آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
06-07-13, 08:52 PM
| #11 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  الجــ 9 ــزء ماقبـل الأخيــر امل :خالي يانوره حالته النفسيه تعباانه تعبانه طالعتها وقلت : مافهمت امل : قبل اربع سنين خالي سوا حادث شنيع وراحو ريوله الثنتين الحمدلله انه ماراح اهو صدمني كلامها لاني الي اشوفه غير عن الي تقوله قلت : بس اهو طبيعي الحين يمشي امل : بريول صناعيه وقفت مذهوله : شنو المطلوب مني سحبتني من يدي وقعدتني يمها : نوره لا تتسرعين سمعي قصته كامله وبعدين حكمي يلست وقلت : يالله كملي امل :قبل اربع سنوات خالي كان يحب وحده والكل يدري بهالشي لان مقرر يخطبها بس بعد ما سوا الحادث وبعد ما رجع يمشي وهذا بفضل الله وبفضل الريل الصناعيه والتمارين قدر يسترجع ريله ويعيش حياته مثل اي شخص راحو امي وخالتي شيخه يخطبونها له والله يانوره ماوصف لج فرحته شلون يوم بيروح كاشخ ع الاخر والابتسامه مافارقته شفتي فرحة الحبيب الي ينتظر من سنين يبي يقابل حبيبه يبيه يكون له بروحه هذي فرحته بس وسكتت ماجذب عليكم دمعت عيوني بس اخفيت الدموع والحزن عن امل ما احب حالة الضعف الي فيني مابيها تستقلني رجعت وقلت لها : بس شنو امل : يافرحه ماتمت قلت : يعني العروس ماتت امل : جان زين ماتت ع الاقل خالي ماعاش بهالعذاب نوره : عيل شفيها عرست امل : رفضت نوره : ليش رفضت امل : ماتبي واحد ناقص نوره : مافي احد كامل الكامل الله سبحانه وتعالى امل : قسمه نصيب نوره تعاطفت وياه صج عور قلبي وكسر خاطري: الله كريم الله يعوضه خير امل : الحين ممكن تقولين لي ليش انتي رافضه ماتوقعتها تسألني هالسؤال حسيت اني ابي اسوي اي شي ابي اتهرب من سؤاله امل : نوره اكلمج نوره : شوفي اشجان مسكينه رقدت رفعت امل راسها بتشوف اشجان طاحت عينها بعيون محمد الي شكله من بدايه القصه لين نهايتها كان واقف ومتيبس بمكانه وعيونه حمر متروسه دموعي امل بصوت متقطع : آسـ ـفـ ـه خـ ـالـي بس من المفروض انها تدري شفت منهد على الكرسي وسمح لدموعه تنزل اكره شي عندي اشوف دمعة ريال في وقت ضعفه شفته يكلم امل ويقول بصوت مبحوح : يعني بترتاحين الحين بترتاحين يوم انج قلتي لها يلست امل على ريولها وجابلت خالها : نوره من يوم مافكرت انت فيها كان لازم تعرف هذي الشي محمد : عشان تروح تكرهني لازم تقولين لها اني انسان عاجر صرخ بهالكلمه مره ثانيه : عاااااجز هني ماقدرت استحمل منظره رحت ركضت غرفتي وقفلت الباب وحطيت راسي ع السرير ويلست اصيح من قلبي شكل محمد يقطع القلب شلون طاح ع الكرسي طريقة كلامه خوفه ياربي صج عور قلبي بس انا مو حقه لو شنو يصير انا لخالد وخالد لي ليش محد راضي يفهم هذي الشي دفنت راسي اكثر في السرير ويلست اصيح بصوت شبه مسموع حياتي كلها عذاب في عذاب وبعد هالصياح ماحسيت بعمري الا ع الساعه 9 الصبح قمت دخلت الحمام اتغسل وبعدها طلعت صليت الصبح متأخره هالمره طالعت تلفوني تنهدت بقوه لان مافي رد لا على اتصالي ولا على مسجي خذت التلفون وضغطت رقم خالد بكلمه بس الي خلاني مذهوله الرقم مقطووع رجعت اصيح بغزاره هذا الشي الوحيد الي يوصلني لخالد ويعلمني بأخباره والحين مقطوع رحت بسرعه فتحت لاب توبي ودخلت المسنجر يأست اكثر ونزلت دموع حاره يوم شفت خالد محد طرشت له رساله ويلست انطر لي ما اذن الظهر وانا انطر رد منه رجعت طرشت لها مره ثانيه ابييه بس يدخل او ع الاقل يقولي انه بخير هم مالقيت رد رحت اجيك اشوف ع الايميلات طلعت عيوني على برا يوم شفته ماعطني حظر وحذف وقتها  بصوت مسموع ماعرفت شنو اسوي ولا شنو اقول غير ان يلست اصيح وادعي عليه يوم انه بيعذبني هالعذاب كله حرام عليه والله حرام عليه يعني لازم اقضي ايامي انا بالذات بدموعي والله حرامعقب ماشبعت صياح مسحت دموعي واسترجعت شوي من القوه الي فيني وقلت بتحمل مارده هو الي بيرجع لي وعطيت نفسي آمال لها اول مالها تالي وبعض الآمال مستحييله بس عشمت عمري ان خالد لي وبيرجع لي ويمكن كل هذي عشان يزيد من غلاي شفتو شلون عشمت عمري بأشياء مستحيله المهم صليت الظهر ولبست جلابيتي ونزلت تحت كالعاده البيت خالي مافيه احد كلهم عند امهم ماعدا نواف اكيد كان يرتب اموره حق الشغل لان بعد اسبوعين يصير بدايه الشهر وراح يستلم الشغل نزلت تحت كنت