آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
19-07-16, 08:29 AM
| #1 | |||||||||||||||||
| مراقبة عامة ومشرفة منتدى الروايات المنقولة  
|  تزوجته رغمـا عنـه ، للكاتبة /حــــوريـة ، مصرية ،(مكتملة )
التعديل الأخير تم بواسطة فيتامين سي ; 19-07-16 الساعة 02:01 PM | |||||||||||||||||
|  |
|
19-07-16, 08:33 AM
| #2 | ||||||||
| مراقبة عامة ومشرفة منتدى الروايات المنقولة
|  البارت الاول فى احدى مدن القاهره فى شارع جانبى لا يبعد عن الشارع الرئيسى بكثير .....هناك تقطن سيده تبلغ من العمر خمسون عاما ......موظفه باحدى شركات القطاع الخاص . ...تدعى مايسه..ومع زوجها رجل لا يكبرها بكثير ....موظف حكومى ايضا....لعلنا ذكرناها قبله ..مهلا ....لم نخطئ ..فهى الام والاب معا ...دعونا من التفاصيل الان بشأن ذلك ولكن نكفى ان نقول انها عمود البيت وليس هو....... لديهم ابنتان الاولى مــها ذات الاثنين وعشرون عاما ....تخرجت من كلية الصيدله بتقدير جيد جدا ....معقود قرانها على ابن خالـــها .......وابنه ثانيه تدعى اميره تكبرها بعامين وتخرجت من كلية الطب البيطرى وتفتخر جدا بمهنتها ولا تلتفت للعباره المعهوده من كل من حولها "دكتورة الحمير"......... متزوجه ولكن زوجها مغترب فى بلد عربى وحامل فى شهرها السابع فلندعو لها "يسر الله لها ولادتها " هنا تجلس الاختان فى غرفه يغلب عليهاكل الوان البهجه وخاصة اللون القرمزى العشق الاول والاخـــير لمــها ....... تمسك مها بيدها تنوره قصيره حمراء ..يبدو انها تعجبها كثيرا وتنظر لاختها بفرحه عارمه وتقول:-مش مصدقه بجد يا اميره مش مصدقه والله ان فرحى خلاص ناقصله اسبوع واحد بس ...تنظر ثانية للتنوره التى تمسك بها :-اكيد هتعجب حسن مش كده؟ده بيموت فى اللون الاحمر هنا ردت اميره بتحفظ وهى تقول:-وانتى عرفتى منين انه بيحب اللون الاحمر ان شاء الله هوا انتوا اصلا بتتكلموا مها وقد اختفت ملامح الفرحه من على وجهها لتحل محلها ملامح الاسى والحزن :-فيه ايه يا اميره عرفت يا ستى من ممته ..وبعدين قولتلك ان حسن مش بيحب يتكلم فى التليفونات بيستحرم ...فيها ايه يعنى ..اتعود على كده من الخطوبه اميره:-بالله عليكى يا مها بلاش تضحكى على نفسك انتى عارفه ومتاكده انه مقضيها من زمان اوى وانه مش بيستحرم ولا حاجه فاكره يوم خطوبتكوا كان اعد ازاى فاكره كان بيبتسم بالعافيه ازاى فاكره كان سيبك وبيبص لباقى البنات كلها ازاى ؟هنا تغلب الحنيه على صوت اميره وتكمل :-ياحبيبتى انا خايفه عليكى انتى ازاى قادره تتجوزى واحد عارفه ان مفيش اى مشاعر من ناحيته ليكى ليه وانتى الف واحد يتمناكى مها بقوه :-بس بقى يا اميره بجد ...باقى اسبوع واحد بس وانا عارفه ازاى هخليه يحبنى لما هنتجوز اميره:-انتى مراية الحب عمياكى انتى عشان انتى كويسه اوى شايفه كل الناس كويسين مها :-يكفينى انى انا بحبه وانى ببقى مبسوطه بس وانا بشوفه من غير حتى ما يكلم فما بالك لما هعيش معاه ولو كان مش بيحبنى كان سبنى من زمان . هنا تبتسم وتقول :-وبعدين بطلى نكد بقى وافرحى ماما هترقص من الفرحه اها وانا كمان نفسى افرح بقى واعيش مع الانسان اللى من وانا عندى 10 سنين بحبه اميره وقد فقدت اى امل اخر فى ان تنهى تلك الخطوبه فقررت ان تخدع نفسها هيا الاخرى مثل اختها وابتسمت لاختها معلنه كاذبة وككل مره بعد ذلك النقاش مع مها انها ستحاول ان تقتنع بأنه سوف يتغير بعد الزواج.. ولكن قد انتهى الوقت فباقى اسبوعا واحدا... ولكنها ذهبت الى مصليها واخذت تدعو ربها ان يكتب لاختها الخير اينما كان ويرضيها بيه ...... ************************************** فى البنايه المقابله لمنزل مها يقطن هناك حســن وعائلته ...لعلنا نتسأل ما الذى يجعله متمسك بها ايحبها ؟! حسنا سنعرف ولكن فيما بعد .......... حسن خريج كلية التجاره.... توفى ابوه منذا ان كان صغيرا تقريبا كان فى السادسه من عمره ..لا يوجد لديه اى اخه ...ولعل هذا هوا السبب القوى فى دلع امه له .... استطاعت والدته ان تدبر له(بالكوسه)وظيفه كان لا يحلم بنصفها بل ولا حتى بربعها فى البنك الذى تعمل هى به . التعديل الأخير تم بواسطة فيتامين سي ; 19-07-16 الساعة 03:07 PM | ||||||||
|
| |
|
19-07-16, 08:34 AM
| #3 | ||||||||
| مراقبة عامة ومشرفة منتدى الروايات المنقولة
| البــــــارت التانى صباح جديد يمر ...يجدد الامل فى نفس مــها بتلك الامنيه التى تمنى نفسها بها كل يوم بل كل ساعه وكل دقيقه بأنها سوف تحــظى بحب حــسن.....ويجدد الامل فى نفس اميره بأن ولدها سوف يأتى ليملأ ذاك الفراغ الذى تركه زوجها عندما رحل الى بلد اخــر لتوفير نفقات اسرتهم الصغيره لا تيأس من الدعاء بأن يجمع الله شملهما.... تجلس امــيره على فراشها تضع يدها على بطنها وتملس عليها بحنو ...تتلو قران بصوت عذب:-بسم الله الرحمن الرحيم -قل هو الله احد-الله الصمد- لم يلد ولم يولد-ولم يكن له كفوا احد -صدق الله العظيم ها يا حبيبى سامعنى ..انا عارفه انك سامعنى ..ها صوت ماما حلو؟ بكره لما تيجى ان شاء الله هخليك تقرأ معايا ثم تبتسم وتقول :-بابا وحشك ..وانا كمان والله ..طب ايه رأيك ؟ماتيجى نكلمه ثم تلتقط هاتفها ..لتتصل بايمن زوجـــها ...... ثوانى معدوه رد ايمن ولهفته تشع من صوته وقال بحراره:-وحشتينى اوى اوى اوى ... ردت بخجل وفرحه :-وانت كمان اوى يا ايمن وحشنى اوى بجد ...اخيرا ناقص كام يوم واشوفك بقى تغيرت نبرة صوته وقال وخيبة الامل تبدو على صوته:- والله يا اميره مش عارف هيرضوا يوافقوا على الاجازه ديه ولا لاء قبل ان يكمل ما يقول انفجرت فيه كالبركان :-ايــــــــــه يعنى ايه ..يعنى ايه مش هتيجى انا بقالى اربع شهور بمنى نفسى بفرح مها اللى هشوفك فيه تقوم تيجى وتقولى لاء ..حرام بقى يا اخى حس بيا شويه رد محاولا تهدئتها:-يا بنتى لو نزلت مش هيرضوا ينزلونى بعد شهرين ان شاء الله عشان ولادتك اميره بعصبية اكبر:-وكمان ولادة ابنى احتمال متحضرهاش ....انزلها على حسابك بقى ..مش هيجرى حاجه يعنى ايمن وقد فقد صوابه:-وانا كنت بحوش يعنى عشان اصرفهم على فرح اختك ايمان :-فرح ايه انا عشانك انت عشانك هنا تسقط دموعها:-انت اللى وحشتنى خلاص يا ايمن انا نفسى احس انى متجوزه ومعايا جوزى فى كل مكان بروحه وابننا يتربى فى وجودك ..تعبت من انى عايشه زىي زى اللى متجوزتش ..احنا كنا عايشين كويس ...السفر مكنش ليه لازمه رد باستعجال:-اميره هكلمك تانى يا حبيبتى معلش بس ...بيتصلو بيا عالشغل ..سلام يا قلبى اغلقت الهاتف والقت به بقوه وكل معانى الغضب كانت قد اجتمعت بداخلها ........ هنا دخلت عليها والدتها مستفهمه:-فيه ايه يا اميره صوتك واصل لحد بره ...يا ستى عايزاه يصرف ليه هوا كان محوش عشان يصرفهم عشان خاطر سيادتك ردت عليها بنفس العصبيه:-طبعا ما انتى واهله اللى شجعتوه كانت مالها عيشتنا ما كنا عايشين كويس مايسه:-كويس ايه ...انتى مش شايفه بنت خالتك جومانا عايشه ازاى ولا بنت هاله صحبتى جوزها جبلها عربيه من اول سنه جواز ولا ..... قطعتها اميره انا كنت راضيه يا ستى هنا دخلت مــــها :-ماما الراجل بتاع الستاير اتصل وبيقول انه خلصهم..هكلم حسن يروح يستلمهم بقى عشان نروح نفرش مايسه :-طيب ماشى كويس الراحل متاخرش ذهبت مهــــا لتتصل به امسكت الهاتف ثوانى ايضا ....جاء الصوت رجولى بارد :-الو مها بفرحه:-ازيك يا حبيبى وحشتنى اوى نفس الصوت البارد:-قولتلك مبحبش الطريقه ديه ... مها بحزن:-يا حبيبى انا دلوقتى مراتك والكلام ده بينا شئ طبيعى يكمل ببرود:-كنتى بتتصلى ليه مها:-لازم اتصل بسبب حسن:-بقولك ايه انا مش فاضى انا هقفل مها:-طب استنى ...بتاع الستاير اتصل وبيقول انه خلصهم عدى عليه وانت جاى وخدهم حسن :-طيب ...بالسلامه ما الذى يجعل الانثى تستطيع ان تفرط فى كرامتها بهذا الشــكل ؟ اهذا هو الحب ؟ الحب احترام متبادل قبل ان يكون مشاعر...... ولكن كما قال اجدادنا "مراية الحب عاميه" ولكن الى متى ستظل مهـــا فى هــذا الطريق........ هنا ننتقل الى حســـن كان يجلس فى مكتبه مع زملائه احمد وهانى وكعادة الاشغال فى مصر .....خلقت لتنظيف الخضار والحديث فى الهواتف والغيبه ولا مانع الى قــليل من الشغل ........ القى هاتفه على المكتب وهوا يتذمر وهنا سأله هانى ذاك السؤال الذى نتمنى كلنا ان نعلم اجابته :- يا بنى انت مالك بتعاملها كده ليه رد ببرود اعصاب:-مش عارف يا هانى ...عارف زمان ايام ما كنت انا اللى بجرى وراها واعد اتحايل انها تكلمنى كنت معجب بيها اوى لما كتبنا الكتاب وابتدت تقربلى وتكلمنى كل خمس دقايق ...اتخنقت ...بس بردوا مصبرنى انها اخلاق هبقى مطمن انى سايباها فى البيت وانها مش شمال زى اللى عرفتهم.....ثم قال بزهو ملحوظ:-.يا بنى بتموت فى اللى جابونى ... هانى:-معلم يا ولا ...بس وربنا ما عندك دم يا شيخ ايمكن ان تنعدم انسانية الانسان لتلك الدرجه ؟ بلى ممكن فهو خير مثال على ذلك..... ************************************************** ** مها امسكت الهاتف تتحدث فى التليفون:-مش عارفه يا ساره ايه اللى حصله بجد انا تعبت وبفكر اعيد تفكير تانى ..... ساره:-انا لو منك اعيد تفكير طبعا...