25-12-15, 05:36 PM
| #1090 | |||||||
| نجم روايتي وقلم مميز بخاطرة من وحي الكلمةوناقده متالقه بالقسم الادبي  
|  الذكرى كيف تنمحي لو كانت تجرحني ..!! السلام عليكم و رحمة الله وبركاته .. البارت الـ 28 : إربيعتج من الربكه طيحة دبلة الريال و خلتني انا امها اراكض ورا الدبله .. طالعت صوب امل إللي كانت حمرا ما اعرف ان كان من الغيض ولا من المستحى .. : إتلاقينها ما تقبلت انها تمسك اصابع ريال غريب عليها .. : قلتي لي غريب عليها ..!! هذي من كم شهر تدابغت"تضاربت" ويا الصبي مال الركاب .. والله جفناها عافده "قاعده، جالسه" فوقه و اتصفع فيه .. هاي مب ويه مستحى من غريب .. رجعت جفت مكانها و بعدها حمرا ماتغير لونها .. عاد بمسك عليها هالموضوع ما يتطوف .. : يمه سيري لها فوق .. جوفي اشقايل إتطالع صوبنا شوي وتنقز علينا .. : إن شاء الله يمه .. مشيت لـ عندها و قبل ما اوصل لكوشتها وقفتني وحده تمنيت اني ما اجوفها .. : اشحالج ..!! : بخير وانتي اشحالج ملاك .. : مثل ما اتجوفيني جدامج واقفه .. : إن شاء الله دوم .. اخليج امل تباني .. : وأنا أبيج ف موضوع اختي .. : مابيننا مواضيع واللي ذكرتيه يعتبر منتهي عندي .. : لا اتخليني افضحج جدام الناس .. تقربت منها وأنا اضحك لها ف ويهها "بهمس"..: لو ما عندج علم .. الفضيحه مابتكون لي انا .. أنا صاحبة الحق ولو ناسية المكان اللي انتي فيه عادي اذكرج .. ياريت مره ثانية ما تتعرضين لي .. لأني ما بيكون شي مره ثانية للكلام ف اي موضوع .. رديت بنفسي لـ وراه و خليت الضحكه مثل ما هي متعلقه ف ويهي ..: تمام ..!! عطيتها ظهري و مشيت عند الخبله اللي ويهها محمر ما يندرى من شو .. اول ماتقربت منها استلمتني ..: كان قضيتوها سوالف بعد .. أشرت صوب ملاك ..: ارد لها ..!! حركت رأسها للتأكيد ..: افا عليج انا ما امنع حد من انه يهدني و يسير لواحد مستانس .. يعني مب معقولة تقضين يومج كله ويا وحده بتّم عالقه في هالكرسي صح ..!! : تسلمين والله لأنج حسيتي فيني .. عاد دامج ما تبيني برد لـ ريلي .. طالعتني بـ نص عين ..: رديّ بس لاحقه ع قلة الأدب .. رديت لها النظره ..: ويعه ان شاء الله .. انتي ما تستحين ..!! ردت الحركه لي ..: ليش شو قلت انا ..!! بـ استنكار ..: بعد هالتعليق وتسألين شو قلتي ..!! حركة لي حواجبها ..: أيوه شو قلت ..!! تراه الصدق ان عجبج ولا لا.. لاحقه ع قلة الأدب .. تكتفت جدامها ..: يا حرم السيد سعود .. : الله .. حركة لها السبابه بـ "لا" ..: آ. آ. آ. آ. آه انتي ع الكوشه، حولج ناس وصوتج بينسمع ف أقبضي تعليقج .. : بس ادخل داخل والله اردها فيج يالنذله .. : محد قال لج تغلطين فيني .. بإيدها اليمين ربتَّ ع الوسع اللي سوته لي ..: ما علينا تعالي قعدي عدالي .. : كاني قعدت .. قولي شو عندج ..!! : وداد .. قولي تم ولا اترديني .. : اعرف شو الموضوع و عقب اقول لج تم .. : لا .. اول شي قولي تم و عقب اخبرج .. : يارب ما يكون شي صعب .. عطيتج .. : حلو .. شرديني من هنيه .. : هااه ..!!! : شرديني من هنيه خلاص ، خلصت مهمتي .. قالوا لي طلعي وقعدي هنيه .. قعدت، سلمت و خلصت .. قالوا لي قومي وقعي انا كنت احاتي المسافة والبترول .. قمت، مشيت،نزلت و وقعت .. قالوا رجعي دخلي، اقعدي وانطري تلبسون بعض الدبل .. رجعت دخلت ع اصوات العيايز، مشيت من بينهم لما وصلت للكوشه .. تميت واقفه ماقعدت لما حضرت جنابه دخل، لبسني الدبله وطيحت دبلته .. بنت سعيد وخّتْ "نزلت" ويابتها لي ما ادري من وين المهم خلصنا موضوع الدبل .. الحين مراسم الملجه كلها خلصت ممكن إتشرديني ..!! طالعت الناس لمحت اخت ريلها ضحكت وبينت ضروسي لها بدون ما اقصد .. رجعت لفيت عليها ..: الحين هالمحاضره عسب تردين حجرتج ..!! : هيه .. يلا شرديني مثل ما اشردج .. : لو أدري انها عسب اشردج والله ما هديت ريلّي .. بخبر عمتي وبحركج من هنيه يالهبله .. : أمي قالت تقعدين هنيه لـ 1 الفجر .. يعني اخيس ع الكوشه وانا ما ابيها فوق هاه خلصت التسليم ع الناس .. عادي اتصيح لي هنيه ..: ما عليج أنا بحاول ف عمتي لما اتوافق .. قمت من عندها بس لـ دقايق و رديت لها .. ملامحي كانت وايد هاديه مب امبين شي علي .. من تقربت منها ..: هاه شو قالت لج اكيد لا .. ويا هالويهه اللي مامنه خير .. : ويعه ف العدو ان شاء الله .. ألحين انا هاده ريلي بروحه وييت عندج .. ع بالي في شي خطير ويطلع الموضوع شرده .. أروح اساحل عمتي عسب ترحم حالج .. آخرتها اتقولين ويهي ما منه خير ..!! عناد فيج برجع لها اغير اقوالي .. : لا عاد حرام عليج رديني لـ حجرتج .. توبة ما اعيدها انتي ويهج ويه الخير كله .. :لـ حجرتي ..!! شو تبين ف حجرتي ..!! : يا ماما اقصد حجرتي انا من الصدمه لخبطت .. المهم ابي حجرتي لو سمحتي يا حرمة اخوي .. : ايوه خليج جيه ذربه وياي .. قومي يلا بنردج لـ جحرج .. بـ أسبقج لـ تحت عسب لا اتطيحين علينا و اتشمتين الناس فيج .. : فيهم خير خليهم يشمتون بس .. انا اعلمهم .. : تراها ليلة ملجتج عيب والله اللي اتقولينه .. يلا ألحقيني .. وقفت لها تحت عند دريّ "الدرج" الكوشه لأنهم شوي بعاد عن بعض .. نزلت عادي بدون أي مشاكل .. عمتي تقربت مننا ..: هالمره خليتج تظهرين من وقت، بعد يومين دواج كرف ف المطبخ .. ضحكت أمل ف ويهها ..: تسلمين والله يا بنت سعيد .. قربت من عمتي وباستها ع رأسها .. : يسلم هالرأس و راعية هالرأس والله .. أدري انه قلبج حنون علي و ما هان عليه يخليني هناك قاعده .. عمتي عطتها نظره "سكتي احسن لج " ..: سيري إرجعي لجحرج بس .. "أووه .. عمتي قالت نفس الجملة اللي انا قلتها لها" طالعتني و طالعت عمتي : سبحان الله نفس المقولة .. تتكرر علي اليوم مرتين و من احب الناس ع قلبي .. الله يديم هالتشابه بس .. أنا و عمتي ..: آمين .. : يلا توكلي ادخلي داخل .. يمه وداد بترجعين للخيمه ..!! : والله يا يمه، قبل ما أيي وليد كان يباني معاه .. : عسب شو يُباجّ بعد ..!! هالولد لازم أحيس له أذونه عسب يخليج بـ حالج شوي .. قلتها بهمس ..: يمه عسب وضعّي .. تدرين لازم كل شي من وقت .. : إييه .. والله نسيت يا يمه .. خلاص سيروا الله وياكم .. قعدنا