روايتي الاولـى ماعلى الدنيا من بعدك حسوف ... مكتملة

[~sẳrẳh]

مشاعل ... كتابه جيده

لكن لي ملاحظة على ضياء

المفروض ضياء تصير اكثر حياء من كذا لما تقابل رجل اجنبي عنها ..

لان ديننا ولا مجتمعنا مايسمح بهالتصرفات ..

موفقه .. مشاعل

[مشإأعل✿]

هبة .. اشكرك على متابعتك وتعليقاتك التي اسعدتني كثيرا..

زهرة البنفسج.. اسعدني وجدك الذي يفوح عطرا بمتصفحي..

soon..حبيتي اعجبني اطراءك..نعم لكني حبيت اوصل الفكرة بين الفرق بين تربية اخوات ضياء وتربيتها الفري هكذا كنت اريد ان تصل المعلومة..

[مشإأعل✿]

الجــــــــ الســـآ بــــــ ع ـــــــزء

-عـــــلى بركة الله من اليوم انت موظف بشركة-

مشعل:تسلم يايبه وماتقصر

ابوفهد:ولو اذا ماساعدتك من بيساعدك وانا ابوك

بعدين لاتنسى انت ولدي الي ماجبته

مشعل:اتعب وانا اقولك مشكور

×××××××××××××××

على السفـــرة المتواضعه ببيـت سلطان واخوانه

محمد:انا بدور لي على وظيفه

سلطان:زينى واللهي

تركي:وين بتلاقي بالله

محمد:ادور باكر بروح لشركة ونشوف

سلطان:الله يوفقك

ليلى:الا تفكــنا من عطوني عشرة وعطوني عشرة

ندى:الا قصدك يعتمد على نفســــــه

ليلى:نفـــــس الشي

سلطان:ليلى اليوم اتصل علي عامر

ليلى:ويش عنده

سلطان:يقول انه قدم على بعثه خارج المملكه

ليلى:ليــــــش هو قال انه بيقدم بس هون

سلطان:لا يقول لازم نقدم موعد الزواج ولا بعد ماارجع

ليلى بضيقه:كم بيجلس هناك

سلطان:اوووه مشوار اولا بيتأسس لغه بعدين يبداء دراسه ويجلس تقريبا خمس سنوات

ليلى:ويبيني استناه خمس سنين

تركي:مالك الا تقدمين موعد عرسك

ليلى:بس انا منظمه نفسي على انه بعد ثلاث شهور

محمد:عاد الرجال بدرس والزم ماعليه نفسه

ليلى:بس اذا تزوجنا بسافر معه

سلطان:ايه

ليلى:بس انا ماابي

ندى:منها تغيرين جو وسيـــــــــاحة

تركي:صح اول مره تسافرين غيري جو هناك

ليلى حســة بضيقة صدر انها بتبتعد عن اهلهـا

وهم مايقدرون هــذآ الشيء فقامت

من عالغداء وراحت غرفتها وطلعت جوالها وكلمت عامر

ليلى:الو

عامر:هلا وغلا بقلبي

ليلى:هلافيك شلونك

عامر:بخير يوم سمعت صوتك

ليلى:عامر صدق انت بتسافر

عامر:ايه علشان كذا بقدم زواجنا

ليلى:بس انا ماابي اسافر

عامر"وش ذا النشبه":حبيبتي انتي اذا سافرتي بتشوفين العالم ووو

وبــداء عآمر بأقناع ليلى اللي لحد الان يحاول هو يقنع

نفســــــــه انها خلاص بتصير عما قريب زوجتـــه

×××××××××××××××

ضياء طلعت من الجامعه

ورآحـــــت لابوها بالشركة لانها مصممه اليوم

انه يتغدى معهم

ضياء اول مادلخت الشركة لقت مشعل جالس على

مكتب السكرتير بجنبه رجال اجنبي الجنسية

يقراء له ملف قدامه وضياء تطل في وجهه تبي تتاكد هو مشعل

ضياء:مشعل

مشعل رفع راسه ورمى الملف:عيـــــون مشعل

ضياء بابتسامه:وش جابك هنا

مشعل:ماتبيني يعني>وسوا نفسه حزين

ضياء صدقت:لالا والله مو قصدي بليز انا قصدي انت تشتغل بالمحل

مشعل:ايوا بس تركت الشغل وجيت اعمل هنا

ضياء بفرحه:وآآآآآو يعني متى مابغيت اشوفك اجي

مشعل:هههههه انتي لو بغيتي اجيك بيتكم

ضياء:احم ابويي موجود

مشعل:فديت الي يستحون

ضياء:مشعـاااال

مشعل:ههههههههههه ايه جوا

ضياء دخلت لابوها ومنرسمه على وجهها ابتسامه عريضه

