|
مذكرات (طفله في جسد أمرأه ) * مكتملة * https://upload.rewity.com/uploads/1515934847031.gif تجميع فصول الرواية وتصميمها في كتاب الكتروني : كاردينيا73 الاغلفة الثلاث اهداء من (مسابقة كاردينيا73 للتصميم) بتصميم المصممات: ِِام توفي محمد الشلتاوي (شوق) *STRAWBERRY*ِ تصميم قالب الصفحات الداخلية : https://upload.rewity.com/uploads/1517948134285.jpg https://upload.rewity.com/uploads/151794813436.jpg https://upload.rewity.com/uploads/1517948134327.jpg رابط تحميل الرواية كاملة ككتاب الكتروني اهداء من وحي الاعضاء لسلسلة (كنوز وحي الاعضاء المنسية) يجب ان ترد لمشاهدة المحتوى المخفي ************************************* بسم الله الرحمن الرحيم مذكرات (طفله في جسد أمرأه ) صوت قادم من الماضي اتمنى الكثير يعيش معي هذي الحظات لنها من واقع الحياه والناس الحلقه الاولى 7/2/1999م كنت اشوفه بعيون خايفه هذا من ليش خلوني هني وهو ليش يطالعني بكره هم ارجعو يحبسوني من جديد بس مع من من هذا انا خايفه شفته يقعد على الكرسي ويمسح وجهه بكف ايده هو من انا امي تركتني معاه ليش ابي اروح العب مع عبادي ونوفوه وبعدين هذا الثوب يلعوزني ابي اشيله انا ليش مامي حاططلتي مثل باربي احنا بنروح حفله بس هذا من ليش خلتني بروحي وبعدين ليش قالتلي اسمع الكلام عشان ما تزعل انا لزم اسمع كلام مامي عشان توديني الالعاب مع عبادي ونوفوه بس انا جوعانه بطني يعورني يسوي صوت ابي اكل شفته يقوم خفت هذي ليش يشوفني كذي ابي اروح البيت اكو قرب مني يمه انا خايفه وش يبي مني انا ابي امي ابوي ابيهم هذا يخرعني سمعهته يقول :قومي بدلي ثيابج و انا بروح اجيب لج عشا تفهمين وش اقولج يارب وش هذي البلووووه الي ابتليت بها انتي تفهمين علي ولا لا ... رفعت عيني اشوفه هذا وش فيه خبل يفكرني ما افهم وش هو يقول انا افهم بس هو غبي ما يعرف يكلمني مثل ابوي وامي واخواني وشفيه هذا مينون هو:اخر عمري ابتليت بهذي المصيبه الله لا يبارك فيهم كلهم ..... هو من يقصد رفعت له يدي اقوله اني فهمت وش هو يقول بس هو مبحلق فيني و مو فاهم انا وش اقول هو ليش ما يفهم علي مثل ابوي وامي هو:يا بنت الناس انتي وش تخربطين بيدج حسبي الله ونعم الوكيل ....الله لا يبارك في من كان السبب الحين هذي شلون اتفاهم معاها قمت من مكاني ورحت اخذ ثيابي ورحت ابدل خلصت ولبست الي امي قالتلي عليه رحت ابطل الباب شوي شوي طلعت راسي اشوف المينون اهني ولا محد ابي اروح البيت ملل المكان طليت ما لقيته طلعت شوي شوي مافي محد راح زين احسن عشان اشغل التلفزيون ابي اشوف الكرتون قعدت على الكرسي ورفعت ارجولي الثنتين و قعدت اشوف توم وجيري انا احبهم واجد قعدت اضحك وبعدين سمعت الباب لفيت اشوف من الي جاي لقيت المينون على الباب ابيه هذي وش فيه قاعد مبحلق عيونه فيني خفت وخرت بعيد عن الكرسي ورجعت على ورا هو دخل وسكر الباب معاه شفت في يده اغراض بس هو عاده يخزني وش فيه انا ابي ارد البيت ما ابي اقعد مع المينون .................... ولنا لقاء مع ورقه جديده من مذكرات( طفله في جسد أمراءه ) روابط الحلقات الحلقة الاولى .. اعلاه الحلقات 2 ، 3 ، 4 .. اسفل الصفحة الحلقة 5 الحلقتان 6 ، 7 (الاخيرة) |
تسلم ايديكي حياتي عذاب بداية رااائعه و مشوقه ملاحظ صغيره : اسمحي لي كبرت الخط حتى تتميز اليومية |
اقتباس:
هلا ومرحبا فيك اخي الكريم سعوووووووووووود اسعدني تواجدك في دفتر مذكرات طفله و انا فخوره بتواجدك واتمنى بالفعل اني اكون عند حسن الضن ولك جزيل الشكر :blushing::blushing::blushing::blushing: |
