15-11-12, 09:22 AM
| #1 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  ويأتي الصباح / للكاتبة دانتِلا، مكتملة
التعديل الأخير تم بواسطة لامارا ; 03-11-22 الساعة 06:54 PM | |||||||||||||
|  |
|
15-11-12, 09:24 AM
| #2 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| رابط لتحميل الرواية هنـــــــــــــــــــــــ ــــا وَ يـَأتِيْ الْـصَبآحْ ( 1 ) واقفـه عـند رف علب المكيـآج الصغيرهـ .. ومندمجـه بـ قووهـ طالع في العـآمل اللي واقف عند راسهـم ومنرفـزهـ ، وطالع فيها قرب من عندهـا زيـآده .. ونزل رآسه شوي وهمس لهـا : هـآ ماخلصتي ؟ طالعت فيه ، ورجعت تطالع في العلبه اللي في إيدهـا وبصوتها الدلووع قالت له : دقيقه شوويـه بس ولفت على العامل وأشرت على العلبه اللي ع الرف : لو سمحت ممكن تفتحها ليـآ العـآمل اتشقق وهز رآسـه : إي أكيييد وقرب من عندهم وفتح لها العلبه ، وهي راحت تطالع المكيـآج اللي جوّتها بتركيـز اتكتف وهوا مقهوور منها ومقهور من العآمل ، رفع عينـه لـه .، لقـآه شويه وبياكلها بعيونه أتنررفـز زيـآدهـ وقال له وهوا ماسك اعصآبه بالقووهـ : خـيييير ! العآمـل الفـآهي في عيونهـآ طالع فيه وبفهآوهـ : هـــآه هو بس رد عليه هذا الرد . . ما مسك أعصابه : خييير مضيـّع شيء فيهـآ ولف عليهـآ : وإنتي معجبك الوضـع وسسعت عينها وهيا تقول بـ إستنكـآر : راكــاااااان زم فمـه بحركـه تدل على إنه ماسك نفسه بالغصب وسحب منها العلبه بعفاشـه وحطها ع الرف بقووهـ وقال لـ العامل : خليهـا لك ورجع طالع فيها وأشر لها بعيونـه : أمششششششي قدامي بسسسرعه طالعت فيه بقهـر ومامشيت طالع فيها وقال وهوا كاتم صوته قد مايقدر ومايبغاهـ يعلى : غَيـد يالزفت امشي لآ أجرررك من شعرك طالعت فيه وشمقت ومشيت .، وهوا اتنرفز من حركتها خرجوا من المول وعلى السيـآره على طووول أول مادخلت وقفلت الباب قالت وهيا مقهووره منه : إش البياخـه دي يا بـآيخ طالع فيها وهوا مفرصّع عيونه وبنظره تخوف قال لها : أنكتتمي وشغل السيـآره وحررك مبتعـد عن المول . . . ، غرفـة رايقه يدل لون جدرانهآ الليموني الفـآتح ، وأثاثها الزيتي الأنيـق ، على هـدوء أعصآب ساكنها سرير متوسط الحجم يتوسط الغرفه ، وعلى جانب السرير الايمن ، الدولاب ، وعلى اليسآر التسريحه المتصل بيها مكتب لـ الدراسه . . وبعد مسافه كم متر من أمام السرير ، جدار وآسع فاضي إلّا من أريكـه تتوسطه وقدامها طاوله زجاجيه مستطيله الغرفه كـ كل رآيقـه وهادئة .. لكن المتوآجدين فيها ، الهدوء وِ الروقآن أبعد صفه عنهم في هذا الوقت : ريّانـة ريّانـة : . . . . . . : ريّانـة عن الدلـع ريّانـة : . . . . . : ريّانـة وربي مآكآن قصصدي ريّانـة بـ عيون مغررقه : ومادآم إنك عآرفـه إنو سيرة هـآذا المخلووق تأأزمني وتضييق خلقي ليش تطرينه وتجيبي سيرتوا يآست أمـل ! أمـل : مآكآن قصدي بـ . . . . قاطعتهآ بـ حده : بليييز آسسكتي عآرفه آيش قصدك وعآرفه آيش بتقولي لي ، بس يكون في علمك الخبر اللي تبغي تقوليه ليا .. وصلني من نآس غيرك وقامت من السرير وهيا ناويه تخـرج برآ مسكتها أختها اللي كانت قاعده ع السرير جنبهآ ، وهيا تقولها : حلفتك بالله تقولي لي مين قال لك طالعت فيه وهيا عاضه على شفتها السفليه بقووهـ أمـل هزت إيدها اللي ماسكتـها : ريّانـة طالعت فيهـا وبرضوا ماردت دخل أخوهم الصغير وهوا شـآيل بنت أمـل الصغيره وبـ إنزعـآج : بنتك صنجت لي أذنـي عليها صوت .. مشاء الله بالعه مـآيك فلتت إيـد أختها وقامت رايحه عند أخوها وبخوف : ووجـع عزآمووهـ قول مشاء الله قال بطفش وهوا يعطيها ياها : قلت .. أففف وطلع من الغرفه .، طالعت في أختها الصغيره بنظرات شفقه على حالها وهيا تهـز بنتها اللي في إيدهـآ تبغاها تهدأ قامت من السرير وهيا تقول : مو مهم مين قال لي .. المهم عرفت وطالعت في أختها وهيا مخنووقه وبغصه قالت : ولا تطالعي فيني بدي النظرات تراني أكررهـا ونزلت تحت .. شافت اهلها في الصاله أتجاهلتهم وراحت وعلى الحوش على طول مخنووقه وتبغى تشـم هوا شويـه نزلت أمل بعدها وجلست في الصاله وزفرت بقووهـ حطت بنتها في حضنها وصارت تمسح عليها وهي سرحانـه أنتبهت أمها لـهـآ : إشبـك وإشبها أختك نازله ووجها مقلووب ؟ رفعت أمل عيونها لـ أمها وبعدين لفت على أبوه واخوها اللي يستنوا ردهـا زفررت مره تآنيه وهي تقول : ولا شـيء ! ، دخلـوا البيت وشـآفوا امهم قاعده في الصاله راحت على طوول عنـد أمها وبعصبيـه أشرت على أخوها اللي وراها : ماما شوفي ولدك البـآيخ إش سوّا وقعدت على الكنبه جنب أمها وهيّـا مقهوورهـ منـه أمها طالعت فيها وبـ إستغراب : بسم الله ، سكنهم مساكنهم .. مو قبل شويه خارجين من عنـدي إش رجعكم وطالعت في ولدهـا وبقلق : إش فيه يا راكان ، إش صار طالع راكان في أمـه وبـ لا مبالاة : ماصار شيء طالعت فيه وهيا موسسعه عينها : ماصار شيء ياكداااب وطالعت في أمها : تخيلي ماما .. لسى دوبنا دوووبنا دخلنا المحل وقاعده اتفرج الا هاذا اتضارب مع العامل وخرّجنـي من الموول سندت ظهرها على الكنبه وبقهـر : علبة المكياج كانت في إيدي وعجبتني وهاذا اتضارب ، أفففف بس طالعت امهم في راكان بـ إستفهام : وليـه عملت كدا ؟ وقبل لا يرد على أمه .. رد عليها صوت بـآرد وإستفزازي : وليـه يعني اكييييييد نرفزه العآمل وركّوون ما اتحمل راكان بنرفزهـ : إنتـا لو شفت الآدمي كيف يطالع فيها وهيا ولا همها طلعت [ أففففف ] منها وهيا بجد مو متحمله عصبيه أخوها وغيرته الـ لااا معقوله ..! قعد جنبها اخوها الثآني وطالع فيها وبعدين طالع في الثاني اللي معصصب : راكان وبعدين معاك راكان طالع فيه وهوا معصب ومستغرب من برود أخوهـ : ريـااااان .. أقول لك الآدمي يطالع فيها .. شويه وياكلها بعيونوا .. وإنتا ولا هممك ريـآن طالع فيه بـ نص عين ، وهوا شايف غيرة أخوه مالها داعي . . . غَيـد وهيا الين دحين مقهوره : اللي يسمعك يقول خارجه متبرجه .. انا عبايتي مافيها إكسسوار أو تطريز .. ومني حاطه في عيني نقطة كحل وبرضوا معصب راكان بعصبيه : وانا الف مره قلت لك وقت ما تطلعي معايا السوق غطي عيونك عساها العمى وانتي مطنشـه تستاهلي غَيـد بعصبيه مماثله : راكـان ياحمار لا تدعي عليّـا قاطعت أمهم النقاش الحآمي اللي لآزم يصير كل مره يطلعوا راكان وغَيـد السوق وبـ صرآمـه اتكلمت : خلصتوووا طالعوا في بعض وكل واحد عيونوا شويه وتطلّع شرار من العصبيـه طالعت الأم " سآرة " في غَيـد وبـ هدوء : غَيد ياماما اطلعي غيري لبسك .. أبوكي ومشـآري دحين بيجوا وبنحط العشـآ على طول ردت عليها بـ طيب وهيّـا تشيل شنتطتها ، وتعطي راكان نظره حاقدهـ .. وتطلع فوق على غرفتها أمهم وقت ما اتأكدت إنو غَيد طلعت ، طالعت في راكان : دحين ممكن تفهمني ليش سويت كدآ طالع فيها راكان وهوا وصصل حده من السالفه دي : خلااااص يا امي وربي ماصارت سآرة بـ إستنكـآر : رااااكاااان . . اتكلم معايا مزبوط لسى دوبوا بيرد عليها إلا طل عليهم واحد طويل ، لابس بيجآمه عِنآبي .. وبـ إنزعـآج : إشبها غَيد قالبه بوزهـا طالع راكان فيه وكشـر : " كمممملت ناقصني انا دا كمآن " ريـآن طالع فيه وضحك : تعال تعال . . وبتريقه نعّـم صوته : [ توووتـي ] شوف راكانووه إش سوّا بـ الدلووعه راكان بـ ضيق : إنتـا أنكتم ووقف وطالع في اللي وآقف عند الدرج لسى وبتريقه : ليش مستعجل أستنى شويه أبويا بيجي وبتحكّي القصه مره تانيه أمه طالعت فيه : على فيـن راكان وهوا مبرطم : يهمِك يعني قرب منه تميم بعصبيه ومعقد حواجبه وبصوت هادئ : راكان ووجـع .. أحترم أمك عـآد ميّل فمـه بضيق ولا قال شيء وطلع على غرفتـه .. يبغى ياخذ دش يبرد على أعصابه اللي حرقتها غَيـد ! : : : وبـس يابابا هاذا اللي صـآر طالع فيها ريـآن بـ نص عين : وربي من جد إنك تخلي من الحبه قبـه رمتـه بنظره حآده وهيّا متنرفزه وماردت عليه .. ولفت على امها اللي جنبها : ماما تراني ميييتـه جوع .. والآخ راكان ، شكلوو ما حينزل دخـل راكان وببرود : بلاشي إشاعات ورآح عنـد أمه وباسها على راسها : سسوري سآرونه كنت معصب من اللي قاعده جنبك طالعت سآرة فيه بنظرات حنونه وردت عليه : مازعلت منك حبيبي أبتسم لها ولف جِـهـة أبوه وباسه على رآسه : مسـآء الخير أبوه طالع فيه وأبتسم ابتسامه صغيرهـ : مساء النور رآح لـ الجهه الثآنيه وقعد جنب ريـآن ، اللي ميل راسه لـه وبهمس : شوووف بس الدلوعه كييف مبوّزه وتطالع فيك طالع في صحنـه وببرود : خليها الهبلــه دقـه اللي قاعد على يسـآره : لاتحـش فيها طالع فيه بـ ضيق : مشـآري ترا وربي مو ناقصك مشـآري طالع فيه .. بعدين طالع في غَيـد وهوا عـآرف إنها ماعصبت إلا لأنها شايفه إنو مافي وقت تروح السوق مره تانيه ونـدم في قرارة نفسه ، لأنـه هو اللي قال لها تروح مع وآحد من التؤم ..! ، : سجـى خـلآص ماصآرت طالعت في أختها بعيون مغرقه بالدموع وهمست : أنقلعي برآ طالعت فيها أختها بـ إستنكـآر : ســـجــى سجـى بترجي : رؤى الله يخليكي أخرجي برآ .. أنـا مني طآيقه نفسي ومني طايقه أحـد يقعد عنـدي طالعت رؤى فيها : طيب أمي بتشك إنو فيكي شيء بدون إهتمـآم ردت على أختها : تشـك .. يالله برآ لو سمحتـي طالعت فيها وخرجت من الغرفه أول ماخرجت رؤى ، رجعت تبكي مرهـ تآنيـه وقالت بـ ألـم وحرقـه : آه يـآربي أرحمنــي ..! قامت واخذت جوالها من على التسريحه ورجعت قعدت على سريرهـآ فتحته ع الرسآيـل وضغطت على إسـم [ حبيبي ] بدأت تقرأ الرسآيـل وهيـآ تشهق مابين رسآلـة والتآنيـه ..! إليين ماحست إنو عيونها بتجـف من كثر الدموع اللي نزلتهـا على شآنــه ! لفت على جـك المويـه اللي على الكومدينـه اللي جنبهـا لقيتـه فاضي .. " وقــتوا هاذا كمآن أففففف " قامت وراحت ع الحمآم .. غسلت وجههـآ أكثر من مرهـ .. خرجت ونشّـفت وجههـا ونزلت تبغى تشرب مويه لقيت أمهـا قاعده في الصآله وتتفحصهـا بنظرآتهـا وبشـك سألتها : سجـى فيكي شيء بلعت ريقهـآ : لا امي مافيني شيء أمهـا ما اقتنعت : وإشبهـا عيونك كدآ ؟! قالت لها الاآجـابه اللي مجهزتها : أمس سهـرت ع اللآب كتييير .. أكيـد بآديه تطلع لي حبـه .. زي العـآده إذا طوّلت على الجهـآز أمهـا هزت راسهـآ وبآين إنها ما اقتنعت لكن مشّت لها ياها .. ، الخمـيس - 11صباحاً : ومتـى أشتريتيها ؟ طالعت في أخوهـا بـ حب وردت عليها : ميشوو حبيبي ودآني السوق ودوبني رجعت : أهـآ .، أوكي طيـب ما اطول عليكي غيّوود أشوفك عنـد لمى غَيد : إن شـآء الله : يلآ بـآي يا قلبي غَيد : بـآي لف عليها مشآري أول ماخلصت المكالمه : ها أرتحتي دحين زفرت بـ إرتيـآح : إيووه الله يريحك زي ما ريحتني بـ إبتسامه رد عليهـآ : أميين : على فيييييين مشاء الله هآيتين من الصبـآح طالعت فيـه وبنرفزهـ : خييير هآيتين حسّن ألفاظك شويـه وكملت وهيا ترفع الكيس اللي جنبهـآ : وبعدين نحنـآ رحنآ نشتري هديه لـ صحبتي اللي بتسآفر بكرهـ .. واللي كآن مفروض أشتريها أمـس رد عليهـآ بـ إنزعـآج وهوا يجلس على الكنبه اللي مقابلتهم : بس بس مشاء الله عليكي , انا ماقلت لك أعطيني السالفه كلها وي ! وكمـل : وبعدين إش التفاهه دي صحبتك مساااافرهـ تروحي من صبـآح الله خير تشتري لهـآ هديـه وهز رآسه بـ إستخفـآف : والله إنكم يالبنات فاضييين ، ماعندكم سآلفه من جد ردت عليه بـ إستنكـآر : عمـر خيييييير .. جد إنك ، إش اقوول بس .. أفففف زفرت وهيا تشيل أغراضها : ما اقول الا الله يعيييييييين زوجآتكم إنتا وراكآن . ، ، طآلعت ريّانة في أرجـآء المجلس الفيروزي الفخـم ، وطالعت بـ غصصصة في غَيد الواقفه وضامّـه لمى ، وبخنـقه قالت لها : بتوحشيني بتوحشيني بتوحشيني ردت عليها وهيـآ تشهق : وإنتـوو والله بتوحشوووووونـي فلتتهـآ وهيـآ تقول لهـآ : لموو إذآ كنتي متضآيقه في نص الليل .. ولا مخنووقه مايردك لا الجوآل .. وإذا أحتجتي إي شيء دقي على أي وحدهـ فينـآ ردت عليهآ وهيـا تبكي : غَيد خـلاااااص يعني ناويه تنشّـفي عيني طالعت فيها غَيد وماردت : خـلآص عاد إنتي وياها .. وبعدين أحد قال لك يآ أنسـه غَيد إنو لمى مقطوعه من شجره .. تراها ياغبيه رآيحه عند أهلها طالعت فيها وبنرفزهـ : إنتي أنطمي يآ قزمـه شهقت وهيـّا تقول بصوتها النحيف : أنـا قزمـه يآحمآره طالعت فيها : روآنوووه أحترمي نفسك لمى طالعت فيهم : بس خلاص على إيش تتضاربوا دحين وي روآن طالعت فيها ومدت لسآنها وبـ مرح قالت لها : نريد ان نبدد هذا الكآبه المنتشره في الأجوآء لمـى طالعت فيهم وهي موجوعه إنها بتتركهم : جد ربي لا يحرمني منكم .. والله محلآقي زيّـكم ردت عليهآ ريّانـة بصوت حـآد مرح : غصبببن عنّـك محاتلاقي زينـآ قطع عليهم جوهـم نغمـة الجوآل .. رفعته غَيد تشوف مين المتصـل .. وعضت شفتهـآ السفليه وهيآ تقول لـ ريّانـة : ريـآن ريّانـة كشرت ملآمحهـآ : لاااا ليش دحين يجي ورفعت إيدهـآ تشوف السآعه : لسى بدري السآعه 11 إلا ربـع غَيد رفعت كتوفهـآ وردت عليـه : هلآ ريـآن : أهلين ..، وبعجله : بسرعه أطلعي إنتي وبنت خآلتك نحنآ عند البآب غَيد بـ إعتراض : ريـــــآن ماقعدنآ مزبوط إش دا ريـآن بلجه غير قابله للنقـآش : أطلعوا بسسرعه ..، وقفل في وجههآ نزلت الجوآل وهيّـآ تقول : برآ ريّانـة أتضآيقت .. كآن نفسهآ يقعدوآ أكثر .. لكن خلاص قيدهم عند البآب ، قامت ورآحت لـ شنطتهآ تخرج العبآيه ونفس الشيء سوّت غَيد وقفوآ عند الباب الخـآرجي ، طالعت غَيد في لمى وهيّـآ منقبه : بتوحشييييني لمى : وإنتي اكثثر وربي .. حضنتها بالقووهـ وفلتتها ، وراحت تسلم على ريّانـة ريّانـة بهمس وهيا تحضنها : أنتبهـي على نفسك لمى فلتتهآ وردت عليها : إن شـآء الله ريّانـة : استودعك الله الذي لا تضيع ودائعـه أبتسمت لهـآ لمى وماقالت شيء ريّانـة فتحت البآب وبنفس الوقت قالت هيـآ وريّانـة : مع السسلآمـه ..، : : : خـــــــــــــــلآص ماصآرت وربي ماتعبتوآ ؟ غَيد بشهقه : أنطـم طالع في أخوه وقال وهوا مستغرب من جد : دحين ياراكان دولا ليش يبكوا كذآ ؟ .. معقوله علشـآن صحبتهم بتسآفر !! راكآن طالع فيهـآ وبنفس إستغرآبـه : مدري عنـّهم والله ريّانـة طالعت في عيآل خآلتهآ وهيا من جد نفسها تلطشهم على دمهم الثقييل دآ من أول مادخلوا السيآره غَيد عصبت عليهـم ليش إنهم جو لهم بدري ، وهما بكل برود قالوا : عيييب تطولوا عند النـآس وولا كأنهم موصيين عليهم إنهم يتأخروا شويـه ، ودحين لهم عشر دقآيق وهما يسألوهم هما من جدهم يبكوا ولآ إيـه ؟ قطـع عليهآ صوت غَيد اللي وآضح عليها إنها مقهووره منهم : جد إنكم ماتقدروآ المشـآعر ولا شيء مآلت عليكم ريـآن ببرود : لمن نكون نـآيف ولا رعـد ديييييييك السآعه بنقدر مشآعركم هيّـا انتفضت من ذكر إسم اللي ينقـآل له زوجهـآ ..! بينمآ غَيد ردت عليهم : وهـ يآقلللللللبي على نآيف ، والله لو إني قايلـه لو يجيني كآن أحسن راكآن طالع فيها من المرايا وهوا مفرصع عيونه : جد قليله حيـآ ريـآن ببرود : سيبهـآ سيبهـآ دي من يوم ما ماملكت وهيا فسسخت الحيـآ شمقت غَيد وماردت عليهم ، ولفت على بنت خالتها وهمست لها : ريري إشبـك ريّانـة بـ إرتبـآك : إشبي مافيني شيء غَيد طالعت فيها : تراني غَيد مو أي أحـد / من نحنآ عند لمى وأنـا ملاحظـه عليكي ، بآين فيكي شيء إشبـك ريّانـة طالعت فيها شويـه .. وقربت راسهـآ لهآ وهيـا تقول لها : خطب عليآ وحده آجنبيه ، هه جآب ليـّا ضره وانا لسى مادخلت بيته غَيد بصدمـه وصوت عاالي : إيييييييييييييييييييييييي ييييش !! التعديل الأخير تم بواسطة فيتامين سي ; 18-11-22 الساعة 04:22 PM | ||||
|
| |
|
15-11-12, 09:33 AM
| #3 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| وَ يـَأتِيْ الْـصَبآحْ ( 2 ) ريّانـة طالعت فيها شويـه وقربت راسهـآ لهآ وهيـا تقول لها : خطب عليآ وحده آجنبيه ..، هه جآب ليـّا ضره وانا لسى مادخلت بيته غَيد بصدمـه وصوت عاالي : إيييييييييييييييييييييييي ييييش !! ريـآن ورآكان أنفجعوا من صرختها العآليه اللي طلعت فجأه ريـآن بـ فجعـه وعصبيه : ووجـع غَيد إش فيه راكآن بعصبيه مماثله لـ عصبية أخوه : على إيش هاذي الصرخـه يآغبيـه أستحت غَيد من صرختهـآ ، بس الخبر اللي دوبهآ سمعتوا صدمهآ . . بخجـل ردت على أخوانهـآ : سوري ريآن وهوا لسى معصب : هبلــــه . . ولف يكمل طريقه وهوا مقهور طيحت قلبه غَيد لفت على ريّانـة وبهمـس : من جدك ريّانـة بـ برود : يعني موضوع زي كدآ باللهِ بأمزح معاكي فيه ! طالعت فيها غَيد وهيـا مستغربه من برودهـآ وقالت لهآ بـ نبره مستغربه : ريّانـة !! ريّانـة : نعـم غَيد : إشبك كدا بارده ؟ ردت عليهآ ريّانـة وهيا متشآغله بشنطتها ، وماتطالع في غَيد : إش تبغيني أسوي يعنـي غَيد بـ قهـر منها : ريّانـة ياحماره طالعي فيني طالعت ريّانة فيها وباين إنها ماسكه دموعها غصب وقالت : تبغيني أصرخ يعني ولا أسوي إيـه ، يكون في علمك ليّا يومين وأنـا ما أنآم عـدل علشان الموضوع دا وكملت وهيا حاسه بشيء يخنقها : بس إش أسوي كأنوا هوّا دآري عني ..! طالعت فيها غَيد وهيا مقهووره عليها ، وبداخلها تدعي على هاذا الرعد . . كآنت بترد عليهآ ، إلا انتبهت إنهم وصلوا بيت جدتهـم طالعت غَيد في ريـآن اللي صفق صفقه وحده بيدينه وقال : يالله يـآ صبابا أوووت قالت له بـ نبره هاديه : معليش يالتوينـز ممكن تخرجوا شويه من السيـآره ، نبغى نعدل أشكالنـآ ريان : طييب بس بسررعه . / ، وقبل لا يقفل الباب قآل : لآ تنسووآ نفسكم غَيد : أبشششر إنتآ قفل الباب بس ولفّت على ريّانة بعد مافسخت النقآب وهيّا مطمنه إنو محد بيشوفهم .. مدام إنهم في حوش بيت جدتهم ، وسيارة ريان مضلله : بسرعه ريري عدلي شكلك طالعت فيها ريّانة وهيّا ماسكة الضحكه : غَيد وربي شكلك يفجّــع ، روحي عند ديالا . . وربي تنجلط هههههههههههه غَيد وهيا تطلّع علبـه المكيـآج الصغيرهـ من شنطتهآ : هي هي دمك خفيييف ، طالعي شكلك بعدين أتريقي في خلق الله . . . ، الجمـعه - 4:30 م دخلت مجلس الرجـآل وهيـّا رافعه حواجبهآ مستغربه " يعني ماما رابشتني ، وفي النهآية مافي أحـد " زفرت بصوت وآضح وهيّا تحط تبسي الشآي على الطاولة المربعه المتوسطة المجلس وعقدت حواجبهآ لمن سمعت رنة الرسآيل تبع جوالهآ خرجت الجوآل ببرود ..، وهيا مو حاسبة حسآب إنها في مجلس الرجال . . وممكن أي أحد من عيال أعمآمهآ يدخل ..! أبتسمت على الرسالة اللي أرسلتهآ غَيد ، وقالت في داخلهآ وهيّـا ترد عليها " من جد دي البنت تــُحفـه " دخّلت الجوآل في جيب تنورتهآ السودآ الـ نص الساق .. ومشيت خآرجه من المجلس إلا فاجئهآ صوت ثقيل ، تكررهـه مرره : هلآ والله ما بغينآ نشوووفك نطت مفجوعه وبحركه سريعه قفلت باب المجلس وهيا لسى جوآ ، وبنبرة كره : سنـد يالزفت أبغى أخرج سنـد بـ برود مستـفز وهوا ورآ الباب : وأحـد قال لك أنطقّي جوّا روآن وهيّا شويه وتبكي .، خايفه أحد من أعمامها ولا عيالهم يجي ، بخنقـه ردّت عليه بصوتها النحيف : سنـد بلآ هبل . . إذا جـا بابا ولا أحد من أعمامي بنروح فيهآ سنـد بـ برود ولا مبآلاة : إنتي اللي موجودهـ في مجلس الرجآل مو ! روآن والدمعه ع طرف عينها : أفف بس منك ، الله ياخــــدك يآشييخ زي ما إنتـا منكّد عليّـا سنـد كآن بيرد عليها إلا سمع أصوات جايه عندهم .، رآح جهـة المغآسل ودخل الحمآم .. مخلّـي روآن ع نـآر ، جوّا المجلس روان لمن سمعت الاصوات أستنتجت إنهم أبوها وأعمامها .