متعمده انزل في هالوقت لاني ادري انهم محد وابي اتحاشي تواجدي مع محمد في اي مكان مابي اشوف نظرة الضعف في عيونه لاني ماحبها كفايه الضعف الي فيني سويت لي جاي حليب يدفيني وطالعت التلفزيون كان بايخ مافيه اي شي عدل اليوم كان مزاجي كلشي مو حلو دخل نواف شافني يالسه في الصاله قالي :الا قاعده بروحج نوره : الي يقول كل يوم اقعد من الجيران هذهم ربعي شوفهم واشرت ع الطوف الي في الصاله نواف : ههههههههههههه ينيتي نوره : ايه ينيت الي بيعيش هالعيشه الي انا عايشتها بين وزود بعد نواف : حمدي ربج وشكريه غيرج يتمنى يعيش هالعيشه نوره بحزن : عيشة البنت اليتميه الي فقدت امها عيشة البنت الي محد يحبها عيشة العذاب الي انا فيها بعد تسميها عيشه هذي نواف : يؤ يؤ نوره كل هذا فيج وبعدين انتي مو يتيمه نوره : فقدت امي وابوي وتقولي مو يتيمه حتى انت اخوي الوحيد ولاهي بحياتك ولا هميتك نواف تقرب مني : افــا نوره الحين انا مو مهتم فيج لو مو مهتم فيج ماشفتيني وياج بهالبيت سكت عنه وقالي : مابتروحين حق مرت ابوي اليوم قلت له : قلعتها تستاهل الي اييها نواف : بل بل حرام عليج مب زين نوره : الي سوته فيني مو سهل عيشتني برعب وعذاب الحين تستاهل ان شاء الله تموت نواف : حرام عليج سامحيها تراها محتاجه دعواتج مو تدعين عليها قلت بملل : يصير خير قام : يالله انا بروح اريح هلكت اليوم ماعطيته ويه اليوم مزاجي ضارب التوب كارهه حتى روحي طالعت الكرسي الي امس يلس عليه محمد وانعاد لي الشريط مره ثانيه كرهت العذاب فيني مابي اعذب الناس بس والله انا مو له لو شنو يصير انا اموت ولا اتزوج غير خالد بعد رجعت وقلت خالد خالد الي اهو خالد تملل مني وراح عني مادري وين راح المهم يلست في غرفتي هاليوم مابي اطلع منها مابي اشوف محمد خير شر يلست اصمم بالفوتوشوب بس نقزت من مكاني يوم سمعت صوت صراخ تحت طلعت من الغرفه ميته من الخوف نزلت تحت شفت فاطمه ضامه اشجان وقاعده تصيح وامل نفس الشي وابوي يالس ع الكرسي يمسح دموعه طالعتهم ابي احد يفهمني شسالفه شفت محمد داخل ومعاه شيخه سمعتها تقول حق ابوي عظم الله اجرك يعني مرت ابوي ماتت قام يمر شكلها على بالي من يوم ماكنت صغيره لي اخر مره شفتها بالمستشفى تقربت من فاطمه ويلست اصيح وياها صج فراق الام شي مو سهل هالاسبوع مر طبيعي كان عزا مرت ابوي وماكنت مقصره معاهم بشي كنت اقعد وياهم من الصبح لي الليل صج صج كان تعب وكانو ناس وايد اييون يعزون وشيخه كانت ترقد في بيتنا في هاليوم كانت فاطمه وامل مشغولين وشيخه وياهم كانو يايين ناس من اهلم من برا البحرين يعزون وانا انسحبت وخليت اشجان عندي حطيتها عندي بالغرفه معاها جم لعبه عشان تسكت كانت تلعب ببراءه حسيت بالطفوله الي بتعيشها اشجان من عقب امها بس كانت مثلي بالضبط بتعيش حياتها من غير ام بس عندها ابو يحبها مع انه ابوي ابوها نفس الابو بس في شي يختلف اشجان تلقى حنان وعطف الابو انا حتى سؤال مايسألني عن حالي يلست تحت وياها ع الارض حاولت اندمج وياها بس طالعتني وقذلتها على عيونها كانت ترفعها بطريقه بريئه : امي ماترضى تلعبين وياي بتكسرين العابي كسرت خاطري مسكينه ماتدري ان امها راحت وبتبتدي صفحة عذاب والم و شقى لها ويمكن صفحة خير وسعاده تقربت منها وقلت : لا حبيبتي انا اختج وماسوي لج جذي دزتني : قومي مناك امي ماترضى صرخت عليه : اشجان يلست تصيح وترافس : انا مابيج ابي امي وراحت عند الباب حاولت تفتحه بس ماقدرت رحت اتقرب منها عورت قلبي لانها ماتدري بشي ضميتها وحبيتها في خدها : اشجان انا اختج ماسوي فيج شي والله | ||||
|  |
|
06-07-13, 08:53 PM
| #12 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| اشجان : انتي تصرخين علي انا اخاف امي ماتصرخ علي قلت لها : خلاص مابصرخ امشي نلعب فكرت شوي وقالت : نلعب رحت يلست وياها لعبت شوي بالعرايس الي عندها تذكرت ايام قبل ماكان عندي عروسه وحده بمان ان فاطمه وامل يحتلون العابي سمعت باب غرفتي ينطق وصوت نواف من وراه قلت له : ادخل فتح الباب وقرب صوبي قالي : نوره ابيج في موضوع قلت حق اشجان : يالله عاد الحين لعبي بروحج وقمت عنها رحت يلست ع الكرسي وقلت حق نواف : شفيك قالي : انا قررت اتزوج بقيت عيني ع الاخر الوقت كلش مو مناسب حق جذي مواضيع صح انها مرت ابونا بس بعد احترام