12-04-14, 02:11 PM
| #214 | |||||||
| نجم روايتي وقلم مميز بخاطرة من وحي الكلمةوناقده متالقه بالقسم الادبي  
|  السلام عليكم و رحمة الله وبركاته الجزء 13 حطيت ايدي ع قلبي .. من سمعت صوت الباب و هو يتسكر بقو .. وانا ما اعرف شو صاار في قلبي .. جزء صغير من قلبي حس بويع خفيف .. كلمة اسف طلعت من قلبه .. وهالقلب ما صدق ع الله و اهتز له .. حسيت بـ نبضات قلبي تفااارقني .. هو يخفق عادي بس مب مثل كل مره .. شي اخترق قلبي .. وبدأ يسحب الدم شوي شوي .. وانا اطاالع المكاان واتحسس مكان الألم .. دورت في راسي يمين و يسار عن اللي احس فيه الحين .. لقيت انه كل شي فيني ضايع .. عقلي نكر اسفه و بكل قهر .. عاد لي شريط الحقد وياه الألم .. وانا مابين الغصه و القهر ع حالتي .. وبين الإحساس بالذنب اني سويت شي غلط في حق وليد .. حسيت اني ضااايعه .. طلعت مني تنهيده طويله .. غمضت عيني بـ عجز اول مره احس فيه .. ليش احس انه كل شي ينسحب مني ..!! لييش تنسحب !!! ضحكتي .. سعادتي .. دمي و الحين رووحي !! ليش تنسحب مني هالأشياء !! ادور ع الشغله اللي تسحب دمي .. حتى اني تخيلت انه شي إبره إنغرزت في صدري .. موصله بـ انبوب شفاف نهايته!!.. كنت اتتبع نهاية الأنبوب .. لقيت في نهايته ايد .. باسط كفه يجمع قطرات دمي في راحة يده .. هاه كله منه .. كله من اللي سواهـ فيني .. كله منه الهيييس .. هالتخيلات منه هو .. رجع لي الويع اقوى شوي حطيت ايدي ع مكان الويع .. بديت اضغط و ادلك ع الخفيف يمكن يخف .. شي يختفي .. شي يريحني ويريح قلبي .. طاحت قطرة ماي ع ايدي و تبعتها الثانيه .. ما دريت اني اصيح ولا دريت انه عيوني تواسيني .. لـ ما طعمت الملح ع شفايفي .. كنت بعدني قاعده ع الأرض .. بعدني احس بكسر وصل لـ ركبي.. اخوي يعق علي كلاام و حضرته واااقف يرد عليه .. ما يقدر يبلع لساانه و يعطيه الإذن الصمخى .. على شو يخليييه يطووول في الكلاام و من سمح له .. من سمح له ينفش ريشه و يقولها بكل رااحه " ع الأقل تزوجتها" .. شو ع الأقل تزوجتها متى انا واافقت عليك عسب اتقول ع الأقل .. متى رضيت فيك كـ زوج عسب اتقول ع الأقل .. متى قول متى .. متى قبلت فييييك انا متى .. ما حسييت إلا و انا اصرخ فيها بـ اعلى صوتي : متــــــــــــــــــــى لحقت دموعي صرخاتي المسموعه و المكتومه .. التنهيدات و الغصه خنقووني .. خنقوووني مثل الياثوم يوم يبّركْ ع صدر النايم .. (من الأساطير الإماراتيه) .. ... كنت أظن اني بنسى ويع القلب و النفس و ابدا من الصفر ويا كل شي بـ حياتي .. بس كل مره افكر.. اقرر ..او اسوي اللي اريده واللي اعزم ع اني افره ورا ظهري .. يطلع لي بـ صورة معاكسه.. وضعي ما راح يتغير لو تميت افكر بكل شي بهالطريقه .. عصبيتي خربت كل شي .. الكلام اللي يطلع من اقرب الناس يخليني ابتعد .. ابتعد عنهم ولا ارجع لهم .. غمضت عيني بغصه .. تركت مكاني ومشيت صوب الكبت ..طلعت ملابسي بنزل الويع اللي هاجم تفكيري .. اغسل راسي من التفكير السلبي و انظف قلبي من التعب النفسي .. كنت احس بالماي وهو ينظف كل جزء مني .. من بداية راسي لـ ريولي .. حسيت بالدموع اللي تنزل ع خدودي .. وتختفي ويا الماي تاركه وراها بعض البروده.. يوم طلعت لقييت وليد قاعد ع االكرفايه .. كان امعلق بنظره علي .. وقف و قرب مني .. من جفت يقرب مني .. طالعت الصوب الثاني و مشيت من عنده : سمعيني شوي .. عطيته نص ويهي و بديت انشف شعري .. : .. وليد .. : ادري اني غلطت يوم تكلمت و قلت اللي قلته .. و ادري انه المفروض ما اكلمه .. المفروض اطلع وياج ع طول بس ما تحملت اللي قاله لج .. ايدي وقفت وييت ارد عليه .. بس فكرت وانتهى تفكيري بعدم الرد ع اللي بيقوله لي .. : ... وليد .. : وداد وضعنا لازم يتغير .. لازم نفهم بعض ولو شوي .. مب قاصد اهيينج ولا اني .. بـ بروود ارد عليه .. : اسكت وانسى الموضوع .. انت و اللي مثلك بالتفكير .. خليتوني احس اني ثقيله ع الكل .. يكفي اللي صار اليوم و يكفي مصخرتكم اليوم .. عشانكم انتوا الإثنين ماراح اطب البيت ..