إنتِ ملاذي وأجمل اقدار دنياي الكاتبة / حكايات متناثره ،

[اسطورة !]

سلطان بطفش : ياليل ! سمعت كلامنا وبتذلني ؟ اي واذا الي مرة سوت فيني كذا على قولتك ! فهو عسل على قلبي شضارك (سكت شوي بعدها كمل)وماهو عشانها ولا عشان غيرها ، دائما لعصبت اكسر اي شي قدامي (بإستفزاز) ولا تتسمع على الناس مرة ثانيه ياحضرة الضابط
عبد العزيز بعصبيه سكر علبة الإسعافات الاولية بقوة : قلت لك بالصدفة سمعت كلامكم !!
سلطان وقف يفتح ازرار قميصه بإيده المجروحة وبهدوء : ماله داعي يطلع الكلام الي سمعته عبد العزيز ! رجاءا
عبد العزيز وقف وبعد ايد سلطان وكمل فتح ازراره : انا جاي هنا اساعدك ! بموضوع الحادث ، رائد لازم ياخذ جزاه
سلطان فصخ قميصه ورمى بجسمه على السرير بتعب : سو الي تبيه عبد العزيز ، حتى لو تحبسونه ! انا ذباحه ، مايبرد قليلي منه الا لذبحته
عبد العزيز بصراخ : لاحد يسمعك ويصدق يالعاقل يالمتعلم يالدكتور يالمثقف !!
ابتسم سلطان بسخريه : طيب ياسعادة النقيب عبد العزيز ، برد خاطري ، ان ماعجبني تصرفك انا راح اتولى امر رائد ، تصبح على خييير
عبد العزيز رفع حاجب وبحلطمه : لا لا انت خلاص ، الحد الإئتماني للعقل بححح خلص ، نام نام يمكن يرجع لك عقلك
سلطان طنشه ورمى عليه المخدة : ان كان ودك تنام عشان اذا تبي يرجع لك حتى انت عقلك ... تصبح على خير
عبد العزيز ينسدح على الكنبه : ماظن خير وانا جالس معاك !!
_________________
الجوري تعبت من التفكير لحد ماغلبها النوم ونامت واهي مابين مقتنعه بتفكيرها ومابين معاتبه لنفسها على تسرعها وزاد لموها لنفسها صمت ابوها وامها وواضح عليهم الضيق
بو فراس مسح على راسها وبهمس تكلم:الله يهديك يابنتي ..
حنان غطت الجوري بالديباج : فيصل ، ماراح تسمع لكلام بنتك صح !
بو فراس تنهد : من زين رايها عشان اوافقها عليه !! قومي بس تعبان ابي انام , بكرة لازم اسوي اشياء كثييييرة , والله يعيني ياحنان
حنان بشك: احسك مخبي شي يافيصل بخصوص الجوري وماتبي تقوله لي !! ترا انا امها مثل ماانت ابوها
فيصل حضن زوجته وباس راسها : سامحيني , لاصار الوقت مناسب اني اقولك بقولك ! بس اكيد ماهو الان وقته
حنان تحاول تفك نفسها من حضنه بخوف : فيصل بنتي شفيها لا مو كيفك !! شصاير ؟احد مسوي لها شي ؟ احد ضارها , الي مجرد يفكر اقطعه بأسناني واشرب من دمه , تكلم يافيصل الله يخليك
فيصل مشاها معاه لبرا الغرفه : بتصحينها الان!!
حنان امتلت عيونها بالدموع : مابتقول ؟
فيصل ابتسم : لا .. بالوقت المناسب , مانتي واثقه فيني ؟؟
حنان تنهدت
فيصل : شأفهم من هالتنهيدة ؟
حنان هزت راسها بالأيجاب : بنتظر يافيصل لكن مو كثير
فيصل : وعد مو كثير... فترة وراح اقووووولك كل حاجة
______________

"

تَناسى ما حدث بالأمس وابني لك حلماً
جديداً ، تفائل هذا الصباح لتسعد ."

'( صباحُ الخير )' .
_________________

مطار الملك فهد الدولي ..
رائد اتصل على منال واهو طالع ركب سيارة اجرة
منال بفرح: هلا والله رؤوود وينك !! مالك لاحس ولا خبر وجوالك كله مقفل ، ويي فاتتك امي بتموت من محاتاتك !
رائد :ابد الله يسلمك ... كنت طالع لمكة اعتمر وهذا انا راجع ، المفروض البارح وصلت ! بس طارت علي الطيارة ، المهم شخبار الجوري ؟ ووينكم الان؟
منال :ببيت جدي بالدمام امس جيناا, شوف ماشفتها انا للان راحوا المستشفى وانا نايمه امس ، بس الحمدلله صحت
رائد صرخ بفرح : حللللللللللللللللفي
منال بسخريه : لا اكذب ! وبعدين اترك اختي بحالها ! ماتفهم انت ؟لاتسئل عنها
رائد : اكلي من تبن اقول ! عن الهرج الزايد ! ماتعرفي شي ثاني ؟
منال : حتى لو اعرف مابقول ! جاي لنا بشره ، ظال بمكة مدري شحقى ! لاتوبة ولا هداية
رائد : ان كثر هرجك بسكر بوجهك
منال : يووووه عاد ! الي يسمع ميته على رنين اوتار صوتك البشع ! اقول رائد عمرك سمعت صوت القطار ؟
رائد بإستنكار : نعم ؟
طووط طوووووط
بعد الجوال عن اذنه : هالبزر !!
صاحب التاكسي بطفش: اخوي وين حاب تروح ؟
_____________________
مصعب فتح عيونه بإنزعاج من أشعة الشمس
وبقى مكانه يستوعب راسه على شنو !!
رفع عيونه وانصدم من سحر الي نايمه وسانده راسها على عمود السرير كسرت خاطره
رفع راسه بخفة ووقف على حيله سدحها على السرير وغطاها بالديباج
مشى لدورة المياه غسل وجهه واهويحس براحه بعد ما نام وأرتاح
سحب المنشفه ينشف وجهه ناظر المرايه وانفجع من شكل شعره !!: مين مسوي كذذذذذاا
بدأ يفك الظفاير : هيييييييييين يالبزر تلعبي علي وانا نايم
طلع من دورة المياه واهو يتوعدها
وقف شوي يفكر واهو يناظرها كيف نايمه بهدوء , التفت على التسريحة وطرت على باله فكرة
ابتسم بخبث: هع يالساحرة , والله اخليك تتخرعين لشفتي وجهك!

________________
الصباح
بمجلس بيت الجد

العمه ام احمد حاطه راس الجوري واهي نايمه بحضنها وتمسح على شعرها : اجل وليد نزل الحسا ؟
بو فراس : اي مشى من الفجر , واحنا بنلحقه بعد بس قلنا نمر عليكم اول
بو عادل : زين سويتوا , ابقوا لوقت الغدا طيب وبعدها توكلوا !
ام فراس :لا يبه , نجيكم مرة ثانيه ان شاء الله , بنات عم الجوري وعمامها متجمعين ببيتنا ولازم ننزل ,مايصير نتأخر عليهم , إلا وين امي ؟
بوعادل: مع العيال جالسه داخل !
ام فراس رفعت حواجبها بتعجب : كلهم موجودين ! مايدرون انه انا وفيصل هنا !!
ام احمد بترقيع : يمكن ماسمعوني يوم قلت لهم انك جيتي
حنان ناظرت فيصل
بوفراس غمض عيونه وحط ايده على ذقنه بمعنى(معليه مسحيها بوجهي)
بو عادل : الا وين اعيالي الحلوين ؟؟
بو فراس ابتسم: برا بالسيارة مانزلوا
ام احمد بإستغراب : ليه برا !! قول لهم يدخلون , مافي احد يتغطون منه !!
ام فراس بإحراج : يمه مايصير يخلوا عبد الله لوحده برا
ام احمد تخز الجد : وليه يخلوا ولد اخوي برا , خليهم يدخلون بس !! والي حالف , يكفر عن حلفه .
ام فراس : معليه يمه , ماحنا حابين نجبر ابوي يتقبل الموضوع , ولا نجبر عبدالله يدخل هنا
بو عادل وقف : انا بروح ارتاح , البيت بيتك يافيصل ,مانت غريب ياولدي
مشى طالع من عندهم
تنهدت ام احمد: ابوك مافيه اعند منه
ام فراس ضحكت : هههههههه لا فيه امي !
دق جوال ام احمد وردت : هلا , صح النوم , اي موجود !! تعالي المجلس ,امممم طيب طيب
سكرت وناظرت فيصل : بو عبدالله , ام رائد تبيك تقول برا بالحوش بموضوع خاص تقول !
فيصل رفع حاجب ووقف : شالموضوع
ام احمد : والله ماقالت
طلع من عندهم واهو يعدل نسفة شماغه : طيب
______________
الأحساء بيت بوفراس
وليد دخل مع بناته وبنات اخوه عبد المحسن وزوجته بضحكة : اها يلا اسرحوا وامرحوا
ام بدر مشت عنهم بهمس : الشمس تصلخ وهم مطولين لي هنا !!
ميساء : شدعوة يبه ! مدخلنا ملاهي !!
ياسمين بضحكة : هات عنك هالمزعجة عمي
وليد يرفع ملاك : هوبببا , خليها عندي من زمان عن البزران , انتوا الحين ليه تحنوا تبوا تجوا هنا قبل لايجي فيصل ؟
حصه : امي اقترحرت نجي نجهز للغدا واحنا فكرنا فيها نعلق كذا شغلات ووناسه حق سلامة الجوري
بو خالد باس ملاك: والله عليكم فناتق مدري من وين انتوا (مد ملاك لياسمين) مسكي يبه بنتك , انا بنسدح بالمجلس انام لي شوي مواصل من الطريق
______________
فيصل يحاول يكتم عصبيته
بحدة : يا امنه , مالي شغل بولدك ولا لي علاقة بضياعه !! ليه بكذب عليك يعني
ام رائد جلست عند رجول فيصل ومسكتها برجا ودموعها شلال منهمر على خدِينها : تكفى ياخوي دوره لي , بموت ان مارجع لي الله يخليك
فيصل نزل نفسها ومسكها من كتوفها وبحنيه : لاتترجيني بشي فيه ولدك ياخوك , لعلمك انا ناوي احبسه!! , بنتي الان تعبانه من بعد الحادث !!
ابتسم بسخريه : وتدري بسبب من ؟؟
آمنه بحقد ضربت صدر فيصل واهي تبكي : لاتقول ولدي لاتقول ولدي ,بنتك ماماتت الحين !! انت انت الي ضريت بنتك !! انت الي مازوجتها اياه !!
فيصل وقفها بصعوبه : امنه خلاص إهدأي
آمنه تبوس إيد فيصل اخوها : لاتسوي شي بولدي ياخوي وأوعدك مايقرب منكم , وعد الحر ديييييييين يافيصل
فيصل سحب إيده من إيدها : ما أضمن ولدك
آمنه ناظرته برجا :فيصل هي بنتك الوحيدة وخايف عليها , وأهو ولدي وحيدي!! اكيد عارف شعوري , مابي افقده ولا يبعد عني الله يخليك
جوال فيصل يدق بإلحاح أكثر من مرة ولا فتحه : وان رجع وضّر بنتي ولا زوجها ؟
امنه تمسح دموعها : انا اللي ببلغ عنه وقتها واسلمه للشرطة بإيدي
فيصل طلع جواله من جيبه شاف رساله من عبد العزيز قطب حواجبه : طيب يا ام رائد , عطي خبر لحنان اني طالع أشوي وراجع
مشى تاركها واهي تناظره انتظرته يطلع , بحقد: حسسسسسسسسبي الله عليك ياجوري حسبي الله عليك ونعم الوكيل !!
____________
صحت سحر من النوم , تلفتت تدور على مصعب :بسم الله وين اختفى ذا ؟؟ وين راح واهو تعبان
ناظرت الساعه : ليكون راح الدواممم !!!
قامت بسرعه وطلعت من الغرفه : مصعب مصعب مصعببببوه ووجعه
نزلت من الدرج للصاله : مص.....
شافته مع امه واول ماشافوها أنفجروا من الضحك : هههههههههههههههههههههههه
ام مصعب بضحكة : هههههههههههههه يمه سحر شمسويه بوجهك؟
سحر : صباح الخير ... حيا الله خالتي
باست راسها وجلست جنب ام مصعب : شفيه وجهي خالتي
مصعب رفع جواله واهو ميت من الضحك وصورها : كانككك بززززززززر وانت حايسه وجهك كذا، هههههههه يمه شوفي زوجتي ماتعرف تحط مكياج , زوجيني بس وحدة ثانيه
ام مصعب بضحكة:ههههههههههههههههه تخسي شحلاتها بنت !! حتى واهي كذا
سحر سحبت الجوال منه بقهر : من اذن لك تصورني بجوالك
ناظرت الصورة بالجوال وانفجعت :هئئئئئئئئئئئئئئئئئئ بسم الله من مسوي بوجهي كذذذا
مصعب مسك بطنه من الضحك:ههههههههههههههههههه� �ههههه اااه بطننني , الجني !! ماحد غيرك اكيد مسوي كذا ههههههههههههههههههههههه
سحر : يامال العافيه امصيييعيب
مصعب يحرك حواجبه يحرها: اجل انا تلعبي عليي وانا نايم !!! تستغلي وضعي التعبان , تستاهلي
سحر:خالللللللللللللللتي شوفي ولدك!!
ام مصعب بضحكة:هههههههههههههه الحمدلله والشكر ,يالله لاتشغلنا الا بطاعتك ، قوموا فطروني وجبوني !! جايتكم ضيفه في البيت
مصعب اخذ شماغه ووقف: هالساحرة مابتقصر , انا بروح الشركة قبل لايعدمني ابوي
سحر تحركت من مكانها بسرعه وقفلت باب البيت وسحبت مفاتيح مصعب من الباب ومشت صاعدة لغرفتها : ورني شلون بتطلع !!, خالتي عن اذنك خمس دقايق وراجعه
مصعب التفت لأمه وبتهديد: قولي لها تجي تفتح الباب
ام مصعب : خلها !! زين تسوي فيك , انت تعبان انتبه لنفسك
___________________
مشى بو فراس راجع للبيت وأهو يحاول يقنع نفسه باللي سواه هو الصح, بهمس : عشانك بس يا أختي ..
شاف احمد ولد اخته واقف مع اولاده عند سيارته : السلام عليكم
احمد باس راس خاله : وعليك السلام , حيا الله الخال
بو فراس ابتسم : الله يحييك , ها تعزم تنزل معانا الحسا ؟
احمد بحماس :قدددددددااااممم
عبدالله : ههههههههههههه ماعنده وقت هالولد ! قول بشاور امي ابوي , ع الاقل بشاور غرفتي بغييب عنها
فراس فيه النوم : على طاري الغرفه , اذا مطولين بدخل انام , مدنوخ حدددي
بو فراس اتصل على حنان : ههههههههههه مايحتاج بنمشي الحين ,الو هلا حنان , يلا طلعوا عشان نمشي
التفتوا الشباب على التاكسي الي وقفت قريب من عندهم وانصدموا من الي نزل منها
رائد تمنى الأرض تنشق وتبلعه بسبب نظرة خاله له (الزفت منال ... ماقالت انه خالي هنا , وجع ببطنك يالنمله)
قرب من عندهم بتردد سلم عليهم كلهم وكان السلام جدا جدا بارد
طاحت عينه بعين خاله : أا شخبارك ياخالي ؟
بو فراس انتبه لحنان والجوري جايين ركب سيارته بدون مايرد على سؤال رائد
احمد راح يفتح الباب للجوري ويساعدها تركب
فراس قرب من رائد كثير لما شاف نظراته بتاكل اخته , سكر على اسنانه: عيونك تنزززلها بالأرض لاشفتها مارة
عبدالله بعد بينهم : رائد بعد من هنا , بلا مشاكل رجاءاً
رائد ابتسم على جنب ومشى تاركهم بدون اي تعليق
فراس همس بقهر : وجه النعال
احمد رجع لهم :شفيكم ؟
عبد الله : خلاص فراس!! انتهى اقول حمود يلا بنمشي ’ مابتجيب لك ملابس
احمد : لابقيت اخذت من ملابس الجوري , ههههههههههههه انا واهي مقاس واحد

