آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
24-05-11, 06:42 PM
| #21 | |||||
| روايتي مؤسس ومشرفة سابقة وقاصة في منتدى قصص من وحي الاعضاء  
|  الجــــــــــزء الثـــــــــالثـــ عشــــــر ---------------------------------------- جت من السفر بكل بكامل كشختها .. الا تدخل القصر الا تسمع ابوها يناديها ابو هيفاء : هيفاااء هيفاء : هلا يبا .. ابو هيفاء : هذا وشهو ..؟ هيفاء : وشهو هذا ؟ ابو هيفاء بعصبيه : انا اسالك وشهو هذا ؟ هيفاء وهي تاخذ العبه : وتنصدم باغراضها ابو هيفاء وهو يمسكها مع زندها اعترفي هذا من منووووا ؟؟ هيفاء .....: هذي اغراضي يبه من وين اخذتها ؟ ابو هيفاء : الحارس يقول معطتنيها وحده ؟ وقالت وصلها لهيفاء . منهي هذي وش تبي باغراضك وليه ترجعها ؟ وش صلتك فيها ؟؟ هعيفاء بصراخ شوي : يبا الله يهديك قالك حرمه يعني مو رجال وليه كل هالعصبيه وهذي اغراضي وهي تفتح الصندوق الا تسوف رساله .. تفتحها وهي منصدمه وكانها اعرفت انها مضاوي وهي متاكده .. وتقرا الرساله .. بسم الله الرحمن الرحيم .. هذي اغراضك وهذا جوالك شحنته لك وماقصرتي ومسحت كل الارقام وهذا انا عطيتك اغراضك .. تحياتي مضاوي .. ابو هيفاء يسحب الرساله منها ويقرااهاااا وهو يرفع راسه بعصبيه : هذي وش جابها هنا انتي لحد الحين طاقه الصحابه معها ؟؟ هيفاء : يبا وش فيك انا قطعتها لكن جت ترجع اغراضي ؟؟ ابو هيفاء : جدامي ترمين هالصندوق بالقمامه ماعاد لنا باغراض مستعمله وش قصدها ؟ هيفاء : يبا الله يهديك البنت خلاص راحت بحال سبيلها بس حبت ترجع اغراضي ؟ ابو هيفاء : مافي ومن بكره ان سمعت انك رجعتي هالاغراض لكم ياويلك وهو ينادي الخداامه.. هيفاء : وش تبي بالخدامه بابتي .. ابو هيفاء : بتشوفين الحين .. بباتي : يس سير ؟ ابو هيفاء : هذا حق انتا ...ويحذف الصندوق لها .. بباتي : مرسي سير ..وتاخذ الصندوق ابو هيفاء : لا تاخذينها منهااا تسمعين وهذي العايله المنحطه ما تعاشرها بنتي انتي ما تخافين بكره يجيك خطيب ويسال يلقى بنت اللي ما تتسمى رفقيتك اكيد بياخذون عنك فكره غلط .. وماراح يتقدم لك اي شخص من العوايل الكبيره .. هيفاء مستمعه وفي قلبها حسره على رفيقتها اللي بعدها القدر عنها ..: ............... ابو هيفاء : يالله انا بطلع لدوامي ومثل ما خبرتك يابنتي توك مسافره وفرحانه واي دوله ثانيه تبغينها اوديك لها بس صديقتك ذي تنسينها .. هيفاء : ان شالله يبه .. ويطلع ابو هيفاء .. الا تدخل الخدامه بابتي : بابتي : مدام هيفاء : يس .. بباتي وهي تمد صوره لها هذا مال انتا . هيفاء وهي تشوف الصوره وكانت من اجمل الصور اللي كانت في الذكرى ... وكانت الصوره مضاوي وهيفاء جالسين بالكليه وكل وحده كاتبه على خد الثاني احبس .. ولابسين نفس البدلات .. وهي تاخذ الصوره من بابتي .. وهي تشوفها وتقول لها : في بعد صور يابابتي .. بابتي : نو مدام مافي الا هالصوره .. هيفاء : ثانكس وبعدها تامرها وتقول : بابتي اخذ الشنط واخذيهم لغرفتي ورتبيهم انا ابي اناااام ما ابي احد يزعجمني .. وتمشي بخطوات بطيئه وعيونها على الصوره وتسال وش حال رفيقة دربها الحين بعد هالضروف وهي تعاتب نفسها بقوى.. وتتجه لغرفتها وتنسدح على سريرها وتسحب الصوره وكانها بتشوفها لاخر مره .. وهي تتذكر كل لحظه حلوه كانت بينهم واحلى الضحكات التي استمرت وقت وطويل واعذب اللحظات واجملها بهالصوره الذكرى والباقيه لديها ... -------------------- من اليوم الثاني الكل مستعد للتجهيزات المزرعه واللي يحمل بالوانيت واللي حملون في السياراتهم اغراض الشوي واغراض الجلسات خصووصا الشبااب محملين العود والطبله لسهرى بليل .. ووالي شارين حطب واغراض الدوه والفحم .. وام متعب تنادي ولدها فارس يشيك على الكهرباء .. وولدها حمدان يربط العده القهوى والشاهي للرجال واغراضهم الثانيه مع ابوه .. وعهود تشيل الشنط وتحط فوط ناشفه للغسيل ومناديل جديده بعلبها ومتعب يشيل اغراض حرمته هنادي ويساعدها في ترتيب الاغراض بالسياره ..ويهاوشها على الترتيب .. يعني الكل سمع صوتهم وباقي فهد اللي ابوه قاله يروح يشوف بنات عمه عبداللطيف ويجيب اغراضهم لسيارة ابو متعب .. وابو مشعل .. يشايل جدور الذبايح .. ومشعل يالله يساعد ابو و يسوي اغراضه بسيارته .. وزوجته اماني تسوي الي تقدر تسوي مع حملها ومشعل يعصب عليها يقول لا تشيلين معلقه وحده .. وام مشعل تجهز الابهارات والتوابل والقهوى.. واغراض المطبخ الضروريه ..والبخور والمده (السجاده ) وندى : تاخذ الفاكهه وتحطهم بالحوش ويجي مشعل ياخذهم .. وعواشه تغفل كهربة البيت وترتبه قبل لا يطلعون .. وثامر بتسالون وينه بالدوام هع ... ام حمد : مسويه المحااشي وورق عنب وصافتهم بالجدر وهم حارات مسويتهم من الساعه 6 الصبح والحين الساعه 10 .. عشان يتغدونهم على الغدا .. وطبعا ام حمد هاله غاسله يدها من ولدها حمد الانه لا ينفع لكنه يضر .. واعيالها الثانين بارين فيها ... حمد يشرب سجاره وقف عند مدخل الباب ويشوف الكل مشغول ولا وده يشتغل .. نواف : يشيل الشناط والاغراض المهمه مثل الجوزات .. وراشد : يرتب اغراض السياره ويحمل داخلها .. مزنه تحط الصحون الابلاستكيه والورقيات (ادوات الخيسه من الخضار )ام ريحه يعني ))) بالاكياس البلاستكيه .. ونوره : جهزت شنطتها الدي في دي لسهرات وجهزت الاشرطه الهنديه والافلام الاجنبيه .. ام ناصر ... قايله لبناتها من البارحه يجهزون اغراضهم لكن شافت بناتها هيا ونجوى لحد الحين نايمات وهي تصارخ فيهم .. تصحيهم ولا في فايده لين اخر شي جابت سطل ماي وكبته عليهم وهي حالفه بعد ما تجي من المزرعه راح تشيل النت كله .. خالد يساعد ناصر في يشل الاغراض ويحملهم لسياره .. وخالد ياخذ برميل الغازات .. وياخذ بنزين للشب النار .. وناصر يصارخ على خواته ويالله كل وحده تجهزت وبتطلع من الباب وعيونها يالله تفتحها .. في بيت ابو متعب عبداللطيف .. فهد يشيل الاغراض ومضاوي تجهزهم له عند الباب وهو ياخذهم .. وكانت لابسه مضاوي عباية راس وما تبين غير عيونها .. وفهد طول الفتره يكلمها وهو يحترمها وعيونه تحت .. فهد بعياره : مضاوي ليه انتِ تحملينهم خلي لولوه تجيبهم لي .. مضاوي وهي فاهمه قصده .. المره الجايه باذن الله تساعدك هي .. فهد : يالله وش هالشنط بتسافرون ؟ مضاوي : ليه كثيره ؟ فهد : ما يحتاج ترا كلها يومين ويمكن ثلاث ؟ مضاوي : حتى لو صحيح بالصيف لكن سمعت عمي يقول برد بليل ؟ فهد : والله انتوا حرين << ما يمديه يخلص كلمته الا لولوه طالعه من غير ملفع على بالها راح يودي الاغراض .. الا ينصدم فيها فهد . لولوه : يو فهد هنا وهي ترجع بسرعه الا تضحك مضاوي .. فهد وهو يشوف مضاوي : هي متعوده تطلع من غير جلال ؟ مضاوي وكانها فهمت قصده : لا بس اكيد على بالها انك اخذت الاغراض ..وماراح ترجع .. فهد : على العموم اتمنى قلتي لها ؟ مضاوي : خلها لما نرجع من المزرعه .. فهد : على خير ان شاءالله ..وهو يلتفت الا ينتبه على ابوه يناديهم من بعيد .. وهو يرد لمضاوي ويقول لها : ابوي يقولكم يالله نمشي .. مضاوي : يالله بروح انادي خواتي .. ومتعب عبداللطيف عند عمه محمد يشوفه كيف يشغل الربابه .. متعب : عمي كيف تلعب فيها .. ابو مشعل : هذي ماهي لعبه يابوك هذي ربابه لللبر لكن انا يابوك اذا بغيت اروح المزرعه اخذها واخذ راحتي معها .. ام مشعل وهي تلبس عبايتها : قلها ظرتك وخلص .. ابو مشعل : ههههههههههههههه يعني لازم تفضحين العالم انه الربابه ظرتك ؟ ام مشعل : وش اسوي كل ماراحت للمزرعه جلست ترنن فيها وتخليني .. متعب : ليه انت جد تزوجتها ؟ ام مشعل : هههههههههههههههههه ابو مشعل : زين خربتي عقل الولد .. متعب : جد ليه ياعمي تحبها ؟ ابو مشعل : لها صوت احبه واتونس فيه .. متعب : عادي اخذ كوره معي للمزرعه .. ابو مشعل : عادي وانا ابوك .. متعب : بس انا ماعندي كوره العب فيها ؟؟.. ابو متعب : بتصل على مشعل يجيب لك ولا يهمك كم متعب انا عندي .. ام مشعل : تعال ياولدي الحين اشتريها لك وش تبي بعد ..؟ متعب وكانه حاط بحنان الام والابو .. متعب : لا بس ابي كوره وهو يسمع مضاوي تناديه .. ام مشعل : لا تروح لحظه . وتدخل السياره الا تشوف صندوق التفاح وتاخذلها ثنتين وتعطيهم متعب .. ام مشعل : خذ هذا تفاح حلو اكله بالطريق .. متعب : طيب ام مشعل : لا تخاف وانا بطريق بشتريلك كوره وش تبي بعد .. متعب : مشكوره خاله .. ابو مشعل : وش عليك ماخذ الدلال وغيرنا محروم .. ام مشعل: اسكت الله يعافيك ورح لربابتك ولا خلنا نمشي الكل بيمشي .. ابو مشعل .: انطري ابو حمد يجي من المشواره ونمشي .. ابو مشعل : على خير .. ويركض متعب لمضاوي اللي جالسه عند باب بيتهم .. ويعطيها تفااح وياخذ تفااحه .. لولو ونوفا : وليه ما عطيتنا تفااحه ؟ متعب : خالتي عطتني بس ثنتين .. مضاوي : اخذوها اصلا انا ما ابيها .. ويتهاوشون نوفا ولولوه وهم لابسات وخلصات وجالسات عند عتبت الباب .. ينتظرون بس اشاره .. الا تشوف مضااوي شغله حيرتها .. نجوى البنت اللي ما شفتها الا البارحه لاول مره بعشا بيت عمتها وكله جالسه بغرفتها .. مافهمتها ولا تقربت منها لكن غريبه جالسه وتسوالف مع حمد اللي حتى تصرفه غريب هالشخصين من بد العايله لم تفهمهم .. والغريب اكثر انه ما ساعد امه تشوف الكل يقوم الا هو جالس بسجارته .. تعجبت ولا اعطته اهميه كثير .. وهي تشوف سيارة الشبااب وتتمنى تجلس معهم كيف سيارتهم كلها اغراض الوناسه ..طبل ودوه والحطب والعود والمساند السدو .. وتشوف شباب العايله لاول مره يضحكون وانتبهت لناصر اللي تذكرته وهي تشوف نوفا وتهمس لها ... مضاوي : نوفا مو هذا الشخص اللي جابك للمستشفى ؟ نوفا : الا هو طلع ولد عمتي وضحه .. مضاوي بصدمه وهي تشوفه : جد والله ولد عمتي وضحه ماغيرها ؟؟ نوفا : اي اسكتي امس انصدمت يوم شفته .. مضاوي : متى شفتيه ؟ نوفا : االصبح يوم كنا بنطلع من البيت وقلتي اخذي الاغراض ودخليهم الا يشوفني ويسلم علي وانا انحرجت وانصدمت ..بانه هو نفسه وقال انا ولد عمتك .. مضاوي : اهااا .. طيب لولوه : تحشون بمنوو ؟ مضاوي : ما نحش بس نشوف العايله كلها مشغوله .. لولوه : اي ماشالله الكل الحين سكر على اغراضهم وينطرون عمي عبدالوهاب .. مضاوي : هو وين رايح ؟ لولو : وش عرفني بس سمعت عمتي وضحه منساع تقوله .. ومضاوي عيونها على حمد ونجوى وش هالجرائه .. وليه عمها ما شافتها وكانها عادي وهو يشوفها وطايح السوالف معهم ما سمعت انه متزوج ؟؟ نوفا وعيونها بعد عليهم نوفا بتعجب اكثر :ياجرئهم ؟؟ مضاوي : هههههه اجل تشوفين اللي اشوفه .. لولوه : وع هو شايب ؟ مضاوي : وغريبه عمي عبدالوهاب مخليه على كيفه .. لولوه : ويمكن عندهم مبدا الحريه مو مثلنا .. مضاوي : تعرفين تسكتين ؟ لولوه : اعرف .. متعب يقاطعهم : مضاوي عمتي ام مشعل بتشتري لي كوره .. مضاوي : ليه تقول لها انا بشتريلك اول ما نوصل .. متعب : لكن هي قالت لي .. مضاوي وعيونها مستمره ولا هي يم اخوها وتشوف الوقااحه وين واصله لدرجه يحكون وضربو يد بعض .. لولوه : مستحيل هذي عمتي تشوفها وهي ساكته ..؟ نوفا : يمكن متكلمين فيهم ؟ مضاوي : والله يمكن ؟ الا تشوف سياره جايه ... نوفا : شكله عمي عبدالوهاب جاء ... يصفت سيارته المرسدس بالباركن .. وكان شكله ما تعطينه رجال كبير لابس نظارات شمسيه .. ورزته ولحيته السوده .. ونسفة عقاله .. كانه شباب ..ويركب سيارته الجمس وهم العم محمد بسيارته الجمس .. والسبااب كلهم كل اثنين بجيب .. ومشعل واماني بسيارتهم ومتعب وهنادي بسيارتهم .. الا ثواني والكل متجهز وبيركب سيارته ويقرب عمهم عبدالله ويناديهم .. ويركبون السياره الجمس وكانت ام متعب قدام وعهود ومضاوي ومتعب بلوسطي وبالخلف نوفا ولولوه .. وطول الطريق كان العم عبدالله يشغل اغاني محمد عبدو ,..وكانت الصوت يالله يسموعونه .. بالخلف نوفا ولولوه لولوه : الله محمد عبده قولي لعمي يعلي على الصوت نوفا : ما ابي استحي .. لولوه : اقولك اصوتك اعلى من صوتي .. نوفا : عندك لسان قوليله .. وكانت مضاوي تشوف منظر البر والصحاري لاول مره تطلع للمزارع تحط في بالها منظر واحد ارض خضراء بس وشجر ..لكن شافت كانها غابات لكن وهي تمر على البيوت المزارع وتشوف القصور وسرحانه ..وعالم السكوت طاغي عليها .. متعب وهو ينايها : مضاوي .. مضاوي من غير ما تتكلم اكتفت بقول : امممممم متعب : انتي قلتي بتشترين لي كوره .. عهود : مضاوي يكلمك متعب .. مضاوي وهي تلف عليها : اسمعه لكن سرحت شوي .. عهود وهي تلتفت لمتعب : لا تشتري كوره هناك كوره كثيره بس انت روح لحمدان وبيعطيك وحده من كوره .. متعب : جد هناك في كور .. عهود : انواع الكور السله والقدم واليد .. مضاوي : ول كل هالكور ؟ عهود : اي يحبون كورة اليد .. مضاوي : المزرعه بعيده ..؟ عهود : شوي بعيده .. نوفا : وهي تصارخ : مضاووووي شوفي لولوه .. ابو متعب يوطي على الصوت وهو يرد عليهم : وش فيكم يابنات ؟. نوفا : مضاوي شوفي لولوه بس تقرصني .. مضاوي تلتفت للولوه وتعطيها نظره تعرف تحترم نفسها ..وهي ترد على عمها : مافيهم شي ياعمي لولوه ولقافتها ما تخليها .. لولوه : ماقلت شي بس قلت لها خلي عمي يطول وما سمعت كلامي وقمت قرصتها .. عهود : هههههههههههه الحمدالله ماعندي اخت تقرص كان قرصتها .. لولوه : تبين تجربينهاا ؟؟ عهود : لا نكفين احب اقرص ما انقرص .. ام متعب : خلاص يابنات استحملن بنوصل قريب .. عهود : هههههههه يما الله يهدكِ شكلك نايمه وتوك تصحين ترا ما تهاوشن يسوالفن ؟ ابو متعب :هههههههههههه ماشاءالله ياعهود دايما صايده امك .. ام متعب : والله اني ماحب الطريق وكاني البزر ينام فيه .. ابو متعب : والله يا ام متعب هذي انتي كل ما ركبنا مسافه طويله تنامين .. الكل قام ضحك ..: هههههههههههههههههه ام متعب : فضحتني .. عهود : ولا غير هذا يوم يشغل ابونوره تزيدينها الحان وانغام .. ام متعب بضحكه : وش قصدك ؟ مضاوي : لا يكون تشاخر .. عهود : يما تراني ما تكلمت مضاوي اكشفتك .. ام متعب : انتي لسانك ما وراه ستر .. عهود : وش اسوي اصلا ابوي يشغل ابو نوره عشان الحانك الجميله .. لولوه : ههههههههه طيب ياليت ياعمي من منساع موطي الصوت لتسمح لاذوننا المصون سماع اللحن الجميل هههههههههههههه الكل ضحك : هههههههههههههه مضاوي : والله يا خاله ما الومك المسافه طويله وحتى انا احس بنووم .. ابو متعب : ياليتنا اجل صبرنا شوي كان سمعنا مضاوي .. نوفا : لا عاد مضاوي نومتها تون حشا كانها عنزه ههههههههههههههههه مضاوي : اصلا ما اون الا لمااكون حدي تعباااااانه ام متعب : اجل لا تلوموني من الفجر وانا اشتغل .. وانتوا بفراشتكم نوفا : يعطيك العافيه .. عهود : وش نسوي فيك يايمه هذا طبعا اذا وراك شغل ما تنامين مثل اماني اذا بتروح مشوار تلقينها جاهزتلك على سن ورمح وجالسه عند الباب اما انا ما جذبتك .. ام متعب : اصلا انتي متى ما تزوجتي شغل زوجك بيردك لي ماتعرفين شي الله يستر منك عهود : الا اعرف اسوي بيض عيون ام متعب : هذا اللي فالحه فيه .. نوفا : اجل يوم تتزوجين وش تغدينه ؟ عهود : الله يخلي المطاعم .. ابو متعب : ابعدي بنتي بتوكلينه من وين ؟ عهود بفخر : من المطاعم .. ابو متعب : ليه هو بنك الراجحي يغديك ويعشيك بالمطاعم ..شوفي من يدق بابك بقوله شرطن عليك الخدم والطباخ ما تجيبهم لبنتي والمطاعم ما تغديها الا بالشهر مره وياليت يكون بالسنه بعد .. ما كمل كلمته الا مضاوي والبنات يضحكون .. وعهود مخليه نفسها زعلانه .. عهود : خلاص زعلت عليك بروح السوق بغير ابوي .. ام متعب : وانا بتغيريني ؟ عهود : والله افكر...؟ اذا نفذتي طلباتي وخليتيني اناام لساعه 2 ما ابدلك . ام متعب : اي تخسين اقول عهودوووه نوم لساعه 2 الظهر حلمي .. عهود : يمه تراني عهود عبدالله ماني عهود حلمي .. خخخخخخخخخ مضاوي : ههههههههههه الله يقطلع ابليسك وربي من منساع جالسه جنبي حسبتك هاديه طلعتي داجه .. ام متعب : لا فترة الصبح تكون هاديه بس لما تروح ودك تحذفينا من الباب او تخلين دوامها بس صباحي .. لولوه : هههههههه يحليلك انتِ بس فتره الصبح والله مهديه امك انا امي الله يرحمها طول الوقت معذبتها .. مضاوي وكانه السالفه ماهي عجبتها .. وجلست تشوف المناظر وترجع لعالمها وتفكيرها .. ومرت الساعه والبنات يسوالف والكل يتبدلون السوالف لكن هي بعالمها بتفكيرها .. ولاحظة ام متعب سرحانها وحتى ابو متعب كل واحد من هالاثنين كان يفكر وش كانت تفكر فيه .. ------------------- تشوف الكل توه راجع من النزهه حقت السجن الا هي رفضت تروح .. ما تبغى تشوفه صراحته لها اصدمتها هي ما تدور على الحب لا تدور عن رجل يعشقها . سماح: وشفي الحلو من البارحه ما يكلمنا ...؟ ليلى : سماح بليز خليني وحدي .. سماح : شكل الحاله جتك .. ليلى : شايفتني مجنونه؟ سماح : لا الحين ايقنت انه جتك حالتك .. ليلى :سماح وربي ماني طايقه نفسي .. سماح : وانا وش اسوي وربي من البارحه ما تكلمت معك ماعرف ؟؟ تعودت اخذ حبة الفيتامين .. ليلى : اقول روحي زين .. سماح : وين اروح والله ودي اروح بس ماعندي الا هالمكان .. ليلى وهي تشوف البنت الجديده ترجع لسريرها .. سماح انتبهت عليها : ترا هذا حالها من البارحه رافضه حتى تكلمني ..يادفع البلا محدن راضي يكلمني تراني انس ماني جن ؟ ليلى : والله يا سماح مالي مزاج البارحه الاني كنت مصدعه ومصدومه .. سماح : طيب مصدعه ومصدومه ليه تكبين ..؟ ليلى : الاني مصدومه .. سماح : مو شرط تبكين الانك مصدوومه لكن لا يكون الموضوع متعلق بقضيتك .؟ ليلى تتنهد بقوى لكن وش تقول لها بانها انصدمت بثامر ..؟ سماح : ليلى اناديك .. ليلى : هلا معك لكن سرحت شوي .. سماح : طيب وش فيك تعبانه ؟ ليلى : لا احس اني محتاجه اريح شوي .. سماح : طيب فهمت اني اذلف .. ليلى بهدوء : لا تعالي اهرجي فوق راسي وانا بسمعك .. وتسولف سماح وليلى ولا هي يمها بالمره كل تفكيرها بثامر .. وبكلامه .. افهمي اللي اقوله انتي دخلتي حياتي .. انتي ياليلى شتتي فكر ..هاجمتي احلامي .. مابخليك تبعدين عني ..؟ ليه يا ثامر ما اخترت الا انا .. انا ما اناسبك ولا اليق لك .. انا سجينه انت ماتعرف شخصيتي .. اعجبت بالشكل لكن مضموني غير .. كيف تحبني من دموعي ؟ كيف يقول اضعف بدموعك ؟ اشوف خشونته مع الكل وعصبيته وعناده اسمعها من الكل ومعي غير ؟ يعني جد يحبني ما يجاملني او يضحك معي ؟ انا جد xxxxxه وش اللي يخليه يقرب مني ؟ دامني مشدده فكره وحياته ..؟ ليه يبيني ويعرف اني ما افكر فيه ؟ طبعك يحير ياثامر .. لكن ما ادر كيف راح اقابله بعد يومين مع المحامي ؟ سماح : ياهووووووووووو ياعالم نحن هنا .. ليلى : ههههههه وش فيك .. سماح : ولد عمك يبغااك .. ليلى بصدمه : وين ؟ سماح : ههههه اسم الله عليك لا تموتين علينا ياختي ما تسمعين ام حسام تناديك ؟ ليلى وهي تقوم .وتروح لها : هلا ام حسام ؟ ام حسام : الضابط ثامر يبغاك .. ليلى : قوليله نايمه .. ام حسام : هذي تعليمات ما اخذ شورك ..؟ ليلى : وش شوري قوليله تعبانه وماهي قادره تقابلك ؟ ام حسام : بس معه الضابط انور ومحتاجينك بقضيه .. ليلى : خلاص مو لازم اليوم ؟ ام حسام : تراني جايتك بالهدوء لا تخليني اجيك بالقوى .. ليلى : يالله روحي وانا بجي وراك .. وتلبس ليلى ملفعها وجلالها وتغطي وجها .. وتمشي خلف ام حسام الين وصلت باب مكتب ثامر .. وتطرق الباب وتدخل ثامر اول ما شاف وجها شدد نظره بكل مكان ماعرف وين يركز بالضبط بالغرفه وبعدها استقرها بصديقه انور .. ليلى هي الثانيه ركزت نظرها للارضيه وهي تتكلم وقلبها ودها الارض تبلعها ولا توقف اقباله مره ثانيه .. ثامر : اجلسي بيكلمك انور وانا بشوف شغلي .. انور : القضيه معي مالك شغلك بولد عمك .. ليلى اكتفت بالايجاب بصمت : انور : هذي الاوراق وابي اسالك بعض الاسئله وياليت تجاوبيني فيها .. ويعطيها قلم .. ليلى : وهي تجاوب على اسئلته .. عنوانها وشلتها وكل شي .. وحتى درجاتها ونوع اكلها بالجامعه .. انور مو هين موضف ثنتين من الشرطيات طالبات جامعه ويراقبن جوزه وشالتها .. وحتى المطاعم المتعامله معهها .. وحتى الشله اللي تماشيها ..ومصدر هالحبووووب ليلى : خلصت ..وهي تعطيه هالورقه .. انور وهو يقرا اجاباتها ..: طيب مكان معين تشوفينها تجلس فيه دايما كانها خايفه او مكان متعوده تجلس فيه .. ليلى : مبنى اربعه عند الورشات تحت الدرج القديم .. انور يكتب كل ملاحظه تقولها ليلى .. وثامر يكتب ولاهو مشغول ولا شي يسلي نفسه بخاطره او قصيده يكتبها .. وكل باله بصوتها وهو يحاول يشوفها بطرف عينه .. ويخاف انه تصيده يبي يثقل جدامها ندم انه فضح مشاعره جدامها .. وحسب ورتب فكرته وهو يقول والله لعلقكك فيني وعلمك الرومانسيه مثل ما تقول احلام .. لكن والله احلام لو تشوف وجهي بتهون تغني ههههههههههه وهو يضحك .. انور وليلى انتبهو لضحكه .. انور : عشا ماشر ؟ ثامر حس بالاحراج : ابد ماشر بس تذكرت نكتت محشش وضحكت .. ليلى بقلبها: سخيييييف .. انور : الحين خلصنا تقدرين تروحين .. ليلى : ممكن سوالف انور : هللا ليلى : يعني بحدود كم ينتهي كل شي .. انور : كل شي يتعمد عليك وعلى معلوماتك ..؟ ليلى : مشكور .. انور : العفووو .. ليلى وهي تطلع وتروح لزنزانتها الا تشوف سماح تسوالف مع البنت الجديده ليلى وهي تجلس على سريرها واقبالها سرير سماح وكانت جالسه فيه هي والبنت الجديده ليلى : ماشالله ما يمديني زعلت رحتي تدورين غيري .. سماح : والله شوفي عشان اعلمك ما تزعلين علي .. ليلى : يالله انا زعلت سماح بضحكه : احسسن تكثرين صدقاتي .. ليلى :تشوف البنت الجديده : زين انقشع الغيم ؟ دلال : انا اسمي دلال واسفه كنت نفسيه والحمدالله راحت مع سماح . ليلى وهي تسند نفسها :: الحمدالله ..وتسرح بعالمها .. ---------------------------------------- يدخلون المزرعه كانت البوابه اسطوره كانها البوابه فرنسا .. والممرات خياليه كانه النقش الهندي القريب للاسلامي .. وعلى اليمين عشب اخضر واليسار شجر ..و لاحظو انه التربه لونها بنتي مايل للاحمر ,, والكل استغرب وقالهم انها التربه زراعيه شارينها من لبنان وسوريا .. وثواني الا البيت حكايه ثانيه بيت كبير لونه ترابي مايل للون الشاي والحيب .. .. وجنبه هم بيت ثاني صغير وبعيد شوي .. اول ما خرجوا من السياره انصدموا بانه حوض سباحه مغلق بزجاج وزواياه خش بس .. والارض كلها خضرا والي نمشي عليه صخر يعلمنا المكان .. وموقف خلص لسيارات .. وبيت الشعر الكبيييير والشجره المقطوه جنبه .. والكل يتحمد على سلامتهم .. وندخل البيت فهو عالم بحاله صاله كبيييييييييييييييييييره على شكل دائره وعلى الجنب ممر يروح للمطبخ وبعدها في 4 غرف تحت وفوق فيه 7 غرف .. وكل غرفه حمامها معها .. وبين هالغرف كانت غرفتين كبار .. اخذوهم المعريس مشعل ومتعب .. والخمس غرفتين راح ينامون فيها البنات .. وباقي ثلاث غرف وهي الشياب وعجايزهم هع للشبااب تحت 3 غرف لهم .. وغرفه مسكرينها .. وبعد ما تعرفوا على الغرف رتبو اغراضهم وصلوا الظهر والكل دااايخ وام مشعل مع ام حمد يسون الغدا وام متعب ترتب البيت مع الخدامات .. الانه لهم متره ماجوا المزرعه .. وماجت الساعه 3 الا الكل جوعاااااااااااااان وخطو الغدا وغفوا لساعه 5 الانه الكل محتاج نوم على القومه الصبح .. وتصحى لولوه والبست بنطرون جنز مع تي شرت رمادي غامج كله وبالوسط فوانكه رمادي فاتح .. تجنن ولابسه ملفع رمادي .. بدون جلال تقول وقت الغروب والشمس ماغابت والمل نايم بتروح تتمشى بروحها .. وهي بتطلع من باب المزرعه الا يشوفها فهد ويلحقها ويتابعها ومن طبع لولوه ما تلتفت لاحد مهما كان ولا بقلبها شي اسمه خوف .. لين اوصلت الى بركه فيها ماي وفيها خطوط مياه كانها النهر وجلست تشوف المجرى والخطوط الماي وتقطع ورقه صغيره وترميها بالمجره واعجبتها سالفة الورقه وكل شوي ترمي ورقه .. للمجرى .. وهي سرحااانه الا يجلس بقربها فهد .. ليه قالولك ابليس هنا عشان ترجمي ؟ لولوه بذعر : وانت من متى هنا ؟ فهد : تقدرين تقولين من طلعتي من البيت .. لولوه : ومن قالك تلحقني .؟ فهد : زوجك واراقبك .. لولوه : حامض على بوزك .. فهد بضحكه : هههههههههه مسكينه شكلهم ما خبروك بانه الملكه بعد المزرعه لولوه وهي بتوقف : انت كذاب و هذي لعبه بتلعبها معي عشان اخاااااااااف لكن انا اعرف انك ما تحبني ياللهي كيف الحين بتتزوجني تصدق حاولت ادخلها رفضت تدخل براسي ؟ فهد : الانك ما تعرفين روميو العاشق الولهان هو انا ؟ لولوه : تصدق مايليك لك . وهي بتقوم الا فهد اقرب منها .. اولا لا تمشين بدون جلال .. ثانيا هالابس ما ابي اشوفه عليك .. ثالثا : لا تعانديني الانك اذا عاندي اكثر بحطك براسي اكثر حتى لو ما اطيقكك كذا مزاجي .. لولوه : الانك سخيييييييف وماعندك سالفه وهي تركض وتدخل المزرعه وترفض ترجع له او تخضع لااوامره .. متعب الصغير جالس جنب عمه محمد بعد ما فاجاءه بالكوره وهو فرحاااااااااان لدرجه ما نام الضحى وبعد ما تحب جلس جنب عمه محمد وهو يرن بربابه بعد ماخلصوا صلاة العشا .. وضحك وسووالف وقعد متعب مبسوووووط وفرحان بسوالف الشيبان .. وعمه يضحك عليه.. عبدالوهاب : اقول متعب تعرف وشهو القله ؟ متعب : لا والله ماعرفها .. حمدان وهو يحاول يغششه الانه من طبخ حمدان راعي بر ويحب الكوره ..قله وسمع متعب غلط وقال : كله لالا قلايه ؟ الكل فطس ضحك .. عبدالله : القله وانا ابوك هي مالت الماي اللي نشرب فيها قبل ابونا ماعندهم البردات المويه عندهم زي ذيك شفها وهو يوريها القله متعب : اها كذا وجلس مبسووط بين عمانه واعيالهم وبين عمه محمد بالاخص وربابته اللي شكل متعب تعلق فيها ... بالدااخل عن الحريم الكل جالس بالصاله ومبتسمين الا لولوه اللي تفكر بوعد فهد وتهديده.. والجلسه وناااااااايه شاهي وحلويات وفضفض (حب ) وضحك وناااسه .. الا تتكلم ام مشعل : عندي لكم مفاجاءه .. الكل : وشهي ؟ ام مشعل : بكره الصبح بتجينا ضيفه وبتفرحون فيها .. الكل: منوو ؟ ام مشعل : بكره بتعرفون منوو بس هي حلفتني ما اخبر احد لين تشوفونها .. (( وش تتوقعون بالاجـــــزاء القــادمه ؟؟؟ ))) | |||||
|  |
|
24-05-11, 06:44 PM
| #22 | |||||
| روايتي مؤسس ومشرفة سابقة وقاصة في منتدى قصص من وحي الاعضاء
| الـــجـــــزء الرابـــــــــع عشــــــــر --------------------------------- الا تتكلم ام مشعل : عندي لكم مفاجاءه .. الكل : وشهي ؟ ام مشعل : بكره الصبح بتجينا ضيفه وبتفرحون فيها .. الكل: منوو ؟ ام مشعل : بكره بتعرفون منوو بس هي حلفتني ما اخبر احد لين تشوفونها .. ندى : هههههههه اكيد عرفتها .. الكل : منووووو ندى بسرعه قولي منهي .. ندى : يو يمكن بنات عمي عبدالطيف ما يعرفونها لو حبو كوعهم .. مزنه بنت عبدالوهاب : خلصيني منهي عاد ؟ ترد عليها اختها نوره : اكيد ليلى اخت مضاوي .. مضاوي بصدمه : جد اختي ليلى .. ندى : طلعي الخبله اقولها لو يحبون كوعهم بنات عمي ماراح يعرفونها تقول اختهم .. عواشه : يؤؤؤؤؤؤؤؤ ماغيرها ثريه اختي صح ندوش ؟ ندى : اكيد مافي غيرها بتزورنا بكره مع بناتها التوام ياقلبي عليهم وحشووني مره .. مضاوي بتعجب : منو ثريه ؟ اماني : ثريه اخت مشعل وندى وعواشه .. مضاوي : اها ..متزوجه ؟ هنادي : اي متزوجه وعندها بنات توام عمرها 6 اشهر ياحلوهم اساميهم .. تقاطعها نوره : صفاء ومروه .. نوفا : الله جد اساميهم تجنن .. لولوه وهي تقرب من عهود وتسالها : عهود .. عهود : هلا .. لولوه : بسالك نجوى بنت عمتي هي مخطوبه لحمد ؟ عهود بضحكه : هههههه لا اصلا ما اظن بيلقون على بعض ؟ لولوه بلقاافه : غريبه .. عهود : وش الغريبه ؟ لولوه : ولا شي .. عهود : ماقلتي هالسوالف الا فيه شي ؟ لولوه : بصراحه مرتين شفتهم يجلسون ويسالفون مع بعض ؟ عهود وهي تسكت وش ترد عليها واكتفت برد هالكلمتين : هي تحسبه اخوها .. لولوه : اهاااا السالفه كذا .. ويردون لحوار البنات وعن التوائم .. اماني : هههههههههههههه انا حلفت الحمله الجايه احمل بتوائم .. هنادي : يوووو توائم مره وحده وكم العدد ان شاءالله عشان ما اقرب بيت اهلك يوم تزورينهم .. اماني : وشهو تبغين تنحشين من اعيالي ... هنادي : يو ما احب الازعاج ياختي احملي وربيهم بعيد عني .. الكل : ههههههههههههه مضاوي : وش تبغين يااماني بتوائم ؟ اماني وهي تشوف لولوه ونوفا : ابغيهم نسخه مثل خواتك محدن يميزهم .. لولوه : بالعكس لبناتك او ااولادك بيكرهونك والسبب التشابك مضاوي : اصلا نوفا ولولوه يتهاشون والسبب التشابه مرات ابوي ما يميزهم ..ويغلط فيهم ويزعلون ..وحتى الاستاذات يسبون نوفا يحسبونها لولوه وياما اغلطلوا بدرجاتهم والسبب التشابه .. لولوه : تتذكرين نوفا لما نتبادل الحصص بالمدرسه ؟ نوفا : ايوه اتذكر وكنت خايفه وانتي عادي ولا يهمك واتذكر مره قربت مني استاذة العربي وقال لي غريبه وحي جايك اليوم ما نطقتي ولا كلممه الا اقوم واصيح عندها وافضحك .. لولوه : هههههههههههههه واخذت تعهد ما نسيته .. اماني : يويويويو اجل اثارها قويه .. هنادي : تحملي اجل .. مزنه : ههههههه والله رحمة حلكم وانا اقول ونااسه اثريها تعب بكل الحكايه .. نوره : مزنه وش رايك تسوين لنا الحلا ذاك اللي تسوينه عند خوالي ؟. اندى : عاد مزنه عندها حلويات مصريه انما ايه تجنن .. مزنه : اكيد بكسبها من الغاليه .. نوفا لاول مره تصير ملقوفه : تعرفين تسوين كوشري ؟ مزنه : ايوه اعرف ..تبغينه .. مضاوي : ههههههه وش فيك نوفا اول مره اسمعك تحبين الاكل .. نوفا : لا والله ما ابيه بس اسمع عنه ولا عمري اكلته .. نوره : ابشري انا بسويه لك تراني تربية امي واعرف اطبخ .. هنادي : عزالله ماشاءالله عليكم شوفي لا تقولين احسد اختك يامزنه ترا ذكرت الله .. مزنه : ههههههه عادي ياختي حفظة الاصطوانه .. عن خواتك .. هنادي : وربي ليت امي ما جابت هيا ونجوى وربي الاختين عيت اتاقلم معهن ياختي منطويات لدرجه غريبه شوفيهم كلهن جالسات على النت وووين بالمجلس الثاني .. مزنه : وش رايك مضاوي تدخلين معي المطبخ انتي ونوفا اعلمكم الكوشري ..مع حلا مصري اسمه جوز الهند .. مضاوي ..: يالله ماعندي مانع احب اتعلم بس لو تبغينها تحب الطبخ جد نوفا .. نوفا : ومن قال بخليك تروحين معها بروحكم الا وانا ناشبه باتعلم معكم .. مضاوي : هههه وانا اقول معقوله ما تكلمت نوفا .. لولوه : وشهو طبخ مدري ما احبه .. عهود : يو اجل اخوي فهد بيموت ما اكل .. لولوه : وش خص اخوك فهد فيني ,. مضاوي وهي تقرص عهود عهود وهي تميل لمضاوي: اي اوجعتيني ليه هي ما تعرف بامر الخطبه شي ؟ مضاوي وهي تشد باسنها وبصوت منخفض : لا يالغبيه اسكتي لا تخربين جلستنا بعدين اقولك ,. لولوه بشكل شوي منفعل ..: انتوا وش تتهمسون عليه وش فيكم ..؟ مضاوي : ولا شي يالولوه بس تقول بضحك مع لولوه وبشوف ردة فعلها .. لولوه تتنهد بطمانينه : خير ان شاءالله وش جاءك معي ياخت عهود .. عهود : ولا شي بس حبيت ارعبك .. لولوه بنفعاليه : يعني تخوفيني باخوك .. مضاوي بشده : لولوه البنت تضحك خلاص فضيها سيره .. لولوه : ما سمعتي وش قالت ..؟ مضاوي : سمعت وخلاص البنت تضحك .. لولوه بصوت خفيف : اي خير ان شاءالله تضحك .. مزنه وهي تغير الجو مع ندى : .. مزنه : ندوووش ترا نواف يبلغني سلام حاار للغالين .. ندى بستحاء : جد والله وبلغيه تحيات الغالييين تكفين يا مزنه مزنه : افا ما طلبتي شي بس حني عليه شوي تراه اخوي الغالي .. هنادي : اي وش عليك يا مدوش تحيات وسلامات من الحكيم باشا .. اماني : قال وش قال حكيم باشا اقول انقلعي انتي ويااها ..توكم اول سنه خطبه والثانيه جوازه ...ما تعرفون مالسر بعد ذالك لجحيم .. هنادي : ياختي لا تحطمينا خلينا بالعسل .. مضاوي : وشهو ما صار لك سنتين متزوجه ..؟ هنادي : دام ما جاني خلفه توني عروس .. عواشه :شوفي اول خلفه بنت سميها عواشه على اسمي .. عهود تمسك اذنها : نعم..؟! وش..؟ اسمه عيدي اخت عواشه ؟ عواشه : اي اي اي اي عواشه وش فيك ليه اسمي ماهو عاجبك يا ست عهود ؟ نوره : لالالا هنوده سميها نوره ودلعيها النوري .. عهود وهي تمسك اذنها الثانيه : كملتيها يعني ياجارتي ..؟ هذي زوجة اخوي وبنت اخوي المنتظره اسمها على اسمي سامعين ولا اكفخكن مع كروشكن اللي ما حلاها ربي ..؟ نوره وعواشه وكل وحده تشوف كرشتها : هههههههههههههه مضاوي : يويويويويو شكل عهود منتي هينه مخوفتهم .. عهود وهي تسمي بلوزة عنقها وترفع دقنها للاعلى : علبالك وشهو لولوه خانواا .. لولوه وشبت النار : نعم انتي وش فيك معي .؟؟ مضاوي : ياحوووووووووول عهود سكري الموضوع يرحم امك اختي ذي ممنوع عندها الضحك , لولوه : انا بروح اتمشى ..وتطلع من الغرفه وشكلها جد متضايقه .. عهود وهي تلتفت لمضاوي : والله مو قصدي اضايقها يامضاوي ..ّ!! مضاوي : عادي ياعهود متعودين على مزاجها ولا تجيبين سيرة فهد تراها تكرهه وتبغضه .. عهود : عرفت ليه تبغضه بسبب الكف اللي عطاها ... نوفا : غيروا السالفه .. وانا بروح اشوفها وين راحت .. اماني : اسفه يا مضاوي .. مضاوي : ليه تتاسفون طبع اختي وعارفه اصلا هي رافضه تتقبله وخصوووصا بعد لعبه عمي اللي لعبها باول جيتنا ..؟ هنادي : ما الومها وربي انسان اول ما جيت كرهني فيه كيف احبه او اتقبله بس مضاوي راح توافقين على الخطبه .. مضاوي : اممم لكل حادث حديث يا هنادي .. اماني وهي تعجب بكلام مضاوي وحكمتها اكثر واكثر .. خارج بيت لمزرعه.. لولوه تلتفت وتشوف محدن يتابعها وهي لابسه جلالها وملفعها وبنطرون جنز ازرق غامج وتي شيرت على غتره (شماغ ) ..