14-02-12, 11:05 PM
| #51 | |||||
| نجم روايتي وأميرة حزب روايتى للفكر الحر وفراشة الروايات المنقولة 
|  اقتباس:
ههههههههههه خليها ليه تعلميها بعدين مااشوف مداخلاتها وردة فعلها من الاحداث ههههه  | |||||
|  |
|
14-02-12, 11:06 PM
| #52 | |||||
| نجم روايتي وأميرة حزب روايتى للفكر الحر وفراشة الروايات المنقولة
| اقتباس:
وعليكم السلام ورحمة الله وبركاته ......منورة يالغلا | |||||
|
| |
|
14-02-12, 11:09 PM
| #53 | ||||
| نجم روايتي وأميرة حزب روايتى للفكر الحر وفراشة الروايات المنقولة
| البارت 8 بعد فتره من الحفله صار وقت زفت جراح والحريم كلهم تغطو عشان يدخل جراح دخل جراح مع فواز ومحمد وابوه خالد ....دخل برتباك وتور من نظرات الي حوله مع العلم انه جراح لمن يدخل مكان ييهز المكان من قوت شخصيته والكل يهابه....لاكن هذا شعور كل الشباب لمن يدخل على الحريم بيوم حفلته على الكوشه وصل جراح ومن عينه طاحت ابعينها حس براحه كان يشوفها بنظرات وجنه يبي ياكلها بعينه شكلها زوغه ...كيكه ....وقف فتره وهوا يشوف شكلها والكل لاحظ نظراته لها هنادي:جراح يمه بوس راسها جراح:ها هنادي:جراح اشفيك بوس راسها جراح باس راسها وضل يشوف ملامحها وهوا قريب منها محمد:جراح لو سمحت وخر اشوي بسلم على اختي جراح وهوا يبتسم:سلم عليها بعدين مووقتك الحين فواز:هههه اقول انت الي مووقتك الحين جدامك العمر كله خالد وخرهم عشان يسلم على ليال:الف مبروك يابنتي ليال :الله يبارك فيك عمي وباست راسه خالد محمد:ليول الف الف مبروك جراح:اسمها ليال مو ليول ليال وهيا تبتسم :الله يبارك فيك حبيبي والفال لك انشالله جراح:ليال هل كلمه بس اتقولينها لي فواز ومحمد:ههههههههههههههههه محمد:الا وين المصوره ختصورنا....واشر للمصوره عشان اتصور ولمن يت بتصور محمد:لحضه خل اغير مكاني ...وياي يبي يوقف بين ليال وجراح وليال صارت بنص بين فواز ومحمد جراح:اقول مالقيت الا بنص تعال يمي محمد:بصور مع اختي انت شحارك ...ليول الله يعينج هذا من الحين جذي ...وحاوط ليال من خصرها ...يالله صوري جراح:محمد شيل ايدك فواز:بسكم مداحر جدام العالم شوفو الكل قاعد يضحك عليكم محمد يكلم المصوره:يالله يبا صوري وخذتلهم المصوره جم لقطه وبعدها اطلعو جراح:الله يعيني عليهم هنادي والبنات اصعدو على الكوشه وباركو حق جراح وليال وخذولهم جم صوره ...بعدها رتاج يابت الشبكه عشان جراح يلبسها ليال رتاج :جراح اخذ العقد ولبسها جراح وهوا يبتسم:رتوج المها والبسها صح رتاج:ههههههههههه لاحق دانه تساسر كادي:امبيه جراح اشفيه ين جنه مو شايف خير كادي:هههههههه فيه نقص لاتلومينه الشيفه الي كانت عنده ريال مو مره وفوق كل هذا ملسونه دانه :ههههههههههههههههه صح صح كادي:الفال حق الخبل يعقل ويتزوج دانه:منو الخبل كادي:في غيره طلول مجابلي السودانيه مالته ويقول ملكت جمل دانه:هههههههههههههههههههه لايسمعج والله يذبحج كادي:حبيبتي قبل لايجيس اشعره من راسي ابوي يذبحه ...بذه مو سودانيه دانه:هههههههههههههه من سمره سويتها سودانهي كادي:اقصد شكلها مو لونها دانه:اها .....انا ماشفتها عدل عشان احكم على شكلها هنادي:بسكم هذره ونزلو من الكوشه كادي:انشالله ماما ...ونزلت مع دانه من الكوشه بعد انتهاء جميع مراسيم الحفله من تلبيس الشبكه وشرب العصير وقطع الكيكه .....انزلو المعاريس من الكوشه وتوجهو لطابق الثاني من البيت العنود:جراح بعد اذنك بناخذ مرتك منك عشان اتبدل جراح وهوا يبتسم:بس لاطولون آلاء:لاماطول بس 10 ساعات ...على فكره مرتك بااااااااااااارده جراح وهوا يبتسم:ليال لاتطولين علي ليال انحرجت ونزلت راسها العنود:لاانشالله ماتطول ودخلت ليال مع العنود غرفتها عشان اتبدل اما جراح كان قاعد بصاله مع آلاء وخواته دانه وكادي يسولفون ويتعرفون اكثر على آلاء بعد ربع ساعه جراح:كل هذا تبديل آلاء:موقتلك مرتك بارده كادي:جراح اشفيك البنت ماطولت عادي جراح:صح انتو البنات لازم ساعه او ساعتين عشان تلبسون ربع ساعه شويه عندكم دانه:موبس البنات الحين حتى الشباب يطولون بلبس ...عندك فروسي اذا كنت ابيتهم وبنطلع يزرعني سنه ...لازم يسوي عرض ازياء قبل مايطلع يجرب كل ملابسه الي بالكبت وبعدين يقرر شنو يلبس كادي:جراح حتى انت اتطول وايد بالبس ...نسيت ولا اتحب اذكرك جراح وهوا يبتسم:بس ليال طولت ..آلاء ولا عليج امر روحي قوليلها تخلص ترى طلع فيني .... وقطع كلامه لمن شاف ليال طالعه من غرفتها ...كانت لابسه نفنوف اوف وايت وفيه حزام مطرز بذهبي على الخصر ..لي تحت الركبه ...وكانت مغيره الميك اب وفاله شعرها ...شكلها حيل ناعم وذرب كادي:كمل اشطلع فيك ولا العروس ربطت السانك جراح وهوا قايم ويعدل دشداشته :موشغلج البنات:ههههههههههه جراح راح صوب ليال ومسك ايدها .....وليال ويها تلون بالون الاحمر من الاحراج جراح:يالله مشينا كادي:تعال مايصير تطلع جذي جراح:ليش انشالله دانه:لازم تنزل على زفه جراح: بس ماطلبتي شي الحين ازفكم وهزئكم وبعدها انزل انتو بس آمرو البنات:هههههههههههه دانه:جراح حبيبي احنه قصدنا اغنيه جراح:في احد قالج اني ماأفهم ....خلصوني بمشي يالله العنود:الحين اقولهم يشغلون الزفه جراح:ام احمد مانبي زفه اذا نزلنه على زفه بيتيمعون حولنا وانا مالي خلق ....انا من رايي ننحاش احسن البنات:هههههههههههههههههه� �ه جراح:ولا شرايج ليال كلامي عدل ليال بحراج:عدل البنات :ههههههههههههههههههههههه العنود شافت الطريج وسوت مثل ماقل جراح خلتهم يطلعون بدون مايشوفهم احد بسياره عم الهدوء بين المعاريس فتره..جراح متوتر وموعارف شيقول ...وليال بنت وطبع البنت حياويه ...بس بعد فترت الصمت قرر جراح انه يتكلم جراح:طلع فيني فقع وانا انطرج ليال ابتسمت جراح:انتي كل مره جذي ليال بصوت واطي:اي جراح:امممممم ..يعني اذا بغيت اطلع معاج لازم اعطيج خبر قبلها بساعه او اكثر ليال:....... جراح:ليال وين حابه تروحين ليال بصوت واطي:مادري جراح:مافي شي اسمه مادري ليال:...... جراح:انزين مويوعانه ليال كانت ميته من اليوع بس ماقدرت اتقوله :.......... جراح:ليال مايصير جذي صارلي ساعه اكلم روحي ردي علي يوعانه ليال:لا جراح:انزين انا يوعان صارلي يومين موماكل شي ....وماقدر اتحمل اكثر من جذي ...المشكله الحين اساعه 12ونص والمطاعم كلها مصكره ....وانا يوعان شوري علي وين انروح ليال:عندك شارع المطاعم جراح:انروح شارع المطاعم ليش مانروح ....ماعليه اليله طوفيها وانشالله باجر انروح احلى مطعم ليال:عادي ماتفرق معاي جراح:شلون يعني ماتفرق معاج ليال:اهم شي اكون مرتاحه ...