05-12-14, 12:56 PM | #461 | |||||||
نجم روايتي وقلم مميز بخاطرة من وحي الكلمةوناقده متالقه بالقسم الادبي
| أريد انزل الفصل .. خوفي تكرهون التكمله اللي قلبها رهيف لا اتكمل.. صراحه ولا امزح لا للكره ولا للحقد دمتــــم بـــــود دمــع العيــــن | |||||||
05-12-14, 01:09 PM | #462 | ||||||||||||||
مشرفة forum français وعضو في فريق التصميم روايتي ومصممة في قسم الروايات والقصص المنقولة
| اقتباس:
| ||||||||||||||
05-12-14, 01:17 PM | #463 | ||||||||
نجم روايتي وقلم مميز بخاطرة من وحي الكلمةوناقده متالقه بالقسم الادبي
| اقتباس:
ههههههههههههههههههههههههه هههه ان شاء الله تعالى.. بس تدقيق ... اضافات لو يحتاج ويكون جاهز للتنزييل هو انا بتهدد ولا إيه ههههههههههههههههههههههههه هههههههههههه | ||||||||
05-12-14, 03:25 PM | #465 | |||||||
نجم روايتي وقلم مميز بخاطرة من وحي الكلمةوناقده متالقه بالقسم الادبي
| السلام عليكم و رحمة الله وبركاته تكلمة البارت 16 غمضت عيني وانا افكر في هالإرتفاع اللي ما بيخلص .. من وصلنا غمضت عيني .. الضغط حسسني بـ دوخه خفيفه وفوق هاه سكر لي اذني شوي .. نزلت وانا احرك رأسي .. حسيت بـ رعشه غريبه .. من رأسي لـ اطراف ريلي .. : صدعتي ..!! لمحت شي اسود يلمس إيدي .. طالعت بـ إيدي .. كورتها و رفعتها لـ صدري .. : .. سمعت ضحكه خفيفه تتطلع منه .. : هاه اللي سويته بـ إيدي .. مشينا بس .. تقدمني .. كنت اجوف جسمه وهو يبعد عني و يسبقني بـ خطواته .. خطيت فـ نفس الطريج .. تحركت عباتي .. شي يتعداني و يركض لـ وراه .. ضحكته في كامل الممر .. جمدت .. ثواني و رديت عاديه .."هاه ما يموت ..!! بأخذ الدوا و بـ يختفي ".. مشيت لي اربع خطوات و وقفت .. كان ينطر عند الباب و شي اسود يطلع ع كتوفه .. شوي و يظهر رأس اسود و يحوط إيديه حول رقبة وليد .. : تعالي بسرعه .. هو ما يدري بإللي اجوفه..!! ولا يدري و مب هامنه اللي اقوله ..!! اعتبرني خبله صح ..!! لو قلت له انه شي ياهل متلصق فيك شو بـ يقول عني ..!! بـ يتم يطالع فيني مثل قبل ..!! رفعت إيدي لـ رأسي .." كيف اقوله عن وجوده ..!! .. كيف بـ يرد علي ..!!" كنت أطالعه و هو يتقرب مني .. الياهل نزل من فوقه و تم واقف عند الباب .. عيوني ما فارقته .. ضم إيديه لـ بعضهم و قعد ع الأرض .. شو عندك انت ..!! إيد ربتت ع كتفي بـ الخفيف .. : إنتي بخير ..!! جفت إيديه .. نقلتها لـ عيونه و حركتها ع مكان الياهل .. " إختفى ..!!" بعدت إيده عن كتفي ومشيت صوب الشقه .. شليت شنطتي و دخلت داخل .. إيد سودا تنمد لي .. رأس امشووه مرفوع لي " أمااااه " رفعت الشطنه شوي ابي أفرها عليه .. : وداد .. جدمي شوي لـ داخل .. جفت وراي ما طولت النظر فيه .. رجعت اطالع جدامي " اختفى " .. " يعلك ما اترد " .. كملت طريقي للصاله .. حطيت الشنطه و طالعت المكان بـ حزن .. " ليش رديت له ..!! ليش ردووني له ..!! ألحين بـ يرجع يلعوزني و يغصبني عليه .. شو اسوي لو عاد الحركه ..!! شو اسوي لو ما قدرت ابعده عني ..!!" حضنت نفسي بـ إيدي .. " شكلي برجع لـ معاناتي وياه .. وهالأذيه ما ادري