وتختفي داخل الشجر بالمزرعه , نوفا وهي تتجه خلف بيت المزرعه وكانت لابسه نفس اختها بالضبط حيث ما يميزهم شي غير الاختلافات الخفيفه .. وهي تلتفت حولها تدور لولوه .. وتحس انها ضيعت الانها ما تعرف طريق المزرعه عدل .. وهي تمشي وكان في شخص يتبعها .من غير ما تحس بنفسها .. وتمشي وهي خايفه ودموعها بوسط محجرها شوي وتصيح .. نوفا : ياربي وين رحت ...؟ اتذكر اني جيت من هنا لكن وين الباب المزرعه هذا البيت ياربي ... فهد : ههههه قلت لك مصير الحي يتلاقا .. نوفا تلتفت بخوف من صوت الرجولي الخشن والا تشوف رجال خلفها ما تعرفه ..: م م م ممم نووووو ان ن نن ننت ..؟ فهد : وش فيك .؟ لا تقولين الفار اكل لسانك ؟ نوفا : تكفى انا ضعت ماعرف وين البيت .. فهد : اها البيت وينه دوري غير هالعذر ياحلوه .. نوفا : والله والله ضيعت الطريق فهد بستغراب : وين لسانك السليط غريبه ما ذقت منه مسبه للحين ..؟ نوفا وعضامها ترجف : ابي ارجع للبيت فهد بضحكه : ههههههههههههه مافي رجعه قبل لا اذوق منك عربون .. نوفا خلاص الدم جف عندها : وشهو العربون ؟؟ فهد : تعجبيني وانتي هاااديه وتسمعين الكلام .. نوفا : وشهو مافهمت ؟ فهد ويقرب منها اكثر واكثر لين لصق جسم نوفا بالشجره : بتشوفينه بعينك .. وهو يحط يده على جذع الشجره واليد الثانيه حاطها على خصره نوفا تصيح: يمااااااااااااااااااااااا اا فهد : وشهو امك ياروح امك انا قررت ادبك واقطع لسانك واعلمك منو فهد وشوفي من الحين اخبرك اذا رفضتيني بقطع راسك والله يا لولوه نوفا : انا انا نوفا .. فهد : ههههههههه تضحكين علي وتمثلين لا يا قلبي انتي ماني غبي او خبل وهالتمثليه مثليها على غيري بكي وخوف ولسانك السم مخبيته والله لطلعه لك يالولوه .. نوفا : وربي انا نوفا ماني لولوه .. الا صوت وراء يقوله اترك نوفا يافهد ... الكل انصدم بالصوت رجولي القوي فهد ورجع يدينه وابتعد شوي عن نوفا اللي كان يظن انها لولوه .. نوفا عجزت تتحرك شبر واحد من الخوف وهي تشوف الرجال اللي قبالها راح يحطمها اكثر واكثر .. ودموع بعينها عيت توقف .. ولكن اكتفت بكلمه ..وحده وهي اسم هالرجال .. فهد بدهشه : ناصر ...!!! ناصر : تعالي يانوفا ..وبعدها يلتفت لفهد .::::. وانت ماتعرف تميز بينهم .. ونوفا تركض لناصر وتوقف خلفه و ماسكه طرف ثوبه وهي تبكي بشده .. فهد : هذي لولوه وانت تعرف اني مخطوبه لي ..!! ناصر بعصبيه وبقوى : هذي نوفا يافهد ...!! يعني بتتزوج وحده وانت مو عارف الفرق بينها وبين اختها .. ؟؟ فهد : هههه ناصر صدقني هذي لولوه وعرف تمثلياتها .. ناصر يلتفت لنوفا ويمسك يدها ويرفعها وهو يرد عليه: شوف اظافرها بتعرف بينها وبين اختهها وشوف اسلوبها وتعرف بينها وبين اختها .. وشوف عيونها وتعرف الفرق بينمها وبين اختها .. فهد منصدم : وانت كيف عرفت الفرق بيوومين ؟ ناصر : هههههههه ما يبيلها ذكاء ياولد خالي .وانت تعرف وتسمع انهم توام لازم تعرف الفرق بينهم .. ويسمع صوت نوفا ميته رعب .. فهد وهو يقرب منها : انا جد اسف وعلى بالي اختك ام لسان .. نوفا وهي ودها تصيح اكثر يوم قرب لها وتمسك ثوب ناصر اكثر واكثر .. وناصر مبسوط من مسكة ثووبه .. فهد : وربي اسف بس امانه هالسالفه بيني وبينكم على بالي لولوه كنت بادبها .. نوفا بعصبيه : اذا بتادبها لا تجيها بهذا الاسلوب الانك ميه بالميه بتخسرها اكثر واكثر .. وهي تبغى تهرب منهم .. الا ناصر قريب منها : وين بتروحين يا نوفا .. نوفا : بدور على اختي لولوه .. فهد يقرب لها : اسف يا نوفا ماكنت اعرف الفرق لكن الحين عرفته ووضح لي كثير .. بس امانه هالسالفه بيني وبينكم .. ناصر : لا تخاف يافهد لكن بالمره الثانيه افتح عينك وشوف الفرق .. ويلتفت لنوفا : وين بتروحين بتضيعين مره ثانيه تعالي بروح معك .. فهد بعد ما تاسف قال : خلاص اجل انا بروح ادور عنها واسف للمره الثانيه يانوفا .. نوفا : حصل خير لكن بالمره الثانيه لا ترعبني وصدقني من اول حلف .. فهد : يافرقووووا اثريني ببتلش بكره يوم اتزوجها .. ناصر : شوف انت حط علامه بزوجتك عشان ما تغلط على حقوق الغير .. فهد وهو يضحك ويقرب من نوفا مره ثانيه ويهمس لها : وشهو الاسلوب اللي بيقربني من اختك ما علمتيني ..؟؟ نوفا تشوفه بخوف : هااااا .. ههههه لا هذي اسرار دوله وممنوع الكشف عنها .. فهد : هههههههههههه طيب اخليكم مع السلامه .. ويروح فهد .. ويلتفت ناصر لنوفا : ها وش رايك فيني ..؟ نوفا وجسمها بدا يرتجف مره ثانيه : انت قلت بترجعني ؟؟ ناصر : وهو يجلس على الشجره : وانتي ليه خايفه يعني باكلك ؟ نوفا :لا بس ابي ارجع اكيد انه لولوه رجعت البيت .. ناصر يوقف ويقرب منها " وش رايك نتمشى وناخذ ونعطي بالكلام ؟ نوفا : انا مو من البنات اللي تظن .. ناصر : انتي بنت خالي وعن قريب زوجي .. نوفا وهي منصدمه : وشهو زوجتك .. ناصر وهو يمسك يدها ويقرب منها : نوفا وش رايك فيني ..؟ نوفا : انا بعدي صغيره وما افكر اتزوج يا ناصر .. ناصر وبجديه : انا بكلم امي الليله وابيك تفكرين .. وصدقيني يانوفا انك دخلتي قلبي من كنتي في المستشفى .. نوفا : .............. ناصر : نوفا انا قصدي شريف لا تظنين الشينه فيني ..؟ نوفا : انا ابي اكمل دراستي تكفى ياناصر .. ناصر : يعني افهم اهم شي انك موافقه ..؟ نوفا : قبل لا اكمل دراستي اقولك .. ناصر : بس خطبه وبعدها ملكه وعرس .. نوفا : انت ليه مستعجل وبعدين انا ما ادري وش مصيرنا هنا .. اذا لولوه ببتزوج فهد مقصوبه واختي واعرفها مستحيل ترضى بفهد اذا هذا اسلوبه .. ناصر : مالنا شغل باختك يانوفا انا اكلمك عني وعنك .. عن حياتي معك وحياتك معي .. نوفا : انا ما قدر اعيش معك اذا خواتي ما استقروا .. وكيف افكر اتزوج واختي الكبيره بعدها ما جاها نصيبها واختي الثانيه بالسجن مستحيل اتزوج وليلى ما طلعت من السجن .. ناصر : انا قلت لك خليها خطبه .. نوفا وهي تشوفه بعينه اصراره وتحديه على الزواج .. نوفا : وليه انا انا بعدي صغيره . وابوي مريض واختي بالسجن وانا ماعرفتكم لحد الحين كلها اسبوع اللي جلسنا فيها عندكم ..كيف بعرف طبعك .. ناصر : طبعي بتعرفينه يوم تعشين معي بسقف واحد انا احبك يانوفا احبك متى بتفهمين هالحب .. نوفا : لكن انا ..!! ناصر : انتي وشهو ..يعني ما يكفيك اني قلت لك اني احبك..؟ نوفا : انا اخاف من هالحب اللي تقوله . ,. ناصر باحساااس: صدقيني اني صااادق معك يا نوفا ..ولو بكذب عليك ما قلت بتزوجك وكان لعبت معك مثل ما يسوي بعض الشباب .. وثانيا انتي عاري بنت خالي والي يمسك يمسني يانوفا .. نوفا : اخذني للبيت .. ناصر : بس انا ما خلصت .. نوفا بترجي اكثر وبدموع : اخذني للبيت اخذني للبيت تكفى .. والدنيا ظلمت وبدات تخاف نوفا اكثر .. ناصر وهو يسكت ويتحرك وبعد ترجي نوفا : يالله بنمشي بس قبل لا امشي ابيك تفكرين بالموضوع .. وتمشون الين وصلها لباااااب البيت وهو يرجع اللخيمه .. الا يقابل فهد .. الا يشوف الكل يصلي .. ويصلي صلاة المغرب معهم .. وبعد ما انتهوا من الصلاة الا ناصر يجلس جنب النار .. ويجلس معه فهد .. : فهد والضحكه ماليانه الوجه: اشوفك جيت متاخر عسى ماشر..؟ ناصر : ماشر رحت اتمشى وجيت .. فهد : علينا يالله عاد عيونك بغت تذبحني يوم شفتني معها .. ناصر يلتفت بسرعه له وكانه فضح نفسه من جديد : وش عليك انت انا ما طلعت عيوني الا يوم شفتك كيف لازق جنبها ..؟ فهد : ولد عمتي وعارفك عدل عيونك تفضحك .. لكن دامها عكس اختها انوي وسم وتوكل وانا اخوك .. ناصر : ........... فهد : شف ياناصر بتضحك على غيري ماعليه.. اما علي انا العبها مع غيري مشاعرك وعيونك فاضحتك واللي اثبت لك الدليل انك ميزتها عن اختها بعيونها واظافرها اللي انا مافرقت بينها وبين اختها .. ناصر يتنهد ويهمس : شفتها قبل لا اعرفها وحبيتها من طبعها .. فهد : جد والله متى ؟ وهي تعرفك يعني من قبل ..؟ ناصر : لا اتذكر مره جيت اخذلي شاب بحاره الي ساكن فيها عمي .. الا بنت تطلع بوجهي وتتطلبني اخذ اخوها للمستشفى .. وطبعا ساعدتها من غير مقابل وجلست عندها وشفتها ماتعرف شي بامور المستشفيات ومشيت باوراق اخوها الا انصدم لما قالت للدكتور اسمها جد انصدمت .. ومع انه الرجال اللي مواعد معه عطيته سبعين طاف وهو مات وهو يتصل رفضت ارجع له وجلست معها وربي اعجبت باسلوبها وحتى بدموعها وكيف كانت خايفه على اخوها ماصدقت عيني باني اشوف بنت خالي جدامي وما عندها رجال جنبها .. ما اكذب عليك من هذاك اليوم حبيتها .. وهي تشرح ظروفهم ... حبيتها بيني وبين نفسي .. وزادني هالحب يوم اشوفها من غير ما تدري .. فهد يضربه من خلف ظهره : اثريك طايح بالحب وانا مدري .. الا يتكلمون الشياب : ..ويسكتون الكل .. ابو عبدالوهاب .: ها يا متعب وش رايك بربابة عمك .. متعب الصغير : عادي استعملها .. ابو متعب :وشهو في احد بيضربك اخذها ولا تخاف .. متعب : اخاف مضاوي تعاتبني .. مشعل : شكل هالمضاوي مخوفتك .. انت رجال ما تخاف من الحريم .. ابو مشعل : مشعل خله هذي اخته ولازم يحترمها ..وخذ يابوك ولا تخاف من احد ومضاوي انا بكلمها .. حمد : وشهو هالخوف من حرمه ... متعب الصغير : هذي مضاوي اختي ماهي حرمه عاديه .. متعب الكبير : ههههههه الله يخليها لك وغيروا السالفه .. مشعل : وش رايك يا متعب تلعب معي كوره ..؟ متعب الكبير : وشايفني بزر اقول مافيني شده العب .. مشعل : وهي احد كلمك انا قصدي مشعل الرجال ولد عمي عبداللطيف .. الكل : ههههههههههههههه حمدان : هذا الغلط في العايله يوم يكون اسمين متكررين .. فارس : شوفوا ياخواني من الحين لازم نقرر وش نسمي اعيالنا .. ابو حمد : وش بتسميه على ابوك عبدالله .. يقاطعه ابو متعب : ابد انا من الحين اقول لعيالي محدن يسمي باسمي لا بحياتي ولا بموتي .. الكل : بعد طولت العمر ان شاءالله .. حمدان : انا بسميهم : لافي وملفي .وصقر واذياب وارماح .. فارس : حشى وش هالاسامي .. حمدان : اقولها لكم من الحين لحدن ياخذ هالاسامي .. مشعل : ول ذبااح وش هالاسم والله بتسبب له عقده من يولد .. متعب الكبير : انا بسمي اولدي على عمي عبد اللطيف وش رايك يامتعب الصغير ... متعب : انا ماني صغير وثانيا انا ابو عبداللطيف لا تاخذ اسمي والحين تاخذ اسم ابوي .. الكل ضحك .. ابو حمد : ههههههههههههه لا والله ربحنا متعب الصغير وغير هذا نفس الاعيال .. متعب الكبير : الاني احبك بسمي نفسك .. متعب الصغير : لا تحبني ياخي يعني بكره اذا بتزوج ببتزوج زوجتي .. متعب الكبير : شف عاد من الحين اخبرك مابتتزوج الا بنتي .. متعب الصغير : وينها بنتك خلها تطلع من بطن امها وانا ازوجها اولدي .. الكل ضحك : وليه متى بتتزوج يا متعب عبداللطيف .. متعب الصغير يضحك : انا بس يطيب ابوي بتزوج .. الكل : ما اشاءالله ابو متعب : خلاص مهرك علي بس انت حدد المرا .. حمدان وفارس ومشعل : زفتك علينا .. فهد وراشد : عشاك علينا .. نواف : ما يصير وانا وش اسوي .. ثامر وهو يضحك :ههههههههههههههه انت عطه سيارتك .. نواف : لا والله مرسيدس تبغاني اعطيها احد رح زين .. ثامر يشوف متعب الصغير : انا بعطيك مني لك سياره لكن بشرط .. متعب وهو يستغرب : وشهو الشرط .. ثامر : تاخذ الشهاده واجيب لك السياره اللي تعجبك .. متعب بساعده : جد والله .. ابو متعب : الا ياثامر وش صار ببنت عمك .. ثامر :ابد الامور طيبه والحمدالله .. ابو حمد : وكيف وضاعها الحين ..؟ ثامر : الحمدالله بدات تتاقلم عالسجن .. ابو مشعل : لا تقصر فيها يا ثامر .. ثامر : ابد ياعمي اشهدني اعاملها غير عن الكل والكل ملاحظ .. ابو متعب : وكيف قضيتها والمحامي .. ثامر : حاليا ماسك قضيتها مع واحد من ربعي وطمني بانه بتنحل .. ابو متعب : يالله عسى تطلع برائه .. ابو حمد : وش صار بالمحامي اللي قلتلك عنه ؟ ثامر : جاني اليوم وكلمته وعطيته كل الاوراق وقال ماله داعي يشوف ليلى دام كل شي عندي ..ورفيقي ماسك قضية المخدرات للمشتبهه فيها ابو متعب : كويس.. يعني ماقالوا لك متى القضيه .. ثامر : ما اقدر افتح قضيه قبل لا اجمع الدلايل وبراهين .. ويتحسن وضع ليلى شوي بالسجن .. ابو متعب : توك تقول انه وضعها زين ,. ثامر : بالسجن فيه اشياء مايعرفها السجين نفسه .. بين كل 12 سجينه بزنزانه وحده فيهم جاسوسه ماهي سجينه جد .. ابو متعب : وشهو ما فهمت .. ابو حمد : قصده انه في وحده حاطينها الشرطه تعرف اخبار السجينات ..وتعطيهم معلومات عن كل سجينه .. ثامر : عليك نور .. ناصر : وش تستفدون منها .؟ ثامر : عاد ذي اسرار المهنه واسمحلي ما قدر اكمل .. حمد : طيب يعني في امل انها تخرج ؟ ثامر : كله يتعلق بالمحامي والدلايل .. ابو مشعل : باذن الله بتطلع .. ابو حمد : باذن الله متعب الصغير : بروح العب كوره .. حمدان وراشد : يالله بنروح نلعب ونشوف من يهدف الاول .. نواف : بروح معكم يالله بنفلها رياضه بهالليل .. فارس : والله ودي اطلق رجليني يالله انا قايم معكم .. ويطلعون ( متعب الصغير .. وحمدان وراشد ونواف وفارس ..) ابو متعب وهو يلتفت لحمد : وانت منت ناوي تتزوج وتفرحنا ..؟ حمد : لاحول شكلي بقوم .. ابو حمد : عبدالله لا تتعب وترفع ضغطك عليه ترا مبلشني وتعب حلقومي منه راسه عص ولا هو مقنع باللي اقوله له .. حمد : سالفة العرس تعرف اني ما اطيقها وليه تفتحوها .. ابو متعب وهو يقرب منه : وش رايك ازوجك والله يهديك .. حمد يتنهد بقوى : سالفة العرس ما ابغيها .. ابو حمد : يا عبدالله خله وربي بشيب راسك ولاهو سامع منك كلمه .. ابو متعب : ليه يابوك خل ابوك واسمعني انت تشتكي من شي ..؟!!! حمد : لا ابد مافيني الا العافيه ياعمي تطمن لكن سالفة العرس ما ابيها .. ابو متعب : طيب في بالك وحده تبغيها ..؟ حمد : عمي انت تعرف السالفه لكن منت ناوي تفتحها من جديد .. ابو متعب : لاحووووووول لا يكون السالفه اللي من خمس سنين ابو حمد : هي هي ما تغيرت ومصمل على راييه .. حمد : وش ينفع يا يبه البنت راحت بطريقها .. ابو حمد : وانت لحد الحين تفكر فيها .. حمد : وانا قلت لك ماني متزوج الا هي ... مشعل : يا حمد خلاص السالفه راحت والبنت راحت دور لك بنت الحلال اللي تشغلك عنها .. ابو مشعل : لاحووول يعني انت منت راضي تتزوج الا من هالبنت خلاص انت قلت البنت راحت وش تنتضر تتطلق علشان ترجع لها ؟؟ حمد : البنت ماتت وش اللي يرجعني لها .. الكل انصدم وحتى في موتها يدري عنها .. لهدرجه يحبها حمد وش هالحب ياحمد وش هالحب .. ابو مشعل : طيب علشان خاطر ابوك تزوج .. ابو حمد : بموت وانا ماني راضي عنه .. حمد : بعد عمر طويل يايبه لكن انت تعرفني.. ابو حمد : لا انت ما تسمعني ولا تراضيني وبكره بس يجون لك اعيال بتعرف انا وش اقصد بمصلحتك وياليتهم ما يطعونك وتعرف وش يقهرني وتجربه .. حمد : وش اللي تبي يايبه عشان ابرهن لك اني اسمعك واحبك لكن كل شي الا الزواج .. ابو حمد : وانا ما ابي تبرهن الي الا يوم تتزوج .. حمد وعلامة الياس بوجهه ..: انت تلوي يدي يايبه .. ابو حمد : دامك تبي ارضاي تزوج ولا بزعل عليك طول عمري وما برضى .. حمد يتنهد وهو يالله يخرج الكلمه : على امر يا يبه اهم شي راضك .. ابو حمد : ابيك تتزوج مضاوي بنت عمك اول ما نرجع من المزرعه .. الكل انصدم من قرار ابو حمد السريع .. حمد : وشهو بهذي السرعه يايبه .. ابو حمد : اي ابي اخوي عبداللطيف يفرح قبل لا يحل يومه .وابي اتطمن عليك مثل ما اتطمن على بنت اخوي .. ابو متعب : خيرن سويت يا بو حمد ومضاوي تراها ياحمد بنت ماشاءالله عليها واذا ناوي وملازم بخليك تشوفها وبتعرف بانه ابوك يبي لك الخير .. حمد وبداخله صدمه .. مضاوي بنت عمي عبداللطيف لا لا ما ابي اظلم احد معي ليه كذا بتصعب المساله ,, ابو مشعل : يالله واخيرا نقول مبروك .. حمد سراحان : ...... ابو حمد : انا ابي من قلبك ياحمد ما ابي كلام ..؟ حمد بتنهد : باذن الله اهم ما يلزمني انك تكون راضي عني يا يبه .. ابو حمد : راضي دامني اشوفك سعيد ومستقر في حياتك .. شف مشعل هذا رفيقك ومتعب كلن تزوج الا انا ما فرحت فيك .. حمد وماهو عاجبه الوضع : بتفرح قريب ... ابو متعب : يالله اجل لما نطلع من المزرعه بزف لهم الخبر وباخذ راي البنت .. حمد وفي قلبه جعلها ترفض .. وهو ماهو ناسي حبيبة قلبه "اوصاف " وبنته جووود .. وش يقول عن السر اللي دافنه بين حشاياااه خمس اسنين ما خبر احد بزواجهم .. بعد ما رفض ابوه تزوجيه اخذها وتزوجها وحملت وخاف يخبر ابو ويطرده مثل ما سوى عمه عبداللطيف بغلطته .. وبعد ولادة زوجته ماتت وخبى الامر زواجه وبنته اللي عايشه بشقه مع مربيتها .. وهو يتمنى يشيل الهم اللي شايله من خمس اسنين .. كانه جبل على قلبه .. وحلف ما يتزوج غيرههاااااا ولا يحب بعدها انسااانه .. لكن نجوى ياحمد وش بتسوي فيها ...!!! _______ 11 الصبح من اليوم الثاني ... الكل ما نام الا متاخر البارحه من سهر البنات ولعبهم بالمطبخ وسهرهم بالافلام والورق .., حتى الشبااب ما ناموا الا بعد ما خرجوا السكون اللي داخلهم ..وطيران للصبح .. والشياب والعجايز الوحيدين صاحين مبكر ,,, والحريم جالسات يسوالف ويضحكن بالحوش البيت .. الا تدخل عليهم حرمه .. :: ......: ياهووووو ياعرب يالعالم وش هالسكون اللي خيم عليكم .. ام مشعل : ياهلا والله ببنتي ثريه .. ام حمد : ماشاءالله عليكي يام مشعل بتانيه عرفتيها انها ثريه .. ام متعب : ثريه معروفه نبرت صوتها وبنتاها صياحهم خلفهم واااااااع .. وتقدم ثريه وتسلم عليهم وتجلس معهم وتوريهم بناتها التوام صفاء ومروه .. ام حمد : شكل العايله دي فيها توارث باللتوائم .. ثريه : صج يما بنات عمي ثنتين توام يتشابهون كثييييييير .. ام حمد : الله دانتي ما شفتيهم لسه بس انصحك ما بتشوفيهم الانه صحيح بيشبهو بعض لكن فيهم اختلاف بااسلوبهم كتير .. ام مشعل : اي والله عندك لولوه عوبه .. ونوفا هاديه .. وضحه ام ناصر : وش اخبارك يا ثريه وش مسويه .. ثريه : والله بخير يالغاليه بشريني عنك وعن اخبارك .. ام ناصر : اب بخير ونسال عنك .. الا تسمع وحده من الخدامات تنادي ام ناصر .. ام ناصر : خير ياميري منو يبيني ؟؟ ميري : بابا ناصر .. ام ناصر : خلاص قوليله جايه .. وجد بعد ثواني قليله قامت ام ناصر وراحت لولدها .. ام ناصر : خير ياولدي وش فيك .. ناصر : وش رايك يايمه نتمشى بالمزرعه شوي .. ام ناصر : وش عنك ياناصر ؟؟ فيك شي ؟؟ ناصر : ابد يالغاليه لكن ابي اتمشى معك .. ام ناصر : والله اني اعرفك ما جيت تمشي مني والطريق .. ناصر : الشمكله فاضحتني يام ناصر .. ام ناصر: اولدي واعرف يالله بجيب جلالي واجيك .. وتروح تلبس جلالها وتروح مع ولدها تتمشى .. ام ناصر : بتسكت لمتى ؟؟ ناصر : بصراحه ماني عارف كيف افتح الموضوع لك ..؟ ام ناصر : قل واحسبني ماني جنبك وتكلم ياحبيبي .. ناصر : بصراحه انا جيت اشورك بموضوع .. وضحه : وشهو ياناصر لا يكون خالك فيه شي ؟ ناصر : ابد مافيه الا العافيه لكن يخص وحده من بناته .. وضحه : مافهمت .. ناصر : خابرك ذكيه يام ناصر .. وضحه وهي فاهمه لكن تبي توضيح اكثر ..؟": مافهمت وعلمني .. ناصر : انا ابي بنت خالي على سنة الله ورسوله.. وضحه : هذي الساعه المباركه ومضاوي ماراح تلقى احسن منك .. ناصر : الله يهديك يايمه انتي فهمتي غلط .. وضحه بخوف: وشهو اجل ؟ ناصر : انا ابي اختها نوفا .. وضحه : لكن ياحلاتها مضاوي وش فيها وقريبه منك ونوفا صغيره عليك .. ناصر : مضاوي خطبها امس حمد ولد خالي وانا ابي نوفا .. وضحه : جد والله وغريبه ام حمد ما تكلمت .. ناصر : يمه السالفه بين الرجاجيل مااوصلت للحريم لكن ما ابيك توصلينها لهم.. وضحه : والله اني تمنيتها لك لكن انت الله يهديك .. ناصر : انا ابي نوفا وضحه : وكيف تبي نوفا واختها تشبهها .. ناصر : لا اميزها بين سبعين شبيه يايمه .. وضحه وهي تضحك : من متى ياولد حماد تحب .. ناصر : قبل لا تشوفينها يايمه .. وضحه : اشهدنك نفس ابوك لما تحب ما تعرف تخبي ههههههههههه يالله متى ناوي .. ناصر : ابيها خطبه لما تخلص من الثانويه نملك ونتزوج .. وضحه : زين سويت .. ناصر : اهم شي انتي راضيه علي .. وضحه : دامك بتستانس معها انا مبسوووطه واسعد انساانه اني بشوفك معرس ولابس هالبشت .. ناصر وهو يحب راسها : ما قدرت انام قبل لا اكلمك الاني ناوي اخطبها قبل لا تروح مني .. وضحه : ماشاالله مضاوي لحمد وفهد لولوه وانت لنوفا ..ما بقى الا لليلى ...ياربي يرزقها ويسهلها عليهم ..واتطمن عليهم يارب ناصر : امين يارب ويقر عينك باخوك .. وضحه : ياربي يالله ويسمعك منك يا نويصر .. ناصر : خلاص تبين شي يالغاليه قبل لا انام .. وضحه : اجل انت ما نمت ..؟ ناصر : اقولك من البارحه الموضوع يشغل بالي وخفت تطير عني قلت اقولك قبل لا تطير الطيور من اعشااشها .. وضحه : الله يهينك ياولدي ويهنيها فيك .. ويروح ناصر للغرفته وتكمل الجلسه ام ناصر مع العجايز وتروح ثريه لغرفة البنات وتضرب البااااب بشكل قوي الا الكل صاحي من الازعاج والكل بصوت واحد : ثرييييييااااااا ومضاوي منصدمه منهي هالثريا ...؟ (( وش تتوقعون بالاجـــــزاء القــادمه ؟؟؟ ))) | |||||
|
| |
|
24-05-11, 06:46 PM
| #23 | |||||
| روايتي مؤسس ومشرفة سابقة وقاصة في منتدى قصص من وحي الاعضاء
| الـــــــــــجـــزء الخـــــــــــامس عشــــــــر ---------------------------------------- الساعه 12 ونص .. لم يتبقى شي للسعاده فقد انتظرها طويلا وكثيرا .. لايوجد امل لعودة الطير الى عشه ..! فقد دخل الياس بداخلي بين هذي الاسره والوجوه الكئبه المنتظره الفرج منها القريب ومنها البعيد الذي يعد اصابعه ويرسم على الجدران صورهم كي لا ينسى من احب ..!! فانا قد نفذ صبري وأريد الخروج الان الان ..!! فقد ياست حقا يأست لم احتمل جلوسي هكذا فانا ليلى البنت التي لا تعرف الياس تقع به .. اااه ياللهي كم خيب الظلم قلبي وسوده منظره ..!! لا اعرف اين هي مشاعري الان فكلها انخرطتت بين الدموع والرجوع .. وبين الاقناع بالصبر ..!! اين انا منها الان ..!! صوته كزئير الاسد يدغدغ مشاغري بالخوف .. وصورته كا المراءه أكره مواجهتها بيأسي وضعفي .. لا اريد المواجه.. والان القدر قد اختار ذالك ..! اين اذهب من صورته ومن كلماته التي قالها لي وانا بضعفي احسست بالاهانه ..!! لا ادري لماذا قالها وما هدفه ..! هل حقا يختبرني بها .. ام يحطم بها كياني وقوتي .! ولماذا اهرب من ذكر اسمه بين الجميع ..ولماذه نظراته القاتله الجائعه تحوط بي ..! هل حقا اصبحت ملهمته .! هل اصبحت فتاة احلامه بين يديه وبسجنه الخاص .! متى ما يريدني يراني مهزومه ضعيفه لا حول لها ولا قوته الا الاستعانه به ..؟ حقا يحلم ذالك بانني اذهب اليه واطلب منه المساعده فلدي رب لا ينساني ولدي امل لن يظعف .. واذا عن نظراته القاتله المتوحشه فانا لها باذن لله التي لا ينام وسوف احقق مبتغاي منه .. وسوف يرى من يلعب معه .. انا ليلى وسوف اكون له ليل يحلم بروية نهاره ...!!! تقاطع افكارها دلال دلال : ليلى .. وش فيك سرحانه .؟ ليلى تتنهد بياس : ههه افكر وش منظر الشجر والبيوت ...والعالم بالخارج ..!! هل تغير ..! افكر بجامعتي بمستقبلي باسمي بين الجميع بينحط قبله اسم السجينه ليلى قبل اسم الجامعيه ليلى ..؟ دلال : الدنيا تنسى بسرعه ياليلى ..! ليلى : وين سماح ..؟ دلال : لها زياره .. ليلى بتعجب : زياره ؟ دلال : يو ما سمعتيها امس اتصلت باختها وقالت تجيها ....! ليلى : هي ماعندها خوات ؟ دلال : مدري قالت اختها بتجيها .. ليلى : اخيرا جاء احد لسماح .. دلال : ليه هي ماعندها قريب ..؟ ليلى : اللي عرفته عندها اخوان بس .. دلال : غريب بس كاني سمعت اختها ؟ ليلى : لما ترجع بنعرف كل شي .. دلال : في شي ببالي ودي اعرف جوابه منك.. ليلى بستغراب : سمي .. دلال : الضابط ثامر ولد عمك طيب قوليله يساعدك بالقضيه ..؟ ليلى من اسمعة اسمه جتها حاله غريبه وهي تردد اسمه : ثامر ثامر .. دلال : اي ثامر ولد عمك خليه يساعدك .. ليلى : خليه يساعد نفسه .. هو شؤون اجتماعيه وقضيتي عند الضابط انور اصلا من البدايه هو ماله اي شغل غير نفسه ويامن لي احتياجاتي بس ويسال عن طلباتي ..! دلال : انتي متاكده ..؟ ليلى : وش عندك ؟ دلال : بس ما ادري ليه لما ترجعين منه تبكين ؟ ليلى تسكت وش ترد لها .. وش تقول ..؟؟ تقول لها بانه ثامر يحبها ؟ او ثامر يخدعها : او ثامر يهيناها باسم الحب بين قاتل ومقتول .؟ بين اسم رفع واسم نصب اسفله ؟ دلال : اسفه اذا سؤالي ضايقك يا ليلى .. ليلى : ممكن تتركيني بحالي ؟ دلال : انا جد اسفه .. ليلى : لعلمك ما بيني وبينه اي شي سوى انه ولد عم يحاول يساعد بالقضيه لحمل الفشيله اللي سويتها لهم ..! دلال برتباك : لكن انا ... اانا ما اقصد ازعجك بسؤالي .. ليلى : بقوى : خلاص جاوبت على سوالك خليني بحالي .. ومرت ساعه الا تجي سماح وهي تضحك وبيدها اغراض .. وتقرب من سرير ليلى وهي مبسوطه على الاخر .. وتناديها : ليلى يادبه قوومي جبت لك شوكولاته جواهر اللي تحبينها .. ليلى وهي تلتفت لسماح وتسالها بتعجب : وش فيك تاخرتي ؟ سماح : هع اسكتي الضابط وليد ذا نكته وربي تخيلي بعد ما راحت بنت اخوي جلس يسولف معي .. ليلى : بنت اخوك ؟؟ سماح بستغراب : وش فيك استغربتي ؟ ليلى : دلال تقول اختك جايتك .. سماح : والله هالبنت اخاف منها ؟اقولها بنت اخوي تقول اختي انا من وين لي خوات ؟ ليلى : وغريبه بنت اخوك جايتك ؟ سماح : مدري الشمس وين جايه تعرفين امس اتصلت على اخوي ابي اغراض لي الا تكلمني وقالت ابوها مسافر اسبوعين وراجع وقلت طيب المكالمه بالثواني وقلت طلباتي وبوقت الزياره عطتني اخبارهم وانه يادفع البلا كل شهر يمر في بيتهم يصيب واحد مرض ماهو عرفينه .. ليلى : ياحافظ وشهو باخوانك ؟ سماح : لا باخواني واعيالهم ..!! شفتي ربي ماينسى عبده دعواتي عليهم .. ليلى : استغفري يابنت .. سماح : وليه يعني اسامحهم على البلاوه اللي انا فيها ؟ وهم يضحكون .. ليلى : حتى لو عشان اعيالهم ؟؟ سماح : اعيالهم ولا واحد ذكرني وجابلي حاجه او جاء وزارني فيها وقال عمتي بالسجن نسال عنها نسلم بالعيد برمضان انا لي سنتين يا ليلى عمري ما شفت الا اخوي هذا يجي ويترك اغراضي ويمشي والغريب انه هالمره بنته جت وتسوالفت علي وتسوالف عن اخبارهم وبلاويهم ومرضهم اللي جاء والسبب انا اي اعترف انا ومن دعواتي لهم جعلهم ما يتهنون ومنها لاكثر يارب .. ليلى وهي تسكر فمها اكثر : استغفري يابنت هذولا اهلك مهما كان بترجعين لهم .. سماح وهي تسحب يد ليلى : اموت ولا اجلس هنا احسن مية مره من جلستي عندهم مذلوله .. ليلى بقلبها : اذا انتي مذلوله بالسجن اجل انا وشهو يفكر فيه ثامر سجينه ومذلوله يعني يضحك علي بكلامه ؟ وش اللي لازم افهمه من كلامه ..؟ سماح : بكره اذا طلعت بصير حديث الشارع حديث الناس اللي يفضحهم .. ليلى : انتي ما سويتي شي علشان تنزلين راسهم هذا كله من راس اخوك انتي وش له تنزلين راسك ..؟ سماح : ما تقولين لي وين اعيش وكيف بعيش ؟ ليلى تسكت عاجزه عن رد هالسؤال وهي تسال نفسها : وين بعيش ؟ وكيف بعيش بعد هالسجن هل بتعايرني الناس فيه .. ولا بيصير اسمي بدال " ال" المعرفه بصير نكره من غيرها ؟ والقب بمسجونه ؟ او المجرمه او المدمنه .؟؟ سماح : شفتي حتى انتي بتسالين هالسؤال لنفسك وبتقولين لا انا اختلف عنها ترا كلنا وجهان لعمله واحده وهي انثى لا ملجا لها ..! ليلى : خلاص يا سماح فكينا من هالسير .. سماح : المشكله حين نطيح بهالمشكله نقول ببنساها وبنفتحها بوقتها احسن .. لكن لما نفكر فيها ما نلقا لها حل وكيف اذا فتحناها بوقتها بننصدم بالواقع اللي ماله حل ؟..؟؟ ام جاسم : ليلى الضابط ثامر .. ليلى من اسمعت اسمه حست برعشه بجسمها وش تواجه وش يبغى الحين ؟ كل اللي يبغاها قلت له وش له يبغاني الحين ..؟ ام جاسم : بسرعه يابنتي الضابط مشغول بحاجات تانيه .. ليلى وهي تلتفت لسماح : اروح له ؟ سماح وهي جالسه وتفتح شوكولاته بيدها وهي تاشر بيدها يعني روحي .. ليلى وهي تقرب منها وتاخذ شوكولاته من سماح .. سماح : وين عطينيااهم نفسي فيهاذي .. ليلى : بس وحده بهدي اعصابي فيها يالبخيله .. سماح : اكلي نصها الاني مشتهيتها ومافي الا حبه وحده بالكرتون .. ليلى : خلاص اعوضك فيها بكره .. سماح : اي هين نشوفها عقب سنتين .. ليلى وهي تعطيها ابتساامه وتفتح الشوكولاته وتاكلها كلها .. وتمشي بالممر ويدها على قلبها وتفكر وش اخر خطط ثامر هالمره..؟ توصل لمكتبه وتطرق الباب ثلاث مرات الا تسمع صوت رجولي خشن : ادخل .. ليلى وقلبها يقرع كالطبول السرك ..وتدخل بهدوء وهي منزله راسها .. ووتكلم نفسها وش يبي فيني الحين ؟ ثامر بقوى بالخطاب : ليلى وش فيك منزله راسك انا كم مره قلت لك اذا دخلتي خلي راسك مرفوع.. ليلى وهي تحاول ترفعه : وش تبي فيني يا ثامر ؟ ثامر يتلذذ باسمه على شفاتها لكن يضغط على نفسه ويحاول يمحي الغلطه اللي فضح نفسه فيها . : عمري ما ناديتك لعب او لفضاوه اكيد لشي مهم لك ..؟ ليلى : كل اللي اعرفه من معلومات قلته .؟؟ ثامر وهو ياخذ حبة منديل ويمد يده .. تعجبت ليلى من حركته .واستقرت عينه بعينها وهي تسال : وش له المنديل ؟ ثامر وهو يرسم بسمه على شفاته تنسيه الوعد اللي قاله : شكلك توك محليه بشوكولاته بقاياها تحت شفاتك .. ليلى والخجل حمر وجها وهي تسحب المنديل وتمسحه .. ثامر : ما كنت اعرف انك تحبين الشوكولاته كذا وتنسين عمرك نفس البزران وتاكلينها بشراااااهه.. ليلى حست بعيرها وحبت ترد له الدين : هه مافي احد يكره الشوكولاته ولو احد جابلك شوكولاته لسويت نفسي وتركت بقاياها على شفاتك .. ثامر بضحكه : هههههههههههههههه تبغين الجد احب الشوكولاته وخصووصا بالعسل .. ليلى وعلامة استفهام بوجها : وش العسل ... ثامر : هههه جالكسي ابو عسل هذا غرامي .. ليلى حسته تمادى عليها وحبت تكسره شوي : جايبني هنا علشان شوكولاته ولا لموضوع ثاني ؟؟ ثامر يصنع القوى ويبدل ملامح وجهه : لا والله جاي اتسلا معك وش رايك يعني الاهل باجازه بالمزرعه وش رايك نجلس ونفرفش الانه مالي خلق اروح للمزرعه والمسافه طويله .. ليلى : جد الكل رايحين للمزرعه حتى خواتي ؟ ثامر: اي الكل حتى متعب امس ضحكنا معه وهو يلعب كوره .. ليلى : الحمدالله انه بخير يعني ماعاد هو متضايق .. ثامر : وشهووو متضايق ياختي من جابه عمي للمزرعه وضحكته ما نزلها .. ليلى : لا تحسد اخوي واذكر الله.. ثامر : ما قلنا شي بس حبيت اطمنك عليه اكثر ..؟ ليلى : طيب ومضاوي ونوفا وللولوه .. ثامر : لحظه ما اعرف الا عن لولوه .. ليلى بخوف : وش فيها ؟ ثامر : انها بتنخطب من ولد عمي عبدالله .. ليلى بدهشه : جد ....؟كيف ومضاوي خبله تزوجها الحين .. ثامر : الزواج ستر للبنت .. ليلى : لكن لولوه ما بعدها خلصت الثانويه ؟ ثامر : عادي امي ما تزوجة ابوي الا وهي عمرها 16 او اقل من اختك ..وهذي هي عايشه .. ليلى : انت تتخبل علي ؟ ثامر : لا بس انصحى بالزواج المبكر للرجل وللانثى .. ليلى تاخذ وتعطي مع ثامر ونست اللي بينها وبين ثامر وتضحك معه وحست جد تبي تسوالف تبي اخبار اهلها وهي تسال ويجاوب ثامر على اسئلتها .. ثامر : خلاص تاكدي انه ابوك بخير .. ليلى : عادي اطلع ساعه وحده بس اشوفه .. ثامر : اسف ما تسمح لي مهنتي اخرجك الا بقانون ؟ ليلى : طيب كيف وضعه الحين يعني يتحرك يتكلم اوشهو ؟ ثامر : اللي عرفته من عمي (عبدالوهاب) ابو حمد انه ما زال على الاجهزه وحاله ما ماتحتاج البيت الانه صعبه لكن يطمنونها انها مستقره .. ليلى : كيف بخير ووماهي صعبه وهم رافضين يخرجونه ؟ ثامر : مثل هالامراض المشلوله ما ينصحون يجلسونها بالبيت تحتاج عنايه كثيره .. ليلى : طيب وش صار على قضيتي .. ثامر يضرب راسه : زين كذا لي بنكمل الساعه بكلامه ونستيني وش جايبك له .. ليلى : اللي هو وش صار .. ثامر : كم تعطيني على الخبر .. ليلى : وشهو فلوس ؟ ثامر : لا انا كريم والحمدالله ما احتاج فلوس لكن محتاج وعد على هالخبر اللي بيسعدك متاكد .. ليلى بصدمه: وعد ؟ ثامر : ايوه وعد ابيك توعديني انك تجلسين معي ساعه زي كذا وتسوالفين معي منها نتسلا ومنها تسالين عن اخبار اهلك واخواتك ؟ ليلى توقف : وش شايفني وحده من الشارع تتسلا فيها ؟ ثامر بخوف : لا تفهمين قصدي غلط يا ليلى كل قصدي انك تغيرين فيها جو بدال الجلسه بين الحديد واللي اعرفه انك ما تطلعين للفسحه الي حطينها السجينات .. ليلى : وش يهمك .؟ ثامر : طيب ما بتعرفين الخبر ؟ ليلى : اذا بتقولي قوله من غير شروط او قوانين او حتى بوعود .. ثامر بخدعه ومكر وهو يقرب منها : يو انا اللي بحط القوانين وش رايك ؟ ليلى تحس انه يلعب بذيله : وش تقصد ؟ ثامر ويقرب منها اكثر واكثر لين قرب وحس بنفاسها تتضارب وبعدها يبعد بمكر ويلف عليها : يعني اللي عنده الخبر هو اللي يشرط ..!! ليلى : وش هالخبر اللي قوانين وشروط ووعود ياثامر ..؟ ثامر : خبر يخصك وبتفرحين بس تسمعينه ويمكن تنقزين من الفرحه بحضني .. ليلى وعيونها فتحتها كلها وهي منصدمه من الكلمه اللي قالها : لا انت مجنون منت صاحي بالاول اجلسي معي وسوالفي والحين انقز لحضنك من اسمعه .. وهي تلف وجهها وتمشي .. ثامر : وين رايحه ماتبغين تسمعين الخبر .. ليلى : مو لازم اسمعه اذا كانت الفاظك وسخه زيك .. ثامر وقف قبالهابلحظه وحدد عيونها بعيونها وهي عيت تنزل عينها وبدات الكلام العيون فجاء من غير ما يحسون بعض .. كل شخص يسال عيون الثاني وش شر هالجنون .. وش سر هالنظرات القاتله والثانيه ترد عليها ليه هالجفا والبرود .. ثامر بحنان : متى هالعيون بتحن ياليلى .. ليلى وعيونها عليه : متى ما خفت هالنظره القاسيه من عيونك وبنبرت صوتك لي .. ثامر ويقرب منها اكثر : متى بتحسين فيني ..؟ ليلى : متى ماعرفت عقلك وين بيرسا .. ثامر : عقلي رسى عليك ومستحيل بيرسى ببحر ثاني غير بحر عيونك ..! ليلى تلف جسمها : تكذب حولك ملايين وليه بذات انا . ليه انا بالذات يا ثامر .. ثامر : لا تساليني ...! اسالي هالقلب ليه من بد الملايين حبك ؟ ليلى بضيقه : انا ما استاهلك انا انسانه خريجة سجون وبنت عم شايله عار اهلها باسمها .. ثامر : اسمي هو اسمك .. وعاري هو عارك ومن يقول انك خريجة سجون لقطع لساانه انتي برئيه وكل الدلايل صارت بين يدينا يا ليلى ..!! ليلى : كيف حبيتني بوقت قصير وانت ما تعرفني ؟ ثامر : الدم يابنت عمي الدم يحن والدم هو اللي حببني فيك .. ليلى : لكن انا .. ثامر : مع الوقت ابيك تفكرين فيني صدقيني حتى وانتي مع الضابط انور عيني ما غفت عنك حاولت اثقل واصبر لكن قلبي عيا يطاوعني ..؟ ليلى : كيف ما فهمت ؟ ثامر : ما كنت مشغول يومها كنت منتبه بكل حرف قلتيه .. والدليل اليوم اماكن جوزه وصاحباتها كشفناهم .. ليلى : جد اللي اسمعه ؟؟ ثامر يرسم ضحكه بشفاته : ايوه اكتشفناهم انهم موزعين بالجامعه وصور ودلايل ثانيه محتاجه بس شويات ونكشفهم بالكامل ليلى تبي تخرج طايره من الفرحه : ههههههههه اجل الخبر عرفته من غير قانون يالله سلام << وترمي التحيه بتطلع .. ثامر يوقف اقبالها : هههه تعالي ياروح امك دخول الحمام مش زي خروجه .. ليلى : وشهو تبي خلاص الخبر وعرفته (وهي تدور على نفسها ) وانا فرحاااااااااااااااااااانه ياربي يعني في امل اني اطلع من هنا .. ثامر : اي بتخرجين وعن قريب ياليلى .. ليلى وهي تمسك يده بشده وتقابله : جد...! متى تكفى قلي متى وربي فرحانه اني بخرج من هنا .. ثامر بفرح بعيونها وبمسكت يده : عن قريب .. ليلى : جد .. جد يا ثامر .. ثامر : جد ياليلى .. جد .. ليلى : يعني بشوف ابوي وبشوف خواتي وبشوف عماني .. ثامر : وبتشوفيني انا قريب منك بس متى هاليوم ياليلى ليلى : ...................ممكن اخرج ثامر : هههههههه يعني خجلانه .(.يسسكت وبعدها يتكلم ).. ابي منك الموافقه من الحين ؟ ليلى : بعد ما اخرج من هنا اعطيك الموافق ..( وتقول بقلبها * الله يوفقك مع غيري ياثامر *) ثامر : شي طيب .. ليلى : عن اذنك انا بطلع .. ثامر : انا اللي تاخرت عندي شغل لازم اخلصه قبل لا اطلع .. ليلى : فمان الله .. ثامر : يمكن عقب يومين بيشوفك المحامي ترا كل شي بيده بس يعلمك وش بتسوين بالمحكمه .. ليلى : طيب .. وتطلع ويدها بقلبها .وهي تخاطب نفسها .. وش فيك ياليلى قلبك دق ناقوس الحب او الكره .. حددي مشاعرك ياليلى حدديها قبل لا يطيح الفاس بالراس ياليلى .. وهي تدخل على سماح اللي جالسه تكمل سوالف مع دلال وسجينات كانوا مجتمعين ويسوالفون .. وتجلس وتكمل الجلسه معهم ..وفي قلبها اسم واحد ثامر .. هل سيحتل القلب ام سيرحل قريب ..!! ---------------------- خرجت من السوق وهي بكامل حلتها وجمالها .. ركبت السياره وكل فكرها مشغول بانسانه واحده لا غير .. كل التفاصيل تاتيها بكل الجهاد .. وهناك جانب واحد يصدها للرجوع للخلف ... كل لحظه تلازمها ..تتذكرها وحتى حين تضحك تشبهها بكل فصولها الا فصل واحد يبعدهما اميال واميال .. الجهات تختلف ولكل السطور تتشابه .. حنين شوق .. عتاب .. فراق .. الم وحزن مظلم يكفيها لتعايش الماضي المتبقي ...الذي يعيدان الموقف نفسه . . هل ستعود الايام يوما كما عهدها من قبل .. او تبقى الايام ذكرى مؤلمه لنا ..!! وفجاء تجد نفسها تقول للسائق الذي يقود المركبه : هارون روح لبيت مضاوي .. هارون : ماما بس بابا قول لا .. هيفاء : من يعطي الاوامر اذا قولي لبابا انا سوي مشكله حق انتا .. هارون : طيب بس شوف انا اذا بابا سوي مشكله انا قولي انتا .. هيفاء : محدن بيعلمه يالخبله الا اذا انت تكلمت يادبه يالله اقولك تحرك .. وتسير السياره والاميال تقترب ولكن للاسف لا يوجد للمكان ذكرى او حياة فكل ماكان هنا قد ذهب الى الماضي حتى صدى الضحكات وحتى بصمات الاقدام التي كنا نسير بها هنا اليوم اختفت للاسف الى اين لا اعلم فالمكان الذي امامي مهجور كليا ولا يوجد مكان للحياة .. تقدمت هيفاء من باب البيت .. وهي تطرقه لكن للاسف لا يوجد اي شخص يفتح .. ودقات قلبها تتعلن الخوف على صديقتها واسرتها بالكامل هل التشرد اصبح عنوان حياتهم وهل اصبح الضياع مخباء لهم بين ارجاء المكان ..؟ اين هم ؟؟ اين ذهبوا .. المكان ميت لا يوجد حياة به غير نسمات الهوء وصدى الضحكات المؤلم .. وطيف وجودهم يحوم حولي ويشعرني بالخوف والذنب .. الا بصوت مخيف خلفهم .. امراه : وش تبغين يابنتي ؟ هيفاء تاشر للباب : وينهم ؟ ام وليد : شكلك من زمان ماجيتي هنا ؟ هيفاء : اي والله تقريبا اسبوعين او ثلاث .. ام وليد : ياليت ندري عن اخبارهم كل اللي عرفنااه انه في ثلاث رجال ادخلوا البيت واخذوا مضاوي ونوفا بس وقبلها جاء رجل واخذ لولوه وكلهم بالقوى .. هيفاء برعب : كيف ومن قالكم ؟ ام وليد : اوليدي يوسف .. واعيال الحي كلهم شافوا الرجاجيل لا حول ولا قوته الا بالله بنات ضعيفات ابوهم ضعيف جته سياره الاسعاف واخذته ولا يدرون وينهم الحين .. هيفاء ودموعها بعينها : يعني كيف .؟؟ ماتعرفون وش مصيرهم ؟ عايشات او ميتات ؟ ام وليد : ياليت يابنتي اقدر اساعدك الانه كلنا ايدنا على قلوبنا وندعي انهم بخير .. هيفاء : بلغتهم الشرطه ؟ ام وليد : للاسف الكل ما خبرهم ..! الكل يقول مالنا بالمشاكل والمخافر .. هيفاء : كيف تسكتون ؟؟ حرام عليكم بنات ماعندهم شخص يسندهم او يستر عليهم ما تبلغون حتى الشرطه وشهو الناس ماصار بقلبها رحمه ماتخافين بكره بنتك او اعيالك يصير فيهم كذا ؟؟ ام ولدي : لا ان شاءالله واكفت انها تدعي وتروح عن وجه هيفاء الغاضب وهي تبكي بعد ما سمعت عن قصة صديقتها وهي تكفكف خدودها وتبكي : كله مني كله مني ياليتني ساعدك ولا خليتك داايهه .. كله مني يامضاوي انا جد اسفه المفروض اكون جنبك لكن للاسف اختار القدر يفرقنا .. جالسه على الارض وماسكه بقايا التربه بيدها وتبكي وتتحسر على صديقتها وياليتها يوم نادتها لبت الصوت لكن الاسف طلعت انكر صديقه بالوجود .. لك حق تزعلين وتعطيني اغراضي اكيد بعد ما شفتيه ياليتني شفتك قبل لا تروحين .. ياربي احفظها بعينك اللي ما تنام .. هارون : مدام بس لا يبكي يالله تاخرنا .. تقوم هيفاء ومكياجها قد انتثر بخدها وسال .. لم تعد تريد الجمال .. ولكن تريد صديقتها الان ..!! تركب سيارتها وهي بغاية الحزن والاسى بالخبر الذي قد المها كثيرا .. تتمنى ان القدر يجمعهما معا مره اخرى ..! _______________ الساعه 3 ونص .. بعد ما صلى الكل .. وام متعب تقراء القران .. وام حمد جالسه مع البنات .. وام مشعل .تجهز القهوى لابو مشعل .. وام ناصر تعلم الخدامات عن التقطيع اللحلم الانهم اليوم بيشون برا .. وتدور اغراض الشوي .. الكل جالس يتقهوى وكل وحده مسويه حلا وشغلات تجنن .. ثريه : واخيرا شفت بنات عمي عبداللطيف بس الصراحه ما تشبهه الا مضاوي وفيها كثير من جدتي .. مضاوي : الكل قالها قبلك .. ولي الشرف اني اشبهه .. لولوه : يعني حنا ما نشبهه مالنا اي فخر ؟ مضاوي تعطيها نظره ..: .......... نوفا ترقعها : هههههههه اقول لولوه تعالي بتنشى معك بالمزرعه .. لولوه : والله بطفش اذا جلست من غير طلعه .. نوفا وهي تشوف عواشه وعهود ونوره .. : وش رايكم تروحون معنا ..؟ نوره : انا بجلس .. عهود وعواشه : يالله ثواني بس نتغطى ونلحقكم .. مضاوي : اسفه ثريه : على وشهو ؟ مضاوي : على كلام لولوه ياختي هذي لسانها نفسه متبري منها ؟ ثريه : واضحه تتمشكلين معها دايم .. مضاوي : اصلا ذي اختي ماتعرف شي اسمه احترام .. ثريه : ياختي بكره تتزوج ويعلممها الزوج وش النعومه .. مضاوي بضحكه : على يدك هههههههه .. ندى : مضاوي ما اكلتي من الحلا ذا ترا مسويته نوره .. نوره : شوفي لا تقولين سكر كثير ترا كذا طعمه من حليب النستله مكـثفته .. مضاوي : كل شي حلو منك دامك نوره .. مزنه : هههه عاد نوره ولقت مديح والله ما تتركك لين بكره .. مضاوي : لا تكفين الا الصقه ذي ما احبها يكفيني متعب اخوي .. اماني : على طاري متعب وينه اليوم ما شفته .. مضاوي : والله من جيت هنا اسال عنه ويالله يوريني وجهه الله يجزي عمي خير اللي جابه هنا والله ماعاد اشوفه ولاهي مع عماني ,., هنادي : اكيد بينبسط متعب يقول انه طاير من الفرحه ودايما عند عمي محمد والربابه .. ام حمد : هههه شكلو بيتقوزها بكره زي عمك محمد مزنه : هههههههه لا يمه والله لو تسمعك خالتي ام مشعل لتفطم متعب منه ههههههههه مضاوي : ههههه فطم مره وحده.. اماني : لا وما تشوف غيره الحين من قالها سويلي قهوى والله قامت من غير ما تشتكي من ركبتها .. نوره : يو بتحسدين عمتك .. اماني : لا اله الا الله عمتي وتعرف عيارتي ام حمد : بكره بنشوفك مع مشعل .. ندى : لا والله لك ساعه تحسدين امي وانا ساكته يامرت اخوي المصونه وانا اقول وش السالفه بس عشاني سرحت شوي تهجمدي على الغاليه .. اماني بضحكه : انا مدحتها يابنت ما حسدها والله يديم سعادتهم .. مضاوي : اللهمه امين يارب .. ثريه : مضاوي وش رايك نسهر اليوم بعد الشوي .؟ مضاوي : والله ودي بس بكره تعرفين بنسوي اغراضنا الانه بنرجع .. ثريه ..: طيب ابي اجلس معك اكثر ؟ مضاوي بتعجب : ليه منتي راجعه للبيت اهلك ؟ ثريه : للاسف لا بجلس مع ابوو بناتي هنا بالمزرعه يومين يعني اجازه وثانيا عمتي ام زوجي بتجي هنا .. مضاوي : ليه طيب اهلك ؟ ثريه :هههههههه اهلك تنسينهم بس تتزوجين وتلهين بالاعيال وبعدها تتقربين من زوجك اكثر .. واهلي الاجازه كلها بكون عندهم .. مضاوي : هههههه والله مجرمه الله يسعدكم يارب .. ثريه : تسلمين ياقلبي .. مضاوي : الا على طاري من اللي سماك ثريه ؟ ثريه بضحكه : ههههههههههه اسالي خالي ام حمد وبتجاوبك مضاوي وهي تشوف الكل لاهي بسوالف مع بعض الا تنادي عمتها .. مضاوي : ام حمد .. ام حمد تلف لها : خير يابنتي ؟ ثريه تضحك : ههههه مضاوي : اسالها ولا تجاوبيين ؟ ام حمد : مالك يابنتي يامضاوي ؟ مضاوي : هههه لا بس انتي تتذكرين ثريه لما جابتها امها ؟ ام حمد : ايوه اتذكروا الاني كنت لسه عروس وبعد اسبوع من عرسي خلفت ام مشعل .. مضاوي : طيب ليه سموها ثريه .. ام حمد تستغرب : طيب انتي ياثريه ليه ما ائلتي لمضاوي الحكايه ؟ ثريه : ابيها منك .. ام حمد : وانا ازكيني ..؟ ثريه : تتذكرين ثرية غرفت جدتي ؟ ام حمد : ايوه دانا افتكرت .. كانت امها حامل بيها وهي راكبه الدرك (الدرج) عوزه تعدل الثريه الا ودوعا (تطيح ) ام مشعل ويودوها للمستشفى .. وتولد وسموها نسبه للثريه للستعجال ولادتها .. مضاوي : هههههههههههههه اجل كل اسمك نسبه للثريه اللي بيت جدتي .؟ ثريه : شفتي ما سموني مضاوي على جدتي سموني تكريما للثريه .. مضاوي :طيب من سماك ؟ ثريه : في غيرها امي تقول انا ما ولدت الا الاني ما طلت الثريه وابي بنتي بكره تصير نفس الثريه طويله.. مضاوي بضحكه : هههه اجل عندهم مفاهيم قبل حلوه .. اماني : يالله بنات وش رايكم نلعب ؟ ندى : الحمدالله والشكر مرت اخوي استخفت ولا وش تلعبين انتي وكرشك ؟ نوره : اتوقع اماني تنقز وكرشها وراها كرشها تنقز .. مزنه : هههههههه علشان البيبي ينزل بسرعه قبل لا ينطر شهره ... اماني : بس انا الخبله اللي قلت لكم خلنا نلعب .. هنادي وتوها جايه من المطبخ ومعها كوب نسكافيه .. مضاوي : شوفوا البخيله سوت لنفسها ما سوت لنا .. نوره : من قبل مسمينها البخيله .. هنادي :حرام عليكم كنت جالسه ادور شغله لامي وشفتها بوجهي وقلت اسويلي كوب اماني : خلاص يامرت اخوي بعديها علشان اخوي بس ... ثريه : هنادي وين خواتك من جينا ما شفناهم جالسين معنا .. هنادي : خواتي منو نجوى وهيا ؟ هيا ماخذه نجوى قدوه ولا وتمشي باأحفير خطوها وكلامها وسوالف بنات لا تنتهي .... جالسين على العشب ( نوفا ولولوه .. عهود وعواشه .. تغني عهود مه عواشه .. الـو هـا يـا حـبيـبي البـارحـه شـلونـك ولا لـحـظه غـفيـت وداعـت عيـونـك سهــران وقـلق حــيل اتانـي وخـلص اللـيل اخـابر للـصبـح مغـلق تـلفـونك الـو هـا يـا حـبيـبي البـارحـه شـلونـك اشـو خـارج نـطاق الحـب نمـت ليـلك شنـو خـلص شـحن كـلبـك تعـب حـيلك بـطارية الـروح طـفت لـو منـي مـجـروح عـلى هـذا البـرود البيـك ضـيعـونـك الـو هـا يـا حـبيـبي البـارحـه شـلونـك خـلصت مـن انتـظر انـوبـه تحـويل وانـي اليـوم منـي دمعتـي تسيـل لآ يـعمـري تبـجين مشـغول انـي تـدرين اسـويـها واجـيك واعـرف شـلـونك الـو هـا ياحـبيـبي بداعتـي شـلـونك الا يشوفون نجوى واختها هيا لازقها جنبها على الاب توب .. ما يدرون ليه هالبنتين دايم ابعاد عنهم .. نوفا : بس تكفوا صوتكم ازعجني .. عواشه : سمعينا صوتك يارقيقه .. نوفا : مو من حلاته اسمعكم خلها للله صوتي ينعاش منه الاصم بنفسه يحمد ربه انه اصم .. لولوه : اجل اانا االكفيف هههههههههههههه كويس ما يشوفني علشان ينحااااش .. _____-____ اما بالغرفه عند ام حمد كان حوار ثاني بالغرفه مع ابو حمد .. كانت ام حمد منصدمه من اللي تسمعه من ابو حمد .. ومن قراره اللي اخذه لولده .. ام حمد : انت ازي تقوز الولد وهو مش عاوز ؟ ابو حمد : انتي سكتي عنه كثير لدرجه كم مره ما تقولين لي طقينا بيبان خلق الله والعيب بولدك ويفشلنا ؟؟ ام حمد : انا عارفه بس بمضاوي والله بتصير مشاكل .. ابو حمد : وش قصدك يعني بنت اخوي تفشلك ولا علشان ابوها ؟ ام حمد : لا انا مش قصدي كدا .,..! ابو حمد بقاطعها : وش قصدك اجل ؟ ام حمد : انا قصدي انه هو مش عاوز يتقوز ليه تجبره على بنت عمه وانا ما اظمن حمد ده ويمكن يصير شي بينهم ..والسبب حمد ابنك .. ابو حمد : الى متى تبغينه جالس على هالحال يرفض العرس وطاريه .؟ ام حمد : بصراحه ماعرفش ليه هو مش عاوز القوازه دي .. ابو حمد : انا عارف لكن خلاص البنت راحت الله يرحمها وهذا اللي طمني وابيه ينسااها .. ام حمد : ما تقدرش ياعبدالوهاب .... ابو حمد : الا بقدر باذن الله ومضاوي هي اللي بتنسيه .. ام حمد : هو قال لك هو موافئ ؟ ابو حمد : قال بيفكر وهذا احسن شي سوا بيفكر وبيقرر .. ام حمد :. مقدرش اظمن ابني حمد على القوازه دي .. ابو حمد : لا حمد هالمره راح يوافق وغصبن عنه .. ام حمد : ازي انت ظامن انو بيوافئ ؟ ابو حمد : مو لازم تعرفين كيف ؟ المهم اني اعرف كيف قنعته .. ام حمد : ومضاوي ابو حمد : وشفيها مضاوي ؟ ام حمد : ازي بتوافئ على حمد وهي من انبارح تئول ايه علاقتوا مع نجوى ازي ؟ ابو حمد : نجوى خليها عنه ماراح ياخذها لو ابيها لنجوى كان زوجته من زمان لكن انا اشوف مضاوي الانسب له .. وتعالي وكيف تسال عنه ؟ ام حمد : تسال نوره ايه علاقته مع نجوى .. ابو حمد : الظاهر شافته واقف معها .. ام حمد : الا اكيد .. ابو حمد : هذي انا بحلها وبقول لاختي وضحه عن بنتها اللي افضحتنا .. ام حمد : يمكن البنت عوزاه .. ابو حمد : حنا مو بلدك البنت تاخذ اللي تحبه .. ام حمد : انا عاارفه لكن حرام نكسر البها.. ابو حمد : انا اعرف لمصلحته نجوى ما تصلح له .. وشهو بعد اكسر قلبها لا والله هذا اللي بقى .. هذي الدنيا حظ ونصيب وهذا حظها .. ام حمد : متى الخطبه .؟ ابو حمد : خليه يوافق وبعدها نحدد .. كانت الدريشه مفتوحه .. وكانت تحت الدريشه نجوى واختها جالسين بالصدفه يلعبون لاب .. وكانها الصااعقه اللي ضربة القلب وذبحته. وهي توقف وترمي الاب على هيا وهي معصبه ..من غير توضح للي جدامها البنات (عايشه وعهود ونوفا ولولوه شي .) اكتبف انها تقول لاختها : بروح شوي وبرجع لا تروحين لهم .. هيا بهمس: طيب بس تعالي وش بتسوين مع حمد ؟ نجوى بهمس : رايحه له وبعلمه منهي نجوى .. بالناحيه الثانيه كانت الحرب على حد الاشتعاااال ... عهود : على العموم مرت اخوي ما ابي اغلط عليك .. لولوه وهي تكشر : وشهو ياحبيبت امك زوجة اخوك ؟ عواشه : ههههه شكلها اخر وحده تعرف بانها مخطوبه لفهد .. نوفا : ماصار هالكلام .. عهود : الكل يعرف بهالخطبه وبتصير بعد ما نوصل بكره .. لولوه : وش قصدك بالكل ؟ عهود : حتى اختك مضاوي تعرف بامرها وهي من قالت لابوي خلها بعد المزرعه .. لولوه بعصبيه : ومن قال بوافق على اخوك ومضاوي احسابها معي.. عهود بحده : وليه مو عاجبك اخوي ؟ لولوه : ما لقيتي الا اخذ فهد وع والله لو يخيطون جسمي وجسمه ما نليق .. نوفا بصدمه : كيف يعني مضاوي موافقه .. عواشه : اللي سمعته من امي انها موافقه .. لولوه : مضاوي احسابي معها .ووهي تشوف عهود لولوه : لو سمحتي روحي لاخوك الي ما احب اذكر اسمه وقوليله لو تموت ماراح اكون لك .. عهود بضحكه : ما تدري يمكن زفتك بعد يومين من يعلم الانه ابوي واخوي فهد اذا قالوا شي يتم من غير قرار احد .. لولوه بنار وعصبيه : هين والله لعلمه درس يعرف منهي لولوه .. عواشه وهي تشوف نوفا وتقول لها : الله يستر شكلها ولعانه على الاخر .. نوفا : بتكون مصيبه .. ----------------- جالسين بحالة طرب ومغنا عند الشباب الطيران والسوالف .. وحمدان يلقي الشعر .. حمدان : ليتك تعرف أن الهوى سهم ذباح وقلوب عشاق المحبة رقيقه وليتك تعرف أني ليا شفت رقمك أرتاح والقلب يسعد يوم يلقى رفيقه أنا الحزين وباقي الناس بأفراح وأنا الأسير وخلق ربي طليقه نواف : الله الله صح لسانك يابو عبدالله .. حمدان : صح بدنك .. حمد : عاد شعرك ياحمدان ما عليه لكن يبيلك بالتعمق زياده .. حمدان : والله الشعر جت معي كذا بالشعر .. حمد : اسمع : وعذابي كان لي نفس صحيحه خيرت مابين صدك والمنيه أن نويت البعد ضاقت بي الفسيحه وأن بغيت القرب خان القرب فيه كيف بخفي الحب وجروحي صريحه كيف أحجب الشمس ياخلي بيديه كيف أداوي علة النفس الجريحه وين أودي دمعة العين الشقيه الكل صح لسانك .. حمدان : شكواك للي طالبه مابعد خاب ودعواي لك يالله تطول سنينه كم واحد من الحب منصاب الحب قاتل ماأحد يقدر يدينه يادمع عيني لمن تغرب ومن غاب ياشيب عيني لمن يفارق ضنينه قلبي عذلته لكن القلب ماتاب والحب تلعن ساعته وسنينه ناصر : لا ما نقدر على ابو عبدالله شاعر ما شالله عليك .. فهد : لا عاد حمدان اخوي اذا تبيه يقصد تلقاء بالحمام (كرمكم الله ) يطلع الشعر صح .. حمدان يضحك : ههههههههه والله وش نسوي نكون مرتاحين وصدى الحمام يساعدك وانت تدندن وتركب الابيات .. الكل : ههههههههههه ابو متعب : لا انا اللي بنافسك .. حمدان : ما نعلى على الحاجب .. ابو مشعل : هذا الشبل من ذاك الاسد.. ابو متعب : ههههه يا محمد .. ماعليك زود .. فارس : عطنا يبا من شعرك .. ناصر : والله يشرفني اني اسمع من خالي قصايده .. ابو متعب : ماني حافظ من شعري شي لكن ابعطيكم من قصايد اسمعها .. متعب : لا يبا نبي الجديد .. ابو متعب : واللله عزلت الشعر من زمان .. ابو مشعل : طيب سمعنا اللي حافظه .. ابو متعب : أرسلك المرسول يامعرب الجد من ساس قوما"يحتمون المظله يحمل تحياتي بها الود ممتد من ضامري ماهي سواليف شله البعد ماعنه الرجاجيل تنحد لو حال من دونه سماء نجد كله والحر مهما راح لابد مايرد للنايف اللي كل حر فطن له حمد وهو يشوف جواله يرن بمسج .. يفتح المسج بستغراب من المرسل ."". تعال عند البركه ...!!"" يفكر وش تبي هذي الحين ؟؟ اخذ جواله وادعسه بثوبه وتابع الشعر والضحك .. الا بعد دقيقتين مسج ثاني .. " ابيك ضروري تعال بليز ياحمد " يدعس ثوبه مره ثانيه : ويطنشها .. ابو متعب : وش فيك ياحمد .؟ حمد : ابد مافي شي .. ثواني الا يرن جواله ومن شاف الرقم قام من غير ما يتكلم واخذ نفسه بعيد وراح يتكلم .. الا نجوى وراء : اي تكلم واسال عنها بخير او لا .. حمد بصدمه : انتِ وش تبغين .؟ نجوى : لي نص ساعه اقولك تعال الحين قمت اول ما اتصلت ؟ حمد بضحكه : اكيد بقوم لها ..!! نجوى : ما علينا صحيح اللي سمعته .. حمد يعطيها ظهره ويضحك : هههههههه وشهي الاخبار الاني اعرفك كونا .. نجوى : لا تضحك صحيح انك بتخطب مضاوي .. يلف لها والصدمه بوجهه : وكيف عرفتي ؟. نجوى : توك تقولي كونا اكيد بعرف كل شي .. حمد : وهي عرفت بهذي الخطبه ؟ نجوى : لا انا اول من عرف .. حمد : ومن علمك ؟ نجوى : مو مهم المهم بسمع صحيح او لا .. حمد : وش يهمك ؟ نجوى : يهمني وانت تعرف .. حمد : واذا قلت لك ايوه موافق ؟ نجوى : الانها بتصير اعاصير وبتنطرد باذن الله بالفضيحه .. حمد يقرب منها وعيونها حاده وبعصبيه : وش قصدك بالفضيحه ..!! شكلك نسيتي نفسك .. نجوى تلف وجها وبضحكه : هههههههههه وش نسيت نفسي .. يعني انا ارحم من حالتك .. حمد : من الاخر وش تبين ؟ نجوى .: تزوجني حمد : ههههههه اتزوج وحده شايفها مع واحد بالسوق ..؟ نجوى : هههههه اجل تبيني اتزوج واحد شفته بالسوق مع زوجته وبنته ..؟ حمد: هههههه يعني وحده بوحده .. نجوى : عليك نور يعني انا ساكته عنك بسبب واحد انك تتزوجني .. حمد : زواج مراح اتزوجك وش بتسوين .. نجوى بعصبيه : بفضحك انت وزوجتك وبنتك .. حمد : اللي شفتيها ماتت .. نجوى : مو مهم ماتت او لا الانك بتنفضح وبتنطرد الانك عصيت ابوك واهلك وفضيحتي اقل من فضيحتك .. حمد: ماشالله اجل انا بالحلال وانتي بالحرام عادي ؟ نجوى : انا تبت علشانك وثانيا اتحدى احد ماسك علي شي وحتى لو قلت بكذبونك الانه الكل لاحظ اني ما اطلع ولاحظوا بعد اني احبك ..! حمد : وانا ما احبك ياليت تفهمين .. نجوى : وبتتزوج اللي ما تتسمى .. حمد : مضاوي اسمها .. نجوى : ما يهمني اسمها من جت وانا ما حبيتها والحين زادة الكره لي .. حمد : لو ما احبها لكن بتزوجها بس لسبب واحد هو علشااااانك ..ويمشي .. نجوى بصوت عالي : والله لفضحك .. حمد : اعلى مافي خيلك اركبيه وتخسي اللي تهيني وتفضحني .. نجوى : نشوف من يضحك بالاخر حمد : نشوف يا نجــــوى ... (( وش تتوقعون بالاجـــــزاء القــادمه ؟؟؟ ))) | |||||
|
| |
|
24-05-11, 06:48 PM
| #24 | |||||
| روايتي مؤسس ومشرفة سابقة وقاصة في منتدى قصص من وحي الاعضاء
| الجـــــــــــزء الســـــــــادس عشــــــــــر ----------------------------------------- بالمطبخ تسوي الحلا الجوز الهند .. مع مزنه وتعلمها الطريقه مع ندى الي زواجها قرب بعد فترى قصيره .. ندى : لما اتزوج بسوي الحلا لنواف مزنه : ههههه اشهدنه اخوي بيروح فيها .. مضاوي : ومتى عرسك يا ندوش .. مزنه : بعد شهر .. ندوش بخجل : قالتها لك استحيت اتكلم .. مضاوي بضحكه : ياحليلك تعرفين تستحين .. ندى : وليه ماني انثى .. مضاوي : الا انثى محدن قال غير هالكلام .. مزنه : عاد شوفي من الحين اقولك نواف ما يحب الحلا كثير يسوي الاخ رجيم قارس .. مضاوي : يعجبني الرجال اللي يحافظ على رشاقته .. ندى : والله يوم قالت عمتي انه مافي عرس الا لما يتزوج حمد طاح قلبي قلت خلاص ماعاد نتزوج .. مزنه بضحكه : ههههههههه حمد سالفه ثانيه بعد اقناع اقتنع ابوي يزوج نواف قبل حمد .. مضاوي : وش فيها يعني اذا تزوج الصغير قبل الكبير ... ندى: لا عاد بالخليج كبيره على بالهم الكبير فيه بلاء .. مضاوي : هههههه عقولكم بعدها صغيره يعني يمكن حلو اذا الواحد يعرف نفسه انه مو قد المسوؤليه .. مزنه : لا هو قدها لكن في شي محيرنا كلنا ... ندى : مو بس انتي ياخته اصللا الكل يقول فيه شي .. مزنه : اسم الله على اخوي مافيه الا العافيه بس انسان ما يبي الحب .. مضاوي : ويمكن كان يحب ؟ مزنه تنزل راسها : اي كان بس خلاص السالفه قديمه .. مضاوي : هههه اقول شوفي كم حطيتي من البودر شكلها العجينه صارت كبير بتنفجر علينا ندى : الحمدالله ما سويتها كان عايروني الحين فيها .. الا تدخل عليهم لولوه بعصبيه : لولوه بصراخ: مصاوي .. مضاوي تلف متخرعه من الصوت وتنصدم انها اختها لولوه : وش فيك يالولوه ؟ لولوه : يعني بتسوينها ؟ مضاوي بصدمه : وش تتكلمين عنه ؟ لولوه : ابيك بغرفه بروحنا ... مضاوي تشوف مزنه وندى منصدمات ..: يالله امشي وانا بجي وراك .. وتمشي مضاوي خلف لولوه وهي تفكر الله يستر من اللي راح يجينا من لولوه .. وتدخل غرفتهم .. ويغفلون الباب ,,, لولوه تلتفت لمضاوي وبنبره كلها عتب ولوم : يعني بتسوينها وانا اخر وحده ادري بالخبر يابنت امي وابوي ؟ مضاوي تقعد على السرير وتشوف لولوه بحماس بكلامها : وش اللي سويته علميني ؟ لولوه : يعني كنتي ناويه مع عمي تزوجيني فهد ..! مضاوي : ومن قالك .. لولوه : مو مهم من قالي المهم الخبر اكيد .او لا ؟ مضاوي تشوف لولوه معصبه : هههههههههه ما كنت ادري انك تتمنينه .. لولوه بعصبيه: مضاوي انا ما اضحك معك قوليلي الخبر اكيد او لا .. مضاوي : وش يهمك الخبر يا لولوه ابي اعرف هو يفرحك مثل ماهو بيفرحني .؟ لولوه : اكيد لا ماراح يفرحني ولا يشرفني اني اكون له طعم بيده .. مضاوي : اي الخبر اكيد وعمي قال بيفتح الموضوع معك بكره بعد ما نرجع من المزرعه .. لولوه تعطيها ظهرها : قوليله رافضه .. مضاوي : فكري يالولوه ..؟ لولوه بصراخ : وش افكر بواحد كلمة ما اطيقه ما تكفي .. مضاوي : فكري يالولوه هذا مستقبلك الانك اذا رفضتي صدقيني بيجبونك بالقوى .. لولوه : هي لعبه الدنيا اذا ما رفضت زوجوني قصب ؟ مضاوي بعقلانيه : يعني انتي اعرف بحالتك .. لولوه تتافف : ياربي ياربي يعني لاهم ناوين يصدقوني ولا هم ناوين يقتنعون اني بنت بنت محدن لمسني ..؟ مضاوي : خليهم يقتنعون بزواجك الانك برفضك الاكيد انهم بيشكوون وغير هذا بياخذون عنا فكره اننا بنات سايبات وضايعات .. لولوه : وليه ما تقولينها لنفسك ؟ او لنوفا او لليلى ؟؟ مضاوي : جب ..احترمي نفسك يا لولوه واعرفي من تكلمين لا انا ولا وحده من خواتك سوت اللي انتي سويته . ولا وحده اطلعت للشقة شبااب او اجلست معهم ولا وحده المست يدها رجال .. لولوه : وانتي على بالك اني ملموسه واني اضحك وانبسط لا يامضاوي انا مجرد ديكور بس بالشقه .. مضاوي : اثبتي لي .. لولوه : كيف اثبت لك .. مضاوي : بزواجك من فهد .. لولوه : املك وامل فلسطين واحد .. مضاوي : اجل خلاص انتي الحين علمتيني انك خايفه وانك (تصر باسنانها ) منتي بنت .. لولوه : الا بنت مضاوي : طيب منتي خسرانه تزوجيه واكسري عينه بكلامه ..ومنها تقدرين تتطفشينه وتاخذين حريتك .. لولوه : والله ودي اكسر راسه واعلمه منهي لولوه بنت عبد الطيف .. مضاوي بضحكه : هههههه علميه وتزوجيه وعلميهم منهي بنت عبد اللطيف اللي فوق راسهم وتربيته ما تغلط .. لولوه : بس خايفه .. مضاوي تحس بانها راح تنجح بقناع اختها : وش خايفه منه .. لولوه تمسك ثوبها من القرف : انا موطايقه اشوفه كيف اعيش معه .. مضاوي : هو بس بيشوف اسلوبك كذا بيطلقك .. لولوه : وياخوفي لا .. مضاوي : كيفك انتي الخسرانه اولا بتكسرين راسه انك بنت وثانيا بتكسرين راسه وانتي معه بالغرفه هههههههههه من لسانك اللي متبري منك .. لولوه : هذا الشي اللي كسبته بدنيتي اللساان الطويل .. مضاوي : وش ارد على عمي الانك قصرتي المسافات كثيره وكنت xxxxxه وشلون افتح الموضوع معك .. لوولوه : اممم خليني افكر .. مضاوي : كيفك الانك اذا طولتي اخاف يجبرونك وبعدها يعااايرك ,, للولوه : قولي لهم موافق .. وبنشوف يا انا يا فهد بيعيش على هذي الارض ....!!! وهي تتوعد بفهد بالمستقبل الزاااهر .. مضاوي وهعي تضحك وحست انه خطتها انجحت بانها تستر اختها حتى لو ما كملت دراستها .. عندها الرجال والستر احسن من الدراسه والاكيد انها ارتاحت انها اظمنت مستقبل اختها .. وباقي الثنتين ليلى ونوفا .. الله يوفقهم .. تطلع من الغرفه وفي وجهها تباشير تسعد الموجودين .. مزنه : يالله تعالي يامضاوي خلص الحلا والكيك وانتي بالغرفه وش تسوين .. مضاوي وهي تشوف الحضور ... العمه وضحه وام متعب وام مشعل وام حمد .. وتبتسم .. ثريه : وش سر هالابتساامه .. مضاوي وهي تشوف ام متعب : الف مبروك يام متعب .. ام متعب بتعجب ما جاء ببالها انها موافقة لولوه الانه من سابع المستحيلات ... ام متعب : الله يبارك فيك بس على وشهوووو ؟ مضاوي : عروستكم رضت .. ام متعب : لا جد مضاوي انتي تضحكين ؟ مضاوي تلتفت تخاف تشوف لولوه موجوده حولينها ..: اي اكيد باذن الله .. ندى : كبف روضتي اختك ذي ؟ مضاوي : اووص ذي اختي .. ندى : اسفه بس اعتقد فهد بيتعب حيل معها .. مضاوي ": صحيح عوبه بس قلبها ابيض .. ام متعب : على البركه يارب والله يوفقهم بروح ابشر ابو متعب .. الكل بارك لام متعب قبل لا تقوم ولمضاوي .. بالجه الثانيه بالمزرعه كانت بس لولوه ونوفا يتمشون ... وعهود وعواشه بروحهم ..يتمشون .. نوفا : انتي بوعيك يا لولوه ؟ لولوه : اي بوعيي وراح اعلمه منهي لولوه بنت عبد اللطيف .. نوفا : بتخسرين اشياء كثيره اولها حريتك .. لولوه : ومن قال انه بيتحكم فيها اي هين والله لوريه واعلمه منهي لولوه ,,, نوفا : انا خايفه عليك .. لولوه تشوف نوفا : هع اول مره اشوف الخوف بعيونك .. تدفها نوفا : انا اصلا اخاف عليك لكن انتي ما تحسبين لي احسااب ولا مقدرتني .. لولوه : اي واضح .. نوفا الا تشوف ناصر يطلع من الخيمه الا توقف من غير وهي .. لولوه : بعرف وش سر هالوقوف اذا شفتي هالشخص الي ما يتسمى .. نوفا : مدري احس دمه خفيف .. لولوه : انتي لا تخلين مشاعرك تحكمك ترا كلهم ****ب ويكذبون بحبهم .. نوفا : انا ما قلت .. تقاطعها لولوه : ما علينا لكن لا توضحين له خضوعك .. نوفا : وشتقصدين ؟ لولوه : اصلا واضح بعيونك انك تحبينه .. نوفا : هو قال بيتزوجني .. لولوه بعصبيه : متى كلمتيه .. نوفا بتوتر : ما كلمته لكن مر مره وقالي انه بيتزوجني .. لولوه : كذاب اصلا هو ويخدعك بمشاعره ...(تهزها مع كتفها ) هيه انتي اصحي مافي حب ولا يخدعونك ال**** بحبهم تراهم ****ب ما تهرول العبث .. نوفا : وليه بتتزوجين فهد وهو منهم .. لولوه : الاني باثبت له اني بنت وبكسر راسه على قراره ..لكن انتي بتكسرين راسه ما اظن انتي بتجيبين العيد .. نوفا : لولوه ليه انتي حقوده يعني بعد ما لقينا الامان هنا تبغين تشتتينا مره ثانيه .. لولوه : اصلا ما رضيت اجلس هنا الا علشان شي واحد هو ورث ابونا والبيت الي من حقنا .. نوفا : انتي قلبك ابيض وش اللي غيره .. لولوه : الدنيا تغير قلوب كثير جت على قلبي انا يانوفا .. نوفا : قولي انك تحبينه .. لولوه بعصبيه : وشهو احب منو مالقيتي الا احب فهد واالله ما وافقت الا علشان اقطع راسه واعلمه منهي لولوه .. نوفا : طيب ليه ما تحبينه بدال الكره .. لولوه : ما لقيتي الا احبه بعيده ذي بعيده .. نوفا : مو حلوه بكره تكونين مطلقه منو بيتزوجك .. لولوه : وانا شكيت لك يا نوفا .. نوفا بضيقه : طيب انا اسفه الاني دخلت بخصوصياتك ... وهي تركض بعيد عن اختها وتبكي من تجريح اختها لها .. ومن صدماتها هذي لولوه حبيبتها تغيرت كثير هذي يدها الثانيه الي ما تقدر تستغني عنها اليوم تغيرت وتحجر قلبها واصبح حديد صعب انه يلين .. هذي ماهي لولوه القلب الطيب ماهي لولوه الي مدمنه بالمباريات والشقاوه هذي مو لولوه البنت السهل كسب قلبها .. لولوه تغيرت كثير علي ماهي توامي .. ماهي القلب الواحد اللي كنا نفكر فيه .. وين ايامك يالولوه الي احس اني انا وانتي واحد .. تغيرتي على الكل واولهم توامك .. تمشي ببطئ وكلها حيره وخوف ودموع من اختها الا تنصدم بالموقف الي اقبالها .. توقعت كل شي الا هالموقف اقبال عينها .. مستحيل لا مستحيل اللي تشوفه .. تجمد الدم بخلايا جسمها وعجزت رجلها تمشي خطوه ومن هول الصدمه .. لا مستحيل ناصر يكذب علي مستحيل يعني انا جد غبيه جد غبيه .. صدقته وهو يكذب علي .. تتذكر كلام لولوه لما قالت : هم ****ب ما يحبون العبث " يعني كان يلعب معي ويضحك ويقول اني احبك" كانت كذبه " ؟؟ شافت بعينها ناصر عند المدخل القريب من البيت مع نوره بنت عمها عبدالوهاب تضحك معه ومبسوطه ولا ووجها مكشوف ..حست النار بقلبها تغلي من كثر الخدااع اللي صدقته .. وهي تسال وش هالجراء عند الكل يعني ما يرقبون الا خواتي وهم بناتهم رايحات فيها بالاول نجوى وحمد والحين ناصر ونوره يعني العيب فيهم هم مو فينا .. شافها ناصر وشكل وجهها في قمة العصبيه ..رسم ابتسامه على وجهه لكل اكتفت انها تلف وجها وتتابع دخولها بالبيت ,, اخر شخص توقعته يكذب عليها .. خلاص ماعاد له بقلبي مكان للخاين والكذاب .. استغرب منها ناصر ومن صدها .. نوره : وش فيك ياناصر ؟ ناصر : وش فيها بنت عمك ؟ نوره : يوو لا يكون تحبك ؟ ناصر : ناوي اخطبها بعد مانرجع من المزرعه .. نوره : ماشالله الاخبار الجديده شكل بنات عمي محدن بيقعد خالي بالبيت ..الا اله الا الله عشان لا تقول لي عيوني حاره .. ناصر : اقول انقلعي وشوفيلي نوفا وش فيها .. نوره : ماشالله وتميز بينهم بعد وانا بعدي اخربط .. ناصر يقرب منها : الفرق كبير بس يبيله واحد يركز .. نوره : ماشالله عليك دقيق بكل شي .. ناصر : ههههههههه اكيد لازم اعرف الفرق .. نوره : المشكله كسلانه ولا ادري كيف طلعت من الجامعه .. ناصر : امانه يانوره شوفي نوفا وش فيها .. نوره : كم تعطيني ..؟ ناصر : اقول اذلفي بسرعه وشوفيها لي وجهها ما يطمن .. نوره : مرسول الغرام ياعيني بلا مقابل .. ناصر : بدعي لربي يوفقك ويزوجك الرجال الصالح .. نوره : ما ابي دعوتك بس ابيك تشغلني بسرعه .. ناصر : عندك حمد خليه يشغلك واسطه احسن من واسطي .. نوره : مارجيت الا حمد اروح فيها .. ناصر : مو كاني عطيتك وجه ..؟ نوره : خلاص هذاني رايحه لها بس شف ممو الحين خليها بليل يمكن معصبه ولا تبي تقابلني تعرف اخاف تسميني سارقة الرجاجيل .. ناصر : هي ما تدري وش اللي بيننا . نوره : وش عرفها يالخبل ؟ ناصر بعصبيه: ومنو الخبل ؟ نوره انا الخبله .. ناصر : يالله روحي لها وقوليلي وش صار .. نوره : بس ماراح اخبرها بحبك بعلمها بانه يحبني ناصر : ياويلك اذا مااااا خبرتيها .. نوره : طيب طيب هذاني رايحه .. وتطلع نوره تدور نوفا لكن للاسف ما شافتها .. بالخيمه الرجال بوقت المغرب .. بعد ما خلصو صلاتهم .. كان متعب عبداللطيف جالس ومبسوط بعد ما لعب كوره مع نواف وفارس وراشد وحمدان صار قريب كثير من اعيال عمه ..