ده بنى ادم تييييييت اصلا مها:-بس يا ساره والله هزعل منك ثم سكتت برهه وقالت:-انا عرفت انا هعمل ايه .... ساره بفضول:-هتعملى ايه مها:-لازم اقابله ..لازم اعرف ايه اللى حصله....... *************** جلست مها فى ذاك المكان الذى حددته للقاء بحســـن ...بالطبع وصلت قبله كعادته كان مكان هادئ ...يطل على النيل ...بجانب طاولتها وجدت شاب وشابه ....طغى الحب على وجه كلا منهما ..كانوا يهيمون ببعض بنظراتهم لحظات وجاء طفلا صغير ينادى تلك الشابه (بمامى)فعلمت انهما متزوجان ...... شردت قليلا بهما تمنت لو كانت هي وحسن محلهما ..ياله من حلم بعيد يا مـــها جاء ببروده المعتاد ...سلم عليها ببرود ايضا وجلس حســن:-ايه كان فيه حاجه مهمه انا جبت الستاير خلاص مها:-لاء مش عالستاير حسن:-امال ..انجزى مها بثبات:-بص يا حسن انت عارف انا بحبك قد ايه...من وانا عيله ....كنت مببينش ده ايام زمان ...ولما اتخطبنا كنت طايره بس مقدرتش ابين ده بردوا لانى مكنتش حلالك لكن لما كتبنا الكتاب من تسع شهور بس اتغيرت وبينت مشاعرى وكل حاجه حلوه انا شايلاهالك هنا دمعت عيناها العسليتان ودلوقتى انا جايه ثم امسكت بعلبه حمراء وجيبالك حاجه متاكده انك هتفرح اوى لما تشوفها ...مستنياك ترد عليا اول لما تشوفها يا حسن ...فاضل خمس ايام على فرحنا وكل اللى حواليا ...بيقولولى ...ثم صمتت ونظرت له وتركته ........ هنا لان هذا الانسان الجاف بدا وكأنه رق وعندما نهض ليلحق بها .....منعه كبريائه من هذا ثم نظر الى العلبه وفتحها ...فوجد محبسهما ....... اخذ يفكر ماذا يفعل ؟! ايتركها ؟ ولكن اين سيلقى فتاه مثلها ؟ اخذ يحدث نفسه :- ما بالسلامه فيه الف غيرها يتمنولى الرضا ارضى ..قال وكأنه يجيب على نفسه بس هوا فيه بنات خام كده لحد دلوقتى غيرها ؟ابتسم لتفكيره ثم ذهب لمنزله يعرض على والدته فتحيه ذلك الامر... دخل البيت قص ما حدث لوالدته التى قالت له بحده :-انت اهبل ياض ؟بعد كل المصاريف اللى صرفناها ديه وقبل الفرح بكام يوم جاى تولى اسيبها لم نفسك يا حسن و متجننيش انا خلاص تعبت من قرفك بقى رد عليها بحيره :-يعنى اعمل ايه انتى عايزانى اروحلها واقولها مقدرش اعيش من غيرك يعنى ؟لا يمكن طبعا فتحيه:-سيبلى الموضوع ده هاتلى التليفون وانا هتصرف نفذ الامر كعادته ...امسكت بالهاتف طلبت منزل مها ردت مايسه :-سلامو عليكو فتحيه بنبرة حزن متصنعه:-لاء ده انا زعلانه بقى بنتك تيجى تعمل مع حسن كده ..ده كله عشان حسن لوحده ولا معاه اب وانا فاضلى فردت كعب واحصل ايوه لاء مينفعنيش الكلام ده ابدا مايسه بتعجب:-مها جت من بره ونامت يا ام حسن هيا عملت ايه ؟ قصت فتحيه عليها ما حدث ولكن لا مانع من ان تضع عليها بعض البهارت ومكسبات الطعم التى تضعها فتحيه فى كل كلامها .... مايسه بغضب:-ايه ..مها تعمل كده والله ياختى ما قالتلى حاجه ..معلش يا حبيبتى عيال وبيتخانقوا سوا لاء لما تصحى انا هخليها تروح تعتذرلك وتعتذر لحسن فتحيه :-ده حسن زعل خاااالص ************************************* نهضت مايسه من مقعدها ودخلت الى مها فى غرفتها ...ايقظتها بحده :-قومى يا هانم انا تخلى واحده زى فتحيه تهزقنى ...تعملى كده يا مها من غير ما تقوليلى ...الناس تقول عليكى ايه ...عريسك سابك قبل فرحك بكام يوم ..انتى هتجيبلى الضغط انتى واختك وابوكى اللى زى قلته ...ده اختيارك من الاول ولازم تتحمليه اختك اللى مقضياها خناقات ليل ونهار مع جوزها ولا منك اعمل ايه يارب بس ....ده تصرف ناس عاقلين ده مش ده اللى بتموتى فى التراب اللى بيمشى عليه مها وقد انهارت:-انا تعبانه اوى يا ماما تعبانه بجد حاسه انى خلاص طاقتى خلصت خايفه يكون بطل يحبنى مايسه وقد اقتربت منها وضمتها لصدرها :-يا حبيبتى ازاى هوا اللى جه وطلبك ...الرجاله بعد الجواز بتتغير والراجل على ما تعوديه يا قلبى سمعت مها ما كانت فى الحقيقه تود سماعه واستجابت لوالدتها بأن تذهب وتأتى بهديه لفتحيه لتنهى ذلك الموضوع ليذهبوا لفرش الشقه ..... ************************************************* ساره :-لولولوولولولولولولولولولو لى وادحرج واجرى يا رمان وتعالى على حجرى يا رمان فعلت ذلك وهيا تداعب مها التى كانت تختار فستان حنتها فبقى لها يومان فقط .... مها:-مش عارفه يا ساره محتاره اوى ايه رئيك فى ده ...امسكت باخر :-ولا ده ..ولا اقولك بصى المحل الاولانى كان احلى ساره بملل:-يا مها ابوس ايدك تعبت ارحمينى بقى بقالنا اسبوع بندور اختارى بقى مهابفرحه:-قولتى لخطيبك وعزمتيه ولا اخلى ماما تعزمه ؟ ساره:-قولتله وهنيجى ان شاء الله ....... مها:-يارب تمملى بخير يارب ساره بفرحه:-عقبالى يارب | ||||||||
|
| |
|
19-07-16, 08:35 AM
| #4 | ||||||||
| مراقبة عامة ومشرفة منتدى الروايات المنقولة
| البــــــارت الثالث باقى يومان على زفاف مها......لم تحاول الاتصال كثيرا بحســن..كانت مشغوله بترتيبات فرحها وحنتها وملابسها وصديقتها و..و...فليكتب الله لها خيرا كما كانت تدعو لها اميره دائما. ...شكرى والد مها لم نتحدث عنه كثيرا ...عاد من عمله قبل ساعه كعادته دخل غرفته يفتح التلفاز و بيده هاتفه يتفق مع اصدقائه على معادهم فى تلك القهوه التى طالما شهدت تجمعاتهم والدها لم يكن سيئا لتلك الدرجه التى تتخيلوها انتم ولكنه كان دوما خارج مسئولية اولاده و زوجته ..يمددهم بالمال فقط...لكن العقل والخبره والحب والحنان والخوف والردع والقوه كانوا مجتمعين بداخل زوجته....السبب فى ذلك لم يكن منه فقط ...انما من مــايسه ايضا التى ابعدته عن مسئوليات بيتهم من اول زواجهما بدون قصــد منها فى ذلك بالطبع..وتعود هو على ذلك...وتحقق قول اجدادنا"جوزك على ما تعوديه"..... فلننقل صوره من هذا"فلاش باك" مايسه بدلال:-حبيبى كنت عايزه اودى البنات النادى يتدربوا سباحه ايه رئيك شكرى بهدوء:-بس مش هبقى فاضى اودى واجيب مايسه بتلقائيه:-انا اوديهم ميجراش حاجه وقت اخر مايسه بفرحه وهى تستقبل زوجها على الباب:-شوفت يا حبيبى لما مفضتش تجيب الكهربائى جيبتوا وجيب احمد اخويا يقف معايا وصلحلنا النجفه ....والبنات وديتهم يتصورو الصور بتاعت المدرسه مع واحده صحبتى ..و ...و..و اعلمتم من المخطئ ؟هى ام هو ...ولكن انتهى وقت الندم الان...... جلس فى غرفته يمسك بجريده سمع طرق على الباب ...قام ليفتح الباب وجد اميره نظر لها وببردود:-ازيك يا اميره وازى جوزك اميره بحزن:-تعبانه اوى يا بابا ..تعبانه بجد ...ايمن مش راضى ينزل و انا عايزاه ينزل وخايفه ميحضرش ولادة ابننا ان شاء الله.... شكرى بدون ادنى تأثر:-ليه؟ اميره باستغراب:-هوا ايه اللى ليه؟ شكرى:-مش راضى ليه ؟ اميره :-مش هيرضوا يدولوا اجازه شكرى بهدوء:-خلى امك تكلمه او اتصلى بحماتك ..هوا بيسمع كلامهم ...ثم قام بتقليب صفحة الجريده التى كان يمسك بها نظرت اميره له ولم تعرف لماذا جاءت له ...قالت بهدوء:-ماشى يا بابا انا هقوم اريح شويه رد وهو مستمر بالقراءه و دون ان ينظر لها:-ماشى ************************************* كانت فتحيه تمسك بالهاتف ايضا تتصل بكل اقاربها تدعوهم لحضور زفاف نجلها حســـن .... حين دخل عليها حسن وهو يتذمر:-يا ماما عايز اشترى البدله زى اللى اشتراها سيف صاحبى فتحيه بعجرفه:-يا اهبل يا عبيط ما تروح تشوف خطيبتك ديه جاايبه لنفسها شئ وشويات لو جابتلك البدله مش هيحصل حاجه خليك بس حنين كده وابلفها بكلمتين واراهنك لو مجبتلكش الجزمه كمان ..انت باين عليك مش عارف البت ديه ابوه معاه قد ايهولا امها حتى ..امال انا مجوزهالك ليه حسن بحيره:-يعنى اروح اقولها هاتى فلوس اجبها بدلع فتحيه :-يا واد انت مش هتتنصح ابدا بقى ...انا هقولك تعمل ايه سمع حسن بدقه ما قالته فتحيه وذهب لهاتفه اتصل بمــها لم تمر ثانيه الا واجابته بفرحه:-ايوه يا حبيبى ..وحشنى اوى حسن بحنان مصطنع:-بقولك يا مها كنت عايزك تيجى معايا نشترى البدله بتاعتى وبسرعه اكمل :-ولا مش فاضيه لو مش فاضيه خلاص مفيش مشكله ردت والفرحه طغت على نبرة صوتها:-ايه..نعم طبعا اجى تحب ننزل امتى دلوقتى ولا بعد شويه ؟...طب البس ولا استنى حسن بخبث :-مش عارف هبقى ساعتين واتصل بيكى كده اقولك قررت امتى ؟وابقى انتى كمان اعملى حسابك لو عايزه تشترى حاجه انا ممكن اروح معاكى مها وكادت ان تجن من الفرحه:-انا مش مصدقه يا حسن والله طبعا ماشى انا ناقصلى حجات بسيطه نجيب بدلتك وبعدين نروح نشتريها...عايز حاجه يا حبيبى حسن :-لاء شكرا ..متتأخريش عليا مها:-مقدرش يا قلبى الى متى يا مها ستظلين هكذا؟ ...متى ستستيقظين من غفوتك متى ؟ دخلت اميره فوجدتها فرحه بشده من قبل ان تسأل ..قصت مها ما حدت قالت وهيا تنهض لتختار ما سوف ترتديه:-اخيرا حسن رجع زى زمان بجد فرحانه امير بفرحه:-ربنا يسعدك يا حبيبتى ثم ذهبت لاحتضان اختها وهيا تحمد ربها زادت فرحتها عندما وجدته منتظرها تحت البيت ..سلم عليها وقام بتقبيلها قبله رقيقه ..ذابت لها ..