10-03-12, 02:03 AM
| #2105 | ||||
| نجم روايتي و أميرة حزب روايتى للفكر الحر 
|  صباحك ياسمين صباحك نرجس صباحك جوجو & سوسو غرووري مفاجئتك على مااعتقد لو بطلت جوجو نذالتها وانا اشك بهالشي لان النذاله تجري بعروقها لبى قلبها بس هي تنزيل بارت اضافي هديه للبنات بالنسبه للمفاجعه و هل قلوبهم على بعض اظن بما انك ببارتين ورى بعض ذكرتي ان هدول تتفاجا بدخول غازي عليها وبالمرتين تساله فاظن انك تقصدي هالموقف ووقتها يعلمها على الباب السري الي بالمزرعه وواحد فيهم يتعرض للخطر ويمكن غازي يمثل عليها حتى يتاكد مازالت هدولته طيبه مثل ماتعود او تغيرت اما صوفي ومين فلفيت كل الابطال براسي ماعرفت المفترض انه شخص مانشك فيه يعني مو هديل ولاغازي ولا ذياب ولا امها ولا علي الي بيلحقوها اذن الاحتمال الوارد انه راجح لحقهم بماان غازي ضحك على اهلها وهو مو خوان زي مايقول فهو الي لحقهم وطاح بموقف خطير مع صوفي بماانه وسبق وقالها انه بيساعد هديل وبعدها اكتشفت من مسفر انه عم غازي فاليوم اذا شافته او كلمته بتثور عليه وبتقلبها فوق تحت بطريقتها المميزة او يكون ماكس ولقاء بعد اسلام كلا منهم وهو بعيد عن الثاني نرجع لاحداث البارت السابق : غازي مثل ماتوقعت تراجع باخر لحظه وحسبها بعقله صح ووزن الامور عدل وياما بيطيح بمواقف زي كذا لان هدول بتخليه على طول بحالة استفزاز حتى يخسر التحدي ويخسرها للابد وكونها عرفت انه مصدقها ومصدق تهديدها فهي بتزيد جرعة الاستفزاز والتجريح له حتى يخسر حربه معاها ومو غازي الي يخسر ياهدول >> فيس يهز حواجبه ذيبو الصغيرون الحين دوره بيزيد اكثر واكثر وبيكون طرف خفي بحربهم مع بعض ماغير الاكزيما الي جات بوقتها خخخخخخخخخخخخ ( غازي بجمود\لا تتكلمين عن امس..خليه باللي راح فيه..) طبعا هو هنا مقهور جدا واكثر اذا مو غالب قهره من نفسه لانه سمح لها تستفزه وبلحظة غضب وتهور كان بيهدم كل شي لذلك يبي له استراحة محارب منها ومن الكلام معاها حتى يسترد انفاسه ويرجع لها بالشكل المطلوب الي يقدر يرضيها فيه افضل شي سواه غازي انه اخذها للمزرعه .. لانها مصدر المها واساس معاناتها فحتى يمحي كل اثر سيء لازم بنفس المكان يمحيه بشكل حسن ولطيف ومحب والاثر الطيب بيلغي السيء وبتبقى الذكرى الحلوة بعدها بينهم ( راجح\ولاني راعي حق..فأوقف مع المظلوم دائماً..والحمدلله سويت اللي علي وريحت ضميري..) يااما انه حجز للسفر لايطاليا حتى يكون قريب منهم او انه بلغ صوفي المحامي الشرس عن هديل حتى تكون البودي غارد الخاص فيها ولان غازي منع هديل من مهاتفتها اذن راجح الي بلغها وحضرت المزرعه على هالاساس ( غازي /علي رقابة.. طالب بعصبية/وش صاير؟؟غازي لايكون رجع الموضوع القديم؟؟ ) غرووري قربي لي شوي وش هالموضوع القديم الي انسجن منه وتعذب الوان العذاب جعله بشوقوه البثره .. وممكن انه يكون مراقب الى الان بسببه مازلت عند رايي من ضمن مجموعه اختاري منها بان له علاقه بالعميد الي قابله ويمكن يكون فداه بنفسه لصالح الوطن ولكونه لصالح امن دوله او شي من هالقبيل فهم مستمرين بالمراقبه الى الان مع ان كلام راجح ينفي هالمراقبه ويرجح انه هروب من اهل هديل بس مع ذلك الموضوع كبير واثره بحياة غازي الى الان قائم ( مد ذراعه عليها ومنعها تناظرهم..ولفها بيده على قدام..) يؤبر البي الرجال الغيور .. ايه هيك الرجال والا بلاااا غيرة غازي مو من فراغ ورفض مسفر لمبدا الزواج او التفكير فيه بعد مو من فراغ والاثنين الحين بحرب خفيه وبتتحول لعلنيه بعد شوي وكل واحد عايش على امله بالحياة .. غازي انه يرجع هدولته لحياته برضاها .. ومسفر بتطليقها واطلاق سراحها من ايدين غازي .. بس مهما كان مسفر رجال كويس ومهما سوى فيها خير تظل نظرته لامراة متزوجه نقطه سوداء بملفه وبحياته والمفترض فيه كطبيب نفسي يعالج نفسه من هالناحيه مو يتعلق فيها اكثر واكثر مسفر: (مرام\إيه مات مقتول..