××××××××××××××××

قــــــآمت من النوم مكسله ونآظرت الساعة بغت تنهبل

جميله:وجع للحين انا نايمه

ليلى:همممممم

جميله قامت وغسلت وتوضت وصلت الفروض الي عليها

ونزلت تحت لقت رائد وحلا يناظرون التلفزيون

جميله:وخريييي

حلالا:بشوف هذا الفلم

جميله:وخري مابقى الا افلام الكرتون بس

حلا:والله لااعلم امي

جميله:انقلعي!!!!

حلا:كـــــش عليك

جميله قآمت وضربتها ضربا مبرح وراحت حلا لامها تصيح

وجميله راحت المطبخ تسوي لها قهوة

×××××××××××××××××××××××

ندى: وش فيك حلا

حلا:جميله ضربتني

ندى:جعـــــل مابه جميله

رائد:يمه ابوي يبغاك تحت

ندى وتمسك يد بنتها:تعابي معــــــاي

نزلت وكان فيه تحت سلطان وجميله وندى وعيالها

وليلى اما تركي ومحمد فهم خآرج المنزل

سلطان:انا جمعتكم اليوم اقولكم خبرين

الجميع:....................... لارد

سلطان:الاول اني انا وعيالي بنطلع من هالبيت

ندى نطت:والله سلطان

ليلى:عادي انا بتزوج وبروح عنكم

جميله:.......................

سلطان:صديقي سافر وباع بيته وانا شريته من مادفعت المبلغ كامل

له بس بكمله انشاء الله ولكن من بكره بنبداء النقل

رائد:وناااااااسه

حلا:ماعاد فيه جميله ومحمد ههههههه

سلطان:عيب ماما

ندى:وشو الخبر الثاني

سلطان:فيه معرس تقدم لك ياجميله

جميله:وشوووو

سلطان:انخطبتي يابنت

جميله: من انا من خطبني

سلطان:فلاح ولد جيرانا

جميله:لالالالا

ليلى:فــــــــــــــــلاح ماغير

سلطان:ايه فلاح

ندى:وانت وافقت

سلطان:انا وش دخلني هو خطب جميله موب انا

ليلى:انت انهبلت هذا اكبر عدو لاخوي محمد

جميله:تبغاني اتزوج فلاح الي دخل اخوي السجن

سلطان:جميله هذي سالفه قديمه ومحمد وتركي نساها

جميله:بس انا ماابي فلاح

سلطان:اسمعي انتي منتي صغيره عشان تتنعفقين=تتشرطين

احمدي ربك ان واحد زي فلاح خطبك

جميله:ادري بس محمد

سلطان:انتي موافقه عليه ولا لاء

جميله:اممممممم

سلطان:اذا وافقتي محمد دواه عنــــدي

جميله:خــــــلآص انا موافقه اجل

ندى:بهالسرعه ماصدقتي احد يخطبك

جميله:مالك دخل

ليلى:طيب جميله بتتزوج انا كذلك وانتوا بتطلعون ومحمد وتركي

سلطان:لاجاء وقتها يحلها الف حلال

××××××××××××××××

فــــــي بيت فايز اخوا ابو فهد وابو سعود

دينا:امجـــــــاد امجــــــاد

امجاد:سمي عمتي

دينا:بعد المغرب بمر ملاك وضياء تجين معي

امجاد:امم ليش بتروحين

دينا:بروح مشغل نحجز لزواج اخوك

امجاد:بس زواج ماجد بعد اسبوع

دينا:ميب شــــــويه

امجاد:اوكي اوكي قبل لاتروحين خبريني عشان اجهز نفسي

دينا:خـــــــلآص


×عـــــــائلة فــــــايز ×

فايز"ابو علي" رجل اعمال كبير مغرور ومتكبر وهو شريك عزام عم مشعل

ام علي متــــــــوفيه من ثلاثه سنوات

علي 24سنـــــــــة

مـــــاجد 22 سنة

فــــيْ 21 سنــــــــــة

امجاد 19 سنـــــــــة



بالاضافه الى العمه دينـــا عمرها 25 سنة ساكنه عند اخوها

بحكم ان ماعنده من يهتم بعياله مدرسة مع سارة

××××××××××××

فيْ:بتروحين مع عمتي

امجاد:ايه بروح

فيْ:اف ياكرهي لملاك وضياء

امجاد:انا احب ملاك بس ضياء لاء

فيْ:طبيعي لانها مو بنت عمنا

امجاد:ومغروره وشايفه نفسها مصدقه انها بنت سعد ال..........)

