17-11-12, 01:53 PM
| #61 | |||||
| روايتي مؤسس ومشرفة سابقة وقاصة في منتدى قصص من وحي الاعضاء  
|  مشكورة أم رنا على الفصل الرائع ... فايزة و سند ... حقيقة متعاطفة معهما لأقصى حد ... يا الله عندما تخيلت نفسى مكان فايزة لا قدر الله أجد أن جلدى يقشعر و قلبى يوجعنى بنغزات قوية موجعة ... يا ربى والله صعب للغاية سواء له أو لها خاصة مع رقة قلوبهما و إحساسهما العالى >>> عكس بندر سود الله وجهه يخرب بيته كل ما أشوف أسمه أتنرفز يعنى عنده زوجة و عم يعمل حاله بيحبها و هى بتموت فيه و عنده أولاد يعنى مو ناقصه شيئ لحتى يتطلع على زوجة إبن عمه و كمان أخت زوجته الله يرحمها ... عن جد عينه ما يملاها إلا التراب و الحمد لله أن فارس سمعه و عرف شو قصده من مكالماته و حثه الشديد له لحتى يرجع و يصلح الأوضاع و هياته رجع و بإذن الله يرجع من سفرته و يتمم الزواج مع عليا التى أتمنى أن تهدأ ... هى راح تهدأ و توافق و لكن أكيد راح تحيل أول أيامه معها لسواد ... و لكن مثل ما بيقولوا القط ما بيحب إلا خناقه ... عليان و ريم ... ربى يتم عليكم السعادة و ما يفرقكم أبداً ... و الحمد لله اللى خلصكم من الساحرة و سحرها ... ربى يكفينا شرها و شر أمثالها ... أم رنا متابعاكى و شكراً لك | |||||
|  |
|
22-11-12, 10:11 PM
| #62 | ||||
| كاتبة قسم قصص من وحي الأعضاء 
| وردة الزيزفون مليون مرحبا ولا يسدن زيزفونه كالعاده بدعتي بالرد الله يسعدس يا قلبي انا بناقش معس اعتراض عليا هي لها الحق تتدلع وتتمنع وترفض بعد يختي هو هج بعمره سنين خليها تشوف نفسها عليه بالنسبه لسعديه وحملها جايتس اتا بالسالفه يا ربي يسعدس خخخخخ خطيره زيزفونه هبة يا هلا وغلا بهبه سعيده جدا يا هبه بتواجدك وحضورك ودعمك عسى ربي يسعدك بالنسبه لفايزه فعلا صعب وضعها وما اتمناه لاحد بندر يمكن اللي هو فيه مو فراغة عين !!! | ||||
|
| |
|
23-11-12, 04:53 AM
| #63 | ||||
| كاتبة قسم قصص من وحي الأعضاء
| السلام عليكم لا تلهيكم حروفي عن الصلاه وتذكير يا حبه بصيام يوم عاشورا 8 كنت سهران وضايق صدري تذكرت ان بدر زعلان مني بس والله ماهو بكيفي انا من شفتها وانا متغير حتى انا ناقد على نفسي هذي اختي الصغيره المفروض اني ما افكر فيها وهي على ذمة ياسر اعوذ بالله من ابليس اللي زينها بعيني صورها حصه قدامي كأنها اختها الله يرحمها من ذيك الليله وانا اتصيدها ودي بشوفتها من توفت حصه الله يرحمها وانا اتمنى اتحلم فيها والا يجيني طيفها او اتخيلها بس ماش كل مالها وطيوفها تختفي وملامحها تصير ضبابيه وشفت عليا بذيك الليله والله بغى يوقف قلبي احسبنها حصه وانها ما ماتت مسحت وجهي وتجددت الذكرى الاليمه تذكرت ليلة الحادث اللي توفت فيه حصه وتعبت فيه عمتي الله يشفيها كنا راجعين من العمره اخذت حصه