الاماكن العاديه بتصير احلى الاماكن بنسبه لي جراح: الله يقدرني واسعدج طول العمر ولا اخليج تحتاجين شي انشالله ليال بقلبها الله يسمع منك واكون اسعد انسانه ولا احتاج شي بفلا خالد طلال توه داش البيت وكان يتكلم بتليفون مع حنان:البيت صخه شكلهم ليلحين مايو حنان:يمكن نايمين او بغرفهم طلال:لا ماعتقد البيت هدوء شكلهم ليلحين بالحفله حنان:اظاهر العروس واهلها من طبقتكم الراقيه عشان جذي اهلك حلتلهم القعده بالحفله طلال:لا وين اهما ناس عادين حنان :دام عادين اشلون رضو فيها ...ولا جراح على راسه ريشه وانت لا ...اهوا ياخذ الي يبيها وانت لا طلال:الحين انا داش جو حلو معاج ليش تعكرين مزاجي ...خلاص تكلمنه بهل موضوع مليون مره حنان تقاطعه:قول انت الي ماتبي زواج بس تبي تلعب طلال بعصبيه:وانا من متى كنت العب او ادور لعب ....حنون فضيها حنان :بس هذا الي فالح فيه طلال:انتي الحجي ضايع معاج حنان:تدري شلون انا الحماره الي داقه عليك طلال:انتي حماره من زمان توج تدرين حنان:انت حمار مو انا طلال:اوووهووو...حنون خلاص اكلمج وقت ثاني حنان:يكون احسن ...وصكته بدون ماتسمع رد طلال طلال :حماره وغبيه بعد...وضل 5 دقايق وبعدها كتبلها طرش لها مسج(كلوبتي زعلتي)...بس حنان ماردت وطرش مسج ثاني(كلوبتي شكلها زعلانه وايد ) وهم ماردت...وبعدها طرش مسج ثالث(حبا ..قلبا ..اوعدج باجر افاتح امي بالموضوع مره ثانيه بس لاتزعلين) حنان ردت عليه (حجي ..اقول لاتفاتحها ولا شي الانه الجواب معروف) طلال :هذي شفيها ..شكلها فاصله على الاخر اوووف بدخلت هنادي وكادي واريام هنادي:دشي بسج قرقه ماتعبتي كادي:لا يمه ليلحين فيني حيل اسولف طلال:اذا انتي ماتصدعين راسنا بسوالفج منو الي يصدع روسنه هنادي:طلال متى يت البيت اريام:انا بروح انام تصبحون على خير الكل: وانتي من اهله طلال:قبل اشوي...يمه اشلون معنويات جراح كادي:جريح عال العال طافك نص عمرك طلال:الحين انا كلمتج ولا كلمت امي...شكو تتليقفين وتردين هنادي:اللقافه بدمها كادي:يمه انا مو ملقوفه حرام عليج ......هذا يزاي ابي اريحج بكل شي حتى بالكلام هنادي:مشكوره مابيج اتردين عني ....طلال قوم نام باجر وراك قعده من الصبح جراح ماراح يداوم طلال:اكيد ماراح يداوم .....والله انا من رايي ياخذ اجازه مفتوحه خل يستانس شوي من طلق وهوا حالته مايعلم فيها الا الله هنادي:صاج ...الله يهنيهم ووفقهم انشالله كادي وهيا رافعه ايدها:آآآآآمييييييييييييي� �ن .....والله البنت شكلها طيوبه وتدخل القلب طلال:الا وين دانه كادي:طالعه مع فروسها ...شكلها احترت من المعاريس وبتقلدهم ههههههههه هنادي:بنتي بعدها عروس الله يهنيها انشالله ويبعد عنها كل مكروه كادي:يمه انا وطلال مالنا نصيب اعطينه جم دعوه حلوه ولا مانستاهل هنادي:شلون ماتستاهلون انتو قطعه مني ومابي شي من الدنيا غير راحتكم وسعادتكم كادي راحت عند امها ولمتها:وااااااااااااي فديت ماماتي الحلوه ...الله لايحرمني منج هنادي:ولا يحرمني منكم الساعه 3 الفجر على البحر كانو يسولفون ويضحكون وناسين الوقت يحقلهم معاريس ...بس قطع عليهم السوالف صوت التليفون جراح:منو داق عليج هل حزه ليال وهيا ماسكه تليفونها:هذا فواز جراح:لاتردين عطيه طاف ليال:اخاف يبي شي جراح:امممممم .....خلاص ردي عليه ليال:اوكي....الوووو فواز:ليول اساعه جم الحين ليال:الساعه 3 فواز:موناويه تردين البيت ....ابوي موراضي ينام ناطرج تردين ليال:ليش فواز:بعد ماتعرفين سوالف ابوي ليال:قوله خل ينام لاينطرني وانا اشوي واي فواز:اوكي جراح خذا التليفون من ايد ليال:هلا فواز فواز:هلا فيك...ماشبعتو جراح:لا ماشبعنا بنخليها صباحي بطلع حرت امس كلها فواز:هههههههه.....متى ماصارت ابيتك طلع حرتك الحين ردها البيت الوالد موراضي ينام ينطرها اترد جراح:خلاص الحين ليال على ذمتي اردها ماأردها هذا شي راجعلي وقل حق الوالد خل يروح يرتاح اهيا مع ريلها مو غريب فواز انحرج من جراح وماحب يبينله الوضع الي عندهم بالبيت :اوكي على راحتك بس عطني ليال جراح:اوكي ..ليال فواز يبيج ليال:هلا فواز فواز:سمعيني اذا جراح سألج ليش ابوج موراضي ينام الا اذا رديتي قوليله اهوا طبعه جذي ماينام الا اذا تطمن انه كلنا بالبيت وحوله فاهمه ليال:انشالله فواز:وانا اشوف صرفه مع ابوي انتي ستانسي ولا تحاتين شي ليال وهيا تبتسم:اوكي فواز:يالله باي ليال :باي جراح:ياحلوه عمي موراضي ينام اضاهر يبي يكحل عيونه فيج ليال وهيا تحاول تبتسم:اي جراح:هذا قلب الابو لازم يكحل عينه بعياله وخصوصنا ذا كانت بنت ...فديت ملوكتي والله اليوم مابستها قبل نومتها ليال:الله يخليها لك انشالله جراح:قولي الله يخليها لنا ليال وهيا تبتسم:ولا تزعل الله يخليها لنا ونشوفها احلى عروس جراح:آمين بعد نص ساعه ليال:جراح انا لازم ارد البيت طولت وايد جراح:مليتي مني ليال:لا بالعكس بس انت تدري هذي قعدتي من الصبح وامس مانمت وادري انك تعبان وتبي اتنام جراح:انا كنت تعبان قبل ماأدخل بيتكم واشوفج بس بعد مادخلت تصح صحت ليال:ماتبي اتكحل عينك بملوكه جراح:اي والله ...اشتقتلها الخايسه ليال:شكلك متعلق فيها وايد جراح:ملاك كل حياتي...انا مطفي جهازي خل ابطله وادق على طلال اسأل عن ملوكه ليال:خوفك نايم الحين جراح:لاتخافين ملوكه مزعجه ماتخلي احد ينام لابليل ولا بنهار بس تبجي .....ومن فتح جهازه هلت عليه المسجات جراح:بل كل هذي مسجات .....اغلبهم من طلال اكيد ملوكه مومخليتهم ينامون ليال:ياحلوه جراح وهوا يقرا المسجات ملامح ويها تغيرت...وعلى طول دق على طلال نهاية البارت | ||||
|
| |
|
14-02-12, 11:11 PM
| #54 | ||||
| نجم روايتي وأميرة حزب روايتى للفكر الحر وفراشة الروايات المنقولة
| البارت 9 جراح:بل كل هذي مسجات .....اغلبهم من طلال اكيد ملوكه مومخليتهم ينامون ليال:ياحلوه جراح وهوا يقرا المسجات ملامح ويها تغيرت...وعلى طول دق على طلال طلال:انت وينك ليش مصكر جهازك جراح:طلال طمني ملوكه شفيها طلال :حرارتها مرتفعه وايد والدكتور يقول لازم اتنام بالمستشفى جراح بضيقه:لا ماتنام بالمستشفى ....اخاف يلعبون فيها طلال:جراح البنت حرارتها 40 يعني خطر عليها ولازم ينومونها جراح بدهشه:جم ..جم طلال:40 جراح:شلون اليوم ماكان فيها شي ...شلون ترتفع حرارتها فجأه....انت وينك بأي مستشفى طلال:انا مستشفى ...... لاطول تعال بسرعه جراح:طلول خلك عندها ولا تتركها ثانيه ...خلك واقف على راسها لين اوصل طلال :انشالله ولاتحاتي امي معاي وهيا قاعده بالغرفه معاها جراح:اوكي انا اوصل ليال البيت وايكم ...مسافة الطريج بس طلال:لاتسرع انا وامي معاها لاتحاتي جراح:انشالله ...وصكره من طلال وتفكيره عندهم وهشي كان واضح عليه ليال:جراح جراح وهوا ماله خلق شي:هلا ليال:لاتردني البيت بروح معاك المستشفى جراح :بس ابوج ناطرج ولازم يتطمن عليج ليال:لاتحاتي ابوي الحين ادق على فواز واقوله اني بروح المستشفى ....وبعدين ليش يحاتوني انا مع ريلي جراح :ليال انتي عروس وما تقاطعه:جراح البنت تعبانه ولازم انروح وانتطمن عليها ...