[أخت الشهيد.]

بسم الله الرحمن الرحيمx
السلام عليكم ورحمه الله وبركاته
كيفكم ؟ إن شآء الله بخير
كتبت قصه وحبيت أشارككم فيها ..
ويارب تعجبكم وتحبوهاx
ماني مطوله عليكم وببدي على طول بس عندي توضيح صغير أنا قد نزلت الرواية وكانت بإسم (مدامني عشت الزمن دوم محروم شيصير لو ضاقت علي كل ساعه) نزلت من الرواية الأربعة فصول الأولى حصلت فيها أحداث صغيرة، ما اعرف كيف أقولها بس الرواية ماكانت واضحة بالشكل إلي كنت ابيه.. والحين سويت لها بعض التعديلات وإن شاء الله توصلكم بالطريقة إلي أنا تمنيتها توصلكم فيها..
سبب وقوفي الأول أنه حصلتلي ظروف فوق طاقتي منعتني من مواصلة الكتابة وتنزيل الفصول ، وها أنا اليوم اتغلب على ظروفي وأطوي صفحتها، وبإذن الله سأكمل روايتي بإسم {يا أُمنياتيِ أَحسـنْﷲعَـزاكُم}

++أعتذر إعتذار شديد لكل إلي تابعوا روايتي في بدايتها ودعموني نفسياً، وتحمست للمواصلة حقيقةً شكراً شكراً شكراً لهم،+ أعتذر لأني وقفت أوأختفيت وتركتهم ينتظرون


+إنتوا عطوني رأيكم في " بنتِي"

"للمعلوميه تروني احب المدييييح والمجامله حتى بنيتي" ..x
ههههههههههههههههههههههههه ههههههههههههههههههههههههه < أمزح أمزح .







يالله اربطوا الاحزمه سنقلع إلئ قصتنا
ونعيش عالمهمx



البارت الأولx
《١》
سبحان الله ،الحمد لله ،الله أكبر ،لآ إلاه إلا الله ،لا حول ولا قوة إلا بالله
{ صلوا على النبي }

صلى الله عليه وسلمx

أستطيع أمنع لساني لا يقول

وأستطيع أمنع عيوني لا ترى

وأستطيع أمنع يديني لا تنول

وأمنع أذني عن سواليف الورى

لكن المشكل أنا وشلون أحول

دون فكري لو خيالي به سرى

شارد أفكاري على رغمي تجول

كل ما عنّ الهوى وإلا طرى

كل نجمٍ للخيال أصبح ذلول

بالفلك طوّاف لي ضاق الثرى

شاغلي يا راعي الطرف الخجول

باع حبك في خفوقي واشترى

يا ربيع القلب في كل الفصول

ورد حبك فاح عطره وأزهرا

مرني طيفك على العادة عجول

عز طيفك مثلما عز الكرى

ما نفع تحذيري القلب الجفول

يرقد الخالي وعيني تسهرا

بسألك قلّي ولو فيها فضول

كيف تذبح من يشوفك ما درى؟

الأمير الشاعر/خالد الفيصل






إضاءة خافته، غرفة تجتاحها نسمات الهواء الباردة! ، بداخلها شخص جامد لا يتحرك؛ وكأنه متجمد أو تكملة لباقي أثاث الغرفة!

يرمش ببطء بين ثواني طويلة أو ربما دقائق! ما يبدو عليه هو القوة والصلابة،والجمود، وكأنه خالٍ تمامًا من شيءٍ يُدعا "بالمشاعر أو الأحاسيس" هذا ما يبدو عليه! ، ولكن داخلهُ حزين جدًا، يشعر بالإشتياق، بالحنين وهذا يؤلمه!!، يفكر بها كثيراً! هو لا يرغب في ذلك؛ ولكنه لا يستطيع السيطرة على تفكيره!