وعمتي وانتهينا من عمرتنا و اخذنا عشا ووقفنا بطرف جبل من جبال مكه بجنب الطريق بين مكه والطايف وتعشينا وسولفنا كانت جلستنا كلها ضحك بعد العمره حسيت بصفاء وراحه نفسيه وحصه بعد كانت تقول :احس اني خفيفه وان تعب العمره تعب حلو يا عسى ربي يتقبلها وعمتي ام عليان مسكينه كانت مرره تعبانه من رجولها جلست اهمز رجولها وهي مستحيه مني قلت لها : يا عمه تراني ولدس تستحين من ولدس جلسنا ساعه بمكاننا مسترخين ونشرب شاهي اللي سويناه بمعاميلنا اللي ما تنزل من سيارتي كنت جالس مقابل حصه وعمتي هن معطيات الطريق ظهورهن وانا عيني على سيارتنا وفجأه قدر الله تنحرف شاحنه كبيره ويفقد السيطره عليها السواق بثواني ثواني كنت اصرخ بحصه وعمتي واسحبهن معي ابيهن يتفادن الشاحنه اللي بسرعه كبيره تتجه لنا وبعدها ما اذكر الا اني فقت بالمستشفى قمت وانا ثاير ابي اشو ف حصه اخر عهدي فيها يوم اسحبها معي قعدت انادي انادي بس محد رد علي شوي دخل علي واحد بثوب وشماغ وقالي :اخ بندر قلت له : نعم انا بند ر وبرجا حار : تكفى ياخوك صار علي حادث وزوجتي معي وامها وش صار فيهم تكفى ابي اشوفهم سكت وعيونه تتهرب من عيوني تنحنح وحاول يستجمع نفسه وقال : وحده من الحريم اللي معك توفت الله يرحمها والثانيه بالعنايه هالحين تحت رحمة ربي قلت وانا متشنج وودي اقوم بس رجولي توني انتبه لها مجبسه : تكفى منهي اللي بالعنايه قالي : يا خوي والله مدري عندك احد اناديه لك قلت له: ايه لازم ابلغ اخوي قالي : خلاص عطني رقمه وانا اكلمه وفعلا صار وبعدها نمت وانا ادعي ان حصه هي اللي بالعنايه ياربي لا تفجعني فيها قمت من النوم على صوت همس عندي فتحت عيوني وشفت بدر وعمي ابو عليان بدر متلطم بشماغه وعمي وجهه منصفق قرب مني عمي ومن شفته همست بصوت مبحوح :عمي بشرني عن حصه سكت عمي ودمعن عيونه واحمر وجهه وبدت شفايفه تهتز يحاول يتماسك بس ما قدر نزلي وحضني بقوه وقال وهو يبكي : الله يرحمها يا بوك الله يرحمها وتمسكت بعمي ماني مصدق اهز راسي رافض رافض اني اصدق راحت الحبيبه راحت رااااااحت حصه **************** في غرفتي جالسه اذاكر لماجد وفراس يلاعب منوله فارشين الكتب بالارض ماجد مركز معي اشرح له مسألة رياضيات سمعنا جرس البيت راح ماجد يفتح الباب وقفت بالصاله اشوف من جاينا وانا شايله منوله دخلت امي علينا وشايله اكياس واكياس هدايا والعاب للعيال استقبلتها وسلمت علي جلسنا في لصاله امي تسأل وش اخباركم وانا ارد عليها الحمد لله امي : أي وبعد وش اخباركم قلت لها: يمه طيبين لا تفكرين وتحاتين ناظرتني امي بتأمل كنت لافه شعري الطويل كعكه وغرتي مثبتتها بمشابك ولابسه قميص طويل سماوي فاتح بأكمام طويله قالت بهمس: كيف سند معاس عقدت جبيني وقلت لها : سند معي ؟؟ شقصدس يمه ؟؟ تكفين يمه خلينا بحالنا الرجال ما قصر وانا اكثر من كذا رجاءً لا احد يطلب . بغيتيني مع عيال فوزه هذاني معاهم وفي بيتهم وبس بــــــــــــــس يمه اعرف امي اذا ما عجبها الكلام وهالحين اكييييد ما عجبها ابد امي نادت العيال ووزعت عليهم حلويات والعاب تصدد عني ادري اني زعلتها وانها تغالب دموعها بس والله هذي مقدرتي ما اقدر اضغط على نفسي اكثر رحت جبت القهوه وجلست مع امي بحاول اخذ بخاطر امي وما اطلعها من عندي زعلانه ************ بدا الجد وبدت الفوضى الشيخ ياسر كلم ابوي يبيني اتزوجه يبي عروسته اللي انجبر ياخذها وهو صغير واكيد انه مجبور بياخذني عشان ما يكسر خاطر امه وابوي بس انا ويني من قراره ابوي جاني مبسوط مع انه يحاول يدس عني فرحته بس انا اعرفك يا ابوي من عويناتك قلت له انا بفكر بس محد يجبرني عليه وتذكر يابوي اني طلبتك تطلقني منه بس انت موت السالفه وقتها وانا برجع احييها يا بوي مااا ابيه ما ابيه تغيرت ملامح ابوي عصب بس تعوذ من الشيطان ونزل شماغه وحرك طاقيته لورا وصار يمسد راسه :شوفي يا عليا لا تتسرعين استخيري وخذي وقتس هو الحين سافر والله اعلم متى يجي قلت بقهر وبحده :قصدك هج هذا وجهي ان رجع مره ثانيه بيغيب سنين وانتو بتسامحونه مثل اول مره ابوي ساكت مارد علي عرفت بوجهه الزعل قام وخلاني وانا جلست اصيح اول مره ارفع صوتي على ابوي بس والله مقهوره التزمت غرفتي باقي اليوم بس ما اقدر اترك كل شي وانسحب امي هي الزم ما علي بعد ما صليت العشا نزلت عند امي ولقيت عندها ام احمد وخالتي ومنيره دخلت وبوزي عشره شبر مالي خلق اتكلم او اسمع أي صوت يالله سلمت عليهم و حبيت راس امي وتفقدتها وتفقدت حاجتها وجلست مثل التمثال عند رجول امي حاولت منيره تستفرد فيني : ياساتر ليه هالبوز يختي استحي على وجهس وجاملي خالتس وام احمد ما فيني والله اتكلم وارد عليها غير اني حاسه بغصة قهر وخوف انا ابي امي ما ابي اتركها كل هالسنين وهو مختفي وغايب وكنت بيني وبين نفسي اقول واسأل لو رجع ياسر وش بتسوين ؟؟ كنت ارد على نفسي بدون تفكير اكيد اني بطلب الطلاق انا لايمكن اتزوج واحد مثل ياسر واليوم سألت نفسي وش بتسوين اختلفت اجابتي لنفسي ترددت وهذا اول تغييير انا من كلمتني خالتي وخلتني استخير وانا تعبانه انا كارهه ياسر كارهته ما ابيه بنفس الوقت ابوي يبيه وخالتي ماودي اكسر فرحتها ورجاها لي وانا في جزء مني مرتاح او نقول بديت افكر جديا بإتمام الزواج بس ارجع واقول لا خليه يولي امي اولى فيني اصلاً انا رفضي اغلبه عشان ما ابي اترك امي وهو الله يرزقه اللي تسعده انا ما ابيه ما ابييه ********************* تقابلت انا وسلطان بالليل انا من العصر ادور على شقه عشان اجهزها اسكن فيها انا وعليا جبت عشا من برى وتعشيت انا وسلطان وسألني : ما شفت ولا شقه تعجبك رديت عليه : لا بصراحه