، فتحت الباب مالقيت ولد عمها عند الباب أرتاحت .. وحسّت الأصوات قربت باين إنهم خلاص عند الباب الدآخلي وبصوت عـآلي قالت : بابا . . باااابا دقيقه أنـا هنـآ دخـل أبوهآ وهوا شآك إنو سمع صوت بنتـه .. شافها واقفه ، وماسكة باب المجلس جآ لها وهوّا عاقد حواجبه : إش جايبك هنـآ ؟ روآن بـ توتر خفي جاوبته : ماما قالت لي أحط الشـآي في المجلس ، وسمعت صوت . . خفت إنو أحد يجي على هنـآ بسرعه أبوها بـ عجله : خلاص خلاص طيب ، إنتي رووحي دحين بسررعه على جوّا ، أعمامك وعيالهم هنآ همست بـ طييب ، وهيّا رايحه لـ الباب اللي يفصلهم عن جهة الرجال وأول قفلت الباب حطت إيدها على صدرهآ ، وزفرت بقوهـ " أششوهـ .، كويس إنو هاذا السند أنقلع قبل لا بابا يجي .. ولا اكييد خاف الجبآن " ، : هـآ أمسسكي .، وحط العلبه ع الطآوله رفعت عيونها عن الجوآل وبـ إستغرآب : إش هادي جآوبها بـ لا مبالاة وهوا يجلس على الكنبه اللي قبالهآ : امي أرسلتني أنا وريآن نجيب مقآضي البيت . . وشفت علبة جوآهر ، قلت أجيب لك ياها بـ إبتسآمـه أخذتها ، وصارت تقلب فيها رفعت رآسها له وقالت : يعني ماتقدر تقول أنـا أسف يا غَيد لاني عصبت عليكي في المول ، وهاذي رضوتك رفـع حاجب : ومييييييين قال لك يآ مخ إنو هاذي رضوهـ ! ! قامت وهيّا لسى على إبتسامتها : يـآربيييي كيف مايقدر يعتذر ، ولا يبيّن إنو أعتذر عقّد حوآجبه ، وحرك إيدهـ بـ طفش وهوّا يقول : بس بس ، عن الهبل حقك مشيت إلين عنده وميلت جسمها عليه وبآست خدهـ : وعن التصنـّع حقك ، على العموم أنـا مو زعلآنه منك ريكي واتوجهت لـ الباب اللي يودّي ع الحـوش وبصوت عالي قالت : تعـاااال ، ترآ كلهم قاعدين برآ قام وهوا يقول : وأنـا اقووول فينهم مشي إلين عندهـآ وسحب خشمهـآ بالقووه .، بعّدت وجههـآ على طول وبألـم وهيّا مغمضه عيونها : أيييييي ، راكان بلا هبل يأألـــم راكان بـ نذآله : أعـررف مشيت وهيّا تتحـسس خشمها : سخيييف لف عليهآ بما إنه كان متقدمهآ وبـ إستفزاز ونبره باردة قال لهآ : وإنتي أسسسخف غَيد بوّزت : هادا وإنتـا دحين معطيني جوآهر ترآضيني ميّـل فمه بـ طفش : ياربيييي ، دي كذبت الكذبه وصدقتهآ ، يـ أوومـــي مين قال لك إني برآضييكي ، أففف غبيييه طالعت فيه وهو يمشي قدآمها وماردّت .. دايما يزعلها ويجيب لها أشياء بسيطه يعني إنو يعتذر لها .، وكل ماتقولوا هاذي رضوتي يرد عليها بـ ردود يخليها تشك لكنها عارفه إنو في قرارة نفسه عارف إنو كلامها صح لكنه يكآبر .، لو إيش مايبيّن إنو غلطآن أو متأسف أو نآدم إلا لـ أمه وأبوهـ .. عكسسس تؤمه مشيت إلين ماشآفتهـم قاعدين في الحوش ع الأرض في الدكه المرتفعه شويه واللي بشكل دآئري رآحت وجلست وسط أمها وأبوهـآ : سسسسسلآم ردّوآ عليها ، وكملّوا الهرجه اللي همّا فيها . . واللي شكلهـآ نقآش حآد جداً سآره بـ إنفعآل : وإلين متى يـآ تميم الهرجه صاير لهـآ 8 سنوآت تميم وهوّا متضآيق بقوووهـ من الهرجه ، رد على أمه بـ برود : يـآ أمي الله يرضى عليكي ، ماملّيتي وإنتي تعيدي في الهرجه دي ردت عليه سآرة بـ حرقه : لا ، وماراح أهدئ إلييين ما أشوفك إنتـآ وزوجتك قدآمي عقد حوآجبـه وسكت مـآرد عليهآ . . ! طالع مشـآري في أمه وهوّا حاسس إنو تميم متضآيق وقال لها : يـآ أمـي أكيد تميم متى ماحس إنو جآهز ويبغى يتزوج ، بيجي عندك ويكلمك رد عليه أبوهـ وهوّا يطالع في تميـم بـ نظرآت عميييقه : وما كان مستعد وجآهز قبل 8 سنوآت ! طالع سلطان في أبوهـ وأمه وقال وهوا يترجآهم بعيونه : أبـويـآ ، أمـي ! طالعت سآرة فيه : نحنـآ ساكتين له كم سنه يا سلطاان ، لو إنو سمع كلآمي من البدآيه . . كآنوا عيآلوا حوالينه زيّـك طآلع في ولدهـ إيـآد اللي قآعد يلعّب ديمـآ بـ المرآجيح . . ورجع طالع في أمـه : بس برضوآ وطآلع في أخوآنه : الصغآر قاعدين هنآ ، ومايصير تنفتح السآلفه قدامهم غَيد واللي من أول متشآغله بـ الجوآل . . أتكلمت وهيّا تبغى تغيّر الموضوع : ماما دآنيـه فينها ، غريبه إلين دحين ماجت زفرت أمهآ من قلبهآ وهيّا تطالع في تميم وقلبها محروق عليه : في المستشفى طالعت فيها مفجووعه : وي ليش إشبهـآ ؟؟ سـآرة : تقول تعبآنه . / ، وعقدت حواجبهآ : مدري إشبها مافهمّـتني مزبوط رفعت حوآجبها وميّلت فمهآ ومطت كلآمها : مـــاتدري عنـّــهـآ ضربهآ أبوهآ الجالس على يسآرها على إيدها بـ خفيف وقال : سيبي أمـك يآ بت طالعت فيه بـ إستنكآر : بـــابـــا . . أنا إش سوييت طنشها ومارد عليها ..، اتكتفت وبوّزت وهيّا تهمس : تؤ إش دا باللهِ ثوآني إلا أنقلبت ملآمحهآ وهيّـا تفتح إيدينها على وسعهآ : هلآ هلآ بعيووون خآله جات لها بنووته صغيره ونطت تسلم عليها غَيد وهيّا تبوس خدها بالقووهـ : وشحتييني ليوونه ليـان بـ إبتسامة حلوه : وإنتي كمان وثحتيني ضربتها أمهآ على إيدها اليمين اللي جنبها : كم مره أقولك لا تشقلبي في الكلمات ، تتعلم الكلام المخربط منـّك غَيد ولسى ليآن في حضنها لفت راسها على أمها : وي ماما إشبك ورجعت لفت على ليآن : ليوونه فين كنتووا طالع فيها ريآن و بـ ضحكه : ههههه أتآري الترحيب دا مو لله في لله ، كله علشان تعرفي إشبهم ردت عليه غَيد وهيّا تبوس ليان : أنقلع . . وربي وحشتني من جد ، ليا أسبوع ما أشوفها الدوبآ ورجعت لـ ليآن تسألها : ها ليوونه فين كنتووا ليآن : في المثـتـثـفى غَيد : عآرفيين إنكم في المثتثفى ، بس لييييـش ليـآن وهيّا مبسوطه : علثان يعطونـا نونو غَيد عقّدت حواجبها : يعطووكم نونو ؟! بنفس الوقت اللي قربت دآنيه عندهم .، رفعت غَيد راسها وعلّت صوتها : دنـّـووو ، إش قصدهآ بنتك ؟ كشرت دانية وقالت لها : هاذا إستقبآل تستقبليني ياه قامت غَيد ووصلت إلين عندهآ وسلمت عليها : ههههههه سوري .، وحضنتها بقووهـ : وحشششششتيني يآ أوووختـي دانيه بـ إبتسامه : وإنتي أكتـر والله غَيد تمشـي ورا دانيه اللي وصلت للـ الجلسه وصارت تسلم عليهم : إش قصدهآ بنتك سآرة : غَيـد ياماما أعطي اختك نفس دآنيـه : خليهآ يـا أمي ، غَيد محد يفتك من زنـّهـآ ، ونزلت راسها لـ عمر : قووم مافيني أنزل لك قام عمر وهوّا يقول : كسسسل يالطيف ، ويعني ذولا - وأشّـر على سلطان وتميم ومشاري - عرفتي تنزلي لهم دانيـه وهيّا تسلم عليه : ههههههه أخواني الكبار ذولا ، وبعدين حرآم عليك تعبآنه والله سألهآ ريآن وهوا يسلم عليها : سلامات إشبك غَيد دخلت عرض : واااا ، لاا لاتكونـي حآمل لفت سارة على دانيه وبـ لهفه : من جد دانيه حامل ؟ جلست دانية بـ عبايتها جنب راكان ، وعقدت حواجبها وهيا مبتسمه : يعني ماينفع الواحد يسوّيها مفاجئه لكم رد عليها مشاري وهوا يأشر على ليان اللي في حضنوا : بنتك دي الي علمتنا .، وباسها في خدها : صح خآلوا ليان : ثـح غَيد بـ إبتسامه متحمسه : وااو أخييييراً بيجينآ نونو راكان : ياغبيه مو فيه ديالا بنت سلطآن طآلعت غَيد فيه وهيّا مميّله فمهآ بـ ضييق : والله مالغبي إلا إنتآ ، أنا قصدي نونو نونو .، وهيا تسوّي بـ إيدهآ كأنها تشيل طفل مولود سلطآن بـ إبتسامه : يعني ديالا مو نونو نونو مدت غَيد لسآنها وبـ ضحكه : هههههههه لا طالعت دانيه في سلطان وسألته : صح سلطان فين أمل مهي هنآ ؟ سلطآن : لأ راحت بيت أهلها رفعت دانيه حواجبهآ بـ إستغراب : غرييييبه ، اليوم جمعه ! سآرة : أكيـد علشان ريّانة اتنهّـد سلطآن وهوا يرد عليها : إيوه علشان أختها ، تقول تبغى تقعد معاها شووية عقّدت دانية حواجبها بـ عدم فهم : لـيش إشبها ريّانة رفعت غَيد حواجبها بـ تعجب : وي . . مادريتي ؟ دانيه وهيّا لسى عاقده حواجبها قالت : إش فيييييه ، لا تخوفيني زفرت سآرة بـ قهـر وقالت : ولد عمها خطب وحده اجنبيه دانيه : مين ولد عمها ؟ ../ ووسعت عينها : لايكون رعـد سـآرة : مآغيـروا دانيه بـ أسـى ظهر على ملامح وجههآ : يالله ياقلبي عليهآ طالع ريآن في أمه مستغرب ، بعدين قال : لحظه لحظه ، إنتوا دحين قصدكم ولد عمها .. اللي هوّا زوجهـآ راكان كمّل وهوا على نفس إستغراب أخوه : أتزوج وحده اجنبيه ، يعني حط فوقهـآ وحده ردت عليه غَيد بـ قهـر : خطب خطب ، مآ أتزوج . . ركّـز قال عمـر بـ لا مبالاة وهوّا يتكي إيده على المتكَى اللي على يمينه : كلهـم نفس الشيء لفت عليه غَيد وهيا حاطه إيدينها على خصرهآ وهيّا جالسه وقالت : لا يالذكي مو نفس الشيء ، خطب يعني لسى الموضوع ع البر قاطعها ريان بـ إبتسامه : واتزوج يعني تدبيسه ، مايقدر يفك ./ ، وكشّر بعد إبتسامته : بس وربي كلللب راكان : من جد ، ولف على غَيـد : وكيف عمي خالد - زوج خالته - سكت له ، ولآ كييف رفعت غَيد كتوفها بـ معنى ما ادري ..، سلطان اللي كان دوبوا بيرد عليه ، مسك أبوه إيده وأتكلم : خلاص قفلوا السالفه مالكم دخل بيها وقـآم : يالله قوموا دحين بيأذن المغرب . ، قامت أمهم ورا أبوهم ، والعيال لسى قاعدين قامت غَيـد ومدّت إيدها لـ دانيه : قومي دنـّـو عندي لك سواالف طالعت دانية في ريآن الواقف ورآ غَيد ، ويعمل بـ إيده حركات بـ معنى كذآبة قالت له بـ ضحكه : هههههه حرام عليك لفت غَيد عليه بعد ما حسّت هوا إش عمل وقالت : بآييييييـخ رد عليهآ بـ برود وبـ بطئ : وإنــتــي أبيــخ توّهـآ غَيد بترد عليه ، إلا رن جوالها اللي في إيدها رنة رسآله ، فتحتهآ إلا تلاقيها رساله من [ my heart ] طالع عمر فيهآ وقت مآ حمّرت خدودهآ وهيّا تقرأ الرسآله . . وطآلع في التؤم الي غمزوا له وهما مخمنين السبب قال عمـر بهجوميه وبسرعه : بت إش في الرساله غَيد اللي انفجعت من نبرته رفعت عيونها وقالت : هـآ ريـآن وهوا يدق راكان وبـ إبتسامه شر : لا لا البنت وجههـآ حمّر ، و هـآ كمآن .، أعترفي أعترفي إش مهبب ولد العم في الرساله غَيد بـ حيا : سخييف أنقلـع .، ودخلت هاربه البيت ./ عارفه لو قعدت كمان ما حيخلوها من تعليقاتهم الـ دفشه ابتسمت دانية وهيا تطالع في اختها الصغيره داخله البيت ، وطالعت فيهم : بلا ثقالة الدم شوفوا كيف أحرجتوهآ عمـر بـ لا مبالاة : دي تنحرج ، ضحكتيني . . تلاقي نايف أرسلّها أبغى أكلمك ، وهيّا شافتها حجه تروح غرفتها هز راكان راسه بـ تأييد له : من جد طالعت دانية فيهم مفجوعه : يممممه منكم ، إش دا ولفت على سلطان وتميم ومشاري : على أيامي ماكنت الاقي دي التعليقات طالع سلطآن فيها وغمز لها : على أيامك كنت متزوج برضوا . . ولا كان طقطقت عليكي *_^ ابتسمت دانيه : أجـل ربي رحمني منك . . وطالعت في تميم اللي جالس جنبه وشكلوا مكتّـم ، ونادته : تمــيـم تميم اللي منشغل بجواله ، رفع راسه لها : نـعـم كشرت من جوابه الجآف وسألته : إشبـك قـآم و بـ برود رد عليها : ولا شـيء أستغربت . . و طالعت في الباقي : إش فيه قام سلطآن وقال : ولا شيء مشـآري الثاني اللي قآم قال لها : وبطّـلي لقآفه ./ ، ولف على عمر وريان وراكان : يلا قوموا بتقيم الصلاة دحين .. ورآح جوا البيت قآم عمر وهوا يقول لـ دانيه : أبويا وأمي فتحوا لـ تميم السالفه المشؤومـه دانيه وسسعت عينها مستغربه : أممممممممآ من جد . . ، طنشها عمـر ومشي لفت ع التـؤم : من جد أمي فتحت لو سالفة الزوآج ريـآن : إيوه دانيه بـ تعــجب : قدامكم !! ريـآن : إيوه شكلوا أمي وصلت حدهـآ راكان بيكمـل إلا أقامت الصـلآة .، قام بسرعه هوا وريـآن دانيه قامت وهيا تقول بصوت عاالي : تعاااااالووآ ، ماكملتووا لي السالفه راكان وهوا يمشي بسرعه علّا صوتـه : خلي الدلوعه تقولها لكي ، قـآعده بينـهم وهيّا مخنووقـه .، عمرهـآ ماندمت على شيء سوتوا .. زي هاذا الشيء وأهي دحين تجني الثمـره ..، لفت على اللي تناديها بـ همس ..، : نعـم طالعت فيها وهيّـا حاسه فيها وبهمس : سجو وربي ماكان قصدي اتشاغلت بالجوآل وماردّت عليها طالعت حوالينها ورجعت طالعت فيها وبهمس : قومي معايا رفعت سجى حاجب وهيّا لسى ع الجوال وبدون ماتطالع فيها قالت لها : ليـه ؟ زفرت بصوت وآضح وهيّا تشوف كيف سجى مطنشتها . . وتتعامل معاها ببرود ، وعاذرتها قالت لها بـ إصرار : أبغى أتكلم معاكي في موضوع طالعت فيهآ ، ورفعت حآجب وبنبره تعجب مصطنعه قالت : ليه في مواضيع بيني وبينك . . أنسه أروى ؟! أروى بترجي : بلييييز سجى وما استنت ردها قامت ومدّت لها إيدها وصوت عالي : يلآ سجـو طالعت سجى فيها وطالعت في أمها وأم أروى اللي أنتبهوا لهم ، وزمت شفايفها بـ غييض منهآ ، ومدت إيدها لها وقامت دخلتها أروى المطبخ وقعدوا ع الطـآوله سألتهآ سجى أول ما جلست على الكرسي : نـعـم ؟ أروى وهيّا تفرك إيدها وبـ توتر : سجـى والله ماكان قصدي طالعت سجى فيهآ بـ ألـم ما بيّـنته ، وبتريقه وهيّا عاقده إيدينهآ عند صدرهآ سألتهآ : اهـا ، وإش كان قصدك يعني ؟ أروى وهيّا شويه وتبكي : والله ياسجى إني كنت أحسّبه يحبك ، وربي أنصدمت وقت ماقال لـ أمي إنو يبغاها تخطب له هبه حست سجى بطعنه في قلبها وهيّا تسمعها تقول [ كنت أحسبه يحبك ] ، و بـ نبره حاولت تخليهآ بارده قالت : ومين دي هبه .. وبسخريه : لاتكون وحده من البنآت اللي كان يكلمهم هزت أروى راسها بـ نفي : لأ . . دي وحده من قرايبنآ هزت سجى راسهآ : خلاص طيب ، هوا ضحك عليّا زي ما إنتي ضحكتي عليّا .. وكملت : أنتهى الموضوع أروى : والله والله ياسجى إني كنت أحسبه يحبك وبيتزوجك بعد ما شافك صدفه في غرفتي ، والله كنت أحسب هاذي نيته سجى " ورجعت وتقول كنت أحسبه يحبك , , خلااااص وربي طعنــتـيـنـي " ، ميّلت فمها بـ ضيق : خلاص طيب ، أنآ مني شايله عليكي شيء أصلاً و قامت بسررعه ، حاسّه نفسهآ مخنووقه ، وقامت معاها أروى لفت وجهها ناحية بآب المطبخ بتخرج لـ المجلس .. إلا تشوف الانسآن اللي تعشق كل شيء فيه دآخل المطبخ أروى أرتبكت ، و بعجله وربشه قال : دقيقه دقييييقه سآمي ، فيه سجى هنآ سامي بـ برود : طيب ..، ولف وصآر جنب الباب ومعطيه ظهره ، وهوّا مو معطي أي أهتمآم للي وآقفه جنب أخته ، وسأل اروى : فين أمي أروى وهيّا حاسه إنو وقفة سآمي غلط . . بـ توتر جاوبته : عند خاله ناديه في المجلس وسألته وهيا تبغاه يروح : فيه شيء ضروري تبغآه منّهآ سآمي وهوا متحمس : إيوه قوليلها إنو عمي حجز مكآن الملكه في فنـدق الـ .... .، بعد شهرين من دآ اليوم ورآح مخلّي وراه بنت يادووب واقفه على رجلينهآ لفت أروى على سجى وهيا متفشله من أخوهآ .. حتى ماعنده دم شويه يقدر إنو البنت اللي مع أخته كان في يوم من الايآم كان يضحك عليهآ ويقول لها أحـبك لكن الأنـآنـي أنـاني .! لسى دوبها أروى بتتكلم .، سجى أتكلمت : جيبي شنطتي من المجلس وقولي لـ أمي سجى بتروح البيت مصدعه عقدت أروى حواجبهآ : ممكن امك تقول شيء سجى : تقول .، وبقرف من البيت : مني طايقه اقعد هنا دقيقه وحده ..! ، دقت باب غرفة أختهآ ودخلت .، لقيت الجو رآيـق في الغرفه وأختها قآعده ع السرير تتكلم جوآل وحاضنه مخدتها الصغيره . . وتلعب بـ شعرهآ كانت بتخـرج إلا أشرت لها بـ معنى أدخلي ، دخلت وقعدت ع السرير جنب أختها ووزعت نظراتهآ في الغرفه تتأملهآ . . أثاث أبيض رآيق ، وبويـه حلوه مدموج فيهآ الأبيض والوردي والفوشي بـ فن ، طالعت في إكسسوآرت الغرفه الفوشيه ، ودققت في الستاره الفوشي . . وانتبهت لـ طبعة يد ، باين إنو أحد من البزآرين عدمهآ من إيده المليانة شوكلآته *_* طالعت في غَيد اللي أنهت المكالمه بسرعه ولفت عليهآ : هلآ دانيه وهيا تطالع فيها مبتسمه : هلآ فيكي وسكتت شويه ، وبعدين أشرت براسها ع الجوال اللي في إيد غَيد : كيفك مع نـآيف ابتسمت غَيد بـ خجل : يعني ، مـآشي دانيه عقدت حواجبها وهيا على نفس إبتسامتها : وليه تقوليها كدآ غَيد رفعت كتوفها : عـآدي ماكان قصدي بيها شيء دانيه مادققت ، وافتكرت السالفه اللي هيّا جايه علشانها : غيّووود غَيد : هممممم دانيه : إش سالفة تميم اليوم غَيد عقّدت حواجبها : مين قال لك دانيه بوّزت : عمر والتؤم بس كل واحد يرمي لي كلمه ، وانا اجمعّها غَيد : والله انا مدري عن السالفه بالزبط ، انا وراكان كنا في الصاله جينا لهم ، إلا شفناهم يهرجوا في دي الهرجه دانيه بـ قهر : افففف ، يعني ماحأاعرفها غَيد : بطّلـي لقافه دانيه مو لقافه فضوول .، وبعدين ابغى اعرف ، اش اللي خلا امي تفتح السالفه غَيد رفعت كتوفها : دام إنتي مرره تبغي تعرفي السالفه ، بششوف لك حل ورفعت جوالها ودقت على ريان ، اول ما رن ناولته دانيه : كلميه قولي لو يطلع ، هوا اللي عارف السالفه اول مافتح الخط دانيه اتكلمت بعجله : ريان بسرعه اطلع غرفة غَيد ابغاك ضروري ../ وقفلت في وجهه غَيد وسعت عينها : يالئييمه دانيه ابتسمت بـ نذاله : أحسن ، دي الطريقه اللي تخليهم يجوو بسرعه ماخلصت كلمتها الا التؤم فتحوا الباب .، ريـآن وهوا معقد حواجبه : إش فيه راكان اللي جنبه : إش حصل دانيه وهيّـا تأشر لهم يقعدوا ع السرير : تعالوا تعالوا اقعدوا ونقول لكم السالفه قعدوا مقابلهم ، وريان اتكلم بسرعه : إش صـآير دانيه ابتسمت لهم : ماصار الا الخـير .، وطالعت في ريـآن : ريـوون حبيبي قولي إش سالفة تميم من طقطق لـ السلام عليكم ريـآن أتنرفز طالع فيها : يعني دحين دا اللي مناديتني علشانوا دانيه : بليييز ، ترا بأتجنن أبغى اعرف طالع فيها وهوا موسع عينه : يالطيييف إش دي اللقافه دانيه بوّزت : بلآ هبل ابغى اعرف ، دي سالفه مهممممممممه راكان طالع فيها : ومدام إنك شايفتها مهمه ليش ماتسألي أمي دانيه كانت بترد إلا غَيد ردت عليه : يافــآلح كيف تسأل ماما ، وماما مقهوره من تميم بترجّع لها القهر مره تانيه ريـآن حك حاجبه : ممم طيب بقوول لك غَيد ودانيه طالعوا فيه بـ فضول .، بينمآ راكان طالع فيهم بـ برود وهوا يطّلع جواله بيلعب فيه .. وهوا عارف السالفه من ريان ريـآن اتنحنح بـ إستهبال واتكلم : أمي كانت تطالع في إياد وتقول إنو إياد طفشان لانوا مافي ولد يلعب معاه وطالع فيهم : هيّـا كانت دقـه لـ تميم بس الأخ مطنش ومسوّي نفسوا مافهم غَيد ميّلـت فمها : زي المعتاد ريـآن هز راسه وكمل : وبعدين لفت على تميم وقالت لو إنو فيه بنت شافتها مدري فين وعجبتها وتبغى تخطب لو ياها دانيه : وتميم رفض كـ العاده ريـآن : بالزبـــط ، وامي وابويا قعدوا يقولوا لو ليش رافض الزواج ومدري إش والسالفه كم لها ،، وبسسسس غَيد بـ تفكير : تتوقعوا مين دي البنت ..، دانيه رفعت كتوفها بـ معنى مدري قآطـع جوّهـم مشـآري اللي دخـل ..، غَيد بـ إبتسامة واسعه وهيا تبعّـد له مكآن جنبها : هـلآ هلآ حبيبي ، نوووورت غرفتي مشـآري قعد جنبها : منورره بـ صحبتها دانيه انتبهت لـ التؤم يطالعوا في مشاري بـ غيره : هههههههههه غَيّووود ميشو طالعوا طالعوا بس في التؤم كيف يطالعوا فيكم طالعت غَيد فيها وهيا تهز إيدها بـ عدم إهتمام : عادي عادي غيرانيين رفعوا الإثنيـن حواجبهم بـ إستنكار . . وبنفس الوقت قالوا : نغـــآر على إيش مشـآري غيّر الموضوع بسررعه ، قبل لا يكبر ، وسأل دانيه : دانيه في الشهر الكم إنتي دحين ؟ حطت دانية إيدها على بطنها : أممممم ، تقول الدكتوره ليّا شهر ونص غمزت لها غَيد : طيب إش رايك تقولي لزوجك إنك تتوحمي عليه وتجي عندنا تقعدي كم يوم ضربها مشاري على إيدها بـ خفيف : عيب يا بت تبغيها تكذب على زوجها طالعت غَيد فيه ومدت لسانها : ههههههه عـآدي دانيه : لسى متى ماحسيت إني تعبانه بجي عندكم .، وابتسمت : اصلا اقول الله يعين يجي زواجك وانا بطني قدامي غَيد ابتسمت وكانت بترد إلا امها دقت على جوالها ردّت عليها : الوو سـآرة بـ تعب : دانيه عندك غَيد عقّدت حواجبها : إيوه ، ليش سـآرة بـ تعب وعصبيه : طيب أستحوا على دمكم وأنزلوا تحت ، جننوني إياد وديما وليان وكملت : في احد من العيال عندكم غَيد ابتسمت وطالعت في اخوانها : أيوون ، عندنا ميشوو والتؤم سـآرة : طيب أنزلوا كلكم يالله ، ماعندي تحت الا عمر اللي عيونوا شويه وتلصق في الجهآز حقتوا ووجودهـ زي عدمـه عمر طالع في أمه وهـز راسه من دون مايرد عليهآ ورجع لـ اللآب غَيد : ههههههههه أوكـي ثوآني ونكون عندك دانيه طالعت فيها بـ استفهآم وسألتهـآ : أمـي غَيد وهيّا تقوم : أيوون ، طفشانه تحت .. وتقول إياد وديما وليان جننوهآ دانيه عقدت حواجبها وقامت : سلطان مو تحت مشـآري قام ورد عليهآ : لأ ، راح يجيب مرتـه من بيت خالتي وبيجوا على هنآ يُتبَع’‘ | ||||
