ॐख़ख़ღ في الغــربة التــقينــا همسة حواء eve whisperღॐख़ख़

[جرح الذات]

× في بيت أم عبد الله ..
× نورة وأم عبد الله بالصالة ..
نورة "بصوت واطي " : من جاي معه ؟
أم عبد الله " بهمس " : علي .. وقال لي علي فيصل يبي يسلم عليك قلت لا ..
نورة " سكتت شوي .. " طيب ماسمعتي وش ردت فعله يوم شاف عبود ؟
أم عبد الله " وقفت وبصوت واطي " : بروح أنادي علي يآخذ القهوة له .. وأقول له ينتبهون للولد إذا بيطول ..
نورة : أوكي ..
× راحت أم عبد الله ..
× نورة وقفت ,, وراحت تمشي شوي شوي للمجلس وتسمع .. فيصل يكلم علي ..
فيصل " يضحك ويلعب ولده " : يابعد عين أبوك .. × يطالع علي .. تدري ياعلاوي ما توقعت شعور الأبوة كذا ..
علي " يبتسم " : تنصحني أتزوج ..
فيصل " رفع ولده " : إذا بتجيب مثل عبود تزوج ..
علي " يضحك ....!!




× نورة تسمع .. وبينها وبين نفسها .. يازين صوتك.. نفسي أسلم عليك .. وأسألك عن أخبارك × طاحت دموعها .. ×ورجعت .. جلست بالصالة وكأن هموم الدنيا كلها على رآسها .. × جت أمها للصالة ومعها القهوة .. نورة ..
نورة " مسحت دموعها بسرعة " : سمي ..
أم عبد الله " تطالعها " : والله إني مشتاقة لفيصل وودي أسلم عليه وأتحمد له السلامة ولو مو عشانه عشان أختي ..
نورة "ابتسمت " : سلمي يمه .. لا تجاملينني ..
أم عبد الله " قربت وبرحمه وبهمس " : والله إن التراب اللي تمشين عليه يسوى الدنيا ومافيها واللي سواه فيصل كأن الجبال فوق صدري من القهر ,, بس والله إني بين نارين أنت وأختي ,, وبتنقهر لو تدري إني ماسلمت ..
نورة : ياااااابعد عمري أنت .. لا والله يمه جد روحي ..
أم عبد الله "مشت " : الله يعينني والله أخاف أصيح ..
نورة " تطالعها " : روحي بسرعة يالله .. × بصوت واطي .. ياليتني خالته .. ولا صار اللي صار ..


× دخلت أم عبد الله ..
× فيصل انحرج ..
× قربت أم عبد الله .. الحمد لله على السلامة يافيصل ..
فيصل " يبوس رآسها وعبود معه " : الله يسلمك .. × نزل رآسه بسرعة ..
× علي أخذ القهوة يصب ..
أم عبد الله "جلست وفيها حرة " : كيفك ؟
فيصل " يبتسم " : الحمد لله دامي شفت عبود بخير .. وشفتكم بعد ..
أم عبد الله " نزلت رآسها " : الحمد لله .. ×وقفت .. يالله مع السلامة أشوفك على خير ..
فيصل " استغرب " : ما سولفت معك ياخاله ..
أم عبد الله " والدمعة بعينها ووقفت عند الباب " : ما أقدر .. × طاحت دموعها ..
× علي نزل رآسه ,,
أم عبد الله " التفتت وتطالعه " : لولا غلا أمك بقلبي ما مديت يدي لك ..
فيصل " سكت ..
أم عبد الله " مسحت دمعتها " : ترا نورة وعبد الله أغلى ماأملك بالدنيا .. واللي يرمي عليهم كلمة تضيق فيني الدنيا ..
فيصل " ساكت ..
أم عبد الله " ابتسمت بحزن " : ماودي أقول لك الكلام هذا الحين .. بس أنا أم ومو قادرة أنسى اللي سويته في بنتي .. × طلعت لأنها تبكي ..




× سكتوا شوي فيصل وعلي ..
علي " بصوت واطي " : ياااااويلك من الله .. بكيتها .. والله تقطع قلبي ..
فيصل " يتنهد " : تدري علي ؟ والله إني تسرعت بالجية .. والله وسيع وجه .. اللي سويته مو هين ..
علي : أحرجتهم ..
فيصل " يطالع ولده " : عشانه ماقدرت أفكر ودي أشوفه .. وتوي أحس إن الجية مالها داعي أبد ..
علي : يالله .. الله يعينك أنت فتحت لنفسك مليون باب ومن الأساس ماشاورت أحد .. واللي بيجي أكثر .. بعد عبد الله ماجاء ..
فيصل " يتنهد" : شكلي بخسر أهلي عشان دانة ..
علي : أنت اللي اخترت .. وتحمل ..
× فيصل سكت ..








× في بيت أبو دانة ..
× دانة بالمطبخ تكلم مشاعل بالجوال .. مشمش حتى مسج ما أرسل !!!
مشاعل : يمكن جالس مع أهله .. والله المفروض تقدرينه اليوم أول يوم ..
دانة : حتى أنا من أهله .. المفروض مسج طيب ؟ والله شي غريب !
مشاعل : يمكن فيه شي عندهم ..
دانة : ياخوفي رجع للعلة يامشمش والله بموت لو يرجع ..
مشاعل : عادي توقعي كل شي .. يمكن يبي يعدل بينكم .. أول يوم بعد السجن لها واليوم اللي بعده لك × تضحك ..
دانة " بتطنز ": وش المطلوب مني أضحك وإلا أبتسم وإلا ايش ؟
مشاعل " تضحك " : صيحي .. ×بسرعة .. شوفي شوفي .. تذكرت شي ..
دانة : وش تذكرتي .. ؟
مشاعل : نورة مو حامل .؟
دانة " تتنهد " : ايييييييييييييه أكيد ولدت .. لأنها من زمان حامل ..
مشاعل : أكيد ياقلبي ..
دانة "عصبت " : الله يآخذها مو وقتها ..
مشاعل : أنت حرام عليك تدعين عليها ..
دانة : ياكرهها بعد ..ميشو إذا تزوج عليك اللي عندك عرفتي وشلون القهر ..
مشاعل " بهدوء " : أكيد بنقهر لأني بصير مكان نورة واللي راح تزوج رجلي بتصير خاطفته مني وبموت قهر .. لأنها زوجة ثانية ..
دانة " استغربت من كلام مشاعل " : وش تقصدين ..؟
مشاعل : جد هذا واقعك لا تتهربين أنت اللي داخله عليها وتتكلمين عنها وكأنها خاطفة زوجك ..
دانة " انقهرت " : أقول وخري بس تقولين الكلام ولا تثمنينه .. ياثقل مزحك .. بايخه .. × عصبت ..
مشاعل " تضحك " : مع السلامة شكلك عصبتي ..
دانة : وخري بس × قفلت بسرعة ,, يووووه منك وكلامك البايخ ..









× في بيت أبو فيصل .. فيصل وعلي بغرفة النوم ..
فيصل " مسترخي " : أمي ياحبي لها مرة فرحت يوم عرفت إن خالتي سلمت ..
علي " جالس على طرف السرير " : ماتدري إنها بكت ..
فيصل "تنهد بقهر ": يالله .. وش مسوي أنا ؟
علي : شكلك ندمان ..
فيصل " يبتسم ويكابر " : ومن قال ؟ .. والله مشتاق لدانة مرة .. ومتوقع إن نورة ترفض تسلم علي ..
علي " استغرب " : للحين تبي زوجتك الثانية ..
فيصل " يضحك باستهزاء " : ياخي لعبة هي ؟؟؟ وبعدين وش تغير ؟؟ دخلت السجن وطلعت ..
علي : بس كلهم ضدك ..
فيصل : يتعودون أنا بضحي عشان أرضيها .. × يتنهد .. أحبها ياعلي .. والله أحبها .. × أخذ جواله .. ويطالع علي .. تدري الجوال للحين مافتحته وأكيد داقه وقالبه الدنيا ..
علي " منقهر " : يا مسكينه يانورة ..
فيصل : حتى نورة أبي أشوفها وأدري عن أخبارها ..
علي "يضحك " : كم قلب لك ؟.
فيصل " يطالعه " : مو على كم قلب .. !! نورة تعودت عليها .. ودانة حبيتها .. يعني كلهم أفقدهم ..
علي : طيب من تختار ؟
فيصل " سكت شوي " : هذي أم عبد الله .. وهذي دانة ..
علي : يعني كلهم سوا ..
فيصل : لو نورة ماجابت عبود كان اخترت دانة ..
علي " سكت ..
فيصل : ما أعجبك كلامي ..
علي " بقهر " : والله العظيم لو شايف حالة نورة وهي تولد إن تترك دانة واللي جابها ..
فيصل " تحمس " : وشلون ؟؟؟
علي : أنا اللي وديتها يوم بدا معها الطلق .. والله العظيم رحمتها وقلت كيف يتزوج عليها فيصل .. تمنيتك أنت اللي موديها عشان تعرف قيمتها جد ..
فيصل " سكت ..
علي : كانت تتعذب .. وأدعي ربي نآصل المستشفى بسرعة ..
فيصل : مرة تتألم ؟
علي "يتنهد " : يااااااااااالله .. بعض الأشياء ماأتذكرها من صدمتي بالولادة ماتوقعتها كذا .. وشلون هي اللي تحس فيها ؟؟؟
× فيصل سرح ..!!!!!!









×دانة منسدحة بتنام .. ماسكة جوالها .. وتدق .. ياااالله للحين مقفل .. وش أسوي أنا ؟؟!! والله بموت قهر ..













× فيصل منسدح ومشغل الاباجورة.. ويطالع علي وهو نايم .. × يبتسم .. ماشاء الله عليك ياعليوي قبل شوي تسولف وهالحين تشاخر .. عطني شوي .. طلع جواله من تحت الوسادة وفتحه .. وقام من السرير يمشي شوي شوي عشان مايصحى علي ..وفتح الباب وطلع .. نزل للصالة .. وجلس .. وطلع رقم دانة .. ودق ... !! بصوت هادي .. السلام عليكم ..
دانة " كانت نايمة وبهدوء " : وعليكم السلام ..
فيصل " يضحك " : نايمة ؟
دانة "تنبهت وبسرعة " : فيصل ؟
فيصل " يضحك " : ياااااابعد عمري ياهالصوت .. وربي اشتقت لك ..
دانة : حيااااتي ,, أخبارك ؟
فيصل : والله تمام بس مشتااااق .. تعرفين وش معنى مشتاق ؟
دانة " بكت " : والله اشتقت لك .. حرام عليك ولا دقيت ولا مسج ..
فيصل : أبيك تشتاقين أكثر .. مايحق أتغلى ..
دانة "تتنهد وبدلع " : إلا يحق لك والتغلي لك ..
..........

......






× راحت الليلة سواليف وغزل وعتب .. !! بين قلبين جمعهم الحب .. !!











× في بيت أم عبد الله نورة جالسة على طرف السرير ومعها الجريدة ..


نسيت أول حب داعب نبضات قلبي ..
ونسيت أيام شوقي لذلك الحبيب ..

أحبك
يامن أعشق حتى تعذيبه !!
يامن سلمته قلباً مخلصاً ..
ورده لي جريحاً ..
يبكي دماً ..

أحبك
يامن جعلت سعادتي ترحل معك ..

أحبك
فهل تعود ...!!



× نورة ماسكة الجريدة وتتنهد .. تكلم نفسها .. يالله على صاحب الخاطرة يعاني مثلي .. !! يعني مو بس أنا اللي مكسورة .. × قطع تفكيرها صوت أمها تصوت .. نورة تعالي شوفيني وأنا أغسل ولدك تعلمي أنا ماراح أدوم لك..
نورة " تكلم نفسها " : الله يخليك لي بس .. × وقفت .. جيت جيت أتعلم × تضحك ..











× في بيت أبو فيصل ..

× أبو فيصل وأم فيصل بغرفة النوم .. بيطلعون منها ..
أبو فيصل " واقف وبهمس " : مثل ماقلت لك تفاهمي معه شوي شوي باللين كل شي يمشي ..
أم فيصل " تطالعه " : إذا قدرت إن شاء الله ..
أبو فيصل : الله يهديك مافيه شي يجي بالشدة ..
أم فيصل : هذي أنا مأقدر أتغير .. وش أسوي ..
أبو فيصل " عصب وبصوت واطي " : هذا اللي خلا فيصل كذا .. كله منك ومن البداية غاصبته على شي مايبيه .. خلاص اسلوب الشدة ماينفع ..
أم فيصل : الله يهديك بس وش قلت أنا بحاول أتفاهم معه .. خلاص








× فيصل وعلي ومنار جالسين بالصالة ..
فيصل " يطالع منار " : هاه منور تغطيتي ؟
منار " تضحك " : ياااااي من زمان أتغطى بالشارع بس جوا البيت لا ..
علي " يضحك " : يعني عن عبد الله ما تغطي وجهها ..
منار " تطالع علي " : بعد هذا اللي ناقص أتغطى عن عبد الله .. زوج أخت صديقتي ..
فيصل وعلي يضحكون ..
فيصل " يضحك " : ياخال أبوي حك ظهري .. ليش أبعدتي ولد خالتك ياخلبة .. وبعدين بتتغطين عنه إن شاء الله أحسن لك الستر زين..
علي " يطالع منار " : السنة الجاية صح ؟
منار : لا مابي أتغطى عنه .. هو يقول بزوجك ولدي .. وبيصير عمي وبكشف بعدين .. يعني وشوله أتغطى .. هو اللي يقول كذا..
فيصل " يبتسم " : ماشاء الله كلامك أكبر منك ..
× نزلوا أبو فيصل وأم فيصل .. ......... السلام عليكم ..
كلهم : وعليكم السلام ..










× دانة توها طالعه أخذه شاور .. وتحط كريم على وجهها بالغرفة .. × أمها تطق الباب .. دانة دانة
دانة : مفتوح الباب ادخلي ماما ..
أم دانة " تبتسم " : ماودك تنزلين تغدين معنا ..
دانة : مامي اليوم بيجي فيصل يشوفني وأبي أتزين له .. خلي الشغالة تجيب لي الأكل هنا .. مالي خلق أنزل ..
أم دانة : على راحتك يمه .. بس إذا خلصتي مري وريني شكلك ..
دانة " تبتسم " : إن شاء الله ..
أم دانة " رجعت " : ايه صح .. وش بتلبسين له ؟
دانة "تفكر " : امممممممم والله محتارة أنت وش رايك ؟ فستان نعوم مرة وإلا تنورة ..
أم دانة : فستان حلو ..
دانة " التفتت للسرير وأخذت الفستان " : هذا شوفيه حلو ..
أم دانة : لااااا والنيلي يجنن عليك .. ماشاء الله ..
دانة : توقعين يعجبه تعرفين الرجال يمكن الألوان هذي جرئية ..
أم دانة : لالالا يعجبهم أي شي .. لأن الرجال يهمهم اللباس مو اللبس ..
دانة " ابتسمت ..








× أم فيصل وفيصل بالمجلس .. لحالهم ..
فيصل " منزل رآسه " : يمه ما أقدر أطلقها .. تكفين لا تضغطين علي ..
أم فيصل : يايبه بنت خالتك حرام تكسر خاطرها .. وجابت لك الولد اللي بيزين العلاقة بينكم ويمتنها ..
فيصل " رفع رآسه " : ونورة ماراح أطلقها .. والله يقدرني وأعدل ..
أم فيصل " تضحك باستهزاء " : عبد الله مسافر وإذا رجع بيحل كل شي .. وبيحط لسالفتك مع أخته حد ..
فيصل " ساكت ..... !!
أم فيصل " عصبت " : أنت ماتغيرت أبد .. هي هي عادتك .. ماتعطيني كلمة .. حتى يوم أخطب لك نورة استسلمت وساكت .. رد خليني أسمع رآيك .. عطني لو كلمة وحدة ..
فيصل " يتنهد " : لا إله إلا الله .. يمه وش أقول .. خلاص قلت لك ماني مطلق ولا وحدة ..
أم فيصل " بتطنز " : أقول لك خل نرجع نورة لك تقول ماني مطلق .. وكل كلامك ماني مطلق .. × وقفت .. شف يافيصل .. أنا أمك وأنا أكثر وحدة تعرف مصلحتك ,, اللي عرفته إنك للحين طايش ولا تعرف تدبر نفسك أبد .. المهم دامنا ماوصلنا لحل .. يا تطلق دانة .. وإلا البيت يتعذرك ..
فيصل .. ساكت ..
أم فيصل " وهي واقفة ومعصبة " : للحين ساكت ما ترد .. ؟؟ فيصل اطلع دبر نفسك بنفسك .. مثل ماقدرت تدبر مهر لعلتك هذي .. تقدر تدبر لك شقة .. أنا ماعندي استعداد أخسر أختي عشانك .. وأنا طقيت لها صدري وقلت بحلها .. بس للأسف اللي قدامي مو رجل .. ولا فيه ذرة رجولة ..
فيصل " عصب " : وش أقول وش تبيني أسوي .. تطلبين المستحيل .. × وقف .. خلاص أطلع من البيت .. وأنا اللي قلت قلبك متقطع من الشوق .. آخرتها تطردينني .. وأنا مالي يوم عندك .. !!
أم فيصل " تطالعه ومستغربه إنه رفع صوته " : ترفع صوتك عشان وحدة ماتسوى ؟؟؟ أنا أمك يافيصل .. أنا أمك ..
فيصل " معصب " : أنت اللي تفرضين رآيك .. تبين الناس على كيفك .. × طلع بسرعة ..
أم فيصل " طاحت دموعها .. .. !! لا إله إلا الله .. يارب تصرفه عنها ..






× في سدني .. عبد الله وسارة بالفندق ..
سارة " واقفة على الدريشة وتطالع المطر " : عبد الله .. أجواء تفتح النفس ..
عبد الله " جالس على الكرسي " : أهم شي تعجبك الأجواء ؟
سارة " تبتسم " : أكيد دامي معاك ..
عبد الله : يالله والله منقهر .. المفروض نورة معنا ..
سارة " حست بغيرة " : بس الأقدار فوق كل شي وربي كاتب الشي هذا ..
عبد الله : صح .. الأقدار فوق كل شي ..
سارة " تطالع عبد الله وبخبث" : ياعمري يانورة مسكينة مرة وتكسر الخاطر .. ياربي ليش الرجال مايرحمون .. يعني مالها سنتين أو أقل وتزوج عليها .. بس بصراحة بصراحة .. أكيد التقصير منها ..
عبد الله " استغرب " : لا نورة ماتقصر .. وما أسمح لك تتكلمين عن نورة مو مسكينة ولا شي .. ربي معها ..
سارة " تضحك بخبث " : بس إذا فيصل بيطلق بيطلق ماسأل عنكم ..
عبد الله " يطالعها " : ومن قال لك إنه بيطلق .. فيصل يبي نورة وقريب بيطلق زوجته الثانية .. وأرجوك سارة أمورنا العائلية اطلعي منها ..
سارة " عصبت " : لااااا ياقلبي .. أنا الحين منكم وفيكم ..
عبد الله : يالله يالله بس البسي خلينا نطلع .. وحركات الحريم اللي يدخلون أنفسهم في كل شي ماأبيها .. وأبيك تعرفين إن نورة عن الدنيا كلها ..
× سارة انقهرت وسكتت ...













× دانة .. بالمطبخ .. عصبت على الشغالة .. أنا ماقلت لك صبي العصير الثاني ..
الشغالة : نسيت .. خلاص سوي مرة ثاني ..
دانة : يالله بسرعة .. × رن الجرس .. خلاص خلاص روحي افتحي الباب وارجعي يالله ..
الشغالة : طيب .. × راحت ..
دانة " تنهدت " : ياااالله بدوخ .. !!









× أبو فيصل وعلي بالصالة..
أبو فيصل : أمك ماراح تغير أسلوبها أبد ..
علي " بهمس " : قلت لها شي ..؟؟
أبو فيصل : إيه قلت لها وقالت إذا بترجع فيصل والله لا أطلع من البيت ..
علي " يبتسم " : ياااااه غريبة أمي بعض الأحيان ..
أبو فيصل : المشكلة إني ماأقدر أفرض رايي عليها .. مادري ليش ..؟؟!!
علي "يطالعه " : أجل لو تدري إنك رحت لدانة ..
أبو فيصل : يووووه بتقلب الدنيا ..× سكت .. المهم .. وش أسوي مع أخوك ؟
علي : ساعده يبه .. دبر له شقة والله فيصل ماعنده شي .. وفلوس الشقة مايقدر .. ساعده لما تبدأ دراسته ..
أبو فيصل : هذا اللي بيصير .. بدبر له كل شي ..
علي "يبتسم " : بس تكفى يبه لا تجيب طاريي عنده .. لأني أنا جد ضده بهالزواج ..
أبو فيصل : لا تشيل هم .. والله يوفقه..






× في بيت أبو دانة ..
دانة وفيصل بالمجلس ..
دانة "تضحك " : يالله انبسطت يوم شفتك .. ماني مصدقة وربي ..
فيصل "يبتسم" : لا صدقي حبيبتي ..
دانة "مسكت يده " : الله يخليك لي ..
فيصل " يطالعها " : المهم دانة .. حاولي تخلصين أمورك لأني جد بحاجتك .. وزواج مازواج مابي إذا خلصتي قول لي تعال خذني ..
دانة " تضحك " : من جدك أنت ؟
فيصل : إيه من جدي .. وبآخذ شقة نقعد فيها فترة ونروح ندرس ..
دانة " سكتت ..
فيصل : وش فيك ؟
دانة : تتوقع يسمحون لك تطلع وأنت كنت بالسجن وبتهمة ومو أي تهمة بعد ؟؟
فيصل "يبتسم " : لالا مالي دخل .. إن شاء الله نطلع وندرس .. ونرجع نرفع روسهم ..
دانة : إن شاء الله
فيصل : يالله متى أجي آخذك .. مو قلتي لي البارح طلع فستانك ..
دانة : إيه طلع ..
فيصل : الحمد لله .. والباقي تجهزين معي .. والله العظيم محتاجك دانة ..
دانة : طيب أنت وش الوقت اللي يناسبك .. ؟
فيصل : أكثر من شهر مابي ..
دانة " تطالعه وتبتسم " : أوكي حبيبي أجهز أغراضي المهمة .. والباقي معك الله يعينك ..









الحياة ألوان .. !!

منها الأسود ..
ومنها الأبيض .. !!
ومنها الرمادي .. !!

يغيم الحزن تارة ..
ويبتعد تارة ..
لتحل السعادة محله ..
هكذا تعلمنا الحياة .. !!






بعد مرور أسبوع .. !!
__________








× في بيت أم عبد الله ..
× عبد الله ونورة بالصالة ..
عبد الله " بهدوء " : وفيصل يقول مستعد أسوي لها اللي تبيه ..
نورة " وولدها على رجولها وتلعبه .. تطالع عبد الله " : بس والله بقلبي شي عليه .. وأخاف أرجع وأصير أشد من قبل معه ..
عبد الله " يطالعها " : قلبك هذا خلاص طنشيه .. نورة الولد ماله ذنب يعيش بدون أبو .. ويربى وفيه نقص عن غيره ..
نورة " تتنهد " : طيب مثل ماقلت موافقة يجي نتفاهم على كل شي .. ويحلها ربي ..
عبد الله " ابتسم " : يارب تآصلين لحل ..
نورة : طيب خلنا من موضوعي اللي أشغلتك فيه .. سولف لي وش سويت وكيف سارة معك ؟
عبد الله " يتنهد " : والله السفرة ماناقصها إلا أنت وأمي ..
نورة "تقاطعه " : وكيف زوجتك معك ؟
عبد الله " سكت .. والله مادري وش أقول ..
نورة "استغربت " : وش فيك ؟
عبد الله : تشوفين الحريم اللي بالمسلسلات اللي ألسنتهم طويلة .. وياويلك تدوسين لها على طرف .. هذي سارة ..
نورة " استغربت بقوة " : جد ؟؟
عبد الله : انصدمت .. تعرفين وش معنى انصدمت .. ؟؟ جد .. البنت لو أقول لها أخبار أبوك .. × يتطنز .. تقول وش فيه أبوي ..؟؟ وش عندك تسأل عنه .. حان عليه .. الله يديم عليك .. × يضحك .. ومن هالكلام ..
نورة : لالالا ماأحب اللي كذا ..
عبد الله " يبتسم " : وش أسوي .. يمكن أنا مافهمتها للحين .. أنا وسيع صدر .. وأضحك .. ولا علي من كلامها .. وبالعكس مرتاح ..بس أنت حاولي ماتقولين لها أي شي .. أخاف تروح تقول لأهلها ولا أبي يصير بيننا مشاكل على سواليف صغيرة ..
نورة : ما عليك أختك سنعة .. ومالي ومال المشاكل ..
× جت أم عبد الله ..
عبد الله " يطالع أمه " : هاه يمه أعجبتك الهدية ؟
أم عبد الله " جلست " : والله حلوة .. ودامها منك أحلى وأحلى .. بس ليش ماجبت سارة معك .. ؟
عبد الله : تقول مشتاقة لأهلي ..
أم عبد الله : بسلامتها ..
عبد الله : يمه بكرا فيصل بيجي يآخذ زوجته ..
أم عبد الله " تطالع نورة " : جد ؟
نورة " تضحك " : لا بس قلت يجي نتفاهم .. هههههه عبد الله بلا نصب ..
أم عبد الله : الله يآخذ ابليسك فرحتني ..







× فيصل بالسيارة .. ويكلم .. يابعد عمري .. يابعد عمري .. اسمعيني ..
دانة " معصبة " : بس أنت ماقلت لي بترجعها .. أو عشانها جابت لك الولد ..
فيصل : لا أنت رضيتي تزوجيني وأنا متزوج .. يعني من البداية هذا اتفاقنا ..
دانة " بكت " : فيصل الله يخليك .. خلها بعد زواجي .. أبي أنبسط معك ..
فيصل " يتنهد " : صعبة .. هي بعد بحاجتي .. ولازم أكون بينهم ومع ولدي ..
دانة : طيب وين بتحطها ؟ والشقة أنا اللي بسكن فيها ..
فيصل : تتدبر .. يحلها ربي ..
دانة : ياااااااااااالله .. والله أغاااار فيصل .. مستعدة أسوي أي شي عشان تنساها ..
فيصل : أنا ناسيها أصلاً .. بس عشان الولد .. لو مالولد بيننا كان تركتها لعيونك ..
دانة : طيب مستعدة آخذ الولد .. بس طلقها ..
فيصل : دانة وش فيك .. ؟
دانة : مادري تعلقت فيك أكثر .. أبيك لي لحالي ..
فيصل : طيب أنا وصلت أكلمك بعدين ..









× سارة وسحر بالغرفة جالسين ..
سارة : كيفه معك ..؟
سحر " بسرعة " : تعاااالي ماقلت لك .. مرة كلمني يوووه صوته غريب ويقط خيط وخيط .. والله مو طبيعي ..
سارة " سكتت شوي" : بيني وبينك عبد الله مايطيقة ..
سحر " طالعتها ونزلت رآسها .. وسكتت ..
سارة " ندمت إنها قالت عبد الله مايطيقه " بينها وبين نفسها .. وش قلت أنا ؟؟

سحر " طاحت دموعها " : خايفة منه يا سحر .. يخوفني ماني مرتاحة .. وزواجي باقي عليه 3 أيام وش أسوي ؟
سارة "تضحك " : ههههههههه يوووه الحالة هذي تجي كثير من البنات خوف وارتباك .. شي طبيعي ياقلبي ..
سحر " تبكي " : شي طبيعي للي يحسون إنهم بيتزوجون رجال طبيعيين .. بس أنا لا .. سلمان أبد مو طبيعي .. وأنت عارفة إنه راعي سفرات .. ويهيت والله خايفة ..
سارة " تقنعها " : كل شباب الحين يحبون السفرات .. الدنيا تغيرت مو مثل قبل .. سحر " تمسح دموعها " : يالله الله يعين ..








× دانة بغرفتها ,,, وتبكي .. !! × الشغالة تطق الباب ..
دانة " بهدوء " : ادخلي ..
الشغالة " معها كافي " : دانة وين أحطه ؟
دانة " تطالعها " : جيبيه واطلعي .. وإذا قالت ماما نادي دانة تتعشى قولي ماتبي .. زين ؟
الشغالة : إن شاء الله .. × طلعت ..
دانة : يااااالله وش أسوي معاه هذا .. ؟ ؟ لازم أسوي شي .. مابيها .. ماأطيق أشوفها .. × دق جوالها .. وأخذته وشافت الرقم ولا ردت .. ماراح أرد يافيصلوه .. رح لحبيبة قلبك .. الله يآخذ روحها ..

× دق الجوال مرة ثانية .. ولا ردت .. تطالعه .. وبعد دقيقتين تقريباً .. وصلها مسج .. فتحته .. ( شوفي دانة حركاتك هذي ماتسوينها عندي .. إنك ماتردين على الجوال هذا تصرف طفولي .. وانسي أدق عليك طيب .. ؟؟ أنا بس فاضي للمشاكل وإلا رايق لها ؟.. إذا بغيتي شي الرقم عندك أما إني أدق أنا انسي ) .. تكلم نفسها .. لا تدق أبركها من ساعة ..








× في بيت أم عبد الله .. فيصل وعبد الله بالمجلس ..
فيصل : طيب خلها تجي الحين أتفاهم معها على كل شي ..
عبد الله : هي تقول بكرا .. اليوم مالها خلق ..
فيصل :عبد الله ..
عبد الله : سم ..
فيصل : ماعليه إذا رجعت لي أخليها عندكم .. ؟
عبد الله " يبتسم " : اتفق أنت وياها أنا مالي دخل .. إلا إذا طلبت مني أتدخل ..
فيصل : يعني راضي ؟
عبد الله : ماعلي منكم أبد .. بس أهم شي نورة لا تزعل .. × يبتسم ..
فيصل : إن شاء الله مالها إلا اللي يرضيها ..
عبد الله "وقف " : بجيب عبودي ماتبي تشوفه ؟
فيصل : إلاااا تكفى ..
× طلع عبد الله ..






× دانة بالغرفة .. ومساكة جوالها .. أرسل وأقول له .. أكيد بيقابلها .. لازم أخرب .. لااااازم .. أنا ساكته طيب فيني .. بس خلاص ماراح أسكت .. تكتب مسج ..






× في بيت أم عبد الله .. بالصالة
× عبد الله " شايل عبود " .. ونورة واقفة جنبه .. وش يقول بعد ؟
عبد الله : يقول تجي نتفاهم الحين .. وقلت هي تبي بكرا ..
نورة " فرحت بس مابينت " : لا أبي الحين ..
عبد الله : عادي أروح أقول له لأنه مطول ولا عنده شي .. بس روحي البسي ..
نورة "تبتسم " : طيب .. × راحت بسرعة .. وهي تمشي وقفتها أمها .. وش عندك ؟
نورة : بتفاهم مع فيصل ..
أم عبد الله "مستغربة " : شكلك مبسوطة .. ؟
نورة " تضحك " : إيه أكيد ..
أم عبد الله " تطنز " : اركدي اربطي نفسك شوي خليه يعرف إنك قوية على الأقل .. الحمد لله والشكر ..
نورة " مشت " : بروح ألبس وراجعة لك ..
ام عبد الله " بتطنز " : ياربي لك الحمد .. ماكأنه متزوج عليها الخبلة .. يالله انك تخلف علي ..




× دانة .. تقرا المسج .. أيوه ضبط .. طيب .. أرسلته ..





× فيصل لحاله يلعب عبود .. يااااقلب أبوك .. والله مشتاق لك ..
× نورة خلصت .. ونزلت .. عبد الله بالصالة مع أمه .. يالله يانورة بسرعة فيصل ينتظرك ..
× فيصل " طلع جواله " .. ويقرا المسج .. ( والله أنا محترمة نفسي ولا قلت وش سوت فيني زوجتك وأنت بالسجن أنا مابي أفرق بينك وبينها .. لكن فيني قهر .. وحاسة إنها أهانتني .. إذا كنت ماتدري ترا نورة جتني البيت وضربتني .. والله راح يحاسبني إذا أتبلاها .. )
× فيصل دق على دانة بسرعة لأنه عصب ولا يشوف اللي قدامه ..
فيصل "على طول بعصبية " : ليش ماقلتي إلا الوقت هذا ؟
دانة : مادري .. بس هذاني قلت لك ..
× نورة مرتبكة ولا دخلت .. ووقفت وسمعت قبل تدخل .. !
فيصل " بعصبية " : متى ضربتك ؟
دانة " تبكي " : وأنت بالسجن .. والله العظيم ماأكذب ..
فيصل " يتنهد " : ليش سوت كذا ؟
دانة " تمثل بالبكي " : منقهرة يعني ليش ؟
فيصل " يهديها " : طيب حبيبتي .. أنا أوريك فيها ..
× نورة تسمع ومستغربة .. ؟؟
دانة : فيصل من غلاك بقلبي قلت بسكت .. بس ماقدرت ..
فيصل : لا أكيد نورة فاقدة عقلها .. ماتدري إن ظفرك يسواها ويسوى اللي جابها فعلاً ماتربت..
× نورة انصدمت .. وطاحت دمعتها .. ورجعت .. × شهقت بقوة .. ماراحت للصالة .. راحت لمجلس ثاني .. وجلست على الكنب .. تبكي .. لييييه وش سويت لك .. ؟؟




× أم عبد الله وعبد الله بالصالة .. يارب يتفاهمون ..
عبد الله : لا فيصل إن شاء الله بيحلها ..
أم عبد الله : نقول إن شاء الله .. وحتى ماضغطنا عليه ولا شي ..



× في بيت أبو دانة ..


× دانة جالسة على طرف السرير .. ياربي وش صار ؟؟ والله كان معصب .. يارب يقلب الدنيا عليها ..




× في بيت أم عبد الله ..

× دق جوال عبد الله .. استغرب " هذا فيصل ؟؟ × وقف بروح أشوف وش يبي ؟



× فيصل جالس ينتظر .. دخل عبد الله .. استغرب .. هه وين نورة ؟
فيصل " يبتسم مجاملة " : للحين ماجت ؟ مادري وينها ؟
عبد الله " مستغرب " : وشلون ماجت .. قبل شوي راحت من عندنا ؟؟؟ طلع يصوت .. نورة نورة ..
× فيصل " يكلم ولده " .. شفت أمك وش مسوية .. والله لا أوريها .. بس خلني أشوفها ..
× دخل عبد الله المجلس .. شاف نورة تبكي .. نورة وش فيك ؟
نورة " بكت بقوة " : عبد الله اتركني الله يخليك ..
عبد الله " جلس جنبها " : فيصل قال لك شي ؟
نورة : أصلاً ماشفته .. خلاص مابيه ..
عبد الله "يتنهد " : أنت قبل شوي تبين تتفاهمين معاه وش غيرك ؟
نورة " عصبت " : خلااااص كذا من ربي مابيه .. ياخي طلقوني منه .. خلاااااص
عبد الله " مستغرب بقوة " : نورة أكيد قال لك شي ..
نورة " بصوت عالي وهي تبكي " : أبيه يطلقني .. × وقفت .. أنا أروح له .. × فقدت أعصابها ..
× وقفت عبد الله ومسكها .. اذكري الله ..
نورة " تبكي بقوووة " : بروح أقول له يطلقني .. إذا يبي ولده يآخذه .. مابي شي يذكرني فيه ..