وعلى فكره حتى بالمستشفى راح اكون عروس عادي جراح بتسم على كلامها :على راحتج بالمستشفى طلال دخل الغرفة ملاك هنادي:كلمته ولا ليلحين مغلق طلال:لاكلمته والحين ياي ...شلونها الحين هنادي:خنت حيلي بجت لين نامت طلال:يمه الي يسمعج يقول اول مره تنام بدون بجي ...انا اقصد حرارتها مانزلت هنادي:صارت 39.5 بس ان شاء الله تنزل البنت ضعيفه وايد وجسمها مايتحمل الحراره طلال:احنه الكبار مانتحمل بعد هل ياهل الله يعينها وصل جراح ومعاه ليال المستشفى ...جراح دق على طلال علشان يسأله عن رقم الغرفه ومن خذا رقم الغرفه توجه للغرفه ...ملاك كانت نايمه من التعب جسمها صغير وايتحمل الحراره هذي ...كانت نايمه وجسمها مكشوف بس لابسه البامبرز وايدها الصغيره لافينها كانو مركبين عليها مغذي ....اول مادخل جراح الغرفه على طول راح صوب السرير ...وليال سلمت وادخلت جراح:اشلونها الحين هنادي:الحمدالله حرارتها بدت تنزل جراح: الدكتور شنو قالكم هنادي:احتقان حاد باللوز جراح بستغراب :احتقان من شنو هنادي:يمه عادي اليهال لازم يصير معاهم جذي جراح وهوا يمسح على شعرها:يمه خلاص انتي روحي البيت وانا وليال بنضل عندها هنادي:لا يمه انت وصل مرتك البيت اكيد تعبانه هذي قعدتها من الصبح ليال:لا خالتي موتعبانه ...انتي روحي ارتاحي هنادي:على راحتج ...جراح اذا بغيت شي دق علي جراح:انشالله وقبل ماتطلع هنادي من الغرفه ملاك افتحت عينها من علا صوت جراح ومن عينها طاحت بعين ابوها مدت البوز شبرين وبجت جراح بحنيه :بس حياتي بس يقلبي ...يعله فيني ولا فيج ملاك كانت عيونها بعيون جراح ومن كلمها زاد بجيها هنادي :طلال انت روح وانا بضل اهني ليال:خالتي انا وجراح موجودين انتي روحي ارتاحي من الصبح وانتي واقفه جراح:يمه روحي ريحي الحين والصبح تعالي طلال:الحين الصبح ...يمه قومي يالله يمديج اتريحين ساعتين هنادي :جراح اذا حتجت شي دق وانا اقول حق خواتك يمرونك قبل مايروحون دواماتهم جراح:مايحتاج بس انتي روحي ريحي ...وانا وليال موجودين عندها هنادي:حط بالك عليها وباست ملاك وطلعت ليال قربت من سرير ملاك :ياحلوها الله يخليها لك جراح:الله يخليها لنا ليال:آمين جراح:ليال ملوكه عيوني الي اشوف فيها ونبض الي بقلبي ابيج تحافضين عليها وتكونين امها ليال:وامها وين راحت جراح:ليال ماحب اعيد كلامي انتي امها وبس ليال وهيا تمسح على راس ملاك:ان شاء الله ..جراح منو الي سماها ملاك جراح:انا الي سميتها ليال:وهيا فعلن ملاك اسم على موسمى اصبح في بيت بوفواز احمد:بنتج مارد البيت ليلحين حصه:لا بنت جراح بالمستشفى وهيا معاهم هناك احمد:وليش اتروح هناك ام البنت وينها حصه:احمد مها يكون لازم تكون موجوده عند ريلها بهل وقت احمد:دقي عليها وقوليلها ترد البيت حصه:احمد البنت مع ريلها احمد:ادري بس شتبين اناس اتقول حصه :واحنه شعلينه من االناس وبعدين اهيا مع ريلها مورفيجها احمد:ادري بس موعدله انها تبات بره البيت قبل العرس حصه:اهيا بالمستشفى مونايمه ابيتهم محمد:صباح الخير احمد وحصه:صباح النور محمد بعد ماباس راس امه وابوه:يمه اليوم ماراح اي على الغدا حصه:ليش محمد:بقعد مع الدكتور بعد المحاضره في جم شغله ابيه يشرحها لي احمد:دام بتكون بالجامعه اخذ راحتك اهم شي مستقبلك واذا ناقصك شي قول محمد:خيرك سابج يبه ...ورن تليفونه...هذي ليول ليش داقه عيزانه تنزل يعني حصه :ليال ليلحين مايت محمد:من صجها خل ارد عليها...هلا ليول ليال:صباح الخير محمد:صباح النور انتي وينج ليال:انا بالمستشفى بنت جراح تعبانه وايد ...حمود تقدر اتمر علي ابي ارد البيت ابدل ورد المستشفى مره ثانيه محمد:اوكي ... انتي بأي مستشفى ليال:احنه بمستشفى .... محمد:اوكي مسافت الطريج وانا عندج ليال:اوكي باي محمد:باي حصه:شفيها محمد:تبي امرها بتبدل وترد المستشفى حصه:والله انا بعد لازم اروح اشوف البنت وتطمن عليها احمد:هذا واجب محمد:وخذيلها معاج العاب حصه:اكيد مايصير اروح وايدي خاليه ...يالله قوم روح حق اختك لاطول عليها محمد:انشالله ....يالله مع السلامه حصه واحمد:بحفظ الله بالمستشفى رتاج اطق الباب وتدخل:صباح الخير جراح وليال:صباح النور رتاج:اوووه عروستنا هني ...شكلج من امس اهني وراحت اتسلم على ليال ليال:اي انا من امس هني رتاج:جراح حرام عليك البنت اكيد تعبانه ليال:مومهم انا اهم شي ملوكه اتصير زينه رتاج:الا شلونها الحين جراح:الحمدالله حرارتها نزلت وناطر الدكتور اي وبشوف من شنو الاحتقان الي معاها بدخلت الدكتور:صباح الخير الكل:صباح النور الدكتور وهوا يشوف ملف ملاك:اشلون البنوته الحين جراح:الحمدالله وايد احسن الدكتور:منو فيكم امها ليال:انا دكتور الدكتور :عندكم غيرها جراح:لا دكتور هذي البجر الدكتور:الواضح انه ماعندج خلفيه عن الاطفال بالمره جراح:خير دكتور البنت فيها شي الدكتور:البنت فيها اكثر من شي علشان جذي حرارتها اوصلت 40 ...وهذا يدل على عدم معرفت الام بتعامل مع البنت الانه البنت ماخذه بروده وفوق هذا قاعده تشرب حليب حار لي درجت انه اللوز عندها متضرر من شدت حرارت الحليب جراح:دكتور انا حاط لها مربيتين واهما الي يهتمون فيها الدكتور:اها يعني البنت بيد الخدم ...اسمحولي اقولكم هذا اهمال ...يابوملاك احمد ربك انه الموضوع وصل لي جذي مواكثر.....يامدام اذا مالج خلق اتجابلين بنتج نصيحه لاتيبين عيال وتقطينهم على الخدم الانه الخدم ماراح يهتمون فيهم حتى لو كانو زينين ...اذا انتي امها وقاطتها على الخدم ومالج خلقها شلون الخدامه الي ماحملت ولا ولدت بتحمل هل ياهل جراح يقاطعه:دكتور انت فاهم الموضوع غلط الدكتور بعصبيه:اي غلط احمد ربك انه البنت ما ماتت من اهمال اهما ليال:اسم الله عليها الدكتور:دام خايفه على بنتج جابليها وتحطينها بيد الخدم ليال:انشالله الدكتور:واذا حطيتيها بيدهم نبهيهم على الحليب لايكون حار وايد البنت لوزها محترقه تدرين شنو يعني محترقه طلع الدكتور من عندهم بعد ماهزئهم و ماعطاهم مجال يتكلمون كان معصب عليهم وخصوصن على ليال الي كانت طول الوقت ساكته وجراح الي انحرج من الموقف الي انحطت فيه ليال حصلت زفه محترمه بدون سبب ...اما رتاج اطلعت ورا الدكتور الانها حست بحراج ليال وماحبت تحرجها اكثر جراح:ليال مسحيها بويهي ماكان ودي تنحطين بهل موقف ليال وهيا تبتسم:حصل خير جراح:موزعلانه ليال:لا موزعلانه ونطق الباب جراح :تفضل محمد :السلام عليكم جراح وليال:وعليكم السلام بعد ماسلم على جراح محمد:سلامات شفيها بنيتنا الحلوه جراح:حرارتها مرتفعه ولحين الحمدالله صارت احسن محمد:جم كانت حرارتها جراح:40 محمد:بيييه وايد...لازم اتخلونها هل يومين بطبيب علشان يراقبون حرارتها جراح:اي الدكتور قال بخليها يومين هني وبعدا تطلع محمد:وحتى اذا ردت البيت لازم تراقبون حرارتها وتهتمون فيها اكثر ...