06-07-12, 11:38 PM
| #41 | |||||
| نجم روايتي وكاتبة في قسم قصص من وحي الأعضاء 
|  اقتباس:
قد ابتعد عن الواقع لآنني اريد العيش والتحليق في السماءْ لماذا اربط الواقع بقلمي فيرهقه وربما يقتله ايضاً ... بالنسبه للاحداث منصور شخصيه اساسيه وسيكون له دور قوي بالروايه .. كوني بالجوار | |||||
|  |
|
06-07-12, 11:47 PM
| #44 | |||||
| نجم روايتي وكاتبة في قسم قصص من وحي الأعضاء
| اقتباس:
والله توني رجعت من برا وتعبانه حديْ لكن لعيونكم يرخص التعب واهله ... راح انزلهاْ اللحين ( بإذنه ) | |||||
|
| |
|
07-07-12, 12:16 AM
| #45 | ||||
| نجم روايتي وكاتبة في قسم قصص من وحي الأعضاء
| لم أعد أمتلك موهبة الحديث .. أصمت حتى لو كنت مظلومه .. ولم أعد أحتمل ثرثرة البشر السقيمه .. هي ابتسامهة وآدارة ظهر ثم أمضي في طريقي .. ليس ضعفا مني بل مللْ .. البارت الثالث : اجتمعوا بعد صلاتهم على فرشه مرتبه و منظمه وبشكل عام مريحة .. جلست شوق على سريرها ما تبي تحتك فيهم تحس بأنظارهم عليها قال واحد منهم بمزح : تفضل ويانا يا رجل تحتاج لعزيمة وأنت أهل محل! ههههههه البقية جاملوه بضحكه قصيرة .. قامت من سريرها رايحه لهم جلست على طرف الفرشة .. ما عطوها بال كثير إلا العامل اللي يصب القهوة ويحط الحلا ويرتب أوضاعهم .. تكلموا عن الأسهم عن الرحلات عن أطرف المواقف .. قال ثامر بنشوة: قريب راح اطلع من الحبس وراح أسافر على طول للنمسا اشتقت لحبيبتي كاتي .. قال خالد بضحكه : كاتي مع غيرك حبيبي مو يمك صدقني .. كلم منصور عامله [ أمين ] بهدوء : لا تكثر القهوة بفنجاني .. قاطعه نواف بنبرة تساؤل : من فيكم فاقد حبه بعد الخسارة ..؟ قال خالد بنبرة حزن : فاقد زوجتي وعيالي غير ميزانيتي الضخمة .. تصدقون بعت نص أملاكي عشان أسدد ديني .. ما بقى عندي غير فله بالرياض وشالهين بجده والخبر وكم عماره .. ثامر يواسيه : تكفى لا تفكر صدقني راح تتعب أكثر .. كان بيكمل لكن قاطعه نواف بابتسامه خبيثة : وأنت يا منصور شكل قائمة أحبابك طويلة ؟ ابتسم منصور يجاريه : قول لأمين يعطيك قائمتي ! كمل ببرود :آممممم نواف ما تعلمت تحترم المتكلم ما تقطع كلامه ؟ حاول نواف يقاطعه لكن رفع منصور يده يستفز نواف اكثر : شكلك تربيت على يد اندنوسيه هههههه ضحك نواف يحاول يغطي مرارته : هههههه لا تربيت على يد أمي .. كمل يضيع الموضوع : إلا صحيح يا منصور عائلتك ( الجاسر ) مناسبين يد طويلة بالدولة ولا قدروا يسددون دينك ؟ منصور بداخله قهر من تلميحات نواف المستفزة رد ببرود: كذاب من نشر هالاشاعه ! .. وخبري من يسأل بهالسوالف إلا نون النسوة ! أنصدم نواف من رد منصور الصارم والتزم الصمت بابتسامه مقلقه .. سكت الكل بعد ما توتر الجو في الجلسة .. فجاءه تكلم منصور وعينه بعين شوق :ما تحسون أن الجو حار وحنا بعز الصيف ! رد عليه خالد :ايوه بس التكييف اوكي تبي أزيد ؟ قال منصور :لا يا خالد تسلم .. بس مستغرب من ياسر لابس ثوب شتوي ! قالت شوق وهي تحاول تضخم صوتها لكن البحه تغطيه : ما هو ثقيل واجد ! سكت منصور شوي والباقين يتابعون الموقف بدون تدخل .. رجع منصور يتكلم : آها يعني تهيأ لنا ضخامته .. سكت منصور شوي وسأل بهدوء : كم دينك يا ياسر ؟ قالت شوق :خمسين .. ضحك ثامر قال :ههههههه بينك وبين منصور عشرين ! دخل بدر بالسالفة .. قال برزانة :خمسين مليون يا ياسر ؟ بلعت شوق ريقها قالت بهدوء بدون ما تغير مستوى ضخامة الصوت: لا .. خمسين ألف . صرخ منصور بصوت عالي: وشوووووووو ! ألف ؟ تستهبل أنت ! خافت شوق وكانت بتهرب لكن تماسكت بأخر لحظه .. ردت عليه بتردد: إيه .. ألف. رمى الشوكة من يده بقرف ونزل الطبق وبانت على ملامحه الضيق .. قال بدون نفس لعامله: أمين .. انده لي العسكري . فز العامل أمين ينفذ أمر سيده .. عم السكون المكان وكأن منصور زعيمهم والكل ساكت ينتظر نهاية المسرحية .. أما شوق فالفنجان بيدها يهتز بشكل ملحوظ لدرجة أن ثامر اشر للبقية ليدها حاول أن شوق ما تلاحظه لكنها انتبهت ونزلت الفنجان واخفت يدها الصغيرة بداخل كمها الكبير الواسع . انتظرت شوق نهايتها المصيرية أكيد راح تنكشف وتتعرض مو لدين وبس لمليون مصيبة .. الله يسامحك يا بو سليمان ورطتني .. جاء العسكري قال: آمر يا طويل العمر ؟ قال منصور بشوفة نفس: منو ياسر هذا ؟ حكى له العسكري قصتها من دين أبوها والإيجار لين صيانة السجن العام. قال منصور بأمر و بغرور عصر قلب شوق من القهر: خذه بأي مكان ما يجلس معنا ! رد العسكري : تعوذ من الشيطان يا طويل العمر يوم السبت نوديه للسجن العام تحمله ثلاث أيام بس "على أساس أن هاليوم الثلاثاء" رد منصور بنرفزه : ماني واثق .. أحس أنكم تتجسسون علينا بهالبزر ! قال العسكري باستغراب : الله لا يوفقني يا طويل العمر انه مسكين ومسجون عشان دينه ! قال منصور وحاجبه اليسار مرفوع : ممكن أنت بعد ما تدري ! يعني مرسول علينا كلنا . ناظر لشوق وعينه بعينها .. كل هالازعاج والكبر والاستعلاء صار قدامها .. ما تدري ليه جاها أحساس غريب تحس إنها شئ حقير بينهم .. النظرات كلها عليها وكأنها سوت جريمة لا تغتفر ! قطع منصور الموقف بصوت بارد : بكره يجي سكرتيري يدفع دينه . امتلت عيونها دموع وقامت من جلستهم لسريرها بسرعة البرق .. سمعت ثامر يقول بضحكه : حنا نحسب دينه 50 مليون ههههههههه رد عليه منصور بغضب : أنا ملاحظ انه ولد فقر ! ضحكوا الباقين وكأن منصور قال نكتة الموسم .. جلست على سريرها بقهر .. ودها تمسك منصور وتشلع وجهه بأظافرها .. كانت الغرفة كبيره والتكييف عالي والدنيا برد عالاخر إلا أن نفس شوق ضاق تحس العالم صغير وكل هالناس جالسين على قلبها يمزقونه .. مكتومة والدموع تمشي أربع أربع من الغبن ..