22-02-24, 08:28 PM
| #1 | ||||
|  فرصة ثانية انا عايزاك تساعدنى انا غلطت مع واحد وتخلى عنى وهتفضح ابويا ممكن يروح فيها واخويا لو عرف هيقتلنى مكنتش مصدق ودانى، مروه زميلتى فى الشغل مكنش فيه كلام بينا ابدا، اول مره توقفنى فى الشارع وتطلب تتمشى معايا شويه مش مصدق ودانى وانا بسمعها مروه انتى بتقولى ايه؟ بقول ال سمعته وارجوك مش عايزاك تأنبنى او تعاتبنى انا فى ورطه ومفيش حد قدامى غيرك اشمعنا انا يا مروه؟ بصت مروه عليه، بصراحه ومتزعلش منى، لانى عارفه انك مقطوع من شجره وقرارك من نفسك ومحدش هيدور وراك مروه الكلام إلى بتقوليه ده مش سهل وبعدين انا ليه اورط نفسى فى حاجه زى كده؟ متجرحنيش يا جاسم بعد اذنك، انا لجأت ليك لأنك اخر حل بالنسبه ليه ابوس ايدك وافق؟ انا مش هطلب منك اى حاجه ولا حتى انى اكون مراتك بحق وحقيقى اتزوجنى يوم اسبوع وطلقنى شفت الدموع فى عين مروه وصعبت عليه جاسم، هكون خدامتك طول العمر لو وافقت تتجوزنى اسبوع واحد ورحمة امك وطلقنى، ارجوك وافق عشان خاطرى؟ الحاله إلى كانت فيها مروه خلتنى اديها كلمتى واوافق مروه طلبت منى اروح على بيتهم لأنها كانت عايزه الجوازه تتم بسرعه خدت منها العنوان بعد ما اتفقنا ان جوازنا هيكون اسبوع واحد وهطلقها روحت علي بيتهم، شقه بسيطه فى الدور التانى استقبلني والد مروه وكان راجل محترم طلبت منه ايد مروه بعد ما عرفته بنفسى واستغربت انه وافق على طول والدتها كان قاعده معانا، الزغاريد طلعت وقرينا الفاتحه، مكنش ليهم طلبات كتيره ودا كان امر محير لكن مروه كلمتنى بعد كده وقالت إنها اقنعت والدها ان يوافق عليا وكانت معرفاه بحضورى الفرح كان على الضيق بعد اسبوع زى ما اتفقنا، خدت مروه على شقتى بعد ما دخلنا الشقه قلتلها ان نفذت وعدى يا مروه بعد اسبوع هطلقك مروه قالت ماشى غيرت هدومى وسبت أوضة النوم لمروه عشان ميحصلش حاجه يبنا لانى مكنتش عايز كده نمت على الكنبه، بعد ما روحت فى النوم حسيت ايد | ||||
|  |
|
23-02-24, 08:31 PM
| #2 | ||||
| #فرصه_تانيه ٢ انتفض جاسم امام الايد فى بتلعب فى جسمه، فتح عنيه بخضه، مروه انتى بتعملى ايه؟ مروه بنبره أقرب للدلال لكن خجله بعمل ايه يعنى؟ حسيت بزهق مش اكتر جاسم، انتى عارفه احنا اتفقنا علي ايه يا مروه، ارجوكى بلاش افكارك توصل لأبعد من هنا نهض جاسم وجلس على الأريكه واشعل لفافة تبغ وهو يتأمل جسد مروه الخارق وفكر جاسم فى سره، لم يكن يتخيل ان مروه تمتلك ذلك القوام الرائع ثم نفض الفكره من دماغه، ادخلى نامى يا مروه؟ مروه / مش جايلى نوم، ثم شردت لبعيد، بعيد جدا، حيث تقبع الأحلام الميته والأمانى المستحيله فجأه / قالت مروه وهى تقطب حاجبيها، مش لازم كل شويه تفكرنى انى غلطت، وبلاش نظرة الاحتقار والتأنيب إلى بتبصلى بيها وشعر جاسم بالغيظ، كان ينتظر منها ان تشكره، ان تتودد اليه لانه سترها ومنع الفضيحه عنها، انتى بتقولى كده ليه يا مروه؟ انا مقلتش اى حاجه غلط فى حقك! وفكرت مروه، هذا تحديدا ما يزعجها، روحه الطيبه، لو كان انفجر بها وأخرج غضبه وتنطط وسبها لكانت ارتاحت نفسيا لكن الآن مع كل نظره تشعر بالوجع والخزى اكتر مين الشخص إلى غلطتى معاه يا مروه؟ وظلت مروه ساكنه، جالسه على الأرض تحت قدمى جاسم يدها على ركبته واليد الأخرى فى حضنها بتسأل ليه؟ تكنش ناوى تاخدلى حقى؟ او تقتله؟ وشعر جاسم بالغرابه واندهش، كيف لا تتحدث بحقاره عن الشخص الذى افقدها شر *فها، يكاد يشعر من نبرتها انها غير منزعجه ناويه تعملى ايه بعد ما اطلقك يا مروه؟ مروه /هعمل ايه يعنى؟ هحافظ على شغلى واعيش ايامى ايه؟ عايزنى اموت نفسى انت كمان؟ انا مقلتش كده، مليش الحق اتدخل فى حياتك، مش معنى انى وافقت اساعدك انى املكك وانفلت حبل الأمل بين أصابع مروه وانسل، جاسم لا يفكر يها كزوجه فعلا وكيف يمكن تلومه / فى نظره انها مجرد فتاه خاطئه مستهتره ومهما حاولت الشرح مفيش فايده بص أهلى جاين بكره، ممكن من فضلك تكون لطيف وتتصرف عادى؟ مش عايزه اكسر قلب ماما وفكر جاسم مره اخرى، لو كنتى خايفه على زعل والدتك ليه سمحتى ان ده يحصل لكنه تحامل على نفسه وقال حاضر نهضت مروه، بسرعه قبلت خد جاسم ودخلت غرفتها وظلت القبله تلعب كطفل شقى على خد جاسم طول الليل وفى أحلامه وعند استيقاظه، ظل خده رطب العائله كلها وصلت الصبح، وامتلأت الشقه بالزغاريد والفرحه ووضع الطعام داخل الثلاجه، حمام وبط وديك رومى، دجاج، كبده بلدى، تحركت مروه فى لباس جميل راسمه على وجهها فرحه، تحلق بين أفراد عائلتها بسعاده وكان جاسم جالس مع والدها يتجاذب أطراف الكلام، ومروه جالسه مع والدتها، تهمس فى اذنها بوجه خجل ولاحظ جاسم نظرات حماته القاسيه، كانت تنظر نحوه كأنه ارتكب جرم لا يغتفر وكل دقيقه ترميه حماته بنظره حانقه وتهمس فى اذن بنتها اسماعيل موسى طلب جاسم من مروه تحضر الغدا لأهلها، بس حماته رفضت بعصبيه وقفت وقالت احنا هنمشى كفايه كده، لم يحصل الغرض نبقى ناكل ونفرح، ولم يفهم جاسم ما الغرض وكيف يتحقق، لكنه لاحظ الغضب والتعاسه على وجه حماته غادرت العيله الشقه، ومروه كانت هتدخل غرفتها، وقفها جاسم، والدتك كانت زعلانه ليه يا مروه، نظراتها مريحتنيش انتى قولتيلها حاجه عنى؟ مروه هقول ايه يعنى؟ هو فيه حاجه تتقال اصلا؟ مروه صرخ جاسم، انا لازم افهم، بصت والدتك ليها معنى، ولازم اعرف قولتيلها ايه؟ مروه بتحدى من ضلفة الباب قلتلها محصلش حاجه بينا | ||||
|
| |
|
24-02-24, 08:35 PM
| #3 | ||||
| #فرصة_تانيه ٣ لم يصدق جاسم ودانه، فأعاد سؤاله بتقولى ايه؟ قلت محصلش بينا حاجه، وخرجت الكلمه من فم مروه قاسيه مثل خنجر انتى اتجننتى صرخ جاسم بغضب؟ مروه / زعلان ليه؟ انا مقلتش غير الي حصل، هكدب يعنى؟ تذكر جاسم نظرات حماته القاسيه الساخره وهى ترمقه بدونيه كحشره لانه لا يعرف لكنه يعرف ويعرف أكثر مما تتخيل وكلما تذكر نظرة حماته شعر بالغضب واختلجت عواطفه ثبت جاسم نظره على مروه الواقفه بلا مبلاه عند ضلفة الباب بقى دا جزاتى يا مروه؟ انا الى وافقت استر عليكى واداري الفضيحه تعملى معايا كده؟ مروه / كفايه بقا النبره دى يا جاسم، مش كل شويه هتفضل تعايرني، انا مكدبتش يا اخى ولا اتهتمتك بحاجه قلت الحقيقه، محلصش بينا حاجه، زعلان ليه؟ هو حصل بينا حاجه وانا خبتها؟ دا انا يدوبك ايدى لمستك لقيتك هربت منى ودارت الكلمه واخترقت اذن جاسم، هربت منك ازاى؟ انتى بتقولى ايه؟ انت مش مراتى بحق وحقيقى، على الورق بس انا عايز افهم ازاى بتقولى لمامتك محصلش بينا حاجه وازاى بعد ما اطلقك هترجعى بيت اهلك وانتى مش بنت؟ ابتسمت مروه، وقالت بسخريه، متخفش انا مخططه لكل حاجه، لما ارجع هقول حصل بينا حاجه وانا مبقتش بنت محدش هيكشف عليه حصل امتى يعنى؟! وشعر جاسم بالهزيمه، مروه ليست سهله ولا طيبه كما تخيل وفكر لماذا على من يفعل الخير ان يقابل بضغينه؟ وسألها، ماذا فعلت حتى استحق كل ذلك الكرهه الذى تحملينه نحوى؟ معملتش حاجه، وهزت مروه كتفها، انت سألتنى عن حاجه وانا جاوبت مش عارفه زعلان وواخد على خاطرك ليه، انا جبتلك عذر عشان متقربش منى ولا انت فعلا ممممممممم، يكونش إلى قولته صح وانت ممممم يا خرابي لم يتمالك جاسم نفسه، تحرك تجاه مروه وصفعها على وجهها صارخآ انتى واحده حق*يره وواط*يه ونزل القلم على الوجه الرطب الناعم، ورن مثل خلخال غزيه ترقص فى حانه ورفع جاسم يده مره اخرى، فألقت مروه جسدها فى حضنه وهى تبكى بتضربنى يا جاسم؟ هى دى الرجوله؟ انا قلت انك واحد متحضر تؤمن بالحوار الايجابي وتحل مشاكلك بالعقل مش بالضرب ورغم غضبه حس جاسم بالحزن والخزى لانه ضرب مروه فإنه حتى لو كانت زوجته على الورق فأنها اظل زوجته انا اسف مروه، انتى الى اجبرتينى اعمل كده، وفتحت مروه عيونها، عيون واسعه عسليه طيب يلا صالحنى صالح الخد إلى ضربته ده، لم يعرف جاسم كيف يصالحه فقد وعد نفسه ان لا يلمسها، وانها حتى لو كانت زوجته فأنه قرر عدم لمسها وحاول ان يبتعد عنها، لكن مروه تعلقت برقبته | ||||
|
| |
|
26-02-24, 03:44 PM
| #4 | ||||
| #فرصه_تانيه 4 ابتسم جاسم ابتسامه ضيقه مقتضبه، ولمس خد مروه بحنان، طبعا الخد دا لازم يتصالح، وكان قد شعر بمكر مروه وحيلتها فرفع يده نصالح، الخد ده وضربها بالقلم، والخد التانى عشان تعرفى تقولى لمامتك محصلش بينا حاجه، صح ومسك مروه من شعرها، سمعينى قلت لمامتك ايه؟ قلت محصلش بينا حاجه!! تمام ورن قلم اخر على وجه مروه محصلش ايه!؟ تحول وجه مروه للون الأحمر، وكان لسه ماسكها من شعرها اسفه، انا غلطت، اسفه والله سامحنى!؟ تنهد جاسم، طيب ليه الشقاوه بس، عامله نفسك نينجا ليه؟ الطاعه حلوه مفيش كلام، ليه تجبرينى اوريكى العين الحمره؟ انا اتعصبت وعايز اهدى ولم تفهم مروه كيف ان جاسم تعصب، وهو الذى كان يضربها منذ لحظه ومن من المفترض أن يعتذر لمن! لكن جاسم ما ادهاش فرصه، شدها وراه وقعد على الكنبه انا عايز اهدى!! مروه طيب اهديك ازاى!؟ شعرى بيوجعنى ووشى كمان رفع جاسم قدمه، دلكى انحنت مروه وراحت تدلك قدم جاسم وهو يزفر بغضب، ولم تعرف مروه كيف تحول جاسم الهادي لذلك الوحش المتربص اكتر، أمرها جاسم، مش حاسس بايدك؟ ضغطت مروه اكتر على ساق جاسم وكانت تشعر بالتعب الحيره بقا بتقولى لمامتك محصلش بينا حاجه من غير ما توضحى السبب؟ طالما أنك صريحه ليه خبيتى الحقيقه؟ مقولتيش ليه جاسم رفض يلمسنى لكن تحطى راسى فى الطين؟ دا امك كانت بتبصلى كأنى عملت عمله !! كانى مش راجل يعنى انتى طلعتينى عيل قادم عيلتك وزمانهم كلهم ماسكين سيرتى هو انا مش راجل فى عينك يا مروه هانم؟ مروه بخضوع، راجل وسيد الرجاله، انا اسفه والله اسفه جاسم /نسيتى مين وافق يتستر على فضيحتك ووقف معاكى لحد دلوقتى؟ مروه انا اسفه عايزنى اعمل ايه عشان اكفر عن غلطتى؟ جاسم /تصلحى إلى هببتيه، مش عايز اشوف نظرة والدتك مره تانيه فاهمه؟ اخترعى اى كدبه ما أنتى شاطره فى الكدب مروه /حاضر، حاضر اشعل جاسم سيجاره وتمدد على الكنبه، مروه وفقت صرخ جاسم، رايحه فين؟ مروه هدخل غرفتى تعبانه جاسم / خليكى مرميه هنا لحد ما اقلك قعدت مروه مره تانيه ورجل جاسم فى حضنها، بكت، انت بتعاملنى كده ليه، حرام عليك؟ جاسم / كان زمان، مبقتش باخد من دموعك ولا كدبك، لازم تعرفى ان اى غلطه هتعميليها عقابك هيكون ايه امك هتيجى بكره، عايزك تصلحى صورتى والا اقسم بالله الاسبوع إلى هتاخديه معايا هرهيكى ضرب قومى روحى غرفتك، مش عايز اشوف وشك غير بكره الصبح لما اهلك يوصلو | ||||
|
| |
|
27-02-24, 08:26 PM
| #5 | ||||
| #فرصه_تانيه 5 ظل جاسم يدخن لفافات التبغ الليل بطوله ولم يغمض عينيه الا قبل الصبح، وكان مستغرق فى النوم لما مروه همست جاسم الباب بيخبط. عدل جاسم جسمه وسحب التيشيرت لانه كان نايم عارى الصدر، انا هدخل اخد حمام،عايز لما اخرج اشوفك عملتى ايه فتحت مروه الباب استقبلت اهلها بوجه بشوش وسمع جاسم ضحكاتهم من داخل الحمام خرج جاسم لابس هدومه كلها، سلم على حماه واخو مراته معتز وبص على حماته لقي وشها مرتاح وكان متردد يسلم عليها ولا لا لكن حماته نادت عليه، ازيك يا جاسم، قرب جاسم من حماته وسلم عليها، حماته قالت عفارم عليك يا جوز بنتى ولم يفهم جاسم عفارم على ايه، وما الذى فعله يجعل حماته تتغير بالشكل ده، لكنه ابتسم وقعد مع حماه يدردش فى اى كلام وكان وجه مروه خجول محمر وهى تتحدث مع والدتها، والام تبتسم وتغمز بعينها، وجاسم يراقب كل ذلك بنفس مضطربه رصت الأوانى على الطاوله ووزع الطعام تحت ابتسامات الوالده، وكان تكبش بيدها وتضع امام جاسم وتقول كل يا جاسم، كل واكل جاسم حتى امتلأت معدته وكانت حماته تطالبه بأكل المزيد وكان جاسم ينتظر رحيلهم بفروغ الصبر حتى يختلى بمروه ويعرف منها ما حدث ورحلت العائله وتركت العريسين على راحتهم، جلس جاسم على الأريكه ودخن سيجاره وومروه تتحرك بتوتر داخل الشقه تعالى هنا أمرها جاسم، مشت مروه ووقفت قدام جاسم ايه إلى حصل سألها، قلتى لوالدتك ايه خلاها ترضى عنى؟ مروه / عملت إلى قلت عليه مش دا إلى كنت عايزه؟ جاسم / اه يعنى قلتى ايه عشان اعمل حسابى اصل انا مش بعرف اتوقع دماغك بياخدك لفين مروه بخجل / قلت انك قطعتنى جاسم / بهدوء، لكن انا مش ماسك سكينه عشان اقطعك ولا قربت منك مروه / مش انت كنت عايزنى اكدب؟ انا نفذت اوامرك جاسم / يعنى والدتك معتقده ان كل شيء تمام واطمنت على بنتها مروه / تعليماتك يا فندم واعجب جاسم بالكلمه وتسحبت داخل صدره وقعدت فى عقله تمام، تمام / ماشى يا مروه متشكر انك صححتى الخطاء إلى عملتيه عندك أوامر تانيه؟ سألت مروه، ولا ادخل غرفتى؟ اعمليلى شاى أمرها جاسم، وكان يشعر انه يملكها حقآ وان سيطرته عليها حقيقيه وكانت مروه بدأت تعجب بتحكمه وشخصيته الجديده واحست برجولته الطاغيه وتمنت ان يقبلها كما هى وان لا يتخلى عنها بعد اسبوع كما قرر قبل الزواج على فكره يا جاسم صحابى عايزين يزورنى عندك مانع؟ زمايلك مين يا مروه؟ زميلاتى فى الشغل يا جاسم انت عارفهم ابتسم جاسم، تذكر سمر زميلته فى المكتب والتى لطالما فكر فيها بطريقه اكتر من زميله وقال موافق هيجو امتى؟ العصر قالت مروه وهى تستعد لدخول غرفتها ماشى، مفيش مشكله وظلت الشقه هاديه حتى قبل العصر، ارتدى جاسم ملابسه وتزينت مروه وسمعت طرقات الباب ودخلت زميلات مروه وجاسم فى الشغل وجلسو فى الصاله، ودخلت مروه تعد عصير وظل جاسم جالس معهم حتى لمح مروه خارجه من المطبخ فأنهض جسده، استلم الصنيه وقال اساعدك يا حبيبتى؟ ثم قبل مروه فى خدها وتفاجأت مروه بالقبله وارتبكت | ||||
|
| |
|
01-03-24, 04:56 PM
| #6 | ||||
| #فرصه_تانيه ٦ تفاجآت مروه بالقبله، كأنها قبلت محرمه اخذت فى بادرون عماره وشعرت انها عاريه من كل شيء حتى ملابسها، ونط قلبها بالفرحه، ربما جاسم تخلى عن عناده اخيرا، وكانت مستغربه من تدليل جاسم لها امام الزميلات، من يراهم يشعر انهم زوجين سعيدين فى غاية الانسجام، وشعرت بالأمتنان لجاسم الذى تغير فجأه بعد أن كان منذ ساعات يضربها ويعاملها بطريقه كلبيه وظل جاسم يتحرك بين المقاعد والطاولات يوزع الابتسامات بكل آناقه وكل من يراه يحسد مروه على زوجها وسألت مروه نفسها ايه ده هو تغير كده ازاى؟ ولاحظت ان جاسم لا يرفع عينه عن سمر ويتأمل كل جزء فيها، والمرأه لأتقبل ان يختار الرجل غيرها وتحول امتنانها لغيره وتغيرت ملامحها مروه إلى كانت مستعده من لحظه تشيل جزمة جاسم وجدت فى قلبها ضغينه مكتومه وكل أفعاله وحركاته اصابتها بالاشمئزاز، اختفت الابتسامه وحل مكانها وجه فاتر ليمونى وفكرت مروه، هو بيعمل كده ليه؟ بيحب سمر ولا قاصد يغظنى؟ وكان الاحتمالين سيئين بالنسبه لها، لكنها تمت الاخير لانه يعنى ان لديها فرصه لما الزملاء قررو يمشو جاسم حلف يقعدو يتعشو معاهم، لكن سمر رفضت لأنها مرتبطه بأعمال ومشاغل، ووالدها صعب لا يحب أن تتأخر خارج المنزل تنهدت مروه بارتياح لما مشيو وكان عايزه تضرب نفسها بالجز*مه لأنها عزمتهم فى البيت راقب جاسم سمر من الشرفه غير مبالى بنظرات مروه المتحسره لما تتمالك مروه نفسها، انت بتبص علي مين وليه؟ جاسم، مش شغلك انتى مالك؟ مروه بغيره، انا مراتك يا جاسم وحتى لو كان على الورق لازم تحترمنى، بعد ما تطلقنى ابقى اعمل إلى انت عايزه جاسم احنا فيها، اطلقك دلوقتى وندمت مروه لتسرعها، دا انت مستعجل اوى بقا يا جاسم؟ جاسم / ومستعجلش ليه، انا عملت الاتفاق وخلصت مروه، يعنى هتطلقنى بجد؟ جاسم بلا مبلاه ايوه مروه / يعنى مش هتستنى الاسبوع إلى وعدتنى بيه؟ جاسم / انتى الى بتطلبى الطلاق يا مروه وبتجبرينى على كده انا اسفه همست مروه وشعر جاسم بمتعه فى ازلالها، ملكيش دعوه بحياتى يا مروه اعمل إلى انا عايزه انتى لا تعنى لي اى شئ، زى الكرسى او الكنبه، عاجبك كده ماشى، مش عاجبك خدى هدومك واطلعى على بيت اهلك اكيد حبيب القلب مستنيكى انت بتهنى اوى يا جاسم، وبكت مروه، انت قاسى اوى ومفيش فى قلبك رحمه نخر جاسم، بقى انتى الى بتقولى كده؟ نسيتى عملتى ايه ومين إلى ستر على فضيحتك؟ منستش همست مروه، انت الراجل إلى قبلت تسترنى، مبسوط كده، حسيت برجولتك؟ ايوه مبسوط، رد جاسم بلا مبلاه وقلب مروه يتقطع من الغيره والخزى انتى ملكيش حقوق عندى، بعد اربع ايام هطلقك وترجعى بيت اهلك | ||||
|
| |
