10-12-11, 11:58 PM
| #141 | |||||
| نجم روايتي وكاتبة في قسم قصص من وحي الأعضاء وبقلوب أحلام 
|  اقتباس:
 ومرورك الاروع ..وان شالله نرى رايك في القصة مع تحياتي | |||||
|  |
|
11-12-11, 01:53 AM
| #142 | |||||
| روايتي مؤسس ومشرفة سابقة وقاصة في منتدى قصص من وحي الاعضاء  
| تسلمى ضى على البارتات الروعة ... هو ... مثل ما أنت جبان و عم تحاول تسكت ضميرك و يمكن مشاعرك و تخدرهم بأن المصارى ممكن تعوضها للمى ... يا خسارة هى ... عندى إحساس أن ظهور جان فى حياتها الآن سينزع فتيل الأمان فى عقلها >>> ممكن تدبر له مصيبة أو تحاول تقتله بمساعدة خالد أو حتى تلفق له تهمة لحتى تنتقم منه ... لمى ... ربى يشفيكى و تنجح العملية لحتى ترتاحى و تقدرى تعتنى بإبنك بدون خوف ... أحمد ... طيب هو شو عرفه أن خالد له علاقة بلمى ؟؟؟ مو ممكن هو يرمى الصور و ما يعيرها أهمية ... معقولة هو يفتش عن خالد و وقتها خالد يخبره كل شيئ ؟؟؟ أم كريم ... ليه عندى إحساس أنك أنت اللى راح تخربى كل شيئ للمى بسبب غيرتك و نظرتك إنها ما بتستحق أخوكى ؟؟؟ ضى متابعاكى و شكراً لك | |||||
|
| |
|
11-12-11, 04:56 AM
| #144 | ||||
| نجم روايتي 
| تسلم ايدك عزيزتى ضى على الفصول الجميلة شكرااااا جدااااا لمشرفاتنا القمرات على الوسام وشكرااا على تشجيعكم المستمر لنا من اجل تفاعل اكتر مع كاتبتنا الجميلة هو انت لسه برده انانى وعاوز كل حاجة فى نفس الوقت ولسه مش فاهم لما وفاكر ان الفلوس ممكن تعوضها حبك والبقاء معك ياريت تحس بيها شوية وبالالم النفسى اللى لما فيه . وكمان زعلان ومصدوم انها بتعاملك بجفاء وانت اصلا ناوى تسيبها بعد شوية بجد يا بجاحتك ليه قلبك قاسى عليها كده حرام عليك لما مبروووووووووك عليكى زياد احساس الامومة مفيش زيه فى الدنيا ربنا ما يحرم ست منه ابدااا عندى احساس انك لما تعملى العملية فى حاجات كتييير حتتغير فى حياتك وان شاء الله تكون للافضل ام كريم ياريت تخليكى محضر خير وتساعدى لما وماتغريش على اخوكى منها المفروض تقفى جنبها بعد ما عرفتيها وحبيتها مش تبعديه عنها لما ماتستاهلش منك كده ابدااااا هى صدمتك كانت كبيرة لما عرفتى انتى حتشتغلى مع مين ياترى اعصابك حتتحمل ده ولا حتنهارى ولا حتعملى مصيبة ولا ايه بالظبط اصلا انتى حكايتك قربت تنكشف وانا متوقعة ان هو مش حيسكت او يسامحك فى اللى عملتيه لانك عرضتى حياة ابنه للخطر مهما يكون بيحبك لكن الا ابنه ده خط احمر عنده ومش حيسمح لحد انه يأذيه ابداااا عزيزتى ضى انا بصراحة اول القصة كنت مستغربة جدااا من ان الابطال من غير اسماء لانى مش متعودة على كده بس اسلوبك وطريقة كتابتك الرائعة وسرعتك فى سير الاحداث نسانى الموضوع ده ولقيت نفسى من غير ما اشعر اخدت على كدة وتقبلته تماما بس يمكن اللى كان صعب عليه تسمية لما بالخرسا حسيت انى كل بقرأ الكلمة انى بزلها او بعايرها بعاهتها ده كان مضايقنى وفرحت جدااا لما سميتيها لانى كنت مخنوقة جدااا من لفظ الخرسا لكن ما كنتش قادرة امتنع عن قراءة الرواية لانه شدتنى من اول كلمة فيها واثارت فضولى جداااا وكمان اللهجة تحفة وانا بحب اللهجة السورى جدااا فى الروايات لانى بحسها مفهومة وخفيفة على الاذن يعنى بفضلها بعد الفصحى علطول . حبيبتى انا سعيدة جدااا انى من متابعينك واتمنى لكى التوفيق دائما ومنتظرة الفصول الجاية على نار وانا متوقعة ان هو حيفضل مع لما وابنه لانه حبه لابنه كبير وانه مش حيسامح هى فى اللى عملته ده تخمينى والله اعلم تقبلى تحياتى عزيزتى | ||||
|
| |
|
11-12-11, 07:48 PM
| #145 | |||||||||
| نجم روايتي وقاصة في قصص من وحي الأعضاء وعضو الموسوعة الماسية لقصص من وحي الأعضاء  
| ضى الشمس تسلمى حبيبتى ع الفصووووووووووول الراااائعة دى والله احلى حاجا بحبها كترة الفصول اللى بتنزل سوا دى وافضل اقرى وانا مستمتعة ومش عاوزاهم يخلصوا واضايق لما اوصل لاخر واحد لما >> صعبانة عليا اووووووى وهى حاسة ان عجزها مقصر ف تربيتها لابنها .. يا رب ان شاء الله تعمل العملية وتنجح وتعرف تراعى ابنها هو >> ناوى امتى ان شاء الله تكون راجل ف كل تصرفاتك وتشيل المسؤلية وتعلن الموضوع لو قصة الزواج والحمل عرفت تخبيها ع الناس فدلوقتى الولد موجود وعايش ومش هينفع يستخبي كتيييير هى >> مقولتيش لجوزك ليه ع الزفت جان دا .. مش مستريحة خاااااااااااااااااااااااا ااالص للى ممكن يحصل ضى بجد مستمتعة اووووى بمتابعتى ليكى وف انتظارك دوما ان شاء الله | |||||||||
|
| |
|
13-12-11, 12:22 AM
| #146 | |||||||
| عضو ذهبي  
| اقتباس:
متابعة معاكى بشوق و بانتظار باقى الفصول | |||||||
|
| |
|
13-12-11, 09:29 PM
| #147 | ||||
| نجم روايتي وكاتبة في قسم قصص من وحي الأعضاء وبقلوب أحلام
| صوت القلوب 45 خرجت أم كريم وهي تحمل زياد أم حازم : شو صحي الأمير أم كريم : عن جد أمير ما بدو غير حدا يحملو ويدللو هههههههههه أم حازم : ايه صح قبل ما انسى بدنا نعمل مباركة أم كريم : ايه والله ايمتى أنا معكم أم حازم : ايه أكيد قلبي ليش بتصير أصلا بلاك هههههههههه استيقظت لما وخرجت لتجد زياد في يد عمته تهدهده أم كريم : صباح الخير لا والله ضهر الخير شو ما نمتي قال لما : ضحكت وأخذت زياد ليرضع أم كريم :قلب عمتو عم يتدلع بيعرف حاله أمير لما : دخلت به ليرضع وبعد قليل انضمت لهما ووضعته في مهده الخاص قبالتها وعينها تكاد لا تتركه أم كريم : أمسكتها من يدها لتنتبه على ما تقول " بدي آخد مقاسك مشان جيب لك فستان مشان المباركة " لما : هزت رأسها بمعنى لا وأخرجت دفترها وكتبت " لا ما تتعبي حالك عندي إشيا كتير " أم كريم : بعرف قلبي بس ما بيكونوا قدك يعني بتعرفي جسمك اتغير و"أشارت لصدرها " تغير يعني لازمك شي غير أم حازم : صح معك حق يعني هي اسم الله عليها ما زاد وزنها كتير وهلأ بأسبوعين صارت ناقصة أكتر من اللي كسبته بس كمان تكوين الجسم بيتغير بيكون مو متل اول . أم كريم : اديش مقاسك كان ؟ لما : أشارت بيدها ستة أم كريم : يعني هلأ بدو يكون يمكن شي 10 هيك شايفة بس بدي آخد مقاسك تعالي يلا بدي شوف لك شي بيلبق لك و إنت إذا ما عجبك برجعو ومنشوف شي تاني لا تخجلي لما : إن شاء الله كان الجميع يعد للحفلة في همة ما عدا لما التي كانت لها مشاغلها الخاصة ب مصيرها ومصير حياتها وابنها وهل تستطيع الافتراق عن الحب الذي لم تتخيل أن له وجود بهذا الشكل في يوم من الأيام . بس لو ما بدو شو بقدر اعمل غير احفظ كرامتي على الأقل . كان جان ينتظر حضورها ليتكلم معها لوحدهما ويذكرها بفضله عليها لأنه لم يتسنى له أن ينفرد بها ولا مرة بعد دخلت وهو يتابع حركة العارضات على الكات ووك ذهابا و إيابا ويعدّل الحركة جلست على مسافة منه جان : التفت إليها وقال " كنت بتجنني امبارح بالحفلة " هي : نظرت إليه باشمئزاز بدون أي تعليق جان : كان ينظر للعارضات ويتابع الحركات ويقول لها في نفس الوقت " لمّا رقصتي مع جوزك اتمنيت كون مطرحو بصراحة كل الرجال اتمنوا يكونوا مكانه شو هالحلا والدلال " هي : يا ريت تركز على الشغل " كانت تتمنى لو تنشق الأرض وتبتلعه كانت تكز على أسنانها حتى شعرت أنها تتفتت جان : ضحك بخبث وقال " كنت ح جن واطلب منك رقصة بس شفت نظرات جوزك الك يعني بصراحة الرجّال عشقان دايب فيك شو هاد يا عمي دوبتي الرجّال ههههههههههه بصراحة حسيت بفخر بحالي بعرف كيف علّم صح " هي : اقتربت حتى لا يعلو صوتها وقالت " انت حيوان وزبالة وطول عمرك كدا ولا يمكن أتعلم منك أي حاجة يا وسخ " جان : لا لا عن جد عم تحكي فكرت إنك لازم تشكريني إني علمتك أول خطوة ، علمتك كيف تحسي بالقطعة عليك مش تلبسي القطعة وبس كل الناس بتلبس بس أنا علمتك كيف تحكي معها وتعرفي شو بيقول المصمم أنا خليت عندك إحساس يا مدام أنا طالعتك من الشرنقة وخليتك فراشة تطير أنا فتحت من أسرك وطرتي بالسما وهلأ صرت أنا وسخ العمى بجد ما بتقدّري المعروف " هي : وقفت وجعلت ظهرها للعارضات وواجهته ورفعت النظارة عن وجهها الغاضب و" تفو " وخرجت من المكان جان : مسح وجهه وقال في نفسه " بعدها غبية أو لا عم تتصنع الشرف العمى شو هالناس ما بتفهم يعني شو فرقت لو ما كنت أنا كان بيكون غيري ، شو يعني كنت بدي خليك تفكي عقدك يعني ما سمعت القول من علمني حرفا يعني شوفي كم خطوة علمتك واعبديني " بقيت هي في السيارة فكرت في تصرفها هي : مش لازم ابقى معاه لوحدنا خالص وبلاش اسيبه يتكلم معاية ب الشكل دا و لازم أكون أقوى من كدا مش أضعف يعني مش ح أنوله اللي في باله ورجعت للمكان وقالت بصوت عالي مسيو جان ياريت تقولي إيه المخطط اللي عامله عشان نناقش الموضوع قبل ما نعمل العرض جان : هز رأسه وقال " لسى معنا وقت عندي شوية خطط هنيك ع الطاولة بس مو مخطط نهائي بتعرفي لسى ما انتهى كل شي والبيك بدو يكون العرض مبهر كتير مشان يروج للمصنع والوكالة هي : طب خلاص مسيو أول ما تخلص ابعتو للمكتب مع أي حد أنا رايحة عندي شغل أهم جان : أشار بيده بااااااااااااااااااي رجعت للشركة ودخلت إليه هي : مش عامل حاجة عمّال يملي عنيه من العارضات والله مش عارفة عاجبك فيه إيه هو: ههههههههه ايه من ناحية إنه عينه زايغة وبدها القلع ما بقول لا بتعرفي لمّا عرّفتك عليه انبسطت بس سحبت ايدك منه هي : هههههههه بتغير علية " وتعلقت برقبته " هو: انزل يدها وقال " فكري يا قلبي بلا جنان هون شغل " هي : معاك حق أنا اتجننت خالص هو : اسمعي بعد يومين أنا مسافر مشان هي : لا مش قلت ح تكمل الأسبوع ؟ ليه عايز تسيبني وتروح بدري هو : لا أنا رايح بالإجازة يعني شو اعمل هون سبت وأحد ؟ ماهي فرصة هي : نقعد سوا نخرج نسهر أي حاجة المهم مع بعض هو: يا حياتي بعرف بس اليومين هنيك بتفرق معي لأنه بقعد مع أبو كريم ومنشوف شو بدنا نعمل وممكن خلي جزء من العمال يجوا يشتغلوا اوفر تايم و هي: حرام والله حرام تروح وتسيبني عشان الشغل هو: يعني جزء شغل والتاني مشان تابع حالة ماما وأعرف إذا لازم نسافر هي : آه لكن ممكن يوم واحد بس يعني الدكتور مش ح يطير هو: طب إذا كان فيه سفر الشغل بيتعطل فيه إشيا كتيرة لو ما بلشت من هلأ خلص مو مشكلة بتطمن على ماما بالتلفون وبخلي أبو كريم يجي لهون هي : يعني شغل شغل هنا أو هناك هو: شو اعمل يعني مو قلت خلص ابقى و هي : آه وأبو كريم يجي لا روح أحسن " لم ترد أن ترى أحدا من عائلته يذكرها أنها فقدت ابنها ، يعني اللي ما حد فيهم اتصل أو قال كلمة " هو: تسلمي لي يا قلبي " بينه وبين نفسه والله بحبك بحب قلبك الأبيض بحب كل شي فيك بس مو قادر ح جن بدي شوف ابني يالله شو مشتاق له" هي : إيه رحت فين ؟ هو: تعالي بدي جن شو رأيك نروح سينما وبعدين نشوف شي مطرح نرقص متل الاولاد الصغار و هي : لا مش عايزة اتجنن عاوزة مكان هادي دافي إيه رأيك نروح اليخت ونبات في البحر الليلة أنا كان نفسي يكون دا برنامج الأجازة لكن ممكن الليلة إيه رأيك ؟ هو: يلا بحب البحر بالليل وهوا البحر بيجنن ، الليلة القمر بدر بيكون ووشك بيضوي متل البدر لما تضحكي هي : إيه من هنا ابتديت تدوّب فيّة لا خليني أوصل البحر الأول هو :ايه إنت كل مرة بتضيعيني ، يلا على شغلك و ما بدي شوفك هون غير ونحنا رايحين ع البيت هي : تمام يافندم ههههههههه اتصل ب أم كريم الأخت : ايه و ليش اتأخرت ؟ هو : شو طلعتي من عند لما الأخت : لا بعدني خليت امي تبعت السواق للاولاد وقلت لها عندي جمعة نسوان فرصة هههههههههه هو : شو عم تعمل لما الأخت : ولا شي ما عندها شغلة صار غير تتطلع ب زياد وبس هو: نيالها يا ريتني مطرحها الأخت : ايه الله يكون بعونك بس والله مشكلة يعني صعب شو بدي قول بس هو: معك حق بس إن شاء الله بعد ما تشفى لما منحكي بكل شي وبركي بتتعدل الأوضاع الأخت : أوضاع شو ؟ هو : يعني بركي بعد ما تحكي منقدر نقول لماما واعلن كل شي يعني أنا ما بيهمني بالموضوع غير ماما بتعرفي أما حكي الناس الأخت : ايه صح هو : شو مو موافقة معي الأخت : ايه بس هلأ ما بقدر احكي معك كل شي يعني بدها قعدة المناقشة معك هو : شو قصدك قولي بلا لف ودوران بعرف لمّا يكون عندك شي الأخت : ومرتك شو هو: آه لا أنا بعرف كيف عالج هاد الموضوع ما تعتلي هم الأخت : خلص انت حر هو : سلمي على لما وبوسي زياد الأخت : طيب ح بوس لما وسلم على زياد ههههههههههههههه هو : متل ما بدك هي : فتحت عليه الباب وهو يعمل في انهماك بعدما تكلم مع أخته يلا خلاص البحر بينادي علينا فاتح دراعاته هو : خمس دقايق وحياتك هههههههههههه هي : يلا مستنية كلهم خرجوا مش باقي غيرنا والحراس هو : بدأ في إغلاق جهاز الحاسب الذي أمامه وإقفال الأدراج والخزنة وكل شيء بنفسه هي : وسوسة هو : هيك اتعلمت من بابا حتى الضو لازم تمم عليه هيك اتعلمت هي : الله يرحمه "بينها وبين نفسها يارب تكون لما جابت الولد وفي يوم تحن علينا وتجيبه يعني حرام واحد زيك معندوش خلف ". أكملت أم حازم تجهيزات الحفلة وزينت المكان وعزمت الناس وأحضرت أخته الفستان الأخت : شو رأيك يا ام حازم الفستان بيجنن عليها وأنا اسم الله عليي جبت المقاس مظبوط ههههههههههه لما : شعرت بالحرج في الفستان وأخذت تنظر لنفسها في المرآة " وقالت بينها وبين نفسها كتير عريان وصدري كتير باين كيف بدي البس هيك " أم حازم : شو بك مو عاجبك لما : يا ام حازم كتير عريان و " أشارت على صدرها " ما حبيت الأخت : يعني بظن إنك معترضة ع الفستان لأنه عريان مو لما : هزت رأسها موافقة الأخت : لك يا جدبا هيك صايرة الموضة وبعدين يعني والله كتير لابق لك تعالي شوفي حالك كيف رجعت لتنظر لم تكن تعترض على شكلها وإنما لم تتعود أن تلبس هكذا شعرت بالخجل . كان الفستان أسودا وعليه دانتيل أحمر مشغول بالذهبي على منطقة الصدر والخصر عالي فلم يظهر أي بطن لها مع أنها خسرت أغلب البطن ولكن يبقى القليل من الجهد لتصل للمثالي . أم حازم : ايه حلو وبخلي سيرين بنتي تحط لك رسمة على ايدك واسم الله هيك طالع جسمك بيجنن مافي عيب أبدا حوطك باسم الله الأخت : ايه والله جسمها كتير حلو ولونه موحد يعني لو بدها تغطيه مشان ما تنصاب بالعين معها حق هههههههههههههههه أم حازم : لا لا هيك حلو كتير يلا يوم الحفلة ح تكون نجمة السهرة راح نسهر للصبح يلا إجازة الأسبوع و بدنا ننبسط الأخت : ايه على قولتك وأنا بخلي الاولاد عند امي الله يصبرها ههههههههههههههههههههههه هي حابة تكون تيتة انتهى الأسبوع . هو : يلا بعد الغدا رايح بدك شي هي : آه لا مافيش تروح وترجع بالسلامة هو : بتعرفي بدي روح المسا بس ما بحب السواقة بالليل هي : لا حياتي بلاش السواقة في الليل ربنا يحرسك هو : خدي " وأعطاها لقمة " هي : بس عشانك والله شبعت هههههههههههه هو : حياتي بعرف ودعها وخرج . كانت أم حازم والبنات يضعن اللمسات النهائية على الحفلة " المباركة " سيرين تزين لما وترسم على ذراعها بالحناء السوداء على بشرتها البيضاء لتخلّف سوارا من الحناء جميلا جدا ويعطي رونقا للفستان ولفت لها شعرها بشكل مذهل كانت تشعر أنها عروس اليوم بدأت السيدات في الحضور والتوافد كان الاستقبال في شقة أم حازم والأكل والشغل في شقة لما لأنها لم تكن مجهزة لاستقبال الناس فليس فيها صالون للاستقبال ولا شيء من معدات المطبخ أو الأكواب وفناجين القهوة وكاسات العصير فجأة شعرت لما أنها تعيش مثل شاب عازب على الحد الأدنى لما : قالت لأم حازم " كنت مفكرة إنو عندي بيت طلع عندي مرسم " هههههههه أم حازم : معليش قلبي اللي عندي عندك خرجت للسيدات وهي تحمل طفلها في مفرش جميل جدا أحضرته لها أخت زوجها وقد شبكت عليه حليات ذهبية . بدأت الحفلة والموسيقى وبدأت الفتيات في الرقص وباركت لها السيدات وأحضرن معهن الهدايا . كان الجميع في شقة أم حازم ولكن شقة لما كانت مفتوحة الباب تماما وقد رتب الأكل على طاولة كبيرة وفرغ المكان تماما والمكان مزين وصور زياد في كل مكان هو : آه عاملين لها مباركة بس محدا قال لي دخل الغرفة وأغلق الباب وبقي في الداخل بدون أن يشعر به أحد ...........................يتبع | ||||
|
| |
|
13-12-11, 09:31 PM
| #148 | ||||
| نجم روايتي وكاتبة في قسم قصص من وحي الأعضاء وبقلوب أحلام
| صوت القلوب 46 كان الجو هادئا في البداية وفجأة سمع الكثير من الأصوات . أم حازم : اتفضلوا لهون نورتونا والله أصوات التبريكات والضحكات بدأت أصوات الحفلة في الانحصار وعاد الهدوء يعم مرة أخرى صوت أم حازم : ما بدك خلي حدا من البنات تنام معك مافيها شي يا قلبي خلص متل ما بدك سمع صوت الباب يغلق خرج من الغرفة كانت لما تحمل طفلها الذي بدأت تتغير تعبيرات وجهه وعرفت أنه يبكي وبدأت في اكتشاف سبب البكاء كان هو يشاهد لما وهي تضع الطفل على الكنبة الوحيدة المتبقية في الصالة وتحاول أن تطمئن أنه لا يحتاج للتغيير أمسك كتفها العارية خافت ووقفت وهي تحمل زياد فجأة هو : شوبك ليش خفت " وقبل جبينها وأخذ منها زياد وأخذ يقبل زياد حتى وصل لأقدامه ونزع حذاءه الصغير وقبلها " كانت لما تراقب وقلبها يرجف بشدة فقد شعرت بخوف أولا وهاهي تشعر بلهفة وغضب وحب وكره ، لم تعرف كيف تفسر كل ذلك التضارب في مشاعرها انسحبت مبتعدة عنه هو : أمسك بيدها " شو بك شو صارلك احكي معي متل أول ليش هيك صايرة يعني هلأ صار كتير إشيا ممكن نحكي فيها ليش ما بعتي لي شي ليش ما رديت على الرسايل شو صار ؟ مشغولة بزياد بعرف بس " لما : زمّت شفتها بشكل جعلها مغرية أكثر وهي بلونها الأحمر القاني واستدارت وبدأت تكتب لم يمهلها فقد رفع رأسها وأطبق على شفتيها بقوة . رغم أن لما لم ترد ذلك إلا أنها تجاوبت معه قبل أن تشعر بقوة داخلية تجعلها فجأة تنزع نفسها هو: كان متقطع النفس وهو يقول لها " شو بك زعلانة من شي بعرف تعالي " وأحاطها بذراعه ليسير بها للغرفة لما : سارت بسرعة وتركته ودخلت الغرفة وجلست على كنبة بعيدا عنه هو: حدث ابنه زياد امك كتير زعلانة معها حق بس شو اعمل يعني غصب عني " حرص أن تراه وهو يكلم زياد " وضع زياد على السرير وكلمها أنا غلطان بعرف مو لازم اتركك بهيك حالة يعني بعرف إنه مو حجة اتركك وإنت ما كملت غير عشر أيام وبغيب وإنت محتاجة لحدا حدك بعرف بس والله غصب عني بس خلص ح ابقى معك أسبوع كامل شو رأيك و لما : كتبت " مو زعلانة منك ولاشي ليش مفكر إني زعلانة ، انت مو مجبور على شي يعني انت خلص عملت كل اللي عليك ليش ازعل منك بشو قصرت ؟ أنا قلت بدي الولد وانت ما قصرت يعني نحن مو متجوزين عادي أنا مو غبية لا أنا بفهم وزياد عندي خلص كل الدنيا معي ليش بدي احكي معك أو ابعت لك " هو : تنهد ولم يعرف ماذا يجيب " كانت كلماتها المتعالية فوق جرحها والتي رغم بساطتها إلا أنها جرحته " بس إنت هيك كتير قاسية يعني صح بدنا نفترق بشي يوم بس لما : كتبت " آه بس انت اللي لازم تحدد اليوم ، لا أنا خلص حددت اليوم يعني انت بتحدده رسمي بس أنا حددت هاد اليوم نفسيا حددت يوم ما نترك قلبيا انت بتعرف شعوري ما بكذب بس خلص هلأ أنا تركت وانت اترك ايمتى ما بدك " هو: زياد امك ما بيتركها حدا هي بس بتترك لما : كتبت " زياد امك ما عندها شي أبدا بس عندها قلب وعندها كرامة ولو قلبها بيهين كرامتها ح تحط قلبها تحت رجلها " وخرجت من الغرفة هو : قوية قوية يا لما قوية يا ام زياد شو عليه هيك أو هيك كنا ح نترك بس يا ريت كنت أرحم شوي . بقي يهدهد زياد ويغني له يقتلني غيابك و أنا الي ميّت من زمان .. ميّت من عذابك و من جفا وقت ٍ عصاني.. من يوم افترقنا .. مات فيني كل حيّ .. و انتهى بي كل شي ..الي خذوك مني ... و الي ابعدوك عني ...ما دروا ..خذوا روحي معاك .. من غبت عني .. و أنا غريب ... مالي صاحب و لا حبيب ... كل البشر حولي أغراب ..و الجرح باقي بلا طبيب ...أفقدك .. مثل فقدان روحي ..و كلما زادت بي جروحي .. أشفق على ماضي غدا و راح ..و أشفق على عمرٍ امتلا جراح ...و أنا باقي .. أموت و أحيابك من كثر ما القلب ولهان .. و أقول ..الوقت لو جابك ليته رماك بأحضاني .. من يوم افترقنا .. مات فيني كل حيّ .. و انتهى بي كل شي ..الي خذوك مني ...و الي ابعدوك عني ... ما دروا .. خذوا روحي معاك نام زياد على ترنيمات والده خرج حيث كانت تجلس لما وهي تتساءل في نفسها " قسيت عليه لا قسيت على حالي أنا اللي انحرمت منه مو هو اللي انحرم مني، ليش كان مفكر فيي أصلا ؟ يا حسرة عليك يا قلبي شو تاعب حالك " هو: خلص معك حق أنا هلأ بدي احكي معك مشان السفر أنا حاكيت الدكتور كان نفسي يكون زياد مخلص شهر بس مع الأسف الموعد نهاية الأسبوع الجاية يعني بدك تقولي اليوم زياد اسم الله عليه صار عمرو تمان عشر يوم منسافر وعمرو خمسة وعشرين يوم شو قلت ولعلمك الموعد التاني مو قبل ستة شهور يعني يا هيك يا هيك شو قلت " لما : شعرت بألم لمجرد التفكير أنها ستترك ابنها ولو لساعة لكن في نهاية الأمر يجب أن تأخذ الخطوة ، يا هيك يا هيك . كتبت " ما ح قول إني بقدر بس ما قدامي غير هيك ومشان زياد لازم اعمل العملية لو بس بقدر ارجع اسمع مو مهم احكي المهم اسمع " هو : خلص اتفقنا هيك لما : وقفت ودخلت الغرفة وخرجت بعد قليل وهي تحمل بطانية ومخدات وأعطته هو : أخذ من لما الأغطية والبطانية والمخدة ووقف في حالة من الذهول لتصرفها معه " يالله شو قاسية وشو حلوة بيلبق لك الدلال يا ام زياد يعني ما سألتي شبعان أو جوعان " وضع كل شي على الكنبة ودخل المطبخ وأعد لنفسه طعاما وأكل كانت لما تتمنى لو رفض تصرفها تمنت لو قال ما بدي نفترق لا جسميا ولا رسميا يا ريت خانقني أو حتى قال بدي حقوقي غصبا عنك ليش هيك عم يعمل , ايه أكيد شو بعني له أنا أصلا ولا شي الولد وجبته شو باقي خلص دوري لازم افهم بقى شو مفكرة حالي بدي جيبه لعندي هيك " غيرت ملابسها ونامت من شدة التعب ولم تستطع أن تبقى ساهرة مع زياد مثلما وعدت نفسها فتحت عيونها لتجده أمامها وهو يحمل زياد ويهزه لما : نظرت إليه بمعنى شو صار هو: كان عم يبكي جوعان خديه لما : تناولت الطفل من والده وضمته على صدرها ليسكت مباشرة هو: شفت بس شم ريحتك سكت عارف وين أكله المحتال لما : أشارت بيدها أن اخرج هو: خلص فهمنا العمى شو يعني بطلع من البيت إذا بدك أنا باقي مشان ابني "كان في قمة الغضب وهو يتكلم " لما : شعرت أنها زادت عليه قليلا ، أخفضت رأسها وانتظرت أن يخرج قبل أن تنظف صدرها وترضع طفلها وهي تقول لنفسها " زعلت مشان هيك كان لازم قوصك أنا لكان " خاطبت زياد " شايف أبوك زعل وعيط علينا خليه أحسن هلأ لارتحت ، بس خفت وانت خفت ، لا تخاف ما بيقدر يعملك شي يا قلبي " استيقظت لتجده يعد نفسه للخروج لما : أشارت له وين رايح هو: بدي روح دور لي على شي فرشة تلمني شو رأيك لما : كتبت " ايه أحسن تعال الصبح وبالليل روح " كانت تعلم أنه منغاظ ولكن هذا هو الواقع فلم الزعل خرج من عند لما ووصل إلى أمه الأم : أهلين قلبي هو : قبل رأسها ويدها الأم : تعال افطر معي بعدني ما فطرت هو: يلا أنا كمان ما فطرت الأم: جاية بالليل مو قلت لك لا تسوق بالليل هو : لا أنا من امبارح العصر هون بس رحت لبيتي مشان خلّص شغلات وبعدين نمت كنت كتير تعبان الأم : يلا المهم إنك سالم قلبي ما عاد عاتبك هو: يا قلبي إنت حياتي يالله نفطر شارك والدته الإفطار وتبادلا الأحاديث ولاحظ أنها بدأت تنسى كثيرا من الأشياء وتتحدث عن الماضي أكثر من الحاضر بقي الأسبوع في عمل مكثف ولم ينفذ ما قاله من أنه سينام في مكان آخر واكتفى بالنوم على الأريكة التي أعدتها له لما بدون أن يتناقش معها أو يطلب منها العدول عن رأيها قال في نفسه " مو أنا يا لما اللي بذل حالي وأنا شايف عيونك وبعرف إنه لو بدي بقدر خليك تترجيني بس أنا ما بدي " مرت ثلاث أيام على هذا الحال لما : في صباح اليوم الثالث صحيت قبل أن يصحو هو أعدت الإفطار ونظرت إليه ينام بعمق "قالت في نفسها اتعوّد خلص عجبو المطرح" لمسته حتى يصحو هو : شو فيه ؟ لما : أمسكت رأسه حتى فتح عيونه وأشارت أنه تاكل ؟ بشكل يكاد يكون كوميديا هو : ضحك على حركتها وقال " ما بدي ح افطر مع امي واتغدى مع امي واتعشى مع امي وبدي نام على الكنبة مشان زياد ابني وبس " لما : رجعت ووكزته هو : خير شو فيه كمان ؟ لما : كتبت " أحسن كان ضميري تاعبني خلص قوم روح بدي افطر مع ام حازم " هو : جلس ونظر إليها ونظر للساعة وقال " باقي ساعة ما بدي اطلع هلأ على فكرة أنا باقي ب بيتي ما بيحق لك أو لام حازم تطردوني " لما : كتبت " آسفة بس تعودنا نفطر مع بعض " هو : وأنا آسف بس إنت عم تزيديها كتير ليش ما بدك نفترق ونحن أصدقاء شو الغلط ؟ لما : أخذت نفسا عميقا ودخلت للمطبخ وهي تعد القهوة وتفكر في كلامه ، ليش لا يعني ما عمل أي شي غلط بحقي أنا حبيته هو ما أجبرني وأنا قلت هلأ نفترق وهو رضي ليش ازعل خلص خليني متله قوية وشو يعني بدي موّت حالي عليه خلص خلينا نرجع نحكي ونتكلم عادي بس ما يلمسني أبدا هيك ح قول له " خرجت وقد كتبت " موافقة صداقة وبس ما تلمسني أبدا " هو: ايه هيك يلا بقى فكي العقدة لما : ضحكت وكتبت " يلا نفطر سوا لكان " هو: ماشي منفطر سوا جلسا وفطرا سويا وهما يضحكان وهي تحكي له كيف تبقى طوال الليل مستيقظة حتى تحرس زياد هو: بس صار لك كم يوم عم تنامي لما : كتبت " يمكن لأنك هون قلبي متطمن إنك هون ح تسمع زياد " هو : إن شاء الله بتعملي العملية وبتسمعيه بنفسك . توجه بعد الإفطار ليقابل أخته هو: هلأ صار وقت أهم مهمة الك اختي الأخت : خير شو هو : بدنا نترك زياد عندك ونسافر الأخت : وشو بدي قول لأبو كريم وامي و هو: بتقولي إنه ابن صاحبتك راحت تعمل عملية مافيها شي غلط الأخت : والله مو عارفة شو قول خليني احكي مع أبو كريم وبعدين برد عليك هو : اختي والله مالي غيرك أو مضطر احكي لامي و الأخت : لا بخاف يصرلها شي خلص أبو كريم طيب كتير ما ح يهون عليه لو شاف الولد أصلا هو : يلا أنا ناطر جوابك لأن أنا ولما مسافرين بعد يومين الأخت : خلص جهز أمورك أخي هيك هيك ح يقبل ، شو يعني بعد ما جيب الولد وامه وابوه مو هون شو ح يطلع بايده يعمل هو : ههههههههههههه والله إنت قوية ...................................يتبع | ||||
|
| |
|
13-12-11, 09:32 PM
| #149 | ||||
| نجم روايتي وكاتبة في قسم قصص من وحي الأعضاء وبقلوب أحلام
| صوت القلوب 47 استعد للسفر وأخبر لما ما يجب عليها جلبه معها واتصل ب زوجته هو : كيفك قلبي شو عاملة هي : غرقانة خالص في الشغل إيه دا مش بالحق أعمل أي حاجة خاصة لنفسي الله يكون في عونك وهنا وهناك انت كنت بتعمل إيه عشان تروح البيت ؟ هو: هههههههههههههه بعد بكير لسى ما شفت شي مشان تعرفي بس إني كنت عم قاتل هي : آه والله معاك حق هو : اسمعي بدي خبرك إني لازم سافر مشان ماما يعني .. هي : معقولة للدرجة دي طب ح تغيب قد إيه ؟ هو: ما بعرف بس مبدئيا شي تلات أسابيع هيك قال لي الدكتور هي : يعني ح قول إيه روح وربنا يساعدك وأنا ح انتحر هنا ههههههههه هو: لا شو تنتحري اصمدي و اوعي تنهاري هي : حاضر أيها القائد تمام هو : أيتها الجندية استمري في الموقع واستعيني بالعريف جان هههههههههه هي : آه روح ربنا يرجعكم بالسلامة وابقى طمني عنك وعن مامتك و أنا ح حاول أكلمها و هو: لا بلا ما تحكي معها هي : طيب المهم تكون كويسة هو : باي قلبي اتصلي وطمنيني على كل شي بيصير معك هي : باي يا قلبي أكمل أعماله المتبقية وحاول أن ينظم كل شيء لأبو كريم خرج من مكتبه لأبو كريم أبو كريم : اتفضل بدي اسألك على كم شغلة هو: يلا قول كل شي مو مبين معك ، لأنه الشهر الجاية بكون مسافر برا وبدي اياك تعمل كل شي يعني أنا خلص عملت التقيل متل ما بيقولوا أبوكريم : والله أنا بحاول بس بدي اطوشك بالاتصالات يعني هو: يلا قول بدأ الاثنان في مناقشة كل ما يمكن أن يحصل في خلال الأسابيع القادمة أبو كريم : هلأ بعد ما خلصنا احكي لي شو مخبي عني مشروع مسافر مشانه ؟ هو: آه شو بدي قلّك يعني بيوم بدك تعرف بس انت ادعي لي إنه كل شي اعمله اتوفق فيه والله محتاج الدعوات وخلي ماما تدعي لي أبو كريم :الله يوفقك أخي والله انت رجّال طيب ومافي منك ولا عمرك ظلمت حدا هو: ابتسم بسخرية " بينه وبين نفسه , آه لو تعرف كيف ظالم مرتي وظالم لما وظالم حتى ابني وامي مين بس باقي مو ظالمه معي " أبو كريم : بكرا الصبح سفرتك بأي ساعة ؟ هو: ليش عم تسأل ؟ أبو كريم : مشان مرّ عليك هو: لا ما تتعب حالك أبو كريم : بدك تتغدا معنا اليوم يلا هو: لا بدي آكل عند امي أبو كريم : والله بخاف تكون اختك عند حماتي ههههههههههه مشان تتغدا هو : ضحك ايه معك حق قصد أمه للغداء معها وكانت أخته والأولاد بالفعل هناك أيضا انتهى الغداء وتوجه الأطفال للعب في غرفتهم . الأخت : أخي تعال شوي بدي احكي معك هو : ايه ماشي عن إذنكم يا جماعة أبو كريم : لا تصدقها ما عملت لها شي مفترية هو: ايه أنا أصلا بصفّك ما تعتل هم الأخت : بعرف نحن يا حرام مالنا غير الله ههههههههه الأم : الله يعينّا بنتي شو بدنا نعمل هيك نحن تحت جناحات الرجال دائما دخل معها لمكتب والده الذي ما زال كما هو الأخت : شو هلأ بكرا انت ح تجيب الولد أو بمرق عليك يعني مو معقول انت تجيب الولد وكمان كيف بدي اطلع قبل الفجر مشان آخد منكم الولد هو : وضع رأسه بين يديه والله لما ح تجن ويمكن ما تقبل تسافر لو بقي الولد بعيد عنها هون كم ساعة ح تبطل من وجع الفراق أنا نفسي والله الفترة اللي ببقى بعيد عنه بموت كل دقيقة الأخت : هلأ بدي حل مو مندبة ، شو الحل ؟ هو: اسمعي أنا بجيب لك الولد مع لما قبل الفجر باتصل فيك ومنمرق بلموزين عليك وإنت بتطلعي وبتاخدي الولد منّا وبعدين واجهي أبو كريم إنه صاحبتك وزوجها مرقوا و تركوا لك الولد وسافروا . الأخت : ايه ماشي بدي شرّب أبو كريم دوا كحة ههههههه مشان ينام ما يصحى أبدا هو : ضحك اعملي شو ما بدك بجوزك جوزك وإنت حرة فيه الأخت : خلص تعال بس خلي لما تطلع تعطيني الولد الله معكم قلبي رجع في وقت متأخر ومثل العادة لم يفتح النور ووجد مكانه معدا له هو : يا سلام كتير طيوبة يا لما محضرتيلي المطرح " كان ساخرا " بقي صاحيا حتى شعر أنه بحاجة لتدخين سيجارة حتى يخرج الألم وينفثه مع السيجارة ، وين بس بدي لاقي هلأ سيجارة ؟ . سمع بكاء زياد قام إلى زياد ليوقظ لما ودخل كانت لما مستيقظة وواضح أنها لم تنم أبدا وهي تحمل ابنها وتسير به هو : بعدك ما نمتي ؟ لما : أشارت برأسها أنه لا هو: ليش بس لهلأ قاعدة من على بكرة الصبح عندنا سفر " وتنهد " هاتي الولد ونامي لما : رفضت وقربت الولد أكثر لصدرها هو: طب تعالي اقعدي مشان نحكي شوي جلست لما وولدها في حضنها هو : قبل ما يطلع الضو ح نمرق على بيت اختي ونعطيها زياد لما : بدأت الدموع تتساقط من عيونها لتقع على وجه زياد هو : هلأ بدك تغرقي الولد بالدموع ؟ كلها أيام بس ومنرجع وبتصيري تسمعي صوته ، صوته حلو كتير بس مزعج و لما : ضحكت عندما قال مزعج " وأشارت بيدها أنه لا ابني مش مزعج " هو : ايه ما إنت مو سامعة بس إن شاء الله لمّا تسمعي ح تقولي إنه إزعاج كامل بس هلأ حقك تدافعي عنه لما : أعطته زياد وقامت وأحضرت حقيبة وبدأت تعد حاجيات زياد وتمسح دموعها وتعمل حتى وصلت لقفل الحقيبة وانهارت على الأرض وهي تبكي بشدة كمن فقد أحدا هو : وضع زياد على السرير واقترب منها " خلص اهدي بقى ليش عم تعملي هيك وضمها إلى صدره " لم يبق طويلا هو حتى كانت دموعه تتساقط دون أن يستطيع السيطرة عليها " سحبت نفسها من صدره ونظرت إليه والدموع تبلل خده " لما : سحبت الدرج المقابل لها وأخذت دفترها ومنديلا مسحت دموعه " ثم كتبت " انت أول مرة بتحس إنك بدك تفارق روحك أنا تاني مرة وكل مرة متت ألف مرة فارقت غادة مشان تتعافى وكل ليلة عم احلم فيها وهلأ ح فارق ابني مشان اتعافى أنا يا ريت بقدر خفّف ألمك بس أنا كتلة من ألم الفراق " كانت تريد أن تقول له أيضا " وانت ح تكون تالت فراق بس بدون أمل لاجتماع أبدا ع الأقل اولادي ح ارجع شوفهم وابقى معهم بس انت عصفور حبي اللي طار وهديت على غير شجرة " هو : قبل يدها وقال " يا ريت فيّ خفّف عنك كل ألم بالدنيا ، يا ريت اقدر احميك من كل شر ومن كل البشر حتى منّي أنا ما كنت ح قصّر ولا دقيقة بس مقصوصة جناحاتي ما بقدر اعمل شي لو بقدر ما بخلي عيونك تعرف شو معنى الدموع لو بقدر ما بخلي على تمك غير بسمة لو بقدر ما بخلي يملا قلبك غير الفرح ولو بايدي ما بخليك تحلمي غير بالملائكة والأزهار وغادة وزياد بس أنا عاجز سامحي عجزي واعذري ضعفي . لما : كانت تقول له مع كل أمنية حبّني دخّلني قلبك هنيك كل شي بدي اياه ما بايدك تعمل شي ، بس بتقدر تحبّني قول بحبك بس قول هي الكلمة و ح تقدر تزرع بقلبي الفرح وترسم على شفتي البسمة وتدفع عني كل شرور البشر حبّني وكل أحلامي بتكون حدائق زهور الحب بس ما بدك ولا قادر تعطيني قلبك مسامحتك والله مسامحتك وعاذرة ومو طالبة شي . قامت إلى طفلها وداعبته حتى رأت بسمته أشارت إليه أن تعال هو : ايه اسم الله عليه ضحكته بتجنن حان الموعد وحزما الأمتعة وخرجوا لما : تركته ينزل وعرّجت على أم حازم هو : أشار إلى الساعة أنه وقت متأخر لما : لم ترد عليه هو : نزل وتركها مع زياد أمام باب أم حازم أم حازم : وين قلبي لما : مسافرة ادعي لي إني طيب واقدر اسمع أم حازم : ضمتها وقبلت الطفل وبدأت الاثنتان بالبكاء لما : آسفة لازم انزل سلمي ع البنات جوزي ناطر تحت نزلت لما ودخلت خلف زوجها الذي كان ينتظرها في الليموزين طوال الرحلة إلى منزل أخته تبادلا تقبيل زياد في كل أنحاء جسمه و قبل أن يصل بدقائق قليلة اتصل ب أخته هو : خلص افتحي الباب هلأ لما بتجيب الولد الأخت : بصوت منخفض أوك أنا برا ناطرة خرجت لما وهي تحمل ابنها والحقيبة وتكاد لا تحملها قدماها لتصل للباب وتسلم زياد الأخت : بكت مع لما وقالت " معليش قلبي ما تخافي عليه متل ابني شو بك روحي وإنت قلبك مرتاح ما تخافي أبدا " لما : نظرت إليها وكأنما تترجاها الأخت : والله متل ابني ما تخافي لما : انسحبت رغما عنها وعادت إلى زوجها الذي كان هو الآخر يبكي في صمت " ما أن دخلت حتى تكومت في حضنه وهي تبكي " هو : مين فينا بدو يواسي مين يا الله شو صعب كتير الله يخليك النا يا زياد يا ابني " شو متمني ارجع وخلص بس لازم مشان تقدر تعتني فيك وتحس فيك متل مو لازم وعندها فرصة لازم تاخدها " وصلا إلى المطار ومضى الوقت دون أن يشعرا بشيء غير صوت زياد يرن في أذنه ولما تسترجع ابتسامته الجميلة هزها حتى تقوم لأن الطائرة جاهزة للمغادرة لفرنسا ومثلما مرت ساعة الانتظار مرت ساعات السفر ذكريات جميلة كلها تتمحور حول زياد . استيقظ أبو كريم على صوت بكاء زياد أبو كريم : مين هاد شو صار مين جابو أم كريم : هاد ابن صاحبتي اللي حكيت لك عنها اللي هداك اليوم طلبت الدكتور لابنها مو أنا قلت لك عن ظروفها أبو كريم : ايه وشو هلأ ؟ أم كريم : سافرت وتركت الولد عندي " وابتسمت بشكل باهت " أبو كريم : لا جنيتي يعني هلأ إنت بدك تتحملي هيك مسؤولية ليش يعني و شو بدو يصير لو صار له شي أو أم كريم : أعوذ بالله اسم الله عليه مافي شي ، يعني وين بدها تودي الولد مثلا مافي عندها حدا المخلوقة يا قلبي شو بك أبو كريم : والله إنت جنيت أم كريم : هلأ شو اعمل يعني خلص سافرت المخلوقة شو اعمل يعني ارمي الولد احكي قول أبو كريم : والله أنا ما صدقت عمر يكبر شوي ويسكت من هيك نق بتروحي بتجيبي ابن صاحبتك ؟ أم كريم : شوف شوف كيف عم يتطلع فيك ويضحك أبو كريم : يالله شو حلو بيشبه حدا بعرفه مو غريب عليي هالوجه بتعرفي بيشبهك شوي أم كريم : بلشت تخرف أصلا الاولاد كلهم بالعمر هاد بيشبهوا بعض أبو كريم : قولتك بس كتير كربوج هاتيه تعال " وحمله وأخذ يغنجه " أم كريم : شو رأيك نجيب ولد ؟ أبو كريم : اهدي اهدي خلص خدي نفس يلا خدي نفس تاني مافي اولاد ولا شي الله يبارك لنا باولادنا يا حياتي وخدي الولد بدو تنضيف يلا اشتغلي بضمير . أم كريم : هات " بغضب " والله انت الخسران ، بعدين لا تترجاني هي قلت لك أبو كريم : هز رأسه وهو يضحك على زوجته وغرامها بالأطفال والله مخلوقة مجنونة الله يستر على هالطفل بس لحد ما نرجّع الولد لأهله ورفع صوته " احمي الولد من عمر ح يطق لو شاف الولد بايدك " أم كريم : ايه والله عمر ح يطق بس شو اعمل . بينها وبين نفسها " الله يوفقك يا أخي وتعافي مرتك وترجعوا لابنكم بأسرع وقت " .................................يتبع | ||||