يأخذه التفكير إليها في كثيرٍ من الأحيان، يذهب به منتشيًا ثم يعيده خائبًا متحطمًا

يحتجُّ على حظه! لم يعلم بأن هذا قدره قد أتاه!!
وهو "الفراق" ويجب عليه أن يفارق التفكير فيها أيضًا؛ فهي قبلت بغيره، لم تعد ملكًا له


لم يتحدث معها منذ زمنٍ طويــل، كان يحادثها ويلتقي بها قبل أن ينتهي من المرحلة الإبتدائية وينتقل للمرحلة المتوسطة، هذا اخر عهده بها! والعجيب أنه يحملها في صدره منذ زمن! لغد قارب عمره الثلاثين ومازال يتذكر أيام طفولته معها!!


قبل يومين وصله خبر خطبتها ظنها سترفض لاسيما أنه ينتشر بينهم أنه يريدها، أخبر والدته بذلك وهي بدورها لمّحت لعمته أنه يريد إبنتها وهي تعلم أيضاً !!!

ظن أنها تحبه أو تميل له، ظن انها ستفرح برغبته بها، ظنها ستذكر أيام طفولتهما وتحن لها كما هو يفعل دائماً ؛ ولكن الواقع كان بخلاف هذا!

فهي لم تكترث لأمره ووافقت على خاطبها، لم تعطي لرغبته ولو القليل من الإهتمام "تجاهلتها" تمامًا

جرحته جرح عميق بموافقتها وتحديد ملكتها بهذه السرعة، إنها في الشهر القادم!


رمش ببطء :كيف توافق عليه وأنا أبيها ؟ "أخذ نفس وكتمه بقهر" ليش ليش توافق عليه بهالسرعة ليش ردت عليه بعد يومين بس، ليشش؟؟

"دخل أصابعه في شعره من الأمام وزفر وهو يحس النار شابة في داخله" تتجاهلين حبي لك يا العنود؟ تتجاهليني أنا! أنا تتجاهلني وحده مثلك ما تساوي تراب رجلي، تتجاهلين الغازي يالعنود، تتجاهلين الغازي!! طيب والله والله "سكت بعد ما كان ناوي ينتقم منها شر إنتقام! هدءَ وبغرور طغى على النار إلّي في داخلة
:ماهو الغازي إلّي ينزل لمستواك، ولا هو الغازي إلّي يدور من باعه؛ لأن الأكيد هو الخسران

رفع راسه وبغرور أكبر : نسيتك يالعنود نسيتك

" قام واشعل الإضاءة في الغرفة، تأملها شوي ثم طلع"








***********


في بيت أكثر ما يقال له " بسيط " أو تحت مرتبة البساطة


جالسه في حوشهم والهواء يلعب في كشتها لعب..سرحانه تفكر في كلام أبوها


" ......../اسمعيني زين يا حليمه وحطي هالكلام في راسك، إن ما وافقتي عليه والله ثم والله لا تتحسري علئ عيشتك هذي إلي انتي بها الحين وموعاجبتك

'رفع اصبعه السبابه وهو يأشرعليها' وبتتمنينها ولا بتلقينها 'وبتأكيد' صدقيني بتتمنينهاx



حليمه ساكته وخايفه إلا مرعوبه وبتموت خوف وش توافق عليه الحين ؟؟!

يا ربي وش فيه ابوي اليوم!؟جالس يهذي بكلامه وشكله يقول انه جاد في هرجته بس وش الشي إلي يبغاني اوافق عليه؟! ...

يارب يكون سكران وهذي من هلوسته المعتاده ..إيه اكيد سكران ولا ليش يهدد ويتحلف وأوافق !!
أوافق علئ ايش بالضبط ؟



أبوها بزمجره وهو فاتح عيونه على آخر شي حتئ بانت عروقه المحمره من كثر الغضب أو بالاصح من كثر الشرب، بس الحين صارت حمراء بزياده من كثر ما انه معصب / إنتي فاهمه كلامي وفاهمه وش أقصد..
وأظن إن عندك شي اسمه عقل داخل ذا الصندوق بين اكتافك 'يقصد راسها'
فكري به .. ولمصلحتك فاهمه!! 'وببطء' مصلحتك



"طلع وسابها كان ودها تسأله وتطلب توضيح لكلامه ؛لكن ما قدرت خوفها مسيطر عليها

وهو ما عطاها الوقت علشان تدفع خوفها شوي وتفهم الالغاز إلي انقالت لها...