لابوي الي مايستاهل نوره : نواف انت من صجك تشوف هذي الوقت المناسب نواف بجديه اكثر : الي علي اني قلت لج اني بتزوج نوره : ومنو هذي الي بتتزوج واحد للحين ماشتغل نواف : انا الحين بشتغل وبعدين بنبيع البيت وكل واحد ياخذ نصيبه بطلت عيوني اكثر : وين نروح بعدين وين نقعد نواف : انا بتزوج وبقعد في شقه لي ماتتعدل الامور واشتري لي بيت نوره : نواف انت تفهم كلامك وانا وين اروح وين اولي نواف : اذا تبين تسكنين وياي حياج الله نوره بأصرار : اذا على بيعة البيت انا مو موافقه وماظنتي بيبعونه دام اني مو موافقه نواف : مو على كيفج ولا تسين ان عندي توكيل نوره بحزن وعذاب : وين اروح انا نواف شفيك انا اختك وين اروح قالي : عندج ابوي قعدي وياه نوره : انزين هذا آخر كلام عندك نواف : اي وبيكون زواجي في اقرب فرصه نوره : ماقلت لي منو بتاخذ نواف : سميه قمت وقفت كلشي له حدود يبيع البيت يذبحني ان شاء الله بس سميه مايتزوجها ماتناسبه قلت له : نواف سميه ماتناسبك نواف : بس هي داخله خاطري وابيها نوره : بس ماتناسبك نواف : انا ريال وحر في اختياري قعدت وجابلته ويه بويه :والي يقولك ان قبل لا نرجع بيوم سميه ماكانت راقده في بيتهم نواف : ادري نوره : وتدري وبعد تبيها نواف : لانها كانت راقده في شقتنا وانتي رحتي فضحتيها بطلت عيوني ع لاخر شفيه اخوي استخف والا زر عقله نوره : شنو مافهمت قام نواف وقف بيطلع من الغرفه : المهم سميه شكلها حامل وانا خايف عليها وبتزوجها اليوم قبل باجر وطلع عني وخلاني في بحر دموعي تركت اشجانو لعبتها ويات صوبي وتمسح دموعي : ليش تصيحين قلت لها : مافيني شي قالت : انتو كلكم تصيحون انتي وامل وفاطمه ليش تصيحون ضميتها اكثر لصدري ويلست اصيح بمرارة ع المغرب نزلت الصاله شفت ابوي يالس بروحه شكله يكسر الخارط بدون مرته الي كانت الكل بالكل عنده رأفت على حاله حبيته على راسه وكنت بكلمه بموضوع نواف الي باط جبدي بس كلش الوقت مو مناسب شويه ونزلت فاطمه من فوق تسألني فاطمه : نوره وين اشجان قلت لها : في غرفتي مسكينه تعبت ورقدت تقربت مني فاطمه بعد ماطلع ابوي وقالت لي : مشكوره نوره على وقفتج ويانا قلت لها : هذا واجبي مهما يكون هي الي ربتي كنت اضحك على روحي واقول هالكلام انا اصلا ربيت روحي بروحي فاطمه :نوره موعلي انا امي ذوقتج الويل بس طلبتج تسامحينها تراها محتاجه الدعوات نوره : وانا مو شايله عليها بشي عشان اسامحها فاطمه : الحمدلله نوره : الله يرحمها ويرحم جميع امواتنا المسلمين فاطمه : آمين كانت حرة نواف في قلبي ابي اشكي لاحد بس مالقيت جدامي غير فاطمه نوره : فاطمه ابي اقولج شي فاطمه : شنو قلت : يكون سر بيني وبينج فاطمه : ان شاء الله نوره : فاطمه نواف يبي يتزوج فاطمه بصدمه : الحين هزيت راسي بتنهد فاطمه : شفيه استخف تراالعرس مابيطير ع الاقل عقب ماياخذ لامي شهر مو عشاني ولا عشان اخواني بس عشان ابوي الي تشوفين حالته شلون نوره : والله كلمته وقلت له بس فاطمه : بس شنو نوره: بس اهو غلط مع هالبنت ويبي يصلح غلطته فاطمه الي حسيتها انصدمت من تصرف نواف فاطمه : بس نواف مو من هالنوع نوره : وهذا الي ماتوقعته والمشكله يوم سافرت وياه كانت البنت معانا بنفس الشقه وانا خبر خير فاطمه : مو مشكله انا مستعده اروح مع خالتي ونخطبها له بس خل امي تكمل الشهر نوره : والله مادري به وربي قاهرني فاطمه : وبعدين هو توه صغير اول يشتغل ويكون نفسه والا شلون بيمع مهر لها قلت بتنهد : بيبيع البيت فاطمه : ليش اهو لعبه والا على كيفه احنا وين نروح تدرين ابوي ماعنده غير راتبه التقاعدي وزين الي يكفي مصاريف بيتنا قلت بنبره بدايه للصياح : مادري فاطمه مادري فاطمه : تبيني اكلمه نوره : لا الله يخليج مافيني شدته يعصب علي فاطمه : على راحتج وراحت عني فوق لان شكلها تعبانه وانا غثيتها بالي قلته لها | ||||
|
| |
|
07-07-13, 12:16 AM
