مظاهرة نسائية / الكاتبة : دلوعة الشرقية ، مكتملة

[لامارا]

بعد 3 ايام بالضبط رجع تركي واول شئ سواه راح لبيت ابو ريان...وبالصدفه دينا كانت لوحدها بالصاله تطالع من النافده العصافير....لما سمعت صوته وهو يسلم لفت له بصدمه.....
تركي ببتسامه ولا كأن صاير شئ : رد السلام واجب
صدت عنه وجلست عالكنب: هلا
راح وجلس جنبها : وحشتينــي
دينا وهي تصر على اسنانها: كلمة ثانيه وماتلوم الا نفسك اوكي..لك عين بعد تتكلم بعد اللي سويته
تركي بصوت منخفض: خلي هالكلام للبيت يامدام مو هنا
نزلت ام ريان والاثنين ابتسموا حتى ماتحس بشئ...
ام ريان: هلا بولدي تركي الحمدلله عالسلامه
تركي: هلا فيك عمتي الله يسلمك شلونك؟
ام ريان: بخير ياولدي شخبار اهلك عسى بس انحلت مشاكلهم
كشر ولف لدينا...شقالوا لهم...شدخل اهلي
قامت دينا ومثل الممثله البارعه افتعلت ابتسامه ساحره ومسكت يد تركي: اكيد يمه ماتشوفينه رجع
تركي: يلا حبيبتي نرجع البيت
دينا: لا ببقى هنا
ام ريان: لا يمه الحرمه مالها الا بيت زوجها لبسي وروحي مع زوجك
تركي: يلا دينا بسرعه
دينا: طيب

بتسمت لتركي باصطناع وصعدت لغرفتها رتبت اغراضها بعصبيه...اووف كيف باروح معاه مااتحمل حتى اطالع فيه....اوووف
سلمت على امها وهي طالعه دخل ابوها اللي سلم على تركي وسأله عن اوضاع اهله ورد بكل ثقه الاوضاع تمام

لف لدينا ..
ابوريان: خلاص يابابا بتروحين؟
دينا: أي يبه....ودي ابقى بس انت عارف
ابوريان: الله يوفقك يابنتي لاتقطعينا عاد
دينا: لااكيد يبه....
تركي: يلا مع السلامه
ابوريان: الله يسلمكم
بالسياره كانت كارهه وجودها معاه مو طايقه حتى تلف له...
تركي: شوفي دينا
دينا:_______
تركي بتحدي: اذا كنتي مفكره اني بطلقك تكوني غلطانه
مسكت نفسها للبيت هنا ماتقدر تقول شئ....
لما صاروا في بيتهم راح وجلس عالكنب وحط رجل على رجل... وقفت بوجهه بتحدي
دينا: هالشئ ياتركي انا اللي احدده مو انت...انا اللي اختار ابقى معاك او لا انت ناسي انا مين وانت مين
قام لها ومسكها من يدها بقوه: واذا كنتي يعني بنت اغنى تجار الشرقيه تنفشين ريشك علي؟
لاياحبيبتي تكوني غلطانه..مو تركي اللي بنت مثلك تكلمه بهالطريقه
سحبت يدها من يدها: وكيف تبيني اكلمك ياحبيبي.....اصلا انت ماخليت أي مجال للكلام بيننا
تركي بخبث: عالعموم انا باصعد انام تجين؟
دينا بقرف: ولاتحلم ننام انا وانت بغرفه وحده
تركي: انا زوجك ولي عليك حقوق
دينا: انا ماعندي أي شئ لك بعد اللي سويته
وجلست وهي معصبه من قلب....اما هو بلا اهتمام صعد وتركها....

اليوم الثاني اوتعت على نفسها وهي نايمه عالكنبه بالصاله طالعت الساعه كانت 2 الظهر....قامت سبحت واكلت لها خفايف وبقت تمشي في بيتهم الواسع....مافي أي حس ولاصوت لتركي يمكن بعده نايم....
يكون افضل بعد...قامت تتأمل اللوحات المعلقه عالجدران....هي اختارت هاللوحات بعنايه وحرص...
لمساتها واضحه بكل ركن من اركان هالبيت البارد الواسع....
حست بخطوات وراها عرفت انه هو....جاء ولف يدينه حول خصرها.غمضت وهي منقرفه منه كانت تبي تدرزه وتضربه.....بس مسكت نفسها
تركي: وحشتيني حبيبتي
دينا: تركي اتركني ممكن؟
تركي: ماراح اتركك زوجتي كيفي
شالت يدينه وراحت بس سحبها: وين رايحه
دينا: أي مكان مانكون فيه سوا
تركي: دينا تركتك امس لاني تعبان اليوم ماراح اتركك شنو انا بوادي وانتي بوادي ثاني
دينا: والمطلوب؟
تركي: نرجع مثل اول
دينا: على أي اساس؟
تركي: على اساس اني زوجك وانتي زوجك ولكل شخص حقوق عالثاني ولازم ياخدها كامله...
دينا ببرد: تركي منك ماابي أي شئ...وانا ماعندي أي شئ اعطيك اياه...اسفه
عصبته هالجمله مسكها بقوه وقربها منه وهي خايفه من نظراته...
تركي: لاتظنين بحركاتك هذي بتركك ولا على جثتي اخليك يادينا
دينا: ماابي ابقى وياك اتركني طلقني اووف
تركي: احلمي ياحلوه
دينا بعصبيه: تركي لاتعاندني قلت لك اتركني
تركي وهو يرميها عالكرسي اللي وراها: بستين داهيه طيب
طلع وتركها....قامت تبكي بهستيريه خلاص تعدى حدوده فوق انه غلطان بعد يعاملها بقسوه....
حطت يدها على ظهرها اللي تعور من الكرسي....رماها بقوه وطلع عنها....
راحت اتصلت على خالها علىالبيت العود..اكيد بتلاقيه هناك....
سعود كان مع مساعد بيتغدى معاه ...لما رن التلفون رد وهي تكلمت ولا حست ان مو خالها اللي يكلمها....
دينا: خالي...تعال خذني منه...ماابيه ماابيه ابي اتطلق خلاص مليت
وكملت صياحها...
سعود وهو يكلم روحه.....دينا؟؟؟ تبي تتطلق؟؟؟ ليه؟
سعود: دينا دينا...هدي نفسك
دينا بفشله: مين؟
سعود: انا سعود
دينا: وين خالي؟
سعود: مساعد الحين يسبح شفيك؟
كملت صياحها مو قادره تقول شئ
سعود: دينا تكلمي تركي شمسوي لك....قولي خلينا نتصرف معاه

.........................

دينا بانهيار: ماابيه انقذوني منه...تكفى سعود تعال انت وخالي اخذوني..اليوم ضربني طيحني عالكرسي..
سعود وهو يقوم من مكانه: شنو؟؟؟؟؟؟؟ يمد يده عليك؟؟ يخسي ويعقب... انتي اهدئي ومايصير خاطرك الا طيب
دينا: مشكور...
سعود: العفو تجهزي مسافة الطريق واحنا عندك
دينا: طيب باي..

سكر وهو معصب كل شئ ولا بنات خاالاته ...اللي يفكر يأذيهم حسابه عسير..
راح لخاله فوق بالغرفه لقاه لابس وكان بنزل..
مساعد: شفييك خرعتني ليه صاعد؟
سعود: دينا
مساعد: شفيها دينا؟
سعود: يعني ماتدري عن زوجها العله
مساعد: سوى شئ؟
سعود: أي ضربها اليوم
ترك مساعد الفوطه اللي بيده واخذ مفاتيح سيارته وطيران هو وسعود لدينا....
دقوا الباب وبالموت وصلت لبره من ظهرها...لان رماها على كرسي حديد...
اول مافتحت طاحت بحصن خالها
مساعد: دينا شفيك تماسكي....
شالها وسندها عليه
دينا بصوت متقطع: بموت ياخالي....ماابيه خلاص
مساعد: ولايصير خاطرك يابنت اختي الا طيب ولك اللي تبيه....وين اغراضك؟
دينا: داخل
مساعد: سعود لاهنت روح جيبهم وانا بوديها السياره
سعود وهو منحرج: طيب طيب
واخذوا دينا المسكينه وودوها للبيت العود.....فضل مساعد انه يخليها بالغرفه اللي جنب غرفته حتى يسمعها لو نادته او احتاجت شئ.....
وبقى هالموضوع سر بين الثلاثه وللحين ماحد عرف عنه......

..........................

بعد اسبوع من كل هاالاحداث وصلت ورقه الطلاق لدينا...تركي في البدايه ماوافق يطلها لكن ضغط من مساعد وسعود خلاه يطلقها...
امها وابوها واخوانها لما عرفوا انصدموا اكبر صدمه لكنها كانت مرتاحه ومبسوطه لانها تخلصت منه....
وفهمتهم انها مارتاحت معاه....
هالشئ ماتقبلته امها....لكن شتسوي في بنتها اللي تزوجت وتطلقت بكيفها وهواها......
بدون مايدرون عن الاسباب......
وكأن الطلاق لعبه....لكن دينا مقتنعه هالشئ اللي خلاها ماتسمع كلام حد...


اليــوم حفلة وملكة اسماء وفؤاد اللي طااير بالجو ومو مصدق...
كانت اسماء تبي تأجل الحفله شوي والملكه علشان دينا ماطلعت من العده لكن فؤاد عارض...

كانت الحفله بأستراحه وماعزموا غير المقربين.....
اسماء كانت.....اممم كيف اوصف شعورها...صحيح متوتره لكنها بنفس الوقت تحس بأطمئنان وراحه غريبه خايفه انها تسبق العاصفه........كانت تتمنى تكون دينا جنبها لكن شتسوي ماباليد حيله
بالغرفه اللي موجودين فيها كل البنات.....
اميره: ديمووه مااختنقتي من ريحة الاستشوار اووف الغرفه كلها دخان تعالي نطلع....
ديمه وهي تقوم: ليتس جووو بيبي

طلعوا وهم يضحكوا...ديمه كانت مره ناعمه الليله لابسة فستان ابيض عجري للركب...
وحاطه بشعرها ورده بيضاء على جنب عاطيتها جاذبيه.....

واميره لابسه فستان وردي طويل وطالعه حلوه بجد...

ديمه: يالله كل ذول معارفنا....ماشاء الله
اميره وهي تلتفت يمين ويسار : أي والله
ديمه: شفيك تطالعين يمين يسار تنتظرين حد؟
اميره: أي حبيب قلبي
ديمه: مييين؟ فروووس؟
اميره: ااااه اعشق حتى حروف اسمه......غريبه للحين ماوصل
ديمه: خبله انتي؟ مكان فيه بنات وين يجي
اميره: خالتي يالدبه اتصلت عليه وقالت له يجيب شوية اغراض يعني الحين على وصول......تعالي نلبس عبايتنا ونروح قرب الباب
ديمه: روحي لوحدك يالكريزي
اميره: ديييييييييييييمه عاااد
ديمه: ار يو كريزي؟ تخيلي يعني نروح شبيقول؟
اميره: على اساس ننتظره وناخذ منه الاغراض عاد ديمه علشاني اذا تحبيني .. بترديني؟
ديمه: اووووف امري الى الله

لبسوا عباياتهم وراحوا جلسوا عند الكراسي القريبه من البوابه الخارجيه.....

لمحته اميره يدخل اغراض طارت من الفرح وقامت من مكانها...
اميره: وصل
ديمه: روحي يلا
اميره: تعالي معاي
ديمه: ماابي
اميره: اووف باروح لوحدي

راحت اميره لعنده....

اميره: فارس..
فارس وهو يلف: مين؟ اموور هلا جيتي والله جابك
اميره: خير أي مساعده ؟
فارس: أي والله حبوبه انتي ابيك توصلين هاالاغراض للوالده
اميره: من عيوني
فارس: تسلم عيـــ....

قبل مايكمل انتبه لديمه تجي من بعيد وهي مبتسمه ذاب قلبه من هاالابتسامه...وجات لعندهم
ديمه: هاي
فارس وهو مبلم : هلا هلا بالمزيونه
اميره هنا وصلت حرارتها الللللللف

سكتت وهي تفكر....انا صار لي ساعه قدامه ماتحرك يوم شاف ديمه انهبل اووووف شسوي ياناااااس بنفجر وربي مااتحمل اكثر.....

اخذت اميره كيسين وبعصبيه بعدت عنهم وقلبها محروق...

فارس كان يطالع ديمه باعجاب....اليوم طاااالعه غيير صحيح ديمه حلوه بس اليوم شكل ثاااني مختلف كليا

ديمه: اني بروبلم؟
فارس: ليه انتي حلووه؟
ابتسمت ديمه وراحت عنه..وبنفس الوقت رجعت اميره
فارس: اميره ديمه وين راحت؟
اميره بدون نفس: اتوقع كانت معاك ليه ماسألتها...
فارس: امممم اوكي خذي هالكيس ووصليه بعد للوالده مشكوره ماقصرتي..يلا باي

طلع بدون مايترك لها فرصه تقوله أي شئ ثااني..

ضربت برجلها الارض بعصبيه...عديم احساس مغرور ..مايحب الا نفسه وديمه..
لاااا..انا شقول..فارس استحاله يحب ديمه

..والله اموت لو اعرف انه يحب وحده غيري.



في بيت ام فؤاد كان فؤاد توه متروش وحالق وطالع من الحمام وطالع جنان...

دخل عليه مساعد الغرفه

مساعد: يامعيريس عين الله ترعاك...القمر والنجوم تمشي وراااك
فؤاد: اااخ ياخالي..بعد بعد غني
مساعد: أي من قدك بتاخذ اللي تبيها....
فؤاد: اييه الحمدلله لك يارب
مساعد: مو ناوي تخلص يااخ يلا مشوار من هنا للاستراحه ..
فؤاد: خلاص بس بلبس الثوب
مساعد: بسرعه انتظرك تحت
فؤاد: طيب دقايق

.......................
في لبنان..بعد ماسكر ريان من مساعد...بقى فتره سرحان يتذكر يوم خطوبته مع اسماء...كنت فرحان الا طاير من الفرح..الدنيا مو شايلتني..لما شفتها قدامي ماصدقت كانت اكثر من ملاك...وكنت احبها بكل حواسي...

على عكس ليلتي مع لطيفه...كنت كاره نفسي ذيك الليله..اوووف احساسي مااقدر اوصفه عن جد كنت اتمنى الموت..مو طايق اطالعها رغم انها كانت حلووه مره...

الحين كل شئ تغير احب زوجتي واسماء مثل اختي واعز..

يلا الله يوفقك يابنت عمي...ويوفقني انا مع لطيفه...

حس فيها تطلع من الحمام وتجفف شعرها بالفوطه وهي تدندن...كانت لابسه فستان قطني وردي قصير ...

راحت جلست جنبه..لف عليها وهو مبتسم...رمت الفوطه..ولفت له..

لطيفه: شفيك تطالعني؟
ريان:ـــــــــــــــــــ
لطيفه وهي تمسك يده: ريان...انت معاي؟
ريان: أي معاك ياقلبي
لطيفه: شفيك اجل؟
ريان: اطالعك....خليني اطالعك لين اشبع
لطيفه ببتسامه خجل: مامليت من كثر ماتطالعني
ريان: حد يمل من هالجمال..

حط يده حول كتفها ومسك بيده الثانيه يدها...
ريان: انتي ملاك ولابشر؟
لطيفه: انا ملاكك انت وبس..
ريان: ربي يخليك لي...تدرين ان خطوبة اسماء الليله
لطيفه: أي كلمتها واعتذرت منها... كان ودي اكون جنبها يلا الله يوفقها تستاهل فؤاد
ريان: وانا استاهلك؟
لطيفه: تستاهل وحده افضل بعد...
ريان: ليش في افضل منك؟
لطيفه: اكيد
ريان: لا مافيه

.....................

https://songs.dubaimoon.com/arshef2/A...del-majeed.ram

على هاالاغنيه دخلت عالحضور..

وهي مستغربه من نفسها..توقعت توترها يوصل الف الليله بس الحمدالله كل شئ تمام وكل ماشافت اهلها حولها ارتاحت اكثر واكثر....

جلست عالكرسي وتجمعوا البنات حولها..

جوري وهي تكلم اسماء في اذنها : اقرصيني حتى اخطب بعدك
اسماء وهي تقرص اختها: هاااك وعساك بعدي على طوول
جوري: ااااااي دام فيها عوار ماابي....مرتاحه؟
اسماء: الحمدلله....

جات اماني وسحبت جوري وقااام الرقص..

.................

كانوا يمشوا بشوارع بيروت الرائعه..الساعه 11 والدنيا هدوء وظلام مافي الا اصوات بعض السيارت عكرت صفو الهدوء والجمال الساكن ..

لطيفه : احب هالجوو
ريان: وانا احبك..
لفت له وهي مو مصدقه....ريان عمره ماقال لها هالكلمه ابد ابد....
لطيفه: عيد شقلت؟
راحوا للبحر وجلسوا على صخره كبيره...
لطيفه: يعني تحبني؟
ريان: شوفي هالبحر اللي قدامك...احسك حوريه تطلع منه تشوفني تحبني...تقرر تكمـل حياتها معاي جنبي

اكتفت ببتسامه وحط راسها على كتفه
لطيفه: احبك
ريان: وانا اكثر

........................
فؤاد صار عند الباب...من مكانه يقدر يشوف اسماء اللي جالسه عالكوشه تطالعه من بعيد وتنزل راسها..

كل الحريم تغطوا عنه ماعدا امه وخواته...
جات امه ومسكته من ذراعه اليمين وامل من اليسار....ومشوا الى اسماء...
فؤاد: يمه دقوا عاالاسعاف باموت
ام فؤاد: ههههههههه
امل: للحين ماشفت شئ...اخترت قمر ياخوي الله يوفقك

لما وصلوا عند الكوشه تركوه يصعد لها لوحده....سمى بالله وراح لها..كانت مو بس حلووه الا كل الحلاوه والرقه...
كانت مستحيه ومنزله راسها...مع ابتسامه خجله مرسومه على شفايفها..
طالعها وصلى على محمد اول مره يشوف شعرها جسمها كل شئ فيها بدون قيود..

رفع راسها بيده وباس خدها..ماتت من هالحركه..مسك بيدها وجلسوا جنب بعض...قرب منها وهي بعدت..يقرب وتبعد
فؤاد: حاسبي لاتطيحي من الكرسي
اسماء: ههههههه
فؤاد: مبروك حبيبــتي
اسماء: الله يبارك فيك مبروك بعد عليك
فؤاد وهو ينقل بصره بين شعرها وفستانها وعيونها : قمر ياحياتي...يابختي فيك يااسماء...شرايك نعرس الليله

ماتت من الحيا والخوف رفعت راسها تدور امل تجي تنقذها...انتبهت لها امل وصعدت لهم وهي تضحك
امل: شقايل للبنت بعد
فؤاد: لحوووول انتي شجابك خلوني معاها عاااد
امل: على قلبك...
اسماء: أي لاتخليني امل
فؤاد: شدعوه باكلك انا..اوووف اموول انزلي عاااد

صعدت ام فؤاد وهي تبكي من الفرحه بولدها وبنت اختها...ضمها فؤاد لصدره وبيت قصيره حيل بحضنه لانه عريض وطويل...
فؤاد: يمه حبيبتي...دموعك اغلى شئ بالدنيا
ام فؤاد: الحمدلله يوم شفت الفرحه بعيونك يافؤاد قبل مااموت

بعدت عن فؤاد وحضنت اسماء
اسماء: خالتي خلاص مانبي دموع ترى اهون
فؤاد: علشان اذبحك مافيه يلا اسكتي
اسماء: ههههههههه

مسكت ام فؤاد يد ولدها وحطتها على يد اسماء
ام فؤاد: من هالليله يافؤاد مالك غير حرمتك...وانت يااسماء مالك غير زوجك..انتبهوا لبعض زين وهالله هالله...
ترى الدنيا يايمه غداره خلكم اقوى منها ولا تخلوها تفرقكم لحظه وحده...

لفوا يطالعوا بعض وابتسامة الامل تشرق على ملامحهم الصادقه

........................

اميره طلعت بره عن الازعاج وهي تفكر...اتصل عليه..طيب شقول له
اووف طيب ابي اسمع صوته...ياربي صبرني عليه
يلا بدق واللي فيها فيها...

رد فارس بعد رنتين وماكان مخزن عنده رقم اميره ولا فكر بلحظه يخزنه....

فارس: مرحبا
اميره: مراحب
فارس: نعم مين
اميره: انا اميره
فارس: ااوه امور هلا فيك ماعرفتك سوري
اميره: لا عادي

وسكتوا شوي بعدها تكلم فارس..

فارس: تبين شئ اميره؟
اميره: انا؟
فارس: يؤؤ شفيك انتي اليوم مو طبيعيه
اميره بجرئه: ممكن اسألك سؤال
فارس: تفضلي
اميره: في وحده بحياتك؟

سكت فارس...غريب سؤالها..بس اميره من النوع اللي يهتم..يعني سؤالها اكيد من باب الاهتمام...
فارس: بصراحه في بالي وحده
اميره بفرح: مين؟
فارس: لا مااقدر اقول اسمها
فارس: تقرب لك؟
فارس: أي تقرب لي

طارت اميره من الفرح ..تعرف فارس مايحب يعبر عن مشاعره بس دامه تكلم وقال انها تقرب له يعني شووور هي المقصوده..

اميره: طيب هي تبادلك نفس الشعور
فارس: هالشئ اللي ماادري عنه...اتمنى تبادلني الاعجاب
اميره: انا متأكده من هالشئ ماتنعاف ياولد خالتي..
فارس: مشكوره اميره
اميره: طيب اخليك الحين فارس
فارس: اوكي يلا باي
اميره: بايات

سكرت وهي طايره بالجو تظن انها المقصوده ماتدري ان ديمه المقصوده....

دينا هالليله كانت في بيت خالها..او باالاحرى بيت جدها العود..هاليومين فضلت تبقى فيهم عند خالها..
نظرات امها الحزينه تعذبها ماتقدر تتحملها...لكن هنا راحه محد معاها غير خالها اللي يفهمها اكثر من أي حد ثاني..

فجأة دق الجرس نقزت من مكانها..ياربي من جاي هالموقت..مو معقوله خالي هو عنده المفتاح..
والهندي اللي يشتغل هنا مسافر لاهله اسبوعين...كيف اتصرف ياربي

راحت بخوف وطلت من نافذه الصاله شافت سيارة همر سوداء...هذي سيارة فارس ولد عمي...دققت النظر داخل السيارة وعرفته...سعود مو فارس...

لبست عبايتها وشيلتها وراحت لجهاز التحكم وفتحت له البوابه الكبيره...دخل سيارته بالحوش وفتحت له باب الصاله
سعود وهو يوصل عند الباب: السلام عليكم..
دينا : هلا سعود وعليكم السلام
سعود: عسى بس ماخفتي
دينا: بصراحه خفت على بالي حرامي
سعود: ههههه حرامي بيدق عاد الجرس هذا حرامي محترم
دينا: هههه يمكن يبي يتأكد اذا بالبيت حد..ليش واقف تفضل

تركت دينا باب الصاله مفتوح وجلست معاه...كانت مستغربه من زيارته..اكيد في شئ وخطير بعد..الله يستر

سعود: اولا اسف عالزياره المفاجأه بس في شئ باقوله لك
دينا: تفضل قول خوفتني
سعود: تركي...امي جاني المكتب
دينا وهي مكشره: ايش يبي
سعود: يبيك في حد غيرك
دينا: وربي هذا فاضي وماعنده سالفه...ماصار له اسبوعين مطلق يبي يرجعني
سعود: انتي عارفه انه طلق غصبا عنه...
دينا: جاء يهدد؟
سعود: لا ابد..بالعكس كان محترم وفتح الموضوع برواق...شوفي يابنت عمي..انا طبعا ماجيت اخذ رايك لانك حتى لو وافقتي ترجعين له انا مو موافق ... ولا خالي بيوافق
دينا: اجل؟
سعود: بعد ماقلت له ماعندنا بنات للزواج ودينا ماتبيك....عصب وقام يهدد ويتوعد ...ابيك يابنت عمي تاخذين خذرك ..رقمك غيريه واذا جيتي تطلعين لاتطلعين مع السايق لوحدك ابد...
دينا: مو خايفه منه خله يسوي اللي يبيه...اصلا انا انتظر تخلص العده وبرجع للعياده

عصبه اسلوبها هو الحين خايف عليها ويبي مصلحتها وهي ولا على بالها...

سعود: ماتدرين هالحقير ايش ممكن يسوي....وبعدين الاحتياط واجب شفيك انتي
دينا: مادري مادري اوووف

بعد ثواني لفت تطالعه...يخاف علي؟..من متى؟ وهو اصلا مايواطني بعيشة الله سبحانه مغير الاحوال

سعود وهو يقوم: عالعموم انتبهي يابنت عمي الدنيا مافيها امان عاالاقل هالفتره لين تهدأ الاوضاع
دينا: ان شاء الله على امرك
سعود: يلا توصين شئ؟
دينا: سلامتك ماتقصر
سعود: مع السلامه
دينا: الله يسلمك

..............................فارس وماجد..

كانوا الاثنين بالسياره من شارع لشارع بالخبر....ضحك وسوالف واغاني ...رن جوال فارس وكانت اخته جوري متصله...

فارس: هلاااااااااااااااااا
جوري: وجع بطيت اذني...وينك فيه
فارس: بالشارع والله
جوري: المهم تعال مرني...باموت ترى
فارس: موتي حد ماسكك
جوري وهي تبكي: فارس حرام عليك تعال اخذني
فارس وهو خايف على اخته: يالدبه شفيك....الوو جوري وينك
جوري: فارس مادري شفيني متضايقه حيل..قلبي قابضني تعال خذني
فارس: دقايق وانا عندك

كان ماجد طول الوقت واذنه عند فارس وقلبه مقبوض على جوري...
فارس: معليش مجود بامر عاالاهل بالاستراحه .. انت مو غريب
ماجد: خذ راحتك...بس شصاير
فارس: مادري اختي تقول ضايقه..بامر اخذها
ماجد: اهاا

لف ماجد عالنافذه وهو يفكر في اللي اقتحمت حياته ...فديتك يالمخبوله بس شفيك....ليه متضايقه
ليته فيني ولافيك..
لو بيدي ضميتك وخليتك تبكين لين تهدين...

شفيني انا جنيت شنو اضمها وين قاعدين حنا... بماريا مرسيدس ولا ماريا كلارا اقول مالت علي بس

لما وصلوا نزل فارس الاستراحه وراح لعند البوابه..دخل داخل ومالقى حد اكيد المعازيم راحوا...انتبه لجوري مع امل من بعيد...ركضت له جوري وبكت بحضنه
فارس: شفيك عاد جوري؟
جوري: ماابي اشوف حد...ماابي
فارس: طيب روحي السياره...
جوري: طيب
فارس: تعااالي تراني جاي بسيارة سعود مو تركبين سيارة غلط
جوري: اوكي

انتبه لامل لابسه عبايتها والنقاب شكلها بتطلع
فارس: تبين اوصلك؟
امل: ماتقصر ياولد خالتي...بس خلوود جاي بالطريق
فارس: الا سمووي وينها
امل: جالسه مع فؤاد داخل
فارس: أي الليله سهره للصبح
امل: ههههه أي والله

نروح لجوري المسكينه اللي كارهه الدنيا ماتدري ليش..راحت لعند السياره والدنيا ظلام ماشفت اللي جالس قدام...
فتحت الباب وكانت بتجلس بس ضحكته وقفتها نقزت من الخوف....من ذا اللي بالسياره
لما دققت بالنظر عرفته, عصبت وراحت ركبت ورا
ماجد: هههههههههههههههههه
جوري: لاوالله قوم انسدح بعد وموت من الضحك...
ماجد: هههههههه
جوري: لا اله الا الله محمد رسول الله على هاليوم
ماجد: اخبارك
جوري بنفاذ صبر : بخير اسكت خلاص

جاء بهالوقت فارس وصعد مكانه
فارس: سوري تأخرت..عسى بس مااخترعتي لما شفتي هالدب
جوري: لاعادي مافي مشكله
السيارة كانت كلها مخفي اسود قاتم..لذلك شالت جوري الغشوه عن وجهها وكانت جالسه ورا ماجد بالسياره..

طالع بالمرايه ولمحها سرحانه زعلانه... بس محلووه بشكل فضيع..

ماجد وهو يكلم نفسه.. لاياربي مااتحمل انا هالجمال والرقه..بس شفيها زعلانه

فارس: هاابو الشباب وين تبيني اوصلك؟
ماجد: خلاص نزلني البيت لااثقل عليك وعاالاهل
فارس: لاشدعوه..

ارتاحت جوري يوم نزل ماجد..صحيح كانت تبيه يجلس بعد لكن وجوده قريب منها يوترها ماتدري ليش..

نزلت وجلست مكانه... شمت ريحة عطره القويه الجذابه حست فيها تدخل انفاسها بعنف...استنشقتها وابتسمت...

فارس وهو يحط موسيقى كلاسيك بالمسجل: يلا الحين المكان خالي..خبريني شفيك
جوري: مادري
فارس: اجل مين اللي يدري
جوري: اول مره احس هاالاحساس
فارس: اوصفيه لي
جوري: احس مخنوقه .. ضايقه ابي ابكي اصارخ... مادري مادري

وبكت مره ثانيه ..
وقف على جنب ولف يمسك يدها..

فارس: جوري شجاك كنتي المغرب مبسوطه وفرحانه ولا تتدلعين وتبين تعرسين مثل اسماء
ضحكت من ورا دموعها...
فارس: أي كذا اضحكي
تنهدت جوري وسكتت...تحس بضيقه مو طبيعيه...ماتدري ليش حاسها قلبها بيصير شئ...
فارس: الووووو نحن هناااا
جوري: احس بيصير شئ
فارس: عويذ الله من شرك انتي..ان شاء الله مابيصير الا الخير
جوري: ان شاء الله..يلا نروح البيت
فارس: يلا


وصلت جوري البيت وفارس رجع للاستراحه .. شالت عبايتها وانسدحت عالسرير وحطت العبايه على وجهها وشمت ريحة عطره اللي لسه لاصقه بعبايتها....

ابتسمت وهي تحضن العبايه وتتذكر ضحكاته اليوم....

قامت بدلت ملابسها وشالت الميك اب , لبست بيجامه حرير سوداء..ونزلت الصاله
محد موجود بالبيت الا هي والشغالات..

حست بقشعريره تلف جسمها..ياربي شفيني اليوم ... قلبي يعورني اووف

رن تلفون البيت نقزت وخافت..استر يارب..
راحت شالت السماعه بيد مرتجفه..

جوري: الوو
ـــــــ: السلام عليكم
جوري: هلا اخوي وعليكم السلام
ـــــ: هذا منزل سليمان ابو سعود
جوري: أي نعم بيته..شصاير اخوي
ــــــــ: اسف اختي بس سليمان مسوي حادث عالخط السريع بالظهران
جوري بهستيريه: صار في ابوي شئ
ـــــ: تعالوا المستشفى وتعرفون كل شئ..


رمت السماعه عالارض وراحت تركض فوق وهي تصيح بهستيريه...يااارب عونك وسترك علينا
عسى ماصار في الوالد شئ....جابت عبايتها ودقت على سعود...

سعود: هلا جوري
جوري وهي مو عارفه تتكلم : بالمستشفى هو تعال بسرعه
سعود: من اللي بالمستشفى؟
جوري: ابوي ياسعود بالمستشفى سوى حادث

طاح الجوال من يدها ماقدرت تتحمل اكثر وطاحت غشيانه عاالارض
طيحتها كانت قويه سمعتها الشغاله وجالت ركض وشالتها..

....................

بمستشفى...بالخبر, سعود واقف جنب امه والدمعه بعينه معلقه تنتظر مصيرها..
ام سعود..تبكي بجنون..كيف لا وهذا زوجها الغالي شريك حياتها بين الحياه والموت..
اسماء المسكينه..ليلتها صارت سوداء من بعد ماكانت ورديه مغلفه بالحب..وتبكي دم على اغلى شخص على قلبها...وفؤاد ماسكها يهديها حتى مانتهار...
وصل هاللحظه ابو ريان..ومعاه زوجته اللي ضمت اختها حيل لصدرها...
ابو ريان: ها سعود شقالوا لكم
سعود بحيره وهو مو مستوعب اللي صاير: مادري..لسه ماطلع الدكتور..
ونزلت دمعة سعود المتحجره على ابوه الغالي

طلع الدكتور لما شاف نظرات اللهفه في كل العيون نزل راسه...
ابو ريان وهو يمسك ذراع الدكتور بترجي: بشر دكتور عفيه
الدكتور: انت اخوه
ابو ريان: أي اخوه...تكلم واللي يسلمك دكتور
الدكتور: السيد سليمان عطاكم عمره


طاح الخبر مثل الصاعقه على كل المسامع..كيف وبهالسرعه الغير متوقعه يموت...اسماء طالعت فؤاد بذهول وهو مو مصدقه كل اللي يصير ... تحس انها بحلم وتبي تصحى منه...

اسماء بهستيريه: كيف يروح بدون مايقول لنا...كييييف حتى مابارك لي كيييييف
طاحت عاالارض وهي تبكي .. شالها وضمها لصدره

فؤاد: خلاص حبيبتي لاتسوين بنفسك كذا ...
قرب سعود من امه وضمها لصدره
ام سعود: راح الغالي ياسعود راح..من بقى لي بهالدنيا
سعود وعينه تدمع: خلي ايمانك قوي يايمه...هذا قضاء الله وقدره..

........................

[لامارا]

اليوم الثاني انتشر الخبر بالعائله..الكل تفاجأ وانصدم...كيف كل هذا يصير وهو قبل ساعات معدوده كان جالس معاهم...ليش تركهم وطلع..كيف صار الحادث..كل هذا مايعرفوه
اللي يعرفوه انه لقوه بسيارتة المقلوبه على طرف الشارع..

ايام العزاء كانت اكثر من ثقيله على عائله ابو سعود...فقدوا اطيب انسان
فقدوا اللي يحب عياله بجنون..راح اللي يعتبر سعود ذراعه الايمن , وجوري دلوعته , واللي يعتبر اسماء اميرة مملكته , وفارس ضحكة البيت , وام سعود روح البيت ونوره....

كانت جور بغرفتها.. من عرفت بالخبر وهي ضامه صورة ابوها لحضنها وتبكي وتدعي له بالرحمه..
كانت تكلم نفسها....كنت حاسه بيصير شئ ذيك الليله بس اللي ماتوقعته يكون ابوي.. ليتني متت قبل مااسمع هالخبر...

قامت من مكانها وراحت لغرفة امها وابوها...دخلتها كانت كئيبه حزينه..لازالت روح ابوها موجوده بالغرفه..راحت لخزانة ملابسه سحبت ثوب له وضمته لحضنها وبكت عليه بقلب محروق..
رفعت راسها لداخل الخزانه شافت علبه اسطوانيه غريبه..سحبتها وفتحتها كانت بداخلها ورقه, قرأتها وكانت الوصيــــــة...
__________________

ارتجفت يدها وهي تقراها..ماتحملت الكلام المكتوب..باين انه مو من زمان كاتبها والدليل موضوع زواج سعود ودينا....ياربي بتكون صدمه لسعود لما يعرف ان وصية ابوي انه يتزوج دينا....الله يستر وماتصير مشكله

حست بحد يدخل الغرفه لفت لقتها امها...استغربت ام سعود لما شافت بنتها هنا....
ام سعود: شتسوين جوري هنا
جوري وهي تمسح دموعها وتقرب من امها: لقيت وصية الوالد
ام سعود دمعت عينها بس تماسكت قدام بنتها: قريتيها؟
جوري: اسفه يالغاليه قرأتها قبلك بس شفتها بالغلط
ام سعود: بسيطه حبيبتي...روحي لاختك اسماء من ذيك الليله ماطلعت من غرفتها
جوري: فؤاد ماجا لها؟
ام سعود: كل يوم والله يجي بس مو طايعه تشوفه
جوري: خلاص باروح لها واشوف

لما طلعت جوري قرات ام سعود الوصيه بتمعن ودقه , وقررت تخبر فيها عيالها اليوم وبعد الغداء

..................


مرت جوري على غرفة اسماء دخلت الغرفه ماشافتها طلت عالحمام اللي كان مفتوح وانصدمت من اللي شافته...

جوري بعصبيه: اتركييه يالمجنونه
وركضت لاختها وشالت الشفره ( المشرط) من يدها
حطت اسماء يدها على وجهها وبكت

جوري: شنو انتي مافيك عقل...تبين تنتحرين حرام والله حراام
اسماء: لاتلوميني اشتقت له..والله وحشني ليه تركنا وراح
جوري وهي تحضن اختها بحنان: هذا قدر ربك يااسماء وانتي انسانه مؤمنه مايصير هالكلام..ماابي اشوف دموعك من اليوم وطالع
اسماء وهي ترفع راسها: متى اخر مره جاء فؤاد؟
جوري: كل يوم يجي..يمكن تلاقيه تحت..قومي ننزل الصاله
اسماء: ماابي خليني هنا
جوري: مو زين يالدبه تبكين بالحمام يلا قومي

سحبت اختها وطلعتها بره..
جوري: بتنزلين؟
اسماء: أي بنزل تحت
جوري: خلاص اسبقيني انا بامر اشوف رزان
اسماء: طيب

راحت جوري لغرفة رزان لقت سعود نايم عالسرير ورزان بحضنه...

ابتسمت ونزلت تحت...


.......

لما نزلت جوري لقت اختهاجالسه عالكنبه لوحدها وتفكر...والخادمه جنبها

الخادمه: ماما انتا مافي اكل زين
اسماء بشرود: مالي نفس
الخادمه: تبي سوي عصير فريش
اسماء: لاخلاص روحي المطبخ
الخادمه: اوكي ماما

دخل عليهم فارس ..

فارس: جوري البسي شئ على راسك بيدخل فؤاد لاسماء يسلم عليها
لفت اسماء دايركت من سمعت اسمه...ماانكر اشتقت لك يافؤاد ومحتاجه لك جنبي كثير .. بس الملل والحزن غلب على حاجتي الملحه...

راحت جوري فوق ونادى فارس ولد خالته...واستأذن حتى يخليهم براحتهم...

ابتسم فؤاد لاسماء وحبها على جبينها وجلس جنبها
فؤاد: شلونك الحين
اسماء: ماشي الحال
فؤاد: زين يوم انك طلعتي من غرفتك
اسماء: من الملل والله
فؤاد وهو يحب يدها : تملي وانا معاك مايصير

جلست تفكر وهي تطالعه .. مالقيت بطيبتك واحساسك..بس بتدوم وتبقى لي يافؤاد...؟؟

اسماء: اجل اجلس تغدى معنا اليــوم
فؤاد: لا حياتي عندي شوية شغل خليها بكره شرايك
اسماء: خلاص براحتك

..........

العصر اجتمعت العائله ترتقب الوصيه ومحتوياتها اللي اكيـد

بيكون فيها شئ بيشكل صدمه لاحدافراد العائله

جلست الام مقابل اولادها

وبدأت تتكلم بهدوء على املاك ونصيب كل واحد من الورث...

كل هذا قالته والكل ساكت حزين.. لما وصلت لموضوع سعود ودينا سكتت وطالعت سعود نظره طويله ...

ام سعود: في الاخير بقى شئ واحد ماقلته خاص بك ياسعود..ادري بيكون صعب عليك يايمه بس هذي وصية الغالي ..

خاف من كلام امه وراح جلس جنبها بعد ماترك بنتـه في

حضن جوري

سعود: خير يمه خوفتيني تكلمي
ام سعود وهي تنزل راسها : وصية ابوك لك انك تتزوج دينا بنت عمك..

فتح فمه من الذهول وطالع في اخوانه, كأنه مو مصدق اللي سمعه ويسألهم بنظراته سامعين اللي اسمعه ولا اتخيل...

رزان المسكينه الحزينه على موت جدها فهمت ان ابوها ممكن يتزوج دينا
وقالت ببراءه: يعني دينا بتصير ماما
سعود بعصبيه هب فيها : لا امك ياحلوه ماتت من زمان لادينا ولا غيرها بيحل محلها

تركهم وصعد فوق غرفته ونزلت دمعته من القهر...ليش يايبه تعقد الامور علي لييش
مو غصب ماابيها مااحبها ماارتاح لها لييش مكتوب علي اتزوجها

لفت الدنيا هي تزوجت وانا تزوجت ومردها الايام بتجمعنا مع بعض...

ماابيها كيف اتزوج وحده ادري اني ماراح اترتاح معاها..

واخون ذكراك يابسمه....

لييش للحين العادات والتقاليد هي اللي تحكمنا وتتحكم في مصيرنـا .. ليش؟ّّّّّ!!!

...........



بعد صلاة المغرب ابو ريان مع ريان اللي من عرف بالموضوع كنسل باقي سفرته ونزل السعوديه..

جلسوا في بيت ابو سعود وكانت معاهم ام سعود وفارس...
اما سعود فـ اكيد عارفين حالته وكاره يشوف حد...

فارس : يمه وين رزان
ام سعود: المسكينه من صارخ عليها ابوها وهي زعلانه وتبكي
ابو ريان اللي عرف بالموضوع: مدري كيف نتصرف في هالموضوع
ريان: اصلا من الاول كان المفروض سعود لدينا وهي له بس عاندت وتزوج هالسخيف
ام سعود: قسمه ونصيب ياريان .. انت شرايك يابو ريان؟
ابوريان بحيره: مدري شئ ماتوقعته ابد ينذكر في الوصيه رغم اني عارف انها رغبةاخوي الله يرحمه من زمان..
لكن في رأي ان هالشئ صعب احدده انا لوحدي لازم سعود ودينا نعرف رايهم...هذي حياة عشرة عمر ماهي يوم ولا يومين ,
بنفس الوقت وصية اخوي لازم تتنفذ حرفيا..
ريان: والحل؟
ابوريان: الحل نصبر شوي الحين الوقت مو مناسب لهالمواضيع..انتظروا شهرين ثلاثه او حتى اربعه ليه العجله وانا اتصرف بعدين
ريان: وان ماوافقوا؟
ابوريان: مانستبق الامور ياريان كل شئ بوقته حلوو
فارس: كلام عمي سليم الحين مو وقته
ام سعود: البنت بنتك يابوريان والولد ولدك
شوفوا اللي مناسب لهم الاثنين..

وشرد ابو ريان في اخوه الطيب وطفرت دمعه من عينه مسحها على طول...
ابوريان: اييه الله يرحمك ياخوي يالطيب...الله يرحمك
ربت ريان على كتف ابوه وهو يعصر داخله الالم الكبير اللي للحين عقله وقلبه مو قادرين على استيعابه..

.........

جلست تطالع امها وابوها بحيره وخوف من المستقبل بعد ماخبرها ابوها بوصية عمها...
ابتسمت بعدها بسخرية كردة فعل اولى..

هذي كانت ردة فعل دينا لما خبرها ابو بمكنونات الوصيه..
الام ماقدرت تخفي الفرحه الدفينه وهي تتمنى اصلا هالشئ يصير من زمان...بس شائت الظروف العكس

دينا: مستحيل يايبه اللي جالس تقوله
ام ريان: بلا مستحيل بلا هم انتي بعد
ابوريان: لحوول شفيكم محد يقول لكم شئ الحين مو وقته اخوي ماصار له اسبوعين من مات بعدين يصير الف خير

أي خير يايبه اللي انت قاعد تتكلم عنه, من وين بيجي الخير وانا طالعه من تجربة زواج فاشله وبدخل في تجربه افشل منها الف مره....

قامت عنهم مو قادره تجلس اكثر بعد ماحست باختناق طلعت الحديقه وسحبت جرعه هواء لصدرها انعشتها...

اسفه ياولد عمي...بس ماابيك بحياتي
ماابي اعيش وياك...ماعندي رغبة في هالشئ اصلا..
مو لاني اكرهك لا .. بس باختصار مااحس حتى بالكره تجاهك
مافي داخلي لك أي ذرة احساس...
اسفه مو مستعده اضحي بحياتي مرة ثانيه واعيش معاك ياسعود
مااقـــدر...
كفايه العذاب اللي ذوقني اياه تركي
ماابي التجربه تعيد نفسها..
مااتحمل عذاب خلاص..

ركضت بسرعه حتى تنسى كلام ابوها اللي يرن في اذنها..
ولقت نفسها قدام المسبح نطت فيه...

ديمه: مجنونه؟!!
لفت لاختها اللي ماانتبهت لوجودها اصلا...
دينا: انتي هنا
ديمه: لاهنــاك...ايوه هنا شفيك جنيتي
دينا: للحين ماجنيت بس يوم اللي اتزوج ولد خالتك الظريف اكيد بجن

كشرت ديمه واستغربت..ولد خالتي الظريف منوو؟؟
سعود؟؟؟
ومن غيره اكبر من دينا؟؟
ليه طيب وكيف؟؟

..............

كان ماسك جواله ومحتاس..وده يسمع صوت جوري ويعظم لها الاجر
بس كييف..مايضمن انها ترد عليه
يلا اجرب وش خسران بس خوفي فروس يرد علي...

اتصل وردت اسماء قفل على طول...اتصل بعد ربع ساعه محد رد عليه...
انتظر ساعه ونص واتصل مره ثالثه وسمع صوتها الدافي الهادئ..

جوري: الو مرحبا
ماجد: هلا مراحب
عرفت صوته وابتسمت...
ماجد: الوو
جوري: هلا هلا
ماجد: اخبارك جوري

ماتدري وش يصير لها لما ينطق اسمها...
جوري: تمام
ماجد: عظم الله اجرك والبقيه بحياتكم وحياة الوالده
جوري: ماتقصر شكرا..تبي فارس؟
ماجد بارتباك: كنت ابي اسمع صوتك
جوري بعصبيه: انت ماعندك خوات تخاف عليهم
ماجد عصب اكثر من جملتها وكأنه يلعب معاها حتى تقوله هالكلام : وانا شسويت الحين يالمغروره
جوري: ايوه مغروره لك عندي شئ
ماجد بانفعال : ايوه
جوري: اللي هو ؟
ماجد: قلبي اللي عندك يامغروره

وقفل على طول وهو مستغرب من جرأته واخيرا بتعرف انه يحبها .. عسى تبادلك ياماجد هالمشاعر

اما هي ابتسمت بخجل وجلست عالكرسي ويدها على خدها.. قلبه عندي؟ يعني شنو؟ يحبني؟
ارتاحت لهالفكره بس لا
احنا بشنو وهو بشنو...
سخافه افكر بهاالاشياء فهالوقت بالذات...
مو وقته الحب والخرابيط

بس ياجوري شكله يحبكـ
صار الحب خرابيط؟
وانتي بعد تبادليه نفس الشعور...

أي احس ناحية بشعور مدري لكن وشوو

اووف خليني من هاالاشياء الحين

.............

كان منسدح بغرفته والدنيا ضايقه فيه حييل...مغمض عينه ويفكر باللي طرا بحياته ولخبطها فوق تحت..

اول شئ موت ابوه اللي كسره من داخل...وبعدين موضوعه مع

دينا...

سمع دق خفيف عاالباب طنش..

بس حس فيها تدخل وتنام معاه تحت البطانيه وتلف يديها الصغار حول رقبته

رزان: انت نايم بابا
سعود: لا جالس حبيبتي...ليه مانمتي؟
رزان: مو نعسانه
سعود: بعدك زعلانه؟
رزان وهي مبرطمه: زعلانه أي
باسها على خدها وضمها لصدره : اسف حبيبتي حقك علي مااعيدها مره ثانيه...بس بابا كنت معصب ومتضايق
رزان: يعني بتتزوج خاله دينا؟
سعود: لحوووول رجعنا على طير ياللي ابي افهم ليه تحبيها
رزان: لان خاله دينا تحبني تجيب لي شكولاته وحلاوه
سعود: اذا عالحلاوه باجيب لك كل يوم كرتون بس فكيني من سيرتها
مافهمت مقصد كلامه الطفله المسكينه وسكتت واستسلمت للنوم
وهو الافكار لازالت توديه وتجيبه

مشكله معقده بجد..وين الحل؟؟

...........
بعد ماسكـر ماجد من جوري بقى فتره يفكر فيها . بعدها دق على فارس وكان هالفتره ماجد حريص انه يكون قرب فارس بكل وقت حتى مايحس صديقه بالملل والحزن على فقد انسان عزيز ..

فارس: الوو
ماجد: هلا بصديق الطفوله
فارس والحزن باين في صوته : هلا ماجد
ماجد: شدعوه ياخوي خليك قوي..اعرفك شديد في هالمواقف
فارس وهو وده ينفجر ويعبر عن اللي بخاطره : هذا ابوي ياماجد..تعرف يعني شنو ابوي

حس فارس بدمعه حاره تنزل ببطء على خده

ماجد: يافارس انت انسان مؤمن وتعرف ان هذي حكمه ربك , اذا انت مابتتحمل وش راح تخلي لخواتك.. عالعموم انت وين الحين؟
فارس: بالبيت وين بروح
ماجد: طيب اجل الحين بجيك
فارس: تعال انتظرك
ماجد: يلا دقايق وانا عندك .. باي

سكر فارس وهو يحس بأشد الحاجه لصديق عمره ماجد جنبه حتى يخفف عنه الالم والضيقه اللي يحسها..

طلع فارس من غرفته وهو يطالع اركان البيت وجدرانه اللي تبكي حزن على فقد انسان رائع صعب يتكرر كل يوم ..

وقام فارس يعزي نفسه وهو يمشي في الممر اللي فيه غرف اخوانه

غرفة سعود فاضيه لانه بالشركه وغرفته من هذاك اليوم مهجوره لانه من مات ابوه وهو ينام عند رزان يضمها حيل لصدره من خوفه انه يفقدها مثل مافقد ابوه وبسمه..

اسماء من بعد زيارات فؤاد المتكرره لها بدأت تطلع من غرفتها وتجلس معاه وهو مايقصر يخفف عنها...

اكثر وحده متماسكه هي جوري , رغم انها تحب ابوها وتعزه اكثر منهم , بس ايمانها القوي خلاها تتماسك وتصمد . لانها عارفه زين ان لو كان ابوها عايش وشاف الحزن اللي عايشين فيه بيزعل ويتضايق ..


مع ذلك شبح الحزن مسيطر عليها داخليا وقلبها ينزف حزن وقهر ..

نزل فارس وشاف جوري جالسه جنب التلفون وضامه رجليها لحضنها وسرحااانه

فارس: وش جالسه تسوين؟

انتفضت من الخوف , ويلي ليكون سمعني اكلم ماجد ؟
عز الله بنروح فيها

جوري والارتباك واضح في صوتها : امم .. لا ابد جالسه
فارس وهو يقرب منها: شفيك مرتبكه...صاير شئ؟
جوري وهي تبتسم حتى تطمن اخوها رغم الحزن اللي فيها : لا تطمن مافي شئ بس خرعتني كنت سرحانه

فارس: طيب انا بروح المجلس صاحبي بيجيني
جوري وعلى بالها ماجد : أي واحد؟
فارس بعصبيه: وش دخلك انتي يلا روحي غرفتك
جوري وهي تمر من جنبه حتى تصعد الدرج: انزين لاتزف مدري ليش نفسياتكم زفته هاالايام

صعدت جوري ومرت على غرفة امها سمعت صوت ونين وبكي , عورها قلبها على حال امها دقت الباب دقتين ورا بعض...

ام سعود وهي تمسح دموعها: تفضل
جوري وهي تطل براسها لداخل الغرفه وجسمها بره : ممكن؟
ام سعود: تعالي حبيبتي
راحت جوري وارتمت في حضن امها , غصب عنها بكت مع امها فقد الوالد العزيز

دفئ حضن امها يشابه كثير دفئ حضن ابوها اللي ضاع بين ليله وضحاها

ام سعود وهي تمسح على راس جوري: ماابي اشوف دمعة واحد فيكم
جوري: مااقدر يايمه...مااقدر ماابكي وانا اشوفك كذا متضايقه وزعلانه
ام سعود وهي تبتسم وتخفف دموعها حتى تبين قويه قدام بنتها: مو زعلانه وابوك الحين مرتاح قرب ربك..مرتاح في قبره انا متأكده.. مو زعلانه وانا اشوفكم حولي والحب في قلوبكم لبعض

رفعت جوري راسها لامها حتى تستمد قوتها من نظرات هاالانسانه العظيمه..

ارتفعت جوري وباست راس امها ومسكت يدها...
جوري: يلا يالغاليه خلينا ننزل تحت
ام سعود: لاحبيبتي خليني هنـا
جوري: ياحبيبتي يايمه صار لك فتره حابسه نفسك بين اربع جدران مااكلتي شئ , حرام مالنا غيرك ولا بتخلينا بعد

دمعت جوري ونزلت راسها لان مابقى لها ولخوانها حد غير امها

مسحت ام سعود دموع جوري ومسكت يدها ونزلوا تحت

..............

[لامارا]

مرت 4 اشهر وانتهت عدة ام سعود , خلال هالفتره قدرت تقوى وتهدأ مشاعرها الثائره , قدرت تتماسك من اول وجديد

صحيح كانت تفتقد وجود زوجها الغالي جنبها في مواقف كثير بس مقتنعة ان هذا امر ر بها ولازم تصبر وتتحمل ..

هذاك اليــوم ابو ريان كان منشغل باله وهو يفكر بموضوع دينا وسعود ومو عارف كيف يتصرف يجيبها من دينا العنيده ولا من سعود ..

اتصل على مكتب ولده ريان

ريان: هلا يبه
ابو ريان:ريان تعال ابيك بشغله..
ريان : يبه في يدي ورقه اخلصها واجيك
ابوريان: الحين تعال واترك الاوراق لاحقين عليها
ريان: يايبه اصبر شوي
ابو ريان بعصبيه : الله يرجك من ولد تعال الحين اقولك
ريان : طيب طيب لاتعصب يالغالي ثواني وانا عندك

سكر ريان وطلع من المكتب ونسى جواله بالدرج...

دخل في الممر اللي يؤدي لمكتب ابوه بس سمع صوت ضحكه هزت المكان من الممر الثاني .. وصوت ضحكة تتبعها من صوت اخر..

راح مسرع لمصدر الصوت وشاف الشله اللي ينبذها من كل قلبه
محمد وعصام وسلطان .. مجتمعين على طاوله وقدامها بيض وفول وجبن وشاي

انتبه محمد لريان لانه كان مقابل الباب : اه .. حياك حياك ريان تفضل
ريان وهو يطالع الثلاثه : اظن هذا مكان عمل مو اكل
محمد وهو يبتسم باحراج : مافيها شئ طال عمرك لو اكلنا
عصام ثقيل الدم: يعني نموت من الجوع
حرك ريان راسه يمين يسار كانه يسيتحقر كلام عصام وطلع من المكتب وسمع حوار الثلاثه وراه..

محمد: الله غربلك كان ضروري تتكلم
عصام: شدعوه خايف منه
محمد: انت ناسي انه ولد المدير ورقه منه ونروح فصل
سلطان: الله يستر بس محد غيرك بيورطنا مع ابوريان محنا قده
عصام: لا ريان مايقدر يسوي شئ تأكدوا


ابتسم ريان بسخريه وراح لمكتب ابوه ولقى السكرتير هشام يطبع اوراق
ريان: السلام عليكم
هشام: وعليكم السلام...اهلا استاذ ريان تفضل الوالد ينتظرك
ريان: مشكور ياهشام

دخل ريان وسكر الباب ولقى ابوه مرجع الكرسي وراه ومتسند يفكر

ريان وهو يقرب : يبه...قبل كل شئ هالبومه عصام افصله اسبوع
ابوريان وهو مستغرب: خير شصاير وليش افصله اسبوع
ريان: حتى يتعلم يحترم الناس ويطبق قوانين العمل زيين
ابوريان بدون اهتمام: سوي اللي تبيه

طلع ريان للسكرتير هشام وقاله يكتب ورقه فصل لهشام لمدة اسبوع خلصها ودخل ريان ووراه هشام حتى ياخذ توقيع ابو ريان

وقعها ابوريان وطلع هشام ورجع ريان مقابل ابوه : شفيك يبه؟
ابوريان: محتار
ريان: وضح اكثر صاير شئ بالعمل
ابوريان: موضوع دينا وسعود ماكل تفكيري
ريان وهو يبتسم : لاينشغل بالك يالغالي ولاشئ
ابوريان: شلون ماينشغل بالي ياريان وانا مو عارف كيف اتصرف...كيف احل هالموضوع ..شور علي ياولدي
ريان: يبه شوف انا متأكد ان خالتي ام سعود ماراح تسكت عن الموضوع .. الحين بس هي لسه طالعه من العده اكيد بتكلم سعود .. وهو بيكلمك
ابوريان: مااتوقع...انت عارف زين رأي سعود في هالموضوع..
من قبل مايتوفى اخوي عانده الله يرحمه وتزوج بسمه ..
وعاندت اختك اكثر وسافرت امريكا
ريان: قصدك ان سعود مايبيها؟
ابوريان: وانا ماابي اعطي بنتي لشخص مايقدرها
ريان: شفيك يبه الله يهداك هذا سعود بحسبة اخوي وولدك
ابوريان وهو يمسح العرق من جبينه كأنه يمسح هاالافكار من راسه : شكلي كبرت وخرفت مدري شفيني
ريان: ماكبرت ولاخرفت .. بس انت شاغل وتاعب نفسك ليش
الا مانلقى حل لهالمشكله
ابوريان: يعني تتوقع خالتك تكلم سعود
ريان: اكيد يبه .. يعني بتترك وصية عمي ولابتنفذها مااظن مستحيل
ابوريان: الله يقدم اللي فيه الخير ..
ريان وهو يقوم: عن اذنك الحين يبه بكمل باقي الاوراق وبروح البيت اتغدى
ابوريان: وانا بروح معاك مالي مزاج للشغل اليوم
ريان: خلاص تم بس اخلص الاوراق بمر عليك

طلع ريان ولقى عصام جالس بمكتب السكرتير

ريان بنظره سخريه: ها اشوفك هنـا
عصام بعصبيه: وانا شسويت حتى يفصلني المدير اسبوع
ريان: مو عاجبك اسبوع؟
عصام: لا
ريان وهو يسحب الورقه ويمزعها لين صارت قطع صغيره
ريان: هشام سويها اسبوعين لاهنت
عصام وهو مو مصدق: اسبوعيين حرام عليك
ريان: حرمت عليك عيشتك , لو تبي بخيلهم شهر وبدون راتب حتى تعرف انت مع منو تشتغل

رمى ريان الاوراق الصغيره على عصام وطلع وهو منتصر..
ريان عنيد مايحب حد يحط راسه براسه , واللي يفكر في هالشئ حسابه عسير

رجع لمكتبه وشاف بجواله 5 مكالمات من لطيفه .. سكر الباب وجلس مقابل مكتبه ودق عليها

لطيفه: ريان
ريان: هلا حبيبتي...
لطيفه: شفيك ماترد خوفتني عليك
ريان: ياحياتي كنت عند الوالد..دقيت عليك قبل ساعتين جوالك مغلق وامي تقول انك بالمستشفى عسى ماشر
لطيفه بخجل: ماشر بالعكس كل خير
ريان: خير وانتي بالمستشفى شلوون
لطيفه: ريان انا حامل
قام من الفرح وهو يقول: جد؟؟ اكيد تمزحي
لطيفه: ههههه جد والله
ريان: يابعد قلبي انتي فديت النونو بس ابيها بنوته
لطيفه: خلاص بروح اوصي عليها الحين
ريان: هههههههههه خلاص دقايق وانا عندك
لطيفه: بل بل لو ادري حملت من زماااان
ريان: متى بتولدين بس
لطيفه: هههههههه باقي 7 شهور
ريان: ليش انتي بأي شهر
لطيفه: الثاني تخيل وانا مدري
ريان ياحييك ياام رامي .. الا هاني وينه؟
لطيفه: يلعب بلاي ستيشن مع ديمه
ريان: هالخبله ذي مدري متى بتكبر
لطيفه: خليها تعيش حياتها...المهم متى بتوصل البيت؟
ريان: بالكثر نص ساعه وانا والوالد عندكم
لطيفه: حلوو بروح اجهز الغدا مع خالتي
ريان: هالله هالله ببنتي
لطيفه: هههه طيب يلا مع السلامه
ريان: الله يسلمك

سكر من لطيفه وهو طاير من الفرحه ويدعي ربه يرزقه ببنت تشابه امها ..

.................

في هالوقت كانت النار مشتعله في بيت ابو سعود...

سعود وهو يجلس بحيره على الكنبه: ملييييت والله ملييت
اسماء: ياخوي ريح بالك وريحنا وتوكل على الله
ام سعود: سعود .. ماابي اغصبك بس بتتزوج دينا يعني تتزوجها مو مستعده اترك وصية ابوك واهملها .. ابيه يرتاح بقبره
سعود بعناد: ماابيها ولا راح اتزوجها طيب
ام سعود بعصبيه: ترد كلامي ياسعود... عمرك ماسويتها والحين بعد هالعمر تعصيني
سعود: يايمه ياحبيبتي
ام سعود تقاطعه: حبك برص ان شاء الله .. ماعندي غير هالكلام .. مو حرام عليك اللي تسويه
مو حرام عليك ماتنفذ وصية ابوك
سعود: ابوي على عيني وعلى راسي يايمه..بس انتي تدورين سعادتي صح؟
ام سعود: صح
سعود: حلو طيب .. وسعادتي مو مع دينا .. والله بموت لو اخذتها ماابيهاااا

نزلت جوري ركض بعد ماسمعت صراخهم : شفيكم صوتكم واصل لاخر الدنيا
طالعت ام سعود في بنتها ورجعت تطالع سعود : مدري كيف يطاوعك قلبك .. حرام والله حرام اللي تسويه فينا وفي ابوك

سكت سعود وهو متضايق..من يسمع طاري ابوه يحس بشئ يقبض على قلبه...ماوده يخالف امه وابوه الله يرحمه . بس كيف يتزوج انسانه يعتبرها مجرد اخت ومايتمنى تكون زوجة له في يوم..
اصعب شعور يمر فيه سعود الحاير بين عقله وقلبه

اسماء وهي تقرب بحنيه من اخوها: ياخوي صدقني نبي مصلحتك ومصلحة دينا
سعود بحزن : يااسماء ماعندي رغبة اتزوج وخاصه دينا..افهمنوني عاد
ام سعود: سعود وصية ابوك بتتنفذ يعني بتتنفذ طال الزمان ولا قصر يعني ريح بالك من الحين وخذ بنت عمك
مسكت جوري راسها وتسندت عالدرج...الظاهر المشاكل ماراح تزول في هالبيت..
صعدت مكان ماكانت جالسه في غرفة اخوها فارس وكانت رزان وياهم بس منسدحه على سرير فارس وتقرأ قصه اطفال..



دخلت جوري وفارس على نفس حالته قدام الكمبيوتر عالشات يضيع وقت..
جلست جنبه وهي تفكر في اللي يصير تحت
فارس: من انتصر الروم ولا الفرس
جوري : ياشينك
فارس: ههههههههههاااي مدري عنهم .. معقدين الموضوع وهو مايستاهل..لو سعودوه يلين راسه ويستر على بنته وبنت عمه ويريحنا افضل من وجع الراس
جوري: أي والله وجع راس يافارس ليل نهار هواش وصراخ..
ها من تكلم؟
فارس: هالخبله تقول ابوها وزير وعندهم بيت بلندن وفله بأيطاليا وماليزيا
جوري: قول لها ماعندهم بعد جزيره مثل هاواي
فارس: يمكن عندهم
جوري: أي هين بنات الشات ياحبهم للكذب

دق جوال فارس اللي كان اقرب لجوري .. كان رقم غريب توقعت جوري انها بنت كالعاده لذلك ردت وهي ساكته

الطرف الثاني: الو فارس
جوري: وش تبين في خطيبي؟
البنت بصدمه: منو انتي؟
جوري: اقولك خطيبي تقولين منو انتي شرايك امه يعني
البنت: لا مستحيل متى خطب .. هو يحبني

طول هالوقت وفارس ميت ضحك على جوري

جوري: لاحبيبتي مايحبك...والحين اظن تأكدتي بنفسك
البنت بعصبيه: يعني هو معاك الحين
جوري وهي تحط عالمايك: اسمعي صوته بنفس....(جوري وهي تكلم فارس) حبيبي فارس
فارس: هلا عمري
البنت: ياقليل الادب ياكذاب يانصاب كيف تلعب علي
جوري: ها حدك كل شئ ولا فارس وبعدين محد قالك تكلمين واحد ماتعرفينه
سكرت البنت بعصبيه وفارس يضحك


جوري وهي ترمي عليه الجوال: اضحك اضحك شوراك غير اللعب على خلق الله
فارس: نتسلى ياجوري
جوري بجديه : فارس انت اكبر من هالتفاهات اللي يسوونها الشباب..انت اكبر من العاب سخيفه ماتقدم ولا تأخر
فارس: شفيك طيب معصبه
جوري: من خوفي عليك...مااحب اشوف اخوي يمشي في طريق غلط واسكت
فارس: ان شاء الله يمه أي اوامر ثانيه

ضربت اخوها على خفيف في بطنه وقطع ضحكهم صوت صرخه سعود من تحت..

قامت رزان بخوف وقربت من جوري...
رزان: عمتي
جوري وهي تمسح على شعر رزان الذهبي : هلا حبيبتي
رزان: ليش بابا يصارخ؟ من زعله؟
فارس: ابوك الثور يزعل قبليله ولا يزعل
جوري وهي تغمز لفارس حتى يسكت: لاحبيبتي بس بابا مريض وتعبان شوي

بعدت رزان عن جوري وهي تطلع من الغرفه

جوري بجديه: رزان تعالي هنـا لاتنزلين تحت
رزان: لا بدخل الحمام

سكتت جوري وهي تفكر

فارس: خلي البنت تروح الحمام لاتموت علينـا..روحي رزان مغربي لاشغلك الله
جوري: هههههه

طلعت رزان وهي كذبت على جوري مابتروح الحمام ولاشئ..بس عارفه ان جوري مابتخليها تنزل...

وقفت عالدرج وهي تسمع صراخ ابوها وشوي وبتبكي ..نزلت بسرعه وركضت لين وصلت لحضن ابوها وحضنته

سعود: روحي لغرفتك رزان
رزان: بابا..انت ليه زعلان
سعود وهو يبعد بنته عن حضنه: مو زعلان بس تعبان شوي روحي غرفتك
رزان وهي تروح لجدتها: جدتي
ام سعود وهي تحضن حفيدتها بكل حنان: هلا حبيبتي
رزان: انا ابي ماما دينا ليش بابا مايبيها

سعود بعصبيه: وانتي بعد معاهم على ابوك....انا اطلع داري احسن لي من وجع الراس

شاف ان الحل الامثل انه يختلي بنفسه ويفكر في حل جدي ويحط النقط على الحروف

................



كانت جالسه مع اختها واخوها جسديـا..بس الفكر محلق فوق يعانق احلام المستقبل البعيد,,,تفكر بحبيبها فارس اللي ملكها
بكل مافيها ومشى بكل غرور بدون اكتراث..
حست بالشوق يعانقها بقوه لطيوفه اللس تسحرها...

رجعت للحاظر على ضكحة اخوها فؤاد على امل اللي طاحت عند غرفتها

امل: اااااي حرام عليك ياليهودي تعال شلني بدل هالضحك
فؤاد : ههههههه والله مو ناوي على عمري تبيني اشيلك يالطويله علشان ينكسر ظهري روحي

امل وهي تقوم بصعوبه لان رجلها تعورت: لابارك الله فيكم من اخوان .. مالت عليكم نفر نفر
فؤاد: هنديه صحيح
دخل فؤاد غرفته وهو يضحك..

سمعوا صوت مساعد خالهم تحت في الصاله لانهن كانوا جالسين بالطابق الثاني ...

مساعد: يااهل البيت...يااهل الدار ويينكم فييه
فؤاد وهو يطلع من غرفته بعد ماسمع حس خاله: حياك يالخال اب ستيرس
مساعد وهو يركب: اب ستيرس بوجهك
امل وهي يدها على ركبتها وتقرب من خالها وتبوسه على راسه: هلا بنور البيت هلا
مساعد: هلااا يالطويله ها سلامات
امل: الله يسلمك لا ابد بس طحت
مساعد: تعيشي وتاكلي غيرها
امل: خااااااااااااالي
فؤاد وهو يسلم على خاله: هلاااوي يالغالي
مساعد: هلا والله اخباركم
فؤاد: بخير حياك اجلس
امل : يامرحبا يامرحبا نورك طفى الكهرباء ياخاالي
من قبلت انطفت كل الانوار في بيتنا ومابقى الا نورك تصدق
مساعد: اقول لايكثر بلاش مقدمات قولي اللي عندك..فلوس ماعندي
وسيارتي مافيها بنزين أي شئ ثاني
امل وهي تجلس جنب خالها وتتربع عالكنبه : شدعووه سعوود
فؤاد وهو يضرب امل على راسها: بالله عليك انتي معلمه مع كشتك
امل: ليش تشك بالموضوع؟ اجيب لك دفاتر تحضيري بعد

انتبه مساعد الى اميره اللي من وصل ولا سلمت عليه لانها سرحانه ماحست بوجوده
انتبه فؤاد الثاني لاخته وشد شعرها الطويل

اميره وهي تحس له : اااي (وتنتبه لخالها) اووه خالي من متى انت هنا
مساعد: اووه ويين من الصبح انا جالس جنبك
اميره: ههههههه
انتبه مساعد ان ضحكة اميره بدون نفس ومو من قلبها
مساعد: امول لاهنتي كاس مويه
امل: من عيوني
فؤاد وهو يقوم: خالي بسبح وبجيك 5 دقايق بس
مساعد: نو بروبلم..الا اختي وينها
فؤاد: عن خويتها

دخل فؤاد يسبح وقرب مساعد من اميره السرحانه اللي مو على بعضها اليوم وهو يغني: ايش جابك من بلادك لابلادي ايش اللي خلاك تسكن في فؤادي احس بشئ في مهجتي لك غير عادي كل ماشوفك يزيد ياذا الحب الجديد...
اميره ببتسامه: الله الله يسلم هالصوت

وصلت امل وبيدها كاس مويه وحاطه فيه شريحة ليمون
مساعد وهو ياخذ الكاس: ليمون بعد؟؟ ناويه علي انتي
امل وهي تجلس: اتيكيت ذا ياخالي احم
مساعد: بلا اتيكيت بلا تريكيت ,, الا العنزه الثالثه وين
امل: شنوووووو ليش مين الاولى
مساعد وهو يأشر على اميره : هذي
امل بحقد: والثانيه؟
مساعد: اممم ااه أي اخوك الخبل خلووود
امل: أي على بالي بعد
مساعد: يعني من غيرك عنزه...وين اختك الملقوفه اماني
امل: ناايمه ليش عندها شئ غير النوم ,, خالي تبي اسوي لك عشاء؟
مساعد وهو يستغل الفرصه حتى يكون لوحده من اميره ويعرف شفيها: يالييت ميت جوع يابنت اختي
امل وهي تقوم: افا عليك ياخالي ماطلبت شئ تبي بيض؟
مساعد: بيض اللي بكسره على هالجبهه اللي كنها ملعب
ضحكت امل ونزلت المطبخ وبقى مساعد مع اميره لوحدهم...


مساعد: اميره وش اللي بخاطرك
استغربت السؤال ولفت تطالع خالها وشالت عينها بسرعه منه حتى ماتفضحها وتخبره انها تحب فارس حد الجنون...

اميره: كل خير ياخالي....(ولفت الموضوع وقالت) تعرف كم التاريخ اليوم؟
مساعد: اممم تقريبا 4 /5 ليش؟
اميره: عيد ميلاد مين اليووم؟
مساعد ويده على راسه كنه يفكر: ماخبري عيد ميلادي هالشهر...طيب مايخالف وين الهديه
اميره: ياسلااااام..وشوله الهديه دام مو عيد ميلادك
مساعد وهو يبتسم بسخريه : الهديه هديتين ولا مااستاهل
اميره وهي تنزل راسها: اليوم عيد ميلادي
مساعد: كلووووش الف الصلاه والسلام عليك ياحبيب الله محمد
اميره: ههههههههههه حشى مهوب عيد ميلاد عرس
مساعد وهو يضرب اميره بخفه: عيد سعيد يابطله وكل عام وانتي بخير وكل يوم تعالي ورمضان كريم وحج مبرور وسعي مشكور وكل حبتين بريال واللي مو عاجبه ينتف حواجبه
اميره وهي ميته ضحك: ههههههههههههه يلا وين هديتي
مساعد وهو يقوم: هديتك احلى عشاء من احلى خال بالدنيا شرايك
اميره: وناااااااسه موافقه بس خليها على حسابي
مساعد: أي احسن توفرين بعد
فؤاد وهو يطلع من غرفته وهو لاف الفوطه على خصره ومو لابس غيرهم شئ
اميره استحت ولفت عالناحيه الثانيه ويدها على وجهها: وييييي قطيعه تقطعك روح دااخل غرفتك البس
فؤاد: هههههههه سمعت في عزيمه ووين
مساعد: محد عزمك ادخل البس
فؤاد: واهون عليكم تخلوني يالخاينين لوحدي مع عنزة الفريج(يقصد اماني)
مساعد: تبي الصراحه لا والله اخاف عليك لاتاكلك ولا شئ
امل وهي تصعد: هااا شصااير
اميره: انا بروح البس
امل: وين وين وين يااموره
مساعد: نطلع نتعشى بمناسبه عيد ميلاد هالقطوه
ويأشر على راس اميره...اللي سوت تحيه يابانيه ونزلت جسمها احتراما لخالها
امل: هههههههه وانا جاهزه بس خساااره العشاء اللي بسويه
مساعد: لحووول مانبيك يالطويله أي سياره اللي تكفي لهالراس
امل وهي تدخل غرفتها: مو بكيفكم
مساعد: خلوود وينه مااشوفه
فؤاد: بعد نااايم
مساعد: يلا اجل مشينا

تجهزت امل واميره اللي ماكان لها نفس تطلع بس علشان ماتكسر خاطر خالها وطلع معاهم فؤاد...

كانوا مبسوطين بس بنفس البيت كانت هالة حزن مسيطره على شخص مو لاقي للحزن مخرج ولا متنفس

ماكان خالد نايم مثل ماالكل متوقع ..صحيح كان جالس بالظلام بس خاطره متعذب ,, مايعرف وش اللي مضيق عليه حياته
بدى يسأل نفسه ليه يوم افرح وعشره احزن وازعل ليش مااصير مثل اخواني الفرح مالي قلوبهم

قام شغل لمبه صفرا عند المرايه وطالع نفسه فيها
شاف وجه كئيب الحزن خط على ملامحه خطوط عريضه
شفيني انا ياربي .. ليكون حالتي نفسيه مرضيه؟
لالا انا مافيني شئ مافيني شئ
جلس بقهر عالسرير وضغط بيده على راسه
جات على باله دينا بنت خالته
انا ليش ماازورها في العياده يمكن الاقي عندها الحل

دينا بغرفتها ..

صحـت من النـوم على صوت جيتار ديمه وضحك ولد ريان الصغير هاني

هاني: بعد بعد بثمع موثيقى
ديمه: ههههه اسمها مو سيقى مو موثيقى
هاني وهو يناطط : بعد بثمع ديمووو
ديمه وهي تعزف مقطوعه خربوطه : يلا اسمع
هاني وهو يعصب : مو حلوو مو حلووو
دينا وهي تقوم من الفراش بعصبيه : لحوووول شهاالازعاج .. ماعندك غرفه تعزفين فيها على راحتك
ديمه: اسكتي لايسمعك ريان واروح فيها
دينا وهي ترجع تنام: قومي بره لغرفتك
ديمه: مابتروحين العياده ياحلوه
دينا وهي تطالع الساعه وتنصدم: يالله تأخرت

قامت بسرعه ودخلت الحمام واخذت شاور سريع ولبست وتعطرت وصلت

نزلت بسررعه للطابق الارضي تاركه ديمه وهاني بـاالغرفه لوحدهم


بطابق ثاني من نفس البيت .. كانت لطيفه تعبانه من الحمل هالمره رغم انها لازالت بالشهور الاولى الا ان الوحام ذابحها ومو قادره تشم او تاكل شئ ....

أعطت ريان الشماغ المكوي وجلست بتعب على طرف السرير


ابتسم وغمز للطيفه اللي ابتسمت بتعب
راح وجلس جنبها عالسرير بعد مالبسه
ريان: شفيك
لطيفه: مدري تعبانه
ريان وهو يسكر الكبكات في ثوبه : ماعاش التعب طيب قومي ارتاحي ونامي
لطيفه: ودي بس هاني مو راضي ينام شلون اتركه لوحده
ريان: طيب وينه الحين
لطيفه: عند ديمه تحت
ريان: طيب خليه عندها وانا بوصيها عليه وانتي ارتاحي
لطيفه وهي تقوم وتتوجه لمخدتها: ماتقصر حبيبي
ريان وهو يسحبها من يدها بحنان: انتبهي لنفسي زين
لطيفه وهي تأشر علي عيونها: من عيوني


طفى ريان الانوار ونزل من الطابق الثالث للثاني وهو عالدرج سمع صوت ضحك ولده هاني وصوت

اله مويسقيه . عمره ماسمع هالصوت من قبل في البيت

جن جنون ريان لانه مايحب هالحركات ولا كان يعرف ان عند ديمه جيتار , توجه لمصدر الصوت الا ووهو غرفة دينا



لقى ديمه تعزف وهاني مثل البنات يرقص
حست ديمه ان في احد عالباب لما شافته رمت الجيتار بخوف عاالارض وارتبكت ونزلت راسها..

اما هاني المسكين خاف من نظرات ابوه وراح جلس جنب عمته ديمه..

ريان بصراخ: ديموووووه هذي سواياك ياللي ماتستحين
ديمه: لالا .. ريان لاتفهمني غلط انا..
تقدم لها ريان ومسكها من زراعها بقوه وهو يصارخ: فهميني شنو هذا اللي تسوينه
ديمه وهي تبكي ومو عارفه وش تقول: اتركني
ريان: مو قبل مااعلمك الادب وصلت فيك المواصيل لهنا ياديموه
تدخلين هالخرابيط البيت.. انا اصلا من زمان حاس بشئ غريب مخبيته عني بس الحين عرفته
ديمه وهي تبكي وتترجاه: انا اسفه انا اسفه مااعيدها بس اتركني

رماها بقوه عالكنبه واخذ الجيتار وكسره عالجدار وهي تمسكه من يده تمنعه وتبكي بقوه وهو خبر خير مطنش لين كسره لقطع صغيره...

بعدها رمى الباقي عاالارض ولف يطالعها : الحين بتركك يابنت امي وابوي وياويلك لو اشوفك مدخله هالسخافات بيتنا فاهمه

بكت ديمه بقوه وهي تشوف جيتارها صار قطع صغيره مافيها فايده..

وهاني مسكين من صراخ ابوه بكى وهي يتقرب من ديمه ويمسح دموعها...

قامت وطلعت من الغرفه وولد اخوها يتبعها وهي معصبه حيل مثل البركان اللي بينفجر

نزلت تحت لقت ريان وامها وابوها يفطرون...