مسفر\اممم واللي قتله أنقتل..؟؟ مرام تتنهد\لا ما انقتل.. مسفر\مرام أنا ابي اقابل صاحبتك هذي.. ) مسفر لمعرفته بكرررره خلود لجنس الرجال وحقدها وبغضها لهم ربط هالشي بموت او بالاصح بمقتل ابوها وبكون قاتله حي ولانه يعرف انها بتثور عليه اول ماتشوفه وبتحرم تجي عيادته غير انها بتكره اخته وماعاد ترجع لها ابدا فلازم يكون اول لقاء بينهم له وقعه وصداه بنفسها له اثره الي ماينمسح بالعكس يمسح الماضي ويجدد الحاضر لذلك اخذ هيئه ولبس الرجال الكبير المتوقع او انه سأل امها عن شكله او اخذ من لبسه حتى يعطي التاثير المطلوب وفعلا كانت الصدمه الغير متوقعه بالنسبه لها غادة وراكان : بداية العد التنازلي لوحامها ,,, يالله ياراكان هانت عليك .. هذي هي شوي وتولد وطلع وحامها من عيونها حتى تحرم تتوحم فيك خخخخخخخ غرووري متحمسه كثير لنزول البارت ولاحداث اليوم حفظك الله من كل سوء وجعل لك من كل ضيق مخرجا | ||||
|  |
|
10-03-12, 03:03 AM
| #2106 | ||||
| نجم روايتي وأميرة حزب روايتى للفكر الحر وفراشة الروايات المنقولة 
| صباح الخيرات ........ كيفك صدودة ... كتب رد طويل عريض وعلى اخره طار كله ..... حسبي الله على غازي لاني متأكدة انو جاتني دعوة من الي يحبون هالتافه علشان لاانزل ردي ... بس راح انزل رد مختصر راجح خبر ام علي وولدها بعناوين التافه الغبي غويزي الي النذالة والحقارة مازالت بدمه يبي يكرر فعلته ويستفرد بهديل في معتقله الي رجعها له وبيجون لبنتهم غصب عنه لانو مشيئة الله بتمشي غصب عنه واذا ربي كتب لاهلها يجون يحمون بنتهم من المتخلف الهمجي بيجون وهو مايشوف الدرب قادر ربي عليه .........من وين يوثقون فيه وهو يوم عرف بنيتهم الي من حقهم كمل حقارته وسافر من مطار ثاني بس علشان يحرم ام علي مرة ثانية من الوقوف مع بنتها ....والي خلاها تفكر بهالشي الاثار الي شافتهم ببنتها والحكي الي قالته هديل اذا هو عادي عنده يقطع امه بالشهور والسنين بحريقة فيه وفيها بس لايفكر انو بيغني هديل عن اهلها ولا يحرم ام من بنتها مرة ثانية هذا الي نيته صافية الى متى بس لو هو ايمانه قوي كان امن انو اذا ربي كتب انو هديل تستمر معاه بتستمر لو ايش ماصار واذا ماكتب لو يحطها بصندوق او يحبسها على اعلى جبل بيرجعها لاهلها غصب عنه بس واحد منزوع منه الخوف من الله ومن عاقبة افعاله شنرتجي منه الحين هو مفكر اذا رجع هديل منفاها الي ذاقت فيه ابشع جرايمه وهم الاسطبل الي انجلدت فيه والغرفة الي سلب كرامتها وانوثتها فيها بأبشع الطرق كيف بيمحيهم من راسها وهالاشياء ماتروح لو مرت مية سنة الاشياء البشعة ماتختفي من ذاكرة الانسان بس لانو حضرت الاخ مستخف بعقل هديل لو بعقل الاناث كلهم من باب انهم ناقصات عقل قال بضحك عليها بحركاتي التافهة الي ماتليق على عمري ولا على قلبي الاسود ولانها تافهة بتنسسى وبترضى هذي نظرته لهديل لو هو يشوفها بشر من لحم ودم واحاسيس ومشاعر ولها كرامة وحقوق مااستسخف فيها واخفى خبر زواجه منها حتى يوم نوى ياخذ الي يبي منها على الاقل امها اذا جات عندها بتقويها وتصبرها مو مثل يوم تجي امك اخذت هديل وخليتها تركع تحت رجول امك وهي حتى ذرة رحمة مارحمتها وهي تنهان بدون سبب ......... هو عارف انو امها اذا كانت عندها هديل بتقدر تتنفس وتتحرك بأمان كاتم على انفاسها يااخي خلي فيك ذرة كرامة وابعد عنها البنت تكرهك لاتعطي نفسك قدر ماتستحقه وبعدين تطيح على راسك ........انت من البداية مااحترمتها ولا اعطيتها حقوقها كأنسانة مو بس كزوجة ...