__________

من اول ماصحى سلطان وعبد العزيز وهم طالعين يتمشون وعزيز يحاول يمشيه باماكن تسليه وتلهيه وتغير من موده او تخليه يتكلم على الاقل ، على قرب صلاة الظهر رجعوا الفندق وجلسوا باللوبي
وعبد العزيز بيموت من طفشه : سلطططططان !
سلطان فصخ نظارته واهو يجلس ناظره بصمت
عبد العزيز : رد طيب يامال العافيه
سلطان بدون نفس : شتبي ؟
عبد العزيز : حشا مايطلع منك الكلام الا بفلوس ؟ نشتريه ؟
سلطان سند ظهره : مالي مزاج اتكلم
عبد العزيز : تكلمت مع بو فراس وانت مانطقت ولا كلمه مع انه الموضوع يخصك !!
سلطان : ماعجبني راي عمي بو فراس
عبد العزيز بطولة بال : ليش ؟
سلطان : شنو ليش ! قال شي مقنع ! لا . ليه رافض انه نرفع على رائد قضيه مدري وسؤاله كان شدراكم انه رائد !! يمكن الجوري من الخوف توهمت انه رائد
عبد العزيز فاتح عيونه على وسعها : بسم الله علي من لسانك !! ساكت ساكت ، وفجاة انفجرت
سلطان ناظره بنص عين
عبد العزيز حط ايده على كتف سلطان : امزح يارجال ! شفيك جدي صاير ؟
سلطان : الوقت ماهو وقت مزح ! انا نفسيتي تعبانه من الموضوع وكلكم ماخذين الموضوع طقطقه !!!
عبد العزيز : وعد ماراح اوقف بحث بالموضوع الا لما اطيح رائد صدقني !! الحق راح ينتصر ! وانت راعي حق ليه متحطم ؟
سلطان ناظر لبعيد بعدم إقتناع : على مايطيح مرة ثانيه .... ياليل مطولك ، سكر الموضوع ياعبد العزيز تكفى ، خلاص مالي خلق نقاش فيه ولا تفكير ، خلني بموضوع الجوري وكيف بشيل من بالها سالفة الطلاق الي مدري من وين جابتها لي
عبد العزيز بتفكير : امممم اميرة طالعه مع جنى تقول انها رايحة تشتري هدية لميلاد الجوري , متى ميلادها ؟
سلطان قطب حواجبه ويحاول يتذكر : مدري هالشهر تقريبا
عبد العزيز بحماس : حلللللوو .... وهم متى بينزلون
___________

يتبع الساعه 1 بعد منتصف الليل

[اسطورة !]

تذوب الفواجعُ . .
تفنى المواجعُ . .
يبتسم الجرح وهو يطيب
فوا عجباً ! . . .
كلّ هذا . .ل
أني أفكر فيكِ ! . .
. . فكيف إذا ما التقينا ؟!

د.غازي القصيبي
__________
بسيارة بو فراس
ريان : جوري عجبتك شقتك ؟ جميلة صح ؟ تدري اخترت لك الغرفة الي تطل على الشارع ، لانك تحبي اضاءة الشمس بالغرفة ، بابا اختار اثاث الشقه كله
فراس : خلللاص سكر هالراديو !! واجلس عدل لايمسك ابوي بريك وتروح بخبر كان
ام فراس بعصبيه: فراس يعلك الصحه ان شاء الله لاتقول على اخوك كذا
احمد: اقعد اختي الام الحنون ، تخاف على البزر روين
ريان : انا ارجل منك يالوسخ
احمد : انا وسخ !! احترمني انا خالك يازبوط النقعة
ريان : زبوط النقعه انت !
بو فراس : تؤ تؤ تؤ ... بسكم خناق !! بزارين انتوا ؟
الجوري ماهي مع ريان وسوالفه سرحانه بالفراغ الي قدامها وساندة راسها على النافذة ، انتبهت وهم ماشين للسيارة الي تحول لونها من اللؤلؤي للاسود الفاحم ، شهقت بقوة خلت كل الي بالسيارة يلتفتوا لها خايفين عليها : جووري ؟ الجوري يمه شفييك ؟ جوجو شفيك ؟
خفف سرعته بو فراس لحد ماوقف والتفت لورا : شصاير ؟ تعبتي من الجلسة , اسدح الجلسة لك ؟
عبدالله الي كان جنبها ومشغول بجواله ، ناظر مكان ماتناظر ، انقبض قلبه من المنظر
غطا عيون اخته بإيده وسحبها لحضنه : استهدي بالله
اشر له ابوه شفيها ؟
عبدالله اكتفى بإنه يأشر على السيارة
التفتوا كلهم لحظة سكوت فجعهم المنظر ، ماتخيلوه بهالسوء
بو فراس بهمس : حسبي الله ونعم الوكيل
ام فراس طاحت دمعتها (يارب سترك) ، نزلت من السيارة نزلت ساجدة لرب العالمين سجود شكر : الحمدلله ياربي والشكر لك الحمدلله رجعت لي بنتي بعد هالحادث
______________
لكّ الحمـد كم عافيت جسماً ، لكْ الحمدُ ..
لكْ الحمُد يامنان في كُل حالة في كُل لسآن لآ يزآل ، لكْ الحمدُ
______________
الكورنيش _ دبي
بعد ماسكر عبد العزيز من اميرة
سلطان جرى بسرعه : هذا الي كنت راح اسويه ! بس ، بس توقعته ابعد التاريخ اشوي !
عبد العزيز جرى معاه : خيرة ! يمكن عشان ماتطول هالسالفه
وقف سلطان فجاة : خلنا نرجع الفندق ، نلم اقراضنا وبرجع معاك بسيارتك الحين
عبد العزيز : خييييير ، نعممم ، بشنو أمر فيه مستر سلطان اقول انقلع ، مزاجبتك تقتل ترا !!
ضحك سلطان بقوة : ههههههههههه شفيك ؟
عبد العزيز : انا ما امسك خط وانا مو معبي نوم !
سلطان : لاتكذب ! يوم مسكت خط لهنا ماقلت تبي تعبي نوم
عبد العزيز : لانه مافيني نوم وقتها
سلطان : لا خلنا نرجع ، ابي ارجع
عبد العزيز : لاتحاول ، الان امشي نكمل دورتنا ع الكورنيش ، ونرجع ناخذ شور وبنطلع لمجمع لغاية في نفسي لاتسئل ليش !!
سلطان : ليش انت نذل ! ليه كله تذلني !!!
عبد العزيز : ههههههههههههههههههههههههه هه ، عادي بما انه يوم ميلاد الجوري مقرب راح اخذ لها هدية ، وانت كمان خذ لها بعد تستاهل
سلطان : خير ، شفيك كل اشوي من قلت اسمها !! امر ابوي !! تهديها ؟ وتقولها بوجهي !! ياقوي عينك
عبد العزيز : عادي ! اخو يهدي اخته ، وتقدر تقول جزاء لها الهديه لاني ماجازيتها بعد مواقفها معاي
سلطان قطب حواجبه : مواقف معاك ؟ حلو حلو , طلع بعد وش وراك!!
عبد العزيز مشى عنه : اسرار عوايل ، امش بس خل نكمل جري قبل لايبرد عرقنا
______________
بيت بوسلطان _ الخبر
سطام نزل للصاله وبإيده علبة حمرا مخمليه : السلام عليكم
.....: وعللللليكم السلام
سطام جلس جنب ابوه : الغالي نازل للأحساء يوم وراجع تقدر تعتبره مو يوم ، تسمح لي ؟
بو سلطان صد عنه بزعل : الحق اخوك ! ولا كان عطيتني حتى خبر مثل اخوك .
سطام ضحك وباس راسه : الغالي زعلان زعلة چادة على سلطان ! والله مو قصده مايعطيكم خبر ، فجاة كذا قرر ، متضايق ويبي يبعد عن الكل ، انت ادرى بولدك ، ولا ناسي انه يشبهك بكل شي
ام سلطان بضحكة واهي تشرب القهوة : هههههههههههههه ماحد خلى ولدي كذا الا انت ياسامي ، تحمل !
بو سلطان قطب حواجبه : ع الاقل لجيت اروح مكان اعطيكم خبر برساله !
سليمه ضحكت وعيونها بجوالها: ههههههههههههههه ...يبه !! انت رسايلك ع الجوال على ورث ، اما سلطان لا فيه تطور ، قام يستخدم الاوادم يوصلون رسايله
ام سلطان : هههههههههه وانت تركي هالجوال عنك اشوي قابلينا ، مو كفاية ذيك جالسة لي بصومعتها !!
.........: ههههههههههههههههههههه
سطام : ان ماقللت من جلسة الجوال إهي ... قايل والله ماتشوفه بحياتها مرة ثانيه
سليمه رمت الجوال جنبها : لا لا لا ، توبه توبه ، حبيبي انت ، بس اهم شي دكتاتورية سلطان ماتستخدمها معاي !!!
......: هههههههههههههههههههه
سليمه تأشر على العلبه الي جنب سطام : شنو ذي ؟
سطام : سر ، مالك فيه !!
سليمه : بعععد !! صار عندنا اسرار (غمزت له) كل هالكشخه وهالعلبه الحمرا .... اعترف مواعد من ورانا ؟
ام سلطان توسعت عيونها : يابببببنت اختشي !!
سطام يناظر امه : يبيلها قص لسان صح ؟
ام سلطان : صح ونص
بو سلطان : شفبكم عليها ، صاجة ! ينشك فيك على هالكشخه وهالعلبه ، شالسالفه ؟
سطام بضحكة : لاسالفه ولا شي ، امانه طلب مني سلطان اوصلها للجوري بنزل الحسا بعطيها مرت اخوي وبروح بيت خالتي ام ميار اتعشى ، ميار عازمني ، وبرجع على طول
بو سلطان : الله وياك يبه , انتبه للطريق اهم شيء
سطام : من عيوني .
سليمه : يببببببه بروح معاه الله يخليييك
سطام التفت على ابوه : اخذها معليه ؟
بو سلطان : أي خذها ماعندي مانع , دامها بتروح معاك , وافتك منكم كلكم واطلع اتمشى مع زوجتي !
سطام يمثل الصدمه: هئئ تطلع مع امي ! ومن وراي بعد !!
..........:ههههههههههههههههههه� �هههههه
سليمه : فصل فصل الاخو , هييييي تراه ابوك وزوجها !!
سطام وقف يتجهز للهرب قبل لايجيه شي من ابوه : هذا الي ناقص بعد !! تفكر ماورا امي رجال , سبهلله السالفه تطلع معاها , كود تمسكم الهيئ......
بو سلطان : ياووووووووووولد
سطام هرب بسرعه : لايحوووووووووشك .... سليمه جيبي العلبه معاك ولحقيني , ان رجعت بيقتلني حبيب امي ...

