17-05-08, 09:24 PM
| #121 | |||||
| كاتبة وناقدة في قسم قصص من وحي الأعضاء 
|  اقتباس:
هلا ومرحبا فيك عزيزتي شي يسعدني كثير ان البارت حاز على رضاكم تسلمي على المشاركه و التواجد :blushing::blushing::blushing::blushing::blushing: :blushing: | |||||
|  |
|
17-05-08, 09:27 PM
| #122 | |||||
| كاتبة وناقدة في قسم قصص من وحي الأعضاء
| اقتباس:
الله يسلمج ويعافيج عزيزتي اسعدني وجودج تحياتي لج :blushing::blushing::blushing: | |||||
|
| |
|
17-05-08, 09:34 PM
| #123 | |||||
| كاتبة وناقدة في قسم قصص من وحي الأعضاء
| اقتباس:
العفووووووووووووووووووووو وووووووووووووووو عزيزتي الله يعافيج يا قلبي :blushing::blushing::blushing::blushing: | |||||
|
| |
|
18-05-08, 10:45 AM
| #125 | ||||
| هلااااااااا والله (حياتي عذاب) حراااااااام حياتوووووووو لو طولتي بالبارت شوي مامشكلة بتعوضينا بعدين مشكورة حبيبتي الله يعينك ع الامتحانات والدراسة وشدي حيللك وانا بعد بشد حيلى فالدراسة امتحاناتي جربت وان شاء الله بالنتيجة الطيبة | ||||
|
| |
|
31-05-08, 12:23 AM
| #127 | ||||
| كاتبة وناقدة في قسم قصص من وحي الأعضاء
|  (الفصل الرابع عشر ) "اقولك بيت عمك بيجون ولزم تروحلهم تقول لي ما اقدر وش سالفتك انت راكان "يوبه الله يهديك انا عندي شغل وعمليات ما اقدر اهدهم عشان هم جو اي حد يقدر يجيبهم مو ضروري انا ابو راكان وهو يطالعه بغضب"لا عز الله البنت بتهج منك حتى قبل لا توصل انت متى راح تتذكر انك زوج وعندك مسؤليه وهي اول اولوياتك راكان"اسمحلي يوبه اول اولوياتي هي واجبي ومن بعدها يجي اي شي ثاني ابو راكان"مافي فايده الكلام معاك ضايع الله لا يبارك في العدو انطلقت ضحكه من بندر الي يطالع اخوه و ابوه مستغرب منه بشكل كبير ومن بروده هذا مافي مره تقدر تحركه يحسه حط مشاعره كرجل في ابعد مكان عشان محديوصلها ويئذيه فيها ابوه"وانت الثاني وش يضحكك قوم روحلهم لا بارك الله في العدو قام بندر مسرع "أنا قايم هدي نفسك يا طويل العمر ما يصير لك العصبيه من رخصتك يا الغالي راكان"خذني معاك من رخصتك و السموحه يوبه اطلعو اثنينهم وعاد بندر يضحك يحاول يمسك نفسه بس مو قادر راكان يطالعه بقهر وحره وش الي يضحكه راكان"خير يا الشيخ وش شايف جدامك مافي شي يستاهل الضحك بندر" ههههههههههههههه اقول يا اخوي انت رجال طبيعي وله رغباته صح راكان يطالعه بغضب شديد"وش قصدك يا مسود الوجه بندر مسرع على سيارته شرده من اخوه"ابد بس يا ترى ما تفكر بحرمتك استغرب شلون رجال كامل الرجوله ما يفكر بالحريم زينه الدنيا وعطرها راكان بستهزاء"يعين لين ماكنت مثلكم اطلع شاذ عنكم لا ابشرك انا مثلي مثلك بس الفرق ان عقلي الي يحركني مو مشاعري الغبيه بندر بهدؤء شديد"اذا تسمي اسمى واجمل المشاعر الي صورها الخالق بالموده والرحمه غباء فأنا اكبر الاغبياء وابوك وغيرهم كثير راح تندم يا اخوي لما تضيع من يدك اعظم هبات الخالق يلا من رخصتك كان يطالع اخوه ليش مو قادرين يفهمون ليه يخلطون بين الواجب و المشاعر بس فيه دفى جديد يكذبه يونسه بصدره شوق لوجودها يحس انه مثل النسمه الدافيه الي ابتدت تذوب الصقيع الي محاوط قلبه و مشاعره سمع تلفونه اكيد المستشفى ركب سيارته وهو في داخله شعور خفي من الفرح و السعاده ينكرها بس يستعذبها ارتسمت على ملامحه ننظرات حلوه \ \ \ \ \ تمشي وراهم وتسمع قلبها يرقع بقوه وبسرعه حاسه روحها بتطلع من جسدها و الروعه غاشيه عليها شافت سلمان يكلم امه سلمان"هذا هو خالي بندر يومه نجديه"روحله يومه واحنا جاين وراك شمايل الي تمشي احذا سلمان بصوت واطي "اووووف ..