20-10-12, 12:54 PM
| #301 | ||||||||
| مراقبة عامة ومشرفة منتدى الروايات المنقولة  
|  الجده طالعت بآب المجلس : هو عبير ومريم وينهن ..؟ الجوهرة أبتسمت : برآ بالحوش يمه .. يآ سآلم حآول تروح بس رفضت .. ويآهو عصب مدري أشفيه !! الجده بضيق : أعوذبالله .. المفروض يصير مستآنس الجوهرة تسحب الترمس وهي للحين متمآيله ومسرع مآصبت لهآ فنجآن : أنآ ألي تحجيت ويآآه ولا مرآيم قعدت تقولي تكفين أقنعيه يخليني أقعد .. الجده نوت تقوم : أنآ بروح أشوف بنيتي وش فيهآ .. بس لفت صوب البآب أول مآدخلت عبير عليهم بربكة .. عبير : عمتي ..! الجوهرة حركت رآسهآ صوب عبير : هلا حيآتي عبير تشبك أصآبعهآ في بعض : أبيج شوي .. الجوهرة بدون مقدمآت : تحجي مهنآ أحد غريب عبير عقدت حوآجبهآ : .......... الجوهرة : تحجي .. ويهج تقول فيه شي عبير وهي لابسه قميص عآدي تقدمت وجلست قبآل عمتهآ : طلال عمتي .. دق علي يسأل عن زوجته ..يوم عرف أنهآ هنيه قال أنه بيي يشوفهآ .. ويبي يقعد معآهآ ... عآد ضعت .. مدري شنو أقول له .. الجوهرة أبتسمت ولفت صوب جدتهآ : طالعي يمه .. من بدآيتهآ قآم يخربط ولا يدري شنو يسوي .. هو يوم ملج عليهآ ورآ مآطلب يقعد معآهآ الجده أشرت بيدهآ : بلااااه خبل الجوهرة : ههههههههه .. عبير متوهقه وبصوتهآ النآآعم : عمتيييييي الجوهرة حركت رآسهآ صوب عبير : هآآآآ عبير : أنآ شنو أسوي هالحين .. مريم بالحوش مآتدري عن شي الجوهرة مالت بجسمهآ ومدت يدهآ حتى تستقر على ركبة عبير : ولا يهمج بدق على أم سالم وأقولهآ عن نية طلال .. الجده بتأكيد : أيه دقي على الحرمة .. ولو تبي تيي تقدم البنت على زوجهآ .. الجوهرة طآرت عيونهآ : شنو له تيي وتتعب حالهآ .. زوجهآ هالحين طلال ومن حقه يشوفهآ وأنآ عندهآ بكفي وأوفي (بسم الله ) نطقتهآ الجده بصوت عالي أول مآقآمت ... حتى تعدل ظهرهآ بأستقآمه .. صآرت تحرك الشآل بخفته ومسرع مآرفعت أيديهآ وصآرت تلفه زين حول رآسهآ .. الجده وهي تمشي : دقي على علي .. قبل شوي دآقن علي يقول جآي بالطريق وطول .. الجوهرة بصوتهآ الهآدي : أن شالله يمه ... طلعت الجده من الغرفه حتى يستقبل جسمهآ الصآله الوآسعه والأثآث المتفرق فيهآ .. صآرت تتحرك ببطء وجسمهآ خطوة ورآ الثآنيه يتمآيل .. الأضآءة القويه متفرقه على السقف تزيد الصآله جمآل .. وأول مآوصلت الدرج سمت بالله وصآرت تصعده رغم أن رجولهآ توجعهآ ولاهي حمل صعدة هالدرج .. كل مآصعدت درجتين وقفت ترتآح كل مآحست بالوجع يزيد وتكمل لاخف ... ومن وصلت لطآبق الثآني ألا نفسهآ مقطوع وبالعآفيه تتنفس .. أخذت نفس بقوة وصآرت تنآدي بصوت مجهد ( يآليليآن ) ( يآبنيتي أنتي وين غآديه ) .. ( ليليآآآآآن ) .. أنفتح بآب وحدة من الغرف بسرعه حتى تطلع ليليآن تركض لهآ وبصوت أختنق ليليآن تمسك أيدين الجده : أنتي وش مرقيتس الدرج يمه .. وين أمي عنتس ... الجده صآرت تتسآند على أيدين ليليآن : ع بالج أني كبرت فالعمر وخلاص مآعآد لي حيلن على الصعده .. هآآ ليليآن تهز رآسهآ : لاتضحكين علي يمه .. أعرفتس زين تسآن نآديتيني الجده صآرت تمشي تبي تجلس على الكنبه الموجودة : أنتي تونسين شي رآحت تمشي معهآ ليليآن والدنيآ لازآلت تضيق فيهآ .. تكذب حالهآ لحد هاللحظة أنهآ عرفت من هو الأجودي .. تمنت تقول للجده أنهآ تعرفه .. بس تحس العجز يلف حروفهآ والصدى يضيع في دوآمة مخيفه تلوح لهآ .. جلست الجده على الكنبه الوحيده في هالصاله وهي ظلت وآقفه .. الجوهرة تصعد الدرج : يمه دقيت على أم سآلم وقالت مآيخآلف .. ليليآن لفت لأمهآ وبصوت مقهور : جدتي صآعدة الدرج ورآ مآمنعتيهآ ..! الجوهرة توصل لطآبق الثآني وبنظرة أستفهآم لبنتهآ : أمي تبيج وأنتي قآعدة فالغرفه مو رآضيه تطلعين منهآ ليليآن بعصبيه : لا تكفين .. الجوهرة صرخت من أسلوبهآ فالكلام معهآ : ليليآن تأدبي ويآي ولا تنسين أني أمج وويعه .. ليليآن تكتفت وصدت بعيونهآ عنهآ : أيه أمي .. ألله يذكرتس بالشهآدة أحيآن أنسى أنتس أمي الجوهرة طآرت عيونهآ : شنوو | ||||||||
|  |
|
20-10-12, 12:55 PM
| #302 | ||||||||
| مراقبة عامة ومشرفة منتدى الروايات المنقولة
| الفصل السآبع والعشرين ... الخطوة الثآنيه والعشرين .. خطوة بلا هويه نحو حلم أريد منك أكثر ممآ أريد ( يآأبي .. العصآفير الجميله غآبت عن وطن جميل ..!!) الجوهرة طآرت عيونهآ : شنوو ليليآن لفت صوب جدتهآ وبصوت هآدي حيل : يمه تكفين لا تتعبيني .. مرة ثآنيه لا بغيتيني أجي لتس .. بس لا تتعبين حالتس .. وأنآ مآفيني شي .. لفت بسرعه أول مآحطت الجوهرة يدهآ على كتف بنتهآ ولفتهآ صوبهآ عشآن تتقآبل ويآهآ وجه لوجه ... الجوهرة بأستفهآم : أنتي شسالفتج بالضبط ..؟ ليليآن تحآول تهدي أعصآبهآ : أنآ أذآ متضآيقه ولا معصبه مآحب أحتسي كثير .. الجوهرة عصبت : يآسلام .. هالحين تقولين لي أنتي شنو فيج من تيين هنيه ينقلب حالج فوق تحت ... الجده بضيق : خلاص يالجوهرة خلي بنيتي في حالهآ ... الجوهرة تطالع بنتهآ : تحجي أشوف ... البنآت من العصر هنيه مآفكرتي تطلعين لهن .. أصلن من ييتي الكويت وأنتي علاقآتج مع النآس شبه منقطعه .. هذي حيآه هذي ليليآن شدت على أسنآنهآ بقوة ومسرع مآتكلمت : يمه تكفيين .. ألي فيني مكفيني وزوووود .. ألا هاليوم النفسيه بالأرض الجوهرة تحرك أيديهآ : ليه شنو شآيفه هنيه شي مآعجبج .. ليليآن تكتفت ومسرع مآأخذت نفس : رآيتتس بيضآ .. مآشفت ألا شين يبرد الخآطر منتس ..مغرقتني بشي ضآع مني يوم تركتينآ مآشالله ..!!! ( حركت رآسهآ صوب جدتهآ ) أنآ بنزل يمه تو دق علي عبدالله يقول مآبقى شي ونوصل ... كآن العمر ألي ضآع منهآ عمرين .. عمر نصه بلا أم .. وعمر نصه بلا أبو خلته ظهر لهآ وسند .. حتى بفزع ترميه الحيآة قبآلهآ في فم الموت .. يبتلع الموت أبوهآ بلا رجعه .. طآقتهآ الجبآرة في التحمل خلتهآ في هاللحظة مآتصرخ بوجه أمهآ تقول لهآ بأي حق تعآتبين .. بأي حق تلومين وتسألين .. تعودت تبتسم وتسكت .. تبلع غصآت الوجع بفم يضحك .. تعودته عشآن أبوهآ ألي خلاهآ بمثآبة صندوق مسكر له .. قد قالهآ في يوم تذوب فيه الشمس في وجه المغيب.. أنه عمره مآتندم كثر مآندم على أنه طلق الجوهرة .. وأذآ فيهآ تحضنه .. تقول له ( أنآ من ريحة الجوهرة .) تحركت تبي تنزل بس أمهآ مسكت يدهآ الجوهرة : شنو قصدج ..؟ ليليآن بأسف : كل شي تنتظرين منه جوآب .. كل شي مع أني بنتتس ...مو المفروض تقرين ألي تبين بعيوني ..؟؟!!! تقصد أن العلاقه بينهآ وبين أمهآ بآتت علاقه مسميآت وأحترآم .. أن علاقتهآ في أمهآ هشه ... ضعيفه .. أستنزفت أخر قطرآت الدموع والدم من بعد رحيلهآ .. من بعد مآتصدع قلبهآ أنتظآر لرجعة أمهآ .. وأذآ فيهآ تتحمل تربية أخوهآ وحمل هموم أبوهآ ... تعودت تتحمل مسؤليه أكبر منهآ .. تعودت تكون الولد ألي عليه يرآفق أبوه في أشغاله .. وأذآ فيهآ تصحى الصبح في كل يوم .. تجهز لأبوهآ القهوة والشآي .. تلبس عبآيتهآ وتروح معه لحلاله .. تحسب له فلوسه .. وكم عليه يبيع .. وأذآ شروته للحلال طيبه ولالا .. نزلت من الدرج وعلى طول توجهت صوب غرفة التلفزيون سحبت عبآيتهآ وصآرت تلبسهآ .. سحبت شنطتهآ وعلى طول طلعت لصآله ... لفت الشيله حول رآسهآ وبعجله صآرت تلبس قفآزتهآ وهي تمشي ... لحظآت وقفت تلبس نقآبهآ .. أندف البآب حتى تدخل مريم وعليهآ عبآيتهآ تحركت ببطء بعيد عن البآب ..حتى تنزل نقآبهآ وتبقى شيلتهآ السودآ حول رآسهآ .. وورآهآ عبير وجهآ صآمت ونظرتهآ بآردة... ووجهن أبد مآيطمن .. عبير تطالع ليليآن بأستفهآم : أنتي بتروحين ..؟ ليليآن : أيه .. ( طالعت مريم ) مبروك مرآيم مريم رفعت حآجبهآ تطالع بعبير ومسرع مآطالعت ليليآن : ألله يبآرك فيج تحركت مآره من عندهن حتى تطلع للحوش عبير تلوي فمهآ : هالبنت غريبه .. كله قآعدة اليوم بغرفتهآ حشآآآ مرآيم : مآشفتي أم تغريد اليوم كيف تطالعهآ .. بس هي مآتنلام .. أكيد تغريد قآيله كل ألي سمعنآه عنهآ .. قآلت هالكلمتين حتى تتحرك بخطوآت وآسعه صوب المجلس .. تحركت عبير بسرعه صوبهآ وأول مآدخلت .. عبير : أي سالفه قصدج ..؟ مرآيم تجلس على الكنب وبطفش : يآبنت بكيفهم .. تقول مآورآي شي يوم أسولف عنهآ .. بس تصدقين أحسي مو قآدرة أبلعهآ بعد كل شي سمعته من عمي عنهآ عبير جلست :أذآ قصدج السالفه ألي سمعتيهآ عن ليليآن من أبوي ترآهآ جذب ..أبوي قالي كل شي .. مرآيم طآرت عيونهآ : شنووو .. شقآعدة تقولين أنتي عبير بتردد : والله .. بس أنآ مآلقيت فرصه أقولج .. طلعت البنيه لاتعرف أخوي ولا شي .. أصلن أخوي لافي أعرفه ماله بهالسوآلف .. مرآيم أبتسمت بطنآزة : حلوووه الترقيعه لهآ .. عبير ضربت كتف مرآيم : شنو ترقيعه .. مرآيم أشرت على رآسهآ ؛ هالعذر وأن السالفه جذب مآدشت برآسي .. وعمي شنو حآده على الجذب .من صجج أنتي .. عبير بضيق : شوفي عآد صدقتي ولا مآصدقتي بكيفج بس أنآ أعرف أخوي لافي .. هذآ دمه يشتعل نيرآن لو سمع عن هالسوآلف كيف يروح يسويهآ .. ولمعلوميتج .. ليليآن متى عرفنآ أنهآ هنيه أذكر بعد يومين من سفرة أخوي .. وأبوي لأنه يكره أخوي على ألي سوآه قال هالشي لاتنسين أنه يعتبر لافي كسر ظهره بالي سوآآه .. مرآيم سكتت ومسرع مآتكلمت : ممكن .. بس قويه أن عمي يحط على البنيه وولده سآلفه عوده نفس هالسالفه .. مآ أخبره جذي أنآ ... وتغريد ..؟ طيب أمج تعرف أنهآ جذب في جذب عبير : والله مآعرفنآ لج أنتي .. قبل شوي تذكرينهآ وتدعين عليهآ وهالحين أحسهآ كآسرة خآ’طرج .. وأمي تعرفينهآ ع الصآمت مرآيم صدت بعيونهآ : أنآ رضيت بقسمتي ونصيبي ... عبير ترفع أيديهآ لفوق : الحمدالله ... ع بالي بطولين بهالرضآ | ||||||||
|
| |
|
20-10-12, 12:57 PM
| #303 | ||||||||
| مراقبة عامة ومشرفة منتدى الروايات المنقولة
| عبير طالعت جوآلهآ ألي بدآ يهتز ع الصآمت ومسرع مآحركت عيونهآ صوب مرآيم : هذآ طلال أظن أنه وآقف عند البآب .. مرآيم بأستنفآر وقهر : قلت طلعه له مآرآح أطلع .. ولارآح أقعد أنآ ويآه بغرفه لو أموت .. عبير بزهق : يآآوالله ذي النشبه والهم والضيق .. شوفي عآد أنآ بطلع روحي من السالفه .. وعمتي هي ألي بتيي تتصرف ويآج ... مرآيم بصرخه : أنآ قعدت هنيه أبي الرآحة .,. أبي أرتآح شوي .. خلاص مو تزوجني .. عبير قآمت وأشرت بيدهآ : أقووول مالت عليج بسس .. الوحدة لاطلبهآ زوجهآ بيشوفهآ تستحي .. تخجل شوي . مو بحالتج ذي من بعد الغدآ وأنتي بس تصآرخين .. مريم رفعت يدهآ : مآصآرخ ألا أذآ يبتي طآريه ..أووف .. سولفي بشي غيره وبهدآ ..! تحركت عبير بخطوآت متملله حتى تطلع من الغرفه .. من صآرت هالملكة ومرآيم صآآيرة لا تطآق .. من تسمع طآري طلال ألا تقوم تصآرخ .. أرتآحت من بكآهآ ألا تبدى بصرآخ .,.!! رمت بجسمهآ على الكنبه ألي تحتل جزء في وسط الصآله وعلى طول رفعت الجوآل وصآرت تطالع فيه .. ولحظآت دق سيف أخوهآ ... لوت فمهآ وبطفش ردت عبير بدلع : خيييير سيف : متى بتردين البيت عبير ترفع حوآجبهآ : وأنت شكو أرد ولا لأ ..؟ سيف بقهر : يعني كيف أنآ شكو .. بروح للربع وأمي تعرفينهآ مآتحب البيت يكون فآضي وهي جالسة بروحهآ .. عبير : أشوف روحآتك كثرآنه والله لا أعلم أخوي لافي .. سيف بعصبيه : أفتحي فمج وشوفي شنو بيصير لج ... عبير لوت فمهآ وبدون أهتمآم : مآرآح يصير لي ألا كل خير ..عني بقعد عند عمتي وخالي ليييييين أمل بعدين بقوله يردني البيت .. سيف : ترآ بآجر مدرسة .. عبير : عآدي .. عندي لبس في بيت عمتي ولا نسيت ..! سيف تحولت نبرته لرجآ : عبورة تكفين .. عبير بأبتسآمة خبيثه : أقلب خشتتتتتك .. يلاااا .. سكرت الخط وأنفجرت تضحك .. متملله ولا لقت بوجهآ غيره هو .. أكيد هالحين يسب ويتوعد فيهآ .. فتحت ليليآن البآب وبخرعه دخلت ليليآن تأشر لعبير : في رجآل برآ أظن أنه أخوتس .. عبير : عآرفه شنو أسوي له .. ( أشرت صوب المجلس ) هالتيس ألي دآخل رآفضه تروح له .. وهو يبي يشوفهآ .. ليليآن تتقدم لعبير : مستحيه يعني ..؟ عبير تهز رآسهآ بالرفض : لا بس مآتبي تشوفه .. ليليآن جلست على طرف الكنبه ألي منسدحه عليهآ عبير : وشووو .. عبير عضت طرف جوآلهآ ومسرع مآتكلمت : قسم بالله .. ليليآن طالعت الصاله بعبث : طولوآ ذولا .. عبير بأبتسآمة وبصوتهآ النآعم : بتروحين تتمشين ...!! هي ليش محرقه عمرهآ وتحس أنهآ ضآيعه بكشف تفآصيل الأمور وقبآلهآ وحدة تقدر تقولهآ كل شي .. بدون مآتعرف علاقتهآ بلافي .. عليهآ بس تقوي العلاقه وتفتح صفحآت مآضي لافي وتغريد بدون مآتحس أن أحد يحآول يخفي عنهآ شي .. كل همهآ هالحين تكتشف كل شي .. تعرفه بدون لا أحد يحس أو يعرف أنهآ عرفت من هو الأجودي .. رآح تمشي معهم مغمضه عيونهآ نفس مآيبون .. مصدقه كل شي قالووه .. أكثر شي تحسه يذبحهآ كذبة خالهآ عليهآ وسالفة جرآح ... بس وش خلاه يغير كل شي فجأة ويقرر يزور الحقيقه .. وهو كآن الوحيد ألي شآيل عليهآ بقوة ... معقوله جدتهآ طلبت منه هالشي .. بس ليش الجده رآفضه تقول الحقيقه .. ليش تحآول تخفيهآ مآتطلعهآ لسطح .!! حتى يوم سالفة سآمي كآن نآوي عليهآ خالهآ وجآب طآري ولده بس هي مآفهمته .. مآفهمته ولا توقعت وآحد بالميه أنه فهد .. حست بجسمهآ كل يهتز بمجرد مآتطري أنه فهد .. مآكبرهآ هالحقيقه عليهآ .. ليليآن تتجآهل أموآج المشآعر الهآيجه دآخلهآ وتلف لعبير : أقول عبير .. ترآ أنآ أسلوبي دفش .. عبير طآرت عيونهآ : شنو .. طيب شصآير عشآن تقولين لي هالشي ليليآن تحركت بعبآيتهآ ونوت تجلس : ممكن تشيلين رجولتس .. عبير تعدلت بجلستهآ : تفضلي ليليآن تآخذ نفس وتجلس : يعني أقول أني مو من النوع ألي يتقبل أحد بسرعه .. وأنتي مشكلتس هالدلع لو ألله يفكه منتس تسآن أنتي بخير عبير أنعقدت حوآجبهآ : ................. ليليآن تطالعهآ : ورآتس تنحتي ..؟ عبير هزت كتوفهآ : مدري شنو تهذرين عنه ... ! ليليآن قالته بدون نفس : يعني ودي أكون صديقتتس بس ... عبير أبتسمت بدفآ : أهآ .. شنو له هاللف والدورآن كله ... من زمآن ودي هالشي بس أنتي ع بالي مآتبينه .. ليليآن أشرت بيدهآ وهزت رآسهآ : لا هالحين أبيه .. ........ : ليليآن .. فزت بسرعه وتحركت صوب المدخل ألا عبدالله من شآفهآ لابسه عبآيه كشر .. عبدالله : هو أنتي لابسه ..! ليليآن تطرف البآب ورآه وتطلع للحوش : وينكم تأخرتم .. عبدالله هز كتوفه بقلة حيله : أبوي تو دق عليه وآحد يبيه بشغل وقالي أقولتس تنطرينه شوي بعد .. ليليآن تكلمت بسرعه وبصدمة : رآآح هو .. عبدالله يأشر بيده صوب بآب الشآرع : لا وقف يكلم طلال ليليآن تدف أخوهآ : روح قوله لايروح أبيه .. بسسرعه .. عبدالله : طيب .. طيب .. رآح ينزل من الدرج وهو يركض .. وبسرعه توجه صوب بآب الشآرع وطلع ومآهي لحظآت ودخل علي والشمآغ مرمي طرف منه على كتفه والطرف الثآني مرجعه لورآ .. تقدمت ليليآن ونزلت من الدرج حتى توقف قبآل زوج أمهآ | ||||||||
|
| |
|
20-10-12, 12:58 PM
| #304 | ||||||||
| مراقبة عامة ومشرفة منتدى الروايات المنقولة
| علي بصوت هآدي : هلا أبوي .. ليليآن بتردد : أبيك تآخذني للبيت .. علي رفع يده وصآر يحك لحيته : لالالا .. أنآ بروح لمشوآر مآنيب مطول ولارجعت أخذج للبيت ومنهآ نتمشى لين مآتملين ليليآن بتأكيد : أنآ محتآجة أروح الحين .. عندي شغله ضروريه فالبيت علي : ليليآن تبيني أخليج فالبيت لحالج وأروح ..عبدالله مآظنتي يجلس لحاله معآج ... والله مآني مهبول ليليآن مدت يدهآ وسحبت كم ثوبه : والله محتآجة أروح ..وأنت بنفسك تقول مآني مطول .. علي بشك : ألله لهدرجة هالشغله مهمه .. طيب مآظنتي خالتي دآريه عنج ليليآن محتآجه تطلع .. : تكفى .. نزلني فالبيت ووالله لاسكر البيبآن علي لين ترجع .. علي هز رآسه بالرفض : أعذريني مآقدر أنتي .. أنطري علي بس أخلص لشغله وأرجع أخذج مكآن مآتبين ليليآن بصوت أهتز : بس أنآ أبي أروح .. مآبي أقعد هنيآ هالحين .. سكتت ولمعة الدموع بآنت بعيونهآ .. ومسرع مآحركت عيونهآ بعيد عنه .. تتقن فن الهروب سآآعة ضعفهآ .. ينكسر جنآح الحلم بدآخلهآ ولاتنكسر قبآل أحد .. تحركت بس هو مسك يدهآ .. صآر يشد عليهآ علي : تعآلي معي .. ليليآن جرت يدهآ : روح لشغلك .. أصصلن كل الروحة ذي بطلتهآ علي أبتسم : أفآآ .. كل هالشي عشآني قلت لج أنطري .. ولايهمج بآخذج للبيت .. ليليآن طالعته : ............. علي سحبهآ : يلا مشينآ .. رآح يمشي وهي تمشي معه ... مآسك يدهآ لحد الحين .. طلع لشآرع وعلى طول وقف عبدالله قبآله ... عبدالله : وين بتروحون .. علي يطالع الشآرع : وين طلال ..؟ عبدالله بعدم فهم : مدري من دق عليه وقآم يهآوش بعدين ركب سيآرته ورآآح علي يحرك رآسه : روح معنآ .. أختك تبي تروح للبيت .. عبدالله بملل رجع خطوتين لورآ : لاااااا وأقعد لحالي أنآ ويآهآ .. علي طالعه : مآيصير أترك أختك فالبيت لحآلهآ .. هي كلهآ نص سآعه ورآد لكم عبدالله : مآبي أقعد فالبيت هنآك نص سآعه .. خلاص روح وأرجع علي : هي رآفضه تبي تروح الحين عبدالله : يبه مآلي خلق أبد .. أنآ بروح عند جدتي أتونس بسوالفهآ لين ترجع تحرك بسرعه مآر من عندهم وعلي بمزحه فك يد ليليآن ومد يده يبي يمسك عبدالله من ورآ عبدالله دخل : ههههههههه ... مآنت بقدي يبه علي : أيه هين .. عبدالله : ههههههههههههههههههه تحرك علي نآزل من الدرج ومسرع مآحط يده في جيبه مطلع مفآتيح سيآرته ( يلا مشينآ ) رفعت عيونهآ تطالع الشآرع وصرخآت البزآرين بالشآرع تتردد صدى لكل شي هي وآقفه قبآله .. الهوآ بآآردة تتسلل بعبث صوب جسدهآ .. نزلت ورآحت تلحق علي ألي لف وفتح بآب السآيق .. فتحت البآب ألي جنب السآيق وركبت حتى تسكر البآب .. علي يركب جنبهآ : الجو كل ماله ويبرد .. دخلنآ في أيآم الشتآ .. ليليآن هزت رآسهآ : أيه علي يشغل السيآرة وبأبتسآمة دآفيه حرك رآسهآ صوبهآ : هي الشغله ألي تبينهآ من البيت تطول .. يعني أنطرج تآخذينهآ وأردج للبيت .. ليليآن هزت رآسهآ بالرفض : لا عمي .. مآبي أأخرك .. أنت نزلني وروح بطول أنآ علي حرك الدركسون حركآت خفيفه : أيل توكلنآ على الله .. مآهآن عليه يرد طلبهآ وسالفة الجوآل ألي طلبته ورفضته لازآل في السيآرة بأكيآسه .. حآز بخآطره ألي سوآآه معهآ وألي هي سمعته .. زين أنهآ تآخذ معه وتعطي .. توقع منهآ الصد يطول .. ويلتحفهم الصمت وهي ببرآءة عيونهآ تتطالع الشآرع قبآلهآ .. كيف تأقلمت على الوضع هينآ فالكويت .. كيف عآشت سنتين من عمرهآ في هالديرة .. حركت عيونهآ صوب أشآرة المرور ألي لاحت من بعيد قبآلهم بلونهآ الأحمر ... تعلن طول أنتظآرهآ .. طول عمر الحزن ألي ينسج دآخلهآ عيون من الوجع .. تبي تستريح على طآولة الصرآحة .. أخذت نفس .. شهيق وزفير من رئة بطيئة في أستيعآبهآ لكمية الهوآ ألي يبي يطلع بسرعه نفس مآيدخل .. تتحرك أصآبعهآ تشبكهم مع بعض ورمآد أمآنيهآ يطير في الهوآ .. عليهآ تخبي جروحهآ زين هالحين .. عليهآ تسكر نوآفذ شوقهآ والعمر ضآيع .. لايتسلل الحب .. يرصد ضعفهآ .. يذبحهآ ..!! وهي .. مآتدري من تخآذل .. والأبتسآمة صآرت كفيفه دآخلهآ .. علي : ورآج سآكته ..؟ ليليآن بدون مآتطالعه : مآعندي شي أقوله . علي : أستآنستي اليوم ويآ البنآت ..؟ ليليآن بعد صمت : مآتوقع أمي مآقالت لك أني معزوله عن العالم .. يعني بنظرهآ .. سكت ,, وعيونه ترآقب الشآرع .. تطالع السيآرآت ألي تمر على يمينه ويسآره .. تعود منهآ الصرآحة .. الدفآشه بالهرج .. ليليآن تكمل : أنآ مآحب أحد يكلمني على أنه مآيعرف شي ... علي رفع حوآجبه : أفآ .. ليليآن تحرك عيونهآ صوبه : لا أفآ ولا غيره ... أنت زوج أمي مآنت غريب عن الوضع .. علي حرك رآسه يطآلع الشآرع ألي على يمينه : ألي هو ..؟ ليليآن : ألي تعرفه .. علي طالعهآ : أييه قولي شنو هالوضع ألي أعرفه .. ليليآن تكتفت : أن وضعي مو معجب الكل على رآسهم أمي وجدتي والشآيب .. علي ضحك غصب : ههههههه .. الشآيب !!!! ليليآن هزت رآسهآ بثقه : أي والله أنه شآيب .. علي طالعهآ : لايسمعج بس .. ليليآن بدون أهتمآم : ................... علي سكت عن الضحك ومسرع مآتكلم : قصدج أنج قآعدة بدون درآسه .. ترآهآ قويه بهالعمر ولاتدرسين ليليآن حركت رآسهآ صوبه وعيونهآ طآرت : ............. علي : لا تطآلعيني جذي ليليآن بقهر رفعت أيديهآ : أنآ مشكلتي مآحب أحد يتأمر علي .. ولايقول فيني شين مآيعجبه لأني بضل عليه .. عشآن لاسويته قال أنآ ألي خليتهآ تتغير .. لا والله .. علي يلف بسيآرته ولمبآت الشوآرع تنير السيآرة ومسرع مآيرجع كل شي ظلام : ألا العلم يآبنتي ..أنتي مآتدرسين عشآن أحد .. الشهآدة لنفسج ولارآح تكون غير سلاحج .. مآسمعتي حديث الرسول اللهم صلي وسلم عليه ( من خرج في طلب العلم فهو في سبيل الله حتى يرجع ) .. الرسول وصآنآ من ألالاف السنين .. قبل أمج وأمج العودة والشآيب ... وبالقرآن ألله سبحآنه شنو قال .. ليليآن تطالعه بنظرة صآآمته : ........ علي حرك عيونه صوبهآ وأبتسم لين بآنت أسنآنه : قال (قل هل يستوي الذين يعلمون والذين لايعلمون إنمآ يتذكر أولو الألبآب ).. ليليآن منطق كلامه أسكتهآ ولاعآد تقدر تنآطح فالهرج : ............. علي هدى من سرعة سيآرته لين وقف ولف بجسمه صوبهآ : أمج درست وهذي هي موظفه وتصرف على نفسهآ ومغنيهآ ألله حتى عني .. وفهد شوفيه .. طلع ورآح أسس حيآته وصآر مخترع كلن يتحجى عنه .. ترآ زوجج شخصيه كبيره أكبر من تفكيرج الصغير عنه .. بغض النظر عن أنه أخذ الجنسيه هو شي صح ولا غلط .. ينلام ولا مآينلام .. بس سوآ في حيآته شي .. وأنتي يآبنتي .. بآجر بتكبرين وبعدين ...؟ بتظلين جذي بلا شغل ولا مشغله ... تنتظرين أحد يصرف عليج .. ليش مآتفكرين تدرسين وتكملين درآسة وتعزين حتى أخوج .. مآحد مقصر ويآج أنآ متأكد بهالشي لا أنآ ولا أمج العودة .. بس بنفس الوقت ترآ مآحد دآيم لج .. أنتي وآثقه بهالشي..؟ ليليآن وكلامه أصآب الجرح حتى رمآه قتيل : ..................... علي بنبرة وآثقه .. عميقه : حتى فهد يآبنتي لاتثقين فيه ثقه عميآ .. لا تعتمدين عليه بكل شي لأنج مآتدرين شنو يصير بآجر ليليآن وهي تحس أنهآ تعيش بأسطورة غربآ : وش قصدك ..؟ علي تحرك بجسمه رآجع لوضعيته : أنآ أقولج هالشكل أبيج تنتبهين لمستقبلج ليليآن مآلت برآسهآ وبأندفآع : لأنه ممكن يتركني ويروح لبنت أختك .. يرجع لزوجته الأولى .. هذآ قصدك علي ألتزم الصمت : ................. ليليآن : ورآ مآتقول لي الحقيقه .. علي أنعقدت حوآجبه : ترآ أنآ هالحين مثل ألي وآقف بين نآرين .. علي لا أظلمج ولا أظلمهآ .. تخيلي يعني كلكم عندي عيوني الثنتين .. أنتي بنت زوجتي بنتي يعني وهي بنت أختي .. تربت بين عيوني .. ليليآن بدت تتنفس بصعوبه : أنت ورآ مآتقول لي أن زوجي للحين يحب زوجته الأولى .. أنه مآنسآهآ .. قولهآ ..!! علي لف لهآ : أنتي مآتدرين عن ألي صآر لفهد ولتغريد .. ترآ تغريد تنرحم بهالحآل ألي هي فيه .. ووالله مآظلموهآ كثر أبوهآ وأمهآ كآنت بتقوله وأنآ .. | ||||||||
|
| |
|
20-10-12, 12:59 PM
| #305 | ||||||||
| مراقبة عامة ومشرفة منتدى الروايات المنقولة