| #13 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجــ 10 ــزء الاخيــر راحت فاطمه فوق وخلتني يالسه بروحي تحت يلست اقلب القنوات في التلفزيون ماعجبني شي قمت ورحت غرفتي فوق كان بداخلي اشياء ابي اقولها بس للأسف محد يفهمني غير خالد خالد اهو الي يحس فيني اهو الي يعرف شفيني قبل لا اتحجى بس وينه الحين وينه على طول رحت فتحت المسنجر وطرشت له رساله كتبت له كل الي في خاطري وترجيته ان يرد علي لو بس هالمره بس كالعاده مالقيت منه ولا رد قمت من ع الاب توب وكلي خيبه لاني مالقيت رد من الغالي رحت لسريري وحطيت راسي في هذي الايام كان محمد دوم في بالي خصوصا يوم تقولي امل ويوم يقول لها يعني لازم تقولين تبينها تروح مني انا بالاصل مو له انا لخالد وحتى لو خالد راح قلبي مابيقبل بغيره لو شنو يصيرحطيت راسي المخده وطردت الافكار كلها مابي اتذكر شي ابي ارتاح لو شوي ورقدت ماقعدت من هالرقده الا قبل صلاة الظهر بشوي قعدت مرتااحه ونشيطه ع الاخر تغسلت وصليت وبدلت ثيابي ونزلت تحت شفت نواف كلمني بس ماعطيته ويه وتجاهلته ورحت المطبخ شفت فاطمه تعابل تبي تسوي غدا قلت لها من وراها : صباح الخير فاطمه بابتسامه : صباح الظهر نوره : هههههههه والله تعب فاطمه بتنهد : عيل انا شتقولين من راحت خالتي شيخه والتعب زايد نوره : ماعليج احنا ثلاث في هالبيت بنتساعد فاطمه : توني اكتشف طيبة قلبج اخجلني كلامها وسكت سألتها : وين اشجانو ماشفتها قالت : طلعت مع خالي بيروح بيت خالتي شيخه اليوم فز قلبي من يوم مايابت طاري محمد مو حباً فيه بس من اتذكر اسمه اتذكر سالفته ويعورني قلبي فاطمه : نوره الله يخليج نظفي الديايه تلوع جبدي استغفر الله ابتسمت لها : ولا يهمج تقربت من الديايه انا بروحي تلوع جبدي وفي نفس الوقت ماعرف شلون ينظفونها بس تذكرت سميه يوم كنا مسافرين وفي نفس الوقت لاعت جبدي هالمره مو من الديايه الا من طاري سميه نظفت الديايه وحطيتها في صحن قلت حق فاطمه : شنو بتطبخين فاطمه : تصدقين والله ماعرف بس شفت كتاب الطبخ الي مناك محطوط على الطاوله فيه اكلات خليجيه قلت لها : امممممم انا اعرف طريقة المجبوس تعلمتها يوم كنا مسافرين فاطمه : حلو شرايج تطبخين قلت مبوزه : خوفي يعتفس وتدزونه في جبدي بعدين فاطمه : خخخخخخخخخ افا عليج انتي طبخي ولا عليج نوره : ان شاء الله فاطمه : انا بروح انظف الصاله وغرفة خالي وبرجع لج بسوي السلطه نوره : اوكي ابتديت اطبخ وتقريبا بعد ساعه ياتني فاطمه وسوت السلطه وشوي ويات امل وفي يدها تلفونها امل كلم فاطمه : شنو الغدا فاطمه : مجبوس نوره طابخه اليوم سمعتها تتكلم في التلفون: يعني ننطرك بتيي اوكي يالله باي وصكته سألتها فاطمه : من خالي امل : اي من سمع ان نوره طابخه قال بيي يتغدى وغمزت لي كان ودي افلعها بالملاس هي وحركاتها السخيفه خلصنا شغلنا كامل ونظفنا المطبخ بس باقي ننطر ابوي وخالهم يلسنا في الصاله نطالع مسلسل في البحرين سمعنا صوت ابوي نازل من فوق شفت امل وفاطمه قامو يسلمون عليه قمت وراهم بعد انا وسلمت عليه تغير شكل ابوي صار واحد ثاني صج الحب يعذب طرت بأفكاري لي تزوجت خالد ومت بيصير فيه جذي وعيت من افكاري يوم سمعت حس محمد يسألني : شلونج نوره طالعته ببلاهه : ها .. اي بخير فاطمه : يالله نحط الغدا وقمنا انا وامل وفاطمه وحطينا الغدا واتفقنا ويا امل ان هي الي تغسل المواعين بما انها ماسوت شي يلسنا ع السفره كنا كلنا موجودين حتى نواف ويانا كنت ميته من الخوف اخاف يطلع مالح والا مب حلو ويتمون بيوعهم بس استانست يوم سمعت محمد يقولي : تسلم يدج نوره خوش طبخه تشققت ابتسمت ابتسامه عريضه اهم شي عرفت اطبخ عشان بعدين اطبخ حق خالد خلصنا غدا وقمنا نلم السفره سمعت نواف يقول حق ابوي بيتزوج طاح القلاص من يدي قالي محمد : الله شفيج عسا ماتعورتي كنت ساكته عنه من يوم مادخل وكنت ارد عليه لكن كلشي وله حدود انا ماخون خالد لو شنو هديته يولي ومشيت رجعت بشيل الباقي سمعت ابوي المتشتت الضايع من غير زوجته : سو الي يعجبك صدمني كلام ابوي شلون يسمح حق نواف يتزوج ومرته ماصار لها شهر رحت حق فاطمه لانها الوحيده الي تدري بالسالفه نقزتها وقلت لها قالت لي بعصبيه : شفيه ابوي استخف قالت امل من صوب المغسله لانها كانت تغسل المواعين بفضول : شفيه ابوي شبيسوي فاطمه : مو شغلج انتي وطلعت منالمطبخ معصبه راحت حق ابوي الصاله فاطمه : يبه شلون تخليه يتزوج وامي توها اسبوعين وشي يعني شهر ماصار شفتها يطالعها بنظرة حزن :اذا احنا حزنانين على فراق امج ليش نحرمه من فرحته قامت فاطمه : انا وحده مو حاضره العرس قال نواف : اصلا مافي عرس بس بلبسها الدبله وبس وتصير زوجتي حسيت ان نواف قاعد يستفز فاطمه الي راحت فوق الظاهر مو قادره تستحمل سخافة نواف