× فيصل يسمع صراخ .. !! أروح أشوف .. ؟؟ إيه بروح هذي زوجتي مافيه أحد غريب ..



× دخلت أم عبد الله عليهم وش فيك يانورة ؟
نورة " جلست وكأن حيلها منهد " : يمممه خلوه يطلقني قبل يطلع ..
× دخل فيصل وعلى طول شاف نورة .. !!!
نورة " نزلت رآسها وتبكي " ..
فيصل " يطالعهم ونورة كسرت خاطرة " : وش فيكم ؟
عبد الله " عصب" : فيصل قلت لها شي ؟
فيصل "بسرعة ": ماجتني أصلاً .. ؟؟ وشلون أقولها ؟
نورة " تطالع فيصل " : فيصل تكفى طلقني ..
× سكتوا ..
× قربت أم عبد الله ومسكت يد نورة .. تعالي معي يمه ..
× فيصل " ومعه ولده " .. وعبد الله .. واقفين ..
فيصل " شك إنها سامعة " : عبد الله تراها مادخلت ..
عبد الله " تنهد " : هي طلعت من عندنا تضحك .. وش غيرها ماندري .؟؟
فيصل " يهز كتوفه " : مادري ..










× فيصل بالسيارة يكلم دانة .. صارت الأمور صعبة يادانة ..
دانة "ابتسمت " : كيف ؟
فيصل : شكلها سامعة كل شي وأنا قلت كلام المفروض ماأقوله..
دانة " بينها وبين نفسها " : أحسن ..
فيصل : طيب أنا مررررة مالي خلق .. أكلمك بعدين ..
دانة : يالله مع السلامة ..
فيصل : مع السلامة ..



× نورة بغرفتها تبكي ..

× دخلت أمها .. يمه خلاص .. والله تعبتي نفسك ..
نورة " تطالعها " : خليني أبكي يمكن يطلع القهر اللي فيني ..
أم عبد الله " قربت وجلست جنبها " : طيب قولي لي وش قلبك ؟
نورة " تتنهد" : يمه كذا ..
أم عبد الله "تقاطعها" : مافيه شي كذا ..
نورة : تكفين يمه خليني ...
أم عبد الله : مليت لحالي وعبد الله راح لزوجته ..
نورة " بهدوء" : وعبود وينه ؟
أم عبد الله "تبتسم " : ياقلبي ياعبود .. نايم .. قومي رضعيه عشان تنامين ترتاحين ..







× فيصل بالشقة ..جالس بالصالة ويدخن .. وباله منشغل مرررة .. إذا طلقتها أمي ماراح ترضى أبد .. وإذا خليتها على ذمتي ضيعت عمرها .. والله اللي قاعد يصير غلط .. لازم أدور حل .. وبعدين نورة شكلها من الأساس ماتبيني .. × يتنهد .. صعبة أطلقها والولد .. !!








× في بيت أبو فيصل .. الساعة 3 الفجر تقريباً .. وفي غرفة أبو فيصل وأم فيصل .. صحى أبو فيصل من النوم يسمع صوت بكي قريب عنده .. التفت على أم فيصل .. لولوة .. لولوة ..
أم فيصل " التفتت وعيونها دموع " : سم ..
أبو فيصل " استغرب ": وش فيك ؟
أم فيصل " بكت " : شفت محمد بالحلم ومن الفرحة بكاني .. وماقدرت أنام بعدها ..
أبو فيصل "باس رآسها " : قومي توضي وصلي ركعتين وادعي له .. بحاجه للدعاء الحين ..
أم فيصل : صادق .. يارب أكحل عيوني بشوفته ..
أبو فيصل : آمين ..










× يوم جديد .. في شقة عبد الله .. وعبد الله وسارة بالمطبخ يفطرون ..
سارة " جالسة على طاولة الطعام " : أجل نورة تبي الطلاق .. ؟
عبد الله " واقف يدهن الخبزة " : إيه .. وبقوة بعد .. تقول مابي أتراجع ..
سارة "تضحك " : استغفر الله .. وأنت معها ومع رآيها ؟
عبد الله "يطالعها " : أهم شي راحتها .. وبعدين اللي جاها مو شي هين .. أنت ترضين أتزوج عليك ؟
سارة " تضحك باستهزاء " :ههههه أصلاً ماتقدر .. وبعدين أنا أفرق عنها .. ولو سويتها عادي .. مو أنا اللي تدمر حياتي وحدة ..
عبد الله : المهم إنها تبي الطلاق ..
سارة : بس أنت تقول فيصل مايبي يطلق ..
عبد الله : بالطيب بالغصب يطلق .. إمساك بمعروف أو تسريح بإحسان ..
سارة : إيه .. خلها يقولون عنها مطلقة .. اللهم لك الحمد .. والله شي يفشل أخت زوجي مطلقة ..
عبد الله "عصب" : وإذا صارت مطلقة جابت لنا عار ..
سارة " تطالعه " : وش فيك عصبت ؟
عبد الله "قرب عندها " : شوفي سارة يا تكلمين زين وإلا تسكتين .. × طلع من المطبخ وهو يقول .. ياسبحان تسد النفس عن الأكل ..
سارة "تكلم نفسها " : هذا اللي ناقصني وش قال قال .. تبي الطلاق .. وإذا تزوج عليها ؟؟ أول وحدة هي ؟؟ !!!






× أم فيصل بالصالة تكلم .. أختها .. شوفي يا أم عبد الله والله ماخليت شي ماقلت له حتى طردته من البيت ..
أم عبد الله " بقهر " : هذا اللي خفت منه يالولوة .. تذكرين يوم أقول والله لو تصير مشاكل راح تصير بيني وبينك .. وقلتي أبد .. ولدي وأعرفه يدلع .. والله ماشفنا منه إلا القلق .. والسموحة ياأوخيتي ..
أم فيصل " طاحت دموعها " : والله إني مقهرة ..وإني القصد نقرب أكثر .. ولا يفرقنا إلا الموت .. بس فيصل الله يهديه ..
أم عبد الله : المهم أنا أبي راحت بنتي واللي صار صار .. عسى الله يعوضها بواحد يشيل عنها همومها ..
أم فيصل "تقطاعها " : لا تكفين .. الطلاق واللي يسلمك لا .. يمكن تنحل ..
أم عبد الله "بكت " : تعبت يالولوة .. وأتعبتني بنتي ماتنام إلا ودمعتها على خدها .. أبي لها الراحة بعد أنا .. وأنت تذكرين وشلون تعبت بالحمل .. والشكوى لله ..
أم فيصل : الله يعين .. والله يكتب اللي فيه الخير .. والله اني مابيها تصير بيني وبينك ..
أم عبد الله : مالك دخل أنت ولا لك ذنب باللي صار ..







× في شقة عبد الله .. عبد الله جالس بالصالة يشوف التلفزيون .. × جت سارة جلست جنبه ..
عبد الله " زعلان .. !!
سارة : اليوم وش عندك ؟
عبد الله : بروح لأهلي .. أرتاح شوي ..
سارة " بعصبية ": وش تقصد ماريحتك .. ؟؟
عبد الله " حط يدها على فمها " : اقصري صوتك واللي يرحم لي والديك ..
سارة "وقفت " : يعني ماشاء الله عليك والراحة اللي تلقاها في بيت أهلك .. كلها مشاكل في مشاكل ..وأختك تجيب المرض .. وين الراحة..
عبد الله " رفع صوت التلفزيون ..
سارة " تطالعه " : أكلمك ..
عبد الله .. سااااااكت ولا رد ..
× راحت .. وتكلم نفسها .. أنا مادري وش شايف بأهله .. ؟؟







× أبو فيصل وأم فيصل وعلي بالصالة ..
أم فيصل : لا أنا ابي أروح له .. علي يالله ..
أبو فيصل "يطالعها " : خليه يجي يعني كل هذاعناد .. وإذا جاء تفاهمي معه ..
أم فيصل "وقفت " : أنا اللي بروح له وأشوف وش عنده .. ؟
أبو فيصل : طيب خليها بعد الغداء ..
علي : صادق أبوي خليها بعد الغداء ..
أم فيصل : طيب بروح أصلي وبعد الغداء إن شاء الله أروح له .. دق عليه وقل له لا يطلع ..
أبو فيصل " يهز رآسه " : لا إله إلا الله .. وين بيطلع يعني .. لا تدق عليه ولا شي ؟؟ أصلاً مايطلع الظهر ..
أم فيصل " بعناد ": وإذا طلع .. ؟
أبو فيصل"يتنهد " : أقول اذكري الله وروحي صلي بس .. وماشاء الله ياهالاجواء اللي تساعد على الطلعة الظهر .. روحي روحي الله يهديك ..





× فيصل جالس بالصالة .. ويكلم .. متى بتروحين ؟
دانة : بعد شوي .. عندي أشياء بسويها بالمشغل ..
فيصل : ياكثر خرابيطكم ما تخلص ..
دانة "تضحك " : أبداً ماتخلص .. المهم .. تقول لي الشقة بنفس الشقق اللي أخذتها قبل ؟
فيصل :لالالا بس العمارة قريبة منها .. وبعدين الشقة اللي قبل صغيرة مرة مو مثل هذي ..
دانة : طيب والأثاث ..
فيصل"يقاطعها" : الأثاث فيها والعمارة كلها جديدة .. وبعدين حرام بنروح ندرس ..
دانة : صح صح .. طيب وش اسمها ؟ وينها
فيصل "يضحك " : تحقيق هو ؟
دانة : بس كذا .. يالله عاااااد ..







× في بيت أم عبد الله .. أم عبد الله بالمطبخ .. تكلم الشغالة .. روحي نادي نورة تتغدى معي .. يالله دامي أحط الغداء ..
الشغالة : طيب ماما ..
× دخلت نورة ومعها ولدها .. جيت يمه ..
أم عبد الله "ابتسمت " : يااااااااهلا وغلا بهالوجه .. واللي معك بعد ..
نورة "تبتسم " : ياحياتي أنت .. × قربت وباستها ..
أم عبد الله : خلاص يمه شوفي وش سرع الدنيا باقي أسبوع وتطلعين الأربعين ..
نورة : تركض الأيام ولا نحس فيها .. × تطالع عبود .. عقبال ماأفرح فيه ..
أم عبد الله " أخذت الصحن وتمشي " : أخبارك اليوم ..؟ نمتي زين ..
نورة " تمشي وراها " : يعني .. تعرفين .. واستخرت يمه .. ومرة مرتاحة لرآيي ..
أم عبد الله : الله يكتب اللي فيه الخير ..








× أم فيصل وعلي بالسيارة ,,
أم فيصل : من وين دبر فلوس الشقة تدري ؟
علي : لا ماأدري عنه ..
أم فيصل : الله يهديه هو ورآسه اليابس .. آخر مرة أشوفه إذا مارضى يسوي لي اللي أبيه ..
علي " ساكت ..
أم فيصل " عصبت " : حتى أنت مثل أخوك .. ماتعطونني كلمة ..
علي "بهدوء" : تسولفين وأسمعك يمه .. وش دعوى ..
أم فيصل : مادري كل العايلة منقلبة علي .. وكأني على خطأ ..
علي : لالا يمه ماأحد انقلب بس أنت تحسين لأنك زعلانة على فيصل ..




× دانة توها طالعة من محل ورود .. ومعها بوكيه ورد أحمر .. وركبت مع السواق .. × أرسلت مسج لفيصل ( بعد ربع ساعة افتح باب شقتك .. ياويلك تفتحه قبل ترا بزعل .. أحبك )





× فيصل جالس بالصالة ومعه اللاب توب على رجوله .. وقطعه صوت المسج .. أخذ الجوال وفتح المسج وابتسم .. يكلم نفسه .. ياحبي لك .. الله يخليك لي .. ويكتب مسج ( أحبك ياأحلى دانة بالدنيا ) ..




× وصلوا علي وأمه للشقق .. نزلت ..
× بنفس الوقت وقفت سيارة سواق دانة .. ونزلت لابسة نظارة شمسية وشكلها مررررة حلو ..
× دخلوا بنفس الوقت ..



× أم فيصل تهمس لعلي .. الحمد لله وش هالبنت ؟
علي " ابتسم " وسكت ..
أم فيصل " بتطنز " : لااا ومعها ورد وع يابنات الحين .. ؟؟



× دانة تضغط على اللفت .. وأم فيصل وعلي جنبها .. × انفتح باب اللفت ..
دانة " تبتسم وتشوفهم " : تفضلوا ..
× كلهم مع بعض .. وساكتين ..
دانة تشوف ساعتها ..
× انفتح الباب وطلعت دانة بسرعة ..



× دانة حطت الورد عند الباب وشافوها علي وأم فيصل ..

× علي انصدم .. لأنه يعرف رقم شقة فيصل ..

علي " بسرعة يأشر" : هذي شقة فيصل ..
أم فيصل " استغربت " : لا تصير هذي زوجته بس؟
علي " منصدم " : أظن يمه ..
× راحت بسرعة أم فيصل ودانة واقفة .. هذي شقة فيصل ؟
دانة "تبتسم بخوف " : إيه ..
علي "قرب ومو مصدق ": أنت دانة ؟
دانة "تبتسم ومرتبكة " : إيه ..
× فيصل فتح الباب ..
أم فيصل " بسرعة أخذت الورد اللي عند الباب ورمته بعيد " " تطالع فيصل و بعصبية " : الله يخلف علي .. هذي اللي أنت متزوجها ؟
فيصل " يطالع دانة .. يمه ادخلي لا تصرخين برا ..
دانة " راحت بسرعة .. وهي تسمع أم فيصل تقول .. هالحين تارك اللي متسترة ومحتشمة عشان هالضايعة ..
علي " بهدوء " : اقصري صوتك يمه وادخلي ..
فيصل " فتح الباب بقوة ومعصب " : ادخلي نتفاهم جوا تكفين مالها داعي الصراخ ..
× دخلت أم فيصل بسرعة .. ×ودخل علي وراها بسرعة وصك الباب وراه ..


فيصل " يتنهد" : يمه ليش تكلمين قدامها ؟
أم فيصل " معصبة وبتطنز " : خايف عليها ؟؟ وعلى مشاعرها ياقلبي ؟؟ وهذي اللي قالب الدنيا عشانها .. لا بارك الله فيك أنت وذوقك .. وين بودي وجهي ؟؟ وذي زوجة ولدي ..
فيصل " معصب ": مو كل وحده تكشف يعني خلاص البنت ضايغة .. المسألة مو كذا .. البنت عاقلة وفاهمة وطيبة بس مو راضية تقتنعين فيها ..
أم فيصل "بسرعة " : ولا أبي أقتنع طول عمري ..
فيصل " طلع زقارة وأول مرة يطلعها عند أمه ... !
أم فيصل " استغربت " : لاااااااااااا والأخلاق خربت بعد .. ياعيني على ولدي .. أنا جاية بصالح بينك وبين نورة .. بس والله العظيم دمعة من دموع نورة تسواك يالضايع أنت واللي متزوجها ..
× علي جالس على الكنب .. وساكت ..
فيصل " عصب " : خلاص نورة بطلقها ..
أم فيصل " دمعت عينها " : ياحسااااافة تربيتي .. بس تدري ياليت صاير علي حادث قبل أوصل أهون من إني أشوف زوجتك.. الله يخلف .. الله يخلف .. × بسرعة .. يالله علي خلنا نرجع ..
× طلعوا علي وأم فيصل ..
× فيصل جلس الكنب ورجع رآسه ياااااالله .. اووووف متى أرتاح ..؟؟




× دانة تبكي بالسيارة .. يالله وش هالحظ .. !! وبعدين وش هالمتخلفة .. تقول عني ضايعة .. الله يعينني بس ..







× أم عبد الله وأم فيصل بالصالة ..
أم فيصل " صوتها تعبان " : والله قلت لعلي ودني له وياليتني مارحت .. قلت أمرك أرتاح شوي ..
أم عبد الله : الله يهديه ..
أم فيصل " بسرعة " : مادري وشلون قبلها على نفسه ..
أم عبد الله : والله وش نقول .. خلاص هذا الحل المناسب ..
أم فيصل : الشكوى لله .. الله يعيننا على الدنيا وبلاويها .. واللي قاهرني منقلب علي عشانها ..
أم عبد الله : القلب وأنا أوخيتك .. والضحية بنتي وولدها .. الله يعوضها برجل يدللها ..
× دخلوا عبد الله وسارة ..
أم عبد الله "تبتسم " : يااااااهلا وغلا ..
عبد الله وسارة : السلام عليكم ..
× قربوا وسلموا ..
أم فيصل " تبتسم " : وشلونكم ؟
سارة : تمام الحمد لله ..
× جت نورة .. تبتسم .. أهلين عبود .. نور البيت ..
عبد الله : بوجودك ..
× قربت وسلمت على سارة ..




× دانة جالسة بالصالة وتكلم وعبايتها عليها .. والله يافيصل تقول عن ضايعة وأسكت ..
فيصل : تعرفين أنت العادات خلاص انسي .. تبينني أضربها يعني ؟ هذي أمي ..
دانة " بعصبية " : طيب تحترم نفسها .. يعني كاشفة خلاص مو بنت ناس .. وسمعتي في الأرض ... ؟؟ والله شي يقهر ..
× أم دانة وقفت تسمع ورا دانة ... !!
فيصل : ما عليه آسف عنها حبيبتي ولا تزعلين ..
دانة "بكت " : بكرا إذا صار لي عيال وش راح تسوي .؟
فيصل " بسرعة " : طيب غطي وجهك .. وخلاص ..
دانة " بعناد وبصوت عالي " : لاااااااااا انسى
فيصل : خلاص أجل .. تحملي .. عادات أهلي تختلف عن عاداتكم تحملي مايجيك .. لأن بكرا بتجتمعين معهم ..
دانة " بسرعة " : مو لازم أجتمع الله يخلي لي أهلي ..
فيصل "استغرب ": لاااا لا لا .. إن شاء الله المشاكل هذي تعدي وترجع المياه لمجاريها حبيبتي .. حركات مابي أهلك ومادري كيف انسيها .. مو يعني إني تزوجت غصب على الكل إني ماأبيهم .. لا ياقلبي هذولا أهلي ,, إذا ضاقت فيني الدنيا مالي إلا الله ثم هم ..
دانة : يا سلاااام .. يحترمون أنفسهم طيب .. المهم المهم .. أنا موب رايحة المشغل .. أمك عكرت مزاجي .. بروح أرتاح ..
فيصل : يالله مع السلامة .. ولا تتكلمين كذا عن أمي ..
دانة " تبتسم بتطنز " : إن شاء الله .. مع السلامة .. قفلت ..
أم دانة " بعصبية " : ماشاء الله رايحة لهم وأنت تقولين بروح المشغل ..
دانة " التفتت بسرعة ووقفت " : من متى أنت هنا ؟
أم دانة : أنت وش تسوين من وراي ؟؟؟
دانة " تحط جوالها بالشنطة " : ماما السالفة غررررريبة .. بالصدفة شفت أم فيصل وسوت قلق تعرفين المتخلفين بكل مكان .. وهذي السالفة ..
أم دانة " تطالعها " : داااانة .. قولي الصدق ..
دانة : والله العظيم .. رحت اشتريت بوكيه ورد لفيصل قبل أروح للمشغل وشفتها هناك .. وقالت كلام عشاني كاشفة ..
أم دانة " تتنهد " : ماشفتي شي بعد .. بس والله انهبلت قلت لا يصير راحت لهم ..
دانة : لاااااا مامي وش دعوى أروح من وراك ..





× نورة وسارة بغرفة نورة ومعها ولدها ..
سارة "بخبث " : أبرك لك بالطلاق .. اليوم أقول لعبد الله ريحوها بس ..
نورة " تطالعها وابتسمت " : اللي كاتبه ربي بيصير ..
سارة "بسرعة " : طيب يقولون زوجته صديقتك ؟
نورة " تبتسم " : لاااا مو صديقتي من قال لك .؟؟
سارة " تبتسم " : سمعت .. وتدرين ياعمري إذا جلسنا بمكان قالوا فيه مغتربة هي وزوجها .. صادقت وحدة وخطفت زوجها ..
نورة " انهبلت " : جد السالفة طالعه مرة ؟
سارة " تكذب " : إييييييييه مرررررة .. ياعمري أنا أقول لو إني منك أتطلق بأسرع وقت .. واقهريه ..
× نورة نزلت رآسها ..
سارة : يا عمري وش فيك ؟
نورة : مافيني شي ..
سارة : زوجة أخوي عبد العزيز سوسة سوسة .. تعرفين وش سوسة .. أنا وسحر مانطيقها .. بس أمي على نياتها ..
نورة "تتنهد " : ماعلينا من الناس .. يالله قومي نجلس عند أمي وخالتي ..
سارة " بنفس شينه " : يووووه أنا أكره أجلس مع الحريم الكبار .. سواليفهم تجيب لي المرض .. بايخين ..
نورة "استغربت " : هذي أمي وأم زوجك .. وشلون تقولين عنها كذا ؟
سارة : شوفي أنا اللي فقلبي على لساني أقوله مايهمني أحد ..
نورة " تطالعها وبهدوء " : بس احترمي نفسك وخلي أسلوبك حلو لو سمحتي ..
سارة " بتطنز " : يااااعيني على المثالية أدوخ أنا ..
نورة " بتطنز " : أقول بروح عند أمي وخالتي ..
سارة " بخبث " : أنا مادري وش مخليك تموتين على خالتك وولدها وراك نجوم الظهر ..
نورة " واقفة وانصدمت وعصبت " : سارة أرجوك احترمي نفسك ,, هذي خالتي قبل أتزوج ولدها .. وإذا ماأعجبتك الجلسة عندنا مافيه شي غصب تقدرين تطلعين ..
سارة " وقفت وتمثل ": تطردينني من البيت ؟
نورة " انهبلت " : لا ما أطردك .. بس أقول ما أعجبك مانتي مجبورة تجلسين ..
سارة " تطالعها " : شوفي نورة أنا محترمة نفسي مابي أخليها آخر مرة أجي ..
نورة " مسكت كتفها " : حقك علي بس يمكن فهمتيني خطأ ..










------------------------------





×
عانقت قلبه قبل أن أعانقه ..
أحببته قبل أن آراه ..
سلمته قلباً عذرياً لم يسكنه سواه

×××
أجمل ليلة في عمري
إنها الليلة ..

فيصل


أحبك
زوجتك دانة

فيصل " يطالع دانة " : مبروووك دانة ..
دانة " قربت ومسكت يده " : فيصل أخيراً .. والله والله مرررة مبسوطة ..
فيصل " بهدوء" : دانة أنا عارف إنك تزوجتيني لأنك فتحتي قلبك لي .. ومستعدة تتحمليني بحلوي ومري صح ؟
دانة "تبتسم " : أكيد ..
فيصل : أنا خسرت وكسبت بحياتي .. ومن أعظم ماخسرت نورة ..
× دانة نزلت رآسها ..
× فيصل حط يده على خد دانة .. بس أنت أجمل وأحلى ماكسبت بحياتي ..
دانة "ابتسمت " : الله يوفقنا .. وعسى مايفرقنا إلا بالموت بعد عمر طويل ..
فيصل " يطالعها " : آمين.. ياحلوك بفستان العرس ..قمر يادانة ..
دانة "استحت..








× نورة .. بغرفتها .. مسترخية .. والله ماني مصدقة .. فيصل خلاص طلع من حياتي ..حتى ماحاول نتفاهم .. طلقني بسرعة .. آآآه بس ..



لحظه وداعك آه يا لحظة وداعك ياهي صعبه بالحيل صعبه
وأنا إللى أبي قربك وأبي قلبك وأبيك أبدنيتي تبقي معي تبقي
نسيت إني أعشقك ولا تنسي إني بفقدك..
لحظه وداعك ياهي صعبه بالحيل صعبه




من لي غيرك ياعمري لو بعدت ورحت عني
لو تحس بس إلى فيني بلحظه ما تتخلى عني
نسيت إني أعشقك ولا تنسي إني بفقدك..
لحظه وداعك ياهي صعبه بالحيل صعبه




هل حين أنت بعيد صدقني هذا الجديد
الهم والضيقة وحزني زاروني وأنت بعيد
نسيت إني أعشقك ولا تنسي إني بفقدك..
لحظه وداعك ياهي صعبه بالحيل صعبه

[جرح الذات]

× في شقة فيصل .. !!

دانة " تكلم بالتيلفون " : اسكتي والله العظيم خايفة مادري وش أسوي .. ؟؟
مشاعل " تتنهد " : جد موضوع مو بوقته أبد .. طيب من قال لك .. ؟؟
دانة " بتطنز " : يعني مين اللي رايح معي .. أكيد عمي ناصر ..
مشاعل : أهااا .. طيب قولي له خلاص ..
دانة " والدمعة بعينها " : المشكلة مو هنا أقدر أصرف السالفة ..
مشاعل "استغربت " : وين المشكلة أجل ؟؟؟؟
دانة : أنا غبية التقرير اللي سويته حلووو مرة وهادف .. وعرضوه اليوم بالقناة قالت لي أمي ..
مشاعل : يوووووه جد مشكلة .. × سكتت شوي .. طيب عن ايش التقرير ؟
دانة : عن عايلة فقيرة .. وحالتهم غريبة وكذا .. يعني التقرير بيشوفه الأعمى .. وطالعة أنا آخر شي .. × بخوف .. يااااربي أقول له وأمري لله ..
مشاعل " بهدوء" : لا اصبري يمكن مايدري ..
دانة " تسمع صوت المفاتيح عند الباب وبسرعة " : مشمش أكلمك بعدين باي ..
× دخل فيصل ..
مشاعل : باي ..
× سكرت دانة .. ووقفت .. أهلين حبيبي ..
فيصل " يبتسم لها وهو يمشي " : هلا حبيبتي .. كيفك ؟
دانة " وقفت وقربت ومسكت يده وتبتسم " : تمام دامي شفتك ..
فيصل " يطالعها مستغرب " : وش فيه وجهك ؟
دانة : أبد هيك .. كلمت مشمش وسولفت عن أيامي زمان في بيت بابا وتعرف ..
فيصل " يبتسم وضمها " : يالله حبيبي عازمك على العشاء ..
دانة " تطالعه " : وين ؟
فيصل : ستيك هاوس .. ماتبين .. ؟
دانة " ابتسمت " : إلا مررررررة أموت في أكلهم ..
فيصل : يالله حبيبي بسرعة .. روحي البسي .. ولا تحطين شي بوجهك ..
دانة " بقهر " : بس بتزين لك ..
فيصل " بهدوء ": إذا بتكشفين .. لا تحطين شي ..
دانة " واقفة " : ولا خفيف ..
فيصل "عصب" : يووووه يادانة ولا شي وبعدين أنت حلوة بدون شي ,,
دانة " عصبت " : بس أنا عروس ولازم أتزين .. ياسبحان الله لازم تعكر الجو ..
فيصل " وهو معصب " : أنت تشوفين المشاكل اللي صارت لنا الأسبوع اللي راح وساكت ومتحمل .. ولا قلت لك غصب غطي وجهك ..
دانة " راحت للغرفة وهي تمشي " : الله يخليييييييك أكرمنا بسكوتك .. معقد ..
فيصل " طلع زقارة وبصوت عالي " : خلاص مافيه عشاء .. ولا أبي تسوين لي شي ..
دانة " دخلت الغرفة وسكرت الباب " ..
فيصل " يكلم نفسه .. يالله عناد مو طبيعي أبد .. × فتح التلفزيون ورفع الصوت ..
× دانة بالغرفة .. جلست على طرف السرير .. × تسمع صوت التيلفزيون .. وقفت بخوف.. يااااربي أخاف يشوف التقرير .. × طلعت بسرعة .. وابتسمت بخوف .. فيصل ..
فيصل " يطالعها وهو زعلان " : نعم وش تبين ؟
دانة " قربت وجلست .. وأخذت من يده الريموت وسكرت التيلفزيون ..
فيصل " يطالعها " : ليش سكرتيه ؟
دانة " تبتسم " : يالله ماودك نطلع .. ؟
فيصل " بهدوء " : وأنت خليتي لي مزاج طلعة ؟؟
دانة " تطالعه " : طيب مو لازم نطلع .. قوم معي بالمطبخ ونسوي لنا عشاء وأبيك معي ..
فيصل : روحي لحالك .. أنا بطلع مأجل موعد مع واحد من العيال وبروح له دام ماعندي شي ..
دانة " بينها وبين نفسها .. أهم شي تبعد عن التيلفزيون ..
فيصل "وقف " : كولي العشاء لحالك ..
دانة " وهي جالسة تشوفه " : طيب حبيبي .. أنا آسفة .. وخلاص قفل على السالفة ..
× فيصل سكت وطلع ..






× في شقة عبد الله ..
سارة وعبد الله يتعشون ..
عبد الله : بكرا الغدا عند أهلي ..
سارة " تضحك " : استغفر الله ذكرتني بسواليف أمي .. والله عبود قديييم مرة ..
عبد الله " يطالعها ومستغرب ": تضحكين عشاني قلت بنتغدى ؟؟ ؟؟
سارة " تطالعه وبتطنز " : أجل عشان ايش ؟؟ أقول عشاء واحمد ربك .. يالله أتحملهم ..
عبد الله " ترك الملعقة " : سارة احترمي نفسك .. لا تخلينني أغلط عليك ..
سارة "تضحك " : محترمة نفسي .. كل كل بس .. × تآكل ..
عبد الله " ترك الملعقة وقام .... !!
سارة " تكلم نفسها .. بالشيطان .. جعلك ماترضى ..











× في شقة فيصل ..!!
× دانة جالسة بالصالة مشغلة التلفزيون وتنتظر التقرير بالأخبار .. × تكلم نفسها .. يالله وينه والله بيجي فيصل ماشفت شي .. × تسمع ورفعت الصوت بسرعة .. (( عائلة سعودية فقيرة تعيش في صحاري الرياض .. نترككم مع التقرير الذي أعدته لنا دانة فهد ...... !!!









× في بيت أم عبد الله .. نورة جالسة على السريروتلبس ولدها وتلعبه .. يااااقلبي ياعبودي .. اضحك × تحط اصبعها على فمه.. × يضحك .. ياااعمري أنت .. عسى ربي يخليك لي .. × تطالعه .. ياااازينك بس ..




× دانة سكرت التيلفزيون وهي ترتجف من الخوف .. وتكلم نفسها .. يااااربي أنا وش يضمن لي انه ماشافه عند الرجل .. × تتنهد .. يااااالله ياليتني سامعة كلام أمي .. !!




× في استراليا ..

× خالد جالس على طاولة الطعام .. وليلى تحط الصحون ..
خالد : كلمني قبل يومين ..
ليلى " وهي تسحب الكرسي بتجلس" : ياعمري يانورة .. والله كاسرة خاطري .. لااااا وأنت مع فيصل ..
خالد " أخذ الملعقة " : الحين أبد مو معه .. وراحمها .. والولد اللي بينهم ماقدر يرجع كل شي ..
ليلى : ياسبحان الله .. بس الطيب بهالدنيا هو اللي يتعب
خالد " يقاطعها " : مافيه أحد مرتاح لا الطيب ولا اللي فيه شر ..




× في شقة فيصل .. دانة بالغرفة .. وتولع الشموع .. × تكلم نفسها .. مشي الليلة عادي يادندون ولا تبينين شي.. لأنه لو داري عن شي جاء بسرعة .. !! × سمعت صوت الباب .. × بسرعة سكرت نور الغرفة وتركت نور الأباجورات وجلست على طرف السرير .. × فيصل فتح الباب .. وشاف الغرفة وابتسم .. السلام عليكم ..
دانة " وبدلع " : ياااااهلا وغلا ..
فيصل " قرب ووقف قدامها " : ردي السلام بالسلام ..
دانة "وقفت " : وعليكم السلام ..
فيصل " مسك يدها " : حلوة ريحة البيت ..
دانة " تبتسم " : أحبك .. وش أسوي !! بدلعك ..
فيصل " باسها على رآسها " : دانة قلبي اعذريني على اللي صار اليوم والله أنا أغار عليك من النسمة ..
دانة " حطت يدها على فمه " : بس لا تقول شي .. أصلاً ماراح أزعل عليك أبد .. ولو تدري عن غلاك بقلبي مااعتذرت لي لأني ماأزعل منك أبد ..
فيصل " يبتسم " : أنا عصبي ماأمسك نفسي .. فيه أشياء صغيرة أعصب منها وأشياء كبيرة ممكن أسكت .. مادري وش يصير فيني .. !!
دانة " تطالعه .. وساكته ..
فيصل " يبتسم مستغرب " : وش فيك تطالعيني كذا ؟
دانة " طاحت دموعها ": والله اني محظوظة .. عسى الله مايغير علينا ..
فيصل "ابتسم ويهمس لها" : أحبك ياأحلى وأطيب زوجة بالدنيا ..








× مع إشراقة يوم جديد في السعودية .. !!



× فيصل ودانة يفطرون ..
دانة : وأنت بتجلس بدون شغل ؟
فيصل " يبتسم " : كلها فترة وراجعين استراليا ..
دانة : بس حبيبي ماعندنا دخل .. وضاغطين على أنفسنا ..
فيصل : ربي يفرجها ..
دانة : لا تقعد بدون شغل وتقول ربي يفرجها .. لازم نسوي شي ..
فيصل "سكت شوي .. : دانة .. فيه سالفة مقلقتني وضميري مو مرتاح ..
دانة " استغربت ": وش فيك ؟
فيصل : لازم اليوم نروح لأمي ونحطها أمام الأمر الواقع ..
دانة " سكتت .. ..
فيصل " استغرب " : ماأعجبك كلامي ؟
دانة " بهدوء " : والله العظيم نفسي أتقرب من أهلك ونفسي أدخل معهم .. بس أمك أحسها مو سهلة ..
فيصل " يبتسم " : أمي أطيب منها مافيه ,, بنروح اليوم العصر ونجرب ,, ماراح يضر شي ..
دانة "تتنهد" : الله يعين .. طيب بتقول لهم .. ؟
فيصل : لا .. ماراح أقولهم ليش ؟؟
دانة : اللي يريحك ..





× في بيت أم عبد الله .. أم عبد الله وعبد الله ونورة يتقهوون بالصالة ..
عبد الله : الله يصلح الحال يايمه والله لو داري انها كذا ماخليت الزواج يتم ..
أم عبد الله "تضحك " : يايبه البنت مشحونة .. كثير بنات أول الزواج يخافون من أهل الزوج وبعدها يتغيرون .. وكيفها أهم شي مريحتك ..
نورة "تقاطعها" : يمه لا تصيرين طيبة بزيادة .. كلمي أمها وقولي لها إن البنت ماتبينا
عبد الله " بسرعة " : لالالالا ماله داعي تآصل يمكن تتغير .. هي طيبة وكلمة توديها وكلمة تجيبها ..
أم عبد الله : الله يعين على هالدنيا والله حنا بخير ..
نورة : بس هالبنت ماني مرتاحة لها ..



