21-01-12, 01:00 AM
| #1562 | ||||
| نجم روايتي وأميرة حزب روايتى للفكر الحر وفراشة الروايات المنقولة 
|  صباح الخيرات ........تسلم ايدك صدودة على البارت الحلو ...بس رغم فرحتي برجوع هديل وشوفتها لامها واخوانها الا اني مو مرتاحة دام المجرم الكبير رجع ونفد بجلده للاسف فرحة هديل ماراح تدوم ولا بتستمر بجو عايلتها تدري خاطري هديل اذا انجبرت على رجوعها لغويزي عديم الكرامة تشرط عليه شرط وهو انها تظل هي وولدها عند اهلها خمس سنين كاملة نفس المدة الي انحرمت فيها من اهلها بدون لايشوفها ولا يسمع صوتها ولا يقرب منها ينحرم منها ومن ولدها نفس ماانحرمت امها وابوها منها في نظري هالشي عادل غويزي بكل انانية جاي تفكر كيف ترجعها وتحبسها لاتهرب منك جعل ربي يعجل بروحك قبل لاترجعها ........ مافكرت حتى هالمرة تعطيها ابسط حقوقها وتاخذ رايها اذا قابلة فيك او لا الى متى همك نفسك وسعادتك والي يرضيك انت بس خاطري تاخذ دروس تعرف انو من حق غيرك يقرر مصيره مو لانك تبيها خلاص تحكم عليها مؤبد تعيش معك رضت ولا انرضت مو لانها حرمة يعني تستضعفها وترجع تكتم على انفاسها بفرض نفسك عليها هديل تستاهل رجال مو واحد مايحمل ولاصفة من الرجولة ماعنده الا الهمجية والكذب والوعود الوهمية واحد مافيه خير لاهله ولا لامه اعذاره ماترضي طفل لكن للاسف محكوم على هديل وامثالها تنداس وتنجبر لاخر يوم بحياتها اذا هي ورتك الفرق بينك وبينها وكيف انها عفت عنك بعد كل الجرايم الي شافتها منك لاتعتقد لانك تهمها او لانك ملكت قلبها لا هي عرفت الظلم والحرمان وفراق الام هي تبي تقابل ربها بحسنات كسبتها من الي سوته مو مثلك تتعمد الذنوب وتصنفها على كيفك هذا ذنب طاهر وهذا ذنب صغير وماادري من وين جايب لنا هالموال مثلك مثل الي يسرق ويقول ذنبي اصغر من القاتل والي يشرب ويقول ذنبي اهون واصغر من الزاني كل واحد يعترف انو الي يسويه ذنب ومع ذلك مستمرين فيه دام في ذنب اكبر ماعرفتو انو الي يعرف ذنبه ويستمر فيه ويتعمد يتضاعف عليه استغفر الله بس مسفر غلطان يومك تنزل مستواك لناس عقولها مو صاحية ولا عليها عتب ....الي مثل غويزي مايستاهل من يرد السلام عليه لانو موبس مجرم الا عاصي وحتى العقوق لامه كان بأرادته ورجوعه مو علشان يطلب رضاها ولا علشان يوصل ارحامه الي قطعهم سنين لا علشان هديل رجعت لنفس البلد لو هديل راحت بلد ثاني اتحداه يفكر يرجع يشوف امه لو ترجته وخبرته انها بتتبرى منه الين يوم الدين واذا ماتت ماتبيه ياخذ عزاها غازي اناني ماهمه الا كيف يدور الي يسعده بدنياه كأنه ضامن انو بيعيش مليون سنة يمتع حاله ...وحتى عقده الي قالها ابوه وموت بنته وسخافاته ماتعطيه العذر يسوي الي سواه بهديل يومه متعقد هالعقد كان لاتزوج ولا بلا بنات الناس .... غويزي اول مرة ابتز هديل واهلها بحياة هادي وثاني مرة رجعها بسبب الحقير سويلم الله لايسلمه وثالث مرة بيجبرها بولدها لانو ماراح ترجع معاه برضاها وتحرم حالها من الامان والعايلة وتعيش باقي عمرها مع شايب لاعقليته من عقليتها ولا فيه شي يشفع له تتقبل تعيش معاه والي ينكسر مايتصلح خصوصا الكسور الكبيرة وهو ماقصر غويزي ماتعلم من الي صار ولا اخذ درسه لما اكد لهديل انها مابتهرب منه وهو موجود وربي عطاها اياه وهو حي وهربت منه سنتين وشهور ومايدري كلامه الي قاله لمسفر ربي قادر بطرفة عين يحرق قلبه ويشوفها تنزف له مافي شي بعيد عن قدرة رب العالمين بالاول كان هو صاحب القوة على هديل واهلها الحين عندها الي بيوقوفون له بالبلعوم وماراح ياخذها براحة ...وام غازي اذا تخاف ربها لاتقرب لهديل وتدخل علشان ولدها دامها مانفعت هديل بشي ولا منعت عنها كلام بنتها الحقير وهي تدري انها زوجة ولدها ولا منعت عنها ضرب ولدها وتعذيبه لها لذلك لاتقرب ولا تفكر تدخل لانو ولدها مايستاهل هديل ولولا اغتصاب ولدها لهديل كان ماصار في رابط يربطها بالشايب العايب صدودة لليوم ماشفنا عقاب قوي لغازي مازلنا ننتظر هالشي لازم غويزي يكون عبرة لامثاله لو رجعت له هديل بسهولة وعاش بقية عمره براحة ماراح تنصفي هديل وامثالها الي يعانون من امثال غويزي والمجتمع بعد لقاء هديل بأهلها كان مؤثر جدا ....لقائها بجدتها وكيف كانت توضح لها وتبرر انو ولدها حلال وقسم كرهت غازي لانو السبب في ترديدها لهالجملة .... حرام عليه الحين حتى لو اشهر زواجه كيف بيبرر للناس سالفة موتها طبعا غويزي مايهمه كلام الناس عن هديل ولا عن اهلها الي يهمه هالدمية ترجع له ويطلع عليها عقده واجرامه بس بحريقة مشاعر هديل واهلها وسمعتهم واسمهم مافكر يوم سوى الي سواه بهاليوم لانو ماكان يهمه الا سعادته ورضاه بس لقائها مع محمد وقف قلبي بكيت من القهر ودعيت على غويزي الي نفذ منها وهديل تسمع هالكلام من اقرب ناسها بس طلع علوي كاذب عليه وخرعنا وخرع الكل وضحكني عبود يوم يفرح بفزعة عمه لامه والله هو الي برد قلبي وضحكني بعد ماتوضحت الصورة وفرحت لهديل جعلها ماتنحرم من اهلها ولا ترجع لوكر الذيابة غويزي واهله واكثر موقف قطع قلبي بهالبارت امها وردة فعلها بهديل ياقلبي عليها زين ماوقف قلبها ولا انهارت حرمة بعمرها تتعذب بشوفة بنتها تتعذب بأحلامها ولا تدري انو بنتها تتعذب صدق عايشة بجحيم اخذها واحد ماخاف الله فيها ولا راعى قلب امها لانو ماتعود يهتم لامه ومشاعرها كيف بيهتم بمشاعر ام ماتقرب له اتمنى من هديل تشكي لاهلها كل الي صار لها بالتفصيل وماتبري غويزي ولا تجمل صورته عندهم لازم تنتقم منه وتذوقه شي من الي ذاقته علشان لايرفع خشمه عليها ويفكر انو ماوراها اهل وياليت ابوها يطلقها منه ويرفعون عليه قضية بالاضرار الي سواها في هديل ويطلبون شهود عليه على الي سواه علشان ينحرم من حضانة ولده لانو امثاله غير مؤهلين يكونو اباء لانهم مختلين بعقولهم وخطر على الي حواليهم سلمانوه عرف هادي ياخذ حق اخته ويوقفه عند حده اجل في من بيوقف لغويزي وبيربيه اذا فكر يقرب من هديل هادي ومحمد وعلي وحتى ابو هديل ماراح يهونهوها على غويزي هالمرة ويسلموه هديل على طبق من ذهب منتظرة لقاء وغدة بهديل واللقاء الموجع بيكون بين هديل وابوها وبين هديل وتوئمها الي لو شافه غويزي كان مات من قهره بس حرة بقلبه مابيشوف فرحة هديل بلقائه مثل ماالتقت بأحبابها صدودة دامك وصلتي هديل لاهلها لاتكسريها ولاتحرقين قلبها هالمرة وعلمي غويزي درس يعلمه قدره شيبة عرعر مالت عليه وعلى حبه المتخلف في انتظارك ياعسل | ||||
