23-04-13, 02:48 AM
| #506 | |||||
| نجم روايتي وكاتبة في قسم قصص من وحي قلم الأعضاء  
|  الحلقة التاسعة:" قبل الأخيرة" انتهت التحضيرات لسنتر بيسان و بقى أسبوع على الأفتتاح.. لم يتبقى غير تزيين السنتر و تحضير الدعوات. والدة بيسان مازالت مقيمه معهم فى البيت و ستنتهى إقامتها السعيدة يوم الإفتتاح و تعود مع زوجها إلى عشها الهادئ كروحها الطيبة  بعد يوم عمل مجهد عاد احمد إلى منزله و قد تناول طعامه بالخارج منعا للمشاحنات المعتاده مع حماته و قرر ان ينام ساعتين كي يستيقظ ليقضى السهره مع اسرته على امل ان تكون حماته قد خلدت للنوم مبكرا. استيقظ احمد فى التاسعه مساءا و هو يمني نفسه بأن والدة بيسان قد نامت او ستأنس وحدتهم لساعه على الأكثر. خرج من غرفته ليجد هدوء رهيب و يملأ المكان فذهب إلى المطبخ و قبل أن يدخل سمع صوت بيسان و والدتها تتحدثان بهدوء و من الواضح انهما لا تريدان ان يستمع احد لهما, اقترب احمد لتلمحه حماته العزيزة على الفور و تنبه ابنتها لتتوقفا عن الحديث. والدة بيسان: صح النوم. ابتسم أحمد دون أن يجيبها و ذهب ليملأ لنفسه كوبا من الماء. بيسان: ايه يا حبيبي تحب أعملك حاجه تاكلها. والدتها: اكيد ملحقش يجوع ما هو كان جاي واكل بره و معملش حاجه غير انه نام. غمزت لها بيسان لتنتبه لكلامها. احمد: لا مش عاوز حاجه زي ما حماتي مقالت انا اصلا مبعملش حاجه غير انى انام. خرج احمد دون أن ينتظر أى تعليق و ذهب إلى غرفة الأطفال كي يجلس معهما عله يجد أحد يرحب بوجوده. كانا عمر و لامار يلعبان سويا فالمذاكره اصبحت اخر ما يفكران به مع اهتمام والدتهما بعملها و اهتمام جدتهما بإغاظة أحمد. أحمد: انتوا مبتذاكروش ليه. عمر: خلصنا مذاكره. لامار: كداب احنا مكناش بنذاكر. احمد: مكنتوش بتذاكروا ليه. عمر: طيب انا كمان هقتن عليكي زي ما فتنتي عليا. نظرت لامار بغضب لأخيها و هي تتوعده. احمد: تفتن عليها فأيه و مالكم انتوا الاتنين. عمر: لامار كانت وماقفه على باب المطبخ بتسمع ماما و تيته و هما بيتكلموا. ضحك احمد فى سره فقد فعلت ابنته ما تمنى ان يفعلوا و لكن كأب عليه ان يعنفها. أحمد (متصنعا الغضب ): بتتصنتي على ماما و تيته يا لامار.. ازاي تعملي كدا.. انتى مش عارفه ان كدا عيب فى حد يسمع كلام الكبار. لامار (برعب): كانت تيته بتتكلم عنك يا بابا و انا مش عاوزه حد يتكلم على بابايا. احمد: و هي تيته حد برده. قال هذه الجمله و هو يتخيل حماته بهيئة شيطان و يردد فى داخله اكيد مش حد دي شيطان. اكمل كلامه للامار محاولا استدراجها فى الحديث: عيب يا بنت و بعدين تيته استحاله تقول كلمه وحشه عن بابا. لامار: قالت احمد بتاع المانيكير. احمد (بعصبيه): أيه؟ دخلت بيسان على صراخ احمد العالي. بيسان: ايه يا احمد مالك بتزعق كدا ليه؟ هما الولاد ضايقوك فى حاجه؟ احمد ( و هو يقلد طريقة كلامها ): ايه يا احمد مالك؟ هما الولاد ضايقوك؟ و النبي اركنيلنا انتى على جنب دلوقتي. بيسان ( مصدومه) : اركن على جنب.. فى ايه يا احمد؟ احمد للامار: ها و ايه تاني؟ لامار: بس مسمعتش حاجه تاني. احمد: طيب زي ما قولتلك الموضوع دا ميتكررش تاني فاهمه. لامار و هي تبكى لتكسب تعاطف والدها: حاضر. ضمها احمد و قبلها ثم اشار لبيسان لتلحقه إلى غرفتهما ليتحدث لها. دخلت بيسان غلى غرفتهما لتجد عيون احمد مليئة بالغضب. احمد: امك كانت بتوشوشك بتقولك ايه فى المطبخ؟ بيسان: ايه يا احمد الطريقه دي يعني هتقولى ايه! احمد: مانا بسألك و هتقوليلي دلوقتي. بيسان: و لا حاجه كلام عادي . احمد: و لما هو عادي كنتوا بتتوشوشوا ليه. بيسان: عشان منعملكش ازعاج و انت نايم. احمد: بيسااااان. بيسان (بتوتر): فى ايه يا احمد بس انت صاحي بتقول يا شر اشتر. احمد: انتى هتستهبلي عليا.. ايه احمد بتاع المانيكير دي.. ازاي امك تقول عليا كدا و ليه و انتى ازاي تسمحيلها؟ بيسان: مين اللى قالك كدا. احمد: مش مهم مين ردي عليا. بيسان: هي تلاقيها مقصوفة الرقبه انا هعلمها الادب. انهت جملتها و هي تتحرك لتغادر الغرفة فأمسكها من ذراعها مانعا اياها من المغادرة. احمد: ملكيش دعوه بالبنت و متتحججيش بيها و ردي عليا. بيسان: يا احمد مفيش حاجه انت عارف ماما.. بس هي متقصدش. احمد: احكيلي و انا اللى احكم فى حاجه و لا مفيش. بيسان: متكبرش الموضوع يا احمد عشان خاطري. احمد: بيسان متجننينيش انا ماسك نفسي لحد دلوقتي. بيسان ( بإستسلام): طيب هقولك بس متتنرفزش. احمد: كدا بتنرفزيني اكتر. بيسان: كنت بحكي لماما على انى بجهز الدعوات بتاعت السنتر و بفكر اكتب فيها ايه و كدا فقولتلها هكتب يتشرف احمد و بيسان بدعوتكما لحضور افتتاح سنتر التجميل. احمد: ها. بيسان: فماما شايفه ان مش حلوه ان اسمك يتكتب على سنتر بتاع تجميل فقالتلى لا احمد يتضايق. احمد: اهبل انا و هصدق. بيسان: هو دا اللى حصل. احمد: يعني مامتك بتحبني اوي و خايفه على شكلي و لا قالتلك انتى اللى تعبتي و اشتغلتي ليه اسمه يتكتب مع اسمك و هتفضلي هبله لحد امتى. بيسان (بدهشه): عرفت منين ؟؟؟ انت سمعتها؟ احمد: شوفتي يبقى انا عندي حق. بيسان: انت بتوقعني فى الكلام يا احمد. احمد: يعني انا كمان اللى غلطان.. بقولك ايه انتى عارفه كويس جدا ان ميفرقش معايا اسمي يتكتب فى كارت دعوه و اصلا انا مش عاوز كدا.. بس امك مينفعش تتدخل فى كل حاجه و قعدتها الكتير معانا هتسبب المشاكل بيننا و خصوصا انك سايباها تتدخل فى كل حاجه و بتحكيلها كل حاجه. بيسان: يعني عاوزني اطرد أمي. احمد: انا مقولتش كدا.. بس مينفعش تكون سبب فى المشاكل بيننا دايما و انتى بتخليها تيجي تقعد معانا على امل تحل مشكله عندك فتتسبب فى مشاكل اكبر. بيسان: طيب اعمل ايه دلوقتي. احمد: انتى متعمليش حاجه انا اللى هعمل. بيسان: مش فاهمه هتعمل ايه؟ احمد: هسيبك مع امك براحتكم فى البيت و همشي. بيسان: تمشي يعني ايه؟ هتروح فين؟ احمد: يعني لما والدتك ترجع بيتها بالسلامه و يرجع بيتنا يبقى بيت طبيعي يقدر راجل بعد يوم شغله يرجع يرتاح فيه يلاقي زوجه مستنياه و اولاده بيشوفوا مذاكرتهم و حياتهم مش قاعدين بيلعبوا طول اليوم او بيسمعوا جدتهم بتتكلم بطريقه وحشه عن ابوهم ابقى ارجع ان شاء الله. بيسان (عيونها ممتلئه بالدموع): هتسيبني يا احمد. احمد: انتى اللى اختارتي. تركها لذهولها تتابعه و هويحضر شنطه صغيره ليأخذها معه. ذهب احمد بعد ان ودع الطفلين و دون ان يوجه لها أى كلام. بمجرد خروج احمد انهارت بيسان فى العياط و دخلت والدتها لتجدها على هذه الحاله. الأم: بيسان بتعيطي ليه مالك.. اكيد نكد عليكي.. قوليلي عملك ايه؟ بيسان ( بأنهيار): كفايه يا ماما.. ارجوكي كفايه.. هو معمليش حاجه انا اللى عملت.. ماما لو سمحتي سيبيني عاوزه اقعد لوحدي شويه. ظلت بيسان تبكي لوقت طويل لا تدري كم من الوقت تبكي و لا تستطيع التفكير حتى سمعت رنة موبايلها. رفعت الموبايل دون أن ترى الأسم و هى تتمنى ان يكون احمد. بيسان: ألو أحمد. المتحدث: بيسان انا مصطفى.. اسف انا اتصلت فى وقت غير مناسب. بيسان ( و هي تحاول تدارك الموقف ): لا ابدا بس احمد كان المفروض هيكلمني دلوقتي بس فأتفكرتك هو. مصطفى: طيب تحبي اقفل و اتصل فى وقت تاني. بيسان: لا مفيش مشكله.. اتفضل. مصطفى: بصراحه مش عارف ابتدي ازاي و اذا كان الصح انى اكلمك انتى الاول و لا لا.. بس انا معجب بمريم من أول ما شوفتها و كل