ف الصالة ع اساس العروس تبي اتسير حجرتها ، ساكتات مافي شي ينقال من بيننا .. كلما ألتفت لـ امل ألقاها سرحانه شكلها مب امصدقه انها صارت ع ذمة واحد ألحين .. كنت اجوف مدخل الخيمة، افكر ف اللي قاله لي وليد وما صار مثل ما كان يتوقعه .. لو لـ حالنا و من هالسوالف يمكن كنت بتذكر شي من اللي ما تحقق .. بس ع اللي صار من بيننا ما اقدر افكر بـ شي يكسر من اللي انبنى خلال هالشهور القليلة .. لكن طول هالوقت هل شي من الكسر انجبر ..!! هل قدرت اتذكر شي يخليني اتمنى مكان أمل ..!! جفت صوبها و ويهها بعده احمر .."لا" .. هذي راعية مشاكل مابي اكون مكانها .. : شو عندج اتطالعيني بهالنظرات .. : والله للأمانه كنت افكر بـ .. : لو انتي مكاني .. طالعتها مستغربه ..: انا مابينت هالشي ولا قلت ابي اكون مكانج .. : انتي مابتقولين، مابتبينين هالشي لـ اي حد ولا لـ نفسج بعد .. طالعت صوب ممر الرياييل .. : أنتِ مب متقبله انه تقارنين نفسج بـ اي حد .. ما ادري اذا كنتِ اتجوفين هالصفه زينة فيج ولا لا .. أنا اجوف هالطبع اوكي وتراني أعرفج اكثر من نفسج وانتي تعرفيني اكثر من نفسي .. سكتت شوي ..: تدرين .. اللي يضحك اننا خذينا اماكن بعض بدون ما ندري .. : تدرين .. هو مكتوب وصار لنا .. ما اقول غير الحمدلله ان كان خير او شر .. رفعت عيونها و رأسها لـ فوق ..: الحمدلله .. رجعت تطالعني بـ هبل مب طبيعي .. : بعد هالسوالف يلا خططي عسب نخرب كل شي .. : يا بنت اعقلي تو الناس ع هالسوالف .. : عادي انا اتـ .. فجأه إسكتت و بدأت تدور ع شي ما ادري شو من ع الكنبه .. شالت المخده و غططت ويهها كأنها تحميه من شي .. طالعت حولي جفت ريال يطالعنا .. شخص من صوب الرياييل طلع جدامنا .. الصدمه نزلت عليّ لثواني بس لا غير .. تذكرت انه امل كاشفه مافي عليها غطى .. لفيت عليها لقيتها بعدها ع وضعيتها .. عسب ألحق عليها وقفت جدامها يمكن اغطي شي من اللي بيّن له .. كننا نسمع صوت احتكاك كندورته يتقرب مننا .. شوي يوقف عدالي بس بعيد شوي .. : هاج غطي نفسج وقومي لـ حجرتج .. "هذا مب صوت حد من اللي ف البيت شكله ريلها" .. : إخلصي .. مدّي إيدج و خذي الغترة ع طول طيري ع حجرتج .. أمل مافيها ترفع رأسها ولا فيها اتجوفه .. مديت إيدي و شلته منه .. : اوكي .. خلاص سير .. الحين بنسير داخل .. ع السريع نزلت و حطيت عليها غترته ..: يلا قومي .. شكلهم الرياييل بيظهرون .. رديت المخده لمكانها، بعدت شوي بعيد عنها وسويت لها وسع عسب تمشي وياي .. الهبله هدّت الوسع اللي سويته، سارت صوبه و ادعمت فيه .. هنيه والله كان بخاطري أقول "يالهبله مب من هناك تعالي من هنيه" .. ما عرفت اتضيع طريقها غير ألحين ووقت الخلق فجأه تتطلع ..!! مسكتها من كتوفها و سحبتها لـ عندي سايرين صوب ممر الحجر .. أظن اني سمعت صوت شي يطيح ع الأرض مثل المعدن ..!! ما اهتميت وايد بإني اجوف شو هو كان همي نطلع و بس .. من صرنا شوي بعاد عن الصاله .. البنت حررت نفسها مني وبدأت اتطالع تحت تدور عن شي ..!! نزلت لتحت، رفعت فستانها "شمرت عن ساقيها" وطارت