14-02-12, 12:08 AM
| #41 | |||||
| نجم روايتي وأميرة حزب روايتى للفكر الحر وفراشة الروايات المنقولة 
|  اقتباس:
هلا ياقلبي ....ليال مين مايقدر يحبها ههه ...لا اهل جراح وخصوصا امه بتشوفي علاقتهم كيف بتكون وبتدعي لهم من قلب لانهم يستاهلون لانهم يوقفون مع الحق لو ايش مايكون وليال من الي شافته من ابوها كرهها في العيش مع اخوانها واهلها ........وعمها بيكون بوجه المدفع المهم عنده مايظلم ليال بس شوفي ابوها الحقير شبيسوي بالمقابل والحين بنزل احلى بارتين لعيونك وان شاء الله يعجبوك | |||||
|  |
|
14-02-12, 12:09 AM
| #42 | ||||
| نجم روايتي وأميرة حزب روايتى للفكر الحر وفراشة الروايات المنقولة
| البارت السادس طلال:الا ماقتلي اشرايك بختيار اخوك جراح وهوه يبتسم:اول مره بحياتك تسوي شي زين طلال:من صجج الحين كل الي اسويه مايي ابعينك جراح:لا بس اختيارك غطى على كل تصرفاتك احسن شي سويته بحياتك العصر دقت ام جراح على ام فواز وتفقت معاها على كل التفاصيل ..أما الريايل صالح عطا كلمه حق ابو جراح انهم يملجون من يوصل ابو فواز من السفر الانه جراح مستعيل وايد بيوم الي وصل فيه ابو فواز من السفر فواز من فرحته بليال مانطر عمه صالح اي وقول حق احمد انه ليال انخطبة اهوا الي قاله..واحمد بدال لايفرح عصب وقلب البيت على راسهم حصه:احمد الله يهداك ..ليش معصب جذي احمد بصراخ:اشلون ماتبيني اعصب وعيالج ماحسبولي حساب محمد:يبه انت على العين وراس احمد يقاطعه بصراخ:اكلو تبن مابي اسمع صوت واحد فيكم حصه:احمد العيال ماغلطو علشان تصارخ جذي البنت يولها خطاب ولمن شافت الولد وافقت فواز:يبه الريال ونعم فيه محترم والكل يمدح فيه احمد: عرفنه انه الريال محترم بس اختك مو مالت زواج فواز:اي ليش عاد شلي ناقصها احمد:هذي موكفو زواج ...انا ناقص فضايح محمد:يبه ليال ماغلطة ...والعيب بيعقوب الترف احمد بصراخ:لو العيب منه اشلون تزوج ولا عنده عيال ماتقولي شلون ترف فواز:وايد اجنوس متزوجين وعندهم عيال ومحد حاس فيهم ...بلاويهم كله بره البيت احمد بصراخ:انا قلت مابي اسمع صوتكم والزواج هذا مايتم وبشوف كلامي الي بيمشي ولا كلامكم بليل ابيت صالح فواز:عمي اقولك قلب البيت على راسنه وقال ازواج ماراح يتم صالح:الزواج بتم وبموعده بعد وفوق كل هذا بيكون برضاه محمد:شلون وهوا موراضي ويقول اختكم مومالت زواج صالح:لاحوله ولا قوته الا بالله فواز:عمي خوفك يأذيها او يسوي فيها شي سعود:لا ماأتوقع يسوي شي اكثر من الحبس صالح:انتو خلكم اهني وانا الحين بروح اكلمه ..وان شاء لله كل شي يصر مثل مانبي فواز:عمي مافي وقت لازم انحل المشكله ابسرعه صالح:لاتحاتي ان شاء لله كل شي بينحل ...انا الحين اروح واتفاهم معاه فلة ابو جراح جراح وهوا داش البيت :السلام عليكم الكل :وعليكم السلام خالد:ياي من الشركه جراح:لا يبه كنت بعشاء عمل دانه:ههههههههههههه عشتو عشاء عمل .....قول عندي شغل جراح وهوا يخزها:اقول لادخلين بشي مايخصج فاهمه هنادي بنبره حاده:دانه تكلمي مع اخوج بحترام دانه :وانا شقلت خالد:داني بابا جراح اخوج الكبير ومايصير تتكلمين معاه بهل اسلوب دانه :ان شاء لله جراح:الله يعين فراس عليج وعلى اسلوبج...شكلج مابطولين عنده خالد:يحمد ربه انه ماخذ بنتي وين بلاقي وحده مثلها وبأخلاقها هنادي:اهيا لو تبطل اخبال اتصير شيخة البنات خالد بحنيه:ياحلاتها وياحلات خبالها هذي دانه بمعنى الكلمه كادي:الحين كل هل حجي الحلو حقها وانا بنت البطه السوده جراح:والله البيت بدون بنت البطه السوده يصير كأيب ...