واهم شي مواعيد الدوا لازم ابوقته وخصوصن المضاء الحيوي ليال:انشالله دكتور محمد محمد وهوا يبتسم:يالله ليول مابتمشين ليال:يالله....جراح ماراح اطول جراح يقاطعها:لا انتي روحي رتاحي وامي والبنات بيون بعد اشوي وانا برد البيت بريح اشوي وبعدها امر آخذج ليال:الي تشوفه...تامر على شي جراح:مايامر عليج عدو ...اذا حتجت شي بدق عليج ليال: مع السلامه ...وباست ملاك وطلعت بفلاة خالد اريام:صباح الخير باباتي خالد:هلا صباح النور اريام:باباتي قاعد ابروحك عيل وين ماما خالد:امج نايمه تعبانه اريام :من شنو تعبانه امس مافيها شي خالد:لا بس مانامت الا الصبح كانت بالمستشفى مع ملوكه اريام:ملوكه بالمستشفى اشفيها خالد:حرارتها مرتفعه ونوموها اريام:اها ...وماما ليش راحت معاها ....المفروض جراح ومرته يكونون عندها مو يطلعون ويستانسون وماما اتجابل بنته خالد:لا جراح كان هناك ومرته كانت معاه بس امج اتقول ملوكه كانت تعبانه وايد وماقدرت تخليها لين حرارتها انزلت اشوي اريام:امممم دانه:صباح الخير يااحلى ابو بدنيا كلها خالد وهوا يبتسم:صباح النور ...اشعندج قاعده من الصبح دانه:فارس بمر علي علشان انروح المستشفى ...حرام جراح من امس هناك ولازم يرتاح شوي خالد:اي يبه اخوج صارله جم يوم مونايم عدل من كثر الشغل وفوق هذا امس طول اليل بالمستشفى دانه:علشان جذي بروح هناك ورتاج هم هناك خالد:قواكم الله ...ابيكم جذي طول عمركم على قلب واحد وتشيلون بعض.....يالله انا تأخرت تبون شي دانه واريام:سلامتك خالد:دانه وصي الخدم لايصعدون فوق لين امج تقعد دانه:انشالله خالد:مع السلامه البنات:الله يسلمك دانه:ريوم ماتين اريام:وين دانه:المستشفى اريام:لا طابعن دانه:وليش انشالله اريام:مالي خلق اشوف اسحيله ام الخلاجين دانه بستغراب:منو هذي بعد اريام:منو بعد مرت اخوج ليال دانه بعصبيه:انتي صج ماتستحين على ويهج البنت اش سوتلج علشان اتقولين عنها جذي اريام:موشرط اتسوي كافي انها بنت فقر..ومومن طبقتنا الراقيه دانه:مالت عليج وعلى طبقتج الراقيه دام هذا اسلوبج وتفكيرج بناس...تدرين شلون انا اليم اعندي سالف الاني مجابله وحده مثلج اريام:يحصلج وحده مثلي دانه:صج سخيفه وشايفه نفسج على شنو مادري اقول وايد احسن اريام:يكون احسن ليال ردت البيت وخذت لها شور وعلى طول راحت نامت ...كانت تعبانه وموحاسه بالي حولها .....آلاء ادخلت عليها الغرفه اكثر من مره ولا حست فيها ...وامها نفس الشي .....وحتى تليفونها رن مليون مره ولا سمعته ....كانت بسابع نومه لاكن في شي خلاها تقعد من النوم ....الاصابع الي صارت بين شعرها بدت تلعب فيه والصوت الي صار قريب من اذنها وهمس لها :ليولتي ليال افتحت عينها شوي وردت غمضت عبالها حلمانه وبنفس النبره:ماودج تقعدين ليال افتحت عينها ومن شافت جراح انقزت :جراح انت من متى هني جراح كان ماسك ضحكته :من زمان ليال:اشلون تدخل وانا شكلي جذي جراح:شفيه شكلج ...بعدين الحلو حلو حتى اذا قعد من النوم ليال بحراج:اي بس جراح يقاطعها :لا بس ولا شي ...انتي شكلج مطوله بالفراش يالله قومي بروح المستشفى ليال:انشالله ...وبسرعه قامت ودخلت الحمام جراح ضحك على شكلها كانت متوتره .....وعلى طريقتها بالقومه من الفراش ابسرعه جنها خايفه منه....يعد مالبست ليال وخلصت اطلعو على طول متوجهين للمستشفى ليال:جراح جراح:هلا ليال:ودي اقولك شغله بس .... جراح:بس شنو ليال:اخاف ماترضى او تتضايق من الي بقوله جراح:وليش اتضايق ليال:مادري بس اخاف تتضايق الانه الموضوع يخص ملوكه جراح:ليال ماحب الف ودوران قولي ولاتحاتين شي ليال:اذا ماعندك مانع ...ودي آخذ ملوكه بعد ماتطلع من المستشفى جراح:وين تاخذينها ليال:آخذها معاي بيتنها ...جراح انت قتلي انتي امها والام لازم تهتم في بنتها جراح:بس انتي ماتعرفين حق اليهال ليال:منو قالك ...انا احب اليهال واحمداني على طول عندي وبعدين امي والعنود موجودين واذا حتجت شي اهما بساعدوني جراح:انزين انتي تعالي البيت عندنا ليال:انا ليلحين مومجهزه نفسي ويبيلي وقت ...جراح انتم وراضي انا اهتم فيها واجابلها جراح:لا بالعكس انا قتلج من قبل انتي امها بس انتي يبيلج وقت علشان تتعلمين عليها وملوكه طبعها صعب حنانه وايد ومحد يعرفلها ليال:كل اليهال جذي بس بنتك مومحصله اهتمام عدل وعلى قولت الدكتور الخدم قلبهم مايحترق على الياهل...وانا اوعدك راح احطها بعيوني وقتلك اذا حتجت شي امي والعنود موجودين ويساعدوني جراح:والله مادري شقولج بس صعبه علي اتنام بليل بدون ماأشوفها وابوسها ليال:بس جذي ...خلاص كل يوم تعال بيتنا ولاتطلع الا وهيا نايمه جراح:دام جذي مومشكله بس بالاول اخي الموافقه من اهلج يمكن مارضون ليال:وليش مايرضون هذي ياهل وماتسوي شي جراح وهوا يبتسم:بس ماراح اتخليكم اتنامون من حنتها ليال:لا انشالله مع الايام كل شي يتغير وتنام بليل بدون حنه ثاني يوم بيت احمد العايله كلها متيمعه على السفره يتغدون معادا ليال الي كانت بالمستشفى احمد:فواز لقيتلك مكان تقعد فيه حصه:ليش مكانه اشفيه احمد:مافيه شي بس مابيه يقعد ابيتي خل يشوفله اي مكان يقعد فيه فواز:يبه وين اروح وليش اطلع احمد بعصبيه:مابيك ابيتي وخلاص ومن باجر اتشوفلك مكان تقعد فيه عندك مهله شهر ادورلك على مكان وبعدها بقط اغراضك بشارع حصه:احمد احمد يقاطعها:انطمي ولا كلمه واذا موعاجبج انتي بعد روحي معاه...وقام من مكانه الكل كان مصدوم من الي سمعوه شنو ذنب فواز وليش يطرده من البيت ....وفوق كل هذا يقول حق امهم انتي بعد لحقيه....كل هذا عشان زوج ليال ولا في سبب ثاني غير هذا محد عارف الاجابه ولاعارفين شنو الي يدور براس احمد بعد يومين اطلعت ملاك من المستشفى وليال خذتها معاها البيت علشان اتباريها ...احمد ماكان عاجبه الوضع والبيت كله معتفس من بعد سالفت فواز...وفواز حالته مايعلم فيها الا الله موعارف شلون يتصرف يخاف يطلع من البيت وبعدها مايقدر يدخله مره ثانيه حتى بالمناسبات ...واذا ماطلع بتزين المشاكل بالبيت بستار بوكس سحر:هاي بنات البنات:هاي فرح:تأخرتي وايد سحر:شسوي كنت طالعه مع مساعد هيفاء:انتي ليلحينج معاه سحر:ولي باجر..المهم خلونه من مساعد مريوم عندي لج اخبار عن طليقج مريم:مابي اسمع عنه شي خيولي سحر:بس الموضوع مهم فرح:قولي ماعليج منها سحر:جراح تزوج مريم:بالعنه فرح:ومن بنته ماخذ سحر:الي سمعته انهم ناس عادين والبنت صغيره وايد وطيح الطير من السما نسيت اقولكم(مريم طليقت جراح وعمرها 32 سنه سمره بس السمار الغامج وناعمه الي حدن ما....والبنات الي معاها رفيجاتها بس ولا وحده منهم متزوجه الي مطلقه والي ماتزوجت بالاساس ) فرح:جم عمرها سحر:مادري بضبط بس جراح اكبر منها ب15 او 16 مادري بضبط مريم كانت من داخل تغلي بس ماحبت اتبين لهم هشي:اكيد ماخذته عشلان فلوسه..ولا ليش تاخذ واحد اكبر منها بوايد وطلق سحر:اهيا بعد مطلق...