| وين وضعهآ في هالدوآمة كلهآ .. ينذكر أسم فهد عشآن بسبقه أسم تغريد .. وتنذكر تغريد عشآن يجي ورآه فهد .. وهي بالسر أسمهآ .. وبيظل بالسر .. هي معقوله نزهة غريب ضيع طريق الوطن .. وعآش في وطن تمتلكه أغصآن السرآب .. فهد يحبهآ .. أي يحبهآ .. وهي حبته .. متأكدة من هالشي .. عشقته أنفآس .. ومآكنت تدري أذآ هالعشق موت ولا حيآآة .. غيآب ولا أنتظآآر ,, ليليآن تبلع ريقهآ بصعوبه : عمي قولي وش ألي مخبيه .. علي سكت ومسرع مآلف لهآ : أنتي دخلتي في دوآمة مآدري أذآ بتبعدينهآ عنج ولا لا .. بس .. ( سكت ) ليليآن أعصآبهآ أنفلتت تبي تعرف ألي عنده : قول عمي .. علي قرر يقول ألي بخآطره : شوفي ... تغريد مريضة بمرض أسمه بهجت .. وخآيفين الأطبآ أنهآ ممكن تنصآب فالعمآ ولا عآد تتحرك ..وهي تركت فهد عشآن هالمرض ألي فيهآ بحزتهآ فهد كآن معآق .. تركته عشآنهآ مريضه ولا تبي تزيد همه .. كآنت خآيفه تصير هي نفسه .. ليليآن بصدمة : و.. ولافي مآيعرف عن هالشي علي هز رآسه : مآيعرف بهالشي بشر .. ولا أحد يدري ألا أبوهآ وأمهآ وهالحين أنآ .. ليليآن حركت عيونهآ بعيد عن علي والضوء يختنق بعيونهآ : ................. علي : ومصير فهد يعرف .. مصير خالتي تعرف .. ومدري وش بيكون ردة فعلهم ... ليليآن ضآقت فيهآ الوسيعه .. ضآعت فوق ضيآعهآ أضعآف : أنآ .. أنآ بنزل وأنت روح لشغلك طولت عليك .. فتحت البآب بسرعه بس علي مسك يدهآ .. علي : فكري بنفسج ليليآن .. فكري زين .. أنآ مآقلت هالشي أبكسر قلبج لا والله والله يشهد علي.. أنآ لو سكت ترآ مآضمن خبر مرض تغريد مآيوصل لفهد .. أختنق الكلام .. أختنق ينآجي الحيآة .. هزت رآسهآ بقوة تبي تقوله أن شآءالله بس عجزت .. نزلت وسكرت البآب حتى تمشي بخطوآت وتدخل المظلة .. وهو كآن هالقرآر أخر قرآر قرر يرميه في وجه الأقدآر لاتعآكسهآ .. يبيهآ تنتبه لنفسهآ .. تنكسر قبآله ولا تنكسر لاصآر شي وتغيب الحيآة من عيونهآ .. لاتصير ورآ الصمت .. فتحت شنطتهآ بسرعه وطلعت المفآتيح وأول مآفتحت بآب الشآرع دخلته وسكرته ورآهآ .. .. طالعت الحوش المظلم قبالهآ بصمت وفجأة الدمع جف بعينهآ .. ومآتحس غير بشي يبكي هالحطآم ألي صآر يملى أنفآسهآ ... بس هي .. مو قآدرة تبكي .. مو قآدرة.. والله ألي عرفته اليوم شي كبير .. والله أكبر من حملهآ .. تغريد مريضه ..! وش أكثر من أن الدنيآ صآرت بعينهآ رمآد .. والحكآيه مآبقت غير أوهآم .. والصقر طآر ولارجع ...!!! حركت عيونهآ وطالعت الديوآنيه والظلام يحوط كل شي .. رمت الشنطة ورآحت تركض لهآ .. دخلتهآ وفسخت النقآب .. شغلت اللمبآت حتى ينتشر الضوء أنغآم تبعد وحشة هالظلام .. شآفت فرآشه بشكل طولي على الأرض في مكآنه .. وبطآنيته بلونهآ الأزرق في أخر الفرآش على بعضهآ مرميه .. ومخدته في أول الفرآش .. شنطته في زآويه الغرفه مفتوحه وملابسه مرتبه دآخلهآ وفي الزآويه الثآنيه كومة أورآق على المركة فوقهآ لابتوبه .. بجنبهآ متمآيله شنطتة بلونهآ الأسود .. تحركت بخطوآت وآسعه صوب شنطة السفر .. صآرت تفتش فيهآ عن السآعه ألي شآفتهآ قبل .. وين بيحطهآ .. معقوله لابسهآ ... !! تبي تتأكد أذآ هي نفسهآ ولا لا .. بتعيشهآ مرة ثآنيه ذكرى حيه تلمسه ولا لا.. وخرت ملابسه المرتبه وصآرت تفتش من تحت .. طلعت عطر وصآبون .. بس السآعه مآ لقتهآ .. طاحت شيلتهآ كآشفه عن شعرهآ وعلى طول أبعدت .. زحفت صوب الزآويه الثآنيه وفتحت الشنطة السودآ بشكلهآ الجديد وريحة العطر تعآنقهآ ..جالسه على رجولهآ ومنحنيه ببعثرة تفتش بهالشنطة ومسرع مآسحبتهآ بأيديهآ الثنتين حتى يستقيم ظهرهآ .. طلعت كل الأورآق ألي في هالشنطة وصآرت تطالع بوجه هالورق لغة موفآهمه منهآ شي .... ومسرع مآتربعت ... أبعدت الورقه الأولى وطالعت الثآنيه ... نفس الشي أرقآم وكلام مو مفهوم .. مآتدري وش تبي بهالسآعه ولا هي أصلن وش تسوي الحين .. ظلت تقرآ الورقه ورآ الورقه ..حتى تتسع عيونهآ بدهشه وهي تشوف نسخ من هويته .. وش له هالنسخ .. صورته موجودة وأسمه بالفرنسي.. مآتعرف تقرأ أكيد بس وآضح أنهآ نسخ من هويته ... سحبت لهآ وحدة وحطتهآ جنبهآ .. لمت الأورآق بحذر تبيهم يكونون نفس مآكآنوآ لايحس هو أن أحد مفتش في أغرآضه ... وبسرعه رجعتهم للشنطة .. مدت يدهآ ومسكت الابتوب بأيديهآ الثنتين سآحبه معه كل الأورآق ألي تحته .. أبعدته وصآرت تطالع في الأورآق وتفتش فيهآ ببعثرة .. كأنهآ تبي تنسى صيحة نهآر بدآخلهآ .. مآتدري هي غبيه لمآ تحب .. تصفعهآ الأقدآر وأذآ فيهآ ترجع لأكثر الأمكنه وجع .. لأكثرهآ انهزآمآت .. تقعد تعبث بأورآقه تتنفس ريحة عطره .. تمتلك أشيآئه الخآصه ..!! حاله عآليه رغبتهآ في أنهآ تجلس بين وجعهآ .. عقدت حوآجبهآ وهي تلمح مآبين الأورآق ورقه هي الوحيده ألي تخضع لقآنون الأنتمآء بلغه عربيه .. متجآوزة كميه الأورآق الهآيله .. سحبتهآ بفضول وأذآ فيه صك ملكيه لجآخور مكتوب بأسم فهد .! طآرت عيونهآ وهي تقرآ المكآن والموآصفآت وبأخره توقيع مختوم عليه أسم فهد وبالجهه الثآنيه توقيع غريب عليهآ .. هذآ مو جآخورهم ألي يروحون له .. لأنه مو بنفس المكآن .. حتى أسم المنطقه ألي فيهآ هالجآخور مآتعرفه .. وش يبي فهد بجآخور عشآن يشريه .,.. ومتى شآريه .. مآله أسبوعين ..!! مكتوب التآريخ .. ولا جآب طآري لأحد أنه شآري جآخور .. صآرت تقرآ أسم المكآن ألي هو فيه .. تعيده على نفسهآ كذآ مره بس أنتفضت أول مآسمعت صوت طقه فالحوش .. صآرت ترجف وترجع الأورآق والابتوب لمكآنه .. وبحركة سريعه رمت الورقه ألي نوت تحتفظ فيهآ ورآ المخده .. قآمت تركض لبآب الديوآنيه من الخرعه بس رجعت أول مآنفتح البآب .. وريحة سيجآير خفيفه تسللت حتى تسحبهآ لرئتهآ .. تهزهآ من دآخل .. جمدت العروق دآخل جسدهآ أول مآ حست بجسمه وبطوله يوقف قبآلهآ .. سآد عليه المخرج لاتطلع مثل مآتعودت .. رفعت عيونهآ لعيونه بس شي أرتعب دآخلهآ من نظرة عيونه البآردة .. القآتله .. ووجهه ألي خآلي من أية ملامح دآفيه .. قآم قلبهآ يضرب بقوة وأخر شي توقعته أنهآ تقآبله .. بس هالمرة مآقآبلت لافي الصقآر ألي كآنت نآويه تروضه .. هالي وآقف قبآلهآ الأجودي ألي أنقذهآ .. مقآآييس أختلفت .. حرك يده وكم ثوبه وآصل لنص ذرآعه حتى يحطهآ على خصره وهي بعيونهآ صدت عنه ترفض تطالعه .. عجزت تبتسم .. تمثل أنهآ ولا تعرف شي .. فهد بطنآزة : مآشاءالله .. هو أنتي هنيه .. ليليآن ونفسهآ بصعوبه يطلع : أيه .. فهد بقسآوة : شنو يآبج أن شالله .. على أسآس بتطلعين تتمشين ؟ ليليآن هزت كتوفهآ : مدري .. فهد : ........................... لبس الصمت بين جملتين وسكت .. حضوره دآيمآ مآكآن يربكهآ .. يشتت قوة صبرهآ في لحظة غريبه ... هو ألي يمتلك طآقه جبآره في أنجذآبهآ صوبه ... معقوله تقدر تتنآزل عن عرش ملكيته .. تتحمل رحيله عنهآ رفعت عيونهآ للمرة الثآنيه تطالعه .. شآفته يجلس في أخر ممرآت الحب ..