09-10-11, 03:54 PM
| #481 | ||||
|  عزيزتي صدود بارت فيه الكثير من المفاجأت حقآ....مشكورة أختي صدود فروايتك فيها الكثير من الغموض و التشويق الجميل.. رشا يا مسكينة كل السنين و الوقت ده تتعذبين وحدك و لا حد حاسس في..و كل ده ليش عشان تحمي سعود..أساسآ سعود أيش سوى عشانك غير أنه أستغلك.. راجح كويس أنك رجعت رشا لعصمتك و أتمنى تتصرف برجاحة عقل المرة دي... غادة بجد أنتي غريبة يعني عندك أستعداد للأنتقام..بصراحة أشك في الموضوع و أحسه بيقلب عليك في النهاية.. شوق و طالب بس لو تتخلوا عن الكبرياء و العناد...مشكلتكم محلولة.. هديل خطة هروبك غير مدروسة تمامآ و ما كان لها غير الفشل الذريع و وقوعك مرة أخرى في يد غازي الي هيعاقبك بطريقة مختلفة تمامآ المرة دي..ربنا يكون في عونك هديل و يصبرك على الأذلال ده.. غازي ريح البنت على الأقل قول لها أنها بعصمتك و ليست جارية عندك.. بصراحة وقفة خطيرة عزيزتي صدود و خصوصآ مع مناداة هديل لغازي لأول مرة..من الممكن يتوقف عن ماعزم عليه أو سيزيدة عاطفة و أستكمال ما بداؤه.. بأنتظار بارت الأثنين بكل شوق. | ||||
|  |
|
09-10-11, 08:53 PM
| #482 | ||||
 
|  من اروع القصص الي قريتها تسلسل في الاحداث من جد حلو وسبحان الله حسيت من البدايه ان غازي ماهو ولد رشا من اول ماقالت انها كانت تقفل باب الغرفه عليها والله يعين ركان على الي بجيه من غادة متحمسه ابي اعرف وش بتسوي فيه كفو والله تعجبني اما الابطال هديل وغازي الله يصبر هديل ويعنها من جد تعاني اما غازي مرات ارحمه ومرات اكرهه ودي يموت وتفتك منه هديل بس الاهم مابيها تحبه لان الي يسويه فيها مو حب ياي مرة متحمسه للبارت الجاي وان شاء الله الكاتبه ماطول علينا فيه والله يسعدك على نقلك المتواصل | ||||
|
| |
|
10-10-11, 05:07 AM
| #483 | ||||
| نجم روايتي و أميرة حزب روايتى للفكر الحر 
| صباح البسمه الحلوة صباح التميز والابداع صباح الورد للورد بارت قوي ومفسر لاشياء كثير وفيه مقدمه لحاجات بتصير مستقبلا ( لم يكن بوسعة البقاء بدونها.. ولكنه لم يحظ منها بكلمة حنان واحدة..) غروري حرام عليك كل مرة تستفتحي البارت بشي يسد نفسي شي يسد الامل بوجه غازيي ورى ماتغلطي مرة وتفتحي له باب الامل بكلمتين حلوين يستمد منهم القوة للايام السوداء الي جايته غادة وشهد : واضح ان تصميمها على الانتقام يرتكز بليلة العرس وبشهد فهي راح تظهر بابهى واحلى حله حتى يشوفها راكان ويموت بحسرته عليها بعد التنفيذ ووقتها تنفذ باقي خطتها بتحطيمه بدخول شهد الزواج على انها صاحبته او ضحيته او زوجة منطوله بالسر وتفضحه فضيحه بجلاجل ماحد مايدري عنها ولا يتكلم فيها اممممم بكذا يكونو الاثنين تساوو بظلمهم لبعض بس فيه شي هل راكان مو متوقع منها هالحركه خصوصا انها وافقت على الزواج وعلى موعده بسرعه وبدون اي عراقيل اكيد هالشي راح يلفت نظره ويتوقعه منها فهل بيكون هو برضه مجهز لها شيء مفاجئ ومباغت حتى يثبت لها حبه واخلاصه لها هادي  راجح فهم قصد هادي\الله يرحمه..ترحم على شبيهك كثير تراه محتاج..)