|
02-03-24, 08:57 PM
| #7 | ||||
| #فرصه_تانيه ٧ شعرت مروه بالخيبه، تعرف انها أخطأت حتى وان كان رغم عنها، لكنها كانت ترجو فرصه أخرى، لأنها ليست سيئه لهذا الحد، وانكسرت نفسها واظلمت الدنيا امام عيونها لقد جرحها جاسم عندما قال، بعد ما اطلقك تقدرى تروحيله تانى وفكرت ماذا يعتقدنى؟ ومن يكون حتى يحكم على بتلك القسوه ثم مسحت دموعها، جاسم معذور، انا بالنسبه له مجرد فتاه فقدت اعز ما تملك والقت نفسها عليها مثل ذبابه وقالت شكرا جاسم وكانت تعنيها، لأنها أدركت فى هذة اللحظه بالوحده وان لا أحد سيساندها فى قادم الأيام ثم ماذا كانت تنتظر من جاسم؟ شخص لا يحبها وتفضل عليها بالزواج بعد الحاح منها وليس مضطر للاستمرار معها داخل غرفتها بكت مروه بحرقه، وكلما اغمضت عيونها ظهر لها ما تخشاه، الذى هربت منه والذى بقى معها ولزمت الصمت لما عرفت ان لا فائده فكانت ترد على قدر السؤال وتفعل ما يطلب منها وتعد الايام على يدها فى انتظار الجحيم القادم وكان جاسم يفكر ايه إلى حصل معاها، اتغيرت ليه؟ ثم كبر دماغه فقد كانت بانسبه له شخص غير ذو اهميه ولا تشاركه أحلامه وخرج للعمل وطلب ان يقابل سمر على انفراد واعترف لها بحبه وتعجبت سمر ازاى شخص لسه متجوز يقولها بحبك وتحدثت معه نبره غاضبه، صارمه وطلبت منه الابتعاد عنها، لكن جاسم كان مصر على توضيح موقفه قال انه لا يحب مروه لكن كلامه لما ترحب به سمر وقالت انها سترحل وان عليه ان لا يتحدث إليها مره اخرى استنى بس وصمت جاسم، انا هقلك على الحقيقه، وروى لسمر ما حدث بينه وبين مروه كان يظن ان ذلك سيرفع من قدره فى عيونها وتقول انسان شريف، رجل حقيقى، ساعد واحده خربه ابتسمت سمر، اعجبها الكلام والحديث، لطالما كانت تكره مروه وتحقد عليها وعرفت ان جاسم سيطلق مروه بعد اسبوع كما ينص الاتفاق ووعدت جاسم ان تقابله مره اخرى وأخرى، وان نظرتها تغيرت بعد أن عرفت تضحيته ولم يمر سوى يوم واحد وكان الشغل كله بيتكلم عن مروه وفضيحتها والى عمله جاسم عشان يسترها وتسلل الكلام ووصل مروه، فزاد من حزنها وتعاستها لم تكن تتصور ان جاسم سيفضحها، يفضح زوجته التى تسكن معه فى نفس البيت ولم تتحدث مع جاسم او تعاتبه، لأن العتاب لا فائده منه لكنها شعرت بكسره كبيره أكبر مما فعلته نفسه كان عليه ان يغلق فمه حتى يقوم بتطليقها، وبداء الناس يتحدثون عن خاطئه ورجل ستر عليها، وأصبح كتمان الخبر مستحيل فوصل للعائله، عائلة سمر وكان جاسم لا يعرف شيء عن كل هذا، وان كلامه مع سمر أصبح على كل لسان وان ستره لها انفضح أكثر وأكثر، غارق فى مقابلاته مع سمر التى أعلنت ان جاسم سيتزوجها بعد أن يطلق الفاجر*ه | ||||
|
| |
|
03-03-24, 08:40 PM
| #8 | ||||
| #فرصه_تانيه ٨ هو الكلام إلى انا سمعته صحيح يا جاسم؟ انت قلت ان اختى غلطت وانت سترت عليها؟ توتر جاسم، كان يظن تم كلامه مع سمر سر لن تتحدث به امام الغير، فقد فعل ذلك لينال ثقتها، عندم طلب اخو زوجته مقابلته كان يظن انه امر عادى لكنه الان يواجه تهمه تخدش حيائه، فجاسم لم يفعل كل ذلك حتى يفضح مروه فى اخر الأمر، قال جاسم بنبره صارمه، انت ازاى بتقول على مراتى واختك كده؟ وقال الأخ، الكلام وصل عندنا البيت و والدتى وقعت من طولها وانا عايز اتأكد وتحير جاسم كيف يرد عليه، ايخبره ان اخته ترجته ليستر فضيحتها، ام يقول الحقيقه؟ هو مين الى طلع الكلام ده على سمر؟ قال الأخ زميله لها تدعى سمر وتقول أيضآ انك ستتزوجها وفكر جاسم، انه ميال لسمر ويظن انه يحبها، لكن وعده مروه لازال قائم وانه انما فعل كل ذلك ليوضح رغبته بسمر لا فضح مروه، فقال الكلام ده مش صحيح، اختك زى الفل وطلب منه اخ مروه ان يقول هذا الكلام بنفسه لوالدة مروه وفتح ميكرفون الهاتف وقال جاسم الكلام الذى أراح والدة مروه وجعلها تتوقف عن البكاء وترفع رأسها مره اخرى وقالت المرأه ان الخبر انتشر فى المنطقه كلها وانها لا تستطيع أن ترفع رأسها فى الشارع وان على جاسم ان يجد حل يسكت به الكلام ان كان يحب مروه ويخاف على سمعته فى طريقه نحو المنزل كان جاسم يفكر فى ما عليه فعله، من المفترض أن يطلق مروه بالغد، كما اتفق معها وفى تلك الحاله ستنتشر الفضيحه أكثر وتصبح حقيقه لا جدال فيها وتذكر سمر وما فعلته وان واحده مثلها لا تستحق ان تكون زوجته لأنها غير مؤتمنه وعاد الشقه فى شرود ونام على الاريكه دون أن يتناول عشائه ايقظته مروه صباح اليوم التالى بدموع اغرقت عينيها وكان ملابسها محشوره فى الحقائب فتح جاسم عيونه وشاف الحقائب المعده وهيئة مروه التى تصعب على الكافر اعمليلى افطر يا مروه وكانت مروه فى حاله لا تسمح لها بالمواربه فقالت انت مش قلت كل حاجه انتهت، انا جاهزه اروح عند بيت والدى وصرخ جاسم بقلك اعمليلى فطار ترددت مروه لحظه حتى همس جاسم، انا مش هطلقك دلوقتى ولم تصدق مروه اذنيها، لقد ظلت الليل بطوله تدعو الله ان يفرج كربتها انت بتقول ايه؟ بقولك مش هطلقك، يلا حضريلى الفطار ورجعى الهدوم فى مكانها لم تتمالك مروه نفسها من الفرحه فقبلت جاسم على خده وركضت تحمل الملابس نحو الغرفه اقعدى كلى معايا يا مروه انا مش هاكل لوحدى؟ وكانت مروه تسأل نفسها ايه إلى حصل وغير جاسم كده؟ لكن جاسم لم يمنحها وقت للتفكير، احنا هنأجل موضوع الطلاق دا شويه عندك مانع؟ مروه لا معنديش مانع جاسم، ماشى هخليه بعد شهر كده تكون الدنيا هديت شهر؟ جاسم /ايوه شهر مروه حاضر جاسم فى السهر ده لازم تكونى بعيده عنى مفيش حاجه تغيرت فاهمه؟ مروه / فاهمه، فاهمه وكان كل شيء فى وجه مروه يضحك حتى عيونها، اعملك شاى؟ ابتسم جاسم، مفيش مانع يا مروه | ||||
|
| |
|
04-03-24, 12:34 AM
| #9 | ||||||
 
| الكاتب اسماعيل، قصتك ملفتة للنظر لكن اسمح لي بالتعليق كـ كاتبة و أتمنى أن تساعدني في فهم قصتك لأنني لا أفهم عنف جاسم و تفسير مروة للعنف بالرجولة أو قرار جاسم بمشاركة سمر عيب مروة الخاص جدا.. أعني أي نوع من الرجال هو جاسم و أي نوع من النساء هي مروة.. و الذي يجعل منهما زوجين في بادئ الأمر!؟ ما هي مبادئ جاسم التي دفعته لقبول الزواج ؟ مروة دافعها واضح أما جاسم؟! و ان كانت مبادئه سبب قبوله.. كيف نفس مبادئه هذه تسمح له بمد ايده على من هي كريمته ؟ أعلم أن ظروف الزواج غير طبيعية لكن للزواج أصول إن فرضنا ان مبادئ جاسم في قبول الزواج رجولة. أسهبت عن جاسم لأنه من يغير سير الأحداث أكثر من مروة.. شكرا لإهتمامك. | ||||||
|
| |
|
06-03-24, 09:06 PM
| #10 | ||||