من وين ظهر لي .. لو يموت احسن .. كل شوي يطلع لي بـ شي إيديد .. قاهرني مثل .. لفيت ورا .. هالهييس" رجعت طالعت جدام .. مشى من عدالي .. وصلتني ريحته .. لفيت بـ رأسي الصوب الثاني .. حاولت اخنق نفسي شوي .. قطعت عن رئتي الهوا و بعدت عن المكان انتشار عطره .. وقفت بعيد و زفرت زفره طويله .. شي ابيض واقف بعيد عني .. احس فيه يتقرب و يبعد .. يتقرب و يبعد .. اخرتها تقرب ووقف في مكانه ..: اي حجرة تبين ..!! ما أبي اجوفك .. ما ابي ألمحك .. ان لمحتك بـ يرجع يطلع المشوه ..: ..... : وداد .. اكلمج انا .. اي حجرة تبين ..!! الله يخليك اسكت مابي اسمع صوتك .. صوتك يخنقني .. يغصص فيني .. يسحب الهوا مني . اختار اللي تبيه بس خلني لـ حالي بدون ما اسمع صوتك .. : ... اسمع صوت حد يزفر زفره طوويله .. : خذي الحجره اللي ع اليمين .. انا بأخذ اليسار .. اسمع صوت خطوات تبعد عني .. و المكان عقب الكتمه صرت فيه هواء اقدر اتنفس عادي .. تميت وقفه مكاني بدون هدف .. بدون ما اعرف شو اللي ابيه وإللي ما ابيه .. طالعت في المكان .. لقيت 3 حجر مب حجرتين .. المطبخ وراي وانا واقفه في الصاله .. الشنطه مفروره عند الطاوله ع جهة اليسار .. وانا واقفه مثل المينونه هنيه .. حركت نفسي و سيرت اشيل الشنطه .. مشيت صوب اليمين مثل ما قال .. بطلت الباب وظله سبقني لـ داخل .. ما اهتميت و كملت طريقي لـ داخل .. ما اتعودت عليه ولا بـ اتعود عليه .. بس صار مثل اللزقه محد يجوفه غيري .. محد يحس فيه غيري و هو يلاحقني من مكان للثاني .. لو تكلمت عن وجوده عطوني ابرة مهدي.. طلعني مينونه غصب وانا مافيني شي من الينوون .. يعله مايرد .. .. وجوده كان يخوفني كنت اجوفه ع انه حلم ..صار حقيقه وهالشي مو طبيعي .. .. يقعد قريب مني و انا أبعد عنه .. ان ابتسم طلع لي ضروسه .. في المستشفى تمر عليه ايام ما عنده شغله غير انه يخوفني .. من اصرخ الكل يتجمع و يعطوني مهدي .. كان يختفي من اخذ الدوا .. من افتح عيوني احصله فوق راسي .. ع يميني او تحت ريول عند الكرفايه .. لحقني لـ هنيه مايبي يهدني ولا يختفي .. حطيت إيدي ع الطوفه ادور ع مفتاح الليت .. شغلت ليت .. نور المكان و كان كل شي بـ اللون الأزرق .. مديت إيدي للشنطه دخلت و صكيت الباب وراي .. عقيت العبايه والشيله و حطيتهم ع الكرفايه .. فجيت شعري اريحه من الربط .. ألحين دور الشنطه .. نزلت رفعتها ولفيت صوب الكرفايه .. شفت سنون حاده جدامي .. انفاس كريهه تلفح ويهي .. سويت له طاف و مشيت صوب الكبت .. فتحت الباب و قعدت اقيم المكان .. شليت الشنطه و حطيتها ع الكرفايه .. بديت ارتب الملابس فـ الكبت .. ع اخر دفعه بحطها في الكبت .. لقيته واقف داخل الشنطه .. : اطلع من الشنطه .. :" أماااه" : مب امك و حرك من الشنطه لا افلعك .. حرك ..!! حسيته عصب .. تحرك ووقف ورا الشنطه .. " أماه " شليت الباقي دخلته و مشيت عنه .. بسير اتوضأ و اصلي مالي خلقه .. قلت دعاء الخلاء و دخلت .. غسلت ويهي بـ ماي بارد .. رفعت عيني اجوف انعكاسي .. هالات سودا تحت عيوني .. مسكت انعكاسي بـ قهر .. بديت اتوضأ .. بعد ما خلصت من الصلاة .. تميت قاعده في مكاني .. كان فوق رأسي يطالعني بـ هدوء .. " الدواء بـ يخليك تختفي وانا ادري " نزلت نظري لـ حضني .. وهالفكره بعدها في بالي و لازم اسويها .. وقفت ع حيلي و بديت اربع السياده ..