ابي شي قريب من العمل واللي لقيته كله بعيد سلطان : طيب جاك رد من عمك تنهدت : بصراحه ما سألته ولا ابي اسأله انا سويت هالخطوه لانها متوقعه مني امي وعمي واكيد هي بعد كانو ينتظرون مني هالشي وبكذا اكون سويت اللي على سلطان حط عيونه بعيون ياسر : طيب افرض انها رفضت وما تبي تكمل وتمم كلام مضى عليه 18 سنه قلت بعدم اهتمام مصطنع : عادي مع السلامه والقلب داعي لها شف يا سلطان انا متزوج متزوج ان شالله ان كانت بنت عمي خير على خير ما حصل بيننا نصيب يامكثر البنات في البيوت سكت عني سلطان وانا قعدت اقلب كلامي بيني وبين نفسي لقيت نفسي رافض فكرة الطلاق نهائيا مستحيل يا عليا ان شالله إنا لبعض و ياليت ما تعقدين امورنا **************************** اسبوع مضى دخلت للبيت وتراكظو علي الاولاد ضميتهم بحب يا حلو بيتي فيكم يا عيالي احييتوه بعد ما ماتت فيه الحياه عقب امكم الله يرحمها قال ماجد : جدي وجدتي عندنا تبسمت و قلت : الله يحييهم دخلت للصاله لقيت عمي وعمتي جالسين ومنوله بحضن جدها سلمت عليهم وجلست بعد السلام والسؤال عن الاحوال سكتنا شوي عمي نادى فايزه بس ما ردت عليه رجع ناداها مره ثانيه طلعت لنا من المطبخ وعيونها حمرا باين انها باكيه مو بس باكيه الا متنكده من البكا قالت بصوت مكتوم: نعم يبه قال ابو فهد : تعالي اجلسي وشوفي زوجس كان يبي شي قلت و انا اخذ منول لحضني : تعالي اجلسي ما ابي شي قامت عمتي بتقهويني لكن فايزه اخذت منها الدله وصبت لي فنجال ومدته لي وضلت لثواني ماده يدها مدري وش اوصف احساسي غصب عني عيني تغض بصرها غصب عني ما اقدر اشوفها احس انها لازالت اخت زوجتي المحرمه علي اخذت الفنجال منها بعد ما قالت عمتي : تقهو ابو ماجد شربته كله مره وحده حار يلطع حسيته حرق لساني وغطيته بكفي وقلت : بس هي جالسه جنب امها وانا جنب عمي عمي وعمتي حاولو يدخلوني جوهم وسوالفهم عمتي همست بإذن فايزه شي وقامت فايزه عمتي وعمي كملو كلامهم ومنوله نايمه بحضني قمت ووديتها على سريرها ومريت المطبخ الا فايزه تجهز العشا قلت لها وبعد ما سمعت نشيجها : وش صاير فايزه في شي نزلت راسها : لا مافي شي لا تهتم قلت لها : طيب ليه الدموع امنتس بالله يا اختي لا تبكين انا قلت لها هالكلام ارتفع صوت نشيجها وصار بكا وغطت وجهها بيدينها مدري وش صار بس ما قدرت اقعد اكثر واسمعها تبكي طلعت للصاله وجلست جنب عمي وناديت ماجد همست له: رح لخاله ساعدها قالت عمتي : ابو ماجد قلت لها هلا يا عمه قالت : عساك مرتاح مع فايزه تبسمت لعمتي وقلت : الحمد لله قالت برجا وعين دامعه : الله يعافيك ويخليك لعيالك استحملها ترا ها المدلـله قلت : تعلميني يا عمه على يدي وشوف عيني ولا يهمس من ناحيتي ارقدي وامني فايزه فوق راسي وما اطلع من جزاها دخلت علينا ومدت السفره ونزلت