ديمه قربت منهم وهي تبكي ريان من شافها قلب وجهه الناحيه الثانيه مايبي يطالعها

ام ريان بخوف: شفيك ديمه؟
ارتمت ديمه بحضن امها وهي تبكي
ام ريان: خير يمه شصاير تكلمي
ابو ريان: ديومه من زعلك
ريان بعصبيه وهو يقوم: والله ماراح يضيعها الا دلعكم الزايد لها
ابوريان وهو معصب الثاني: طيب فهموني شصاير
ريان: يبه انت كنت عارف ان بنتك السخيفه عندها جيتار وتعزف عليه
ابوريان: ايوه عارف ومافيها شئ
ريان: يبه انت من جدك..ومن متى احنا ندخل هالاشياء بيتنا والله زمان مصاخه هالجيل ماعنده سالفه الا تقليد الغرب
ويكون بعلمكم انا كسره ولو اشوف عندها واحد ثاني بكسر راسها وياه
ديمه: حرام والله حرااام
ابوريان وهو يقوم ويعدل البشت على ذراعه: ريان دامي للحين عايش لاتتدخل في امور انا راضي عنها

ريان : يمه لاهنتي حطي بالك على هاني يلا انا طالع

شال ريان مفاتيح سيارته والجوال وطلع من البيت وهو معصب من دلع ابوه لديمه

ابوريان وهو يراضي بنته ويمسح على شعرها: خلاص ياديمه لاتزعلين
ام ريان: قلنا لك يابنتي ريان مايحب هالحركات بس انتي ماسمعتي الكلام..تستاهلين اللي جاك

انتبهوا لهاني اللي يقرب من جدته ويبي يبعد ديمه عن حضنها

هاني: دووومي يلا ( قومي)
ديمه وهي تبتسم له: مافي
هاني وهو يعصب: مامااا ثوفيها

بعدت ديمه عن امها وتقرب هو مكانها , حضنته جدته وباسته على خده

ابوريان: يلا انا بطلع بعد
ام ريان: درب السلامه
ابوريان: الله يسلمك
هاني: بلوح معاك (بروح)
ابوريان: هههههه لا مايصير رايحين شركه مو ملاهي يلا مع السلامه
ام ريان: الله يسلمك..
.............

وهي جالسه بعيادتها على مكتبها تقلب ملفات واوراق معينه,, سمعت صوت صراخ مو غريب عليها..

قامت من مكتبها وطلعت بره الغرفه الا السكرتير يمنع خالد من الدخول على دينـا

خالد بعد ماانتبه لدينا: هاا هذا هي وصلت تأكد بنفسك
دينا وهي تضحك وتقرب منهم: صلوا عالنبي ياجماعة الخير
السكرتير: دكتوره يبي يدخل عليك من غير موعد ويقول انه يقرب لك ويموون
دينا: ههههه أي يابندر هذا ولد خالتي ولو سمحت لو جاء مرة ثانيه دخله علي دايركت بدون موعداو اذن
السكرتير بندر: على امرك دكتوره
دينا: حياك خالد تفضل

دخل خالد مع دينا لغرفتها وجلسوا على كرسين بعيدين عن المكتب

دينا ببتسامه: حيالله خالد شهالزياره المفاجئه
خالد: والله ماتسألين يابنت خالتي قلنا نجي نسأل عنك
دينا:هههههه تسأل عنك العافيه..ها ايش تشرب
خالد: لا مافي داعي مشكوره دينا
دينا:افا ياخالد توصل لعندي ولاتشرب شئ مايصير
خالد: يلا عصير
قامت دينا لمكتبها ودقت الجرس للسكرتير

دينا: بندر
بندر: ايوه دكتوره
دينا: لو سمحت خبر الفراش يجيب لنا 2 عصير برتقال
بندر: ان شاء الله
دينا: مشكور

ابتسمت لخالد وجات جلست على نفس المكان

دينا: تبي تقنعني الحين انك جاي بس تسأل عني
خالد وهو ينزل راسه ويشبك اصابعه ببعض: اممم والله مدري شقولك
دينا: قول اللي بقلبك مابيننا شئ ياخالد
خالد وهو يتشجع: دينا ماجيتك الا من زود همي وضيقتي...كرهت الدنيا باللي فيها
دينا: ليه بس ياخالد,, شئ مكدر خاطرك؟
خالد: مو هنا المشكله انه مافي أي سبب او مشكله معينه..كاره الدنيا بدون اسباب
دينا وهي تأشر عالكرسي الطويل اللي يجلسوا عليه المرضى: تفضل هناك بترتاح اكثر

قام خالد وجلس عالكرسي الطويل ودينا جلست مقابله

قام يطالع اركان الغرفه,, كان الديكور يوحي بالهدوء والطمأنينه والاضاءه كانت صفرا فاتحه ...
ولاحظ شموع حمراء فواحه على مكتبها

خالد: انا على هالديكور الخيال كل يوم بجيك
دينا: هههههههه تسلم ..
سكت خالد ونزل راسه ,, حست دينا ان خالد فيه شئ وكبير
ولازم توقف معاه وتساعده كونها دكتوره نفسيه لها صيطها الكبير بين الناس..

دخل بهالوقت الفراش وبيده صينيه عصير حطها قدامهم
شكرته دينا وطلـع

دينا: قلي وش اللي مكدر خاطرك
خالد: مافي سبب..مدري شاللي احسه
دينا: خالد يكون بعلمك مافي انسان في هالعالم ممكن انه يتضايق بدون سبب
خالد: كيف يعني
دينا: ابيك تفهم شئ معين ونقطه علميه مهمه...رواسب الماضي ياخالد اللي تبقى بخاطر وروح الانسان هي السبب..
احيانا تمر عالشخص ظروف او مواقف مهما كانت يتضايق ويزعل منها
.. بس يتجاهلها وكأنها مو موجوده .. يحط في باله انها مسأله وقت لاااكثر
مع كثر الضغوط والرواسب الانسان ينفجر ياخالد..
لذلك ضروري على كل شخص يوم يتضايق يبحث في نفسه على العوامل اللي سببت له هالحاله ويحاول يعالجها او ينهيها
ويصفى فكره وروحه من هالشوائب

ابتسم خالد لكلام دينـا وشرب من العصير اللي قدامه

دينا: ها كلامي مقنع ولا؟
خالد: اكيد يادكتوره
دينا : ههههههه مثل ماقلت لك ياخالد انت مو متضايق بدون سبب
اجلس بينك وبين نفسك تذكر محطات حياتك اللي مرت عليك شوف وش الحلو منها واستمد طاقته منه.. وش الشئ المحزن فيها وحاول تعالجه وتنهيه

خالد: من عيوني
دينا: خالد بكره ابي تزورني واشوف وش اللي توصلت له ونعالج الموضوع سوا
خالد: بتعبك معاي انا متأكد حالتي مستعصيه
دينا: لا ياخالد كذا ماراح نقدر نستمر .. خلي ايمانك قوي وان شاء الله سحابه صيف وضغوط مع الايام بتزول.. بس مثل ماقلت لك بكره ابي اشوفك ونكمل كلامنا

قام خالد من مكانه وهو ممتن لبنت خالته اللي مهدت له الطريق مبدئيا حتى يختلي مع نفسه ويفكر ويدرس الاسباب اللي سببت له هالحاله وبكره يعرضها عليه ...

خالد: خلاص يابنت خالتي بكره نلتقي
دينا: على خير سلم لي على الثلاثي المرح
خالد: هههههههه ان شاء الله
دينا: وخالتي سلم لي عليها كثييير
خالد باحراج: الله يسلمك بس دينا
دينا: هلا
خالد: ماابي حد يعرف اني جيتك وخاصه امي عارف انها بتخاف علي
دينا: دام هذي رغبتك اكيد ماحد بيعرف تطمن
خالد: ماقصرتي يادينا يلا توصين على شئ
دينا: سلامتك ولاتتأخر بكره
خالد: اووكي يلا مع السلامه
دينا: فمان الله

.............



طلـع خالد من عيادة دينا لاحلى مكان وملاذ كل انسان

البحر.. جلس على اكبر صخره لقاها وشال شماغه ببرود ورماه جنبه

وهو يطالع ضوء الشمس المنعكس بخجل على قطرات البحر

قام يفكر بعمق واستعد لدخول مغامره داخل اعماقه.. من يوم كان صغير

دايركت انرسمت صوره لايمكن تنمسح من خياله مهما

صار...!!

لما كان بعمر 14 سنه وقبل مايموت ابوه جاء يوم العيد
وكان خالد جالس مع اخوانه وامه .. دخل عليهم ابوهم وفي يده هدايا
العيد لهم..

كانت هدية فؤاد من جد كبيره ((سياره)) هديه نجاحه وهديه العيد بنفس الوقت..

تذكر نظره الدهشه والفرح بعيون فؤاد..طار واخذ المفتاح من يد ابوه
وهو مو مصدق..باسه على راسه اكثر من مره لين بعده ابوه وقاله
( عورت راسي اعقل ياولد)

ابتسم خالد لهالمشهد بعدها اخذت امل هديتها واميره واماني...
جاء دور خالد وقرب من ابوه وهو مبتسم وقال

خالد: وانا يبه وين هديتي؟
طالعه ابوه ببرود مو طبيعي ولف لزوجته ام فؤاد وقال
ابوفؤاد: هديتك عند امك ياحبيب امك
وتركهم ابوفؤاد وصعد غرفته..

طبعا محد من الموجودين انصدم ولا استغرب..كان شئ طبيعي اللي يصير
ماهي جديده من يوم يومه ابوفؤاد يعامل خالد كذا دون اخوانه
وش السبب؟ للحين مجهول
هل راح ينعرف مع الايام؟؟


خالد حزتها انكسر قلبه..شئ قوي حطم كبريائه اللي بدى يتكون بشخصيته المراهقة
انسحب بهدوء وصعد غرفته..
وكانت ام فؤاد مكسوره حزينه للي تسمعه وتشوفه حاولت تناديه تراضيه بس
مامن مجيب..
كانت خطواته سريعه اسرع من ندائها الحائر واعتزل بغرفته..

جلس بالظلام بالنحديد بزاويه غرفته اللي متعود يجلس فيها اذا ضاق صدره..
حضن نفسه بذراعه النحيله..
وبدأ يتسائل بذهول وسط الحزن اللي عايشه..

ليه يعاملهم بحب وانا لا؟ ليه يضحك ويسولف معاهم وانا لا؟
ليه.. لـــــيييه لييه يايبه تكسرني لييه

في شنو انا انقص عنهم؟
بالدراسه؟ لا لاني اكثر واحد متفوق بينهم ودايم اطلع من الاوائل
في الاخلاق؟ لا انا اهدأ واحد بينهم اكثر واحد فيهم بار بأمي واعاملها بحب
وماانسى تاريخ ميلادها واجيب لها هديه كل سنه
وانت يايبه نفس الشئ..

ليه الكل يحبني وانت يايبه ماتحبني؟

طاحت دمعه حايره على خد خالد تجيب على كل اسئلته واستمر هالحال سنين..
والقافله تسير بخالد واحزانه وسط ظلم ابوه له..

وفي يوم من الايام وبعد 4 سنين بالضبط ولما كان عمر خالد 18 سنه
نزل من داره مسرع بعد ماشاف نتيجه الثانويه العامه بالانترنت
ولقة ابوه بالصاله يتابع الاخبار..

خالد بفرح: يبه يبه
ابوفؤاد وهو يطالع الشاشه: نعم
خالد وهو يجلس جنب ابوه والفرحه مو شايلته : يبه طلعت نتيجتي
لف ابوفؤاد ببروح لولده وقال: ها كم النسبه؟
خالد: 95 يبه بقدر ادخل الطب يايبه وبرفع راسك وسط ربعك
قام ابو فؤاد بعصبيه: يا قليل الادب شقصدك
يعني راسي مو مرفوع بأخوانك؟
خالد بصدمه: لا يايبه انا مااقصد اللي فهمته
ابوفؤاد: هذا اللي ناقص ياولد امك انت يالمراهق ترفع راسي
انا راسي من يومه مرفوع بتجارتي ونجاحي ونجاح اخوك فؤاد

هالوقت كان فؤاد ينزل عالدرج وسمع اخر جمله واعتصر قلبه حزن على اخوه
وتوأم روحه خــالد..

خالد والدمعه بعينه: يبه انا لمن تعبت؟ ليش بدخل الطب؟
ليه اذاكر وانجح واجيب نسبه عاليه؟
مو علشانك وعلشان القى منك كلمة طيبه ترفع معنوياتي
ليه تحب فؤاد وانا لا ليييه
ابوفؤاد بعصبيه: بس ولاكلمه لاتجي تقارن نفسك بفؤاد فؤاد رجال
فؤاد بهاللحظه صار معاهم وطالع اخوه بنظره حزن وتلقى من خالد نظره حزن اكبر

كانت هالنظرات تواسي بعضها في احزانها ودموعها..

فؤاد: خلاص ياخوي اذكر الله واصعد دارك..
خالد بقهر والدموع على خده: لاخليني اطلع اللي بقلبي..خلني اطلع قهري
(ولف يطالع ابوه) بكل صراحه اقولها انت ماتحب الا نفسك ماتحب غير نفسك

ماحس خالد الا بيد ابوه ترتفع وتضربه على خده كف رنت له قلوب تراقب المشهد
عن بعد الا وهي (فؤاد وامه اللي دمعت عينها وقلبها يتقطع على ولدها
ولاتقدر توقف بوجه عنفوان وغرور وكبرياءوجبروت زوجها)

خالد ويده على خده : تضربني يايبه؟ ليه؟ علشاني برفع راسك؟
علشاني ببيض وجهك قدام الناس
علشاني بصير دكتور لي سمعتي بين الناس؟
هذا جزاء الاحسان؟
فؤاد وهو يمسك ابوه من ذراعه: يبه طول بالك صلي عالنبي
خالد: خليه يافؤاد...خليه يضربني خليه يعاملني كأني عامل او خادم عنده
ابوفؤاد وهو طالع من طوره: ايوه خادم ولد خادم لارحت ولاجيت وانا لاني ابوك ولا اعرفك..

وطلع بعدها ابو فؤاد من البيت وصعد خالد لغرفته وهو يكسر كل شئ
يمر بجنبه
ودموعه تسابقه لغرفة الاحزان والدموع اللامتناهيه..

دخلت وراه امه وسكر الباب
خالد والعبرع خانقه ومو عارف يتكلم: يمه بروحي كاره حتى نفسي ماابي اشوف حد
ام فؤاد وهي تقرب منه وتحضنه: فديتك ياولدي مااحب اشوف دمعتك
خالد: سمعتيه بأذنك يايمه..مايعتبرني ولده انا اكرهه مثل مايكرهني مااحبه..
ام فؤاد: بس انت عصبته ياخالد..وتعرف ابوك كيف عصبي وعلى طول يشب نار بس قلبه طيب وحنون ويحبك
خالد ودموعه تهل وماتوقف: مايحبني وانت سمعتيه بنفسك...اكرهه اكرهه
امفؤاد: خالد عيب هذا ابوك..
خالد: ابوي؟ هذا ابوي؟ لا مافي ابو يعامل ضناه بهالطريقه

في هاللحظه لمح خالد نظره خوف بعيون امه اللي من سمعت جملتة الاخيره انسحبت بسرعه

من يومها والشكوك تتزايد داخله ليش مايدري...


بعد ماخلـص

خالد من رحلته القصيره نسبيا داخل اعماقه قام يمشي عالبحر
لعل وعسى هالهواء الطلق يمسح بقايا ذكريات عذبت قلبه سنين طويله

بس ليش امي تخاف لما نتهاوش انا وابوي؟ ليش احسها ضعيفه رغم
انها قويه ؟؟
ليش لما اقول انه مو ابوي ماتعلق وتخاف وتسكت؟
ليييش؟ هل هي مجرد ظنون ولا واقع انا مااعرف عنه شئ

الله يستر

..........................

اسماء بغرفتها ومعاها رزان اللي كالعاده جالسه تقرأ قصه اطفال..

واسماء ترتب ملابسها بالخزانه وفجأه رن التلفون اللي بغرفتها..

اسماء: حبيبتي رزان ردي شوفي منو رغم اني عارفته هههه
رزان: طيب
وراحت رزان ترد

رزان: الو مين
فؤاد: هلا والله بالورده هلا بالسندريلا اخبارك
رزان وهي تقلد جوري اذا عازلها وعاكسها حد: عيب عليك لاتغازل ياولد الناس
اسماء ماتت من الضحك وراحت لعند التلفون لانها تعرف زين انه فؤاد اللي من يرجع
من الدوام دايركت يكلمها...

فؤاد: هههههههه انتي من علمك هالكلام
رزان ببراءه: عمتي جوري
فؤا: الله يغربلها خربت افكارك..ها زوجتي وين
رزان وهي تفكر : مين زوجتك
فؤاد: لحوووول عمتك اسماء زوجتي وصلت المعلومه

سحبت اسماء السماعه
ورزان راحت تكمل قراءه
اسماء بهدوء: هلا فؤاد
فؤاد وقلبه دق لما سمع اسمه منها: يابعد حياة وقلب وروح فؤاد انتي يالغاليه
تدرين وش احلى شئ بالدنيا ممكن اسمعه؟
اسماء وهي تبتسم وتجلس على طرف السرير: وشو؟
فؤاد: اسمي من شفايفك
ابتسمت اسماء وهي تلعب بأسلاك التلفون

فؤاد: وحشتينــي..
اسماء بخجل: وانت كمان
فؤاد وهو يغني: احبك يااجمل الاحساس وحشني حبك المجنون متى ترضى علي وتحن يااسماء
يااحلى مافي الكون
اسماء وهي ضايعه من الحيا: خلاص ..فؤاد
فؤاد: تدرين برمي نفسي من سطح البيت
اسماء: يؤؤ لييش
فؤاد: اووف بعدين تعرفين
اسماء: بسم الله عليك شفيك قلبت من شوي تغني ومبسوط
فؤاد: بصراحه...شئ بخاطري
اسماء: امر تدلل
فؤاد: ماينفع عالتلفون
اسماء: طيب تعال البيت
فؤاد: لا اسماء ابي اتكلم بحريه وناخذ راحتنا شرايك نروح مطعم ونتغدى سوا؟
اسماء: لا...اسفه
فؤاد بصدمه: هوووه شفيك ناسيه اني زوجك على سنه الله ورسوله..
اسماء: اكيد مانسيت بس مو حلوه اطلع واترك امي لوحدها
فؤاد: اسماء هذا عذرك؟..الحين انا طالبك بموضوع هام تردين علي هالرد؟
كثر الله خيرك يجي منك اكثر..توصين على شئ ؟؟
ارتبكت لما لمست نبره الزعل بصوته..اذا فؤاد الحنون العطوف عليها
زعل من يبقى لها؟
اسماء: لاتزعل مني فؤاد..
فؤاد بعصبيه: لاوليش ازعل انتي ماسويتي شئ.. انتي ماراح تحسين الا لما اموت وتفقديني
ولعلمك راح تكوني انتي السبب

سكتت وجمـلته
الاخيره ترن وتكرر نفسها بأذنها..فؤاد يموت ويتركني؟ بعد ماابوي تركني يتيمه؟
رفيق عمري المنتظر بعد يموت مثل مامات ابوي؟
لا مستحيل مااتحمل صدمات اكثر

طاحت دموعها وهي تتخيل هالشئ..صارت بعد تجربة زواج فاشله وموت ابوها حساسه
تخاف من طاري الفراق والموت والضياع...

حس فؤاد انها تبكي ولام نفسه على اسلوبه البايخ معاها..
فؤاد بحنان: حبيبتي انا اسف والله مااقصد..

لكن هالكلمات بدال ماتواسيها زادت من بكاها تركت السماعه وراحتت للحمام تبكي بقوه والخوف ماكل قلبها...

فؤاد: الو...اسماء.. اسماء.. ردي علي
ولكن مامن مجيب..سكر ونزل لقى امل مع اماني يحشون بخلق الله كالعاده
وامهم تخيط بالصوف مفرش ابيض...

فؤاد: يمه انـا طالع
ام فؤاد وهي تترك اللي بيدها: هاها وين توك واصل ماتغديت ولاغيرت حتى ملابسك
فؤاد: بروح يمه لأسماء مدري شفيها
ام فؤاد: بسم الله عليها بنت اختي شفيها عسى ماهي مريضه
امل: هااا مزعل بنت خالتي
اماني: اكيد مزعلها ماتعرفين اخوك واخلاقه الجميله
فؤاد: اقول لااجي واطمر في بطنك ياالسوسه..انتي متى بتكبرين وتتركين هاللقافه هااا
الله يغربلكم يالبنات ليل نهار لقافه وحش بخلق الله خلاص ماصارت ماتملون

اماني بكل برود ترفع كاس العصير وتشرب وهي تطالعه وتبتسم
فؤاد: عساه السم الهاري

ضحكوا عليه وطلع وهو مسرع لخطيبته وحبيبة قلبه اسماء..
اللي تحدى كل الصعاب وقدر يكسر مخاوفها عاالاقل بشكل مؤقت
وبعد رحلة طويله من العذاب صارت اسماء ملك له وحده..

وصل لبيت خالته وفتحت له الخادمه..دخل الصاله وهو منزل راسه
بس ماكان في احد

فؤاد: احم يااهل البيت
طلعت خالته وهي مبتسمه من المطبخ: هلاوالله بولدي تو ماتبارك
البيت يانظر عيني
قرب منها وباسها على راسها
فؤاد: متبارك بوجودك يالغاليه ها اخباركم وش مسويين
ام سعود: بخير الله يسلمك تفضل يافؤاد
فؤاد: ها مااشوف حد
ام سعود: سعود بالشركه وفارس نايم والبنات فوق
فؤاد وهو مستحي: خالتي ابيك تنادين لي اسماء لاهنتي ابيها ضروري
ام سعود: وليه مستحي ياولدي اسماء زوجتك...انتظر بناديها الحين
فؤاد: خلاص يالغاليه بنتظرها بالمجلس
ام سعود وهي تصعد: براحتك يمه البيت بيتك..

راح وجلس بالمجلس اللي ريحة العطور والبخور ماتفارق ركن من اركانه..
شاف بالزاويه اللي جلس عندها برواز فيه صورة قديمه نوعا ما لعمه ابو سعود

ايييه الله يرحمك ياعمي...رحت وراحت ايامك يالغالي؟؟الله يرحمك يالطيب ويغمد
روحك الجنـه..


وبالطابق الثاني..اسماء لازالت تبكي بالحمام وامها سمعت صوتها بالحمام
وقامت تناديها من ورا الباب

ام سعود: حبيبتي افتحي لي الباب
اسماء وصوتها ضايع بوسط الدموع: خلووني خلووني يمكن اموت وارتاح من هالدنيا
الغداره اللي تاخذ كل اللي احبهم خلووني خلووني

وارتفع صوت صياحها وام سعود خافت على فلذه كبدها..
ام سعود: اسماء حياتي مو زين تبكين بالحمام...مو زين اطلعي
اسماء: خليني هنا ابي اموت وارتاح ابي امووت
ام سعود: استغفر الله العظيم..يمه لاتقطعين قلبي فهميني شصاير؟
متهاوشه مع فؤاد؟

اسماء لما سمعت اسـمه وطاريه
بكت اكثر وغطت وجهها بيديها اللي ترتجف


جوري بغرفتها مع رزان اللي من سمعت صوت اسماء تبكي طلعت من غرفتها وراحت ركض لجوري
وخبرتها بكل شئ

جوري: زيزي حبيبتي فهميني زين اللي صار..الحين فؤاد اتصل عليها وبعدين
رزان ببراءه وهي توصف اللي صار وتأشر بيدها: بعدين قامت تبكي حييل
وصار وجهها احمر
جوري وهي تمسك شعرها: لا انا بموت منك كيد بتصير حمرا اجل فسفوري
رزان: هههههههههه
جوري وهي تحمل بت اخوها رزان
بمرح وترميها عالسرير وهي تضحك
جوري: طيب صار وجهها اخضر مدري فسفوري وبعدين..
رزان: بعدين صاحت ودخلت الحمام والحين جدتي عندها تصارخ عليها علشان تطلع
من الحمام
جوري وهي تفكر ويدها على فمها: ياترى ايش فيها..يمكن متهاوشه مع فؤاد؟ لالا فؤاد طيوب حبوبـ لايمكن يزعل اسماء مايسويها
لازم اروح بنفسبي وافهم السالفه ..
شفيني صرت اماني الثانيه خخخخخ

جوري: خليكي هنا رزان وانا بروح اشوف اسماء
رزان: لا بجي ويـاك قصتي تركتها هناك
جوري: ياشيخه انا اجيبها لك وبعدين يادبة عندك الف قصه غيرها

طلعت جوري دايركت لغرفة اختها

جوري: ها يمه عسى ماشر شسالفه؟
ام سعود والخوف باين على وجهها: اختك مو راضيه تفك الباب زوجها تحت يبيها
سمعت اسماء ان فؤاد هنا وارتاحت نسبيا بس هالشئ ماخفف من دموعها ومخاوفها الكبيره من المستقبل..

جوري: خليها علي يمه وانت تطمني وروحي اجلسي مع فؤاد فشله..
ام سعود والدمعه قريب تطيح من عينها: ياربي فوضت امري اليك...انا الاقيها من وين ولا من وين.. مو كفايه اللي فيني تزيديني يااسماء..

طلعت ام سعود وجوري من جد عصبت عاللي تسويه اسماء لان المفروض هالفتره يكونون حول امهم يطمنوها ويخففون حزنها..

جوري: انت طفله ولاشنو مو حرام عليكي امي بروحها تعبانه واللي فيها كافيها تجين وتزيدين همها
اسماء من ورا الباب: مالك خص روحي غرفتك
جوي: انا بروح بس عيب اللي توسيه ترى زوجك يبيك تحت ينتظرك

راحت جوري غرفتها وهي متاكده ان اختها بتطلع على طول..وبالفعل غسلت اسماء وجهها ونزلت تحت مالقت حد بالصاله وتوجهت للمجلس ..
دخلت لقت امها جالسه مقابل فؤاد ولد اختها..

اسماء بصوت كسير: السلام عليكم
فؤاد وهو يقوم من مكانه: وعليكم السلام
ام سعود: انا طالعه ياوليدي..لو تبون شئ انا بالمطبخ
فؤاد: ماتقصرين يالغاليه بس خليكي شدعوه
ام سعود: لا خذور راحتكم

رمت ام سعود نظره حزن سريعه على بنتها وطلعت وسكرت الباب وراها..
جلست اسماء بنفس مكان امها ونزلت راسها للارض..
ابتسم فؤاد وراح جلس جنبها...
فؤاد: تصدقين.. ماتصيرين حلوه لما تزعلين
طالعته ببرود ورجعت تطالع الارض..
فؤاد: يعني زعلانه؟
اسماء واول دمعه تخونها قدامه: لا
فؤاد: اجل؟
اسماء وشفايفها ترتجف وبصوت كسير :خايــفه..
ماتحمل يشوفها كذا مثل الطير المذبوح الخايف من اقل شئ ينهي حياته
ضمها لصدره حست باالامان في هاللحظه اكثر من اي وقت مضى...
اشتاقت لصدر حنون دافئ يحميها من غدر الزمان واهاته..

فؤاد: حياتي من شنو خايفه..مافي اي سبب للخوف
اسماء وهي تبكي: ليه تجيب طاري الموت من ساعه..مااحب هالطاري مااحبه مو كفايه خسرت ابوي بعد اخسرك؟ لاماابي ماابي

ضاع صوتها وسط تنهيدتها واهاتها الحزينه مسك يدها بيده اليمين
ويده الثانيه تمسح على شعرها بحنان
فؤاد: لاحبيبتي لاتخافي انا معاك ماراح اتركك دقيقه وحده..ليه هالخوف قولي لي
اسماء: من هالدنيا الغداره اللي اخذت مني اعز ناسي خايفه بعد ماتعودت عليك تاخذك مني

غمض فؤاد عينه كان وده يسمع كلمه بعد ماحبيتك بدل كلمه بعد
ماتعودت عليك..

بس الظاهر والاكيد ان مشاعر اسماء لازالت مع وقف التنفيد وشعورها تجاه فؤاد مجرد تعود لااكثر ..هل مع الايام راح تحبه؟ ممكن ليش لا

فؤاد وهو يحاول يرسم ابتسامه على ملامحه الهاديه الحلوه بنفس الوقت: انا اسف لو قلت شئ زعلك وضايقك..يلا امسحي دموعك مااحب اشوفها..

مسحت دموعها وابتسمت ابتسامه هادئه اضافت لملامحها سحر خاص..

نزل فؤاد يده من يدها وهو يبي يتكلم بس مو عارف
اسماء: في خاطرك شئ؟
فؤاد: فيه
اسماء : قول اسمعك
فؤاد: اسماء صار لنا ممملكين على بعض 5 شهور..

هالوقت كانت ام سعود بيدها البخور ومعاها الخادمه بيدها عصير وكيك بس وقفت ام سعود مكانها ودخلت الخادمه حطت الصينيه وطلعت

اسماء: قصدك نتزوج؟
فؤاد: اكيد يعني لين متى بتبقين في بيت وانا في بيت خلاص تعالي معاي ونرتاح
ام سعود فرحت...هذي اللحظه اللي تبيها من زمان
انها تشوف اسماء مرتاحه مستقره ببيت زوجها...

اسماء وهي تقوم: ابوي ماصار له سنه متوفي وتبيني اسوي عرس..وين صارت هذي
فؤاد: ومين جاب طاري عروس وحفلات...مالها داعي اصلا انا ماارضاها لعمي..

دخلت ام سعود بهالوقت حتى تحط النقاط عالحروف وتحط حد لهالموضوع
ام سعود: زوجك معاه حق
اسماء: يممممه
ام سعود: يمه كلام زوجك صحيح لين متى انتي ببيت وهو ببيت خلاص مصخت صار لكم
5 شهور..
واذا عالحفله مانبي عرس ولاشئ..
خلوها عشاء عائلي وخلصنا..

احتارت اسماء بس فكرت ان كلام امها معقول ..
فؤاد: هااسماء شقلتي؟
اسماء: خلاص شوركم وهداية الله
ابتسمت ام سعود ولفت تطالع فؤاد اللي من الفرحه راح باس راس خالته
فؤاد: انا وين لقى مثلك وربي مافي مثلك ياخالتي
ام سعود: هههههههههه يلا الف مبرووك عقبال ماافرح في عيالكم

طالع فؤاد في اسماء حتى يحرجها بس ابتسمت بخجل وطلعت عنهم..
وصادفت فارس بوجهها

فارس والنوم باين بعيونه: ها شفيك طايره
لكنها كانت بعالم ثاني ولا ردت
فارس: هاا شفيها ذي مجنونه

دخل عليهم
فارس: هلااااااااااا ولد خالتي هلا والله
راح وسلم على فؤاد
فؤاد: كان لاجلست رح كمل نووم
فارس: شفيها هالخبله طلعت طايره
ام سعود ببتسامه: خلاص اختك بتروح بيت زوجها
فارس وهو يقلد الحريم: كلوووووووش عقبالي
فؤاد: ياليت والله تترك خرابيطك وتعرس
فارس: لاياشييييخ انا اتزوج رح منااك بس
اخسر حريتي علشان بنت تخسي اللي هي
فؤاد: اسمع مني واخطب ماراح تندم
فارس: يااخي مستغني عنك وعن افكارك اللي بتضيعني
ام سعود: ههههههه الله يوفقكم ياعيالي

...................

[لامارا]

بعد ماطلع فؤاد من بيت خالته وهو محمل بأحلام ورديه تنتظره مع شريكة حياته اسماء

ام سعود حست انه الوقت المناسب جاء حتى تكمل فيه وصية زوجها وحبيبها ابوسعود
وتخلي الفرحه فرحتين...
وتخطب اليوم دينا وتكلم ابوريان بهالموضوع حتى يتفق مع سعود

وبأعتقادها لو سعود عصب لتصرفها وزعل بس يتزوج دينا بيفرح ويرتاح
وترتاح بنته رزان معاها لانها لقت ام ثانيه ترعاها وتهتم فيها

جلست اسماء جنب امها السرحانه وسألتها..

اسماء: هاالغاليه في شنو تفكرين؟
ام سعود: افكر اكلم عمك على موضوع بنته واخوك
اسماء بصدمه وهي تقوم:سعود وافق؟
ام سعود: لا طبعا..وتبوني انتظره لين يوافق؟ هذا اللي قاصر لو انتظرته ماراح يوافق اصلا ووصية ابوك لازم تتنفذ انتظرت كثير وماعاد لي صبر مع اخوك العنيد
اسماء وهي تحاول تهدي امها: يمه الله يهداك شهالكلام انتي كذا بتخلقين بينك وبين سعود مشاكل ماراح تنتهي ..
يمه اقنعي سعود قبل وبعدها خطبوا البنت
ام سعود بأصرار: ماتعودت اخلي كلام الصغار يسيرني ويمشيني...ابوك هذي رغبته من قبل مايموت اقل شئ نسويه بحقه انه ننفذها
اسماء: اي يالغاليه مااختلفنا الوصيه بتتنفذ بس موبهالسرعه ..
ماتعرفين عصبية سعود..
ماتضمنين شراح يسوي
ام سعود: بياخذها ولو زعل يومين وبيرضى ولدي واعرفه زين..
اسماء وهي تحس ان امها مصره مافي شك: براحتك

صعدت اسماء بسرعه لجوري ودخلت الغرفه لقت جوري تسمع لراشد وتخربش بقلم اسود
جوري: بسم الله خرعتيني يادبه
اسماء وهي تجلس جنب اختها: لحقي لحقي بتصير معركة بلاط الشهداء في بيتنا الليله
جوري وهي تصفق: حلوو بشجع
اسماء وهي تضرب جوري على راسها: ياخبله اتكلم جد امك بتخطب دينا اليوم من عمي
جوري: شلووووون؟ سعودووه وافق؟ متى؟ انا ماعندي خبر
اسماء: طالع هالخبله اخوك ماوافق امي بتحطه قدام الامر الواقع
جوري: يؤؤؤؤ مايصير سعود ماراح يسكت
اسماء: هذا الكلام يلا شنسوي الحين لازم نوقف امي
جوري وهي تفكر: طيب نكلم خالتي امال
اسماء: وخالتي ايش بتسوي؟
جوري: تجي هنا تكلم امي تهديها .. بس عسى ماكلمت عمي؟
اسماء: لالا قالت بتكلمه المغرب
جوري: اجل بسرعه خذي جوالي ها كلمي خالتي خلها تجي تتصرف
اسماء وهي تاخذ الجوال: طيب

التلفون يرن يرن وترد اماني

اماني: مرحبا
اسماء: هلاوغلا اماني وين خالتي
اماني: هلااسماء شلونك
اسماء: انا بخير بسرعه ابي خالتي
اماني: ليييش عندكم اسرار
اسماء وهي تنزل الجوال وتكلم جوري: هذي اماني كيف اتصرف مع لقافتها
جوري وهي تسحب الجوال من اسماء: يادبه بلا لقاااافه لااجي امعص رقبتك يلا اعطيني خالتي
اماني: مافيييش اول اعرف وش الموضوع وبعدين انادي امي
جوري وهي بدت تعصب: اماني عاد الموضوع مهم وين خالتي

جات ام فؤاد وسمعت اماني
ام فؤاد: ها من متصل
اماني: صاحبتي
ام فؤاد: صاحبتك وانتي تقولين بنادي امي هااتي عارفه لقافتك
اماني: اووه يمه عااااد
ام فؤاد: الوو
جوري: واخيرا وينك خالتي لي ساعه ابي اكلمك
ام فؤاد: تعرفين بعد لقافة بنت خالتك ها يمه خير وش بغيتي عسى مافيكم شئ
جوري: مصيبه ياخالتي تعالي لنا بسرعه
ام فؤاد: يؤؤ شصاااير تكلمي
جوري: لما تجين بتعرفين كل شئ بس تعالي بسرعه
ام فؤاد: احكي الحين طيحتي قلبي الله يغربل عدوك
جوري: خالتي والله امي
ام فؤاد: بسم الله عليها اختي فيها شئ
جوري: لااااااا مافيها شئ بس بتتهور وتخطب دينا لسعود ياخالتي ولو يعرف سعود بيسوي مصيبه انتي عارفته
ام فؤاد: اوووف الله يرجك من بنت كذا وقفتي قلبي هذا الموضوع
جوري: ياخالتي الموضوع مو صغير مثل ماانتي متصوره تخيلي نخطب لسعود وهو ماعنده ادنى فكره
ام فؤاد: طيب طيب انا بجيكم الحين حبيبتي
جوري: عفيه خالتي لاتتأخرين
ام فؤاد: من عيووني
جوري: باي

سكرت جوري وانسدحت : يالله امي شفيها مو معقوله تسويها

رن جوال جوري وكان خالها مساعد متصل
جوري وهي ترد : ياهلا والله بحبيبي اللي مااتحمل غيابه كل هالغيبه تغلي ولاانا شوقي بزياده
اسماء: تكلميين منو يادبه هااا
جوري: اووه هذا خالي مساعد شفيك
مساعد: الوووو
جوري: هاااه وياك وياااك
مساعد: وجعاااه ان شاء الله شفيه رقمك مشغول
جوري: كنت اكلم خالتي امال
مساعد: غريبه شعندك؟
جوري: اووه مادريت ياخالي باللي صاير
مساعد: كالعاده انا لي الله اخر من يعلم يلا بالتفصيل الممل احكي لي

وقالت جوري كل شئ من طقطق للسلام عليكم
مساعد: عدل زين تسوي فيه اختي
جوري: وش اللي عدل ياخالي انت الثاني
مساعد: شوفي اخوك ذا دلووع قولي لي وين بيلقى احسن واحلى من دينا هااا
دينا جوهره ماتتعوض ..
مايشوف حال بنته المسكينه
جوري: شرايك تجي تتغدى عندنا من زمان ماشفناك ومنها تكون موجود لو لاسمح الله صارت مشكله
مساعد: من عيوني هو سعود رجع من الشركه ولا؟
جوري: ليه انت مو بالشركه؟
مساعد: لا طلعت اسدد فاتورة جوالي
جوري: لسه مارجع
مساعد: طيب الحين بجيكم
جوري: تكفى مر البقاله خالي وخذ لي بيبسي
مساعد: لاااا شرايك اجيب لك كرتون مو افضل؟
جوري: يالييت تسوي في بنت اختك خيير
مساعد: اووه لا انا اقول بجيب لك كرتون بيبسي وكرتون جلكسي
شقلتي
جوري: يابعد عمري يامساعد ويلوموني بحبك يااحلى خال
مساعد: انقلعي قلعك الله يامال العافيه
جوري: اوووه ليييش
مساعد: انا توني مسدد فاتورتي الف ونص مفلس حدددي
جوري: زعلت رووح ماابي شئ
مساعد: زعلي وحطي ريشه بعد على راسي
جوري: اهئ اهئ باااااي
مساعد: بايوو ياحلوو

سكر مساعد وهو يضحك ومر البقاله واخد جالكسي وبيبسي لبنت اخته وصديقته جوري

وراح للبيت وبعد عشر دقايق وصلت ام فؤاد
ام سعود تفاجأت ليه الاثنين جايين بوقت واحد
وش السالفه .. بس ام فؤاد هدتها وقالت لها انهم جايين بتغدوا معاهم

ام سعود: هههه السالفه كذا؟ اجل ليه مامريتوا على اختي انتصار بطريقكم

سكتت ام فؤاد .. هذا اللي ناقص تجي وتسمع اللي بنقوله.. مهما كان صحيح هي اختهم الثالثه بس بعد دينا بنتها وبتزعل لما تعرف ان سعود مايبيها...

ام فؤاد: انتصار فاضيه تترك ديمووه وهاني ورامي تعرفين لطيفه تعبانه ياحليلها
ام سعود: اي يحليها تعبت هالمره الله يقومها بالسلامه
مساعد: اوووووه يلا بلا رسميات ومجاملات وين الغدا

نزلت جوري لهم ولما شافت الكيسه اللي بيد خالها نطت عليه وحضنته
مساعد: اااي رقبتي راسي خشمي وااع بعدي عني
جوري وهي تبعد وتضحك: ههههههه مشكوور يااعز خال
مساعد: الله يسلمك يلا يلا الغدا جوعاااان حدي..
ام سعود: طيب ننتظر وصول سعود وفارس
اسماء: فارس من ساعه هنا وينه
ام سعود: طرشته يجيب من السوبر ماركت كم غرض هالسواق الجديد مايفهم والله
مساعد: خلاص ننتظره اجل..

وجلست العايله مع بعض ووصل فارس وسعود وتغدوا سوا

.................

قامت من فراشها بتعب وطلعت للصاله لقت ريان يدخن سجاره عصبت اولا لانها ماتحب ريحته اصلا ولانها حامل وتلوع كبدها منه ولانها تخاف على ريان منه

لطيفه وهي تسحب السجاره وتطفيها بالطفايه: كم مره قلت لك ريان مااحبه
ريان وهو يلتفت لها: لي قمتي حبيبتي روحي ارتاحي
لطيفه: مليت من النوم خلاص..وين هاني ورامي؟
ريان: هاني مع ديموه ورامي بغرفته
لطيفه وهي تقوم: بروح اشوف رامي فديته ماذاكرت له امس ماقدرت بشوف وش كاتبين له بكراس الملاحظات
ريان: براحتك..ترى شريت غدا من برا تلاقيه باالفرن
لطيفه وهي تبتسم : ربي لاخلاني منك يالغالي
ريان وهو يرد لها الابتسامه: ولامنك ياام رامي



دخلت لولدها لقته واقف مقابل المرايه وبشعره جل وجالس يعدله ويسويه سبايكي
لطيفه وهو تروح لعنده: يؤؤ من متى هالحركات
رامي: ماما كل الاولاد المدرسه يسوون كذا اسمه سبايكي
لطيفه: اي عارفه اسمه سبايكي بس انت صغير ماما خلي هالحركات للكبار
رامي: انا مو صغير وكل ربعي يسوون مثل كذا..وبعدين انا ابي جوال
لطيفه: لا مافيه جوال انت ماتحتاجه بهالسن
رامي وهو يرمي المشط ويجلس عالسرير: اووه ليش
كل اصحابي عندهم وانا لا
لطيفه وهي تتخصر: وتبي n70 ولا الشيطان يابعدي
رامي: لا ابي الخياله 2
لطيفه: اعوذ بالله من هالجيل
رامي: هاا شقلتي
لطيفه: انا مالي دعوه قول لابوك

طلع رامي اللي متغير هاليومين وجلس قرب ابوه
رامي: بابا
ريان: هلا
رامي: ابي جوال
ريان: ليه وش الطاري
رامي: بابا كل اصحابي معاهم جوالات وانا لا مايصير ابي اصير مثلهم وابي اخر نوع باالسوق
ريان وهو يبتسم ويطالع ولده: والله وكبرت يارامي وصرت تتشرط بعد
رامي: بابا مو احنا عندنا فلوس واغنياء لازم نصرفها ونشتري احسن الاشياء
ريان وهو يحط يده على ركبة ولده: لا غلط يابابا..صحيح احنا عندنا فلوس والحمدلله بس بعد التبذير حرام,, مو الله سبحانه وتعالي يقول بالقران ان المبذرين كانوا اخوان الشياطين...ترضى تكون شيطان؟
رامي: لا
ريان: خلاص بابا انت الحين صغير مو محتاج للجوال عندك تلفون البيت استخدمه اذا تبي تكلم اصحابك..لما تطلع من ابتدائي اوعدك اشتري لك احلى جوال واطلع لك احلى رقم بس الحين لا .. شرايك؟
رامي وهو يفكر: وش الفرق الحين وبعدين انت بتشتريه كذا ولا كذا
ريان: كلامك صح بس ماابي الناس تقول هذولا عندهم فلوس كل شئ يبيه ولدهم اخذوه له ابيهم يقولون ريان ربى ولده عدل لين صار رجااال عاقل مدرك صح؟
رامي وهو يحضن ابوه: صح بس انت وعدتني تشتريه مو تنسى يبه
ريان: اي قول يبه مو بابا يادب
رامي: هههههه هذي ماما علمتني كذا
ريان وهو يضم ولده اكثر لحضنه: امك دبه مثلك...

........................

ماجد رفع سماعه التلفون وهو خلاص حاسم امره ولاتراجع...

عمته سعاد عاالخط الثاني: هلا مجود هلا حبيبي شدعوه يالقاطع
ماجد: هههه هلا والله عمتي شلوونك وحشتيني
سعاد: اي قص علي يالقاطع ولا يقول ازور عمتي وجدتي اشوفهم
ماجد: اممم اعذريني ياعمتي انشغلت بالدراسه
سعاد: الله يوفقك ياولد اخوي ها كم باقي عليك وتخلص هالتمريض ماصارت
ماجد: هههههه باقي بس التطبيق شهرين واتوظف ان شاء الله
سعاد: الله يوفقك يايمه...
ماجد: عمتي ابيك بموضوع
سعاد: قول حبيبي امر
ماجد: امممم اوووه مو عارف
سعاد: هههههه كأني عرفت..اممم ليكون اللي بالي بالك
ماجد: اي ابي اتزوج
سعاد وهي طايره من الفرح: جد؟ كلوووووووش كلووووش
ماجد: عمتي ههههههه فضحتينا
سعاد: خلني اعبر عن اللي داخلي بس من بنت الحلال ولا تبيني ادور لك؟
ماجد: عمتي انا في بالي بنت هي اخت صاحبي محترمين مرره وعلاقتي بأخوها حيل قويه انتي تعرفينهم بعد
سعاد: هذا خويك فارس ولا واحد غيره
ماجد: الا هووو ماغيره
سعاد: اي ياحييهم ناس محترمين مره ونعم مااخترت ياولد اخوي وتبي جوري صح؟
ماجد وهو منحرج: اي هذي جوري
سعاد: الا كم عمرها خبري فيها بالثنويه
ماجد: ويي خبرك عتيق ياعمتي صارت بالجامعه
سعاد: ياحليلها..
ماجد: ها شرايك؟
سعاد بارتباك: اممم بس امك ياماجد...

ضاقت الدنيا بماجد يوم جابت عمته اللي بحسبة امه هالموضوع...
سبحان الله الناس تفرح تهلهل لما ينذكر طاري امهم الا ماجد المسكين
اللي امه .. شنقول عنها ماتستحق كلمة ام.. من تطلقت من ابوه رمته وتزوجت واحد غيره وجابت بنت يمكن عمرها بعمر جوري...
بس ولامره شافها ولاعرفها.. بس يسمع كلام عنها
وعايش ببيت مع ابوه وتجي تزوره كثير عمته اللي مو متزوجه رغم ان عمرها قريب 40 وجدته اللي يحبها حييل حييل
كان يتمنى لو يسكنون معاه ومع ابوه بس سعاد عمته ماتبي تترك البيت العود خالي...
فـ عايش الوحده مع ابوه الكبير في السن
لين شاف جوري وحب انه يكمل حياته معاها وتملى عليه البيت

ماجد: عمتي امي مالها علاقه هي عمرها ماسألت فيني ولااهتمت تعرف اخباري
سعاد: اي مهما يكون لازم يكون عندها علم
ماجد: عمتي لو لي خاطر عندك ارجووك امي ماابيها تعرف خطبوها لي وهي ماتعرف
سعاد: لو عرفت بتزعل..

في الواقع هي اكيد ماراح تزعل ولكن سعاد لطيبتها ولانها اصيله من يوم ماجد صغير وهي تحاول تحسن صورة مرت اخوها سابقا اللي هي ام ماجد

ماجد: عمتي يعني مابتساعديني؟
سعاد: اكيد بساعدك يانظر عيني .. بس انت بكرها خلها تفرح فيك عاالاقل نخبرها
ماجد: خلها تفرح في بنتها الصايـ .. استغفر الله
سعاد: لالا ياماجد عيب هذي اختك..
ماجد بعصبيه ولسانه فلت منه: مابقى الا هي تكون اختي هاللي سيرتها على كل لسان
عبير مو اختي ولااعرفها ولايشرفني اكون قريب منها...
واذا عالفرحه خلي امي تفرح بتربيتها لهالعبير وتزوجها لعل وعسى يعتدل حالها
سعاد: اذكر الله ياماجد مهما كان هذي امك وهذي اختك والظفر مايطلع من اللحم
ماجد: عمتي ارجوك قفلي هالموضوع جوري انا ابيها وامي واختي لو بس يدخلون عرسي لو حصل نصيب والله ماراح يحصل خير
سعاد باستسلام: امري الى الله اعطيني رقم اهلها.. انا كان عندي رقمهم بس مدري وينه


طبعا بحكم معرفه قديمه بين ام سعود وسعاد عمة ماجد كانوا يتزاورون بس حاليا علاقتهم ضعيفه نوعا ما...


ماجد: خذي الرقم :xxxxxxx
سعاد: خلاص متى تبيني اكلمهم؟
ماجد بسرعه: اليوم طبعا
سعاد: هب عليك شدعوه البنت بتطير
ماجد: اخاف تروح مني عمتيي عااد افهميني
سعاد: ههههه خلاص لاتموت علينا وانا لولا اني اعرفهم زين ماكلمتهم اليوم بس لانهم ناس طيبين والنعم فيهم بكلمهم وبحدد موعد نزورهم فيه... بس اذا حصل نصيب ياولدي بتكون خطوبه بس لين تتوظف ان شاء الله
ماجد: عمتي الخير واجد وابوي مايقصر ان شاء الله
سعاد: اي اخوي مايقصر بس بعد خلي الملكه بعد ماتتوظف ياولدي احسن حتى مايقولون جاب مهرها من فلوس ابوه...اعتمد على نفسك ياولدي وتساعد مع ابوك وتعاونوا على المهـر
ماجد: شورك وهدايه الله ياعمتي اول ماتكلمينهم ردي علي
سعاد:هههههه طيب
ماجد: مشكوووره يمه والله مافي مثلك ربي يخليك لي بس ادعي لي يمه يوافقون وتصير البنت لي
سعاد وعينها تدمع لكلمة يمه: ويخليك لي ياولدي يلا دير بالك على نفسك وعلى ابوك وعطيه الدوا لاتنسى
ماجد: من عيووني يلا مع السلامه
سعاد: الله يسلمك

سكر ماجد والتفت الا ابوه الطيب واقف وراه
ابوماجد بحزن: خلاص بتسويها وتخليني انت بعد
قام ماجد وباس راس ابوه: يبه موتي قبل مايجي هذاك اليوم اللي اتركك فيه .. يبه انا حتى لو تزوجت بسكن مع زوجتي عندك مستحيل اخليك
ابوماجد: لا بنت الناس من حقها يكون لها بيت لوحدها واكيد ماتبي حد يضيق عليها
ماجد: شدعووه يبه وبعدين شقتي جاهزه فوق وانت هنا بالدور الارضي
ابوماجد: الله يوفقك ياولدي وتتزوج وتملى البيت عيال ملينا من الوحده
نبي شئ يجدد حياتنا
ماجد وهو يربت على كتف ابوه: ان شاء الله يبه املي هالبيت عيال وتتونس معاهم بس مو شغلي لو كسروا بيتك
ابوماجد: ههههههه خليهم كله فدوره لهم بس اشوفهم قبل مااموت

اعتصر قلب ماجد.. يحب ابوه اكثر من اي شئ ثاني ..
هو اللي رباه وتعب في تربيته مع عمته
سعاد.. وكانت لابوماجد وظيفه جدا بسيطه لهالسبب تركته ام ماجد وتزوجت واحد غني...
بس تعب على نفسه وجاهد وحاول لين صار الخير كثير والحمدلله..
وقدر يوفر لماجد حياة عزيزه كريمه


ماجد: لاتقول هالكلام يبه موتي ولاموتك..
ابوماجد: هذي الدنيا ياولدي..هذي الدنيا ماحد ياخذ عمره وعمر غيره تعبت وانا اشتغل واحاول اجمع لك هالخير والحين الحمدلله بتتزوج والخير بيصير كله لك ولعمتك..
وانا مدري متى يومي .. ربك كريم

لف ماجد عالناحيه الثانيه وهو يقول بقلبه والدمعه قريب لاتنزل منه..شلون قدرتي يايمه تتركين ابوي هالطيب اللي ماقصر عليك بشئ..
شلون تركتيه وهو مريض محتاج لك ...
شلون تركتيه وانتي تعرفين ان وياه السكر والضغط..
ياقسوة قلبك يايمه..
ركضتي ورا الفلوووس ونسيتي انها وسخ دنيا وانها ماتدوم لشخص..
واكيد ماراح تدوم لك....
وشغلتك هالفلوس عن تربية اختي عبير اللي سيرتها اسمعها على كل لسان
واخجل لانها اختي وبيننا دم


...............



بعد الغدا طلبت ام فؤاد من اختها انهم يجلسوا بروحهم..عرفت وتأكدت ام سعود من احساسها وان مساعد مع اختها ماجاوا كذا بدون سبب...

دخلوا غرفة منعزله عن الصاله وبعد 5 دقايق دخل لهم مساعد وسكر وراه الباب


وبره الصاله فارس وسعود متحيرين من الموضوع
فارس: يااخي شفيهم؟ مخبيين علينا شئ
سعود: علمي علمك والله .. الله يستر شكلها السالفه مو هينه.. والا خالي وخالتي مايزورونا هالوقت...

اسماء وجوري يسمعون كلام اخوانهم وساكتين ..
جوري وهي تتكلم بصوت ماتسمعه الا اسماء: وش تتوقعين النتيجه واحد صفر لمين لامي ولا لخالتي
اسماء: يازينك ساكته وين قاعدين المونديال خلص من زمااان
جوري: لا انا اقول بس يلا ياخبر اليوم بفلوس بكره ببلاش ودقايق ونعرف النتيجه
اسماء وهي تلف لاختها وتضربها على راسها: بس توتريني يابوومه اووووص
جوري: ان شاء الله عمتي


وبالمجلس شبت النيران بقلب ام سعود وقامت من مكانها
ام سعود بعصبيه: هذا المووضوع يعني من وين عرفتوا
ام فؤاد وهي تقوم لاختها: مو مهم من وين عرفنا المهم نعالج الموضوع يااختي بالهدوء ومانبي نتسرع والضحيه تكون عيالنا
ام سعود: يااختي اي ضحيه واللي يعافيك اللي يسمعك بنوديهم الحرب
مساعد: اقعدي وانا اخوك ياام سعود وصلي عالنبي
جلست وصلت عالنبي وطالعت اخوها
مساعد: يااختي اكيد هالزواج فيه خير لسعود ودينا بس في السرعه الندامه وبعد ماهم عيال صغار ومن حقهم يقولون رايهم بدون اي ضغوط
ام سعود: سعود عنيد ولو خليته براحته ماراح يتزوج انا امه وااعرفه
مساعد: بس هذا مو حل وانا اخوك.. طيب خليني انا اكلمه للمره الاخيره وعاالاقل يكون عنده علم بالموضوع...
ام سعود: مدري مدري
ام فؤاد: مساعد معاه حق يااختي .. هم رجال يفهمون على بعض خلينا نتصرف بعقل لايطيح كل شئ على روسنا..عاالاقل يكون عند سعود خبر مو اطرش بالزفه
ام سعود: ومتى راح تكلمه؟
مساعد: لو تبين الحين
ام سعود: خلاص طيب
مساعد: اي ياحليلك كذا رايقه وهاديه

ابتسم لخواته وطلع
مساعد: سعود
سعود: لبيه خالي
مساعد: لبي قلبك تعال بره ابيك شووي
سعود: خالي شسالفه ؟ وراكم شئ انتوا
مساعد ببتسامه : كل خير ياولد اختي تعال ناطرك بالسياره
فارس: وانا ماانفع؟؟
مساعد: لا يااماني الثانيه صاير ملقوف مثلها خلك مرتز هنا
فارس: افااااا يالخال هذا وانا حبيبك
مساعد: حبك برص ماابيك انا ابي سعود... يلا سعود ناطرك بره
سعود : اوكي جاي وراك

اخذ سعود جواله وكان بيطلع بس جاته بنته رزان من وراه وسحبت ثوبه
سعود: هههه ها يالفاره وش تبين؟
رزان: وين بتروح؟
سعود وهو ينزل لمستواها: حبيبتي ماراح اتأخر بروح شوي مع خالك سعود طيب؟
رزان: اجي معاكم؟
سعود: لابابا خليكي مع عماتك بره حر بعدين تتعبين
رزان: طيب بابا
سعود: عفيه بنتي المطيعه

باسها على راسها وطلع
اسماء: تعالي زيزي الحين بيحطون همتارو في سبيس تون
رزان وهي تناطط : هييييه هيييه احبه
اسماء: يلا تعالي

راحت رزان وجلست جنب اسماء الله حطت يدينها حول كتف رزان بحنان..

وجوري تطالع فارس اللي يفكر بالسالفه وميت يبي يعرفها

فارس: اقول
جوري: هلا
فارس: ماتدرون شسالفه
جوري: مااعرف اكذب الا نعرف
فارس: شلووون وانا اخر من يعلم شنو ولد البطه السودا
جوري: ههههههه لا بس الموضوع مايخصك يخص سعود امي يادب كانت بتخطب له دينا اليوم بدون علمه عاد كلمنا خالي وخالتي ينقذون الموقف
فارس: هب عليها امي قووويه
جوري: والحين اكيد خالي مع سعود حتى يكلمه بالموضوع وينحسم للمره الاخيره..
فارس وهو يفرك يدينه ببعض: يااااي حمااااااس
جوري: ههههههه اي والله
اسماء: مجانين وربي مو صاحيين انتوا الله يهديكم

...............

عالبحـر لف سعود على خاله مساعد اللي ينتظر جوابه على نار ويبي يعرف ردة فعله عالمووضوع

سعود ببرود: انا موافق
مساعد انصدم : انت شنو؟
سعود: انـا موافق..موافـــق
مساعد: غريبه !! كيف غيرت رأيك بهالسرعه
سعود: خالي انا ماغيرت رأيي..ولايمكن اغيره بس مو سعود اللي يخلي بنت عمه واللي بحسبة اخته قصه تتناقلها الناس
ولاتنسى انها مطلقه هالشئ ماراح يخلي الناس تسكت..
فـ ليش اعرضها لهالمواقف ليش مااستر عليها
مساعد: يعني ماوافقت لانك تبيها ومقتنع فيها
سعود: اكذب عليك لو قلت لك ابيها ومقتنع فيها كزوجه !! اصلا خالي مو
متخيل اعيش معاها كزوجه
دينـا اختي اختــي بس شسوي.. ماعندي غير هالحل
ليش اخلي امي تغضب علي واخلي بنت عمي سالفه للناس وليش اخلي بنتي وحيده بدون ام ترعاها
ليش بصير اناني وبنفذ احتياجاتي وانسى احتياجات بنتي
خلاص اذا رجعنـا بخبر الوالده بقراري
مساعد: سعود اسمعني وانا خالـك كلامك كله صح وعين العقل واحسن شئ سويته انك فكرت بهالطريقه المنطقيه
لكن ياسعود دينـا تعرضت لتجربه قاسيه وانت عارفها زين..
حط في بالك هالنقطه..وحاول تعوضها عن ايامها الحلوه اللي انحرمت منها
عارف انك متخيلها مثل اختك بس اضغط على نفسك ياسعود خلاص كفايه الايام اللي انت عشت فيها
وحيد بدون رفيقه درب تشاركك احزانك وافراحك
حاول تقرب من بنت عمك افهمها وخليها تفهمك..صدقني هي بترتاح وانت بترتاح ورزان لما تشوفكم متفاهمين اكيد راح ترتاح وتحس ان لها عائله حالها من حال كل البنات اللي بعمرها
سعود: خالي تطلب مني شئ مااقدر اسويه..شئ مو بيدي
مساعد: عارف هالشئ صعب عليك في البدايه بس انا قلت لك حاول ماراح تخسر شئ ولاعاجبتك حياتك كذا

نزل سعود راسه ودمعت عينه وهو يقول: انا حياتي انتهت لما ماتت بسمه
مساعد وهو يحط يده على ظهر ولد اخته: سعود افهمني..انا عارف انك كنت تحبها بجنون والكل كان يستغرب هالحب الكبير بس بسمه الله يرحمها مات والبقى والعوض في الحـي..ماتدري ايش ينتظرك مع بنت عمك يمكن تلقى عندها اللي لقيته عند بسمه
سعود: لا بسمه غير غير مافي مثلها مافي
مساعد: خلاص سعود بسمه صفحه وانطوت من حياتك.. مو معقووله بتبقى كذا طول عمرك.. خاف على امك المسكينه هذا بدال ماتفرحها
سعود بعصبيه: خلاص بريحها وباخذ دينا بس لاحد يلومني لو صار وطلع مني شئ لاني مااحبها مااحبها ولا ابيها بس باخذ مجامله لها ولامي

قام سعود وركب السياره بعد ماجاء طيف بسمه وهيض شجونه وحرك مكامن الحب والشوق داخله
بسمه هاالانسانه اللي سيطرت على كل شئ في سعود وماخلته يفكر مجرد التفكير يطالع بنت غيرها

دينا المسكينه اللي الظاهر العذاب ملاحقها وين ماتروح بتقدر تنسيه بسمه ؟!!

...................

الخبر وصل لام سعود اللي مو بس طارت من الفرح الا الدنيا خلاص مو سايعتها وماعرفت حتى تجلس

جوري: هههههههه شفييك يمه اجلسي
ام سعود: خلوني فرحاانه في ضناي واخيرا وافق .. انت كيف قنعته
مساعد ماحب يقول لهم كلام سعود: والله حاولت معاه يمين يسار لين اقتنع ووافق بنفسه
ام سعود: الله يبشرك ياخوي بالجنه انا مدري لولاك وش سويت
مساعد وهو يحب راس اخته: انتي الخير والبركه
اسماء بفرح: يالله ونااااسه مو مصدقه دينوو بتجي معانا في البيت..بس ليه سعود صعد ينام على طول؟
مساعد: خلاص خلوه براحته هو تعبان .. اهم شئ اخذنا موافقته..ها متى راح تكلمين اختك وزوجها؟
ام سعود: خلاص ان شاء الله الخميس نروح لهم ونفاتحهم عالموضوع ونتفق على كل شئ
جوري: كلوووووووووش الف الصلاه والسلام عليك ياحبيب الله محمد
فارس وهو يناطط عالدرج واللاب توب بيده: وافق سعود؟؟
ام سعود بفرح وهي تبتسم: اي وافق
فارس وهو ينزل لهم: مبركين عرس الاثنين ليله ربيع عين وقمرا

ترك اللاب توب على جنب وقام يدق اصبع ويرقص مع خاله

جوري: ههههههه وين كاميرا الفيديو خلونا نصور هاللحظه التاريخيه
اسماء: هههه اي والله لحظه تاريخيه يوم ان اخوك لين راسه ووافق..

صعدت اسماء فوق دخلت غرفه رزان اللي على اساس كانت بغرفتها تلعب..بس ماكانت موجوده
راحت لعند غرفه سعود كان الباب مفتوح شوي وقفت تشوف المنظر الحزين اللي عور قلبها

رزان جالسه عالسرير وسعود حاط راسه على رجل بنته وهي تمسح على راسه ببراءه
وكان يدمع ويحاول يكون قوي قدام بنته بس لا هذي بسمه مايقدر يمسك نفسه يوم اللي يتذكرها..
مايقدر ينسى ملاك بطيبته وحنيته وخوفه وحبه..

رزان بخوف: بابا انت تبكي؟ ليش
سعود: تعبان شوي خلاص بابا روحي انتي غرفتك
رزان وهي تمسح دموع ابوها: لا ابي ابقى وياك.. انت تعبان؟ مريض؟
سعود: اي مريض
رزان: طيب يلا نروح المستشفى بابا
سعود: لا بابا روحي انتي خلاص انا بنام وبصير زين
رزان: ابيك بجلس هنا

دخلت اسماء عليهم رفع راسه سعود طالعها ببرود ونزل راسه
اسماء: حبيبتي رزان انزلي تحت عمك فارس يبيك
رزان: بس بابا تعبان
اسماء: الحين بعطيه دوا يلا روحي حبيبتي

رفع سعود راسه ونزلت رزان..سكرت اسماء الباب وجات جلست في نفس مكان رزان
اسماء: سعود لاتعور قلبي دمعتك غاليه علي ..
سعود: تعبت ابي انسى ابي انساها مو قادر.. مو قادر انسى هالبنت مو قادر تعبت وتعب قلبي

دمع سعود اكثر..رغم ان دمعته ماحد يشوفها ماشافوها الا يوم ماتت بسمه ويوم مات ابوه

وهو يبكي اسماء كانت تخاف من هالدموع..مو متعوده تشوفها نهائيا
قربت من اخوها وضمته لصدرها: اذكر الله ياخوي.. حرام عليك اللي تسويه بحالك وببنتك شوفها المسكينه كبرتها عشر سنوات على عمرها..صارت تحاتيك حيل
سعود: مو بيدي يااختي ماابيها تحاتي ولا ابيكم تخافون علي بس بسمه مااقدر ابعدها عن خيالي صعب..
صعب انساها وانسى كل شئ فيها...
اسماء بسمه كانت حتى لو اغلط عليها ماتزعل تجي هي وتراضيني وتعتذر هذا وانا الغلطان
بسمه كانت لما اطلع البقاله دقيقتين من اطلع لين ارجع وهي تدق تتطمن علي مايرتاح بالها الا يوم اكون جنبها
ماحد يعرفها مثلي.. تخيلي يوم حد يصارخ عليك ويعصب ويغلط وش تسوين؟
تسكتين؟ ولا تصارخين عليه.. والله يوم اللي اجي من الدوام معصب واصارخ ماترد تبتسم وتسوي كل اللي ابيه وهي بنفسها تكلمني وتراضيني وهي الزعلانه...
مافي مثلها ملاك مو بشر...
كنت استغرب الحب اللي تحبني اياه تخيلي يوم تجيني فلونزا شتسوي يومين ورا بعض سهرانه والدموع ماتوقف من عينها
ياربي كيف تبوني انساها كييف
اسماء: معاك انا ياخوي بكل اللي قلته بسمه كانت اكثر من روعه.. بس دموعنا ترجع الحبايب؟
سعود لو بسمه عايشه وشافت دموعك راح تزعل علييك حييل ولا تنسى انها قبل ماتموت قالت لك تزوج من بعدي
لاتخلي رزان بروحها بس انت رفضت هالشئ...
خلاص وجاء الوقت اللي تنفذ فيه رغبتها ورغبة الكل يااخوي.. وادعي ان الله يسعدك مع بنت عمك..
صحيح في البدايه بتلاقي صعوبه بس كل شئ من البدايه صعب لكن مع الاراده والمحاوله ان شاء الله بيتغير وبتصير حياتك افضل.. هدي الحين حالك وصلي عالنبي ولاتستبق الاحداث...
ولاتنسى يااخوي ان لنفسك عليك حق وهي امانه .. حرام اللي تسويه بنفسك الله مايرضى..
فوض امرك لربك اللي ماينسى حد من عباده.. وتوكل على الله وتزوج دينـا وبترتاح ان شاء الله
سعود: ان شاء الله
اسماء وهي تقوم من السرير: خلاص والحين نام وانا اختك شوف كيف عيونك ذبلانه ولو تبي شئ ناديني انا بالصاله جالسه
سعود: ماتقصرين اسماء
اسماء: افا عليك ياخوي انا من لي غيرك

ابتسمت له وطلع وسكرت الباب وراه وهي تفكر..
صحيح سعود شخصيه قوويه ماحد يقدر يوقف بوجهه بس داخل هالشخصيه طفل برئ .. طفل صعب ينسى شخص حبه من كل قلبه..
سعود رغم قوته وشخصيته اللي الكل يخاف منها الا انه حنون رومنسي طيب الى ابعد درجه..
بس يبي له شخص يفهمه ويحرك هالمشاعر الحنونه داخلــه

الله يهدي الجميع ..

............................

خالـد عالصباح جهز نفسه وسبح ولبس ثوب وشماغ حتى يروح لدينـا مره ثانيه
طلع من الغرفه وشافه فؤاد اللي شكله تعبان
خالد: ها سلامات شفييك ؟
فؤاد ويده على بطنه: بطنيي
خالد: هههههه وش اكلت امس
فؤاد: اكلت من مطعم هندي الله يغربلهم والله من اكلته وبطني خلاااص انت فاهمني طبعا
خالد: ههههههههه اي اي ماحد قالك تاكل سبايسي حار وانت معدتك حساسه
فؤاد وهو يجلس عالكنبه: شسوي هذا اللي صار
خالد: اجل ماراح تداوم اليوم؟
فؤاد: لا مو قادر كل شوي حمام وين اروح وافضح نفسي هناك
خالد: ههههههههههه الله يشفيك...
فؤاد: انت وين رايح الساعه 8؟
خالد :امم ابد هنا وين بروح
فؤاد: اشوفك لابس وكشخه
..خبري عيد الحج بعد اسبوع مو الحين
خالد: يعني مااكشخ الا بالعيد بطلع..
فؤاد: انت وراك شئ قالت لي امي امس انك طلعت هالوقت بعد..شعندك؟
خالد: يعني انا طفل الحين ماخلصت من امي تجيني انت
فؤاد: لا مو كذا بس غريبه وين تروح الصباح؟ تخبي على اخوك يامال الحكه
خالد: هههههه لا بقولك لاني مااخبي عنك يادب شئ بس مو الحين
فؤاد : اييي بطني
وقام راح الحمام ضحك خالد ونزل تحت فطر عالسريع وحمد ربـه انه ماشاف امه وراح لدينا العياده وخبرها بكل شئ دار في باله امس.. وتأمل خير انه يلقى عندها العلاج لحالته النفسيه

............................

يوم الاربعاء العصر ام سعود وفارس ومساعد واسماء وجوري ورزان جالسين ضحك وسوالف وشاي وقهوه من بعد الغداء
فارس:ههههه اي المهم واكمل لك عاد ياخالي السالفه..
مساعد: انا ابي افهم انت ماتخلص سوالفك مع البنات يااخي اكبر استح امك جالسه معانا وتحكي مغامراتك مع البنات
فارس: ياخااالي البنات زينة الحياه الدنيا
مساعد: على اساس المال والبنون زينه الحياة الدنيا
فارس: والبنات بعد..
ام سعود: استح ياولد..متى بس تكبر وتترك هالسوالف بتفشلني قدام الناس
فارس: خلاص خطبوا لي بقى لي سنتين واتخرج وانا ماافشلكم

(للمعلوميه طبعا فارس وماجد بنفس الكليه الصحيه بس ماجد قسم تمريض وتخرج وبقى التطبيق والوظيفه
وفارس قسم المختبرات وباقي له سنتين)

جوري: نخطب لك هااا مجانين ماعندنا عقل
فارس: ليش يابعدي
جوري: تبي بنت الناس تطلع الشارع ناشره شعرها وتصارخ لحقوني فكوني منه

فجـأه رن التلفون قامت جوري تشوف الرقم في الكاشف ماعرفته وردت
جوري: الو مرحبا
سعاد(عمة ماجد): السلام عليكم
جوري: هلاوالله وعليكم السلام
سعاد: شلونك يمه شخبارك
جوري:الحمدلله خالتي بخير
سعاد: جوري صح؟
جوري: اي جوري من معاي ؟
سعاد: انا سعاد يمه.. امك موجوده ولا؟
جوري: اي ثواني بناديها

راحت جوري لامها
جوري: يمه حرمه تبيك تقول اسمها سعاد
ام سعود: منو سعاد؟
قامت ام سعود وهي مو متذكره سعاد ابد
ام سعود: الو
سعاد: هلا وغلا ام سعود شلونك يالغاليه شخبارك
ام سعود: الحمدلله بخير دامك بخير وانتي شخبارك
سعاد: الحمدلله..الظاهر ماعرفتيني
ام سعود: لا وانا اختك العتب عالذاكره
سعاد: معاكي سعاد الـ..... عمة ماجد خوي ولدك فارس
ام سعود وهي تتذكر: اوووه اسفه ياوخيتي ماعرفتك اسفه اعذريني والله ههههه شلوونك شخبارك
وينك عنا من زمان...
سعاد: هههه بعد هنا اقابل الوالده مثلك عارفه مرضها وانشغلنا
ام سعود: الله يعطيك العافيه ياوخيتي بس مالك عذر تقطعينا هالفتره لاحس لاخبر
سعاد: لا ان شاء الله مانبعد الحين عن بعض لاني جايتك بموضوع
ام سعود: امري تدللي وانا اختك
سعاد: اممم مدري شلون ابدأ بس بدخل على طول .. بصراحه يااختي انا كلمتك اليوم وكلي امل انك ماترديني
ام سعود: ماعاش اللي يردك ياسعاد عمري مارديتك الحين بعد هالوقت اردك قولي اللي بخاطرك
سعاد: ماتقصرين ياام سعود.. بس نحنا طالبين القرب منكم..
كلمتك حتى اخطب بنتك جوري لولدنـا ماجد

سكتت ام سعود شوي حتى تستوعب الموضوع .. بس فرحت داخلها ماجد مافي منه ويعرفونه بحكم صداقته القويه مع فارس وسعاد طيبه وانسانه محترمه

ام سعود: والله يااختي فاجأتيني بالموضوع ماتوقعت
سعاد: وانا اختك قلنا ليش نروح بعيد دام جوري بنتنا موجوده.. واحنا وين نلقى لماجد افضل عنها جمال وعلم واخلاق الله يحفظها لكم
ام سعود: ويحفظ لكم ماجد ويسلمه.. واحنا اكيد ماراح نلاقي شروا ماجد واخلاقه بس بعد لازم ناخذ رأي البنت واخوانها وعمها..
سعاد: اكيد وانا اختك واحنا لظروف وظيفه ماجد نبيها بس خطوبه وبعد الوظيفه ان شاء الله خير
ام سعود: من عيوني يالغاليه
سعاد: خلاص انـا برجع اكلمك بعد اسبوعين واخذ جوابكم مبدئيا
ام سعود: تم خير ان شاء الله
سعاد: على خير يلا مااطول عليك ياوخيتي توصين شئ
ام سعود: سلامتك وصلي سلامي للوالده
سعاد: يوصل ان شاء الله وانتي سلميلي عالعيال وعلى ام فؤاد وام ريان
ام سعود: ان شاء الله
سعاد: مع السلامه
ام سعود: الله يسلمك

سكرت ام سعود وهي مبتسمه وتراقب جوري من بعيد.. كبرتي ياجوري وصرتي حرمه..بس مااتحمل تطلعين من البيت وتخليني
اسماء بتطلع وانتي وراها ... اييه الله يوفقكم ياعيالي

رجعت لهم ام سعود وهي مبسوطه
مساعد: هااا اشوف الابتسامه شاقه الوجه وانا اخوووك فرحينا معاااك
ام سعود: هههههههه مايخصكم الموضوع
فارس: اجل يخص مين

طالعت ام سعود جوري ببتسامه غريبه.. جوري خافت
جوري: منو هذي وشصاير
ام سعود: بعدين تعرفين
اسماء وهي تكلم امها بصوت منخفض: يمه شسالفه تخبين علينا يعني
ام سعود بصوت ماتسمعه الا اسماء: هذي سعاد الـ... عمة ماجد صديق اخوك فاكرتها
اسماء: اييه اييه اتذكرها شفيها
ام سعود: متصله تخطب اختك لماجد
اسماء بفرح: جد؟؟ ههههههههه مو معقووووله
ام سعود: اي والله .. بس لو صار نصيب بتكون بس خطوبه مو اكثر لين يرتب ماجد وظيفته
اسماء: ههههه مو متخيله هالهبله تنخطب
ام سعود: يؤؤ شفيها بنتي قمر الكل يبيها
اسماء: اقول لها؟
ام سعود: لا انا بشوف الوقت المناسب وبقول لها..مو الحين
اسماء: بصراحه ماجد واهله نعرفهم من زمان ومافي احسن منه كفايه انه صديق فارس الروح بالروح.. بس يمه فارس ماجاب لنا طاري ولا يمكن ماجد ماقال له..
ام سعود: الظاهر ماعنده علم
اسماء: ومتى بتقولين لسعود وفارس وعمي؟
ام سعود: بشوف الوقت المناسب وبخبرهم
انا من ناحيتي احب ماجد مثل ولدي بس اخوانك هم اللي بيقررون هالشئ مع عمك
اسماء: الله يكتب اللي فيه الخيير
ام سعود: اميين

جوري: شفيييكم انتوا وش الموضوع اللي يخصني هااا حرقتوا اعصابي
اسماء: امي تقول لك بعدين
جوري: لا الحيين الحيين ابي اعرف
ام سعود: خلاص جوري مو الحيين
جوري: ابي اعرف
ام سعود: بتعرفين بس مو الحين
جوري: الله يصبرني

.........................

الــيوم اللي بعده كان موعد خطبة سعود تجهز الكـل بعد ماعطوا خبر ام ريان وابوريان انهم بيزورنهم
جهز سعود بملل وكشخ وراح مع فارس وامه وخواته وخاله بيت ابو ريـان

وجلست العائلـه مع بعض..

كانت دينـا بغرفتها لبست بدلـه ورديه.. بنطلون ضيق من فوق وواسع من تحت وبلوزه بنفس اللون
وفلت شعرها وحطت ميك اب خفيف وردي وجلوس وردي وكحل
ورشت عطر زهره الكاميليا ..

دخلـت عليها اسماء
اسماء: سلااااااااااام
دينا بفرح:سمووووووووي هلا هلا

وتحاظنوا مع بعض
دينا: ياشيخه شوفتك ولا وجه القمر شدعوووه فؤاد قدر ينسيك بنت خالتك
اسماء: ههههههه لا مو كذا بس انشغلت شووي
دينا: صدق اللي سمعته.. الا سبوع الجاي مسووين عزيمه عشاء بالمزرعه وبتكون تقريبا ليله دخلتك
اسماء: ههههه اي صح فؤاد كلمني يبيني خلاص اكون معاه.. قلنا نسوي عشاء بالمزرعه ومنها حفله صغيرونه
دينا: اي حلوووو .. يلا ننزل

لبست دينا عبايتها وتحجبت ونزلت سلمت عالكل وجلست بقرب اسماء..
كانت جميله .. لا اكثر من جميــله.. قمر بليله 14 منور يضوي العالم بخجل..
لف سعود يطالعها...

صحيح انك حلوه دلوعه مغروره دكتوره الكل وده بقربك بس ماتعجبيني
ليش مو قادر اتقبلك... ماادري

لفت دينا تطالعه وجات عينها بعينه كشر ولف عالناحيه الثانيه
هي استنكرت حركته وقامت تكلم نفسها.. شدعوووه عاد الحين بموووت عليك مالت بس..
على شنو هالغرور منو مفكر نفسه..

لف لها الا لسه تطالعه وقام هو الثاني يكلم نفسه...لحوووول من ذا العله يااختي لاتطالعيني..
تكفين اخاف يجيني شئ... اوووف شلون بتحملك ليل نهار معاي مادري

ابتسمت بسخريه كأنها قرأت افكاره ورجعت تسولف مع اسماء..