|  |
|
21-01-12, 02:48 AM
| #1563 | ||||
| نجم روايتي و أميرة حزب روايتى للفكر الحر 
| بارت العواطف الجياشه وبداية الانتقام مرحلة جديدة وانقلاب بالمسار للجميع احلام شبه ممزقه لهديل وخوف من المجهول لغازي ونظرة مرعوبه من المجتمع من اهل هديل وامل مخادع كالسراب من مسفر كلها ببارت واحد مشاعر صعب وصفها واجدتي بحرفنه واتقان تصويرها غرووري في لقاء هدول مع عسووله ومع محمد ومع امهااااااااا وقبلهم علي وعبود والاصعب جاي بالطريق هادي وغادة وابوعلي كل الباقيييين لهدول علاقه استثنائيه معهم فهادي تؤم الجسد والروح وغادة وليفة الروح والمشاعر وابوعلي الاب الغالي مهما كان وصار يالبى الجدة وعبود بس قلت لكم انا حاسه انها عسوله الي بتعرف بوصولها لانها الوحيدة الي حاسه وقلبها متعلق فيها واحساسها بولدها يزيد احساسها بحياة هدول ووجودها على قيد الحياة كان لازم ان الجده هي الي تشوفها قبل الجميع حتى تكون مصدر الامان لها ولانها الاكبر فكلمتها تمشي عالكل وماحد يقدر يوقف بوجهها وهالشي بيريح هدول نسبيا من ردات الفعل المتفاجئه بوجودها اما المقلب الي شربه محمد من علي وبالتالي روووع الباقيين فهو محترم بشكل .. بصراحه انضحك علينا كلنا بهالمقلب ومشى علينا مزبووووووط ( توجهت لـ الباب وهي تلاحظ عيون عبدالله الزايغة من الخوف.. ) اللحظه الوحيدة الي ظهرت فيها طفولة عبود وصغر سنه بهالروايه يؤبر البي ( متى بتصلون علي الجنازة.. متى بتتقاسمون الشرف بثاركم مني.. ) هديل بتعيش برعب وخوف الى مالانهاية مع ردات فعل الاهل والاقارب والاصدقاء والاحباب والمجتمع وبتظل عايشه بهاجس وخوف من كلام الناس ونظرتهم لها ومع الوقت ومع اصرار غازي بكشف حبه لها وتعلقه فيها بتلاقي ان حل مشكلتها بالاضافه لاعترافها بحبها له هو حل لجميع المشاكل وانه هو الوحيد القادر على اسكات اي لسان ممكن تطولها لو بحرف واحد ( رجعت لا تضيعوني تكفووون.. ) كأني فيك ياهدول صار عندك مرض الرهاب من الضياع ياترى وش السبب ؟؟؟؟؟؟؟ ( إنجرحي..هذا قيمة رجوعك..إنجرحي وإكتــــــــــــمي.. ) وهذا بيزيدك معرفة بقيمة غازي بحياتك وحياة ولدك ( لن أكون لغيره فقد كرهت الرجال به ومن بعدهِ ) ياليتك تسمع هالحكي يامسفر وتعرف انها لغازي وبس ( وصل لهم وهو يحبي ودخل بينهم ولم يدينه حوالين هديل.. ) ولد ابوه غار على امه من امها -_- ( بعدت راس ولدها ماتبيه يشاركها بامها..أمي لي لحالي..أتركوني أروي ظماي بحضنها.. خلوووني مع أمـــــــــــــــــــــي ...) وصف جدا واقعي ورائع لمشهد لقاء هديل بامها .. هديل من البدايه متعلقه اكثر شي بأمها ولمرور السنوات الخمس على فقدها لها وعلى ندائها لها بكل مراحلها وشقاها مع غازي فالطبيعي يكون اللقاء بهالشكل لدرجة انها تبعد ابنها فلذة كبدها عنها حتى تتفرد بحضن امها لها غازي : يالبى الرجال الحمش ياناس يالبيييييه بس ( دخل الخاتم في إصبعه والإيشارب بجيبه.. ) وبينضمون لقائمة الظفيرة ودفتر المذكرات والصورة وووووو ....... ( آآآآآهـ يا حظهم بحضنها وعيونها..بشوفت مبسمها ودلعها.. ) يابعد قلبي بترجع لك بترجع لك بس انت عدل من نفسك شوي وهي بترجع لك اكييييد ( بيحرموني منها.. بيخفونها عني .. ) لا لا ياغرووري ماتفقنا على كذا ... خلاص هو حرمها منهم وهي حرمته منها وبكذا كفة الميزان انعدلت باقي بس قرصتين على ودانه عشان يتوب مايضربها وبعدها يرجعون لبعض ( وانا أدري إنها حية وترمح بلا رسنها.. ) ماعليك غير القديم وحط جديد بعهود ومواثيق تحترم بنودها كشرط اساسي ( ولو خطفتها ورحت إعدام.. ) بو طبيع ما يجوز عن طبعه خخخخخخخخخ ( مابه خلاف..نعوض سلام الوداع مع سلام اللقاء.. ) وهذا وعد غير مكتوب من غرووري بلقاء خطير فريد من نوعه بين الاثنين باول لقاء لهم بعد رجوعهم لارض الوطن ( مد يده وضربه بكل قوته على وجهه.. مسك ياقة قميصه ورفعه له.. ) سلمت يمينك ياابضاي ... ليتك كسرت ضلوعه بعد ( ياليتها أثبتت التهم عليك وهجت..ياالله المهم سجنوك وهربوها.. ) وهذا الي انت تبيه من كل اعماق قلبك .. تستاهل موت قهر لانك مو طايل ظلالها حتى ( احفى وليه ما أحفى..حمامتــي والغازي بيقنصها.. ) رد مفحم ومسكت لاقصى درجه ( مسفر بكرهـ\عهدن علي لما تحررت منك لاخذها.. وتعرف وقتها كيف تفقدها.. ) الحين هنا بس ابي اشوف وين الي كالو لمسفر بقصائد المدح وعبارات الثناء وينهم عن كلامه هذا وينهم عن تعديه على حرمة غيره ولا فالحين بغازي وبس (بس رجع له بسرعة وضربه على وجهه مرة ثانية.. غازي بوعيد\هذي بس تصبيرة ونلتقي في السعودية.. ) الله يبرد قلبك وقلب غرووري مثل مابردتو قلبي فيه ام غازي: ( غضبت عليه ومارضت تكلمه.. ) زيزو ياقلبي تعالي واقري وشوفي انها هي الي قاطعته مو هو المسكين ظلمتيه وقهرتيه ولازم تعتذري له *_* ههههههههههههههه (جرحها يوم رضى بزعلها..