مثلي بالضبط نواف : بس يبه تدري اني توني متوظف وماعندي امكانيه حق زواج بقيت عيوني لان نواف قام يدخل بالمواضيع الكبيره بيكلم ابوي عن بيعة البيت كمل كلامه وبلا مبالاه : فـ انا قررت ابيع البيت ابوي بعصبيه : شنو تبيع االبيت هو على كيفك نواف : عيل عطني حل انا بتزوج يعني بتزوج محمد يبي يهدي الوضع : خلاص انا بشتري البيت تدخلت : بس انا مابي ابيع قرب صوبي نواف : اوعدج والله بعطيج نصيبج ماباكله نوره : وانا وين اروح شسوي في نصيبي شبي بالفلوس انا سمعت محمد ينادي نواف وراحله نواف وطلعو برا في الحديقه اقصد شبه الحديقه الي في بيتنا وانا رحت حق فاطمه فوق بشوفها دخلت عليها الغرفه شفتها تصيح نوره : فاطمه ارجوج لاتصيحين ماعليج من نواف صدقيني استخف فاطمه : هو يلعب ويسوي سوالفه وتلي يحن يبي يتزوج وجان زين في وقت مناسب قلت لها وانا امسح دموعها : ماعليج محد بيحضر خله يولي يعابل في عرسه بروحه اهو والجلبه سميوه ظهرت عقرب رمل تصدقين فاطمه بس خايفه من شي انهبلت انا شقاعده اقول تذكرت ان فاطمه ماتدري عن سالفتي انا وخالد شلون اقولها الحين فاطمه : شنو نوره : هـا لا ولا شي اقولج بروح غرفتي اريح شوي يمكن امون تيي العصر فاطمه : اي والله توسع صدرنا شوي والله تمللنا من قعدة البيت نوره : اوكي بتصل فيها بقول لها رحت غرفتي يودت تلفوني اتصلت في امون واتفقت وياها انها تيي بيتنا وطبعا ماعارضت لان امها تحبني اصلا وماترد لي طلب رجعت فتحت المسنجر بسلي عمري بس لقيت الي يضايقني او شي مالقيت رد من خالد ورجعت جيكت ع الحظر والحذف لقيته للحين حاظرني وحاذفني يات في بالي فكره رجعت وسويت له اضافه من نفس الايميل لاني ادري وواثقه مليون بالميه ان خالد مايقدر يفارق النت لو على شنو يلست احوس في المنتديات لي ما اذن العصر قمت صليت ونزلت تحت شفت نواف ومحمد يالسين في الصاله وشفت اشجانو تلعب في وسط الصاله كانت شوي بعيد عنهم قمت العب وياها شوي لي مارن جرس بيتنا وكانت امون خذتها ورحنا غرفتي فوق سألتني : شخبار خالد تنهدت بقوه : لا حس ولا خبر امون : احسن انسيه نوره : امون شنو انسى حب سنتين انساه الحين امون : وخير ياطير سنتين في غيرج حبو 8 سنوات وبالاخير نسو بعض نوره : هذي غيري مو نوره امون : والله انج هبله وعلى فكره ترى اسلوب خالد لعاب ينعرف استحمقت عليه : غيري السالفه تكفين بس لا تعورين راسي واصلا خالد يحبني انا وبس امون : انزين خلج معشمه روحج وبنشوف النهايه نوره : صح ماقلت لج امون : شنو نوره : نواف بيعرس امون : ويييي خطيبي بيعرس ضحكت عليها للحين عايشه الدور مسكينه لان من قبل وانا اقولها انتي خطيبة اخوي وعاد امونه ماصدقت خبر نوره : ويهج صج والله استخف هالاخو امون : ومن تعيسة الحظ الي بتاخذ واحد مايشتغل نوره : لا هالشهر بيداوم ولو اقولج من بيباخذ بتنصدمين امون : من لا تقولين خولوه ((خولوه : وحده كانت ويانا في المدرسه كانت تتلصق فيني عشان نواف يازعم تحبه )) نوره : لا شفتي ذيج الي كلمتج عنها يوم كنا مسافرين كنت كله وياها امون : هذيج الي قلتي انها بيتهم يدورونها وماكانت راقده في البيت نوره : اي اي عليج نور هذي ماغيرها امون : وشيبي فيها اخوج وحده ماعندها اخلاق ولا تربيه جان قلتي له عن سوالفها نوره : للأسف قلت له بس تدرين شنو رد علي امون بفضول : شنو نوره : كانت راقده وياه بشقتنا حطت يدها على حلجها : وييي صج استخف اخوج نوره : وفوق هذي يبي يبيع البيت عشان مهر لها امون عصبت : طل في عينها بعد قدرها ربيه نوره : هههههههههههههههههه اعصابج كل هذي غيره كفختني على خفيف : ويهج عاد مادري شابي فيه اخوج دام هذي سوالف سمعنا طقت الباب كانو امل وفاطمه واشجانو كانت منخشه ورا فاطمه مستحيه من امون يازعم وهي لسانها شطوله فاطمه تكلمين : لشي ماقلتي انها يات قلت بخجل : والله نسيت خذتني السوالف ويلست وياها فاطمه : معذوره من لقى احبابه نسى اصحابه قلت : هههههههههههههههههه الحين هذي حبيبتي امون : يحصلج عاد مالت عليج التفتت شافت اشجانو امون : وايه عليها تينن هذي اختكم فاطمه : اي قامت امون راحت لها وذبحتها من التحبب زين الي ماكفختها اشجانو لان ماتحب احد يحببها جذي ويلسنا نسولف مده طويله عن المدرسه وسوالفها ويلست تقول لنا فاطمه عن الجامعه ومقرراتها الصعبه اذا احنا في ثنوي