ابوريان: اقول ياسعود
سعود: لبيه ياعمي
ابوريان:كلمت سراج حتى ينظف لنا المزرعه الاسبوع الجاي
سعود: لاوالله ياعمي انا انشغلت شوي بالشركه
ابوريان: زين اجل .. انا بكلمه
مساعد: لاتتعبون نفسكم انا بكره بروح وبضبط هناك الوضع وبشوف وش قاصر.. ومنها بتفق مع المطعم حتى مايكون زحمه

طالع ريان اسماء وابتسم .. فرحان من كل قلبه لها لانها بتستقر واخيرا بتحرر من احلام الماضي وذكرياته
ردت الابتسامه وحولت نظرها للطيفه اللي كمان ابتسمت وقالت لها بحركه الشفايف ( الف الف مبروك)

ديمه للحين مالها اثر وفارس جالس على نار يحتريها مايعرف ليش..كل شوي يطالع ناحيه الدرج بس مالها اثر..
فارس وهو يكلم خالته: الا اقول خالتي كلنا هنا الا ديمه وينها عسى ماشر
ام ريان: ابد ماشر بس طالعه مع صاحباتها
ابوريان: انا مو قايل لك لاتخلينها تطلع الليله..مو عيب بيت عمها هنا وهي بره
ام ريان: يووه يابوريان تعرف بنتك كيف عنيده شسوي لها يعني
ابوريان: اوريها انا اذا رجعت
ام سعود: هدوا بالكم ماصار الا الخير

قامت دينـا بره وكلمت اختها لان داخل بيتهم مافي ابراج او ارسال للجوال
ديمه: هلا دينوو
دينا: هلا حبيبتي وينك
ديمه: ابد بمارينا ليش
دينا: تعالي بسرعه ديمه ترى ابوي معصب عليك شلون طالعه وبيت عمي كلهم هنا
ديمه: اوكي اوكي بس باخذ عطر من ماكياجي وشويه ميك اب وراجعه
دينا: تعااالي اخذي لي من جوفريز معاكي تيرا ميسو
ديمه: اووكي ماي سستر اي خدمه ثانيه؟
دينا: هههه نو ثانكس الوووت
ديمه: اوووكي اني تااايم باااي
دينا: بااي

سكــرت دينـا وهي مبتسمه توها بتدخل الا سعود بطوله وعرضه طالع بوجهها.. ارتجفت لما شافته قريب منها
رجعت خطوات لورا حتى تكون بعيده
دينا: بسم الله.. خفت
سعود: شايفتني جني قدامك
دينا: لاماقلت بس خفت
سعود: خالتي تدور عليكي فقدتك تبيك تساعدينها بالعشاء
دينا: شدعوه انا هنا بس طلعت اكلم ديمه حتى ترجع
سعود: اوكي انا طالع
دينا: وين ماراح تتعشى ؟
سعود: برجع بس بجيب شنطة رزان من السياره
دينا وهو تلعب بجوالها: اها طيب

طلـع وهي واقفه مكانها تفكرر.. اليوم فيه شئ مو طبيعي بيت عمي هنا مو لوجه الله..
ماتجمعوا كذا ياخوووفي اللي في بالي بيصير.. الله يستر ..
بس ماراح اعرف الا بعد العشاء وانا ايش يصبرني..
ليش مااسأل سعود وارتاح...

دخـل وبيده شنطه رزان الورديـه
سعود من غير نفس: اشوفك لسه واقفه هنـا
دينـا: اقول سعود
سعود: قولي
دينـا: اممم تجمعنا اليوم مو طبيعي ليه احس في شئ بالموضوع
ابتسم بسخريه: اي فيه احساسك في محله
دينـا: اي انا قلت هالشئ مو طبيعي.. طيب شنو هالشئ ممكن اعرفه
سعود وهو يلف ويقرب منها خطوتين: يابنت عمي جايين نخطبك.. هذا كل الموضوع
حست بحراره وجسمها يعرق بشكل مو طبيعي..احساسها صدق يعني

دينا وهي تتلعثم بالكلام: شنو؟؟ خطوبه؟ تخطبوني؟ لمين
سعود بحزن: لمين يعني لي انا.. في غيري ؟
دينا: لا بس .. بس
سعود: بس شنو؟
دينا: انت ماتبيني وانـا..
سعود: وانتي ماتبيني عارف شعور متبادل والله.. بس هذي الظروف اللي بكيفها بتجمعنـا

حست بشئ جرح كرامتها بس سكتت ونزلت راسها..
دينـا: سعود صحيح ان احنا بعيدين عن بعض ونكره بعض بس هالشئ مايشفع لك ويخليك تجرحني وتقولها لي صريحه
سعود: تبين اكذب عليك؟ اقولك ابيك؟ اوكي اذا هالشئ يريحك ابيك بس اعرفي انها مو من قلبي واسف يابنت عمي بس هذا شعوري بكل صراحه..

تركها بحيرتها ودخـل دمعت عينها بس مسحتها ورفعت راسها بغرور...يعني انا اللي ابيك روح بالعنا فيك
في ستين داهيه لاانت ولا الف واحد مثلك راح يقدر يجرح كرامتي ياولد عمي...

تعشت العائلـه مع بعض وبوسط العشاء جات رساله لفارس Call Me من ماجد اكيد ماجد اتصل بس مافي ارسال كالعاده داخل بيت ابوريان..

فارس : عن اذنكم ياجماعه
ابوريان: هاها وييين ماكملت عشاك
فارس: ثواني ياعمي بس واحد من ربعي يبيني ادق عليه.. متى راح تصلحون الارسال عندكم
دينا: ههههههه مافي امل يتعدل عندنا الارسال
فارس: يلا ثواني بس وراجع

طلـع فارس ودق على ماجد اللي كان يبي يقيس النبض ويشوف كان ام سعود فاتحتهم بالموضوع ولالسه..
بس كلام فارس عادي يعني للحين ماعندهم خبر..

فارس: كنت تبي شئ ايها التمساح السعودي
ماجد: اممم لا ابد يلا رح كمل عشاك
فارس: تعال هنا ايها الخبل
ماجد: ههههه هاااه
فارس: وجعااه قل امين شفييك
ماجد: مافيني شئ
فارس: قاصرك شئ بخاطرك شئ لايردك يامجود الا لسانك
ماجد: لا ماتقصر فارس
فارس: يااخي انت منت طبيعي فيك شئ اليوم... تخبي على اخوك؟
ماجد: فيه شئ بس ماراح تعرفه مني
فارس: اجل من جارتنا الطقاقه
ماجد: ههههه ياخي عليك كلام مدري شلون صاير .. لا من الوالده الله يطول عمرها
فارس: امي؟
ماجد: اي
فارس: امي شدخلها؟
ماجد: خلاص انت روح البيت واسألها
فارس: لاموشغلي الحين تقولي شسالفه وش اللي انا مااعرفه
ماجد: خلاص لاتصير فضولي لما تروح البيت وتسألها بتعرف

في هاللحظــه سمع فارس صوت خطوات عالباب وصوت كعب وثواني ودخلت البيت وشافته يكلم
فارس: ااه مجود اكلمك انا بعدين روح باي
ماجد: هاا الحبايب وصلوا
فارس: انقلع باي

سكر فارس وابتسم لديمه
ديمه ببتسامه ساحره: هلوو فارس هاو ار يو
فارس: فاين اند يو؟
ديمه: فري وويل..
فارس: تاخرتي
ديمه: شسوي السواق تأخر هاا عسى الاوضاع داخل تمام
فارس: تمام جالسين عالعشاء يلا ادخلي
ديمه: اووك يلا سي يوو

دخلت ودخل وراها فـارس وتعشوا.. وبعد العشاء دقت اللحظه الحاسمه
دينا انسحبت بكرامتها لغرفتها .. جلست عالسرير وحضنت مخده صغيره وهي تحس بضيقه مو طبيعيه داخلها
متضايقه متوتره ..

اووف اكره نفسي لاصرت كذا الله يعدي الليله على خيير

وبالصاله جلست ام سعود واختها وابوريان وسعود وفارس وريان ومساعد
اما البنات جلسوا بالمجلس
وانفتح الموضوع وقالته لهم ام سعود باختصار شديد
ابتسمت ام ريان وطالعت زوجها اللي ابتسم وفرح
ابوريان: هذي الساعه المباركه والله...
ام سعود: هالشئ اللي المفروض من زمان يصير..هاشرايكم؟
ابوريان: مايبيلها بعد سؤال خلاص نرتب احنا الــوضع..
ام سعود: خلاص رتبوا الوضع مع دينا حتى نملك
ام ريان: فرحتيني والله يااختي
وتحاضنوا الخوات ودموع الفرح تبلل خدودهم...

طالع ابوريان ولد اخوه سعود بفخر .. وبفرح
واخيرا رغبة العائلـه بتحقق وبيجتمع شمل اثنين يكرهون بعض كره العمى ولايمكن يجتمعون ..

...........................



بعد ماطلع الكل من بيت ابو ريان .. صعد الوالد لدينا فوق لقاها حاضنه المخده

وسرحانه .. ابتسم وجلس جنبها

دينا بعد ماحس له: هلا يبه حياك
ابوريان: الله يحييك يابنتي شفيك سرحانه
دينا ببتسامه: ابد سلامتك ها امر يبه بغيت شئ؟
ابوريان: اكيد ولاماكنت جيتك واظن عارفه ان زيارة بيت عنك لنا بخصوصك وخصوص سعود
دينا : اي عارفه .. والمطلوب؟
ابوريان: والمطلووب؟ ابي اعرف رايك حتى نرتب معاهم الوضع
دينا: خلاص انتوا قررتوا وانتهى كل شئ رأيي مهم الحين؟؟
ابوريان: اكيد مهم.. اجل ليه اسألك
دينا: يبه انت تعرف زين رأيي في هالموضوع ماطرا جديد
ابوريان قبل مايكمل دخل ريان بعصبيه ووقف كنه مارد قدام اخته

ريان: بترفضين؟ بتضعين هالفرصه من يدك للمره الثانيه؟ بتقولين ابي اختار بكيفي.. شوفي اختيارك السئ لوين وصلك
صرتي مطلقه وانتي الكلي يبيك ويتمناك...
بعد بتعترضين.. بتلاقين مثل سعود؟

دينا جمدت الدموع بعيونها
خلاص ملت من هالوضع ومن المعايير واذا اختارت غلط حرام الواحد يغلط هي مو ملاك
ولامعصومه عن الغلط

ابوريان: ريان شهالكلام
ريا: يبه ماتسمعها بعد كل اللي صار بعد بترفض سعود.. قولي لي كيف بنقابل بيت عمي بعد رفضها؟
دينا ودموعها تنزل: بس انا مااحبه ماابيه ماابيه
ريان: وشوفي لما اخترتي اللي تبينه ايش صار.. صلاتي مطلقه في غضون شهرين مو اكثر..
بعد هالمره بتختارين بكيفك... اسمحي لي ااختي لا..
سكتت في المره الاولى بس الحين مابخليك تقررين بكيفك انا وابوي بنقرر

طالعت دينا في ابوها نظرات رجا

ابوريان : ريان اتركني انا اكلمها براحتنا
ريان بعصبيه: يبه الموضوع مايحتمل اي كلام ونقاش.. رايها مو مهم .. لين متى بتبقى تتدلع وتبي كل شئ بكيفها
ابوريان: طيب انت ليش الحين معصب قلت لك انا بكلمها
ريان: بكيفكم

وطلـع وسكر وراه الباب بقووه شافته لطيفه وهي حامله هاني ...
لطيفه: شفيك ابورامي؟
ريان: مافيني شئ..
لطيفه وهي تمشي معاه لفوق: متضايق من دينا؟
ريان: اكيد بعد ابوي عاطيها وجه ويبي يناقشها...
لطيفه: عمي معاه حق هذا زواج مهما كان ياريان مو لعب لازم يناقشها
ريان: واللي يعافيك اي نقاش.. مو كفايه سوت اللي براسها وتزوجت تركي الخايس الحين بترفض سعود قولي لي وين بتلقى مثله.. كفايه انه ولد عمها بيحبها ويصونها افضل من الغريب

سكتت لطيفه لانها تعرف ان زوجها معصب وكلامها ماراح يجيب اي نتيجه
ريان: ها بتنامين؟
لطيفه: بنوم اول هاني وبعدها بنام..ليش حبيبي في خاطرك شئ؟
ريان: لاسلامتك ارتاحي انتي
لطيفه: لاقلبي اذا تبي شئ قوول
ريان: لابس ملان
لطيفه: اسهر معاك
ريان: في فلم جديد تشوفيه معاي؟
لطيفه: هههه ليش لا بس انوم هاني ونشوفه بس رعب ولا اكشن ولا ايش؟
ريان: رعب بتمووتين
لطيفه: لا ريان اخااف
ريان وهو يحط يده حول كتافها: لاتخافين وانا معاك حياتي..

.............................

ديمه بعد ماروحوا بيت عمها صعدت غرفتها ودقت على اميره

اميره وهي نايمه: الووو
ديمه: اوووه سووري نايمه يلا باي
اميره: لاعادي شفيك؟
ديمه: مافيني شئ يادبه بش كنت بقولك احدااث صارت اليوم عن فااارس
اميره وهي تفز وتعتدل في جلستها: شفيه فارس؟
ديمه: طبعا عارفه ان بيت عمي كانوا عندنا اليوم وشفته
اميره: والله.. يابعد عمري وشلوونه طيب؟
ديمه: ايش بيصير له هالقطوو
اميره: اووه ديمه لاتقولين عنه كذا
ديمه: هههههه فاتك والله
اميره: وش قال
ديمه: كم تدفعين
اميره: اوووه عن النذاله قوولي
ديمه: عادي شفته لما رجعت من السوق كان يكلم جوال
اميره: يكلم من؟؟
ديمه: اظن ماجد صاحبه
اميره: اي وبعدين
ديمه: عادي ولاقبلين شفته عالعشاء
اميره: فدييته وحشني والله.. ديمووو ساعديني مااقدر اصبر اكثر ابيه يحس
ديمه: معاك حق لازم نتصرف
اميره وهي متحمسه: يابعد عمري انتيي وش نسوي طيب
ديمه: انا اقووولك اسمعي ..

.......................

ارس من رجع مسك امه على جنب حتى يعرف وش موضوعها مع ماجد
ام سعود: هههههههه هو قالك
فارس: اي بس مارضى يقول وش الموضوع عفيه قولي لي يمه
ام سعود: سعاد عمة خويك ماجد كلمتني وخطبت اختك جوري لماجد
فتح فارس فمه مستغرب كنها اهبل

فارس: شلوون شلوون عيدي مافهمت
ام سعود: اللي سمعته خاطبين اختك لماجد
فارس: شوف ابن اللذين ماقال لي انا اوريه.. لالحظه انا مو مستوعب يمه هههه لا شلوون يعني مافهمت
جوري وماجد؟ اختي انا جوري وخويي ماجد .. مااصدق
ام سعود: ههههه لييش
فارس: متاكده مجود خويي ماغيره؟ اخاف مضيعه انتي يمه
ام سعود وهي تضرب ولدها على ذراعه: شايفني عجووز ياولد
فارس: لا بس مو متخيل ... طيب كييف وشلووون.. هو ماقال لي
ام سعود: عاد هذا اللي صار اكيد حب تكون بين الحريم قبل وخلى عمته تكلمني
فارس: جوري تعرف؟ حد يعرف غيري؟
ام سعود: لا ماحد يعرف بس اسماء
فارس: وانتي وش رايك يمه؟
ام سعود: تعرفني احب ماجد احسبه واحد من عيالي والناس نعرفهم من زماان ...
فارس: بس لازم سعود وعمي يعرفون
ام سعود: خلاص خبرهم انت
فارس: خلاص اشوف الوقت المناسب واقول لهم هاليومين ونخبر جوري
.. اجل خطبوا جوري والله كبرت هالهبله

على اخر جمله كانت جوري نازله عالدرج وسمعت هالجمله بس وماعرفت ماجد اللي متقدم لها...
كأن حد كب عليها ماي بااارد جمدت...
وصعدت غرفتها بسرعه حتى اخوها وامها مايشوفوها..

حست بتوتر وخوف اول مره تحسهم..جلست على طرف السرير ورجعت قامت تحوس بالاغراض وهي خايفه.. انا خطبووني منو عااد ...



جاء على بالها ماجد ونزلت راسها بحزن.. وينك انت عني؟ لو تعرف اني مخطوبه بتزعل ولا مايهمك؟؟
جلست وهي زعلانه عالسرير..
حست ان مشاعر هاللحظه متوجهه لهالشخص بس ...
يعني انـا احبه؟ لييش يصير كذا لي؟؟
وش السوات الحيين..
قامت تلف بغرفتها وهي مشبكه اصابعها في بعض وتحس انها بين جبلين ماجد والخطيب المجهوول

بعد ساعه جلست ...وهي تقول لنفسها.. ماابي غيرره.. مالي شغل ماابيه الا هوو الخبل
بس حتى لو رفضت هاللي متقدم لي اظمن ان ماجد يبيني يحبني...ويتقدم لي
بالطقاق مو لازم اوافق ..
بس هو لمح لي اكثر من مره...
وش الحـل ياربيي...
طلعت من غرفتها ودخلت غرفه فارس حتى تكلمه وتعرف من اللي خاطبها .. شافت جواله على السرير..
وقامت تفكر.. اقووله؟؟ اقوله عن الموضوع؟
لاياربي شهالجنون ليش احرج نفسي معااه ..
وان قالي ماابيك وفشلني..
وين اودي وجهي منه؟؟
بس لاا هو مالمح لي كذا.. اووووف ضعت انـا الحين ..

في لحظه تهور وجنون فتحت جوال فارس وشافت اخر الارقام الصادره شافت الاسم(*& مجــوود &*)
شافت الرقم ورسلته لجوالها قفلت الجوال بسرعه وراحت غرفتها وقفلت عليها الباب..

مسكت الجوال بيدها دقايق.. الرقم وصار عندي والحل.. ياربي محتاره ..
ابيه يعرف .. في نفس الوقت اخاف ياخذ عني فكره غلط ويقول راميه نفسها..
اممممم كيف كيف اتصرف ...

بس مافي الا هالحل كتبت مسج ورسلته له
وصله المسج وهو بغرفته منسدح على سريره بالظلام..
وكان المسج

(( السلام عليكم .. اخبارك ماجد.. بـارك لي عالخطوبه وعقبالك يارب ..قول امين

جوري .. ))

قرأ المسج وابتسم .. هههههه متوقع انا هالحركات منها اكيد ماعرفت منو خطيبها المنتظر ..
طيييب انا اوريك يادبه...

ورسل لها هالمسج

(( والله؟؟.. مبروووك مبروووك وانا اخوك شدعووه مانعرف ولاشئ

ولا ماتحسبيني اخوك صدق.. يلا عقبال الزواج والعيال يارب

وعقبااالي القى بنت الحلال

))

قرأت المسج وعصبت اخوك؟ ماجد اخوي؟؟

دمعت عينها.. مالت علي وعلى حظي على بـالي بيتضايق
اتـاريه كان يلمح لشئ والظاهر فهمت شئ ثانـي..
مايحبني يعني !!

سكرت الجوال وقامت طفت الاضواء وشغلت شمعه صغيره وكالعاده حطت راشد
علمتني وشلون احبـك علمني كيف انساك

رن جوالها بعد نص ساعه ورقم ماجد... عطته رفض بسرعه وهي معصبه منه
ضحك هوو وتأكد في هاللحظه انها تبادله شعوره.. وتحبه

واتصل مره ثانيه بعد دقيقتين ونفس الشئ

رسل مسج وكتب لها



( وش هالدلع يلا ردي بقولك شئ مهم..))


اتصل وردت بزعل
جوري: وش تبي
ماجد وهي حس انها تبكي: تبكين؟ ليه بس
جوري: ماخصك وش تبي
ماجد: شفيك انتي معصبه
جوري: مافيني شئ
ماجد: اجل خطبووك وصرتي حرمه
جوري بعصبيه: اي عندك مانع بعد؟
ماجد: لاابد الله يوفقك يااارب بولد الحلال
جوري: ليه راسل مسج وتقول تبي تقول شئ ضروري.. بعد بتكذب وتسوي فيها تحبني وانت تعتبرني اختك

وبكت اكثر من قبل ماهان عليه يشوفها تبكي
ماجد: يادبه لاتبكين خلاص مااقصد انـا
جوري: انت ماتحبني ولا تعرف تحب.. ليه لمحت لي انك تحبني باي روح عني مناك
ماجد: هههههه تعاااالي
جوري: هاااه
ماجد: انا احبك مثل اختي.. مايكفي
جوري : انت بصراحه.. ولاتدري خليني ساكته باي
ماجد: اخر كلام
جوري: اي واسفه اذا ازعجتك

سكرت بعصبيه ومسحت دموعها... بس لما تذكرت كلامه نزلت مره ثانيه دموعها...
ياربي شقد اكره الشباب ليه يقصون عالبنات..
هو صحيح ماقلها لي صريحه احبك..
بس لمح لي وقال انه قلبي عندي هذا وش معناه..؟
ليش لمح وخلانه اتعلق فيه هالخبل


قامت مسحت دموعها وراحت لغرفه اخوهـا فارس لقته يلعب سوني بلاي ستيشن
راحت وجلست قربه وتسندت بيدها على رجله
فارس: هلا والله بالجوري والكادي والورد كله.. يلا تلعبين معااي تيكن
جوري: مالي نفس
لف عليها لمح اثر دموع .. ترك اللعب ولف جسمه لها
فارس: كنتي تبكين؟
جوري: لا
فارس: لاتقصين علي
جوري: فارس منو متقدم لي؟
فارس: هههه اهااا هذي دموع الحيا والفرحه يعني
سكتت وهي تطالعه وهو يضحك.. بلاك ماتعرف ياخوي اللي بقلبي لأعز صديق لك ..
لأقرب شخص لك...
جوري: اي دموع الفرح.. بس قولي منوو؟
فارس: من وين عرفتي اوول
جوري: سمعت بالغلط
فارس: هههه طيب خلاص بقولك.. شوفي يااختي اللي تقدموا لك ناس اكابر ونعرفهم عزالمعرفه
جوري وقلبها طبوول: اي منوو؟
فارس: تعرفين خويي ماجد صح؟ هذا هو الله يسلمك وعمتة سعاد كلمت امي قبل يومين وخطبتك له
جوري ودقات قلبها تزيد بعنف وارتبكت حتى فارس حس بهالشئ
فارس: بسم الله عليك شصار لك؟
جوري وعيونها معلقه بعيون اخوها بصدمه
فارس وهي يحرك كتفها: بسم الله هيييه انتي شصااار لك خلاص ماتبينه ماحد بيغصبك
جوري: بروح انام

تركت اخوها وراحت غرفتها وجلست عالسرير.. ماجد ماغيره.. اللي احبه .. الخبل ههههههه
لاياربيي مو معقوووله ليش قص عليي الدب

ياربي وناااااااااسه انا لماجد وبصير زوجته هيييييييييه
قامت من الفرحه تناطط عالسرير .. دخلت عليها رزان بعد ماسمعت صوتها تناطط
رزان: هههه عمتي شتسوين؟
جوري: هههههههه تعالي نناطط مع بعض تعالي
راحت رزان مع عمتها والثنتين اللهم لك الحمد يناططون عالسرير...

واخيرا ارتاحت جووري من الهم اللي كان جاثم على قلبهاا وعرفت رفيق دربها المنتظر...

..........................

مر الاسبوع التالي عادي مافي اي جديد غير التجهيزات لحفله اسماء وفؤاد الصغيره اللي راح تصادف بالضبط ليلة العيد الحج
والعيد بيصير عيدين بالنسبه للكل..

الكل مبسوط وفرحان ماعدا ابطال معينين من قصتنا..
سعود وهو يحس بضيقه في صدره من موضوع زواجه ..
تفهمون الاحساس لما شخص يتزوج وحده مثل اخته بالضبط بالضبط
مو مستوعب الوضع.. الوضع مايبشر بالخير اصلا
والله يستر من اللي بيصير بين الاثنين,,

دينا.. مقهوره اكثر من سعود.. امها ابوها اوخوها
الكل يلومها ويجبرها
بس معقوله دينا القويه تسمع لهم وتتزوجه؟

اميره..الحائره مع ولد خالتها فارس... اللي تدري ان نسبة نجاح حبها 40 % لااكثر هذا اذا كانت في امل

نوصل ليوم الاربعاء الساعه 8 المغرب عائله ابوريان وبيت اخوه الله يرحمه وبيت ام فؤاد..
تجهزوا علشان ينطلقون للمزرعه ويباتون الليله هناك
وبكره الخميس بتكون حفله اسماء وفؤاد
اللي بتكون عائليه بحت ومافيها حد غيرهم..

اسماء لهالمناسبه اخذت فستان وردي ناعم من السوق مع شويه اكسسوارات
وطبعا لاننسى تجهيزاتها السرييعه مرره حتى تستعد وتروح مع زوجها لبيته

وراح تسوي الكوافيره شعرها تسريحه خفيفه لاااكثر

فؤاد جهز شقته اللي في بيتهم اللي تصير بالناحيه الخلفيه من البيت حتى يسكنها مع زوجته وحبيبته اسماء..

ديمه واميره ناوين على شئ الليله وبكره الله يستر وش بيصير

واحد من الابطال بيظهر ونشوف وش راح يتغير بالقصه

نكمل ,,,

انطلقوا للمزرعه وبعد ساعه الا ربع وصلت سياره ابوريان ومعاه دينا وديمه وزوجته
سياره ريان ومعاه عياله وزوجته
سياره سعود ومعاه بنته واسماء
وسياره فارس ومعاه امه
وسياره فؤاد الجيب ومعاه خواته وامه
واخيرا سياره خالهم مساعد ومعاه بنت اخته واقرب الناس له جوووري

بس خالد للحين ماطلع وينه..

ام فؤاد بالسياره قبل ماينزلون: ماقالك متى راح يجي؟
فؤاد: يمه ولدك هذا عله يقول وقت اللي يمل بيجينا.. حد يفوت هالوناسه والجوو الحلو
ام فؤاد بحزن: لاتقول عنه كذا..
امل: اي انت طبعا عندك وناااسه خلاص بتصير حبيبة القلب ليل نهار معاك
فؤاد وهو متحمس: اييه ياامول ونااسه فديت اسماء انا

كانت سياره سعود ورا سياره فؤاد على طول سمعتهم اسماء وقربت منهم
اسماء: احم احم
فؤاد : هلا هلا مليوون قد قطرت المطر قد اوراق الشجر هلا هلا بأحلى اسماء
اسماء: تحش فيني هااا؟
فؤاد وهو يمسك يدها ويدخلون داخل: افااا انا احش فيك.. لاحياتي السالفه ومافيها

وكملوا طريقها لداخل

امل: طالع هذا يالحبيب ياهوووووو تعال حمل الاغراض
سعود: هههههه لاتحاولي مهوب راد عليك
اماني: خلاص سعود يشيلهم
سعود: تكلمت الملقوفه ههههههه شيليهم انتي وش ناقصك
اماني: لامسويه ريجيم
سعود: مالت وش دخل الحين
اماني: خخخخخخ مادخل
امل وهي تلتف لاميره داخل السياره: انزلي يلا شعندك داخل
اميره وهي تدور على شئ تحت كرسي السياره: لحظه سماعاتي وين راحوا
امل: فاضيه من جد وش تبين فيهم
اميره: علشان اسمع اف ام يادبه
امل: اخذي الووك مان حقي
ابوريان من عند البوابه: يلا ياعيالي مشينا
امل: طيب يبه طيب

طبعا امل وخواتها يعتبرون ابوريان بحسبه ابوهم بالضبط مافي فرق..

حمل سعود اغراض وريان شويه ومساعد وياهم وتساعدوا الشباب ودخلوا كل الاغراض والاكل والشرب داخل المزرعه

ديمه وبيدها جوالها والستريو حقها: الله احلى جووو فديت مزرعتنا انا
جاتها اميره من وراها وحملت الستريو
ديمه: يثلموووو يثلموو
اميره: هههه الله يثلمك .. ديمو ماعندك سماعات؟
ديمه: وش تبين فيهم عندنا الستريو كله هنا عسى جبتي سي دي نانسي وشكيرا مثل ماوصيتك
اميره: اي

دخلوا البنات غرفهم ورتبوا الاغراض..
رجع سعود يقفل سيارته بعد ماخلص من تحميل الاغراض لمح حد بسياره عمه ابوريان وقف شوي
من هاللي جالس بمكان السايق.. خذي بنت يؤؤؤؤؤؤ اخاف جني
لا والله انا فيني شئ يممه انحاااش احسن لي
الا دينا تشغل السياره وتسوقها للموقف داخل المزرعه


هو انصدم دينا تعرف تسوق؟
اكيد تعلمت في امريكا ..
وقفت السياره وقفلتها ونزلت .. وشافته على طول بوجهها
دينا بدون نفس وهي ترفع عبايتها عن الارض: مرحبا
سعود وهو يقلب وجهه: هلا
دينا: خير عسى ماشر
سعود: من وين مايجي الشر وانا.. ولاتدري بسكت
دينا: لاقول وانت تشوفني ادري
شعور متبادل من زمان مافي جديد باي

ابتسمت بسخريه شديده ودخلت تمشي بغرور ماقد عليه سعود

سعود وهو يكلم نفسه: انا اكثر شئ يعصبني البنت المغروره ياشييخ وده الواحد يكفخها ويجيب راسها للارض
واذا دكتوره يعني يكبر راسها مااالت...

قفل هو الثاني سيارته ودخل لعند الشباب...

.........................

على كورنيش الدمام وباالاخص قرييب مره عند قريه جوفريز كان خالد يتمشى بسيارته ..
ومشغل راشد ودي ابكي

وقف عند الكورنيش ونزل..
طالع من حووله وهو مبتسم

فدييت الشرقيه وهواها انـا ,, مافي احلى منها وربيي
اروح فدووه لها..

قعد عالبحر وهو يشووف الاطفال والكبار سوالف وضحك
جلس يطالع في طفله قاعده عالمرتفع جنبه

كانت لابسه فستان ازرق لركبها ورافعه شعرها البني وطايحه خصلات على شعرها

خالد وهو يقرب من الطفله اللي عمرها تقريبا 6 سنوات: شسمك ياحلوه
لفت له وابتسمت: انا اروى
خالد: عااشت الاسامي ياااروى.. وين بابا وماما حبيبتي
اروى بحزن : ماما ماتت
خالد : الله يرحمها وبابا وينه؟
اروى: هنااااك

اشرت لورا لف وشاف ابوها جالس عالارض مع حرمه
خالد: منو هذي اللي معاه؟
اروى: مرت ابوي
خالد وهو يبتسم لها: ليش ماتجلسين معاهم
طالعت البنت البحر بحزن وسكتت

خالد وهو يحس بحزن البنت : ماتحبك؟
اروى: لا..كل يوم تضربني انا احبها ماسويت لها شئ
خالد سكت وقلبه يعوره على هالطفله

خالد: طيب ليش ماتقولين للبابا انها تضربك
اروى: قلت له بس هو يحبها مايقول لها شئ
خالد: لاحول الله مشكله..هذا وبعدك صغيره تضربك الله لايسامحها
اروى: من انت
خالد: انا خالد
اروى: اسم اخوي الصغير خالد
ابتسم لها خالد وطلع من جيبه حلاوه مصاص وعطاها

اخذته بفرح وفتحته
اروى: لذيذ
خالد: هههههههه ادري اجل ليش وين مااروح بجيبي

سمعوا صوت صرخه من وراهم فز خالد وفزت اروى الطفله بفزع وخووف
ابواروى: انتي هنااا وانـا ادور عليك
اروى: يبه انا قلت لك بجلس هنا
ابواروى: الف مره قلت لك لاتبعدين فاهمه ولاتتاخرين
خالد: يارجال صلي عالنبي كنت اسولف وياها وانا اخرتها
ابواروى: منو انت بعد هااا مناك يلا

سحب الطفله بقسوه وقوه وطاحت الحلاوه عالارض ومابقى وراها الا ريحة البراءه والطفوله المقتوله
نزل راسه خالد بحزن وهو يكلم حاله
ياربي حد عنده هالطفله البريئه ويسوي لها كذا
وش ذنبها اذا امها ماتت وتركتها
وجات مكانها وحده شيطانه
ليش يعاملونها كذا

رفع راسع خالد للسماء وهو يقول ,, الله على الظالم الله على الظالم

--------------------------------------------------------------------------------

وصلنا لين كان الكل مجتمع بالمزرعه والوحيد خالد البعيد عنهم ويتمشى عالكورنييش

رن جواله وهو بجيبه طلعه وكان مساعد متصل
خالد: هلا خالي
مساعد : ياخي وييينك تعاال نحتريك عالعشاء
خالد: لاتعشوا انتوا ماراح اجي الحين
مساعد: ليش ياكوندليزا رايس شعندك من مشاغل؟
خالد: خخخخخ ماعندي شئ بس بخلص البنزين اللي بسيارتي وبجي
مساعد: لحووول تعال يااخي حد يفوت هالوناسه
خالد: خلاص الحين بجي مسافه الطريق
مساعد وهو يسوي صوت بنت: اوكي حبيبي لاتتأخر
خالد: امووووووت انا كذا
مساعد: ههههههه يلا مناك باي
خالد: بايوو ياحلوو

قفل خالد من عند خاله وهو مبتسم وتوجه لهم للمزرعه

............................



في غرفه الجلوس قعدوا الخوات الثلاث ام ريان ام سعود ام فؤاد...
على سوالف قبل العشاء ...
خبرتهم ام سعود ان ماجد ولد اخو سعاد رفيقتهم القديمه تقدم لجوري ..
ام فؤاد: وجوري كلمتوها؟
ام سعود: مو قبل ماانكلم ابوريان هو عمها ويتصرف
ام ريان: عين العقل خلاص شرايك انا اكلمه بعد العشاء ؟
ام سعود: خلاص اللي تشوفينه الحرمه الاسبوع الجاي عاالاقل تبي ترد...الحين طاف اسبوع ولاخبرت البنت
ام فؤاد: اراهن ان فروس خبرها مايخبون على بعض شئ
ام سعود: جايز والله
ام فؤاد: بس خوش ولد هالماجد ربي يجعله من نصيبك ياجوري قولوا امين
ام سعود,ام ريان: امين
ام فؤاد: طيب ليه للحين ماخبرتوا سعود مو حلووه والله
ام سعود: يااختي انا ضعت وانشغلت بتجهيز اسماء وحاله .. والله مابرتاح الا بكره والكل بيعرف بالموضوع
ام فؤاد: يلا الله يكتب اللي فيه الخير للجميع
ام سعود: امين يااارب

دخلت ديمه ومعاها اميره واماني وجوري ومعاهم الستريو
ديمه: اوووه نبي مكان مافي حد
ام ريان: ولييش ان شاء الله يابعدي؟
ديمه: اووه مامي نبي نرقص
ام ريان وهي تدور شئ ترميه على ديمه: اقوول تلايطي مناك يلااااا
ديمه وهي تضرب برجلها الارض: اوووه ابي ارقص
ام فؤاد: ههههههه ديوووم بعد العشاء مو الحين يلا روحوا جهزوا
اماني: الشغاالات جهزوا كل شئ
ام ريان وهي تطالع جوري اللي من عرفت بخبر الخطوبه صارت اهدأ من قبل : وانتي معاهم بعد بترقصين؟
جوري وهي تحس ان خالتها تعرف شئ: ها .. اي اكيد اجل بقعد اطالعهم ياخالتي
ام ريان: هذا وانتي كبرتي الحين وصرتي حرمه

صار وجه جوري احمر ابتسمت وعرفت انهم عرفوا بالموضوع وانسحبت بهدوء للحديقه

طبعا البنات مايعرفون السالفه
اماني : شلون شلون شلووووووون وش صاااير من دون علمي هاا
اميره: تكلمت الملقووفه استلموا يلا
ام فؤاد: مو صاير شئ يلا روحوا هناك
اماني: الا صاااير وصااير وابي اعرف يلا
اميره: علموها لايطق فيها عرق وتموت علينا
ام فؤاد: بسم الله على بنتي
اماني: يلا دام اني بنتك وتحبيني علميني

طالعت ام فؤاد في خواتها اللي طالعوا بعض وضحكوا
ام فؤاد: السالفه ومافيها ان بنت خالتكم جاها نصيبها
اماني وهي تضرب على قلبها: شلووووووووون من وراناااااااا
ام فؤاد: هب بسم الله الرحمن الرحيم
ام ريان: مو من وراكم ماصار شئ للحين
ديمه: والخاااااينه ماقالت لنا خلونا نعلمها الادب يلا وراااااي

طلعوا البنات ورا ديمه يدورون جوري لقووها جالسه عالكرسي وسرحانه
اميره: خااااااااينه خاااينه ناكره العشره والجميل والمعروف وكل شئ
اماني وهي تشد شعر جوري: كذا تنخطبين واحنا مانعرف
ديمه وهي تقرص جوري برجلها: هين هين ان ماخليناك جربا حولا تفشلين ماانكون شلة البراقع وربي لاخليه يندم انه خطبك
جوري وهي بتموت منهم: خلاااااااااااااص مناك يلا ايي يعوور بببس
اميره: احسن تستاهلين هذا ولاشئ .. بسرعه اقري واعترفي وش اسمه
ديمه وهي تقرصها اكثر: يلا اسمه وعائلته ونفك عنك
جوري وهي تعاني: ماجد الـ....
تركوها وجلسوا حولها
قامت تعدل شعرها وملابسها
جوري: اوووف ذبحتووني
ديمه: ماجد مو هذا خوي اخوك فارس
ابتسم اميره لهالطاري
جوري: اي هو ماغيره
اماني: اعترفي شافك من قبل ولا خطبك على عمى
جوري: ياربي ايش هالمصطلحات اللي تستخدمينها ..
اميره: جاااوبي يلا بسرعه لاتتهربي
جوري بخجل: اي شفته وشافني
اميره: اياقليله الادب ماهقيتك تسوينها شلوون تواعدتوا في وين بأي مجمع
جوري : اقول عن الغباء انتي وياها شفته بالصدف مع فارس ياجعلكم المرض قالت تواعدنا قالت
مااسويها ولااعرفه غير بالشكل
اماني: اهااااا على بالنا بعد تسوين حركات البنات الدشير العرابجه من ورانا
جوري: خخخخخ لالا مااسويها انا
اميره: واخوانك عندهم علم؟
جوري: بس فارس سعود مايدري
ديمه: طيب وابوي مايدري بعد خلووني بروح اقووله
جوري وهي تسحب ديمه: اقعدي هنا وش تقولين له الكبار هم اللي يتفاهمون مع بعض
اماني: هو حلوووو؟؟
ابتسمت جوري من كثر الفرحه مو قادره تعبر
اميره: لحوول مشكله البنات اللي ينخطبون يستعملون كرست كثيير يلا قولي حلوو ولا
جوري: اي بصراحه هو وسيم
اماني: كم طوله؟
جوري: ماقايسته تصدقين .. امحق من سؤال
اماني: لا في حدود كم هو طويل ولاقصير
جوري: اممممم اطول من فارس شوي
ديمه: وااوو ناايس تيب اممم كيف جسمه رياضي ولا متيين ولا عصاقيل
جوري: سؤال بايخ لك نجمه سودا عليه
ديمه: خخخ لا جد
جوري: وربي ماطالعت جسمه طيب .. شايفيني شنوو اجلس اغازله من فوق لتحت
ديمه: اووف من ذي البقره يااختي بشكل عام نقصد متين ولاضعيف
جوري: لاوسط زين
ديمه وهي ترمي ورقه كرتون بوجه جوري: مااخذنا منك لاحق ولاباطل
مشوا البنات وتركوها بعالم وردي مع فارس الاحلام ماجد

..............................

وصل خالد وحطوا العشاء بعد مايحتاج نقول ان عند الشباب عالعشاء انوااع الفله والمسخره
وعند الحريم انواع الحش بخلق الله
بعد العشاء رتبوا المكان وتفرقوا اللي راح المسبح واللي يلعب كوره واللي يلعبون تنس
دينا مع امل واسماء يتمشون لوحدهم ...
اسماء مبتسمه ومرتاحه هالشئ واضح من عينها .. دينا حزينه رغم الابتسامه المكسوره على شفايفها
امل .. مبتسمه براحه مافي شئ يعكر مزاجها الصافي ..
ياترى هل هو الهدوء ماقبل العاصفه اللي بتهب على حياة امل وتغيرها؟؟
كل شئ وراد

اسماء وهي تجلس ويجلسون حولها : اييه شفيكم ساكتين
امل: انا والله اثر العشاء على كل شئ فيني خلاص ابي بس الفراش
اسماء: مالت عليك لسه الساعه 11
امل: شنسوي بعد اييه دندوون اخبار الشغل معاك
دينا: والله على حاله مافيش جديد الا..
كانت بتزلق وتقول لهم على الجلسات اللي تسويها مع خالد بس تذكرت انه وصاها ماحد يعرف
امل: الا شنو كملي
دينا: امم الا اني اتجهز لدوره جديده ابي اضمها لسجل دوراتي ومؤهلاتي
اسماء: الا وهي
دينا: خلاص قررت ادرس البرمجه اللغويه العصبيه من جد عالمها مثير وحلووو
اسماء: وش هي البرمجه هذي؟؟
دينا وهي ترفع شعرها الطويل بمشبك : شوفي هذا علم تطوير للذات ..
ناس كثيرين تغيرت حياتهم جذريا وللاحسن بعد هذا العلم
اسمي هالعلم علم المعجزات .. من جد رائع
اسماء: معقووله شلوون يعني؟
دينا: يعني شوفي هالعلم يخليك تعرفين مكامن في شخصيتك وفي نفسك انتي تجهليها
او تكون موجوده وتعرفيها بس عاجزه عن ابرازها للناس
هالشئ اللي يخلي نسبه النجاح في حياتك ضئيله .. فاهمه كيف؟
طبعا في اقساك كثيره لهالعلم ماهو قسم واحد
بروح البحرين في الفتره الجايه واحضر دوره لابراهيم فقي استاذ كبير في هالعلم
امل: يااختي انتي ماتملين من الدراسه خلاص ارحمي نفسك
اسماء: اي والله كيف متحمله مامليتي
دينا: هههه شحارنكم احب اعرف كل شئ .. هالشئ بيفيدني بحياتي ماراح يضرني
امل: الله يهدييك .. انا نعست يابنات برووح انااام
اسماء: وانا بعد..بتنامين دينووو؟
دينا: لا بتمشى شووي هنا
اسماء: اووكي يالغلا تصبحين على خير
دينا: وانتوا من اهله

دخلوا الثنتين طالعتهم دينا لين دخلوا غرف النوم لفت الشيله على راسها زين حست ان الجو برد شووي
شغلت الراديو بجوالها وكانت اغنيه فيروز شادي

جلست على طرف النافوره الكبيره اللي توزع المويه بجميع الاتجاهات.. وشكلها مره حلووو
قامت تحرك الماي بيدها وهي مبتسمه...

طلع مساعد من الغرفه ومعاه سعود وهم يضحكون ...
لمحوها من بعيد

مساعد: من هالجنيه اي وحده فيهم
سعود: مدري مو باينه يمكن اسماء جوري مدري والله
مساعد: تعال نسوي هجووم
سعود: شناوي عليه يامجرم
مساعد: شوف احنا نمشي وراها ولما نوصل نصارخ بصووت عالي
سعود: لاخالي فشله اخاف تطلع وحده من بنات خالتي لو جوري او اسماء عادي
مساعد: ياشييخ تعال كلهم خواتك
سعود: اخاف تطيح في المويه
مساعد: خخخخخ لاتعاال

ومشوا الاثنين بخطوات بطيئه دينا كانت عاطيتهم ظهرها يعني للحين ماتوضحت ملامحها وماعرفووها
لما قربوا كانت مايله عالنافوره حيل وتحرك الماي يعني بس لو تشيل يدها اللي مستنده عليها تطيح
صفقوا مع بعض وصارخوا بصووت عالي
دينا من الخوف شالت يدها بس نست انها مايله وكانت بتطيح في الموويه ..
سعود كانت الاقرب لاشعوريا سحبها بقوه لبره حس ان يدها انفصلت من مكانها من قوته

مساعد ماتوقعها دينا وحس ان سعود انحرج ودينا اكثر لان وجهها انخطف لوونه

مساعد وهي يحس بتأنيب الضمير ويقرب من دينا: دينوو اسف ماتوقعتك انتي .. اسف والله توقعت اسماء ولا وحده ثانيه
دينا ولونها مخطوف ومو مستوعبه الوضع وترجف: لاعادي عادي عن اذنكم
كانت بتمشي بس سحبها خالها: يادبه شفيه لونك مخطوف يمه لايصير فيك شئ ماعندي فلوس اعالجك

ابتسمت بارتباك وراحت عنهم .. اما سعود كان مكشر ومنزل راسه .. يفكر كيف بهالسرعه سحبها لبره ..
اراهن ان يدها جاها شئ من قوه يدي

دينا كانت تمشي وهي ودها تبكي تصارخ ماتدري شلوون
لانها خافت من جد وقلبها للحين يرجف ...
وسعود جاء وكمل عليها
حطت يدها على كتفها حست بألم ..
سحبني بقووه زين ماشال يدي من مكانها
ايييي تعوورني
كشرت وهي تحس باالالم في مفصل يدها

نرجع للشباب
مساعد: يااخي خلاص لاتعصب ماصار شئ
سعود: خالي شلون ماصار والله احراج مسكت يدها
مساعد: قصدك شلت يدها من مكانها ..
سعود: اوف فشله كله منك ومن افكارك المعفنه يااخي انا ليش اماشيك المفروض اخلى غيري يتحمل نتيجه افكارك
مساعد: لحووول ماصار شئ يااخي واذا على انك مسكت يدها .. جات بالغلط صحيح عيب بس بدون قصد منك
وكانت البنت بتطيح في الموويه وبعدين بتصير زوجتك يادب

ابتسم سعود لخاله مايدري ليش هالمره ابتسم رغم انه كل مره يكشر
مافي شئ يبقى على حاله

مساعد: الا رزان وينها خليني العب معاها كوره
سعود: كوره الحين الساعه الف تبي يطلعوا لك
مساعد باستهبال: من يطلع لي؟
سعود: انت العب وصارخ وشوف من يطلع لك من تحت الارض
مساعد: فال الله ولافالك بعدني صغير ماعرست
سعود: وش اللي مانعك ياخي اعرس معي بيوم واحد..مابقى غيرك وغير خلوود
مساعد: اذا عرس خلوود بعرس
سعود: يعني بعد الف سنه
مساعد: ايوووه عليك لمبه
سعود: يلا ننام بكره ورانا شغل فديتها اختي بشتاق لها والله اذا راحت
مساعد: هذا حال الدنيا ..
سعود: اييه بس الحمدلله واخيرا بشوفها مستقره مرتاحه وبيرتاح بالي
مساعد: الحمدلله وفؤاد مايتعوض ان شاء الله يعوضها عن كل شئ
سعود: ان شاء الله يلا ننام
مساعد: مو نعسان نام انت
سعود: اووكي يلا جود نايت

دخل سعوود ومساعد راح لعند غرف البنات ودق باب غرفه جوري وديمه واميره
ديمه: ويلكم

دخل مساعد كانوا البنات مطفيين الانوار ومشغلين راشد وجوري سرحانه
مساعد: ماااااالت عالرومنصيه هااا مانمتوا
ديمه: لاوالله هذا احنا سوالف
اميره: اقعد خالي
مساعد وهو يطالع جوري: لاانا ابي هذيك السرحانه
جوري وهي تقوم وتبتسم: هلا حبيبي هلا خالي هلا والله
مساعد: سرحانه هاا تعالي بسولف عندي لك سوالف
قامت جوري واخذت شال خفيف ولفته عليها
ديمه: واحنا خالي ماننفع نجي معاكم
مساعد: اخرسي اريدوو فقط جوري..هيا ياجوري اطمري لبره
جوري: خخخخ يلا

طلعوا تمشوا بره ...
مساعد: تعالي يامال العافيه نجلس هناك عالكراسي

جلسوا على كرسين والفاصل بينهم طاوله صغيره
جوري: والله من زمان ماسولفنا خالي
مساعد: منك مو مني انا ليل نهار اسولف بس انتي نسيتني اهئ اهئ

وسوى مساعد نفسه يمسح دموعه بثووبه
جوري: لاياضنايه مش ممكن اشوف دموعك دي غاليه عليا اووي امسحها ياسعوودي امسحها
مساعد: يلا علميني في شنو كنتي سرحانه
جوري ببتسامه رهيبه: ابد ولاشئ
مساعد: شلون ولاشئ حد يسرح في الفراغ ولاانتي جنيه من عالم ثاني وعندكم هالنظام
جوري: اي عندنا
مساعد: اخلصي يلا
جوري: خالي انا عتبانه على امي
مساعد: ليش
جوري بارتباك وهي تشبك اصابعها: اممممم في موضوع خاص فيني
مساعد: خاص فيك
جوري: المفروض امي خبرتكم بس مدري ليش للحين يمكن انشغلت في اسماء ماادري جايز
مساعد: تكلمي شصاير
جوري وهي تتكلم براحه لانها متعوده على خالها وتعتبره اقرب صديق لها: تعرف ماجد خوي فارس اخوي
مساعد: اكييد شفيه؟؟
جوري ببتسامه خجل : اممم عمته كلمت امي من اسبوع و..
مساعد وكانه عرف الموضوع : وايش؟
جوري: وخطبتني له
مساعد وهو منصدم: شنووو.. صباح الخير كان لاقلتوا لنا بعد
جوري: لهالسبب عاتبه على الوالده المفروض حتى عمي عرف من زمان مدري ليش للحين ساكتين
مساعد: يمكن مو موافقه !!
دق جوري قلبها بسرعه
جوري : تتوقع؟
مساعد: مدري بس ليش ماخبرتنا لهالدرجه رأينا مو مهم ولاشنو بالضبط
جوري: لاخالي لاتقول كذا انت رايك مهم بالنسبه لي بس اكيد انشغلت بالتجهيز مع اسماء
مساعد: خلاص انا بكره بكلم ابوريان وبشوف رأيه .. بس انتي شرايك؟
جوري ببتسامه : مدري الراي رايكم
مساعد: اي اكيد الراي الاول والاخير للرجال وخاصه عمك بس بعد ماراح يغصبوك عليه
جوري: مدري اسأل عمي وشوفوا المناسب

سكت مساعد حس ان جوري موافقه لانها مارفضت اصلا ومرتاحه
مساعد: تبينه صح؟
جوري استحت ليكون باين علي ويي فشله شقول الحين..
مساعد: ماتردين على بالك مااعرفك عيونك تفضحك جاوبيني تبينه؟
جوري: اووه خالي قلت لك شاور عمي وشوف
مساعد: جوري حبيبتي هذي حياة عشره عمر مو شهر ولاشهرين فكري رايك اهم من الكل
جوري: ليه انت شايف على الرجال شئ؟
مساعد: لا مو كذا بالعكس ماجد مايتعووض ومافي منه وشرف انه يناسبنا بس بعد انتي اللي بتعيشين وياه
مو احنــا .. فكرتي زين ؟
جوري: خالي شوف تعرف اني اعزك واحبك ومااخبي عليك شئ صح؟
مساعد: صح لهالسبب ابي اعرف اللي بقلبك
جوري: خالي بتكلم بصراحه واعذرني على صراحتي بس ماراح اخبي عليك شئ .. ماجد نعرفه ونعرف اهله من زمان
وبحسبة اهل صح؟
مساعد: صحيحين
جوري: واحنا ماشفنا منهم الا كل خير .. مدري ارتحت للموضوع واستخرت كمان وحسيت براحه ..
مدري انت شاور عمي ان رفض بحترم رايه لانه مو عمي لانه ابووي ولازم اسمع شوره
واكيد ماراح اطلع من شور اهلي اللي ربوني علشان رجال
وان وافق والكل وافق بقول لكم الراي رايكم اكيد اهلي ماراح يرموني على رجال والسلام ماراح تختاروا لي الا رجال
ينرفع فيه الراس ونفتخر بنسبه
مساعد: كفوو ببنت اختي تعجبيني ... بس بعد فكري مره ثانيه وانا بكره بخبر عمك ونشووف
جوري: خلاص سوا اللي تشوفونه زين .. يلا عااد خالي انت بعد فكر بالعرس ونسويها بيوم واحد
مساعد: ههههههههههههه اماا بيوم واحد انا وانتي انواع الفله
جوري: خخخخ تخيل هذاك اليوم بنخربها
مساعد: لاانتي اللي يوفقك مع نصيبك مهما كان واسماء مع فؤاد ودينا مع سعود اما انا مأجل هالموضوع حتى اشعار اخر
جوري: اوووف خاالي خلينا نفرح فييك ونشوف عيالك لين راسك
مساعد: جوري انتي تعرفيني بحكم انك اقرب انسانه لي .. تعرفيني مزاجي .. الحين اضحك بعد شوي اعصب واصارخ
صعب القى وحده تفهمني صعب
جوري: لاخالي مو صعب وحتى لو البنت مافهمتك في البدايه اكيد مع الايام راح تفهمك
يلا خالي
مساعد: لاتحاولين وبعدين حتى لو فكرت مو الحين .. تخيلي كلنا مره وحده شنو بنسوي زواج جماعي
جوري: هههههه اي والله ...
مساعد: ماشفتي دينا؟
جوري: الا شفتها جات اخذه مخده من غرفتنا وراحت تنام
مساعد: ههههههههههههههههه طيب
جوري: يؤؤ شسالفه ليش تضحك

وعلمها بالسالفه اللي صارت مع سعود ودينا

جوري: هههههههه انواع الاحراج مسكينه اشوفها مو عارفه حتى تتكلم
مساعد: اي والله ...

سمعوا صوت ضحك لفوا شافوا فؤاد يمشي مع اسماء وهو ماسك يدها وتوجهوا للناحيه المعاكسه
مساعد: ياعيني ياعيني
جوري: بالله ياخالي ماتتمنى تتمشي بهالجو الحلو ومعاك وحده قمر تسايرها وتسايرك
مساعد: الا اكيد بس بلقى اللي في بالي؟
جوري: ان شاء الله تلقاها ان شاء الله ... يلا خالي تأخر الوقت قووم ننام حتى نصحى بدري
مساعد وهو يقوم: يلا سي يوووو
جوري: سي يوو

وتفرقوا كل واحد لغرفته ..

نروح لبسمة الحب والامل في قصتنا >> متعوب عليها الجمله خخخ
اسماء وفؤاد

فؤاد كان لابس شورت اسود وقميص بيج طالع خيال واسماء ماتعودت تشوفه كذا
لانها متعوده تشوفه رسمي بالثوب والشماغ
واسماء لابسه بنطلون اخضر زيني واسع وبلوزه بيضاء وتاركه شعرها على اكتافها
جلس عند شجره كبيره مد يده لاسماء
اسماء عطته يدها بخجل وجلست جنبه تحت هالشجره
اسماء: فؤاد هذي شجره ايش حيل كبيره؟
فؤاد: مدري والله .. تخيلي من فوق يطيح عليك جني
اسماء وهي تضربه على يده: اوووه لاتخوفني بدون شئ انا جبانه
فؤاد: هههههههه مجنون هو يطلع عنك هو اللي بيخترع ويخاف مو انتي
اسماء بعصبيه: شقصدك انا اخرع
فؤاد: هههههه فديت العصبيين انـا
اسماء: دب

تنهد فؤاد براحه وهو يطالعها ...
اليوم طالعه اسماء غير احلى من قبل يمكن سعادتها عكست هالشئ لبره وزادتها رونق وجاذبيه
طارت خصله من شعرها الاسود على وجهها ..
حسها فؤاد بهاللحظه ملاك بجمالها ..

رجع خصلة الشعر لورا اذنها هي ابتسمت ونزلت راسها ..
اسماء رفعت راسها لقته لسه يطالعها
اسماء: فؤاد لاتطالعني كذا اقوم ترى
فؤاد: علشان اذبحك خليك
اسماء: خلاص لاتطالعني
فؤاد وهو يغمض : خلاص بغمض وبسولف كذا
اسماء: هههه لا كيف مااعرف اسولف كذا
فؤاد: خلاص انتي قلتي لاتطالع
اسماء: افتح عينك يادب
فؤاد وهو معاند: لالا مافيه
اسماء وهي تضحك واضربه بشويش على خده: افتحها يلا
مسك يدها اللي ضربته فيها بقووه
فؤاد: تضربيني يادبه؟
اسماء: هههه اترك يدي لاتعورني
فؤاد: تضربيني انا؟ هييين ان ماعضيتك خليتك تموتين من الالم هنا
اسماء وهي تحاول تسحب يدها: لالا تكفى لاتعضني مااقدر عالعض يادب خلاص اسفه
فؤاد وهو يترك يدها: حبي راسي يلا
اسماء: حلم ابليس في الجنه
فؤاد: طييييييييب يادبه اللي يكلمك خلاص مااكلمك مخاصمك

وقام يمشي راحت وراه وهي تضحك ووقفت بوجه صار هو يمشي وهي مقابلته وتمشي على ورا
اسماء: هههههه ياحساس امزح
فؤاد: خلاص بعدي عني ماتمزحين
اسماء: ياشينك اذا زعلت والله امزززح خلاص ماامزح ثاني مررره

ابتسم فؤاد بخبث جاته فكره رهييبه استغل طريقه مشيتها وحاول يمشي لطريق المسبح الخارجي اللي للاطفال
اسماء وهي لسه مقابلته وتمشي على ورا: زعلت؟ اووه لاتسكت تكلم قول اي شئ
فؤاد: خلاص زعلت ..
وصلوا للمسبح هي ماانتبهت وهي تمشي طرااااااااااااااااخ طاحت فيه المسكينه
فؤاد من الضحك انسدح عاالارض وهو ميت ضحك
اسماء وهي تطلع من المويه : يااااااااااااااااااانذل كذا تسوي فيني هيين هيين

طلعت من المويه وهي تمسح وجهها وشعرها
اسماء وهي من جد معصبه: مو حلوووه ترى ولاتضحك
فؤاد: هههههههههه صااااااادووه وربي تحفه شكلك وانتي تطيحين
اسماء: لاوالله يانذل هين اضحك هنا بروحك ولاتحلم اكلمك بعد هاللحظه

مشت وهي مقهووره راح وراها وسحب يدها لعنده
كانت منزله راسها وهي ودها تصيح من القهر
فؤاد: هههههه حبيبتي كانت مزحه ههههههههه لاتزعلين خلاص
اسماء وهي تسحب يدها بقوه من يده: اي اضحك علي ياقاسي ... روح عني خلاص
فؤاد: افا حياتي امزح مثل ماانتي تمزحين
اسماء: انا ماطيحتك بالمسبح ياقااسي ماتهون علي اخليك تطيح وتتبلل
مشت عنه هو مستاانس على جملتها الاخيره ولحقها
فؤاد: يابعد عمري انتي ياحليلك وانتي زعلانه
اسماء وهي توسع خطواتها وتمشي عنه بسرعه: لاتكلمني مناك يلا
فؤاد: ادخلي غيري ملابسك وانا انتظرك هنا
اسماء: لو تنتظر للصباح ماراح اجيك انتظر بروحك
فؤاد: انا بنتظر اذا لك قلب تخليني هنا بروحي سويها بس اعرف قلبك طيب ماتسويها

دخلت لبست بيجامه ورديه اكمام ونشفت شعرها تركته على اكتافها لين يجف زين
وطلعت له ... شافته واقف ومنزل راسه شكله يفكر

قربت منه
اسماء: احم
فؤاد وهو يرفع راسه لها: نعيما
اسماء: تسخر علي هااا
فؤاد : هههههه يعني اذا ماسخرت معاك اسخر مع منوو بنات الجيران
اسماء: علشان اذبحك
فؤاد: تغارين يعني؟
اسماء: يعني زوجي ويلعب مع بنات الجيران تبيني اضحك وارقص له
فؤاد: مابتنامين؟
اسماء وهي منزله راسها : خايفه
فؤاد: من شنو؟
اسماء: من بكره .. مو مستوعبه اترك امي واخواني وبيصير معاك
فؤاد وهو يمسك يدها ويمشون مع بعض...
فؤاد: تبين ترجعين معاهم يعني؟ تروح الحفله عالفاضي؟
اسماء: عادي ارجع البيت معاهم؟
فؤاد: عادي بس حطي في بالك اني بكون غاضب عليك ساعتها تلعنك الملائكه
اسماء: لاخلاص بروح وياك .. بس بنام مع امل بغرفتها
فؤاد: لا حلفي انتي بس والشقه اللي مسويها لنا اسكن فيها سواقنا؟
اسماء: نام فيها بروحك مو متعوده اقعد وياك بمكان لوحدنا اخااف
فؤاد: لحووووول يعني بدال ماتكونين جنبي في اول ليله لنا مع بعض تنامين مع هالنخله اموول
اسماء: طيب بنام بالغرفه وانت بالصاله
فؤاد: خلاص حااااااضر من عيووني بس بره الشقه لا
اسماء بفرح: جد بتخليني بالغرفه لوحدي؟
فؤاد بخبث يبتسم: اي كم اسماء معي انـا وحده لو تطلب عيوني بعطيها
اسماء ارتاحت من مخاوفها لانها بتنام لوحدها بالغرفه...

وبعدها كل واحد توجه لغرفته ونـــــــــام

الكل نايم والمزرعه هدوء

بس في شئ معكر هالهدوء الفضيع
دقات قلب حائره في وسط هالظلام
ترتفع روحها للجو تبي تلاقي اي بريق للامل بس عبث
تبي تلاقي شئ يبعد مخاوفها والامها بس عبث

اميره,,

الحائره مع حب شبه مستحيل ..
قامت تتذكر المواقف اللي صارت مع فارس اليوم
كان موجه اهتمامه لديمه واماني وهي كانت ساكته وتسمعهم
صحيح انه حس بسكوتها وسألها شفيك بس هالشئ مايبرد حرتها

اميره بصوت منخف تنادي على ديمه: ديموووه
ديمه وبصوتها نووم: هااا
اميره: نمتي؟؟
ديمه: اي تبين شئ؟
اميره: لاخلاص نامي

لفت ديمه عالناحيه الثانيه وكملت نومتها

اميره وهي تكلم نفسها..
الكل نايم مرتاح
الا عييني ماتبي ترتاح وتغمض
كيف تنام والقلب مشغول فيك يافارس
كيف يهنا لي النوم وانت بعيييد حييل مو حاس بناري وشوقي

ايييه الله يعيني عليك بس مااكون اميره ان ماخليتك تحس وتقرب مني
بتشووف وش بسووي
لين متى ببقى حايره
جاء الوقت اللي تحس بحيرتي وناري ياولد خالتي

صباح اليوم اللي بعده كان شوي مغيم ..
هالشئ ينبأ بسقوط امطار ربيعيه

هل هالشئ بيأثر على جو قصتنا ويصير شئ غير متوقع؟؟

الساعه 10 الكل مشغول..الكل فرحان يجهز لهالليله البسيطه في شكلها الكبيره في مضمونها..

ليله راح تكون فيها اسماء ملك فؤاد بكل مافيها جسدا وشعورا..

راح تكون معاه بعالم خاص جدا..
عالم الكل ممنوع يدخل ماعدا هالشخصين..

ديمه جالسه مع امها وابوها ومعاهم ريان اللي لازالت علاقته متوتره مع ديمه من بعد ماصارت سالفة الجيتار..

ام ريان: يعني غريبه قايمه من بدري
ديمه وهي تاكل التوست: لاني نمت بدري...
جات بهالوقت لطيفه ببتسامه مشرقه كانت لابسه جلابيه بيج ناعمه تناسب المكان والزمان..

لطيفه: صباح الخير..
الكل: صباح النور
لطيفه: وين رامي ؟
ابوريان: يابتي خليهم ينطلقوا ياخذوا راحتهم
لطيفه: عمي اخاف عليهم
ام ريان: ماراح يجيهم شئ بأذن الله
ريان: ايييه لي الله انا
ام ريان: تكلم الغيور
لطيفه: كلكم على عيني وراسي
ديمه: ايي متى انخطب مثل جوري ويحد يعبرني

ابوريان وقفت وسكنت حركته لما جابت بنته هالطاري
ديمه حست انها تسرعت لان ابوها للحين مايعرف

ابوريان وهو مذهول: جوري بنت اخوي؟
ريان وهو منصدم: متى صار هالحكي؟ جوري بنت عمي انخطبت؟
ديمه: أي من اسبوع
ام ريان: انتي وجع قومي داخل
ابوريان يقوم مثل البركان الهايج: لاخليها تكمل .. ياسلام عليكم بنت اخوي تنخطب والبزارين يعرفون قبلي ..

طلـع ابوريان راح للمجلس الثاني لفى ام سعود وسعو وفارس يفطرون
دخلت عمهم عليهم بهالطريقه اربكتهم

سعود وهو يقوم: خير عمي عسى ماشر
ابوريان وهو يكلم ام سعود: بارك الله فيك يامرت اخوي
ولاعلشان اخوي مات خلاص قمتوا تتصرفوا من وراي
يكون بعلمك ياام سعود عيال اخوي عيالي مصلحتهم تهمني
ام سعود وهي مدهوشه من كلام ابوريان وتقوم من مكانها: مو فاهمه شئ يابوريان شصاير؟
سعود وهي يقوم بعد: عمي عسى ماشر ؟
ابوريان: عندك فكره ان اختك جوري انخطبت, مو من الاصول ان عمها واللي بحسبه ابوها يعرف هالشئ..ولا مو معتبريني ابوها وبتقررون بكيفكم
ام سعود: يابوريان هدي بالك الحرمه كلمتني بس من اسبوع
سعود وهو مندهش ويلف لامه: جوري انخطبت؟ من خطبها؟ ليش ماحد قالي
فارس: ياجماعه الخير صلوا عالنبي عمي تفضل انا بخبرك كل اللي صار
دخلت ام ريان عليهم وراحت لعند زوجها حتى تهديه وجلس الكل..

حكى لهم فارس كل شئ يعرفه واللي مايعرفه كملت عليه امه..

ام سعود: وهذا كل اللي صار يابوريان..ماله داعي تعصب وتقول هالكلام انت عارف زين ان جوري بنتك وراح تبقى بنت وانت اللي بتقرر نهايه هالموضوع
ابوريان بعد ماهدأ: حصل خير ياام سعود وسامحيني دخلت عليكم معصب بس فار دمي
ام سعود: مسموح ياابوريان ماصار الا كل خير
ابوريان وهو يكلم فارس: وهذا خويك يدرس ولا يشتغل
فارس: ياطويل العمر هو سابقني بسنتين ومتخرج من الكليه اللي ادرس فيها
ابوريان: يشتغل ولا؟
فارس: الحين يطبق بالمستشفى باقي خمسه شهور ويخلص التطبيق وبعدها ان شاء الوظيفه

قطع عليهم كلامهم دخول مساعد اللي كان بيده بايسن ..
مساعد: صباح الخير
الكل: صباح الخير

وجلس جنب سعود
مساعد: ها في من تحشون
ام ريان: نتكلم في موضوع جوري
مساعد: اوووه حركاات طيب كان ناديتوني ولا انا مو خالها
ام سعود: لحوول بتزعل بعد خلاص البنت بنتكم انا بسكت
ام ريان: ههههه حرام عليكم طفرتوا اختي
ابوريان: يعني لسه ماتوظف شلون نعطيه بنتنا وهو مايشتغل
ام سعود: ياخوي الحرمه قالت لي خطوبه واذا توظف ووافقنا يملكون ان شاء الله..
ام ريان: يعني تفكير الحرمه زينة العقل مايبون ياخذون البنت وولدهم مايشتغل
سعود: انت عمي شرايك؟ ماتحس انه صغير
فارس: شنو صغير عمره 24
سعود: انت تقول سابقك بسنتين
فارس: لا ماجد مادخل الكليه اول ماتخرج ,, لان ابه مرض وصار جالس معاه ..
يعني هو اكبر مني بأكثر من سنتين بس انه سابقني في الدراسه بسنتين
سعود: اهاا قول كذا
ابوريان: مساعد انت تعرف الولد؟
مساعد: أي والله يابوريان اعرفه ولد ماينرد

جوري صحت من النوم وجات بتدخل الصاله بس اسم ماجد وقفها مكانها...
وقفت ورا الباب تسمع كلام الكبار..

ابوريان: انا خبري في ماجد من زمان .. مااذكره والله..
لازم اشوفه .. ونسأل عنه
فارس: عمي راح تسألون مين مافي حد اقرب لماجد مني...سألوني انا
وانا مستحيل اوافق عليه لانه بس صاحبي
ماجد رجال كفو ماراح احصل حد يحفظ اختي اكثر منه
سعود: لانه صاحبك بتدافع الحين... حتى لو هو خويك وصديقك ..
ماراح نرمي اختي عليه

جوري كشرت وغمضت عينها.. ياربي شلوون يعني لازم يطولوها وهي قصيره...اخوي وخالي يعرفونه ليش بعد ياعمي بتسأل عنه

ابوريان: خلوني افكر واشاور البنت واشوفه وبعدها يصير خير
مساعد: هذا الرأي السليم..
سعود: خلاص عمي ابي اكون وياك وقت اللي تشوفه
ابوريان: اكيد انت وفارس ومساعد وحتى ريان.. ان شاء الله بعد يومين اعزمه عندي بالبيت ونجلس معاه
سعود: تم ياعمي..

طالع مساعد ناحية الباب لمح ظل حد واقف ...
شك انها جوري ماحد غيره يهمه هالموضوع

مساعد قام وطلع وسكر وراه الباب شافها واقفه سرحانه
مساعد: واقف تتسمعين كلامنا ها؟
جوري اختلعت ونقزت: هاا بسم الله الرمن الرحيم خوفتني
مساعد: اقول مالت بس ليش واقفه ؟
جوري: شلون ادخل عليكم يعني واقول لعمي ممكن اقعد واسمع
مساعد: مدري عنك لهالدرجه مهتمه بالموضوع
جوري: نوعا مـا
طلعت جوري من البوابه اللي مقابلها وطلع معاها خالها...

.......................



بمسبح الاطفال رزان تسبح وعند المسبح جالسه الخادمه تراقبها...
جاها سعود وكلمها..

سعود: روز انتبهي زين لرزان .. لاتغفلين عنها اوكي
الخادمه: اوكي بابا دونت وووري
رزان : بابا تعال معي
سعود: هههههه تخيلي يعني اسبح معاكي بهالمسبح الصغيرون...
رزان وهي تطلع من المويه وتروح لابوها وتتدلع عليه: بابا علشاني
سعود وهو ينزل لمستواها لانها قصييره وهو ماشاء الله طول بعرض
مسك يدينها الصغار وباسهم: لابابا انتي العبي وانا بطالعك...وبعدها نلعب تنس شرايك؟
رزان وهي تحضنه: يييس يسسس وبعدها نركب على خيل عمي فارس
سعود: لالا كل شئ ولا الخيل مافيه
رزان بزعل: ليش بابا
سعود: اخاف عليك تطيحين ويجيك شئ
رزان: انت اركب معاي وامسكني
سعود وهو يحضنها: هههههه من عيووني كم رزان عندي

كانت تراقب هالموقف على بعد .. ابتسمت لما حضن بنته..
حنون طيب مع بنتك وبس...
لا مع اخوانك بعد وامك..
مع الكـل..

الا معاي !!
ليش الله الوحيد العالـم..
يمكن لانك تكرهني مثل مااكرهك؟
جايز.. الا اكيد مليون بالمئه..

رزان انتبهت لدينا اللي وقفت تطالعم ونادتها
رزان: خالوو دينا تعالي اسبحي معاي
سعود لف بسرعه لوراه وشافها صحيح..
حست انه الحين بيجي يكفخها

دينا من بعيد: حبيبي رزان انا بدخل شوي داخل وبعدها بجيك اوكي؟
رزان وهي تبتسم ابتسامتها البريئه: اوكي

لفت الناحيه الثانيه حتى تمشي..
سعود : رزان بروح شوي وبجي لك

راح لعند دينا..
سعود: دينـا

نزلت راسها وهي تفكر..ياربي شقوله الحين
بيقول ليش كنتي تراقبيني مع بنتي
اقوله لقافه بنات؟

دينا وهي تلف وتصطنع ابتسامه : ياهلا سعود
سعود وهو يمشي لين صار مقابلها: هلا فيك..امم شلونك
دينا باستغراب: بخير انت شلونك
سعود: بخير بعد

كان ودها تضحك بس ابتسمت ومسكت الضحكه
دينا: خير امر بغيت شئ سعود
سعود: من انا؟
دينا: لاولد الجيران أي اكيد انت من غيرك سعود هني
سعود: لا سلامتك.. بس اممم انا اعتذر عاللي صار امس
دينا وهي تتذكر اللي صار وتحط يدها اليمين على ذراعها الايسر
دينا: اعتذر لها كنت بتشيلها من مكانها
سعود: اعتذر لك ولها وماكان قصدي بس مساعد كان صاحب الفكره
دينا: ادري وحصل خير
سعود: يعني ماتعورك الحين؟
دينا: شووي..بس عادي يروح الالم
سعود: امممم دينــا
دينا: هلا
سعود: ابي اكلمك بموضوع
دينا وقلبها يدق بخوف: ايش هالموضوع؟
سعود: ليش عندنا موضوع غيره؟
دينا: متى؟
سعود: مو الحين الليل لما يهدأ الجو
دينا: ان شاء الله

سكت وهو يطالعها.. ليش اكرهها البنت محترمه معاي لابعد درجه
بس الكره والحب من الله
كذا من ربي اكرهها او بمعنى اخر مااتقبلها ولا اهضمها

دينا: بعد بغيت تقول شئ؟
سعود وهو يبعد خطوه لورا: ابد سلامتك كملي طريقك
دينا: الله يسلمك .. الليل موعدنا
سعود: انتظرك ..

ابتسمت باحترام وبعدت لما لفت الناحيه الثانيه..
كشرت.. مسوي لي فيها محترم مع وجهه
ممكن وممكن لاويعتذر بعد مدري هالتواضع والسنع من وين نازل عليه
بصبر لليل وبشوف وش بيقول

........................

ديمه جالسه تنتظر اميره تطلع من الحمام
ولما طلعت...

ديم ه: شوفي تراه عند خيوله بالاسطبل
اميره: جد؟ فديته خلينا نروح طيب
ديمه: سمعيني الولد لمح لنا ان فيه بنت بباله وتقرب له ياحلووه
باقي ينطق اسمك.. ويعترف لك بهالحب
اميره وهي تحط يدها على راسها وتسوي تفكر: يعني؟
ديمه: يعني ياستيوبيد لبسي عبايتك ونروح له الاسطبل ونستغل هالجو الشاعري الرومنسي ونخليه ينطق
اميره: الحين خياس الاسطبل صار جو رومنسي
ديمه: أي رومنسي لاتنسين انه المكان المفضل لفارس..
اميره: طيب ايش بنسوي؟
ديمه: شوفي انا بروح معاكي هناك بعدها بطلـع واخليكم
اميره: لااستحي خليكي معانــا
ديمه: لحووول ياغبيه شلون يقولك اللي بقلبه وانا موجوده هاا

اميره حست انها فكره مجنونه وغبيه لابعد درجه بس حبها ومراهقتها هالمره غلبتها..
وخلتها توافق على هالفكره وتاخذ عاالاقل تلميح من فارس ساعتها بترتاح..

لبسوا عباياتهم وتوجهوا للاسطبل...
دخلــوا وتمشوا في الممر الطويل نوعا ما.. اللي جايه على اطرافه بيوت الخيول ...

ديمه: هذا وينـه..
اميره: اوووف شكله مو هنـا
ديمه: الا هنـا انا شفته يدخل هنـا

مروا عند مكان خيل فارس المفضله ( الريـم ) هذا اسم الخيل
لقوه حاط يده على ظهرها ويأكلها..

ديمه: هااااي
فارس وهو يبتسم لهم: هلا بالصبايا..شمدخلكم هنـا على اساس انتوا رقيقات ماتدخلوا هالاماكن
ديمه وهي تطالع اميره : والله اميره وانـامانجي الا لسبب كبير ويستاهل صح اميره
اميره باحراج: أي اكيد كيد
فارس: واكيد هالسبب تبون الريم صح؟
ديمه وهي تدخل وتوقف عند الريم وتمسح عليها: انـا ودي فيها بس اميره اسألها
فارس وهي يلف لاميره: ها اموور تبينها بعد

طار قلبها لما قال امور وفرحت حيل
اميره: مادري
ديمه بقلبها تقول ... لحووول هذي اللي بتضيع كل شئ نسويه ماعندها غير كلمة مادري اوووف وتبيه يعترف لها بحبه..
شلون يعترف وهي حتى ماتلمح له تلميحات بسيطه..

ديمه: ها اخذها
فارس وهو يبتسم لديمه: ماطلبتي شئ بس هالله هالله في الريم تراها غاليه علي
ديمه: من عيوني يلا ريوومه

مسكت ديمه الحبل المربوط في الريم وطلعت فيها بره وهي مستانسه لانها تحب الخيول مثل فارس ..

اميره نزلت راسها وهي خلاص مستحيه وخايفه مو عارفه تتكلم
فارس: ها مابتروحين معاها؟ ولا تبين وحده غيرها؟
اميره: أي ابي غيرها
فارس: وربي لو يصير في خيولي شئ ادفعكم حقها دبل
اميره: من زينها مدري كيف تحبها
فارس: ليش في احلى من الخيول؟ وبعدين هذي هوايه عندي من لما كنت صغير
اميره: اممممم زين

فارس مشى قدام اميره هي كانت وراه وهو يفكر..
مااتخيل اتزوج وحده ماتحب الخيول..
فديتك ديمووه ..

تحبين كل شئ احبه وخاصه خيولي..
لهالسبب احسك غير ..
وشعوري لك غير

اما اميره واماني وباقي البنات اهتماماتهم معروفه وموحده مكياج اغاني اسواق..
ماابي زوجة المستقبل وشريكه حياتي تكون بنت تقليديه..
ابيها غير مثل جده خخخخ


اميره: في ايش سرحان؟
لف وهو مبتسم لها:
my future
اميره: اممممم .. ممكن اعرف ايش بالضبط ولا؟
فارس وهو يتنهد: اااه خليني ساكت يابنت خالتي افضل
اميره: افتح قلبك

اميره خلاص وصل ضغطها مليوون تبيه يحكي يعبر عن مشاعره
تبي ترتاح وتعرف الحقيقه يحبها او لااا

فارس: شرايك في الحب

هالوقت وصلوا لعند الخيل اللي كان بيعطيها اياها بس لف حتى يقابلها

اميره وهي طايره بالجو: اروع احساس
فارس: تتكلمين عن خبره؟
اميره بخوف: اممم انت وش شايف
فارس : شايف بنت خالتي اميره اللي مااعرف عن حياتها شئ
اميره: جاوبني انت على نفس السؤال
فارس: اظني قد جاوبتك على هالسؤال مره
اميره باستعباط: ذكرني
فارس: مو لازم خلاص
اميره: تحبها؟
فارس: مدري اذا كان هالشعور حب او لا..بس احس ناحيتها بشعور مميز يختلف على شعوري ناحية الكل..
اميره: انـا اعرفها؟
فارس ببتسامه : تعرفينها حييل قريبه منك

اميره تكلم نفسها.. ياويل حالي يحبني ومن غيري اقرب لنفسي مني؟
اميره ببتسامه وخجل: طيب وهي تحبك؟
فارس باستعباط : اسأليها وردي لي خبر
اميره: انت وش شايف؟ تحبك او لا؟
فارس: مادري ودي اسألها بس خايف تصدني
اميره: مااتوقع بتصدك انت جرب وشوف بنفسك..
فارس: تشوفين كذا؟
اميره وهي مبتسمه احلى ابتسامه: اكيد .. عن اذنك

طلعت من الاسطبل وهي طاااايره بالجو وقامت تغني

جن الهوا ورماني طيرني انا وياك
قلبك بعدو بيهواني وقلبي بعدو بيهواك

ااااه واخيييرا عرفت اللي داخله..
رغم ان كنت اتمنى يقولها صريحه بس معليش اكيد مستحي
مع الايام بيتعود وبيقولها..
وحتى يقولها لازم ابين له حبي حتى يعرف اني ابادله هالشعور الكبير..