طلع والحين له خمسه أيام ما شافته ولا حتئ لمحه،، لكن كلامه مشغلها ومسبب لها قلق وش يقصد؟! .."

صحت من سرحانها على صوت عند باب الحوش حقهم بس الصوت كان خفيف مره وكأنه حرامي يحاول يفتح الباب بهدوء ومن غير محد يحس عليه ..

حلوم إرتعبت من فكرة الحرامي وفي نفس الوقت حست بسخريه من هالحرامي إلي ما لقي غير بيتهم يسرقه ههههههههههههههههههههههههه ههههههههههههههههههههههههه

والله انه منكوب ذا الحرامي ...شوي وسمعت صوت مشي والظاهر ان ذي الخطوات متوجهه جهت بيتهم ..

يا ربي وش ذا؟ هذي شكلها عصابه جايه تستحل بيتنا!! لأن حركه رجولهم تدل على عدد مو شخص واحد ..

ياربي سترك يارب،، وهي تناظر باب بيتهم إلي رفسه وحده ويقع في الأرض ..

وباب الحوش اخس وأردئ متآكل من الصدى وحالته حاله .. بدأ ضرب قوي علئ الباب ..

بس الغريب إن العصابه ما تحاول تكسر الباب ..لا جالسين يدقون على البابx
وفي عز خوفها وهي لاصقه في الباب تناظر من فتحه صغيره لباب الحوش ..


تنتظر متئ ينكسر بابهم حق الحوش و يدخلون عليها العصابه ..سمعت ذا الصوت



/ آوووف يمه شكلها ما بتفتح الباب وانا بصراحه انكسر ظهري،، وانا اشيل في ذي الصينيه وواقفتبها علئ الباب


...../صدق يمه والله حتئ انا رجولي عورتني وإيدي *تصلم *من ذي الدلال اشيل فيها،، ثلاث والله ثقيله!!!



بمكر /أقول نوير تبادلين اشيل الدلال وانتي تاخذين الصواني؟؟x


نوير بجزع وهي ترفع يداتها المحملة /أقول طيري بس .. قال إيش قال تبادلين ، علئ اساس الصواني اخف ..


"ولفت لأمها" أقوللك يمه خلينا نروح البيت احسن والله شكل بنت اختك ذي ما بتفتح الباب والظاهر انها ناايمه ولا هي حاسه بحد


منور الصغيره / لا لا يمه الله يخليك لا نرجع البيت والله هي بتفتح الحين

*وقامت تضرب على الباب بقوه وهي تنادي على حليمة*

حلوم يالدبه قوي افتحي لنا الباب الله ياخذك من الساعه أربعه وحنا ندق ع بابكم ذا *المروح-الخايس* افتحيx



عيوش تغطي على فمها / أنطمي أنطمي يالغبيه فضختينا،، الله يقلعك الناس كلها سمعت صياحك يا القرده،، حتئ حمود في الملعب سمعك "حمود اخوهم " والحين بيجي يكسر رأسك



منور وهي زعلانه ما تبي ترجع البيت هالبنت تحب شي اسمه طلعه من بيتهم بالمختصر تعشق شي اسمه هياته..


