14-12-14, 12:48 PM
| #541 | ||||||||||
| مراقبة عامة ومشرفة وكاتبة وقاصة وقائدة فريق التصميم في قسم قصص من وحي الأعضاء  
|  اقتباس:
 متت ضحك على جملة اقتباس:
| ||||||||||
|
|
14-12-14, 01:44 PM
| #542 | |||||||||
| نجم روايتي وقلم مميز بخاطرة من وحي الكلمةوناقده متالقه بالقسم الادبي  
|  نوورتي يالغلاا اقتباس:
نوورتي والله .. بنشوف من ورا هالسحر في الفصول الجاايه ان شاء الله تعالى .. وباقي التعليق تعرفين اني معاج قلباً و قالباً بس بعد .. نرضي الأطراف شوي .. كلمة لو و ربما .. بين الـ نعم والـ لا .. يعني انخليه يتخبط لـ ما يتأدب .. حاضرين للـ هبهوبه و نزعة الشر اللي فيها .. هههههههههههههههههههههه انا عاجبني فيج نزعة الشر اهم شي اطلعها لج و انتي اقرضي فيه هههههههههههههههههههههه اقتباس:
ههههههههههههههههههههههههه هههههههههههههه ان شاء الله منه منفعه .. ألحين خبريني تريدين مني اعذبه ولا اخليه سند لها فـ هالفتره ..!! مع العلم اكتب بما يناسب الفصل ولو فيها شر لااح اكتبه و اعذبه شوي .. نرضي هبهووبه اسعدني مروورج الـ اكثر من رائع .. دمتــي بـــود داائــم دمع العيــن | |||||||||
|
|
|
14-12-14, 03:16 PM
| #543 | |||||||||
| نجم روايتي وقلم مميز بخاطرة من وحي الكلمةوناقده متالقه بالقسم الادبي
| نورتي يا سكوون الليل اقتباس:
اقتباس:
نورتي يالغااايبه الحاااضره .. جان ، جني .. التصوير لـ شكله واقعي ليس خيالي .. العنزي من كلمة عنزه .. جسده العلوي لأنسان و السفلي لـ حيوان ( جدي ، تيس ) المواصفات حقيقه 100% .. الرأس العلوي سيحدد في الفصل القادم .. ولو تعرفين الأساطير الرومانيه .. كانوا يصورون اشكال غريبه .. لكن هذا بالحقيقه جني من واقع الحياه .. دمتـــي بـــود دمـع العيــن | |||||||||
|
|
|
15-12-14, 03:11 AM
| #544 | ||||||||||||
| كاتبة بقصر الكتابة الخيالية 
| كلمة لو و ربما .. بين الـ نعم والـ لا .. يعني انخليه يتخبط لـ ما يتأدب .. هههههه يالك من شريره يا دمع العين فكره تخبط وليد جميله فليحيا الشر  :7R_001:على فكره في ناس عندنا لقبهم العنزي  | ||||||||||||
|
|
|
15-12-14, 07:39 AM
| #546 | ||||||||
| نجم روايتي وقلم مميز بخاطرة من وحي الكلمةوناقده متالقه بالقسم الادبي
| اقتباس:
هههههههههههههههههههههههه انتي تبين اتدبسيني وانا اعرف  لو ع القبيلة ما قربت صوبها  هو الجني اسمه جيه تبيني أألف له اسم ثاني!!! لو زارها وان شاء الله مايزوورها بخليها اتقول له يغير اسمه  غصب اتطلع لي مصيبة من تحت الأرض | ||||||||
|
|
|
15-12-14, 03:59 PM
| #547 | |||||||
| نجم روايتي وقلم مميز بخاطرة من وحي الكلمةوناقده متالقه بالقسم الادبي