بس مو هذا المهم هيفاء :وشنو المهم سحر:قبل يومين بنت مريوم الا صج مريوم شنو اسم بنتج مريم:مادري فرح:هههههههههههههه اي شي في وحده ماتعرف اسم بنتها مريم:انا ماعرف ولا ابي اعرف المهم اشفيها سحر:بنتج كانت قبل بالمستشفى ولمن اطلعت خذتها مرت جراح عندها علشان اتجابلها هيفاء:سحور توني اكتشف انج غبيه ...اكيد بتاخذها معاها ابساصه الانها مرت ابوها وقاعده معاهم بنفس البيت سحر:لا البنت ليلحين في بيت ابوها يعني ليلحينها بالملجه ماتزوجت مريم انفجرت:نعم نعم ...الحين مايخليني اشوف بنتي ولا وحطها عند ناس غرب ...هين ياجراح ان ماوريتك النجوم بعز الظهر ماكون مريم والله لخليك تندم على الساعه الي تزوجت فيها فرح:مريوم منصجج حارقه اعصابج ...فراغه خيولي اهوا وبنته وانتي عيشي حياتج سحر:كلام فرح صح وبعدين اعتبريها خدامة بنتج ...بتكبرها وتباريها وانتي عيشي حياتج والبنت مردها لج اذا كبرت هيفاء:اي والله وانا اكبر مثال عندج طول عمري عايشه بعيده عن امي ومن كبرت وعرف انها مو ميته مثل ماقالولي رحت عندها لاتحاتين مردها لج مريم:واهيا فعلن خدامة بنتي بس هم ماراح يهدالي بال ولا ارتاح الا بعد ماأقلب حيات جراح كلها وخليه مايعرف اليل من النهار فرح:ياك الموت ياتارك الصلات ....مريوم اذا حطت ابالها شي اتسويه لو شنو نهاية البارت | ||||
|
| |
|
14-02-12, 11:27 PM
| #56 | ||||
| نجم روايتي وأميرة حزب روايتى للفكر الحر وفراشة الروايات المنقولة
| وهذا بارت ثالث لعيون عانقت طيفك ........اتمنى لكم قرأة ممتعة .......وان شاء الله الاقي ردود حلوة البارت العاشر مريم:واهيا فعلن خدامة بنتي بس هم ماراح يهدالي بال ولا ارتاح الا بعد ماأقلب حيات جراح كلها وخليه مايعرف اليل من النهار فرح:ياك الموت ياتارك الصلات ....مريوم اذا حطت ابالها شي اتسويه لو شنو بليل في بيت بوفواز ليال كانت حايسه مع ملاك الي طول اليوم تبجي وموعارفه اشلون اتسكتها .....واحمد من دخل البيت وهوا معصب الانه ليال ماخذه بنت جراح احمد بعصبيه :حصه ...حصه حصه:خير بوفواز احمد:اي خير ...روحي قولي حق بنتج اتسكت العله الي عندها لااذبحهم حصه:بوفواز حرام عليك هذي ياهل ليش اتكول عنها جذي ...هذي بحسبت بنت ليال احمد:وبنتج هل غبيه ليش ماخذتها ...ماعندها اهل يبارونها ولا مالقو غير المدمغه بنتج تباريها حصه:حرام عليك البنت مالها احد وبعدين ليال الحين مسؤله عنها وملاك بحسبت بنتها احمد:عيل خل تذلف بيت ريلها وتجابلها هناك احنه موناقصين عوار راس ...الواحد موقادر ياخذ راحته بالبيت بسبتها حصه:ليش موقادر تاخذ راحتك بالبيت ...احمد هذي ياهل يعني ماتسوي شي احمد:بس طول اليل ونهار تبجي حصه:في ياهل مايبجي كل اليهال يبجون مو بس اهيا احمد بعصبيه:راسي صدع روحي سكتيها بنام محنه قادرين حصه :انشالله.....وراحت بغرفة ليال ليال:يمه زين انج يتي مادري شفيها موراضيه تسكت حصه:يبيها ...وسمة برحمن وخذتها منها ....متى شاربه حليبتها ليال:توها ...يمه انا ملاحضه من تشرب الحليب تبجي وايد حصه:اممم ....يمكن الحليب موطايح عليها ليال:شلون حصه:يمكن الحليب في غازات وايد او ماتقدر تهضمه بسرعه ليال:والحل حصه:لازم تغيرين الحليب تعطينها نوع ثاني ليال:اذا جذي لازم اوديها الطبيب حصه:مايحتاج طبيب عطيها نفس حليب احمداني هذا وايد زين خفيف على المعده ومافي غازات وايد ليال:اي بس اخاف جراح مايرضى حصه:يعني عاجبج حال البنت جذي ليل ونهار تبجي.....لاتخافين ماراح يقولج شي ...المهم متى غيرتي لها ليال:توه بعد ماخلصت حليبتها شوي والعنود داشه:ليول اشفيها ملوكه صوتها واصل لي فوق ليال:مادري من شربت حليب قامت تبجي العنود:يمكن تبي بعد ليال:لا ماعتقد الانه الحليب ضل فيه شوي وماتبي ملاك كانت تبجي وتترعص العنود:ليول هذي شكلها متضايقه من الغازات ليال:انزين شسوي عشان ترتاح العنود:اهيا جم عمرها ليال:4 اشهر العنود:خلاص الحين اسويلها ملوبا عشان ترتاح ليال:بس توها شاربه حصه:هذي شكلها مايعطونها ادويه (اعشاب) بس حليب ليال:اي مايعطونها شي العنود :غلط جذي ......الحين انا ايبلها زيت ادهنا فيه وسويلها ميلوبا ليال:عنود عفيه بسره قلبها ذاب من البجي العنود:الحين اسويلها....الا صج انا ملاحضه انه لبسها كله حفر ونص جم ليال:اي ماعندها جم طويل حصه:والله حرام قاطين البنت على الخدم ومايبونها تصير جذي...العنود يمه ماعندج شي من ملابس احمد ...حرام البنت لازم تلبس شي يدفيها العنود:اي عنده بس حاطتهم بجنطه الحين اشولج جم بجامه ليال:والله تعور القلب ...بالله بالعقل الياهل يلبسونها جذي...العنود اذا باجر ماعندج شي انروح انا وياج السوق باخذلها ملابس العنود:الصبح ماعندي شي حصه:خلاص الحين روحي يبي الزيت والبجامه عشان ترتاح العنود:انشالله خالتي حصه كانت شايلتها وتسمي عليها وتقرا عليها المعوذات ...وليال كانت اتراقب امها عشان تتعلم منها ...العنود يابت الزيت والملابس العنود خذت ملاك من حصه عشان ادهنا ومن ارفعت ملابسهها:امبيييييييه ليش موملبستها تبانه(داخلي ) ليال:ماعندها حصه:هذيل من صجهم .....بيذبحون البنت موعارفين شلون العنود:عشان جذي البنت بس تبجي ...مايلبسونها عدل واكيد بتستبرد وتمرض عليهم حصه:العنود يمه روحي يبي جنطة احمداني العنود:انشالله خالتي حصه:الحين حماتج ماعندها عيال ليال:عندها ولد عمره 3سنوات حصه:اولدها هم كله عند الخدم ليال:اي ...بس خدامتها شاطره مومثل الخدم ملوكه العنود:واي الجنطه ثقيله حصه:انتي دهني البنت وانا اطلعلها ملابس العنود:انشالله ...وخذتها من حصه...ليول تعالي شوفي شلون اسويلها مساج ليال:اوكي العنود بلشت مساج حق ملاك وليال كانت اتراقبها ...ومن اتقرب العنود صوب بطن ملاك كانت تبيجي ليال:اخاف بطنها يعورها العنود:وانتي صاجه بطنها مثل الصخر من الغازات ...هذي لازم اتغيرين حليبها حرام مخلي بطنها مثل الصخر ليال:نغيره ليش مانغيره محمد طق الباب ودخل:ياناس ياعالم وراي باجر جامعه ابي انام ليال :حمود آسفه موقصدي ازعجكم بس هذي وايد تبجي محمد:الله يعينج ...عنود شتسوين فيها العنود:اسويلها مساج محمد:اها....اهم شي بعد هل المساج بتسكت ولا لاء عنود:ان شاء الله محمد:ماتبون مساعده ليال:بالله شبتسوي محمد:اضحكها لكم ...على الاقل تضحك ماتبجي حصه:لا مانبيها تضحك نبيها تنام ابوك معصب محمد:يمه لاتلومينه من يت بيتنا محنا قادرين انام مثل العالم ...مزعجه من قلب حتى احمدو ماسوى جذي حصه:الانه احمد امه الي مجابلته اما ملاك كله بيد الخدم اكيد بتصير حنانه بفلاة خالد طلال :جراح جراح وهوا قاعد على الاب توب يشتغل:نعم طلال:بغيتك بموضوع جراح:بخصوص طلال بصوت واطي:انا وحنان جراح:طلال ماتشوفني مشغول مو وقتك ...اجل موضوعك لين اخلص الي بيدي طلال:الله يادنيا لمن كانت المواضيع بخصوص حرمكم المصون اتهد كل الي بيدك ولمن صار الموضوع يخصني جراح يقاطعه:طلال انا طول اليوم مشغول وموقادر احك راسي حتى ملوكه مادري عنها ...