انتي ضحكت البيت وروحه كادي:حبيبي والله ...محد يرفع معنوياتي غيرك علشان جذي احبك اكثر من طلول بو دم اثقيل خالد:الا طلال وينه مو مبين جراح:طلال طالع مع ربعه هنادي:اكيد طالع مع ربعه ...يعني مو طالع مع بنت ابليس جراح:لايمه طلال مع احمد وبدر (ربع طلال من عمر وكله مع بعض وعرفون كل سوالف طلال وحنان ) هنادي :اكيد جراح:يمه انا في مره جذبت عليج هنادي:لا بس اخوك مايوز عن سوالفه خالد:الله يهديه ان شاء لله مادري لي متى بيظل على هل وضع جراح:والله اذا تبون رايي زوجوه الي يبيها وريحوه ورتاحو هنادي :هذا الي ناقص بعد مابقلى الا عيال الفقر خالد:هذي ماتصلح اتكون مرة طلال جراح:يمه ليال بعد مومن مستوانا وبنت فقر على قولتج هنادي:بس ماتكلمك والبنت متربيه عدل واهلها ناس ونعم فيهم ..مو هذي استغفر الله لايبلانا سيرتها على كل السان كادي:اصلن اهيا ميته على فلوسه خالد:اكيد ماتشوفينها كل مابغت شي دقت عليه ..وطلال بس يدفع هنادي :خلونا من سيرتها....اليوم يوصل ابو ليال كادي:ياااااااااااي وناسه ماما بلييييز قوليلهم نبي حفله جراح وهوا يبتسم:ليش تبين حفله كادي:وناسه الحفله وفوق كل هذا ودي اشوفك كاشخ بالبشت جراح:شوفي انا ماكنت ابي لاحفله ولا شي بس والله علشانج بنسوي حفله هنادي:لا يمه بنسوي حفله محفوفه جراح:اي احسن كادي:الحفلات المحفوفه ارقى بس ماما ممكن اعزم ارفيجاتي هنادي:لا يمه مانبي غرب جراح:يمه خليها تستانس عزمي الي تبينه جم كدوي عندي كادي:وحده...جراح الله لايحرمني منك جراح وهوا يبتسم:آمين خالد:الحين بس الله لايحرمج من جراح وحنه تنحرمين منا عادي كادي راحت عند ابوها ولمته:وي الله لايقول انتو الخير والبركه انت عامود البيت وعامود قلبي جراح:دانه متى بيتزوجون جنكم طولتو بالملجه دانه:ماتقولي شسوي ننطر البيت يخلص جراح:ومتى يخلص خالد:يبيله شهرين وخلص بيتهم وبعدها يتزوج جراح:خل يقعدون بشقه وبعدها ينتقلون خالد:ابوه موراضي يقول البنت ماتقعد بشقه هنادي:الحمدالله الله رزق بنتي ريل وحموله سنعين خالد:ابو فراس طاير فيها وكل ماشافني مدحها جراح:اكيد يبي مدحها تربية بوجراح لازم اتكون سنعه والكل يمدحها بيت بو فواز صالح :ياخوي لي متى بتخلي البنت ...ليش اتوقف نصيبها احمد:خلها جذي احسن لها ولنا صالح:بس انت مالك حق تمنعها من الزواج ...الله حلل لها الزواج وانت مايصير تتعرض مايصير اتوقف نصيبها احمد:خل تقعد عندي الي قاعدين بيت اهلهم ماصارلهم شي ولا ماتو صالح بنبره حاده:بس ليال يمكن تتعقد ولا بصير فيها بلا بسبتك ليل ونهار حابسها بالغرفه ..خليتها تخاف من ضلها ..بالله عليك الي تسويه صح احمد:بنتي وانا حر بتربيتها صالح بعصبيه:لا منت حر بتذبحها وتقول بنتي لا والله منت حر ...هذي بنتي مثل ماهي بنتك وليال راح تملج على جراح الخميس الياي احمد:وانا قلت الزواج ماراح يتم صالح ضل فتره ساكت علشان يهدا ولا يعصب اكثر صالح بعد ماهدا شوي:ياخوي الولد انا اعرفه من سنين واخوه رابي مع سعود واهله ناس زينين وانا اعرفهم عدل احمد:العيب مو بالولد ليال ماتصلح لزواج صالح:ترى ذبحتنا بهل كلمه شنو ماتصلح ليش اهيا شلي يعيبها كامله والكامل الله...