× في بيت أبو عبد العزيز .. سارة وسحر بالصالة ..
سحر : يووووه ياسارة .. تشوفين وشلون طيب معي .. يجنن والله يجنن ..
سارة "مستغربة " : طيب يشرب ..؟؟
سحر " تتهد وتضحك " : أقول لك من أول يوم بزواجنا اعترف بكل شي وقال أنا نويت أتزوج أبي أطلع من اللي فيه والغفلة اللي أنا فيها..
سارة "ابتسمت " : طيب ليش سافرتي أسبوع بس ؟
سحر : أنا مليييت ماتعرفينني أمل من السفر واشتقت لأمي ..
سارة : ياحبي لك والله فرحتيني الله يوفقك يارب ..
سحر : آميييين .. × جت أم عبد العزيز ..
أم عبد العزيز " وهي تمشي " : سارة ليش مارحتي مع زوجك لبيت أهله .. ؟
سارة " بوجه عابس " : يمه يضيقون الصدر ,, هدوء ونورة ماتتكلم ..
أم عبد العزيز " جلست " : يايمه مايصلح .. وبعدين أنت رحتي لهم بفترة طلاقها والمشاكل واللي جاهم مو سهل .. والله يايمه إنهم ناس طيبين ولا ترفسين النعمة برجولك ..
سارة " بسرعة وبنفس شينه " : ان شاء الله .. ان شاء الله .. يصير خير ..
سحر : أنصحها بس ماتسمع ..
سارة "تضحك " : هذا اللي ناقصني بعد !!!!






× في بيت أبو فيصل ..
× أم فيصل لحالها بالصالة تتفرج على التلفزيون .. × رن الجرس .. أم فيصل تصوت .. منور .. منور .. تعالي بسرعة ..
× جت منار ., سمي يمه ..
أم فيصل : روحي افتحي الباب ..
منار : طيب ..
× راحت ..

× أم فيصل .. من اللي جاي هالوقت .. × جت منار بسرعة .. يمه يمه ,, فيصل ..
× وقفت أم فيصل .. " مستغربة " .. وينه الحين .. ؟
منار " تتنهد من الركض " : دخل .. بس أنا ركضت ..
أم فيصل " بسرعة " : شوفي أنا بروح لغرفتي قولي أمي نايمة ..
× دخل فيصل ,, ومعه دانة ..
أم فيصل " انصدمت ".. وسكتت .. !!
فيصل " قرب " : السلام عليكم ..
أم فيصل " بقهر " : وعليكم السلام ..
فيصل " قرب يبوس رآسها ,, وأبعدته بسرعة .. × سكت فيصل ..
أم فيصل " بصوت حاد " : وش عندك ؟
فيصل : جايين نسلم عليك .. والله اشتقنا لك ..
أم فيصل " تطالعه " : بيتي يتعذرك .. اطلع ..
دانة " قربت " : لازم تسمعيننا
أم فيصل "بسرعة وبصوت حاد " : اطلعوا من البيت .. وإلا بمشي وأخليكم ..
فيصل " يطالعها" : يمه تكفين سامحينا .. ونبي ترجع حياتنا مثل أول ..
أم فيصل : دام هذي معك ماراح ترجع حياتنا مثل أول.. شوف وشلون انقلبت حياتنا من يوم دخلت..
× دانة ساكتة..
فيصل : ماعليه يمه ماعرفتيها لو عرفتيها وفتحتي قلبك لها راح يرجع كل شي مثل أول وأحسن ..
أم فيصل " تضحك باستهزاء" : أقووول .. لا تكثر من الكلام اللي مامنه فايدة .. ومابيني وبينك شي إلا إذا رجعت لنورة وتركتها ..
× دانة منقهرة وساكته ..
× فيصل ماقدر يرد .. × دانة مسكت يد فيصل .. يالله يافيصل ..
× فيصل نزل رآسه ودار ظهره ومشى .. ويحس بقهر بداخله ..
× أم فيصل بصوت حاد وعالي .. ايه روح معها خلها تنفعك .... × سكتت شوي .. منار روحي صكي الباب وراهم ..
منار "تمشي شوي شوي ,, راحمة أخوها ..



× فيصل فتح باب السيارة وركب .. وركبت دانة ..
فيصل " يتنهد " : مادري وش فيني كنت بقول كلام كثير وبأثر فيها.. بس لما شفتها راح كل الكلام ..
دانة "بهدوء": قوية أمك ..
فيصل " يبتسم وبقهر " : قوية وطيبة ,,
× دانة سكتت وفبالها كلام كثير .. بس ماتبي تضايق فيصل ..




× في بيت أم عبد الله ..
× نورة بالمطبخ تسوي حليب لعبود .. × دخلت أمها ..
نورة " طالعتها وابتسمت "..
أم عبد الله : يمه بروح اليوم لأختي تجين معي ؟
نورة " محتارة " : والله مادري مالي خلق أطلع .. بس أشوف ..
أم عبد الله : اللي يريحك ..
نورة : يمه شفتي عبود صحى من النوم وإلا لا ؟
أم عبد الله : إيه ياعمري شكله مرة جوعان استعجلي يمه ..





× في بيت أم فيصل ..
أبو فيصل وأم فيصل وعلي بالصالة ..
أبو فيصل " بصوت عالي " : بأي حق تطردينه ..
أم فيصل "بعناد وبصوت عالي " : البيت بيتي ومن حقي أدخل اللي أبي وأطرد اللي مابيه ..
أبو فيصل "معصب مرة " : اقسم بالله العلي العظيم إذا مارجعتيه خلال هاليومين .. سمعتي يومين بس .. !! والله إن ينتهي كل شي بيننا..
أم فيصل "انصدمت" : بعد هالعمر ؟؟؟
× علي ساكت ..
أبو فيصل "بصوت حاد ": ولدي مابيه يتمرمط .. ومن حقه يدور راحته وأنت السبب بكل شي صار .. فرضتي كلامك فرض عليه .. ومشتيه وكأنه بزر .. لا تحسبين الناس على كيفك.. هذا واحد طلع عن كلامك وتزوج والثاني ماندري عنه بشي ..!! كله منك وتعاملك ..
علي "بصوت هادي " : يبه تعوذ من ابليس
أم فيصل "تقاطع علي وبصوت عالي": أصلاً ابليس راكبة .. وأنا اللي متحملة وصابرة بهالبيت على كل شي.. ولدت وربيت وتعبت وطلعت رجال وفي النهاية أنا اللي ضيعتهم .. والله ياأبو فيصل أعتقد وصلتهم لمرحلة أنا اللي أرتاح فيها هاللحين .. وأنا اللي أدور الراحة .. بس اللي مكتوب عليه الشقى !!! × دمعت عينها ..
أبو فيصل " يتنهد": المهم فيصل يرجع يعني يرجع وكلمتي ماأثنيها .. !!
× طلع أبو فيصل ..
أم فيصل "جلست على الكنب وحطت يديها على رآسها وبكت ... !!
علي "قرب وباس رآسها " : يمه فكري زين وتعرفين الصح من الغلط ..
أم فيصل "تبكي ": وشلون يعايرني بولدي محمد ؟؟؟ أنا وش ذنبي ؟؟
علي " جلس جنبها وقرب لها " : يمه كان معصب لا تشرهين عليه ..
أم فيصل " بكت بقوة " : يعني أنا راضية عن اللي صار بولدي .. !! والله قلبي جمر عليه ومادري هو يآكل هو يشرب هو ميت هو حي.. والله لو هو ميت بعد أهون من إني مادري عنه !!!
علي : يمه اذكري الله وإن شاء الله يرجع .. ربي معه ..
× جت منار .. وجلست قدامهم ..
علي " بصوت هادي " : منور قومي جيبي ماء لأمي ..
× وقفت منار : طيب .. × تأفف وتكلم نفسها .. يااااربي كبرت وهم دايم مايبونني أدري بشي .. افففف ..








× في بيت أم دانة .. !! فيصل ودانة توهم داخلين ..
أم دانة : يالله حييهم نور البيت ..
فيصل "توه يجلس " : بوجودك ياخاله.. كيفكم إ ن شاء الله تمام ؟
أم دانة : الحمد لله .. أنتم عساكم مرتاحين ؟
فيصل : الحمد لله.. × يبتسم .. دامي مع دانة مرتاح ..
دانة " ابتسمت ..
أم دانة : الله يخليكم لبعض ..




× في بيت أبو فيصل .. علي جالس جنب أمه ,, وأمه ماسكه رآسها ..
علي "يطالعها " : يمه فيك شي ؟
أم فيصل : أحس رآسي بينفجر ..
علي : أجيب لك حبة بنادول ؟
أم فيصل : آخذه يبه .. والله ماأقدر أشوف شي ..
علي "وقف " : يمه شكل ضغطك مرتفع وإلا منخفض قومي بعد .. × يطالعها .. حتى وجهك مو طبيعي ..
أم فيصل " رفعت رآسها" : يبه قل لمنور تجيب عبايتي لازم أروح المستشفى والله أحس الدنيا كل شي صار أسود..
علي "بينه وبين نفسه " : الله يستر ..




× في بيت أم عبد الله .. × أم عبد الله تركض دخلت غرفة نورة ونورة ترضع ولدها .. ×بسرعة .. نورة يمه كلمني علي يقول أختي بالمستشفى ..
نورة "انهبلت " : وش فيهم ؟
أم عبدالله "والدموع مالية وجهها" : والله مادري ؟؟ !! يايمه دقي على عبدالله والله ماني قادرة حتى أمسك الجوال ..
نورة "بسرعة أخذت الجوال ودقت " : يارب تحفظها من كل شر ..
× أم عبد الله واقفة وتسمح دموعها بالمنديل .. يارب يارب يارب تخليها ..
نورة "بسرعة " : هلا عبدالله وينك ؟
عبد الله : فالبيت ..
نورة "بهدوء وخايفة" : طيب ياحبي لك تعال أمي تبيك
عبد الله "استغرب" : وش تبي ؟ وش فيه ؟؟!!!!!
نورة : خالتي بالمستشفى..
عبد الله "قاطعها": ياساتر عسى مافيها شي كايد ..؟؟
نورة : لالا إن شاء الله بس ياحبي لك بسرعة ..
عبد الله " وقف ": يالله يالله جيت اجهزوا ..




× في المستشفى ..
أم فيصل دخلت الغرفة وعلي يمشي وراها والممرضة معهم ...
علي "بصوت واطي يكلم أمه ": لازم تريحين نفسك وسمعتي الدكتور وش قال .؟؟
أم فيصل "تشيل عبايتها " : الله يعين ..
الممرضة : يالله ياماما لازم ترتاحي ولا تفكري بشي لأنه ضروري يرتاحي ..
أم فيصل " انسدحت على السرير " : يارب ..
علي "باس رآسها " : ماتشوفين شر يالغالية ..
أم فيصل "طاحت دموعها": الحمد لله على كل حال ..
× دق جوال علي .. هلا يبه .. ايه بالدور الثاني .. لا الحمد لله مافيها شي .. يالله هلا بك





× في بيت أم دانة ..
× دانة وأمها بالصالة .. !!

أم دانة :بالعكس يايمه والله أدعي لك ليل نهار ..
دانة " بخوف " : بس فيصل للحين مايدري عن التقرير ولا أدري وش أسوي ؟؟
أم دانة "تبتسم " : الله يصلحك .. توك تحسين بكلامي ؟؟ مالك إلا تقولين له ..
دانة "عبست وجهها" : صعبة ماما .. والله صعبة .. مررررة غيور .. أنت ماشفتي كيف يبهذلني بالمطاعم والأسواق ماتوقعته غيور ..
أم دانة "تضحك " : هههههههه وفيه سعودي مو غيور ؟؟؟
دانة : يااااااااااالله الله يستر منه .. صدق عرفت إن كلامك كله صح .. وفيصل أفكاره تختلف جذرياً عني ..
أم دانة "تتنهد": يايمه الكلام ببلاش بس التطبيق صعب ..وهذا حال فيصل!! يتكلم بس صعبة عليه يطبق لأن عايلته وعاداته تختلف عنك ومهما كان اللي حوله يأثرون عليه ..
دانة "سكتت شوي ": ليش كل ماجيتك خوفتيني ماريحتيني
أم دانة "قاطعتها": يايمه أنا أصدق وحدة معك وأخاف تصدقين الأيام وهي تضحك عليك .. أنا أكون صريحة معك ماأبيك تنصدمين ..







× فيصل واقف بالسيارة عند بيت أبو دانة .. كان بيمشي وهون .. × نزل من السيارة .. وطلع زقارة .. ويدخن .. × بينه وبين نفسه .. ليش يايمه ؟؟ والله لو تعرفين غلا دانة بقلبي وراحتي معها كان مازعلتي .. × وقف شوي يتفرج وهو يدخن .. × رمى الزقارة ودعسها برجله .. وركب السيارة وشغلها .. ومشى .. !!!! شغل عبدالمجيد ..
حدك هنا لا تقربي مني .. أنا الله خلقني حر ..
مهما ظروفي تمر ..
ومهما لقيت صدود ..
أبقى أنا الموعود ..
مابيني يأسي والمنى ..
× قطع جوه صوت الجوال .. طلعه ورد .. هلا علي ..
علي : كيفك ؟
فيصل "بصوت تعبان " : ذبحني التفكير محتار بين أمي ودانة ..
علي "سكت شوي ...
فيصل " استغرب " : وش فيك ؟
علي " بهدوء": فيصل أمي مرتفع ضغطها
فيصل "بسرعة وبخوف " : عسى ماصار فيها شي ؟
علي : لالالا بس قالوا بنرقدها يومين أو ثلاث ..
فيصل "استغرب وبقهر " : يعني بالمستشفى أمي ؟
علي "يتنهد": إيه .. ويقول الدكتور لاااازم ترتاح وإلا الله يستر ..
فيصل "بقهر " : يااااااااالله كله من اللي صار .. طيب بأي مستشفى؟
علي : لا تجي أمي لازم ترتاح ..
فيصل " بسرعة وبعصبية": وش اللي لا تجي أمي هذي ..!! بجي يالله بأي مستشفى ..!!






× عبد الله وأم عبد الله ونورة .. دخلوا غرفة أم فيصل .. بسرررعة راحت أم عبد الله وباست رآسها ..سلامتك يالغالية ..
أم فيصل "بصوت تعبان " : الله يسلمك ..
× قربت نورة وباست رآس خالتها .. سلامتك ياخاله ..
× وقرب عبد الله وباس رآسها . سلامتك .. ياجعلك ماتشوفين الشر ..
أم فيصل : الله يسلمكم ,, اجلسوا ..
× عبد الله وهو واقف : قلت أشوفك وأتطمن عليك .. أنا بطلع عند علي وأبو فيصل ..
أم عبد الله : على راحتك يبه بس انتظرنا لا تمشي ..
عبد الله : إن شاء الله .. يالله ياخاله تآمريني بشي ؟
أم فيصل : سلامتك يابعد قلبي ..
× جلست أم عبدالله وجلست جنبها نورة ..


× علي يطق الباب .. × تغطت نورة .. × دخل علي .. وقرب لأمه .. وبصوت واطي .. يمه فيصل بيجي ,,
أم فيصل " وهي تشوف علي وبصوت واطي " : وش يبي ..!! ماارتاح يبي يموتني ؟؟


× نورة سمعت ونزلت رآسها ..
علي "بصوت واطي " : وش أقول له ؟
أم فيصل "راحمة فيصل بس تخاف على زعل أختها ..سكتت.. !!
علي "ابتسم " : أكيد رضيتي .. بعدين يمه لازم تريحين نفسك وصحتك أهم من كل شي..
أم فيصل "طاحت دموعها": وأنا ماذبحني إلا هو وأخوه .. ×سكتت شوي .. خلاص خله يجي ..
علي "طلع ....
أم عبد الله "تبكي " : وش فيك ياأوخيتي عسى ماشر وش اللي جاك ؟
أم فيصل : مرتفع الضغط الله يعين ..

× نورة طلعت القهوة وتصب ..
أم عبد الله : يابعد عمري ريحي نفسك ..
× عبدالله دخل .. نورة تعالي شوي ..
نورة "عطت أمها القهوة وطلعت مع عبد الله ..
نورة : وش عندك ..؟
عبد الله " تعالي اجلسي بالانتظار لأن فيصل بيجي ..
نورة " ودقات قلبها تنبض بسرعة .. بيجي ؟
عبد الله "مسك يدها ومشى معها .. وإلا أقول لك تعالي نتمشى لما يطلع ..
نورة "والدموع بعينها " : زين سويت ,, أشوى إنك قلت لي ..
عبد الله "يبتسم": ماأبيك تنحرجين ..
×رآحوا لللفت ..وانفتح وركبوه ونزلوا ..
نورة " وهي طالعة من اللفت " : ياعمري ياخالتي شكل اللي رافع ضغطها فيصل ..
عبد الله : الله يعينها .. فيصل ومحمد كلهم يرفعون الضغط ..



× نورة فجأة ارتبكت .. ووقفت ..
وتشوف فيصل وهو بعيد عنهم ماانتبه .. دقات قلبها أسرعت .. ودموعها طاحت ماتدري ..
عبد الله "انتبه .. وسكت ..
× نورة .. ولسان حالها يقول ..
ليتني ماقد عرفته ولا أمنته قلبي ..!!
ليتني أول ماشفته مقبل (ن) غيرت دربي .. !!







× نورة .. مسحت دموعها ومشت .. وبينها وبين نفسها .. ياااليت عندي أخت أشكي لها .. وتفهمني .. ياااليت عندي أحد أطلع شوي من شوقي وأطفي شوي من ناااااري .. والله لو تدري عن غلاك ماتركتني .. !!
عبدالله "قطعها " : نورة ..
نورة "بصوت هادي " : نعم ..
عبد الله "ابتسم " : أنا حاس إني ربي بيعوضك برجل أبرك منه وأطيب منه ألف مرة ..
نورة "ابتسمت تحت الغطاء ابتسامة فاقدة فيها الأمل .. !!





× دخل فيصل .. وسلم على خالته .. وباس رآس أمه .. الحمد لله على السلامة يالغالية ..
أم فيصل " طاحت دمعتها " : الله يسلمك ..
× جلس جنب خالته وقرب الكرسي عند أمه ..
أم عبد الله "وقفت " : يالله ياأخيتي ماتشوفين شر ..
فيصل "يطالعها " : تونا ياخاله ..
أم عبد الله : لالا بروح تطمنت على أختي أهم شي .. × طلعت جوالها من الشنطة .. × وراحت تودع أختها .. يالله ماتشوفين شر.. ولا تشيلين هم شي ترا ماأحد نافعك .. وصحتك أهم من كل شي ..
× فيصل نزل رآسه ..
أم فيصل " بتعب " : الله يعين على الدنيا .. ويفرج عن ولدي والله هذا اللي هااااد حيلي ×بكت ..
أم عبد الله : الله يفرج عنه وادعي له ..






× طلعت أم عبد الله ..
× فيصل مسك يد أمه وباسها .. سامحيني يمه ..
أم فيصل "مسحت بيدها على رآسه " : وأنا مالي إلا ثم أنتم .. الله يسامحك ..
فيصل "يطالعها ويبتسم " : طيبة والله مافيه في الدنيا مثلك ..
أم فيصل " بهدوء" : بس زوجتك لا أشوفها ..
فيصل " تنهد": يمه والله بتتعبين نفسك .. والبنت لو تعرفينها زين صدقيني راح تندمين على اللي سويتيه ..
أم فيصل "سكتت "....!!
فيصل " بصوت هادي " : يمه أنا مابي أتعبك وإذا تبين أسكت ..سكت ..
أم فيصل "بسرعة " : لا قل كل اللي بخاطر والله أخاف يصير فيني شي وأنا مضيقة صدرك ,,
فيصل "ابتسم " : أجيبها يمه ؟
أم فيصل " سرحت .. !!!
فيصل "يطالعها " : اللي يريحك وأنا أهم شي راحتك ورضاك ..
أم فيصل " هزت رآسها / يعني رآضية / ..
فيصل "قام وباس رآسها ويضحك من الفرحة .. هه هاللحين ارتحت ..
أم فيصل "بكت": خفت يافيصل توي أعرف انكم غالين ..







× في بيت أم دانة ..
× دانة بالصالة تكلم بالجوال .. ×تضحك .. جد ؟؟ والله مررررة انبسطت حبيبي أوكي .. الله يقومها بالسلامة .. طيب .... خلاص 10 دقايق وأصير جاهزة إيه صادق تأخرنا ..طيب.. باي عمري ..




× نورة بالغرفة وعلى السرير تستعد للنوم وجنبها ولدها .. × أمها تطق الباب ..
نورة : ادخلي يمه ..
× فتحت الباب أمها .. مانمتي ؟
نورة "ابتسمت " : لا والله هه توي أنوم عبودي أزعجني ..
أم عبد الله : طيب شوفي أنا تذكرت شي قبل أنام .. واليوم جيت بقول لفيصل وهونت ..
نورة "ارتبكت ومستغربه" : وش فيه ؟
أم عبد الله : يمه تأخر بمصروف الولد .. وتشوفين حالتنا على الله ثم على راتب أبوك الله يرحمه .. هو له أبو يصرف عليه ..
نورة "سكتت شوي .. صادقة يمه .. خلاص طيب كلميهم وإلا قولي دقي على علي يوصل له ..
أم عبد الله : لا أنا أقول لعبد الله .. بس قلت بشوف رآيك ..
نورة : لا أكيد أنا مع حق ولدي .. بكرا يتعود إني أنا اللي أصرف عليه ولا يعطيني ولا ريال لعبودي ..
أم عبد الله : صادقة يمه .. إلا إن الرجل يتعود ..
نورة : يالله الله يفرج كل ضيقة ..
أم عبد الله " قربت وتطل على عبود " : يابعد عمري نايم ..
نورة "تناظر عبود .. يدنن يابعد قلبي .. مع إنه تعب أمه اليوم ..
أم عبد الله : الله يخليه لك يارب .. يالله تصبحين على خير ..
نورة "ابتسمت ": تلقين خير ..
× طلعت أم عبد الله ..
× نورة سحبت اللحاف وانسدحت .. حطت رآسها على المخدة وتفكر .. !! الحمد لله اللي جبت منك هالولد .. عشان أقدر أشوفك .. ياااه اشتقت لك .. × تذكرت يوم تشوفه بالمستشفى .. ماتغيرت يافيصل على حلاك لا ويمكن صرت أحلى .. ×تتنهد .. يالله مكتوب .. × طاحت دمعة .. ياحظك فيه يادانة .. أكيد أسعد وحدة بالدنيا أنتِ .. !! يارب ترجعه لي .. يارب يارب يارب ..















---------------



× مرت الأيام .. وتغيرت أشياء بسيطة .. دانة تقربت لخالتها أم فيصل اللي رقدت بالمستشفى أربع أيام وبسبب ارتفاع الضغط !! .. وفيصل !! مايدري عن موضوع دانة .. !! وعبد الله وسارة على حالهم .. أما سحر مبسوطة مع سلمان اللي فعلاً كان يحتاج تغيير .. وخالد وليلى جايين زيارة للرياض ..









-------------------------


× في بيت أم عبد الله ..
نورة بغرفتها .. تكلم بالجوال ,, الحمد لله على سلامتك ياقلبي ,, عاااد لازم أشوفك ,,
ليلى : ياااقلبي والله إنك فبالي ,, ماتفارقينني ..
نورة : طيب ليش ماقلتي لي إنك جاية ,,
ليلى : ياعمري تعرفين على بال ماأستقر وأرتاح وزيك عارف ,,
نورة : أدري والله وعاذرتك .. والحمد لله على السلامة وسلمي على خالد ,,
ليلى : إن شاء الله ,,
نورة : طيب حاولي تجينني بكرا أو بعده ,,
ليلى : بحاول لأننا ماراح نطول تبدأ دراسة خالد ,,
نورة : والله مشتاقة لك ,,
ليلى : وأنا أكثر ياقلبي ,, أوكي ياعسل ,, أنا بروح تعرفين أصير مهمة توي راجعة ,,
نورة "تضحك ": مررررة ,, يالله فمان الله ..
ليلى : فمان الله ,,






× في شقة فيصل .. فيصل جالس على اللاب توب بالصالة .. ودانة تحط الغداء على الطاولة..
فيصل "يبتسم " : الحمد لله كلها شهر وحنا راجعين استراليا والله مبسوووط مرة ..
دانة "وقفت ": الحمد لله .. والله شوي وأموت من القهر ..
فيصل : ربي يفرجها .. أهم شي رضى ربي ونرضي الوالدين وربي معنا ..
دانة "ابتسمت ومشت " : صادق ياسبحان الله ..
فيصل "يطل على طاولة الطعام " : هه دانة مسويه كبسة ؟
دانة "وهي بالمطبخ " : وش أسوي حبيبي مايعجبك إلا الكبسة ؟
فيصل "وقف وراح لطاولة الطعام ": آآآآه يالكبسة .. × سحب الكرسي وجلس ..
× دانة جت ومعها الماء × تضحك .. سعووودي .. حطت الماء على الطاولة وسحبت الكرسي وجلست ..
فيصل : تسلم يديك حبيبي ..
دانة : ياحبي لك .. يالله بسم الله ..
فيصل : بسم الله ..





× في شقة عبد الله .. عبد الله ونورة وسارة يتغدون ..
عبد الله "يبتسم " : أجل اشتقتي له وأنت مالك ساعتين عنه ..
نورة "وهي تآكل " : ياااااحبي له بسم الله عليه صاير يتحرك كثير .. وياملحه إذا اممم
سارة "تقاطعها": أنا اللي أعرفه إنهم يقولون ابب بس ياعمري ماعنده أبو
عبد الله "ناظر سارة نظرة حادة ..
× نورة سكتت .. وحست إنها انقهرت منها ..
عبد الله "رحم نورة وعصب على سارة " : تراني متحملك لأن أصلي وبطبعي طيب وإلا نورة ع الأقل صار عندها ولد واللي تزوجها ماعرف قيمتها.. يعني بإختصار متحملك لأني تربيت على الطيب وإلا أقدر أخليك تندمين إنك فكرتي تزوجين ..
سارة "بخوف ": وش فيك ؟؟؟ أمزح معها وهي تعرف إني أمزح ..
نورة "تقاطعها": لا ماتمزحين ومو أول مرة تتكلمين وساكته ومتحمله .. تراني قليل أجي لبيت أخوي عشانك فيه
سارة "بتطنز": لااااا تكفين تعالي
عبدالله "يقاطعها " : خلااااص × وقف وترك الملعقة .. احترمي وجودي على الأقل .. واحترمي إني زوجك !!
سارة "بصوت عالي " : ياااسلام هي تتكلم عادي وأنا ياويلي..؟؟ لا ياعمري بتكلم
عبد الله " راح وخلاها وهي تتكلم ودخل الغرفة وصك الباب بقوووة.. × بصوت عالي .. بعمرها ماراح تتعدل ..


× سارة وهي جالسة تطالع نورة .. يااااسلام هذا اللي طلعتي فيه مشكلة .. انبسطي ! .. ياختي لا تجين إن كانك بتخلقين بيني وبين زوجي مشاكل ..
نورة "تطالعها وباستحقار " : والله ماجيت لبيتك .. جيت لبيت أخوي .. وأي وقت أبجي ولا عليك مني ..
سارة " انقهرت " : طيب طيب نشوف ..
نورة : بشوف وش بتورينني !!!
سارة " سكتت ,,, !!








× في بيت أبو فيصل ..
أبو فيصل وام فيصل وعلي ومنار يتغدون ..
أم فيصل : والله مادري ولدي يآكل وإلا ذابحه الجوع ..
أم فيصل "تنهد": الله يفرج عنه ..
أم فيصل "والدموع بعينها " : يوم يطلع وهو مليان جسمه .. وكنت أقول له انتبه لا يزيد وزنك .. × سكتت ..
× منار تطالع أمها ..
أبو فيصل : والله اشتقنا له .. واشتقت حتى لهواشه ..
أم فيصل : 5 شهور ماأدري عنه أكيد نحف وطلعت عظامه .. × بكت .. وتركت الملعقة ..
علي " يطالع أمه " : ادعي له ..






× في شقة فيصل .. طلع توه مغسل ..
× دانة وهي تشيل الصحون .. هاه أعجبك الأكل حبيبي ..
× فيصل يطالعها .. أكيد تسوين شي ومايعجبني ..
دانة : يااااحبي لك ..
فيصل " أخذ اللاب توب وجلس على الكنب بالصالة ..
دانة "بالمطبخ وبصوت عالي ": ترا اليوم بروح لأهلك ..
فيصل : طيب .. × فتح ايميله .. × يكلم نفسه .. يوووه أمس وأنا شايفه .. 16 ايميل اوووف والله يالناس فاضية..






× في شقة عبد الله .. عبد الله وسارة بالغرفة ..
سارة "جالسة على طرف السرير " : بعد أختك وقحة ولا سمعتها يوم رحت وش قالت ..؟؟
عبد الله "واقف " : وش قالت ؟
سارة "بكت تمثل " : تقول البيت مو بيتك ومتى مابي جيت ومن هالكلام اللي سم على قلبي وأنا ساكتة.. والله ماتدري عن اللي يصير بيننا بس قدامك تتمسكن وتمثل إني مسكينة وإلا هي حية من تحت تبن .. أختك سوسة تعرف وش معنى سوسة ,, معقووولة كل هالسنين ولا تدري عنها !!
عبد الله " انقهر من نورة ": طيب أنا أتفاهم معها × وقرب ومسح دموع سارة .. دموعك غالية علي × وقف شوي .. .. × وطلع .. راح للصالة ..
× سارة تبتسم ..




نورة "تكلم أمها بالجوال " : يابعد عمري ماأزعجك ؟
أم عبد الله : والله كأنه لك خمسين سنة عنه لا ماأزعجني بس أنت اللي أزعجتيني تبينه تعالي خوذيه × تضحك ..
نورة "تطالع عبد الله وهي تكلم " : طيب يمه مع السلامة أنا المغرب جاية ..
أم عبدالله : مع السلامة ..
× سكرت .. نورة تطالع عبد الله مستغربة .. !!
عبد الله " معصب " : لا مو المغرب بتروحين الحين قومي .. يالله .. أنا ماني ناقص مشاكل .. وحركات التمثيل هذي ماتعجبني يانورة وأنا أخوك وأنا أعرف إن حقك ماتخلينه ..
نورة "انصدمت " : وش تقول أنت ؟
عبد الله " بعصبية " : قوووومي يالله بلا تمسكن وتمثيل .. يالله روحي عند أمك الله يعينها عليك ..
نورة "وقفت " : أنا بطلع .. بس احترم نفسك شوي وأمي هي أمك .. ولا تأثر عليك وحده أنت عارفها من يوم تزوجتها ..
× سارة تسمع وتبتسم ..
عبد الله "بصوت عالي " : وأنا عارفك من زماااان قبل أتزوجها .. والله لو وحدة منكم قاصرة الشر ماصارت !! كل شوي مشكلة ., أشغلتوني بكلام فاضي ,, خلاص لا تجين البيت وهي ماراح تجي البيت وأقطعها من الحين ..
نورة " شافت باستحقار .. وراحت تآخذ عبايتها .. × وماسكة نفسها عن الدموع .. × وجواها قهر .,.

عبد الله " وهو طالع وبنفس شينه " : أنتظرك بالسيارة ..
× نورة بصوت عالي .. حسبي الله عليك ياسوير ..
سارة "طلعت ووقفت قدام باب الغرفة وحاطه يدها على خصرها .. × نورة تشوفها وهي تلبس عبايتها .. ياربي لك الحمد ولك الشكر .. نعمة العقل زينة ..
سارة "بتطنز": والله زينة !!.. أشوف فيك عقل ماشاء الله ..
نورة "مشت وخلتها .. وطلعت ..




× فيصل يقرا الايميلات .. وفتح ايميل عنوانه " الفقر بالسعودية ,, والإعلام كشف لنا أشياء نجهلها ..
((( (( عسى الله يفرج عنا كل ضيقة ))
(( هذا تقرير عرض في قناة لااااايفوتك التقرير ..
اييييه نسيت ترا اللي تقدم التقرير مااااتدوخ أبد وين السعوديات ذولي مانشوفهم إلا مرة وحدة بالعمر :P )) ))



× فيصل بدا يحمل التقرير .. × جت دانة .. تبتسم وجلست جنبه .. شو عم تعمل ..؟
فيصل " يطالعها ويبتسم " : أتصفح ايميلي .. أدوختني هالايميلات مايخلصون الناس ..
دانة "ابتسمت ": لا وشلون عاد إذا صار الشخص محبوب مثلك .. × حطت رآسها على كتفه .. × وحط يده من ورا ظهرها .. ياحبي لك يادندون .. × سكر شاشة الكمبيوتر ,, وضمها .. هاه خلصتي مغسلة ؟
دانة " بدلع " : إيه بس يتعب المطبخ ..
فيصل : إذا رحنا استراليا إن شاء الله أجيب لك غسالة صحون × مسك يدها .. عشان اليد الحلوة ماتتعب ,,
دانة "ابتسمت " : عسى ربي يخليك لك وربي مبسوطة معك فصولي ,,
فيصل " بصوت هادي " : أنا مبسوط أكثر لأني أحبك أكثر ,,
دانة "تبتسم " : لا أنا .. والدليل تعبت عشان أتزوجك .. لااا وحبيتك من أول نظرة ..
فيصل "بعناد وبهدوء" : أنا تعبت أكثر ..وأنا ضحيت بأشياء كثيرة ..
دانة " تضحك .. يااااااحبي لك ..










× نورة تبكي بالصالة وأمها عندها ,,
نورة "تبكي " : يمه من راح يبقى لي في هالدنيا لو تركني عبدالله..؟؟
أم عبد الله "تتنهد": لا حول ولا قوة إلا بالله العلي العظيم .. حسبي الله على سوير هذي !!
نورة : أنت لو شايفتها وشلون ترد .. أنواع الخبث .. والله العظيم ماكنت أصدق المسلسلات أقول خرابيط مافيه أحد بيننا كذا ..
أم عبد الله : الشر بكل مكان يايمه .. بس أنا أكلم عبد الله ..
نورة "تمسح دموعها": طيب وين ولدي ؟
أم عبد الله : نايم بغرفتي وقلت للشغالة كل شوي تشوفه ..
نورة "وقفت " : بروح له مانافعني بهالدنيا إلا الله ثم أنت وولدي .. الله يخليكم لي ..
× راحت نورة ..


× دق التيلفون ,, × ردت أم عبد الله .. هلا فيصل .. الحمد لله بخير .. والله كلنا بخير أنت كيفك ؟ ايه زين .. خلاص أقول لها ,, طيب مع السلامة حياك ..
× أم عبد الله ×تصوت .. نورة ..نورة .. ×نورة ترد بصوت عالي ,, جيت يمه جيت .. ×جت نورة ومعها عبودي ,, سمي يمه ..
أم عبد الله : دق فيصل ..
× نورة ارتبكت .. وش عنده ؟
أم عبد الله : يبي يشوف عبودي وأكيد بيجيب له مصروفه ..
× نورة بهدوء .. طيب بروح ألبسه ..
× راحت نورة .. وهي أبد مو على بعضها .. × وبينها وبين نفسها .. يااااارب أشوفه لو لمحه تنسيني كل اللي صار لي اليوم وربي شوفة تنسيني .. ياااااارب ..