الحلقه الثانيه (الورقه الثانيه ) قرب وحط الاكياس على الطاوله هذا عاده يطالعني ليش اوف انا ابي ارد البيت ما ابي اقعد مع المينون قاعد يخزني هو:يا سبحان الله صج لين قالو الزين ما يكمل هذا وش يقول قام يخربط من الي زين هو وش يقصد لقيته رد يطالعني من جديد هو:انتي تعرفين من انا ولا ما تعرفني لا حول الله انا اشلون راح اتواصل معاج ولا بفهم عليج لقيته يئشر لي على الاكياس يمكن عشان افتحهم قمت من مكاني ورحت صوب الاكياس وفتحتها ورفعت راسي اشوفه لقيته يطالعني بنظره غريبه اول مره اشوفها في حياتي خفت منه وخرت بسرعه وقعدت على طرف الكرسي بعيد عنه ابي ارد بيتنا شلون اقوله اني ابي ارجع البيت انا سمعت كلام امي و ما سويت شي ولا كسرت بس خلهم يرجعوني البيت ما ابي اقعد مع المينون يخفوفني ابي ارجع غرفتي احسن هو:انتي تعرفين انا من عذبه انا ولد عمج نواف... هو ولد عمي اي عم انا ما اعرف ان عندي عم لفيت صوبه وانا اطالعه شلون اقوله اني ما اعرفه وعن اي عم يتكلم عنه صديت عنه ابي اروح بيتنا نواف:عذبه قومي عشان تنامين بكره راح نرجع البيت استانست بنرد بيتنا فرحت يعني برجع هناك ابتسمت بفرحه له وقمت خلاص بنرد البيت دخلت غرفه النوم وقعدت على طرف الفراش هذي ليش دش معاي ليش ما يروح مكان غيره لقيته يفصخ ثوبه وغترته واعقاله ويحطهم على الكرسي خفت وحسيت بحراره ابي اطلع التفت علي و قام يضحك انا خفت رفعت رجولي وخشيت وجهي نواف:لا انا اكتشفت انج تستحين اجل انتي طبيعيه مو خبله على قوله امي ........... الخبل هو امه ما غيرهم ليش يقول عني خبله انا اكرهه :blushing::blushing::blushing::blushing: لنا لقاء في ورقه جديده |
هههههههههههههههههه بجد ضحكت لما قال : نواف:لا انا اكتشفت انج تستحين اجل انتي طبيعيه مو خبله الحين الحيا عمله صعبه للاسف و صارت اللي مو طبيعيه هي اللي تستحي !!!! و الله يسلمك اختي لا تقطعين اليوميه بنص اليوم كمليها يوم بيوم :) ننتظرررررررج بكل شوق |
اقتباس:
حياك اخي الكريم في اوراقي صدقت ان الي تستحي تصير مو طبيعيه اختلف الزمن واختلفت الناس صار كل ما هو يمت للحياء و الدين شي مو طبيعي اكيد ما راح اقطعها و ما راح يمنعني عنها غير الشديد القوي تحياتي لك وتسلم على المتابعه و الردود الحلوووووووووووووووووووه تسلم :blushing::blushing::blushing::blushing: |
الحلقه الثالثه (الورقه الثالثه) لقيته انسدح وعطاني ضهره بعدت شوي وسحبت الملحف عشان المكيف بارد هو ماخذه كله عني لقيته لف علي طالعته بغضب انا ما ابيه ينام اهني ابيه ينقلع برع انا اكرهه لقيته يطالعني بنظره غريبه نواف:وش سالفتج نامي عشان بكره ماشين طالعته وابيه يروح ما ابيه يرقد اهني ما ابيه نواف:اشفيج نامي احسن لج والا اقولج انام انا صد عني ورقد وخرت عنه وتغطيت انا خايفه وغطت عيني سمعت صوت مو صوت امي اوف صوته يعور اذوني فتحت عيني لقيته يطالعني وعيونه حلوووووووووه بس هو كله يخز وخلاص سمعته يقول :قومي صلي ولا ما تعرفين تصلين ....... هذي غبي صج شلون ما اصلي انا مامي علمتني اصلي خمس مرات الصبح و الضهر و العصر و فليل هوغبي ما يفهم وخرت عنه ورحت الحمام عشان اتوضى و اصلي طلعت ما لقيته احسن رحت اصلي وبعدين خلصت سمعت الباب ليقته داخل نواف:عذبه البسي عبايتج وجيبي اغراضج بنروح البيت استانست راح اروح عند امي قمت بفرحه ورحت اشيل اغراضي وادور هذي العبايه تلوع كبدي ما اعرف البسها بس امي روتني شلون البسها رحتله في الصاله لقيته يطالعني ويضحك هو ليش يضحك على حمار ......... نواف:لا تطالعيني بغضب انتي لبسه العباه مقلوبه تعالي اعدلها لج شفته يقرب مني ويشيل العباه عني ويعدلها ويلبسني اياها وعيونه ما تحركت من علي حسيت يده تلمسني دافيه و خرت عنه بسرعه نواف :يلا هاتي الشنطه وغطي وجهج وامشي وراي فاهمه اوف منه كله بس يبربر صدع راسي كنه بالع رادو مشيت وراه وطلعنا برع هذي المكان انا اول مره اشوف هذي المكان قربت منه بخوف وانا اشوف الناس انخشيت وراه التفت علي بسرعه نواف:عذبه وش فيج ؟؟؟؟ (((و اهني ابتدت تطلع لنور شخصيه جديده غير الي ادخلت ))) :Eat_012: :Eat_012::Eat_012: ولنا لقاء مع ورقه جديده من مذكرات( طفله في جسد أمراءه ) |
لقد سألوني ماذا أقرأ قلت أقرأ أجمل الأوراق سألوني وماذا تحوي وهل تجرأ قلت مذكرات طفلة لها أجمل الأخلاق ومن كاتبها ومن ذا الذي يجرأ حياتي عذاب كتبت وهيجت الأشواق فعلا يالغالية.. لقد قرأت أجمل الأوراق لقد أشتقت لهذه الطفلة ذات البرأ أشتقت لزمن أنعدمت فيه الأخلاق فسلمت وسلم قلمك وأفكارك الجميلة وطرحك الرائع لك كل الشكر والتقدير أختك المحبة عذبة التجريح :gdance: |
