ليه يا بعد ها الدنيا

[اسيرة الماضى]

هذاالبارت اهداء الي كل الاعضاء واهداء خاص لجرح الذات تسلمى يا عسل.

[اسيرة الماضى]

الفصل العشرون


بيت ابو سلطان

غرام كانت جالسة بالمراجيح كانت تفكر فى زواجها اللي ما بقى عليه شىء اقل من شهر اقل من شهر ويجمعها بيت وسقف واحد مع فارس الا ما تدري عنه شىء او عن اطباعه سمعت احد يقول ممكن .
لفت شافت ريم غرام:هههههههه تفضلي حياك.
جلست ريم:ايش سر الضحكة.
غرام:ذكرتينى بموقف من الطفولة.
ريم:اذا ممكن تضحكينى معك.
غرام:ممكن كان عمري يمكن 10 او11 كنا نلعب بالحديقة وانا جالسة بالمراجيح جت بنت وجلست وحاكتنى فجاة وانا تخرعت فانا هبيت فيها المسكينة وقلت لها انتى شلون تجلسين وهاوشتها صارت كل ما تشوفنى تقول ممكن.
ريم وغرام:ههههههههههههههه.
ريم"كنتى شقية.
غرام:علي قولة جدى عناد شقية مرة.
ريم:شلون تجهيزاتك للعرس؟
غرام:ماشى الحال.
دق جوال غرام اللي انقذها من الموقف هذا ردت:هلا فزاع.
..............................................
غرام:الحمد لله بخير انت شلونك؟
...............................
غرام:ايه.
.......................
غرام:لا عزام.
....................................
غرام:اوكى انتبه لحالك وسلم علي الكل.
........................................
غرام:مع السلامة.لفت كانت تبي تسال ريم عن شىء بس تفاجات بالشخص اللي جالس فكرت بنفسها هذا من متى هنى وشلون جلس بدون ما تحس.
فارس وكانه قرا افكارها:خبرة اكتسبتها من الجيش.
غرام :حست باحراج ولاول مرة تركز فى ملامحه مزيون مرة قالت لنفسها وتقابلت عيونهم نزلت عيونها علي طول.
فارس:شلونك وشلون اخوانك؟
غرام:الحمد لله تسلم شلونك انت؟
فارس:بخير .
طلب منها فارس تمد له ايدها رفعت له عيونها بتساؤل بس يوم تقابلت عيونهم ما حست الا وايدها فى ايده حست بشعور غريب امان وحنان لبسها الخاتم اللي كان جايبه لها بس مقاسه كان كبير اخذه عشان يخليه علي مقاسها لبسه لها ولا شعوريا رفع ايدها وطبع قبلة حانية علي كفها وباطن يدها سحبت غرام ايدها بخجل ومشاعر قد اختلجت داخل روحها باحراج:عن اذنك.
فارس مان مستوعب اللي صار ما يدري ليه سوي جذي بس شىء بداخله يقوله تدري ليه سويت كذا شافت لايده وابتسم احساس حلو يحس فيه الحين بحياته ما حسه وفراغ بداخله بدي يمتلئ بس يا فقارس لا تتامل كثير لا تتامل .


مهند كان داخل المطبخ شاف وحدة معطيته بظهرها بس عرفها غناة روحه ممكن يميزها من بين الف حرمة كان يبي يطلع ما يبي يحكى معها ما يبي يضعف ما يبي يحاكيها لف ولفت هى بعد بنفس الوقتولاشعوريا قالت:مهند.
وقف مكانه ومعطيها ظهره ما يبي يناظرها يكفى ما داس علي نفسه وكرمته وهى ولا علي بالها لحد هنى وبس.
شوق اللي دموعها نزلت لالول مرة هالجفا من حبيبها وزوجها:مهند انا اسفة..
ما نطق ولا بكلمة حتى نفسه حس انه مكتوم طلع من المطبخ ومن البيت بكبره.

انهارت شوق فى المطبخ وهى تصيح من قلب اهع يا مهند لو تدري اشكثر احبك او اللي انا فيه كان عذرتنى احبك بس خايفة خايفة جلست علي الارض وحطت ايدينها علي وجهها وصاحت.