فرحان بعد ما تفتحت له الدنيا اوسع ابوابها .. ناداااه عمه عبدالله ... ابو متعب : ها يامتعب عساك مبسوط بالمزرعه .. متعب بتعجب شديد : كثير ياعمي كثير فرحان ياليتنا نجلس بعد اكثر .. ابو متعب يقرب منه : ماراح نجلس كثير ياولدي بكره باذن الله ابوك بيطلع من المستشفى ولازم نستقبله .. متعب بفرح اكثر : جد والله ابوي بخرج من المستشفى .. ابو متعب : اي يابوك بيطلع وبنسوي عسا عشانه .. متعب بتعجب : لكن انت قلت المستشفى يقول خله المشفى احسن من البيت وانه ماراح يقوم مثل اول .. ابو متعب : توه متصل علي الدكتور ويقول انه بخير وبكره يقدر يطلع من المستشفى .. متعب من الفرحه : بروح اخبر مضاوي .. ابو متعب .يمسكه مع يده : اصبر ياولدي ابيها مفاجاء بكره اول ما يجون البيت يشفون ابوك .. متعب : وليلى ؟ ابو متعب : قريب بتطلع وانا ابوك .. متعب بفرحه كبيره من غير شعور وقف وباس عمه مع رااسه ولا يدري وش يقول ولا يشكر كيف لكن وضحة دمعه من عينه من كثر الوناسه .. ابو متعب : ها تر سر بيني وبينك ليلى بتطلع قريب .. متعب : متى ؟ ابو متعب : قريب يعني بعد شهر او شهرين والله يولدي مدري متى بالضبط لكن الاخبار الحلوه جت اليوم وان شالله تفرحكم دووم .. لكن اللي انصدم منه سوال متعب لعمه الي صدم الكل بعد ما اسمعوا السؤال .. متعب : وبترضى ابوي يعيش عندكم ولا تطردونه ؟ ابو متعب : بيعيش عندنا .وعندكم .. متعب : يعني ماراح نرجع لبيتنا القديم .. ابو متعب : لا يامتعب هذي بيتكم وماراح تغيرونه .. متعب وكانه يبي يتاكد اكثر : يعني حتى لو سكن فيه ابوي مارح تطردونا .. ابو مشعل يقاطعه : وش نطردكم الله يهديك يامتعب هذا بيت ابوك ورجع له .. متعب يلف لابو مشعل : لكن هو قال قبل ماراح يعيش فيه حتى لو تصالحتم .. الكل انصدم بالكلام اللي قاله متعب .. يعني جد لما يصحى ابو متعب بيبعد من جديد ويروح عنه اخوانه ؟ ابو مشعل : لا يولدي انتم عندنا وابوك محتاج لنا الحين قبل بكره .. متعب : وانا ما ابغا اروح عنكم .. ابو متعب : ولا نبي فرقاك ياولدي متعب .. انت ولد نا الغالي .. ابو مشعل : بس لا تعلم خواتك بخروج ابوك خلها مفاجاءه .. متعب : طيب واذا سالتني مضاوي عن ابوي وش اقول ؟ ابو متعب : قول ما ادري عنه .. ابو مشعل : لا قول انه بخير يقولون عماني كذا .. متعب: اها كذا طيب .. ابو متعب : يالله حمدان يدق العود وش رايك تتعلم منه العود .. متعب : بروح اقوله يعلمني كيف اطق على العود . ويروح عن عمانه لحمدان يتعلم على العود .. ابو متعب : ياخوفي انه يعلم خواته .. ابو مشعل : وش له تعلمه بخروج ابوه .. ابو متعب : بخليه يفرح .. ابو مشعل : وش تفرحه بالخبر على ياس حالته وانت خرجته على مسؤوليتك .. ابو متعب : ابيه يصحى ببيته يا محمد .. ابو مشعل : يقولك الدكتور خطره حالته اذا جبته البيت .. ابو متعب : قلت لك بجيب معه ممرضه تعرف حالته يعني المستشفى نفس البيت .. ابو مشعل : لا غير ياعبدالله المستشفى اجهزه هنا وش فيه غير الاكسجين وادويته .. ابو متعب : انا قلت له وخلاص وبكره العصر بجيبه .. ابو مشعل : الله يعين ياعبدالله لو عرفت مضاوي انه ابوها خارج بمسؤوليتك .. ابو متعب : ماراح تقول شي بالعكس بتفرح لما تحس بابوها جنبها .. ابو مشعل : اتمنى تفرح .. ابو متعب : لا تخاف خلها علي .. ابو مشعل : مو خوف لك ودي اعرف وش راح يصير .. ابو متعب : ما بيصير الا الخير .. ويجلسون سوالف وضحك .. وعند الشباب طرب ووناسه وشعر .. ------------ في الداخل على الساعه 8 م.. الخدامات بالمطبخ .. يسون العشا .. والبنات والحريم بالصاله ضحك وووناسه .. وكانت جالسه نجوى وهيا اختها ونوره ونوفا ومزنه ولولوه وندى ونوره وعواشه وعهود ومضاوي وثريه وهنادي واماني .. وام حمد وام مشعل وام متعب ..ووضحه .ام ناصر .. ام ناصر : لا يا ام حمد بالسنه اللي جبت فيها بنتي نجوى .. ام حمد : لا دي السنه ماكنت مخلفه مزنه .. دي مزنه اكبر من نجوى .. ام ناصر : بسنه بس .. ام متعب : والله اني اتذكره مزنه مع والدي حمدان بنفس السنه انا تطلعت من الاربعين انتي ولدتي يا هاله ببنتك مزنه .. ام حمد : الله ..؟ دي نجوى اصغر من حمدان كمان ؟ ام مشعل : واصغر من ندى بنتي .. ام ناصر : بنتي نجوى صغير بس جسمها يبين عليها كبيره .. ام مشعل : ليه ناويه تخطبينها لحمد ..؟ ام حمد : والله ودي لكن الولد مش عاوز يتقوز .. ام ناصر : الله يوفقك اولدك والله يوفقك بنتي وكل شي كاتبه الله يصير خير .. ام متعب : اجل زوجي راشد لنجوى ..؟؟ ام ناصر : وليه بنتي بايره ماعندها احد والله نصيبها توه .. ام حمد : لا مش اصدي كده يام ناصر لكن ولدي راشد يبي هيا اختها .. ام ناصر بتعجب: هيا ..؟ ام حمد : هو من زمان ئلي انه وده ببنت عمته هيا . وهي ترد على ام متعب ..واعيالك مين بتزوجينهم .. ام متعب بضحكه : ههههههههه اانا متعب متزوج هنادي وفهد للولوه وفارس عارفين انها مزنه ووملكين عليها لها سنه .. لكن يبي يكون نفسه وبعدها يتزوج .. وحمدان لعواشه .. ام مشعل : هو قالك انه يبي بنتي عواشه ؟ ام متعب : من غير ما يقولي انا ابي عواشه لحمدان .. ام مشعل : الله يكتب الي فيه الخير .. ام حمد : كملي ياختي .. ام متعب .: شكلك عاجبتك سالفة الخطبه .. ام حمد : ياختي تنتي ناويه تكدرينا فرحينا بئه .. ام متعب : وخلاص وش تبين اعيالي كلهم قلتهم ما بقى الا بنتي عهود والله يرزقها لكن ماني ناويه ازوجها الا لما تخلص الجامعه .. عهود وهي تسمع السوالف ":: يعني بموت وانا ما خلصت الدراسه .. ام متعب : هش ووجع تتسمعين السوالف .. عهود : اصلا الكل منتبه عليكم ومحدن يسوالف .. ام متعب وهي لاحظه جد انه الكل ملتفت عليهم وعلى سوالفهم .. ام مشعل : يووو عاد الحين كل وحده بتفكر بفارس احلامها .. مزنه بخجل : بس مو بفارسي .. الكل هنا بطها ضحك .. مضاوي : وي توني ادري انك مملكه على فارس .. مزنه : من زمان حتى انا نسيتها تصدقين .. ثريه : علينا يامزنه نسيتي . مزنه : بس خلاص .. ام حمد : خلاص بنتنا ماعاد فيهم حيا .. مزنه : يماااا ما قلت شي .. ام متعب وهي تضم مزنه : يابعدي والله مرت الغالي .. مزنه بخجل : بس حمرت خدودي .. ام متعب : هههههههههههههههههههه خلاص ببعد .. مضاوي : ماشاءالله الله يوفقهم .. ام متعب : ويوفقفك انتي يامضاوي .. مضاوي : لا انا ظاربه عن العرس .. ام حمد : وليه يابنتي ..؟ مضاوي : ماراح افكر بالعرس ولا ابي طاريه .. ام متعب : ليه يامضاوي كل بنت تبي تعرس .. هنادي : ترا العرس عالم ثاني .. اماني : اي واضح بس من غير تعب الحمل .. ثريه : اجمل شي بالعرس لما تشوفين اعيالك وتنبصطين معهم .. مضاوي : يو وش فيكم قلبتم علي .. نجوى بصوت علي وخالي من الحب :" يعنني ما تدري انها بتتزوج حمد ...؟ الكل التفت لنجوى ..: وش فيكم تشوفوني كذا ام حمد تعلمكم بالسالفه اصلا حمد ناوي يخطبك وتقولين لي ما ابي العرس ولا افكر فيه ياسارقة الرجاجيل ما جيتي الا وانتي عانس تدورين ريحة الرجال .. على العموم عليك بالعافيه بس حبيت اعلمك او بالاصح انصحك ..لا تاخذينه الانك بتندمين طول عمرك .. الكل بصدمه .. ومضاوي بعالم ثاني بالصدمه وترجع تعيد الكلام هي تقول مضاوي بيخطبها حمد .. حمد ماغيره ؟؟ ام حمد : نجوى كيف عرفتي بالخبر ...؟ نجوى : للاسف الخبر مفضوح واصلا حمد ما يخبي علي شي .. ام حمد : وش اللي بينك وبينه .. ام ناصر : نجوى ووجع وش الكلام اللي تقولينه .. نجوى تلف لام حمد : للاسف اللي بيني وبينه شي كبير .. وتلتف لامها : ما قلت الا الحقيقه واللي يصير جدامكم وانتوا ما تحسون .. وتلف لمضاوي وتقول : ياليت ما توفقين الانك بتصيرين ام لبنت ماهي بنتك .. وراحت وخلت بكل مصدوم بالخبر ومن كلامها وبلسانتهم اكثر من سؤال وعلامة استفهاااام .. قامت ام ناصر تدور بنتها نجوى علشان تادبها وتفهم السالفه .. مضاوي : عن اذنكم ..وتقوم .. نوفا : وين بتروحين .. مضاوي : تعبانه اشوي بقوم اريح .. ام متعب : والله ما تقومين وانتي بالحاله هذي .. ام حمد : مضاوي يابنتي كل السالفه حمد موافق انه يتقوز واللهي واللهي السالفه بيني وبين ابوه وانا ماعرفت بالخبر الا النهارده ..؟ مضاوي : شكل نجوى تحبه الله يهنيه فيها ويهنيهم لكن انتي تعرفين حمد منو يبي ليه تخطبيني .. وانا ما ابغى اتزوج وقلتها قبل واقولها الحين انا مو سلعه تنبااع .. وتطلع من الصاله اللي قبل دقايق كان ضحك وفرفشه .. تروح مضاوي لغرفتهم وكلها هم وضيقه ..وتساؤلات .. ما ابغى اتزوج ما ابغى اكون عياله ما ابغى اعيش معهم لكن هالزمن من فرض نفسه علينا .. احس ودي اهرب من هنا .. خلاص ماعاد اتحمل ... تسمع طرق الباب .. وما انتظرت حتى الموافقه للدخول .. ثريه : ماراح استاذن الاني عارفه بدخليني بس بغيت اكلمك كلمتين وانتي فيها راح تقتنعين بكلامي .. مضاوي : حياااكِ اي كلام تقصدين ..؟ ثريه : كلمتني ام حمد وتبي تعتذر منك ومن كلام نجوى وعمتي وضحه راحت تادب بنتها .هذي نجوى محدن يقدر يغيرها بس ام حمد استحت وهذي هي تبيك لولدها .. مضاوي : اللي يبــيني يدل الباب مو كلام وفضاايح وتعالي وش تقصد بكلامها بتصيرين ام لبنت ماهي بنتك وتبارك لي وانا ما ادري وش السالفه ؟ ثريه : ما ادري وش تقصد بس الظاهر انها تحبه وماتقدم لها .. مضاوي :انا ما جيت هنا ادور الرجاجيل على قولها .. انا ما جيت برجليني هنا يكون بظنك .. ثريه : حدي يامضاوي الحكايه افهميها من عمك ومرت حمك .. مضاوي : الحكايه بفهمها من نجوى قبل عماني .,. ثريه : بتكونين مجنونه اذا اخذتيها من لسان مجنونه .. مضاوي : هي تعرف كل شي وابي اعرف وش اللي تعرفه وش تبي هم مني ؟.. ثريه : نجوى مريضه نفسيا وش لك عليها ؟ مضاوي : طيب عرس لاحد يقنعني اعرس .. وهالنجوى انا من بيعلمها من هي مضاوي مواللي تدور الرجاجيل ثريه : هي مجنونه يابنت بتصيرين نفسها مجنونه خليك منها وخليك مضاوي اللي عرفتها .. مضاوي : انا مضاوي ما تغيرت لكن انتي ما تعرفين منهي مضاوي اذا احد عايرها اوجرحها لتشق السما على منهو يتعدى اسمي .. ثريه : الله يهديك يابنت انتوا جاين تستانسون وانسي الخبله نجوى .. مضاوي : انا رايحه لعمي .. ثريه : يووو انتي كذا بتكبرينها .. مضاوي : وشهو انتظر انهان جدامهم وتبغيني اسكنت لا خسى من تسكتني نفس نجوى واعلمها منهي مضاوي .. ثريه : هدي هدي .. مضاوي توقف وتلبس عبايتها : انا رايحه له وبشوف وش اخرتها وياهم ... ثريه بعد الياس : كيفك بس لا تنسين اني نصحتك وانتي وكيفك .. مضاوي : مشكوره على النصيحه :: تطلع من الصاله والكل عيونه على مضاوي ولبسها وين رايحه بهذا الوقت والساعه 8 .. طلعت من باب البيت وتوجهت للمزرعه وخصوصا مكان بيت الشعر ..الا تنادي بصوت متعب ,, متعب ... عم السكوت فجاءه بالشعر بعد ما كان طرب وووناسه .. مضاوي : متعب متعب .. ابو متعب : وشهو هنادي تناديك يامتعب ..؟ متعب الكبير: لا هذا مو صووتها .. ابو مشعل : متعب الصغير روح شف من ينادي .. متعب عبداللطيف : طيب ياعمي .. ويقوم متعب ويروح وراء بيت الشعر الا ينصدم باخته مضاوي .. متعب بصده : مضاوي وش تسوين هنا ...؟ مضاوي : ما اسوي شي لكن ابيك تنادي عمي عبدالوهاب باذنه ما ابي احد يدري اني اانا ابيه .. متعب ..بتعجب : ليه تبغينه ؟ مضاوي : مالك شغل ناده وانا بعدين اخبرك .. متعب ..: واذا اسالوني اللي داخل منو وش اقولهم .. مضاوي : قول انهم اختي كانت تبي تتطمن علي وراحت .. متعب .: طيب .. مضاوي : بسرعه ناده وتهس له لا تعالي صوتك ..طيب ... متعب : طيب .. يدخل متعب والكل يراقبه .. قرب من عمه عبدالوهاب ونزل مستوى قامته له .. وهمس باذنه .. وقام وجلس بمكانه الكان جالس فيه .. ابو متعب : عشا ماشر .. متعب : ما في شي .. حمدان : منو اللي ناداك يامتعب.. متعب : ابد اختي مضاوي .. ابو مشعل وهو يشوف ابو حمد قام وطلعت من الخيمه .. ابو مشعل : وش تبي اختك مضاوي من عمك .. متعب يتبالع : لا مضاوي بس تبي تتطمن علي .. ابو متعب : طيب وليه تكلم عمك .. مشعل : وش فيكم اكلتوا الولد يمكن تبي تتطمن على اخوها .. ابو متعب مو مقتنع من كلامه : طيب ها ,, مضاوي وراء الخيمه تنتظر عمها .. ابو حمد : خير يابنتي مضاوي .. مضاوي : عمي انت على عيني وراسي .. لكن حبيت اقولك كلام وابيك تفهمه قبل لا تقرر وتحكم .. انا ما اصلح لحمد والكلام اللي انتشر عني باني ادور الرجال ياليت تدور لولدك بنت نفس نجوى هي تستاهله اكثر مني .. لكن للاسف على بالي الكل ياشيلنا انصدم انه الكل يبي يتخلص منا ... ابو حمد بعصبيه : وش تقولين انتي ومن قال هالكلام .؟؟ مضاوي : الكلام انتشر وحمد لي كم يوم اشوفه مع نجوى كلام وسوالف وضحك وش تبغاني اتزوج واحد رافض يتزوج طول عمره ويحب من وراكم ..؟ ابو حمد : نجوى وش دخلها بحمد .. مضاوي : اسال حمد وبيقولك .. ابو حمد : هدي يابنتي انتي وش تقولين .. مضاوي تعطيه ظهره وهي تبكي :: انا تبعت وين القااها منكم او من كلام حواليكم .. وش تبون منا .جينا هنا غصب وتبغون تزوجونا غصب قلتوا لولوه وبلوتها قلت يالله بزوجها عشان بس تعرفون انها شريفه والحين سمعت انكم بتزوجوني حمد ليه شاكين فيني .. ابو حمد ..:انا ما راح ازوجك قصب كل السالفه اني باخذ رايك وقلت لام حمد وهالسالفه بيننا والي يدرون عمك عبدالله بس .. مضاوي : اسمحلي دور لولدك وحده غيري .. ابو حمد : وثانياُ اناما صدقت انه وافق يتزوج .. مضاوي : لكن انا ما ابيه حتى لو وافق علي .. ابو حمد : لكن يابنتي انا ما صدقته بعد هالعمر يوافق .. والحين توقفين بطريق فرحتي وترفضين .. مضاوي : الاني مو سلعه كل من يبيني يحجزني او يتزوجني من غير حتى يعلمني .. ابو حمد : من قال انك سلعه انتي جوهره وكلن يتمنى يتزوجك يا مضاوي .. مضاوي : الله يوفقك اولدك والله يسهل دروبي .. اما ياعمي ابشر زواج لاني متزوجه لا من حمد ولا غيره .. ابو حمد عجز وش يرد يخاف يرد عليها بعصبيه ويخرب اللي سعو عليه اخوانه ..وقال يالله بعد ما بيفرح بموافقة حمد بيحزن برفض مضاوي .. راحت مضاوي .وهي تقول مو انا اللي يقصبوني اتزوج .. وبعد ما تعشووا اضطرووا الكل يمشون لبيوتهم على الساعه 11 .. لشغلهم ودوماتهم .. والكل يستغرب من نزولهم بليل وكان الموعد ينزلون بكره الصبح .. -------------------- الساعه 9 الصبح ... الكل صاحي واللي تتغسل واللي تسبح والي تقرا القران وهذا يومهم من كانوا هنا دلال : ليلى تكفين دلكي ظهري .. ليلى : عجزانه ومالي خلق .. دلال : يا شينك اول مره اطلبك .. ليلى : وش تبين يعني ادالك ليه طيب اللي يسمعك يقولك مسويه شغل كلها تتقلبين على السرير .. دلال : طيب سوالفي علي .. ليلى : وش اسوالف ؟ دلال : سماح نايمه وعارفه لو اصحيها بتسطرني .. ليلى بضحكه من غير نفس : ههه زين تسوي فيك .. دلال : ترا ما صاري 3 ايام صرتوا ملقين انا ما لي خلث اجلس هنا اكثر من اسبوع احس بموت .. ليلى تشوف اظافرها : صج كم سنه بتجلسين هنا ؟ دلال : 3 سنوات .. ليلى : وليه ؟ دلال : كيف ليه ؟ ليلى: قضيتك وش هي ؟ دلال : اممممممممم ليلى : وشهو نسيتي جريمتك ؟ دلال : لا ما نسيتها بس ما احب اقولها .. ليلى : ليه يعني خايفه مني .؟ دلال : اللي عرفته من سماح انك بريئه وحطين لك مخدرات وسماح المسكينه ورطوها اخوانها ليلى : ماشاءالله ما خلت سماح الا وقالت قضايا الكل طيب قلتي لها قضيتك .. دلال : لا .. ليلى ومالها خلق لدلال : حلو تاخذين من غير ما تعطين ؟ دلال : انا جريمتي غير وبتكرهيني .. ليلى : تبين الصراحه انا ما احب اجاملك انا من شفتك قلبي لاهو مرتاح لك .. دلال : انا بنت اعشق لابس الصبيان .. ليلى بصوت عالي : بوويه انتي ؟ دلال : اووووووص لاحد يسمعك .. ليلى : اشوف وجهك ونظراتك ترعبني .. دلال : ومن جيت هنا احاول اتاقلم لكن ما قدرت .. ليلى : والطلب ؟ دلال : وش رايك تصيرين رفيقتي .. ليلى : قومي روحي دوري على غيري .. دلال ": وش فيها كل بنت تتمنى يصير عندها رفيق .. ليلى : وانتي تظنين انك بنت ؟ دلال : لا .. ليلى : اسمحيلي بنام .. ام جاسم : ليلى المحامي .. ليلى : بقوم ينادوني .. وتروح ليلى مع ام جااسم .. ليلى : وشلونك يام جاسم اليوم .. ام جاسم : بخير ياليلى وانتي اشلونكِ ليلى : بخير بشوفتك اشتفت لك .. ام جاسم : كلها اجازه ثلاث ايام يو شكل ام حسام مالها نفس عليكم ليلى : بالذات علي .. ام جاسم : عادي تحمليها قلبها ابيض ..بس تعرفين مشاكل السجن والبيت .. ليلى : اها طيب المحامي من جدك هنا .. ام جاسم :ايوه .. ليلى : يعني بطلع قريب ..؟ ام جاسم : هههههههه الحكايه طويله مو كل من جاب محامي بيوم بيطلع يبي للسالفه وقت طويل .. ليلى : المهم بطلع ولا انسجن 7 سنين .. ام جاسم وهي تطرق الباب الا تسمع صوت ثامر .. ثامر : تفضلي .. كان مشغول بالاوراق والمحامي عنده وعند رفيقه انور .. انور : تفصلي يا ليلى .. ليلى وعيونها على ثامر ما شافها يعني يتكبر ولا وشهو ..وبعدها تشوف انور وتشكره : شكرا .. انور .: هذا المحامي ابو عبدالرحمن .. ليلى اكتفت بهزت الراس .. انور : عندي لك خبرين حلوين .. ليلى بصوت واطي : خير ان شاءالله .. انور يمد يده صور : شوفيهم .. تاخذ ليلى الصور والاستغراب يدور فيها وتشوفهم وهي ماهي مصدقه عيونها هذي شكل جوزه والبنات اللي معها ماخانتها ذكرها هم هم .. المحامي : تعرفينها ؟ ليلى بصوت حازم : اكيد اعرفهم هذي جوزه وشلتها .. انور : كويس هنا بالصوره شهاد لك وبصوفك .. المحامي : هذا اول دليل وباقي علينا الادله .. ليلى : وكيف باقي ؟ انور: عندنا صور لهم باشكالهم ووجوهم لكن الصور عند البنات والمحكمه هي اللي بتشوفهم وتقررر وباقي بس نجيبهم ويعترفون .. المحامي : وهذا اصعب امر يا ليلى ... ليلى : كيف يعني ؟ المحامي : يمكن يجبون محامي وتثبت برائتهم وشهود .. وتعرفين كللا شي يمشي بالفلوس ويمكن مصورينك ويمكن بعد ماخذين التقارير الي تثبت انه المخدرات في دمك .. ليلى بصوت عالي : كيف يعني كل شي يروح بغمضت عين .. يعني بقضي عمري هنا .. ثامر بصوت عالي : ليلى هم يتناقشون هدي صوتك وهذا الي يقدرون يسونه .. ليلى : وانت ليه ساكت اكيد عرفت بالمصيبه انه مافي امل لخروجي وانت مبسوط الاني ماراح اتحرك من هنا .. ثامر يصر باسنانه : ليلى هدي واسمعي باقي الكلام بعدهم ما خلصوا .. ليلى : وش خلصوا خلاص جوزه تشتري الناس بفلوسها .. وبتربح وانا اللي بجلس هنا وهي تنبسط .. انور : ومن قال بتنبسط ؟ ليلى : توك تقوله ..!! انور : بتدخل السجن قصبن عليها عندنا لها شهود وعندنا الصور وعندنا اثباتات انها مجرمه لكن الخوف يقوله المحامي انها تورطك معها وانك كل شي باراتك مو باراتدها .. ليلى : وكيف اليحن فهموني ..؟ المحامي : باقي لك ادله بس واثباتات تيقن انك ما الك خبر فيهم ولا تعرفينهم وهم من ورطوك بس ... ليلى : بس كل هذا وتقول بس ..؟ انور : ثامر شوف حل .. ثامر : انور انت والمحامي ما قصرت انا بفهمها بطريقتي تقدر تروح انت والمحامي وتتدرسون الحلول وانا بفهمها بطريقتي .. ليلى : وشهو بطريقتك انا بمشي خلاص ..ولا تجبرني اجلس وانا عارفه انك قاصد تحطمها جدامي علشان تبغتني اجلس اقبالك طوالدوامك .. ثامر بعصبيه : ليلى بسسسسسسسس .. انور : انا بطلع مع السلامه وطلع ومعه المحامي .... ثامر يقرب منها : انتي ما تهدين ابد يعني قالوا لك في امل لكن يبيلك ادله وانتي ما صار لك شهرين هنا بعدك بالشهر الاول وتبغين المساله تخلص بسرعه احمدي ربك غيرك مظلوم وجالس سنتين ولا لاقي محامي يداافع عنه ولا عنده قرش ولا ناس توقف معه والحين انتي بشهر ومليتي وزهقتي وتعلين صوتك ولا كانك بنت امير ولا شيخ ..اصحي ياليلى كلنا نبي نساعدك لكن ساعدي حالك قبل لا احد يحاول يساعدك نفسيا .. انا حاولت اكسبك لكن للاسف انتي تبعدين وتعمين عينك بنفسك .. روحي مثل ما تبغين وخلي القضيه مثل باقي القضايا تجلس سنه ما تحركت وشوفي من بيحركها لك ووتمنين لو حسنتي لفظك واسلوبك معي اولا ومع الكل اللي متعني وتعبان يبي يساعدونك .. لكن للاسف خساره لسانك ضيع كل شي .. ليلى : ...................... ثامر يفتح الباب : اطلعي لو سمحتي .. ليلى : ثامر .. ثامر وعيونك لمكان ثاني غير جسدها ..: الباب مفتوح .. ليلى تطلع وهي تركض من الحزن ومن الخبر ومن اسلوب ثامر لها وتحس خلاص رجعت للصفر ... ------------- في البيت جلس متعب الصبح يتفطر مع اخته مضاوي .. متعب : اليوم نروح لليلى ..؟ مضاوي : لا بكره ياحبيبي بنروح لهم كلنا .. متعب : طيب حلو .. مضاوي : ليه ياحبيبي انت اكثر شخص مشتاق لها .. متعب : اي مشتاق بس بتجينا اليوم ضيف .. مضاوي : منهو الضيف ياقلبي ؟ متعب : ضيف راح تحبينه .. مضاوي : ههههههههه اما عليك لا يكون صديقك انت تعرف خلاص عيب واحد من ربعك يدخل هنا صح متعب .. متعب : لا مو واحد من ربعي .. بس انتظري لين العصر وبيجي .. مضاوي : بنتظر بس لا تدخله داخل اجلس انت ويااه بالمجلس حق عماني ... متعب : ليه شكلك بتطلعين اليوم ؟؟ مضاوي : اي بطلع .. متعب : وين بتروحين .. مضاوي : ما تعودت عليك تسالني يامتعب .. متعب : انا خلاص صرت كبير يامضاوي .. مضاوي : من حقك ياكبير << تقوم من السفره ... متعب : بتطلعين الحين ..؟ مضاوي : اي بطلع تبي شي .. متعب : وين بتروحين .. مضاوي : احس بصدع وابي اروح المستشفى بسوي تحاليل وارجع .. متعب ك اروح معك .. مضاوي : يالله بتجي تعال ... ويغسل يدينه ويلبس ثوبه ويروح مع اخته بسيارت السايق مال عمهم .. بالسياره : متعب : ليه وش في راسك .. مضاوي من غير ما تشوفه بالسياره : بس يوجعني له ايام .. متعب : ليه ما اكلتي بندول .؟؟ مضاوي : بسسسس يامتعب انا راسي يوجعيني وانت تسال خلاص .. ويسكت متعب الى ان وصلنا للعياده الخاصه واخذت كرت واجلس تتنتظر دورها .. السستر: مضاوي عبد اللطيف .. مضاوي : اجلس انت هنا انا بروح لدكتور .. متعب : وبتخلينه يكشف عليك .. مضاوي : متعب هو دكتور .. متعب : طيب لا تتتاخرين .. مضاوي تعطيه نظره تسكته ..: تدخل مضاوي وكلها خوف ..: وقالت لدكتور انه راسها يوجعها وقال اخذي التحاليل من المختبر تحت والاشاعه وتعالي .. وانتظرت تقريبا ساعه ونص لين خلصت الاشعه والتحاليل .. ودخلت على الدكتور .. الدكتور اسامه يقلب الاوراق والاشعه .. الدكتور اسامه : مضاوي في احد جاي معك ..؟ مضاوي : اخوي الصغير .. الدكتور : الوالد او الوالده ؟. مضاوي : ادعي للوالده والوالد بالمستشفى مريض ..ليه يادكتور في شي ..؟ الدكتور: بصراحه التحاليل والاشعه تاكد انه فيك .. مضاوي : وشهو اللي فيني ؟ (( وش تتوقعون بالاجـــــزاء القــادمه ؟؟؟ ))) | |||||
|
| |
|
24-05-11, 06:50 PM
| #25 | |||||
| روايتي مؤسس ومشرفة سابقة وقاصة في منتدى قصص من وحي الاعضاء
| الــــجــــزء الســـــــــابع عشـــــر ----------------------------------- الدكتور اسامه يقلب الاوراق والاشعه .. الدكتور اسامه : مضاوي في احد جاي معك ..؟ مضاوي : اخوي الصغير .. الدكتور : الوالد او الوالده ؟. مضاوي : ادعي للوالده والوالد بالمستشفى مريض ..ليه يادكتور في شي ..؟ الدكتور: بصراحه التحاليل والاشعه تاكد انه فيك .. مضاوي : وشهو اللي فيني ؟ الدكتور : بصراحه ياخت مضاوي xxxxx كيف ابلغك بالخبر ..؟ مضاوي بخوف : وش الخبر يادكتور ؟ الدكتور : بصراحه الاوراق كلها تثبت هالمرض ............<يسكت .. مضاوي :كمل وش فيك سكت .؟ الدكتور : لازم احد يجي معك يااخت مضاوي الانك مراح تتقبلينه بروحك .. مضاوي : اخلص علي يادكتور وقولي وش فيني ..؟ الدكتور : فيك ورم بالراس وهذي الاشعه تثبت كلامي والتحاليل .. مضاوي منصدمه: .............................. الدكتور :قلت لك ماراح تستحملين الخبر بحالك لكن شكلك عنيده .. مضاوي : دكتور اللي فيني الخبيث ؟ الدكتور : اي نعم السرطان بالراس وشكله توه بادي بالراس ولازم تتسرعين وتتعالجين باقرب وقت ولا بيفوت عليك المرض وينتشر بالراس ويؤدي الى موت المخ وتعطيل وظائفه .. مضاوي بخوف ومو مصدقه الخبر : والحل ؟ الدكتور : الحل بيد ربك وحده والحل الثاني اننا نسوي عمليه استاصال الورم بالراس.. مضاوي : بس هذي عملية خطره بالراس؟ الدكتور : اكيد خطره بس الحين بحولك مستشفى الاورام السرطانيه هناك وهم اعرف بالاورام .. مضاوي ": وش بيسون لي ؟ الدكتور وهو يكتب التحويل " بيفتحون لك ملف وتراجعين هناك ويمكن يحاولونك علاج بالخارج اذا كان الورم انثى الانه الانثى معروف تنتشر .. وهذا خطر بحياتك .. مضاوي بحزن وضسقه قويه : يعني بموت .. وقف الدكتور قلمه على هذي العباره وقال : الموت والحياة من ربي وكل انسان له يوم يامضاوي .. والموت كل نفس بتذوقه سوا اليوم او بكره .. مضاوي : لا ما ابي اموت وانا ما حققت اشياء في حياتي .. الدكتور " انتي ليه حطمتي حياتك من هاللحظه ؟ ؟؟ مضاوي بضيقه: خلاص كل شي انتها من نطقت اسم المرض يعني حياتي لها ايام معدوده ؟؟ الدكتور: كل مرض وله حل وتطور الطب كثيييييير بالامراض الخطره مثل الورام ..عيشي حياتك مثل ما تحبينها ولا تبينين انك بتموتين في يوم وتزرعين هالشك الانه المرض نفسه يعتمد على الحاله النفسيه للمريض وكل ما صارت الحاله كويسه بيكون بالف خير باذن الله .. " يمد لها ورقة التحويل " مضاوي تاخذ الورقه ويدها ترتجف والخوف بان بعيونها .. والحزن بدا يرسم علامات بوجها القوي .. خلاص بتطيح ومحدن سما عليها .. بتموت قريب وبتودع اعز الناس لها .. ابوها اخوها اخواتها حلمها المنتظر .. هدفها تدريسها دراستها.. العايله الي تتمنى تكون منها وتكونها .. الحب الي تنتظره يدق بابها بيصبح سراب ... العايله الي تحب تكونها وتكون هي الام المخلصه الحنونه الوفيه بيتلاشا مثل هالريح العباره او مثل سحابة صيف عابره لا وجود لها بالمطر ..؟ فقدة البسمه او الرسمه الموجوده بخدها .. العصبيه وعزم القرار بتفقده .. بتفقد كل شي بذاتها وبتفقد ذاتها بعد ..؟ وش بقى يا مضاوي غير اسمك بيردد الفضاء من غير وجودك . روح من غير جسد ؟ خلاص الموت حقا .. وماراح اخبر احد مهما كان بمرضي .. موتي اليوم او بكره مثل ما قال الدكتور .. بحاول قد ما اقدر اني احفر اسمي بقلب كل انسان .. تطلع من الدكتور وكلها اسى والصدمه من الخبر .. متعب : وش فيك ؟ مضاوي بصدمه : ها ؟ متعب : وش فيك شكلك تبكين ؟ مضاوي : لا ما ابكي .. متعب : طيب وش قال الدكتور لك ..؟ مضاوي : صداع عادي .. بس لازم اروح العصر لمشوار مهم لحالي .. متعب : ليه بروحك ؟ مضاوي : مو شغلك حاجه لازم اروح لها بروحي ومن الحين اخبرك اي مخلوق يعرف اني رايحه بوريك شي ما شفته .. متعب : وش فيك تصارخين علي انا وش سويت لك مضاوي انتي وش فيك ؟ مضاوي تحاول تهدي نفسها من التوتر والخبر اللي مو مصدقته ولا مستقبلته بالمره .. متعب : مضاوي انا اكلمك وس فيك نسيتي اني رجال البيت ؟ مضاوي : الا معي منت مسؤول علي تفهم .. متعب : بعلم عماني .. مضاوي تقرب منه وبصوت شديد : بتشوف يامتعب اذا خبرت احد هذا الشي بيني وبينك بس .. والرجال يوم تجيه علوم ما يخبر احد وخصووصا اللي يقوله ما ابي احد يعرف بالخبر .. متعب : طيب قولي لي ؟ مضاوي : اوعدك بعد ما تتحسن الامور بقولك ..الاني بقولك عن اشياءو اشياااء بتشيلها وبتتحملها انت بنفسك .. متعب : مثل ؟ مضاوي : الايام يامتعب الاياام بتقول متى ياخوي .. متعب : طيب ما بتمشين للبيت ..؟ مضاوي : الا بس لازم امر هالامشوار مهم الحين .. متعب : انتي تقولين بتروحين العصر ؟ مضاوي : بروح الحين بروح البيت واتركك هناك واروح بحالي احسن من العصر .. متعب : طيب على راحتك ويركبون السياره وتقط متعب بالبيت وتمشي بالسياره للمستشفى الاورام وتاخذ موعد وتكلم الدكتور وهي منهاره من كلامه وحست جد الموت يدق ناقوسه الخطر باي لحظه ويعلن موتها .. تركت الدكتور اللي صدمها بالمعلومات والتحاليل اللي بيدها بانه الورم لازم علاجه بسرعه ..حست بصداع مكهرب بارسها وجلست على احدى الكراسي وماسكه راسها بيدينها وتشد بالمسك وتكلم نفسها : بس خلااااااص يكفي اللي امر فيه بحياتي ناقصني بلا بالراس .. لا خلاص وي اخلعه بيدي لو اقدر .. ..!! بدات تبكي وتبكي وهي تشوف الناس بالمممر المستشفى تروح وتجي اكتفت بالنظر بانه بيجي يوم ماراح تشوف بشر فيه ولا ناس عزيزه عليها حست بالضعف بالغزو الورم براسها وانكسارها حتى بقوتها وصمودها وقوت ارادتها انكسرت .. كنت اتمنى اكون معلمة علوم والبس البالطوا .. وادرس البنات .. وهاوش ذي وعصب على ذي واعاقب ذيك .. وتجيني ام كل وحده وتقول انتي بنت ال *** تكفين ساعدي بنتي .. لكن الحلم يا مضاوي بينشل وبيعجز ولا بيتحقق من بيوضفك مريضه والموت باطرافك يهتز يعلن خسارتك بالدنيا .. لالا خواتي بيضعون .. متعب بيضيع منو بيحرص عليهم من بيراقبهم من بيصرف عليهم اذا طردوهم عماني للمره الثانيه ؟ من بيحميهم ؟ ومن وين بياكلون ؟ ليلى بالسجن ماراح تسوي شي ولولوه متسرعه ومجنونه برايها ونوفا ما تعرف تحرك شي الا بشور احد واعتماديه وخوافه .. ومتعب لاهو قد المشاكل اللي فيه يكفيه من الدنيا ومن العمر اللي شافه يعني من بيتحملهم عماني ..!! لا مستحيل يمسكونهم كل واحد يشوف نفسه بهذي الدنيا .. يعني يامضاوي اخوانك واهلك بيضعون من غيرك ..؟ واذا قلت لهم بيحسسوني اني ضعيفه ولا اقدر اسوي شي وبيعطفون علي وانا ما ابغى احد يحسسني بالضعف اللي انا فيه .. لازم يامضاوي تتحملين الوجع تتحميل كل شي بس لين تتطمنين على الكل .. واول خطوه بسويها امن مستقبل نوفا ولولوه .. ومتعب بوصيه يسمعني ويطبق اللي بقوله بالحرف الواحد وبخليه يشد على خواته عشان بعد موتي يقدر عليهم .. لازم ازور ليلى .. من زمان عنها وحشتني ما ابي اموت وانا ما شفتها .. :" تقوم من الكرسي بخفه وتمسح دموعها وتقول :" خلاص يامضاوي الضعف والمرض انسيه .. وبدي من جديد وكانه ماصار شي انتي مضاوي بنت عبداللطيف اللي ما تهزها كلمه .. تقرب من السياره وتدخل .. الا تسمع السايق يقول .. هارون : ماما هذا بابا عبدالله يقول وين انتا .. مضاوي بخوف : وش قلت له ؟ هارون : انا قولي روحي طبيب .. مضاوي : ماقالك اي طبيب رايحه ؟ هارون : لا ماكو قولي .. مضاوي ": طيب لا تقول لاحد ياهارون وتطلع شنطنتها وتعطيه 20 اريال بس عشان يسكت .. وبعدها تقول : هارون روح هذا عنوان .. وتعطيه العنوان وانصدم المسكين انه السجن .. وبعد نص ساعه اوصلت مضاوي للسجن وشافت الضابط .. الوليد .. مضاوي : لو سمحت ابي السجينه ليلى عبدالطيف متعب ال*** الضابط وليد : وليه مارحتي للضابط ثامر ,,.؟ مضاوي : طيب انا جيت ابي اشوف اختي مو مهم المكان المهم اني اشوفها .. الضابط وليد ..: طيب وينادي الشرطي اللي برا يوديها للغرفه المناسبه لتشوف اختها .. وانصدمت بعد ما اوصلت الغرفه مكتوب غرفة الضابط ثامر .. الا تشوف ثامر ولد عمها وهو الثاني انصدم .. ثامر : وش جابك بروحك ..؟ مضاوي لابسه عبايتها وما باين غير عيونها .. وشكلها كان ذبلان وتعبانه جد .. مضاوي : ابي ليلى .. ثامر : وليه ما جاء معك ابوي عمي اي احد لو متعب اخوك وشهو تدخلين السجن من غير رجال وين انتي ؟ مضاوي : مو وقته تحاسبني انا جيت اشوف اختي ؟؟ ثامر :: ماراح تشوفينها الا ومعك رجال .. مضاوي : تكفى انا ابي اشوفها من زمان ما شفتها .. ثامر : وليه ما طلبتي عمي عبدالله يجيبك او ابوي او عمي عبدالوهاب ؟ مضاوي : كنت ماره مشوار وشتقت لها وابي اشوفها فيها شي ؟ ثامر : لا مافيها شي يامضاوي الا فيها اشياء وش تبين الرجاجيل اللي هنا يقولون عنا .. يكفي انها ما تستحي ولاتقدر وداخله من غير رجال في مكان كله رجاجيل ولا وكل هذا والمسافه كلها جايه من غير احد ومع السايق صح ..؟ مضاوي : كا عرفت ابي اشوف ليلى .. ثامر : ارجعي للبيت ماراح اخليك تدخلين من غير رجال (يقرب منها ) عشان مره ثانيه ما تتعبين نفسك وتزورين اختك من غير حرم .. مضاوي بصوت قوي : خلاص انا جيت وابيها بموضوع مهم انت ما تفهم ؟ ثامر يقعد بكرسيه من جديد : وش مافهم هندي اقول حسني الفاضك معي .؟ مضاوي : انا محستنها قبل لا اشوف وجهك تسمعنيى ابيها بموضوع مهم وانت تتمصخر علي اقولك مهم .. ثامر : وشهو الموضوع ؟ مضاوي : لو بقوله لك كان قلته لك لكن الموضوع خاص .. ثامر : طيب اجلسي بناديها .. مضاوي : وياليت ما تجلس عندنا الانه الموضوع بيني وبينها .. ثامر : والله لو يدري عمي عبدالله ليوريك نجوم الظهر .. مضاوي : وان علمته ما يهمني انا جايه اشوف اختي .. ثامر : هههههه والله انك ملسونه .. مضاوي : هه مو غريبه من نفس العايله كيف ما اطلع نفسهم .. ثامر عصب .: وان قلت لك ماراح انادي اختك لك والسبب اسلوبك المعفن هذا .. مضاوي : وماراح اتحرك الا وانا شايفتها ..؟ ثامر : وغير هذا عنيده وبعد وش عندك ؟. مضاوي : لا والله وتعدد محسناتي .. ثامر : قولي سلبياتك .. مضاوي توقف : ياليت تفهمني من غير اسلوب وما اسلوب ابي ليلى بشي مهم انا ماجيت اضحك معك او اطق حنك بسوالف بتناديها ياهلا فيك وماقصرت واذا ما نديتها بتخرب البيت وتشوف شي ما شفته .. ثامر يلعب بكرسيه : ولا وتهديد ؟؟ وش ناقص ؟ مضاوي : برود اعصابك .. ثامر ينادي الضابط : ناد لي ليلى .. مضاوي : ممكن ياخ ثامر تتركني انا واختي بروحنا ..؟ ثامر : افا عليك بس انتي تكلمي بادب وانا حاضر .. مضاوي : لا اله الا الله فرق اسلوبك منساع عن الحين .. ثامر : لا عرفت انك مثل اختك بالعناد ما تمشين يعني لازم نكسر راسك بالطيب ..علشان يتكسر .. مضاوي : ليه قايليلك ما ننكسر الا بالطيب ؟ ثامر : ابد خوات سبحان الله نغس الاسلوب .. مضاوي : قلتها خوات .. يندق الباب الا تدخل ليلى وهي مالها خلق بشوفة ثامر ولا تدري عن مضاوي ابد .. ثامر : شرفت الاخت الثانيه .. ليلى : مضاوي << تركض وتضمها .. مضاوي طاحت دمعتها ما قدرت تشوف اختها وتمسك راسها وتقول : تغيرتي ياليلى كثير .. ليلى : مشتااقه لك يامضاوي كثيييير .. ثامر : انا استاذن ويعطي ضحكه لمضاوي <يعني نفذت وعدي ..وبعدها يقول : لا تطولين جدامك ساعه بس .. ويطلع .. وتجلس مضاوي تفتح النقاب عنها ووتسال عن اختها وحالها واخبارها .. مضاوي : ها ياقلبي ناقصك شي .. ليلى : ناقصني شوفتكم كل يوم وشلون متعب ونوفا وللولوه .. مضاوي : كلهم بخير ؟.. ليلى : وابوي وش حاله بالمستشفى .. مضاوي : بخير وتحت الاجهزه ناطر رحمة ربي ... ليلى : يعني مافي امل في انه يعيش نفس اول .. مضاوي وجها ذبلان والصداع يوجعها : لا مافي امل .. ليلى : وش فيك شكلك تعبانه .. مضاوي ودمعتها طاحت : لا بس تعبت من المسؤوليه ومشتااقه لك .. ليلى تقرب اكثر : اكيد يامضاوي لاني اشوف شي ثاني بوجهك .. مضاوي : بس مشتااقه لك .. ليلى : بس اللي اشوفه مو اشتياق بس ؟ مضاوي : وش قصدك ؟ ليلى : الاني اعرفك من وجهك ولا تنسين اني الوحيده اللي اقرا وجهك مضاوي : ووش تشوفين .؟ ليلى : مدري اشوف فيك شي متضايقه منه او خايفه وتعال غريبه جايه بروحك ؟ مضاوي : جيت ابي اشوفك .. ليلى : وهذا اكبر دليل انه فيك شي .. مضاوي جالسه بكرسي اقبال كرسي ليلى ودمعتها طاحت وحست بانها ما تقدر تسكت عن المرض حتى لو شنو جدام اختها ليلى بعد ما اخسرت هيفاء ما تقدر تخش بقلبها شي .. واسكتت ما تدري هي تبشرها او تخوفها بالمرض .. وما تدري هي ليه جايه هنا بالاساس .. يعني جايه توصي ليلى باهلها .؟؟ لكن ليلى يالله تساعد نفسها ..؟ ليلى تمسك يدها وتمسك دمعت مضاوي : مضاوي وش فيك ياختي..؟ مضاوي : احس بصداااع بيكسر راسي .. ليلى : رحتي للمستشفى ؟ مضاوي : ايه .. ليلى ": طيب اكيد معطيك بندول اكلي شي وبعدها اشربي دواك وارتاحي .. مضاوي تسكت وش تقول لاختها فيني السرطان .؟ اكيد لا ما تبي تخبر احد بمرضها حتى لو كانت اختها ليلى اكتفت انها تقول : طيب لما برجع باكل الدواء وبنام .. ليلى : مضاوي انتي متاكده انه مافيك شي ... مضاوي بعصبيه : انا قلت لك مافيني شي انتِ وش فيك ياليلى .. ليلى تسكت وتكتفي : انا مافيني شي مضاوي وتبي تغير الجو : وكيف المحامي معك ..وش قال ؟ ليلى : ما قال شي سو انه يمكن الاثباتات كلها بتكون ضدي او معي .؟ مضاوي : كيف ما فهمت ؟ ليلى : ليه عماني ما يقولون لك اخباري ؟ مضاوي : الا بس ما افهم منهم وابيك تفهميني انتي ؟ ليلى : مافي شي يستوعب فهم كل الحكايه غامضه ..ّ!! ويمكن اخرج ويمكن لا ..؟ مضاوي : لكن عمي وعدني انه بيخرجك .. ليلى : هذا اللي سمعته مثلك ؟ مضاوي : انا لازم اكلم عمي ابيك تخرجين باقرب وقت ياليلى .. ليلى : وانا ودي يامضاوي وربي متضايقه من هنا محتاجتكم كثير .. مشتااقه لاخواتي كثييييييير مضاوي : انا هالمره جيت بروحي من غير احد يدري بس المره الجايه اوعدك اني بجيبهم معي .. ليلى : طيب وابوي ما جيتيه ؟ مضاوي : مثل ماهبرتك على حاله ويقول الدكتور احسن له المستشفى الانه فيه اجهزه تساعده على التنفس .. ليلى : وبيجلس طول عمره كذا بين الاجهزه .. مضاوي : جعله مقوبته بالدنيا ولا بالاخرى ياليلى وانشالله الله بيصبره بالاخير بالجنه على تربيته لبناته وتصحيح غلطته .. ليلى تنحني راسها : يارب يامضاوي متى تنطلع من المشاكل .. مضاوي تتنهد : مدري ياليلى حتى انا تعبت تبعت من المشوؤليات والمشاكل وكثير اشيااء اكمتها اتعب فيها .. ليلى : ليه تكمتين خبريني انتي ما تعودتي على كذا .. مضاوي : يمكن فقد ناس كثار .. اولهم امي وبعدهاابوي و هيفاء وبعدها انتي ..تعبت من اخسر الناس الغالين علي ياليلى .. ليلى : انتي ما خسرتيني يامضاوي ؟ مضاوي : لكن متى اشوف من اسبوع لاسبوع وحب اخشوم ؟؟ ليلى : صح مضاوي : الحزن ماراح يدوم قد ماني حيه بخلي النور يدوم ياليلى لك ولاخوانك .. ليلى : يارب يسمع منك يامضاوي .. فجاء تسمع الباب ينفتح مضاوي تلبس نقابها وتوقف .. ليلى : وين رايحه .. مضاوي : انا بطلع .. ثامر : وش فيكم ؟ ليلى :اسال نفسك ؟ داخل من غير ما تطرق الباب حتى .. ثامر : خلصت الزياره .؟ مضاوي : انا اساذن .. ليلى : اجلسي بعد ما شبعت منك .. مضاوي : جدامي طريق .. ثامر : وبتروحين بروحك ؟ مضاوي : ايه ليه ..؟ ثامر : عمي عبدالله وصاني اوصلك .. مضاوي بخوف : وليه خبرته بوجودي هنا ؟ ثامر : لا والله واخليك تروحين بحالك بوسط العالم بروحك ؟ مضاوي : انا جيت بحالي وبرجع بلموزين ؟ ثامر : يعني ما تخافين منالغريب بس خوفك من القريب يعني باكلك ؟ مضاوي وهي تشوف ليلى : مع السلامه انا بروح بحالي ثاامر ...: "كانها تعانده .." تطلع مضاوي وشايله جروحها بقلبها .. ثامر : اكلمك وش فيكم ؟ ليلى : شي عائلي وانت كل شوي مدخل خصك بشي ما يخصك ؟؟ ثامر : احترمي نفسك ياليلى .. ليلى : تكفى ياثامر انا مو ناقصه كلامك ترا اللي فيني مكفيني . .وتطلع وتخليه سارح بفكره والبلوى اللي مسوينها بنات عمه .. ومستعد يدفع نص عمره بس يعرف وش اللي صاير ..ورجع يمشي وراء مضاوي ولقاها فعلا راحت مع السايق .. | |||||
|
| |
|
24-05-11, 06:53 PM
| #26 | |||||
| روايتي مؤسس ومشرفة سابقة وقاصة في منتدى قصص من وحي الاعضاء
| الساعه2 الظهر ..في بيت عبداللطيف الكل بيتغدى الا مضاوي من جت من الطبيب وهي ساجنه نفسها بغرفتها .. ولا تبي اي شخص يدخل عليها .. نوفا : وش فيها مضاوي من جت وهي مالها خلق لنا .؟ متعب : هي راحت الدكتور وشكل صداعها يوجعها جد لولوه : هي لها فتره اشوفها تقول صداااع وهي مهمله ما تاكل شي ولا حتى الدواء الي يوصف لها الدكتور .. نوفا : انا حفظت لها بالحرار غدا لها اكيد بتجوع وبتاكله.. متعب : بعد اشوي عمي بيجينا .. لووه ": ليه وش دراك ؟ متعب : هو قالي ..<< وفيه ضحكه كاتمها .. نوفا : غريبه .. لولوه : يمكن بخصووص مضاوي الانها راحت ليلى وما خبرته .. نوفا :لا عمي ماعاد يهتم بتصرفنا .. لوولوه : الا ماتعرفينه عصبي لما يقررر شي واحد يخالفه نوفا : هههههههه تقصدين يوم تجينهم اول يوم .. لولوه : ماراح انسااه وبرج لهم وربي .. متعب : لالالا انتوا وين رحتوا عمي بيجي بس مو لسالفة مضاوي . نوفا ولولوه : وش عرفك يامتعب .؟ متعب : هو قالي ما اخبر احد وماراح اخبر .. نوفا : ياخبر اليوم بفروس بعد اشوي ببلاش .. لوولوه : على قولتك يانوفات الا يانوفا وش رايك اليوم نروح لبيت عمي محمد .. نوفا : مالي خلق .. لولوه : طيب نروح لبيت عمي عبدالوهاب ؟ نوفا : اقولك مالي خلق اطلع من البيت .. لولوه : طيب انا بروح بس جد ما سمعتي الخبر الجديد مضاوي لحمد .. نوفا : ماشاءالله الاخبر الحلوه كانها غيث تبشر بالخير .. لولوه : الا معي ما تبشر .. نوفا تاشر باصبعها لقلب لولوه : لو هذا بيحب بيتغير بساعه مو بيوم .. لولوه : بعييييييييييييييييده .. نوفا بضحكه : ههههههههههههههه اي نشوف .. لولوه : اقول قومي شيلي الغدا ترا وربي لو تقوم مضاوي وشافته كذا بتشب حريقه بالبيت .. نوفا : ياقلبي قلبها مضاوي شايله البيت كله ما اظن ببتزوج حمد او حنا ما نقدر بنفقدها .. لولوه بعياره : اتصور اول ليلة بعرسها بتقول" لحظه حمد بشوف خواتي وارجع لك " نوفا : هههههههههه تتصورين لولوه : اي وهي بلابسها الابيض لازم تتطمن علينا وخصووصا انا اكيد بتوصي فيني .. متعب : يمكن تسال عني .؟بس جد مضاوي ببتزوج حمد .. نوفا : هذذا اللي سمعته مثلك ياحبيبي .. لولوه : الخبر اكيد وانتي ما سمعتيه بالصاله .. نوفا : اي صح بس كنت منتدمجه على سوالف عهود وعواشه واللي قامت مضاوي فجاءه قالت تعبانه ..؟؟!! لولوه : هي نفسها .. نوفا : شكلها مو عاجبها الوضع بالخطبه.. لولوه : وش رايك ؟ وحده ما تبي العرس ..؟ نوفا : تقدر تقول ما تبي العرس .. لولوه : انتي خبله؟ ويسوالفون الا ان طرق باب البيت .. نوفا : متعب شوف منو عند الباب .. متعب بفرح : ابوووي اكيد .. نوفا تلتفت لولوه : كنتي سمعته يقول ابوي ؟ لولوه : عادي اخوك هذا مخبول .. متعب يقتح الباب الا يشوف عمه عبدالله ومعه مسعفين جايبين ابوي .. متعب بصراخ : نوفا لولوه ادخلو داخل عمي بيدخل معه رجال .. نوفا ولوولوه يدخلون الصاله ويتركون المجلس لعمهم واخوهم وهم مستغربين من متعب ولهجته ؟ متعب دمعة عيونه لما شتف ابوه .. عبدالله ابو متعب : ها يامتعب وين سرير ابوك اللي قلت لك .؟ متعب : افا عليك ياعمي سويته اليوم الصبح ما خليت خواتي يدخلون هالغرفه وسويت السرير من الساعه 3 الفجر .. عبدالله : بروحك ..؟ متعب : اي انت قلت لا تخبر احد .. عبدالله : لو خبرت مضاوي ... بعدها يسكت ويقول . عبدالله : وين مضاوي ؟ متعب : من جت وهي مصدعه ولا تبي تكلم احد .؟ عبدالله : انت ليه خليتها تروح بروحها للسجن يامتعب كم مره اعلمك اقولك اختك لا تخليها تدخل مكان الرجاجيل الا وانت معها ؟ متعب : هي ما خبرتني والله ياعمي يشوف ابوه يحطونه بالسرير ويحطون الاجهزه .. متعب : بيظل كذا ؟ ابو متعب : بيكون عنده هالممرضه بتكون ويااه .. متعب : بروح اقول لمضاوي هي بتفرح اكثر وحده .. ابو متعب : رووح خبرها وخبر خواتك .. ثواني لا نوفا ولولوه يقابلون ابوهم ويبوسونه ويضمونه ويبكون بشوووفته الانه وحشهم كثييييير ... يطرق الباب لمضاوي وهي لا رد من التعب ما حست الا بدق الباب القوي توقف وهي معصبه .. مضاوي : نننننننننننعم .. متعب : ابيك بموضوع ضروري مضاوي تفتح الباب بعصبيه : ننننننننعم متعب : وش فيك معصبه .. مضاوي : ما تشوفني نايمه وش تبي يامتعب .. متعب : ابيك في مفاجاءه تحت .. مضاوي : روح وراح تراني حدي مو طايقه نفسي متعب : طيب بتبوسين يدي بعده ما تعرفين انا وش ناوي لك ؟ مضاوي بطلب ادب ..: ممكن ياحبيبي متعب تخليني استريح ماني ناقصه لسخافاتك انت وخواتك انا مصدعه للاخر .. متعب : طيب ثواني وش بتخسرين ؟ مضاوي : انت بتخسر كرامتك وماي وجهك اذا شفت الشي اللي مصحيني علشانه سخيف متعب : خلاص مني لك تظربيني جدام عماني وش تبغين بس تعالي .. مضاوي مو مصدقه انه اللي جدامها اخوها متعب لا مستحيل هذا متعب ... متعب يجر يدها : يالله تعالي بسرعه تكفين مضاوي .. مضاوي : يالله بنزل شوي شوي .. وتنزل درجه درجه ما تدري وش هي مفاجاءة متعب هالمره اللي فرحان ومبسوط فيها .. وصلت لغرفة الضيف اللي مخلينها تحت .. مضاوي : وشعندك وراء هالباب .. متعب مبسووط : هههههه وش تتوقعين ؟ مضاوي : وحده من سخافاتك يامتعب .. متعب : بس بشرط اول ما تعرفين انه له قيمه بتبوسين رجلي تشكريني يامضاوي ترا بذكرك مضاوي : وش هالاهانه هذي خلاص ياعم خلصنا .. يفتح متعب الباب وتشوف شخص نايم والاجهزه حوله ولا تعرف منو تتقدم خطوه بخطوه وهي تتخيل او حقيقه يعني حقيقه اللي تشوفه ابوها جدامها ولا هي تحلم ,.,.؟ الا تلتفت يمين الا تشوف خواتها وعمانها عبدالله وعبدالوهاب ومحمد .. وهي تقول بقلبها من غير اي حرف تنطقه وكل وجها علامات استفهام وصدمه ": الله يادنيا كيف نجيمع عبد هالايام والسنين يالله يالله يالله .. ماني مصدقه ابوي اقبالي ؟؟ابوي ابوي اقبالي تركض له وتحضنه وتبوس راسه وتبكي وتبكي تحس طلعت الخناجر المتعلقه اللي بقلبها كلها تبي تشتكي وتقول بصوت عالي .. مضاوي : الله لا يحرمنا منك يالغالي وربي وحشتيني مووت يايبه وربي وحشتني مرره عبدالله : بس يامضاوي بس يابوك .. مضاوي بقلبها : خلني ابكي اخاف بكره اموت وانا مكا شبعت منه .. عبدالوهاب : اذكري ربك يابنتي وش هالصياح ابوك الحمدالله بخير ؟ مضاوي تمسح دموعها : وحشني ياعمي وحشني كثير نوفا ولولوه : بس ناقصنا امي وليلى .. عبدالله : ليلى بتطلع باذن الله قريب .. لولوه : لكن امي ما بترجع قريب .. مضاوي تذكرت الموت وصار بفكرها بانه اسمها بينظم لقائمة المفقودين حاولت تغير سالفة الموت اللي تخوفها وصايره تكشف وجها بسرعه .. وبعدها بساعه من الشوف والاشتياق تمنت لو تقول لابوها سرها وطول الليل محد نام كل شخص يتمنى ينام عند ابوه وبالاخير اتفقوو انتهم انه الكل ينامون عنده من هالساعه .. مثل ماكانوا ينامون زمان .. "" بعـــــــــــد شهــــــــــرين "" تزوجة ندى قبل شهر وكان عرسها خيالي والكل انبسط فيه كل العايله الكريمه..واليوم ملكة لولوه .. والعرس بعد شهرمع عرس مزنه بيوم واحد الانه فاارس وفهد اخوان .. مضاوي حالتها النفسيه صارت تسوء والكل لاحظ هذا ولاحظوا طلعاتها اللي ما يدرون وين تروح .. وبعد ماعرفت انه عمها يحاول يعرف وين مشاويرها غيرت السايق وطلبت سايق جديدخاص فيهم .. وصارت تطلع الصبح والكل نايم تروح عيادة السرطان ..(اسم الله السامعين ) ولولوه خاليفه من الخطوه اللي راح تسويها .. ونوفا كل ماحاول ناصر يقرب منها تبتعد اكثر .. وتروح لبيت عمانها وبيت عمتها ما تروح .. اليوم الكل فرحان ومبسوط الا لولوه المرتبكه وتحاول تجمع قوتها ..مضاوي قد ما تقدر تحاول تشغل نفسها باي شي ممكن تسويه تشيك على الصالونه وعلى ثوب اختها .. وعلى اكسسوراتها واغراضها .. نوفا : بس يامضاوي عشرين الف مره تشيكين .. مضاوي : بصراحه ماعرف وش يلزم بعد تعرفين اول مره نحضر خطبه واول مره تصير لوحده من خواتي وانا مو عارفه وش اسوي .. نوفا : عمتي وعمتي فضه (ام متعب ) تحت .. مضاوي : طيب انتي خلصتي ثوبك واغراضك انزلي ضيفيهم .. نوفا كانت لابسه ثوب قصير لونه اصفر عليه حزام وردي وشعرها بف من وراء وحاطه وشريطه بشعرها ورديه حلق لونه ذهبي يجنن طويل عليه كرستال وردي .. والمكياج الشدو كان بنفسجي على اسود شوي ونعوووم مره وقلوس حاطته باربي .. وعليها هلهب شفاف منقط بالوردي .وكرمكم الله " الجوتي كعب لونه اصفر .. كانت كيوووت وبنوته كثير .. اما مضاوي كانت لابسه : ثوب قصير لونه اخضر روتانا عليها نقشات بلون البرتقالي والاحمرالفاقع.. ومسويه تسريحه رافعه كل شعرها ومطلعه غره شوي على الجنب .. ومكياجها اسود دخاني ... وحمره حمراء .. ولابسه ساعه سوده تجنن .. وكرمكم الله الجوتي اسود كعب .. كانت خيال اما العروس لولوه كانت مذهله مثل ما قال محمد عبدو .. لابسه ثوب (اوف وايت ) طويل البيجي الفاتح وشعرها مخليته على جهه وحده ومكياجها كان خيالي برتقالي بزيتي وحاطه بشعرها شوي ورد الطبيعي كزينه .. اما ليلى ما جت خطوبة عرسها كانت اكثر وحده حزينه بينهم .. بعد ساعه من التحضيرات خلصت العرروس ونزلوها للحضور وكانت قمه في الروعه .. ام متعب : يازين مرت اولدي اشهدنه فهد ماهوب قايم اليوم لبيته .. ام ناصر : ماشاءالله تبارك الرحمان في خلقه وين هالجمال يالولوه من زمان .. ام متعب بزله : تشبهين امك كثير ... نوفا شدتها هالنقطه : خاله ما سمعت انك شفتي امي من قبل ؟ ام متعب : لا اعرفها من بعيد لبعيد يانوفا ولما شفت لولوه ذكرتني فيها اكثر .. لولوه مو طايقه الجو بالمره وتحس الاول مره بخووووووووف قوي ..وانها راح تواجه فهد وجه بوجه من غير احد ..وتتوعد بينها وبين نفسها بتوريه العين الحمره من اول لقاء لهم .. ام مشعل تدخل بحلا : كلوولولولولولويش مبروك يالعروس مببروووك ندى : مبروك ندوش ترا شوفي من الحين ماراح تصيرين احلى مني بالعرس .. لولوه : تصدقين انك فاضيه .. مزنه : اكيد ماعندي شغل غير تقهيرك ياحلو ..شوفي ترا احلى شي الخطبه شووفيه ترا شهر طووويل مره .. مضاوي تضحك : ههههههه الله يهنيكم .. ندى تدخل بحيا : مبروك يا لولوه .. هنادي : جت العروس المستحيه .. اماني باخر شهر لها ولاده وتنتظر ولاتها بفاااارق الصبر ..(ماسكه كرشتها وتزحف للعروس ) : وخرووا بسلم وببارك لولوه ,, لولوه : تكفين لا تقربين احس بتنفجرين بس من قربي وتولادين بوجههي .. اماني : يالله تعبت من الحمل .. مزنه : الله يكون بعونك ويسهل عليك .. اماني : قهر ما اقدر اجي عرس اخواني لو ولدت الحين .. مزنه : عادي فيه شي اسمه شريط .. نوفا ماتت ضحك : كانها طرده يامزنه .. مزنه : لا وش اطردها اخت الغالي <<بميااعه تقولها .. مضاوي كانت اخر الكل يضحك وترسم كل شخص وبسمته وضحكته تحول تقتبس شي منهم ومن ضحكاتهم .. وجمعتهم وسوالفهم .. السرحان كان حكايتها بكل مقطع مؤلم او مفرح .. وتتوقع لو كانت النهايه كذا ضحكه كان اسهل بكثير ,, ام حمد شافت انه مضاوي بعالم ثاني بعد ماعرفت برفضها لحمد ..حست بانه مضاوي متحسفه وحبت تكلمها بهذا الوقت احسن وقت لهم .. ام حمد تناديها : مضاوي فيك ايه يابنتي ؟ مضاوي تصحى من سرحانه ببسمه : هلا ياخاله مافيني شي ؟ ام حمد : ابيك بموضوع ابل لا يجي العريس .. مضاوي تجلس جنبها : سمي ياخاله .. ام حمد .. بصراحه بدخل بالموضوع دوقري . ابيك تفكرين بحمد مره تانيه وثالثه يابنتي والله ده ابني وماصدقت انه يوافئ على القوازه دي منك اتمنى تفرحينا وتفرحيني انا كمان .. هذا مش امر يابنتي ده طلب وياليت تفكري به شوفي دي لولوه ببقوز وبعدها باذن الله نوفا وانتي لازم تشوفي نصيبك .. مضاوي : .............. ام حمد : انا مش عوزه الموافئه النهارده ..فكري مره مرتين وتلاته . حمد انسان كويس مش هتلاقي زيه .. مضاوي ما تعرف وش ترد عليها اكتفت بالسكوت والانصات احتراما لها وش تقول او ترد عليها تقول انه فيها الخبث .؟ او الموت ينتظرها ؟ اسمعت انه المعرس بيدخل بيلبسها الشبكه .. قامت من عند ام حمد بعد ما استاذنت منها من غير اي رد عليها .. البست عبايتها والكل لبس عبايته .. ودخل فهد بجبروته وبقوته والابتسامه مافارقت محياه .. ودخل معه ابوه بس .. الكل فرحان الا قلبين مضاوي الخوف من مصير اختها ولولوه الخوف من فشل الخطه واللي في بالها .. ابتسم اول ما شافها وكانه هذا اول درس بتاخذه منه .. لولوه حست بانه الارض ودها تاخذها ولا تنحرج هاالانحراج جدام الكل ودها تعطيه اول درس او بالاحرى عقاب جدام الكل لتعلمه انها لولوه ما وافقت حبا فيه الا ورد كرامتها وعزتها اللي فقدتها منه من اول يوم لها .. نظرات فهد توعد ونظرات لولوه رد الدين السابق .. الكل مالاحز هالنظرات الا هين اخذ الشبكه فهد بيلبسها وقال باذنها بهمس : واخيرا بعلمك منو هو فهد ياولولوه .. لولوه اسكتت ما قدرت ترد جدام الكل اكتفت بنظره توعد بعيونها .. فهد : ممكن اجلس مع عروسي شوي .. ام متعب : اكيد تفدر هذي زوجتك من هاللحظه .. مضاوي : لولوه تبين شي قبل لا اطلع ؟ لولوه بهمس وتصر باسنانها : ياويلك اذا طلعتي ذا عيونه جعلها للبرص ناويه على شر .. مضاوي بضحكه : وريه العين الحمرا على قولتك .. لولوه : مو جدام الناس اسكتي لا انفعل واخربها .. مضاوي : طيب انا استاذن ... وطلع والجو كان فاضي ماغير لولوه وفهد .. فهد يقوم ويجلس جنبها : واخيرا تقابلنا .. لولوه بصوت عادي : لو سمحت ما وافقة الا لرد اعتباري .. فهد بعياره يقرب اكثر : اقدر اخذ حقوقي من الحين .. لولوه بصراخ : هيه انت وين قاعد في بيتكم اقول قم استح على وجهك .. فهد : انتي حرمتي ومحد بيمنعني منك .. لولوه : حرمتك ببيتك ويالله خلصت الزياره ولبستي الشبكه وش تبغى بعد ؟ فهد يقرب من خدها : ابي رشفه .. لولوه حمرت خدودها وهي تبتعد عنه : احترم نفسك .. فهد وهو يقيضها : الله واكبر احترم نفسي ليه على بالك وحد من الشقه الي أجرتيها ؟ ترا انا . زوجك ويحق لي هالحقوق .. لولوه والدم يفور وتوقف من غير كلمه: بتشوف اني بنت وانت اللي بتندم ومن الحين اعلمك انك خسران معي تسمع خسران .. فهد يوقف جسمه : قلتيها نشوف وترا العرس بعد شهر ماهو بعيد ونشوف ياحلو .. ويطلع ويخليها بروحها .. لولوه بقلبها : فرقااااااااك .... وتخلص الخطبه وكل شخص شايل بقلبه كلمه او ضيقه من بنات عبداللطيف ... مضاوي ومرضها وليلى وسجنها وحرمانها من شوفة ابوها وخطبة اختها .. ونوفا زعلها على ناصر ما زال موجود على كثر ما يحاول يلتقي معها تصده ... ولولوه وخطبتها وكلام فهد لها .. --------------------- الساعه 12 بليل ... الجو عادي .... حمد بعد ما خلص من مكالمته مربية بنته وتطمن على بنته والافكار تروح وتجي ومسجات نجوى بالتهديد تضايقه وانه راح تفضحه اذا ما خطبها قريب .. حمد رافض كل الرفض الزوااج خصووصا من نجوى ..ومن مشاكلها اللي تدخل حمد فيها ,,خصوصا انه الحب ما ينوجد بينهم .. وهو بنفسه عارف ماضي نجوى الاسود ثواني من التفكير الا يقطع حبل السرحان والهموم التلفون .. كان منسدح وحاط يدينه مساندهم براسه والتفكير غارق فيه شاف التلفون يرن رفع يده اليمنه واخذ جواله خاف انه بنته جود صار فيها شي .. شال الجوال من غير ما يشوف الخط .. الا ينصدم بلي تكلمه حمد بصدمه : نجوى ؟ نجوى : ليه على بالك منوو بنتك ولا زوجتك ؟ حمد بنبره حاده : وش تبين يا نجوى ؟ نجوى : انت تعرف انا وش ابي .؟ حمد : والله يا نجوى اذا اتصلتي مره ثانيه لعلم ناصر عليك خلاص انا تعبت منك نجوى : الوسيله سهل تزوجني ؟ حمد : اول مره اشوف بنت تبيع نفسها وتخطب الرجال ..؟ نجوى بدلع : لا تلومني انا احبك .. حمد : وانا ما احبك .. نجوى : يقولون الحب ياتي بعد الزاج ليه انتي ما تؤمن بالمقولات الشهيره ؟ حمد : للاسف اذا انتي تتابعين شي انا انفر منه .. نجوى : مو مهم قاطعها حمد : مسجات وماارد عليك ووصلت عليك تكلميني جوال هنا وقفي يانجوى حدودك نجوى بصوت عالي : شوف اذا ما تزوجتني والله لفضحك ورتكب فيك جريمه وربي لتندم عليها .. حمد : انتي هيه من تهددين ؟ اقول اغفلي لا اتصل بناصر يعلمك نجوم الظهر وينها ..؟ نجوى بضحكه : يالله علمه اتحداك تدري ليه الانك بتبلي عمرك الاني بقوله احبه ويحبني واكلمه ولا اكلم غريب .. وبكذا ياحبيبي نقدر نجمع الشمل .. حمد : توقعتك اذكى من كذا تصدقين .. نجوى : عندي خطط وبلاوي زرق بس شوي شوي علي وانا اوريك وربي لتنسى اسمك منها واذا ما خليتك تركض وراي بس علششاني ما اكون نجوى .. حمد شاف الشاشه وغفل الجهاز بوجهها وخله صامت : تعب منها ومن تهددها ومن كلامها المايع والخالص .. يعني وش بيقول لعمته بتكذبه او مثل ما قالت بتقدر بكذا وسيله بس ماني ولد عبدالوهاب اللي ينخضع لحرمه نفسها .. والله لنشوف يا نجوى واوريك الظهر وبمشي معك للاخر وانتي من بتندمين .. ويضحك لتفكيره وللفكره اللي طرت بباله من كثر الضحك توقع شكلها بالخطه واكتفا ببتسامه وقال بمشي معك وبنشوف اخرتها ومن الرابح يانجوى ومن الخسران .. هههههه بنشوف بكره لمن يانجوى ... ------------------------ الصبح الساعه 10 الصبح .. الكل صاحي .. مضاوي تتفطر مع اخوها متعب .. ولولوه ونوفا ... نوفا : مضاوي اكل ابوي شي ..؟ مضاوي : ايوه انا وكلته شوي والحمدالله .. لولوه : يوووو مافي خبز .. مضاوي : شوفي بالبراد .. لولوه : مافي والله ولا خبزه .. نوفا : مستحيل وين يروح الخبز .. متعب : وشهو وين يروح انتوا اصلا كل طبخه فيها خبز ومتى اكلنا كبسه او معكرونيه كله خفايف وتسالون وين يروح الخبز ؟؟ نوفا : اي والله كل اكلنا خفايف صبح ليل عشا .. مضاوي : روحي يا لولوه لبيت عمتي اقرب واخذي منها خبز .. لولوه : يازيني امس خطبتي وانا داخله اطر ..؟ مضاوي تلتفت لنوفا : قومي جيبي من بيت عمتي خبز ..؟ نوفا : لا والله وليه انا مو متعب ؟ مضاوي : متعب رجال وشهو يدخل للحريم .. متعب : اي صح انا رجال .. مضاوي : والانك رجال البيت خذ جيب خبز بعد اشوي لا تجيب المنتهي واليابس تسمعني شوف التاريخ واخذه .. متعب بعلامة تفشل جدام خواته : طيب خلاص ماعاد ابغى الرجوله اذا فيها روحه وجيب .. لولوه : هههههههههه يالله يارجال البيت .. نوفا : مستحيل اروح بيت عمتي .. مضاوي بعصبيه : بتروحين تجيبين خبز وتجين ياخي ليه ما تروحين بيت عمتي ؟ نوفا : ما احب اللي تتسمى ناصر ..<زلت لسانها .. مضاوي بتعجب : ناصر ؟ نوفا بتعجل بتصححها : قصدي نجوى وهيا خواات ناصر .. لولوه بضحكه : وش دخل ناصر فيهم .. نوفا بتوتر مكشوف : اوزووووف خلاص بجيب الخبز < << تبغى تنحاش من الورطه الي فجرتها .. وراحت لبيت عمتها وكانت عمتها بالمطبخ تسوي الفطور لولدها خالد وناصر .. ام ناصر : هلا والله نوفا شوفي ياقلبي اذا ناقصكم شي يايمه لا يردكم الا لسانكم .. نوفا بخجل وتدعي على مضاوي اللي خلتها بهذا الموقف .. : ابشري ماراح استحي (وتقول بقلبها " الا كلي استحي ماعرف اطر ابد والله لا يحدني على هالطلب الله ..(كانت بتدعي على مضاوي ) .... استغفر الله ياربي .. ام ناصر : خذي هذي ثلاث كياس خبز .. نوفا : لا بس نبي وحده .. ام ناصر : خذيهم لا ترديني .. نوفا : ابشري ياعمه كانت لابسه بنطرون قطني لونه وردي وعليه تي شيرت قلوب ورديه وحمرا .. وشعرها ذيل حصان .. وشحااطه .. .. وتاخذوهم وتشكرها وتطلع من المطبخ وهي بالحوش الخلفي اللي يدخلها بباب لبيتهم من الخلف .. الا ذاك الشخص يمسكها مع معصمها .. نوفا : اااااااااااا ناصر : اووووص لاحد يسمعك .. نوفا : وش تبي مني ..؟.!!! ناصر : بعرف ليه تصدين عني ؟ نوفا : وش علاقتك فيني ؟ ناصر : انتي اعرف يا نوفا لا تنكرين ؟ نوفا : كان وانا فكرت وعرفت اني بعدي صغيره مو بنت للعرس بعدي بدري علي .. ناصر : علينا البارحه توامك ملك عليها ولازم تكونين نفسها ..؟ نوفا : مو شرط كل شخص يبي العرس يتزوج ..؟ ناصر : بس انا ابيك يانوفا .. نوفا : اضحك على الكل بس لا تضحك علي وانا ماني بحركة الاصبع اتبع احد ياناصر .. ناصر بتعجب : وش قصدك .. نوفا : تعرف قصدي وواضح ..! ناصر : وربي ما فهمتك وضحي .. نوفا تلف له : انا مو بنت تضحك عليها اليوم وترميها بكره ولا اني بنت بحركة الاصبع تتبعك وتطلب حبك افهم .. ناصر : اعتبريني غبي اعتبريني ساذج اعتبريني اللي تعتبرينه بس وضحي وربي ما فهمت عليك ..؟ نوفا : رووح والايام تبين لك وش قصدي وبتفهمها عدل .. ناصر يمسك يدها ويجرها : تعالي يانوفا وش قصدك انا ما العب معك مثل ما تقولين انا ابيك وربي ابيك وكلمة امي عشانك وقالت بعدك صغيره وخلي مضاوي تتزوج وبعدها املك لك .. وانصدمت بملكة لولوه واشهديها الحين عندك بالمطبخ توني فاتح لها هالموضوع بعد ما عرفت وانا ابيك شاريك يانوفا شاريك .. نوفا : هههههههه شاريني ..وتضحك مع غيري ..!! ناصر بتعجب : ما ضحكت مع احد غيرك ؟ نوفا : الا نوره بنت عمي عبدالوهاب ..؟ ناصر : ههههههههههههههههههههههههه هههههههههههههههههههههه (لدرجه حست كل البيت سمع ضحكته ) نوفا : لا جد مجنون بروح قبل لا يكشفني احد .. ناصر سكت وهو يحاول يكمت ضحكته ..: يالخبله تغارين من نوره ؟ نوفا : ليه ما اغااار بعد ما خبرتني حبك صرت احلم فيك وتبغاني اخليك لغيري وبعد هذاك اليوم بالمزرعه قررت اتركك لها .. ناصر بعياره والضحكه ماليه وجهه وفرحان بغيرتها عليه : يعني تغارين علي ؟ نوفا : حاليا ..امممم لا .. ناصر : طيب ليه ما حاربتي علشان تكسبيني .. نوفا : الاني ما احب الكيكه المشاركين فيها او حاطين عينها عليها .. ناصر : حلو حلو كلامك يوم عن يوم يعجبني .. نوفا : مو لازم يعجبك الاهم انه يدخل هالمخ .. ناصر بضحكه : لو قلت لك انه نوره تحبني ..وش بتسوين ؟ نوفا : هههه ماراح يهمني .. ناصر : اصدق ؟ نوفا : قبل يهمني اما الحين تلقون على بعض والله يهنيكم ومثل ما قلت لك انا ما افكر لا بالحب ولا بالزواج اهم شي اخلص دراستي .. ناصر ما يبي يحرقها اكثر من كذا وهو يشم ريحة لاحرقان كبيره : ناصر : نوره اختي .. من قال هالكلمه الا نوفا لصقه فيها وتشهق : قوول والله .. ناصر : اي والله اختي مرضعتها امي مع اختي هيا .. نوفا : كيف مرضعتها واختك ..؟ ناصر : هي شاربه حليب امي وش فيك تنحتي ؟ نوفا اضحكت : وانت تتريق علي على هالصبح روووح ياعمي رفعت ضغطي .. الا تسمع مضاوي تناديها : نوووووووووفا ماصارت خبز ؟ نوفا :يويويويو مضاوي لا تشوفني بتروح الا ناصر بوجها : انا احبك لا تنسين هالشغله والموعد قريب يانوفا .. نوفا ما سمعت الا كلمتين احبك وقريب ونحاااشت قبل لا تكشفها مضاوي .. ناصر : حتى بهروبها حلو وحتى بغيرتها تجنن وتحت بضحكتها دوختني وكلامها ذوبني يوووووووه ياناصر هالبزر دارت براسك ..ويروح لاهله داخل وتروح نوفا لاخواتها وكلها حب وسرحاااان ولا هي يم العالم كله .. ---------------------- الساعه 11 ..في بيت عبدالوهاب كانت ام متعب وام حمد يشربون الشاي ويسوالفون .. ام متعب : لا والله ما عرفها وانتي وش عرفك فيها ؟ ام حمد : واللهي ماعرفهاش لكن بنت اختي تعرفها وتؤول انها تعرف اختها وهيه بالكليه .. ام متعب : طيب اخطبي له بنت ام صقر مزيونه وجامعيه .. ام حمد : دانا تعبت واللهي يام متعب تعبت مع الولد ده شوفي اخوه نواف مع البنت ندى ماشاءالله من تقوزو والله الله يهنيهم فرحانين الا الولد ده ماشاف شي حلو بحياتوا .. ام متعب : والله انا قلت لك البنات اللي اعرفهم واهلهم طيبين واهل خير واصيلين .. ام حمد : المهم الولد ياليتوا يوافئ .. ام متعب : لا انساءالله بيوافق .. ام حمد : الله يهديها البنت مضاوي دانه ؤلت لها البارح وكلمتها لكن ماعطتني اي قواب .. ام متعب : الله يهديك وين تكلمك وخطبة اختها وهذا الوقت اللي تكلمينها فيه الله يهديك كان خليتها بوقت مناسب اكثر من كذا .. ام حمد : دانا ماصدقت انه الولد يوافئ هي ترفض ليه طيب حرام دانه منيتي الولد ده يتقوز ولما وافئ فرحت كتيييير يام متعب لكن هيه اللي كسرت فيه وكسرت الولد تاني .. ام متعب : لا يام حمد هذا الولد من عمره رافض بس عمانه اجبروا علشانها بنت عمه ..والعرس مو قصب يام حمد وللبنت رايها بعد .. الا تدخل الخدامه وتقاطعهم وتاشر لام حمد .. الخدامه : مدام في خدامه برا يبي بابا حمد .. ام حمد : ايه ؟ خدامه ؟ ام متعب : غريبه خدامه تبغى حمد ؟ ام حمد : نادي يابنت سيدك حمد على ما اروح واشوف بعيني مين ديه .. وتروح للباب الا تشوف خدامه وبيدها بنت صغيره تجنن .. ام حمد : انتي مين ؟ المربيه مايا : انا مربيه بابا حمد . ام حمد : ايه بتؤولي ايه بابا حمد .؟ مايا : هذا بيبي جود بابا حمد هو قولي تعالي بيت انا يجي هنا .. ام حمد : ايه بيبي بابا حمد بابا حمد مافي زوج.. مايا : نووو مدام هذا جود بيبي وهو قول تعال جوال تعال بيت بسررعه هو يبي بيبي مال هو جوود .. ام حمد : ايه انتي روحي يابنت بعيد تضحكي على مين ؟ ده ابني حمد ماعندوش اللعب ده .. حمد يوقف عند الباب والنوم بعيونه : هلا يمه وش تبغين مني تقولي ماما قولي بسرعه وضروري ارعبتني الخدامه وش عندك..؟ ام حمد : تعاله يابني وشوف الخدامه دي وش بتقول .. راحت ام حمد عن وجه الباب الا ينصدم حمد ببنته والخدااامه .. ام حمد : حمد يبني انت تعرفها ..؟ (( وش تتوقعون بالاجـــــزاء القــادمه ؟؟؟ ))) | |||||
|
| |
|
24-05-11, 06:55 PM
| #27 | |||||
| روايتي مؤسس ومشرفة سابقة وقاصة في منتدى قصص من وحي الاعضاء