يوم حرم نفسه منها ينتقم لهديل من حاله..) حريم مالكم كلمه ولا ينعرف لكم .. الحين يوم طاوعك وعاقب نفسه فدوة لعيونك وحتى يرضيك بانتقامه لها منه تزعلين عليه >> فيس يهز راسه (أنجرح بأبووهـ. ) وكل مال اسرار غازي تزيد قبل هالبارت سجنه والحين جرح ابوه هل للاثنين علاقه ببعض ( لقيت امي يا هديل..عساك لقيتي أمك..حضنتيها..شكيتي لها..) يالبى العاشق الولهان حتى باشد لحظاته الحساسه يفكر فيها وفي الي يصير فيها ويقولون عليك جلمود وقاسي تدري عاد يبي لنا ناخذهم لاقرب مغربي ياخذون لهم نظارات وعلى حسابك بعد سلمان : ( يافرحتك برجوعها يا هادي.. قرة عينك بشوفها.. ) كالعاده تسرعك بيخرب عليهم فرحتهم واظن والله اعلم ان هادي بيصير له حادث او شي ينغص عليهم بسبة سلمان مع ان ردة فعل سلمان في الحقيقه واقعيه وماعليها غبار اي رجال ينحط بنفس موقفه ونفس الظروف هذا الاستنتاج الطبيعي الي بيستنتجه ( اتصل براكان وطلبه يرجعون الرياض الليلة.. ) حلوووو اليوم لقاءها مع ابوعلي ومع غازي فهل ياترى بيتقابلون معاها جميع بارت ولا اروع وبانتظار المزيد من ابداعك وروعة نزفك سدد الله خطاك وحقق لك مناك ورزقك سعادة الدارين | ||||
|
| |
|
21-01-12, 03:24 AM
| #1564 | |||||||||||||||
| مراقبة ومشرفة سابقة ونجم روايتي  
| اقتباس:
صباحكم سكر روايتين قرأءه ممتعه مقدما ........... | |||||||||||||||
|
| |
|
21-01-12, 03:55 AM
| #1565 | |||||
| نجم روايتي 
|  اقتباس:
صباحك قشطة ومربى ياجروحة والكل بانتظااار البارت على احر من الجمر صباح الورد لكل المنتظرين الذين يشاهدون محتوى الموضوع الآن : 26 ( الأعضاء 11 والزوار 15) زهره الماضي*, الشوق والحب, فيتامين سي, hob_alsnen2000, epilobe, متمردة, >.صـدّى ـآا الإآحسـآاس.<, أم أحلام, fafoufa, وردة مصر, فتنة الطفوله | |||||
|
| |
|
21-01-12, 03:58 AM
| #1566 | ||||||||||||||
| مراقبة ومشرفة سابقة ونجم روايتي
| ههههههههههههههه حيااااااااكم كلكم ويارب يزيدون زهره انا معاكم ليه ماكتبتي اسمي خخخخخخ | ||||||||||||||
|
| |
|
21-01-12, 04:02 AM
| #1567 | ||||||||||||||
| مراقبة ومشرفة سابقة ونجم روايتي
| السلام عليكم ورحمة الله وبركاته ... صبـــــاح \\ الركوع يتبعه السجـــود.. ويهتف القلب بــ الله أكبـــر .. مســــــاء \\ الرضا بحكمة الأقدار.. وترديد لا إله إلا الله .. كيــــــــــفكم الـــ ........ ..؟؟ أحبتـــــــــــي في كل مكـــــــــــان..؟؟ تنبيه بسيط \\ مدخل البارت السابق ليس لــ غازي القصيبي.. بل لــ نزار قبـــاني .. أعتذر لهذا اللبس.. كنت اعتقد أن "خمس رسائل إلى امي" من كتابات الأديب غازي القصيبي.. شــــكراً لتنبيهي عزيزتي روبي .. البعض لم يتقبل موقف طالب من الشباب في المول.. قائلين كان يجب أن يحترمهم ولا يعاملهم بمثل هذا التصرف.. وطالبوني بإحترام عقولهم وعدم التسفيه بهم .. عفـــواً لازلت عند موقفي.. فمن هم على هذه الشاكلة يستحقون العقاب و ربما إقامة الحد .. وموقف طالب مع الهيئة من هذه الفئة الضالة حدث بالواقـــع ... وفخورة بذكـــرهـ في الرواية.. الأخت اللي تسأل من تكون الهيئة ..؟؟ الهيئة منظمة دينية إصلاحية لها قدرها ومكانتها في المملكة العربية السعودية.. تعمل على التوعية الدينية..والحد من إنتشار الفساد والإنحراف في المجتمع.. تراقب قليلوا الذمة وتتصدى لــ المعتدين على حرمات المسلمين.. وليست بدعة ولا ظاهرة سيئة كما يتقول عليها البعض.. وقد دعاء إليها الدين وإليكم الدليل من القرآن والسنة النبوية.. قال تعالى: (ولتكن منكم أمة يدعون إلى الخير ويأمرون بالمعروف وينهون عن المنكر أولئك هم المفلحون) قال عليه الصلاة والسلام (لا تزال أمتي بخير ما أمروا بالمعروف ونهوا عن المنكر وتعاونوا على البر والتقوى، فإذا لم يفعلوا ذلك نزعت منهم البركات وسلَّط بعضهم على بعض ولم يكن لهم ناصر في الأرض ولا في السماء) والله أعلـــــــــــــــــــم .. أحبتــــــــي المصاحبين لي منذ البدء ..وإلى الآن..هنا وفي الجوار.. وكل من سجلوا عشــــــاني الله يعلي شأنكم.. تواجدكم بالقرب مني يزيدني ثقة بنفســــــــــي .. كونوا بخيـــــــــــر.. البارت إهـــــــداء لجميــــــــــــع أحبتـــي .. ولغاليــــــــــاتي من خلف الكواليــــس .. البارت السابع والستـــــــــــــــون .. لك الحمد… والأحلام ضاحكةُ الثغرِ لك الحمد… والأيامُ داميةُ الظفرِ لك الحمد… والأفراح ترقصُ في دمي لك الحمد… والأتراح تعصف في صدري لك الحمد… لا أوفيك حمداً.. وإن طغى زماني… وإن لَجّت لياليهِ في الغدرِ إليك، عظيم العفو، أشكو مواجعي بدمع على مرأى الخلائق لا يجري ترحّل إخواني.. فأصبحت بعدهم غريباً.. يتيم الروح والقلب والفكرِ لك الحمد… والأحباب في كل سامرٍ لك الحمد… والأحباب في وحشةِ القبرِ وأشكرُ إذ تعطي، بما أنت أهله وتأخذ ما تعطي، فأرتاحُ للشكرِ المرحوم بإذن الله تعالى ..غازي القصيبــــــــــي ... جالسة في غرفتها مركزة عيونها في الفراغ.. وما أنتبهت إن هديل بنت أخوها نامت بحضنها.. عاشت بخيال عبدالله لو ترجع هديل حية.. خذاها الخيال لبعيـــــــد.. هتفت بحسرة بداخلها.. حرام عليك يا عبود تعذبني.. ياما تخيلت هالشيء.. وقلت بكرة بأصحى وألقى كل شيء كذب.. وتكون هديل حية وموجودة بينا.. ماهو هذا حالنا لما فقدنا غالي..؟؟ نظل نتظرهـ يرجع.. ولو بالحلم..نبيه يرجع.. ونأمل نفسنا..ونعيش لحظات معه من صنع خيالنا.. ونردد من غير وعي..بكــرهـ يرجع..