اقتباس:
يا هلا و غلا اسفرت وانورت والله اخجلتيني اختي العزيزه بصراحه على هذا الكلام الحلووووووووو من شخصيه احلى اسعدني تواجد كاتبه مثلج في اوراقي الي تشرفت بج تحياتي لج الغاليه :blushing::blushing::blushing: |
الحلقه الرابعه (الورقه الرابعه ) نواف:عذبه وش فيج ليش خايفه عذبه طالعيني ما راح يصير شي انا معاج عذبه ........ كنت خايفه من هذول الناس انا ما عمري شفت ناس غير امي وابوي واخواني و مدرستي انخشيت وراه ومسكت ايده انا خايفه ليقته شد على يدي ويطالعني بتشجيع نواف:تعالي اركبي عشان نمشي الناس تشوفنا واحنا مرتزين يلا اركبي ركبت السياره وانا عيني عليه وهو يركب جنبي احس بالامان بس بعد خايفه ابي ارد بيتنا ابي غرفتي ما ابي اشوف حد غير اهلي ضليت اشوفه وين راح يوديني لقيته دخل بيت مو بيتنا بس انا ابي بيتنا وقف السياره ونزل وجا عند بابي وفتحه نواف:عذبه انزلي هذا بيتنا..... بس هذا مو بيتنا قلتله انه مو بيتنا بس هو ما يفهم نواف :عذبه انتي وش اتأشرين عليه انزلي خلصيني ...عذبه اوف ليش يصرخ علي خرعني نزلت بسرعه اخاف يسوي لي شي مسكني من يدي انا ما احب احد يلمسني جريت يدي من يده بس هو مو راضي يهد يدي طالعني بغضب نواف:من ساعه كنتي ما سكه يدي الحين ماتبين مو بكيفيج يلا امشي خلصني مو فاضي لدلعج .... دخلنا مكان واسع وبارد سمعته يصوت وينادي نواف:يمه مناير وينكم فيه يمه ....... رفعت عيني وشفت بنت نازله من الدرج بسرعه وتصرخ وراحت لوت على الي احذاي هذي ليش تلوي عليه من هذي اي انا شفتها امس فليل مع مره اكبيره بس منهي نواف:بس فغصتيني وين امي مناير:اخوي حياتي مبروك يا المعرس والله لك وحشه يا الخاين نواف:ههههههه خاين مره وحده ليش عاد مناير:يعني ما تقول انك جاي فكرنا انك بتقعد لك كم يوم نواف:لا وش كم يوم وهذي شلون اتفاهم معاها انا ما قدرت اقعد معاها يوم فما بالج كم يوم فكيني وين امي مناير:بتنزل الحين اقول نواف شلون فهمت عليها يعني شلون......... نواف:قليله ادب روحي الحين من ويهي بروحي روحي في خشمي هذول وش فيهم يتكلمون عني يفكروني ما افهم على كلامهم اغبياء طالعته بغضب قعدت على الكرسي بعيد عنه رفعت عيني لقيت نفس المره الكبيره داخله وهي تطالعني بغضب هذول وش سالفتهم هم و المخبول ذاك اوف انا مليت قام وحب راسها ويدها طالعني بس انا صديت سحبني من يدي بقوه وقفني جدام المره نواف:عذبه هذي امي سلمي عليها وحبي راسها سلمت عليها بخدي بس ما حبيت راسها ورحت قعدت بعيد رفعه امه:البنت ما فهمت عليك اويل قلبي عليك يا وليدي عمك الحقير زوجك بنته الخرساء الي حابسها سنين وبلاك بها يوم شافك راهي وعندك خير حسبي الله عليه بلاك بمره خرساء شلون راح تتفاهم معاها شلون راح تاخذ بحسك حسبي الله عليه من رجال ورطك فيها جدام الله وخلقه نواف:يمه الي صار صار خلاص وبعدين هي مرتي الحين وانتي تعرفين ليش خذتها ما كان راح يعطيني ورثي من ابوي الا لما اتزوج بنته امه : يا وليدي احنا مو بحاجه للفلوس انت عندك خير نواف:لا يا امي انا لو عندي خير بس هذا حقكم و حق اختي من ابونا وبعدين البنت ما عليها قصور حلووووووووووه وكذا احسن عشان ما تصدعني بحنت الحريم مالت عليه وعلى امه فوقه هو وش فاكر نفسه اوف بس يقول ابوي عطاني اياه ليش انا ابي ارد بيتنا ما ابي اقعد عندهم هذول مستخفين فيني يفكروني ما افهم عليهم امه:هي من ناحيه الزين ما عليها كلام بس هذا صج الي ينقال فيها الزين ما يكمل حلاه ومافي شي كامل غير وجه سبحانه مناير:صدقتي يمه وربي انا ما شفت في حلتها ما شاء الله يا اخوي حرمتك تعق الطير من السما بس خساره صج الزين ما يكمل .... اوف انا مليت كله بس يتكلمون صدعو راسي قمت واقفه اطالعه لقتيهم التفتو علي قلتله ابي اروح عند امي ما ابي اقعد عندهم وش فيهم يطالعوني كذا كنهم ما يفهمون اوف هذول وش فيهم امه:اولدي مرتك وش تخرطف بيدها .... نواف:تراها طول اليوم كذا بيدها ما ادري وش تسوي مناير:يا اخوي ليكون تكلمك وانت مو فاهم عليها نواف:خبله انتي تكلمني شلون وهي ما عندها صوت مناير:يا اخوي يمكن هذول الي ما يتكلمون يحركون يدهم بالاشاره هذي لهم لغه خاصه بهم الصم والبكم نواف:معقول بس ابوها ما قال انها تتكلم لغتهم يمكن انا لزم اسئل مناير :اي اسئل يااخوي منت خسران شي على الاقل تعرف تتعامل معاها ......... هم وش فاكرين انا جايه من كوكب ثاني يتكلمون عني وكني مو موجودة انا اكرهم ما ابي اقعد معاهم اصعب شي تقعد مع ناس تضنك ناقص وتشوفك بشفقه انا ابي مدرستي مسز منال هي تعرف تكلمني ولنا لقاء مع ورقه جديده من مذكرات( طفله في جسد أمراءه ) |