وابتسمت له برقه شديده وسارو دخلو المحل الذى اختاره قام باختيار البدله نظر اليها:-ايه رئيك مها :-تجنن يا حبيبى ادخل قيسها قال بخبث:-ماشى ارتداها ايه رئيك يا حبيبتى مها:-اى حاجه عليك حلوه ربنا يباركلى فيك يارب يلا نجبها حسن وقد نجحت خطته:-ماشى ذهبوا الى البائع ليدفعوا ثمنها نظر حسن وبدا وكأنه اندهش من ثمنها :-ياه ديه غاليه اوى مها:-متغلاش عليك يا حبيبى حسن وقد تظاهر بالحزن:-بس مقدرش عليها مها وقد التقطت نقودها :داتفضل لو سمحت هناخد البدله ديه حسن وقد تظاهر بالرفض:-لاء يا مها مينفعش مها بانفعال:-يا حبيبى انا وانت واحد ازاى يعنى والله هزعل لو مرضتش حسن بفرحه:-وانا مقدرش على زعلك ااحتضنته مها امام البائع قال لها:-مينفعش يا مها كده احمرت وجنتها وسحبته من يده لمحل اخر :-تعالى نشوف بقى الكرفتات انا عملالهالك هديه ************************************ اتصل ايمن بأميره عدة مرات طمئنها بأنه سوف يأتى غدا لحضور زفاف..فقفز قلبها فرحا هيا الاخرى بذلك الخبر *********** الليله حنة مها ...كانت فى كامل زينتها ارتدت فستانا زهرى اللون مكشوف الكتفين ...وضعت احمر شفاه ..وشعرها منساب على ظهرها ..فبدت بعيناها العسليتين كالبدر ليلة تمامه..... هكتب كتابى عالحلوه زوبه ...وافقت عليا من غير خطوبه لولولولولولولولى ماشا الله ماشا الله علا صوت الاغانى ..انهمكوا فى الرقص ...حتى اميره لم تكف عنه ....الفرحه فى عيونهم ...تجبرهم على فعل اى شئ ...... خرجت مها فى زى الهنديه و فى زى اليابانيه ..مهلا لن نحصيهم ...كانت ليله رائعه حقا .....رسمت الحنانه لها اول حرف من اسم حسن على كتفها ...لتحضرها له مفأجأه ليلة الزفااااااف غدا ان شاء الله فلندعو لتكون ليلة مميزه ايضا ..... | ||||||||
|
| |
|
19-07-16, 08:57 AM
| #5 | ||||||||
| مراقبة عامة ومشرفة منتدى الروايات المنقولة
| البــــارت الرابع امسكت ساره بالهاتف تتصل بخطيبها لتؤكد عليه موعد الزفاف فى الثامنه مساءا... ســاره:-السلام عليكم احمد:-وعليكم السلام..ازيك يا ساره عامله ايه؟ ساره:-الحمد لله انا بس بأكد عليك المعاد بتاع الفرح احمد:-اه هوا فى مسجد ايه؟ ساره بتعجب:-يا احمد ده فى نادى 6 اكتوبر ..انت نسيت ولا ايه؟ احمد:-ماشى يا حبيبتى هوديكى بالعربيه تسلمى عليها وتزغرطيلها و اروحك ساره بانفعال:-يعنى ايه؟ احمد:-يعنى انا مش هخليكى تحضرى فرح وكله ناس قالعه ورجاله على ستات وهيصه ...لو كان منفصل كان معلش ساره بعصبيه:-بقولك ايه يا احمد انا هروح يعنى هروح هوا احنا عشان كتبنا الكتاب هتتحك فيا احمد بهدوء:-انا مش بتحكم بس انا مقبلش ان مراتى تروح مكان زى ده ساره :-وانا رايحه فين يعنى؟ده فرح صاحبة عمرى ..محضرهوش ازاى احمد بثبات:-ما انتى مهما تقولى مش هوديكى ..انتى روحتى الحنه امبارح كفايه كده بقى ساره بدلال:-طب يا حبيبى ده اخر فرح والله هحضره كده وبعد كده مش هروح تانى فى اى حته احمد :-بصى يا ساره الموضوع انتهى كده ..اتصلى واعتذريلها ساره باستسلام:-واقولها ايه بقى؟ احمد:-قوليلها الحقيقه ..قوللها خطيبى مش موافق ...انتى ازاى اصلا منصحتيهاش انها متعملش فرح بالطريقه ديه ساره:-قولتلها ومرضتش خطيبها عايز كده احمد :-خلاص وانتى كمان قوللها خطيبى عايز كده ساره:-طب اقفل لو سمحت بقى احمد:-هكلمك تانى ............. تروا من فيهم صاحب الحق؟ بالطبع احمد ..نشأته وتربيته حتمت عليه ذلك ..اعلم انكم لاحظتوا الفرق بينه وبين ساره ولكن هو اختار ان يغيرها ....لن يتركها قبل ان تتغير..وتظهر الخير الذى يكمن بداخلها .....فعل ذلك لـــأنه يحبها بصدق..... ايضا ارى انكم رحظتوا الفرق بينه وبين حــسن ...ولكن عذرا..لا توجد مقارنه بينهم اصلا..... *********************************** فى بيت يقع بااحد الاحياء الراقيه ...تقطن شابه فى منتصف العقد الثانى من عمرها...تدعى سهى.... تعمل طبيبه نفسيه باحدى المستشفيات الخاصه ولها عياده خاصه بها..... لديها طفلان احدهما فى سن السابعه والاخر لم يكمل عامه الخامس بعد ... توفى زوجها منذ ثلاث سنوات ...كانت تحبه بشده ولكنها مع ذلك ..تحملت فراقه وعاشت على ذكراه من اجل اولادها سيف وحمـــزه....اه كنت سأنسى ان اذكركم بأن لدى ســهى حيـــاه سعيده يحسدها الجميع عليها.... رن هاتف منزلهم اسرع حمزه بامساك التليفون :-السلام عليكم المتصل:-ايوه يا حبيبى ممكن اكلم ماما حمزه:-اقولها مين حضرتك ؟ المتصل-انا طنط اميره تعجبت اميره من ادب هذا الطفل الصغير قبل ان تستغرق فى التفكير ردت ســهى:-السلام عليكم يا اميره اهلا يا حبيبتى اميره:-الحمد لله يا قلبى ..كان نفسى تبقى معانا النهارده سهى:-معلش يا اميره بس الاولاد عندهم امتحانات ومش هبقى مركزه معاكوا خالص ..هاجى انا وحمزه وسيف نبارك لها فى البيت ان شاء الله اميره:-ان شاء الله سهى :-وانتوا بتعملوا ايه دلوقتى اميره :- انا اهو مستنيه ايمن هيجى بعد ساعتين ان شاء الله كده ... وبعدين هيروح هوا مع العريس وانا هروحلهم عالكوافير سهى بصدق:-ربنا يتمم لها بخير يارب اميره:-يارب ******************************************* ما اناغلقت اميره الهاتف حتى رن جرس الباب ..نهضت متثاقله ..اتجاه الباب ..فابوها فى الخارج كعادته ..ومايسه ومها فى الكوافير....فتحت..وجدته ايمن ..تفاجأت والقت نفسها بين احضانه ..قبلها بحراره وشوق ... وضع يده على بطنها وقال :-عامل ايه يالا ..ابوك موحشكش ردت اميره والدموع فى عيناها من فرحتها:-موحشهوش ايه ده خلاص كان ناقص يركبنى طياره عشان نروحلك ..... ايمن :-والله غصب عنى يا اميره قاطعته اميره:-انا عارفه يا حبيبى ومتأكده من كده كمان ايمن :-ربنا يباركلى فيكى يا حبيبتى ..امال فين طنط ومها و عمو اميره:-لاء كلهم بره ..مها وماما فى الكوااا قبل ان تكمل ابتسم بخبث وقال لها:-يعنى احنا لوحدنا اميره بخجل:-لاء انسى يا عم الحج ..لينا بيت نتكلم فيه شد يدها برفق وهو يضحك اتجاه غرفتها:-ما احنا فى بيتنا اهو ..زى بيتنا يعنى يا اميره متدقيش ..عايزه اقولك موضوع اميره وهيا تضحك وتسحبه بعيدا :-بس يا ايمن والله مبهزرش انا هلبس واروحلهم الكوافير بقى ..عشان اظبط نفسيتى واحطلك احمر واخضر وابقى موزه وبليل نبقى نتكلم فى الموضوع ده بقى .... ايمن بخبث:-خلاص يا اميره مالكيش فى الطيب نصيب اتفضلى روحى بقى وانا هريح شويه وابقى اروح للعريس اجيبه .... ******************************************* "بصى عايزه اصبغ شعرى احمر كده بلاش الاصفر ده بقى بيئه وكله بيعملوا "قالتها مها للكوافيره التى كادت ان تجن من طلبات مها المستمره ..ولكن يبدو انها تعودت على ذلك من قبل كل البنات.... استجابت لها بالطبع ..وضعت مكياج هادئ ..اصرت مها على ان تظهر بعض خصلات شعرها تحت طرحتها....حيناها قالت الكوافيره:-خطيبك هيوافق مها بتعجب:-مش هيوافق ليه يعنى الكوافيره:-اصل فيه كده بيجولى اعملهم كده يقولولى خطابنا هتزعق مها ببساطه:-لاء حسن عاتى يعنى مبيدقش ... ***************************************** "خلص يا عم بقى فى ام الليله ديه بقالك ساعه فى شعرى " قالها حسن ايضا لمصفف شعره الذى كان يعمل بدقه متناهيه ..نظر له وقال :-عشان تليق يابنى بعروستك بقى ... رد بعجرفه :-يا عم هيا بتموت فيا بكل حلاتى ..اراهنك لو طلعتلها بالبجامه..زهتقولى انت زى القمر هنا قهقه صديقه هانى الذى كان معه:-يا عم التنك التفت له من كرسيه:-على حق ولا مش على حق ..مترد رد هانى وهوا يتظاهر بالجديه:-على حق يا باشا ..انا شوفت بنفسى ****************************************** مر اليوم الساعه قاربت السابعه مساءا ...مها فى كامل زينتها ..الكل ..لا ننسى ان نذكر فتحيه والدة حسن التى صممت ان ترتدى فستانا ابيض اللون وطرحه بيضااااء... التصقت بذراع حســـن وكأنها تمسك به خوفا من ان يسرقه احد منها ...جلست بجانبه فى السياره وذهبوا للكوافيره ليأخذوا مها ...خرجت مها ..عيناها تلمع من الفرحه..ظنت ان الله قد من عليها بالزوج الذى ظلت تتمناه طيلة حياتها ...عيناه تلمع هو ايضا بغرور..يلمحه كل من ينظر اليه...عدا مها بالطبع... ترجل من سيارته امسك بيدها ...ذهبوا الى قاعة التصوير ليلتقطوا صور الزفاف قبل الذهااب للقاعه وبدء الحفل ..... سهوتى يا مها ان تسألى نفسك سؤالا واحدا على اى اساس اخترتى حسن زوجا... *************************************** جرى حمزه ناحية سهى وهو يقول برجاء:-مامى سبينى اعد شويه بقى تانيين انا وسيف سهى بثبات:-الساعه بقت 8 يا حمزه مش كده ؟ حمزه :-ايوه منا عارف سهى بثبات اكثر :-وانا كمان عارفه ان ده معاد النوم لينا كلنا عشان نلحق نقوم نصلى الفجر... حمزه :-يا مامى حبه كمان بس سهى :-لو زنيت اكتر هتعد على الكرسى اللى هناك ده..كانت تشاور باصبعها ناحية كرسى خصصته هي لمعاقبة الطفل يجلس عليه مده من الزمن لا تسمح له اثناء ذلك بالكلام ...ثم اكملت:-ومش هتقوم غير بعد خمس دقايق حمزه باستسلام:-حاضر يا مامى ..تصبحى على خير سهى بابتسامه:-هات حضن يلا وحضر المصحف انت وسيف ..وانا جايلكوا نقرء الورد وننام بقى حمزه بابتسامه:-حاضر ************************************** علا صوت الاغانى والرقص ..فعلوا كل ما يستطيعوا ليثبتوا فرحتهم ...وكأن الفرحه تثبت بفعل المحرمات فـــــقط....انتهى الحفل ركبوا السيارات لتوصيل العروسين الى منزلهما وصلوا الى منزل مها كان فى نفس بناية والدة حسن ..لمعت عين مها بالدموع لفراق اهلها وقالت لامها التى كانت تحتضنها وتبكى :-خلاص يا ماما بقى متعيطيش ..