يامية مليون اهلا وسهلا
الله يتقبل منكم طاعاتكم ومبارك عيدكم ينعاد عليكم بصحة وعافية
سلافة القمر اشتقتلك والله
ياقلبي شوهالجمال والله انك اسرتيني من اول جزء بالسلسلة جد فخامة فخامة فخامة
كل جيل تحمسيني للجيل يلي بعده من اول الأجداد للأولاد للأحفاد هلأ صار عندي فكرة عن الكوبلز الجديد بالجيل الجديد بس للاسف قلتي انه هاد اخر جزء مابعرف إذا تطور الأحداث بيسمحلنا نعرف إذا رح يتحقق
اليوم انا جدا مبسوطة بظهور الملك حبيب قلبي عاصم الكبير يااخي تفهمه ونقاشاته وكلامه فخم مابقدر قول إلا أنه بعمري هاد بياسرني بمعنى الكلمه بشخصيته حواره مع أدهم حبيته جدا لو مهما قرأت بس يكون عاصم ماعد فيني احكي عن غيره????
الفصل الماضي وهاد الفصل حبكتهم آسرة حرفيا اكتر شي وجعني قلبي على العبقري ولما الأمير بيحكي لملك عليه ولما شفنا وضعه بالاسر عند المنظمة أو العصابة أو شوماكان المسمى لهالدرجة الهوس بالربح ممكن يخليهم يقضو على مستقبل شخص لمجرد رفضه يوافق على طلبهم جد شي بيقهر انه يعطبوله إيده يلي بلاها مهنته انتهت مارح قول مستقبله لان دماغه دهب مارح يغلب حتى لو إيده فايدتها قلت
كنت حابة اعرف بهالفصل اكتر عن ردة فعل باقي أعضاء المنظمة بعد مااختفى عادل وردة فعل الأمير ضدهم
المتاكدة منه انه رح يرجع كيف وايمت ناطرتك تخبرينا
حسام ردة فعله فاجاتني مع انه طبيعية بشكل من الأشكال بس هو كان بوقت أصعب متفهم اكتر لحتى بعد مايسافر يرجع يتذكر انه شكت فيه جد مافهمت موقفه
سهيلة الناعمة من قلبي بتمنى انه ترجع تسمع تستاهل هي من الشخصيات بالرواية يلي حضورها ناعم وسلس بس قوي
مازن وناجية شوصاير معهم ماكان في تفسير شوعمل مازن بس الواضح انه رافض وجود الطفل بشكل قوي يمكن إصابته وسبب موت أمه مأثر عليه بشكل أكبر ماكنت متصورة
حدا بيزعل الشوكولاته????
زيد ونبيل وتالية واسماعيل لوين رايحين، ياترى تدخل تالية بالموضوع رح يساعد ينحل الموضوع بشكل اسرع ولا رح تكون عبئ على نبيل وسير العملية خاصة انه القصة فيها ناس كتير كبار وهي ممكن تكون بالآخر ضحية
سليم الإمبراطور اسم على مسمى ضربة معلم كانت قاضية لانجي خلاها عايشة وهي هون ومو هون لاعارفة حالها عاقلة ولامجنونة ياشماتة قلبي فيها
واخيرا وليس اخرا أدهم وآسيا وجود يااخي مابعرف ليش الناس مابتحب أدهم والله انا بحبه رغم كل مغامرات وسيئاته يلي ماكتير شفتها بشعة في اولاد ناس عندن سلطة ومال تصرفو اسوء من هيك بكتير لحد هلأ شايفة تصرفه ضمن المعقول يمكن موكتير مقبول بس معقول وصدقا ما عمبررله تصرفاته بس شخصيته فيها من التعقيد يلي بيعجبني كشخصية برواية
يلي ماعاحبتني اسيا الكل وقفو ونصحوها قالتلا امها انه مارح تتحملي وهي عارفة ظروفه وماخبّا عنها شي كانت على دراية بادق التفاصيل يمكن ماحست بالشربة لوقت جربت وعرفت انه مارح تتحمل وانا معها بتفكيرها لانه فعلا صعب انه تتخيل وحدة تانية بنفس الوضع مع زوجها بس انا لومي عليها انه بتعرف وقال اكتر من مرة مابترك عيلتي وهي وافقت ماقدرت تخسر حبها المكتشف بعد سنين ليش بعدين صارت رح تكره نفسها إذا استمرت معه مايمكن لوهي بقيت جود رح تلمس الفرق فيه وتبعد بدون هالماساة يلي عايشة فيها وهنن عايشين فيها معها يا من الاول لاترضي يااما بعدين لاتقولي مافيني اتحمل
جود يلي الهجوم عليها قوي رح تجبر نفسها تبعد عن أدهم وصدقا صدقا احترامي لشخصيتها كبير مو اي انسان ممكن يبدي سعادة يلي بيحبه على سعادته هي كرمال سعادة أدهم لما شافته بهالوضع ماقبلت يبقى هيك بيقولو الحب تضحية اوالحب أنانية وانا برايي الحب الاتنين سوا بس جود كانت مضحية لابعد حد لما أدهم بيتذكر اول مرة شاف جود استعدت ذكرياتهم سوا من اول ماعرفو بعض (ياسي أدهم بيه) كتير مر عليهم ماتخيلت النهاية بهالشكل
أدهم ونوبات الهلع من أبشع الأشياء يلي ممكن تمر عالبني آدم لما بقرأ كيف بيضيق نفسه بختنق لان مريت فيها بشكل بشع وكنت حامل ببنتي الصغيرة كنت مارة بظرف صعب وانا حامل وانا بطبعي ماببكي ولابصرخ ولازم كون قوية لانه ماما بالذات كانت بحاجة دعم يلي حواليها
انكتم احساسي جواتي والحزن اكبر من اني اتحمله صارت تصيبني نوبات هلع بشكل متواصل كانت فترة عصيبة جدا والحمدلله مرت بس مشاهد أدهم بنوباته بتخنقني والله
وبالاخر حابة اشكرك ياقمر ابداعك مبهر أفكارك ترتيبك للأحداث قصصهم كل شي حلو ومميز الله يعطيكي الصحة وراحة البال ويسعدك بانتظارك دايما
تشكرات ❤️❤️❤️❤️❤️
|