اشوه فلتنا منها سلمان صكها ضحك انه داري من البدايه ربكتها وخجلها والحيره والخوف الي في عيونها كان كلها بسبب انه يمكن خاله راكان يجيهم بس الحين ارتاحت وبرد خاطرها من قلب شمايل كانت تطالعه بحره تدري انه يضحك عليها كان ودها تقوم له بس امسكت نفسها وهم يقربون من بندر الي ينطرهم كانت عينه عليهم ابتسمت شمايل يا سبحان الله فيه شبه من راكان كنه هو بس قبل احدعش سنه نفس الملامح والرجوله الصارخه الي تبدل في راكان شي وحيد وهو النضج الي تدل عليه ملامحه و البرود القاتل الي يغلفها سلم سلمان على خاله بمحبه واحترام كبير وهو يخاشمه سلمان"هلا وغلا بخالي كيفيك وكيف الاهل من صوبك بندر"هلا فيك يا ولد اختي كيف الاهل وكيف دراستك عساك ماشي زين فيها سلمان "كلنا بخير ودراستي خلاص ما ياقي منها الا القليل وارد الديره و افتك بندر"على خير ان شاء الله وترد لهم بشهاده بندر كانت عينه على اخته وبنتها و مرت عمه بس الي شده اكثر كان الكيان الناعم و الرقيق الي كان يتبعهم بعذوبه تشد النظر لهاقرب بندر من مرت عمه يسلم عليها"هلا يومه كيفيج عساج بخير وعمي والاعيال ان شاء الله بخير ام ثاني"هلا فيك يا ولدي شلونك عساك بخير وشلون حرمتك وعيالك بندر"بخير يومه تسلمين يا الغاليه سلمت عليه نجديه وبنتها قربت شمايل منهم "السلام عليكم بندر"وعليكم السلام و الرحمه هلا ومرحبا بأبنت عمي وحرمه اخوي هلا فيج شمايل بحياء ونعومه "هلا و مرحبا فيك يا ابو فهد شلونك عساك بخير وشلون مشاعل وحمالها و الاعيال بندر شده الصوت الناعم الي يضج انوثه وسحر "بخير جعلج الخير احنا في شوق كبير للصغيره ومشاعل اكثر تراها مشتاقه تشوفج وتتعرف عليج شمايل برقه "تشتاق لها العافيه يارب ويقومها لك ولعيالها بصحه وسلامه بندر"امين يارب سلمان خلصتو اجرائتكم سلمان"اي نعم بس باقي الاشناط بندر"خلاص انا راح اقرب السياره انطركم برع سلمان "ان شاء الله تسهل انت واحنا لحقينك بندر وصلهم فندق الفور سيزون الي حاجزين فيه لن مرت عمه وشمايل ارفضو يقعدون عندهم عشان يا خذون راحتهم اكثر نزلهم وكمل طريقه للبيت وفي بسمه مرتسمه على وجهه بنت عمه تنبع رقه وعذوبه يبدو ان هذا الزواج راح يكون قنبله الموسم يا ترى راح تقدر تحرك جبل الجليد وتذوبه بأنوثتها ولا راح هو يعيشها في بروده و يقتل كل شي حلووو فيها \ \ \ \ \ في المشتسفى توه مخلص من عملياته وياخذله فتره راحه في مكتبه قاعد وسارح في عالم ثاني بعيد عن كل شي ليه يحس نفسه مخنوق وضايق والعالم على كبره يحسه يطبق عليه الكل يتحكم فيه وفي حياته ماعاد قادر يا خذ قراراته حتى اهم قرارا تدخلووووووو فيه يسمع صوت عذب ورقيق يتخيل كيف يمكن تكون صاحبته شي فيها يشده وخوف كبير يمنعه يقرب منها دخل عليه طلال وهو ولا حاس بالدنيا وفي عالم ثاني طلال"السلام عليكم ياهوووووو وينك انت راكان"قصر حسك و وصمخ وش فيك تزاعق قالولك شي اني اصمخ ما اسمع طلال"انا مرتز جدامك صاير لي ساعه وانت خبر خير راكان"اخ منك يالكذوب توك داخل وصارت ساعه صج انك شلاخ من قلب وش تبي خير طلال قعد على الكرسي وهو يطالع رفيج عمره بغرابه من رد من سفرته وحاله متغير حيل كله سارح وضايق وروحه في خشمه وما يتكلم مع حد الا وزاعق