واااااااااو بجد انا مش بدخل هنا كتييير بس بجد مذكرات رووووعه ياعسسسل كملى بجد ربنا يوفقك |
اقتباس:
مرسي غاليتي وربي كلامج شي يسعدني معناته ان اوراقي شدت الانتباه انتي العسل و تواجدج هو العسل :amwa7::amwa7::amwa7: |
هلا وغلا حياتي اشوف المنتدى زايد نوره مادريت انك منورتنا :eh_s(7): مليون مرررررررررررررررررررررررح با >>>كنها متاخره:sly: قصتك رووووووووووعه وفكرتها حلوه كثييييير اكثر ماشدني في البداية العنوان واسمك قلت يمكن تشابه اسماء وخاصة اني متابعه قصتك جروح من روح المياسه>>بس للاسف صار لك فترة منقطع عنها: icon_smile_wailing::icon_smile_wailing: بس ان شالله تكمليها بعد قصتك الجديده بصراحه انشديت الها اكثر وعجبتني شخصية عذبة رغم الغموض الي يحيطها في انتظار حلقاتك المتميزة بكل شوق:eh_s(7)::eh_s(7): |
اقتباس:
يا هلا و مرحبا فيج والله انتي الي نورتي اوراقي لي الشرف الغاليه اما عن روايتي الاولى وقفتها بس ان شء الله راح اكملها اذا الله احينا تسلمين :blushing::blushing::blushing::blushing: |
الحلقه الخامسه(الورقه الخامسه ) اشوف المكان حلووووووووووووو مره بس غرفتي في بيت ابوي احلى قعدت على طرف الكرفايه الفراش ناعم وححلوووووو قطيت العبايه وركبت على الفراش وقمت انط عليه احب انط على الفراش سمعت صوته يضحك علي وقفت عن النط وطالعته لقيته طالع من الحمام ومتسبح و خرت عيني عنه ورحت بعيد نواف: انا متزوج بزر تنط وتهبل الدنيا هههههههههههه ليش كان كملتي صج بزر........... احتريت عليه ودي اقوم اضربه ليش يضحك علي طلعتله الساني وهو معطيني ضهره وفجئه التفت وشافني دخلت الساني بسرعه وخفت يجي يضربني مثل خلوف اخوي لين سويتله كذا نواف:شكلي راح ابتدي تربيتج من اول وجديد يا بنت فيصل هذاواحد مخرف يبي يربني من جديد يروح يربي نفسه احسن له نواف:خلصي بدلي ثيابج امج وابوج راح يجون عقب المغرب انا سمعته قال امي وابي نطيت من على الكرسي ركظ على الحمام راح ارجع مع امي وابوي ما راح اقعد اهني مع هذول الي يتكلمون عني ويفكروني ما افهم عليهم هم اغبياء ما يعرفون شلون يتكلمون معاي خلصت لبس وسمعت الباب يندق رحت له و فتحته لقيت اخته واقفه وتطالعني وهي فاتحه حلجها هذي وش فيها مناير:لا ما نقدر احنا على النعومه هذي والزين والله صار لنا منافسين تعالي انزلي ابوج وامج تحت اول ما سمعت ابوج وامج رحت ركظ على تحت ودخلت الصاله لقيت امي و ابوي رحت طيران في حظن امي ودموعي تنزل حصه:حبيبتي ليش تصيحين اشتقلتج يا بعد عيني البيت بدونج ولا شي لقيت امي تصيح يوم هي تبني ليش خلتني مع هذي الي اكرهه فيصل:ما راح تسلمين على ابوج يا عذبه ولا ما اشتقتيله شلون ما اشتقلته هذا بابتي احن انسان في الكون قطيت روحي في حظنه وهو يمسح على راسي رفعت راسي يوم شفته يدخل الصاله وخرت بسرعه عن ابوي ورحت عند امي قعدت جنبها لقيته يسلم على ابوي و يحب راسه بس كنت حاسه ان في المكان توتر هو يطالع ابوي و ابوي يطالعه ابوي :السموحه يولد اخوي انا غلطت في حقج ومنك السموحه نواف:في ايش غلطت يا عمي في شرطك العجيب ولا هذي وهو يأشر علي ما قلتي ان بنتك خرساء ما تتكلم ليش ليش يا عمي يا اخو ابوي ليش ابوي :يوم شفتك ما صدقت عيوني اخوي جدامي الغالي جدامي عمر راح و امك ما خذتكم بعيد والحين اشوفك جدامي رجال مالي مكانه يوم قلتلي انك تبي ورثك فكرت في بنتي وحديتي الي مالي غيرها ومالها غيري صج عندها اخوان بس كل لهي في حياته ونسوانه وعيالهم قلت محد بيحفظها غيرك محد بيصونها غيرك وراح تحافظ عليها عشان كذا شرطت اعطيك ورثك بزواجك من عذبه بس طول البارح وعيني ما غطت حسيت اني ضلمتك وضلمت بنتي اسمعني يا ولدي اعتبر الزواج هذا ولا كنه صار وانا بخذ عذبه و رثك بيوصلك لين عندك وسامحني مره ثانيه يا ولدي نواف:ممكن سؤال يا عمي ؟؟؟؟؟ ابوي :تفضل يا ولدي نواف:انت ليش فكرت فيني ليش ما خفت اني يمكن اذيها او اسوي شي فيها ابتسم ابوي "ياولدي الشيب هذا يخليني اعرف الناس و مخابرهم من نظره والي شفته انك رجال من ضهر رجال وراح تصون الامانه الي راح اعطيك اياها بس الحين ما ابي اضلمك تعيش مع عذبه وهي ما تقدر تتكلم وتاخذ بحسك مع انها في كل شي طبيعيه وتقدر تكلم بالاشاره انا منعتها عن الناس عشان محد يجرحها او يخرب نفسيتها ضلت طول عمرها في البيت وسط اخونها محد يقرب صوبها لكن انا رجال كبير في السن واليوم انا فيالدنيا وبكره تحت الاتراب اخاف يضلمونها اخوانها ونسوانهم الي انا منعهم عنها بس لين مت من بيمنعهم عنها امها مره كبيره وماعاد في العمر كثر الي راح حبيت احافظ عليها عندك بس الحين لا انا خابف اني ضلمتك وضلمتها عشان كذا اقول انا بخذها وهذا الزواج ولا كنه صار نواف:بس هذي زوجتي وانا ابيها و ما بفرط فيها و الزواج صار وانا مني بضايمها بالعكس الي اشوفه منها انه فرس جموح يا عمي رغم سكوتها ضحك ابوي بصوت عالي :ههههههه هي اشتغلت عليك بعصبيتها عارفها بنتي يا ولدي ترى عذبه مثلها مثل اي بنت طبيعيه وهي طفله في مشاعرها و احسيسها وصدقني اذا قدرت تكسب قلبها راح تعطيك من روحها :Eat_012::Eat_012::Eat_012::Eat_012: ولنا لقاء مع ورقه جديده من مذكرات( طفله في جسد أمراءه ) |
السلامـ عليكمـ يسلموو ياقمر و اخيرا عرفنا قصة عذبه >> بكماء >> الله يشافي مرضاء المسلمين .. واللي فهمت ان الي عندها نقص نضج اجتمااعي يعني محلولوه شوي شوي ممكن تكون افضل وتفهم الدنيا ونواف اعجبني كثير موقفه من بنت عمه و عمه حلو بس هل بيكون قد المسئوليه و بطلع عذبه من حالاتهاا ويخليها تفهم الدنيا صح وممكن يتعلم لغة الاشارة عشان يتفاهم معهااا :": و موفقه ياااارب و عساك على القوووو مــ ع أرق التحايا ا`•.¸ ¸.• ( `•.¸ `•.¸ ) ¸.• ) (.• ר) أختكم (¨`× ¸.•¸.•¨) (¨`•.¸`•.¸ (¸.• ( *بــــح ـــــر الــــــ ن ـــــدى * ) `•.¸) (¨`•.¸`•.¸ ¸.•¸.•¨) ` •.¸) ^_^ |
اقتباس:
هلا و مرحبا فيج اختي الغاليه اسعدني تواجدج الحلوووووووووو |
:tears: :tears: :tears: حرام الي يصير حق عذبه ابوها قاعد يلعب في حياتها مره يزوجها ومره يبغى يطلقها ليش هو بكيفك ياشيخ :icon28: المفروض قبل ماتقرر اي قرار تفكر فيه مليون مره لكن الحمدالله نواف ماوافق على كلام عمه بس السؤال هل راح يقدر يتحمل عذبة وتصرفاتها الطفوليه ويستمر معها او راح يندم على قراره ويرجعها لاهلها عذبة :: برائتها وعفويتها تجنن الحمدالله كنت احسب ان عقلها متاخر في النمو لكن طلعت تصرفاتها نيتجة بعدها عن العالم الخارجي وعدم اختلاطها بغير امها وابوها تنتظرها وتنتظرنا مواقف حلوه وهي تتعرف على العالم الجديد :Ts_011: https://img291.imageshack.us/img291/9...4da701fqe7.gif |
رائعه بل اكثر من ذلك |
اقتباس:
انتي اتشوفين ان ابوها يلعب بحيتها انا ما اعتقد ان معاج مره يزوجها ومره يبي يردها بس لا تنسين شي هو مثله مثل اي اب في الدنيا يتمنى بنته تكون في كنف الي يحفظها ويصونها و ما يئذيها و خاصه بالحاله الي هي فيه وتراجعه كان من خوف عليها لا اكثر ومن معزتها وغلاها عنده يعني له العذر ايوا كذا الحين عجبكم نواف صح لا ابشركم بيعجكم زود تحياتي للجميع و اليوم في بارت او الورقه قبل الاخيره |
اقتباس:
شكراً والله تواجدكم معاي و تشجيعكم هو الي رائع :blushing::blushing::blushing::blushing: |
