آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
02-08-17, 11:01 AM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  دخيل عيُونك السُّود يكفيكْ ذبَحت قلبي مِن غَلاك وملكته / للكاتبة عازفة الحنين
التعديل الأخير تم بواسطة لامارا ; 22-08-17 الساعة 02:59 AM | |||||||||||||
|  |
|
05-08-17, 10:36 PM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
|  بسم الله الرحمن الرحيم السلام عليكم ورحمة الله وبركاته.. مرحبا هلا قوة اهلين اليوم بحط لكم روايتي خذت مني كل تفكيري واستنزفت الكثير من مشاعري فهي تحمل الكثير من ذكرياتي وبعض اللحظات من حياتي اتمني تعجبكم وتلقي استحسان عندكم وحتي اللي ما اعجبته احب اسمع رايه فيها باقي لي في الرواية اخر ثلاث اجزاء يعني شبه مكتمله يعني ماراح انطركم كثير او اسحب عليكم لاني قبل ما اكون كاتبه انا قارئة بالدرجة الاولي ما احلل ولا ابيح اي شخص ينقل الرواية بدون اذني واتمني ما تخجلوني واشوف ردودكم والا  انتظروني مع الجزء الاول من روايتي... التعديل الأخير تم بواسطة لامارا ; 09-08-17 الساعة 08:53 PM | ||||
|
| |
|
05-08-17, 10:40 PM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| دخيل عيُونك السُّود يكفيكْ ذبَحت قلبي مِن غَلاك وملكته الجزء الاول قلْ للحّزنْ آلليّ سّكَنْ بِ آطرَآفْ كَليّ يسّتكَينْ قِله خلآصّ . . وآلله خلآصّ* مَآ عّآدَ | تغرّيني‘ آلحّيآة* مَآ عّآدَ يغرّيني‘ (فرحّ ) ! مآ عِدّت افرآحّ بـ : آلقـآ مآ عِدّت بـَ | ............................ عّيونْ آلحّيآة جّنونْ* وّ وّ وّ ضحكَآتّ وشغّبْ ..* أنْآ غدّيتَ بـّ عّينهآ طفّله ولعَثمّها 0آلحّـزنْ ، طفّله ( مّمزوجَة ) بـِ / وجّعَ =(* طفّله تبيّ تنطقَ "حِـلمّ" ومَآتتْ آلكَلمّة جّفآء ، مّآتتْ حـّزنْ* مّآتتْ وجّـعَ مدريد..اسبانيا الساعه العاشرة صباحا وخرت نظاراتها بهدوء ووضعت الكتاب جانبا لانها احست ان رقبتها تعبت قليلا رفعت نظرها للحديقه الجميله التي لم تكن تبعد عن بيتهم سوي عشر دقائق وضعت نظاراتها الشمسيه ووضعت نظاراتها الخاصه للقراءة بالعلبه الخاصه بها ووضعتها في شنطتها البيضاء. ناظرت حرمه عوده صارلها اكثر من ساعه جالسه وتناظر حولينها كانها ضايعه او شيء وقفت حطت حقيبتها علي كتفها الا تجيها كوره علي جانب راسها. مسكت راسها ولفت شافت بنت صغيره وعل وجهها نظرات الذنب والخوف نزلت لمستواها ووخرت نظاراتها فوق راسها وقالت بلغه اسبانيه لا غبار عليها"ولا يهمك حبيبتي خذي كرتك والعبي" باستها البنت علي خدها واخذت كرتها وراحت تركض حطت ايدها علي خدها وابتسمت بحب وراحت عند الحرمه وهي ترتدي عباءه سوداء شتويه فخمه . قالت بهدوء"السلام عليكم ورحمة الله" سمعت الحرمه تقول بتعب"وعليكم السلام يا بنتي" جلست بجانبها وهي تمسك يدها بحنان"شفيك يا خاله" الحرمه بتعب وارهاق"نزل السكر عندي وشنطتي ضاعت مني وفيها ابرة السكر" اخذت جوالها من شنطتها وطلبت رقم اختها اللي ردت عليها من اول رنه قالت"هلا رهوف وينك فيه؟ ........... طيب تعالي انا عند الحديقه لا تتاخرين ........... قالت تطمنها"فديت قلبك والله ما فيني شيء انتي تعالي وانا بخبرك بكل شيء من متي صرتي تحنين كذا ....... ضحكت لها"طيب لا تتاخرين ......... في حفظ الله قفلت الجوال وحطته علي الكرسي وقامت للكشك القريب جابت عصير وماي واعطتهم للحرمه اللي ابتسمت لها بامتنان وتعب كانت جميله فعيونها العسليه لم تفقد بريقها وبياض بشرتها رغم تلك التصبغات التي تاتي مع التقدم في العمر. سمعت صوت اختها ترمي السلام ونظرات الاستغراب بعيونهاقالت بهدوء"هلا رهف خالتي ...ناظرتها بموده ما تعرفت علي اسمك؟؟ الحرمه بتنهد:وضحه. رهف ابتسمت لاختها وقلبها الطيب اللي قالت"عاشت الاسامي..وقالت لاختها الخاله وضحه هبطلها السكر وضاعت منها حقيبتها" بهدوء قالت"خاله بيتنا مو بعيد عن هناالحين تروحن معنا اعطيك ابره السكر وبعدها نشوف اذا نقدر نكلم اهلك طيب" وضحه بهدوء"طيب يمه" رهف ابتسمت لاختها وقالت"ياسمين ممكن تسوقين؟؟" ياسمين ضحكت لانها كانت جايه بسيارة اختهم العوده واكيد ردت البيت الحين وراح تسوي سالفه لانها جايه بسيارتها. قالت بعد ما ساعدت الحرمه تركب السياره"وانتي شله تجين بسيارتها" رهف تضحك"ما ادري " ياسمين ناظرتها نظره يعني انتي تبين هواش معها وبس وركبت وري كرسي السايق وابتسمت للحرمه اللي كانت مغمضه عيونها تريحهم من التعب. حركت السياره وهي تبتسم لاختها في المراه وتلك العيون البنيه تلمع بفرحه غريبه كانت متاكده ان نجحت وتخرجت واصبحت الان مهندسه. لم يستفرقا اربع دقائق الا وكانت السياره تتوقف امام البيت لتنزل وتتجه الي الجهة الاخري من السياره وتفتح الباب وتساعد وضحه علي النزول. دخلت باحه البيت وقالت وضحه وهي تناظر الجلسه اللي بالحديقة:ما عليه يمه نجلس هنا. ياسمين ناظرت رهف وقالت بهدوء:طيب. جلست معها بهدوء علي الجلسه البيضاء والسوداء والمغطاه من فوق بالخشب ومفتوحه علي الجوانب والطاوله التي تتوسط الجلسه تشبه القوقعه. ناظرت اختها جايه وفي ايدها سفره فيها اكل وحطتها علي الطاوله وجلست بجانب اختها. رهف بموده:يا خاله كلي لك شيء عشان ما تتعبين. وضحه بتعب:تسلمين يا بنتي ما قصرتي. رهف ببسمه:انتي من ريحه السعوديه يا خاله الود ودي اروح ازورها. وضحه:ما قد زرتيها قبل. رهف ببسمه:من سنتين رحت عمره بس اشتقت لها ولهواها وحرها. وضحه ببسمه:من زمان عايشين هنا. ياسمين بهدوء:لا كنا عايشين بسيدني يوم كنا صغار بس يوم امي تولد رهف الله اخذ امانته وبعدها بسنه ابوي نقل مدريد . وضحه :الله يرحمها. الكل:الله يرحمها ان شاء الله. وضحه تناظر ياسمين باعجاب واحترام:الا شنو تدرسين؟ ياسمين ببسمه:انا متخرجه من هندسة كومبيوتر ورهف اخر سنه لها تصميم ديكور وبعد فيه اختنا العوده ندي محاميه. وضحه باعجاب:الله يحفظكم ان شاء الله. ياسمين بهدوء :امين ان شاء الله. ياسمين تسالها بهدوء:ما تعرفين اسم الفندق والا رقم احد من اهلك. ناظرتها بهدوء وهي تراها تغمض عينيها بهدوء وكانها تريح عينيها بعد دقائق سمعتها تقول انا احفظ رقم ولد اخوي. طلعت جوالها وفتحت قفل جوالها اللي كان هديه من ابوها ايفون 5 وما رضت تغيره كتبت الارقام اللي سمعتها و ضغطت علي زر الاتصال. %%%%%%%% الساعه الحادية عشر صباحا الشرقية..السعودية كانت واقفه تناظر الفرس اللي تركض بالحقل المحاط بسياج من الخشب بلون ابيض ابتسمت وكم تمنت ان تكون حره بهذه الطريقه فهي تحس انها مقيده باغلال لن تستطيع ان تفكها. سمعت صوت اخوها من وراها:ليش تغيرتي؟ بهدوء مميت وهي لم تلتفت له:ما تغيرت بس اخوك ما انتظر اشرحله ما طلب يسمع مني سمع بس منه والكل صدقه حتي اللي كان المفروض يكون زوجي صدقه وتركني بس يوم يعرفون الصدق قولهم ما ابي احد يعتذر مني لاني ماراح اقبل اعتذار أي احد فيهم. سال بهدوء:اذا طلبت منك تشرحيلي اللي صار يومها تشرحيلي. ردت بهدوء:يمكن يجي يوم واقولك بس الحين ما عندي طاقه عشان اتكلم احس اني صرت مثل التمثال بدون شعور. كملت بسخريه وهي تضع خصلات شعرها المتمرده خلف اذنها:تدري صارلي شهرين ما طلعت بري البيت..ناظرت الصدمه بوجهه وكملت..حتي يوم مرضت والتهبت حنجرتي تدري امي شقالت..احسن تموتين ونفتك منك انت صارلك يومين بس راد من السفر وراح تناظر بعيونك. قالت بالم كان واضح بصوتها:كنت راده بشهادتي كنت فرحانه بس كسرو حلمي ودمروني يلا كما تدين تدان. قال بهدوء:هديل ما ادري شلون وكيف بس انا اعرفك زين مستحيل تسوين شي مثل هذا بس اللي ابيك تعرفينه انك تقدرين تعتمدي علي. ناظرته بحنان:مشكور ياسر ادري لو كنت موجود يومها كان غير رمت نفسها بحضنه وبعدت عنه وقالت وهي تخفي دموعها:الفرس ذي لمن؟ ياسر بهدوء:اظن حق سعود ولد عمتي. ناظرها تراقبه باهتمام وقال:بتروحين حق عرس ولد عمك؟ بنفسها قالت ما ادري اروح عرس طليقي او لا لا والمصيبه بيتزوج بنت عمي:تصدق ما فكرت بس بروح اذا ما رحت بيقولون زعلانه وحاسدتهم واذا رحت بيقولون شين وقواة عين في الحالتين بيتكلمون عشان كذا بروح. ياسر برجوله:سوي اللي تبينه وانا اخوك.. ابتسمت يذكرها بابوها الله يرحمه لو كان عايش الحين كان سكتهم كلهم وما احد تجرا يمد ايده عليها قالت بهدوء:ابي اركب الفرس.. وتذكرت شيء وقالت:ياسر امي بتتزوج.. ياسر انصدم وكانه مو مصدق:شنو؟؟ قالت بالم وهي تلبس جلالها لانها سمعت صوت جاي:الحين مو وقت حكي يا خوي.. سمعت صوت عمتها تقول من وراها:اجتماع مغلق.. قالت ببسمه اللي تحس بحنان الكون في عيونها وحكيها وتصرفاتها:مغلق علي الكون كله الا عليك يالغاليه.. عمتها ببسمة وهي تبادل نظراتها بينهم:عسي الله لا يحرمكم من بعض.. ياسر بموده:امين ولا يحرمنا منك يا عمتي ساره. ساره بموده:تري امك راحت وتقول تقدرين ترجعين مع ياسر . ابتسمت لعمتها التي تعرف امها جيدا فهي اذاقتها المرار وستذيقها المرار اكثر. ياسر ابتسم وقال:بروح للشباب ومتي ما بغيتي تردين بس عطيني كول. قالت بهدوء:طيب. سمعت عمتها تقول بهدوء:هديل انتي ليش ما تخبريني شنو اللي صار ليلتها ببيتكم. تنهدت:عمتي واللي يسلمك لا تساليني عن شيء انا ما اقدر اتكلم عنه صعب يا عمتي بس بيجي اليوم اللي الكل بيدري فيه عن الحقيقه. عمتها بهدوء:ابوي من شوي طرد امك من البيت. بالم اجتاح خلاياها ولم يفارقها منذ مده:عمتي امي بتتزوج. ساره بصدمه وهي تحط ايدها علي جبهتها عاده اعتادت عليها حين تكون متوتره:من صدقك. هديل ببرود:ايه. نظرة الصدمه بعيون عمتها جعلتها تقول لعمتها :تراها بتتزوج طليقك. ساره هنا انهارت علي ركبها وهي تضع يديها علي الارض وتمسك علي العشب بقوه. هديل لم تقترب منها بل جلست بجانبها وهي تقول:اسفه بس ..... ساره رفعت ايدها كانها تقول اسكتي واللي دموعها صارت تتساقط علي العشب الذي تحتها كزخات مطر هادئة لكن حارقه. نزلت دمعه يتيمه علي خد هديل مسحتها بسرعه وهي تتمني ان تصبح انسانه خفيه لا يراها احد فامها فعلت كل شيء سئ لاهل ابوها . فزواج عمتها كانت هي من اصرت عليه وها هي الان تتزوج من طليق عمتها الذي سرق من عمتها كل شيء عمرها وفلوسها . سمعت عمتها تقول بغصه:يبون يذبحوني اهوا وياها. هديل بهدوء:عمتي انا ما بحاول ادافع عن امي بس هو الحين تركك وما سوي فيك خير ليش زعلانه عليه الحين خلي يروح باللي ما يحفظه و....ما قدرت تكملها فمهما تكون فهي امها. ساره بحده وصياح:انا مو زعلانه عليه خلي يروح حسبي الله عليه بس انا زعلانه علي عمري اللي ضاع معاه زعلانه علي حياتي اللي قضيتها مع واحد سرق عمري وفلوسي عشان اني ما اجيب عيال وبالاخر رماني رمية الكلاب (اكرمكم الله) سكتت وهديل احترمت سكوتها ...ساره حست بغصه في صدرها وقالت بحده:اهيا ليش تكرهني ..سكتت وهي تتذكر كلمتها لها منذ قليل(خذا اللي تعرف تقدره وتجيب له ولد). هديل اللي حست انه عمتها انهارت قربت منها ولمتها وصارت تصارخ:ليش يا هديل ليش...هديل ما قدرت تتحمل وصاحت وهي تسمع صياح عمتها وضرباتها لكي تفلتها. هديل من بين دموعها:عمتي هدي حالك تري ما يستاهلون دمعه من عيونك يالغاليه اذا انا بنتها سوت فيني اللي سوته فلا تنتظري منها شيء. كملت :انتي لازم تكون ثقتك بنفسك قوية انتي دكتوره مخ واعصاب لازم ترجعين حق شغلك اللي تركتيه لانه هو السبب والحين سبب راح ولا تقولين العمر ضاع تري بعدك بالثلاثين يعني العمر قدامك لا تجلسين تتحسفين علي عمرك اللي ضاع علي ناس ما تستاهل وانتي قدامك مستقبل بكبره . توقفت عن المقاومه ولمت بنت اخوها بقوة وهي تصيح بقوة وصوت يئن وجع وقهر وحسرة وقالت بالم عميق:بس يوجع يا هديل احس نار بجوفي. هديل بمواساة وتفهم:ادري انه صعب احس باللي تمرين فيه الحين بس بيمر يا عمتي اساليني انا ويقولون انه الالم ينقص يوم نشاركه مع احد نحبه. ساره بحرقه:اليوم اخلص عدتي . ردت وهي تحضنها وتحط خدها علي كتفها:انهي معه كل شيء ابي باكر اشوف سارة الاوليه عمتي اللي الضحكه ما تفارق عيونها. ساره بحزن:وانتي؟ هديل تتذكر التاريخ وقالت بسخريه:تدرين صارلي يومين مخلصه عده وناسيه. ساره تحاول تبتسم وسط دموعها وحزنها:خلاص يا هديل انا مستحيل اخليك مو مفكرة تشتغلين. بهدوء:انا اشتغل بس من البيت الحين اريح وما ادري عن باكر. وخرت ساره وهي تمسح دموعها وتحاول تغير الجو:تدرين شكثر احلم ارد اداوم بالمستشفي والزحمه والمرضي والعمليات. هديل ببسمه هادئه:بتلقين شيء تشغلين فيه وقتك عمتي. ساره تضربها بخفه علي كتفها وهي تحمر عيونها اللي محمره اصلا من كثره الصياح:قولي ساره شنو عمتي ذي. هديل تفرك مكان الضربه وهي تضحك:تدرين صايره مثل مصاصي الدماء ومع الهالات ذي صايره دراكولا. وخرت جلالها وهي تبتسم وعمتها بدت تركض وراها كانت تركض وشعرها يتطاير وراها وتضحكان كطفلتنان صغيرتان. كان ابو ساره يناظرهم وهو يبتسم تذكر يوم كانوا يهال تمني لو تروح كل هموهم ويردون مثل اول. وكان فيه شخص اخر يراقبهم من بعيد لانه لا يريد ان يراه احد فهو لا يجوز له ان يراها طفلته الصغيرة. @@@@@@@@@@ مدريد ياسمين وهي تسمع الهاتف يرن سالت بهدوء:خاله انتي شسمك كامل؟ وضحه وهي تحس نفسها صارت احسن قالت:وضحه سالم الضاحي. انمحت الابتسامه عن وجهها ليحل مكانها جمود وصدمه يا الهي ما هذه المصادفه القاتله لماذا يتبعونني لماذا يذكروني بالماضي القاتل والاسود. لم تستطع النظر اليها مره اخري تعلم انه ليس لها ذنب لكن دمهم يسري في عروقها . استيقظت علي صوت اقفال الخط الذي لم تنتبه مطلقا انه انفتح بالاصل اعادت الاتصال وهي تشعر بكل تلك الالام تعود من جديد. انفتح الخط فورا وهي تسمع صوتا هادرا يقول:تتصلون وما تحكون بعدين شلون الرقم اخذته. قالت ببرود قاتل:السلام عليكم ورحمة الله. رد السلام وهي تحس بالمفاجاة في صوته:نعم بغيتي شيء. ردت بهدوء مثلج:وضحه الضاحي شتقرب لك؟ قال بهدوء:حاولي مرة تانية وحاولي تجيبي عذر احسن. ناظرت الجوال ببرود لو يدري انه اخر انسان بالعالم تفكر تسمع صوته او أي احد من هالعائله او أي احد يقرب لهم. لم تستطع ان ترفع نظرها للحرمه لانها لا تستطيع ان تنظر اليها بطريقه يمكن ان تهينها لانها الان لا تستطيع السيطره علي نفسها. وقفت وقالت بهدوء :عن اذنك. وراحت بدون ما تناظرها وضحه استغربت التغير المفاجئ لهذه الفتاه ولمحه الالم التي اجتاحتها حين ذكرت اسمها. ياسمين تقابلت مع ندي وهي بتدخل البيت بس ما تركتها تتكلم:ندي ما ابي اسمع الحين شيء روحي قعدي مع الحرمه ولا احد يناديني او يكلمني بجهز الغدي. ندي استغربت من اختها وتحولها المفاجئ اليوم قبل لا تروح شغلها تقابلت معها وكانت حيل هادئه وتضحك وبتطبخ الغدي بعد يعني معصبه وبتحط حرتها في الطبخ. ابتسمت للحرمه وقالت:شلونك الحين خاله وضحه؟ وضحه بهدوء:اكيد انتي ندي. ندي ببسمه:ايه انا ندي. وكملت سوالف معاها بهدوء وندي كانت دبلوماسية وتعرف تساير الناس بحكم شغلها في المحامه. عند ياسمين كانت متوتره وتعرف انه الخاله لاحظت توترها بس مو بايدها العيله هذي دمرت حركت راسها بقوه تنفض منه الافكار التي لن تؤدي الا لوجعها. فتحت قائمه الاسماء وهي تبحث عن اسمه فهو لم يتصل بها منذ مده وهي لم تتصل ايضا وضغطت علي زر الاتصال. عند ندي اللي ناظرت اختها بحده وهي تجلس وتلك الاخري التي تبتسم بشماته لانها لا تستطيع الحديث قدام الضيفه. وضحه ببسمه:انتم جايين وري بعض بعضكم. رهف بضحكه:لا يا خاله بينا ياسمين. قالت وهي تبتسم بموده:قبل اللي يجون وري بعض يكون بينهم نقار ذكرتوني باختي اللي اصغر مني انا وياها كنا مطفرين بامي مرة اعضها ومرة تنتف شعري. ندي بضحكه:بعد ما وصلنا لذيك المرحله. وضحه قالت وهي تصلح غطي راسها:ما شاء الله تبارك الرحمن عيونكم ملونات وشعركم فاتح. رهف ببسمه:امي الله يرحمها ايرلندية. وضحه:الله يرحمها. ابتسمت رهف وهي توخر شعرها الكستنائي عن عيونها بهدوء وفستانها الاسود الطويل والجاكيت البيج التي عليه اظهرت جسمها بطريقه جميله. ندي قالت:امين. وضحه استغربت تاخير ياسمين وناظرت باب البيت. ندي بحده ملاحظتها قالت:ياسمين بتطبخ لنا الغدي عشان كذا تاخرت والا تبين ندخل البيت لا يكون بردتي. وضحه ببسمه علي اسلوبهم واحترامهم:لا يا بنتي الهوي هنا يرد الروح. ندي بشعرها القصير الناعم الذي كان يتحرك بمجرد تحريكها لشعرها لا تحبه طويل لذلك فهي دائما تقوم بقصه. وفستانها الاخضر القصير ابرز عينيها الخضراء اكثر وتلك الرموش الكثيفه. @@@@@@@@@@ | ||||
|
| |
|
05-08-17, 10:43 PM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت الثاني تعلمت من حياتــــــى.. أن أودع من أحب فى صمت.. أن أجامل من أكره من أجل من أحب.. أن أحذر من صديقى أكثر من عدوى فقد يكون خصمى ..يوما..مـا وأن الوفاء عمله نادره..ولكن ..ليس صعب الحصــــــول عليها الشرقيه بمقر الاستخبارات الخاص الذي لا يعرف بمكانه الكثير ضحك علي ملامح صديقه وهو يقول:معجبه جديده! رد بضيق:ما ادري الحين من وين جابت الرقم لا وبعد متصله من رقم خاص بس عندها برود لو يوزعوه علي السعوديه برد حرها وزاد.عرف هالشيء بحاسته السادسه التي لا تخطئ. ضحك اكثر وهو يمرر ايده بشعره ويوخر ظهره علي الكرسي الجلدي بتعب:احد يقاوم جمالك يا صقر. صقر كشر :بس تدري ما لوع كبدي الا اخر واحد قبضنا عليه قال شنو قال يحبني الله يلوع كبده . ضحك من كل قلبه وهو يتذكر عمليتهم الاخيره وهو يقول:مو احسن مني اللي يناظرني يحسبني مو سعودي. صقر بضحكه:وهذا اللي مساعدنا بالشغل يا شاهر. شاهر سمع صوت جواله واختفت البسمه من علي وجهه وهو يناظر الرقم وحتي صقر لاحظ هالشيء وقال:منو؟ اشر له بايده يعني بعدين ورد وفتح الخط جاه صوتها ترمي السلام بهدوء رد السلام وخوف يملا قلبه لانها لم تتصل به منذ مده. سمعها تقول بهدوء:شخبارك يا خالي؟ رد وهو يتنهد وقد زال الخوف من ملامحه :بخير انتي شلونك؟ صقر باستغراب وهو يناظر ملامحه. رجعت قالت ببرود:بخير..اعرف انه تعرف عائله الضاحي. قال وهو يرفع حواجبه باستغراب:ايه ليش؟ ردت وهي تتنفس بصعوبه:من شوي اتصلت بواحد فيهم قفل علي الجوال يحسبني اغازله مصدق روحه ما يدري اني ما ابغي ...سكتت وسمعته يضحك بهدوء و يقول باستغراب اكبر:انتي اللي اتصلتي من شوي؟ صقر باستغراب منو اللي اتصلت عليه وردت اتصلب بشاهر لا ويعرفها بعد. صقر بهدوء:شصاير؟ شاهر اشر له ينتظر وقال:ليش اتصلتي؟ ياسمين بغصه:وضحه الضاحي ما ادري شتقرب له بس اليوم لقيتها ضايعه بالحديقه وهي الحين بيبتنا. شاهر يناظر صقر وقال بسرعه:عمتك مسافره؟؟ صقر وهو يوقف علي ريوله بطوله الفارع:ايه رايحه مع خالي مدريد. شاهر غمض عيونه وقال:يا..... ما خلته يكمل كلامه وقالت:الظاهر انه الاستخبارات صارت تشغل أي احد واحد مضيع اهله والثاني ضايع منه الحكي لا وتجيهم تلفونات معاكسه. شاهر ابتسم غصب عنه وهو يناظر صقر القلق وهو يقول :شفيك؟ ياسمين بهدوء:الا مبروك المقر الجديد. الجمته الصدمه عن الكلام وبانت علي ملامحه وصقر صبره نفذ. سمعها تقول:مع السلامه.وقفلت الجوال. صقر بحده:شفيك؟ شاهر بهدوء:عمتك شكلها ضايعه ولقوها بالحديقه واللي اتصلت بك من شوي عشان كذا. اخذ جواله من علي الطاوله وطلب رقم خاله ليجده مقفل وكذلك رقم ابن خاله وقال بغضب هادر:هواتفهم مقفله. شاهر بهدوء:صقر لا تحاتي عمتك بالحفظ والصون. صقر باستفسار:عند منو هي ومنو اللي كلمتك ؟ رد بهدوء وقال:عند بنات اختي. ما هذه المصادفه الغريبه التقت نظراتهم وذكريات اجتاحت ذاكرتهم كعاصفه هادره هددت بتدمير الكثير. رد جلس علي كرسيه وسمع جواله ورقم ولد خاله يضيء الشاشه رد :هلا طلال عمتي وينها؟ تلعثم وهو يتكلم لذلك قال بصوت هادر:شنوووو؟ رد يقول بغضب وهو يسمعه يقول ببرود انهم نسوها:شلون تطلعون وتخلونها لحالها والحين صرتوا بفرنسا وعمتي بمدريد نسيتوها حقيبه هي والا شنو عشان تنسونها. طلال رد وقال:بس... ما تركه يكمل كلامه وضرب بايده علي الطاوله بقوة وغضب وهو يقول:لا تحكي اكثر ويلا مع السلامه. قفل الجوال واحذفه علي الطاوله الا يكفيه ان تعود له ذكري يتمني ان يمحوها من فكره لكنها يبدو انها ستظل تلاحقه الي اخر يوم بحياته. ناظر شاهر اللي كان واضح انه غارق بافكاره وقال بصوت عالي:شاهر شفيك؟ شاهر باستغراب:تقولي مبروك علي مقركم الجديد. صقر بابتسامه صغيرة بباله يعني هي اللي اخترقت الشبكه الاسبوع اللي طاف . اخذ جواله وطلب الرقم بسرعه وهو يقول:شاهر ابي اكلم عمتي. رمي السلام بعد ما انفتح الخط وقال:ابيك الحين تاخذ اول حجز علي مدريد وتطلع ما ابي اسئله الحين بعطيك عشر دقايق تحجز فيهم وبعدها اكلمك. قفل السماعه وهو يناظر شاهر اللي كان يطلب رقمها لياتيه صوتها الهادئ:اتصل علي ندي او رهف لاني الحين اطبخ. كان يعرف انها متوتره وموجوعه والطبخ مهربها احس بالراحه فالطبخ افضل من وسائلها الاخري :الله يحفظك. قفل الخط بعد ما سمعها تقول:امين. ورد اتصل بابنه اخته الاخري التي ردت ببسمه واضحه في صوتها عكس اختها:هلا والله بالقاطع. قال ببسمه وهو ياشر لصقر اللي يبي يكلم عمته انه ينتظر:هلا باللي مقطعه جوالي اتصالات. سمعها تضحك وتقول لاحد جنبها كان متاكد انها ندي:هذا خالي شاهر. قال وهو يضحك علي كلامها:عطيني الحرمه اللي عندك اهلها يبون يكلمونها؟؟ باستغراب قالت:وانت تعرفهم؟؟ شاهر بقله صبر:بلا لقافه الحين. مد الجوال لصقر لياتيه صوت عمته التي بالنسبه له هي ام ثانية وشيء كبير لو خسره لا يعلم ماذا يفعل فهي كتله من الحب والحنان. سمعها تسلم وهي تقول بهدوء:صقر. رد برجوله:هلا يمه. سمعها تقول بحنان:لا تحاتي يا ولدي الله يسلمهم البنات مريحيني بس لا تبطي علي يا ولدي. غمض عيونه وهو يتمني لو يقدر يطير لها الحين:ماراح ابطي يالغاليه فهد الليله يكون عندك وانا بكلمك كل شوي لا تحاتي يالغاليه اللي عندهم ناس اجاويد. سمعها تقول وكانها تاكد كلامه:ايه يبه ونعم فيهم. قال براحه:طيب يمه انتبهي لنفسك. قفل الخط ورمي الجوال علي شاهر اللي امسكه بمهارة وهو يقول:تري ما لي قلب اشتري جوال جديد. شاهر وصقر اصدقاء منذ ان دخلا الكليه العسكريه وتربطهم علاقة صداقه واخوه وثقه متبادله وهذا ما جعل من عملهم مع بعض ناجح. صقر بنص عين:لا تنسي انه هالشهر فيه زياده علي راتبك يا بخيل. شاهر وهو يرفع حاجبه:من عاشر قوما...... صقر ناظره بنظرات فهمها شاهر حتي بدون ما يتكلم وقال:لا تحاتي مستحيل تضايقها باي كلمه. @@@@@@@@ طلعت من غرفتها اللي كانت بالدور الارضي وناظرت اختها ومرت ابوها جالسين بالصاله وشكلهم كانوا بالسوق. تذكرت الليله ملكة بنت عمها وما عندها شيء تلبسه تنهدت بداخلها ما كلفوا نفسهم حتي يقولون لها. سمعت مرت ابوها تقول وهي تناظرها:صحيتي العنود دقيت عليك الغرفه فما رديتي عشان كذا رحنا قلت يمكن ما تبي تروح ملكة بنت عمها. العنود جلست وبنفسها تدري انها لا دقت ولا شيء:ولا يهمك خالتي مزنة بمشي حالي. سمعت اختها تقول:شلون تري صارلك فتره ما طلعتي السوق. ردت بهدوء:يمكن استعير منك فستان يا هدي. هدي بصدمه:وانا يا حسرة منين لي. ضحكت بداخلها بسخريه وهي تناظرهم بهدوء وما تدري شنو راح تلبس الليله من وين بتلاقيها من مرت ابوها وبنتها والا من ابوها اللي مرته مسيطره عليه رغم طيبته والله رحمها انه بنتها الاخري تزوجت وراحت دبي ارتاحت منها لانها كانت حيل نار وما تحبها كلش. هدي بشماته:يمه يلا عشان ما نتاخر علي الصالون لانه التسريحه اللي ابيها لفستاني بتاخذ وقت. امها بتطنز:العنود لانك بالبيت لا تنسين تسوي عشا حق ابوك لانه الشغاله راحت بيت اختي. طلعوا من البيت يضحكون بس عشان يغيظونها بس ما اهتمت لهم شنو راح تسوي الحين انسدحت علي الكنبه وهي تحط شعرها الاسود علي جنب ولوت بوزها وتاففت. سمعت صوت الجرس وقفت وهي تاخذ جلالها فتحت الباب وناظرت حرمه بدون نقاب وكان شكلها مو سعوديه قالت بهدوء:مشكورة اختي بس عندي امانه لك انتي مو العنود الصالح. العنود باستغراب:ايه انا. طلعت لها ورقه طلبت منها توقع عليها وقعت العنود وهي تناظر اسم الشركه الاسبانية. الموظفه قالت لها :ممكن يدخلون العمال عشان يدخلون الاغراض. فتحت الباب وقالت باستغراب:طيب. دخلوا العمال ومهم اكياس ملونه وبشعار ماركه ما ناظرتها قبل حطوا كل الاغراض بغرفتها وطلعوا وقعت علي ورقة الاستلام وقفلت الباب. دخلت غرفتها بتشوف الاغراض ومن منو اللي توصلها رساله علي جوالها وضحكت من كل قلبها وهي تقرا الرساله: مرحبا عنود ادري فيك دوم تنسين وبعد اللي عندك مو مسويه خير عشان كذا قلت اعيد عليك قبل العيد وعسي تلبسينهم بالهنا ادري بالملكه الليله وما عندك ما تلبسين بس تري انا ما بدوم لك علي طول!!!!ولا تتصلين الا بعد ما تشوفين الاغراض بخسرك مكالمه دوليه. رمت جوالها وفتحت الاكياس عجبها الفستان الاحمر وبعد فيه فستان بني وبجزمه اكرمكم الله وعطور وحتي اكسسوار الشعر مو بناسيته الله يا يا سمين شكثر حنونة وطيبه. فتحت اخر كيس وصرخت وهي تقول بصوت عالي:حسبي الله علي ابليسك يا ياسمين قطوه. كانت تخاف منهم حيل رغم انه منظرها كان مره حلو ولونها ابيض وبرها كثيف بس مستحيل تقدر تعيش معها. اخذت جوالها واتصلت بها وهي تناظر القطوه تخاف تهجم عليها. @@@@@@@@@@@ مدريد جهزت الغدي علي الطاوله وسمعت جوالها ومن النغمه عرفت انه ابوها ردت السلام باحترام بعد ما سمعت ابوها يسلم. جاءها صوته الهادئ والحنون:هلا يبه تراني بتاخر علي الغدي اليوم. ردت باحترام عميق:طيب يبه وبعد نحنا فيه عندنا ضيوف. سمعت صوته بسؤال :ايه شاهر كلمني من شوي شخباركم؟ ياسمين وهي توخر شعرها الاحمر اللي ورثته من جدتها:بخير يبه لا تحاتي. قال بحنان:انتبهي لنفسك مع السلامه. مع السلامه قالتها وهي تقفل الجوال وتحطه بجيب بنطلونها وطلعت للحديقه ووقفت وقالت:يلا الغدي جاهز.