_____________

سحر دخلت الغرفة متنرفزة من طلبات مصعب : قومي جيبي حطي شيلي ، ماسادت علي حبسته بالبيت ، بيطلعها من عيوني اففففف
راحت على مكتبه بالغرفة تدور الملفات للشركة وماشافت شي : وينهم ذيلي !! يمكن بالكومدينه حطهم ونسى !!
دورت لكن ماحصلت شي
سحر بعصبيه : ان كان يكذب وبس يبي يتعبني واهو مافي شي ، بحلق شعره هاللي يتدلع لي فيه ع الصفر !!
فتحت دولاب ملابسه ، شافت ملفات كثير بالرف العلوي : اخيرا لقيتهم ! مسيلمة الكذاب ،يقول ع المكتب !
سحبت كرسي التسريحة صعدت فوقه ونزلت الملفين الي طلبهم
لفت انتباهها
ملف اسود بحجم كبير ومليان اوراق شكله او صور !
سحبته لكن ماقدرت تشيله بيد وحدة ، سحبته بقوة بيدينها الثنتين ، شهقت لما تحرك الكرسي ، طاحت على ايدها والملف معاها وانتشرت الاوراق والصور والسيديات بالأرض : اااهه ايدي ، حشى بلكة مو ملف !!
.....: هذا اللقافه وماتسوي !
خافت لما سمعت صوته ، ناظرته بخوف : م م مصعب (شهقت واهي تغطي وجهها) الله يخليك لاتضربني والله مو قصدي !! اسف اسف
مصعب حط ايدينه بجيوب بنطلونه ، استغرب من خوفها : ماصار شي ، بس قومي رجعي الاوراق بالملف ، ولاتفكري تنزليهم مرة ثانيه .
مشى لدورة المياه تاركهها مستغربة ، بهمس: بالعادة يمد ايده ! يمكن لانه مو شارب الزفت اليوم ؟
شهقت مصدومه من الصور الي حولها
طلع مصعب من دورة المياه بسرعه : شفيييك !!
سحر رفعت الصورة تناظر من الي فيها وتناظر مصعب بصدمه : من هذا !!!!
_____________

بيت ابو فراس

تسنيم تناظر المكان بعد ماعلقوا عبارات لسلامة الجوري والبالونات موزعه في كل مكان وبشكل عشوائي : كلل شييء تممام
حصة: بس بااقي يوصلو بالسلامه
ياسمين تهز بنتها على خفيف وبملل: موو كنهم تأخروا كثير ؟
ميساء تحط بإيدها مناكير: ماتأخروا بس انتي من حنة بنتك تحسي الدقيقه عن ساعه.
ياسمين تطالع في بنتها النايمه: اخخخ صايرة كثير مزعجة ، ماعرف اسكتها بسرعه
تسنيم: شوفوها شققد بريئة وهي نايمه ماكنها من شوي مقوومه الدنيا بصياحها
ياسمين: ههههههههههه فديتها بريئة في كل حالاتها
سديم جات تركض لوسط الصاله: وصلللوو وصللوو وصل عمو فيصل
حصة :وانتتي مسنترة عند الباب حارس! لو تدري امي ذبحتك
سديم :ككييفي كيفي امي بالمطبخ ماتدري عن شي روحوا ساعدوها يلا يلا ! وانا بروح اطق بو شعر اسووود مع بو كشه صفرا صاير قليل ادب حتى هو
طلعت من عندهم تركض
ميساء بصراخ: يالبزر لاتطيحي على وجهك وتتكرسي مو ناقصين ناس متكسرة !!
ياسمين عطت بنتها لتسنيم : افففف اخذي بروح استقبلهم عند الباب عشان اشوف الجوري , انتي شبعانه منها
تسنيم: وييين ويين ! صبري يمكن يدخلوا معاها اخوانها يالهبله
ياسمين: يؤؤ نسسيت طييب عاد اها يلا تجي ماصارت ساعه ع الباب!!
ميساء:ههههههههههههههه تووني ادري انك اكبر حننانه في الدننييا ، اكبر حتى من بنتك !!
انفتح الباب : السلام عليكم
ياسمين قطت بنتها بحضن تسنيم بسرعه
نطت لعند الباب بصراخ : جووووجو
بو فراس وقف بوجهها : حماسك شوي شوي لاتحضنين بقوة
تسنيم بعصبيه من صوت ملاك تبكي بقوة بعد مارمتها ياسمين عليها : هييييييي يالمجنونه , ما كأنك طالقه بهالبنت !!
ياسمين بضحكة باست راس عمها وإيدها : الحمدلله على السلامه عمي ... والحمدلله على سلامة الجوري
بو فراس :الله يسلممك , انت شخبارك؟
ياسمين : الحمدلله فرحانين برجعتكم ورجعة هالحلوة
الجوري:طيب بظلي معترضه طريقنا, وتتعبي الحلوة بالوقفه!!
ياسمين سحبت الجوري من وراء ابوها وحضنتها:وااخخخييرا جييتي يالدلوعه الحممد لله على السلاامة
الجوري:الله يسلممك ي الدفشه
ياسمين وسعت عيونها:الحيين اننا دفششه!ماتستاهلي مشتاقه لك
الجوري:ههههههههههههه امزح معاك تعالي نجلس بس
بو فراس: انا بروح أخذ شور واريح جسمي شوي
ام فراس:وانا بعد .... الجوري لاتتعبي نفسك ماما بالجلسة طيب؟
الجوري:ان شااء الله
ياسمين:لاتخافي عليها نخليها ترتاح غصبا عنها مايمشي معانا دلع بنات هالزمن
ام فراس:هههههههههه وانتي من زمننا ولا زمن جدتي؟
الجوري:هههههههههه من العصر الحجري اتوقع
ميساء بصراخ:يااسميييينوووه تعالي طفي جرس المدرسة زعجتننناا
الجوري:هههههههههههه جرس مدرسة!!
ام فراس:روحي روحي شوفي بنتك , ذاب قلبها من الصياح
ياسمين راحت ركض لبنتها واخذتها: ماما سكتي سكتي خلاص تووها نايمه وش جلسها؟
تسنيم مدت لها جوالها: قطيتيها علي بقوة يالووسخه !! وسكتها ودق حبيييب القلب ورجعت تصيح
ميساء : أن شاء الله داق عشان تمشين !!
الجوري:ياسمين لاترووحي توني جايه !!
تسنيم : صحيح لاتروحي وصديقات الجوري قايلين بيجو بس توصل
ياسمين: اصلا الليلة ريلي مو هنا طالع مع الشباب , يعنني لاتخافي بجللس لك صبااحي
تسنيم: حلو حلو ,ومع بنتهها انسسي شيء اسمه راحه
ياسمين :وي عليي بنيتي طول الوقت حاطين دوبكم في دوبها برييئة فديتها
حصه اخذتها ومدتها للجوري لما جلست : ايي والله بنت اخت بريئة ! شووفووها شحلاتها ساكته وتضحك بعد بس شكلها تخاف من وجيهكم
ياسمين:ههههههههههههه بالضببط
الجوري أخذتها وإهي تسمي بأسم الله عليها : الله يحفظها
ميساء:من زيين وجهها عاد
تسنيم بضحكه:لا صراحه جميلة بس مزعجه
سمعوا صوت التيلفون
الجوري وقفت وبإيدها ملاك: اكيد الحرس
تسنيم رجعتها مكانها: خلك خلك أنا ارد .... الو , افتح لهم , طيب ,بطلع لهم (سكرت) بروح لهم بنات
ميساء بإستغراب: رجعهم الحرس عمي؟
الجوري هزت راسها : يب
-------
بالحديقة
دخلوا البنات بعد مافتح لهم الحارس بوابة الضيوف
حلا بعجز : واللل المسافه شطولها لمدخل بيتهم
زكيه:عجوزة !!
غفران مشت عنهم بخطوات سريعة لما شافت تسنيم طالعه تستقبلهم :هلا هلا تسنيم ويين الجوووررري -ومشت عنها-
تسنيم التفت :ههههههههههههههههه ي المرجووجه سلمي اول , بعدين مو هنا الجهة الثانيه روحي... (غفران مشت ولا سمعت باقي كلامها , التفتت للبنات )ههههههههههه هلا والله درعمو زي ثالثتكم وش تنتظرو, حيييياكم , نور البيت
حلا غطت وجهها:الله يفشلها حتى ماسلمت
تسنيم:هههههههههههه عادي عادي تفضلو

__________
بشقه أحمد وعبير
أحمد يطق باب الحمام : عبير , عبير فيك شي ؟
عبير: مافيني شي باخذ شور وبرتاح , اذا بتطلع انت ! خذ راحتك انا بعد ما اخلص شور بنام أشوي يمكن أرتاح
أحمد:لا مو طالع !! اتركك بهالحاله لحالك يعني , انت شايفه وجهك شلون قالب كانه قشر ليمونه !! وصايرة ماتاكلين هاليومين
وصله صوتها واهي تبكي : ماحد متعبني الا اهلك هذا حالي بعد كل جمعة لهم هذا انت سامع !ماني رايحة لهم ولا اعرفهم ولا يعرفوني فاهم
أحمد تنرفز : لاتصيحي لي وانت بالحمام كنك بزرة بعدين وش سوو لك أهلي هاللي تتكلمي عنهم كذا
عبير بصراخ واهي تبكي: لا تصرخ علي !! روح أسئلهم هم , انا الي اقط عليهم كلام ع الطالعه والنازلة ولاهم !!
أحمد بهدوء : لا قررتي تهدئين وتتكلمين بدون صراخ , اتصلي علي عشان أرجع ونتفاهم وبطلي بكي داخل الحمام , موزين !!
_______________