امل كانت تراقب اختها من طلعت من الاسطبل لين قامت تغني وتلف بخفه على جسمها..

امل باستغراب وهي لسه تطل من النافذه..الحمدلله والشكر هذي شفيها؟
اكيد مو صاحيه..اشوفها حيل فرحانه !!

والله امرك غريب يااختي يوم حزينه وسرحانه يوم فرحانه وطايره بالجو..
شسالفتك..متأكده في شئ انا مااعرفه بس ايش هو الله العالم..

بس انـا لازم اعرفه..اختي وضروري اعرف عنك كل شئ ...


كانت اسماء عارضه فستانها الوردي على السرير ودينا معاها
وجالسه تطالعه وهي مبتسمه..

دينا: اتخيله عليك سموي خيااال .. بكم شريتيه ومن وين؟
اسماء: من المصمم اللباني في مارينا مول ..
كم تحطين له سعر؟
دينا: دام من المصمم اللباني اكيد سعره مو هين
اسماء: مسوي تخفيض عليه كان سعره الفين ونص اخذته الف وثمان ميه
دينا: حلوو زيين يلا لبس العواافي ياحياتي

وقامت دينا حضنت بنت خالتها وطولوا بحضن بعض..
حست اسماء ان دينا تبكي لهالسبب مافكت عنها...

اسماء وهي تواسي دينا: شفيك دندون؟
دينا والعبره خانقتها: سلامتك فرحانه لك ..
اسماء: ابي احس بهالفرح لك .. متى بتفرحينا دينا
دينا: ودي افرحك وافرح ابوي وامي كلكم وبالاخص ريان بس..
اسماء: بس شنو

دينا وهي تبعد عن اسماء والدمعه تطيح على خدها : صعب يابنت عمي صعب.. ماابي الحزن اللي عشته اعيشه مره ثانيه مع سعود..
هالمره لو صار شئ ماراح يعدي بسهوله ..
اللي شفته مع تركي خلاني اكره الزواج والرجال..
ماابي اعيش مع سعود وهو مغصوب علي..
كيف بنعيش بفرح؟ كيف بنتقبل بعض كييف
كيف بعيش معاه بكل شئ فيني فهميني
انتوا مو متخيلين اللي احسه ماحد حاس فيني


غطت دينا وجهها بيدها وبكت..
اسماء عورها قلبها على اختها وبنت عمها دينـا اللي شافت اشياء مو هينه .. حست بالخيانه وصعب على المرأه تجرب هاالاحساس
وهي لازالت في ريعان شبابها مثل الورده المفتحه


اسماء وهي تقرب من دينا وتمسح على شعرها: دينا حبيبتي .. انا فاهمتك زين لاني مريت بشئ يشبه اللي تمرين فيه..
صحيح يأست حزنت بكيت لين مليت وكرهت كل الرجال..
حتى فؤاد كرهته...
بس لما وافقت عليه وصار لي حسيت بالسعاده ..
حسيت ان لسه في الدنيا ايام حلوه لازم نعيشها ومانضيعها بحزن وتعب ..
صحيح خايفه من المستقبل بس دام اهلي حولي وهو واحد منهم احس بالامان..
اخواني وامي وحتى ابوي الله يرحمه .. لو ماكان فؤاد كفو ماوافقوا عليه

انتي نفس الشئ يادينا دام اهلك اختاروا هالشخص لك اللي هو اخوي
اكيد و مليون بالميه انه انسب شخص لك..

تتوقعين ليش ابوي الله يرحمه كانت هذي وصيته
اكيد من خوفه عليك بعد اللي مريتي فيه..
يبيك تعيشين حياة احلى من الحياه اللي عشتيها..
لهالسبب اختار لك سعود...ولده الكبير..
كل امله بالدنيا

دينا ردت على اسماء بتنهيده طالعه من قلبها..

اسماء: اعطي نفسك بعد فرصه .. مانتي خسرانه شئ...
سعود يبيك لهالسبب وافق و رزان تحبك وتتمناك معاها
كلنا نحبك يادينا ونبيك لاخوي...

ريحي بالك وريحينا وجربي حظك هالمره وانا متأكده بأذن الله انه بيصيب
دينا: ان شاء الله..( وابتسمت دينا ولفت لاسماء) ماابي اخرب عليك اليوم..
اليوم يومك يااسماء وعيشيه بكل دقيقه الله يوفقك تستاهلين كل خير يابنت خالتي

وتحاضنوا البنات مره ثانيه...دخلت عليهم ام سعود وهي مبتسمه

ام سعود: عسى ماقطعت عليكم الجوو
دينـا : ههههه حياك ياخالتي تفضلي ..
ام سعود: زاد فضلك يابنيتي .. هاا يمه اسماء كل شئ تمام؟
اسماء بارتباك : مادري يمه.اووف عميري ماحسيت بالتوتر مثل مااحسه اليوم
ام سعود وهي تشوف فستان بنتها : شلون ماتدرين يمه... اغراضك وشناطك كل شئ جاهز؟ مانسيتي شئ
اسماء: خلاص شناطي الكبيره وداهم السايق شقتنا .. باقي شويه اغراض بمر اخذهم بعد مانطلع..
ام سعود وهي تجلس جنب بنتها وتمسح على شعرها الحريري: الله يوفقك يابنيتي والله بشتاق لك

وبكت ام سعود ...
اسماء وهي تحضن امها : يمه لاتبكين ترى مااروح وابقى معاكم
ام سعود: علشان اذبحك ..خلاص مالك الا زوجك
اسماء: اجل ماابي ولادمعه ... وين خاالاتي
ام سعود: يجهزون الغداء ..
دينـا : الا متى راح تجي الكوافيره؟
اسماء: الساعه 5
دينا وهي تقوم : زين .. انا بروح
اسماء: وين
دينا: من زمان مالعبت تنس بروح اشوف حد العب معاه
اسماء: هههه طيب

طلعت دينا وهي متعمده تطلع حتى تترك اسماء مع امها ياخذون راحتهم
ام سعود: يمه اسماء
اسماء: هلا يمه تدللي امري
ام سعود: لاتنسين اللي وصيتك عليه يايمه ..
اسماء وهي تنزل راسها وهي خايفه ومستحيه بنفس الوقت : الله يعدي هالليه على خير خايفه يمه اوووف
ام سعود: لحوول وليش الخوف ليش هو بياكلك سمووي فؤاد خلاص زوجك لازم تسمعين كل كلامه مهما قالك..
لو يطلب لبن العصفور لاتردينه فاهمه..
اسماء وهي تهز راسها : ان شاااااااااااااااااااااء الله أي اوامر ثانيه؟
ام سعود: مو تفشليني عاااد سمووي واهتمي في زوجك تراه ماقصر معاك بشئ..وحذاري تطلعين من شوره
اسماء: ادري يمه لاتوصين
ام سعود: لو بس اسمع انك مسويه شئ والله ذبح على طوول
اسماء: لحوول بيذبحوني كله علشانه
ام سعود: وييه هذا فؤاد غلاته من غلاتك يايمه..
اسماء والتوتر والخوف يرجع لها: يصير اتصل لك بعد مااورح الشقه؟
ام سعود: استغفر الله ... وش تبين فيني يايمه لاتعصبيني خليك مع زوجك بعدين يتضايق منك ..
وانا بكره اكلمك واجي اشوفك
اسماء: طيب بكره بنام وياكم

قامت ام سعود تدور يمين يسار على شئ تحذفه على بنتها
اسماء وهي تضحك وتقوم : ههههههههههه خلاص خلاص بسكت
ام سعود: الله يغربلك بتجننيني انتي خلاااص كبرتي وبعدك تسويين هالحركات يالدعله مناك يلا لابارك الله في العدوو

طلعت ام سعود واسماء تضحك على امها وسوالفها...والله اني بشتاق لك يايمه حييل وبشتاق لسوالفك ...

.....................................

دينـا مع ديمه كانوا يلعبون تنس بالمعلب وتاركين عباياتهم...
ديمه كانت لابسه برمودا ابيض وبلوزه ورديه عليها صورة شفايف كبيره ..
ورافع شعرها مثل ذيل الحصان ..
ودينـا نفس الشئ لابسه برمودا بس لونه بنفسجي وبلوزه نفس اللون ورافعه كل شعرها فوق راسها بمشبك

ديمه وهي تضرب الكره لدينا بالمضرب: يلا وريني مسوية لي فيها تعرفين تلعبين
دينا وهي ترجع تضربها ناحية ديمه : الحين اوريك يادبه

قاموا يلعبون وهم ضحك ومسخره...وبره قريب من الملعب كان مساعد يتمشي وبيده جوز الهند فاتحها وجالس يشرب عصيرها ولابس كاب اسود ونظاره شمسيه..وشورت وبلوزه كات

الاخ مفكر حاله بهاواي على غفله خخخخخ

اميره والفرح باين بعيونها : هااا خالي انت هني

مساعد: هلووو جيرل يس ايام هير وات دو يو ونت؟

اميره: عشتووو عسى ماخربت عليك الجوو ..
مساعد: ال اخربتيه ونص مناك يلا
اميره: غريبه جوري مو معاك شالطاري؟
مساعد: مدري وينها .. وبعدين حبيت امشي لوحدي واروق اعصابي ..
اميره: مالت
مساعد: شقلتيي؟
اميره: ها لالا سلامتك بس على فكره احنا بالسعوديه مو شرق اسيا ولاالبهاماس
مساعد: مناك يلا لااحذفك بهذي على راسك

واشر على اللي بيده...
اميره: لذيذ العصير؟
مساعد: اوووه خيااال
اميره: ماقد جربته؟
مساعد: ها جربي
اميره: لالا مااحس حلووو
مساعد: انتي الخسرانه

جاء من بعيد سعود ومعاه ولد عمه ريان كانوا يسولفوا وضحك ووناسه
مساعد: وصلوا الشباب يلا انقلعي داخلي
اميره: اما انقلع مافيها شئ عيال خالتي
مساعد: لاشكلي بحذفها على راسك من جد.. وش يقعدك بيننا رجال يلا داخل
اميره : انزيين

مشت وهي تتحلطم ووصلوا الاثنين واكتمل الثلاثي المرح

مساعد: حيوووو الشباب تفضلوا
سعود: هههههههه لا خليها لك يبي لك كذا صوره اللي يشوفك يحس انك بماليزيا ولا هاواي
مساعد وهي يشيل نظارته الشمسيه والطبيه بنفس الوقت ويحطها فوق الكاب : لحووول شفيكم علي هااا
ريان: روقوونااا هاا ندخل الملعب ؟
مساعد وهو يلف للملعب : الانوار مشغله يمكن البنات هناك لحظه اشوف وارجع لكم...والله اكسب عليكم بخمس جولات
ريان: أي هيين صدقناك
سعود: ههههههه
مساعد: الحين اوريكم اصبروا

ترك مساعد جوز الهند .. ودخل الملعب لقى دينا وديمه يلعبوون

مساعد وهو يصفق: عاشوو عاشوو ايوووه
ديمه: هههههههه جيت والله جابك يلا شجعني
مساعد: تخسين الا انتي اشجعك .. من زين اللعب بشجع دينووو ...واحد اتنين تلاته دينوو ياحيااتي
وياديموو قاعدين لييه ماتقوموا تروحوا

ديمه: ههههههههههههههههه ماالت بدال ماترفع معنوياتي امحق من خال لا ومسوي لبناني بعد
مساعد: يلا بره عطيناكم وجه
دينا: لييش مابعد نكمل الجوله؟
مساعد: بنلعب انا وريان وسعود
دينا: لحووول لهنا لاحقينا...اقول ديمه مشينا للمسبح يلا
ديمه وهي تحط المضرب على جنب: اووكي ليتس جوو

لبسوا عباياتهم وطلعوا وشافوا سعود وريان جنب بعض
ريان: هااا اخواتي العزيزات تلعبوون
دينا وهي تتحاشي النظر في وجه سعود: أي والله ..
ريان: ومن فاز .. عسى بس كسرتي راس هالقطوه اللي جنبك
ديمه وهي تطالع ريان : ولدك القطووه انا ارنب
ريان: هههههههههههه حلووه
ديمه: لاتتلزق مااكلمك
دينا: عييب ديمووه كذا تكلمي اخوك الكبير
ديمه: اخوي على عيني وعلى راسي بس انا زعلانه منه

سعود هالوقت نزل راسه وهو متوتر من وجود دينا ففضل يبتعد ..
سعود : انا بدخل
ريان: يلا جاي وراك

ودخل سعود للملعب .. لفت دينا تطالعه .. يعني مو طايق وجودي لهالدرجه
يعني انا اللي بموت عليك تكفى بس ..

ريان : يعني بعدك زعلانه من سالفه الجيتار
ديمه : أي زعلاااااااااانه ومااراح اكلمك
ريان: هذا انتي تكلميني
ديمه : خلاص سكتم بكتم

وحطت يدها الثنتين على فمها ..ضحك عليها ريان..
اللي ناذرا مايضحك مع خواته ..
ومتعودين عليه يكون صارم في معاملته معاهم...
ريان: يالخبله ماله داعي تزعلين هالشئ صار من زمان وانتهى
ديمه: لو اشتري واحد غيره تكسره؟
ريان ببتسامه ملتويه: لا
ديمه: يييييس فدييت اخووي انا
ريان: بس بكسر راسك بداله
دينا: ههههههههههههههه
ديمه: اوف اوف راسي مره وحده...
ريان: حبيبتي وينها ماشفتوها؟
ديمه: أي حبيبه بعد؟
ريان: اما ماتعرفيها
دينا: ياهبله يقصد لطيفه
ديمه: اهااااا والله ماشفتها
ريان: حتى رامي ماشفته اليووم زين وينه مختفي ماحد شافه؟؟
دينا: لاوالله انا ماشفته اليووم
ديمه: سمعته يقول انه بيروح ورا الملعب مدري شعنده
ريان بخوف: شنووووو وليش ماخبرتيني
ديمه باستغراب: لييش ؟ عادي خليه يروح
ريان بعصبيه: انتي ماتعرفين

وراح ريان ركض للمنطقه اللي تصير خلف الملعب .. هالمنطقه مخيفه للكبار كيف لطفل بعمر رامي ...
دينا: صدق انك لوتيه ليش ماقلتي ماتعرفين ان هناك خطير.. فيه كلاب واجد والولد صغير الله يستر .. يلا خلينا نلحقه ونشوف

وركضوا ورا اخوهم .. المنطقه كانت مخيفه اشجارها كثيفه حيل
لدرجه انها مانعه اشعه الشمس من الوصول للارض الا اشعه خفيفه
ديمه: يمممه لالا كملي لوحدك
دينا: ياهبله تعالي معاي
ديمه: ماتشوفين المكان يخوف روحي لحالك
دينا: امري الى الله

ركضت دينا وهي تحس بالخوف بدات تسمع اصوات كلاب واصوات غريبه...وهي ماتشوف ريان...
دينا بخوف: رياااااااان رياااااان ويينك

لكن لاجواب .. الخوف تملك قلبها ماتدري تكمل ولاترجع تطلب المساعده ..
بس قطعت مسافه بعيده ..قررت تكمل ... لين لمحت زول ريان...
فرحت وركضت له...
بس اللي شافته جمدها مكانها...كان رامي جالس يبكي وخايف..ومغطي راسه بذراعه الثنتين...

نزل له ابوها ورفعه وضمه لصدره
رامي لما شاف ابوه طار من الفرح وتعلق فيه بقووه

سمعوا صوت كلاب هالشئ اللي خلى رامي يصرخ.. : اخاف ترجع الكلاب بابا لاتخليني
ريان وهي يحمل رامي : لاتخاف انا معاك يلا دينا بسرعه نرجع

ورجعوا بسرعه واجتازوا هالمنطقه المخيفه
ريان وهو ينزل رامي للارض : بابا ليش رايح هناك ماتعرف ان هالمنطقه خطيره وفيها كلاب واجد
رامي: لاماكنت ادري ..
ريان: وش اللي خلاك تروح هااا
رامي: كنت بشوف وش فيه هناك
ريان وهو يتنهد ويحاول يمسك اعصابه: لاتعيدها مره ثانيه هالمره ربك ستر وماجاك شئ .. مره ثانيه ماندري وش يصير

سمعوا صوتها وهي تصارخ بأسمه لما انتبهت له فرحت وجات تركض نست انها حامل والمفروض ماتتعب نفسها...

لطيفه بلهفه: رامي وينك ماما كنت ادور عليك.. ااايي

عبست وحطت يدها على بطنها...وهي تحس بالالم
ريان وهو يحوطها بذراعه ويمسك يديها: يابنت الحلال ليش تركضين هذا هو قدامك مافيه شئ
دينا: تعالي اجلسي هنا ارتاحي

وقربت دينـا كرسي للطيفه حتى تجلس...
جلست لطيفه وهي تحس بألم في بطنها : وين كنت رامي قلبت عليك المزرعه
ريان: تخيلي وين رايح ... ورا الملعب
لطيفه وهي تشهق: احلف بالله .. لييييييييش يارامي وش وداك هناك
رامي: اسف ماما
دينا وهي تبوس رامي على خده: هههههههه فديت المؤدب يلا انا بدخل داخل يمكن محتاجين شئ
ريان: طيب

بعدت دينا عنهم وقام رامي : بروح العب في الملعب
ريان: أي روح مساعد هناك العب معاه وان شفتك رايح ورا قسم ماراح اعديها بالساهل
رامي وهو زعلان لان ابوه معصب عليه: ان شاء الله بابا
وتركهم رامي
لطيفه: ريان ليش عصبت عليه شوفه زعل
ريان وهو يسحب له كرسي ويجلس جنب زوجته: خليه علشان يتوب مايروح هناك..وربي طار عقلي لما قالت لي ديموه الخبله انه هناك
لطيفه: يلا حصل خير..
ريان وهو يلف لها ويرفع نظارته الشمسيه: تحسين بتعب ولا ؟
لطيفه: شوي ..
ريان: مااذكر انك يوم حملتي في الثنائي المرح تعبتي كذا
لطيفه: أي والله ياريان ماتعبت هالتعب .. اللي مستغربه منه اني بأول الشهور وتعبانه كذا كيف بعدين الله يعيني..
ريان: ليش مانراجع الطبيب؟
لطيفه: مايحتاج ريان تعب ويروح
ريان: مايصير تسكتين على نفسك..خلينا نروح وافحصي ماراح تخسرين شئ
لطيفه: انت شايف كذا؟
ريان وهو يبوس يدها: أي ياحياتي
لطيفه: لاخلاني الله منك يابو رامي
ريان: ولا منك ياشمعة حياتي

............................

[لامارا]

بغرفه اضوائها صفرا هادئه بعد ماتجهزت فتحت المحفظه اللي بشنطتها وطلع لها وجه زوجها بكل وقار
وابتسامه هادئه ترتسم بحريه على محياه...

مسحت بأصبعها على الصوره كانها تمسح تعب وغبار سنوات طويله فاتت..

الله يرحمك يابو سعود ليتك معانـا الليله تفرح لفرح بنتك
الله يرحمك ويغمد روحك الجنه

نزلت دمعه حايره على خد ام سعود , لما سمعت صوت جوري يقرب من الغرفه مسحتها على طول ورسمت ابتسامه على شفايفها

جوري وهي تخل : يممممممممممه وووينك
ام سعود: ها يمه انـا هنـا
جوري: يمه شوفي الفستان كيف صاير مو حلوووو
ام سعود وهي تطالع الفستان من فوق لتحت : هذا هو حلو مافيه شئ وين المشكله؟
جوري: يمه شوفيه هنا عند الاكتاف مو واقف اوووووف
ام سعود: ليش ماجربتيه قبل ماتشتريه تستاهلين
جوري: مادري مادري اوووف حفلة اختي واطلع افشل وين صارت

وجلست جوري بقهر على السرير رغم ان الفستان الذهـبي اللي لابسته خيال عليها بس تعرفون دلع بنات

كان قماش قريب للحرير وطويل
والاكتاف عباره عن سلاسل بنفس اللون
وفيه سلسله طويله تلتف على رقبتها وكتفها الايسر

كان باختصار أكـثر من رائـع

ام سعود وهي تقوم وتقرب من جوري: لايمه فستانك حلوو وبتطلعين احلى وحده
جوري وهي تقوم وتوقف مقابل المرايه: اكيد يمه؟
ام سعود وهي مبستمه: اكيد حبيبتي .. انا ابيك تطلعين الاحلى سعاد بتجي الليله
جوري بعباطه: أي سعاد؟
ام سعود وهي تحط يدها على كتف جوري: عمة خطيبك ولا على بالك ماادري ان عندك علم بكل الموضوع
اعرفه فارس مايخبي عليك شئ
حتى لو بخبي ينشر الموضوع

استحت جوري وابتسمت

جوري: يمممه استحي والله
ام سعود: ههههههههه عاد مااوصيك هالله هالله
جوري: يمه لاتحرجيني قدامها اعرفك انا
ام سعود: يوم اللي تجين تسلمين عليها وتبيضين الوجه ماراح احرجك
جوري: مابقعد معاها
ام سعود: هذي اللي بتجنني شلون بتسلمين من بعيد وتمشين عنها يعني
جوري: يمه استحيي مابعد اتعود عالوضع
ام سعود:لازم تعودي حالك لا ترى والله تدرين وش ممكن اسوي، خلك واثقة من حالك انا ماعندي بنات مهابيل مايعرفون يتصرفون..

انحرجت جوري شوي بس عدت الموضوع مع امها على خير وضحكت بس في داخلها كانت تتراقص احاسيس من نوع آخر...



................................

طلعت جوري من عند امها وتلبس عبايتها تحسبا للظروف
وهي تطالع المزرعه ببتسامه مشرقه

كل شئ حلوو تماام خلني اروح اشوف البنوتات
وهي تمشي صادفت ولد خالتها خالــد
اللي علاقتها فيه مو ذاك الزود ..

خالد: هلا جووري كيفك
جوري: هلا وغلا خالد شلوونك وينك ماتبين
خالد: والله موجود انتوا اللي ماتسألون ولا حاجه
جوري: بعد تعرف انشغلت بالجامعه وهاالاجازه الصغيره (اجازه العيد) احاول ارتب نفسي واذاكر
خالد: زين الله يوفقك في دراستك ومع زوج المستقبل

ابتسمت بخجل وشبكت اصابعها ببعض
جوري: انت عرفت؟
خالد: رغم اني عاتب عليكم لاني اخر من يعلم لكن يلا امشيها
جوري: ههههه سامحنا ياولد خالتي واصلا حتى عمي ماعرف الا اليوم
خالد: زين حصل خير .. الا دينا وينها

استغربت جوري من سؤال خالد عن دينـا

جوري: اممم اكيد مع اسماء .. الا انت ليش تسأل
خالد: لاابد ولاشئ سلامتك يلا مااعطلك سي يوو
جوري وهي تمشي : سي يوووو

مشت وهي مستغربه منه..
لان خالد من النوع الانطوائي منعزل بنفسه عن الجميع
وبالاخص مع بنات خالاته..
الغريب انه قام يسولف معاها لا ويسأل عن دينـا
اكيد في الموضوع سر ايش هو الله يعلـم..

بمكان اخر من المزرعه وبغرفه الشباب الدنيا قايمه فوق تحت
اغاني ورقص وهييصه
وفؤاد يجهز ومعاه خاله مساعد

فؤاد: خالي مو البشت الاسود احلى؟
مساعد: وشوو ارفع صوتك مااسمعك من صوت الاغاني
فؤاد وهو يرفع صوته : اقوول وصمخ
مساعد: وش عندك هااا
فؤاد: مو البشت الاسود احلى .. طالع كني سحيلة ام الخلاقين اوووف بالله هذا وجه واحد الليله زواجه
مساعد : اشوف صرت تهتم بهالتفاصيل الصغيره مثل البنات ياخي مو عاجبك قطه

شال فؤاد البشت البني ولبس الاسود وبالفعل طلع احلة بكثير
كان لسه حالق وشايل لحيته وخلي بس السكسوكه
وطالع وسيم ووجه منوور

مساعد وهو يصفر: ياهوووووه تعال بغازلك
فؤاد: ههههههههه يلا الفال لك
مساعد: أي هين

دقت ام فؤاد الباب ودخلت وكانت لابسه جلابيه عنابيه انيقه وفخمه حييل
وتاركه شعرها القصير على اكتافها ببساطه

ابتسمت بفرح لفؤاد وقربت منه وقلبها مو متحمل هالفرحه الكبيره

قرب منها فؤاد وضمها ..
ريحة العطر اللي حاطه دخلت بقوه في انفاسها
ام فؤاد: يايمه خلصت العطر كله
فؤاد: هههههههههه شسوي معرس لازم ريحتي توصل لاخر الدنيا
ام فؤاد : الف مبرووك يمه الف مبروك تستاهل اسماء هالله هالله في البنت مااوصيك
مساعد: سمعت هالله هالله وان صار فيها شئ انت عارف اللي بيصير لك
فؤاد: لحوووول ياخالي افهم البنت احبها وبحطها في عيووني لاتخافون
ام فؤاد وهي تقرب البخور من ولدها : قرب يمه ببخرك

بخرته وراحت لمساعد وبخرته هو الثاني
ام فؤاد: عقبال ماابخرك بعرسك ياخووي
مساعد حتى مايكسر خاطر اخته : ان شاء الله يالغاليه
فؤاد : اقول اقول يممه
ام فؤاد: هلا يمه امر تدلل انت بس الليله ليلتك
فؤاد وهي يبتسم وينزل راسه : شلون مرتي طالعه حلوه؟
مساعد: لاوااع لووعه وتفشل اسألني انا شفتها وربي من تشوفها بتكره العرس ويومه
فؤاد وهو خايف : صج يمه ؟ انا قايل لها لاتكثر مكياج بس هي عاندت
ام فؤاد: هههههههههه طالع هذا الخبل صدق .. الا طالعه قمر ملكه جمال لاتستعجل بتشوفها
فؤاد : يلا بشوفها يمه الحين
مساعد : ياخي اثقل وش تشوفها الحين ..
فؤاد: مافيها شئ
ام فؤاد: انا اروح عنكم ماوراكم الا النجره اروح اشوف العروس
فؤاد: قبلاتي الحاره وصليها للعروس
مساعد وهي يضرب مساعد بكوعه : مابتثقل يعني
فؤاد: لا كيفيييي

جاوا لهم الشباب اللي كانوا كاشخين بالثوب والشماغ...
ريان وهو يضرب فؤاد على ظهره بخفه : ها كيف المعنويات يامعرس
فؤاد: عال العال
مساعد: هذا ماينخاف عليه بم ميه الميه
فؤاد: ياخالي اذكر الله بتنظرني بليلة عرسي
مساعد: ههههههه نهزر معاك يادجاجه
فؤاد وهو يكشر: لاتذكرني ياخالي بسالفة دجاجه
مساعد: ههههههههههههههههههه بعدك فاكرها
فؤاد: ومتى نسيتها
سعود: وش سالفة الدجاجه؟
مساعد: ها اعلمهم؟
فؤاد: لالا تكفى مانبي فضايح
خالد: اقول طلعوا الفضايح يلا
مساعد: هههههههه مره هالخبل كلم اسماء عالماسنجر عاد يوم عرفته كان تقول هلا بالدجاجه ومن يومها تسميه دجاجه
فؤاد: اوووووووووه خالي ليش الفضايح
سعود: ههههههههههههههههه خساره ماسوينا بطاقات عرس كان كتبنا نتشرف بدعوتكم لحضور حفل زفاف نجلينا
اسماء & الدجاجه
فؤاد: هاهاها مررررررررره دمك خفيف مناك يلا انت ويااااه
سعود: لاتخليني اوصي اختي تقفل عليها الباب وتخليك تنام بره الغرفه ترى امووون عليها
فؤاد: ياربي ليش هالتعذيب انا شسويت بحياتي
خالد: خلاص عاد اتركوا اخوي بحاله ماصارت
فؤاد: توك تتكلم بدري والله

ابتسم خالد ابتسامه غريبه لفؤاد .. حس فؤاد ان في اخوه شئ كبير
فؤاد: ممكن تطلعون وتخلوني مع اخوي لوحدنا؟
مساعد: اسرار يعني ؟
فؤاد: اخوي وابيه بكلمه راس يلا وروني عرض اكتافكم
سعود: يلا نروح لعمي اراهن ان ضغطه وصل الف المعازيم وصلوا واحنا مرتزين هنا يلا يلا

طلعوا الشباب للمجلس الكبير وبالفعل كثير من المعازيم وصلوا

نرجع لفؤاد واخوه خالد

فؤاد وهو يقرب من اخوه: شفيك ياخوي
خالد: مافيني شئ ياخوي سلامتك
فؤاد: خلوود يالدب انا اعرفك زين ليه مااحسك فرحان لفرح اخوك؟
خالد: افا يافؤاد اذا مافرحت لخوي الوحيد لمن بفرح
فؤاد: اسـأل نفسك دام فرحان ليش نظره هالحزن بعيونك ؟
خالد وهو يتنهد: خلاص ياخوي تطمن مافيني شئ مابي ليلتك تخترب بسوالفي
فؤاد: رغم اني حاس ان اللي فيك مو هين لكن بسكت لان الوقت مو مناسب بس تأكد اني ماراح اخليك الا لما اعرف شفيك..
خالد: ان شاء الله ..

طلع خالد مع اخوه وراحوا لمجلس الرجال عند عمهم ..

...........................

البنات بدون يتجمعون في القاعه الكبيره اللي تحتل المساحه الوسطى بالمزرعه اللي مرتبه بشكل نـاعم مرره
على حدودها كنب بلون بيج
وبأخرها بالوسط كرسي كبير شوي
المخصص لاسماء حتى تجلس عليه

البنات كل وحده تنافس الثانيه في الجمال والحلاوه
تجمعوا الخاالات بالقاعه جنب بعض وضحك وسوالف
والبنات واقفين مع بعض شوي بعيد عنهم,,

ام ريان وهي تلف للبنات وتقول بنفسها : وينك يادينـا ..
ليه منتي معاهم..

ااخ منك يادينا والله مهما كبرتي ببقى احاتيك , ليه ماتريحيني .. ابي احس انك حرمه كبيره فاهمه ماينخاف عليك

ام فؤاد: هووو ام ريان شفيك يااختي
ام ريان وهي تلف لخواتها : ها لا ابد سلامتكم .. ااخ احاتي دينا
ام فؤاد: يااختي البنت كبرت لاتخافين عليها ريحي بالك
ام ريان: كيف مااخاف .. ماتشوفين عنادها .. اووف انا اذا جاني شئ بسبتها هالبنت

راحت ام ريان بره القاعه وقلبها محروق على بنتها .. اللي تصرفاتها اصلا مو عاجبتها

لقت رزان واقفه وتلف على نفسها فرحانه بفستانها الابيض الجديد

رزان بفرح : خالتي خالتي
ام ريان: هلا يمه
رزان: حلو فستاني
ام ريان وهي تبوس رزان : اكيد يمه حلوو تهبلين خلاص بنعرسك
رزان وهي تكشر : بعرس على من
ام ريان : هههههههه شرايك في رامي؟
رزان وهي تكشر اكثر : لالا مااحبه
ام ريان: ههههههههه مصدقه بعد .. روحي حبيبتي داخل لاتوقفين هنـا بروحك
رزان : طيب

راحت رزان داخل وهي تناطط بفرح بفستانها الجديد ودخلت القاعه

ام ريان وهي تطالع يمين ويسار : اووف وينك يادينا ليه كل بنات خالاتك موجودين الا انتي ..

دخلت ام ريان غرفة اللي نامت فيها دينا مع اسماء وامل ..

دخلت واضواء الغرفه كانت صفرا مره خفيفه ونور الشموع الفواحه يتراقص بخفه وفرح لهاليله الحلووه

شافتها امها جالسه قدام المرايه العريضه وفاكه شعرها الغليظ الحريري..
ولابسه فستانها التركواز المنفوش شوي من تحت

والشال لافته على شكل شريطه بيدها اليمين
كانت تطالع نفسها بالمرايه وسرحانـه ماحست بوجود امها...

ام ريان ابتسمت غصبا عنها وهي تشوف حلاوة بنتها تزداد يوم عن يوم...

ام ريان: بنتي في ايش تفكر
دينا وهي تبتسم لامها من المرايه: هلا يمه حياك ادخلي

سكرت ام ريان الباب وقربت من دينـا وحطت يدها على كتفها

ام ريان: اللهم صلي عالنبي قمر يادينا قمر الله يحرسك
دينا وابتسامتها تتوسع بشكل جذاب : لاتقصين علي يمه..
ام ريان: وليه اقص عليك

وحط ام ريان ايدها على وجه دينا وخلتها تطالع نفسها بالمرايه ..
ام ريان: شوفي نفسك يادينـا .. جمال وبراءه .. بس وش الفايده وراسك عنيد وهالجمال ملك لك لوحدك

تغيرت ملامح دينـا وانعدمت ابتسامتها..

ام ريان وهي تحس انها عكرت مزاج دينـا : يلا يمه نطلع سوا
دينـا : طيب روحي انتي يمه وانا بجي وراك
ام ريان وهي متضايقه من نفسها لانها زعلت دينا: يمه اعذريني بس ..
دينا وهي تحب راس امها : لايمه لاتقولين هالكلام انا بنتك تقولين لي أي شئ بقلبك
وانا غصبا عني بسمعه من لي غيرك يالغلا
ام ريان : فديتك يمه .. يلا حبيبتي مو تتأخرين
دينا : ان شاء الله بس اشوف اسماء بالغرفه واجيك

طلعت ام ريان وتركت دينـا وابتسامه حايره على محياها...

اييه كذا الدنيا رضينا ام ابينا لازم نعيشها لازم ..

طلعت وهي مبتسمه ومتحمسه تبي تشوف اسماء كيف صارت من بعد المكياج والحركات المعتاده للعروسات

دخلت الغرفه ولقت اسماء جالسه على الكرسي ولابسه فستانها الوردي وطالعه احلى من الخيال ... نعوومه حييل

شعرها مرفوع بتسريحه خفيفه ونص منه على اكتافها ...
ومكياجها الشدو وردي غامق ويتدرج لين يصير ابيض خفيف وفيه لمعه حلووه
وخدودها ورديين والبلاشر مسوي اضاءه حلوه بمحياها

والروج وردي خفيف هالشئ خلى اسماء ناعمه بس حلوه من جد

المصوره : شو اسماء باخذ لك كم صوره ؟
اسماء وهي ترفع راسها وتشوف دينا وتبتسم بخوف: جيتي والله جابك تعالي

دينا وهي تقرب من اسماء: لا مااصدق اللي اشوفه هذي مواسماء
اسماء: هههههه حلو المكياج؟
دينا: الا يهبل ماعرفتك .. بيدوخ فيك فؤاد الليله
اسماء: اوووه لاتجيبين طاريه احس بشئ يطيح ببطني
دينا: نفس الاحساس حسيته يوم ..

نزلت دينا راسها ثواني ورفعته بكبرياء مكسور

دينا: يوم زواجي من تركي..
اسماء: خايفه حيل دينا مدري اخاف اني تسرعت
دينا : وش تسرعتي يلا عن الخبال قومي المصوره تاخذ لك صور

اسماء قامت وهي من جد خايفه ومتوتره لاحد يلومها البنت خايفه من التجربه الجديده ياتري بتنجح ولا ...

اسماء كانت اقصر من دينـا بس الكعب اللي لابسته طلعهم بطول بعض..

حطت المصوره ديكوريشن وصورت اسماء .. ودينـا واقفه مع بنت خالتها ماتبي تتركها بروحها

وبعد ماخلصت ...
اسماء: ابي اصور معاكم
المصوره: اوكي مش هلق لما تفوتي بصوركن مع بعض شو قلتي
دينا: كلامها عدل لما تدخلين القاعه الحين بيصير فوضى وازعاج
والاهم في هالليله الرواق والهدوء...
اسماء ببتسامه : اوكي

.........................................



في واحد من الممرات المظلمه كان يمشي خلسه وبيده معاملات واورق خطيره وسريه

شد عصام على الاوراق اللي بيده وطلع من مكتب السكرتير
وراح لمكتبه شغل النور وقام يتفحص الاوراق بتمعن ..

هههههههههههه اوريك يابو ريان وانت ياريان
بخليكم تشوفون رفعتكم وغروركم علينا وش ممكن يسوي
على بالكم الناس عبيد عندكم
هين انا اوريكم

بتوقيع مزيف منك يابو ريان تروح عليك فلووس بتخليك تموت مكانك

ههههههههههههههههههههههه


حس عصام بحد يدخل الغرفه تجمدت اطرافه من الخوف
من اللي شافني ويمكن سمع كلامي !!

الفراش: استاذ عصام

لف عصام بعصبيه

عصام: هذا انت .. الف مره قلت لك وانا بمكتبي مااحب احد يزعجني
الفراش الكبير بالسن : ياولدي خلاص لازم نقفل الشركه الساعه الحين تسع
عصام وهو يلملم الاوراق ويدخلها بالدرج ويقفل عليها : اوكي اوكي

طلـع عصام من الشركه وهو يخطط ويرسم لخلسه ممكن تخليه مليونير لو نجحت
وممكن تطرده بره الشركه لو خسرت وانفضح امره

لاتفرح يابو ريان .. عصام يوم اللي يحط حد في باله مايطلع من بين ايدي بالساهل
بتشوف فلوسك وين بتروح ..

ههههههههههههههههههههههه

.....................

نرجع مره ثانيه للمزرعه صوت الاغاني مالي القاعه والبنات رقص في رقص

دخلت سعاد القاعه وهي مبتسمه وتدور بين الحريم تبي تشوف ام سعود او وحده من خواتها..

انتبهت لها ام سعود من بعيد وابتسمت بفرح وراحت لها

ام سعود: هلااا والله سعاد هلا بأختي هلا

وتحاضنوا الثنتين بشووق

سعاد: ياهلا فيك ياااحلام يااه من متى ماشفتك
ام سعود: من زمان عنك وانا اختك اييه الله يسامح هالدنيا اشغلتنا
سعاد: مبروك مبروووك يااختي عقبال باقي البنات
ام سعود: امين يارب حياك حياك وانا اختك

دخلت ام سعود مع سعاد عمة ماجد اللي وصلها لباب القاعه وهو يتمنى يلمح جوري حتى لو من بعيد بس للاسف ..

سلمت سعاد على ام ريان وام فؤاد وقامت كل وحده تاخذ اخبار الثانيه..

بعدت ام سعود ونادت على جوري

جوري: هلا يمه امري
ام سعود: تعالي سلمي على حرمه
جوري: اووه يمه ماابي
ام سعود: مو بكيفك يلا

وراحت جوري وامها لوين ماكانت سعاد جالسه وجوري المسكينه ماتعرف انها بتسلم على عمة خطيبها ماجـد


ام سعود ببتسامه: وهذي بنتي جوري
جوري وهي تبتسم لسعاد وتمد يدها لها: السلام عليكم كيفك خالتي
سعاد وهي تطالع جوري بأعجاب ملحوظ : هذي جوري؟ شلونك شخبارك يمه
جوري: الحمدلله ياخالتي عايشين
سعاد: والله وتغيرتي يايمه خبري فيك صغيرونه حيل
بس نفس الحلاوه اللهم صلي عالنبي ربي يحفظك يايمه

جوري ضحكت بخجل وطالعت في امها

ام سعود: شفتي كيف ياسعاد كبروا البنات وكبرونا

جوري لما سمعت الاسم رجعت تطالع سعاد بسرعه وهي ترجف ..

اووه هذي سعاد عمة ماجد ياربي فشله وش يوقفني انـا

جوري وهي مسكينه ميته من الحيا : ااه عن اذنك خالتي

راحت عنهم وامها تضحك عليها....



...........................

وبـعد نص ساعه..

عند باب القاعه وقفت اسماء وجنبها دينـا وامها

البنات يوم شافوها راحوا بعد لعند الباب يزفون بنت خالتهم ..

على الحان الاغاني مشت بهدوء وهي مبتسمه ..
وتشد على يد امها اللي تمشي معاها على يمينها
ودينـا على يسارها

والبنات يغنون مع الاغنيه وراها ويصفقون

وصلـت للكرسي الكبير وجلست تطالع الموجودين
مافي حد غريب ماتعرفه كل الوجود مألوفه

امل وهي تبوس اسماء على خدها : مبروووك ياحبيبتي عقبالي
اسماء: ههههههه ان شاء الله

اماني وهي تجر امل: تعالي يلا نرقص
امل : اووكي
لطيفه وهي تجلس جنب اسماء: مبروك غلاتي
اسماء: الله يبارك بعمرك لطيفه .. ليش وجهك شاحب فيك شئ؟
لطيفه: لاتطمني بس تعبانه شوي
اسماء: ماتشوفين شئ
لطيفه وهي تحط بيد اسماء قران صغير: خليه معك بيحفظك ان شاء الله من كل شر

ابتسمت اسماء بأمتنان للطيفه اللي تعدها وحده من خواتها


رقصوا البنات وفرحوا وتصوروا مع اسماء الكل فرحان ومبسوط علشان فؤاد واسماء..


وبمجلس الرجال ماجد جالس جنب فارس
وسعود قريب من مساعد وريان
فؤاد جنبه اخوه خالد
واصحاب ريان
وكم موظف من الشركه

وشئ اكيد ابوريـان واصحابه المقربين

فؤاد وهو يكلم خالد : ياخي ملل مااحب هالشكليات
خالد: ياخي هذا العرس وش تبي؟؟....
الرقص والوناسه عند الحريم
احنا هنا مبروك الله يبارك فيك وقهوه وكيك وسوالف عن امور بايخه
فؤاد: انا قايل لعمي نجيب فرقه ترقص ماوافق
خالد: معاه حق بعده يحس بفقدان ابوسعود الله يرحمه
فؤاد: الله يرحمه
خالد: ها كيف معنوياتك تمام؟
فؤاد: احس بعسر هضم
خالد: ههههههههههههه حشى هذا وانت الرجال وش خليت للبنت
فؤاد: شسوي لو انت مكاني حسيت نفس الاحساس
مساعد وهو يضرب فؤاد بكوعه: اقول عن الحش عابل الرجاجيل ورد السلام لاتفشلنا
فؤاد : انزين لاتدف

جاء وقت دخول فؤاد على زوجته .. قام ومعاه ابوريان وسعود وفارس ومساعد
ومشوا لين قاعه الحريم ..
ابوريان وهو يمشون: فؤاد حطها بعيونك مااوصيك ياولدي هذي اسماء الغاليه عوضها عن اللي فقدته
فؤاد: افا ياعمي شهالكلام مايحتاج توصيه تطمن

امـا سعود ومساعد وفارس تلثموا والبنات من داخل حطوا أغنيـه رابح صقر يادار

ورقصوا رقص مو صاحي ودخلوا القاعه قبل المعرس

والمعرس مبتسم ومنزل راسه وللحين ماشاف اسماء

البنات كانوا كلهم واقفين مع بعض

اماني: وااو وااو فدييت السكب انــا
اميره: هههههههه طالعيهم مو صاحيين عمري ماشفتهم يرقصون كذا
جوري: هههههه انـا بروح ارقص معاهم موتوا حررره

وراحت جوري جنب خالها واخوانها اللي مسكوا يدهـا ورقصت معاهم

امل وهي تطالع دينا: بالله شوفيه مو أحـلى واحد فيهم
دينا وهي تعرف ان امل تقصد سعود: مدري
امـل: اييييه انكري بعد
دينا: ياشييييخه تلايطي

وصل فؤاد وابو ريان لمكان العروس
ترك فؤاد الفرصه لابوريان يسلم على اسماء
اللي مسكت فيها وبكت

ابوريان: يابنيتي ليش البكي الحين المفروض تفرحين
اسماء: عمي خايفه
ابوريان: لاتخافين وانا ابوك..

بكت لاخر كلمه قالها..ورفعت راسها لعمها وشافت زول ابوها في عمها
جن جنونها لمجرد انها تتذكر ملامحه وبكت اكثر

قرب سعود وضم اخته لحظه
سعود : اسمائوه يالدبه خلاص زوجك ينتظر دوره هو بعد يبي بوسه

ضحكت غصبا عنها وضربت سعود بشويش

سعود: هههههههه أي على بالك امزح ها اناديه اقوله تبي تبوسك؟
اسماء: اووووه سعوود ..
فارس وهو واقف ورا سعود: مالي رب انا يعني مالي بوسه من اختي

بعد سعود وخلى فارس يقرب من اسماء

حضنته اسماء وهي تقوله : مابشتاق لحد قد مابشتاق لك ولخرابيطك يادب
فارس: احم احم من قدي العروي بتشتاق لي
اسماء: هالله هالله مااوصيك
فارس: اقول يالجيكره على بالك عرستي صرتي كبيره يعني وتوصين تراك بزره لايغرك
اسماء: فرووس شهالكلام
فارس: اقول زوجك يقرصني من وراي بس لايحلم ابعد عنك
اسماء بخجل وهي مستحيه : اترك النذاله عنك وبعد
فارس: هههههه من الحين بدينااا
اسماء: اووه فروس ليش تحب تحرجني
فارس: انا بخليه يجيك بس على شرط بتصل عليك بكره الظهر
وعلميني كل شئ يصير بالتفصيل الممل

اسماء ماتت مكانها من كلام اخوها الجريء
سعود وهي يسحب فارس عن اسماء: ياخي استح عيب عييب
فارس: خلينا نحرجها شووي
سعود: يلا يلا نطلع مالنا قعده مع الحريم

بعد فارس واخيرا وصل فؤاد لزوجته اللي لما شافها ماصدق ان هذي اسماء
طالعها وهو مبتسم بوله وشوق..
باس جبينها وخدها ومسك يدينها وباسهم

طبعا مايحتاج اقول ان البنات ماتوا على رومنسيه فؤاد

امل من بعيد وهي تطالعهم من بعيد هي وخواتها وبنات خالتها

امل: فديييت اخوي وفديت رومنسيته انـا
ديمه: اتمنى زوجي يطلع رومنسي كذا
دينا: هههههه مو لاحس عقولكم الا هالرومنسيه اسكتوا خلونا نراقب
امل: ههههههههه
جوري وهي تمسح دموعها : بتوحشني الخبله مع من اتهاوش الحين
امل: لحوول مو اشوفك معتبه باب بيتنا فاهمه
جوري: كيفي يادبه بجي واشوف اختي
امل: عن اللقافه معاريس جدد خليهم يتهنون مع بعض ليش تقطين وجهك ها
جوري وهي تضرب امل على ظهرها : كيفي اختيي


قربوا الخاالات والبنات من اسماء وفؤاد يباركون لهم
ويوصونهم على بعض


سعود طلع قبل فارس اللي كان
يطالع يمين يسار يدور ديمه
شافته من بعيد وابتسمت له

رغم انها بعيده عنه الا انه عرفها..
سوا لها حركه بيده تعالي

راحت له .. وبطيب نيه

طلع بره القاعه وجات له

ديمه بصوتها الدلوع : هلا فارس
فارس: ياااااااشيخه اسمي منك غير عيديه تكفين
ديمه : هههههههه ليش حلاوه
فارس وهو يمشي : اخبارك
ديمه وهي تمشي جنبه : والله لاجديد
فارس وهو يلف يطالعها : اقولك شئ بصراحه
ديمه: اكيد

وصلوا لمكان مثل الجسر وتحته بحيره صغيره.. وقفوا عليه مقابل بعض
وكان الجو بهالمنطقه هادىء لانه بعيد عن الازعاج والقاعه ومجلس الرجال

فارس: كل يوم احسك متغيره عن اللي قبله
ديمه: اممم من أي ناحيه
فارس: جمالك حلاتك ..

ديمه حست بشئ داخلها غريب .. نوع من الخيانه لبنت خالتها
رغم انها ماقالت لفارس شئ
بس مجرد وقفتها معاه الحين تعتبر خيانه

بس لا فارس ولد عمي وعادي لو وقفت معاه..
لااميره ولاغيرها يقدر يقول شئ
لاهي اول ولااخر مره نسولف مع بعض

فارس: ديمه
ديمه: اممم
فارس : في شنو سرحتي؟
ديمه: هممم لا ابد سلامتك .. ليش ماتلبس الشماغ الا بالمناسبات
فارس: هههههه مااحس اطلع حلو بالشماغ..
اكره اللبس الرسمي ,, مااخذ راحتي فيه
ديمه ببراءه: بس الشماغ حلو عليك
فارس وهو متشقق : جد؟ ولا تجاملين
ديمه وهي تتسند على الحاجز الخشبي وتلف يدها على بعض: ليش اجاملك؟
فارس: عيونك الاحلى ياعيوني

ديمه حست ان اسلوب فارس متغير

عيوني؟
انا عيونه؟
لالا انا في شنو افكر جنيت
اكيد مايقصد من هالكلمه أي شئ
انا اختـه وهو أخـوي

فارس: شسالفتك اليوم كله سرحانه؟ بتخليني اخاف عليك يادبه
ديمه : وليش تخاف؟
فارس بجرأه واضحه يقرب منها : وليش مااخاف عليك مو بنت عمي
من لحمي ودمي وضروري بخاف عليك وبتمنى احطك بعيوني

ديمه اكتفت بابتسامه وقالت وهي تمشي عنه : اووكي لازم اروح الحين



مشت وفي بالها تتضارب افكار حلوه وتجي تهزمها فكره بشعه تخليها تستفسر عن اسباب معامله فارس لها

رجعت ديمه ولقت فؤاد قايم هو واسماء والكل لازال مجتمع عليهم
وكأنهم بيطلعون خلاص

ديمه وهي تقرب من اميره: ها بيمشون
اميره : لا بيدخلون الغرفه بتصورهم المصوره
ديمه : اها

اميره حست ان ديمه مو على بعضها
اميره: شفيك يالبطه
ديمه: سلامتك نو ثينك
اميره: شور؟
ديمه: شوووور سويتي


دخلت اسماء مع فؤاد لوحدهم الغرفه ومعاهم المصوره حتى تصورهم

اللقطات في البدايه كانت عاديه وتقبلتها اسماء..
لين طلبت منها مصوره ان فؤاد يجلس عاالارض وتجلس هي بحضه وتلف يديها حول رقبته

اسماء: لالا ماابي
المصوره: لك ليش ياحبيبه ئلبي هوي جوزك شو بنا

اما فؤاد الاخ كان مبسوط على هالحركات

فؤاد: ههههههههه ياشيخه قومي وعن الدلع ليش كل يوم بنتزوج احنـا
اسماء: فؤااااد
فؤاد: عيووونه
المصوره: شو هلق بدنا نئلبا عزل ومدح يلا حبيبتي هي كلااا صوره يلا

استجابت اسماء لامر المصوره وجلست بنفس الطريقه اللي قالت عنها وصورتهم

واخر لقطه كانت اسماء واقفه وفؤاد من وراها لاف يدينه حول خصرها ويطالعها وهي تطالعه

لما طلعت المصوره سكرت الباب وراها وبقوا لوحدهم

قرب فؤاد من اسماء ومسك يدها : واخيرا لوحدنـا
نزلت راسها وهي خايفه من جد وقلبها يدق بعنف تحسه بيطلع من مكانه
فؤاد: شفيك اسماء؟
اسماء: سلامتك..
فؤاد : مبسوطه عمري؟
اسماء وهي تطالع بعينه : اكيد دامك معي ..
فؤاد: اييه اللي يرحم ايام قبل ايام الدجاجه
اسماء: ههههههههه لاتبدأ نبش سوالف الماضي
فؤاد: حاااظر من عيووني

قرب منها اكثر يبي يبوسها بعدت عنه بدلع وجلست على كرسي قريب

فؤاد: هههههههه وين بتروحين مني

راح وجلس عند رجليها ومسك يديها: من هاللحظه يااسماء انا ملكك بكل مافيني .. واتمنى تكونين نفس الشئ
اسماء وهي تسحب يديها من يدينه وتمسك وجهه برقه : وانا ملكك بكل مااملك يا..يازوجي
فؤاد: يعني مابتخافين ؟
اسماء : لا
فؤاد: ههههه بشووف يلا حبيبتي مشينا البيت
اسماء: طيب


...................................


..........................


دخلت ام فؤاد وام سعود الغرفه مع اسماء يساعدوها حتى تلم اغراضها

اسماء بعد مالبست عبايتها طالعت امها ودمعت عينها

ام سعود: حبيبتي لاتخليني ابكي الحين خلاص امسحي دموعك
اسماء: بشتاق لك يمه
ام فؤاد: يايمه يااسماء زوجك ينتظرك يلا حبيبتي
اسماء: ان شاء الله

طلعت اسماء بره الغرفه ولقت الكل خالها اخوانها بنات خالتها وجوري اللي تبكي حييل

اسماء : تعالي جوري

جات جوري وحضنت اسماء بقوه

اسماء وهي تكلم اختها بصوت منخفض: خلاص جوري لاتقطعين قلبي مااوصيك انتبهي لامي زين خليكي معاها
جوري: طيب ..

مساعد: لحووول من هالحريم يلا خلونا نمشي
ام ريان: صلوا عالنبي وين قاعدين بعرس ولا عزا يلا اسماء يلا يابنتي
اسماء: ان شاء الله عمي

طلعت اسماء وهي تودع امها بنظراتها وصعدت السياره اللي كان يسوقها مساعد وجنبه فؤاد واسماء جالسه ورا

وبالسياره وراهم سعود وفارس وام فؤاد

اما الباقي تموا بالمزرعه اللي راح يباتون فيها ليله بعد..

وصلـوا للبيت وراحوا من الجهه الخلفيه حتى يدخلون الشقه
كانت مرتبه بشكل رائع
ومعطره بالبخور والعطر..

وورد مجفف على الطاوله اللي بالوسط

شالت اسماء عبايتها وجلست عالكنبه

مساعد: ها مو محتاجين شئ ماشيات؟
فؤاد: لا تسلم ياخالي سلامتك ماقصرت
ام فؤاد: يمه فؤاد حطت اسماء في عيونك وانتي بعد يااسماء مااوصيك
اسماء , فؤاد : ان شاء الله
ام فؤاد: خلاص انتوا ارتاحوا الحين واي شئ تحتاجونه نادوني
فؤاد: ماتقصرين يالغاليه
سعود: اسماء خلاص نروح مافي خاطرك شئ؟
اسماء وعيونها تدمع : بتخلوني؟
فارس: ياخي ليش تكلمها هاا اوف منك

قرب فارس من اسماء وحضنها .. رغم انه مشاكس هالولد وبايع الدنيا بقرش الا انه حنون على خواته حيل

فارس: خلاص يادبه ماراح نخلص اليوم يعني
اسماء : مو بيدي واالله
سعود: خلاص يلا احنا بنمشي .. نخليكم براحتكم
مساعد: يلا مشينا مع السلامه يامعاريس وليله مباركه
فؤاد: انا فاهمك زين تلايط بره يلااا
مساعد: ههههههههههههههاااي يلا باايووو ياعصافير

طلع الكل وتركوا فؤاد واسماء يرتاحون من بعد يوم متعب من جد

اسماء كانت لاتزال تبكي جلس فؤاد جنبـها ومسح بيده دموعها

فؤاد: خلاص عاد اسماء ماصارت

حاولت تمسك نفسها حتى ماتبين له انها طفله ..

اسماء وهي تمسح بقايا دموعها : اقول فؤاد
فؤاد وهو يشيل البشت ويحطه جنبه : قولي ياعيون فؤاد
اسماء وهي تقوم : امممم انا بنام بالغرفه زين وانت هنا اجيب لك بطانيه ومخده؟
فؤاد : لااااااا احلفي انتي بس .. معرس بليلة عرسي انام بروحي وين صاارت
اسماء: انت قلت لي
فؤاد: ماشاء الله وانتي صدقتي؟
اسماء وهي تتخصر: ايوه صدقت ياكذاب .. لكن اذا انت شاطر الحقني

ركضت بسرعه للغرفه وقفلتها وهو بره ماقدر يلحقها

فؤاد وهو يدق الباب : يادبه بسوي فضيحه لو مافتحتي الباب
اسماء: ههههههه احسن نام بره
فؤاد: عاد اسماء يلااااا
اسماء: مافيييش

فكر بخطه وراح وقف ورا الجدار اللي مقابل غرفتهم
هي شكت وخافت يوم ماسمعت له حس

ويييه فؤاد ليكون صار له شئ اشووفه صخ مره وحده ...

فتحت الباب تطالع يمين يسار ويينه

طلع لها بسرعه هي من شافته ضحكت وكانت بتقفل الباب بس هالمره كان اسرع منها دخل وقفل الباب وراه..


..........................


نرجع مره ثانيه للمزرعه وابطالنا اللي هنـاك ..

بعد ساعتين من خروج اسماء وفؤاد المزرعه صارت هدوء مافي أي صوت..

الكل تعبان ويبي ينام لان بكره اول يوم للعيد واكيد مخططين لطلعه ووناسه..

ماكان يعكر هالهدوء الا دقات قلبين حائرين

كانت دينـا واقفه بالغرفه بالظلام ولابسه عبايتها
اووف اروح او مااروح
بس احنا متفقين نتقابل الليل لما الكل ينام حتى نتكلم براحتنـا

واذا نسى الموعد وجحدني..
امممم خلني اطلع وامري الى الله

طلعت دينـا وهي تمشي كانت تطالع وينه ؟ ماله اثر اكيد نسى الموعد مالت عليه
راحت لمكان فيه طاوله وثلاث كراسي وجلست على واحد منهم وسندت راسها على يدهـا وغمضت عينها من التعب

طلع سعود من الغرفه بعد ماتأكد ان الكل نايم حتى مايسألوه وين رايح

تمشى في المزرعه يدورها ماشافها .. هذي وين راحت
وهو يمشي لمحها جالسه راح لها ولما قرب اكتشف انها مغمضه

ابتسم غصبا عنه وهو يشوفها بهالمنظر والبراءه تحتل تقاسيم وجهها ..

سعود وهو يحاول يمحي الابتسامه ويجلس مقابلها: دينـا
دينـا:..........

لاجواب البنت جالسه من الصبح وتعبت اليوم مع اسماء..

سعود : دينااا

دينا وهي تفتح عيونها وتلف له بسرعه : هاها منوو
سعود: انا يابنت الحلال
دينا: اسفه..غفيت بدون مااحس
سعود: عادي

مسحت بيدها عيونها اللي كانت تحرقها من النعس وطالعت فيه بجديه
دينا: هذا احنا بروحنـا ممكن نتكلم ؟
سعود وهي يتقدم ويحط يدينه على الطاوله : اكيد .. دينـا انا سبق وكلمت عمي بموضوعنا وخطبتك رسمي
دينا : صح
سعود: وللان ماسمعت أي جواب منك ومن عمي ..
دينا: واتوقع انت عارف السبب زين ياسعود
سعود: شوفي يدنا بقولك بصراحه ..
دينا: تفضل
سعود: احنا الاثنين مو متقبلين بعض كزوجين هذا شئ مفروغ منه لكني فكرت بعقلي قبل قلبي ومشاعري
دينا: ولأيش توصلت؟
سعود: دينا هالشئ رغبة امي وامك وعمي وكل العائله ..
وهالشئ بيكون صفحه جديده لي ولك ولرزان بعد..
ليش احنا انانيين ومانفكر الا بنفسنـا
دامي مريت بمرحله زواج مؤلمه وانتي نفس الشئ ليش مانصلح اوضاعنـا
صحيح هالزواج ماجاء بأرادتنـا ولكن ماعندي أي خيار ثاني
دينـا : كلامك سليم ياسعود .. لكن اللي مو قادره استوعبه كيف بعيش معاك وانت رافضني رفض قاطع .. كيف اعيش معاك كزوجه وانت ماتبيني
سعود بعد فتره صمت : واذا قلت لك ابيك
دينـا: تبيني للاسباب اللي ذكرتها بس
سعود: اتوقع يابنت عمي هااالاسباب كافيه حتى تخلينا نوافق على هالرزواج مسيرين لامخيرين
دينا : واذا فشل هالزواج؟
سعود: مو يقولون رب ضرة نافعه؟ جاء دوري ودورك نستفيد من تجاربنا الماضيه ونحاول نصحح أي غلط ممكن يسبب خلل في علاقتنا كزوجين
دينـا وهي تنزل راسها : سعود انـا ماعمري احترت مثل هاللحظه ..
سعود: اتركي الحيره يادينا في الحالتين ماحد بيسمع كلامنا دامها وصية ابوي الله يرحمه يعني رضينا او مارضينا راح نتزوج

دمعت عيون دينـا وهي تتألم لان تجربه الزواج الفاشله راح تتكرر بس مع ولد عمها ...
وهي ماتبي تتزوج بهالطريقه ..
ليش يغصبوه ويغصبوها على هالزواج..

سعود: انا اسف اذا قلت شئ يجرحك بس .. ماقلت غير الواقع واللي بيصير
دينا : ليش يجبرونـا على بعض ؟ الله يسامحك ياعمي الله يسامحك

سعود ماعرف وش يقول لان مشاعره ومشاعر دينـا موحده مافي فرق
الاثنين مايبون هالزواج

سعود: عالعموم يادينـا انا قلت اللي عندي وتأكدي اني برحب فيك في بيتي مهما كان انتي بنت عمي من لحمي ودمي
دينا: مشكور ياسعود
سعود: لاشكر على واجب اخليك الحين..تصبحين على خير وفكري بكلامي وبعقلك مو قلبك مثل ماسويت
دينـا : ان شاء الله

................................

الـيوم التـالي..


دق جرس بيتهم .. مره مرتين ثلاث
ماحد فتح له البـاب لاعمته ولا جدته

ماجد وهو يدق للمره الخامسه : لحوول شفيهم معقوله نايمين
عمته من داخل البيت: من عالباب
ماجد: منو ياعمتي بعد.. انـا افتحي لاهنتي
سعاد: حاظر حاظر يايمه لحظه

طلعت سعاد وفتحت لماجد الباب , حب راسها ومشى معاها لداخل

ماجد وهو يجلس عاالارض في الجلسه الشعبيه: عيدكـم مبارك وكل عام وانتي بخير يالغاليه
سعاد: وانت بألف صحه وسلامه ها كاشخ ومرسم
ماجد: ههههههههههه اجل شلون عيد الكـل كاشخ..عسى ماكنتوا نايمين
سعاد: لاوالله يايمه تعرفني ماانـام لهالوقت بس كنت عند جدتـك فوق اجهز ثيابها
ماجد: مليت وانـا ادق عالباب
سعاد: مايخالف يمه..ها شلونك وشلون ابوك
ماجد: والله على حطت ايديك مافي جديد
سعاد: ليه ماجا معاك؟
ماجد: كان نايم لما طلعت ماحبيت ازعجه
سعاد: فطرت يمه ولا اسوي لك فطور
ماجد: تسلمين يمه ماابي شئ..امممم بس حبيت اسألك عن شغله
سعاد: قول اسمعك
ماجد: اممم ماحد امس جاب طاري موضوعي ؟
سعاد: هههه قول كذا من اول
ماجد: لاجد عمتي ماحد قال لك شئ .. يعني مالمحوا لك اذا كانوا موافقين او لا
سعاد: تبي الصراحه للحين ماقرروا لان ابوريان اللي هو عم البنت يبي يشوفك .. ولاتنسى ان ابوك ماكلم الرجـال للحين
ماجد: عمتي انـا ابي الموافقه المبدئيه وبعدين بروح لهـم مع ابوي ونتفق على كل شئ .. ماابي اروح ويرفضوني وانحرج معاهم
ثانيا ليش يبي يشوفني هو شافني امس ..
سعاد: أي مااختلفنـا بس امس ماتكلمتوا عن الموضوع صح؟
ماجد: صح يادوب سلام وعليكم السلام..كان مشغول بالمعازيم
سعاد: شفت كيف..لا هو يبي يجلس معاك يسولف معك يشوف كلامك اخلاقك .. يعرفك عن قريب يعني
ماجد: حشى حشى داخل الكونجرس ماصارت
سعاد: والله البنت يتيمه وخايف عليها وبحسبة بنته مافيها شئ يايمه
ماجد: ومتى بيشوفني؟
سعاد: السبت مع اخوانها
ماجد: اشوفه فرووس صاير نذل بقووه ماقال لي .. بس لحظه امس سعود كان يبي يقول لي شئ بس نادته بنته وراح لها
سعاد: يمكن كان يبي يقولك بس نسى
ماجد: أي جايز ليش لا...عالعموم اللي بالقدر يطلعه الملاس الله يعين

دخلت عليهم الجده وهي تمشي بالعكاز لين وصلت وجلست معاهم
ساعدها ماجد حتى تجلس

ماجد: عيدك مبـارك يالحجيه
الجده وهي تطالع ماجد: رجال ببيتنا منو انت بعد
سعاد: ههههه الله يهداك يمه هذا ولدك ماجد
الجده اللي نظرها صار حيل ضعيف وذاكرتها اضعف: أي ماجد ؟
ماجد: لحوول انا ماااجد ولد ولدك حفيدك يعني
الجده اللي استوعبت: أي أي حياك يمه وين ابوك
ماجد: ابوي عرس
سعاد: هههههههه رجك الله هي بدون شئ معلوماتها صايره كوكتيل تجي تزيدها
الجده: عرس؟ اخذ الثانيه؟ ليه شفيها امك حتى يعرس عليها اييه اخ منهم الرجاجيل مايملى عيونهم الا التراب
ماجد: ههههههههههههههههه نكته انتي والله ياجدتي
سعاد: يمه صدقتيه اللي يهداك .. وين يقدر اخوي مسكين يعرس يادوبه يشيل نفسه
الجده: أي تستري على اخوك انتي بعد ادري ماتبيني اعرف سوالفه
ماجد: هههههههههه استلميها انا ماللي شغل يلا عن رخصتكم
سعاد: شوف النذاله كيف.... مثل مافتحت الموضوع سكره انا مااقدر عليها بروحي
ماجد: يمه كانت معكم الكاميرا الخفيه صادوووه يعني ولا تدرين حيلهم بينهم شراااااااااايك؟
سعاد: غربلك الله من ولد امي شعرفها بالكاميرا الخفيه هااا ولا صادوه
الجده: وش كامرته هااا

بقى ماجد فتره يفهم جدته انه يمزح ومايقصد شئ لكنها عيت تفهم عليه
لما زهق طلع من بيت عمته وجدته الظهر ..
توه يركب السياره الا يرن جواله رقم غريب ..

ماجد: الو
سعود: السلام عليكم
ماجد : وعليكم السلام هلا من وياي
سعود: معاك سعود
ماجد: اووه هلا ابورزان اسف ماعرفتك والله
سعود: لالاعادي يحق لك مو متعود على صوتي .. كل عام وانت بخير
ماجد: وانت بخير عيدك مبارك شلونك شخبارك ؟
سعود: والله الحمدلله انت اخبارك واخبار الوالد عسى صحته الحين احسن؟
ماجد: خليها على الله .. الله كريم
سعود: الحمدلله على كل حـال .. شوف ماجد انـا داق بخبرك بشئ
ماجد: تفضل
سعود: يوم السبت وش عندك
ماجد وهو يعرف قصد سعود: وصلني العلـم ياسعود ابوريان يبي يقابلني صح
سعود: عليك نور عمي يبي يشوفك يوم السبت اذا ماعليك امر تمرنـا
ماجد: خلاص ولايهمك يابورزان السبت المغرب ان شاء الله امركم
سعود: خلاص انـا اخلي فارس يوصلك للبيت ولا تعرفه؟
ماجد: لاوالله مااعرفه
سعود: مو مشكله فارس يوصلكـ .. في انتظارك
ماجد: خلاص نلتقي على خير ان شـاء الله..
سعود: يلا مع السلامه
ماجد: الله يسلمك سلم عالاهل
سعود: يوصل

..............................



صحـت من النـوم وهي نشيطـه من زمان ماحست بهالنشاط والحيويه
ماكـان ريـان موجود بالغرفه سبحت عالسريع وصلت ولبست جلابيه جديده وشيله بنفس اللون وطلـعت
كانت ناويه تـروح غرفـه ولدها رامي وهانـي اللي نايم معاه..
صادفت ريان مع مساعد يفطرون سوا

لطيفه بعد ماتغطت : صباح الخير
ريان,مساعد: صباح النور
لطيفه: عيدكم مبارك
مساعد: كل عام وانتي بخير ياام رامي
لطيفه: وانت بخير من العاييدن الفايزين ان شاء الله يامساعد..اقول ابورامي
ريان: هلا
لطيفه: رامي وينه ؟
ريان: بغرفته اظن
لطيفه: اجل بروح اشوفه

دخـلت الغرفه اللي فيها رامي واخوه
كان هانـي الصغيرون نـايم السرير المبعثـر ماحبت تصحيه وتزعجه الحين .. خليه نايم بعد ساعتين
امـا رامي مسوي علوووم
لقته حاط السماعات بأذنـه ويسمع اغاني اجنبيه صاخبـه ولابس بلوزه بدون اكمام ورابط على يده منديل اسود عليه صورة جمجمه تخوف 
ومسوي شعره سبايكي ولابس كاب مفتوح من الوسط يعـني بس طالع شعره من فوق
وسلاسل برقبتـه

لطيفه: لااااااا والله يلا يلا شيل هالمسخره
رامي طبعا ماسمعها

راحت له وشالت السماعات
رامي: لييييه ؟
لطيفه: انت اللي ليه كذا؟
رامي ببرود: شنو؟
لطيفه وهي مستنكره لهجة ولدها: رامي حبيبي شفيك متغير؟؟ هالحركات ياماما للكبـار مو لك كم مره بفهمك
رامي ولاول مره ماينزل راسه لما تكلمه امه: مافيها شئ اصحابي كلهم يسوون مثل كذا ابي اسوي مثلهم
لطيفه: ياماما انت بعدك صغير خليك طبيعي تطلع احلى من هالخرابيط والجل .. تراه مسخره ماله داعي
رامي: يعني يوم العيد وماتبيني بعد اسوي كذا اووووووف

بعد عنها وراح جلس على كنبه بعيده شوي

لطيفه كانت مصدومه من هالتغيير المفاجئ اللي طرا على رامي الحبوب الخجول

لطيفه بعصبيه: لكن هذا وجهي اذا عطيتك فلوس ولاتحلم بالجوال اللي وعدنـاك فيه فاهم
رامي وهو يعصب ويقوم: لا باخذ جوال بكيفي مو بكيفك

لطيفه بدون شعور قربت منه وعطته كف محتـرم
وندمت على طول ودمعت عينها لانها ابد ماتمد يدها على عيالها وتضربهم

رامي جلس مره ثانيه عالكنبه حاول يكتم صيحته بس ماقدر وقام يبكي

لطيفه وهي تقرب منه: حبيبي اسفه والله ماقصدت اطقك
رامي وهو يبعد عنها: انتي ماتحبيني ماتحبيني
لطيفه: شلون مااحبك وانت ولدي قطعه مني
رامي وهو يقوم بعصبيه: لو تحبيني ماظربتيني

وطلـع وتركها بحيرتها وخوفـها ..

لطيفه وهي تكلـم نفسها .. ياربي انـا ليش طقيته وتهورت اوووووووف مني ومن غبائي يلا اقوم اشوف خالتي احسن

وراحت لطيفه لام ريـان لقتها مع ابوريان

باست راس عمها وخالتها وباركت لهم بالعيد وجلست

ام ريان: ها شلونك يمه اليوم؟
لطيفه: لا الحمدلله اليوم احسن
ابوريان: ها قالك ريان؟
لطيفه: على شنو عمي؟
ام ريان: اليوم بنطلـع البر يمه
لطيفه: والله؟ ماقال لي..ومتى ناويين عالطلعه؟
ام ريان: مدري متى ماقرروا الرجال راح نمشي
لطيفه: اسمـاء وفؤاد بيمشون معنـا ولا كيف
ام ريان: شرايك ابوريان نكلمهم؟
ابوريان: أي اكيد مايبي لها سؤال .. واذا ماحبوا يجون خليهم براحتهم
ام ريان : تم


اتصلت ام ريان في اختها اللي باتت امس في بيتها ومعاها خالد اما باقي بناتها بقوا في المزرعه..
وقالت لها على الطلعه حتى تروح تقول لاسماء وفؤاد

طلـعت ام فؤاد وراحت لشقه اسماء وفؤاد دقت الباب وماحد فتح لها
طالعت الساعه 1 ونص معقوله للحين نايمين؟

دقت مره ثانيه وجاء فؤاد فتح لهـا .. كان لابس بيجامه زرقاء مخططه

فؤاد: الوالده؟ هلا هلا حياااك يمه ادخلي
ام فؤاد : عسى ماازعجتكم يمه اسفه والله
فؤاد: شدعووه يالغاليه .. يؤ نسيت اعيد عليك (باس راسها) كل عام وانتي بخير يمه
ام فؤاد: وانت بخير حبيبي .. كيفك مع زوجتك يمه؟ مبسوط
فؤاد: اكيد اسماء مافي منها
ام فؤاد: الله يوفقكم

دخـلت مع ولدها للشقه اللي كانت على حطه يدها امس مافي شئ تغير الا ريحة عطر اسماء اللي مالي المكـان

ام فؤاد: اسماء نايمه؟
فؤاد: لايمه صحت من بدري لحظه اناديها

دخـل فؤاد غرفه الـنوم وكانت اسماء توها سابحه ولابسه روب الحمام
ابتسمت له وقربت منه

باسها على جبينها وباس يدهـا
فؤاد: نعيما حبيبتي
اسماء: الله ينعم عليك .. كأني سمعت صوت خالتي
فؤاد: أي امي بره تعالي
اسماء: اصبر فؤاد بغير ملابسي وبجيكم
فؤاد: مو شغلي بنتطرك هنـا
اسماء بخجل: هييه اطلع بره بلبس ثيابي
فؤاد: البسي حد منعك؟
اسماء: اطلع طيب حتى البس
فؤاد وهو يطالعها بخبث: وش بشوف يعني ها؟
اسماء: فؤاااد
فؤاد: مدري عنك كأني الحين مااعرف كل شئ فيك

اسماء دزته لبره وقفلت الباب ولبست بدلـه اخضر زيتي

بدي كت وعليه قميص شفاف فيه خرز وتشكيلات صينيه مره ناعمه
والبنطلون كان ضيق شوي من فوق وواسع من تحت
وعلى خصرها ربطه خفيفه حتى تتحكم بحجم القميص

حطت ميك اب خفيف وتعطرت وطلـعت

اسماء وهي تقرب من خالتها وتبوس راسها: تو مانور المكـان هلا والله
ام فؤاد وهي تحضن اسماء: هلا حبيبتي شلونـك شخبارك عسى نمتي زين وارتحتي

طالعت اسماء في فؤاد يعني تقوله تكلم قول لها ان احنـا مانمنـا الا وجه
الفجر..

مابقت سالفه بالدنيـا الا تكلموا فيها
ضحكوا لين قالوا بس وانبسطوا..
فؤاد موتها ضحك نكت وسوالف ماتخلص

امس كانت ليله حلـوه جدا بالنسبه لها
حست بالراحه لوجود زوجـها جنبها

فؤاد: لا ياشيخه.. لتكون ماعجبتـك الليله
اسماء: هههههههه ماقلت شئ انـا
ام فؤاد: عالعموم يمه تراهم ناويين يطلعون للبر اليـوم مدري بتروحون ولا

طالعت اسماء في فؤاد حتـى تشوف رايه

فؤاد: الـبر؟ مدري شرايك سومتي؟
اسماء: امممممم مدري عـادي
فؤاد: ومتى بيمشون؟
اسماء: يمكن بعد ساعه
فؤاد: مو متشجع للطلعـه كثير احس بتعب
ام فؤاد: خلاص يمه براحتكم عالعموم لو غيرتوا رايكم دقوا علي
فؤاد: من عيوني يمـه ..
ام فؤاد: برسل لكم الخادمه حتى تجيب لـكم الغداء واكلوا زين مااوصيكم
فؤاد: أي والله مييت جوع يمه
ام فؤاد: ثواني والاكل عندكم
اسماء: مشكوره خالتي ماتقصرين
ام فؤاد: تدللي انتي بس
اسماء: احرجتينـي خالتي
ام فؤاد: شدعووه يمه.. خلاص اخليكم الحين
فؤاد: فمان الله يالغاليـه

سكـر البـاب ورا امـه وراح لاسماء اللي كـانت لسه واقفه.. قرب منها وهو يطالعها بنظرات مريبه

اسماء اللي خافت وكانت ترجع لورا: هاها بسم الله شفيك
فؤاد ببتسامه ملتويه: نو ثينك .. زوجتي وبطالعك كيفي
اسماء وهي توقف : اووووه خلاص عـاد
فؤاد وهو يجلس: ماتبين تطلعين الـيوم؟
اسماء: الا ابي اطلـع بس انت تعبـان .. خلاص مو لازم
فؤاد: لا ماعليك تعبك راحه.. وين تبين تروحين؟
اسماء وهي تجلس عالكنبه جنبه وتلعب بشعرها ومنزله راسها: أي مكان اهم شئ تكون معاي
فؤاد وهو يحط يده حول كتفها ويقرب منها: تحبيني؟
اسماء وهي ترفع راسها له: شسويت فيني؟ كيف خليتني اتعلق فيك بسرعه
فؤاد وهو يرفع حاجب: سر المهنـه
اسماء: هههههههه

.........................