ونشكي له مرارة فقدانهـ .. شهقت بحسرة\الميـــــــت ما يرجع.. هديل ماتت..أختي الوحيدة تحت التراب.. يارب إرحمها..وأفتح لها أبواب الجنة.. حطت كفها على فمها تمنع شهقات متتالية.. سدحت هديل الصغيرة على سريرها الكبير.. وحاوطتها بوسادات عشان اذا تحركت لا تطيح ع الأرض.. غطتها وتوجهت لــ الباب .. كان مقفووول..وعبدالله تأخر عليها مارجع.. طقت ع الباب بالخفيف ماتبي تصحي هديل.. غادة بصوت خافت\عبدالله وينك؟؟إفتح الباب.. تاخر عليها ومارد.. اخذت جوالها واتصلت عليه.. عبدالله بفرح\هلا بأغلى وغدة في المجرات ودرب التبانة.. غادة تبتسم\يالنتفة مانسيتني..؟؟تعال إفتح الباب.. عبدالله يضحك\هههههههههههههه مدري وين حطيت المفتاح.. بادوره واجيك.. وقبل لا يسمع ردها قفل الخط وناظر في هديل وأمها.. عبدالله\خلاااااص قومي من حضن جدتي فغصتيها.. غادة فوووق حابسها في غرفتها..تعالي سلمي عليها.. أم علي\انت مالك شغل في بنتي.. خلها في حضني..خلني اتطمن عليها.. هديل تقبل كتفها\ههههههه يومه عورتك.. ام علي\مافقد أحد هالحضن مثل ما فقدك.. كلهم ناموا فيه بغيابك..خليني أعوضك.. هديل بوعيد\والله ما أنام الليلة الا في حضنك.. عبدالله\بيشووتك أبو علي.. هديل بفرح\جعلني فدا الطاري وراعيه.. وينه فيه..؟؟أبوي وينه؟؟ علي يبتسم\في الطريق راجع من الشرقية.. عبدالله وقف وسحبها من حضن جدته بالقوة.. والجدة تضربه بعصاها من وراهـ.. عبدالله يناظر الجدة\افا يا جدة أبوي تطعنيني في ظهري.. مابه خلاف..بنفرح بهديل وانتقم منك بعدين.. الجدة بعصبية\علي ضف ولدك يامال الصلاح.. خل البنت تسلم على أمها.. عبدالله بعناد\خلااااص سلمت..قووومي تكفين.. والله تنتظرنا فوق.. ام علي ترفع هديل عنها وتقوم معها.. قبلتها على جبينها ومسحت دموعها.. أم علي\اطلعي لأختك يا فرحتي.. خليها تحمد الله وتشكرهـ.. وأنا بأتصبر بولدك لحتى تنزلين.. كان الشوق لغادة ذابحها..وبنفس الوقت ما تبي تترك أمها.. قبلت يدين أمها وضمتها بقووة.. همست لها بخوف\يومه لا تروحين بارجع الحين.. أم علي تضمها اكثر\والله ما أروح..انزلوا بسرعة.. أنسحبت من حضن أمها بيدين عبدالله اللي يشدها.. عبدالله\تكفووون لا تخربون الخطة.. لا يطب علينا جدي ولا هادي وتنعفس الدنيا.. هديل تضحك\هههههههههه طيب لا تسحبني كذا.. عبدالله بعناد\لو ماسحبتك ما مشيتي معي.. يا عيال اللي يبي يشووف فلم هندي يجي معنا.. وقفوا محمد وعلي ومشوا معهم.. الجدة\تعال أنت وهو خلوا البنت تسلم على أختها.. محمد طلع يركض\والله ما اخلي لقاء يفوتني أنت يالكبير لا تطلع خلك عاقل.. علي يطلع ويده في يد هديل\انا اللي جبتها..ولي الحق أشهد كل لحظات اللقاء.. عبدالله يضحك\فاتك لقائها مع عمي الدوووب.. علي يضربه على راسه\مافاتني كنت اراقبكم وماشفتوني.. هديل\ههههههههههه يا خرطك.. علي بنص عين\أقول أطلعي لأختك.. أخذت المفتاح من عبدالله ودخلته في الباب.. أرتجفت اصابعها ماقدرت تحرك المفتاح.. ناظرت باخوانها وكانوا يشجعونها تدخل.. بعدت عن الباب بسرعة وتعلقت بــ علي.. هديل تبكي\كيف اقابلها..يمكن تغيرت..يمكن يصير فيها شيء.. علي أنت قول لها وخلها تجيني هنا.. لا تخوفها.. علي يضمها\حن ماتغيرنا ولا رفضناك.. فكيف بغادة اللي أنهارت بخبرك موتك.. هديل ترتجف\مو خايفة على نفسي..خايفة عليها.. علي بحنية\تعالي معي.. مشى معها وفتح لها الباب.. وهمس لها بكلمات تشجعها وتشوقها لغادة اكثر.. علي\ادخلي وريحيها بشوفتك مثل ماريحتينا.. ترك يدها..وهي خطت خطوتين لداخل الغرفة.. شافتها منسدحة على السرير وظهرها لها.. سمعتها تتكلم بصوت مبحوح.. غادة بزعل\بدري يا عبيد..بس الشرهه ماهي عليك.. علي اللي صدقت وماشيتك..تعال عند اختك.. بأروح أوضي.. وقفت بتعب وتوجهت لدورة المياهـ من دون ما تناظر الباب.. همست بقهر\الكلام اللي قلته لا تعيده مرة ثانية.. لا علي ولا على اي أحد ثاني.. هديل ماتت وحن رضينا بهـ الشيء من زمان.. وإن كان إيمانك ضعيف فأبوي ماهو بعاجز يعلمك إن الله حق.. | ||||||||||||||
|
| |
|
21-01-12, 04:03 AM
| #1568 | ||||||||||||||
| مراقبة ومشرفة سابقة ونجم روايتي
| ماقدرت تكتم شهقتها وهي تبكي مع كل كلمة تنطقها.. سمعت شهقات غير شهقاتها وصوت باكي يناديها.. عرفت إنها قست بالكلام على عبدالله..بس لازم يفهم لازم.. رغم إنها استنكرت صوت البكاء..والهمس المخنوق.. هذا ماهو صوت عبدالله.. وقبل لا تلتفت حست بيدين تضمها من ورى وراس يندفن بظهرها.. وصوت مكتوووم يبكي بقوة.. حطت يدها على قلبها بجزع وخوف.. ودموعها أستمرت وهي تسمع الصوت اللي ما أنكرته روحها.. صوت هديــــل.. لمت يدينها الثنتين على اليدين اللي محاوطة خصرها.. صرخت بحسرة\هديل......؟؟! ردت عليها بشقى\ياروح هديل...إيه يا قلبي أنا هديل.. رجعت يا غادة..رجعت يا رووووحـــــي.. صرخت بكلمة لا بأعلى صوتها وطاحت على ركبها وهي تنتحب.. نزلت معها هديل ولازالت ضامتها.. لمتها في حضنها وهي تسمي عليها وتقول لها إنها رجعت.. هديل بحب\لا تقولين لا..هذا امر ربي.. شوفيني حية مامت..غادة وحشتيــــــني.. رفعت راسها لها\لا لا لا....تكفييييين لا .. والله ما نسيتك لاتعذبيني..يووووووومه لحقي علي يوووومه.. بانجن يا يووومه.. هديل بحزن\علــــــــــي..تكفى تعال قول لها.. قول لها إني رجعت..طمنها يا اخوي تكفى طمنهااااااا... دخل عندهم وضاق قلبهم على حالهم.. كيف ضامين بعض ويبكون.. جلس عندهم وسحبهم له .. لم يدينه حواليهم وضمهم بقوووة.. علي بقوة\أذكروا الله وصلوا على النبي.. غادة يا قلبي هديل حية ماماتت..هذي هي.. أنتي لا جنيتي ولا تتوهمين.. غادة بحسرة\هدييييل تكفين ارجعي..