سطام يناظر الشوارع بحيره: افف , نسيت أني ما أدل عدل بشوارع الحسا !!
سليمه : طيب دق على احد من عيال خالتي ولا على اخوان الجوري ..
سطام اخذ جواله ودق على فراس : بدق على فراس اذا يقدر يجي لنا لعند هالمحطه ونلحقه .
سليمه بضحكة: هههههههههه , عقبال ماتحفظ شوارعها لزوجناك منها
سطام أبتسم
سليمه تغمض عيونها وتفتحها بسرعه : اقققققعد أستحى
ضحك سطام : ههههههههههههه ... الو ,هلا فراس
فراس : هلا والله سلطان
سطام : يابو الشباب , انا سطام !!
فراس: اوه اسف سطام , ادري انك سطام ! بس أسم اخوك على لساني وطلع
سطام : عادي ماصار شي ’ المهم يالحبيب أنا بالحسا , وابي اجي بيتكم , بس مو دال الله يسلمك
فراس : اقول شفيها الحسا منورة بزيادة , فكرته بس نورنا , طلع سطوم جاي الحسا
سطام بنص عين : اقول فروس عن التميلح , ماعندي خوات ازوجك ايام !! وحتى لو عندي مابعطيك
فراس: ههههههههههههههههههههههههه هه , زين عطيتني خبر , المهم وينك انت فيه ؟
سطام : أنا عند محطة ال........
قاطعه فراس : يالأهبل يعني أنت قريب حيل من عند بيتنا !! خل الان المحطه على يسارك واطلع سيدا ,بيجيك دوار لاتاخذه كامله وادخل يمين وبس بعدها بتعرف المكان وبتعرف بيتنا
سطام : الله ! كل ذا عجز تجي لعندي , اها انقلع
فراس بضحكة : ياخي توني جاي من طريق , ان قمت الحين مضطر اقوم لمرت اخوك وادخل داخل البيت واخذ منها مفتاح سيارتها واطلع لك .... شفت ! سالفه على ماجيك تعال انت اسهل , المهم
سطام: الله ياخذك , تهذر واجد , طس طس بس لاضعت دقيت على حضرتك !!
سليمه انتظرته يسكر : غريب أسلوبكم يالشباب مع بعض, انا لو اقول حق بنت طسي ولا انقلعي والله تطنقر عليي
سطام : لانكم نفسيات
سليمه شهقت : نعععععععععععم
سطام توهق : اشششش سكتي سكتي اجلي الهواش لا اسوي حادث ونتكسر مثل سلطان والجوري
________
جلسة البنات
...........:ههههههههههههههههههه ههههههههه
ام بدر حطت إيدها على راسها :الله الله الله , والله لو اسويها بعبد المحسن ,كان رقبتي بمكان وانا بمكان
غفران بضحكة : والله مو صاحيه ذي ياخالتي!!خبببببله إزكيه
زكية : يستاهل !! اجل اقوله وصلني وارجع لجمعة ربعك , يقولي مو فاضي ;خليه محبوس بالحمام وبدون مناشف ويموت من البرد ’ومايقدر يعصب عليي بعدين طبعا !! ولا اسحب عليه واروح لأهلي
ياسمين:هههههههههههههه ,كسسسر خاطريي
غفران تحرك أيدها قدام وجه الجوري : ياهووه وينك مو معانا !!
الجوري انتبهت لها : معاكم ,بس تعبت من الجلسة
وقفت : عن اذنكم صبايا , بس صايرة تتعبني الجلسة الطويلة .
ياسمين : دوووووبه !! انسدحي هنا عادي لاتستحي منّا
ميساء : صحيح جوجو خليك هنا ! مبسوطين بالجلسة
حلا قطبت حواجبها ونظرها على ايد الجوري: الجوري , ليه فاصخه دبلتك!!
الكل ناظر إيدها
قبضت ايدها الجوري
أم بدر: يمه جوري , فال موزين ترا فصخك للدبله قبل الزواج !!
تسنيم: شالخرافات خالتي!!
الجوري ناظرت أيدها بهدوء :ضاعت بالحادث .
رجعت وانسدحت الجوري على الكنبه هالمرة
دق التيلفون ونطت له ميساء بسرعه: الو
ام بدر : بشووويش يالخبووول
ميساء بضحكة: السلام عليكم ,شركة موبايلي , كيف اقدر اخدمك أخوي؟
.........: لوسمحتي , عطيني إختِ الجوري ياموبايلي !!
ميساء عرفت من وطاح وجهها (هبالك وقته غلط!!) بهدوء رمت السماعه للجوري : ....... جوري , عبدالله يبيك
الجوري رفعت السماعه: الو هلا عبدالله ؟
عبدالله : جوجو حبيبتي لبسي عباتك وطلعي الحديقه , حماك وحماتك جايين يبونك ضروري ومارضوا يدخلون للبيت
الجوري بشك: لوحدهم ؟
عبدالله : اذا قصدك سلطان فأهو مو معاهم !!
الجوري : اهاا , طيب , بطلع لهم الحين
_______________________________
مصعب نزل لعندها واخذ منها الصورة بقوة: ماقلت لك نبشي بخصوصياتي , طلبت منك تلمينهم لانك نثرتيهم !!
سحر بأحراج همست : اسفه ..
مصعب بدأ يلم الصور واهو يتأملهم
سحر بتردد وقفت:ماكان قصدي , واعتذر للمرة الثانيه
مصعب مسك ايدها وجلسها : اناا الي اسف ماكان لازم اعصب
كمل: انت زوجتي ! و من حقك مثل ما انا اعرف عنك كل حاجة , انتِ بعد لازم تعرفي عني كل حاجة
سحر بإحراج من مسكة ايده : مولازم, مااجبرك على شي انت ماتبيه
مصعب تربع على الأرض وفتح ألبوم الصور : ماقلت اني ما ابي ! بس ماحب احد يفتحهم,وانتِ مو احد
سحر انصدمت وألجمتها جملته الأخيرة
مصعب : هالصورة قبل سنتين , خلصت فيها ....
قاطعته سحر مصدوم : يعني هذا أنت !!
مصعب ابتسم بحزن : اي انا !! بس ماحد يعرف غير امي لمدة 7 سنين دراسه طب عام
سحر اخذت منه الصورة : بس انت قلت انك دارس ادارة اعمال او كانك ماكملت !! ليه كذبت ؟
مصعب : ماكنت حاب تعرفين شي عن حياتي !!
سحر : وشنو تغير الحين ؟
مصعب : امي !
سحر :أمك!!
مصعب : امي طلبت مني اصارحك بكل شي انت زوجتي ....... (تنهد)اول ماتخرجت من الثانوي امي فرحت لي كثثثثير ووعدتني تبعدني عن ابوي السيء على رأيها وما تبيه يتدخل بمستقبلي لانها متاكدة انه بيسويني كربون عن شخصيته وتعامله , كان يبيني ادرس ادارة اعمال وامسك شركاته واعماله واكون معاه ستيب باي ستيب واكمل على نفس خطاه بعد عمر طويل !!
سحر: يعني ابوك !! ممشاه مو...
سكتت ماكملت واهي منحرجة (هبله تغلطين على ابوه !!ناوية تجيك رفسه تساويك بالجدار نفس ذاك اليوم)
مصعب أبتسم: أي ممشاه مو مضبوط , المهم رحت الرياض وبديت ادرس بكليه اهليه , على حساب امي الخاص , وامي تكفلت بإنها قد ما تقدر راح تكذب على ابوي وتوهمه اني ادرس ادارة اعمال هم بكليه اهليه عشان ما يشغل ربعه وواسطاته عشان يمشي اموري واخذ شهادة مزورة عشان افيده وما اقون عالة عليه بالمستقبل ... اقنعته بهالفكرة وسحب ايده من الموضوع, لكن حبل الكذب قصيررر , خلص حتى قبل لا اخلص تحقيق حلم امي واللي مع الايام صار حلمي , جلست اتخيل حياتي بعد التخصص راح اساعد كل الناس , ماراح اخلي احد يتألم ولا يعاني , سبحان الله من شيانة حظي ... صار الدكتور الي دخلت عنده اول يوم , اول محاضرة بأول سنه بالتخصص .... صديق مقرب لأبوي حيييييل , الرجال بصفاء نيه اتصل على ابوي يمدح فيني وعلى تميزي بالكليه وابوي استغرب يقوله يمكن تشابهه اسماء , بس الدكتور استدعاني لمكتبه ورحت له وقلبي ناغزني وكاني حاس هذا اللي بيصير , قالي كلم ابوك خل يتأكد , حسيت بشلل بلساني بأطرافي كلها, كان بودي اصررررررخ ,اخذت الجوال وانا اناظر الدكتور بعتاب , واهو حس انه بالموضوع إن , اخذ مني الجوال يتدارك الموقف وقال لأبوي لا مو ولدك قلبنا على الولد مواجعه !! ابوه متوفي من زمان , بس مافي مفر خلاص ابوي شك . اليوم الثاني جاء للكليه عشان يتأكد وشافني !! ورجعني معاه بأول طيارة للشرقيه
تنهدبألم وكمل بإنكسار: رجعني للشرقيه بقسوة , كسر احلامي , حطم مستقبلي ,قررت اتمرد وما اروح معاه الشركة, قررت اعصيه بكل شيء قررت اخليه يندم واكسره فيني , لاني اعرف شقد هو يغلييييني
لكن ماقدرت على هذا الصخر ! صاحبت ناس سيئة بالشركة , وصاروا ياخذوني لأماكن مشبوهه يتجمعون فيها ويشربون ,قلت يمكن لشافني وصلت لهالحال ,يتركني اسوي الي ابيه !! لكن طلع اذكى مني ولوى إيدي بإنه راح يضر أمي !! بعد فترة من الشغل معاه خطب لي مرتين من أصحابه الهوامير الي من طخته ومن طخة الدناءة بالتجارة !! وبالإثنين فشلته ورفضت البنات بعد الشوفة , عصب وثار عليي وقال انت ماتستاهل الا تاخذ بنت ...
سكت وناظرها : بلاها
سحر بهدوء: عادي تعودت عليها ترا! وصارت تعجبني
مصعب أبتسم: اسف !!
سحر بحماس تربعت مقابل له : كمل كمل قصتك
مصعب ضحك على حماسها تربع بجلسته مثلها : ههههههههههههه بس الباقي عشته معاك ’ بس اللي ماتعرفيه كنت متوقعك راح تهربين وما تجلسين معي ,ما بيك تبقينمعاي لاني بضرك , هذا سبب تعذيبي لك !! يمكن ماهو مبرر اكون بهالقسوة معاك لانهم عاملوني بقسوة كمان ! بس الان انتِ رجعتيني مصعب ولد امه !! مو ولد ابوه , اممممممممم تدري وش اكثر شي يقهرني بأبوي ؟
سحر مرتاحة لكلام مصب بكل اريحيه معاها لأول مرة : شنوووو؟
مصعب ناظر لبعيد : من لما شاف تعلقي بأولاد عمي كثير ’ واتأثر بعبد العزيز بالخصوص , ولّد بيننا حققققد كبيييييرر ماتصورينه !
سحر بقهر : ابوك شنو مشكلته ؟
مصعب حرك اكتافه بمعنى مدري : اممم سحر
سحر: هلا ؟
مصعب يراقب ردة فعلها : مع بداية الدراسهة راح تبدئين تدرسين بجامعة الدمام ! مسار صحي بإذن الله ,عرفت من ابوك انه بسبب زواجنا !! ما كملتِ تسجيل وكان حلمك تدخلي طب ....
سكت لما شافها تخزه : بسم الله ! شفيك !!
سحر توسعت عيونها بصدمه : ماتكذب صح ؟
مصعب :تقدرين تسئلين أبوك ,انا اخذت كل اوراقك منه , والمقابله الشخصيه مشيناك بالواسطة !! لاني ماكنت حاب اقولك الا قبل الدراسه ’ بس دامم انفتح الموضوع قلت لك .......(ابتسم) حققي شيم اقدرت احققه
سحر قطت نفسها بقوة على مصعب فرحانه بدون وعي حضنته:قووووووول والله ماتكذب
راس مصعب ضرب راسه بطرف السرير الي وراه , ومسكه بألم : اااااهه ’ يامجرمه ! بعديي
سحر بعدت عنه وضحكت : ههههههههههههههههههههه اسف
مصعب يحك راسه مكان الألم : اخخخخخ فرحتك غير شكل والله !! خرمتي راسي ,وخري عن وجهي!! يلا لمي اوراقي وصوري رجعيهم بملفي !! واخر مرة تحوسي بأقراضي
سحر ابتسمت : مصعب
مصعب ناظرها
سحر نزلت دمعتها ونزلت راسها : شكرا
مصعب وقف واهو يبتسم : يالساحرة ...بتلمين الاوراق ما فيه مفر
____________________________
حديقة_ بيت بو فراس
الجوري طلعت , وشافتهم واقفين عند الجلسات مشت لعندهم : السلام عليكم
سطام نزل راسه بإحترام: وعليكم السلام .. الحمدلله على السلامه يالجوري
الجوري تشوف فيه سلطان (ياني اشتقت له !): الله يسلمك ياسطام ..
مدت ايدها لسليمه وسلمت عليها : حيا الله سلوم .. نور البيت، ليه واقفين ! جلسوا
سليمه منحرجة من اسلوب الجوري المؤدب معاها: هلا والله جوجو ... امم شخبارك ؟
الجوري : الحمدلله ، طيب تفضلوا !! البيت بيتكم
سطام : انا زعلان منك كثثثثير ياإختي
الجوري إستغربت واهي تجلس وتجلس سليمه جنبها : افا ! ليه ؟
سطام بغموض : إنت ادرى !!
الجوري : ادرى !! اجلس وفهمني شفيك !!
سطام : لا مرتاح بالوقفه ، عليك من الي مو مرتاح ولا مريحني بإحساسي باللي يحس فيه !!
الجوري فهمت عليه بخوف: سلطان ؟ شفيه ؟
سطام : مدري ما قال لي ، لكن حسيت فيه انه متأذي امس !! انت ما كلمتيه ؟
الجوري انحرجت وسكتت (ماراح اسامح نفسي لو يسوي بنفسه شي)
سطام : جوري ! اتمنى تشيلي من بالك هالفكرة ، لانه مشكلتكم ماتنحل بمشكله اعظم ، جلسوا مع بعض واتفقوا على حل افضل من هالحل
الجوري : بس ....
قاطعها سطام واهو ياخذ العلبه : الجوري خابر عقلك اكبر من كذا
الجوري تنهدت والتفتت على سليمه الي مو فاهمه شي وبالنسبه لها كلامهم الغاز
مد لها الصندوق الصغير واهو يبتسم : امانه
الجوري ناظرت الصندوق بعدها اخذته : من مين ؟
سطام : فتحيها وبتعرفين
الجوري رفعت حاجب
فتحت العلبه بهدوء وإهي تستنشق عطره القوي
شافت كتاب جذبها غلافه ، وعنوانه اكثر !! ( شقصده !)
رفعت الكتاب بإيد مرتجفة وقلبها تسارعت نبضاته
سطام بتحذير : داخل الكتاب شي إنتبهي لا يطيح
الجوري بإنصياع بدون نقاش فتحت الصفحة وذاب قلبها ، تمنت انه لا سطام ولا سليمه عندها ! تمنت لو تهرب من عندهم وتبكي لوحدها ؛ داخل الكتاب كانت دبله من الألماس ناعمه جدا جدا تأملته بعيون مليانه دموع محفور داخله (عنيدة سلطانها)