البنـات يوم عرفوا بطلـعة الـبر اعترضوا اعتراض كبير
مو متشجعيين لطلعـة البر يبون يغيرون

ابوريان: جننتوني والله وين بتروحون يعني
سعود: عمي من جدك تاخذ رايهم هذول
جوري: سعوووووود شهالكلام
سعود: مدري عنـكم اخلصوا وين بتروحون
ديمه: منتجع؟ اوو نروح ملاهي شئ كذا نبي نتونس نلعب
ريان: فشلتونـا كبرتوا كل وحده اطول من الثانيه وتبون ملاهي
ام ريان: خلاص خلوهم براحتهم اذا يبون ملاهي
سعود: شرايك رزان؟
رزان : أي أي ملاهي بابا
سعود: دام رزان تبي ملاهي فـ خلاص توكلوا على الله
جوري: عشتووو الحين صار لنـا ساعه نقنعكم ويوم تفضلت الانسه رزان وتكلمت وافقتوا على طول
سعود: تجين تقارنين نفسك فيها يالدعله
فارس: هاااااا حدك كل شئ ولا اختي
جوري وهي تحط ذراع فارس على كتفها وتطلع لسانها لسعود: احم احم
ابوريان: خلصوناااااا عاد الناس طالعه تتمشى وانتوا هنـا تتهاوشون
مساعد: وش الملاهي اللي تبون اخلصوا
اميره: نرووح مدينه الملك فهد ( الله يرحمه) ودي في الكوبرا والله
ديمه: لالا مانبيها نبي الامير محمد
ريان: اقول يبه هذول ماوراهم الا وجع الراس اقول خلونا نطلع نتمشى وبعدين نودي العيال الملاهي واخر شئ نتعشى بمطعم
ابوريان: خلاص يلا اجهزوا اجل.. الا فؤاد واسماء وش قرروا؟
ام ريان: بيطلعون بروحهم
فارس: اييييييييه حسره علينا نقابل هالعوانس الست واشر على بنات خالاته ومعاهم جوري
امل : عوانس؟؟ بكره نتزوج وبنوريك من العوانس
مساعد: هاا نمشي ولا؟ اقول ام ريان وينها اختك؟
ام ريان: تجهز الاغراض بالمطبخ
مساعد: خلاص اتصلي الام فؤاد كان تبي تروح معانـا وخالد بعد
ام ريان: ان شاء الله
ابوريان: على بركة الله يلا اجهزوا


الـكل جهز بسرعه وشغلوا السيارات وبدوا يطلعون ويركبون لين الكل صار موجود ماعدا شخص واحد لسه مو مبين

مساعد وهو يطالعهم بالسيارات: ها جاهزيين؟
سعود: تقريبا الكل موجود يلا نحرك
ديمه: ويت ويت بلييييييييز
مساعد وهو يقرب من النافذه اللي جالسه عندها ديمه: ها شفيك يالقطوه؟
ديمه: دينـا ماجات
جوري: يؤؤ صحيح وانـا اقول في فرد من افراد شلة البراقع مفقوود
حد يروح يشوفـها؟
مساعد: خلاص روحي انتي
جوري: اوكي اوكي

نزلت جوري بسرعه ودخلت داخل المزرعه لقت دينـا تسرع علشان لاتتأخر
جوري: يلا يالدبه تأخرنــا
دينا: كاني جيت

طلعت جوري قبلها وصعدت مكانها وطلعت وراها دينـا اللي من السرعه ماكانت متغطيه وكانت كاشفه وفيها ميك اب خفيف ومتعطره بعطر جينفر
اللي في ظرف ثواني انتشر حولـها

كان مساعد وسعود واقفين بره ماركبوا سياره مساعد اللي بيروحون فيها..
رمت عليهم نظره سريعه وكانت بتركب سياره ابوها بس فل ومافي مكان لان محتلينها جوري واميره وامل واماني وديمه وبالاضافه الى ام ريان

وسياره فارس معاه امه قدام وورا الشغالات الثلاث

دينـا : وين اركب انـا؟
ابوريان: روحي مع اخوك
ريان: للاسف هاني نايم ورا ورامي عنده

سياره ريان كانت صغيره يادوب لاربع اشخاص لااكثر
مساعد: طيب تعالي معي .. بيروح معي سعود وبنتـه لان سيارته مافيها بنزين كفايه .. تعالي تعالي

دينا انحرجت ماكانت تبي تكون معاه بسياره وحده ولـكن مافي خيار ثاني

دينـا وهي تتغطي وتقرب من سياره مساعد اللكزس : اووكيه
صعدت ورا جنب رزان اللي فرحت بوجود دينـا معاها

صعـدوا مساعد وسعود وشغلوا السيارات وتحركوا

رزان: ونااسه خالوو دينـا معانـا..صح خالي ؟ صح بابا
مساعد اكتفى ببتسامه
اما سعود باحراج رد: أي صح بابا


اول مكـان راحوا له جزيره المرجـان جلسوا وتمشوا شوي وبـعدهـا حركوا لمدينه الامير محمد الترفيهيه

كل مجموعه مشت في وجهه ..

وصل خالد بعدهـم ومعاه امه وبقوا يتمشون بروحهم لين يلقونهـم

خالد: هذول وينهم؟
ام فؤاد: الحين نشوفهم لاتستعجل

وهم يمشوا شاف خالد وجه طفلـة مألوف ابد مو غريب عليه
عصر ذاكرته وتذكر اروى البنت الصغيره اللي شافها قبل يومين بالضبط بالكورنيش

سبحـان الله صدفه غريبه انتبهت له من بعيد وابتسمت لفت تطالع ابوها لقته مشغول مع اخوهـا الصغير وزوجته ..
قربت من خالد لانه سوا لها حركه بيده تعالي

ام فؤاد: يؤؤ تقول لمن تعال
خالد: لخطيبتي
ام فؤاد: غربلك الله لمنو تأشر

لفت ام فؤاد ولقت بنت بريئه حلوه حيل تقرب منهم بخجل

خالد: هذي هـي...شلونك اروى شخبارك؟
اروى بخجل: كويسه
ام فؤاد: من وين تعرفها ؟ وكيف عرفت اسمها
خالد: ابد يمه شفتها قـبل يومين بالكورنيش وتعرفنـا ..
ام فؤاد وهي تكشر وتطالع ملامح البنت اللي كانها شايفتها من قبل: شلونك يمه؟
اروى: الحمدلله .. عندك حلاوه مثل اللي عطيتني هذاك اليوم
خالد: هههههههههههه لاوالله خساره

ام فؤاد بقت تطالع الـبنت .. وجهها مو غريب كأني اعرفها او شفتها من قبل بس وين..

قربت منهم حرمه وهي معصبه
الحرمه: اروى انتي هنــا واحنـا ندورك..من هاللي واقفه معهم

دق قلب ام فؤاد بسرعه رهيبه تعرف هالصوت زيين
حافظته عن ظـهر قلب..

بس لا يمكن مو نفس الانسانه اللي في بالـي..

الحرمه: ماتتكلمين؟
اروى: شفتهم يوم الاربعاء بالكورنيش وجيت اسلم عليهم
الحرمه: ماشاء الله عليك احنا ندورك وانتي فاضيه تسلمين عليهم

رفعت الحرمه عينها لخالـد وطالعته بتفحص وحولت نظرها لام فؤاد..
بس في شئ خلاها ترجـع تطالع خالد ليش ماتدري
خالد استحى من نظرات الحرمه واستغرب هي ليش تطالعه كذا؟

الشك اللي في الحرمه زاد لدرجـه ان الفضول ذبحها وخلاها تستفسر عن هويتهم

الحرمه: عفوا من انتوا؟
ام فؤاد اللي حست بمصيبه كبيره بتطيح على روسهم
بعدت خالد لورا وردت وهي ترجف مـن راسها لين رجليها

ام فؤاد: مثل ماقالت لك بنتك..
الحرمه وهي تقرب من ام فؤاد: لحظه لحظه هالصوت مو غريب علي؟ انا اعرفك صح؟
ام فؤاد وهي قريب لاتبكي: لالا اكيد مااعرفك من وين بعرفك .. يلا يمه خالد يلا

نطقت اسم ولدها بس فجأه حست بشئ يضغط على قلبها يلومها لانها نطقت اسم ولـدها قدام هالحرمه

الحرمه جن جنونـها لما سمعت الاسم وخافت لتكون الافكار اللي في بالها صحيحه

الحرمه بجنون: خالد؟ انت خالد ؟
خالد وهو مو فاهم شئ : أي ياخالتي ليش؟ عسى ماشر
ام فؤاد وهي تمسك يد خالد وتمشي: الظاهر الاخت مشبهه على شخص يشبهك .. يلا مشينا

ومشت وهي ماسكك يد خالد بقوه وكأنها خايفه لايروح من يديها

خالد وهو مستغرب تصرف امه: يممه شفيك ماسكتني كذا؟ تراني مو فاهم شئ
ام فؤاد وهي تصارخ: مو لازم تفهم ويلا نطلع من هالمكان
خالد: يمه مامدانـا تونا واصلين
ام فؤاد بعصبيه : خااالد قلت لك نطلع
خالد والشك بدا ياكل تفكيره: في الموضوع شئ غريب من هالحرمه؟ شكلها تعرفنا يمه

ام فؤاد كانت خايفه لاتجي الحرمه وراهم وسعت من خطواتها وخالد معاها مو فاهم شئ..
بس لما شاف عصبيه امه استجاب لها ومشوا بسرعه لين اختفوا بين جموع الناس الهائله والحرمه فقدت خطواتهم

لكنها مايأست وراحت وراهم تركض تبي تشوفهم .. ولكن قدرة الله والمصير انها ماتشوفهم مره ثانيه اليوم

وصلوا للسياره جلست جنب ولدها وهي ترجف بخوف
خالد وهو خايف على امه: يمه شفيك ؟ اول مره اشوفك كذا فهميني من هالحرمه؟ وليش خايفه هالخوف منها
ام فؤاد: مادري مادري مااعرفها
خالد: ماتعرفيها؟ شوفي حالتك ترتجفين وخايفه منها
ام فؤاد : اممم لا بس خفت عليك منها كانت تطالعك نظرات غريبه خفت لايجيك شئ ..
خالد: بس كذا؟
ام فؤاد وهي تحاول تقنع خالد: أي اجل شو بيكون يعني ؟ انا لااعرفها ولا تعرفني .. بس الظاهر مشبهه عليك
خالد وهو يحاول يصدق: جايز ليش لا
ام فؤاد: يمه هالبنت اذا شفتها مره ثانيه ولا كانك تشوفها ولا تكلمها
فاهمني؟
خالد: ليش عاد البنت حليوه حبوبه
ام فؤاد بعصبيه وهي ترجف من الخوف: سوي اللي اقولك عليه ولايكثر..
خالد وهو يرفع حاجب: اوكي

نرجع للحرمه المجهولـه اللي كانت بتجن بس تلاقيهم بس بدون فايده جلست على اقرب كرسي قابلته وهي تبكي من القهر..

بعد مالقيته من بعد هالسنين ارجع افقده؟
كله منك ياامــال اخذتيه مني وهو صغير
ومصره يبقى معاك وهو كبير وانا اللي انحرم منه ..

لكن لا والف لا .. (وضحكت ضحكه شيطانيه) خالد لي انـا لوحدي مو لك ياام فؤاد..
مو كفايه عندك فؤاد وش تبين في الثاني ..
خالد لي انـا مو لك .. مو لك ياامــال..
انـا اللي تعبت فيه مو انتي ..
مصيري برجع وبشوفك .. مابتروحين مكـان


..............................

امـل كانت تمشي مع دينـا ومعاهم خالهم مساعد وجوري
بيقطعون تذاكر ويركبون لعبه خطيره

دينـا: ياربي احس اني خايفه حيل
امل: اقووول اتركي عنك حركات المبزره يلا
دينـا: لالا هونت مابركب
مساعد: مو بكيفك قطعت لك تذكره
دينا وبطنها بدأ يعورها: مصرين يعني ؟
جوري وهي تلف لدينـا: اكيد .. ماراح تهربين مثل ماهربت ديموو الخاينه

ركبوا للعبه كان مساعد جنب جوري وامل جنب دينـا واشتغلت اللعبه ودينـا ترجف وتسمي بسم الله وتدعي ربها ان اللعبه تخلص بسرعه وتفتك من هالخوف..

امل كانت تصارخ من الخووف ومساعد ميت ضحك هو وجوري على اصوات صراخ امل ودينــا

واللعبه تمشي طار عقال مساعد..حاول يمسكه لكن عبـث طار بعييد
انتظر لين تخلص اللعبه حتى يدوره

نزلوا البنات وهم مبسوطين بنفس الوقت مرعوبين من اللعبه
دينـا: وي وي وي كنت بمووت زين نزلت بسلامه
جوري وهي تنادي خالها: خالي وين رايح؟
مساعد : بشوف عقالي مدري وينـه

ومساعد يدوره يمين يسـار قربت منهم بنت..وقفت تطالعهم بخجل
ومتردده تقرب منهم او لا..

كانت البنت طويلـه متنقبه وباين ان لون بشرتها حنـطي

لكن تشجعت وقربت وبيدها عقال مساعد
اللي لما طار صار بحضنـها وهي جالسه عالكراسي القريبه من اللعبه

البنت: السلام عليكم
امل وهي تميز هالصوت اللي تعرفه زين:لا مو معقوووله ايش هالمفاجأه
البنت اللي عرفت امل وتبي تسلم عليها بس وجود رجال قريب اللي هو مساعد مضايقها: هلا اموله هلا حبيبي شلوونك كل عام وانتي بخير
امل وهي تحضن صديقتها:وانتي بخير عيدك مبارك(وهي تطالع يد البنت) اووه هذا عقال خالي وش جابه عندك فروحه؟

طول هالوقت ومساعد يطالع البنت ومذهول كيف صار عقاله بيد البنت اللي باين انها محترمه لابعد درجـه..

فرح وهي تساسر امل: وش فروحه يالدبه هاك عقال خالك .. طار وصار بحضني..لمحتكم لما نزلتوا تدورون على شئ عرفت انكم تدورون على العقال
امل: ياافديتك يالدبه عالعموم الف شكر يالغلا هاتي

واخذت امل العقال من البنت وودعتها وراحت ومساعد كان يتابع البنت بنظراته

امل: هيييييه هييه ياهوو يابو الشباب
مساعد وهو يلف لها: امم هاها هلا
امل: لااااا ياشيخ اكلتها بعيونـك..

ابتسم مساعد وقرب واخذ العقال من يد امل قبل مايلمسه شم ريحة عطر انثوي..
اكيد عطرها وانتقل للعقال .. ريحته حلوه حيـل..
مساعد وهو يلبسه ويعدل الشماغ: منو هذي
امل: وحده
جوري: خويتك بالمدرسه ذي؟
امل: عليك نور هذي مدرسه تربيه فنيه معاي بالمدرسه
دينا: اول مره اشوفها ماقدر شفناها معاك اموول
امل: منتقلـه جديد لمدرستنـا بس وربي بنت ونعم التربيه ..
مساعد: وكيف عقالي صار عندهـا؟
امل: ابد طار وصار بحضنها وجابته؟
مساعد: ااه ياوييلي
امل: هيه هيه وش ياويلي بعد
مساعد: ههههههه لا سلامتـك يلا مشينـا ..

وكملـوا طريقهم وهم يضحكون ومبسوطين..

بس ريحـة عطر فرح اشغلت مساعد شوي
كل ماشم الريحه تذكرهـا وتذكر اسلوبها وكلماتها المهذبـه والرقيقه..

..........................

ام ريـان كانت تتصل على تلفون اختها ام فؤاد وكان مقفل ..
ام ريان: بديت اخاف هذي وينها للحين ماجات .. ماشفناها للحيـن
ام سعود: يمكن انشغلت شوي مع المعاريس.. او صار عندها ظرف دقي طيب عالبيت
ام ريان: أي دقيييت بس محد يـرد..
ام سعود: تدرين بـكلم اسماء وبسألـها

دقـت ام سعود على بنتها وكـان جوالها مغلق
ام سعود: مغلق
ام ريان : لالا بديت اخاااف
ام سعود: وانتي هذي سالفتك اتركي هالخوف عنـك وصلي عالنبي مافيهم الا الخير ..
ام ريان: شلون مااخاف انا قايلة لها تجينـا .. تدرين بدق على خالد وبشووفه
ام سعود: دقي يلا

اتصلت وبعد رنتين رد خالـد اللي كان توه منزل امه للبيت ولازال جالس بالسياره: هلا وغلا بالزين كلـه
ام ريان بلهفه: يمه وينكم فيه؟
خالد: توني منزل امي البيت ليه؟
ام ريان: البيت؟ ليه ماجيتوا؟
خالد: اووه اسكتي خالتي صارت لنـا سالفه..بس تدرين مو مطمن
ام ريان: علمني وش صار؟

وقال خالـد كل شئ صار بالتفصيـل لخالته..اللي الخوف تملـك قلبها اكثر واكثر وتوصلت لهويـة هالحرمه اللي طلعت بعد هالسنين..

ام ريان: وامك شلونها الحين؟
خالد: هدأت شوي بس احاتيها موو مطمن للي صار
ام ريان: ماعليك تطمن .. تعرفها كيف تحبكم وتخاف عليكم من نسمه الهوا الطايره؟
خالد وهو يطمن حاله: تتوقعين ؟
ام ريان: اكيد..لاتحاتي يمه انا بكلمها الحين
خالد: اوكي خالتي يلا مع السلامه


سكـرت ودقت على طول لاختهـا وام سعود اطرش بالزفه مو فاهمه شئ
رفضت ام ريان تخبرها بشئ قبل ماتتطمن على اختها وتعرف كل السالفه

ام فؤاد بصوت متعب: الـو
ام ريان: هلا والله اختي
ام فؤاد: هلا هلا ام ريان
ام ريان بسرعه: من شفتي يوم جيتي الملاهي؟
ام فؤاد: شعرفك؟
ام ريان: خالد قال لي
ام فؤاد وهي تبكي غصبا عنها: من بعد هالسنين رجعت وطلعت لنـا
ام ريان بخوف: حصه؟ ماغيرها؟
ام فؤاد وهي تنفجر بانفعال: أي حصه ام خالـــد


.............................

ام ريان وهي تبلع ريقها: من جدك؟ يمكن مو هي
ام فؤاد وهي تبكي: اعرفها زين مااضيع بينها وبين وحده ثانيه
ام ريان: لااله الا الله من وين طلعـت لنـا هالمصيبه بس .. انتي بي هدي الحين حـالك يااختي ولا بيصير الا كـل خير .. واحمدي ربك يوم هربتوا ولا شافتكم وعرف خالد بالموضوع..
ام فؤاد وهي تمسح دموعها: والله كنت خايفه تتكلـم ويعرف خالـد الموضوع..
ساعتها بيروح مني ولا بشوفه
ام ريان: لاصلي عالنبي واستهدي بالله .. كل هذا مابيصير ان شاء اللـه
ام فؤاد: ااه .. ها وينكم؟
ام ريان: جالسين بالملاهي .. بس الجو زحمه وازعـاج ودنـا نطلـع
ام فؤاد: اطلعوا طيب
ام ريان: وين نطلـع ليش احنـا شايفينهم كل واحد بجهه..عالعموم انـا بـكره اجي واشوفك ولا تتضايقين
ام فؤاد: ان شاء الله
ام ريان: مع السلامه

سكـرت ام ريان من اختها لما عرفت انـ مالها طاقه ومزاج للكـلام وخبرت اختها ام سعود بالموضوع

ام سعود: حصه؟ ام خالد ماغيرها؟ هذي من وين طلعت لنـا
ام ريان: مدري .. المشكله انها عرفتهم على طول
ام سعود: جنيه طول عمرها..بعد هالسنين رجعت وعرفتهم
ام ريان: خايفه على امـال .. تعرفين شقد تحب خالد لو فقدتـه ..
قاطعتها اختها: صللي انتي بعد الثانيه على النبي ماراح نفقده ..
خالد ولدنـا طال الزمان ولا قصر..
هي امه بالاسم بس.. اختي اللي ربته
ام ريان: ان شاء الله خير..
ام سعود: رجلك وينه؟ من جينـا مو مبين
ام ريان: قعد معانـا شوي وبعدها اخذ سياره ريان ورجع للمزرعه تعرفيه كيف يحبها
ام سعود: أييه احسن له


بعد المحادثـه اللي سمعتها بين خالاتهـــا انشلت رجلـها لالا مو معقووله اللي انـأ اسمعه..
بعدت عنهم بسرعه قبل لايشوفونـها ..

امانـي جلست على اقرب كرسي شافتته ..
خالد مو اخوي؟
اجل مين يطلـع

نزلت دموعها بسرعه على خدهـا حاولت تتمالك حالها وترجع لطبيعتها المرحـه بس عبث

اللي سمعته من خاالاتي مو هين..
يعني مو اخونـا ..
كيف ؟ واحنا مع بعض من يوم كنـا صغار

بحكم فضولها الكبير وانفعالها ماقدرت تتمالك حالتها ورجعت لخالاتها وجلست معاهم
شالت الغطاء عن وجهها وبانت الدموع

ام سعود بخوف: يمه اماني شفيك؟ تبكين؟
اماني ودموعها ترجع تطيح: اللي سمعته صحيح؟
ام سعود وهي تلتفت بارتباك لاختها: وش سمعتي ؟
اماني واعصابها فلتت منها خلاص: خالد مو اخوي؟ جاوبوني ارجووكم .. قولوا انكم تمزحون..
مايصير مايطلع اخوي .. خالد اخوي اخووووي

بكت اكثر وحطت راسها على رجل خالتها ام سعود اللي هدتـها وقامت تطالع يمين يسار في الناس اللي سمعوهم وقاموا يطالعون فيهم..

ام سعود: يمه اماني مو هنـا في البيت .. ترى النـاس تطالعنـا
اماني: أي ناس أي هم ياخالتي .. مااهتم في احد..فهموني وش السالفه
ام ريان: حبيبتي اماني هدي حالك .. اللي سمعتيه غلـط .. كان..كـان .. اممم

ماعرفت وش تقول .. دام البنت سمعت كل شئ... الموضوع مايترقع..
صار واضح مثل عين الشمس

اماني: خالتي ماله داعي انا سمعت كل شئ .. خالد مو اخوي صح؟
ام ريان وهي تستسلم لان مافي مفر: اخوك بس بالرضاعه .. مو من امك وابوك

حطت يدها بذهول على فمها كانها توها تسمع بالموضوع وتعرفه..
الحين تاكد لها اللي سمعته..

الحقيقه صـارت واضحه لفرد جديد من افراد العائلـه ..
خالــد مو اخو اماني واميره وامل وحتى فؤاد بالدم والنسب

خالـد من ام وابو غير . لكـنه اخوهم بالرضاعه لااكثر ولا اقـل..

اماني وهي تبي تصارخ تبكي بس خاالتها ام سعود ماسكتها بقوه: اماني مو هنـا مانبي فضايح قدام الناس..وينهم الشغالات لابارك الله فيهم ..(وهي تلف للشغالات) جيبوا لها مويه بسررعه

جابت وحده من الشغالات مويه وشربت اماني غصبا عنها لان خالتها غصبتها
ام ريان: خلاص اماني في البيت مو هنـا
اماني: وش يصبرنـي .. ابي اعرف كل شئ
يعني اخوي اللي احبه واعزه اكثر من نفسي مايطلع اخوي كييف

وبكت اماني بحرقه قلب وحطت يدها على وجهها ..
كان شكلـها بصراحه يقطع القلب

ام سعود: بدق على فـارس يرجعنـا البيت
ام ريان: انا بعد برجع

فارس بعد مارن جواله: هلا يمه
ام سعود: تعال حبيبي مكان ماجلسنـا .. نبي نرجع للبيت انا وخالتك
فارس: مليتوا؟
ام سعود: أي خلاص
فارس: من عيوني اجيكم الحين ..

سكر فارس وراح لمكان ماكان ريان واقف يسولف مع لطيفه ويضحكون ..
ورامي وهاني يلعبون بالالعاب..
فارس: اقول ابو رامي
ريان: هلاااا ابو الشباب
فارس: الوالده وخالتي يبون يرجعون البيت برجعهم وبرجع
ريان: مو تعب عليك المشوار
فارس: لا عاادي وش وراي انــا .. المهم مايتغيروا المكان؟

طالع ريان ساعته كانت 8 المغرب
ريان: خلاص لما ترجع نروح للمطعم بس شاور مساعد وسعود
فارس: تدري انت تكفل بهالشئ وانا بروح تراهم يحتروني بااااي

وراح فارس لمكانهم واستغرب ان اماني بترجع بعد معاهم وساكته وهادئه على غير العاده

فارس وهي يمشي مع اهله للسياره: يعني غريبه صااخه ووين لسانك

اماني ماردت .. طالع فارس في امه يستفهم عالسبب
ام سعود: تعبانه شوي
فارس: وش تعبها توها تشقح وتنطح مثل الخيل
ام سعود: بلا لقافه فرووس خليك بحالك
فارس: هههههههه طيب ياقلب فروس انتي

ضحكت على ولـدها الخبل وركبوا للسياره وطول الوقت اماني تبـكي بصمت من الحقيقه المره القاسيه اللي عرفتها..

لاحد يلومها تخيل تعيش عمر مع شخص تتوقع انه اخوك من امك وابوك..
في ظرف دقائق تكتشف ان كل هذا مو صحيح
وان في حقيقه مخفيه ماتعرفها..

احساس صعب جــدا..

....................................



اسماء وفؤاد كــانوا يتمشون بشوارع الدمــام .. مروا على مطعم ( أيـــام زمان )
وقف عنده فؤاد ولــف يطالعها
اسماء وهي تبتسم له من تحت غطاها: ليش وقفت فؤاد
فؤاد: اووف اسماء كم مره بقول لك لاتتغطين البسي نقاب مااشوف عيونك كذا ..
اسماء: وش تبي في عيوني ها
فؤاد برومنسيه: شلون وش ابي فيهم حبيبتي .. (وهو يغني) هايعون شلون املها سحر ذوبني بغرلتها بوسه من عندك حبيبي تسوى عندي الدنـيا كلها

شالت الغطاء وبان له وجهها الهادئ الملامح
فؤاد: شوفي حبيبتي هالمطعم ننزل فيه؟
اسماء وهي تطالع اللوحه: قد جربته؟
فؤاد: لاوالله..شرايك نجربه؟
اسماء: احب دارين انـا
فؤاد: يااااااقدمك انتي وش عاجبك في دارين
اسماء: هههه شسوي بحالي احب اكلـه .. علشاني فيفو خلينا نروح
فؤاد: علشان فيفو بس ولا انــا مااحبـه ولاشئ
اسماء: مشكور قلبي
فؤاد: خلي هالكلام للبيت الحين انـا اسوق ولا تبيني ادعم
اسماء: لالا خلاص بسكت

وصلوا دارين .. نزل بالاول وراح فتح لها الباب ونزلت ..دخلوا وهم ماسكين يد بعض..

................................

اما بالملاهي امل كلمت خالتها تسألها عن اختها .. لانها خافت عليها كثير .. بس خالتها طمنتها وقالت لها تعبانه شوي..لااكثر

فارس بعد ما نزل اهلـه في بيتهم .. حتى يهدون اماني ويفهموهـا كل السالفه على شرط ان خالد مايعرف عنها أي شئ..

ووافقت , فارس رجع لــهم ..
وراح مكان ماكانوا جالسين بالملاهي وشافهم..

مساعد: انت وينك تاخرت ياخي متنـا جووع يلا على اول مطعم ننزل
جوري: لحظه لحظه وش على اول مطعم .. انا والبنات نبي نروح جوفريز..وانتوا براحتكم عــاد..
فارس: انقلعي انتي وياها قالوا جوفريز قالوا
دينـا: بكون انا وامل معاهم
ديمه: أي بليييز
طالعها فارس وهو مبتسم

اميره تمنت هالنظره تكون لها ولكن عبث .. صارت لبنت خالتها

فارس: انا مالي دعوه..
مساعد: خلاص انتوا تروحوا واحنـا نروح لمطعم
لطيفه: انا ابي ارجع البيت انتوا روحوا
ريان: ماتبين تروحين معاهم؟
لطيفه: لالا ماابي وش يوديني معاهم
ريان: خلاص براحتك..
مساعد وهو يرجع يكلم بنات خواته: ومين يرجعكم؟
جوري: خلاص سلام يرجعنـا ( السايق)
رزان: بابا انا بروح مع عمتي جوري
سعود: في السياره نتفاهم مشينـا .. هات مفاتيح سيارتك خالي
مساعد: ليش؟
سعود: انا بسوق

طلع مساعد المفتاح من جيبه وعطـاه ولد اخته

ريان: اجل البنات تعالوا معاي انزلكم للحكير لان ابوي ماخذ سيارتي
جوري: انا بروح مع خالي
مساعد: وين تجين .. سيارتي ماتكفي روحوا مع ريان ينزلكم على طريقه


ومشــوا للمواقف وطول الوقت رزان تحن على ابوها انها تنزل معاهم ..
سعود: ياااااااه رزان دوختيني ...
رزان وهي قريب لاتبكي: ابي اروح معهم
سعود: خلاص روحي بس مااتتحركين يمين ويسار فاهمه
جوري: لاتخاف انا معاهـا

ريان مر على مطعم واشترى له ولعياله وزوجته عشاء وراحوا للبيت واتصلت لخاله وقاله انه بيتعشى بالبيت ..
ونـزل البنات لجوفريز..

وسعود ومساعد وفارس نزلـوا للمطعم..


نرجــع لبيت ابوسعود الله يرحمه..

امـاني كانت حالتها هستيريه بشكل ماينوصف
تصارخ وتبكي... تقوم تقعد مو عارفه كيف تصرف

ام ريان وهي تمسك اماني: اماني منتي صغيره حتى تسوين كل هذا
اماني وهي تصارخ بانفعال: يعني تتوقعون اللي سمعته سهل؟ فهموني كيف مو اخوي ابي افهم
ام سعود: يااختي البنت بتموت قولي لها وخلصينا
ام ريان: وانا وش يضمني ماتقول لخالد والله لو اختي تعرف تروح فيها
اماني وهي تمسح دموعها وتمسك يد خالتها: ابوس ايدك قولي لي واوعدك مااقول لخالد..

ام ريان عورها قلبها على اماني وجلست معاها عالكنـبه ..
ام ريان: انا بقولك كل شئ يابنيتي بس هالشئ لازم يكون سر ..
حتى امك مااابيها تعرف اني قلت لك..لان ساعتها بتجن اكيد
اماني وهي تهدي حالها: اوكي .. يلا اسمعك
ام ريان: اسمعي.. في وحده ينقال لها حصه يااماني..هذي حصه خوية امك من ايام المدرسه..كانوا مثل الخوات مايفترقون ابد..
وبيوم جات هذي حصه لامك وقالت لهاا انها تعرف ولد جيرانهم ويتكلمون من تحت لتحت.. يعني ماحد يعرف بهالشئ
امك هاوشتها وقالت لها عيب ومن هالسوالف
حصه صارت تقنع امك ان هالولد زين ومحترم وانه بيخطبها قريب..
بقت امك تحن على راس حصه حتى هالولد يخطبها بس بدون فايده...
وبأسبوع حصه غابت عن المـدرسه امك خافت عليها راحت تزورها..
طبعا امها وابوها متوفيين وعايشه مع خالتها اللي كانت تسافر حتى تشوف بنتها بالرياض..
فـ كانت بالبيت لوحدها..
اماني: أي كملي خالتي
ام ريان: راحت تزورها لقتها حامل
اماني بدهشه: من ولد الجيران؟
ام ريان: عليك نور.. سوت معاه الحرام .. وحملت منه..
اماني: امي وش سوت ساعتها؟
ام ريان: امك زين ماجنت .. حتى الضرب ضربت حصه..وكانها امها..هذا طبعا لانها تحبها وتعزهـا من كل قلبها..
طبعا قالت لها امك اللي ببطنك لازم ينزل بأي شكل لانه بيصير لقيط ولد حرام ومافي رجال يربيه
اماني: وابوه طيب؟ ليش ماتزوجوا؟
ام ريان: ابوه؟ هو من عرف انكر انه ولـده وشهر في حصه بين النـاس خلاها ماتسوي قرش.وخسرت بالنهايه
اماني: وبعدين؟
ام ريان: ابد..حصه وصلها علم ان خالتها بترجع لبيتها طبعا اذا رجعت وشافتها حامل بتصير مصيبه
اماني: صح..
ام ريان: تخيلي ان امك اخذتـها في بيتها .. يعني بيت ابوك..في هذاك الوقت كان اخوك فؤاد صغير ...
يعني كان عمره تقريبـا 4 او 5 مو ذاكره بالضبط.. واختك امل صغيره بعد
اماني: وش قالت لخالتها؟
ام ريان: ماخبرتها..اخذت قشها وراحت بيت اختي بدون علم خالتها
اماني: معقوله؟ وامي وش موقفها؟وخاله حصه مادورت عنها عند امي
ام ريان: امك سكتت لانها تحب حصه كثير مثل الاخت وكانت مستعده تسوي أي شئ علشانها..
فهمت خالة حصه انها ماتعرف بالموضوع اصلا ولاتعرف حصه وين راحت
وفوق هذا..تحملت ظلـم وتصرفات ابوك لانه كان معارض وجود بنت عـا ...استغفر الله.. المهم مرت تسع شهور وامك ضايعه بين غضب ابوك وكلامه الجارح..وبين تعب حصه اللي قربت من الولاده...وولدت وجابت اخوك خالـد

بهالوقت نزلت اماني راسها وبكت...
ام ريان: واستغنت عنـه قالت ماتبيه...طبعا امك ماهان عليها تشوف ولد عمره ماتعدى الايام بالشارع...اخذتـه..
اماني: ابوي واقف عليه؟
ام ريان: لا طبعا..هدد امك بالطلاق وجن جنونها..ترجته حتى رجله باستها ان هالولد يبقى عندها ولايصير بالشارع...
بس ابوك راسه يابس طردها ومعاها اخوك فؤاد وامل اختك وهاالولد..
اماني: وكيف رجعت لابوي؟
ام ريان: ابوك يحب امك وبجنون بس مشكلته عصبيته ..
بقت ساكنه ببيت جدك العود 4 شهور .. ابوك ماقدر يفارق

امك اكثر من هالمده..رجعها ومعاها اخوانك وخالد طبعا
وافق على وجود خالد معاه بالبيت وهو كاره هالشئ بس لخاطر امك ولانها ترجته كثير

كان يحبكم كلكم ويكره هالمسكين خالـد اللي ماله ذنب
اماني: الحين بس فهمت
ام ريان: شنو؟
اماني: فهمت ليش ابوي يحبنـا كلنـا ويكره خالد...فهمت ليه يعامل فؤاد بحب واضح ويمقت خالد بقوه..
ام ريان: وهذا اللي صـار يمه... ورضع خالد من امك وصار اخوكم..
اماني وهي تبكي: توقعت أي شئ بالدنيا.. بس ان خالد مو اخوي الا بالرضاعه ابد ابد ماخطر على بالي..
طيب وامه مافكرت تسأل عنه؟
ام ريان: الا بعد سنتين قالت تبيه لانها مشتاقه تشوفه امك جن جنونها ورفضت تعطيها الولـد..
لانها خلاص تعلقت فيه وحبتـه..
اماني: بس هو ولدها ومن حقها تاخذه او عاالاقل تشوفه
ام ريان: ولدها اللي رفضته ورمته لولا امك اخذته وربته وكبرته..كان الحين الله عالم بحاله..
ومن كثر خوف امك عليه طلبت من ابوك يشتري بيت ثاني حتى ماتعرفه حصه..
وفي ظرف 4 شهور انتقلتوا لبيتكم اللي ساكنين فيه الحين..
اماني: طيب والحين حصه ماتعرف بيتنا ولا تشوف امي؟

سكتت ام ريان وطالعت اختها نظرات يعني انقذي هالموقف وجاوبي..

ام سعود: يمه اماني خلاص اللي تبين تعرفيه عرفتيه هاالاسئله مالها داعي...وقفلوا هالسيره..
اماني: ااااه ياخالـد..طيب مين يعرف بهالموضوع؟
ام سعود: انا وامك وخالتك وابوريان وابوسعود الله يرحمه...ومساعد
اماني بدهشه: خالي بعد يعرف؟
ام سعود: طبعا..مســـــاعد ماكان صغير هذاك الوقت...وكان يفهم ان اخته ماكانت حامل وان هالولد ولد صديقتها


قامت اماني وتلقائيا فتحت جوالها ودقت على خالد

ام سعود: لمنوو تتصلين؟
اماني: خالد


تتوقعون اماني تفضح هالسر الكبير اللي خالد للحين مايعرفه؟؟


................................

قامت اماني وتلقائيا فتحت جوالها ودقت على خالد

ام سعود: لمنوو تتصلين؟
اماني: خالد
ام سعود وهي تاخذ الجوال وتسكره: ليكون تقولين له يالخبله
اماني: مجنونه انا اقوله...خالد اخوي اللي ماابي اخسره ..بس بخليه يمرني ويرجعني البيت
ام سعود: بس مثل ماوصيتك امك لاتعرف بالموضوع
اماني: ان شاء الله

اتصلـت اماني بخالد اللي حست بشوق غريب انها تشوفـه..
بتشوفه ولاول مره بعيون ثانيه..
كانت تنظر له نظره اخت لاخوهـا
بس هالمره غير..
تحس شعورها اقوى..تحس انها تبي تتقرب من شخص مسكين.. في لحظه امه باعته برخيص وهو مايستاهل..
حست انها تبي تعوضه عن كل شئ
رغم انــه مافقد شئ..
لانه تربى بين ام فؤاد وابو فؤاد..
ولايعرف حقيقته..
انـــه لقيــط..

بس هذا كان شعورهـا..

اتصلت ورد وهم مستغرب: اماني بنفسها مو معقوله
اماني وهي تبعد عن خالاتها وبهدوء: ههههههه هلا بأخوي هلا
خالد وهو يرجع يطالع الشاشه يبي يتأكد انها اماني: يؤ..صرت اشك بنفسي..ليكون يتهيأ لي صوتك وانتي مو اماني
اماني: هههههههه الا اختك اماني شفيك
خالد: سلامتك بس مستغرب اسلوبك..العاده ماتتصلين الا تهاوشين ام تستهبلين وتسكرين
اماني وهي تنزل راسها وتدمع عينها: ادري مقصره في حقك سامحني ياخوي..

خالد استغرب بقوه من اللي صاير بأماني..
وحسها تكرر لفظ اخوي كثير
طاري الاخوه سمعه اكثر من مره منها..
شسالفه؟

خالد: وش صاير اماني؟
اماني: ولاشئ اخوي واحبك عندك مانع؟
خالد: ههههههه توكـ تحسين بهالحب الاخوي؟
اماني: شفت كيف؟
خالد: ههههههه وينك يالخبله؟
اماني: ببيت خالتي احلام...تقدر تمرني؟
خالد: اممممممم اصبري ربع ساعه
اماني: ليش؟
خالد: اووه ليتك معاي جالس بستار بكس واشرب هوت شوكليت ومروووق اخر رواق..لما يخلص بجيك
اماني: يالمفجوع ماصار هوت شوكليت
خالد: والله عاد بشربه ودي فيه
اماني: تعال مرني وبعزمك على غيره
خالد: ماشاء الله على الكرم الحاتمي اللي نزل عليك ليته دوم مو يوووم
اماني: هههههه لايكثر تعال يلا ونشرب سوا
خالد: يلا الحين اطلع واجيك
اماني: فديت يالدب
خالد: اووف تراك ازعجتيني تراني اخوك مو زوجك مناك يلا
اماني: هههههههههههههههههههه الله يرجك
خالد: يلا يلا روحي لايخلص رصيدك وتقولين ارسل رصيد ترى ماعندي الا 6 ريال
اماني : فشلتنا المهم تعال يلا بااااااي
خالد: بايااات

سكرت اماني ودقت على طول لاميره ..

اماني: الووو
اميره: الووين سلامااات يالملقوفه شفيك
اماني: ابد كنت تعبانه شووي..ها وينكم؟
اميره: ونااسه جالسين بجوفريز ناكل تيرا ميسو ونشرب ليمون بالنعناع حبيب قلبك
اماني: لااااااااااا لااا ابي تيرا ميسو
تدرون بجيكم الحين مع خالد
اميره: مع خالد؟ ليش يعني؟
اماني: يؤؤ مافيها شئ
اميره: أي ادري بس غريبه خالد مايحب هالنوع من الطلعات
اماني: بيحبها لاني عازمته على حسابي
اميره: دام كذا حسابنا عليك يالحاتميه شقلتي
اماني: انا اشهد انكم عائله المفاجيع انقلعي من وين لي انا الفلوس لاوتلاقين اختك الطويله املوووه ماخذه لها ميلك شيك وليمون نعناع وكيكتين
اميره وهي تطالع الاكل والمشربات اللي قدام امل بالضبط مثل ماقالتها اختها: ههههههههههههههههههههههههه هههههههه شدراك وربي طالبه كل اللي قلتي عليهم
اماني: شفتي اختي واعرفها .. من يومها ملهوفه عاالاكل المهم ماعلينــا الرصيد بيطير انا بجيكم مع خالد ..
اميره: اوووكي ننتظركم..باي

سكرت اميره وهي مبتسمه..
دينـا: شفيها اماني؟
اميره: ابد تقول بتجي مع خالــد بيجلسون معنــا..
جوري: غرييبه
اميره: مو غريب الا الشيطان الاخ شكله يبي يغير جوو..
ديمه وهي تشم ريحة معسل العنب الفاخر: اوووف ودي اعسل .. عادي؟

لفت دينـا تطالع اختها بنظرات يطلع منها شرار

ديمه: اووه دينا ليش شوفي كل البنات هنـا يعسلون مافيها شئ بطلب لي معسل
دينا: اوكي اطلبي بس اذا اخوك كسر رقبتك انا مالي شغل
ديمه: وليش بتقولين له؟
دينا: اكيد بقول له وبقول لابوي وامي..ليش الدنيا سايبه
ديمه: وهذا وانتي دارسه بأمريكا المفروض عقلك يكون متفتح مو كذا
امل: ديمووم اختك خايفه عليك مو مسأله تخلف او تحرر..فوق ان عيب البنت تشرب معسل بمكان عام ..هو ضار بالصحه..
ديمه: لا مو عيب وش العيب اللي فيه؟ يعني بكره اذا تزوجت وشربت معسل في بيتي اطلع مسويه شئ غلط؟
امل: خلاص اذا عرستي سوي اللي تبيت مالنا علاقه فيك
ديمه: اووف الدنيـا تطورت ..
امل: الله يهديك..

مر خـالد على اماني ببيت خالتها دق لها رنه وطلعت .. اول ماصعدت السياره لفت تطالعه وتذكرت كلام خالتها ..
نزلت راسها ودمعت عينها

خالد وهو ينتبه لاخته: اماني شفيك..بعدك تعبانه؟ اوديك المستشفى؟
اماني وهي تبكي : مافيني شئ ..
خالد: اماني انتي فيك شئ اليوم..قولي لي حد مزعلك؟ حد ضايقك بكلمه؟ فهميني
اماني: لالا
خالد: اجل ليش تبكين؟
اماني: ولاشئ خالد..بس احس اني متضايقه شوي
خالد: اوديك البيت؟

رفعت راسها له..
اماني: انت ليش طيب لهالدرجه وتحبني؟
خالد: هههههههههه لانك اختي يالبقره..حرام اذا ابي راحة اختي؟
اماني وهي تمسح دموعها: لا ياخوي مو حرام
خالد: على فكره تراك كررتي كلمة ياخوي اليوم فوق الالف مره..

حست اماني على حالها وسكتت..ماتبيه يحس بشئ..لذلك لازم تتماسك وتطلع قويه ولاتبكي حتى خالد مايشك بشئ..

اماني: يلا مشينـا قبل لانتأخر
خالد: طيب

شغل خالد اغنيه نبيل شعيل ( كذبوا)
اماني: ياااقدمك يالمغبر
خالد: اموت في هاالاغنيه ..
اماني : ليكوون من ورانــا تحب
خالد: هاهاها بايخه..اخر وحده يفكر بالحب انــا
اماني: وليش ؟
خالد: ليش فاضي لهالخرابيط انـا
اماني: وش اللي شاغلك يالمهم؟
خالد:دراستي ..
اماني: الله يوفقك ونشووفك اكبر مدير في اكبر شركه يالدلخ
خالد: هههههههه أي هذي اماني مو اللي من شووي

وصلـوا لقرية جوفريز ونزلوا ودخلـوا..كان المكان اكثر من زحمه

اماني: ياااه كل هذي زحمه
خالد: دقي عليهم وشوفيهم وين

واماني تطلع جوالها حست بخطوات تقرب منها..رفعت راسها وشافت وجه مألوف..

أي أي هذي سمر.. وحده كانت معاي بالمدرسه .. بس علاقتنا مو ذاك الزود الحين..

سمر اللي عرفت اماني رغم ان اماني متلثمه: هاي اموونه
اماني: هلا سمر

خالد لما شاف البنت قربت بعد وهو منزل راسه...

سمر انتبهت له وطار عقلها..من هالمملوح الخجول اللي مع بنت مثل اماني..

سمر بدلع واضح: كل عام وانتي بخير شلونك
اماني وهي تبي تصرف البنت: بخير بخير ...
سمر: هاوين تدرسين الحين؟
اماني : ابد بسعود في كلية خدمه المجتمع..تشخيص اشعاعي
سمر: اووه حركات بالتوفيق ..اقول اماني من هاللي معاك؟
اماني: اخوي خالـد
سمر: ماعرفت ان عندك اخو بهالحلاوه وين خاشته؟
اماني وهي تحس انها تبي تصفع البنت: عالعموم انا رايحه يلا سلام
سمر: بايوو

اتصلت اماني في خواتها وعرفت وينهم وراحت مع خالد .. اما سمر رجعت بسرعه للطاوله اللي كانت جالسه فيها مع خوياتها ...

سمر: لحقوا بنات تتوقعون من شفت
وحده من البنات: منو؟
سمر: اماني اللي كانت معنا بالصف فاكرينها؟
رهف: أي اكيد شفيها؟
سمر: شفتها من شوي ومعاها اخوها ياااااه فديته صاروخ أي صاروخ الا اكثر
رهف بلهفه واضحه: بالله؟ وينهم الحين؟
سمر: ابد بالطاوله اللي مقابلنـا .. لو تشوفيه يارهف وسيم وحليل بشكل
رهف: مو احلى من حبيبي بندوري
سمر: والله من زين بندوري الحين..
وحده من البنات: جد سمور حلو يعني؟ وينه نبي نشووفه
سمر: خساره دخل مع اخته .. شوفوا احنـا نخلي كبينتنا مفتوحـه شوي على اساس لو طلعوا نشوفهم
رهف: اووكي..

وجلست سمر مع خوياتها الفاضيين وفتحوا الكابينه شووي... وبقوا يحترون خروج خالد حتى يشوفوه...

امـا عند البنات...

دينا: حيالله خالد..غريبه يعني جاي مع اماني..
خالد: الاخت عزمتني وتعرفون عيد والناس مفلسه
دينا: ههههههه علشان كذا..خابرتك ماتحب قعدات البنات
خالد: مو أي بنات...دام بنات خالاتي وخواتي مافيها شئ بحاول اهضمكم
امل: ههههههههه

بقوا على سوالفهم حول الساعتين وخالـد طلب له معسل تفاح وقام يعسل وديمه محترقه تبي بس تجربها بس مايصير تطلب هالشئ من خالد...لانها تستحي..



رزان وهي تقوم وتوقف جنب خالد: خالد خالد
خالد: نعم عمتي
رزان وهي تأشر على المعسل: شنو هذا؟ ابي اجربه
خالد: أي هذا اللي ناقص بعد
رزان وهي تبرطم: عادي بابا يشرب مثله في البيت .. ابي اذوقه
خالد: ورا ماتقولين لابوك بذوقه
رزان: بابا مايرضى
خالد: وانا بعد ماارضى
جوري وهي تسحب رزان لحضنها: لاتصيرين مخبوله مثل ديمووو هذا مو زين يسوي قلبك وبطنك سودا مثل الفحم


خلصوا وقاموا حتى يدفعوا الحســاب اول ماالمحتهم سمر يطلعوا لفت بسرعه عالبنات

سمر: بنات بنات طلعوا شوفووه

طلع خالد اللي كان قدامهم وهو يسولف مع امل ويضحك ..

رهف: اويلاااااااه عليه غرشووب
سمر: ههههههه قلبتي اماراتيه
رهف: من هاللي اشووفه بصراحه يجنن
وحده من البنات: من جد وسيييم بس شكله حيل ثقيل مو راعي سوالف مغازل وبنات
سمر: وهذا المطلوب..

وطالعت سمر صاحبتها رهف بخبث..رهف فهمت وضحكت

وحده من البنات: هاها على شنو ناوين يالخبيثين؟
سمر: هههههههه كل خير ياوجه الخير...هذا وينه عنـا من زمان..
رهف: سمر لو يعرف عنـك خويك ذبحك
سمر: اووه ياشيخه لاتجيبين لي طاريه مزهقني بغيرته الماصخه
رهف: يااختي يحبك
سمر: وانا مااحبه وش اسوي في واحد مفلس حالته لله..بس هالخالـد صيدة مرتبه ولا شرايك رهوف؟
رهف: أي والله..


..............................

وصل خالـد رزان وجوري لبيتهم وبعدها دينـا وديمه لبيتهم
ورجع هو وخواته لبيتهم..خالد دايركت راح لفراشه ونام اما اماني انسحبت لغرفتها والنوم مجافيها بعد احداث الليله الماضيـه..

اميره جلست شوي مع امل عالتلفزيون بعدهـا نعست وصعدت تنـام..

ومابقت الا امول لوحدهـا

نص ساعه ودخـل مساعد البيت

امل: هلا خالـي
مساعد: ها ناموا؟
امل: أي والله مافي الا انـا
مساعد وهو يجلس جنبها: ورا مانمتي؟
امل: مو نعسانه والله .. تأخرتوا
مساعد:اخذتنـا السوالف بالمطعم بعدها مرينـا القهوه شوي ورجعت سعود البيت..
امل : اهاا

قامت امل تفرفر في التلفزيون .. مساعد شال عقالـه وتذكر فرح..ابتسم ولف لامل

مساعد: اقول اموول
امل وهي تطالع التلفزيون: هلا
مساعد: طالعيني عاد
امل وهي تلف له: لبيه
مساعد: اممم منو هذي فرح اللي شفناها؟
امل: خخخ ردينـا على فرح؟ تذكر خالي مره قلت لك على ابله معاي بالمدرسه وقلت لك بخطبها لك بس انت مارضيت
مساعد: لتكون هي؟
امل: الا هـي..ياحليلها لو خالد اكبر منها خطبتها له..بس خساره
مساعد: وش المميز فيها طيب ليه من بد خوياتك اخترتيها؟
امل: حسيتها تناسبك..وفيها المواصفات اللي تحبها بالبنت..هادئـه محترمه خفيفه دم واكيد حلوه..
بس المسكينه يتيمه ام وابو ..
مساعد: مع منو عايشه؟
امل: جدتـها من ابوهـا واختـها اللي اصغر منهـا...بس ولي امرهـا اخوهـا ساكن بحايل مريض ووضعهم المالي مو ذاك الزود وحالتهم حاله
مساعد: ياحرام.. حسيتها مره محترمه
امل: أي واللـه
مساعد: اممم الا هي كم عمرهـا؟
امل: تقريبـا23 يعني اصغر منك بثلاث او اربع سنوات في هالحدود...الا تعال ليش تسأل هاالاسئلـه لتكون عجبتتك؟
مساعد: مدري بس لفتت نظري ..
امل وهي تصفق : ايووه عاشوو عاشووو
مساعد: وش عاشو يالخبلـه ماقلت شئ
امل وهي تغمز: ها نخطبهـا؟
مساعد: بهالسرعه؟ لا امول
امل: اوووف منـك متى يعني لين تطير البنت..تكفى خالي البنت مافي منها خليني اعزمـها بالبيت حتى يشوفوها خالاتي واذا عجبتهم نكلمها ونخطبها؟
مساعد وهو يقوم: بفكر ..
امل وهي تقوم بعد: اقووول انـا بنام فكر لين يصير عمرك مليووون بايوووو

وصعدت وتركتـه .. وهو مقرر انـه يفكر بس هالمره من جـد..

..............................

يوم الجمعـه طلـع ابوريـان مع ريان لصلاة الجمعه بعد مارجعوا تجمعت العائلـه عالغداء..

وفـي حدث مهم على وشـك الحدوث
وبنعرفه مع الاحـداث

ابوريان وهو يطالع يمين ويسار: وين دينـا؟
ام ريان: تقول ماتبي غداء
ابوريان: هذي شفيها كل يوم والثاني ماتبي غدا اش هالدلـع
ام ريان: خلها يابو ريان براحتـها
ابوريان: هذا كلـه من دلـعك لها...
ديمه: خلاص لاتتهاوشون بروح اشوفها وامري الـى الله وقفوا اكـل لاتاكلوا عني
ريان: اقووول ضفي هالوجه كنك مصريه مضيعه اقامتها

الكـل ضحك على جملـة ريـان..ديمه انقهرت وراحت لغرفه اختـها دينــا..

دقت الباب ودخلـت..ماتفاجأت لما لقت دينـا حاضنه دبدوب ابيض كبير وتبكي من قلبها وعيونها صايرين حمر... هالشئ صار طبيعي من بعد قرارهـا اللي قررته امـس ولارجوع فيـه

ديمه وهي تروح لاختها وتجلس جنبها: لمتى يعني دندون؟
دينا: لاجواب..ساكته
ديمه: اكلمك كلميني دينا
دينا: وش تبين؟ قلت لكم ماابي غدا خلاص خلووني بحالي
ديمه: كل هذا علشان قراراك محد اجبرك انتي اللي قررتي بكيفك

طبعا دينـا خبرت ديمه بقرارهـا المصيري بحكم ان ديمه اختها وقريبه منها صحيح ماهي ناضجه بالشكل الكافي ولكن يكفي انها سمعتها..

دينا ودموعها تنزل على خدها: اتخذت قراري وخايفه انـدم عليه..بس عاجزه مابيدي حيلـه
ديمه: ادري انك موافقه لانك تحبين عمي وبتسوين اللي يبيه .. وصدقيني ماراح تندمين..سعود مافي منـه
دينا: خلاص مابيدي شئ انا اصلا حياتي ضاعت من تزوجت تركي..( وهي تضحك بسخريه) وزواجي من سعود ماراح يغير شئ..نفس العذاب...

ديمه ماعرفت كيف ترد على اختها ... بس انها قربت منها اكثر وحضنتها

ديمه: مدري وش اقول لك...بس دامك موافقه لاتبكين .. هالشئ انتي قررتيه.. وانـا متأكده انك ماراح تندمين
الحين الدموع ماراح تزيد ولا تنقص
دينا: ادري بس مو بيدي..عالعموم روحي كملي انتي غداك..
ديمه: قومي معاي مابروح الا اذا جيتي
دينا: ديمه روحي انا ماابي
ديمه: خلاص بجلس هنا اجل
دينا: اوف منك ومن راسك العنيد يلا قومي ننزل

غسلت دينـا وجهها ونزلت وحاولت ترسم بسمه على محياها بس بدون فايده..
عيونها لازالت وارمه وحمرا من البكي
ووجها اصفر لانها من امس مااكلت ولاشربت شئ غير المويه

نظره ابوها المعصبه خلتها تنزل راسها ولا ترفعه طول الغدا

الوضع كـان حساس ومكهرب شوي..خلص ابوريان الغداء وقـام..واحتراما له وقف ريـان وام ريـان

ام ريان: دقايق والشاهي بيكون جاهز يابوريان
ابوريان: مشكوره ماابي الحين...دينـا

قامت لابوهـا وطالعته

ابوريان: تعالي وراي
دينـا: امرك يبه

راح ابوريـان الصالـه اللي كانت تطل على الحديقه الخارجيه وجلس على الكرسي الاقرب للنافذه الكبيره...

مشت دينـا ونظرات امها واختها واخوهـا وزوجتـه معلقه فيهـا لين اختفت وصارت بجنب ابوهـا..

دينـا: امر يبه
ابوريان وهو يطالع النافذه : شفيك؟
دينـا باستغراب: انـا؟
ابوريان ولازال متجاهل نظراتها: اجل انـا؟ الموضوع مايسوى اللي تسويه..وفي الحالتين محسووم
دينا وهي تنزل راسها: صح
ابوريان: اتوقع المده اللي عطيتك اياها كافيه حتى تقررين...موافقه؟
دينا وهي تدمع وتتنهد: أي
ابوريان وهو يطالعها وابتسامه عريضه ترتسم على محياه: أي كذا يابنيتي .. فرحيني وفرحي امـك...
دينـا وهي تحاول تبتسم لابوها: يارب دوم هالفرح يالغالي..هالابتسامه تسوى عندي الدنيـا باللي فيها..

حست في هاللحظه انـها محتـاجه لحضن ابوهـا

قامت وهو حضنها وبكت بحضنـه

دينـا: يبه لاتخليني بروحي محتاجه لك حيل
ابوريان: لاتبكين يابابا انـا معاك وين بروح عنك
دينـا: الله لاحرمني منـك..
ابوريان: دينا اتمنى تكون موافقتك عن اقتناع .. ومايحتاج اقولك ان رزان يتيمه ولازم تعوضينها عن حنان الام اللي فقدته

دينا بقلبها...هالشئ الوحيد اللي مهون السالفه علي..
وجود رزان قربي..
وعلشانها مقتنعه وراضيه..


جات ام ريـان وهي خايفه من دموع دينـا بس ابتسامه زوجها طمنتها مبدئيـا..

ام ريان: شصاير..؟ عسى ماشر؟
ابوريان ببتسامه ناذرا مايشوفوها: دينـا وافقت على الزواج خلاص
ام ريان طارت من الفرحه : كلووووووووووووووش كلوووووش الف الصلاه والسلام علييك ياحبيب الله محمد
واخيرا يادينـا... الله يبشرك بالخير يابو ريـان شقد فرحتني

حست ام ريان ان ثقل كبير انزاح من صدرهـا
وارتاحت لانها كانت تحاتي بنتها المطلـقه وكلام النـاس اللي مايخلص

ريان لما سمع امه جاء ومعاه لطيفه وديمـه..

ديمه: يااااااه وناااااااااسه ...
ريان: فرحوناااا معاكم
ام ريان: اختك وافقت على سعود
ريان بصوت ماسمعته الا لطيفه: ليش تقدر ماتوافق عليه كان اذبحها واشرب دمها
لطيفه وهي تدز زراع ريان: شهالكلام لاتفضحنـا قدام ابوك..
ريان: الف مبرووك
لطيفه: مبرووك عمي مبروك خالتي...

راحت لطيفه وحضنـت دينـا اللي حاولت ماتبكي لان من جد تعبت حزن وبكاء ودموع..متى بس ترتـاح ويرتـاح قلبها؟؟


.................................

يـــووم السبت يوم لقاء ماجـد بابوريان واخوان خطيبته ..
راح وحلـق وسبح ولبس ثوب وشماغ احمـر.. وتعطر ونزل لقى ابوها جالس عالكنبه ومغمض عينـه

ماجد : يبه
ابوماجد وهو يفتح: هلا يبه
ماجد: يبه اذا تعبان روح دارك
ابوماجد: لاعادي..هابتروح؟
ماجد: أي يبه ادعي لـي..
ابوماجد: كل وقت ادعي لك الله.. ينولك اللي ببالـك واشوفك فرحـان..والمره الجايه ان شاء الله اكون معاك..
ماجد: ان شاء الله يبـه بس ادعي لي

باس راس ابــوه ودق على فارس حتى يجيه ويروح معــاه..
جاء فارس وتوجهوا لبيت ابوريــان..

دخلـوا مجلس الرجـال اللي كان مبخر ومعطر..والمبخر حاطيتـه على طاولـه عريضه بالزاويـه..

كان ريان وسعود ومساعد موجودين...سلم عليهم وجلس جنب فارس وهو يحس بخوف اول مره يحسه..

حتـى بشهادة الثانويه ماخاف كـذا..

ماجد وهو يكلـم فارس : وين عمك؟
فارس: الحين يجي لاتستعجل
ماجد: ياشيخ احس بطني خلااااااص ..عسر هضم
فارس: هههههههههه لووول .. ونااسه ودي بكاميرا فيديو واصورك..
ماجد: ياثقل طينتـك..
ريان: ها تتساسرون؟
فارس وهو يأشر على ماجد: هذا فشلنـا خايف
ماجد: فروووس وجع ان شاء الله
ريان: هههههههههه ترى ابوي مايخوف لهالدرجـه .. بيني وبينك ياماجد لايغرك شكلـه الصارم تراه طيب اكثر مما تتصور
سعود: لاتخاف بنغششك
ماجد: ههههههههههههههه الله يعين..
مساعد: بس بس اسكتوا هذا صوت ابوريـان جاي

دخل عليهم ابوريـان بهيبتـه اللي تهز الارض قاموا على طول لدخولـه...قرب منه ماجد وسلـم عليـه

ماجد: شلونك عمي عسـاك بخير
ابوريان: بخير الله يسلمـك انت اخبارك؟
ماجد: والله دامك بخير انـا بخير
ابوريان: تفضل ياولـدي حياك البيت بيتك
ماجد: زاد فضلـك..

وجلـس ماجد معاهـم وقام ابوريـان يسولف معاه بمواضيع كثيره منها دراستـه وتدريبه بالمستشفى..
وعـن سكنـه مع ابوه ووين ناوي يسكن حرمته اذا تزوج ومن هالسوالـف..

بعد ساعتين ونـص استأذن ماجد منهم وطلـع مع فارس حتى يرجعه البيـت..

وبمجلس ابوريـان

مساعد: ها يابوريان وش رايك ؟
ابوريان: والله الولـد حبوب يدخل القلب .. اخلاقه حلـوه
مساعد: قلنـا لك هالشئ ماجد مافي منـه والله .. وانت يابورزان؟
سعود: عادي..
مساعد: وش عادي؟ موافق ولا؟
سعود: هو اكيد الرجـال ماعليـه كلام..بس احس مو مره مقتنع..
ابوريان: ليه ياسعود؟
سعود: احس اختـي لسه صغيره..وهو مابعد يتوظـف..
مساعد: اولا اختـك مو صغيره عمرها 18 .. وبعدين ماراح يصير شئ رسمي الا لما يتوظـف.. انـا واالله عاجبني الولد واحسه مناسب
سعود: مدري الراي راي عمي هو اللي يقرر ... انا مو معارض..
مساعد: استقر على رأي هذي اختـك ياابن الحلال
ابوريان: انـا اقول نتوكـل على اللـه ماراح نلاقي احسن من هالرجـال..بس قبل ناخذ راي البنت هذي حياتهـا..
سعود: خلاص تـم...بكيفكم

يمكن نفسية سعود المتلخبطه في هالفتره خلتـه مايعرف يقرر واصلا مو رايق لسوالف الخطوبه والسين والجيم اللي ماتخلص..

طبعا ابوريان وسعود ماكانوا يعرفون ان جوري موافقه وان خالـها يعرف بالموافقه هذي..
سوا نفسه مايدري على اساس يكلموهـا وياخذون رايهـا..

ابوريان: سعود ابيك بكلمـة راس
مساعد وهو يقوم: اجل انـا استأذن الحين واخليكم براحتكم
ابوريان: وين رايح خليك مكانك.. اللي يسمعك يقول غريب
مساعد: ان شاء الله تامر امر

جلس مساعد مكانه


ابوريان: سعود بالنسبه لموضوعك مع دينـا البنت ردت جواب نهائي

سعود قلبه نط من مكانه وصار يدق بجنون

مساعد بلهفه: وش قررت؟
ابوريان وهو ينقل نظره بين الاثنين: وافقت

مساعد من الفرحه قام وبارك لابوريــان وبدال الفرحه بتصير فرحتين...
جوري وسعود بوقت واحــد مين يصدق..

سعود كأن حد كب عليه سطل مويه بارده مثلجـه ماظهر على وجهه أي تعبير

مساعد : هيييه يقولك وافقت

ابتسم ببرود لعمه وخالـه .. خلاص دينـا بتصير زوجتـي
واقع لامفر منـه
غصبا عن خشمي وخشمها بنتزوج ..
واحنـا مانبي بعض..

والله حرام..

ام ريـان كلمت اختها وخبرتها بموافقه دينـا ومايحتـاج اوصف فرحة ام سعود بعيالها
واخيرا بيصير اللي تتمناه وتشوف سعود ودينـا مع بعض
وبدون وجع رأس هم الاثنين وافقوا وقرروا..
من بعد عناء وتعب !!

............................

[لامارا]

اليـوم اللي بعده راح ابوريان بنفسه بيت اخوه الله يرحمـه حتى يجلس مع جوري

ولقى هنـاك اسماء اللي جايـه تزور اهلـها ومعاهـا فؤاد..

اسماء : هلا هلا عمي تو مانور بالبيت
ابوريان: هلا بعروستنـا..شلونك يبه؟
اسماء: بخير عمي تفضل حيـــاك..
فؤاد: شلونك بوريان شخبارك؟
ابوريان وهو يجلس : الحمدلله ياولـدي ها كيف اسماء معاك؟
فؤاد: والله الحمدللـه اسماء ياعمي مافي منها..

ابتسمت وهي تطالع في فؤاد اللي كانت جالسه جنبـه..

طلعت ام سعود من المطبخ وبيدها دلـه القهوه والشغاله وراها حاملـه دله الشاي والكيك

اسماء وهي تقوم: عنك يمه هاتــي..

وجلست ام سعود مقابل ابوريان: حياك يابوريان..
ابوريان: الله يحييك ياام سعود..ها وين العيال؟
ام سعود: فارس نايم .. وسعود مابعد يرجع من الشركـه يقول عنده شغل واجد اليوم....جوري فوق..
(ولفت لبنتها)روحي يمه اسماء نادي اختك تسلم على عمها
اسماء وهي تقوم : من عيوني يمه..

صعدت لغرفه اختهـا ولقتها مشغله اغاني ووجالسه قدام المرايه تتأمل روحها..

اسماء: الحمدلله والشكر
جوري وهي تنط لشوفه اختها: سمووووي من متى انتي هنــا

وتحاضنوا مع بعض..

جوري: اشتقت لك يالدبـه
اسماء: وانـا بعد يالمخبولـه..البسي عبايتك وتعالي تحت سلمي على عمي
جوري: وليش العبايه؟
اسماء: يالدبه فؤاد تحت يلا بسرعه
جوري: دقااايق

لبست جوري ولحقت اختـها...باست راس عمها وجلست جنبـه ..

ابوريان: شلونك يبه؟
جوري: زينه عمي الحمدلله...مابغينا نشوفك عندنـا
ابوريان: انا جاي علشانك
جوري ووجها يقلب قوس قزح: انا؟ علشاني ليش؟
ابوريان وهو يكلم ام سعود: ام سعود الولـد انا جلست معاه وعجبني ماعليه كلام..الحين باقي رايكم وراي جوري
ام سعود: الشور شورك يابوريـان والبنت بنتك..
ابوريان وهو يكلـم جوري: شرايك يبه؟ تكلمي بصراحه ولاتستحين..وماحد بيجبرك على شئ ماتبيه..

جوري كانت مبوسطه حيل داخلـها..من جد استخارت ربها مرتين ومرتـاحه لماجد .. وتبيه ..

بس مستحيه من وجود فؤاد .. وامها
لو كانت بس مع اسماء كان الموضوع اسهل..

جوري وهي تنزل راسها لانها مستحيه من النظرات الموجهه لها: الراي رايك عمي
ابوريان: جوري يبـه هذي حياتك وهذا بيصير زوجـك لاتقولي الراي رايكم..انتي اللي بتعيشين معاه عمرك كلـه
جوري: على شرط؟
ابوريان: اشرطي مثل ماتبين هذي حياتك
جوري: ماابي يصير شئ رسمي قبل مااخلص هالمستوى..
وهو يتوظـف
ابوريان: وهذا رأيي بعد..

ابتسمت جوري بخجل وقامت لغرفتها ركض

ام سعود: توكل على الله ياابو ريان البنت موافقه
ابوريان: ياااه امس كانت جوري صغيره اليوم كبرت وبتتزوج صحيح السنين تمشي بسرعه
ام سعود: عقبال ماتزوج عيالهم يابوريان الله يطول بعمرك ويخليك لهم
فؤاد: مبرووك خالتـي يلا وعقبال المخبوول فروووس..
ام سعود وهي تبكي من فرحتها بجوري وسعود: الحمدلله الفرحه صارت فرحتين ..
ابوريان: الله يبارك لك فيهم ياام سعود...

بظرف يومين انتشر خبر سعود ودينـا وجوري وماجد بالعائلـه

من جد فرحـه كبيره بالنسبه للكل باستثنـاء سعود ودينـا..

...................................

بعد 3 أيــام ام سعود كلمت سعاد وخبرتـها بموافقتهم واتصلت على طول لماجد حتى تخبره

سعاد: الو يمه ماجد
ماجد اللي كان نايم رد وهو مو حاس بالدنيــا..

ماجد: هلا
سعاد: نايم يمــه؟
ماجد: أي
سعاد: خساره كنت بقولـك بخبر بيطيرك من الفرح..
ماجد: قولي عمتي
سعاد: الجماعه ردوا علينــا
ماجد وهو يصحصح ويقوم من فراشه: ها وش قالوا؟؟؟؟
سعاد: موافقين..

ماجد فرح فرح مو طبيعي
ماجد بسرعه: والله تتكلمين جد عمتي؟
سعاد : أي يمه مبروووك تستاهلها
ماجد وهو يصارخ ويرفع يده: ونااااااااااااااسه
سعاد: مبسوط يمه؟
ماجد: الا طاااااااير ياعمتي من قدي اللي ابيها باخذها
سعاد: تستاهل يايمه .. عقبال عيالك
ماجد: هالشئ بفضلك صار ياعمتي ربي لايخليني منـك
سعاد: ولا منــك ياولدي يلا روح وبشر ابوك
ماجد: طيرااااااان

سكر ونزل من الدرج وهو بس لابس شورت وبدون بلوزه وشعره منكوش من النوم..
لقى ابوه يشرب شاهي..

ماجد: يبه يبه
ابوماجد: ها شفيك طااااااير وفاصخ هدومك جعل لاشر
ماجد: هههههه لالا كنت نايم تعرفني ماانـام الا كذا
ابوماجد: انزين شفيك؟
ماجد: يبه الجماعه موافقييين
ابوماجد وهو يترك بياله الشاهي : والله؟ الحمدلله ها ارتحت الحين؟
ماجد: أي يبه..

باس راس ابوه وقعد وهو مو مصدق ...
ابوماجد وهو مبسوط لولده: تستاهل كل خير يبه.. خلاص كمل نومك..
ماجد: ويين يبه يجيني النوووم...يالله مو مصدق بتزوج..
ابوماجد: خلاص ان شاء الله تخلص تدريبك وتتوظف ونروح رسمي لهـم ونشوف طلباتهم..وطلبات البنت
ماجد: اوووكي ..

صعد ماجد لداره وهو مبتسم .. مسك جوالــه مايدري ليش بهاللحظه ودي لو يسمع صوتها ويخبرها بفرحتـه الكبيره ..

كان متردد يتصل او لا
.. تشجع وضغط على زر الاتصـال وهو يعاتب حالـه المفروض مايدق بس الشوق ذبااااح

كانت بغرفتـها ترتب اوراق الجامعه وكتبـها خلاص مابقى الا يومين وتروح الريــــاض وترجع للدراسـه مع اماني بنت خالتها..

رن قامت بترفعه لما شافت الرقم دق قلبها بشوق وولــه شديد..

ردت وهي ساكته..

ماجد وهو خجلان : الو
جوري بخجل: هلا
ماجد: هلا فيك..
جوري: هلا والله
ماجد: كيفك جوري؟
جوري: زينه وانت؟
ماجد: دام حبيبتي بخير انا اكيد بخير
جوري وهي ميته: ماااااااجد
ماجد: خلاص خلاص بسكت..بيجي يوم واسوي فيك اللي ابي
وبتشوفيين

ماتت من الحيـا وماعرفت ترد عليــه

ماجد: مبرووك ..
جوري: الله يبارك فيك .. وانت بعد مبروك
ماجد: الله يبارك فيك ماتتصورين شقد فرحان ياجوري..واخيرا بنصير مع بعض

جوري ردت عليه بالسكوت...لانها مستحيه مو عارفه ترد..
بس دقات قلبها الملهوفـه والمشتاقه لحبيبها ردت وبكـل اندفـاع وعبرت عن الحب الساكن طياتها..

ماجد:..عسى ماكنتي مشغولـه
جوري: ابد ارتب كتبي وشنطتي خلاص مابقى شئ وارجع الرياض

ضاق صدره وهو يسمع هالطـاري ورد عليها بدون شعور

ماجد:اوووف انتي ليش مادرستي بالدمام؟ كيف بتحمل بعدك عني؟
جوري بصوت منخفض: هذا نصيبي
ماجد: اووووف يعني بعدين ماراح اشوفك الا يوم بالاسبوع وباقي الاسبوع هنــاك بالرياض
جوري: وش اسوي بعد لازم نصبر
ماجد: اذا انتي تقدرين وتصبرين انـا مااقدر مااشوف زوجتي اسبوع

مسكينه جوري ميته مكانها كلامه مرره جريء كيف الحين ترد عليه؟

جوري: خلاص بعدين نتفاهم...مو الحين
ماجد: خلاص نشوف.. يلا ماابي اطوول عليك واسف اذا ازعجـتك
جوري: لاعادي ..
ماجد: توصين على شئ؟
جوري: سلامتـك..وانت تبي شئ؟
ماجد: انا ابيك بس ..

جوري سكتت وهي مبتسمه..

ماجد: فديت اللي تستحــي ...اقوول
جوري: اممم
ماجد: احبك
جوري:خلاص يلا يلا رووح
ماجد:ههههههه برووح مابيدي شئ يلا تصبحين على خير
جوري: وانت من اهلـه..

سكرت ورمت نفسها عالسرير وهي فرحانه لابعد درجه ممكن تتصورهـا..

ماكنت اتخيل اني بحب هالانسان واني بكون زوجتـه..يلا الحمدلله الحمدلله..


...................................


طلـع من الحمام وهو متروش لبس ثيابه وجلس مقابل اللاب توب..
عنده كم محاضره فيها مصطلحات يبي يترجمهـم..

رن جوالــه كشر لما شاف الرقـم..
هذي خويتـة القديمه ريــم..

في يوم من الايــام حس بانجذاب لها واعجاب..
حتى صارت وحده من خيولـه بنفس اسمها
حتى يتذكرها حتى وهو مع خيولـه

الريــــــم..

بس الحين ومع مشاعره الجديده المتفتحه مع ديمه تلاشى هاالاعجاب المزيف

رد من غير نفس

فارس: نعم؟
ريم: الله يالدنيـا انا تقول لي نعم؟ بدال ماتقول هلا حبيبتي هلا عمري اشتقت لك
فارس وهو متضايق منها:هلا عمري..ها كذا مبسوطه؟
ريم: حبيبي فارس ليش تكلمني كذا؟ انا وش سويت لك؟
فارس: متضايق عندك مانع؟
ريم: لاتتضايق حبيبي وانـا معاك..
فارس: ليش متصله؟ تبين شئ؟
ريم: مو لازم يكون في سبب حتى اتصـل

فارس يقول بقلبـه..لحوول من هالبلشه كيف اخلص منها واصرفها..

ريم: ها وين سرحت؟
فارس: ابد..اقووول عندي خط ثاني
ريم بعصبيه: على فكره تراني مره مليت من هالوضع..يااخي ماتبيني ليش معلقني معاك ها؟
فارس بعصبيه: خلاص افهميها مثل ماتبين ماابيك طيب

سكر بوجهها وهو معصب..اووف منها ماعندها كرامه
مابغت تفهم اني ماابيها ومليت منهـا

جوري سمعت صوته بحكم ان غرفتها قريبه من غرفته ودخلت غرفته...

جوري: فارس شفيك تصارخ؟
فارس: هالغبيه زهقتني
جوري وهي تجلس مقابله عالسرير: أي وحده فيهم؟
فارس: ريم..
جوري: مو على اساس كنت تحبها
فارس: لامااحبها..مجرد اعجاب
جوري: والان؟
فارس: ياشيخه مليت منها...ممله بشكل ماتتخيليه
جوري: اها مليت منها وقلت لها باي ياحلوه؟
فارس: ليش تكلميني انتي بعد كذا؟
جوري: فارس البنت مو لعبه متى مامليت منها قطيتها
فارس بعصبيه: اوووه جوري ماابي اسمع هالكلام..
جوري: انا اقول كذا لمصلحتك ولا انـا مو خسرانه شئ
فارس: خلاص بنهي علاقتي فيها وبغير رقمي

قامت جوري وعلى محياها ترتسـم ابتسامه غريبه وفتحت دولاب بالزاويه فيه كتب واوراق على بعض ..

كان فيه روايـه كبيره فرت جوري صفحاتها وطلعت صورة الريــم اللي محتفظ فارس فيها من زمااان ..

جوري وهي تسحب الصوره : وهذي؟

عرق وارتبك..كيف وصلت اخته للصوره..قام وهو مرتبك وسحب الصوره..

فارس: هاتيها...انتي بأي حق تفتشين اغراضي الخاصه؟
جوري: مافتشت الابأذنك..يوم اللي اقولك ابي روايه شفرة دفينشي قلت لي دوريها بغرفتي..جيت ادورها ولفتت نظري هالروايه سحبتها وطاحت منها الصوره...عرفت انها ريـم من الاهداء الموجود وراهـا
فارس: طييب طيب
جوري: فارس حبيبي انت اخوي واقرب الناس لي لاتتضايق اذا نصحتك هذا كله لاني ابيك الافضل..
خلاص انهي كل علاقاتك..والصوره رجعها للبنت والله يستر عليها
ترى اللي تسويه حرام وفوقك رب بيحاسبك عليه..
ليش تكسب اثام انت في غنى عنها؟

جلس عالسرير وهو يفكر...كلام اختي صح..حرام صورة البنت عندي واتأملها متى ماحبيت..

ابتسم بسخريه..اختي اللي اصغر مني طلعت افهم مني مالت علي..

انتبه لنفسه رفع راسه مالقى اختـه بالغرفه..اكيد يوم شافته تفكر حبت تنسحب بهدوء حتى ياخذ راحته..

.......................

اسبــوع والترتيبات لملـكة سعود وديــنا بدأت

بنفس الوقـت الكل رجع لدراسته وخلصت اجازه العيد القصيره..

اماني وجوري كانوا بمحاضره الثقافه الاسلاميه..
الدكتور محمد يشرح والبنات عيونهم متوجهه لشاشه العرض..

لفت اماني لقت جوري تخطط الدفتر وهي سرحانه

ضربتها على يدها حتى تنتبه للمحاضره

جوري بصوت منخفض: وجع شفيك؟
اماني: اقول انتبهي الحين يسألك الدكتور وتفشلينا

وبالفعل سأل الدكتور كم طالبه وجاء عند اسم جوري

الدكتور: ايووه ياجوري جاوبي على السؤال السابق اللي ماعرفت تجاوبه زميلتك
جوري بارتباك: عفوا دكتور ممكن تعيد السؤال
الدكتور: كمان مش منتبه للمحاضره ياجوري؟
يابنات انتبهوا وركزوا حرام تحملون ماده سهله مثل الثقافه الاسلاميه..
التشخيص الاشعاعي صعب وتنتظركم مواد صعبه جدا
جوري: اسفه دكتور معليش اعذرني
الدكتور: طيب هالمره سماح ..

جلست وهي متفشلـه واماني تضحك عليها
.. لما خلصت المحاضره جات لعند اماني وجوري بنت معاهم بالقروب .. خفيفه دم وعربجيه بشكل هالبنت

عقيله: وراك ياجوري سرحانه ها؟ اعترفي وش اللي شاغل بالك؟
اماني: ياعقيله البنت انخطبت ماتشوفينها سرحاااااانه وحالتها حاله
عقيله وهي تنط لعند جوري: قولي والله؟ ياربي حركااات بطاقات العرس توصلني لبيتي مو شغلي
جوري: ههههههههه من عيوني..
اماني: شكلي بعلق صورته عالشاشه لعل وعسى تنتبه للمحاضره
عقيله: وش تعلقينها انتي الثانيه تبينها تطمر عالدكتور تفشلنا
اماني: هههههههههههههههههههه حلوووه بس لاتعيدينها
عقيله وهي تمشي: اقول تلايطي بس ..