كوني صدق.. ما أبى احلم فيك ولا أعشم حالي بوهم.. هديل تقبل يدينها\والله العظيم صدق.. شوفيني يا غادة..ضميني ..حسي فيني.. غادة برجاء\علي خلها صدق.. أختي خلها صدق..لا تعذبوني تراني مؤمنة ومسلمة بحكم ربي.. علي يبتسم\تبين أكفخك عشان تصدقين.. ترى كلنا صار فينا مثلك.. غادة تهز راسها\إيه..أبي أصدق..انا أحلم ولا أتوهم.. علي يضحك\عز الطلب..أحلى كفخة.. هديل تبعد يدينه\وخر عن أختي.. أنا أأكد لها إني حقيقة ماني خيال.. مسكت غادة من كتوفها وهزتها بقووووة.. هديل بمرح\غــــــــــــــادة غادة غادوووة غدووو غدي غدير غووويدة غندووور..غنادير...قووووومي مدرسة مدرسة مدرسة.. غدووووو.....غندووورة... غادة بصراااااخ\والله أختي... ما أحد يصحيني لـ الدوام مثلك.. هديـــــــــل ياروووحي رجعتي.. ضمتها هديل بقوووة\رجعت يا بعد روحي.. ربك كريييييم يا غادة ورجعني.. غادة بصوت عالي وهي تبكي\آآآآآآآآهـ وينك يا هديل؟؟ وين كنتي..طول هذي السنين مارحمتينا ورجعتي.. هديل تبتسم\المهم رجعــــت.. محمد\ماتسمعون البزر تبكي حرام عليكم.. شال هديل من على السرير.. وهزها على خفيف.. علي\هذي بنتي..سميتك.. هديل بحب\فديتها وفديت ابوها.. قبل لا توقف سحبتها غادة وضمتها اكثر.. غادة\لا تتركيني باقي ما أرتاح قلبي.. بنت علي لا حقة عليها..خليك معي.. ضحكت هديل ولمت أختها لها أكثر.. وهمست لعلي\بنتك لا حقة عليها أريد أختي.. عبدالله بفتنة\من رأيي تغير اسم بنتك.. عندي لك اسم احلى من اسم هذي.. سمها عبدة الله.. علي يرميه بلعبت هديل\لا بركة في شورك ياقاطع الطرق.. عبدالله بوناسة\بأروح أنادي أمي.. حتى هي لازم نفجعها..بس ياويلك يا هديل إن ماتت أمي.. طلع من غرفةة غادة يركض.. وعلي وقف وسحب محمد برا الغرفة.. محمد بقهر\لا مالي شغل ابى اشووف اللقاء.. علي\معصـــي مايجوووز تشوف حرمتي وهي بلحظات الجنون.. محمد\والله ما اخليك تشوف حرمتي لما شافت هديل.. علي\ههههههههههههه تزوج أول وبعدين تشرط يالدوووب.. خذ بنتي معك وأنزل عند أمي تحت.. أم عبدالله بتجي ألحين مفحطة..بيخوفها ولد أبوووهـ .. ومثل ماقال علي.. بمجرد نزول محمد الدرج وهو يتحلطم .. شاف حنان جاية تركض ورى عبدالله ولون وجها مخطوف.. حنان برعب\وش فيها هديل..؟؟ وش صار على بنتي يا علي..؟؟وينها فيه؟؟ علي يبتسم ويضمها\ماصار فيها شيء.. الخبل ذا وش قايل لك.. عبدالله يسحب أمه\هيه وخر عن أمي.. يوومه إلحقي شوفي عمتي غادة وش فيها.. علي يضربه\لا تخرب المفاجئة وتجعلها مفاجعة.. حنان حبيبتي صلي على النبي قبل تدخلين غرفة غادة.. خافت من كلام ولدها وزوجها.. صدت عنهم راجعة لجناحها.. حنان بقهر\ماتتركون حركاتكم البايخة.. أنا بأقول لعمي يشوف لكم حل.. أكيد بتجلطوني.. مسكها علي وسحبها معه وعبدالله يدفها مع أبوهـ.. علي\ليه الحريم مايسمعون الكلام من أول مرة.. عبدالله\لو أنك مكوفنها من قبل ماكانت عندت.. حنان\هههههههههههه وخروا عني يا اللي ماتستحووون.. عبدالله\يومه شوقي أبوي متبنطل.. علي\ههههههههههه ما أمداني ألبس الثوب والغترة.. حنان بشك\تراك ما أنت بخلي..وراك علم.. عبدالله\وأنا اشهد يا ام عبدالله.. والله إنك صقرة يا أم ولد خال ذياب.. علي\أدخلي عند غادة بسرعة جبت لك هدية من إيطاليا.. مابتنسينها لو كسيتك ذهب وألماس.. عبدالله\يومه أدخلي تكفين.. ضربت يدينهم اللي حواليها ودخلت وهي تعدل ملابسها.. اللي عفسها علي وعبدالله بهوشتهم معها.. حنان بهدوء\السلام عليكم .. ردوا عليها ثنتين كانوا ضامين بعض.. عرفت غادة بس ماعرفت من تكون الثانية لأن وجها بحضن غادة.. غادة تبتسم بين دموعها\حنان تعالي شوفي .. تقدمت منها بخطوات مترددة.. ووقفت جنبها.. مدت يدها ترفع راس البنت اللي بحضن غادة.. ناظرتها لحظات من غير ماتعرفها.. وبعدها ناظرت في غادة بإستفهام.. أنصدمت لما شافت علي وعبدالله معهم بالغرفة.. بنت غريبة وكاشفة وزوجها دخل عندهم.. رجف قلبها بقوووة تبي تعرف من تكون هذي الإنسانة.. بعدت هديل عن غادة ورفعت راسها وبعدت شعرها عن وجها.. ثواني مرت وهم يتأملون بعض .. حنان بصوت مهزوز\رحمتك يا ربي..ياصلاتك يا نبي.. ..هــ.........هديـــ....ـل ..؟؟! قربت منها وضمتها بسرعة وهي تأكد لها.. هديل بحب\إيه يا حنان انا هديل.. صدقي يالغالية..والله رجعت ..أنا مو ميتة.. حنان تبكي\هديييييييييييل...هذا أنتي صدق يا هديل..؟؟ علي هذي أختك حية صدق..؟؟ بعدتها عنها وناظرتها من فوق لتحت.. شوي تبتسم وتضحك وشوي تبكي.. قربت منهم غادة وحضنت هديل من جنبها.. وناظرت حنان بضحكة.. غادة بفرح\هديل رجعت يا أم عبدالله.. رجعها أخوي فديت قلبه رجعها لنا.. ضمتهم حنان لها وهي تعاتب علي.. حنان\هذا اللي وداك إيطاليا.. ذبحني الهم في غيابك.. وش اللي وداك لآخر الدنيا.. لديرة ما لقينا منها خير.. طلعت هديل صاحبت الشان.. ياهلا وغلا يا الغالية.. نورتي بيتك وحياتنا..والله فقدناك.. هديل بابتسامة\يعني ما أنفجعتي مثلهم..؟؟ حنان بضحكة\هههههههه بلى أنفجعت بس بحالة غادة.. وفرح علي وعبدالله صدقت إنك حية.. وفوق كل شيء قدرة رب العالمين.. هديل تصرخ بفرح وتضمها\فدييييييييييتك يا هلي وحشتووووني.. غادة\أمي لايصير فيها شيء.. علي\هههههههه فاتك خلاص..امي شافتها قبلك.. طلعت غادة من الغرفة وهي تسحب هديل معها.. راح معهم عبدالله ونزلوا تحت.. ألتفت لزوجته وشافها ترتجف بخوف.. قرب منها ضمها.. علي بهدوء\إذكري ربك يا حنان.. حنان تشهق\لا اله الا الله..علي وين كانت..؟؟ كيف راحت عنها وقالوا ماتت طول هالوقت..؟؟ علي بجمود\كل شيء بيتصلح..ومادامت رجعت لنا.. فكل شيء هين بعدها.. حنان تبتسم\بانزل معهم.. علي يبتسم لها\طيب وانا بانزل .. بس حطي شيء على راسك محمد تحت.. حنان\عمي كيف قابلها..؟؟ علي\أبوي باقي مارجع من الشرقية.. والله خايف عليه..بس أكيد هو يدري إنها حية.. لانه هو اللي زوجها وأعلن موتها.. حنان\زوجها..؟؟!هديل متزوجة؟؟ علي بحسرة على أخته\وعليها ولد.. صد عن زوجته ونزل لهم تحت.. شاف غادة وهديل ضامين أمهم ويبكون.. وذياب بحضن غادة.. طلع جواله وأتصل بهادي.. ماهو شايل هم احد كثر هادي وراكان ولد عمه.. هادي لانها توئمه..وراكان لانه ماراح يسكت عن اللي صار.. وبيقومها على أبوهـ وعمه.. لازم يفهمون كل شيء من ابوهـ وعمه.. وليه أشاعوا عن هديل الموت وهي حية.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛ | ||||||||||||||