حطيتها ع الكرسي و طلعت اسوي لي شاهي .. ولعت عود الكبريت و شغلت الغاز .. كنت احس بـ شي اسود واقف عند الباب .. يطل و يختفي .. لفيت عليه .. كان يطالع من طرف الباب و يرد ورا .. يرجع يطالع و يرد ورا .. خلصت التحضير و شليته معاي ع الحجره .. كنت بـ بند الباب .. إيد وقفت الباب .. : وداد .. تبين تأكليني .. ما عطيته رد ولا اهتميت ارد عليه .. : ... : لو تبين قولي بييبلج معاي اكل .. لازم افتك منه ما يكفيني اللي لصقته فيني .. طالعته فـ عيونه و حركة رأسي بـ لا .. خوز إيده عن حافة الباب .. حطها ع قبضت الباب و بدا يسحب الباب لـ اتجاه لـ ما تسكر .. كنت اطالع الباب .. بـ نظرات باهته .. مشيت صوب الكرفايه .. حطيت القلاص ع الطاوله .. لازم ارقد ألحين .. الشاهي شكلي مابا اشربه وانا احس بـ هالضيق .. " أماااااه " لفيت ع الصوب كان واقف تحت ع إيدي اليمين .. مد إيده يبي يلمسني .. خوزت نفسي عنه .: لا اتقرب و خلك بعيد .. وقفت إيده و رد لـ ورا لـ ما اختفى جسمه لـ داخل الكبت .. مابقى غير رأسه تم يطالع فيني .. حسيت به يبي يقول لي شي .. صديت عنه قال " اماه" بصوت واطي واختفى الصوت .. مابي اطالع صوبه ولا اركز ع اي شي يخصه .. توي رجعت و بدا بـ أذيته .. نزلت تحت الفراش .. لفيت ع اليمين قلت الدعاء و رقدت .. كملت اليوم عادي مع وجوده في كل خطوه اخطيها .. يومين و بديت احسه ثقيل ع قلبي .. لا بالحبوب يختفي ولا في المنام يغيب .. رأسي تم يعوورني .. صوته صار يصدى في كل زاويه من الحجره .. يطلع لي في كل مكان .. نزلت رأسي وانا احس بـ ألم مب طبيعي .. بلعت حبتين الأول من 4 ساعات و الثانيه من 5 دقايق .. وهو لـ ألحين ما اختفى .. كثر من كلمة اماااه و اماااه و امااااه .. قام يتلصق و يتلمس .. لمسااته اتقزز فيني .. و بسمته تقهرني و اتزيدني مرض .. ويهه مشوه ملامحه معدوووومه .. طول هالـ يومين كان ينقزني من نومي .. ألحين يتحرك في الحجره وهو امكرر كلمة "اماااه " .. هالكلمه كلما سمعتها .. ضيقت خااطري وتخنقني من الهم .. اتخليني اصيح ع اللي سويته .. ذكرى الإنتحار بعدها تتكرر جدامي .. بوجود هالعله ع قلبي مابيخليني انسى شي .. ما ادري متى بـ يختفي من حياتي و يريحني منه .. الويع بدأ يزيد ومب قادره اتحمل .. وقفت وانا حاطه في بالي اسجد و يختفي .. توضيت وييت اسجد .. رعشه سرت ع كامل جسمي .. بدأت من رأسي و انتهت لـ أخمص عظامي .. رفعت رأسي وانا احس بـ دوخه مب طبيعيه .. رجعت سجدت و هالمره حسيت بـ نمل يمشون في رأسي ..