| الجـــــزء الــــثامـــــن عشــــر -------------------------------- الخدامه : مدام في خدامه برا يبي بابا حمد .. ام حمد : ايه ؟ خدامه ؟ ام متعب : غريبه خدامه تبغى حمد ؟ ام حمد : نادي يابنت سيدك حمد على ما اروح واشوف بعيني مين ديه .. وتروح للباب الا تشوف خدامه وبيدها بنت صغيره تجنن .. ام حمد : انتي مين ؟ المربيه مايا : انا مربيه بابا حمد . ام حمد : ايه بتؤولي ايه بابا حمد .؟ مايا : هذا بيبي جود بابا حمد هو قولي تعالي بيت انا يجي هنا .. ام حمد : ايه بيبي بابا حمد بابا حمد مافي زوج.. مايا : نووو مدام هذا جود بيبي وهو قول تعال جوال تعال بيت بسررعه هو يبي بيبي مال هو جوود .. ام حمد : ايه انتي روحي يابنت بعيد تضحكي على مين ؟ ده ابني حمد ماعندوش اللعب ده .. حمد يوقف عند الباب والنوم بعيونه : هلا يمه وش تبغين مني تقولي الخدامه ماما قولي بسرعه وضروري ارعبتني الخدامه وش عندك..؟ ام حمد : تعاله يابني وشوف الخدامه دي وش بتقول .. راحت ام حمد عن وجه الباب الا ينصدم حمد ببنته والخدااامه .. حمد بصدمه يسحب بنته وكانه يتفقدها : وش فيها ؟ المربيه مايا : مافي شي بس انتا قولي تعالي هذا عنوان وانا يجي .. ام حمد : انت تعرفها ياحمد ؟ حمد وكانه توه يستوعب بالي حوله : ها ..(سكت ) وبعده يوجه كلامه للخدامه : انا ما قلت لك تعالي هنا وليه تجين قبل لا تتصلين علي .. مايا : بس انت سويتي تلفون حق انا وقولي تعالي بسرعه يبي جود .. ام حمد : وش السالفه ياحمد ؟ حمد : بعدين اخبرك يايمه .. ام حمد : وشهو بعدين ومن بنته دي والخدامه ابتاعت مين ؟.. حمد بشوي اصراخ : يمه قلت لك بعدين اخبرك << لانه لاحظ ام متعب موجوده ما حب ينكب عفشه بسببها .. ام متعب شافت الجو متكهرب حبت تخرج منها بسلام : انا بروح لبيتي بشوف الغدا هناك .. ام حمد : طيب .. ام متعب : ترا العصر عند ام ناصر الشاهي وتالقهوى تعالي .. ام حمد : طيب اشوفك بخير .. ام متعب : مع السلامه .. وتطلع .. ياخذ حمد بنته ويجلس باقرب كنبه ... .. جود : بابا متى تجيب العابي ..؟ ام حمد : ايه ده بابا ياحمد ؟ حمد : يما .... سكت ماعرف وش يقول خلاص عرف انها نجوى هي سبب هذا كله .. وانها هي من اتصلت على الخدامه .. لكن انا محرض الخدامه اكثر من مره لكن كيف جابت الرقم ؟ وكيف عرفت كل هذا وانا نايم ولا حسبت احساااب انها توصل لبنتي .؟. ام حمد : حمد دي البنت بتئول يابابا ..مين دي ياحمد ..؟ حمد بهمس وبصوت خفيف : هذي بنتي يايمه .. ام حمد تجلس جنبه وبصدمه : ايه بنتك .؟ حمد اصحى يابني انتا تئول كلام كبير اوي ؟. حمد : هذي بنتي جود يايمه .. ام حمد : ايه متى اجوزت ؟ ومتى خلفت ؟ ومن هيه ياحمد مين هيه (بصراخ) ؟ وليه ما ئولت لينا ليه يابني ليه دانا اللي بموت على اشوفك عريس داالوئت الي بتفاجئني بقوازك وبخلفتك ؟ ايه الكلام ياحمد ده دانا امك اللي تعبت بتربيتك تتقوز من ورايا ؟ اابوك يعرف او لا . حمد حاظن بنته : ........................... ام حمد تقرب منه : انطئ ئُول ابوك يعرف ..؟ حمد بهدوء : لا مايعرف لابزواجي ولا ببنتي .. ام حمد بصراخ: يخرب بيتك ياحمد يخرب بيتك دلوئتي ابوك جاي ايه بتئوله عن بنتك وعن قوازتك المعفنه .. استنا مين البنت اللي تقوزتها وفينها ؟ حمد : ماات يايمه مااات وخلتت عندي هالامانه .. ام حمد : مين هيه انطئ ..؟ حمد : نور المحسن .. من خلفه كان ابوه واقف : وش فيها نور المحسن ياحمد ؟ حمد وقف ما قدر يتكلم كلمه وحده او يرد على ابوه وده بانه الارض تنشق ولا يشوف ابوه بهذا الوقت .. يبي يمهد الوقت يمهد الخبر .. لكن مو وقته الحين .. ابو حمد : وشفيها نور المحسن ياحمد ماتقول انها ماتت وش جابها بلسانك الحين ؟ ام حمد : هدي يابو حمد هدي بالله عليك تهدي .. ابو حمد : وش السالفه ومنو هالبنت ؟ حمد : يبوس راس ابوه ويقرب من عنده ويبي ينطق الا بنته تسبقه جود : بابا هذا منوو ..؟ ابو حمد : كاني سمعتها تناديك بابا ؟ حمد : يبه هذي بنتي جود .. ابو حمد بتعجب : نعم ؟ ام حمد تبكي وتمسح بصدرها : دانا قلت لك ياحمد ابوك بيزعل منك .. ابو حمد : يعني بنتك ؟ حمد : ايوه يايبه هذي بنتي جود .. ابو حمد باصرار : تزوجت من وراي ياحمد تزوجت من وراي ؟ حمد : اسمحلي يايبه قلت لك ولكن انت رفضت تخطبها لي وتزوجنيها ورضوا اهلها يزوجوني ياها بالمسيار .. ابو حمد يعطيه ذاك الكف لحمد وبصراخ : ولك عين تقولها جدامي لك عين ياحمد .. تتزوج مسيار وغصبن علي ومن غير رضاي والحين جاي تبشرني ببنتك .؟؟ ولا تكون هي نفسها نور ؟ حمد يمسك خده : اي هي نور المحسن .. ابو حمد يقرب منه : انت وش سويت تعرف انت وش سويت ياحمد ..؟ حمد : ادري غلط ولك حق علي يايبه وهذا راسك ابوسه .. ابو حمد : ابعد ابعد ما ابي اشوف وجهك انت نزلت راسي وسوده ياحمد جدام الكل.. وش كل هالسنين كنت اضحك وبالاخير هو يضحك علي .. حمد : يبا .. ابو حمد : انا مو ابوك تسمعني ..من يقطع شوري ماهو ااولدي ..وانت سويت الي براسك وتزوجتها ونزلت راس ابوك وطيته للقاع وانت ما تدري تعرف محسن ليه زوجك بنته ما تدري ليه الانه يبي راس ابوك وانت خبل نزلته له وعطيته راسي بصحن من ذهب .. انت نزلت راسي للقاع ياحمد نزلت راسي للقاع .. يجلس على اقرب كنبه ويبكي .. ام حمد : بس يابو حمد ده حمد مايعرفش مين محسن ده .. حمد : يبا انا غلطان وعارف لكن انت رفضت تزوجني وانا احبها والبنت تحبني والمشاكل اللي بينكم وش تحصنا ..؟ ابو حمد : البنت ما تحبك تعرف هذا ابوها علمها كيف تلعب فيك وتطيحك وانت خبل ماتعرف منو محسن هذا .. هذا عقرب هذا ذل ابوك قبل وذل عمانك وذل جدك .. بفلوسه .. وبفلوسهم ... هذا سب ابوك واشتمه الاني رفضت ازوج بنته لبنتي .. حمد : يبه .. ابو حمد بعصبيه : اطلع من بيتي انت تزوجت من غير شوري وروح كمل حياتك من غير شوري .. ولا تجيني دامك ماخذ الدنيا بشورك .. حمد : يبـــه اسمعني .. ام حمد : بالله عليك عبدالوهاب ده ابنك حرام عليك تطردوا من البيت حرام .. ابو حمد : خليه يتادب ويعرف ياخذ شوره على راحته فشلنا جدام الكل وحنا نخطب له وهو رافض والحين تزوج الرجال اللي ربيتيه يا هاله خوش تربيه عصاك وراح تزوج من وراك هذا الولد الي يشور وياخذ شوره ويعصي اهله ويذلهم جدام الكل وينزل راسهم .. ينزل نواف اللي سمع الصوت واصل لجنااحه .. نواف : عسا ماشر وش فيكم صورتكم واصل لفوق ..؟ عبدالوهاب : ما تسمع الي قلته طيب ياحمد .. يمسك زند حمد ويسحبه لعند الباب .. : اطلع ولا عاد اشوف وجهك تسمعني ..؟ نواف : يبا عسى ماشر وشفي صوتكم عالي ..؟ وينصدم بحركمت ابوه لحمد .. ام حمد تركض لنواف : قول لابوك اي شي خليه حمد يرجع لبيت يانواف <<(بتكلم خليجي وتخيلوا انها تتكلم مصري اوكيه ) نواف : يبا وش السالفه وش فيه حمد .. ابو حمد : اساله لا تسالني وش سوى عصا ابوه وتزوج البنت اللي حبها من غير رضا ابوه ولا امه وما يدري هالبنت ابوها منو وش سوا لابوه وعمانه .. نواف : حمد انت تزوجت ..؟ ام حمد : دي بنته جود .. حمد : يبا انا ولدك حمد .. ابو حمد .: منت اولدي .... و الولد ما يعصى ابوه نواف : اذكروا الله ياجماااعه يايبه ولا تغلط مثل ما غلط جدي وطرد عمي عبداللطيف .. حمد : انا غلطان واعترف لكن وش ذنب بنتي تتشتت يايبه وماعندها احد يحميها بعد عيني ..(يبكي ) والله ما كنت ادري بابوها وعمايله لكن الحب اعماني يايبه وانتوا رفضتوها وابوها وافق مالقيت الا هالخيااار اسويه .. ام حمد تبكي وتصيح : تكفى يابو حمد لا تخليه يروح بروح معه .. ابو حمد : اسكتي انتي .. نواف : هدوا ياجمااعه المشكله ما تنحل بالصراخ .. ابو حمد : ومالقيت الا تنزل راس ابوك وعمانك لواحد ما يتسمى باسمه ..؟ حمد : ليه ماعلمتني ليه يايبه .. ابو حمد :انا اعرف الولد يسمع لابوه لنصايحه وكلامه لكن نفسك ما شفت ينزل راس ابوه ويعصي كلامه ..ما توقعتك كذا ياحمد ما توقعتك .. اولدي الكبيريكسر كلمتي وينزل راسي .. نواف : افا يايبه ما هقيتها منك تبكي هذا ولدك وكل واحد يغلط ...ولاتعيد الغلط يايبه هذا حمد اولدك اللي تحبه .. كلنا نغلط يايبه وهذا هو عرف غلطته وجاي يتسامح .. ابو حمد : بخليه ببيتي هو وبنته لكن ما ابيه يعتبرني ابوه ولا يقعد معي قول له هالكلام يانواف ..ويطلع ابو حمد .لحجرته .. الا اقباله حمد يبوس راسه ويدينه وهو يطلب منه الرضا وابو حمد يبعد يده عنه ويروح يصد عنه ..وكل ما صد لقا حمد بوجهه يبكي يبي رضا ابوه .. ابو حمد :توك الحين تدور على راضااي .. ام حمد : لا يابو حمد ما توقعتها منك هذا حمد ..اولدك .. ابو حمد : هذ اسمه على اسم اولدي حمد لكنه مو حمد نفسه .. نواف : يبا اذكر الله وصلو ا على النبي .. الكل : اللهمه صلي وسلم عليه .. حمد : ابيك ترضا علي يايبه تكفى ما ابيك تروح وانت منت راضي علي .. انا غلطان واعترفت وكل هالمده ساكت ومهموم والسبب اللي سويته من غيركم .. ابو حمد : تقعد بالبيت بس ما ابي اشوف وجهك .. ويطلع ويروح لغرفته ..وام حمد تلحقه .. نواف : هدي ياحمد كلها يومين وتهدي الاوضاع ويرضا عليك ابوي لكن جد صدمتنا بزواجك وبببنتك .. نواف وهو يناديها : تعالي ياحلو سلمي على عمك .. ويلتفت لحمد : بس عاد مش دمعتك لا تشوفك بنتك تبكي .. وتقرب جود من نواف ويسالها نواف : وش اسمك ياحلوه .. جود : اسمي جود .. نواف : كم عمرك ماشاءالله تبارك الرحماان تشبهك .. جود تهز راسها بالنفسي < يعني ما تدري .. حمد : 3 سنوات .. نواف : ماشاءالله العمر كله ...بصراحه ما يلام ابوي 3 سنوات يادب منغير الحمل يعني 4 سنوات معرس ما خبرتنا .. حمد يجلس على الكنبه ويتنهد : نواف يجلس جنبه : هونها يابو عبدالوهاب ..ياخي اخيرا بترتاح من الهم ياخي احسن من حبسه 4 ينوات .. حمد : وين ارتاح وابوي مايبي شوفتي .؟ نواف : ما الومه اذا انا اعرف محسن كيف ما تعرفه انت ؟ حمد : ماعرفه بس الحب اعماني على بنته .. نواف : وينها ؟ حمد : عطتك عمرها .. نواف : اها الله يرحمها . .وينادي جود .. نواف : جود تعالي باخذك لعمتك ندى بتفرح فيك .. حمد : وش بتقولها ..؟ نواف : هههههههه الكل بيعرف ياحمد ليه خايف اهم شي ابوي عرف وهذا اهم شي .. حمد : وين بتاخذها .. نواف : روح ارتاح وانا باخذها لشقتي تهتم فيها ندى لين ترتاح اعصابك .. حمد : يعطيك العافيه .. نواف : ولوو ياخوي ما بييننا شكر .. يالله جود عندي شوكولاتات كثيره فوق تعالي معي .. جود تشوف ابوها : بابا اروح .. حمد بضحكه : اي روحي مع عمك نواف .. وتروح جود معه وهي مبسوووطه ويجلس حمد على كنبة الصاله ينتظر هدوء ابوه .. ويفكر بالفكره اللي بتكسر راس نجوى على عملتها هذي .. وهو خلاص بيسوي اللي براسه وبيعلمها درس ما راح تنسى ابــــــــــــــد وبيعلمها منو حمد اللي تلعب معه .. -------------------------- بالوقت نفسه 11 .. في بيت مضاوي .. توبس راس ابوها وتوصي الممرضه عليه ..وتطلع من الغرفه ..وتاخذ عبايتها وشنطتها المجهزتهم من قبل لا تطلع .. يشوفها اخوها متعب .. متعب : وين بتروحين يامضاوي .. مضاوي : بروح اجيب اغراض من الجمعيه ..؟ متعب / بروح معك .. مضاوي : ما يحتاج يامتعب .. متعب :شكلك نسيتي انك كلفتيني هالمهمه يامضاوي .. مضاوي : لا ما نسيت بروح للجمعيه وبعدها بروح لمكان .. متعب : ليلى ؟ مضاوي وهي تلبس : متعب خل بالك على خواتك لا تطلع وحده منهم عن عينك ... متعب : وين رايحه ..؟ مضاوي : قلت لك لمكان يعني ما ابغى اخبر احد عنه ... متعب : طيب على راحتك .. مضاوي : مثل ما خبرتك ما ابي احد يدري وين رايحه تسمعني يامتعب .. متعب : طيب قوليلي انا ..؟ مضاوي : ولا انت ..يالله ماراح اتاخر كلها ساعه وجايه .. متعب : طيب .. ووتتصل على السايق يجهز السياره وهي تدو بشنطتها كرت وتمسكه بيدها ..وتخرج عن البيت .. الا تشوف اقبالها عمها ابو مشعل وراحت تسلم عليه .. ابو مشعل : هلا والله بنتي مضاوي كيف حالك ..؟ مضاوي : انا بخير ياعمي وكيف حالك انت ..؟ ابو مشعل : تمام والحمدالله ها اشلون ابوك اليوم..؟ مضاوي : الحمدالله نفس كل يوم .. ابو مشعل : وين اشوفك طالعه ..؟ مضاوي : اي والله رايحه اجيب اغراض للبيت .. ابو مشعل : وشهي عطينيااها انا بروح للجمعيه اجيبهم .. مضاوي بتوتر : لا ياعمي ما ابي اضايقك واتعبك معنا .. ابو مشعل :ولو يابنتي بزعل عليك ليه الدجاج خلص او الارز ..؟ مضاوي : لا ياعمي انتوا ما قصرتوا كل شهر تجبون الاغراض لنا لكن في اغراض صغنونه يبونها خواتي .. ابو مشعل وهو ياخذ بوكه : اجل اخذي ال500 اريال خليها معك .. مضاوي بتعجب : ليه ياعمي الحمدالله عندي وماني ناقصه شي .. ابو مشعل : اجل اركبي معي باخذك للجمعيه .. مضاوي بتعجب ورفض شديد : ماله داعي ياعمي والله ماله داعي .. ابو مشعل : وشهو كل شي بترفضينه .. مضاوي : طيب السايق جاهز له ساعه .. ابو مشعل : ماعليك منه تعالي معي .. مضاوي من غير حول ولا قوه : خلاص بروح معك .. ابو مشعل : وشهو شكلك ما تبين تروحين معه عمك .. مضاوي بتوتر : الا ودي بس ما ابي اضايقك .. ابو مشعل : وشهو تضايقيني يابنتي كلنا رايحين بنفس المكان .. مضاوي بضحكه : صح .. وقلبها يقرقع الانه موعدها مع الدكتور اساامه الساعه 12 والحين الساعه 11 .. وهي تفكر كيف تخلص من عمها وتروح للدكتور .. الا تسمع عمها محمد يناديها لتركب السياره .. وفعلا اركبت معه السياره وعمها يضحك معها ويسوالف ولا هي معه بالفكر .. كل تفكيرها كيف تروح لموعدها عند الدكتور اسامه .. ووصلوا عند الجمعيه وشرت مضاوي خبز وبيض وشبس وشوكولاته لاخواتها وبعض المعلبات .. ابو مشعل : انا خلصت اغراضي خلصتي يامضاوي .. مضاوي وهي تتفقد الاغراض : ايوه كل اللي ابغااه هنا . ابو مشعل : طيب بروح احاسب وانتِ روحي السياره . مضاوي : لا ياعمي انا بحاسب .. بعصبيه ابو مشعل : مضاوي .. مضاوي عرفت نفسها واسكتت ... لكن الصدااع زاد .. تحس انه الارض تدور فيها .. تحاول تتشبذ (تمسك ) باي حاجه جدامها ابو مشعل : يالله نمشي .. مضاوي تحاول ترد بكلمه وتصبر : طيب .. تحاول تمشي بخطوه مركزه لكن للاسف الصدااع كل ثانيه يزيد اكثر واكثر ودواها مو معها .. من غير افكير انطقت : عمي .. كان ابو مشعل اقبالها يفتح السياره بعد ما وضع الاغراض بالسياره .. الا يسمع مضاوي تنايه لف للخلف الا يشوف حالتها تعبانه يمسكها بسرعه .. ابو مشعل : وش فيك يامضاوي مضاوي خلاص تحس بانه الموت جاءها وفقدت الوعي .. ابو مشعل : يناديها مضاوي مضاوي ردي علي .. شالها بسرعه وركب السياره بسرع سرعه وكل ثانيه يلتفت لها ويحاول يناديها لكن لا جواب .. ويمسك السرعه وينطلق .. لاقرب مستشفى .. وياخذونها حقت الطوارئ ويسالله الدكتور الطوارئ وش فيها .. ابو مشعل : والله يادكتور كنت رايح معها ومافيها شي وفجاءه طاحت علي بالجمعيه .. الدكتور : البطاقتها لو سمحت .. ابو مشعل يفتش بالشنطه يبي البطاقه الا ينصدم بكرت العياده للاورام السرطانيه ويفتح الاوراق والدكتور يكلمه ولا هو بحوله .. ويسال نفسه من له هالاورااق .. الدكتور : لو سمحت انا اكلمك عن حالة بنتك ..؟ ابو مشعل : ممكن تقرا لي هالاوراق الاني توني اشوفها بشنطتها.. الدكتور : يمسك الاوراق ويقراهم ..شوي ويسكت ..وبعدها يساله .. الدكتور : هذي بنتك ؟ ابو مشعل : بنت اخوي .. الدكتور : انت تدري انه فيها ورم بالراس .. ابو مشعل بصدمه : من متى ؟. والله ما ادري ؟ الدكتور : بنت اخوك تعالكٍ بمستشفى الاورام السرطانيه المفروض تروح لهناك بسرع وقت للتعالج شكل اليوم عندها موعد وهذا اللي واضح بالكرت .. ابو مشعل : طيب من متى ماتعرف يادكتور ..؟ الدكتور : اللي واضح عندي بالاوراق الوره له ست اشهر .. وياخذ ابو مشعل مضاوي ويركبها السياره ويمشي بطريق السريع للمستشفى الاورام .. ابو مشعل بقلبه : يعني قبل لا نعرفهم وهي تعاني .. وليه ما خبرتنا ؟ علشان كذا ما تبغني اوديها للجمعيه وكانت حتى بالجمعيه متخربطه .؟ من متى يامضاوي وانتي تخبين هالمرض .. وصل اخيرا للمستشفى واخذوها الطوارئ وبعد ساعه بالضبط من التشخيص .. والدكتور اسامه دكتورها الخاص كان موجود .. ابو مشعل جالس بالاستراحه ينتظر اي خبر وجواله صامت وارسل بس رساله للولده مشعل يقول فيها " انا بتاخر قول لاهلك يتغدون ولا يتصلون علي " وطول وهو جالس وعقله ما وقف عن التفكير .. الا وثواني جاء شخص صوبه وقال : ابو مضاوي ؟ ابو مشعل : لا عمها ..؟ الدكتور اساامه : ممكن تتبعني .. ابو مشعل : انت دكتور الدكتور اسامه : ايوه معك الدكتور اسامه اسف مو لابس البالطوا الاني كنت جالس بالعياده وجاني اتصال ونسيته .. ابو مشعل : كيفها مضاوي الحين,,, الدكتور : كل شي بجاوبك عليه بس مو هنا تعالي معي للعياده .. ويروح معه للطابق الثالث المخصص لمكتب الدكتور اسامه .. ويجلس ابو مشعل وقلبه وده يسال قبل لا يجلس .. الدكتور اسامه : كنت اتمنى من فتره اشوف اي شخص من اهلها .. ابو مشعل : اهم شي طمني يادكتور والله توني ادري بحالتها ؟ الدكتور : انا اعارف انه محد يدري بحالتها وهي انسانه عنيده حتى بعلاجها .. واكذب عليك ان قلت حالتها بخير .. يابو .... ابو مشعل : اسمي ابو مشعل عمها .. الدكتور : ونعم فيك يابو مشعل ..مضاوي محتاجه سفره تتعلاج برا ..وجلوسها هنا بيقتلها وهي رافضه العلاج .. واذا ما تسارعتوا بعلاجها بتموت بين يدينكم ..وهي عنيده رفضت تخبر احد .. ابو مشعل : من متى تتعالج عندك ؟ الدكتور اسامه : من شهرين تقريبا . ابو مشعل : بس الدكتور بالمستشفى يقول انها من ست اشهر فيها هالمرض .. الدكتور : مثل ماقلت لك بنتكم عنيده بالعلاج رفضت كل هالمده تتعالج الى ان حست انه الصدااع بيكشفها .. ابو مشعل : طيب الحين وش فيها بالضبط .. الدكتور : الورم براسها بيكبر يوم عن يوم واذا ما تسارعنا وسحبنا الورم من الراس واستاصلنا الورم بيصعب علينا حجمه مع الايام والمنطقه حساسه بالمخ ياليت تفهم .. ابو مشعل : طيب يادكتور والحل ؟ اسامه : الحل واحد انها تسوي العمليه باقرب وقت وياليت الاسبوع هذا قبل الاسبوع اللي جاي .. ابو مشعل : طيب هنا تسويها ؟ اسامه : انا استحسن انها تسويها بالندن احسن مكان متخصص بالاورام الراس .. ابو مشعل : ونسبة نجاح العمليه يادكتور ؟. اسامه : كل ما تخرنا كل ما قلت نسبة النجاح .. ابو مشعل وبان بوجهه علامات الخوف : يعني يادكتور مافي نسبه للنجاح ..؟ داسامه : للاسف اذا تاخرت اكثر من كذا بتصعب حيل الانه عارفه من البدايه بمرضها لو مسويته كانت الامر اسهل من الحين .. ابو مشعل : هي عنيده ماراح توافق على العمليه او عى السفر وانا مستعد اسفرها باقرب وقت ..بس .. د اسامه : بس وشهو ؟ ابو مشعل : ازم اخبر عمانها .. د اسامه : انا تعبت معها شهرين اطلب منها تقول لاي شخص عن مرضها لكن تقول ما ابغى اخواتي يعرفون بمرضي او اي شخص يعرف بمرضي .. ابو مشعل : ليه ؟ داسامه : والله ماعرف ليه انت عمها وتعرف اكيد .. ابو مشعل : طيب بتجلس هنا الى متى ..؟ د اسامه : هي تقدر تروح عالساعه 3 العصر من الملاحظه بس اتمنى انها تجلس عندنا .. ابو مشعل : وهذا اللي بيحصل اهم شي علاجها عندي ... يتنهد وبعدها يقول ابو مشعل : اقدر اشوفها الحين .. د اسامه : تقدر تشوفها ... ابو مشعل : الحين صاحيه او نايمه ؟ د اسامه : لا صاحيه شوي وتنام شوي .. ابو مشعل : طيب ممكن تاخذني لها . داسامه : طيب .. ويمشون الدكتور اسامه مع العم محمد لغرفة الملاحظه .. وكان مافيها الا مضاوي جالسه على سريرها وتحس بصداع وهي تمسك شعرها من قوى الالم والاجهزه براسها واجهزة دقات القلب .. السستر : مدام لازم نوم لا يجلس مضاوي : خليني براحتي .. الاي دخل الدكتور اسامه وابو مشعل .. مضاوي والصدمه ما تدري كيف راح تواجه عمها بمرضها د اسامه : قلت لك بنت اخوك هذي عنيده .. ابو مشعل : يامضاوي يابنتي ارتاحي ليه جالسه .. مضاوي تنزل يدينها من شعرها ..وتحاول قد ما تقدر تكون عاديه مافيها شي .. مضاوي : انا مافيني شي ياعمي خلنا نرد البيت << وصوتها مليان تعب وتعذيب الصدااع فيها .. د اسامه : بتجلسين عندنا يامضاوي .. مضاوي بصراخ : لالا ماراح اجلس انا مافيني شي .. د اسامه : بتكذبين على حالك شوفي التخطيط والاجهزه انتي تتحملين الالم الى متى ؟ مضاوي : ممو مهم الى متى انا بطلع من هنا وتوجه كلامها لعمها محمد: يالله خلنا نمشي .. ابو مشعل : يابنتي انتي تعبانه ومحتاجه الراعايه والدواء .. مضاوي بتوسل لعمها وبدمع: تكفى ياعمي ما ابغى اجلس هنا صدقني اذا بجلس هنا بتعذب اكثر .. الدكتور اسامه : انا مستعد اخرجك بس بشسرط يامضاوي .. مضاوي من غير ما تعرف وشهو الشرط : مواافقه .. الدكتور اسامه : كويس جدام عمك وافقتي لشرطي .. انك تسوين العمليه باسرع وقت وعمك كلمني وهو موافق على العمليه و مصاريف العمليه والسكن كلها على الدوله علاج بالخارج .. مضاوي : سفر وعمليه لا .. د اسامه : خلاص بتجلسين اليوم عندنا .. مضاوي توجه كلامها لعمها : عمي اموت هنا اهون بكثير اني اموت بالغربه ..!! ابو مشعل : ان شاءالله تتعالجين وتشفين وليه تتفاولين على نفسك بالموت .. ابو مشعل حارت دمعته بعينه وجلس يضم مضاوي .. ابو مشعل : لا تقولين هالكلام يامضاوي انتي ما تدري بغلاكم يابنتي ..وان شاءالله تتعالجين ونفرح فيك وبخواتك .. مضاوي : اناما ابي ابعد عن خواتي وابوي واخوي ..ما ابي اخسر احد فيهم كفاايا خسرت امي .. ابو مشعل : لا مضاوي يابوك الموت حق لكن ما نرمي نفسنا بتهلكه ..لازم تتعالجين وتشوفين نفسك وتفرحين بخواتك وتشوفين حياتك .. مضاوي : طيب انا ما ابي اجلس هنا .. د اسامه : اول شي لازم توقع على شرطي .. مضاوي : دكتور سفر لا .. ابو مشعل: لا يامضاوي سفر لازم وكل شي الا علاجك ماراح نرفضه .. مضاوي : بس .. د اسامه : مافي بس ويوجه كلامه لبو مشعل : تقدر تاخذها بعد ساعه ... ابو مشعل : يعطيك العافيه يادكتور .. دكتور اسامه " ابو مشعل تعال ابيك شوي ..ويطلع من الملاحظه علشان ما تسمعهم مضاوي .. ابو مشعل : خير يادكتور .. د اسامه : لازم نحدد موعد السفر الانه الاوراق بتطور وبعطيك اياها تمشي فيها وانا الموافقه عندي بالسفر .. ابو مشعل : وينها الاوراق .. اسامه : ماعليك الا موعد السفر والموعد برسله بالفاكس اليوم وببلغك وياليت تعطيني جوالك نتواصل فيه .. ابو مشعل : طيب حلو خذ الرقم . ##########0555 اسامه : حلو سيفته ولكن حبيت ابلغك بتاخذها الحين لكن لا تخاف فيه ادويه صرفتها له بتكون شبه نايمه ... وهذا بيساعدها كثير على تخفيف الوجع .. لكن لازم ما تترك الدواء وتاخذه اول باول وانا بطلب من المستشفا بالخارج يعطونا اقرب موعد .. ابو مشعل : ماقصرت يادكتور اسامه .. د اسامه : العفو ما سوينا شي والله كان ودي اكلم اي شخص من عايلتها بس بنتكم عنيده .. ابو مشعل : هههههه لا تلومها يا دكتور .... ( سكت ما حب يحكي الحكايه كلها واكتفى بشكره ) وخرج الدكتور اسامه وجلس ابو مشعل مع مضاوي .. مضاوي : تكفى ياعمي ما ابي احد يعرف بمرضي .. ابو مشعل : لا لازم اخبر عمانك .. مضاوي : لا انا ما ابغى خواتي واخواني يعرفون بمرضي .. ابو مشعل : لك مني ماراح يعرفون .. مضاوي : وكيف والدكتور يقول لازم سفر للعمليه ؟ ابو مشعل : بنحلها انا وعمانك .. مضاوي : لازم احد غيرك يعرف .؟ ابو مشعل : انا مثل ابوك وهم بعد بحسبت ابوك .. مضاوي : بس ما ابي احد يدري غيرهم .. ابو مشعل : طيب .. مضاوي : متى نطلع من هنا ؟ ابو مشعل : يقول الدكتور الساعه 3 ..والحين الساعه 2 باقي ساااعه .. مضاوي تحس بالصدااع وحبت ترتاح وهي تغمض عيونها وتبي تبكي لكن دمعتها عزيزه ما حبت تنزلها ... وجلسوا والجو هدوووء ...وكل واحد يفكر وش راح يعمل بالايام القادمه . ----------------------- الساعه 1 قبل لا يطلع احد من الدوام .. ثامر جالس مع المحامي ..وبشره باخبار حلو وانه موعد الجلسه للمحاكمه قرب .. وكان جالس معه رفيقه الضابط انور .. انور : خلاص بتخلص اخيرا القضيه .. ثامر : على يد ابو عبدالرحمن ( المحامي ) وان شاءالله ما يخيب تعبنا وتعبه .. المحامي : خلاص انا انتظر موعد الجلسه ويمكن تكون خلال الاسبوع هذا يحددون لنا الموعد .. انور : ومثل ما عطيتك هذي الادله كلها والبنت جوزه حصرنااها واكلت المغلب .. ثامر : والله خطيره هالبنت والله ما صدقت اللي قلته لي لين شفت الصور والادله .. انور : هذولا جنيات خصووصا بالمخدرات .. المحامي : ياما شفت حكاوي تهول ياثامر بالمحكه ما تصدق عيونك .. ثامر : توصل انها تحطه بغارورة الماي الصحي وتوزعه وين اهل الجامعه والمراقبين ؟ انور : مثل ماظنينه انها ماي لكن البنت اللي شاركت بالمؤامره اثبتت لنا من خلال التحاليل .. ثامر : والدليل الثاني وشهو .. انور : هع كبسولات الصدااع .. ثامر : هذي قديمه الحركه ابي الجديده .. انور : هع بشعرها وش رايك ؟ ثامر : وكيف تكشفونها ؟ انور : من البنات المشتغلات معنا .. ثامر : غريب والله .. انور : من الباروكه اللي تحطها بشعرها وهي تحت شعرها اكياس من المخدرات .. ثامر : يارب اجرنا .. المحامي : المهم ضبطنا اكبر الدلايل .. ثامر : اي والله اهم شي الادله معنا .. المحامي : وباذن الله البراءه موجوده الا اكيد .. انور : الله يسمع منك ونفتك من ثامر وحنته .. ثامر : ماراح اسمع منك المهم ما راديت علي متى بتمسكونها ..؟ انور : هههههههههههههه هي من تجي عندنا .. وبنمسكها بالشهد المشهود .. ثامر : حلو حلو .. انور : دامه حلو انا بطلع تاخرت عندنا غدا اليوم ببيت عماني ولازم اروح مبكر قبل لا يفوتني الخروف .. ثامر : خلاص دربك خضر وماقصرت يانور .. انور : ولو ما يحتاج هذا شغلنا .. ثامر: ويتجه للمحامي : وانت يابو عبد الرحمن بيض الله وجهك ما قصرت تعبنااك معنا .. المحامي : والله ما اطلع من جزء عمك ولولاه ما جيت ومسكت القضيه .. ثامر : ولو يابو عبدالرحمن انت بيضتها وعمي دايم يمدحك .. المحامي : طيب انا بروح وانت بشر البنت شكل حالتها تعبانه من اخر مره شفتها .. ثامر : ماعليك منها دلع بنات وانا بحله .. المحامي : تامرني بش .. ثامر : لا ابد يالغالي ماقصرت .. المحامي : استاذن انا .. ثامر : اذنك معك ياابو عبدالرحمن .. ويطلع المحامي مع انور وما بقى الاثامر بالغرفه .. ويسال نفسه اقولها او اسكت عن الخبر .. وبعدها يقرر : لا بسكت وبخليها تحترق شوي واعلمها منو ثامر اللي ما تحترمه .,.. اما بالغرفه كانت دلال وسماح يسوالفن وليلى جالسه تسمع .. دلال : لا ام صالح تقول انه الحكومه بتعفو عن السجنين قريب .. سماح : ما اظن بيجي عفو ملكي لي .. دلال : انتي قضيتك فلوس وسهله ..اما انا قضيتي غير .. ليلى : لي شهرين معك وودي اعرف وشهي قضيتك ما خبرتيني لا انا ولا سماح ..؟ دلال : قضيتي تسكت .. سماح : مو لاوم تخبرينا المهم نسوالف معك .. دلال : ودي اقول بس سامحوني والله ما احب اقولها لاحد .. ليلى : ما تلاحظون ان الوحيدين اللي ما يجونا زوار ؟ سماح : يمكن انتي احسنا تجيك اختك وولد عمك جنبك .. ليلى : اختي ما تجيني الا بشهر مره ويرفضون عماني تدخل مكان فيه رجاجيل .وخليك من ولد عمي الغثيث .. سماح : ولاحظت انك يادلال محدن يجيك ..؟ ليلى " اي صح انتي بالمره محد زارك ؟ دلال : لجريمتي محدن بيزورني .. ليلى : طيب قوليها نوعها وشهي ؟ دلال : قتلت بالغلط .. الكل من سماح وليلى شهق " وشهووووو ؟ دلال " شفتوا ما احب اخبر احد بجريمتي الانهم بيكرهوني انا ما قتلت بالعمد انا بالغلط وركبوها لي بالعمد ..؟ ليلى : قلتلتي من ؟ دلال : زوجة ابوي ؟ سماح : اها لا ذي تستاهل .. ليلى : مو شرط تستاهل زوجة الابو حرام في مرت الابو طيبات وفيه كريهات .. دلال : بس ذي تهيني وتذلني .. وتهددني بابوي وانها بتفضحني باي شغله علشان تفتك مني .. سماح : وضربتيها ولا سيده قتلتيها ؟ دلال : ضربتها بالمزهريه كنت اداافع عن نفسي الانها بتضربني بالجزمه ..<< كرمكم الله .. سماح : اها ما الومك ..؟ ليلى : والسبب ؟ دلال " الاني رديت عليها .. سماح : سبب سخيف .. دلال : سخيف وانا مديت المزهريه ادافع عن نفسي وضربتها وطاحت براسها على الدرج بالخناع وماتتت واتهوني خواتها واعيالها اني قتلتها وابوي وقف معهم .. وخلوني بحالي .. سماح : ههههههههههههه تصير باحسن العايلات يادلال لا تهتمين عادي انا اخواني بعد موت اهلي دخلوني السجن واخذوا حقي وورثي من ابوي هههههههههههههه عادي مافي امان بهذي الدنيا ياختي .. ليلى :انا طعني غير من شخصيه ماعرفها وطعنتني الانها تغار مني .. سماح : بليز اسكتي حفظت اسطوانتك مليون مره .. ليلى : وياليت اطلع براءه لكن الموت كل الادله ضدي .. دلال : كانه القدر كاتب نتجمع مع بعض ونكون اسره .. سماح : ههههههههههههههههههههههههه هههه اسره هههههههههههههههه ليلى : وش فيك بس ضحك .. سماح تمسك دموعها : اسره حنا مطعونين من الاسره وتبين ننطعن مره ثانيه .. دلال : وش بك يعني بطعنك بشنو يعني .. سماح : قولي الله جمعنا خوات احسن شوي نرقعها .. ليلى : اي خوات احسن .. سماح : ولا تزعلين خوااات .. ويجلسون بسوالف وضحك .. وثامر يتوعد بليلى ويبيها تتعدل اسلوبها وبيجيب راسها له ويخليها تحبه قبل لا يحبها ويتعلق فيها .. وليلى شايله شي اسمه ثامر براسها .. فكيف راح تعلقها ياثامر ..؟؟ ---------------------------- الساعه 2 الظهر ... بالصاله نوفا ومتعب .. متعب : لها ثلاث ساعات برا البيت من الساعه 11 وهي تقولي الساعه وراجعه ..؟ نوفا : اتصل عليها لي ساعتين ما ترد وش اسوي يامتعب .. متعب : انا خبل خليتها تروح بروحها .. نوفا : وليه تخليها وانت على ناس وناس يعني مضاوي مخليها تروح وتجي وحنا يالله تخلينا نمشي بالحوش .. متعب : مضاوي هي موصيتني اني اجلس عندكم .. نوفا : طيب يالله وين مضاوي لها ثلاث ساعات مثل ما تقول والغدا خلص والممرضه حقت ابوي مو راضيه تعطيه الدواء الا بوجود مضاوي علشان توقع على الدواء من شروط اختك .. متعب : وش اسوي بمضاوي دامها عنيده .. نوفا : خذ لولوه من تفطرت وهي جالسه بغرفتها ولا هي تكلمني .. متعب : الانك من الصبح متهوشات على شي تافهه .. نوفا : والله التافه اللي جالس يكلمك انا بروح اتصل بعمي عبدالله وبقوله انه مضاوي لها ثلاث ساعات مو هنا يمكن صاير فيها شي ..وانت ما تبي تخبر احد بخروجها ..؟ متعب : هي موصيتني ما اخبر احد مهما تاخرت .. نوفا : مضاوي ماراح تعصب بالعكس يمكن صار فيها شي وبنسكت الى متى ان شاءالله ..؟ متعب : براحتك تبغين تخبرينه خبريه لكن اذا بتقضب بخليها عليك .. نوفا : ما عليك علي انا بس اهم شي اتطمن عليها .. متعب يجلس بالكنبه ويتمدد : براحتك .. وتمسك نوفا الجوال وتتصل بعمها .. وبعد السلام والتحيه .. عبدالله : هلا بنوفا يابنتي وش بغيتي ..؟ نوفا :بصراحه ياعمي متعب مو راضي اخبرك بالسالفه ويقول انه مضاوي محذرته ما يخبر احد .. عبدالله : ما فهمت ؟ نوفا ..مضاوي طالعه لها ثلاث ساعات وقايله لمتعب انها ساعه وترجع ولا تبلغ احد باني خارجه مهما طولت بالساعات .. وهي طولت وانا ما ادري وش اسوي اخاف فيها شي ,, عبدالله بعصبيه شوي ": وكيف ما تبلغ احد بخروجها .. نوفا : هي مخبره متعب ما يخبر احد ..وانا من خوفي قلت لك .. عبدالله : خلاص انتي قفلي وانا بتصل على السايق .. نوفا : كيف راحت علي ما تصلت على السايق .. عبدالله : خلاص انا بتصل عليه وبتصل عليك بعدها .. نوفا : طيب .. وتغفل نوفا من عمها الا تسمع الباب يطرق .. متعب : اجلسي وين رايحه انا بفتح الباب .. نوفا : اخاف مضاوي ؟ متعب : غبيه انتي مضاوي عندها مفتاح .. نوفا : اي صح .. متعب : طول عمرك بتضلين غبيه .. نوفا : الله يسامح مضاوي اللي مسلطتك علينا .. متعب : مارد عليها وراح يفتح الباب الا يشوفه فهد .. متعب : هلا والله فهد .. فهد : هلا فيك .. متعب بتوتر : بتدخل ؟ فهد : لا ماراح ادخل بس عندي هديه بسيطه لولوه ياليت تعطيها اياه وهذي ورقه صغيره سلمها لها باليد .. متعب : الله وش ذا ., فهد بصرامه : هــــيه لا تفتح لزوجتي مو لك .. متعب : الله جوال .. فهد : وجدامي والله ولك عين .. متعب : يعني بشوفه من جدامك او من وراك يعني بشوفه ياخي اخاف على اختي .. فهد : يعني على الرجال يالله وصل الامانه واهم شي الرساله .. متعب : ومن ورانا ياخي تزوحها وفكنا منها بعد .. فهد : ااثاري كثيرلااللي يبون فرقاها .. متعب : لا مو فرقاها من صراخها بالبيت بهلال وخصوصا مباريات امس .. فهد : واو وطلعت هلالليه بعد .. متعب / انا نصراوي انت وشهو ..؟ فهد : انا سعودي هههههههههههههيالله انا تاخرت بلغها تحياتي وااا ... سكت .. متعب . واا وشنو ..؟ فهد : يالله مع السلامه لكبرت قلتها لك .. متعب : على خير .. ويروح سيده لغرفة لولوه وشافها تلعب بلاستيشن .. متعب بعصبيه : من قال لك تاخذينها لغرفتك ..؟ لولوه : شفتك مشغول تحت وقلت اخذها اتسلا فيها .. متعب : نسى الكيس على السرير بعد مارماا .. مره ثانيه لا تاخذين شي مو لك تسمعين وهو يلملم اغراضه .. لولوه بعصبيه : خلها والله لعلم مضاوي عليك متعب : تخوفيني بمضاوي انا رجال ما يخوفني احد .. لولوه :/ لك عين اتفتخر بعد ما ربو ريشك ياالديك وعرفت تصارخ على الدجاجات .. متعب : ههههه ضحكتيني .. للولوه : برا غرفتي .. متعب : بطلع وهو يلم اغراض البلاستيشن ..ويطلع .. لولوه : تغفل الباب من غلفه .. الا تسمع صوت متعب : نسيت اخبرك فيه كيس بسريرك رميته توني ترا لك ..<< وماقال من منو .. وتروح لولوه بفضول تفتح الكيس وتكتشف بالجوال وبرساله .. وتشوف الجهاز نوكيا e71 وتقراء الرساله .. هذا الجوال هديه مني ورقمي بس اضغطي 2 سند <الخضره اعرفك اكيد تعرفين الجوال ..واذا ما تعرفينه خبرتك اضغطي بس 2 الخضره بيكون صوتي عندك .. واتمنى تردين على اتصالاتي الانه رقمي مسجله ( كل الغلا ) واذا شفت تطنيش منك لجي لبيتكم وامسكك من شوشتك تسمعين ما ابي تطنيش واذا مشغوله اكتبي مسج فيه كتيب يعلمك كيفيت الاستعمال .,. والف مبروك هع ..مع تحياتي (كل الغلا ) زوجك العزيز فهد __ فهودي .. لولوه : ههههههههههههههه اول مره اشوف واحد يمدح نفسه بالرساله .. والله مسكين مريض نفسيا اخذت الجوال ورمته على السرير ونزلت تحت ... الجانب الاخر :: ابو عبدالله اتصل على السايق وقال انه مضاوي راحت مع ابو مشعل مو معه .. واتصل عبدالله على محمد .. محمد : هلا والله يابو متعب .. عبدالله : هلا والله فيك يابو مشعل ها وين ماخذ مضاوي .. ابو مشعل : ومن قالك انها معي ؟ عبدالله : اتصلت علي اختها نوفا وتقول خايفه على اختها واتصلت على السايق وقال انها راحت معك الصبح .. ابو مشعل ياخذ جواله يروح بعيد عن مضاوي حتى لا تسمع الانه مضاوي بعد ما عطوها الابره نايمه .. ابو مشعل : اي هي معي عبدالله : لا يكون عند ليلى ..؟ ابو مشعل :لا مو عند ليلى الموضوع اكبر من كذا .. عبدالله : وشهو ..؟ ابو مشعل : عندك احد ؟ عبدالله بقلق : عندي ام متعب ؟ ابو مشعل : ياليت تكون بحالك .. عبدالله : عسا ماشر يامحمد خوفتني .. ابو مشعل : المشكله موصيتني وانا لازم ابلغك .. عبدالله : هذاني بعيد وشفيك .؟ ابو مشعل : مضاوي عبدالله بقطعه : وش فيها ؟ ابو مشعل : مضاوي مريضه وفيها ورم بالسرطان بالراس وهي بالمستشفى الحين .. ابو متعب بصوت عالي : وش فيها عيد ؟ ابو مشعل : قصر صوتك لاحد يسمك مثل ما قلت لك انا معها بالمستشفى الاورام وحالتها تعبانه .. ابو متعب بخوف : من متى فيها هالمرض ؟ وكيفها الحين ؟ ابو مشعل : الحين الحمدالله بعد ما عطوها المسكنات نايمه وبنطلع عالشاعه 3 يقول الدكتور ياليت تخلي ام متعب تصوت لام مشعل يجلسون عندها لين الليل .. عبدالله : اكيد مراح اخليها ..وش قال الدكتور .. ابو مشعل : انا لاجيت بكلمك وياليت تقول لعبدالوهاب ..الانه الدكتور يقول لازم تسافر باسرع وقت .. عبدالله : سفر ؟ ابو مشعل : حالت البنت خطيره وبراس وكل ما تاخرنا يا عبدالله البنت بتموت من بين ايادينا ولكن هي موصيتني محد يدري من خواتها وقالت لي اشياء كثيره وبكتني وهي توصي . وكانها بتموت ويالله قدرنا نقنعها بالسفروهي رافضه تموت برا بعيد عن اهلها وخواتها .. ابو متعب : طيب طيب انت تعال ونتكلم بالموضوع ابو مشعل : خلاص انا نص ساعه وبجيبها معي بس خل ام متعب تجهز لها فراش بالمجلس الانه البنت نايمه من المهدئات .. ابو متعب : طيب وش بتقول لاخواتها مريضه بشنو ؟ ابو مشعل : والله xxxxx وش اقول لهم وهي بهذا الوضع .. ابو متعب : بنقول فيها ضعف دم ولازم ترتاح .. ابو مشعل : خلاص ضعف دم حاد ..ولازم ترتاح علشان هم الدوخه والشغلات اللي انت عارفها بالراس .. ابو متعب : طيب خلاص اول ما تمشي من المستشفى قولي .. ابو مشعل : طيب يالله مع السلامه .. ابو متعب : مع السلامه ام متعب تجيه لابو متعب : عشا ماشر يابو متعب ..؟ ابو متعب : لا ابد مضاوي طاحت بالجمعيه واخذها محمد اخوي للمسشفى وقال فيها ضعف دم وخلوها بالملاحظه وياليت يام متعب تسوين لها فراش ولا ترعبين خواتها .. ام متعب : ليه طيب ضعف دم .. ابو متعب : اللي سمعته من محمد انها ما تاكل ومهمله حيل بنفسها على كلام الدكتور .. ام متعب : خلاص انا بروح لبيتهم بجهز فراش لها ترتاح فيه .. ابو متعب : يعطيك العافيه يام متعب .. ام متعب : ابد هذا واجبي وبخلي ام ناصر تجيب قهوتها والجمعه تكون عند مضاوي علشان ترتاح ونكون حولها .. ابو متعب / اللي يريحكم اهم شي ما تروح عن عيونكم حتى بالحمام كرمكِ الله لا تخلينها بروحها تكفين يافضه .. ام متعب : وش فيك ترا ضعف دم عادي .. ابو متعب بقلبه : بلاك ما تدرين .. وجلس بالكنبه يفكر وهو يشوف الاخبار وساارح بالمرض وش راح يسوي ...؟ وتمر الساعتين .. وتسوي ام مشعل وام متعب اللي طلبو منهم ازواجهم .. ومضاوي بالصاله نايمه ..لاهي يم احد .. وعمهم محمد قال انه فيها ضعف دوم حاد والدكتور معطيه ابره تريح فيها .. والكل انصدم بمرضها المفاجاء .. نوفا : هي تهمل حالها كثير ما تاكل وكله تفكر صايره ياعمي ما تاكل ولا تشرب معنا وحابسه نفسها بغرفتها .. وتاكل من هالبندول .. ابو مشعل وابو متعب : خلاص يابنتي خليها ترتاح وعندك عماتك فضه وساره .بيجلسون عندكم ..واي شي اتصلي علينا طيب .. نوفا : طيب ويروحون ويجلسون ام متعب وام مشعل وتجي عمتهم وضحه بعد ما اسمعت بالخبر ,, وام حمد اللي شكلها تعبان من مصيبة حمد .. وتدخل عليهم ندى وبنت حمد .. والكل تفاجاء بالبنت وسالوها وقالت لهم السالفه والكل انصدم .ز على دخلت نجوى اللي تضحك : ههههه قلت لكم هذي بنت حمد ومحدن صدقني اصلا كذا مره اشوفه بالمول مع زوجته وبنته ..بس قلت استر احسن من اني افضح .. الكل نقد عليها وبعدها تلف نجوى على مضاوي النايمه : وشفيها تتميرض الاخت ؟ وضحه ام ناصر بعصبيه : نجوى روحي البيت مو وقته سخافاتك .. نجوى : ليه يايمه مو اليوم قهوتك لازم اساعدك فيها وهي تشوف مضاوي النايمه وشكلها تعبانه .. وجلسوا يسوالفون لمدة ساعه بجو هاااادي جدا وتساؤلات يسالونها لام حمد وعن بنت حمد وموقف ابو حمد وجاوبتهم عادي .. هنادي : الا وين اماني ؟ مزنه : ما شفتها اليوم .. ام متعب وام مشعل يعرفون انه اماني من الصبح رايحه للمستشفى الانه شاكه بطلقو ودخلوها غرفة الولاده بس ما حبوا يبلغون احد خايفين انه الولاده تتعسر عليها فسكتوا واكتفت ام مشعل بانها تقول .. ام مشعل : هي رايحه مع زوجها مشعل لمشوار .. ام متعب وتخلي نفسها ما تدري : مااتصلت علي اليوم .. ام مشعل وهي تعرف انه ام متعب تسلك الامور : اي ما الومها عندها زين الشباب وين تشوف امها .. ام متعب : الله يهنيهم .. وضحه مع ام حمد : الله يهنيهم .. نوره : يمه مضاوي كل هذا نوم ؟ نوفا وجالسه عند راس اختها وهي تهزها لكن مافي حياة .. نوفا : ما ادري وش معطينها كل هذا نوم..؟ (( وش تتوقعون بالاجـــــزاء القــادمه ؟؟؟ ))) | |||||