وردت دخلت البيت. كان تود ان تهرب ولكن هذا الشيء سوف يكون قلة ذوق وعدم احترام ووالدها لم يعلمها هذا الشيء ظلت واقفة بمكانها وهي تحاول السيطرة علي نفسها ورسم ابتسامه عادية علي وجهها. دخلوا البيت وندي تناظرها بحيرة ابتسمت لها وهي تجلس وندي ساعدت الحرمه تجلس بكرسيها. ياسمين كانت تعرف انها تناظرها رفعت عيونها وابتسمت بصعوبة:تفضلي يا خاله. وضحه ناظرت الطاوله والاكل مسوية كبسه وورق عنب وتبوله وكان طريقتها بتزيين الاكل تشهي و بعد مسويه بيتزا. ياسمين وقفت واخذت الصحن اللي قدام وضحه وسالتها شتبغي تنهدت بداخلها وهي تسمعها تقول:علي ذوقك. حطت لها من الكبسه وفخذ دجاج وعلي جنب حطت لها ورق عنب وتبوله وردت الصحن قدامها وهي تتمتم :صحتين. حطت لخواتها وهي تبتسم لهم وتعرف شلون يحبون ورق العنب والبيتزا واخذت هي سلطه وجلست تاكل بهدوء. ندي كانت مستغربه من اختها فيها شيء بس ما تدري شنو ورهف نست تخبرهم بانه النتايج طلعت. وحبت تسويها مفاجاة يوم يرد ابوها بعد مع انها متاكده ميه بالميه انه ياسمين عندها خبر. ياسمين سمعت صوت جوالها وكانت متاكده انها العنود استاذنت وردت علي جوالها:هلا عنود. ...... ضحكت بعفويه:تراها مو حقك بس انا حبيت اسوي فيك مقلب من زمان عنك. .... ابتسمت علي كلامها وقالت:ابي منك تاخذينها حق هديل. ..... قالت بحده شوي:تري بزعل عليك ما بينا هالشيء وادري فيك وبظروفك.. ..... طيب. ..... احمرت خدودها لااراديا وهي تسمع كلامها وقالت:اشوفك علي خير. قفلت الجوال وحطته علي الطاوله وما قدرت ترفع راسها وتوعدت العنود بنفسها رغم قوة ياسمين الا انها خجوله جدا. ندي بهدوء:ياسمين تري بروح انا ورهف السوق رهف ناقصها اغراض وانا ابي اشتري هدايا لانه بننزل السعوديه نهاية الاسبوع. ياسمين بهدوء:طيب لا تنسين تاخذين اجازة من الحين وخليها مفتوحه. ندي بنظرات استغراب بس نظرات اختها المعتادة خلتها تسكت لانها حتي لو سالت ماراح تجاوبها. وكملوا اكلهم بهدوء. @@@@@@@@@ الرياض دخلت ساره وهديل البيت وكل واحده منهم علي وجهها بسمه غير عن العواصف التي بداخل كل واحده منهما. ناظرت جدها جالس قربت منه وحبت راسه بمحبه وجلست بجانبه وهي تمسك بيده:اشتقت لك يا ابو سالم. ساره وهي تسوي نفسها زعلانه:الحب كله لهديل وانا شنو؟ ابوها ببسمه:بلا عياره وبعدين هديل بنت الغالي مكانها ما يملاه احد. ابوها كان الولد البكر لجدها وابنه الاخر توفي في حادث وترك ولد ربته امه مع زوجها وابن اخر لا يزوره كثيرا و ثلاث بنات احداهم توفيت بحادث مع زوجها وتركت ولد رباه جدها. ساره بوزت وناظرت اختها اللي كانت تضحك:شفتي يا سعاد اخذت مكانا. سعاد تغمز لبنت اخوها:حلالها. هديل ناظرت لعمتها تحرها وتلك الاخري التي جلست وهي تضحك وقالت بهدوء:يبه ابي ارد شغلي. ابوها بفرحه:الله يكملك بعقلك يا بنتي ان شاء الله بكلم واحد ما بيرد لي طلب. كمل وهو يقول بصرامه وبلهجة امره:هديل تري من اليوم بتعيشين معي في بيتي ذاك البيت ما ابيك تدخلينه بعد اليوم وخلي ياسر ياخذك عشان تجيبين اغراضك. لم تناقش جدها لان هذا الخبر قد اسعدها كثيرا استاذن ابو سالم عشان يبي يرتاح شوي قبل الغدي. سعاد بحنان:دريت انه امك بتتزوج؟ هديل هزت راسها بالايجاب وهي تتبادل النظرات مع ساره ولم يفت سعاد هذا الشيء واللي قالت:شعندكم تري النظرات ذي اعرفها تربية ايدي؟ ساره بهدوء:تري كوثر بتتزوج حمد؟ سعاد باستغراب:حمد منو؟ ساره بهدوء اكبر:حمد زوجي السابق. شهقه خرجت من سعاد لااراديا وناظرت هديل اللي نزلت راسها وقالت:لا تنزلين راسك يا بنت اخوي تري مالك ذنب باللي تسويه امك الله يهديها ان شاء الله الله يهديها. استغربت رده فعل اختها بس تعرف انه هديل من اخبرتها ويبدو انها تقبلت الخبر فبين سعاد وهديل علاقه قوية ومتينه رغم محاولات كوثر لابعاد ابنتها عن عمامها وعماتها. ساره وهي تحط راسها علي فخذ اختها اللي صارت تمسح علي شعرها قالت:الا تعالي قلتي لي انك تشتغلين من البيت شلون؟ هديل وهي تغمض عيونها:الله يخلي الانترنت . كملت وهي تقول:اصمم مواقع لبعض الشركات او اشخاص والتعامل كله عن طريق الانترنت والحمد لله الشغل ماشي. سعاد:الله يوفقك دنيا واخره . هديل بموده:امين...الا شلون الشباب يا عمتي؟ سعاد تبتسم:بخير والحمد لله يسالون عنك. هديل:الله يحفظهم لك ليهم وحشه وبالذات ساري. سعاد عندها شابين واحد باول ثانوي واخر بصف ثالث ابتدائي. سعاد تضحك وهي تلعب بشعر اختها:ذاك اليوم قال حق ابوه ابيك تحجزلي هديل بتزوجها هههههههه. سارة و هديل ضحكوا من قبل فهذا الفتي الشقي يدرس في الصف الثالث الابتدائي. ساره وهي تقوم من حضن اختها وتضحك وتقول:اما ولدك ذا صايع من الحين. سعاد تضربها بخفه:الله يحفظ ولدي من عينك. هديل كان تشبه عمتها سعاد من عيونها العسليه لشعرها البني الناعم. سعاد ببسمه:ابي اروح الصالون منو تروح معي. هديل تناظر عمتها وتسال:ليش؟ سعاد ببسمه:ابي اغير لون شعري وبسوي كذا تغيير. هديل ببسمه مماثله وهي تجلس جنبها:شرايك اسويلك انا احسن من مشوار الصالون . سعاد بحنيه:ما ابي اتعبك... هديل تحط ايدها فمها:تعبك راحه يا ام سالم افا كم سعاد عندنا الا هي وحده. ساره وهي منسدحه علي الكنبه ومغمضه عيونها:وانا خلي اخلص العده وبسوي ميك اوفر. هديل بمزح:ناخذك علي جويل. ساره بنص عين:وعوو كلها نفخ وشفط. سعاد تتنهد:ما هبل الناس الا المسلسلات التركيه الله يهدينا ان شاء الله. ساره وهي تحط ايدها علي قلبها:امين. هديل تبتسم:امين. سمعوا صوت جرس الباب فتحت الشغاله الا تسمع هديل صوت العنود وقفت ركض وتعثرت بس قامت وهي فرحانه ولمت العنود علي الباب. عمتها سعاد تسمي عليها وساره تبتسم تعرف علاقه هديل والعنود حيل قوية. العنود بفرحه:هديل خنقتيني. هديل بغصه:وحشتيني. ابتسمت لها ولمتها اكثر وهي تبوس خدها:وانا اكثر يالغاليه فديت روحك. العنود بضحكه:بنظل واقفين كذا عند الباب. هديل تبعد عنها وهي تقفل الباب:تفضلي حياك. دخلت العنود وهي تبتسم وسلمت علي عمات هديل وهي مبتسمه. هديل باستغراب :العنود شنو الصوت اللي طالع من الكيس ذا. ناظري فيه تري الهدية حقك..قالت هالكلام وهي تبعد بخوف. هديل ناظرت الكيس والقطوه اللي كانت فيه بيضاء بعيون زرقاء قالت بنفسها سبحان الله واخذتها بين ايدينها وقالت بفرح طفله لم تتجاوز العاشره:واي تهبل..ناظرت العنود وقالت:مستحيل تكونين انتي جايبتها ادري فيك تكرهين القطو. العنود ناظرتها ببسمه وهديل ابتسمت اكثر وقالت:لا تقولي ياسمين. العنود هزت راسها بالايجاب. هديل بموده:فديت قلبها والله اني مشتاقه لها موت نازلين اهم نهاية الاسبوع عشان عرس ولد خالها. سعاد بموده:عسي الله لا يحرمكم من بعض. الكل:امين. هديل استاذنت من عماتها وراحت مع العنود غرفتها اللي كان جدها مخصصه لها يوم تجي عندهم من حياة ابوها الله يرحمه. دخلت وقفلت الباب والعنود فسخت عباتها وجلست علي السرير وهديل مقابلتها علي الكرسي. هديل بتنهيده:شفيك؟ العنود تضحك بسخريه:تدرين انه ابوي رضي يجيني عندك لاني عطيته 500 ريال. هديل لم تنصدم لان ابو هديل يشبه امها كثيرا وقالت:لا تتعبي حالك والله يهدي تدرين ابوك يشبه امي. العنود بالم:تخيلي يقولي روحي بتاكسي قهرني يا هديل قهرني. كملت ودمعه يتيمه علي خدها:حتي المحامي اللي خطبني الاسبوع اللي طاف اتصلت مرت ابوي علي امه وما تركت شيء شين الا وقالته لها. هديل بتفهم والم علي حالة صديقتها:الله علي ظالم بس مالك فيه نصيب تري. العنود بقهر وهي تفتح شعرها اللي ضايقها:لمتي يا هديل. هديل اللي فتحت عيونها بصدمه:انتي ليش قصيتي شعرك. ناظرتها العنود بالم ونزلت عيونها اللي حرقها الدمع. اجتاح الالم كل خليه في جسد هديل وهي تقوم وتجلس جنبها:حسبي الله ونعم الوكيل فيها اللي ما تخاف الله. مسكت اطراف شعرها المقصصه بطريقه عشوائية شعرها اللي كان واصل لخصرها الحين صار الين اكتافها من فوق وجهة اطول من الثانية. تنهدت هديل :عسي الله يحرق قلبها ما ادري هالمره شفيها؟ العنود بغصه:ابوي رفض اروح المشغل وقال انه مصاريف زياده و.. ما قدرت تكمل كلامها لانها غصت بدموعها وحطت راسها علي كتف هديل وصاحت. هديل مسحت علي شعرها وهي تقول:لا تحاتي انا بسوي لك شعرك اللي يشوفك يحسبك مسويته بباريس. ضحكت من بين دموعها وهي تقول:الله لا يحرمني منك. هديل وهي توقف وتبتسم:خلي انادي عمتي لانها بعد تبيني اسوي شعرها. @@@@@@@@@ | ||||
|
| |
|
05-08-17, 10:46 PM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الثالث أبضحك وأظهر البسمة ولو إن الجروح اجداد 3-| وترى قلب الحريقة ضو ولو وجه الحطب رامد . . . ، بكون أكبر من الغلطة وبعلن للهوا ميلاد مدريد ياسمين بهدوء وهي عند باب البيت:انتبهو لنفسكم وما ابي هواش ولا تتاخرون ولا تنسون تاخذون هدية حق زوجة ماجد. رهف تضحك علي شكل ندي اللي موع اجبها الكلام واللي قالت:حاضر ماما. دخلت للبيت مبتسمه وها هي تظل معها لوحدها تحس في كل مرة تنظر اليها بغصه والم يكاد يمزق قلبها. ارتاحت وهي تناظرها مغمضه عيونها قالت بهدوء:اذا تبغين ترتاحين داخل اريح لك. هزت راسها بالايجاب وساعدتها علي الوقوف تلقائيا وهي تتجه لغرفه الضيوف التي بالطابق الارضي والتي نظفتها منذ ساعات وبخرتها وغيرت اللحاف والشراشف. فتحت الباب وشغلت الليت وظلت واقفه الين انسدحت وضحه وقفلت الليت والباب وراها وراحت الصاله. سمعت صوت جوالها جلست واخذته من علي الطاوله وهي توخر راسها علي الكنبه وترد بهدوء:السلام عليكم. جاها صوت خالها اللي رد السلام بهدوء وقال:شلونك الحين؟ ردت ببرود:بخير. حل صمت لثواني ليعود للقول:ام جاسم شلونها؟ ياسمين ببرود:زينه نامت من شوي. سمعت خالها وكانه يكلم احد فقالت:ما عليها شر بس تعبانه شوي ونامت. شاهر بحنان:ياسمين. تنهدت بداخلها:تطمن ما بها شيء. شاهر ببسمه:انا ابي اتطمن عليك! ياسمين:بخير يا شاهر بخير. ابتسم من زمان ما سمعها تقول اسمه:دوم يا قلبي . ضحك وهو يسمعها تقول:خلها حق زوجك لانه الحقوق محفوظة اخاف تقاضين. رد بضحكه:ما اظن تعرف له. ردت بحده:لا تكسر من نطرك سنين لانه سكوتك رضا ولا تجي الحين ... ما كملت كلامها وسمعته يقول:اشوفك. تمتمت بالسلام وقفلت الجوال. @@@@@@@@@@@ الشرقيه دخلت العنود بيت عمها وهي تبتسم علي الزينه والديكور الحلو اكيد البنت الوحيده لعمها بيسوي لها اكثر من كذا تنهدت بداخلها ياليت بس ابوها عنده ربع حنان عمها. ناظرت مرت عمها واللي قربت منها وهي تقول:تو ما نور البيت هلا بالعنود بنتي. قربت منها وحبت راسها:سامحيني خالتي لطيفه علي القصور.. ما تركتها تكمل كلامها وهي تقول:كل شيء منك عسل وكملت بهمس وبعدين ادري بمزنه الله يهديها. ابتسمت لطيبه هذه المراة وهي تسمعها تقول:فسخي خلي اشوف شنو لابسه؟ وخرت نقابها وعباتها وسمعت مرت عمها تسمي عليها وتقول:عسي بس قريتي علي نفسك. هزت راسها بخجل وهي تصلح شعرها. لطيفه بانبهار وهي تناظرها بالفستان الاحمر الطويل واللي ماسك عند الركب ونازل بطريقه رائعه ومن فوق بكم واحد جاي علي الجنب والجانب الاخر شك باللون الابيض. والحذاء الكريستالي بورده خضراء واكسسوارات خضراء وشعرها اللي سوته مثل فكتوريا بيكهام بس اطول شوي. لطيفه بدراعتها السوداء بتطريز ذهبي مسكت ايدها وقالت:الليله بيجوك خطاب كثر . ابتسمت وهي تمشي مع مرت عمها بكل ثقه وناظرت مرت ابوها اللي جالسه مع بنتها وحريم. مزنة ناظرت اللي مع لطيفه وما اعرفتها وهي تسال بنتها:هدي منو ذي اللي مع مرت عمك. هدي بصدمه وهي تناظر فستان اختها وتسريحتها كانت طالعه روعه قالت بدهشة:هذي العنود يمه. مزنة تفتح فهمها بذهول وهي تقول:ها. العنود وهي تقرب علي مرت ابوها ابتسمت لها وهي تبوس وحده من قرايبهن ونزل شعرها ووخرته وري اذنها بخفه وهي تناظر اختها وامها المقهوره . راحت لبنت عمها اللي كانت طالعه قمه في الروعه بفستانها التركواز وتسريحتها البسيطه ومكياجها الصارخ باركت لها بمحبه. توها بتجلس الا سمعت مرت عمها تكلمها راحت لها قالت لها بهمس:روحي المطبخ استعجلي الخدامات بالبوفيه. العنود ببسمه:من عيوني. راحت المطبخ وناظرت شغالة بيتهم معتفسه قالت وهي تضحك علي شكلها وملامحها المعفوسه:شفيك كيتا ؟ كيتا تتحلطم:هذا فيه يقول قهوة مو زينه واجد خفيف لو اصب انا فوق راسه كان زين. ضحكت العنود من قلب:خلاص انا اسوي القهوة وانتي روحي شوفي تجهيزات البوفيه لا تتاخرين. حطت الماي علي النار وطلعت السكر والقهوة وهي تضحك علي كيتا وبعد خمس دقايق كانت القهوة جاهزه حست باحد واقف بباب المطبخ الخارجي لفت بسرعه بس ما كان فيه احد بس رائحه العطر الرجاليه كانت تعبق المكان . احست بالخوف وهي تعطي للشغاله الدله عشان تاخذها وراحت للصاله وقلبها يرقع. راحت عند مرت عمها وخبرتها انه البوفيه جاهز ابتسمت لها وراحت عند البنات تسولف معاهم. مزنة كانت بتموت قهر من وين لها الفستان وشعرها اللي قصته لها كانت تغلي مثل بنتها تماما. هدي بحره:يمه ناظريها فستانها يهبل احلي من فستاني وناظرت فستانها الابيض بدوائر سوداء ماسك عند الصدر ولنص الساق. مزنة تتحلف:خلي نرد البيت واراويها عنيد ان ما خليتها تتحسف ما اكون مزنة. عند العنود اللي كانت تبتسم حق صديقه بنت عمها اللي كانت تقول:تصدقين العنود قصة الشعر طالعه عليك خيال تهبلين. قالت بضحكه خجوله:تسلمين سهي هذا بس من ذوقك. سهي ببسمه :الله يسلمك الا شفيها مرت ابوك شوي وتذبحك بعيونها. تنهدت بداخلها:ما عليك منها انتي شخبارك؟ سهي ببسمه:الحمد لله بخير احسك ما عرفتيني صح. العنود باستغراب:لا اللي اعرفه انك رفيقة مايا. سهي بضحكه حلوة:وبنت خالة ياسمين. العنود بمفاجاة:صدق وانا اقول ليش ارتحت لك كذا. سهي ببسمه:شفتك مره بصور عند ياسمين وحتي بعد خالتي لطيفه تصير عمتي. العنود ببسمه:حلو الدنيا صغيرة. كملت وهي تشوف التساؤل بعيون العنود:كانت فيه مشكله بين عمتي وابوي والحمد لله انحلت عشان كذا ما كنتي تشوفينا عندها. العنود بضحكه ساحره:صدق شكلي كنت بغيبوبة. سهي :ولا يهمك يا حلو . @@@@@@@@@@ سعاد اللي حطها سعود جدام البيت واصر انه ينزل معها عشان يتطمن انها اوصلت وبعد يشوف العيال . البيت كان هادئ سالت الخدامه قالت لها انه العيال ببيت عمهم استغربت ليش رايحين وانه زوجها بالغرفه اللي بالدور الارضي. ناظرت سعود وما تدري ليه قلبها انقبض وهي تسمع صوت ضحكات زوجها العاليه. يارب لا تفضحني قدام ولد اختي يارب ارحمني يارب لا تفجعني يارب رحمتك كانت تردد بداخلها وهي تتجه نحو الغرفة مشت بخطوات خائفه وهي لا تعلم لما كل هذا الخوف بقلبها ليشح اسه انه فيه شيء قلبها يقول كذا والا ذي بس وسوسة شيطان اعوذ بالله منه يمكن يكلم في الجوال وضحك بصوت عالي بس ريولها كانت متردده انها تروح للغرفه فهي لا تعلم ما الذي ستراه وراء ذلك الباب. معقوله يسويها ويكون مع حرمه هزت راسها وهي تقول لا لا لا زوجها يخاف ربه وما يمكن يسوي كذا. توقفت امام الباب بخوف وهي تضع يدها علي مقبض الباب ولكنها قبل ان تفتح ناظرت سعود اللي كان يماظرها بترقب وابتسمت له ببهوت وكانها تبي تطمنه او تطمن نفسها من نظراته. بس يوم لفت قبضة الباب احست بالدوار وهي تري زوجها نصف عاري ما راته اقرفها ولوع كبدها ما راته لم تتوقع ان تراه باسوء كوابيسها سقطت علي قدميها بكل انهيار والم وانكسار واهانة وانخداع. خرت علي الارضية الرخاميه كزجاج تحطم الي اشلاء واللي ينكسر ما يرد مثل اول شلون كانت مخدوعه فيه شلون قدر يخدعها كل هالوقت وبغرفتها وعلي سريرها ياريته تزوج ولا سوي اللي سواه. مو قادرة تستوعب اللي تناظره وحست بقرف ومعدتها قلبت عليها ودموعها اللي نزلت علي خدودها كانها جمر. سعود اللي قرب من عمته ورفع نظره لزوجها ونزل نظره وبقلبه قهر وغضب حط ايده علي كتف عمته اللي كان يعرف انها مقهوره من هذا التافه. ولكن صدمته كانت اكبر وهو يناظر الذي بجانبه والذي خرج يركض بخوف ليقف سعود ويتجه اليه ولكن اوقفه صوت عمته وهي تقول:لا توسخ ايدك بنجاسه. وقفت علي قدميها بخوف وهي تمد ايدها لسعود اللي كان يغلي من الغضب وضربه بوكس خلاه يوقع علي الارض. راح لعمته اللي حطت راسها علي كتفه وسمعت صوت عيالها وقالت برعب:سعود عيالي. سعود لف وناظر العيال مع عمهم والكل مستغرب وش اللي يصير. رجعت سعاد نقابها وهي تقول لعيالها:سالم ساري روحوا غرفكم. طلعوا بدون أي كلام لانه صوت امهم يعرفونه غير قابل للنقاش. مشعل ناظر رفيق اخوه وهو طالع ومنظره الغريب وثوبه المقلوب قال والشك يملا قلبه:شصاير؟ سعود ما قدر يرفع عيونه له فهو يحترم مشعل كثيرا وهو ليس ابن عمته فقط بل هو بمثابه الاب بالنسبة له . مشعل اللي ناظر اخوه يطلع من الغرفه ووراسه بالارض وحس بالارض تلف بيه وهو يسمع صوت بكاء مرت اخوه. سمعه يقول:سعاد سامحين..... قالت بقهر:جب لا تتكلم ما استحيت علي وجهك عيالك بطولك وتسوي هالشيء اللي ما يرضي لا الله ولا رسوله. حسبي الله ونعم الوكيل فيك حسبي الله ونعم الوكيل فيك حسبي الله ونعم الوكيل فيك رددتها وقلبها يكاد يقتلع من الالم والوجع والخيانه رياض ناظر اخوه اللي يستجمع افكاره وعارف انه ماراح يسامحه اخذ بوكه من علي الطاوله وطلع يركض من البيت وهو يسمع صوت اخوه من وراه. مشعل بالم وقهر ولم يجد أي كلمه اعتذار قد تخفف ما فعله ذلك الاحمق اخوها. لم يتوقع بكل حياته ان يفعل شيء لا دينهم ولا تربيتهم علمتهم هالشئ ليش يا رياض ليش. قالت بيأس:عيالي ما ابيهم يعرفون شيء ما ابي احد .... وما كملت كلامها لانها طاحت مغمي عليها من شده الصدمه والفاجعه التي راتها امام عينيها. مشعل اللي طلع من البيت وناظر امه قدامه ويبدو انها سمعت كل شيء حصل طلع وركب سيارته يشوف اخوه وين ذلف. سعود اللي مسك عمته وحطها علي الكنبه وراح للصيدليه جاب شوي كحول وشممها لها وناظرها تفتح عيونها بصعوبه . سمع صوت عمته تقول:سعود روح الحق مشعل لا يذبح اخوه. وجلست هي بجانب سعاد التي اشاحت بوجهها عنها وهي تقول:بتكملين اللي سواه ولدك. فاطمة ولاول مرة تحس بالخجل منها ولا تستطيع الرد عليها:سعاد انا. لم تتكلم سعاد فالصراع والالم الذي بداخلها كان اكبر من أي كلام وقلبها انكسر. فاطمة بحسرة:سامحيني يا بنت اخوي سامحيني. سعاد وهي تصيح بالم وقهر لم تستطع ان تقول أي كلمه بل عبرت عن مشاعرها بالبكاء بل النحيب الذي احست انه مع كل ونه يزداد وجع قلبها والمها من غدره وخيانته. @@@@@@@@@ مدريد سمعت صوت جوالها يدق مدت ايدها تتحسس مكان الجوال لانه توها غفت وبعدها نعسانه. مسكت الجوال وحطته علي اذنها وهي تقول بصوت نعسان:الو. سمعت صوت بنت ترمي السلام ردت بهمهمة وهي تسمعها تخاطب احد بجانبها وتقول :شكلها نايمه. ردت قالت ببرود:منو معي؟ جاها صوت ناعم:انا سلوي ابي اكلم خالتي وضحه؟ شكلي ما بخلص منهم عيال ال ضاحي:نايمه. سلوي بحنان:اذا صحت ممكن تحاكيني. ياسمين ببرود:لو تذكرت وما اعتقد انه من الذوق تفتحين سبيكر وانت تحاكين احد. ما تركتها تكمل كلامها وقفلت الخط بوجهها. سمعت صوت جوالها مرة اخري وردت وهي تقول:نعم. جاها صوت خالها الضاحك وهو يقول:الناس تسلم تقول هلا وانتي نعم لا بعد وبحده شفيك؟ ابتسمت بهدوء وهي تقول:جاسر. جاسر ببسمه:عيونه. ضحكت علي خفيف:خلها حق مرتك اللي ما ادري وين اراضيها شعندك متصل علي. جاسر: بس صارلي ساعه ادق الباب وما احد فتحلي. قالت بهدوء وهي توخر شعرها اللي طاح علي وجهها:شسوي لك اذا كانت الشغاله نايمه. سمعت ضحكته الرنانه وهو يقول:ااول مرة اسمع عن وحده تقول عن نفسها شغاله. ياسمين وقفت وهي تستوعب اللي يقوله وراحت عند الباب وفتحت وهي تضحك في الجوال وتقول:اوريك. كان واقف عند الباب بطوله الفارع لتتعلق في رقبته كطفله وهي تبوس راسه:هلا وغلا...وقالت وهي توخر وتناظره صارلها اكثر من ثلاث شهور موب شايفته:نحفان وصاير حلو. قال بغرور:طالع علي بنت اختي. قالت بغرور اكبر :اكيد. ما تبين تدخليني والا شلون..... قالها وهي يربت علي شعرها. قالت وهي تناظر باب غرفة الضيوف:شرايك نجلس بالحديقه فيه ضيوف عندنا. قال وهو يتجه معها للمقاعد تحت الشجره:منو؟ ياسمين:وضحه الضاحي. بدهشه:ما غيرهم. هزت راسها بايه وقالت:بيتمون يلاحقوني لاخر يوم بحياتي ما ادري شسويت لهم والا شيبون مني. جاسر ببسمه باهته:الله يعين. وقفت وهي تقول:بسوي لك شيء تاكله ادري فيك ما تحب اكل الطائرة. راحت للبيت مبتسمه ويوم دخلت البيت ناظرت وضحه تفتح باب غرفة الضيوف ابتسمت لها رغما عنها لتاخذ جوالها من جيب بنطلونها وتطلب اخر رقم وقالت لها:الاهل يبونك. مدت لها الجوال وراحت المطبخ تجهز اكل لخالها وبعد حق الضيفه وهي تشعر ببعض الراحه لوجود خالها الذي يعتبر شخص قريب منها. وضحه جلست وهي تسمع صوت بنت اختها الرقيق:هلا. وضحه بهدوء:هلا يمه. سمعتها تقول بفرح:خالتي شلوونك؟ وضحه ببسمه:بخير يا سلوي انتي شلونك وشلون امك ومرت خالك والبنات؟ سلوي بضحكه:بخير ويسلمون عليك وهذي موضي اذتني تبي تكلمك. ضحكت عليهم وهي تسمع حشرتهم وهواشهم علي الجوال بعدين سمعت صوت موضي:يمه وضحه اشتقت لك حيل. وضحه ودمعه علي طرف خدها:وانا بعد يا بعد عمري. موضي تبتسم عشان ما تكدر عمتها:انا قلت هذي عمتي لقت لها شايب واشردت معه. ضحكت غصب عنها:حسبي الله علي ابليسك الا امك شلونها يا موضي؟ موضي بحنان:تسلم عليك وتراها موب قادرة تكلمك تصيح تراها مشتاقه لك. تدري فيها فهي معها عشرة عمر مو امس والا اليوم من يوم توفي ابوها وعاشت معهم الين اليوم وكانت معها بالحلوه والمره وكانت تعاملها احسن معامله. موضي كملت بموده:ننتظرك ترجعين بالسلامه يالغالية . وضحه بمحبه:لا تحاتوني انا بخير. وانهت المكالمه وهي تطلب منها السلام علي الجميع وهي تتنهد لولا اخوها ومرته كانت الحياة غربلتها . سمعت صوتها في المطبخ ولا تعلم لماذا احبتها ولماذا تحس بالذنب حين تري نظرة الوجع بعيونها والتي تحاول ان تخفيها لكن خبرتها في الحياة اكبر من ان يخفي عنها هذا الشيء. طلعت ياسمين من المطبخ وحتي الاكل علي الطاوله وهي تبتسم بهدوء وتقول:باخذ الاكل حق خالي وارد اكل معك دقيقه بس. طلعت واخذت الاكل وردت وهي مبتسمه وجلست علي الكنبه المقابله لها . وضحه بهدوء:البنات ما ردوا؟ ياسمين وهي تمد لها كاس عصير كيوي طازج:متعشيين بري مع جدي. وضحه :ليش ما رحتي معهم؟ ياسمين بعد ما شربت شوي من العصير:ما احب اطلع بري البيت كثير. كانت توها بتاكل الفطيرة لكنها توقفت وهي تري اشارة الانذار تضئ في ساعتها وسمعت جوالها الاخر يرن لتحس بالم ينتشر في جميع اجزاء جسمها. وضحه ناظرتها باستغراب:شفيك يمه؟ ياسمين وقفت وضغطت بعض الازرار في لوحة الكهرباء بالبيت وناظرت من الشباك ولم تجد خالها بمكانه. ردت حق وضحه وقالت وهي تاشر لها بايدها تقوم ولا تتكلم ودخلت معها لغرفه بالدور الارضي فتحت الكبت ولبست عباة وتلثمت بغطي راسها بهدوء وهي تحرك احد الادراج ليكشف عن باب سري. دخلتا منه وبكل واحده خوف لم تظهره للاخري وردت ياسمين قفلت الباب بهدوء. اخذت الجوال اللي بجيبها واتصلت بجدها ليرد عليها بالاسبانية وبحنان مصفي:اولا حبيبتي. ياسمين:اولا..جدي لا تترك البنات يخرجون من عندك انه انذار من الدرجة الاولي. سمعته يقول بقلق:وانت؟ ردت بهدوء:لا تحاتي. اقفلت الجوال وهي تسمع اصوات خطوات بالبيت وكانت خايفه علي خالها لا يكون صار فيه شيء. غمضت عيونها بالم وكل تلك الذكريات تعود وكانه لم يمر اربع سنوات وكانه لم تمر كل تلك الايام لا يزال ذلك المشهد يتكرر امام عينيها كانه البارحه. انتبهت لوضحه التي يبدو انها لم تستطع الوقوف وجلست علي الكرسي الذي بالغرفه وقالت وهي تقف بجانبها وتضع يدها علي كتفها:لا تخافي يا خالتي ما يقدر احد يجينا هنا. اتصلت علي والدها لياتيها ان الجوال مقفل وعلمت ان الذي يحدث سئ اتصلت بخالها شاهر اللي ما رد عليها. دعت انه ابوها يكون بخير فهي لا تتخيل كيف يمكن ان تعيش بدونه الي جانبها وجانب خواتها. انتفضت وهي تسمع صوت تحطيم بالبيت كانت تود الخروج لتطمئن علي جاسر بس تعرف انه يقدر يعتني بنفسه ولو كانت لحالها كانت تصرفت بس الحين معها ضيفه وامانه عندها. @@@@@@@@@@@ | ||||
|
| |
|
05-08-17, 10:46 PM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء الرابع هذيً هيِ آلدنيآإ | متآهآتِ | وآحزأإنَ ~ كلنّ يدوؤرٍ رآحت ومآلقآهآْ ..! تبيُ لهآ | صبُرٍ | معٍ شْويٌ كتمآنِ ~ معِ ضحك تخفيً دموعٍك ورآهآ ..! الشرقيه دخل البيت ليجد امه تجلس مع اخته وعمته وبنتها اقترب من امه وهو يقبل راسها بعد ان رمي السلام وسمع ردهم. قال بهدوء:شلونك يا ام صقر. امه:بخير يا بعد قلبي. موضي ببسمه:هلا باخوي راد مبكر اليوم. قال وهو يجلس بهدوء :شرايك ارد الشغل؟ ضحكت وهي تعرف اخوها ما يحب المزح الا يوم يكون مزاجه رايق. سمع عمته تقول:وصل فهد عند عمتك. صقر بهدوء:ايه يا عمتي ويوم يوصل عندها راح يكلمنا. عمته بحنان:الله لا يحرمني منكم. الكل:امين. موضي ببسمه:تري كنت احاكيها من شوي هي اللي اتصلت فينا. امه بحنان:عسي الله لا يحرمنا منها الا يمه من عايلته اللي عندهم وضحه. صقر بهدوء:جاسم الرافي. كانت كالصاعقه نزلت علي امه وعمته ونفس النظرات ترتسم علي وجوههم. سلوي بطيش:لا يسوون بعمتي شيء. امها بحده:جب ولا كلمه. سمع صوت جواله يدق ورد بدون ما يناظر الرقم لياتيه صوت كانه سمعه من قبل:خالي شاهر فيه احد في البيت وانا مو قادره اطلع لانه الحرمه ما اقدر اتركها لحالها وبعد خالي جاسر تركته بالحديقه ما ادري شصار عليه والوضع ما يطمن. وقف وهو يقول:انتي وينك فيه؟ سمعها تقول باستغراب:انت منو؟ قال بهدوء:مو مهم الحين شاهر جواله عندي انتم وينكم فيه؟ ردت بهدوء:بغرفه سرية ما يعرفها احد بس ابي اتطمن علي خالي . تنهد بداخله وقال:لا تتحركي من مكانك و لا تقفلي الخط انا الحين بروح لشاهر .. طلع من البيت وهو يسمع صوت امه لكنه اشر لها بيده ككل مرة يكون فيها مستعجل وامه تعرف حركته جيدا. ركب سيارته التي لا تزال بباحة البيت وشغلها وهو يضع الهاتف بمكانه المخصص ولا وجود الا لصوت خطوات تاتي وتذهب. لم تستغرق رحلته سوي عشر دقائق وهو يصل الي مقر المخابرات . نزل من السيارة وهو ياخذ الجوال ليحس ان كل خليه في جسمه تحترق وهو يسمع ذلك الصوت الذي يقول:هلا والله بعمتي. وسمعه يكمل ويقول:اووه بعد شلون ياسمين نسيتي كل اللي سوته عائله الضاحي. صر علي اسنانه بغضب وهو لا يريد ان يتحدث حتي لا يكشف ذلك السفاح انه يستمع الي حديثهم. دخل المكتب بهدوء وهو يري شاهر يعمل علي الكومبيوتر ليؤشر له بان لا يتحدث وهو يضع الجوال علي الطاوله ويفتح السبيكر ويشبكه بالشبكه العنكبوتيه. وفني الكومبيوتر بدا يحدد الموقع والذي هو بيت جاسم الرافي وبدات الاتصالات مع الامن الخارجي والسفاره السعودية بمدريد وبدا العمل وكانها خلية نحل. شاهر الذي مرر يده بشعره بنفاذ صبر وهو يستمع لصوت ذلك المغفل قليل النخوة والرجوله. شاهر يناظر صقر اللي حالته ما كانت احسن من حالة شاهر وبقلب كل منهما خوف والم من الذي سيحصل. سمعه يسال ياسمين:انتي ليش عفيتي عن اخوي من القصاص. سمعها ترد ببرود:لانه ماله دخل انت اللي سويت الشيء وانت اللي تتعاقب عليه . سمعه يقول بغضب:انتي غبيه. ردت قالت:مو بقد غبائك. ضحك بشر وقال:اوه بنت جاسم الرافي ما يهزها بس تدرين ابوك وينه فيه؟ سمع شاهر صوتها وتقول بثقه:لو تدري بابوي وينه فيه ما كنت تسالني الحين؟ قال:طيب دامنا متفاهمين الاوراق اللي كان يشتغل عليها ابوك وينها فيه؟ قالت:اوراق شغله بالمكتب ما يجيب أي اوراق للبيت. قال بتسرع:بس ما..... سكت بس اللي كانوا يستمعون اعرفوا شنو كان يبي يقول بالضبط. قال ببرود مجرم:بس انتي تعرفين كل تحركاته وشغله. قالت ببرود مثلج:اعتقد الجاسوس اللي كان بالبيت عطاك كل التفاصيل. نظرات الصدمه اللي علي وجهه كانت النتيجه اللي ارضتها شوي وقال بتلعثم:كنتي بتكوني ضابطة زينه بالاستخبارات او جاسوسة ممتازة حقنا. @@@@@@@@@@ الرياض هديل اللي كانت تاخذ بنادول لانه سنها كانت تعورها سمعت حركة بالصاله صلحت حجابها وهي تسمع صوت سعود يتكلم في الجوال ويقول:ان لله وان اليه راجعون. طلعت من المطبخ وسالته بتوتر:سعود عسي ما شر. قال بدون ما يرفع عيونه:زوج عمتي سعاد عطاك عمره. حطت ايدها علي فمها وهي تقول:لا حول ولا قوة الا بالله. قال بهدوء:صحي خالتي ساره والحين اكلم ياسر ياخذكم مع جدي وانا بروح الحين لعمتي تركتها بحاله ما يعلم بها الا الله. هديل هزت راسها وهو تقول:حاضر. طلع سعود وراحت هي متجه لغرفة جدها اذا كان توه يعرف بخبر وفاة زوج عمتها ليش عمتها تعبانه اكيد صاير شيء. جاها صوت جدها من اول دقه فتحت الباب وسمعت جدها يقول بقلق:شفيك يبه؟ قالت بهدوء:يبه ريل عمتي سعاد عطاك عمره. وخر اللحاف وهو يتمتم :ان لله وان اليه راجعون..الله يرحمه. قالت هديل وهي تطلع من الغرفه:يبه تري ياسر بياخذنا لبيت عمتي. طلعت وقفلت الباب ناظرت ساره تنزل من الدرج وتقول:شفيك تاخرتي؟ هديل تناظرها بحزن:ريل سعاد مات. شهقت ساره:ان لله وان اليه راجعون متي صار هالشيء؟ هديل وهي تصعد معها الدرج:توه سعود يخبرني وراح لعمتي وقالي انه ياسر راح يجينا . ساره بحزن:يا قلبي عليك يا وخيتي توها تجهز نفسها حق ريلها والحين مات اللهم لا اعتراض علي حكمك الله يرحمه ويصبر قلبك يا سعاد. هديل بحزن:الله يرحمه. ساره بهدوء وهي تتجه لغرفتها:خذي لك كم غيار عشان بنظل عندها علي الاقل هاليومين. هزت هديل راسها بالايجاب وهي تدخل غرفتها لكي تبدل ثيابها. وتفكر شلون بتقابل بنت عمها اللي بتتزوجها طليقها ومرت عمها اللي ما تطيق تشوف وجهها وما تدري ليش تكرهها. @@@@@@@@@@@@@ مدريد ياسمين فتحت عيونها بصدمه وهي تسمع الكلام اللي يقوله هذا شفيه مجنون. وضحه كانت دموعها تنزل بالم ليش يرد لها كل الذكريات والالم ليش يا عقاب ليش؟ وضحة بالم ووجع:عقاب لا تسوي شيء تندم عليه. عقاب ضحك بسخريه علي كلام عمته و قال بهدوء :اذا تزوجتي اخوي صقر الحين بتركك انتي وعمتي تطلعون من هنا والا بذبحها وتراني اساويها تدرين اخر مرة منو ذبحت . ياسمين ببرود:شنو اللي يخليك واثق انه بيوافق. ضحك بسخريه:ههههههههههه اعرفه كنت انتظر خبر موته بس اللي صدمني انك تنازلتي . ياسمين ببرود:انا مستحيل..... ما كملت كلامها والا يضغط علي الزناد ورصاصه اخترقت يد عمته واسقطتها ارضا راحت عندها وهي تقول بالم:انت مجنون. صقر ضرب الجدار بغضب وهو يسمع صوت صراخها وصوت الرصاص ويكاد يجن من القلق علي عمته. وما يدري شنو قصد اخوه من الحركه اللي يسويها شنو اللي يبي يوصل له. قال وهو بعده مصوب المسدس علي عمته:اعتقد انتي اكثر وحده تعرف انا شكثر مجنون واللي ابيه يصير. قالت بالم :بس انا.. اطلق النار مرة اخري لتضرب الجدار وهي تغمض عينيها بخوف ورعب وهي تسمع صوت الرصاصه تمر بجانبها وهي تقول بوجع:موافقه موافقه. ضحك وهو يقول:وتري الحين تتزوجون خالك يقدر يكون وكيلك ويزوجك مو هو رفيق صقر. ضحك بسخريه اكبر:تري الوقت يمر لا تتركينها تنزف الين تموت. وصار يقول:تيك تك تيك تك. اخذت الجوال من جيب العباه جاها صوت خالها:شصار؟ ياسمين بخوف اخفته جيدا:صوب عليها وانصابت تنزف الحين واللي يسلمك شاهر سوي اللي يبيه ما ابي احد يموت ما ابي احد يموت بسببي. سمعته يقول:خبريه يبعثلي صوره من العقد عشان اتركم. شاهر :خلاص الحين بسوي كل شيء. اقفلت الجوال وهي تضع راس وضحه علي فخذها وتحاول تخفيف النزيف وكادت ان تدمع عينها وهي تري الالم الذي بوجهها. كانت علي وجهه ابتسامه نصر وهو يقول:تيك تك تيك تك تيك تك تيك تك. مسحت العرق من علي جبهة الحرمة اللي كانت دموعها تسيل بهدوء. عقاب بسخرية:صدق لي قالوا الوقت كالسيف. ياسمين بداخلها عساه يقطع شرايينك حسبي الله ونعم الوكيل فيك حسبي الله ونعم الوكيل فيك. سمعت صوت جوالها اشر لها ترد وقالت بصوت هادئ وهي تفتح الخط:نعم. جاها صوت خالها:ياسمين تري خلاص ملكنا. غمضت عيونها وتنهدت بالم ما تبي تتزوج ما تبي ترتبط والحين يوم تتزوج تتزوج بذي الطريقه ولا منو تزوجت واحد من عائلة الضاحي. يا الله ارحمني يارب خفف عني يارب اذا كان في هالشيء خير لي اكتبه لي وان كان فيه شر لي فابعده عني يارب. جاها صوت خالها مرة ثانية:ياسمين. ردت بهدوء:طيب ابعث له نسخه من العقد علي فاكس بيتنا بسرعة. قفلت الخط وسمعته يقول بسخرية:مبروك يا مرت اخوي. بنفسها قالت علي الاقل مو مرتك تخيلت لو سواها كان اذبحت نفسها نفضت الفكره من راسها لانها ما تبي تفكر فيها ابدا. وضحك ضحكه قوية ملئت المكان وقال وهو يتجه للباب:راح نلتقي. كانت بتقول شيء بس تراجعت وبعد ثواني بس دخل احد افراد القوات الخاصه وهو يتحدث في جهاز اللاسلكي هزت راسها انها بخير بدون ان تتكلم. بعد ثواني ملأ المكان القوات الخاصه السعودية والاسبانية وبعض الامن في السفاره كان الجميع هناك الا والدها لكنها كانت تعلم انه بخير في قرارة قلبها. لانهم لا يعلمون مكانه وبعد كلام هذا المجرم تاكدت لها شكوكها لكنه ليس الوقت للحديث الان. توقفت جانبا وهي تري المسعفين يضعون وضحه علي النقاله وحين رات خالها احست بالانهيار وهي ترتمي في حضنه بخوف والم. وهي فقط منذ دقائق معدودة ارتمت بحضنه وهي فرحه بلقائه ومجيئه لرؤيتها. سمعته يقول بحنان وهو يلمها بقوة:انتي بخير؟ قالت بالم واضح في صوتها:انا كل شيء الا اني بخير. لمها اكثر وهو يحاول يهديها:خلاص حبيبتي تري كل شيء انتهي خلاص. بالم اكبر:الا قول كل شيء بيبتدي الحين. لمته بقوة وبخوف ودموعها متحجرة ما تبي تنزل واهيا ما تبيها تنزل ماراح تضعف مره ثانية. ندي نزلت من السيارة وهي تناظر المسعفين يطلعون وضحه وقفت عندها وناظرتها بحنان:خالتي وضحه. وخرت عنها وهي تسمع المسعف يقول لها تبعد عن الطريق راحت تركض للبيت وهي تناظر الشرطه والقوات الخاصه وذكريات اليمة بدات بالعودة اليها وصور مؤلمه بدات كانها فلاش بداخل راسها. ويوم ناظرت اختها في حضن خالها تنهدت براحه ولما طاحت عيونها بعيون اختها نزلت دموعها ذكريات ذاك اليوم اللي ماراح تنمحي بسهوله من ذاكرتهم. راحت لهم ولمت اختها وخالها بعد وصاحت بحرقه والم:ياسمين ابوي وينه؟ لم تستطع ان ترد علي سؤالها وغصه وقفت بحلقها وهي تقول بالم اكبر:لا تحاتي بيكون بخير. ندي ارتاحت مع نظرات اختها التاكدية وهي تعلم الالم الذي تخفيه داخل قلبها. ياسمين بهدوء :احنا لازم نطلع من مدريد الليله ما يصير نظل هنا. همست باذن خالها بشيء ما كانت تبي احد يسمعهم وبعد ماراح خالها قالت لاختها:رهف وينها؟ ندي وهي تمسح دموعها:مع جدي. ياسمين:طيب حبيبتي نروح الحين للمستشفي نتطمن علي الخاله وضحه وبعدها بنروح الرياض. ندي هزت راسها بالايجاب وهي تقول:الحين بس عرفت ليش خليتينا نبعث كل ثيابنا حق بيت جدي. ياسمين طلعت مع اختها ركبت السيارة وبعد ما ركبت اختها وقفلت الباب حركت وما تدري الافكار هذي لوين بتوديها وقالت بهدوء:ندي انا تزوجت. ندي اللي كانت غارقه في افكارها ما انتبهت:شقلتي ياسمين؟ بهدوء:انا تزوجت. ندي بفجعه فتحت عيونها وقالت بصدمه:شلون؟ ياسمين بوجع اخفته خبرتها باللي صار وقالت:لما بس قلت ما يصير ضربها بكتفها خفت يذبحها اعرفه زين مجرم ويسويها. كملت بحرقه:ما ادري يا ندي شسوي الحين بس اهم شيء ما ابي احد يعرف بالموضوع ابوي ومركزه وهو بعد ما يصير يوصل أي شيء لاي احد. سمعت صوت جوالها اعطته لاختها اللي ناظرت رقم خالها شاهر وردت بهدوء :هلا. شاهر باستغراب:ندي. ندي تنهدت:ايه ندي.. شلونك؟ شاهر بهدوء:بخير ياسمين وينها؟ ندي وهي تغمض عيونها:تسوق رايحين المستشفي. شاهر بفزع:ليش فيها شيء؟ ندي بنبرة مطمئنة:لا بس رايحين حق الخاله وضحه. شاهر بارتياح:طيب . قفلت الجوال ورجعته مكانه وكانت تناظر اختها اللي تجرعت من مرارة الحياة ما يكفيها. كانت دوم هي القوية اللي كانت تساندهم وهي مصدر قوتهم بس الحين تحسها مكسوره مو كافي اللي سواه فيها. ندي بخوف:ياسمين بابا. قالت وهي مركزة علي الطريق:بخير دامهم ما يعرفون مكانه اهوا بخير لا تحاتي ما يقدرون علي جاسم الرافي. ابتسمت وهي تتذكر اخر محادثه لها مع ابوها وضحكاته وكلماته المشجعه لها لانها الوحيدة اللي تعرف كل شيء لو صار فيه... وخرت هالافكار من راسها بسرعه ما تبي تفكر بالاسوء ودام ذاك المجرم ما يعرف مكانه يعني المهمة ماشيه. @@@@@@@@@@ | ||||
|
| |
|
05-08-17, 11:16 PM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| الجزء السادس الالم يغير مل شئ وقفت ام صقر وهي تناظر وجه ريلها المعتفس وعرفت انه فيه شيء قالت بخوف:شصاير يا محمد؟ اشر لها تجلس علي الكنبة بجانبه بعد ما جلس ولما جلست حط ايده علي كتفها وقال :الكلام اللي بقوله الحين ما ابيه يطلع من الغرفه. رفعت عيونها له وكانها تقول متي طلعت اسرارك يا محمد وهزت راسها بالايجاب. وخبرها بكل اللي صار وهو يناظر دموعها تنزل خوف علي اقرب صديقه والاخت اللي ما جابتها امها و ولدها حشاشة جوفها شكثر بيتحمل. حطت راسها علي كتف زوجها وصاحت لانها تبي تفرغ كل طاقتها الحين ما تبي تصيح بعدين تبي مواساة من زوجها ورفيق دربها اللي كان معها بكل ظروف حياتها مثل ما كانت هي معه. قال بهدوء وهو يحاول يخفف عنها:لا تحاتي الحين بطريقهم للمستشفي العسكري عشان ما يكون فيه أي تساؤولات واللي ابي الكل يعرفه انه حادث صار لها بالمطار وبس. رفعت راسها وهي تقول :ان شاء الله وبنت الرافي. محمد بثقه:ولدي اعرفه بيسوي اللي يعرفه صح. ام صقر بالم:لمتي بيظل موجوع؟ ابو صقر:استغفري ربك الحمد لله علي كل شيء وان شاء الله ربي يسعده. ام صقر من كل قلبها:امين. @@@@@@@@@@ صقر اول ما ناظر عمته حس بضعف بقلبه ذكره باحساس دفنه من زمان قرب منها ومسك ايدها وحبها وهو يقول:الحمد لله علي سلامتك. بتعب قالت:الله يسلمك ويني فيه؟ صقر وهو يجلس بالكرسي اللي بجنبها:بالمستشفي يا عمتي. قالت وهي تدور بعيونها وفهمها بدون ما تسال فقال:راحوا يا عمتي. غمضت عيونها بالم وقالت:الله يحفظهم. صقر قال وهو يناظر الالم علي وجهها:تري ما احد يدري عن شيء الا امي وابوي. هزت راسها وشوي الا ونامت من التعب. صقر تنهد بصوت واطي وهو يفكر شنو كان راح يسوي لو صار فيها شيء . يا تري شنو اللي ينتظرنا يا ياسمين شنو مخبية لنا الحياة اكثر. كور قبضة ايده بقوة بغضب وهو يفكر شلون بيواجهها بعد كل اللي صار شلون بيحط عينه في عينها و اخوه هو اللي كان سبب كل تعاستها. سمع صوت الدكتورة اللي كانت المسؤولة عن حاله عمته ترمي السلام ورد السلام بدون ما يرفع عيونه بس بحكم شغله وخبرته عرف انها كانت تناظره . تعود علي نظرات النساء له ولا تحركه ابدا علي قولة فهد اخوه محطم القلوب. طلع من الغرفه ورفع نظره وناظر اخوه جالس علي الكرسي بالممر وواضح عليه التعب جلس جنبه وحط ايده علي كتفه وقال بمحبة اخوية:قوم يا فهد رح البيت ارتاح وكل لك شيء. فهد رفع نظره وقال:الحمد لله اكلت بالطياره وبعدين بنتظر معك . رد وهو يوخر ظهره علي الكرسي:شلون كانت الرحله؟ فهد بهدوء:هادئة. كمل فهد وهو يقول:تدري لو احد ثاني كان عمتك ماتت الحين. هز براسه وكانه يقول ادري ادري ادري يا فهد يا خوي. فهد حط ايده علي فخذ اخوه وكانه يقول انا هنا:لا تحاتي يا خوي كل شيء بيكون بخير باذن الله. @@@@@@@@@ اول ما دخلت البيت ناظرت جدتها وركضت لها كنها طفله وارتمت في حضنها وهي تقبل كتفها بشوق وحنان اشتاقت لها ولحضنها ولريحتها حيل تذكرها بامها كثير. جدتها ماريا اللي كانت متزوجة من ايرلندي وتطلقت منه بعد ثلاث سنوات بعد ما جابت امها وجت هنا للسعودية وتعرفت علي ريلها اللي كان توه مرته متوفيه وتاركه له ولد تزوجته وربت ولده وجابت معه جاسر وشاهر خوالها وخالتها اسماء ام ماجد. قالت بهدوء:اشتقت لك يمه. جدتها ودمعتها علي خدها وهي تمسح علي ظهرها:وانا اكثر يا بعد هلي وطوايفي. باستها علي راسها وهي تسمع ندي تقول:ايه واحنا اشتقتي لنا والا شلون؟ ام جاسر قالت وهي تفتح لهم ايدينها بعد ما جلست ياسمين جنبها قالت:اكيد اشتقت حيل حق ريا وسكينة. لمتهم بحب وهم يضحكون رهف قالت وهي تحب جدتها علي خدها:شلونك يمه؟ جاسر ببسمه وهو يجلس علي الكنب الفخم بالوانة الازرق الملكي والابيض:راحت علي انا واخوي الحين راح كل الحنان حق بنات الرافي. ناظروه بنظره حاده وقالو:عندك أي اعتراض علي بنات الرافي. رفع ايديه باستسلام ومثل انه خايف:لا ما عندي أي اعتراض.. ياسمين ابتسمت لخالها وقالت بهدوء:ابي ارتاح شوي. جدتها بمحبة كبيره:يمه غرفكم جاهزة روحي يمه ارتاحي شوي عشان تنزلين تاكلين لك شيء. هزت راسها وطلعت لغرفتها اللي صار لها سنين ما نامت فيها وتحاول تبعد كل تفكيرها عن اللي صار بس هيهات. جاسر ناظرها الين اختفت وبعدها دعا بقلبه ان الله يصبرها ويسعدها وناظر بنات اخته ببسمه وقال:ما تبون شيء؟ ندي هزت راسها بالنفي ورهف قالت وهي تحط راسها علي كتف جدتها :ابي ابوي. ابتسم بحب:بيرد ان شاء الله . الكل:امين. دخل سطام زوج جدتهم بحضوره الفخم رمي السلام ورد عليه الجميع وقف جاسر وحب راس ابوه :شلونك يبه؟ ابوه ببسمه:هلا يبه الحمد لله..والحمد لله علي سلامتك. جاسر وهو يرد يجلس:الله يسلمك. وقفت ندي باحترام وسلمت عليه واحترام له كانوا ينادونه جدي:شلونك جدي؟ ابتسم لهم وهو يسلم عليه وهو يعتبرهم حفيداته ولا بيوم فكر بغير جذي او فرق بينهم وبين بنات ولده العود راشد. رد بهدوء:بخير شلونك يا رهف وانتي يا ندي؟ رهف وقفت باحترام وسلمت:بخير عساك بصحه. ابو راشد:بخير دامني اشوفكم قدامي بخير. جاسر بنظره حزينة مصطنعه:خلاص يا ابو راشد راحت علينا نحنا الحين. ابو راشد ببسمه:من زمان وانا ابوك. ضحك الكل بعفوية رغم كل الالم الذي يحمله كل شخص بقلبه ويحاول ان يخفيه حتي لا يزيد من وجع الذي معه. ام جاسر ببسمة لزوجها اللي ما ظنت انها راح تحب بعد زوجها الاول بس الحين صارت تعشق ترابه :يلا يا بنات روحوا ريحوا بغرفكم. طلعوا البنات وراح بعد معهم جاسر اللي كان مرهق من الرحله اللي اخذت الكثير من طاقته الجسدية والفكريه. تنهدت بالم بعد ما راحوا وناظرت زوجها اللي كان يراقبها بهدوء وقال:ان شاء الله كل شيء بيكون زين انتي بس لا تحاتي يا ام جاسر. قالت بخوف:انت تعرف شيء؟ ناظرها بنظره فهمتها وكانه يقول لا تساليني لاني ما اقدر ارد عليك ما اقدر. اكتفت بالصمت وهي تناظره بتفهم ومودة مع كل هالسنين كل ما تناظر وجهه كانه اول مرة تناظره. عند ياسمين بعد ما تسبحت جلست تجفف شعرها اللي تتمني لو تقصه بس ابوها حلف لها ما تلمسه وما تقدر تخالف امره ابوها اللي ما تدري وينه فيه بس قلبها حاسه انه بخير. الحين تزوجت من الضاحي تزوجت من العايله اللي ما تبي تقابلهم والا حتي تتذكرهم ولو باحلامها ياربي حكمتك يارب. وتعرف انها ماراح تطلع من هالزواج بسهولة لان مركز ابوها ولا مركطزه ما يسمح بفضيحة مثل هذي وانه مجرم قدر انه يخليهم يسوون مثل ما يبون. صرت علي اسنانها بغضب وشريط الذكريات القديم يمر قدام عيونها وكانه امس ضربت ايدها بجانب الكرسي ما تبي تتذكر ما تبي تفكر. اخذت جوالها وفتحت قائمة الاسماء واتصلت بهديل تبي تسولف مع احد عشان تنسي وبعد تشوف ليش لها كم من يوم ما كلمتها. استغربت يوم لقت الرقم مقفل واتصلت بالعنود بعد عطاها مقفل رفعت حاجبها باستغراب وبعدها احذفت الجوال علي السرير. غرفتها بعد مثل ما هي بالوانها الازرق الفاقع والاصفر ما غيرتها لانها اعجبتها حيل ذوق شاهر خالها قريب من ذوقها حيل الا انه اهيا وياه يختلفون في وايد اشياء. سمعت صوت جوالها ويوم قامت واخذته ناظرت اسم شاهر يضئ الشاشه. ردت بهدوء:وعليكم السلام ورحمة الله. كان القلق واضح وهو يسالها عن حالها كادت ان تقول شلون تبي يكون حالي بس قالت:الحمد لله بخير انت شلونك؟ سمعته يتمتم كلمة بخير وكانه فيه احد جنبه قالت ببرود:انا بقفل الحين فيه احد يدق الباب. اقفلت الجوال وراحت للباب والي كانت تعرف مسبقا الشخص الذي يدق قبل ما تفتح واتسعت ابتسامتها وهي تراها تقف عند الباب واول ما ناظرتها ارتمت في حضنها وهي تقول:ياسمين وحشتيني. ياسمين بمودة صافية:وانتي اكثر يا دبة. كشرت وهي تخبطها علي كتفها:لازم تذكريني يعني. ياسمين ببسمة:اكيد شعوله شعاري معك ذكرها ونكد عليها. مشاعل ببسمة كبيرة:لك وحشة يا غوله. ياسمين وهي توخر شعرها:وانتي اكثر يا حلوة خلني ارفع شعري واروح اسلم علي جدي وارد اسولف معك انتظريني بالغرفه. دخلت مشاعل غرفة ياسمين اللي نزلت للصاله وباخر درجه تعثرت وطاحت سمعت صوت جدتها تقول:بسم الله شفيك يمه؟ حطت ايدينها علي وجهها وهي تسمع صوت جدتها وجدها اللي قاموا ووقفوا عندها وكل واحد يسالها شفيك؟ وخرت ايدينها عن وجهها وناظرتهم وما قدرت تمسك نفسها من الضحك بقوة وهي تناظر الصدمة علي وجوههم ومن كثر الضحك ما اقدرت تتكلم. يمكن بعد كل اللي مرت فيه تفجرت الحين واحيانا من صدمتنا بدل ما نبكي نضحك. حطت ايدها علي فمها وتوها بتتكلم بس رجعت تضحك وبعدها قالت من بين ضحكاتها:لا تحاتوا بس من جد الموقف يضحك ليش ما ضحكتوا والا خايفين مني. ابتسم ابو راشد وقال:مجنونة. وقفت وحبت راسه وقالت ببسمة كبيرة:تدري اني ما احب اسمعها الا منك شلونك جدي؟ ابو راشد بحنان كبير:دامني اشوف هالابتسامة الحلوة اكيد بكون بخير. ابتسمت وقالت:تغار الجده الحين؟ جدتها بنص عين:عيارة. ياسمين قالت بنص ابتسامه:بروح الحين لمشاعل واشوفكم علي العشا. ابتسمت باحترام وركبت الدرج وهي تضحك علي الموقف اللي صار من شوي. وصلت عند غرفتها وفتحت الباب ابتسمت وهي تناظر مشاعل اللي كانت تمشط شعرها ياسمين فتحت فمها وشهقت بقوة:يا مجنونة شسويتي بشعرك. مشاعل حركت راسها مشان يتحرك شعرها الاسود القصير النعام علي وجهها وهي تقول:تغيير مو حلو. ردت عليها وهي تجلس بجانبها علي السرير وتضربها علي راسها بخفه:حلو بس شلون هان عليك شعرك. بنص بسمة:عادي ما تشوفين امي يوم ناظرتني انا قلت لها بقصه وقالت طيب ما توقعت اسوي فيه جذي شوي الا كفختني. ياسمين تحط ايدها علي ايدها بتفهم:تستاهلين التكفيخ والذبح بعد الحين يوم تتزوجين اشلون بتسوين شعرك. مشاعل ناظرتها بنظرة مؤلمه اذبحت ياسمين واوجعتها فوق وجعها وجعتها حيل حيل. حاولت تغير الموضوع وقالت شلون شهد وشلون دراستها؟ مشاعل بهدوء:ما تطلع من غرفتها الا للاكل وما تاخذ بريك الا حق الصلاة. ضحكت بقوة:دودو كتب هذي وانتي شلون الدوام معاك عسي البنات مو متعبينك؟ ردت بضحكة:لا بنات جننوني بس والله يا مشاعل ما ادري هالجيل شلون يفكر تتصورين ذاك اليوم المفشة ادور عن المكياج تتصورين وين خاشينه. ياسمين عقدت حواجبها تفكر بس ناظرتها بانها ما تعرف فقالت مشاعل:فاتحين مفتاح الكهرباء وحاطينه ومقفلين عليه. انفجروا ثنتيهم بالضحك وكل واحدة منهم تحمل بقلبها من الالم الكثير والكثير . مشاعل بنت اخو بنت راشد سعيد ابو سامي عنده مشاعل وشهد وسامي اصغر العيله عمره عشر سنوات. @@@@@@@@@@@ وقفت السيارة قدام بيت كبير كبير بكبر احلامها اللي بنتها وتهدمت قدام عيونها من شوي. من البوابة اللي انفتحت للحديقه اللي ما بعمرها تخيلتها للقصر بالوانه الخارجية المختلطه بين الاصفر والبنفسج والابيض اذا كان هكذا من الخارج فكيف سيكون من الداخل ومن سيكون فيه وكيف ستكون حياتها هذي الاسئلة كانت ادور براسها ومو قادرة تجاوب علي واحد منها. سمعته يقول ببرود:نزلي والا بتمين علي هالحال وايد. فتحت الباب بالم ونزلت وظلت واقفه الين نزل ومشي باتجاه البيت وراحت وراه وهي للحين ما قدرت ترفع عيونها من خوفها من اللي راح تواجهه. فتحت الشغاله الباب ودخلت سمعته يرمي السلام وناظرت الحرمه اللي كانت جالسه وبعيونها استغراب وهي تساله:منو ذي اللي معك؟ قال بصوت جهوري:زوجتي. الصدمة اللي ناظرتها عليها خلتها تتاكد انه الحرمه هذي هي زوجته. قال وهو يامر الشغاله اخذيها للغرفه الجديدة وراحت وري الشغاله ما تبي تسمع الكلام اللي راح يصير بينهم. بعد ما تاكد انها راحت وماراح تسمع كلامه قال بحنان للحرمه اللي ربته وتعبت عليه طول حياته:يمه واللي يسلمك ما ابي أي اعتراض او أي عتاب الحين اللي صار صار وانا بتزوج اليوم والا بعده. امه بحزن كبير:بس لا تظلم البنت معك. ناظرها نظرة طويله وبعدها راح لجناحه عشان يرتاح من تعب هاليوم المرهق دخل جناحه اللي بالدور الثاني واللي ما يدخله احد حتي الشغاله . وبحكم شغله كضابط تعود علي التنظيف وترتيب اشياءه عشان كذا مو محتاج مساعده. وخر عقاله وغترته ورماهم بسلة الغسيل ودخل الحمام اكركم الله وقف تحت الماي البارده يمكن تطفي شوي من النار اللي تشتعل بجوفه . يكره شيء اسمه حريم وما يوطنهم بس اللي اجبره يسوي كذا عشان امه وعشان امه وبس. وقف الماي ولف جسمه بالفوطه وطلع يلبس ثيابه ويرجع لشغله . عند العنود دخلت غرفتها الجديدة اللي ما تدري شنو مخبية لها من مفاجات. جلست علي السرير باغطيته السوداء ضحكت بسخرية جدران بيضاء وغطاء اسود وستائر سوداء بدوائر بيضاء. وخرت نقابها اللي ارفعته فوق راسها اول ما دخلت الغرفه وفسخت عباتها وكانت لابسة تنوره بيضاء طويله وبدي اسود ضحكت علي هالصدفه الغريبه. ليش ابوها سوي كذا ليش باعها كانها قطعة اثاث او أي شيء يبي يتخلص منه. تنفست بقوة وكانها تبي اطلع كل القهر اللي بصدرها وتزيل الهم اللي تحسه بيغط علي قلبها راحت عند الشباك وخرت الستائر وحاولت تفتحه بس ما قدرت استغربت بشدة والزجاج مو واضح منه شيء. لوت شفايفها وتاففت بغضب وقالت بصوت غاضب: شنو هالحاله ياربي . لفت ورمت نفسها علي السرير وناظرت السقف وكانت تدري انها راح تصير اصحاب معه. حتي جوالها ما تدري وينه فيه لو كان معها كان اتصلت بهديل او ياسمين كانو هان عليها شوي الوجع اللي بيطبق علي صدرها. @@@@@@@@@@ كانت تسمع الكلام وساكته الين يوم سمعت مرت عمها تقول:شفيك يا سديم ساكته؟ ابتسمت لها وقالت:استمع لرفيف ما بطلت كلام هي وريم. رفيف بنص عين:تدلل علينا الاخت سديم ليش انها مرت اخونا الوحيد تري ما صارت اخونا الوحيد ذليتونا بيها. ريم بمسانده لكلام اختها:ايه صادقه رفيف. سديم بضحكه وهي للحين مو قادره تفرق بين التوأم:ما يقدر عليكم احد سوسات. ضحكوا اثنينهم بصوت عالي علي كلام مرت اخوهم وقالت ريم:يمه بنروح بيت جدي بشوف البنات. ام ماجد بهدوء:لا يمه توهم رادين من السفر واكيد تعبانات. رفيف ببسمه:لا يمه عادي ما بينا هالكلام نحنا ومن شوي اتصلت شهد وقالت انه مشاعل راحت عندهم وهي بعد بتروح بعد ما تخلص دروسها. امها بحده:وانتي خلصتي دروسك؟ رفيف وهي توقف وتتجه للدرج:بخلصهم الحين المهم اروح لعند البنات مشتاقه لهم حيل. ريم راحت مع اختها وهي تضحك. ام ماجد:بتروحين معنا يا سديم والا شرايك؟ سديم ببسمه:اكيد يا خالتي بروح وياكم بس بعد ما يرجع ماجد من الشغل . @@@@@@@@@ موضي بفرح:واي وناسه اخوي بيتزوج بموت من الوناسه بتصير عندي مرت اخو يا تري ... قاطعتها سلوي بحده:هذا اذا كانت زينه. موضي ناظرتها ورفعت حاجبها: بتكون زينه دامها زوجة صقر الضاحي. سلوي تكلمت قبل ما تسيطر علي نفسها:تمنيت انا اكون زوجته. موضي ناظرتها بصدمه:انتي من صدقك. سلوي ابتسمت وهي تحاول تصحح غلطتها:امزح وياك يا خبله. موضي باستغراب:اوكي..بروح الحين اغير ثيابي عشان بروح ازور عمتي. سلوي بعد ما تاكدت انها راحت ضربت علي الكنب بقوة وقالت بصوت مسموع:غبية غبية بس بنشوف منو بيفوز يا ياسمين انا او انتي. صقر لي انا وبس قالتها وراحت تصلح مكياجها عشان بتطلع للمستشفي مع بنت خالها. @@@@@@@@ بعد العصر ببيت ابو راشد دخلت شهد مبتسمة وناظرت اختها ومرت عمها وامها جالسين ومعهم رهف وندي اللي سلمت عليهم بحرارة واشتياق. ندي:اهلا شهودة محلوة. شهد بخجل:يسلمو عيونك الحلوة شلونك رهوف. رهف تبتسم لها وهي تجلس جنبها:الحمد لله بخير. ام سامي بمودة:عسي الله لا يحرمكم من بعض ويكمل الله علينا فرحتنا ويرد ابوكم بالسلامه يارب. الكل من قلب:امين. بعد شوي دخلت ام ماجد وبناتها ومرت ولدها والكل رحب فيهم وبالذات سديم اللي ما صار لها شهرين متزوجة وعرفوها علي البنات لانها ما تعرفهم وما احضروا العرس بسبب شغل ابوهم. الكل كان يسولف الا سديم جالسه تستمع لهم ببسمه هادئة علي وجهها. ندي ببسمة:شمسوية مع البنات عسي بس مو مؤذينك ادري فيهم تري . قالت بخجل:مو حيل. ندي تناظرهم بنص عين:انتي بس خبريني وانا اوريهم شغلهم هبلات الحاره. ريم ورفيف بنفس الوقت:نراويك يا ندي . ضحكت وهي تطلع لهم لسانها كانها بزر. ام ماجد ببسمة:جوزي عن بنت عمك انتي وياها؟ ردت بهدوء:ولا يهمك عمتي ادري شلون اتعامل معهم ذولي عشرة عمر بس المشكله اني ما اعرف افرق بينهم المشعوذات ولابسات مثل بعض بعد. رفيف وريم كانوا لابسات فساتين لنص الساق ونص كم بلون بني باهت وشعرهم ظفيرة . التوأم مع بعض:ماراح تعرفونا. سمعوا صوت من الدرج يقول:اللي جالسه جنب رهف ريم والتانية اهيا رفيف. مشاعل بضحكه:ما تقدر عليكم الا يامي. شهد وريم ورفيف ركضوا لعند ياسمين ولموها بشوق وحنان . شهد ودمعه بعينها:اشتقنا لك حيل سنتين ما شفناك. ريم تبتسم من بين دموعها:ايه ايه لازم تعوضيني عن هالسنتين. رفيف بهدوء وهي تمسح دموعها:ايه اشتقنا لك مووت. ياسمين اللي اوجعها قلبها ما تحب تشوف دموعهم وتعتبرهم مثل خواتها الصغار بس ابتسمت وقالت بمودة:ولا يهمكم كم مشعوذات عندي انا ثلاثه وبس. الكل ضحك من قلب. ياسمين سلمت علي ام سامي وام ماجد وسديم بنفس مرحة وطيبه وبعدها جلست جنب جدتها. ام ماجد بضحكه:شلون عرفتيهم اذا انا امهم ما اعرف لهم. غمزت لها ياسمين :سر المهنه. سمعت صوت جوالها وهي تتكلم فتحته وقرت الرساله اللي كانت من رقم مجهول بس اهيا اعرفت منو المرسل وتنهدت براحه داخلها. وكملو سوالفهم . @@@@@@@@ هديل كانت طالعه من المطبخ ولما سمعت صوت غريب بالصاله حطت غطي وجهها ودخلت. رمت السلام وجلست جنب جدها سمعت صوت مو غريب عنها يقول:شلونك يا بنت العم؟ سمعت جدها يهمس:هذا رعد . ردت بهدوء:الحمد لله ..الحمد لله علي سلامتك وشلونك انت؟ سمعته يرد بصوت جهوري:بخير. سمعت صوت ساره تقول:ها رعود رجعت علي طول والا زياره؟ سمعت نبره الاستهزاء بصوته وهو يقول:جاي احضر عرس اخوي وراجع علي طول. ابو سالم بهدوء:الله يوفقك يا ولدي. دخل ياسر وسعود وهم يرمون السلام وجلسوا بعد ما رد الكل السلام. ياسر بضحكه:اقول رعد شخبارك وغمز له. رعد بضحكه ساحره:اخباري مثل ما تعرف يا ولد العم. رعد حس بشيء يلمس رجله ولما نزل نظره شاف قطوة ابتسم وقال:هذي حق منو؟ ساره:حق هديل شرايك فيها؟ رعد وهو يناظر القطوة:حلوة. سعود ما يدري ليش ناظر هديل وبعدها ناظر رعد وبعدها قال:بنروح القنص باكر تخاوينا رعد. رعد بهدوء:ياريت بس ما اقدر عندي مقابله باكر بالسفاره اذا قدرت جيتكم. سمعت هديل صوت جوالها ولما شافت الرقم توترت وقامت بسرعه ودخلت المطبخ وردت بسرعه وقالت بخوف:وينك صارلي اسبوع اتصل الجوال مقفل. ......... كملت بنفاذ صبر:والله قلبي مو قادر يتحمل اكثر علي الاقل اتركني اخبر جدي. ........... تنهدت بقوة:خلاص ماراح اتكلم بس انتبه لنفسك وانا بخير. قالت بهدوء وهي تمسك الجوال بايدها بعد ما سمعت الخط يقفل مع السلامه. غمضت عيونها بالم لين متي بتتحمل كل هذا لمتي ياربي ارحمني يارب. لما فتحت عيونها العيون اللي كانت مسلطه عليها ما اعرفت تفسرها غضب والا خيبة امل والا شنو. عطته ظهرها بسرعه وهي تصلح غطاها وقالت بهدوء:بغيت شيء؟ سمعته يقول بحده:بغيت اشرب يا بنت سالم ولا تلعبين بالنار . طلع وتركها قبل ما تساله شنو يقصد بكلامه يا تري. اتصلت بالعنود اللي لقت جوالها مقفل وبعدها اتصلت بياسمين واول ما ردت عليها ابتسمت وجلست تسولف معها. @@@@@@@@@ | ||||