وليال لاهي اول ولا اخر بنت ردت بيت ابوها بيوم عرسها وانت عارف كل شي بتفصيل احمد:عارف بس كلام الناس موراحمني والله مالي ويه اطلع صالح بدهشه:لا انت اكيد ينيت والله لو ليال بنتي افتخر فيها وامشي جدام الناس وانا رافع راسي ومايهمني كلام الناس الانهم يمشون وطلعون عيوب الناس وناسين عيوبهم احمد:....... صالح:احمد انت ترضى تكسر كلمتي جدام الريايل احمد:لا والله مو انا الي يكسر كلمة اخوه الكبير صالح:خلاص يعني احنا متفقين انا عطيت بوجراح كلمه يتم الزواج بنفس الاسبوع الي توصل فيه احمد:عطني مهله افكر صالح:مايحتاي اتفكر الولد واهله ونعم فيهم وعيالك يعرفونه عدل يعني مايحتي تسأل عنه انا والشباب ماخلينا احد الا وسألنا عنه بس الحين نبي موافقتك على الملجه احمد:م واهيا بنتك خلاص املج عليها وخلك ولي امرها صالح بنبره حاده:احمد انا قلت الملجه يوم الخميس واذا مارضيت انا الي بزوجها مر اسبوع على بيت بوفواز بمشاكل مالها اول وتالي ...ليال بالحسره عليها تطلع من الغرفه وكل يوم يسمعها اهانات وغير الطق الي تحصله .... ومن يصير اليل فواز ومحمد يدخلون الغرفه عندها بعد مايتأكدون ان ابوهم نام يقعدون يسولفون ويضحكون واغلب سوالفهم عن جراح ...وبنسبه حق بدلتها الي بتلسها يوم الملجه راحت السوق اهيا وامها والعنود بدون علم احمد وبوقت خروجه من البيت وخذت لها بدله بيوم الملجه صالح كان خايف انه احمد يخرب عليهم كل شي ....اتفق صالح مع خالد ابو جراح على انهم يملجون بدون حريم ولا حفله الملجه لريايل بس وبيت صالح وثاني يوم يسون الحفله فواز:عمي موجنه الملاج تأخر صالح:اتلاقيه على وصول طلال يساسر جراح:شعليه بعد اشوي بتشوف الحب جراح اكتفه ببتسامه ..كان مرتبك شوي طلال:جريح وين بتروحون جراح:مادري طلال:انا من رايي ودها الفندق اليوم وخلص جراح وهوا يبتسم:من اولها طلال:اي حار بحار جراح:لايبه كل شي بوقته حلو بهل وقت دخل الملاج وبعد السلام وسوالف وشرب الجاي ..بدت مراسيم الملجه وصارت ليال على ذمت جراح عند البنات رناد:ان شاء لله مايصير شي ويملجون بهدوء ليال:تتوقعين ابوي بسوي شي آلاء:لا ماعتقد الان الموضوع صار رسمي ومومعقول بفشل عمي صالح جدام الريايل لو بسوي شي جان سوى قبل الملجه العنود:لا تطمنو فواز توه مكلمني وقولي الامن مستتم البنات:هههههههههههههههههه� �ه ليال كانت مرتبكه وريلها تهتز بقوه العنود:ليول شفيج ليال بخوف:مافيني شي رناد:كل هذا ومافيج شي شوفي ريلج اشلون تهتز ليال:خايفه شوي العنود:لاتخافين ان شاء لله مايصير شي انت اقري المعوذتين وان شاء لله بترتاحين بدخلت فوازومحمد:السلام عليكم البنات :وعليكم السلام فواز:ليال اذا تكرمتي نبي توقيعج محمد:نبي توقيعج الاصلي مو مزيف..باجر اتوهقينا مع جراح واصير انا زوجته مو انتي .. الكل :هههههههههه ليال خذت القلم من فواز وهيا ترجف وموقادره اتوقع فواز:يالله ليول كله شخطت قلم ليال:ان شاء لله ..اوقعت ليال محمد:كلوووووش الكل:هههههههه فواز:مبروك ياأحلى عروس ليال وعيونها مليانا دموع وبنفس الوقت راسمه احلى ابتسامه على ويها:الله يبارك فيك محمد:هذي دموع الفرح ولا حزن العنود:لا فرح مو حزن محمد:ليول لايطوفج شكل جراح هههههه مرتبك وخايف ويها احمر رناد:عيل طافك شكل ليول وهيا خايفه وترجف محمد:اممم تتشمتين بختي....وهوا رافع ايده... انشالله اشوف فيج يوم يارنود العنود:فواز قول حق جراح اليوم مايشوف ليال باجر انشالله بالحفله فواز:ليش العنود:حلاته يشوفها اول مره وهيا على الكوشه محمد:واذا اصر يشوفها العنود:قولوله باجر قريب موبعيد ..