|
| |
|
24-05-11, 06:57 PM
| #28 | |||||
| روايتي مؤسس ومشرفة سابقة وقاصة في منتدى قصص من وحي الاعضاء
| الجــــــــــــــــــــــ زء التـــــــاسع عشـــــــر ------------------------------------------- ام متعب وام مشعل يعرفون انه اماني من الصبح رايحه للمستشفى الانه شاكه بطلقو ودخلوها غرفة الولاده بس ما حبوا يبلغون احد خايفين انه الولاده تتعسر عليها فسكتوا واكتفت ام مشعل بانها تقول .. ام مشعل : هي رايحه مع زوجها مشعل لمشوار .. ام متعب وتخلي نفسها ما تدري : مااتصلت علي اليوم .. ام مشعل وهي تعرف انه ام متعب تسلك الامور : اي ما الومها عندها زين الشباب وين تشوف امها .. ام متعب : الله يهنيهم .. وضحه مع ام حمد : الله يهنيهم .. نوره : يمه مضاوي كل هذا نوم ؟ نوفا وجالسه عند راس اختها وهي تهزها لكن مافي حياة .. نوفا : ما ادري وش معطينها كل هذا نوم..؟ ام مشعل : خليها يانوفا يابنتي اختك تعبانه اكيد معطينها منوم علشان ترتاح شكلها ما تنام كثير .. نوفا : بس شكلها جد تعبانه كثير...امممم مستحيل كل هذا فقر دم .. ام مشعل : يابنتي يا كثير حريم بقو يموتون بالولاده والسبب فقر الدم .. نوفا : يو لدرجه هذي خطير .. ام مشعل : واخطر يابنتي .. لولوه : ساكته بس المسجات بالجوال ازعجتها كله من فهد يرسل لها " اقول ردي لا اكسر راسك .." لولوه وهي تكتب مسج " والله لكسر راسك قبل لا تكسر راسي .." فهد " كويس تعرفين تكتبين بالجوال كنت بس ابي اجرب " لولوه " ياسخيييييييييف " فهد " مو اسخف منك الا اقول وش لابسه هع هع " لولوه وشكل وجها حمر " مالك خص بليز لا ترسل " فهد " ماهو من رصيدك علشان تمنعيني اقول تعالي برا ابيك " لولوه " حيل واثق .اقول انقلع " فهد "(حاط فيس عصب ) اقولك ابيك برا ولا دخلت ومعصتك مع شوشتك ) لولوه ( ههههه ادحداااااااك ) فهد " انا زوجك واقدر اخذك من الحين .." لولوه " اي خير زوجي اقول انقلع ماعندك وجهه ياخي انغسل لين قال بس احفظ شوي منه .." فهد فيس جد معصب _" انا جاي لك وشوفي منو بيرحمك يا لولوه " لولوه اول ماعرفت انه بيدخل وبيسويها اتركت جوالها وراحت لغرفتها فوووووق وغفلت على نفسها من غير احد يحس .. ثواني الا وفهد يطرق الباب تجاوبه ام ناصر " خير ياولدي .. فهد : اشلونك عما وش اخبارك .. ان ناصر : والله اني بخير يولدي بشوفنك .. فهد : ماعليك امر نادي لي ام متعب . ان ناصر : خلاص ياولدي بناديها لك .. ثواني الا وام متعب عند الباب ..: خير يافهد فيك شي ..؟ فهد : لا يالغاليه ما ابي شي .. ام متعب : طيب ليه ما اتصلت تلفون ؟ فهد وهو يقرب منها : طلبتك يالغاليه ابييك تنادين لي هالسوسه لولوه .. ام متعب بضحكه : ههههههههه وانا اقول وش فيها رمت الجوال وراحت فوق ركض .. فهد : اجل تقولين رمت الجوال وراحت فوق .تكفين افتحي لي درب بروح لها .. ام متعب بضحكه : استح على وجهك مو الحين اثقل يافهد وش فيك .. فهد : يما لا تحسبين غزل وحب لاااااااا انا جاي اعلمها درس منهوو فهد اللي تتعامل معه .. ام متعب وتغير وجها : ليه ياولدي وش سوت ..؟ فهد : ما سوت الا ..... ويسكت ام متعب : وش سوت ..؟ فهد : يما شي بيني وبينها وابي اقرصها بس .. ام متعب : رح الحين البيت مليان حريم ويكفي انه اختها تعبانه .. فهد : خلاص اول ما يفضى البيت اماانه يما خبريني .. ام متعب : على خير رح الحين وبعدها تفاهم انت ويااها .. ويطلع فهد وفي قلبه شحنات نار وده انه يذبحها يعني سوت اللي براحها وقالت ما تقدر يافهد تتحداني انا تتحداني تخسي .. ويتذكر انه غرفتها فوق المخزن اقرب لها يعني بس يبيله (سلم -درج ) يصعد فوق المخزن ويروح لها ويضحك يوم تذكر المخزن وغرفة جدته وايام الطفوله والصعود عليه .. وجته هالفكره الحين يافهد وشوف منهي تتحداني مو ولد عبدالله اللي يخسر من بنت .. -------------- بالمجلس الرجاجيل .. اتصل ابو مشعل على اخوانه وطلب منهم يحضرون بالمجلس بروحهم من غير احد معهم .. وفعلا ما مرت نص الساعه الا ابو متعب عند ه بالمجلس وابو حمد .. ابو متعب + ابو حمد.: ...خير يابو مشعل .. ابو مشعل : الخير بوجهكم ان شاءالله ( يتنهد ) وبعدها يكمل ... مضاوي بنت اخوي عبداللطيف مريضه ويبيلها علاج بالخارج والدكتور يقول لازم تسافر باقرب وقت .. ابو متعب : وشهو اللي اسمه .. ابو حمد : ليه هي وش فيها ؟ ابو مشعل : فيها الخبيث ... ابو متعب بصدمه : الخبيث .!! ابو حمد : لا حول ولا قوته الا بالله ..من متى ؟ ابو متعب : وكيف جاءها .. ابو مشعل يتنهد : بصراحه مدري لكن اللي اعرفه انها تعرف من شهرين تقريبا او اكثر وساكته والمرض فيها من ست اشهر قبل لا ناخذهم .. ابو متعب : وكيف ساكته كل هالمده .. ابو مشعل : هي طول جلوسنا بالمستشفى تقول لي امااانه لاحد يدري بمرضي وخصووصا خواتها .. ابو حمد : لا هي ماهي مضاوي اللي اعرفها وش فيها جنت .. ابو مشعل : ما تبغى احد يتعاطف وياها او تفقد شخصيتها اللي تعتزي فيها .. ابو متعب : والدكتور وش قال يعني السفر احسن لحالتها .؟؟ ابو مشعل : مشكله انه الخبيث متمكن بالراس ويمكن قابل الانتشار .. ابو حمد : بارااااااس ..!! ابو متعب : لا حول ولا قوته الا بالله راحت البنت .. ابو مشعل : لا الدكتور في امل لو سفرنها بسرعه علشان الورم لا يكبر ويصعب استاصاله ابو حمد : خلاص انا بحجز لها اقرب وقت .. ابو مشعل : مو المشكله هنا يابو حمد .. المشكله انها امـــنـتـني ما يدري احد بمرضها وطول الوقت توصيني .. ابو متعب : والله جد غفلتها بوجيهنا ..كانها تقول اموت ولا اتعالج علشان ما تكسر هالشوكه عندها انا بروح اكلمها .. ابو حمد : هدي ياخوي البنت مريضه ولازم تراعي مرضها .. ابو مشعل : مضاوي ما تبغى تخبر خواتها لهدف انا عارفه انها ما تخوف خواتها بضياع شخص ثالث من عايلتها .. ابو حمد : طيب والحل الحين .. ابو مشعل : انا جمعتكم ابغى االحل ..! ابو متعب : بصراحه صعب اللي اسمعه يا محمد صعب الخبيث وبراس .. ابو حمد : مافي الا فكره وحده .. ابو متعب : على يدك ياخوي وش هي ؟ ابو مشعل : انت متاكد بانه هالفكره تكون فيها السريه .. ابو حمد : خلوها علي وانا ابشركم بالخبر الحلو .. ابو متعب : قوله وش عندك .. ابو حمد : الليله اقولكم عن الحل .. ابو مشعل : يعني عندك اكيد .. ابو متعب : عبدالوهاب وشهو الليله البنت نبغها بكره تسافر وانت تقول الليله .. ابو حمد : مكه الله يشرفها ما بنوها بيوم والليله ياعبدالله ليه مستعجل انا عندي الحل لكن ابي ادرسه قبل لا اقوله وانا اذا طلع صح بروح لك وابشرك .. ابو متعب : طيب ننتظرك الليله .. ابو مشعل : خلاص نجتمع الليله .. ابو حمد : عند مضاوي ... ابو مشعل : خلاص تم .. ابو متعب : الا بسالك يابو حمد منهي البنت الي في بيتك ابو حمد ويقول لهم السالفه كلها ابو متعب بعصبيه : يعني سوا اللي براسه وتزوجها .. ابو حمد : هذا اولدي ياعبدالله وانا اعرف كيف اربيع .. ابو مشعل : لا يكون غلطت وطرده ؟ ابو حمد : ما ابي اعيد الماضي واسوي غلطت ابوي لا يابو مشعل .. حمد اعرف كيف اعااقبه ماهو ولد اصغير اطرده او احرمه .. ابو متعب : وش سويت معه اجل ؟ ابو حمد : كل الحكايه قلت له ما ابي اشوف وجهك طول وانا بالبيت لا تتغدا معي ولا اشوفك .. ابو مشعل : وكانك تطرده من غير ما تكلم .. ابو حمد : لا هي فتره وبعدها بعلمه .. ابو متعب : من شرب الدخان وهو ماهوب صاحي .. وهو يلتفت لبو مشعل : اقول غريبه مشعل رفيقه ما قاله انه متزوج .. ابو مشعل : والله مشعل من تزوج تغير واكيد حمد ما يبي يعلم احد .. ابو حمد : المهم هذي مشكلتي انا واولدي خلوها وخلونا بمشكلة مضاوي .. ابو متعب : خلاص انت قلت الليله بتجينا بالاخبار الي تبشر بالخير .. ابو حمد : وانا عند وعدي يابو متعب .. ابو مشعل : خلاص تم .. ويجلسون وغيرون السالفه ويسوالفون عن فلان وافلان .. --------------------- في بيت مضاوي .. الجو اقرب ما يكون للازعاج بسبب السوالف والضحك .. رن الجوال وكل وحده تقول لا جوالك.... هذي ماهي نغمة جوالي وبالاخيره بعد كل هالنقاشات .. تقرب عواشه من الصوت الرنه تكتشف انه جوال امها يرن .. عواشه : يمه هذا جولك .. ابو مشعل : يووو وله ساعه يرن ... وهي تمسكه بسرعه وكانه عندها الابشاره وهي تضحك .. ابو مشعل : الووووو .. _ هلااااا .. _والله جد.. _الف الف الف مبرووك وتتربى بعزك يارب .. -هي بخير وبنتها بخير .. _الحمدالله يارب الحمدالله .. _خلاص هلا يامك اخليها اليوم ترتاح وبكره بنجيها انا وامها .. _خلاص تبغى شي يانظر عيني .. _فماان الله ياقلبي .. وتغفل جوالها وهي تبتسم ..وتشوف ام متعب وتقول لها : الف مبروووك لاماني تراها ولدة والحمدالله طبيعي وجابت بنت .. ام متعب : الله يبارك فيك وهي طيبه .. ام مشعل : هي بخير والحمدالله لكن يقول خلوها ترتاح اليوم وبكره روحوا لها.. ام متعب : الحمدالله لك والشكر .. عهود بصراخ : ونااااااااااااااااااسه بصير خاله .. عواشه : وهي تلتفت لندى .. وانتي متى تحملين شوفي هالخبله صارت خاله قبلي .. ندى : الف مبروك يمه والحمدالله على سلامتها ياخاله .(عن ام متعب ) ام حمد : الحمدالله على سلامتها وتتربى بعزكم ان شاءالله ام ناصر : ماشاءالله ما قرروا وش يسمونها ..؟ ام مشعل : لا والله مدري عنهم كيفهم .. ندى : واخيرا دت هالعصفووره بقطعها ..بتصل على ثريا وابشرها عواشه : ابي لها خدود بعضهم .. عهود : هيه بنت اختي ماهي وجبه شكلكم جوعانين يالله برا .. نوفا : مبروك ما جاكم .. ام متعب وام مشعل : االله يبارك فيك ياقلبي والعايده لك. ام ناصر وعيونها على نوفا : وتشوفها وبنفسها تقول ياهني ناصر فيك .. عزالله انه عرف يختار بنت ماشاءالله عليها ادب واخلاق وجمال .. صحيح ماكنت افرق بينها وبين لولوه الا انهم يتشابهون بالشكل لكن الاخلاق كل وحده بوادي .. على الصراخ والتبريكات تستيقض اميرتنا بكامل تعبها وارهااقها ... مضاوي وتفتح عيونها بصعوبه .وبصدااع ... بالازعاج اللي حوولها تحس راسها بينفجر .. ام ناصر " تاشر بيدها وبعدها تتكلم : اوووص مضاوي قامت .. مضاوي وعيونها على ابتسامات نوفا وابتساامات الكل .. وضحكات عواشه وعهود بالخبر .. ام متعب : كيف حالك يابنتي ؟ مضاوي تحاول تجلس عادي لكن هالصداع ماخف .. وكل خوفها بانه الكل يدري بمرضها لكن اللي شافته ضحكات وابتسامات يدل محدن يدري بعدهم .. ام متعب : مضاوي يابنتي وش حالك الحين .؟ مضاوي بتعب وتعجب : انا بخير ليه انتوا هنا ..ومن جابني هنا ..؟ ام مشعل : انتي طحتي بالجمعيه وعمك اخذك للمشفى ويقولون اراهاق وضعف دم وشكلهم معطينك منوم لانه لنا ساعه ونص عندك وبالازعاج ما حسيتي فينا .. بس من خوفنا عليك قلنا نجلس عندك .. ام متعب :وش تحسبين فيه مضاوي .. مضاوي : لا ولاشي بس شويت صدااع .. ام ناصر : اجل خلوها ترتااح وباخذ دلالي وتعالوا عندي الساعه 7 .. مضاوي : لا ياعمه انا بخير تكفون لا تمشون .. ام حمد : اهم شي سلامتك يامضاوي .. مضاوي : انا بخير ياخاله بس تقدرين تقولين يمكن صح ارهاق .. نوفا : اصلا انتي لا تاكلين ولا تشربين يالله حتى تنامين ..كل بالك مشغول مضاوي : نوفا انا بخير .. مزنه : اهم شي سلامتك يامضاوي وانتي تعرفين حالك لا تهملين نفسك .. مضاوي : وين لولوه ...؟ نوفا : فوق تقول عندها شغل لازم تخلصه .. وبعد ساعه تقريبا من السوالف ومضاوي الها بالكل وضحكاتهم وسوالفهم وهي ساكته بس تبغى تحفظ اكبر قدر من الذكريات الحلوه او صورهم .. تحس انه موتها قريب كثير قريب .. والسوالف الحلوه وتحول ترسم بسمتها وتطبعها بكل ذاكره هي مضاوي . .مضاوي القويه الشخصيه ماراح تتغير شخصيتها مهما كان ..مضاوي اللي بتحمي خواتها مضاوي اللي بتامن مستقبلهم قبل لا تموت تبي ترسم لكل شخص بسمه تبقى تامن لكل شخص مستقبل من اهلها .. تبغى تشعل شمعتها بعد رحيلها .. تبغى هالشمعه منبر لا ينطفي من توجهاتها من صوتها من حكاويها وحتى صراختها ..مضاوي هي مضاوي .ما تبغى خواتها واخوها تحصل له الصدمه مره ثانيه او وحده من خواتها تتعقد بسبب فقدان شخص ثالث بحياتهم .. مضاوي وهي تشوف هنادي .... هنادي : هلا مضاوي مضاوي : هنادي كونك متزوجه وتعرف الاغراض الضروريه للعروس ممكن اطلب منك طلب .. هنادي : امري لا تطلبين .. مضاوي : ابيك تجهزين لي لولوه انا ما اقدر اروح السوق ولا اعرف وش المطلووب اساسا للعرووس وكونك ماشاءالله عليك متزوجه اكيد تعرفين المطلوب هنادي : من عيوني يامضاوي وليه ما تروحين معنا .. مضاوي : اسمحي لي ما اقدر هالايام الاني تعبااانه .. هنادي : خلاص اعتبري انه نفذته بس ابي منك طلب صغنووني .. مضاوي : اذا عن الفلوس بعطيك وبقول لنوفا تجيبهم .. هنادي :لااااااااااا المووضوع مو مادي الموضوع معنوي .. مضاوي : مافهمت .. هنادي : الموضوع كله بلولوه ما عرف مقاسها او الالوان اللي تحبهم وثانيا لولوه ما اظن بقدر عليها اتمنى تفهميني .. مضاوي : فهمتك قصدك بللسانها ... مهما تلاسن ترا قلبها طيب ..وانا بريحك منها بعطيك مقاساتها ولا تدرين كيف بخلي نوفا تروح معك مقاسهم واحد .. هنادي : يسلملي مخك راحت عن بالي نوفا .. مضاوي : خلاص الحين برسل لك الفلوس وابيك تجهزين لها واعتبريها اختك وصدقيني ماراح ارفض بكل قطعه تشترينها .. هنادي : عاد مو كل شي اختاره لازم تروحين معي ..؟ مضاوي : لا تكفين انا جد تعبانه ويمكن يبيلي اسبوع راحه ما اقدر اطلع من البيت .. مزنه : طيب خلاص انا اشتري لي قطعه واشتري لولوه معي لا تحاتين يا مضاوي .. مضاوي : تسلمين يامزنه .. هنادي : ههههههههههه لا حبايبي انتوا معي بالبيت وانا بروح اجهز مو يجون لنا عروستين وانا ما جهزت لنفسي .. ام متعب تضحك : لا تخافين انتي مرت الغالي متعب وعروس مهما صرتي قديمه .. هنادي بستحاا: فديت خالتتي انا ياناس .. مزنه بستحا : خاله تراني هم عروستكم .. الكل ضحك : ههههههههههههههههههههه ام متعب : يوم تدخلين عليه بغليك غلاوة فارس يامزنه .. الكل ضحك : هههههههههه عواشه : يعني مالك غلا الحين .. عهود : وااااااااااااااك ام متعب : ومن قال مالها غلا هي مرت الغالي فارس ندى : وين لولوه علشان تكمل الجلسه الخاله وحريم اعيالها .. عهود : باقي حمدان القعده ذي ياهني اللي بتاخذه .. عواشه وعيونها خجل وهي تحب حمدان : لدرجه هذي امه داعيه له .. عهود افهمت قصدها وهي تعرف سرها بحب حمدان ... نوفا : ههههههههه لا عاد هذا يمكن خالتي ام متعب ترقص وتصير شباب .. ام متعب : هههههههههه من يدري يانوفا يمكن اعجز او مكا الحق عرسه .. الكل : بعد عمر طوويل .. وجلسوو ضحك ومزااح ومضاوي بوادي ثااااااني ,, ------------------- | |||||
|
| |
|
24-05-11, 07:00 PM
| #29 | |||||
| روايتي مؤسس ومشرفة سابقة وقاصة في منتدى قصص من وحي الاعضاء
| تاكد انه المكان خالي مابه احد يراقبه .. اخذ السلم وركزه على المخزن ورفع ثوبه ولف اشماغه على وجهه .. وركب فوق المخزن .. يبغى يعلمها درس ماراح تنسااه ابد .. بعد ما تاكد للمره الرابعه انه ماشافه احد قرب من الدريشه (النافذه ) ولحسن حظه انه الدريشه مافيها حمايات وقدر بلمست يده فتح الدريشه .. لولوه استغربت بانه الدريشه لها صوت .. كانت لابسه شورت وفلاينه علاق وكانت على سفنج بوب .صفرا .. ينقز فهد بخفه للداخل لولوه كانه ابليس دخل عليها من الصدمه مو مستوعبه منو دخل عليها الانه ملثم ورافع ثوبه وجلست تصرخ: اااااااااااااااه بلمحه بثانيه حط فهد يده على فمها يسكتها ..: اصكتي فضحتينا انا فهد .. لولوه بدات تستوعب وهي تبعد يده عنها : وصلت الجرئه انك توصل لغرفتي ..؟؟ فهد بضحكه : علشان اعرفك منو اللي يتحداني ..وهو يقرب منها ويغفل الباب خلفها ..: ها شفتي كيف قدرت اوصل لك ياحلوه .. وهو يحاول يخوفها او يرسم الخوف بعيونها اكثر .: والا اشرايك نسوي ليلة الدخله الحين يعني متزوجين والكل يشهد علينا .. لولوه : برا لا افضحك عند الكل .. فهد وهو يعاندها ويجلس على سريرها : يعني وش بتفضحين يالخبله انا زوجك ولي الحق .. لولوه : اي حق تتكلم عنه اقولك برا غرفتي والا بفضحك جدامهم انك دخلت من الدريشه .. فهد : تخوفيني يعني .. ولا تتحديني ؟ لولوه وهي خافت تقول تتحديني وتتورط للمره الثاينه ,,: لا بتطلع باحترام نفسك .. فهد وكانه يعاند اكثر ويبي يطلعها من طورها : امممممم باحترامي والله وعرفتي تتادبين .. كانت لولوه واقفه وحاطه يدها على خصرها ويشعرها حطته ذيل حصان وربطة شعر لونها ورديه .. لولوه : وش فيك تبحلق عمت عيونك قول امين .. فهد وبلمحة بصر وقف اقبالها ولف يدها وراء ظهرها : عيدي وش قلتي ما سمعت ..؟ لولوه : عمت عيونك ان شاءالله ... فهد ويصر بالقبضه ويشد عليها وبقوى صوته : ما سمعت عيدي لولوه : بالعماء والصمخ يااااارب .. فهد ويلفها له ويقابل وجه وجهها ..: لا تخليني اسوي لك شي تندمين عليه طول عمرك .. لولوه بستهزااء :ه ه ه ه خوفتني الحين اقول لا انت ولا عشره من امثالك يقدر علي تسمع .. فهد وحس انه يفووووور من الغضب ..مسك شعرها بقوه وما بين وجه وجههها غير انفاسهم الحاره .. فهد : تخسي البنت الي تنزل راسي وتتحداني ماني ولد عبدالله لو خليتك لولوه : ههههههههه اصلا ما تقدر الا بالكلام يعني نافش ريشك علي (بخفه وبهمس وكانه اسلوب تحدي جبار) وانت ولا شي سمعتني ..!! فهد خلاص حس انه الارض بتشب نار من غصبه وعطااااها ذااك الكف اللي من قلبه طالع .. وهو يتنهد من قوت الظربه يشوفها كيف طاحت بقوى ..وهو يقول لها : هذا اول درس والادروس الجايه مجانا وبعلمك منهو فهد يالولوه بس انتظر اليوم الي بيجمعني معك .. واسمعيني .. وشافها ما عطته وجه صرخ عليها بصوته بزئير الاسد .." اسمعيني .."" تلنفت له بخوف من الصوت : وسااكته .. فهد : اتصالاتي تردين عليها ومسجاتكِ الزفت ما ابيها تسمعيني ولا والله ثم والله ما يفكـك مني احد ..ويرد بنفس نبرة الاسد : تسمعيني :؟؟ لولوه اكتفت بحركة بالراسها بالايجاب .. لولوه من هول الصدمه ماسكه وتبكي من شدة الظربه .. جد حست فيها ظربه خلتها تبكي خلتها تعرف من الانسااان اللي تتعامل معه مو مجرد اسد وانياب كذابه .. ولا هو زئيره اي زئير اسد ثاني هذا نوع نادر يرعب الشخص نفسه من ذكر شخصه.. ويطلع فهد من الدريشه وهو معلم لولوه منهو فهد ومن تلعب معه ..ّّ!!!! ----------- الساعه 8 ونص : بمجلس ابو حمد .. ابو حمد طوال هالساعات يدور عن حل لمضاوي وسفرتها وان تكون السفره محدن يدري عنها عنده الفكر وكل شي الاكيد بانه بينجع بس كل شي مبني على قواعد واسس لازم نتاكد انها سليمه او انها قايله للتاكيد .. اتصل على حمد اولده وقال ابيك ضروري بالمجلس من غير ما يلقي التحيه له او السلام .. اكتفى بهالكلمتين واغلقه ... من ناحية حمد خاف انه ابوه ينفذ القرار وانه يطرده او يحرمه ... كان جالس مع بنته جود اللي عمرها 3 سنوات جود: بابا نروح بيتنا ..؟\ حمد : لا نامي يابابا وانا برجع طيب .. جود : لا بروح معك .. حمد : لا يابابا انا عندي شغل اخلصه وانام معك .. جود وبدات وكانها بتصيح : لالا بروح معك .. حمد يشيلها وهو يوصيها : طيب بروح لجدك الحين ولا ابيك تصحين او تبكين تسمعيني ياجود .. جود ": طيب خلاص ما ابكي ولا اصيح .. ياخذها حمد وهو يضحك .. بيدخل المجلس .. ابو حمد اول ما شاف بنت حمد جود وهي تركض له وتبغى تبوسه وتسلم .. ما منعاها باسها وجلسها بحظنه .. جود : انت بابا عبدالوهاب .. عبد الوهاب : ايوه انا جدك .. حمد وهو يقرب من ابوه وحس انه ابوه ماهو حوله لكن كان شكه غلط الانه ابوه بكل خطوه معه يشوفه .. ابو حمد وهو يلاعب جود قال : حمد اجلس ابيك بكلام .. حمد وهو يحاول يبوس ابوه .. ابو حمد يرفع راسه وكانه يحاول منعه : لا ياحمد لين تسمعني واخلص كلامي بعدها ابيك تقولي قرارك وعلى هالقرار برضا عليك او( يتنهد ) او تجلس بالبيت على اسم اولدي بس .. حمد وهو يجلس : الا برضاا يايبه اهم شي رضااك واعتبرني موافق .. ابو حمد بصراخ : انا ما ابيك تدور ارضااي الانك تعرف انك عصيت كلمتي وتزوجة اللي ماكنت راضي عليها . ابيك توعدني ما ابي منك رضا والكلام اللي بقوله مسؤوليه واكبر من المسؤوليه.. ومصيرك منه يتحدد ..ويمكن بعد حياتك .. حمد بخوف : يبا وش الكلام اللي تقوله ..؟ ابو حمد : ابيك تسمعني للاخر وبعدها قررر ومن هالقرار لا تعتقد اني رافضك او راضي عنك... لكن ماخذ على خاطري الانك فشلتني ونزلت راسي ... حمد : يبا تكفى سامحني كانت نزوه وربي كانت نزوه .. ابو حمد : خلاص وتقدر تعدل هالنزوه بالشي اللي بقوله لك .. حمد : وانا اسمعك .. ويجلس ابو حمد يقوله سالفة مضاوي وعن الحل الوحيد اللي يقدر ينقذ حالتها وعن شرطها الاهم الكتمان والسر .. ابو حمد : وانا قلت لعمانك هالمساله بحلها وانا ما لقيت الحل الا فيك .. حمد : وتبغاني اتزوجها واسافر معها علاج على انه شهر عسل ؟ ابو حمد : كووووويس انك فهمتني من غير ما اتعب معك ؟... حمد : وهي وش رايها ؟ ابوحمد : هي بتسوي اي شي بس شرطها محد يدري بمرضها ..؟ حمد : طيب انا موافق .. ابو حمد : فكر ..؟ الانه مافي عرس ولا فرح تملك عليها وتطير انت وياها .. حمد : هم موافق ..بس اهم شي راضااك يايبه .. ابو حمد : انا راضي مثل ما قلت لك بس ماخذ على خاطري زواجك وبنتك .. وانا ما ابي اغلط مثل ابوي اشتتك انت وبنتك هم هي بنتنا وما نرضا عليها اذا خوالها اتركوها حنا ما نتركها .. ونتركك .. حمد : ومتى بتبلغ عماني .؟ ابو حمد : بعد اشوي بنروح لمضاوي اخبرهم واخبرها .. حمد : طيب انا عندي طلب واتمنى انك ما تغضب او ترفضه .. ابو حمد بستغراب وهو يشوف جود شكلها بتنام : بنتك بتنام .. حمد : باخذها الحين بس يبا انا بتزوج مضاوي لكن ابيك تفهمني قبل لا تفكر وتغضب .. انا ابي اتزوج نجوى بنت عمتي .. ابو حمد بصدمه : هي طول وقتها جدامك توك تقرر الحين .؟ حمد : تكفى يبا ما ابيك ترفض .. ابوحمد : طيب بس لما ترجع من علاجها ازوجها لك .. حمد : ان شاءالله مضاوي بتتعالج وبهذي الخطوه ماني بتفاول عليها لكن انا ابي نجوى .. ابو حمد : لكن عندي سؤال محيرني . جمد : سم يبا ..؟ ابو حمد : طول فترتك وانت معها تسوالف معها ليه ما خطبتها قبل مع انه امك جابتها لك وجابت لك بنات اكثار ورفضتهن بالاول ..؟ حمد : يبه شي بيني وبين نفسي وانا الحين ابغى اتزوجها .. ابو حمد : من حقكك تتزوج وهذا الشرع راضي عنه لكن مثل ما قلت لك اهم شي موافق تتزوج مضاوي وتسافر معها .. حمد باقتناع : اي موافق يايبه موافق وبشر عماني .. ابو حمد : انا الحين رايح لهم حمد: طيب وانا بروح نامت جود .. ابو حمد قبل لا يمشي باس جود ومشى : مع السلامه حمد : مع السلامه .. --------------------- مضاوي جالسه مع نوفا ولولوه ومتعب بعد ما قامت وتوضت وصلت الصلوات اللي طافتها .. لولوه : اجلسي ارتاحي يامضاوي .. مضاوي وهي تشوف خد لولوه مورم : وشفي خدك يالولوه ؟ لولوه وهي تتدعي على فهد بصوت واطي : الله لا يوفقه مضاوي : اكلمك وش فيك ؟ لولوه : لا ضرسي يوجعني ومنتفخ .. نوفا : عمتي ام ناصر مرسله مع خدامتها شوربة عدس ورز وجاج تقول لمضاوي بس .. مضاوي بضحكه : ياحليل عمتي اتعبت نفسها ليه .. لولوه : طيب انا جوعاانه ترا الظهر ما تغدينا كنت نفكر فيك .. نوفا وهي تشوف كذبة لولوه : اي وااضح انه مافي احد اكل .ز متعب : مضاوي انتي بخير الحين ؟ مضاوي من نبرت صوت متعب حست ودها تضمه وتبكي ما تدري ليه هالمتعب ما تبغااه يتاثر باي شي ..لو خدش بيسط ..تحب متعب ودايما تقويه على خواتها مهما كان .. مضاوي : انا بخير ياقلبي انت وكيف حالك .. متعب : وجهك تعبان كثير يامضاوي .. مضاوي : تعرف ما انام وافكر فيكم ..؟ متعب : خلاص لا تفكرين انا موجود صح انتي تقولين دايما انا رجال البيت . خلاص انا رجال البيت انا اللي بروح للجمعيه وما اخليك تتعبين وبروح مع خواتي لاي مكان وما اخليهم يرحون بروحهم مضاوي وهي تبوس متعب : ياخي رجال رجااااال .. لولوه : اي هين رجال واضح .. نوفا : ما تبغين تاكلين ادويتك .؟ لولوه وهي تحاول تقراء الدواء خافت مضاوي لولوه : يقولك هذا الدوراء لا تاكلينه الا بعد الاكل وبفراشك الانه يدوخ وبينومك .. مضاوي : طيب عطني الدواء انا باكله .. لولوه : خليني اقراء لك الوصفه لك طيب ..؟ مضاوي بعصبيه : انتي ما تفهمين عطيني الدواء ..< وشكل مضاوي تغير كثير .. نوفا : وش فيك مضاوي تغير وجهك ؟ مضاوي بعد ما اخذت الدواء : لا ولا شي بس روحوا تعشوا .. لولوه : خلاص شكلك ما تبغيني امسك الدواء ليه؟ مضاوي وكانها بتدات تتعب : تكفين لولوه تراني مصدعه روحي تعشي مع خواتك .. نوفا : العشا لك مو لنا .. مضاوي : روحي اكلوا انا ما ابغاااه .. وطلعن نوفا من الغرفه هي ولولوه ويجتمعون بالمطبخ .. لولوه : وش فيها اختك بسم الله.. نوفا وهي تعد صنيتهم وتعد صنية مضاوي الانها بتاكل بروحها وبتجبرها على الاكل .. لولوه : انا اكلمك وش تسوين ؟ نوفا : وش تشوفيني اسوي ...؟العشا اكيد.. لولوه : طيب وبعدين .. نوفا : وشهو بعدين يالله اخذي الصنيه وخلينا نروح نتعشا وانا باخذ صنية مضاوي واخليها تتعشا .. لولوه : يااااااااا الله نوفا وهي تلتفت لولوه : انا بعرف شي واحد الصبح مافيك شي ولا ظرسك يوجعك كيف تورم كذا فجاء ؟ لولوه بخوف : اه اه لا انا تحرشت به بعود الاسنان وشكلي وجعته وانتفخ .. نوفا : من غير الم يجيك ؟ وانتي جوعانه ولا حتى سمعتك انه يوجعك ؟ لولوه : تقدرين تقولين بس تفخ من غير الم .. نوفا : الله يشفيك ما نقدر نقول غير كذا .. وتاخذا الصنيه لمضاوي وتشوفه مضاوي جالسه بسريرها اللي بالصاله وشكلها تفكر .. نوفا : مضاوي وش فيك ؟؟ مضاوي تنتبه لنوفا : ولا شي وبعدها تنتبه للصنيه : من له هذا ؟ نوفا ببتسامه : لك من طلعتي الصبح ما اكلتي شي ولا حتى الفطور لا تقولين ما تبغين تاكلين ترا بوكلك ولو سويتي حركات البزران .. مضاوي ببتسامه : خلاص باكل بس بشرط امكم تاكلون معي .. نوفا : لا تخافين علينا متعب ياكل هو ولولوه بالمطبخ تعرفين الطاوله هناك يحبون يقعدون عليها .. مضاوي بضحكه : وانتي ماراح تاكلين ؟. نوفا : اممم بصراحه ماني مشتهيه من فطاير عمتي ام ناصر احس اني اكلت لين قلت بس منها .. مضاوي : عوافي اجل .. نوفا : مضاوي مضاوي ترفع راسها لنوفا : هلا نوفا .. نوفا وهي تقرب منها اكثر : لا تتعبين مره ثانيه وفكري بنفسك ترا حنا من غيرك بنضيع ... وقامت بسرعه نوفا من وجه مضاوي مضاوي كانت ماسكه المعلقه بتشرب الشوربه طاحت من يدها .. وجلست تبكي تبكي وتكبي تحس فيها كتمان ما تقدر على هالكلمه وخصووصا نوفا " لا تتعبين مره ثانيه وفكري بنفسك ترا حنا من غيرك بنضيع .. بنضيع بنضيع بنضيع بنضيع ...!!!! صدى الكلمه ببال مضاوي بينضيع بنضيع بنضيع ...!! وش الدموع االي انزلت مني ليه ابكي خلاص الموت جدامي وخواتي بيضعون مني بيضعون بيضعون محد بيهتم فيهم محدن بسال عنهم ياربي رحمتك يارب .. انا لازم اتطمن عليهم لازم قبل لا اموت .. الموت حق حق يامضاوي لكن خوفي على خواتي اكبر من الموت نفسه .. وتقوم من فراشها وهي تشيل الصنيه الاكل ولا اكلت منها شي .. وتشوف لولوه ومتعب يتهاوشون على الاكل .. وانصدموا بوجود مضاوي .. لولوه بصدمه : مضاوي ؟ مضاوي : وش فيكم صوتكم وصل للجيران ..؟ متعب : هالخبله اختك عنيده ولا تبغى تعطيني الكاتشب .. مضاوي وهي تجلس بالطاوله معهم : وين نوفا ..؟ لولوه : توها تقول بتاخذ لك صنية الاكل غريبه رجعت الصنيه وهي لا ؟؟ مضاوي بضحكه : عرفتك ذكيه يعني الصنيه بترجع بروحها ؟ لولوه : لا بس مدري وينها .. مضاوي وهي جالسه تشوفهم يمد لها متعب قطعة الخبز متعب : ماراح تاكلين تتذكرين يامضاوي لما امي تسوي الشوربه وتحط معها هالخبز .. مضاوي وكانها تتعذب نفسيا كثير : اي اذكر ياحبيبي والله يرحمها .. لولوه بحزن: الله يرحمها ... مضاوي : خلاص اكلوا الاني تعبانه بروح ارقد فوق .. لولوه : وانتي اساسا ليه قمتي من فراشك خليك نايمه .. مضاوي تقطعها : طيب شفتي السستر تاخذ دواء ابوي ؟ متعب : اي انا شفتها .. مضاوي : حلو خلاص انتوا كملوا عشاكم وانا بروح اشوف نوفا وينها .. وهي تطلع من الباب الا تسمع طرق الباب .. وتوقف مضاوي وتقرب من الباب وتسال : منوووو .. ابو متعب : انا عمك عبدالله .. مضاوي وهي تفتح الباب وتمثل انها بكامل قوتها : هلا والله عمي .. ابو متعب بصدمه : وانتي وش اللي قومك من افراشك ..؟ مضاوي وهي تفتح الباب وتنصدم بعمها ابو حمد عبدالوهاب : هلا بعماني عسا ماشر ؟ ابو متعب : جايين نشوفك ونسلم عليك سمعنا انك تعبانه .. مضاوي :الله يسلمك وانا ما فيني الا العافيه .. ابو حمد : نبيك بموضوع يامضاوي .. مضاوي : تفضلوا بالاول .. ويدخلون بالصاله .. ابو متعب : اخوانك وينهم .. مضاوي : بالمطبخ يتعشون .. ابو حمد : عسا تعشيتي ؟ مضاوي : الحمدالله .. ابو متعب : طيب ابيك بموضوع .. مضاوي وقلبها بدا يخفق .. الا تسمع متعب ولولوه يدخلون الصاله الا يسلمون على عمانهم .. ابو متعب : ممكن تخلونا بروحنا يامتعب ولولوه .. متعب ولولوه : طيب تأمر ياعمي ويصعدون لغرفهم .. مضاوي : خير ..؟ ابو حمد : خير بوجهك يابنتي بس ترا علمنا عمك ابو مشعل بالموضوع مضاوي وقلبها بدا يخفق واسكتت .. ابو متعب : وعرفنا وين متمكن .. مضاوي : لكن خبرته وامنته ما يخبر احد .. ابو متعب : حنا مو اي احد يامضاوي حنا عمانك وحسبت ابوك ولا تخافين خواتك مافهم عرفين بمرضك .. مضاوي وهي تبكي : كيف بتقنعني انهم ما يعرفون بمرضي .. انا خلاص بموت ليه اتعالج .. ابو حمد : لا ترمين نفسك بالتهلكه وانتي كذا تنتحرين الانك تعرفين بمرضك وساكته تتعالجين يامضاوي .. مضاوي : والحل ياعماني وشهو ..؟ ابو متعب : حلو العلاج ببتعالجين وبتطيبين احسن من اول . والحل عند عمك عبدالوهاب .. مضاوي وتلتفت لعمها : وشهو ياعمي .؟ ابو حمد : انك تتزوجين حمد وتسافرين معه شهر العسل وهو شهر العلاج بس مدة العلاج .. مضاوي من غير تردد : اللي تشوفونه لكن عندي شرط ... (( هنا كانت نوفا تخرج من غرفتها بعد ماعرفت من لولوه انه عماني تحت مع مضاوي ولا تدري وش يبون فيها نوفا من خوفها على مضاوي حبت تنزل تحت لكن بعد ما اسمعت اللي انصدمت منه اجلست على الدرج ((ملاحظه اللي اسمعته مو مرض اختها اللي بيجي من الكلام )) ......) ابو حمد : وشهو الشرط تراني موافق .. مضاوي : تتزوج لولوه بسرعه ومعها تتزوج نوفا ابي اتطمن عليهم كل وحده ببيت زوجها قبل لا اسافر .. ابو متعب : هذي مقدوره بخلي فهد يسوي حفله وبخلي حمدان ياخذ نووووووفا ...