| #فرصه_تانيه 9 انتهت اجازة مروه وكان لازم ترجع الشغل وكانت عارفه ان سمر هى إلى فضحتها بين زملائها، لكن جاسم قبل ما ترجع الشغل حذرها تعمل مشاكل مع سمر، داخل العمل اول ما مروه ظهرت سمر بدأت تلمح وتغمز وتسخر، الشغل كله كان عارف الاشاعه، مروه حاولت تتجنب كل ده بالتركيز فى شغلها وكل شويه سمر تهمس والضحكات ترتفع بينها وبين صديقاتها وشعرت مروه بالخجل المميت فكل النظرات مصوبه ناحيتها وكادت ان تبكى، جاسم حذرها الاشتباك مع سمر بس هى مقدرتش تستحمل الاهانه اكتر من كده، لحد ما سمر قربت منها، ازيك يا عروسه! الحمد لله، قالت مروه وهى بتبلع ريقها سمر / انتى اتطلقتى ولا لسه؟ مروه / وهتطلق ليه؟ سمر / اكيد انتى عارفه هتتطلقى ليه، وعارفه كمان جاسم اتجوزك ليه مروه /بغيظ مدفون، اتجوزنى عشان بيحبنى سمر / بضحكه كبيره، بيحبك؟ تصدقى انك مش بتتكسفى وعينك قادره مروه / انت ازاى بتقولى كده؟ انتى ايه دخلك اصلا بين وبين جوزى؟ لو سمحتى ابعدى عنى وخلكيى فى حالك سمر /مش بقول انك صحيح مش بتتكسفى، جاسم اتجوزك عشان يستر على الفضيحه إلى عملتيها مروه /بصراخ فضيحة ايه يا بنت انتى، احترمى نفسك بدل ما اعرفك شأنك سمر / جاسم قالى على كل حاجه، قالى انتى عملتى وهو ستر عليكى مروه / الكلام إلى انتى بتقوليه عيب يا سمر انا هشتكيكى للمدير والزملاء كلهم هيشهدو وكانت هناك نظرات ساخره من كل الزملاء، الكل يحدق مروه وعيونه تقول انت عاهر *ة ويستعجبون كيف تستطيع أن تتحدث اصلا بتلك الثقه سمر /انتى معندكيش دم!؟ واحده زيك المفروض تقتل نفسها اقتربت مروه من سمر وبصفعه قويه ضربتها على وشها ترنحت سمر تحت وقع الضربه كدجاجه مريضه فقد كانت ذات طبيعه فافيه ولا تتحمل الألم اقفلى بقك / خذرتها مروه، انا مش عارفه انتى ليه حاشره انفك فى شؤن غيرك وبتخوضى فى اعراض الناس ولأنها تعرف ان هناك خصم او عريضه تنتظرها صفعت سمر مره تانيه وتالته، أخرجت من داخلها كتل اللهب التى تحرقها صرخت سمر، وراحت تولول بمسكنه، وحدثت ضجه وصخب، تدخل زملاء العمل وحضر موظفى الادارات الأخرى وحضر جاسم يركض، وجد سمر جالسه على الأرض بفوضاويه عارمه تندب وتلقى بالتهم وتطعن مروه فى شرفها مروه قالت انا لازم أهمل محضر فى سمر، بتطعن فى شرفى يا جاسم وانا على زمتك وكان جاسم على وشك ان يعنف مروه ويلومها لأنها كسرت كلمته وتشاجرت مع سمر بس كلام سمر كان جارح جدا مما جعل جاسم يرفع صوته ويطالبها بالصمت، صارخا بصوت مرتفع مراتى اشرف منك وصمت جميع الموظفين، الكل كان يعلم أن سمر تشيع ان جاسم أخبرها بكل هذا الكلام وها هو الآن يصرخ دفاعآ عن شرفه وهذا يعنى ان سمر بياعة كلام وتحولت مشاعر الشفقه والمسانده لاستنكار وأصبح الذين كانو يضحكون ويتمسخرون فى حالة ذهول وشعرت سمر بالصدمه وصرخت مش انت إلى قولتى كده؟ طلبت انك تتجوزنى وحكيت ليا كل حاجه، احلف انك مقلتش كده، خليك راجل وقول الحقيقه بص جاسم ناحيت مروه، وأعاد نظره لسمر، انا قلت كده فعلا لكن مكنتش اعرف انك انسانه رخيصه شريره هتفشى السر إلى انا قولته ليكى صرخت سمر بشماته يعنى الهانم مكنتش بكر رشيد لما اتجوزتها؟ | ||||
|
| |
 |
| أدوات الموضوع | |
| انواع عرض الموضوع | |
|
|
15Likes
العرض العادي