نبض فجأه طلع ع قمة راسي ع اليسار .. رفعت أسي نسبة دوران المكان صارت عاديه .. ربعت السياده و رديتها ع مكانها .. رجعت انسدح ع الكرفايه .. ما كملت 10 دقايق من صكيت عيوني .. : "أمااه" هذا صوته المرض .. إختفي يعلك ما اترد .. " أماااه " شي بارد لمس ويهي .. نقزت ورديت لـ ورا .. وقفت ع حيلي . دقات قلبي وصلت لـ اذني .. حسيت بـ دوخه قريبه .. غمضت عيني شوي و فتحتها .. وقفت عن الليت و بطلته .. طالعت صوب الكرفايه ..: " أمااه " : كم مره اقول لك لا اتقرب مني كم مره ابعدك عني .. كم مره لازم اصرخ عليك .. بـ صرييخ : كم مرررره ..!! وقف في مكانه طالع الأرض ورفع رأسه لي .. مد لي إيده و بدا يتقرب مني .. : أماه طالعته بـ عصبية ..: مب امك انا ما عندي يهااال تسمع ما عندييي .. شي احمر ينزل من ويهه .. يتقرب مني و هاللون مايبي يوقف .. : " أماااه" : مب امك انا . مــــــ ــــب امـــــ ـــــك .. وصل لـ عندي و حضن ريوولي .. كنت خايفه و امعصبه عليه .. : خووز ولا اتقررب .. شوي اسمع صوت دق باب .. : ودااد فييج شي .. فجي البااب .. : ماافيني شي .. ولا اتدق الباب .. لفييت ع اليااهل ..: خووز عني .. بدأ يصيح بـ صوت عالي و يكرر كلمة " أمااه " ما تحملت صووته وهو يصيح .. ما ادري كيف بعدته عني .. طاح و اللون الأحمر زااد و صيااحه صار اعلى من قبل .. عوور لي قلبي .. صياااحه عور لي قلبي .. الدموع تجمعت .. النبض فيني وقف .. .. شي حار يمشي ع ويهي و يدفي ويهي .. مابا اصرخ .. مابا اصرخ .. ماااااابا اصرخ .. صاح بـ صوووت وقف لي قلبي .. ما اعرف كيف رديت لـ ورا .. فجيت الباب و سيرت عند باب ثاني .. جفت وليد واقف جدامي .. تميت اطالع فيه بـ قهر .. لفيت ورااي كان قاعد ع الأرض يصيح .. تحرك و سار فوق الكرفاايه .. ماخذ راحته .. مشيت ع المطبخ .. دموعي تنزل و تغسل جروحي .. و إيدي تفج و اتسكر السدّات .. اسمع صوت وراي ومب عارفه شو يقول لي ..اخر سدّه فتحتها لقيت اللي ابيه .. شليت الكبريت .. مشيت صوب الحجره ..بعده قاعد ع الكرفايه .. يطالع صوبي و يضحك لي .. يظهر لي ضروسه " أمااااااااه " .. ع باله رديت له انا بـ ورييه .. فجيت الغطا ولعت عود ..ييت بفره حد مسك إيدي .. سحبني من إيدي ولفني عليه .. : هد إيدي ولا تلمسني كأني حليلتك .. : انتي حرمتي ولو ما رضيتي بـ هالشي .. سحبت إيدي من إيده .. حسيت إني جرحتها بـ شي ..: ع الورق وبس ما بيصير شي ثاني .. : بس خلااص .. غلطت وقاعد اصلح اللي سويته .. : تبي اتصلح غلطتك .. !! مديت له الكبريت .. وجفت صوب الحجره .. قاعد ع الكرفايه و يطالع فيننا ..: احرقه .. طالعني مستغرب ..: احرق شو .. : احرق المرض اللي لصقته فيني .. احرق الموت اللي صار لزقه فيني .. : انتي ع شو تتكلمين .. : احرق ولدك اللي قاعد ع الكرفايه .. وقول مابي منج عيال .. : إنتي ينيتي شي .. : لا اتعيد الكلمه لأني مب مينونه .. ولدك قاعد ع الكرفاايه .. كنت اجوفه بـ قهر .. أشرت ع مكانه .. : هذوه هناك قاعد و يتمقل فيننا .. وانت لصقته فيني غصب .. احرقه .. تجدمني ووقف جدامي .. يطالع صوب الكرفايه .. : ما اجوف حد .. نزل من فوق الكرفايه .. و يا صوب وليد .. اللون الأحمر رد ينزل .. انا قلبي يعورني مابيه في حياتي ولا ابيه يظهر وانا ع ذمة هالوصخ .. رفع رأسه لي " أماااااااااه " صيدت عنه و طالعت رأس وليد .. حسيت بـ شي اسود يتحرك .. نزلت نظري .. لقيته يحضن وليد من ريله .. غصص بي المنظر .. : احرقه .. وليد يطالع يمين و يسار ..: ما اجوف شي .. انتي تتطلبين مني