ونتذمر عيل لو نروح الجامعه شبنسوي ومــر هاليوم عادي مثل كل يوم قعدت اليوم الثاني الصبح هاليوم عكس امس بالضبط يلست بكسل ونزلت تحت شغلت التلفزيون ويلست اطالع شوي ودش نواف وفي يده ظرف وكان مستانس ع الاخر قالي : باركيلي بتزوج طالعته وصديت عنه بروحه قارهني الا يبيني ابارك له من زين الي بياخذها نواف : ترا باجر مسافر وان شاء الله ع الاسبوع الياي بنيي انا وسميه بنعيش هني قلت له : قصورها بعد تيلس ويانا في نفس البيت تبيها روح وياها جهنم الي تاخذكم اول مره ادعي على نواف جذي قمت عنه ورحت غرفتي فتحت المسنجر لقيت خالد ياني تشققت حسيت بفرحه ماتتصورونها شوي وكنت اطير من الوناسه كلمته بشوق وحب السلام عليكم رد علي : وعليكم السلام ليش حذفتني مالقيت رد منه كتبت : خالد ليش حاذفني خالد : توقعتج تستقبليني بشوق ولهفه وحب هذا شهر وانتي ماتدرين عني صدمني كلامه صج اني مشتلقه له بس مو بالاول يبرر موقفه يقولي ليش حاذفني في شنو غلطت عليه نوره : صج اني ميته شوق لك بس ليش حذفتني والله عذبتني خالد والله خالد : حذفتج صح بس باقيه بقلبي وكنت اردج اجوفج اذا اون او لا واقرا رسايلج بس مارد عليج نوره : ليش تسوي جذي فيني انزين شنو ضريتك فيه انا خالد : كنت ابي انساج بس ماقدرت وفي نفس الوقت خفت اظلمج نوره : تظلمني في شنو ياخالد خالد : اخاف تكونين صج تحبيني وانا اتخلى عنج يوم قال هالكلام صج نزلت دمعي دومه يجرح بكلامه دومه قاسي ويجرح فيني نوره : يعني انا ماحبك خالد : لي كلمتج اشوف شي ولي رحتي اشوف شي ثاني نوره : شنو الي الثاني الي تشوفه خالد : اشوف انج تخونيني نوره : انا اخونك بذمتك ويلست اتكلم واكتب حجي له اول ماله اخر بس الاكيد في الاخر انا مالقيت رد منه وشفته فجأه طلع يلست انطره قلت يمكن فصل النت وبيرجع يدخل بس مالقيته دخل قمت عن الاب توب بخيبة امل ورحت ع السرير يلست اصيح بشكل هيستيري بس سكتني صوت تلفوني شلته شفت رقم دولي من نفس ديرة خالد توقعته اهو لاني ماعرف احد من هناك غيره رديت وقلت بصوت مبحوح من كثر الصياح : الو مالقيت رد رجعت كررتها مره ثانيه هم مالقيت رديت كل الي لقيته ان قفلو الخط في ويهي توقعته خالد لان محد يسوي هالحركات غيره رجعت حطيت راسي ويلست اصيح لي ماشبعت بعدها تغسلت وصليت الظهر ونزلت تحت مالقيت احد رحت حق فاطمه غرفتها طقيت الباب وبعدين بطلته | ||||
|
| |
|
07-07-13, 12:17 AM
| #14 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| شفتها يالسه تلبس اشجان ثيابها سألتها : وين بتروحون فاطمه : ولا مكان كانت خالتي عازمتنا عندها بس مانقدر نخليج بروحج قالت هي بتيي وبتييب غداها وياه رحت لويت عليها ودمعت عيني اخيراً في احد حس فيني نزلنا تحت ويلسنا نسولف وقلت لها عن نواف وطبعا كنا كارهين هالنواف والعله الي بياخذها عله صج على قلوبنا والمشكله ان بيقعدها ويانا فاطمه : وين بيقعدها بعدين اخواني هني نوره بملل : شدراني فيه والله مو صايره اتقبل منه شي ماداني حتى احاجيه فاطمه : الله كريم شوي ودخلت علينا شيخها بجدرها وهالمره صار العكس خذنا انا وامل الجدر ورحنا نحط الغدا وفاطمه يلست معا خالتها وحطينا حق الريايل بروح الي هم خالي واخواني وابوي بروحهم وانا وفاطمه وامل وشيخه بروحنا خلصنا غدا وراحت فاطمه تغسل الموتعين وامل راحت تبدل اشجانو لانها لعوزت ثيابها قالت شيخه : والله وكبرتي يانوره صرتي مره قلت بخجل : تسلمين من ذوقج قالت بمزح : خلاص بنعطيج محمد عصبت عليها وقلت : توني صغيره شيخه : ههههههههه شفيج ماتشدين غشمره ابتسمت لها ويلست ساكته بمكاني بــ ع ـد اسبــوعين تزوج نواف سميه ويلسو هناك على قولتهم شهر عسل مادري شعقبه شهر العسل مالهم غير شكل ومن يات سميه البيت قامت تتحكم على بالها بيت ابوها بس طبعا انا وفاطمه وامل صرنا يد وحده الحين صرت احس ان عندي خوات افتخر فيهم يعني كانت امهم هي الي مشوشتهم علي بس مسموحه والله يرحمها وخالد تغير قام يكلمني بس مو مثل قبل قبل شبه يومي الحين كل بين فتره كلمني لاني قللت دخلاتي للمسنجر اكثر اوقاتي اكون مع فاطمه وامل هالمره كنا يالسين انا وامل الظهر في الصاله نتابع برنامج طبخ ونزلت سميه بكامل كشختها بما ان نواف في الدوام فأ ماعندها احد تقعد وياه لان انا وخواتي مانعطيها ويه كلش مو متقبلينها