لو واثق من نفسك مافرضت حالك عليها الظاهر طلاقك الاول كان غصب عن خشمك لما انسجنت زوجتك طلبت الطلاق ولا انتظرت الحكم لذلك حطيت حرتك كلها بهديل عذبتها نفس العذاب الي ذقته وفرضت حالك كزوج مخفي الهوية على هديل لانك ماقدرت تفرض نفسك على الاولى وطبعا كحال امثالك الي غرورهم مصور لهم انهم غير البشر من الغرور والنرجسية الي يعانون منها وبدل ماتتعالج من هالعقد صبيت احقادك على هديل الي لو ماجمالها جذبك مافكرت تتمسك فيها لو هديل بعد الي صار لها كله هي الي تمسكت فيك وانت ماتبيها متأكدة مليون بالمية كل الي جالسين مقهورين منها بيسبوها لانها متلصقة في التافه الي يدافعون عنه وبتصير بدون كرامة بس لانو الاخ ماتنازل وتمسك فيها بس لانهم شايفينه متمسك باللعبة لجمالها الخارق لو كانت عادية ماناظرها اصلا حتى لو عندها ذياب متأكدة بتسبونها لانها تبي غازيكم وهو مايبيها .... وكلامكم الي ذبحتونا فيه والي مايدخل المخ من عدم واقعيته بيكون غير غير ....للاسف هذا حال المجتمع ينصر الظالم على المظلوم اما رشا التافهة بتوقف مع اخوها حتى لو كان ظالم عسى ربي يسلط عليها ظلم يعذبها علشان تعرف معنى كون الانسان ظالم تفضل رضى اخوها الظالم على رضى ربها .........مااستغرب عليهم كلهم عايلة اخر اهتماماتهم ربهم الي رضت بكل وقاحة تاخذ مكان وحدة ميتة في شهادة الميلاد وهضمت حقها علشان تتملك طفل هي ربته بس مااستغرب عليها كلامها ناس مريضة ماتخاف ربها ومرام غبية تبي مسفر يتزوج خلود وهي بهالحالة ماخافت على البنت تتأزم اكثر ... بس احسن قرار الي قاله مسفر بيعالجها وبيطلعها من حالتها الغير مقبولة حتى اخوها تكرهه ليه عاد .........اغلب المرضى النفسيين بسبب ضعف ايمانهم بالله وبقضائه وقدره تجيهم حالات مختلفة لو ايمان خلود قوي كان عرفت انو ابوها مات بيومه سواء مقتول او بفراشه هي بتتيتم واخوانها بينحرمون منه نفس حالتهم الحالية ........والقتل كان سبب والله هذا هو يومه ..........اعتقد انو تنكر مسفر بيكون لصالح خلود الي بتتعلق في هالدكتور من باب شبهه لابوها وشوي شوي بتتحسن حالتها ساعتها مسفر بنفسه بيفكر بخلود الواعية .... مسفر رجال يخاف ربه مافكر يتزوج انسانة ويظلمها علشان يعالجها وبعدين يطلقها او يعيش معاها وهو مو مقتنع يمكن حتى مايخبرها انو هو دكتورها ويطلب هالشي من مرام حتى خلود ماتنكسر بيوم ولا تنعدم ثقتها بنفسها ...مو مثل اشباه الرجال يهينون ويذلون بأبشع الطرق وبعدين يبون يمشون الامر وكأنو ماصار شي ....شايف الناس غبية مثله تنسى افعاله الغير مقبولة والي مالها اي مبرر مقنع تسلمي صدودة اعتقد اللقاء بيكون بين صوفي وام علي او علي اخو هديل ........او صوفي وذياب ... في انتظارك ياعسل | ||||
|
| |
|
10-03-12, 04:05 AM
| #2107 | ||||||||||||||
| مراقبة ومشرفة سابقة ونجم روايتي  
| السلام عليكم ورحمة الله وبركاته .... صبــــــــــــــاح\\ رذاذ المطر.. يعانق قلوبكم.. مســــــــــاء\\ أمنية الطفولة.. تنام بجفونكم.. كيــــــفكم الــ ..؟؟ أحبتــــــــــي في كل مكـــان..؟؟ هــــــــــــــلا والـــــــــف مرحبا باللي انضموا لنا.. واللي طلعوا من خلف الكواليــــــس واستجابوا لندائي^^ الله يعلي شانكم ويسعدكم.. وجودكم بقربي يســـــعدني... المســابقة اللي سويتها.. شاركوا فيها الكثيــــــرات.. وكل وحدة كانت لها وجهة نظر.. بس الإجابة الصحيحة عن لقاء صوفي.. كان من نصيب الغاليـــــة..بنت العزيزية.. المفـــــــــاجئة اللي وعدتكم بها.. راح تكون بآخر البارت...^^ البــــــــارت إهــــــداء لجميـــع أحبتــــــي .. والغالية ..بنت العزيزية.. البارت الثمــــانون ... يا صغيرات!.. يلتقي ذات يوم في رحاب الردى جبان و باسل يلتقي السائر المغذ و من سار وئيدا.. كل الدروب حبائل يلتقي الطفل في الغضير من العمر و شيخ مغضن الروح ناحل ما ارتوى الطفل بالحليب و لا الشيخ رواه طوافه بالمناهل تتلاشى الحياء فهي سراب عند هذا و عند ذاك مخاتل يا صغيرات!.. ليس عند الليالي بعد طول العناء إلا المقاتل المرحوم باذن الله تعالى غازي القصيبي... غازي\تذكرين يوم خليتك تحلبين الابقار.. هديل بشهقة\لا والله ماحلبتها أصلاً كفختك هذاك اليوم ولا حلبتها.. غازي\كفختيني..؟؟!