× في بيت أبو فيصل .. !!
× أم فيصل وعلي بغرفة علي ..
أم فيصل "منزلة رآسها على الأرض وهي جالسة على طرف سرير فيصل ...
علي "بهدوء جالس قدامها على طرف سريره " : لااا يمه لا تقولين كذا ,, إن شاء الله بتفرحين فيني .. وبعدين ولدك شقردي وأول ماأتوظف بتزوج وبتشوفين عيال عيالي ..
أم فيصل " تطالعه " : أنت الوحيد اللي ماقد أغضبتني .. ولا قد سمعت صوتك مرفوع علي ..
علي "قام وباس رآسها " : وأنا أقدر أرفع صوتي على الغالية ..
× دخل أبو فيصل .. هاه وش عندكم ؟
أم فيصل : أسولف مع ولدي يابعد عمري ..
أبو فيصل " مشى وجلس جنب أم فيصل " : وش تسولفون عنه ؟
علي : تبيني أتزوج ..
أبو فيصل : هههههه لالا بدري ..
علي " بمزح " : ايه مو الحين بدري ,,
أم فيصل : خلاص سنة وشوي ويتخرج .. وأزوجه وأفرح فيه ..
أبو فيصل : الله يوفقهم .. وعقبال مانفرح بمنور ..
أم فيصل "تضحك " : ووووه بس يامنور يابعد قلبي هي الله من الهداوة ..
علي : منار مافيه مافيه مثلها ..
أم فيصل "وقفت": يالله بروح أطلع الحلى وأجهزه .. بيجي فيصل وزوجته ..






× في بيت أم عبد الله .. × رن الجرس ومافيه أحد بالصالة .. نورة تلبس ولدها بالغرفة ,, والأم تصلي .. والشغالة ماتسمع تغسل ..
نورة "تصوت" : افتحوا الباب .. ايرا افتحي الباب ..

× مافيه أحد يسمع ..
نورة " أخذت ولدها .. وبينها وبين نفسها ,, والله اشتقت أسمع صوته ,, وأكيد هذا فيصل .. طلعت نورة من الغرفة .. وهي تمشي ,, يرن الجرس ,, ×نزلت .. !! × طلعت أم عبد الله من المجلس "مستغربة " : نورة وين ؟
نورة "مرتبكة " : مادري من عند الباب ومافيه أحد يفتح أصوت من اليوم
أم عبد الله "تقاطعها": إيه أكيد فيصل وأنا قلت لك .. ×تتنهد .. الله يهديك بس ..
نورة "انقهرت " : يمه روحي افتحي وإذا رجعنا قلت لك ..
× راحت أم عبد الله ..
× نورة "حطت ولدها على الكنب .. ×تذكرت صح .. وراحت بسرعة قبل تجي أمها .. ×تركض للغرفة .. وتكلم نفسها .. خلاص باقي شهر وأطلع من العدة ولا فكر يرجع أنا أرجعك يافيصل .. × دخلت الغرفة .. وفتحت الدرج وطلعت العطر .. (عطر أول زواجها ) .. × ونزلت بسرعة وعطرت عبود فيه .. ×ورفعت عبود وضمته ياااااابعد قلبي أنت والله إنك غالي يكفي إن فيصل أبوك .. × دخلت أم عبد الله .. عطيني الولد ..
×نورة عطتها الولد .. قولي له ينتبه له ..
أم عبد الله "تبتسم " : إن شاء الله ..
× راحت ..
× نورة طاحت على الكنب .. يااااااربي والله نفسي أشوفه .. قههههر ..
× دخلت أم عبد الله على فيصل ..
أم عبدالله "بنفس شينة " : هذا عبودي وأنا بروح أجيب القهوة ..
فيصل "ضحك يوم شاف ولده .. وقام أخذه .. هلا هلا يابعد عين أبوك ..
× طلعت أم عبدالله ..
فيصل "ضمه ووقفته الريحة ,, ورجع يشمه مرة ثانية .. وشمه مرة ثالثة بقوووة .. × تذكر العطر .. ×جلس ,, ياااااالله ,, وش الفايدة يانورة .. ×فيصل تذكر سالفة العطر .. يااااااالله ,, ×رجع شريط الذكريات

(((( في شقة فيصل اللي قبل يروح استراليا أول زواجه ,, × دخل على نورة وهي بالغرفة ,, ومعه كيس حلوة ,,
نورة "تطالعه وهي جالسة على كرسي التسريحة وتحط مكياج" : وش فيها الكيس الحلوة ياحركااات ,, !!؟
فيصل "يبتسم وقرب وعطاها بوسة على رآسها ..
نورة "ابتسمت ": وش عندك فيصل ؟
فيصل : رحت لباريس غاليري بشتري لي عطر قبل أروح استراليا وأعجبني عطر نسائي وقلت نورة أهم
نورة "سحبت الكيس من يده " : يااااحبي لزوجي بس ,,
فيصل "استغرب حركتها " : خليني أنا أوريك ..
نورة "تضحك " : أقوووول بلا حركات خلاص أنا أفتحه .. وش الفرق يعني !!
فيصل "راح وجلس على طرف السرير وهو منقهر .,, لأنه كان بيعطيها الهدية بحركة رومانسية .. وبهدوء .. قولي لي رآيك ,,
× نورة تفتح العطر ,, وبخت منه وشمته ..
فيصل "يطالعها ينتظر رآيها " .. هاه وش رآيك ؟
نورة "عابسة " : أحسها مررررررة قديمة ريحته ,, صراحة مو ذاك الزود ..
فيصل "نزل رآسه " : جاملي ع الأقل ..
نورة "تضحك " : ماأعرف ,,
فيصل "سكت ..
نورة "طالعته " : خلاص مع إنه قديم بحط منه بالأسبوع مرة عشانك ,,
فيصل "بهدوء" : طيب ,, !!!! )))))

× فيصل × يتنهد .. ايييييه دنيا ... !!!! عبود يضحك بحضنه .. × يلعبه .. ياحبي لك .. والله ريحة العطر روووعه بس أمك الله يهديها .. ×بينه وبين نفسه .. كيفها أمك ياعبود؟؟؟ مبسوطة وإلا متضايقة .. عاد أمك حساسة بزيادة .. والله نفسي أدري عن أخبارها .. !!




× نورة بالمطبخ .. تكلم أمها وفيه الشغالة معهم ,, لالالا يمه لاتفهميني غلط إلا الشك !!
أم عبد الله "تمشي ومعها القهوة " : وأنا شكيت !! ليش أشغلتيني ,, خلاص اسكتي ..
نورة "بسرعة " : وتوي ممكن أرجع له ..
أم عبد الله "وقفت ومستغربة " : نسيتي وش سوا فيك ؟؟
نورة "بسرعة " : إيه بعد أنا أخطيت يوم مديت يدي على دانة ..
أم عبد الله " مشت " : ياسبحان الله ..
× نورة تكلم نفسها ,, يااااربي أبي أحد يفهمني ,, !!




× في شقة فيصل ,, دانة جالسة بالصالة .. ومعها لاب توب فيصل ,, تتصفح .. × دق جوالها ,, هلا حبيبي ,, طيب بالطريق ,,؟؟ اوكي.. أسكر اللاب توب وإلا أخليه ؟,, أوكي حبيبي باي ,, دانة أغلقت كل شي ,, وشافت المقطع اللي محمل بس ماشُغل ,, وبسرعة فتحته ×فضول ,, (((( عائلة سعودية فقيرة تعيش في صحاري الرياض ))) ×بسرعة سكرت المقطع ,, × بخوف ,, معقولة شافه وسكت ماقال شي !!! ياااااااربي والله رحت فيها .. بس ليش ماقال لي شي !! يااااااربي ,, ×بسرعة تذكرت ,, توه محمله أكيييد ماشافه ,, ياااربي والله رحت فيها .. وانتشرتي بالنت يادانة ., × سرحت ,,, أأأأخ بس لو أعرف الرقم السري حق ايميلك .. × تتنهد ياااالله ,, أستاهل ,, والله أستاهل ,, ×دق جوالها .. اوووف ,, ×وقفت بسرعة ,, ومع الارتباك ماحذفت المقطع !! قفلت اللاب توب بالزر ضغطته بقوة من الخوف !! ×ردت ,, يالله يالله جيت .. لا جااهزة ..






× فيصل ينتظر بالسيارة .. ومشغل نوال .. ويدخن وسرحان .. والله تغير كل شي .. !! طيب ليش ماأرسلها مسج أشوف ناقصها شي !! للحين على ذمتي !!ومنها أشوف أخبارها ,, ×فتحت الباب دانة ×وقطعت تفكيرة .. يوووه ياريحة الدخان عمري ,,
فيصل "بنفس شينة": صكي الباب بس بسرعة تأخرنا أمي تقول مجهزة القهوة لها ساعة ,,
دانة "استغربت": وش فيك طيب تتكلم كذا ؟
فيصل : مافيني شي لا تعكرين مزاجي بكثر الأسئلة على غير سنع ,,
دانة "سكتت شوي ,, طيب أخبار عبود ؟
فيصل "مشى بالسيارة " : تمام الحمدلله ,,
دانة "تبتسم " : الحمد لله ,, أخباره تغير ؟
فيصل "ابتسم " : ياحبي له ,,
×دانة ابتسمت ,, الله يخليه يارب ,,





× في شقة عبد الله ..
سارة وعبد الله بالصالة يتقهوون ,,
عبدالله : لاااا نورة تتأدب أنا أعرفها ..
سارة "بخبث": ياااليت .. الله يصلحها ..
عبد الله "يشرب شاهي " : عاد أنت خففي شوي وبلا حركات مالها داعي ,,
سارة "تمثل " : ياااعمري والله تغيرت معها وترا مزحي ثقيل ,, عبووود للحين مافهمتني ,, قبل مايسمونني إلا خفيفة دم ,,
×عبد الله بينه وبين نفسه ,, امحق خفة دم ,,
سارة : المهم أنا بروح بكرا أو بعده لبيت أخوي عبدالعزيز ,,
عبد الله "استغرب" : مو تقولين ماأطيق مرته ؟؟
سارة "بصوت حاد" : قلتها زوجته ,, أنا بروح لبيت أخوي ,, مو بيتها ,,
عبد الله "بتطنز": هي وزوجها واحد ,, شوفي إذا بتروحين حب في الكلام أقول لك من الحين لا ..
سارة "تضحك باستهزاء": أصلاً سحر بتروح معي ومتفقة معها من أسبوع ,, وعبدالعزيز انبسط ,,
عبد الله : طيب ,, بس مثل ماقلت لك مشاكل مابي ياسوير ,,







× في بيت أبو فيصل ,,
×أبو فيصل وأم فيصل وفيصل وعلي ودانة ومنار ,, بالصالة يتقهوون ,,
أم فيصل "تطالع دانة ومنقهرة إنها تكشف عن علي ,, بس ماتقدر تقول شي !!
أبو فيصل : لاااا إن شاء الله تروحون وترجعون رافعين روسنا ,,
أم فيصل "تطالع دانة " : أخبار أمك يادانة ؟
دانة "تبتسم " : والله تمام الحمد لله ..
أم فيصل : كم باقي لها وتطلع من الحداد ,, ؟
دانة : ماباقي عليها كثير أظن وأنا ماني متأكدة أٌقل من شهر أوأقل والله أنسى ,,
أم فيصل : الله يرحمه ويغفر له ,,
× علي يهمس لفيصل ,, أنا بطلع للإستراحة ,, تجي معي .؟
فيصل : والله إنه ودي أغير جو ,,
علي "بهمس " : قم أجل .؟
فيصل : يالله شوي بس أشرب فنجالي وآخذ علوم أمي وأقوم ,,
علي : طيب ,,
× دانة تسولف مع منار ,, ليش هو حبوب ؟
منار "بصوت واطي " : إلا مرة حبوب وطيب ,, بس يقهرني بعض الأحيان ,,
دانة "تطالع فيصل " : وشلون يقهرك وش كان يسوي ؟
منار : قبل يتزوج أحسن ,, كان يآخذني للبقالة أشتري اللي أبيه ,, الحين لا
دانة : إيه الحين كبرتي أنت مو صغيرة ,,
منار "بدلع " : يآخذني للمولات بدال البقالات ,,
فيصل "يطالعها ويضحك " : منوووور وش تقولين ؟
دانة "تضحك " : لاااازم نآخذها لمول ,, أكيد ناقصها أغراض ..
فيصل "يأشر على عيونه " من عيوني ,, وأنا كم منور عندي ,,


× راحت الليلة سواليف ومبسوطين ودانة منشغل بالها ماتدري هي حذفت المقطع أو لا !!,,, !!


× فيصل ودانة ,, توهم داخلين الشقة ,,
دانة "فيها نوم " : داااايخة أنا بدخل أنام ,,
فيصل : أوكي بس سوي لي شاهي بسرعة بقعد على اللاب توب ,,
دانة "مسكت يده " : ياحبي لك نم ,,
فيصل " يطالعها": والله عندي شغل شوي ,, يالله سوي لي شاهي حبيبي وروحي نامي ,,
دانة : طيب ,,


× راح فيصل وجلس على الكنب ,, وشغل اللاب توب ’’ × حط رآسه على الكنب ينتظره يشتغل ,, × بينه وبين نفسه ,, وش فيني أنا اليوم !! معقولة اشتقت لها ,,!!! لالالا بس أنا أحب دانة ,, ياااالله ,, وش هالشعور الغريب ,,






× نورة ,, جالسة في غرفتها ومافيها نوم ,, وعبودي نايم ,, ×شافت شنطة اللاب توب ’’ ياااي من زمان عنه ,, ×قامت وأخذته ,, طلعته وفتحته ,, تتنظر ,, ×سرحت ,, وش أسوي لعبد الله ,, أعتذر منه بكرا ؟؟ والله ماأستغني عنه ,, ياااربي الله يآخذ روحك ياسارة الزفت ,, × اشتغل اللاب توب ’’ × انقهرت يوووه النت مايشتغل ,, ×تكلم نفسها ’’ إيه المودم بغرفة عبد الله ,, قامت بسرعة ,,



× في شقة فيصل ,, دانة حطت الشاهي ,, يالله حبيبي تصبح على خير ,,
فيصل : بدري ؟
دانة : والله فيني نوم أحس اليوم طويل ,,
فيصل : تصبحين على خير ,,


× رجعت نورة للغرفة ,, فتحت الماسنجر ,,, ×حاطه الظهور دون اتصال ,, × انصدمت لما شافت فيصل متصل ,, ياااااربي وش أسوي !!! أحط الحاله متصل !!! وإلا أحذفه بس وأرتاح منه ,, والله لازم أبعد عنه ,, ×سكتت شوي ,, طيب أسأله عن أخباره ,, ×جت فبالها فكرة ,, بغير التوبيك وبدخل ,, والله خطيرة ,, إيه هو تعجبه نوال ,, أكيد سمعها ,, تكتب بسرعة
" نامت عيون الناس إلا عيوني ,,الناس حبوا وإلا أنا بس حبيت ,,
مرات أقول شلون عايش بدوني ,, ومرات أقول إني بشوقي تماديت ,,
× نورة ترددت تدخل ,, ×مرتبكة ,, وخايفة ,, ×ونبضات قلبها تدق بسرعة ,,, × وتجرأت ودخلت ,, !! × قلبها ينبض بقوة من الخوف ,,



× فيصل شاف اللي دخل وفتح الماسنجر ,, ×مستغرب ..نورة !!!! ,, عدل جلسته ,, ياااالله نورة عندي بالماسنجر والله ناسيها !!! يوووه وش هالصدفة ,, !! × يتنهد ,, انتبه لكلمات التوبيك ,, !! .. يقرااااااه .. ياااالله توك تحسين !! يوم فات الفوت ,, ×ضاق صدره ,, وش تبي عكرت مزاجي,,!!


× نورة فاتحة المحادثة ,, أكلمه وإلا لا ,, !! نفسي أسأله عن أخباره ,, بس والله قلة أدب ,,






× دانة .. فاتحة الأباجورة .. ومرة خايفة .. !! يارب ماأنكشف .. !! يارب .. والله برروح فيها .. دانة تقلب يمين ويسار وماقدرت ترتاح !!!!!






× فيصل ,, سرحان ,, ×بسرعة ,, آآآآسف يانورة ,, أنا مرتاح وماصدقت أستقر ,, ×حذفها بسرعة ,,





× نورة استغربت ,, يوووه طلع ,, !!! ليييييش يافيصل !!! ×دمعت عيونها ,, كارهني بقوووة ,, × بكت ,, ليش كلهم ضدي ,, معقولة أن كريهة لهالدرجة ,, ×سجلت الخروج ,, وهي تبكي ,, كلهم مايبونني ,, حتى أخوي اللي ماعندي غيره أخو ,, !! قفلت اللاب توب وحطته على الكرسي ,, وراحت تطل على عبود وهو نايم بسريرة ,, ياااااالله ياعبود بسرعة اكبر ,, والله أحتااااجك يبه ,, أمك تعبت ,, ×رمت نفسها على السرير ,, والله محتاجتك يبه ,, ×شهقت شهقة قوية ,, وبكت ..






× فيصل يتصفح ,, ×تذكر ,, إيه أذكر إني حملت مقطع ,, راح لسطح المكتب ,, وفتحه ,, (( عائلة سعودية فقيرة تعيش في صحاري الرياض .. نترككم مع التقرير الذي أعدته لنا دانة فهد ...... !!!
نعم في صحاري الرياض ,,
عائلة لا صديق لها ولا قريب ,,
عائلة تتوسد الهموم ,,
وتصبح على الدموع ,,
× فيصل انصدم عشان الاسم الصوت صوت دانة ,, مصدووووم ,, كمل ,, سحب المقطع اللي مدته 7 دقايق إلى الدقيقة السادسة ,,
((× دانة تتكلم ,, هذا هو حال تلك العائلة, فمن المسؤول ,, !!
وهذه حالة من آلاف الحالات ,,!!
دانة فهد .....
× فيصل مو مصدق ,, !!! ويحس بدوخه من قوي الصدمة !! ترك اللاب توب ,, وحط يديه على رآآسه ,, ليش !! ليش يادانة ضحكتي علي !!! × منصدم ,, مايدري وش يسوي !!! آآآآآآآآآآآآآآه والله قلبي ناغزني من اليوم ماني طبيعي !! ×عصب ,, ورمى اللاب توب برجله على الأرض ,, !!!!!!!!!



قهر ماكنت أنا أدري تعيش بقلبي كذابة ..!!

قهر ماكنت أنا أدري على الحبلين لعابة ,,!!

كذب كانت سواليفك ,,
وكل كلمة على كيفك !!


وفيت لقلبك بعمري َََ
ولك ضحيت بأيامي ,,




نعم صدقت كلماتك ..
ولا أدري بنياتك .. !!

وهذا أنا اليوم ندم من رآسي لأقدامي .. !!

[جرح الذات]

× فيصل يتصفح ,, ×تذكر ,, إيه أذكر إني حملت مقطع ,, راح لسطح المكتب ,, وفتحه ,, (( عائلة سعودية فقيرة تعيش في صحاري الرياض .. نترككم مع التقرير الذي أعدته لنا دانة فهد ...... !!!
نعم في صحاري الرياض ,,
عائلة لا صديق لها ولا قريب ,,
عائلة تتوسد الهموم ,,
وتصبح على الدموع ,,
× فيصل انصدم لأنه عرف صوت دانة ,, مصدووووم ,, كمل ,, سحب المقطع اللي مدته 7 دقايق إلى الدقيقة السادسة ,,
((× دانة تتكلم ,, هذا هو حال تلك العائلة, فمن المسؤول ,, !!
وهذه حالة من آلاف الحالات ,,!!
دانة فهد .....
× فيصل مو مصدق ,, !!! ترك اللاب توب ,, وحط يديه على رآآسه ,, ليش !! ليش يادانة ضحكتي علي !!! × منصدم ,, مايدري وش يسوي !!! آآآآآآآآآآآآآآه والله قلبي ناغزني من اليوم ماني طبيعي !! ×عصب ,, ورمى اللاب توب برجله على الأرض ,, !!!!!!!!!

× دانة فتحت عيونها على الصوت ,, ×تكلم نفسها ,, ياااربي وش ذا الصوت !!! ( خافت ) ,, قامت ,, وشالت اللحاف وتتحرك شوي شوي ,, ,, وجلست على طرف السرير وهي تقول " يارب ياااارب ,,

× فيصل مسك أعصابه شوي ,, وطلع زقارة ,, وهو معصب ,, ×سمع صوت باب ,,

×دانة دخلت الحمام ,, وتغسل وجهها ,, تشوف نفسها بالمرآية ,, والله ماني مرتاحة ياساتر,, سمعت صوت باب الغرفة انفتح بقووة ,, سكرت المغسلة ,, وطلعت بسرعة ,,

× فيصل يمشي ودانة طلعت من الحمام ووقفت ,, وبخوف ,, وش الصوت هبلتني جد !!
فيصل "قرب وعطاها كف بقوووة ....
دانة "مسكت خدها .. "وطاحت دموعها ,,,
فيصل " شد شعرها ,, ليش ضحكتي علي ,,
دانة "تبكي" : تكفى اتركني واسمعني ,,
فيصل " تركها وبصوت عالي " : وأنا اللي كنت منعمي فيك ,, وأغالط أمي ,, بس أستاهل ,,
دانة "قربت وتبوس يديه .. تكفى اسمعني الله يخليك ..
فيصل "ضربها برجله وهو معصب .. قووومي شيلي أغراضك المهمة ,, يالله بدووون نقاش ,,وبسررررعة لأني مررررررة مابي أشوفك ,,
دانة " راحت وهي تبكي ,, وجلست على طرف السرير ,, تكفى اسمعني "تبكي بقووة " ..
× فيصل وهو يمشي طالع ,, يالله أنتظرك بالسيارة ,, ×طلع ,,
× دانة بكت بقووووة ,, ياااااااااااااااااااارب,, ياااااااااااااااارب,, ياااااااااارب,, قامت وأخذت شنطة وسط وحطت بعض أغراضها والدموع مالية وجهها ,, ×بينها وبين نفسها ,, ياليتني سامعة كلامك ماما ,,
× بدلت ملابسها ,, وحطت القميص اللي كانت لابسته على السرير وطلعت ,,

× فيصل بالسيارة ينتظر ,, ويطالع ساعته ,, ×بينه وبين نفسه ,, " أعوذ بالله من الشيطان الرجيم " ,, الساعة 2 وثلث ,, والله أمها بتنجن لو تشوفها داخله هالوقت ,, ارجع يافيصل واقعد ,, والصبح سو اللي تبيه ,, × تراجع ,, لا بس لازم تتربى ,, ولازم تعرف أمها إنها ماتربت ويعيدون النظر في تربيتها ,, × قطع تفكيره صوت الباب اللي ورا ,, دانة تحط الشنطة ,, × فيصل بسرعة يطالعها بالمرآية ,, لا تصكين الباب اركبي ورا لا تجين عندي قدام ,, × دانة ساكته ,, وبعدت الشنطة وركبت ورا وسكرت الباب ,, هدوء ولا صوت والشوارع مظلمة عدا الطرق العامة ,, فيصل مصدوووم ومو مصدق ,, دانة تبكي بصوت خفيف ,, مرة يسمعها فيصل ومرة تطيح الدمعة ماحس فيها ,, !!!

× وصلوا ,, فيصل بصوت مبحوح وتعبان ,, يالله انزلي ,, ×دانة أخذت شنطتها ونزلت ,, وهي تمشي تبي ترجع.. بس تسلم عليه ,, لأنه حست إنها ماراح ترجع له ,, وقفت وطلعت مفتاح البيت من الشنطة وفتحته ودخلت ,, وهي تسكر الباب تشوف فيصل .. وطاحت دموعها ,,

× فيصل حرك السيارة ومشى ,, وهو مررررة منقهر بداخله ,,

× دخلت دانة البيت وبدون صوت ودخلت غرفتها ,, رمت بنفسها على السرير .. وهي تبكي ,, ونامت وهي على حالتها ..

× فيصل دخل الغرفة .. وصك الباب ,, وشاف القميص على السرير أخذه ورماه على الأرض .. انسدح وماقدر ينام ,, طلع الصبح وهو ينام شوي ويصحى ,, مو مصدق اللي شافه .. ولا مستوعب الصدمة .. شال اللحاف .. أخذ الساعة اللي الكومادينة ,, الساعة 8 .. يالله .. مالي إلا أروح لأبوي هالوقت ..

× في بيت أبو دانة ..

× أم دانة مرت من عند غرفة دانة .. حست إن فيه أحد بالغرفة .. حاولت تفتح الباب "مقفل " وحاولت مرة ثانية .. تصوت للشغالة .. ×حست بخوف ,, ياربي لا تصير الشغالة مدخلة أحد على هالصبح ,,
× دانة صحت .. وقامت تغسل عشان تفتح .. ووجها كان متنفخ من كثر البكي ,, ×تشوف شكلها بالمرآية وتكلم نفسها.. يارب تفرجها ,,
× راحت تفتح .. وماشافت أحد عند الباب .. ×تسمع أمها تسأل الشغالة ..
× دانة بصوت تعبان ., تعالي ماما أنا اللي بالغرفة ,,
× أم دانة .. جت بسرعة مستغربة .. دااااااااانة !!!!!
دانة " ماقدرت تمسك نفسها بكت ,, إيه أنا ,,
أم دانة "قربت وقفت عندها وتمسك كتفها وهي تبكي ,, وش فيك يمه ؟
دانة "ضمتها " : فيصل ..
أم دانة " وهي ضامتها " : بس يمه تعالي ,, أخذتها للغرفة ,,
×جت الشغالة ,, ماما وش فيه ؟
أم دانة " ضاق صدرها " : روحي جيبي مويه بسرعة ..
× دخلوا الغرفة ,, جلسوا على السرير ,,
أم دانة " تتنهد" : قولي لي يمه وش فيك ؟
دانة "تمسح دموعها" : فيصل جابني بالليل وقلت ماأبيك تنهبلين ..
أم دانة : إيه لييييش جابك ؟
دانة " تطالع أمها " : شاف التقرير اللي سويته ..
أم دانة " انقهرت " ... وسكتت ,,
دانة " تطالع أمها " : ياليتني سامعة كلامك ,,
أم دانة : الشكوى لله ,, بس أبيك تعرفين إن أمك صادقة معك ,,
دانة "ضمتها وبكت ,, تكفين أبي أرجع له ,, سوي أي شي الله يخليك
أ م دانة " بقهر " : يحلها ربك ,,

× أبو فيصل وفيصل بالسيارة يمشون ,, × فيصل يسوق ,,
أبو فيصل "بهدوء" : والله أشوف إنها ماتصلح ياأبوي..
فيصل " يطالعه " : بس يبه صعبة علي ,,
أبو فيصل " يقاطعه " : البنت ماتناسبنا ,, مع إني متأخر بالكلام هذا لأنك من الأساس ماشاورتني بس اللي أشوفه البنت أبد أبد مو من ثوبنا ,, ولا يشرفني تجيب عيال منك .. خاصة بعد اللي سوته ..
فيصل .. سكت شوي ,,, هذا رآيك يبه ..
أبو فيصل " مستغرب " : المفروض ماتشاورني .. يايبه أنت ترضاها على نفسك زوجتك تدخل بين مصوريين ورجال .. وغير كذا ماأقدر أتخيل إنك جالس بالاستراحة وبين الشباب والرجال ويشوفون زوجتك مراسلة وإلا مذيعة !! ×مو مصدق .. مادري ماتدخل العقل ..
فيصل "بقهر" : وش أقووول أنا يايبه والله مصدوووم ,,
أبو فيصل : وكذبت عليك الكذبة الكبيرة وهي بأول زواجها ,, اللي بيجيك أكبر وأخطر ..
فيصل : وش رآيك ؟
أبو فيصل " بسرعة " : قلت رآيي خلاااص البنت ماتصلح ودامك ماجبت عيال منها ولا شي الحمدلله,, والله يوفقها مع غيرك
× فيصل انصدم من الكلمة وحس بقهر ,, لأنه مايتخيل دانة مع غيره ,, !!!

× أم دانة .. ودانة بالغرفة ..
دانة : بس أنا أبيه ,, وتعلقت فيه وماني قادرة أتخيل نفسي مع غيره تكفين ماما افهميني ,,
أ م دانة " بهدوء" : يا يمه يايمه ,, الولد مو من ثوبنا ولا نصلح ,, وتفكيرنا جذرياً يختلف عنهم ,, يعني ممكن يسكت هالمرة ,, بس حنا عايلة متفتحة ومكاننا أصلاً مو هنا ,, وأنا عانيت قبلك ,, يايمه لاااازم يتركك ..
دانة "تبكي " : ماااااأقدر ,, مستعدة أغطي وجهي وألبس عباية على الرآس وأسوي اللي هو يبيه بس مايتركني ×بكت بقوة .. والله مستعدة أسوي كل شي ,,
أم دانة "تقاطعها وعصبت" : خلااااص يادانة الله يوفقك مع غيره .. الولد مايصلح لنا .. وماسمعتي كلامي قبل ,,
× دانة تبكي ..
أم دانة " وقفت " : رجعة مافيه .. وأنا ماأرضى إنك تذلين نفسك .. لا وألف لا .. والولد من الأساس مايناسبك ..ويكفي تحملنا قبل ..

× في بيت أبو فيصل ,,
أبو فيصل "واقف عند باب غرفته .. وأم فيصل واقفه قدامه .. وبصوت عالي .. ياسلاااام .. طلعت مذيعة هذااااااا اللي ناقصنا ..
× فيصل يسمع صوت أمه وهو تحت ..
أبو فيصل "بهدوء " : طيب اقصري صوتك ..
أم فيصل " ترفع صوتها " : خله يسمعني .. أصلاً ماعنده ذوق لو عنده ذوق ماربط اسم عايلتنا مع وحدة مثل هذي .. ولا يشرفني حتى إنها تكون طليقة ولدي ..!!
أبو فيصل "عصب " : خلااااص اسكتي ,, أنا جايك أبي حل ,,
أم فيصل " معصبة بقوووة " : والله العظيم هالمرة جااادة وأدري إنه يسمعني الحين ,, إذا بيرجع لها والله لا أعرفه ولا يعرفني ., وينسى إن له أم ,,
× فيصل .. منقهر خلقه من دانة .. وماله خلق يسمع كلام ..
× أم فيصل أبعدت أبو فيصل عن الباب ,, وخر أنا اللي أروح أكلمه ..
أبو فيصل " مسك يدها بسرعة " : خلااااص قلت لك تفاهمنا .. وإن شاء الله تنحل ..
× أبعدته بقوة وهي معصبة .. × وهي تمشي .. وخر أنت لو تقول لي عن كل شي كان حالة الأمور بنفسي ,,
× نزلت لفيصل ..
× فيصل كان يدخن .. طفى الزقارة بسرعة ..
× أم فيصل بسرعة .. ايييييه بعد صاير تدخن جوا البيت .. والله الأخلاق كل مالها تنزل تحت خلصنا من المغازل وزواج المغازل صارت الدخاخين تملى البيت بعد هذا اللي ناقصني أنا!!..
فيصل " وقف وبهدوء" : يمه تكفين اسمعيني وماأبي أكلمك وأنت معصبة .. ولا تنسين إن فيك ضغط ..
أم فيصل " وقفت قدامه " : والله ماجاب لي الضغط إلى أنت يالضايع ..
فيصل "تنهد" : لا إله إلا الله .. يمه تكفين اسمعيني حتى أنا مصدووم وماني مصدق والله ماكنت أدري ..
أم فيصل " تضحك باستهزاء " : يااااعمري يامسكيييييين .. أدري إنها خطة من خططكم خلصتوا وأقنعتوني بزواجكم .. عاااد تبيني أقتنع تصير مذيعة .. لااااااا يافيصل خلصنا من التمثيل أنت وزوجتك الصايعة ..
× نزل أبو فيصل ..
فيصل "استغرب كلام أمه .. يمه وش تقولين .؟؟؟؟
أبو فيصل : ياااااااااابنت الحلال والله العظيم إن فيصل مايدري .. مايرضيك حلفت لك بربي ..
فيصل "عصب": أمي تعاملني كأني بزر .. خلاااص يمه كبرت .. لا تصدقينني أبد وموب لازم تصدقين أنا اللي بحلها بنفسي ..
أم فيصل "قاطعته": بالطلاااااق تنحل .. وإلا لا أشوفك ..
× فيصل انقهر .. ويطالع أبوه ..
أبو فيصل " يطالع فيصل " : هو يحلها .. وهو رجل يعرف وشلون يحلها ..
أم فيصل "تطالع أبو فيصل وتضحك باستهزاء .. ههههههههه رجل ولا فتح عيونه .. الموية تمشي تحت رجوله ولا يدري عن شي والخافي أعظم .. هذا إذا صار مايدري إنها مذيعة .. !!
فيصل "قطعها": يبه أنا بروح أرتاح بالشقة وأحلها بنفسي ,, أمي تعبتني وماراح تآقف معي ..
أم فيصل " مسكت كتف فيصل " : بالطلاق تحلها .. وغير الكلام هذا ماعندي ...
× سكت فيصل ومشى ..

× في بيت أبو دانة ..
أم دانة "واقفة عند الباب غرفة دانة " : خلاص قومي تغدي ., وضعك كذا غلط ,, بس صياااح مايصير ,,
دانة " متمددة على السرير " : مابي خلوني كذا ..
أم دانة "بهدوء" : ترا بدق على عمك وأقول له عن كل شي
دانة "قاطعتها": لااااااا تكفين خليه شوي لا تكبر الله يخليك ..
أم دانة : أبي نتوصل لحل ..
دانة "عصبت " : الحل بيد فيصل ماأحد له شغل ..
أم دانة "عصبت " : لاااااا والله يلعب فينا على كيفه ,, لازم يعرف إن وراك أحد ..
دانة " طاحت دموعها " : مافيه أمل أرجع له دام عماني بيتدخلون ,, تكفين شوي ..
أم دانة "قربت ومسكت يدها " : طيب قومي تغدي ,,
دانة "وقفت " .......

× أم فيصل تكلم بالتيلفون ..
أم عبد الله : ياعمري يابنتي وتاركها عشان هذي ,,
أم فيصل :الله يصلح الحال بس ..أنت لا تقولين لنورة شي ,,
أم عبد الله : اللي فيها كافيها .. ولا أبيها تفكر إنه يبيها لأنها متعلقة فيه ..
أم فيصل " راحمة نورة " : يابعد عمري والله مايلقى مثلها .. بس ابليس شاطر ..

