19-03-24, 03:52 AM
| #1 | |||||||
|  حكايات عجوز ممكن يابنتي علبة المناديل من على السفرة.. سنييييف.. شكراً الإفلونزا هتموتني.. كتير منكم سألوني ياترى هل أنا اتجوزت؟ الإجابة هي نعم.. أنا اتجوزت وربنا رزقني ببنوتة اسمها(شذى).. كانت كل حياتي بس ربنا سبحانه استرد هديته.. الله يرحمها.. وبعد كام سنة انفصلت أنا وزوجتي.. بتقول إيه.. ماتت إزاي؟؟؟ بنتي كانت بتعشق العرايس.. عرايس كتير وفي كل مكان.. كل عروسة لها شكلها واسمها.. كانت بتمارس الأمومة على نطاق ضيق.. من ضمن العرايس دي عروسة شكلها مُقبض..راسها صلعة.. نص وشها أسود كأنه متفحم..حتى بعد أما صلحناها وغيرنا شكلها كانت غير مريحة نفسياً.. اتخلصنا منها بأكتر من طريقة.. رميناها في الشارع.. كسرناها وحرقناها.. لدرجة إني سافرت بالعربية محافظة تانية ورميتها في البحر.. كل مرة كانت بترجع تاني.. استسلمنا للأمر الواقع وأقنعت بنتي إن العروسة زى كل عرايسها بس شكلها مخيف شوية .. أوقات كنت بحس إنها بتراقبني لكن ماصرحتش بنتي بكدا طبعاً وفى ليلة سودا سمعت بنتي بتعيط.. نمت جنبها وسألتها عن سبب عياطها فقالت إن العروسة بتكلمها وتخوفها وكل ليلة بتسمع خطوات عند باب الأوضة.. خدتها في حضني وحاولت أهديها وخرجت من أوضتها.. فوجئت بالعروسة مرمية عند الباب.. مين رماها؟؟ أكيد شذى.. كل يوم أسمع عياط بنتي وكالعادة أخدها في حضني لغاية أما تنام.. ليلة موتها سمعتها بتعيط لكن كنت مرهق من الشغل ومنمتش خالص.. سمعتها وطنشتها.. مراتي كانت نعسانة في عالم أخر فمسمعتش حاجة... سمعت عياطها المستمر وكسلت أقوم أشوفها ونمت.. بعمق. الصبح صحيت على دقات هتكسر الباب... طاق..طاق..طاق.. قمت مفزوع وفتحت الباب.. لاقيت جارتنا بتعيط وبتطبطب على كتفي.. في إيه؟ مسحت دموعها وقالتلي شد حيلك.. حيل مين؟؟ أبويا أو أمي جرالهم حاجة.. أشد حيلي ليه؟؟ قالتلي إنهم لقوا بنتي على الرصيف وفي آثار كدمات على وشها.. أما عاينت جثة بنتي كنت هكفر بالله..استغفر الله العظيم..يارب سامحني واجمعني معاها.. عملت إيه هي عشان تتعذب كدا.. كدمات في كل مكان على جسمها.. شعرها متقطع.. عينيها واحدة النزيف نشف عليها والتانية مفقوعة.. شفتها العليا مقطوعة.. صرخت بحرقة.. بنتي..حبيبتي..روحى.. جنب جثتها الطاهرة شوفت العروسة إياها.. كانت بتضحك.. العروسة قتلتها..أنا متأكد.. حاولت طول حياتي أتخلص منها.. لكنها بترجع تاني.. سبب انفصالي عن زوجتي هو دا.. رفضت فكرة الإنجاب..حالي اتدهور.. مطرود من شغلي.. لكن في النهاية اكتشفت طريقة أتخلص بيها من العروسة.. حطيتها في خزنة وقفلت عليها..طريقة فاشلة لكنها الوحيدة عشان متأذيش حد تاني... القصة خلصت لكن قصة العروسة هتستمر.. | |||||||
|  |
|
19-03-24, 06:04 AM
| #2 | ||||
| نجم روايتي 
|  مرحبا.أخي القصة رغم انها حزينة ومرعبة إلا انك احكمت حبكتها وسقت الاحداث بشل مشوق ومتدرج ولندع المنطقية جانبا فبعالم الادب والخيال كل شئ ممكن وغريبة فعلا ان قصص بعض اللعب او العرائس تتواتر بين الناس بل يتم تصويرها سينيمائيا وتحظي بنسب مشاهدة عاليه فهل فعلا ممكن لتلك العرائس ان يتلبسها شيطان مثلا؟ لا ادرى حقا...!؟ لكن قصتنا مفزعة وأليمة حقا والحال الذى وصل إليه والد الطفلة قليل بالنسبة لما عاناه وليت الدمية الشريرة تظل حبيسة الخزانة إلى الابد وإلا كان هو اول ضحية لها عن نفسي لا انام بمكان به دمي منذ شاهدت فيلم شاكي حمانا الله وحفظنا من كل ما هو غيبي لا نعلم عنه شيئا سلمت على القصة بسلاسة سردها ومحتواها دمت بخير | ||||
|
| |
 |
| الكلمات الدلالية (Tags) |
| حكايات،عجوز،هادم،الاساطير ،خرابيش،محمد |
| أدوات الموضوع | |
| انواع عرض الموضوع | |
|
|
2Likes
العرض العادي