ما راح اقرب للبيت ولا راح استقبل حد .. الفضل لك انت بالأخص .. تبي اتكمل في هالمصخره و اتسوي من الموضوع شي كبير .. كمل في المناقشه .. وانطر الردود اللي بتثلج قلبك .. انسى وخلني بحالي .. مب ناقصه تخلف اكثر من اللي صار اليوم.. تركته في الحجره وطلعت ع الصاله افكر في اللي صار اليوم .. افكر في شي يلهيني عن اللي جرحني .. غمضت عيني ولقيت كل جزء فيني يرجف .. قشعريره تهاجم اجزاء جسمي .. رجعت انشف شعري و افكاري توديني لـ شي و تردني لـ اشياء ما تنتهي .. ذكريات تذبحني و ذكرياات تمنييتها ترجع لي وارجع لها .. ذكريات تمنيتها تحضني .. تمنيتها تحميني .. تمنيتها تحاوطني بإيدها .. تمنيتها تضمني .. تمنييتها تهدييني .. تمنيتها تسعدني .. دموع تحرق عيوني .. ويهي .. روحي و قلبي .. تركت اليوم يعدي .. تركت معاه نصي اللي ماراح يرجع مثل ما كان .. عقب ساعه مسحت دمووعي و سيرت اتوضأ .. صليت ركعتيين بعد ما سلمت تميت استغفر ربي .. حااولت انام و ما قدرت .. اللي قلته لـ وليد طير النوم مني .. تأنيب الضمير !! متى انوجد هالإحساس و علشان منو يطلع !! علشان إللي انتهك روحي و دنس حياتي !! تنفست الهوا بـ عمق و زفرته بـ آهه طويله .. استغفرت ربي .. قريت المعوذات و انسدحت ع جنبي اليمين .. بعد 3 اسابيع .. فتحت عيني و الظلام عبى الحجره .. حركة عيني يمين يساار .. لا يكون حد هنيه وانا ما ادري فيه .. قعدت بسرعه و مديت ايدي ع الأباجووره و فجيت الليت ... كنت ارجف من الخوف .. منو قفل الليت وانا ناايمه !! .. لا يكون وليد !! بس وليد يعرف اني ما انام في الظلاام .. من طريت اسمه ابتسمت بقهر .. : وليد اي وليد اللي اتكلم عنه .. !! وليد اصلاً ما صار يقرب مني ولا صرت ألمحه .. صار عنده عاده في التسحب .. عاده في التهرب .. مب غريبه هاه من طباايعه الشينه ولا بيتغير .. نزلت راسي بـ غصه .. اطالع ايدي اللي بعدها الرجفه ما تركتها .. دخلتها تحت اللحاف .. رجعت انسدحت و سحبت اللحاف لـ تحت ذقني .. كنت ادفي ايدي و بنفس الوقت اوقف الرجفه .. الحين وليد ان رجع البيت يكون على اخر الليل .. احس به يوم يتسحب .. يظهر ملابسه ويتسبح في الحجره اللي كنت اقعد فيها .. حطينا من بيننا حوااجز و طولنا في الزعل .. ما عاد يسأل عني لا اكلي ولا شي يخصني .. تعودت انه يسألني و انا اعطيه الإذن الصمخى .. يوم يحن ع راسي اقول له .. بس انه يوقف عن السؤال !!.. هيه يرفع ضغطي و يقعد يلعوزني ع الأقل في احد اتضاارب وياه .. احد اونس نفسي ويااه بدل الضييق اللي مب طاايع يخووز عني .. انه ما صار يهتم بـ اي شي اسويه .. من عناد، رفع ضغط و نكد شي ما اقدر اقبل فيه.. الحين كل شي تغيير .. كل شييي ..!! ان حبيت اطلع اطرش له مسج ان وافق طلعت وان ما واافق قعدت .. ابي اغير جو الكتمه اللي رجعت اعيشه من اول و ايدييد .. مب يلبسني طول هالأياام .. نزلت ايدي بتعب .. كأنه الحمل زااد ع كتفي اخوي كسر فيني ضلع ولو سيرت اجبسه بيتم عويّ ولا بيعتدل .. وجودي في هالدنيا متعلقه في تقبل اللي حوولي لـ حاالتي .. وانا ما اقدر اطلب منهم انهم يتقبلوني غصب .. مجرد التفكير فيه يخلي كل جزء فيني يشتكي .. وانا ما بين اداااري هالوجع و هالوجع .. اتنقل من بينهم كأني ادور لي على بيت يضمني له بدون مقابل .. ا نا مب في خاطري غير اني انسى اللي صار لي و ارجع مثل ما كنت .. الشرخ اللي في روحي مين بيدااريه !!!.. رجعت قعدت هالأفكار ما راح اتخليني افكر في شي اسمه نووم .. غمضت عيوني افكر في اشياء يمكن تخليني انام .. صور اتيي و صور تختفي .. اشكال الناس كل شوي تتغير .. مخي مب طاايع يثبت على خيال واحد .. فجيت عيني لقيت وليد واقف عند الكرفاايه .. تميت افكر متى دخل .. متى فج الباب !! كان وااقف ع اليمين صوب ايدي .. ودي اتكلم اقول له شي .. اسأله بس مافي شي يبي يطلع .. وجوده اربكني و حسيت انه في شي غلط بيصيير .. حط ايده