معانا في نفس البيت ماعطينها ويه وكانت عيونا موجه بس على التلفزيون سمعتها تقول : نوره غيري القناه حطيه على المسلسل الي اتابعه ردت عليها امل نيابه عني : والله عندج تلفزيون في غرفتج روحي شاهدي المسلسل هناك توها بترد بس قاطعتها فاطمه الي كانت نازله من فوق : وييي شلابسه لج انتي هلون وشهالمكياج الي حاطته عييييب اخواني الحين بييون وخالي وانتي بحالتج جذي سميه بدلع : والله متعدله حق ريلي الحين بيرجع مو حق اخوانج فاطمه : تعدلي فوق بس لاتنزلين لنا تحت دخل محمد على صوت فاطمه انا الي هي انا افتشلت لبسها كان محشوم بس مو يقعدون به جذي تحت جدام الناس بتكشخ حق ريلها في غرفتها مو جدامنا محمد : شفييج صوت واصل لي اخر الشارع فاطمه وهي واقفه عشان خالها مايطالع سميه : يالله بدل عشان نحط الغدا محمد : ان شاء الله وراح غرفته وردت على سميه : وانتي جان تبين تقعدين تحت روحي لبسي لج شي احسن من هذي لبسي لج جلابيه تسترج قامت سميه معصبه والتفت عليي : انتي اراويج ان مافضحتج ماكون انا سميه طالعوني امل وفاطمه قلت لهم ببراءه : ماسويت شي وصل نواف وكلمته فاطمه قالت له جان تبي سميه تتغدى خلها تحشم عمرها وتستر روحها وتنزل اما جذي خلها تقعد فوق بيوعها المهم شوي وتيمعنا ع السفر ونزلت سميوه لابسه جلابيه وشيله حاطتها وموحاطتها على راسها وقعدنا ناكل تكلمت امل : سميه اليوم دورج تغسلين المواعين سميه بغرور : انا سميه اغسل المواعين قلت : عيل شتبين حبيبتي نخدمج وتاكلين وتمشين يدج في الطوفه شلون بتصيرين ام حق الي في بطنج وانتي مواعين ماتعرفين تغسلين نواف واول مره يشاركني الراي : عدل مو بس اهم الي يشتغلون في هالبيت المفروض انتي وياهم حطت سميه قفشتها وقامت طبعا كنا كلنا ناكل بيدنا لانا متعودين على جذي الا سميه الي كانت تاكل بقفشه ولحقها روميو زمانه نواف اعتقد بيراضيها مالت عليهم ثنينهم خلصنا غدا وتساعدنا مانبي شي من احد ولا احنا محتاجين خدمات جولييت روميو زمانه نواف رحت غرفتي عقب ماخلصت اتصل فيني خالد وكلمته خالد : نوره بقولج شي صج والله نوره : شنو خالد : انا زواجي شهر 5 تيبست مو عارفه شقول وشنو اسوي صدمني حجييه جذي مره وحده صخييت انا سمعت باب غرفتي ينطق بس ماعطيته اهتمام لو يبون بيبطلونه توقعتها اشجان لان اهي الي تسوي هالحركات وهذي وقتها رجعت لواقع خالد المدمر قلت ودموعي على خدي : انت شنو تقول خالد : والله والله ماخنتج يانوره بس انا بتزوج شهر 5 بدت دموعي تنزل اكثر وصوتي يعلى اكثر: وهذي شنو تسميه مو خيانه وين وعودك وين عهدك الحين ياي تقولي انك بتتزوج انت عشمتني بكلامك والحين تقولي بتتزوج خالد ببرود : انا من البدايه قلت لج ماقدر اتزوجج صرخت عليه : عليه ياجذاب ياخاين شوي و ينفتح الباب بقووه كان نواف سحبني من شعري وشال التلفون وحطاه على اذونه سمع صوت خالد لانه كان يتكلم وطقني باقوى ماعنده وكان يقولي الفاظ وكلام قاسي انا من وين اتحملها والا من وين وشوي وسمعو الصراخ فاطمه وامل وطلعو وياووني لوت علي فاطمه وقمت اصيح بحنها صرت القى حنان الام الي فقدته في فاطمه كانت هي اختي العوده هي الي تفهمني يلست خففت عني وقلت لها السالفه وقلت له ان هو بروحه تخلى عني ووعدتني ماتقول حق احد ويلست تسولف وياي تبي تخفف عني مع ان الالام طقات نواف شوي ودخلت سميه تضحك : رديتها لج عشان تعرفين من الي بيغسل المواعين راحت لها فاطمه بعصبيه : حشمي روحج لا بهالنعال على راسج ضحكت بأستهزاء وطلعت فاطمه : ماسوه فينا خير هالاخو يوم انه تزوج هالعله وبعد انفتح الباب مره ثانيه قامت فاطمه بتكفخها عبالها سميوه بس كان نواف وقف عند الباب وقال بنبره امر : بتتزوجين محمد غصباً عنج والريال موافق ولو بيده بييب الملاج الحين وتملجون بس طلع ريال وبيقدر ظروفج ردت عليه فاطمه : خالي طول عمره ريال مو مثل بعض الناس استفزه كلام فاطمه وماقدر يرد عليها وكل الي سواه طلع يلست اصيح بزوده عند فاطمه وكانت تخفف عني وتطلب اني اوفق وتقولي ان خالها طيب وكفايه انه يحبني نوره : محد يحبني اصلا والله محد يحبني فاطمه : لاتقولين جذي كلنا نحبج نوره : كل الريايل جذاذيب والله محد يصدق فاطمه : انتي وافقي وبتعرفين ان خالي يحبج ويموت فيج نوره : مابي مابي ابي اموت برتاح وبريحكم طلعت من عندي فاطمه بعد ماهديت