اذا حاب انطر لين اخلص وبعدها قول كل الي عندك طلال:على طاري ملوكه شمسويه مع ليال جراح:حنه ورنه....طلال لاتسولف ابي اركز بشغلي طلال:اوكي من اتخلص نادني انا بغرفتي جراح:اوكي...طلال طلال:مامداك جراح:لا ماخلصت بس في مشروع يا يصعدنا فوق السحاب يايخفس فينا بالارض شرايك طلال:قصدك انجازف وندخل المشروع جراح:والله الارباح وايد حلوه طلال:والخساره احلى....لي خسرنا بنقعد حاطين ايدنا على خدنا جراح:امممم ....اذا جذي يبيلنا انشوف شريك بالمشروع طلال:والله مادري الي تشوفا بس لازم يكون ثقه جراح:مايبيله كلام طلال:انت سويت دراسه ولا بعدك جراح:قاعد اسوي دراسه للمشروع ...بس لازم واحد فينا يسافر عشان يخلص كل شي طلال:مومشكله انت خلص بالاول وبعدين لي كل حادث حديث جراح:اوكي....طلال كلملي المهندس فهد ابيه باجر من اصبح عندي بالمكتب طلال:ان شاء الله .....ماخلصت جراح وهوا مندمج بالشغل:لا طلال:جراح لاحق على الشغل ابيك بموضوع جراح:طلال لازم اخلص كل الي بيدي الحين اليوم مارحت عند ملوكه طلال:ملوكه ولا ليال جراح وهوا يبتسم:الاثنين لاتزعل طلال:ومنو فيهم الاهم جراح:ملوكتي طبعا طلال:جراح شلونك معاها جراح:............ طلال:جراح جراح:هلا طلال:شلونك مع ليال جراح:الحمدالله طلال:شنو الحمدالله ...ابي افهم البنت زينه موزينه مرتاح معاها مومرتاح جراح:قتلك الحمدالله طلال:انت الكلام عندك بالقطاره جراح بعصبيه:طلال انا وين وانت وين ....قوم روح غرفتك ومن اخلص اناديك طلال:مامنك فود ...وقام.....وهوا صاعد السلم كادي:هاااااااااااااي طلالو طلال :طلالو بعينج...اصغر عيالج وانا مادري كادي:واي كليتني مايسوا علي قتلك طلالو طلال:حشى واحد من الربع ....البنات يقولون طلول ..طلولي كادي بدلع:سوري طلولي طلال:اي الحين صرتي انثى كادي:سم الله علي طول عمري انثى طلال:هههههههههههههه واضح كادي:اروح حق جريح وايد ابرك منك طلال:هههههههههههه هذا اذا عطاج ويه كادي:لا حبيبي بيعطيني ويه ...واذا ماعطاك ويه ماينلام طلال:اقول لاتصدقين روحج وايد كادي:وليش انشالله ...حبيبي لاتقارن روحك فيني انا غير طلال:طبعن انا غير انتي وحده فاصله ماقول الا الله يعين المقرود الي بياخذج كادي:يحصله اصلن امه داعيتله طلال:قصدج داعيه عليه كادي:ههههههههههههه ماتنلام الانه موحاصلك وحده بحلاتي وبسنعي طلال:الحمدالله انه موحاصلي كادي:الحمدالله وشكر ...اروح اشوف اخوي حبيبي وايد احسن طلال:روحي واذا عطاج ويه اعطيج الي تبينه كادي:اوكي بس خلك عند وعدك طلال:وانا متى قلت شي ومانفذته كادي:اممممم ولا مره ...بس تعال عشان اتشوف بعينك طلال:اوكي وراحت كادي مع طلال عند جراح كادي وهيا تقعد عند جراح:جراح ماتبي اسويلك شي تشربه جراح وهوا مندمج:لا مشكوره كادي :جراح اشرايك اتقول حق ليال اتي باجر عندنا على الغدا جراح وخر الاب توب :اقولها ليش لا ....ومنها اتشوف الجناح الي بتسكن فيه كادي وهيا تغمز حق طلال:اي وبالمره تقعد لي العشا وانا بدق على كل البنات ايون عشان تتعرف عليهم ويتعرفون عليها جراح:الفكره الاولى حلوه بس الثانيه لا كادي:ليش ماعجبتك جراح:من طلعت ملوكه من المستشفى وانا ماطلعت معاها ...حتى اول يوم ماطلعنا الا شوي كادي:اذا جذي خلاص خلها وقت ثاني ...انت اطلع معاها والبنات لاحقه عليهم جراح:كدوي اشرايج اتخلين ملوكه عندج باجر عشان نطلع كادي:بس من عيوني .... انت تامر امر جم جراح عندي جراح وهوا يقرص خدها:فديت عيونج ....الله لايحرمني منج كادي:ولا منك وخليك تاج على روسنا كلنا جراح:كدوي شرايج تطلعين معانه باجر ...انتي صارلج فتره ماتطلعين من البيت كادي:لا خلها مره ثانيه ...انت لازم تقعد مع ليال وتتعرف عليها اكثر لاتنسى انتو بفترت ملجه جراح:خلاص حسبي حسابج عقب باجر تطلعين معانه كادي:امممم ...اذا ماخاب ضني امي مسويه عشى عقب باجر عازمه عمامي وعماتي وبناتهم جراح وهوا يطالع طلال:كل البنات بيون كادي:اي كلهم طلال:اشوف قعت وسولف مع كدوي وانا قتلي بعدين جراح:كدوي غييير طلال:الحين انا اخوك الوحيد وذراعك اليمين تكشت فيني وترد على هل ياهل كادي بعصبيه:منو ياهل طلال:انتي في غيرج كادي:يمكن اكون صغيره بالعمر بس كبيره بالعقل...والكل يشهدلي بهشي جراح:بهذي معاج حق عقلج اكبر من عقل اريام بوايد كادي:الا على طاري اختك طلال يقاطعها :وليش اهيا مو اختج كادي:اختي بس اهيا متبريه منه جراح وهوا رافع حاجبه:ليش انشالله كادي:اتقول انه انا ودانو ورتوج مو ستايل طلال:يعني اهيا الي ستايل ....انا كذا مره انبها على لبسها الي يرفع الضغط كادي:ولا فوق هذا مو عاجبتها مرت جراح جراح:محد طلب رايها طلال:هذي منو يعجبها كادي:ارفيجاتها الي رايحين فيها جراح:انتي شايفه عليهم شي كادي:لا بس ما أرتاحلهم جراح:دام مو شايفه عليهم شي ماعليج منهم كادي:انا مالي شغل فيهم بس يشيشون اريام علينا وايد طلال:واااي سوالف يهالوو جراح:من قلب طلال:انتي خلج بعيده عنهم واذا شفتي عليهم شي ماعجبج عطينا خبر كادي:انشالله ...طلال لاتنسى الوعد طلال:انا وعدتج ابشي جراح:كدوي اذا تبين شي قولي وباجر من الصبح يكون عندج كادي:انا ابي من طلال اهوا وعدني اذا انت عطيتني ويه وسولفت معاي يعطيني الي ابيه جراح وهوا يبتسم:اممم يعني جذي السالفه ...اضاهر طلال ناسي اني ما اقدر اطنشج حتى لو كنت بعز شغلي كادي:وااااااااااااي ...الله لايحرمني منك هذا الاخو ولا بلاش طلال:هين اوريج يعني انا مو عاجبج الحين كادي:عاجبني بس جريح مافي مثله طلال :دام خلصت شغلك ....خل اقولك موضوعي جراح:قول شعندك طلال:كدوي لو سمحتي فجي شوي ابي جراح بروحه كادي:انشالله...وقامة جراح: يالله قول شعندك طلال:ابي اتزوج جراح:ومنو ماسكك قول حق الوالده تخطبلك طلال:جراح انا قصدي ابي حنان جراح:والله انا من رايي تنسى موضوع حنان بالمره طلال:ليش ان شاء الله جراح:الانها ماتصلح لك طلال:اذا قصدك انها مو من مستوانا انت خذيت وحده مومن مستوانا جراح بعصبيه:طلال لاتقارن ليال بحنان...ليال بنت متربيه طلال:يعني حنان الي مومتربيه جراح:عندك شك ....البنت الي تخون ثقت اهلها فيها شنو تتوقع منها طلال:شكو هذا بهذا ...انت ماتعرف شي اسمه حب ولا عمرك جربته جراح:الحب الي من هنوع مابيه والله يغنيني عنه طلال:جراح انا قاعد اتقطع كل يوم افهم جراح:خلك من هل كلام واسمعني عدل ....انت اخذ كل الي تبيه منها وبعدين خلها تولي طلال:مو طلال الي يسوي فيها جذي انا عندي خوات وخاف عليهم جراح:طلال انت ليش منت راضي تفهم البنت لها سوابق وايد شلون بتأمن فيها شلون بتخليها تربي عيالك طلال:كل هل كلام مايهمني جراح:عيل شنو الي يهمك ...تاخذ وحده بهل مستوا ماكو اخلاق بالمره طلال:جراح حدك عاد ...صارلك ساعه اتغلط عليها وانا ساكت الانك اخوي الكبير...