| اللي قلبه رهيف لا يقرأه في الليل السلام عليكم و رحمة الله وبركاته البارت 18 كنت اجوفه وهو يطلع و يدخل من الحجره .. كل شوي معاه شي فـ إيده .. ان وقفت وييت اساعده .. مسكني من إيدي و قعدني " سلامتج قعدي " ملامحه تغيرت و صارت احزن من قبل .. صارت تييب الهم و اخس عن قبل .. سحبت نفسي لـ فوق واكتفيت بالنظر له في دخوله و طلوعه .. بعد ما خلص قعد عدالي : إتعورج ..! حركة رأسي بـ لا ..: بس إتحكني من فترة لـ فترة .. احاول اني ما ألمسها .. اخاف ان لمستها إتعلم ع ظهري .. رفع إيده و مسح رأسه بـ تعب ..: بسأل شيخ المسيد .. و إن شاء الله خير .. لف علي ..: انتي ما كليتي شي للحين ..!! حركة رأسي بـ لا .. : تبين تأكلين شي .. : ما اعرف .. مااحس باليووع .. : بـ أطلب لنا اي شي و بخليهم يوصلونه للحجرة .. تبين دياي ولا لحم .. من قال كلمة دياي ولا لحم .. حسيت بـ شي يرتفع لـ بلعومي .. لا إراديا رفعت إيدي و غطيت فيها نحري .. حركة رأسي بـ لاا .. : سلطه ..!!! بديت احس بـ سوائل تقرب تتطلع مني ..حركة رأسي بـ لا .. : عيل شو تبين تأكلين ..!! ييت بتكلم ما قدرت حسيت بـ شي يتحرك داخل .. صكيت حلجي و غطيتها بـ إيدي .. خدودي من نفسهم يتحركون .. شي لا إراديا ينترس ( يتعبى) فيها .. يبين انه في شي يتحرك يمين و يساار و انا ما اقدر اصبر ابي اطلعه لازم اطلعه .. كنت اجوفه ونظراته تتغير للخوف .. : فيج شي ..!! تبين اتزوعين ( إترجعين) ..!! حركة رأسي بـ لا .. : عيل ليش حلجج يتحرك بـ هالشكل ..!! كيف اقول له في كائن يتحرك داخل .. !! دورت بـ عيوني ع شي اوضح له فيه .. تميت امغطيه حلجي و بديت اطلع ورقه و قلم من السده .. فتحت جدامه الدفتر .. " شي طويل يبي يطلع من حلجي" رأسه ما ارتفع لـ دقايق .. إللي بـ حلجي بدا يدور يااب لي اللوعه .. فجأه وليد وقف .. قرب مني : خوزي إيدج يوم اقول لج .. اوكي .. حركة رأسي بـ اوكي .. : ألحين .. من قال ألحين خوزت إيدي .. حسيت بـ شي يبي يطلع و رد بسرعه داخل .. من حط وليد إيده ع حلجي .. مسكني من ظهري و خذاني ع الحمام .. قال الدعاء بسرعه قبل ما ندخل .. حط رأسي ع المغسله و وخر إيده .. بديت أزوع ( استفرغ) اللي كان عالق في حلجي .. طلع دم و معاه الشي الطويل .. ليته واحد طلعوا 7 .. كل واحد فيهم متكون من شعر و مغطيهم الدم .. تعلقت في كتف وليد أصيح من القهر و الغصه .. : إتجوفهم ..!! رفعت له رأسي ..: إتجوفهم مثل ما اجوفهم صح ..!! امبينيين عندك مثلي صح ..!! مسكني من كتفي فج الحنفيه من نزل عليهم الماي بدوا يتبخرون .. قرب رأسي من صدره .. : جفتهم 7 كلهم شعر و دم .. رص ع رأسي ..: جفتهم .. "ليتني ما عرفت ولا دريت بإللي ورا هالمصيبه" متكوره في الفراش مب داريه ولا حاسه بـ حد .. صوت مب غريب علي كل شوي ينادي.. مره استوعب اللي يقوله لي ومره اضيع و احس كأنه طلاسم تنقرأ ع رأسي .. ما أدري ان كان جسمي يتغذى ولا لا .. احس بـ ضعف في جسمي مب قادره ارفع إيدي .. اصوات غريبه تضحك فوق رأسي .. اشكال اتخوف تحاول تتقرب مني وانا اشرد منهم .. لمسات ع همسات ع وسااوس ما اعرف كيف اشرد منهم .. التعب هد حيلي وجوده هدني .. فتحت عيني ع صوت ريح لي بالي .. شوي شوي افتح عيوني ادور في السقف .. عن اي شي يقول لي انتي بخير .. حد يكرر لي كلمة شدة و إتزول .. " يلاا قومي جوفي منو اللي معاج ومنو اللي عليج " : اطلع من رأسي و اختفي من حياتي لا أمحييك .. " ما تقدرين الرأس العود هو اللي يباني اكون لاصق فيج " : مالي خلقك انا .. اطلع من رأسي .. ركزت بـ نظري ع السقف كان مقرب ويهه من ويهي .. منظره اييب المرض .. : وصخ حتى شكلك وصخ .. امطرشينك ع جمالك الوصخ يعني ..!! ما تتشاهد ولا الواحد يتمنى انه يجوف اشكالك .. اطلع من راسي .. ابتسامه و سنون ع شكل انياب امسوسه و متآكله .. : عافانا الله و الحمدالله ع تصويري بـ احسن صورة.. تغيرت ملامح ويهه و بدأ يقول كلاام ما فهمت منه ولا شي .. حركة له إيدي " امشي" : كش كش روح كل حشيش وتعال .. حسيت بـ هالة سودا تختفي من ع رأسي و بديت اجوف نور ما ادري من وين إيي .. شي دافي يمسد كتفي و يهزني شوي شوي .. لفيت رأسي للـ إيد جفت ويهه " وليد " : انت وين تختفي .. !! ما قلت لك ساعه وقيمني كم الساعه خليتني ناايمه ..!! كان يبتسم في ويهي ..: انتي قلتي ساعه بس انتي بخيتيها رقاد .. الحين بندخل العصر .. : من متى وانا في الفراش وليد ..!! : ما طولتي بس 3 ساعات .. غمضت عيني ..: 3 ساعات و اتقول ما طولتي .. !! كيف بصلي إللي طاف علي ..!! ما صليت الظهر ومافيني اتسبح .. كل شي يعورني .. كنت احس بـ وجود شخص ثاني في المكان .. ريحة الحجره متغيره .. ابي ألف عليه و مب قادره احرك عيوني عن وليد .. اخاف اطرف بـ مكان ثاني و يختفي من جدامي .. انا اعرف هالريحه .. ريحة منو المسك ..!! إيد انحطت ع رأسي ..: تبيني اسبحج ..!! طالعته فـ عيونه .. صار هو اللي يسوي لي كل شي .. حتى السبوح و الله حسيت اني عيوز .. إللي بـ يجوف حالي بـ يقول اني اتدلع .. وإللي بيعيش حالتي بـ يرحم حالي .. العلامه من اقربها من الماي تحرقني و تبدا اتنزل صديد ودم .. من بديت اتهرب من السبوح .. المسكين وليد تبرع بالمهمه .. جفته بـ تعب .. : انت اتسبحني ..!! : عادي مافيها شي ..!! مب اول مره اسبحج ... : مابي ..بـ إتجوف المستخبي و تضحك علي بعدين ..!! كل مره اتسويها .. توعد انك ما بتضحك .. ومن نظهر تبدا بـ مواالك معاي .. مااابي .. : زين انتي قولي كيف تبيني اسبحج و بـ أسوي لج إللي تبينه .. فكر شوي وبدأت ابتسامته تكبر .. لا إراديا ضحك بـ صوت عالي خوفني معاه .. بدأ يخون من ألحين ييت أقول له شي .. حط إيده ع إيدي .. بدأ يدلك إيدي من فوق بـ اصابعه .. : بسبحج وانتي لابسه ملابسج .. شو قلتي ..!! استغربت كلامه .. جفت ملابسي بـ أرف .. أشرت عليها .. وانا صدق لايعه جبدي منها .. : هالملابس