الورقه ما قبل الاخيره "(الاهداء) زوجي العزيز حبيبي الى من علمني الحب والحياه الى الذي ابقاني في حياته و رغم اعاقتي كيف استطيع ان اعبر لك عن مكنونات قلبي ومشاعري التي لم ولن يحركها غير وجودك في حياتي لقد اعطيتني الكثير وبدون مقابل قبلت بي و بعاقتي وصنعت مني المراءه التي هي موجوده اليوم اخرجت تلك الطفله الى النور ونفظت عنها روكام الطفوله لتخرج الانثى الى الحياه لكي تحب وتعشق و الى من علمني ان اعاقتي لا تقف امام احلامي وطموحاتي لقد اخرجت الى النور و الحياه امرءه خلقت لتكون لك لتكون لحبك كم تمنيت ان اقولها وتسمعها مني كم تمنيت ان اقولها بعلو الصوت أحبك لا اصدق مرور الثلاث سنوات و انت تشد من ازري وتساندني و تقف معي في كل صغيره وكبيره دفاعك الدائم عني وعن وجودي في حياتك احس ان قلمي ويدي تعجز عن التعبير عن مدى حبي ومشاعري وفخري بوجودك لذلك كتبت لك هذا رغم اني اعرف انك سوف تضحك من كل قلبك على ما كان يدور في خاطري من غضب و عصبيه و ستقول لي كعادتك عذوب كل هذا في راسج من سب حبي اهديك اوراقي التي هي من نفسي ومشاعري من حبي لك و فخري بك فشكراً على انسانيتك و رجولتك زوجتك المحبه عذبه |
بارك الله فيك أختي الحبيبة على هذه الأوراق الرائعة ويكفي إن صاحبة الأوراق إسمها عذبة فهي فعلاً عذبة بصفاتها وبطفولتها ولكن مايحزنني إنها ستكون قد شارفت على النهاية ووددت لو إن هذه الأوراق قد خطت بإسهاب عن حياتك ياعذبة وخالص حبي وتقديري لك أختي حياتي عذاب الحبيبة أختك ومحبتك عذبة التجريح |
السلام عليكم..قريت بداية القصه وان شالله اكملها ..سي يو |
اقتباس:
يا هلا و مرحبا فيج عذبه التجريح و على تواجدج الحلووووووووووو اختي الغاليه انا لو سو يتها مثل باقي القصص ما كانت رح تكون مثيره و مشده مثل الحين وبعدين حبيت انها تكون نهايه مفتوحه وتكون لكم انتو حريه تخيل حياه عذبه مع نواف و المجتمع وهذا هدفي الاساسي و شكرا لكم جميع |
اقتباس:
حياج معانا ضيفه جديده و اسعدني تواجدج وانتظر تعليقج على الروايه :blushing::blushing::blushing: |
بجد هى اوراق وخواطر روووعه ياقمر يااريت تكملى فيها وبعدها كمااان ثنكيوووو |
اقتباس:
مرسي غاليتي على ذوقج الحلووووووووووووو و الكلام الاحلى تسلمين يارب:blushing::blushing::blushing::blushing: |
(الورقه الاخيره) غلفت الاوراق وحطيتهم جنبي وفجئه شفت الباب انفتح لقيته معصب على الاخير ابتسمت نواف:عذبه تعالي اخذي ولدج صدعني بصراخه مو مخليني اخلص شغلي ابتسمت وقمت رايحتله اشيل ولدنا الاصغير من يده قلتله هاته وروح انت كمل شغلك شليت ولدي وحطيته على الارض احذي وقعدت اكمل دروسي بكره علي امتحان مهم عشان يعادلون لي الشهاده الدراسيه وزوجي نواف ما قصر معاي دخلني معهد لتدريس الصم و البكم و هو دخل معاي عشان يتعلم لغه الاشاره وصار هو احسن مني فيها محد يصدق ان الانسانه الي تزوجها هي الي تدرس وتتعلم وتخالط الناس و المجتمع وصارت حياتي غير بمجرد وجوده هو فيها بدلها و غيرها وزرع بداخلي الثقه و الحب و الاصرار و التحدي قعدت العب ولدي خالد لقيته جاي وقعد جنبي طالعته نواف:وش فيج تطالعني بهذي الاعيون المفعوصه عصبت عليه وصديت عنه نواف:ههههههههه فديت انا الي يزعلون ليش البوز عشر اشبار طالعته وقلتله انت مو تقول ان عندك شغل روح كمله وخلني مع خالوددددددي و دروسي نواف:الا علىطاري دروسج جاهزه حق بكره تبين اساعدج في شي لقيت ان هذا انسب وقت اعطيه فيه الهديه مديت يدي وسحبت الهديه وعطيته ايه قعد يطالع فيها وفيني مستغرب نواف:عذوبي حبي انا ما اذكر في مناسبه حق الهديه اليوم لا عيد زواجنا ولا عيد ميلاد ولا عيد من اي نوع شنو مناسبه الهديه لمست خده بحب وحنان غمض عينه مع لمسه يدي نواف:عذوبي حياتي شكلي بسفر خلوووووووود عند امي اعقلي يا مره ولا راح اتهور واخليج بكره ميح في الامتحان احبه و احب لحظات التهور الي يعيشني فيها احب لحظات الجنون الي يغمرني بها واستمتع فيها احبه بكل ما فيه من عذوبه ومن حنان احس بلمسته ترد الروح فيني احس اني ارتوي من فيض حبه حتى في لحظات الغضب اعشقه هذا رجلي وحلمي اخذت يده ودفنتها بصدري ورفعتها وحبيتها نواف:عذبه حياتي فيج شي قوليلي صاير شي قلتله مو لزم ان يكون في مناسبه عشان اهديك بس هذا شي بسيط يعبر لك عن حبي ومشاعري افتحها نواف بأبتسامه حب: حاظرين للغالين كم عذبه عندي ابتسمت وانا اشوفه يفتح الاوراق ويقراها وضليت ساكته اشوفه وهو يقرها و مثل ما توقعت لقيته انسدح وهو ميت ضحك و مو قادر يمسك نفسه حتى خلووووووودي تخرع من ضحك ابوه نواف:ههههههههههههههههه عذوب الله يغربل ابليسج كل