بيت ابو عبد العزيز
دخلت اسيل راجعة من الجامعة شافت عبد العزيز وطلال قدام بيتهم .
اسيل:السلام عليكم.
الكل:وعليك السلام.
طلال:يلا عن اذنك سلم علي الشباب.
عبد العزيز:تروح وترجع بالسلامة.
طلال:الله يسلمك.
وطلع من البيت وقلبه ينزف يوم شافها توقع علي الاقل انها ممكن تكون زعلانة بس هى ولا علي بالها شكلك غلطت يا طلال وقلبك غلط فى الاختيار.
دخلت اسيل البيت وعبد العزيز صعد لداره.
ام عبد العزيز:اسيل يمة.
اسيل:هلا يمة.
امها:كذا يمة ترفضين طلال بدون ما تشاورينى او حتى تاخذين وقت تفكري فيه يا بنتى طلال ما في مثله.
اسيل:يمة شتقولين؟
امها:والله طلال والنعم فيه و..........
اسيل وقفت بصدمة :انا رفضت طلال.............بس ابوي ما.....وتذكرت ابوها يوم كلمها.
ابوها:يا بنتى اليوم جايك معرس.
اسيل:يبه تدري راي فى الموضوع وانا ما ابي اتزوج الين اخلص دراستى.
ابوها:بس يا بنتى.......
اسيل:يبة ارجوك لا تجبرنى.
ابوها:ما تبين تعرفين منو المعرس؟
اسيل:ما ابي اعرف.
ابوها:متاكدة.
اسيل:ايه متاكدة.
الحين بس عرفت سبب تجاهل طلال لها حست بالم كبير يعتصر قلبها العاشق ركضت لغرفتها ودموعها كنهر جارف .
امها:اسيل اسيل.
دخلت غرفتها وارتمت علي سريرها تصيح وتصيح بكل مرارة والم بكت حبها وقلبها العاشق بكت حلمها.
شهد اللي كانت عن حب طلال واسيل المخفى استغربت يوم قالت لها امها عن رفض اسيل لطلال وكانت تحسب انه صار شيء خلاها ترفض بس الحين يوم سمعت اللي دار عرفت شنو اللي صار.
قامت تشوف اختها دخلت الغرفة وشافتها تصيح جلست جنبها وصارت تمسح علي شعرها اسيل يوم حست بيها قامت ولمت اختها وبكت اكثر .
اسيل بالم:خسرته يا اسيل خسرته خسرت طلال تخيلي انى رفضته طلال اعرغه نفسه عزيزة مستحيل يرجع يتقدم لي مرة ثانية انا ايش سويت .
شهد اللي ما كانت تدري شنو تقول:كل شىء بيتصلح.
اسيل:اللي انكسر عمره ماراح يتصلح .
شهد:طيب حبيبتى قومى صلي فرضك وارتاحى شوي ونزلي للغدى.
اسيل اللي قامت:ما ابي غدى.
شهد:علي راحتك وطلعت وسكرت باب الحجرة وراها وهى تدعى انه ربي يفرج هم اختها .

بيت ابو سلطان

شوق اللي قامت وكانت توها بتطيح حست باحد مسكها خافت بس يوم لفت وشافت غرام ابتسمت لها بالم .
غرام:شفيك شوق؟
شوق:فينى الم وقهر.
غرام اللي شافت مهند وهى طالعة عرفت انه فيه مشكلة بينها وبينه ما حبت تدخل:شرايك نسوي كاس يانسون.
شوق اللي جلست:اذا ما فيه كلافة؟
غرام:تدلي يا بنت العم.
اخذت غرام تدور علي الاغراض وتفتح درج وتسكر درج بعدها دلتهاغرام علي مكان كل شىء بعد عشر دقايق جهزت غرام كاسين يانسون اخذت واحد وعطت شوق واحد.
شوق:ممكن نروح مكان نقدر نحكى فيه.
غرام:انتى اللي ادلين البيت عدل وانا وراك.
شوق:يلا وراحوا مع بعض.
شافوا جود قدامهم:وين وين ؟
شوق بعصبية:جود مالي خلق لك.
جود:شفيها هذى؟اسفين اخت شوق.
راحت شوق وقفت غرام :جود.
جود بحدة:نعم اشتبين انتى الثانية بتكملين اللي بدته.
غرام:عن اذنك .
طلعت غرام وقفلت الغرفة وراها ويوم شافت دموع شوق ما تكلمت الين تهدى.