قطنت علي لازم اغيرهم .. ولو الماي لمسهم بتتطلع فيهم ريحة .. " قولي له يخليج مثل ما انتي احسن .. ماله داعي تقربين الماي" استغفرت في نفسي من الصوت اللي ما ادري من وين طلع .. غمضت عيني و فتحتها .. اتسبح و اصلي و افتك من هالواسواس .. مديت إيدي له .. : شيلني وسبحني .. استغرب من تغيير رأيي .. لف ع الشخص الموجود جفت حلجه يتحرك " خبريه يخليج بدون سبوح" لف علي .. وخر اللحاف و رفعني ..: اوووف كل هاه صنان .. ضربته ع كتفه .. شككني في نفسي .. : جذاب لو في ريحه ما شلتني .. ضحك بـ صوت عالي ..: والله فيج ريحه .. : يمكن منك انت انا اشم ريحتي عطر .. : عطر بـ ريحة العفن .. اتقولين السمجه امعفنه .. قرصته .. : اول شي السمج ما يعفن و ثاني شي مافيهم ريحه ..هاي ريحة الملح .. تم يضحك علي .. : تفلسفي تفلسفي .. : ما اتفلسف هاه الصدق .. : صبري لا اتكملين .. كنت اجوفه يضحك بس شكله تعبان .. قال دعاء الخلاء.. : قربي رأسج لا تنضربين بالباب .. : محد بـ يزعل غيرك فلا اتعورني .. دخل من ع يمب الباب .. و عقبها تم يطالع فيني .. : اسكر الباب ولا لا ..!! حركة رأسي بـ هيه .. لف يطالع برع ..: امل تعالي .. : أمول هنيه ..!! رأس بيين من طرف الباب .. : اكيد هنيه .. عيل هالكناري يجوف حرمته تعباانه .. و تبينه يعابل فيها لـ حاله مايقدر .. : ما علينا من هالرمسه ألحين .. ساعديها في السبوح .. لو حسيتي انج ما تقدرين عليها .. ناديني بكون واقف عند الباب .. جفتها تحط إيدها ع كتفها و اتحرك رأسها بـ لا .. : تدرين اني ما اقدر ألمسها .. وتدرين انهم .. : ليش ما تقدر وانت كنت كل يوم تلمسني عادي .. انت قلت بتسبحني بـ ملابسي .. : هالمره لازم تفصخين كل شي و تتسبحين عدل .. انا مااقدر اسبحج .. : أمول طلعي برع وسكري الباب وراج .. انا اتفاهم ويا هالأخو .. حركة رأسها بـ اوكي .. حطت إيدها ع قبضت الباب سحبتها و سكرت الباب وراها .. زفرت زفره طويله .. : نزلني .. وقول لي شو اللي لازم اسويه .. وقف امبهت مافيه يرد علي ..: انا وداد مب الجني يا وليد .. انا وداد .. شو تباني اسوي ..!! : لازم بداية تتنظفين و تغسلين جسمج كله بالماي الدافي و صابونة زيت زيتون .. : إذا ما قدرت اسويها ..!! : المفروض امل تساعدج مب انا .. مديت إيدي و مسكت إيده ..: ما بتسوي شي يضرني .. خلك وياي .. تغيرت ملامح ويهه لـ حزن ما يعلم فيه غير اللي خلقنا .. : اللي اتجوفينه .. مع انه كل يوم يعاني مني و كل يوم يطلع من هنيه و جسمه امعلم من الشمخ .. هالمره عطوه شي غير زيت الزيتون و السدر .. صرت فأر تجارب تحت إيديهم .. الماي ينزل ع كتفي اللي عليها العلامه و احسها تحترق .. حاولت اكثر من مره اني اشرد .. كان حاضنني بالقو و يمسح عليها بشكل متكرر .. مسحااته خفيفه بس تكوي جسمي .. : يحررررررررررق .. شي يحترق وليد .. وليد انت تحرقني .. بديت