آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
30-06-11, 03:18 PM
| #1 | ||||
| نجم روايتي 
|  للأوجاع قلوب لاتسيرها عاطفة ..بقلم نَيرُوز أحمَدْ السلام عليكم ورحمة الله وبركاته بدأت بقراءة رواية جديدة ..الكاتبة انزلت فصلين حتى الان الرواية من بدايتها رائعة اسلوب الكاتبة فى الرواية اسلوب ممتع ورائع لذا احببت ان اشارككم فيها ان شاء الله سأقوم بانزل الأجزاء فور تنزيل الكاتبة لها ...اعزائى اتمنى منكم المتابعة والتشجيع واتمنى ان اجد ردود ومداخلات تستحقها الرواية .. | ||||
|
|
30-06-11, 03:19 PM
| #2 | ||||
| نجم روايتي
|  سَلامْ مِنْ البارىءْ وَ ضوءْ يغشاكُمْ صبَاحاتْ ، مساءَاتْ غنَّاءَة بِ طعمْ العَطشْ انتمَاءاً الى وَطنُكمْ كُلِّيْ أمَلْ / فَخرْ ... بِ مقعدْ انتمَاءْ يحويَه وَطنْ تتواجدون فيه عسَىْ أن أكونْ قِبسْ مِنْ ضَوءْ المحبرَة المٌبجلّة وَ انتُمْ ... هنا أفكار متنوعه ومختلفة بعض شيء .. تندمج مع بعضها البعض بقلائد تتساقط على متن الحيآة وقد تكون مصدر من الفرح والحزن .. لاتخلو حيآة ابن آدم من المشآآآق والتعب .. لا استطيع بأن اقول انها جميلة ولكن أنتم من تجزمون بها وادعوا من البآري القدير بأن تتضح الأفكآر لألروحآآكم العذبه .. واتمنى بأنها تنال على حسن إرضآآكم وذآآقتكم .. للأوجَاعِ قلُوب .. لا تُسيّرها - عَاطِفه ! قد يعجبها البعض والآخر/ى لا يعجبهآآآ بقلمي: نَيرُوز أحمَدْ , هي: يَا سيدَ الفراغاتْ المُحيطَة بأصابعي ، مُد كَفك لعيني وإستخرج منها معنَى الحَياة وإخطفْ من خدي فَجرَ الأمانِي التِي لا تغفَى ، غني بصحبَة النجمَة البيضَاءْ وَ لا تبكِي سُقوطها فِي كَفك ، مُد كَفك وإبتلع فمي ، فَما عُدت أجيد صُنع الكَلماتْ . هي: أعدُكَ / بأنْ أكفُ عنْ إبتلاعِ أقراصْ الصَمتِ مع ماء الصبر الذِي مَدَ بيدهِ العريضَة ليحتضنَ كَتفِ الحَنينْ المَائلْ صَوبَ الإنحناءْ للأسفل ، علهُ يَستسقِي منْ عينِ الأرضْ وَجهكَ الغائبْ بِاليَبابْ أو لمحَ صوتك يعبرُ إحدى الطُرقاتْ ، يَا صاحْ مُدْ لي أحبالَ صوتك فَلْ نُغني سوياً : " تحتَ القناطرْ ، مَحبُوبي ناطر " إنصاتْ ولَيلْ يحملُ أشياءَ جميلَة تَصنعُ فِي أفواهنا / ضحكّة تتموسقُ بأقصى خدي . هي: أشتهِي ممارسَة عادَة إختلاس النَظر لأشيائكْ القَديمَة " ربطَة عُنقك الصفراءْ شديدَة الغيرَة - شاربك الذِي أحفظُ منهُ قليلاً فِي مُذكراتي - وشيءٌ منْ صدى صوتك يسكنُ مقلتي مع نشوَة الصَباحْ الأولْ . هي: أوتدرِي بأنْ هَذهِ الغُربَة لَقنتني درساً عظيماً فِي عدة أشهر بسيطَة منْ عُمرْ الفُراقْ ؟ - ليسَ الحُب بأن تُوئدَ الأشياء الجَميلَة بمنأى الرَحيلْ : الإجباري . هي: لَوْ أنِي أستطيعُ نَزعك منْي ككنزَة لوزيَة تختفِي خلفَ الورَى ، لَو أني أستطيعُ إسقاطكَ كَ ورقَة محمُومَة منْ ضيمِ الحَنينْ ، أو كَذنبٍ صَغيرْ لا يَغتفَرْ ، لَو أنكَ تُصبحُ نَهاراً لا يَشذبُ منْ عيني أسى أو إختصاراً للرَحيلْ ، لَو أنكْ لا تنجبُ لي خطواتِ سَريعَة تَذهبُ بك صوبَ " الغيابْ " ، لَو أنكَ لَمْ تُهشم بصوتك كُلْ أغاني الشتاءْ التِي كانت تَحيَا فِي صَدري كَجُلنارْ . يَا سيد المُوسيقَى الطَازجَة فِي فمي ، هبني قلباً لا تتموسقُ بداخلهِ الحكايَا المُغريَة ، الحيَة ، هبني قَواماً طويلاً لا تقتلهُ أضحيَة " وداعاً " التِي تُكتبُ فِي نهايَة كُتبْ التَاريخْ ، هبنِي يَوماً لا أجُيد بِه البُكاءْ على خُيوطْ الرَحيلْ ، وَ قصيدَة تحملُ بقلبها قُبلَة تَسدُ ثَغرْ الحَديثْ البَعيد بيننَا ، هبني قصص تَضحكُ معنَا وإبتسامَة تغرسُ نفسهَا فِي خدِ الصَباح ونشَوة الندى الذِي يشهقُ لوعَة الفُراقْ ، هبنِي أصابعكَ المخمورَة فِي الضَبابْ ، وسحراً لا يحملهُ رجلٌ سواكْ ، هبنِي منْ ذَقنكَ وطناً ومنْ يَداك الكبيرَة سراً لا يلتفتُ صوبَ الوراءْ . هي: خُطايّ مُنكسرَة ، وشيءٌ منك يَقطنُ بنحري وكُلْ الطُيورْ المُهاجرَة صوبَ فصلٍ آخر أخذت من عيني حُلماً توسدَ يَدي اليُمنى يَا طفلَ الفَجرْ وَ الأماني النائمَة .. امنحني غياباً واحد لا تمزجهُ بكذباتِ الظُروفْ ! هي: سويّاً سنُعانقْ عُكاز الكهل ، سأخيطُ لعينكَ خُيوط صُوف لكيْ لا ترَى سوايّ وستغازلْ بيدكَ تجاعيدَ صمتي التِي تختبأ في وجهي سنزهُو بأناقَة إلى أنْ نصل لأرذلِ العُمرْ سويّاً ، وسأحشُو أذاننا بحكايَا وصُور وحتَى إبتساماتنا الثكلى سألونها منْ مُزن عينك وأسقيها من نُور الصباح . هي:.. مُتفائلَة وأعلمُ أنْ " الله " يُخبأ لِي خلفَ الغُيوم صَباحاً أجملْ . هي: أحتفُظُ بكفي بؤبؤة صغيرَة .. تُدعى الكبرياء لا أتخلّى عنها أبداً وإن كنتُ : بحضرتك . هي: كنتُ أقفُ أمامَ النافذَة ألتقطُ حُلماً ، أغفُو على مَطره وأدعُو الله بأن يبقيني بصدرك وإن كُنت ورقَة تقرأ الشوق بعينك وكأنهُ جمرَة . هي: أحنُ إليه .. وأحنُ لهواء صدرهِ الغائبْ ورائحَة الريح المُنطلقَة منْ ساعديه أحنُ لسيجارتهِ وفمهِ الذي تغزلْ بشعري كثيراً . ღ. ღ. ღ. هو: أودُ الطيرانَ لأهازيج لا تَعجنُ بأطرافنَا الغيابْ ، لسنينَ عجاف لا يَقضمُ منْ خَدها " حَنين " كَي أرقبُ بُزوغَ الفَجر بصحبَة الأمانِي العتيقَة على أبوابِ الوطنْ منْ ساعَة مُتأخرَة على الطُفولَة . هو: لكمْ حَاولتُ جَرفك منْ صَدري .. ولَكني أعترفُ أن جسدي يُصبحُ شاحبْ وتمُوتُ أوردتي منْ شهقَة الفُراق الأولى ولا أقوى بناءَ جدارٍ طَويل يحيلُ بيننا . هو: مُستاءَة .. وصوتُك يَفتحُ شهيتي لإسترسالِ الحَديث ، أودُ هَدم كُل جُسور الصمت المنسوجَة بأفواهنَا أنْ أرفعَ مدى