اماني وهي تلف لجوري: شقد حبووبه هالبنت
جوري: أي والله
اماني: مشينا للكافتيريـا نفطر
جوري: واللي يرحم والديك اللي يسمعك يقول في اكل اصناف والوان .. تلاقين الكافتيريا مافيه الا مويه..
اماني: مو مشكله اهم شئ نسد جوعنـا .. قوومي

دخلوا الكافتيريـا..واخذوا لهم فطور وجلسوا عالطاوله في الهواء الطلـق

جوري : اقول اماني باص الشرقيه متى يمشي؟

للمعلوميه.. اماني وجوري قاعدين بسكن خاص للطالبات بالرياض...
هالسكن داخلي ممنوع يطلعون منه الا للضروره القصوى ..
وينزلون للشرقيه كل اسبوع يوم الاربعاء ببصات يوفرها نفس السكن..ويرجعون للرياض يوم الجمعه

اماني: يالدبه اليوم الثلاثاء مو الاربعاء
جوري: انا بنزل اليوم
اماني: ومحاضره الحاسب بكره؟
جوري: بفوتها.. تخيلي مااشتريت لي شئ لملكه دينا واخوي..
اماني: تصدقين ولا انـا للحين
جوري: لاحبيبتي بكره بنوصل للشرقيه هلكانين وماراح نقدر نطلع السوق..خلينا نرجع اليوم
اماني: تدرين..خلاص نرجع السكن ونرتب اغراضنـا وعلى اول باص للشرقيه..
جوري: تم..


.........................

طلـع من الكلـيه وهو فرحـان ليش مايدري..
مر على الاتصالات وكنسل رقمه وطلـع له رقم جديد موبايلي..

اول شخص فكر يتصل فيه هو صديق عمره ماجد..

ماجد اللي كان بالمستشفى: الو نعم
فارس وهو ييغير صوته لبنت: الو مرحبا
ماجد وهو ماعرف صوت فارس: نعم اختي؟
فارس: انا معجبـه
ماجد: ههههههههههههههه فروووس عن الخبال عرفتــك
فارس: هههههههههه أي باين..شلوونك يالدب؟
ماجد: والله هلكان حدي ابي بس اخلص وارجع انــام
فارس: عالعموم يالدب متصل اعزمك ببيت عمي ملكـة اخوي سعود وبنت عمي بكـره
ماجد: اووووه عالبركه مابغينا نفرح فيه الدب
فارس: أي والله..خلاص يالدب تعال ياويلك لو تأخرت او تعذرت..
ماجد: خلاص ولايهمك ان شاء الله..الا ماقلت لي من وين داق؟
فارس: رقمي الجديد هذاك كنسلته
ماجد: ليش؟
فارس: ريــم زهقتني ياخي قلت اغير رقمي وارتـاح..
ماجد: غريبه وش جاك عليها؟
فارس: خلاص مليت من هالسوالف ياماجد..ودي بس اشوفها وارجع لها صورتها وكـان الله غفور رحيم
ماجد: الله يثبتتك .. زين تسوي واترك عنك ياخوي وجع الراس..
فارس: خلاص مااعطلك عن شغلـك ولاتنسى يوم الخميس..
ماجد: تم ماطلبت..
فارس: يلا سلام


....................................

نرجع لـدينـا اللي من حزنها وصياحها والتعذيب اللي معيشه نفسها فيه
حتى العياده لليوم مقفلـه ولا تروحها..

وماقدرت تطلع للسوق وتاخذ ثوب للملكه وكلفت امها ولطيفه لهالمهمه..

اليوم الاربعاء..الساعه 11 الليل وبكره الملــكه..دخلت لطيفه غرفة دينـا لقتها جالسه بالزاويه وضامه رجليها لحضنها ولافه يدينها عليهم..
وتهزهم بعصبيه واضحه
ومشغلـه تعبت .. محمد المـازم

اسبــوع والترتيبات لملـكة سعود وديــنا بدأت

بنفس الوقـت الكل رجع لدراسته وخلصت اجازه العيد القصيره..

اماني وجوري كانوا بمحاضره الثقافه الاسلاميه..
الدكتور محمد يشرح والبنات عيونهم متوجهه لشاشه العرض..

لفت اماني لقت جوري تخطط الدفتر وهي سرحانه

ضربتها على يدها حتى تنتبه للمحاضره

جوري بصوت منخفض: وجع شفيك؟
اماني: اقول انتبهي الحين يسألك الدكتور وتفشلينا

وبالفعل سأل الدكتور كم طالبه وجاء عند اسم جوري

الدكتور: ايووه ياجوري جاوبي على السؤال السابق اللي ماعرفت تجاوبه زميلتك
جوري بارتباك: عفوا دكتور ممكن تعيد السؤال
الدكتور: كمان مش منتبه للمحاضره ياجوري؟
يابنات انتبهوا وركزوا حرام تحملون ماده سهله مثل الثقافه الاسلاميه..
التشخيص الاشعاعي صعب وتنتظركم مواد صعبه جدا
جوري: اسفه دكتور معليش اعذرني
الدكتور: طيب هالمره سماح ..

جلست وهي متفشلـه واماني تضحك عليها
.. لما خلصت المحاضره جات لعند اماني وجوري بنت معاهم بالقروب .. خفيفه دم وعربجيه بشكل هالبنت

عقيله: وراك ياجوري سرحانه ها؟ اعترفي وش اللي شاغل بالك؟
اماني: ياعقيله البنت انخطبت ماتشوفينها سرحاااااانه وحالتها حاله
عقيله وهي تنط لعند جوري: قولي والله؟ ياربي حركااات بطاقات العرس توصلني لبيتي مو شغلي
جوري: ههههههههه من عيوني..
اماني: شكلي بعلق صورته عالشاشه لعل وعسى تنتبه للمحاضره
عقيله: وش تعلقينها انتي الثانيه تبينها تطمر عالدكتور تفشلنا
اماني: هههههههههههههههههههه حلوووه بس لاتعيدينها
عقيله وهي تمشي: اقول تلايطي بس ..

اماني وهي تلف لجوري: شقد حبووبه هالبنت
جوري: أي والله
اماني: مشينا للكافتيريـا نفطر
جوري: واللي يرحم والديك اللي يسمعك يقول في اكل اصناف والوان .. تلاقين الكافتيريا مافيه الا مويه..
اماني: مو مشكله اهم شئ نسد جوعنـا .. قوومي

دخلوا الكافتيريـا..واخذوا لهم فطور وجلسوا عالطاوله في الهواء الطلـق

جوري : اقول اماني باص الشرقيه متى يمشي؟

للمعلوميه.. اماني وجوري قاعدين بسكن خاص للطالبات بالرياض...
هالسكن داخلي ممنوع يطلعون منه الا للضروره القصوى ..
وينزلون للشرقيه كل اسبوع يوم الاربعاء ببصات يوفرها نفس السكن..ويرجعون للرياض يوم الجمعه

اماني: يالدبه اليوم الثلاثاء مو الاربعاء
جوري: انا بنزل اليوم
اماني: ومحاضره الحاسب بكره؟
جوري: بفوتها.. تخيلي مااشتريت لي شئ لملكه دينا واخوي..
اماني: تصدقين ولا انـا للحين
جوري: لاحبيبتي بكره بنوصل للشرقيه هلكانين وماراح نقدر نطلع السوق..خلينا نرجع اليوم
اماني: تدرين..خلاص نرجع السكن ونرتب اغراضنـا وعلى اول باص للشرقيه..
جوري: تم..


.........................

طلـع من الكلـيه وهو فرحـان ليش مايدري..
مر على الاتصالات وكنسل رقمه وطلـع له رقم جديد موبايلي..

اول شخص فكر يتصل فيه هو صديق عمره ماجد..

ماجد اللي كان بالمستشفى: الو نعم
فارس وهو ييغير صوته لبنت: الو مرحبا
ماجد وهو ماعرف صوت فارس: نعم اختي؟
فارس: انا معجبـه
ماجد: ههههههههههههههه فروووس عن الخبال عرفتــك
فارس: هههههههههه أي باين..شلوونك يالدب؟
ماجد: والله هلكان حدي ابي بس اخلص وارجع انــام
فارس: عالعموم يالدب متصل اعزمك ببيت عمي ملكـة اخوي سعود وبنت عمي بكـره
ماجد: اووووه عالبركه مابغينا نفرح فيه الدب
فارس: أي والله..خلاص يالدب تعال ياويلك لو تأخرت او تعذرت..
ماجد: خلاص ولايهمك ان شاء الله..الا ماقلت لي من وين داق؟
فارس: رقمي الجديد هذاك كنسلته
ماجد: ليش؟
فارس: ريــم زهقتني ياخي قلت اغير رقمي وارتـاح..
ماجد: غريبه وش جاك عليها؟
فارس: خلاص مليت من هالسوالف ياماجد..ودي بس اشوفها وارجع لها صورتها وكـان الله غفور رحيم
ماجد: الله يثبتتك .. زين تسوي واترك عنك ياخوي وجع الراس..
فارس: خلاص مااعطلك عن شغلـك ولاتنسى يوم الخميس..
ماجد: تم ماطلبت..
فارس: يلا سلام


....................................

نرجع لـدينـا اللي من حزنها وصياحها والتعذيب اللي معيشه نفسها فيه
حتى العياده لليوم مقفلـه ولا تروحها..

وماقدرت تطلع للسوق وتاخذ ثوب للملكه وكلفت امها ولطيفه لهالمهمه..

اليوم الاربعاء..الساعه 11 الليل وبكره الملــكه..دخلت لطيفه غرفة دينـا لقتها جالسه بالزاويه وضامه رجليها لحضنها ولافه يدينها عليهم..
وتهزهم بعصبيه واضحه
ومشغلـه تعبت .. محمد المـازم

https://song.6arab.com/m-almazem..ta3abt.ram

والسواد مسوي حلقات حول عيونها..

لطيفه وهي تجلس جنب دينا وتطلع الفستان اللي اشتروه لها من الكيس: وشووفي الفستان ياستي
دينا بدون ماتطالع فيه: زين
لطيفه وهي ترفع حاجب:زين وانتي ماشفتيه؟

دخلت ام ريــان وهي مبتسمه بفرح غرفة بنتها

ام ريان وهي تنضم لهم: ها عجبك الفستان..يلا قومي جربيه وشوفيه مقاسك ولا
دينا ببرود: ماابي
ام ريان وهي تعصب: تراك منتي بزر يلا قومي واتركي عنك الدلع..

بكت غصبا عنها .. لطيفه مدت ذراعها لدينا وخلتها تبكي بحضنها

لطيفه: خالتي اللي يهداك..البنت صايره حساسه على اقل شئ تبكي وبكره ملكتها لاتعصبين عليه ..
ام ريان: مو مني من خوفي عليها..ماتشوفينها وش مسويه بحالها..حتى الاكل صار لها اسبوع ماقربت منه
لطيفه: فتره وتعدي ياخالتي صدقيني...خلاص حبيبتي دينــا لاتبكين قطعتي قلبي
دينا: ليش ماتحبوني ليييش

ام ريان وهي تقرب وترفع دينا حتى تصير مقابلها: لو مااحبك ماعصبت عليك حبيبتي..

ارتمت في حضن امها...اللي كانت مو طايقه اللي تسويه بنتها بس يلا تتحملها هانت مابقى الا القليل..

بعد ماهدأت دينا فكت من امها ..

ام ريان: ها تجربيه؟
دينا وهي تسحب الثوب: ان شاء الله

دخلت غرفه التبديل اللي بغرفتها ولبسته..

كان الثوب لونين اسود وابيض...

فوق مثل البدي اللي بدون اكمام بس فيه سلاسل كثيره تلتف حول الرقبه وتنزل منه سلسلتين تربط السلاسل بالبدي..

وتحت مثل التنوره قماشها حرير عند الخصر ضيقه وتتوسع لتحت..

كان حلــوو وانيق جـدا

طلعت من الغرفه ووقفت قدام لطيفه وامها

لطيفه: يجنن وربي خيااال .. كنت متأكده انه في اللبس بيطلع احلى
ام ريان قربت من دينا وتشيل الشريطه اللي رابطه فيه شعرها..

تناثر شعرها الحريري على اكتافها وطلعت كأنها من الستينيات بمظهرها الكلاسيكي البحت..

ام ريان: مره حلوو عسى بس عجبك
دينا: حلوو دامكم اخترتوه..

دخل هاني ويده على خده ويبكي..

لطيفه: تعال تعال ماما شفيك
هاني: لامي دلبني ..( رامي ضربني)
لطيفه: هالولد بيطلعني من طوري اووووف منه

قامت وهي هلكانه لانهم مشوا كثير بالسوق..

وراحت لطابقهم الثالث...

دخلت غرفتها لقت ريان نايم واللحاف مرمي عاالارض..واضح انه رجع هلكان من الدوام وعلى طول نـام
نومت هاني على سريرهم..

غطت ريـان زين باللحاف
و بعدها راحــت لغرفة رامي..

لقته ناثر كتبه ودفاتره حقت المدرسه عاالارض..وجالس يحل الواجب..

لطيفه بعصبيه: رامي وش مسوي في اخوك؟
رامي: ضربته لانه يبي يكتب في دفاتر المدرسه..
لطيفه: وليش ضربته على وجهه؟ الف مره اقولك لاتضربه على وجهه..اضربه على ايده وبشويش
رامي وهو يطالع امه: ضربته مثل ماضربتيني على وجهي يوم كنا بالمزرعه
لطيفه: اوووووف منك اووف الله يبليك بعيال مثلك..بعدين اليوم الاربعاء لم كتبك وخلي واجباتك ليوم الجمعه يلا

وطلعت من الغرفه وهي معصبه...ورجعت غرفتها لبست ثوب نـوم مريح وجلست جنب هاني النايم على السرير..

وتفكر برامي وهي خايفه من تغييره المفاجئ..
انا لازم اكلم ريـان واخليه ينقلـه من المدرسه اللي هو فيها..
ابد مو عاجبتني تصرفاته واكيد ماخذها من العيال اللي معاه...

حست بألم في بطنـها حاولت تتجاهلـه..بس كل مالـه ويزيد..

لطيفه وهي مو قادره تكتم الالم: اااه بطني

ريان فاق على صوتها ولف عليها بسرعه

ريان وهو يمسح عينه: شفيك لطيفه؟
لطيفه وهي مكشره من الالم: بطني حيل يألمني
ريان: طيب انتي ارتاحي تمددي..
لطيفه: ان شاء الله

تمددت وحاولت تتجاهل الالـم ونامت..

........................

وبنفس اليوم بالليل الساعه وحده مساء..
الهدوء يعم المكان..

راح وفتح البلوكه ووقف فيها وعينه معلقه في الفراغ البعيد

ارتسمت له صورة بسمه بشعرهـا وهو يطير بالهوا وهي مبتسمه له..
مدت له يدهـا..ابتسم لها وقرب ومد يده..
صدمت يدينـه في الحاجز الحديد مقابلـه وفاق من تخيلاته..

تنهـد بصوت مسموع والـحزن مسيطر على المكـان من حولـه

وده يبكي يصرخ للعالـم ..
يعبر عن الالـم المكنوز بروحه من خمس سنين للحين
بس مين يجاوبـه؟
مين يرد صدى الامـل له؟

حس بيد صغيره تلفت حول يده..نزل راسه وشاف رزان

سعود بصوت خفيف:ليش مانمتي بابا؟
رزان: بابا بكره خالو دينـا بتصير ماما؟ وبتنام معاي بسريري؟صح؟
سعود: اوووف لاتقولين ماما دينـا
رزان ببراءه: ليش بابا؟
سعود: ياربي شفهمها الحين..خلاص رزان بابا روحي نـامي بغرفتك..
رزان: بابا شفت فستاني اللي بلبسه بكره اجيبه لك؟
سعود وهو يحاول يتحكم بأعصابه التعبانه هاليومين: شفته بابا وبكره بشوفه عليك بعد...تصبحين على خير
رزان وهي زعلانه: وانت من اهل الخير


.......................................



يوم الخميس ...جاء اليوم التاريخي المنتظر من الكـل..
اليـوم اللي بتصير فيه دينـا على ذمة سعود..ورفيقه دربـه..

مجرد ذكر اسم سعود ودينا مع بعض يخلي قلوب عائلتـهم تفرح وتنتظر اللحظه اللي يشوفون فيها سعود يلبس دينـا الدبـله..والشبكه..


اسماء رجعت من الكوافير ودخلت شقتهم تفاجات ان الباب مفتوح مو مقفول..

خافت ليكون دخل حرامي بيتهم ولاشئ..
ركضت لفرغة نومها وسمعت صوت مويه بالحمام

اسماء: فؤاد فؤاااد
فؤاد: هلا حبيبتي
اسماء: تسبح؟
فؤاد: ايوه متى رجعتي؟
اسماء: الحين...انت اللي تارك باب الشقه مفتوح
فؤاد: اووووه نسيت اقفله
اسماء: اوووف خفت ليكون دخل حرامي...ثاني مره لاتنساه قفله
فؤاد: من عيووووووني
اسماء: ماتدري الا خالتي راحت بيتنا ولا لسه؟
فؤاد: الا راحت وصلها خالـد

طلع من الحمـام وهو لاف الفوطه على خصره..
هي استحت من منظره...لفت حتى تخليه ياخذ ثيابه ويلبس براحته

لبس وخلـص وجاء مقابلها .. وارنبط لسانه يوم شاف زينتها وحلاوتها

فؤاد: الله شهالحلاوه سمووي؟
اسماء وهي تلف على نفسها بغنج: حلوو؟
فؤاد: اوويل حاااالي ... بتجنني هالبنت وبتطير عقلي

ماراح نقول اللي صار بعدين خصوصيات زوجين..

احم احم نروح ونشوف باقي ابطالنــا...

في بيت ابو سعود...

جوري لسـه في الكوافير مع بنات خالاتها.. وماخذه معاهـا رزان
اللي فرحانه مره للوضع الحـالي
لان دينـا على قولتـها بتصير ماما دينـا !!


نزل فارس من غرفته وهو مشخص وكاشخ بالشماغ..

فارس: يمه وين سعود؟
ام سعود وهي تحــط لها دهن عود: شوفه بغرفته يلا استعجلـه مانبي نتأخر
فارس : اووكي مام..

دخل غرفه اخوه لقاه جالس على طرف السرير وهو لابس ثوبه وشماغه وجاهز..
وماسك بيده البرواز اللي فيه صورة بسمه...

رفع فارس على طول عينه حتى مايشوفها..

فارس: ياسعود مو وقتـه..

رفع سعود راسه ولمح فارس الـم كبير في عيون اخوه..

فارس: راح نتأخر ..
سعود وهو يحط البرواز بالدرج: يلا مشينــا..وين رزان ماجات؟
فارس: لا لسه مع جوري مابعد يرجعون
سعود: اجل يلا ننزل

نزلـوا لامهم بالطابق الارضي

ام سعود بخرت وعطرت عيالها اثنينهم والفرحه مرسومه على ادق تفاصيل وجههـا..

سعود: خلاص يمه ماابي عود..يلا نمشي
فارس: احم الحبيب مستعجل
سعود بدون نفس: لو تسكت يكون افضل
فارس: بل ماقلنا شئ

ومشوا لبيت عمهم...والبنـــــات وصلوا بعد لبيت عمهم..والكل اجتمع..

بالطابق العلــوي كانت دينـا اللي رجعت بعد معاهم من الكوافير..

كان شعرها رولات والخصلات اللي عالجنبين مرفوعه بمشبك فضي صغير..

وفي خصلتين على وجههـا


مكياجها خفيف لان التركيز كـان عالروج اللي كان عنابي غامق لامع..

البنات حاطين اغاني ورقص ووناااسه دينا تطالعهم بعيون بارده..
هي اللي المفروض تكون فرحانــه بس وش تسوي ..
هذا نصيبها..

صحيح كانت مو طايقه الوضع..بس شعور الارتباك غلبها..
مو متخيله ان سعود بهيبته وجسمه العريض مقارنه من صغر حجمها..بيوقف جنبـها ويمسك يدها ويلبسها الدبلـه..

يالله بصير اليوم زوجة سعود..شئ مو قادره استوعبه !

اسمـاء وصلت ودخلت الغرفه

اسماء: سموووي وصلت
امل: هلا هلا بالعروووس الخاينه اللي مانشوفها الا بالسنه حسنه
جوري: امـا بالسنه حسنه وهي معاكم بالبيت
اميره: والله من جات عندنـا ولا نشوفها الابالحسره
اسماء بـغرور: عندي زوجي وحبيبي فيفوو واجي اشووفكم .. ايمبسبل
ديمه: ياسلااام عالحب

لفت اسماء على بنت خالتها مثل مااتوقعت .. سرحـانه ولاهي معاهـم..ويدها على خدها

اسماء وهي تكلم البنات: يلا يابنات انتشرواا تحت
ديمه: أي عندهم اسرار
اسماء: مو اسرار بس روحوا ساعدوا خالاتي تحت
امل: يلا بنات


طلعوا وتسحبوا وحده ورا الثانيه وبقت دينـا ساكته ولاهي حاسه باللي يصير حولـها..

اسماء وهي تبتسم وتقرب من دينا: ابتسمي وافرحي حبيبتي الليله تدخلين دنيـا جديده..
الليله تدفين كل احزانك الماضيه
وتفتحين صفحه جديده..

لفت دينـا لاسماء وبعيونها دمعه الـم..
اسماء: بتبدينهـا مع زوجك وولد عمك سعود..
دينا: ان شاء الله

وقفوا حتى ينزلوا

اسماء : لحظه نسيتي حاجه

جابت اسماء عطر دينـا جينفر ورشت لدينا 3 رشات
دينا ضحكت غصبا عنها على حركة اسماء

اسماء: وش على بالك يالخبله هذا اهم شئ
دينا: شايفتني خايسه يالدبه
اسماء: لايالدبه هذا للجاذبيه

وغمزت اسماء لدينـا ونزلوا...

.....................................

وهو يفر بالسياره ومشغل اغاني على اعلـى صوت مر على مكـان عيادة الدكتوره دينـا..

لفت نظره ان العياده مفتوحـه..على طول راح للمواقف القريبه من العياده..

ونـزل ..العياده هادئه جدا..ريحة المعقم والمنظفات ماليه المكان

راح لمكتب السكرتير .. بس مالقاه لقى بدالـه بنت يترواح عمرها بين 20 الى 22 مو اكـثر..

ابتسم بخبث وقرب من مكتبها

تركي: سلام
البنت وهي تترك الاوراق اللي مقابلها: وعليكم السلام..امم نعم اخوي؟
تركي: من انتي؟ اول مره اشوفك
البنت وهي تقوم من كرسيها: ومن تكون حضرتـك حتى تسألني هالسؤال؟
تركي: زوج دينـا او الدكتوره دينـا
البنت اللي كانت تعرف ان دينـا مطلقه: قصدك زوجها السابق صح؟
تركي: بالضبط..معاك تركي..من انتي سكرتيره جديده بدال بندر؟
البنت وهي ترجع تجلس عالكرسي وتمسك قلم بيدها: بديله مؤقتـه لااكثر لان بندر مسافر واستلم الشغل عنه احيانا بالليل..تبي شئ اخوي؟
تركي: بدخل على دينـا
البنت: اولا مايصير تدخل على الدكتوره بدون اذن..وثانيا هي مو موجوده..
تركي: ليه مو موجوده؟
البنت ببرود: لان الليله ملكتها
تركي وعيونه بتطلع من مكانه: ملكتها؟ انتي شعرفك؟
البنت: اللي ماتعرفه ان الدكتوره زميلتي وخبر مثل هذا ماتخفيه عني..
تركي: طيب ومين اللي بيتزوجها؟
البنت: سعود..ولد عمها
تركي وهو دق فيه عرق: اهاااا كذا يعني طيب يادينـا

طلـع من العياده بسرعه اما السكرتيره الغبيه ضحكت بسخريه وكملت ترتيب الاوراق..
رغم انها مو مصرح لها تتكلـم في مواضيع خاصه بدينـا ولكنها تكلمت بصراحه لتركي..
بس لو دينـا تعرف هالشئ طردتـها بدون تفكير..
لان دينا طيوبه ممكن تتقبل أي شئ الا ان تركي يعرف بموضوع ملكتها..


...................................

مـاجد وصل مجلس ابوريــان الكبير او مثل مانسميها ديوانيـه..

الموجودين ينعدوا عالاصابع..مساعد سعود فارس خالد فؤاد وريان وابوريان

سلـم اول شئ على ابوريان

ماجد: شلونك عمي شخبارك؟
ابوريان: هلا والله بماجد حياك حياك البيت بيتك تفضل

ابتسم ماجد لترحيب ابوريان ..وسلم على سعود

ماجد: الف مبروك ياسعود
سعود ببتسامه مجامله: الله يبارك فيك
ماجد: منك المال ومنها العيال

سعود وهو يقول بنفسه...بعد عيال؟
انا زين بتحملها جنبي
اتحمل بعد عيالها؟ علشان ساعتها من جد اصعد فوق اعلى عماره وانتحر

ماجد يوم شاف سعود سرحان بعد عنه وسلم على باقي الموجودين
واخرهم فـارس..اللي اشر له يجي جنبه

ماجد وهو يجلس: تأخرت صح؟
فارس: ويينك ياخي احتريك انا من زمان..
ماجد: صارت لي شغلـه
فارس: شصاير؟
ماجد: واحد لابارك الله فيك جاي مسرع والشارع زحمه ويشخط حك سيارتي من اولها لاخرهـا
فارس: هههههههههه تعيش وتاكل غيرهـا
ابوريان: ياريان دق على الملا متى بيجون؟

سعود وهو يدعي بقلبـه ..يارب يصير شئ ولا يجي الشيخ ومانملـك يااارب ياااربي لاتردني..

ريان دق على الملا اللي جواله كان مقفل

ريان: مغلق يبه

سعود ابتسم من قلبه وانتبه عليه مساعد اللي عصب ..

مساعد وهو يقرب من سعود ويكلمه بصوت منخفض: اقول تراك مصختها بنت اختي مو لاقينها بالشارع الف من يتمنى ظفر منها..حركات المصاخه اتركها لابهالعصير اللي قدامي على ثوبك
سعود باستغراب: وانا شقلت الحين؟
مساعد: انت ماقلت .. لكن كل شئ واضح بعيونك..فرحان لان الشيخ تأخر ها؟
سعود: والله ماقلـت..
مساعد: شوف سعودوه ياانك تصير رجال وتعدي هالليله على خير...او تعاند وتسوي حركات مال امها داعي..وتجنن البنت معاك ساعتها عاد مابسكت لك
سعود اللي كان مستنكر اسلوب خاله: خالي انا مو جاهل تكلمني كذا ..
مساعد: رضيت ولا مارضيت انا خالك اكبر منك واقول اللي ابي ويلا بلا كثرة حكـي

سعود كان داخله بينفجر...شدعوه عاد الحين بتزوج ملكه ولا اميره الكل خايف عليها وعلى مشاعرها
وانا ولاحد مفتكر فيني وفي مشاعري
اووف منك يادينـا اكرهـك وانا للحين ماعشت معاك
شلون لو صرنـا ببيت واحد..
مدري كيف بتحملـك..الله يصبرني على هالعلـه

وصـل الشيخ اللي كان تأخره غير مقصود لظرف طـارى..

ابوريان: تأخرت يارجــال
الشيخ: معليش والله صارت لي ظروف..وين المعرس
ريان وهو يفسح لسعود مكان جنب الشيخ: هذا طال عمرك..

قـام سعود وهو يجر اخر خيط من خيوط الامل اللي لازال متمسك فيه لهاللحظـه

بعد اجراءات الملكه المعتـاده..مسك سعود القلــم وهو متردد يوقع او لا..
رفـع راسه لعمه اللي كان مبتسم له حتى يطمنـه..
بس انتبه ورا عمه لثلاث صور معلقه عالجدار..

بالوسط صورة جد سعود.. الجد الاكبر يعني
وعاليمين ابوه وعاليسار عمه ابوريان

طالع في صورة ابوه وهو يكلـم نفسه...لخاطرك يبه بيصير كل شئ تبيه بس تكون مرتاح ومبسوط

وقـع وترك القلم عالدفتر
ريان ببتسامه: الف مبرووك ياولد عمي..باقي توقيع العروس
مساعد: هات ياريان

اخذ مساعد الدفتـر وراح لعند الحريم وقبل مايدخل

مساعد: احم احم ياام سعود
ام سعود: لحظه ياخوي جايه

طلعت ام سعود وهي مبتسمه
مساعد: يلا خلوها توقع هنـا
ام سعود: من عيوني

قربت ام سعود من دينـا اللي كانت جالسه بوسط البنات وهم حولـها ..

دينـا طالعت خالتها بخوف

ام ريان يوم شافت بنتها خايفه كذا قامت وراحت لعندهـا
ام ريان: يلا حبيبتي دينـا وقعي
دينـا مدت يدها اللي ترجف ورجعتـها
ام ريان: دينـاااا يلاااااا
امل: دينوو يالدبه يلا الرجال ينتظروا


دينـا سحبت القلـم بخوف ووقعت توقيع اشبه انه يكون خربشات طفل ماتجاوز السنتين

اسماء: ههههههههههه رجك الله على هالتوقيع
دينا وهي معصبه: هذا اللي عندي
اسماء: ههههههه ياحليلك وانتي معصبه خلاص ياستي الف مبروووك وهااتي بوووسه

وباستها في خدها وباركوا لها البنات..

ديمه: واخيرا بنفتك منها وبيخلى لي البيت ييس
اسماء وهي تطالع البنات: للحين قاعدين يلاقوموا ورونـا الرقص يلا

وقـام الرقص والونـاسه عند البنات..

رجع مساعد لعنـد الرجال وسلم الدفتر..
الشيخ: الف مبروك منك المال ومنها العيال والله يتمم عليكم بالخير
ابوريان: امين يارب..مبروك يبه سعود
سعود وهو يحاول يخفي خيبه الامل: الله يبارك فيكم
مساعد وهو يكلم سعود بشويش: يلا جهز حالـك شوي وتدخل عليها تلبسها الدبلـه والشبكه
سعود وقلبه يدق من الخوف: انا بلبسها؟
مساعد: اجل انــا
سعود: اووف مااقدر خالي استحي
مساعد: صرت زوجها يااخي ..
سعود: أي بس مابعد اتعود..خلاص بس الدبلـه الشبكه لا
مساعد: خلاص مو مشكلـه.. طيب اول ماتدخل لها وش بتسوي؟
سعود : بلبسها الدبله وبطلع
مساعد: ياخي عيب والله عيب لازم اعلمك يعني..اول ماتدخل بوس جبينها ابتسم لها طمنها اذا انت خايف تراها بتموت من الخوف..لبسها الدبله واجلس معها وسولفوا
سعود: هذا اللي مستحيل يصير
ابوريان: مساعد سعود شفيكم تتساسرون؟
مساعد: ابد سلامتك يابوريان..جالس اقول لسعود تجهز يعني حتى يدخل على حرمته
ابوريان: أي .. مساعد لاهنت خلي الحريم يسوون طريق ويدخلون دينـا للغرفه حتى يشوفها سعود
مساعد: من عيوني
فارس: لاخليك خالي اروح انـا بدالك ارتاح
ماجد : فارس ..
فارس: هلا تبي شئ؟
ماجد: سلم عاالاهل بطريقك
فارس: هااا بدينــا
ماجد: خلاص بسكت
فارس: هههههه خلاص يوصل

راح فارس ودق عالباب الصاله الكبير قبل لايدخـل

فارس وهو منزل راسه: ياحريم درب درب الرجال بيدخلون
ام ريان: ان شاء الله يمه..

طلـع فارس وهو ندمـان انه مارفع راسه حتى يشوف ديمه كيف طالعه اليوم..

واميره قربت من ديمه
اميره: وييلي ديموو شفتيه؟ بمووت
ديمه: موتي ياغبيه الرجال بيطير منك وانت للحين ساكته
اميره: اووف وش تبيني اسوي؟
ديمه: تحركي ياخبله لمحي له بحبك مثل مالمح لك خليه يعترف ونخلص
اميره: اليوم؟
ديمه: اجل بكره...اي اليوم اذا قدرتي ليش لا..
اميره: يصير خير .. نشووف

ام سعود: يمه دينـا تعالي المجلس الثاني

قامت دينـا وهي منزلـه راسها ودمعة الخوف والارتباك على وشـك النزول..

وقامت وراها اسماء وجوري

دينا وهي تجلس على كنبه طويله: ابي عبايتي

ام ريان عصبت وكانت بتنفجر بوجه دينـا بس ام سعود ابتسمت وقربت من دينا

ام سعود: خلاص حبيبتي صار زوجك..ليش العبايه
دينا ووجها مخطوف لونه: ماتحسين خالتي ان اللي لابسته عاري
ام سعود: لاحبيبتي عادي وثانيا صار زوجك حلالك مافيها شئ..

ام ريان وهي تقرب منها وبعصبيه: دينوو خلي الليله تعدي على خير تراني واصله حدي منك..
دينا ودمعه تنزل على خدها: ان شاء الله يمه..

ام سعود وهي تسحب اختها بعيد عن دينا: شفيك ياختي طولي بالك البنت عروس حيلك عليها..
ام ريان: اووف بتطلعني من طوري متى بس نخلص ونرتاح
ام سعود: خلاص هانت هذا هم صاروا لبعض ارتاحي وانا اختك


اسماء مسحت دموع دينا وجلست جنبها ومسكت يدها حتى تطمنها..

طلعت ام سعود لبره ونادت على فارس اللي شافته واقف بالحديقه

فارس : ها يمه يدخلون؟
ام سعود: أي المجلس الصغير..
فارس: ان شاء الله

دخل سعود ومعاه مساعد وابوريان وريان للمجلس الصغير

سعود لما وصلـوا للباب جمدت رجلـه ماقدر يتحرك
مساعد وهو يدز سعود: يلا يلا داخل



وش ممكن يصير داخــل بين الاثنين

في اول مواجهه لهم وهو متزوجين !!


...................................


...........................

سعود لما وصلـوا للباب جمدت رجلـه ماقدر يتحرك
مساعد وهو يدز سعود: يلا يلا داخل

دخلوا وبقى سعود منزل راسه بس انه لمح طرف فستانها الاسود..وكعبها العالي..
والخلخال اللي برجلها اليمين

سلمت على ابوها واخوها اللي باركوا لها وطلعوا
ابوريان قبل لايطلع: لاتستحي ياولدي روح سلم على مرتك
سعود: امرك عمي

طلعوا وبقى مساعد اللي سحب سعود من يده لعند دينـا وطلع ..
رفع سعود راسه الناحيه الثانيه شاف اسماء وجوري اللي ميتين ضحك

سعود: شفيك انتي وياها تضحكون ها

دينا خافت من عصبيته ..يممه منك..

كانت هي بعد مو متجرأه تشوفه..
طالعت فيه لقته وسيم جدا اقل كلمة قدرت تقولها..
هالشئ من جديد على سعود..
مسوي سكسوكه ولحية خفيفه

نزلت راسها على طول

اسماء: احم شكل وجودنـا معطل عليكم الشغل احنا نطلع افضل ..
جوري: تعالي انتي وين الشبكه والدبله هاا
اسماء: راحت امي تجيبهم..يلا مشينا جوري


طلعت جوري واختها ولقت خالاتها واقفين عند الباب
جوري: ها وين الشبكه؟
ام ريان: امك راحت فوق تجيبها..ها بشري يمه جوري شصار سلم عليها؟
جوري: والله ياخالتي انـا طلعت ولاشفت شئ..
اسماء: وين تلاقون اخوي الحين داخ فيها وفي زينتها ..
ام ريان: ياربي انا بدخل مااقدر اصبر
ام فؤاد وهي تسحب يد اختها: ههههههه خليهم براحتهم..لاتدخلين..

جات رزان من بعيد وهي تركض وكانت بتفتح الباب
اسماء وهي تسحب بنت اخوها: تعالي يالكرتونه وين رايحه
رزان وهي تحاول تسحب يدها من يد اسماء: ابي بابا ابي بابا
اسماء: لاحبيبتي مو الحين..
رزان وهي تصيح: ابي اشوف بابا .. ودينا عمتييي خليني ادخل
اسماء: طيب كلنا بندخل بس مو الحين تعالي اعطيك كيكه الشوكولاته اللي تحبينها


نرجع للمجلـس والاجواء اخر توتر ..
الاثنين كانوا يحسون بأن اسلاك كهرباء ملتفه حول المكان
وفي أي لحظه بتضرب وتكهربهم ..

هالمجلس الصغير كانت اضائته صفرا خافته
لف سعود عينه على المجلس..
لقى بزاويه ورد احمر طبيعي وشموع..
وعالطاوله اللي جنب دينـا ورد مجفف منثور عالطاوله..
وهو يمشي بعينه اخيرا طاحت على دينــا..

كردة فعل اولى انبهر وفتح فمه وهو مو مصدق اللي يشوفه..
هذي دينـا؟هي يعني حلوه مااختلفنـا
بس اليوم شكلها احلى واحلى متغيره 180 درجه
يمكن لاني اول مره اشوفها بهالزينه؟
جايز

نقل سعود بصره على شعرها مكياجها وفستانها..انتبه انه عاري شوي لانه اكتافها طالعين..ونحرهـا وضيق عند خصرهـا والباقي واسع لتحت..موديل فرنسي

يوم شاف هالمنظر عرق ونزل راسه مره ثانيه..

تتسائلون عن دينـا
..كانت جالسه ومقربه رجليها حيل من بعض وكمان يدينها...
ومنزله راسه ..
لاحظ سعود انها مكشره.. ليش الله اعلـم..

كان يبي يقرب يسوي اللي وصاه عليه خاله بس مو قادر..مستحي..
وهي اصلا مو متجاوبه معاه..ولاحتى رفعت راسها ..
شلون يروح ويبوس جبينها وهي شكلها ماتبيه يقرب..
اوووف والحل؟

دينـا كانت خايفه وتفكر..ليش للحين واقف بعيد ولاقرب...
ياغبيه شلون بيقرب وانـا مو عاطيته فرصه؟
اووف بس انـا ماابيه يقرب مني..ولاحتى ابي اكلمه او اشوفه


ياربي انـا بسوي اللي علي خلي هالليله تمر على خير وبعدين اسوي اللي ابيه..
بس ارتاح من كلام امي وعصبيتها..
يادينا صيري ذكيه عامليه هالليله بلطف وبعدين ارمي القنبله..

اللي يسمعها يقول داخلين حرب مو عرس الله يهديهم


ارتسمت على شفاها ابتسامه خفيفه ورفعت له راسه وتصادمت انظارهم مع بعض..
هالشئ اللي خلى بروده تسري بأطراف سعود..

يوم شافها ابتسمت رد لها الابتسامه وقرب منها...
سعود: مبروك..

واخيرا ابتسمت اووف مابغيت الحين بسوي اللي قالي عنه خالي

دينـا وهي توقف له داخلها ودها تشوته بعيد بس من بره صايره الملاك الطاهر: الله يبارك فيك

اوريك ياسعودوه على بالك خلاص يعني بستسلم للوضع ..
لاهذي البدايه بخليك تطفش مني وتكرهني..


سعود تشجع ومسك يدهـا اللي حس انها خاليه من الحياه لانها بارده وصفرا بشكل...وكانت ترتجف بشكل غريب..
سعود: انا ماباكلك شفيك؟
دينا بخوف: اترك يدي..

قربها منه اكثر وباس جبينها...على هالمشهد دخلت امه وخالته وخواتـه..

جوري: ايوووووووه ايووووه ياعيني لو ندري تأخرنـا شوي يمكن نلحق على مشهد احلى
اسماء: عييب انتي هههههههه وش مشهد احلى

اما ام ريان وام سعود يوم شافوا اللي شافوه فرحوا من خاطرهـم..وتطمنت قلوبهم على عيالهم..

الحمدلله بدايـه موفقه لكلا الطرفين...

دينـا كانت كلها ترجف والوانها مخطوفه للحين مو مستوعبه ان سعود قرب منها حيل ومسك يدها وباس جبينها..

لاياربي انـا اكيد احلـــم..

ام سعود عطت سعود الدبلـه..
اخذها سعود انتظر دينـا تمد يدها بس شكلها سرحانه..

سعود بخاطره يقول..اوووف هذي شكلها تفكر وبعالم ثاني
كل هذا من بوسه .. الله يعيني عليها..

سحب يدهـا ولبسها الدبلـه..
كانت سحبة يده شوي عنيفه ومافيها رومنسيه اصلا
هالشئ اللي خلى العصبيه تظهر على ملامح دينـا..

ام سعود وهي تعطي دينـا دبلة سعود: يلا يمه..

دينـا مسكت الدبلـه ماتدري ليش ابتسمت..تذكرت يوم لبست تركي الدبله وطاحت من يدهـا دورتها وبالموت حصلتها...

دخلت الدبلـه برقه متناهييه بأصبعه.. ورفعت راسها له..
سعود فهم نظراتها..كانت نظرات شر ممزوجه بتحدي..


ام ريان : يلا سعود لبسها الشبكه

انتبه ان خالته شايله طقم الماس بيدهـا اليمين ومادته له..
سعود باحراج: لازم؟
ام سعود: يمه اكيد لازم شهالسؤال
اسماء: يمه يمكن ان اخوي مستحي ..
ام سعود: انتي تلايطي واسكتي
اسماء: ههههههه طيب طيب

جوري وهي تكلم اسماء بأذنها: بصراااااااحه وناااسه ماودي اضيع ولا لقطه..

سعود كانت اكثر شئ موتره ان الانظار متجه ناحيته وناحية دينـا هالشئ اللي مو مخليه يتصرف بشوية حريه..

سعود وهو يكلم امه بأذنها: يمه ممكن تطلعون شوي بره..والله مو عارف اتصرف مع البنت
ام سعود: ههههههههه ان شاء الله
وهي تكلم الباقي: ييلا نطلع ونخليهم براحتهم
ام ريان: يلا

طلعوا وسكروا الباب وراهم...وانتبه ان الشبكه حطتها خالته عالطاوله اللي مقابلهم..

دينـا: ليش خليتهم يطلعون؟
سعود وهو يقول من وين طلع لها لسان: والله مو عارف اتصرف بحريتي ..
دينـا: حريتك؟ ليش وش ناوي تسوي؟
سعود: ولاشئ غير الاصول والواجب
دينا بخوف: وش قصدك؟

رفع العقد اللي عالطاوله

سعود: ممكن؟
دينا: لا
سعود وهو رافع حاجب: ليش؟
دينا: انا البسه
سعود: هههههههههههههههههههه اول مره اشوف عروس تلبس شبكتها بنفسها
دينا وهي منحرجه: اوووووه انت وش تبي الحين

سعود بدون مايرد عليها قرب منها لف يدينه حول رقبتها حتى يسكر العقد من ورا..

هالقرب الكبير خلى دينـا ماتعرف حتى تتنفس
تأخر وهو يسكره ماصارت وهي خلاص مو قادره تتحمل هالقرب..

دينا وصوتها ضعيف ومتهدج وبالموت طلع منها : ماخلصت؟

سعود ابتسم بسخريه لما حس بالضعف في صوتها..وتعمد يتأخر..

كان مستمتع بالوضع وهو يحس انها تحت سيطرته وهيبته..
هالشئ واضح من ضعف صوتها...
اتاريني مو هين ولي تأثير عالبنات احم احم

هههههههههههه

دينا: بتطول؟
سعود: اممم مو عارف اسكره
دينا وهي تبي تبعد: انا اسكره
سعود بصرامه: لا انا بسكره

كان يحس بأنفاسها المتقطعه وهي تلفح يدينه..
ههههههه لا خلاص مصختها البنت بتموت بين ايدي

سكر العقد وبعد عنها...كان طالع عليها رهيب مره..
تلمست العقد بيدها..ورجعت تطالعه..
دينا: خلاص؟
سعود بخبث: ودك اكررها؟
دينا وهي ميته خوف منه: لا لا خلاص ماابي

قام سعود يفكر..غريبه هاالانسانه ساعه تكون قويه مثل المارد وساعه احسها طفله بريئه ماتقدر تسوي شئ..
ابي افهم ليش لها صورتين..

اكيد ان واحد من هالوجهين هو الصح والثاني مصطنع تحاول تثبت وجوده..
بس ايش الوجه الصح فيهم؟

جلس على نفس الكنبه اللي كانت جالسه جنبها..وهي بعد جلست حست انها ارتاحت...من جد رجلها مو شايلتها..

ماحسوا الا بالباب ينفتح..وتدخل رزان بقوه ووراها جوري
جوري هي تطالع باعتذار لسعود: حاولت امنعها بس عيت الا تبي تدخل تشوفكم
سعود ببتسامه: عادي..تعالي بابا

طلعت جوري وسكرت الباب ورزان راحت ونطت وجلست بوسطهم..طالعتهم وهي فرحانه ومبسوطه..

دينا وهي تمسح على شعر رزان اللي تحسها حيل قريبه منها: الله الله اليوم طالعه اميره
رزان: دينا دينا
دينا: هههه هلا حبيبتي
رزان: اناديك دينا ولا خاله دينا؟
دينا: لاحبيبتي ناديني ماما دينـا

هالكلمه شدت مسامع سعود خلته يلف لها على طول...
ماما دينـا؟

رزان بفرح : اوكي .. ماما دينـا
دينا وهي تقرب رزان منها بحضنها: فديتك ياقمر..
رزان وهي تلف لابوها اللي كان سرحان: بابا بابا ليش ساكت
سعود: لابابا عادي مو ساكت..

سحبت رزان ببراءه يد ابوها وحطتها على يد دينـا..
هالحركه وترت الاثنين اللي يديهم حاضنه بعض...

سحبت دينـا يدهـا لانها من جد مو قادره تتحمل وجود سعود على هالقرب منها..
تحس انها مو قادره تتنفس وتتصرف بطبيعتها...

سعود: بابا رزان خلاص روحي العبي بره
رزان: ماما دينا
دينا: نعم حياتي
رزان: بتجين معانا البيت اليوم وننام كلنا مع بعض صح؟

سعود بخاطره...كملت هذا اللي قاصر ننام سوا !!

طالعت رزان في ابوها ودينا وهي تنتظر الاجابه

سعود: خلاص بابا روحي بره العبي مع رامي وهاني يلا
رزان: اوكي بابا

طلعت رزان ولف سعود على دينـا..

سعود: اممم انـا بطلع الان تبين شئ؟
دينا وهي تلف له: لا
سعود: يقولون سلامتك مو لا..ولا انـا عارف ان سلامتي اخر همك ولكن مجامله لااكثر..
دينا بتحدي: مااعرف اجامل... انا صريحه..عندك مانع؟
سعود: يعني راح نبدأ كذا تحدي؟
دينا: افهمها مثل ماتبي

سعود بخاطره... هيين يادينووه انا اوريك بس مو هنـا اذا جيتي عندي بالبيت اوريك ان ماطلعت لك قروون مااصير سعود..

ان ماخيلتك مجنونه تمشين بالشارع ولاتدرين عن هوا دارك مااصير سعود هين هيين .. خلي بس هالليله تعدي على خير
وبيطلع لك سعود الثاني اصبري انتي بس..

دينا بعد ماالاحظت شرود سعود: ها كلامي ماعجبك؟
سعود ببرود مبتسم: ومن يقول اذا كلام زوجتي مايعجبني اجل وش اللي يعجبني
دينا باستنكار: من متى هاللباقه؟
سعود ببرود اكبر يبي يجننها: من زمان بس انتي مو داريه ياحلوه

مرر اصابعه الدافيه على خدها وابتسم بخبث وقام..
استغربت حركته اللي خدرتها واستفسرت عن المعنى؟
بس المعنى واضح في نظراته الشريره..

سعود: اوكي انـا رايح...
دينا وهي تحط رجل على رجل: فمان الله
سعود مشى بيطلع بس لف لها: بيننا اتصال
دينا وهي ترف حاجب: ليش تبي شئ مني؟
سعود: شوفي الدبله اللي بيدك بتلاقين اسمي مقرون بأسمك..باختصار صرت لك وصرتي لي..
وتقولين وش ابي؟ بالعربي الفصيح صرتي زوجتي..
افهمك بعد وش ابي؟
دينا: زوجي وانا زوجتك غصبا عنا مو بيدينـا

هالكلام صحيح بس مايدري سعود ليش تضايق يوم سمعه...مايتحمل رفضها له..
وهو انسان الزم ماعليه كرامته

رجع لمكان ماكانت جالسه وكلمها وهو يقرب منها...هي خافت حاولت ترجع بس ماتقدر لانها جالسه عالكنبه..

سعود وهو يصر على اسنانه: دينا للحين انا هادئ..لاتخليني اعصب ارجوك خلي الليله تعدي على خير..وبعدين اللي تبيه سويه...
دينا وهي تحاول تحط عينها بعينه بس مو قادره: انا ماقلت شئ غير الحقيقه..
سعود: خلاص قلت لك خلااااص

مثل البرق السريع تركها وطلـع..هي من لعصبيه رفست طرف الطاوله اللي مقابلها ووجعتها رجلها لان الطاوله حديد

نزلت وهي تدلك رجلها

اييييييييييي كله منك ياسعودوه كله منك

هين بوريك برد لك كل شئ تسويه فيني

..............................



عند باب الصاله كان فارس واقف مع جوري يسولفون..

فارس: ها بشري اخوك بيض الوجه ولا مسود وجوهنـا كالعاده؟
جوري: ههههههههه فاتك نص عمرك دخلنا عليهم لقيناه ماسك يده وقريب منها ويبوس جبينها
فارس: ههههههههه حركات ابورومنسي طلع اخوك
جوري: هههههه أي والله فديته
فارس: اقول بعض الناس موصلين سلام لك
جوري وهي تبتسم بخجل: من؟
فارس: خطيبك من بعد
جوري وهي تنزل راسها وتشبك اصابعها: رد عليه السلام
فارس: ياااااااه ياشينكم يالبنات الحين الخجل والوجه احمر بس انتظروا تعرسون اللسان يطلع وش طوله اخ منكم..
جوري: لايكثر فرووس
فارس: اممم اقول جوري
جوري: هلا
فارس: وين ديمه
جوري وهي ترفع حاجب: وش تبي فيها بعد؟
فارس: لابس اسأل
جوري: هييه ياحبوب علينا هالكلام..وش تبي في البنت؟
فارس: ياشيخه سؤال مجرد سؤال لااكثر
جوري بخبث: شوف انا عارفتك زيين (وهي تضرب على كتفه)روح احسن لك عند الرجال رووح قال ديمه قال
فارس: اووف منك انتي ماينأخذ منك لاحق ولا باطل

طلع فارس وهي تفكر..ياربي وش بينهم؟
ليش مهتم فيها كثير؟
يبي يتسلى معاها؟
لالا ديمه بنت عمنا لايمكن فارس يفكر فيها للتسليه
اجل يفكر فيها على أي اساس؟

حيرتنا معاك يافارس..
ارسى لك على بر..

جات اماني وضربت جوري على ظهرها

اماني: في منو سرحانه؟
جوري: اووف خرعتيني
اماني وهي تغمز: ماودك تشوفين كحيل العين؟
جوري: ومن يطلع كحيل العين؟
اماني وهي تسحب جوري لبره: خطيبك يالغبيه تعاالي
جوري: لحظه لحظه وين بتوديني؟
اماني وهي توقف: انتي ودك تشوفيه او لا؟
جوريوهي تفكر:اممم أي
اماني: اجل تعالي نروح عند نوافذ المجلس الكبيره..
جوري: ويي اخاف يشوفونـا
اماني: عاكس ماراح يشوفون شئ تعاالي

راحوا الثنتين بشويش وخفيه لعند نوافد المجلس اللي صايره ورا البيت وبعييده عن اماكن السيارات..

جوري وهي تتراجع: لااخاف حد يشوفنـا

اماني طنشت جوري وراحت تطل : تعااالي شوفييه بسرعه لايفوتك ياحلييل
جوري بعصبيه: هييه انتي وش ياحليله مااسمح لك

جوري تحمست وراحت تطـل ودورت بين الموجودين عليه ..لقت فارس يمشي لوحده من زوايـا المجلس ويجلس جنبه..

جوري ابتسمت وقلبها يدق كل دقه اسرع من الثانيه
ومندمجه تطالعه وهو يسولف ويضحك ولاهي حاسه بأماني..

جوري بعد فتره: اموون ترى جد احبـه

لكن اماني لاجواب..
رفعت جوري راسها تدور اماني مالقتها..
حست بيد تنحط على ظهرهـا

غمضت عينها بقوه وهي خايفه..من هاللي سمعها ..
وهي تعترف بحبها؟

اسماء: تحبيه ها
جوري بارتباك: سمووي اووف خرعتيني
اسماء: منو اللي تحبيه بعدي خليني اشووف..

وقفت اسماء مكان جوري تطالع النافذه ..
اسماء: هذا ماجد؟ يالله تغير حييل...تعالي هنـا ياقليلة الادب وش تحبيه بعد؟
جوري والارتباك لازال باين عليها: خطيبي مافيها شئ
اسماء: أي ياعيوني مااختلفنـا..يوم اللي تملكون قولي تحبيه مو الحين..بعدين من متى عرفتيه حتى تحبيه..جوري لايكوون...
جوري: لالا اسماء انا اختك مااسوي شئ من وراك
اسماء: اجل كيف تحبيه؟
جوري: عادي خطبني وحبيته
اسماء: هالكلام تقوليه لامي يمكن تصدقك..بس انـا اسماء ياعيوني قولي غير هالكلام..
جوري : اووف ومنك ومن ياعيوني حقتك..ليش قاعدين بالمباحث حنا
اسماء: أي عندك مانع ..
جوري: اووه طيب انا احبه خلاص ارتحتي؟ من قبل مايخطبني
اسماء وهي تمسك ذراع اختها بقوه: كلمتيه؟ قولي لاتكذبين
جوري: وغلاة امي وابوي مااكلمه...
اسماء: حب بالعيون يعني؟
جوري وهي تبتسم وترجع تطالعه من النافذه: تقدرين تقولين..
اسماء: الله يرجك من بنت..خوفتيني يلا ندخل قبل لاحد يشوفنـا..ولاعاد تكررين هالحركه
جوري: ان شاء الله ياااااااا..ياعيوني
اسماء: ههههههههه لاتقلدين

دخلت جوري داخل قبل اسماء اللي وقفت تطالع شاشه جوالها..شافت 2 ميسد كوول من فؤاد

يؤؤ متى دق..ماسمعت الجوال..
دقت عليـه وهي تطالع النافذه شافته طلع الجوال وابتسم يوم شاف اسمها..

بعدت عن النافذه ودخلت داخل المطبخ من بوابته الخلفيه..

اسماء: هلا فؤاد
فؤاد: هلا والله اسماء..ليه ماتردين؟
اسماء: اسفه ماسمعته والله..بغيت شئ قلبي؟
فؤاد بصوت منخفض: قلبك؟ بموت انـا خلي هالكلام في البيت لو سمحتي هنـا ماينفع
اسماء: هههههههههه طيب طيب...ماقلت لي بغيت شئ؟
فؤاد: متى تبين نرجع؟
اسماء وهي تطالع الساعه : الحين 11 ونص خلاص اذا تبي نرجـع عادي نو بروبلم
فؤاد: خلاص اسلم عليهم واطلـع وينك انتي
اسماء: من شوي كنت عند نوافذ المجلس اطالعك
فؤاد : ههههههههه احلفي
اسماء: وربي..
فؤاد: خلاص يالغلا اسلم بس عالموجودين واطلـع
اسماء: خلاص انـا انتظرك بره الحديقه..
فؤاد: طيب يالغلا يلا سلاام

سكرت منه وهي مبتسمه..ياربي كيف كنت غبيه وعميه ماشفت فؤاد على حقيقته من قبل


الحين اقدر اقولـها وبدون تردد...احبـــك احبك..

دخلت اسماء للمجلس اللي كانت فيه دينـا لقتها شبهه سرحانه وجالسه جنبها امها وخالاتها وبنات خالاتها..
ولطيفه طبعا اللي هاني كان نايم بحضنها..

اسماء: ها دندون كيف الامور تمام؟
دينا ببتسامه مصطنعه: الحمدلله
اسماء: الحمدلله .. والله يتمم عليكم بخير ..
ام سعود: تعالي يمه اجلسي..ليش واقفه؟
اسماء: لاوالله بطلـع خلاص فؤاد ينتظرني
ام ريان: بدري يااسماء ماجلستي معانـا..الحين نحط العشاء اجلسي
اسماء: هني وعافيه خالتي..لاخلاص بروح..وقت ثاني ان شاء الله

راحت وسلمت عليهم كلهم..لما وصلت للطيفه باست هاني على راسه

لطيفه: يلا شدي حيلك وجيبي لنـا واحد
اسماء بفرح وهي تتخيل ان عندها ولد من فؤاد: هههههه ان شاء الله..
ام سعود وهي تطالع اسماء: هذا انـا اوصيها اذا عرفت انها استخدمت موانع ماراح اكلمها
اسماء وهي منحرجه: يممممه مو قدامهم ..
لطيفه: ههههههه مافي حد غريب

لبست عبايتها ولفت شيلتها بدون ماتتغطي وطلعت لبره..
لقت فؤاد واقف عن سيارته بالحديقه ينتظرهـا..

ابتسم يوم شافها..لما قربت منه دخلت جوالها بالشنطه ورجعت تطالعه

اسماء: يؤؤ شفيك فؤاد تطالعني كذا؟ فيني شئ غلط؟
فؤاد: كيفي احبك وبطالعك
اسماء ببتسامه: تصدق فؤاد لطيفه قالت لي شئ فرحنـي
فؤاد:فرحيني معاك..
اسماء: يوم جيت بسلـم عليها كان هاني ولدها بحضنها..قالت لي شدي حيلك وجيبي لنـا واحد مثلـه..
حسيت بفرح وانـا اتخيل ان عندنـا ولد صغيروون
فؤاد: ياحياتي..عساها دوم الفرحه..بس مو الحين اسماء نبي نستانس مع بعض ولاحقين على العيال ووجع الراس
اسماء : الحين عيالي بيصيرون وجع راس؟
فؤاد: هههههههههه واحلى وجع يلا حبيبتي مشينـا
اسماء: يلا

.....................................

فارس كان متملل بالجلسه .. والا يبي يشوف ديمه ..
يشوفها يعني يشوفها ..

خلص عشاء وراح لعند المغاسل..غسل وعدل شماغه بالمرايه..وطلع للحديقه..

كان باب الصاله الكبير يطل عالحديقه دايركت..
كان يمشي رايح وجاي .. مو عارف كيف يشوفها..
يحس وده يسولف معاها..
ليش السوالف ماتحلى الا مع ديمه؟
مايدري

لمحته اميره وهي يروح ويجي..
اميره وهي تكلم ديمه بأذنها: ديووم ديووم الحقي
ديمه: وات؟
اميره: فارس بره بره يتمشى بروحه
ديمه: يالغبيه فرصتك يلا روحي
اميره: وش اقول له مااعرف
ديمه: وش ماتعرفين تبيني اقول انـا عنك يعني؟
اميره: أي ليش لا
ديمه وهي تلف لاميره: غبيه انتي؟ كيف اقوله؟
اميره وهي تفكر: امممممممم قولي له ان اللي ببالك تبادلك نفس الشعور..اي شئ اهم شئ يعرف بحبي
ديمه: اممممممممم تتوقعين راح توصل له المعلومه؟
اميره: اكيد .. يلا ديووم علشاني عااااد
ديمه: طيب لاتحنين على راسي بروح له وامري الى الله..

قامت ديمه بتطلـع لبست عبايتها..وماحـد لاحظ هالشئ من الموجودين لانهم مشغولين بالسوالف اللي ماتخلص..

شافته جلس على طرف حوض فيه ورود ... ويفكر

ديمه وهي تجلس جنبه: في ايش تفكر؟

ماصدق اللي سمعه لف لها على طول وابتسم ابتسامه عريضه..

فارس: ديمووه..توك على بالي
ديمه: انا؟!!!!
فارس بارتباك: امم لا اقصد ماشفناك اليوم يعني
ديمه وهي تعدل عبايتها: والله انشغلت مع اختي
فارس: ايييي..كيفك؟
ديمه: كويسه انت علومك والكليه؟
فارس: والله الاختبارات ماتبشر بالخير
ديمه: لانك ماتذاكر
فارس: مدري شفيني عايف الدراسه وماودي بالمذاكره اصلا
ديمه: شد حيلك هانت كلها سنتين وتخلص
فارس: ماعلينـا.. انتي علومك؟
ديمه: لاجديد ..

سكتوا الاثنين..حس فارس ان بعيون ديمه كلاااام .. مو على بعضها

فارس كان بيتكلم بس سبقته

ديمه: هههههههه شكنت بتقول؟
فارس: هههه لالا قولي اول اللي عندك...
ديمه: بصراحه فارس وبدون لف او دوران جايه اقول لك شغله وامشي
فارس باهتمام: قولي .. اسمعك
ديمه: بوصل لك رساله .. اتمنى تفهمها..
فارس باستغراب: رساله؟
ديمه: الشخص اللي تكن له مشاعر حب او اعجاب.. يبادلك هالشعور...
هالشئ للمعلوميه بس..
فارس وهو مو مصدق وعلى باله ديمه تحبه: تتكلمين جد ديمه؟
ديمه ببتسامه: يييس ..
فارس: وليش تتكلمين الغاز؟ ليش ماتقولينها بصراحه؟
ديمه وهي توقف: مثل ماانت عبرت عن مشاعرك بالغاز..سويت انا نفس الشئ ووصلت هالمسج الغاز..
فارس: مو مصدق..
ديمه: لهالدرجه الحب؟
فارس: واكثر ياديمه..ربي لايحرمني منك قولي امين
ديمه بطيب نيه: امين يارب..خلاص انا استأذن الحين..مهمتي انتهت
فارس: وين وين ديمه مابعد تكلمنــا
ديمه: الجايات اكثر ولا؟
فارس: طبعا بس خليك
ديمه: احم لهنـا المهمه انتهت..الدور والباقي عليك

( ديمه كانت تقصد يعني اعترف لاميره بحبك واترك الالغاز)
فارس: انا عن نفسي مستعد اقول وبكل صراحه .. اني معجب..وبقووه

جاوبته ببتسامه..

بعدت عنه ودخلت وهو طاااير وناسه..
ديمه طلعت تحبني؟
او عاالاقل تبادلني اعجاب مميز؟
من قدي..

اميره وهي تمسك ذراع ديمه بعد ماجلست: ها بشري
ديمه بصوت منخفض: قلت له..لو شفتيه يااميره طااااااار من الوناسه..من جد يحبك
اميره بفرح: يااااربي ياربي مااتحمل هالوناااسه..من جد يعني كان مبسوط؟
ديمه: الا طاير وفرحان مو مصدق اللي اقول له
اميره وهي تبوس دينا على خدها بوسه قويه: واحلى بوووسه لاحلى ديمه
ديمه: ههههههههه عورتيني

امل: هاااااااا رقيه وسبيكه شعندكم تتباوسون قدامنـا ماتستحون
ديمه: هههههههههههه موتي حررره
امل: تكفيين انتي وياها...مالت بس..

اميره وهي ترجع تلف لديمه...

اميره ببتسامه: الحين ارتحت...فدييتك ديمووه مدري لولاك وش كنت بسوي
ديمه: ياغبيه شهالكلام احنا خوات
اميره: الحين باقي يقولها لي بصراحـه..احبك
ديمه: ههههههه طمااعه مو كفايه عرفتي انه يحبك
اميره: افكورس نت


اماني التفتت لديمه واميره وهي تفكر...هالثنتين بينهم شئ..مو طبيعين
ليش احسهم ناويين على شئ؟
بس قمة القهر..اميره اختي وكل اسرارها عند ديمه..
ليش ماتفتح لي قلبها وتسولف مثل ماتسولف لديمه؟

..................................

نروح سريع لمجلس الرجـال مساعد طلع من عشر دقايق ..
كان يمشي ببطئ في الحديقه اللي يحبها بشكل كبير..

كان يحب تنظيم الورود والاشجار اللي مسويه ابوريان في حديقته..

ركب السياره...وهو يحس بملل مو طبيعي..اووف ليش حياتي روتين بروتين مللللل ياناااااااااس
مافي شئ جديد ... مليت هالوضع...
طول الوقت لوحدي...

بس انا مو لوحدي
عندي خواتي اللي يطول بعمرهم وعيالهم..
حتى ابوريان رغم قسوته ببعض الاحيان الا اني احبه واحترمه
ويعاملني مثل ولده بالضبط مايقصر معي ابد..

بس لا مو هذا اللي انـا ابيه..ابي شئ ثاني
بس وشو مااعرف..

وهو سرحان ويفكر انتبه لحرمه حامل لابسة عبايتها وتمشي ناحية المجلس
عرفت انها لطيـفه مافي غيرها حامل بالعائلـه حاليا..


طلع لها ريان وهو مبتسم من المجلس

مساعد ماكان يشوف لطيفه لانها عاطيته ظهرها بس كان يشوف ريان...

قاموا يسولفون عن شنو مايدري مساعد...

بس الفرح كان واضح على ريـان..
واضح هالشئ من البريق اللي بعيونه..

بعدهـا جاء هاني يركض رفعه ريان لحضنه...
لطيفه باست هاني على خده .. ورفعت يدها لريان كأنها تودعه ومشت لداخل..

ورجع بعدها ريان وهاني لداخل المجلس...

ريان مرتاح ومستقر..وفؤاد بعد تزوج وارتاح...
واليوم لحقهم سعود الله يوفقه مع دينـا..
من بقى غيري؟

بس لالا وش افكر انــا..
صحيح ان ريان مرتاح مع لطيفه
وفؤاد نفس الشئ

بس وش يظمن لي ان حرمتني بتفهمني مثل لطيفه واسماء؟؟

صح كلامي صح..مافي شئ مظمون فـ ليش اتهور واتزوج وانا عارف مزاجيتي واطباعي اللي يمكن ماتريح بنت الناس

خليك يامساعد كذا وش تبي بوجع الراس؟
وترجع كل يوم البيت بكير
وان تأخرت سوت لك الحرمه تحقيق

لا وبعدها تجي العيال يااااه وجع راس من جد

ابتسم مساعد براحه,, الحمد لله ماني متزوج

خليني كذا واذا كان الزواج هو اللي بيكسر الروتين ماابيه
خلني بالروتين يكون افضل

..........................

نرجع للصاله عند الحريـم..

ام سعود وهي تكلم اختها: يااختي متى تبغون العرس؟
ام ريان وهي تطالع دينا: انا ودي اليوم قبل بكره
دينا: وش يمه بعد اليوم قبل بكره ؟ رأيي مو مهم يعني؟
امل: دينا شفيك الله يهداك خالتي ماقالت شئ
ام سعود: يمه دينا انا اسألك واسأل امك..رايك اكيد مهم
دينا: انا ماادري اللي تشوفون... بس عرس ماابي خلوها حفله عائليه
جوري وهي تلف لدينا: لييييييييييييه نبي نفرح فيكم
ام فؤاد: العرس مو مهم...خلاص خلوها عائليه بدون مانعزم حد غير معارفنـا


قامت دينا وهي متضايقه حيل وصعدت غرفتها..

ام سعود: دام قالت اللي تشوفونه .. اجل احنا نحجز استراحه ونسوي حفله ومانعزم الا معارفنـا وقرايبنا
ام ريان: خلاص شوفوا استراحه انا ماعندي مانـع..

خلصت امل سوالفها مع خالاتها وقالت بتروح تصعد لدينـا اللي تعبت ورقت لدارها

تبي تعرف منها وش صار بينها وبين سعود...

دخلت لقت دينـا لازالت بفستانها وجالسه عالسرير سرحااانه من جد..
كانت بهاللحظه تتذكر كيف سعود قرب منها ولبسها العقد...
ليش خافت؟ ليش دق قلبها بجنون؟
ليش حست بهيبة وقوتة هالشخص اللي واقف مقابلها؟

امل وهي تنط بوجة دينا: بوووووووم
دينا وهي تنقز من مكانها: اوووف اموول الله يرجك بغيت اموت
امل: ياهووووووووو من بدايتها سرحانه اجل كيف بعدين
دينا: انا؟ مو سرحانه؟
امل: لاابد..يلا يلا علميني وش صاار

جلست امل مقابل دينـا

طبعا 3 اشخاص تقدر دينا تتكلم معاهم بحرية مطلقة وبدون قيود اللي هم اختها ديمه واسماء وامل..

دينـا: شقولك ياامول ياااه صار موقف سخييف
امل: لحظه اول شئ علميني باسك؟
دينا: شهالسؤال الغبي اموول ..
امل: خخخخ لاتفهميني غلط اقصد بوسة محترمه
دينا وهي تضرب امل على راسها: هيييه عن قلة الادب امول
امل: هههههههههه طيب يلا علميني وش الموقف
دينا وهي تعتدل بجلستها وتتربع على سريرها: الحين هو دخل وقعد شوي وكان مستحي مرره مالت عليه
امل: اووه مااسمح لك لاتغلطين على الوسيم خخخخخخ
دينا: مالت عليك وعلى الوسيم معاك المهم..يوم قرب تخيلي امول مسك يدي وباسني على جبيني انا متت ساعتها..وربي كنت بدفه عني
امل وهي تشهق: تدفيينه؟ ياااااااغبيه حد حاصلة له بوسه من وسيم العائله ويدفه؟ صدق وجه فقر
دينا باستنكار: تراه صار زوجي
امل وهي تصفق: ايووووووه ايوووه بدينا غيره
دينا: مااقصد...اوووووف يعني مااكمل لك؟
امل: لاخلاص بصير طالبة مؤدبه وسوف اصمت..اكملي اكملي
دينا: عاد المهم..جاء يبي يلبسني العقد
امل : ايوه
دينا: والله ويقرب مني ياامل خلاص حسيت مافي اكسجين..
تخيلي وهو لاف يدينه حول رقبتي صايره قريبه منه وراسه وراي بيسكر العقد مو عارف كيف
امل: ههههههههههااااااي ياهووو ليتني كنت موجوده...وبعدين وش صار؟
دينا: وتأخر حسيت مرت سنه علينـا.... اول مره اصير قريبه منه كذا..اشياء كثيره اربكتي..انه اطول واعرض مني ريحة عطره قويه رجوليه جدا..
فوق هذا كـان هادئ وانا اللي كنت خايفه
امل: احييييييييه امووت انــا ااخ متى بس اعرس واشم ريحة عطر زوجي الرجولي
دينا: ههههههههههههه خبله والله
امل: مدري عنك تقولين رجولي...ايه وبعد؟ قال انك طالعه حلوه؟
دينا: لاطبعا ماقال ولا كلمة حلووه
امل: افااااااا ياسعود خربتها
دينا وهي تقوم وتوقف مقابل المرايه: ماخربها ولاشئ (وهي تدخل يدينها في شعرها بغرور) بعدين انـا حلوه هالشئ شفته بعينه اول مادخل
امل وهي متحمسه: كيف؟
دينا بغرور: لانه وقف دقايق مبهور فيني احم
امل: ههههههه ياشيخه انتوا فلم من جد .. بس دينا بقولك حاجه وانا اختك
دينا وهي تلف لامل: قولي حبيبتي
امل وهي توقف مقابل دينا: صحيح سعود شوي مغرور واطباعه صعبه وانتي نفس الشئ..بس حاولي تليين راسك..
حاولي تخلين حياتك هادئه بدون وجع راس ومشاكل وتحدي..
في النهايه سعود الحين زوجك..انتي تعبانه وهو تعبان..
جاء الوقت اللي ترتاحون فيه انتوا الاثنين..
انتي حتى تدفنين اخر ذكرى لك مع تركي..وسعود حتى ينسى بسمه للابد

جلست دينـا بيأس على السرير: بسمه؟ (وتضحك بسخريه) 5 سنوات بطولها ماقدرت تنسيه بسمه تتوقعين انا بقدر؟ هذا المستحيل بعينه
امل: دينـا لان سعود بقى هالفتره وحيد ماقدر ينساها..بس انتي بتقدرين
دينا: نضحك على نفسنا ياامل بهالكلام .. عارفه زين ان حياتي معاه بتكون جحيم..الله يعين..

بهالوقت رن جوال دينـا رقم غريب..

دينا وهي تشيل الجوال وترد: الووو
تركي : مبروك ياحلوه
دينا وهي تحس ان ضغطها وصل الف ووجها يصير احمر: انت ماغيرك؟ صحيح انك حقير وش تبي داق وكيف عرفت رقمي الجديد
تركي: هههههههههه حيلك ياحلوه الليله انتي عروس مايصير تعصبين

امل وهي تكلم دينا: منو يادينا
دينا وهي تتكلم بحركة الشفايف لامل: تركي
امل وهي معصبه: هاتي الجوال هذا مايعرف الادب

امل وهي تكلم تركي: وجع اللي يوجعك ياقليل الادب
تركي: وامل بعد؟ ياسلام العائله كلها مجتمعه على شرف المعاريس
امل وهي تفقد اعصابها: قسم عظما ان دقيت على جوالها مرة ثانيه لاوصلك للشرطه فاهم ياحشره

سكرته ورمت الجوال عالسرير...

امل بعصبيه: والله لو هو جنبي ذبحته..

دينا طول هالوقت تشوف عصبية امل ومستغربه ..
امل ماتعرف باللي سواه تركي
مافي غير خالي وسعود يعرفون

ليه معصبه عليه وتسميه قليل ادب؟ من قال لها؟ خالي

دينا بانكسار: من قالك
امل وهي تجلس جنب دينا: مو مهم
دينا وهي تدمع: ماكنت ابيكم تعرفون كنت منحرجه منكم
امل: شهالكلام انتي بعد ليش احنا غرب..عالعموم تطمني مافي غيري انـا يعرف ولولا اصراري على خالي كان ماقال..
بس من اول ماتطلقوا وانا حاسه ان الطلاق وراه سبب كبير ..وخالي اكد لي وعرفت انها خيانه
دينا: مدري ليه متصل وايش يبي مني بعد هالفتره الله يستر..الظاهـر المشاكل ماراح تخلص
امل: دينووو لاتعوري قلبي عليك عااد واذا على هالغبي اتركيه علي انا اقول لمساعد..
دينا: لالا تقولين يمكن متصل يبارك لااكثر..ويحرق اعصابي اذا اتصل مره ثانيه مو خالي او ريان اللي بيتصرفون معاه...
انا اعرف كيف اوقفه عند حده
امل: الاخت مفكره حالها جاكي شان
دينا: هههههههههههههههههه الله يرجك ياامول

.............................





https://songs2.6arab.com/rashed-almajed..ala-ya-wagt.ram


طالع في الساعه لقاها 3 صباحا
صار له ساعه واقف بالبلكونه على هالحال..
يفكر باللي صار بينهم اليوم..
تنهد وهو يحس بالجو يبرد دخل وقفل البلكونه...ومسك برواز صورة بسمه للمره الالف اليوم...

احبك انتي بس..وهذا انــا سويت اللي بغيتيه من زمان وتزوجت..
اتمنى تكونين راضيه عني يا..ياحب راح يبقى بقلبي للابـد ..

حس بيد على كتفه..لف شاف اسماء واستغرب

سعود: انتي وش جابك بيتنا؟
اسماء: هههههههه اشتقت لكم قلت بنام عندكم اليوم
سعود: وزوجك؟
اسماء: راح ينام معاي بغرفة الضيوف تحت..
سعود وهو يقعد عالسرير: حياكم..الا من متى وانتي هنـا ماحسيت لك؟
اسماء: مو من زمـان..

انتبه ان بيدها برواز حدوده خشبيه حمرا..كان مره حلوو وفيه بالزوايا فراشات بيضاء صغيروونات

كان يد اسماء مغطيه على الصوره الموجوده باالبرواز...

سعود وعيونه لازالت عالبرواز: وريني الصوره اللي فيه
اسماء وهي تخبيه ورا ظهرها: بس على شرط..
سعود: وشو؟
اسماء: تحطه جنب مخدتك عالطاوله
سعود وهو يكشر: مكان صورة بسمه؟ تحلمين

ابتسمت اسماء لعصبيه اخوها وطلعت له البرواز..كانت صوره لدينــا..
كانت بمزرعتهم

لابسه بلوزه ورديه وشعرها مفرود على كتفينها وحاطه بشعرهـا وردا بيضاء ورا اذنها..
ومبتسمه للكاميرا بهدوء ملائكي..

جلس يطالع صورتها وصورة بسمه..حس بخنجر يطعنه..
سعود بهودء مخيف: لادينا ولا الف غيرها بياخذون مكان حبيبتي
اسماء وهي تتنهد بتعب: دينا اللي تتكلم عنها الحين زوجتك ياسعود.. ارجوك افهم ..
سعود وهو يطلع من هدوئه ويعصب: ماابي افهم خلااااص ارتاحي واتركيني بحالي ممكن؟

اسماء حز بخاطرها معاملة اخوها القاسيه لها...تركت البرواز على سريره وطلعت والعبره خانقتها...

سكر الباب بقوه وجلس عالسرير وراسه بين يدينه..وهو يلهث من العصبيه

لازم تطلعني من طوري وتخليني اعصب يعني؟
اووف انا بدون شئ مو طايق دينا تجي تجيب صورتها

لف راسه يطالع الصوره المرميه عالسرير..وهو يتطالع ابتسامتها الهادئه

لا ياسعود هذي بنت عمك محتاجتك مايصير اللي تسويه

سعود كان محتار ويسمع الحوار اللي يدور بين قلبه وعقله

قلبه: بس انا مااحب الا بسمه
عقله: بس بسمه صارت ذكرى من الماضي..ماعاد ترجع والحي ابقى من الميت
قلبه: الا دينا... مااحبها اكرهها
عقله: عندك سبب مقنع لهالكراهيه
قلبه بعد صمت: لا .. بس كذا من ربي اكرهها
عقله: قمة الـظلم انك تكره شخص بدون اسباب..
قلبه: وهي بعد تكرهني يعني متعادلين
عقله: وش عرفك انها تكرهك؟
قلبه: واضح من تصرفاتها..
عقله: لو تكرهك ماابتسمت لك اليوم .. كان ماخلتك تقرب منها..تسولف معاها.. صح؟كان سوت أي شئ علشان تمنع الملكه
قلبه: اووف مدري مدري انا احترت وبنام وارتاح

شال صوره دينـا وحطها بالدرج وصورة بسمه جنب راسه..

انسدح على سريره بس هالحوار ماانتهى...
حاول يتجاهل نداء قلبه ويسمع لعقله

بس يرجع قلبه ويغلب..وهو محتار ضايع بين الاثنين

فجأه وهو يفكر زهق من جد وصرخ بدون وعي: خلااااااااص بنام ابي ارتاااااح

سمعه فارس اللي كان قاعد عاللاب توب بالصاله: بسم الله هذا شفيه؟؟
معقوله يصارخ على رزان؟

بس لا رزان نايمه مع جوري...اخاف جن؟
لالا اكيد يحلم او يهلوس

.............................