|
| |
|
15-11-12, 09:36 AM
| #4 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| لو كنت , آستطَيع آن آلمس " آلسحآب " لرسمتُ فيهآ ( ملآمح أمي ) على قمّته .. لأجعل آلنآس تعلم ()" + كم هي جَميله آلوان حيآتي بَ/ وجود أمَّآ مثلهآ بعدت اللآب عن حظنهـآ وحطته جنبهـآ ع السرير وسرحت تفكـر .، لو إنو أمها وابوها موجودين في الدنيـآ .. كيف بتكون حياتها ..؟ بيكـون عندهـآ أخوآن ..، واخوآت اخ يدلعهآ ويخآف عليها .. والثآني يغثهآ .. والثآلث يشكي لهآ وآخت تنصحهآ ،، ووحده تتدلع عليهآ والآهـم بتقدر تقول ماما .. وبابا بدون ماتحس بالغصصصه زي ماتقولها دحين .! قطع أفكآرها وتخيلاتها صوت الباب اللي انفتـح بالقووه رفعت راسها وبـ إنزعآج : خـيييير ، إش دا ردت عليهآ البنت العربجيه اللي فتحت الباب ، ومازالت واقفه عنده : الخييير بوجهك أنززلي الصآله زمت شفايفها وبـ ضيق ردت : عندي بحث أبغى أخلصوا وأنزل بعدين قربت من عندها إلين ماوقفت عند السرير : ميسوو ماصار بحث يلااا .. لسى تبغى تتكلم .. إلا شدتها بـ عفاشه : بس ولا كلللللللمه يلا تحت لميس بـ ألم : بسمه ووجـع ، فكي إيدي ترا مسكتك تعوّر فكت إيدها بقووه : أوووه سوري يالرقيقه ، يلا بسسسس مسحت على إيدها ونزلت معاها لـ الصاله التحتيه .. لقيت مرة عمهآ تتكلم تلفون .. وأول ماشافتها أبتسمت إبتسامه بارده زي العـآده ورجعت تتكلم قعدت ع الكنب وهيّـا طفشآنه ،، نفسها لو يروحوا استراحه ولا شاليهات أو حتى ملآهي بس المشكله اليوم جمـعه .. مالها إلا تستنى الاربعاء مالت على بنت عمها بسمه وبـ طفش : دحين ليه خليتيني أنززل .. لو إني قاعده في غرفتي أحسسن بسمه وهيّا تقلب في القنوات : لا ياقلبي ، علشان اطفش لوحدي لازم تطفشي معايا ورفعت بصرها تطالع في الصاله الهاديه وقالت بـ طفش : لو إنو عندنا بزرة يغير جوّنـا شويه لميس بـ هدوء تمتمت : الحمدالله على كل حال رددت بسمه نفس العباره ووقفت عند قناة فيها مباره .. ماتدري مين اللي يلعب - بس إسمها مباره تغير جوّهـآ قفلت العمه من التلفون ولفت على البنآت وبـ نبره بارده متعودين عليها : بنجتمـع عند ساره الاسبوع الجـآي ، بتجوو معايا ؟ بسمه طالعت في امها متحمسه : يجيييي يعني بأششوف غَيـد " اماني " امها طالعت فيها بـ إنزعـآج بس بنفس النبره : عدلي الفاظك ، إش يجي دي وقامت وهيا تقول : مدري متى بتصيري زي البنات رقه ودلع ، هذا وإنتي وحيدتي ، لو عندك اخوان عيال إش بتعملي زمت بسمة شفايفها من الكلام المعتاد من امها وماقالت شيء بينمآ لميس اتنكدت يعني مافي امل تقنع عمها إنهم يروحوا لأي مكان الويكند الجاي دام في عزومه يوم الاربعاء ، إذا طلعتوآ الدرج بتلاقوا على يمينكم باب كبير شويه ومميز عن بآقي البيبآن الموجوده .. هاذا باب جنآح سارة وفهد أما إذا طالعتوا قدآم . . بتشوفوا قدآمكم صاله وآسسعه بـ جلسه أرضيه مريحه ، كُحلية اللون .. و إذا طالعتوا جهة اليمين ، بتلآقوا الجدار يتوسّع ، وتبآن صاله وآسعه ثانيه ، وفيهآ أبواب كثييرة ، وممكن تخمنوآ إنو هاذي الصاله اللي تتـوزّع فيهآ ابوآب غرف نوم " الأبنآء " وفي الركن ، موجود مطبخ تحضيري صغير " سيرفرس " كآن الكل متوآجد في الصاله الفوقيه ، ما عدآ فهد ، وسلطآن اللي قبل شويه مشي بعد ما أتعشى هوّا وحرمته وعيآله رفع تميم عينه ع الجوآل بعد ما حس بـ حركه غريبه ، واتفاجئ بـ الكيرم الكبيير اللي شآيله راكان ، ووراه ريّان شايل علبه بُنيه وبودرة أطفال عقّد حواجبه وقال لـ غَيد اللي جابت مسندتين وحطتهم : إش هاذا رفعت عينهآ وقالت : إنتآ إش شآيف تميم : أنآ ما أسألـك إش دا الشيء ، قصدي من فين جايبينه عمر الجالس جنبه قاله : غبااااااار صح قال تميم وهوّا يتعدل في جلسته : أنآ داري عنّهم ، أبغى أعررف من فين جآبووه بس قرب راكان منهم ، وقال وهوّا يطالع في امه : واللهِ سآروونه قالت إنها من زمان تبغى تلعب كيررم ، عاد سوّينا بحث وتنقييب أنآ وريان وغَيد قرربت غَيد منهم وهيّا تقول : والله لو تشوفووا فيين كاان بس . . جوووووووّا المخزن ، مدري مين حطّه هنآك طالع عمر في ساعته وهوّا يقول : بجدكم دحين بتلعبوآ ، الساعة 12 وربـع هش ريآن إيده المعدوومه من البودره اللي كان يوزعهآ على الكيرم وقال : عادي عادي ، ساعه ولآ ساعه ونص ، وننآم طالع عمر فيه بـ غييض وقال : مو لأنكم طلآب مو هآمّيين الروحه بدري ، جربوا تكونوا مدرسيين ، وبتعرفوا إن الله حق أتكلم مشاري الجالس جنب أمه وفي إيده الآيباد : منتآ المدرس الوحييد يا سييد قال راكان لـ مشاري بـ ضحكه : ههههه لآ إنتا شيء أكبرر من المدرس بشوويه طالع مشاري في راكان ، وفي عمر اللي ميّل فمه بـ إبتسامة سخرريه ، وقبل لا يتكلم أتكلمت غَيد وهيّا تقررب منه : ولييه إنتا تحسّب إنو صار دكتور ببسآطه ، ناسي أيام الغرربه والقررف طالع تمييم في مشاري وقال له وهوّا يأشّر بـ عينه على غَيد اللي وقفت جنبه : شكل الأخت ما راح عن بالها أبددداً سنيين الغربه حقتك هآ أبتسم مشاري وهوّا يتذكر قبل 5 سنوآت لمن راح يدرس ماجستير ودكتوراه في بريطانيا ، وكيف غَيد قوّمت الدنيآ ولا قعّدتهآ وأنتبه لـ غيد تقول : بس دحيين محا يكفي نلعب كلنآ سوا .. لآزم نتقسّم ولآ نلعب أشواط سآرة بـ تفكيير : ممممم ، ما أتووقع يكفي العدد لو أتقسّمنا صح طالعت غَيد في أمهآ وهيّا تقول بعد تفكيير : خلآص ماما ، إنتي دحين ألعبي مع الكُبآر دولآ ، واللي يفوز يلعب معانا أنآ وراكان وريان وطالعت في تميم اللي بدأ يرص الحبوب على الكيرم ، وقالته له بـ ضحكه : هههههههه تووتي ، أتحمسسست ابتسسم لهآ تمييم ، ورجع يطالع في الكيررم طالعت في تميم ، وفي أمهآ وابتسمت ، تحمممد ربهآ إنو رجعت المياه لـ مجآريهآ بسسرعه بينهم قرربت من أمهآ وجلست وراهآ ، وقدام أمهآ جلس تميم ، وعلى اليمين مشاري ، وعلى اليسآر عمر طالع عمر في الكيرم وهوّا يقول : والله خآيف ما احصّل شيء ، ليّا كم وانا ما العب ريان اللي كان جالس على الكنبه قرريب منهم قال : أفـآ ههههههههه ترقّع لـ خسسآرتك من دحيين أستآذ عمر مآ رد عليه عمر وطآلع في تميم اللي أول واحد بدأ طالع راكان في تميم وهوّا يقول : أووف أووف أووف ، وطالع في أمه وقال : شاايفه يا أمي ، قآيل لك أبغى آخذ الحزآم الأسسود مآ رضييتي ، شوفي كييف من أول ضربة دخّل إثنين طالعت سآره فيه بخووف ، وبنبره حاده قالت : قوول ما شاء الله لآ تحسسد أخووك طالع راكان في تميم اللي ما علق على كلامه وقال بـ سخرريه : ما شاء الله ، لآ إله إلا الله وطآلع في عمر اللي ما دخل شيء وقال : ما شجعتني أكوون مدرس عمر بـ نبرته البارده الطفشآته قال له وهوا يطالعه بـ ضييق : أتوقع إنو تخصصك هندسة ، يعني ماله دخل بالتدرييس أبداً وصلت له ضحكه غَيد العاليه قبل لآ تقوول : ويييييي لقط وجهك ريييكي . / ، وأشّرت على المكيف وهيّا تقول : شووف شووف خشمك دخل جوّا المكييف أتنرفز منهآ ، وزااد تنرفزه لمن سمع ضحكه مشاري اللي حاول إنه يكتمهآ وقبل لآ يتكلم ، صررخت غَيد وقالت : وااااا ماما ما شاء الله ، الخمسيين مرة وحده من أوول ضربة وطالعت في راكان وبـ تريقه : ريكي ، خلييك ربة منزل أفضل طآلع ريان فيهآ لحظه قبل لا ينفجر ضحك ، وهوّا يتخيّل شكل راكان لآبس مريلة وغطآ الراس راكان بـ قهر : انقلللعي ما ردت عليه غَيد ، وهيّا مشغووله تطالع في أمهآ تحاول تضرب مرة تانيه علشآن تجيب غطآ الخمسين وصررخت بصوت عالي وصفقت بـ إيدينهآ وهيّا تقوول : إش الحرررركآت هاذي يا أم سلطاان ، مآ تلعبي والله وسكتت شويه تفكر ، بعدين سألت أمهآ : صح ماما ,, إنتي ليش بابا ما يناديكي أم سلطآن طالع مشاري في أمه وقال : من جد ، شيء غرريب ، أول مره الآحظ وأنتبه تميم : لآ يفووتك الإسبوع اللي فات وقت ما كنّا في المطعم أمي مدري فين راحت ، وأبويآ يناديها بصوت وآطي ،/ ، وقلد صوت أبوه وهوّا يقول سآرة سآرة عقد مشاري حواجبه وقال : متى ، ما انتبهت تمييم : عقلك مدري فين كان وقتهآ غَيد بـ ضحكه : هههههههه ولآ يفووتك ميشوو ، لمن بابا يأس إنو ماما تسمعه ، وطالعت في عمر وقالت : عمر دوورك ألعب وابتسمت وهيّا تطالع في مشاري وتكمل له : علّى صوته وهوا يقول يا بنـت يا بنت طالع مشاري في أمه : ههههههههههه ، أمي إنتي عمرك دحيين 46 سنه ويقول لك بنت ، أجل لا دخلتي الخمسين إش بيقوول لك ريآن بـ ضحكه : بيقول لهآ مدام ههههههههه طالعت سارة فيهم وقالت : حررام عليكم تتريقوا على أبوكم كِدا ، والله إنو طييب ومسكيين وسع راكان عيوونه ، ورفع حواجبه وهوّا يقول : معلييش أمي ، بس إنتي قلتي على أبويا طيب وإيش سآره بـ إستغراب : ومسكيين ! هز ريآن راسه وبـ تريقه قال : قلـــتي لي أبويآ مسسكين عصبت أمهم لمن لمست في كلام ريان وراكان التريقه ، وقالت بـ حده : إيووه مسكيين ومطلعيين لو عيونوا كمآن حطت غَيد إيدهآ على كتوف أمها تهديهآ وهيّا تقول : مآمـي أعصصابك ، أرجعوا لـ الكييرم أحسن نهآية الفصل " 2 " أخيراً أرائكم وتقييمكم وِ ردوكم ‘’ شيء لآ أستغني عَنه ’‘ .gif) | ||||
|
| |
|
15-11-12, 09:39 AM
| #5 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| وَ يـَأتِيْ الْـصَبآحْ ( 3 ) السبت - 9:15 ص بـ قهـر اتكلمت : أصصلاً كل الرجـآل أنانيين ومايفكروا إلا بنفسهم ، الله ياخدهم عقدت حواجبها بـ إستنكـآر : حررام عليكي ، مو كلهـم عآد لفت عليها وهيّا نفسها تخنقهـآ : لإنك ماجربتيهم كويـس ، ولا همّـا كلهم كدآ طالعت غَيد فيها وهيا عارفه إنها تعني بـ الرجـآل " رعـــــد " لفت غَيد على روان اللي كانت تحكيهم عن الموقف اللي صار لها امس ، وهو اللي كآن سبب تلفّظ ريآنة وقالت لهآ : احمدي ربك ماصار شيء اتنهدت بـ ارتيآح : على قوولتك طالعت فيها ريّانة : طيب ماتفكري تقولي لـ أبوكي بـ رعب قالت : باباااا لا مرررره ما افكر ورجعت تهز راسها بـ إستنكـآر : لا لا . . إش يظمني إنو بيفهم عليّـا ، يمكن يفهمني غلط رفعت غَيد إيدهآ لـ شعرها الكثييف الأسود تظبّطه وهيّا تقول : ويمكن ولد عمك يقلب الطآوله عليكي روان : من جد .، انا دحين خايفه بس لآ يصير لي موقف ثاني ، وأرووح فيها عقدت غَيد حواجبها : بس يابت اتعوذي من ابليس واتفآولي خيـر ولفت على ريّانه : وإنتـي ابغاكي تقوليلي إش صآير معاكي بالتفصيييل جآوبتهآ ريّانه بـ برود وهيا تقلب كتاب الكيمياء اللي في إيدها : ماصار شيء عرفت وبس ورفعت راسها وبـ ضيق : ولو سمحتي لاتصيري لي المحقق كونان زي امل ، تراني من جد طفشت وقآمت بسسرعه بعد ما سمعت الجرس يرن وكأنهآ ماصدقت إنو رن ، علشآن تفتك من الآسئله وقالت بـ عجلة : يلااا بسرعه نطلع ونلحق نراجع كم كلمه . . طالعت غَيد في ظهر ريّانة ، واتأففت بصوت وآضح وهيّا ماشيه لـ الفصل مع روآن ، * وجوه العائلة عبارة عن مرايا سحرية بالنظر إلى أوجه الأشخاص الذين ينتمون إلينا يمكننا معرفة ماضينا وَ حاضرنا وَ مستقبلنا - غيل لوميت بكلي فتحت عيوونهآ ، ورفعت جوالهآ تشوف السآعه .، لقتها 7 المغرب رجعت الجوآل تحت المخدهـ . . وغمضت عيوونهآ وشدت اللحآف على جسمهآ بكسسل شويـه ، وفززت من السرير وهيا تقول بـ عجللة : يـــا الله صلآة العصر و نطت بسسرعه ع الحمـآم ..، صلت العصر والمغرب ، وبدلت البجآمه البنفسجيه لـ فستان جنز كحلي غامق على الركبه ، وتحته برمودا إستريتش أصفر .. وهيا رايحه لـ الدرج وتقلب في الجوال سمعت صوت إزعـآج وضججه نزلت الدرج إلا تشوف اخوانها كلهم قاعدين في الصاله .. ابتسمت ابتسامه وآسسعه من قلب وهيا تشوف اخوآنها حوالين ابوها وامها كثير من اقاربها وصحباتهآ يستغرب كيف مستحمله انها قاعده في بيت كللله عيآل ، واكبر منها كمآن .. بما انو دانيه اتزوجت بدري اصلاً بس هيا بجد تحب البيت وصوت اخوانها اللي يملّووا المكان ضجـه .. وهيا عآرفه كمآن إنو لها مكانه خاصّه ومميزه عند اخوانهآ . . حتى لو مابينوا لهآ ، يكفي إنها البنت بينـهم حاليـاً نزلت وسلمت على امها وابوها وسلطآن ، وقعدت ع الكنبه طالعت سآرة فيها وبـ نبرة حنوونه قالت : هـا شبعتي نوم هزت غَيد راسها : أيوون ، بس ليه ماصحيتيني لـ صلآة العصر ، حرام والله . . مآصليتهآ إلّا دحين مع صلاة المغرب زمت سـآرة فمهآ بـ ضييق : إش أسوي لك طيب ، صحيتك لمن تعبت .. بس شكلك ماحسيتي سندت غَيـد ظهرهآ ع الكنبه بـ كسل : ما حسيت بالمرره .. اصلا كان نفسي ارجع انام ، بس قلت احسن اقوم واذاكر الأدب ، وانام في الليل سألهآ سلطآن الجالس على يسارهآ : ليه ، عندك إختبار ؟ غَيـد بـ طفش وملل : كان عندي اليوم ، وعليّا بكره وبعدوا اليييين الثلاثاء . بجد شيء مدري إش اسميه ، هــــــبــــــــــــــــل لف عليهآ عمـر الجالس جنب أبوهآ في الكنبه المتوسطة الجلسة . . بعد ماكان يهرج مع التؤم وقال بـ نبرته الباردة : تستاهلي محد ضربك على إيدك وقال لك ادخلي علمي توها بترد عليه إلا أتكلم ريان الجالس قدآمها ، وهوا منعـم صوته يقلدهآ : تبغاني ادخل آدبي واخد مدري كم حصة عربي في اليوم ! نوووو وي حبييبي ورجـع لـ صوته الطبيعي وهوا يكلم غَيـد : ذوووقي . / ، وبِ فصحَى قآل : هاذا مآ جنته يدآكِ - إن شاء الله يكون عليكي اختبارات إلين مااااا دقـه راكان الجالس على يمينه وقال وهوا يطالع في غَيـد بـ تريقه : الا مالا نهايه ريان هز راسه وطالع فيهآ : بالزبـط إلا مالا نهايه طالعت فيهم غَيـد مقهوووووره ومهي عآرفه إش ترد إلا اتكلم مشـآري وهوا يوجه كلامه لـ الثلآثي المرح : كل وآحد يدخل الشيء اللي يحبه ، مو يدخل الشيء اللي يريحه بدون مايطالع في رغبته كمل تميم وهوا يطالع فيهم بـ نظرات حآده : من جد ، وبعدين مآ اشوف فيها شيء انها تقول إنها طفشآنه من الاختبارات ، عآدي تفضفض ، مو كل ماقالت كلمه كتمتوهآ طالعت غَيـد في تميم ومشاري وهيا مبسوطه : يانآسسسو على اخواني ـ وطالعت في الثلاثي : بجد ذولا اللي يبردوا القلب مو زيكم ، اففف طالع أبوهآ فيها بـ إبتسامة وقال : اجـل راح ارتآح إذا رحت من هاذي الدنيا ، فيه من اخوآنك من يدآفع عنك غَيـد بـ فجعه قالت : بابا وي إش دا الكلام ، الله يطووول في عمرك يااااااارب على طاعته الكـل : آمـييين ريـآن بـ طفش وغيره : ماتسسوى كلمه قلناها ، كلكم هجمتووا علينا وي ياربي ، الواحد مايقول شيء عدل سلطان جلسته وهوّا يقول بـ برود : مو اي كلام ينقـآل يآ فاالح ميّـل فمه بـ ضيق وماقال شيء غَيـد صرخت وهيا تفتكـر شيء جا في بالهـآ : صصصصصصصصصصصصصصصصصصصح ، ماااااماااا طالعت ساره فيها بـ ضيق ، بعد ماكانت تهرج مع سلطان : غَيـد إش دا الصوت وطي صوتك غَيـد بـ وناسه : سووووري بس اتحمسست ، عندي لك خبر بمليووون سـآره ابتسمت : إش فيه ، خير اللهم اجعله خـير غَيـد : سميّتـك سـآره ساره عقدت حواجبها : إشبهـآ غَيـد : حـزررررري بس سآرة : إش فيه ، فيهـآ شيء ، صار لهآ شيء غَيد : مااااااااااما ، أتوقعي شيء وآحد على الأقل توّهـآ ساره بتتكلم ، إلا اتكلم سلطان بـ طفش : غَيـد تراكي من جد ماينفع تقولي اخبآر ، قولي اللي عندك بسسرعه مو حزري ومدري إش طالعت في سلطآن . . ولفت فمها بـ ضيق ، ورجعت طالعت في امها : مو سارونه حامل ساره : إيوه غَيـد : حزري إش طلع عندهـآ ساره : ولد غَيـد أشّرت بـ السبابه بـ لآ : لاااااا راكان بـ إنبرااش : أجل بنت غَيـد هزت راسها : نو نو وطالعت في امها وهيا ترفع اصابعها السبابه والوسطى : عندها تــؤم ، تخييلي ساره طالعت فيها مبسوطه : جد غَيـد بـ ابتسسامه : أيووون ، وانا نازله ارسلت لي رساله مشاري بـ فضول : وإش نوعهـم طالعت غَيد فيه بـ ضحكه : هههههههه ميشوو إشبـك ، لسى هيّا في الشهر الثآني مو دحين يبآن .. وطالعت في أمهآ : صح ماما هزت سآرة راسها : ايوه يمكن ع الخامس يبان بوضوح راكان : حماس والله لو تجيب عيال ريآن : من جد يصيروا زينـآ راكان بنفس الحماس : وتسميهم راكان وريآن ريـآن : والله يصير حمااااس طالعت فيهم غَيـد بـ إستخفاف : احلفوا بس إنتوا الاثنين بكيفكم حددتوا النوع والاسماء كمان ساره : الله يعينها والله بـ تتعب في تربيتهم ، وهيّـا بكريه كمان ريـآن : عادي مايهـم ، الصغير يكبر ، بعدين تفرح فيهم راكان يكمل بـ إبتسامة : زي ما انتي فرحانه فينا صح طالع أبوهم فيهم وهما متحمسين وقال : العووض من الله لو يطلعوا زيّـكم طالعت غَيد فيهم بـ شماته وهما يلقطووا وجيهم *_^ ، طالعت في امها وبـ طفش : يعني لآزم انا اللي اروح امها بـ صرآمـه : يعني شايفه فيه أحد غيرك يقدر يروح ميّلـت فمها بـ طفش وماقالت شيء أمها : الحرمه كبيره في السن ، ولو احد ارسل لها شيء بسيط بتفرح وتنبسسط سجى طالعت في امها وماقالت شيء وراحت جهـة الشمّاعه ، ولبست العبايه واخذت الكيس من امها وخرجت من بيتهم لـ البيت الملآصصق لهم دقت البآب وفتحت لهآ الشغاله ، سألتها فين ام سـآرة .. جآوبتها إنها في مقلط الحريم فسخـت النقآب والطرحه وحطتها على كتفها ، ومشيت بـ برود لـ مقلط الحريم ، اول كانت تنبسسط لمن تجي عند ام ساره لان بشاشتها وسوالفها الحلوه تدخل القلب بس هيا دحين مهي طايقه احد ، ومهي طايقه تقابل احد وتضطر تجامل وتبتسم ، والسبب الموقف الاخير اللي صار في بيت اللي كآن ينقـآل لـه " حبيبهـآ " مدت إيدهـآ لـ الباب المردود ودخلت وهيا غرقانه بـ افكآرها إليييين ماوصلت لـ وسط الغرفه انتبهت لـ النظرات الموجهه لها .. وقفت تركز في اللي حولهآ شهقــت بصووت عــــآلي .، وخرجت من الغرفه ووجهـآ أحمـر وقفت في الصاله وهيا تسب نفسها " غبيه ، متخلللفه ، عميييـآ .. يعني باللهِ ماشيه في الغرفه ومني منتبهه لـ الآدمي اللي قاعد مع العجـوز ، ياربييي فشله " خرجت من افكآرها على صوت ام ساره الحنون وهيا تكلمها : وي وي إشبوا وشّـك كدآ أحممر سجى بـ إحراج اتكلمت بسرعه تبرر موقفها : اسسفه ياخاله ، والله ماكنت منتبه إنو في رجآل في الغرفـه مـ .... قاطعتها ام ساره بـ حنان : حصصل خير يابنتي ، انا عارفه إنك داخله ومنتي عارفه إنو فيه احد ، حصل خير سجى غمضت عيونها بـ احرج ومهي عارفه إش ترد عليها طالعت فيها ام ساره وهيا حاسّه فيها : تعالي يا امي اقعدي .. وأشرت على الكنب اللي في الصآله ولسى بتنادي الشغاله تجيب عصير لـ سجى ، إلا سجى كلمتها بسسرعه : لا والله مالو داعي ، اصلاً انا كنت بس جايه اعطيكي هاذا .. ومدت لها بـ الكيس اللي في إيدهـآ ام سـآرة أخذت الكيس : طيب اقعدي يابنتي ، تدخلي كدآ عندنآ ومانضيفك ولا شيء سجى بـ هزت راسها بـ الرفض : لا والله ، ما اعطلك .. اصلاً عندي كم شغله ابغى اسويها لـ الجامعه طالعت فيها أم سآرة وماحبت تغصبها ع القعده ، باين البنت منحرجه وتبغى ترجع بيتهم : براحتك حبيبتي ، وزي ماقلت لك حصل خير وابتسمت بـ حنآن : لا تأزمي نفسك كدآ سجى ابتسمت بـ إحراج وسلمت على رآسها وخرجت على بيتهم بسسرعه . . . أول ماوصلت البيت بسسرعه طلعت على غرفتهآ وانسدحت ع السرير وهيّا لسى بـ عبايتهآ دفنت وجههـآ الأحمـر في المخده ، وهيا تسترجع الموقف اللي صآر من شويه .