اسوي شي .. وانا اساسا ما اجوفه ولا اعرف مكاانه .. شو تبيني اسوي لج .. غمضت عيوني و الدمعه خانتني ونزلت .. سمعت صوت عود الكبريت وهو يتولع .. : وين أفررها .. ما بيصير فيه شي من هالعود .. مشيت ادور ع ورقه .. حصلت ورق ع الطاوله خذيت وحده .. مديت له الورقه .. ولع هاي أأشرت عليه .. : فررها هنااك .. :حريق الإنذار بـ يشتغل .. : خله يشتغل المهم احرقه وقول ما تبي مني عيال .. ما سمعت غير صرخه عاااليه .. : " أماااااااااااه لااااا " مابي اسمع منك شي .. موت و اطلع من حياتي .. : انا ابي يكون لي عيال منج .. : انا ما ابي منك عيال ولا ابي يصير لي ولد يكون من ضلعك .. احرقه وطلعه من حياتي .. نزل إيده لـ تحت و طالعني بـ حزن .. : وداد انا بـ .... : انت دريت اني ذبحته .. انت كنت تساايرني بس .. تقربك هاه كله عشان ايي مره ثانيه .. انت ما اهتميت للي سويته فيني .. انت شليت مني شي المفروض تشيله بالحلال .. أنت ما رحمتني يوم ضربتني و رقدتني في المستشفى .. انت ما حسيت في اللي سويته فيني .. انت ذبحت فيني الرغبه في اني اكون ام .. اشرت ع مكان اللي يصيح ..: إحررررقه .. رجع يصرخ بـ صوت اعلى .. مابي اجووفه مابي ألمحه .. مااااابي اجوووفك .. ترك ريول وليد .. و يا يحضن ريلي صوته عالي و كل صريخ " أماااه لا " قلبي .. مديت إيدي ابعده عني بدون ما وليد يحس فيني .. من خااز عني رجع .. يتلصق في وليد .. " قلبي بـ ينفجر من الويع " يمسح بـ ويهه في ريله .. صياحه كل ماله يزيد .. وليد تم واقف يطالع فيني .. نظراته صارت بارده .. نزل نظره لـ قوطي الكبريت .. فجها طلع العود ولعه .. وولع الورقه ..: وين مكاانه ..!! توها النار تأكل الورقه .. الولد رجع لـ ورا ويصيح و دموعه صارت تغطي الأرض .. لصق عند حد الكرفاية و تم يصيح بصوت اعلى : أماه لاا .. امااااااه لاااا .. لااااا .. كنت اجوفه و قلبي يتقطع عليه .. جفته بـ قهر و هالمره دموعي بدأت تنزل بـ غزاره .. بركة دم حواليه وانا واقفه عند اللي جرحني و ذبحني ابيه يموته أبيه يحرقه وهو ماله ذنب .. من طرأت ع بالي كلمة ماله ذنب .. قلبي انفجر من الوييع .. : طفييها .. : تبيني احرق ولدي ولا اطفي الورقه .. : طفي الورقه .. و الولد مب ولدك .. ولدي انا .. طفيييها .. استغرب .. : إنتي قلتِ لي احرقــ ... كنت احس بـ غصه واقفه في نص بلعومي ..: قلت لك طفييها .. مابي اسمع شي منك .. تجااوزته للحجره وقفلت الباب وراي .. من ورا الباب ..: إنتِ قلتِ احرقه .. حطيت إيدي ع حلجي اكتم شهقاتي .. بعدها بركة الدم تكبر .. صوت صياحه صار مثل الصدى في الحجره .. تقربت منه و نزلت في البركه .. مديت إيدي و سحبته لـ حضني .. غرقني بـ الدم و غرقته بـ دموعي .. حسيت فيه يصير خفيف كأنه يختفي .. خوزت رأسي اتأكد من وجوده .. كانت دموعه تحول من اللون الأحمر لـ شفافيه .. ويهه وضح لي وصار بـ ملامح .. بعده يصيح و بعده يختفي شوي شوي .. لـ ما اختفى من روحه ..: أرجع .. إرجـــ ــــع .. حضنت الفراغ إللي صار عند قلبي بـ قهر .. : المفروض من الأول ارضى فيك .. المفروض من الأول اقبل فيك .. قلبي ما تحمل وجودك ولا تقبلك