن اشتقت لها ولمشاغبتها، واللقاء مع مرام كان مؤثر، مازلت اتمنى اكثر منهم نرجع ورا، قبل يدخل الخبيث عادل ويدمر ايامهم الهنيه، قبل يطلعون من بيتهم ويعيشون هالوجع، على الاقل ماكنّا بنحب العاتي هالكثر ولا كنا بنتعلق فيها انها درع سماهر، كان صحوة هذال ماخوفتنا لان سماهر وبنتها في مكان بعيد، اخ بس ليت وليت ماتسوي شي • عياش ورشا، حيرتيني ياسحاب بينهم، عقلي يحتار هل نهايتهم اجتماع او الفراق مكتوب من نصيبهم؟ ما ألوم رشا على ردة فعلها ضد عياش، موقفها معه مرعب وحتى لو كان بغير قصد ماحد يقدر يعرف الغيب والنوايا، هل ممكن عياش يتزوج حنان؟ احس ظهورها بالاحداث وتسليطك للضؤ عليها إما صدق ناويه تدخلينها بقوه وتتزوج عياش، او تبين تضيعين روسنا وتحيرينا في وضعهم مثل حيرتي في فيصل ومرام، رغم اني بالبدايه بدون سبب توفعت سديم تحبه، بس بسرعه شلت هالفكره، وركزت على مرام واللي صدق تحتاج معالجه نفسيه، اخاف تجيب العيد عند الدكتور لكن اتذكر ان المريض له خصوصيه ولايحق للدكتور يفضح، والصدق كل خوفي ماترجع قضية عادل تنفتح ولا اتمنى هالشي! . نرجع لرشا، وش بتسوي وتكسر ظهر لفاء، قاعده افكر وش ممكن يكون بيدها؟ هل بتسوي شي تقهره في نفسه ولكن تضر نفسها؟ هل متوقعه انها اذا رددت عليه كلام بتكسر ظهره؟ مدري لكنها لفتت عقلي لهالنقطه، وجاني حماس اعرف مين له شرف كسر ظهر لفاء؟ اذا بنته وهي بنته وفعلتها الثقيله ما أنحنى منها، مين يقدر؟ ما الوم رشا لانفجارها، ذاقت شي ماهو سهل، والسبب بعد ابوها رهف، ياكبر الحسره، للحين حاقده وكارهتها وكارهه اسمها، محد اسمه رهف الا وهو خبيث وحقير ومكروه، ليت الكسر كان بظهرها وعظامها كان برد قلبي، مثل مابردته سديم وهي تقطع شعرها اللي براسها • مشهد ليلى وسماهر مع سفيان واهله، والله إني أسجله كخامس مشهد تاريخي يمر ذاكرتي، خامس مره من يوم تعلمت القراءه أفز لثقل المشهد وكيف برد قلبي، اخ يابنت هذال لو تممّت مشهدها واطلقت عليه حتى لو برجله كنت من الشاكرين لها، لكنها ماقصرت وسلاح ابوها تحدث ورعب هالقذر وضح • ناديه، ياكرهي للشخصيه اللي مثلك وشرواك، وش هالضياع وش هالتخبط وش هالهبد اللي بشخصيتك هي طبعها كذا ولا هذا ترتب من افعال راشد؟ ولا انا اللي احب راشد ولا اطيقه، من جهه كاسر زوجته، ومن جهه مفرق فاطمه عن اخوانها بالمحبه ومدري كأن ناديه قالت انه مسوي لفاطمه شي بالماضي؟ ماركزت لكنه مكروه ايضًا عمر ما ينلام، اللي الومه ناديه اجل تتكلم بهالموضوع بنص البيت الله يقهر الشيطان والله ماهمني الا قهره وكسره من اخته، وفاطمه مثل امها حماره اجل شيخة جيلها وثقيله ورزينه بالاخير طايحه رسايل بعنوان نقاش عن العمل!! ياشييييخه يالعمل والعقود اللي متوقفه على نقاشاتكم، ونزال ماهو بكفو اشغلتنا بهالنقاط وانت ماقويت تخطب الا ورا ستارة الصلح، مالك وجه وقوه تخطب مثل الرجال، اخ ليتها رفضته ومات غبنه رغم اني