آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
22-06-13, 08:49 PM
| #41 | ||||||||
  
|  الـــــــــــــجـــــــــ ـزء ((7)) - وهما قاعدين .... كان فى شاب قاعد بيبص لشرين بصورة مستمرة ومستفزة ....... وشرين اخدت بالها وسالت حازم ....... (شرين):حازم ..... مين اللى هناك ده ....... تعرفه ......!؟ (حازم):اه .... مهران علام ....... انتى مش فاكراه ........!؟ (شرين):مين مهران علام ده .............!؟ (حازم):الواد الرخم بتاع خناقة اول يوم . - وهما بيتكلموا قام واحد من شلة مهران وراح ناحيتهم و ......... (الشاب):صباح الجمال ... منورين الكافيه والله . (حازم):وانت مالك يا بارد ......... هو كان كافيه ابوك ..........!؟ (الشاب):لأ ..لأ... اوعى تسخن عليا ..... ده حتى الجو حر موووووت . (حازم):طب امشى يا خفة من هنا ........ عشان نطرى الجو ........ يلا يا كابتن . - الولد ساب حازم ولا كانه بيكلمه ...... وبص لشرين ............ (الشاب):عموما انا مش بكلمك انت ........ انا بكلم الجميل ده ........... اصل بصراحة اول مرة اشوف قمر طالع بالنهار . - حازم اتعصب قوى وقام كان هيضرب الولد ده ......... بس مهران جه ودخل فى الموضوع بسرعة و ............. (مهران):ايه يا عم حازم ......... فى ايه ........!؟ (حازم):يعنى انت مش شايف .......!؟ واحد صايع من بتوعك وجاى يعمل الشوية بتوعه علينا . (مهران):ولا يهمك ...... امسحها فيا المرة دى وانا هتصرف ......... وبلاش تزعلى يا انسة ......... (شرين):خلاص ......... عادى حصل خير . - وهى لسة بتتكلم ........ شافت شريف وريم داخلين الكافيه ............ ولما شريف شاف فى زحمة عند ترابيزة شرين وحازم ........ دخل متعصب راح حازم شده بسرعة وخرج من الكافيه وريم وشرين خرجوا وراهم ...... (شريف):ايه يا حازم ......... فى ايه .......!؟ (حازم):ولا حاجة ..... واد صايع من بتوع مهران علام .... بس الموضوع خلص ...... هو اصلا كان موضوع بسيط . (شريف):تـــــــــانى ........مش قولتلك يا ريم ....... طب والله قلبى كان حاسس . (شرين):قلت ايه يا استاذ ........ خليك كل شوية ترمينى لشوية حثالة عشان خاطر عيونها . (شريف):طب نمشى من هنا ...... ونتفاهم فى حتة تانية ......... الناس بتتفرج علينا . - ومشوا الاربعة وراحوا قعدوا فى الجنينة ... و ............ (ريم):على فكرة يا شرين ......... انا ماليش ذنب فى حاجة .......... وبعدين خلاص الموضوع عدى ........... وربنا ستر ...... يبقى ليه العصبية دلوقتى .........!؟ (شريف):خلاص يا ريم ...... انتى بعيد خالص ..... وكل الجامعة عارفة مهران وعمايله والشلة بتاعته ......... وبعدين خلاص يا شرين الموضوع عدى . (شرين):آآآآآآآآآه ....... الموضوع عدى عشان ست ريم بتاعتك ........... مش عايز تحرجها ...... مش كده .....!؟ اوكيه طب خليها تنفعك . - ريم زعلت قوى ........ ومشيت بسرعة وسابتهم ...... نكمل المرة اللى جاية | ||||||||
|  |
|
12-07-13, 01:42 AM
| #42 | ||||||||
| ♥ السلام عليكم ورحمة الله وبركاته ♥ ♥ كل سنة وانتوا طيبين ويارب يكون رمضان سعيد علينا كلنا وربنا يتقبل مننا جميعا صالح الاعمال ♥ بعتذر عن التأخير فى تنزيل اجزاء القصة لظروف خارجة عن ارادتى اكيد الـــــــــــــــجـــــــ ـــــــــزء ((8)) - ريم زعلت قوى ........ ومشيت بسرعة وسابتهم ...... (شريف):عاجبك كده........ اهى مشيت خلاص ....... يا رب تكونى مبسوطة دلوقتى . (شرين):لا يا شيخ ....... خلاص انت ممكن تجرى وراها ........