هعيط انا كمان والله حاولت اميره وايمن تيسير ذاك الموقف الذى مر على كل عروسه مصريه فقالت اميره:-يا ماما ديه قدامنا وبعدين انا مش ماليه عليكى البيت ولا ايه ردت مايسه والدموع فى عيناها :-ما انتى جوزك رجع وهتسبينى بردوا ... ضحكت اميره وهى تنظر لايمن وتدفعه :-طب يلا سافر بقى يا ايمن ..مش هزعل امى عشانك هنا ظهر شكرى والد مها وقام بوادعها ايضـــا .... هنا تكلم حسن ببرود:-متشكرين يا جماعه ... رد الجميع:-العفو وقامو بالنهوض لمغادرة البيت بما فيهم والدة حسن .... اغلق الباب جلس حسن ومها بجانب بعضهما البعض على اريكه فى غرفة الضيوف .. قالت مها بفرحه:-الفرح كان يجنن ..كل حاجه كانت حلوه .... رد بابتسامه مقتضبه:-كان حلو اه ثم تطرق :-انا جعان جدا ردت مها بدلال :-من عنيا يا حبيبى هدخل اغير هدومى و احضرلك الاكل قبل ان تكمل كلامها رن جرس الباب ...تعجبت نهض حســن ليفتح الباب وجد والدته ..ارتمت فى حضنه وقالت :-لاء يا حبيبى مقدرش ابعد عنك ..لاء والله مش هعرف ابات فى الشقه من غيرك رد عليها :-معلش يا ماما كبرت بقى خلاص اهو ..متعيطيش عشان خاطرى فتحيه وقد دمعت عيناها الزائفتان:-هبات انا لوحدى ازاى بس يا حبيبى انت اللى بتهون عليا اليوم .... حسن وقد انخدع بوالدته:-لاء يا ماما تعالى هنا اعدى معانا ولا يهمك ... لمعت عينا مها بعد ان نظر لها حسن بشده وقال لها بثبات:-ولا ايه يا مـــها؟. ردت والدموع فى عيناه :-طبعا يا طنط زى بيتك واكتر ردت فتحيه وقد تحولت لشخص اخر:-ده بيت ابنى يا حبيبتى ثم اكملت بقوه:-ولا ايه؟ ردت مها بضعف :-طبعا يا طنط وقبل ان يكملوا كلامهم رن جرس الباب مره اخرى فتح حسن الباب قالت والدة مها بقلق شديد:-الحقينى يا مهــــا ..اميره بتولــــــــــــد...... **************************** | ||||||||
|
| |
|
19-07-16, 08:58 AM
| #6 | ||||||||
| مراقبة عامة ومشرفة منتدى الروايات المنقولة
| البـــارت الخامس مر اليوم والساعه كانت قد تجاوزت العااشره صباحا... كانت ســـاره تجلس على فراشها تفتح التلفاز وتشاهد برنامج للدعايه "مصطفى حسنى"كانت منتبهه انتباها تاما ...ولكن عندما رن هاتفها المحمول اسرعت بالنظر اليه ...وجدته احمد ..قامت باخفاض صوت التلفاز ثم انتظرت لحظات حتى اجابت اتصاله .. ساره وهى تتظاهر باحزن:-الو احمد :-وعليكم والسلام يا ست هانم ثم ابتسم واكمل:-ينفع كده تسيبى جوزك من غير ما تصحيه للفجر ..امال انا مجوزك ليه يعنى ساره مقتضبه:-عشان ابقى منبه.. ضحك احمد:-طب ما انتى عارفه اهو ..قوليلى يا هانم صحيتى انتى صلتيه ولا لاء ساره:-ايوه صحيت احمد:-وبتعملى ايه بقى دلوقتى ساره :-بتفرج عالتليفزيون احمد بابتسامه :-اهلا ..بتتفرجى على ايه ساره بانفعال:-برنامج دينى يا احمد فيه ايه ؟ هو تحقيق احمد بهدوء:-ساره ..خلاص بقى والله هعوضهالك انك مروحتيش الفرح .. ساره وقد تحول حزنها لفرحه:-هنخرج يعنى احمد وهو يضحك :-هتقومى ترقصى دلوقتى صح ؟ ساره بابتسامه:-هتودينى فين ؟ احمد بخبث:-الا قوليلى يا ساره ...هوا انتى بتعرفى ترقصى ولا ايه ظروفك ؟ ساره بخجل:-بس يالا ..قولى هنروح فين بقى احمد بحنان :-تحبى انتى تروحى فيــــــن؟ ************************************************* استيقظت من فراشها متعبه تتذكر ليلة امـــس وما حدث .... نظرت مايسه بقلق شديد:-اميره بتولد يا مها الحقينى نهضت مها من مكانها :-بتولد ايه يا ماما ديه لسه فى التامن مايسه وهيا تجذبها :-ايمن اهو ركبها العربيه ومستنينى تحت ... مها بقلق :-اسبقونى وانا جايه انا وحسن اهو .... مايسه :-ماشى يا حبيبتى وسارت خلف ابنتها .... مها وهى تنظر لحسن:-حسن تعالى معايا معلش ساعدنى فى الطرحه عشان نلبس وننزل بسرعه قبل ان يرد ردت مكانه فتحيه:-وهوا ايش عرفه يا حبيبتى بالطرحه والدبابيس والكلاكيع اللى انتى حطاها ديه ..تعالى وانا افكهالك طغت الحمره على وجهها ..جذبتها فتحيه للغرفه وقامت بفك الطرحه لها ثم ارتدت مها باقى ملابسها والساعه كانت قد قاربت الرابعه فجرا ...جذبت حسن من يده وهى تقول بققلق:-يلا يا حسن اتأخرنا فتحيه وهى تنظر لابنها:-يا عينى يا بنى محطتش لقمه فى بؤك حتى ..بس هنعمل ايه ده واجب ... نزلوا واستقلوا السياره ..اخذت تفكر كثيرا ماذا يحدث لها ..لم تمنع نفسها من سؤاله:-هيا طنط هتعد معانا علطول؟ رد حسن ببرود:-بصى اصلها مش هتفرق كتير اصلها حتى لو نزلت احنا هنبقى مقضيين معاها اليوم كله وهنطلع عالنوم ..فعيا هيا يعنى ولا ايه ردت مها :-اه طبعا اكمل بكلامه الزائف :-وبعدين يا حبيبتى انتى حجاتك جديده ولازم تستخدميها بقى ... ما ان سمعت تلك الكلمه"حبيبتى"حتى تناست كل شئ ..وفرحت.... وصلوا الى باب المستشفى ..دخلو الاثنين ولكن تفاجئوا بخروج مايسه واميره و زوجها ...قالت بلهفه:-الدكتور قالكوا ايه يا ايمن ..البيبى كويس الحمد لله ايمن باطمئنان :-اه الحمد لله كويس ..بس قال انها من كتر المجهود اللى عملته ..كان ممكن يحصلها ولاده مبكره لاقدر الله ..بس الحمد لله لحقها مها :-طب الحمد لله..ثم ربتت على كتف اختها وقالت :-الف سلامه عليكى يا مرمر ردت اميره وهى تضحك كعادتها :-يلا كنت هضيع ابنى عشان فرحك ياختى ..ثم نظرت الى حسن الذى لم يتفوه بحرف :-معلش بوظنا الليله يا حسن ونزلناك بليل ... رد ببرود:-ولا يهمك رجعوا مره اخرى الى منزلهم وعندما دخلوا تفاجأت مها بان فتحيه ترتدى احد عبايات الاستقبال الخاصه بمها ....توترت ها كثيرا..كيف تجرؤ على اقتحام غرفتى بتلك السهوله ؟والتفتيش فى اغراضى .. لاحظت فتحيه نظرتها فقالت :-معلش بقى يا مها كسلت انزل اجيب لبس من تحت ..ألحمد لله انى مش مفشوله ولا حاجه لتقولى هبوظلك الهدوم ..المهم اختك عامله ايه ردت مها بحزن:-الحمد لله لاحظت فتحيه ذلك فنظرت الى حسن:-مراتك شكلها مضايق يا حسن انى لبست عبايتها ..ثم نظرت لها :-اقلعها لو تحبى رد حسن بسرعه موجها نظره لمها بقوه :-فيه ايه يا مها .تقلعها؟ ردت مها :-وانا قولت كده يا طنط ...اتفضليها بادرهم حسن :-طب يلا ننام بقى لحسن هموت مالتعب ردت مها بلهفه:-يا حبيبى ده انت كنت جعان استنى ناكل حسن:-لاء مش قادر يلا ندخل بقى ... ردت مها بخجل :-ماشى ودعوا فتحيه ودخلوا غرفتهم وما ان اغلقوا الباب حتى وجدته ..يدخل حمام الغرفه بدل ثيابه ..وقبلها قبله رقيقه على وجنتاها ثم ذهب فى نوم عميق ...فعلت المثل ونامت مثله.... عادت الى الواقع وهى تحدث نفسها وتقول:-ايه اللى بيجرى ده يا مها ؟ ثم ردت على نفسها "ماهى معذوره بردوا ابنها الوحيد وملهاش غيره ..خلاص يا مها حضرى الفطار بقى وصحيهم يااكلوا واكيد هيا هتنزل ..." قامت بتحضير الافطار استيقظت فتحيه وهى تحضره قالت مها:-صباح الخير يا طنط رد باقتضاب:-صباح النور مها بابتسامه:-اتفضلى حضرتك ارتاحى احضرلكوا الفطار فتحيه بانفعال:-انتى هتقوليلى اروح فين... مها بحزن وهى تنظر اليها :-والله ما اقصد يا طنط ... فتحيه وهى تدخل الى الحمامك-ولا تقصدى ..مش هتفرق لم تهتم مها واكملت ما تفعله .... خرجت فتحيه من الحمام ....كانت مها قد ايقظت حسن ..تناولوا الافطار ..اثناء ذلك .. مها لحسن بدلال:-خد ديه يا حبيبى منى حسن وهو يلتقطها :-تسلمى هكذا ظلت حتى انتهى الفطور جمعت الصحون و وضعتها وفى الحوض ..وتركتها الان حتى تنظفهم فى وقت اخر ...بادرتها فتحيه :-ايه يا مها ..مش هتغسليهم ولا ايه ؟ مها :-هعملهم بعد شويه يا طنط فتحيه :-لاء يا حبيبتى قومى اغسليهم لا يلموا نموس ولا حاجه مها باستسلام :-حاضر فتحيه :-انا هشيل سجاجيد الصاله والصالون اهو مها باندهاش:-نشيلهم ليه فتحيه باندهاش:-اتوسخوا يا ماما ..السجاجيد كل يوم تتشال بتاعت مدخل الشقه ويتنضف تحتها ..والستاير يوم ويوم .. مها :-ملحقتش تتوسخ يا طنط كل هذا وهوا يجلس يشاهد التلفاز بعيدا عنهم تماما... فتحيه تكمل :-وبعدين انا يا كبيره بعمل كده فى بيتى انتى مش هتعملى ؟احنا لسه عايزين ننزل تحت عشان نعمل الغدا عندى عشان عازمه اختى وبنتها ..وننضف تحت ..فخلصى بسرعه مها باستسلام ويأس :-حاضر يا طنط ... انتهت من غسل المواعين نظرت لفتحيه :-نرتاح شويه يا طنط بس فتحيه :-وحياة امك يا مها انا مش ناقصه بقولك لسه تحت هننزل قاموا بتنظيف المدخل كما ارادت فتحيه ...ثم نزلوا الى منزل فتحيه ... قبل ان ينزلوا ..هنا جاء حسن يقول لوالدته :-معلش يا ماما انزلى ومها هتحصلك نظرت له مها تشكره بعيناها قالت فتحيه ببردو :-ليه يا بنى عايزين نخلص عازمه خالتك وبنتها اصلى قال لها بخبث :-عروسه بقى يا ماما ...معلش ساعه وهتبقى تنزلك فتحيه وهيا تضغط على كتف مها وتغمز لها :-يا بختك احمرت وجنتاها ونظرت وهيا تضحك لحسن ..الذى ادخلها الى الغرفه بعدما نزلت والدته .....وسكتت شهرذاد عن الكلام المبــــاح ************************************************** ****** :-والله يا دكتوره بحاول اتغير بس مش عارفه ..نفسى ابقى كويسه وليا هدف سهى بثبات:-ان شاء الله هتتغيرى يا ايمان ..بس اعملى اللى قولتهولك ده ..واكتبى فى الورقه ديه ايجابيات ممتك وسلبياتها ..وتعالى المره الجايه و ان شاء الله هتكونى احسن ايمان :-يارب نهضت تلك المريضه من امام سهى ..