ومثل ماأنت ماترضى على زوجتك انا ماأرضى على حنان جراح:انت قلت بعظمت السانك زوجتك ...يعني مورفيجتي طلال:حنان ارفيجتي وحبيبتي وكل دنيتي جراح:لا انت اكيد فيك بلا انت ماتفهم اقولك البنت لها سوابق وايد ..تعرف مليون واحد غيرك تفهم ولا ماتفهم طلال:الي وصلك الكلام هذا جذاب حنان موجذي حن... جراح يقاطعه:دام جذي اسمع الكلام الي بقوله لك..واذا ماكنت مصدقني روح شوف وتأكد بنفسك طلال:قول خل نسمع آخر الاشاعات عنها جراح:حنان مو بنت طلال:ليش شايفها داقه الزقاره وماشيه ولا عندها شنب وانا مادري جراح بعصبيه :لاتستعبط على راسي ...انا قصدي انها راعيت شقق واذا منت مصدق روح جرب بنفسك واذا كانت بنت تقدر اتقول لبوي انك دخلت عليها وبجذي بزوجونها لك طلال بعصبيه:كل شي توقعته منكم الا تقولون هل كلام عنها حرام عليكم البنت مافي اشرف منها جراح يقاطعه:هذي وين وشرف وين...منت خسران شي روح جرب طلال:كل شي وصل حده وانا الغلطان الي اسولف معاك ...وقاموهوا معصب جراح:لا حول ولا قوت الا بالله ...البنت لاحسه عقله ثاني يوم الصبح بسوق ليال:عنود هذا حلو بس آخذلها من جم لي جم العنود:اخذيلها من 3 لي 6 اهيا ضعيفه وهل مقاس يناسب عمرها وحجمها ليال:اوكي...انزين وبعد شنو آخذ لها العنود:اخذيلها تبانات (ملابس داخليه) ليال:جم واحد العنود:10 كافي ليال:اممم...شوفي هذا زين العنود:لا في نوع احسن تعالي الصوب الثاني انشوف ليال:اوكي......ورن تليفونها هذا جراح امبيه ماقتله اني بطلع نسيت العنود:مومشكله ردي عليه وقوليله ليال:اخاف يزفني العنود:الحين ردي عليه ليال:الووو جراح:صباح الخير ليال:هلا جراح صباح النور جراح انتبه على الزعاج الي بالمحل:ليال شكلج مو بالبيت وينج ليال :سوري جراح والله نسيت كنت مستعيله حدي جراح بنبره حاده:سألتج وينج ليال:بسوق مع العنود جراح:اها ...وماعرفتي ادقين او اطرشين مسج قبل ماتطلعين ليال:آسفه جراح والله نسيت جراح:والله خوش ....في وحده تنسى ريلها ليال:لا مانسيتك بس كنت لاهيه وايد ونسيت جراح لاتزعل مني بليييز آخر مره والله ماعيدها جراح وبداخله يضحك عليها:هل مره بطوفها لج ....بس مابيها تتكرر ليال :من عيوني جراح بداخله تسلملي عيونج:الا وين ملوكه ليال:عند امي جراح:اممم ...ليال ملوكه مومأذيتج ليال:لا سم الله عليها ...اي صج ذكرتني لازم انغير حليبها الانه من تشرب الحليب تبجي وايد جراح:شدخل الحليب بالبجي ليال:الحليب في غازات وايد وي اذيها العنود:ليول شوفي هذا يهبل الاحمر يطلع حلو بالبس جراح راح تفكيره ابعيد:انا بعد احب الاحمر ليال:اممم يعني آخذه جراح:اي اخذيه ليال:بس حفر جراح :وهذا المطلوب ليال:لاجراح حرام تستبرد جراح بستغراب:منو الي تستبرد ليال:ملوكه جراح بستغراب:ملوكه شدخلها بالموضوع ليال:اي انا يايه آخذ ملابس حق ملوكه جراح:اها ...بس ملاك عندها ملابس وايد كبتها بينفجر من الملابس ليال:الملابس الي انا باخذلها غير انتو كله ماخذلها حفر وجم قصير وماعندها ملابس داخليه ...والله عورت قلبي امس جسمها بارد لبسناها ملابس احمد ولد فواز والله احسها تدفت ونامت عدل جراح ماعجبه الي قالته بس ماحب يبين لها:اها وخذيتيلها شي ليال:اي قاعده آخذلها جم طويل وداخلي وكل شي وناسه جراح:ههههههه ليال:جراح والله ماتدري اشكر انا مستانسه احس انه فعلن ملوكه بنتي وهشي يخليني احس بالمسؤليه وسعاده كبيره ماقدر اوصفها لك جراح:و هذا الي ابيه ملوكه بنتي وبنتج العنود:ليول شوفي هنفنوف وااااااااي ابي بنيه ليال:ههههههههههههه خلاص يبيلج بنت جراح:هههههههههههههه اي والله ختيب لها بنت ليال:جراح انا لازم اسكره ابي اركز بالاغراض الي باخذهم مابي آخذلها اي شي....ولازم ابسرعه ارد البيت قبل ماتقعد من النوم جراح:ملوكه نايمه لي الحين ليال:اي انا وصيت امي من تقعد من النوم ادق علي علشان ارد البيت جراح:غريبه ليال:وليش غريبه جراح:ملوكه اذا كثرت نامتلها 4ساعات ليال:من البرد ماتقدر اتنام ....بعد عمري والله امس العنود سوتلها مساج ولبسناها جم طويل حسيتها تدفت وعلى طول نامت وماقامت الا مرتين حق الحليب جراح:والله وشايلينها على كفوف الراحه ليال:طبعن موبنتي لازم اشيلها على كفوف الراحه ...فديتها ولا مصورتها وهيا نايمه ...حلاتها جراح:اوكي روحي خلصي شغلج واذا طلعتي دقي علي ليال:اوكي ...اي صج قبل ماأنسى ملوكه عندها عربانه جراح:لا ماعندها ..اهيا كله بالبيت ومايطلعونها عشان جذي ماتحتاج عربانه ليال:خلاص الحين باخذلها وحد الانها من يوم ورايح كل مابطلع باخذها معاي ....وبعد شنو شنو ياربي جراح:اذا بتاخذينها معاج يبيلها كارسيت ليال:ماعندها جراح وهوا يضحك:لا ليال:والله حاله قاصين على بنتي مايشترولها شي ...انزين عندها العاب جراح:اي العاب وايد ليال:خلاص الحين اخذلها كارسيت وعربانه ...وجم لعبه حق السياره جراح:ليال ليال:نعم جراح:عطيني رقم حسابج ليال:ماعندي حساب بالبنك جراح:من صجج ماعندج حساب بالبنك ليال:ماعندي.....بس ليش تسأل جراح:بغيت احولج فلوس بالحساب ليال:مايحتاج جراح:شلون مايحتاج رايح السوق وبتاخذين حق بنتي ملابس ليال تقاطعه:انت موتقول انها بنتي جراح:بنتج بس الابو اهوا الي يصرف على عياله مو الام ليال:انا وانت واحد ...جراح ممكن ان أجل الموضوع لين اخلص جراح:اوكي...بس من تطلعين دقي ليال:اوكي جراح:باي ليال:باي العنود:ليول صج الي سمعته ليال:شنو العنود:ماعندها لاعربانه ولا كارسيت ليال:اي ...جراح يقول بنته كله بالبيت وحد يطلعها عشان جذي ماعندها لاعربانه ولا كارسيت العنود:واااي شهل اهل الي مايطلعون عيالهم ليال:هذول الطبقه المخمليه آخر شي يفكرون فيه عيالهم العنود:موكلهم جذي... وبعدين اهل ريلج بزود ليال:الكل لاهي بعمره وتبين الصراحه اهما موملزومين فيها المفروض امها اتجابلها بس امها قطتها وماتبيها العنود:عفيه قلب ليال:المهم خل انخلص ابسرعه العنود:انا خذيتلج صداري وملابس وخذيتلها مخده صغيره وكفر وجم شغله تحتاجهم بس الي باقي الحين العربانه والكارسيت ليال:عنود والله من غيرج ماكنت اعرف اتصرف العنود:لاتقولين جذي احنه خوات ليال:لاتجذبين انا حماتج العنود:ههههههههههه بطلي خبال الحين وامشي جدامي لانطول اكثر من جذي ليال:اوكي بعد 4 ايام جراح بهل فتره الي طافت ماراح عند ليال ولا شافها كان مشغول وايد بالمشروع اليديد وكل الي بينهم اتصالات .....ليال غيرت حليب ملاك وعطتها حليب اخف ومن غيرت الحليب ملاك صارت اهدا بوايد وصارت تلعب وتنام بدون بجي ...وليال كانت مستانسه عليها وتعلقت فيها وايد وكل وقتها مع ملاك ماتفارقها كلش واذا بتروح تسبح خلتها عند امها او العنود وساعات عند محمد الانه يحب يلعب معاها بغرفة ليال ملوكه كانت نايمه وليال كانت قاعده اترتب ملابسها ...انطق باب غرفتها وليال راحت اتبطل الباب وهيا معصبه ليال بعصبيه:عمه انش....