يعني ماتعرفون اتصرفونه فواز:والله بي حوشه احباط محمد:ليول انتي ماودج تقعدين معاه ليال ويها صار احمرونزلت راسها محمد:عادي لاتستحين قولي جراح الحين ريلج العنود:انا قلت باجر يعني باجر محمد:عنود توني ادري انج نسره فواز:لا حدك عاد العنود مافي اطيب واحسن منها محمد:من يمدح العروس فواز:ريلها الكل:هههههههههههههه محمد:يقولون امها مو ريلها فولز:انا ومرتي ننياز امش خلصني خنروح انبشر جراح بالخبر محمد:ههههههههههه بصوره وانت اتقوله عند الريايل الكل كان يبارك حق جراح والكل مستانس ماعدا احمد الي كان كاتم اعصابه ويحاول يبين عكس كل هذا طلال:جراح ماتبي احد يسايركم بطلعه ترى انا حاضر جراح:اقول انطم احسنلك طلال:ههههههههه انشالله بعد مامشى اغلب الموجودين من الاهل وربع جراح محمد يساسر فواز:شوف شكل جراح جنه ناطر ليول فواز:لا ماتوقع محمد:متى ناوي اتقوله فواز:الحين ...وقام....جراح ممكن اشوي جراح:اي ..وقام معاه ...جراح كان متوقع انه بروح يشوف ليال الي كان يعد الايام عشان يشوفها فواز:والله مادري شقولك بس طلبات الحريم غريبه شوي جراح:لا عادي اذا ليال بخاطرها شي الحين يكون عندها فواز وهوا يبتسم:الموضوع مو مثل ماأنت متصور ..... اليوم ماراح اتشوف ليال جراح بستغراب:ليش فواز:اقولك طلبات الحريم غريبه ...يقولون عشان باجر يشوفها على الكوشه ومن هل الخرابيط جراح:اي بس الحين غير وباجر غير فواز:والله مادري شقولك بس ليال حابه اتشوفها باجر جراح بحباط:اذا هذي رغبتها مومشكله ننطر لي باجر ..بس اقدر اكلمها بتليفون فواز:اي عادي هذي مرتك ومحد يمنعك عنها جراح:خلاص عطها رقمي وخلها ادق علي فواز:والله ماتوقع ليول اتسويها جراح:ليش فواز:اكيد تنحرج جراح:خلاص عطني رقمها وانا ادق عليها فواز عطا رقم ليال حق جراح وبعد ماطلعو الكل رد البيت اساعه وحده بغرفة ليال جراح دق على ليال ليال من شافت الرقم ماردت وتحول على فواز الانها محولة على فواز من زمان بعد دقايق دق فواز على ليال ليال:هلا فواز فواز:ليول هذا جراح الي داق عليج ليش مارديتي عليه ليال:مادري فواز:الله يهداج احرجتيني معاه ...الحين يدق وردي عليه ليال:ارد شقوله فواز:ليول انتي ردي وخليه اهوا الي يتكلم وبعدها تطلع السوالف ليال:انشالله...بهل وقت جراح دق عليها..فواز الرقم نفسه قاعد يدق فواز:ليول اقولج هذا جراح ردي ولاطولين كافي ماخليتيه يقعد معاج ليال:انشالله..وردت..الووو جراح:السلام عليكم ليال:وعليكم السلام جراح:ليال ليال برتباك:نعم جراح:شلونج ليال بحراج:الحمدالله جراح:الف مبروك ليال:الله يبارك فيك جراح:انشالله احطج بعيوني وقلبي واسعدج ليال:.......... جراح:الووووو..ليال معاي ليال:اي معاك جراح:كان ودي اقعد معاج اليوم بس ننطر لي باجر دام هذي رغبتج ليال:..... جراح:ليال ليش ساكته ليال:اسمعك جراح:تسمعيني ولا منحرجه مني ...انا ادري انج منحرجه بس ابي اسمع صوتج ماقدرت ارد البيت وانا مومكلمج ليال كانت تسمع كلام جراح وهيا تحس انه الخوف الي فيها بدا يتلاشى ...عجبها اسلوبه وصوته وطريقته بالكلام جراح:ليال ليال:نعم جراح:اشرايج امرج الحين ونطلع ليال:لا ماقدر اطلع الحين خلها بجر جراح:على راحتج ضلو فتره يسولفون وبعدها ليال:جراح انا طولت ولازم اصكره جرح:حرام عليج بتخليني بروحي ليال:لازم انام باجر وراي قعده من الصبح لازم اكون بطالون امبجر جراح:والله ماودي اصكره بس مابيج تتعبين باجر ....بس بشرط من تقعدين من النوم ادقين على طول ليال:انشالله جراح:تصبحين على خير ليال:وانت من اهله جراح كان بسياره من صكه من ليال شغل غنيه الجسمي من فينا كان مطول عليها ويسمع كل كلمه يقولها الجسمي وهوا ناطر الحفله عشان يشوف ليال نهاية البارت | ||||