العشا وجلست معانا بس ما مدت يدها ابد ماسكه لها خبزه وتنتف فيها اسمع عمتي تقولها : ليه ما تاكلين ردت بهمس لعمتي : ما ابي قال عمي : كلي يافايزه احسها بتنفجر قطعه خبزه صغيره جدا واكلتها وقامت : الحمدلله شبعت واتجهت لغرفة منوله ناداها عمي وبحده : فايزه رجعت وهي تحاول ما تبكي تقاوم لين قالها عمي : انتي وش فيس هااه قالبه وجهس علينا وعلى زوجس ترا ان ما تعدلتي لا تشوفين شين ما شفتيه ابد قلت بهدوء: عمي انا ما اشتكيت وفايزه ماسوت شي خلها براحتها اكيد ماهي جوعانه صاحت منال وهي في غرفتها قلت لها : روحي شوفيها ودخلت فايزه وانا احب راس عمي واقوله : اهدا يا عمي اهدا ولا تلومها ترا حالتها ووضعها صعب عليها انا وانارجال صعب علي هالوضع خلوها لا احد يكلمها وربي بيصلح الحال قال عمي: انا متفشلن منك يا سند قلت : لا تفشل ولا شي بالعكس ارفع راسك ياعم ربيت واحسنت التربيه والله فايزه تنشرى بالغالي والنفيس وانا الحظيظ يوم وافقت تاخذني بس ارجوك ياعمي خلوها وتراني مرتاح وهي بعد سكت عمي وقال : يا ولد ي دامكم متراضين ما نقدر نقول شي وقام وقال يالله يأم فهد تصبحون على خير *************** رحت لابوي ابي استسمح منه واعتذر وبنفس الوقت ابلغه عن قراري حبيت راس ابوي : تكفى يا ابوي سامحني واعذرني ساكت ابوي مارد علي بس بعيونه عتب علي قلت وانا ابكي يا ابوي والله ما اتحمل نظرتك تكفى سامحني قعدت اشاهم واحس بكاي قطع قلبي أليم ان يكون ابوك زعلان منك وحتى عتب ما يعاتبك ولا يشره عليك قال ابوي بعد ما رحم حالي : انتي ظنس انا ارخصتس يا عليا ابد والله ياسر انا اضمنه ماهو الرجال اللي يتفوت بس انتي مالس الا اللي براسس ناظرني وقال بحزم هالحين تعطيني اخر كلام قلت بصوت مكتوم عارفه انه بيزيد زعله مني : سامحني يا بوي ما ابيه ما قدر اوافق قام وهو عاقد جبينه نفض شماغه ولبسه وقال : يصير خير قمت عند امي وانا اكتم بكاي عنها بس ما قدرت انفجرت ورميت نفسي بحضن امي :يمه يماااااه حسيت احد يمسح على ظهري رفعت نفسي لمن شفت خالتي قمرا : بسم الله عليس يا قلبي وش فيس بكيت وهي تحضني حضنتها بقوه وهي تسمي وتقرا علي : اهدي يا قلبي اهدي يا حبيبتي كل شي بهالدنيا يهون وهمست: بس بكا شوفي خوفتي امس ناظرت على امي وعيونها علي وتبكي مسحت دموعي بقووه وقلت لامي وانا احب يدينها يمه تكفين الا دموعسس تكفييييين انا اتدلع عليس مافيني شي وحاولت اهدا عشان اريح امي حبيبتي ************* تو انهيت مكالمتي مع عمي ابو عليان بلغني فيها برفض عليا عمي يالله نطقها حسيته متفشل مني طمنته وقلت انا اصلا متوقع انها بترفض بس اسمح لي ياعمي انا ابي اسمع رفضها لي بنفسي واسبابها عمي ما استوعب بسرعه طلبي : هااه شلون تبي تكلمها بالتلفون يعني ؟!؟!؟ قلت :لا ياعمي انا ان شاء الله خلال اسبوع بحاول اجي واذا جيت ابيها تقولي اسبابها انا يا عمي شاري بنت عمي وما افرط فيها ابد أنبسط عمي من جوابي : على خير يا ولدي والله يصلح الحال قلت لعمي : ياعمي لا تقول شي لاني مدري عن جيتي هي اكيده او لا انهيت المكالمه مع عمي وانا اقول بنفسي اجل رفضتي يا عليا هين يابنت العم نشوف كلام مين بيمشي قراءه ممتعه لكم وردود حلوه لي | ||||