يوم حاسس انى بتعلق بيها اكتر و ان هي الانسانه اللى حابب اكمل معاها حياتي.. حاسس ان روحها تشبه روحي لما بتعامل معاها برتاح. ابتسمت بيسان لكلامه دون ان تقاطعه. مصطفى: أنا كنت عاوزك انتى تعرفي رأيها و اذا كانت هي كمان فى ارتياح من ناحيتي و لا لا بدل ما اكلمها و يبقى فى احراج.. انا فعلا جد جدا و فكرت اتكلم مع احمد فى الاول بس قولت بلاش اتصرف تصرف احرج نفسي و احرجها بيه. بيسان: يعني انت عاوزني اكلمهالك بيني و بينها و اعرف رأيها. مصطفى: بالظبط و لو هي موافقه انا افاتح احمد و والدها. بيسان: حاضر ان شاء الله فى اقرب وقت. مصطفى: شكرا يا بيسان و هستنى منك تليفون. بيسان: ان شاء الله مصطفى: اسف عالازعاج.. مع السلامه بيسان: مع السلامه. جلست بيسان تفكر وحيده هي سعيده من اجل مريم و تشعر ان مريم منجذبه لمصطفى ايضا و لكن لا تستطيع ان تسيطر على حزنها لما آلت اليه الامور بينها و بين احمد. قطعت تفكيرها رنة هاتفها مرة اخرى و لكنها نظرت للشاشه هذه المره لتجد اسم مريم. بيسان: بنت حلال كنت لسه هكلمك. مريم: انا اللى قولت اكلمك اول ما لقيت احمد جاي و معاه شنطه و بيقول هيقعد معانا كام يوم.. فى ايه يا بيسان انتوا اتخانقتوا. بيسان: هو محكالكيش. مريم: ما انتى عارفه احمد محكاش و قعد يهزر و يقول اوضته وحشاه و عاوز يقضي كام يوم عذوبيه بس انا فهمت ان فى حاجه. بيسان: على العموم الحمد لله انك طمنتيني انه جه عندكم و انا بكره ان شاء الله هعدي عليكي من بدري عشان عاوزاكي فى موضوع مهم. مريم: طيب مش هفهم حصل ايه بينك و بين احمد. بيسان: بكره ان شاء الله.. انا النهارده تعبانه اوي. مريم: طيب اشوفك بكره.. تصبحي على خير. بيسان: و انتى من اهله. | |||||
|  |
|
23-04-13, 10:08 AM
| #508 | ||||||||||
| نجم روايتي  
| حلووو اووي الفصل يا مروووش بس مؤلم حبيتين انما للأسف كنت متوقعه ان اّخر هفهفات والدة بيسان ولمساتهم الدافئة هتكون نتيجتها كده اتحولت الهمسات لعواصف واعاصير قلبت كيان البيت أكيد مكنش مطلوب من بيسان انها تطرد والدتها او من الاساس متستقبلهاش انما........ تقفل اصلا عليها باب التدخل لان دي غلطه أوقات كتير الزوجة بتقع فيها بحسن نيه وبدون ما تقصد ان والدتها تدخل في حياتها ......وبعد ما بتدخل مره واتنين بتاخد من تدخلها ده حق مكتسب ليها!!!!!! هنشوف هيحصل ايه بعد كده وبيسان هتعالج المشكله ازااي وتقدر تحقق المعادله الصعبه وهي الوازنه بين طموحها في انها تعمل ويكون لها كيان وبين انها تفضل الزوجة والام اللي بيتها عندها رقم واحد تسلم ايديكي مرووش وكان نفسي الفصل يكون اطووول من كده بس تتعوض الفصل الجاي... | ||||||||||
|
| |
|
23-04-13, 03:04 PM
| #509 | ||||||
| نجم روايتي وكاتبة في قسم قصص من وحي قلم الأعضاء
| اقتباس:
اولا الفصل فعلا مش طويل و أنا كنت حابه انى اطوله عن كدا بس كان الهدف منه بالنسبالي انه يكون نقطة تحول توصلنا للخاتمه بتاعت القصة و انا نفسي متضايقه انه مؤلم لأن القصه دي من اول ما كتبتها و انا حباها تكون لايت و ان اللى يقراها يتبسط بيها بس بصراحه انا وقعت فى دا غصب عني مع تطور الاحداث فجأة لقيت نفسي فى مأزق يمكن مكنتش عارفه ان الاحداث هتاخدني ليه بس هو حقيقي و متكرر للاسف و بيعاني منه أزواج كتير .. كله بسبب مامة بيسان بقى الله يسامحها ههههههههههه و بصراحه مش هكدب عليكي انا حتى الان مش عارفه بيسان هتحل المشكله يا رب الفصل الاخير يبقى حلو و يعجبكم و اقدر احل فيه المشكله بطريقه مرضيه للكل  | ||||||
|
| |
 |
| أدوات الموضوع | |
| انواع عرض الموضوع | |
|
|
6Likes
.png)
.png)
.png)
العرض العادي