في مخبااته .. وتم يطالع فيني كأنه يشخص حاالتي .. : ع بالي فيج شي .. طلعتي ناايمه و انتي قااعده .. : منو نايم و هو قاعد !! : أكيد انتي .. في احد ينام و هو قاعد طالعت الصوب الثاني .. ما غلسسسه يا ثقل دمه .. هاه شو ياابه هنييه .. لو طريت المليوون مب احسن لي !! .. طرى ع باالي و جفته جداامي .. محد يطريه .. : اقول ودااد .. بعدني اطالع الجهه الثانيه : نعم .. قول .. وليد .. : اتكلم لـ شعرج يعني !! بدون نفس ارد عليه .. : تكلم ويا الشعر و اتحسس نفسك انك مينوون عادي الأمور طيبه معاك .. طلع تنهيده .. : مو وقتج ترا ع حالتي .. : ولا وقتك شو تبي ياي الحين .. : مب فاضي اتلاغى ويااج .. ولا بأخذ و اعطي معاج .. ييت اقول لج كم كلمه و بظهر .. عقب يومين بنسير العزبه .. الأهل كلهم هناك و عزموني .. بنسير .. : العزيمه لك انت و اتخصك انا شو يخصني : اخلص كلاامي و عقب قولي اللي عندج .. بنسير لهم .. و بنباات هناك اسبوعين .. جهزي لنفسج ملاابس لـ اسبوعيين .. تحرك من مكاانه .. طلع من الباب و صك الباب وراه .. خيييييييييييييير .. مب توك اتقول عقب قولي اللي عندج !!! .. اورييك .. خووزت اللحااف عني .. غصص بي .. فجيت الباب ادور عليه .. سمعت صوت طلع من المطبخ .. تحركت وبدل ما اسير لـ عنده .. رصييت ع ايدي و رديت صكيت الباب بهدوء .. قلت لنفسي : خلييه يولي .. لا بسير وراه ولا بقول له شي .. ليش احرق اعصابي عشانه !! يتبع .. مع تكمله للجزء13 | |||||||
|
|
13-04-14, 11:43 PM
| #215 | |||||
| روايتي مؤسس ومشرفة سابقة وقاصة في منتدى قصص من وحي الاعضاء  
|  مشكورة دمع على الفصل الرائع ... تؤلمنى حالتها لأقصى درجة ... هى تبحث عن الراحة فقط تحتاج لأن يرتاح فكرها و قلبها ... و للأسف الواقع يجبرها على تقبل من نحرها كى تمضى الحياة ... و هو فعلاً يحبها ربما كان إغتصابه لها لأن الأبواب أغلقت فى وجهه ليتزوجها و لكنه يحاول على قدر إستطاعته أن يجعلها تنسى و تمضى قدماً و يريد أن يعيدها للحياة و يبدو أنها تحاول تقبله و أكبر دليل على ذلك إفتقادها لمناكشته و سؤاله عنها طوال فترة خصامه و بروده معها ... و لكن مازال المشوار طويل كى تتسامح كما اتوقع ... دمع متابعاكى و شكراً لك | |||||
|
|
|
14-04-14, 01:32 AM
| #217 | ||||
| السلام عليكم القصه جميله وصف حاله وداد وصرعاتها مع نفسه لتقبل من انتهك الروح قبل الجسد الغريب كيف ان شقيقها ينظر لها وكانها هي المخطئه وليس الضحيه كيف يستقبل من طعنهم بالظهر ويرمي اخته بالسهام المجمتمع العربي دائما ماينظر لضحايا الاغتصاب وكانهن باعات الهوى وداد تحتاج الى علاج نفسي طويل صعب ان تتقبل وليد بسرعه ممكن ترضى ولكن السعاده والراحه تحتاج لسنين فى الواقع ودائما يكون هناك جزء يموت ولايعود ياليت تاخذ الروايه منحنا اخرى بحيث نرى الامر من وجهه وليد والعائله ماتكون الروايه مقتصره على وداد فقط راح تعطي بعد اخر وتكون شيقه اكثر وياليت متتاخر فى تنزيل البارتات | ||||
|
|
|
18-04-14, 02:52 PM
| #218 | |||||||
| نجم روايتي وقلم مميز بخاطرة من وحي الكلمةوناقده متالقه بالقسم الادبي
| الجزء 13 - جزء الثاني - مسكت اعصابي و بديت اعد في خاطري للعشره.. 1..2..3..4..5..6..7..8..9 سمعت صوت الباب يتبطل : تعالي بنقعد ع البالكوونه ونتكلم سويت لنا شاهي .. ان شاء الله يعجبج .. غمضت عيني سحبت هوا لـ ما عبيت صدري وانا ازفره قلت : 10 .. لفيت عليه و تميت اطاالع فيه .. تم يطالع يمين ويسار : اشفيج !! نظرتي مثل ماهي عليه .. عطيته الإذن الصمخى و مشيت من عداله .. ابي اتغسل .. : الحين انا اكلمج تعطيني الإذن الصمخى .. !!! طلعت فوطي من الكبت : اتوضأ ..اصلي ..