× مرت الأسابيع ولا تغير شي دانة عند أمها ,, وفيصل يروح لأهله بس زيارة يبي يبعد عن أمه لأن كلامها قوي ,, وللحين محتااااار ,, والطلاق هو أقرب حل ,, لأنه عرف إن دانة ماتناسبه وعرف وإنه تسرع ..
دراسته قربت باقي 3 اسابيع .. ولا يبي يفوتها هذي المرة ..

× فيصل يدخن بشقته .. ويتفرج على التيلفزيون .. !!,, ×يطق باب الشقة .. ×فيصل استغرب ,, من اللي جاي هالوقت .. ×طفى الزقارة بسرعة وقام يفتح .. ×ناصر ,, السلام عليكم ..
فيصل "ارتبك " : وعليكم السلام تفضل تفضل ..
× دخل ناصر ,,
×فيصل مرتبك ,, برووح أسوي شاهي بسرعة ..
ناصر "مسك يد فيصل " : تعااالي بس ماراح أطول كلمتين ,,
فيصل "ابتسم " : الله يحييك ,, اجلس ارتاح ,, × راح وسكر التيلفزيون
× ناصر جلس ,,
× فيصل جاء وجلس قدامه ,,
ناصر "يطالعه وبهدوء" : مادري وش أقول بصراحة ..
فيصل "طالعه ".. ونزل رآسه ,,
ناصر "بسرعة" : أبو دانة الله يرحمه تسرع ,, بس قبل مايجيكم عيال أحسن ..
فيصل "استغرب كلامه " : مافهمتك .؟
ناصر : أنت توك بأول الطريق ,, ودانة تربت كذا .. بتتحمل الأيام الجاية ؟؟؟ بدون مشاكل وإلا الطلاق أفضل حل ..
فيصل " بهدوء " : بس أنا عرفت دانة متزنة .. وكانت مشكلتنا على غطى الوجه وأشياء تافهة..
ناصر "يبتسم": والخافي أعظم ,, دانة بنت أخوي وأبي لها الخير .. وأنت رجل ونعم فيك ,, بس المشاكل راح تكبر والشك راح يلازمك طول عمرك لأنكم تختلفون عن بعض
فيصل "تنهد": لا حول ولا قوة إلا بالله العلي العظيم .. حتى أنا أشوف هذا الحل .. أنا تسرعت من الأول ,,
ناصر "وقف ": الله يوفقك ,, ويجزاك ألف خير لأنك متفاهم ,,
فيصل : بعد أنا حرام علي أعلقها ,,
ناصر : ياليت الأمور تتم بهدوء .. مانبي شوشرة على الموضوع .. لأن الناس بدوا يتكلمون ,,
فيصل : إن شاء الله ..
× قام ناصر : أنا والله اني مشغول بس قلت أجي أقول لك هالكلمتين اللي عندي .. و أشوفك على خير ,,
فيصل "قام معه ,, وفيه قهر" .. والله اني تمنيت أشوفك في وقت غير هالوقت بس الشكوى لله ..
ناصر : الله يوفقك يافيصل .. فمان الله .. " مشى
فيصل : فمان الكريم ..

× طلع ناصر ,, وفيصل جلس على الكنب ,, آآآآخ بس ..

× في بيت أم عبد الله ..أم عبد الله ونورة بالصالة ..
نورة: يمه خلصت العدة ولا فكر يرجع
أم عبد الله : الله يوفقك مع واحد أبرك منه .. أنا اللي قاهرني أخوك .,, له شهر ماجاء بس يكلمني بالجوال والله إنه مايستحي ,,
نورة : آآآه يالقهر كله من هالسوسة اللي معه ,, مغيرته علينا حسبي الله عليها ..
أم عبد الله : الله لا يعطيها العافية ..

× فيصل بالطريق رايح لبيت أهله .. مشغل أغنية نايف البدر ويدخن .. ونفسه يبكي من القهر,, لازم أرتاح ..

[جرح الذات]

في بيت أم عبد العزيز ,,
أم عبد العزيز " تهاوش سارة .. لا أكييييد إنك فاقدة عقلك .. بكرا بيجيك عيال والله إن تندمين لو يعاملك واحد منهم كذا
سارة "بصوت عالي " : من قال لك إني مانعته ؟؟
أم عبد العزيز : أم فيصل دقت علي تقول إن أم عبد الله طاقه من القهر .. حرام عليك والله حرام ..
سارة " وقفت وبصوت عالي " : هذا ولدهم يكلمونه إذا يبيهم يروح لهم ..
أم عبد العزيز "قطعتها بكف قوي .. والله إني ماربيت صح ..
سارة " تطالع أمها " : تضربيني عشانهم وليت كلامهم صح .. بس ربي معي ..
أم عبد العزيز " بصوت عالي " : أنا أعرف أتفاهم مع عبد الله .. وبتنطقين عندي لما أربيك من جديد أنا ماعندي استعداد يقولون ماعرفت تربي .. وخلي عبد العزيز يجي والله لا أخليه يذبحك وأرتاح منك ..

× في شقة سلمان .. سحر تكلم أختها بالتيلفون .. جد ضربتك ؟؟
سارة : إيه كله من العجوز وبنتها المطلقة ..
سحر "سكتت شوي " : حرام عليك ..
سارة "تقا طعها" : الله يآخذهم ..
سحر ×جت فبالها فكرة .. : طيب تعالي عندي لك فكرة تريحك منهم ..
× سلمان طلع من الحمام ويسمع سحر تكلم ..
سارة : قولي ,, ولا تصير سواليف المسلسلات دار العجزة ومادري كيف !!!
سحر : ههههههههه .. لالا خلي ندور لنورة رجل ,,
سارة "أعجبتها الفكرة " : والله فكرة .. بس من يبي يتزوج مطلقة وعندها ولد ..
سحر "انقهرت من كلام سارة " : شوفي تبينني أكمل بدون تنطنز ,, !!
سارة "بسرعة": يالله يالله أقول بسرعة ..
سحر : عبد العزيز أخوي ..
× سلمان استغرب !!!
سارة : هههههههههه والله فكرة وزوجته كريهة لازم نزوجه عشان تتأدب معنا ..
سحر : والله فكرة .. بس أخاف منه .. من يفاتحه بالموضوع .. ؟؟
سارة : أنا أفاتحه .. وأمدحها مرة ..
سحر : ومنها تفتكين من نورة وتريحين راسي بعد.. وكأن ماعندك سواليف إلا أهل عبدالله !!
سارة : هههههههه يعني مزعجتك فيهم !!
× طلع سلمان .. سحر .. سحر ..
سحر "بسرعة " : يالله سارة أكلمك بعدين .. وفكري باللي قلت لك ..
سارة : يالله يالله واالله فكرة تجنن ..
سحر : مع السلامة ..
سارة : مع السلامة ..
سلمان "واقف " : من تكلمين ؟؟
سحر : أختي سارة .. ياعمري تعبانة شوي ..
× سلمان طالعها وسكت .. بينه وبين نفسه ( تكلمون عن بنت عمي وكأنها على قلوبكم قاعدة ) ,,

× أم فيصل وفيصل وعلي بالصالة ..
فيصل : أتمنى يتم كل شي بهدوء يمه ..
أم فيصل : أنا مع قرارك أكيد .. وزين تسمع كلام أمك ربي يوفقك ..
علي : الله يوفقك ويعينك .. أتعبتك هالزواجات
أم فيصل "تقاطع علي " : مافيه أحسن من نورة بس ابليس راكبة
فيصل : يااااااالله يمه وبعدين !!
أم فيصل : وأنا صادقة وش قلت !! أو طاري نورة يضيق الصدر والصايعة الضايعة يازين طاريها ..
فيصل "عصب " : يمه تكفين ارحميني خلاااص الكلام مليته تكفين ارحميني
أم فيصل : المهم تروح تكمل دراستك وتنسى كل شي ..
علي "استغرب" : وولده ؟؟
فيصل "قاطع علي " : ولدي مع امه .. والمصروف بيآصلهم ..

× في بيت أبو دانة !!
دانة بالصالة "واقفه وتبكي" : ليش بيطلق !!! وش سوووويت !!
أم دانة : يايمه اهدي شوي ..
دانة "تبكي بقوة " : طيب قولوا له يجي نتفاهم .. الله يخليكم .. ماااااأبيه يطلقني ..تكفووون إلا الطلاق فيه ألف حل بس خلوه يسمعني
أم دانة : يايمه الولد مضغوط عليه وقراره ماأخذه لحاله .. ولا نبيه يعلقك ..
دانة "تبوس يد أمها وهي تبكي " : الله يخليك والله ماأقدر مالي إلا الله ثم فيصل رجل بهالدنيا .. تكفين حاااولي تقدرين .. "وقفت ,, روحي لهم بالبيت قولي بتسوي اللي تبونه إن شاء الله أصير خدامته,,
أم دانة : يااااااايمه أنت كبيرة وعاقلة .. وشلون أروح لهم وأرميك عليهم .. لو يبيك سوا المستحيل .. بس الولد عافك .. والله يرزقك مع غيره
دانة "حطت يدها على فم أمها " : لا تقولين الله يرزقك مع غيره .. أصلاً مابي غيره أبيه هو وبس .. × دانة جلست على الكنب وتبكي بقوة ..
نورة .. جالسة على اللاب توب .. وفاتحة الماسنجر ,, × دخلت أمها عليها بالغرفة ومعها عبود نايم ..
نورة "تطالع أمها " : خليه ينام عندك اليوم ..
أم عبدالله : والله مايخليني أنام كثير صياحه .. × قربت وحطته بسريره ..
نورة : ياااارب مايقوم بالليل .. والله أتعبني ,,
أم عبد الله : الله يعينك وخاصة انه صار كثير صياحه ..
نورة "بسرعة " : يمه يمه دخل عبد الله ماسنجر أكلمه ..
أم عبد الله "بسرعة جلست على طرف السرير .. ايه كلميه شوفي وش يقول ..
× نورة حطت أيقونه تبكي ,,
عبد الله وينك ؟
....
نورة " استغربت " : يمه شكله ماراح يرد ..
أم عبد الله : كيفه .. إذا كلمته هاوشته ..
نورة "عصبت ": كم لك تهاوشينه ؟؟ مانفع معه شي والله نحتاجه وإلا يجيب لنا سواق .. التكاسي مليت منهم ويآخذون مني أكثر من السواق ..
أم عبد الله : الله يهديه .. إن شاء الله تسهل ..
نورة " منقهرة " : تشوفين بعض الأحيان أدق على علي يجيب حليب لولدي وإلا للمراجعات بالمستشفى والله أشغلت العالم وعبد الله صاير مايعرفنا ..
أم عبد الله : ربنا معنا .. الله يعين يايمه ..

× يوم جديد ..

...

.......

× في بيت أبو عبدالعزيز .. الصبح .. سارة تكلم بالجوال .. قلت لك أمي تعبانة
عبد الله : ليش تقولين بيجيبك أبوك بالليل !!! ليش تكذبين وأمك مافيها إلا العافية
سارة " بصوت عالي " : خلااااااص يالله صباح خير .. رح لدوامك بس ..
عبدلله "عصب " : خييييييير .. تكلمين أصغر عيالك .. ؟؟؟ احترمي نفسك شوي ترا اللي يكلمك زوجك ..
سارة : يااااااااااالله .. هالحين مصحيني من النوم تقول هالكلام ..
عبد الله : أقول لك لأنك كذبتي علي .. ونمتي عند أهلك بدون اذني .. يالله قومي هاللحين تجهزي ..
سارة : ودوامك ؟؟؟
عبد الله : مالك شغل فيني يالله قومي ..
سارة : طيب .. والله يعافيك لا تهاوش ..
عبدالله " صك السماعة بوجهها .. والله على بالها متزوجة بزر .. والله وقحة ..

× فيصل وعلي بالسيارة .. لا بادي فيها الإجراءات ماراح تطول ..
علي : الله يعينك وأنا اخوك .. طيب متى بتمشي لاستراليا ؟
فيصل : خلاص الأسبوع الجاي رحلتي ..
علي : حجزت ..
فيصل : من زمااااان حاجز ودانة معي بس بلغي حجزها ..
علي : أكيد بتدبرها ..
فيصل : هذا اللي خايف منه .. أبي أبعد عنها أنا .. والله أخاف تجي لنيوكاسل ..
علي : الله يستر ..

× أم دانة تكلم ناصر بالجوال .. والله شف با أبو أحمد .. أنا لي أسبوع مخلصة الحداد .. ولا أفكر أتزوج عشان بنتي وعشان اللي تحت التراب ..
ناصر : ترا الرجل جاد ..
أم دانة : ههههههههه والله فشله بعد هالعمر أتزوج ..
ناصر : توك ياأم دانة .. والله يرزقك لو بولد يغنيك عن الدنيا يابنت الحلال ..
أم دانة : أفكر وأرد لك .. والله هاللحين منشغلة مع بنتي ..
ناصر : وخاصة إن دانة تبي تكمل دراستها .. جاك من ربي هالرجل ..
أم دانة : والله إذا جيت للجد أريح لي ولبنتي نعيش بالامارات .. بس أمي وأهلي هنا ..
ناصر : الطيارات تقرب المسافات .. لا تخافين .. والله ياأم دانة الرجل ماشاء الله تبارك الله ..
أم دانة : أرد لك .. ولازم أقول لدانة بعد ..
ناصر : لالالالالاتقولين شي هاللحين اصبري وإذا اقتنعتي قولي لها إنك موافقه وكل شي ..
أم دانة : الله يكتب اللي فيه الخير ..

× في شقة عبدالله سارة بالصالة .. وعندها عبدالعزيز جاي .. بعد المغرب ..
عبد العزيز : أجل وين زوجك ؟
سارة : طلع للاستراحة .. بس أبيك بموضوع خاص عشان كذا عزمتك وهو مو موجود ..
عبد العزيز "استغرب" : وش عندك لا يصير بينك وبين عبدالله شي ؟؟
سارة "تصب القهوة وتضحك " : هههههه لا لاتخاف على أختك .. ×تمد فنجال القهوة ..
عبد العزيز : أجل وش عندك ؟
سارة "رجعت جلست و تبتسم": امممم والله مادري شلون أقول لك .. بس أنت تدري إن عبدالله عنده أخت مطلقة ؟
عبدالعزيز : هههههه وش يدريني عنهم .. طيب !!
سارة : ايه البنت صراحة طيبة مرررررة وحسافة تروح علينا ..
عبد العزيز "مستغرب" : وش قصدك ؟
سارة "بخبث وبسرعة " : ماتبي أخطبها لك ؟؟
عبد العزيز : هههههههههه وش أبي فيها عندي زوجتي عن الدنيا كلها ..
سارة "انقهرت " : ايه ماشفت نورة تقول هالكلام .. البنت تطلقت لأن زوجها عصبي ومايتحمل أي شي وهي اللي تركته مو هو .. وعندها ولد منه وأنت ياحسرة ماعندك إلا 4 بنات
عبد العزيز "مستغرب منها " : سارة ؟؟؟ أنا شكيت لك ؟؟ أنا مبسوط الحمدلله ومرتاح ..
سارة "تتمسكن " : والله قلت أبيك تنبسط أكثر وأبي لك الخير .. وأنت عارف إن زوجتك ماتبي أمي ..
عبدالعزيز "يقاطعها": مشاكلنا انحلت تقريباً ليش اتعب نفسي وأتزوج ..
سارة : إيه بس للحين ماتبي أمي ولا تبينا ..
عبد العزيز : مو صحيح زوجتي واعرفها زين ,,
سارة : المهم ماكأني قلت لك شي .. بس قلت نورة حسافة
عبد العزيز...سرح ... !!!!!
سار ة " تطالعه " : تبي أكلمها أشوف رآيها ..
عبد العزيز "بهدوء" : الله يصلحك ياسارة وش هالموضوع !!! والله يشغل
سارة : أنا أختك وراحمتك .. وإذا أختك مادورت اللي يسعدك مين راح يسعدك ؟؟
عبدالعزيز : لا خلاص شيلي الفكرة من بالك ..
سارة "تطالعه": طيب عطني فنجالك أصب .. وفكر زين وتعرف وين الراحة فيه ..

× في بيت أبو فيصل ..
أبو فيصل وأم فيصل بالغرفة ..
أم فيصل : الحمدلله خلاص كلها كم يوم ومرتاحين من سالفة فيصل ويروح يدرس ..
أبو فيصل : عسى ربي مايغضب علينا والله يمشي ويطلق !!!
أم فيصل : لازم يدرس هاللحين وإذا رجع بيصير كل البنات يتمنونه ..

× مرت الأيام .. !!

× عبدالعزيز يفكر بجد يخطب نورة .. وأشغلته سارة بالرسايل .. ومن ضمن هالرسايل .. رسالة كذبت فيها ( أهلين عبدالعزيز ترا كلمت نورة بالموضوع وأخاف تزعل ووريتها صورك لو تشوف وشلون انجنت البنت ماتصدق !! )
....
دانة على حالها ضايق صدرها ولا تدري وش قاعد يسوي فيصل .. دقت كذا مرةعلى جواله مقفل .... !!!
......
أم دانة بدت تفكر بمصلحتها ومصلحة دانة .. !!!

× العصر .. في بيت أبو دانة ... !!

× دانة جالسة بالصالة .. وأمها بالحوش عند باب الشارع تكلم ناصر ..
ناصر " ومعها ورقة " : والله البنت راح تنصدم ..
أم دانة "تمسح دموعها " : الشكوى لله .. الله يعوضها برجل يعرف قدرها ..
× مد الورقة .. أنا والله ياأم دانة مابي أدخل بخليكم على راحتكم ..
أم دانة : الله يجزاك خير ..
ناصر : مع السلامة ..
أم دانة : مع السلامة ..

× دخلت أم دانة الصالة ومعها الورقة ..
دانة "كانت تضغط بجوالها رفعت رآسها " : مين اللي عند الباب .. ؟؟
أم دانة " بكت " : عمك ناصر ..
دانة "استغربت " : وش فيك ماما ؟
أم دانة " قربت وعطت دانة الورقة ..
دانة "حست ...وتطالع أمها .. "بصوت هادي " ": من فيصل ؟؟؟
أم دانة " تمسح على راس دانة" : ادعي ربك ..
دانة "طاحت دموعها" : يعني ورقة الطلاق .. !!!
×سكتت أم دانة ونزلت راسها ..
دانة "رمت الورقة ووقفت " : ليييييييييش سمح له عمي ؟؟؟
أم دانة : اذكري الله .. يايمه
دانة "بكت بقوة " ليييييش سمحتوا له والله باقي أمل .. × بسرعة راحت للغرفة ..
أم دانة "جلست على الكنب وبكت .. الله يرحمك ياأبو دانة .. !!

× فيصل موقف السيارة جنب الشقق ولا نزل سادح مرتبة السيارة ومسترخي ويدخن ويفكر.. قاصر صوت "راشد" .. !!

بلا حب بلا وجع قلب ..
وش جانا من ورا هالحب ..
غير الألم غير التعب
وش جانا .. !!!

...

ياناس أنا مابي دفى ..
قلبي من الحب اكتفى ..
وين العشق وين الوفاء ودانا ..

...
ياقلبي يكفي ماجرا
الجرح توه مابرا
ماجنا من الدنيا ترا كفانا ..
جربت في مرة الهوا ..
وأخلصت أنا وقلبي سوا ..
...

ياشوق خذ مني وعد ..
ماعاد نشتاق لأحد ..
ارحل بدربك للأبد ..
وانسانا ..!!
ماعاد يغرينا العشق ..
ماصرنا وياه نتفق ..
والحظ ماعمره صدق ويانا ..
...

---------------------------------------

سوف أرحل عنكِ ..
وسوف أترك لكِ ذكرى الأيام ..
..






















× في بيت أبو فيصل ..

× أم فيصل وأم عبدالله ..
أم عبد الله " بصوت عالي " : بسرررعة يانورة للحين ماخلصتي مغيرة لولدك ..
نورة " بصوت عالي " : شوي وأجي ..
أم فيصل " تصب قهوة " : مابغيتوا تجون ؟
أم عبد الله : وش نسوي يااوخيتي الولد رافع ضغطي ..
أم فيصل : الله يعيننا عليهم .. ويهديهم ..
أم عبد الله "بصوت واطي " : أجل وين فيصل ؟
أم فيصل " قصرت صوتها " : نايم فوق .. بكرا ان شاء الله بيمشي .. سلم الشقة وجهزت له كل شي ..
أم عبد الله "سكتت شوي .. ايه ماقلت لك .. واحد خطب نورة ..
أم فيصل "حست بقهر " : منهو ؟؟
أم عبد الله "تضحك " : شايب ومتزوج 3 حريم .. ومسكين
أم فيصل : ههههههههه ياعمري قولي مابقى بالعمر كثر اللي مضى ..

× صحى فيصل .. حس ان فيه أحد بالبيت .. قعد على طرف السرير ..

أم عبد الله : والله ياأخيتي .. لو يجي رزقها أكيد بحاول فيها تتزوج مع انها مقفلة على الموضوع وماتبي تفتحه ..
أم فيصل : الله يوفقها .. بس الولد ؟؟
أم عبد الله "استغربت " : ولدها .. !! ليش فيصل بيكون بالسعودية ؟؟ أكيد بيكون يدرس ..
أم فيصل " منقهرة " : والله مادري ..

× نورة تنوم ولدها بغرفة تحت .. وتغني له .. ياعبودي ياعيوني ..ماراح مني يآخذونك .. أنت عيوني ياعيوني ..
نآم عبود .. غطته وطلعت ..

× فيصل ينزل من الدرج ..
وبنفس الوقت نورة مرت من عند الدرج ..

فيصل " شافها ووقف .. !!!!
نورة " انصدمت .. وبسرعة رجعت ..ودخلت الغرفة وحست كأن مويه حارة انكبت عليها .. ياااالله فيصل !!!

فيصل "مصدووم " ... يوووه من وين طلعت لي .. !!
× فيصل رجع يعيد شريط الذكريات لما شافها .. ورجع للغرفة .. حس بضيقة
× نورة طلعت عند أمها وخالتها .. وهي مرتبكة .. وشكل فيصل مايفارقها ..
أم عبدالله " تطالعها" : نام عبود ؟
نورة " بصوت واطي " : ايه الحمدلله ..

× فيصل بالغرفة جالس على طرف السرير ..
ويكلم نفسه .. أنزل وأقول بشوف عبود .. !! وإلا أجلس هنا بس .. !! والله حاااالة ..

نورة جالسة وبالها مو معها .. !! " الله يعدي هاليوم على خير " ..

× فيصل استرخى .. وغفت عينه ولا حس .. إلا على صوت أمه .. فيصل يالله يافيصل الساعة 5 يبه الصلاة ..
فيصل "فتح عيونه " : يااااالله نمت كثير ..
أم فيصل : الحمدلله وراك رحلة طويلة ومتعبة ..
فيصل "يشيل اللحاف " : والله صادقة .. الله يعين .. ×يطالع سرير علي .. أجل وين علي ؟؟
أم فيصل : صاحي له ربع ساعة .. وطلع .. يالله يبه ترا بيطلعون من المسجد ماطلعت ..
فيصل : يالله يالله .. × قااام ..

× في بيت أم دانة ..
× أم دانة باب غرفة بنتها شوي شوي

..وشافت دانة " لامة رجولها لبطنها وحاطه رآسها على ركبها ..
أم دانة " رحمتها وبصوت واطي " دانة ..
يوم سمعت صوت أمها × رفعت رآسها بسرعة والدموع مالية وجهها ..
×قربت أمها وحطت يدها على رآس دانة .. خلاص يمه ..
دانة " رفعت رآسها لأمها وعيونها حمراء " .. ماأبكي إنه تركني ..!! أبكي اللي تحت التراب ..
× أمها جلست أم على طرف السرير ... ×وقربت دانة وحطت رآسها على كتف أمها ..
ماما مافارق بالي عرفت إن مافيه أطيب منه بالدنيا ..
أم دانة " راحمتها مرة " : يابنيتي لازم ترتاحين من التفكير والماضي انسيه ..
دانة "ودموعها تطيح " : الغالي مو ماضي بس .. !! بابا الماضي والمستقبل وأيام عمري كلها .. اشتقت له .. والله العظيم كان فيصل مشغلني شوي عنه ..
أم دانة "تتنهد": الله يرحمه ويغفر له .. ودام ماعندك أحد الحين بيجي ببالك كثير ..
دانة : الله يرحمك يابابا .. × تمسح دمعتها ..
× أم دانة .. بعدت دانة .. شوي يمه بقوم أنام لي شوي .. ماقدرت أرتاح لأن بالي معك .. وعارفة إنك ماراح تنامين ..
دانة "تطالع أمها " : بصلي وأحاول أنام ..
أم دانة : الله يعينك يمه .. وترا أبيك اليوم بموضوع .. نامي عشان أقدر أكلمك على راحتي ..
دانة "استغربت " : وش موضوعه .. !! قولي هاللحين ماراح أنام ..
أم دانة "تبتسم " : لا نامي وأقولك إذا شبعتي نوم ..
دانة " تطالعها " : لا قولي هاللحين والله ماراح يجيني نوم ..
أم دانة " تمشي متجهة للباب " : نامي يمه اليوم قدامنا نتكلم فيه على راحتنا ..
دانة "تبتسم " : طيب .. تصبحين على خير ..
أم دانة " وهي طالعة " : تلقين خير ..

× فيصل .. توه راجع من المسجد هو وعلي ..
× كل واحد جالس على طرف السرير ومتقابلين ..
علي " وهو يشرب ماء " طارت عيونه ...
فيصل : مع اني سمعته يبكي وأحس اني مشتاق له .. بس ماقدرت أروح له ..
علي " ينزل كاس الماء " : كل هذا عشان نورة ؟؟؟
فيصل " بصوت خافت " : خفت من شي !!!
علي "استغرب ": بس ماأتوقع هذا الشي يمنعك من ولدك ورحلتك بعد شوي .. كان سلمت عليه والله حرام تراه يحس ..
فيصل " نزل رآسه " : شفتها ياعلي .. وليتني ماشفتها ..
علي " بسرعة " : جد !!!!!
فيصل " ارتبك " : بالصدفة !!
علي "بتطنز" : أكيد بالصدفة .. أجل مخطط معها !!
فيصل " منقهر " : تدري ياعلي ؟ حسيت إني جد ظلمتها ..
علي "يضحك باستهزاء" : توك تحس !!
فيصل "يطالع علي " : بس بيني وبينك ؟؟ ماتحركت مشاعري .. " يعني إني أحبها أو كذا .. لالالا .. رحمة لا أكثر " ..
علي " انقهر وعصب " : يا انك تكابر !! يا انك مغرور .. وش هالأسلوب .. !! تراها بنت خالتك ؟
فيصل "يقاطعه " : لالالا فهمتني خطأ .. أنا راحمها حسيت إنها متغيرة .. يعني حسيت إني كاسرها جد ..
علي " منقهر مرررة " : والله اني أتمنى إنها تزوج واحد يعرف قدرها .. اقسم بالله على كثر ماأوديها وأجيبها مامليت.. إلا إنها تملك طيبة ماتملكها أي بنت .. أحسها أختي وأكثر ..
فيصل "ابتسم باستهزاء " : ماعشت معها !! .. ×بسرعة .. الله يستر عليها ..
علي " يطالع الساعة " : يالله لا نتأخر ..
فيصل " وقف " : يالله .. أمي وأبوي تحت ؟؟
علي :أمي تحت وأبوي شفته يكلم واحد عند المسجد مادري جاء وإلا لا .. .. وصحيت لك منوور بعد ..
فيصل : آآآآه يامحمد ماباقي إلا هو .. والله مشتاااق له ..
علي " سكت .. وعيونه امتلت دموع ...
× يسمعون صوت أمهم تزغرد تحت .. وصوتها تضحك بقوووة .. الله يبشرك بالخير ..
علي وفيصل يطالعون بعض مستغربين ..
علي : وش عندها أمي على هالفجر .. !!!!

× دخلت عليهم منار تركض .. وتضحك .. أبشركم محمد بيطلع ×تناقز ..
× طلعوا بسرعة من الغرفة ..

×في بيت أبو دانة

× دانة ماسكة جوالها ومتمددة على السرير .. وتضغط .. رقم فيصل .. وتمسح .. وتضغط وتمسح وعلى هالحالة ..

( دانة تحاول تنسى فيصل بس ماقدرت.. !! )

× في بيت أبو فيصل كلهم بالصالة ..
فيصل " يطالع أبوه " : والله ودي أشوفه ..
أبو فيصل : أسبوعين أو ثلاث أو أكثر أهم شي انها انحلت.. ولا تقدر تأجل ..
أم فيصل " تسمح دموع الفرحة " : لا يبه لا تأجل دراستك .. ان شاء الله تشوفه ..
علي " يطالع فيصل " : يالله تأخرنا .. ماباقي شي ..
فيصل "يطالعهم": يالله أنا بمشي .. دعواتكم ..

× ودعهم بالدموع .. وأم فيصل دموعها مختلطة بفرحة ولدها محمد وبتوديع ولدها فيصل ..

× في بيت أم عبدالله ..

" قبل العصر" ..

نورة " وهي شايله ولدها ومنصدمة " : طيب متى سافر ؟؟
أم عبدالله "واقفه قدامها": توي مسكرتها من أختي .. تقول مشى بعد الفجر ..
نورة "الدمعة بعينها وعصبت " : ماعاد يهمني ومن باعني بعته .. ×تطالع ولدها .. ليش مافكر يودع ولده أقل شي ,, !!
أم عبدالله "تطالعها بقهر" : حتى أنا استغربت .. !!
نورة "تنهدت": إيه الله يعين بس .. طيب عطاهم مصروف .!!
أم عبدالله " سكتت " .. !!
نورة " بعصبية " : يمه لا تقولين لي استحيت منهم .. هذا ابوه .. أنا منين أصرف عليه !! راتب أبوي الله يرحمه يالله يكفينا مصروف البيت وراتب الشغالة .. وعبدالله زوجته أشغلته عنا × الدمعة بعينها ..
أم عبدالله "قاطعتها" : قلت لهم .. وقلت لأختي .. قالت تيسر بس فيصل منضغط .. وحنا نصرف وكلنا واحد ..
نورة "واصلة معها " : يااااااااسلام .. فيصل هو أبوووه .. × بتطنز .. والفلوووس ماشاء الله أشوفها تطلع لغير ولده .. ماراح آخذ فلوس من أحد .. هو اللي يصرف بالطيب بالغصب يصرف !!
أم عبدالله " عصبت " : خلااااص أهم شي يصرف عليه وهم بعد أهله .. ولا لك دخل .. الولد سافر يدرس ولا راح أحد يطوله ..خلاص فيه جده وجدته ..
نورة "بكت " : يااااربي وش هالحظ .. !! والله تعبت ماعندي أحد يمه .. عبووودووه ولا نشوفه .. ورجل ماعندنا أحد .. وعلي أشغلناه .. والتكاسي ذبحونا .. وولدي عنده مراجعات .. يمه منين لنا ..
أم عبد الله " رحمتها " : تيسر يمه .. لا تضيقين على نفسك .. ياما جت أوقات ضاقت علينا وتيسرت .. ادعي ربك .. وأخوك أنا راح ألاقي حل معه لا تيشلين هم ..

× في بيت أم عبد العزيز ..

× أم عبدالعزيز وعبد العزيز ..
عبدالعزيز "مرتبك": بصراحة قررت أتزوج وحدة ثانية ..
أم عبد العزيز "بسرعة " : بتتزوج !!!!
عبدالعزيز "بهدوء" : ربي مارزقني ولد مع زوجتي .. يمكن مالي نصيب معها بالولد .. بتزوج ..
أم عبد العزيز (ماكرهت الفكرة .. لأن زوجة عبدالعزيز متعبتهم .. ولا تحبهم .. ×ساكته .. )
عبد العزيز "يطالع أمه " : وش قلتي ؟
أم عبدالعزيز : خلاص بدور لك ..
عبد العزيز : لاقيها يمه .. بس أنتظر
أم عبدالعزيز "استغربت " : لاقيها ؟؟؟
عبدالعزيز " بهدوء " : مو عبدالله رجل أختي عنده أخت مطلقة ..
أم عبدالعزيز "ابتسمت" : والنعم والله ..
عبدالعزيز "تحمس " : تعرفينها زين ؟
أم عبدالعزيز : ماشاء الله تبارك الله .. مادري وشلون تطلقت .. !!
عبدالعزيز "ابتسم " : الله يكتب اللي فيه الخير .. كلميهم أجل ..
أم عبدالعزيز "تطالعه " : المشكلة إن أختك متخانقة معهم .. ومسوية مشاكل ومبعده ولدهم عنهم .. ×منقهرة .. وشلون أطلب لك بنتهم .. وهو مايبون قربنا بعد اللي قاعدة تسويه سارة وزوجها ..
عبدالعزيز "استغرب": لا يمه .. سارة تقول أكلم نورة .. وبينهم مكالمات والعلاقة جيدة .. ولا قالت لي شي من هالكلام ..
أم عبدالعزيز " مستغررربة مرررررة " : تكذب .. أم فيصل كم مرة تكلمني إن أختها تشتكي من ولدها وسارة السبب ,, أختك قوية .. وأنا ماقدرت عليها .. وبروح لهم بنفسي بعتذر عن اللي تسويه سارة .. وسحر بعد تقول لي انها الله يصلحها وحدة ..
عبدالعزيز "شك " : والله مادري يمه .. أنا أدري إن سارة قوية .. بس بكلمها وأشوف ,, لأنه حتى لو ماصار نصيب بيني وبين بنتهم لاااازم تحترم نفسها .. وهذا يعكس على تربيتها .. ولا أسمح إنها تشوهت سمعتنا بحركاتها السخيفة .. ولو يدري عنها أبوي ذبحها ..
أم عبدالعزيز : أنا كم مرة أهددها بأبوك .. وأهددها فيك .. بس ماتسمع ..!!
عبدالعزيز : أنا بمر عليها اليوم .. وبشوف الموضوع بنفسي ..
أم عبدالعزيز : تسوي خير .. والله انهم ضعيفين ..ولا عندهم إلا هالولد .. ولا ودي بنتي تسبب لهم بشر ..
عبد العزيز × يفكر .. ويتذكر كلام سارة عن نورة .. وان بينهم رسايل .. × محتار هل هي صادقة أو تكذب !!!

× في شقة عبد الله ..
× سارة وعبد العزيز ..

سارة " مرتبكة " : ايييه هو فيه بيننا مشاكل بسيطة .. بس مايمنع اننا نتكلم مع بعض ..
عبد العزيز "حس انها تكذب وبصوت عالي " : سارة سؤال أخير .. الرسايل اللي قلتي لي عنها والسواليف صدق وإلا لا ؟؟
سارة "خافت وبسرعة " : بعضها صدق وبعضها لا ..
عبد العزيز " سكت .. وهو معصب .. يطالعها .. سارة وش تبين بالضبط .؟؟
سارة " تمثل " : أناااا راحمتها وأبي أرزقها .. وأنت رجل ونعم فيك .. وطيب وحنون ..
عبد العزيز "يقاطعها وبعصبية " : اسمعي ياسارة بغض النظر إني بتزوج أو ماراح أتزوج .. اللي بينك وبين عايلة عبدالله تصلحينه .. أنا ماعندي استعداد بكرا الناس يقولون اللي ماتربت وفرقت بين الأم وولدها ..