رن هاتف سهى وجدته سيف الذى قال بفرحه:-مامى جبت الفل مارك فى الماس سهى بفرحه مماثله:-برافو يا حبيبى ..هجبلك الهديه وانا جايه ان شاء الله ..حمزه عمل ايه؟ سيف:- الميس قالتله انت شاطر عشان جاول سؤال صعب وقالتلوا صوتك حلو فى القران سهى بابتسامه:-انا عارفه ان ولادى امامير كده وشطار ..معاكو المفتاح سيف :-ايوه يا مامى سهى :-ماشى يا حبيبى اما توصلوا رنولى .... دخلت مساعدتها وقالت :-فيه واحده ناقصه يا دكتوره ردت سهى :-دخليها يا سعاد مشت سعاد بضع خطوات ثم عادت مره اخرى وقالت :-دكتوره انتى ازاى بتسيبى ولادك يروحوا لوحدهم فى السن ده ردت سهى بابتسامه وهى تنظر فى عينا سعاد :-هما متعودين يا على كده يا سعاد ..انا بعلمهم ازاى يعتمدوا على نفسهم مش اكتر ..واجرى بقى دخلى المريضه اللى ناقصه ابتسمت سعاد واتجهت ناحية الباب ............. ************************************************** *********** كانت اميره امس سوف تفقد عقلها لو كان قدر لها ان تفقد جنينها ....فقد رزقها الله به بعد عامين من الزواج قالت بقلق لايمن الذى كان منهمك امام الشاشه التى يجلس امامها :-اين الدكتور بجد طمنك على البيبى ايمن وهو يضحك وومازال ينظر للشاشه:-عاشر مره تسألينى نفس السؤال واقولك اه والله طمينى اميره:-اتريق يا خويا اتريق اصله ابنى لوحدى انا .. ايمن :- لاء ازاى ابننا احنا اللى اتنين طبعا ..بس واخده بالك انك فقريه اميره بتعجب :-انا ؟؟؟ ايمن :-اه طبعا اعدتى تفقرى فى الليله وهحطلك احمر واخضر واصفر وابقى موزه ...لحد ما حصل اللى حصل والدكتور منع الموضوع اصلا ..اكمل بضحك ..عرفتى انك فقريه بقى .... اميره وهى تضحك :-بس يالا ..اجرى من هنـــــا ************************************************** اخذت مها حمامها ثم ارتدت ملابسها وقالت لحسن برقه :-انا مش قادره انزل يا حبيبى لطنط تعبت اوى ..من الصبح حسن بقوه :-يعنى ايه يعنى ؟ مها بضعف:-ينفع تقولها منزلش النهارده ونبدء من بكره حسن بقوه وانفعال:-يعنى ايه يعنى وخالتى وبنتها اللى عزمتهم دول مها باستسلام وضعف :-حاضر يا حبيبى ..هدى انت نفسك بس حسن :-متنرفزنيش وبعدين تقولى هدى نفسك .. مها وهى تربت على كتفيه بحنان :-انا مقدرش ارفضلك طلب انا نازله اهو وهعمل اللى هتقولى عليه نظر لها بغرور وقال:-انا كده احبـــــك ************************************************** * | ||||||||
|
| |
|
19-07-16, 08:59 AM
| #7 | ||||||||
| مراقبة عامة ومشرفة منتدى الروايات المنقولة
| البــــــــارت السادس:- الابتزاز العاطفى اصعب ما قد يمر بالانسان ...يقضى على نفسيته بشكل كبير ...يلغى شخصيته ..ويجعله مهتز الخطى ويدمر ثقته بنفسه ..هذا تقريبا ما كان يفعله حســـن و والدته بمها..تعلقت به بشكل مرضى ..فاستغل ذلك ..ونجح بما يريد فعله. مر اسبوعا واحدا على زواج مها ..حياتها اصبحت منظمه الى حد يناسب احتياجات فتـــحيه و حســـن..كانت تستيقظ صباحا ..تحضر الافطار لوالدة حسن فى منزلها ولحسن ويذهب لعمله..تجلس معها طيلة اليوم ..لا تنتهى دعوات فتحيه لاخواتها واصدقائها من اجل الجلوس او تناول وجبة الغداء معهم ..يأتى هو ليلا ..بعد ان تكون مها قد انهكت انهاكا تاما ..تلبى شهوته ....وتنام ...ليكون من حقها انذاك الحلم فقط... .وهكذا اصبحت حياتها على وتيره واحده طوال هذا الاسبوع. لا تتذمر ولا تشتكى مثلما كانت تفعل مايــسه ...تظن انها بذلك تحافظ على زوجها ومنزلها وحياتـــها ...ولكن اى حياة هذه ؟! تذكرت الان حكمه مرت على تقول "لا تسأل الجناه لماذا طغوا ولكن اسأل العبيد لماذا ركعوا"..تنطبق عليها اليس كذلك؟! كانت نبرة صوتها الحـــزين تقلق اميـــره ومايـــسه بشــده...قررت اميره ان تتصل بها وتحدد موعد لتزورها اليوم ... كانت مها منهمكه فى تنظيف مطبخ فــــتحيه ..التى كانت تجلس فى غرفه اخرى وتشاهد التلفاز ... رن هاتفها ..جففت يداها ..واجابت الاتصال قائله:-السلام عليكم يا اميره اميره :-ازيك يا عروستنا ردت بحزن:-عروسة ايه بقى ..كل سنه وانتى طيبه اميره بقلق:-بقولك ايه عايزه اجيلك النهارده مها بتردد:-ايه..ماشى..بس اميره:-فيه ايه يا بنتى .. مها:-اصل ..اصل النهارده انا وحسن كنا هنجيلكوا اميره:-اهلا وسهلا تنوروا تعالوا... مها:-خلاص ماشى هكلمك بليل .. جاءت فتحيه :-فى حاجه يا مها ولا ايه ؟ مها بارهاق:-مفيش اميره كانت هتيجى ...قاطعتها فتحيه:-وكوثر صحبتى لما تيجى تباركلك يعنى قالت مها بحزن:-قولتلها متجيش ابتسمت فتحيه وتركتها ... قامت مها بالاتصال بحســن ..كالعاده لم يجيب اتصالها الا بعد عدة مرات رد ببرود:-ايوه مها :-بقولك ..عايزه اروح عند ماما بليل بعد ما طنط كوثر تمشى حسن بتلقائيه:-ما تروحى مها بدهشه:-يعنى ايه اروح ..بقولك بليل على 11 كده حسن ببرود:-وفيها ايه دول جمبنا بعمارتين يعنى ..مفيهاش مشكله مها بانفعال غير مسبوق:-هوا ايه اللى مفيهاش مشكله ..ايه يا اخى البرود اللى انت فيه ده حسن بدهشه وقوه:-انتى بتزعقيلى انا كده ؟ مها بانفعال :-يا شيخ بقالى اسبوع متجوزه ومخرجناش ولا مره ولا حتى بنعد مع بعض ..ومبعترضش ..حس بقى حسن بقوه :-اقفلى دلوقتى احسنلك مها وقد استوعبت ما تفعله :-حســـن كان قد اغلق الهاتف ..... ********************************************** مر يومان على رحيل ايمن ..اخذت اميره تتذكر وداعهما... (فلاش باك) اميره وعيناها تدمع:-هتوحشنى اوى يا حبيبى ايمن بلهفه:-وانتى كمان يا اميره ..ادعيلى اعرف انزل الشهر الجاى ان شاء الله عشان ولادة على ..ان شاء الله اميره بصدق:-ان شاء الله هيجى الدنيا وانت جمبه وهتكون معايا .... عادت الى الواقع لم تنسى جلوسه المستمر على الكمبيوتر ..والمكالمات التى كان يجريها مساءا ..وهاتفه المشغول طوال الوقت ....كل ذلك لاحظته فى تلك المده القصيره التى قضاها معها .... تسلل الشك الى قلبها ...ابعدته واستعاذت بالله ..ودعته ان يحفظ لها زوجها .... وانتقلت تفكر فى مـــها ..وتريد ان تجلس معها وحدها ..لتعرف ما بها ؟ ************************************************* وفى تلك العياده ..تستمع سهى بالوصول الى حلول لمشاكر غيرها ..واعطائهم امل جديد فى الحياه وانها مازالت بخير ...وان القوى هو الذى يملك اراده قويه تعينه على تحدى اى مشكله . كانت تجلس تلك المريضه تدعى دعاء امام سهى وتحكى مشكلتها باختصار و تقول:-انا تعبت يا دكتوره ...انا مشكلتى ديه مواجهتش بيها الا نفسى وانتى بس ..انا عايزه اتجوز فعلا ..مش بهزر انا محتاجه اعف نفسى ..محتاجه اخرج من دايرة المشاكل اللى عايشه فيها فى بيتنا ..محتاجه افرح ماما ..وجدت الدموع طريقها الى عيناها واكملت :-عارفه انه نصيب ومكتوبلى بس مش قادره امنع نفسى من التفكير فى الموضوع ده ... سهى بهدوء:-انتى عندك كام سنه؟ دعاء:-26 سنه سهى بابتسامه:-ده انتى لسه صغنتته اهو دعاء بدهشه:-صغيره ايه ده انا ... قاطعتها سهى بتلك الابتسامه المعهوده:-بصى يا دعاء ..هسألك سؤال..انتى نصيبك ايه من اسمك؟ دعاء:-مش فاهمه سهى:-بتدعى ربنا ..مقربه منه يعنى ..حاولتى تسعى انتى لشريك حياتك دعاء بدهشه:-بدعى ربنا اه وكتير كمان ...بس انتى عايزانى ادور عليه يعنى فى الشوارع.. سهى:-بصى يا دعاء..ناس كتير فاهمه ان الصح انى استنى نصيبى لحد ما يجيلى ...واحط ايدى على خدى ..ربنا كتب قدر الانسان بعلمه اه ..بس المكان اللى انتى عايزه تكونى فيه هتكونى انتى فيه لو عايزه ده... بمعنى انا لو عايزه اشوف قدرى بعد دقيقتين هقوم واقف بعيد خطوتين وده اهو قدرى ..يعنى مثلا الفلوس نصيب ..اصل اى رزق نصيب بس مش معنى كده انك تعدى فى البيت تستنى حد يجى يديكى الفلوس لحد عندك .. دعاء:-مش فاهمه ..ممكن توضحى اكتر سهى ببساطه:-بصى السعى للزوج مش انك تنزلى تشحتى فى الشارع ..لاء بس انتى اكيد عايزه زوج متدين وحافظ قران وفهمه ..يبقى انتى كمان احفظى قران وقربى من ربنا ..انتى اكيد عايزه زوج مستواه المادى كويس ..اسعى لانك تبقى فى مستوى كويس ..اكيد عايزه زوج متربى فى اسره هاديه..اسعى ان تكون اسرتك مفيهاش مشاكل ومبسوطه ..اكيد عايزه زوج بيحبك..حبى انتى كمان نفسك ..فهمتينى ؟. دعاااء بانتباه:-اهااااااااااا اكملت سهى :-المره جايه هكلمك فى نقطه تانيه مهمه اوووى ... دعاء بلهفه:-طب ما نكمل سهى:-انا عايزاكى تطبقى اللى اتفقنا عليه الاسبوع ده ..ومعادنا الاسبوع الجاى ان شاء الله سارت دعاء باتجاه الباب ..بادرتها سهى بابتسامه:-افتكرى ديما ان لسه فيه امل ..طول ما فيه حياه.. ************************************** اتصلت ســــاره بمها ..مضى اسبوع لم تتصل بها ..تظنها مشغوله مع زوجها ..ولكن الحقيقه انها تزوجت والدة زوجها وليس هو .....رن هاتفها كانت فى ذلك الوقت تجلس مع فتحيه وصديقتها كالعاده وتناولهم المشروبات التى يطلبونها ...قامت خارج الغرفه....اجابت الاتصال وقالت:-وحشتينى اوى يا ساره ساره بلهفه:-وانتى اكتر يا حبيبتى ..عامله ايه مها بحزن:-الحمد لله ساره:-مالك يا بنتى .. مها:-مفيش ..تعبانه بس شويه ساره بخبث :-ايه ده فيه بيبى فى الطريق ولا ايه مها بخيبة امل:-نقطينى بسكاتك يا ساره..انا مش ناقصه ساره بجديه:-فيه ايه يا مها بهزر مقصدش مها معتذره:-انا اللى اسفه ..