واليوم الممراضات مرعوبات منه بشكل كبير ما خله ولا وحده فيهم الا وشرشحها حتى مساعديه في العمليات ما سلمو من السانه طلال"وش فيك يا اخوي من رجعت من السفر وانت حالك مختبص خير راكان"اشياء كثيره تغيرت فيني خايف وضايق رحت لها وقلبي كله برود ورجعت ومشاعري مثل النار الي تحرق جوفي طلال"طيب وش المشكل هوانا اخوك شي حلوووو انك تشوف زوجتك و تعيش ايامك معاها راكان"ما شفتها خفت وجبنت اني اطلب اشوفها شي اكبر مني منعني صوتها كان اكبر عذاب لي طلال مستغرب"ليش وش الي يخليك حاس هذا الاحساس ليه تستكثر على نفسك انك تحب و تعشق ليه هذي حلالك راكان"خايف من اني اتعلق وافقد وا عيش و اعيش غيري في الم وانين طلال"تعوذ من ابليس يا رجال وش الي تقوله الموت علينا حق و الحياه علينا حق لا تصير حساس زياده عن الزوم و لا تخلي شغلك يأثر في حياتك عيش وانا اخوك و استمتع بحياتك وتذكر انك مخلوق من لحم ودم ومن ابسط احقوقج انك تحب وتنحب ولا تنسى ان في ناس محتاجتك ومحتاجه حبك ورعايتك لها راكان"اعوذ بالله من الشيطان كل الي تقوله صح ماني قادر شي غصب عني كل يوم اشوف الموت جدام عيني واشووف الدنيا ما تسوي في نظري ولا شي نتراكظ وراها ونخسر كل شي غالي ورخيص عشانها وفي غمضه عين نطلع منها متر في متر كل شي فيها زايل لا محال ليش اتعب نفسي وغيري ليش ؟؟؟؟ طلال بغضب"يا اخي الي تقوله حرام وعدم ايمان لا تسوي في نفسك كذا ولا تخلي الشيطان يلعب بعقلك اخبرك اعقل من كذا اذا كل واحد منا فكر بطريقتك هذي عزل الله ما راح تلاقي حد منا يشتغل في هذي المهنه انت ما مخرب عليك الا الحساسيه المفرطه عندك راكان بسخريه شديده "والي يرحم والديك من بيصدقك وانت تقول عني انا حساس الكل بيكذبك مو انا على قولتهم القطب المتحرك طلال"هههههههه معليش محد يعرفك كثري ناسي ولا اذكرك راكان بأبتسامه عذبه غيرت ملامحه "عن الفضايح ..تنهد تدري سمعت صوتها ما تعرف وش سوا فيني صوتها الدفى فيه خلا كل شي فيني ينبظ بقوه وعنف حسيت الحياه تتحرك وتبث دفاها تشعرني اني حي وان مشاعري في الي جات وهزتها بعنف وقوه طلال بوناسه من كلامه"ول عليك هذا ضهرته منك بنت عمك من مره وهذا وانت ما شفتها اجل لو تشوفها وش راح يطلع منك درر راكان بضحكه "ههههه الله يقطع ابليسك ول عليك بتضربني بعين اكتشفت اني كنت ضايع واني اهملت كل شي في حياتي حتى الناس الي عايش معاهم هلي الي هم هلي عزلت نفسي عنهم وصرت عايش في عالم منفصل كله خوف من اني اذيهم و اذي نفسي لدرجه بعدت وصرت عايش وسطهم مجرد خيال او ضل ماله اي ملامح بعيد وفي نفس الوقت قريب حتى خواتي لقيت اني ما اعرفهم عايش معاهم وما اعرفهم طلال"زين انك اكتشفت هذا كله قبل ما يفوت الفوت تقدر الحين تصلح كل شي ما دام عندك القدره و الاراده و التصميم ردلهم وعيش صح لا تسمح لوساس الشيطان انها تضيع منك اجمل و اروع الاشياء راكان"انا كنت تايه ومضيع الطريق يمكن كنت محتاج شي و الحين لقيته طلال"زين يعني بنت عمك دلتك الدرب لا تضيعه احفظه صم وين كانت عنك من قبل راكان بأبتسامه مليانه عذوبه "كانت موجوده بس انا الي كنت مضيع عنها وهذني لقيتها ولقيت معاها نفسي \ \ \ \ \ توها مسكره عن ام فتون بعد ما قالت لها انهم جاينهم العصر بتروح تقوم بنتها شكلها طولت في النوم اكيد ما نامت البارح عدل يمديها تصلي وتبرز نفسها عشان بعد بيمرون يشترون هديه ما يصير يدخلون على الناس اول مره ويدهم خاليه