هذا في راسج طلعت خبل و ما افتهم ولا وبعد اغبياء لو انا داري بهذا كله كان رويتج من اول ليله افكرج ما تفهمين شي طلعتي داهيه و مينون وربي كان ذبحتج ومطرشج على بيت ابوج لقيته سكت مع الاهداء ويقرى بهدوء رفع راسه وحط الاوراق على جنب نواف:هاتي خويلد وخلج مكانج انا بوديه عند امي وبعود مو تشردين ياويلج خذ خالد وطيران على برع والله فكره لو الواحد يشرد بس وين مافي مكان في البيت ما يعرفه هههههههه احسن لي اقعد لين يرجع كملت قرايه لقيته داخل وقعد جنبي وبهدوء سحب الاكتاب من يدي نواف:و الحين يا حرمي المصون فينا نكمل الي كنا انسويه وهو يقرب مني دفيته بعيد وقلتله اعقل لحد يدخل علينا نواف:اقص ريله الي بيجي يقطع خلوتنا والحين قربي سحبني وضمني لصدره وهو يمسح على شعري بحنان وحب نواف:انا مو محتاج اسمعها منج يكفيني اني اشوفها في لمعه عيونج في مبسمج لم تبستمين لي بحب لما تلمسيني بكل دفى و رقه العالم انا اخترتج في حياتي مو شفقه ولا عطف لا انا شفت فيج الحلم و امل شفت فيج طهر و البراءه ولقيت في عيونج الاصرار و التحدي كل يوم عشناه مع بعض كان قمه في الروعه وانتي السبب فيه وتقولين ليش احبج انتي اضويتي دنيتي و غيرتي فيها اشياء كثير و اعطيتني من قلبج و مشاعرج وعطيتني خلووووووووودي وش ابي اكثر ...... كانت دوموعي على خدي احلى شي في الكون انك تلاقي الانسان الي يكملك ويوقف معاك في درب الحياه ويده بيدك ويوصلك لبر الامان تعيش معاه احلى و اعذب الالحظات و مينتقص منك عشانك انسان ناقص او فيك عيوب يتذكر قبل كل شي انك انسان مثلك مثله من حقج تعيش وتحب وتمارس الحياه بحريه بدون قيود ....... النهايه مثل كل شي في هذي الدنيا له بدايه لزم يكون له نهايه واحنا وصلنا الي النهايه نهايه قصه بس بدايه حياه بالنسبه لشخصيه بطلي القصه نواف, / عذبه انا حبيت اسئلكم كم سؤال وياريت كل واحد يدخل يرد عليها للضروره و مشكورين 1_وش رايكم في القصه بشكل عام ؟ 2-وش رايكم في ابطال القصه ومن اكثر شخصيه شدتكم ؟ 3_هل نهايه القصه طلعت بالشكل الي توقعتوه؟ 4_هل عجبكم اسلوب الكاتبه ولماذا او ما عجبكم و لماذا ؟ 5_هل ترون قدراتي الكتابيه جيده وتشجعوني للستمرار؟ و لكم جزيل الشكر لجميع من تابعني من الاخوه و الاخوات همسات جريحه بحر الندى العيون السود خيال عابر سعود2001 كلي براءه عذبه التجريح ندوش Sorrow –Dreams Lolo cat حلا Soon الشيخه و سمحوني اذا سهيت عن حد بس كلكم في بالي ولو الله و ثم تشجيعكم ما كنت قدرت اواصل لكم جزيل الشكر و التقدير مني و تسلمون ................. |
غاليتي / جروح من روح 1/ اكثر من رائعه ممتعه خياليه لدي الكثير لاصفها ولكن اخاف التقصير 2/ صحيح مافيه شخصيات كثيرة بس كل الشخصيات اعجبتني وخاصه عذبه لاتنسين اننا كنا نبحر معها في ذكرياتها 3/ توقعت ان نواف راح يحبها لان الحب يكمل دائما الناقص كيف وبطلت قصتنا كامله لاني لا اعتبر الاعاقه نقص قد ما اعتبر ناقص المشاعر هو الناقص لانه عايش بلا روح وهي كملت نقص نواف 4/ اعجبني اسلوبك مررررررررررة احس اني قريبه من البطله لما توصف مشاعرها من الاحداث حولها 5/ عندك قدره كبيرة على الكتابه وننظر جديدك بشوق >>ولو هيد سوال بالله عليك من عندي هذي النقطه 6/صح القصه قصيرة بس تعودنا على اسلوبك ادري انها جس نبض بس تاكدي اني ما اكذب عليك انتي مبدعه وربي اسلوبك جديد معليه ممكن اكشف لك سر / امممممممممممممممممممم انا خيال عابرsoonعلشان تعرفين قد ايش اني معجبه في مذكرتك |
اقتباس:
فديتج والله ما قصرتي يا قلبي كفيتي و وفيتي الحمدالله ان جميع الشخصيات اعجبتج صدقتي يا قلبي الي يشوف ان المعاق ناقص فهو الي ناقص لنه اعمى بصر وبصيره هذا الي حبيت اوصله انكم تكونون قريبين من الاشخاص في المذكرات بحيث تشعرون كأنكم هم تسلمين يا قلبي اكيد راح اكتب شي جديد بس انشاء الله متى سمح الوقت عندي ههههههههههههه والله على العموم حياك اي كنتي سوا خيال عابر او soon |