فيْ:هههههههههههه معاك حق

×××××××××××××××××

ضيـــــاء صحت من النوم على اذان العشاء

توضت وصلت نزلت تدور امها بالبيت مالقتها

ضياء:خلني البس قبل ماتجي عمتي ومليك

لبست بنطلون جنز اسود وتيشرت احمر واساور ملونه

وشعرها شادته من الامام ومن وراء تفخه

حطت عبايتها على جنب وجلست عالسرير وفتحت الاب توب

دخلت المسن المتصلين 9جهــــــات

نط لها واحد

-هلا بالقمر

-هلا فيك من انت

-افااا نسيتيني

-اها فصول ههههههه سوري

-لا عادي اشخبارك

-تمام الحمد لله كيفك انت

-دوووم ,تمام ياقلبي ممكن طلب

-امر

-مايامر عليك عدوو ابي اشوفك كام

-لا على بالك اني من اياهم

-لا مع احترامي انسي خلاص

-لا ايش دعوةتحطها بخاطرك

-ويش قصدك

قطـــــعت عليهم نغمه موبايل ضياء

ضياء:الوو

دينا:هلا ضيو انا تحت

ضياء:اوك نازله

-بررررب

-تونااااا

-اقبالك باليل

وطفــــت الجهــــــــاز ولبست عبايتها ونزلت

ضياء:هلا عمه هلا امجاد

دينا:هلا امك بالبيت

ضياء:لا صحيت وماكانت موجوده

امجاد:اهلين

ضياء:كلمتي ملاكوه

دينا:ايه تقوا اللحين بنزل

ضياء:كدينا خير

شويه وينفتح باب فلــــــة ابو سعود وتطلع ملاك وريماس

ريماس راحت قبلها وملاك تمشي حبه حبه على هالكعب

ملاك:لاه وين اركب انا

دينا:قدام

ملاك:لا ماابي زحفوا لي

ضياء:مايكفي اربع حنا

ملاك:وحده تنقز=تنط وراء بسرعه

دينا:انا مستحيل

ضياء:لا تناظريني

امجاد:تبطين عظــــــــــم

ريماس ترفع راسها وتصفر

دينــــــا:خلصينا وركبي قدام

ملاك ركبت تتحلطم

وحرك السواق السيارة

امجاد:شغل المسجل

السوق:حاضر ماما

شغل لهم اغنية ابــــوس راسك يازمن علي بن محمد

أبــــــوس راسك يازمن ماعاد فيني للجراح

خلاص يكفيني

اسى ابوس راسك يازمن

يامكثر ذنوبك معي

ماكل ذنبا لك يباح

انقول زعلت وش تستفيد وش مكسبك من ذا الحزن

استسلمي يآعزتي لاصآرت ايامي سـلآآآح

وكــان نفسي اسعدك بس الليالي طولـن

انا حاولت اشعل شمعتي

بس المصيبهـ فـالرياح

لاهن بالي نورن ولاهن بالي انطفـــن

اخترت في الدنيا ثلاث الستر وانصاف وصلاة

وكرهت في الدنيا ثلاث لا ولايـمكن ولـن

حبيت في الدنيا ثلاث

الفـن وامي والصبــآآآح

وحلفت لا مااخون الثلاث انتي وجآري والوطـن

والكـــــل كــــان يفكر وسرحآن على انغام تلك الاغنية

×××××××××××××××

كان منسدح على السرير على ظهره وبيده صورة ابوه

كـــــان وده يبكي بس عنده مبدئ بالحياة الي يصيح حرمه

مو رجـــــال كان ذا تفكير مشعل

وكان بتوعد بعمه الي ماجاب خبره

هـــذي هي حياة مشعـــــل فـهل من جديد

×××××××××××××××××××××

سعود:الله يهديك يمه ليش سويتي كذا

ام سعود:لمصلحتك

سعود:ليش قلتي لخالتي

ام سعود:علشان تنسي ضياء

سعود:اللحين اختك بتفكر اني احب بنتها يااا الله

ام سعود:انا مابيك تتزوج ضياء

سعود:انا قلت لك اني بتزوجها اللحين

وطلــــــع سعود معصب وصفق بالباب كاد ان يسقط

مقهور من تصرف والدته الصبيــاني

[مشإأعل✿]