احب فاطمه😔ياخي شخصيتها والله حلوه بس ليش هالغلط جاء منك ياكبيرة اخوانك لييش، ماعاد ينفع حتى الصلح مع عمر اللي صار صار وصعب ينسّى او ينجبر ويرجع مثل قبل ما اتوقع علاقتها تتعدل مع نزال مادام عمر زعلان وتفكر فيه، ننتظر اللقاء والصلح مع عمر عقبها امورها بتمشي تقريبًا ويخف الذنب اللي بصدرها تشيله اصبروا طيب انا للحين بخاطري البحث اللي سرقته زينه والله ماهو محبة في رهف بس الحق حق ليش تسرق هالنتفه الحقيره وليش رهف للحين مصاحبتها ياكثر الغباء هالبنت غسلت يدي منها • المهم، نرجع للأساس بالروايه، سماهر ولفاء، احس فيه ضربه قاسيه بتتوجه لنا بموت ثاني لكن احترت بيكون في مين، سماهر ولا لفاء ولا عايشه، ولا بتكونين ياظل السحاب مثل ظل السحاب صدق ويلين قلبك وتختمين مأساتهم برضا وتسامح وعودة العلاقات، رغم ان السحاب غرقنا بالدموع على موت العاتي مفروض ماعاد ارفع سقف توقعاتي فيه، واتجهز لأي حزن جديد وياويلك ياسحاب تختم الروايه ومافيه سبب يستاهل موت العاتي غير انه زيادة حزن، صدقيني اصير كابوس لك واخليك تكتبين الروايه من جديد وترجعينها ماتموووت😔 • • الصدق احتاج فصل 25 عشان ارجع واقدر اعلق واتوقع، ما احب اعلق على شي مر وقت من يوم نزل احس مافيه احد موجود غيري، ورغم اني كتبت لك تعليق اتوقع ينافس طول الفصل حقك بس احسه ناقص، وعلى فكره يبي لك دعاء السفر قبل القراءه🙏🏻 وختامًا، أربعه وعشرون فصلًا، بلا نقصان، بلا تغير في الابداع، بلا تكرار ولا إعتياديه، كل فصل يصرخ انا الاقوى وبين سطوري حدث يهز البدن اكثر، وكل قفله تقول أنا بأوقف قلبك وتجي بعدها اقوى، وكل سطر يتميز بالسرد والابداع يجي اللي بعده يسطع نوره الجمالي اكثر وأحتار، أيهم اكبشر عليه الشاشه وأتلذذ بقراءة حروفه مرارًا وتكرارًا؟ أبدعتِ ياظل السحاب، أبدعتِ والابداع يخجل يكون هو الكلمه المعبره عن كتاباتك، ماندمت اني دخلت المتصفح الخاص فيك، لكن ندمت لاني تاخرت بالدخول، تمنيت الصفوف الأولى كان مقعدي بينها، لكن انتظروني الحرب ابتدأت والفوز بالتعليق الاول بأرجع أخذ مراكزي فيه، هذا اذا بقى احد من رفاقي يتذكر السباق وبيلعب معي🙏🏻 وقبل اختم، ترى الحسنه الوحيده في موت العاتي حسرة شجن العذوب، شكرًا سحاب لان اتوقع هذا كرت جديد ينضم للكروت ضدها، كل ماقهرتني ذكرتها بسلام على عيني هذال وسمعت صياحها، لكن هذا مايعني اني سامحتك على موتها بيني وبينك الايام • والسلام عليكم ورحمة الله، صلوا على النبي محمدٍ صلى الله عليه وسلم، ودعواتكم للعاتي يصير فيلم هندي وترجع للحياه، لان اتوقع بأحتاج وقت طويل عشان اتخطاها واتخطى موتها ، وبإنتظااااار جديدك من الابداع على أحر من الجممممّر، وكم أشتقت لهالإنتظار🤍 | ||||
|
| |
 |
| أدوات الموضوع | |
| انواع عرض الموضوع | |
|
|
24732Likes
سبحان الله ماتنبلع وزاد الان اني اشوف راشد كثير عليها صراحة ماتستاهله
العرض العادي