صوتك كيْ يُصبح أغنيتي الوحيدَة .. الألذ , الأشهى , الأطيبْ واصلْ الحَديثْ فأذني لا تملُ سماع مُوسيقَى الحُروف الجالبَة للفرح منْ فمك الزهري ، وموجاتُ الجمال التِي ينثرها ثغرك تجعلني اغادرُ إليك ، صوبَ منُاجاة لا تجمعُ سوانَا ، صوبَ حالَة سُكر لا أميزها ، لأخضر الربيعْ امكثُ بصدري وتسللْ لجراحي ، اسكبُ بداخلها حلوى الغزلْ الباردَة ، واضف قليلاً منْ موجاتِ الطُيور ، صوتُ العُصفور ، تغرودَة السَماءْ ، وإمضِ لفمي بدعواتْ تَجعلنَا نتسائل : إنْ كُنَا سنكملُ المُشوار عبرْ حنينِ جائعْ وحُضن يجعلُ الربيع بداخلك ( جنَة ) . هو: انْ أطيرَ بجناحْ واحد تَكُون أنت صاحبهُ حُلم ، بأنْ لا أقع من على كَفك حينَ ولوجكَ للسماءْ مُستحيلْ ! هو: بحَجمْ .. الرَبيعْ الذِي ينضجُ بوجنتيك .. أحبُك يا خريفَ الأغاني الطازجَة بفمي .بحَجمْ .. الرَبيعْ الذِي ينضجُ بوجنتيك .. أحبُك يا خريفَ الأغاني الطازجَة بفمي هو: صوتُك أغنيتي ومنْ فمك أستجدِي قُوت يَومي ، من ذراتِ أكسيدك أتنفسْ ومنْ يَدك ألتحفُ وشاحَ الصبر ، أنت تُغنيني عنْ مغبَة الإنتظَارْ وَ أفواه التفاهاتْ أنتَ الاذنُ الوحيدَة التِي تُصغي لأهاتِ خيباتِ فِي كُلْ فَصلْ . هو: فِي الخَفاءْ تدسُ نفسها أساريرُ الوجع لتملىءَ أذني بطَنينْ حادْ هُو حَنين أيقظَ عينَ الشوق لَك : مرتانْ وأنَا فِي كُلْ غياب أمُوت مئَة مرَة . هو: مَبحُوحَة كُلْ النُصوص المُتعبَة بالحَنين التِي فاضتْ إليك فِي .. الأعوامْ الماضيَة . هو: سئمت .. نَشرَ ثيابِ المَاضِي على أخطَاءْ اليَومْ التِي عادةً ما تنتهِي بِـ معصمْ مزرقْ وعينْ جَلدتها الأيَامْ بقسوَة . هو: لا أريدُ سوى أنْ ألجمَ ثَغرَ الحَنينْ الأجهَشْ الذِي صنعَ بصدري عجوة كبيرَة لا تَشيخْ هو: فِي أُذنِي تَغرودَة يَابسَة تَسْتَجدِي حُفنَة الأيَامْ بِـ إشتِعالْ بحباتْ فرحْ لا تَكاد تُستفيقْ وتُبصرُ عَينِي ، فِي فَمي مَظلَة زَهريّة تَلعقُ ضِفافاً كُسرتْ وَ تُشذُبُ منْ عَينِي قَداسَة الحَنينْ المُتَبرجْ بوجهِي ، في يَدي اليُمنَى وَريدْ يَقضمُ منْ القُزح لوناً ليسَ أحمرْ ! هم جمعتهم الحيـــآة على متن القلائد المتسآآآقطة .. تلعب وتدور تلك الآحداث سوف تعشيونها أنتم آيضاً تحيَّتي / وَ كثيفْ الودْ ( خدُّ الياسَمِينْ في صَرحْ ادبيِّ آخَرْ ) | ||||
|
|
|
30-06-11, 03:22 PM
| #3 | ||||
| نجم روايتي
| للأوجَاعِ قلُوب .. لا تُسيّرها - عَاطِفه ! [ البآارت الآول ] ألُوحْ في سمَاءْ تاسِعَه حمامة بيضَاءْ بِ جناح وحيدْ تأخّرُنيِ الريَاحْ وَ يعيقني المطَرْ الأسْوَد الذِي يَغسُلْ أمنياتْ تعلّقت بِ أطراف أصابعيْ شريدة الذهن ، بلا وَطنْ يُنتمي إليه .. أرسمُ على جَبينْ السُحبْ لوحاتْ أشبه كثيراُ بِ ملامح جسَدْ داميْ .. أملأ تفَاصيلْ اللوحَه بِ يَاسميناتْ سوَداء وَ شيءْ من مَوتْ وَ أشواكْ تنزُف دمْ .. تغيضني تلكَ التساؤُلات الموشومه على وُجوه المارّه على جُثمانيْ لمَا أتخذتُ الوَجَع موَطناً مؤبداً لـِ روحيْ وبِ دستور يحمل قوانين إعدام ذاتْ صارَمهْ ! و قتلتُ تلكَ المُخمليّة بِ دواخليْ في النبضَهْ ألفاً وَ تسعُونْ مرَه .. لمَا انا مَيته وَ فِي عُزلة عَن عِشقْ الرجَالْ ! تجَاهلوْ .. / الاف الطُرق المعبدّه لإختلافي وَ ثورة عاطِفتيْ الخرسَاءْ .. التي تمُوت بوحاً ! ღ. ღ. ღ. هاهي بين ضحكات الصبآح وتغآريد العصآفير وبزوغ الشمس وحرآرتها واقفة منهمكه بالتنظيف ... : فجــرـ .. يا فجر .. فجر: نعم اسمعك يا خآله .. أم عساف: تعالي يمي يبي لي ماااي .. تركت المكشه على الأرض: إن شاء الله يآخاله .. دخلت المطبخ اللي متكون من سقف متهالك اهلكته السنين زفرت بتعب وشوق وحنين مسحت دمعة وابتسمت وهي تقدم لها كوب المويه: سمي يآخاله .. أم عساف: سلمتٍ يمه .. وشربت المويه .. وطرحت كوب المويه وهي تمسح شعر بنت اخيتها بحب وحنان: وش فيتس وأنا أمك .. فجر: مافيني شيء ها تآمرني على شيء .. أم عساف: ادري يمه انك زعلانه منه .. بس ذا نصيبه وأنا أمك وكل شيء والمكتوب .. فجر بداخلها: آآآآآآآآآآآآآآآآآآآه يا خالتي ولدك طعني .. 8 السنين وأنا انتظره وعلى أمل انه يآخذني وانصدم انه متزوج من هالبلاد اللي راح لها .. ليته ما رراح ليت روحي راحت معه .. آآآآآآآآآآآآآه يايمه وينك عني تعالي شوفي حال بنتك رحت وتركتيني .. أم عساف: بسك يايمه ذبحتي عمرك .. حضنت خالتها: آآآآآآآآآآآآآآه ياخالتي نار بصدري تحرقني يا خاله تحرقني تزوج علي وهو حتى ماسوى زواج لي .. آآآآآآآآآآآآآآآآآآآآآآآآآ ه .. بكت أم عساف: آآآآآآآآه يابنتي أجل أنا وش اقول .. لكن والله اني غضبانه عليه ليوم الدين .. رفعت نظرها لخالتها: لا يآ خآله مهما كآن هذا ولدك .. أم عساف: أي ولد اللي يرمي أمه وزوجته ويروح لهالكافرات .. فجر: ادعي له يآ خآله عسى الله يهديه ويصلحه .. أم عساف: الله يهديه ويصلحه .. قآمت من مكآنها: خالتي بعد شوي بـ أذن العصر .. ما انتي براحيه التحفيظ .. أم عساف: اي ذكرتيني عسى الله يذكرس بشهادة نبيه .. آبتسمت لها: آمين .. عيل اروح اجيب عباتس .. أم عسآف: روحي يمي عسى ربي يخليتس لي .. بآست راس خآالتها بحب .. ودخلت غرفة خآلتها المشتركة بيني وبين خآالتي .. آآآآآآآآآآآآآآه يآرب يسرها ولا تعسرها يا أكرم الاكرمين .. شوي وسمعت صوت الآذااان يصدح بقريتنآآآ .. اخذت عباية خآالتي ورحت لها شفتها تصلي العصر .. دعيت بحب لها: الله يخليك لي يآخاالتي ولا يحرمني منك يآآآرب يآحي يآقيوم .. طرحت عبايتها بجنبها ورحت الحمام الله يعزكم توضيت وخرجت .. خذت جلال