الجــــــــــــ الثــــــآمــــــــن ـــــــزء

طلعوا البـنــــــــات من المشغل بعد ماحجزوا

دينا:اليوم بعشيكم على حسابي

البنات:موافقين<اكيد يبي لها مشاوره ذي

راحوا على المطعـم ودخلوا

ضياء:عن اذنكم بروح دورة الميــــــاه

راحت ضياء دورة المياه وغسلت يدها

وبدت تعدل قلوسها الا كانت بجانبها حرمه

تناظرها نظرات تفحـص مو كبيرة كانت شابه

ضياء حاولت تتحشى نظراتها وتطلع

الا وتدخل عمتها

دينا:ضياء,هـــلا سـارة

سارة:هلا دينا كيفك

دينا:تمام اش جايبك هنا

سارة:واالله اخوي عازمنا على العشاء

دينا:بالعافيه

سارة:هـذي بنت اخوك

دينا:ايه بنت اخوي سعد

سارة:هو ماكان عنده عيال صح

دينا:اي بس جاته بنت اسمها ضياء

ضياء تصافح سارة:آهليـن

سارة:هلا والله

دينا:يالله عن اذنك تعالي ضيــــــاء

سارة (ياربي تشبه ضياء حتى لو صغرت الملامح بتشبهها

معقـوله تكـون هي لالا هي بنت اخوها )

×××××××××

محمد:وشـوو يعقب ياخذ اختي

سلطان:جميله موافقه انت وش دخلك

محمد:جميـلوووه موافقه

سلطان:اف ايه موااافقـــــــه

محمد:طيب انا موب موافق

سلطان:موب لازم توافقت
محمد:لا انا اخوها ولازم اوافق

سلطان بهدوء:محمد جميله اختك مامعها الي شهادة ثانوي

ودفشـه ماعندها اسلوب ولا تهتم بمظهرها ولا طريقة كلامها

انت شايفها ماعندها مفردات لغوية زي سارة ليلى ندى بنتي

حلا البرز تتكلم البق منها يعني لو مازوجتها فلاح

ماراح تتزوج

محمد:..........................

سلطان:وش قلت شف حتى هي حست بذا الشي ووافقت ماضيعت

هالفرحصه من يدها

محمد:بس فلاح اقشر وشراني وبلاويه كثيرة

سلطان:صدقني جميله بتغيره

محمد:كيف اذا ماغيرت نفسها تغيره

سلطان:لا تسألني كيف بعدين هم فيهم اشياء متشابهه

يعني وافـق شُن طبقه

××××××××××××××××××××××××× ××××

مر الاسبوع تجهيـزات لعرس ماجد

وجاء اليوم الموعود يوم زفاف ماجد

في القاعه كل العائلة وصلت

دينا:انا بروح اجيب ساره

امجاد:جت

دينا:ايه واقفه عند الباب

على طاولة عـائلة ال............

منى وضياء ام سعود وبناتها امجاد وفيْ ولطيفه اخت ام سعود

سارة انضمت معهم على الطاوله هي واختها سلوى

سارة كانت مقابيل ضيـــــاء تماما وكانت تشوف التشابه

بينها وبين ضياء الي شافت قبل عشر سنين

ضياء كانت لابسه فستان حفر وردي وناعم وشعرها فالته

ومسيحته ومكياجها حده نــــــاعم

سارة كانت تناظر كتفها الايسر الي عليه زي الحرق

سارة بينها وبين نفسها"هالوحمه كانت بيد ضياء لما كانت

تلعب مع جود وطاحت المبخره عليها وحرقتها

حتى لون شعرها نفس اللون هو هو واصابعها الوسطى

الي باليد اليمنى واليسرى كانت مايله اليمين لليمين واليسار لليسار

زي ابوها ولدها عبدالملك وتركي اصابعهم كذا

ولون عيونها مثل عيون امها معقوله تشابه يوصل لذي الدرجه"