قالت لنفسها : الله يغبنك يا منصور ! كملت الشلة الجلسة بهدوء قال نواف بضيق : ما تحسون أنكم زودتوها شوي مع البزر المديون ؟ رد منصور متقرف من نواف وملاحظاته : ايييه وراح أزودها معك أنت بعد .. ابتسم نواف ببرود : باقي ما نخلق اللي يتطاول علي احترم نفسك يا منصور .. على بالك تتزعمنا وأنت أكثر واحد فينا طحت بالدين عشان جدك ضحك نواف بهستريا .. وكمل : اهلك يبون يتخلصون منك رموك بالدين وملت ضحكته المكان . قال منصور ببرود : فعلا غبي يا نواف .. جدي طيحني بالدين أمي طردتني من البيت خسرت أموالي وصرت وجه فقر زيك كل هذا ما يخصك ! كمل منصور بضحكه تهكميه قصيرة وغرور طاغي : حماقة هالادمي فظيعة .. أقولك نواف وش رأيك أسدد دينك بكره مع البزر عشان افتك من وجهك الشين .. ؟ قال نواف بسخرية : والله يا منصور لو ما أنت خسران ما جلست بالسجن أسبوعين .. أنت خسران لكنك تضحك علينا ؟ غير كذا وضعك غريب معنا .. كل من كلمته قلت أنا أبي فترة نقاهة وش هالنقاهه الغريبة.. كمل بحقد : وهالبزر ما يضرك وكلنا نعرف لكن أنت خايف انه جاسوس عليك حتى وأنت بالسجن تشك باللي حولك وخايف من مصايبك تلحقك ! ضحك منصور بصوت عالي : مصايبي ! انتبه يا نواف أنا منصور مو أي واحد عشان تحط راسك برأسي .. وكمل بنبرة تهديد : لسا ماعصبتني ولسا ماخشيت راسي ! .. بعد ما تسطحت شوق عالسرير وأعطتهم ظهرها سمعت كل مشاكلهم قالت لنفسها : بنفس المكان كلن حاقد على الثاني اللي رموه أهله بالسجن واللي يفكر بخويته وسط دينه واللي همه انه يقهر الثاني فعلا العقل نعمه أثناء حديثها مع نفسها نامت بعمق .. يتبع البارت القادمْ | ||||
|
| |
|
07-07-12, 12:44 AM
| #47 | ||||
| نجم روايتي وكاتبة في قسم قصص من وحي الأعضاء
| مدري عن الايام وش قصدهاْ بس ادري ان الصبر على حدوده ..~ البارت الرابع : دق باب بيت أبو شوق بقوووه وصراخ أبو سعد مالي المكان قال : أبو شوق وينك ؟ رد أبو شوق : هلا بك يا بو سعد الله جابك يالطيب قال بوسعد بخوف : إيه جيت .. وش اللي سمعته ! وين ياسر ؟ صحيح اللي قاله بو سليمان ! قال بو شوق بحسره: إيه والله يا بوسعد تكفى ألحقنا بدفع الدين وبعدها يشتغل ياسر بدون راتب لين نسدد الدين ! قال بو سعد بعطف: ووين تصرفون على أنفسكم ! يا رجل الفلوس مو كل شئ راح نسددها ونطلعه .. بس اللحين شلون نوفر المبلغ كله كامل ونطلع ياسر ؟! ¤¤¤ في حديقة كلها جمال واناقه وإتقان الجو حار لكن فيه مكيفات معلقه كان جالس أبو منصور قال بضيق : يا ام منصور أنتي تعرفين منصور وعناده ! أم منصور وعيونها تدمع : خل عناد منصور على جنب .. أنت وش موقفك من الناس ! ولدك بالسجن له أسبوعين بسبب خسارته وديونه سبعين مليون بس .. أحس ولدي يضيع مني رغم انه