|
| |
|
23-11-12, 09:15 PM
| #64 | |||||
| روايتي مؤسس ومشرفة سابقة وقاصة في منتدى قصص من وحي الاعضاء
| تسلمى أم رنا على الفصل الرائع ... بندر ... حتى ولو هذا ما يعطيك الحق أنك تستمر برغبتك بعليا و هى على ذمة ياسر  عليا ... أعذرك برفضك و خاصة بحالة أمك و لكن والديك لن يرضوا بهكذا رأى و أيضاً ياسر لن يرضى أبداً بالرفض و بعدين أنت نسيتِ أن عليان موجود و زوجته و أختك و خالتك و والدك موجودين مشان والدتك ... ربى يفرجها فايزة و سند ... ربى يرزقكم السعادة ... وضعكم صعب و بيكون أصعب لما يتدخل الناس بينكم ... أم رنا متابعاكى و شكراً لك | |||||
|
| |
|
24-11-12, 02:37 AM
| #66 | ||||
| نجم روايتي وأميرة حزب روايتى للفكر الحر وفراشة الروايات المنقولة 
| صباح الخير ........تسلم ايدك ياقلبي على البارت ........ بس والله ماشبعنا منه تمنيت البارت مايخلص ابغي اشوف اخرتها مع هالعليا الي تقهر سند وفايزة سند دامه حاط بباله انها اخته في هالفترة مابيكون عنده مشكلة بس مع الايام مابيكون له نفس التفكير واصلا مايجوز هالشي لايرضاه لاالدين ولا الشرع واصلا اتمام الزواج هو الي بيقرب القلوب بينهم حتى لو كانت بالتدريج فايزة مو من حقها تقول الي قالته لو سند بغاها زوجة ملزومة تلبيه وتعطيه حقوقه مثل ماهو ملزوم بحقوقها يعني بتمنع الرجال باقي عمره يعيش عازب وزوجته حلاله بالبيت عنده تاخذ فترة تتعود عليه ولازم تحط ببالها انو هالامر مابيتم على حاله ومايجوز شرعا ترفض زوجها في حال طالبها بحقوقه ومااعتقد بتلاقي مثل سند واحد غيره ماهمته الامور الي تفكر فيها بس هو مراعي ومقدر ومتفهم احساسي يقول فوز بيكون لها زيارة لفايزة بحلم من احلامها وبتكون زعلانة وعاتبة عليها وهالش بيحرك الكثير فيها عليا وياسر عليا تقهر وماعندها مبرر للرفض لو كان هروبه من قبل لانو مايبغيها وظلمها بنقول معاها حق بس الظروف مختلفة وهو مااهانها ولا رفضها .........وبعدين مين بيتزوجها لو طلقها ياسر وهي بهالعمر تراها مو صغيرة واذا على امها مابتضيع الريم زوجة اخوها مابتقصر ولو كان ياسر قبل سنين محدد عرسها مو كانت امها بتظل على خدمتهم لها بالزيارات وبوجود خدامة خاصة لها اعتقد ياسر بيعرف يسكتها وبيتمم زواجه منها وطلاق مابيطلقها اذا هي عنيدة ياسر اعند منها ... اما بندروه يبغيها لانها شبيهة اختها بس يعني بيتخيل حصة فيها ......دامه تزوج سعديوه ينسى حصة خلاص ويعيش مع الي اخذها والا ليش ماتزوج من بنات بلده احسن له ... لايخسر سعديه وتهج بلدها بدون رجعة ساعتها مابيطال لابلح الشام ولا عنب اليمن في انتظارك | ||||