ادخلت على بنتها الي متغطيه ونايمه بهدوء ونعومه ابتسمت وهي تشوفها بحنان اكبير فرحانه من قلب السعاده طاغيه على كل شي بنتها الاصغيره اكبرت وصارت عروس صارت شي اكبير تفتخر بها انها ربت بنت غير عن كل البنات الكل يمدحها الكل يحبها ويعشقهاقربت منها بنعومه تمسح على خدها بحنان كبير في شي منغص عليها حاسه بنتها مو سعيده اعيونها فيها حزن اكبير بنتها تغيرت بشكل كبير قبل لا تسافر ما صارت الي تقول لها كل شي في اعيونها الم وحزن "يومه شمايل قومي حبيبتي شمايل افتحت اعيونها الناعسات على صوت امها الحنون ابتسمت حق امها وحطت راسها في حضنها الدافي تستمد منه الحب و الأمان و الاحساس ان في انسان يحتويها بكل عيوبها و لحظات ضعفها بدون ما تكون محاسبه ومجبوره انها تحارب وصارع تعبت وهي تحس انها منكسره من داخلها ومحد قادر يجبر هذا الكسر عاده ينزف و نزفه يدمي روحها ويعذبها شمايل"مساج ورد هذني قايمه يومه وين الباقين امها"نجديه و عيالها راحو بيت ابوها وسلمان بيجي بعد اشوي عشان يوصلنا قومي بنتي عشان تصلين وتبرزين الناس ينطرونا وهي تقوم من السرير و تحرك جسمها بكسل"خلاص يومه انا بخذ شور وبقضي صلاتي ولين وصل سلمان عطيني خبر امها وهي تمشي طالعه "لا تطولين يومه عشان يمدينا بعد نشتري شي في طريقنا شمايل"ان شاء الله يومه \ \ \ \ \ "واي وناسه وربي ان فرحت من قلب بنت عمج راح تجينا رناد كانت تشوف فرحت اختها وناستها الي مبينه من اعيونها ابتسمت بسخريه شديده"اشوفج تعلقتي فيها بسرعه اصبري شوي عادج ما عرفتيهازين لين جات تعيش معانا بنشوفها على حقيقتها وبيسقط القناع جنان بحره"اووف منج اعوذ بالله انتي عندج كل الناس لبسه اقنعه ما صارت حياه هذي ولا ناس ترى الدنيا فيها الشين و الزين والخير و الشر و اصابع يدنيج ماهي سوا تختلف رناد وهي تهز كتفها بسخريه "كل واحد منا له رايه وجهه نظره جنان"انا ابرك لي انزل عندهم تحت ولا اقعد مشاهدتج اني وسوداويتج الي تخنق و تغم الله يعينج على نفسج و طلعت من الغرفه واعيون رناد تابعها بسخريه غبيه تظن ان الحياه دوم ورديه وكلها ضحك وناسه وغشمره ما جربت تنحرم من الي تبيه ولا جربت تنصدم في الي تحبهم لزم الدنيا راح تعلمها درس ودرس قريب عشان تصحى من عالمها الخيالي الي عايشه فيه وتتعلم انها تكون قويه ولا تسمح لئي كان انه يكسرها او يجرحها غمضت اعيونها بعذاب من ردو من الدوحه وهي تعبانه ومخنوقه صارت تشوفه في كل مكان تتخيله في احلامها اعيونه الي مليانه حزن شامخ و عذاب في صوته يفتت الصخر من الم ما خطر في بالها انها في يوم راح تحب وتتعلق مشاعرها وفي من واحد من اعيال عمها نزلت دمعه من اعيونها امسحتها بغضب شلون اسمحت لنفسها انها تحبه شلون اغلطت اكبر غلطه في حياتها كلها في حب كتب عليه الفشل حتى قبل لا يبتدي انذبح قبل لا ينولد امسحت ادموعها ما تعودت انها تكون مكسوره ولا مجروحه ارفعت راسها بشموخ وغمضت اعيونها بقوه وكنها تبي تمسح صورته الي متعلقه بهدب عينها ومستعمره قلبها القلوب خاينه تختار الشخص الغلط و الي يكتب حبك له بالفشل و تعيش العمر كله في الم وعذاب مرير وغصه تحرق جوفك ومرارها يسقيك \ \ \ \ \ زادت الاي شدو وغمقته اطلعت اعيونها بشكل روعه و الميكب الخفيف زادها جمال على جمالها وفستانها ينسدل على جسمها ويضهر حسنها ورقت عودها و الون الموف يضهر بياضها ونعومه بشرتها المخمليه ابتسمت بنعومه ولبست صندلها العالي الي يلتف