يسسسسسسسسسسسسسسسسسسسلمووو :eh_s(7)::eh_s(7): _وش رايكم في القصه بشكل عام ؟ القصه حلوه كثييييييييير وفكرتها رووعه ومبتكرة كنت اتمنى تكون اطول والاحداث فيها اكثر بحيث توصفي معاناة عذبة والعقوبات الي واجهتها مع نواف -وش رايكم في ابطال القصه ومن اكثر شخصيه شدتكم ؟ اخلاقهم وافعالهم ميزتهم ... عجبني نواف كثييير في وقفته مع عذبة وشخصية تعتبر فريدة لان مافي رجال يقبل بوحده معاقه بينما يقدر يتزوج السليمة وكان الي خلق المعاق غير الي خلق السليم:no: عذبة وتحديها للاعاقة ولزمن بحيث فرضت وجودها وماخجلت من اعاقتها شجاعة نادر مانلقاها _هل نهايه القصه طلعت بالشكل الي توقعتوه؟ اممممممم لا :icon6: كنت اتوقع نواف يتندم ويرجع عن قراره بعد فترة من حياته مع عذبة وانه مايقدر يتاقلم معها لكن النهاية روووعه وعجبتني كثييير:Ts_011: _هل عجبكم اسلوب الكاتبه ولماذا او ما عجبكم و لماذا ؟ اسلوبك رائع سلس وبسيط يشد القارئ من اول الاسطر وهذا الشي الي بسببه تابعت القصه الاولى رغم الاحداث في البداية كانت غامضة _هل ترون قدراتي الكتابيه جيده وتشجعوني للستمرار؟ بالتاكيد وانا منتظره بكل شوق تكملة قصة ميسو وان شالله ماتطولي اشتقت الها كثثير ولسيف:nosweat: مشششكوره جروح والله يعطيك الف عافية |
على فكره أنا في التعبير زيرووووووووووووو لكن راح اكتب اللي حسيت فيه ..... القصه على شكل مذكرات تعجبني جدااااااااا ضيفي على ذلك الاضافة الجديده للبطله من حيث أنها بكماء لا تتكلم بصراحه فاجئني ,,, و حبيت هالحركة عن جد القصة راااائعه و تسلم ايديكي بالفعل ,,, و يا ريت يا(حياتي عذاب ) ما تحرمينا من جديدك لانك بالفعل تحفة و أتحفتينا يعطيك ألف عافية |
تسلم إيدك أختي على هذي المذكرات الرائعة والطرح الجميل جداً وأسلوبك ممتاز لقد امتعتنا حقاً يالغالية فلك خالص الشكر والتقدير أختك المحبة عذبة التجريح |
اقتباس:
مساج ورد وريا حين الغاليه اختي انا لو خليتها مثل ياقي القصص حشو بس على الفاضي مع احترامي للجميع انا حبيتها تكون قصيره وسريعه وفي نفس الوقت مشده لكم وكذلك حبيت اعطيكم الحريه في التخيل و الابداع الخاص بكم بحيث تكون الاثاره اكبر لكم ولي اهني كلامج صح هذا الي حبيت اوصله ان المعاق مثله مثلنا وان نقص فيه عضو هذا ما يقلل من قيمته كأنسان و بشر من حقه يعيش ويحب ويمارس الحياه عشان كذا النقص مو فيهم النقص في العقول الي تفكر بهذا الاسلوب عشان كذا نواف خليته شخصيه تقرب الى المثاليه مع عدم نسياني انه بشر له نقاط ضعفه وقوته وهي الي استمدت عذبه منها القوه ههههههههههههه ان شاء الله اقدر اخلصها في القريب العاجل او يمكن اضعها على الرف الى ان يحين وقتها تحياتي لج الغاليه وتسلمين على الكلام الحلووووووو و التشجيع |
اقتباس:
افا اخوي انت ميح في التعبير اجل المذكرات الي تتحفنا بها تدل على قمه في التعبير يشرفني وجودك و الحمدالله انها اعجبتكم و اكيد اذا كتبت شي جديد يشرفني اني اعرضه هنا تحياتي |
اقتباس:
الشكر لج الغاليه و على تواجدج معاي و على المشاركه الحلوووووووووووووه :blushing::blushing::blushing::blushing: |
يعطيك الف عافيه أختي وتسلم أيديك .. روووووووووووووووووووووعه .. |
السلام عليكم اختى 1- انها قصة رائعة من رغم قصرها و هذا مازاد من روعتها ( خير ماكتب ما قل و دل) 2- اعجبت بشخصية نواف لصبره و جزاء هذا الصبر حب لا نهاية له و انسان يعطيه من روحه و مشاعره وسيضحى بنفسه اذا اقتضت الضرورة 3-انها نهاية غير متوقعة و لكن تعطى الامل بان هناك قلوب تحب و بصدق و ان الصابرين على خير و ان رب العباد عدله فوق عدل البشر و ان هنك داؤءما انسان مكمل لينا و نصفنا الاخر 4-اسلوب الكتابة رائع لانها دخلت فى الصميم و حست معاناة انسان اخر و استطاعت بكل ابداع ايصال هذا للقارئ بالاضافة وضحت قوة الحبب و انه حقيقى و موجود 5- اتمنى المزيد من ابداعاتك و ان المولى عزوجل اعطاكى موهبة لابد من الحفاظ عليها و صقلها ولا تحرمى الاخرين من رؤياها ، مع تمنياتى لكى بالتوفيق 5- |
اقتباس:
الله يعافيج و يخليج الله يسلمج تواجدكم هو الي رائع :blushing::blushing::blushing::blushing::blushing: :blushing: |
| الساعة الآن 12:54 AM |
Powered by vBulletin®
Copyright ©2000 - 2024, vBulletin Solutions, Inc.