ممكن يجي يوم ويسمع كلام بالغلط بين ابوه وجدته وعمه ويرجع يدور كل الكلام بباله ومنه هالكلمه ويعرف ويتاكد ان تؤمه عايشه ويبدا بالبحث عنها ويمكن يذكر شكله ويشبهه بغازي هذا لو فرضا وصار له والتقى بغازي راجح : ( انا رجعتها...بس لازم اربيها.. ) على هامان يافرعون *_^ ( بس اعرف من يكون ابوهـ وارميها هي وولدها عليه.) المشكله ان الكل يناظر خطأ الاخرين وينسى يناظر لنفسه توك ياراجح افندي تعتب على قسوة غازي في تعامله مع هديل وانت ناوي ومبيت النيه على القسوة والعذاب في تعاملك مع رشا طيب دامك مثل ماقلت اول خلاص مابقى لها بالقلب مكان ليه رجعتها وليه سافرتو لبريطانيا انت واياها هل تقصد انك تستفرد فيها وتعذبها على كيفك بدون ماتقدر تستنجد بام غازي .... او تهرب منك وتروح لاهلها باي طريقه كانت او انه شغل مفاجئ بس رشا : اذن حكايتها واتضحت ومثل ماتوقعت صمتها وصبرها هم الي جذبو سعود لها حتى تربي ولده وتاخذ مكان الام الي ماتت وهي رضت فيه من قهرها من صمت راجح وخذلانه لها ولمشاعرها يعني مظلومه ومقهورة بكل حالاتها من سعود ومن راجح وخصوصا راجح لانه ظلمها سابقا بتاكيده لها بان لها مكان خاص بقلبه بحركاته الي كان يسويها وظلمها حاليا بان شك فيها ومااعطاها فرصه تتكلم وزاد الطين بله القسوة والعذاب الي ناويهم لها اصبر ياراجح جايك الدور وبتصف جنب راكان وطالب وغازيي يؤبر البي ههههههههه يامحلى هالصف وهم واقفين ومتعذبين ينتظرون بسمه حلوة بس من زوجاتهم ^ ^ نرجع للسؤال ليه وافقت تاخذ الولد بدل ماترميه بوجهه وتهينه بكم كلمه وترجع لاهلها .... اعتقد بانها خلاص جربت الزواج وكسر الخاطر والالم من سعود وجربت الخذلان والتجاهل من الحبيب المفترض فقررت بينها وبين نفسها انها خلاص ليه تتزوج وهي ذاقت الالم بالزواج وبدون زواج فتكفيها هالتجربه ولان ربي رزقها بالولد الي تعوضه ويعوضها الحب والحنان اكتفت ورضت بواقعها وعاشته راضيه متقبله له شوق وطالب : ( حقيقتك أعرفها اعرفها ..ماتبيني ماتبيني.. ) مشكلة شوق انها ولاخر لحظه بهجومها عليه تتكلم عن احاسيسه مو عن احاسيسها مازالت رغم كل الجروح تحبه وتبيه وتغليه وماتقدر تقول انا مابيك بقلب جامد ....... والاخ طالب القالب مايدل درب الرومانسيه وين لا وبعد مايجرح يهدد ويتوعد كفو والله ( غازي\صرتي هنـــــــــــــــــا.. ) ومثل كل مرة يترك لها بصمه واثر على كل مناسبه تمر عليها عنده ( \طيب يوبه انا أوريك..سنة ومالقيتني..ولا كنت تبي تتخلص مني..وش وسيت عشان تنساني وتنسى وعدك..) اول شرخ صغيرون بجدار ثقتها ببحث اهلها عنها وان ابوها مو قد وعده لها بارجاعها لهم ( يتضايق لما يخوفها ويرعبها بهالشكل. ) فديت الحنون ابو قلب طيب ( عندما أعود من غربتي..سأبصق الماضي خلفي.. ) خواطر رائعه غرووري واستخدامك لكلمة سأبصق اروع فلو قالت سارمي لما كانت بقوة وقسوة كلمة سأبصق هنا تعني بالمعنى انها سترميه ستقذفه ستبصقه دون رجعه كأي شيء وسخ نجس غير مأسوف عليه ودونما اي ندم من جهتها له ولكن هل هذه الكلمات ستستمر للنهاية ام ستتغير عواطفها قليلا وسيكون لها نصيب بالتسجيل في تلك المفكرة ( ستبقى سراباً لا يصلني.. ومهاجراً تبغضك بلادي.. ) شتان مابين هذا وذاك ( انت حتى الجرج منك اشتهيه .. من غلاك اضم عذابك وارتوي) ( أحكمت خطتها وتاكدت من قدرتها على تنفيذ كل خطوة من مخططها..) ههههههههه ياعمري عليك خطتك فاشله من اولها لاخرها وكشفك من اول لحظه بتمثيلك لاستسلامك له اول خطا ( عيونها ماناظرت للقريب..