اشكر ربي واتوكل ع ربي و ايي اجوف موضوع الـ انبات اسبوعين .. صكيت باب الكبت و مشيت اتغسل .. بديت يومي بـ ويهه بالغلط طراه الفكر و القلب .. عسى بس يسون عليه block ولا يرجعون يفكرون فيه .. مشيت صوب البلكونه و هالأفكار تلااحقني .. لقيته يطالع الشارع وبإيده قلاص الشاهيه مَقْ منه شوي وحطه ع الطاوله.. جفته يرفع راسه فجأه و يطاالع صوبي .. : مب كأنج تأخرتي ..!! مد ايده يلمس القلاص الثاني .. الشاهي بعده دافي شوي .. لو تأخرتي بعد كان شربيته و هو بارد .. تعالي قعدي وذوقييه .. رفعت حاجبي .. شو اللي تغير عليه .. !! .. لف علي : بتميين واقفه !! .. تعالي قعدي .. قعدت ومسكت القلاص في ايدي اتحسس حرارته .. الريحه حلوه و فريش .. : حاط فيه شي!! : مثل شو يعني !! عطيته نظره : سحر .. كان يشرب وطلع اللي يشربه .. حط القلاص ع الطااوله .. سحب له كلينكس.. مسح القطرات اللي طاحت عليه .. وهو يطاالعني بقهر و بنفس الوقت يضحك .. حرك راسه يمين يسار "ماشي امل" : لو ابي جان سويتها من زمان .. ابـ خاطري اضحك ع شكله وهو يتبهدل : دام جيه تسلم ع الكرك .. شو كنت تبي اتقول لي .. : اتصلت علي امي .. قالت انها امسويه عزيمه علشاننا .. اول مره رفضت وتعذرت ع انج تعبانه .. عندج مواعيد اسبوعيه ومافيج اتفوتيينها .. ردت انه مافيها شي لو اجلتي موعد 1 او 2 ترا العزيمه علشاننا .. : بلاا هالتفاصيل .. قول انت شو تبي .. مب عمتي شو تبي .. : بنحضر وبنباات عندهم .. انا خبرتها بـ هالشي بدون ما ارجع لج .. والحين اخبرج .. : دام وافقت وبدون ما ترجع لي ماله داعي تقول لي التفاصيل .. تقدر اتقول امي امسويه عزيمه لنا و عازمه الناس .. بلاا دخلتك اللي توقف القلب ع الصبح .. شل قلاصه و بدا يرشف منه .. : بعده ما وقف صح !! رصيت ع القلاص بـ ايدي .. : بيوقف قريب لا اتحاتي هالموضوع .. طالعت البحر.. كملت .. : عقب يومين قلت .. تقدر تخليها باجر .. خلص اللي عليك و خلنا انسير .. حط قلاصه .. : وليش من وقت يعني .. قلنا بعد يومين .. : ابي اجوف عزبتكم .. من زمان عنها بجوف شو اللي عندكم عسب تسون العزييمه هنااك .. وصلنا و النخل تغطي المكااان .. ويقولون انها عزبه مب كأنها فيلا .. لفيت عليه : بسألك سؤال واقعي و ابي جواب مقنع .. طالعني مستغرب .. : اسألي .. اشرت ع المكان .. : الحين .. هالمكاان تعتبره عزبه .. !! : صراحه لا .. : عيل ليش اتقولون انها عزبه .. !! احيد العزبه .. صناديق و شغلاات بسيطه .. بس هالعزبه ما شاء الله فيلا ومحاوطنها النخل من كل صووب .. : يبيلج اتجوفين الجهه الوراانيه عسب اتغيريين رأيج .. : عقب ما نرتااح و انسلم ع الكل .. بجوف موضوع تغيير الرأي .. دخلت و المكان مثل ما هو بس هالمره الليتاات مشتغله .. شكله احلى من اول مره دخلت هالمكان .. يوم ييت كنت .. كنت ويا ابوي إللي رفض يسمع لي و زوجني له .. رفعت راسي .. كان وليد يطالعني .. ينتظر مني اوقف عنده .. : وداد بندخل ويا بعض .. وقفت اطالعه شوي .. حسيت بـ شي يحك رموشي .. مشطت رموشي بحركه بطيئه .. قربت منه ومد لي ايده .. طالعت ايده : ماله داعي .. بندخل بدون ما تمسك ايدي .. : والله ما امدها عسب امسك ايدج .. امدها عسب اتيين لا غير .. : تقدر تقول يلا دخلنا بدون ما اتمد ايدك صح ..!! : انتِ ما عندج شغل غير انج تسوين مشااكل .. : صوتك لا ينسمع ويقولون .. عرسان يدااد و بدأت مشاكلهم .. نزل ايده و كوره ع شكل قبضه .. : تعالي دخلنا .. كنت اضحك ع شكله .. في خاطره يقول "ليش بلشت نفسي ويا هالمريضه " دخلنا صوب الصاله .. امه كانت واقفه و اتطالعنا عادي .. من جاافت وليد ابتسمت.. سرع الخطى لـها وباسها ع راسها و ايدها و قعد يقول لها كلاام .. تمنيت لو اني اقوله لـ امي .. حتى في هالشي احسده .. استغفر الله ما لقيت احسده غير ع حبه لـ امه ..!! انتظرته يخلص من السلاام .. عسب اسلم ع عمتي .. لقيتها تناظرني بنظرات كلها حقد ولا تراواالي هالشي .. : اشحالج حرمة عمي .. : ابخير .. وانتي علومج !! .. سمعت انج تعبانه .. وانه عندج مواعيد .. هذي انتي جنج البخت مافيج شي .. : مواعيد دوريه ويا الدكتووره تشخص لي ادويه و اتخفف لي من اللي اخذه وقت اتييني الدوخات .. : ما اتجوفيين شر .. : الشر ما ايييج .. : وليد