ويبقى عرسهم مع بعض ومزنه عرسها بروحها مضاوي : مو مهم الاهم عندي انهم يتزوجون واتكمن عليهم الانه هالثنتين كل خوفي اما ليلى تمنيت انها تخرج قبل ما اسافر وانا ما اخاف على ليلى كثر نوفا ولولوه .. الانهم صغار والحياة بعدها جدامهم نوفا على الدرج منصدمه بتتزوج غير ناصر ليه من حكم على بالاعداام مضاوي لا وش السبب ليه طيب .. هي حبت ناصر وماحبت حمدان هي حبت نااصر .... ناصر وبس وتقوم من الدرج بخووف وتدخل غرفتها وسريرها وتجلس تبكي ما تدري وش تسوي غير البكاا ... ابو متعب : هذي مقدور عليها ولا تخافين وان شاءاالله حمدان ماهو برافض لي طلب .. مضاوي : بس هذا كل ما اتمناااه .. ابو حمد : طيب خلاص بخلي الملكه بعد بكره وش رايكم ؟ مضاوي : بس تكفى ياعمي ما ابغى طقطقه وازعاج .. ابو حمد : والله كنت اتمنى الفرح بس لك مني يابنتي بعرس احلى منه برجعتك سالمه يارب .. مضاوي : تكفى ياعمي وط صوتك لاحد يسمعك .. ابو حمد : لا تخافين .. ابو متعب : خلاص ولا تكرين بعد بكره ملكتك وملكة نوفا وسفرك .. ابو حمد : بقول لهم حمد ما يبغى عرس يبي سفر على طول .. مضاوي : لا ابي عرس خواتي بكره نوفا تتملك وياخذها حمدان .. ولولوه بعد ابي قبل لا يصير اي شي ابي اتطمن بدخوله على رجاجيلهم .. ابو متعب : بس يامضاوي .. مضاوي : اجل كيفكم سفر ماراح اسافر لين يدخلون خواتي لازواجهم .. ابو حمد : بس الغرفه واغراض العرس .. مضاوي : لكم مني ما ابي عرس ولا طقطقه قولوا ابوهم مريض ولا هم يتم الحفل والعرس وخلوها عشا صغير دخلت نوفا ولولوه وبس والتحضيرات العرس كل واحد يسوي اللي يقدر عليه بعد العرس ابو متعب : خلاص خلاص تم عرس لولوه بكره وملكة نوفا وعرسها بكره .. ابو متعب يبي يهديها ويحسن الوضع اللي هي فيه ما يبي يوترها ولا يعصبها الانه التوتر يضايقها وياثر على حالتها واكتفا انه يقول تم .. وخلاص يعني العرس نوفا ولولوه بعد ساعات قليله من هالساعه .. ولا لولوه تدري ولا نوفا تدري ..؟؟ مضاوي : خلاص انا بكره ببلغهم اول ما اصحى .. ابو حمد : لكن لازم تشاورين نوفا بحمدان .. مضاوي : نوفا ماترفض لي طلب ومثل ما اقنعت لولوه بقدر على نوفا وانا ابغى الا مصلحتها هي واختها .. ابو متعب : طيب اعيالي فهد وحمدان بقدر عليهم لكن حمدان اقوله عرسك وملكتك بيوم واحد صعبه يامضاوي مضاوي : انا قلت ما بسافر الا لما ازوج اهم شي نوفا ولولوه ابي اتطمنن .. ابو حمد يشوف ابو متعب وكله حيره بطلب مضاوي الانه تقريبا صعب صعب جدا يتم العرس والملكه بيوم واحد من غير تجهيزات .. وشرطها خواتها اول بالزواج وبعدين هي ..؟؟ طبعا مالهم خيار ثاني..الا الموافقه .. طلعوا كلهم وكل واحد راح لبيته .. اتصل ابو متعب على اعياله فهد وحمدان وقال لهم ابيكم ضروري .. وفعلا على الساعه 12 ونص الكل عنده تجمعوا .. وقال لهم الخبر رفض حمدان .. حمدان : يبا كيف اخطب واتزوج بيوم واحد وانا عمري 26 توني ما افكر بالعرس ؟ ابو متعب : يعني ترفض اللي اطلبه منك ياحمدان .. حمدان : يبا البنت ماهي طايره اخطبها طيب وبعد 3 اسنين اتزوجها مو بيوم والليله اخطبها واملك عليها واتزوجها ؟ ابو متعب : انا ما ابي اطلع م هنا الا وانا سامع قرارك اجلس فكر تراني جاد بكلامي .. ويلف على فهد ... ابو متعب : وانت وش قلت ؟ فهد جالس وحاط رجل على رجل وهو يضحك : هههه وانا موافق يايبه لو تبي الحين ادخل عليها وتعرف حنا مملكين لنا اربع ايام .. (وفهد يقول بينه وبين نفسه : هع واخيرا بتطيحين بيدي يالولوه وبعلمك منهو فهد يالله ما بقى الا يوم ) ابو متعب : يعني انت موافق منت معارض ؟ فهد : ابد يابو متعب انا معك بكل خطوه .. حمدان مستغرب كيف وافق فهد بيوم واحد .. رافض كل الرفض فكرت الزواج ماهو قد المسؤوليه ولا هو قد الزواج وخرابيطه يحب البر يحب العود يحب الربع والسفر .. كيف بيتزوج وبينحبس بالبيت واخذني وودني .. حمدان : يبا فكرت انا ما اصلح للزواج .. ابو متعب : انا ما اخذ رايك ياحمدان انا اجبرك تعرس عليها ودخلتك بكره انا خبرتك واذا معارضني لا تعتبرني ابوك عندك للصبح اسمع قرارك .. ويطلع ويخلي حمدان بحيرته .. وفهد جالسه معه حمدان : انا ما ابغى العرس ليه يجبرني على شي انا ما ابغااه ؟ فهد : شي يخصك وفكر وانصحك تتزوجها الانك اذا بترفض بتخسر ابوك يعني ياخي كلن بيتزوج من غير حب << قال كلمته وقام من المجلس وحمدان مستغرب من كلمته الاخيره كلن بيتزوج من غير حب .؟ يعني هو بعد نفس بيتزوج من غير حب ؟!!!!!؟ وجلس يفكر ويفكر لين قررر .... -------------------- الساعه 6 الصبح .. صحت نوفا وعيونها متورمه من بكا البارحه .. وكل تفكيرها البارحه انها تصحى مبكر وتروح تخبر ناصر قبل لا يروح للوظيفته .. قامت ادخلت الحمام كرمكم الله وتوضت وبعدها افرشت سجادتها وصلت وتدعت ربها انه ما يصير اللي تخطط له مضاوي .. وتزوجها بواحد ما تحبه .. وغيرت بجامتها ولبست بنطرون جنز ازرق وتي شرت احمر عليه فونكه زيبرا .. ولبست جلالها وملفعها ونزلت بعد ما تاكدتت انه المكان ما به احد ولا احد صاحي .. وراحت للمكان الباب اللي بينهم وبين باب عمتها وجلست تشوف الباب وهي خايفه وش بتسوي يعني بتكذب على عمتها انها تبغى خبز بتقول عمتها كذابه الانه محدن منا يصحى هالوقت ؟ الانه مافي احد يشتعل وثانيا الانه البارحه معطتني 3 اكياس خبز ؟؟ كيف بتفكرين يانوفا مافي الا حل واحد انتظره عند سيارته ؟ بس هو يطلع الساعه 7 تقريبا يعني بنتظر ساعه اخاف احد يشوفني .؟ وننتظر عند الباب اللي يجمع بيتهم ببييت عمتهم .. الا ذاك الشخص اللي لابس شماغ احمر ودشادشه بيضه .. وشكله ناصر وهي ما تبغى تتهور وتخرج له ويطلع خالد اخوه .. وعيونها تبكي تتخيل كلها مو لناصر بتموت هي حبه.. الا وجهه وضح لها الا هو ناصر بنفسه .. الا تناديه .. ناصر انصدم باللي يناديه من الخلف .. لف وهو يقول نعم .. الا ينصدم بنوفا لابسه جلال وملفعها عليها ..4 ناصر يقرب منها وهو يلتفت عسى ما يشوفنا احد .. ناصر بستغراب : وش اللي مصحيك بهذي الساعه نوفا وعيونها بتدات تغيم من الدموع وهي تقول : ناااااصر .. ناصر : وش فيك يانوفا ؟ احد صار له شي ؟ نوفا ببكا : لا بس < تحس لسانها انربط.. ناصر يقرب منها اكثر وبعصبيه شوي : وش فيك يا نوفا تكلمي وش فيك تبكين .. نوفا : ناصر انا اليوم بيملكون علي .. ناصر بصدمه : وشهوووو ؟ نوفا : انا احبك وما ابي غيرك تكفى عماني ومضاوي بيزوجوني اليوم وانا ما ابي غيرك .. ناصر يقرب اكثر منها : كيف يزوجونك وانا ماعندي خبر حتى ومن متى هالكلام نوفا : البارحه قررو واليوم بيزوجوني تكفى يا ناصر سو اي شي اذا جد تحبني مثل حبي لك ..وتركض لبيتها وصوت ناصر يناديه :" نوفا نوفــــــــــــــــــــــ ا .. وتركض نوفا لغرفتها وترمي نفسها بسريرها وتجلس تبكي الا تصحى لولوه : لولوه : وش فيك يانوفا ؟ وتشوف لبس نوفا جنز وشكلها خارجه .. وتقرب من اختها وتكلمها .. لولوه : نوفا وش فيك ؟ كلميني ..؟ نوفا : احبه احبه يالولوه احبه ولا ابغى غيره .. لولوه بصدمه : وصلت الى الحب يانوفا ؟ نوفا : وربي حبي له شريف وهو يعرف اني احبه وهو يحبني بعد .. لولوه : قصدك ناصر ؟ نوفا تهز بالاجاب .: .......... لولوه : وليه تبكين يمكن مع الايام يخطبك ..؟ نوفا : لا يالخبله امس سمعت مضاوي تكلم عماني تبغى تزوجنا اليوم قبل بكره وعمي عبدالله بزوجني حمدان وانا ما ابغى حمدان انا ما احبه انا احب ناصر وربي احبه .. لولوه شافت وضع اختها يكسر الخاطر جلست جنبها وضمتها .. ونوفا تزيد بالبكا .. الا تسمع صوت جوالها يرن . لولوه وقلبها يطبل هذا اكيد فهد بخليه يرن لين يقول بس بخلي نوفا تهدي صحيح انا ما فكرت بحب احد لكن اكيد انه الحب عذاب على قولتهم وما الوم نوفا يوم تحبين شخص وتاخذين غيره مصيبه وخصوصا بالزواج يبقى اسمه موجود ومثل ما قال الجسمي ما الحب الا الحبيب الاولي . . لكن وين حبيبك يالولوه مجهول واختك التوام تتعذب منه وتحب وانتي تتعذبين من الزوج اللصقه يعني لو احب مثل نوفا كان وفرت اشياء كثيره ويمكن اتبيعه لكن فهد اللي بيني وبينه مو حب كره وانتقام ..وبوريه منو لولوه بس خليه بالاولى هدوء وانا بعرف كيف اربيه من جديد وعلمه كيف يحترمني .. وتخلي الجهاز يرن يرن يرن يرن واخيرا صوت المسج يلعن وصوله .. المرسل : الغلا كله : ردي علي اول ما تصحين لك ساعيتن واذا مارديتي علي خلالها بوريك الدرس الثاني " لولوه : وع ومصدق نفسه انه الغلا كله .. نوفا : وش فيك ؟ لولوه : هالمجنون فهد ماغيره .. نوفا : يعني اذا اخذت حمدان بصير نفسك ما احبه لو شنو ؟ لولوه بضحكه : انا ماعمري حبيت يالخبله صحيح كنت اجلس بالخرابه بس ماعمري حبيتهم الاني مقصوبه .. نوفا : وليه ما فكرتي تحبينه .. لولوه : مستحييييييل احبه الانه اهاني وانا لازم ارد له الاهانه .. نوفا : يعني بتطلقين منه بعد ما تنتقمييين ؟ لولوه : اكيييييد ما يبيلها شك انا عمري ما حبيت اللي يهني كيف احبه هو ..؟ وهو اكثر انسان جرحني واهاني ؟ نوفا : طيب تتوقعين بيوافقون من غير رضااي ؟ لولوه : لا اكيد بتكلمك مضاوي وبتقولك مصلحتك وما مصلحتك وبعدهها انتي بتقررين وبتندمين على قرارك نفسي < (لولوه ونوفا بسرير واحد واقبال بغض ..) لولوه : طيب انتي وين كنتي رايحه ؟ نوفا : كنت ....... لولوه : وش فيك سكتي ؟ نوفا : رحت لناصر لبلغته بالملكه اليوم ابيه يوقف يعارض هالملكه .. لولوه : طيب وش تظنين بيسوي ؟ نوفا : ما ادري .. وتجلس نوفا ولولوه يفكرون بحل يخرجون منه الا ان دخلت عليهم مضاوي على الساعه 8 الصبح ..تصحيهم .. مضاوي : وشهو صاحين مبكر ؟ وليه ماعندك سرير يا لولوه تنامين مع نوفا ؟. لولوه : لا كنا نسوالف وعجبني سريرها .. مضاوي : طيب حلو كلكم صاحين ابيكم بموضوع .. وتقول مضاوي الموضوع وكلن من نوفا ولولوه بصوت واحد : رافضين اكيد .. لولوه : كيف تزوجينا بيوم واحد طيب كل هذا ما تحبينا تبغين الفكه منا كلنا بيوم واحد ؟؟ نوفا : انا ما ابغى اتزوج ولا ابغى اتزوج الا بعد الدراسه .. مضاوي : نوفا الدراسه ماهي طايره بتدرسين لما تتزوجين وحمدان ما راح يرفض بالدراسه اكيد .. نوفا : طيب ما احبه كيف اتزوج واحد بيوم والليله عرفته مضاوي تكفين لا تقصبيني على شي انا ما احبه .. مضاوي : اسفه انا عطيت عماني كلمتي واليوم ببتزوجون كلكم .. لولوه : مو بكيفك تزوجينا يامضاوي مضاوي ويعونها تبكي : وليه ما تبغوني اتطمن عليكم قبل لا اموت ليه معرضاتني وانا ابي مصلحتكم ؟ انتوا تظنون اني اكرهكم لا وربي احبكم ومن حبي عليكم اخااااف يصير فيكم شي ابي استر عليكم ما ابيكم تضعون من غيري .. ابي يضمكم رجال سند يسندكم انا ما انفع سند انا ايامي كلها معدوده متى بتفهموون ااني ابغى مصلحتكم ولا ابي غيرها .. نوفا : وليه تتفاولين على نفسك بالموت ليه وليه ما تقولين بتزوجين نفسك وتشوفين اعيالك اهم منا مضاوي خلاص لا تتدخلين بحياتي وتزوجيني على كيفك من شخص اول مره اسمع عنه وتبغيني احبه ؟ صعبه يامضاوي انتي كذا بتحطمين حياتي منتي معمرتها بتكسريني طول عمري .. مضاوي من كلام نوفا انصدمت : انا يانوفا تقولين لي اكسرك واحطمك ولا تبغيني اتدخل بحياتك ؟ وهذا انا ابغى مصلحتك ؟ نوفا : مصلحتي ما تزوجيني بشخص ما احبه وبيوم واحد تصدميني انا عارفه من البارحه وسمعتك كل الكلام اللي تقولينه .. مضاوي هنا انصدمت : سمعتي كل الكلام كله .. لولوه والصدمه بوجها كيف قدرت نوفا تواجه مضاوي يعني هذا الحب الي يخلي الواحد يقاوم كل شي علشان الحب والحبيب اللي يقولون عنه ..!!! نوفا : اي من قلتي لعمي انا بزوجهم .. اليوم قبل كره .. مضاوي وتبي تتاكد : سمعتي اللي قبله ؟ نوفا : لا كنت نازله على الدرج وما سمعت الا هذا الكلام . مضاوي تتهند وتحمد ربها انه محدن سمع عن مرضها ولا عرف .. مضاوي : طيب انا قلت لك بتتزوجين يعني ببتزوجينه وانا كلمت عمي وانا ابغى مصلحتك ماراح تعرفين هدفي الا بعد ما تتاكدين بنفسك من هالزواج وبعد موتي ابيك تتدعين لي بالخير وتسامحيني .. وتخرج مضاوي بعد ما بلغتهم بالخبر .. لولوه مصدومه من رد نوفا ؟.. ونوفا مستغربه من مضاوي وهجومها واصرارها بالزواج .. وستغربت انه لولوه ما تكلمت .. وساكته وكانها تتظر علشان تنفذ الوحد وتهينه مثل ما قالت بس انا ما عندي وعد ولا شي غير حب ناصر وياليت ناصر يتحرك ويطلبني قبل لا يزوجوني هالحمدان .. ------------------------------- الساعه 11 .. بالسجن : تطرق الباب ليلى ومالها خلق لثامر اللي غثها طول الاسبوع .. وتفتح الباب بعد ما اسمعت صوته يطلب منها الدخول .. ليلى : السلام عليكم . ثامر : وعليكم السلام والرحمه .. ليلى : طلبتني ؟؟ ثامر يضحك : ايوه طلبتك اجلسي ليه واقفه .. ليلى : خلص وش عندك الاني تعبانه وابغى انام ؟ ثامر : اممم بتنامين بس ما اظن فيه نوم بعد ما تسمعين الاخبار اللي عندي .. ليلى بخوف : وشهو الاخبار اللي عندك ؟ ثامر : اممم خبـــرين تقدرين تقولين . ليلى : اللي هم ؟ ثامر : اجلسي وانا اقولك .. وتجلس ليلى وهي خايفه : قول وش عندك ؟ ثامر / بصراحه ماعرف وش راح اقولك ؟ ليلى : ما فهمت وش تقصد ؟ ثامر : عندي اخبار حلوه لا تخافين .. ليلى بخوف : الي هي ؟ ثامر: موعد المحكمه قريب حيل تتوقعين متى ؟ ليلى : جد قريب يعني حددوه ؟ ثامر : ايوه حددوه وماراح يجيك النوم ولا اقولك لا تنامين الانه موعد المحكمه الساعه 3 العصر وباخذك لهناك طبعا بسويها مفاجاء لعماني وما خبرت احد يعني باذن الله اليوم بتخرجين.. ليلى : جد والله قولي والله .. وجلست تبكي .. انا ماني مصدقه قول قسم ثامر تكفى لا تمذب علي قول انها كذبه لا تصدمني .. ثامر يقوم من كرسيه ويقابلها : وليه اكذب عليك ؟ وان شاءالله كاسبتها كل الادله الا ميه بالميه الادله عندنا والشهود موجودين يعني انتي نسبة نجاحك بالقضيه ميه بالميه مافيها حتى 99 بالميه انا معك وماراح اخليك قلتها من الاول لك والحين اكررها عليك واقولك نفذت بوعدي لك .....وقلت بطلعك يعني يطلعك من اهنا .. ليلى تبكي وتشهق من الفرحه ولا هي مصدقه .. قرب منها ثامر الى ان قرب الى وجهها ..وحط يده على كتفها واليد الثانيه رفع فيها راسها .. ثامر : لا تنزلين راسك قلت لك يخسى الي ينزل راس ليلى ادري السجن خلى نفسك صعبه وما الومك خصووصا اذا كنت مضلوم وثانيا معك شخص ما خلاك ويحبك وانتي تعرفين هاشغله ليلى تشهق :مشكور جد جد مشكور .. ثامر : انا ما ابغى تشكريني ابيك توعديني .. ليلى بخوف : بشنو اوعدك ؟ ثامر : ................. (( وش تتوقعون بالاجـــــزاء القــادمه ؟؟؟ ))) | |||||
|
| |
|
24-05-11, 07:03 PM
| #30 | |||||
| روايتي مؤسس ومشرفة سابقة وقاصة في منتدى قصص من وحي الاعضاء
| (......العــــشــــرون .....) ليلى تشهق :مشكور جد جد مشكور .. ثامر : انا ما ابغى تشكريني ابيك توعديني .. ليلى بخوف : بشنو اوعدك ؟ ثامر : ....... ليلى : ما تكلم ؟ ثامر : ابيك توعديني انك تحبيني ياليلى انا ما اطلب المستحيل انا أطلب شي فيه رجاء عارف انك تظنين اني اشفق عليك او اوقف جنبك الاني ولد عمك لا يا ليلى انتي من دخلتي هنا وقلبي ماعرف غير اسمك وحبك .. ليلى بصدمه : ما سمعت عيد قصدي سوري ما فهمت ؟ ثامر : قصدي واضح ابيك تحبيني مثل ما احبك .. ليلى : بس انت ما تستاهل انسانه نفسي .. انا كلي عقد كلي ما اناسبك ياولد عمي ثامر : قصدي نبيل ياليلى ابي اعيش معك بغرفه وحده بعالم واحد لا تحطمين القلب الي حبك ... تعرفين كل مره اقول بقسى عليها بقسي عليها والقاء نفسي تضحك لك وتبتسم .. علميني وش الحل معي ..؟ علميني دامك حتى رافضه شرطي الوحيد انك تحاولين مجرد محاوله .. لا تشوفين شكلي وصلعتي وحجمي شي يزيد رفضك .. عمر الشكل يا ليلى ما كان ناجح بالزواج ..انا انسان شاريك وابيك تفكرين لو مره فيني .. ليلى : ................ ثامر: يعني اعتبر سكوتك وشهو ؟ ليلى بتغير الموضوع : انا انتظر موعد الجلسه تبغى شي قبل لا امشي ؟ ثامر انصدم بكلامها وكانها ما اسمعت شي : .............................. ليلى : عن اذنك .. وتلف للباب وهي تبكي وتبكي وهي تمشي للمممر .. ما تبغى تدخل نفسها بمتاهات ما تبغى تحطم قلبها بالحب وينخدع هي كل همها دراستها اللي راحت كل عمرها خواتها وابوها اللي ودها تشوفه كل خواتها شافتهم الا ابوها .. ودها تشوف العالم والحياة اللي عايشاتها خواتها .. تبغى تستقر .. تبغى تكمل اللي ما كملته قبل السجن .. امنيتها تشوف بيتهم الجديد .. امنيتها تستقر من غير هم ولا تعب .. وش لك ياليلى بالحب الحب عمره ما صار لك باب .. اذا جد بيحبك بيصبر ياليلى بيصبر .. وتركض لزنزانتها وتناام فيها .. الا صوت يصحيها .. ماهو غريب هذي دلال االسجينه الجديده لابسه لابس شرطيه ؟ وواقفه عند سريرها .. دلال : كيفك اليوم يا ليلى ؟ سمعت بتطلعين اليوم ؟ ليلى بصدمه قويه : وش اللي لابسك لبس الشرطه ؟ دلال : ههههههههههههههههههههه ادري الصدمه عليك ثقيله .. ليلى : وكيف عرفتي اني بطلع اليوم ؟ دلال " الاني ضابطه شرطه بالسجن المركزي النسائي ماخذه الشهاده برا المملكه وانا الوحيده تقريبا هنا بهذا السجن ... ليلى : ههههههه كذبة بيضه ولا انتي وين والشرطيه وين ولا تقولين لي ضابطه ؟ اقول راسي مصدع روحي العبي مع سماح ؟ دلال : هههههههه وماتعرفين بعد انه سماح مفتشه عامه هنا ؟ ليلى بصدمه قويه : وشهو مافهمت دخيلك فهميني ؟ دلال : انا ضابطه على السجينات هنا الانه قبل لا تدخلين مدخلين ثلاث عميلات سريات للولايات المتحده وهم اكبر تاجرات مخدرات وسماح ماتقدر تتابعهم كلهم عينوني مثلها اتابعهم .. ليلى بدهشه : من جد ..؟ وين سماح ؟ دلال : ههههههه سماح اخذت اجازه بعد ما اكتشفنااهم ..وانا رجعت لوظيفتي والشكلي اللي شفتيني عليه ماهو شكلي الحقيقي .. ليلى : صحيح انا ميزتك من الصوت ولا شعرك عمره ما كان بني كذا ؟ولا حتى بشرتك بالسمار هذا .. دلال : كلنا جدد بالمجال وسمعت انك بتظهرين قلت اسلم عليك الانك ماشاءالله عليك خير صديقه وعرفت انك بريئه من اول ما دخلت هنا .. ليلى : توني اعرف انه هناك فيه جسوسات شرطيات ..؟ دلال : لازم يكون هناك الانه هم يحركون شله كبيره بالمملكه وعجزنا نصيدهم وسماح مسكت ام هشام وانا جلست معم ام غازي ومديحه .. ليلى : لاااا جد انصدمت هم ماغيرهم عجيبه كيف هم ولا يعرفون انقليزي بالمره ؟ دلال : الا يعرفون وبلبل بس اعيالهم من يعركونهم وكل وحده عايشه هناك 5 سنوات وهناك بعد قوه تحركم وعرفناهم والحمدالله وحذرنا السلطات عنهم .. ليلى : بجد انصدمت يعني كل هذا كذبه انك ذبحتي زوجة ابوك ؟ دلال : ههههههههههه ايوه وحتى سماح ؟ ليلى : كنتي تعرفين سماح ؟ دلال : هههههههههههههه اكيد اعرفها وكنا نتشاور وانتي ماتدرين واكثر شي نقول لولد عمك ياخذك بعيد عنا علشان نتشاور .. ليلى : بجد انا مذهوووله ومصدوومه .. دلال : هههههههههههههههه ليلى : وسماح راحت من غير ما تسلم علي .؟ دلال : ما كانت تدري عن خبرك توها لها ساعه مشت وقلت لي قولي لها الخبر الانها مستعجله .. ليلى : كويس انك خبرتيني هههه دلال : ما حبيت تخرجين وانا ما سلمت عليك .. ليلى وهي تقوم وتسلم عليها : جد برافوا عليك .. ويجلسون ويضحكون .. ---------------------- الساعه 10 الصبح قبل احداث ليلى وثامر .. يدخل حمدان على ابوه بالمجلس وكان موجود عمه محمد (ابو مشعل ) وفهد اخوه .. ابو متعب : ها يا حمدان وش فكرت ؟ حمدان وهو يجلس بعد ما حب راس ابوه وعمه وسلم على اخوه : .............. ابو متعب : وشهو قرارك ياحمدان ؟ حمدان: انا مــــوافق يبه .. وسكت ماعاد سمع اي صوت غير قلبه اللي كان يحب شي اسمه عواشه كان يحب طفولتها وخيالها فقط كان متخيل انه عواشه هي زوجته بلا منازع لكن صارت مكانها نوفا من هي نوفا اللي احرمتني من حبي الطفولي..!! ابو مشعل : الف الف مبروك يا حمدان .. حمدان بقلبه : لازم تبارك لي على زواجي من بنتك الحين تبارك لي على زواجي من غيرها ..!! ابو متعب : ها يافهد مستعد ؟ فهد وهو يضحك : اكيد يالغالي مستعد الليله ليلتي .. ابو مشعل : الله يباركلك فيها ياولدي لكن علي ترا التذاكر بروح احجزها .. فهد : لا ياعمي ما ابغى منك شي .. ابو متعب : ههههه هذا انت يا محمد دايما تصدمني وتفاجائني .. محمد : لا تردني ياخوي اعيالك هم اعيالي وحلاته عرس ويسافرون على ما تجحز لهم الغرفه ترا السفره كلها علي اسبوع للكويت يقولون حلوه للمعاريس .. فهد : خلاص تم ياعمي .. ابو متعب : خلاص بتصل على ابو حمد علشان نملك على حمد بعد معهم .. فهد بصدمه : وشهو حمد بعد هو زواجي عائلي ولا وش السالفه ؟ حمدان استغرب ؟ ليه تبغون تزوجون بنات عمي بسهوله هذي وبسرعه هذي يايبيه .. ابو متعب برتبااك : ها لا ابي اتطمن عليهم .. فهد : لا يايبه في شي .. ابو مشعل : ايه فيه لكن ماراح نخبركم الا بعدين .. حمدان : طيب خبرونا وش السبب ؟ فهد : اما عن نفسي كنت ابغاها من جت هنا .. حمدان : يعني اللي بناكلها انا وحمد ؟ ابو مشعل : ماراح تاكلونها هم بنات عمكم ولازم احد يتزوجهم ؟ ويتصل ابو متعب على ابو حمد الا ثواني الا هو جاي المجلس مع اولده حمد ... واتفقو انه الملكه بعد اذان العصر والكل راح يتجهز للملكه والزواج .. الا زواج حمد بعدهم بيومين الانه شرط مضاوي انها تشوف خواتها بيت ازواجهم بعدين هي تتزوج واتصل كل واحد على حرمته يبلغهم بالعرس وبالملكه والكل انصدم بهذي السرعه وليه .. وقال انها رغبة ابو متعب .. واتصل على اخته ام ناصر علشان يبلغها .. ابو متعب بعد ما سلم وسال عنها قال لها .. ابو متعب : ترا اليوم ملكة حمدان وعرسه وعرس اخوه فهد بيوم واحد .. ام ناصر : وشهو اليوم عسى ماشر ياخوي ؟ ابو متعب : ماشر لكن ابيهم يعرسون ام ناصر : وعرس فارس ومزنه معهم ؟ ابو متعب : لا ابي اتطمن على بنات اخوي .. ام ناصر : عن لولوه قصدك؟ ابو متعب : لولوه ونوفا ام ناصر بصدمه : ليه نوفا من اخذها ؟ ابو متعب : لولدي حمدان قلت له مارفض طلبي له .. ام ناصر بحزن وهي تحس اظلمت ولدها وانها ما تكلمت قبل لا يخطبون .. ابو متعب : انا قلت ابلغك بنفسك علشان ماتزعلين ترا كل شي صار بيوم وانا ابي اتطمن ياختي .. ام ناصر : بس .. ابو متعب : بس وشهو يااناصر افا ما اسمع مبروك ولا شي ؟ ام ناصر والخنقه خانقتها : الف مبروك ياخوي اعذرني الاني انصدمت بالخبر .. ابو متعب : لا صدمه ولا شي انتي اللي وش فيك ؟ ام ناصر بتوتر : ها ولا شي خهلاص العصر عندكم انا .. وتسكر من ابو متعب وتتتصل على ناصر ولدها .. ام ناصر : ناصر يما .. ناصر : يما انا مشغول الحيل اتصلي علي بعدين .. ام ناصر : ناااصر اسمعني .. ناصر : يما حدي مشغول مو فاضي .. ام ناصر : اليوم ملكة نوفا على حمدان .. ناصر وكانه ما سمع عدل :يما وش تقولين ؟ ام ناصر : خالك عبدالله بيزوج نوفا لحمدان اولده اليوم بعد صلاة العصر .. ناصر وهو يفكر بنوفا وكلامها الصبح يعني السالفه جد ياناصر وش تسوين الحين .. ام ناصر : انت تسمعني ياناصر .. ناصر : اي اسمعك .. ام ناصر : تبغاني اكلم خالك .. ناصر : لا انا بكلمه بس اطلع من الدوام واشوفه .. ام ناصر : ياولدي البنت بتروح منك انت ما تطلع الا الساعه 2 والملكه الساعه 3 ناصر : ما اقدر اطلع لو شنو حتى استاذان ماعندي .. ام ناصر : اذا تحب البنت كلم خالك ....والا والله لكلمه انا .. ناصر : يما لا تسوين شي بس بسالك هو قال للكل عن الملكه ؟ ام ناصر : ما يحتاج يقول خالك ما يخطب او يملك الا واخوانه عرفين قبلها .. ناصر بخنقه : طيب طيب خلاص اكلمك بعدين ويسد الخط وده يبكي هو مهندس مهماري ..شوي شوي ويبعد عن التخطيط والموقع جلس بزاويه مابها احد غيره وهو يشوف العماره الشاهقه اللي بناها .. ويشوف المباني الصغيره اللي حول المبنه اللي قاعد يبنيه وهو بالدور الثامن .. جلس ووده يبكي او ينتحر ما يقدر يرد خاله اللي ربه وهو يفكر بينه وبين نفسه يمكن حمدان كان يحبها وانا ما كنت ادري . . ليه يايمه ما خطبتيها لي قبل لا يتكلمون عليها ليه يايمه وحس بدمعه تحرق خده وهو يقول : ما اقدر اوقف قبال خوالي واقولهم مطلبي ما اقدر هذا خالي اللي رباني هذا خالي اللي علمني وكانه ابوي الحين اخوانه وقطع فرحته بولده ويمكن جد حمدان يحبها ولا انا ولا نوفا حاسين بالي اقبالنا .. لكن نوفا تحبني ايوه تحبني وانا احبها يعني معقوله اخليها له يعني اقطع نصيبها وتدخل واخطبها انا ؟ لكن وش وجهة نظر خوالي فيني يعني ما تربيت خلاص ياناصر انت تاخرت جد تاخرت مكلم امك وامك ما اسمعت كلمتك وقالت خلي مضاوي تتنخطب واخطبها لك والحين راحت البنت وش الفايده اذا القلب انكسر خلاص نوفا ماهي لك ياناصر انسااها انسااها جاها نصيبها وبتنساك مع الايام .. جد يد فيها خالي ويد فيها انتي ولا عارف منو اختار ان اخترتك طحت من عيونهم ومن تربيتهم لي ويمكن يزعلون على امي وعلي وان اختارت خالي رحتي انتِ وتركتيني غرقان ومحدن بيسعفني غيرك.. يمسك راسه وهو يشوف المنظر هو بين نارين خاله وحبه ..كيف بيواجه خاله بحبه والمساله منتهيه والكل عارف انه ملكتها اليوم وهم بلطخ سمعت البنت وبكون اناني بالنسبه لاخالي وهو بحسبة ابوي اللي رباني .. جلست يفكر ويفكر والعمال ينادونه حس بصدع وقال للعمال اني تعبان وبطلع .. وارسل لامه مسح : انا مسافر اليوم لا تنتظريني " ناصر : الهروب احسن من اني اشوفها بيد غيري ولا اموت مقهور " ام ناصر اول ما شفات المسج اتصلت على ولدها بسررعه ولا رد .. اجلست تبكي وتبكي .. واخذت عبايتها وراحت لابو متعب بالمجلس .. ابو متعب مع ابو حمد .. انصدمو بام ناصر جايه وعيونها متورمه .. ابو حمد : عسا ماشر ياوضحى ؟ وضحه وهي تنحني لعبدالله : طلبتك ياخي طلبه قول تم اولدي بيموت جدامي تكفى طلبتك .. ابو متعب : عسى ماشر ياوضحى وش فيك ومنهو هو اللي بيموت .. ام ناصر تبكي منهااااره: ناااصر من سمع بخطبة نوفا وهو مرسل لي مسج بسفرته هو له شهرين يقولي اخطبيها واليوم ياخوي انصدمت بالخبر يوم سمعته وولدي ما حب يكسر فرحتك بولدك وخلا اللي حبها له تكفى يا عبدالله لا تزوجها الا ناصر وهو يحبها تكفى ما ابغااه يسافر ويتهرب بسبتي انا السبب انا السبب اللي خليته ينتظر انا السبب قلت له ماراح تتزوجها الا يوم جي نصيب اختها مضاوي انا السبب وتجلس على رجلين اخوها تبكي ويشيلها ابو حمد منصدم وابو متعب اكثر منها منصدم وياخذ جواله ويتصل على ناصر الا يشوفه يرن .. ناصر يمسح دموعه بالسياره ويعدل صوته يوم شاف انه المتصل خاله عبدالله : هلا خالي .. ابو متعب : ابيك بالمجلس بسرعه .. ناصر : عسى ماشر ياخالي ؟ ابو متعب : ابيك وبس ناصر : انا مسافر لجده .. ابو متعب : اقولك رد ابيك .. ناصر : خالي انا مسافر .. ابو متعب : طيب ابوك انا ابيك بموضوع .. ناصر : ما ينفع بالجوال . ابو متعب : لا ما ينفع ابيك خلال ساعه هنا بالكثير واذا ما شفتك لازعل عليك ولا بيننا سلام يا ولد حماد .. عرف انه خاله زعل من رده وحب يرد ويشوف السالفه وشهي .. وام ناصر انرسمت على جبينها فرحه بانه ولدها بيرجع وانشالله بيكون خير .. ----------------------- الكل عرف بالعرس المفاجاء والكل يرتب له من تجهيز بيت العروسات وتجهيز لبسهم وترتيب البيت على مزنه وهنادي والحريم الكبار ام متعب وام حمد وام مشعل وام ناصر بعد ما تطمنت انه ولدها راجع بالطريق .. ووتتصل اماني على المشغل يجهزون لها بدله حلوه للعروسات .ز واحسن انه في مشغال توصل لللبيت خصووصا لملابس السهره .. وتختار مضاوي واماني وهنادي الملابس .. ومضاوي تختار لها بدله زيتيه على برتقالي كانت خرافيه وتختار لخواتها لولوه فستقي باخضر .. ونوفا عنابي ببنفسجي كان عجيب .. هنادي : كيف بتعرفين مقاسهم وهم فوق ظاربات انهم ما ينزلون .. مضاوي : خواتي وعارفه مقاسهم طول عمري معهم .. ندوش : ياي مو متخيله عرس من غير ثوب ابيض ودخله وقاعه .. مضاوي : وين نعمل هذا وابوي مريض ومحتاج الدعوه .. الكل سكت .. ام متعب : مضاوي اتصلت على البوفيه وقلت له يجي عالساعه 8 ونص ينهي كل شي .. مضاوي : طيب حلو ياخاله ماقصرتي .. ام متعب : كنت اتمنى العرس ببيتي لكن انتي عنيده .. مضاوي : التجهيز كله ببيت العروس ماعليكم الا تاخذون حريمكم .. ندوش : جد بيسافرون للكويت .. مضاوي : هذا اللي سمعته .. ام حمد : ايه بيسفرون فين ؟ عهود : بيروحون لابراج الكويت .. عواشه : تمنيت اشوفهم .. مزنه : قريب انشالله تتزوجون وتذلفون لها .. الكل ضحك ..ههههههههه مضاوي وكل عمها خواتها والاضراب اللي عاملينه .. وعلى العموم كويس انه الصالونه عندهم تعمل لهم تنظيفات قبل المكياج وكويت انه الصالونه بتجي بعد الساعه وحده والحين الساعه 12 ونص .. يالله تعدي هالليله على خير وتفرحني فيهم واتطمن ياربي .. وهي تقوم الا تسالها ام مشعل : وين رايحه يابنتي ارتاحي من الصبح وانتي على رجلينك .. مضاوي : بروح اشوف العرايس تعرفين ثوبهم هنا والصالونه ثواني وجايه .. ام مشعل : لا راحتك بس لا تنسين نفسك انك الليله ملكتك .. مضاوي : هههههه يعني الحمدالله ماهي دخلتي .. ام مشعل : لو انتي كذا بدخلتك ههههه بمسكك مع شوشتك واربطك واخليك جالسه طول اليوم .. مضاوي : هع لو ياخاله وهي تستاذن : عن اذنك .. اسمحت لها ام مشعل وراحت لغرفتهم .. واول ما ادخل شافت لولوه ضامه نوفا وتبكي .. انصدموا الكل ببعضهم وباشكالهم التوام انصدموا بدخول مضاوي ومضاوي انصدمت بالضم بينهم .. مضاوي : وش فيكم ما خلصتو .. الا تشوف الصالونه ما لمست شي منهم .. وهي تصارخ : يعني الى متى ان شاءالله تخلصون ؟ ثواني وجايه حقت الشعر والمكياج وهذا ثوبكم جبته لكم ..خلصوني .. نوفا : مضاوي انا اكرهك .. انصدمت مضاوي بجد جتها الصدمه . وكانها شاكه انها نوفا لالا ماهي نوفا هذي لولوه ماهي نوفه اللي تردني وتقول اكرهك .. وتكمل نوفا واقفه برجولها وتصيح : اكرهك الانك بتحطمين مستقبلي وحبي اللي حبيته انتي كسرتيني يامضاوي ما توقعتك كذا اناانيه كل هذا تبغين العرس قولي من اول انك ميته على الزواج وخليتينا بحالنا من غير ما انتي ترسمين مستقبلنا الفاشل بيدك .. انتي حطمتيني بجد حطمتيني خلاص ماراح اسامحك طول عمري كيف يهون عليك قلبك تزوجيني وانا رافضه هالزواج , كيف كيف وتجبريني اتزوج من حمدان عمري اللي ماحبيته ؟ انا كنت احب ناصر اسمعي كنت احبه تسمعين واليوم انتي حطمتي هالحب خلاص انا اكرهك تسمعين اكرهك .. لولوه : مو بس هي اللي انصدمت حتى انا يامضاوي انصدمت اثريك اقنعتيني بزواجي من فهد علشان الستر واني اعانده اخرتها اكتشف انك انانيه ليه ليه تبغينا ننتزوج بيوم واحد .. ليه تبغين تتخلصين منا ..؟ ليه ليه يامضاوي ما توقعتك كذا .. كل هذا خوف لا تكذبين علينا انتي بتشوفين نفسك وبتعيش حياتك مع اللي تحبينه لكن حنا اللي انظلمنا ايه انظلمنا والسبب انتي.... مضاوي وتحس بانه الصداع زاد عن حده ولا تبغى تكون مهزومه جدام خواتها ..واكتفت انها تقول : عارفه بتكرهوني اليوم لكن بكره بتشكروني على اللي سويته لكم .. نوفا : وش تبغين يامضاوي اكثر حطمتي الحب اللي كان لناصر .. مضاوي : ناصر لو يحبك جد كان خطبك مثل ما سوا فهد .. نوفا : مضاوي يكفي انتي وش ناويه علينا انا وش سويت لك علشان تكرهيني وتزوجيني بسرعه هذي وبسهوله حتى ما اخذتي رايي ولا حتى كلمتيني عنه ليه يامضاوي ليه انا احبك خليتيني اكرهك تسمعيني انا اكرهك وتبكي على سريرها .. مضاوي تضغط على نفسها علشان ما تنهار جدامهم عرفت انها انانيه لكن هذا لمصلحتهم تحس انكسرت من خواتها اقرب الناس لها ما توقعت منهم هالرد ودها تصيح ودها تبكي لكن هذا قرار اعلنته ولازم تتحمله حتى لو كان النتيجه خسران خواتها بس الاهم انهم مستورات كل وحده ببيت زوجها .. ما تبغاهم يضعون من بعد موتها .. تحس انه الصدااع بيذبحها باي وقت وتطيح من عيونها دمعه تحاول تخفيها ما تبغى كره خواتها هي كل قصدها حمايتهم بس حمايتهم من الدنيا تخاف بكره القدر يبعدهم عن عمانها وتلقا كل واحد لها سند بهذي الدنيا يحميها ويحفظها من اعيال الحرام .. ومتعب ماني خايفه عليه عماني مهوب مقصرين بحقه وليلى ساعتها اذا خرجت بالسجن يمكن حالها احسن من خواتي الثانيات ليلى اعقلهم وانا عارفه ماراح اخاف عليها بتجلس عند ابوي وتتابع متعب .. لولوه : وليه واقفه ناويه على ذبحنا وتبكين .. حست مضاوي بدموعها تغرق خدها وتمسحهم بطرف اصابعها : الف مبروووك والله يجمعكم بالحلال .. انا ما ابغى كرهكم الانكم ماراح تفهمون قصدي بالوقت هذا لكن كل اللي ابغى منكم تجهزون حالكم الليله وكل وحده بتروح الله يهنيها وتلقا السعاده وين ماراحت ..انا مو انانيه يا نوفا انا ابغى مصلحتكم .. نوفا وهي جالسه ودموعها متورمه : اي مصلحه ياختي الكبيره اي مصلحته تكسرين فيها قلبي .. مضاوي : القلب بيلقون غيره قلب .. وكل جزء من الجسم بنلقاء له عضو بديل الا العقل يانوفا اذا توقف مات الجسم كله ..!! لولوه " والحل ؟ مضاوي : مافي حل حتى زوجي انا اللي اقولين عنه مخطط وحب وخرابيط يكون بعلمك اني مافي يوم حبيت الا اخواتي ومن خوفي عليكم وحبي لكم ابغى اتطمن واشوف كل وحده عندها سند لا انا ولا متعب بيقدر يحميكم طول عمركم ... ابيكم تفكرون بس تفكرون ليه اختكم ليه تسوي كل هذا لكم .. بكره بتعرفون وتدعون لي .. وتتركم وبقلبها بينفجر من البكاء ماهي عارفه وش تقول غير انه الموت قرب .. وخرجت من غرفت خواتها بعد ما قالت لك وحده تتجهز بسرعه .. نوفا وهي تشغل غنيه تامر حسني مش ادره انسى هواك .. | |||||
|
| |
|
| أدوات الموضوع | |
| انواع عرض الموضوع | |
|
|
1Likes
العرض العادي
