لإنها لن تعود /الكاتبة قلب دبي

[درة الاحساء]

(22)

بلعت ريجها بخوف وتوتر وهي تجوف أخوها سلطان يمشي متجه للصـالة،

صرخت بأقوى ما عندها : اميـــــــــــه!!!

سمعها سلطان لكنه تجاهلها، وفي ذات الوقت يتها أمها تركض : بسم الله بلاج اميه شو ياج؟

اميرة تشهق بقوة : انتوا قـ ـصـ يـتوا .. عـليّ ..

ام اميرة باستغراب : قصينا عليــــج؟؟!! وانا متى قصيت عليج ؟؟

اميرة كانت عينها ع الجريدة، واستلمتها بتقرى الخبر،

وصدمها انها تجوف الخبر في الصفحة الرئيسية ..

ام اميرة غيظت : انطقي شو استوى ؟؟

اميرة ودموعها تنزل لا إرادياً: سيري إسإلي سلـــــطاااااااااان!!!

ام اميرة عصبت : هالولد شو سالفته ؟؟ انا براويج فيه ان ما خليت أبوه يحرمه من الورث ..



راحـت أمهـا،

وبقت وحيدة تصارع دموعها اللي تنزل،

معقولة بعد ما رفسته، يستوي كل ها فيه ؟؟

سعود ؟؟ وعنده فـلوس؟؟

تتمنى انها تكون وافقت .. تتمنى انه يطريها في الجريدة،

زوجتـي سبب نجـاحي،

!!!!!!!!! لكن هل الواقع يقدر يرسم طريج عودة سعود عشان يخطبها ؟؟



سـؤال واضـح في الجـريدة هـز كيـانها،

~ ماذا عن الزواج في نظرك بـعد مكرمة الشيخ أحمد بن سعيد ؟

رده كان صريح / الزواج أمـر لا بد منه، وبصراحة هناك مشروع يدور في بالي حول موضوع الزواج قريبـاً.



شهقت واضطرت تكتم صراخها بالمخدة اللي حطتها ع حلجها،

سـعود بيـتزوج ..

لكنه ما بيـتزوجهـا ..

لازم تعرف مـنو هـاي..



أصابعها لا إراديـاً اتجهت نحو [تـوأم روحـي]،

ربيعـتها اللي ما عادت بينهم أدنى علاقة، ، ، خـلود!

/

في ذات الوقت،

خلود تحرك حواجبها صوب سعود : منـو هاي ها ؟؟

سعود انحرج : انطبي انتي ما يخصج ..

خلود : هههههههه طاعوا ويهه شقايل استوى ..

سالم : يحليلك يا سعود والله وقمت تطلع في الجرايد ..

سعود : احـم .. تروم عاد ؟؟مقابلتين في اسبوع واحد ..

خلود : يلا عاد سعود منو هاي اللي تبا تاخذها ..

سعود طفر منها : انتي يالكريهة ما يخصج ..

خلود شهقت : انا ما يخصني يا الهرم ؟؟ ما عليه انته بس قول منو هاي وانا روحي برسم الخدمة بسير وبقولها رفضيه ..

ام سالم : انطبي انتي .. اتخسين واتهبين اصلاً تحمد ربها ان سعود فكر بهـا ..

سالم : بدى شغل العمات ههههههههه ..

ام سالم حرجت : انا عمـة ها؟؟

سعود : ههههههههه افا محشومة اميه .. خلاص انتي اتنقي البنت اللي تبينها ..

ام سالم : لا بويه روحك اختار اللي تباها .. انا ما أشبّر برع البيت ولا اجوف بنيات .. خلود خلها تجوف لك ..

سعود بمرح : لا مابا .. خلود ذوقها بايخ ..

خلود بغباء : والله أميرة انته اللي اخترتها ..

سعود ويهه تغير ..

سالم بلوم : الله يهديج منو قال لج ييبي طاري هالبنية أساساً ..

خلود انحرجت : سعود والله آسفة ما حطيت في بالي انك بتزعل ..

سعود ابتسم : لا عادي انا ما زعلت .. أصلاً ربيعتج غدت في حياتي شي من الماضي.. بس من يبتي طاريها ذكرت اللي استوى وحز في خاطري اللي صابنا ..

سالم : يلا عـاد تحمد ربك انك ما ناسبته يوم انه داش ع طمع ..

خلود بفضول: ليش هو روحه الريال عنده فلوس..

سالم : هو لو فيه خير جان عطى ولده .. بدال ما يبهدل الولد من دائرة حكومية لين الثانية..

خلود باستغراب: ليش يعني؟؟

سالم : والله يقولون انه يعطي حق ناس وناس.. بس ولده سلطان بالمرة متباخل عليه ..

خلود نست عمرها: على ايام كنت ارمسها.. اذكر انها كانت تقول لي سلطان اخويه شري وما يتعاشر ودوم هو وابويه على خلاف..

سالم : انا اللي اعرفه ان سلطان ريال وينشد به الظهر ..

سعود طالع خلود باستخفاف : وانتي شو تبين بالريال ؟؟

خلود قفطت : عادي أسولف وياكم ..

سعود : خلي هالسوالف حق هلها انتي ما يخصج ..

خلود : حشى انا ما قلت هو حلو ولا خسف الا ارمس جيه عنه ..

سالم : هههههههههههه حشى الله يعين زوجة المستقبل بتاكلها من الغيرة ..

سعود : والله حسب يمكن تطلع روحها محترمة وما يحتاي أغار عليها ..

خلود تفاجأت : يعني انا قليلة أدب يا الهرررررم ؟؟

سعود : ههههههههههه افا افا محشومة عمتي خلود .. نسيت انج انتي اللي بتختارينها لي..

خلود بإجرام : ان ما اخترتها صايعة ضايعة لك .. بتجوف ..

ام سالم : اذا جيه لا تختارين له عيل ..



يت خلود بترد بس رن تلفونها،

تمت تطالع الرقم بحيرة ،، مسجلتنه بإسم [المعهد]

ارتبكت وودرت الموبايل..

سعود بشك : منو ؟؟

خلود : محـد!!

سعود غيظ :بتردين ولا شو سالفتج ..

خلود وهي تدعي على سلطان : ما يحتاي..

سعود شل التلفون وجاف الاسم وعصب : ألـو ..

ظهر له صوت نسائي : هذا مب موبايل خلود ؟؟

فر الموبايل على خلود بإجرام : وليش ما تردين جانها ربيعتج ..

خلود عرفت انها اميرة : مابا أرد .. اف منك (شلت التلفون) ألـو ..



أميرة : شحالج ؟ منو اللي رد عليّ أول شي؟

خلود : وانتي شو يخصج ؟؟ شو تبين ؟؟

أميرة : خلود بلاج جلبتي عليّ ؟

خلود : يا رببببي .. ما جلبت بس انتي لعوزتيني!!

أميرة : تراه سعود حصل الوظيفة الحين ليش ناقمة عليّ ؟؟

خلود عصبت ورمست بصوت أشبه بالهمس : اسمعي انتي ايه .. اذا حاطة في بالج ان سعود بيرد يخطبج فإنسي لان بالمشمش يفكر ايي ويخطبج انتي بالذات ..

(تذكرت)

هي صح بعد مشكورة انج رفضتيه.. فتحتي له المجال انه ياخذ البنت اللي بتسعده ..

أميرة : وسلطان أخويه ؟؟

خلود باستخفاف وردت علت صوتها : وانا اشعليه منكم ؟؟ خلصتي كلامج ؟؟ يلا بـاي ..



سعود : خيبة ليش جيه ترمسين البنية ؟؟

سالم : الله يعينها الصراحة يوم انج جيه ترمسينها ..

سعود : ذبحتيها بأسلوبج الخايس..

ام سالم : وانتي ربعج شقايل متحملينج جيه ؟؟

سعود : شحقه مسمتنها المعهد ؟؟

خلود زخت موبايلها ومسحت الرقم وطالعتهم بغيض بعد ما نشت : لانه هاي أميـرة .. اللي سوت سواياها فيك .. تجتل الواحد وتمشي في جنازته ..



سعود وسالم طالعوا بعض،

وتوقفوا عن الكلام

/

صلاح : عمتي متى بنحدد العرس؟

ام احمد بملل : اتريى يا صلاح شبلاك مستعيل ؟

صلاح : مليت عمو مب جنه طولنا الملجة زيادة عن اللزوم ؟؟

احمد باستخفاف : لا والله ؟؟ مداكم عاد ؟؟ انزين احسن عشان تعرفون بعض..

صلاح : ما يحتاي عرفت كل شي..

احمد : عشان جيه اسمعكم تتضاربون كل يوم ..

صلاح : الضرايب شي لا بد منه بين الزوجين ..

احمد : ونحن ما قلنا شي.. بس اصبر لين ما حصة تملج ويحلها ألف حلال..

صلاح : ترى ياها سعيد مادري منو .. وافقوا ..

احمد : وانته ماقلت سعود يحبها ؟؟

صلاح : كنت أتحسبه يحبها .. ويوم ان سعيد خطبها وافقوا ..

احمد : والله البنية كيفها توافق ولا ترفض انته ما يخصك ..

صلاح : انا ما قلت شي.. بس..

ام احمد : لا بس ولا شي .. حصة اذا لها نصيب في سعيد بتاخذه .. ولا تطولها وهي قصيرة..

صلاح : يعني انا شو ذنبي أترياها لين ما تعرس ؟؟

احمد : والله انته أدرى ..



فرح صدت على حصة بملل : اففففف مادري شبلاهم وعن شو يرمسون ؟

حصة تعدل ظفورها : اكيد عن سالفة العرس ما غيرها ..

فرح : افففففففف هي والله متى هالعرس بيتحدد ..

حصة : وليش ما يحددونه ؟

فرح : يتريونج تعرسين وبعدين بيحددونه ..

حصة : لا والله ؟

فرح : هي والله .. عشان جيه وافقي ع سعيد ..

حصة : لا والله ؟؟ اهدم مستقبلي عشان خاطرج انتي وريلج ؟

فرح : افففف مب قصدي جيه ..

حصة : عيل شو قصدج ؟

فرح : ع الاقل كلمي احمد وقوليله ان انتي عادي عندج ان انا أعرس وانتي بعدج يالسة ..

حصة : اذا على جيه عادي بقول .. بس اخاف السالفة ما تخصني..

فرح : لا تخصج انتي .. صلاح أكد لي..

حصة ابتسمت لها : ماشا الله صلاح غدى الكل بالكل ..

فرح تنهدت : هي والله قدر يصرق قلبي..

حصة : الله يهنيكم يا رب ..

فرح : من قلبج تقولينها ؟

حصة : الله العالم يا فرح باللي اقوله .. بعدين انتي ادرى الناس اني ما كنت أستلطف صلاح .. حتى انتي بعد .. بس سبحان الله كل شي تغير..

فرح : هي والله .. ايام الثانوية استانست انه خطبج .. بس الحين بعد ما ملجنا حبيته .. صلاح يكون وياج انسان ثاني يوم يسولف.. مب شرات سوالفه ويا الباجين .. يحترمج .. يصونج .. غييييير ..

حصة بخبث : حبيتيه ؟؟

فرح : الا اموت فيه ..

حصة : يا ويل حالي ..

فرح : جب انتي .. بنجوف ريلج شقايل بيطلع ..

حصة : يا هالريل اللي شكله ما بيي آخر شي ..

فرح : الله لا يقول .. بتم هني للأبد وما بعرس ..

حصة : صج انج هبـلة ..

/

ابتسم له الدكتور : خليـفة ؟؟

خليفة : آمـر ..

الدكتور : تدري ان علاج الانسان الطبيعي أصعب من علاج المريض النفسي؟

خليفة باستغراب : ليش يعني ؟؟

الدكتور : يعني مثلاً سهيل معروفة علته ونقدر مع الجلسات نعالج مرضه النفسي.. لكن انته صـعب.. خاصة اني ماعرف شو مشكلتك بالضبط يا خليفة..

خليفة تنهد : انا روحي ماعرف شو مشكلتي يا دكتور ..

الدكتور : كلنا مرضى نفسيين يا خليفة .. لكن كل شخص تختلف درجة المرض النفسي فيه.. ومتى ما زادت هالدرجة متى ما احتاج الانسان انه يزور الدكتور النفسي..

خليفة : بس نادر جداً انك تجوف ناس تزور الاطباء النفسيين بدون سبب ..

الدكتور : في الخليج نادر .. او بالأحرى في البلدان العربية نادر .. لكن في دول الغرب الطب النفسي يعتبر من أهم التخصصات المطلوبة .. تقريباً معظم الناس هناك عندهم طبيب نفسي يزورونه مع التعود مرة في الشهر .. ومب شرط يكونون يعانون من شي.. بس تقدر تقول يبون ينظمون حياتهم.. يبون حد يوجههم .. يعني جيه ..

خليفة : وانته شو تشور عليه يا دكتور؟

الدكتور : نحن بنسوي جلسات .. لكن في ذات الوقت لازم تكون صريح ويايه وتخبرني بكل اللي تفكر فيه.. بكل صراحة ..

خليفة : ان شـا الله (بتردد) وكل ها بيكون بالسر ؟

الدكتور : اكيد ولا تحاتي.. الشي اللي تصارحني فيه بيكون سري للغاية حتى الاطباء اللي يشتغلون في نفس المستشفى ما بيعرفون شي عن حالتك ..

خليفة : على خيـر ان شـا الله ..

الدكتور : الحيـن بس ببدى وياك اختبار بسيط .. وان شا الله مع الجلسات بنبدى ..



عطـاه ورقة فيها اسئلة عادية ..

طالع الدكتور .. وحل الأجوبة .. وفي نفسه أجوبة ثانية للحـلول ..

/

Boring Boring Boring

يا ربي شو بدي أعمـل ؟؟

طالعت أبوها وبخبث : باباااا ..

ابوجويل : Yes dad?..

جويل : ايمتى we will visit Dubai..؟

ابو جويل : رح احجز لك وروحي لحالك ..

جويل : بابا بدي اياك ما بدي روح لحالي ..

ابوجويل: ما بإدر لك روح بابا ما بإدر .. sue راح تاخود بخاطرها عليي ..

جويل : تسطفل هيي .. انا بنتك ..

ابوجويل: وهيي مرتي ..

جويل: أريضة تإرضهـا ان شا الله ..

ابوجويل عصب : شو إلتي ؟؟

جويل زاغت : ما إلت شي .. بس بابا ما بيصير هيك أنا بدي روح اتفاهم مع سعود الزفت وبدي رجال يحاميني ..

ابوجويل: لك انتي بتكفي وبتوفي يا عيون بابا..

جويل : ما بيصير هيك بابا انته وعدتني وهلأ عمال تخلف بوعدك..

ابوجويل عصب : خلاص بابا إلت لك sue ما رح تخليني .. روحي لحالك ..

جويل : طيب خليها تجي معنا ..

ابوجويل: No way جوي انا بعرفك منيح ..

جويل بتذمر : طيب بابا رح روح لحالي بس احجز لي لمدة طويليي بدي دوّر عليه ولحد ما لائيه ..

ابوجويل: رح خلص لك إجراءات الفيزا وما تاكلي هم .. (في خاطره) وأخيراً رح ارتاح من وشك ..

/

دخـل سـالم الغـرفة وكـانت تتويع من الخـاطر،

طالعها سالم وتفاجأ بشكلها، جنها الا كبرت 20 سنة جدام ..

سالم بخوف : فيج شي؟؟

نجلا بلعت ريجها : بطـني يعورني!!!

سالم باستعجال : نشي لبسي عباتج بوديج المستشفى ..



في المستشفى ..

الدكتورة : وانتوا كيف ساكتين عن هالوضع ؟؟

سالم باستغراب : شـو ؟؟

الدكتورة : الإخـت في الشهـر الرابع ؟

سالم انصدم : في الرابع ؟؟

نجلا بخوف : هيـه ..

الدكتورة : صعب ان نسقط الجنين في هالوقت ..

سالم تفاجأ : وليش تسقطونه من الأساس ؟؟

الدكتورة : وجوده في حالتها يعرض حياتها للخطر ..

سالم : وشو الحل الحين ؟

الدكتورة : الحل ان نعطيها أدوية تخليها تولد في السابع قيصري، يمكن هالحل يخليها تعيش وهي الجنين بحول الله وقوته ..

سالم : خلاص مب مشكلة ..(طالع نجلا بشفقة لاول مرة من بعد السالفة) يلا حبيبتي نشي..

طالعته نجلا وهي تتألم، وشعور غريب يساورها : ان شـا الله ..



في السـيارة

سالم : وين تبين نتغدى ؟؟

نجلا تفاجأت : نتغدى ؟؟؟

سالم : هيه نتغدى ليش يعني مستغربة .. ؟؟

نجلا : نحن من سنين ما ظهرنا ويا بعض ..

مسك ايدها بحب : هالشي كان ماضي.. ونحن عيال اليوم .. الا اذا (تغير ويهه) بعدج كارهتني؟؟

نجلا تنرفزت بس مثلت كعادتها : افا عليـك يا سالم اصلاً انا طول عمري ما كرهتك .. شكله الحمل كان مأثر عليّ ..

سالم ابتسم : خلاص أول مطعم نجوفه بنسيره ..

نجلا باستغلال : سالم..

سالم : آمري ..

نجلا : عيالي بتخليهم يجوفوني؟

سالم : ولا يهمج وبيرقدون عندج بعد ..

نجلا بخبث : وما بتخليني أيلس وياكم في الصالة ؟؟

سالم ابتسم : بخليج تيلسين .. بس اول شي قوليلي شو بينج وبين سعود ؟؟

نجلا بدهاء : يعني معقولة بيني وبينه شي وانته ريلي الوسيم الحلو ؟؟ انته تتوهم صدقني ..

سالم المغفل ابتسم : سامحيني ظلمتج ..

نجلا : شي أخير ..

سالم : خيـر؟؟

نجلا : عادي أظهـر ؟؟

سالم : الحين انتي حامل.. يعني حاولي تخففين ظهرات قد ما تقدرين .. لا تنسين ان حالتكم خطرة..

نجلا بتهرب : بسير اتشرى حق البيبي ..

سالم : نسير نتشرى ويا بعض..

نجلا : لالالالالالا أحسن كل واحد يتشرى روحه ..

سالم تضايج : لـيش ؟؟

نجلا بدهـان سير : عشـان تشـتـاق لـي ..و أشـتاق لـك ..



طرشت نجلا مسج حق ليلى [عازمني ع المطعم وسامحني.. صج انه غبي صدق عمره]



في المـطعم،

وصـل مسـج حق سـالم،



طـآوعـك قـلبـكـ تـغـيـب وتـهـجـر أحـبـآبـك

تـنـسـى غـلآهـم وتـتـركـهـم وتـنـسـآهـم

حـرآم تـتـرك خـفـوقـي يـشـكـي غـيـآبـكـ

وأنـت بـقـلبـي أعـز آلنـآس وأغـلآهـم

نـآديـت وآلصـوت لآشـدك ولآجـآبـك

يـآسـيـدي يـآعـديـل آلروحـ يـآفـآهـمـ

وأنـت بـوجـه إشـتـيـآقـي تـغـلق أبـوآبـك

وأنـآ أقـرب آلنـآس مـن قـلبـك وأوفـآهـم
سالم باستغراب: رقـم غـريب !!!

نجلا زخت الموبايل بفضول تطالع الرقم وتفـاجـأت : هذي ليلى اختي !!!

[درة الاحساء]

(23)

نجلا بعصبية : انته شو بينك وبين اختي هـا ؟؟

سالم باستغراب : اختج ؟؟ (يحاول يستوعب) لحظة .. ها رقم اختج ؟؟

نجلا بنفاذ صبر : لا والله تستعبط عليه ؟؟

سالم يفكر : يمكن تبا تطرش لج انتي المسج .. بس طرشته بالغلط لي ..

نجلا عصبت : لا تستعبط انته .. كيف تسمح لنفسك انك ترمس اختي .. اصلاً كيف عطيتها رقمك ..

سالم تفاجأ : وليش ما تكون اختج هي اللي ماخذة رقمي ..؟؟

نجلا يلست تحسبها بمخها : معقولة تكون جيه ؟؟

سالم مسك ايدها وابتسم : يلا عاد لا تخربين الطلعة علينا .. وبعدين الدكتورة قالت مب زين الانفعال حقج .. ليش ما تسمعين الكلام ؟؟

طالعته نجلا بدون ما تبتسم .. وردت تاكل.. وبالهـا مشغـول بحركة ليلى .. !

/

... : شو تعنـي هالأشيا لك ؟؟

كان مسترخي ومغمض عينه تمـــامـاً ..

الدكتور : خليفـة .. تسمعنـي ؟؟ (طالعه وكمل كلامه) مب لازم تفتح عينك بس رد عليّ ..

خليفة وهو مغمض عينه : هيـه اسمعك ..

الدكتور : شو يعني لك البحر ؟

خليفة : الغرق ..

الدكتور : السما

خليفة: عصافير

الدكتور : الحب

خليفة : مستحيل

الدكتور : الحزن

خليفة : قلبي

الدكتور : الصراخ

خليفة : مشاعري

الدكتور طالعه : تمام .. الحين بسألك عن أشياء .. وقول لي بمنو تذكرك ..

اممم .. المطر ؟

خليفة بحيرة : محـد ..

الدكتور : الفشل

خليفة : سهيل

الدكتور : التناقض

خليفة : أنـا

الدكتور : الأخوة

خليفة : سعود

الدكتور: الحب ؟

خليفة : خلـود .. (فتح عينه متفاجئ بس لاحظ ان الدكتور ما أبدى أي اهتمام)

الدكتور : الطموح ..

خليفة تنفس بارتباك : دكتور ما أقدر أكمل ..

الدكتور ابتسم له : خلاص يكفي لليوم .. بس لا تنسى حاول اتيني كل يوم..

خليفة : تدري يا دكتور إني أشتغل وتوني يديد في الوظيفة ومسؤوليات الدنيا عليّ .. فما أقدر أييك إلا في الويك إند ..

الدكتور : انته حاول اتيني عقب الدوام .. مب كل يوم .. بس ع الاقل 3 مرات في الاسبوع ..

خليفة : ان شا الله (تذكر) انزين دكتور وشو عن سهيل ؟

الدكتور : سهيل لا الحمدلله أبدى تجاوب وان شا الله مسألة كم شهر وبيتعافى .. انا حولته على دكتور ثاني لان حالته بسيطة ..

خليفة : خير ان شا الله

/

شلت شنطتها وحطت جحال .. بغت تتعطر بس تذكرت انها سايرة مكان عام ..

يت بتنزل تحت ولمحت سعود ..

ردت حجرتها ومسحت الحجال .. وهي خايفة ان سعود يمنعها من الطلعة ..

نزلت تحت .. وبدون تعليق توجهت للباب ..

سـعود : على وين ان شا الله ؟

خلود بلعت ريجها وصدت عليه .. التفتت حواليها بتستنجد في امها ..

سعود : عن العيارة امي في المطبخ ..قولي وين سايرة ..

خلود : سايرة المول ..