|
| |
|
28-11-12, 07:55 AM
| #67 | ||||||||
| مراقبة عامة ومشرفة منتدى الروايات المنقولة 
| السلام عليكم ورحمة الله وبركاته تسلم يمينك أم رنا بارت راااائع يالغاليه بندر وطلعت تحب حصه وعليا ذكرتك بها وأعجبتك لأنها تشبهها خلينا نفوتها لك في البدايه من الصدمه لكن المفروض إنت عاقل ومتزن وعارف إنها ماهي حصه غير كذا متزوجه ولد عمك المفروض تقطع الامل فيها وغير كذا إنت قدرت تتجاوز موت حصه ومتزوج غيرها رغم إنك كسرت خاطري وإنت تحكي حكاية حصه لكن ما أعذرك في سعيك ورى عليا فايزه وسند الله يلوم من يلومهم الوضع صعب عليهم في البدايه لكن مع مرور الوقت إن شاء الله راح يتعودون على بعض والعيال راح يقربون بينهم ولازم سند يحاول يشارك فايزه في تربيةعياله ويحاول يقرب منها بالتدريج ماهو يتجنبها ويترك البيت بكذا ماراح ينصلح حالهم عليا لو أمك ماعندها أحد عذرناك في رفضك للزواج لكن أمك عندها ابوك وأختك وريم وإنت شفتي كيف هي طيبه معها وأخوك معها ولو عرفت أمك راح تزعل عليك ياسر واضح التغيير في شخصيته عن ايام سفره ماهو المراهق المتسرع والدليل إنه سوى نفسه ماسمع كلام بندر هي زوجته وماراح يقدر يغير هالوضع ولو تكلم ورد عليه بتسير مشاكل ويكبر الموضوع وأحسن شيء إنه كلم أمه وعمه في موضوع زواجه يسوق الثقل عند صاحبه وهي ميت عليها وهالك نفسه يدور على شقه أعجبني رده على عمه وطلبه إنه مايبلغهم بجيته وطلبه مقابلتها يبغى يفاجأ عليا وعنصر المفاجأه لصالحه وما راح يكون عندها فرصه للتفكير والرد على كلامه لما يبطل كل عذر تتحجج به ويلقى له حل غيركذا ابوها لو عرف إن رفضها من أجل أمها ماراح يطاوعها ويمكن ياسرينقل عمله عندهم حتى تكون قريبه من أمها منتظرين جديدك المميز يعطيك العافيه | ||||||||
|
| |
|
30-11-12, 06:09 PM
| #69 | ||||
| كاتبة قسم قصص من وحي الأعضاء
| السلام عليكم ورحمة الله وبركاته الله يمسيكم بالرضا والسرور كل الشكر والامتنان لكم يامن قرأتم ويامن اقتطعتم جزء من وقتكم الثمين لحروفي هبة اسعدس ربي هبه وممتنه لك نادوش منوره يا قمر وردة الزيزفون كل الشكر والامتنان ولا يوفي ربي يسعدس فيتامين سي جزيل الشكر والامتنان ربي يسعدس ليله طويله نورتي ياعسل , وفي الاخر اسمحولي على الاختصار في ردودي عليكم لكن والله سعيده جدا بها واقراها اكثر من مرره وكل مره استمتع فيها نصف ساعه والجزء يكون موجود ان شاء الله | ||||
|
| |
|
30-11-12, 07:20 PM
| #70 | ||||
| كاتبة قسم قصص من وحي الأعضاء