، هيا اكـثر شيء احرجهآ . . نظرات الرجّـآل اللي كانت موجهه لهآ بقووه المشكله إن نظراته ماكانت النظرات المعتآده لمن الرجّال يشوف بنت غريبه داخله عليه . . لآ نظراته كآنت مستغربه وفيهآ إستحقـآر واضح لهآ ، وكأنها متعمده تدخل الغرفه وهوا موجود سجى " غريبه مين دا اللي جاي لـ ام سارة في وسط الاسبوع .، بس الحمآر مع نظراته اللي تنرفز حلييـوه ورززززهـ " وشمقت بـ غرور " بس انا أحـلى " ^_^ : : نـرجع لـ بيت أم سـآرة . . . أول ماخرجت سجى من عندهآ رجعت لـ الغرفه . . وهيا تحآول تكبت الابتسامه اول ماشافت وجه الآدمي اللي عندهآ بـ نظرات تريقه طالع في جدته : ها عسى بس ما تكوون غرّقت الدنيآ عقدت أم سارة حواجبها : وي حرام عليك ياتميم إش دا ، البنت مسكينه وشّـهـا احمر من الخجل ميّـل فمه : وجههآ أحمر من الخجل وهيا داخله نص الغرفه . . وشايفتني ! جدتـه بـ إستنكـآر : تــمــــيــم .، البنت مسكينه ما انتبهت لك إلا وخرجت على طول من الغرفه هز راسه بـ " إيووه " وهوا من داخله مو مصدق جدتـه بـ إبتسامه : ماعلينآ كيف البنت بس . . باللهِ مو حلوه ؟! طالع تميم في جدته بـ إستنكـآر : جـــدهـ ، وي إشبـك !! جدته : واللهِ انا حاطه عيني عليها من زمآن ، نفسي تتزوجهآ ، تليــق عليك ، حلوه ، ومؤدبه مشاء الله عليهآ تـميم بـ تريقه : ايوه ايوه ، مشاء الله مخططه قيدك ، حاطاها في بالك أجل هـا جدته بـ ضيق : انا ما اتريق ياتميم ، باللهِ كم لك على هاذا الحال ، متى تتزوج وتستقر وتريّـح بالك سند تميم ظهره زيآده على الكنبه وهوّا يقول : واللهِ الحمدالله مريّـح بآلـي ع الآخـــــــر ، ومستقر جدته بـ عصبيه : إنتـا فاهم قصدي ، لاتستغبي ياولد فهد تـميـم بـ ضيق حقيقي قام سلم على رآس جدته : ياجده الله يرضى عليكي ، لسى امس امي فاتحه السالفه دي وانا قلت لكم من زمان السالفه دي لاتفتحووووها إلا اذا انا فتحتها جدته بـ حزن : والين متى بتم على دا الحآل ياولدي ، خلاص قلنا لك انساها واتـزوج عقد تمييم حواجبه بـ عصبيه : ومين قال لكم إني انا ما ابغى اتزوج علشانهآ ، انا ناسيها من زمآن ، بس انا اللي ما ابغى اتزوج .. بالغصيبه يعني زمت ام سـآرة فمهآ وبـ صرآمة : تمــيــم ، اتعوذ من الشيطان وأهدى اتعوذ من الشيطآن واستغفر بصوت عـآلي ورجع اتكلم : الله يخليكم لحد يفتح سالفة الزواج الا لمن انا اقول لكم ابغى اتزوج ، تراني من جد قرررفت من دي السالفه ام سـآرة سكتت وماردت عليه غمض تميم عيونه بـ ضييق ورجع فتحهآ وسأل جدته : ولايكون دي اللي امي فتحت السالفه امس علشانهآ هزت أم سارة راسها بـ نفي : لا هاذيك بنت من قرايبنآ ، عجبت امك . . وكان نفسها تخطبها لك طالع في ساعته وهوا قايم وقال : طيب المهــــم الله يسسسعدك ياجــده لاتقولي لـ امي عن دي البنت الغبيه جدته عصبت : مهي غبيه إلا واللهِ تسواك وتسوى عشره زيّــك ضحك تميم على حماس جدته وهيا تدافع عنها : ههههههه طيب طيب مهي غبيه ، المهم لا تحكي امي عنها اوكي جدته : إن شاء الله إنتـا بنفسك تروح عند امك وتحكيها عنها وتخطبها أبتسم تميم وقال : طيب طيب وفي قلبه " دا الناقص كمآن احكّي امي عنهآ " . / . وكمل : يالله ياجده انتبهي على نفسك ، واتأكدي من الابواب ، واي شيء تبغيه دقي علينآ جدته بـ إبتسامه : روح الله يحفظك ويليـن قلبك ابتسم ، وسلم على راسها وخـرج ركب سيـآرته وهوا يفكر بـ كلام جدته " قال اخطبها قال ، دا اللي ناقص " ..! ، الأحـد - 9:00 م نزلت من الـدرج وفي إيدهـآ كتـاب الأحياء .، رفعت راسها إلا تشوف مرة أخوها توّهـا داخله الصاله ابتسمت من قللب وبـ ترحيب حـآر : أهليييييييييين وسهليييين ، نـووووور والله البيت لفت عليها مرة اخوها مبتسمه بعد ماحطت بنتها النايمه ع الكنبه : هـلآ فيكي ، كيفك غَيـد وهيا تسلم عليها : الحمدالله ، كيفك إنتي أمـل وهيا تفسخ عبايتها : الحمدالله ، إش الترحيب الحآر دا ، لسى قبل امس شايفتني جلست ع الكنبه اللي جنبها : طفششششانه بمووت ضحكت على نبرتها ، وطالعت في الكتاب الـ مرمي بـ إهمال جنبها : هههههه شكلوا عندك إختبآر هزت راسها : ايووه ، خلصت بس باقي اراجع ، كويس إنك جيتي ورفعت راسها وصار تتـلفـت حوالينها : فين عيالك ، وفين سلطان امل : سلطان نزلني وقال بيروح مشوار ، والتـؤم استقبلوني . . وشالوا ديمـا وإياد يقولوا بيودهم البقاله وجايين بـوّزت بـ طفش وزعـل : أفف إش دا .. ولا قالوا إش تبغي ولفت عليها : نفسي اروح سوبر ولا سوق ولا ملاهي ولا شاليهات ولا حتـى لو البحر ، ابغـى أخرررررج طفشانه أمل طالعت فيها وعارفه دا كلوا أثار الاختبارات : ههههههههه استني نهاية الاسبوع غَيـد ميّلـت فمها بـ ضيق : صحبات ماما بيجو يوم الاربعاء ، والخميس بيـت ستوو ، والجمعه كدا تحسيه ماينفع الواحد يطلع فيه أمـل : على طاري خالتي ، فينهآ .. غريبه مهي في الصاله غَيـد رفعـت كتوفها وزمت فمها علامه مدري : مدري يمكنها فوق ورفعت راسها ناحية الدرج إلا تشوف امها نازله : هههههههههههه على سيرتها جات ساره بـ إبتسامه : إش تقولوا عنـي ، هـا امل قامت علشان تسلم عليها : هههههه لا خالتي ، مستغربه إنك منتي في الصاله قعدت سارة ع الكنبه بعد ما سلمت عليهآ وقالت : لا كنـت اصلي فوق ، امـل غطي راسك .. عمر بينزل غطت أمـل وجهها .. وعمر نزل الدرج بـ برود وطفش زي عادتـه طالعت فيه غَيـد من مكآنها وكلمته وهي شايفتـه لابس ومعاه ويحرك مفتاح السياره في إيده شكله طالع : عمـوور فين رايـح عمر بدون مايلف جهتها علشان امل : خـير تسألي ، امي على غفله قامت غَيـد وراحت له : عمـووور بليييز قول لي فين رايح جاوبتها أمهآ : رايـح يشتري عشـآ من البيـك طالعت غَيـد في أمهآ ورفعت حواجبها وبـ حماااس : جد ../ ولفت عليه ومسكت ذراعه وبـ ترجـي : بليييز عمر شيلني معاك عمـر بـ استنكار وهوا يحاول يفلت إيدها : فين أشيلك معايا بلا هـبل غَيـد وهيا لسى ماسكه ذراعه مهي راضيه تفلتها : بليييز واللهِ شويـه وبأنفجـررر من الطفش عمـر بـ برود : طيييري طيري بس ، فاضي انا اخذك معايا ، وبعدين انا فين بروح .. بروح اشتري العشا وبجي غَيـد : عــمـــــر الله يسسعدك ، ابغى اخرج من البيت ، حتى لو اقعد في السياره عادي امها حزنت عليها ، طالعت في عمر : عمر شيلها معاك ، مابتسوّي لك شيء زفر عمـر بـ طفش : بسسسرعه البسي عبايتك طيب ، اف بس زناانه غَيـد طيراان راحت جهة الشماعه ولبست العبايه وخرجوا من الصاله .. وهما عند الباب الخارجي ، صادفوا التؤم ومعاهم عيال سلطان ريان معقد حواجبه وبتساؤل : على فين طالع عمـر فيه : مو شغلـك .. ولف على غَيـد : وانتي كمان يالله لا نتأخـر ، يكفي اللطعه اللي بنحصلها هنـآك مشيت غَيـد بسرعه ودخلت السيـآره بـ هدوء : : في السيـآرة الجو كان هــــآدئ .. طالعت غَيـد في عمر وهوا يسوق السياره وساكت ، نفسها تدخل جوّا عقله وتشوف في إيش يفكر او اش يحب ومايحب ، عمر تقريبا هوا الوحيد من اخوانها اللي ماتهرج معاه كثير .. هو اصلاً طول الوقت بارد وطفشان ماتدري ليش ومايحب احد يتدخـل فيه .. او يسأله كثيـر .. جا على بالها سؤآل ، وبدون ماتفكر سألته : عمـر عمر بـ برود : نعـم غَيـد بـ تردد وهيا لسى دوبها تفكر في السؤال : اممم لا خلاص ولاشيء عمر طالع فيهـآ ورجع طالع في الطريق : بـت ، إش فيه غَيـد في نفسها " اسأله واللي فيها فيها " : آممممممم بسألـك سؤآل عمر : اســألي غَيـد : بس تجـآوب عليه عمر رفع حاجب : واللهِ . . طيب على حسب السؤآل غَيـد بـ تردد : إنتـا قد حبيت بنت ، ولا يعني قد شفت بنت وعجبتك كدآ ، يعني شيء زي كدآ عمـر طالع فيها وضـحك بـ قووووه : هههههههههههههههه هههههههههههههه هههههههه إش قــ .. ـلتي هههههههه بوّزت غَيـد بـ زعـل : ماقلت شيء يضحك طالع عمـر فيها : والله وكبـرنا ياغَيـد ، وصرنـا نسأل دي الاسئله هـا غَيـد انحرجت : بلا هبل ، إش قلت انا وقّف عمر السياره وطالع فيها : طيب إنتي . . تـحِـبـي نـآيف ؟! غَيـد وجههـآ أحمممر صار بالذات إنو عمر سألها بـ هدوء بدون النبره البارده المعتادة وقبل ماتجاوب نزل من السياره غَيـد بـ ارتباك حطت إيدها على قلبها اللي صار يدق بالقووهـ : غبـي طلعت الجوال من جيب بنطلونها بعد ما اتمالكت نفسهآ ، وصارت تلعب فيه مـرت نص سآعـه وهيا خلاص وصلت حدهآ من الطفش ، دوبهآ بـ تدق عليه إلا شافته جاي . . وشكله طفشااان دخل السياره وحط العشآ في المرتبه اللي ورا ، شغل السياره ولف عليها : ها مبسسوطه دحين ، رآح الطفش ماردت عليه ، خايفه تقول شيء ويحط حرتـوا فيها وهما قريبين من البيت لفت عليه : عمـر ، اشتري من باسكن عمر : طـيب ، اصلاً في بالي اشتري منـوّ لمن وقّف عند باسكن .. نطت غَيـد وبترجي : عمـووور بنزل معاك عقد عمـر حواجبه بـ إستنكار : فين تنزلي معايا ، هبله انتي غَيـد : وي عادي ، كدا مره انزل مع ميششو عمر طالع فيها وساكت غَيـد بـ ترجي : عــمــــــر يالله ، لا تصير معقد كدا زفر بقوه وهوا من جد طفشان منها : انزلي انزلي نزلت وهيا مبسوطه .. وطبعا طفشته هناك ، ومارضيت تخرج إلا لمن اشترا ربع كيلو لها لوحدها ^_* اول ماوصلوا البيت ودخلوا الصاله كانووا كلهم في الصاله ماعدا ساره وأمل قعدت غَيـد بـ عبايتها ع الكنبه وفي حظنها كيس باسكن و قعد عمر جنب سلطان وزفر بقوه : توبه والله توووبه اشيلها معايا اي مكان لوحدها غَيـد رفعت حاجب وشمقت : إش سويتلك انا دحين عمر طالع فيها بـ نص عين : ماسوييتي شيء يازنانه طالعت غَيـد فيه وماردت .. وطالعت في ابوها واللي ديما على يمينه وإياد على يساره : بابا فهـد بـ إبتسامه : عيون أبوهـآ رمشت غَيـد بـ إستهبال : تسسسلم عيونك طال عمـرك ولسى بتتكلم إلا سلطان اتكلم : ياجمااعه الساعه 10 بسسرعه قربوا العشـآ .. العيـآل وراهم مدرسسه .. وإنتي كمان يابرنسيسه غَيـد طالعت في ساعتها وقامت وغمزت لـ ابوها وبمـرح : بعدين اقولك الهرجه فهد بـ ضحكه : طيب ، رووحي بس . . . ، الثلآثـاء - 8:15 مساءً أنتبه لـ وخزة على خَصره قبل لآ يوصل له صوت ريّان الهامس : راكان شوف شوف قدآمك طالع فيه وهوّا رافع حوآجبه بـ تساؤول / ولمن أنتبه إنو ريّان يأشر له بـ عينه إنو يطالع قدآم .. حوّل عيونه لـ قدامه ، وما شآف شيء غير طبيعي ! طالع في ريّان وقال : إش فيه ؟! ريّان بـ همس متحمس : يآ أهببل شوف قدامك ، شآيف اللي لابس بلوزه كت سودآ ، وبرمودآ أبيض طالع راكان قدامه وهوّا يقول بـ نفس الهمس بدون ما يلف على ريّان : أيّت وآحد ، فيه كم وآحد لآبسين كِدا سمع زفرة ريان الواضحه قبل لآ يقول : يآ ربييييييه منّك ، هذاك اللي شعروا طويل لـ رقبته و كدش شويه أخيييراً أنتبه ركان لـ الشخص ، وميّل فمه وهوّا قول : حرآم عليك ، دحين هاذا شعروا تعتبروا كدش ، مو علشآن شعرك ناعم أي شعر مموج شويه قلت كدش قبل لا يرد ريّان عليه ، أتكلم تميم اللي كآن واقف على يمينهم بـ همس : الله يفشّلم عدوّكم حرقتوآ الرجال وإنتوا تطآلعوا فيه طالع ريان فيه بسسرعه ، وبـ إسستتنكار وهوّا رافع حواجبه قال : تمييييم ، لا تقوول إنك ما عرفت الآدمي دا وأنتبه لـ الآدمي الي من اول يتهآمسوا عليه يستأذن من اللي كان معاه ، ويقررب جهتهم بـ وجه مبتسسم ضيّق تميم عيوونه يدقق في اللي يقررب من عندهم يبغى يتأكد ، هل هاذا فعلاً الشخص اللي في باله ولا واحد مشبّه عليه ، وقبل لا يفكر زيآده وصل الولد عندهم وقال بـ عدم تصدييق : إنتــــآ تمييم !! وطالع في التؤم ورفع حواجبه زياده وقال : ريان وِ راكان طالع ريّان فيه ، وقال بـ نبره غرريبه على صووته : إنتآ رعد ولد عم زياد , . صح ؟! أبتسسم رعد وقال : إيووه ، وطــــالع في التؤم قبل لآ يقوول : ما شاء الله كبرتوآ بسسرعه ، ما عرفتكم والله طالعوآ فيه ريان وراكان ، وكل وآحد في باله كلمة أمهم " ولد عمهآ خطب وحده اجنبيه " أنتبه تمييم لـ رعد يطالع في التؤم مستغرب - تحديقهم - فيه ، واتدارك الوضع بسسرعه مد إيد له وصافحه وهوّا يقول : نحنآ اللي ما عرفناك والله ، كيفك وكيفك الوآلد والأهل إن شاء الله بخيير بعد السؤآل ، وتبادل كم كلمه ، استأذن منهم رعد ، ورجع لـ صآحبه . . أوّل ما بعّد رعد عنهم ، لف تميم على التؤم ، وبـ حده قال : ما تعرفوا تجآملوا إنتوا ، الله يفشّل عدووكم بس ، قاعدين تطالعوا في الآدمي ، وبعدين تسلموا عليه بـ برود أصلاً شكلووا حس بـ شيء علشآم كدا بعّد عنكم طالعوآ ريان وراكان في بعض ، وطالع راكان فيه وجاوبه : لا والله ، تبغانا نتكلم ونضحك معاه ونحنا عآرفيين إنو أخذ على ريّانة بنت خآلتي وحده بدوون سبب زم تميم شفايفه بـ غييض وقال : وإنتااا إشلك فيه هوّا وريّانة . . وسكت ما كمل كلآمه يطالع فيهم . . واحد يطالع في الأرض ، وواحد يوزع نظراته في الكافتريآ الملحقه في النآدي اللي متوآجدين فيه أخذ نفس عمييق ، وزفر وهوّا يقول : أمششوآ أمششوا بس ، الكلآم معاكم ضايع يُتبَع ‘’ | ||||
|
| |
|
15-11-12, 09:41 AM
| #6 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| بعد يومين ، الأربعـآء - 5 العصـر وآقفه عند الدولآب وهيّا بروب الحمـآم ولآفه المشفه على شعرهـا ومحتـآره إش تلبس دخلت بنت عمها بـ رجتها المعتاده : سلاااااااام لميس بـ طفش : وعليكم السلام بسمه وهيا توقف جنب لميس : إشبك كدا طفشانه ؟! طالعت لميس فيها : انا اللي ما ادري ليش متحمسه تروحي عندهم بسمه بـ مررح : احب اروح عندهـم ، بيتهم فلله ، ياريييت لو إني اختهم والله رفعت لميس سبابتها تنبههآ : لو تفتح عمل الشيطان بسمه ابتسمت : والله من جد ، بيتهم كدا كلووا عيال حمااس لميس بـ ترييقه : يافرحتك أتنهدت بسمه وحطت إيدها على خدهآ : والله لو اني ما اغطي كان قعدت معاهم ، وسحبت على غَيـد .، الي انا مستغربه منو من جد ، انو غَيـد نعومه ودلووعه عقدت لميس حواجبها : اجل تبغيها تطلع عربجيه ، لا الحمدالله البنت كدا ../ ولفت على الدولاب : بسسوم مني عآرفه إش البس مدت بسمـة إيدها لـ كتف لميس وبعدتها بـ دفاشه : وخري وخري اطلع لك لبس كآشششخ بعدت لميس ، واتكتفت تطالع فيها مدت إيدها لـ الملابس المعلّقه وصارت تقلب فيها ، إلين ماطلعت لها لبس سبوور بقووه طالعت لميس فيها ، وعقدت حواجبها مستنكره : بسمه إش دا ، تفكريني بروح العب كوره عندهم شمقت وبـ غرور : احمدي ربك طلعت لك لبس بعدتها لميس عن الدولاب : وخري وخري بس كـتـّـر الله خييييرك انآ اطلع لبسي بنفسي أحسسسن وقفت بسمة تستناها تشوف إش بتطلع طلعت لميس لها فستان نعووم لونه بيج فآتح نص السآق .. وطالعت فيها وهيا رافعه الفستان : هآ إش رايك بسمه طالعت فيها ورفعت كتوفها : بكيفك لميس : طيب لفـي بـ البس لفت بسمـة وطلعت جوالها صارت تقلب فيه .. لميس بعد ماخلصت نادتها : بسسسوم إش رايك لفت بسمة وطالعت فيها وغمزت : بياخد منك حته لميس ابتسمت : ثانكـس ،، وراحت جهة التسريحه طالعت بسمه فيهآ وبـ إستفسار قالت لهآ : إش بتسوي دحيين إنتي ؟! لميس وهيّا تقلب في التسريحه ردت عليهآ : لسسسسى باشوف إش اسوي لـ شعري . . واذا خلصت من شعري بسوي ميك اب خفيف ، وإذا ... قاطعتهآ بسمه بـ إنزعـآج : بس بس بس إش المشااوير دي .، والله إنكم يالبنات فآضييين طالعت لميس في إنعكآس صورة بسمة في المرايا ، وبـ إستياء قالت لها : وليش انشاء الله ماتعتبري نفسك بنت ! نفخت بسسمة صدرها : بنت وعن الف بنت ، بس ماعندي الحوسه دي اللي عندكم لميس وهيا تطالع في انعكاسها في المرايا : طيب يابنت إنتي ماراح تروحي تجهزي بسمه بـ بساطه : جاهزه لفت عليها لميس وطالعت في شعرها النــــــآعـم والمقصص كثير بس قصير مره ولبسها اللي عبآره عن بنطلون جينز أسود ، وتيشيرت سمآوي فاتح وكمه لـ المرفق ووجهـآ مافيه نقطه مكيـآج ، رفعت حآجب وسألتهآ : كدآ إنتي جاهزه ؟! بسمه وهيا منشغله بالجوال : إيوه لميس رفعت كتوفها وماقالت شيء ورجعت لـ المرايا . . . ، فتحت البآب بقووه وهيا تقول بـ عجله : غَيد يالله ، ترا النآس قيدهم تحت وإنتي لسى ماخلصتي طالعت فيها غَيد وفي إيدهآ الروج الوردي : وي دانيه ، طيب خلآص دحين بخلص قعدت دانية على السرير بـ تعب وطالعت في غَيد غَيد طالعت فيها من المرايا : إشبك ،، تعبآنـه دانيه : شويــه ، ترا بأنـآم عندكم اليوم لفت عليها غَيد متحمسسه : من جـــد دانيه ابتسمت بـ تعب : إيوه ، وفي سالفه مهمه مهمه مهمه ابغى اقولها لكي قربت غَيد من عندها واللقافه وصلت حدها عندها : إش هيّـا دانيه هزت راسها بـ نفي : لا بعد مايخرجوا النـآس ، السالفه يبغالها رواقه . . مو بسرعه بسرعه اقولها لكي رجعت غَيد لـ المرايا تتأكـد من شكلها ، وعدلت الجآكيت السكري الكت اللي كانت لآبسته على بدي وردي نآعم ، وتنوره نص السآق نفس لون الجآكيت : أوووكـي ولفت على دانية : كيف شكلي دانيه وقفت : حلوه وقمر وتجنني يالله بس غَيد رفعت انفها وبـ غرور : اعررف دانيه سحبتها : يالله يالله بس ضحكت غَيد عليها : وي دانيه طيب بس بتعطر دانيه وقفت واتأففت : افففف يالله اتعطرت غَيد ووقفت عند الباب : يالله دانيه مشيت : يالله سألتهآ غَيد وهما يمشوا لـ تحت : امل جآت دانيه : تقول إنها بتجي مدري عـآد ، : أمـل بلآ هبل تعالي معانـا طالعت أمل في سلطان واتكلمت : ما اقدر ، الاسبوع اللي فات رحت عندهم ، وبعدين لآزم اروح عند خالتي وأوقف معاهآ ريّانة بـ ضيق : غَيد ودانيه يوقفوا معاها ويساعدوهآ امل : دانيه حامل وتعبانه ، وغَيد شويه وتطفش .، وبعدين انآ قيدني قريبه من بيت خالتي ريّانة بـ عصبيه : بكيييييفك ، بيت خالتي أهم مني ,, وقفلت السماعه في وجههـآ بعدت أمـل الجوال عن أذنهآ ، وطالعت فيه سألهآ سلطآن وهوا يطالع في الطريق : ريّانـة ؟ امل وهيا ترجع الجوال في الشنطه : إيوه سكت سلطآن ، وماقال شيء طالعت أمـل فيه : تبغاني اروح معاهم بيت عمي عبدالاله رفع سلطان حواجبه بـ إستغرآب : بتروح عندهـم ؟! أمل : إيوه بنت عمي ولدت وعند أهلها ، وهيّا ولا مره راحت عندهم . . عييب سلطان وهوا يلف اللفه اللي عند بيت اهله : بس محد بيلومها لو ماراحت عندهم امل : محد بيلومها ، بس برضوا لازم تروح عندهم لا تصير حساسيات ، و علشان لاتبيّن إنو فيه شيء ماقال سلطان شيء . . ووقف عند بيت اهله نزلت أمـل وهيا شايله ديالا ، وجنبها وقفت ديما . . ونزلت راسها : يلا إيـآد ماما تعال معايا طالع سلطان في إياد اللي اول ما امه نزلت جلس مكانها ، وقال وهوّ يحط إيد اليمين على كتف ولده : لاا ، اياد رجال يجي معايا صح إيـاد طالع في ابوه مبسوط من كلمة رجال ، ورد عليه : إيووووه . . . ، دخلت بيت عمهآ وهيا متوتره وخايفه لا تشوف نظرات تريقه او شفقه من اللي بيكونوا في المجلس كان في استقبالهم مرة عمهـآ " مريم " مريم وهيا تسلـم عليهم وترحب ترحيب حآر : هلآ والله هلآ ، نـووور بيتنـآ اليوم ..,, وهيا تطالع في ريّانـة ريّانـة استحت ، وبـ خجل : منور بـأهلوا دخلوآ المجلس اللي ماكان فيه إلا اخت مريم وبنتهـآ بـ الاضافه لـ بنات عمهآ سلمت وجلست في كنبه مفردهـ ، وهيّا حاسّه بـ ضيقه جوآتها من نظرات "وداد " بنت خآلة زوجهـآ إليين ما طالعت ريّانـة فيها بـ نظرات قويه ، خلتها تلـف على بنت عمهآ .. اللي كانت تطالع فيها بـ نظرات عاديه ! شويه كدا إلا الثنتين قاموا ، وعلى قولة ريّانـة " فكـه منهم شويه " في المطـبخ . . هنآدي " بنت عم ريّانـة ، أخت رعد " واقفه ترتب كآسات العصير ، وتسمع لـ كلام بنت عمهآ إليين مآ لفت عليها متنرفزهـ : يعني بـ عقلك ياوداد تبغيهآ تجي عندنا وتبكي وتنتحب على اللي سوّاه رعد فيهآ ، شيء طبيعي بتبيّـن إنو مافيهآ شيء وداد متكتفه ومتنرفزهـ من ريّانـة : بس بنت عمك دي من جد من جد ما اطيقهآ .. إلا تتوقعي يتطلقوا هيا ورعد لفت عليها هنادي مفجوعه : ميين قاالك وداد ارتبكت من ردة فعلها : محد بس انا اسـأل راحت هنـآدي لـ الثلاجه تطالع العصآير : لا ما اتووقع بالمرره .، لاتنسي إنو جدو هوّا اللي زوجهم لـ بعض ، يعني مسستحيل أعمآمي يرضوا إنهم يتطلقوا ودآد : طيب وسألتهآ بـ حذر : هوّا دحين من جد ماشافهآ من وقت ما غطت عنه .، وولا طلب يشوفهآ ؟! رفعت هنادي كتوفها وهيا تصب العصير : مآدري ولفت عليها وهيّا شايله تبسي العصيـر : وبعدين إنتي ليش متنرفزهـ منهآ .. تراها تصير زوجه ولد خالتك ، يعني مستقبلاً إذا اتزوجوا بتصيري تشوفيهآ دايماً وداد تمشي معاها ومعقده حواجبها : الله يعيـننـي وقتها .. بس مدري ليش ما اتوقع بنت عمك تــتـمم الزوآج هنادي بدون ماتلف عليها : وداد تراني عارفه إنك تحبي رعـد وتموتي عليه ، بس تراه مستحيييل يطلق ريّانـة ، واذا على رنا ما اتوقع تستمر خطوبتهم ومشيت داخله المجلس .. وقفت وداد مقهووره من الكلآم اللي قالته هنـآدي .. هيّا عارفه في قرارة نفسها إنو صح ، لكن تكآبـر : نششوف ياهنادي مين اللي بياخذها رعـد في النهايه .! ومشيت متوجّهه لـ المجلس .، نهآية الفصل " 3 " أخيراً أرائكم و تقييمكم وِ ردوكم ‘’ شيء لآ أستغني عَنه ’‘ .gif) | ||||