وانا ماشية .... اه ... اسفة لو زعلت السنيورة بتاعتك ......... - مشيت شرين ........... وقعد شريف وحازم لوحدهم ...... وحازم بيحاول يتصل بريم عشان يطمن عليها .......... بس هى مش بترد عليه ............حازم ساب الموبايل ويص لشريف عشان يكلمه ... (حازم):اختك دى غريبة قوى ......... بتغير عليك بشكل غير طبيعى ........ دى هتبقى زوجة تانية .... مش حماتها . (شريف):يا ريت تكون غيرة ........ يا رب اسمع منه . (حازم):انت كده خلاص ......... اتجننت يا معلم .....الله .... عقلك لسع يا باشا . (شريف):على فكرة ..... شرين مش اختى ........... احنا مجرد جيران من واحنا صغيرين .......... بس كله بيقول علينا اخوات (حازم)ايوة.... هى كمان من اول يوم وهى بتقول عليك اخوها وساكنين مع بعض ..... طب والاسماء "شرين سعد & شريف سعد" برضه صدفه ......!؟ انت عايز تجننى يا جدع .........!؟ - شريف طلع من جيبه بطاقته ........... وصورة من بطاقة شرين ......... كانت معاه من لما كان بيعملها الكارنيه بتاع الجامعة ....... وعطاهم لحازم ..... (شريف):لو دققت شوية فى الاسامى ......... هتلاقى "شرين سعد "&"شريف أسعد" .......... ولا انا غلطان ........!؟ (حازم):بس عارف البنت دى بتحبك قوى ...... وبتموت فيك كمان ........ وبتغير موت من ريم . (شريف):حب ايه يا ابنى .......!؟ دى بتقولى احنا اخوات يجى "100" مرة فى اليوم .......... وانت تقولى بتحبك ......!؟ (حازم):طب وانت ....... بتحبها .........!؟ (شريف):والله بحبها قوى ......... وبحبها دى كمان شوية على الاحساس اللى بحسه معاها .........بس ده كله ولا حاجة ........ هى شايفة ان احنا اخوات وبس ........ يبقى ربنا يسعدها وتلاقى اللى تشوف فيه حبيبها . (حازم):بالسهولة دى .........!؟ اللى بيحب حد بجد ..... بيبقى مستعد يحارب الكون عشان حبه . (شريف):اه .... بس ده لو الحد ده حاسس بيه اصلا ......... غير الموضوع بقى احسن دماغى هتشيع اكتر . - نرجع شوية كده لشرين اللى سابتهم وهى بتعيط ........وراحت على الكافيه ....... ودخل عليها مهران ............. (مهران):لو كنت اعرف ان حركة الواد ده هتعمل فيكى كده .... كنت قتلته . (شرين): الموضوع مش كده خالص ...... انا نسيته اصلا . (مهران):اه............ كده يبقى مفيش غير الجماعة اصحابك دول ...... وخصوصا الواد اللى عامل فيها روميو ....... ايه الجبروت ده ......!؟ داخل ساحب واحدة فى ايده .... وعايز يعلق التانية من الكافيه ........ هو فى كده ....!؟ (شرين):بص يا مهران .........اصحابى دول خط احمر ....... واتمنى تكون وصلتك رسالتى ..... ولا ايه .......!؟ (مهران):انا اسف ...... بس اصلى مش لاقى ليكى مكان بين اتنين شباب ....بيتخانقوا على بنت ......... وبجد مش حرام تسيبى واحد مش قادر ينساكى من اول يوم شافك فيه ........ وتروحى لواحد مش حاسس بيكى اصلا ....!؟ (شرين):من فضلك انت كده اتجاوزت حدودك ......... هتمشى ولا امشى انا ..........!؟ (مهران):اسف كتير ......... بس فى اى وقت تحتاجينى ....... انا هنا فى الكافيه ........سلام يا شيرى . - شرين روحت وقعدت تفكر فى كلام مهران وكلام حازم من قبله و........ نكمل المرة اللى جاية التعديل الأخير تم بواسطة كاردينيا الغوازي ; 12-07-13 الساعة 08:47 AM | ||||||||
|
| |
|
31-07-13, 05:03 AM
| #44 | ||||||
| نجم روايتي  
| اليوم قريت روايتك كلها، حبيتها جدا خصوصا انك اعتمدت على العفوية في الكتابة لانها من اسرار نجاح الكاتب، القصة هادئة و خفيفة الظل، حب شرين و شريف و سوء الفهم الذي بينهما، سنرى كيف سينتهي، النقد الذي ساوجهه لك هو حبذا لو تنتبهي قليلا الى خاتمات الفصول حيث الاحظ مثلا ان فصلين او اكثر يمكن جمعهما في فصل واحد، فالمهم ليس عدد الفصول، بل مضمون كل فصل، و بس ^^ و مرحبا بقلمك و ابداعك بيننا عزيزتي صيام مقبول ان شاء الله | ||||||
