11-08-12, 03:19 AM
| #41 | |||||||||
 
|  اقتباس:
الله يسلمك ان شاء الله البارت راح ينزل بعد شوي | |||||||||
|  |
|
11-08-12, 06:18 AM
| #42 | ||||||||
| بسم الله الرحمن الرحيم البارت التاسع في بيت عائلة راكان الساعة 4 العصر ابو راكان كان عنده شغل و ام راكان كانت البيت للظيوف الي راح يجونهم و راكان و سمر و غاده كانو جالسين في الصاله ام راكان تدخل الصاله و شايله قهوة ام راكان : سمر تعالي شيلي القوهة من يدي وديها الصاله الخارجية سمر قامت : ان شاء الله يمه غاده : و انا يمه ام راكان : و انتي شنو ؟ غاده : وش اسوي ؟ ام راكان : تعالي خذي البخور ودي الصال الخارجية غاده قامت تركظ : ان شاء الله يمه ام راكان : شوي شوي لاطيحين راكان : من جد بناتك هبال ام راكان : اترك بناتي في حالهم راكان : ههههه ان شاء الله ماتبين شي اجيبه لك ؟ ام راكان : لا ودخلت سمر ام راكان : سمر روحي بدلي الحين الظيوف بيدخلون سمر : ان شاء الله وطلعت سمر و ام راكان راحت اتكمل شغلها وقفها صوت غاده : وديته يمه ام راكان : انزين الحين اطلعي بدلي لان الظيوف بيجون الحين غاده : ان شاء الله وشوي رن جوال راكان راكان : الو هلا ريان ريان : افتح الباب انا واقف راكان : انزين وراح فتح ريان يكلم اخواته : يلا انزلو انا مع راكان بالبيت لاخلصتو قولولي لينا : ان شاء الله ونزلو البنات و دخلو الصاله راكان و ريان دخلو الصاله الخارجيه في نفس الوقت ام رامان دخلت الصاله و كانت شايله البخور وحطته على الطاوله الي في الصاله وشافت البنات ام راكان : هلا هلا بالي جا اماني : هلا خالتي ام راكان : اهلين فيكم اتفظلو اجلسو لينا و اماني جلسو في الصاله لينا : خالتي ام راكان : نعم لينا : وين سمر و غاده ؟ ام راكان : فوق .... وجات تبي تتكلم طق الباب ام راكان : لحظة بروح اشوف من اماني : اتفظلي خالتي خذي وقتك ام راكان وهي تطلع من الصاله : خذو راحتكم البيت بيتكم لينا : تسلمين خالتي ام راكان فتحت الباب لقت ام سالم ام راكان : هلا بام سالم هلا تو مانور البيت ام سالم :منور بهله ودخلو الصاله ام سالم : السلام عليكم اماني و لينا : وعليكم السلام ام راكان : سمر و غاده للحين مانزلو ؟ اماني : لا خالتي ام راكان : انزين اطلعو لهم يمكن مايدرون انكم مني اماني و لينا : ان شاء الله وطلعو البنات و ظلو ام سالم و ام راكان ام سالم : اقول ام راكان منو هذولين ؟ ام راكان : هذول صديقات بنيتي اعتبرهم مثل بناتي ام سالم : ماشاء الله شحليلهم حلوين شنو اساميهم ام راكان : اماني و لينا ام سالم : وهم كم اعمارهم ؟ ام راكان : اماني عمرها 16 و لينا 18 ام سالم : ما شاء الله الله يطول في عمرهم مو لينا قد سمر ام راكان : ايه ام راكان حبت اتغير السالفة : ام سالم انتي جيتي لحالك ؟ ام سالم : لا جيت مع ولدي و رجلي وهم مع راكان بالصاله ام راكان : ايه وفي هاي اللحظة نزلو البنات سمر كانت لابسة برمودا اسود و فنيلة نص كم ابيظ و فيها رسمه فراشة بالاسود و كانت لابسة شوز رياظي لونه ابيظ على اسود و شعرها تركته مفرود غاده كانت لابسة برمودا اسود و فنيله حفر لونها وردي و لابسة فوقها جكت اقصير لونه اسود و شوز رياظي لونة اسود على وردي و شعرها تركته مفرود بس حاطه شريط حول شعرها اماني كانت لابسة بنطلون اسود و فنيله رمادي و شوز رياظي و تركت شعرها مفرود لينا كانت لابسة مثل اماني بس شعرها لامته ام سالم : بسم الله ماشاء الله عين الحسود فيها عود البنات كانو واقفين جمب بعظ عند الباب ام راكان : ادخلو سلمو على ام سالم البنات دخلو و سلمو عليها و جلسو بعيد عنهم ام سالم : هلا بسمر هلا بزوجة ولدي سمر عصة بس مسكت نفسها عشان امها وردت من دون نفس : الحمد لله البنات استغربو بس مابينو ام راكان انتبهت على بنتها و اتكلمت مع ام سالم عشان اتغير الموظوع عند البنات لينا بصوت واطي : يعني انقول مبروك اماني : ان شاء الله تتهنو غاده زعلت منها لنها ماقالت لها : متى انخطبتي و ليش ماقلتيلي سمر عصبت منهم : اشوي اشوي خلوني اعرف ارد اماني : قولي سمر : لا تقولون مبروك و ان شاء الله مانتهنى و انا اساساً ما انطبت عشان تزعلين البنات شهقو بصوت عالي ام راكان : اشفيكم غاده : ولا شي يمه سمر : يمه احنه بنطلع فوق تبين شي ؟ ام راكان : لا مابي طلعو البانت و جلسو في غرفة سمر لينا : ها كملي غاده زعلت ماتبي تتكلم معاها اماني : قولي من البداية سمر : ام سالم تعرف امي من زمان من كم يوم امي جاتني قالتلي ام سالم تبيك حق ولدها انا رفظت بس و اليوم الي بعده اخوي جاني و كلمني في نفس المظوع و رفظته اخوي قالي ليش قلتله ابي اظل فبيت اهلي وبس و هي مادري ليش امصره علي تبيني حق ولدها و انا مابي لاهو ولا غيره بس هذا الحصل لينا : اها غاده ماردت عليها و كانت زعلانه سمر حست عليها وكان تبي تراظيها بس مب الحين : خلاص غيرو الموظوع <<<<<<< انروح عند راكان راكان كان جالس ومعا ريان و ابو ريان و ابو سالم و سالم راكان عرف ابو سالم و سالم على ريان و ابو ريان ابو سالم : راكان للحين تدرس ولا اشتغلت راكان : لا للحين ادرس ابو سالم : وانت ريان ؟ ريان : للحين ادرس ورن جوال راكان راكان طالع التلفون : هلا حمد حمد : هلا ابيك توصفلي البيت راكان : ايه لمى توصل الشارع الرئيسي روح ......... و وصفله البيت وقفل منه ريان : منو هذا راكان : هذا حمد اتصل عشان اوصفله البيت ريان : ايه راكان : عمي <<<< بقصد ابو ريان ابو ريان : سمي راكان : سم الله عدوينك الحين صديقي راح يجي و معاه ناس يقربونله ابو سالم : هلا فيهم و دخل ابو راكان و شافهم ابو راكان : السلام عليكم الكل : وعليكم السلام ابو راكان : هلا هلا بمن يانا <<<< بقصد ابو سالم و سالم و ابو ريان و ريان ابو سالم : هلا فيك وجلس ابو راكان جمب ولده راكان : يبه ابو راكان : سمي راكان : سم الله عدوينك الحين صديقي راح يجي و معاه ناس يعرفهم يبون يتعرفون عليكم ابو راكان : هلا فيهم ابو راكان : ريان شلونك ؟ ريان : الحمد لله و انت عمي عساك بخير ؟ ابو راكان : الحمد لله دامكم حولي ريان : ان شاء الله دايمن حولك لين ماتمل منا كلهم ظحكو و جوال راكان رن راكان : الو هلا حمد حمد : انا برا البت افتحلي الباب راكان قفل منه وقال وهو طالع : حمد برا بروح افت الباب وراح فتحه وسلم عليهم و دخلهم حمد و ابو محمد و محمد : السلام عليكم الكل : وعليكم السلام ابو راكان : هلا بمن يانا اتفظلو البيت بيتكم وجلسو راكان : يبه هذا حمد صديقي ابو راكان : هلا حمد اشلونك ؟ حمد : ابخير و انت عمي ؟ ابو راكان : الحمد لله ابو ريان كان يفكر وين سامع الاسم من قبل راكان : وهذا ريان تعرفه و هذا ابو سالم و هذا و لده سالم << و يئشر على كل واحد فيهم حمد : هلا فيكم كلكم كلهم : هلا فيك حمد : وهذا ابو محمد و هذا ولده محمد الك : هلا فيكم ابو ريان تذكر وين شافه : حمد حمد : هلا عمي ابو ريان : ابي اسئلك شي بس مابيك تزعل حمد : لا عمي مافي زعل ولا شي انت بمثابة ابوي ابو ريان : الله يحفظك انا كئني شايفك بمكان ؟ الكل استغرب حمد : يمكن عمي ابو ريان : انا متذكر اني شايفك بمكان حمد : صراحتاً انا متذكر ابو ريان : ايه تذكرت يوم كنت انا و ولدي في السوق نشتري و لقينا طفله صغيره ظايعة و سئلتك عنها <<<<<<<< نرجع ورا شوي في المول كان ابو ريان و ريان لقو البنت و يدورون فيها عشان يرجعونها ابو ريان وقف قدام واحد : لو سمحت الشاب : هلا عمي ممكن اساعدك بشي ؟ ابو ريان و هو يئشر على البنت الصغيررة : هذي البنت انا لقيتها و كانت ظايعه تعرفها او تعرف اهلها ؟ الشاب : لا عمي ابو ريان : مشكور ياوليدي ماقصرت وكان يبي يمشي بس وقف بصوت الشاب : عمي ابو رايان: هلا الشاب : انا اسمي حمد و هذا رقمي لو تبي حد يساعدك و يدور عليها معاك او تبي اي شي اتصل فيني في اي وقت ابو ريان اخذ الورقة : شكراً ياولدي ماتقصر و انا اسمي ابو ريان و هذا ولدي ريان حمد : الله يحفظه لكم و يساعدك تلقى اهل البنت ابو ريان : آمين ابو ريان : و بعدين انا رحت دورت على اهلها بس مالقيتهم وديتها للشرطه الي في المول وحطيت رقمي عندهم و بنفس اليوم اتصلو فيني قالولي تعال خذها خلها معاك او ودها لدار الايتام بس انا خذيتها وحطيتها عندي و ربيتها مع عيالي و كئنها بنتي و هي الحين معاي جبتهم مني عشان صديقاتهم بنات ابو راكان ابو محمد كان يراقب الموظوع و يركز في كل شي محمد ماكان مركز و الباقي مو فاهمين شي و راكان و ابو راكان يحاولون يعرفون منهي اماني ولا لينا <<<<<< عائلة راكان يعرفون اساميهم لانهم كانو يظلون معاهم ايام الامتحانات حمد : ايه تذكرت انا كنت منتظرك تتصل علي بس مافي اتصال و في نفس اليوم اتعرفت على ابو محمد الي جاني كان يسئل عن بنته الظايعة و عطيته رقمي عشان اساعده و رديت البيت و اتذكرت اني ماخذيت رقمك حاولت اوصلك بس ماقدرت ابو محمد حس انه في امل تطلع هي بنته : وينها البنت ؟ ابو ريان : مو جوده مع بنات ابو راكان ابو محمد : انا ابوها انا الكل كان منصدم و ابو سالم نسى الموظوع الي جا عشانه ابو ريان شك في الموظوع : بنت وش اسمها ؟ ابو محمد : اماني عبدالله ابو ريان شك انه تشابه اسماء بس ماتوقع : عندك صوره الها و هي اصغيره ؟ ابو محمد : لا ماعندي الحين الصور كلها في البيت ابو ريان : لانه انا لقيت معها شنطه فتحتها لقيت صورتها وهي اصغيره محمد : اتفظل عمي انا معاي صورتها ابو ريان خاف اتكون هي اخذ الصوره وطلع الصورة الي كانت عند اماني لما اخذها : هي نفسها ابو محمد : الحمد لله يارب لقيتك يابنيتي ابو ريان : ابي منك طلب يا ابو محمد ابو محمد : اطلب تبي فلوس بعطيك تبي اي شي بعطيك ابو يان : لا تسلم مابي فلوس بس لمى حطيتها في شرطة المول قالولي لو لقيت ابوها جيبها لنا عشان نتئكد من انه ابوها و بعدين لو طلع ابوها يقدر ياخذها في اي وقت تتفقون عليه ابو محمد : الله يسلمك انزين يلا انروح الحين ابو ريان : لا خلها يوم ثاني عشان ماتخاف ابو محمد : يعني هي ماتدري انك مو ابوها ؟ ابو ريان : لاتدري بس ابي اقوللها اني لقيت ابوها و اخليك تيجي عنا البيت و اتشوفها و انوديها المستشفى انسوي لكم تحاليل ابو محمد : ماعلي ننتظر و اخذ ابو محمد و ابو ريان ارقام بعظ و الكل مو فاهم شي ابو سالم : يلا احنه بنوكل ابو راكان : ليش للحين بدري خلكم معانا ابو سالم يدور على تصريفه : لابنمشي لانه عنا مشوار ثاني ابو راكان : ايه انزين وجا يبي يقوم ابو سالم : و الله ماتقوم اندل الطريق ابو راكان : ايه انزين يلا في امان الله الكل : في امان الكريم ابو سالم سالم : اتصل على امك خلها تطلع سالم اتصل على امه و راحو البيت ابو محمد : يلا و احنه كمان بنتوكل ابو راكان : ليش للحين بدري ابو محمد : لا بس ثقلنا عليكم اليوم ابو راكان : ولا ثقلتو علينا ولا شي ابو محمد : خلها مره ثانيه ابو راكان : انزين خذ هذا رقمي خلنا على اتصال ابو محمد اخذ رقمه وعطا رقمه و طلع واخر شي ظلو ابو ريان و ريان و ابو راكان و راكان ابو راكان : ابو ريان وش الي صار الحين ابو ريان : وش ابو راكان : الكلام الي انقال عن اماني ابو ريان : ايه انا اقولك في يوم ............ وقاله عن القصه كلها ابو راكان : و الحين بترجعها له ؟ ابو ريان : لو طلع فعلاً ابوها وهي رظت ترجع برجعها بعد ماتدري انه ابوها بصير القرار لها تبي تظل عندي تبي اتروح عند ابوها الي تبي راح يصير ز ماحد راح يغصبها على شي و انا دايماً بابي مفتوح لها اتجيني في اي وقت تبي ابو راكان : ايه ان شاء الله يصير خير و الحين بس الله يعين لينا لو بتروح و تتركها ابو ريان : ايه و الله ريان دق جواله ريان : الو اماني : انتو موجودين هني ولا طلعتو ريان : هني ليش ؟ اماني : لانا خلاص نبي نرجع ريان : خلاص بس انصلي المغرب لانه الحين راح يئذن اماني : اوك وسكرو ابو ريان : مين هذي ؟ ريان : اماني ابو ريان : وش تبي ريان : اتقول انهم يبون يروحون ابو ريان : ايه خلاص انصلي و نتوكل ريان : ايه قلتلهم و اذن المغرب و الكل راح يصلي ورجعو ابو ريان على طول دخل السياره وريان اتصل على اخواته و نزلو وراحو البيت نهااااااااااااااااااااااا اااية البارت توقعاتكم شنو راح يصير ؟ هل اماني بتقبل اتسوي التحليل ولا لا ؟ لو درت انه ابوها هل راح اتروح معا ولا راح اتظل مع ابو ريان ؟ | ||||||||
|
| |
|
13-08-12, 02:09 AM
| #47 | ||||||||
| بسم الله الرحمن الرحيم البارت العاشر في بيت ابو ريان كانو جالسين بالصالة يسولفون ابو ريان : اقول متى شهاداتكم ؟ لينا : بعد اسبوع ابو ريان : نبي درجات ترفع الراص اماني : ان شاء الله ام ريان كانت سرحانه و باين عليها التعب ريان انتبه عليها ريان : يمه ام ريان : ..... ريان : يمه ام ريان : .... لارد ريان : يبه وشفيها امي ماترد ابو ريان : مادري ابو ريان قام و جلس جمبها ابو ريان هز كتفها و قال : سلوى اشفيك ام ريان انتبهت وقالت بصوت مبحوح : ها مافيني شي اماني : يمه اش صار لصوتك ام ريان : مافيني شي لينا : يمه ترا يبين على صوتك انه في حد غاصبك على الكلام ام ريان : خلاص مافيني شي تعب و بروح ابو ريان حط ايده على جبهتها : ترا حرارتك عاليه ريان : يلا انوديها على المستشفى ام ريان : لا مابي مافيني شي ابو ريان : ريان قم جهز السيارة و وحده فيكم اتروح اتجيب عبايت امكم لينا : انا بجيبها ريان : ان شاء الله يبه طلع ريان يجهز السيارة و لينا راحت اتجيب العباية بعد شوي لينا نزلت : وهاي العباية ريان دخل : يبه السيارة جاهزة ابو ريان : يلا خذي العباية البسيها ام ريان : ماله داعي مابي ابو ريان : يلا قومي و اسمعي الكلام ام ريان لبست العباية و راحو المستشفى <<<<<<<<<< في بيت ابو راكان كانو جالسين بالصالة سمر : يبه طلبتك ابو راكان : وش تبين سمر : قول انك موافق ابو راكان : اعرف الطلب اول سمر : ماراح قول لين ماتقول موافق ابو راكان : موافق خير وش تبين ؟ سمر : نبي نطلع المزرعة ابو راكان : ليش وش عندكم ؟ سمر : يبه من زمان عنها نبي انروح وبعدين خلصنا المدرسة غاده : ايه يبه مانبي نجلس مني ترا ملينا و مافي شي انسوي ابو راكان : عندي شغل ظروري سمر بوزت : بس يبه من زمان مارحنا ابو راكان : لا راكان : يبه لو تبي انا باخذهم ابو راكان : قلت لا غاده : يبه لش دايماً لمى نبي نطلع تقول عندي شغل ابو راكان : لانه عندي شغل غاده : ترا احنه عيالك مفروظ انكون اهم من شغلك ابو راكان عصب : وش تقصدين ؟ غاده : انت اتحب شغلك اكثر منا و دايماً مو فاظي لنا قول انك ماتحبنا ام راكان : غاده اشوفك طولتي لسانك على ابوك غاده وهي اتصيح : ماكنت اقصد بس شكله كلامي صح وطلعت على غرفتها و هي اتصيح سمر : يبه انا اسفه ابو راكان : ...... سمر دمعت عينها : يبه الله يخليك لاتزعل مني ادري انا السبب ترا ماقدر على زعلك ابو راكان : ...... سمر حبت راص ابوها و هي اتصيح جات تبي تمشي بس وقفها ابوها و هو يمسك يدها ابو راكان هدا : ليش اتصيحين ؟ سمر : لاني اعتذرت منك بس انت مارديت علي و انا ماقدر اشوفك زعلان ابو راكان : طيب انا مو زعلان سمر : جد ابو راكان : ايه سمر حبت راصه : احبببببببببك يبه ابو راكان : و انا اكثر سمر : يبه يعني مافي امل انروح ابو راكان : لا سمر قامت وتبي اتروح على غرفتها : طيب ابو راكان : وين سمر : على غرفتي ابو راكان : انزين ام راكان : يا محمد الله هداك ليش ماتبي اتوديهم ابو راكان : عندي شغل وطلع ابو راكان على غرفته ام راكان : راكان وش فيه ابوك ترا متغير راكان : مادري يمه ام راكان : انزين انا بقوم اشوفه راكان : اوك انا بظل هني ام راكان : انزين وراحت لغرفتها ام راكان اتسكر الباب : محمد وش فيك ابو راكان : وش فيني ام راكان : البنات ماقالولك شي غير انه طلبو منك انروح للمزرعة ابو راكان : .... ام راكان : فعلاً كلام غاده يعصب بس فعلاً هاي الايام صرت وايد مشغول وماتجلس معاهم ابو راكان : انتو لازم اتخربون علي ام راكان استغربت : مافهمت ابو راكان : انا ادري اني ماصرت اجلس معاكم كثير ودايماً مشغول فحبيت اسويلكم مفاجئة و نهاية و يوم الاحد اوديكم المزرعة ام راكان : انزين وش الي كان شاغلك ؟ ابو راكان : كنت اجهز حفلة لنجاح عيالك ام راكان : ها ابو راكان : وش الي ها ام راكان : انت اتكلم جد نجحو كلهم ابو راكان : ايه ام راككان : بس اشلون دريت شهاداتهم تطلع نهاية الاسبوع ابو راكان : رحت مدرسة بناتك و طلبت منهم شهاداتهم قالولي مايصير تاخذها لازم البنات الي يستلمونها نهاية الاسبوع قلتلهم اني مابي اخذها بس ابي اشوفها ابي اسويلهم مفاجئة لنجاحهم لو كانو ناجحين ام راكان : و اعطوك اتشوفها ؟ ابو راكان : ايه و بعدين طلعت على جامعة راكان وسيت نفس الشي وطلعو كلهم ناجحين ام راكان : انزين كم معدلاتهم ؟ ابو راكان : ماراح اقول ام راكان : ليش ؟ ابو راكان : شوفيها لمى يجيبونها ام راكان : انزين بس اكيد هم ناجحين ابو راكان : ايه ام راكان : الحمد لله ابو راكان : ايه ولا تقولين لاي حد منهم على المفاجئة لو دريت انهم عرفو قبل مايستلمون شهاداتهم راح الغي الحفلة وراح اتظلون بالبيت لين نهاية الاجازة ومحد راح يشوف شي ام راكان : ان شاء الله <<<<<<<< في غرفة سمر سمر كانت جايبه هديه عشان اتراضي فيها اختها على الي صار سمركانت جالسه و في حظنها الاب مالها الي امها ردته لهم مع اخر يوم امتحانات اتذكرت هديت اختها وهي اتعرف انها لمى اتكون زعلانة تفتح ايميلها و اتكلم صديقاتها سمر فتحت ايميلها وشافت غاده فاتحه مثل ما اتوقعت كلمتها ليه صار " الحزن " دايم محتويها .... ! ( توبيك سمر غيرته الحين عشان اختها ) گل آلحگآيآت آلقديمه خُـرآفه ! بگره بـ تسمع شيْ مآيۉم قلنآه ! ( توبيك غاده اتحط التوبيك الي يعجبها ماتغيره عشان شي محدد ) ليه صار " الحزن " دايم محتويها .... ! : الحلو للحين زعلان ؟ گل آلحگآيآت آلقديمه خُـرآفه ! بگره بـ تسمع شيْ مآيۉم قلنآه ! : وش تبين ؟ ليه صار " الحزن " دايم محتويها .... ! : افا لاني احبك وجايه اراظيك اتسوين فيني جي لا انا زعت خلاص باخذ الهدية لي گل آلحگآيآت آلقديمه خُـرآفه ! بگره بـ تسمع شيْ مآيۉم قلنآه ! : اي هديه ليه صار " الحزن " دايم محتويها .... ! : مالك دخل گل آلحگآيآت آلقديمه خُـرآفه ! بگره بـ تسمع شيْ مآيۉم قلنآه ! : سمور تكفين شنو الهدية ليه صار " الحزن " دايم محتويها .... ! : تبين تدرين تعالي غرفتي گل آلحگآيآت آلقديمه خُـرآفه ! بگره بـ تسمع شيْ مآيۉم قلنآه ! : انزين وعلى طول طارت غاده من غرفتها ثانيتين دق باب غرفه سمر سمر تظحك : ههههههههه ادخلي غاده دخلت وسكرت الباب : اشفيك تظحكين ؟ سمر : على هبلك قلنا في هديه على طول ناطه ماكملت خمس ثواني لقيتك عندي غاده زعلت : مابي هديتك خليها لك جات بتطلع سمر مسكتها : تعالي انتي ماتصدقين على طول تزعلين غاده : اتركيني بروح سمر زعلت من غاده : قبل لاتطلعين خذي و اعرفي لو في يوم صار شي في حياتي راح اتكونين اول حد يدري وخذي وعد مني ولمى تطلعين سكري الباب وراك غاده اخذت الهدية وجات بتطلع : مشكورة وطلعت غاده وسكرت الباب ورجعت غرفتها وسكرت الباب شافت العلبة العلبة كان لونها اسود وفيها شريط احمر وفي نص الشريط كان في قلب فتر الشريط بشويش عشان ماينقطع وفتحت العلبة كان داخل العلبة سوار فظي وفي قلب نازل منه وكان في القلب مكان مفتاح حاولت تفتح القلب بس ماقدرت و انتبهت انه في ورقه فتحتها الورقة كان مكتوب فيها انا اسفه بس انا ماكنت ابيك تعرفين شي ماراح يصير بس وعد مني من الوقت الي اتشوفين في الرسالة انه اي شي يصير معاي اتكونين اول وحده تعرفينه غاده دمعت عينها وراحت عند سمر فتحت الباب من غير ماطق وحظنت اختها بقوة سمر : بسم الله وش فيك غاده : احبببببببك سمر : و انا بس ليش اتصيحين ؟ غاده : انا قبلت اعتذارك سمر : اكيد غاده : ايه سمر : فتحتي القلب ؟ غاده : لا ماقدرت افتحه سمر :لحظة وطلعت علبة مثل الي عطتها لغاده وطلعت منها مفس السوار بس مكان القلب مفتاح سمر : شايفه هالمفتاح ؟ غاده : ايه اشفيه ؟ سمر : المفتاح ذي هو الي يفتح القلب غاده : جد سمر : ايه الحين ماودك تعرفين وش داخل القلب ؟ غاده : ايه سمر : خذي غاده اخذت المفتاح وفتحت القلب داحل القلب كان محفور احبك و الجهة الثانيه مكتوب سمر غاده : واااااااااو شكراً سمر : عفواً وجلسو يتكلمون و يظحكون <<<<<<< في المستشفى في غرفة الدكتور ابو رايان : ها وش فيها ؟ الدكتور : مبرووووك ابو ريان : مبروك على شنو ؟ الدكتور : مراتك حامل ابو ريان : تتكلم جد يا دكتور الدكتور : اه مبروك عليكم ابو ريان : الله يبارك فيك الدكتور : مراتك متعرفش انها حامل تحب اقلها بنفسي ولا انته تحب اتقلها ابو ريان : لا انا بقلها الدكتور : ماشي بس قبل ماتروحلها عايزك متعبهاش خالص و محدش يزعلها ابو ريان : ان شاء الله يدكتور الحين نقدر اخذها ولا في شي ؟ الدكتور : لا مفيش تقدر تاخدها ابو ريان : مشكور يادكتور مقصرت الدكتور : ده واجبي وراح الدكتور ودخل ابو ريان الغرفه ام ريان : الدكتور وش قال ؟ ابو ريان : مافيك شي ام ريان : شفتو بس انتو ماتسمعون الكلام ابو ريان يلا نرجع البيت <<<<<<<< في بيت ابو ريان ريان و اماني و لينا كانو منتظرينهم لينا : وش فيهم تئخرو اماني : يابنت خلاص صدعتيني اهجدي الحين برجعون ريان كان ساكت وفي هاي الحظة دخلو ابو ريان و ام ريان ابو و ام ريان : السلام عليكم ريان و لينا و اماني : وعليكم السلام لينا : ها وش صار ؟ ابو ريان : اهجدي الحين بقولكم كلهم جلسو و خايفين يكون في شي ابو ريان : في ظيف راح يجينا و راح اتحبونه بس راح ننتظره شوي كلهم استغربو من كلامه ام ريان فهمته اماني : يبه مافهمنا شي ريان : يبه وش دخل الظيف بروحتكم على المستشفى ؟ ابو ريان : راح ينظم فرد اجديد للعائلة اماني : يبه تتكلم جد لينا :راح يصير عنا اخو او اخت اجداد ريان قام وحب راص امه : مبروك يالغاليه ام ريان : الله يبارك فيك ابو ريان : يلا يا سلوى اطلعي ارتاحي ام ريان : بس انا مو تعبانه ابو ريان : الدكتور قال لازم ترتاحين ام ريان : بس ماني تعبانه ابو ريان : لا مافي حتى لو مو تعبانه لازم ترتاحين ام ريان : امري لله وطلعت ام ريان لغرفتها و نامت ودق تلفون ابو ريان طالعه بس ماعرف الرقم ابو ريان : الو .... : السلام عليكم ابو ريان : وعليكم السلام ... : ابو ريان ؟ ابو ريان : ايه منو معاي ؟ ... : انا ابو محمد ابو ريان : هلا بو محمد ابو محمد : هلا فيك ابو ريان : اقدر اخدمك بشي ؟ ابو محمد : انته بكره طالع ولا موجود في البيت ؟ ابو ريان : لا ماني طالع ليش ؟ ابو محمد : عيل بجيك انا و ولدي نتعرف على العائلة و نتفق وش راح انسوي في موظوع اماني ابو ريان : حياك الله تعال في اي وقت ابو محمد : ماتقصر بس لو مشغول بخليها في وقت ثاني ابو ريان : لا ولامشغول ولا شي ابو محمد : اجل اشوفك بكرة ابو يان : ان شاء الله ابو محمد : في امان الله ابو ريان : في امان الكريم وسكرو من بعظ ابو ريان : يعيال ريان و اماني و لينا : نعم ابو ريان : عندي صديقي راح يجي بكره ابيكم اتجهزون البيت و ريان شوف امك وش ناقصها و جيبه البنات : ان شاء الله ريان : ان شاء الله يبه ابو ريان : يلا انا بطلع انام تبون شي ؟ كلهم : لا ريان : يلا انا كمان بطلع تبون شي ؟ البنات : لا اماني : يلا لينا خلينا انروح بكره ورانال شغل لينا : اوك نهاية البارت | ||||||||
|
| |
|
15-08-12, 10:30 PM
| #48 | ||||||||
| بسم الله الرحمن الرحيم البارت الحادي عشر يوم الاربعاء بيت ابو سالم كانو جالسين بالصالة ام سالم : ياوليدي سالم : نعم يمه ام سالم : وش قلت نخطبها لك سالم : من هي ام سالم : سمر بنت محمد سالم : يايمه البنت اصغيره و اكيد تبي اتكمل جامعتها ام سالم : اصغيره بالسن بس اكبيره بالعقل سالم : ...... ام سالم : انته خذها و اتكمل جامعتها بعد الملكة سالم : يايمه انا مابيها ام سالم : ليش وش فيها البنت كامله و الكامل الله و حلوة سالم : يايمه انا ماقلت شي ام سالم : ياولدي مو هي سمر الي كنت تبيها سالم : ايه بس الحين خلاص ام سالم : ليش وش غير رايك ؟ سالم : يايمه بعد الي صار ما اعتقد راح ترظى فيني ام سالم : ليش ؟ سالم : يا يمه البنت اتفكر اني كنت بموت امها لمى صدمتها بالسيارة ام سالم : بس الحين الحمد لله امها مافيها شي سالم : ايه ادري بس البنت ماتبي اتشيل الفكرة انا صدمتهم بالغلط وفي ذاك الوقت انا ماكنت اعرف من هم كنت لاحق صديقي لانه كان في المستشفى ام سالم : ياوليدي انته وافق و انا بخليها اتغير فكرتها سالم مل من الموظوع و من حنت امه : سوي الي تبينه ام سالم : يعني موافق سالم بملل : ايه ام سالم : مبروك ياوليدي سالم : انا بطلع تبين شي ؟ ام سالم : لا سلامتك ابو سالم نزل من فوق ابو سالم : السلام عليكم ام سالم : وعليكم السلام ابو سالم : انا سمعت صوت سالم وينه ؟ ام سالم : الحين طلع ابو سالم : وين ؟ ام سالم : مادري ام سالم : تعال جلس ابيك بموظوع ابو سالم جلس : خير وش عندك ؟ ام سالم : ابيك تتفق مع ابو راكان عشان تخطب سمر لسالم ابو سالم : الولد مايبيها بالغصب تبين تاخذينها لولدك ام سالم : الحين اتكلمت و قالي موافق ابو سالم : وافق لانك تظغطين عليه ام سالم : الحين صار الي صار ولدك وافق متى بتكلم ابو راكان ؟ ابو سالم : ماراح كلمه ام سالم : ليش ؟ ابو سالم : لانه ولدك مايبغى البنت ليش اتعلقينهم في بعظ وش ذنب بنت الناس ام سالم : انا اقولك كلمهم لانه ولدك وافق ابو سالم : هو وافق لانك غصبتي و انا ماراح اكلم ابو راكان لين ما اسمعها من سالم ام سالم : زين اول مايرجع كلمه ابو سالم : انا بطلع تبين شي ؟ ام سالم : لا سلامتك ابو سالم طلع و ظلت ام سالم لحالها بالبيت <<<<<< انروح في بيت ابو ريان لينا و آماني كانو يجهزون البيت لظيوفهم الي مايدرون منهم ابو ريان ماقالهم ريان طلع يجيب اغراظ لامه لانها تحتاجهم و ابو ريان راح معا اماني كانت اترتب المكان ولينا واقفه في المطبخ اتسوي الي امها اتقولها عليه ام ريان : الحين جهزي القهوة على النار و جهزي الظيافه و وديهم الصاله لينا : يمه شوي شوي علي ما الحق الي اتقولينه ام ريان : وش فيك ترا ماقلت شي كثير لينا : يمه كيف تبيني اتذكر كل هاذا ؟ ام ريان : انتي ليش ماتصيرين مثل اختك تسمع وتنفذ و اعطيها طلبات اكثر منك وخلصت نص البيت و انتي للحين اتسوين قهوة لينا : يمه هي سريعة انا وش اسوي ام ريان : اماني تعالي اماني جات ركظ : نعم يمه ام ريان : اعرف تعبتك معاي بس اختك الخبله ماتبي اتسوي شي تعالي سوي القهوة و حطيها مع الظيافه و وديها الصاله اماني : ان شاء الله لينا : و انا موقفتيني من الصباح عشان اتنادين اماني اتسويها ام ريان : انتي لك ساعة واقفه مني و انا ماشفت القهوة وبعدين القهوة الي اتسويها اماني حلوة لينا : ايه قولي تبين قهوة اماني ماتبين قهوتي ام ريان : هههههههه لا احب قهوتكم خلاص انتي روحي بدلي عشان اتصيرين احلى من اماني راح يكون عندك وقت اكثر تتجهزين فيه لينا مسكينه صدقت كلام امها و على طول طلعت اماني : مسكينه صدقت ماتعرف اني مجهزة لبسي ام ريان : خلها اتروح عني شوي تعبتني صارلي ساعة اعيد لها وش اتسوي اماني : هههههههه ام ريان : يلا يبنيتي خلينا انكمل الظيوف الحين بيوصلون و احنه ماخلصنا اماني : ان شاء الله ريان و ابو ريان دخلو البيت ودخلو الاغراظ المطبخ ريان و ابو ريان : السلام عليكم ام ريان و اماني : وعليكم السلام ريان : يمه هذي الاغراظ الي طلبتيها ام ريان : ايه الله يعطيكم العافيه ريان : الله يعافيك ابو ريان : شلون حبيبي ام ريان احمرت خدودها : لحمد لله ابو ريان : كيف البيبي ليكون امعذبك ام ريان :لا ريان : اماني اماني : نعم ريان : حطي شمعتين حمر و اكل على الطاولة و طفي الظو و خلينا نطلع شكلهم بينسون انه بجونهم ظيوف اماني : هههههههه شكلهم ام ريان : يالي ماتستحون وش ذا الكلام ابو ريان : وش فيكم هذي مرتي ريان : ايه بس غازلها فغرفتكم مو مني ام ريان صارت حمرا من الخجل ابو ريان : يالي ماتستحي ريان و اماني : ههههههههههههههههه و دق الجرس ابو ريان : يلا روح افتح الباب ريان : انزين وطلع فتح الباب كان ابو محمد و محمد و حمد ( ابو ريان وصف له طريق بيته قبل لايجي ) ريان : هلا عمي ابو محمد : اهلين فيك ريان : اتفظلو اتفظلو ابو محمد : زاد فظلك ودخلهم الصاله الخارجية و جلسهم ريان : عمي انا بروح اعطي خبر عند ابوي وبرجع ابو محمد : ايه انزين وطلع ريان على المطبخ ابو ريان : من ذا الي جانا ؟ ريان : عمي ابو محمد مع ولده محمد ابو ريان : ايه عيل بروح عندهم وجيبو االظيافه هناك ام ريان : انزين وراح ابو ريان مع ولده وجلسو في الصاله ام ريان : اماني باقي شي ولا خلاص اماني اتحط القهوة لا خلاص ام ريان : انزين ابيك اتودينها عند الصاله اماني : انزين بس بروح البس عباتي ام ريان : بس لا تتئخرين اماني و هي طالعه من المطبخ : ان شاء الله في الصاله عند ريان ابو محمد : كلمتها انك عرفت منابوها ولا للحين اابو ريان : لا للحين ماصار وقت ابو محمد : ايه خلاص ماتقدر اتكلمها الححين ابو ريان جا بيتكلم بس قطعه صوت طق الباب ابو ريان راح يفتح اماني : يبه هذي الظيافه ابو ريان : تسلمين يبنيتي تعالي سلمي عل عمك ابو محمد اماني : ان شاء الله اماني دخلت وحطت الظيافه على الطاوله ابو ريان : اماني تعالي اجلسي نبيك بموظوع اماني جلست وكانت خايفه : ان شاء الله ابو ريان : انا ماراح لف ولا ادور على طول بدخل في الموظوع انا وعدتك اني راح ادور على ابوك الحقيقي و اذا حصل و مت ريان راح يكمل بدلي بس الحمد لله انا دورت و لقيته قبل ما موت اماني : يبه تتكلم جد ابو محمد كان يطالع ردت فعلها بهدوء وخايف انها ماتتقبله ابو ريان : ايه اماني : من ابوي ؟ وينه ؟ شفته ؟ ليش ماسئل عني من زمان ؟ ابو ريان : شوي شوي خليني ارد عليكي طيب تبين تعرفي من ابوك اماني : ايه ابو ريان : ابيك تسئلين ابو محمد اماني استغربت : ابو محمد وش الي يعرفه من ابوي ابو ريان : اسئلي و هو بقولك اماني طالعت في ابو محمد وكانت متردده : عمي ابو محمد بان عليه الحزن لانه نفسه يسمع منها كلم يبه : نعم اماني : انته تعرف ابوي ؟ ابو محمد طالع ابو ريان بمعنى اقوللها الحين ابو ريان فهمه وهز راصه على خفيف عشان محد ينتله علي بمعنى ايه ابو محمد رجع طالع اماني : ايه اعرفه اماني : من هو و وينه ؟ ابو محمد : اماني انا ابوك اماني طالعت ابو ريان تبيه يقوللها لا مب هو : يبه ابو ريان : نعم اماني : وين ابوي ابو ريان : ابوك جالس قدامك اماني : لا هذا مب ابوي ابوي كان راح يدور علي كان راح يسئل عني ابو محمد : يبنيتي انا ابوك اماني اتصيح : لا تقولي يبنيتي انا مب بنتك انته مب ابوي لو كنت ابوي نت راح تسئل علي كنت راح ادور علي و اترجعني ابو محمد : اسمعيني انا ابوك و انا كنت ادور عليك من يوم ما ظعتي للحين و انا ادور عليك و ماكنت قادر اوصلك عشان اسئل عنك ومادري وينك و الحين لقيتك اماني وهي اتصيح : لا انته مب ابوي انته مب ابوي مابيك انته مب ابوي ابو محمد : اماني انتي بنتي و انا ابوك و الي ساعدني القاك حمد اماني : اطلع مكان مايئشر وعيونها مليانه دموع : انته ليش اتكذب عليه هو وش سوالك ليش اتقول انك لقيت بنته .................................... ريان : اماني اماني اماني ردي علي اماني : ................ ابو ريان : اماني يبنيتي قومي اماني : ......... لارد ابو محمد : اشفيها بنتي وش صارلها ابو ريان : ريان روح جهز السياره بسرعة ريان طلع بسرعة يجهز السياره ابو ريان و عيونه مليانه دموع : اماني يبنيتي ردي علي اماني : ........ محمد : عمي لونها انقلب ازرق ابو ريان طالعها : اماني لا تروحين وتتركيني دخل ريان : يبه السياره جاهزه ابو ريان شال اماني وطلعو السياره : يلا بسرعة ودينا اقرب مستشفى ابو محمد : حمد الحقهم بسرعة حمد : يلا اركبو و ابو محمد ومحمد و حمد ركبو السياره ولحقوهم على المستشفى في البيت لينا : يمه وين اماني ام ريان : فوق فغرفتها لينا : دورت في غرفتها مالقيتها ام ريان : امكن بالحمام - اكرمكم الله - لينا : لا مو موجوده دورت هناك ام ريان بدت اتخاف : وين راحت لينا : مادري هي اخر شي كانت بالمطبخ ام ريان : لا هي طلعت اتجيب عبايتها و نزلت و اخذت القهوة للصاله لانه ظيوف ابوك جو وتاني ماشفتها لينا : يمه وين بتروح ؟ ام ريان : لو كنت ادري كنت بسئلك لينا : وش انسوي الحين ؟ ام ريان مسكت جوالها تبي تتصل لريان لينا : بمن تتصلين ام ريان : بريان بس مايرد علي لينا ركظت على الصاله لقت الباب مفتوح ومافي احد ولقت جوالح ريان طايح على الارظ اخذته ورجعت عند امها : يمه ريان مو موجود و لقيت جواله طايح على الارظ ام ريان : وين راح ذي كمان لينا : يمه انا خايفه ليكون صارلها شي ام ريان : انتظري بتصل لابوك يمكن يدري وينها مسكت جوالها و اتصلت لابو راكان : الو عبدالله ابو ريان : نعم ام ريان : اماني وينها مو موجوده بالبيت دورنا عليها مالقينها ابو ريان نسه انه ماكلمها : احنه في المستشفى ام ريان : المستشفى ليش وش فيهم عيالي ابو ريان : اماني تعبت اشوي و خذيناها ام ريان : اي مستشفى انا باجيلكم ابو ريان : لاتجينا ولا شي الحين مايسمحون لحد يدخللها بكره بجيبك عندها ام ريان : بس بنتي لازم اكون عندها ابو ريان : لاتخافين احنه هني عندها ام ريان : انزين بس خبرني باي شي يصير ابو ريان : انزين وقفل منها ابو ريان : ابو محمد انته الحين تقدر اتروح مو لازم انكن متجمعين كلنا ابو محمد : بس بنتي ماقدر اركها ابو ريان : ادري انها بنتك وهي بنتي و انا اخاف عليها بس مايصير كلنا انكون في المستشفى ابو محمد : بس .... قطعه حمد : كلام عمي صح مايصير كلنا انكون هني و احنه لاحظناردت فعلها الحين لو شافتنا مره ثانيه ممكن اتروح من يدنا لازم نتركها ترتاح ابو محمد : انزين بس ابو ريان قولي على كل شي يصير ابو ريان : ان شاء الله وطلع ابو محمد و محمد و حمد ورجعو بيتهم وهم يفكرون في حالة اماني في بيت ابو ريان ام ريان ماكانت مستوعبه الي صار : اماني حبيبتي اماني لينا : يمه صارلكساعة اتولين اماني حبيبتي اماني انزين وش فيها مو فاهمه ام ريان مو مستوعبه الي صار و تتكلم كئنها طفلة صغيره : مستشفى اماني ابو ريان قال راحت لينا : يمه مو فاهمه شي كلميني عدل ام ريان : مستشفى اماني لينا بخوف : اماني في المستشفى ام ريان : ايه لينا : و ابوي وين ام ريان خفت من عندها الصدمة : عندها لينا : خلينا انروح ام ريان : ابو ريان قال لا خلكم هني و بكرة بنروح لها لينا : الله يشفيكي يا اماني وش صارلك ....................... نهاية البارت سوري البارت اصغير اعذروني توقعاتكم شنو راح يصير لاماني ؟ اماني راح تتقبل ابو محمد ولا لا ؟ و غاده راح اتم زعلانه من ابوها ولا لا ؟ و وش راح يصير لمى يستلمون شهاداتهم | ||||||||
|
| |
|
16-08-12, 05:17 AM
| #50 | |||||||||
| اقتباس:
ان شاء الله | |||||||||
|
| |
 |
| أدوات الموضوع | |
| انواع عرض الموضوع | |
|
|
1Likes
العرض العادي