|
| |
|
15-11-12, 09:45 AM
| #7 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| وَ يـَأتِيْ الْـصَبآحْ ( 4 ) جدرآن طوويله مطليّه باللون الذهبي والسُكّري الفاتح تزيّنهآ ستآير بُـنيه طوويله مضيفه جمآل لِ المجلس الفخم كنبآت مُتفرقه ، يتراوح لونهآ بين البيج والبُني وِ ثريّات طويله مُتدليّه . . طآولات منتشره في أنحآء المجلس ، وعليهآ سلّات الحلآ وثلآجات القهوه أخييراً ( نسآء ) هنآ وهنآك ، يتكلموآ في مواضيع مُتفرقه .، زمت شفايفهآ بـ ضييق وِ بصوت واطي ردت على سؤالهآ : راحت بيت عمي طالعت فيها وهيّا موسسعه عينها ، وبصوت أعلى من الهمس بـ شويه : إيييييييييييييييييييييش رفعت أمل راسها بسرعه تطالع في الحريم اللي معاهم في المجلس ، وهيا خايفه صوت غَيـد كان عالي ، وخلّا الحريم ينتبهوا ورجعت طالعت في غَيـد وفرصعت عيونها : وطي صوتك طالعت غَيـد في اللي حوالينها بـ لا مبالاة ، ورجعت تطالع في مرة اخوها : ماعليكي ، دحين من جد ريّانـة راحت بيت عمك أمـل : إيـووه غَيـد وهيا عاقده حواجبها : وليش تروح امل طالعت فيها ورفعت حاجب : اتوقع إنو بيت عمنا مهما كان صح ، وعيب لو ماراحت غَيـد طالعت فيها وماقالت شيء ، وقامت .. مسكت أمل إيدها قبل ماتروح وبـ نبرة تهديد : غَيـد والله لو قلتي لـ ريّانـة شيء ، ولا خليتيها تعصب وتقلب بوزها عند الناس ياويلك ميّلت فمها بـ ضيق منها ، وماقالت شيء ، وفلتت إيدها وراحت برآ .. في نـفس الوقت اللي جت دانيه ، وقعدت جنب أمـل بـ تعب طالعت أمل فيها ، ومسكت إيدها وضغطت عليها : تعبانه غمضت عيونها ورجعت فتحتها وبـ همس : شويه بس أمل طالعت في ساعتها : ومتى بنقدم الشآي .. الساعه 8 ونص صارت دانيه : شويـه كدآ ، إشبها غَيـد أمل كشرت : سيبيكي منها ، متضايقه ليش راحت ريّانـة بيت عمي ، أمي اصلا بالقووه خلتها تروح ، مني ناقصه غَيـد تكلمها وتعبي راسها ابتسمت دانيه : تكبر وتعقل ، دحين هيا مقهوره على ريّانـة هزت أمل راسها : عارفـه ، بس مانبغى مشآكـل ولفت وجههـآ ، جت عينها في عين لميس اللي قدامها .، وابتسمت لها لميس ابتسمت بـ نعومه ، ولفت وجههآ لـ بسمه اللي كلمتهآ أمل وهيّـا تأشر بـ عيونها على لميس : احب دي البنت ، وفي نفس الوقت أحزن عليهآ ، الله يعينها ويصبرهآ دانيه وهيا تطالع فيها : من جد ، انا وانا متزوجه ما اتخيل أعيش في الدنيآ بدون أمي ، أو ابويا .. كيف وهيا من بعد ماجت ع الدنيـا بـ شوويه ماصاروا فيه . . ؟ أمـل : سبحآن الله عكس بنت عمها تمااااماً دانيه ابتسمت ابتسامه مآيله : ههههه من جد ولفت على أمل : فين ديما وليـآن أمل عقدت حواجبها : مدري ، اول قالت لي ديما إنهم بيطلعوا يلعبوا في الحوش وقامت بسرعه : بتطـمن عليهم ، وبرجع عائلة فهد محمد الـ ... الأب / فهد .. مدير بنك الـ .... الأم / سآرة . . خِريجة ثانويه عامه ، غير موظفه -- سلطـآن / 31 سنـه .. موظف في أرمكوا ، تخصص هندسه كهربائيه متزوج أمل بنت خآلته ./ عندهـ إياد / 10 .. صف خآمس إبتدائي ديمـآ / 7 .. صف ثآني إبتدائي ديالا / سنه وكم شهر -- تميـم / 30 سنة .. مدير فرع لِ شركة إستثمار مرموقه ،حآصل على شهآدة مآجستير / هندسه مآليه مشـآري / 28 سنة .. دكتور في جآمعة الملك عبدالعزيز ، تخصص أحياء جزيئيه دانيـه / 27 سنة ... متخرجه من قسم جغرافيآ , غير موظفه متزوجـه وعندهـا ليـآن / 5 عمـر / 25 سنـة .. أستآذ في إحدى مدآرس المرحلة المتوسطة ، تخصص لغة عربيه راكـآن / 23 سنـة .. طالب في جامعة الملك عبدالعزيز ، تخصص كيميآ حيوي ريـآن / 23 سنـة .. طآلب في كلية علوم البحآر فرع لِ جامعة الملك عبدالعزيز ، تخصص هندسه بحريه غيد / 18 سنـة . . طالبه صف ثآلث ثانوي . تخصص عِلمي مملِكة على نآيف ولد عمهآ ، نزلت راسها واتكلمت بـ همس : غَيـد ما اقدر اهرج معآكي ردت عليها وباينه العصبيه في صوتها : ريّانـة انا دحيين قلت لك قولي قصة حياتك ، انا قاعده اسألك بس .. كيف الأوضـآع عندك ؟ ريّانـة بـ هدوء : الحمدالله ، إلين دحين مـاشي ، بس ... غَيـد بـ تساؤول : بس إيش ، إش فيه ريّانـة ماسكه الجوال ، وتطالع في بنت عمها اللي طلعت مره تانيه ، وبنت خالتها اللي زي ظلها خرجت معاها غَيـد : ريّااااااااااااااااااانـة ريّانـة بـ إنزعاج ردت عليها : غَيـد يالزففت أفهمي ، مني قادره اخذ راحتي في الكلام غَيـد بـ برود : طيب اطلعي برآ ، واتكلمي ريّانـة بسرعه ردت عليها : لااااا ، وانتي عارفه ليش ، وخلاص ماقدر اطوّل مره عموو تطالع فييني ، مضطره اقفل وقفلت في وجههآ ,,! حطت جوالهآ في الشنطه ، ورفعت راسهآ .. انتبهت لـ بنت عمها ندى تطالع فيها ، وبعدين اشرت لها تجي عندهآ قامت ريّانـة وجلست جنبها ع السرير ..، بنت عمها طالعت فيها وبنظرات حنونه اتعودتها منها سألتها : كيفك ريري ؟ ابتسمت ريّانـة وطالعت في ندى ، تحبها من بين كل بنات اعمامها : الحمدالله ، كويسسسا .. وإنتـي ؟ نـدى : تـمــآم وسكتت صارت تطالع فيهـا ريّانـة انحرجـت ، ماتحب احد يطالع فيها ويدقق زي كدآ : فيه شيء في وجهي ؟ نـدى ضحكت : لآ ، بس احاول اطلّع شبه بينك وبين ولدي الجمييل ضحكت معااها ريّانـة : جمييل أجل وقفت وهي تبغى تشيله من سريرهـ : صح ندووش إيش سميتيـه نـدى : إيش تتوقعي ريّانـة وهي تشيلـه وابتسمت شكله يجـنـن : آمممم مـدري نـدى وهي تدقق في ملآمـح ريّانـة : رعــــد مسكت ريّانـة الولـد لآ يطيـح ، وحآولت إنفعالهـآ مايطلع : رعـــد ! نـدى : إيوه ليش مستغربـه ؟ ريّانـة : لأ ، عـآدي .. وحطت النونو ع السرير عنـد ندى وقالت : ربي يحفظ لك يآه لزووووز ما شاء الله واتحركت بـ تمشي سألتها ندى : على فين ريّانـة : بأطلـع اصلي العشـآ وبأرجـع .، ولفت عليها : هنـا مآفييييش خشووع خااالص نـدى ضحكت عليها : هههههههه من جد ابتسمت ريّانـة ومشيت متوجهّـه لـ برآ المجلس . . . . . . قبلهـا بـ وقـت .:/ هنـآدي مرتبششه تدور ع جوآلهـا بين كنبآت الصآله أما ودآد قاعده على الكنبه ، وتحووس في جوآلهـا .. حصلت هنآدي جوالها مدفوون بين الخداديآت ، مسسكته بقوه ، ولفت على بنت خالتها : دحين ابغى اعرف ، إنتي ليه قمتي معايا ؟ رفعت وداد حواجبها بـإشمئزاز : تبغيني اقعد مع بنت عمك المغروره ؟؟ هنادي طالعت فيها بـ طفش : وبعديييين معآكي إنتي !! وداد طالعت فيها وبسسرعه : دحين مو انتي تقولي إنك ماتحبيهآ ! هنادي وهيا تفتح جوالها : ومـا أكـرههآ ، لا تنسي ورفعت راسها تطالع فيها : انا شعوري ناحية ريانه عادي ، صح ما احبها ، بس برضوا ما اكرهآ ، وتراني كنت اول وحده معارضه خطوبة رعد لـ رنا وداد طالعت فيها ورفعت حاجب هنادي : لا تطالعي فيني كدا ، اللي سواه رعـد فيها ، واللي يسويه .. مو عاجبني ، برضوا هيا مالها ذنب ..، وداد : بس مومبيّـن عليها إنها زعلانه على الخطوبه شكلها ماتطيق اخوكي وتبغى الفكه هنادي بـ طفش من دي الهرجه اللي وداد طول الوقت تعيد وتزيد فيها : وداااد خـلاااااااااص وطالعت فيها بـ ضيق وطفش : ترا والله لو اتكلمتي عن ريّانـة ورعـد ، واللي سواه فيها رعـد بـاذبحـك .. فتحت وداد فمها بترد عليها ..، إلا قاطهم صوت رجولي ثقيييل : إش سوآ رعـــد لفت هنآدي على جهة الصوت وبعجله قالت : دقييييقه رعد لا تجي ولفت على وداد : وإنـي قوومي اتحجبي ، ولا ادخلي المجلس لفت بسررعه وداد على الكنبه اللي كآن عليهآ شرشف صلآة مرمي بـ أهمال واتحجبت ، لو إيييش ماراح تفوّت الفرصه فـ إنها تشوف رعد طالعت هنادي فيها ، وميّلت فيمها بـ إستهـزآء وبدون ماتلف اتكلمت : رعد ادخل خلاص دخل ، وطالع في وداد بنظره عاديه وقال : أوووه ودآد عندنا ! / كيفك وداد طالعت فيه بـ حب وآضح وهي تتأمله بِ البنطلون البيج والقميص الاسود المآسك ع الجسم : الحمدالله تمااام ، وإنتـآ كيفك .. فينك مانششوفك بالمرره بيت ستوو رد عليها رعـد بدون إهتمآم مع إنه ملآحظ نظراتها الـ مش طبيعيه : بــِـزي انا دي الأيـآم .. هنـادي وولا كأنوا واحد واقف قدامها ، على الجوال .، ومو معطيه رعد اي اهتمام رعد طالع فيها وبـ تريقه : مو عندكم نـآس ، إشبك مبوّزهـ كدا يآ ساااااتر ؟ هنـآدي بـ ضيق : ولا شيء ، مافيني شيء رعد كشّـر من جوابها " إشبها دي " ..، وقال يغير الموضوع : مين عندكم ؟ هنادي : بيت عمي رعـد هز رآسه ولف بيطلع برآ ، وما اهتـم يسألها أي عـم ..! إلا هنـآدي جت في بالها فكره " ليش ما اخليه يشوفها مو احسن يمكنها تعجبوا ولا شيء " وابتسمت وهيا تسأله : ما سألت أي عـم ؟ رعـد لف عليها وميّـل فمه بـ إبتسامه : عـمي مييين ؟ هنـآدي وعينها في عينه : بيت عمي خـآلد .. وترا ريّانـة جات مع أمهـآ رعـد ضيّق عيونه وطـآلع في اخته .، وبعدين رفـع حاجب : إش قصدك ؟ هنـآدي طالعت فيه وماردت .. طالع رعـد فيهآ بـ نظرات تحدي وقال : مني ميت عليهآ ، ولا على شوفتهـآ ! هوا كان يطالع فيها بـ تحدي ، علشان يثبت لهم إنو مو مهتـم لـ ريّانـة .. بس الصدق لآ .. هو مو مهيـأ نفسه إنه يشوفها .. خصوصاً بعد الخطوبه هاذي .. انتبـه لـ نظرات اخته المتغيره ، وكأنها تطالع شي وراه ومهتمه لـه لف وجهـه ، إلا يتفاجئ بـ بنت طويله شويه لآبسه تنورة سودآ تحت الركبه وقميص أبيض عليه إيشآرب ملون واقفه عند بدايه الصآله تطالع فيه بـنظرات كره .. ممزوجـه ب نظرات حقد وإستحـقـآر ! ارتبك من نظراتها القويه الموجـهـه لـه وطالع في هنـآدي اللي ارتبكت زيه وقالت لـ البنت اللي على نفس وقفتها : تبغي شيء ريّانـة ؟ ريّانـة ماطالعت فيها أبدن نظراتها كلها موجهه لـ رعد .. أخـيرا اتكلمت بـ إستحقـآر وكره : عـاد انا اللي ميته على شوفتك ولفت راجعه لـ المجلس .، إلّا رجعت لفت وجهها ، وبـ نفس النبره اللي اتكلمت فيها قالت : على فكره حتى لو إنتا طلبت تشوفني محأرضى وطالعت فيه من فوق لـ تحت ونفضت شعرهآ الأشقر النآعم بِ غروور وقالت : لاني ما اجلس مع ناس حثالـه ورجعت المجـلس وقلبها يدق بـ قووووهـ .. جلست جنب امها وهيا متوتره وخايفه ومبسوطه ، تحس كل الانفعالات جواتها .. المهم انها برررردت قلبها من رعـد .. / عــنـــد رعد . . كان يطالع في المكان اللي كانت واقفه فيه والصدمه ماليته .. ما اتوقع إنو ريّانـة كبرت واحلووت كدآ لاااا وطلع لها لسسسآن .. هنادي طالعت في المكان اللي كانت واقفه فيه ريّانـة وفي نفسها تقول " إش اللي خلاني اقول له ، هيّا إش استفدت دحين " كشرت وقت ماسمعت وداد تقول : البنت دي مغروره وشايفه نفسها على إيـه ، ولا وقحه كمان لفت هنادي عليهآ وبـ عصبيه قالت : وداااااااااااااد ، احتررمي نفسك عاد ولفت على رعد : وإنتـا انبسطت دحيين ، تستاااهل اللي جاك ومشيت لـ المجلس وهيا واصصصله حدها رعد خرج من الصاله بـ صمت لـ برا البيت وهوا مبين إنو مو مهتـم ، ظاهرياً فقـط ..! وداد دخلت إلا تشوف ريّانـة وأمها لابسين العبايات وقاعدين ، وخالتها تحاول فيهم يقعدوا .. أم ريّانـة " سلوى " : المره الجايه ان شاء الله ، زياد قال لي دقايق وجاي ودق جوالها رنه وقفل .. ابتسمت ووقفت وهيا تقول : أهوّا برآ ،، عائلة خآلد علي الـ ... الأب / خالد . . مدير أحد المؤسسآت الخاصه ، تتطلب منه سَفريآت كثييره الأم / سلوى . ، متخرجه ، تخصص علم إجتمآع . . غير موظفه أمل / 29 سنـه . . متخرجه من قسم علم نفس .، مارست التدريس مدة سنتين في أحد المدآرس الخاصه / واستقالت زيآد / 25 سنه . . أستآذ في إحدى مدآرس المرحلة الثآنويه ، تخصص رياضِيآت ريّانة / 18 سنه . ، طالبة في الصف الثالث ثانوي ، تخصص عِلمي عزآم / 12 سنـة . . طالب في الصف أولى متوسط - رعد عبد الإله / 26 سنـة . . خِريج قسم هندسة إتصالات ، موظف - هنآدي عبد الإله / 20 سنـة . . طالبه في جامعة الملك عبدالعزيز ، تخصص علم نفس - ودآد أحمد / 20 سنه طالبه في جامعة الملك عبدالعزيز ، تخصص علوم إدارية ، : وي بناات بلا هبببل ، أستنووني طالعت غَيـد فيها وهيّا ع الدرج : ياستي ترا محد في بيتنا يعض .. اشربي المويه والحقينا على غرفتي لميس توّهـا بـ تعترض وتتكلم إلا غَيـد طلعت على فوق ومعاها بسمه لفت رايحه على جهـة المطبخ بـ طفش .. دخلت وحصلت شغالتهم قاعده ع الطاوله مع " ريتا " شغاله سارة ابتسمت لهم وراحت لـ البرآده .. شربت مويه وطلعت من المطبخ لـ الدرج طلعت ووقفت عند بداية الدرج ، ومهي عارفه فين تروح :" يعني باللهِ غَيـد المربووشه مهي عارفه إني ماقيد طلعت فوق بعد ماجددوه ، افففف " لفت وجههـآ ناحية اليمين ، لقيت زي الصاله ثانيه أو موزّع لـ الغرف ـ غير عن الصاله الفوفيه او الجلسه الكُحليـة اللي قدامها وقفت في النص وهيا تطالع في الابواب اللي حوالينها ومهي عارفه أي باب هوا غرفة غَيـد طالعت في اول باب من اللي قدامها جهـة اليمين ، سمّت بالله ودقت الباب وفتحـته اتصنـمت من المنظـر اللي شافته .. واحد واقف قدامها معطيها ظهره .. مو لابس ، إلّا منشفه لآفها بـ إهمآل على خصرره وعلى كتفه منشفه ، شكله دوبوا متحمـم ، ويتكلم جوال وبآين إنه معصب أو متنرفز لف جهة الباب اللي أنفتح وهوا يقول : خلاص طيب بلآ قـلـ . . وسكت وقت ماشافها ، وصار يطالع فيها ومانزل عينه منهـآ ، وما اتكلم او اتنحنـح ،، نقدر نقول إنـه تنـح وبلّـم وقت ماشافها لميس لمن انتبهت لـ الوضع شهقت وصرخت بصوت عالي ، وسابت الباب مفتـوح وبعدت عن الغرفه وصارت واقفه في نص الصاله ، مهي عارفه فين تروح على صوت صرختهآ طلعت غَيـد من باب بعيد شويه ما انتبهت لـه ، / . غَيـد شافتها حاطه إيدها على فمها وتبكي ، انفجعت وراحت عندها لميس اول ماشافت غَيـد جريت عندها .، وغَيـد حظنتها وهيا مفجوعه : لميس إش فيه إش صار وبعدتها عنها شويه : إش فييييييه لا تخوووفنييني كدآ بسمه طلعت على صوت غَيـد اللي كان عالي شويه : إش فييه . . . لميس اول ماشافت بسمه فلتت غَيـد وراحت عندها دخلوا غرفة غَيـد ، ولميس تبكي مو قادرين يعرفوا إش بها غَيـد طالعت في بسمه : انا بخرج اشوف إش اللي مخليها تبكي كدا شدت بسمه على لميس اللي في حضنهآ ، وهزت راسهآ بِ طيب طلعت غَيـد وشافت غرفة عمر ومشـآري مفتوحـه . . . غَيـد : " ههههههه اكيد الهبله شافت واحد من العيال وانفجعت " . راحت ودخلت الغرفه إلا تشوف عمـر لابس وشكله بيطلع طاالعت غَيـد فيه : إنتا هنا لوحدك ولا فيه واحد ثاني عمـر بـ برود : مافي احد كلهم برا غَيـد بـ إبتسامه : أجـل إنتا اكيد اللي انفجعت منك ميسسو عمر بـ إستغراب : ميسو .. بسه دي غَيـد وهيا على نفس ابتسامتها : لآ تستهبل ، لميس طيب عمر : لايكون قصدك البنت اللي فتحت الباب من شويه غَيـد : بالزبــط ، إش سويت لها وخليتها تبكي مهي راضيه تتكلم ولا تسكت عمر بـ برود : ماسويت لها شيء ، هيا اللي فتحت باب الغرفه وفجعتني .. يالله انا طالع سلام غَيـد بـ عجله : انتبه لاتنزل من الدرج دا ، فيه حريم تحت عمر وهوا متوجه لـ الباب اللي يودي لـ الدرج الخلفي : قالو لك غبي زي غَيـد طالعت غَيـد في الباب اللي خرج منه ، وميّلت فمها : مالغبي إلا إنتـا ورجعت لـ الغررفه شافت لميس هاديه وساكته تمسسح دموعها والكحل اللي اتعدم قعدت غَيـد على الكنبه الصغيره اللي قبال السرير : اجـل فجعتي اخوويا هـا طنشتهآ لميس وماطالعت فيها أبددن .. غَيـد طالعت في بسمه اللي ابتسمت وقالت لها : لا تستغربي ، ترا هيا مفجوعه أكتر من اخوكي طالعت غَيـد في لميس وبـ إستغراب : عادي ميسو ، ترا انتي مو اول وحده ولا اخر وحده تتصآدف مع ولد بالغلط ؟ بسمه ضحكت وهيا عارفه لميس ليش كانت مفجوعه : غيّـوود ، يعني انتي ما استنتجتي ليش دي الرقيقه بكاها غيير غَيـد طالعت في بسمه وبـ إستفهام : إش فيييه ؟! بسمه بـ دفاشه ضربت ظهر لميس اللي جنبها : البنت دي اول مره تشوف آدمـي مو لابس غَيـد شهـــــقــت : قصدك دخلت الغرفه وعمـر كان يــلــبـــس لميس بـ فجعه هزت راسها بالقووه : لااااااااااااا بسمه فطسست ضحك على لميس اللي اتكلمت ووجهـهـا الأحمممر : هوا كان .. يعني .. بس بـ الـ م ن ش ف ه غَيـد طالعت فيها ولسى مستغربه بسمه : ياغبيه انتي ركزي ، نحنا ماعندنا عيال في البيت ، وابويا اصلا مايمشي بدون بلوزه وطالعت في غَيـد : يعني هيا اول مره تشوف ادمي قدامها مو لابس ، فـ كان الموضوع لها فاجعععه غَيـد طالعت في وجه لميس ، وضحكت بعد ما اخييييرا فهمت : ههههههههههههههه ياهبله وانا اقووول إش السالفه وطالعت في لميس وبـ هبل : بس باللهِ إش رايك في اخوويا مو وسيييم ، تراه أحللى أخوآني *_^ لميس بـ قهر طالعت فيها وهيا مبوّزهـ : إلا قلييييل ادب ، مانزل عيونوا ، ولا لف وجهوا غَيـد : هههههه عمووووووووووما حصل خير ، وعادي تحصصل في ارقى العائلات هههههه ، إلا ماقلتوا لي إش صار وقت ماخرجت من القرووب يوم الاثنين . . - بسمة علي / 18 سنة . . طالبة في الصف الثالث ثانوي ، تخصص عِلمي - لميس محمد / 17 سنة . . طالبة في الصف ثاني ثانوي ، تخصص أدَبي ، الجو في الغرفه رآيـق وهادي وبـارد ، يخلي الواحد يرووق أعصابه وينـام لكن هيّا ، النوم أبعد شيء عنهـا .. لابسه بيجاما برمودآ فوشي وأسود ، وقاعده ع السرير وفي إيدها صوره تتأمـل فيها صوره وهي عمرها تقريباً 6 سنوات ، وولد حاضنها من الجنب عمره في حدود 14 سنـه بدأت تمـرر إيدهـا بـ خفه على ملامح الولد المبتسمه وميّلت فمها بـ إبتسامة سخريه " ميين يصدق إنو اللي حاضني بـ براءه وهوا مبسسوط إني جنبه ، بيجي بعد 12 سنه يقول جمله عني .. كرهت نفسي وانا اسمعها " بدأت تسترجع الموقف اللي صآر من كم ساعه .. هيا ماقهرها كلامه قد ما انقهرت إنو يتكلم كدا قدام اخته وبنت خآلته " يعني قد إييش الكلام اللي قاله من ورايا ؟ " أتنهّدت بقووه لمن أفتكرت الوقت اللي عرفت فيه بـ سآلفة رعد كانت وقتهآ خآرجة من غرفتهآ رايحه لـ غرفة أمهآ . . تبغى تتأكد منهآ على السالفه ، لأن كل اللي سمعته كآن " طرطشة كلآم " وتبغى تتأكد واتفاجئت لمن سمعت صوت أبوهآ وهوّا يقول : واللهِ لو مو ترجّي عبد الإله ليّا ، ولا كان عرفت كيف أتكلم مع رعد الخسييس ، أجل ياخذ وحده مدري من فين متعرف عليهآ على بنتي ماسمعت رد أمها اللي كان صوتهآ واطي ,, وكانت راح تدق الباب إلّا سمعت أبوهآ يقول : واللهِ يا سلوى مو قادر أقول له خلي ولدك يطلق بنتي دام الموضوع لسى على البر ومو متزوجين كل ما افكر في دا الموضوع أفتكر وجه أبويا الله يرحموا وهوا فرحان فيهم ، ما أقدر يا سلوى والله ما أقدر عند هاذا الحد بعّدت عيونهآ اللي بدأت تغبش من الدموع اللي بدت تمليهآ ، ومشيت بسررعه على غرفتهآ بـ خطوات مصدوومه ، متألمه مـــــالهآ ذنب ، كل ذنبهآ إنهآ كانت أحب حفيدة لـ جدهآ ، اللي رآح زوّجها ل أغلى حفييد عندهـ وهيّا بعمر 11 سنه والنتييجه ولد عم ما يبغى يشوف وجههآ ، وِ عييلة بِ أكملهآ مو مستوعبة فكرة طلآقهم وهيّا . . مآ لهآ حيلة ، ولآ رأي ، ولآ كلمة فآقت من سرحانهآ لمن حسّت نفسها بتبكي ، بسسرعه قامت لـ الحمـآم وغسسلت وجههـآ خرجت من الغرفه ونزلت تحت ، تنشغل بـ إي شيء .. المهم إنها ما تفكر وِ تبكي ، منسدحـه على بطنهـآ وعيونها مفتووحه ، مصدمه ومستغربه ..! وقبالها قاعده دانيه على السرير ومسنده ظهرها لـ المخده اللي وراها : وبس ياستي ، هاذا اللي صار غَيـد ولسى على نفس استغرابها : وي وي وي اتـآري عندك سووالف من ورانا يا تميموووه ونحنا ماندري رفعت دآنية اصبعها السبابه بـ تحذير : وزي ماقلت لك . . يااااويلك وياااسودا ليلك تقولي لـ امي شيء مدت شفتها السفليه : ليييش طيب ، اففففف دانيه : جده تقول إذا هوا يبغاها بيقول لـ امي ، اصلاً وقت ماحكتني كانت معصبه وهيا تتكلم غَيـد رفعت حاجب : والله تميم دا سااالفه لوحدوا ، الله يعين ماما عليه .. مأزمـه نفسها عشانوا وهوا ولا كأنوا دانيه رفعت كتوفها : ماتدري إش بيحصل بعدين .. إلا ماقلتي لي عمر وقت ما سألتيه عن لميس ماكان مبيّن شيء عليه غَيـد هزت راسها بـ نفي : نو نو .. اخوانك جدرااان مايتأثروا بـ شيء مالت عليهم وعدلت نفسهآ وجلست وهيا تتكلم وتحرك إيدينها بـ إنفعال : ابغى زواااااااج ، لازم واحد من العيال يتزوج ، إش دا اففففف دانيه بـ إبتسامه قالت : زواجك قريب يا أنسه ولا ناسيه غَيـد : زواجي بعد 7 شهـور مو قريب مرآ ، وبعدين زواجي بقوم ارقص واستهبل ولا بكون مرزوعه في الغرفه ، الين وقت الزفه نص ساعه ساعه بالكثيير واروح وحطت إيدها على ذقنها : لازم واحد فيهم يتزوج ، إش دا 6 عيال .. وواحد بس متزوج دانيه وهيا تعدل نفسها وتنسدح عدل : فكري في تزوجيهم بعدييين . . خلاص قفلي النور حنـام غَيـد بـ إستنكار : لا حبيبتي بتنامي نامي اما انا لسسى ورايا سهره دانيه وهيا خلاص عيونها مغمضه : حررام عليكي الساعه 2 متى بتنامي غَيـد وهيا تقوم من السرير : الفجر طبعا .. وراحت تاخذ لاب توبها من المكتب والجوال دانيه : قفلي النور معاكي طيييب ، الخميـس - 8 مساءً صفقت بـ إيدينها بـ حمااس : إيووووووه تعجبييني يآبت طالعت أمل فيها بـ إستنكار وإستغراب : وي وي .. إش الإجرااام دا اللي فيكي حركت إيدها بـ عدم إهتمام وطالعت في اللي قدامها وبـ حماس وإنبسااط اتكلمت : بررررردتي قلبي فيه أحسسسسن يستااهل ، بس تصدقي وحطت إيدها على ذقنها : راقت لي كلمة حثاله ، من فين جايبتهآ بس ؟! ريّانـة ابتسمت بـ برود : من المُعجم أمل : دقييقه غَيد ، عذراً يعني ههههه ، إنتي على أي أسآس تقولي برردتي قلبي فيه ـ الله يسمعك يقول ما شاء تعرررفوا ؟! رفعت غَيد حوآجبها بِ إسستنكآر لـ كلآمها : وي .. أكييييد أعرفوا ، مو أختك ما شاء الله حفظّتني صوره إليييين ما قلت آمييين من كثر ما توريني يآهآ ولا وكماان شوفتوا بـ عيييني - وأشّرت على عيوونها أمل بـ إستغرآب : متـى ؟! غَيد بـ تفكيير : آمممممم ، مدري والله متى بالزبط يمكن ثالث متوسط ، وقت ما كانت ريّانه تترزز عند الشبآك كل ما جا مسيو رعد عندكم قااطعت ريّانه كلآمها بِ بروود : قلتي بـ نفسسك كآنت ، يعني يآ ليييت دحين تبلعي لسآنك وتسكتي غَيـد طالعت فيها وهيا معقده حواجبها : إشبك بسم الله الرحمن الرحيم ريّانـة قامت وهيا تقول بـ برود : ولا شيء غَيـد طالعت في امل اللي جنبها : دحين إشبها اختك دي قلبت لِ الموجه البآرده بسرعه زمت امل فمها بِ ضييق : مدري عنها لفت غَيـد تطالع في ريّانـة اللي جلست جنب جدتها : " حاسه بـ برودك دا يا ريّانـة تحتـه نـآر ولّا تقاابلي المتخلف رعد وتتلفظي عليه ، بعدين تتكلمي في الموضوع ببرود ، ما كأنك مسويه شيء ، وولا كأنك سمعتي شيء .. الله يسسسسستر من انفجارك ! " لفت وجههـآ لـ بنت خآلتها اللي قعدت جنبهآ بـ تعب طالعت فيها وابتسمت لها بـ حنان : تعبآنـه سآره وهيا متسنده على ظهر الكنبه : مو تعب إرهـآق ، مني قآدره أنام صآيره أفكر في اللي فـ بطني كتيير ، مرآ خايفه غَيـد ابتسمت " يحق لك تخآفي ، ما اتخيل نفسي أول خِلفتي تؤم " سآره أم سلطان سمعت كلآم بنت آختها وردت عليها : لآتفكري كتير يآ ساره سآرة : ما ادري والله يا خاله ، يقولوا حمل التؤم تعب وإذا ثقلت في الحمل يآدووب أمشي ، حتى الولآده والتربيه بعدين وزمت فمها ، كان مبيّن عليها من جد إنها وحده مرعوبه بقووهـ أم سلطان طالعت فيها وبـ إستغراب قالت : مين قالك الكلآم المخربط دآ سآره : سمعت والله ، اصلاً أي أحد يعرف إني حامل بـ تؤم يقول لي دآ الكلآم جدتهم بـ حده : مو آنا قايله لـ امك ماتقول لـ احد ، حتى اخوانك ، امك وبس . . إش بتسفيدي إذا وحده طقتك عين ولا حسدتك ، الناس دحين مافيهم خير مو زي أول . . الوحده دحين إذا كانت حاطه مناكير في إيدهآ طقوهآ النآس عين ، فما بالك وقت مايعرفوا إنك حامل بـ تؤم ! غَيـد مالت على أمل اللي جنبها وبـ همس : هههههههه ستوو مآتلعب وربي . . مرره وحده مناكير أمل بدون ماتطالع فيها : بلآ هبل إنتي الثآنيه ، أنطمي غَيـد وهيا لسى مبتسمه : شوفي شوفي ساره هههههه البنت مسكينه انبكمت أمل لفت عليها واعطتها نظره خلتها تبلع لسآنها . . سلوى أم أمل و ريّانـة ، طالعت في سآرة بنت اختها واللي كلام جدتها خوفها زياده ، وطالعت في امها واللي من خوفها اكيد على حفيدتها قالت دا الكلام وبـ هدوء وعقلآنيه أتكلمت : يآ امي ، كل شيء مقدر وكتوب ووو قاطعتها بـ حده : كل شيء مقدر ومكتوب بس الواحد ياخد بـ الآسباب ، وتمتمت بصوت واطي متذمر : وي كل ماقلنا انتبهوا قلتوا كل شيء مقدر ومكتوب سآرة آم سلطان طالعت في بنت اختها : ساره حبيبتي لا تخافي ولا شيء ، ترا الحمل بـ التؤم عادي وحتى الولاده والتربيه عاديه ، صح إنها مُتعبه شويه بس واللهِ إذا كبروا بـ تنبسطي فيهم اسأليني أنا غَيـد لفت عليها : من جد وترا راكان وريان من دحين متحمسين لكي ، ويقولوا إذآ طلعوا عيال يبغوهم يكونوا سميانهم ههههههه أم سلطان : بس زي ماقالت جدتك ، لاتقولي لاحد إنك حامل بـ تؤم ، وخلاص اللي دري دري ، لكن إذا أحد سألك وحتى إذا عرفتي جنسهم لاتقولي إنهم تؤم سآره هزت راسها وابتسمت : الله يريحك ياخآله ، وربي إني كنت مرعوبه وطالعت في امها : اصلاً ماما كل ما قول لها إني خايفه تقول لي كلمي خالتك سآره عندهآ خبره ^_^ يُتبـع ‘’ | ||||
|
| |
|
15-11-12, 09:49 AM
| #8 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| غرفه متوسطة الحجم ، بِ كنبآت متفرقه تترآوح ألوانهآ بين الأسود وِ الأحمر وِ الأبيض ./ وقفت هِي في منتصفهم ، وبصوت عآلي : بنااااااااااااااااااااااا ااااااات لفوا عليها وفي عيونهم نظره إستفهآم ؟ طالعت في بنآت أعمامها ، وبـ عجله اتكلمت : مييين عندها شآحن بي بي جوآلي بيطفي ، وشاحني ضااع وحده فيهم طالعت فيها ورجعت لـ اللي كآن شاغلها بدون اهتمام ، والثآنيه رفعت كتوفها وزمت فمها بـ حركه تدل إنو ماعندهآ وحده منهم لفت على شنطتها وبـ نعومه : دقيقه الآء كأني جبت شآحني . . إلآ أهوّ نطت الآء عليها وباستها بقوووهـ على خدهآ واللي يشوفها يقول إش الشيء العظييم اللي سوّتلها ياه ! الآء : يسسسسسلمو روونآ ، الله يسعدك ياشيخه روآن ابتسمت وما قالت شيء ورجعت لـفت وجههآ لـ بنت عمها لبنى اللي أكبر منها بـ سنتين : بس دي الهرجه لهآ شهر وانا من وقتهآ قلت لـ بابا مو موافقه لبنى بـ تساؤل : ليش طيب إش السبب ؟ ، وبـ تريقه خبيثه : ولا لايكوون بس حاطه عينك على آحد منآ ولا منـآ روآن عقدت حوآجبها : بلآ هبل إش الكلام دآ ، لايسمعك آحد بس لبنى طالعت فيها : من جد من جد دحين بسالك ، منتي حاطه عينك على أحد روآن طالعت في اللي حولها خآيفه بس وحده تسمع كلام الهبله اللي جنبها ، ورجعت طالعت في لبنى وبـ حزم : لبنى بلاشي الكلام الفاضي دآ رفعت لبنى حواجبها وبـ استغراب : وي روآن انا إش قلت روآن : ما احب دي السوآلف انا ، وإنتي عارفه دا اشيء اعتقد ميلت فمها : طيب طيب ياستي هدي اعصابك وقامت : انا بشوف يمكن امي تبغاني في شيء تحت ، بس قبل لا انسى ومالت بـ جسمها عليها وبـ همس : ترا سند عصّب وقت ما عرف امس إنو فيه احد خطبك ، وغمزت لها ومشيت *_^ ميّلت روان فمها بـ ضيق وفي نفسها " دا النـآقص ، يعصب حضرته ، مسوي لي فيها العآشق دحين ، المغآزلجي ! " - روآن طآرق / 18 سنـة . . طالبة في الصف الثالث ثانوي ، تخصص عِلمي - سَـند نآصر / 26 سنـه . . خِريج قسم هندسه ميكانيكيه ، موظف في أرآمكوا - لُبنى نآصر / 21 سنه . . طالبه في جآمعة الملك عبدالعزيز ، تخصص إدآرة سكن - الأء / 16 سنـة . . صَف أولى ثانوي , إضاء رآيقه ، وِ هآديه ، كنبآت متناثره هنآك وهناك . . بطريقه حلووه رجآل بِ لبس موحّد ، رآيحين جآيين ياخذوآ الطلبآت من الجِنس الخشن .، المكآن بِ إختصار " كُوفي " رجالي رآيق ،/ شبك إيدينه في بعضهآ ، وتـكّى ذقنه عليهآ وطالع في الطاوله اللي قدامه وهوّا زآم فمه . . مظهره يدل إنو شخص غررقآن في التفكير أتنهّد صاحبه اللي معاه بصوت مسمووع ، وهوّا يقول بـ تساؤول : رعــد ؟! وعلّى صوته زياده لمن مآ سمع رد : رعـد ، رعد . . يآ واااااد فيين رحت / وأنهى جملته بـ ضربه خفيفه على كتفه رفع عينه له وقال بِ شروود : همممممم ؟ زفر صآحبه وسأله : رعد إشبك ؟! . . لك كم يوم وإنتا مو على بعضك ، صاير معاك شيء ، ولا إييش ؟؟ وعقّد حواجبه لمن سمع تنهيده رعـد العااليه بدون مآ يجاوب على تساؤولآته : لـ دي الدرجه الموضوع خطيير ! جآوبه رعد أخييرا بدون ما يطالع فيه : شفت ريّانة يآ بدر عقّد بدر حواجبه وبـ تساؤول قال : ريّانـة . . ريّانة ميين وسكت شويه بعدين فتح عيوونه على وسعها ورفع حواجبه وقال : ريّانـه بنت عمك اللي جدك بلشـَك فيها !؟ طالع رعد فيه وقال بصوت غريب : بالزبـط ، اللي جدي بَلشني فيهآ سأله بدر بـ حماس : وإش صااار ، إش سوّيتوا إش عَملتوو ، وغمز له *_^ أبتسم رعد إبتسامة سخريه مآيله وهوّا يقول : ههههه حيلك حيلك ، مآ صار شيء ، بس أخذت لي كم تهزيئه على السرييع بدر بِ صدمة خفييفه : أمممآ عاد ، لآ تقوول رعد : والله ، إش تتوقع يعني ، بتنط في حضني مشتآقه لي ، كويس جت على كِدا وسكت شوويه قبل لآ يقول : بس تصدق أتغيرت كثيير ، كثييييييير عن زمآن قبل لا بدر يسأل رعد عن معنى كلآمه ، أخذ طلبهم ، ولف عليه : من أي نآحيه يعني رعد : من كل النوآحي ، ياخي ريّانه كانت ملآك يمشي على الأرض ، بنت مساالمه لأبعد درجه وابتسم وقال : أما دحيين ، الله لآ يوريك أنقلبت 180 درررجه بدر بـ ترريقه : ليش صارت شريره يعني ولا إييش ؟ تكى رعد إيده اليسار على ذرآع الكنبه الجالس عليهآ ، وحط إيده على خده وقال : أتغيّرت مرره وزفر بصوت وآضح وطالع في الجدار اللي على يمينه وقال : لمن خطبت رنآ ، ما كان في بالي إلّا صوره ريّانه الصغيره الهآديه وبصرآحه بيني وبينك ، انا كنت مطمّن من نآحية ريّانه لاني كنت أشوفهآ . . وسكت ما كمل كمل عنه بدر : كنت تشوفها بنت ضعييفه ومسكينه رفع رعد حآجب وطالع وقال : شيء زي كِدا ورجع طالع للجدار وقال : لكن دحيين ، الصوره اللي في بالي أتغيّرت ، وبصراحه مني عآرف إش أسوّي قال له بدر ببسآطه : أفسَخ خطووبتك لف عليه رعد بسررعه وقال : تستهبل إنتا ، قلت البنت أتغيرت ، بس مو لدرجة إني أفسَخ الخطوبه ورجع لـ جلسته اللي قبل وقال : ما اكذب عليك واقوول إني آعششق رنا ، أو إني حبيت ريّانه لآ بس يعني بدر يستحثه يكمل : يعني ؟! رعد : رنا تفهمني من صوتي حتى ، أرتحت لها بشكل مو طبيعي ، علشان كِذا أنا خطبتها ووقفت في وجه أهلي ، والعييله بأكملها وسكت يفتكر اليوم اللي قآل لـ أهله إنه يبغى يخطب . . ثورة أبووه ، وعصبية أمه .، حتى هنآدي اللي مآ تحكي عن ريّانه أتضاايقت من الخبر أمآ نـدى .. هي الوحيييده اللي كآنت تطالع فيه بِ نظرات عتااب قوويه ، وما زادت على [ ما اتوقعتهآ منك يا رعد ] ! طــــالع بدر فيه لمن رجع يسررح مره ثانية . ، وسأله فجأة : رعد إنتا مش مقتنع في ريّانه رعد بـ تفكيير : أول إيوه ، كانت في بالي بزره صغييره ، كنت دايماً أقول كيف راح أتوافق معاها رفع بدر حاجبه اليمين : أول ، يعني دحين أتغيّرت جآوبه رعد وهوا يتذكر شعر ريّانه الأشقر النــــــآعم الطويل اللي لفته اكثر شيء فيهآ / : أتغيّرت ، بس مو لدرجة إني أفسخ خطوبتي وطالع فيه : بدر ، لمن شفت ريّانه ، عرفت إنو التعامل معاها بيغاله بآل واااااااسع وطآلع في الكاسه اللي قدامه : أنآ دحين مشغول ، بس أفضَى شويه ـ وأتفررغ لهآ !! , الجمعـه - 7 المغـرب شآلت تبسي القهوه ، ومشيت متوجهه لـ المجلس شآفت مشـآري خآرج من المجلس سألته بـ عجله وبصوت واطي : ميشوو فين رايـح ؟ ابتسم : قريب ماراح اطوّل ، يعني لا تاخدوا راحتكم مـرآ عقدت حواجبها بـ خفيف : ميشـوووو ، ارجع المجلس ، عادي والله ، بالعكس انبسط وقت ماتقعد معآنا مشـآري طالع فيها وبـ ابتسامه مع جديه : غَيـد إشبك ، ماراح اطوّل . . وغير كدآ المفروض تطرديني مو تترجي أحد يقعد معآكي ! غَيـد طالعت فيه ، وزمت شفايفها ومشيت لـ المجلس مشـآري طالع فيها لمن دخلت ، لف وراح لـ الصآله . . قعد ع الكنبه وهوا سرحآن يفكر .، مستغرب من اخته مبيّن عليها تحب نآيف وتعششششقه ، لكن مايدري يحس إنها تخآف منه أكثر من إنها تحبه ! سارة بـ عصبيه : مشآاااااري مشاري توّه ينتبه لف على امه وبـ تساؤل : نعـم ؟ طالعت فيه امه وبـ استفهام : من اول اناديك ، إشبـك ؟ . . وليه تركت اختك لوحدها في المجلس مع نايف مشاري : قلت اخليهم شويه مع بعض ، بدون إزعـآج ساره : لو احد من اخوانك كان غثهم ، وابتسمت : لكن إنتـآ الله يرضى عليك دنيا وآخره ابتسم مشآري ، يعششق دي الدعوه من امه : آمييين يـآرب .، إلا على طآري اخواني فينهم ما اشوف احد موجود ساره : كلهم من قبل المغرب خرجوا ، عمر وريان وراكان راحوا مع بعض يقولوا مواعدين اصحابهم ، وتميم راح يودي دانيه بيتها ومعد رجع مدري فين ارح مشاري وهوا يطالع حواليه : والله البيت بدون عيال سلطان ودانيه هااجد مافيه حس ساره : إلا قول بدون التؤم هآجـد مشالله عليهم مشآري ميّل فمه: ايوه ايوه سلطآن وتميم الكبآر لحد يتكلم عنهم ، والتؤم الصغآر حرام احد يتكلم فيهم ، ودانيه البنت الكبيره . . وغَيـد اخر العنقود مافي إلا انا وعمر اللي نحزن في دا البيت .. وبوّز زي الصغآر *_* ساره طالعت فيه وبـ استغراب وضحكه : هههههه مشاري اشبك ههههه بسم الله الرحمن الرحيم مشآري ضحك : هههههه عـآدي عـآدي ومد لسآنه : دعـآبه *_^ . . . قريب منهم وعلى بُعد كم متر . . في مجلس الرجآل بعدت عنه بـ خوف وحيآ : نآيييييف نآيف وهوا يطالع فيها بِ عيوونه الوآسعه : عيـوونوا غَيـد ماطالعت فيها ، طالعت في باب المجلس وبصوت وآطي باين الرجـآء فيه : نايف الله يسعدك وسكتت . . مهي عارفه إش تقول له ، مشكلتها إنها مع نايف في الجوآل تـُعتبر عآدي . . لكن لمن يكون عندهم ماتقدر تاخد راحتها في الكلآم او الحركه والسبب جراءة نايف سواء افعال أو نظرات ،و اللي مهي معطيتها مجآل إنو يخف حياها ، بالعكس صآر يصاحب دا الحيآ خوف وتوتر ! طالع نآيـف فيها وبـ استياء : غَيـد مآ اا . . . قطع عليهم البآب اللي اندق بالقووه ، وانفتح على طوول دخل التؤم وهما يطآلعوا فيهم بـ نظرآت شرر ، وبـ نفس الوقت اتكلموا : إش كنتوو تسوّوآ غَيـد طالعت فيهم مفجوعه منهم ومقهوره على الطريقه الـ دفشه اللي دخلوا فيها ، وفي نفس الوقت ارتاحت لفت تطالع في نايف اللي يحاول يبيّن إنو مو متنرفز من دخولهم ، ورد عليه : ولاشيء ، نستنى طلتكم البهيه ، فينكم من أوول مختفيين ريآن هز راسه : آحمم ، عارف والله إنكم مفتقديننآ من اول . / ، وجآ وحشر نفسه في نصهم ، وطالع في نآيف : بس كنآ مع الشبآب كمل عنه راكان اللي جلس جنب نايف من الجهه الثآنيه : وآفتكرنا إنو إنتا عندنا ضيييييف اليوم ، رجعنـآ بسرعه نايف بـ تريقه : إيوه إيوه على أسآس إني وآحشكم عارف هز الإثنيين راسهم يأكدوا كلاموآ ،، نآيف غير ملآمح وجهه لـ الضيق والطفش وبـ خفوت : إلآ كنت مرتآح منكم قربوا منـه بشكل سريع وفي نفس الوقت : إش قلللللت بعد وجييهم عنه بـ إنزعـآج : وخرووا عني كتمتووني وطالع في المجلس الزيتي الوآسع : دحين الآماكن قلّت تجلسوآ هنا جنبي ريان مارد عليه طالع في غَيـد اللي على يساره : غَيـد متضايقه مننآ غَيـد واللي ساكته من اول طالعت فيه ، وطالعت في نايف اللي برضوا طالع فيها . . اتكلمت وهيا تطالع في إيدها : عادي ريآن طالع فيها وهوا مو عارف هيا متضايقه ولآ إيه بالزبط .، لف على نايف : حنخليكم شويه بس ، لـكـ . . سكت يسمع آذان صلآة العِشـآ . . طآلع في نايف : هههههههه قوم قوم بس معآنآ يالله نايف اللي متضآيق من دخولهم العنيف ، ومن اول متضآيق من غَيـد . . قآم معاهم غَيـد طالعت فيه ، وحسّتـه متضآيق من جد ، وإن حآول مايبيّن ، بـ همس نآدته لف عليها وهوّا عند الباب : هـلآ قربت منه ، وبـ توتر وضيقه سألته : نآيف إنتا زعلآن ؟ طآلع في الوجه اللي يعشق تفآصيله وهمس لهآ : لأ طالعت فيه وزمت فمها على خفيف دلاله إنهآ ما أقتنعت .، طالع فيها ، ولف يطالع في التؤم المزعج لقيهم سابقينه شويه . . رجع طالع فيها وقرب منهآ بآسها على خدهآ ، ولحق أخوانهآ . . . - نآيف عبد الرحمن / 26 سنـة . . خِريج قسم هندسة شبكآت .، موظَف , طآلعت في جوالها وهيّا معقده حوآجبهـا : " رقـم غريب ! .، غريبه " طنشت الجوآل ورجعـت لـ الكتآب اللي في إيدها ، سكت الجوآل .، ورجع يرن تآني طالعت في الجوآل إلا نفس الرقم وبـ مزآج مقفل :" مين دآ القلق ؟ " كآنت بترد إلا قفل :" أحسسن " مآخلصت كلمتها إلا الجوآل دق لـ المره الثآلثه ! استغربت ، مين دآ المتصل المُصر إنها ترد .، حطت الجوآ على أذنها وما اتكلمت ، ماسمعت شيء ! بعّدت الجوال عن أذنها تتأكد إن الخط مفتوح ورجّعت الجوآل لـ أذنها وبـ تردد : ألو أرهفت سمعها ، بس الغريبه إنها ماسمعت شيء .، إلآ صوت تنفّس المتصل بـ تردد : ألو ، مرحبآ مين معايا ماسمعت شيء ، ورجعت تتأكد إن الخط مفتوح ولا لأ ، اتوترت :" بسم الله ، مين دآ " كآنت بتتكلم إلآ فاجأها صوت رجولي : نهآية الفصل " 4 " أرائكم و تقييمكم وِ ردوكم ‘’ حقاً شيء لآ أستغني عَنه ’‘ | ||||
|
| |
|
15-11-12, 09:52 AM