سعود عقد حواجبه : شو عندج في المول ؟

خلود بهمس : سايرة أرقص اففففف

سعود سمعها وضحك : ترقصين ؟؟ افا يا الإخت .. (يزاعج) اميه تعالي بنتج سايرة ترقص..

خلود غيظت : سعود حرام عليك .. بسير اجوف ربيعتي ..

سعود : وشحقه ما اتيج هي هني ؟

خلود حركت حواجبها : تراها مخطوبة لا تحاول ..

سعود باستنكار : يعني أي وحدة اتي بيتنا بخطبها ؟ صج انج فاضية..

دخلت أمهـا الصالة وباستغراب : حصـة مخطوبة ؟؟

خلود التفتت لسعود بإجرام : البنت مأمنتني ع سر وكشفتها ..(صدت على امها) لا اميه أقص على سعود ..

ام سالم تطالع سعود : انا كان في خاطري أخطبها حق سعود ..

سعود فج حلجه بصدمة : لا واللـه ؟؟ ومنو هاي بعد ؟؟

خلود طالعت امها بصدمة : اميييييه .. يلا عاد .. سعود بعده لاحق ع العرس ..

سعود كان حاس بشعور غريب بس في نفس الوقت ضحك : صح لسانج ..

خلود رن موبايلها : ها جوفوا اتصلت .. وانا بعدني هني .. يا ويلي منها .. يلا مع السلامة ..



بعد ما ظهرت خلود ..

سعود كان متشتت وصد على أمه : منو هاي ربيعة خلود ؟؟

ام سالم وهي ماشية صوب حجرتها : لا تحط في بالك السالفة .. ما عليك مني أنا إلا جيه أسولف ..

انقهر سعود من ردة فعـل أمه ..

واتصل بـ خلود ..



خلود : لا اله الا الله .. توك مفارج شيفتي شو تبا ؟

سعود : جب انزين ؟؟ منو هاي حصة ؟؟

خلود : اخبرك ترى البنية مخطوبة يعني لا تحط أمل فيها ..

سعود بانفعال : حصة اخت أحمد ؟؟

خلود : هيـه ..

سعود تفاجأ : حصة مخطوبة ؟؟

خلود : هيه .. أخبرك عندي خط .. يلا سعود من برد ان شا الله بنتكلم عن هالسالفة أكثر..



سعود وهو يطالع السماعة ..

وهو شبـه مب مستوعب : أنا اخطب هالشرسة ؟؟

لكن قطع عليه تفكيره دخول سالم ويا حرمته وهم يضحكون ..

سرع من خطواته وسار حجرته ..

تجنبـاً للقيل والقال ..

/

بو سالم بصدمة : خسـرت كل شي؟؟ (تفاجأ) كيف خسرت ؟؟

بو اميرة : حطيت البيزات في الأسهم .. و نزلت ..

بوسالم : لحظة لحظة .. انا ما حذرتك قبل انك ما تفكر تدش سوق الأسهم ؟

بو اميرة بألم : قصوا عليه يا محمد شو أسوي ؟؟

بو سالم : انته بعت الأسهم ؟

بو اميرة : هيـه .. خسرت 3 ارباع الفلوس ..

بوسالم بصدمة : وليش تبيع الأسهم ؟ كان في مجال انها ترتفع مرة ثانية وتبيع ..

بواميرة تفاجأ : يستوي ؟؟

بو سالم : اللي ما يعرف الصقر يشويه .. والحين شو بتسوي ؟؟

بو اميرة : والله مادري .. انته شو تشور عليه ؟

بو سالم : والله مادري .. وانا اللي ياينك الحين أشد فيك الظهر ..

بواميرة : في شو ؟

بوسالم : ما عليك الحين انته ..

بو اميرة بانفعال : متى بتي تخطب بنتي ؟

بوسالم : اسمح لي يـا بو سلطان .. بس نحن كنا متفقين من البداية .. هالزواج فيه مصلحة .. وماظني بعد خسارتك بستفيد انا ..

بو اميرة سمعه بألم : خـلاص انسى اللي قلته لك ..

بو سالم : الله يرزقها اللي يصونها ويحترمها ان شا الله .. بعدين أنا فكرت بالعقل .. ولدي خطبها وانا أيي أخطبها ؟؟ اسمح لي بس هي مافيها زود عن باجي البنات ..



مشى بو أميرة للصالة بخيبة أمل ..

طالعته ام اميرة بخوف : ها كلمته ؟

بو اميرة وهو يرتجف : مايبـا بنتـج ..

ام اميرة بصدمة : ما يبـاها ؟

بواميرة : خسرنا كل شي والسبب شورج .. الحين مالي ويه أجوفه .. انا اللي عرضت بنتي عليه ..

ام اميرة : وانا شو دراني انك بتخسر ..

بو أميرة : متى الله ياخذ روحج وافتك منج ؟؟

/

في المـول ..

خلود : اففففف بعد طلعة الروح اميه رضت وخلتني أيي .. ولا عقبها بعد اخويه سعود استلمني وين سايرة وويا منو وشحقه المول .. لعوزني ..

حصة : هيه قصي عليه .. وانا اللي يحليلي دقيقة في مواعيدي ..

خلود : جب انزين .. يلا من وين تبين تتغدين ؟؟

حصة : أبا أسير مطعم راهي ..

خلود : عليج بالمأكولات السريعة ..

حصة : عفانا الله زطية .. لا في مطعم هناك يمدحونه ..

خلود : أمرنا لله .. بس يالله انا متحمسة أبا اعرف شو السالفة ..

حصة : مب لله ياية وشادة الهمة وطالعة ويايه ..

خلود : هههههههههههه كيف عرفتي ؟؟



في المـطعم ..

حصة : وجيـه السـالفة ..

خلود بصدمة : ما توقعت هالشي يستوي ..

حصة بلا مبالاة : انا اول كم يوم كنت مصدومة .. بس عقب ما تأقلمت قمت أحمد ربي .. انا صلاح من يومي وانا احس انه ما يناسبني .. بس يمكن زعلت لان مب حلوة في حقي اني اكون مخطوبة لشخص ما يباني ويبا اختي ..

خلود : تحسينها مرتاحة وياه ؟

حصة : اول كم يوم ما عرف .. بس عقب ما يلست وياه ونحن في ماليزيا أحسها حبته .. هو طيب بس أكرهه يوم يرز ويهه في كل شي .. أحس تدرين بعد هالفترة كله تتفداه وتحبه .. (ما قالت لها ان فرح تتعمد تجرح احساسها الين الحين)

خلود : هههههههههههه .. المهم الله عوضج بخطيب يديد ..

حصة : خبرج عتيج .. رديته ..

خلود : لا لا ؟؟ لييييش ؟؟

حصة تأشر ع مخها : جيه من الله رديته .. صليت استخارة .. ورفضته ..

خلود : ببساطة جيه ؟؟

حصة : هيه والله جيه .. تدرين عاد انا رفضته لوايد أسباب .. وأول سبب عناد في فرح ..

خلود : ليش يعني ؟



يـا الجرسـون يحط الطلبية ..

فسكتت حصة ونزلت راسها لين ما يحط كل الطلبات ..

وبعد ما سـار ..



خلود : انزين ليييش ؟؟

حصة : تخيلي كانت تباني اوافق ع سعيد واتزوجه عشان اخويه احمد يطيع انها تعرس ..

خلود : والله وكبرت فرووحة وقامت تحلم بالعرس ههههههههههههه ..

حصة : هي والله جفتي عاد ..

خلود : والسبب الثاني ؟؟

حصة : مممم بقولج بس يا ويلج ان خبرتي حد ..

خلود : قولي سرج في بير ..

حصة : اتصلت بي وحدة وحددت ويايه موعـد .. على أساس انها تعرفني وانها ربيعة جديمة .. جفتها وما عرفتها ..

المهـم كلمتني وقالت لي انها خطيبة سعيد القبلية ..

بس سعيد ودرها وخطبني أنا ..

خلود : خيبـة .. انزين ؟

حصة : من قالت جيه انا قررت أرفضه .. بعدين قالت لي ان سعيد انجبر لان يوم اخوه خالد مات كان هو اللي يسوق السيارة .. والحين حاس بالذنب ويبا يكفر عن غلطته ويتزوج خطيبة اخوه ..

خلود : ويودر بنت الناس ؟؟

حصة : انا حزتها ابتسمت لها وقلت لها لا تحاتين أصلاً أنا مب موافقة عليه لانه أصغر عني ..

خلود : واكيد طالعتج بغرور وسارت ..

حصة : ههههههه لا والله حضنتني وشكرتني وكل يوم تطرش لي مسجات تدعيلي فيها .. امس مطرشة مسج تقول لي سعيد يا بيتهم عشان يحدد الملجة ..

خلود وهي متفاجأة : الحين انتي لو مكانها كنتي بتسوين سواتها ؟؟

حصة : ماظني .. بس تعرفين هي جريئة عادي عندها .. فيمكن حست انه الحل الوحيد ..



رن موبايل خلود ..

خلود طالعت الرقم : رقم غـريب ..

حصة : ردي ..

خلود : ألـو / أوهــو انته بعـد ؟ / ياخي انته ما تفهم ؟؟ حس ترى الاحساس نعمة / لا ما رد من السفر / جذابة فـ عينك .. استغفر الله شو تبا انته ؟/ما بعطيك رقمه كيفي/ وانته شو يخصك اذلف عن ويهي مب فاضية لك /

وصكـت في ويهـه ..

حصة : هههههههههه خيبة منو هـا ؟

خلود وهي منفعلة : سالفـة طويييييييييلة ما ظني تصدقينها ..

حصة : قولي قولي أسمعج ..

وقالت لها السالفة من بدايتـها ..



حصة : والله وطلع روميو زمانه .. ههههههههه

خلود : جب انزين .. هو تعلق فيه لاني ما عطيته ويه .. ولا مب لشي مميز فيه يعني ..

حصة : بالعكس انتي حلوة و1000 واحد يتمناج ..

خلود : اجوفهم مصففين عند باب البيت هههههههههههه ..

حصة : خخخخخ .. انزين خبريني وانتي أميرة من الأساس ليش تضاربتي وياها ؟

خلود بإحراج : بقول لج بس لا تخبرين حد ..

حصة : سرج في بيـر ولا يهمج ..

خلود : امممم .. اميرة اخويه سعود كان يباها ..

حصة تفاجأت : اونـه ؟؟

خلود : والله .. سار يخطبها .. وهي ماقصرت طردته من بيتها .. المشكلة انها روحها قالت تعالوا اخطبوا ..

حصة : على حد علمي يعني ان أميرة مالها صاحب ..

خلود : وانا اوني ييت بشذ عن القاعدة وبرابعها .. لكن للأسف طلعت صج مالها صاحب .. وضرتني وضرت عايلتنا كلها ..

حصة : وكيف تجرأت وطردت اخوج ؟

خلود قالتلها السالفة كاملة ..

حصة بصدمة : والله انها قوية عيـن .. هاي انا لو أجوفها عادي أعطيها كف ..

خلود : وتلوميني اذا كرهت اخوها وياها ؟؟

حصة : لا اخوها ما يخصه دامه شرات ما تقولين اصلاً ما كان يعرف متى سعود خطب ..

خلود : انا اللي قاهرني انه طرشها تتوسط له عشان اوافق اتزوجه ..

حصة : تراه ما يدري يا الذكية .. انزين شو كان يبا ؟

خلود : اونه يبا رقم سعود .. صكيت في ويهه ..



رن تلـفونها ..

خلود بوزت : افففف رد اتصل .. انا قلت ودر حركات الاتصال كم مرة ..

ردت عليه : نعم ؟

سلطـان : أنا أول شي بسويه ان خذتج .. اني بقص لسانج ..

وصـك في ويهـها ..



حصة : ههههههههههههههههههههههههه هههههههههههههههههه .. لا الأخ شكله رايح فيها ..

خلود : والله مادري .. هههههههههه .. حصوه لا تلوعين بجبدي ..

حصة ابتسمت وفي خاطرها : للأسف كنت ناوية أخطبج لأحمد .. بس ماظني يمديه يخطبج.. اكيد العاشق الولهان بيخطب قبل ..



مع مـرور الوقـت ،،

خـلود : اويه مر الوقت وانا مب حاسة .. يا ويلي من سعود ..

حصة باستنكار : وسعود شو يخصه ؟

خلود : السلطات العليـا سعود ما تدرين ؟؟

حصة باستغراب : ما يبين عليه بالمرة انه يغار ..

خلود : لا يغار وبقوة .. النقيض من سالم .. يعني سالم واثق مني وكووول عادي ..

حصة : ممم بقولج شي بس اخاف تعصبين ..

خلود : قولي يا بعدي .. قوووووولي ..

حصة : ههههههههه بعدني ما قلت واستلمتيني

خلود : يلا عاد قولي ..

حصة : احممم .. يعني اللي اعرفه ان الولد اللي يغار ع خواته اكيد عنده علاقات ..

خلود باستهزاء : ههههههههههههه سعود عنده علاقات ؟؟ ههههههههههههه ضحكتيني ..

حصة وشكل جويل بعده في بالها : ليش جيه هو مب ريال ؟؟

خلود : ليش يعني لازم الريال تكون عنده علاقة ؟

حصة : مب جيه .. بس انتي ردة فعلج يعني غريبة ..

خلود : انا أشك في كل الرياييل الا سعود ..

حصة عقدت حواجبها : ليش يعني ؟

خلود : سعود ما يعرف يقول كلمتين ع بعضهم حق الحريم .. تبينه يسوي علاقات ؟؟

حصة : هههههههه .. انا في المانيا أشكرى جفته ويا وحدة ..

خلود تفاجأت : جذابة ..

حصة قفطت ويلست تسب نفسها (انا اش لي رازة الويه) : سوري خلود ..

خلود ضحكت : لا واللـه جد ..

حصة : خلووود .. سوري والله ما اقصد ..

خلود بذهول : ههههههه لا أنا مستغربة .. بس أكييييد هاي اللي سعود يباها ..

حصة باندفاع : صح هي حلوة .. بس مفصخة وماظني مسلمة ..

خلود انصدمت : شووووووه !!!..؟؟؟

[درة الاحساء]

(24)

حصة زاغت وهي تطالعها : خلود والله انج تخوفين .. بس عاد ..

خلود غيظت : لازم أراويه ها سعود .. عاد قلنا مجروح من أميرة بس ما ييلس يدور ويا كل من هب ودب..

حصة وهي تجوف تلفونها : انزين هكوه أحمـد اتصل يترياني..

خلود وهي مفولة : افففففف قوليله انا بوصلج ..

حصة : لا بويه اخاف تدعمين السيايير من عصبيتج .. ما عليه هو اكيد هني..

خلود بتوتر : اتصليله وقوليله انا بوديج ..

حصة : هههههههه خلود يلا عاد .. انتي استفسري من اخوج .. يمكن يطلع مظلوم (في خاطرها: أقص ايديه جانه مظلوم) ..

خلود بحيرة : اوكيـه .. (بتردد) حد من هلج يعرف غيرج ؟

حصة باحراج : كلهم يعرفون .. بس فرح وأحمد واميه يقولون انه مظلوم خصوصاً احمد ..

خلود : وانتي ليش مصرة انه مب مظلوم ها ؟

حصة قفطت : لا انا ما قلت جيه .. يلا عاد خلود ..



خلود ابتسمت من ورى غيظها : خلاص سيري .. بيننا Call..

حصة : اوكيك .. مع السلامة ..



نشت خلود من وراها وسارت السيارة ..

وهي متوعدة بـ سعود ..

هالنـاقص بعد تاخذ لك أجنبية ومب مسلمة ..

/

نجلا بصراخ : انتي ما تستحين وما تخيلين ؟؟ تتغزلين في ريلي ؟؟ صج انج قليلة أدب..

ليلى زاغت : نجلو شبلاج تراج ما تحبينه ؟؟

نجلا عصبت : ما أحبه اتين انتي (تأشر ع ليلى باحتقار) يا الخسـفة وتحبينه ؟؟

ليلى حز فـ خاطرها كلامها : انـا خسفة ؟

نجلا باحتقار : لا تغيرين السالفة وانطقي.. ليش سويتي جيـه هـا ؟؟

ليلى ولمعت فكرة في بالها : انا اصلاً ما كنت أقصد اني اتغزل فيه ..

نجلا وهي تزخها بقوة من شعرها : لا والله ؟؟ عيل شو تقصدين ؟؟

ليلى وهي تتألم : يزايه ابا اتأكد انه ريال زين وما يخونج ؟؟

نجلا بعدم اقتناع : وتقصين عليه بعد ؟؟؟

ليلى وهي تشل عمرها من ايدين نجلا : وانا شو مصلحتي في اني احب ريلج ها ؟؟ ماحيد انج ترمسين عنه بالزين عشان احبه ..

نجلا وعلامات الاقتناع بادية عليه : مممم يمكن .. (بغموض) وليش أصلاً سويتي هالحركة ؟؟

ليلى بخبث : نسيتي اللي سواه فيج يوم ضربج ؟؟

نجلا وهي تتذكر ويعها اللي تناسته هالفترة : حسبي الله عليه وانا شقايل أصلاً أنسى؟؟

ليلى : انا أبا أستدرجه .. لين ما في النهاية تيودين عليه شي وتنتقمين ..

نجلا بخوف : لالالالالا .. لا تعيدينها .. (بحزم) رقمه احذفيه .. فاهمة ؟؟

ليلى بقهر : تغارين عليه اونج ؟

نجلا : وععع هالناقص.. بس ما أحب أكون مغفلة في هالأشيا .. بعدين بدال ما تحومين حوالي اللي يحبوني.. ليش ما تدورين لج واحد من هالوصخ المكودين في الشوارع ؟

ليلى دمعت عينها : انتي تدرين اني ما جد التقيت بواحد منهم ..

نجلا ضحكت وحركت صوب الباب وطالعتها بغرور : هاي المشكلة يوم تكونين خسفة.. انا (وتأشر على عمرها بغرور) هذا وانا حامل.. 3 اليوم رقموني.. بس شو تسوين ؟؟ انا أنصحج تسوين عمليات تجميل ولا أظن انها بتفيدج بس يمكن مع مرور الأيام شكلج يستوي مقبول أكثر .. هههههههههههههه ..



بعد ما سارت نجلا ..

طالعت ليلى الباب ..

نزلت دمعة من عينهـا ..

هذي هي نجلا ..

من يومها وهي مغترة بجمالها عليهـا .. !

/

في فنـدقTowers Rotana

جويل وهي تتأمل غرفتها بزهو : وأخيـراً وصلت لـ دبي، I think that I reached to you سعـود، Nothing Can stop me هـلأ !

اتصلت على موبايله،

خذ وقت طويل لين ما رد بعصبية : ألـو ..

جويل عقدت حواجبها : اشوي اشوي .. ما تعرف ترد مثل الناس؟

سعود : شو تبين انتي ؟؟ ما مليتي ؟؟ ما لاعت جبدج وانتي تتصلين ؟؟

جويل : واللـه آنـا حرة أسوي اللي أبيه .. مو انته ولا 10 من امثالك يتحكمون فيني..

سعود عصب : ليش رازة ويهج في حياتي؟؟ خلاص انتي مجرد صفحة في حياتي وانطوت..

جويل : شنـو آنا ورقة ؟؟ اسمعني زين .. يا انك تييني لحد عندي نتفاهم.. او اني آنا بنفسي أوصل لك لعند باب بيتك وأعلم زوجتك عنك وأقول لها منو هالسعود اللي مغترة اهي فيه ..

سعود : شو ها تهديد يعني ؟؟

جويل : اعتبره مثل ما تبي .. اليوم الساعة سبع تكون في فندق Rotana فاهم ؟؟

سعود : ايـه انتي اسمعيني عدل .. انا مابا أجوف ويهج .. ما تحسين انتي ؟؟

جويل بقهر : يعني عادي عندك أوصل لعندك وأعلم زوجتك عليك ؟

سعود بلا مبالاة : هي عادي عندي . .ليش انتي منو أصلاً ؟؟ الا صرصورة دشت حياتي وطلعت منها بسهولة ..

صرخت جويل : اللــه يررررررررررحم زمااان يوم كنت تترجاني أحبك وآنا أقول لك لأ تكفى نحن بس..

قاطعها سعود بعصبية : just friends حفظتها حفظتها .. خلصتي كلامج ؟؟ يلا فارجي..

جويل عصبت : سعووووووووووووووووووووووو ووووووووووووووووووووود ..

سعود : وعلة ان شا الله .. انتي شو تبين ؟؟

جويل : علة تعلك وتعل زوجتك وعيالك .. اليوم آنا أنطرك .. مو ما اتيي ؟؟

سعود غيظ : ما تفهمين انتي؟؟ مابا أجوفج .. انتي شي ولغيته من حياتي.. أصلاً أنا حتى ما أعترف فيج كـ صديقة .. خلااااااص فارجي .. فاااااااااااااااارجي..

جويل بصدمة : انت شنو ؟؟ حديد ؟؟ والله يا سعود آنا إذا حطيتك براسي مراح تستفيد ..

سعود : وانا اذا عصبت عليج أروم أردج ألمانيا وأخليج تنحبسين فيها طول حياتج..

جويل بخوف : شنو يعني هذا تهديد ؟؟

سعود : اعتبريه شرات ما تبين .. على فكرة حبي لج واحد ما عنده هوية مثلج أحسن ..

جويل : شنو شنو شنوووووو ؟؟ انت شكوو ؟؟

سعود : والله كيفي.. حبي لج واحد متبري من أصله وعايش ببلاد الغرب.. يمكن يتحملج ويتحمل ثجل دمج .. استغفر الله .. قابلت في حياتي ناس كريهين .. بس شراتج انتي..ماشي..!!

وصك في ويههـا ..



وجـويل تصرخ بانهيـار..

/

في إحدى فنادق دبي..

خليفة بانفعال : مستحيل هذا يكون شغل طبيعي اللي انتوا تسوونه ؟؟

الموظف : استاذ عيسى هو اللي قال لنا نسوي جيه ..

خليفة بعصبية : والاستاذ عيسى يكون منو عشان يقول لكم تسوون جيه ؟؟

الموظف : تراه مدير الفندق..

خليفة : مدير الفندق هيه .. بس ماله أي سلطة في الضيافة الفندقية.. اسمع تسير وتقول له خليفة بيستلم التخصص كامل وماله داعي يتدخل ..

الموظف بخوف : ان شا الله هدي أعصابك استاذ خليفة الحين بكلمه ..



طلع الموظـف، وخليفة يلس ع مكتبه وضحك : والله وطلعت لك هيبة يا خلوف هاهاهاااااي..

/

انته كونت علاقة ويا وحدة وانته مسافر صح ؟؟

صد سعود على خلود بصدمة : نعـــم ؟؟

خلود بقهر : سعود اعترف احسن لك ..

سعود عصب : لا والله ؟؟ شو السالفة ؟

خلود : انته تكلم احسن لك ..