تخصرت وهي تشيل في كيس معبأ بسكوت منوع وشابوره

"الناس إلي ما تعرف الشابوره هذا شي ينوكل مع الحليب بالشاي او النسكافا ..إلي يسوون دايت ياكلونها كثير تنفع لهم وصح اظن الكويتيين يسمونها صمول أو حاجه زي كذاx"

/ وتبغينا نرجع البيت بعد ذاك التعب كله !! لا حبيبتي اذا تبغين ترجعين ارجعي لحالك لوحدك احنا ما بنرجع وذي الحيوانه بتفتح الباب بس أصبري


' حليمه بعد ما صحيت من صدمتها وتخاريف مخها وفي هذاك الوقت كانت تضحك وهي تتخيل خالتها زعيم العصابه ههه وبناتها الافراد "x


فتحت الباب وهي متفشله من خالتها إلي واقفه لها ساعه عند الباب وهي راحت تفكر في اشياء سخيفه حرامي هه حرامي يدخل بيتهم



منور شهقت بفرح وكان باب الجنه انفتح لها ما هو باب بيت حلوم هههه / ما ني قلت لكم بتفتح ذي البقره ..بسxلازم تلطعنا اول بعدين تفتح


حلوم ببتسامه /هلا خاله حياك تفضلي
دخلت خالتها والبنات وقفلت الباب
بعدهم



خالتها ام محمد بهدوء/ هلا فيك يمه بس علامك علئ الباب ما تفتحينه ..الله يهديك ساعه لنا واقفين ننتظرك تفتحين

"وبتفحص لوجهها" ووجهك ما يقول انه
توك صاحيه من النوم



نوير بجزع وهي تقلد صوت حلوم /والله يا خاله محد يجيني واجلس بالايام والاسابيع لوحدي .. وبعصبيه، ،هو انتي افتحي الباب بالاول بعدين تشرهيx



حلوم وهي منحرجه / والله اسفه يا خاله وحقكم علي يابنات بس كنت مشغوله جوت البيت انظف في المطبخ وما انتبهت للباب

"ما حبت تقول انها خافت وكذا عشان ما يجلسون يتطنزون عليها البنات وتشره عليها خالتها *مرأه* وش كبرها تخاف إذا اندق عليها الباب !!x


خالتها بحنيه /ما عليك حبيبتي بس خلي بالك من الباب يمكن احد منا ولا منا يجي يسير عليك ويشوف علومشxكيف قايله يتطمن عليشx



عيوش بفرح /ابشرك حلوم خلاص مابنسافر للجنوب بعد اليوم وبنستقر هناx


حليمه بصرخه /صدق قولي والله

عيوش / والله والله ما اكذب

حلوم ضمتها وهي فرحانه واخيرا بيصير لها احد هنا ؛..

دايم وهي لوحدها من توفت امها وهي تجلس في بيتهم لحالها بعد ما كان ابوها معها بس الحين لا خلاص

ابوها تغير من لما ماتت امها وهو مو هذاك الاولي تغير ميه وثمانين درجه والفضل يرجع لأصحاب السوء

شوفوا كيف شايب عمره في الخمسينات يتأثر بشله فاسده فاسقه ما تعرف الحرام ولا العيب ..

بعد ما كان ابوها في احسن حال انقلب عليها وعلئ نفسه اهمل حياته واهمل بنته ..


حتى صلاته وعبادته اهملها بعد ما كان .... والحين صار .. (راح نعرف وش صار له وتغير بعد وفاة حرمته من خلال الأحداث الحين خلونا نرجع لحلوم)

حلوم/الحمدلله الحمدلله والله فرحت كثير كثير بستقراركم هناx

وربي ما تتخيلوا قد ايش مبسوطه فيكم وقد ايش انزعج لما تسافرون وتخلوني


ام محمد بحنان الام وهي إلّي لمحت الدمعه في عيون حليمة/يا قلبي وشلها من داعي الدموع الحينهx


عيوش وهي الدمعه في عينها /ايxوالله صادقه اميx


حلوم ما قدرت تمسك دموعها وانفجرت بالبكي والمصيبه بصوت عالي / والله العظيم غصب عني من يوم ما ماتت امي وتغير حال ابوي وانا لحالي..
انتوا ما تجون إلا في السنه حسنه ..والله ان افرح بشوفتكم وربي شاهد