على ساقها ويضهر مفتنها بحسن وجمال صارخ خاصه اذا تحركت تبين قامتها بشكل روعه خذت عباتها وشنطت يدها وطلعت حق امها وسلمان الي ينطرونها في الصاله سلمان"واووووووووووووووووو ماشاء الله روعه امها ابتسمت بحنان وهي تشوف جمال بنتها الصارخ ورقتها "يلا خلونا نمشي ورانا طريق شمايل "وش رايكم حلوووووو لبسي امها"حبيبتي كل شي عليج حلوووووووو سلمان"روعه هذا كل الي عندي لبست عباتها وهي تضحك عليه وتغطي وجهها "يلا مشينا ... وفي السياره "انت تدل الطريق ولا ناوي تضيعنا سلمان "ادل وش فيج انا اعرف الرياض مكان مكان مثل الدوحه واحسن شمايل"زين يا فصيح بس يو يلك ان ابطينا على الناس بذبحك سلمان"حشى ما يسوى علي هذا احنا وصلنا ارتحتي بعدين هم ناس معروفين يعني ما يحتاج حشرتج هذي امها"فكونا من حشرتكم سوينا انزلي شوفي ماما قوليلها في نفر برع انزلت خدامتهم ...سلمان"متى تبون اجيكم ؟؟ امها "بنسويلك تلفون بس انت تحمل على نفسك يلا يومه شمايل انزلي هذي سوينا جات انزلت مع امها وهي ترفع طرف ثوبها حست بنفظه خوف بس ابعدتها عنها ادخلووو الصاله الي استقبلتهم فيها مره تشبه فتون فيها منها امها تسلم عليها ام تركي"يا هلا و مرحبا فيج يا ام ثاني تو ما نور البيت ام ثاني"يا هلا و غلا فيج يا ام تركي البيت منور بهله يا الغاليه شلونج وشلون الاهل عساكم بخير ام تركي "بخير فديتج هذي شمايل قربي يومه هلا وغلا بالزين كله قربت بحياء وخجل و حبتها على راسها "هلا فيج يومه عساج بخير يا الغاليه ام تركي "بخير فديت قلبج ما شاء الله فتون ابخصتج حقج انتي اجمل من وصفها شمايل بحياء شديد و خدودها ولعت وزادتها فتنه وجمال خلت أم فتون تتحسر في قلبها يا سبحان الله البنت طينه جنه من الزين و الذرابه ام تركي "تفضلو حياكم ام ثاني "زاد فضلج الغاليه ادخلو المجلس وكانت شمايل حاسه انها مراقبه في كل حركه من أم فتون الي اعيونها ما انشالت من عليها اقعدت على الكرسي وهي تنزل عباتها عن جسمهاالفاتن و انفظت شعرها الحريري الي نزل على جسدها بجمال ام تركي "حيا الله من جنا زارتنا البركه والله أم ثاني "هلا فيج ام تركي "كيفيج يومه يا شمايل مبروك على العرس و على الشهاده شمايل"الله يبارك في عمرج يومه بخير فديتج فتون كيفيها اهي موجده يومه ام تركي "اي موجوده انا ما علمتها انكم جاين من رخصتكم اطلعت عنهم ام ثاني "ماشاء الله ام تركي تدخل القلب شمايل"اي يومه طيبه و بنتها مثلها ادخلت ام تركي ومعها فتون انصدمت وهي تشوف شمايل مذهوله مو مصدقه اعيونها سوتها اهني بس اعرفت قدرها عند رفيجتهالمعت اعيونها بدموع المحبه الكبيره الي بينهم سلمت على ام شمايل"هلا ومرحبا يومه كيفج عساج بخير ام ثاني "هلا والله فيج يا بنتي شلونج انتي عساج بخير قرت عين امكم بردتج انتي واخوج فتون"الله يسلمج يومه وعينج بشمايل عروس تواجهو واحضنو بعض بحب كبير و كانو مش مصدقين نفسهم من الوناسه فتون"وربي ماني مصدقه انج اهني سويتها وجيتي شمايل"اجل كنتي تفكرين بسوي عرسي بدون وجودج فيه خبرتي اخت ما تحضر عرس اختها انتي اختي عارفه قدرج عندي فتون بحنان"عارفه وانتي بعد مكانج عندي غير امهاتهم كانو يشفونهم بحنان يشفون حبهم لبعض و علاقتهم القويه كانت في اعيونهم فرحه وفخر بناتهم اقعدو امهاتهم في صوب و البنات في صوب كان جو حلووووو وكله سعاده و فرح ام ثاني"يا ام تركي انا اليوم جايه عشان اعزمج على عرس بنتج وكلي امل انكم تجون انتي