الصلاة وفرشت السجآدة وبدأت اصلي العصر .. فجر: فتاة جذآآآبه وبيضااء اللون .. عمرها 25 السنة ومخطوبة لولد خآلتها وحبيب الطفولة عسآآف .. متربية من وهي صغيرة عند خآلتها .. أمها توفت بحادث وأبوهآآآ .. آآآآآآه ياهي حآقده على أبوها ماتدري هو عآيش وإلا ميت .. أم عساف: إمراة هدتها السنين والشيب خطى رآسهآاا .. عمرهآآ 50 السنة .. الأب أبو عسآآف: متوفي .. الابن عسآااف: شآآب بمقتبل العمر لكن الغربه بعدته عن آهله وأحبآاابه .. متزوج بنت بريطانية وعآيش ببريطآنيآآ .. عمره 29 السنة .. ღ. ღ. ღ. فتحت الدرج وأخذت اقراااص وبلعتهااا وهي تشرب خلفها المويه البآرده لعل وعسى تخفي من جروحها الدآميه .. أم فياض: هنوف يمي قووومي بنروح لعمامك .. هنوف وهي تتلحف وتخفي رعشتها وبرودها: مابي ارووووووح يمه .. تكفين خليني أنااام .. أم فياض وهي تأخذ اللحاف: تبين جدك يزعل عليك ويغضب قووومي يمي .. تنشطي وانبسطي مع بنات عمموتك .. هنفوف: يمه الله يرضى عليك خليني وإذا على جدي انا بكلمه .. أم فياض: بصرك .. لكن إذا زعل جدك لاتجيني .. وخرجت وقفلت الباب .. رجعت نظرها بهاتفها المحمول خذته بيد مرتعشة وهي تضغط على الأرقام اللي حآفظتهآ عن ظهر غيب .وضغطت زر الأخضر .. يتم الأتصآل الآن قيد الآتصآل .. سمعت صوته المخملي والمبحوح: هلا مين معي .. إلى هنا بس تحس كل طاقتها انسحبت بسماع صوته شهقت بألم.. الطرف الثاني مناف .. سمع صوت أنفآسهآ الحآرقة: هنوووووف .. بهالحظة قفلت الجوال .. ورمته وتنآثر بالآرضيه البآرده قطعه قطعه .. تبكي وشهاقتها ما رحمت ضعفها ولا جورها .. راح وبعد عني صرخت بقهر وغبن: ليه ليييييييييييييه .. دخلت ترف: بسم الله عليك هنوفه حبيبتي بسك ياقلبي .. هنوف: آآآآآآآآآآآآآه ليه روووح ليه ما أخذني معه .. ترف: ياحبيبتي انتي تعرفينه راح عشان يكمل دراسته وهذا انتي الصابره تسوين كذا .. هنوف بعدت عنها وهي تشهق: ليه الصابره ماتبكي ولا تلوووم ليه مالها مشاعر تعبر عنها .. ترف: ما قلت كذا أنآآآآآآآ .. هنوف بهستريآآآ: إلاااا أنتي قلت كذا وش تفسرين كلامك وضحكت بسخرية عشانه أخوك ماتقدرين تلووومينه .. لكن أنااا هههههههههههههههههه .. ترف بخوف: هنوف حبيبتي .. لاتسوين كذا .. هنوف: مااااااالك شغل .. انقلعي برااااااااااااااا .. برااااااااااااا .. خرجت ترف والغصه واقفه بحلقها .. هنوف حبيتها وتوأم روحها وبنت عمها وخطيبة أخوها مسحت دمعتها: الله يهديدك يا مناف .. لازم اقول له يرجع يكفي غربة .. مسحت دموعي واتصلت عليه .. رد علي بصوت حزين: خير ترف .. ترف: اسمع يا مناف الحين تجي الرياض..ياخي كفآآآية غربه .. مناف: وهو بيديني .. ترف: أجل بيديني انت تتدري هنوف حيل تعبآآآنه .. تعال ياخوي ما عادت هنوف اللي تعرفها تغيرت حيل حيل يا مناف .. مناف وقلبه موجوع بس مو بيده .. هذا حلمه من هو صغير مابقى غير اسبوعين وينتهي على خير: سمعي ياترف .. بعد اسبوعين أنا جاي وبيدي شهادة وإن شاء الله بتفتخررين بـ اخوك .. وإذا على هنوف عطيني أنا اكلمها .. ترف ترجع من جديد وتمسح دموعها: طيب لحظة بس .. مسكت مقبض البآب وفتحته وانصدمت وهي تشوف جسد مرمي عالآرض صرخت برعب: هنـــــــــــــــــــــــ ـــوف .. بطرف الثاني مناف: الوووووو ترف ردي الووووووووووو .. عناد: وش بلاك تصرخ .. مناف وتوتر ذابحه: عناد أنا بروح احجز على تذكرة .. عناد: وش تذكرته وبكره تقديم مشروع التخرج .. مناف: سلطان يقدم معك .. لازم اروح الاهل محتاجيني .. عناد: لا حول ولا قوة إلا بالله .. زين انتبه على نفسك .. مناف: إن شاء الله .. اسمع إذا تأخرت اعرف اني سآفررت .. يالله سلام .. عناد: لحظة يابن الحلال .. نسيت جوازك .. مناف: وهووو والبلشه .. فتح دولابه المخصص له وأخذ الجواز وخرج .. سلمني على شباب .. عناد: يوصل .. خرج منآآف من الشقة وانصدم بــ عسآآف .. عسآآف: وش بلاك طآاااير .. لكن طنشه منآآف ودخل الشقة .. عساف: ياهووووووووو .. وينكم ..؟ خرج عناد وهو لابس الميرله الطبخ .. عساااف: ههههههههههههههههههههههههه هههه .. عناااد بكبره بـ المطبخ .. عناد: اسكت ياشيخ والله اني جوعآآن وطفشت من آآكل المطآآعم .. عسآآآف: هههههههههههه .. وهو يرمي الملعقه اللي بيده: ضحكت من سرك بلا فـ شكلك .. عسآاااف: ووجع إن شاء الله .. عناد: أجل تضحك علي أنت ووجهك .. فرك عيونه: مين مااااااااااااات .. ضحك عناد من قلب على كشة زيد: ههههههههههههههههههههههههه ههههههههههه .. شكلك بنيه توها بـ ثمن تعشر .. زيد بعد يده عن عيونه: كم مرررررررررررة اقول لك لاتقول هالشيء .. عناد: ههههههههههههههه .. والله شكلك يوحي هالكلام .. المهم روح غسل وجهك ترى بنحط العشااا .. زيد: مالك دخل وهو يرمي جسمه على الكنبه .. عسآآف: وهو كل يووم على هذا الحآآال .. عناد: شكوى لله .. عسآآف: أجل مع سلامه .. عنآد: على وين .. عسآف: برووح للمدآم .. زيد: ياخي عطنا شووي من اللي عندك .. مسكه عسآف: إياني وإياك تقرب منهم .. اذبحك تفهم .. وهو يكح مخنووق: كح كح .. عناد: عسآآف الله يهديك سيبه .. بتقتل الولد .. عسآف وبعصبية: وعسى يفلح معه .. وخرج من الشقة وهو مو شآيف شيء من العصبية .. ღ. ღ. ღ. جمآنه: ملك حبيبتي بسك وهي تختلس نظر من أشيائه القديمة ربطة عنقه صفراء وهي تقربها لحضنها وتضمهااا .. سآمي: ملوووكي .. حبيبي ناظري فيني .. ملك: مآآآبي .. سآآمي: أدري أنك زعلانة ياقلبي هذا مستقبلي ولازم اروح ابدأ بشغلي وإلا تبين أحد غيري يصرف عنك .. رفعت نظره له: بشرط .. سآآمي بحب: آمري يآعيون سآمي .. ملك: أنا بختآآر ملابسك .. سآآمي: يالبــى ووه رووح ملح .. وهي تآخذ ربطة عنقه وتبدله بـ ربطه صفراء اللون .. وهي تتلمس شوآآربه وصدى صوته حفظتها .. سآآآمي: أحبك يا ملوكتي وربي أحبك .. حضنته وهي تبكي: وأنا بعد وهي تمسح دموعها وتقول بمرح: هآآ اصحى بآلك تناظر بغيري .. وهو يقرص خدودها بشقاوة ويبوسهآا: هووو أنا ائدر وهو يمغز لها وباس عيونها بحب وبعد عنها .. مسحت دموعها ماتوقعت آبد آخر الليلة تشوفه وآخر لحظة بحيآتها تعيش معه .. غآآآدر وتركها .. جمآآنه: مللك .. حرآآآم عليك مرت شهرين وانتي حآآلك كذا ياختي قال صلى الله عليه وسلم : (( لا يحل لامرأة تؤمن بالله واليوم الآخر أن تحد على ميت فوق ثلاث ليالٍ ، إلا على الزوج أربعة اشهرٍ وعشراً)) . قومي معي وغسلي وجههك .. لكن هي كآآآنت تنآظر ربطة عنقه اللي متنآثر فيها قطرآآت دمه .. وصوته اللي يتردد كالصدى أحبك يا ملوكتي وربي أحبك أحبك يا ملوكتي وربي أحبك أحبك يا ملوكتي وربي أحبك صرخت بتعب: وأنآآآ أحبك تعااال خذني معاك .. سآآآمي تعال حبيبي تعال خذني معك .. جمآآنه وهي تهز ملك بس لا حيآآااة لمن لا تنآاادي .. صرخت على آخووها: عزووووووووز .. عزووووووز .. دخل بربشه وخوف: وش فيك .. جمآاانه: اختك انجنت .. عبد العزيز: روحي جيبي مووويه بسرعة تحركي .. مسح شعرها: ملك حبيبتي ناظري فيني .. رفعت نظره له: هو بيأخذني صح .. عبدالعزيز حزن على الحالة اللي وصلت لها أخته هي قطعة منه مستحيل يفرط فيها .. وهو من فترة خبر صديقه عن حآلة اخته .. شاف ربطة الصفراء اللي بهت لونها حآآول يأخذها .. بس ملك دفته بشراااسة: ان اخذته مرة ثانية ذبحتك .. زفر بتعب وهو يصفعها كف لعلها تصحى من الغيبوبة اللي عآيئه فيها ومعذبه روحهآاا وغيرهآاا .. ناظرته ودموعها تهل دم: سبوووني لوحدي .. حضنت عمرها وهي تشهق: سآآآآمي تعآآآآآآآآآآآآآآآل .. الأب،أبو سلطان: عقيد لكن متقآآعد .. الأم،أم سلطان: ربة منزل وعمرهآاا 50 السنة .. الابن، سلطان: متزوج من خآررج العائلة وهو ملازم مع مرتبة الشرف .. وعنده توأم " جود و جواد " وهو سآمي أصحأأب واخوآآن وعمره 28 السنة .. الابنه،ملك: متزوجة من حبيبها وولد عمهآاا سآمــي رفيق أخوهآاا سلطآاان .. لها سنتين ونصف .. عمل الحادث وهو رايح لـ شغله ومآآت .. عمرها 24 السنة .. الابن، عبدالعزيز: يشتغل بشركة الإتصآاالآت .. وعمره 25 السنة .. الابنه،جمآاانه: عازبه وعمرها 19 السنة .. ღ. ღ. ღ. فآيز: انتي هييه حطي الغدااا .. شمس: إن شاء الله .. راحت للمطبخ تداري دمعتها .. غرفت الغدا والمر تتجرعه .. رحل عنها وتأخر وأخوها ما تحمل تجلس عنده تزوجت من شآيب بقد أبوووهآآ وغني حيل .. مسحت دموعها وهي تقوي نفسها وتقول بداخلها: مايجوز تتطرينه مهما كان يعتبر خيآاانة لزوجك ابتسمت وحطت الغدا له .. شمس: سم يـآا ابو سعود .. فآاايز: انثبري بمكآنك وكم مرة اقول لك لا تطرين اسم ولدي .. شمس: المعذره يآاا فآايز .. فآايز: اسمعي بكرة بجوني ربعي ابيك تبيضين وجهي .. شمس: ابشر .. غمضت عيونهآاا: آآآآآآآآآه ياآآ فجر اشتقت لك وشلونك الحين .. الاب أبو فادي: متوفي .. والأم،أم فادي: أيضا متوفيه .. الابن،فادي: ماله شخصية ينفذ كلام زوجته ووبس .. متزوج من سعيده بنت قريته .. عمره 36 السنة .. وعنده توأم "عهد ورعد" أعمارهم 18 السنة .. الابنه،شمس: سبق تعريف مع ذلك تحب خآالد ولد الجيرآآن لكن رحل عنها واغترب .. واخوها زوجها لرجاال شآاايب .. ღ. ღ. ღ. وهي تضرب الأرض بقهر: جآاااسر .. ابتسم لها: تعآلي هنا وإلا مآاافي .. جآت له وضربته بصدره العآري: سخيف .. حضنهآاا بحب: كل شيء منش يعجبــني .. غآآصت بدفى حضنه: جآآسر جآاسر: عيونه .. صبآاح: آنآاا حآاامل .. غمض عيونه: ايش .. صبآااح ببتسآآمة وهي تأخذ يده وتمسحه على بطنها المنتفخ شوي: أنآااا حــآمل .. اخذها ودار فيهآاا .. وتعآآلت اصوآآآآت ضحكآآتهم الرنآآآنه .. الأب، أبو جاسر: يشتغل بشركته المتفرعة بإنحاء المملكة والعآلم .. وهو صديق فآايز .. الأم، أم جاسر: مشرفة بالجامعة سعود بالرياض .. الابن،جآااسر: متزوج بنت عمه صبآاح له سنتين وربي ما رزقه بذريه .. ولكن الآن مع الحدث رزقوا بمولولد .. يشتغل بشركة أرامكو .. عمره 29 السنة .. الابنه،منى: متزوجة من أحمد وولد عمهآاا اخو صبآاح .. عندها " لجين " عمرها 5 سنوآت .. ღ. ღ. ღ. لينوفر: يآ كذااااااابه هآآتي شريط اقولك .. هيا: لواااااااا ماني معطتك .. تذكرين يوم اقول لك عطيني الببي تذكرين كلامك .. لو شنوووووووو ما اعطيك .. والحين أنا اقول لك ماعندي لو شنو ما اعطيك .. ضربت بالأرض بقهر: هيآااااااااااا ووجع عطيني مو حقي حق الاستآآذه .. هيا: ماعندي .. لينوفر بكت: طيب والله اكلم بآبآ هو يعرف يتصرف معك .. هيا: كلميه .. ويا ليت تقفلين البآب وراااك .. لينوفر خرجت وهي تبكي .. سعود ببتسآمة: هلا وش بها لينوفرتي .. لينوفر: دوووبه هيااا خذت شريط وهو مو حقي حق الابله .. سعود: بس هذا تآمرين أمر .. وش رأيك نسوي فيها مقلب .. لينوفر ببراءه: والله .. سعود بحب لشقآوتها: أي والله .. لينوفر: طيب يالله بسرعة وهي تجره .. سعود: ههههههههههههههه .. طيب على هواك .. دق الباب .. وهي من الرعب فزت وهي تتوعد فيها: هلا اخوي حيآآآك .. سعود وهو مأخذ لينوفر بعنقه: الله يبقيك .. هآآ كيف النفسية ما قبل الآختبآآرات .. هياا: الله يعين .. لينوفر شآفت شريط بسرير على طول اخذته وقربته لحضنه وجري لحـضن أخوهااا سعود .. ضحك من قلب لـ حركتها: هههههههههههههههه .. يآشقيه .. أول مرة تشوف أخوها صآمت الثقيل يضحك .. ابتسمت .. خرجت لينوفر وهي تمد لسآنها .. الأب، أبو سعود: متوفي .. الأم، أم سعود: ربة منزل وهي أخت أم سلطآان الابن،سعود: عآآآزب وهو ملازم مع ولد خالته سلطآآن .. وهو تحمل المسؤلية وسآعد أمه ولا رضى ان اعمآمه يبعون بيتهم .. حفظ حقوقه وحقوق أخوااته .. الابن،سلمآن: عآآزب ومتهور عشقه البنآااات .. الابنه،هيا: عآزبه عمرها 18 السنة .. وهي تخآف من أخوها سعود لكن تتحرمه بمقآم أبوهآااا .. الابنه،لينوفر: فتآآآة برئية عمرهآآآ 10 سنوآآآت .. ღ. ღ. ღ. وانتهـى البــارت الأول ، على أمل لقائكم بالبارت الثاني إن رأيت تشجيع .. وطبعاً كانت المقاطع قصيرة ، لأنني حبيت مجرد أعطيكم نبذة عن بعض الشخصيات .. ودي لكـم ..} | ||||