×عبدالله بيفتح باب الشقة ويسمع صوت سارة وعبدالعزيز طالع .. ×وقف..
سارة "بصوت عالي" : أنا بعد أبي أعيش حياتي مثلي مثل غيري .. مو إذا رحت ودي, جيبي, حطي .. وغير كذا زوجي مايقعد عندي أبد بس يشتغل لهم .. وأخته غثتنا بكثر طلباتها ,, وطلبات ولدها ..
عبد العزيز " وقف وهو معصب " : تصلحين اللي أنت مخربة .. وماراح أتزوج لما يتصلح كل شي ..
سارة " وقفت وبقوة " : ماراح أصلح شي .. ولا تتزوج .. بس عبدالله أبيه لي لحالي .. مايشاركني فيه أحد ..
× عبدالله منصدم وهو يسمع .. الكلام ..
عبد العزيز " قرب لسارة وبعناد" : بكرا بمرك تروحين تعتذرين لهم بالغصب .. والله لا أخليك تبوسين رجلين أمه ..
سارة " بكبرياء وبصوت عالي " : تخسى أنت وياهم .. × قطعها بكف قوووي ..
سارة " تطالعه والدموع بعينها " : والله ماأروح لو ترجعوني لبيت أبوي .. مو أنا اللي تنزل راسي عجوز ..
عبد العزيز " مسك يدها وسحبها " : أمشي ياحيوانة .. البسي عبايتك .. لازم تتربين

× فتح عبد الله الباب وشاف عبدالعزيز ماسك يد سارة وهي تبكي ..
عبد الله "منقهر ": خذها ياعبدالعزيز أبيك تربيها .. وأنا اللي المفروض أعتذر لأمي ..
عبدالعزيز " ترك يد سارة ومعصب " : يالله روحي البسي وأنتظرك بالسيارة .. وياااويلك ماتطعلين ..
عبدالله " منصدم " : ياليتني ماسمعت شي ياعبدالعزيز ..
عبد العزيز " قرب لعبدالله " : ماربينا صح .. حقك علينا يابو عابد .. لك علي أرجعها غير .. والله لا أخليها تعرف قدرك ..
عبد الله " يطالعه " : أنا بطلع سوو اللي تبي معها .. × طلع وهو منقهر ..

× في بيت أم عبدالله ..
نورة "لابسة عبايتها وشايلة ولدها " : يمه بسرررعة والله بيموت من الحرارة .. ياعمري ياولدي ..
× جت أمها .. يالله دق علي يقول عند الباب ..

× في بيت أم عبدالعزيز ..
× أم عبدالعزيز تكلم بالجوال .. × بنبرة حادة .. بتخليها عندك ؟
عبدالعزيز "وهو بالسيارة وسارة جنبه تبكي .. : ايه يمه بخليها عندي ولا يدري أبوي عن سواياها .. خلي الموضوع أنا بحله بنفسي لأن زوجها سامع كل شي ,, وهي قالت كلام مايتحمله أي رجل بالدنيا ..
أم عبد العزيز "بخوف " : الله يآخذ روحها أفتك منها .. والله فشلتنا هالبنت ..
عبدالعزيز : لا تخافين بلقى لها حل ..
× سارة تكلم نفسها .. أكيد بتلقى لي حل وزوجتك العلة موجودة .. الله يعينني عليها

× في المستشفى ..
× بقسم النساء ..
× نورة وأم عبدالله واقفين .. والدكتور سادح عبود على السرير .. ويكشف عليه ..
نورة " بهمس ": ياعمري ياولدي الحرارة ماتفارقه ..
أم عبدالله : ياقلبي .. عبدالله أخوك ماكنت أشوفه صاحي وهو صغير .. دايم حرارة .. لا تخافين
نورة : الله يعين .. بس شكلنا تأخرنا على علي ..
أم عبدالله : الله يجزاه خير .. ماقصر .. بس يصبر شوي ..
نورة : والله استحيت منه .. × قطعهم صياح عبود ..
×التفت الدكتور على نورة .. وأمها .. الولد راح ينام الليلة عندنا ..
نورة "بخوف " : وش فيه يادكتور ؟
الدكتور : يحتاج بعض التحاليل .. ونشوف ان شاء الله .. ولا تخافين بس للتأكد ..
نورة "مستغربة " : التأكد من ايش ؟
الدكتور : حرارته مرة مرتفعة .. لذلك يحتاج تنويم .. وبنآخذ بعض التحاليل ..
× سكتوا شوي ..
نورة "خايفة " : طيب فيه شي يادكتور ؟
الدكتور "يبتسم " : لا إن شاء الله مافيه شي فحوصات احتياطية ..
نورة " تكلم امها بهمس .. أجل اطلعي يمه وأنا بنام عنده ..
أم عبدلله " راحمتها " : أنا بطلع وبجيب لك لبس وأغراض ولدك ..
نورة : شنطته فيها أغراض .. أنا اللي أبي أغراض
أم عبدالله : علميني وأطلع أجيبهم وبنشغل علي معنا ..

× في بيت أبو فيصل ..

× أم فيصل توها طالعة من المطبخ وتكلم بالجوال .. وبخوف .. وش فيه ؟
علي : حرارته مرتفعه ..
أم فيصل : يابعد قلبي ياعله مايشوف شر ..اسأل نورة تحتاج شي ..
علي : ان شاء الله إذا احتاجوا بقول لك ..
أم فيصل : الله يعافيك يبه لا تخليهم ..
× جت منار .. ووقفت ..
علي : لا معهم لا تخافين يمه .. بس قلت بقول لك ..
أم فيصل "بحزن " : يابعد قلبي ياوليدي .. مايشوفون شر .. يالله أجل سلم عليهم عاد أنا أكلم أختي ..
علي : إن شاء الله مع السلامة ..
× سكرت أم فيصل ..
منار "مستغربة " : يمه وش فيه ؟
أم فيصل : عبود بيرقد بالمستشفى .. حرارته مرتفعه ..
منار "شهقت" : ياعمررري ياعبودي ..

× في بيت أم دانة ..

× دانة ومشاعل بالصالة ..
دانة "وعيونها دموع " : يعني آخر شي كنت أتوقعه يتركني بالسهولة هذي ..
مشاعل : أنت اللي سلمتي نفسك بالساهل .. أكيد راح يتركك بالساهل ..
دانة " بقهر " : أحس إني خلاااص انتهيت .. حتى أجلت الترم .. واحتمال كبير إني ماأكمل إذا مالقيت محرم ..
مشاعل : إن شاء الله تتسهل .. ولا تخافين ادعي ربك ..
دانة : ياااارب ..خسرت أغلى إنسان على قلبي مابي أخسر دراستي بعد ..

× أم دانة بغرفتها تكلم ناصر .. والله للحين مافاتحتها كل ماجيت أتكلم خفت .. والله أخاف تنصدم ..
ناصر : الرجل مستعجل ويقول أنتظر الرد خلال هاليومين ..
أم دانة : بحاااول أكلمها الليلة إذا قدرت .. هذا صديقتها عندها يارب ترتفع معنوياتها ..
ناصر : أقل شي تقدر تكمل دراستها على حسابها .. وتقدر تسوي اللي تبي ..
أم دانة : الله يسهل ويكتب اللي فيه الخير ..
ناصر : اللهم آمين .. إذا احتجتوا شي قولوا لي ..
أم دانة : ان شاء الله ..

× دانة ومشاعل ..
دانة "مستغربة " : لالالا ماأصدق يامشاعل ان هذي فكرتك ..؟؟
مشاعل : لأني ماأتوقع اني سويت حرام .. برجعكم لبعض .. ارسلي له وحاولي ..
دانة " بصوت واطي وبخوف .. جربت رقمه السعودي ماضبط مقفله كنت بكلمه ..
مشاعل : هههههههه أدري ماتتحملين .. طيب تعرفين رقمه الاسترالي ؟
دانة "ابتسمت " : ايه أعرفه .. وأكيد بينسى يغيره ..
مشاعل : حلوووو ارسلي له مثل ماقلت لك .. بس لازم وسائط .. عشان تكون مؤثرة أكثر ..
دانة " بخوف " : والله أخاف ماتضبط .. وماني متأكده هو مشى استراليا وإلا لا ..
مشاعل "بتطنز " : إذا استعجل بالطلاق أكيد عشان الدراسة ياقلبي وخاصة إنه حريص .. وبعدين غير كذا الرجل مو مثل المرة تنكد على عمرها عشان الرجل وهو ولا مهتم .. يااااقلبي خلك قوية .. وجربي حظك وإذا مامشى الله يرزقك برجل أبرك منه
دانة "قاطعتها وبقهر" : اسكتي يامشاعل .. ماأتخيل نفسي مع غيره .. وربي يجيني شعور غريب .. .. × تنهدت .. آخر شي أتخيله إني أعيش مع رجل غيره .. بحاول أرجعه يامشاعل ماأتحمل ..
مشاعل " تطالعها برحمه " : لالا بس رسالة وإذا ماضبطت ابعدي عنه .. لأنه أكيد حتى هو يبي يحاول ينساك إذا يحبك ولا تعلقون ببعض وكل شي ضدكم ..
دانة " تفكر ..... وإلا تدرين .. بعد الرسالة إذا ماضبطت .. بحاول أنساه وأبدا أركز على نفسي ودراستي ..
مشاعل : صح .. فكري بنفسك .. وسوي اللي تطمحين له ..

× في شقة عبدالله .. عبدالله بالغرفة منسدح بينام .. ×يفكر .. وش سويت ياعبدالله مع أهلك .. !! أمك وأختك .. !! والله لعبتي فيني ياسارة .. وشلون بيصير لي وجه أقابلهم .. !! يانوير وش صار فيك ؟؟ مكسورة وكسرتك أكثر ..

× الفجر .. بالمستشفى
× نورة توها مخلصه مصليه .. وراحت تلمس ولدها اللي مانزلت حرارته .. يابعد قلبي أنت .. يارب تخليه لي وتحفظه من كل شر
.. (( سرحت .. ماتدري إن أبوك مالقاك لك بال .. ولا يدري عنك .. آآآه بس ,, الله يعوضنا .. ))

× في بيت أم دانة
الظهر ..

دانة "بعصبية وبصوت عالي " : ماأتخيلك مع رجل غير بابا الله يرحمه .. ليش تفكرين من الأساس ..
أم دانة " بتفاهم " : لا ترفعين صوتك وخلينا نتناقش ..
دانة "بنفس شينة " : قولي ..
أم دانة : أول شي أنا مقتنعة إن مالي مكان هنا .. وكنا نخطط من زمان نعيش بدولة من دول الخليج .. ماكتب ربي ..
دانة "بهدوء " : بس تقولين له عيال .. تضمنين إنك راح تستمرين وكل عياله يبونك ..
أم دانة : هم يبونه يتزوج .. لأن زوجته ميته .. وغير كذا عياله متفهمين على حسب ماعرفت ..
دانة " بدت تلين " : وين عايشين بالضبط .. ؟
أم دانة : دبي .. والله راح يتسهل لنا كل شي وأقلها دراستك .. يمه لازم نفكر بأنفسنا .. لازم رجل ..فكري بالموضوع
دانة " طاحت دموعها " : مااااأقدر صعبة .. والله صعبة ,, ماأتخيلك .. ×بكت ..
أم دانة "تطالعها": ولا أنا هينه علي .. بس أنا توي ولازم رجل يسترني .. أنا أحس وعندي شعور .. مو يعني إني أم ومشى عمري خلاااص أفقد الاحساس ..
دانة "سكتت شوي ... شوفي ماما حنا نحتاج رجل .. وحالتنا كل مالها تسوء
أم دانة "تقاطعها" : وغير كذا عمانك اللي توقعتهم يقفون بوجيهنا .. وافقوا على الزواج .. وخلاص يعني وأنا من زمان أفكر .. بس أبي رآيك ..
دانة "تمسح دموعها .. خليني أفكر .. وأرد لك

× في بيت أم عبدالله ..
أم عبدالله تكلم بالجوال ..
عبدالله : حقك علي ..
أم عبدالله "بقهر " : والله العظيم استحيت من علي .. تضيق علينا ماعندنا أحد .. الله يصلحك ..
عبدالله "منقهر وراحمهم " : خلاص يمه أنا أجي وأوديك اجهزي ..
أم عبدالله : يالله أنتظرك .. وقلبي متقطع من الشوق ..
عبدالله : آسف يالغالية ..

× أبو فيصل .. وأم فيصل بالصالة ..
أم فيصل : يابعد عمري أجل تعبان من الرحلة ..
أبوفيصل : إي والله .. قال سلم لي على أمي وقل لها أكلمها إذا صحيت ..
أم فيصل: يابعد قلبي ياولدي ..ياحبي لك انتبهوا لا تقولون له إن عبود بالمستشفى ..
أبوفيصل : لالا وأنا بوصيهم ينتبهون ..

× في غرفة عبود بالمستشفى ..
× نورة تمسح دموعها .. الله يسامحها حرمتني شوفتك ..
عبد الله "يبتسم " : أنا أعرف وش أسوي معها ..
أم عبد الله " واقفه عند عبود" : بس انتبه لا تهور بشي أكبر ..
عبدالله "مسك يد نورة " : بخليها تعتذر لك غضب عليها ..
نورة "ابتسمت " : والله ماهمني شي بعد ماشفتك .. وخلاص أنا مسامحتها أصلاً .. بس عشانك ..
عبد الله " ترك يدها وراح لعبود " : وش فييييييه ثلامة خالوووا أنا .. ؟
× عبود وجهه مرررة تعبان ..
نورة "قربت " : والله خايفة .. بيسوون له تحاليل ومادري كيف .. والله خايفة ..
عبد الله :لااااا تخافين .. لازم يكشفون عليه إذا صارت حرارته مرة مرتفعه ..
نورة : الله يخليه لي ..
أم عبدالله " تطالعهم " : ترا أختي وأبو فيصل وعلي وأظن منور معهم بيجون ..
نورة : الله يحييهم .. وأنااا أقول وش عندك مكثرة قهوة ..×تضحك
× نورة بينها وبين نفسها .. ياااليتك معهم يافيصل ..

وتمر الأيام كلمح البصر ..
وتترك في داخلنا لحظات الحزينة ..
وسرعان ماننسى لحظات السعادة ..
...
نعد الساعات .. !!
وتعدنا الأيام .. !!
حملت لنا تلك الأيام لقاء العشاق ..
ونار فراقهم ..
...
قلوبنا تعاني مرارة العشق ..
وقليل منا يعيش سعادته ..

ولنترك مصيرنا متعلق في هذه الأيام ..
لتفتح لنا آخر الصفحات .. أو ربما أولها ..
...

× على شاطئ سدني .. !!
فيصل " يدخن .. يتفرج على الغيوم .. وروعة الجو .. طلع جواله .. وفتح الرسائل الواردة .. فتح مسج دانة .. "وسائط" ..

حبنا يانور عيني لايضيع ..
احفظه حتى يلم بنا اجتماع ..
أشتري حبك ولكن ماتبيع ..
كيف تنهي عشرة العمر بضياع } .. !!
..
ياخلي القلب قلبي لك وديع ..
آمر أمرك ياهوا بالي يطاع ..
عينك بنظراتك الخجلى تذيع ..
ماتخفى باللقى وعند الوداع !!
..
عجل بوصل على قلبي سريع ..
وارفع لحبي مدى عمرك شراع

فيصل .. ورب الكون الدنيا ضاقت علي بعدك .. مو عشان ناقصني شي .. لا حبيبي ..!!
أنا الحمدلله بعز وبنعمة يحسدوني عليها كثير ..
بس تدري .. ماأبيها !!
ولا أبي شي بالدنيا ..
غير إني أكون معك ..
فقدتك.. ياأغلى من سكن قلبي .. ولو خيروني بيني موتي ونسيانك بختار موتي أهون علي ..
أنا ماأرسلت لك المسج عشان أذل نفسي ..
لكن ماقصر الحب ذلني ..
هذا قلبي يافيصل .. إذا قدرت ترجعه لقلبك رجعه ..
وإذا قررت إننا ننتهي للأبد بلغني بمسج ..
عشان على الأقل أنتبه لنفسي شوي .. !!
أحبك .. " دانــة " ..

.......


× فيصل رمى الزقارة .. آآآه يادانة .. تكفين خليني أعيش ,, أنا أبي أنتبه لنفسي بعد .. ×قطعه صوت خالد .. جبت لك كوفي ياطويل العمر ..
فيصل " ابتسم وهو ماله خلق " : خبري فيك شقردي .. × أخذ الكوفي
× جلسوا على طاولة ..
خالد " يطالعه مستغرب" : يااااشين وجهك .. اضحك شوي .. من يوم طلعنا من نيوكاسل وأنا عاقد وجهك ..
فيصل " ابتسم يجامله ..
خالد " يطالعه " : لاااااااا فيصل أكيد فيك شي ..
فيصل " شال نظارته الشمسية " : إي والله فيني ..
خالد " استغرب " : وش فيك عسى ماشر ..
فيصل " التفت للشاطئ ويتكلم .. أحبها ياخالد .. وأرسلت لي مسج لعب فيني لعب ..
خالد " يطالعه " : طيب ارجع لها ..
فيصل " طالعه بسرعه " : المسألة مو بهالبساطة .. المسألة أكبر من إني أرجع لها .. أنا أشوف إنها أبد ماتصلح لي ولا تصلح حتى لأهلي .. × سكت شوي .. حنا المشكلة بمجتمع إذا تزوجت البنت لازم تزوج أهلك معك .. آآآآه ياخالد .. وأمي أقلقتني وتعبتني ولا أحس إنها تبي راحتي ..
خالد "ساكت ..
فيصل " بهدوء" : وش رآيك .. ؟
خالد : والله يافيصل إذا ماارتاحت لها أمك ..أكيد بتلازمك المشاكل طول عمرك .. وبعدين لازم ترضي أمك ..
فيصل "ضرب بيده على الطاولة .. ياااالله ليش أرضي أمي على حساب نفسي وراحتي
خالد "يقاطعه وبعصبيه .. استغفر يابن الحلال هذي أمك .. لا تذنب عشان وحده مع الأيام بتنساها ..
فيصل " بسرعة " : استغفر الله .. بس قسم بالله .. أحسها ماتقدرني ولا تبي لي الراحة ..
خالد : أنا رآيي تناساها وتغير رقمك ..
فيصل : غيرت رقمي السعودي بس ماجاء فبالي أغير رقمي هنا ..
خالد : غيره .. سهله ..
فيصل : هذا اللي بيصير .. أتعب نفسي كذا بس .. × يشرب كوفي ..

× دانة بغرفتها تكلم بالجوال .. مشاعل افهميني ..
مشاعل : يابنت الناس الولد عايفك .. افهمي .. خلاااص .. روحي وقولي لأمك إنك موافقة يالخبلة .. جتك فرصة من ربي
دانة "والدمعة بعينها " : وأنا ؟ وش يصير فيني ..
مشاعل "تقاطعها " : حلووووة وش يصير فيك ؟ ياماااما عيشي حيااااتك .. وانسي شي اسمه فيصل وإذا جاك رزقك تزوجي خلاااص الرجال ماآخذنا منهم الغثا والنكد .. وأكيد ياماما عايش حياته والدليل سافر وهو توه مطلق .. بعد هذي شي !! الرجال ماهمهم إلا أنفسهم
دانة " طاحت دموعها " : ياااارب .. والله كلامك أحسه صح .. بس أحبه والله العظيم ماأقدر أنام .. مايفارقني أبد ..
مشاعل " بهدوء" : دانة .. روحي بعد شوي لأمك ..وقولي إنك موافقة .. وبتدقين علي بتبوسين راسي من الوناسة اللي بتعيشينها بدبي .. وبيتحقق لك كل اللي تبينه ..
دانة : آآآآآخ بس .. يالله مشمش أنا أحس إني تعبت من التفكير .. ولازم أرتاح ..

×في بيت عبد العزيز .. عبدالعزيز وسارة جالسين مع بعض ..
سارة " بسرعة " : جد ؟؟؟
عبدالعزيز "يبتسم " : إيه أمي كلمتهم .. بس شوفي ياسوير أبيك تدخلين غيييير .. وأتوقع إنك تأدبتي خلاااص ..
سارة " تطالعه " : إيييه خلاااص أصلاً بعد اللي شفته بتأدب ..
عبدالعزيز " يطالعها " : المهم أنا كلمت عبدالله وقلت له يجي بكرا يآخذك وأبيك تعتذرين له لأني مثل ماقلت لك الرجل قلبه مليان منك .. ورجعيه بطريقتك ..

× في بيت أم عبد الله ..
نورة "تلعب ولدها " : ياقلبتي ياللي تعب ماما أسبوع بالمستشفى ..
×عبودي يضحك ..
×نزل عبد الله .. نوير .. كلمتك أمي بشي ..
نورة "تطالعه وتبتسم " : عن ايش ..!
× قرب عبد الله وجلس .. قالت لك عن اللي خطبك ؟؟
نورة "تضحك " : ياااكثرهم .. أي واحد ؟
عبدالله "يبتسم " : أكيد ماتدرين ..!!!
نورة "بسرعة قاطعته وهي تبتسم ,, إلا أدري اليوم قالت لي أمي ..
عبد الله " يطالعها " :وش رايك ؟
نورة " تطالع عبودي " : ولدي .. ماأقدر أتزوج ..
عبدالله " بهدوء ": وبتظلمين نفسك طول عمرك .. لازم تزوجين يانورة ..
نورة : وغير كذا متزوج الرجال وعنده عيال ..
عبدالله "يقاطعها " : بس الرجال مافيه عيوب .. والله تندمين يانورة وأنت بس ترفضين .. عبدالعزيز أعرفه ..
نورة : أفكر .. وأنا قلت لأمي أفكر ..
عبد الله : شوفي تراه قال لي الشروط اللي تبيها أنا حاضر .. لو تبي تسكن بقصر .. والرجال ماشاء الله مقتدر .. وعن عبودي يقول بحطه بعيوني ..
نورة " تبتسم باستهزاء " : ياااامااا سمعنا الكلااام الحلوو قبل ولا شفنا شي..
عبدالله : بس اصابعك مو وحده .. والرجال يختلفون .. ولا تناظرينهم نظرة وحدة وتحسبينهم مثل فيصل ..
× بينها وبين نفسها .. ياااليتهم مثل فيصل ..

عبد الله : المهم فكري .. وردي لي .. بس خوذيها مني نصيحة الرجل لا تفوتينه ..




× في بيت أم دانة ..
أم دانة " تكلم بالجوال" : إيه ياأبو أحمد قالت لي إنها مرتاحة .. وتبي تنتبه لنفسها وتدرس ..
ناصر : الله يتمم كل شي على خير .. وبالتوفيق ..
أم دانة : اللهم آمين .. عاد رد لي كل جديد ..
ناصر : لا تشيلين هم .. أول بأول بقول لك كل شي ..




× يوم جديد باستراليا ..

الساعة .. 10 الصبح .. فيصل طلع الخبز من الثلاجة ويجهز لفطور خفيف ..×يكلم نفسه .. الله يصلحك ياخالد رجعنا متأخرين وأنا اللي أكلتها بالنومة اللي تصدع بالراس ..

× في بيت أم عبدالله
× نورة منسدحة بفراشها ومشغلة نور الأباجورة و تحاول تنوم عبود " وش فيك ياأبوي قمت بالليل الله يصلحك " ..
× تحاول تنومه .. وهي تحس بالنوم .. عبود بدا يرجع ينام .. نورة "تطالعه وبينها وبين نفسك" : يابعد قلبي والله يافيك شبه من أبوك وخاصة عيونك والرموش .. آآآه ياوليدي لو تدري وش كثر اشتقت لأبوك .. وحتى يوم طلق دانة مافكر يرجع لي .. الله يسامحه .. × تبوس عبود .. الله يسامحه لأنه أبوك ..




× في استراليا ..
× خالد وليلى .. يتغدون ..
ليلى : والله ياحبيبي.. لو مكانك أقنعه يرجع لأم ولده والله كذا تسوي خير ..
خالد " ماسك الملعقة ويطالعها وبهدوء " : والله ياليلى الولد حاب دانة ويقول ماراح أتزوج ..
ليلى : أصلاً لازم يتزوج بس عشانه توه مطلق دانة يقول الكلام × بسرعة .. بعددددين قاهرتني هالدانة صراحة مافيها زود مادري ليش تعلق فيها
خالد "يبتسم" : القلب ياليلى
ليلى "بتطنز" : والله قلوبكم على كيفكم يالرجال كل من بغى يتزوج ثانية قال ماحبيت مرتي الأولى ..
خالد : هههههه طيب ..
ليلى " تطالعه " : طيب تكفى حاول يرجع نورة .. وقل له عن سواليفها قبل عنه وإنه والله العظيم تحبه والله ياخالد يوم أشوفها متعذبة.. ليش مايرجعون ويفتح قلبه لها ..
خالد " يبتسم " : تصدقين ليلى أمس وأنا أفكر بالليل أقنعه يرجعها لأنه بحاجة ينسى دانة .. وغير كذا ماقلت لك شي
ليلى "استغربت " : وش فيه ؟
خالد "بهدوء" : تعرفين علاقتي مع أحمد ولد عم دانة .. وتعرفين علاقتي من قبل معهم ..
ليلى : إيه إيه .. وش فيه ؟
خالد : بيني وبينك ..
ليلى : كمل ..
خالد : أم دانة راح تتزوج وبيروحون دبي يعني دانة تقريباً راح تنقطع نهائياً عن فيصل ..
ليلى "تضحك " : ههههههههه أبركها من ساعة هذي الأخبار اللي تفتح النفس
خالد "باستهزاء " : الحمدلله والشكر ..
ليلى : لأنهم ظلموا نورة ..وربي بيآخذ حقها ..



× فيصل يتصفح موقع العربية ويقرا أخبار غزة .. ×يدعي .. الله يكون معكم .. ويطالع صور الفلسطنيين .. يااااالله حسبي الله على اسرائيل .. ×دق جواله .. أخذ جواله اللي كان جنب اللاب توب .. هلا أبو محمد ..
خالد : هلا فيك .. أخبارك ؟
فيصل : تمام ..
خالد : عندك شي اليوم ؟
فيصل : لا والله اليوم ماعندي جامعة ..
خالد : طيب خل نطلع لبحيرة Lake Macquarie دامك تحب هالأماكن ..
فيصل : أوكي والله طفشان .. لااا وغير كذا شفت صور غزة قسم ياضيقوا صدروا ..
خالد : إيييه الشكوى لله.. الله يكون بعونهم ..





× على البحيرة ..
فيصل وخالد جالسين يتفرجون على البحيرة ..
× فيصل وهو يدخن .. والله أتمنى ياخالد .. بس خلاص ماراح يرجع كل شي مثل أول ..
خالد "يقنعه " : تقدر والله تقدر ..
فيصل "بقهر " : تحسب إني ماأنقهر وأنا بعيد عن ولدي ؟؟
خالد "انقهر منه " : ماحاولت يافيصل حاول..
فيصل : آآآآآخ بس .. تدري ياخالد ؟.. توي أعرف إني تسرعت وكنت منعمي..
خالد : طيب أنت محتاج مرة في الغربة وغير كذا قلبك مع ولدك وكثير أشياء تحتاجها وأتوقع نورة راح تتغير ..
فيصل : ماأظن ياخالد تغير
خالد " قاطعه " : نورة تحبك وليلى قالت لي كلام والله رحمتها ..
فيصل " استغرب " : وشو الكلام ؟
خالد : إنها تتمنى ترجع لك وإنها تتعذب ومنقهرة من اللي صار لها ..
فيصل "سكت .. ويدخن بشراهه ..
خالد " بقوم أمشي بخليك تفكر .. × قام خالد ..
× فيصل .. وأنا لازم أحاول أنسى دانة .. وأسوي أي شي ينسيني دانة ..

× في بيت أم عبد الله ..
أم عبد الله بغرفة نورة ..
نورة " توها صاحية من النوم وجنبها عبود ..
أم عبد الله : ليش مانمتي زين ؟
نورة : عبودي صحاني بالليل وأفكر بكل شي ..
أم عبدالله : طيب اليوم يبون الرد تراهم ..
نورة : يمه بس لي شروط ..
أم عبدالله "ابتسمت " : يعني موافقه ..
نورة : لازم أفكر بنفسي وأستقر .. والدنيا تغيرت ..
أم عبدالله : صح يمه .. خلاص برد لهم .. بس ماراح أقول أختي لما نعلن رسمي ..وأنا يانورة نفسي ومنى عيني أشوفك متزوجة والله ماتدرين بكرا تلتفين ولا تلقينني ..
نورة : بسم الله عليك يالغالية عسى ربي يخليك





× في بيت أبو دانة ..
دانة " تمسح دموعها وهي تطالع نفسها بالمرآية اللي بغرفتها .. الله يرحمك يابابا والله ماودي ماما تتزوج بس مابيدي شي أسويه وهذا أفضل حل لنا ..سامحنا يالغالي .. سامحنا ياأطيب قلب عرفناه .. × بكت .. آآآآه يابابا ياليتك تطلع تشوف وش يصير فيني .. لا أخو ولا سند لي بهالدنيا .. وماما فكرت بنفسها وبتبدا تنساني .. والله أحتاجك يالغالي .. والله ضاقت الدنيا علي.. ارجع وخذ عمري .. آآآآه ياقلب دانة أنت ..نفسي أشوفك وأضمك .. وأبوس رآسك الغالي .. × تبكي بقوووة ..







× في السيارة .. عبدالله وسارة ..
سارة ماسكة يد عبدالله ..انسى كل شي صار ..
عبدالله "زعلان " : تقدرين تنسيني كل شي.. إذا تعاملتي معي صح ومع أمي ونورة ..
سارة "بينها وبين نفسها .. ياذا الموال اللي يرفع الضغط .. بس وش تسوين !!
عبدالله "وقف عند الإشارة " : وتقدرين تمسحين الأيام السوداء من حياتي .. كل هذا عن طريقة تعاملك ..
سارة : بحط بعيوني أنت وأهلك ..
عبدالله : ومثل ماقلت تدخلين وتعتذرين منهم كلهم ..
سارة : إن شاء الله .. × منقهرة ..





× في بيت أبو فيصل ..
× أم فيصل وعلي بالصالة ..
أم فيصل " تصب شاهي لعلي " : شوي ويجي ..
علي : ومنور وينها ؟
أم فيصل : تلعب لحالها ..
علي : ماملت من اللعب هذي ؟؟
أم فيصل : من الطفش يابعد عمري ماعندها أحد ..
علي : بشتري لها لاب توب يشغلها عن اللعب ..
أم فيصل "اتبسمت " : ياحبي لك .. عاد لا تشري لها غالي اشر لها أي كلام بس يشغلها شوي ..
علي : ايه بجيبه لها مفاجأة ..
× سمعوا صوت أبو فيصل دخل ويسولف .. استغربوا
أم فيصل : أكيد معه رجل خلني أقوم أسوي قهوة ..
علي " قام يشوف "...
× دخل أبو فيصل .. يصوت لولوة ..
علي "واقف ": أمي راحت للمطبخ ..
× دخل محمد ..
× علي طاااارت عيونه وضحك .. محمد !!!!!!! وبسرعة راااح ياااااااهلااااا ..ضمه بقوووة .. اشتقنالك باللحيل
× سمعت أم فيصل أصواتهم وطلعت بسرعة من المطبخ ووصلت الصالة وشافت محمد .. بسرعة وبصوت عالي من الفرحة يااااااااابعد قلبي يامحمد .. وبسرعة راحت وضمته .. وتبوسه بكل مكان وهي تبكي دموع الفرح .. يابعد عمري أخبارك ؟؟
محمد "يبكي " : الحمدلله تمام اشتفت لكم ..
أم فيصل "ترجع تبوسه " : يابعد عمري وحنا اشتقنا لك يبه ..
أبو فيصل " يطالعهم " : ماودكم نستريح ..
أم فيصل " وهي تبكي وماسكة يد محمد " : ليش ماقلت لي أجهز له شي
أبو فيصل : أبيها مفاجأة ..
محمد " يمسح دموعه " : وين منور ؟
علي " يصوت " : منور منور ..
أم فيصل : تعالي جنبي ياوليدي اجلس .. يابعد عمري ناااحف صاير جلد وعظم ..
محمد :الحمدلله ..
×مبسوووووطين كلهم ..







× الساعة1 في استراليا ..
فيصل نايم .. صحاه صوت جواله .. ياااالله من داق هاللحين ؟؟ رد وصوته مبحوح .. هلا ..
أم فيصل "مبسوطة " : ماعليش يبه نايم ؟
فيصل : إيه إيه يمه نايم ..
أم فيصل " بكت " : بس حبيت أبشرك أخوك محمد طلع ..
فيصل " صحى من النوم وانبسط " : الحمدلله على سلامته .. الحمدلله .. الله يبشرك بالخير .. ياااالله لك الحمد ولك الشكر..
أم فيصل : قلت أقول لك والله ياأنا فرحانه ماودي أنام ودي بس أشوفه ..
فيصل " مبسوط " : عندك هو؟
أم فيصل : راح ينام شوي تعبان ..
فيصل : الحمدلله والله ماأقدر أنام الحين .. خلاص أنا أكلمه إن شاء الله ..
أم فيصل : زين ياأبوي يالله نم زين ..
فيصل " يضحك " : أحاول ..




× في بيت أم عبدالله ..
× أم عبدالله وعبدالله ونورة وسارة بالصالة يتقهوون ..
أم عبدالله : ماصار إلا كل خير .. اليوم من أحلى الأيام عندي ..
نورة : الله يديم الوناسة .. من زمان ماانبسطنا ..
× سارة بينها وبين نفسها .. يااااكئبك بعد .. الله يرحم حالك مادري متى انبسطتي دايم زعلانة !!
عبدالله : اليوم بنروح لخالتي لازم ..
سارة "تمثل " : أكيييد لازم اليوم نصير عندها ..
أم عبدالله : ياعمري ياأختي الله يديم الفرحة عليها وياجعلها ماتشوف يومهم ..
نورة : آمييييين ..










.............................




...............



......



× مرت أيام وأيام .. وصارت فيه تغيرات كبيرة وكثيرة ..
أم دانة تزوجت .. وسافروا دبي ..
نورة شافها عبدالعزيز وتم كل شي وباقي ترتيبات الزواج ..
فيصل مايدري عن خطبة نورة ولا قالت له أمه خايفة عشان الولد..
عبدالله وسارة ماشية حياتهم وسارة تضغط على نفسها عشان تتقبل أهله ..



× في استراليا ..
فيصل يتقهوى عند خالد ..
خالد "بهدوء " : لا تضيق صدك ولاتخاف على ولدك دامه مع أمه ..
فيصل"عصب" : وشلون ماأخاف ياخالد وأنا أقرا القصص عن يميني وعن يساري ..
خالد : والرجال يختلفون
فيصل "قاطعه" : واللي يقهر أمي ماقالت لي شي ..
خالد "استغرب " : من قال لك ؟
فيصل : من يعني ؟؟ أبوووي ..
خالد : قلت لك ارجع لها ولاسمعتني .. وبعدين حرام عليك تحجرها لاأنت اللي بتزوجها ولا أنت اللي بتخليها تزوج
فيصل .. سكت ..
× ليلى تسمعهم .. وبينها وبين نفسها .. يااااويلك من الله يافيصل.. والله إذا خربت عليها مافيك ذرة رجولة ..