أشيآء كثير تفصل بينهم هاللحظة مآتدري وش تكون ... بس أبد مآهو لافي ..شخص حتى نظرته جآمدة .. فهد يأشر لبرآ وبقسآوة : ألي يآبج لهنيه خليه يردج لبيت عمتي .. مثل مآ كنت أنآ منزلج فيه .. يلاا ليليآن : ................. فهد يطآلعهآ بنفور : تسمعين أنتي ..! ليليآن : وأنت فهد رفع صوته : شكو أنتي فيني .. يلا أطلعي برآ الديوآنيه برآ تحركت بسرعه من قباله حتى تطلع ومن شآفت البآب مفتوح ألا بيدهآ تسكره بسرعه ... سحبت شنطتهآ وحطتهآ على كتفهآ ..ضمت شفآتهآ بقوة وهو طردهآ بلا سبب .. كأنه مآيبي يشوفهآ .. ولا حتى يسمع صوتهآ .. رفعت أيديهآ وصآرت تعدل شيلتهآ ومسرع مآلبست نقآبهآ .. وبلحظة مجنونة فتحت بآب الشآرع وطلعت برآ .. وبقوة سكرت البآب .. أذآ هو مآكآن يبيهآ فهالشي جى من الله .. تقدمت تمشي تحت المظلة حتى تطلع وتوقف على طرف الشآرع .. بتنتظر علي لين يجي .. والله يعينهآ .. لفت صوب بيت جيرآنهم .. ... حتى تسأل نفسهآ وين هي هالحين .. وين سآرة ..؟ ليش مآدقت عليهآآ .. ليش تضيع أكثر كل مآرحل شخص عنهآ ..! ليش يضيع العمر من بعدهم .. وقفت سيآرة علي قبآلهآ وعلى طول تحركت وفتحت بآب السيآرة .. علي بضيق : شنو مطلعج .. هبله .. بآيعه عقلج أنتي ليليآن تلف له وهي تجلس : الشآيب دآخل .. علي طآرت عيونه : فهد ... لايكون قلتي له شي من كلامي لج ليليآن هزت رآسهآ : لا علي مو مصدق : وخلاج تطلعين برآ ..؟ ليليآن مآقدرت تتحمل : خلاص عمي .. فكني من الأسئله ..!! علي بعد صمت : طيب .. وين تبين تروحين ..؟ ليليآن بسرعه مسكت يد عمهآ أول مآفتح البآب فهد : تكفى بسرعه أمش .. بسرعه مآبيه ينزلني من السيآرة .. علي تحرك : ينزلك وأنتي معي ..!! ليليآن لفت تطالعه أول مآوقف تحت المظله وقلبهآ تحسه بيوقف : ................. علي : مآتأخرت عليج صح ... ليليآن للحين لافه برآسهآ ومسرع مآعقدت حوآجبهآ ولفت لعلي : تقدر تآخذني للبحر ..؟ علي : وين هالحين تروحين االبحر .. الجو كل ماله ويبرد .. ليليآن بصمت طالعت الشآرع : ............. علي أبتسم : نروح لمطعم .. نتمشى بالسوق ..ونروح الحديقه .. عآد عبدالله مو مقصرن معه أنآ مآخذه قبلج يعني بنسحب عليييه .. ههههههه .. والله لايروح فيهآ .. ولا كأنه سحب خنجر الحقيقه المسموم وطعنهآ فيه قبل شوي .. ليليآن تكلمت بنبرة هآديه : بس أنآ أبي البحر .. علي هز رآسه : مآعليه .. نآخذج البحر ولا يهمج بس مآرآح نطول أبد .. ××××××××××××××× جآلسه على السرير وضآمة رجولهآ لصدرهآ وهي تطالع البآب بخوف ... أيه شآآفته .. شآفت أبوهآ .. مآتغير غير أن شعره غطآآه الشيب .. حضنهآ لف أيديه النحيفه حول جسمهآ وسط ذهولهآ أول مآصحت من النوم ولقت نفسهآ في غرفه غريبه عليهآ ... قآم يضحك ويسولف معهآ ولا كأنه بيدفع ثمن بيعتهآ عن قريب .. طالعت بآب غرفتهآ الضيقه ..حركة غريبه برآ هالبآب وأصوآت مآتعرف وش هي بالضبط ولا عندهآ أي أستعدآد تعرف . | ||||||||
|
| |
|
20-10-12, 01:00 PM
| #306 | ||||||||
| مراقبة عامة ومشرفة منتدى الروايات المنقولة
| أبعدت عيونهآ عن البآب الخشب بلونه الأبيض حتى تطالع الشبآك وألي مغطى بشرشف خفيفه مليآن صور ورد .. حركت نظرهآ بعيد عن الشبآك حتى تطالع قبآلهآ مرآيه بوسطهآ شرخ كبير معلقه على الجدآر .. أصوآت مختلفه تنسآب لهآ من نسمة الهوآ ألي تهب بأندفآع تعآند هالشرشف .. ......... : لا مش حسمحلك .. آآه .. أفهمهآ بأه مثل مآنتآ عآوز .!! ( صوت يتدآخل مع الأصوآت يظهرلهآ بشكل أقوى..صرخة طفل ) ...... : سيبيه .. مو مستوعبه أنهآ هالحين في مصر ,, أنهآ قآمت حتى تلقى نفسهآ لحظة غريبه ... من صحت مآتحركت من مكآنهآ على هالسرير ... وعبآيتهآ للحين سآترة جسمهآ ... مآشآفت غير أبوهآ .. المآضي الحي دآخل جسدهآ الطفولي الرآحل .. أحتوآهآآ ظل من ظلال الخوف .. ليش أمهآ تركتهآ في مطآر الكويت تسآفر مع وآحد غريب .. ليش رضت أنهآ تنبآع ... وتنشرى .. أنفتح بآب غرفتهآ ألا أبوهآ يبتسم في وجهآ أبتسآمة غريبه .. أبو سآرة : هو أنتي مآكلتيش حآقه ..! حركت رآسهآ تتلفت تدور هالأكل ألي يقول عنه ... هي مآشمت غير ريحته ومن الشبآك بعد .. بطنهآ فآضي ,, من الجوع تحس بخمول وكسل غير طبيعي .. أبو سآرة يتقدم : يلا يآبنتي .. تعآلي أنآ عآوزك كده في كلمتين بيني وبينك . حركت رجولهآ حتى تنزل من السرير بصمت .. وهو وقف وصآر يحك ذقنه بعبث .. قرب منهآ أكثر أبو سآرة : أنتي يآسآرة كبرتي ومحتآجه رآآجل يكون ليكي عون وسند .. سآرة أخذت نفس بقوة وهي حست أن اللحظة حآنت : .................. أبو سآرة طالع فيهآ وحس أنهآ فهمت عليه وبتبرير : هوآ رآجل مآلي هدووومه ..آآه .. وأنآ مش عآوزك تسمعي كلام أمك الفآرغ .. دنآ بمزآجي خليتك عندهآ لحد مآكبرتي .. دآ كفآيه عليكي وعليهآ .. سآرة هزت رآسهآ مآعآد لهآ حيل لشي : ............... أبو سآرة بفرح : ربنآ يرضى عليكي .. أتجهزي مش بآقي كتير تحرك ولا كأنه صدق ... وهي رجعت تطآلع بالغرفه .. أنحنت وسحبت شيلتهآ لفتهآ حول رآسهآ وتأكدت أن شعرهآ مغطى ولحظآت لبست نقآبهآ ... نزلت دموعهآ مو قآدرة تسكت بس وش بيدهآ تسوي .. كل شي سوت .. ترجي وترجت .. صرآخ وصرخت .. ذل وذلت نفسهآ .. وش أكثر عليهآ تسوي .. أفلست من التعب والأفكآر ... أبو سآرة ينآدي : تعآآآلي يآسآرة .. تحركت بخوف صوب البآب .. مالت برآسهآ تطالع ومآتشوف غير كرآسي بلاستيك بالصاله ألي شبه فآضيه من الحيآة .. أدفعت جسمهآ أكثر وتقدمت حتى تطلع من البآب وتوقف مثل الخشب وهي تطالع بمسآفه بعيده وآحد مآتعرفه .. منحني وشعره يملاه الشيب .. أيديه الثنتين بقلة حيله وضعف متسآند فيهم على عصآ من الخشب . لابس جكيت أسود ثقيل ملتف حول جسمه .. والنظآرة الكبيره بلونهآ المآيل للأسود تخبي عيونه .. طلع أبوهآ والأبتسآمة للحين على شفآته وبسرعه توجه لهآ ومسك يدهآ يسحبهآ للغرفه ... رآحت تمشي والعبرة قآمت تخنقهآ .. دخلت الغرفه ألا فيه وآحد معه دفتر ووآحد في صمت يجلس يطالعهآ .. ... والعجوز ألي شآفته جالس على يمينهآ .. | ||||||||