يمه .. سير انت و حرمتك ع حجرتك .. جاهزه و امبخره .. ارتاحوا ووقت الغدا انزلوا .. : ان شاء الله يمه .. : وين اغراضكم.. !! لا يكون ما ييتوا بـ شي ..!! : بلا يمه .. بس ما نزلتهم من السيااره عقب بنزلهم .. : عطني السويج .. و انا بخلي البشاااكير يودوونها لـ حجرتكم .. : ما عليه يمه خليها لـ وقت ثاني .. يوم الشمس تنزل .. الحين قييض برع .. من تبرد بنزل الشنط .. : ع راحتك .. الحين سيروا ريحوا .. : ان شاء الله .. لف علي .. يلا مشينا انريح .. : يلا .. عن اذنج عمتي .. : انزلوا ع وقت الغدا .. حجرته كاانت انيقه كون اللي يسكنها ولد .. : اشفيج وقفتي ع الباب ..!! : اقيم حجرتك .. : ليش مب حلوه يعني ..!! : صرااحه .. كونك ولد حطيت في بالي الصبغ ابيض او شي داكن او لون غريب و محبط .. بس ع هاللون .. هالترتيب و هالديكور .. غيرت نظرتي لـ ذوق الرياييل .. حط راسه .. : مو انا اللي مختاار هالشي ولا انا اللي مرتب .. انا يمكن شريت الكرفاايه و الفرش .. البااقي امي اختارته وهي اللي رتبت كل شي .. : الله يحفظها و يديم ذووقها الحلو .. يعني لو عليك شو كنت بتختاار !! : من اي ناااحيه ..!! : الصبغ الديكور و الترتيباات .. : الصبغ بني غاامق .. كل شي ع درجات هاللون .. و الفرش بعد نفس الشي .. : لا اتكمل .. شو هالذوق التراابي .. درينا انك من طين .. مب لازم تذكر نفسك .. : انتِ .. ... فااالحه تسأليين و اتسكتيين .. : صدق و بدون زعل .. انت كـ رجل انقول عزووبي .. اختار لك لون يريحك نفسيا .. و ديكوور يكون مناسب لك ويسعد قلبك .. شغلاات بسيطه ولو رخيصه .. ماله داعي ماركه ومن هالخرابيط .. المهم ترد البيت .. تدخل حجرتك .. ترتااح ع كل قطعه تجوفها لأنك انت اخترتها .. بعد اقول لك .. ذوق امك احلى من ذوقك بـ الف مره .. جو رومنسي ع راحه نفسيه .. : اقوول اخلصي و إدخلي .. خليني ابند البااب .. قيمي كل شي وانتِ دااخل .. مب لازم تتحرشين فيني وانت برع الحجره .. .. : حلااته .. اضحك عليك واجوف ملاامح ويهك وهي تتغير .. ماشي احلى من الصدماات اللي تتطلع ع ويهك .. : تدرين عاد .. قرب من الباب و سحبني لـ دااخل .. صرخت من الخووف .. : هبله .. سحبت ايدي من ايده .. : انا ولا انت .. في حد يسحب جيه .. طالعني بنظره .. : علمي روحج وااقفه ع الباب .. كأنج طلااابه (شحاته) : تصدق اكون طلابه ولا اكون راعي الـ ليلام ( بياع متنقل يبيع ملابس جاهزه) .. ما ادري كيف وقف ورااي .. : شو قلتِ جفلت من الحركه .. طالعته عادي .. : ... قرب من اذني و همس : شو قلتِ غطيت اذني بـ ايدي و بعدت عنه : .. شو قلت !!! قرب مني و بـ ابتساامه هاديه على ويهه .. : توه انا شو !! : ما قلت لك شي .. اشر ع نفسه : الحين انا ويهي ويهه ليلام .. نزلت ايدي .. : في شبه من بينكم .. ليش تسأل .. قرب مني .. قلت في نفسي "بدينا .. بدينا السخافات .. بيقعد يستهبل و يسوي من نفسه انا الوسيم انا .. " حط ايده تحت ذقنه : لنفرض اني ليلام .. وانتي الطلااابه .. شو اللي يجمعنا ..!! : ما ادري عنك و عن خيالااتك السخييفه .. اشر ع قلبي .. : يجمعهم هاه .. تدرين وداد .. اقدر اسوي فيج اللي ابيه .. اقدر اخذج بالقو .. اقدر اضمج في اي وقت ابيه .. بس بخليج اتيين عندي و تتطلبين هالشي من نفسج .. بدون ما اضغط عليج .. خيير !! .. طالعته من طرف عيني .. : اطلب شو منك بالضبط .. !! حدد تتمنى تسمعه او اتجوفه مني ..!! قرب .. قلت في نفسي " هاه بدينا ..!! " : الواحد يوم يبي شي .. مب لازم يقوله في كل مره يجوف اللي يبيه .. مب لازم اعيد عليج انا شو ابي .. المهم اني اقدر اسوي اللي ابيه بالطيب او بالغصب .. رفعت له حااجب .. عطيته ظهري وانا امشي قلت له : خير ان شاء الله .. علقت العبايه و تميت بالمخوره .. فكرت لو الحين نمت بـ هاللبس بتتكرفس .. ما ينفع اطلع لهم بـ لبس متكرفس مب حلووه .. لفيت ع وليد وهو يعلق كندورته .. : اقول وليد .. وقف صوب الكرفايه : شو .. : اذا رقدت بـ هالمخوره بتتكرفس .. طرش حد ينزل الشنط : عقب بنزلهم .. الحين رقدي و لا تهتميين .. : بس صدق بتتكرفس .. : نامي بدونها مثل ما انا اسوي .. و ريحي بالج .. عطييته نظره كره و حقد كل المشاعر السلبيه طلعت في النظره .. طالعني .. : ع بالج اتمصخر .. صدق اتكلم .. سوي مثلي و نامي .. : ما اتنزل اسوي مثلك .. لأنه انت مخك تعبااان ومافيني اجااريه .. : انتي الخسرانه .. خلي المخوره تتكرفس .. : طرش حد اييب الشنط .. عسب ما تتكرفس .. اندس تحت اللحااف .. : يوم الشمس تبرد .. قهرني غصص بي .. شليت المخده و ضربته فيه .. : طااع .. الحين ليش تضربين .. وانا رافعه المخده بضربه فيه لو رد يطنش ويرقد بدون ما ينزل الشنط .. : طرش حد ينزل الشنط ولا اليوم ماشي نووم .. رد انسدح .. : يوم الشمس .. آخ ... تم يطااالعني : اقول اصطلبي .. اخ .. انتي ... قام من مكااانه .. فريت المخده .. ركضت ع الحماام (انتوا بكرامه) .. وقفلت الباب.. يدق الباب .. : فجي الباب يالخواافه .. من ورا الباب .. : قول لهم ينزلون الشنط .. ومب خواااافه .. : ع اللي سويتييه مب منزل شي ولا امطرش شي .. : ترا اغراضك هناك .. : ترا انا رياال عادي انام بالفانيله و الوزرا مب شرااتكم .. اتحاتون اللبس وغيره من هالسواالف .. فجيت الباب : اسـ.... ضربني بالمخده ع راسي و قِصتي تجمعت في نص يبهتي .. : ارتحت !!! : لا بعدني ابي اكمل الضرب مثل ضربتيني .. : ما يعتبر ضرب هاه .. : ليش الضرب عندج كيف يكوون !!!! : يكون بالـ إيد .. اعرف تفرق بين الضرب .. : طرش ينزلون الشنط : يوم الشمس تبـ .. آآآآآآآآآآي سحبت خدووده بـ قو ..: إنتي بعدني ماسكه خدوده و اشد فيها .. : طرش حد ينزل الـ .... مسك ايدي .. سحبني له و سكتني .. كل شي فيني جمد .. كان يقربني له بـ ايده .. قلبي لـ دقيقه وقف عن النبض .. الدم انسحب من جسمي .. الدقيقه الثانيه رد يتدفق بسرعه .. بديت ادزه بعيد عني .. بعد رأسه تميت اطالعه بـ غيض .. بعدته عني .. كورة ايدي ع شكله قبضه .. : شو بتضربييني !! ضربي و بنجوف شو بيصير بعد .. : حرييقه تحرقك انت و الشنط فوووقك .. لفيت عنه سايره للحمام (انتوا بكرامه) و قفلت الباب بـ قو .. غسلت ويهي بـ ماي بارد .. ابي انسى لمسته .. طلعت لقيته راااقد قلت في نفسي " ناامت عليك طوووفه " بعد الموقف ما فكرت اطلب منه شي ولا رقدت .. (وليد عنده 4 خوات .. 4 اخوان و هو الخامس) في بيتهم توأمين 2 متشابهين و 2 مب متشابهين .. امل و فيصل ( توأم غير متشابه) و ساره و حسن (توأم متشابه) البنات امل: عمرها من عمري 26 عندها توأم (-- تشتغل و تبحث عن زوج سعاد: اصغر عني بسنه25(-- مخطوبه صار لها 8 شهور .. تخلص الماجستير و تتزوج .. ساره: 23 سنه توأم(-- طالبه في كلية اماني: اخر العنقود 19 سنه (-- طالبه في جامعه الشباب .. احمد : 34 متزوج وعنده ولد وبنت سلطان :30 سنه متزوج وله بنتيين النحس وليد الثالث : 29 سنه فيصل : 26 سنه يبحث عن زوجه توأم سعاد (-- جاري البحث حسن : 23 سنه (-- يكمل دراسته الجامعيه ع وقت الغدا .. نزلنا عسب نتغدى و نقعد ويا اهله .. كنت اسمع اصوات طاالعه من مكان قريب .. وليد جداامي وانا امشي وراه .. يوم دخلنا .. هدا المكان .. الكل سكت يطالع من دخل .. : شو صاير ..!! عمتي : اقرب يمه .. وليد : قريب يمه .. عمتي .. : اقربي وداد .. : قريبه عمتي .. امل .. : هاااه يييتوا يالعرساااان .. اخييرا عطفتوا علينا و نزلتوا تتفقدون الرعيه .. : الحين اسلم ع امي و ابوي و لا عليج يالمهفوفه .. تعاتبه .. : ياخي انت صح اخوي العود .. بس بعد اعتبرني بنتك الصغير و اعطف علي .. كلما جفتني او لمحت رقم تليفووني رد علي .. لا اتطنش .. دريت انك تزوجت و كل شي .. لحظه .. لوسمحت تفضل سلم ع الكباار و عقب نتابع حديثنا .. صح احمد و سلطان و فيصل في ميلس الرياييل .. لو تبي اتسلم عليهم .. حسن بعده في الجامعه بيخلص متأخر و بيرجع ع المسا .. هذا لو تبي تسلم عليه بعدين .. : زين بعد حسيتي ع نفسج و عرفتي