إلا يوم فقدك .. الله يسااامحك وليد .. الله يساااامحك ع اللي سويته .. الله يسااامحك .. بديت اصيح بـ صوت عالي و غصتي ما قدرت أكتمها طلعتها وما خليتها فـ خاطري .. كلمة " أماااااه " مابا اسمعها ألحين .. مابا اسمع صوت ضحكاته .. مابا اجوف شي منه .. بتم جيه طول حياتي بدون وجوده حولي .. اجوفه في احلامي و عادي يكون هاجر احلامي .. بـ صوت كله غصه .. : إرجــــع لـــــــ ــــي .. مرت علي أيام ما اقدر انسى طيفه .. كنت احس فيه يلاحقني في كل مكان .. كرهت نفسي .. كرهت وحدتي .. كرهت الضيق اللي انا فيه .. قمت اتخيل وجوده و ادور عليه في كل زاويه في الحجره .. اناديه بصوت مكتوم .. مابي حد يسمعه غيره .. عقب كل صلاه ادعي انه يرجع .. مره وعقب السلام .. لقيته قاعد جدامي يطالعني بـ هدوء .. إبتسمت له ..: تعال ..!! تربعت و اشرت ع حضني ..: تعال هنيه .. وقف و تم واقف مكانه .. عيونه ما اعرف فيها خوف ولا امضيع الأمان .. مديت إيدي و لمست إيده .. : قرب و أقعد هنيه .. أبيك هنييه .. اشرت ع قلبي ..: و هنيه .. تقرب من قعد .. قربت احس بـ حضنه .. اختفى .. بدون قصد نزلت دمعه .. وراها دمعه و بدا سباقهم .. ألحين عقب ما تمنيته يموت و يختفي .. ادور عليه .. خسرته في لحظة غضب وكره .. لو بين علي معالم وجوده كان الكل بـ يتكلم علي .. أبيه في حياتي .. لكن مب من إللي ذبحني .. حد يدور لي ع حل يريح خاطري .. وقفت ع البلكونه و بـ إيدي قلاص شاهي .. عيني ضايعه في السما .. تدور ع شي مختفي عني .. اطالع النجوم و هي تلمع وانقل عيوني من نجمه للثانيه .. قلبي فاضي و امضيع حنانه .. انا بــ هالحاله من اسبوعين .. الوضع كمل شهر و 3 اسابيع من دخل خياله حياتي .. و ألحين لو شو ما اسوي ما بـ يرد يظهر لي في اي مكان .. لأنه صار في قلبي موجود .. طالعت الكوب اللي فضى من الشاهي .. تحركت من مكاني .. بغسل القلاص و بنام .. ع طلعتي من المطبخ جفت وليد يطالعني بـ انكسار يبي يقول لي شي .. كملت طريقي للحجره و قفلت الباب وراي .. جهزت نفسي عسب انام .. الليت كالعاده امبطل ما احب انام في الظلمه .. غمضت عيني دقايق و غصت في احلامي .. " واقفه ع البلكونه .. اطالع السما و هيه امظلمه .. ما فيها ولا حبة نجمه .. إلا من قمر اتغطيه سحابه سودا بـ صعوبه يبين .. لفيت ع حس ياهل يصيح من مكان ثاني .. صياحه يوصل لي .. ركضت ناحية الصوت .. كأني تذكرت وجود ياهل عندي .. دخلت الحجره حطيت إيدي ع قلبي .. شي اسود واقف عند رأسه .. من لمحني إبتسم لي بـ شر .. رفع إيده ودخل حديده في جسم الياهل و رد طلعه .. رجع يطعن فيه بالقو .. صرخت فيه ..: خووووووز عنه .. رفع رأسه عن اليااهل بـ لمح البصر كان واقف جدامي .. يطالعني بـ عيون كلها دم .. تميت واقفه جدامه و عيني في عينه ما جفلت ولا خفت .. فج حلجه يبي يصرخ ما ادري يقول شي .. وقف من سمع الياهل يكح و يرجع يصيح .. بـ نفس السرعه وقف عنده و رفع إيده .. انا تحركت لمحة فازه .. شليتها وفريتها ع رأسه .. سحبت الولد .. قربته لـ صدري طلعت من الحجره .. ع مكان ما عرف وين .. لقيت نفسي في البلكونه .. طالعت يمين يسار عسب انخش فيه