ادور ع شي عسب اضربه فيه .. العلامة اتعورني و شي ينزل من الجرح .. حاضن رأسي بـ إيده ..: ما اسوي شي هاه ماي دافي و صابون بس .. اتكلم و دموعي يغسلها الماي ..: انت اتجذب علي .. اللي اتسويه يحرقني .. وقف إيدك .. سمعت صوت شي ينحط ع الحديد .. مسك رأسي و قربني من ويهه .. كنت اصيح بـ ويع ما اقدر اتحمل الماي ع جسمي .. ولا ملمس الصابون وهو يتمرر ع العلامات .. جفته فـ عيونه ..: وليد بس .. : انتي قلتي بـ تتحملين .. وانا .. تحملي شوي عسب تقدرين اتصلين .. و اتردين طبيعيه .. حركة رأسي بـ ما اقدر .. : يحرقني .. ما اقدر احلف هنيه بس يحرقني وايد .. : اعرف الدم و المَدّ ( الصديد) من روحهم ينزلون .. تحملي .. : بـ تحرقني وليد .. : انتي ادفني ويهج في رقبتي و تقبضي فيني .. شمخي سوي اللي تبينه .. بس تحملي .. بس حط الصابونه صرخت بـ صوت عاالي و بديت اصيح .. قاعده ع الكرفايه وليد معطني ظهره .. لابس قميصه و شعره كله ماي .. و أمل تلبسني ملابسي و اتصيح علي .. طالعتها و احس انه حيلي منهد .. : امل يبي لي شيلتي و سيادتي ابي اصلي .. : إنتي مافيج تتحركين .. : أقدر اتحرك و اقدر اصلي .. قرب وليد ..: شو دعاء استفتاح الصلاة ..!! نزلت رأسي اتذكر الدعاء .. رفعت رأسي و قلت الدعاء بدون ما اغلط او اوقف .. لف ع امل ..: سيري ييبيهم من برع و فرشيهم هنيه .. رجع يطالعني عقب ما امل طلعت تيب اغراضي .. : لو تعبتي خبريني .. امل بإتساعدج عسب توقفين .. كنت احس بـ كتمه و مغتاضه من شي ما اعرف شو هو .. معاملته لي مب عاجبتني .. كورة إيدي ع شكل قبضه و قربت اضربه .. : لا اتعاملني كأني بموت ولا فيني شي خطير .. إلا مس مابا اتم طول عمري ع هالحااله .. عاملني مثل كل مره تتعامل فيها معاي .. وقف عندي رفع إيده و ردها لـ مكانها .. ابتسم لي ..: انا حبيبتي هبله و خبله .. لو تبي اتسوي شي اتسويه .. خلصي صلاه و بـ نتفاهم ع موضوع : انا خبله و هبله .. يابو العقل كله انت .. : جفتي تردين ع المشاكل ما رديتي ع الثانيه .. : انت تبا اتضارب بس .. : ما شاء الله عليكم .. والله توي بس خليتكم ع طول بديتوا تتضاربون ..!! انا ووليد بنفس الوقت .. : هي \ هو اللي بدا \ بدأت .. : يصير خير بس .. قومي انتي صلي وانت اوقف هناك .. طالعني وليد ..: بلااها ابلة عطيات تتآمر علينا .. : ما ادري عنها .. : أقول اخلصوا .. سوينا اللي طلبته مننا .. قلت الدعاء بدون تضيع كبرت و صليت .. عقب ما خلصت .. حاولت اوقف ما قدرت حسيت بـ شي يثبتني ع الأرض .. بديت استغفر ربي بـ صوت عالي .. لـ ما حسيت انه ترك ريولي .. رفعت رأسي لليسار .. وليد كان واقف عدالي بالضبط .. شكله كان منتبه .. لف ع امل ..: خلي فيصل يردج البيت ألحين ماله داعي إتباتين الليله .. : بـ تقدر لها ..!! : عادي باجر تعالي عسب انبات في العزبه و ان شاء الله خير .. لف علي .. : بنسير العزبه برااويج النوق و عيال الناااقات مثل ما اتقولين .. إبتسمت له ..: تمصخر انت تمصخر .. أمل .. : هيه عيل القعود صاروا عيال الناااقه .. الله كريم الله كرييم .. وليد استسمح منها لأنه ما بيقدر يوصلها للباب .. سلمت علينا و طلعت من الحجرة .. فتحت عيني كنت في حضن وليد .. لفيت عليه لقيته نايم و الليت امبطل .. قمت من مكاني و طلعت برع الحجره .. مشيت لـ عند البلكونه .. جفت ظلال تتحرك .. لفيت ع مكانه .. كان العنزي واقف و معاه ريال و 3 حريم .. وحده من الحريم قاعده في ميلس قديم .. و عدالها الحرمتين قاعدات .. كانوا معطيني ظهرهن .. متغطيات بالكامل و ما عرفت شو يسون بالضبط .. لكن شي احمر كان طالع من إيد وحده منهم .. كنت ابي اعرف شو قاعدين يقولون يوم قربت .. وقفوا و تحركوا للباب .. العنزي و الريال مشوا وراهم وانا بدون ماادري كنت اتحرك معاهم .. تغير المكان وكان صوت غريب يطلع من المطبخ .. وقفت ع باب المطبخ جفت الحرمه .. اللي كانت قاعده مع الحرمتين لـ حالها تحاول تحرق شي .. قطعه سودا ملفوفه بـ خيط احمر .. ولعت الشوله (الطباخ) قربت القطعه بالملاس .. قبل ما توصل للنار .. طلع لها العنزي من الطوفه .. تقرب منها وهي ما لاحظت وجوده .. حاولت اصرخ و اقول لها انتبهي .. في حد وراج بس تأخرت .. وقف وراها حط إيده في ظهرها .. طلعها و في كفه شي احمر ينبض .. الحرمه من توسدت الأرض طاح ع ويهها الملاس .. نزل شال القطعه اللي طاحت عند ريلها و اختفى .. سرت قشعريرة في كامل جسمي .. لـ عوده مع التكمله .. دمــــتم بـــود .. دمــع العيـــن | |||||||
|
|
|
15-12-14, 06:04 PM
| #549 | ||||||||||||||
| نجم روايتي وكاتبة في قسم قصص من وحي الاعضاء وشاعرة متألقة في القسم الادبي  
| السلآم عليكم ورحمة الله وبركاته .. مساء الورد والجوري .. ردي ها على الفصل 17 وتكلمته والباقي في نص الليل خخخخ يعني اصبريني اشوي وأجي تعالي الحين هنا يا بنت اقتباس:
أفا عليك أحنا متفاهمين وزود ،،اساسا الرواد ما تحلى الا بها التخويف وجرعات الشرررررررر اقتباس:
أهني العقدة شوووو سويت أنا ناوية علي نية شكلج ما قلت شيء لوداد ..انت مشاء الله مستعدة بدباب حق وداد اي شيء يمسها شو قلت ذكرني موب قادرة اذكر نيي للفصل وتكملته ..آححححححم ..آحـحمممممم >>يعني لازم تخافي من التحمحم ها ترا وراه كوارث خخخ اتمصخر يعني وداد خلاص البنت صارت مضيعة مخها معاها "تدارك"قصدي يعني أذا ما طلعت من العالم يالي تعيشه وأحد قدر يعالجها اشكره البنت راح تجن ..حالتها كذا بتسوء .. تعرفي شو ودري ..ودي اجوف ضروسه ها الظل ..وها الشبح يالي ما يخليها واهجم عليه ضرب يمين يسار وعقب ارفع المسدس واذبحه ..خلاص بسسسسسسسه ذبحني كل مرة يطلع من صوووووب ..انا بروحي ينيت منه .. أحم ،نيي لوليد والله بسسسسس ما عاد اقدر اتحمل .. قسم لو عليه اكير راح يرمي روحه من الشباك ..