كانت كعادتها تناظر للبعيد.. ) الي يستسلم مايناظر للبعيد يناظر للقريب لا يناظر لتحت رجله مو القريب بعد وهو شايفها من تحت وعارف انها تبي الهرب وتخطط له خصوصا بعد قراءته لمفكرتها لان البعيد اشارة رمزيه لاهلها واحبابها ووطنها والقريب يرمز لقناعتها باللي حولها وبالعيشه معاهم بهنا ورضا ( لأنه شال الشوك قبل لا يرمي الوردة..) وه يالبى قلبه عور يده عشان لاتتعور يدها ... ويلوموني فيك ( رفعت الوردة لخدها ومسحت عليه.. زادت عليه بابتسامتها ... اشرت براسها انها راح تنزل) الخطأ الثاني كل هالتصرفات جات فجاة وانقلب حالها من حال الى حال بعدة ساعات طبيعي راح تلفت انتباهه والطبيعي اكثر انه يجاريها ويشوف اخرة خطتها ايش ؟؟؟ وبنفس الوقت يمتع نفسه برضاها الوهمي وبالعيش معها عدة دقائق ان لم تكن لحظات بهنا وسعادة مثل مايتمنى ( لاحظت ابتسامته وفرحته بنزولها له.. ) ياقلبي عليه هو هنا كمن يمني النفس بشيء يعلم بانه السراب ( غازي بنظرة\خاص الى اي درجة؟؟ ) يالبى قلب الغيور بس *_^ ( هديل\هذا الاسم كنت انادي فيه انسانة في زمان فات مـــ....ــــالــــه ررجـــ..وع.....) الخطأ الثالث فجأة كذا قررتي تنسي الجميع وخاصة انسانه لها معزة خاصه بقلبك خلتك تسمي هالحصان باسمها في اضيق الاوقات وانكدها عليك وتستسلمي بهالسهوله ثم الخطا الرابع ( ماتبيه يشوف وجها ) لو فكرت وطالعت وجهه وعيونه كانت شافت شكه وخوفه من حركاتها وعرفت انه عرف وتاكد بانها تدبر شي من وراه ( هديل\وانا بعد ابي عسولة تشارك في السباقات..الاسود ماهو احسن منها..) هل بعد اختفائها راح يحقق لها امنيتها ويدخل عسوله السباقات ( تركته وهي تبتسم على صوت ضحكته.. ) مااعتقد ان حقد فيكتور راح يخليه يعدي لحظة صفاء وفرح غازي على سلام الا مايسوي له شي بهدول خصوصا وهو يشوف غازي بصورة غير المعتادة وتاكد له بمكانة هديل في قلبه اكثر واكثر ( هديل\ لأنــ ..ـه الوحيد اللــي يكرهك بهذا المكان..) هل اللاوعي هو الي نطق هنا او انها تقصد عموم العمال فقط من غير ماتشمل نفسها بالكلام ( بس شافت البوك وأدركت انها راح تحتاج فلوس..) الخطأ الخامس واكبرهم واعظمهم لانها على طول اعطته وقت وزمان هروبها باخذها لبوكه .... طبيعي اول مايطلع من الحمام ويلبس ياخذ بوكه ويخرج من الغرفه فالغبيه المفروض انها اخذت الفلوس من البوك بدون البوك نفسه ( غازي بغضب\رايحة مشوار من دوني ...؟؟ ) هههههههههههههه يالهوووووووي .... جاك الموت ياتارك الصلاة ... المشكله انه ماتوقع سرعة تنفيذها لخطتها ( غازي بهمس\عذبتيني... ) والله ان غرووري هي الي معذبتنا جميع .... حالة هديل تعور القلب وحالته تقهرني واثنينهم تعبانين ورى ماتقولين لغازيي يقولها انها زوجته وتريحي لها اعصابها ( هديل برجاء وبصوت مبحوح\سامحنييييييييي غــ...غغـازي ) غرووري اذا طلع كلامي صح ماراح تكفيني النجمه ابي ........ ^ ^ ازرق ياقلبي وصلت رسالتك ورديت عليك بالتقييم ( الشي الوحيد الي اقدر ارد عليك فيه *_^ ) مبدعه كعادتك دائما وابدا بانتظار الغد بفارغ الصبر ( مو عشان البارت لا عشان اكسب التحدي و الرهان ^ ^) | ||||