[IMG][/IMG]

كتمت شهقتها ووقفت ، بصوت واطي : سطام ادخل عند الرجال تضيف ، وانا باخذ سليمه معاي
سطام بشك: بتلبسيه ؟ ولا بتنتظري صاحبه يلبسك إياه ؟
الجوري تصرف سطام : على خير المهم (سحبت سليمه من ايدها) عن اذنك
سطام حط ايده على وجهه بملل بعد مامشوا : ياصبر ايوب
____________________

دق للمرة المليون جوال سلطان واهو معطيه طاف ويتمشون بالمجمع ومن محل لمحل يتسوقون
عبد العزيز بإنزعاج : اوهوووو !! والتالي مع جوالك ، ماتبي ترد طفه وفكنا ، ولا عطني ارد بدالك
سلطان : انتظر سطام يخلص الي قلت له ويدق .. عشان كذا مابي اسكر
رن الجوال مرة ثانيه
عبد العزيز مد ايده بوجه سلطان : عطني ارد انا
سلطان عطاه اياه : شف مين اذا سطام عطني اياه ... يمكن طافي جواله ومستخدم جوال احد ثاني
هز راسه عزيز ورد : الوو ..
......: كل هذا تتغلى على حبيبتك ! يعني لو هو جوال الميته الي بالمستشفى كان رديت !! شدعوة ! قل يمكن احد من اهلك داق من رقم غريب
عبد العزيز رفع حاجب بوجه سلطان ، رجع له الجوال وبسخرية : حبيبتك تقول
سلطان رفع حواجبه بتعجب واخذ الجوال : الوو ..
لولوه : شفيك معلق على الألوو اليوم ؟؟
سلطان : عفوا اختِ من تبين ؟!
لولوه : مابي غيرك ياسلطان ! الا اقول حبيبي ، شخبار بنت الفيصل ما ماتت ؟
سلطان (ما غيرها ! ما حد ممكن انه يتجرأ الا إهي ) بحدة ألجمتها : يابنت الناس ، حشمي نفسك ، ولمي لسانك ، لايجيك شي مني مايعجبك ! بروحي غاصة للان بحلقي سالفة الصور وسالفة جيتك للمستشفى ، لا تزيدي النار حطب ؛ لانها راح تحرقك
لولوه بسخريه : ههههههههه شوي شوي ! انا الحين بس سئلتك عنها ، عيب ولا حرام
سلطان : العيب والحرام اتصالك على رجال ما هو من محارمك (شدد على) ومتزووجج ، وزوجته ! عنده بالدنيا كلها وتاج راسك
لولوه : ا....
قاطعها سلطان : اقسم بجلااااااال الله يابنت بو ناصر ان طولتيها واهي قصيرة ، ما يردني عنك اي احد وحتى ان كانت الجوري بنفسها بتمنعني اتصرف معاك مرة ثانيه فاهممممممممه !! حفظي ماي وجه ابوك واخوك ! تراهم غالين و المحشميه لهم ما بي افشلهم ...
سكر بوجهها ، والتفت على عبد العزيز إلي يناظره بشك : شفيك انت بعد ؟
عبد العزيز : لا ولا شي الله يسلمك ، شسالفة هالماصله الي داقه !!
سلطان حط ايده على جبينه : الله يستر عليها ، مالك فيها ، ما يحتاج افضحها ، نمشي ؟
عبد العزيز إبتسم : تدري ؟
سلطان واهو يلبس نظارته الشمسيه : لا ، شنو ؟
عبد العزيز : كبرت بعيني لما ما تكلمت عنها ، حتى وان كان اهي الغلطانه !! الله يغفر لمن رباك ياشيخ
__________

الجوري عادت قراءة ورققة صغيرة !
كانت مدسوسة بين طيات الكتاب ، خطه جمل الورقة !
(يامن تَطلُبي البعدَ ! أُريدكِ أقرب مني لنفسي فهل تُلبي ندائي ، ام نداء الطفلة العنيدة المتمردة بداخلك !! )
رفعت الدبلة ناظرت المنقوش داخله للمرة الالف ! ماكان حافراسمها او اسمه باللي قبلها ، قلبت صفحات الكتاب وكأنه تدور على سلطان فيها (مامرة قلت له اني اعشق دواوين هالكاتب !!)
تنهدت ورجعت الدبلة بوسط الكتاب حطته على الكومدينه ،جلست على السرير بحذر و اخذت جوال فراس وبخاطرها ترسل له رسالة (لا جوري ! اتفقنا تبتعدين )
نزلت دمعتها بمراره :بس اشتقت له ، مو متعودة على يومي يمشي بدونه
لبست الطوق على رقبتها وانسدحت بحذر : يييييارب انت معاي وانا قويه فيك , دلني على الطريق الصحيح
____________________
مشت زكية وحلا لكن غفران باقي جالسة تنتظر بسام
ميساء : الجوري مو طبيعيه !! احس فيها شي ، مهما خبت وجهها يفضحها
ام بدر : بقول لحنان تشبب البنت وترقيها ليكون صايبتها عين !
غفران : يمكن بس متضايقه من بعد الحادث!!
ياسمين : يمكن!
سليمه واهي متضايقه من وجود غفران ومو بالعتها : شدخل الحادث تتضايق منه ! قضاء وقدر ، في شي غيره مضايقها اكيد
غفران بقلق : وانت تعرفين شنو اللي مضايقها ؟
سليمه بهمس :شدخلك اعرف ولا ما اعرف لقافهه
علت صوتها : الا شخبار شذى يابنات ؟
ام بدر قطبت حواجبها على تطنيش سليمه لغفران
ياسمين ابتسمت مجامله لسليمه : الحمدلله زينه
غفران إبتسمت : عبالي نحول !!
.......:ههههههههههههههههههههه ههههههه
ام بدر : ههههههههههههه ياحلاة روحك ياغفران
سليمه (الا ياسماجتها ومصالتها هالبنت !! صج ماكنت احب الجوري ولا دلعها الي مدري شيبي !! بس تهون قدام سماجة هالبنيه قططططع ، غثيثه)
دق جوالها وردت : الو ... طيب طيب ، باي
سليمه وقفت :يلا بالإذن ، مع السلامه
.....:مع السلامه

يتبع

[اسطورة !]