ف الممر سايره لحجرتها .. تميت واقفه ف مكاني احاول اتخيل انها كانت موجوده هنيه .. هنيه عدالي صح ..!! شي غبار طلع وراها .. إلتفت وراي لأني حسيت بـ وجود شخص يطالعنا من صديت مالقيت حد .. رجعت اجوف مكانها اللي فجأه فضى .. حطيت إيدي ع جبهتي احكها من صدمة المشهد مب طبيعي .. زفرت زفرة طويله ..: الحمدلله ع كل حال .. سويت نفسي طبيعيه ومشيت صوب حجرتي هالمره أبي انسى مشهد الطيران .. عروس لُئْطه .. تقربت من قبضت الباب و من فتحته تقابلت ويا عيون عسلية .. : غريبة واعي ..!! كان يسكر زراير كندورته بسرعه ..: بعدني ما رقدت ابوي طلبني .. سويت له وسع ..: ليش صاير شي ..!! : أبو سعود طاح عليهم .. بنوديه المستشفى .. : ما يجوف شر و ان شاء الله خير .. سير لهم وخبرني شو بيصير .. تعداني ..: إن شاء الله .. انتي ارقدي ولا تنطريني ارجع .. " من قال لك اني بسهر ..!! انا بأخذ دواي و بنام ع طول" ..: سير ولا اتحاتي .. كان يمشي ف الممر ورفع صوته عسب اسمعه ..: وداد ما اتمصخر لا اجوفج سهرانه .. ييت ارد عليه لكنه اختفى من جدامي .. دخلت الحجره ع طول عيوني راحت لـ مكانه .. مكانه ع الكرفايه يقول انه كان بينام ما طولت بالتفكير .. الباب انفتح ورأسه طلع منه .. مد إيده و سحبني له بسرعه طبع ع خدي ..: برجع لج بس صبري علي .. وطلع .. تميت واقفه ف مكاني اطالع الباب اللي انفتح فجأه و اتسكر بدون اي رد فعل مني .. كل مره يسوي شي خفيف لي .. شي يحرك له قلبي .. شي لو شو مايسوي مايغير تظرتي .. طلعت فوني، فتحت الرسايل، اخترت اسمه ، صفحة الرسايل، كتبت "أحبك" وييت اطرشها .. السبابه فجأة وقفت ع كلمة "الإرسال" بسرعه نزلت لـ المزيد "حذف" .. سكرت نور شاشة الفون و فريته ع الكرفاية بضيق ما اعرف شو سببه .. بديت اغير ملابسي ، امسح مكياجي ع السريع، ظهرت لي بيجاما بيج نص كم وشيله قريبه من اللون .. حطيت المستخدم ف السلة وسيرت اخذ دواي من صوب طاولتي عند الكرفاية .. تذكرت انه لازم اكل و عقب انام ع كيفي .. خذيت دواي وقمت سايره للمطبخ .. قبل لا ادخل الصاله طليت شوي يمكن ف حد منهم بعده موجود .. ما لقيت حد و كملت دربي عادي للمطبخ .. لقيت بشكارة موجوده طلبت منها تنشب لي الأكل .. تحط لي بس عيش وروب لأني ادري اني بشبع منهم .. ما ابي اثقل ع نفسي مثل اخر مره .. فتحت الثلاجه، طلعت لي عصير برتقال فريش وقعدت ع الكرسي انتظر صحني .. سندت نفسي ع الطاولة، بديت اتخيل شردة امل الخطيرة واضحك عليها .. بعدني مب امصدقه انها صدق سوتها جدامي .. ذاك الوقت تمنيت لو ان الصدمه خلتني اعبر .. صوت ارتطام الصحن طلعني من أفكاري .. لـ أبدأ بالتفكير ف تغذية بطني .. لاحقه ع تخيل شكلها بكل الإتجاهات حتى لو كان بـ وضعية ثلاثية الأبعاد .. مرة ساعه ونص من تعشيت، بعدني مب قادره انام ولا قادرة اتواصل مع سلطان النوم .. كنت أروح و أرد .. أروح و أرد مابين اول حافة للكرفايه لـ اخرها .. عيوني ع مكانه والمكان هادي إلا من صوت المروحه اللي تدور فوق راسي .. فيني نوم، عيوني تعاندني ما تبي اتسكر