بغرفة الضيوف كان فؤاد نايم ومعطي اسماء ظهره..وهي جالسه عالسرير تبكي..
والسبب...ماتوقعت سعود ابد يصارخ عليها بهالطريقه العنيفه..
والسبب الثاني خوفها عليه..
ماتبي تشوف اخوها زعلان ومتضايق تبي تشوفه مبسوط مرتاح

كانت تتنهد وهي تبكي .. حس عليها فؤاد ولف..

فؤاد: اسماء شفيك؟
اسماء وهي تمسح دموعها: ولاشئ

اعتدل بجلسته لين صار قريب منها ومسك يدها : حبيبتي وش فيك لاتخوفيني عليك..

وعلمته اسماء بكل اللي صار

فؤاد وهو يبتسم ويبوس يدها: خوفتيني على بالي شئ اكبر...
ماعليه حياتي هو متضايق..واللي صار اليوم تراه مو سهل..
تخيلي بتجي انسانه وتحل محل زوجته اللي كان مجنون فيها
اكيد انه بيزعل ويتضايق
اسماء: بس انا خايفه عليه
فؤاد: سعود مو طفل حتى تخافين عليه..هذي البدايه بكره يعيشون مع بعض ويحبها وتحبه..
اسماء: تتوقع؟
فؤاد ببتسامه: اكيد حبي

اسماء تنهدت براحه وهي تطالع زوجها..

اسماء: فؤاد
فؤاد: لبيه
اسماء: انت تحبني؟
فؤاد وهو يلف ذراعه ول كتفها: اموت فيك
اسماء: اممم ابسألك عن حاجه
فؤاد: اسألي
اسماء: تذكر يوم تكلمني هذاك اليوم عالماسنجر؟ من ايميل اماني؟
فؤاد: هههههههههه أي اذكر
اسماء: انت صحيح زعلت منى هذيك اللحظه؟؟
فؤاد: الا تسكرت كل الابواب بوجهي..خاصه يوم تقولين انا ماضربتك على يدك وقلت لك حبني
ياااااااااااه تمنيتك جنبي واذبحك..ساعتها من جد تضايقت حسيت مالي داعي
اسماء وهي تحط راسها على كتفه: اسفه اذا زعلتك...بس حزتها ماكنت اواطنك بعيشه الله
فؤاد : والحين؟؟

هي تدري انه يبي يسمع احبك منها
اللي للحين ماقالتها

اسماء: تستدرجني ها؟ تبيني اقولها؟
فؤاد: مااستاهلها؟
اسماء وهي ترفع راسها له وعيونها قريبه من عيونه وبهدوء: احبك


......................................

صباح اليوم اللي بعده امـل كانت الوحيده اللي قاعده تفطر مع امها...والباقي نايمين..

ام فؤاد: اقول اموول
امل وهي تشرب الحليب: هلا يمه
ام فؤاد: خالك مانام هنا امس؟
امل: لايمه..ماجاء..تلاقيه نايم بالبيت العود
ام فؤاد: يمه اخوي اكيد فيه شئ.. صار له اكثر من شهر وهو ينام عندنا ليش امس ماجاء

قامت ام فؤاد ودقت على جوال مساعد وكان مقفل..دقت على طول عالبيت العود وبعد طول انتظار جاء الهندي العامل اللي ينظف البيت ورد

ام فؤاد: الو محمد
محمد: يس مدام
ام فؤاد: بابا مساعد جاء امس ؟
محمد: يس ماما .. بابا مساعد نايم هنا
ام فؤاد براحه: اوكي محمد شكرا

سكرت ورجعت عالطاوله مع بنتها

امل: ها تطمنتي؟
ام فؤاد: أي واللـه..بس مو عوايده والله
امل: تلاقيه مل..اقوول يمه بغيتك بموضوع
ام فؤاد: قولي حبيبتي
امل: اممممم ابي اعزم وحده من خوياتي
ام فؤاد: أي وحده تهاني ولا اسيل؟
امل: لا يمه خبرك عتيق .. في ابله معاي اعرفها من قريب
ام فؤاد: هذا الموضوع اللي تبغيني فيه؟ اعزميها يمه عادي الله يحييها بأي وقت
امل: يمه انا بعزمها علشان ابيك تشوفينها وخالاتي يشوفونها
ام فؤاد باستغراب: ليش؟
امل: يمه بصراحه البنت معجبتني وبغيتها لخالي...
ام فؤاد: ههههههههه اللي يسمعك يقول خالك بيموت عالعرس..
امل: يممممه البنت حليوه والله لو تشوفينها بتحبينها على طوول
ام فؤاد: حلوه؟
امل: بس حلوه؟ قمر يمه قطعه شعرها بني طويل وحنطيه وجسمها حلوو
واخلاقها احلى طيووبه وهادئه...ياحليلها يتيمه ومسكينه يمه
ام فؤاد: ويتيمه ام ولا ابو؟
امل: الاثنين يمه .. وعايشه مع اختها اللي اصغر منها وجدتهم...
ام فؤاد: ماعندها اخوان؟
امل: عندها اخو واحد ساكن بحايل
ام فؤاد: وكيف مخلي خواته لوحدهم؟
امل: يمه الرجال مايقدر يتحرك ومريض ومعظم وقته بالمسشتفى..تدرين عرفت منها من اسبوع بس ان مريض سرطان دم
ام فؤاد: اعوذ بالله .. الله يجيرنـا ويحمينا ويشفي كل مريض يارب
امل: أي يمه..بصراحه البنت عاجبتني .. ماراح نلقى وحده احسن منها لخالي..وانتي عارفه طبايع خالي الصعبه..نبي له وحده حبوبه تفهمه مو من اول اسبوع تمل وتروح بيت اهلها...
ام فؤاد: شدعوه من قلة بنات الشرقيه
امل: اوووه يمممه بغيتك عون صرتي فرعون
ام فؤاد: والله مافي فرعونه غيرك..خلاص اعزميها ونشووف...
امل بفرح: من عيووني
ام فؤاد: اقول يمه..قومي صحي اماني خلها تجلس ترتب اغراضها وراها درب للرياض
امل: تصدقي يمه مو هاينه علي اختي كل اسبوع ورايحه للرياض...
ليش ماتنقل اوراقها هنـا مو احسن؟
ام فؤاد: ردينا على طير ياللي
امل: يمه ليش ماتبينها تدرس هنـا...
ام فؤاد: فهميني وش تدرس هنا؟تمريض بمعهد؟
امل: ليش لا
ام فؤاد: لا شهادة الجامعه افضل وبعدين معاها جوري بالرياض...وتخصص الاشعه حلوو
امل: يمه في الف تخصص هنا بالشرقيه حلوو مو لازم تخصص طبي
ام فؤاد: لا انا ماابيها تدرس أي شئ...الاشعه حلو ومضمون..وهنا ماقبلوها الا محاسبه
امل: مشكلة العجايز راسهم يابس
ام فؤاد وهي تضرب امول بعلبة المناديل: انا عجوز .. قومي انقلعي عن وجهي قلعك ربي قولي امين
امل: ههههههههااااي حاضر .. مقبوله منك ياحلووو

اميره وهي تصارخ من فوق: امووول
امل: ها نعم خير ؟
اميره: تعالي ذاكري لي نحوو علي بكره اختبار
امل وهي تقوم وتتحلطم: اووف الله بلاني بخوات كل وحده اهبل من الثانيه..يعني نحو وش اذاكر لك فيه سههل
اميره: لانك معلمه تشوفيه سهل
امل: لايكثر جايتك
اميره: يلا

.............................



ماجد كان جايب عمال في بيتهم في يعدلون الدور الثاني اللي بيسكنه مع زوجته في المستقبل القريب..

ماجد: شووف محمد شيل هذا كلـه .. وبسررعه ماعندي وقت
الهندي: بابا انت ليس في مستعجل
ماجد: لاني ياافندي مشغول اخلصوا بسرعه وراي الف شغله
الهندي: دونت وواري بابا

نزل لابوه اللي جالس كالعاده بالصاله وقدامه قهوه وتمر

ماجد وهو يقعد: اووف تعبت من الصبح الاحقهم من غرفه لغرفه
ابوماجد ببتسامه: الله يعطيك العافيه ياولدي
ماجد: الله يعافيك يبـه..مابتجي تشوف الصبغ والله طلع خيال
ابوماجد: لايبه اهم شئ عاجبك ويعجب بنت النـاس
ماجد: افااا يابوماجد رايك اهـم تعال يلا

صعدوا فوق وشاف ابوماجد الصبغ المعتق اللي صاير كأنه عتيق..وبلونين بني وبيج

ابوماجد: ياولدي لو سويت صبغ عادي احلى هذا كأنه قديم
ماجد: ههههههه يبه هذي الموضـه..الحين الكل يسوي كذا
ابوماجد: الحين هذي ان شاء الله بتكون غرفتكم وباقي 3 غرف وش بتسوي فيهم؟
ماجد: ماادري والله يبـه اذا ملكـنا ان شاء الله تجي جوري تتصرف فيهم

ابتسم ابوماجد بفرح وهو متلهف يبي ماجد يتزوج بسرعه حتى يشوف عياله..

ماجد: ها يبه اشوفك مبتسم؟
ابوماجد: فرحان لك يايبه متى بس اشوف عيالك
ماجد: ان شاء الله بتشوفهم يالغالي قريب
ابوماجد: بس البنت توها تدرس مااظن تبي عيال
ماجد وهو يشيل الشماغ من راسه: في هذي صادق يايبه بس الله يطول بعمرك وتشوف عيال عيالنـا قول اميين
ابوماجد: امين


.................................



الساعه سبع المغرب كان سعود جالس بالصاله يشرب كوفي وجنبه امه وفارس

ام سعود: يمه فارس روح شوف جوري ليش مانزلت الباص لايمشي عنها
فارس: اوووووكي

توه بيقوم الا نزلت وهي تسحب شنطتها: كاني جيت اووف انا وش اللي خلاني ادرس هناك ملل والله كل اسبوع رايحة وجايه
ام سعود: اقول كلها سنتين ونص وتخلصين ولاتتحلطمين يلا
جوري: اروح مع السايق؟
فارس: تبين اوصلك؟
جوري: يكون افضل يلا
فارس: ابدل وانزل

سعود وهو يلف لجوري: عندك فلوس في رصيدك ولا تبين اعطيك؟
جوري وهي تروح وتبوس راس اخوها وتقعد جنبه: لاعندي .. الله لايحرمني منك ياقمر
سعود: اما صرت قمر
جوري وهي تمسح على شعر اخوها: فديتك انت من زمان قمر ماتشوف البنات بالسوق لاطلعنا يرقموك
سعود: هههههه هذا احلى شئ بالموضوع
جوري: هاها ترى اعلـم عليك زوجتك
سعود بصوت ماتسمعه الا جوري: اقول فكينـا
ام سعود: ها ليش نزلت صوتك..وش اللي قلته وماتبيني اسمعه؟
سعود: سلامتك يمه..اسرار بيني وبين اختـي..

نزل فارس وهو لابس ومخلص

جوري: فروس بمر اماني ونروح سوا
فارس: بعد هالملقوفه؟ الله يعين
جوري: يلا فمان الله
ام سعود: فمان الكريم يمه..انتبهوا لحالكم وان بغيتي شئ اتصلي ونرسله لك
جوري: من عيوني يمه
ام سعود: وذاكروا مو اكل ونوم وسوالف
جوري: ان شاااااء الله عمتي اوامر ثانيه؟
ام سعود: سلامتك حبيبتي مع السلامه..ادق انا عليك بعدين


طلعوا ومروا على امـاني وروحوا مكان الباصات اللي بتوديهم للرياض...

نزل فارس وحط شنط جوري واماني بالباص
وقفوا معاه شوي لين يفتحون الباص ويركبون

فارس: خلاص ماتبون شئ؟
جوري: والله مانبي..اللي يسمعكم يقول بنروح هجره ماصارت كلها الرياض
اماني: ياغبيه خايف علينا هناك لوحدنـا غربه مامعنـا حد
فارس: فديت اللي تفهمني ياناااس..تتزوجيني
اماني: موافقه متى الملكه هههههههههههههه
فارس: بل ماصدقتي على الله اقول انقلعي مجنون انـا اتزوجك
اماني: يعني انا اللي ابيك
جوري: يلا اماني فتحوا الباص مشينا
فارس: توصلون بالسلامه
جوري , اماني: الله يسلمك

ركبوا وهو لازال واقف مكانه يشوفهم يركبون الباص...
وهي جاي يبي يركـب سمع حسها...

الريم: واخيرا يافارس..

لف عليها على طول كانت كاشفه وحاطه مكياج خفيف ومبتسمه ابتسامه غريبه

فارس: ريم؟ وش جابك انتي هنــا
الريم: لحسن الحظ انـا مع اختك وبنت خالتك بنفس السكن واروح واجي معهم كل اسبوع
فارس وهو يقصر صوته ويقرب منها: اركبي الباص وبلا فضايح يلا
الريم وهي تعصب: أي فضايح واللي يعافيك؟ انا لايمكن اخليك بعد ماشفتك ليه مغير رقم جوالك ها

وهي تستجوب فارس...اماني داخل الباص كانت جالسه عند النافذه وجوري جنبها وانتبهت للبنت الي تكلم فارس

اماني: جوري شوفي شوفي بسررعه

لفت جوري بسرعه للنافذه وشافت فارس يتكلم مع بنت

جوري وهي تشهق: ياهوو هذي ريم ماغيرها .. من متى ذي معنـا
اماني: أي ريم؟
جوري وهي تقوم: بعدين اقولك بنزل اشوف

نزلت جوري بسرعه وقبل لاتوصل لهم سمعت هواش الاثنين

جوري: السلام عليكم

لفت ريم بغرور وطالعت جوري : اهلا
فارس: وش نزلك جوري ارجعي للباص
جوري وهي تكلم ريم: اقول ترى عيب اللي تسويه واتركي اخوي بحاله..الحين لاشافوك البنات وش يقولون؟
الريم: وانتي شدخلك؟
جوري: نعم ياعيوني؟ انتي بالطقاق بس اخوي ماابي حد يتكلم فيه ممكن تروحين
فارس: بس انتي وياها الله يغربلكم قولوا امين خلاص روحوا للباص
الريم وهي بتبكي: مابروح مابروح قبل مااعرف رقمك الجديـد

تنهد ولف لاخته وكلمها في اذنها: خلاص علشاني جوري روحي وانا بتصرف معها
جوري: ان شاء الله

طالعت جوري في البنت باحتقار ورجعت تصعد الباص

اماني: ها وش السالفه؟
جوري: لاوصلنا اعلمك
اماني: مو شغلي بعرف الحين...فارس من وين يعرف هالبنت؟
جوري: اووه اماني مو رايقه الحين..لاوصلنا بعلمك
اماني وهي ترجع تطالعهم من النافذه: تيب

نرجع لفارس والريــم..

فارس: ريم انسي اللي بيننا خلاص انا تركت كل سوالفي وخرابيطي
الريم وهي تبكي: يعني انا صرت من خرابيطك...كيف هنت عليك يافارس كييف
فارس: لحوول يابنت الحلال... الناس تطالعنا روحي الله يستر عليك
الريم: ماابي ماابي
فارس وهو خلاص عصب: اووف الكلام معاك ضايع..احفظي كرامتك وروحي
الريم: وحبنا؟ وكل ذكرياتنا يافارس؟
فارس : تراني مليت وزهقت .. انتي بس شوفي شكلك مو عيب طالعه بهالعبايه الضيقه والمكياج..
هذا وانـا موصيك الف مره ومحذرك لاتكشفين ..
هذا الحب اللي تتكلمين عنه؟
تبيني احبك واتزوجك وانتي كذا؟
ولاباالحـلام ياحلوه

صعد فارس سيارته الهمر...وعلى طـول شخط بيعيييد

اما ريم مسحت دموعها ولملمت اغراضها وصعدت الباص وخاطرها مكسور ..
انتبهت لها جوري طالعتها بطرف عينها ورجعت تسولف مع اماني..

اماني: اقول جوري..هالبنت تطالعك بحقد
جوري: ماعليك منها .. واعلى مافي خيلها تركبه..
اماني: بس شوفيها تبكي حرام..خلينا نروح نشوف شفيها
جوري: وجع اماني من بقية اهلنا هي...بالطقاق جعلها تبكي لبكره
اماني: طيب علميني كيف فارس يعرفها ومن وين وليش هي تبكي
جوري: يووووووه منك انا بنام احسن اذا وصلنا للرياض صحيني
اماني: هين ان ماخليتك بروحك بالباص ولاصحيتك مااطلع اماني


.......................

السـبت .. قامت دينـا من بدري ..
طالـعت في الساعه 6 ونص..

قامت وهي خاملـه تبي ترجع تنـام .. بس لا عيادها صار لها فتره هاملتها
لازم تقوم وترجع لعملها وتترك الكسل
وراها مرضى تاركتهم..


سبحت ولبست ملابسها واخذت عبايتها معاها لتحت..

لقت ريــان مع لطيفه يسولفون..

دينا: صباح الخير
ريان,لطيفه: صباح النور
دينا: ها جالسين
ريان: أي والله..ها اليوم قايمه من بدري
دينا: لازم ارجع العياده
لطيفه: الله يعطيك العافيه
ريان وهو يقوم: وين رامي بيتأخر عن المدرسه...
لطيفه وهي تلف للمطبخ: راميييي يارااامي يلا لاتتأخر عن المدرسه..

طلع رامي من المطبخ وبيده عصير...

لطيفه: يلا اشربه بالسياره
رامي تأفأف وحط العصير عالطاولـه

ريان: وجع ان شاء الله شفيك بعد تقول اف..قسم ان شفتك تقولها مره ثانيه اقص لسانك
رامي: انا ماقلت شئ
لطيفه: خلاص ريان خليه...اصلا مدري هو متغير متبدله احواله هالفتره
ريان وهو يطالع ولده بنظره غضب: صحيح اللي تقوله امك؟
رامي وهو خايف من ابوه: لا
لطيفه وهي تقوم: ريان واحنا من متر نربي عيالنا بالعصبيه والصراخ لاجيت من العمل نتفاهم..يلا لاتتأخروا
ريان: دينا اوصلك ولا؟
دينا: لا ماتقصر ياخوي ماابيك تتأخر .. انا اروح مع السايق
ريان: شدعوه على طريقي يلا مشينـا
دينا: يلا

طلعوا الثلاثه..رامي جلس ورا وهو طول الطريق ساكت...وريان يسولف مع دينـا..

وصلها عند العياده نزلت وهي متحمسه للعمل..


دخلت المكان نظيف ومرتب وهادئ كالعاده

مرت على المطبخ الصغير اللي دايم يجلس فيه الفراش..

دينا وهي مبتسمه: السلام عليكم
ابوادريس وهو يقوم: هلا دكتوره...حياك يابنيتي..
دينا: الله يحييك...شلونك ابوادريس وشلون عيالك؟
ابوادريس: دامك يابنتي بخير احنا بخير...مابغيتي ترجعين لاشغالك
دينا: شسوي بعد انشغلت والله...بس ان شاء الله كل شئ بيرجع مثل قبل
ابوادريس: مبروك يابنيتي عالملكه
دينا وهي تطالع الدبله بيدها وببتسامه مكسوره: الله يبارك فيك وعقبال عيالك
ابوادريس: امين يارب..ها وش تشربين؟
دينا: لاهنت .. قهوه ساده
ابوادريس ويده على راسه: على راسي ثواني وهي على مكتبك
دينا: ماتقصر مشكور ابوادريس

طلعت وهي ممتنه لهالشخص...اللي تعتبره بمعزه ابوها بالضبط..
ظروف كثيره صعبة مرت على هالرجال وعايلته..
ودينـا وقفت جنبهم وساعدتهم ماديا ومعنويــا..

دخلت مكتبها ومرت على مكان السكرتير .. مالقت بندر
لقت مكانه السكرتيره البديلـه..


السكرتيره: وعليكم السلام
دينا: ها كيفك سهى؟
السكرتيره: والله ماشي الحال...اي قبل لاانسى من شوي جاء مريض..بس مشى قبل لاتوصلين بخمس دقايق..قال انه بيرجع بعد نص ساعه
دينا: وش اسمه واعطيني الملف..
السكرتيره وهي تفتح الملف: اممممممم خالد...
دينا ببتسامه عريضه: اووه خالد ولد خالتي
السكرتيره بفضول: وولد خالتك مريض نفسي؟ وش مرضه بالضبط؟
دينا: مااحب حد يتدخل بخصصوصيات عملي .. الا بندر وينه؟ليه مو مداوم
السكرتيره: اتصل قبل يومين..وبيقدم استقالته
دينا: ليييه؟ وش اللي صار؟
السكرتيره: ماعندي أي فكره
دينا بعصبيه: شلوون ماعندك غكره.. كل ماسألتك عن شئ قلتي ماادري..مااعرف..اجل وش اللي تعرفيه؟
السكرتيره: لو سمحتي دكتوره دينا مالها داعي العصبيه وانا مو مقصره في شغلي
دينا: شوفي انا اللي احدد هالشئ...شفتي كل شئ حولك هذا ملكي انـا...اقدرر افصلك من عملك اليوم قبل بكره فاهمه
السكرتيره ببرود: حبيت اقولك ان تركي زوجك السابق جاء بيوم ملكتك
دينا وهي تقرب من سهى: لتكوني انتي اللي خبرتيه بملكتي؟
السكرتيره: ليش سويت شئ غلط انـا؟
دينا وهي تبي تتحكم بأعصابها بس ماقدرت: انتي غبيه ولا شنو بالضبط...

دخل بهالوقت ابوادريس وقف مكانه يوم شاف عصبية دينــا

دينا بعصبيه: تدرين اعتبري نفسك مفصوله من هاللحظه ولاعاد اشوفك هنا بره اطلعي بره

لملمت السكرتيره اغراضها بعصبيه واضحه وطلعت

ابوادريس: خير ان شاء الله..ليه طردتيها يابنتي؟
دينا: اااخ ياابو ادريس هذي غبيه ماتفهم سببت لي مشكله انا في غنى عنها
ابوادريس: وش صار؟
دينا: قالت لطليقي تركي عن ملكتي...ماله داعي يعرف بأموري الخاصه

دخلت لداخل مكتبها وهو دخل وراها وحط القهوه قدامها..

ابوادريس: لايابنيتي صلي عالنبي مابيصير شئ.. واي شئ تحتاجيه انا حاضر
دينا بشرود تفكر: ماتقصر...الحين لازم نجيب سكرتير او سكرتيره ..
ابوادريس: وبندر؟
دينا: تقول سهى ان بيقدم استقالته...تدري انا بكلمه وبشوف
ابوادريس: اجل مااعطلك عن اشغالك يابنيتي...
دينا: تقدر تتفضل لشغلك

اتصلت دينا لبندر...

بندر: ايوه مرحبا
دينا: هلا بنــدر
بندر: ياهلا دكتوره كيفك شخبارك؟
دينا: انا بخير... بس وش هاالاخبار الشينه اللي سمعتها؟
بندر: استقالتي قصدك؟
دينا: ليش يابندر..احنا مقصرين معاك بشئ؟
بندر: اسألي سهى وهي تقول لك..
دينا: سهى؟؟ شسالفه؟
بندر: اخر مره داومت فيها لقيت سهى مكاني..رغم اني عطيتها خبر اني بداوم بالليل .. لاني فاضي
جيت اكلمها باحترام قلت لها يابنت الناس مكاني وفيه اوراق لازم اشتغل عليها هبت فيني وقالت هذا مكاني واذا مو عاجبك شوف مكان ثاني
دينا: ماشاااء الله عليها صارت تقرر بعد...عالعموم يابندر انا فصلتها عن العمل نهائيا...
تقدر ترجع لمكانك معزز مكرم..وحقك علي

بهالوقت انفتح الباب..ودخـــل بهيبته اللي خلتها ماتعرف تكمل كلامها
ونست وش كانت تقول...

بندر: الوو..دكتوره انتي معاي
دينا: ها..اممم ايوه بندر مثل ماقلت لك..
بندر: ماتقصرين دكتوره..
دينا: تقدر ترجع من اليوم لشغلك..حتى ماتتراكم عليك الملفات
بندر: اووكي...ساعه وانا بالعياده والف شكر لكـ
دينا : اوكي بانتظارك..باي

سكرت ورفعت راسها له..لقته يمشي بالغرفه ويتفحص الاغراض..

دينا وهي تقوم من مكانها: شهالزيارده المفاجئه...
سعود: والله قلت امرك و..

قبل لايكمل جملته لف عليها..كانت جالسه على طرف الطاوله ..

سعود: منو بندر؟
دينا: سكرتيري
سعود: وليش سكرتير مو سكرتيره
دينا: بديناا
سعود: ابد والله انتي حره بعيادتك بس مجرد سؤال
دينا: والله عاجبني شغل بندر يفهم علي دايركت..وكانت معاه مساعده بس فصلتها اليوم..
سعود: ليش؟
دينا: ماتناسبني...

مشى سعود لخزانه زجاجيه فيها صور وتذكارات وشهادات وشوية كتب

شاف صورة لدينـا وهي لابسه لبس التخرج وتسلم على واحد امريكي شخصيه

دينا وهي تجي جنبه: هذا استاذي بالجامعه..ادوارد..
سعود: اها..حلووو..(وقام يطالع شهادات الشكر والتقدير)كل هالشهادات؟؟
دينا ببتسامه: هذا ولاشئ .. بالبيت عندي اكثر..
سعود وهو يلف لها: انا اشهد انك دافوره
دينا ببتسامه مغروره: من زمان...الا ماقلت لي وش تشرب؟
سعود: انا بصراحه جاي اعزمك عالغداء اليوم؟
دينا باستغراب: عازمني انـا؟؟

سعود بقلبه...اي انتي على بالك عازمك حبا فيك ولالسواد عينك
والله لو ما الوالده حنت علي اعزمك ماجيت شفتك اصلا
بس يلا ماباليد حيله...
وفتره وتعدي..
بس نتزوج بسوي اللي ابيه

دينا: انت معاي؟
سعود: أي أي معاك...الساعه كم امرك؟
دينا وهي تطالع ساعتها: امممم وحده مناسب لك؟
سعود: اوكي خلاص الساعه وحده اجيك..بس مو تتأخرين
دينا: اذا مشغول بلاها هالطلعه
سعود وهو يطالعها باستصغار: انا اللي احدد هالشئ ..

حاولت تتجاهل هالنظره .. حتى ماتثير مشاكل في مكان عملـها...
دينا: الا ماقلت لي اخبار رزان؟
سعود وهو يتذكر احداث الليله الماضيه: تعبت امس معاهـا
دينا: ليش؟

تنهد سعود..هي حست ان المشكله كبيره وجاء دورهـا كزوجه اب او كأم بديلـه..تحل محل الام المفقوده...وتتعامل مع الموقف كأم مع بنتها

دينا: ليش واقف تعال نجلس

راحوا جلسوا مقابل بعض...
دينا: قول شسالفه؟
سعود: امس جابت لي رزان ورقه فيها تبليغ عن مجلس الامهات..عاد انا قلت بكلم اسماء تروح معاهـا
وربي يوم عرفت البنت زعلت وقعدت تبكي..
دينا: ليش طيب؟
سعود: تقول ماتبي اسماء..تبي امها..

ابتسم سعود بحزن وهو يطالع دينــا

ماتدري ليش ماهانت عليها هالنظره المكسوره..مدت يدها وربتت على يده كأنها تخفف عنه متاعبه..

هو استغرب منها الحركه..بس سكت ماقال شئ

دينا: طيب واسماء راحت معها اليوم ولا؟
سعود: لا..البنت عيت ماتبي عمتها..خفت تزهق اسماء وتأذيها
دينا: سعود..ليش ماقلت لي؟
سعود: اكيد انك مشغوله وعندك شغل ومو فاضيه لهالسوالف
دينا: سعود حط في بالك..اني احب رزان وابي مصلحتها..عالعموم ماراح الومك الان..بكره بس اصير معاها ببيت واحد بعرف كل امورها وبتصرف انـا معها
سعود : مشكوره..يابنت عمي
دينا: على وشو؟ يلا قوم
سعود: وين؟
دينا: ودني لمدرسة رزان
سعود:جد؟
دينا: طبعا...ماراح اخليها لوحدها بيوم مثل هذا..

كان وده يشكرها بكل كلمات الشكر اللي بالعالـم..
ماتوقع ردة فعلها..
بصراحه بعد هالموقف كبرت بعينه..بس مو كزوجه او حبيبه..

كأم صالــحه في القريب العاجل..فقـط

سعود: متأكده انك تبين تروحين
دينا وهي تفسخ اللاب كوت الابيض: طبعا..مافيها نفاش

كان يطالعها وهي تلبس عبايتها وتلف شيلتها

دينا وهي مستعجله تبي تلحق على رزان: امممم جوالي جوالي ويينه

كانت تدوره بسرعه وتتنقل بين انحاء الغرفه

سعود: يمكن بالشنطه
دينا: لا انــا شلته من شنطتي

وهي جالسه تدور دق الباب..

دينا: تفضل..

دخل وهو مبتســم..بس لما شاف سعود استغرب..

خالد: سعود؟؟
سعود: خالد؟

دينا حارت بينهم..الحين سعود بيسأل ليش خالد جاي؟
وش اقول لــه؟؟

خالد: اسف والله ماكنت اعرف انك هنـا..ولا ماكنت جيت سعيدان
سعود وهو لازال متفاجئ: لالا..حيــاك اصلا كنا طالعين
خالد: على وين؟
دينا: ابد بروح مدرسة رزان ..
خالد: امممم خلاص اجل انـا استأذن ماابي اعطلكم...نشوفكم على خير وسلم على خالتي ياسعود وانتي يادينا
سعود,دينا: يوصل

طلع خالد قبل لايعطي سعود فرصه يتكلـم .. وهو خايف لاتقول دينـا شئ لسعود
لانه مايبي حد يعرف باللي فيه..
وده تكون مراجعاته للعياده سريه..
بعيده عن شوشرة الاهل..

سعود وهو يلف لدينـا اللي لقت جوالها بالدرج: ليش طلع مستعجل؟ وايش يبي ؟
دينا بارتباك: اممم..مدري علمي من علمك...بس اكيد جاي يسلم لااكثر
سعود: يسلم؟ لا مو جاي يسلم..واضح انه جاي لشغله معينه..
والدليل يوم شافني تفاجئ وقال كلمتين ومشى...
دينا وهي تمشي: ليش تحقيق ياسعود؟ قلت لك مااعرف
سعود: ماتبين تقولين؟
دينا: بصراحــه لا..

حس بالغضب يتسرب بسرعه لكل خليه في جسمه..
بينهم اسرار؟
وش اللي صاير ولااعرفه..

اصلا انا ايش يهمني...بالطقاق..
بس لا..صحيح اني مااحبها ولااواطنـها بس صارت زوجتي
ولازم اعرف كل شئ عنها...
بحكم اني زوجها والمفروض ماتخبي عني شئ..

دينـا وهي تحس بغضبه: ماله داعي..قلت لك مافي شئ..يلا مشينـا

طلعت ومشت قدامه بشموخ وده بس يذبحها..
ابدا مايحب شموخها..وغرورهـا..

صعد بالسياره قبلها..صعدت جنبه
كانت اول مره تجلس جنبه بالسياره
حست بتغير الوضع عليها
لانها مو متعوده..
بس حاولت تكون طبيعيه

لف عليها ببرود: تدرين
دينا: شنو
سعود: حتى لو حاولت اتجاهل مشاعري تجاهك واتعامل معاك طبيعي
بتصرفاتك وغرورك تثيرين كرهي وعصبيتي..غصبا عني
دينا: سعود...الموضوع مايستاهل..ولد خالتي وجاي يزورني هذا كل الموضوع
سعود ببرود: اوكي



وقف عنـد مدراس(...)الأهليـه..

سعود: وهذي المدرسه..
دينا: خلاص اوكـي..
سعود: انتظرك ولا؟
دينا: لاخلاص روح لاشغالك..اذا خلصت بدق للسايق
سعود: اوكي خلاص...
دينا: مع السلامه..

نزلت ومشت للبوابـه وهو يطالعها..

طلعتي اصيله يابنت عمي..ااه لو الزمان كان غير هالزمن
واللي بقلبي غير
ومشاعري غير

يمكن كنت احبك وتحبيني..
بس للاسف..

قلبك مو معاك وقلبي مو معاي..


......................

دخلت دينــا للمدرسه لقت مرشده واقفه ,, ارشدت دينـا للمسرح
راحت دينا هنـاك وانضمت للامهات اللي يسمعون المديره تلقي كلمتها..

بعد ماخلصت سألت دينـا عن رزان ومعلمتها..

وقابلتها..

الابلـه حصه: اهلا وسهلا
دينـا: الابله حصه؟
حصه: أي نعم...
دينا: انـا بستفسر عن الطالبه رزان سعود الـ(....)
حصه ببتسامه هادئه: انتي امها؟ معقوله؟
دينا: لا انـا زوجه ابوها..
حصه : حيـاك حياك تعالي نجلس

جلسوا على كرسين بعيدين عن ازعاج البنات والامهات..

حصه: ممكن اسألك عن امها؟
دينا: متوفيه..
حصه: اااووه انـا اسفه من جد ماكان عندي خبر
دينا: لاعادي..ماصار الا الخير
حصه: طيب...اختي انـا قد كتبت لها ملاحظات على اساس تشوفها امها..
ماكنت اعرف انها متوفيه بصراحه..
مدري ماشفتيهم وانتي تتابعين وتذاركين لها؟
دينا: شقولك ياابـله..بس انـا ووالد رزان لسه مالكين..مابعد نتزوج..
لذلك رزان مع ابوها مو معاي بالبيت
حصه: اها لهالسبب...كنت دايم اكتب لها ملاحظات واطلب منها اشياء ماكانت تجيبهم
دينا: ان شاء الله من اليوم ورايح كل شئ بيتغير..بس طمنيني على مستواها...
حصه: لا ماشاء الله عليها رزان...ممتازه جدا..الله يبارك فيها ويوفقها
بس احيانا تنطوي ولاتحب تجلس مع صاحباتها..الاحظ هالشئ في حصص وورش العمل الجماعيه..
دينا: انا ذكرت لك الاسباب..اكيد نفسيتها لعبت دور كبير
حصه: ان شاء الله فتره وتعدي وانتي الخير والبركه..وبصراحه اول مره اشوف زوجه اب مهتمه ببنت زوجها كذا
يعني لسه ماتزوجتوا واهتمامك فيها كبير وواضح
دينا ببتسامه: لان ياابله حصه والد رزان ولد عمي..ورزان قربيه حيل مني
حصه: اهااا..حلوو كثير الله يوفقكم يارب...وانا من جد احييك يا...عفوا ماعرفت اسمك
دينا: دينــا..
حصه: عاشت الاسامي يادينـا...وتشرفت بمعرفتك
دينا وهي تقوم: وانـا اكثر والله استاذه حصه...والف شكر لك
حصه: لاشكر على واجـب عزيزتي..
دينا: اقدر اشوف رزان ولا؟
حصه : بالتأكيد وتقدرين تطلعينها لان الدوام خلص..تعالي معاي لو سمحتي

مشت دينـا مع الابلـه حصه للطابق الثاني وهم يسولفون على امور كثيره..

حصه: انتي تدرسين يااخت دينا ولا ايش؟
دينا ببتسامه: لاخلصت..
حصه: وتشتغلين؟
دينا: انا دكتوره واشتغل بعيادتي الخاصه
حصه وهي متفاجئه: ماشاء الله ... ماشاء الله ودكتوره ايش؟
دينا: دكتوره نفسيه
حصه: معقوله
دينا : ايووه..
حصه: ههههه ياحليلك والله باين عليك صغيره توقعتك تدرسين والله
دينا: يعني انا مو كبيره لهالدرجه هههههه
حصه: ههههههههه والله حلوو وكيف شغلك؟
دينا: والله حلوو...رغم انه متعب بيني وبينك احيانا اتعب من جد وانـا اسمع مشاكل ومأسي ماتتخليها ولكن الحمدلله
حصه: الله يعينك احس شغلك مو هين ابـد..

وصلــوا للمكتبه الكبيره..

حصه: تلاقين رزان تقرأ داخـل انا تركتها مع زميلاتها يتسلون بالكتب شوي
دينا: اوكي بدخل لها
حصه: تبغين اجي معاك ولا
دينا: لااستاذه حصه ماقصرتي كفيتي ووفيتي..واشكرك مره ثانيه على اهتمامك برزان...
حصه: لاشكر على واجب...انا استأذن منك الحيـن دكتوره
دينا ببتسامه : اذنك معاك
حصه: خلينـا نشوفك..
دينا: اكيد


دخلت دينـا للمكتبه اللي تعج بأعداد كبييره من الكتب
مشت لين وصلت لمكان الطاوله اللي مصفوفه بشكل عرضي..
شافت طالبات صغار واجد..
بس ماشافت رزان..

ياربي البنت وين راحت..
مشت تدورها بين رفوف الكتب لقتها عند مكان قصص الانبيـاء تختار قصه

دينا وهي تحط يدها على عين رزان: انـا ميين؟
رزان بفرح وهي تنط: دينااااااا

حضنت دينـا رزان بقوه لصدرها..حست دينا من جد ان رزان فرحانه فيها

رزان ببراءه: خالوو دينا انتي كيف عرفتي مدرستي
دينا وهي تمسح على شعر رزان: اولا انا اسمي ماما دينا..ثانيا بابا جابني هنــا
رزان وهي تفكر: اناديك ماما دينا؟
دينا ببتسامه: اكيد..ولا ماتبيني اصير ماما
رزان وهي تبتسم بفرح طفولي: ابيك ماما...تعالي شوفي القصص حلوين

قامت رزان تطلع القصص وحده ورا الثانيه .. طالعت دينا بساعتها...
صارت الساعه 11 ونص .. تأخرت كثير عالعياده...

دينا: اقول حبيبتي رزان..يلا نتصل للسايق حتى نطلع من المدرسه
رزان : ابي اقرأ قصه
دينا: خلاص حبيبتي انا اشتري لك مثلهم شرايك؟
رزان بفرح وهي تحضن دينا: اووكي
دينا: فديت الشطوره انــا يلا حبيبتي بس وين شنطتك وكتبك
رزان: بجيبهم

راحت رزان لعند اخر طاوله وجابت اغراضها..
دينا: يلا مشينـا
رزان وهي تمشي جنب دينا: ماما .. انتي شفتي ابله حصه؟

دينا سكتت وهي تفكر بكلمة ماما يوم قالتها رزان
احساس غريب يوم اللي تكون مسؤل عن طفل بين يوم وليله
حست بأحساس امومه قوي يجتاحها,,
صحيح انه غريب هالاحساس وجديد عليها
لكن لازم تتعود علشان خاطر هالمسكينه اليتيمه..

دينا: أي شفتها وقالت لي انك شطووره مره وممتازه
رزان وهي تطلع بطاقه من جيبها: شوفي هذي البطاقه

كانت بطاقه ورديه مكتوب عليها بالخط العريض..طالبة الاسبوع المثاليه..رزان سعود

دينا: ياحيااتي انتي .. أي حبيبتي رزان ابيك دائما متفوقه..
رزان: أي علشان بصير دكتوره مثلك
دينا: ههههههه مثلي؟ دكتوره نفسيه؟
رزان: لا ابي اصير دكتوره اطفال..
دينا: ماشاء الله عليك.. ان شاء الله بتصيرين دكتوره قد الدنيــا..

وصلوا لعند البـاب وفجأه تذكرت دينا موعدها مع سعود..
هي متفقه معاه يتغدوا مع بعض..
مدري اكلمه او لا..

تغطت ومسكت يد رزان وطلعوا للشارع...وقررت تتصل له..

سعود: الوو مرحبـا
دينا وهي تحس انه جالس بمكان فيه ازعاج: الو سعود
سعود: لحظه لحظه...

سكت ثواني قليله وواضح انه بمكان مزدحم

سعود: ايوه دينـا
دينا: انت وينك؟
سعود: ابد والله بصالة تداول
دينا: اوه اجل ماتقدر تمرنـا المدرسه
سعود: رزان طلعت معاك؟
دينا: أي والله,,خلاص انـا بتصل للسايق
سعود وهو يطلع ويصعد سيارته: وموعدنـا؟
دينا: اممم مدري براحتك
سعود: دقايق وانـا عندكم..
دينا: اووكي

سكرت وانتظروا 10 دقايق ووصل وبعد ماصعدوا..

سعود: شلونك بابا؟ فطرتي بالمدرسه ولا مثل امس؟
رزان: فطرت بابا اكلت جبن وشربت عصير
سعود: شطووره بنتي..ها دينا بشري شقالت ابلتها؟
دينا: لامدحت لي رزان قالت انها ممتازه ..
رزان: بابا انا صرت شطوره علشان انت وعدتني بتجيب لي لعبه جديده
سعود: اوووه صح..خلاص بكره اشتريها لك
رزان: لا اليووم ابيها بابا
دينا: خلاص حبيبتي انا بجيبها لك اليوم

ابتسمت رزان وهي تحس بفرح من زمان ماحست مثلها..
مجرد وجود ابوها ودينا حولها حسسها انها مصدر اهتمام كبير

وصلـها سعود للبيت..وراح مع دينـا لمطعم هادئ حتى يتكلم معها بهدوء..
جلسوا وطلبوا الاكل..

دينا وهي تبدأ بالكلام: اممم ماقلت لي سعود اللي بخاطرك
سعود: وكيف عرفتي اني بقولك شئ؟
دينا: حسيت..(وهي تبتسم بحزن)ومااتوقع بتعزمني بدون سبب ..
سعود: بصراحه .. ودي نتكلم شوي
دينا: تفضل اسمعك

حس بهاللحظه ان اسلوبها رسمي جدا..
وكأنها تتكلم مع شخص غريب..
مو زوجها..
لكن مايلومها..لانه عارف مشاعرها..اللي تطابق مشاعره لحد كبير..

سعود: دينا امس الوالده كلمتني..عن زواجنـا..
دينا وهي تنزل راسها للعصير اللي مقابلها: اها هذا الموضوع..
سعود: ايوه.. فـ ماادري شرايك؟
دينا: لقوا حجز بالقاعه اللي طلبتها ؟
سعود: على حد علمي بتحجزون مزرعه او استراحــه
دينا: فكرت فيها القاعه افضل واحلى

سعود بقلبه...اللي يسمعك يقول انك ميته على هالعرس
بس اكيد انك ماتبين عرسك أي كلام
حتى لو كان عرسك الثاني

سعود: خلاص مو مشكله مثل ماتبغين..كلمي خالتي حتى تشوف القاعه
دينا: طيب واذا مالقينا فيها حجز؟
سعود بدون اهتمام: ننتظر..اذا انتي مصره وتبينها

كان ودهـا ترمي هالعصير وتكبه على وجهه..
عاالاقل حسسني بشويه اهتمام وجاملني..

بس انـا عارفتك تبيها من الله حتى يتأخر موعد عرسنـا لكن هين

دينا: عالعموم لو مالقينـا فيها حجز..ندور غيرها
سعود: براحتك

ياناااس مايحس هالانسان..بس بيني وبينكم متحمسه متى بس نتزوج والعب لعبتي بوريه نجوم القايله ..


بعد اسبوعين مافي أي احداث تذكر غير تجهيز العائله لعرس دينـا وسعود..
طول هاالاسبوع ماشافوا بعض ولا مره
كان لقائهم بالمطعم هو الاخير..

جهز سعود جناحه اللي بيسكنه معاهـا..ونقل اغراضه من غرفته للجناح الخاص فيهم..

اثثه بأثاث من ايكيـا كان من اختياره واختيار اسماء
دينا ماكانت مهتمه بهالتفاصيل

اللهم غرفة نومها اللي اختارتها من الكاتلوج ووصت سعود ياخذها..
وصار الجناح جاهز والقاعه جاهزه..
ووصل اليـوم اللي اقدر اسميه تاريخي..



يوم بيكونوا فيه قريبين من بعض اكثر من أي مره
صحيح بتكون مشاعرهم بعيده كل البعد عن الحب والشوق
ولكن بتكون بينهم حلقه وصل
هالحلقه اللي تخلي كل زوجين قراب من بعض ..

يوم عرس دينــــــــا وسعود



وش بيصير بالعرس؟
بنعرف في الجزء الجاي

.........................................



ووصل اليـوم اللي اقدر اسميه تاريخي..



يوم بيكونوا فيه قريبين من بعض اكثر من أي مره
صحيح بتكون مشاعرهم بعيده كل البعد عن الحب والشوق
ولكن بتكون بينهم حلقه وصل
هالحلقه اللي تخلي كل زوجين قراب من بعض ..

يوم عرس دينــــــــا وسعود

بصـالون التجميـل...كانت خبيرة التجميل المشهوره ش.ع
تحط اللمسات الاخيره عليـها..
ماجات هالصالون الا وهي متأكده انها بتكون ملكـه بجمالها وروعتها المميزه..
رغم ان دينــا جميـله بس بعد زيادة الخير خيرين

رن جـوال اسماء للمره الالف..

دينـا: خلاص اسماء روحي اذا تبين شكل فؤاد مستعجل
اسماء: لاوالله مابروح واخلـيك..
دينا: خلاص امل معاي ..
اسماء: طيب ومن بجيبكم بعدين؟
دينا: مدري..بتصل في امي ترسل لنـا حد

حضنت اسماء دينـا وباستها وطلعت لزوجها
اللي مل وهو واقف ينتظر بره..

صعدت اسماء السياره وهي تدري انه معصب حييل

فؤاد بعصبيه: ليش اكلمك ماتردين؟
اسماء بخوف: اسفه ..
فؤاد: اسماء تدرين من متى انتظرك ؟صار لي ساعه
طيب دامك ماخلصتي ليه اتصلتي حتى اجيك؟
اسماء: حبيبي..انا خلصت وتوقعت ان دينا بتخلص وراي على طول بس تاخرت شووي

شغـل السياره وشخط فيها..وهي خايفه من سرعته المجنونه
هذا هو فؤاد حلـيم مايعصب الا ناذر
واذا عصب يخووف من جد

اسماء: حبيبي خلاص ماصار الا الخير تكفى لاتسرع
فؤاد: لاجواب!!
اسماء: فيفوو علشااني..
فؤاد: نعم
اسماء: لاتسرع..

لف عليها رغم انـه معصب الا ابتسم لها ..
هذي حبيبته اسماء مو أي وحده..

اسماء: فديــتك والله ياغلاي..

مد يده وبقى ماسكها لين وصلت للقاعه..

...........................

ببيت ابو سعود....

القى نظره على نفسه بالمرايـه..وابتسم بغرور ..
كان لابس البشت الاسود ومسوي سكسوكه ..
وشايل اللحيه ..

ومتعطر بعود...والشماغ على راسه..

يعني سكبه سعوديـه ميه الميه : )
وطالع اخر حلاوه وسامه ورزه

طالع الساعه....7,,

جاء بيطلع من الغرفه بس وقف وطالع صورتها..
شافها تبتسم لـه وتتمنى له حظ سعيد

ماقدر يقاوم هاالابتسامه الساحره..
راح وشال الصوره وبحركه تلقائيه باسها..

فديتك انـا ياقمراي..بأرضي وسماي..
وين بلاقي مثلك ..
ااه..الله يرحمك..

لو بقيت اطالعك يابسمه بيطير الوقت .. ومابوصل للمعازيم الا الساعه 12
مع السلامه حبيبتي..

ترك الصوره وتوه بيطلـع الا مساعد بكشخته داخل عليه

مساعد: ياااااااااااااااخي شتسوي انت يلااااااااااا تدري الحين الساعه كم
المعازيم وصلت واحنـا هنـا عمك كل شوي يتصل حاشرني
سعود: طيب طيب كاني جيت
مساعد: اوووف متى بس افتك منكم..
مساعد: ههههههههه مافي امل

نزل سعود مع مساعد لتحت..وكان فارس وخالد وريان موجودين
قاموا يغنوا بصوت واحد

يامعيريس عين الله تراك..
القمر والنجووم تمشي وراك

سعود: هههههه خجلتوني
مساعد: اقول انقلع بس
ريان: مبروووك يابو رزان تستاهلها
سعود: الله يبارك فيك

قرب فارس من اخوه : الله الله شهالريحه الزينه
سعود: اجل شلووون
فارس وهو يكلم سعود بأذنه: يلا عاد جاء دوري .. وابيك تقنع الوالده
سعود: انت؟ تحلم

هنا مساعد وصل الف خلاص جننونه هالعيال..

مساعد بصوت عالي: يلاااااااااااااااااااااا تأخرنا

الكل: طيب طيب

ومشوا لقاعه الرجـــــال.. اللي كانت مزدحمه بشكل كبير جدا

نرجـع للصالون...خلصت امل من لبس ثوبها والقت عن نفسها نظره بالمرايه
ابتسمت برضا وراحت لدينـا وخبيره التجميل لسه واقفه معها

امل: ها دينا خلاص؟
دينا: مدري احس طريقه الطرحه مو عاجبتني
امل: اشوف

لفت امل على دينـا: بالعكس حلوووه مشكوره ش.ع
ش.ع: العفوو حبايبي ولووو..عالعموم انا رايحه اشرب كوفي من جد تعبت
دينا: ههههههههههه تعبتك معاي ادري
ش.ع: لاشدعوه حاضرين...واذا تبون شئ خلوا حد يناديني
امل: مشكوره يالغلا ماقصرتي

بعد ماراحت جلست امل مقابل دينـا: دينووو يالدبه وربي وربي طالعه خيااال
دينا: ادري..هههههه
امل: ياهووووو يالمغروره..المهم من بيجينا؟
دينا: كلمت امي قلت لها ترسل لنـا حد...

ابتسمت دينـا وهي تشوف امل اللي طالعه غير اليوم

امل: شفيك مبتسمه ياحظي؟
دينا: اراهن ان نصيبك بيجيك الليله
امل: ياااااااااااااارب
دينا: هههههههههه على شنو مستعجله..
امل: ياختي ابي اتزوج..بجرب الرومنصيه
دينا: هههههههههه الله يوفقك يارب
امل: امين ياااارب...المهم خليني ادق عالاستوديو واتأكد من الحجز
دينا: امول ماابي اصور...خلاص كفايه المصوره اللي بالقاعه
امل: لالا لاتحاولين..بنروح الاستوديو وبتصورين بعد بالقاعه..

اتصلت امل للاستوديو..وخبرتها العامله هنـاك انه زحمه حييل

امل بعصبيه: شلووون زحمه احنا حاجزين ساعه لعروس
العامله: هذا اللي صار يااختي والله اسفين بس في عاملتين ماحضروا اليوم
لذلك صار زحمه عندنــا
امل: طيب طيب باي

سكرت امل ودينا ارتاحت لانها ماتبي تصور في استوديو
كفايه بتصور بالقاعه وبتحتفظ بصور
كل ماتطالعهم تذكر هاليوم
اسؤأ يوم بالنسبه لها..

اما باقي البنات راحوا للقاعه..وجوري واماني مصرين يصورون بالاستوديو..
وبعدها يروحون للعرس...


الســاعه 11 .. في قاعة السيف بالخبر...
عرس ولا اروع ...
والبنات اخر فرح..
شياكه ووناسه ولاعبين لعب بالرقص


كيف مايفرحون واليوم زواج دينـا وسعود..

احلى اثنين بالعائلـه..

دخلت دينـا عالستيج وكانت تمشي بهدوء
وامها تقرأ المعوذات على بنتها عن الحسد

وفي الحضور

الاولى: ياختي يقولك هذا عرسها الثاني
الثانيه: أي عارفه...لاوسمعت انها ماكملت مع زوجها الاول اكثر من شهرين
الاولى: الله يجيرنا بس ليش عاد
الثانيه: يقولون ان ابوها غصبها عليه..وهي من الاول تحب ولد عمها.. هذا سعود
الاولى: اييه دنيا حظوظ ناس تعرس اكثر من مره وناس مو لايقه واحد
الثانيه: شفتي كيف الحظوظ وانـا اختك



شفتوا كيف الحسد والنميمه وتأليف القصص
الله لايبلانــا

دينـا كانت جالسه عالكوشه وسرحانه..تفكر كيف بتعدي هالليله..
وكيف بتتجرأ وتقول لسعود قرارهـا..

ياترى وش هالقرار؟ بعدين نعرف...

يمكن يزعل..يمكن يعصب
بس ليش يعصب وهو اصلا مايحبها ولا يبيها
يعني مو فارقه معاه..

ليش استعجل الامور...لما نصير لوحدنـا بعرف النتيجه..

.............................

ماجد كان عند بيت عمتـه..ينتظرها تطلـع..
وهو يتخيل ليله زواجه من جوري..
هالفكره بحد ذاتها خلته يفرح من قلب

صعدت عمته وضربته على يده

ماجد: ها.. متى جيتي يمه
سعاد: اييه اللي ماخذ عقلـك وين سارح؟
ماجد: فيها
سعاد: من؟
ماجد: جوري..اووف عمتي ابي اتزوج
سعاد: يلا شد حيلك...
ماجد: الله يصبرني
سعاد: حرك يلا مجود تأخرت عالجماعه


وحرك ماجد وقام يسولف مع عمته لين وصلها للقاعه..

وقفها ونزلـت .. لمح سياره همر..عرفها على طول سيارة فارس..
نزلت جوري واماني وكانوا توهم واصلين من الاستوديو..
تاخروا حييل

ماجد طار قلبه يوم لمحها..صحيح كانت مستعجله وتمشي وهي رافعه ذيل فستانها الاسود...
بس اهم شئ شافها حتى لو لمحه سريعه..

سعاد: مجوووووود وجع
ماجد: هلا عمتي معاك
سعاد: أي هين معاي...المهم بس اخلص بدق عليك
ماجد وعينه لازالت عالبوابه: طيب طيب

هزت عمته راسها ودخلت..اما فارس شاف ماجد ودقوها سوالف وهم رايحين لقاعه الرجال..


عالساعه 2 توجهوا المعازيم للبوفيه...وسعود مقرر من اول انه مايدخل عليها القاعه
ويشوفها بالبيت..
الكل زعل يوم عرف هالشئ..بس قالوا براحتهم...

راحت ام ريان لدينا بالكوشه: يلا يمه...اللموزين وصل بره..
دينا وهي تقوم: طيب ..

مسكت يد امها ونزلت من الكوشه وبنات خالاتها وخالاتها حولـها...

ساعدوها لين لبست عبايتها..وطلعت بره حتى تركب اللموزين اللي جايبينه مخصوص لهالليلـه..

ديمه وهي تطلع مع اختها: ياهووو بركب سياره ملكيه
امل وهي تسحب ديموه: اقول انقلعي بس...ماحد بيركبها غير المعاريس
ديمه: دينووو ابي اروح معاك
دينا وهي متغطيه تلف على اختها: هههههههه يلا تعالي
ام ريان: لا وش تجي يلا اصعدي زوجك ينتظرك داخـل..

وقفت دينـا وهي تحس بالارتباك..كل اهلـها حولها يترقبوا هاللحظه..
يتنظروا ينزل لها من اللموزين..ويمسك يدها ويركبها معاه..
بس سعود للحين ماطلـع..

انفتح الباب وبين بهيبـته وطولـه وعرضه..
دق قلبها بجنون لما شافته...
من جد طالع غير اليوم

جوري: فدييت اخوووي

راحت جوري لعند اخوها نزل لمستواهـا وحضنها وهو مبتسم ابتسامته الرهيبه..

جوري: مبرووك ياخوووي
سعود: الله يبارك فيك..وين امي ووين اسماء؟
جوري وهي تأشر لهم من بعيد حتى يجون: الحين يجون

جات امه واسماء وباركوا له ووصوه على دينـا..

سعود: ان شاء الله يمه والله حظفت هالاسطوانه
ام سعود: يايمه من خوفي عليكم..يلا روح لمرتك وخذها
سعود: خليها هي تجي
اسماء: سعيدان شهالكلام يلا روح البنت واقفه تنتظرك..

تنهد بعمق ومشى لها وكانت ام فؤاد وام ريان جنبـها مع امل واماني واميره وديمه...

سعود: السلام عليكم
الكل: وعليكم السلام
ام فؤاد: مبروك عليكم يمه..هالله هالله في بعض مااوصيكم..
سعود: ان شاء الله خالتي..
ديمه: تكفى سعود بصعد معكم باللموزين...
اميره: احم وانـا بعد ودي احس اني شخصيه مهمه
ام فؤاد: اقول انتي وياها يلا داخل..
ديمه: يمممممممه شوفي خالتي
ام ريان: خالتك معها حق...يلا يمه سعود خذ زوجتك..

طالع سعود اخير فيها..كان وجهها باين من الغشوه اللي كانت تقريبا شفافه...
كانت منزله راسها وشكلها تفكر..

بحركه تلقائيه مد يده ليدها...حس انها ارتجفت..ويدها بارده
وسحبها معاه..

لفت وودعت امها بعيون غارقه بالدموع
كانوا يمشوا بهدوء..لين وصل للباب..

نزل السايق وفتح لهم البوابه..دخلت هي اول ودخل وراهـا

قبل لاتمشي السياره

دينا: لحظه لحظه
سعود: شنو؟
دينا: وين ابوي ماشفته؟
سعود: أي عمي بيجي ورانـا ..
دينا: اكيد؟
سعود: شدعوه اكذب عليك..اي بيجي مع اخوك..
دينا: اوكي

ومشوا للفلـــه..

امل: ونااااااااسه متى بس اتزوج
ام فؤاد: قسم بالله محد بيجنني غيرك انتي..يلا داخل ياجعلك ...
امل: خلاص خلاص لاتكملين بسكت هاا

وحطت يدها على فمهـا..

..................

بداخل القاعه البنات كانوا جالسين مع بعض واسماء يدها على خصرها وتمشي بتعب تدق على فؤاد ومايرد..

جاتها امها ووقفوا شوي بعيد عن البنات

ام سعود: شفيك يمه؟
اسماء: مدري تعبانه شووي
ام سعود ببتسامه : وش تحسين؟
اسماء: يممممه عاد مو اللي ببالك
ام سعود: طيب يمكن يطلع اللي ببالي
اسماء: لا مو حامل انـا متاكده
ام سعود: ليش يمه؟ ليكوون استخدمتي..
قاطعتها: لا مااستخدمت موانـع...بس ماصار شئ للحين
ام سعود بخوف: غريبـه..
اسماء وهي تطمن امها: يمه لسه بدري..
ام سعود: صار لكم اكثر من شهرين كيف للحين ماصار شئ
اسماء: يمه لاتخوفيني تكفين...
ام سعود وهي تطمن بنتها: ماابي اخوفك حبيبتي...اكيد مسأله وقت..بس انتي شدي حيلك بشوف عيالك يمه
اسماء: من عيوني يالغلا

وباست امها على راسها

ام سعود: رزان وينها؟لسه نايمه؟
اسماء: أي والله يايمه خساره فاتها العرس..الدبه من رجعنا من الكوافير خمدت..
ام سعود: ياحليلها بنتي من الصباح قايمه فرحانه بالحفله..الليله بخليها تنام عندي
اسماء: أي زين احسـن..خلهم ياخذون راحتهم
ام سعود: على الله اخوك مايفشلنـا والله اعرفه زين واعرف حركاته
اسماء: لاشدعوه يمه..سعود رجـال اكيد بيتصرف صح بهالمواقف
ام سعود: ان شاء الله


...............................

وصلـوا للفلـه نزل هو قبل ونزلت وراه..كشفت عن وجهها..
بس هو ماانتبه لهـا..

اول مادخلوا شافوا مساعد وريان وابوريان في استقبالهم..

مساعد: هلا وغلا تو مانور البيت

ابتسموا اثنينهم لخالهم ..

ابوريان وهو يبوس جبين بنته: مبروك حبيبتي
دينا: الله يبارك فيك يبـه

حس بذقنها يرتجف..يعني خلاص تبي تبكي

ريان: لا تكفييين كل شئ ولاهالدموع حنفيه ماتوقف
ابوريان: لاتبكين يابابا

رمت نفسها بحضن ابوها وبكت..
لاسباب عديده..

بكت وهي تدري انها داخلـه معركه..متوقعه الهزيمه فيها
بتعيش حياه روتينيه مع شخص..مايكن لها أي مشاعر..

بكت وهي تدري ان هالليله هي حلم كل بنت لكن صارت بالنسبه لها كابوس..

حست انها من جد ضايعه كيف بتعيش معاه ؟
كيف بتعطيه واجباته وحقوقه؟
وهم بعيدين كل البعد عن بعض..

ماحست الا ويد ريان تسحبها شوي بعيد

ريان: دينا اسمعيني

مسحت دموعها ورفعت راسها تطالعه

ريان: الحين سعود زوجك..مالها داعي الدموع..مسحي دموعك وتوكلي على الله ولاتفشلينـا مع الرجال
وش بيقول متزوج بزره

كان ودها تعطيه كف...لولا انـه اخوها الكبير هالشئ اللي منعها

دينا وهي تصر على اسنانها: انت ماتحس؟ تتوقع ان الوقت مناسب لهالكلام؟
ريان: والله هذا كلامي عجبك او ماعجبك مو مهم...المهم الحين تصرفي كأنك حرمة كبيره مو بزره...
وبيضي الوجه قدامه..ومايحتاج اقولك مانبي مشاكل من اول ليله... خليها تعدي على خير..
دينا ودموعها ترجع تطيح: اووف طيب طيب خلاص فهمت
ريان: انا ابفهم ليش تبكين مو هذا احسن من اللي اخترتيه
دينا: خلاص ياخي ارحمني وفضها سيره...

جاء لهم ابوهم وهو معصب يوم سمع كلام ولده: انت شفيك؟ ماراح تنسى هالموضوع
ريان: ماتشوف دموعها يبه..حشى داخلـه حرب مو عرس
ابوريان: انت توكل على الله وروح لمرتك انا اتفاهم معها
ريان ببرود: طيب..

كان هالوقت سعود واقف مع خاله اللي يوصيه بعد على دينـا

سعود: طييب..وبعد؟
مساعد: سعود مااوصيك .. انت فاهمني زين...هالله هالله بالكلمه الحلووه...
خلي البنت تتطمن لك بالبدايـه..
لاتخوفها ولاتعصب عليها..وحاسب تصارخ..
سعود: وبعد؟
مساعد: ولا قبـل..حسسها بالاهتمام..بكذا بتقدر تدخل لقلبها..
ولاتنسى الكلام الحلوو حبيبتي حبي حياتي..ترى هالكلام يلين الصخر فما بالك ببنت
سعود بحيره: يوووه صعبه خالي كيف اقول وانا مااحبها
مساعد: اووووف منك يادرج يالوح انت ماتفهم...اجل كيف تبي امورك تمشي تمام...
سعود: اووف بحاول بحاول بس وربي خايف..وبعدين ليش الكل يوصيني عليها وهي ماحد وصاها علي
مساعد: والله انت فلـم هندي..مهما كان انت الرجال وهي البنت واكيد ريان ماقصر..يلا انا بخليكم وبمشي وبكره الصبح بكلمك
سعود: حشى الناس نايمه وانت بتزعجنــا

غمز مساعد لسعود وطلـع وتركهم...وبقوا مع ابو ريان..

ابوريان: خلاص يادينـا انا بمشي
دينا: لالا خليك يبه
ابوريان: هههههههه سعود تصرف مع زوجتــك..
سعود وهو يقرب من دينا ويبتسم لها: خلاص دينا عمي تعبان خليه يروح يرتاح
دينا بخوف: لا يبه تكفى
ابوريان: ههههههه يادينا شسوي ابقى هنـا خلاص سعود خذ زوجتك واطلعوا لفوق..وليله مباركه..
هالله هالله مااوصيكم على بعض..

بعدها كلم ابوريان ولد اخوه بأذنه..عرفت دينـا انه يوصيه عليها...
ابتسم لهم وطلـع..

سعود وهو يطالعها: ها نصعد فوق؟
دينا بخوف: اوكي

صعدوا جناحهم...الاضواء كانت مطفيه..
جاء بيشغلها بس حس ماله داعي

اكثر شئ تخاف منه هو الظلام والمكان كان حيل ظلمه
جات بتشغل الليت.. حط يده على يدها يمنعها


سعود بهدوء يلف لها: مالـه داعي تعالي وراي..

دخل غرفة النوم..وهو متأكد انها ماراح تجي وراه..

شال البشت وحطه عالسرير وهو يطالع الباب المفتوح..

لحوول الله...الحين شسوي معها؟
اكيد انها خايفه تدخل..
معاها حق..

اذا انـا خايف فـ اتوقع انها ميته خووف..

تذكر توصيات امه وخالـه..ياناس قولوا لي اذا هي ماتجاوبت معاي كيف اتصرف..
يد وحده ماتصفق..

طلع من الغرفه لقاهـا جالسه عالكنبه تبكي..
وبما ان المكان ظلام ماشاف الا نص وجهها من الضوء الطالع من غرفه نومهم...

كان شكلها بفستانها الابيض
والظلام حولـها
مثل الاحـلام ..
شئ بعيد عن الواقــع...


راح وجلس عالكنبه جنبها وهو مرتبـك...

سعود: دينا..خلاص امسحي دموعك..

كانت كل مامسحت دمعه طاحت مكانها دمعه..وهو محتار وش يسوي فيها..
بس هالوضع ماقدر يتحملـه..
من اول ليله دموع ..
شلون بعدين؟

وين السعاده والراحه اللي متوقع يحصلها؟
وين سعادة بنته؟ ووش موقعها من هالزواج؟
بس هو لازم يحاول يصلح الوضع بينه وبين دينا
علشان رزان بــس..
مايبيها تحس بنقص..
ويبي الفرحه اللي تحسها تكتمل بوجود دينـا معاها..

سعود وهو يقرب منها اكثر ويلف عليها..

سعود: دينـا..اسمعيني
دينا بصوت مرتجف: ادري وش بتقوول..بس مو بيدي..ابي انسى ابي ارتـاح..
ابي اعيش حياه طبيعيه مثل كل بنت بس عجزت

كانت نظره العجز والضياع واضحه بعينها..هالشئ اللي كسر خاطره وماهان عليه يشوف بنت عمه اللي من لحمه ودمه تتعذب
بسبب رجــل .. خاين وحقير مثل تركي..

سعود بهدوء: دينـا خلاص الماضي لازم ندفنه ورانــا..احنا عيال اليووم
دينا والدموع لازالت على خدها: واذا قررنا ننسى وش نسوي في هذا(واشرت على قلبها)
سعود وهو يحط يده على يدها اللي رفعتها لقلبها): لازم نحاول يد بيد..وبنقدر..
دينا: واذا عجزنـا نداوي جروحنـا؟
سعود وهو يتنهد: بيكون هذا قدرنـا...بس المفروض مانحط كل شئ على القدر..لازم نحاول وان مانجحنـا يكفي شرف المحاوله

حس انه يخاطب طفلـه عجزت تنسى جرح صاب قلبها الصغير..
وتدور عالحل بين اللي حولها..

دينـا وهي تقوم: بروح ابدل ملابسي
سعود: اوكي

دخلت وهي تحمد ربها..الخطوه الاولى مشت تمام..
الحمدلله..

باقي الخطوه الكبيره..الله يستر..
عسى ماتنقلب طيبته وحشيه ويسوي فيني شئ..

لبست ثوب نوم من نعومي..بلون سكري طويل..
والاكمام شفافه...
ونعال خفيف من نفس القماش..
خففت المكياج ..

احتارت تطلع او لا...بس فكرت فيها ليش تطلع؟
اذا يبي يدخـل براحته..

لما شافها تأخرت ربع ساعه راح دق الباب

دينا بصوت هادئ: تفضل

دخل ولف يشوفها...كانت جالسه على طرف السرير ...

بصراحه شكلها كان فاتن وجذاب لابعد درجـه..
هالشئ اللي قدر يقوله..
بس طبعا هالجمال ماحرك ساكن..
ولاحرك ذره شعور داخلـه..
بتبقى بسمه الاجمل والاحلى بنظره..

دخل غرفه التبديل ولبس بيجامه ازرق غامق...كان من جد هلكان تعبان...
يبي بس المخده...

بس .. حد ينام بليله عرسه بدون مايكون بينه وبين زوجته أي حوار..من أي نوع
بدون مايصير بينهم شئ؟

وتوصيات اهله وخاله؟ يرميها بالزباله ويسوي اللي يبي؟
طيب ودينـا؟

اصلا هي ماتنتظر هالشئ مني...ومتاكد انها ماتبيني اقرب منها والمسها..
حط هالفكره بباله..
وطلع كانت نص منسدحه عالمخده..كانت خطوط التعب والارهاق واضحه على وجهها وعينها صايره حمر من النعس..

لما شافته طلع قامت...واستعدت للحظه الحاسمه...

كانت نظرات البرود اللي بعينه هي اللي تخوفها...

راح للسرير وانسدح بتعب..

غمض عينه دخمس دقايق كانت بالنسبه لها ساعات...فتح عينه وهو يطالعها: ها شفيك؟
دينا بارتباك: اممم سلامتك..ولاشئ
سعود: ماتبين تنامين؟
دينا بفرح: ننام؟ عادي؟
سعود: أي ننام اجل نبقى سهرانين للصباح؟
دينا وهي منحرجه: لا ننام خلاص...
سعود وهو يبي يحرجها: ليش ودك تسوين شئ قبل ماتنامين
؟؟
دينا حست انه يبي يحرجها: انا ماقلت خلاص تصبح على خير ..
بس انـا وين انام؟
سعود: هنا جنبي..

واشر على المكان الواسع اللي جنبـه عالسرير..

دينا وهي تتخصر: لاياعيوني ماانام جنبك

فتح عيونه عاالاخر...قاعد يسمع لهجه واسطوانه غريبه عليه

سعود: اجل وين تبين تنامين ياحلووه؟
دينا: انا بنام عالسرير وانت نام عالكنبه
سعود: لااااااااااااااا والله شرايك اخذ قشي وانام عند امي مو ازين؟
دينا: امممممممم لا ماتوصل لكذا بس خذ مخدتك ونام هناك عالكنبه

واشرت على الكنبه الخضرا الواسعه اللي صايره بالزاويـه..

سعود: أي هين بأحلامك السعيده انام عالكنب...انا تعبان وبنام هنـا
دينا: اجل انا مابنام
سعود وهو يلف عالناحيه الثانيه ويعطيها ظهره: والله كيفك

كان وده يضحك وهو يشوفها معصبه ..

هههههههههههههههه احسن موتي قهر اجل انا انام عالكنبه؟ حشى وكلااااا

دينا وهي تلف وتروح ناحيه وجهه: سعوووووووود
سعود وهو مغمض: اممممم
دينا: ابي انــااااام تكفى ظهري يألمني مااقدر انام عالكنبه
سعود: والله انا ماقلت لك نامي عالكنبه انتي اللي تبين
دينا: قووم يلاااااا
سعود: ماراح اتحرك...تبين تنامين تعالي جنبي اهلا وسهلا
دينا وهي تنزل راسها وتشبك اصابعها ببعض: بس انــا...مااقدر
سعود: ليه؟
دينا: اخاف
سعود: ههههههههههههههههههههه وربي انتي سالفه
دينا وهي تعصب: اووف منك ليش تضحك...
سعود: تعالي نامي ماراح اقرب منك ارتاحي
دينا: ادري اصلا ماتقدر
سعود وهو يفتح عينه ويطالعها بتحدي: مااقدر؟؟ قلتي لي مااقدر؟؟
دينا بخوف: احم لا اقصد انت تعبان بتنام يعني
سعود: بس لو انا ابي أي شئ منك باخذه غصبا عنك مو بكيفك

يمممه يخوووف...اروح احسن لي
قبل لاينفجر بوجهي

قالت هالكلام بقلبها وراحت الناحيه الثانيه...

شالت المخده وحطتها عالكنبه..طفت الاضواء ونامت عليها

من جد ظهرها وكل خليه بجسمها تألمها..من التعب

نامت ولاحست باللي حولـها..

هو فتح عينه ولف عليها قدر يشوفها من الضوء اللي داخل من النافذه..

وابتسم برضا...احم فديتني اتاريني مو هين وقدرت اخليها تخمد غصبا عنها هنـاك
بس حراام اكيد مو مرتاحه...
والله بالطقاق خلي عنادها ينفعها...

وحط راسه ونــــــام هو بعد..



صحت بعد ساعتين...لفت عالنافذه..الشمس قربت تطلع..
حطت يدها على ظهرها وهي تقول...ااااااي ياظهري..

طالعته ..شافته غرقان بسابع نومه...ومنسدح على ظهره ويد يمين ويد شمال..

حشى مو نومه..حد ينام كذا؟ رجل بالشام ورجل بعمان؟ الحمدلله
اووووف ابي انـام عالسرير ..
تعبت من هالكنب..
بس كيييف؟؟

اخاف انــام جنبه..

بس ليش اخاف ؟ ليكون مفكرني بزره لا ياعيووني

قامت بتحدي وبشويش انسدحت جنبـه..
بس هو ماخذ كل الغطاء عنده..
وانـا بردانه ابي اتغطي شسوي؟؟

هو حس لها يوم جت جنبـه..فـحب يسوي لها حركات نص كم
يبي يجننها..

لف ناحيتها وعمل نفسه ناااايم ولا هو حاس
وحط ذراعه عليها

هي فتحت عينها عاالاخر..

يممممممممه هذا شفيييه...وخر يدك عنيييي

ويلي شسوووي يانااس..

كانت دينــا خايفه ومتوتره...اول مره تصير ذراعه عليها بهالطريقه..

تشجعت وشالت ذراعه عنها بهدوووء وحطتها على جنب

فتح عينه لها وصارت على طول بعيونها..

بقوا يطالعوا بعض فتره ماتتعدى الثواني

دينا بتوتر: اسفه اذا صحيتك بس...
قاطعها بهدوء: من حقك تنامين بمكانك
دينا: شكرا

الجو كان مره شاعري خاصه ان اضواء خافته تدخل من النافذه...
وانعكست هاالاضواء على اركان الغرفه وعلى الاثنين..

كانوا لسه منسدحين على جنب مقابل بعض..

سعود: للحين مانمتي
دينا: ماارتحت بالنومه هنـاك..
سعود: انتي اللي بغيتي هالشئ
دنيا: اقول سعود
سعود: امممم
دينا: رزان مع مين نايمه؟
سعود: مع امي
دينا ببتسامه: ياحليلها خالتي
سعود: كانت رزان مصره تجي تنام معنـا
دينا وهي تدخل يدها بشعرها تلعب فيه: كان خليتها تجي
سعود: تدرين..بيوم من الايام بتهور وبذبحك
دينا: هههههههه اذبحني يلا
سعود: متأكده
دينا بتحدي: ايووه

رفع يدينه وحطهم حول رقبتها وشد عليهم بشويش..

دينا: لالا خلاااص ... على طول بتذبحني تبيها من الله
سعود وهو يشيل يده: علشان ماتتحديني ياحلووه

شالت عينها من عينه وقامت تطالع اركان الغرفه

سعود: لتكون مو عاجبتك؟
دينا: بالعكس..مثل مابغيتها..
سعود: كويس

تثاوب وهو رافع يدينه لفوووق.....كان ودها من جد في هاللحظه تضربه ببطنـه...بس تخاف يردها لها...

سعود: يلا تصبحي على خير
دينا: وانت من اهلــه..

وناموا الاثنين بعدم راحـــه...لاول مره جنب بعض

..........................

https://music.6arab.com/fayrooz..jar-alamar.ram

السـاعه 8 الصباح متعودين أيـام الويك اند يفطرون مع بعض بهالوقت
بس هو تاخر بالنوم على غير عادتـه

خافت عليـه ودخلت الغرفه...
جلست جنبه عالسرير

اسماء: فؤاد...فؤاد

لكنه مارد علــيها...رجعت تقومه

اسماء وهي تهزه : فؤاد...حبيبي يلا قوووم

نفس الشئ لاجواب

دق قلبها بجنون وهزته بقوه

اسماء: فؤاااد..رد علي فؤااااااد

فؤاد وهو ينط بوجهها: بوووووووووووم

اسماء المسكينه خافت وبعدت عنه وكانت بتطيح من السرير بس سحبها لحضنه

اسماء وهي تقاومه: بعد عني .... شيل يدك
فؤاد: ههههههههههههههه
اسماء بعصبيه: بعد عني...كذا تخووفني وربي مافي قلبك ذرة رحمة..
فؤاد وهو يبوس جبينها: موتي ولا موتك يابعد عمري
اسماء: اتركني طيب
فؤاد: مافييه

حطت راسها على كتفه...وسكتت

فؤاد: من متى قمتي حياتي؟
اسماء: ابد قبل ربع ساعه بس..
فؤاد: اشوفك مو على بعضك
اسماء وهي تتذكر كلام امها بالامس: لاسلامتك
فؤاد: اسماء..اعرفك...قولي شفيك؟
اسماء وهي تقوم: فؤاد ...
فؤاد: لبيه
اسماء: انا ليش للحين ماحملت

استغرب سؤالها لانه غير متوقع..بس رد عليها ببتسامه

فؤاد: عادي حبيبتي...بدون اسباب هالشئ بيد الله مو بيدي ولا بيدك
اسماء بخوف: امس امي سألتني اذا كنت حامل او لا
فؤاد: فديتك سمووي..مسأله وقت وان شاء الله يصير عندنا بدل الواحد عشره
اسماء وهي تحط يدها على بطنها: متى طيب؟
فؤاد وهو يرجع يضمها: انتي قولي ان شاء الله...
اسماء : ان شاء اللــه..
فؤاد وهو يغير الموضوع: مدري اخوك وش سوا مع دينوو
اسماء: والله متحمسه ابي بس اشوفها حتى تعلمني شصار امس
فؤاد: سمووي اتركي اللقافه عنك
اسماء: ههههههه كيفي اخوووي وبنت خالتي..
فؤاد: وانا بعد بنت خالتي وولد خالتي .. لما تقولك اللي صار علميني
اسماء: لاوالله...توك تقول اني ملقوفه
فؤاد: من عاشر قوما صار منها
اسماء وهي تضربه ببطنه بشويش: نذل
فؤاد:ههههههههه قومي حياتي نفطر
اسماء: يلا

.............................