| #9 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| وَ يـأتي الـصَبآحْ ( 5 ) * عوآطفنا / لآ تموووت .............. ولكنهآ تغفوْ ! عندمآ تفقد ( الإحتوآء ) ‘ ! طآلعت في جوالها وهيّا معقده حوآجبهـا : " رقـم غريب ! .، غريبه " طنشت الجوآل ورجعـت لـ الكتآب اللي في إيدها ، سكت الجوآل .، شووي ورجع يرن تآني طالعت في الجوآل إلا نفس الرقم وبـ مزآج مقفل :" مين دآ القلق ؟ " كآنت بترد إلا قفل :" أحسسن " مآخلصت كلمتها إلا الجوآل دق لـ المره الثآلثه ! استغربت ، مين دآ المتصل المُصر إنها ترد .، حطت الجوآل على أذنها وما اتكلمت ، ماسمعت شيء ! بعّدت الجوال عن أذنها تتأكد إن الخط مفتوح ورجّعت الجوآل لـ أذنها وبـ تردد : ألو أرهفت سمعها ، بس الغريبه إنها ماسمعت شيء .، إلآ صوت تنفّس المتصل بـ تردد : ألو ، مرحبآ مين معايا ماسمعت شيء ، ورجعت تتأكد إن الخط مفتوح ولا لأ ، اتوترت :" بسم الله ، مين دآ " كآنت بتتكلم إلآ فاجأها صوت رجولي : نجحتـي في الآختبـآر !! زآدت نبضات قلبهآ ، وعقدت حواجبها بـ خوف وحيره .، وبتساؤول : نعـم ؟ المُتصل بـ ثقه : اقول كوويس ، نجحتي في الآختبـار وكمل بـ نبره بارده مُتعمّده : كنت حآب اختبرك ، تردي على ارقآم غريبه ، وكيفية ردك عليهآ ، وطلعتي - وببطء وهوا يضغط على الحروف - : مـحـتـرمـه كأنها استنتجت هوية المتصل ضغطت على الجوال بِ قهر : ومين إنتآ علشآن تتأكد على إني محترمه ولآ لا رد عليها بـ نفس الثقه : يقولوا . . زوجـــك من طرف انفها ردت ، وهيّا حاسه بـ الكره والسخط نآحيته يتزآيد : الحمدالله امي وابويا ربوني تربيه - وقلدته - مـحـتـرمـه /.، وواثقه من نفسي واخلاقي الحمدالله مني محتاجه اختبارآت من احد بـ برود رد عليها : حيلـك حيلـك ، إشبك عصبتي . . رووقي يآحلوه حآولت تكتم غضبها وبصوت حآولت تخليه بآرد قدر الإمكان : مني معصبه ولا شيء . . تبغى شيء .. وبـ تريقه : يآزوجي - لآني مشغوله كتم الضحكه اللي كآنت بِ تنفلت " لآ شكلها أتنرفزت جد هههههههه " رد عليها بِ برود متعمّد أكثر : لآ والله . . زي ماقلت لك كنت حآب اختبرك وبس أتسآرعت أنفاسها بِ قهر من رده ، ومن طريقة الرد . . شدّت على قبضة إيدها اليسآر الفآرغه .. تفرّغ القهر فيها ومن بين أسنآنها أتكلمت : آهـا ، خلاص طيب انا مضطره أسكر / ، سكتت شويه وكملت : بس حابه اقول لك يآزوجي المحتـرم ، كلن يرى الناس بعين طبعه وما استنت ردّه قفلت في وجهه . . رمت الجوال على السرير اللي هيّا قاعده عليه وبـ قهر قلدته : زي ما قلت لك كنت حاب اختبرك وبس ورجعت لـ صوتها الطبيعي : بلآ فشكلوووا ، حتى ماعندوا زوق يقول كنت حاب اسلم عليكي ولا شيّ .، الحماااار هاذا وانا حاسّه نفسي كنت قليلة أدب وِ وقحه معاه يوم الاربعاء دخل عليهآ أخوهآ الصغير وهوّا يطالع فيهآ وبـ إستغراب : ريّانة إنتي هبله رفعت نظرها لـه وبـ قهر : نعــم ؟ عزآم بـ استغراب : ومعصبه كمآن على إيش ؟! ومشي خآرج من الغرفه وهوّا يقول : والله كآنت طيبه ! ./، ولف عليهآ وإيده على البآب : إيووه صح أمي ، تبغآكي تحت | [ والله كآنت طيبه ] هاذي جمله معناها آنو الآدمي اتجنن أو أختلّ عقله ^_^ ريّانـة طالعت في الباب اللي خرج منه ولمن استوعبت الجمله اللي قآلها بـكل عصبيه وقهر الدنيآ قآمت وهيّا تصرخ : عزااااااااااااااااامووو يآحمااار تعاااال : : عند رعـد طالع في جوآله وعلى عيونه نظرة إستمتآع وِ بدون أدنى إحسآس بِ تأنيب الضمير !! إبتسم وهوّ يضيّق عيوونه بِ نظرة خبييثة لـ الجوآل " والله وطلعتي فووق المتووقع يآ ريّانه شكلوا حيآتي بتصيير ملييآنه اكششن ، والبركه فيكي يآ بنت العم ههههههههه " ، السبـت - 6 ونـص ‘ الصبآح طآلعت فيهآ وهيّا تحط الشنطه بـ قووه ع الكرسي وبـ آستغرآب : اعصابك يآبت ، إشبك ؟ لفت عليها وبـ مزآج مقفل : لو سمحتي كلمة ( اعصابك ) دي لا تكرريهآ ، امس البيت كلوا سمعّني ياها ابتسمت وقامت من الكرسي وقربت منها : اهـآ يعني المزاج الحلو دا من امس ابتسمت ابتسامه فاتره ولفت تحط العبايه في درج الطاوله رفعت غَيـد عينها لـ البنت اللي جايه : هيّا طالعي في روان ، شكلوا المزاج مقفل برضوا قربت منهم روان وسلمت عليهم وفسخت عبايتها بـ مزاج مشابهه لـ مزاج ريّانـة اللي جت قبلها بكم دقيقه قرربت منهآ غَيـد وبصوت مررح : صباح الخيييييير على النآس الحلوه رفعت روان راسها وبـ ابتسامه عكس ملامح وجههآ المكتّمه : صبآح الورد على الناس الأموره رمشت لها غَيـد ولفت على ريّانـة : شفتي الناس كيف تصبح ريّانـة سكتت شويه وهي تطالع فيهم ، وبعدين قالت بقهر : امس متصل عليا يقول إنو .، وبـ قهر ممزوج بـ سخريه : يبغى يختبرني انا بنت محترمه ولا لآ غَيـد عقدت حواجبها دليل عدم الفهم اما روان ردت بـ تساؤل : مين قصدك . . ووسّعت عينهآ : لايكون قصدك رعد ريّانـة بـ قهر : إيوه رعد الزفت الحمآر ، الله لايوفقوا يااااارب غَيـد قربت منها وهيا تطالع في اللي حولها ، خايفه احد انتبه على ريّانـة جلستها على الكرسي ومسّدت كتفها وبـ صوت وآطي : ريري فهمينا السالفه بـ الأوول حكت لهم ريّانة المكالمه بـ التفصيل وهيا تحاول قد ماتقدر إنها تبلع الغصصه اللي في حلقهآ وماتبكي غَيـد طالعت فيهآ وفي تعابير وجههآ ومهي عارفه إش ترد عليهآ " الله يعينك ويصبرك يا ريّانـة " طآلعت في روان اللي زمت فمهآ وقالت لهآ : لاتحطي عقلك بعقله ، ولد عمك دا شكلوا فآضي ، وابتسمت : وانتي مشاء الله عليكي ماقصرتي ريّانـة بـ قهر : آكييييد اجل تبغيني اسكت لو . . ، ماعلينآ خلينا نقفل سيرتوا الحمآر وأخذت نفس عمييق ، وغمضت عيونهآ بالقوه ، وفتحتهآ . . وكأنها بتنسى ! وابتسمت وسألتهم بـ غرض إنها تفتح موضوع ثاني : اختبآر الرياضيات الحصه الأولى مو . . ؟ ، الأحَـد - بَعد المغرب ربطت حزآم الفستآن الأحمر الهآدي وبِ نبره حنوونه وإبتسامة حلووه قالت لِ بنتهآ وهيّا تمسسح على شعرهآ : خلآص خلّصنآ ردت عليهآ ليآن بِ نبره كأنها تتأكد منها : ومحا ينفتح قررصت خدهآ وبِ ضحكه جآوبتها : هههههه ومحا ينفتح طالعت في بنتهآ اللي راحت جهة البلآزما الكبييره وفتحت على قناة بسمه ، وجلست على أقررب كنبه تتفرج ولفت وجههآ ناحية غَيد الجآلسه جنبهآ وفي إيدها كآسه عصير مآنجو مدموج معآه شويه من عصير فرآوله أنتبهت غَيد لِ نظراتها الموجهه لـ الكآسه ، رفعت الكآسه وسألتها : تبغي ؟ أبتسمت دآنيه : بصراحه شكل الكآسه يشهّي غَيد : قوولي أبغى ، مو - وقلدت صوتها - : بصراحه يشهّي .. تبغي بسوّي لك دحين ، لا يطلع في ولدك شيء ونبتلش ضربتها دآنيه على إيدها بخفيف وبِ عصبيه مصطنعه : غَيـــد ! غَيد بـ ضحكه : ههههههههههه نعم وقامت : دحين بسوي لك كآسه سرييع وبجي وفعلاً ما مرت دقيقه إلّا والكاسه على الطآوله قدامها طالعت دانيه في غَيد ، وبـ إعجآب : حررركآت والله ، إش الخفه دي ما شاء الله حرركت غَيد بلوزتهآ البرتقاليه الكت وقالت : إحم إحم ، أنا غَيـد مو أي أحد رفعت دانيه حاجبهآ اليمين : عِششششتوآ غَيد : ههههههههه وسكتت شويه قبل لا تقول وهيَا تقرب منهآ .، وبِ همس متحممس قالت لها : دنــّــو شوفي عمر طالعوا الثنتين فيه وهوا جالس ع الكنبـه ، وقدامه طآوله صغيره عليهآ اللآب المفتوح . . لكن بآين إن عقلـه رآيح بعييييييد دانيه عقدت حواجبها وبـ همس مشابهه لـ غَيـد : إش فيه ، عآدي ! غَيـد بـ نفس الحمآس وهيّا تطالع في عمر : شوفي شوفي قآل عادي . . باين إنو الآخ سرحااااان وطالعت في دآنيه وغمزت لهآ : تتوقعي يكون يفكر في لميس *_^ ابتسمت على حمآس اختها ، ورفعت كتوفهآ : مدري . . بس اسمعي غَيـد ، اول شيء عدلي جلستك ولاتقعدي تطالعي فيه زي كدا غَيـد اتعدلت في جلستها وطالعت فيها دانيه هزت راسهآ : ايوه ، ترا عمر جني حتى لو إنو مبيّن إنو سرحان ، بس بينتبه إنو في احد يراقبه 24 ساعه رفعت غَيـد حواجبها بـ استنكار ، وقبل لا تتكلم كملت دانيه : انا شايفتك من وقت الموقف اللي صآر معاه وإنتي تطالعي فيه ، ترا اتوقع إنو انتبه عليكي بس مطنش غَيـد زمت فمها : تتوقعي انو انتبه ؟ دانيه : ممكن ، بس إنتي لاتقعدي تراقبيه كدا ، اذا هوّا ما انتبه اتوقع اي احد من العيال أو امي بينتبه عليكي وطالعت فيهآ : غَيـد ، اذا من جد لميس عاجبه عمر بيتكلم ، ودحين خليه براحتوا بدون مراقبه طيب ^_^ غَيـد ابتسمت : طيب ، بس ترا مو بس هوّا اللي قاعده اراقبوا حتى تميم الثـنتين طالعوا في تميم اللي يشرب شاي مع مشاري وامهم وابوهم ، ورآيــق وولآ عليه من احد غَيـد كشرت على خفيف : على الآقل عمر انا ملاحظه عليه انو يسرح ، لكن تميم دا من جد حجـر ، صخر مآيحسْ دانيه وهيا تغآلب الضحكه لا تطلع ، على غَيـد وتفكيرها . . وسألتها بـغرض فتح موضوع تآني : فين التؤم ؟ غَيـد ميّلت فمها : فييييين يعني اكيد نايمين . . إيووه بابا ابوها " فهد " اللي ناداها صآر يطالع فيها وبعدين قآل : غَيـد عمك كلمني آمس غَيـد عقدت حوآجبها وبـ تساؤل : طيب ؟ فهد : يقول إنو نايف كلمه .، يبغوا يقدموا الزوآج يكون بعد ثلآثه شهور رفعت غَيـد حواجبها ، و وسّعت عيونها ،. وِ وقفت ، وبـ صدمه : إيييييش ؟؟ فهد صار يطالع فيها وهوّا مستغرب من ردهآ : يبغوا يقدموا الزوآج ، بعد ثلاثه شهور . . يكون ؟!! رفعت حوآجبها بِ عدم تصدييق ، أكييد ذولآ يمزحوآ ، تتزوج بعد ثلآثه شهوور ، وهي مريولها حتى مآتعرف تكوويه البيض وهو البيض إلين دحين مآ تعرف تظبطه . . يبغوهآ تتحمّل بيت بِ كبررره ؟! زمّت غَيـد شفايفها لمن جآ في بالها السبب ، " و يعني علشآن اللي صآر أمس يبغى يعجّل الزوآج . . " لمن وصل تفكيرهآ كذا ، قالت بـ خوف ، وتوتر : لآ لآ .، قول لهم لأ ابوها عقد حواجبه : وليش لأ غَيـد وهيا على نفس وقفتها : بس كدآ لأ .، مو كان الاتفاق إنو بعد 7 شهور تميم اللي اتدخل وقت ماشاف رد غَيـد : ويعني ؟ اتقدم أربعه شهور . . ما اتوقع فيها شيء غَيـد بـ خنقه : تمييييييييييم طــــالــــع تمييم فيها مستغرب ؟! مشاري اللي اتدخل ، طالع في غَيـد وقال : طيب إش هيّا اسبابك ياغَيـد ، يعني نقول لـ عمي لآ ماينفع الزوآج يتقدم ، بس كدآ بدون سبب ! غَيـد طالعت فيهم : اول شيء الدراسه ، انتو قلتوا لي نملك والزواج في الصيف ، مو مشاء الله دحين تقولوا لآ نقدم الزوآج تميم واللي كان من اول معآرض الملكه ، كان يبغاه زواج على طول رد عليها بـ صرآمه خفيفه : عآدي وياما نآس اتزوجوا وهمّا يدرسوا غَيـد بـ عصبيه : لكن انا ثانويه عامه غيير ، ولا وكمآن علمي .. كيف با استعد لـ الاختبارات وانا عروسه جديده ، ولا مشاء الله اتحمل بـ زوج وبيت وتوابع البيت دآ بلعت ريقها بـ توتر وعصبيه وهيّا تطالع فيهم دانيه واللي من اول مُستمعه في دا الحوآر ، وقفت وقربت من غَيـد وحطت إيدها على كتف غَيـد وضغطت عليه وطالعت في ابوها واخوانها : وانا مع غَيـد . . وطالعت في ابوها : والله يا ابويا من حق غَيـد ترفض تقديم الزواج ابوها طالع في غَيـد وحك ذقنه يفكـر غَيـد والدموع اللي من اول محاربتها نزلت وبـ عصبيه : انا مني متزوجه إلا بعد ما اخلص الثنوي سآمعييييين مسحت دموعها بِ قفى إيدها بالقووه . . وطلعت بسسرعه على غرفتها دانيه طالعت في غَيـد اللي طلعت بسرعه ، وراحت جلست جنب مشاري وبـ عصبيه قآلت : بصراحه يا ابويا مع احترامي لـ عمي وولده بس المفروض إنو نايف هوّا اللي يتكلم مع غَيـد بـ نفسوا ويتفق معاها ويشوف رآيها مو يخلي ابوه يكلمك ! تميم طالع فيها : لآ والله احلفي . . قالوا قدموه خلوه بعد ثلاثه شهوور مو بعد ثلاثه اسابييع !! قبل ما ترد دانيه رد عمر واللي من اول سآكت : من جد إش الهبل دا يخلي ابوه يكلم ابويا ، المفروض يعرف رآي غَيـد وميّل فمه : وحتى لو هوّا على قولتك يبغى يتزوج با اسرع وقت يكلمها هيّا .، وحتى لو رفضت يحآول فيها منا ولا منا .. وربي دحين لو إييش ماحترضى غَيـد إنو الزوآج يتقدم سآره طالعت في زوجهآ واللي بآين إنو يفكر وبـ عقلآنيه اتكلمت : صح كلآم العيآل يافهد . . ولا تنسى إنو نحنا اعتمدنا على الاتفاق ، ترا انا إلين دحين ماجهزت غَيـد ، وماينفع اجهزها بسرعه دحين وحوسة أسوآق وقرف البنت شويه وداخله على اختبارات الترم الأول ، وانا بصراحه ما ابغاها تنشغل في أشيـآء الزواج تميم رفع حاجب مستغرب وبِ عدم تصدييق قآل : دحين غَيـد لهآ 4 شهور مملكه ، وماقضّت شيء ؟ رد عمر عليه بسرعه بـ عصبيه غريبه عن طبعه البارد اللآ مبالي دائما : وإنت إشلك يآخي قضّت ولآ ماقضّت .، خلاص غَيـد ومهي موافقه إنو الزواج يتقدم موعده ، خلاص انتهى الموضوع !! وقآم بـ نفس العصبيه وطلع على فوق . . لمن طلع الكل كآن ساكت مصدوم من إنفعآل عمر الغريب ! مشآري اشّر على الدرج اللي طلع منه عمر وبـ تعجب : متأكدين اللي طلع دحين عمر ؟ ، عدلت بنطلونهآ البيج الغآمق ، على بلوزه بيضآ كَت ساده وِ دقت البآب . . ماحصلت رد دقت مره تانيه وبـ صوت عآلي : حأدخل ترآ وفتحت البآب .، لقيتهآ منسدحه ع السجآده وتقول الأذكآر اللي بعد الصلآة قفلت الباب واتقدمت جلست على السرير وطالعت فيها ، تستناها تخلص لمن حسّت إنها مطوّله ، أنسسدحت على السرير ، وفردت إيدينها على السرير بِ حرركه معتآده منها وطآلعت في السقف الرمآدي الفآتح اللي تزيّنه ثريآ كريستآليه وطآلعت في الغرفه حوآلينها .، بويه شموآه رمآدي فآتح سرير بنفسجي فآتح بِ مسند إسفنجي مريح .، مبرزه ومحلّيه اللحآف البيج الفآتح بِ خدادياته الموف كومدينآ رمآدي فآتح ، ستآره خلف السرير نفس اللون ، وثآنيه تغطّي النآفذه تسريحه بِ مرآيا عريضة . . يمتزج فيهآ لونهآ الرمآدي الفآتح بِ إكسسوآرآتها البنفسجيه ، بِ أنآقه طآوله زجآجيه بِ أريكه بسييطه رمآديه فآتح برضوآ الغرفه رااااايقه ، والإضاءة الصفرآ . . زايده الجو رووقآن أبتسمت ، جِد الغرفه فيها من شخصيه لميس كثيييير خّلصت لميس من أذكآرهآ وابتسمت لهآ ، وهيّ على نفس وضعها سألتهآ : إشبك ، إش تبغي ؟ عقدت حواجبهآ وبـ ابتسامه : يعني لآزم يآست لميس يكون عندي سبب ادخل فيه غرفتك ماردت عليها لميس وصآرت تطالع في السقف . . اتأملتها بسمه .، و لمن حسّتهآ سرحت ضيّقت عيونهآ وبـ تساؤل خبيث : سرحااانه فـ ميييييين ؟ لميس عقدت حواجبها وبـ نرفزه : مني سرحآنه ، بس قاعده افكر بسمه بـ نفس الخبث : تفكري فـ ميين طيب ؟ لميس بـ طفش : ما افكر فيييه ، خلااااااااص ترا غثيتيني ، كل ما سكت ولا سرحت ، تسأليني بنفس النبره الشرييره دي *_* بسمه وهيّا معاها ضحكه من شكل لميس المتأزم : ههههههههههه خلاص طيب وغيّرت ملامحها ونبرتها لـ الجديه : طيب دحين بجد بسألك ميسو ، ماقد جا على بالك ولا فكرتي فيه تفكير خآص ، وغمزت لها *_^ لميس بـ قهر : بسسسسسمه ، بلآ هبل إش تفكييير خاص . . هوّا انا فاكره شكلوا علشان افكر فيه - وتقلد نبرتها - : تفكير خاص بسمه رفعت كتوفها : قلت يمكن . . بصراحه لو انا مكانك بفكر فيه ، اصلاً شخصية عمر من زمآن جاذبتني احسّوا شخص غامض عقدت لميس حوآجبها بِ إستغرآب وِ نبرة تسآؤول : شخص غامض ؟! بسمه بـ حماس : ايييوه ، ماتسمعي غَيـد دايماً وقت ماتحكّي عنّو لميس عقدت حواجبها : مدري ما انتبهت ! بسمه بـ حماس : طيب وقت ماصار لك الموقف معاه يوم الآربعاء ، ماحسّيتي إنو شخص غامض أو شيء زي كدآ ؟ لميس وهيّا تقوم من السجآده وتفسخ شرشف الصلآة : لا ماحسيت ، وبعدين انتي اش تحسبي صآر يعني ؟ بسمه طالعت فيها وبـ رومنسيه : قلت يمكن صآر لك زي المسلسلآت والروايات ، جسمك يصير حار ، ودقات قلبك تزيد ، ومايمر يوم إلآ وإنتي عاشقته لميس بـ تعجب : بسمه سلآمات ههههههه . . جد الحمدالله والشكر ، أصلاً متى يمديني أحس إنو ( شخص غآمض ) وانا ماشفتوا إلآ كم ثآنيه ، ولـ المعلووميه بس ـ ترآني ناسيه شكله بالمرره وخرجت من الغرفه وهي تطالع فيهآ بـ سخريه : تفكير خآص قآل ! ، * ثرثرة الأصصدقآء ، لآ تمل : - وحكَايآهم عااالم أخر ’ الإثنين - المغرب مجلس ذو طآبع أوربي ، تترآوح ألوآن كنبآته مآ بين البيج الفآتح والبني كنبه ذآت ثلاث مقآعد بِ خداديآت تختلف أحجآمها والألوآنها بس تتفق في إنها زآيده الكنبه فخَامه وِ أنآقه ، وكرسيين فوتيه على الأطرآف وفي المنتصف طآوله بنيه بشكل أشبه بِ المستطيل وعليهآ بعض التحف أو الإكسسوآرآت البسيطه تبرزهآ ستآئر يترآوح لونها مآبين البني والبرونزي ، لُوح تزيّن الجدرآن أبجوره بِ إضآءه حلوه فوق طآوله دآئريه صغيره الحجم ، بنيه اللون على يمين الكنبه سيرآميك سكري فَخم يعكس الإضاءه الصفرآ الطآغيه على المجلس الصغير التآبع لِ المجلس الكبير المخصص لِ النسآء بس منفصل عنه بِ بآب آخر منفصل مدّت إيدها لِ الطآوله وآخذت ثلآجة القهوه ، وصبّت فنجآن لِ ريآنه وثآني لِ روآن الجآلسين على الكنبه بينمآ هي على الكرسي اللي على اليمين و بـ ابتسآمه : حي الله روآن وريّانـة روان وريّانـة طالعوا في غَيـد وبـ نفس الوقت : الله يحيييك غَيـد : تصدقوا ، وابتسمت إبتسامه مايله حزينه : ناقصنا لموو والله ريّانـة :من جد والله ، الدوبا واحشتني .. مني مصدقه إنو لها 11 يوم وهيّا بعييده عننآ روان : عاد نحنا نقول كدا ، هيّا إش تقول . . تصدقي امس دقيت عليها تقول لي لسى السبت دا داومت غَيـد عقدت حواجبها : من جد روان هزت راسها بـ تأكيد : والله ، داومت السبت والاحد بس . . تقول لي حاسّه بـ خنققققه مني قادره اداوم ريّانـة : الله يعينهآ . . ، وغيّرت الموضوع : إلّآ صح ، إش سبب غيآبك يا آنسه غَيـد اليوم ؟ غَيـد ابتسمت : سالفتي ساالفه ، اصلاً قلت لآزم نتجمع اليوم ، حاسّه بـ خنقه وضيقه ابغى اهـرررج روآن : ههههههههههه إش فيه إش صااير ريّانـة وهيّا تعدل جلستها بـ اهتمام علشان تستعد لـ سمآع سالفه غَيـد : يالله نسمعك ، غرردي غَيـد : أصلاً أنـآ غبت اليوم ، لأني بجد بجد بجد متضااايقه ، ونفسيتي من أمسس هنآ ، ، وأشّرت ما بين حاجبينهآ وكملت بـ قهر : تخيلوو ، امس كنا قاعدين في الصآله ، إلا بابا يقول لي إنو عمي ابو نايف قآيل لـ بابا يبغوا يقدموا الزوآج ريّانـة رفعت حواجبها بـ استغراب : اممممممممآ غَيـد بـ نرفزه : وربي ، تخيلوو بس . . يبغوا الزوآج بعد ثلآثه شهوور ، متى انا استعد وآجهز ، وغيير كدآ كيييييف باللهِ اتزوج وانا لسى في الثنوي روآن بـ تعجب : وليه طيب ؟ وإنتي إش قلتي لـ اهلك ؟ غَيـد وهيّا تحرك إيدينها بـ إنفعال : قلت لهم ما ابغى الزواج دحين ، ولاااا تميم قعد يتفلسف على رآسي .، وربي كرررهت تميم امس ريّانـة : غريبه ، تميــم ! غَيـد : تخيلي تمييم ، يقول عادي ومش عارفه إيش ، بس انا قلت لهم لأ ما اقدر ، مايصير زواج إلا بعد الثنوي ريّانه بـ إستهزاء : مآ تقدررري ؟! . . ولآ قصدك مآفييكي حيل لـ الكرف والطبخ والنفخ لسى غَيد : ريّاااااااااااااااااااااا نه ريّانه : هههههههههههههههههههههه من جد صح ولآ لآ حطت غَيد سبابتهآ اليمنى على طرف فمها وحرركتهآ شويه ، وبِ رفعه حآجب قالت : هوّا إنتي تبغي الجد ريّانه : ههههه لآ أبغى العم . . إيووه الجد أكييييييد غَيد : يعني جآت في خآطري دي الأسباب . . بس والله جد أنآ مو مهيأه نفسي لِ الزوآج دحيين ، انا يالله يالله أخلّص مذآكرتي . . أتزوج ! روان : طيب وابوكي رد لـ عمك ؟ غَيـد بـ ارتياح : إيوه ، اليوم ماما في العصر قالت لي ، إنو بابا قال لـ عمو ، اخلص الثنوي وخير ووكملت : بس تصدقوا ميين اللي وقف معايا امس من جد روان وجمانه : ميين ؟ غَيـد : عمر ريّانـة بـ استغراب لانها عارفه شخصية ولد خالتها : عمــــــر ؟!! غَيـد هزت راسها : ايوه تخيلي ، دانيه تقول لي إنو وقت ماطلعت قعدوا يتكلمو ، وعمر وقف واتكلم مع بابا ، اصلاً انا طلعت غرفتي وشويه دخل عندي وقال مايهمك ، مدام إنك تبغيه بعد الثنوي يصير بعد الثنوي ريّانـة : غرييييييبـه غَيـد : من جد . . وضمت إيدينها لـ صدرها : اصلاً خلاص انا امس كرهت تميم من كل قلبي ، وحبيت عمووري من كل قلبي روان : ههههههههههههه ، سلااامات ريّانـة بـ تريقه : اول ماعمووري يسووي لك شيء ، بتكرهيه من كل قلبك غَيـد بـ مرح : إلييين ذآك الوقت وخييير ريّانـة : طيب ما اتكلمتي مع نآيف ؟ غَيـد ضيقت عيونها : لآ ، آمس حررق جوآلي من كثر مايدق ، وانا مارديت عليه روان طالعت فيها بـ إستغراب : وي . . ليـه ؟ غَيـد بـ قهر خفيف : خليييييه يستآهـل ، أجل يقرر قرارات مهمه من عندوا ولا حتى يستشيرني ريّانـة بـ تعقل : غَيـد بلآ هبل ، هوّا ماحجز القاعه ، ولا قال لـ النآس إنو الزواج بعد ثلاثة شهور .. هوّا قال لـ ابوه يكلم ابوكي ويشوفوا رآيكم بس ! ورفعت أصبعها السبابه بـ تحذير : غَيـد مو علشآن اخوانك وقفوا معاكي كبر راسك ، ومالوا داعي موضوع بسيط زي كدآ يكبر .، وتخلي من الحبه قبـه غَيـد طالعت فيها وهيّا متكتفه سكتت شويه بعدين زفرت وقالت : مآعليكي مني ، إلا بسألك معد دق عليكي رعد من ذاك اليوم ريّانـة طالعت في غَيـد بنظره كأنها تقولها " عارفه إنك بتغيري الموضوع " . . ميّلت فمها وقالت لها : لأ قاطعتهم روآن بـ سآلفه غيير : بناااات تخيّلووا طالعوا فيهآ بـ تساؤول : ؟ روان : لمن كنت في بيت عمي نآصر يوم الخميس ، قالت لي لبنى إنو سند .، وميّلت فمها وبـ سخريه : عـصــب . . وقت ماعرف إنو ولد جيرآننا خطبني ريّانـة بـ إستغراب : عصب ؟! روان هزت راسها وبـ تريقه وهيّا تحط إيدها على خدها : تخيلي بس ، الأخ يعني إنـووو يغـآر غَيـد رفعت حواجبها : غرريبـه . . طيب رونآ يمكن الآدمي يحبك من جد روان بـ نفي عنيف : أي حب وأي خرآبيط . . ياحبيبتي قريبك إذا كان يحبك من جد بيخطبك ، وإذا كان مو مستعد حالياً بيحجزك أو بيعطي أهلك خبر مو يقعد يترصّد لك في الزيآرت ، ويضايقك . . الوآحد إذا كان من جد يحبك بيخآف عليكي . . حتى من نفسوا بيخآف عليكي ، قال يحبني قآل ريّانـة بـ إبتسامه : صـح لسسسسسآنك يا بنت طآرق روان بـ إستهبال قعدت ترآمش : إحـم إحـم لآ داعي لآ داعي وآختفت إبتسامتها بسرعه ، وزمت فمها وعقدت حواجبها بخفيف : بس أنا وربي من جد خآيفه لا يصير لي موقف تآني معاه ، الله يستر عليّا بس ويحفظني منه يُتبَـع ‘’ | ||||