وفتون و كل من صوبج ام تركي "مبروك عليج يا ام ثاني واكيد جاين هذي شمايل بنتي مثلها مثل فتون عندي و ازود ابتسمو البنات لبعض بوناسه وفرح صارخ في اعيونهم فتون "خلينا نطلع برع نغير جو شوي ونخلي امي و امج يهذرون شمايل"ما عندي مانع بس يمكن يكون في حد من اخونج فتون"لا تخافين مافي حد الكل برع يومه احنا بنروح الحديقه اذا اسمحت ام ثاني ام تركي "روحا يومه اكيد مليتو من قعدتنا شمايل وهي تشوف امها عشان ترخص لها اشرت لها انها تروح "بالعكس يومه قعدتكم ما تنمل ام تركي "تسلمين يا بنتي اطلعو على الحديقه الخارجيه اقعدو على الكرسي والهدوء مخيم على المكان فتون تطلعها وتشوف هدوئها الي يخوف فتون "وش فيج من شفتج وانا قلبي ناقزني شمايل وهي تحط راسها بين اكفوفها بتعب"وش فيني جني البخت هذني جدامج ادق الاعفى وحده عرسها قريب و اكيد متشقججه من الفرحه وش تبي بعد فتون"اي صدقتي و اكبر شي هي السخريه الي في صوتج قوليلي وش فيج شمايل بصوت مخنوق"تعبت من كل شي احس اني بموت حياتي تضيع من بين يدي وانا ضعيفه مو قادره اسوي شي خايفه منه و من نفسي خايفه من قلبي الي ابتدئى يضعف ويجرني معاه في طريق كله شوك يدميني ويسلب مني روحي فتون"تعترفين ان في مشاعر اتجاهه ليش ما تعطينه فرصى ليه ما تنسين و تغفرين ترى العمر قصير ليه تضيعينه في تفهات شمايل"الي انتي تشوفينه تفهات انا اشوفه كرامه وعزه نفس وبدونها انا ولا شي فتون"وبعدين لين متى انتي الحين راح تعيشين معاها انتي كلج على بعضج حلاله وحقه راح تمنعينه عن حقه شمايل"اي حق الي تتكلمين عنه هو خسر هذا الحق بجفاه وبروده هو خسرني من قبل حتى لا يعرفني هذا الانسان نسى او تناسى ان في انسانه تعيش عشانه وتنطر منه الحب و الرعايه وهو بخل علي بهم وقسى قلبي عليه وخلاه مليان غل وكره وعليه انه يحصد زرع يده اكرهه و في نفس الوقت اعترف انه يهز مشاعري بعنف ويحيرني لين كنت بعيده كرهي له يزيد ويوم اشوفه تضيع اعلومي و اصير مثل الي ضاربينه على راسه ومضيع طريقه فتون"هههههههههه الله يقطع ابليسج كفخينج على راسج انتي الي متعبه عمرج ريحي راسج وانسي شمايل بغضب "مستحيل لزم اعلمه درس ياريته يطلع من حياتي احسه هم يخنقني ويضيق علي فتون"اخذي اشربي بردي على قلبج يمكن ترتاحين وتريحين عمرج من حربج الي بتدمرج وتدمره معاج الله يعينه \ \ \ \ \ سفط سيارته جدام باب البيت ونزل بهدؤء ومعقد حواجبه وملامحه تدل على الضيقه شال شنطته الرياضيه توه جاي من الجم ولبسه الرياضي لزق على جسمه الي كله رجوله وشموخ متجه لباب الصاله ومار من الحديقه ويسمع صوت ضحكتها ياربي مستحيل صار يتخيلها حتى وهو صاحي ما صارت عيشه هذي حاس انه بدا يفقد توازنه وعقله خلاص لزم يهرب يعود برع ما يقدر يقعد في مكان وهي فيه يحس بالضلم و الغبنه وضيقه انها بتصير من حق رجال ثاني بيحبها و يعشقها وهي تنحب حط يده على لحيته وكمل طريقه وقف مذهول هذا صوتهامره ثانيه اكيد جن نزل الشنطه عند الباب وراح ورا الحديقه يشوف الي قاعدين بس هم ما يشفونه ما صدق اعيونه انذهل وعيونه معلقه على الي اخطفت قلبه وسلبت روحه الي هوها يجري بعروقه مثل الدم بالوريد عينه صارت تشوف جمالها ورقتها وعذوبتها كل حركه كل ضحكه حتى لحظات الم في صوتها صار يعرفها مو قادر يشيل اعيونه مع انه عارف انه يرتكب اكبر غلط صد بسرعه ورجع ورفع شنطته وطلع على غرفته بشكل سريع حذف الشنطه و قعد على الكرسي و راسه بين اكفوفه