وقفت ميساء معاها توصلها للباب
ام بدر بهمس : حنان وفيصل نسوا نفسهم !!! وسحبوا ع الامه الإسلاميه الي ببيتهم
........:ههههههههههههههههههه
ياسمين : خليهم براحتهم ، واخيرا رجعوا بيتهم وارتاحوا !! بعدين حتى عمي وليد نايم مسكين بالمجلس ، وتلاقين الشباب بعد ناموا مابقى الا سطام لحاله وهذا طفش ومشى. المهم !! ماقلتوا لي كل عام وانت بخير , سنه سعيدة , العمر كله !!
ميساء رجعت و بصراخ حضنت ياسمين الي كانت جنبها : صحييييييييح اليوم ميلادك !! هابي بيرث دي ماي سويييييتي
تسنيم ضحكت على اختها الي خرعت ياسمين : ههههههههههههههههههه خرعتي المرة !! كل عام وانت بخير سيمو عمريي , العمر كله
ياسمين بنص عين : الي كله تتذكر وتذكركم , تعبانه مسكينه بنت عمي
تسنيم بتفكير : صحيح ميلاد جوجو بعد ميلادك بيومين كأنه
ياسمين : ييييييييب
ميساء : يوووووه خل نسوي اجل حفلة جماعية ووناسة , الا صحيح الحين شذى متى بتطلع من الأربعين ؟عشان تكون معانا بعد !!
تسنيم تحرك حواجبها : في طلعه ! بس ماراح اقول لكم الا لجات خالتي حنان
____________
صحت حنان من النوم
التفت على زوجها لقته حاط ايده ورا راسه ويناظر بعيد وباين عليه يفكر بعمق
انتبهته عليه واهو يعقد حواجبه وابتسمت (ياكثر ماتبهك بنتك ! حتى بتعقيدة الحواجب)
....: صح النوم
عدلت جلستها : مانمت ؟
فيصل بإرهاق سند راسه على ايدينه : لااا ..
حنان حطت ايدها على راسه ورفته لها ، مسحت بإيدها على عقدة جبينه : فك هالعقدة الي معقدتني منك ومن بنتك وبتنحل امورك .
ابتسم فيصل : ليتها طالعه عليك ! مو طالعه علي
حنان : لاتفكر فيها كثير ، كلامها امس من ورا قلبها قالته وانتهى ! تراها كثير متعلقه بسلطان ، ماراح تستغني عنه بسهولة ، بنتي واعرفها لما تتعلق بأحد
فيصل :ااااهه بس خليها على ربك ! كم الساعه الحين ؟
حنان اخذت جوالها :اووووه ! 6 نمت كل هالوقت شالفشششششله ، عيال اخوانك وام بدر تحت !
فيصل رجع انسدح وتغطى بالديباج : عادي البيت بيتهم والعيال عندهم
حنان سحبت الغطا عنه واهي توقف : قوم قوم اقولك ! الساعه 6 يعني مابقى ع الاذان شي
فيصل حط ايده على وجهه: استغفر الله ، اعوذ بالله منك يابليس ! فجاة جاني النوم
حنان : وعبد المحسن اكيد راح يجي بعد المغرب يعني لاتفكر انك تنام
فيصل : يصير خير انا ناوي اطلع للشركة في اوراق لازم اوقعا بنفسي وباخذ الاولاد معي! وبعدين انا وعبد المحسن صار بيننا خلاف لا انا ابي اشوفه ولا اهو ، وجيته للجوري بس...
حنان مشت بتدخل دورة المياه الي بجناحهم : اظن انك عارف نفسيه اخوك وطراناته !! بيعتبرها طردة ان مااستقبلته وجلست عنده حتى لو انكم ماتكلمون بعض
فيصل بتطنيش: عندي امور الان تتطلب مني الجهد والوقت اكثر من تنفيسات اخوي ! الي ماتعبر الا عن محدودية تفكيره !!
حنان بتعجب : اوه اوه اوه اوه كلام كبير ذا !! شالخلاف الي صاير
فيصل جلس واخذ ساعته من ع الكومدينه يلبسها : على موضوع عبد الرحمن ، سوا حركة بالمستشفى ماعجبتني!! وصار شد بالكلام اشوي ....
قاطعته حنان بضحكة : بس أشوي ؟
فيصل ابتسم : ههههه .... وحلفت له اني راح ارجع عبدالرحمن الحسا برضاه ولا بدون ! واخليه يعتذر له غصببب عنه .. وان شاء الله ماهو ببعيد هاليوم
حنان تنهدت : الله يكون بعونك ! وبتقدر في محسن ؟
فيصل راح عند باب الجناح : بقدر بإذن الله ... انا بروح اشوف الاولاد عشان يجهزون للمسجد بعدها بنطلع للشركة ، بتاخذي شور ؟
حنان : ماراح اطول
فيصل طلع : اوك نعيما مقدما ..
_______________
بيت الخالة- ام ميار
ام ميار واهي تمد الحلا لسليمه : زين بعد تذكرتوا انه عندكم خاله هنا تزوروها وتسيروا عليها !!
سليمه بضحكة : هههههههههههههههه شدعوة خالتي حسستيني اننا قاطعين بالمرة !! تونا مو بعيد على ملكة سلطان جلسنا بالحسا لين طق مييييخنا
ام ميار : جلستوا ببيتكم ! ماجيتوا عندي
غادة واهي تقشر التفاحة لولدها :يو شفيك ع التشره اليوم يمه !!
التفتت على سليمه : ترا ماسكتني تشره قبل لاتجيين بس اشوة راضيتها
سليمه : ههههههههههههههه علميني خل اراضيها
ام ميار : اها بس ، ماتنعطون وجه ، شتسوين انت وسطام بس بالحسا ؟وين امك وابوك واخوانك؟
سليمه : جايبين شيء لزوجة سلطان لانه مسافر وقال لسطام يوصلها ، قلت اغير جو اجي معاه دامه بيمر على ميار
ام ميار : زين سويتي
غادة بفضول : شخبارها زوجة سلطان الا شسمها قلتوا ؟
ام ميار بحسرة : الجوري اسمها الجورييي
غادة بتفكير : ابي اشووووفها ! احس كذا ابي اشوف زوجة معذب العذارا سليطين الأملح
سليمه بضحكة: الملحة انتِ ! شحلاته اخوي اسمراني يجنن ..
غادة حطت إيدها على قلبها : سكتي سكتي لاتوصفي اخوك وتخليني اخذ اثم !! خليني برجلي بس ، وصفي لي مرت اخوك أشوف ليكون هو احلى منه ؟
سليمه ناويه تجنن غادة : عادي تطلقي من رجلك ! باقي عندنا توأم سلطان ، يفي بالغرض ترا بس سطوم روحه احلى من سلطون لانه فلاوي اما سلطون عصبي
غادة تدور شي ترميه على سليمه : ياحمممممممممارة اقولك تكلمي عن البنت !!
سليمه مسكت المخدة الصغيرة تغطي وجهها لما مسكت غادة علبة المناديل : تسلم عليك
غادة رمت العلبة بقوة جهة سليمه وضربت برجلها: يالكذووووب شعرفها فيني
ام ميار : هيييي يالخبول انتي !! بتموتيها !
سليمه مسكت رجلها بألم : عنيفه بنتك ياخالتي !وش متنسيه فيه لما كنت حامل فيها هالدفشة ؟
غادة بنص عين : ماتموت هالقطيوة ذي ماعليك منها يوومه ! اها قولي كيف شكل مرت اخوك
ام ميار : شتبي تعرفي !!
غادة : يعني شبهيها بممثلة كيف طولها ولا قزمة شعرها قصير طويل دبدوبة ولا عصلة ولا مربربة جميلة جذابه ولا بس جذابه ملامحها طفوليه ولا حادة !
ام ميار : تجنن دانه هالبنيه ! غلطوا يوم سموها الجوري المفروض يسموها دانه
سليمه بضحكة : الله الله ! خالتي تشعر فيها ، عاجبتك ؟
ام ميار بصدق : اچذب لو قلت لا ، البنت فكرت اخطبها لميار ، بس للأسف ميار مايبي وحدة بعمرها
غادة شهقت واهي تضرب على صدرها : كم عمممممرها !!! سلييييموه مزوجين اخوك بزر ؟
سليمه :للللا ماعليك من اخوك هالمتشرط ! بعمري الجوري
ام ميار : لا مو بزرة عاد شدعوة بياخذها يربيها سلطان؟! بس اخوك شارط عليي مايبي الا جامعيه
غادة بتفكير : خليه عليي مياروه
سليمه صرخت بسرعه : اييييييي تذكرت من تشبه
غادة : فكرت عندك سالفه ! ها من ؟
سليمه بضحكة : ماعندي سالفه ولها ساعتين تحن تبي تعرف شكلها
غادة : اها انزين قولي !
سليمه: تعرفين الممثلة الهندية ام غمازات
غادة تتذكر: اممم مدري بريتي ؟
سليمه : لا لا ... لحظة اتذكر اسمها , الي سهام تموت على افلامها
غادة : اييييي ديبيكا
سليمه : من اللمحة الأولى لاشفتي الجوري بتقولي تشبهها بس الجوري رسمة عينها وسيعة مررة وشفايفها مليانه مو صغيرة مثلها ، يعني مرة اخوي احلى
غادة : اهووو وخري عن وجهي بس ! يعني ماتشبهها ومحمستني ع الفاضي !! ابي اشوفها خلاص لازم اشوفها اها عاد
ام ميار : مردك بتشوفيها بزواجهم
غادة :ومتى زواجهم على خير إن شاء الله ؟
سليمه : على كلام سلطان بداية ذي الحجة إن شاء الله
ام ميار : عقبالك يايمه وعقبال افرح بميار وسطام يا رب وسعدية قبلكم كلكم إلهي يالله ،قولوا اميييين !
.....:امييييييييين يارب
غادة بضحكة: لو سامعتنا سعدية كان الان حقدت علينا ههههههههههههههههه
_________________
ام بدر والبنات صعدوا يصلون بغرفة الجوري عشان فيصل واولاده يأخذوا راحتهم
ام بدر واهي تفصخ جلال الصلاة بدخلة حنان للغرفة : السلام عليكم
ام بدر بصوتها الجهوري :لا كاااان لا كااااان !! كملتي نومتك ياخيش النوم
ام فراس تأشر لها تقصر صوتها وتناظر الجوري ، بهمس :سكتتتتي الجوري نومها خفيف بسرعه تتنقز من النوم !!
ام بدر حطت ايدها على فمها : نسيت ، بس ترا بنتك من زمان نايمه ! احس طولت بالنومه !!
حنان سكرت الباب وراحت لعند الجوري وجلست جنب راسها : اجلسها ؟
تسنيم سكرت القرآن الي بيدها : عادي خالتي ! يمكن من الادوية تخليها تنام كثير !
حنان : شوي ونجلسها ، عشان تصلي وعشان المدربة بتجي على الساعه 8 لها
ياسمين تتمشى ببنتها بالغرفة عشان تدوخ وتنام: مدربة حق شنو ؟
حنان تمسح على شعر الجوري وتتحسس الجرح الي براسها : مدربة رياضة ، تحتاج علاج طبيعي بعد الحادث
ميساء الي منسدحة على الصوفا : اكشششخ ، اجنبيه ؟
حنان ابتسمت على جنب: ايه اجنبيه
تسنيم فصخت جلال الصلاة : خالتي ابوي قال اخبركم انه واعد الجوري بطلعة للبحر قبل الدراسه ، بس نوى يقدم الطلعة عشان قومتها بالسلامه ولانه بعد يومين يكون يوم ميلادها ... بنجلس ثلاث ايام هناك
حنان : مايقصر بو خالد ! بس ماله داعي يغلب نفسه ، والجوري هالكم يوم نفسيتها مش ولابد مالها خلق يعني
تسنيم فهمت على حنان : خليها تغير جو خالتي بحر وجو رائع ربيعي ووناسه ... و جوجو تستانس على طلعاتنا الجماعيه !
حنان تنهدت : شورك وهداية الله
تسنيم: بس ترا ماراح نكون احنا لوحدنا !
حصه : من غيرنا !!
تسنيم تعدد على ايدينها: قال ابوي بيعزم بعد اخوان خالتي حنان وخوالي واخوان خالتي ام بدر كلهم و وبيكلم زوج عبير و بو سلطان واهله أي بس اتوقع هذا احنا
ام بدر تناظر حنان : عزا الله انهلكنا !! ماباقي احد ماعزمه ولد العم !!
حنان بضحكة: شدعة!! ترا مو الكل بيجي , اكيد في ناس بتعتذر واولهم اخوي مروان ومتعب ! مايحبوا الطلعات الجماعيه
ميساء صفقت بحماس : ونننننننناسة دام بنظل اكثر من يوم شحطوا معاكم ياخالتي هالمدربة نطرب معاها هناك ونخليها تعلمنا نرقص بعد عشان ندخل هالكروش
حصه بوناسة نقزت واهي تصارخ من الوناسه: ييييييييييييييييس رقص وشاليهات وبحر والوجه الحسن وجمعة بنات ياويل حالللللي ياناس
تحركت الجوري وفتحت عيونها بإنزعاج من الصراخ
حنان باستها على خدها : صح النوم
ميساء بضحكة : جوجو صايرة الأميرة النائمه ، جلسي جلسي سمعي هالأخبار الزييينه، والله تخليك تفزي مثل الحصان
......:ههههههههههههههههههههه� �هه
ابتسمت الجوري وصوتها به بحة النوم :كم الساعه
حنان : يلا جلسي عشان تصلين ياقلبي ..
الجوري حاولت ترفع نفسها ماعرفت : ممكن ترفعوني
تسنيم القريبه منها مدت ايدها لها وامها مدت ايدها وساعدوها ترفع نفسها : غريبه نمتي بملابسك
الجوري : تعبت وانا احاول ابدل بدون ما أعور نفسي وماعرفت ، البلوزة ضيقة
ام بدر : كان ناديتينا يايمه ساعدناك !
الجوري ابتسمت : ماتقصري ياخالتي '
ام بدر : ترا منسلة عافيتك يايمه !!
الجوري ابتسمت بتعب
ميساء شافت الاكياس الي جهزوها بحفلة سلطان ! جنبها سحبت اقرب كيس لها وفتحته : الجوري !
الجوري التفتت لها بجسمها كله ، حست ببرود بأطرافها وضيق بصدرها : ...هلا
ميساء : مو ذيلي هدايا سلطان بعيد ميلاده ! ماعطيتيهم اياه !!
الجوري ناظرت تسنيم :نـ نساهم
تسنيم رفعت حاجب : لاتحركيهم ! صاحبهم مافتحهم لا تحركيهم
ميساء عفست وجهها وتركت العلبه : ياشينك ياشيخة !
_______________
سلطان يحاول يغير ضماد ايده بصعوبة وهم واقفين بمحطة البانزين : افففف
رمى الشاش والمعقمات من ايده بركوب عبد العزيز : بسم الله ! سكنهم مساكنهم ، شفيك ؟
سلطان سند راسه على الطبلون ، همس: ماعرفت اغير ضماد يدي !
عبد العزيز : طيب انت لوثت الشاش الحين يوم رميته !! ماتعرف تقول لي واغيره لك؟
سلطان بملل: متى بنوصل الشرقيه ؟ قطني بأقرب مستشفى
عبدالعزيز: غمض نام وماراح تحس بالطريق ولا بطوله
سلطان ناظر ايده : طلع جوالي من جيبي اذا ماعليك امر عبد العزيز
عبد العزيز طلعه له وحرك يكمل طريقه : سلطان
سلطان فتح الأستيديو وفتح القفل المخصص عليه : هلا ؟
عبدالعزيز: امممم اتمنى مافهمتني غلط على الهدية الي قلت باخذها لزوجتك واسرار عائليه و....
قاطعه سلطان واهو يدور على شي : شدعوة ! بس كان عندي فضول اعرف وش ساعدتك فيه
عبدالعزيز : كان ولا لازال ؟ اذا لازال قول عشان اقولك
سلطان ابتسم على جنب : ماسكة معاك اليوم الفصحى !
لقى الصورة الي كان يدورها
(كم اشتاق لأنثاي المتغطرسة ..!
أشتاق لهمسها العابث بي ! اشتاق لبسمة ثغرها )