قررت سارة تقطع حبل شكوكها وتروح تسال دينا

سارة:دينا ابيك شوي بكلمة راس

دينا:ايه تعالي

سارة:اخوك سعد ماكان عنده عيال صح

دينا:اي بس الله رزقه ببنته

سارة:لا ضياء موب بنت اخوك

دينا:سارة انتي وش قاعده تقولين

سارة:قولي لي الحقيقه واقولك

دينا:ايه هي مو بنت اخوي متبنيها

سارة:اسمهـا كان ضياء من اول وهي جت قبل عشر سنوات

دينا:ساره انتي تعرفين شي

××××××××××××××××××××××××

ليلى:ضايق خلقي ماودي اسافر

جميله:احسن لك ياهبله

ليلى:طيب بس ماابي اترك بلادي

جميله:تراك بترجعين منتي ميته هناك

ليلى:هه مالت علـيــك

×××××××××××××××××××××××

دينا:معقـوله ضياء هي بنت زوجك

سارة:انتي مو تقولين اسمها كان ضياء عبدالله مساعد ال...

دينا:ايه هو اسمها كذا

سارة:واسـم زوجي كـذا وعيالي

دينا:اسمعي بكره تعالي العصر ونتفاهم

سارة:بس انا لازم اقول لاخوانها

دينا:انتي مهبوله

سارة:لا بس هذا الحــــق

مـــــر عرس مـــــاجد زي كل الزواجات

×××××××××××××

اليوم الثــاني

ابوفهد:وشوووو دينا انتي صاحيه

دينا:ايه وقالت انها بتقول لاخوانها وبتجي

ابوفهد:اجل مالنا لاانتظارها

××××××××××××××××××××××××

كان الكل مجتمع بالصالة

ورن الجــرس

سلطان:رائد رح افتح الباب

رائد:طـيـب

راح رائد ثواني ورجع

سلطان:من؟

رائد:سااارة

جميله:ســــــــــــــــــ� �ــــــــــــوير

سارة:السلام عليكم

الجميع:وعليكم السلام

سارة:شلونكم

/طيبين الحمد لله

محمد:وش عندك وحشناك

سارة:ههههههه عندي موضوع اتصور يهمكم

ليلى:تفضلي نسمعك

سارة:اقول عادي

سلطان:ندى خذي عيالك وروحي فوق

راحت ندى ودخلت عيالها ووقفت تتصنت من عالدرج

سارة:انا جايه اكلمكم بموضوع يخص اختكم ضياء

تركي نط:ضيييياااء

سارة:اي انا عرفت مكانها وين

سلطان:وشلون ووين

سارة بــــــــدت بقص القصـــــــــــة

×××××××××××××××××××××

في بيت ابو فهد الخدامه

:بابا فيه هرمه ورزال ابقى انتي

ابوفهد:دخليهم

سارة:السلام عليكم

دينا:تتغطى بجلالها:هلا فيك تفضلي

سارة:هلا ابوفهد

ابوفهد هز راسه

سارة:هذا سلطان اخو ضياء الكبير

ابوفهد:تفضلوا سلطان انت اختك كان اسمها ايش

سلطان:ضياء عبدالله مساعد ال...