للذراابه .. : لو سمحت لا اتخرب الـmood وسير سلم .. و عقب نتفاهم ع موضوع الذراابه .. : وداد .. يلاا مشينا عن المهفوفه .. سلمت على عمي و حرمته .. و سلمت ع البااقيين .. الكل رد عادي إلا سعاد .. عقب عمي و وليد ساروا صوب ميلس الرياييل و تميت ويا البنات .. أمل و انا من صغرنا و احنا فرفوووشاات و كل مره نسوي مقااالب في البيت .. لـ ما انتقلوا .. قربت مني وانا بديت بالكلاام .. :إشحاالج امل عساج بخير .. : إبخير ربي يسلمح .. هاه دوودي .. اجوفج كبرتي و تزوجتي .. : لا صدق .. انا ع باالي بعدني اعيش اياام بااربي و مارك .. : الشقرا!! : هيه تحيديينها .. و حبيبها بو شعر بني !! : بو رقبه عريضه !! ياختي في شغله تقهرني في هاللعب .. : شو هي !! : اشمعنى باربي عيونها زرق و خدودها ورديات و كله شقرا .. وإللي معاها سمر و شعرهم بني .. !! شو اللي غير عنهم !! شو اللي فيها ومافيهم !! ليش العنصريه .. : اقول امل .. ّ : قولي دودي .. : بداايه خيالج وقته مااصخ ولا اترديين ورا اكثر من جييه .. ثانيا .. الحين احنا كبرنا ع هالسواالف .. : ترا انتي يبتي الطاااري .. : يبته ع فصلتج اللي مالها معنى .. عيل في حد يقول كبرتي و تزوجتي .. !! : صح كلاامي زيين .. انتي قلتي ما بتتزوجيين لـ ما اتسوين اللي براسج .. صح ولا غلطااانه انا .. !!! : ترا درستي وياي و اتعرفين شو ابي و ما ابي .. : اقول ودااد .. لفيت ع الصوت لقيت سعاد اخته الثانيه .. : يا هلااا .. : انتي بعدج ع هالخبله .. من تتلاقوون تنسوون الكل .. : شو اسوي صديقة الطفووله و الدرااسه .. : واحنا !!! : انتوا بناات عمي .. اشحااالج عرووستنا .. : بخيير وانتي علوومج .. : تمام و الحمدالله .. : الحين بشري .. : ع شو .. : ايامج ويا النحييس هاه كييف .. : مد و جزر .. و مره جزر و مد .. : اقول اموول .. : انتي اشقااايل قعدتي وياها وفي الدرااسه كل هالسنواات .. : فااصله مثلي و رااااضيه بـ فصلتها .. سعاد : مخبل لايقيين ع بعض .. : مب ع الفااضي راابعتني .. طاالعتني : عادي اطلع فضااايح الكليه .. ترا ثنينتنا كنا انسوي الشغلاات .. : بنات اتركن عنكن هالسوالف .. تعالوا ساعدوني في المطبخ .. لاحقيين ع خبااالكم .. امل .. : يا بنت سعيد .. الحين سوالفنا سوالف مخبل .. طالعتها بنظره .. : بنت اعقلي و امشي جداامي .. امل .. : بنمشي جدااامج .. بس لا عاد تهينيين قوانا العقليه .. محد بيشتاق لنا غيرج .. ولا الوالد ما يهمه .. عمي من بعيد : امل .. اونها ما قالت شي : .. سم ابوووي .. : بتغديين حرمه ولا تبيني ... : ما عليك ابووي .. اللي غلطتَ عليك شغلها عندي .. يمه شو قلتِ لي .. أسااعدج في المطبخ صح !! ... يلاا سرينا ... و سعاد لا تغلطيين ع ابوي .. ما اسمح لج .. كل شي ولا الشيبه عمي من دااخل : شااابن ركبج يالمهفووفه.. قامت ع المطبخ ويا عمتي و سعاد يجهزون الغدا .. : يلا ودااد دقايق و اكون ويااج .. إبتسمت لها وقلت : ان شاء الله .. سيري ولا اتعقين كلاام و تتحرشين في حد .. : والله محد يعرفني كثرج .. تدرين اني بكمل في المناااقش ويا الكل وما بخلي حد : سيري بس لا تتأخرين و يزاعجوون عليج .. : يلا دقاايق و اكون عندج .. كملت 5 دقاايق لـ حاالي في الميلس .. و المكان سبب لي وحشه مو طبيعيه ع كبره.. شليت فوني .. و طرشت مسج لـ وليد .. : وينك !! سمعت صوت رسايل من الطرف الثاني ..: قاعد اتقهوى .. ليش!! : وليش عندكم قهوه و احنا لاا .. !! : شو يخصني فيكم انا .. انتوا حريم و بنات تنيازوون ع بعض .. اسألي اربيعتج اموول عن القهوه .. وخبريها اتقهوييج .. قهرررني .. : زقووم زيين .. شوي اسمع صوت ضحك عااالي .. عمي بصوت عالي .. : ولد .. وليد وهو يضحك .. : السموحه السموحه .. ابوي شوي و برجع لك .. بسير اجوف الحرمه وبرجع لكم .. : مب توك عندها شو تبي فيها وهي قاعد عند امك و خواتك .. انثبر مكانك بس .. : ما عليه بجوف شو الموضوع و برجع لكم .. يبتها ع نفسي انا اللي تحرشت فيه و خليته اييي