|
| |
|
21-01-12, 04:05 AM
| #1569 | ||||||||||||||
| مراقبة ومشرفة سابقة ونجم روايتي
| وقف أبو راكان بسرعة وهو يسمع صراخ سلمان ينادي عليه.. كانت زوجته وسارة موجودين عندهـ.. دخل سلمان ووجه مايتفسر.. أبو راكان بجزع\وش بلاك تصارخ..وش وراك من علم..؟؟ سلمان\أبى أفهم كل شيء قبل لا أنجن.. فهمني يوبه ليه سويتوا كذا..؟؟ليه عطيتوهـ بنتنا..؟؟ كيف خذاها..طيب ليه مانشرتوا الخبر.. ليه قلتوا ماتت وهي حية..؟؟ليه ما قلتوا لنا؟؟ بهت بمكانه يناظر ولده الفاقد أعصابه ويسأل من دون وعي.. وعرف المقصوود من اسئلة ولده..مايقصد الا هديل.. بس كيف عرفوا عنها..هي ماتت.. سارة بخوف\سلمان من اللي حية وماماتت..؟؟ أنت وش تتكلم عنه..؟؟ سلمان بقهر\هديل بنت عمي... زوجوها لغازي عشان يعتقني أنا وهادي.. ليه يوبه تعطونه إياها..؟؟مالنا ذنب في موت اخوهـ .. سارة بصدمة\هديل بنت عمي حية..؟؟ أبو راكان بقوة\لا ماهي بحية...ماتت قبل سنتين.. خلاص مادمتوا عرفتوا فمابترضون الا بالسالفة كلها.. سلمان بغضب\أسمعك...قلي كل شيء.. أبو راكان يتنهد\لما يجي عمك نقول لكم كل شيء.. سلمان\الليلة عمي بيجي...الليلة ما امسي الا والعلم في راسي.. أم راكان\كيف تقول ماتت من سنتين.. هديل ميته من خمس سنين..؟؟ ابو راكان\زوجناها قبل خمس سنين.. وماتت قبل سنتين.. سلمان يهز راسها\لا يوبه.. هديل ما ماتت..علي جابها من إيطاليا.. بعدها حية وماعليها شر.. قرب من ولده وشده مع ثوبه وصر خ فيه.. ابو راكان\الموت لا تعلب بذكرهـ.. وترى اللي فيها من سبايبك أنت وهادي.. سلمان بغيض\أنتوا اللي لعبتوا في الموت قبلنا.. فاولتوا عليها ودفنتوها..وأنتوا معطينها لعدونا.. لا قتلنا أخوه ولا لنا ذنب فيه..مانتحمل جرمكم فيها.. ضربه ابوه على وجهه\يالخسيس تبريت منها بعد ما فدتكم بروحها.. راحت معه عشانكم..عشانا.. لاتبري نفسك من الذنب.. لو كنتوا رجاجيل واجهتوا مصيركم وأثبتوا برائتكم.. سلمان بقهر\ليه تعطونه إياها.. ليـــــه يوبه لييييه...؟؟بنت عمي ماتروح دية.. أبو راكان بندم\راحت والله يرحمها.. سلمان\يوبه هديل حية..والله العظيم حية مثل ماقلت لك.. وهي في بيت عمي الحين..مع هلها.. أبو راكان برجفة\أنت صادق..؟؟! سلمان يهز راسه\والله إني صادق.. وعمي وراكان جايين في الطريق.. بعدهم مادروا.. أبو راكان\قال لنا يوم رحنا إيطاليا إنها ماتت.. سلمان بحقد\يكذب عليكم الخسيس.. يوبه لازم نتصرف ونشهر إنها متزوجة وماهربت.. تعرف عرف القبايل ودمهم الحار.. أبو راكان\حسبي الله ونعم الوكيل فيه.. سوا فينا اللي سويناه فيكم.. دفنها قدام عيني..عزاها معنا..كيف قواه قلبه..؟؟ سارة بزعل\مثل ماقواكم قلبكم.. تفجعون امها وأخوانها..مثل مافجعتونا فيها.. يمهل ولا يهمل يوبه.. أم راكان بنحيب\لا حول ولا قوة الا بالله.. ليه ياعلي..؟؟حرام عليكم تعطون البنت بذنب أخوانها.. تظل شوفة وعرض ماينداس.. أبو راكان بقهر\ماكنتي تبين ولدك..؟؟ أم راكان تبكي\إيه ابى ولدي..بس والله ماكنت بأقبلها على بنتي.. تروح عشان يرجع أخوها..والله ماكنت باعطيها والله.. ابو راكان بقلة حيلة\ندمنا لين شيبنا.. بأروح لها..أبى اشوفها.. أم راكان\بأروح معك..بأشوفها..ابى أتاكد.. سلمان بجمود\لاتروحون..ألحين هلها بحالة الله العالم فيها.. كيف ميت يرجع حي..ياكبرها عند الله.. طلع من عند هله وطلع جناحه.. ضرب الباب بقوووة .. وتفكيره بكلام الناس والقبايل عليهم.. لو اشهروا الزواج ماكنا بنواجه مشاكل.. كل واحد بيطلع بشووور..الله يعين.. شافها نايمة على الكنبة ومتلحفة .. ناظرها بقهر..يتمنى لو كانت صاحية.. يمكن يخفف من غضبه ويفهم منها كيف كانت حياتها في ايطاليا.. دخل دورة المياه تحمم وطلع وهي لازالت على حالها.. طاحت زجاجة عطر على الارض وطلع صوت قوي.. وهو متقصد هالشيء عشان تصحى.. شافها تحركت وسكنت مرة ثانية.. شال الغطاء من عليها وجلس جنبها.. بعد عيونه من عليها مايبي يشوفها.. يحس إنها غدرت فيه وأستغفلته.. كان المفروض تتكلم..سنتين طوويلة.. كان الحال بيتغير خلالها..ويمكن هديل كان رجعت من زمان لهم. مقهوور ليه ما تكلمت..؟؟ قالت ان هديل صديقة لها..طيب ليه ماساعدت صديقتها..ليييه؟؟ سلمان بجمود\أبى أعرف كل شيء تعرفينه عنها..؟؟ متى تعرفتي عليها؟؟وكيف كان وضعها؟؟ زوجها كيف يعاملها؟؟تكلمي يا ياسمين..؟؟ التعب والألم كان مسيطر عليها..وآخر شخص تتمنى يكون جنبها هو سلمان.. غطت نفسها وهي ترد عليه بصوت مكتوم متألم.. ياسمين بتعب\إسألــــها ... وقف وأبتعد عنها من دون ما يهتم في حالها.. سمع صوتها تعبان..وفسر هذا الشيء من الزعل بعد ماضربها وهاوشها.. بدل ملابسه وطلع من الجناح لانه أدرك إنه مستحيل ينام قبل لا يقابل عمه وراكان.