بيت ابوجاسم
ام جاسم كانت فى بيت ابوها ضاري كان نازل ومعه لاب توبه شاف اخوه وزوجته تحت جالسين .
ضاري:هلا باخوي وزوجته.
جاسم:هلا علي وين العزم.
ضاري:رايح عند الحبيبة انا وعزام بنام عندهم الليلة اشرايك تخاوينا وبعدين قال لااصلا خلاص راحت عليك.
ملاك:ههههههه.
جاسم:هين يا ضاري هين.
ضاري:هانت ايامك يا اخوي خلنا نتغشمر معك بكري يجيك ولد خلاص بتكبر .
جاسم:قالولك بزر انا؟
ضاري:قلتها بنفسك وشرد من البيت .
ملاك:هههههههههههههه والله انه فلة.
جاسم:نعم نعم.
ملاك:ههههههههههه لا تقول تغار من ضاري.
جاسم وهويبوس خدها:اغار عليك من النسمة اللي تلامس خدك.
ملاك:شلون شغلك؟
جاسم وهو يحط ايده علي بطنها:بخير شلون حبيب ابوه.
ملاك:بخير بس احيانا بيشاغب.
جاسم:ايه خله ابيه يطلع قوي.
ملاك:هههههه حرام عليك توه بزر.


بيت ابو سلطان
شوق اللي انهت حديثها لاول مرة تحكى لاحد وترتاح وتنهى السر اللي ذبحها غرام اللي منجهة كانت متفهمتها.
شوق:فهمتى الحين ليش خايفة.
غرام:ايه بس لازم تتخطينها وانتىالحين صرتى كبيرة وتفهمين الموقف اللي شفتيه يوم كنتى صغيرة .
شوق:صعب كل ما اتخيل انى بتزوج مهند ارجع اتذكر الشغالة ووو شلون كانت تصارخ وتتالم .
غرام اللي جلست تفهم شوق وتوضح لها ولان عندها خلفية عن علم النفس ساعدتها كثير.
بعد ساعة ونص نزلو ثنينهم وجلسوا مع الكل.
وكانوا الشباب معهم.
نواف:هلا والله بحبيبات قلب عمهم.
غرام وشوق:هلا عمى نواف.
جلسوا البنات علي كنبة وقام نواف جلس بينهم وهو يهمس :مسوين اجتماع مغلق.
شوق:هيك شىء.
نواف:متزاعلة مع مهند.
شوق:ليش قالك شىء.
نواف:لا بس متغير مو مهند اللي اعرفه وكله شارد وسرحان.
شوق ما تبي تبين:يمكن من الشغل.
جود وجوري وقمر كانوا جالسين بلحالهم ويسولفون مهند كان بعالم اخر وصراع مشاعره تركي كان يسولف مع فارس عن الشغل وفيصل وفهد ماسكين نورة وتعليقات وسوالف ما تنمل ريم كانت ساكتة وتناظر الباب تنتظر متى يدخل حبيب عيونها دانة اللي كانت تسولف مع ريم اللي دقيقة معها وعشرة لا ماجد اخذ محاضرة مرتبة من اخوه عن حركاته ومحمد اللي كان هو وخالد يشوفون موقع علي النت.
تهانى اللي كانت جالسة تشوف فارس بنظرات متفحصة ونوف اللي كانت تبعث بمسجات لصديقها وائل.

مهند سمع صوت جواله بمسج فتحه وشاف الاسم حياتى قرا المسج حس بامل وفرح بس ما يبي يبين لها يبي يعطيها درس.

نواف وهو يقول:شلون عروستنا؟
شوق:غرام وفهمنا عرسها بعد اقل من شهر وان شلي؟
نواف:ما قالوا لك؟
شوق:شنو؟
نواف:ابو تركي كلم ابوك عن العرس لانه مهند عنده شغل بري وطلب منه يحدد العرس وابوك وافق والعرس بعد اسبوع.
شوق اللي فتحت عيونها وغرام:شوق اهدى وهدى اعصابك.
شوق:ليش وانا شنو رايي.
نواف:انتى وزوجك متدربين علي ردة الفعل ونفس الحكى.
شوق:ليش مهند ما كان يدري؟
نواف:لا.
شوق كانت صح خايفة انه العرس قرب بس كانت حاسة بفرح انه مهند قربه بس الحين يوم عرفت انه هو بعد ما يدري كانت خايفة من الحياة اللي تنتظرها مع مهند فى بلاد غير عن بلادها.
نواف:غريبة البنات يوم سمعوا الخبر اللي تقل ما يمدى اجهز واللي ما يمدى افصل وانتى العروس ما تحكيتى.
شوق تغتصب بسمة:والله انهم رايقات.
غرام بحنية:شرايك شوق نطلع مع بعض ونشتري مع بعض .
شوق:ايه فكرة ما ابي اروح مع المغثات.
نواف:ههههههههههههاي لو يسمعونكم.
دق جوال فارس ورد عليه وبعدها ابتسم بسمة اول مرة تشوفها غرام بسمة اضاءت محياه .
انحرجت يوم رفع نظره يشوفها وشافها تناظره ابتسم وقفل الجوال.
وصلت رسالة لغرام وكانت من ضاري....
هلا غرام
سوري ما نقدر نجيك وخلاص كلمت فارس بيجيبك
لا تعصبى ولا تنسي انه زوجك
سلامات قلبي.
غرام اللي اول ما قرت الرسالة رفعت عينها والتقت بعيون فارس اللي كان يناظرها ما تدري تفسر نظراته تحدى او شنو.