صووبنا .. مسكت التليفوون و ع طول .. كتبت : ارجع ارجع محد يبيك .. و طرشتها .. رفعت رااسي ولا احصله واقفي جداامي و تليفونه اعلن عن وصول رساله .. طالعني والإبتسامه شاااقه حلجه من اليميين لليساار : اقرا المسج ولا ما يحتاي .. رديت عليه : عادي اقراه شو ورااك .. : زين انا ابيج الحين في شغله .. تعالي معاي .. بيأخذ لهم نص ساعه لـ ما يخلصون .. بـ صوت عالي : يمه .. عمتي من داخل : هلا يمه .. : انا و وداد اليوم بنأجل غدانا .. خلوا لنا نصيبنا ع صوب .. طلعت عمتي من المطبخ : ما بقى شوي و نغرف الأكل و انحطه ع الطااوله .. : زين عيل صبروا علينا شوي .. وبننزل .. طالعتني عمتي بنظره .. حركة لها رااسي و صبعي بـ لا (مب انا) .. و اشرت عليه .. ابتسمت و مشت داخل .. قلت في نفسي : الحين ابيها اتقول اقعد ولاحق ع قعدتك وياها .. تبتسم لي و اتسير المطبخ .. شو المقصد .. : شو فيج اتطالعين امي جييه .. قومي معاي .. : ع وين !!!!!! : حجرتنا شوي .. : لا القعده هنيه احلى .. : اتقومين ولا اشييلج .. : لا اتشييلني ولا اشييلك .. وارجع لـ ميلسكم و خلني في ميلسنا .. :... اووووه الموضوع فيه ميلسنا .. : مب هاه للحريم و ذااك الصوب للرياييل .. : هيه .. و عقب .. : عقب .. توكل ع مكاانكم ولا اتطب هنيه .. : دام جييه ردج لا تزعلين من اللي بسويه .. : لاالالاالا .. بمشي بمشي .. خلااص بمشي .. : يعني لازم العين الحمرا .. : لا اتصير رومنسي مب لااايق .. مشينا .. مشيت جدااامه .. ونسيت اني ما ادل المكاان .. وقفت ولفيت عليه .. كان مبتسم .. حرك لي حوااجبه .. : ليش وقفتي .. طالعته .. اشرت ع البيت .. : هاه بيتكم و انت ادرى فيه .. تجدمني .. مشى صوبي .. : يوم تدرين انه بيتنا .. ليش تنفشين ريشج .. تجدمني .. : و تتجدميني .. مشيت عداله .. : نسيت .. لا اتحط علي .. : تستااهلين .. مسك ايدي .. : تعالي .. كنت اجفل من حركااته لي .. داخليا رافضتنه .. بس يوم افكر فيها .. اجوف حركاته مقنعه .. مافيها تعدي و غيره إلا اللي صار من كم ساعه .. يوم وصلنا الحجره .. لف علي وهو متوتر .. : لا اتطرشين هالنوع من المسجاات .. : شو طرشت .. : زقووم لا اتطرشينها .. كنت اشرب شاهي سليمااني .. و .. : و...!!! : طلعته ع فيصل .. و نصه علي .. ضحك .. : ما توقعت هالمسج .. المفروض ما استغرب هالشي منج داامج اندفااعيه .. بعد لا اتطرشين .. كنت اطالع كندوورته و اضحك .. : انا لو ادري انه جيه بيصير .. جان من زمان امطرشه .. : تبيين اتييبينها ع نفسج .. : اظن هيه ههههههههه تم يطالعني بطريقه خلتني اوقف الضحك .. كنت بتكلم و اسأله شو يطاالع فيني .. : ردينا لهم .. اخاف اتهور و اخرب اليوم .. انتي اللي يقعد معاج يستخف .. : انت مستخف ما يحتااج اتوثق لي هالشي .. : اقصري الشر ولا تقعديين تنغزيين .. رجعت لـ ميلس الحريم و الغدا كان جاهز .. رتبة معاهم شوي و بدينا بـ الأكل .. ما جفت لا اماني ولا ساره .. كل وحده فيهم اتخلص ع الساعه 3ونص و 6 المسا .. تميت ويااهم لمدة ساعه و عقب كل وحده فيهم قالت بـ قيَل لـ وقت صلاة العصر .. رديت عليهم بـ خذوا راحتكم .. طرشت مسج له .. : الكل قيَل إلا انا شو اسوي .. وصل لي مسج : شوي و نرجع الحجره... صبري .. : تذكير .. الشنط نزلهم .. كندرووتك لازم تتغير ولا بيضحكون عليك .. : ان شاء الله .. يتبع .. dam3ahel3in | |||||||
|
|
|
18-04-14, 02:58 PM
| #219 | ||||||||
| نجم روايتي وقلم مميز بخاطرة من وحي الكلمةوناقده متالقه بالقسم الادبي
| اقتباس:
هبهوووبه .. منووووره المكاان بـ تعليقج الدائم ..  دمتـــي بــود يالغلاا dam3ahel3in | ||||||||
|
|
|
18-04-14, 03:01 PM
| #220 | ||||||||
| نجم روايتي وقلم مميز بخاطرة من وحي الكلمةوناقده متالقه بالقسم الادبي
| اقتباس:
تسلميين يالغلاا ع المرور الجمييل دمتــــي بــــ ــود dam3ahel3in | ||||||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
3Likes
.png)
العرض العادي