|
| |
|
10-10-11, 09:38 AM
| #484 | ||||
| نجم روايتي وفراشة الروايات المنقولة 
|  السلام عليكم ورحمة الله وبركاته teslameen ya mobd3ea ya dsodod rewaya jad tasta7eq almotaba3a  la 3admnakee gazee raheeb whadeel alah ykon ma3ha  bas gazee ma alomo be7bha mot  wraje7 3asab 3ala rash kaman ma3thor ma 3ref sho sar ma3ha wma3 so3od  shoq ala m3ha wtaleb 5alee yerabeha  taqabalee mororee ya sodood شـكــ وبارك الله فيك ـــرا لك ... لك مني أجمل تحية . | ||||
|
| |
|
10-10-11, 07:40 PM
| #485 | ||||||||
| نجم روايتي  
| هذا هو الفصل اللّي يبرد القلب و يكشف عن الغموض المحيط بشخصيات الرواية غازي الصغير ماهو ابن رشا و هي ما لها ذنب بإعتقادات راجح المٌهينة لازم تعترف له هديل و غازي يا ترى كيف رح تكون حياتهم في الأيام الجاية؟ سنكون بإنتظارك لمعرفة المزيد في أمان الله | ||||||||
|
| |
|
11-10-11, 03:03 AM
| #487 | ||||
| نجم روايتي 
| السلام عليكم ورحمة الله وبركاته صباح الرضا والمغفرة من رب العالمين ... أعتذر منك الغاليات .. حاولت أنزل البارت بس مو راضي يسوي لصق لان مشاركاتي اقل من خمسين ^_^ مع انه كان عادي يلصق في المشاركات اللي قبل .. كونوا بخير ... | ||||
|
| |
|
11-10-11, 03:22 AM
| #488 | ||||||||
| نجم روايتي  
| [quote=صدووود;5739017]السلام عليكم ورحمة الله وبركاته صباح الرضا والمغفرة من رب العالمين ... أعتذر منك الغاليات .. حاولت أنزل البارت بس مو راضي يسوي لصق لان مشاركاتي اقل من خمسين ^_^ مع انه كان عادي يلصق في المشاركات اللي قبل .. كونوا بخير التعديل الأخير تم بواسطة مانوش ; 11-10-11 الساعة 04:00 AM | ||||||||
|
| |
|
11-10-11, 07:51 AM
| #489 | ||||||||||||||
| مراقبة ومشرفة سابقة ونجم روايتي 
| السلام عليكم ورحمة الله وبركاته ... يسعد صباحكم \\ مساكم بكل محبة ورضا من رب العالمين.. أحبــــــــــــــــــــــ ــتي في كل مكان..؟؟ اليوم ما اقـــــــــــدر أقوول الا الله يعينكم على الصدمات.. إستلمــــــوا البارت.. البارت الأربــــعون ... المكـــــــــــــــــــــ ان"" لست أدري ما الذي جاء بك إلى هذا المكان حيث تقطف الورود وتمضغ، وتدوس الأصابع الغجرية على براءة الفل، وتسحق الأقدام الثقيلة ذكريات الربيع.. ولكنني أعرف أنك الآن وردة مقطوفة . زهرة فلٍ فقدت براءتها..