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛ خرجت من غرفتها تنتظر طالب اللي راح يوصل رشا لبيتها.. وقال لها بينتظر مع رشا لحتى يوصل لهم راجح.. جلست بالصالة وتفكيرها يوديها لهديل وقررت تطلب من أمها يروحون لهم إيطاليا.. إن كانت مابترضى بالطيب..لازم ترضى بالغصب.. أبتسمت على تفكيرها كيف بتجبر هديل تسامحها.. حطت يدها على بطنها وتلمسته بهدؤ.. شوق بحنية\على وعدي..إن كنت بنت بأسميك هديل.. وإذا ولد غازي.. غازي برفض\لا ما ابي الا هديل وحدة في حياتي.. إن سميتي بنتك هديل مالها عندي قبوول.. وقفت بصدمة وصرخت باسمه بصوت عالي.. ضحك عليها لما ركضت له وحضنته بقوووة.. شوق تبكي\وحشتني يا أخووووي.. أشتقت لك يا غازي موووت..تكفى سامحني.. والله عرفت خطاي..دنيتي بدونك ماتسوى.. أنت ابوي وأنت هلي كلهم.. أشتقت لك مووووت.. غازي يقبلها على جبينها\وأنا اشتقت لك.. وكل ماجيت أكلمك أقسى على حالي قبل حالك.. شوق بندم\أنا آسفة..غلطت عليها كثير.. غازي بتأكيد\ومن منا ماغلط عليها وظلمها.. شوق بلهفة\وينها..؟؟أكيد جبتها معك.. أبي أسلم عليها.. غازي بنفي\عند هلها..رجعت لهم.. شوق تبتسم\رجعتها لهلها يا أخوي.. هديل رجعت لأمها وابوها..رجعت لتوئمها..؟؟ غازي بحنين لها\إيه رجعت لهم.. وعقبال ماترجع لي.. عقدت حواجبها وقبل لا تستفسر منه.. سمعوا صوت طالب يهلي ويرحب.. طالب بحدة\وارحبوووا وأرحبوووا ياللي ذبحتكم الغيرة.. مقاطعين اخوكم عشان قال كلمتين حلوتين في زوجتكم.. لله دركم ما أمحق طبعكم.. غازي يبتسم لشوق\زوجك هذا مايتوب.. طلع شيء من جيبه ولف على طالب بسرعة ورماهـ بجواله.. طالب بصدمة\آآآآآآآآععععي والله كنت ادري مابتمررها على خير.. غازي بحدة\أجل جرح هاهـ..؟؟ طالب\هو أنت بعدك فاكر يا ود إنت..؟؟ غازي\ههههههههه ولا برد قلبي عليك إلى ألحين.. طالب يقرب منه ويمد يده يصافحه\سلم وإدحر إبليس.. تراني أخووك بيني وبينك لبن وعلووم طيبة.. ضمه غازي وهمس له\نسيتها صح..؟؟ طالب يضحك\تبى الصدق..؟؟لا والله.. هي حلوة كثير..مثل ماقلت لك جرح.. ضربه غازي بوكس على بطنه.. غازي بقهر\وألحين نسيتها..؟؟ طالب عقد حواجبه\إيووه نسيتها ونسيت أختك بعد.. شوق\هههههههههه أحسن..عطه واحد ثاني يا أخوي.. غازي\كيفكم ؟؟طمنوني عن حالكم..؟؟ جلسوا معه بالصالة العلوية وحكوا له عن كل شيء.. قالت له شوق عن تسقيطها لحملها الأول.. وشرحوا له مرض رشا وتعبها..وعن هل الكويت وكيف صاروا أصحاب معهم.. وهو يستمع لهم مبسوط بوجوده بينهم.. ويقول بخاطره ماتدرون إن كل أخباركم عندي وأعرفها.. تضايق وهو يدرك للمرة الألف.. إن حرمانه لنفسه من السعودية ومن هله..مايقارن ولا واحد بالمية من حرمانها هي.. هو كان يعرف احوال هله..وأخبار أمه وأخوانه.. بس هي ماكان يسمح لها تعرف عنهم شيء.. حتى في العيد ما تطمن عليهم.. تعذر منهم وتوجه لجناحه .. دخل وهو يتمنى لو يروح لها في بيتها.. يشوف وش حالها بينهم..كيف أستقبلوها.. واللي شاد أعصابه لا أحد يجرحها ويزعلها.. أخذ جواله وأتصل بشيخ قبيلتهم .. وقاله كل السالفة وطلب منه يجتمعون كل قبيلتهم ويتوجهون لقبيلة الجاسم.. لازم يشهرون خبر زواجها منه ويفهمون غنها كانت معه طول هذي السنين.. خايف عليها من أعراف القبايل.. لا يثورون عليها ويقتلونها متهمينها بشرفها.. غابت عنهم سنين بحكم الميتة..وترجع لهم معها ولد.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛ | ||||||||||||||
|
| |
|
21-01-12, 04:07 AM
| #1570 | ||||||||||||||
| مراقبة ومشرفة سابقة ونجم روايتي
| رغم التوتر والخوف الطاغي بالمكان.. إلا إن الجميع حاولوا قد مايقدرون يكونون طبيعيين.. مافاتتها نظرات علي ومحمد وكل شوي يوصلهم إتصال او رسالة.. ولا إرتباك أمها وكلمتها اللي ترددها بصوت خافت ( الله يستر ) عرفت امها من يكون زوجها.. وحضنتها تبكي وتعاتبها ليه تتركها من دون ماتقول لها.. لما شافت ما أحد عنده أي فكرة عن زواجها او كيف طلبها جارية.. فضلت تتغاضى عن الموضوع لحتى يجي أبوها ويقول لهم كل شيء.. أنتبهت على غادة تحضن ذياب وتبووسه بقووة وهو يبكي.. غادة\ياويل قلبه وش زينه.. ليه ماجبتي لي معك واحد من هناك..؟؟ الجدة تنقد\لا يكون أشترته من سوق ولا مول هناك.. عنبوا إبليسك ولدها دمها ولحمها.. هديل\سمعتي عسوولة وش تقوول.. غادة بصوت واطي\لا باقي ماكملت السب..اسمعي انتي بس.. الجدة\لو فيك خير ولدك يلعب مع ولدها ألحين.. بس الشغل ما خلاك تلتفتين لبيتك.. هديل بهمس\تزوجتـــي..؟؟ غادة بغصة\إيـــه..تزوجت.. هديل بزعل\مين أخذتي..؟؟ غادة بإرتباك\راكان.. عقدت حواجبها شوي وبعدها فتحت عيونها ع الآخر وهي تضحك بصوت مكتوم.. هديل بنص عين\راكان حقي تزوجتيه..؟؟ غادة مفجوعة\أنا.........هديل ســ....... هديل\هههههههههههه والله العظيم كنت اقول لسارة دائماً.. ما بياخذ الا غادة..بس هي كانت ملقووفة وتقول مايبيها.. واللي أكد لي هادي حبيبي.. غادة\هادي..؟؟ هديل\إيه قال إن راكان طلبك من أبوي لما كنا في جدة هذاك الصيف.. وأبوي وعده خير..وعاد السي راكان قال فيك قصيدة.. غادة بصدمة\متى هذا..؟؟ هديل بسخرية من حالها\قبل ما أمووت..وقبل لا يقتل هادي.. غادة بحنية\حبيبتي..وش صار معك طول هالسنين..؟؟ كيف كانت حياتك؟؟ليه ما واصلتينا..؟؟ وقف علي وطلب من هديل تطلع فوق.. لأن هادي ممكن يجي باي لحظة.. هو مايرد عليهم ولا يدرون وينه فيه.. وقفت وهي ترتجف لانها حست ان لحظت مقابلتها لهادي قربت.. مارضوا يطلعون معها..قالوا بينتظرون هادي.. كلهم متحمسين يشوفون ردت فعله لما يدري.. هاوشتهم الجدة وقالت لو تقدر كانت بتطلع مع هديل.. بس عندوا وظلوا على رايهم.. طلعت من عندهم وهي تضحك عليهم وعلى حماسهم.. هديل بمرح\المهم أنا مابيفوتني شيء من اللقاءات.. علي\الا تعالي خذي ذياب معك..