لين متى بيعذب نفسه لين متى هي حلم مستحيل انه يصير هي من حق غيره زوجه لغيره يارب اطلب منك العون يارب تفرجها على وتخليني انساها راح اموت اذا ضليت على هذا الحال \ \ \ \ \ اعيونها تتطلع على شاشه جهازها بخبث وبفرح مخلوط بمكر صارت محادثات الشات هي وناستها الوحيده و متعتها الاثمه الي نست فيها كل شي نست الخالق سبحانه وهي تزني بالنظر و بالسمع وبالكلام مع كل من هب ودب تسمع كلمات الغزل وتشوف المقاطع الاباحيه الي تبعث لها عن طريقهم و اشياء كثيره تئبى النفس ان ننطق بها وخاصه بعد ما احترمت من الجامعه و من الضهرات و الروحات وصارت حبيسه البيت الي ما تطلع منه الا بشور اخوها الي صارت تتمنى موته وانه يختفي من حياتها اسمعت طق على الباب وصوت امها سكرت الجهاز بسرعه وراحت افتحت الباب وهي تطالع امها بسخريه وبحقد وكره ويدها على خصرها ريف"خير وش تبين في شي جديد من ولدج المحترم وحده من فرماناته ام نايف"تكلمي عدل انا امج مو اي حد ريف بغضب"لا والله وشلون تبيني اكلمج ان شاء الله اعتقد اني اتكمل عادي خير وش في تراني مالي بارض حق الحنه ام نايف بغضب"انتي وش سالفتج كله حابسه روحج في الغرفه اطلعي اقعدي معاي مع اخوج ريف بعصبيه "تبيني اقعد مع هذا الكلب بعد ما ضربني يحلم ما قعددت وياه الخايس يخسي ام نايف بغضب كبير"لا تقولين عن اخوج كلب فاهمه ريف"لا والله اشوفج صرتي في صفه و معاه وانا لغيتي وجودي ما عدت اهمج صح ام نايف بتعب"اتهميني ولو ما كنتي تهميني ما كان جيتج الحين ريف بحقد"خير وش عندج قولي اسمعج ام نايف"برزي نفسج بكره معزومين على الغداء بيت عمج ريف وهي تدخل غرفتها وبهزت استهتار من كتفها"ما أبي اروح كرهت الروحه بيت اختج وبناتها الغثيثات ام نايف وهي تدخل غرفتها وبغضب"بتروحين خاصه اذا عرفتي من اهناك ريف بستهتار"يعني من غيرهم مالي خلق مجابل وجيهم الودره ام نايف بعصبيه شديده "كفايه احشميني وانا جدامج هذي خالتج ريف بستهتار اشد"و الله والخاله مثل اعيالها و اردى قولي وخلصيني من الي اهناك ام نايف بتعب"بنت عمه ريف بخبث"احلفي اجل رايحه والحين فيج تخليني بروحي ابي انام اطلعت عن بنتها بعصبيه وغضب من يوم ما ضربها نايف وهي حالها معتفس وصارت ما تنطاق ونفسها خايسه ولسنها ما يحشم لا الكبير و الاصغير هي يمكن من البدايه مو مع ولدها في الي سواه بس الحين تحس انه عين الصواب لن بنتها اطلعت على حقيقتها وهي الغلط راكبها من راسها لين ساسها خاصه انها ما عرفت تربيها عدل الدلع خربها وخلها مستهتره بكل شي حتى اقرب الناس لها خايفه من ان يصير شي كبير بس بعد عادها تشوف ان بنتها احق براكان من بنت عمه هذي الله يعين \ \ \ \ \ "تصدقين انا لين الحين موش مصدقه نفسي وان ابوي وافق والله اني طايره من الوناسه شمايل"الحمدالله انا كنت متأكده ان هذا الصح والي بيصير يلا عاد شدي الهمه راح انطرج في الدوحه وما اوصيج ابيج تصيرين اجمل وحده فتون"ههههههههه اكيد تدرين امي لين الحين تمدح فيج حبتج بشكل كبير شمايل"ههههههههه تسلم يارب والله امج هي الي تنحب من اول نظره طيبه وحنونه مثل بنتها مثل مثل كل أم في الدنيا حنانها نعمه وهبه فتون"اخجلتيني ربي ما يحرمني منج وامج بعد ماشاءلله عيني عليها بارده تجنن ولا كنها عندها رجاجيل اشحطه و عروس بعد شمايل"ههههههههههه ادري امي لين الحين جميله وحلووووووه ولا كن الاسنين تمر عشان كذا الوالد ميت فيها فتون"اخ تصدقين جني احلم