وانا تعبت من هالوضع "أريدُ حلاً".. " أبي أنام يا ناس " غمضت عيوني و زفرة بـ تعب مب طبيعي .. أبي أقعد مب قادرة اشيل نفسي إلا مب قادرة ابلع نفسي .. المكان ليش جيه احسه وسيع وضيق بـ نفس الوقت ..!! ف شي ف هالحجرة ضايع وانا أبيه يكون موجود .. ليش هالكثر متضايقه انا ..!! قعدت ادور ع حل لـ حالتي .. "بتصل فيه" هاه اللي رسيت عليه و هاه اللي بسويه .. خذيت الفون من ع الطاولة ، فتحت القائمه وقربت اضغط ع اسمه .. وقفت ف ربع الطريق تذكرت انه ف المستشفى ويا اهل اربيعه .. حطيت الفون ف حضني بـ قهر " زين أبي انام " .. ألحين ليش يقول لا تسهرين و نفسي من نفسها تسهر غصب ..!! الشغله عناد يعني ..!! بـ سهر غصباً عنك ..!! حطيت الفون ع الطاوله الكرفاية بـ غيض .. رفعت اللحاف و نزلت تحته .. حركات اني اوني عاد ما اقدر انام بدونه هالشي مابيصير .. بـ غصب نفسي ع النوم مب لازم اسمع صوته ولا هالسهر له داعي .. سحبت اللحاف لـ تحت ذقني، غمضت عيوني و زفرت كل الهوا اللي ف صدري .. عدلت نومتي لليمين وبعدها تميت اكرر " أستغفر الله العظيم " لما غفيت .. فتحت عيني ع صوت اهتزاز التليفون .. طالعت صوب الكبت بتعب .. مديت إيدي بـكسل اجوف من المتصل، "وليد" ..: كم الساعه ..!! دورت ع الساعه في الفون كانت 4:30 ..!! ضغطت ع الرد، غمضت عيوني وزفرت بتعب .. : فجي "إفتحي" لي الباب .. : الباب مفتوح ماقفلته .. : لا مقفول من وصلت وانا احاول فيه .. وقته اقفل الباب ..!! واصلاً متى قفلته اذكر اني خليته مفتوح لو رجع من وقت .. : خلك ع الخط اجوف شو الموضوع .. شيلت اللحاف عني بـ تعب، بالدز وقفت ع ريولي ومشيت صوب مقبض الباب .. نزلت بـ نظري لفتحت الباب مالقيت المفتاح ف مكانه ..!! : وليد المفتاح مب ف الباب .. : كيف مب في الباب ..!! "مالي خلق العبط" ..: المفتاح .. تعرف المفتاح ..!! : هيه اعرفه .. : هذا اللي يسوي جك جك و يفتح لك القفل ..!! : ادري .. اخلصي ابي ادخل .. : مب موجود .. : جوفيه يمكن ع الطاوله وين انتي تنامين .. : وين انا انام ..!! لفيت صوب طاولة الكرفايه اللي صوبي، مشيت لـ عندها وجفت المفتاح ع يمين الأباجورة .. مسكته بـ إيدي وبديت أدوره ..: إحم .. ما اتقول لي كيف عرفت انه ع الطاولة ..!! : أنا حطيته .. فجي "إفتحي" لي الباب و بخبرج بالباقي .. : دامك سويت هالشي .. مثل ما طلعت من الباب ادخل منه .. مب فاجْه "فاتحة" شي .. : يا .. : يا شو يالحرامي .. : ترا مفتاحي ناسيه ف السيارة و مافيني ارد لها .. فِجْي "فتحي" الباب بس .. قمت من مكاني خلاص بـ فِجْ "بفتح" له الباب ..: وليد ..!! "هذا صوت عمتي" ..: هلا يمه .. : شو اموقفنك برع ..!! : الباب مقفول .. : منو قفله عليك ..!! : انا قفلته ع نفسي .. أحسن لي افج الباب له لا يضحك عمتي عليه ..: وينك ..!! صديت صوب عمتي ..: هلا يمه .. : يمه ليش امخليه ريلج برع ..!! ليش قافله عليه الباب ..!! : انا ما قفلته خليته مفتوح له لو رجع متأخر من المستشفى .. : كيف انقفل .. : إسأليه انا ما ادري والله .. : من قفل عليك ..!! : يا