رجال ما يحتاج أخاف عليه ! لكن ديونه تقدر تسددها عنه بليله .. يا حرام يا بو منصور والله حرام . رد عليها متنرفز : أنتي تعرفين أني عرضت عليه أسدد دينه لكن منصور رافض .. ولدك يا رانيا يقدر يسدد ديونه بالراحة لكنه ما يبي يطلع وأنا وأنتي عارفين قصده .. يبي يجلس فتره بالسجن مع نفسه زي ما يوهمنا عشان يكسب الوفد الصيني الجاي يوهمك ويوهمني ويوهم جده بالعجز المادي وبنفس الوقت ما يكذب علينا يبي يخسر جده ويدفعه خسارته بالمشروع .. كمل بضحكه : يا حليلك يا منصور تحب تلعب مع جدك ومع هذا راح اسكت عن تحليلي على تصرفاتك .. رجع يتكلم بجديه : يا رانيا عشان ما تتهميني بالإهمال قلت له بساعدك وراح اكشف من اللي ورى المشروع المضروب قال شكرا يبه أنا اعرف أساعد نفسي بس محتاج ارتاح بعيد عنكم شوي ! سكت بو منصور شوي ورجع يتكلم بضحكه ساخرة : صدق وقح ولدك. أم منصور بقهر :الله يهديك يا منصور تحرق دمي وأنت رايق . ( عائلة منصور تتكون من أب اسمه عبدالرحمن وأم اسمها رانيا وأخ وحيد اسمه مازن .. - أبو منصور رجل أعمال مشهور باذخ الثراء يحب يشارك أخوانه بمشاريعه لأنه يثق فيهم وفي معدنهم لكنه خسر بطولة منصور وخروجه عن مشاركة العائلة في المشاريع - - أم منصور سيدة الاناقه الأولى في العائلة تحب الفشخره وتعشق التجميل والتجمل .. بشكل عام أنيقة في كلامها وحضورها واللي يجلس معها يغبطها على هدؤها وتهذيبها – - مازن الأصغر من منصور عمره بـ 19 سنه كل همه يكون عنده أصحاب ولو الصداقة تشترى اشترها لكن حبه للصدق والصداقة انحرفت به لطريق مجهول مع اصداقاء سيئين – وأخيرا منصور فاحش الغنى والثراء مستقل بعمله يعشقه جده الامبرطور يوسف لكن يغار من نجاحاته واستقلاله عنهم .. العائلة كلها تملك ارض كبيره تجمع فللهم مع إسطبل تحوطه بحيرات صناعية لما تدخل مع سورهم تحس انك دخلت مدينه جديدة من فخامة عالمهم معروف المكان بمزرعة الامبرطور يوسف "جد منصور" منصور يحب يستقر بنفسه بعيد عن العائلة وبنى لنفسه فله بعيده عن فللهم لكنه ما تجاوز العالم اللي عاش فيه مع إن قانون العائلة كل شاب أعزب يعيش مع أهله وهالقانون ما احد يقدر يتخطاه لأنه قانون "كبير العائلة " لكن منصور تخطاها ببرود وحاول يستقل بنفسه لما نتكلم عن منصور فحنا نتكلم عن شخصيه ما احد يقدر يوقف ضدها صاحبة نظره مستقبليه لكن بكل أسف شخصية متهورة شوي لأنه دخل بمشروع خسر فيه مبلغ مو سهل وتهوراته راح تكون كثيره بحياته .. فضل يدخل السجن شوي بسبب تعرضه لصدمه نفسيه من جده اللي خسره مشاريع وآخرها هالمشروع والصدمة الأكبر خيانة صديق عمره سالم حياة منصور مختلفة عن أهله مهما بلغ ماله وجاه يظل يحتاج لشخص يثق فيه .. هواياته اللعب بالبنات وعشق الفروسية والبلياردو منصور باختصار شخصية صعبة الانهزام لأن هيبته