يالهيـــاط .. هديل\بلى سويت كذا.. مدت يدينها وضربته ودفته بكل قوتها لحتى طيحته من على السرير.. انحنت براسها تناظرهـ.. وصرخت لما سحبها وطيحها عليه.. غازي بهمس\لا تستقوين علي..يا بطة.. هديل بقهر\انت الدوب ماهو انا... وبعدين ليه ولا مرة تخليني أضربك..؟؟ غازي\بلى بطة..بس تجننيـــــــن.. وتراك دائماً تهزميني..لا تفترين.. هديل\وخر يدينك من علي.. غازي بعناد\أنتي اللي بديتي.. هديل\غازي.. غازي\ياجنونه.. هديل\إبعد يدينك بأقوم.. غازي\مقــابل..؟؟ هديل بإحراج\ولاشيء..إبعد يدينك.. غازي بإبتسامة\مستحية مني يا حبي..؟؟ هديل تبتسم\ياحبك لنفسك.. نزلت راسها وعضته على عضدهـ بقوووة.. حاول يكون اقوى من عضتها.. بس لما شافته معاند يتركها زادت بعضه لحتى ارتخت يدينه من عليها.. بعدت عنه بسرعة وجلست على ركبها أخذت كوب مويا وكبته عليه قبل يوقف.. ضحك بصوت عالي وكان بيقوم بس هي ماسمحت له.. ثبتت يدها على صدره ويدها الثانية دخلتها بشعرهـ.. قربت وجها من وجهه.. هديل\شوف يالشايب العايب.. إن كنت تبي الضرب والطق لغتنا ماعندي مانع.. أنت ماتفهم بالكلام..طقني واطقك.. كذا ممكن نتفاهم.. كانت شادة شعره وتحركه حركات سريعة.. عشان تزيد في ألمه منه.. وهو يزيد قهرها بصوت ضحكته عليها وتهديدهـ.. غازي\ههههههههههه أجل طقني واطقك.. لو اقوم الحين ما اشوف الا غبارك.. بتشردين ما انتي قد كلمتك.. انقهرت لأنه يقول الصدق.. شيء أكيد بتهرب عشان لا يضربها.. بس بتخالف توقعه وتبين له انها تغيرت وماعادت تخاف من ضربه.. رفعت راسه وضربته على الأرض بتشفي.. هديل بتحدي\كنـــت خوافة واهرب بس الحين اكفخك.. ما بأشفق عليك واقول شايب حرام اضربه.. الا باتوطى في مصارينك.. وقفت بسرعة وابتعدت عنه.. وهو جلس وحط يدهـ على راسه من ورى.. غازي يقلدها\متوحشة..مافي قلبك رحمة.. كل هذا حقد علي..كنتي بتبطين راسي.. هذا وانا حاضنك واقولك يا حبي.. أجل لو مكفخك وش تسوين..؟؟ هديل\عادي أكفخك.. غازي\طيب هاتي يدك..ساعدي الشايب.. هديل\والله ماشالتني يدينك يوم اتوجع بمكانك زمان.. غازي بنظرات\تبين الزمن يعيد نفسه فيني..؟؟ هديل\وتأخذ أجري واخذ ذنبك؟؟ لا ما ابـــي..خلنا على حالنا.. وقف وراح لها وهي ثبتت في مكانها.. ماتبي ترجع تنضرب.. بس إن كان الضرب بيبعدهـ عنها.. فهذا اهون من لمسه لها او محاولة إستمالتها له.. غمضت عيونها بسرعة لما رفع كفه على وجها.. وغصب عنها رفعت يدينها وغطت وجها.. أنتظرته يضربها.. يشد شعرها او يبكسها.. طال إنتظارها وهي متخبية ورى يدينها.. حست بيدينه تنزل يدينها.. فتحت عيونها ونظرة الرعب القديم فيها.. قابلتها نظرات حنونة من عيونه.. وإبتسامة حسرة من شفايفه.. قرب وجهه منها وقبلها على جبينها.. ياليت بعض الناس فيني يحسون وياليت مافي خاطري يعرفونـه.. وياليت بعض الناس للعهد يوفون والماضي اللي فات ماينكرونـه .,. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛ | ||||||||||||||
|
| |
|
10-03-12, 04:06 AM
| #2108 | ||||||||||||||
| مراقبة ومشرفة سابقة ونجم روايتي