مانبيه يخرب الخطة.. خذته معها وطلعت فوق.. توجهت لغرفة غادة بس ماحبت تحبس نفسها فيها.. نزلت ذياب ع الأرض ومسكت يده يمشي ويتسند على يدها عشان لا يطيح.. مرت الصالة الكبيرة وشافت صور على المكتبة.. صدت عنها بسرعة..ماتبي تشوف الصور قبل لا تشوف أصحابها.. دخلت احد الغرف حزرت انها لمحمد او لهادي.. من الملابس الرجالية والاغراض المتناثرة فيها.. ماشافت اي شيء يدلها لمن تكون الغرفة.. بقلب مشتاق رتبت الملابس با الأدراج.. ورتبت التسريحة بالعطورات وأزرار الثوب.. شالت الجزم المرمية ونزلتها بمكانها.. بعد ماخلصت حست إنها فاقدة شيء.. ناظرت حوالينها بخوف وهي تدور على ذياب.. طلعت من الغرفة بسرعة.. تخاف لا يروح لــ الدرج ويطيح.. قبل لا تطلع من ممر الغرف شافت باب مفتوح.. وسمعت صوت بداخل الغرفة.. وقفت قريبة من الباب.. لما سمعت الصوت ذاب قلبها من الشوووق لصاحبه.. لحضنه وضحكته اللي مايفهمها غيرهـا.. حطت يدها على قلبها وشدت عليها لما سمعته يستجوب ذياب بأسئلة ممتعة.. تجرأت وسمحت لعينها تسرق النظر عليهم.. كان متربع على الارض ومجلس ذياب قدامه ويسولف معه.. هادي بحنية\من انت عليه..يا ماشاء الله عليك..؟؟ ليه شارد من أمك وتطق علي غرفتي..؟؟ خلك عندي لحتى تجي اما غادة أو ام عبدالله وياخذونك.. يمكن أنت ولد صديقتهم..بس والله أنك حلووو وتنحب.. الله يحفظك لامك وأبوك.. ذياب كان يحرك يدينه بعبث بين يدين هادي.. يوقف ويجلس..وهادي مبسوط على حركاته.. همست بقلبها الملكووم\ضمـــه..ضمه وإعرف من يكون.. تكفى يا هادي لايكون هو الوحيد اللي يعرف ريحتي.. نسيتوها بس هو مانساها.. هادي بحب\ياولد أنت تصير لنا..؟؟ ليه أحسك قريب منا..؟؟من أبوك..؟؟ ماقدرت تتحمل..تبيه يشوفها..يضمها ويعرفها.. تبيه يحضنها بقوووة ويحميها حتى من نفسها.. يعوضها عن فقدانه وحسرتها في بعدهـ.. ظهرت قدامه ولا أنتبه لها لحتى تكلمت.. همست بصوت مخنوق\مالك شغل في أبـــوهـ.. مايخصك إلا أمـــه..انا أمــــه يا رووح أمه وقلبها.. انا أمه يا بعد عيني يا هادي.. وقف على ركبه وهو حاضن ذياب.. ناظرها بعيونها هي..بحسرتها..بعذابها.. دمعت عيونه تشارك عيونها النوووح.. قربت منه وطاحت على ركبها قدامه.. مد يدهـ وتلمس وجها المحروم منه.. لاحظت شفايفه ترجف ودموعه تنزل بآسى.. مسكت كفه وقبلته بشوووق.. سحبت ولدها من بين يدينه ونزلته على الأرض.. وهمست بشهقات عالية باكية\ضمنـــــــــــــي .. وحشتني يا روووح هديل وحشتنـــــي.. لم يدينه حوالينها وضمها بقووووة وهو يصرخ بصوت عالي باسمها.. وهي تصرخ باسمه بصوت مخنووق على صدرهـ.. صوتهم وصل لــ أهلهم اللي تحت.. طلعوا لهم يركضون مرعوبين على هديل..وش صار فيها؟؟ وأنصدموا بشوفتها مع هادي يحضنون بعض.. كيف دخل وماشافوهـ ..؟؟ ضمته لها بحسرة وندم على فراقه.. ضمته وتتمنى لو ترجع السنين وتمنعه من البر ومن مصاحبت سلمان.. لو ترجع السنين وتمحي غازي من حياتها ومن كيانها.. أدركت إستحالة امنيتها وذياب يشدها له ويبكي مرعوب من صوت بكاها.. همست وماسمعها\وسم العبوودية لازال على ظهري.. هادي بوجع\تأخرتي كثير يالغالية.. غبت سنة وغبتي سنين..دورتك وناديتك مالقيتك.. آآآآآآآآهـ ياهديل ليه مارحمتيني ورجعتي...؟؟ هديل بنحيب\ليـــه..؟؟كلكم تقوولون ليـــه..؟؟ لا تعاتبوووني..لا تشرهون علي.. فقدتكم ولا سليت عنكم..هاااادي.. ضمني يا اللي فقدتك ومالك بديل.. نبضنا مع بعض..ولدنا وتربينا وكبرنا.. فرقتنا الدنيا..فرقونا عيال ابوووهم.. خذاك واحد وخذاني الثاني.. لاتخليهم يفرقونا يا أخوووي تكفى.. هادي يشهق بقوووة\قال متـــــي..وإنه دفنك.. حلفت ما اصدقهم وأظل انتظرك.. كنت حاس فيك حية وموجودة..بي الأرض وسيعة يا هديل.. وسيييعة أرض ربي ولا عرفت وين بألقاك.. حسوا بيدين تحتضنهم وتبكي بصوت عالي.. أم علي\تعالوا أنا اللي شقيت فيكم..حملتكم وأنجبتكم.. أنا اللي أشقيتوني بغربتكم عني وعذبتوني.. ياما تمنيت اضمكم بحضني سوا.. يوم هي راحت انت جيت..وأنا قلبي يتقطع عليكم.. الله لا يذوقكم ماذقته من عناء وحزن عليكم.. أرحموا أمكم يا عيالي تكفوون ارحمووها.. يومه وش فيني أكتئبت..ليه ضايقة.. ليييه قلبي يوجعني وأنا في حضن أمـــي.. ليه أحس بحريقة بظهري .. ليه ماعرفتني من ولـــدي..توني ضامته يا هادي.. ليه ماعرفتني فيييه ليه..؟؟؟ هديل بإعياء\يووومه لاتخلوووني.. خذيت كفايتي من الدنيا..يوووووومه.. شهقت أم علي وصرخت بخووف\هديييل يوومه.. بسم الله عليك..فتحي عيوونك يا بنتي فديتك.. رفعها هادي من حضن أمها وضرب على خدها ضربات خفيفة.. وهو يناديها بخوووف.. أخذها علي من بين يديهم وطلعها من الغرفة.. سدحها بالصالة وطلب مويا من غادة.. جابتها بسرعة قرأ عليها ونفث مويا على وجها وصدرها.. علي يطمنهم\يومه الله يهداك خفوا عليها.. تشوفونها تعبانة..من صدمة في صدمة..وتنهار مع كل واحد منا. لازم ترتاح..مانبى نفقدها وتونا لقيناها.. قرب منها حضن كف يدها وقبلها.. هادي برجاء\هديل سلامتك يالغالية.. لاتنامين الليلة..خليني أخذ علوومك..وأتطمن عليك.. شدت على يدهـ بحب\ما بانام.. باقي ماشفت أبوي..يووومه وينه..؟؟ وينك يا حسيييين..؟؟ سمعوا صوت يناديهم من تحت.. كلهم ألتفتوا على بعض.. ورددوا بصوت واحد \أبووووي.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛ | ||||||||||||||
|
| |
 |
| أدوات الموضوع | |
| انواع عرض الموضوع | |
|
|
274Likes
.png)
العرض العادي
