19-09-09, 08:03 PM | #102 | |||||
نجم روايتي وكاتبة ومحررة لغويه في قلوب أحلام وكاتبة في قسم قصص من وحي الأعضاء
| اقتباس:
و انتي طيبه و بصحه و عافيه يا حبيبتي | |||||
19-09-09, 09:21 PM | #103 | ||||
نجم روايتي وكاتبة ومحررة لغويه في قلوب أحلام وكاتبة في قسم قصص من وحي الأعضاء
| اليوم الاخير عودة وحش الشاشة و مفاوضات العيدية كان البيت مقلوب من ترتيب لتنضيف و لا كأننا كنا عاملين حملة نضافة من يومين... و ماما بقه كانت متوصية بالفطار بطريقه رهيبه و لما سألتها بصتلي كأني جاهل و قالت: - إنت مش واخد بالك إن باباك جاي النهرده؟ - يعني جاي من جزر القمر ده الجامع على بعد 4 شوارع... محسساني إنه كان مسافر بقاله 10 سنين دول يادوب 10 أيام . - يا سلام؟ يعني بذمتك ما وحشكش؟ - لا يا ماما ده أنا محسيتش بالـ 10 أيام دول. - مفيش فايده فيك أنا سايباك ترغي و رايحه أكمل طبيخ... إنت معطلني. قعدت قدام الكمبيوتر.... بابا هيرجع تاني؟ بيني و بين نفسي كده... فعلا الراجل ده وحشني... بقالي 10 أيام مش لاقي حد أحرق دمه و لا طوفاني أنا وهوه حوالين السفره في مطارداتنا اللي أفظع من مطاردات توم و جيري. صوت دبدبه و دوشه... في ايه؟ ده صوت رقيّه: - بابا جه... بابا جه. طلعت الصاله لقيت رقيّه متشعلقه ف رقبة بابا و رعليّه و تحيّه عمالين يتنططوا حواليه... ايه الحنيه دي كلها؟ لما خلصوا سلامات جه نحيتي: - ابوك موحشكش ياد؟ - لا إزاي بقه... وحشتني يا بابا. - ومالك بتقولها من دون نفس كده... تعاله هنا اديني حضن. حضنته و بعد لما عصرني جامد سابني مقطوع الأنفاس اتلفت لماما و بربش برموشه: - إزيك يا أم مرعي؟ - الحمد لله إزيك إنت يا أبو مرعي؟ أم مرعي و أبو مرعي... احنا فينا من كده؟... لا لا انا متقرطسش و أنا واقف...وقفت بينهم قاطعاً اللحظة الرومانتيكيه : - ماما مش نركز شويه في الأكل... و لا هتفطرينا رز محروق النهرده؟ لكزتني بكوعها كأنها بتقول (هادم اللذات) و انسحبت للمطبخ و بابا مسكني من ايدي و قعدنا في الصاله: - ها... قولي عملت ايه في غيابي؟ - كل خير يا بابا ...كل خير. - احكيلي. - معلش خليها بعد الفطار أصلي عطشان و مش طالبه كلام كتير. - لسه زي ما إنت لسانك طويل و عاوز قطم رقبتك. - وحشتني شتيمتك يا حاج. ضحك: - و عاوز قطع لسانك كمان. ************************ فضلت مجرد متفرج لما البنات خلصوا و توصلوا للعيدية اللي ترضيهم و لما راحوا على اوضهم دخلت على وحش الشاشه: - بابا. - ايوه يا مي مي. - بالنسبه لموضوع العيديه. - إنت كماااان؟ - ايه اللي انا كمان؟ هوه أنا مش ابنك و لا ايه؟ انت لاقيني قدام الجامع؟ - ولددددددددد ماما جت جري: - ايه يا حاج هوه أنا اسيبكم مع بعض شويه تمسكو ف بعض. - شوفي ابنك بيقول ايه؟ - شوفي بابا بيقول ايه؟ ماما بارتباك: - متتكلموش مع بعض علشان أفهمكم. - يا ماما بابا مش عاوز يديني عيديه. - لا يا حاج ملكش حق. بابا بعصبيه: - إنتي هتيجي معاه عليا. - بص يا بابا طلعها من الموضوع ده.... خد بالك انا هاخد عيديه يعني هاخد عيديه. - خلاص هديك..... و قال رقم خلاص اصرخ: - نعععععععععععععععععععععععع عععععم.... و جاي على نفسك ليه؟ - ولد احترم نفسك و وطي صوتك و إنت بتكلمني. - بص كده يا عم عرب أنا مش هاخد اقل من 150. بعد شويه تهزيق على زعيق على تهدية من ماما توصلنا للمبلغ اللي أنا أساسا كنت راسم عليه: - خلاص يا ابو السيد هتديني عامود؟ من بين سنانه و بصوت واطي: - ماشي. - ها؟ مش سامعك. - ماشي. - بتقول ايه يا بابا؟ - بقولك ماااااااااااشي... يلا غور من وشي. نطيت عليه بوسته و أنا عارف إنه مش طايقني بس اتلزقت فيه رخامه: - كل سنه و انت طيب يا عرررررررررررب. كده اشطه هاخد من بابا 100 جنيه و هاخد من ماما زيهم و بارك الله فيما رزق و لو رحت البلد هتراخم على عمامي و هأدبهم كل واحد ف نص عامود ....سبت بابا و دخلت الاوضه و أنا بغني... يا ليلة العيد آنستينا... و جددتي الأمل فينا يا ليلة العيد... و بكره العيد و نعيد و ندبحك يا شيخ سيد و نحطك ف الأروانه و نوديك السلخانه كان نفسي اقولكم عالعادة اشوفكم بكره بس للأسف رمضان خلص هتخلصوا مني خلاص بس بجد بجد هتوحشوني... سيداتي سيداتي...حقيقي هتوحشوني...أما بالنسبه للرجاله... مممممممم... بعد تفكير لقيت إنكم كمان هتوحشوني و كل سنه و إنتم طيبين | ||||
19-09-09, 11:54 PM | #104 | |||||
روايتي مؤسس ومشرفة سابقة وقاصة في منتدى قصص من وحي الاعضاء
| مى مى لأ خلاص هتسيبنا هنشتقألك كثير و ربنا العالم ... مى مى توعدنا أنو على أول يوم فى رمضان السنة الجاية تكون يومياتك الجديدة منورة فى روايتى >>> دى يومياتك اللذيدة هى اللى بتضحكنا و تحلى يومنا . و إذا على زاهرة إحنا بنكلمها و بنطلب منها إنها تخلى يومياتك الرمضانية عادة سنوية مثل فوازير رمضان >>> شو رأيك زاهرة ؟؟؟:icon30: زاهرة مشكورة على اليوميات العسل اللى فرحتنا طول رمضان و يا ريت ما توقفش لأنها عن جد لذيذة جداً ... و كل عام و الجميع بألف خير | |||||
22-09-09, 03:51 PM | #106 | |||||
نجم روايتي وكاتبة ومحررة لغويه في قلوب أحلام وكاتبة في قسم قصص من وحي الأعضاء
| اقتباس:
حبيبة قلبي الله يخليكي ياااااااااااارب مش عارفه أرد على كلامك الجميل و الزوق جدا بإيه و وعد مني يا هبه إذا الله أحيانا و كان ليا عمر رمضان السنه الجايه هيكون لينا لقاء مع يوميات ميمي شكرا على تشجيعك المخلص و متابعتك الغاليه | |||||
22-09-09, 04:00 PM | #107 | |||||
نجم روايتي وكاتبة ومحررة لغويه في قلوب أحلام وكاتبة في قسم قصص من وحي الأعضاء
| اقتباس:
و انتي طيبه و بصحه و عافيه يا روح قلبي مشكوووووووووووووووره حبيبتي على متابعتك الجميله و كل عام و انتي بخير و عافيه | |||||
22-09-09, 11:36 PM | #108 | |||||
| عيد مبارك سعيد با مي مي مرعي كل سنة وانت طيب بس احلى عيد وارق التهاني واطيب التمنيات لزاهرة المخلوقة الحلوة الرقيقة اللي حلت ايامنا في رمضان وعطتها نكهة خاضة الف شكر لك وان شاء الله نتلاقى مع مرعي في يوميات جديدة | |||||
23-09-09, 12:51 AM | #109 | |||||
نجم روايتي وكاتبة ومحررة لغويه في قلوب أحلام وكاتبة في قسم قصص من وحي الأعضاء
| و انتي طيبه و بصحه و عافيه تسلمي حبيبتي على زوقك اقتباس:
| |||||
أدوات الموضوع | |
انواع عرض الموضوع | |
|
|