تخلي خصمه ينهزم بمجرد ما يمره هل يا ترى راح يستمر بالتفوق والغرور المسيطر ! ~ ¤¤¤ صحيت شوق على أنغام عود وصوت عذب يتقن الألحان بروعه متناهية .. ناظرتهم بقهر حصلت منصور الزفت يغني بدون ما يحترم نومتها وتذكرت انه حاول يطردها لأنها مو بمقامهم ! هوووف بس .. أما ثامر يقرا مجله ونواف يلعب بموبايله والبقية منصتين لمنصور ومستسلمين لأنغامه كان يمول موال مميز : يا من هواه اعزه واذلني كيف السبيل إلى وصالك دلني وصلتني حتى ملكت حشاشتي ورجعت من بعد الوصال هجرتني ف لأدعون عليك في غسق الدجى يبليك ربي مثلما ابليتني فجأة وبدون سابق إنذار نزلت دموعها ما تدري ليش بكيت لكنها تعرف تماما أن وضعها صعب .. رجعت على مخدتها تمسكها بقوه تخاف تنهار .. وقف العزف سمعت منصور يقول :خالد بتنام ؟ جاه الرد : لا بس بتسطح شوي ..كمل عزفك . قال منصور :لا لا لا يمكن تحاول تنام وأزعجك . عضت شوق شفتها من القهر والنار تأكلها من داخل كان يعزف وهي نايمه ولا فكروا فيها كإنسان عالاقل ! قالت لنفسها : بلاش هبل يا شوق .. سيارتهم أهم من هم مثلي .. سالت دموعها وعلى وشك الانهيار .. ترك منصور عوده وانتبه لياسر ونومته وابتسم لنفسه قال بسخرية : آسف يا ياسر بس أبي أغيض نواف ! لحظه لحظه يا منصور تعتذر لولد الفقر يصطفلون الاثنين .. ناويكم نية .. بس أقوم اغسل يدي .. قام لدورة المياه يمشي بهدوء .. مسحت شوق دموعها بعد ما حست إنها أول مره تبكي لا لا لا ما كانت أول الدموع لكنها كانت أحرها .. قامت من سريرها بسرعة رايحه ع دورة المياه ما انتبهت لهم ولا كيف وضعهم كانت دموعها تشكل غمام بينها وبينهم .. كانت خطواتها سريعة وماسكه شماغها تخاف يطيح على غفلة .. طلعت من الغرفة رغم إنها اكبر من بيتهم إلا أنها ضيقه فيها .. فجأة صدمت بشخص .. اييييه شخص اكبر واعرض شخص كان يهين قبل ساعتين شخص نسف كرامة ياسر لأنه فقير ..! كانت بين أيدينه .. كانت صغيره بجنبه .. شهقت شوق لأن هالشخص لو كشفها أكيد بتروح فيها .. أكيد بتضيع بعده .. تكلم منصور بربكة وصوت مبحوح : ياسر ! قالت شوق بصوتها الطبيعي الخايف : نعم ! اتسعت عيون منصور وكأنه مو مصدق .. انتبهت شوق لوضعها بين أيدينه وابتعدت عنه ودخلت للحمام وصكت الباب بكل قوتها .. قالت بصوت خفيف يرتجف : انتهيت ! انتظروني الجمعه القادمه ~ | ||||
|
| |
|
07-07-12, 01:14 AM
| #50 | ||||
| نجم روايتي وشاعرة متألقة بالقسم الأدبي 
|  مشكوره يعطيك الله العافيه انا عندي طلب ياليت لوتقدري اطولي بالبارتات اشوي اذا ماعندك مانع وأتمنى تنزلين البارت قبل يوم الجمعه بصراحه ماعندي صبر بعد البارت الحلوه اسفه تعبناك معانا وانت جايه من براء بس استحملينا يالغلا | ||||
|
| |
 |
| أدوات الموضوع | |
| انواع عرض الموضوع | |
|
|
23Likes
العرض العادي