|
| |
|
20-10-12, 01:01 PM
| #307 | ||||||||
| مراقبة عامة ومشرفة منتدى الروايات المنقولة
| أبو سآرة يأشر للمأذون : دي سآرة بنتي .. وين عمر ...! كل الموجودين مآتعرفهم .. غرقت عيونهآ بالدموع .. أكيد تركهآ بعد ألي سوته فيه ... وش سوت هي بعمرهآ .. ليه مآبلعت لسآنهآ وسكتت .. ليش مآتركت الجنون يعيش لحظآته بعيد عنهآ .. أنسألت أذآ موآفقه ولا لا وهزت رآسهآ بالرضآ .. طلب أبوهآ توقع منهآ مو على ورقه ولا ورقتين ولا ثلاث .. وهي صآرت أله .. وقعي توقع .. سوي هالشي تسويه ... ولحظآت يرجع أبوهآ يجلس يحضن بين أيديه شنطة سودآ من دخلت الغرفه وهو مآسكهآ ... مو مهتم بشي كثر هالشنطة ... بي يطالع فيهآ من دآخل وكأنه يحسب ... طلعت من الغرفه .. تلتقط أنفآس الصبر .. تحآول توقف على رجولهآ ... تتحمل أنهآ فعلا أنبآعت وأنتهت ... أبو سآرة : متشكرين أوي ... ربنآ معآكم .. ظلت وآقفه بالصآله مآتدري وين تروح .. ترجع للغرفه ولا تظل خدآمة تنتظر كفيلهآ يآخذهآ ..وأبوهآ رآح لبآب شقته الصغيرة يودع من كآن موجود ... حتى عمآتهآ مآكآنوآ طآيقين يشوفونهآ وأكبر همهم يحضرون زوآج وحدة عآشت طول عمرهآ بعيده عنهم !! أبو سآرة يجي لبنته : مبروك يآحبيبتي سآرة أنهآرت تبكي : أنتآ بعتني لوآحد غريب .. أسمه أييه ..؟ أبو سآرة بصوت وآطي : دآ دفع يجي أكتر من ألي بتحلمي بيه ..وعن أسمه هوآ عمر أو صلاح مش عآرف أنآ يآدوب وقعت حتى أحسب فلوسك هيآ كآمله ولا لأ ..تعآلي أرتآحي مآتخآفيش دآ جوزك دلوقت .. مسكهآ بس هي جرت يده بقرف ... جلست على كرسي وأبوهآ تحرك بخطوآت وآسعه صوب المجلس ...ومسرع مآطلع العجوز بظهر منحني مو مهتم فيهآ حتى يتوجه صوب بآب الشقه ويطلع منه .. مو معبرهآ أبد .. أنهآرت تبكي .. وين عمر مو قال أنه بينقذهآ .. بيتزوجهآ ... طلع أبوهآ بسرعه يمشي وعلى طول سحب يدهآ وهي بخرعه طالعته ... سآرة : وين بروح ..؟ أبو سآرة : يلا بآخدك ليه .. سآرة بكت : شنو سويت لك أنآ .... والله عمري مآرآح أسآمحك يبه .. عمري مآرآح أحلل لك هالبيعه ..حسبي الله ونعم الوكيل ..حسبي الله ونعم الوكيل صآر يجرهآ مع يدهآ يبيهآ تمشي وهي ترفض تتحرك .. ولحظآت سحبهآ بقوة وخلاهآ توقف غصب عنهآ .. رآح يمشي فيهآ طالع من شقته والمهمة تمت على خير .. طآل أتظآره ووسخ الدنيآ أعمى قلبه .. نزل الدرج وهي تحس بعيون متسللة تطالع فيهآ .. تترصدهآ هي وأبوهآ ... ولحظآت حتى يطلع من العمآرة وتهب عليهم الهوآ محملة بريحة الأكل ... وصلهآ لسيآرة حتى يركبهآ ورآ .. سآرة برجآ ومن بين دموعهآ : لاتخليني يبه .. لاتبيعني تكفى ...!! بكآهآ مآفآد بشي غير أنه أبعد عن البآب حتى يسكره وتتحرك السيآرة .. بعيد عن بقعه يملاهآ الزيف والقهر ... وهي ظلت ورآ تشآهق بس مسرع مآتمآلكت نفسهآ وصآرت تمسح دموعهآ .. من مرآيه تستقر قباله فالوسط يشوف جسدهآ يهتز .. بدآيه حلوة أنهآ تحآول تمسك عمرهآ عن هالدموع ..! كآن هالشآيب يسوق فيهآ وطالت المسآفه .. حركت عيونهآ ألا تشوف بجنبه على السيت العصآ ألي يتعكز فيهآ وآقفه ... صدت بعيونهآ عنه وتسآندت بظهرهآ وهي تسحب هوآ من خشمهآ ... ولحظآت توقف السيآرة قبآل البحر ... وصوت أموآجه تنسآب نغمة هآديه ... فتح البآب ألي جنبه وطلع يمشي تآرك بآبه مفتوح ...نزل النظآرة من على عيونه ورمآهآ بعيد ... يبيهآ تنزل ورآه وهورآح يمشي بخطوآته المتزنه بعيد عن تمثيليه قدر يلعبهآ قبآل أبوهآ ... وهي بسرعه وبلحظة خآطفة سحبت العصآ من على السيت وفتحت البآب .. حتى تركض بكل قوتهآ وتضربه بالعصآ مع ظهره .. طآح على الأرض يصرخ مآيدري شاللي جآآه .. وهي من قهرهآ .. من ألمهآ .. من بيعة أبوهآ لهآ رآح تكسره .. تعلمه كيف يشتري بنآت النآس .. بكت وهي ترفع العصآ وبسرعه لف لهآ وتصدى لضربتهآ بيده .. سآره تشآهق : أنآ حعلمك أزآي تشتريني .. أنـتآ مين أصصلن مين يآحقيييير عمر صرخ بوجهآ من قو العوآر : عمر يآمجنونة .. حست بصوته يهزهآ .. وعلى طول نزلت العصآ .. رمتهآ وهي تشوفه منحني وحآضن يده بقوة .. سآرة أنهآرت تبكي من الفرح : عمر .. أنآ .. أنآ عمر يرفع رآسه وبصرخه : مش عآوز أسمع صوتك .. سآرة أنحنت له : والله مآعرفتك .. مآآعرفتك .. عورتك أنآ ..؟ دفهآ بكل قوته بعيد عنهآ مآعآد يتحمل أي شي منهآ ... خلاص هالبنت ممكن تجيب أجله في يوم ... مآيبي منهآ شي بس يبي شي يبين بعينهآ .. حس بدمه يفور وبسرعه وقف رغم أنه ظهره مو قآدر يحركه والضربه جت مبآشرة عليه .. رآح يمشي لسيآرة رآجع وهو يلوم نفسه .. وش ألي مخليه يآخذهآ للبحر كآن رمآهآ فالبيت وأرتآح .. غبيه .. مآعرفته .. !!! عض على شفآته ووقف من العوآر وهي قآمت تركض .. تلحقه .. مو مصدقه أن ألي تزوجهآ هو عمر .. أيه عمر .. بعد كل شي سوته .. أنقذهآ .. وقفت ورآه .. تحركت بسرعه حتى توقف قبآله .. مسكت يده بهدوء ومن بين شهقآتهآ سآرة : والله مآعرفتك ... أسسفه عمر بالعآفيه يتكلم : أنتي مش عآيزة تفهمي ليه ..مش عآوز أشوفك ولا أسمع صوتك سآرة رفعت أيديهآ وبكت : ووالله ... مآعرفتك .. مد يده وبقبضه من بين أصآبعه سحبهآ مع عبآيتهآ بقسآوة.. أنفجر غضب وهالبنت عن قريب بتخليه مجنون ... جرهآ صوب السيآرة ورغم الوجع ألي فيه فعلا مآعآد هو طآيقهآ .. رمآهآ دآخل السيآرة وصرخ .. عمر : مش عآآآآوز أسمع صوتك ... أبعد عن البآب وبأقوى مآعنده سكره ... سحب جوآله من جيبه وهو يحس بظهره تقول مقسوم نصين ... رفع يده وقآم يتلمس ظهره من ورآ .. قبل شوي كآن يمثل أنه عجوز وهالحين خلته تقول عجيز مو قآدر يتحرك ... دق على رقم وبلهجه فرنسيه .. عمر وهو يبي يصبر روحه : أبعث لي سيآرة حالا ... أرجوووك وقفت سيآرة وعلى طول صد بعيونه .. تسآند بيده على السيآرة وأنحنى على خفيف .. كملت .. هو ورآه كل مآ توهق بشي تحآذفت عليه المشآكل من كل صوب ...!! وزيآدة أمه هذي ترآقبه .. زين أنه أكتشف بهالشي ... فتحت أمه البآب ألي ورآ ونزلت بسرعه جآيه له .. مآري : أتعتقد أن بأمكآنك أخفآئهآ عني ..