هبقى احكيلك بعدين ساره :-طب ما تحكى دلوقتى مها:-مفيش كل الحكايه انى هنا مجرد.... قبل ان تكمل نادتها فتحيه:-يا مها هاتى لطنط كوثر كوباية مايه مها:-معلش كلمك بعدين ساره بقلق:-ماشى ****************************************** كان موعد زيارة احمد لساره فى منزلها ..فتحت الباب له..ضمها برقه .. لاحظت تلك العلبه التى كان يمسك بها ....قالت بخبث:-انتى جايب هديه لحد هنا .. احمد بابتسامه:-اه جايباها لوحده كده .. ردت وهى توكزه فى كتفه:-كده ايه ..ملهاش اسم احمد وهو يضحك:-ليها ليها ..الواحد ميقدرش عليكى ابدا ساره:-ده بعدك قام بفتحها اخرج منها زجاجة عطر ..كانت قد لفتت نظرها فى احد المحلات ساره بفرحه وهى تلتقطها:-مش ممكن تحفه يا احمد .. احمد وهو يحذرها ويبتسم :-بس ديه ليا بس طبعا ساره:-اكيد يا حبيبى ..هحطها فى الشارع يعنى احمد:-مسألتنيش بمناسبة ايه يعنى ساره:-ايه؟ احمد:- عشان حفظتى جزئين فى المعهد ..متتصوريش انا فرحان قد ايه ساره بفرحه:-وانا كمان يا احمد فرحاااانه اوى ..نفسى ابقى محفظه بقى احمد وهو يمد يده للسماء :-يسمع من بؤك ربنا ..عندى ليكى مفأجاه كمان ساره :-لاء انا كده هتغر والله احمد :-النهارده عديت عالعمال ..خلصوا النقاشه خلاص..مش ناقص غير ننزل بكره ولا بعده نشترى العفش بقى ان شاء الله ساره:-ونحجز ان شاء ال..تذاكر العمره بقى احمد بابتسامه:-طبعا انا وعدتك انها هتبقى بدل الفرح .... ا****************************************** كان ايمن يجلس فى تلك الشقه بمفرده ..فى يده هاتفه ويقول بقلق :-انا شاكك يا سمر ان اميره شاكه فيا.. سمر بمراوغه:-يابنى احنا فى بلد وهيا فى بلد ... صدق ظنك يا ابنة حوااااء...... ***************************************** كان قد حل وقت المساء ..ذهبت فتحيه الى النوم ..انتهزتها مها فرصه وصعدت الى شقتها ..بدلت ملا بسها ..تنتظر حسن لتقنعه بالذهاب معها الى والدتها ...من اجل الشكل العام فقط .. دخل قائلا ببرود:-لابسه ليه ؟ مها :-انا قولتلك نروح لماما حسن بقوه وهو يتجه نحو غرفتهما:-انا قولتلك اتفضلى انتى وانا مش رايح فى حته... مها بانفعال:-انزل ازاى لوحدى وانا قولت لاميره متجيش عشان صحاب امك .. ما ن سمع تلك الكلمه(امك)حتى استدار لها وقال :-انتى هبله يا بت ولا ايه ؟انتى ازاى تكلمينى بالطريقه ديه مها وقد خارت قواها من تعب اليوم وهيا منفعله :_انتى راضى باللى انت بتعمله ده ..انا بقالى اسبوع ساكته ومبكلمش وانا المفروض لسه عروسه اندهش كثيرا من طريقتها تلك ..جذبها من ذراعها وقربها منه وقال:-بصى يا مها ..انا جاى تعبان ومش قادر وعشان يكون فى علمك انا مش قاعدلك فى ام البيت ده النهارده ..وانتى مفيش نزول لامك غير مره فى الاسبوع وبأذنى مها وقد دمعت عيناها :-خلاص انا هنام فى اوضه وانت فى اوضه بس متنزلش .. كانت تعلم بما ستفعله فتحيه اذا ترك البيت .. سار هو باتجاه الباب وهى تلهث وراءه:-طب خلاص انا اسفه ..يا حســـن تركها ودخلت هيا الى غرفتها ..بكت كثيرا الى ان ذهبت فى سبات عميق ..... تغلبتى على ضعفك يا مها لبضع لحظات فقـــــط ....حققتى ما قاله السابقون"الطبع يغلب التطبع".... ************************************* | ||||||||
|
| |
|
19-07-16, 09:01 AM
| #8 | ||||||||
| مراقبة عامة ومشرفة منتدى الروايات المنقولة
| البارت السابع يالها من غريزه داخل كل انثى ..تنشأ بداخلها منذ نعومة اظافرها..نجدها تمسك بالدميه تجعلها ابنتها..تضمها اثناء نومها....تتمنى ان تكبر لتصبـــح اما حقيقيه....هذا كان حلما من احلام اميـــره..كانت تجلس امام دكتورتها التى كانت تخبرها ان موعد ولادتها بعد اسبوعين من الان .. اميره بفرحه وهيا تنظر الى بطنها وتمسك بها:-مش مصدقه يالا انى هشوفك بقى الدكتوره:-لاء صدقى يا مدام ..ربنا يقومك بالسلامه اميره :-يااااااارب فى طريقها لعودتها تذكرت عندما كانت تجلس بمفردها داخل العياده وهى ترى كل مريضه مع زوجـــها..تناست ذلك..مازالت تفكر فى ايمن وما الذى غيره معها؟! قررت ان تؤجل تلك المسأله الى ان يحين موعد ولادتها...تحاول ان تتعامل بسجيتها معه ... ولكن تجد فى ذلك صعوبه شديده... رن هاتفها اثناس سيرها الى المنزل ..فكرت برهه..ثم اجابت اتصاله:-ازيك يا ايمن ايمن بتوتر:-ايمن كده حاف مفيش حبيبى وحشتنى ..اى حاجه حاولت ان تبتسم وقالت :-وحشتنى ايمن بقلق:-الدكتوره قالتلك ايه؟ اميره:-المعاد بعد اسبوعين ان شاء الله ..هتقدر تيجى ؟ ايمن باندهاش :-هحاول اه اميره :-ماشى ..ربنا يسهل اغلق هاتفه وهو مندهش كيف تسأله بذلك البرود...اين لهفتها لتراه؟ هى كانت حقيقة لاتريد ان تراه خوفا من ان يعكر فرحتها بقدوم ابنها الذى انتظرته منذ فتره طويله....لا تريد ان تستقصى او تسأله او تواجهه ..خوفا من اجابته التى لا تريد سماعها فى اى حال من الاحوال .... ***************************************** استيقظت مها على صوت طرقات الباب..ظنته حسن ..هرعت الى الباب ..فتحته لتجدها فتــــحيه فتحيه بلوم :-انتى يا مها يطلع منك كده ..ده حسن هايج تحت وانا اللى عماله اهدى فيه. مها بضعف:_هوا لسه زعلان يا طنط ..انا هنزله اصلحه فتحيه بتلقائيه:-هاتى معاكى بقى المفارش بتاعت البوفيه ..عشان صحبتى جيهان جيالى النهارده ..وديه اهم حاجه عندها المظاهر مها بتلقائيه ايضا:-ماشى .. ذهبت والتقطت المفارش سريعا ..اغتسلت ..وارتد اسدالها ..ونزلت معها.. فتح الباب لهما ... فتحيه :-هسيبكوا لوحدكوا بقى ... جلست مها بجانبه وضعت يدها على كتفه ..ازال يدها بقوه ..وقام ليفتح التلفاز ببرود المعتاد بادرته قائله:-يا حسن ..انا كنت تعبانه جدا امبارح ومكنتش حطيت لقمه فى بوقى من الصبح ..كنت محتاجالك اوى نظر لها ببرود ولم يجيبها مها بضعف:-خلاص بقى ..مش هتكرر تانى والله حسن :-انا كلمت صاحب الصيدليه اللى جمبنا ..عشان تنزلى تقفى فيها فترة الصبح مها بتعجب:-مش عايزه اشتغل حسن:-وانا مش قادر عالمصاريف لوحدى مها:-بس وقفة الصيدليات وحشه ..وصاحب الصيدليه سنه صغير حسن بتلقائيه:-وهيعملك ايه يعنى ..هوا انا كل كلمه ترديها بعشره..كلامى يتسمع فكرت برهه قالت بداخلها "مش هعد مع فتحيه طول اليوم ومش هخدم تحت طول اليوم ":-طيب يا حبيبى هنا رد :-انا هطلع بس لو اكررت تانى ..هيبقى ليا تصرف تانى مها:-طيب هنا نادتها فتحيه :-يلا يا مها المطبخ يضرب يقلب من الصبح مها بضعف وانهاك:-ينفع يا طنط اكل طيب فتحيه :-مفيش وقت جاءت لتجذبها من يدها ..ما ان وقفت حتى وقعت على الارض مغشيا عليـــها ...... نهض حسن من مكانه ولاول مره يشعر بالقلق اتجاهها ..حملها على يده و وضعها على الفراش ..وهو يقول بقلق:-مها وضع كفه على وجهها يقلبه:-مها ..مها فوقى فتحت عيناها ببطئ وبصعوبه ...قالت بضعف:-انا تعبانه ..اكملت بأنفاس متقاطعه :-ممكن بس يا طنط اعد النهارده .. حسن بقلق:-طيب اهدى ..اهدى بس دمعت عيناها ..:-ان...ا..انا...اغلقت عيناها .. حسن موجها نظره ناحية فتحيه بقلق:-ماما اتصلى بالدكتور فتحيه بقوه:-مش مستاهله يا هبل ..روح هاتلى كوباية مايه بسكر يلا حسن بقوه:-يا ماما مش قادره تكلم هتشرب ازاى ...بس ذهب والتقط هاتفه واتصل بالدكتور ..الذى جاء بعد ربع ساعه من العماره المجاوره..فى خلالها جلس حسن بجانب مها ..احساسه بالذنب كاد ان يقتله .. جاء الدكتور ..دخل الى الغرفه ..قام بافاقتها..ثم نظر اليها قائلا:-انتى بتعملى مجهود ؟واخر مره كلتى فيها امتى؟ مها بضعف:-يعنى..امبارح الضهر الدكتور بقوه لزوجها:-مراتك تعبانه جدا ومحتاجه راحه يا استاذ ..يعنى ايه متكلش من امبارح حسن وهو ينظر لها بقوه:-مكلتيش ليه يا مها نظرت له وصمتت ..امر الدكتور ببعض الفيتامينات وبالراحه التامه ..ورحل دخل اليها حسن الغرفه وقال لها باعتذار وبصعوبه بالغه:-متزعليش مها بصدق:-انا عمرى ما عرفت ازعل منك حسن بابتسامه:-طيب انا قولت لماما تجبلك الاكل ومتعملوش حاجه النهارده مها برجاء:-ممكن اطلع بيتنا..انا هاكل وارتاح وابقى كويسه حسن وهو يسندها :-قومى طيب يلا ..عشان اطلعك احساسه بالذنب كان يحركه ...وليس قلبه.. اغلقت باب منزلها بعدما نزل الى عمله ظهرا ...احضرت طعام لها وتناولته ..حتى تعافت الى حد ما ....امسكت الهاتف تتصل باميره ..قالت معتذره:-معلش يا مرمر ..امبارح كسلنا نجيلكوا اميره بقلق:-المهم تكونى كويسه مها :-لاء انا الحمد لله ..انتى مال صوتك اميره:-لاء مفيش قلقانه شويه بس عشان الولاده ..ثم اطرقت وقالت:-وايمن مش هيكون معايا مها بضحك:-قولى كده بقى ..عشان ايمن يختى اميره بخيبة امل :-اه ..ربنا يرزقك انتى كمان مها ببرود:-اه اميره:-بتقوليها كده ليه.. مها:-مفيش بس ..مش...مش متعوده لسه عالمسئوليه وكده اميره بابتسامه :-ربنا يرزقك باورطة عيال ماذا يخبئ لكى القدر يا مها؟! ******************************** ابتسمت ساره ورقص قلبها فرحا ...وهى تمسك بيد زوجها وتختار ما يحلو لها دون تدخل من احد ...والدة احمد كانت على النقيض تماما مقارنة بفتحيه ..حقا التى تربى ولدا كاحمد ..ليست كالتى تربى شخصا كحـــسن..... احمد وهو يبتسم:-عايزه حاجه تانى يا ست ساره...هتخربى بيتى ساره بدلال:-وانت عندك اغلى منى يعنى احمد بجديه:-لاء فى ديه عندك حق امسكت والدة احمد "نهله"بمفرش رمادى اللون ..