|
| |
|
14-02-12, 12:11 AM
| #43 | ||||
| نجم روايتي وأميرة حزب روايتى للفكر الحر وفراشة الروايات المنقولة
| البارت 7 جراح كان بسياره من صكه من ليال شغل غنيه الجسمي من فينا كان مطول عليها ويسمع كل كلمه يقولها الجسمي وهوا ناطر الحفله عشان يشوف ليال ثاني يوم الصبح بغرفة ليال العنود:ليال ..ليال ...قومي بسج نوم ليال:بس اشوي العنود:قومي ورانه حوسه يالله نخلص ونلحق على الصالون لازم نخلص من الصالون امبجر ليال:عنود والله مانمت شي العنود:والله محد قالج سهري مع حبيب القلب ...يالله قوم ليول والله تأخرنا ليال وهيا تقوم من الفراش:كاني قمت ارتحتي الحين العنود:اي ارتحت...ويالله بدلي انطرج تحت بسرعه مو طولين ليال:انشالله العنود:وي ماقتلج صباح الخير ليال وهيا تبتسم:صباح النور العنود:الويه ينور اليوم اضاهر جراح له يد بالموضوع ليال بنفس الابتسامه:جراح ....وسرحت ليال مع جراح والكلام الي دار بينهم العنود:ليول موقت سرحان يالله قومي بسرعه ليال:اوكي...وقامت خذتلها شور وبعدها زهبت اغراضها وطلعت مع العنود وآلاء فلة خالد اريام:مامي بليييز خلي سوزان (خبيرة التجميل) اتيلي البيت هنادي:مابتروحين مع البنات الصالون دانه:سوزان الميك ا ب الي تحطه عادي مايصلح للحفله اريام:سكتي ولي عافيج الي يسمعج يقول صج حفله اقصاها ابيتهم كادي:واذا الحفله ابيتهم شل مشكله اريام:من زين بيتهم يفشل ...قلت قاعات افراح بديره دانه:اريام مافيها شي وهذا شرط البنت تبي شي بسيط كادي:يعني لازم خبصه عشان العالم ترتاح..حلات الشي ابساطته اريام:حبيبتي الاشياء البسيطه مو لنا حق عيال الفقر كادي:ريمو استحي على ويهج شهل كلام دانه:الناس مو بفلوسها اناس ابمعدنها الطيب هنادي بنبره حاده:خلصتو هواش ...صج ماتستحون جدامي وتتهاوشون دانه :ماما مايصير تتكلم عن مرت جرح جذي ولا عن اهلها هنادي:اريام احسابها معاي بعدين بس الحين قومو خلصو شغلكم جراح وهوا نازل:صباح الخير الكل :صباح النور كادي:صباح الخير ياويه الخير صباح العسل ياعسل صباح الخير ياأحلا معرس .... كلووووووووش الف الف الف مبروك جراح:ههههه ...الله يبارك فيج والفال لج انشالله كادي :لا حبيبي انا مابي اتزوج بقعد عند ابوي ابرك من الزواج هنادي:الف مبروك يمه والله يهنيكم انشالله جراح:الله يبارك فيج يالغاليه دانه:مبروك جريح ا ن شا الله ويها يكون خير عليك جراح:الله يبارك فيج ... ريوم مافي مبروك شدعوه اريام بنفسيه:مبروك جراح:وليش طاعه بدون نفس كادي :الانه مرتك موعاجبه الانسه اريام جراح:ليش اريام:مومن مستوانا جراح:خذيت الي من مستوانا شسوتلي ...ولا شي اشلعت قلبي وقعدت كادي:سلامة قلبك انشالله ليال اترد قلبك بمكانه وتخليه ينبض بقوه جراح بنبره حاده:اريام مابي اسمع منج هل كلام مره ثانيه وحترام مرتي من احترامي فاهمه هنادي:ماعليك منها هذي ياهل ...قولي شلون العروس جراح:بخير الحمدالله هنادي:كلمتها اليوم جراح:لا هنادي :ليش جراح:انا قتلها اذا اقعدة ادق علي ..