سعود تذكر وعصب زيادة : جفتي ويه النحس حصوووو وحرضتج عليّ ؟؟

خلود : هي ما يخصها .. انا اللي بينتك ملاك جدامها وهي قالتلي شو حقيقتك ..

سعود عصب : يا ربببببببببببيييييه افهموا افهمووووووووووو جويل انتهت من حياتي خلااااااص انتهت.. ليش مب طايعين تفهمون ؟؟

خلود : بعد اسمها جويل ؟؟ ومتى ناوي تخطبها ؟

سعود عصب :ما تفهمين انتي؟؟ اقولج انهيت علاقتي فيهـا.. افهمي!!

خلود بقهر : سعود ليش ما صارحتني؟؟

سعود بذهول : بشو أصارحج وانا من الاساس رديت البلاد وانا ناسي هالإنسانة خير شر..

خلود : احلـف ..

سعود : والله العظيم .. واللـه العظيم ان ما بيني وما بينها شي .. بس عاد ما يسوى علي هالـ حصة زختني وخبرت كل الفريج !!!



رن تلفون خلـود،

المتصـل .. حصـة ..

خلود : لحـظة ..



خلود : ألـو ..

حصة تصارخ بانهيار : خلووووووووووووووووووووووو ود ..

خلود بصدمة : حصووووووو بلااااااج ؟؟

حصة : لحقي عليييييييييي لحقي عليييييييييي ..

خلود : بلاج ايييييييه حصو تكلمي؟؟

حصة وهي تشاهق من كثر الصياح : مصييييييييييييييييييييييي يبة مصييييييييييييييييبة عودة ..

خلود وهي تصارخ : امج استوى بها شي؟؟ فرح ؟ احمد ؟؟ صلاااااااح ؟؟؟ انطقي شو استوى ؟؟



سعود طالع خلود المنفعلة وخاف بالفعل ان في شي مستوي..

سعود يطالع خلود ويأشر لها : شو مستوي ؟؟

خلود وهي تنزل السماعة بضعف حيلة : مادري شو بلاها تصارخ وتصيح ..



خلود : حصة حبيبتي اهدي .. اهدي والله ما فهمت ولا كلمة ..

( وبعـد مرور ربع ساعة ) ..

خلود : حصة حبيبتي يلا عاد قولي شو استوى ؟؟

حصة وهي تشهق من الصياح : ابـ ...ـووووج !!! تقدم لي..

خلود بصدمة : شووووووووووووووووووه ابوووووويه!!!!! كيييف ؟؟

حصة ولا زالت تصيح : جافني في المول اليوم ويا أحمد .. سلم على أحمد وخذ رقمه وعقبها اتصل له يخطبني..

خلود بمفاجـأة : معقـولة ؟؟؟ لا حول ولا قوة الا بالله العلي العظيم !!

حصة تصارخ : شو اسوي خلووود شو اسوي ؟؟ احمد رمسني يسألني وانا قفلت على عمري الباب (تشهق) والله اني خايفة خلود .. خااااااااااايفة ..

خلود : قوليله ماباه ..

حصة تصيح : اخاااااااف ..

خلود : حبيبتي انتي هدي شوي .. سيري صلي لج ركعتين ومن عقبها قوليله .. الحين انتي خايفة عشان جيه مب رايمة ترمسين ..

حصة وهي تشاهق : تتوقعين جيه ؟؟

خلود : هيه حبيبتي .. (بحزن) لو انه مب ابويه جان عرفت اسبه عدل..

حصة : مشكورة خلود ..

خلود : العفو حبيبتي.. يلا سيري الحين ريحي.. وعقب طمنيني ع آخر المستجدات ..



سعود صد على خلود بقلق : شو السالفة ؟؟

خلود بغيظ : أبوك مصخها يا سعود.. مصخها وايد !!!

سعود باستغراب: ابويه شو يخصه في عايلة احمد ؟

خلود بعصبية : شو يخصه ؟؟ ابوك مستحلي خطبة ربيعاتي وحدة ورى الثانية.. خطب اميرة اول شي والحين خطب حصة ..

سعود بصدمة : نعــــــم ؟!!!!!!!

خلود : والبنت ياينها انهيار عصبي من السالفة وخايفة .. (دمعت عينها) انا عمري ما اتخيلت ان ابويه يوصل تفكيره لهالدرجة؟؟ تسير وتخطب بنية قد بنتك ؟؟؟ لهالدرجة !!!

سعود عصب : ومنو سمح له يخطبها ؟؟

خلود : هو سمح لنفسه انه يجوفها ويخطبها على طول.. والله لو انه مب ابويه جان اتصلتبه وسبيته لين ما يبرد خاطري..

سعود وهو مب مستوعب : وكيف يخطبها ؟؟ أبويه يخطبها ؟؟ وانا اللي قلت انه ودر هالحركات ويمكن يرد لأميــه ؟!!!

خلود صاحت : ابوك لعّاب وما بيرتاح الا يوم بيشبك كل ربيعاتي ويـاه ..

سعود وهو توه استوعب : لحظة لحظة .. ابويه خطب اميرة ؟؟

خلود تمسح دموعها : عيل شو تتحسب هي ليش فارجتك.. عشان ابويه ..

سعود غمض عيونه بصدمة : ما توقعته يوصـل لهالدرجة في حيـاتي!! والله ما توقعت ..

خلود : البنية أساساً بترده .. بس والله مالي ويه أرمسها بعد سواة أبويه ..

سعود وهو يالس يحاول يوزن الأمور في باله : مستحـيل هاللي يستوي.. والله مستحيل!!

/

اليـوم اللي عقبـه ،،

فرح بهمس : وافقي عليه شو فيها ؟؟

حصة بلا مبالاة : أوافق على أبو ربيعتي ؟؟ انتي صاحية ؟؟

فرح : تراج كنتي بتاخذين خالد .. الا هو اصغر عن ابويه بـ 10 سنين .. ما فرقت..

حصة : انتي شوووه ما تحسين ؟؟

فرح : الله يخليج وافقي.. لا تضيعين الفرصة من ايديج .. ولا تتوقعين ان الخطاب بيتكودون عند باب البيت.. كل هالسنين وانتي يالسة ومحد ياج .. لا تحاولين..

حصة صفعتها كف من الغيظ : انتي أصلاً مستحيل تكونين من صنف البشر.. شو ها ما عندج ذرة احساس؟؟؟



دخـل أحمد عليهم بهدوء : ليكون خبرتوا اميه بالسالفة ؟؟

حصة بانفعال : وليش نخبرها ؟؟ (تطالع فرح باحتقار) الا جان هاي بتخبرها !!

فرح : وانا شو يخصني؟؟ ما قلتلها ولا افكر اقول لها ..

أحمد : أنا رفضت الريال بهدوء .. (بطالع حصة) وانتي ليكون صحتي بعد ؟

حصة بقهر : ما تباني أصيح وانا ابو ربيعتي متقدم لي؟؟

أحمد : هذا أبو بالله عليج ؟؟ هذا شكل .. الله يعينهم بس..

حصة وهي خايفة : ما قال لك شي ؟؟

أحمد : لا عادي ما قال.. انا قلت له أساساً انج مخطوبة ..

فرح : مخطوبة حق منو يا حسرة ؟؟

أحمد وحصة في وقت واحد : انتي جــــب!

فرح زاغت : اميييييه ما روم ارمس في هالبيت حقوقي ضايعة !! افففففففف..



رن تلفون أحمد ورد عليه بسرعة : الـو ..

سعود : مرحبـا السـاع ..

أحمد : مرحبـا مليـااار .. وينك يا القاطع شحالك عساك بخير ؟؟

سعود : بخير ربي يعافيك .. انا القاطع ولا انتـه ؟؟

احمد : انته هههههه من توظفت ما جفت ويهك ..

سعود : ههههههه بعدني ما استلمت الوظيفة .. باجي لي اسبوع .. احم لين ما يرتبون المكتب لي..

احمد : بعد مدلعينه .. منو قدك ؟؟

سعود : محد خخخخ ..

احمد : اونك عـاد ..

سعـود : جفت عـاد ؟؟ هههههه ..

احمد : ويا هالويه هههههههههههههههه ..

سعود : انزيـن اتخبرك ..

احمد : آمـر ..

سعـود : أنا ياينك بموضوع ما خبرت هلي عنه.. بس ابا اعرف رايك عقب بخبرهم ؟

احمد بفضول : خير ان شا الله ..

سعود بإحراج : اذا ييـت وتقدمت لإخـتك .... بتوافـق؟؟

[درة الاحساء]

(25)

أحمد تفاجـأ وتم مبهت لفترة من الوقت ..

سعود سكت، فسر سكوت أحمد بمعنى الرفض ..

بس بعد ما مر وقت طويل : أحمـد انا بخليـك الحين ..

أحمد : فاجأتني بصراحة !

سعود : خلاص انسى اللي قلته ..

أحمد : ههههههههه بلاك .. ان شا الله ما بيستوي إلا الخير.. برد عليك في أقرب وقت ان شا الله..



نش أحمد من مكانه وابتسامة على ويهـه ما فارقت محيـاه ..

فرح وحصة طالعوا بعض باستغراب ..



ركض أحمـد صوب حجرة أمه وصك الباب وهو شوي بينط من الفرحة : اميــــه!!!

أم أحمد : هـا اميه .. شبلاك شو ياك ؟

أحمد بفرحة : عندي لج خبر يسوى ملاييييين ..

أم أحمد : بشـر بشر .. من زمان ما فرحنـا ..

أحمد بهمس : سـعووود ..

أم أحمد : سعود ؟ شبلاه سعود ؟؟

احمد بابتسامة عريضة : سعـود خطـب حصـة ..

أم أحمد بمفاجـأة : شوووه!!!!! معقـووولة ؟؟

احمد : والله توه من شوي اتصل لي بيخطبها ..

أم أحمد : يحليييييلك يا صلاح .. عيل طلعت ما تجذب علينا .. سعود يبا حصة !

أحمد : وها اللي فرحني .. بعد كل هالصبر حصلت اللي يسوى صلاح وطوايفه ..

فرح من ورى الباب بعصبية : وشو بلاه صلاح مب تارس عينك ؟؟

صد أحمد على أمه : اندوج .. هالبنت متى بتودر هالحركات عنهـا أنا مادري..

فتح لها الباب وزخها من شعرها : انتي متى بتصطلبين هـا ؟؟

فرح : آاااي يعور بلاك انته عليه.. منو هـا اللي خطب حصوو ؟؟ مب حظ عليها هالبنت ..

ام احمد : الله واكبر عليك حتى اختج بتحسدينها؟؟ مب بنية انتي .. عدو !!

فرح : والله اني مستانستلها ..

ام احمد : مب من شي.. الا عشان عرسج تبينه ايي بسرعة ..

فرح بوزت : ابغي أعرف شي واحد .. انتوا ليش حاطين في بالكم اني انا شريرة وحقودة؟

أحمد ضربها ع راسها : مب شريرة بس حقودة .. هههههههههه

فرح : اييييه حرام عليك أنا حقودة ؟؟

أحمد : لا محشومة فديتج ..

فرح : احم هيه جيه اباك .. انزين الحين منو هـا ؟؟

أحمد : سـعود ..

فرح بغباء : سعود منو ؟

أحمد : بلاج اللي كان ويانا في ماليزيا ..

فرح بصدمة : سعود سعود ما غيره ؟؟ (شهقت) سعووووووووووووووود ؟؟

أحمد : وعلة تعل العدو يا رب .. شحقه مسوية دعاية ها ؟؟

فرح : تهئ تهئ .. لو ادري انه بيخطب حصو جان خليتها تاخذ صلاح ..

لوى أحمد ايديها : انتي صج ما فيج حيـا ..

فرح : آاااااااااي والله العظيم اني اتمصخر .. بلاكم ما تتحملون مصخرتي..

أم أحمد : عاشرت صلاح كمن يوم واستوت شراته ..

أحمد : يعني كريهة هاهاهاهااااا

فرح : جب انزين .. انا ماعليه منكم .. اروم أفر راسها وأخليها ترفض..

أحمد يا بيفلعها بالمخدة من كثر ما هو مقهور منها ..

وظهرت فرح وهي ميته من الضحك ..

متعتهـا الشديدة يوم ترفع ضغط الأوادم !!



احمد : وشو عن حصة اميه ؟

ام احمد بخبث : موافقة لا تحط في بالك ..

احمد باستغراب : وانتي شدراج اميه ؟؟

ام احمد : بنتي واعرف منو اللي يهواه قلبها..

احمد : الحين بسير أرمسهـا ..



حصة دمعت عينها ونزلت راسها بعد ما وصل لها الخبر..

أحمد تفاجأ : تصيحين ؟؟

حصة بهدوء : ما توقعت سعود يخطبني موليه ..

أحمد : هههههه عشانج أذيتيه يعني ؟؟

حصة : مـاعرف..

أحمد : يا حبيبتي انتي لازم تعرفين ان كل شي فهالدنيا قسمة ونصيب.. كنتي متخيلة ان في اقل من اسبوع ايي الأبو يخطبج ومن عقبها ولده ؟؟ كل شي بإيد الله ..

حصة : ونعم بالله ..

أحمد : انتي صلي استخارة وان شا الله ما بيستوي إلا الخير..

حصة بتردد : أحمـد ؟؟

أحمد : آمري؟

حصة : سعود ما كانت له علاقات بحريم قبل ؟

أحمد ضحك : هههههههههه لا تحاتين .. ما عنده ..

حصة بحيرة : بس اللي جفناها ويـاه ؟!!!

أحمد : هذيج كانت وياه شغل بس.. شو رايج عقب ما تاخذينه يخبرج شو سالفتها ؟؟

حصة انحرجت : احمدوو شو هالرمسة ؟

أحمد : هههههههههه فكري عدل .. الريال يتريى عشان ايي هو وهلـه يخطبون ..

حصة برعب : أبوه بـعد بيي ؟؟

أحمد : وبعدين ويـاج انتي؟؟ أبوه أصلاً يوم بيدري بيندم.. الا جيه مخرف ويالس يخطب بنات الناس وحدة ورا الثانية ..

حصة : خـلاص انزين بسكـت ..

/

في بيـت أم سهيل..

خليفة : اماية يلا عاد خلاص سامحيه ..

أم سهيل : قلبي ما يطاوعني بعد اللي سواه.. والله ما يطاوعني..

خليفة : يطاوعج يا اميه .. سهيل غلط وتاب.. اذا رب العباد يسامح نحن ليش ما نسامح ؟

أم سهيل : سود ويهي بين الناس يا خليفة وتباني أسامحه ؟

خليفة : امايه الله يهداج خلاص سهيل تغير .. تغير وايد بعد ..

أم سهيل : شلوا السم من جسمه بس ما شلوا حركات البنات عنه ..

خليفة : بشو أحلف لج انه تغير ؟؟

ام سهيل : وانته ليش ميت تباني أرضى عليه ؟

خليفة : لانه اخويه وما أرضى يعيش شرا اليتيم وامه موجودة ..

أم سهيل بحنية : فديت روحك .. والله انها محظوظة بك هاللي بتاخذك ..

خليفة نفخ بعمره : احم .. انزين امايه لا تغيرين السالفة تراه خاس في السيارة المسكين.. حني عليه عاد ..

ام سهيل : خله يرد من وين ما يا ..

خليفة : اميه سهيل ترى تعالج عند دكتور نفسي..

ام سهيل تفاجأت : دكتور نفسي؟؟؟

خليفة : هيـه .. والحين الحمدلله تعالج وغدى غييييير عن سهيل الأولاني..

أم سهيل : احلف ؟؟

خليفة : واللـه العظيم..

أم سهيل بشوق : عيل خله ايي..

خليفة ابتسم : يلا ثواني ان شا الله ويكون عـندج..



مر الوقت، ولمحت طيف سهيـل..

لأول مرة تجوفه ملتحي.. سهيل ملتحي!!!

سهيـل ريـال ..

نزلت دموعهـا وفتحت ذراعينها له ..

ولا إرادياً صرخ سهيل : امـــــــــايــــه !!



لكم أطلق العنـان في تخيـل الحدث..

/

خلود بمفاجأة : خطبتها ؟؟

سعود : هيه ..

خلود : انته متأكد انك في كامل قواك العقلية ؟؟

سعود : هههههههههه ليش ؟؟

خلود : امسات ابوك خاطبنها .. اتي انته وتخطبها ؟؟

سعود بغيظ : ابويه ما يحق له ياخذها ويدمر حياتها شرات ما دمر حياة اللي قبلها ..

خلود : يعني زواج شفقة ؟؟

سعود : مب شفقة ولا شي.. البنت ما عليها قصور وانا بغيتها ..

خلود : وجويل ؟؟

سعود حاول يمسك أعصابه : جويل ما بيني وبينها شي افهمي والله ما بيني وبينها شي..

خلود : وانته وايد ضامن انها بتوافق عليك يعني ؟!!!

سعود : إن شا الله بتوافق.. بلاج انتي كريهة الا نحاسة وتعاندين ..

خلود : وعلى كيفك تخطب بدون ما تشاورني؟؟

سعود : انا ما خبرتج لاني أدريبج رزة وبتتصليلها ..

خلود : ومن متى هالسالفة يا حضرة الاستاذ سعود ؟؟

سعود : من يومين ..

خلود شهقت : من يومين لا انته ولا هي تنطقون ؟؟

سعود نش : ما يخصج انتي ..

خلود زخته : ايلس ايلس وخبرني.. الحين انته تحب حصة ؟؟

سعود طالعها بغباء : ماعرف ..

خلود : يلا عاد .. أدريبك أصلاً انك مهتم فيها بس حركاتك اونك ما تعرف.. يلا عاد ..

سعود : والله صج ماعرف.. يعني لا أحبها ذاك الحب ولا اني أكرهها .. بس البنت محترمة وحلوة ..

خلود بخبث : ولسانها طويل ..

سعود : افففففففففف .. ما عليه انتي ما يخصج ..

خلود : هههههههه انته روحك قلت عنها قبل ان لسانها طويل.. يا سبحان الله الحين غيرت رايك ؟؟

سعود : هاي اللي بتستويلي عمة ..

خلود : خخخخخخ .. اكيد بستوي عمة .. يوم انك انته المعرس وحصوه العروس.. كلللللوووش..

سعود : جب انزين .. البنية بعدها ما وافقت وانتي تتفلسفين ..

خلود : سعود بليز خبرني عن شعورك الحقيقي ..

سعود بكوميدية : شعوري مثل شعور أي مواطن ..

خلود : سخيف .. يلا انطق..

سعود : يا اميه انا ما كنت حاطنها في بالي الين ما قالت اميه انها تباها لي.. وبس جي .. لازم يعني مسلسلات مكسيكية ؟؟

خلود : ههههههههههه سخيـف ..



" مر الوقت سريعاً حتى أتتني موافقة حصة، أكذب عليكم إن قلت لكم أنني لست سعيد، لكن هناك شعور يراودني بأن ثمة شيء سيحدث، هل حصة تناسبني؟ لقد صليت الاستخارة، ومع ذلك أخاف من الماضي، لو كنت مثل أولئك ذوي العلاقات المتعددة قبل الزواج فماذا كنت سأفعل ؟؟، حددنـا حفلة الملكة التي ستكون عائلية، ولا أعلم لماذا أشعر بالبرودة كلما أتذكر هذا الموعد، صحيح لقد توظفت أخيراً، ومكافأة المشروع أعجبتني كونها كانت مبلغ كبير في حسابي البنكي، وان شاء الله بعد شهرين سوف أستلم راتبي الجميل ها ها ها "

/

ليلى بمفاجـأة : بيملج ؟؟

نجلا بقهر : هيـه ..

ليلى : بهالسرعة بيملج ؟؟

نجلا : اقولج هيه انتي هبلة ما تفهمين ؟؟

ليلى : انزين بلاج معصبة ؟

نجلا : اوووه انا أتويع وأتألم وانتي تستهبلين ..

ليلى : نجلا حبيبتي ليش ما تسيرين المستشفى..

نجلا : اف اففففف سرت وقالولي ما فيني شي بس عشان حملي مب مستقر كل ها يستوي..

ليلى : انزين وشو بتسوين في ملجته ؟؟

نجلا : أصلاً خلاص شليته من بالي..

ليلى شهقت : حلفي ؟؟

نجلا : والله .. أنا من رديت لـ سالم وهو يتحاشاني.. وبعدين على هالويع ولوعة الجبد انا مب متفيجتله..

ليلى بمفاجأة : نجلووه ودرتي حركات المغازل عنج ؟؟

نجلا : انتي يا الخسفة ما عندج الا هالالفاظ السوقية ؟؟ صج ما تستحين !!..

ليلى عصبت : انزين خلاص خلصتي اللي عندج ؟؟ يلا باي..

وصكت في ويهها ..

نجلا : طاعوا هـاي!! أونها صدقت عمرها تصك في ويهي .. (تتألم) الله ياخذ هالياهل.. يا رب تطيح وافتك منك .. اففففففففففففففففف

/

يوم الملـجة ..

الكـل مرتبـش.. وسعود يزاعج على خلود : يا الدبة فكيني .. يلا عاد مصختيها..

خلود : اوهوو انته منو مسلطنك عليه ها ؟؟ لعوزتني تراك ..

سعود : والله لولا حايتج هناك جان ما افتكرت فيج وودرتج ..

خلود : حشى محد عرس غيرك ..

سعود بتحدي : هيه محد عرس غيري..

خلود تغمز له : له له ما روم .. كل هالكشخة حق حصووه ؟؟

سعود انحرج : جب انتي.. يلا عاد ..

خلود وهي تستهبل : العروس بعدها ما جهزت يا الحبيب.. اصبر باجي البلاشر والجلوس وشوي جليتر عشان يخليني أجمل الجميلات ..

سعود وده يخنقها : انتتتتتتتتتتتتتتي اكره انسانة ع وجه الأرض .. (رن تلفونه وكان رقم غريب) أنا برد وأجوفج في السيارة الساعة استوت 7 بس مصختيها !!!



سعود : ألـو ..

صوت رجـالي : الو السلام عليكم ..

سعود : وعليكم السلام والرحمة ..

الريال: الأخ سعود ؟

سعود : هي نعـم ..

الريال: وياك سلطان حـارب..

سعود باستغراب: سلطان حارب ؟؟

سلطان بتردد : انا أخـو أميرة ..

سعود تفاجأ بس حب يخليها ردة فعل طبيعية : حيا الله الشيخ ..

سلطان : الله يحييك ويبجيك يا الغالي .. شحالك عساك بخير ؟

سعود : بخير الله يسلمك .. آمر الشيخ بغيت مني شي ؟؟

سلطان : ما يامر عليك ظالم .. (بصوت مرتبك) أنـا عندي سالفة من زماان أبغي أخبرك عنها بس رقمك ما كان عندي.. وأخيراً توفر .. واتصلت بك ..

سعود وهو يحاول يكون هادي : خير ان شا الله ؟

سلطان : بصراحة أنـا تقدمت لإختك من عند أبوك.. بس بعدين عرفت ان الوالد مب عايش وياكم ..