موجهه كلامها ناحية سارة:-ايه رأيك يا ساره؟ ساره:-حلو اوى يا طنط وهيليق على الانتريه كمان..نظرت لثمنه وجدته غاليا جدا فقالت :-لاء يا طنط بس غالى اوى نهله بصدق:-يا حبيبتى ده هديه ..اختارى اللى يعجبك وانا عندى كام عروسه يعنى احتضنتها ساره:-وانا عندى كام طنط نهله حلوه كده ..ربنا يخليكى ليا يارب ************************************************ حل المساء ..دخل حســن وجدها مستلقيه على فراشها ..نظر اليها مليا .. ماذا لو كان حدث بك مكروه؟! ..شعرت بها اعتدلت فى جلستها ثم نظرت له بابتسامه-احضرلك العشا يا حبيبى حسن :-لاء مش عايز ..انتى كلتى مها:-اه يا حبيبى كلت حسن:-ماشى متنسيش معاد بكره ان شاء الله الساعه 10 فى الصيدليه جذبته من يده الى خزانتها قالت:-البس ايه اول يوم شغل بقى حسن ببرود:-اى حاجه يعنى التقطت اسدالا ثم قالت بفرحه:-ايه رئيك فى المفأجاه ديه حسن بدهشه:- ايه الخيمه ديه ثم اتطرق وقال:-انتى نزلتى من ورايا ولا ايه ؟ مها:-لاء انا جبته قبل ما اجوز ..مش عاجبك حسن :-مش عجبنى طبعا تلبسى الخيمه ديه ليه يعنى قالت سرا"انا غلطانه انى وريتك حاجه" قال بلهجه غاضبه:-انتى بتقولى ايه ردت بانفعال:-مبقولش ..بس انا هلبسه التقطه وقال بقوه:-مش هتلبسيه اخذته منه وردت بانفعال:-هلبسه يا حسن .. حسن وقد جذبها من ذراعها:-انتى بتعندينى يا مها افلتت نفسها من بين ذراعاه بقوه:-متمدش ايدك عليا حسن وقد جذبها مره اخرى بكلتا يديها :-بصى يا مها ..لو متعدلتيش انا هعدلك ..احترمى نفسك وانتى بتكلمى مع جوزك مها بضعف:-سيب ايدى ..وجعتنى تحاول ان تفلت جسدها القاها بقوه على الفراش ...وقال بلهجه امره:-انا هعدى عليكى اوصلك للصيدليه ومش هتروحى لوحدك ردت مها بقوه:-ومن امتى وانت بتغير يعنى؟ اخرجته عن صوابه فقال لها :-بغير ايه يا هبله ..انا هشوفك هتلبسى ايه مش اكتر مها بضعف:-لوسمحت اخرج دلوقتى رد بقوه :-مش خارج يا مها و ورينى هتعملى ايه .. هنا اخذت تبكى بشده ..تخرج ما بداخلها ..تعبت بشده وقف ينظر اليها ...قال لها:-اهدى يا مها مها بضعف:-انا تعبانه اوى ..انت بتعمل معايا كده ..انا تعبانه بجد ..تعبت اوى لان قليلا وقال:-انتى اللى بتنرفزينى ردت وهي تعتدل فى جلستها :-خلاص ..الموضوع خلص حسن وقد اقترب منها وضمها :-نامى دلوقتى عشان تعرفى تصحى فايقه ان شاء الله ******************************************** | ||||||||
|
| |
|
19-07-16, 09:02 AM
| #9 | ||||||||
| مراقبة عامة ومشرفة منتدى الروايات المنقولة
| البارت الثامن نامت كالعاده وجفونها لم تجف من البكاء..نام بجانبها..شعر بالشفقه اتجاهها للحظات قليله ولكن سرعان ما يعود لسجيته فى التفكير اتجاهها .... استيقظ صباحا قبلها قام بفتح خزانتها ..وانتقى بنطالا ضيقا الى حد ما ..وقميصا قصيرا..وطرحه قصيره ايضا.. وضعهم على الفراش وايقظها وهو يوكزها بغلظه قائلا:-قومى ...الساعه بقت تمانيه عايز اكل فتحت عيناها بصعوبه وقالت:-حاضر هقوم.. ظل واقفا ثم وكزها مره اخرى:-يا بنتى يالا هنتاخر عالصيدليه نهضت متثاقله وهى تنظر اليه ..لاحظ عيناها الحمرواتان من فرط البــكاء ..فقال لها:-عينك حمره اوى نظرت الى المراه ثم ردت ببرود:-اغسل وشى وافوق ..واحط قطره حسن:-الهدوم اللى هتلبسيها انا حطتهالك عالسرير .. نظرت للملابس التى انتقاها ثم ردت بتلقائيه:-ديه هدوم بيت رد ببرود:-ماشى البسيها مها بانفعال:-هنزل ازاى كده ؟ حسن بغلظه :-زى الناس ..انتى مش شايفه البنات بره لابسين ايه مها ببرود:-ماشى ..هلبس جاكت طويل شويه عليه حسن بانفعال :-انا قولت هتلبسى ايه بالظبط..ومش عايز مناقشه لو سمحتى فى الموضوع ده تركها وخرج ..خرجت وراءه قائله اليه بتلقائيه:-هو انت بجد مش بتغير زى ما قولتلى امبارح؟ رد ببرود:-هتفرق؟ مها :-اه هتفرق معايا كتير حسن بتلقائيه:-مش المهم اننا اجوزنا وخلاص مها :-وخلاص؟...ممكن اسأل سؤال تانى حسن بانفعال:-يادى القرف عالصبح..انتى طول عمرك هتفضلى نكديه نظرت اليه ببرود ودخلت الى الحمام لتغتسل... خرجت قامت بتحضير الافطار له ودخلت غرفتها لترتدى الملابس التى انتقاها باستسلام تام .. نظرت لنفسها فى المراه قائله لنفسها:-ياه يا مها ..انتى ضعيفه اوى ..ثم ردت على نفسها:-طب هعمل ايه يعنى منا بحافظ على البيت وببعد الخناق عنى بقى ..رد ضميرها عليها:-وربنا؟ دخل حيناها الى الغرفه قائلا لها بعجله:-خلصتى نظرت له:-انت شايف ايه نظر بحده :-شايف انك خلصتى ..يلا نزلوا الى الشارع كان يسير امامها وهى وراءه..نادته قائله:-انت يابنى تعالى امشى جمبى نظر بحده:-يابنى؟! ردت بضعف:-مقصدش ..بس تعالى امشى جمبى كفايه القرف اللى انا لابساه حسن بقسوه:-تصدقى انتى اللى مؤرفه.. ردت بانفعال:-قولتلك متشتمش ..بدل ما هطلع وهمشى امسك بذراعها:-مش بمزاجك نظرت حولها وجدت الناس نظر اليهما ..فانصاعت له كالعاده ..ولكن هذه المره من اجل النــاس فقط..وليس من اجله هو... دخلوا الصيدليه ..كان صاحب الصيدليه شابا يكبرها بعام تقريبا ...ويدعى شهاب.رحب بهم قائلا لحسن:-اهلا اهلا يا حسن رد حسن بابتسامه وهو ينظر الى مها:-ديه مها ..مراتى مد يده لها ..نظرت الى يده وقالت:-مبسلمش على الرجاله نظر لها حسن بقوه:-سلمى يا مها..ثم التفت الى شهاب بابتسامه قائلا:-معلش بتحب تهزر مدت يدها باستسلام وقالت:-اهلا.. نظر شهاب لحسن وقال بابتسامه:-معرفش ان زوقك حلو اوى كده يا حسن ابتسم حسن ببلاهه ..وقال:-طب عايزك تشطرها بقى لاحظت مها نظرات شهاب المتفحصه فى كل جزء من جسدها فنظرت لحسن قائله:-حسن عايزاك بره جذبها من ذراعها وهو يبتسم لشهاب قائلا :-ثوانى يا شهاب نظرت لحسن قائله له بصدق:-حسن مش عايزه اشتغل هنا حسن بحده:-هو لعب عيال ولا ايه؟ مها :-انت مش شايف بيبصلى ازاى .بأم اللبس اللى انا لابساه ده حسن بسخريه:-هيبص على ايه يعنى ثم جذبها من ذراعها الى الداخل ..بادرهم شهاب قائلا لحسن:-طب سيبها يا حسن وانا وهيا ثم نظر لها :-هنتصرف هنا ساور حسن القلق ولاحظ نظراته فعلا ..ولكنه لم يهتم و ودعها وخرج ..ولم يهتم ؟فقد انعدمت صفات الرجوله به... تركــها ورحل..كعادته... هنا نظرت الى شهاب ..تحاول ان تبدو قويه ..لكن كيف؟وهى بداخلها ترتعد ... بادرها قائلا بابتسامه وعيناه مازالت تتفحصها :-فطرتى؟ ردت ببرود:-اه اشار لمقعد وقال لها:-طب اتفضلى اعدى افطر انا واجيلك جلست فكرت كيف تتخلص من خوفها فقررت الاتصال بساره ..اتصلت بها .. ردت ساره بفرحه:-سلام عليكم مها :-عليكم السلام ..صحيتك؟. ساره:-لاء يا حبيبتى ..انا اصلا مع احمد دلوقتى هنفطر سوا ونروح نشترى شوية حجات مها بتعجب:-بدرى كده ساره:-اه..بقولك ايه انا هسافر خلاص انا واحمد ان شاء الله الاسبوع الجاى .. مها بفرحه:-خلاص هتجوزوا ساره :-اه اخيرا اهو ..عايزه اجيلك نعد سوا بقى قبل ما اسافر ..او نتفق نخرج بره هنا جاء شهاب بجانبها ..تظاهر بالتقاط دواء من احد الرفوف ..وقع الدواء منه ..امسك بها ..انتفضت ونهضت ..و وقع الهاتف منها قائله له بحده :-ايه ده ؟فيه ايه ؟ رد باعتذار :-اصلى كنت هقع معلش نظرت له بحده وابعدت الكرسى والتقطت الهاتف من على الارض قائله:-معلش يا ساره هكلمك بعدين اغلقت الهاتف ..وابتسم ابتسامة سخريه لها لما يراه من الخوف بداخل عيناها منه.... ************************************************** * فى منزل سهى كانت تجلس داخل مطبخها ..ومعها سيف وحمزه ..يتعاونون فى تحضير الغداء ... قال حمزه :-بصى يا مامى قطعت الطماطم ..اعمل ايه تانى سهى بابتسامه:-روح يا حبيبى حطها عاسفره قال سيف:-انا خلصت اهو..غسلت الاطباق ناولته طبقا وامرتهم بالجلوس على السفره وهى ستذهب اليهم.. اثناء تناول الطعام ..رن هاتفها ..التقطته ..وجدتها احدى مرضاها تدعى نهله ..اجابتها قائله:-ازيك يا نهله ردت بحزن:- عايشــه سهى بعتاب:-مالك فيه ايه ؟زعلانه من ايه تانى ؟ نهله:-مفيش حاجه متزعلش سهى بتعجب:-ياااه..ده انا شايفاكى اهو بتكلمى كويس ..ودماغك شغاله ..وبتمشى ..كل ديه حجات تفرح بتهيألى نهله بحزن:-الحمد لله سهى :-حسى بيها وانتى بتقوليها ..هاتى كل النعم اللى فى حياتك ديه على بالك نهله :-حاضر يا دكتور..انا عايزه اجيلك املتها سهى المواعيد واغلقت الهاتف وعادت الى اولادها وهى تعتذر قائله:-معلش يا جماعه اكلمت واحنا بناكل ردوا فى صوت واحد:-عادى يا مامى ابتسمت لهم وربتت على كتفهم ..كادت ان تهم بتناول الطعام قبل ان يبادرها حمزه ..مقولتيش يا مامى دعاء قبل الاكل ابتسمت ورددت الدعاء قائله"بسم الله اللهم بارك لنا فيه ..واطعمنا خيرا منه" ************************************************** *************** كان حسن يجلس فى كتبه بادره هانى قائلا:-يا بنى مالك من ساعة ما اتجوزت وانت بقيت كده حسن بملل:-واحده نكديه هعمل ايه هانى بجديه:-انت بتحبها سكت برهه ثم قال:-لاء ثم تردد:-مش عارف ..ممكن اكون بحب حبها ليا هانى :-اجوزتها ليه حسن :-لحد دلوقتى مش عارف اجاوب عالسؤال ده ..انا امى هيا اللى اختارتلى كل حاجه فى حياتى ..اختارت تعليمى ..اختارت شغلى ..اختارت طريقة معملتى مع اى حد ..فلما اختارتها ..كان ده شئ طبيعى هانى بابتسامه :-روق يا عم ايه الدراما ديه..