|
| |
|
09-09-13, 10:14 PM
| #46 | |||||||||
| اقتباس:
اهلا وسهلا حبيبتى بمرورك .. نورتينى بوجودك نقدك ع راسى يا قمر .. واكيد هحاول اراعى تطويل الفصول شوية .. اتمنى تتابعى القادم واعرف رايك حبيبتى | |||||||||
|
| |
|
09-09-13, 10:44 PM
| #47 | ||||||||
|  ♥ السلام عليكم ورحمة الله وبركاته ♥ اولا : أحب اعتذر عن غيابى الطويل .. لكن كان رمضان وضيق وقته وبعدها احداث البلد مكنش فى نفس خالص لأى حاجة .. ربنا يعديها على خير يارب .. ثانيا : أحب اوجه كل الشكر والتقدير لكل من شرفنى بوجوده ورأيه فى احداث قصتى الاولى هنا واتمنى منهم التواجد دايما والدعم والنقد البناء .. ثالثا : بعد التأخير ده هنزل جزئين النهاردة ان شاء الله ويارب يعجبوكم .. الـــــجـــــزء ((9)) كنا وصلنا المرة اللى فاتت لحد .. - شرين روحت وقعدت تفكر فى كلام مهران وكلام حازم من قبله .. ودلوقتى نكمل .. قعدت شرين تفكر ازاى تشد شريف ليها .... ووصلت لفكرة ....! قررت انها هتعتمد على اثارة الغيرة ودورها فى تحريك مشاعر شريف .. فقررت انها تقرب من مهران عشان شريف ياخد باله ... ويغير ووقتها مفيش حل غير انه يصارحها بحبه ليها .. - وفعلا قربت قوى من مهران ... وفضلت معاه هو وشلته فترة .... مش هننكر ان شريف اخد باله ... لكن النتيجة كانت عكسية معاه وشاف انها شايفة فى مهران مواصفات فارس احلامها مع انه متاكد ان مهران مفيهوش ولا صفة من اللى شرين كانت بتتمناها.. شرين بطلت تحضر محاضرات لمجرد انها تغيظ شريف مش اكتر .... ولما كان بيكلمها ... مكانتش بترد عليه ...... وفى يوم دخلت تحضر محاضره عشان تشوف اثر فكرتها على شريف .... (شرين):ايه.... اخيرا عرفت اشوفك ....!؟ كفارة يا معلم . (شريف):يـــــــاه... شرين مرة واحدة ...!؟ حمد الله ع السلامة .... انتى ليه مش بتنزلى المحاضرات ........!؟ انتى لسة زعلانة من ريم ............ والله البنت ملهاش ذنب خالص ........ (شرين):ريم ايه يا ابنى .......... لا خلاص انا نسيت ...... وبنزل الجامعة كمان كل يوم ........ عادى يعنى ........ ايه الجديد .........!؟ (شريف):الجديد انى بقيت مش بشوفك غير بالصدفة وفى المناسبات ... بتروحى فين ..... ومع مين .......!؟ (شرين): يعنى .. معظم الوقت مع مهران فى الكافيه . (شريف):مهران ...!؟ مش ده الواد بتاع الخناقة ...!؟ بتعملى ايه معاه ده ....!؟ (شرين): لا .... الوضع اتغير كتير ... دلوقتى بنضحك ونهزر ... وساعات بنخرج نتمشى. (شريف): هو ده اللى انتى سايبة المحاضرات عشانه ... طب ليه ...!؟ (شرين): انا مش عارفة انت ليه آخد منه موقف ... هو مش زى ريم و لا ايه ..!؟ (شريف):ريم....!؟ لا طبعا مش زى ريم اطلاقا ..... ريم عمرها ما اساءت ليكى او ليا ... ولا انا غلطان .......!؟ (شرين):بص يا شريف ... ممكن تخليك فى حالك ... وتسيبنى انا كمان فى حالى ....... اظن من حقى يكون ليا حياتى الخاصة .... عشان من فضلك يا شريف مش عايزة اخسرك اكتر من كده ... سلام . - مشيت شرين ...... وبدا شريف يبعد عنها من غير قصد .... زى بالظبط ما كان بيقرب من ريم من غير قصد . - ولما طلعت النتيجة كانت مفاجاة لشريف ان شرين للاسف هتضطر انها تعيد السنة ...... طالعة باربع مواد ... شريف اتصدم وراح فورا على الكافيه عشان يقابل شرين ..... (شريف):عرفتى ان النتيجة طلعت ........!؟ (شرين):انت داخل سخن ليه ... براحة ... الاول قول صباح الخير . (شريف):جاوبينى دلوقتى . (شرين):اه .... عرفت .... الف مبروك يا سيدى ... وعقبال التخرج ان شاء الله . (شريف):انتى مستحيل تكونى شرين اللى انا اعرفها ... ايه البرود ده ...!؟ (شرين):ليه كده .....!؟ (شريف):انتى مش ملاحظة انك هتعيدى السنة ...!؟ (شرين):عادى ..... انا مش اول ولا اخر واحدة تعيد السنة فى الجامعة . (شريف):طبعا ... كلامى ولا هياثر عليكى .... بعد ما اتعرفتى على الفاشل اللى بقالو (5) سنين فى الكلية ... ولسة فى سنة ثالثة . (شرين):قصدك مين....!؟ (شريف):مهران باشا علام ... ولا متعرفهوش ...!؟ (شرين):اوووف ... ممكن تطلعه من دماغك بقى ... كفاية يا شريف . (شريف):ابعدى عنه ... والله هيضيعك معاه . (شرين):ابعد انت عننا وكل حاجة هتمشى تمام . (شريف): كل حاجة هتمشى !!؟؟ .. انا اللى همشى ... وخليه ينفعك ... سلام يا شرين ...قصدى .. يا اللى كنتى شرين . - بعدها باسبوع شرين راحت عشان تصالح شريف ... ولسه هتخبط على بابهم .. لقت شريف بيفتح الباب ... (شرين):بص بقى ... دى اخر مرة هصالحك فيها ... فاهم يا استاذ ....!؟ (شريف):انا اصلا كنت لسة رايح اخدك وننزل .. عايزك فى مشوار ... يلا . - ركبوا العربية ...... وهما فى الطريق .. انتهى الفصل والفصل العاشر باذن اللى ينزل دلوقتى .. | ||||||||
|
| |
|
09-09-13, 11:47 PM
| #48 | ||||||||
| الــجــزء ((10)) كنا وصلنا المرة اللى فاتت لحد .. - ركبوا العربية ...... وهما فى الطريق ... ودلوقتى نكمل ..... (شرين):احنا رايحين فين ....!؟ (شريف):بصى يا ستى ... ايه الحلم اللى بتحلمى بيه طول عمرك ولسة متحققش ....!؟ كنتى دايما تقوليلى عليه ....!؟ (شرين):كداب ... لان الحلم الوحيد اللى حلمت بيه ومتحققش .... انا عمرى ما قولتلك عليه . (شريف):خلاص وصلنا ... يلا انزلى . - نزلوا الاتنين من العربية ....ودخلوا عمارة شيك قوى وعطى البواب مفتاح وقاله يسبقهم ويفتح الشقة ... وطلع هو مع شرين .. (شريف):ها .... ايه رايك بقى ..!؟ (شرين):تصدق .. الحلم شكله كده هيتحقق . (شريف):دى بقى بابا اشتراها من يومين بس ...يعنى .... هدية نجاحى .. عشان نحقق الحلم اللى حلمنا فيها ان شاء الله .. بعد التخرج ان شاء الله هتبقى شركة الالكترونيات اللى كنا بنحلم بيها سوا ... وبكرة تكبر ان شاء الله .. ايه رايك بقى ...!؟ - شرين اتصدمت ... كانت مفكرة انه هينطق خلاص .... وانه بيفرجها على عش الزوجية ... سكتت كتير وبتفكر ازاى ترد الصدمة دى لشريف .... (شريف):ايه ساكتة ليه ....!؟ وحشة ولا ايه .....!؟ (شرين):لا ... بس سرحت شوية .... اصلى شوفت نفسى وانا بتفرج على شقتى عقبال عندك . (شريف):خلاص ... نسيبها تبقى شقتك لو عجباكى ... ونجيب واحدة تانية للمكتب بتاعنا ...ايه رايك ....!؟ (شرين):والله مش باين فيها جواز .......... يا ابنى مش لما العريس يتخرج اصلا . (شريف):خلاص هانت بس قولى يا رب . (شرين):لا .. لسة كتير .. مهران علام .... قدامه كتير قوى عشان يتخرج ...!؟ - شريف بقى صدمته كانت اكبر ... للدرجة دى مش فى بالها اى حاجة ....بس هى كملت كلامها عادى .. (شرين):وشوف انت بتعاملنى ازاى ...!؟ بس انا بقى هعمل باصلى وهتكون انت اول المعازيم . (شريف):يلا بينا ..... كفاية قوى كده ... مش هينفع نقعد هنا اكتر من كده . - نزلوا الاتنين وراح شريف على بيتهم ... وكان حاسس انه مخنوق قوى ... وكلم ريم من غير ما يحس ... (شريف):الو .. ازيك يا ريم ... عاملة ايه....!؟ (ريم):ايه ده ...! اخيرا شريف باشا عبرنى وافتكرنى ... والله اتحسد . (شريف):افتكرتك ازاى ......!؟ عمرى اصلا ما كنت ناسيكى يا ريم ... ولا ايه ...!؟ - ريم حست ان فى شئ غير طبيعى .... وسألته ... (ريم):مالك يا شريف ..!؟ فى ايه ...!؟ (شريف):ولا حاجة ... عايز اشوفك ... والدراسة لسة بدرى عليها . (ريم):بدرى من عمر سيادتك .. دول يا دوب اسبوعين ... امال هتعمل ايه بعد ما تخلص السنة دى ...!؟ (شريف):انجزى بقى ... بكرة فى النادى كويس ....!؟على 11 كده .. ها ايه رايك .....!؟ (ريم):خلاص ماشى ... لما نشوف اخرتها معاك . - وفعلا اتقابلوا تانى يوم ... وفضلوا يتقابلوا كل يوم ....حتى لما دخلوا الكلية .... كانت شرين بتعيد السنة .. والمواعيد مختلفة عن بعض .. فكان دايما مع ريم ... وفى يوم راح شريف لريم وهى قاعدة مع حازم ... (شريف):ريم ... ممكن تيجى معايا شوية ...عايز اتكلم معاكى فى مكان تانى بعيد عن جو الكلية . (ريم):ليه .... فى ايه .....!؟ (شريف):يلا بس ... سورى يا حازم .. بص هنرجع على المحاضرة . (ريم):اوكيه ... حازم ... هبقى اكلمك ... يلا سلام . - شريف اخدها فى كافيه شيك قوى على البحر .. وقعدوا فى الدور التانى ...المنظر كان حلو قوى .... ونكمل المرة اللى جاية .. معلش بيبقى نفسى اطول البارت شوية بس بكتبه وقت ما بكون بنزله بيكون صعب يطول بس والله بحاول وهطوله اكتر ان شاء الله مستنية ارائكم جميعا فى رعاية الله التعديل الأخير تم بواسطة كاردينيا الغوازي ; 10-09-13 الساعة 03:51 PM | ||||||||
|
| |
|
11-09-13, 12:21 AM
| #49 | ||||||||
| ♥ السلام عليكم ورحمة الله وبركاته ♥ الــجــزء ((11)) كنا وصلنا المرة اللى فاتت لحد ... - شريف اخدها فى كافيه شيك قوى على البحر وقعدوا فى الدور التانى ...المنظر كان حلو قوى .. ودلوقتى نكمل ... (شريف):ممكن تسمعينى للاخر من غير مقاطعة خالص ...!؟ (ريم):اوكيه .... بس ثوانى اقفل الموبايل . - ومسكت الموبايل عشان تقفله وحطته على التربيزة .. (ريم):ها بقى ... قول يا سيدى وانا سامعة . (شريف):بصى ... انا مش هنكر انى الاول مكنتش حاسس بيكى ... وكنت دايما بحاول ابعد عنك لانى كنت بتشدلك كتير وانا مكنتش مبسوط من كده ... بس دلوقتى صدقينى الوضع اتغير خالص ... ولقيت نفسى مش قادر استغنى عنك .. يعنى من النهاية بحبك .. قولتى ايه..!؟ (ريم ):قولت انك صريح قوى ... وغريب قوى قوى . (شريف):معلش ... اعذرينى ... اصل السكوت ممكن يضيع منك اكتر حد ممكن تحبيه . (ريم):افهم من كده .. انك حبيت قبل كده وسكت ... وحبيبتك ضاعت منك...!؟ (شريف):يعنى ... تقريبا حاجة زى كده . (ريم):طب وشرين ....!؟ (شريف):ايه دخل شرين فى موضوعنا دلوقتى ..!؟ شرين مجرد .... (ريم):عارفة ..... مجرد اختك ... بس يعنى ايه دخلها ايه فى موضوعنا ....!؟ شرين بتعاملنى وحش قوى وانا مش هقدر استحمل كده . (شريف):لا ... كان زمان ... وبعدين انتى مالك بيها ...!؟ (ريم):يا شريف دى اختك .... ازاى عايزنى اتعامل معاها كانها مش موجودة ...!؟ ده صعب . -شريف اتعصب وخبط على الترابيزة جامد .. (شريف):لا .... شرين مش اختى .... انا معنديش اخوات غير اميرة ... اللى انتى شوفتيها فى النادى . (ريم):طب وشرين تبقى ايه ...!؟ (شريف):جارتى من واحنا صغيرين ... كنا دايما مع بعض فى كل مكان ... عشان كده الكل بيقول علينا اخوات ... هى دى كل الحكاية . (ريم):ااااه ... قولتلى بقى ... انا دلوقتى بس فهمت . (شريف):فهمتى ايه ..!؟ (ريم):شرين كانت بتعاملنى وحش بسبب غيرتها عليك ... بس لما عرفت انك بتحب واحدة تانية راحت لمهران .... مجرد حاجة تنسى بيها .... فكرت انك كده هتغير عليها وتحس بالالم اللى هى حست بيه ... بس مكنتش تعرف انك عمرك ما حبيتها اصلا ... ولا ايه ....!؟ - شريف فهم ان ريم معرفتش انه كان بيحب شرين .... وسكت عشان ميجرحش احساسها ... (شريف): لا خالص ... شرين شايفانى اخوها ... وعمر نظرتنا لبعض ما اتغيرت .... بس مهران شايفة فيه حبيبها ... وكمان هى متعرفش انى كنت بحب واحدة تانية .... انسيها بقى ... ها ... قولتى ايه ...!؟ (ريم):قولت احنا عندنا محاضرة دلوقتى ويلا بقى عشان نلحق المحاضرة ... وبعدين نتكلم . -وقفلت ريم الموضوع فترة ... وشريف فى الفترة دى كان بدا انه يقرب من شرين تانى ... اصل باباها وماماتها كانوا مسافرين ... وهى قاعدة لوحدها ... فكانت بتقضى النهار كله تقريبا عندهم . - وفى يوم شرين راحت الكلية وقاعدة طبعا مع مهران وشلته و... (مهران):صباح الخير يا قمر . (شرين):صباح النور ... ازيك يا مهران ...!؟ (مهران):زى الفل .. وانتى ....!؟ (شرين):ماشى الحال ... نزلت الكلية يعنى ...! مش عوايدك ... فى ايه ....!؟ (مهران):جى اعزمك على عيد ميلادى بكرة ... هستناكى .. ماشى ....؟ (شرين):كل سنة وانت طيب .. بس اعذرنى ... بجد مش هقدر احضر . (مهران):ليه بقى ان شاء الله ...!؟ (شرين):اصل بابا وماما مسافرين . (مهران): اخترعوا الموبايل عشان تكلميهم وتقوليلهم ... فيها ايه .!؟ (شرين): مش دى المشكلة . (مهران):امال فين المشكلة ...!؟ (شرين):اصل مش عاملة حسابى على حفلات وكده ... وعشان انزل اجيب حاجة احضر بيها .. لازم ماما وبابا معايا ... فهمت ..!؟ (مهران):اااه .. طب وانا روحت فين ..!؟ تعالى هنزل معاكى . - وفعلا اخدها مهران وراحوا على محل من اللى يعرفهم ... بس هى لقت الفساتين هناك مش ولا بد .. (شرين):لا يا مهران .... الفساتين هنا مش حلوة كلها عريانة ... وانا مش متعودة على كده . (مهران):متخفيش هنشوف حاجة شيك محترمة ... تنفع اعرفك بيها على اصحابى . (شرين):خلاص اوكيه .... لما نشوف . - وفعلا مهران نقى فستان .... كان تحفة وشيك قوى قوى .... فى الاول شرين مكنتش مقتنعة بيه .... بس هو اقنعها انها هتلبسه ساعتين بس ... وشرين وافقت واخدت الفستان .. - وتانى يوم ... شرين راحت لشريف الصبح ..... (شرين):صباح الخير يا شريف باشا . (شريف):خير ان شاء الله ...!؟ (شرين):وانا مش باجى عندك غير فى المشاكل ولا ايه .!؟ (شريف):طالما قولتى باشا .... يبقى فى طلب ..... ارغى ارغى . (شرين):فعلا .... اللى ربى خير من اللى اشترى .... طب بص يا سيدى .. (شريف):ها ....!؟ (شرين):فاضى بالليل ..!؟ (شريف):ليه...!؟ (شرين):عايزاك توصلنى حفلة عيد ميلاد واحدة صاحبتى ... ممكن ...!؟ (شريف):طنط وعموا يعرفوا ..!؟ (شرين):طبعا .... انا عمرى ما عملت حاجة من وراهم .. ها قولت ايه ....!؟ (شريف):على كام كده ..!؟ (شرين):يعنى فى حدود 9 كده ... ماشى ....!؟ (شريف):هستناكى فى المعاد قدام باب العمارة ... متتاخريش عليا ... ماشى ...!؟ (شرين):اوكيه ... عن اذنك بقى عشان ورايا حاجات كتير .. يلا سلام. (شريف):سلام . - وفعلا الساعة تسعة بالدقيقة كان شريف واقف قدام باب العمارة ..... ولقى شرين نازلة لابسة فستان قصير قوى .. وشكله مستفز جدا شريف طبعا اتجنن .. بس هنكمل البارت اللى جى بقى .. ســــــــلام | ||||||||
|
| |
|
14-09-13, 07:14 PM
| #50 | ||||||||