|
|
|
30-06-11, 03:24 PM
| #4 | ||||
| نجم روايتي
| [ البآآرت الثآني ] " لّم يبقَى في حوائِطُ قَلبي ، مكاناً يتّسع لحُبَّ أكبَرْ ..! " هكذا وشمتُ رسائلّ الحبُّ الممتدّة من قلبي نحوَ عينيكَ الباردة ، وآملت لَوْ ان تبادلني ذاتَ الغصَّة .. التي تسكنُ حنجرَة كلّ صبَاح يشرقُ في صَدري .. و أهديتُكَ البحَّة ذاتها .. التي غنّتْ بإسمُكَ عشقاً سرمديّ إتخذ من خافقِيْ وطنْ - كيفَ لك أن تسرق ذاكرِتيْ منّي ؟ دونَ أن تهبني مساحَة صغيرَة ، أجدني بهَا .. وشيئاً يدعُوني الى الإبتسامَة بعيداً عن مُتناول غيابُك المريرْ وكيف لهذا الألم ان يعجُّ بفضَاءْ رئَة مثقوبَة ، تخنقها فكرَة "الرحيل" الطويلْ .. آملتُ كثيراً لو أن مشجبَ الوقت كانَ يملكُ الشجاعَة التي تتسعّ لتحمُّل ذكرياتُكَ ، وخطواتُكَ التي قادَت بكَ وبعذاباتي إليّ لكنتُ على حزن ألطف بكثير مما أنا عليه الان .. و آملتُ ايضاً لو أني كفرتُ بلعنَة الحبِّ تلكَ ، قبلَ أن أقرَّ بها ... عند دخولكَ إلى قلبي ، ولو أن هذا الحبُّ غدى أصغر من أن "يوّرطني" بي و أنتَ بداخلي ! وثقتُ بكَ كثيراً .. حدُّ أن أسلمتني لكَ ، دونَ أن أبقي منّي "يسيراً" يشفعُ لي خطيئَة الإنكسار .. وإلتقطتُكَ كالأغنياتِ الشاردة من فمِ السمَاءْ التي ظلّت ترسمُكَ "فتى أحلام" لطفلة غصَّت بِ أكذوبَة " يُشبِهُ أبيْ " أحبُّبتكَ جداً ولكنّي ، وجدتُ في ذاكَ المنفى البعيد وطنّ .. يرتّبُني : الأولى دون أن أظلَّ حبيسَة "هامش" نزواتُكَ العابرَة .. ღ. ღ. ღ. حنين ترى بتفقدينه بتصرفاتك .. حنين بكبرياء: ههههههههههه .. ليه افقده ياقلبي كل شيء متوفر عندي .. عنود: بس السعادة ما راح توفرينها .. سمعي كلامي واطعيني .. حنين: مابقى غير اجري ورى مهندس لا جاء ولا صآر .. عنود: والمهندس اللي تقولينه هو خطيبك الآن .. حنين: بـ أحلام أمه .. أصلا مدري كيف انخدعت بمظاهره .. وعآدي يفسخ الخطوبة .. عنود ببتسامة: زين لا جاء وقتها لا تشتكين لي .. هذا أنا اقولها لك .. حنين: فضيها سيرة .. إلا وش رأيك بهالفستآآن .. عنود وهي تهز راسها بـ لاحول ولا قوة إلا بالله .. حنين: عنوووووووووود يادوووووووووووب تعاآآآلي .. اوووووووووف .. رن جوالها ردت بهبل واستعباط: هلا ببي .. سلمآن: يافديت هالمنطووق أآناا .. حنين: تسلم حبيبي .. سلمآن: حنيني متى قآبلك .. حنين: ردينا على طير ياللي .. سلمآن: حنيني ابي اشوفك ياقلبي .. حنين: مو كفآااية صورتي .. سلمآن: لا يا حيآتي صورة غير عن يوم أشوفك .. حنين: ما اقدر ببي الليلة عندي بآرتي .. سلمآن بفرح: طيب وش رأيك ببكره .. حنين: امممممممم .. راح اشوف جدول اعمالي وبعدين ادق عليك .. سي يو بيبي .. سلمآن: سي يو تو يابعد بيبي .. الأب،أبو حمود: فايز كما سبق تعريف .. الأم،أم حمود: مرأة مشغوله بـ سآفرآاات وزوجآاات أهم مآاعليها أنقآاتها وشهرتهآا بين صآحبآتهآاا .. الابن،حمود: متزوج من أثير بنت عمه .. وعنده ولد " فآرس" وهو صديق جآااسر عمره 29 السنة .. الابنه، حنين: بنت جميلة جداً ومتكبره .. عمرها 20 السنة .. عآيشه بترف ودلال كل شيء مجآآب لها .. ღ. ღ. ღ. كآانت تلتقط حلمها .. وتغفو على أصواات المطر وأدعُو الله بأن يبقيني بصدره وإن كُنت ورقَة تقرأ الشوق بعينك وكأنهُ جمرَة . استقيظت من الحلم على صوته ... فهد: شوووق .. حبيبتي قومي بسك رقآآآد .. فتحت عيونها ببطئ وهي تنآظر ملامحه اللي يآآما تمنت انه يكون من نصيبها ابتسمت له: هممممم .. فهد: قومي يالله الحقي على صلاة العصر .. قامت بتثآقل ودخلت الحمآم وهي تحس بألم وشيء يمشي نزلت راسها وهي تحس انها دآخت دم .. استفرغت .. سمع تأوهتها ودخل وانصدم وهو يشوفها تنزف: شواقه حبيتي .. شوق: آآآآآآآآآآآآآآه بطني .. فهد يعورني .. فهد: يا حياتي استحملي .. شوق: ولدي فهد ولدي لا يروووح .. وهو مصدوووم شوق حآآآمل منه وهو ولا يعرف مو وقت عتآبه أخذها وأخذ مفتآااح سيآاارته وغطآها بـ عباتها وخرج من جنآحه شآفته أمه وأخته مها .. أم فهد: اسم الله عليها .. وش بلاها ..؟ فهد: مدري يمه .. أم فهد: لحظة يمه .. مها يمه جيبي عبآاتي .. مها وهي تجري وعلى سريع جآاابت عباية أمها اللي لبستهآاا وخرجوا .. مها: ياويلي فهد بقميصه وحافي .. يووووووه يــ الإحرااااج .. اتصلت على بنت عمها جمآآنه .. جمآانه: هلا مهاوووي .. مها: لحقي شوق تنزف .. جمآانه: اهـــــــــئ وش بها ..؟ مها: مدري فهد هو وأمي راحوا للمستشفى .. جمآنه: اهئ ياقلبي يابنت عمي مها: تعآلي عندي خآايفه قاعدة لوحدي .. جمآانه: طيب الحين جآايتك .. مها: لا تتأخرين ... جمآانه: طيب .. يالله مع سلامه .. مها: مع سلامه .. قفلت من عند بنت عمها .. ونادت على شغالة تقفل البآب .. جمآانه: عزوووووووووووووز حبيبة أخته أنتا .. عبدالعزيز: عطيني زبده وش تبين .. جمآانه بخبث: والله مهآاااوي قاعدة بروحها قلت روح ونسها بدل قعدتها بروحها .. بداخله ابتسم من هالطاري لكن حب يتنذل معها: طيب ويعني .. جمآانه: يعني عآادي أحد يجي ويخطف مهآآووي .. عبدالعزيز: وووجع إن شاء الله .. هالمرة ضحكت من قلب: ههههههههههههههههههههههههه .. عبدالعزيز ابتسم على ضحكتها: خلاص خلصتي .. جمآاانه: هههههههههه .. ايوه لحظة بلبس عبآتي وجآية لك .. عبدالعزيز: استناك .. لبست عبآتي وخرجت من البيت بعد ماخبرت امي .. ودخلت سيآرة .. جمآانه: عزيز تكفى طفه .. طفى الراديو .. وحرك سيآآرة .. وبعد دقآئق وصلنا لبيت عمي أبو فهد الله يرحمه .. دخلت وودعت أخوي عزوز ودقيت الجرس فتحت لي مها وهي تحضني وتبكي .. خفت عليها: ياهبله وش فيك فجعتيني .. مها: دووووووووبه وهي تضربها على راسهآاا .. ماقلت لك لا تتأخرين .. ابتسمت بخبث: عآااد وش اسوي بـ أخوي جنني إلا يبيني أختار لبسه على ذوقي يالله ماعليه المره جآيه .. نظراتها بشرار .. وهي تحبس ضحكتها: وش بلاك .. ابتسمت: مابني شيء .. تعالي أنا قآعدة اتفرج فليم تأيتنك .. ابتسمت: طيب أنآاا نفسي في بوب كورن .. ღ. ღ. ღ. أخذت كوب المويه اللي كآنت على طآولة ورشيت بووجها وأنا اضربها على خفيف وأناديها: هنوووووف .. هنوف حبيبتي قومي تسمعني .. فتحت عيونها وهي تناظرني بعيون ذابلانه .. ترف وهي دموعها اربع اربع: يادووووووبه فجعتيني وفجعت أخوي عليك .. هنوف صمت هو سلاحها الوحيد سآكته .. سندتها ترف ووصلتها لـسريرها .. وفتحت نآفذه وخلت ستآير على جنب .. ترف: بروح اجيب لك غداك ياويلك ان ماكلتيه وبآست خدها وراحت .. وهي غمضت عيونها بتعب .. أنا ليه سويت كذا .. مهما كآن يبقى ولد عمك لا أكثر ولا أقل .. بس ابد ماتوقعت كلام مرة عمي .. هو بتجوز غلا بنت خآلته .. بس برضو مالك حق .. انتي تحبينه ايه لكن هو قد اعترف لك . طبعاً لا .. أجل ليه تسوين هالمناحه .. دخلت الحمام وفتحت صنبور الدووش وتساقطت المويه البآره لعلها تشفي من جروحهآآ وحبهآا الوليد اللي بيموت بمهده .. بس شكلك تنآسيتي أو نسيتِ مرضك .. آآآآآآآآآآآآآآآآه طآحت وهي تنكمش ودموعها هي ملجآها الوحيد .. الأب،أبو فيآاض: يشتغل بشركته .. الأم، أم فيآااض: أخت أم جآااسر .. وعندها مشغل للتصاميم والتجميل .. الابن،فيآاض: متوفي أثناء الحادثة ويــ سآمي .. كآن فيآآض مسرع وانصدم بـ سيآرة سآاامي واهله طالبوا بالـ قصآص .. الابن، أحمد: متزوج من منى بنت عمه وبنفس الوقت بنت خآلته .. ويشتغل مع ابوه عمره 29 السنة .. الابنه، صبآآح: متزوجه من حبيبهآاا وولد عمها جآااسر من سنتين .. وهي حآمل الآن عمرهآاا 25 السنة .. الابن،رياض: صديق سلمان ونفس شيء عشقه البنآآت .. عمره 22 السنة .. الابنه،هنوف: عآزبه وتعشق ولد عمهاآا منآف .. عمرها 19 السنة .. ღ. ღ. ღ. امل: بلاش جنوون انتي ماتدرين عن سلطآآن .. ياختي مفقدك .. فآتن: وأنا بعد فقدته .. بس سلطآاان مو راضي يفهم قلت له ابي بيت لا كفرت ولا تجننت عشآن يقولي هالكلام .. امل: انتي مو مرتآحه معه بيبت اهله .. فآتن: قلتيها بعظمة لسآنك مو مرتآحة .. ياختي خالته 24 سآعة عند عمتي وطبعاً البنآت مايقصرون معي بس عندهم دوااامات .. وأنا المسكينة اللي اقعد عندها وهآاتي من دق .. امل: طيب وبزرانك بتشتينهم معك .. فآتن وهي تمسح دموعها: اشتقت لهم بس مو بيدي والله تعبت .. امل حضنتها: ياقلبي .. بسك .. فآتن: آآآآآآآآآه وهو حتى مو قادر يسمع مني ولا كلمة .. ويقول انتي خرجت بنفسك ارجعي لوحدك حتى ولا هو معتبرني .. امل: معه حق يا فآتن ياحبيبتي مهما كآن هذا زوجك ولازم تشآورينه .. فآتن: بس أنآآ ما رحت مكان بعيد .. انا عند اهلي .. امل: أدري مو انتي بعض تصارفتك تبط الكبد .. اسمعي حبيبتي رجال بطبيعته يحب يشوف مرته بأحسن الأحوال سواء من لبسها وطبخها .. ترى الجمال بيزول لكن الأخلاق هي اللي تبين معدن البنت وأصلها .. قومي واسمعي نصآيحي .. فآتن وهي تمسح دموعها: رأيك كذا .. امل وهي تغمز لها: وأاكد لك .. سعود: ياخي ارحم نفسك .. وهو يفتح الكبت ويآخذ سيجآرة ويدخنها بشراهة ويكح بتعب .. سحبه: أنت بتقتل نفسك ترى وراك أهل وعيآل محتاجينك أكثر من نفسك .. سلطآآن: سعود حل عني ترى خلقي منرفز .. سعود: وانت ما بتبطل هالعادة الزفته ياخي قال الله تعالى: ( وَأَنْفِقُوا فِي سَبِيلِ اللَّهِ وَلَا تُلْقُوا بِأَيْدِيكُمْ إِلَى التَّهْلُكَةِ وأحسنوا إن الله يحب المحسنين ( 195 ) ) سلطآان: ونعم بالله .. رمى السيجآرة وهو يدوس عليها برجله .. أنآاا رايح المخفر .. سعود: لحظة بروح معك .. سلطآان: سريناآآ .. دخلت سيآرتي وحركها وثواني وردني اتصال من زميلي النقيب مآجد العتيبي مآجد: وش آخبآااارك .. سلطآاان: هلا بالنقيب الحمدلله .. وأنت ؟؟ مآجد: حمدلله عالمموم وجدت مكتب في بيتوتات الاعمال في جده مكتب رقم 7 يعمل في البورصه العالميه وابي منك زيارته تتأكد من حقيقة نشاطه من عدمه .. سلطآاان: ابشر يـ أبو فيصل .. لك ما أمرت .. مآجد: هذا العشم فيك .. سلطآان: ماسويت إلا الوآجب .. مآجد: أجل ما عطلك على شغلك .. سلطآان: ابد حق وواجب .. مآجد: سلمت .. على خير إن شاء الله .. سلطآان: ياهلا حياك .. سعود: وش بلاك .. سلطآان: مسآفر لـ جدة .. سعود: آهاا .. عاد ما اوصيك على نفسك .. سلطآن ابتسم له بتعب: إن شاء الله . يالله سلام .. وبعد هو وولد خآلته وصل بيته وهو هلكآاان من تعب .. دخل ورمى نفسه بالكنبه .. شآفهم يتهاشون من يصل أول .. جود: بآآآبااااا .. فز من مكآنه وهو يحضنها بحب: ياعيون أبوك أنتي .. جود: بابا اشوووف رسمتي .. ناظر بكراستها وابتسم لها: مين ذووولا .. وهي تأشر بـ أناملها نآعمه وقآلتها بعفويه: هذا أنتا وماما .. وذي انااا ودودا .. تلاشت ابتسامته وهو يشوف أمه بآسهآآ من رآسهآاا .. أم سلطان: الله يقويك يمه .. سلطان: آمين يمه ترى انا مسافر لجدة عندي شغله .. أم سلطان: وغلي وش لك تسآفر هنآاااك .. ابتسم لها بحب: شغلي يمه هنآآاك .. أم سلطان: وانت من استلمت هالقلب مدري وش سمونه ما عاد نشوووفك .. سلطان وهو يبوس يدها: هذا الوطن يمه افديه بـ روحي .. أم سطان: اسم الله عليك .. لا تفاول على نفسك .. وبعدين مرتك وينها .. سلطان زفر بتعب: يمه ولي يخليك لي اقفلي هالسيرة .. أم سلطان: لا حول ولا قوة إلا بالله .. الله يصلحكم ويهدي يسركم .. سلطآن: آمين .. جواد قرب وأنا أبوك .. قرب من ابوه ودموعه بخده: بابا لـ تلوح .. سلطآن: أفااا جواد يبكي انت رجال وإلا .. جواد: إلا لدال .. ابتسم بحب وهو يبوسهم .. آآآآآآآه فآتن وش أقول بس خلي عنآدك ينفعك .. أم سلطآن: تبين اجهز لك شنطتك .. سلطآاان: لا ارتاحي يالغالية .. وش أخبآاار ملك .. أم سلطآان: آآآآآآآآه خايفه عليها اختك اكيد انها انجنت ما عآد تسمعي هرجي كله تقول سامي تعال خذني .. سلطآان: أنا بروح لها .. تأمريني على شيء .. أم سلطان: سلامتك يمه .. باس راسها: ربي يسلمك .. وبعد عن امه ورقى بدرج ووصل لـ غرفتهاآآ دق البآب عليهآاا بس ماسمع رد .. فتح الباب ودخل وهو ينآدي عليها: ملك .. رفعت عيونها وهي تنآظره وهي تشهق: هو قال يحبني زين ليش يروح عني .. جلس عندها وهو يمسح شعرها: انتي تحبين سآمي .. وهي تمسح دموعهآاا: ايوه .. سلطآان: واللي يحب بعذب حبيبه .. ملك ببرائه: بس أنآاا معذبته .. سلطآاان بحزن: بس انتي بتصرفآاتك قاعد تعذبينه وانتي مآا أتني بحآسه بنفسك .. ملك: بس .. سلطآان: على بآلك اني عشت حيآتي بدون ماحزن وهو يضغط على يدها .. تأكدي ان هالحزن موضعه هالقلب وهو يأشر على قلبها .. خليه عآيش هنا بدون ماتبكين ولا حتى تعذبينه .. مسحت دموعها: طيب يعني هو يسمعني .. هز بـ راسها بألم لحآالهآاا .. ملك ابتسمت له: خلاص ما عاد بعذبه .. سلطآاان: شاطره حبيبة أخوها .. يالله تأمريني على شيء .. وهي تهز راسها بـ لا .. باس راسهآاا بحنان وفتح الباب بـ يخرج لكن استوقف على نادائها: سلطآان .. لف لها: هلا .. ابتسمت له: شكراا .. بعثر شعرها: العفووو .. وخرج من عندها وهو يقول: الله يرحمك يـ سآمي ويجعل مثواك الجنة .. رقى بدرج ودخل جنآحه زمـــان مادخل نآظر وهو مستغرب كل شيء متغير .. شآف كرت ملئ بالقلوب مكتوب وسطه تقدم إلى الإمام حبيبي .. ومشى بعدة خطوات وهو مبتسم بداخله بس مابين عليه فتح البآب وانبهر إلا اشتآاااق لـ فتآنته .. شعرها السرمدي الليلي منثور على أكتآفها بدلع وقميصها السكري وسواد هدبها اللي تتحرك عرفها أنها متوتره .. رمآهآاا بنظرآاات عتآآآب .. فآتن: ســ ـــلطــآاان .. بداخله: يآ روحه .. بعد عنها وهو يروح جهة الدولاب وأخذ حقيبة السفر .. وهي مصدوومة: بــ تــ ســآاافر .. مطنشهآاا ولكن قلبي مشتآق لها بس عقلي يقول خلهآاا تآخذ الدرس تفهمه ولا عاد تعديه .. فتحت الدولاب وظهرت ملابسي .. ماحسيت إلا بشي لاصق بظهري وتتكلم بصوت فيه الخنقه: سلطـآاان لا تسآفر .. كآان ودي اجلس معها بس شغلي اهم ماعلي .. بعدت عنها ودخلت الحمام خذت لي شور عالسريع .. شفت تجهز لي الحقيبة من ولبسي اللي مجهز على جنب .. وهي تشهق وتمسح دموعها قربت من عندها وأنا ابوس بـراسها .. حضنتني وهي متعلقه فيني: لا تروووح الله يخليك اعدك ما عاد اخرج بدن ما اشاورك .. مسحت راسها بحب وحنآن: لازم اروح عندي مداهمه .. ولازم احمي وطني وإلا أنتي وش رأيك .. فآتن: يعني مـا أنت زعلان علي .. بآسها من عيونها: ابد .. بس انتبهي على نفسك وعلى جود و جواد وعلى اهلي .. فآتن: بطول .. سلطآاان: الله أعلم .. بس لا اوصيك على نفسك .. فآتن: إن شاء الله .. حضنها بحب: الله لا يحرمني منك .. وباس جبينها وأخذ لبسه الزي العسكري ولبس على سريع وفتح خزنته وأخذ الجواز .. فآتن وهي تزبط له بلوزته: حبيبي انتبه على نفسك وأكل وطمني عليك .. ابتسم بعشق لها: ابشري من عيوني .. وحضنها وبآسها من عيونها وخرج .. ღ. ღ. ღ. ترف: والله بخير .. منآف: طيب سلميني عليهااا .. ترف: يـا حركاااااااات .. منآف: أهااا بس لا يوصل العلم لحد .. ترف: ابشر .. يالله سلام بروح اشوف حرمه المستقبل .. منآف: ههههههههه .. سلميني عليهآآ .. ترف: يوصل إن شاء الله .. أخذت الغداا ووحطيته على الكمدينو وناديتها: هنوووووووووف .. خرجت وهي تبتسم وعيونها منتفخه من البكي .. ترف: اووووووووه وش هالحلاوة .. هنوف: بروح لـ حنين بتروحين معي .. ترف وهي تتأفف بداخلها: لااا نسيتي بعد بكره علي اختبار الفانيل .. هنوف: أهااا .. طيب وش البس .. ترف: مممممم فستانك زهري روعة .. هنوف: تسلمين تروووفه .. ترف: العفووو يالله حبيبتي تغدي أبوي بطريق .. هنوف: بتروحين .. ترف: يب .. يالله حكيني بعدين عن البارتي .. هنوف: طيب .. خرجت ترف .. أما هنوف اللي بدأت تستشور شعرها .. صبآاح: سلام على حلوين .. أم فياض: هلا يمه .. وش حآالك .. صبآاح بفرح: بخير يمه .. رياض وهو ينفرزها: يــ أهلين بـ المغنيه صبآاح .. صبآاح: ووجع إن شاء الله .. كم مرة قايلتك لاتنادني كذااا .. وهو يآشر على راسه: بمزآاااجي يا مغنيه صبآااح .. صبآاح طنشته: يمه .. رياض وهو يحاشرها: اووووووووه والله وكبرنا ونقول بدل ماما يمه .. رمت المخده بوجهه: ياسخيــــــــــــــــــــ ــــــف .. ضحك من قلبه على عصبيته .. دمعت عيونها: يمه شوفيه .. رياض وقف نوبة الضحك .. صبآاح: وين هنووفه .. توها لبست وزينت نفسها ببعض المسآاحيق التجميلة .. مآبقى على آذااان المغرب نآظرت نفسها وابتسمت ونزلت .. ريآض وهو يصفر: اووووووووووووووووه الحجه نعمة الله وصلت .. جلست جنب صبآاح وهي مطنشته: آخبآارك صبوحه .. صبآاح بإعجاب بـ أختها وهي تذكر الله: بخير حبيبتي .. أنتي أخبآرك .. هنوف: منحيه .. مآاماا .. مين بيأخذني .. ريآاض: على وين إن شاء الله .. هنوف: بروح البآرتي تبع صدقيتي .. ريآاض ضحك بسخرية: بآاارتي .. هنوف: ايوه بآاارتي وش فيك تتسمسخر .. ريآاض: مافي روحه انثبري بمكآنك .. هنوف: مـــــاما شوفي ولدك .. ريآآض: قلت لك مافي روحه يعني مافي .. يالله سلام .. أم فياض: وين بترووح .. ريآاض: مع ربع الاسترآاحة .. هنوف: ما شاء الله ناس تروح تصلي المسجد وانت رايح لـ استرآحة .. ريآاض بسخرية: عندك مآانع آنسة هنوف .. هنوف: اي حتى انت مالك مـ راح .. ضحك هنا من قلبه: هههههههههههههه .. ضحكتيني ان خرجتي وإلا عتبتي الباب بتصرف معك تصرف ثآني .. هنوف بهجوم: ترى أنا أختك مو من بنآت شوارع اللي تكلمهم .. قام من مكآاانه وبيصفعها كف .. لكن أم فياض وهي حزنآنه على حآلتهم: اتعوذ من الشيطان .. صبآآح: ريـــــآض .. ريآآض نآظر فيهم نظرة أخيرة وخرج .. أم فيآاض: وغلي على وليدي خرج وهو معصب .. كله منش لازم تحرشينه .. هنوف: الحين أنااا حارشته وهو ابد ماسوى شيء .. وخرجت .. صبآااح: لا حول ولا قوة إلا بالله .. يمه مايجوز اللي سويته .. أم فيآااض ودموع تجري وتأخذ مجراها: اخوك خرج معصب الله يستر الله يستر .. صبآاح: يمه بيرجع إن شاء الله وهو قال انه رايح للاستراحة لا تشلين هم .. أم فيآاض: وأختش لها جمن يوم ماهي عاجبتني عقليهآاا وأنا أمش .. صبآاح: إن شاء الله .. ღ. ღ. ღ. لبست عبآتها وخرجت ومسكت المفتآاح بيدينها .. ومشت بخطوات آآآذن المغرب ومشت مشي لحد ما وصلت لتحفيظ القرآن .. دخلت وشآفت خآالتها تنتظرها بآااست راسها: تأخرت عليتس .. أم عسآااف: لا يمه الله يستر عليتس .. سلمت على صآاحبآاات خآالتها .. فجر: خالتي يالله نظراتهم شككتتني بنفسي .. أم عسآااف: وش شكه سرينا يمه الظلام بدأ يسري ونحن ماسرينآاا .. فجر وهي تخرج هي وخآالتها: خآالتي ودي ازاور شمس .. أم عسآااف: يا هرعيشي وهو وش علومه .. فجر: مدري يآ خآااله ماعرف أخبآارها .. أم عسآااف: ماعليه يمه نروح لأخيها ونتخبر عنها .. فجر بفرحه: صدق يآ خآاالتي .. أم عسآااف: ايه يمه .. وصلنآا البيت تقريبآا تحفيظ كآان قريب من البيت .. اخذت المفتآاح وفتحت البآب ودخلنآا أنا وخآالتي دخلت على طول الله يعزكم الحمام توضت وبدأت تصلي المغرب .. وبعدها قآالت انها راحه لجآرتنآا أم عمر عندهم عشآا هزيت لها أنهآا موافقة .. رحت صليت وبعد صلاتي رحت لنـشآرة الملابس .. أخذت قمصآني أنا وخآالتي وبدأت اكويهآاا .. وبعد مآ انتهيت نظفت البيت وبخرته .. وفتحت بآب الحوش وجلست مستنده على البآااب .. فجر: آآآآآآآآه يآعسآاااف .. هانت عليك عشرنآاا وذكريآاات طفولتنآاا .. رحمتك يآاارب ولطفك .. دخلت داخل ومسكت القرآن الكريم وبدأت أقرأ بتلاوة عطره .. ღ. ღ. ღ. ببريطآنيآاا عسآاف: يعني كم مرة اقول لك لاتخرجين من دوووون إذني .. والقاك يآحيوانه مع اصيع واحد .. لكن أنتي مو كفو أحد يعيش معك .. انتي طآالق .. طآالق .. طآاالق .. جهيآن شهقت: لاااااااااااااااااااااا .. أنت فآهم غلط .. أخذ حقيبته وفتحهآاا ورمى ملابسه بعشوائية .. جهيآان ودموعها اربع اربع: حبيبي والله هو كآن يبي يعطيني ملفي .. عسآاف: لا تبربرين لأني مـآ راح اسمعك .. رمى أغراضه الخآصه على سريع بحقيبته وقفلهآا وخرج من الغرفة مسكته جهيآن: عسآااف حيآتي ليه ماتفهم علي .. عسآااف: وخري عني أنآاا الغلطآاان اللي اتجوز من هنآاا .. وخري اقول لك .. وسحبها وبعدها عن طريقه وصفق البآاااب .. هو توه خآرج من شقة ربعه .. وينصدم صدمة عمره .. زوجته مع واحد استغفر الله ولا حول ولا قوة إلا بالله .. ما آستحمل لكن آشر لهآا بنظرآت وخرجت معه .. وصآااار اللي صآاار .. وصل شقة ربعه ركن سيآرته بالمواقف ونزل حقيبته وحملهآا معه .. دق الجرس فتح له زيد .. زيد ابتسم له: هلا الحبيب .. حضنه وهو تعبآن حآس بخمول: اهلين .. زيد: سلامتك وش بلاه وجهك مصفر .. رمى حقيبته عالأرضيه وانسدح بالكنب المريح: لحد يصحيني ولحد يزعجني .. وهو ينشف شعره خآالد: علامه الأخ .. زيد: شكله المدآم طآردته .. خآالد تقرب منه: عسآااف .. فتح عين وحده بكسل وخمول وعيونه حمرآء من قلة النوم وكثرة السهر .. خآالد وهو يحس جبهته نآر صرخ على زيد: هآآآت كمآآدة له رجآل بيروح فيهآآ .. هنا ارتجف وارتعش يحس ببرد موب طبيعي .. خآالد: عسآاف لا تنآم .. نآظر فيه وكآنه بودع الحيــآة ورجع غمض عيونه .. ღ. ღ. ღ. اتمنى انه نآال إعجآااب الجمـيع بقلم: نَيرُوز أحمَدْ , | ||||
|
|
|
01-07-11, 12:42 AM
| #7 | ||||||||||||||
| مراقبة ومشرفة سابقة ونجم روايتي  
| الله يعطيك الف عافيه هدى على الروايه الجميله مشكوره يالغلا عساف معقوله مايحب فجر الظاهر ان فيه شيء اجبره على الزواج في بلاد الغربه الهنوف وشهو مرضها منتظرينك حبيبتي في البارت الثالث | ||||||||||||||
|
|
|
01-07-11, 12:46 AM
| #8 | |||||
| نجم روايتي
| اقتباس:
ان شاء الله اول ما الكاتبة تنزل البارت انزله فورا | |||||
|
|
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
.png)
العرض العادي