يمه انا قفلته ع نفسي ونسيت المفتاح مالي فـ السيارة .. ممكن ادخل ألحين ..!! عمتي عطته النظرة الجانبية ..: أدخل أدخل .. شكله كرف اليوم ألحين بيَّن عليك .. باس امه ع رأسها .. : تصبحين ع خير يمه .. كانت اتحرك إيدها بحركة دائريه "الله يعين" ..: أنت من اهله .. قلت لها مثل الشي، ردت علي وقفلت الباب .. لفيت عليه وفيني ضحكه أبي اطلعها .. : شكل الرومنسيه خانتك اليوم .. جافني بـ تعب..: انتي لا اتخلين الباب مفتوح لو شو ما يصير والموضوع ماله خص بالرومنسيه .. : ما فهمت عليك ..!! : ابو سعود إللي هو أبو ريل امول ترقد في المستشفى .. فـ سعود و اهله هنيه .. : اوكيه وشو يخصه ف تقفيل الحجرة ..!! عطاني نظرة ..: تراهم عدالنا بـ حجرتين .. عسب جيه انا قفلت الحجرة و ظهرت .. فيني نوم ومالي خلق اجادل اكثر من جيه ..: تمام .. المهم شخبار ابوهم ..!! : ارتفع عليه الضغط وصل 190 وتم ينزل الدم من خشمه .. زين اننا تلاحقنا عليه ولا كان بيروح فيها .. أظن بـ يخلونه ف المستشفى لـ كم زياده عسب يتأكدون من ضغطه لو نزل .. : مايجوف شر .. خلاص بتم قاعده لِما يأذن و عقب بكمل نومتي .. عطيته ظهري و سيرت أقعد ع الكرسي .. سندت نفسي بـ كسل رأسي فوق وعيوني عليه .. كان معطني ظهره، واقف عند الكبت يطلع له بيجاما عادية .. لا إرادياً تثاوبت ..: لا تتثاوبين تراج تعدييني .. بروحي تعبان .. غطيت ثمي لأني بديت اتثاوب ..: غصبا عني والله ما رقدت غير ساعه و نص .. غير ملابسه، قفل باب الكبت و وقف جدامي ماد لي إيده ..: قومي تعالي نمشي شوي برع الحجرة .. جفته بـ تعب ..: لا مافيني امشي خلني جيه قاعده و أنود عادي .. مسكني من إيدي ووقفني غصب ..: وليد والله اني تعبانه و أبي انام .. خلني ف مكاني لما يأذن الآذان بصلي وبرقد .. : ماشي اليوم ما قعدت وياج ولا سويت شي معاج .. هدني وانا رجعت اقعد اجوف تحرك لـ مكاني ع الكرفايه .. وقف عند مكاني شل شيلتي و رجع يعطيني أياها ..: لبسيها بنظهر نمشي شوي .. : وليييييييد .. حرام عليك تعذبني حتى ع الليل .. : أي ليل قومي نمشي شوي برع و بنرجع .. بتكونين شوي نشيطه .. قومي .. بكل ملل حطيت الشيله ع راسي بدون ما ألفها .. وقفت له و عطيته نظره القهر .. مسك إيديّ و سحبني وراه لـ برع الحجرة .. البيت هادي محد قايم غيرنا ويقول نتنشط .. عيوني تتحرك عليه من قمة راسه لـ إيده اللي تمسك إيديّ .. للأمانه قلبي من وناسته مايبي إيدي تتركه .. أبي اقول شي .. أبي أبدأ معاه بشي .. ابي اكسر هالهدوء ..: تعبانه أنا .. لف بـ نص ويهه صوبي كان يبتسم لي ..: انا تعبان اكثر منج وجوفي اتحرك اسرع .. "لا أتعلق" ..: انت خليت جسمي يتكسل وقلت لي نامي لا تسهرين .. وصلنا للصالة محد فيها ..: عادي عسب تنسين التعب .. في شغله استغربت منها .. تعلقت عيون ع رأسه ..: شو من شغله ..!! : رجعتي الحجرة هاديه ومافيج شي .. عسى طلب أمل ريحج ..!! لـ لحظه موضوع رفع الفستان و الركض ف الممر راح عن بالي ..: ولا شي بس تشتكي .. دخلنا ممر المطبخ .. لف علي .. : من شوي تشتكي ..!! : أنت تعرف لـ سوالف القعده المتأخر ع الكوشه للعروس ..!! حرك رأسه بـ "إيه" .. : عمتي قايله لها تقعد لـ 1 الفجر و طلبتني عسب اخليها تتطلع من وقت .. وقفنا صوب باب المطبخ ..: بس عسب جيه طلبتج ..!! أتشردينها ..!! حركة كتوفي ..: هيه .. هاه بس إللي صار .. فجأة طلعت لي صورتها وهي تركض ضحكت ضحكه خفيفه..: ضحكيني معاج .. فج باب المطبخ وطلعنا لـ برع .. الجو كان بارد شوي مجرد لفحات خفيفه .. وقفت امسح ع كتوفي ادفي نفسي شوي .. تقرب مني و حط إيده ع كتوفي "يدفيني" .. إلتفت له والإبتسامه ما خازت عن ثمي ..: أختك بـ اتسوي الهوايل ف إربيعك و هالشي أكيد .. مال بـ رأسه وبدأ يتقرب مني ..: شو سبب هالكلمه .. رأسي كان يرتفع شوي ما ادري انه عيوننا تِلاقّت ويا بعض .. "نبرة صوتي ..!!": سببه اللي سوته اليوم .. عيوني تنقلت من ويهه لـ كتوفه وثبتت ع ايده اللي تتحرك ع إيديّ ..: شو سويتي اليوم بالضبط .. : أنت بـ تقعد تلهيني عن اللي ابي اقوله لك ولا كيف الموضوع .. : أنا ادفي حرمتي اللي فيها نوم .. : اوكي وانت بهالطريقة تنزل سلطان النوم غصب .. شوي و بنام عقبها بتشيلني للحجرة .. : لو هاه اللي بيصير من المسح عسب ابعد البرد عنج انا موافق .. عطيته نظره "يعني مو وقتك" ..: جوفي .. حط يبهته ع يبهتي .. غمضت عيوني شوي و فتحتها له عادي ..: انا ما املل لو فيها انتي .. حتى لو بس اشلج و اتنقل فيج عاجبني .. ع الأقل ويهه حرمتي يكون قريب مني .. نزل برأسه لـ أذني ..: أبي اسوي فيه اللي ابيه وهي نايمه .. ع هالتصريح الهمسي حسيت بأنه كلمته هزت كل شي فيني .. ما ادري اذا بان عنده الإحمرار ولا لا .. المهم يوقف ألحين احنا مب ف الحجرة .. : وداد .. رفعت نظري لـ عيونه كل اللي جفته لون أسود مب امبين شي .. ع رأس يتقرب مني شوي شوي .. مابينا غير شويت إنشات ويعلقني ف هبله .. انا ما ادري ليش جيه أصير .. أتصنم من يقرب مني هالكثر .. برودة بدأت تلفح خدي، شي لفحات حارة بدأت تتقرب والرطوبه انطبعت ع جبهتي .. من بِعَّد عني شوي بعَّدت رأسي عنه ، أطالع عيونه ف ظلمة ما اتبين شي من ملامحه .. " مابا يعقل الليله ، يتغزل و الجو بدأ يبرد علينا " ..: وليد .. قربني منه اكثر وسند بـ رأسه ع قمة رأسي ..: قلبه .. : ممكن نرجع داخل ترا صدق الجو برد و بديت اتحرقص من البرد .. رصّني لـ حضنه اكثر ..: لو تميتي بس جية متقربه من البدايه ما قرب منج البرد .. قلبي حسيته طلع "آهه" خفيفه بدون صوت ..: عادي أي حد يجوفننا .. : محد واعي غيرنا فلا اتحاتين هالشي .. "أفهم ولو شوي عليّ" ..: زين خلّنا ندخل خلاص انا بردت .. : خلينا انجوف الجو لما تتطلع الشمس .. انا بتم حيه ماسكنج ادفيج .. : يعني اليوم ما ندخل لما تظهر الشمس ..!! : ايوه .. حسيت عيوني صاروا خط من كثر ما اركز عليه ..: يصير خير .. خلنا ندخل بس .. : اوعديني انها لـ بعد الصلاة و اخليج تدخلين ألحين .. المهم ما اتغيرين رأيج .. : اوعدك .. خلنا ندخل .. : يلا .. حصلت منج وعد رياييل ألحين .. لفني صوب باب المطبخ، تم ماسك كتوفي ماتركهم