| ♥السلام عليكم ورحمة الله وبركاته♥ الفصل (12 ) كنا وصلنا المرة اللى فاتت لحد ... - وفعلا الساعة تسعة بالدقيقة كان شريف واقف قدام باب العمارة .. ولقى شرين نازلة لابسة فستان قصير قوى ... وشكله مستفز جدا شريف طبعا اتجنن .. ودلوقتى نكمل ... (شريف):ايه ده ... انتى هتروحى كده ... بالمنظر ده ...!؟ (شرين):اه ...ليه ....!؟ (شريف):ليه ...! بت انتى .. متستعبطيش عليا .. هو عمو كان صاحى وهو بيجيب البتاع ده ..!؟ (شرين):اولا اسمه فستان ... ثانيا ده مش بابا اللى جابه . (شريف):مين اللى جابه ... امى ...! انتى عمرك ما اشتريتى حاجة لوحدك . (شرين):لا ده مهران اللى جابه . (شريف):ايه ... مهــ ايه يا اختى ...!؟ (شرين):مهرااان .. مهران علام ... ايه ... متعرفهوش ...!؟ (شريف):ومهران ده يجيبه ليه ..!؟ بتاع ايه اصلا ..!!؟ (شرين):اصل النهارده عيد ميلاده ومكنتش عاملة حسابى ولما عرف انى مش عارفة انزل عشان بابا وماما مسافرين اتطوع هو ونزل معايا وقالى هنجيب حاجة شيك عشان اعرفك بيها على اصحابى . (شريف):اه .... عشان كده نزل جابلك الفستان الزبالة ده عشان يعرضك بيه على اصحابه الزبالة .... مش كده ولا ايه ...!؟ (شرين):شريف ... فوق لكلامك ... انت فاهم معنى كلامك ايه ...؟ انا شرين ... ولا مش فاكر دى كمان ...!؟ (شريف):انتى اللى مش فاهمة حاجة خالص ... الحيوان ده عمال يتمنظر بيكى قدام اصحابه فى الجامعة .... ودلوقتى رايحة البيت برجلك .... ده ايه معناه ...!؟ انك لسة شرين ....!!؟ - شرين الكلمة كانت صدمة كبيرة عليها ... ومحستش بنفسها غير وهى بتضربه بالقلم !!!!! .. شريف جاله حالة من الذهول وسكت لحظات ... بس اتكلم بعدها .... (شريف):انتى يا شرين ...!!!؟ انتى اللى بتمدى ايدك عليا ...!!!!؟ ده انتى كنتى زمان لما حد يبصلى بس ... كنتى بتموتيه .... دلوقتى بيضربينى ...!!!! هى حصلت ....!؟ (شرين):يااااه .. انت لسة فاكر ... بس ليه كلفت خاطرك ورجعت لعشر سنين ورا .... كنت افتكر نفسك من اسبوع واحد بس وانا قاعدة مع مهران .. وساندى بتحدف كلام بالهزار على علاقتى بمهران .. فاكر انت عملت ايه ...!!؟ زعقتلها جامد وكنت شوية وهتضربها ... مع انك عارف ومتاكد تماما انى غلطانة فى كل حاجة بعملها انا ومهران .. وانت نفسك دلوقتى اللى جى تتهمنى بالكلام القذر ده .. يبقى ليه بتحاسبنى انى اتغيرت معاك ... حاسب نفسك الاول واعرف ايه اللى وصلنا لكده ...!؟ (شريف):انا اول مرة اعرف انك تفكيرك سطحى قوى ومحدود كده . (شرين):وانا اول مرة اعرف ان تفكيرك وقح وحقير قوى كده . - شرين عيطت وطلعت على شقتها ... وشريف كمان طلع على شقته ... وقعد يفكر فى الموضوع واللى حصل كله ... وازاى هو يقولها الكلام ده ... كان هيتجنن ويصالحها بس سابها عشان تفوق ... وهى كمان فضلت مصدومة من ردة فعلها مع شريف .. وبتبرر ده بانه جرحها بكلامه ... بس برضو ندمانة ... وفضلت تفكر قد ايه مهران غيرها للغلط فى الوقت اللى كان شريف بيعمل اى حاجة عشان يحافظ عليها ... وسهرت الليلة دى للصبح .... وراحت الكلية ... وهى داخلة قابلت ساندى الانتيم بتاع مهران ... (ساندى):هاى ... ازيك يا شرين .... كنتى فين امبارح .... مجتيش ليه ..!!؟ (شرين):معلش ... اصلى تعبت شوية ... ولو على مهران انا هصالحه بقى . (ساندى):تصالحى مهران ليه ...!؟ (شرين):يعنى عشان مجتش ... اكيد زعل . (ساندى):زعل ..!؟ ويزعل ليه!!؟ ... اذا كان هو اصلا مجاش . (شرين):ازاى هى الحفلة مش كانت فى بيته ...!؟ (ساندى):حفلة ايه...!؟ (شرين):حفلة عيد ميلاده ... مش كان امبارح ..!؟ امال بتسالى انا مجتش على ايه ....!؟ (ساندى):بسال على محاضرة امبارح ... اصلها كانت مهمة قوى عشان كانت الاخيرة ... وبعدين عيد ميلاد مهران مين ...!؟ انتى كنتى فى غيبوبة ....!؟ (شرين):يعنى ايه ...!؟ (ساندى):عيد ميلاد مهران كان من خمس شهور ... وعملناه هنا فى الكافيه ... انتى مش فاكرة ولا ايه ...!؟ (شرين):اااه .... سورى كنت ناسية ... عموما سلام دلوقتى ... اشوفك فى المحاضرة . (ساندى):اوكيه .. سلام . - مشيت شرين زى التايهة فى الجامعة ... اصل الكلام كان صدمة ليها .. كانت بتفكر تعمل ايه مع مهران .. تواجهه بالحقيقة اللى عرفتها ... ولا تسيبه عادى وتكمل الحدوتة بتاعتها ..!!!؟ - كانت ماشية حيرانة قوى ... بس فى النهاية رجليها اخديتها لغاية الكافيه ... وهناك شافت مهران وهو قاعد مع شلة شكلهم مش ولا بد .... بس هى راحتله .. (شرين):مهران ... ممكن دقيقة من فضلك ...!؟ (مهران):تعالى دول مش حد غريب .... دول صحابى . (شرين):ااه ... اصحابك اللى كنت ناوى تعرفنى عليهم امبارح ... مش كده ..!؟ (مهران):بالظبط .. عرفتى منين ...!!!!؟ (شرين):شكلهم باين ... بيتعرفوا كويس قوى . (مهران):ايه اللهجة دى ..؟ من امتى بتكلمينى كده ...!؟ (شرين):من امبارح بس . (مهران):وده من ايه ان شاء الله .. حساسية ...!؟ (شرين):طبعا من حقك تتريق ... ما انا المغفلة اللى انت بتضحك عليها من يوم ما عرفتها . (مهران):مش فاهم حاجة خالص . (شرين):ممكن اعرف كنت عازمنى ليه امبارح فى بيتك ...!!!؟ (مهران):يا بت انتى مجنونة ...! ما قلنا عيد ميلادى .. هى سيرة ..!؟ (شرين):اه .. عيد ميلادك اللى كان من خمس شهور فى الكافيه هنا ... مش كده ..!؟ (مهران):مين قالك الكلام الفارغ ده ..!؟ (شرين):كنت فاكر عشان مكنتش موجودة مش هعرف ....؟ لا غلطان يا استاذ . (مهران):نعم ..!؟ وهخاف من ايه ياختى ...!؟ ايوة عيد ميلادى كان من خمس شهور فى حاجة ..!؟ (شرين ):وكنت عازمنى ليه يا استاذ ...!؟ (مهران):والله بقى افهميها زى ما تفهميها ... انا دماغى مش ناقصة صداع .. يلا يا ماما روحى العبى بعيد . (شرين):صدق اللى قال عليك فاشل وحثالة ... بس للاسف مقليش انك حقير كمان . - شرين مشيت بعيد .. بعيد قوى وقطعت كل علاقتها بمهران من اليوم ده .. وحاولت ترجع لشريف وتفهمه كل حاجة ... بس للاسف فاقت بعد فوات الاوان .... لان شريف كان تقريبا اختفى عن عيونها تماما .. وحاولت توصله كتير بس للاسف كان هو بيهرب منها اكتر ... وشافته اخر يوم الامتحانات وهو خارج مع ريم وحازم من الكلية ... جريت عليهم من غير ما تحس .. (شرين):صباح الخير يا شريف .. ازيك يا ريم ... وانت يا حازم ...!؟ - شريف مش رد عليها ... بس ريم وحازم ردوا .. (ريم/حازم):الحمد لله كويسين . (شرين):ايه يا شريف .. لسة زعلان منى ...!؟ (شريف):لا عادى ... ليه بتقولى كده ..!؟ (شرين):اصلك مش عايز تشوفنى ولا بترد ع الموبايل خالص ... ليه كده ...!؟ (شريف):لا ... ده بس من خوفى عليكى مش اكتر . (شرين):خوفك عليا من ايه ...!؟ (شريف):من نفسى يا شرين .. اصلى اكتشفت من قريب بس .. انى وقح وحقير .. عن ازنك .. يلا ياريم ... يلا يا حازم . - طلعوا هما التلاتة وركبوا العربية ... بس شريف استنى لحد لما شرين تركب عربيتها وتمشى ويطمن عليها ... - شرين ركبت عربيتها وهى بتعيط ومشيت على طول .. (ريم):هنروح فين ....!؟ (شريف):مكان بحبه قوى وبرتاح فيه . (حازم):لا يا عم ... يفتح الله . اطلع على السينما .. ده فى حتة فيلم نازل .... تحفة . (شريف):موافقة يا ريم ....!؟ (ريم):ده اقتراحى اصلا .. يلا بس .. (شريف):حاضر ... هسوق براحة يا جبانة . - مشيوا هما التلاتة وبيضحكوا ويهزروا ... وقبل ما يوصلوا للسينما حوالى تلات دقايق بس ... شريف فرمل بسرعة قوى .... ووشه اصفر وساكت .... وريم وحازم بيسالوه فى ايه .... بس هو مش بيرد وكان بينهج كانه كان بيجرى ... ومش عارف يتنفس حتى .. وهنكمل المرة اللى جاية ان شاء الله التعديل الأخير تم بواسطة كاردينيا الغوازي ; 15-09-13 الساعة 08:10 AM | ||||||||
|
| |
|
| الكلمات الدلالية (Tags) |
| أشلاء من الماضى |
| أدوات الموضوع | |
| انواع عرض الموضوع | |
|
|
1Likes
العرض العادي