وليلحين مادقت اكيد نايمه هنادي:لا ماعتقد نايمه لي هل حزه دانه:جريح حتى لو قتلها دقي ماعتقد ادق جراح:ليش دانه:الانها تستحي ...انت دق احسن جراح:ليش تستحي انا ريلها هنادي:شي طبيعي انها تستحي ادق اول ايام الانكم ماخذيتو على بعض ليلحين ...روح دق على مرتك جراح يحاول يغير الموضوع:الا وين طلال هنادي:بشركه جراح:اي صح ...يالله انا اترخص وراي جم شغله لازم اخلصها يمه تامرين على شي هنادي:سلامتك يمه جراح:يالله مع السلامه هنادي:بحفظ الله عند ليال ليال وتليفونها يرن:امبيه هذا جراح العنود:وليش امبييه ردي عليه ليال:قالي دقي علي وانا نسيت العنود:انزين ردي قبل مايصكره ليال:الوووو جراح:مساء الخير ليال:مساء النور جراح:مرتي شلونج ليال وهيا تقمت ضحكتها:بخير عساك بخير جراح:دام سمعت صوت جانا الحمدالله بخير ليال:دوم انشالله جراح:شكلج طالعه ليال:اي جراح:امممم امس انا وصيتج على شي صح ليال:سوري جراح والله نسيت اتصل جراح:هذا من اول يوم نسيتيني ...عيل الله يستر بعد جم سنه ليال :لا والله بس العنود اخبصتني ماعطتني مجال اتنفس من الصبح على راسي تحن العنود:انا احن لو مخليتج على راحتج جان ماخلصتي لي باجر جراح:هههههههههه ليال تكلم العنود بصوت واطي:ارتحتي الحين فشلتيني جدامه العنود بصوت عالي:جراح الله يعينك على برودها جراح:ليال صج انتي بارد وايد ليال بحراج:لا العنود اتبالغ شوي جراح:المهم وينج فيه الحين ليال:الحين عندي جلست نظاره وبعدها بروح الصالون جراح:بتلبسين نظاره ليال:لا جلست نظاره حق بشرتي مثل مساج ويحطولي كريمات قبل المكياج كريمات مرطبه جراح:والله انتو يالحريم خرابيطكم لي الراس بس اهم شي خلصي ابسرعه من الصالون انا بي الحفله ابسرعه ليال:ليال انشالله بيت احمد بدخلة فواز البيت:السلام عليكم احمد وحصه:وعليكم السلام احمد بنبره حاده:فواز اليوم الي ليال اتروح فيه بيت ريلها انت تطلع من بيتي حصه:شنو يطلع ...يطلع وين يروح احمد:يدورله مكان يقعد فيه بيتي يتعذره حصه:شنو بيتك يتعذره ليش ولدي شنو سوى الي تطرده من البيت احمد بعصبيه:ولدج المحترم كسر كلمتي وعصاني وصغرني ابعين اخوي فواز كان يسمع الكلام وهوا مصدوم شلون ابوه يطرده وليش عشان زوج اخته ....واخته شنو ذنبها الي تنحرم من الزواج اهيا ماغلطة ...وهذا مو سبب عشان يطرده ليش يعاقبهم على ذنب اهما ماسوه حصه:ولدي مايطلع من البيت طول مافيني روح احمد:حصه من متى اترادديني وتعلين حسج علي حصه:الانه الي يصير مايتحمله بشر ليال وطقيتها وحبستها سنه كامله حتى دراستها ماكملتها بسبتك والحين ياي تطرد ولدي ليش شنو سوا عيالي متربين عدل احمد:لا انا ماعرفت اربيهم ...وحده رادتلي بيت ابوها بيوم عرسها اواحد يخطب حق اخته ويتفق مع الناس من وراي وجني مو موجود ...والباجي الله يستر منهم فواز:يبه انت كنت مواقف على زواجها احمد:لا انا موراضي على زواجها تدري ليش لانها بتردلكم مطلقه بعد فتره بسيطه هذي مو مالت زواج بس انت رحت وسويت كل شي ولمن قتلك اني مو موافق رحت قلت حق عمك عشان تجبروني اوافق حصه تقاعه:حرام عليك هذي بنتك ليش اتقول عنها جذي والله بنتي مافيها شي روح افحصها عشان تتأكد انه الكلام الي انقال عنها جذب بس حسبي الله ونعم الوكيل بالي شوه سمعتها احمد:انا ادري انها بنت ومافيها شي بس يمكن شاف منها شي ثاني فوازبستغراب:شي مثل شنو احمد:بنات هزمن كل شي توقع منهم فواز:الا ليال لايال ماتطلع منها العيبه ...