× في الإمارات .. دبي.. الساعة 10 الصباح ..
× أم دانة ودانة .. يتسوقون ..في مول الإمارات ..
أم دانة : ومرتاحة هنا؟
دانة " وهي مبتسمه " : للحين مبسوطة ..
أم دانة : طيب ماودك نجلس بكوفي نتقهوى أبيك بموضوع ..
دانة : إيه يالله شوفي هناك فيه كوفي قريب ..
أم دانة : يالله ..




× فيصل يدخن .. وهو يمشي على البيتش.. طلع جواله ويقرا مسج دانة .. ووقف ويطالع البحر من فوق السياج..
والله مادري يادانة من بعد ماانخطبت نورة حسيت بشعور غريب ..وندمت إني مارجعت لها ..بس كله بسببك وغلاك اللي لاعب فيني لعب ..!! ياااالله لو تدرين شقد اشتقت لك يالغالية
ووش قد اشتقت لصوتك ولدلعك.. ×ضاق صدره ..


اشتقت إليك يامن جعلتي حياتي ناراً من الشوق
اشتقت إلى همسك وسماع نبضك
اشتقت إلى صوتك الدافئ
واشتقت إلى حبك الصادق
...
افترقنا قبل أن يحين موعد الفراق
افترقنا ولم نتوادع ..
افترقنا وكان قلبي يبكي ألماً ..
ماأصعب تلك اللحظات..
وماأقساها ..
...
سامحيني
فالأقدار أكبر من كل شيء
سامحيني
ومع الأيام سوف نلتقي ..
...
لن أنساك
ولو حاولت نسيانك
لن أنساك
ولو طوت الأيام الماضي
وأصبحتي ذكرى
لن أنساك
وقلبك الصادق يعانق قلبي
وتداعبه يدي ..
..
أتعلمين حبيبتي ..
أحبك
وسأظل أحبك



عاشقك
فيصل






تمر الأيام والليالي ..
وربما يزيد الشوق أو قد يتلاشى الحب مع طول الأيام .. أو قد تحييه نظرة بعد أن كاد يتلاشى ..
ماأجمل قلوبنا وهي تنبض من أجل الحب ..
ومأجمل هذا الحب عندما تسقيه النظرات ..



× مشاعل ودانة بغرفة دانة ..
دانة "وهي تضحك مبسوطة " : ماتوقعت أبد تجين ,,
مشاعل : ياااااابعدها دبي .. قريبة ياحياتي .. بس من يجيبك ..؟؟
دانة " مسكت يد مشاعل " : والله ربي عوضني بأخت ..
مشاعل : طيب يالله دقي على الكوافير قولي تستعجل ..
دانة " أخذت الجوال " : أتوقع إنها بالطريق ..
مشاعل " وهي تطالعها " : كيف الشعور ؟
دانة " بسرعة وبخوف " : يااااي يامشمش جد أحس إني بديت أنساه .. ويارب أنساه بالمرة .. لأن عبدالرحمن يقول بيعوضني عن كل شي ..
مشاعل : طيب.. هو حبوب ؟
دانة : بشكل ماتتصورينه.. بس للحين ماأحس إني أحبه ,, ولا أحس بالشعور اللي جاني مع فيصل ..
مشاعل : يابنت الحلال ان شاء الله تحبينه.. ولا اللي فرحني أكثر إنه ولد زوج أمك يعني راح ترتبط العايلة أكثر ..
دانة : ايييه ياحبي لهم .. جد ناس طيبين .. والحمدلله بعد يومين ماشين لسدني ..
مشاعل " تبتسم " : ماشاء الله تبارك الله على حسابه ..
دانة : ايييييه أريح ..





× في بيت فيصل ..
خالد : خلااااص يافيصل بخلي نيوكاسل لك ..
فيصل : الله يصلحك بس لو تسمع كلامي وتكمل دكتوراه والله بمل لحالي ..
خالد :لا ياابن الحلال مليييت ..و الله يوفقك ..ويعينك على الغربة..
× دق جوال فيصل .. هلا علي ..
علي : هلا فيصل .. أخبااارك ؟
فيصل : الحمدلله بخير .. وش فيه صوتك؟
علي : بقول لك ترا خالتي دخلت العناية المركزة مرة ثانية وحالتها من أسوأ لأسوأ ..
فيصل " انقهر " : لااااااا وش صار بعد ؟؟
علي : مايدرون هذي ثالث غيبوبة .. وحالتها هالمرة صعبة .. وأبيك تكلم أمي لأنها مرة نفسيتها تعبانة ..
فيصل : إن شاء الله ..



× في المستشفى ..
× نورة تبكي بقوووة .. وجنبها عبدالله وخالتها أم فيصل ..
عبدالله : اذكري الله يابنت الحلال ..
نورة " وهي تبكي " : ودي أشوفها .. والله ماني مرتاحة أبد
×قربت خالتها .. اذكري الله يانورة .. وادعي لها ..
نورة : كلام الدكتور مايطمن أبد ..
عبد الله " والدمعة بعينه " : الله يقومها بالسلامة ..



× حفلة زواج صغيرة بالبيت .. والكوشة ناعمة مرررة ..
أم دانة مبسوطة مررررة ومعها بنت زوجها حنان .. دخل العريس والأبو كاشخين ..
أم دانة "تزغرد " وشغلت الدي جي .. هلا باللي سبا قلبي وأخذني حسنه بقوة ..
أم دانة " راحت لدانة بالغرفة .. دانة تشوفها وتبتسم .. وهي لابسة الفستان ومخلصة .. هاه يمه وش رآيك ؟
أم دانة " مبسوطة" : قمر ماشاء الله تبارك الله .. وإلا وش رآيك يامشاعل ؟
مشاعل "ابتسمت " : ياحظ عبدالرحمن فيها ..
أم دانة : يالله تعالي ترا حنان تحت .. والباقين بيجون بعد شوي ..
دانة : المصورة جت ؟
أم دانة : إيه يالله و جهزنا غرفة التصوير وكل شي ..






× في المستفشى ..
نورة " تصرخ " : طيب الله يخليك خلهم يتأكدون ..
عبدالله " وهو متأثر " : مسك يد خالته .. خاله خلاااص خوذيها .. طلعيها وروحوا مع علي ..
نورة "تبكي بقوووة وطاحت بالأرض " : يممممه تكفين ارجعي .. يممممه مابي أعيش بعدك ..
أم فيصل " وهي تبكي مسكت يد نورة : قومي معي يالله .. وأخذتها وهي تبكي بقوووة ..
× جاء علي .. مرة متأثر .. يالله يمه تعالوا من هنا ..





× في بيت أم عبد العزيز ..
سارة " قفلت الجوال وهي منهبلة " ..
أ م عبدالعزيز : هاه أخبارهم؟
سارة " طاحت دموعها " : عطتك عمرها
أم عبد العزيز " سكتت شوي وبكت " : الله يرحمها ويغفر لها .. يااااالله يالدنيا راحت بسرعة
سارة " ودموعها تطيح " : مايدرون وش السبب ؟
أم عبدالعزيز : الله يعيننا على الدنيا .. ويعين بنتها الضعيفة ..



× أبو فيصل يكلم فيصل ..
أجرنا وأجرك .. والله ماندري وش الأيام تكتب لنا وأنا أبوك ..
فيصل" برحمه " : ونورة ..؟
أبو فيصل : الله يصبرها هالبنت ..ويوفقها مع عبدالعزيز يعوضها عن كل شي ..
فيصل "سكت .. يالله يبه .. تبي شي ؟
أبو فيصل : سلامتك ..
فيصل : فمان الله ..
أبو فيصل : فمان الكريم ..
× جت منار وهي تبكي .. يبه ماأصدق ..
أبو فيصل " ضمها " : ادعي لها يبه ..
منار : مررررة أحبها.
أبو فيصل " يتنهد " : طيبة أم عبدالله .. الله يجعلها بالجنة ..




× في دبي .. في فندق برج العرب ..
والغرفة كلها شموع ..
دانة " وهي تبتسم " : وأبيك تدلعني بعد
عبدالرحمن " يشربها العصير " : بدلعج لما تملي من الدلع..
× سكتت دانة ..
عبدالرحمن : ماقلت لج ..
دانة : قوول ..
عبدالرحمن " يضحك " : أحبج
دانة " ابتسمت ..
عبد الرحمن : فديت هالإبتسامة الحلوة ..
دانة " سرحت .. وتذكرت ليلة زواجها مع فيصل ..
(( فيصل : بخليك تقولين أكره الدلع من كثر ماأدلعك .. بتطيرين .. وبعد بتقولين ياثقل دم فيصل خلاني أشوف الناس ولا شي ..تدرين دندون قلبي .. برفعك فوووق وأبي أشوفك لحالك .. ولا أشوف غيرك ..
دانة " استحت ..
فيصل " مسك يدها " : يازين الحياء ورب الكون يليق عليك الحياء والدلع وكل شي تسوينه زي العسل ..
×سكتوا وفيصل ماسك يدها ..
دانة "بصوت واطي " : فيصل ..
فيصل "رفع عينه يشوفها " : يابعد عين فيصل ..
دانة : أحبك ..
فيصل "ابتسم " : عيديها ..
دانة " بدلع .. أستحييي )))))
عبدالرحمن " قطع أحلى ذكرى .. دانة ..
دانة "بسرعة " : سم ..
عبدالرحمن " بصوت واطي " : اكلي من الكيكة ..
دانة " ابتسمت .. وبالها منشغل ..






× في استراليا ..الصبح
× خالد وليلى توهم صاحين..
خالد : الله يعينهم ..
ليلى : جد الله يكون بعون المسكينة .. لا أم ولا أبو .. الله يحنن قلب أخوها عليها ..
خالد : شوفي سبحان الله بسرعة راحت ..
ليلى : مرررة .. الله يهدينا قبل يآخذ أرواحنا .. والله الدنيا مالها آمان ..
خالد : اللهم آميييين..





× في بيت أم عبدالله ..
× عبود بسريره يصيح .. ونورة مسترخيه على سريرها ووالدموع تطيح .. ×يطق باب الغرفة .. ونورة ساكته .. دخل عبدالله بصوت مبحوح .. نورة .. ولدك تقطع بطنه من الصياح .. × نورة تطيح دموعها ماترد .. راح عبدالله وشال عبود .. وأخذ الرضاعة .. ونورة ساكته .. × طلع عبدالله من الغرفة .. ×ونورة دموعها تزيد ..

أبكي عليها كثر ماشالتني ..
وكثر الحنين اللي اختلط بغناها ..
وأبكي عليها من القهر يادنيا ..
من لي أنا ؟ من لي عقب فرقاها ...
يامر طعم فراقها .. يامره ..
ماني مصدق أرجع لغرفتها وماألقاها ..
يالله صبرني شلون أنساها
ياليت ماراحت وخلتني
أو وسعت لي فالقبر وياها ..


× يوم جديد ..
× في بيت أبو فيصل .. أم فيصل وعلي ومحمد يتغدون ..
أم فيصل : لاااا الحمدلله خفت شوي .. وخاصة بعد الداخل والطالع أيام العزاء ..
علي : الحمدلله .. والله مسكينة هالنورة .. من يوم انخطبت وأمها مافارقها التعب..
أم فيصل : الله يتمم عليها ويوفقها .. والله البنت تستاهل كل خير ..
محمد " وهو يآكل " : بيندم فيصل
أم فيصل "قاطعته" : خلاااص هذي سالفة قديمة أكل عليها الدهر ..
علي : ماسمع كلامي.. وإلا أكيييد يبي يرجع لها ..
أم فيصل : حظ .. وبعدين والله لو يبي يرجع قال ماتردد..

× يرن الجرس ..
علي "يطالع محمد " : قم افتح الباب ..
محمد "استغرب" : قم أنت أنا أتغدى ..
علي " بعناد " : وأنا أتغدى .. قم يالله أنت الصغير ..
محمد : مانب قايم ..
أم فيصل "بسرعة " : قم محمد يالله ..
محمد "يتأفف" : اوووف ماتخلون الواحد يتغدى زين ..
× راح يفتح ..
علي : ماكبر هالبزر هذا !!
أم فيصل : الله يصلحه بس ..
×دخل محمد ومعه عبودي وشنطته ..
أم فيصل " تطالعه " : ياااااابعد قلبي عطني اياه ..
× عبود يضحك يوم شاف جدته .. ماما ..
محمد " وهو شايله " : ياااالله يشبه فيصل بقوة ..
علي"يتطنز " : تحلف أبوه فيصل .. !!
أم فيصل "تطالع محمد" : نزل عبودي خله يمشي ..






× في بيت أم عبدالله ..
عبدالله ونورة بالصالة ..
نورة : لا عبدالله أبي أسكن هنا أنا والشغالة..
عبدالله :صعبة .. والله صعبة حريم لحالكم ..مافيه إلا تجين تسكنين عندي ..
نورة "بهدوء" : بخلي عبدالعزيز يجي مسيار مابي زواج ..
عبدالله "استغرب" : وش عندك ؟؟ ووش جد ؟؟ ماكان هذا اتفاقنا مع الرجل .. والرجل تفاهم هو وزوجته وقسم البيت وخلص وينتظرك بس تجين ..
نورة "والدمعة بعينها " : عبدالله بعد أمي كرهت كل شي .. وبصراحة من يوم خطبني عبدالعزيز ماشفت خير .. وماني مرتاحة .. حسيت بشعور غريب مادري .. ماارتحت ..
عبدالله "انقهر" : وش فيك يانورة ؟؟؟ هذا أقدار وهذامكتوب لأمي الله يرحمها وكلنا بنشرب من الكاس ..× سكت شوي .. وبعدين جلستي مع عبدالعزيز كذا مرة وكلكم مرتاحين وهو أكثر مرتاح ..والسواليف الفاضية مأبيها
نورة "بكت " : عبدالله لا تضغط علي .. والله اللي فيني يكفي .. خلني أفكر على راحتي ..
عبدالله : بس شوفي .. لاتفكرين تتركين عبدالعزيز والله ماتلقين مثله ..
نورة : مسيار ايه .. غيره مادري ..
عبدالله : صعبة ياااااااواخيتي والله صعبة .. أصلاً الزواج هذا مادخل راسي .. وشلون أخليك مسيار .. فكري زين الله يخليك ..
نورة "دق جوالها .. تطالع عبدالله .. هذا عبدالعزيز ..
عبدالله : لا تقولين له عن المسيار ..
نورة "قامت .. طيب ..



× دانة بمطار سدني .. مع زوجها ..
دانة ومعها بعض الأغراض .. تكلم زوجها .. كم مرة زرتها ؟
عبدالرحمن : يوم كنت ياهل ماأذكر .. ومرة عمري 18 مع ربعي ..
دانة "ابتسمت " : حلوووو يعني تعرف فيها أماكن ..
عبدالرحمن : أكيييييييد .. أصلاً كلها حلوة ..
دانة .. سكتت .. وتمشي .. وشافت أماكن بالمطار ذكرتها بفيصل .. وتذكر يوم كانت معه بنفس الأماكن ..
وتذكرت إن فيصل يحب "كرسبي كريم" ..
دانة : عبدالرحمن ..
عبدالرحمن : سمي ..
دانة : تعال قدام .. أبي آخذ دونات ..
عبدالرحمن : من عيوني ..
× دانة .. أخبارك يافيصل ؟.. نفسي أدري عنك .. تزوجت وإلا ماتزوجت .. وكيف الغربة معك .. ؟؟.. ماقدرت أنساك .. نفسي أدري قدرت تنساني وإلا لا .. !!







× نورة تكلم بالجوال ..
نورة : ماأقصد والله العظيم ..
عبدالعزيز " بعصبية " : شايفتني غرااااب يعني ..!! فيه كلام تقولينه وكلام تخلينه بينك وبين نفسك .. أنا اللي قتلت أمك !!!
نورة : يااااااااربي اسمعني طيب والله ماأقصد شي ..
عبدالعزيز "يقاطعها" : واضح قصدك يانورة .. وبقول لك إذا هذا أولها وشلون تاليها ..
نورة : أنا قلت من يوم خطبتني ماشفت خيييير .. يعني أكيد عين وإلا شي ..
عبدالعزيز "يضحك باستهزاء" : وش عليييييييه عين !! واحد متزوج وعنده أربع بنات .. وأنت مطلقة وعندك
نورة "قاطعته وبعصبية " : بس بس بس .. اسكت تكفى .. إذا قلت انك فاهم غلط لا تقول لا .. وشكلك أصلاً مو على بعضك .. وأنا بالمرة مااالي خلق .. إذا عندك شي باب البيت مفتوح .. وإذا مالك خلق تكلمني عندك عبدالله أخوي ..
عبدالعزيز "قفل الخط بوجهها ..
× نورة .. يوووه قفل بوجهي.. يااااربي هذا وعبدالله وصاني ماأقول .. وش قلتي يالخبلة .. !!! × سكتت .. وقالت وهي تمسح دموعها .. بكيييييييفه ..





× في بيت أم عبدالعزيز ..
×أم عبدالعزيز وسارة وسحر ..يتقهوون بالصالة ..
سارة " وهي منقهرة " : ياسلاااام من أيام العزاء وهو عند أخته .. حتى مايكلف على نفسه يسأل ..
أم عبدالعزيز "تقاطعها": الله يصلحك بس .. اللي ماتت أمه .. افهمي ياغبية .. وأخته نفسيتها تعبانة ومالها إلا ثم هو .. هذا بدال ماتذلفين عني وتقعدين معهم وتساعدين المسكينة
سارة" بصوت عااالي " : هذااااا اللي ناقصني بس أصير خدامتها .. الله يعينني عليها ..وبعدين قولي لولدك بسرعة يتزوجها يفكني منها..
سحر "برحمه " : والله ماأشوف فيها مثل اللي تقولين .. البنت مسالمة .. وحرام عليك
سارة "بصوت أقوى " : عيشي معها واعرفي ..عظم بالحلق ..
أم عبدالعزيز " عصبت" : ودي أفهم لييييش ترفعين صوتك ؟؟ اقصري صوتك.. والله إني صرت أكره أجلس معك .. بس تحشين وبس تتكلمين بالناس وكأنه مافيه أحسن منك بالدنيا ..خلااااص .. نورة أخت زوجك .. ومستحيل مستحيل تفرقين بينهم ..بإذن الله ..
سارة "يدق جوالها .. وتطالع الرقم وبتطنز .. أشوا ذكرني .. ×ردت .. وبنفس شينة .. هلا ..
عبدالله : أهلين سارة ..
سارة : هلا هلا ..
عبدالله : وش فيك ؟
سارة : مصدعة وطفشانه ..
عبدالله : سلامتك ماتشوفين شر إن شاء الله ..
× أم عبدالعزيز وسحر يطالعون بعض مستغربين ..
عبدالله : المهم أنا بجي أشوف أخبارك وبسلم على خالتي .. بعد ربع ساعة كذا ..
سارة "ابتسمت " : طيب .. الله يحييك ..
عبدالله : يالله مع السلامة .. وانتبهي لنفسك ..
سارة : يسلمك ربي ..
× سكرت سارة ..
سحر : ماشاء الله ابتسمتي ؟؟
سارة : أكيييد ببتسم دامه بيعطيني وجه ..








× في بيت أبو فيصل ..
× أم فيصل وأبو فيصل وعلي .. ومنار .. بالصالة ..
أبو فيصل : لالا اليوم أنا قابلت واحد ويقول بإذن الله الوظيفة لعلي ..
أم فيصل : يارب والله وش زينها .. ببنك وراتبه يصير حوالي 7000 نعمة ياربي لك الحمد..
علي "يبتسم " : الله يكتبها لي .. وبعدها أمي تدور العروس مليت وأنا عزوبي ..
أم فيصل : ولا يهمك .. من عيوني .. أحلى أيام حياتي إذا شفتكم مبسوطين ..
منار : يمه خلي علي يختار العروسة عشان مايصير مثل فيصل بس يطلق ..
× سكتوا ..
أبو فيصل : منار أنت بتدورين لعلي ..
منار : عندي وحدة ..
علي "يضحك " : مين ؟
منار : بس أخاف تقول صغيرة .. والله هي كبيرة ..
علي : طيب قولي مين ؟
منار : روان صديقتي ..
× يضحكون ..
أم فيصل : الله يوفقهم مع رجال بعيدين ..يكفي اللي شفناه من سارة .. وتعبت أختي الله يرحمها ..
منار "بسرعة " : والله روان موب مثل سارة ..






× عبدالله توه واقف عند بيت أبو عبدالعزيز .. نزل .. ويطالع السيارة اللي واقفة قدام باب بيتهم .. وناظر اللي فيها .. ووقف ..
×سلمان شافه .. وبسرعه فتح الباب ونزل .. وبصوت عالي ويضحك ..
عبدالله "يمشي راح له ويبتسم ..
× قربوا لبعض ..
سلمان "يضحك " : حياااااا الله ولد عمي ..
عبدالله " وهو يسلم عليه " : قااااطع .. والله ولا كأننا عيال عم ..
سلمان "بسرعة " : عظم الله أجركم وجبر الله مصيبتكم ..
عبدالله "بهدوء " : الله يجزاك خير .. بشر عنك أخبارك وأخبار الأهل ؟
سلمان : والله بخير ياربي لك الحمد .. أنتم أخباركم بعد الوالدة عسى ماتعبتوا ..
عبدالله "يتنهد " : الله يرحمها ويغفر لها .. والله أختي نفسيتها مرة تعبانة .. وتعرف ماتت فجأة
سلمان "يقاطعه " : والله ماسمعنا إلا يوم ماتت ماقالوا لنا قبل إنها داخله مستشفى ولا شي ..
عبدالله : إي والله .. فجأة .. يومها ياابن الحلال .. تعبت مره وحدة .. وإن شاء الله إنها راحة .. الله يجعلها بالجنة ..
سلمان : الله يغفر لها ..وأخبار نورة وولدها اللي نسمع فيه ماشفناه ..؟
عبدالله "يضحك " : ياااحبي له .. والله تستعد للزواج والله يوفقها ..
× سلمان تذكر مكالمة سحر ,, وبينه وبين نفسه أقول وإلا أخاف أخرب ..
عبدالله : عاد أنت تعرف عبدالعزيز زين ..
سلمان "بسرعة " : إيه إيه ..
عبدالله : كيف الرجال ؟
سلمان : مااشي والله حبيب الرجال ماعليه كلام ..بس ...
عبدالله "حس ان فيه شي ": بس ايش ؟؟
سلمان : والله يابن الحلال أخاف تفهمني خطأ .. أنت عاد كل شي تفهمه خطأ مني
عبدالله "يبتسم ": أيام المراهقة وش دعوى !!
سلمان "بهدوء": والله ياولد عمي .. ذيك المرة سمعت سحر زوجتي تكلم زوجتك .. وكأنوا يخططون يزوجون نورة واللي فهمته انهم يبون الفكة منها.. وأنا والله انقهرت لأنها بنت عمي وحزت في خاطري قلت والله لو نآخذها حنا ولا تتزوج بهالطريقة وغير كذا عبدالعزيز يحب أم بناته
عبدالله "قاطعه وهومستغرب " : سارة ؟؟؟؟
سلمان : والله يشهد على كلامي .. والأيام بتبين لك .. أنا أخاف إن عبدالعزيز تزوجها بغير قناعة .. وإلا مخطط معهم .. الله وحده يعلم .. المهم إن السالفة سارة زوجتك تبي تفتك منها ..
×عبدالله سكت ,, وضاق صدره ..
سلمان "يطالعه" : ترا والله اني ودي أقول لك الكلام قبل بس ماحصل لي فرصة ..
×دق جوال سلمان .. عن اذنك .. رد .. أنا عند الباب يالله اطلعي .. ×قفل ..
عبدالله "سرحان " ..
سلمان : لا يضيق صدرك وأنا أخوك تنحل ..
عبد الله " وهو يعض شفايفه " : تنحل ان شاء الله ..بس تعرف أختي بيضيق صدري عشانها ..
× سولفوا شوي .. وعبدالله مادخل عند سارة .. رجع للبيت ..






× نورة .. بالغرفة .. مسترخية .. وتبكي .. ياااااااااايمه لك وحشه .. ورب الكون اشتقت لك .. هذا وهم أيام .. الله يصبرني ويعوضني ×يطق باب الغرفة ..
نورة "بصوت تعبان " : ادخلي ..
عبدالله " فتح الباب .. أنا عبدالله ..
نورة "امسحت دموعها " : على بالي الشغالة ..
عبدالله "دخل وجلس على طرف السرير .. ويطالع نورة .. امسحي دموعك وادعي لها إذا تحبينها ..
نورة "بكت بقوة " : اشتقت لها والله ماني مصدقة ..
عبدالله " نزل رآسه .. الله يصبرنا .. × دمعت عيونه .. يااااليتني ماضيقت صدرها ولا لحظة .. عرفت إن مافيه أطيب منها بالدنيا وأصدق منها .. بس ماينفع الكلام الحين ..
× نورة تبكي ..
عبدالله "وقف " : أنا بطلع للغرفة وإذا حسيتي إنك مرتاحة تعالي أبيك ..
نورة " تسحب منديل " : لا اقعد.. بس لأني لحالي أتذكرها .. وضايق صدري ولا عندي أحد بالبيت ..
عبد الله " رحمها " : تبين أروح أجيب عبودي ..
نورة : لا خله عند جدته
عبدالله : أجل بنقعد نسولف شوي عشان مايضيق صدرك وأخلي موضوعي بعدين ..
× دق جوال نورة .. أخذته .. هذي خالتي .. ردت .. هلا خاله ..
أم فيصل : هلا وسهلا .. أخبارك اليوم ؟
نورة "بصوت تعبان " : الحمدلله أحسن .. والحمدلله على كل حال ..
أم فيصل : الحمدلله .. طيب بسألك عبودي بتخلينه ينام عندي ؟
نورة : إيه ياخاله خليه بس إذا تعبك لا أخلي عبدالله يجي يآخذه ..
أم فيصل "تضحك " : يااااحبي له مايتعبني والله موسع صدري وسواليف أنا وياه ..ياقلبيييه بس
نورة "تضحك " : ياحبي له .. الله يعافيك ياخاله ..
أم فيصل : أبد خليه عندنا دامك تبين ترتاحين ..
نورة : ياحبي لكم الله يخليكم لي ..
أم فيصل: ويخليك .. يالله أجل تصبحين على خير..
نورة : تلقين خير ..
أم فيصل :هلا والله .. ×سكرت ..
× نورة نزلت الجوال وتبتسم .. ياحبي له عبودي شكله موسع صدرهم ..
عبدالله "يبتسم " : خفيف دم على خاله ..
نورة "تطالعه " : الله يخليك لي ياحظه إذا طلع عليك ..
عبدالله "سكت شوي .. نوير ..
نورة "تطالعه .. سم ..
عبدالله : لازم ننهي علاقتنا مع بيت أبو عبدالعزيز .. أنا طاب خاطري منهم وماشفت الراحة أبد ..
نورة "استغربت " : وش فيك عسى ماصار شي بينك وبين سارة ؟
عبدالله " نزل رآسه " : نفسي عافتها .. وماني مرتاح لها وأحس اللي صار لأمي منها يمكن أمي كانت تنقهر وتكتم لما أثر على صحتها الله يرحمها ..ولا أبي ذرية منها وأنا ماني قادر أتحملها ..
نورة "بهدوء" : وأنا ؟؟
عبدالله "بصوت هادي" : مو أنت قلتي إنك تبينه مسيار وماارتحتي له ..
نورة : إيه بس بعد أمي احتاج لرجل يهتم أقل شي بعبودي ..
عبدالله : نورة ربي يعوضك.. بس عبدالعزيز ماأتوقع تستمرين معه لأنه يبي زوجته وغير كذا كنت دايم أسمعها تكلم أختها إنها بتخرب بيت عبدالعزيز عشان زوجته ولا أبيك تصيرين سبب ..
نورة "سكتت ...
عبدالله : إذا تبينه الله يوفقك وأنا أخوك ..بس أنا قلت اللي عندي سارة .. كارهها من حركاتها ..
×دق جوال عبدالله ..
نورة : رد ؟
عبدالله : هذي سارة .. مابيها ومن اليوم وهي تدق أشغلتني.. والمشكلة أرسلت لها رسالة اني ماني جاي بس تغث ..
نورة : الله يعينك ..
عبدالله : طيب أنت وش رآيك قولي لي إذا أنا على خطأ ..
نورة "بسرعة " : لا بس استغربت حسيت انك سامع شي أو صاير شي كبير بينك وبين سارة ..
عبدالله "انحرج" : لالالا ماسمعت ولا شي بس أبي أرتاح وأبي زوجة فاهمة وعاقلة ..
نورة : تعوذ من ابليس واصبر يمكن تغيرها الأيام..
عبدالله "يطالع الأرض" : أصبر ؟؟؟؟



× الساعة .. 2 بالليل بنيوكاسل ..
فيصل "منسدح يحاول ينام ماقدر .. ×يكلم نفسه ,, خلااااص اطلعي من باااالي .. ريحيني .. وش أسوي عشان أنسى ...؟؟؟ يااارب تعينني .. أخذ جواله .. ويطالع رقمها اللي ماقدر يمسحه .. ودي أدري وش أخبارك ؟؟ والله اشتقت لك ..




× يوم جديد ..
× في شقة عبدالرحمن بسدني .. عبدالرحمن ودانة يتغدون ..
دانة "منقهرة وبهدوء" : ماعليش عبدالرحمن هذا ماضي ماأحبك تتكلم فيه ..
عبدالرحمن "مستغرب" : يعني حتى اسمه ماأعرفه أنا ودي أدري شنو اللي تحسين به ؟
دانة " تركت الملعقة " : هذا اتفاقنا قبل .. أنا دانة زوجة عبدالرحمن الحين .. فلذلك قفل الموضوع ..
عبدالرحمن : اللي يريحك .. خلاص اكلي وحقج علي آسف حبيبتي ..
دانة "سرحت .. !!
عبدالرحمن يطالعها وحس بقهر .. ليش دانة ماتقول شي .. !!


× فيصل جالس على طاولة تطل على البيتش. معه كتابه .. يقرا..
×سكر كتابه .. وطلع الدخان ويتفرج على البيتش .. والجو رووووعة وغيوووم ..



× في بيت أم عبدالله ..
× عبدالله ونورة يتغدون ..
نورة "تبتسم " : مررررة أحس إنه ناقصني شي ..
عبدالله : لااااازم أجيبه اليوم والله اشتقت له ..
نورة : ياحبي لك .. أكيد مبسوط ياقلبي عليه بس ..
عبد الله "وهو يآكل " : إيه نورة ..
نورة : سم ..
عبدالله " بسرعة " : فكرتي باللي قلت لك ..
نورة : تدري عبدالله .. البارح ماقدرت أنام بس أفكر .. والله أخاف الناس يآكلونني
عبدالله "يقاطعها" : وش عليك من الناس هذا واحد .. ثانياً أنت مو مرتاحة ياأوخيتي لاتجبرين نفسك على واحد ماتبينه ..وأنت متمكلة أهون من انه يدخل صح وإلا لا ؟
نورة " سكتت " : فكرت والله فكرت ..واستخرت كذا مرة ولا ارتحت لعبدالعزيز .. ومن زمان ماني مرتاحة أحس اني استعجلت
عبدالله : خلاص أنا أكلمه بالموضوع وننهيه إن شاء الله ..
نورة " سكتت شوي .. اللي تشوفه ..



× في شقة عبدالرحمن ..
دانة "مرتبكة " : وش طاري عليك يعني ..
عبدالرحمن "يبتسم " : ودي أشوف ديرتج اللي كنت تدرسين فيها ..
دانة "نزلت رآسها " : مو حلوة تراها صغيره
عبدالرحمن "قاطعها": مااااهمني بس والله ودي أشوف نيوكاسل وقريبة ماراح يضرنا شي المهم باجر الصباح بنمشي بالقطار..
× دانة أسكتت .. ولا تبي تبين له شي ..






× في بيت أم عبدالله ..
×نورة تكلم بالجوال .. مرة نفسي أشوفك ..
ليلى : قولي اللي بخاطرك ترا خالد طالع ..
نورة " والدمعة بعينها " : ليلى وش أقول لك بس .. والله مرة مبسوطة إنك جيتي .. على الأقل ألقى أحد أفضفض له
ليلى "قاطعتها" : ماعندك صديقات؟
نورة : أمي الله يرحمها ماكانت تحب أروح لهم وانقطعنا عن بعض تعرفين بعد الثانوي
ليلى "ابتسمت " : عديني أختك وصديقتك وكل شي ..
نورة : ياحبي لك يعلم الله إني عادتك أختي وأكثر ..
ليلى : الله يخليك يارب .. طيب نورة قولي وش جديدك
نورة "تنهدت": وش أقول لك .. !! خلاص بتطلق من الثاني .. وحالتي حالة حسيت إني ولاشي ..تخيلي ياليلى .. أدعي ربي يغفر لي بس والله كنت أتخيل عبدالعزيز فيصل يوم كنت أكلمه .. ماني قادرة أنساه .. ولا ارتحت إني أتزوج غيره ..
ليلى "بعقلانية " : اسمعيني يانورة .. أنا أعرف البير وغطاه فيصل هو اللي تركك .. ولازم تتزوجين وتفكرين بنفسك .. بكرا ولدك يتزوج ويخليك ..وهذا واقع يانورة .. لا تخلينني أزعل جد فكري شوي بنفسك ..
نورة : أنت تعرفين أهل عبدالعزيز وأنا ماني مرتاحة لهم وأولهم أخته سارة
ليلى"قاطعتها" : يووووه هذيك أنا ماأطيقها وشوفي إذا جاك رجل بعد عبدالعزيز وحتى لو كان متزوج لا تترددين بعد مشيئة الله طبعاً .. فكري والله الدنيا تخوف .. والرجل مانستغني عنه ..
نورة : والله صادقة .. بس فيصل ..والله ودي أكلمه .. وأقول له عن كل اللي بخاطري ×دمعت عيونها .. تخيلي ياليلى كل ماحطيت راسي على الوسادة .. أقول وش سويت معه يجازيني كذا .. آآآآه بس
ليلى " سكتت .. الله يوفقك يانورة ولا تشيلين شي بخاطرك ربي أرحم من الأم لولدها .. وربي معك
نورة "بكت " : بعد أمي فقدت كل شي .. كانت مالية البيت علي ولا أحس بالفراغ ..ليلى أنا فقدت أبوي وأنا صغيرة .. وفقدت أمي وأنا توي .. وطلقني فيصل بدون سبب مقنع .. ليلى أنا أحتااااج أحد يطلعني من اللي أنا فيه .. تعبت والله تعبت .. ليش حظي كذا
ليلى "قاطعتها وهي راحمتها " : لا تعترضين هذا شي مكتوب .. ومثل ماقلت ربي معك .. ادعيه يانورة .. صلي بالليل وادعيه بإذن الله راح تفرج .. ومع كل ضيقة فرج ..لاتخافين .. وإذا احتجتي أي شي رقمي عندك .. وباب البيت مفتوح ..وأنا بلصق عندك بالبيت بتقولين ليتني ماعرفتها .. ×تقولها وهي تضحك .. تبي نورة تضحك
نورة "ابتسمت " : يااااحبي لك







× يوم جديد ..