مالقيت .. حسيت بـ شي حار وراي .. عطيت ظهري للحاحز .. حضنت الياهل لـ صدري اكثر .. : لا اتقرب و خلك بعيد .. صوت ما ادري من وين طلع .. : هاتيه .. قال هالكلمه بس .. و حط إيده ع رأس الياهل .. بدا يصرخ : هاااتييه .. تم يسحب رأسه وانا اسحب من صوبي.. اصرخ عسب يوقف و يخليه .. لـ ما فصل الرأس عن الجسد .. بردت شغله فيني .. يوم حسيت بـ شي حار يمشي ع إيدي .. حركت رأسي شوي شوي ع اليمين .. جسم بدون رأس .. خنقتني العبره .. تجمعت الدموع .. ما نزلت دمعه من عيوني .. طالعت صوب الظل .. كان يطالع في الرأس و يضحك .. ما قدرت اصرخ .. تقرب مني و حط الرأس جدام ويهي .. رجع إيده ورا و فر الرأس من البلكوونه .. بعد ما خلص من الضحك .. لف علي طالعني بـ كره .. تقدم مني وانا بعدني مصدومه .. شي يعورني في جهة قلبي .. نزلت نظري حصلت إيديه قريبه من مكان نبضي .. خوزها و رجع طعنني بـ قو .." فتحت عيني وانا احس اني مخنوقه .. قلبي يعورني .. مشيت لـ عند الباب .. كل شي بالحركة البطيئه .. سيرت لـ حجرة وليد فتحت الباب شوي شوي .. كان راقد في الظلمه .. فجيت الليت .. وقفت عند رأسه .. رفعت اللحاف دخلت فيه .. سحبت نفسي له و حضنته .. ادور ع الأمان فـ حضنه .. فـ حضن من ذبحني ادوره .. : وداد .. فيج شي ..!! حركة رأسي بـ لا ..: ما اقدر انام بـ روحي .. لا اتخليني انام بـ روحي .. قربني له اكثر ..: غمضي عينج .. مسح ع رأسي ..: نامي .. ع الدفا و اللي حسيته من راحه غمضت عيني .. إللي دموعها صارن اربع اربع .. اعتذر ع المشاعر السلبيه .. لنا لقاء مع البارت الـ 17 دمتـــم بـــــود دمــع العيـــن تنويه .. : رسالو إلى من يقرأ القصة دون وضع علامة لـ وجوده .. Like يكفي كـ رد ع وجودكم | |||||||
05-12-14, 04:04 PM | #467 | |||||||||||||
مشرفة forum français وعضو في فريق التصميم روايتي ومصممة في قسم الروايات والقصص المنقولة
| مش هاقول غير راجعالك بعد ماهدى شوي ,بكيت بكاء والله العظيم من قلبي ,موقادرة أتحمل ألمها ولا ألم الولد لما بينطق أماه بحس بخنجر بيدمي قلبي ... | |||||||||||||
05-12-14, 05:17 PM | #468 | ||||||||
نجم روايتي وقلم مميز بخاطرة من وحي الكلمةوناقده متالقه بالقسم الادبي
| اعتذاار ع الدموع اقتباس:
اعتذر يالغلا .. لازم نهاية لـ وضع تخيل الطفل ولو فيها عذاب لـ فترة قليله .. المهم التيشو يكون جااهز هالمره القفله طيبه و حلوه .. بس الوسطااني هو الدماار هههههههههههههههههه .. اعتذر ع ذرف الدموع | ||||||||
05-12-14, 06:13 PM | #470 | ||||||
مشرفة وكاتبة قسم ستفاني ماير وكاتبة وقاصة وساحرة واحة الأسمر بقلوب أحلام ونجمة خمن الرواية وشاعرة ونبضٌ متألّق في القسم الأدبي وبطلة اتقابلنا فين ؟
| " أماااه " شي بارد لمس ويهي .. نقزت ورديت لـ ورا .. وقفت ع حيلي . دقات قلبي وصلت لـ اذني .. يالهوووووووى يالهوووى انا مش هنام الليل انهرده من الخوف وهقعد اهلوس بالعفاريت ماقدرت اكمل الفصل اصلا انا خوافه جدا من هذه الاشياء لوحدى اعااااااااااااااااااا | ||||||
مواقع النشر (المفضلة) |
أدوات الموضوع | |
انواع عرض الموضوع | |
|
|