ابوفهد:كم كان عمرها

سلطان:تسع سنين واللحين تسع طعش

ابوفهد:وكيف انحاشت

سلطان:كنا نتهاوش وهي كانت واقفه عالدرج وبعدها دورانها ماحصلناها

ولقينا باب الشارع مفتوح وعرفنا انها طلعت منه

ابوفهد:لو بتشوفها بتعرفها

سلطان: اكييد

ابوفهد:ناديها

دينا:ضيـــــــــــاء ضيـــــــاء

نزلت ضياء بتنوره جنز طويله وتيشرت احمر عليه جيكيت ازرق

ورافعه شعرها

ضياء:ســـــــم يبه

ابوفهد:هذي هي

سلطان جلس يطالع فيها يصغر الملامح نفسه هي هي ماتغيرت

وقبل لا يتكلم

ضياء:انت سلطــــــــان

سلطان:ايه انا سلطان اخوك

ضياء:يبه شسالفه

ابوفهد:تعالي اجلسي جنبي يبه

دينا:ذكرتيه ذكرتي اخوك

ضياء:انت سلطان ذاكره وجهك

ابوفهد:لازم نروح المستشفى نحلل الدم

××××××××××××××××××××××××× ××

الدكتوره:الجينات متطابقه فعلا هوا اخوها

سلطان:كنت متاكد من ذا الشي

سارة:حتى انا حتى انا

ضياء:ابي اشوف اخواني ابي اشوفهم

ابوفهد:روحي يابوك بس لاتتاخرين

ضياء:طيب طيب يبه

ذهـبت ضياء برفقة سارة وسلطان

فرحه تحلق فـ سمـــــاء من الفرحه فهذا هو اليوم الموعود

اللقـــــاء بينها وبين اشقتها اللذين غادرت

وتركتهم وكانت تتذكر ملامح وجه مل شخص

فهـل تغيرت كما تغيرت ســــارة ام بقت كما بقي سلطـان

[هبة]

مشكورة مشاعل على البارتين ...


إستغربت تقبل ضياء لأخوها سلطان هكذا بكل بساطة و أيضاً مشاعر أبو فهد و لامبالاته >>> كنت أتوقع أن يعارض و يحاول أن يخفى لا أن يعترف بكل بساطة و يوافق على تسترجع ضياء علاقتها مع أخوتها ...



مشاعل متابعاكى و شكراً لك

[زهر البنفسج]

مشاعل بارتين روعة تسلم ايديك يا غالية

اتوقع ابو فهد عمل كدا حتى لا تبعد عنه ضياء

لا عصب ولا مانع لانه دول اخواتها مهما حصل وكان

وهو من قام بتربيتها هو وزوجته ولا يجب ان يخسروها

فهى بالنسبة لهم الابنة التى اضات لهم البيت والدنيا

مااجمل لقاء الاهل بعد غياب دام عشر سنوات

مشاعل متابعكى وبانتظار باقى الاحداث

دمتِ بكل الود والمحبة

[مشإأعل✿]

هبة..شكرا لك ياعزيزتي وعلى مابعتكِ لي ولا شكر على واجب ومتابعتكِ اكبر شرف الي

زهرة البنفسج..الله يسلمكِ عزيزتي انتي فاهمتني صحيح انا حبيت اوصل الفكرة هكذا اتمنى انها وضحت لجميع مثلما توضحت لكِ

ولكنني اتمنى اكثر تفاعل من الجميع

[مشإأعل✿]