ما توقعت ابوي يوافق بس بعد اقناع من امي ومن بدر وافق شمايل بهدوء"بدر وش يخصه فتون"ابوي ما وافق الا بعد ما اقنعه بدر وخاصه انه هو الي بيروح معنا هو الي خلا ابوي يوافق ليه يعذب نفسه ليه يارب هذا الانسان كل يوم عن يوم تلاقي حبه لها يكبر و تضحيته تخليه يرتفع بعيونها وتحترمه ازود يارب تسعده وتنسيه فتون"شمايل وين رحتي انتي معاي شمايل بصوت عذب"ليه يعذب نفسه ليه لزم ينساني ويشيلني من حياته تعبت يا فتون ا كون ضالمه ومضلومه تعبت من كل الي يصير ومن حياتي تعبت من حربي الي ما ني عارفه لين وين بتوصلني فتون"لا تعذبين نفسج و خليها على الله وبدر مرده بينسى وهذي سنه الحياه انتي ما قلتيله انه يحبج هو الي غلط شمايل"فتون من رخصتج انا بسكر بكره لين صحيت بكلمج فتون"على راحتج يا قلبي بس لا تشيلين في خاطرج خليج في نفسج تصبحين على خير شمايل"و انتي من هله سلمي على الوالده فتون "يوصل يا عمري وسلميلي على امج شمايل"يوصل في امان الله سكرت عنها وفي داخلها احساس من الم و الخوف من المجهول مقبله على حياه جديده الله العالم وش راح تكون اتلحفت وخبت نفسها في فراشها تبي تبعد عن العالم كله احساس فضيع انك تكون ضالم والا صعب منه انك تكون قليل الحيله مافي شي بيدك تبعد هذا الضلم عن الناس \ \ \ \ \ صحت من نومها مثل العاده خلصت صلاه واطلعت في الصاله الاصغيره لقت امها تسويه الاقهوه اضحكت في خاطرها امها وين ما تروح لزم معها لزوم الاقهوه مستحيل تشرب شي من الفندق قربت من امها بحب لوت عليها وحبتها على راسها "صباح الخير يا حلووووووه امها "صباح النور و السرور ها يا قلبي نمتي زين شمايل"احلى نومه وين الباقين ما اشوفهم امها"نجديه و الجازي باتو بيت ابوها بس سلمان عاده ما قام من النوم شمايل"اها طيب اطلب لج ريوق عشان تاكلين دواج امها"لا يا قلبي عاده الوقت بدري يومه شمايل اليوم بيت عمج عازمينا على الغداء شمايل بروعه"متى صار هذا انا البارح محد قالي امها"انتي دخلتي نمتي بسرعه و ما وهلت اقولج شمايل"يعني لزم يومه روحتي انا ما يصير تروحين انتي بس امها بصوت في عتاب وغضب"هذا بيت عمج ورجلج ليه ما تبين تروحين بيقلون اكيد في شي وبعدين مرت عمج عازمه اختها وبناتها عشان يشوفون مرت ولدهها ومب عدله في حقهم انج ماتروحين شمايل باعتذار"خلاص يومه ولا تزعلين من اعيوني هذي قبل هذي امها "تسلم عيونج \ \ \ \ \ ما خلت صبغه وما حطتها على وجها طلعت كنها مهرج في صاله عرض كل هذا عشان تفكر نفسها بتطلع احلى من الخفسه بنت عمه لبسه فستان قصير لين الركبه لونه برتقالي وعليه احزام من نفس اللون وصندل فضي ويده عاريه وماسك من الصدر كانت تشوف روحها في المنظره برضى و استمتاع شالت شنطتها ولبست عباتها الي كانت تفضح اكثر ما تخفي شفافه ولزقه على جسمها بشكل يبعث على التقزز ولوعه النفس اطلعت وهي فرحانه بنفسها وانزلت الصاله الي امها تنطرها فيها عين ام نايف على بنتها الي نازله ولا مصدقه اعيونها وش الي لبسته و شكلها المبالغ فيه ما حبت تعلق عشان داريه ان بنتها بتقط كلام مب عدل احسن تريح نفسها وتسكت ام نايف"جاهزه مشينا ريف بغرور"جاهزه ...اطلعو و اركبو السياره مع السايق الي اطلعت اعيونه بشهوه حيوانيه مقرفه وهو يطالعها في المنظره بشكل مخيف و مقزز قرائه ممتعه ولقائنا الاسبوع القادم تحياتي لكم جميع | ||||
|
| |
 |
| أدوات الموضوع | |
| انواع عرض الموضوع | |
|
|
23Likes
العرض العادي