| خلود\من هذا..؟؟ مرام بصدمة\مدري.. دخل عليهم رجال شايب.. لابس ثوب رجالي قديم.. وشماغ ابيض وبني.. في يدهـ سبحة ولابس نظارات طبية كبيرة.. خلود بشهقة\يــوبـــه..؟؟!! رفع راسه لها وهو يثبت نظاراته الطبية على عيونه.. الدكتور يبتسم\إعتبريني مثل أبوك..يابنتي.. شدت يدينها حوالين ذراع مرام.. مرام\بسم الله عليك وش يوبه؟؟ خلود بغصة\هذا أبوي..ابوي.. مرام بخوف\لا يا قلبي هذا دكتوري.. مو ابوك..ابوك الله يرحمه.. خلود\دكتورك؟؟ مرام بندم\ايه دكتوري.. مو قلت لك دكتوري شايب..هذا هو.. خلود بهمس\يشبه ابوي.. مرام\لانه شايب..وتعرفين الشواب يتشابهون.. خلود\لا..لبسه..شماغه..حتى سبحته ماسكها مثل ابوي.. الدكتور بصوت عالي\مين المريضة فيكم..؟؟ مرام\اممم كلنا مريضات.. الدكتور\وحدة تطلع والثانية تظل.. مرام\خلاص انا اطلع..وادخل بعدها.. خلود\والله ماتطلعين.. مرام\يا اختي عادي تكلمي معه عن اي شيء.. خلود بقهر\وجع جينا عشانك مو عشاني.. الدكتور\أنتي اللي صوتك عالي اطلعي برا.. مرام بقهر\أنا اطلع برا..؟؟ خلود\لا هي المريضة بتظل وانا انتظرها برا.. الدكتور\إجلسي يا بنتي.. خلود بهدوء\لا تقول بنتي.. الدكتور\انتي قلتي يوبه..! خلود\مو لك..مرام انتظرك برا.. تمسكت فيها مرام واجبرتها تجلس جنبها... مرام\مو تقولين الشواب مالهم امان.. خليك جنبي..ونطلع مع بعض.. خلود بصد\ما ابي اظل مع هذا الشايب.. الدكتور\شابت ركبك.. رجال بعمر أبوك تطولين لسانك عليه.. خلود\لا تجيب طاري أبوي.. وأنا ماقلت الا الصدق مو أنت شايب.. ترى يقولون الشيب ولا العيب.. بس ابد شكلك شايب عايب.. الدكتور\أفا..الله يسامحك يابنت ابوك.. رباك على الأخلاق والزين.. لو يشوفك تشتمين الناس وش يقول؟؟ خلود بإرتباك\أأنــ.....ــا مـا أقـــ...ـصد.. السموحة منك..والله ابوي طيب.. ورباني زين..انا لساني طويل.. ابوي ماله شغل بكلامي.. أنا قلت كذا عشـ...ــان انا.... الدكتور\خلاص سامحتك.. فتحت عيونها بقهر..قال سامحتك قال.. لا احسن قوم طقني بعصاتك.. إلا وين عصاته ..شايب مامعه عصى؟؟! كيف قدر يخليها تعتذر بسرعة وهي مقتنعة بكلامها.. قبصت على فخذ مرام بقهر.. خلود بهمس\جعل رقبت ذا الشايب القص.. مرام\يقص رقبتك.. خلود\عســ........ مرام بسرعة\إنطمي لا تدعين عليه.. وراهـ أهل وناس يبونه.. خلود\خلصي مع شايبك ابي ارجع بيتنا.. تكلمت مرام مع الدكتور.. عن مشكلة ماتخصها أبداً..أخترعتها من بالها .. دمجت فيها بين قصتها وقصة خلود.. انحرجت وكان لازم تتكلم.. عشان خلود ماتشك بشيء.. الدكتور\على مافهمت من كلامك.. إن حالتك مستقرة من ثلاث سنوات.. مرام\إيه الحمدلله مستقرة ومرتاحة.. الدكتور\الحمدلله.. يابنتي فيه ناس يحملون أنفسهم ذنب ماهو ذنبهم.. ويسمحون لكلمة لــو تحكم حياتهم وتدمرهم.. أنتي قلتي لو ما فعلتي كذا..كان بيتغير وضعك.. وينسيك الشيطان إن هذا قدر ومكتوب من قبل لا تولدين.. مرام فهمت كلامه وانه يقصد فيه مشكلتها القديمة مع زوجها. وبنفس الوقت يقصد فيه خلود اللي صادة عنهم بجسمها.. بس كل حواسها معهم.. مرام\كثير لمت نفسي على موت جنين كنت حامل فيه من سنين.. الدكتور\وأنا لمت العالم لما خسرت شيء انا ماملكته.. وضيعت اللي ماعمري لقيته.. مرام\وفيه من يلوم كل رجال العالم.. على ذنب رجال واحد.. الدكتور\يعاني من عقدة النقص.. خلود\خييير..؟؟ وش عقدته اللي أعاني منها؟؟ الحمدلله ماعندي نقص ولا شيء.. قال أعاني عقدت نقص قال.. الدكتور\يعني انتي تلومين كل بني آدم.. عشان غلطت رجال واحد..؟؟ خلود\اللي قتل رجال..واللي حكم رجال.. واللي فزع وطلب الصلح رجال.. واللي قبل الدية وتنازل رجال.. واللي ماقص رقبت القاتل رجال.. وانا بنت المقتول ماني رجل لا انا حرمه.. مالي حق اقول ابي قاتل ابوي ينقتل.. ولا لي راي يلتفت له قاضي ومحامي.. الدكتور\انتي حاقدة على الدنيا كلها.. وناسية لو ابوك ما مات مقتول..بيموت بحادث.. بمرض بغرق او بلاء.. وبنفس المكان واللحظة بيموت.. لان هذا قدر وكتوب عليه وعلى غيرهـ.. خلود بجمود\ماجيت اخذ عندك درس في الدين.. الدكتور\تم تشخيص الحالة.. إعترافاتك اليوم تساعدنا كثير.. شكراً لقدومك.. جلستنا الجاية بعد يومين على نفس الوقت.. خلود\الحالة؟؟؟ الدكتور\نعم عندك عقدة نقص.. وبنفس الوقت حقد كبيير يعيش في وجدانك.. وبإرادة قوية منك يظهر هذا الحقد بكل موقف يواجهك بحياتك.. سواء مع اسرتك أو مع المجتمع..وربما مع نفسك.. وللاسف الحقد اقوى بكثير من الكــرهـ.. لأن الحقد مرتبط بالإنتقام..وهذا جداً واضح في حالتك.. أنهى كلامه ونزل راسه يكتب في ملف.. قامت مرام وهي ماسكة يد خلود.. طلعوا من المكتب وخلود ساكته ومصدومة من نفسها.. أول مرة تتكلم عن شيء مدفوون في قلبها.. هي فعلاً حاقدة..ويمكن مثل ماقال الدكتور حاقدة على الدنيا.. أنقهرت ماكان المفروض تتكلم معه او تسمح له يتفلسف عليها.. هو شايب مايعرف عن إحساسها شيء.. مستحيل أحد يشعر بجرح اليتيم إلا اليتيم.. طلعت من العيادة رافضة ترجع مرة ثانية هنا.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛ | ||||||||||||||
|
| |
|
10-03-12, 04:07 AM
| #2109 | ||||||||||||||
| مراقبة ومشرفة سابقة ونجم روايتي
| حقك علي ان كنت ضايق وزعلان آعاهدك نبدا بصفحه جديده.. جيت استبيح العذر لو كنت غلطان والعفو من ضمن االخصال الحميده.. إن الخطا يابنت من طبع الانسان ولافيه نفس من الغلط مستفيده.. مهما يطيش الظلم للحق ميزان يرجح ومن ضيّع طريقه يعيده... فتحت الكبت وأخذت البالطوا القديم تبع غازي.. اللي لبسها إياه بدل عبايتها لما رماها.. لبسته وهي تقوي نفسها .. ألتفتت على غازي اللي كان نايم وذياب جنبه.. مر عليهم يومين في المزرعة.. مارضت تدخل القصر ولا تعيش فيه.. وهو مارضى يطلع من الملحق الا وهي وذياب معه.. وبكذا ظل معهم بنفس المكان.. طردته أكثر من مرة..ولما تجي بتنام.. يكون نايم على السرير وذياب جنبه.. تتجاهل تصرفاته وتنام على كنبة قريبة منهم.. سريرها صغير وغذا فكرت تنام معهم بتلصق فيه.. قربت من السرير وغطت ذياب.. ولما رفعت الغطاء على غازي ندمت.. ورجعت تسحبه من عليه وتحطه كله على ذياب.. أبتسمت على حركاتها وكأنها بزر.. غازي بإبتسامة\هذي اللي تقول كبرت.. هديل\ههههههههه البرد زين لـ الشواب.. يقوي عظامك ويعطيك كالسيوم.. غازي بنص عين\وين دارسة انتي يامخرفة..؟؟ هديل\عندي شهادة طب في التعذيب البشري.. نفس تخصصك طال عمرك.. إنتبه على ذيبي أنا طالعة.. غازي جلس بسرعة\تعالي تعالي.. وين رايحة..؟؟ وبعدين ذيبك إذا صحى وش اسوي فيه..؟؟ هديل\رايحة أنظف الاسطبلات قبل لا يغضب السيد ويجلدني.. أما الذيب فلما يصحى بدل ملابسه واهتم فيه لحتى ارجع.. طلعت من الملحق وقفلت الباب وراها.. طول اليومين اللي فاتت ما ابتعدت عن الملحق.. ولا تجرأت تزور الخيول او تتمشى في المزرعة.. رجعها لهذا المكان.. وهي لازم تدفن كل ماضيها هنا بحدود المزرعة.. مشت بخطوات واثقة بطريقها.. تلفتت حوالينا بكل مكان لها ذكرى.. على الرصيف هناك كانت لابسة السكت رولز.. وصدمت فيه بإرادته.. وكان له معها تعامل خاص فيه وبس.. مرت بنفس المكان اللي سكرت فيه مع صوفي.. هزت راسها تنفض ذكرى اللي صار معها من بعد ماصحت.. كانت بغرفته وعلى فراشه.. أوهمها بأشياء ماصارت وبعدها عاقبها.. وقفت قريبة من الإسطبلات.. آخر مكان كانت فيه قبل تنعمى وتموت سنين لغازي وغيرهـ.. الحصان الاسود.. إللي رمت نفسها تحت ارجوله.. هذا اقسى عليها من الحضيرة اللي أنضربت فيها بالسوط.. واقوى من إجباره لها على نفسه وهي ماتدري إنها زوجته.. لو ماتت..كانت بتكون منتحرة.. والمنتحر بأمر الله يدخل النار.. غمضت عيونها وهي تردد كلامها لنفسها .. لاتخسرين آخرتك عشان ذنوبهم.. همست بـ الحمدلله.. وصدت ناوية ترجع وتترك هذا المكان.. مابتستحمل تشوف المكان اللي أنضربت فيه.. ماتبي تتذكر شكله وهو قاسي ومتوحش.. غازي تغير مثل ماهي تغيرت.. هي كبرت ماعادت صغيرة.. وهو ماعاد غازي القاسي.. تغيـــروا.. وتغيرهم يمكن يقدرهم يعيشون بسلام لحتى يفترقون.. رفعت راسها وشافته شايل ذياب.. قرب منها وعيونها تتأمله مع ولدها الغالي.. أرتجفت بخوف من فكرة راودتها.. لو ماكان ذياب موجود في حياتها.. كيف كانت بتكوون..؟؟ رغم قسوة غازي الكبيرة معها وإجبارها عليه.. إلا إن في قلبها إمتنان له.. لأنه أعطاها ذياب بإذن ربه وحكمته.. نزل ذياب على الارض بعيد عنها.. وهي فتحت يدينها له تناديه.. ركض لها بخطوات صغيرة غير متزنة.. طاح وهي ركضت له وهي تضحك.. شالته وهو معقد حواجبه زعلان.. وشوي شوي بدت شفايفهتتقلب والنونة انعقدت.. وبثواني بكى بصوت عالي.. هديل تضمه\ياقلبـــي اللي يبكوون.. فديت رووحهم وعبرتهم.. ذيبي ياروحي لايكون تعورت..؟؟ غازي\هههههههههه لو دريت مانزلته.. هديل\لو ظليت نايم ماهو أحسن.. غازي ياخذ ذياب منها\هاتي الذيب..حاله مثل حالي.. جن وانهبل لأنك فتحتي يدينك تنادينه.. ظنيتك تناديني..بس يالله الجايات اكثر.. هديل\اللي بعمرك تقاعدوا عن قلة الادب.. وعن المراهقة واحلام اليقظة.. غازي\ما اخذهم قدوة لي.. يالبى قلبك يا أم الذيب.. هديل\مالك حل.. هات الذيب..أبي أوريه حلاله واملااااااااااكه.. غازي بنص عين\تبين تورثيني وانا حي..؟؟ هديل\اممممم في خاطري أشتري هذي المزرعة منك.. بكم تسومها علـــي..؟؟ غازي بوله\جاتك عطيـــه.. وعلها ترضيك.. هديل بغرور\مقبولة العطية.. وألحين إطلع برا أملاكي.. غازي عقد حواجبه\تسوينها والله.. بس ما اهون عليك صح؟؟ هديل\صح..أنت ماطردتني من قبل.. ما بأطردك.. مارضى يعيطها ذياب اللي كان معصب منها ولا يناظرها.. كل ما مدت يدينها تاخذه.. يضرب يدها ويضم ابــوهـ .. هديل بزعل\أنا وش دخلني.. هو نزلك وانت طحت.. ليه زعلان منـــي..؟؟ غازي\يقول لأنك مزعلة ابـــوهـ.. هديل\لو سمحت خلك برا الموضوع.. لا تنشر الفتنة بين الذيبة والذيب.. خذته من حضن غازي غصب عنه.. وهو حط يدينه على حجابها وطيحه من عليها.. مسك شعرها وشدهـ بقوووة.. وهو يصرخ برفض لها.. هديل\آآآآهـ حسبي الله على إبليس.. فك شعري يا دووووب.. غازي يضحك\ههههههههههه قلنا لك مايبيك.. إلا تبينه يا الذيبة.. هديل\صدق من قال العرق دساس.. والمصيبة ماورث منك الا النذالة.. إمسك يدينه.. غازي\قصدك الجلادة مو النذالة.. شوفيه ماسكه بس مارضى يفك شعرك.. هديل\آآآآآي اصبر شيله وانا اتصرف معه.. أخذه من يدينها .. وهي حركت اصابعها على صدره وبطنه.. ضحك ذياب وارتخت يدينه من على شعرها.. بعدت عنه بسرعة ودفت غازي بقهر.. غازي\فازع لك وتضربين..؟؟ هديل بقهر\نتف شعري.. إنقلع إنت وهو..ونيمه عندك ما ابيه.. أبتعدت عنهم ورجعت الملحق.. وهو أخذ ذياب معه ودخلوا الإسطبلات.. غازي\ماورثت مني النباهة.. صاحين من النوم مبسوطين ونضحك.. ونحضر ليوم رومنسي وحلو.. وحضرتك تخرب كل هذا بلقافتك.. بس ولا يهمك يا أبو غازي نروح وراها ونراضيها.. كم حمامة عندنا..فديت المبـــسم عليها.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛ | ||||||||||||||
|
| |
|
10-03-12, 04:08 AM
| #2110 | ||||||||||||||
| مراقبة ومشرفة سابقة ونجم روايتي
| دخلت الملحق ورمت البالطوا على الكنبة.. فكت شعرها وصارت تدلك فروة راسها.. سمعت صوت في الملحق.. أستغربت من بيكون موجود.. فتحت الباب الرئيسي وقفلته بقوة.. سمعت خطوات طالعة من غرفة النوم.. فتحت الباب مرة ثانية.. لأنها خافت من صاحب هذي الخطوات.. بعد لحظات طلعت ماريا من الغرفة.. أبتسمت لما شافت هديل وتقدمت لها بخطوات مترددة.. هديل ظلت واقفة بمكانها مصدوومة.. هي تدري إن ماريا رجعت المزرعة.. لان غازي قال لها.. بس مارضت تروح القصر.. وقالت له ما تبي تشوفها ولا تدخل القصر.. ماريا بحنية\مرحبا عزيزتي.. إشتقت إليك كثيـــراً.. هديل بغصة\أهــ....