( سكتت وطالعت بولدهآ بخرعه ) مآذآ بك لمآ تبدو بهذآ الشكل الغبي ,,, عمر طالع أمه بعصبيه : ولمآذآ أقوم بذلك .. لست خآئفآ من شئ .. مآري رآحت صوب السيآرة وبسرعه فتحت البآب حتى تسحبهآ غصب : أخرجي أيتهآ الحقيرة .. عمر رفع صوته : مآمآ .. عودي للمنزل فأنآ لست بحالة مزآجيه جيده الأن .. وزوجتي أبتعدي عنهآ .. سآرة بخرعه تطلع من السيآرة : ........ مآري ترمي عبآيتهآ بقرف : أووووه ... فعلا لا أستطيع التحمل .. عمر من عوآر ظهره تمآيل على السيآرة أكثر : ................. سآرة تتحرك صوب مآري.. حآولت تكون نبرة صوتهآ ثآبته وبنيتهآ ترقع ألي سوته معهآ فالمطآر : آآسفه مو قصدي ألي سويته لج .. مآري قآمت تطالع عيونهآ ومسرع مآبعدت : ............... سآرة تأشر لعمر وبرجآ : قولهآ ..ألي قلته .. ترآ فيهآ سوري .. وأذكر فيهآ أي آآآم .. عمر صآر يضرب يده بقوة على السيآرة : ............. < < < كــــــــــــــــت لقآئنآ سيتجدد يوم الأثنين .. ألى الملتقى بأذن الله .. | ||||||||
|
| |
|
23-10-12, 12:29 AM
| #308 | |||||
| نجم روايتي وكاتبة في منتدى الروايات والقصص المنقولة 
| السلام عليكم ورحمة الله وبركآته .. يآآآآلله على ردودكم ألي تشرح الصدر .. ياااالله على هالتواجد ألي وربي لو بكلمة بس رفع لسمآآ ... ربي مآيحرمنني منكم أبد أبد .. الوقت هالأيآم يسرق مني أشيآآء كثيرة منهآ وهذآ أسآسآ وآجب علي أوقف على كل رد وأرحب في من توآجد بالرد ومن حلل وعلق ... السموحة يالغاليآت ... أشوف بالردود مطآلبآت كثيرة في أن ليليآن تبقى في الصدآرة مع لافي .. وأني أخلي تغريد تخرج من دآئرة الضوء .. ومنكم يرفض أصلن أن تغريد تظل على ذمة فهد .. وفي منكم أعتلت ردودهآ فكرة أن ليليآن أحسن لهآ تنسحب من حيآة لافي ... ومنكم حسيت بصمتها انها عايشه صرآعآت الأبطآل .. ^ ^ ...وضايعه في تقدير الأوضآع .. بس يالغوآلي .. هالحين ليليآن تمتلك أكبر حقآيق موجعه لهآ .. الأسرآر ونكشفت .. وبعض خيوط الأسئله أمتلكتهآ الجآخور وعرفت أسمه وملكية لافي وموقعه ... تتوقعون يزيدهآ جنونهآ جنون تعرف لشنو فهد ملكه ... وشنو بتكون ردة فعلهآ حزتهآ .. الأجودي وعرفته ..<< هل بتختلف مقآييسهآ في البحث عن مآضي جمعه بزوجته .. ولابيكون في شي يقلب مقآييس الأشيآء عندهآ ... سبق وذكرت أن الحيآة بين فهد وليليان بتكون تحت رحمة اربع شخصيات .. ^ ^ .. لاتستبقون الأحدآث ... مشوآرنآ طويل .. يمكن بالأخير تبقى تغريد مع فهد وليليآن تشوف طريقهآ ... وممكن العكس وممكن مآحد يظل معه << وحدة تبي تحرق أعصآآبكم ... لبى قلوووبكم واللله .. أحبكم ولا تلوموني بهالحب .. ع فكرة الشبكة عندي حدهآ زفت .. بالعآفيه نزلت ردي وأنآ ملزومة أنزل بمنتدى أثنين ... حوآالي 5 أو 4 الفجر راح أدخل وأنزل لكم البآرت .. طبعآ بيكون موعد البآرت القآدم يوم الثلاثآآء ... ^ ^ لأني عآرفه نفسي مآرآح أفضى أبد .. كل عام وانتم بخير .. ولاتنسون بهالأيآم المبآركة الأكثار من التكبير والأستغفار وقيآم الليل ... وألي تقدر لاتفوت يومهآ بدون صيام ... أختكم .. الكريستال | |||||
|
| |
|
23-10-12, 02:59 AM
| #310 | ||||||||
| مراقبة عامة ومشرفة منتدى الروايات المنقولة
| السلام عليكم ورحمة الله وبركاته ياهلا وألف مرحب كرستو منوره المنتدى يالغاليه بارتين رووووووووووعه تسلم يمينك فهد (لافي ) سحبت الشيخه منه لأنه قهرني بتصرفه مع تغريد مستقوي على مره ولابعد يخدرها ويضربها كنها تقدري توقف بوجهه وهي صاحيه قال مايبغى يشوفها تتألم لا حنون الأخوأجل اللي تسويه فيها ويش تسميه والله تصرفك ماهو تصرف رجال ولا له علاقه بالشيخه واللي يشوفه يقول تغريد مسويه أكثرمن تخليها عنك ياخي خلاص من عافنا عفناه وإنت ماقصرت تركتها معلقه فتره لاكن إنت حقود وأحقد من جمل هذا وإنت تحب تغريد سويت فيها هذا كله أجل لو عرفت إن ليليان هي اللي أنقذتها وإتهمتك وش راح تسوي فيها أكيد ماراح ترحمها والله العالم إنك راح تخسر الثنتين تغريد وليليان تغريد أضمن لك إنها ماراح تسامحك وتغفر لك اللي سويته فيها بتصرفك شفيتها من حبك هذا لو كتب الله لها حياه وعرفت سبب تخليها عنك وحاولت ترجع لها ليليان ضايعه بين حبها لفهد ومعرفتها لحب فهد لتغريد أكيد بتحاول معرفة سبب شراء فهد للجاخور ولو عرفت عن أخذه لتغريد راح تفهم إنه يحبها وتشك إنه أخذها للجاخور ماأدري حاسه إن أم تغريد راح توصل لليليان إن فهد أخذ تغريد حتى تغيضها أما عن ردت فعل ليليان يا إما تكره فهد وتسلم بالخساره أو تحاول تكسب فهد وتتغير ساره & عمر أعتقد ساره أخذت درس خلاها تعرف قيمة عمر لكن عمر مازال شايل عليها بسبب تصرفها وكلامها اللي قالته له لكن راح يرجعها لأمها حاليا الحياه بينهم صعبه لكن أتوقع راح تتغير الأمور بينهم وأم ساره راح يكون لها دخل في تغييرها طلال أعتقد سبب غضبه وخروجه من غير ما يقابل مريم إتصال سالم به أكيد أمه خبرته بكلام الجوهره الجده ما أدري كيف تفكر مره تقرب ليليان من فهد ومره تبعده عنها ومازالت موافقه على إن زواجهم يكون بالسر أم تغريد أتوقع راح تعرف من خدامتها بالكلام اللي قالته لها خدامة الجده عن ليان وأكيد ماراح تسكت وراح تستغل الوضع لصالحها أتوقع ويمكن تتفق مع الخدامه وتستغل حاجتها للفلوس هذا إذا ما أستغلها سامي قبلها حتى يوصل لليليان منتظرينك كرستو بفارغ الصبر | ||||||||
|
| |
 |
| أدوات الموضوع | |
| انواع عرض الموضوع | |
|
|
452Likes
.png)
.png)
العرض العادي