سعود (ابويه ما يا يخطب لي انا.. تباه يساعدك؟؟) : انزيـن ؟

سلطان فقط : الوالد وعدني إنه بيكلم إختك جريب بس شرط عليه انه يتزوج اختي ..

سعود تفاجئ : شووه ؟؟

سلطان : حصل خير وانتهى الخلاف.. انا الحين ياي أطلب البنية منك انته بالخص.. وانته أدرى ليش..

سعود سكت.. وبعدين تكلم : اذا قصدك ع سالفة اختك فالله يرزقها اللي احسن مني مثل ما ربي كتب لي نصيبي بعيد عنها ..

سلطان : وهذا العشم فيك يا خوي .. ولو انك ما تنباع والله ..

سعود : كل شي قسمة ونصيب فهالدنيا ..

سلطان : صدقت والله .. انزين بس ممكن أعرف راي البنية قبل ما أيي أخطب؟؟

سعود : أباك تعطيني فرصة لين ما أقنع البنية.. انته تدري باللي استوى.. من جهتي أنا نسيت بس ماظنتي هي نست ..

سلطان : انا مستعد أنفذ كل شروطها من الألف لـ الياء.. بس ان شا الله توافق..

سعود : ان شا الله .. حياك اقرب اليوم ملجتي..

سلطان تفاجأ : ماشا الله .. بالبركة ان شا الله ..

سعود : الله يبارك في حيـاتك ..



لمح سعود خلود متخصرة وتطالعه بإجرام لانه كان يالس في الصالة ..

سلطان : ما أطول عليك يا الغالي.. واسمح لي ع المغثة ..

سعود : لا افا عليك .. حياك في أي وقت ..

سلطان : مع السلامة

سعود : مع السلامة ..



خلود بقهر : وانا اللي احاتيك اقول بتخيس في السيارة .. آخر شي تطلع حضرتك في الصالة مرتز ترمس تلفون ؟؟

سعود: هههههههه جب ..

خلود : الله يستر يوم بترمس المدام .. شكلك بتنسى عمرك ..

سعود باحتقار: جب ما يخصج

خلود : ههههههههههه استحى استحى هههههههههههه

/

في بيـت "العروس"

فرح : وقعي يلا وقعي.. لاعت جبدي وانا اقولج وقعي.. فكينا يلا ورانا عرس..

خلود : هههههههههههه ايه يا الهبلة انتي جوفي ويهها .. حصوه حبيبتي بلاج زايغة..

حصة وهي تتنافض : مابااااااااااااا ..

ام احمد وهي تلوي عليها : يا اميه الا هي ورقة بتوقعينها .. اسميها هاي بتفضحنا.. نحن لو مسوين ملجة عودة مادري شو بتسوي..

خلود : ههههههههه ما عليه خالو خلها تتدلع عقب محد بيدلعها ..

أم سالم : لا بويه سعود شو خانته عقب..

حصة لا إرادياً قلبها دق وشوي الدمعة بتنزل من عينها !!



وأخـيراً وقـعت،

وتعـالى صوب اليباب لين ميلس الرياييل "كللللللللللللللللللللللل� �للللللللللوووووووووو وش" !!

سعود يحظن خليفة : أويييييه عرست ..

خليفة بعبط : اوييييه استوى اسمك متزوج ..

سالم ع نفس الوتيرة : اويييه دشيت القفص الحديدي ..

خليفة : اويه استويت الرجل الحديدي ..

أحمد يطالعهم بإجرام : اعقلوا يا المخبل الملاج هني .. (صد ع الملاج بإحراج) اسمح لنا الله يخليك..



سعود : هههههههههههههههههههههه يلا عاد لا تبالغين انتي بعد ..

سالم لصق اذنه في الموبايل: شو تقول هاي الدبة ؟؟؟

سعود نش : انزين خلاص.. دقايق وبـدش.. هـا ؟؟ انزين انزين.. نص ساعة وبدش ترى لوعتوا بجبدي.. اوكيـه ..

خليفة يصد على أحمد وسالم : طلع الريال حموقي هههههههههههههههههه

أحمد وسالم وصلاح "رزة" : ههههههههههههههههههههههههه ههههه

سعود :يلا عاد احمد ما توقعتك تنضم لهم ..

صلاح : افا يا النسيب انا بحميك ..

سعود ولأول مرة يطالع صلاح بامتنان : هيه جيه اباك ..

أحمد في خاطره : يا سبحان الله .. ما بعد العداوة الا المحبة بين سعود وصلاح ههههههه ..

سعود : بعد نص ساعة تراني بدش ما يخصني..

خليفة : هيه ما يخصه الريال مستعيل .. مب تخرب عليه وتسوي مثل القصص والروايات اونك تيلس ويا اختك وتستهبل وما تخليهم الا دقيقتين ..

أحمد يدزه : ايه نسيت انك في رواية وانك تقصد نفسك ؟؟

خليفة : يا ويلي من قلب دبي عيل هههههههههههههههههههههه ..

/

أقبلت يا زينها تنثر خطاها

تسلب الألباب تإسرها جبر

واغتشت الانوار من طلة سناها

وانسحر في حسنها كل من حضر



سعـود تم مبهت وهو واقف يجوفها .. هاي حصة "الشرسة" نفسهـا ؟؟



يا حلاها يشتكيها من حلاها

في مزاياها المعالي تحتضر

هذي حلوة وزانها وربي وعطاها

نورتنا واخجلت حسن القمر



خلود : إيـه كلت البنية ههههههههههه .. حصوه حبيبتي يلسي ها ما منه فايدة .. انا قلت بيستحي بس طلع أخويه للأسف ويهه لوح ..



يا عروسة تزهر الأرض بوطاها

وينبت اللولو وتتناثر درر

تنبض الأراضي من وقت صباها

تنتشي الدنيا بريحان وعطر



سعود صد على خلود : لو سمحتي فارجي..

خلود تفاجأت مثل ما حصة تفاجأت : تطردني يا الهرم ؟؟

سعود بنظرة : يلا جلبـي ويهج بسرعة قبل ما اجلبه بطرقي الخاصة ..

خلود : طاعوا هههههههههه طاح كرتج يا خلود طااااااح ..



وردة يا حظ من فازوا جناها

بالفخر مقصود فارسها قمر

كمل الفرحة وزودها ضياها

واطرب الأسماع لا منها انذكر

حكمة الأقوال بأفعال علاها

لا يفل بالآفات تطريها فخر

يا عسى الأفراح يتزايد صداها

والمحبة باقية طول العمر

سـعود بابتسـامة : شحـالج حصـة ؟؟

حصة بحيـا : بـ..ـخــ... ـير ..



يا عسى الله يجمع الورد وغلاها

في رياض بين بستان وقصر

بالهنا مبروك ليلة وشحلاها

سموا باسم الله على قمرة وقمر
***

من ألبـوم/ إخـت القـمـر ^^

[درة الاحساء]

(26)

دخلت خلود بعد ربع ساعة، وانتبهت لوضع سعود وحصة ..

حبت تكسر الصمت : اونكم عاد !!

صد سعود على خلود بإجرام : نعم ؟؟ خير إن شا الله مضيعة شي ؟؟

خلود : ههههههههههههههه يلا عاد سعودوو ..

سعود : سعودوو في عينج ..

خلود : لو سمحت انتهت المدة المحددة وبس عاد ..

سعود بتوسل : لحظة لحظة ..

خلود زخت حصة من ايدها ويلست تسحبها : بس ما شبعت ؟ مجابلنها في ماليزيا والحين اظني خلصتوا سوالف بسكم .. اجلب ويهك يلا .. (تطالع حصة) وانتي نشي بعد عايبتنج اليلسة .. مب جنج انتي اللي موصتني اسوي جيه ..

سعود تغير ويهه وخلود ضحكت : ههههههههههههه .. يا ويلج يا حصو ابتلشتي..

بعد ما نشت خلود ووياها ..

صادف أحمد خلود وحصة في الدرب ..

نزل راسه لين ما ساروا ..

ودخل عند سعود ..

/

خلود : اف يا القفطة .. أخوج بيقول بلاها الهبلة هاي تسحبج ..

حصة وهي في عالم ثاني : لا ما بيقول ..

خلود : هههههههههه اسميج كنتي عجيبة يوم دشيت وجفتج خخخخ ..

حصة انحرجت : بس جب ..

دخلت فرح وهي تيبب : ألف الصلااااااااااااااااااااا اة والسلااااااااااام علييييييك يا حبييييييب الله محمممممممممممممد كلللللللللللووووووووووووو ش .. أخيراً عرستي وفكيتيييييينا .. زين رضيتي ما بغيتي ؟؟

خلود : ايه شوي شوي تراها ماخذة اخويه ..

فرح : لا عادي عادي اخوج شرات اخويه ..

خلود : عدال ..

فرح : الحين خل عنج هالعبط ونجوف العروس شبلاها .. ها شو قال لج ؟؟

حصة نزلت راسها واحمر ويهها ..

خلود : لهالدرجة الكلام يخليج تستحين .. عيل هالمرة عناد أبا أعرف ..

.

.

.

بعد مرور الوقت ..

خلود : هكوه سعود اتصل.. مالت عليج يا حصوه.. من الصبح نترجاج و ولا عبرتينا .. لنا الله بس..

فرح : ما عليج خلود انا بحاول أطلع الرمسة منها لا تحاتين ..

خلود : هههههههههه اوكيك .. يلا جااااااو مرت اخووووي

حصة : مع السـلامة ..

/

خلود : تدري انك انته وحرمتك ترفعون الضغط ..

سعود بدون ما يطالعها ابتسم وهو يطالع الدرب : اشحقه ؟

خلود : من الصبح انا وفرح نحااااااول نطلع الرمسة منها ومب طاااايعة ..

ابتسم سعود : وشو تبينها تقول يعني ؟

خلود : يعني مثلاً تقول شو قلتلها .. شو سألتها .. في شو سولفتوا ..

سعود : اسميكم رزة .. وانتوا شو يخصكم أصلاً ..؟؟

خلود : عاد فهالسوالف لا تسويلي فيها أسرار يلا عاد ..

سعود : انتوا اللي مسوينها سالفة وهي سالفة عادية ..

خلود : يعني ما قلتلها شي ؟؟

سعود صد عليها وباستخفاف : الحين أونج تسحبين الرمسة مني ؟؟

خلود بوزت : مالت عليك انته وحرمتك .. حشى رمسوا قولوا شي..

سعود : نحن نؤمن بالمثل اللي يقول خلود وأقرانها رزة ..

خلود : هيهيهيييي هذا مب مثل .. سخافة ..

سعود : لا تحاولين مب قايل لج شي لاني اجوف ان الكلام اللي امبيننا شي خاص فيننا .. ما يحتاي تعرفين..

خلود بخيبة أمل : افففففففف وانا اللي قلت سعود بيقول لي كل شي ..

سعود يحرك حواجبه : ما في أمــــــــل ..!!

/

ليلى : ها بشريني ؟؟

نجلا : شو أقول لج ؟

ليلى : ما سرتي الملجة ؟

نجلا : افففف سرت .. اللي يسمع جنه في حد في الملجة غيري انا وخلود وامه ..

ليلى : العروس حلوة ؟

نجلا : زينة .. يعني مب لذاك الزود ..

ليلى تبا تقهرها : هو اللي اختارها ؟؟

نجلا بكآبة : شدراني أنا !!!

ليلى : انزين شو كانت لابسة ؟؟

نجلا عصبت : لابسة اللي لابستنه انتي شو يخصج ؟؟

ليلى : هههههههه بلاج عصبتي ..

نجلا : ما عصبت بس انتي تتعمدين تنرفزيني وانا مب متفيجة ..

ليلى بخبث : البيبي شخباره ..

نجلا صارخت : انتي تتعمدين تستفزيني .. اكررررررررررهج يا الخسفة ..

وصكت في ويهها ..

دخل سالم باستغراب : منو الخسفة ؟

نجلا : منو غيرها ليلوو ؟؟

سالم : حشى هاي اختج ..

نجلا : انته ما عليك من هالسالفة .. شحقه ياي من وقت ؟

سالم : والله ماشي ياي آخذ ملف ناسنه وبرد ..

نجلا فـ خاطرها : أتحسب بعد ياي تجابلني ..

سالم بعد ما خذ الملف : يلا عيل مع السلامة ..

نجلا : مع السلامة ..



نزلت وراه وهو طلع برع الصالة ..

أصبح تواجدها عادي وياهم بعد زواج سعود ..

ما تدري ليش بعد ملجته انها ردت تعلقت فيه ..

هي تدري انه مب حب ..

بس من بعد ما جافت حرمته تبا تبين له انها الأحسن وفيها أشيا أحلى من حصة ..



لفت انتباهها سعود وهو نازل من الدري يصارخ : والله ما بييج الخير ان طبيتي هني فاهمة؟؟؟؟

جافته يركض.. وبلع ريجه يوم جافها يالسة ع القنفات ..

كمل كلامه وهو يصارخ : البقر يفهمون الرمسة انتي ما تفهمين ؟؟

ومن بعدها طالع الدريشة وشكله تفاجئ : انتي ما تفهمييييييييييييييييييييي يين ؟؟

وجافته طلع ..

توجهت للدريشة وهالها منظر البنت مع سعود ..

كانت هالبنت هي جويل ..

الحبيبة مخططة شكلها من فترة تبا تجوف سعود في بيته ..



سعود يطالعها باحتقار : ظهري من بيتي لأييج بكف حار ..

جويل : ما تقدر تلمس شعرة مني فاهم ؟؟ آنا مو جويل القبلية يا إستاذ سعود ..

سعود : الحين شحقه ياية ؟؟ شو تبين انتي ما تفهمين ؟؟

جويل : لأ آنا ما أفهم .. أبغي أشوف حرمتك هذي اللي ما تتسمى ..

سعود بقلق : خافي ربج امي ان درت عادي تطيح في المستشفى ..

جويل تمسكنت : خلاص عيل ناد لي زوجتك أقول لها كلمتين وبمشي من حياتك ..

سعود عصب : ما تفهمين يعني ؟؟

جويل : لا تصرخ لأني أقدر أسوي شي ما يفيدك ..

سعود : حسبي الله عليج ..

جويل : لا تقعد تتحسب علي فاهم انت ؟؟ يلا لا تطولها واهي قصيرة .. يلااااااااا

سعود بكره وهو يفكر بخلود : دقيقة بس .. مب تتحركين من مكانج ؟؟

جويل : صج ماكو أخلاق .. دخلني ضيفني شربني شي ..

سعود أشر لها ع ميلس الرياييل : ولو انج ما تستاهلين تخيسين البيت بس يلا دشي..



دخل سعود من الصالة وتفاجئ بنجلا تجوفه ..

ركب فوق وما حصل خلود ..

أكيد هي اللي مودية أمه .. اففففففف ..

نزل تحت وحصل نجلا ..

معقولة يطلب من نجلا المساعدة ؟؟

لازم يتخلص منها ويفك عمره ..



اقترب من نجلا وحتى هي انصدمت منه ..

سعود منزل راسه : لو سمحتي مرت اخوي ..

نجلا : هـلا سعود آمر بغيت شي ؟؟

سعود طالعها بحيرة ..

كان وده الأرض تنشق وتبلعه ..

يحتاي لنجـلا بعد كل هاللي استوى ؟؟

تمنى لو انه ما سافر ألمانيا ولا عرف جويل ولا استوى كل ها ..



شـرح لنجـلا كل شي..

وابتسمت نجلا بخبث : بس بشرط ..

سعود بلع ريجه : خيـر ؟؟

نجلا : تجاوب على سؤالي ..

سعود باستعجال : الله يخليج بسرعة ما ابغي اميه اتي و...

نجلا : وتنصدم فيك شرات ما أنا مصدومة الحين منك ...

سعود نزل راسه بحزن ..

نجلا : انته تحب حصة ؟؟

سعود تفاجئ من السؤال : ماااا عرف !!!

نجلا : كيف يعني ما تعرف ؟؟

سعود : نحن تونا مالجين وانا ماعرف اذا كنت احبها ولا لا ..

نجلا : انته اللي اخترتها ..

سعود غير مجرى السالفة : دخيلج ممكن تصرفين البنية ؟؟

نجلا بخبث : بسير أبدل ملابسي وأكشخ ..

سعود : الله يخليج بسرعة ..



تـوجه سعود للميلس وقلبه تم يدق برعب ..

جويل : وينها ؟؟

سعود : زقرتها الحين بتي ..

جويل بخبث : قلتلها منو آنا ؟؟

سعود بكره : طبعاً لا .. انا مجهز نفسي الحين عشان بيتي يخترب ..

جويل وهي تتأمل المكان : آنا توقعتك ساكن بخرابة ..

سعود باحتقار : ما يخصج ..

جويل تأشر عليه : أشكالك من النذلين والوقحين ما يسكنون هني ..

سعود نش صوبها : والله لو مب انتي حرمة جان عرفت شو أسوي فيج ..

جويل : هـه ما تهمني .. يلا عاد وينها صيفت زوجتك .. عارفة آنا انها جيكرة لا تطولها واهيه قصيرة..



مـر الوقت ومن بعدها دخلت نجلا ..

جويل تفاجـأت من جمـال نجلا ..

نجلا كان جمالها حلو وملفت .. ويمكن هالشي كان حافز لسعود انه يستحي منها ..

كانت لابسة بدلة قوم بو حمالات مبينة حملها،

ويايبة مطوري ومريومة وياها ..

ابتسمت يوم جافت جويل وبدت التمثيلية : سعود منو هـاي ؟

سعود نزل راسه على أساس انه مفتشل ..

نجلا انفعلت : انتي منـو ؟؟

جويل : آنـا حبيبته ..

نجلا : حبيبته ؟؟

جويل : ايه حبيبته .. بس اهو عشانج تركني ...

نجلا تمثل انها منهارة وتصيح : يا الخاااااااااين انته .. يا الحقيييييير ..

جويل : وآنا حامل منه ههههههههههه ..

سعود يدعي العصبية : اظهري برع بيتي ..

نجلا : وليش تظهرها يوم انها كشفت عمايلك يا الجذاب..

جويل تضحك : ههههههههههههههههههههههههه هههه ..

سعود : اطلعي برع انتي يا خرابة البيوت .. اطلعععععيييييييييييييي ..



نشت جويل وهي تضحك وأشرت على سعود : عشان مرة ثانية ما تلعبها علي آنا .. آنا جويـل يا مستر سعود !!

سعود وهو يطالعها وهي طالعة : روحة بلا ردة يا رب !!!



دخل سعود وابتسم لمريومة ومطور وشلهم، ونجلا توجهت بتطلعت من الميلس..

سعود : مشكورة يا مرت اخوي.. هالخدمة عمري ما بنساها لج ..

ابتسمت نجلا ..

ولو انها في حياتها ما سوت خير بس ابتسمت ..

/

خليفة : أبويــــــه ؟؟

أم سهيل : هي نعم يا خليفة ..

خليفة : انزين وشو تعرفين عنه ؟؟

أم سهيل : أبوك ريال زين .. بس تزوج امك الأجنبية .. وكانت حامل فيك وهو توفى.. ومن ربت ودرتك وسافرت ..

خليفة : يعني أنا عندي أهل هني ؟

ام سهيل : عندك يا خليفة .. بس يبالي وقت لين ما أذكرهم .. انته تدري اني ربيتك من 25 سنة تقريباً وناسية ..

خليفة : اماية دخيلج ابا اعرفهم .. تعبت نفسياً من هالسالفة ..

ام سهيل : ان شا الله بتعرفهم وبتقر عينك .. لا تحاتي ..

/

سالم تفاجأ : أخـو أميرة ؟؟

سعود : أدري اني المفروض أخبرك من زمان .. بس انا التهيت ويا الملجة وجيه ونسيت..

سالم ابتسم : لا عادي افا عليك ..

سعود : انزين وانته شو رايك في سلطان ؟

سالم : انا اعرفه معرفة بسيطة.. بس ما جد حد ذمه لي لانه ريال ..

سعود : وهله ؟؟ اذا الريال زينين عادي هله يكونون مب زينين ..

سالم : أهم شي رايك انته يا سعود انته موافق ؟؟

سعود : وليش أرفض ؟؟ قصدك عشان أميرة يعني ؟؟

سالم : تقريباً ..

سعود : أنا نسيتها أصلاً.. صدقني تظايجت بسبة أبوها ..

سالم : ولا تنسى انه اذا يا يخطب أبوه بيي وياه ..

سعود : حياه الله ..

سالم : عيل توكل على الله وشاور خلود ..

سعود : ان شـا الله قريب برمسها .. شكلي بخلي حرمتي ترمسها ونجوف ..

سالم : اللي يريحك سوه ..

سعود : ان شـا الله

/

بـعد أسبوع تقريبـاً،،

سعود منبطح ع الشبرية ومكيف ويرمس ع التلفون ..

حصة : هههههههههههههههه يلا عاد مب لهالدرجة ..

سعود : انتي ما تعرفيني عيل..

حصة بحيا : هي بعدني ما أعرفك ..

سعود : انزين شو رايج عيل نعرف بعض زيادة ..

حصة : كيف يعني ؟؟

سعود : ممممم تكلميني عن اللي خطبوج قبلي ..

حصة تفاجأت : عادي عندك ؟؟

سعود والغيرة بتاكله : هي عادي ..

حصة بغيرة : وانته بتقول لي عادي ؟؟

سعود : هيييييه عادي ..

حصة : انته ابدى ..

سعود : الله يسلمج انا في حياتي ما خطبت الا أميرة ربيعة خلود.. ومن بعدها خطبتج انتي..

حصة بغيرة : وشحقه تقول اسمها بعد ؟؟ هالناقص بعد قول لي كيف شكلها ..

سعود بعبط : طويلة وقرعة وبطنها عود ..

حصة : ههههههههههههههههههههههههه هههههه ..

سعود : والله انكم يا الحريم مهابيل..

حصة : نحن مهابيل ؟؟ الله يسامحك بس..

سعود : مشكلتي ما أقدر ع الدلع ..

حصة : احم احم ..

سعود : انزين وانتي منو خطبج ؟؟

حصة تبا تقهره : خطبني واحد أبويه كان يباني آخذه اسمه خالد .. بس الله يرحمه مات في حادث..

سعود بغيرة : وانتي كنتي تحبينه ؟؟

حصة : ما عرف ..

سعود رفع راسه من الشبرية وصرخ : شو ما تعرفين ؟؟

حصة تفاجأت : بلااااااك ؟؟

سعود بغيرة وعصبية : تحبينه ها ؟؟

حصة : سعود شبلاك الريال ميت ..

سعود بعصبية : ومنو بعد ؟؟

حصة بخوف : محد محد ..

سعود : اتحسب بعد !!!

حصة : حشى ليش انزين كل ها ؟؟

سعود : أنا قلت لج من أول يوم تراني وايد أغار ..

ابتسمت حصة بحب : عاش الغيور بس ..

ابتسم سعود : أعجبـــــج !!

/

خلود تفاجأت : ابويه في البيت ؟؟ (طالعت نجلا) انزين انزين ذلفي..



ركضت خلود بعد ما لبست شيلتها صوب الصالة ..