ـلاً ماريا.. كيف حالك.. تجرات ماريا اكثر.. قربت منها ومدت يدها تصافحها.. ترددت كثير تمد يدها لها.. ماتنسى إن ماريا هي اللي رجعتها لـ المزرعة.. وبعد مارجعتها..غازي أنهى كل شيء بحياتها.. أجبرها عليه..وبعدها صارت عمياء..وبعدها ماتت.. حست بماريا تضمها بقوووة وتبكي.. ماريا\أنا آسفة..آسفة جداً.. يا إلهي أنتي لا تعلمين كيف عانيت بعد رحيلك.. أرجوك صغيرتي سامحيني.. كنت سبباً في موتك .. هديل بهدؤ\إهدئي ماريا.. انا بخيــــر..انظري عدت كما كنت.. لا تبكي هكذا..أرجوك كفى.. ماريا\لم اغفر لنفسي مافعلت.. كنت اعلم بانك غير سعيدة معه.. ولكني اعدتك إليـــه.. مسكتها هديل وجلستها قريب منها.. أبتسمت لها تحاول تهديها.. هديل\كفى..أنظري كم انا جميلة ورائعة.. لقد عدت إلى هنا ولا انوي الرحيل قبل أن ينتهي الماضي.. ماريا انتي لاذنب لك.. لربما كان وفائك لسيدك جريمة بنظري.. ولكنه يُعد فضيلة لديك.. ماريا\ولكنه لم يكن طيباً.. كان يقسوا عليك كثيــراً.. هديل بحسرة\لانه يحبــني.. أحببني رغمـــاً عنه.. فكان يجب أن يعاقبني على ذلك.. ماريا\صوفي لامتني كثيــراً بعد رحيلك.. لأني لم اخبرها بما حصل معك.. هديل بمرح\إذاً هي تلك المنمشة.. كانت سبباً بحزنك..سأعاقبها عندما التقي بها.. ماريا تضحك\لا تعلمين ماذا كان شرطها.. كي تسامحني وتعود لمقابلتي.. هديل بقهر\تلك المتنمرة.. إن لم تكف عن تطاولها سوف أقتلها.. ماريا\ربما يعجبك شرطها.. هديل برفض\مهما كان شرطها.. فيجب ان تحترمك ألستي أنتي من ربيتها واهتممتي بها.. يالها من ناكرة لـ الجميل.. ساعاقبها على تمردها.. ماريا\ولكني أحببت شرطها.. واحببتها كثيراً.. هديل تبتسم\وماكان شرط المنمشة.. ماريا\إشترطت علي أن ادخل الإسلام.. وارافقها إلى وطنك ونقوم بالحج معاً.. هديل مصدومة\...................... ماريا\لقد ألحت علي كثيراً.. في الحقيقة لقد كان رجاءً أكثر من أن يكون شرطاً.. كانت تاتي إلي بكتب كثيرة.. وكنا نسمع القرآن.. لم اكن مقتنعة بكلامها ومحاولاتها الدائمة إستمالتي إلى ديانتكم.. ولكن إجبارها لي على سماع القرآن.. أثر بي كثيــــراً.. كنت ابكي وانا لا اعرف ماذا أسمع.. أحببت ماسمعته..وماقراته عن الاسلام.. أحببت محمد كثيـــراً..كم كان طيبـــاً وصبوراً.. واحببت المسيح أيــضاً.. هديل بغصة\الله يهيدك إن شاء الله.. ماريا الدين عند الله هو الإسلام.. لن يُقبل منك ديانة أخــرى.. المسيــح كان رسولاً..ونبينا محمد رسولاً.. لم نعبـــد محمد..بل عبدنا من خلق محمد وخلق المسيح وخلقنا.. قال تعالى(مَا الْمَسِيحُ ابْنُ مَرْيَمَ إِلَّا رَسُولٌ قَدْ خَلَتْ مِنْ قَبْلِهِ الرُّسُلُ وَأُمُّهُ صِدِّيقَةٌ كَانَا يَأْكُلَانِ الطَّعَامَ انْظُرْ كَيْفَ نُبَيِّنُ لَهُمُ الْآيَاتِ ثُمَّ انْظُرْ أَنَّى يُؤْفَكُونَ ْ) ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛ نزل يركض دخل الصالة بسرعة.. ضم الجدة بقوووووة.. وهي شلت عصاها وضربته على راسه.. عبدالله بمرح\ما ابى اخنقك بس أضمك.. ياليل العجز لما يعنني .. الجدة\لاتقرب ياولد ابوك.. إن ابط راسك واذبحك.. عبدالله بلقافة\أوهـ ماي قود.. واااي جدة فاذر واي..؟؟ واتس اوب يا مــرهـ ؟؟ الجدة\هذا اللي بيجلطني.. ليه ما يخلوني اروح عنك.. ليه انت تروح وانا ما ارووح؟؟ عبدالله بفخر\العجز مايروحون إيطاليا.. مايروح الا الشباب المودريين اللي مثلي.. حنان مفتحة عيونها\ياويل حالي قلت مودريين..؟؟ عبوود لا تنسى إنك ولد راعي مشاكل وهوشات وطق.. لا تفضحنا هناك وتهاوش خلق الله.. عبدالله\هههههههه الخيزرانة في الشنطة.. يامن مرت من عندي لابسة مفسخ لا اشوطها فلكة 200.. عبدالله عندهم لزووم يتسترون.. جدة وين ولدك أخرنا الله يصلحه.. ام علي بزعل\مدري عنه.. | ||||||||||||||
|
| |
 |
| أدوات الموضوع | |
| انواع عرض الموضوع | |
|
|
274Likes
.png)
.png)
العرض العادي