نوير تضربها على ظهرها بخفيف وهي تحاول تغير الجو الكئيب في نظرها

تعرف امها وحليمان إذا انفتحت سالفه خالتها الله يرحمها يسوون عزاء ما عاد يسكرونها

نوير / أقول حليموه ترينا ضيوف عندك قومي جبيبي المويا والفناجيل

شوفي ذا الدلال انكسرت يدي وانا اشيل فيها وانتي ما صبيتيهاxلنا


حلوم ابتسمت وهي تمسح دموعها وتشوف الصواني والدلال إلي جايبينها خالتها وبناتها

حليمان / والله يا خاله ماكان كلفتوا على نفسكم وشهوله ذا كله؟.. الله يهديكم تعبتوا نفسكم والله


ام محمد بشوية عصبيه/أقول استحي علئ وجهك وش كلفتوا هذي؟! ما حبيتها منك يا حليمه لا تعاودينها مره ثانيه


حليمه ببتسامه / ابشري يا قلبي انتي بس لا نزعلين علي وهي تبوسها


خالتها /ههههههه، حبيبتي خلاص مني بزعلانه والحين قومي جيبي الفناجيل
خلينا نتقهوئ


حليمة وهي تأشر على عيونها/ ابشري من عيني ذي قبل ذي كم خاله عندي أنا؟

الخاله / تبشرين بالجنه يابعدي

قامت حلوم للمطبخ وراحت عيوش وراها أما نويرxو منور رتبوا الجلسه في الحوش

نوير وهي تناظر للسماء / ماشاء الله اليوم الجو حلو


منور بثقة / هذي بركاتي،، ولا الرياض من
متى جوها زين!!


نوير بتريقه /هالله هالله يابركاتكxاسكتي بس لا يقلب الجو عجاجxهههههههههههههههههههه� �هههههههههههههههههههههههه� �هههه


حلوم بترحيب وهي تشيل في الصينه /يامرحبا بكمxوالله ونورت الرياض

نوير ومنور كل وحده تسابق الثانيه بس طلعxصوت واحد / بنوري والله


نوير وهي تناظر منيره بغيض /نعم
تقلدين!؟

منور ونفس النظره / والله مدريي مين إلي يقلد الثاني

ام محمد بطفش /وش رايكم تنطمون انتِ وهيي؟ ماتملون اربعة وشرين ساعه هواش ومناقررر،، خلاص طفشتوني ترااا

حلوم وعيوش/ههههههههههههههههههههههههه ههههههههههههههههههههههههه هههههههههه

منور بغيض /ايه ايه اضحكي انتِ وياها،، وجعله بلا ضروس قولي آمين

عيوش ترفع لها حواجبها تبي تقهرهاا،، نوير بهمس /منورة بوجوووديي

منور بقهر / ارحمينا عاد يا اللمبه

الخاله /لا بنورك ولا بنورهاx

عيوش بلقافه /بنوري اناx

الخاله / ولا إنتي بنور اهلها .


نوير تشم في الهوا وتتلفت وكأنهاشمت شي وتدور للمصدر حقهx


منور / وش فيك كنك كلب بوليسيx
وش تشممين؟

/ههههههههههههههههههههههههه ههههههههههه
ههههههههههههه


نوير بقهر / كلب في عينك يالكلبه


حلوم / أجل وش تشمي ؟؟!!!


نوير / لا بس شميت ريحة حرق لان
جبهة بعض الناس انحرقت قبل شوي


عيوش / ههههههههه ايه والحين جبهتك إلي مولعهx
ههههههههههههههههههههههههه ههههههههههههههههههههههههه ههههههه !!


وكملت جلستهم علئ ذا الحال و كل ما فتحواxموضوع يسولفون فيه تناقروا البنات

وحلومxتشققت من الوناسهx
فرحانه بهم بالحيييييييييييييييييل












**************







في أحد أحياء الرياض الراقية






في بيت اختها تتكلم ،بقهر ، بحسرة،
بمرارة ، بوجع

..... /آخ يا قلبي يبي يتزوج علي بعد
ههالعمر كله يجيب له بزر ويحطها علئ راسي


أختها تهدي فيها وهي حزينه عليها جد صعبه بعد كل ذيك السنين يتزوج عليها / خلاص يا شيخه هدي ما يصير تسوي بنفسك كذاx