سعود وأمها وسالم كانوا موجودين في الصالة وياه ..

نزلت هي ويلست ع الدري بحيث انها تجوفهم وتسمعهم بس هم ما يجوفونها لان ابوها عاطنها ظهره..

سالم : خير ان شا الله شو بغيت أبويه ؟

بو سالم : ليش ما يحق لي أيلس في بيتي ؟؟

أم سالم باحتقار : لا تنسى ان هالبيت بإسمي ..

بوسالم : بإسمج ما قلت شي بس أنا اللي بنيته والمحكمة أجبرتني أسجله بإسمج ..

أم سالم : تذلني وانته آخر واحد المفروض يتكلم لانك شكلك نسيت أفضالي عليك ..

بوسالم : عمرج ما بتتغيرين يا بنت سعود.. نفسج المتكبرة هي هي ما تغيرت ..

سعود : اسمح لي يا بويه بس انته شو بغيت ؟؟

بوسالم صد على سعود : والله وقمت ترمس يا سعود وطلع لسانك ..

سعود : أنا ريال.. وان جان انته ما ربيتني ترى اميه موجودة وما قصرت في تربيتها..

بوسالم : انتوا شكلكم تبون تتضاربون وانا أصلاً مب ياي أتضارب..

ام سالم : عيل شحقه ياي بعد كل هالفترة ؟؟ آخر مرة ييت تتضارب عشان خلود ..

بو سالم : انا بغيت أزوجها بس من عقبها هونت .. ولا كنت بزوجها غصبن عنكم ..

سعود : وراها رياييل ولا تعتقد ان عشان انته أبوها بنخليك تزوجها جيه ..

سالم طالع سعود : سعود عيب هذا أبوك ..

بو سالم : نسى الحبيب شكله.. نسى ولي نعمته .. نسى اني أبوه ..

سعود بقهر : لازم أنسى.. يوم انك خطبت لك مرتين بنتين قد بنتك ..

بوسالم : وما خذت ولا وحدة منهن .. أنا ياي أرد أمكم الحين ..

سالم وسعود تفاجؤوا : شوووووووووووه!!!!

[درة الاحساء]

(27)

بوسالم باستهجان : انا قلت برد أمكم ما قلت شي ..

سعود بذهول : تردها بعد كل هالسنين ؟؟!!!!

سالم : شو اللي خلاك تقرر انك تردها ؟؟

خلود تمت مصدومة وقررت انها تسير لـ حجرتها بدال ما تسمع كلام أكثر وأكثر!!..



بوسالم بعصبية : وانا شاورتكم انتوا ولا شاورت أمكم ؟؟ صج ما فيكم حيـا ..

أم سالم اللي تمت ساكتة بدون ردة فعل تكلمت : وانا بعدني ع نفس شوري القبلي..

بوسالم تفاجئ : وانتي ليش ميبسة راسج ؟؟

أم سالم : بعد كل اللي سويته فيني تباني أسامحك بسهولة وانسى ؟؟

بوسالم : وانا شو سويت يا بنت سعود فيج ؟؟ خبريني انا شو سويت .. !!!

سعود وسالم طالعوا بعض باستهجان ..

أم سالم : عيالك ما يدرون وانا لين هاليوم ما خبرتهم ..

بوسالم بغيظ : وهاللي قاهرني.. عيالج لو يدرون بشي جان ما لاموني.. كانوا بيأيدوني في كل شي أنا أسويه.. انتي جنيتي ع نفسج وعيالج وعليه انا بعد ..

ام سالم بانهيار : أنــــــا ؟؟ أنا شو سويت فيك ؟؟ مب انته اللي خنتني ويا الأجنبية ؟؟

بوسالم : خنتج ؟؟؟ بس من عقبها تزوجتها ولا انتي نسيتي ؟؟

سعود وسالم طالعوا بعض مصدومين ..

أم سالم بغيظ : لا ما نسيت .. بس انته تزوجتها جيه .. بدون سبب وجرحت كرامتي..

سعود تدخل : اميه انتي قلتي انج كشفتي خيانته ..

ام سالم دمعت عينها : كشفت خيانته وكشفت انه صرق كل ورثي من ابويه ..

بو سالم صرخ : أنــــــــا صرقت ورثج من أبوج ؟؟ ليش أبوج شو كان عنده أساساً؟؟ انتي منو قايل لج كل هالرمسة !!!

سالم بهدوء : اميـه .. أبويـه .. لازم تتناقشون وتتفاهمون وتفهمونا وياكم ..

بو سالم كان يتنفس بقوة من زود الانفعال : أمـك طول هالسنين ردتني عشان أسبابها التافهة!!

سعود يطالع أمه : اميه دخيلج يلسي وفهمينا شو السالفة ..

أم سالم بعصبية : شو افهمكم ؟؟ يعني عاذرين ابوكم ؟؟

سعود : نحن ما قلنا جيه .. بس خلي ابويه يشرح لنا شو السالفة ع الأقل ..



بعـد فترة من الوقت

بو سالم : شو تباني أقـول يعني ؟؟

سعود : انته شحقه خنت أمي وصرقت ورثها من ابوها ؟؟

بوسالم حاول يصطنع الهدوء : ما أقدر أسبج لاني اعرف ان غيري محرضنج علي، بس الله العالم اني مظلوم .. والله اني مظلوم ..

سالم طالع أبوه بشفقة بس سعود كان حاس ان ابوه يدعي الحزن،

أم سالم : انتـه مظلوم ؟!! هـــــــه!!!!

بوسالم : تذكرين كيف تزوجتج ؟؟ تذكرين كيف هلي عارضوا زواجي منج ؟؟؟ انا حبيتج لاني كنت احب ابوج.. ولين يوم زواجي منج وانا أمني نفسي اني بلقى الراحة بعد ما اتزوجج .. انتي تدرين كيف اهلي رفضوج ..

سعود بانفعال : وشحقه رافضينها ؟؟

بوسالم : لان امك مستواها الاجتماعي اقل من مستواي أنا ..

ام سالم : وليش ما تقول لهم لاني انا رديتك في اول مرة خطبتني فيها ..؟؟

بوسالم باستهزاء : وليش وافقتي عقب عيل ؟؟ انتي رديتيني لان ابوج ما كان يباني آخذج .. بس عقبها وافق وانا ما أصريت عليه ..

سالم : الله يهديكم مب وقت المعاير الحينه .. نحن نبا نعرف سبب الانفصال بينكم ..

بو سالم : بعد الزواج ..عشنا حياة طبيعية.. بس الرمسة اللي كانت تنتشر بين الناس ان امكم طولت وما حملت خربت علينا وايد ..

ام سالم نزلت راسها وكأنها مصدقة هالرمسة اللي تنقال وموافقة عليها ..

بوسالم : انا صبرت عليها .. بس الناس ما رحموني.. فقررت أسافر.. وهناك جفت أجنبية حسيت في البداية اني احبها .. بس بعد فترة عرفت انها ما تناسبني لانها مب محترمة.. بس كان قوية وخبرت أمكم.. اللي هزأتني ورفضتني .. بس مع محاولات الاعتذار قدرت تسامحني ..

سعـود دارت الدنيا فيه، تقريبـاً نفس قصته ويا جويل !!!

أم سالم رفعت راسها ولاحت دمعة حزينة في عينها ..

بوسالم : ومن عقبها تزوجت الاجنبية لانها هددتني .. وامكم ما كانت تدري.. ومن عقبها يابتكم.. وتوفى ابوها .. وصادف في عزا ابوها ان الاجنبية كانت موجودة وعزتها وخبرتها اني متزوجنها.. وامكم طردتني جدام الناس وطلبت الطلاق.. ومن بعد فترة طلقت انا الاجنبية .. وحاولت ارد امكم لكنها عاندت .. وما كان عندي حل ثاني خاصة ان هلي تخلوا عني .. والوحيدة اللي رضت فيه هي أرملة عرضت عليه الزواج .. والشهادة لله انها راعتني وحبتني ولقيت كل الحنان عندها .. ومع ذلك (طالع أم سالم بإصرار) كنت أحب أمكم القاسيـة .. بس للأسف عمرها ما حبتني ...

سعود : وشحقه عيل يلست تتزوج هالحريم كلهن ؟؟؟

بوسالم : بعد ما ماتت حرمتي كنت أبا أعوض عل وعسى ألقى اللي تنسيني .. (طالع سعود) كنت أبا أميرة بس بعد ما عرفت انك تباها قلت جيمتها عندي.. وشوي شوي لين ما دورت لي سبب وتهربت منها ..

سعود بقهر : وبغيت حصة بعد ..

بوسالم : لا تستوي سخيف لهالدرجة .. حصة كانت مجرد مزحة.. مستحيل أفكر فيها أساساً ..

سعود كان ياي بيتكلم بس سالم سكته : انزين وسالفة انك خذت ورث امي ؟؟

بوسالم باستهزاء : ما تذكرتي الورث يا ام سالم الا بعد ما ماتت زوجتي.. وورثتني اللي عندها.. انا اعترف اني كنت حافي منتف ومن عقب ما تزوجتها حصلت الخير.. وأمكم تحسبت ان الورث هذا لأبوها بس أنا لهفته ..

أم سالم بألم : ورمسة الناس عن الورث جذب يعني ؟؟

بوسالم : احلف لج ع القرآن ان الورث مب مال أبوج .. والله انه ورث المرحومة .. واللـه ..



بعـد لحـظات من الصمت ،,،

بوسالم : بتردين لي الحين بعد ما عرفتي الحقيقة ؟؟؟؟

أم سالم غمضت عيونها بألم وردت فتحتها ونشت وسارت حجرتها ..



كلهم عيونهم كانت عليها ..

سالم بحنية : ما عليه يا بويه ان شا الله هي بترد لك بس انته اصبر عليها شوي ..

بوسالم : كم من العمر بـاجي يا سالم ؟؟ ما بقى كثر اللي مضى ..

سعود : الله يطول بعمرك إن شا الله ..

بوسالم بسخرية : من قلبك تقولها ؟؟

سعود بحزن : انته شحقه تكرهني من بد اخواني ؟؟

بوسالم طالعه بنظرة : لاني كنت أحبك وااااااااااااايد قبل ما أنفصل عن أمك .. وهالشي عكس مشاعري وخلاني أكرهك .. كونك تذكرني بأبو أمك .. اليـد سعود .. اللي بسبب ورثه الله يرحمه رفضتني أمـك..

سعود تفاجأ : وتخلط الأمور بعـد ؟؟

بوسالم حط ايده ع جتفه : جرب تكون أبـو .. وبتعرف ليش أنـا عاملتك بجفا طول هالمدة ..



وطلـع من البيـت ..

سعود وسـالم تموا يطالعون بعض..

ومن بعدها يلسوا وتجابلوا ..

وكل واحد رافع راسه وسااااااارح ..

/

بعد مرور أكثـر من شهـر ..

أم سـالم لين هالوقت رافضة تتناقش في موضوع ردتها لبوسالم ..



خلـود ع التلـفون : خيييييييير ؟؟

حصة : الخير بويهج حبيبتي ..

خلود : قولي شو عندج بسرعة ما حيدج تحبيني هههههه ..

حصة : هههههههه صج انج دبة وما فيج خيييييييير ..

خلود : من بعد سعود نسيتيني حتى الاتصالات بالحسرة ..

حصة : انتي اتصلي.. انا مرت اخوج والواجب انج تكلميني ..

خلود : مالت عليج .. قاصة على عمرج اجوف ..

حصة : هههههههههههههههههههههه .. تعالي شحالها نجلا ..

خلود : اففففف شو تبين فيها ؟؟

حصة : مالها حس هالأيام ..

خلود : هو الصراحة صج هي 24 ساعة في حجرتها حتى الاكل يوصلها هناك.. ع قولة سالم تعباااااانة من الخاطر وما تروم تتحرك ..

حصة : يحلييييلها .. كل ها بسبة الحمل ؟؟ هي يوم حملت في مريومة ومطر نفس الشي جيه استوى بها؟؟

خلود : لا والله بالعكس كانت 24 ساعة مطيحة في الاسواق تتشرى حقهم لبس وخرابيط.. بس هالياهل بالذات موليه مب فاضتله ..

حصة : يحليلها الله يعافيها يا رب ..

خلود : ويعين اخويه إن شـا الله ..

حصة : ويرزقج الريل الصالح ..

خلود : من حنتكم هالريل ما بيي ... اففففففففف منكم ..

حصة : هههههههههههه لا تحاتين ياج ياج ..

خلود : قصي عليه هييييي .. انتي وفرحووه الدبة عرستوا وانا يحليلي ..

حصة : شبلاج اقولج ياج .. يا الهبلة هههههههه ..

خلود تفاجأت : ياني ؟؟ كيف ياني بعد وانا مادري؟؟

حصة : توقعي منـوووووو ؟؟

خلود بعبط : اكيد صلاح ريل فرح ..

حصة : ههههههههههههههههههههههههه ههههههه ماااااالت ما حصلتي الا ها عشان فروحة بالمرة تنحرج روحها مقهورة انج ماخذة راحتج وتسبينه خخخخ ..

خلود : هههههههههههههه ما عندها سالفة ..

حصة : لا هو الصراحة شخص تعرفينه ..

خلود : يلا عاد منو ؟؟ راعي الدكان ؟؟

حصة : صج ان مب راعية مستوى راقي .. راعي الدكان عاد ؟؟

خلود بنفاذ صبر : انزين منو ؟؟

حصة : الزبـال ..

خلود : جببببببببببببببب دبببببة..

حصة : ههههههههههههههههه لا جد جد .. هو شخص تعرفينه ..

خلود : حلفي ..

حصة : والله العظيم ..

خلود بدى قلبها يدق : انزين ؟؟

حصة : احمممم .. (جلبت فصحى) أنتِ تعرفينهُ جيداً يا فتاة العربِ، إنهُ ذاكَ الفتى، الذي رآك في المعهدِ وأسرتِ قلبه، ويحك يا فتاة، اسمه سلطان على ما أظني ..

خلود تفاجأت : شوووووووووووووووووووووووو ه ؟؟؟؟؟؟

حصة : بلاااااااج ؟؟

خلود : أنا آخـذ أخو أميرة ؟؟ No Way .. مستحييييييل

حصة : وشحقه ما تاخذينه ..

خلود : نسيتي كل اللي سوته اخته في أخويه (زل لسانها واستوعبت الغلطة) ..

حصة تضايجت : بس سعود تزوج .. واظني انا حرمته!!

خلود : حصوو الله يخليج لا تزعلين ..

حصة : انا ما زعلت .. بس يوم ان سعود موافق وسالم موافق.. انتي ليش ترفضين .. ع قولتج سعود اللي استوى به هالشي هو وسالم وراضين.. انتي ليش مسودة قلبج ؟؟

خلود : شو مسودة قلبي بعد ؟؟ تبيني أنسى اللي سووه بسهولة ؟؟

حصة : لا تجمعين .. هو ما يخصه .. وقال انه مستعد يبعدج عن هله ..

خلود : منو جبره ؟؟

حصة : الحـــــــب جبره ..

خلود دق قلبها بعنف : انا ما حبه انزين ..

حصة : جذااااابة ومن عيونج باين انج مهتمة له .. لا تكابرين تراج مفضوحة يا ماما ..

خلود بقفطة : ع كيفج هو ؟؟

حصة : خلود لا تطولينها وهي قصيرة .. صلي صلاة الاستخارة أول شي.. وتوكلي.. والله ييسر اللي فيه الخير ..

خلود : بس سعود ..

حصة تقاطعها : سعود لو رافض جان ما طلب مني أنا إني أفاتحج بالموضوع ..



سمعـت خـلود صـوت صراخ قوي ..

خلود برعب : حصوه بسير أجوف شو السالفة يلا مع السلامة ..



ركضـت خلود صوب مصدر الصوت وجافت سالم شال نجلا وهي تصارخ وتتويع ..

نجلا : آأااااااااااااااااااااااا ااااااااااااااااااااااااا ااااااااااه اماااااااااااايه مارووووووووووووم ..

سالم بانفعال : خلود غطيها والله مب رايم ..

غطتها خلود وتوجه سالم بنجلا للسيارة ..

خلود : أيي وياكم ؟؟

سالم : لبسي بسرعة وتعالي ...



ركضت خلود ولبست عباتها ونزلت ..

وألف سؤال يراودها من شكل نجلا اللي يخوف!!!!

/

أميرة : نعـــم ؟؟ انا اتزوج هذا ؟؟ يخسي ويهبي ..

أم أميرة : وانتي ضامنة اييج واحد احسن عن هـا ؟؟ تراج وايد ماخذة مقلب في عمرج !!!

أميرة بقهر : معظم البنات اللي في سني مب معرسات .. اشمعنى انا معتبريني عانس؟؟

أم أميرة : خلصيني ولبسي.. هله على وصول ..

أميرة : اوكي ان ما فركشت هالزواج بكبره ..

أم أميرة طالعت أميرة باحتقار : انتي حمدي ربج ان هالحليو فكر فيج .. وايد قاصة على عمرج تراج!!!



طلعت أمها ويلست روحها..

ودموع عينهـا ما وقفت ..

قهــــــــــر ..

والله قهـر ..

/

أم سهيل : مشكووووورة وما قصرتي يا أم راشد ..

صكت السماعة،

وعلى طول : سهـيييييييييييييييييييييي يييييل ..

سهيل من بعيد : ها امااااااااااايه ؟؟

ام سهيل : تعال تعال ..



بعد ما يـا سهيـل : خير امايه ؟؟

ام سهيل : اتصل في خليفة .. اباه ضروري ..

سهيل بتذمر : الحين زاقرتني عشان اتصل في خليفة بس ؟؟

ام سهيل : اتصل لا ارقعك بكف الحين .. يلا ..

سهيل : خيبة ماشي تفاهم (دق ع الارقام) هـاج تفضلي ...



من بعـد ما رد خليفة : الو ..

ام سهيل : ألو مرحبـا

خليفة : مرحبتيييين يا هلا بالشمس الشموسة .. الله دنتي منورااااااانا يا شيخة ومتصلة كمااااان ؟؟ الله عليكيييي يامّاااااا ..

ام سهيل : بسك من هالحركات وانطق .. وينك ؟؟

خليفة : في الدرب يا أمّا ..

أم سهيل : أنا تراني اتصلت وسألت لك أم راشد عن هلك ..

خليفة بجدية : ام راشد منو ؟؟

ام سهيل : حرمة عودة هي اللي تعرف هلك منو ...

خليفة : مضمونة يعني ؟؟

ام سهيل : بإذن اللـه .. تعال وبنتفاهم ان شا الله ..

خليفة : خلاص عيل انا ياي الحين ..

ام سهيل : تحمل ع الدرب ولا تسرع ..

[درة الاحساء]

منووورين القصه حباااايبي



(28)