× في استراليا ..
× دانة وهي بالقطار .. تفكر .. ياترى للحين بنيوكاسل .. أشوفه وإلا لا ؟؟ ×قاطعها عبدالرحمن .. دندون .. المناظر خيااالية
دانة "تطالع " : روووعة .. ربي معطيهم طبيعة ..
عبدالرحمن : والله بالصحاري أحرقتنا الشمس .. آآآه بس ياليت من سكن هنا
دانة " ابتسمت ": مافيه أحسن من إنك تعيش قريب عند أهلك إن شاء الله بخيمة ..
عبدالرحمن "يضحك " : ايييييه كلام أكل عليه الدهر خلينا نعيش نشوف حياتنا ..





× فيصل يكلم بالجوال .. والله ماقدرت أفهم شي الماادة صعبة مرررة صراحة .. شكلي بجيب مدرس .. الله يسهل بس .. والله مالي خلق دراسة وأنا أخوك تعرف الغربة متعبة .. الله يوفق .. ... والله مادري ايه يبي لي بعض الأغراض بس مادري ماأحب السوق .. أجل محظوظة اللي بتتزوجك .. خلاص اللي تشوفه ونتغدى هناك .. اووكي ذن سلامتك .. هلا وسهلا .. × حط الجوال جنب اللاب توب ..×يكلم نفسه .. بشتري لي تي شيرتات يقعدون لخمس سنين قدام عشان أقعد 5 سنين ماأروح للسوق أبد .. آآآه الله يذكرك بالخير يانوير مخليتني ماأعرف السوق ..تتقضى ومريحتني.. "ابتسم " .. والله المرة مالنا غناة عنها ..





× عبدالرحمن ودانة وصلوا وتوهم ينزلون من القطار..
دانة "فتحت الشمسية أول مانزلت .. التفتت على عبدالرحمن وهي تمشي .. الجو مايساعد نروح للبيتش تمطر حبيبي ..
عبدالرحمن "قرب ودخل تحت الشمسية ومسك يد دانة ويمشون .. عادي الحين نروح نتغدى .. وبعدها نتمشى وأبغي أشوف جامعتج اللي درستي فيها ..
دانة "التفتت وابتسمت " : طيب خل نآخذ تاكسي الحين ..



× فيصل ماسك الجوال ..طلع رقم نورة .. ×بينه وبين نفسه .. والله مشتاق لعبودي .. أدق أسألها .. بسرعة ضغط الخضراء ودقات قلبه أسرعت بالنبض .. ومرتبك ..
× بالسعودية الصبح .. صحت نورة على صوت الجوال .. استغربت أخذت الجوال اللي كان على الكومادينة .. تشوف الرقم دولي ميين !! حست ,, !! .. ×ردت
ألو ..
فيصل "ارتبك " : صباح الخير نورة..
نورة "ماصدقت وانصدمت حست ماء حار انكب على جسمها .. صباح النور ..
فيصل " مرتبك بالمرة " : كيفك ؟
نورة "والدمعة بعينها " : تمام ..
فيصل "تنهد " : مع اني متأخر ..عظم الله أجرك
نورة "مرتبكة " : أجرنا وأجرك ..
×سكتوا شوي .. !!
نورة " بسرعة " كيفك ؟
فيصل "يضحك " : تعرفين الغربة متعبة ..
نورة : إيه صح ..
× كلهم مو على بعضهم ..
فيصل "يلعب بالكيبورد " : نورة ..بسألك عن عبودي أخباره ؟
نورة "ابتسمت " : الحمدلله تمام ..
فيصل : وينقصكم شي يانورة ..؟
نورة : ربي معنا الحمدلله ..
فيصل" انحرج " : نورة أنا أبوه لا تستحين قولي ..
نورة "ماصدقت إنها تسمع صوته .. الحمدلله أهلك مايقصرون وأبوك ماقصر الله يجزاه خير ..
فيصل : طيب .. انا بس مشتاق لعبودي وقلت بشوف أخباره وقلت بعد أعزيك مهما كان أنت تبقين بنت خالتي..
نورة : الله يجزاك خير ماتقصر..
فيصل : مع السلامة ..
نورة : مع السلامة .. ×سكرت نورة وهي ترتجف .. وضمت الجوووال .. يااااااااااحلو صوتك .. يااااحلووووه ماتغير .. ×طار النوم من عيونها .. يااااااااالله أنا بحلم وإلا بعلم .. فيصل .. لو تدري شقد اشتقت لك .. ×تبوس الجوال .. يااااااااااحبي لهالصوت ويازييييينة .. ×تنهدت يااااااااارب رجع لي أيامه .. اشتقت له ..
حــنيت لإحساسنــا بـوصالنـا مــن كثــر مـا حنيـــت ..
حسيــت إن الوصــل يمكــن حصـل لـكني مـا حسيــت ..
يــالله يـا ربهــم أهديتـهم فـ أهديـه يـا الله ..
ربــاهـ رب البشـر .. رب القــدر كــان القــدر .. فرقـاه


× فيصل .. يكلم نفسه .. ياااااي يانورة والله شكلك ماصحيتي من النوم من يوم طلقتك .. خبري فيك نوامة .. وتقدرين النوم .. بس والله كانت أيام حلوة .. ×وقف وهو مبسوط .. ×دق جواله .. رد .. هلا سامي .. يالله هذاني طالع .. وينك بالمول ؟ .. اوكي عند المطاعم ؟ نتغدى ونتسوق .. يالله مسافة الطريق ..





× عبدالرحمن ودانة .. بالمول .. جالسين على طاولة بقسم المطاعم ..
عبدالرحمن : حظنا تمطر اليوم ..
دانة "تضحك " : أصلاً مافيه أماكن كثيرة هنا .. كنت إذا زهقت طلعت للمول أو البيتش ولا بعد مافيه أكبر من هالمول
عبدالرحمن : حليووو المول
دانة : ايه بس مافيه أحلى منه ولا فيه مولات كثيرة هنا ..
عبدالرحمن : إيه صغيرة المدينة وبعدين وايد حلوة للدراسة بصراحة ..
دانة : ايه صادق جوها دراسي .. عشان كذا اخترتها قبل ..
عبدالرحمن : طيب وش أحسن مطعم هنا ؟
دانة "تطالع مطعم تركي " : الفطاير التركية حلوووة بصراحة .. وفيه الأكل الياباني اللي أموت عليه
عبدالرحمن : اوكي دامج تموتين فيه نطلب أكل ياباني
دانة "وقفت " : أنا أروح أجيب الأكل عشاني أعرفه .. وبطلب سوشي .. تبي معي ؟
عبدالرحمن : أوكي اطلبي لي ..
×راحت دانة ..
× دخلوا فيصل وسامي قسم المطاعم ..
× عبدالرحمن يطالعهم .. والله الخليجيين وايد اهني .. مع إن أشكالهم سعوديين .. مروا من عند طاولة عبدالرحمن .. ابتسموا .. السلام عليكم ..
عبد الرحمن "ابتسم وعليكم السلام ..
× فيصل يكلم سامي ..
شكله خليجي مهوب سعودي ..
سامي : إيه فيه قطريين هنا .. وفيه اماراتيين ..
فيصل: بس والله السعوديين كاثرين بالديرة ..
سامي : ايييييييه مرة .. تعال نجلس هنا ..
فيصل : تروح تطلب .. ؟
سامي : أوكي .. وش تبي ..
فيصل "يفكر " : والله مشتاق للياباني ..
سامي : أوكي ..وش تبي ؟

× عبدالرحمن .. جالس قدامهم .. بس بعيد شوي .. يطالعهم .. والله فشله ماأقوم أسلم .. ×قام ..
× فيصل لحاله على الطاولة .. يطالع عبدالرحمن وهو جاي ويبتسم ..
عبدالرحمن : السلام عليكم ..
فيصل "قام وهو يبتسم " : وعليكم السلام ..
عبدالرحمن : كيف الحال ؟
فيصل "جلس": والله تمام أخبارك أنت ؟
عبدالرحمن : بخير .. والله يديد على استراليا .. وخاطري أشوف أي عربي بسأله
فيصل : تآمر أمر باللي تبي
عبدالرحمن : انا بصراحة ياي مع زوجتي تدرس بسدني .. بس قلت أستفيد وأتعلم أكثر
فيصل : دارس أنت ؟
عبدالرحمن : إيه مخلص جامعة .. بس جاي أغير جو هنا مع زوجتي اللي تدرس..
فيصل "يبتسم " : شكلك اماراتي ؟
عبدالرحمن : إي والله إماراتي
فيصل : والنعم والله بأهل الامارات
× دانة حطت الأكل على الطاولة .. يوووه وين راح هذا ؟؟ ياربي بس .. تتلفت .. وشافته واقف ومغطي على فيصل "يعني ماتدري من يكلم" .. سحبت الكرسي وجلست مكان عبدالرحمن يعني قدام فيصل وعبدالرحمن واقف معطيها وراه..


فيصل : ماشاء الله عليك .. والله راحة دامك مخلص وجاي تتمشى خاصة سدني ماتمل منها أبد
عبدالرحمن : ياليت والله نشوفك في سدني ..
فيصل : ماتقصر إن شاء الله ..
عبدالرحمن : عاد أنا أتعلم اللهجة السعودية ..بما ان زوجتي سعودية ..
فيصل "يضحك " : لاااااه ..
عبدالرحمن : يالله أنا بروح أتغدى .. تآمرني على شي يالغالي ..
فيصل : سلامتك .. بس ماقلت وش اسمك ؟
× دانة عصبت .. ياربي منه ياكثر كلامه .. مايمل ..

فيصل : والنعم والله .. أنا فيصل ..
عبدالرحمن : يالله يافيصل نشوفك على خير ..
فيصل : فمان الله .. ×تحرك عبدالرحمن .. وفيصل .. طاحت عينه على دانة اللي كانت تفتش بشنطتها .. ×انصدم .. وماتأكد .. يطالع .. وعبدالرحمن يمشي ..
×دانة سكرت الشنطة ورفعت رآسها .. ×انصدمت .. تطالعه وماهي مصدقة ..
×جاء عبدالرحمن وجلس .. ×يضحك .. والله السعوديين طيبين مثلج حياتي ..
×دانة ..ساااااااكته وهي ماصدقت ..

× جاء سامي حط الأكل على الطاولة ..
سامي : هذا اللي تبيه ؟
فيصل "انقلب " .. !!!!
سامي "يصوت" : أقول هذا الأكل اللي تبيه ؟
فيصل "وقف " : شوي سامي بطلع .. مادري أحس شي جاني .. ماقدر أقعد ..
سامي" مسك يده " : وش فيك عسى ماشر ؟
فيصل " سحب يده بسرعة ومشى وهو ماصدق اللي شافه " ... مافيني شي مافيني شي .. !!
سامي " يكلم نفسه " .. وش جاه ؟؟
× دانة بعصبية.. خلاص قلت مالي خلق آكل ..
عبدالرحمن : بهواج .. أنا بآكل ..والله مادري شنو اللي صار لج ..
دانة " بينها وبين نفسها " .. هذا اللي كنت خايفة منه ..

× فيصل " مايشوف اللي قدامه .. طلع بسرعة لسيارته .. طلع دخانه .. ويضرب الدركسوون بقووووة .. ليييييييييييش .. !! ليييييييييش يادانة .. لييييييش .. ×مرررة منقهر ومنصدم .. وأنا اللي مأمل أرجع لك .. ×حط رآسه على المرتبه .. آآآآآآآآآآآآآآآآه.. آآآآآآآآه.. ياليتني انعميت ولاشفتك معه .. يااااااااااليتني روحي طلعت ولاشفتك ..

[جرح الذات]

× دانة .. طالعة من الغرفة .. ومنسدحة على الكنب .. وتبكي .. !!
اثنينا خننا بعض .. !!
لما رضينا بالفراق..
لاأنت جابك لي حنيني ..
لاجابني لك اشتياق .. !!
عاندتي وعن رحلت .. وأنا بعد زدت العناد ..
علمني بس من هالفراق من اللي فينا استفاد !!
لا أنت جابك لي حنيني ..
ولا جابني لك اشتياق !!

عيشتني بحيرة وألم مابين حزني وعبرتي ..
وحرمتني من كل شي من راحتي ومن فرحتي ..
...
اثنينا خننا بعض !!





.......................




بعد أن رحلت تلك الغيمة السوداء ..
لكن لم تتلاشى بل بقيت بعض الجروح مبلولة ..
أغلقت قلبي عن من كانت تستحقه ..
وأحكمت إغلاقه ..
وفتحته لأخرى حفرت فيه أسوأ الذكريات ..
...
عد للوراء أيها الزمان ..
واجعلني أُقبل رأسها
وأعتذر عما بدر ..!!
وأعطيها قلباً لايستحقه سواها ..
زوجتي الأولى ..
أنتِ الأولى ..
وأنتِ الأخيرة ..
عودي .. !!
واجعلي الحياة تشع نوراً كمبسمك ..
وكوني شمس نهاري .. وقمر ليلي ..
..
آسف ..
اقبلي الأسف ..وهذا قلبي مفتوح لكِ ..
فادخليه .. وعانقيه بكل شوق ..



آسف
فيصل







..............






× في بيت أم عبدالله ..
×نورة تهاوش عبود وهي جالسة على اللاب توب .. ترا جيتك بضربك خل الريموت .. ×عبود يفكك الريموت ..
قامت نورة بسرعة .. وضربت يده وأخذته .. وع أنت ..
عبود : أنتي
نورة "شالته " : تعال اجلس جنبي ولاتحرك .. ترا الحين خالو يجي ..
× جلس جنبها .. ويضغط اللاب توب .. التفتت بسرعة .. خل اللاب توب لاتجيه .. وخر يدك .. ترا بضرب يدك .. ×دق التيلفون .. وردت نورة .. هلا خالة .. الحمدلله تمام .. عبووود الله يصلحه بس ..خوذي وخلي شياطين .. اممممم خلاص أشوف عن عبدالله والله طفشانة.. خلاص بعد المغرب ان شاء الله .. يالله ياهلا وغلا .. ×سكرت ..
×تكلم عبود .. هذي ماما ..
عبود : ماما ..؟؟
نورة : إيه ماما ..اعقل عشان تروح لها ..
× سكت ..
نورة "تمسك خده" : ياااقلبي على الأدب بث .. ياااازينك ..
× سرحت .. وش عندها خالتي .. لايصير بعد أحد خاطبني !! الله يعين بس .. !! متى أرتاح منهم






× في بيت أبو فيصل ..
أم فيصل "تكلم بالجوال " : مبرووووك يايبه ألف مبروووك ..
فيصل : الحمدلله .. عاد بجي وأرتاح شهرين عندكم وأكمل الدكتوراه ان شاء الله ..
أم فيصل : ترفع الراس يايبه ..
فيصل "بهدوء" : طيب يمه وش صار على الموضوع اللي قلت لك؟؟
أم فيصل : اليوم يمكن تجي ان شاء الله ..
فيصل " بينه وبين نفسه .. الله يجمعنا وينسيني ..
أم فيصل : طيب ماأطول أنا تبي شي يبه ؟
فيصل : سلامتك يالغالية سلمي لي عليهم كلهم وقولي لعلي يالقاطع ولاكأن لك أخو ..؟؟
أم فيصل : إن شاء الله يبلغ ..






× عبدالله ونورة وعبود على رجولها بالسيارة ..
نورة : طيب حرام والله رحمتهم ..
عبدالله "منقهر" : طيب ليش ماترحمني ؟
نورة : يعني دام أبوها دري عن حركاتها ودري عن السالفة قبل وخاصة إنه موب هين أكيد بتتغير ..
عبدالله : أنا قلت ربوها عندكم .. ومافيه رجل صبر مثلي .. بس لأني تربيت على الطيب ..وإلا وش حادني على وحدة مثلها
نورة : أنا متأكدة إنها بتتغير ..
عبدالله : لعل وعسى .. أتمنى ,, أنا بعطيها آخر فرصة ..
نورة : الله يجزاك خير ..
عبدالله : بس قهر خربت عليك وأنا أخوك ومرة ندمان إنه لي دور بتركك لعبدالعزيز
نورة "تقاطعه" : والله إذا ماتركته الحين بتركه بعدين أنا ماارتحت واتخذت القرار عشان أمي الله يرحمها وعشان عبودي .. لااا خلني كذا أنا وولدي أحسن من رجل غريب يربيه ..




× في بيت أبو فيصل ..
× أم فيصل ونورة ومنار يتقهوون ..
نورة : ياحبي لك ياخاله .. والله ماعندي إلا عبود يوسع صدري والشغالة بعض الأحيان ..
أم فيصل : وينها ماجبتيها اليوم ؟
نورة : عندها شغل
أم فيصل "تقاطعها " : بس مايصلح تخلينها والله ماينضمنون لو تقرين القصص تشوك بالراس من بلاوي هالشغالات
نورة : الله يكفينا شرهم ..
منار "قامت ..
أم فيصل " تطالع منار " : وين تقهوي معنا .. ؟
منار : بروح أجيب عبودي من علي ..
أم فيصل : زين واقعدي شوي عنده أبي نورة ..
منار " وهي تمشي " : طيب ..
نورة "استغربت ... !!!!!
×راحت منار ..
أم فيصل : شوفي يانورة .. قعدتك كذا وأنا خالتك غلط .. ويقولون مالها رجل شينة وتعرفين الناس مايرحمون
نورة "انقهرت " : أنا كذا مرتاحة ياخالة .. ولا أبي أتزوج .. وقلت لك قبل لا تقولين عن أي رجل يخطبني
أم فيصل "ابتسمت " : ليش ؟
نورة " بهدوء " : عبودي ياخاله .. ماأقدر والله حياتي كلها له
أم فيصل "قاطعتها " : حتى لو كان أبو عبودي يبيك ؟
نورة " مااستوعبت و بسرعة " : وشلوووون ؟
أم فيصل "مبتسمة " : حتى لو فيصل اللي يبي يرجع لك ..
نورة "ارتبكت ": هو قال كذا ؟
أم فيصل "تصب قهوة " : إيه هو يبي يرجع لك عشانك وعشان عبود ..
نورة " سكتت .. ومن جوا ماصدقت من الفرحة .. ×ابتسمت ..
أم فيصل : توافقين ترجعين له ؟
نورة "تلعب بطرف شعرها" : أبو عبود ياخاله ..



ياللي ماحبيت عمري إلا منك .. منهو يقدر يشغل التفكير عنك ..!!
لو عطيتك ماي عيني مو كثير .. لو تشاركني سنيني مو كثير ..!!

جابك الله لي هدية من السماء جيت مثل الشوف لعيون العمى ..
صرت أشوف الدنيا فيك .. !! ياحيـــاتي ياحلاة الدنيا فيك ..




× نورة بسريرها .. وتحاول تنوم عبود جنبها ..وماقدرت .. وتسولف عليه .. خلاااص عبودي بنجتمع أخيراً .. ربي مايضيع حق أحد .. الحمدلله .. "دمعت عيونها " .. وينك يايمه تفرحين معي .. أدري إنك بتصيرين أسعد وحدة بالدنيا .. آآآآه يايمه .. لو تشوفين شقد فرحانة إن فيصل بيرجع لي .. × تطالع عبود .. وأنت بيصير أبوك قريب منك .. ×عبودي يضحك .. ×نورة تبوسه .. الله يخليك لي




×يوم جديد باستراليا ..
× فيصل .. يكلم .. الله يباااارك فيك .. أكيد ليلى انبسطت ..
خالد "يضحك " : مانامت من الفرحة .. الله يوفقك وأنا أخوك والله عين الصواب اللي سويته ..
فيصل : الله يتمم وأنا أخوك .. تعرف الظروف اللي مريت فيها مو سهلة .. وانصدمت وعرفت إني على خطأ ..
خالد : هذي الدنيا تضحك لك يوم وتبكيك أيام .. وإن شاء الله الأيام الجاية كلها وناسة ..
فيصل : إن شاء الله ..
خالد : واللي صار لك درس .. وتعرف إن زوجتك مافيها مثلها ..
فيصل " بقهر " : والله إني تندمت على كل شي سويته .. وعرفت إنها طيبة وماتستاهل أبد أسوي فيها كذا .. بس ابليس أعوذ بالله منه ..
خالد : الله يوفقك ويسهل أمرك ..
فيصل : اللهم آمييييين وياك..







×في بيت أبو فيصل
× علي ومحمد بغرفتهم ..
محمد : وش قلت ياشييييخ أبي بلاي ستيشن حرام بعد ؟؟
علي "معصب ": وأنا قلت حرااام .. بس أنت واحد ماتنضمن صراحة والبلاي ستيشن فيه مضارب وتفحيط وبلاوي وغزو على قولتهم .. أنا ماني ضد البلاي ستيشن .. بس ضد إنه يصير عندك .. لأنك أنت شخص همجي وعندك سرعة بالتطبيق ولو تشوف مضارب وإلا تفجير رحت تطبق ووديتدنا بستين داهية فلذلك اعقل واطلع من مخي أنت وأفكارك
محمد "انقهر" : يااااخي وش تقول أنت ؟؟
علي " يضغط بجواله وواقف " : وأنا صادق .. مابغيت تودينا بداهية وأنت توك شاري لاب توب
محمد "يقاطعه" : ايه ماله داعي تعاير وتعيد ماضي .. أنا كنت غبي وماأفهم والحمدلله فكني الله من شرهم
علي "يطالعه " : الحمدلله .. بس اعقل وخلك بدراستك
محمد "قام ": بروح أجلس مع أمي أبرك من مقابل وجهك أنت وكلامك السخيف ..
علي "يضحك " : انقهرت ؟
×محمد طلع ..
......................

أم فيصل وعلي بالصالة ..
أم فيصل " معصبة " : بس مايصلح تقول له كذا ..؟
علي : أمزززززح والله العظيم أمزح
أم فيصل "مستغربة " : هذا مزززح ؟؟؟؟ الله يصلحك وأنا أمك ..
علي : خلاص أنا أعتذر له بطريقتي ..
أم فيصل : لا جد لاتقهرونه .. يعني اللي سواه شي مو سهل .. ويبي ينسى .. مو تقعدون تعايرونه .. يأثر على نفسيته
علي : حقك علي ياأم فيصل ..





× في بيت أم عبدالله ..
×عبدالله ونورة يتقهوون .. المغرب ,,
نورة : يكفي وأنا أختك إننا راح نجتمع لو عشان عبودي اللي ماله ذنب ..
عبدالله : الحمدلله .. والله ماله ذنب .. وبعدين لازم ينتبه لولده .. والله بعض الأحيان ماأحس عنده شعور تجاهه من كثر ماأبعد عنه ..
نورة : هذا اللي قاهرني .. وأنا تعبت لحالي .. تعرف لازم الأبو ..
عبدالله : الله يوفقك وأنا أخوك ..
نورة "تطالع ساعتها " : يالله رح جب مرتك .. الساعة 7 ..
عبدالله : شوفي حمي القهوة وحطي شي ..
نورة "ابتسمت " : متحمس ؟
عبدالله "وقف " : لازم نحط لها شي يعني تعرفين ..
نورة "تضحك وتشوفه " : طيب ياعبدالله أفندي .. ومر جب معك تشوكليت لأني أذكرها تحب الخرابيط هذي ..
عبدالله "يطالعها " : ايه بمر .. وأنت ماتبين شي ؟
نورة : جب الحلاوة اللي يحبها عبودي ..
عبدالله : من عيوني .. بس صحيه يكفي نوم ..
نورة "وقفت " : يالله رح أنت بسرعة ..







× في بيت أبو عبدالعزيز ..
×سحر واقفة هي وسارة بالحوش تنتظر عبدالله ..
سحر " بصوت واطي " : ومثل ماقلت لك .. أخته وبترجع لزوجها وأمه ماتت يعني ماعندك أحد فلذلك عدلي معاملتك معهم ..
سارة: الله يعين بس .. وأهم شي نوير تذلف وأرتاح ..
سحر "منقهرة ": ايه بس أنت تعدلي .. والله إن يذبحك أبوي ..
سارة "دق جوالها " : يالله يالله مع السلامة ..
سحر : مع السلامة بالتوفيق ولاترجعين لنا أبد ×تضحك ..
سارة "وهي تمشي " : وخري بس ..








احترق قلبي شوقاً ..
واحترقت أنا حباً وعشقاً ..
كم خانتني الأيام وكم عانقت جروحي غدر تلك الأيام ..
انتظرت البسمة تعود .. !!
لكن زادت جروحي ألماً وزدت أنا قهراً
بعدكِ ياأعز الناس
ياأمي الحبيبة ..

رحلتي وتركتي جروحي تتضاعف ..
ولكن
قد تلتم بعض جروحي في قادم الأيام ..
وقد ترجع البسمة ..
أو قد أذبل .. !!
كالوردة التي تفقد من يسقيها ..
من يدري .. !!
نورة




× في بيت أم عبدالله ..
×أم فيصل وسارة وليلى ونورة بغرفة نورة .. وعندهم الكوافيرة ..
سارة : ياااشينك يانورة .. ليش مالبستي فستان زواج ؟
ليلى : أنا قلت لها كذا ..
نورة : أحسن ناعم .. ياختي عارفني ونضحك على أرواحنا ×تضحك ..
أم فيصل : بس الفستان مررة قابل عليك .. ولونه يليق عليك ..
سارة : إيه والله مرة يجنن ..
نورة : ياحبي لك سارة لبسي عبود .. شوفي ملابسه مع الشغالة ..
سارة : طيب ..
×طلعت سارة ..
أم فيصل : يالله خلي هذي تحرك بسرعة .. عشان تجلسين شوي مع أم عبدالعزيز
نورة : بس أم عبدالعزيز بتجي ..
أم فيصل : ومعها سارة .. ومادري إذا بيجي أحد .. !!


× في بيت أبو فيصل ..
فيصل "يلبس شماغه ": وش رآيك عليوي ضبطت الشخصية ؟
علي "واقف ": ممتازة .. وبعدين عارفتك .. ياخي تضحك على روحك ..
فيصل "يضحك وهو يمشي " : أنا سامع عنك إنك صاير ظررريف وخفيف دم هالأيام .. والأصداء واصلتني وأنا باستراليا .. يقولون من يوم تخرج وتوظف أخوووك صاير قمة البثارة مع الظرافة ..
علي "يضحك " : الله يسلمك ياشيخ .. حتى أنا حاس بالشي هذا ..
فيصل " وهو طالع " : يالله بس تعال بسرعة كانك بتروح معي ..؟
علي : يالله جيت ..


× أم فيصل .. ونورة ومنار توهم جالسين ..
×.. وسارة تصب ..
أم عبدالعزيز "تطالع نورة " : ماشاء الله تبارك الله .. الله يوفقكم ..يارب ..
أم فيصل : اللهم آمييين ..
أم عبدالعزيز : أجل مافيه أحد بيجي وخزياه شكلي بس أنا اللي جاية غلط ..
أم فيصل " استغربت " : وووش دعوى ياأم عبدالعزيز والله من غلاك وأنت من أهل الدار ..
نورة : وتعرفين ياخاله غلاك من غلا سارة ..
×سارة بينها وبين نفسها أجل أمي موب غالية .. دامها من غلاي ..
أم عبدالعزيز : الله يسلمكم .. يارب ..

× أبو فيصل يكلم فيصل عند باب بيت أم عبدالله ..
أبو فيصل : وترا نورة ماهي نورة الأولى .. وبعد ماماتت أمها صايرة مرة حساسة .. وأنت فاهم وتعرف .. وأنا سألت أمك عن كل شي..
فيصل : لاتخافون بحطها بعيوني ..
أبو فيصل : تراها ضعيفة والله مرت بأوقات صعبة ..
فيصل "مسك يد أبوه " : لا تخاف يبه .. وأنا ماقلت برجع لها إلا عشانها بنت خالتي .. وأنا أولى الناس فيها وغير كذا عشان ولدي ..
أبو فيصل : الله يوفقك وأنا أبوك .. يالله ادخل ..
فيصل "باس راس أبوه " : دعواتك يالغالي ..
أبو فيصل : الله يوفقك ..





× دخل فيصل .. للمجلس ..فيه..وعلي وخالد ..
×سلم على خالد ,, وبارك له ..
×دخل عبدالله .. وابتسم .. وسلم على فيصل .. ياااهلا والله وسهلا .. الله يوفقك يارب
فيصل : اللهم آمين .. وياك .. أخبارك ؟
عبدالله : الحمدلله تمام تفضل ..استريح ..
فيصل "جلس " ..
علي : وين أبوي .؟
فيصل :يكلم واحد عند الباب..




× منار بصوت واطي تكلم نورة .. ترا فيصل وصل ..
نورة "قلبها يرجف بسرعة " : من قال لك ؟
منار : أنا سمعت صوته قبل شوي ..
نورة "مرتبكة ": طيب اسكتي لايسمعونك ..
منار "وهي تضحك " : تراااه متغير وزاين وصاير أزين من أول ..
نورة "ابتسمت .. ×بينها وبين نفسها .. وهو شين أصلاً .. يااااحبي له بس ..
× دق جوال أم فيصل .. هلا عبدالله ..
×نورة ارتبكت وكأنها أول مرة تشوفه .. !!
أم فيصل : إيه إيه خلاص .. طيب .. هلا ..
أم فيصل "قامت وراحت لنورة " : يالله قومي للمجلس عشان فيصل بيجي ..
نورة "وقفت وهي مرتبكة وبصوت واطي لايدخل أحد ياخاله .. خليه لحاله ..
أم فيصل "تبتسم " : إن شاء الله ..
× راحت نورة ..
أم عبدالعزيز : الله يحننه عليها يارب ويسخرهم لبعض وياجعلهم مايشوفون مكروه ..
أم فيصل "وهي تمشي " : اللهم آمين ..
× دخلت نورة المجلس وصكت الباب .. ومرة مرتبكة .. يااارب .. ×تقرا بينها وبين نفسها .. سمعت أصواتهم قربت .. وراحت تجلس قدام الباب .. شافت الظل .. وشافت يد الباب تتحرك .. ×طاح قلبها .. ×فتح فيصل الباب .. ×ودخل .. ويلتفت يكلم أمه .. خلاااص طيب يمه ..
نورة "وقفت وتشوفه دمعت عيونها من الشوق ومن الظلم ومن القهر ومن كل شي صار لها بسبب فيصل ..
×فيصل صك الباب .. وابتسم .. مااااشااااء الله يااانوير زاااينة .. ×قربت وهي طايرة من الفرحة ..
×فيصل قرب وسلم عليها .. ×وهي ضمته وقلبها يرجف ..×بكت ..
فيصل "أبعدها ويضحك " : لاتوصخين ثوبي بكحلك ..
نورة "راحت تآخذ منديل ..
فيصل "قرب ومسك يدها .. وجلسوا .. معقولة كل هذا شوق ..
نورة "بصوت هادي " : وتتوقع كله شوق ؟
فيصل " يطالعها" : عيونك تقول شوق ..
نورة "ابتسمت " : شوق وحب وغلا وكل شي حلو يجي فبالك ..
فيصل "بهدوء" : يعني مبسوطة ؟
نورة "تطالعه وحطت يدها على خده " : تسأل مجنونتك هذا السؤال ؟؟ أكيد مبسوطة ..
فيصل "يبتسم " : طيب اخبارك ؟
نورة : ماني مصدقة إني رجعت لك ..
فيصل : لا صدقي ..
نورة "طاحت دموعها " ..
فيصل "يمسح دموعها " : يكفي دموع .. الحين يشوفونك ويقولون هاوشها وأنا ناقصهم بعد ×يضحك ..
نورة "ابتسمت ": ياحبي لك .. أخبارك أنت ؟
فيصل : طاير من الفرحة ..
نورة "سكتت ..
فيصل : وين عبودي ؟
نورة "بغيره " : يوووه توك تشوفني وتقول وين عبودي ؟؟
فيصل "يضحك " : تغااارين ؟
نورة "بصوت هادي " : لا تقهر .. شوي على عبودي .. خلنا الحين لحالنا ..
فيصل "قرب وباس رآسها " : طيب .. آآآآآسف ومن قلبي أقولها لك .. أبيك تنسين الماضي .. وأبي نعيش حياة حلوة ..
نورة "تطالعه " : من يوم رجعت لي وأنا نسيت الماضي ..
فيصل : وبحطك بعيوني ..وبصير أمك وأبوك وأخوك وكل شي بالدنيا ..
نورة "ودموعها تطيح " : أمي ؟؟؟
فيصل "سكت ..
نورة : وينها تفرح معي ,, × بكت ..
فيصل "ضمها .. يااالله لاتقلبين اليوم صياح .. نبي نفرح .. نبي حياتنا تصيرصافية من كل شي ونبي نصير أحلى اثنين ..
× أم فيصل قطعت الجو عليهم وطقت الباب ..
فيصل : ادخل ..
×دخلت أم فيصل وهي شايله عبود.. هاه ماتبون عبود معكم؟
فيصل " قام يآخذ عبود " : إلا إلا نبيه يابعد قلب أبوه .. × يكلم عبود .. مااشتقت لبابا .. ×أخذه ..
أم فيصل : خوذوا راحتكم أنا بطلع ..
نورة " تبتسم " : الله معك ياخاله ..
×طلعت أم فيصل
× فيصل جلس وعبود بحضنه .. هلا هلا بعبودي ..
نورة "مسكت يد عبود " : هذا بابا ..
عبود "يطالع أبوه ويحط يده على وجهه " : بابا ..
فيصل "ضمه بقوة ": ياااااحبي لك ..
نورة : عسى الله مايفرقنا ..
فيصل "مسك يد نورة " : آميييين عسى الله يقدرني وأسعدكم وأعوضكم عن كل اللي فات ..










ماأجمل مصاعب الحياة عندما تثمر عن سعادة .. !!
وماأجمل الحب عندما يكون بطل تلك المصاعب ..!!
..
كم هو مجنون هذا الحب .. !!
وكم هو قاسي مع قسوة الأيام ,, !!
..
لكن ماأطيبه عندما يجتمع العشاق ..


....
النهاية ..
2009-03-22
الأحد، 22مارس، 2009
__________________

[sweettara]

لم احب النهاية انا قلبي مع دانة & شـكــ وبارك الله فيك ـــرا لك ... لك مني أجمل تحية .

[babo]

السلام عليكم ورحمة الله وبركاته
الرواية ممتعة
مشكورة علي النقل
يعطيك العافية وبانتظار جديدك (منورانا)

[متمردة]

شكرا كثيرا علي الرواية

[محبة القراءة]

موفق بإذن الله ... لك مني أجمل تحية .

[ندى تدى]

شكرا حبيبتي على الرواية الرائعه