والي صار كان قصبن عنها وشوف عيني انا ومحمد هذا مو ريال احمد:دام مو ريال ليش تزوج فواز:عشان يغطي على خياسه...والعيب يطلع فيها مو في اهوا حصه:احمد اذكر الله وهد اشوي احمد بصراخ:انا ولدج يطلع من بيتي يعني يطلع فاهمه ...وقام بحديقة النافوره الراقصه طلال:اليوم حفلة جراح حنان بضيقه:الله يهنيهم انشالله طلال:ليش تقولينها وانتي متضايقه حنان:طلوول لي متى واحنه جذي طلال:الله كريم حنان:الحين مرت اخوك مثل مستواكم من الناحيه الماديه طلال:لا حنان:دام لا ماتقولي اهلك ليش رضو جراح ياخذها ...ولا الانه جراح دلوعهم طلال:لا من قال بس جراح وضعه يختلف حنان:شلون طلال:مطلق وعنده بنت صغيره حنان:واذا مطلق وعنده بنت شنو يعني اهوا لا اول ولا اخر واحد يطلق وعنده بنت غيره عندهم كوكش وعادي يتزوجون الي يبونهم بس اهلك مايبوني طلال تضايق وايد الانه كلامها صحيح :لا من قال ...وبعدين انا اليوم طالع معا جابي اغير جو ليش انكد ولا تعودتي لازم اتنكدين علي كل ماطلعنه حنان:لاتلومني ابي اكون عندك ابيتك مليت والله مليت طلال:حنون خلاص قتلج غيري الموضوع وضلو ساكتين فتره كل واحد يفكر بكلام الثاني بس طلال ماحب يضل الوضع بينهم جذي طلال:حنون ماقلتيلي اشرايج بكشختي اليوم ...طلال كان لابس دشداشه ومغتر وهذي كانت اول مره يطل معاها جذي) حنان وهيا تبتسم:احلى من السبورت بوايد شكلك غير طلال:دام عجبج كل مره بلبس دشداشه وبغتر حنان :على طاري الغتره والعقال ...اذا تزوجنه راح اتمد ايدك علي طلال:طبعن لا مو انا الي يمد ايده على مره ولا بعد زوجتي وحبيبت قلبي حنان:اكيد طلال:اكيدين بس ليش سؤال الخايس حنان:بنت خالتي ريلها دايمن يطقها بالعقال وعلى اتفه الاسباب اليوم اتكلمني وهيا ميته بجي اتقولي جسمها صاير الوان من الطق...ومادري ليش خطر على بالي انك اتسوي مثله طلال :اممم يعني انتي خايفه من العقال حنان:اي اخاف انطق فيه طلال وعينه على النافوره:حنون انتي اشكثر اتين اهني مع اهلج حنان:وايد ليش طلال:ولمن اتين مايلفت نضرج شي بالحديقه حنان:لا مثل شنو طلال:شوفي بماأنج خايفه اطقج بالعقال راح اسوي شي يخليج كل ماتدخلين هل حديقه تذكرين طلال حنان:شبتسوي طلال وهوا يشيل العقال من راسه:هذا العقال الي خايفه منه حنان:اي طلال:الحين افكج منه ....ويقط العقال بنافوره حنان وهيا تضحك:طلول من صجك اتقط عقالك طلال:مو بس اقط عقالي اقط روحي وراه اذا تبين حنان:بس انتو عندكم قطت العقال اصقاط كرامه طلال:ماهمني احد وشنو كرامتي بدون حبج وبدون راحتج ورضاج وصار وقت الحفله بغرفة ليال ليال كانت واقفه قبال المنظره وطالع شكلها الي تغير بدلتها الي لونها فستقي بالوردي الفاتح والاوف وايت بس الي يشوف البدله يقول لونها اوف وايت والمكياج كان درجات الوردي وكانت ورافعه شعرهات بطريقه بسيطه وحلوه ليان:مساء الخير ليال وهيا تلتفت :مساء النور ليان:وااااااااااااااااااو ليول والله جراح اليوم يصير فيه شي كلمة جميله شويه عليج ليال:لاتبالغين وايد امل:مبروووك يااحلى عروس ليال:الله يبارك فيج الفال لج انشالله امل:لا مابي انا الفال حق رناد وآلاء العنود:ليول يالله صار وقت الزفه ليال:اوكي ...وبدت اتحس بربكه ...بس بنفس الوقت فرحه ماتنوصف شعور يختلف عن زواجها الاول جنها اول مره تتزوج ...سمت برحمن ونزلت على زفة راشد الماجد ....اوصلت لي الكوشه وخذتلها المصوره جم لقطه وقعدة ....وبلشة الاغاني وبلش الرقص رتاج كانت اتشوف ليان وتساس رامها:يمه منو هذي هنادي:مادري رتاج:ماشالله عليها حلوه شرايج نسأل عنها ونخطبها حق طلال هنادي:والعله الي عنده شيسوي فيها رتاج:اوف هذا ليلحين متمسك فيها هنادي:لي باجر دانه:ماما شرايج بجنتج هنادي :مايبيله كلام ماشالله عليها وايد حلوه ومبين عليها بنت حلال رتاج: بيبي فيس كادي :داني قومي نرقص دانه:اوكي بعد فتره من الحفله صار وقت زفت جراح والحريم كلهم تغطو عشان يدخل جراح نهاية البارت | ||||