|
| |
|
05-08-17, 11:37 PM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت السابع تنهدت ياسمين بعد ما طلع الكل من حجرتها والالم يزيد عليها بس الوجع بداخلها اكثر من وجع الجرح تبي ابوها الحين تتمني لو كان موجود الحين بس راح يرد هي متاكده ان شاء الله بيرد. شلون دخلت بيت جدها وطعنتها بس ما تركتها تهرب رغم نزيفها مسكتها وما افلتتها الين دخل جدها وخوالها غرفتها وتمنت تموت وهي تشوف نظرة الخوف بعيونهم نظره ما تحبها ابد. سمعت طرقات علي الباب ليدخل شاهر ويبتسم لها بهدوء بعد ان رمي السلام ورؤي وجهها الشاحب قال بهدوء:ريلك بيدخل.. ريلك ليست مستعده للمواجهة ليس الان وهي بهذا الضعف والانكسار ولكن شاهر قال له ان يدخل وسمعت خطوات دخوله وهو يرمي السلام. ردت بهدوء وهي دنقه راسها ما تبي تناظره ما تدري ليه. هو ايضا لم يكن احسن حالا منها فهو مضطرب لما حدث له ولعمته الا يكفي اخيه ما فعل بهذه العائله وهذه الشابه تحديدا التي اصبحت زوجته والتي حتي لا تستطيع النظر الي عينيه الهذه الدرجه تكرهه. أي حياة تنتظرك معها يا صقر قال بهدوء:الحمد لله علي سلامتك طهور ان شاء الله. بصوت خافت وكانه حفيف اوراق شجر:الله يسلمك. ليخرج من الغرفه وياخذ نفس عميق وكان انفاسه كانت مكتومه داخل تلك الغرفه مذا فعلت بنا يا عقاب وش سويت يالخبل الله يسامحك الله يسامحك. ناظر رفيجه يحط ايده علي كتفه:هونها وتهون يا اخيك هونها وتهون اعجبتك والا هونت عن العرس. ناظره بنص عين ليش انا شفت منها شيء عشان تعجبني او لا وحتي لو اعجبتني فالحياه بيننا شبه مستحيله وفرصها معدومه لكنه تنهد وقال:حتي لو ما اقدر اهون. شاهر لا يعلم من يواسي تلك الجاثيه علي سرير المستشفي ام صديقه اللي جرعات الالم لم يعد يحتملها ام يواسي نفسه علي زواج لا يريده. ليست من يريد ليست اختياره لكنك صمت تلك المده والصمت علامة الرضا كلام ياسمين اللي ظل محفور بباله لن يكون هو من يجعل الناس تتحدث عن شرف ابنة عمه فهو ليس بنذل او خسيس. @@@@@@@ العنود مثل اللي بسجن يجيها اكلها وشربها في الغرفه بس ما تطلع . سجينه بس ما تعرف سجانها وليش كذا ليش يسوي فيها كذا. اذا ابوك باعك وش تنتظرين من ذا اللي باعك له يسوي يطبطب عليك والا شلون؟ زاد الم معدتها وهي تعرف الالم جيدا فهي العاده الشهريه وللاسف ليس لديها فوط صحية فماذا ستفعل تريد الصراخ تريد الهرب من هنا لانها لن تتحمل اكثر من هذا . فهذا العجوز الذي تزوجته غريب جدا بل اشد غرابه من ابيها. ازداد الالم اكثر وهي تحس انها الليله ستموت وحدها هنا لربما تذهب الي الذي ارحم من الجميع. وش سوت عشان يصير فيها كذا اللهن لا اعتراض علي حكمك يارب بس تعبت والله تعبت. @@@@@@@ تنهد وهو يناظر اخوه ياخذ زوجته ويروح بها لايزال همس خواته ومرت ابوه عن ابنة عمه تدور في راسه لربطها بتلك المكالمه الغريبه وبعض المكالمات التي لا ترد عليها الا لوحدها. ماذا تفعل هذه المجنونه لم تكن هكذا ابدا أي سر تحميلنه يا هديل أي سر. ذهب لبيت جده وفي راسه امر ما دخل الحديقه ليجذبه صوت غريب يقول:هديل روحي الحين لا يشوفك احد؟ ليقفز ذاك من السور ركض خلفه ولكن ركب السياره وذهب حتي ان السياره ليس لديها لوحه ليعود الي البيت ويراها واقفه جامده هتف بغض شديد:هديل. مسكها من ايدها وهو يصر علي اسنانه:ما تستحين علي ويهك يا بنت عمي بالبيت تواعدينه ولد ال...انتي شنو ما تحسين ما عندك دم ما لقيتي منو يربيك؟ هديل بحده تنفض ايدها منه :مالك أي حق علي ووخر عن طريقي احسن. رعد وجنون براسه قال بغضب:انا اللي بربيك وبنشوف الحق عند منو يا وقحه. نهرها بقوه:دخلي البيت الحين. ركضت الي البيت خائفه ومذعوره وكانها قطه صغيره. دخل الي جده بعد ان مسح علي وجهه يخفف من اثار الغضب لانه غاضب جدا. قبل جبينه وقال بهدوء:طلبتك يا جدي. الجد بنخوه:تم وانا ابوك يا رعد. ابتسم فهو يعرف مكانته عند جده حتي لو عاش عند خواله بعد طلاق امه بس مكانته كبيره:ابي هديل زوجة لي. نظرة الذهول التي تحولت الي نظرة سعاده بعيني جده زادت من اتساع بسمته وهو يعرف انه نال ما يريد . ستصبحين بين يدي واين ستفلتين بعد ذلك ايتها اللعوب. ساعلمك التربيه من جديد ساعلمك كيف تحترمين اسم هذه العائله. @@@@@@@ دخلت ندي وهي تنافخ من الحر لتبتسم لاختها وهي تضع الحلا علي الطاوله لكي تضيف من ياتي لزيارة شقيقتها المصابه وتعلم جيدا ان اهل صقر ياتون لزيارتها. ببسمه صافيه:شلونك يا عمري اليوم عساك احسن؟ بارهاق تخفيه بامتياز:الحمد لله بخير. ندي وهي ترتب شعرها بعد ما وخرت غطاها:تري شاهر يقول اهل ريلك بيجون اليوم. بنفسها اووف عرفت انه ريلي لازم كل دقيقه تذكروني يعني. كملت ندي :سمعت انه زارك امس حلو والا شين. بسخريه:ما شفته عشان اقول حلو او شين. فتحت عيونهم علي وسعهم:نعم نعم نعم انتي صاحية شلون ما ناظرتي صقر الضاحي اللي ذوب نص حريم اللي في المستشفي ما عندك سالفه تري والحين خلني ارتب شكلك عشان مرت ريلك ما تنخرع من تشوفك وفكي الكشره ذي يا ويل حالك يا صقر الله بلاك بقالب ثلج والله يعينه علي ما ذاب الثلج بيكون طابت كبده منك. ياسمين:يا حبك للهذره. تريد فقط اسعادها فهي تعلم مقدار الحزن الذي تخفيه داخلها لكن هذه الجلموده تابي ان تنهار لا تريد لاحد ان يهد حصونها. بنشوف يا ولد الضاحي ويش بتسوي بجلمودتنا. @@@@@@@@@ صباح اليوم التالي كانت ادور في الغرفه مثل اللبوه الهائجة تنتظر فريستها تنقض عليها سويتها يا رعد سويتها بس والله ما افوتها لك وانا بنت ابوي. تذكرت حديث جدها وهو يقول:قد سويت شيء غصب عنك؟ هزت راسها بلا وهي تنتظر المفاجاة. لكنها لم تكن مفاجاة بل صاعقه بعثرتها الي اشلاء وهي تسمعه يقول:رعد ولد عمك طلبك وانا عطيته. بعثره صدمه وكره طيب يا رعد ما راح اكسر كلمة جدي بس والله لاكسر قلبك يا ولد عمي وبنشوف. جدها بهدوء وهو خايف من رده فعلها:باكر تروحين تسوين الفحوص عشان باكر ملكتك معه وبعدها نحدد العرس. هزت راسها وهي تلف وتذهب لغرفتها فسر جدها هروبها بانه خجل ولكنه ليس خجل ليس خجل. حذفت زجاجة العطر ليفتح الباب وكاد ان تضرب عمتها لكنها تفادتها بخفه لترتطم علي الارض. ساره بفجعه:شفيك يا هديل؟؟ هديل بغضب كاسح:اللي فيني انه ولد اخوك خطبني من جدي وجدي عطاه وانا ما اقدر اتكلم واكسر كلام جدي مو كافي اللي سواه اخوه فيني. تنهدت ساره براحه خافت ان تكون معترضه علي شخص رعد لا تريد ان تحادثها الان تريدها ان تهدا فهي لم ترها بهذه العصبيه من قبل. صحيح انه عاش مع والدته بعيدا عنهم لكن له حب خاص به هو وحده ذلك الرجل العتيد. @@@@@@@@ فتحت ياسمين عيونها وناظرت اختها نايمه علي الكنبة اللي تتحول لسرير مريح وابتسمت وشعرها الاشقر القصير مغطي ويهها. ناظرت الباب اللي مقفلته اختها بالمفتاح وتفتحه عند موعد الدوا بس ما تدري يوم تتزوج وش راح تسوي. قالت بحنان عميق:ندوي ندوي. بهمهمه:همممم شفيك؟ بسخريه:صارلي ساعتين اتالم وانتي نايمه؟ فزت بفزع وهي تقرب منها بخوف وتحط ايديها علي راسها بحنان وتتحسس جرحها :شفيك ياسمين انادي الدكتور؟؟ ضحكت بعفويه :بس بغيتك تفتحين الباب الممرضه مرتين تجي. لفت بغرور ودخلت الحمام وهي تقول:مليقه. طلعت بعد عشر دقايق فتحت الباب وجلست ببسمه:تدرين انه حماتك حلوه واجد بس بنت خالة ريلك ما بلعتها ما ادري شفيها؟ ببرود:ما تملين وانتي في كل جمله ريلك عرفت تري. بنص عين:تري لو ما تبينه عادي ..... ضحكت وما قدرت تكمل كلامها من نظرات اختها وابتسمت لها بموده وسمعتها تقول:كانه خالك مطول بسالفة عرسه صح. ندي بتاييد :ايه مصخها عاد . وتري بعد خالي ابو سامي بيسافر عنده شغل بري حوالي 4 سنين وما يدري يروح او لا شهد قالت لي بدون ما تحس المسكينه...قالت جملتها الاخيره بعد نظرات اختها المستفسره. وكملت بحده:تدرين لو كنت مكانها رفعت عليه قضية رد اعتبار وقضية تعسف يتركها طول هالسنين معلقه ما اقول الا مالت. ضحكت بالم:ندي الجرح يعورني تري ما ابي اضحك. @@@@@@@@@@ باس راس امه بحنان وجلس بجانبها ببسمه وهو يقول:يمه نويت اتزوج. هتفت بفرح:ابركها من ساعه يمه وانا عندي لك العروس. بهدوء:بس العروس خلاص انا اخترتها. ام رعد باستغراب:منهي؟ رعد بهدوء اكبر:هديل. امه بحده:هديل بنت عمك ليش قلو البنات عشان تاخذ وحده مطلقه و...سكتت. رعد بمحاولة اقناع:مطلقه بس ما دخل عليها ريلها وانا دخلت مزاجي وخطبتها من جدي ولو تناسبت التحاليل اليوم الملكة بتكون بالليل. وبنفسه الا بربيها اللي ما تربت. امه بعصبية:مرتب كل شيء شله تقولي بعد. باس راسها بحنان:افا يا م رعد انتي الاساس. امه بغصه:كنت ابيلك الزين يمه بس دامك تبيها ما عندي مانع الله يهنيكم ان شاء الله واشوف عيالك. ابتسم من وري قلبه وطلع عشان يروح المستشفي. @@@@@@@@ ياسر باس جده وجلس جنب سعود اللي كان مبتسم وسمع جده يقول:ياسر يبه ابيك تاخذ هديل المستشفي. بخوف:شفيها يا جدي؟ الجد بهدوء:تسوي تحاليل عشان رعد خطبها وهي وافقت. انطفات البسمه علي وجهه كجمره سكب عليها الماء فماتت هكذا هو الان قلبه تحطم الي اشلاء وهو يستمع رعد خطبها خطبها وواقفت وافقت وقف بجزع ليخرج من المجلس فهو لا يستطيع ان يستمع للباقي فهو ابن خاله وابن عمها الاقرب لها ولو كان شخص اخر لكان حجر عليها ولكنه لا يستطيع لا يستطيع. تاخرت يا سعود تاخرت حيل. @@@@@@@@ | ||||
|
| |
|
05-08-17, 11:39 PM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| السلام عليكم ادري البارت قصير بس بعوضه البارت الثامن ما كل ما يتمناه المرء يدركه تاتي الرياح بما لا تشهي السفن فتحت عيونها علي صوت ابوها الحاني وهو يقول بحنان صافي:سلامة قلبك يبه فيني ولا فيك يبه. ببسمه:عساك سالم يالغالي فدوه لعيونك الطعنه. ايعلمون انها الاقرب لقلبه لذلك كل الطعنات لها :تري يبه الزواج.. قاطعته بهدوء:ما ندري وينها الخيره يالغالي. بجديه:اذا مشيتي فيه الحين ماراح تتراجعي. بدون اقتناع ومن وري قلبها:نصيبي وقدري. سمع صرخت بنته العوده اللي طالعه من دورة المياه واللي ارتمت بحضنه وهي تهتف بحنان موجع:يبه. مسح علي شعرها بحنان وود:هلا يابوك اشتقت لكم حيل. وخرت تناظره بتسائل:انت بخير؟ ببسمه:بخير يا ابوك بخير وبكون باحسن حال يوم اشوفكم ببيوت ازواجكم. ندي بتقصد:بس انا بظل معك. تنهد ابوها وابتسم :عسي الله لا يحرمني منكم. ياسمين ناظرت اختها بنظرات عتاب موجعه فانزلت ندي نظرها لا تريد لا تريد لوالدها ان يتزوج اخري. ابوهم بهدوء متمرس:بروح الحين حق رهف وبنروح بيتنا اشتريت بيت جنب بيت جدتكم . اشتري هالبيت لسبب واحد يوم يكون بالشغل بناته يكونون بامان مع جدتهم وخوالهم. وطلع من الغرفه لتنفجر ياسمين بحده:انتي متي تبطلين هالعاده متي ها لين متي هالانانية يا ندي امنا صارلها اكثر من عشر سنوات توفت تبينه يموت بعد بحسرته ليش ابوك ما يبي ولد يحمل اسمه وتري بعده ما عجز ليش يا ندي ليش تحديني اقولك شيء بيتركك مكسوره طول العمر مثل ما كسرني انا وذبحني . ندي باستغراب:وش هالشيء اللي كسرك وبيكسرني انا بعد وشو انه ابوي مثلا كان يحب وحده ويوم ماتت امي يبي يتزوجها. رفعت حاجبها وببرود:اكيد لا لو كذا الموضوع كان اهون بس يا ندي خفي علي ابوي خفي عليه. بملاحظه قالت:ما ادري ليه يوم تتكلمين عن امي تقولين امنا وابوي عادي ليش تري ملاحظتها من زمان بس امشيتها بمزاجي. ياسمين:تمشينها بمزاجك او بدونه ذا شيء يخصك يا اختنا. ندي بهدوء فشغل المحاماة علمها البرود:طيب بمشيها بس ابي انتي وش له بتستفيدين اذا ابوي بيتزوج كاهو نحنا معه. ياسمين:مثل ما تزوجت راح تتزوجي ورهف بعد وبعدها وش راح يصير له. ندي بهدوء:ماراح اتزوج انا. ياسمين ببسمه بارده:لا تحطين ابوي شماعه تعلقين عليها رفضك للزواج لانه انا اعرف مثل ما انتي تعرفين انه ذا مو السبب . نزلت عيونها وش اللي تعرفه الجلموده ذي وش كثر تعرف لا تنبشين الجرح يا اختي لا تنبشين الجرح لانه القلب مو قادر يشيل اكثر. اصابت هدفها حين راتها تنكس راسها وصمتت ستتركها الحين بس الحين وبس لانها بترد تفتح الموضوع بس ياريت رد اختها ما يكون مثل ردها الحين لانها لا تريد ان توجعها مطلقا لا تريد. @@@@@@@@@ وش كثر تتمني انه النتايج ما تتطابق وقتها ماراح تتزوجه ايه ماراح تتزوجه يارب ما تتطابق النتايج يارب اوف يا رعد اوف من يوم كانوا يهال وهي ما تدانيه رغم قلة مجيئه لبيت جدها هذا الغبي. حست بياسر يهزها من كتفها قالت:شفيك؟ ياسر باستغراب :صارلي ساعه اكلمك وانتي مو معي شفيك ولد العم اخذ عقلك. بنفسها الله ياخذه ان شاء الله بعدها استغفرت بسرعه وقالت:لا بس افكر شلون حتكون هالتجربه؟ ياسر تنهد اخته عانت حيل الله يعينها وبس قال بترقب:افكر اني اخطب. ببسمه فرح:ما بغيت من باكر ادور لك عروس يا خوي. ياسر ببسمه اكبر:بس العروس موجوده. بفضول:منو؟؟ ياسر بهدوء:بنت جاسم الرافي. باستغراب:أي وحده ...قالتها وهي تتمني الا ينطق اسمها الا هي. ببسمه لم تخفي عليها:ندي. لا لا لا لا الا ندي الا ندي يا اخوي الا هي شتبي فيها شتبي. ناظرها وعيونها محمره:شفيك ما اعجبتك فيها شيء. قالت بغصه تحاول تخفيها:لا يا اخوي زين ما اخترت. ببسمه دافئه:طيب ابيك تكلمين اختها لو وافقت نروح نخطب رسمي. هزت راسها بهدوء وهي تسمع صوت جواله ويكلم وحين ابتسم هو بفرح ويقول مبروك يا رعد ماتت هي ابتسامتها فهاهي الضربات تتوالي عليها اليوم هل هناك من مزيد فهي تريده الان حتي تنهض مره واحده فهي لا تريد السقوط مجددا. @@@@@@@@ نزلت العنود بعد ما غيرت ثيابها وهي لا تعرف منو اللي غيرلها الشغاله مو هي ليكون هو زوجها يارب سترك يارب سترك. ناظرت ذيك الحرمه اللي جالسه وقالت وهي تهتف بحنان:هلا بمرت الغالي هلا. هذي شفيها تهلي بطبينتها لا والله شكلها خرفت. ويوم قربت منها تسلم عليها احتراما لها جرتها الي حضنها حضنها اللي حسته حضن ام فيها ريحة ام يالله وش سويت يبه ليش تحرق قلب هالحرمه ليش. نزلت دمعه يتيمه علي خدها وهي تقبل كتفها بحنان وكم تمنت ان تقابلها بغير الوقت ذا. سمعت صوت رجولي لترفع نظرها له بطوله وبشرته القمحيه وشعره الاسود وعينين بسواد الليل وانفه الحاد ونظراته المخيفه. سمعتها تقول:تعال يمه ما به احد غريب. تنهدت بالم اذا هذا ولد ريلها وش كثر قاسيه ايتها الحياه ونزلت نظرها. قالت بهمس:ابوك متي يرد؟ استغرب من كلامها وامه ما سمعتها ظل مبهت بعدها فهم اللي تفكر وانفجر بضحك ههههههههههههههههههه. ناظرته بحده وكانها قالت له نكته عشان يضحك مع ويهه. امه باستغراب:شفيكم؟ بهدوء:ما فيه شيء يالغاليه ..ما يبيها تعرف يبي يتسلي معها شوي ونظراتها المتحديه اعجبته لكنه لا يثق بالنساء وهي انثي بمعني الكلمه يعرف ذلك جيدا فهو شاهدها متجرده من ملابسها ولمعت عينيه بخبث. نزلت عيونها بخوف شفيه يناظرني كذا كاني مو لابسه شيء لا يكون هو اللي هزت راسها بعنف مجنونة انتي يالعنود. استاذنت العنود تروح لغرفتها وبعد عشر دقايق ناظرته يدخل الغرفه ويريم غترته قالت بخوف:انت ما تستحي تدخل غرفة زوجة ابوك؟ ضحك بقوه:اقول انتي شكلك تقرين روايات كثير يا زوجتي والا انا متزوج وحده غبيه ما تفهم. صدمه صدمه صدمه @@@@@@@@ رهف اللي مازالت متعلقه بوالدها فهي كانت خائفه عليه بشده ولم ترضي ان تبتعد عنه وهي تقبل يده بين الحين و الاخر. جدتها كانت تبي تتكلم بس اشر لها جاسم تتركها علي راحتها لتبتسم بحنان فلم تري اب بهذا الحنان علي بناته. جاسم وهو يبوسها:قومي يبه لبسي عباتك عشان نروح بيتنا الجديد وتختارين غرفتك قبل ما تجي ندي. قامت بسرعه وضحك وهو يدري شكثر مناقر مع ندي ندي اي وجع انتي يا ابنتي لا يريد المواجهة الان . ردت بسرعه وهي تمسك بيده وتهتف:يلا جدتي اشوفك سلمي علي خوالي. وخرت من ابوها ولمت جدتها بقوه وردت لابوها وطلعت من البيت وهي تبتسم:ابي الغرفه الاكبر والاحلي يبه. ابوها :اللي تبينه يبه لك. ركب سيارته وركبت هي بعد البيت كان ملاصق لبيت ابو راشد وكان يفكر انه يسمح له يفتح باب صغير بينهم عشان البنات لا يطلعون الشارع. نزل من السياره وهو يقول:يلا يا رهف. رهف ببسمه:جوالي بس يبه وقع مني بجيبه واجي روح انت افتح البيت وادخل وانا بلحقك الحين. ابتسم وهو يذهب البيت ليضع المفتاح بالقفل ليهز المكان صوت انفجار قوي. @@@@@@@@@ | ||||
|
| |
|
08-12-18, 03:54 PM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| البارت التاسع اختلفنا في وجهة نظر ليه يا خِلّي الزّعل!؟ الحبايب تختلف وماهي تالية العمر ليه يا خِلّي الجفا!؟ الكلام أخذ وعطا ليه يا خِلّي القطيعة!؟ ومن شراك أنت تبيعه بعد مرور شهرين شهرين علي وفاة ندي اختهم الصغيره فرحة وضحكة البيت تنهدت باسي الين متي بيظل شبح الخوف وراهم والين متي يذبح اقرب الناس لهم مسحت علي شعر ندي بحزن وهي تهتف/ندي يا عمري تري هديل طلبتك حق اخوها ياسر . بغصه/موافقه. ليش يا ندي ليش قالت"فكري زين يا ندي" غمضت عيونها بالم"موافقه ياسمين" تنهدت بالم اخذت جوالها لترسل رساله الي صديقتها الي تدري شكثر حتكون موجوعه الحين يارب ارحمنا يارب. لتهتف بهدوء/شرايك نروح بيت جدتي تري مشاعل ما تستاهل يتاجل زواجها هالكثر . ندي بقصد/ايه ووايد ناس ما تستاهل اللي يصير لها ومالها ذنب بغيرها بروح اغير ثيابي. اخذت جوالها لتفتح الواتس اب لتجد رساله منه فتحتها وهي تقرا مساء الخير شلونك ؟عساك بخير؟ كتبت باصابع مرتجفه مساء النور الحمد لله بخير..انت شلونك؟ زوجها الذي كان توام اخوه ولم تعرف ذلك حتي اتي يعزيها بوفاة اختها حينها اغمي عليها فصدمات المتكرره ارهقتها. وضعت جوالها جانبا ووقفت كي تبدل ثيابها هي الاخري اشتاقت بعد حق العنود وهديل اه يا هديل وشلون راح تتقبلين خبر موافقة ندي اي عذاب هذا الذي حل علينا. بعد عشر دقائق كانت تقف مع شقيقتها لتخرجا من المنزل الي الباب المشترك مع بيت جدتها ناظرت خالها شاهر بالحديقه يقف مع احدهم عرفته هو من طوله وشعره اللامع تحت الاضواء دعت انه خالها ما ينتبه لها عشان تدخل بسرعه. جوالها هو اللي كان عدوها هالليله لانه يوم دق اثنينهم لفو جهتها تنهدت وهي تري اختها تدخل البيت لتجر قدميها ناحيتهما لترفع نقابها وهي ترمي السلام بهدوء"السلام عليكم.." خالها بعد ما رد السلام/تو ما نور البيت . بهدوء/منور باهله. ليهتف صقر بتلقائيه/شلونك الحين؟ لترد دون ان تنظر الي عينيه"الحمد لله...شلونك وشلون الاهل؟" "بخير"قالها بهدوء. استئذن شاهر يوم دق جواله ليتركهما الاثنان ضائعان في الدوامه التي دخلها بارادتهما غصبا عنهما لتقول"تري طول اليوم كنت مشغوله وما انتبهت حق جوالي" اشر لها بيده وكانه يقول ولا يهمك. سرقت نظره له ليس مثل اخيه فنظراته ليست كنظرات ذلك الخبيث وذلك الشموخ المرتسم علي وجهه لا يملكه ذلك الجبان وتلك الندبه فوق حاجبه زادت من جاذبيته هو لا يشبهه ابدا حتي وان كان يمتلك نفس الملامح. رفع نظره لها وهي تراقبه بهدوء لا يعلم كيف ستكون الحياه بينهما شاهدها تفقد توازنها اقترب منها بهدوء ليسندها وهو يهتف بنبره حزن مختلطه بحنان وخوف وتانيب"من متي ما اكلتي" ردت بدون وعي"ما ادري" ليهتف بحزم"روحي الحين اكلي شيء تري ما يصير اللي تسوينه وانا بكلمك عشان اتاكد كليتي او لا" هزت راسها ولما تحركت حست بكل شيء اسود جدامها. @@@@@@@@@ وقفت العنود وحطت ايدينها علي الطاوله تريح شوي اجهدها الشغل هي صح متعوده علي الشغل ببيت ابوها بس ابوها ما كان عنده عزايم هالكثر وما تقدر تترك حرمه كبيره في السن تساعدها الخاله فجر حيل طيبه وحنونه مو مثل ولدها اللهم يا كافي ما تدري شفيه. احيانا تحس بنظرات حنان وحب في عيونه بثواني تتحول لحقد ما تدري ليش صحيح صارو ينامون بنفس الغرفه بس اغراب متي ما بغي يقرب منها قرب واحيان كثيره ينام بري البيت تحس كانه يتهرب منها. دخل المطبخ وهو يقول"يمه تسلم...... بس سكت يوم ناظرها بالمطبخ ليكمل ببرود"امي وينها؟" قالت وهي تفرك ايدينها بتوتر"راحت عند الجيران مسويين غدي" ناظر المطبخ النظيف وكانه استوعب شئ"انتي اللي طبختي الغدي؟" هزت راسها بالايجاب ليتحرك شعرها الاسود كانه فتنه احس بدقات قلبه تزداد ليقترب منها ويرجع خصلات شعرها القصير خلف اذنها وهو يشعر بتغيير ما في ملامحها فهو لم يرها منذ اسبوعين"متغير فيك شيء انتي" بتلعثم من قربه ويده التي تعبث بشعرها وعبثت بدقات قلبها"ممكن اني نحفت" فحصها جيدا خسرت بعض الوزن لكنها بنظره هي فاتنه بكل عيوبها لكنه لا ولن يعترف لها بهذا ابدا فكل النساء لا تستحق الحب قبل خدها بهدوء وهمس لها"تعبتي من شغل البيت" بصوت خافت"شغل البيت مو متعب بالحيل بس عزايمك وايد" ابتسم بخبث هي اختبارات اكثر من ان تكون عزائم يا زوجتي الحلوه قال هالشيء بداخله ليضع يديه تحت فخذيها ويرفعها وهو يقول"الحين صرتي اخف صدق نحفانه" وضعت راسها علي كتفه وهو يصعد الدرج ما تدري متي بفهمك يا فهد ما ادري. @@@@@@@@@@ نفضت يده بقوه حتي صقع بالجدار لتهتف بقوه/لا تتوقع اني ياهل يا حضرة الدكتور وما اقدر ادافع عن نفسي لا ولا بخاف منك تراك ما عرفت انا بنت منو انسان مثلك حرام يحمل لقب دكتور او يكون متعلم انسان جاهل ومتخلف. خرجت لتتركه ورائها يبتسم بخبث حطت الملف علي المكتب بقوه وهي تستغفر بداخلها/جاهل متخلف رجعي. اخذت جوالها واتصلت علي هديل وما تركت لها مجال للحكي"هديل خلي احد يجيني المستشفي برد البيت تعبانه" النفسيه خايسه التفتت الي مصدر الصوت وبلعت ريقها وهي تراه يبتسم بسخريه ما به هذا القلب وكانه سعيد برؤيته بعد كل هذه السنين غمضت عيونها بحزن وتخيلت لو ذاك الوقت غيرت قرارها شلون كانت راح تكون حياتها. ردت فتحت عيونها ممكن يكون حلم بس كان بعده جالس بمكانه"ما انتبهت..... ما توقعت اكو احد هنا" ناظر عيونها من بين فتحة النقاب"بكون هنا من اليوم انا رئيس القسم" اي صدفة هذه بنفس الوقت الذي عادت فيه لعملها يعود هو رائد الصالح ليس فقط الي المملكه بل الي نفس مكان عملها. "الف مبروك"قالتها وهي تطلع من المكتب. @@@@@@@@@@ هديل باستغراب الحمد لله والشكر شفيها ساره معصبه مثل ولد اخوها الله يعيني انا بس وقفت ناظرت جدها داخل مع رعد تمنت الارض تنشق وتبلعها متي رد . رعد تفحصها جيدا بفستانها الابيض الطويل بسيط جدا لكنها كاحدي الاميرات خرجت من احد الكتب تنهد بداخله ليش يا هديل ليش تسوين كذا ليش كسرتي فرحتي وفرحتك. جدها استاذن لانه متعب يبي يريح وسال رعد وهو يجلس"الا ياسر وينه؟" بهدوء"راح يجيب ساره خلصت شغلها" لاحظت عدم الرضي علي ويهه علي شغل عمتها قالت بهدوء"تعشيت؟" بعيون مغمضه قال"لا وجوعان حدي" شكثر تمنت تمسح علي شعره وتبعد هالتعب عنه شفيك هديل تراه رعد رعد اللي بكل فرصه يسملك بدنك. ببرود"مسويه ورق عنب" فتح عيونه وناظرها وقال"هديل تراني جوعان وهالاكله احبها يعني ما ابي صحن صغير" ابتسمت لذكره اسمها يبدو انه متعب لتهتف"يكفيك وبزياده" وقفت ليقف هو بعد ويدخلا المطبخ جلس علي الكرسي لتضع هي صحن امامه وصحن لها لتساله وهي تضع ورق العنب بصحن كبير"تبي عصير او بيبسي" كان يبي يقول ابيك انتي بس نفض الفكره من اله وقال"اهم شيء ورق العنب" ببسمه"بيبسي لاني احبه مع ورق العنب وتري احذرك تراه حد شوي اذا يعني ما تحبه" ابتسم لاول مره تري ابتسامته"يا شيخه الحين ممكن اكل الطاوله من الجوع" جلست وهي تضع السلطه"ليش ما اكلت" ناظرها بهدوء "علاقتي معك ما تسمح اني اشاركك اسراري لاني بكل بساطه ما اثق فيك" بلعت ما اكلته وكادت ان تغص به كلامه مثل الاسهم استقرت في قلبها لتهتف بهدوء"تدري رعد يوم تعرف كل شيء راح يكون اخر يوم بيني وبينك وبعد تدري ذاك اليوم ترجيتك تسمعني عشان اخبرك بكل شيء وانت رفضت وانا ما اعرف فرص ثانيه كلها كم وقت وكل شيء يتوضح بيومها يا ولد عمي ابي ورقة طلاقي" واكملت اكلها كانها لم تقل اي شيء. اي قوة هذه التي اصبحت لديك يا هديل اي قوة. سمعت جوالها برساله ابتسمت وهي تناظر اسم ياسمين علي الشاشه لتموت تلك البسمه وهي تري محتواها تلاشت كل قواها وذلك البرود التي كانت تتمسك به تبخر لتنخرط في بكاء مرير نحيب اوجع قلبها. وقف بجزع ليقترب منها ليهتف بفزع"هديل شفيك احد صارله شيء؟" هزت راسها بلا وقع نظره علي جواله ليقرا الرساله ندي موافقه الله يبارك ان شاء الله. ما الذي جعلها تبكي لموافقه هذه الفتاه علي اخيها هو يعرف ان النساء معقدات ولكن هذا ليس دموع الفرح لا هذا نحيب اوجع قلبه مسح علي شعرها "بس لا تصيحي شفيك المفروض تفرحين لاخوك" بغصه"شلون اقوله يوم يجي اقوله حبيبتك راحت بموت يا رعد بموت" لمها بخوف وهي ترجف بين ايدينه"بسم الله عليك هديل " "واللي يسلمك رعد واللي يسلمك ابي........"قالت بترجي قال وهو يمسح علي راسها"اللي تبيه هو لك" بحزن"ياسر لا يتزوجها طلبتك طلبتك" @@@@@@@@@@ | ||||
|
| |
|
| مواقع النشر (المفضلة) |
| أدوات الموضوع | |
| انواع عرض الموضوع | |
|
|
العرض العادي