وماتحركت إلا وياه كأننا صرنا ..!! جفت ريولي كيف تتحرك ويا ريولة .. كأننا صرنا شو ..!! رفعت رأسي له كأني ادور ع جواب منه .. جواب يخفف من رأسي سؤال عن "كأننا صرنا " .. نظره امركز لـ جدام ع باب المطبخ، نزل بنظره لـ خطواته وفجأه نقلها لي .. عيوننا هالمرة تلاقت، لون عيونه بانت عسلية توفو والتعب باين ع ويهه .. التعب ..!! هالات سودا تحت عيونه .. قدمت بـ جسمي ناحيته شوي ومعاه مديت ايديّ اليسار .. لمست السواد إللي تحت عيونه وهو غمض لي عيونه ..: متى بـ اتريح ..!! أتلمس السواد بـ إبهامي ..: شكلك وايد تعبان .. فتح عيونه، حط إيده ع إيديّ و نزلها قريب من قلبه ..: لا تلمسين غدر .. ترا بتصير بلاوي .. جمدت إيديّ عن الحركة و جفته بـ هبل ..: شو تقصد ..!! حسيت بـ إيده تنزل من ع كتوفي لـ اتصير ع خصري و يقربني له ..: أقصد هذا .. حاولت اسحب إيديّ اليسار من إيده ما قدرت ..: و .. : إنتوا ما تشبعون من قلة الأدب ..!! لا هالمره ف العلن و برع ..!! "الحمدلله .. أمول" طالعت صوبها بـ ترجي .."تعالي انقذيني" ..: انتوا ما عندكم حجرة ..!! : وصلت مفرقات الجمعات هادمة للملذات .. : ملذتك سوها هناك ف حجرتكم ماله داعي تسويها جدامنا و اتخرب اخلاقنا الزينه .. : انتي شو امقعدنج ..!! : من قال لك اني رقدت اصلاً ..!! المهم اترك حرمتك وخلها بحالها .. قربني منه اكثر ..: إنت قلتِها "حرمتك" توكلي دوري ع ريلج .. : أي ريل اللي تقصده ..!! : توكم من كم ساعة كتبتوا الكتاب و الورقه عليها اساميكم .. بـ همس ..: وليد خلاص فجني .. فضحتنا وبعد ماسكني بـ هالطريقه .. عيب عليك .. طالعني بـ عيوني ..: لا اتخليني اكمل اللي بعده ما صار .. حركة رأسي بـ لا ..: لا أتسويها هنيه .. وجهه الكلام لـ امل بدون ما يشيل بـ عيونه عني ..: ما بتسيرين حجرتج ..!! : لا ابي اقعد هنيه برع اشم لي هوا نظيف بدل اللي شممتوني اياه من كم ساعة .. بعده ع وضعيته معاي ..: شو اللي شميتيه من كم ساعه ..!! : إللي انت تشمه ألحين، لاصق فيك و اتشمم فيه من يوم انت صغير .. بس انا تويّ أبدأ الشم بـ شي ما أبيه .. تأشر ع نحرها..: عالق هنيه .. صد صوب أخته و بعد عني شوي ..: دام بديتي تشمين اللي انا اشمه من الصغر .. هنّيالج بإللي تشمين فيه ألحين .. لف علي والضحكه انرسمت ع ثمه .. تقرب من اذني و همس ..: قومي دخلنا خلص دورنا هنيه .. فتحت عيوني ع وسعها قلت بـ همس يماثل همسه ..: في حد هنيه ..!! سبل بـ رموشه بـ"هيه" .. طالعته بـ غيض ..: هدّني احسن لك ألحين .. من فجّني، مسكت كتوفه و شتّه ف ركبته 3 مرات .. من سمعته يتأوه بصوت مسموع .. بعدت عنه وسيرت صوب أمل .. وقفت عند الباب ولفيت صوبه ..: قليل الأدب .. كملت لـ داخل البيت ما سمعت منه غير كلمة ..: ليييييييييييييييييش .. غبي، قليل الأدب متعمد هالحركات عسب يراااوي حد الماااااصخ .. إرجع الحجرة اذا ما انحذفت بكل شي موجود فيها ما أكون وداد .. يتبـــــع .. | |||||||
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
3Likes
.png)
.png)
العرض العادي