شيخه / اه يافاطمه والله من قهر قلبي .. لا وبكلxبجاحه جاي يقول أنا أبي ولد يشيل إسمي
وانتي مافيك غير البنات ..ليه هو بيدي ولا على كيفي ؟؟!x
ربي ما كتب لي اجيب عيال أنا وش ذنبي؟؟! ..وش ذنبي يمسخرني بين الناس ويشمتهم عليxلكن ماقول غير الله ينتقملي منك ياسالم ومن هالـ************ إلي بتجيبها فوق راسي وااااااه


فاطمه / هدي هدي وصلي علئ النبي
قولي اللهم صلي على محمدx


شيخه بوجع/عليه الصلاة والسلام الف


فاطمه / إيه صلي ع النبي واستغفري ربك
وهوxألطف بك وبيكتب لك الخيرx
إن شاء اللهx


شيخه وهي تبكي/والله محد يحس بوجع قلبي والله ما تحسون بهx
حسبي الله ونعم الوكيلx..حسبي الله عليكx
يا سالم حسبي الله عليك


دخل والقئ السلام بصوته الجهوري

/السلام عليكم ورحمه الله وبركاته

"استغرب امه دايم تجلس في الصاله إلي يمين المدخل على اساس اول ما يدخل يلف يمين من عند الباب يشوفها في وجهه بس الحين مو موجوده ..

والأكيد انها ما طلعت من البيت لان دايم أي مكان تبي تروحه لازم تعطيه خبر
x
أجل وينها؟! لايكون تعبانه وجالسه في
غرفتها..

تلفت في الصاله وهو يلقي نظره على الغرف المقابله وهو ينادي" / يمه يمه فطومتي وينك ؟؟!


فاطمه سمعت صوته /هذا حسام جاء وبصوت عالي هلاxيمه تعال هنا فوق خالتك عندي


حسام طلع الدرج متجه للصاله الداخليه فوق عند امه وهو يرحب /هلا والله هلا بخالتي وانا اقول البيت منور.. بزياده أثاري بنات الجازي متجمعين!! x


ام حسام /الله يحفظك حبيبي والله
النور كله صادر منك يا قلبي


حسام يبوس راسها /كيفك يمه؟!


ام حسام وهي تبوس كتفه بما انه اطول منها /الحمدلله بخير دامك جمبي وولدي انا بخير الحمد له خالقيxإلي رزقني فيك.


حسام / الحمدلله 'توجه لخالته يسلم عليها ' أفاااا ..أمxحسام وش فيها تبكي من إلي كره نفسه وزعلها هاه؟ من كيف يزعلون أمي الثانيه!!

هنا شيخه انفجرت بكي جاء كلامه علىى الجرح ..صح هي ما خلفت ولد بس حسام دايم يحسسها انهاxامه ويناديها بيمه
وكأنها امه الثانيه نفس ما قالx

وهي تحبه بالحيل واي شي تبيه هي وبناتها تطلبهxمنه
وهو ما يقصر معهم ابد وعادهم مثل امه وخوووواته












إلي هنا ونكتفي وبإذن اللهx
نكملها الخميس أو بعده وإن شآء الله نالت
إعجابكم وتقبلتوها راح تبديx
الأحداث ويالله حبيباتي لا تبخلوا علي
بردودكم وكلامكم الجميل إلي يشبهكمx



سبحانك اللهم وبحمدك أشهد أن لا
إلاه إلا انت استغفركxواتوب إليك.

اللهُمَّ أروهِ من الكوثر وأطعمهُ من خيرات فردوسك الأعلى يا أكرم الأكرمين، اللهُم تقبل أخي شهدًا وأجعله لنا شفيعًا، اللهُمَّ آمين يارب العالمين.
ردودكم




الفصل الأول ..أسفل الصفحة
الفصل الثاني ...أسفل الصفحة
الفصل الثالث
الفصل الرابع
الفصل الخامس
الفصل السادس
.