طب ما تطلقها وتخلص حسن بملل:-مينفعش ..مؤخر بقى وقايمه وقرف ..وكمان امى محتاجاها... ************************************************** ************** كان ايمن يسير فى تلك البلد ..بمفرده ..يفكر فى اميره ..يساوره الندم من حين الى اخر ..لم تصل خيانة ايمن لاميره الى حد الخيانه الجسديه..فخيانته لها لم تتجاوز الحديث فى الهاتف ..والخروج ..ولا مانع من بعض القبلات ...الحديث عن طريق الانترنت ..والتفكير فقط ..هذا ما كان يبرر ايمن به فعلته ... "وانا عملت ايه يعنى ..يعنى هفضل اعد لوحدى فى ام البلد اللى معرفش فيها مخلوق ديه .." هنا رن هاتفه ..كانت سمـــر ..رد برقه:-ايوه يا جميل سمر بلطف:-ازيك يا قلبى ايمن:-وحشتينى اوى سمر :-انت ماد طاريتك لمصر امتى ؟ ايمن :-بكره ان شاء الله الساعه سبعه الصبح سمر بمراوغه:-ما تيجى نسهر سوا عندى .... ايمن برفض:-لاء ..لاء سهر ايه وبتاع ايه سمر بابسامه:-هتيجى ..انا عارفه..هبعتلك العنوان فى مسج ايمن :-مش هاجى والله ..مش هينفع سمر بيقين:-هنشوف اغلقت الهاتف وبعثت له عنوان منزلها ...وجلس هو بمفرده .... ************************************************** ********** فى تلك الصيدليه ..حاولت ان تتجنبه قدر المستطاع ..ولكن بداخل نفسها قررت الا تأتى لهذا المكان مره اخرى ..انتهى دوامها ..وذهبت الى منزلها ..تحمد الله على عدم وجود فتحيه ذلك اليوم فى المنزل ..خرجت مع اصدقائها الى احد النوادى .... اتصل حسن بها قائلا ببرود:-خلصتى ردت بحزن:-اه حسن :-اداكى فلوس ردت بضعف:-هو ده اللى يهمك حسن بتلقائيه:-امال انا منزلك ليه يعنى مها :-انا مش رايحه تانى حسن بسخريه:-مش بمزاجك ... مها وهى تبكى :-انت مش عارف ده بيعمل معايا ايه ..بيمد ايده عليا فاهم يعنى ايه حسن بجديه:-يعنى ايه بيمد ايده ؟ مها وقد انهارت فى البكاء على السلم :-بيمد ايده عليا ..عشان شافك وانت بترمينى لواحد كلنا عارفين سمعته ..جلست على السلم وهي تبكى :-انا خلاص مبقتش قادره حسن بجديه:-انا رايحله حالا اسبقينى عنده ..بس متدخليش مها وقد هدأت بتلك اجمله :-بجد هتروحله حسن بجديه :-طبعا هروح ..انا هورى الكلب الحيوان ده مقامه كويس لمعت عيناهاوقالت:_انا رايحه اهو وهستناك ... *********************************** | ||||||||
|
| |
|
19-07-16, 09:03 AM
| #10 | ||||||||
| مراقبة عامة ومشرفة منتدى الروايات المنقولة
| البــــارت التاسع خرج من عمله ..استقل سيارته الخاصه ...كان يهرول اتجاهها..كان يقود السياره ويفكر ما الذى اعتراه حتى تدب فيه الحميه من اجلها لتلك الدرجه...أخوفا عليها؟ام ثأرا لكرامته؟.. اما هى ففعلت كما طلب منهــا..سارت باتجاه الصيدليه بهــدوء ..تجفف دموعها..كانت فرحه بداخلها..ليس انتصارا لكرامتها..ولكن شعورها بأنه يحميها ..واقفا بجانبها..وانه ولاول مره احتد من اجلها.... وصــل اخيرا الى تلك الصيدليه..اقتحمها...وجده جالسا يمسك بهاتفه ..امسكه من عروة قميصه ..ولكمه لكمة قويه ..سقط على اثرها ..نزفت انفه..لكمه اخرى ..صرخ فيه قائلا:-يا زباله ..انا هقفلك الصيدليه ديه ..انا هوريــك .. رد شهاب بارتباك وهو يصرخ ايضا:-ايه يا عــم..داخل بزعبيبك ليه لم يرد عليه بل جعل يده وقدمه يردان بدلا منهم ..حتى رد شهاب بضعف بعد ان خارت قواه قائلا:-خلاصــ يا عم مش هقربلها تانى ..هبعد عنها صرخ فيه بحده قائلا:-لاء وانت كمان فاكرنى هجبها تانى ..ثم اوقفه و وجهه عيناه له وقال :-عارف ياض لو متعدلتش انا هعمل فيك ايه رد الاخر بضعف:-عارف عارف..يا عم سبنى بقى هنا كانت تقف مها بعيدا خارج الصيدليه ..وجدت الموقف يشتد وحســن هائج بشده ..فدخلت وقالت له برجاء:-خلاص يا حسن سيبه ..يا حسن خلاص جذبها من يدها واوقفها امام شهاب .. ووجه نظره بقوه لشهاب:-اعدل نفسك ياض ..واتأسفلها فعل ما أمر به ..ثم اخذها حســـن وسار بها الى منزلهم ..وقلبها يخفق فرحه لما فعله .... ******************************************** كانت ســـاره تسير مع احمد ..يمران على المحلات واحدا تلو الاخر ..تشترى فستان زفافها..صممت ان تنزل معه هو ..فرح هو ايضا بذلك .. احمد بتوسل:-يا ساره بالله عليكى يا شيخه تعبتينى بقى...بقالنا ساعتين بنلف ومش راضيه تستقرى على حاجه... ساره بفرحه:-ما تتعب وانت وراك حاجه يعنى..وبعدين ما انت طول ما انت ماشى عمال تسبح..سبحى يا ساره وتاخد على قلبك حسنات قد كده... احمد وهو يوكزها بخفه:-حتى يا شيخه بصالى فى الحسنات.... ساره :-وكمان بتمد ايدك عليا ...طب مش مجوزاك بقى ..ابقى شوف واحده تانيه غيرى تعبرك سارت امامه..لحق بها قائلا وهو يضحك:-يا مجنونه ...نظر الى قدميها وجد رباط حذائها قد فــك... لاحظت ذلك فوقفت قائله له :-استنى يا بنى اما اعدله بقى نظر بشده لها وقال:-تعدلى ايه يا بت ..امال انا لازمتى ايه ساره وهى تضحك:-يا بنى مبهزرش والله ..هكعبل احمد بجديه:-ولا انا بهزر ..هتوطى فى الشارع وانا موجود ثم قام بدفعها ناحية احد الحوائط ..و جلس على ركبتيهيربط حذائها.... مرت مجموعة فتيات ينظران لها بدهشه ...وهى تنظر له وتقول:-احمد هتفضل كده علـــطول كان قد انتهى ..نهض وقبلها على جبهتها برقه وقال:-لاء طبعا ..هحبك اكتر ..ثم قبل يدها ..ورفع يده للسماء داعيا:-يارب باركلى فيها يارب..وعنى عليها وكزته بخفه وقالت:-ربنا يخليك ليـــــا ************************************************** * هنا كانت تجلس ســـهى فى بيت زوجهــا ...رحمه الله...فاليوم هو معاد زيارة سهـــى واولادها ..ليروا جدتهم (ســعاد)..التى تعيش هى وابن يكبر ســهى بثلاث سنوات تقريبا..يدعى(وليــــد)..كان يتمنى الزواج منها ..بناءا على رغبة والدته ورغبته هو ايضا..لكن ســهى رفضت ذلك رفضا تاما... سعاد بفرحه لحمزه وسيف:-مامى قالتى انكو جبتوا درجات حلوه اوى فى المدرسه حمزه:-اه يا انه ..ومامى جبتلى العربيه اللى كنت عايزها سيف:-انا يا تيتا ماما خلتنى اصلى اخيــرا.. تعجبت سعاد ونظرت لسهى وقالت لسيف:-وانت ممتك مكنتش بتخليكى تصلى ليه؟ سيف بزهو:-عشان الصلاه بتاعت الكبار بس يا تيتا قاطعتها سهى ونظرت لسعاد وهى تغمز لها:-اه يا طنط ..سيف بيكلم صح نظرت سعاد وعلامات الدهشه مازالت تجتاحها وقالت لسيف وحمزه:-ادخلوا الاوضه اتفرجو على الهديا اللى جبتهالكوا بقى... انفردت سعاد بســهى وقالت لها :-ايه يا سهى ده ..مقدرتش امنع نفسى منا لفضول سهى بابتسامه:-يا طنط ..الممنوع مرغوب ..انتى لو مثلا اعدتى تقولى لطفل بيحط ايده فى بوقه ..شيل ايدك من بؤك كل شويه ..هيعرف انها حاجه غلط ولان الغلط ديما بيعجب ..وبنبقى عايزين نعمله وديه فطره ربنا فطرنا عليها ..بدليل اننا بنلاقيها فى اطفال لسه ميفهموش حاجه ..فعشان كده انا مخلتهوش يصلى ..غير لما هوا اللى يبقى عايز كده ويتحايل عليا كمان سعاد بابتسامه:-قصدك عشان يعرف انه لما يصلى خلاص كبر وبقى راجل بقــى.. سهى ببساطه:-بالظبط كده يا طنــط .... ************************************************** ************** دخلوا منزلهم ...كان صامتا ..وهى ايضا ..بدء معها بالكلام فقال بلطف:-انتى لسه خايفه ردت بسعاده:-هخاف ازاى وانت معــايا.. حسن :-انا جعان اوى ..مش هناكل مها :-حاضر يا حبيبى خمس دقايق والاكل يكون جاهز..ماما كانت عمللنا اكل وعديت اخدتو منها حسن بحده:-انتى روحتلها من غير تقوليلى مها :_يا حبيبى ديه خطوتين ..قبل ما اروح الصيدليه اتصل..قطعها قائلا بانذار:-اول واخر مره تنزلى فى حته من غير ما تقوليلى قالت له بدلال:-حاضر يا حبيبى حسن :-انا داخل اغير هدومى مها :-ماشى وانا كمان ... هنا توقف وقال لها :-انا عايز فلوس رد بتلقائيه:-يا حبيبى محفظتى فى الدرج خد منها اللى انت عايزه حسن ببرود:-ماشى ..ثم قال بخبث :-يلا اعملى الاكل بسرعه عشان عايزه اقولك موضوع مهم بقى غمزت له وقالت:-عونيا الجوز يا قلبى ****************************************** ذهب لهــا كما توقعت هى ..كان يمشى لبيتها بخطى مهتزه.."انا مش هعمل حاجه ..هنسهر سوا بس ..بدل ما اعد لوحـــدى" ارتدت هى فستانا قصيرا مكشوف الكتفين..اتصلت به وقالت بلطف:-وصلت لفين يا قلبى ايمن:-قربت اهو .. سمر :-مستنياك على نار .. ايمن بحزم:-سمر انا جاى اعد معاكى شويه ونازل سمر بخبث:-وانا قولت حاجه غير كده وصل لعمارتها صعد السلم ...بدلا من ان يستخدم المصعد..لعله كان يريد ان يستغرق اكبر وقتا فى التفكير قبل ان يصعد لها ..واخيـــرا وصل الي منزلها ..تردد ايضا فى طرق بابها ..نهاية انتصر عليه شيطانه ..وطرق مرت ثوان معدوده..فتحت له وهى فى كامل زينتها ...نظر لها باعجاب ..قبلها ودخل الى المــنزل....وجلس على احدى المقاعد... بادرته قائله:-محضرالك عشا يجنن ايمن :-ممكن حاجه خفيفه ..كده سمر:-قولتلى طيارتك الساعه كام؟ ايمن:- سمر بخبث:-متخفش مش هتقل عليك..عشان تلحق الطياره ..ثوانى ادخل احضر الاكل..خد راحتك دخلت الى المطبخ ..اظهرت ذلك البطرمان الصغير ..اوضعت حبات منه فى عصير برتقال..قدمته له... قبل يدها ثم تناوله ...رشفه بعد رشفه ************************************** | ||||||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