| السلام عليكم يا حبايب ادري تأخرت عليكم بس والله مامر علي جزء بصعوبته اتمنى ان يعجبكم بس اول ابيكم تقرون مشاعر بندر ترجمت احاسيسه الرائعه اراده ابدعتي ماشاء الله تبارك الرحمن ذاك المساء لم يكن كأي مساء وتلك الذكرى بقيت تطاردني هل قُدِّر لي أن أُحرَم رؤية طيفها ولو حلماً لأراها متجسدة أمامي على هيئة بشر بحثت عنك طويلاً في وجوه الخلق مجتمعه لكنني لم أجدك حينما رحلوا أطيافك رحلت قبل أن تودعني كأنني لم أعشْ يوماً كما فعلوا فقدتك فجأةً عليك وا لهفي هل ما يقولون حقٌّ أم أنا وجلُ لكم تمنيت حلماً منك يحملني على جناحيه كي يحيا بي الأمل رأيتك لحظةً لم تكوني أنتِ فكيف خُيل لي أنه أنت تلك الصغيرة كبرت رأيتها لمحة دون قصد مني فتعلق قلبي بها هل كان ذاك عقاباً أم أملاً عشت أبحث عنه طويلاً ولم أصل إليه الأكيد أنها ليست أنت ولن تكون فكيف سأتخلص من هذا التعلق رحماك ربي كيف وصل بي الأمر هكذا!!!!!!!! 9 نفسيتي تعبانه امي حبيبتي ما تناظر فيني لها كم يوم ما تبي تناظرني ولا تتقبل حتى مساعدتي لها من ذاك اليوم اللي دخلت عليها وابوي يتكلم معها : والله يا وضحى اني تعبت من هالموضوع بنتس عنيده تبيني اطلقها من ياسر تشجعت ودخلت عليهم وحبيت راس ابوي وراس امي ابوي قام و طلع من الغرفه وماعبرني ولا بكلمه وامي عرفت من نظرتها عدم رضاها علي وبقلبي : اه يا يمه لو تدرين ان رفضي كله عشانس ما ابي اتركس تتلتهين عقبي اخاف كلن يلهى بحياته والا يغفلون عنس جلست جنبها بعطيها غداها رفضت تفتح فمها بكيت : يمه تكفين لا تكونين بعد ضدي وانهرت اصيح وحضنت امي بقوه ابيها تحس فيني دخلت الريم : يووه ووش فيس عليا رفعت نفسي عن امي وقلت للريم: تكفين غدي امي انا تعبانه " ما قلت لها ان امي رافضه تاكل من يدي ولا ان امي ما تناظرني وهربت برى الغرفه ابكي من زعل امي علي ******** يمه انا ا ن شاء الله جايكم بعد اسبوع وبقعد بس 3 ايام وابي تجهزون لعليا قمرا بذهول : بس البنت رفضتك وشلون تبينا نجهزها ياسر : يمه خليها ترفض من هنا لمية سنه قدام انا طلاق ماني مطلق جت معي بالرضا الله يحيها والا الغصب يمدحونه قمرا بإستهجان : لا يمه الامور ما تصير غصيبه ياسر يقطع كلام امه : يمه لا تخافين ماهو غصب بس انتي عارفه عليا كل شي تسويه عناد معي قمرا بدعوه صادقه : الله يصلح حالكم انا اخاف بس تزعل عمك ابو عليان ياسر : من ناحية عمي ابو عليان تطمني هو معي قمرا : اجل الله يوفقكم يالله حبيبي مع السلامه اذن العشا بقوم اصلي ياسر : لحظه يمه قمرا : هلا ياسر ياسر :انتي بعد يمه جهزي حالس بتجين معي لجده تكدر خاطر قمرا وقالت بكدر : أي يصير خير ******** يتبع في الصفحة القادمة التعديل الأخير تم بواسطة فاطمة كرم ; 30-11-12 الساعة 11:50 PM | ||||
|
| |
 |
| أدوات الموضوع | |
| انواع عرض الموضوع | |
|
|
8Likes
.png)
العرض العادي