دق تلفون ريم وكان راشد اللي قال لها انه بالبيت وطلب منها تجى سكرت منه وراحت لشوق.
ريم:انا رايحة البيت خلي فارس وبندر معك اليوم.
شوق:طيب لا تحاتى بعيونى.
ريم:مشكورة.
طلعت من بيت جدها وطلع معها محمد اخوها لانه الوقت صار متاخر شوي يوم وصلت ودخلت البيت راح محمد.
صعدت الدرج بسرعة ودخلت الغرفة فسخت عباتها ونقابها بعد شوي طلع راشد وكان باين عليه التعب .
راشد كان يناظر ريم بحب وهيام وكانه اول مرة يشوفها مو ريم حبيبته وروحه وزوجته وقلبه كان مشتاق لهامشتاق لها حيل قرب منها ولف خصلة من شعرها علي اصبعه وهو يبتسم لها بحب.
راشد:مشتاق لك مشتاق لك موت.
ريم اللي حست انه هذا هو راشد حبيبها وكل شىء بدنيتها ابتسمت لها وهى تحط راسها علي كتفه:سلامتك من الموت يا بعد عمري.
راشد اللي دفن وجهه فى شعره ورائحة عطرها ملئت انفه.
ريم:راشد انا احبك.
راشد:يا قلبي علي اللي تحبنى يا ناس.
ريم:مهما صار مارح تتركنى.
راشد:مهما صار.
ريم:ولا تزعل منى مهما صار.
راشد بمزح:عاد ما اوعدك.
ريم حست بخوف ولمته حيل:راشد لمنى ولا تتركنى.
راشدلمهابحنان وهو يطبع قبلات عاشقة علي وجهها وعنقها:الحين راضية.
ريم:خلنى اقرر لمها راشد وهو يضحك لحبيبته.

بيت ابو فزاع
نزل نايف من فوق يبي يشرب شاف ضاري وعزام جالسين بالصالة وفارس نايم جنبهم.
نايف:ضاري قم اخذ فارس علي غرفته.
ضاري:حاضر عمى تامر شىء تانى.
نايف وهو رايح المطبخ:لا سلامتك.
عزام اللي يبتسم ويناظر البرنامج اللي كان يشوفه ضاري اخذفارس لغرفته ولحفه زين ونزل اخذ الريموت من عزام.
ضاري:يا اخى طفشتنى انت وبرامجك.
عزام:احسن من خرابيطك.
طلع نايف ومعه كاس عصير جلس معهم ضاري:غريبة طلعت من المعتقل.
نايف:اريح شوي.
عزام : يحسب الناس مثله ما ادري شلون نجح ما كان يدرس بس ساعة سا عتين بس عينى عليه باردة ذكى ولد عمتى.
ضاري:اعجبك.
نايف:مغرور.


بيت ابو سلطان
فارس قام دخل المطبخ وبعدها رجع كان يحكى مع تركي اللي كان يبتسم.
فارس:غرام يلا مشينا.
تهانى التفت لهم وهى تشوف غرام تقوم.
نواف بصوت واطى:رايحة مع فروس.
غرام ابتسمت لعمها وطلعت وري فارس ركبت بالسيارة فارس نطرها الين استوت بجلستها وحرك السيارة.
غرام اللي كانت جوعانة ما اكلت ببيت جدها لانها ظلت مع شوق والحين بس حست بالجوع.
سمعت صوت معدتها ومو هى بس اللي سمعته حتى فارس اللي شافته يبتم مع انه ما كان يبيها تبين.
وفجاة مسك بريك بقوة..........

قراءة ممتعة.

انتظرونى يوم السبت.

[جرح الذات]

مشكوره حبيبتي على الاهداء الرائع
فارس خل بالك على غرام لانها محتاجتلك وانشاء الله تفوز بقلبها
وشوق هل سبب خوفها هو نايف او احدثاني
طلال واسيل الله يوفق بينهم وجمعهم
اسوره منتظرينك يوم السبت انشاء الله

حبيبتي لا تحريمينا من ابداعك
دمتي بود

[جرح الذات]

اسيره وينك منتظراك لاتتاخرين

[هبة]

الرواية أُقفلت حسب طلب الكاتبة أسيرة الماضى ...


و إن شاء الله تُفتح قريباً ...