|
| |
|
15-11-12, 09:55 AM
| #10 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| كملت كوب العصير بسرعه اللي في إيدها من التوتر اللي فيها ورفعت نظرهآ لـ أبوها وهيّا متوتره وخآيفه وبصوت مهزوز : مو موافقه ابوها الجآلس أمامها طالع فيها وبـ حده : والـــســــبـــب . . ؟ اخذت نفس قوي . . وبـ صوت حاولت تخليه قوي وواثق : أبغى أكمـل دراستي رفع حآجب بـ عدم إقتنآع لِ السبب : وهوّا أحد قال لكِ إنو بيحبسك في البيت ؟ ، بيخليكي تكملي دراستك طبعاً ؟! زمت فمها و بـ ضيق : وكمآن مو مرتآحه طالع فيها بـ حده : نـعــم ؟ عقدت حوآجبها بـ خوف وضيق : أبويآ واللهِ استخرت مره وإتنين وتلآته ، وكل مره أتضآيق زياده طـــالـــع فيها ابوها بـ تشكيك قالت بـ قوه وهيّا تقوم : والله يا ابويآ . . أنا مابحلف كذب ! ابوها وقف معاها وبـ شبه عصبيه : طيب يآ سجى ، هاذي المره بعديها ، لكن لو تاني مره احد اتقدم لك . . بوافق عليه بدون ما اشآورك مدام إنك قاعده ترفضي الخطْاب وآحد ورا التآني . . . ! طآلعت في ظهر أبوهآ بـ رعب ، ودعت في سرّهآ إنو محد يتقدم لهآ طلعت لـ غرفتها بدون ما تنتبه لـ اللي في الصآله . . وقبل ما تقفل البآب كانت أختها رؤى وراها رؤى وهيّا تطالع في وجههآ بـ تمعّن : إشبك ؟ جلست على سريرهآ وبـ ضييق : يعني حبكت يتقدمووا لي في دي الفتره تلآته ورا بعض آووف رفعت رؤى حآجب : واللهِ إنتي اللي غريبه اللي جآلسه ترفضيهم كلهم ، ولاااا العذر اللي طالعه فيه . . ما ارتحت ، وأبغى اكمل دراستي عقدت سجى حواجبها واتعدلت في جلستها وبـ إستنكآر : رؤؤؤؤى ، هوّا صح إنو انا رافضتهم كلهم ، بس واللهِ من جد ترآ وقت ما استخير احس بـ ضيق طالعت فيها رؤى بـ نص عين واتكتفت . . اتنرفزت من النظرات اللي تطالعها بيها اختها وبـ شوية عصبيه : والله من جد ، صدقتي كويس ، ماصدقتي طقي راسك في الجدآر طالعت رؤى فيهآ وهي تنسدح على السرير وتغطي عيوونهآ بِ ذرآعاها اليمين زمت شفايفهآ ، وخرجت من الغرفه أول ما قفلت رؤى الباب بعّدت سجى ذراعها عن عينهآ ، وطالعت في السقف بِ طفش صحيح سآلفة سآمي مأثره عليهآ . . بس برضوا مو دا السبب اللي مخلّيهآ ما توآفق قالت بطفش وهي تقلب لِ جنبها اليمين : يعني أجيب المصحف وأحلف إني مآ أرتآح وقت ما أستخير أففف . ! ، الثلاثـآء - 6:30 مساءً جدآر فُستقي فآتح جداً سَاده يزينه المرايات الدآئريه الشكل ، الصغيرة الحجم ، القليله العدد . . الموزّعه فيه بِ أنآقه سريرين خَشبيه فآتحه بتصميم أمريكي مُريح ، يزينهآ اللحآف الأبيض بِ خداديآت بِ اللون التيفآني يفصل مآ بين السريرين كومدينآ محدده بِ الأبيض وأدراجهآ بـ الخشبي الفاتح زووولية فَرو متوسطة الحجم مُربعة الشكل ، قدام السريرين بِ اللون التيفآني خدآديتين مربعه كبيره بِ اللون التيفآني مرميه بِ شكل حلو جنب السريرين بلآزما صغيره في الركن منآسب حجمها لِ الغرفه مع كرسيين خَشبيه مستطيلة متوسطة الحجم ، وِ مرتبتهآ بِ اللون الأبيض أدرآج مستطيلة الشكل محدده بِ الأبيض والأدرآج بِ الخشبي الفآتح نفس شكل الكومدينآ وفوقهآ مرآيا شكلهآ أشبه بالمستطيل ستآرة شرآيح الألمنيوم بِ اللون التيفآني تغطي النآفذه الطوويله الغرفه حلوه إيووه ، ومتعووب عليهآ / لكنهآ حالياً ما كان بآين فيها الجمآل هذا كآنت الغررفه بآرده وهاديه ، وغَصب تخلّي الوآحد ينآم قطع هدوؤهآ الباب اللي أنفتح وظهر من خلآله نور الصآله ودخلوا شخصين مو وآضحه وجيههم أنفتح النور الأصفر الهآدئ ، وبآن شكل الغرفه رآيق رُغم الفوضى الفظييعه اللي فيهآ وطلعوآ على السرير الثآني واللي وآضح إن فيه شخص نآيم أنمدت إيـد صغيره وبعّدت اللحآف اللي كآن مغطّي وجه النآيم .، وبصوت عآلي طفوولي : عموو راكان قووووووم ظهر صوت ثآني وِ طفولي أكثر : دييييييما يآ غبيه هاذا خالوا ريآن عقدت ديمآ حوآجبها : لااااا دا عمو راكان : لااا دا خالوا ريان ، ثووفي خاله غَيد قالت إذا ثفتوا ثرثاره - ( صرصاره ) في رقبة واحد من الـ تؤم يعني خالوا ريان رفعت ديما حواجبها : لياان يا غبيه إسمها شآمه هزت ليان راسها بِ نفي بقووه : لاا خاله غَيد قالت ثرثاره وحطت إيدها عند أذن ريآن اللي عقد حواجبه بِ خفيف من الإزعاج اللي عند راسه وضغطت على الشآمه اللي تحت أذنه اليسآر وقالت : ثووفي دي ثرثاره بس ما ترضى ترووح ديما بِ عنااد : لاااا شآمه ، إسمها شامه يا بزره عصّبت ليان أم الخمس سنين من كلمة ( بزره ) : والله ثرثاره ثووووووووفي وقامت تضغط على الشامه بقووه أخيييراً قآم ريان وبصوت كسوول ملييان نوم : هيييييييييييييه إنتي يااهبله ، بتشيليها من مكاانها أففف وحاول يفتح عيونه أكثر وهوّ يقول بِ إنزعاج : خييير إش فييه قالت ديما وكأنها تسمّع نص : جده قالت نصحييك ، وتقوول قووم ما صليت المغرب حراااام عليك ، تعبت وهيّا تصحيييك أعتلت ملآمح ريآن الضييق : قالت حرام عليك هزّت ديمآ راسها : إيوه قالت حرررررام عليك مد ريآن إيده لِ الخداديه الصغيره وهوّا يقول بـ ضييق : أقووول أنقلعووا بس يلااااا ليان وهي تحآول تشيل الخداديه منه : أمي قالت لا تخلوه إلّا لمن يقوم ، وماما قالت لمن يدخل الحمام تعالوا سحب ريان اللحاف بقووه ودفاشه وهوّ يقول بطفش : رووووووقيني بس أفففف وما انتبه لِ ليآن الله كانت متكّيه على اللحآف ، فَ لمن سحب اللحاف أختل توآزنها ، وطاحت فزّ بِ فجععه لمن سمع صوت الطيحه وشآف ليان اللي لسى ما استوعبت طيحتها على رآسها ولمن استووعبت ، أشتغلللت صفارات الإنذااار حقتهاا : آهئئئئ قرربت ديما بسسرعه : واااا عموو شوفهااا اتعوّررت قام ريان وهوّ معصصب ومعقد حوااجبه وشآل ليان من ياقه التيشيرت وطلع من الغرفه أتوجهه لِ الصآله الفوقيه اللي كان موجود فيها غَيد وعمر وتميم أول ما انتبه تميم لِ ريان جاي بِ الشورت الكآروهات الأبيض وِ الكحلي بدون بلوزه ووآضح إنو معصب وشايل بطريقه مهمله ليان اللي تبكي ووجههآ محمّر فز بسسرعه من مكانه هو وغَيد اللي قربت بسرعه من ريان وبـ فجعه : ريااان إشبها ، إش صار لها قبل لا يجاوب ريان جآوبت ديما بـ لقااافه وهي تمـط الحروف بِ نبره تررفع الضغط : عموو رياااااان سـحب اللحــــآف من تحت ليــآن لمن كنــا بنصحييييه ، وطاااااااحت على الأرض على رآســهآ رفع تميم حواجبه لمنسمع كلآم ديمآ ووسّع عيونه : شووووف ، ياحماار جزااتهم يصحووك قالت له غَيد بعد ما اخذت ليان منه وصارت تحآيل فيها : يآ غبي ماما تعبت وهيّا تصحييك تصلي المغرب ، علشان كدا أرسلتهم ريان بطفش وهوّ يعطيهم ظهره راجع لِ الغرفه : مالكم صلاح فيني ، ميين اللي بيتحاسب انا ولا إنتوو ، أفف محد يرتاح في دا البيييت قفل بااب الغرفه بقووه وهوّ معصصب ، أكرره ما عنده أحد يصحيه بِ دي الطريقه طالع في السرير ، وكان بيرجع له عنااد ، وقبل لا يمشي أتعوّذ من الشيطان ، وراح لِ الحمام وهوّ يتحلطم : : قرربت غَيد من تميم بعد ما نزل عمر ليان لِ دانيه وهي تفررك إيدينها في بعض : تووووتي سألها تميم بدون ما يرفع راسه عن جوآله : نعـم ؟! غَيد : آممم ممكن طلب تميم بدون ردة فعل سألها : اللي هوّا ؟! غَيد بنبره سرريعه : يوم السبت كان عندي إختبار رياضيات ، وما جبت درجه حلوه فيه ، أبغاك بس تشرح لي / وضيقت عيونها وهي تأشر له بِ السبابه والإبهام : كم حآجه بسييطه كنت فاهمتها غلط رفع تميم حاجب و وطالع جهة اليمين محل ماهي جالسه بدون ما يرفع راسه : كم جبتي في الإختبآر بلعت غَيد ريقها " يااا ماااما ، دا السؤال اللي ما كنت أبغاه يسألني " ، بِ تلعثم : آاااآ ، آممم ، هوّ كآن صعب شويه ، أول مره أجيب دي الدرجه في حياتي يعـ ... قاطعها وهوّا يطالع في هاذي المره مبآشره في عيونهآ : كم جبتي في الإختبار عقدت غَيد حواجبها بخوف : تميييم ، لآ تطالع فيني كِدا ترا تخوّفني فرد شفايفه بشبه إبتسامه ما غطت على ملامحه الحآده : ها يآ شاطره كم جبتي ؟! غَيد : ههههههههههه وي ، أممم طيب شوف ./ وقامت بتجيب الدفتر : جبت 6,5 ،/ وهرربت بسررعه طــالـع تميم في ظهرها اللي أختفى وهو مصدووم رجعت غَيد وهوّا على نفس المنظر ، سمت بالله وجلست جنبه وأوّل ما جلست سحب أذنها اليمين : سته ونص من كم مسكه غَيد إيده اللي ماسكه أذنهآ وبنبره متألمه : آيي تمييييم ، من عشره من عششره فك أذني فك أذنها وهوّ يطالع فيها من فوق لِ تحت : فآشششله بوزت غَيد وبزعل : إش دا مو فآشله والله ، بس الأسئله جابتها خآرجيه وصعبه تميم وهوّ يقلب في الدفتر اللي جابته : عذر ضعييف متكرر غَيد : تميييييييييييييييييم طالع تميم فيها بطفش : نعم ، دحيين قوليلي إش تبغيني أفهمك بسسرعه أخذت غَيد الدفتر وصآرت تقلّب فيها كم ثآنيه ووقفت أصابعها عن التقليب بعد ما صررخت وهي تفتكر شيء : صصصح تميييييم طالع فيها بِ إنزعآج : نعم ؟! ، على إيش دا الصرآخ غَيد بدون ما تلتفت لِ إنزعاجه : جد تميم كان معاك في دفعتك 9 طلآب بس إنتا عاشرهم ؟! كان تميم يقلب في جواله بعد ما جا له مسج ، رفع عيونه لها بدون ما يرفع راسه : ميين قال لك غَيد بسررعه : أمس سلطان قال لي ، من جد ؟! تميم : إيووه غَيد : وااااو ، حرركآت والله ، وحطت إيدها على ذقنها بِ تفكيير : والله لو انا منك ما اصاحب أي أحد ، وما أشتغل في اي شيء مدام إنو تخصصي صعب زي كدا ومو اي أحد يدخله تميم بِ برود : علشان كذا ، ربي عالم بِ نيّتك وخلاكي تجيبي درجه مو كويسه في الإختبار عقدت حوآجبها بِ فزع : وي أعوذو بالله ، أمزح انا بس إشبك تميم : دحيين إنتي لا تكثّري هرج ، فين اللي تبغيني أفهّمك ياه بسرعه قلّبت غيد في الدفتر بسرعه إلين ما وصلت لِ الجزء اللي كانت حاطه عليه إشاره تدل على إنها مو فاهمه دي الجزئيه نآولته تميم اللي بدأ يقراه ، وصارت تطالع في شعره النآعم اللي مخففه بس مو قصير مرره ، ولحيته اللي مخليهآ عوآرض خفييفه " من جد دحين تميم سافر يدرس برآ علشان ينسى اللي صار له ، ولا زي ما قال سلطان علشان التخصص مو موجود هنا ؟! " لا إرادياً عقلها صار يفتكر كلام دانيه لها عن تميم ومصادفته لِ سجى في بيت جدتهم " سجى من المرات القليله اللي اشوفها فيها أكتشفت إنها هاديه وتميم جدّي مرره ، ممممم مآ تنفع لي تميم ، تميم يبغآلوا وحده ترج أهلوا رج ، بدل الجديه اللي غرقآن فيها " كآنت بتسأله عن سجى بشكل غير مبآشر ، إلّا أنتبهت له يضربها بِ خفيف على راسها بِ المرسآم اللي في إيده : ركّزززي معايا فين مسرّحه حكت غَيد شعرها وهيّ تقول بِ إنزعاج : معااك معااك ، فين بسرّح يعني طالعت في الجزء اللي يأشّر عليه بِ المرسآم " والله لو سألتوا ، أخاف يشوتني برآ البيت ، خليييني أركّز دحيين آحسسن " ، الأربعـآء - 7 الصبـآح . . ، بـ شويـة توتر سألت : المكآن دا فآضي ولآ فيه بنت جالسه . . ؟ الثلاثه كلهم طالعوا في المكآن اللي أشّرت عليه البنت الـ " جديده " بـ حزن ، وذكـرى لمى يجي في بالهم ريّانـة هيّا اللي انتبهت وقال لـ البنت بـ إبتسآمه : لأ ، كان مكان بنت بس من اسبوع وكم يوم نقلت ردت لها الابتسامه وجلست بـ توتر . . اتكلمت غَيـد واللي كان المكآن الفاضي جنبها : إنتي بنوته جديده أبتسمت لـ كلمة بنوته وهزت راسهآ : إيووه ، انا بتول مآجد غَيـد بـ إبتسامة ترحيب : هلآ فيكي ، . . وأشرت على نفسها : انا غَيـد فهد وأشرت على روآن : وهاذي روان طآرق وأشرت على ريّانـة : وهاذي ريّانـة خالد روان حطت إيدها على خصرها : خييير أنسه غَيـد . . يعني مثلاً مثلاً ماعندنا لسآن نعرّف فيه بـ نفسنا ولآ إيييه ؟! طالعت غَيـد فيها بـ طفش : روان ، ترا لو تطربينا بـ سكووتك أحسن قطعت كلآمهم أستآذة الريآضيات اللي دخلت الفصل وسلمت بعد رد السلآم طالعت في بتول وبـ إبتسامه حلوه : إنتي الطالبه الجديده بتول هزت راسها : إيوه الأستآذه بـ نفس الإبتسامه : عرفينا بـ نفسك طيب بتـول : بتول ماجد ، كنت في مدرسه الـ . . . . الاستاذه : الله يحيك . . / وطالعت في البنآت : إن شاء الله تدخلي جو مع البنآت ، وبيساعدوك في كل شيء ، صح يآ بنات ؟ . . . أشرت بـ سبابتهآ بـ علآمة " لأ " : نو نو . . إنتي ضيفه اليووم .، بنفطّرِك على حسآبنا . . / وبـ مرح : بس هـآ لاتتعوّدي ، السبت بتفطري بـ مصروفك الشخصي ، وغمزت لهآ *_^ مشيت مع روآن جهـة المقصف . . بينما ريّانـة " والبنت الجديده " بتول ، رآحوا لـ المكآن اللي متعوّدين يجلسوآ فيه روان لفت على غَيـد وهمّا يمشو وبـ رفعة حآجب سألتهآ : إنتي غريبه دحين دخلتـي ما شآء الله مع البنت ؟! غَيـد ابتسمت : تصدقي مدري ، بس مررره أرتحت لهآ ، وبآين عليهآ طيوبه والله مو ؟ روآن : هيّا باين عليها طيبه مآقلنا شيء . . وطالعت فيها من فوق لـ تحت : بس اول مره اشووف سمو شخصك الكريم يدخل بسسرعه مع بنت غريبه ابتسمت غَيـد ومآ قالت شيء . . . إلين ماوصلوا عند ريّانـة وبتول ، غَيـد جلست وبـ مرح : حيّا الله بتـوول ابتسمت بتول : هلآ الله يحيكِ روآن طآلعت في بتول ، وضربت رجل غَيـد وهيّا تقول لهآ : معليش حطي لهآ عذر اليوم لـ كل تصرفاتها ، مدري إش فيهآ منشكحه اليوم وطآلعت في غَيـد : لآ يكووون بس مبسوطه علشآن زوآجك أتقدم ، ما شاء الله امس متنكده علشان زواجك ، واليووم مبسوطه . . لآيكون بس سي السييد أقنعك هآ *_^ غَيـد طالعت فيها بـ حيآ وعصبيه : بطّلي هـبل يآهبله . . وبعدين أنآ على موقفي مآاااافييييي زوآج إلا بعد الثنوي بتول ابتسمت وبـ تساؤول لـ غَيـد : مخطووبـه ؟ هزت غَيـد رآسها بـ نفي : لأ ، ممـلـكه بتول : اهآ ، الله يتمم لك على خـير غَيـد بـ قووه : آمييييييييييييين روآن أنبرشت : حتى ريّانـة مملكه لفت بتول على ريّانـة : جــد ؟ أبتسمت ريّانـة إبتسامه مآيله : جد روآن بـ إنبرآش مره تآنيه : بس دي سآلفتها سآلفه ، وإنتـي مخطوبه ، مملكه ، متزوجه . . ولآ عانسه زيي ههههههه بتـول بـ إبتسامه فيها حزن : لأ . .أنآ . . آممم أرملـه الثلآثه كلهم طآلعوا فيها بـ إستغرآب وتعجـب . . شكلهآ أبداً ماكان يعطي إنهآ متزوجـه ريّانـة ابتسمت : مو مبيّن عليكي مشاءالله بتـول : الحمدالله على كـل حآل . . غَيـد وسّعت عينهآ بـ إستغرآب لمن دق الجرس : وي إشبوا دق بسررعه روآن بـ عجله : بنااااات علينآ كيميـآ بسسرعه خلينـآ نطلـع . . ، الجوو اليووم حآر بشكل مو طبيييعي خرج من مبنى الشركه وهوّ طفششان وقرفآن وراح جهة موقف سيآرته الخآص فيه فتح جوآله بعد ما دخل السيآره وآنتبه لِ رسآله من أمه توصّيه على كم غرض تبغاه جدته أستغفر بصوت عآلي وهوّ مكسسل يطق مشوآر لِ بيت جدته .. لكن ما بـ إيده شيء شغّل السيآره وهوّ متوجهه لـ الدآنوب القريب .، : : وقّف سيآرته في حوش بيت جدته ، ونزّل الأغراض من السيآره وهوّا مو قادر يشوف طريقه مزبوط من الشمس ومن النوم اللي ما يدري من فيين جاه أول ما شال الأكيآس رن جوآله بـ نغمة عآديه ، طنشه ومشي لِ الباب الدآخلي ووقف بـ طفش مو عآرف إش يعمل ، إيدينه شآيل فيها أكيآس ، وجواله مآسكت /، حط الأكيآس عند البآب الدآخلي ورد بـ طفش : ألو سآرة طالعت في الجوآل ورجعت حطته على أذنهآ : بسم الله الرحمن الرحيم ، تميم إشبـك زفر بـ طفش ، وحآول يعدل أسلوبه شويه : مآفيني شيء ، بس كنت حآيس مع الأكيآس ، وإنتي تدقي . . والجوآل في الجيب وبعدين وطآلع حواليه ورجع كلمها : إنتي متأكده إنو جده تبغى دي الأغرآض دحين سآرة بـ عصبيه : تمييم لاتطفشني ، وبعدين اهوّا إنتا وصلت وحاولت تهدي صوتها : حاول تجي بسرعه ، دانيه بـ تتغدى عندنا سكتت تستنى رده على كلامها ، بس مارد عليها ، بـ إستغراب نادته : تميـم مارد عليها ؟! رجعت بصوت أعلى نادته : تـــمـــيــــم ؟؟ كآن تميم وآقف عند الباب الدآخلي على بُعد كم خطوه منه بس . . واتفاجئ وهوّ يكلم أمه بِ البآب ينفتح ، ويظهر له نفس الشخص اللي شآفه من إسبوع وكم يوم نفس الشكل عبآيه ، والطرحه على الكتف ، بس هاذي المره الشعر كآن مربوط بِ إهمآل ذيل حصآن أبتسم تميم إبتسامة سُخريه مآيله لمن سمع شهقتها قبل لا تختفي . . وتظهر له من جديد بِ غطاها الكآمل وآنتبه لِ أمه تنآديه في الجوآل : إيوه يآ أمي معآكي ، خلاص بعطي جده الأغراض وبرجع ع البيت ساره : طيب ، يلا حبيبي مع السلامه ، وانتبه لا تسرع ابتسم لـ كلمة امه اللي لازم تقولها لمن تكلم واحد فيهم وهوّا برآ : ههههه طيب ، مع السلامه رجّع الجوال في الجيب ووجّـه كلامه لـ البنت اللي اتغطت بسرعه ، ووقفت على جنب مهي عارفه كيف تخرج والآكيـآس وجسم تميم سآدييين الباب تمـاماً : وهوّا انا كل ما اجي لازم الاقيكي في وجهي ما شاء الله ؟ سجى طالعت فيه ( مصدووومـه ) من جملته القاسيه الجـآرحه يعني ما فكر إن المخلوق اللي قدامه بنت وثآني مره يقآبلها ! / ولاااا اللي يقهَر ، كأنه يقول لها إنك تتعمدي تطلعي في وجهي بـقهر اتكلمت وبصوت وآطي ونبره حاده : أحتـرم نفسك رفـع حاجب : وانا إش قلت دحين ؟ زمّت شفايفها وماردت عليه . . كفايه إنو وقفتهم أصلاً مآلها دآعي أخييييراً ، شال الأكيـآس وقدم شويه ، وبما إنو سجى كانت واقفه ع جنب الباب ، بـ إمكانه يمشي بدون مايلمسها أول ماشال الأكياس ، مشييـت على طوووول وأول ما مرت من عنده سمعهآ تقول: حيوووآن ، سخييييييييف الله يقـ .. .. ! نهآية الفصل الـ ( 5 ) ردوودكم ورأيكم وِ تقييمكم .، شيء مآ أستغني عنه حبآيبي .gif) | ||||
|
| |
 |
| أدوات الموضوع | |
| انواع عرض الموضوع | |
|
|
201Likes
العرض العادي
