[bambolina]

المشاركة الأصلية كتبت بواسطة princess sara

مساء الفل

اولا عذرا على التاخير يا نيفو
مقدرتش اعلق على الفصل اللي فات .. انشغلت جدا ومفضليش وقت خالص
بس انا قريته وكان روعه جدااا
حبيبتي ليس بين الخيرين غياب... اسنفقدتك بصراحة واستفقدت مشاغبتك اللزيزة وعفكرة راحت عليك التصبيرة ههههههه
وفصل النهارده لا يقل روعه عن اللي فات
يمكن يكون اجمد كمان

عجبني اسلوب كرم الجديد
انه اختار انه يجيي على نفسه ويكبت كل اللي حاسس بيه وبيألمه عشان يتفاهم مع غزل بهدوء ويحسسها بالامان
بس للاسف مطلعش منها بحاجه
بس على الاقل انه حسسها بالامان شويه ومعاملته ليها اتغيرت
وبقى فيه بينهم كلام وحوار زي اي اتنين
بس ايه قصد غزل بالكلام اللي قالته ده
" يريد أن يأخذ لها حقها.... ألا يعلم بأنّ حقها قد أخذ ومنذ زمن طويل "
معقول السبب في معاناتها ومعاناه كرم
اتحاسب وخد عقابه ؟؟
طب ازاي ؟؟ ومين اللي خد حقها ؟؟
هي نفسها ؟؟ ولا ربنا عاقب الشخص ده وخلاص ؟؟

" ولكن ما باليد حيلة وما يطلبه منها مستحيل... كيف تخبره بما لا يتعلق بها وحدها؟ كيف تريحه ورقبة غيره مهددة بالمصقلة "

وكمان قصدها ايه بالكلام ده ؟؟
هي خايفه على الحيوان اللي عمل فيها كده ؟؟
هو قريبها ؟؟ ولا قريب كرم ؟؟
ولا يكون هددها انها لو قالت حاجه هيموت حد من عائلتها ؟؟
ههههههه أكتر مرة أحس حالي فيها مهمة وانتوا محتارين يا عيني!!!
سراب العبيطه بقى
طبعا مش مصدقه اللي هيا فيه وخايفه لتكون بتحلم
انا كمان مقلقه لتكون بتحلم وتصحى على كابوس
انا شايفه انها اتسرعت لما اعترفت لاحمد انها بتحبه
كده كده هو عارف انها بتحبه وبتموت فيه
بس كانت تحتفظ بالاعتراف ده لحد ما تسمعها منه الاول
هي لما حاولت تعرف اسباب طلاق احمد هرب منها ومقالش حاجه
مع ان ده حقها ولازم تكون عارفه كل حاجه
بس شكله اكتفى انها بتحبه ومستعده تعمل اي حاجه عشان تبقى معاه
هو اه شكله بيحبها وكل حاجه الا انه لازم يعترف ويصرح بده
وكمان شكله غيور ومش هيتقبل اصحابها
وعرف يأصر عليها وتنسااهم وتركز فيه هو
اه يا لئيم
دة انت كهين كهن يا راجل انت!!
ابو كرم متعاطفه معاه جدا
يعني رغم ان كرم جاله لحد عنده وباس رأسه واعتذرله
الا انه عارف ان ابنه لسه شايل منه ومش ناسي اللي عمله معاه
وكمان حاسس بالذنب لانه شايف انه السبب في كل اللي حصل
انه اتخلى عنه وهو صغير واتربى بعيد عنه
بس مش ذنبك يعني ولا انت كنت قاصد كده
اللي حصل حصل بقى

وطبيعي ان سراب يطلع من بوقها اللي مش متحكمه فيه ده كلام زي الدبش
بس هي كانت في دينا تانيه اصلا واكيد مش هتاخد بالها من كلامها
والنتيجه انها جرحت غزل بكلامها
بس مش مشكله مادام كرم معاها وهيداوي جرحها
عجبني اوي مشهد كرم وهو واخدها في حضنه وبيخفف عنها
وفي الاخر فضل حارسها من كوابيسها بعينه اللي مش عارفه طعم النوم
امتى هيجي اليوم اللي تنام فيه قرير العينين ومرتاح كده
يا عيني عليك يا ضنايا.... متخافيش لكا ينعس هينام!!
وبالنسبه لاحمد يارب ام سراب وابوها
وامك وابوك
يطبوا عليكوا :f_031:
يلا عشان سراب تتعلم تحافظ على لسانها ومترميش الدبش ده
ههههههههههه ايه الحركة اللئيمة دي... اهو معاه من عنا اليوم السبت اللي جاي يكون هراها بوووس
تسلم ايديكي على الفصل الرائع يا نيفن
ومعلش اعذريني على عدم تعليقي على الفصل اللي فات
في انتظارك ان شاء الله

وصحيح انا خدت بالي من المعلومه الجديده اللي بتلمع ولا لا

الكل تقريبا خد باله... سؤال سهل .. المرة الجاي راح اصعبه!!!
حبيبتي سارا لا تبقي تغيبي بنشتاقلك وتسلميلي على وجودك وعلى فكرة راحت عليكي تصبيرة يوم الخميس!!