الجـــــــ الـتــــــــــــآسـ ع ـــــــزء

دخل سلطان البيت وراه سارة كان الجميع مستغرب وينها

فجـأه دخلت ضياء

سلطان:هذي اختكم

محمد:متــــــــأكد هي اختنا

سلطان:والله يله ياضياء نشوف ذكاءك عديدهم لنا

ضياء:هذا محمد وهذي ليلى وهذي جميله وهذا تركي

تركي راح وضم ضياء بشوق:دلوعــتي الحمدلله على رجوعك

ضياء:ماتتصور قد ايش وحشتني ياتركي

محمد يبعد تركي عنها:وخر خلنا اسلم عليها اختــــــــــييي

ضياء ببكاء:خلاص اللحين ماعاد تضربني

محمد بكى معها:تنكسر يد قبل اسويهـا

ضياء:بسم الله عليك

جميله:ضـيــــــــــــــــ� �ـــااااااااااااااااااااا� �اااااااااااء

ضياء:جميلوووو ههههههههههههههه

جميله وتضم ضياء لين كسرت ضلوعها:وحشتيييييييييييييي� �ااااا

ليلى قربت منها ومسكت يدها:فكرت ماراح اشوفك بعد

ضياء:هذا انا رجعت لكم

سلطان:هذي زوجتي نــــــدى ماقد شفتيها بس هي تعرفك

ضياء:اهلا ندى

ندى:هلا بك الحمدالله على سلامتك

ضياء:الله يسلمك

بــــــدت ضـيـــــاء تحكي لهم عن حياتها وهم بادروها

بالحديث

××××××××××××××××××××××

دخل مشـعل البيت توجه لغرفة امه انصدم

من الي شافه امه طايحه على الارض وبجنبها علاجها

وكاس المويه راح يركض لها

مشعل ينفضها بقوة:يـمممممه يمه الله يخليك ردي علي

لم تستجيب ام مشعل لنداء مشعل فهم بحملها

وتوجه مسرعـــــا الي المشـفى

××××××××××××××××××××

جاء ابوفهد ومنى المستشفى

ابوفهد:وش فيها امك

مشعل:مدري يايبه مدري جيت لقيتها طايحه

منى:انشاء مافيها شي

مشعل:يـــارب

طلع الدكتور بعد عدة دقـــايق

ابوفهد:هاه بشر يادكتور

الدكتور:اسف استاذ مشعل البقى براسك

منى حطت يدها على فمها بدهشــــة

ابوفهد الوحيد الي كـان ماسك اعصابه عشان مشعل

اما مشعل صحيح مانزلت دموعه لكن نزف قلبه

دم ودم ودم

×××××××××××××××××

العـزاء في بيت ابوفهد

مر اليوم الاول عــــزاء حزين

ثاني يوم المغرب

دخل رجـــل طـووويل عـريـــــــض

ومعه اربع حـراس

وقف قبال مشعل بالضبط

مشعل وقف بصدمة:أنــت

عزام:ايه انا عـــــــــزام

مشعل:وش تبي جاي

عزام:اولا اعزيك بامك واقول عظم الله اجرك

مشعل:مانبي تعزيتك

ابوفهد:عيب يامشعل ,اجرنا واجرك

مشعل:هئ ذا اذا كان فيه عنده اجر

عزام:ثانيا اقولك امك ماتت وماصار لك سند بالحياة

ابوفهد:لا انت تخطيت حدودك ياعزام وانا وين رحت

عزام:هههههههه انت شل نفسك وبعدين شله

مشعل:هذا ابوي الثاني وحقي باخذه منك باخذه

عزام حط اصبعه على خد مشعل:ورني كيف ياشاااطر

مشعل يبعد يد عزام عنه:اوريــــــك شلون

وقــــام مشعل بيضربه والناس يمسكونه وحراس عزام هجموا

عليه وعزام طاح شماغه

عزام:بس خلوه انا اوريك من عزام يامشييييييعل

ابوفهد:هد اعصابك واناابوك

انتهــــــــى العزاء وكان مشعل يبي يروح البيت

بس ابوفهد لزم انه ينام عندهم حط لــه غرفه

مشعل:من بقى لي بهالدنيا من

××××××××××××××××××

الــ

ع ـــمر لارحت مــــايسوى والله مايــــــــــسوى ×

×خــــذ روح ـــي خذ قلبي يـــــاهنيـــــآلي

لك حيـــــــاتي ياغـلا فدوه كلي لك فدوهـ ×

×عشقي هــيامي حبي البـــــــ

آقي

ولــــ ع ـتني سهرتني يامنيتي بحبكـ ×

×دامي انا مــيت عـــنا بمشي انا بدربــكـ

سعـود:آآآهـ وش سوت امي انا لازم مااوافق

واتزوج غدير انا ابي ضيـاء ضياء وبـــــــــس

××××××××××××××××××××××××× ×

اليوم التـــــــالي بعد صلاة العشاء في بيت سلطان

فلاح جاء ويا اهله يخطبو جميـله

كانت ام فلاح وبناتها فاطمة وابتسام بالمجلس

وليلى جالسة معهم

وندى عـند جميله عطتها تيور من عندهـا لون اسود على لمعه

ذهبيه حطت لها مكياج وسوت شعرها لبست كعب غيرت

شكلها مية وثمانين درجة

دخلت عليهم بصينية القهوة

جميله:تفضلي خالتي

ام فلاح تنحت فيها معقوله ذي جميله:زاد فضلك

ابتسام:مشكور