|
| |
|
13-12-11, 09:33 PM
| #150 | ||||
| نجم روايتي وكاتبة في قسم قصص من وحي الأعضاء وبقلوب أحلام
| صوت القلوب 48 وصل للفندق الذي حجز فيه أخذ المفاتيح وصعد معها للغرفة وقفت وهي تتأمل الغرفة وربتت على كتفه وأشارت بمعنى ليش غرفة مش اتنين . هو: يييييييييييييي علينا إنت بتعرفي تحكي معهم بتعرفي شي هون ؟ ما تخافي أنا قد كلامي بس إنت يمكن خايفة من حالك تضعفي لما : عملت حركة بوجهها " بمنتهى الغرور " وأخرجت ورقة وقلم وكتبت أنا عارفة حالي ولا يمكن اضعف أنا حاملة همك خلص انت حر ، يلا بدي روح اتحمم . وأخرجت ما تحتاج من ملابس ، كانت تشعر بألم لأنها لم ترضع زياد من فترة ولكن صمتت ولم تقل شيئا غيرت ملابسها وراعت أن تكون ملابسها ساترة جدا وواسعة ناما كلا في طرفه القصي وأفكاره الخاصة وإن تمحور أغلبها حول زياد . وفي الصباح بقيت ساكتة وتفكر في زياد طوال الوقت ، أخرجت دفتر رسمها وبدأت في رسم طفلها وحاولت أن تتذكر كل ابتسامة منه وكل وقت نظر إليها وهي ترضعه وتخيلته معها وهي ترسم بدأ اللبن ينزل رغما عنها ويبلل ملابسها وضعت واقيا وبدأت تبكي . رجع من الخارج وهي تبكي خمّن أنها في حالة من الاشتياق لزياد لم يقل لها شيئا واتصل ب أخته هو: كيفك شو عامل معك زياد الأخت : الحمدلله بس مو راضي يرضع بدو امه شو اعمل يالله يالله رضع بعد ما تعبني شوي هو: شو يعني ما أكل شي ؟ الأخت : ايه صعب يتعود على شي بسرعة يعني خلص اتعوّد على امه يلا خير إن شاء الله بعد أول يوم يمكن يتعود أو بدو شي يومين هو: يييييييييي يلا خير ، حطي الكاميرا عليه بدنا نشوفه ممكن الأخت : ايه ممكن ليش لا لحظة بجهزه و باتصل بعد دقائق جهزت أخته زياد ليكون في بث مع أمه ووالده وضع الصورة أمامها فجأة لم تفكر وهي تمسك زوجها وتقف إلى جواره وهو يضع ذراعه حولها وهي ترخي رأسها على صدره وتنظر لصورة زياد وبعد دقائق من النظر وهي تلمس بيدها صورة زياد وتضحك وتبكي معا انتهى البث. وشكر أخته عادت للبكاء ولكن مع ألم هذه المرة هو : شو بك مو اتطمنتي عليه خلص ما بو شي لما : تكومت في السرير وأشارت له أن يذهب هو : جهزي حالك شي ساعة عندنا موعد مع الدكتور مشان يحدد الفحوص ونشوف شو لازم نعمل لما : هزت رأسها أنها موافقة هو : اوف بس لو أعرف شو بك برتاح ، احكي شو صايرلك لا أكلت ولا شربتي ولا راضية تبطلي بكي مو معقول طفلة إنت ؟ بعد دقائق جلست ونظرت حولها كان هو يجلس على كرسي في البلكون وينظر لها تارة وأخرى للنهر الذي غدا يشق المدينة الصاخبة لبست واستعدت وخرجت إليه وكتبت " يلا " هو: يلا وصلا للطبيب الذي ما أن وضع يده على جسمها وهو يفحصها حتى لاحظ حرارتها المرتفعة الدكتور : حرارتها عالية هو: شو ؟ وأمسك رأسها وإذا فعلا الحرارة عالية سألها " بشو حاسة من شو موجوعة " بينه وبين نفسه كنت حاسس إنك موجوعة بس ما عم تحكي لما : حطت يدها على صدرها بخجل الدكتور: قال له " زوجتك ترضع ؟ آه لابد أن نتخلص من مشكلة الحليب وعلى العموم مع الأدوية والبنج قد يجف اللبن ومع الفترة الطويلة بعيدا عن ابنها أيضا .وأنا إذا وافقت سأعطيها أدوية تجفف الحليب تماما وهكذا ترتاح هو: اوف " بينه وبين نفسه إذا قلت لها ما ح تقدري يمكن ترضعي الولد بعد العملية ح ترفض العملية عارفها هو أحسن شي إني قول لها ح يعطيك دوا يخفف لك الألم وخلص " قال لها : بدو يعطيك دوا يريحك مشان الوجع بصدرك لما : كتبت " إذا رضعت ابني بيروح الوجع بعرف " هو: هلأ زياد مو هون خلص خدي الدوا وبعدين ... منشوف لما : طيب أكمل الدكتور الفحوص وأعطى لها الأدوية التي تخفض الحرارة وتجفف اللبن . غدا اعملوا الفحوص ثم نحدد موعد العملية لأن المرة الماضية لم تكتمل الفحوص لأنها كانت حاملا هو : شكرا يا دكتور خلص بكرا منكمل كل الفحوصات وإن شاء الله خير عادت ورمت نفسها على السرير من شدة ألمها هو : يلا كلي من الصبح ما أكلتي شي وخدي الدوا لما : رفضت الأكل هو : أجلسها وقال لها " اسمعي نحنا مو تاركين ابنّا وجايين لهون وقلبنا عم يتقطع مشان نعمل هيك نموت من الجوع ونمرض بدنا نعمل العملية وبدك تشفي ونرجع يلا بلا دلع كلي لما : مع خوفها وألمها وزعلها منه غير أن كلامه كان صحيحا بدأت تأكل وهي تتألم هو : خدي الدوا يلا اشربي كان صارما معها وقال " أنا ح أعطيك الأكل والدوا وإن شاء الله على بكرا بتكوني صرتي منيحة لو ما كنت ساخنة كان كمّلنا اليوم الفحوص لما : بينها وبين نفسها " كان بدي ارجع لابني يا الله شو خلاني اقبل بس مجنونة أنا تركت ابني واجيت " فعلا لم يأتي الصباح حتى كانت الحرارة قد خفت عنها وبدأت تشعر بشكل أفضل . وأكملوا باقي الفحوصات اكتشفت جانبا آخرا في زوجها وهو صرامته وقوته عندما يريد شيئا بشكل لم تتخيل أنه موجود ورغم أنها شعرت بالخوف والألم لأنه لم يغنجها أو يتحايل عليها كما توقعت ولكن رغما من ذلك أعجبت بذلك الجانب منه كذلك , شو بس لازم يعمل مشان اقدر اكرهه ؟ ولو شو والله الظاهر مافي شي ممكن يعمله بيخليني اكرهه أصلا أنا غبية أصلا شو ذنبه هو بس أنا الهبولة متل ما بيقول . أكملوا الفحوصات وكل ليلة تقريبا يشاهدان زياد الذي تعود أخيرا على الرضاعة الصناعية وحان موعد العملية بعد خمسة أيام من حضورهما لفرنسا . كان ينتظر في الخارج ورغم كل التطمينات التي ساقها له الطبيب غير أنه كان في شدة القلق عليها . أراد أن يتصل ب أبو أحمد ويطمئنه بمجرد أن تخرج من العملية كان يعلم أنها سوف تسمع ولكن المشوار الأكبر هو في استعادة القدرة على الكلام رغم أنها حسب كلام الطبيب لها فرص أكبر أن ترجع للكلام لأنها لم تفقد القدرة على الكلام مع الولادة وإنما بعد أن تعلمت الكلام وهناك فرص جدية والمشكلة قد تكون عائقا نفسيا أكثر من أن تكون عائقا آخرا طبيا وعضويا استمرت العملية خمس ساعات وعندما خرج الطبيب هو: ها خير شو خبرني نجحت العملية الطبيب : من الناحية العضوية العملية ناجحة والجهاز " القوقعة السمعية مركبة في موقعها " والأعصاب توصلت يعني الحمدلله لايوجد أي تعقيدات واجهتني من هذه الناحية وغدا سوف يكون تجربة أول الأصوات عمليا مع أن التجربة على استجابة المخ تمت تحت التخدير . هو: إن شاء الله خير وبعد ما تسمع إن شاء الله شو باقي الدكتور : تبقى معنا تقريبا من أسبوعين لعشرة أيام لأنها ستشعر بالدوار والأصوات ستكون شيئا غريبا عليها وهناك بعض الناس من الممكن أن تتأثر نفسيا أي ربما نحتاج لطبيب نفسي ثم نبدأ بالبحث عن طريقة لنستطيع أن نتواصل لغويا هو: واديش ممكن تستغرق إعادة التأهيل اللغوي سمعت إنها طويلة الدكتور : الفترة تستمر من ستة أشهر لسنتين في حالات مثل حالة زوجتك لأنها عندها أصلا القدرة وكانت تعرف أن تتكلم لفترة من حياتها لكن مشكلتها امتناع نفسي لكن أحيانا يكون الامتناع النفسي أصعب بكثير هو: الله يكون معنا شكرا يا دكتور " ست شهور كيف ممكن نقضي كل هاد الوقت هون والله كتير ، منشوف شو ممكن نعمل " دخل إليها وهي مربوطة الرأس ونائمة مثل ملاك . أراد أن يبقى معها ولكن طلب منه الذهاب والعودة في الصباح عاد إلى غرفته وفكر أن يتصل ب أخته ولكنه قرر أن يطمئن أبو أحمد أولا . هو : هلا أبو أحمد الحمدلله طلعت من العملية وكله تمام بكرا إن شاء الله بتسمع أول صوت طبيعي أبو أحمد : الله يبشرك بكل خير يا ابني هاد أحلى خبر إن شاء الله بكرا بتسمع وبتحكي هو : أبو أحمد هي لما من عمر اديش بالضبط صارت ما تحكي ؟ أبو أحمد : هي انصابت بالحمى وعمرها شي خمس سنين بس بطلت تحكي نهائي وعمرها سبع سنين لمّا دخلت المدرسة بطلت تحكي يمكن وعيت على مشكلتها ومن بعدها أنا طالعتها لمدرسة تناسبها هو : ايه فهمت أبو أحمد : بتعرف إنه أحيانا كنت أنا وامها نسمعها عم تحكي لوحدها بس أول ما تشوفنا تبطل بس بعد ما ماتت امها بطلت فرد مرة ما عدت سمعت صوتها أبدا هو : ايه لما عانت كتير ، مو شوي اللي شافته الله يكون معها يعني لعمر ال 14 وهي بتحكي ؟ أبو أحمد : ايه بتحكي بس مو مع حدا هيك كنا نسمعها تحكي مع حالها بس بعدين خلص هو : ماشي إن شاء الله خير بحكي للدكتور أبو أحمد : ابقى طمني الله يخليك هو : ابنك شو أخبارو أبو أحمد : الله يستر ما عاد حكى معي ورجع يشتغل وسمعت إنه بدو يسافر عن جديد بركي هيك قال لي آخر مرة إن شاء الله خير هو: خير خير .مع السلامة أبو أحمد اتصل ب أخته هو: كيفك وكيف الاولاد يا أحلى ام كريم يا أعز اخت و الأخت : ههههههههه يلا الظاهر من الصوت إنه كل شي تمام الحمدلله هو: جنبك حدا الأخت : ايه امي هو : هاتي لسلم عليها بس قبل زياد شو أخباره طمني قلبي الأخت : متل القمر حتى امي كتير حبته ههههههههه هو: يا قلبي عليها امي والله نفسي احكي لها كل شي الأخت : روق شوي هو: هاتي لسلم عليها الأخت خدها " امي هاد أخي بدو يحكي معك " هو : كيفك امي شو عاملة مشتاق لك كتير الأم : يا تؤبش قلبي أنا كتير مشتاقتلك يا قلبي هو: شو عاملة حياتي الأم : والله ولا شي بس مع اولاد اختك بتعرف اختك جابت لها صاحبتها ولد سبحان الله فيه منك كتير بس اختك عم تقول إني خرفت بس والله فيه منك هو: الله يخليلي اياك يا امي وتشوفي اولادي ادعي لي يا امي ادعي لي محتاج لك كتير الأم : عم ادعي لك قلبي وادعي لاخواتك كلهم الله يسعد كل أيامك يا رب هو: أحلى كلام منك يا امي يلا سلمي على الكل وعلى اختي وجوزها الأم : مع سلامة يا قلبي . كانت هي تلم الأوراق من أمامها عندما حضر جان جان : بعدك هون عن جد متل ما قال جوزك شغيلة هي : عاوز إيه مش اتكلمنا امبارح في كل حاجة إيه لسى فاضل حاجة تانية ؟ جان : لا في بعد جبت الخطة كاملة وبدي نناقشها سوا شو رأيك هي: حطها وأنا ح شوفها مافيش وقت لازم اروّح يلا باي وأخذت الأوراق منه وخرجت عادت " اتفضل اخرج " وأغلقت باب مكتبها جان : كتير عملية صايرة وكبرتي وزدتي حلا و هي: اخرس واتفضل احنا هنا في مكان شغل وبس انت مش بتعرف تفرّق دي مشكلتك أنا أعرف ولو مش بعرف كان لازم أطردك لكن مدامك بتفيد الشغل ليه لا . وخرجت وتركته كانت في طريقها للمنزل عندما وصلها اتصال منه . هي : يا حياتي بجد كنت محتاجة اسمع صوتك هو : وأنا أكتر ما تتخيلي هي : عامل إيه والست الوالدة عاملة إيه هو: الحمدلله كله تمام اليوم انعملت العملية باقي شي اسبوعين وبعدين منشوف هي : ربنا معاك يا حبي هو : شو بو صوتك مالك طبيعية فيك شي ؟ هي : لا عادي لكن الشغل متعب أوي هو : لا بك شي امبارح حلمت فيك هي : ضحكت ، و حلمت إيه بقى ؟ هو : يعني شو بتتخيلي ممكن احلم فيك ؟ كتير مشتاق لك هي : وأنا أكتر والله ومش حلمت بيك يوم بس لا أنا كل يوم وأنا صاحية وأنا نايمة شفت هههههههههههه هو : بدك تخليني اتهور واطرقها سفرة لعندك هي : تعال ح موت وأشوفك الليلة هو: آه ارحميني شو هاد ولعتي قلبي هي : أحسن خليك ههههههههه هو : جبروت منين جبت القسوة يا أرق قلب بالدنيا هي : بحبك وكل يوم بيزيد حبي قد كل الأيام اللي قبلها حاسة ح يجي يوم أموت من كتر حبك هو : سلامة قلبك بوسي لي حالك بالمراية هي : هههههههههههه طب وانت كمان هو : يلا باي بشوفك قلبي بحبك هي : باي أشوفك بحبك ............................يتبع | ||||
|
| |
 |
| أدوات الموضوع | |
| انواع عرض الموضوع | |
|
|
1Likes
.png)
.png)
العرض العادي