|
| |
|
14-02-12, 08:44 AM
| #45 | |||||
| نجم روايتي 
| زيزفونة..........يا حبيبة قلبي يسلموا هالايادي على هالبارتين ......كتير حبيتهم........طيب هيو جراح أمور كتير مع ليال يعني صح عنده شوي حزم و هو بيحكي معها بس طبيعي هيك يكون الرجال اللي عمره فوق الثلاثين .... يا على قلبي ليال بس بدها الفكة من بيت ابوها الظالم...أخوانها و أختها حبابين بس هالاب لا إله إلا الله و لا كأنه أب..........معقول في هيك قسوة بقلوب بعض الناس...........لا حول ولا قوة إلا بالله............................ أما يا زيزفونة هالطلال و حنانوه بتاعته ما دخلوا قلبي بالمرة..........نفسي أجيب هوز مي و أرش الاتنين فيه.........عمت عينهم ما بيستحوا.....هو نازل حب و عشق متل الأهبل ببنت بتركب معه في السيارة عادي....شو هاد من وين بيجيبوا البنات كل هالجراءة........الله أكبر 4 سنوات ......... وين عقلهم مضيعين الدين والأخلاق....أستغفر الله العظيم.......... اسمعي زيزفونة المرة الماضية أعطيتيني طاف و لا رديتي علي بالنسبة للرواية....أما يا زيزفونة اذا بتحزني قلبي شو أعمل فيكي....والله مو ناقصة ....في البيت لحالي وحيدة ....فلا تحزنيني .....بعرف ما بهون عليكي................. سلمت يداكِ و عيناكِ صديقتي و وصلي سلامنا و تقديرنا للكاتبة الرائعة والمبدعة في رسمها لنا حياة ليال و كأننا نراها و نشعر بها.. مهاتي | |||||
|
| |
|
14-02-12, 09:19 AM
| #46 | |||||||
| نجم روايتي  
| زيزفووونه قفلة قوووة بالنسبة للبارتين ألف مبروووك ليال ,, فووواز ياقلبي عليك والله هالابو هذا مافيه بقلبة رحمه ابد ..أقول اطلع أحسلك وانبسط انت وعندوتك بس .. طلال ونهاية حبه لحنان هل صدق هي تحبه ولا علشاان فلووسه زي ماتقول امه .. واممم ايه عجبتني شخصبة هنادي وأسلوبها مع عيالها .... جرااااح ها ها ها << ضحكه شريرة ودي أشوف فيسك أذا شفت ليال ... زيزفوونة مشكووووورة ياقلبي على هالبارتين تسلم أنااملك ياقلبي وبانتظاار 3 بارتات أن شاء الله << وحدة ماتنعطي وجه ... | |||||||
|
| |
|
14-02-12, 10:58 PM
| #49 | |||||
| نجم روايتي وأميرة حزب روايتى للفكر الحر وفراشة الروايات المنقولة
| اقتباس:
الله يسلمك ياقلبي ........اذا لقيتها متواجدة راح اوصل سلامك لانها بعد هارواية راح توقف شوي بعد تعبها فيها لانها استنزفت طاقتها الجسدية والنفسية ووصلت لنا قصة ليال ببراعة وكأننا عشناها معاها ........وحتى روايتها الاولى بدعت فيها حييل واذا الله كتب راح انزلها لكم | |||||
|
| |
|
14-02-12, 11:03 PM
| #50 | |||||
| نجم روايتي وأميرة حزب روايتى للفكر الحر وفراشة الروايات المنقولة
| اقتباس:
الله يسلمك ياقلبي ......ولايهمك ياقلبي ماراح اردك بنزل ثلاث بارتات لعيونك ...دقايق بس | |||||
|
| |
 |
| أدوات الموضوع | |
| انواع عرض الموضوع | |
|
|
3Likes
.png)
.png)
العرض العادي