وتزوجت محمد بالغصب بعد اسبوع ملجنا ونواف ماكان يبي عرس بس محمد رفض قال بيسوي لي عرس لا صار ولا استوا بس هم انا رفضت لان حالتي ماتسمح كانت فاطمه تروح السوق تشتري الاشياء المهمه لي ومحمد غير اثاث الغرفه الي تحت والديكور وصرت حرم محمد من تزوجت محمد وانا عايشه في سخونه غريبه ما اوعى الا عشان يعطوني دواي وكنت ما اصحى الا القى محمد جدامي كنت تعبانه من قلب وكنت رافضه اروح المستشفى حتى في يوم حنت على راسي فاطمه لي ماوافقت وخذوني حطولي مغذي وكانو يبغون يرقدوني بس ترجيت محمد الي طلعني على مسؤليته رجعت البيت وكنت طول الوقت راقد اصحى اخذ دواي وارجع ارقد وطبعا طول ما اوعى القى محمد على راسي في يوم قعدت ولقيت محمد ضام يدي وراقد هاليوم حسيت بشعور ثاني صوب محمد ولأول مره اتجرأ واسويها تقربت منه وحبيته في خده حس فيني وقعد استحيت ولمت روحي ع الحركه السخيفه الي سويتها لان ماكان لازم اسويها سالني : احسن الحين قلت بصوت تعبان : الحمدلله طلع ورجع في يده صينيه فيها شوربه وعصير برتقال قالي : اكلي قلت له :مافي شفته شال القفشه وخذ شويه شوربه ونفخ عليها عشان تبرد وقربها من قلت له : والله مابي لايعه جبدي قالي بحب : عشاني غمضت عيوني وشربتها وبعدها طلع مادري وين راح ويلست اشرب الشوربه بشراهه لاني من زمان ماحطيت شي بحلجي خذت الصحون المطبخ شفت فاطمه ف الصاله فاطمه : حيالله العروس ابتسمت بخجل قالت : هذي العرس يسوي هالمرض كله قلت لها بعتاب : حرام عليج شوي ونزلت سميه ويلست تستفزني لي ماعصبت لاني ماقدرت ارد عليها رحت غرفتي ويلست اصيح من قلبي ياني محمد وتقرب مني :نوره شفيج تصيحين قلت له بترجي : محمد مابي اقعد هني مابي اقعد ويا سميه بنفس البيت خذني اي مكان بس مابي اشوفها شفته يطلع ورقه من مخباه : خذي اقري فتحته وبقيت عيوني البيت هذا بأسمي طالعته بنظرات متسائله قالي : مو نواف كان بيبيع البيت انا خذته وسجلته بأسمج وعطيته الفلوس الي يبيها يعني هالبيت بيتج انتي الداشه وهم الطالعين والي ماتبينه طرديه ضميته باقوى ماعندي بس حسيت بالقشعريره يوم تذكرت خالد قلت بتردد : محمد قالي : عيون محمد استحيت وايد بس بعدها قلت له : قبل لاتاخذني وقالي : ادري وخلصنا من هالسالفه ونفتح صفحه يديده ومابي الا اكون انا بحياتج قلت له : ان شاء الله مر على زواجي من محمد شهرين وكان في هاليوم عرس فاطمه الي خطبها واحد من معارفهم وطبعا صرت احب محمد حب جنوني ولو يامر بعيوني عطيته صج محمد قدر ينسيني خالد وطوايف خالد عطاني حب الزوجه وحنان الام وحنان الابو كان مدلعني ع الاخر دخل علي وشافني ارتب فستاني الي بلبسه وكنت اصيح لاني بفتقد فاطمه هي الي كانت ماليه علي البيت عكس امل الي كانت اغلب وقتها بالمدرسه وانا بما اني تزوجت تركت المدرسه وكان ودي اخلص ادرس منازل بس محمد مارضى قالي مو محتاجه هالشهاده وطبعا اسمع كلامه فديته سمعته يقولي : شفيه القمر يصيح قلت له : بفتقدها والله محمد : كلنا بنفتقدها ضميته وقلت له : بس انا غير هي كانت ماليه على المكان قالي :خلاص عندج سميه وامل اكثر يوم تذكرت نواف الي تغير علي من عقب ذاك اليوم قالي : خلاص عاد نوره ما اتفقنا ننهيها فرح قلت له بحب وانا امسح دموعي : اي صح تذكرت قالي بابتسامه الي تغير عالمي تخليني بعالم محمد وبس : شنو قلت له : انا حامل وضمني باقوى ماعنده وقالي : احببببببج النـــهـــايــه | ||||
|
| |
|
04-10-13, 07:17 AM
| #15 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|
| |||||||||||||
|
| |
|
05-10-13, 12:30 AM
| #16 | |||||||||||
| نجم روايتي ولؤلؤة فريق الكتابة للروايات الرومانسية وأميرة حزب روايتى للفكر الحر  
| رواية رائعة جدا تسلم الانامل لامارا والله اكثر شخصية غامضة كانت خالد فلم نعلم هل كان يخدع نورة فعلا ؟ ام هى ظروف خارجة عن ارادته جعلته يعلن عن زواجه؟ محمد ايضا لم يكن تلك الشخصية التى تطرح نفسها كفارس احلام لا اتطرق لواقع فقده لقدميه ولكنه شخصية غير معلومة الهوية فالكاتبة لم تتطرق له بشكل يعرفنا عليه جيد على العموم رواية ممتعة وناجحة جدا والى مزيد من النجاحات | |||||||||||
|
| |
|
| الكلمات الدلالية (Tags) |
| خطاي |
| أدوات الموضوع | |
| انواع عرض الموضوع | |
|
|
1Likes
.png)
.png)
العرض العادي