خليفة : يعني يا امايـه شو الحل ؟
ام سهيل : ام راشد خبرتني انها بتسير العمرة اليوم وبعد ما ترد روحها بتتصل وبتخبرك اتسير لها..
خليفة بملل : وشحقه كل ها يا اميه .. خلها تقول لج هم وين وانا اسير ..
ام سهيل : اسميك انته !!! يا بوك هي تدل وين البيت وهي بتعرف شو تقول لهلك ..
خليفة ونبضات قلبه تتزايد : الله كريم بس !!!
/
دخلت أم أميرة بعد ما دزت بنتها بدفاشة لداخل ..
اميرة كانت مقهورة خاصة انه كان يبين عليها انهم دازينها بالغصب ..
ام اميرة : وهاي بنـتي يا ام علي ..
ام علي تطالعها : حيا الله الشيخة .. تعالي يلسي يلسي ..
تبادلوا النظرات هي وبنتها شهد ..
شهد بجرأة : شحالج أميرة ؟
اميرة : بخير ..
ام اميرة ودها تجتلها : اسمحولنا عاد اميرة محمومة شوي ..
ام علي تغمز لـ شهد : ما عليه يا ام سلطان بس خلهم ييلسون روحهم بنات واكيد يستحون..
أم اميرة : مب مشكلة (بارتباك) اميرة سيروا يلسوا في الصالة ...
نشت اميرة ويا شهد ويلسوا هناك ..
شهد : انتي كم عمرج ؟
اميرة بدون نفس : 22 ..
شهد : ووين تدرسين ؟؟
اميرة : وقفت دراستي ..
شهد : شحقه ؟
اميرة : مب مرتاحة في الدراسة ..
شهد وهي تتأمل البيت : ما شا الله بيتكم حلو ..
اميرة سكتت وما علقت ..
قطع صمتهم نزلة سلطان من الدري ..
تفاجئ بأميرة واللي وياها، بس نزل راسه وتوجه لباب ميلس الرياييل ..
شهد : منـو هذا ؟
اميرة : هذا اخويه ..
شهد : ماشا الله عليه هيبـة ..
اميرة سكتت للمرة الثانية وسرحت لـ بعيد ..
زقروهم الحريم مرة ثانية ..
وردوا يلسوا ..
دقايق الا و"علـي" خطيب المستقبل داش : السـلام عليـكم ..
أميرة جافته وزادت دقات قلبها ..
يا ربي عليـه وسيـــــــــــم !!
/
نجلا بويع : دكتورة متى بولد ؟؟
الدكتورة ابتسمت : ما تخافيش لحد دلوأتي انتي بخير .. وأي خطورة ع البيبي ح نخرجوا ..
نجلا بلا مبالاة : يولي البيبي انا كارهة حياتي وانتي تقوليلي البيبي..
الدكتورة : لأه ما تؤوليش كده دا ضناكي..
نجلا : اففففففف .. خلصيني في حد هني من هلي ؟؟
الدكتورة : جوزك هنا .. (في خاطرها) معرفش ازاي عارف يتحملك !!
برع الغرفة ..
ليلى بخوف : والحين شخبارها ؟؟
سالم : الحمدلله أحسن ..
ليلى : عيل الويع اللي ياها في البيت ؟؟
سالم : الدكتورة تقول لانها مهملة نفسها وهاي شي طبيعي انه يستوي..
ليلى بحزن : الله يعافيها يا رب ..
سالم طالع ليلى بتردد : بسألج سؤال .........!!
ليلى : خير ان شا الله ؟
سالم : نجلا كانت لها علاقات مع رياييل و ...... (ماقدر يكمل)
ليلى طالعته بصدمة : انته شو تقول ؟؟ نجلا توصل لدرجة انها تتعدل وتتكشخ جدام الرياييل (تدعي ان الله يسامحها) بس عمرها ما التفتت لهم ..
سالم سكت وصد ع الصوب الثاني وقال في نفسه : ليتني أقدر أصدق !!
ليلى تنفست بوضوح : عادي اروح لها ؟؟
سالم هز راسه بلا مبالاة : جربي!!
دخلت عليها .. والدكتورة همست لها : أصلها ماخدة منوم دلوأتي..
مشت صوبهـا..
حبت راسهـا بشفقة ..
نجلا رفعت راسها بخمول وبحدة : انا ما فيه شي .. شو تحبين راسي ؟؟
ليلى : الحمدلله ع السلامة ..
نجلا بعصبية : الله لا يسلمج .. الله لا يسلمج ولا يسلم أي حد فهالدنيا ..
صخت ليلى ..
ويلست نجلا تسب وتلعن ..
خلتها شرات ما تبا ..
لين ما حستها يلست تهاذي، ومن عقبها رقدت ...
.
.
.
ليلى في خاطرها : على كل اللي سويتيه فيني بس ما بفضحج شرات ما انتي فاضحة سري جدامه.. انا شراتج مب شريفة .. والدليل اني حاولت أغري الشباب حولي لكن محد التفت لي..
مرة وحدة بس لحقني شاب ويوم هزأته شرات ما انتي تهزإينهم يوم يلحقونج.. بس تفاجأت انه سبني وعايرني بشكلي..
يلا الدنيـا أرزاق.. والله يرزقني ع قد نيتي ..
/
...: نعـم نعم ؟؟ شو قصدج ؟
حصة تفاجأت : انا ما قلت شي !!
سعود : لا قلتي .. شو قصدج بهالسؤال يعني ؟؟
حصة : أنا ما قلت شي أولاً.. ثانياً إذا بقصد شي تراني على ما أعتقد يسموني زوجتك ..
سعود باستهزاء : هـــه .. زوجتي ؟؟؟
حصة بصدمة : شو قصدك ؟؟
سعود: أي زوجة تتكلمين عنها ؟؟ تقصدين عمرج ؟؟ وانا متى حسيت ان انتي زوجتي ؟؟ انا دايماً أحس اني أكلم نسخة مشابهة لخلود.. يعني شرات إختي ..
حصة عصبت : وهالكلام من متى خاشنه ؟
سعود : من لحظة ما سألتيني سؤالج التافه هذا طلعت كل هالكلام ..
حصة : حقـود .. مبين انه الكلام من زماااان في خاطرك ..
سعود : والله شي وراجع لي.. جان تبين بعد فسري الأمور شرااااات ما تبين..
حصة صرخت بقهر : انته شو مشكلتك ؟؟
سعود : بلا سخافة انزين!!
حصة : سخافة ؟؟ يوم انك ما تدانيني اشحقه خطبتني من الأساس؟؟ جان خطبت لك أميرة ست الحسن والدلال..
سعود : والله انا الريال وأقدر أحدد منو أبا ..
حصة : ما جوفك طلعت ريال عيل ورديتني ..
سعود عصب : ريال غصبن عنج فاهمة ؟؟
حصة بتحدي : لا مب فاهمة ..
سعود : هيه ظهري ع حقيقتج .. انا من يوم ما جفتج وانا عارف انج خبيثة وتدعين الطيبة ..
حصة : حدك عاد واحترم نفسك ..
سعود : انا محترم وما يحتاي تتعبين عمرج ..
حصة : هـه .. باين انك محترم الصراحة .. أصلاً انته لازم تحمد ربك اني رضيت فيك بعيوبك..
سعود تفاجأ : عيوبي؟؟ ماظني عيوبي اكثر عن عيوبج ..
حصة : كفاية اني عمري ما فكرت أنزل راس هلي بعلاقة مشبوهة ..
سعود بذهول : انتي شو تقصدين ؟؟
حصة : انته عارف زين ما زين شو قصدي ..
سعود : لا ما عرفت وضحي ..
حصة : جويييييييييل جانك ما تعرفها يا راعي ألمانيا ..
سكت سعود شوي ومن بعدها نطق : تعايريني ؟؟
حصة بقهر : وانته من الصبح تتهمني وانا ساكتة .. (بصوت يائس) يوم انك ما تباني ليش خطبتني لييييييييش دمرت حياتي؟؟ ليش خليتني أوافق عليك مع اني كنت رافضة فكرة وجودك في حياتنا يوم السفر.. انته شو تبا منـي بالضبط ؟؟ (شهقت) عشان تنزل راس أبوك صح ؟؟
سعود تفاجئ : شوووه !!
حصة : أدري ان علاقتك بأبوك مب وايد اوكيه.. وانك عرفت من خلود ان ابوك خطبني.. (صرخت بصوت مقهور) بس والله ندمت مليون مرة لاني خبرت خلود .. أبووووك كان يتمصخر والله كان يتمصخر وانا تحسبته يرمس جد ..
سعود تـم سـاكت ..
حصة : وجويل اللي لحد الحين ما قدرت تنهيها من حياتك .. تتحسبني غافلة ولا نسيت ؟؟
سعود : جويل هاي شي وانتهى .. وانا تخلصت منها ..
حصة : لا والله ما تخلصت منها .. والدليل انها كانت عندك من فترة في البيت..
سعود انصدم : شوووووووه ؟؟ متى !!
حصة : نجلا خبرتني.. تقدر تجذّبها بعد ؟؟
تنهد سعود : خلاص يوم انج عرفتي كل شي.. ليش ما طلبتي الطلاق حزتها ؟
حصة بقوة : لأني حبيتك .. بس انته ما تستاهل هالحب.. والحين اقولك طلقني .. وبأسرع وقت فاهم؟؟؟
وصكـت فـي ويهـه ..
سعـود وهـو مب مستوعب : تحبـني ؟!!!!!!!
/

هناك ،،
كانت الرؤية واضحة،،
ساحقة ،،
و حارقة ،،،!!

/
صوب حجرة سعـود،
دقت خلود الباب : ممـكن أدش ؟؟
سعود بصوت مكتئب : دخلي ..
دخلت خلود وباستغراب : بلاك ؟؟
سعود باقتضاب : مافيه شي ..
خلود : شو يعني ما فيك شي ؟؟ شكلك مب طبيعي ..
سعود : طبيعي ولا صناعي .. أنا ما فيه شي ..
خلود تطالعه بحدة : ممممممم شي مستوي في الدوام ؟؟
سعود ابتسم ابتسامة صفرا : ما استوى شي ..
خلود يلست عداله : انزين ع طاري الدوام .. خبرني .. مرتاح هناك ؟
سعود بدون نفس : هيه مرتاح ..
خلود : ويمعت مبلغ زين ؟؟
سعود تنرفز : انتي شو تبين ؟؟
خلود : من الآخر يعني .. أبا أعرف متى ناوي تحدد عرسك ..
سعود : أي عرس ؟؟
خلود : اميه خرفت انته ؟؟ عرسك بعد شو ..
سعود باستهزاء : عرسي ؟؟ ومنو العروس ان شا الله ؟؟
خلود زاغت : بلاااااك حصووه العروس... شبلاك خرفت ؟؟
سعود بعصبية : هيه خرفت .. وأكبر غلطة غلطتها في حياتي هي زواجي من ربيعتج .. اللي على علم تام بكل شي أنا عشته في الماضي.. أكبر غلطة اني تزوجت وحدة بسرعة وبدون اقتناع.. والحين اعاملها شرات اختي ..
خلود تفاجأت : اختك ؟؟ بس هي مب اختك .. هي حرمتك ..
سعود ضرب ايديه ع الشبرية : ادري انها حرمتي.. بس في شي غلط نحن بديناه .. زواجنا غلط .. نحن ما نصلح لبعض أصلاً..
خلود : انتوا ما تصلحون لبعض؟؟ لا والله تصلحون .. انتوا أساساً متزوجين عن حب ..
سعود : هـه .. تستهبلين حضرتج ؟؟ انا وهي ما نداني بعض ..
وقفت خلود وجابلته : أصلاً انته بتموت من زود ما تحبها بس المشكلة انك مب عارف هالشي.. مب عارف انك تزوجتها حباً فيها .. ولا يمكن تعرف بس شكلك حبيت دور المظلوم واللي انجرح بسبة أميرة..
سعود نش من مكانه وطالعها بتهديد : شو قصدج ؟؟
خلود رفعت راسها بحيث انها تقدر تلحق لطوله وتجوفه : قصدي انك انته تحبها .. وهي تحبك .. بعدين انتوا بعدكم ما عرفتوا بعض الحين.. كل واحد منكم حاط حاجز لانكم تعرفون ماضي بعض..
سعود بغيظ : بس انا ماضيه مب مشرف ع قولتها ..
خلود زخت ايد سعود ويلسته ويلست عقبه : لا تزعل من رمستها.. وحدة تعرف ان ريلها لا زال على علاقة بجويل .. تباها تسكت ؟؟
سعود تفاجئ : انتي بعد تعرفين ؟؟
خلود تنفست بقهر : نجلا خبرتني انا وحصة قبل ما تسير المستشفى بفترة .. بس حصة سكتتها وقالتلها انك مخبرنها..وانا صدقت عشان جيه سكت.. بس شكلك أصلاً ما خبرتها ..
غمض سعود عيونه بألم : صدقيني يا خلود انا وحصة ما نناسب بعض..
خلود رن موبايلها وجافت الرقم وطالعته بجدية وهي ناشة : بس تراكم تحبون بعض ..
سعود : انا بطلع احسن لي لان كلامج ما دش مخي ..
ما سمعته خلود لانها ردت ع التلفون ..
وانقهرت لان اللي متصل طلع داق رقم غلط!!
/
زادت صرخاتها وهي تتألم،
يا جمااااعة ح تولد ..
الجملة الوحيدة اللي رددتها النيرس لبقية الممرضات ..
ركضوا بها لين غرفة العمليات عشان يولدونها قيصري ..
الممرضة : فين الدكتووورة فييييين ..
ردت الممرضة الثانية : معرفش هيااا فييين ..
نجلا وهي تصارخ بدون وعي : سيري ازقرييييييييييييييييييييي يييها بموووووووووووووووووووت يلاااااااااااااا ..
الممرضة وهي تجري اتصالاتها : عندنا حالة طوارئ يا دكتووووورة .. // هيه فين ؟؟ // مفيش دكتورة مناوبة // متدربة !!! ؟؟؟ ايه الليلة المنيلة دي ؟؟اندهيلها دلوأتي يلا بسرعة ..
تمت تصاصر الممرضة اللي حذالها : مفيش غير وحدة متدربة ؟؟ ينفع تعمل لها العملية ؟؟
الممرضة الثانية : يختي تعملها وفيها ايه.. أصلها مش دارية عن نفسها أبداً..
الممرضة : طيب .. خدي الورأة دي وخليها تبصم عليها ..
مشت الإجراءات حسب ما بغوها ..
ويت الدكتورة المتدربة بخوف : وإذا ما نجحت العملية ؟؟
الممرضة : ما تخافيش هيّا أساساً باصمة وراضية .. يلا يا ست الدكتورة ..

[درة الاحساء]

(29)

تمت العملية بنجاح ..
وعلى عكس ما توقعوا الممرضات، الدكتورة المتدربة أثبتت نجاحها ..
لكن الصـدمة ...!!
الدكتورة بخوف : الولد شكله ....... ؟!!!
الممرضة وهي تطالع الولد بشك : ممكن أبوه يكون ....... (سكتت) ..
الدكتورة : اتصلوا بـ أهلها وخلنا نجوف ..
.
.
.
بـعد مرور فترة من الوقت ..
سالم : هـا بشري دكتورة ؟؟
الدكتورة : الحمدلله العملية نجحت ..
سالم : وشخبارها الحين ؟
الدكتورة : تطمن هي بخير والياهل بعد بخير..تراها بنية (بشك) انته اخوها ؟
سالم : لا أنـا ريلها ..
تمت الدكتورة تطالع سالم بصدمة .. ومن بعدها مشت بعيد عنه ويلست تصاصر النيرس..
صد سالم على خلود وامه وليلى اللي كانوا واقفين قريب منه : شو السـالفة ؟؟
أم سالم بخوف : اخاف يكون استوى بها شي..
سالم : قالت انها بخير.. بس في شي .. (أشر ع النيرس بعد ما راحت الدكتورة عنها) نيرس لو سمحتي..
يت الممرضة : أيوه ؟
سالم : المريضة نجلا ممكن نجوفها الحين ؟؟
الممرضة : أصلها نايمة دلوأتي وعارف كويس انو صعب جداً انك تخش وهيه عاملة عملية ..
خلود تجدمت : انزين نبا نجوف البنية ..
الممرضة جحظت عيونها : ايـه ؟؟
خلود باستغراب : نبا نجوف البنية ؟؟ (بخوف) الياهل فيها شي ؟؟
الممرضة : لالالالالا ما فيش حاقة .. بس لحظة لحد ما يحطوها في الحضانة ..
سالم بحيرة : خلود حسيتي باللي احسه ؟
خلود بشك : حسيت .. بس ان شا الله ما يكون احساسي في محله !!
سالم : أي احساس ؟؟
خلود بتوتر : سالم مالي خلق اتكلم .. اتريى خل نجوف بنتك ونعرف السالفة كلها ..
طالعها سالم ويلس على الكراسي وغمض عيونه ..
ويلس يهمس في نفسه : ان استوى بها شي بتم ندماااااان طول عمري.. عادي كل هالتعب ياها بسبة ضربي القوي لها هاييج المرة .. ياااااااااااااااااااااااا اااااااااارب ياااااااااااااااااااارب اكتب اللي فيه الخير..
ليلى سارت صوب خلود بخوف : نجلا شو فيها ؟؟
خلود طالعتها بكره "على اساس انها اخت نجلا" : وانا شدراني؟؟ حالي من حالج واقفة ؟؟
ليلى بقلق : انزين وسالم عيل بلاه ؟؟ اخاف شي مستوي !!
خلود تنرفزت : اقولج ما اعرف .. ليش معاندة ..
ليلى : وليش تكلميني جيه ؟
خلود صدت بويهها وما ردت ..
ليلى صرخت : ارمسج ردي عليه !!!..
خلود ردت عليها بجفا : انتي شو تبين بالضبط ؟؟
ليلى والدمعة في عينها : ادري بتقولين اني شرات اختي بس انا مب شراتها .. ولو اني شراتها جان ما فكرت أصلاً ايي وأسأل عنها (انهارت) هاي اختي .. وبعدين ليش جيه تكلميني ؟؟ انا مالي ذنب .. اذا اختي غلطت في حقكم في يوم انا مالي ذنب.. مالي ذنب فااااهمة ؟!!!
رفع سالم راسه مصدوم من كلام ليلى ..
ام سالم هدت الموقف : خلاص يا بنتي تعالي .. تعالي حبيبتي .. خلود ما تقصد ..
تقربت ليلى منهـا .. وأطلقت العنان لدموعها بعد ما غرست نفسها في حضن ام سالم ..
رفع سالم راسه صوب ليلى ..
ليلى صح انها اخت نجلا الا انها النقيض ..
عمرها نجلا ما عبرت عن مشاعرها ..
عمرها نجلا ما فكرت في مشاعره هو روحه ..
تساءل في قرارة نفسه بـعد كل هالسنين ..
ليش خذت نجلا مع ان ليلى أكبـر عنهـا ؟؟؟
الجمـال؟؟
عشان الجمال ؟؟
هـه .. وشو فادني في جمالها غير ويع الراس ... وشح المشـاعر!!
/
الدكتور : شو رايك بعد ما خلصت اليوم اني اعطيك البشارة ..
خليفة رفع راسه : بشر يا دكتور ..
الدكتور: خلاص ما تحتاي اتي عندي الا مرة في الاسبوع ..
خليفة بتفاؤل : الحمـدلله ..
الدكتور: وان شا الله بعد ما تعرف هلك تقدر اتيني مرة في الشهر بس ..
خليفة بتعجب : معقولة ؟
الدكتور: انته حالتك وايد تحسنت يا خليفة من بعد هالفترة من العلاج .. ماشا الله عليك واظبت والحمدلله أنا أجوف نتايج العلاج بدت تثمر وياك ..
خليفة بضيج : بس لين الحين أحس بشي غلط في حياتي ..
الدكتور بثقة : قصدك خايف من هوية هلك ..
خليفة تفاجأ بس ابتسم : اوه صح نسيت انك دكتوري وكاشفني ..
الدكتور : أهم شي لا تنسى تخبرني بكل شي يستوي لك ..
خليفة بقلق : دكتور ما في احتمال ان نفسيتي تتعب بعد ما أجوفهم ؟
الدكتور : بإذن الله ما بتتعب وان شا الله خيـر ..
/
مشى لين ما وصل لقسم الولادة ..
وحصل سالم وخلود وامه يالسين ..
كانت ليلى وياهم بس هو ما عرفها ..
سعود : السلام عليكم ..
ردوا عليه : عليكم السلام ..
سعود : ها بشروا ؟
سالم تنهد : كلهم بخير..
سعود : الحمدلله ع السلامة.. بنوتة ولا ولد ؟
سالم ابتسم غصبن عنه : بنوتة ..
سعود : يلا تستاهل .. لو انه ولد جان غصبتك اتسميه سعود ..
دخلت خلود في السالفة : عادي بيسمونها سعودة ..
سالم بإجرام : هيه ماشي شغلة سعودة !!
سعود : هههههههههههههههه انزين وينها بجوفها ..
خلود : من الصبح نترياهم يزقرونا ويا ويهها النيرس كل دقيقة تقول اتريوا ..
سعود سار صوب امه : شحالج امايه ..
ام سالم : الحمدلله بخير.. شحالك انته ان شا الله بخير؟؟
سعود : الحمدلله .. اسميني اليوم تبهدلت .. لا ريوق شرات الأوادم ولا شي..
ام سالم : خلاص حرمتك وموجودة عرس عليها وفكني من صدعتك ..
تغير ويه سعود وخلود جافته : الله كريم ..
يتهم الممرضة : تفضلوا ..
سالم تهلل ويهه : يلا تعالوا بنجوفها ..
ام سالم : سيروا جوفوها انا رويلاتي تعورني.. (بحنان) اميه ليلى سيري وياهم..
ليلى تنهدت : عقب بسير وياج ..
خلود : صبروا صبروا يايتنكم، (كانت زاخة موبايلها وطرشت مسج لحصة
[استويت عمـة للمرة الثالثة، باركيلـي] )
.
.
.
في حضـانة الأطفال الخدج، كونها الياهل مولودة في السابع ..
سعود طالع خلود .. اللي بدورها طالعت سالم المذهـول ..
الممرضة اللي كانت يالسة في القسم طالعتهم وتقربت منهم : بالمبـارك عليكم هالبنوتة..
بس المشـكلة ان محد منهم علق !!
الممرضة جافت البنت وانصدمت وقالتلهم بشك : على فكرة هذي بنت نجلا صالح الـ...
سالم قلبه بدى يدق وجحظت عيونه ..
زاغت الممرضة وأشرت على سعود بشك : انته ......... أبوهـا ؟؟
سعود زاغ وصرخ : لا لا لا .. (طالع سالم بقلق) هذا اللي المفروض يكون أبوهـا بس البنت .....
الممرضة شكت في السالفة : في يمكن لبس في الموضوع ..لحظة بس أجوف ..
.
.
.
سالم مشى بيطلع ..
وتموا خلود وسعود يطالعون بعض ..
خلود بخوف : البـنت الأفريقيـة هاي .......... بنت سالم ؟!!!!
/
أم أميرة تدز بنتها بقوة : نحسة وبتمين نحسة طول عمرج ..
أميرة وهي تتويع :اميييييييييه يعور !!!
أم اميرة : انا قلت ياج هالولد وبتفكينا من شيفتج .. بس المنحوس منحووووووس!!!
دخل سلطان عليهم باستغراب : بلاكم بلاكم ؟؟ شو ياكم ؟؟
أم اميرة بنرفزة : ما يبون اختك ..
سلطان تفاجئ : علي ما يباها ؟!!
أم اميرة : لا ما يباها ..
سلطان باستغراب : كان متحمس وحالته لله .. والحين ما يباها ؟؟
ام اميرة : اتصلت امه وقالت ماشي نصيب .. (صرخت بقهر) انا شو سويت في دنياي؟؟
سلطان طالع امه باستهزاء : شو سويتي؟؟ قولي شو ما سويتي يا اميه ..
ام اميرة بنرفزة : سليطين اذلف عن ويهي مب متفيجتلك ..
سلطان : ولا يهمج يا اميه انا ذالف الحين.. بس ياي أخبرج ان كل اللي ايينا الحين من حوبات الناس اللي ظلمتوهم انتي وابويه .. (أشر على أميرة بأسف) ووصلت فيكم انكم تربون بنتكم عليها بعد!!!
أميرة بقهر : وانا شو سويت بعد ؟؟ ع كيفك تتهمني؟؟
سلطان : نسيتي سعود يا أميرة؟؟ نسيتي شو سويتي فيه؟؟ نسيتي طردة أبوج المحترمة له ؟؟
صخت أميرة ونزلت راسهـا ..
سلطان صد على امه : لو بس شوي اترييتوا ع الولد.. الولد الحين انشهر.. ومنصبه وراتبه عود .. ويروم يعيش بنتج عيشة ما عاشتها في هالبيت ..
ام اميرة : وانته اشعنه كل ما رمسنا عن شي طريت سعود؟؟ شو عندك انته ؟؟
سلطان ارتبك : ماشي ..
اميرة بقهر : قول لها الصج.. قول لها انك تبا اخته ..
ام اميرة انصدمت : شووووووووووووه ؟؟ تبا اخته ؟؟ (استوعبت) خلـود؟!!!!
سلطان : وشو فيها؟؟
ام اميرة : مينون انته عشان يطردونك مثل ما ابوك طردهم ؟؟
سلطان رفع حاجبه : مب كل الناس جيه يا اميه .. وانا مخبر ابويه من زمان اني بخطبها..
ام اميرة صرخت : ووافق ؟؟
سلطان : هيـه وافق..
ام اميرة : ان خذتها انسى اني امك ..
سلطان بضيج : ليش يا امايه ليييش ؟؟!!
ام اميرة : بنتي تيلس عندي وهاي تعرس؟؟ شو تستهبل انته ؟؟
سلطان حرك راسه بمعنى ان ما في فايدة : انا رمست اخوها واتريى الرد منهم ..
أميرة : وتهقى انها توافق ؟؟
ام اميرة باستهزاء : احلم احلم .. ابوك مفلس وما ظني بتوافق تاخذك ..
سلطان : مب كل الناس همها بس في الفلوس شراتكم.. وانا ان خذتها ما بحتاج ابويه ان شا الله.. يكفيني معاشي عشان أسكنها في بيت ع قد حالي..
ومشى عنهم ..
أميرة بعدم تصديق : انا ماعرف شو سوت فيه هالبنية عشان يتخبل فيها هالكثر !!!
/
في حضـانة اليهـال،
سالم سحب ليلى هناك عشان تجوف بنتـه ..... المزعومة!
ليلى بصدمة : هذي بنت نجـلا ؟؟؟؟
سالم وهو مفول : الحقيرة الـ ... الـ .... الـ ..... (وهو ينتفض ويطالع ليلى وهو مغيظ) من منو هالبنية؟؟ انطقي من منووووووو ؟؟؟؟
ليلى برعب : والله ما عرف من منو .... والله مادري ..
سالم يضرب ع الجدار : اذا انتي ما تعرفين عيل منو يعرف ها ؟؟؟
ليلى دمعت عينها : وانا شو ذنبي ؟؟ كل شي هي بتسويه بتعقونه عليّ ؟؟ انتوا ليش جييييه ؟؟
وانهارت وصاحت وركضت لبرع المستشفى،
سالم من القهر ركض صوب غرفة النيرس: نييييييييييييييييييييييرس !!
الممرضة نقزت من قوة صوته : ايوه ايوه ؟؟في ايـه ؟؟
سالم وهو يتنفس بصوت واضح : ابا أسوي تحليل الـ dna الحين عشان اتأكد انه البنت بنتي..
الممرضة وهي مب مستوعبة : ايـه ؟!!!
سالم صرخ عليها : مثل ما سمعتي ولا تستهبلين ..(بصراخ اكبر) يلاااااااااااااااااا ...
ركضت الممرضة من الزيغة ..
وياه سعود ووراه خلود اللي علامات الخوف واضحة عليهم ..
سعود : ياخوي هدي ما يحتاي تحرق اعصابك جيه ..
سالم بعصبية : اذلف عن ويهي لان اعصابي واصلة لين راسي.. قوم عني..
سعود : ياخي بلاك العصبية شو بتفيدك الحين وانته تصارخ ها ؟؟
سالم دز سعود بقوة من الغيظ : جرب ان حرمتك اتيب لك ياهل افريقي وتعال خبرني شو بتسوي..(صرخ) قوموا عن ويهي ترى والله برتكب فيكم جريمة !!!
سعود وخلود انصدموا من سالم المعصب،
ويا سعود بيرد عليه بس خلود سحبته وسارت توديه عند امها اللي يالسة روحهـا ..
أم سالم بخوف : شو مستوي؟؟ بلاه سالم يصارخ ؟؟
سعود وهو متنرفز : شدراني فيه يتحسب ان عصب كل شي بيستوي !!
خلود تحاول تهدي الموقف : ما فيه شي سالم بس معصب ان حرمته لين الحين مرقدة ..
سعود صد عليها وطالعها بنظرة : وليش تجذبين ؟؟ (صد على امه) سيري جوفي حفيدتج افريقية 100% وسالم شاك انها مب بنته ..
ام سالم بحسن نية : يمكن مخربطين في اليهال ..
سعود : شو مخربطين واسم الام محطوط في ايدين الياهل يا اميه ؟؟
ام سالم بخوف : يعني نجـلا ؟!!!!!!!!!
سعود نش من مكانه : لا حول ولا قوة الا بالله العلي العظيم .. انا ساير الدوام الحين ..
خلود بذهول : وبتودر سالم ع هالحالة ؟؟
سعود بقهر : ادريبه سالم اصلاً متوتر من شوفتي انا.. عادي تراه تحصلينه شاك ان هالبنت مني أنا.. يعني صح اني اسمر وهو ابيض بس مب لهالدرجة بيكونون عيالي أفارقة.. سالم أصلاً من سالفة حرمته وهو شاك في أخلاقي ..
خلود عصبت : انته تفكيرك غبي وعمرك ما بتعتدل !!
سعود : هيه ما بعتدل يوم ان اخوج هزأني جدام اللي يسوى واللي ما يسوى اليوم !!
(حب راس أمه)
يلا مع السلامة ..
.
.
.
ركـب سيـارته وعلى طول زخ موبايله ويا بيتصل على حصة ..
حس بشوط في ايده بعد ما تذكر انه تضارب وياها آخر مرة ..
دق ع العقمة الحمرا واحساس بالخيبة يعتريه ..
تنفس وهو يـردد ببطء ..
حصة ما عادت لك..
ما عادت لك..
/
يـوم يديد،
في بيت أم سـالم ،
كان نازل من الدري بسرعة وأعصابه متوترة،
وما حس الا باللي تزقره بخوف : سالم وين ساير ؟؟
سالم صد عليها وويهه تعبان : المستشفى ..
ام سالم بضيج : تباني اسير وياك ؟؟
سالم بنفاذ صبر : اميه انا ساير اجوف نتيجة التحاليل وبرد لا تحاتين ..
ام سالم : الله يحفظك يا رب ما تبا ريوق ؟؟
سالم وهو ماشي : لا مابا منسدة نفسي عن كل شي ..
.
.
.
دخـل سالم والهدوء باين ع ويهه، مع ان ملامحه تدل على التعب،
صدوا ليلى ونجلا عليه،
ليلى زاغت منه وعلى طول من تجدم ظهرت برع الحجرة،
أمـا نجلا فكان ويهها يدل على انها مسوية جريمة، واكتفت ببحة صوتها انها تقول : سـالم !
سالم وهو يحاول يتمالك أعصابه : الحمدلله ع السلامة ..
نجلا بخوف : الله يسلمك ..
سالم باستهزاء : كنتي تدرين انها بنية وما خبرتيني ؟؟
نجلا بتهرب : ما كنت أدري ..
سالم : جفتيهـا ؟؟
نجلا بخوف : لا ما جفتها..
سالم باستهزاء : هـه.. الا قولي ما تبين تجوفينها لانج عارفة كيف بتكون ..
نجلا بلعت ريجها : شو تقول انته ؟؟
سالم رافع حاجب واحد : كنتي تعرفين بعد ان انا مب ابو هالبنية !!! وما خبرتيني ..
نجلا تفاجأت من كلامه : شـو ؟؟
تقرب سالم منها وبعنف مسك ايدها : من منـو هالبنية ؟؟ تكلمي ؟؟
صرخت نجلا : ما اسمح لك تتهمني في شرفي !!
سالم وهو يضغط اكثر: جببببببببببببب .. سويت تحليل وأثبت الـdna انه البنية مب بنتي انا.. (صرخ بقهر) بنت منو هاي تكلمي ؟؟ تكلمي بنت منوووو ؟؟ منو هالأفريقي اللي ترس عينج يا ال......... يالـ ..................... ..
صرخت نجلا بقوة، وتمت تتويع من قوة مسكة سالم لها، لين ما دخلوا الممرضات ووياهم شرطي..
الشرطي : خير خير ان شا الله ..(زخ سالم) استهدي بالله ياخي شو مستوي؟؟
سالم : اسألها هي عديمة الشرف مادري من منو حامل وانا مصدق عمري بييب ياهل .. يالـ......
.
.
.
مـع المحـاولات اعترفت نجـلا انها حامل من أفريقي!!!!!
وطبعـاً كلكم تعرفون عقوبة الزاني في مجتمعاتنا ..
.
.
.
الشرطة خذوا كل المعلومات اللي عند نجلا عن الأفريقي المجهول،
سـالم بأسف وهو يطالع نجلا المنهارة : عمري ما توقعتج بتكونين بهالدرجة من الانحطاط !!(نزلت دمعة من عينه) انا بشو قصرت في حقج عشان ما تراعيني ولا تراعين ان عندي ولدين شوهتي سمعتهم من وهم صغار.. ليتني بس أقدر أفهمج وأفهم كيف تفكرين يالأنانية .. حسبي الله عليج ..
نجلا وهي تترجاه : سالم دخيلك اتنازل .. دخيلك مب عشاني عشان عيالنا ...
سالم عطاها كف حـار من خـاطره : روحـي من ويهي وانتي ما عندج عيال.. لان عيالي متبرين منج ليوم الدين ... (بألم) انتــي طـالـق ..

[درة الاحساء]

(30)
صرخت نجلا بقوة لكن صراخها ما فاد ..
لأن سالم خلاص طلع..
زخت أجرب أداة حادة منها وضغطت على عرج ايدها..
ويلست تحاول وتحاول..
إليـن ما نزفت بشكل كبير..
وريولها بدت تلتف بصورة تخوف ..
.
.
.
اتصلوا في سالم اللي كان في سيارته وجريب البيت ..
سالم ببرود : ألو
.... : السلام عليكم ..
سالم : عليكم السلام ..
....: الأخ سالم زوج المريضة نجلا الـ ....
سالم بعصبية : كنت زوجها والحين هي طليقتي ..
.... بحيرة : هي ما عندها أقارب ؟
سالم بدون نفس : امبلا عندها اخت ..
... : ممكن تعطينا رقمها ؟؟
سالم بفضول : ليش استوى بها شي ؟؟
....: حالتها متدهورة ومحتاجين حد يوقع ورقة الموافقة ع العملية .. المريضة كانت تبا تنتحر ..
سالم تفاجئ بس سكت : خلاص الحين بخليها اتيي ..
.... : مشكور وما قصرت ..
.
.
.
مسك تلفونه وردت عليه خلود : ها سالم بشر ؟؟
سالم بدون نفس : سيري حجرتي وجوفي موبايل الزفتة نجلا .. بتحصلين رقم وحدة أزفت منها اختها ليلى اتصليبها خل تتلبس وتسير المستشفى عند اختها يبونها ..
خلود بخوف : سالم شو السـ ..
سالم صرخ بعصبية : سوي اللي قلتلج اياه ولا تتكلمين وايد ..
وصك في ويهها ..
خلود بعصبية : ها شبلاه بعد والع ؟؟
أم سالم بخوف : شو السالفة ؟؟
خلود بغيظ : شدراني يتأمر ويسب بعد .. اففففففف خلني اسير اسوي اللي يباه عن انكفخ ..
/
فرح : اوففففففففففففففففففففففف ففففففففففف
حصة ضربتها : بس اففف منج اذني عورتني !! بلاج انتي ؟؟
فرح بملل : والله اني مقهورة ويايتني غصة مب طبيعية ..
حصة : بسم الله شحقه كل ها ؟؟
فرح بوزت : صلاح الكريه .. تخيلي يقول ما يقدر يسوي عرس..
حصة باستنكار : مب هو اللي كان مستعيل يبا يزوجني عشان يعرس؟؟
فرح : هيييه بس حضرته سار وخذ له سيارة ..
حصة : وها اللي ميت عليج بعد ؟؟
فرح : شدراني فيه انتي بعد طولتي لين ملجتي..
حصة طالعتها باحتقار : تراج كريهة انزين.. ملجة وملجت .. ما يحق لج ترمسين..
أم أحمد يت صوبهم : بلاكم بلاكم اصواتكم عالية ؟؟
حصة بغيظ : بنتج تلومني اني انا السبب في تأخير زواجها !!هـه !!
أم احمد : وليش يا حسرة ؟؟ احمد وكان معاند عشان سالفة زواجها والحين ملجت ؟؟ عن المنكر قلنا له متى تبا العرس وهو أجّل ..
فرح : اففففففففففففففففففففف محد فاهمني فهالبيت ..
دخل أحمد : انتي افهمي عمرج عشان نفهمج ..
حصة تأشر له : صح لسانك يا خوي ..
فرح : يوا عشان يستفزوني افففف ..
ام احمد : في خاطري بس لو يوم واحد تسكتين وما تتذمرين.. عنبوه !!
فرح : شو اسوي بعد طالعة عليج ..
حصة : صج ما تخيلين .. ايه تراها امج ..
أحمد : انتوا بس ادعوا انها ما تتطلق بعد العرس على طول ..
فرح شهقت : جيه شو جايفني بايرة ؟؟
حصة حز في خاطرها : ليش المطلقة بايرة يعني ؟؟
فرح : هيه بايرة .. عيل شو اللي يخليها تتطلق أيام الملجة ولا أول العرس الا انها جيه ؟؟
حصة تضايجت : ما يخصه.. يمكن ما تفاهمت ويا الريال.. او ان الريال مب زين.. ع كيفج هو؟؟
فرح باستغراب : جيه انتي ناوية تتطلقين من سعود ولا شو سالفتج ؟؟
حصة ارتبكت : ولا شي ..
ام احمد : بسم الله شحقه تفاولين عليها ؟؟
أحمد : ع طاري سعود .. رمسج اليوم ؟؟
حصة ارتبكت أكثر : هـا .... لا ..
فرح وأحمد وأمهم طالعوا بعض باستنكار ..
حصة وهي تحاول تهدي الموقف واستنجدت بمسج خلود : لأنه مرت اخوه ربت وجيه ومشغول ..
أم أحمد بقلق : حصة شبلاج ويهج تغير ؟؟
حصة نشت من مكانها : ما فيه شي!!!
.
.
.
أحمد : بسير أجوفها ..
فرح وأمها طالعوا بعض مصدومين ..
فرح بخوف : بلاها حصوه اميه ؟؟
ام احمد بحيرة : يمكن زعلانة لان سعود ما اتصلبها ..
فرح : يمكن !
.
.
.
أحمد : ممكن أدخل ؟
حصة وهي تمسح دموعها : ادخل ..
أحمد ابتسم بس مسرع ما زالت ابتسامته يوم جافها تصيح : بلاااااااج ؟؟؟ شو استوى ؟؟
حصة وهي تحاول تيود عمرها : ما في شي ..
أحمد بخوف : حصووه انطقي سعود سوى بج شي؟؟
حصة وهي تضغط على عمرها : لا ما سوى شي ..
أحمد : انطقي شو السالفة ..
حصة وعيونها امتلت دموع : أحمد ما في شي .. ما في شي (نزلت دموعها ورى بعض) ..
أحمد تفاجئ وسار صوبها : منو؟؟ سعووود؟؟!!
حصة بانهيار : أحمد ماباااااااااااااااه مابااااااااااااااااااه ..
أحمد بصدمة : ما تبينه ؟؟؟ ليش ؟؟؟ شو سوى ؟؟
تمت حصة تصيح برعب ..
وأحمد يطالعها وهو متفاجئ مب عارف شو يسوي ..
معقولة سعود يطلع بشخصية ثانية جدامها عشان تكرهه وتقول ماباه ؟؟؟!!
/
أم سالم مصدومة : طلقتها ؟؟؟؟؟
خلود حطت ايدها ع حلجها تكتم الشهقة اللي ظهرت منها ..
سالم وهو مفول ع الآخر : تحملتها وايد يا اميه خلاااص والله طفرت ..
أم سالم : بس انته مب متأكد انها مب حامل منك ..
سالم : تأكدت وحتى كنت برضى لو ان بنتي بهاللون بس انصدمت ان التحليل أكد انها مب بنتي..
أم سالم بألم : وعيالك ؟؟
سالم : مالها حق في حضانتهم.. (بقهر) باجر بوديهم المستشفى أتأكد جانهم عيالي أو لا ..
خلود دمعت عينها من الغصة وهي تجوف سالم يرمس حتى وهو معصب مبين عليه انه مقهور وحاس بالإهانة !!
سالم صد على خلود ببرود : اتصلتي باختها ؟
خلود هزت راسها بإيجاب، وسارت على طول وهي تصيح لـ فوق..
ركضت صوب حجرتها ..
مطر ومريومة من كم يوم وهي ترقدهم عندها من طاحت نجلا في المستشفى..
كانت تصبر عمرها ان نجلا بترد وبتفتك ..
بس شكلها هي اللي بتربي العيال دام امها تعبانة ..
وامهم ................!!!!
.
.
.
اتصلت في حصة ..
بس حصة ما ردت عليها ..
ومن القهر فرت الموبايل بقوة ودموعها اربع اربع ..
مريومة رفعت راسها صوب خلود : عمووه شو بلاج ؟؟
خلود غصبن عنها مسحت دموعها وطالعتها : ما بلاني شي حبيبتي.. بس متضايجة ..
مريومة بوزت : حتى انا متضايجة..
خلود زختها وحضنتها : من شو متضايجة حبيبتي ؟؟
مريومة : مطور كله يصيح يبا امي ..
خلود وهي تقوي من حضنها لها : وانتي ما تبينها ؟؟
مريومة حركت راسها بنفي : لا ما أباها .. ماما ما تحبني تحب مطوري بس.. انا احب ابويه بس..
خلود تألمت ..
حتى وبين عيالج يا نجلا ما عرفتي تزرعين حبج فيهم ؟؟
تألمت أكثر يوم تخيلت ان نتايج التحليل تكشف ان مطر ومريومة مب عيال سالم ..
بس نفضت هالأفكار عن بالها يوم جافت سالم واقف صوب الحجرة وهو يجوفها تحضن مريومة ودموعها تنزل ...
مريومة نشت من عند خلود وركضت صوب سالم وهي تصارخ : باباااااااااااااااااااااا ااااااااااااا..
طالعها سالم ببرود وشلها..
ما حضنها ولا باسها ..
ورد نزلها وشكله كارهنها ..
فتحت خلود عينها بقوة عليه وهي مصدومة ...
يت بتتكلم بس جافت سعود ورى سالم ..
سعود من ويهه قافط وشكله يبا يعتذر لسالم انه طول لسانه عليه في المستشفى ..
مريومة ركضت صوب سعود : عمييييييييييييييييييييييي ..
شلها ويلس يبوسها بحب : تعالي يا حبيبة عمييي انتي .. (حضنها) فديت روحج والله..
مريومة اونها تهمس لسعود لكن بصوت مسموع : وين حلاوتي؟؟
سعود : بعدين بعدين .. يلا سيري عند يدو أكيد خاشتلج حلاوة..
سالم كان مجرد متفرج وملامح ويهه جامدة جداً !!
سعود بصوت واطي : بعدك زعلان سلوم ؟؟
سالم فج عينه مصدوم من طريقة الاعتذار : سلوم في عينك .. سعّود الهرم ..
سعود ابتسم له :هههههههه اهم شي لا تزعل مني.. صدقني كنت معصب ومقهور ..
سالم تنهد بضيج : مب زعلان منك لا تحاتي ..
سعود حط ايده ع ظهره بكوميدية : متأكد ؟؟
سالم ابتسم ابتسامة صفرا : هيه ..
سعود : جواب نهائي ؟؟
سالم دز ايديه : صج متفيج انته !!
خلود ابتسمت : أونكم حتى يوم بتتصالحون ما تعرفون ..
سالم وسعود طالعوها بإجرام وبصوت واحد : جـب !!
خلود : خيبة خيبة .. كلتوني .. بعدين ظهروا مطر راقد ولا ناوين تقومونه ؟؟
سالم جاف ولده وشكله تذكر نجلا : تحمليه الله يخليج ..
خلود تفاجأت : والله ما قصدت شي سالم.. والله انه عسل ع قلبي..
سالم : ادري يا خلود.. بس محد يتحمل اليهال الا امه ..
خلود : نفاد ينفدها ان شا الله راحت وخلاص .. انا عمتهم وما عليك انته ..
سالم : يلا بسير ارقد هلكان ..
بعد ما سار سالم ..
سعود همس : وين سارت حرمته ؟؟
خلود صكت الباب : طلقها ..
سعود استانس : اخيراً ما بغى ؟؟
خلود : بس جوفه كيف نفسيته تعبانة ..
سعود : ما عليه المهم ما يتم عايش ويا وحدة خاينة شراتها ..
خلود : الله يعين .. (بتعمد) يلا عرس ع حصوه خل تساعدني فـ تربية مطور ومريومة..
سعود وجنه هالطاري ضايجه : لاحق بعدني..
خلود بشك : شي بينك وبين حصة ؟؟
سعود : لا ماشي ..
خلود : لا في شي.. انته وحصو مب طبيعيين ..
سعود باستغراب : كيف يعني ؟؟
خلود : انته وارم طول الوقت ومن انيب طاريها ويهك يتغير.. وهي اتصلبها واطرشلها مسجات ما ترد عليه ..
سعود صخ ...
خلود بخوف : سعود تضاربتوا انتوا ؟؟
سعود هز راسه بإيجاب ..
خلود : ليش ؟؟
سعود سوى حركة انه ما يعرف ..
خلود : لا تعرف..
سعود : والله ماذكر ليش..
خلود تفاجأت : لا والله ؟؟ ومن متى متضاربين انتوا ؟؟
سعود : من سالفة جويل ..
خلود انصدمت : وما فكرت تراضيها ؟؟
سعود : بشو اراضيها ؟؟ وانا مب عارف شو غلطتي أصلاً.. المفروض تحاسبني جان فكرت أخونها وهي ع ذمتي مب على ماضي راح ..
خلود : ونسيت ان جويل يت البيت وحصة ع ذمتك ؟؟
سعود : أدري بس ..........
خلود : انته اعتذر لها ..
سعود بضيج : نحن تضاربنا على اشيا وايدة مب بس هالشي..
خلود برعب : شو بعد ؟؟
سعود : اوووووووووه ماعرف..
ونش من مكانه وسار ..
خلود : الله يهديكم بس...!!
/
انتحـــــــــــــــــــــ ار ؟!!!
الدكتور : هيه .. والمشكلة انها نجت ..
ليلى بغموض : كيف يعني ؟؟
الدكتور : ياها انهيار عصبي حاد وهالشي له آثار جانبية ..
ليلى تفاجأت :شووو؟؟؟
الدكتور : للأسف .. ع فكرة اندلينا مكان أبو البنت.. وقبضوا عليه لين ما يوافق يتزوجها..
ليلى تفاجأت : بس هي متزوجة ..
الدكتور : طلقها ريلها ..
ليلى انصدمت اكثر : والحين شخبارها هي ؟؟
الدكتور : في العناية المركزة ..
ليلى : دكتور هي بتنحبس ؟؟
الدكتور : هي الين ما يتزوجها ابو البنت ..
شهقت ليلى ودمعت عينها وسارت بعيد عن الدكتور..
حسبي الله عليج يا نجلا .. هالكثر سويتي فضايج وستر عليج الريال..
والحين بتنسجنين الين ما يتزوجج الأفريقي؟؟؟
حسبي الله عليج..
عساج مـا ...........
استغفر الله العظيم..
/
أحمد : والحين هديتي ؟؟
حصة تنفست بهدوء : شوي ..
أحمد بحنية : قوليلي شو استوى بينج وبين سعود ؟؟
حصة وهي تبلع ريجها : البنت اللي قلتلي انها مالها علاقة في سعود طلع على علاقة فيها ..
أحمد توهق : هو ما خبرج عنها ؟؟
حصة : لا ما خبرني لأني أصلاً تغاضيت عن هالموضوع ..
أحمد : دامج فضلتي السكوت ليش ياية تلومينه عيل ؟؟
حصة : أحمد انته تعرف انه له علاقة فيها ؟؟
احمد : سعود كان صريح ويايه وخبرني انها هي اللي تلحقه وهو يصدها ..
حصة : بس هي وصلت له لين دبي تخيل!!
احمد : والله يا حصة انا لو ماعرف سعود جان ما زوجتج اياه.. ما عنده هالسوالف وهالبنية لاحقتنه لانه صدها وهي الا تبا تنتقم وتخرب علاقتكم ..
حصة : يا ريت لو بس على هالسالفة ..
احمد : شو بعد ؟
حصة : ما احس اني متزوجة
احمد : ليش ؟؟
حصة : والله اني ارمسه شرات اخويه ..
احمد قاطعها : بس هو ريلج .. وشي طبيعي دامكم اثنيناتكم تستحون انكم ما ترمسون شرات أي زوجين.. بالهداوة يا حصة ..
حصة : بس هو عق علي كلام شرات السم ..
أحمد : وليش عق هالرمسة عليج ؟؟
حصة : مب لازم تعرف السبب بس هو ليش يعق؟؟
أحمد : عيل معناته انتي اللي استفزيتيه .. قولي شو قلتيله ؟؟
حصة نزلت راسه : قلتله ............. سألته ان كان يحب أميرة ولا لا ..
احمد تفاجئ : وانتي شو يخصج ؟؟
حصة : شو بعد شو يخصني انا زوجته ومن حقي أسأله ..
احمد : ما يحق لج دامه ما بغاج تفاتحينه بهالموضوع ..
حصة بقهر : لا تلومني تراه مرتين زقرني أميرة بدال حصة ..
احمد : ومعناته انه يحبها يعني ؟؟
حصة : عيل ؟؟
احمد : حصووه كبري عقلج .. وسعود ترى نعمة يكفي انه اختارج بنفسه ..
حصة : وشو الفايدة يوم ان في فترة الملجة مب رايمين نتصافى ؟؟
احمد : لو انتي شاطرة بترومين ..
حصة : هـه .. شاطرة ؟؟ لا مب شاطرة تطمن ..
احمد : فكري عدل بكلامي.. ولا تخلين سالفة تافهة تخرب حياتكم وانتوا بعدكم ما بديتوها..
حصة : إن شا الله
/
رن تلفون البيت وهي تزاعج ع خلود انها ترد ..
بس خلود يلست تصارخ : اميييه والله اني أسبح مطووور ..
نشت بتعب صوب التلفون وردت : الـو ..
..... : هـلا أم سـالم .. انا بو سالم ..
ام سالم تفاجأت : نعم ؟؟
بوسالم : شحالج ؟
ام سالم : زينة ..
بوسالم : ام سالم فكرتي بالموضوع اللي قلتلج عنه ؟؟
ام سالم انحرجت : هـا ؟؟؟
بوسالم : خليني أعيش باجي أيامي ويا عيالي.. ترى ما بقى من العمر كثر اللي راح ..
جملته الأخيرة داعبت مسامعها بقسوة ..
فقررت انها تلتزم الصمت ..
وبوسالم بدى يردد .. ألو . . أم سالم .. وين سرتي.. تسمعيني ؟؟
الين ما عيز وسكر الخط ..
وسكرت الخط من وراه وهي حاسة بمشاعر غريبة ..
معقولة حبه راسخ بعد كل هالعمر ؟؟؟