ويخلص على نفسه ..يعني تقرب من وداد له وهو يعجر انه يكون قريب منها اكيد قاعد يأذيه في نفس الوقت ..يعني هي تطلب منه الأمان وهو ما يقدر لا يردها ولا يخليها بقربه عشان العلاج ..يعني جوفي كيف يعيش بنار المسكين .."بس بعد دواه خليه يحترق في نار عشقه بس لا تشوهي وجهه ما اتحمل انا " قريت ردود الاغلبية وجفت المعظم يقول سحر ..بس انا اجوف موضوع السحر صعب اشوي ..وخاص انه كل يالي تجوفه وداد يدور في الشقة ..يعني اذا في احد ساحرها راح يكون من الشقة نفسها بس مافي ولا شخص حتى من اهلها او اهل وليد زارهم في الشقة فكيف الموضوع يكون سحر ..يالي دار في راسي انه الشقة ممكن تكون مسكونة ..الحركات يالي تصير من الجن بس وداد تبدأ ترسم في راسها تخيلاتها ..بس في نفس الوقت وقفت عند ها النقطة لو كان فعلا جي كان اكيد وليد حسسس بالموضوع أنا عندي حل ممكن ينفع اتوقع يسوي شيء ..بما انه كل يالي يصير لوداد في الشقة فأفضل حل انهم ينتقلوا لشقة ثانية ممكن ترتاح ولو اشوي ..مع اني ما اظن بس في شيء بيتغير وكذا لما خشيت اقرئ على التكملة ..شيئين وقفوا قلبي واحد انها بدت تبعد عن القرآن والذكر والثاني العنزي "بيييييل شو وقفتي قلبي يا بنت ها سوالف العياييز عندنا بس يبدون يتكلمون عن الجن وخبصاتهم وانا اسوي عمري قويه وما اصدق خخخخ" يعني ابتعادها عن الذكر بروحه سبب لي قشعريرة ..قاعدة اقول اكيد البنت الحين راحت راحت وراح تجن خلاص والتخيلات راح تزيد ومن دخل العنزي بالسالفة طاح قلبي..اول قلت انه الجرح يالي فيها ممكن من وليد ايام تعرفي هذيك الايام القاسية بس بعدين فكرت كيف يكون موجود وما تلاحظة الا الحين ..يعني فيه ان بالسالفة وعاد بس شردت ما قدرت افكر اكثر عن يطيح كله على العنزي خخخ .. ما علينا أحسني وايد تفلسفت ما اردي كيف .. نكمل فلسفة بعد الفصل 18 .. وتسلم الايادي على هيك فصل وهيك رواية.. لك ودي رُقية | ||||||||||||||
|
|
|
15-12-14, 06:36 PM
| #550 | ||||||||
| مراقبة عامة ومشرفة وكاتبة وقاصة وقائدة فريق التصميم في قسم قصص من وحي الأعضاء
| مساء الخير يا اختي شنو هذا الرعب بالليل ههههههههههههههههههههههههه ههههههههههههه حقيقة مع هذا الرعب الا ان تصويرك له رائع جدا هل هذه الشدة ستجمع بين وليد ووداد ؟؟ انهما يتقاربان بشكل كبير ربما هذا ما يحتاجانه ليخرجوا من الطريق المظلم الذي سلكاه رغما عنهما بما فعله وليد ليجبرها على الزواج به المشهد الاخير لم افهمه بالضبط اقصد من هي المرأة وما معنى ما رأته وداد ؟؟ انتظر التكلمة بفضول شديد عاشت الايادي احم .. بس ارحمينا الله يخليج من هذا الرعب ههههههههههههههههههههههههه هههههههههههههه | ||||||||
|
|
 |
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
3Likes
.png)
..
.. .gif "Eh S(7)")
العرض العادي