فاطمة:الله يعــــــافيك

ام فلاح:ماشاء تهبلييين

جميله:شكرا

ام فلاح:حنا جاين اليوم نخطب جميله لولدي فلاح

ليلى:حنا موافقين بس ننتظر رد الرجـــــال

جاء سلطان وقال لندى تقولهم ان كل شي تمام

ام فلاح:كلووووووووووووش

فاطمة:شوفوا حنا بنخلي الملكة والزواج بيوم واحد

ليلى:يكـــــــون افضل

ام فلاح:متى تبونها

ندى:خلوها بعد اسبوعين على جيت العطله

ابتسام:بـــــــس يوم الخميس

ليلى:وين فيه

ام فلاح:نستأجر استراحة ويكون عايلي بينا وبينكم بس

ليلى:على بركة الله

راحت ام فلاح وبناتها وندى راحت حجرتها وليلى نفس الشيء

وجميله صنمت قدام المرآيا تناظر شكلها<فرحاااااااانه خخخ

وهكــــذا الحيــــــاة نـــــــآس حزينة وناس فرحـــــــانة

××××××××××××××××××××××

في مكـــــان غير وجو غير حزن وكأبة

كان اخر يوم مافيه معزين كثير مشعل راح بيتهم

وابوفهد بمكتبه ومنى نـــــايمه

وضياء بغرفتها مسكت جوالها واتصلت على بيتهم

ردت حلا

حلا:الووو

ضياء:هلا حلوو

حلا:ايه من انتي

ضياء:عمتك ضياء وين جميله

حلا:واقفه قدام المرايا مثل المجنونه

ضياء:عيييييب ناديها

جميله سحبت منها السماعه:هلالالا ضياء

ضياء:هلا اخبارك

جميله:تمام شلونك انتي

ضياء:تمام سامحيني ماجيت اليوم كان عندنا عزاء عارفه

جميله:عادي بس العرس تجين

ضياء:هههه اكيد

××××××××××××××××××××××××

ملاك:يمه انتي صدق خطبتي غدير لاخوي

ام سعود:ايه

ملاك:ويع ليش هو مايبيها

ام سعود:مو على كيفــــــه

ريماس:اجل على كيفك انتي

ام سعود:ايه على كيفي أنـــــــــــا

××××××××××××××××××××××××× ××

دخل علي الـبيت الي يكره يدخله كبير قصر

ولكن مامن ام ولااب مافيه من يخاف عليهم ويهتم بهم

عمته دينا ماقصرت معهم بس ولو الام غير غير

دينا:جيت تبي تتعشى

علي:وش عشاكم

دينا:اممممم الي هو بس تعال

علي:هههههههههههههه

كم احب علي عمته اللتي اعدها شقيقته وامه وصاحبته وحبيبته

وعشيقتــــــه الاولى والاخيرة

××××××××××××××××××××××××× ×××××××

بعد اسبوع شاق ومتعب وفرح للبعض الاخر

رجعت الامور زي ماهي دوامات وتعب

ضياء:هلا اروج

اريج:اهلين كيفك

ضياء:طـيبة

اريج:دوووم

ضياء انتبهت لشي احمر على خدت اريج:اريج وش هذا الي على وجهك

اريج تغطيه بشعرها:ولا شيء

ضياء:في وجهك ضربة وتقولين مافيه شيء

اريج:وش تبيني اقولك زوجي ضربني كسر عضامي ضرب

ضياء بصدمه:هذا باي حق يضربك وانتي حامل

اريج:ابشرك سقطـت

ضياء:سقطــتي عليك العوض

اريج:الا رحمة من ربي ياضياء

××××××××××××××××××××××××× ×××××

عزام:انت مالك تأثير على اخوك

فايز:الا بهالموضوع

عزام:ليش

فايز:لاتنسى انه مشعل زي ولده واخوك صديق طفولتة

عزام: حتى ولو لازم تقنعه

××××××××××××××××××××××××× ×

بعد مرور اسبوع

عرس جميله في استراحة بسيطة

مـابين اهل فلاح واخوان جميله

ضياء:مبرووك

جميله:الله يبارك فيك

ليلى:انا مخطوبه قبلك وتزوجتي قبلي

جميله:حظ ونصيب

ليلى:الله يوفقك

جميله:امين

ابتسام:يله الحين بيدخل فلاح

جميله من سمعت بذا الكلام صار قلبها يدق بسرعه

دخل فلاح اللذي كـان شاب عادي الملامح

اسمر متوسط الطول متوسط العينان قصير الانف

بعض الشيء لم تكن به جاذبيه او وسامه

فقد كــــان عادي الشكل

[هبة]

تسلمى مشاعل على البارت ...


جميلة ... ألف مبروك الزواج و إن شاء الله يكون فاتحة خير عليكى ...

مشعل ... عظم الله أجرك فى الوالدة و ربى يكون فى عونك على عمك و مخططاته ...



مشاعل متابعاكى و شكراً لك

[زهر البنفسج]

اختى مشاعل بارت جميل سلمت الايادى

جميلة فرحتلها كتير بزواجها ربى يسعدها

ومشعل بعد وفاة والدته الله يرحمها زاد حقده على عمه

اتوقع ضياء راح تثنيه عن نية الانتقام من عمه

واتمنى يتزوجو بالقريب

اختى مشاعل متابعة معكى

وعذرا لانى لا استطيع التعليق