[درة الاحساء]

(31)

نفضت أم سالم هالأفكار من بالها،
معقولة أرد له ؟؟ وكلام الناس ؟؟؟ هو ما يفكر في الناس شو بيقولون عني لو رديت له .. ؟؟!!
تنهدت بندم لانها ردت ع التلفون..
وصرخت بقوة : خـلوووووود ..
.
.
.
خلود بعصبية وهي شالة مطر في حضنها وهو بعده بالفوطة : اميييه ترى اقولج اسبح مطر بلاج مب مصدقتني ؟؟
أم سالم بعصبية : وينها مريومة ؟؟
خلود : في الحمام تتسبح ..
ام سالم شهقت : بروحها ؟؟
خلود : لا انا واقفة عند باب الحمام ألبس مطوري واجوفها ..
ام سالم : سيري خلاص..
خلود بشك : اماية بلاج ويهج متغير ؟؟
ام سالم : ما بلاية شي.. سيري خلاص ..
خلود باستغراب: سعود وينه ؟؟
ام سالم : في الدوام ..
خلود : انزين شو بغيتي صح زقرتيني ؟؟
ام سالم وهي تحاول تتذكر ..
يا ربيييييييه شكله اتصال بو سالم نساها كل شي..
ام سالم تذكرت : هيـه .. سالم يقولج سبحي عياله وتلبسي انتي بعد ..
خلود تفاءلت : بيطلعنا ؟
ام سالم : لا .. بيوديهم المستشفى..
خلود بقهر : استخف سالم والله انه استخف ..
ومشت لفوق وهي مغيظة ..
حشى يا سالم ؟؟ ما جفت الشبه بينك وبين عيالك؟؟
الا جيه تعال وشك؟؟
الله يهديك بس..
/
في احدى فنادق الدولة ..
كانوا عبارة عن عدد لا باس به من الصحفيين، يلسوهم في غرفة الاجتماعات..
مدير الفندق " عيسى" ما كان فاهم لغة قطاع الضيافة الفندقية أساساً.. فزقر خليفة اللي كان حاط في باله انه بيدخل على عيسى في غرفة الاجتماعات ..
دخل خليفة باستعباط ووياه واحد من الموظفين، مثل بحركة انه زاغ ومات الموظف من الضحك ..
خليفة بهمس : حشى هاييل كلهم عيسى ؟؟
الموظف "محمد" : هههههههههه امش امش.. والله وقمت تسوي لقاءات صحفية..
خليفة : ايه انا رئيسك احترمني..
محمد دزه بخفه : لا تفشلنا عن يقولون رئيسهم خدية ههههههه ..
نش عيسى وأنقذ الموقف.. الحبايب كانوا ماخذينها سوالف..
عيسى : وهذا رئيس قطاع الضيافة الفندقية عندنا ..
رحبوا فيه بعشوائية،
ويلس خليفة في الكرسي الرئيسي عشان الصور.. وطبعاً هو خاق لانه اول مرة ييلس هناك.. ولان عيسى عدو الموظفين كلهم تكسر راسه من طلب الصحفيين انه ما يظهر في الصور..
خليفة بغرور : شو تحبون تشربون ؟؟
واحد من الصحافيين : تسلم بس عندنا كم سؤال ..
ابتسم خليفة وهو عارف ان عيسى من طبعه بخيل ما يحب يضيف الناس: افا عليك يايين فندقنا وما نضيفكم ما يستوي (أشر على محمد) جوف شغلك يا محمد ..
عيسى ويهه احمر من الغيظ بس تم ساكت ..
تموا يسإلون وخليفة يجاوب عادي بتلقائية، بس كان واحد من الصحفيين مندمج يصوره وما يوقف لان فوق العشرين لقطة وهو يصورها .. حتى خليفة حس انه تشوش..
طالعه خليفة بغباء وقال للصحفي اللي يسأله : لحظة شوي.. باخذ لي صورة فنية..
وجمد في مكانه ولف ويهه على اساس انه بياخذ صورة فنية وكل الصحفيين يضحكون..
المصور انحرج بس خذها بروح رياضية وخذ الصورة : والله احلى ذكرى لي ولا يهمك ..
تموا جيه فترة الين ما زقر محمد الصحفيين عشان يتضيفون ..
وعيسى ماكل عمره من القهر.. وده لو يجتل خليفة ..
ترى البخل مشكلة!!
/
عند سعود،
وفي مكتبه الخاص،
كان يالس ومخلص شغله تقريباً بما ان الدوام ما باقي شي عليه..
سرح للحظات ويلس يفكر في وضعه ..
متزوج بس بدون ما يحس بهالشي..
سالم ومتبهدل بزواجه وهو ماخذنها عن حب ومعاند هله ..
خلود وسلطان اللي تقدم لها ولين الحين ما فكر يفاتحها بالموضوع ..
مريومة ومطر هل هم عيال سالم ؟؟
قطع عليه سرحانه دخلة "فهد" واحد يشتغل وياه في المكتب اللي حذاله ..
فهد : اللي ماخد عألاتك يتهنى ..
ابتسم سعود مجاملة : جب انته .. حتى في عقلي تبا تدش..
فهد : ههههههههههه .. اقول شو رايك نتغدى برع ؟؟
سعود : ليش مب ناوي تسير بيت المدام اليوم ؟
فهد : لا المدام سايرة السوق وبيني وبينك احسن مليت من مجابل ويهها كل يوم.. بعد الزواج شو بنسوي؟؟
سعود : ههههههههههه (بصوت مبحوح) تحبهـا ؟؟
فهد لاحظ نبرة الحزن فيه :اكيييييد.. انزين شو رايك نسير أي مطعم؟
سعود : مطعم شرات شو؟
فهد : انته شو في خاطرك؟؟
سعود : مادري ولا شي
فهد : خلاص انا بنقي، يلا ما بقى شي ع الدوام ..
سعود : خلاص بتصل في الأهل ومن عقبها بنظهر رباعة ..
ابتسم فهد : اوكيـه ..
مع مـرور الوقت،
كل واحد ركب سيارته واتفقوا ع مطعم جريب،
في المطعم،
فهد وهو يتأمل سعود : اللي يجوفك الحين ما بيقول الا انك انسان ملياااان هموم ومب رايم تسوي شي من كثر الحزن ..
سعود بضيج : اسكت يا فهد .. ماروم اظهر حزني الا جدامك.. اما جدام الاهل يالس وامثل..
فهد : خير ان شا الله في شي؟؟
سعود : مشاكل تستوي في كل بيت.. بس اللي مضايجني اني مب رايم اتناساها ..
فهد : مبين عليك نفسيتك تعبانة.. رئيس القسم طارق حتى لاحظ هالشي عليك بس ماحب يقولك..
سعود تنهد : صدقني مب بإيديه ..
فهد: كل انسان يعيش مشاكل في حياته يا سعود.. انا مثلاً وبعطيك مثال بسيط، مالج من 5 سنين، اول سنتين اترييتها لين ما تخرجت من المدرسة.. وقلت خلاص الحين بنعرس.. بس طلعت دور ثاني ورسبت واضطريت اترياها سنة ثالثة.. قلت ما عليه.. بعدين بعد ما حددنا موعد العرس توفى ابويه، واميه حلفت عليه اني أأجل العرس سنة كاملة، عدتها 4 شهور وسوتها سنة !، حتى هل العروس ما عيبهم بس قالوا ما عليه.. وحددناه بعد سنة، وقبل العرس بشهر توفت أمها، وعاد أونهم عشان انا أجلت عرسي عشان ابويه.. لازم أأجله بنفس المدة عشان أمها، وأجلناه.. بس لا حددت متى ولا شي.. جيه مخلي السالفة..
سعود تفاجئ: والله شي غريب!! وبتيلسون تأجلون كل ما توفى لكم حد ؟؟
فهد : شو نسوي بعد ..!!
سعود : وحرمتك راضية ؟
فهد : حرمتي مالها شور من بعد هلها.. بس صدقني لو اني مب شارنها جان طلقتها وخذت لي وحدة ثانية أحسن لي من هالعبالة..
سعود تفاجئ : هذا وانا سامعنك كذا مرة تتغزل فيها حضرتك!!
فهد : هههههههههههههه يا خي مب صعبة انك تقول كلمتين حلوين حق اي حرمة.. وبيني وبينك هالخمس سنين خلتني أعرفها زين ما زين، على كل شي بس تراها احسن من غيرها..
سعود : الله يهنيكم يا رب..
فهد : آمين ..انزين وانته شخبار ملجتك؟؟ متى ناوي تعرس؟
سعود تنهد : الله يخليك اسكت ..
فهد : افا يا ابن العم.. شو بلاك ؟
سعود : الا قول شو اللي ما بلاني.. انا حاس اني مشتت ومب عارف شو اسوي!!
فهد : هلك جبروك عليها ؟
سعود : لا محد جبرني.. القهر اني انا اخترتها ..
فهد ابتسم : عيل خلاص عرفت عوقك.. انته تولهت ع العزوبية عشان جيه مطلع حرتك في بنت الناس.. ياخي سير بيتها وتفاهم وياها.. وان حسيت انها ما تصلح لك تراكم بعدكم ع البر..
سعود تفاجئ : يعني أطلقها ؟؟
فهد : عيل بتعلقها طول حياتك ؟؟ يلا بنتغدى ومن عقبها بوديك ذاك المحل السنع اللي تشتري فيه هدية حق الحرمة تخليها ترضى غصبن عنها ..
سعود ابتسم غصبن عنه : هههههههههه الهدايا مب كل شي..
فهد : انته بلشة تصدق؟؟؟ لا تتفلسف وايد يا بوك تراك معرس يديد وما تدري عن الزواج بشي..
سعود برجاء : فهد انا ماعرف شي فهالسوالف..
فهد طفر : اسكت وخلني آكل.. ومن بعدها بعلمك.. ربي يعينها بس يبالك كورسات!!!
سعود : هههههههههههههههههههههه
/
يالسة روحها وتتأمل الأوضاع حواليها،
معقولة يعني اللي يستويبها ؟؟
معقولة نجلا كانت تسد كل هالفراغ اللي تحس به الحين ؟؟
حتى مالها نفس تزور نجلا لانها ما تبا تجوف ويهها..
نجلا من بتظهر من المستشفى على طول بتسير السجن.. ومن بعدها بتتزوج هاك الأفريقي..
هـه !!! غبية ..
أفريقي عاد ؟؟
تذكرت مرة يوم جافتها نازلة من سيارته من فترة طويلة وااااااايد ..
ليلى شهقت : منو هـا ؟؟
نجلا تضحك : هههههههههه بلاج ؟؟
ليلى : اول مرة اتين ويا دريول .. لهالدرجة اللي غازلج مستكثر عليج انه يوصلج ؟
نجلا باحتقار : هذا مب دريول.. هذا جاك .. واحد تعرفت عليه ..
ليلى باشمئزاز : عاد ما حصلتي الا هالافريقي ؟؟
نجلا تكتفت : ما يهمني.. بعدين تراه أمريكي..
ليلى : عادي.. امريكي من اصول افريقية.. ما يحتاي من شكله واضح ..
نجلا : تراه يفرج بالعربي صوب واحد ..
ليلى فتحت حلجها من الصدمة : اونه ..!!
نجلا : هيييه .. انتي شدراج أصلاً ؟؟ بعدين هاي هي الموضة انج تتمشين ويا هاييل، هالايام الشباب يدورون ع الحريم الاجانب،
ليلى بصدمة : وانتوا تدورون ع الرياييل الأجانب ؟؟
نجلا بملل : أوووه سيري عني مب متفيجتلج ..
ليلى زختها : لحظة انتوا بينكم شي ؟؟
نجلا تغير ويهها : شو قصدج ؟
ليلى بصوت مهزوز : حرام تدمرين بيتج وانتي تسوين كل شي بالحلال ..
نجلا فتحت عينها بصدمة وشلت ايديها بقوة : هدي ايدي، يبالها كسر انزين ؟ شو ياينج مستوية مطوعة هاه ؟؟
ليلى بتردد : ما قلت اني استويت مطوعة ..
نجلا : يبالي أدور لج على واحد يسد الفراغ اللي عايشتنه.. بس شسوي يوم انج خسفة وما تتشاهدين!!
تنهـدت بحـزن !!
والحين يا نجلا وينه جمالج اللي راح خرطي بين المستشفيات والسجون ؟؟
شو حياتج وانتي عايشة شرات المنبوذة الحين مع بنت بالحرام ؟؟
/
نزلت من الدري وهي متبهدلة، وتصارخ ع مريومة من صوب وهي مغيظة،
ومطر يلعب في شيلتها ..
صرخت بقوة : مريوووم نزلي ولا بيي بسحبج من شعرج .. يلا عن الحركات !!
طالعتها ام سالم وابتسمت : والله واستويتي أم يا خلود ..
خلود وهي مبوزة : ما عليه شو نسوي بعد !!
أم سالم : تدربي لين ما تعرسين واتيبين عيال ..
خلود بملل : خلاص جربت ملل العيال مابا اعرس ..
ام سالم : ويديه بنتي تخبلت !!
خلود : ههههههههههههه .. انزين خلاص.. شو بلاج انتي ؟؟
ام سالم بحيرة : من فترة اييني الضيج ويسير وماعرف ليش ..
خلود : عشان سعود يعني ؟؟
ام سالم باستغراب : سعود بلاه ؟؟
خلود : مممممممممممممممممممم ماعرف والله شو أقول لج يا اميه ..
ام سالم بضيج : بلاج ؟؟
خلود : اماية سعود روحه بغى حصة ولا عشان انتي قلتي تبينها هو خذها ؟؟
ام سالم : لا والله هو من نفسه قال يباها ..
خلود باستنكار : عيل ليش جيه ؟
ام سالم : شو ليش ؟؟
خلود : أحسهم مب شرات باجي المعاريس ..
ام سالم باستغراب : باجي المعاريس ؟؟ بعدهم مالجين ما وحى لهم ..
خلود : لا اميه يعني سالم يوم عرس كنا نجوفه مطيح في بيت حرمته .. ولا 24 ساعة يرمسها .. بس سعود وحصة ...
ام سالم تقاطعها : الحين تشبهين سعود وحصة بسالم ونجلا ؟؟ بالمرة ما يخصه !!
خلود : صح ما يخصه بس بعد يا اميه .. انا اللي اعرفه ان فترة الملجة كلها حب وو ...
ام سالم ردت قاطعتها : لا تتفلسفين وايد.. ولا تفاولين على اخوج وحرمته ..
خلود : يعني مثلاً ما أبا لهم الخير ؟؟
ام سالم : مب جيه بس رمستج يعني انج تعرفين شي وخاشتنه عني ..
خلود بضيج : بصراحة يا امايه مادري..
ام سالم : سعود قال لج شي ؟؟
خلود : تقريبـاً ..
ام سالم : ما عليج منه هو يعق الرمسة وينسى عقب .. تحصلينه معصب بس...
خلود : ان شـــــــا الله ..!! (طالعت مويايلها والمتصل سالم) خلاص امايه هكوه سالم يا،
شلت مطر،
وزخت مريومة اللي يلست تستهبل بس ردت زختها بقوة ومشت : يلا مع السلامة ..
ام سالم : الله يحفظـكم ..
ركبـوا السيارة وويه سالم متغير شوي ..
خلود بعد ما يلست مطر ورى وهددت مريومة انها ما تتحرك ردت ركبت جدام : افففف منهم عيالك..
سالم ابتسم مجاملة : طالعين على عمتهم ..
خلود : بس ما عليه عسل ع قلبي .. بعدك تبا توديهم المستشفى ؟؟
سالم بجمود : هي ..
خلود صدت عليه بعدم تصديق : مب ناوي تغير رايك ؟؟
سالم هز راسه بنفي : لا
خلود صدت عليهم وبلعت ريجها : عشان تجيـك اذا كـانوا .........
سالم : هيـه ..
خلود : واذا طلعوا...؟؟؟؟ !!!!!!!
سالم برفض : خلنا نتأكد ولكل حادث حديث !!
تنهدت خلود : الله يسـتر بس ..
في احدى المستشفيات الخاصة،
طلب سالم التحليل انه يكون Urgent .. عشان يعرفون النتيجة الحين..
خلود وهي تطالع سالم بخوف وحاضنة مطر اللي كان يصيح هو ومريومة : سالم الله يخليك شل مريومة مب رايمة عليهم اثنيناتهم ..
سالم بقلق : انا وين وانتي وين ؟؟ خل يصيحون شعليه انا ؟؟
خلود طالعته بنظرة ونشت بعصبية : تعالوا باخذ لكم حلاوة،
بعد ما ردت سالم رفع حاجب واحد : ليش معصبة ؟؟
خلود بغيظ : بالذمة هاي حالة وانته تعامل عيالك جنهم بهايم؟؟ مطور قلنا ياهل وما يعرف.. بس مريومة عودة وتفهم .. ياخي حتى سعود تعلقت فيه اكثر منك لانك تعاملها جيه ..
سالم بقهر ممزوج بغيظ : تبيني اشلها وأجاملها وانا في قلبي كارهنها لانها بنت الحقيرة نجلا؟؟ تبيني أجامل نفسي وانا الود ودي لو ازخ السجين واجتلها هي واخوها وامهم ؟؟ أبغي اتخلص من هالعار وانتي تبيني أحبها وانا في نفسي مستخسر كمية الحب اللي حبيت فيها امها ؟؟
خلود بعدم تصديق : بس هـاي بنتك يا سالم .. بنتك !!!
سالم صخ وشكله ما اقتنع بس حب يصك السالفة !!
مـر الوقت ببطء، وطلعت نتيجة التحاليل،
مريومـة ومـطر عيـال سـالم ..
تنهدت خلود براحة ويلست تحضنهم بقوة، ما بيروحون عنها يعني..
هاييل عيال اخوها على انها متلعوزة وياهم بس تحبهم ..
خلود ودموعها في عينها : والحيـن ما بتشلهم بعد لانهم عيالك وعيال نجلا ؟؟
سالم تألم بس في نفسه راحة ان هاييل عياله ، ما لقى صعوبة انه ياخذ مطر ويحضنه ويبوسه، بس يوم اتجه عند مريومة جافها تتلصق في خلود،
سالم همس لها بصدمة : مريومة ما تبيني ؟؟
مريومة كانت تتنفس بصعوبة، شكلها رافضتنه مثل ما هو رفضها ذاك اليوم وسعود شلها ..
سالم وهو يطالع خلود وبقلق : مريومة انا بـابـاه .. ما تبيني ؟؟ انا ابوج ..
تمت متشبثة في خلود بشكل رهيب،
سالم رد يطالع خلود بضيج : شو السالفة ؟؟
خلود : يعني هالكم يوم مطنشنها وكارهنها.. طبيعي تخاف منك ..
سالم : وشو الحل يعني ؟؟
خلود تهمس لمريومة : مريومة حياتي هذا بابا ما تبينه ؟؟
مريومة بخوف : بابا ما يحبني !!
خلود : بابا ما يحبج ؟؟ بابا يباج الحين عشان يوديج الألعاب..
مريومة : بيوديني الألـعاااااااااب ؟؟
خلود : هيه حبيبتي..
مريومة : انزين بابا بيودي ماما ويانا ؟؟
خلود وسالم طالعوا بعض ..
سالم بقلق: انتي تبينها ؟؟
مريومة زخت ايد خلود وكانها تدور ع الأمان : ماباها اكرهها ..
شهقت خلود بصدمة ..
بس صخت يوم زخ سالم بنته وحضنها بقوة وعيونه تدمع ..
ومريومة تردد : مابا ماما .. ماباها .. ماما ما تحبنـا .. تكرهنـا ..
/
دخلت فرح ع حصة وهي تترقص باستعباط : لا لا لا لا لا يا ربببببي يا ربببببببببببي..
حصة : ايه يا العبيطة .. شبلاج !!
فرح تحرك حواجبها : القلب القلب القلب ..
حصة بحيرة : القلب ؟؟ منو صلاح ؟؟
فرح صكت الليت ودزتها صوب الستارة : جوفي جـوفي ..
الجو كـان مـظلّم ..
حصة صدت على فرح : يا الهبلة وين ما شي حد ؟
فرح : ركزي عدل في سيارة عند الباب ..
كان السيارة من نوع إنفينيتي FX سودا،
حصة طالعتها باستهجان : صلاح خذ سيارة يديدة ؟؟
فرح : ركزي عدل يا الذكية ركزي ..
حصة وهي تركز ..
دخل السيارة داخل بما أن الحوش عود ..
قلبها بدى يدق وهي تجوفه يطالع عمره من المراية يتأكد من ان العقال في مكانه السليم،
هيئة جسمه، وكيف نش، وتحرك بخفة لين الباب الثاني وخذ الهدية وصك الباب وقفل السيارة..
فرح بنذالة فتحت الليت وبينت هيئة حصة بس انها تطالعه ..
رفع راسه لها، بس ما كان واضح اذا عرفها ولا لا ..
وهي تصنمت ..
وقلبـها يدق..
سعـود هنـي ..
سعـود هني يا فرح !!!