نسى عبدالعزيز ولا إنتبه لكلامه وذاكرته ترجعه لهذاك اليوم
^^
عبدالله بضحكة واهو يناظر ملابس سلطان: بتدخل داخل تبدل ولا كيف وضعك !! لاتخلي اختي تشوفك بهالشكل بس تطيح من عينها
سلطان ضحك :ههههههههههههههه ياحمممار لاتتطنز ! انت اللي خليت بدير يسوي هالحركات ! ولا شحلاتنا نلعب ومبسوطين بس تعاونا عليه وكسرناه ! ماقصر اسم الله عليه مرمطنا بطين الملعب
فراس : هههههههههههههههههه الوسخ قفل حتى الحمامات عشان مانغسل!
......:ههههههههههههههههههههه� �ههه
سلطان : المهم مابي ادخل البيت بهالشكل ، مافي مكان ثاني ؟
فراس: المجلس مانقدر ندخله ! الأرضيه فرش بنبهدل المكان
عبدالله : صالة الجيم !
فراس : اي صح ، سلطان انت روح صالة الجيم في هناك مناشف وارواب نظيفه خذ راحتك ... وانا بدخل اجيب لك ملابس
سلطان قطب حواجبه واهو يمسح على شعره المليان طين ويرجعه لورا : وين صالة الجيم ؟
عبدالله واهو يفصخ قميصه: عدي المجلس وامشي سيدا لين تشوف باب زجاجي هذا هي صالة الجيم ..
مشوا عبدالله وفراس
وسلطان اتجهه للصاله واهو يضحك على اللي سواه كلهم ببدر المسكين كسروه بلعب الكرة بعنف ، سمع صوت ضحكها مع ريان
........ : ههههههههههههههههههههههههه ههه روين عادددد تعبت يللللا .
ريان : هههههههههههه احسن ما خليتيني اروح معاهم الملعب ، تستاهلي التعب عشان ماتلعبي عليي بتصويرك !
الجوري تخصرت وبإيدها الكاميرا : نععععم ! وانا هاللي لابسه هالملابس ذي مو عشانك ! كاني واحد من اخوياك
سلطان تأمل ملابسها وكيف صايرة عليها (ابتسم ) لابسة بلوفر برشلونه شكله حق فراس ولا عبد الله كبيييير وواسع عليها مرة , ضايعة فيه وكاشف عن كتفها الأيمكن وكل اشوي ترفعه , وشورت جينز وجواريب مقلمة بالاحمر والازرق رافعة رجل والرجل الثانيه منزلتها وشوز رياضي بناتي ابيض ورافعه شعرها كله بطوق ابيض ..
تأمل وجهها مو حاطه غير روج أحمر قاني ... يالله شقد اشتقت لك يامجنونه
انتبه انه ريان شافه بسرعة اشر له يسكت : اششش
ريان ناظر الجوري : اها كملي ياميسي تهويل فيني كملي ..انت وحمرتك ذي كأنك ماكلة بزر
الجوري عناد بريان ضربت الفلاش مرتين بوجهه : تتطنز
ريان ضحك وايدينه على عيونه : ههههههههههههههه اسف يالنذذذله عورتي عيوني ..
الجوري ضحكت على شكله واهو مغطي عيونه :هههههههههههههههههههههههه� �
سلطان رفع جواله وصورها واهي تضحك
....:احلف ! هذا الي ماتبيها تشوفك بهالمنظر
سلطان التفت للصوت الهامس وراه شاف فراس واقف ومبتسم
سلطان دخل جواله بجيبه ورفع حاجب : احم ، مشكور ما قصرت ! وان سولت لك نفسك و قلت لها اني جيت وما مريت لها ، صدقني بردها لك بالمستقبل اقوى !
فراس يمثل البراءة واهو يسحب سلطان لداخل صالة الجيم لاتنتبه لهم الجوري: تؤ تؤ تؤ ، تبيني اكذب يالنسيب تامرني ع الفساد يابو الوافي !!
سلطان بإستغراب : بو الوافي !!
فراس ابتسم واهو يجلس على اقرب كرسي: الجوري تحب هالأسم وكله تقول اول ولد يجيها راح تسميه الوافي (يمثل العصبيه)ولا عندك اعتراض دكتور سلطان
سلطان رفع حاجب واهو يفصخ تيشيرته : مامرة تكلمت قدامي بهالطاري !
فراس : اكيد ماتتجرأ تفتح معاك هالموضوع ! ، ممكن مستقبلا تتكلمون بهالموضوع ...... امم المهم ياوسخ يلا ادخل اخذ شور لاتطيح عليك الجوري هنا هههههههه عاد بعدين فجج لحالكـ اذا زعلت ولا طنقرت
^^
....:هييييييييهههه ! اكلم التواير انا !!
سلطان انفجع من صرخة عزيز : ليه الصراخ ! طيرت قلبي لابارك الله فيك
عبدالعزيز : اهذر اهذر ولا انت حولي ! شكنت اقول ؟
سلطان تسند وببرود وابتسم سحب على عزيز : عادي عيد الي قلت من البداية , واعرف وش تقول!!
عبد العزيز بقهر : الشششرهة ماهي بعليك ! الشرهة عليييي تارك حرمتي وبيتي ولاحقك لدبي وفي النهاية من جبت طاريها وانت ساحب علي اقوووووى سحبه ، زين ما مرينا على نقطة تفتيش ولا شي بيشكون اني مجنون واهذر لحالي
سلطان رفع جواله من ارضيه السيارة اللي طاح من الخرعة ، بأسى واهو يناظر الصورة مرة ثانيه : كم يوم لي ما كلمتها ؟ جلست احسب
عبدالعزيز طلعت عيونه من هاللي جنبه : ياللللللللللللله يالللللللللله انك تصبرني بس لحد ما اوصل الشرقيه
سلطان باس الجوال بهدوء ورجعه بجيبه : وشق يشق بلاعيمك ؟ شمشكلتك معاي انت لا تصارخ شقيت اذاني !!
عبد العزيز ناظره بنص عين وصد عنه : لاتحاچيني انقلع
سلطان ضحك على طنقرته : ههههههههههههههههههههههههه هههه , يعني على اساس انا براضيك
_____________
مصعب وسحر نزلوا مع بعض لعند امه
ام مصعب : اشوفكم صعدتوا فوق وسحبتوا علي !! انت وهي ، كان قلتوا اني ضيف مو مرغوب فيه ، ومشيت بكرامتي ياملاعين الخير
مصعب قرب من امه وباس راسها : والله ماتروحين لبو مصعب اليوم ! بتسهرين معانا ...
ام مصعب بنص عين توخر ولدها : عن البكش ياورع ! طاير لي مع مرته فوق ويقول اسهر معهم اليوم ! وهم ماهم بقد المواجيب والضيوف
مصعب ضحك من قلب على امه : ههههههههههههههههههههههههه ههههه
التفتت ام مصعب لسحر الي ماكانت معاهم : سحر امي ! شفيك
سحر رفعت راسها لعمتها وابتسمت : سلامتك يالغاليه ..
ام مصعب : اسهر معكم ولا ما تريديني؟
سحر بأدب : اهبى ! المكان مكانك
مصعب : فديت حرمتي السنعه


ام مصعب تكش عليه بإيدها وتحضن سحر لها من الجنب: الله يعطيك شوي من عندها
مصعب : هذا انا اخذ منها اشوي اشوي .. بس صبري علي
سحر سكتت تفكر بمصعب
بعد ما خلصت لم الأقراض دخلت دورة المياه تتوضا واول ماطلعت شافته على سجادتها فارشها شكله كان يصلي ... يقرأ قرآن بخشوع ويبكي
طلعت من الغرفة ما تبيه يحس عليها ولا تقطع عليه خلوته وراحت تصلي بغرفة الشغالات ورجعت له بعدين بالغرفة عشان ينزلون مع بعض
__
ام مصعب : شنو تبون تتعشون ، اشتهيت اطبخ لكم
مصعب حط راسه بحضن امه : اوييييييييلاه كأنك تدرين اني مشتهي طباخ ايدين الحلوة منذو مبطي .. ابي طباخ بيت !
ام مصعب التفتت لسحر : خبري سحر متفوقة علي بالطباخ ... عندها نفس عجيب ماشاء الله عليها
مصعب طاح وجهه من الفشله وضحك : ههههههههههههههههههه .... ما أكل بالبيت
سحر ابتسمت : خالتي انا اطبخ لي ! وللخدم بببس
واذا صرتي انت زايرة عندنا حسبت حسابك معانا .. مصعب ماياكل هنا
ام مصعب قطبت حواجبها بوجه ولدها
مصعب ابتسم إبتسامة عريضة : امممي قلت لك خللللاصص
ام مصعب صدت عنه : قومي قومي يمه سحر معاي المطبخ ، ونطبخ ولا نحسب حسابه هالتيس الأربد
مصعب بإستنكار : كل هالحلى ! وتيس اربد
سحر ضحكت : وش فيه التيس الأربد .. ملك غابة !
مصعب فتح عيونها على وسعها بمزح : سممممممعتي ! هذا جزا الطيب مع هالساحرة ؟؟
سحر تحرك حواجبها : ماحد جبرك
مصعب غمز لها : زينك يالساحرة جابرني اصير خروفففف ، بس يلا مناك عن الغلط !!
سحر انحرجت وقلب ألوان وجهها
ام مصعب وقفت بزعل وسحبت معاها سحر : لساني ما يطب على لسانك دامك ما عدلت وضعك مثل ما وعدتني
مصعب بصراخ مسك ايد امه : للللللللا الا زعلللللك ام مصعب روحي لك فدوة حبيبتي والله.... قلت لك جاري الأصلاح بس يعني مانفذت من اول ماطلبتي جلست اخطط ما يصير كذا فجاة اتغير حبه حبه , شوفي جالس اتغير اشوي اشوي وهالجنيه متعجبه من وضعي !!
سحر بإستنكار : الجني إنت !!
طنشته امه : لا تلحقنا عندي موضوع خاص مع بنيتي .. يلا فارج عن وجهي
مصعب فز من مكانه بسرعه وسبقهم للمطبخ : اخسى اخليكم لوحدكم .... ينخاف من كيدكم يالنسا !!!
ام مصعب ضربت على صدرها : نععععععم !!
مصعب انفجر من الضحك : امزح امزح ... اقصد كيد رجال
ام مصعب التفتت لسحر :وخري رجلك عن وجهي لا اتوطاه
سحر بضحكة على هبال مصعب اليوم ماكانه واحد تعبان (شكله التعب مأثر على فيوازاته) باست راس عمتها: ههههههههههههههههه ماعليه سامحيه عمتي عشاني
ام مصعب بعدتها عنها : حتى إنت بعدي عني اشوف ! حتى انتِ غضبانه عليك ، سواياه ما علمتيني عنها !! لوما هو جا واعترف من نفسه لي ولا كان ببقى مفكرتكم العاقلين والواعين والكبار والمتفاهمين مع بعضهم!!
سحر باست ايدها بحب : انا ما اقدر اتكلم يا قلبي ... وبعدين مصعب وعدك يتغيّر صبري عليه ، وان رجع على ماعهدتيه ، لك مني وعد ما اخبي عنك شيء وكل فعلٍ ردي يسويه راح تعرفينه ... انت أمري بس
مصعب إبتسم وقرب لسحر وحضنها بقوة : ياحببببببي لها الساحرة تعرف تخرفن حتى امي
سحر انحرجت وتحاول تبعده عنها : وخخخخر
ام مصعب ناظرتهم بنص عين لكن بداخلها راضيه كل الرضا : وخروا عن وجهي بس ، تمثلون قدامي انتوا ...
_____________
الخبر_ بيت بو سلطان
ام سلطان غمضت عيونها وسندت راسها على الكنبه بتعب : لا تتعب نفسك يا سامي خلاص
سامي نفث بغضب دفين : تفكرين انا ولا عيالك بنسامحك !! خبيتي الموضوع عني وعنهم ، والحمدلله انه ربي رحمني وقلتي لي ...
ام سلطان رفعت راسها لما رن جوالها : سامي سكر الموضوع سهام تدق !!
بو سلطان وقف بغضب : راح تسافري معاي ! راح نعيد الفحوصات بالخارج وما راح تناقشيني بقراري ياسمممميه
ام سلطان مسكت ايده : الووو ، هلا يمه سهام شخبارك ؟
سهام بنفس منقطع : ت تمام يمممه
ام سلطان ناظرت زوجها بقلق : امي حبيبتي سهام فيك شي !!! شفيه صوتك
سهام بكت : يمممممهههه آأههئئ بموووووت .... احس بألم ماهو طبيععععي وسامر مو موجود بالشقه ... لحقي عليي يمممه اااااااهه
ام سلطان انخبصت : بسم الله عليك يمه خلاص , خلاص .. انا انا وابوك بنجيك يلا , يلا مع السلامه
بو سلطان : شفيييييهاا ؟؟؟؟
ام سلطان تعدته بسرعه : مدري مدري بس شكلها بتولد!!
بو سلطان بصدمه: توووو الناس على ولادتتتتها !! توها بالسابع
ام سلطان : سعديييييية ام السععععد ... عادي ياسامي يمكن تولد بالسابع ماهي بعيدة
سعدية جات بسرعه: نعم!!
أم سلطان : نزلي تحت وخلك قريبه من جدتك
بو سلطان توتر: طيب ، انا برا انتظرك ... لا تتأخي ولا مشيت عنك ورحت لبنتي
مشى طالع بسرعه من البيت بدون لايغير ثوب البيت : سامر وينه عنها !!! لاحول ولاقوة إلا بالله ، هين ياسموور ان جلست البنت عندك , تطلع وتتركها بهالحاله
________________
بالشركة
عند البوابه بو فراس اشر لأخوه بو خالد يتقدمه احترام لانه الأكبر : تفضل يا بو خالد
بو خالد : زاد فضلك يا بو فراس .. ما شاء الله كل سنه تغير بديكور الشركة
بو فراس ابتسم : لازم اراعي نفسيات الموظفين وانهم يملون ، والشركة كانها بيتهم يقضون فيه وقت طويل
ريان بضحكة : هههههههههههههههه يا عمي طبعا هذي نصيحة الجوري وكل شيء من اختيارها
ضحك بو فراس : شعندك تغار من اختك !!
ريان : هههههههههههههههههههه حاشاني ..
بو خالد : هههههههههههههههههههه والله خوش راي بنت اخوي ! بخليها تنسق لي تجديد للشركة ..اجل , والفرع الرئيسي للشركات
بو فراس بضحكة : ههههههههههههههههه ادفع ! تشغل بنتي بدون راتب
بو خالد: ههههههههههههههههههه ماخبرتك تحب الفلس
بو فراس حط ايده على كتف بو خالد لما وصلوا عند الإستقبال :هههههههههههههههه امزح معك ، كلمها انت و بتتحمس و بتنسق لك ما بتقصر , بالعكس بتستانس وبتبدع لك بعد
التفت على موظفين الإستقبال : السلام عليكم ..
..:وعليكم السلام والرحمة
بو فراس لفت إنتباهه الموظف الغريب عليه بينهم : محمد موجود ولا مشى ؟
.....: طال عمرك هو الان بمكتبك على وشك انه يطلع
بو فراس هز راسه وابتسم لهم : يعطيكم العافيه ..
لف بيمشي لكن رجع لما سمع احد الموظفين يوجه الخطاب له : الف سلامة على بنتك يا بوعبدالله ..
بو فراس ابتسم بوجه الرجال الكبير بالسن ، لكن عينه تلقائي تروح للشاب الغريب بين الأربع موظفين المتعود عليهم (يمكن محمد موظفه و ما صار عنده وقت يبلغني) : يسلمك ربي يا بو خليل ..
بو خليل بطيبه : والله من اول ماقال لنا محمد واحنا بحالة دعاء ورجا لرب العالمين يقومها بالسلامه .. ومايفجع قلبك فيها
بو فراس دخل عندهم من ورا كاونتر الإستقبال الرخامي وباس راس الشايب : ماقصرت يابوي ..
إنحرج بو خليل من بو فراس
ووليد إبتسم على تصرف اخوه
عبدالله فرح من كلمة الشايب (بوعبدالله) وفرح من تصرف ابوه (مابي اكون مختلف عنك يابوي ! رغم مكانتك وكثر ارصدتك وممتلكاتك الا انه كاسيك التواضع والاحترام)
فراس ماكان معاهم ابدا
خالد ضرب كف ريان :كفك يا ورع
ريان : ما حد ورع غيرك !
توافدوا بقية الموظفين عليه : ماتشوف شر يارب ... طهور يابوفراس ... الحمدلله على سلامتها ... الله يحفظها ويحفظ اخوانها لك ...
بو فراس بعد ماتشكرهم كلهم مشى وناظر فراس: ما خلصت هذرة ، امشي , امشي بس
فراس بهمس :انزين بدير باي اكلمك بعدين
^^^
رفع حاجب بعد مامشى بو فراس والي معاه : هذا بو فراس !
ولد عمه مشغول بالأوراق الي قدامه : شذاذا انتتت !، لا تكثر هذرة ، انا مشغول !! قلت بتجي تتعرف على الشركة لو عجبك بتقدم على طلب توظيف ، وانت من جيت معاي وانت تحقيق , تحقيق
المجهول : إلا بسألك الحين قلت انه بو فراس ! ليش هالشايب ناداه بو عبدالله ؟
ولد عمه بصوت شبه عالي : ولده الكبير عبدالله ، بس الناس تعودوا عليه لو فراس وان سئلت الحين سؤال زيادة بطلع وبتركك طسسس عن وجهي يابريييه
التفت عليه بو خليل الي يسمعه : ياولدي يإبراهيم تقدر تروح الكافتيريا او تجلس بالقهوة الخارجية على ماينتهي الدوام وتطلع مع ولد عمك !
إبراهيم رمى الخرامه على ولد عمه ومشى: انتظرك برا انا !
بو خليل هز راسه بأسف :الله يهديه بس
____________
محمد طفى انوار المكتب و طلع وقفل المكتب وراه
لف وشاف بوفراس وجنبه بو خالد انفجع : بسم الله .... طال عمرك وصلت ! الحمدلله على السلامه..
بو فراس بضحكة : ههههههههههه بسم الله عليك ! هذا و راسل لك اني جاي !!
محمد سلم على بو فراس وبو خالد والأولاد : توقعتك بكرة بتداوم مو من اليوم ..
بو فراس : مستعجل ؟
محمد بإرتباك : سم ، تبيني بحاجة ؟
بو فراس أبتسم : لاتجاوب علي بسؤال !
محمد ضحك وحك حاجبه بإصبعه : والله بس كنت واعد بنتي اطلعها اليوم
بو فراس : واعدها ولساتك بالمكتب ! توككككل روحح لها !!
محمد : ما تبيني بحاجة ؟
بو فراس : بنتك اهم ، روح يا بو ريتاج ، وبكرة يحلها ربك ، انا بس بجلس الان مع بو خالد والاولاد ندقق بالحسابات والعقود وبكرة ابيك تجي مبكر عشان الموضوع الي قلت لك عليه وعشان المشروع الي بيمسكه عبدالله
عبدالله انصدم وطاح الجوال من إيده ، والتفتوا كلهم عليه
محمد بضحكة : صابته ام الركب اشوف من الحين !!
.....:هههههههههههههههههههههه ههه
_______________
الساعه 1:30 بالليل