ذكرى ربيع سحقته الأقدام الثقيلة . ألمح في عينيك قرونا من الحزن الأسود العميق تشبه الكحل الأسود العميق الذي يحاصر عينيك ليخفي شماتة الغضون. وألمح في شفتيكِ لوعة لا تستطيع أن تعبر عن نفسها لأنها نسيت منذ سنين كيف بدأت. وعلى يديك آثار من الأظفار التي تتغذى بقطرات الدم الصغيرة. ومع ذلك فأنت تنظرين إليّ وكأنني أحمل معي بشرى الخلاص. لا! أيتها الفلة التي فقدت براءتها. إن بضاعتي كلمات اجترها و تجترني حتى شاحنت من التكرار وأصيبت بالحزن. وكيف لكلمات كهذه أن تبشر بالخلاص ؟ أما أنتِ فقد أصبحت دون أن تدركي أسيرة هذا المكان وجاريته و قهرمانته. أدمنتِ الأيدي التي تقطف . والأصابع التي تدوس. والأقدام التي تسحق. أدمنتِ حتى لم يعد بإمكانك أن تتعاملي مع إنسان لا يقطف ولا يدوس ولا يسحق. ستنتقلين من قبضته إلى قبضة الكهولة الجليدية بلا كلمة وداع. فما الذي جاء بك إلى هذا المكان؟!. المرحوم بإذن الله تعالى..غازي القصيبي.. دخلها غرفته وهي تضربه وتصرخ.. نزلها على الأرض وقرب منها.. هديل تبكي بخوف\حلفت والله انت حلفت ماتضربني.. وعدتني حلفت ماتضربني لا تضربني لا لا لا يوماااااهـ.. لا تضربني لا تضربني..انت وعدتني ماتضربني مرة ثانية..وعتني بعد السوط ماتضربني.. قرب منها ولمها بين يدينه\الضرب ماعاد ينفع معاك... انا لازم أحرق كل الجسور اللي تربطك بالماضي.. لازم تدرين انك صرتي تنتمين لي... دفتها عنها بخوف ورعب\ابعد انت وش تقول؟؟وش تبي مني اتركني.. ابعد عنيييي ابعـــــــد... غازي\لازم تنسين الماضي..انتي مو راضية تفهمين... حل عقلها المعادلة اللي تحاول تنفيها .. أول مارماها على فراشه.. هديل بنحيب\لا لا تكفى اضربني اضربني شوهني احرقني.. اذبحني اقتلني بس لا لاتسوي فيني كذا لاااااااااااااااااااا تكفى اضربنييييييييي شوهني تكفى لا لااااااااااااااا غازي بهمس\عذبتيني... هديل برجاء وبصوت مبحوح\سامحنييييييييي غــ...غغـازي غــــــازي لا لا لا اتركنيييييييييييييييييييي يييييي لاااااااااااااااااااااااا اااااااااااااااااااااا غازي بهمس\ليــه قلتي اسمي.. مازودتيني الا عذاب.. هديل تبكي بألم\أنا رر...رسســ..ل أنا رسسسسسسسل..خلاص انا مو هديل سامحني.. انا رسل انت امي انت ابوي انت كل شيء.. سامحني غازي سامحني انا صرت رسل خلااااااص انا رســـــــــــــــــــــل.. كتم باقي كلامها وماسمح لها تتكلم اكثر.. كانت تحاول تجمع شيء من قوتها تبعده او تمنعه عنها... وتحاول تغطي شيء من اللي كشفه .. لكن قوته كـــــــــانت اكبر.... ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛ كانت جالسة مع أم غازي..سرحانة بآخر رسالة وصلت لجوالها.. وخايفة كيف توصل الخبر لطالب او غازي.. المهم واحد منهم يوقف بوجه راجح.. مايهمها لو يقول لهم اللي هو اكتشفه.. ماراح يعرف احد ان الولد ماهو ولدها.. فتحت جوالها وقرت الرسالة مرة ثانية.. من ""جـــارح"" رجعـــــــــــــــــتك. أول ماشافت الرسالة ماتدري وش الاحساس اللي تملكها.. بس الاكيد مو ضعف ومو توسل.. أنا ماغلطت وهو ماله حق عندي.. ردت عليه برسالة مثل رسالته كلمة وحدة بس.. طلقــــــــــــــــــني. لو انها تعرف كيف ثار وعصب.. وتمنى لو كان مو في المطار.. كان رجع لها وسحبها من شعرها.. تفكيره كان خارج عن سيطرته.. كان راح ينتقم من برائتها الكذابة.. من احتقارها لهم ..