ووسكتت لمن شافت جراح واقف عند الباب جراح:وعليكم السلام ليال ابسرعه حطت ايدها على شفايف جراح وبصوت واطي:اووووش ملوكه نايمه جراح باس راحت ايدها...وليال من الاحراج وخرتها بسرعه جراح بصوت واطي:ممكن ادخل الغرفه ليال بنفس النبره:ممكن بس بدون صوت جراح وهوا يبتسم:من عيوني...ودخل الغرفه..وعلى طول راح حق ملاك جراح:الخايسه ...والله مكانها خالي مشتاقلها ليال:اوووووش جراح بصوت واطي:من متى نايمه ليال بنفس النبره:من ساعتين جراح بصوت عالي :بيييييييييه كل هل هدوء ومن ساعتين نايمه ملاك من اسمعت صوت عالي فزت من النوم وبجت ليال:يالمجرم...وراحت شالتها ..وكلمتها بحنيه..بس ماما بس حبيبتي انا هني لاتخافين اوووش جراح كان يشوف ليال وهوا يبتسم وبداخله طاير من الفرحه حس انه بنته ابيد امينه وتستحق اتكون مكان امها:ليال يبيها والله مشتاقلها ليال وهيا توخر:جراح صبر خل تسكت بعدين اخذها ...موكافي خرعتها وضلت ليال اتكلمها بنفس الطريقه لين اسكتت جراح:يالله يبيها اسكتت ليال:انطر اشوي...يمكن بتنام جراح:بسها نوم انا مشتاقلها وايد...وراح صوب ليال وخذا ملاك منها...ومن وخرها عن ليال بجت مره ثانيه ليال:شفت بجيتها يبها جراح:مابي ويلمها حيل الحين اخليها تسكت ...ملوكتي انا بابا موبس ليال اتقولج انا ماما حتى انا اقولج انا بابا ليال:ههههههههههه بس ملاك زاد بجيها ليال:جراح بس خلاص والله البنت قلبها ذاب يبها موكافي مخرعها وهيا نايمه بس جراح ماعطاها ويه ولا جنه سمعها وكان يبوس ملاك ويلمها حيل...وملاك يزيد بجيها ليال بعصبيه:جراح خلاص يب البنت جراح يطالعها وهوا رافع حاجبه ليال:لا تطالعني جذي قتلك يب البنت ...حرام عليك يبها جراح عطاها ملاك وهوا عافس ويها بس من داخله مستانس من الي يشوفه ليال بحنيه:بس حبيبتي خلاص بس لاتبجين انا آسفه مره ثانيه ماخلي الشرير ياخذج مني جراح:منو شرير ليال:انت في غيرك خرعت البنت..مجرم ..ومن هدت ملاك...ليال قعدت على السرير وخلت ملاك على صدرها كانت تلعب بشعرها .. لين هدت ونامت جراح بصوت واطي:نامت ليال:اي جراح:لالالا اكيد هذي موبنتي ليال:جراح حرام عليك ليش اتقول عنها جذي جراح:الانها ماتنام لين اتصدع راسنا من البجي ليال:الانكم ماتعرفولها وماتهتمون فيها وكله مفصخينها ...بعد عمري والله انت الي مأذينها مواهيا الي مأذيتكم جراح بجديه:ليال اتحبينها ليال :مو بس احبها امووت فيها ...الله يخليها لي ولا يحرمني منها جراح :آآآمين ...بس اهيا الله يخليها لج ليال انحرجت ونزلت راسها جراح:ليولتي متى اتين البيت تراني مشتاق ليال ويها قام يقط الوان :.......... جراح:هل اسبوع يناسبج ليال ردت ابسرعه:لا جراح بستغراب:ليش لا ليال :.............. جراح:جاوبيني ليش لا ليال:انا ليلحين ماتعوت عليك جراح:كل هذا وماتعودتي علي ليال:جراح يبيلي وقت احنه ماصارلنا شهر من ملجنا وانت اغلب وقتك بشغل وموقادره اقعد معاك جراح هوا يبتسم:اذا جذي مومشكله بمدد المهله اسبوعين ليال:وليش مو شهرين جراح@@:غلطانه ليال:انا ليلحين مومجهزه شي جراح:عندج اسبوعين جهزي روحج فيهم غير هل كلام ماعندي ليال:انزين شهر جراح:اسبوعين مافي غيرهم ليال:جراح عشاني خلهم شهر جراح:ليول والله ماقدر بعد شهرين بسافر عندي شغل ويمكن اطول ...على الاقل هل فتره انكون مع بعض ليال:ان شاء الله طول العمر بنكون مع بعض جراح:آآمين.... يعني افهم من كلامج انج بتين بعد اسبوعين ليال بحراج:ان شاء الله جراح:نسيت اقولج باجر امي مسويه عشا ابيتنا ليال:اي دانه قالتلي قبل جم يوم جراح:ابيج تكشخين على الاخر ليال:لاتوصي حريص بسيارة طلال طلال:قولي شلون اتأكد من كلام جراح احمد :اممم والله انا من الاول وانا حاس انه البنت مومضبوطه وكنت سامع عنها حجي بس ماحبيت اقولك طلال:احمد لازم اتأكد من الموضوع مابي اظلم البنت احمد:اخذها شقه وتأكد طلال:لالالا مابي الامور توصل لي جذي احمد:امممم ماجدامك الا حل واحد طلال:الحقني فيه احمد:اهيا مودايمن اتقولك انها غاسله ايها من الزواج منك بحجت اهلك طلال:اي احمد:قولها اهلي وافقو وباجر بخطبج وشوف ردت فعلها طلال:اكيد بتستانس مايبيل كلام احمد:هذا اذا كانت مو مثل ماسمعنا عنها طلال:شلون يعني احمد:يعني اذا ماكانت بنت اكيد بتماطل وبعدها لي حست انه الموضوع صار جدي بتتهرب منك وتدورلها عذر عشان تبعد عنك ولاتفضح روحها طلال:واذا كانت كل الكلام الي نقال عنها صح ومن قتلها اني بخطبها استانست اشلون اعرف انها مو بنت احمد:صدقني اذا الكلام صحيح وهيا مو بنت بتماطل وتتهرب منك الانها تخاف تنكشف طلال:شورتك وهدايت الله احمد:اذا قالتلك خل اهلك يدقون باليوم الفلاني امش معاها بالفلم ...انا اخلي اختي الكبيره اتكلمهم على اساس انها امك وفهمها الموضوع بس بطريقه مختلفه شوي طلال:صار ...بعد اشوي اكلمها واعطيك خبر نهاية البارت | ||||
|
| |
|
15-02-12, 04:09 AM
| #57 | ||||||||
| مراقبة عامة ومشرفة منتدى الروايات المنقولة  
| السلام عليكم ورحمة الله وبركاته بارتات روعه زيزفونه يعطيك العافيه على النقل المميز والكرم الحاتمي الأب ياكرهي له معقوله فيه أب يعامل أولاده بهذه القسوه أحمد ربك جاها رجال شاريها وطيب وبعدين اللي أعرفه إن الأباء يحاولون يسكنون أولادهم معاهم أو في نفس العماره أو قريب منهم وإنت تطرد ولدك وتبعده عنك والله إنك حاله شاذه جراح وليال الله يديم السعاده عليكم والف مبروك لكن أبغاكم في كلمة راس قرب جراح أشوفك آخذ راحتك مع ليال في السهر برى البيت والدخول لغرفتها وكنها في بيتكم لا هذا مايسيروش خليت لبعد الزواج قربي ليال ماعجبتني طيبتك الزايده اللي ماتنفع هالأيام ماهو كل ماقال لك شيء قلتي تم إنتي ماصدقتي على الله تلقين كلمه حلوه وبتنفكين من سجن أبوك لكن ماو لهذه الدرجه سهر برى البيت ويدخل لغرفتك وإنت ببيت أهلك وآخرتها جايبه بنته عندكم في البيت وإنت عارفه طبع أبوك طلال هذا غبي وأكبرغبي لاعبه عليه حنان وهويمشي وراها ولاهو راضي يفتح عيونه على حقيقتهاأو يمكن مايبغى يشوفها ولو هو ذكي كان عرفها لأن اللي تكلمه وتخرج معه ممكن تكلم غيره وتخرج معه مشكوره زيزفونه ومنتظرين الأحداث القادمه | ||||||||
|
| |
|
15-02-12, 12:06 PM
| #60 | |||||||
| نجم روايتي 
| مشكوووورة زيزفوونه على البااارت الخااص وه << فبس مستحي ..  والبارتاات رهييبة  واتووقع اللي بيخرب العلاقة بين جراح وليال مرييوم ,, والاب شكله مخبي شي أتووقع متزوج بالسر ... وملوووكة يادلبي عليها حراام رامينها على الخدم ... بس بسم الله عليك ليول عرفتي لها وهذا اكبر دليل على طيبة قلبك ... طلاااال سو زي ماقال صديقك وشووف ردت فعل حناان .. وتسلممين ياقلبي واحلى تقيم لعيووونك   | |||||||
|
| |
 |
| أدوات الموضوع | |
| انواع عرض الموضوع | |
|
|
3Likes
.png)
العرض العادي