تسنيم الي بقت اهي وميساء بإصرار من الجوري بعد مامشت المدربة من عندها
وتسنيم جالسة تحوس بغرفة تبديل الجوري
والجوري جالسة على سريرها بروب الحمام الأبيض وشعرها مبلول وسرحانه بعيد لكن ما تدري بشنو تفكر
تسنيم بوناسه : لقيييييتها
التفتت لجهة غرفة التبديل وتنهدت
ميساء جالسة تحوس بأقراض الجوري على التسريحة : جوجو ريان عطان شريحة يقول انها لك حطيتها بهالجوال وضبطت اعداداته
الجوري هزت راسها لها :بس خليه يمك مابي ازعاج
ميساء ناظرت الكتاب بفضول واخذته حست بشي داخله فتحت على الصفحة ، انصدمت بوجود الخاتم وابتسمت على الكلام بهذي الصفحة بالذات


، اخذت الخاتم بشقاوة وحطته بشنطة تسنيم بسرعه على التسريحة : جوجو ... اليوم كم التاريخ ؟
الجوري ناظرت ميساء واهي تحرك شعرها بآيدها بملل : ها؟
ميساء : هويتي ببير ماله قاع
الجوري انسدحت بعد مالبست الطوق على رقبتها وغمضت عيونها بهمس : امين ، وافك سلطان ! وابوي واخواني وحتى رائد من لعنة اسمها الجوري ... احس اني صحيح لعنة على الكل !
ميساء مافهمت هذيان الجوري : تسنيم لحقي على بنت عمك بدت تهذي !!
تسنيم طلعت من الغرفة وبإيدها شنطة رياضية للجوري مطبوعة عليها صورة ميسي ، ناظرت الجوري بروب الحمام وشعرها الرطب والغرفة صايرة صقيعيه
بغضب اخذت ريموت التكييف وطفته : ليه مطولة ع التكييييف انت !!
ميساء : يووو نسيت ما قصرت عليه ! واهي ما تضايقت منه
غطت الجوري بأكثر من بطانية واخذت المنشفة وبدت تنشف شعرها بخفة لحد مانامت واهي تهذي بكلام كثيرما فهمت منه شي
ميساء بهمس واهي توقف وتقرب من سرير الجوري: نامت ؟
تسنيم هزت راسها واهي تمسح على شعر الجوري :شكلها بتمرض جسمها حار مرة ..
ميساء :اخذت برد شكلها من التكييف واهي كذا !!(ابتسمت ابتسامه عريضه) المهم الخاتم الي قالت لي عليه سليمه لما تتصل واطلع الحديقة اكلمها ويسئل عنه سلطان اذا لبسته الجوري ولا لا
تسنيم بسرعه :خلصصصي لاتهذري واجد ، لقيتيه ؟
ميساء تحرك حواجبها بشقاوة : يب (غمزت لها) والله وسليطين مو هين ! ديوان شعر وحركات وكلام كاتبه بيده بورقة خطير اكثر من الكتاب نفسه ... ودبلة جديدة , زوجوني وياه بس !!
تسنيم بنص عين : وينها الدبلة ؟
ميساء : حطيتها بشنطتك
تسنيم رفعت كفها وضربتها بكف اختها : حلللللوو
ميساء : بس مافهمتيني شالسالفه !!
تسنيم :ماني ، انقلعي ، اتحفظ به .. اهم شي تمشي الخطة مثل ما احنا مخططين لها
ميساء : امممم طيب ماتلاحظي انه سليمه متغيرة الا اشوي ! يعني صايرة حليوة بس للان رفعة الخشم والغرور فيها فيها ! خصوصا لما التقت بغفران صاحبة الجوري اليوم
تسنيم : ماتهمني عشان افكر فيها ! وسلطان دخلها بالموضوع شكله لانه مالقى غيرها عشان يوصل لنا ..
ميساء صعدت على السرير: على قولك ...المهم زحمو لي يالدببه القطبيه خل انام جنبكم
تسنيم : السرير شكبره ! نامي
ميساء : لا ابي جنبكم ثنتينكم عشان اخذ حنان
تسنيم : هههههههههههههههههه انقلعي زين ، حنان بغرفتها عند عمي فيصل قولي له باخذ حنان عن اذنك
ميساء انسدحت جنب تسنيم : اي ! لانه وجهي مغسول بمرق
تسنيم سندت راسها على مقدمة السرير : يلا نامي ، تصبحين على خير
ميساء : وانت مثله واخير .... تسنيم
تسنيم : ها !!
ميساء ابتسمت : احبك اختي
تسنيم ابتسمت واهي مغمضه : نامممي
___________
قدام العمارة بسيارته
فتح جواله واهو يناظر الساعه : 2 الفجر !
من تزوجنا ماتأخرت عليها لهالحزة .... لانها تعصب!
تنهد واهو يمسح على وجهه وذكر الله ، نزل من السيارة وتوجه لشقتهم واهو يفكر بكلام الشباب واتس آب على طلعة الشاليهات، بو خالد عازم الكل (يمكن لاطلعت مع اهلها تغير جو )
دخل الشقة لقاها نايمه على الكنبه وابتسم تذكر ايام هواشهم بماليزيا وكسر ايده طلعت ونامت لوحدها على الكنبه ، جلس على ركبه وقريب منها ، باس جبينها بهدوء : عبير ، عبير ...
أحمد تنهد واهو يتذكر كلام امه بعد ماسئلها شبينكن وبين عبير ؟
ام احمد بصراخ : نعععععم !! وبتجلس تحاسبنا انت ومرتك على كل كلمة تنقال ان شاء الله ، عادددي كانو يمزحون معاها بالكلام ! ولا ليكون ساحرتك بعد بتقلب علينا عشانها ، ويحق لنا نخاف عليك ، ونبي نشوف عيالك احمد بإحترام واهو متفاجئ من اسلوب امه : مافي شي من الي قلتيه الله يسلمك ! شفيك اخذتيني بإشراع وميداف ، المرة تعبانه وزعلانه لها كم يوم قلت سمكن تدرون ولا صاير شي بالبيت هنا وتعرفوه !! وانا اسف اني سئلت ، عن اذنك
وقف وطلع واهو يسمع كلام امه : واللللله يا احمد ان ماحملت مرتك الشهر ذا ، والله وبكسر الهاء لا إني مزوجتك من شيخة البنات صغيرة ! مو هالشايبه الي ماخذها لي
^^
نزل نظره للأرض بتفكير (27 سنه وش شايبته صج نسوان بنص عقل !!! اجل انا شنو مراهق مثلا بنظرهم ؟ اكبر منها بسبع سنين وهذا الي تناسبني ، ولا مايرضيهم الا لخذت بنت 15 سنه بزر كأني لسى بأول شبابي بو 20 سنه ، شسوي فيها اربيها ام 15 سنه !! وزواجنا ما اخذ مدة طويلة هاللي يبونا نجيب عيال على طول , ما الومها يوم أنغثت واقوم ازيد الطيب له واضايقها ،استغفر الله ياربي ، انا الغلطان ماكان لازم اخليها.... )
رفع راسه يناجي ربه :ييييييياررب .. ماكنت معترض على قضائك وقدرك
____________
سلطان ابتسم على الفلم الي سوته اخته : هههه اجل ولادة كاذبة !!
سهام بغيض واهي جالسة عندهم : جب , اشوف فيكم يوم كلكم
سطام:ههههههههههههههه , احنا مانحمل ولانولد شلون بتشوفي فينا يوم !!
سليمه : مايبي لها تفكير حريمكم
دق جوالها وقامت من عندهم: عن اذنكم اشوي !
سلطان : بنت عم الجوري ؟
سليمه بارتباك: لا لا , اذا دقت عليي مرة ثانيه بعطيك خبر عن كل جديد لا تحاتي ..
طلعت من عندهم
سطام يناظر وجه سلطان : شفيك ؟
سلطان : ولا شيء , بقوم ارتاح , الي يجلس منكم الساعه 10 الصباح وانا لسا نايم يصحيني , عشان بروح المستشفى
سطام : على خير
سلطان وقف وطلع من عندهم: تصبحون على خير
سطام بضحكة: وانت , ههههههع اقول قومي نامي قبل لايجيك الطلق الكاذب مرة ثانيه
سهام شوي بتبكي من القهر والفشله : انننننننننقلع عن وجهي
سطام قام بسرعه ووقف على الدرج: بس ها ان رجع لك هالكذاب قليل الادب انا ماعرفك ولا انت تعرفيني !!
سهام قامت بثقل : يا حممممممار تعال
سعدية واهي تقلب القنوات بالريموت : جلسي مكانك لاتولدي علينا قبل موعدك !!
سهام جلست :يافشلتي من ابوييي جايين خايفين عليي وتهد حيلهم الدكتورة تقول عادي تشنجات طبيعيه
سعدية: عاديليه تتفشلي , امممم وين زوجك؟
سهام : بالشقه اكيد
سعدية ابتسمت بخبث : اهااا
__________
سلطان بدل ملابسه واخذ نظارته الطبية والكتاب من على التسريحة يسلي نفسه على ما يجي له النوم وطلع للصالة العلوية بين غرف النوم , وانسدح على الكنبة المقابلة للتلفزيون وبدأ يقرأ
وكالحلم جئتي .. وكالحلم غبتي
وأصبحت أنفض منك اليدا !
فما كان أغربه .. ملتقى ..
وما كان أقصره ..موعدا..
******
د.غازي القصيبي

ألتقيكم يوم الثلاثاء أعزائي