ونسب ولد مو ولدهم لهم.. لكن شغله كان اهم من الرجوع لضربها او تاديبها.. وهو واثق لما يرجع راح تكون موجودة.. وبياخذها غصب عنها.. أم غازي\رشا متى يرجع راجح..؟؟ رشا\مدري باقي مطول... أم غازي\ليش مارحتوا معه يومه..؟؟تنبسطون وهو مايضيق بسفرته.. رشا بدفاع\لا يكون مليتي منا يومه.. ام غازي\يمكن امل منك بس غزوي مستحيل أمل منه فديته.. وش رايك تسافرين لزوجك وتتركين غازي عندي.. وقفت بسرعة واخذت غازي من يدين ام غازي.. رشا وهي تضم ولدها\اذا ضاق بيتك فيني عادي باروح بيت اخوي طالب ماهو عاجزن عني.. بس ولدي ولد قلبي مابيظل الا في حضني.. أم غازي تمسك يدين رشا\بسم الله عليك وش فيك ترجفين..؟؟ وبعدين وش هذا الكلام؟؟تبين ازعل منك ناسية اني بمقام امك.. رشا تبكي\ولدي يومه لا تاخذونه.. ام غازي تضمها\يابنتي من سنين ترددين هذا الكلام.. وقلنا لك ما احد بياخذ ولدك منك...ما احد يقدر..ليه ماتفهمين.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛ وقف يناظرها غايبة عن الوعي... جلس قريب منها وحضنها.. يعرف إنه دمرها وقضى عليها.. وصار الوقت لحتى تعرف كل شيء... لازم تعرف إنها حلاله واللي صار ماهو حرام مثل ماتظن.. وهو يدري ان معرفتها لهالشيء مستحيل تخفف من ضرر اللي صار.. يتذكر همسها وهي تبكي وتتألم.. هديل تبكي\مـ.... مابقى ششيء..أخــ...ذت كــ ـل شيء مابقيت شي...ضــ...ـاع ناداها يبيها تصحى..بس ماسمعته او مو قادرة تصحى.. غطاها ودخل دورة المياه يتحمم ويصلي الفجر... لما خرج ماكانت موجودة بغرفته... بدل ملابسه وخرج يدور عليها.. غرفتها مقفولة وهو نسى ان الغرفة مقفول من زمان وماتقدر تدخلها.. رجع يصلي الفجر وبعدها يروح لها ويفهمها كل شيء.. ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛ ؛؛؛؛؛؛ | ||||||||||||||
|
| |
|
11-10-11, 07:53 AM
| #490 | ||||||||||||||
| مراقبة ومشرفة سابقة ونجم روايتي
| لامة نفسها بملابسه قميصه وبنطلونه وجالسة على درج القصر الخارجية... مو حاسة بالبرد..مو حاسة بالألم.. ومو حاسة إنها من دون حجاب او دفاء.. تناظر بالفراغ وباقرب نقطة منها..تناظر بيدينها اللي بحضنها.. بأظافرها المجروحة... مابقى شيء في البعيد عشان تناظر فيه.. رغم بياض الارض حواليها بالثلج.. بس حقيقتها كانت سوداء.. رفعت راسها لما حست فيه واقف قدامها... تعلقت عيونها بعيونه.. نظرات مكسووورة ماهي نفس نظراتها الاولى.. وجه ذابل مقهور.. كان بيتكلم...بس لسانه معقود.. من فترة شاف اخوها بلندن.. وكان الشبه بينهم غير معقوول.. بس اللي قدامه ماتشبه الأحياء أبداً.. نظراتها ماهي اللي عهدها.. وقفت بتعب ومشت حافية على الأرض... كان يتمنى لو يشيلها ويدخلها غصب عنها.. بس هو ماله حق يلمسها أبداً.. تسأل بغضب وين اللي له كل الحق.. وينه عنها تاركها بهذا الحال.. معقولة يكون ضربها وأذها مثل أول.. دخل القصر ونادى بكل صوته على غازي.. طلع فوق ووقف بالممرات ونادى غازي بصوت عالي.. غازي بصدمة\راجح..؟؟ راجح\وش مسوي فيها هالمرة...كيق اذيتها..بأيش ضربتها...؟؟ غازي بغضب\انت وش تقول عن من تتكلم؟؟ راجح بعصبية\عن يتيمتك صارت عديمة احساس... جالسة على الثلج بدون وشاح..بدون جزمة ولا حجاب.. أنت وش مسوي فيها..هي جنت؟؟ غازي أستوعب وفهم إن اللي يتكلم عنها هي هديل.. ركض ع الدرج وخرج من القصر يدور عليها... غازي يتلفت\وينها وين شفتها؟؟؟ راجح وقف وراهـ\راحت للاسطبلات... ركض للاسطبلات وهو يسمع صراخ وهواش.. كان راجح يركض معه ومو فاهم وش صاير.. بس الأكيد الموضوع يخص هديل.. أنتبهوا عليها بوسط المضمار... طاحت كم مرة من صعوبة المشي على ارض باردة.. بس كانت توقف وتكمل طريقها... وقفت بتعب وتمسكت بخشب المضمار... تناظره واقف قدامها... هو ماغيره واقف قدامها... دخلت من بين الخشبات بسهولة..لصغر جسمها ورشاقتها.. سمعت صراخ وصوت عالي يناديها.. ماردت مشت تناظر قاتلها اللي واقف امامها... فكتور كان يصرخ فيها وصوته بعيد عنها... فكتور يركض للمضمار\رسيييييل اخرجي من هناك اخرجي... قربت اكثر معمية عن كل شيء... وبكل صدمتها بأبوها.. ونسيان هلها لها.. بظلم شوق..تعنت رشا.. استعطاف راجح.. أذى طالب.. حنية ام غازي.. طعــــــــــــــنة غازي... موتــــــــــــــها.. صرخت بالآآآآآآآآآآآآآآآآهــ ... فز بعصبية من سماعه لصراخ حاد قريب منه.. تلفت بزهو أصالته.. حدد موقع الإزعاج والمتحدي له... رفع حوافرهـ الأمامية وضرب الأرض... شجعه أكثر إن الضحية طاحت امامه على ركبها.. فصار أسهل التخلص منها.. ركض بكل سرعته للي مدت يدينها له تبي عونه... رفع أرجوله الأمامية وضربها بكل قوة على مقدمة راسها.. طاحت بين أرجوله.. وهو كمل رفسه لها... الى ذاك الوحل أنتمي.. جاريـــــة.. هذا هو مكــــــــــاني.. فكتور كان اول الواصلين لها.. سحب الحصان وحاول يبعده عن هديل.. لكن الحصان كان ثائر ورافض الاصغاء لفكتور.. كان يضربه بقوة ويسحبه لبعيد... وبلمح البصر طاح الحصان على الأرض مقتوول.. من البندقية اللي كانت بيد غازي واخذها من احد العمال... رمى السلاح على الأرض .. وجلس على ركبه قريب منها... رفعها عن الأرض سدحها بحضنه.. مرر يدهـ على وجها كمحاولة لمسح الوحل عنها.. بس الوحل أختلط بدمائها الحارة.. أحتضنها بقوووة وصمت... قبل جبينها عيونها.. همس بكلمات برجـــاء.. همس لها بالسر اللي أخفاه عنها سنة وشهور.. قال لها حقيقتها ومن تكون.. قال لها اللي ممكن لو عرفتها من زمان تخف جروحها.. ترضي غرورها..تطمن على نفسها وشرفها.. الكلمة اللي بخل عليها فيها.. خلاها تتخبط بين خجلها وخوفها.. وهو يراقبها يتمتع بمعاناتها... ماكان المفروض يغفل عنها بعد اللي سواهـ.. مايخليها لحالها بعد اجرامه فيها.. كان متوقع تسوي شي بنفسها.. بس ماترمي حالها تحت حصانه الحقير.. سمع طلقة نارية ثانية كانت من راجح على الحصان.. اللي كان يتعذب وباقي مامات.. فقرر يقتله وينهي عذابه.. راجح حاول ياخذها منه بس هو ماتركها... اخذ الايشارب من يد راجح وحطه على الجرح اللي براسها.. وصلت الاسعاف واخذوها المسعفين من بين يدينه بالغصب عنه.. | ||||||||||||||
|
| |
 |
| أدوات الموضوع | |
| انواع عرض الموضوع | |
|
|
274Likes
.png)
العرض العادي