الساعه 11 الظهر...بغرفه جوري

كانت جوري تحاول تشغل رزان بأي شئ حتى تترك ابوها ودينـا نايمين براحتهم

رزان وهي تترك الالوان: عمتيي ابي بابا وماما دينــا
جوري: اوووف...رزانوووه تراك زهقتيني...ابوك ودينا نايمين...بعدين لما يصحى من النوم روحي له

رزان بكت وضربت برجلها الارض

جوري: لحووووووول انا مالي دعوه روحي لامي تصرفي معها
رزان : ابي ارووح لماما احلام...انا اصلا احبها مااحبك
جوري: تكفييين انا اللي بموووت عليك..وبعدين ماما احلام اللي تتكلمين عنها تراها امي وتحبني ماتحبك موووتي حرره
رزان وهي تصيح: تحبني انا...ماتحبك انتي


على صراخهم دخلـت ام سعود: انتي بزر حاطه راسك براس هالمسكينه
جوري وهي تترك الكتاب من يدها: يمممه بذاااكر .. زهقتني تكفين شيليها بره

رزان حتى تعاند عمتها...راحت وفتحت علبه المكياج حقت جوري ورمت كل اللي فيها عاالارض وركضت بره الغرفه

وجوري ماتحب حد يلمس مكياجها واغراضها قامت تركض وراها بس امها مسكتها

جوري وهي تبي تطلع: خليني اروح وراها واعضها هالعفريته
ام سعود: يلا عاد جوري .. عن المصاخه يلا ذاكري
جوري وهي ترجع لسريرها: اوووف طيب
ام سعود: وش فيك تتأفأفين؟
جوري: يمه متضايقه
ام سعود: من شنوو؟
جوري : يمه...مليت من الرياض ماابيها
ام سعود: اقووول...لايكثر بس يالدلوعه وكملي مذاكرتك
جوري: يمه...انا مو طفلـه حتى ماتسمعين كلامي..من جد ترى مليت
مااحس اني مرتاحه هنـاك..
ام سعود: يمه..صلي عالنبي هذا مستقبلك اخزي الشيطان كلها سنتين وتخلصين
جوري: على بالك يمه سنتين هينه؟ من جد..اشتاق لكم وانـا هنـــاك..ودي اجلس اسولف اضحك معكم
ام سعود وهي تحط ذراعها على كتف جوري: حبيبتي...احنا ماراح نطير..موجودين حولك بأي وقت..
بس مستقبلك اهم..
انا عارفه ان المشاوير كثرت كل اسبوع..بس لازم تتعودين..
جوري وهي زعلانه: طيب
ام سعود:وبعدين هذي اماني بنت خالتك معاك...تتسلون مع بعض...روحي يمه ذاكري والله يوفقك
جوري: من عيوني

ابتسمت لبنتها...وطلعت حتى تخليها تذاكر براحتها

اما جوري ضغطت على نفسها...علشان مستقبلها..
بتقاوم هالملل الفضيع اللي تحسه في سبيل دراستها..

............................

[لامارا]

الساعه 12صـحى من النــوم وهي يتذكر اخر احداث الليله السابقه...
لف حتى يتأكد اذا هي حلـم او علــم...
بس تفاجــأ انها علــم..

وحقيقه لامفر منـها...حقيقه قرييبه جدا منه...

كانت نايمه بعالــــــم بعييد عن عالمـه...بحيث مو حاسه باللي حولـها..
من جد مو حاسه والدلــيل انها قريبه منه وراسها جنب راسـه...
ويدها على يــده...

كان يبي يبعد عنها...بس خاف لاتصحى...

لاحظ شئ ان نومتها مرتبه جدا..
رجليها جنب بعض ووضعية راسها مايله لراسه شوي
ويدها الاولى على بطنها والثانيه على يده

ابتسم بسخريه...هالحركه مستحيل دينا تسويها وهي صاحيه
اكيد بتسب نفسها لو عرفت انها حطت يدها على يده..


كانت المره الاولــى...اللي يكون فيها وجهها قريب من وجهه بالحيث انه شاف ادق ادق تفاصيلـها...
اللي ماشافها من قبــل ..

من رسم عينها وحواجبـها...وشفايفها وخشمها...

ابتسم وصوره بسمه تحل محل دينــا...

بسمه اللي كانها نايمه كالملاك الطاهر جنبـه...عاش مع اوهامه...اللي اخذته لبعيد..
كان طاير من الفرح...وهو يشوف زوجته وحبيبة قلبه بسمه جنبه...
اقرب من كـل شئ...
اقرب من القرب نفسه...

مسك يدها وضمها بيده...وطيوفها تحتل طيوف بنت عمه اللي نايمه جنبـه...

قرب منها وخيالاته ترسم لـه اشياء مو موجوده...
ترسم له زوجتـه...الموجوده تحت التراب
اللي خطفها الموت منــــــه

كان اكثر من فرحــان وهو يكلم نفسه


بسمه..رجعتي لي يابسمه
انا كنت عارف انك تحبيني وماتقدرين تفارقيني ...
شفتي شقد تعذبت من دونـــك..

كيف هنت عليك يااحلى ملاك تخليني وتروحيـن بعييد...
اناديك اناجيك ليل نهار

وتجاوبيني بالصمت الثقيل
اللي ماقدر قلبي يتحملـه..
بس صبرت..وصبرت

والحين انتي معاي..لوحدنا ماحد معنــا
تعالي قربي ابحكي لك ..
ابشكي لك..
وبدموعي ابرسم لك

شوقي ولهفة قلبي
ودقه خافقي

كان سعود في هاللحظه اقرب للهلوسه من الواقع

بسمه مسيطره على مسامعه وعلى بصره...مايشوف بهاللحظه غيرها

قرب منها حتى يحس بوجودها جنبــه

مرر اصابعه بحريه وخوف حول وجهها..وهو مبتسم

لكن حركتها...والصوت الخفيف اللي اصدرتــه صحاه من هواجسه وعوالمه..

لاياسعود...انت هنـــــا مع دينـا..
بنت عمك..اللي عمرك ماحبيتها ولا راح تحبها...

بسمه هنـــــاك بعيده عنك...مستحيل ترجع
ربك اخذها جنبــه..

شال يده بسرعه من يدها وهو يشعر بحجم الفرق بين الثنتين
وكره نفسه لانه تخيل بسمه مكان دينــا

بعد عنها وهو يتمنى من جد ان دينا ماكانت موجوده من الاساس جنبه..

دخل بعصبيه الحمام حتى يسبح ويتوضأ ويصلي..
والذكريات تحرق كل ذره صبر وسكون داخله..


طلع فتح الدرج وطلع سجادة الصلاه...هاالاصوات المزعجه خلتها تقوم وهي منزعجه..وتبي بعد تنــــــام..

لما خلص صلاه لفت عليه

دينا:شهاالازعاج....ابي انـام..
سعود وهو يطالعها باشمئزاز: والله هذا اللي عندي اذا مو عاجبك نامي بغرفه ثانيه...عن اذنك

طلع وسكر الباب بقوه وراه...اما هي كانت منصدمه بقووووه

هذا شفيه؟ مجنون؟ مو صاحي؟

ليش يكلمني كذا؟ انا شسويت فيه؟

قبل ماننام..كنا اوكي..

كنا قمة الهدوء والاوضاع مستقره..وش اللي تغير الحين...



طلع بس هي ماتحملت عصبيته راحت وراه وطلعت من الغرفه

دينا: سعووود
سعود بدون مايلف: نعم؟ وش تبين
دينا : شوف..لما اكلمك طالعني...ترى هالشئ من الاحترام والذوق
سعود وهو يلف لها: والله خليت الاحترام والذوق لك..وبعدين انـا اسوي واقول اللي ابيه..فاهمه
دينا: سعود تراني ماسويت لك شئ ليش تعاملني بهالطريقه؟
سعود: انا الرجال هنـا بسوي اللي ابيه وانتي ساكته

ماقدرت تتحمل اكثر بكت وهي منهاره وتحس بالضياع


سعود: اذا بتبكين على اقل كلمه اقولها..فـ اسمحي لي مااقدر اتحمل هالدلع
دينا: وانا بعد مااتحمل هالمعامله..هذا تونـا اول يوم وتعاملني كذا شلون بعدين
سعود وهو يقرب ويتكلم بانفعال: انتي من اول عارفه مشاعري..عارفه اني احبها ومارااح احب غيرها..تزوجتك علشان اهلي...
دينا وهي تأشر بأصبعا قدام وجهه: انا مااسمح لك تهينني وتهين كرامتي...واذا كنت مفكر اني ابيك وبفكر بيوم احبك تكون غلطان...
سعود ببرود: مو محتاج لك ولا لحبك

مو متخيله ان سعود الطيب الهادئ اللي كان معها امس..انقلب في غضون ساعات لشخص شرس

دينا: لو سمحت اذا كنت معصب زعلان...لاتفرغ عصبيتك فيني اوكي؟
سعود: وبأي حق تقررين بكيفك؟
دينا والدموع تطيح بغزاره على خدها قربت منه: لاني بنت عمك ياسعود من لحمك ودمك قبل مااكون زوجتك..
وعيب اللي تسويه..هذي مو شيم رجـال...انا عارفه انك ماتبيني هنـا معاك بس مابيدي شئ اسويه...
عاالاقل احترمني...احترم ذكرى ووصيه ابوك يا...

هزت راسها ودخلت الغرفه وسكرت الباب وراهـا بقوه..

كلامها الاخير وطاري ابوي هزه بقووه...

جلس عالكنبه...وراسه بين يدينه...

اووووووف انا شسويت...البنت ماسوت شئ..
انا الغلطان هي ماغلطت بحقي..

انا اللي جالس اتخيل بسمه بكل مكان حولي
وتخيلتها مكان دينـا
وماابي اقتنع انها مستحيل ترجع


اوووف .. صحيح اني غبي
شسوي الحين لو راحت وقالت لعمي؟

ادري ماراح يفوتها لي..كل شئ ولا بناته..مايرضى حد يغلط عليهم
ساعتها الكل بيلومني..واولهم امي وخالي

اقوم انزل تحت ازين ..
بس بيسألوني عنـها..وش اقول؟
اقول اني عصبت عليها بدون سبب وخليتها تبكي؟

ياربي عونك...ابي اهدأ علشان بنتي..
مااابيها تتعذب اكثر..

ابيها تحس براحه وسعاده لوجود دينـا

يلا ياسعود قوم طيب خاطر بنت عمك علشان بنتك...
اللي ماتهون عليـك..

حس ان هالخطوه صعبه...ورجله مو شايلته..

بس تقدم حط يده على مسكة الباب..

تنهد ودخل..مالقاهـا بالغرفه...اكيد بالحمام
راح ووقف عند الحمام سمع صوت صياحها وتنهيداتها..المتواصله

سعود: دينا
دينا بصوت مبحوح: وش تبي؟
سعود: اطلعي من الحمام
دينا وهي تبكي بقوه: روووح ماابي اشووفك اطلع من الغرفه
سعود: ماراح اطلع الا اذا طلعتي
دينا: وانا مابطلع الا اذا طلعت وتركتني
سعود: يابنت الحلال صلي عالنبي واطلعي مو زين تبكين بالحمام مكان شياطين وجن..لايدخل لك واحد ونبتلش
دينا: بالطقاق مايهمني..وش بيصير يعني
خليه يدخل عاالاقل برتاح منك اووف خلاص رووح عني


فتح باب الحمام وتفاجأ انه مفتوح...لقاها جالسه على طرف البانيوو وعيونها حمر..
وشعرها مفرود بحريـه على اكتافها...

لفت عنه الناحيه الثانيه ماتبي تشوف وجهه...

لانه شخص..لو كانت تحترمه بيوم..بس من هاللحظه فقدت احترامها لـه..
لان اللي يسويه مو من شيم الرجال..
وهي مو غريبه .. هي بنت عمه...
وعارف ظروف اللي مرت فيها زين..
فـ من باب الذوق يعاملها باحترام ومايعصب عليها من اول يوم



سعود وهو يجلس جنبها: انا اسف
دينا وهي تلف له: على شنو؟
سعود: دينـا.. لاتصعبينها علي..خلاص قلت لك اسف
دينا: واسف وين اصرفها ان شاء الله؟
سعود: لحوووول منك شسوي يعني؟ ابوس رجلك حتى ترضين
دينا: ياخي ماتبي تعتذر ماحد اجبرك...خلاص اطلع وخليني
سعود: وكيف انزل بدونك؟ امي وش بتقول
دينا: هذا اللي هامك؟ كلام امك؟ توقعت انك حسيت بغلطك وجاي تعتذر .. تدري...وربي انا عمري مافكرت اذبح حد قد ماافكر اذبحك وارتاح ..اطلع قبل لااتهور...يلاااااا
سعود: دينا...اتركي حركات المبزره...ويلا قوومي
دينا: قلت لك ماابي...مو غصب

حس ان الكلام معاها ضايع..راح تعانده لاخر اشعار...
لذلك مافي حل غير انه يشيلها بنفسه ويطلعها

حملها وهي تصارخ تبي تنزل وتحرك رجليها بعنف

دينا: سعوووووووووود اتركني...ماابي اطلع ماابي
سعود: ولا كلمه

طلعوا ونزلها عاالارض: خمس دقايق لك.. انتظرك بره
دينا وهي تجلس عالسرير: ماراح انزل...عنـاد لك اوكي
سعود: اووووووف انتي ليش عنيده...صلي عالنبي ويلا ننزل..اهلي وش بيقولون لانزلت لوحدي
دينا: خالتي مابتقول شئ...
سعود: ياربي...طيب علشاني

لفت تطالعه..علشانك؟ وليش اسوي شئ علشانك؟
من زود احترامك ومعاملتك الحلوه يعني؟

سعود: يلا دينا
دينا: ماابي
سعود: دينا ماابي اعصب عليك مره ثانيه
دينا: هذا اللي قاصر..وربي لو رفعت صوتك علي مالي قعده بهالبيت
انا مو مجبره اتحمل معاملتك

شكلها مره معصبه..وتتكلم من قلبها..
ياويلي لو تروح بيت اهلها انا وين اودي وجهي من اهلي؟
وش اقول لهم؟

لازم اهدي الوضع بس كيف

الاعتذار واعتذرت لها..وكلمتها بهداوه
وش اسوي بعد حتى ترضى وتنزل معي

اخليها براحتها؟...بس وش اللي يضمن لي انها ماتخبر امها او حد ثاني

تنهد وطوول باله وتحمل عنادها وجلس جنبها ومسك يدها: دينا...خلاص انسي واخزي الشيطان
دينا وهي تسحب يدها: لاتفكر انك بكلمتين بتخليني ارضى وانزل معك
سعود: لحوول...انا الحين شسويت حتى تعامليني كذا...خلاص قلت لك اسف..
مو كفايه؟
دينا بتحدي وهي تبي تذله: لا مو كفايه
سعود: وش اسوي طيب؟
دينا: انت وضميرك..

انا ياربي وش اللي جابرني اراضيها هالمغروره..
بس بجاريك يادينوووه مو علشانك..
علشان امي وبنتي ولا انتي زعلتي ولا انطقيتي بالعنا فيك ماتهميني
وكلك على بعضك ماتدخلين مزاجي مالت عليك

قرب منها اكثر وباس جبينها بهدوء...هالحركه اللي ماتوقعتها ابد..

سعود وهو لازال قريب منها : خلاص رضيتي؟

دينا خجلت من نفسها...اذا ماترضى الحين بعد هالبوسه بتصير قليله اصل..

دينا وهي تقوم: خلاص حصل خير..بغسل وبجيك

دخلت الحمام وهي ترفع يدها بحماس ..

ييييييييييييس..يييييييس

برااافوو عليك دندوون...اييه خليه يعرف من تكونين
اجل انـا يصارخ علي؟
يخسي...

اما هو تمنى وهي تمشي يرفسها...

اووف منها مغرووره شايفه حالها هالخبله
المفروض تحمد ربها الف مره اني انا سعود تنزلت لها وراضيتها وبستها...

غسلت عااسريع ولبست بنطول بيج واسع شوي وبلوزه مديلها غجري وطويله شوي..

حطت مكياج خفيف ولبست شال طويل ولفته حول شعرها حتى لو صادفت فارس...وطلعت لـه..

سعود وهو يقوم: ننزل؟
دينا وهي تطلع قدامه: يلا

كانت تمشي قدامه بهدوء فضيع..ما كأنها من شوي كانت منفجره وتبكي وتصارخ من قلبها

سعود وهو يصير جنبها: دينـا..اتمنى ماحد يعرف باللي صار بيننا
دينا بدون اهتمام: انا مو قليله اصل حتى اطلع اسراري للناس
سعود: اقصد اهـلي واهلك
دينا: اهلي واهلك من النــاس..اللي يصير داخل غرفه النوم سر بيننا ماحد بيعرف عنه..

لفت تطالعه من فوق لتحت باستخفاف: تطمن

وتقدمته بخطوات سريعه...اما هو ماقال شئ
وش يقدر يقول بعد اللي قالتـه..

يارب عونـك..

وصلوا للصاله وكانت ام سعود وجوري ورزان قاعدين...

ام سعود وهي تتوجه لهم وعلى شفايفها ابتسامه عريضه: هلا وغلا .. هلا بنور البيت ..

تقدمت دينا لخالتها وباست راسها: شلونك اليوم خالتي
ام سعود وهي تمسك يد دينا: دام مرت ولدي بخير اكيد انا بخير
دينا: فديتك والله خالتي

راحت دينـا وجلست جنب جوري ورزان

دينا: تعالي زيزي حبيبتي

راحت رزان بفرح لحضن دينا اللي باستها على خدها مرتين...بس شكل رزان زعلانه

دينا: شفيك رزان؟ من زعلك؟؟
رزان وهي تأشر على جوري: هذي
جوري: انا هذي؟ اسمي جووري يامال الحكه
رزان: اووووووه كيفي بقول هذي
دينا: ههههههههه ماعليك منها..تعالي اجلسي هنـا

رفعت دينا رزان لحضنها وجلست تسولف معها..

ام سعود اخذت سعود للمطبخ حتى تكمله

ام سعود: هابشر
سعود وهو ياخذ تفاحه من السله اللي مقابله: شنوو؟
ام سعود: شسويت مع البنت؟ عسى بيضت الوجه؟
سعود وهو ياكل وبدون اهتمام: أي
ام سعود: شلوون؟ خبرني
سعود: يمه الله يهداك...وش اللي شلون خلاص سويت اللي تبيه
ام سعود بفرح: يابعد هلي انت..

وقربت من ولدها اللي ضمها لصدره...ااه يايمه لو تعرفين اني ماسويت أي شئ من اللي قلتي لي عنه...
وصبحت البنت بهواش وصراخ...
سامحني يارب...

مضطر اكذب...لاني باختصار مااقدر اقرب منها وانا مو متقبلها بتاتـا

ام سعود: حبيبي تبون الغداء الحين؟
سعود: أي والله يمه..جوعان حيل
ام سعود: ماعاش الجوع ... دقايق والغداء جاهز

باس راسها وجاء بيطلع بس تذكر...

سعود: يمه فارس وينه؟
ام سعود: نايم...حاولت اصحيه بس مايبي يقوم
سعود: انا بروح له
ام سعود: ياليت والله..

طلع سعود للصاله شاف رزان جالسه بحضن دينـا..وجوري تسولف وتضحك معها

جوري: ها وين رايح؟ تعال اجلس معنا
سعود وهو يرقى: بصحي فارس واجيكم...

لفت له دينـا طالعته بحزن ورجعت تطالع جوري اللي حست لنظراتها وشكت..

جوري: اممممم اقول دينووو
دينا: لبيه
جوري: امممم شوفي بصير ملقوفه وبسألك .. كل شئ تمام؟
دينا وهي تبتسم ابتسامتها الحلوه: الحمدلله
جوري: ماسوى لك حركات نص كم؟
دينا: هههههه لا كل شئ تمام
جوري: طمنتيني...

فتح سعود الباب وكان فارس مثل كل مره حاط المكيف تبريد عالي والبطانيه عاالارض...
وشكله حيل بردان لانه ملتف على نفسه مثل الروبيان..

سعود وهو يطفي المكيف: فروووووووس
فارس وهو ينقلب الجهه الثانيه: هااااااا
سعود: قوووووووووم كفايه نوووم...بعدين انت ماتحس...يااخي الجو صار بارد وانت حاط تبريد عالي....
فارس وبصوته النوم: تعرفني ماانـام الا كذا...وش تبي الحين خلني انــام..
سعود وهي يحاول يقوم فارس: بندخل العصر قوم تغدى معنـا
فارس: اووووووف ياخي ماابي غداكم بس خلني انــام..روح لمرتك بس

ضحك سعود على خبال اخوه
رن بهالوقت جوال فارس برقم غريب...

فارس: اووووف من متصل هالوقت
سعود: ارد؟
فارس وهي يسحب البطانيه ويتغطي: كيفك..

شال سعود الجوال وهو ساكت

الطرف الثاني: الـوو

كان صوت انثوي بحت...

سعود استغرب: نعم اختي؟
الريم بعد صمت: هذا مو جوال فارس؟
سعود: الا جوالـه..من انتي؟
الريم: انت خويه ولا ؟
سعود وهو بدأ يعصب: يابنت الناس وش بغيتي..مو مهم من اكون

فارس بهاللحظه طار منه النوم وقعد يسمع اخوه وش يقول

الريم: خلاص شكرا..واسفه عاالازعاج

سكرت اما سعود استغرب ورجع الجوال مكانه وجلس جنب فارس

فارس: من المتصل؟
سعود: بنت .. وقالت اسمك..
فارس وهو يفتح الجوال حتى يشوف الرقم: مااعرف هالرقم من تكون..

ضغط زر الاتصال...وردت علـيه ريم

ريم: الوو
فارس : هذا انتي؟ كيف عرفتي رقم جوالي الجديد؟ومسويه حركه وداقه من جوال ثاني علشان ارد
ريم: بغيت اوصل لك وقدرت...
فارس بعصبييه: يابنت الناس حلي عني..انسيني

سكر بوجهها وهو معصب..

سعود: فرووس شسالفه؟ من هذي؟
فارس: ريم
سعود: ماشاء الله...ومن تكون ريم؟
فارس: خويتي سابقا..
سعود: غربلك الله من ولـد..وليه تكلمها كذا؟ وهي وش تبي منك؟
فارس: تبيني اكلمها مثل قبل
سعود: وانت وش اللي غيرك؟
فارس: مليت هالسوالف ابي اتوب
سعود: طيب فهمها هالشئ..وانفصلوا بهدوء
فارس:والله فهمتها بس تحبني ماتبي تتركني
سعود: فارس..انت الغلطان من البدايه..علاقه منت قدها ليه من الاول تدخلها وتورط بنت الناس معك؟
فارس: اووه ياسعووود هذا اللي صار اموت نفسي يعني ولا انتحر
سعود: فارس..صار بينك وبينها شئ؟
فارس وهو يطالع اخوه : هييييييييه انت وش تقوول اعوذ بالله
سعود: مجرد سؤال..يعني مو لهالدرجه ماعندها كرامه..ليش مصره تبقى معك؟
فارس: لاتسألنـي..بقوم اتروش

دخل فارس الحمام وبقى سعود يفكر

فارس مراهق يمكن يسوي أي شئ..
ليه البنت متعلقه فيه لهالدرجه؟
وتبيه؟
معقوله حب بدون كرامه؟
جايز..بس وش اللي يضمن انه ماسوى شئ..

استغفر اللـه..انا شفيني اليـوم مضيع
فارس صحيح راعي سوالف مغازل وترقيم..بس مايتعدى هالخرابيط...

طيب ليش مااتأكد بــنفسي
بس شلون بعرف قصتهم؟

واتطمن وارتــاح؟

فكر شوي ..

مافي غير هالحل..اسألها بنفسي..

فتح جوالـه وسجل الرقم بيده وطلع من الغرفه...راح فوق لجناحه وحفظ الرقم بجوالـه بدون اسم..

خلاص بعدين اتصل بنفسي واعرف كل السالفه..

نزل وانضم لاهلــه .. جلس على راس الطاوله..
امه على يمينه وزوجتـه على يساره وجنبها رزان
وعالطرف الثاني جوري وفارس..

تغدوا بهدوء...الكل ساكت ماعدى جوري اللي تقول سالفه ورا الثانيه وهم يضحكوا عليها
وفجـأه ام سعود قطعت سوالف بنتها

ام سعود: اقول يمه سعود
سعود: سمي يمه
ام سعود: سم الله عدوك...اقول ليش ماتاخذ مرتك وتسافرون وتغيرون جوو

دينـا غصت باالاكل ولفت لسعود بتشوفه وش بيقول...

سعود بدون اهتمام: مااقدر اترك الشركه
ام سعود وهي تطالع دينا وترجع تطالع ولدها: يمه .. العمر يخلص والشغل مايخلص...
سافروا لكم يومين..والشغل مابيطير هذا عمك وولد عمك موجودين
فارس: كلام امي صح
سعود وهو يطالع اخوه: يازينك انت ساكت..
فارس: حد يفوت الوناااسه والله انا مكانك اخذ زوجتي والف فيها كل العالم
جوري: أي لما تتزوج تكلم .. واترك اخوي في حالـه
سعود: كفو اختـي
جوري: احم احم
ام سعود: انتوا الاثين اسكتوا انـا اتكلم مع اخوكم

طول هالوقت دينـا منزله راسها تبي تقوم...بس مو عارفه كيف

من جد ماتتحمل حد ينقص من قيمتها ويحسسها ان مالها داعي

سعود: لايمه مابسافر

دينا حست انها صفر عالشمال مالها اهميه...حتى قدام اهله بيسويها ولاشئ ولابيحط لها اعتبار

دينا وهي تقوم: الحمدلله..مشكوره يمه عالغداء
ام سعود: وين وين دينـا..مامداك تاكلين
دينا: لاوالله شبعت خالتـي...برقى فوق ارتاح شوي
ام سعود: براحتك حبيبتي

رزان هالوقت تراقب الموقف..وزعلانه لان ابوها زعل دينـا..

بعد ماصعدت دينـا بالمصعد..ورقت لفوق..

فارس: شكل البنت زعلت
ام سعود: سعوود يمه هذا كلام تقوله؟ حد مايتمنى يسافر مع زوجته ويرتاح
سعود: أي انـــا..
ام سعود: يمه بالهون عالبنت مو كذا عاد..تعرفها حساسه..راعيها شوي..حسسها بالاهتمام
سعود: يمه...انا ماتزوجتها الا علشانك..لاني ماابي اكسر كلمتك..ووصيه ابوي
بس اني احسسها بالاهتمام والحب اللي مااحسه ناحيتها..اسف مااقدر..
جوري: سعوووود..دينا ماتستاهل وربي حليوه
سعود: جوري فارس يمه..هذي حياتي..ودينا الحين زوجتي بتصرف معها مثل ماابي
ام سعود: أي يايمه انت زوجها وحر معاها..بس عاد مو تزودها..مانبي حبيبي مشاكل مع عمك وخالتك..
سعود: لا ان شاء الله ماتوصل للمشاكل..عن اذنكم
رزان: بابا وين بتروح؟
سعود: برقى فوق..وانتي بابا كملي غداك


قام من الطاوله..غسل بالمغاسـل ورقى لفوق...

كانت بالصاله..ومشغله التلفزيون...طالعها بس ماشاف على وجهها أي تعابير

كانت متغطيه ببطانيه خفيفه..
ومسكره النوافذ

مو واضح اذا كانت زعلانه او مبسوطه..معصبه او هادئه..

دينا وعينها عالتلفزيون: شاطر ياولد عمي شاطر
سعود: بدينااا
دينا: لا ابد..بس حلووو اللي سويته..خليتني قدامهم ولاشئ..بارك الله فيك استمر عاملني كأني نكره...
سعود: ومن يقول اني عاملتك مثل النكره
دينا: قفل عالموضوع..من جد مصدعه ومو رايقه لشئ
سعود وهو يطالعها من فوق لتحت بسخريه: يعني انا اللي رايق لسوالفك

دخل غرفه النوم وسكر الباب وراه..اما هي من العصبيه رمت جهاز الريموت بقوه عالكنبه...

جلس عالسرير .. طاحت عينه عالجوال...هذا انسب وقت..
خلني ادق عالبنت واشوف...

اتصل عالرقم..رن 3 مرات بعدها ردت

ريم: الو نعم
سعود: السلام عليكم اختي
ريم: وعليكم السلام هلا والله...

سكتت ريم وهي تفكر في هالصوت..وكانها سمعته

سعود: اممم معاك سعود اخو فارس
ريم بعد صمت: اهلا...هلا سعود
سعود: اولا انـا اسف عاالازعاج...بس مااتصلت الا وانا ابي افهم اللي بينك وبين اخوي
ريم: وليش ماسألته حتى يقول لك؟
سعود: يااختي...هو فهمني انه يبي يترك سوالفه وخرابيطه..وانتي مصره تبقى علاقتكم مثل ماكانت
ريم وهي تبكي: انا احبـه.. بس مدري ليش يعاملني بهالطريقه
سعود: يااختي...اللي تسويه غلط..خلاص كرامتك اولى من هالحب
ريم: بعد ماخلاني اتعلق فيه واحبه يبي يتركني..حرام والله حرام انا وثقت فيه وكنت مستعده اسلمه نفسي..بس هو..

ماقدرت تكمل وبكت...سعود احتار وش يقول لها..

سعود: ياريم..انتوا صار بينكم شئ

البنت سكتت وماردت...

سعود وهو خايف ليكون اللي بباله صحيح: جاوبيني..فارس سوا لك شئ؟
ريم: مااقدر اجاوبك بس اللي ابيه صوري اللي عنده...ابيهم

سعود انصدم...وصلت للصور.... كيف؟

سعود بذهول: عنده صور لك؟
ريم: ايوه عنده..ابيهم منه اليوم قبل بكره
سعود وهو مو عارف وش يقول: ان شاء الله ان شاء الله ياختي الصور راح توصل لك...بس اتمنى تطمنيني...فارس اخذ منك شئ غير الصور
ريم بانفعال: أي اخذ...
سعود: وش اخذ؟
ريم: انا قابلته مره...وو

ماعرفت تكمل لانها تبكي

سعود حط يده على قلبه...لو فارس لمس البنت بيكون اخر يوم بحياته
وبتكون فضيحتنا بقرش..


سعود: وبعد كملي..
ريم: مادري مادري خلاص انا بسكر

ماانتظرته يكمل كلامه وسكرت الخط...هو قام مثل البركان الهايج

دينا استغربت يوم شافته طالع معصب

دينا باهتمام: خير خير
سعود: الليله بذبحه ياانـا ياهو في هالبيت هالصايع

طلـع وماسألته وين رايح...

وصل لدار فارس ولسؤء الحظ كان موجود..

سعود وهو يسحب فارس من ثوبه: وش مسوي للبنت ياجعلك الموت قول امين
فارس وهو مصدوم: هييييييييه اتركني...شفيك جنيت...اي بنت اللي تتكلم عنها
سعود: اووووه...يعني عندك اكثر من وحده؟

رمى اخوه عالكنبه بقوه وجلس جنبه وهو مفور عاالاخر...

سعود: شوف اسلوب الاستهبال مااحبه...اقصد ريم
فارس: وانت ليش تسألني
سعود: فارس جاوبني دام النفس عليك طيبه...صحيح ان صورها عندك
فارس بارتباك: لا كذابه
سعود بصرخه قويه هزت المكان: فااااااااااارس
فارس وهو بدا يخاف من عصبية اخوه: أي عندي عندي
سعود : وين شفتها؟
فارس: ها؟ انـا؟؟
سعود وهو يمسك ثوب فارس بعنف: وش سويت للبنت فضحتنا الله يفضحك ياغبي...قووول تكلم
فارس وهو يشيل يد اخوه بقوه: عمري ماشفتها الا مرتين وبمكان عام...
سعود: قسم بالله ان ماتكلمت لااذبحك واشرب من دمك...انت ماتستحي على طولك...على بالك بنات الناس لعبه بيدك هاااا
فارس: انت وش تخربط..انا ماسويت لها شئ
سعود وهي يقرب من اخوه ويصر على اسنانه: البنت تقول انك ماخذ منها...(سكت شوي) بتتكلم ولا اخليك تتكلم بطريقتي
فارس وهو يقوم: هذي كذابـه.. تبي تألف قصص
سعود: وش مصلحتها؟
فارس: تبي تشبكني فيها...بأي طريقه


ام سعود يوم سمعت الصراخ هي وجوري صعدوا لهم...

ودينـا اوردي كانت عند الباب وخايفه تدخل...
بس لما دخلت جوري وخالتها دخلت معهم وهي خايفه


ام سعود بخوف: شفيكم؟ شصاااااااير؟
جوري: اصواتكم واصله اخر الدنيا..
سعود: ولدك يايمه...ولدك اللي بيسود وجوهنـا عند الناس...
ام سعود بخوف: شسوى فارس؟
سعود: اقول لها تبيني اعلمها عن خرابيطك وسواد وجهك ياللي ماتربيت
فارس وهو يروح لعند امه: يمه والله ماسويت شئ...والله انتي عارفتني
جوري وهي تروح لفارس: شسالفه فرووس؟
فارس: ريم
جوري: شفيها هالعله بعد؟
ام سعود: أي ريم ياعيالي؟؟ لاتخوفوني..علموني شصاير
سعود: ولدك يايمه.. قاعد يتسلى مع بنت الناس واخذ صورها ويوم مل بيقطها...والله يستر وش سوا لها..
ام سعود ويدها على قلبها وبخوف: يمه فارس شسويت لبنت الناس؟تكلم انطق

وطاحت من عينها دمعة متوتره خايفه..

فارس وهو يمسك يد امه: ماسويت لها شئ...صدقيني يمه..
ماعندي غير صورها واذا تبيهم من اليوم مستعد ارجعهم
ام سعود وهي تطالعهم اثنينهم: اجل وش معنى كلام اخوك؟
سعود وهو يقرب منهم: يمممه ولدك كذاب...البنت انـا كلمتها وعرفت منها انه مسوي شئ..

دينـا يوم سمعت هالطاري..عرفت انه يوم دخل الغرفه كان يكلمها...
ولما حست بتجاهل من الكل وان موقعها غلط انسحبت بهدوء...وراحت لغرفة رزان..وجلست معها

نرجع للاخوان..

فارس وهو يوقف بوجه اخوه: الحين تكذب اخوك وتصدق وحده من الشارع
سعود: ويوم انها من الشارع ليش ترافقها هااا ولا هي لعبه وخلاص
قسما بالله يافروس...خلني بس اسمع عن مصيبه ثانيه مسويها والله لاقطع عنك مصروفك واسحب سيارتك فاهم

وطلـع سعود من الغرفه...

فارس نزل راسه بحزن وجلس عالسرير

جوري حست بهاللحظه..ان سعود مو اخوهم..بالعكس ابوهم..
سبحان الله نفس ملامح ابوها يوم يعصب ويصارخ..

دمعت عينها وهي تحس بفقد العزيز الغالي
انسحبت هي بعد...وطلعت من غرفه اخوهـا..

ام سعود بكت وجلست جنب فارس: يمه فارس خليك صريح معاي انا امك اقرب الناس لك
فارس: والله والله واللي خلقني ماسويت لها شئ
ولا شفتها الا مرتين وبمكان عام
واللي سويتـه.....

كان بيكمل بس خجل من امـه..وش يقول
كل الكلام اللي بيقولـه سواد وجهه

ام سعود وهي تحط يدها على كتفه: تكلم حبيبي..لاتستحي انا امك
فارس وهو يتنهد: يمه انا عمري ماخبيت عليك شئ...بقولك بصراحه واللي خلقني وغلاتك عندي حدي مسكت يدها و...
خلاص يمه مااعرف اكمل...بس حطي في بالك ماسويت شئ كبير لها ولا قربت..

عورها قلبها ... خساره تربيتها ..
ماكانت تتمنى تجي هاللحظه اللي تسمع فيها ان ولدها يطلع مع بنت ويمسك يدها و..
والله يستر من الباقي

بدون وعي رفعت يدها وضربته كف...
بعدها نزلت راسها وبكت..
لان عمرها ماضربت حد من عيالها وخاصه فارس ولدها الصغير
اللي مهما كبر بيبقى صغير بنظرها


فارس نزل لرجل امه يبي يبوسها بس رفعته وهي تبكي: لا يايمه لا
فارس والدمعه تطيح من عينه: سامحيني يمه..وربي تبت..مااعيدها بس لااشوف دموعك

مدت يدها له وحط راسه بحضنها وهو يحس بحنين لحضن امه الدافي

من بعد موت ابوه ..يحس ان امه هي الكل بالكل ومايبي يسوي شئ يجرح شعورها..
كفايه انها شايله البيت شيل لوحدها..


ام سعود: ليش يمه سويت كذا؟ حرام عليكم اللي تسووه فيني انا قصرت معكم بشئ؟ابوكم الله يرحمه قصر معكم بشئ؟
فارس: لاوالله يالغاليه...ماحد سوا اللي سويتوه انتي وابوي الله يرحمه..بس
وش اقول لك يمه..سامحيني

سحب يدها وباسها مرتين وخاطره متعذب وهو يشوف دموع امه...

ام سعود: مسموح يمه...مسموح..بس انا ماابي اعتذارك يافارس ابيك فعل
فارس: قلت لك يمه...والله تبت وتركت هالخرابيط ولاعاد ارجع لها صدقيني
وعد مني يالغاليه
ام سعود: اكيد فارس؟
فارس: اكيد يمه اكيد
ام سعود وهي تقوم: وين صور البنت؟
فارس: ليش؟
ام سعود: هاتهم مالك دعوه
فارس: طيب

راح للخزانه وطلع الظرف اللي فيه صورتين

ام سعود: انا اوصلهم للبنت
فارس: تعالي يمه فهميني كيف

قامت وتركته بدون ماتقول شئ..وقلبها متألم..
تمنت بهاللحظه يكون ابو سعود معاها..
اكيد انه بيتصرف افضل منها..

بس الحمدلله على كـل حال...

.....................


جوري بغرفتها لازالت تبكي حالها وحال اخوانها..


اخذت جوالـها واتصلت على شقة اسماء..ورفعه فؤاد

فؤاد: الوو
جوري وهي تبكي: الو فؤاد
فؤاد: مين؟
جوري: انا جوري
فؤاد: هلا جوري..شفييك تبكين؟ صاير شئ لكم؟
جوري: لالا ولاشئ وين اسماء
فؤاد: جوري تكلمي..فيكم شئ؟ خالتي فيها شئ؟
جوري: لاواللـه...بس متضايقه شوي وين اختي؟
فؤاد: أي لحظه

ترك السماعه وراح لها المطبخ كانت تسوي هوت شوكليت..

فؤاد: حبي...اختك تبيك عالتلفون وتبكي مدري شفيها
اسماء: يمه شفيها اختي

طلعت ركض وراحت للتلفون..

اسماء بسرعه: الو الو جوري شفييك؟
جوري: لاتخافين مو صاير شئ
اسماء: اجل ليش تبكين؟ امي فيها شئ؟
جوري: لااااا
اسماء: اجل؟
جوري: سعود وفارس...تهاوشوا ووصلت للطق بينهم

وبكت جوري اكثر..ابد ماتحب تشوف اخوانها كذا
خاصه انها اكثر وحده طيووبه وتحبهم

اسماء بخوف: ليش وش السبب؟
جوري: على ريم تذكرين قلت لك عنها مره
اسماء:وجع اللي يوجعها كانها سبب هواش اخواني
جوري: اخوك عرف وراح يتطاقق مع فروس
اسماء: وكيف عرف

وخبرت جوري اختها كل شئ سمعته من سعود

اسماء: لاحول ولاقوه الا بالله..طيب وش سوت امي الحين؟
جوري: مادري انا طلعت..

سمعت جوري دق باب على بابها

جوري: اقول سموي بدق لك بعدين باي
اسماء: اوكي باي

قامت وفتحت الباب شافت امها وبيدها الظرف

جوري وهي تطالع الظرف: حياك يمه ادخلي
ام سعود وهي تدخل: جوري انتي تعرفين البنت؟
جوري: أي يمه اعرفها معاي بالرياض في السكن
ام سعود: حلو..خذيهم ووصليهم لها..
جوري: من عيوني يالغاليه ماطلبتي شئ
ام سعود: وحاسبي تحتكين فيها
جوري: اكيد يمه .. اصلا ولااقرب منها ولا اواطنها
ام سعود: أي يمه..خليك بعيده عنها مانبي مشاكل
جوري وهي تحضن امها: ان شاء الله مافي مشاكل..

..........................

سعود بعد اللي صـار صعد جناحه...بس ماشافها

توقع انها مع رزان...

جلس شوي وهو يهز رجلـه بعصبيه..

فشلتنا يافارس وين نودي وجهنـا من الناس
الله يغربلك

وبعد ماهدأ ..نزل لغرفه بنته بيشوفها
دخل ولقى رزان منسدحه عاالارض تلون في الدفتر ودينا منسدحه مثلها..

ابتسم غصبا عنه وهو يشوف هالمنظر..
كانوا بعالم ثاني
كل وحده تلون وهي مبتسمه..

نقل بصره بين الثنين...فيهم من البراءه الطفوليه الشئ الكبير..

حتى دينـا رغم فارق السن بينها وبين رزان الا ان الطفوله باينه بعينها..

سعود: ممكن الون انا بعد معكم؟

يوم حست له قامت بسرعه واعتدلت في جلستها..

رزان بفرح: بابااااااا تعال تعال هنـا

واشرت عالمكان اللي بينها وبين دينـا...

قرب سعود وجلس معهم عاالارض ..

سعود وهو يطالع دينا ويرجع يطالع رزان: ها حبيبي وش تسوون؟
رزان: شوووف بابا ....
ماما دينا لونت دفتري فلله .. وش احلى تلوينها او تلويني؟
سعود وهو يبي يضحك بقوه: اممممممم اكيد دفترك وتلوينك احلى من دينـا

دينا: لاواللـه..هاك وريني كانك تعرف تلون

وعطتـه الدفتر..

سعود: أي انا اعرف الون
دينا: أي ورينـا يلا
سعود: اوريك الحين

طالعتهم رزان بفرح وهي مبسووطه حيل ان ابوها ودينـا يشاركوها هوايتها المفضله

اخذ سعود الالوان يبي يلون بس بنته وقفته: لالا بابا لحظه
سعود: ايش فيك رزان؟
رزان: بجيب الوان ثانيه

قامت وجابت الوان زيتيه وريشه..

رزان: لون بهذي

وعطته الريشه

سعود: افاااااااااا تبين تصعبينها يارزان هين اوريك

وراحت رزان وجلست بحضن دينــا...

سعود عمره ماجرب يلون بالريشه ابد...
لانها مو هوايته..

دينا : ها اشوفك ماتلون ورينا مواهبك يادفينشي
سعود بتحدي: اوريـك على بالك مااعرف

وبـدأ يلون..
وكان بصراحه التلوين ابد ابد مو حلووو

كان ودها تضحك عليه من جد شكله وهو يلون وبسرعه رهيييبه يبي يخلص

دينا ماقدرت تتحمل: ههههههههههههههههههههههههه
ههههههههههههههه وييلي هههههههههه
سعود بعصبيه: ضحكتي من سرك بلا...شايفتني فلم كوميدي
دينا : هههههههههههههههههههههههه خلاص صدقتك تعرف تلوون

حط مويه ولون اصفر بالريشه وهي تضحك بقووه لون خشمها

دينا: هييييييييييه شسوويت انت

ورزان على بالها لعبه وميته ضحك عليهم

سعود: حتى تعرفين تضحكين عدل المره الجايـه..

سحبت منديل ومسحت خشمها:حرااام

رزان: هييه بعد بعد نبي نلعب
سعود وهو يسحبها لحضنه: وش تبين نلعب حبيبي؟
رزان: اممممممممم نلعب غميضه
سعود : انا موافق اسألي دينـا
رزان: ماما دينا العبي معنا
دينا: هههههه انا مااحب الغميضه حبيبتي...خلاص نلعبها وقت ثاني شرايك؟يلا الحين لازم تسوين واجباتك..
رزان: اوكي..

وقامت واخذت شنطتها...

دينا: اساعدك حبيبتي ولا تعرفين؟ تدرين تعالي هنـا جنبي

وقربت رزان بأغراضها جنب دينـا..اللي قامت تذاكر لها وتساعدها في الواجبات..

وطول هالوقت...سعود مالـه حس صاااخ

رفعت راسها كان متسند عالجدار ومغمض عينه شكلـه نايم..ياحراام

دينا احتارت تصحيه او لا...

رزان بصوت منخفض: ماما شوفي كيف سعود نايم هاهاها
دينا: هههههههه الله يرجك خليكي في واجباتك

قربت دينـا بحذر منه: سعود
سعود : اممم
دينا: قوم نام فوق...
سعود: لابنام هنـا..مع رزان

كانت الساعه قربت 7 ونص المغرب

دينا: بتنام معها الليله؟
سعود: عندك مانع؟
دينا بخوف: وانام فوق لوحدي؟اخاف
سعود: عادي مافيها شئ
دينا: لاماافيه ماابي
سعود: والله قلت لك الليله ودي انـام مع بنتي ..

حسته نذل يبــي بس يخليها تخاف

دينا: انت واحد نذل...
سعود: من زمان
دينا: خلاص بكيفك...

وقامت دينـا ورقت لفوق وهي تصعد كانت جوري تنزل شنطتها عالدرج..

دينا: ها جوري بتمشين
جوري: أي واللـه
دينا: توصلين بالسلامه يالغلا...انتبهي لنفسك
جوري:من عيوني وانتي بعد يالدبه انتبهي لاخوي
دينا: ههههه طيب...
جوري: يلا سلاااام

باست بنت خالتها على خدها وكملت طريقها لتحت..

اما دينـا دخلت غرفه نومها وهي خايفه من جد..

المكان فاضي وموحش وظلام...
كيف بتقدر تنام لوحدها؟

تذكرت انها تركت جوالها بالغرفه راحت شالته شافت مكالمتين من بيتهم..
ووحده من لطيفه و3 من امل

ياهووو صرت مهمه الكل يبي يكلمني..

اتصلت لامها على طول

ام ريان وهي ترد: الوو
دينا: هلا يمه
ام ريان بفرح: هلا وغلا بنتي حبيبتي..توك على بالك بدق لك
دينا: أي شفت المكالمات .. سوري يمه بس الجوال ماكان جنبي
ام ريان: لاعادي حبيبتي..هابشري اخبارك مع زوجك؟
دينا وهي تلعب بشعرها: عادي
ام ريان: يعني شنو عادي؟وش صار طمنيني
دينا: عادي يعني يمه ماصار شئ مو طبيعي
ام ريان: امممم طيب وماقصر معاك بشئ ؟
دينا: لا ماسوى شئ بالعكس

سكتت دينـا تفكر..ياربي انا ايش اللي يجبرني اسكت عن اللي يسويه..
ولااقول لامي..

بس لايادينـا...مهما صار راح يبقى سعود ولد عمك..
وعيب انك تطلعين اسراركم بره..ومن اول يوم

خليك اكبر من هالتفاهات..

ام ريان: هايمه وين سارحه؟
دينا: ابد سلامتك..اخبار ريان ولطيفه وديمه؟
ام ريان: والله بخير اختك نايمه واخوك طالع مع زوجته وعياله
دينا: اها .. خلاص يمه سلميلي عليهم حيل
ام ريان: الله يسلمك حبيبتي انتبهي لنفسك ولزوجك..واسمعي كلامه
دينا: ان شاء الله..فمان الله
ام ريان: فمان الكريم..


سكرت ام ريان من عند بنتها وراحت لعند زوجها اللي جالس يكتب في اوراق للعمل

ابوريان وهو يشيل النظاره: ها كلمتي دينا؟
ام ريان: أي ياحليلها بنتي...
ابوريان: واخبارها مع زوجها؟
ام ريان: لاالحمدللـه كل شئ تمام
ابوريان: اييه الله يوفقهم ان شاء الله..واشوف عيالهم
ام ريان: الله يطول بعمرك يالغالي وتشوف عيال عيالهم
ابوريان: وين ديمه؟للحين نايمه؟؟ ماصارت...قومي صحيها
ام ريان: مدري شفيها ديموو تقوم نص ساعه وترجع تنام
ابوريان: انا بروح اشوفها
ام ريان: لاخليك انا بروح ... لاتتعب حالك
ابوريان وهو يقوم: مافيها تعب

رقى بالمصعد لغرفة بنتـه..شغل الاضواء لقاها نايمه ومعرقه حييل وترجف

راح وحط يده على جبينها...كانت حاره مره

ابوريان : ديمو ديموو
ديمه وهي تفتح عينها بتعب: ها
ابوريان: شفيك يبه؟
ديمه: يبه مره تعبانه...
ابوريان: قومي قومي اوديك المستشفى
ديمه وهي تاخذ البطانيه وتتغطي: لايبه مايحتاج..
ابوريان: اقول قومي وخلي العناد عنك...البسي عبايتك يلا
ديمه: ييييبه ماابي..اصلا مو قادره اقوم
ابوريان: لحووول انادي لك امك تتصرف معاك

ابوريان وهو يروح لعند الدرج: ياام ريان...ام ريان تعالي
ام ريان وهي تقوم: ان شاء الله

وصلت ودخلت الغرفه لقته جالس جنبها ...

ام ريان: خير شفيكم؟
ابو ريان: بنتك حاره وتعبانه ماتبي تروح المستشفى
ام ريان: يمه ديموو شفيك ؟؟

وقربت من بنتها وجلست جنبها من الناحيه الثانيه ويدها على راسها

ديمه: تعبانه يمه..
ام ريان: فديتك يمه...قومي نوديك المستشفى
ديمه: ماابي يمه...
ام ريان: قومي حبيبتي حتى يعطوك دواء وتصيرين افضل...وراك مدرسه
ديمه: اوكي

قامت ولبست عبايتها...وراحت مع امها وابوها مستفى(......)

دخلوا الطوارئ دايركت...
جلسوا شوي بالانتظار لين يجي دورها..



كان للحين بالمستشفى...المفروض يطلع الساعه 4 العصر..
بس حب يبقى حتى يستفيد اكثر...

هذا طبعا ماجد وهذا المستشفى اللي يطبق فيه...
كان لابس الاب كوت الابيض ويمشي ..مر وتفاجـأ لما شاف ابوريان

ماجد: عمي؟ هلا وغلا اخبارك
ابوريان: هلا فيك ماجد...غريبه اشوفك هنـا..ليكون تطبق بهالمستشفى
ماجد ببتسامه: أي عمي...هذا المستشفى اللي اطبق فيه...شلونك عمتي شخبارك؟
ام ريان: هلا فيك ياوليدي انت اخبارك واخبار عمتك
ماجد: بخير الحمدلله....سلامات ..عسى ماشر
ابويان وهو يطالع ديمه اللي جالسه وراسها على كتف امها: ديمه تعبانه وللحين ننتظر ندخل عالدكتور
ماجد: سلامتها ماتشوف شر..من زمان جالسين؟
ابوريان: عشر دقايق
ماجد: اوكي اشوف الدكتور ليش تأخر..وراجع لكم
ابوريان: ماتقصر ياولدي
ماجد: شدعوه عمي حاضرين للطيبين

راح ماجد لغرفه الدكتور..لقاه يكلم جوال

ماجد: ممكن دكتور

الدكتور يأشر لماجد يعني بعدين
ماجد وهو بدأ يعصب: يادكتور في مريضه بره وانت تسولف بالجوال
الدكتور بنفاذ صبر: مش مشكله...تنتظر شوية مافيهاش حاجه
ماجد: البنت تعبانه حيل وانت تقول تنتظر وين صارت هذي ايش هالتسيب...تدري انا رايح للمدير

طلـع ماجد وهو معصب..من جد بااارد هالدكتور..

ورجع لابوريان: ها بشر ياماجد
ماجد: وربي هالدكتور لوح...جالس وداق سالفه بالجوال..انا بروح اشتكيه للمدير..
ام ريان: لاياماجد اتركه عنك..لاتسوي لنفسك مشاكل
ماجد: ياعمتي الوضع ماينسكت عنـه..

في هالوقت نادت الممرضه على ديمه

ابوريان: خلاص ياماجد...هذا هم نادوهـا

دخلت ابوريان وزوجته مع ديمه للغرفـه..

وكان مصر يتكلم للمديـر..

وبالفعل راح وكلـمه..وعصب المدير وقال انه بيتصرف تصرف ثاني مع الدكتور..

طلع ماجد وهو مبسوط ومن قده لان المدير مدح اخلاصه وشغلـه...

اخذ لـه كوفي من الالــه وتسند عاالجدار يشرب وهو سرحـان..

من شاف عمها .. انبسط...
كيف ماينبسط وهم منها ومن ريحتها

فديتك جوري...ابيك بكل جوارحي
متى بس تصيرين جنبي...متى..

اخذ لـه كوفي من الالــه وتسند عاالجدار يشرب وهو سرحـان..

من شاف عمها .. انبسط...
كيف ماينبسط وهم منها ومن ريحتها

فديتك جوري...ابيك بكل جوارحي
متى بس تصيرين جنبي...متى..

وبعد فتره...انتبه ماجد لابو ريـان ينزل...

ماجد: ها عمي بشر
ابوريان: انفلونزا بسيطه...بروح للصيدليه اجيب الدواء
ماجد وهو ياخذ الوصفه: ارتـاح عمي...انا اجيبهم لك
ابوريان: لاياولدي لاتتعب حالك..هذي الصيدليه قريبه
ماجد: افا ياعمي تروح وانـا موجود...وين صارت هذي
ابوريان وهو يحس بالفخر في ماجد: ماغلطنـا ياماجد يوم وافقنـا تاخذ بنتنـا
وانـا اشهد انك رجال قول وفعل
ماجد ببتسامه: ماسويت الا الواجب طال عمرك...

مشى ماجد وهو رايح للصيدليه...وانبسط من كلام عمه..
وابوريان كان من جد فخور في ماجد...وفي افعالـه الزينه...

...........................

بعد مارجعت ديمه البيت اخذت الدواء وارتاحـت شوي..قالت بتتصل لجوري وتقول لها انها شافت خطيبها

جوري: الوو
ديمه: هلا
جوري: ديموو شفيه صوتك؟
ديمه: تعبانه شوي
جوري: اووه سلامتك حبيبتي..رحتي المستشفى؟
ديمه: أي رحت..ومن تتوقعي شفت هناك؟
جوري: مدري....من؟
ديمه: خطيبك يالدبه
جوري بعد صمت: احلفييييييي
ديمه: واللـه..كاشخ بالابيض والنظاره الطبيه تقولين دكتور..ياعيني عليه عجبني هههههه
دوري بصوت منخفض: يافديته والله...
ديمه: ههههه تصدقين سوا معنـا موقف..وربي طلع نشمي بمعنى الكلمه
جوري بحماس: علميني بالتفاصيل وش صار

وقالت ديمه كل شئ لجوري..اللي ماتت من الوناسه
وتمنت لو كانـت معهم..

جوري: اوووف ليتني انــا المريضه علشان اشوفه

بهالوقت اماني تضرب جوري على يدها تبي تعرف وش السالفه..

جوري: اوووف لحظه ديموو
وتلف لاماني
جوري: هاااا شفيك انتي
اماني: علموووووني شصاير
ديمه: هههههههه قولي للملقوفه اسرار مانعلم حد
جوري: ههههه تقولك ديمه اسرار
اماني: هيين روحوا يالخاينين...زعلت
جوري: لاتكفيين مااقدر على زعلك...عمرك مارضيتي
ديمه: هههههههه اقول علميها لايدق فيها عرق ونبتلش
جوري: من عيوني حبيبتي...
ديمه: وصلتوا الرياض ولا لسـه؟
جوري: لالسـه بالطريق...

بهالوقت انتبهت جوري..لريم خوية اخوهـا..كانت جالسه قدامهم بكرسيين...وتسولف مع خوياتها...


جوري: أي ديمو
ديمه:...بس والله ياجوري انه وسيم ويهبل
جوري: هيه انتي مااسمح لك تغالين زوجي
ديمه: زوجك بعد صار...
جوري: زوجي مستقبلا احم احم
ديمه: ههههههه بالتوفيق يالدبه..خلاص انا بخليك وبدق على اميره ابسولف معها
جوري: اوكي غلاتي...انتبهي لحالك وسلمي على خالتي وعمي
ديمه: يوصل ان شاء الله باي

........................

بالمستشفى...كانت الساعه 9 بالليل خلاص زهق وتعب بيرجع البيت...
راح للخزانه الخاصه فيه وفتحها طلع جواله ومفاتيح السياره...
وحط اللاب كوب داخل وقفلها وقبل لايمشى..
جاته الممرضه اللي معاه بالقسم....عايشه

عايشه: ها ماجد رايح؟
ماجد وهو يبعد نظره عنها وينزل راسه:أي واللـه...وانتي؟
عايشه: لا انا باقيه للساعه 12...
ماجد: الله يعطيك العافيه..خلاص توصين شئ؟
عايشه: سلامتك...بكره لاتتأخر مثل اليوم
ماجد: هههه طيب يلا فمان الله
عايشه: فمان الكريم

عايشه بنت محترمه...تعتبر ماجد مجرد اخ....
وهي اكبر منه بثلاث سنوات
بس اللي يشوف حجمها الصغير يقول انها بالتأكيد اصغر
وماجد يحترمها حيل...
لانها ماتسوي سوالف بعض الممرضات الماصخين

وهو يمشي بالسياره..جاء على باله فارس...

خلني اكمله هالقاطع..اللي مايتصل ولايسأل

وبالفعل دق ورد فارس: الووو
ماجد: هلا بحبيبي
فارس بدلع: هلا عوومري...
ماجد: اما عمري كثر منها....وينك يالخفاش مختفي..لا سلام ولاكلام ولا كأني خويك
فارس: ابد بالبيت...اذاكر والله مجود
ماجد: امااا..شعنده المجتهد يذاكر غريبه يعني
سكت فارس وبعدها قال: سلامتك
ماجد: فرووس شفيك؟ صاير شئ؟
فارس: لا مو صاير شئ
ماجد: اقول لايكثر...احس من صوتك ان فيك شئ
فارس: مجود صارت سالفه لي اليوم
ماجد: خير ان شاء الله؟

وقال فارس لماجد اللي صار بينه وبين سعود وامه..
وانها زعلت ووو الخ

ماجد: لاتقوووووووووول...كل هذا صار؟
فارس: شفت كيف .. وربي هالريم ماراح اسكت عنها...ابنتقم منها...عالمشكله اللي سوتها بيني وبين اهلي
ماجد: صل عالنبي فرووس اتركها عنك
فارس: لا ماراح اسكت عنها...توصل فيها المواصيل انها تألف قصص ماصارت
ماجد: هي وش قالت لاخوك بالضبط؟
فارس: مدري عنها هالغبيه..بس اللي اعرفه انها قالت له اني اخذت منها شئ وقربت منها مدري مدري وش قالت له

سكت ماجد وهو يحس ان فارس من جد متضايق

ماجد: فروس بقولك شئ بس لاتزعل...انت بصراحه يوم طلعت معها قربت منها حتى يدها مسكتها...
فارس: أي صح صارت هاالاشياء الصغيره...بس مالمستها ولافكرت بهالشئ اصلا...
اصلا انا وين شفتها لوحدنا حتى اقرب منها
ماجد: ماعليه وانـا اخوك انت لاتضيق عمرك..وعمتي طيبه اتركها يومين وارجع كلمها...طيب والصور كيف بترجعهم لها؟
فارس: سألت امي من ساعه..قالت عطتهم جوري تعطيهم البنت
ماجد وهو يفكر: جوري تعرفها؟
فارس: لا .. بس معها بالسكن الرياض
ماجد: اها..

حس فارس ان صاحبه تغير صوته وكلامه... اكيد لانه سمع طاريها

فارس: في ايش تفكر؟
ماجد: خايف تسوي مشاكل لجوري
فارس: والله كان اذبحها واشرب من دمها...والله اللي يقرب من اختي اوريه نجوم القايله
ماجد: مدري..هالبنات مالهم امـان..
فارس: لاماتقدر تسوي شئ...جوري بتعطيها الصور وانتهى الموضوع
ماجد: خير ان شاء الله...انت سوي اللي قلت لك عنه..وكلم الوالده بعد يومين تكون هدأت
فارس: طيب وسعود؟ من صارت السالفه مطنشني ولايكلمني..ياخي مااتحمل ازعله هذا اخوي العود
ماجد: انتظر للصباح...وانت كلمه واستسمح منه..وسعود ماراح يشيل بقلبه عليك...مثل ماتعزه هو يمكن اكثر منك
فارس: الله يكتب اللي فيه الخير...
ماجد: الا صح ماقلت لـكـ نسيتني وش كنت بقولك
فارس: قوول
ماجد: قبل ساعتين شفت عمك بالمستشفى
فارس: عمي؟ ليش جاي المستشفى
ماجد: ابد جاي مع بنته تعبانه
فارس بجنون: مين ديمه؟؟؟؟؟؟
ماجد: بسم الله انت شفيك جنيت؟
فارس: اووووف جاوبني يالدرج...ديمه...؟؟
ماجد: مدري أي اتوقع قال اسمها ديمه...(سكت ماجد شوي يفكر) وبعدين يالعاقل اكيد هي..اختها الثانيه عندكم بالبيت
فارس: أي صح دينا معنا .. مالت علي..بس شفيها ..؟
ماجد: هاااااا اشوفك مهتم يعني
فارس: قسم بالله لو انت جنبي طمرت في بطنك....ياخي حرقت اعصابي تكلم البنت شفيها
ماجد: ههههههههههه هااا تحبها من ورانـا
فارس وهو يحاول يتحكم بأعصابه: بتتكلم ولا اقفل ؟
ماجد: هههههههههه تعاال بقولك...ابد انفلونزا القطط هاهاهاااااي...
فارس:مالت مسوي فيها خفيف دم...كانت تعبانه حيل ؟؟
ماجد:أي مسكينه...يادوب قادره تشيل نفسها...بس تعال هنــا انت ليش مهتم؟
فارس: بنت عمي لازم بخاف عليها
ماجد: علينااااا...كل هالخوف علشانها بنت عمك بس؟
فارس: ياخي انا مدري اصلا....احس ناحيتها بشعور...
ماجد: تحبها؟
فارس: مدري اذا كان حب او اعجاب..بس المستغرب مـنه ان ديمه كانت تحت نظري من يوم حنا صغار...ولاعمرها لفتتني..
بس هالفتره..احسها متغيره...كبرت وتغيرت صارت احلي....بصراحه صرت من اشوفها انهبل
ماجد: الله يعينك يافرووس...طيب وهي وش شعورها؟عندك فكره؟
فارس: تبادلني هالشعور...تخيل
ماجد: قول والله...شلون عرفت
فارس: هي قالت بنفسها...طبعا تلميحات مو صريحه
ماجد: حلوووووو هذا اهم شئ .. بس لاتنسى فروس هذي بنت عمك..يعني لاتفكر فيها اليوم وبكره تقول لها باي



فارس تضايق من كلام ماجد....
هو ماهو نذل لدرجة انـه يسوي كذا ببنت عمه..
ليش الكل مفكر انه عديم نخوه

ماجد: فروس اسف مااقصدها والله طلعت مني عفويه...
فارس: لاعادي
ماجد: لاتزعل وانا اخوك...
فارس: عاد يالتمساح لو ازعل من نفسي مابزعل من خشتك
ماجد: ياهووو ههههههههه ... عالعموم انا وصلت البيت يالدب وبيننا اتصال
فارس: أي يلا انقلع بكلم ديمه
ماجد: خخخ سلم على المزيونه
فارس: هيييييييييه عاد حدك مجووود
ماجد:بل بل خلاص ماقلنا شئ..سلاام

سكر فارس وهو متردد يكلمها او لا؟
بس يمكن نايمه؟
يخاف يزعجها...

يلا يجرب ويشوف..

ردت بعد رنتين وصوتها مره رايح فيها من التعب والزكام

ديمه بتعب: الوو
فارس: ديمه...سلامتك ماتشوفين شر...يالله حتى صوتك حيل متغير
ديمه: هلا فارس هلافيك..
فارس: كيف صرتي الحين؟
ديمه: مدري بس تعبانه حيل
فارس: طيب شربتي الدواء؟
ديمه: أي شربته...انت من قال لك؟
فارس: مجوود قالي من شوي
ديمه: اها ايوه...

سكتوا الاثنين وهو حاس ان الصمت ثقييل مره..
يبي يسولف معها...يدردش بس الوضع مايسمح

ديمه: اقول فارس...اميره عالخط الثاني برد عليها واكلمك مره ثانيه

فارس عصب...اووف من هاالاميره..اللي ناطه لنا بكل مكان
يعني مااتهنى مع البنت خمس دقايق الا واميره داقه
اوووووف من جد قهر

فارس : أي خلاص
ديمه: باي
فارس: ديووم
ديمه وهي تبتسم: يس
فارس وهو يحس انها مبتسمه عالطرف الثاني: انتبهي لحالك فديتك...اوكي
ديمه وهي مستنكره هاالاهتمام الغريب: مابيصير لي شئ قطوه بسبع ارواح
فارس بعصبيه: ليش تقولين عن نفسك كذا هاا
ديمه: هههههه عادي...يؤؤ قفلت اميره
فارس: احسن

سكتت وهي تفكر...احسن؟
شئ غريب...
حتى لما جابت طاريها ماعلق..ماقال شئ
ماظهر على صوته أي اهتمام...
ويوم قفلت قال احسن
ليش ياربيي...
الموضوع يحير...
وين الحب اللي يتكلم عنه؟


فارس: ليش ساكته؟
ديمه: افكر بشغلـه..
فارس: ممكن اعرفها
ديمه بنذاله: لا اسرار بيني وبين نفسي
فارس: بعطيك حلاوه...يلا قولي
ديمه: هههههه ماراح اقول
فارس: امممم طيب بعطيك باتشي...
ديمه: قد كلمتك؟
فارس: افا ياديمه..مايغلى عليك الشوكولاته
ديمه: يييس...
فارس: ههههههه خلاص بكره اجيبه لك كم ديمه معنا

ابتسمت وسكتت...ماعرفت كيف ترد عليه..
لانه بصراحه خجلــها..

ديمه: بصراحه...خجلتني
فارس: هههههههه تستاهلين يالغلا
ديمه: انت وينك عني من زمان...شوكولاته وحلاوه حركات
فارس: اياالنذله....يعني تكلميني بس علشان كذا هااا
ديمه: ههههههههه لاواللـه لاتفهمني غلط بلييز
فارس: هههههه فاهمك صح...يلاقولي في شنو تفكرين؟
ديمه: امممممم مصر يعني؟
فارس: طبعا
ديمه: اممم تيب تذكر الرساله اللي وصلتها لك هذاك اليوم..بالحديقه
فارس بفرح: شفيها
ديمه: اممم بس اتسائل عن سبب تطنيشك للطرف الثاني..وين حبك اللي تتكلم عنه؟

سكت وهو طاير من الفرح...يالله تحبني لهالدرجه..
وتحس اني مقصر معها
فديتك ديمووه
ادري اني مقصر..بس انتي لو تبين نجوم السماء بجيبهم لكـ

ديمه: ها...ماعجبك كلامي؟
فارس: افا ديوم ...اذا كلامك مايعجبني وش اللي يعجبني
ديمه بحيره: لاجد فارس وين حبك واهتمامك...
مو قاعده اشوف منك أي تجاوب..
ولابس كلام؟
فارس: لالا تفهميها كذا يالغلا..الحب والاعجاب وكل المشاعر الحلوه موجوده بقلبي...
يعني انتي تشوفين اني مقصر؟
ديمه: بصراحه أي..
فارس: يافديتك يالدبه...خلاص ولايهمك لك اللي تبيه
ديمه: اهم شئ انت تكون مقتنع
فارس: اكيد فديتك مقتنع ولا ماكنت حبيت من البدايه
ديمه: طمنتني

تنهد وسكت...احساس حلوو يوم اللي تحب شخص وهو يبادلك هالحب بكل مافيه من شوق وولـه..
ويتمنى ان المسافه اللي بينكم تقل وتقصر...
بس الاحساس اللي مو حلوو
ان كل هذا حلـم ..
ماله وجود
كل الاشياء اللي تتخيلها هي بالاساس وهم
مو موجوده ..
بتجي لحظه وتشوف فيها احلامك وطموحاتك مع الشخص اللي تحبه تنكسر على ارض الواقع المر

ديمه: اممم خلاص فارس..انا مضطره اقفل الحين..تعبانه بنام
فارس: سلامتك وماتشوفين شر ان شاء الله..مااوصيك ديري بالك على حالك زيين
ديمه: ان شاء اللـه...وانت بعد باي
فارس: باي يالغلا

قفل فارس وهو مبتسم يطالع الجوال ورسل مسج لماجد

(( مجود بمووت وربي...البنت تحبني حيل مثل مااحبها
اويلي ويلااه مااقدر انـا))

بعد دقايق رد له ماجد المسج

((اقول حبك برص بليلة العرس...ياخي اثقل مع ذا الكشه...كش مناك يلا بنام))

قرأ فارس المسج....اثقل هاا هين اوريك يوم اشوفك

رد له المسج .. ((نامت عليك طوفه ...اخمد يلا هع هع ))

.......................

وصلوا للرياض اخذوا اغراضهم وتوجهوا لشقتهم...
انسدحت اماني بتعب عالسرير وغمضت

جوري: امون دقايق بروح وبجي
اماني: وين؟ ماجبتني كل اغراضك؟
جوري: لا بروح لبنت
اماني: خذيني معك
جوري: ليه رازه وجهك...انثبري مكانك

طلعت جوري ظرف من شنطتها الكبيره وطلعت من الشقه..

كانت تمشي في الممرات المزدحمه بالبنات
هذي تسولف..والثانيه تغني..
وهذيك تمزح مع صاحباتها
من جد مجتمع حلوو بحسناته وسيئاته...

كانت تدور على الريـم وتسلمها صورها...
وهي تمشي تدور سمعت صوتها وميزته ..
لفت وناظرتها وكانت واقفه مع خوياتها

جوري: اممم ريم ممكن شوي لو سمحتي
ريم وهي تطالع جوري باحتقار: في شئ؟
جوري: تعالي شوي على جنب
ريم بغرور: اذا عندك شئ قوليه قدام صديقاتي تراني مااخبي عنهم شئ

سكتت جوري وهي تناظر صديقات ريم

هييين باوريك يالسخيفه...
وربي لاطيح وجهك قدامهم
اخليك ماتسوين قرش
حتى تعرفين تكلميني باحترام

جوري وهي تحط بيد ريم الظرف: ياحلوه هذي صورك..ويقولك اخوي اعتبري هذي نهايه علاقتكم...
ولاعاد تدقين على رقمه..لانه مايبي ازعاج..
الا هل بلغت اللهم فاشهد

في ثواني صار وجهها احمر من العصبيه والاحراج...

الريم: انتي كـيف تسمحي لنفسك..
جوري تقاطعها: اقول تراها مسج من اخوي مو اكثر انا مالي دعوه...
وماعلى الرسول الا البلاغ ياحلوه

غمزت جوري لريم وراحت...
وكانت فرحانه لانها ردت لريم الصاع صاعين

اما صاحبات ريم وحده ضحكت بسخريه
والثنين الباقين يسولفوا بصوت منخفض بحيث ماتسمعهم

ريم بعصبيه: وتضحكون بعد...هيين هيين
انا انحط في هالموقف البايخ...
وين صارت هذي

ضحكوا خوياتها من قلبهم عالموقف المحرج..
اما هي انسحبت ولملمت ماتبقى من كرامتها..

دخلت جوري غرفتها مع اماني وهي منتصره..
لقت اماني بدلت ملابسها لبست ثوب نوم...
وقاعده تكتب في دفتر مذكراتها كالعاده...

هالمره كانت تكتب عن خالـد...اخوها..
جاء على بالها وحبت تكتب عنه...

دخلت جوري تلبس وطلعت لقت اماني على حالتها...
تكتب وهي مبتسمه وبعالم ثاني

جوري شكت..البنت شكلها تحب...
شوفوا كيف بعالم ثاني
الله يستر من هالملقوفه..شكلها مو هينه
تعرف تحب بعد

خخخخخخخ

والله لاقرا اللي تكتبه بعد ماتنــام..
بقت جوري منسدحه على سريرها...
وبعد دقايق اماني تركت الدفتر على طاولتها الصغيره اللي جنب سريرها ونااامت على طوول


انتظرت جوري ربع ساعه وراحت شالت الدفتر..
بلهفه فتحت اخر صفحه...
وهي متحمسه تبي تعرف وش تكتب اماني هالمره..

في ثواني...شهقت...
وحطت يدها على فمها وعيونها بتطلع من مكانها
وهي منصدمه..من اللي تقراه...
من جد ماقدرت تتنفس حست قلبها بيوقف من هول الصدمه...

لا لا اماني اكيد جنت....
اماني اكيد خرفت
وش هاللي مكتوب

سكرت جوري الصفحه وهي مو مصدقه ورجعت فتحتها
يمكن شافت شئ من خيالها..

بس..نفس الكلام...

خالد مو اخوها؟
خالد مو ولد خالتي؟

كييييييييف؟؟

قرأت جوري الكلام وعينها تدمع لاشعوريا...

(( حبيبي واخي...خالد,,

يالله...اخي ولست اخي..اخي بحبك وعطفك
بضكتك البريئه..
بقلبك الصافي..
بخوفك علي...

ولكنك للاسف لست اخي..بدمي
نعم..لاتشاركني دمي ..

دمي الذي يهتف بكل خليه تسكن فيه...احبك اخي..
واحتاجك بجانبي..في كل اوقاتي

صحيح ان الاقدار شكلت مصيرك بعنف..
وبدون رحمه وجعلت منك..لقيط..!!

ولكن ارسلت لك الدنيـا...امي
فاحتضنتك بيدها العطوفتين..
ولم تتخلى عنك..

ومنذ تلك اللحظه...اصحبت فردا منـا
لافرق بينك وبيننا

كانت امي تحبك مثلما وربما اكثر مما تحبنـا..

قبل شهر من اليوم
وحينما عرفت بالخبر...صعقت..
حلت علي صدمه لم اقوى على تحملها
بكيت بعنف وانهرت..
وسهرت وسهرت ليالي طوال

افكر في مستقبل اخوتنـا...الذي سيضيع دون ادنى شك عندما تعلم..

انك لست منـا..ونحن لسنـا منك!!

ولتعلـم يااخي..كم اهواك..
كم احبك..
كم اعتبرك اخي وصديقي..
ولااتخيل ان تمر ايامي بدون ابتسامتك ومرحك..وحبك وعطفك..

رجائي الاول والاخير لك..

ان تبقى في كنفنـا..
ارجوك لاتتركنـا...
فأنـا احبك
وامي تحبك...
واخواني كذلـك
وبالتأكيد ابي يحبك..
رغم قسوته معك..

الا انـه يحبك جدا..
وكم يتمنى ان يعود يوما لهذه الدنيـا
ليخبرك بذلـك الحب..

واثقه انا من هذا اخي,,

اختك...اماني ))


قفلت جوري الدفتر وهي تبكي..
من تأثرها بمشاعر اماني المتدفقه...
ومن الحقيقه اللي عرفتها

يالله خالد لقيط؟
مين يصدق؟
وكيف شافته خالتي

انسدحت جوري وهي تحس بالشلل في تفكيرها...
انا لازم اعرف كل شئ من اماني...لازم

............................


نروح لعند سعود..احلى ابطالنـا..

فتح عينـه..ناظر يمين ويسار..
تذكر ان عينه غفت بغرفة بنته..

كان عالسرير ورزان بحضه...ابتسم وباسها على راسها

بس وين دينـا؟

كانت الاضواء مطفيه ومافي الا لمبه صفرا تضوي المكان..

قام بهدوء وغطى رزان ..

طلع من الغرفه وكان البيت ظلام وهادئ..

صعد لجناحه...ودخل غرفة النوم لقاهـا قاعده على المكتب الموجوده عليه اوراقها
ورافعه شعرها كله بمشبك احمر
وتقرأ ..

شكلـها حيل مندمجه بقرائتها..والدليل انها ماحست لـه

وانتوا تعرفوا نذاله سعود لازم يخرعها...مايقدر يترك حركاته...

راح لعندها بهدوء وقرب من الكتاب : وش تقرين

هي شهقت بصوت عالي وسكرت الكتاب على طول ووقفت

وهو يضحك على شكلها وهي تسكر الكتاب وتوقف
مثل تلميذه واقفه بخوف قدام استاذها

دينا: اووووف منك ليش انت نذل هاا
سعود: كيفي
دينا: وربي بيجي يوم ويوقف قلبي واموت

سكت يفكر بجملتها الاخيره ابتسم ببرود وراح جلس عالسرير

وقفت دينا تفكر..انا قلت شئ غلط؟
ماجبت الا طاري الموت

بس سعود ابد مايحب هالطاري...لانه سبب عقدتـه...

((ياللـه شوفوا كيف الاقدار جمعت الدكتوره النفسيه بولد عمها...اللي جاته عقده من بعد وفاة زوجتـه..))

انا وش واجبي تجاه هالقدر؟

اعالجه؟
بس كيف اعالجـه..وهو اساسا مو مقتنع ان عنده مشكله نفسيه
واحتمال مايدري عن هالعقده..

ويتصور انـها مشاعر مؤقته وبتروح...

بس 5 سنوات ماقدر تمسح بسمه من راسه
في هاللحظه اقولها وبكل اقتناع

سعود عنده مشكله نفسيه...كسرته واثرت عليه
وعلى سلوكـه..وخاصه من الجنس الناعم
وانـا اولـهم..

والعلاج ابد ابد ماراح يكون سهل
لو كانت المشكله سهله كان انتهت ونساها من 5 سنين

وخوفه من الموت متأصل داخلـه
مخليه مايفكر مجرد التفكير يعيد تجربه الحب
حتى ماتتكـرر المأساه..


لف لها وشافها تفكر بعمق وطرف القلم بفمها...

في ايش تفكر؟؟
اكيد سالفه خطيره
شـكلها بعالم ثاني..

دينا وهي تروح تجلس جنبه: امممم اقول سعود
سعود: قولي
دينا: انت بكره بتروح الدوام صح؟
سعود: لا
دينا بصدمه: ليش؟
سعود: عمي عطاني اجازه مفتوحه..من العمل
قلت بريح اسبوع اسبوعين بالبيت
دينا: اها
سعود: ليش ودك اروح؟
دينا: امممم بس فكرت انك لو رحت انا بعد برجع للعياده
سعود وهو يقوم: لامافي عياده...وجهزي اغراضك بعد يومين مسافرين

فتحت فمها بذهول...

نسافر؟ انا وسعود؟

حلوووه والله... نكتة الموسم

دينا وهي تروح له: ومن متى هالقرار؟
سعود وهو يطلع التذاكر من الدرج: هديه من اخوك..تذكرتين لماليزيا
دينا وهي ترفع حاجب: متى حجز لنـا؟
سعود: من 5 أيـام...بس اليوم وصلهم لي
دينا: اليوم؟ متى جاء؟
سعود: ماجاء..رسلهم من السايق...حب يسويها مفاجأه
دينا وهي تضحك بسخريه: ولحسن الحظ ماكانت مفاجأه حلوه بالنسبه لكـ
سعود ببرود: بالعكس..مفاجأه وحلووه

استغربت ولفت تطالعه: مفاجأه حلوه؟
سعود: حد تجيه هالسفره ويقول لا؟
هذي ماليزيا اسأليني عنها
دينا: قد رايحها من قبل
سعود: اكيد..
دينا: مدري مفاجأه ماتوقعتها..وماكانت بجدولي
سعود بسخريه: ويادكتوره جدولك المزدحم مايسمح لك تسافرين ولا شلون؟
دينا: سعود..ترى مااحب هالاسلوب..
سعود: شلون يعني..نرمي التذاكر في الزبـاله؟
دينا: مدري نشوف بعدين...

راحت وشالت روب الحمام المعلق ورا الباب..وكانت بتدخل الحمام تسبح

سعود: يامجنونه حد يسبح هالوقت..والله بتموتين برد
دينا وهي تدخل: عادي..

دخلت وكان تهرب منـه..ماتبي تكون معاه بلحظات خطيره مثل هذي بالليل..

تعرفون الليل سره دفين والله يعين العاشقين هع هع هع

المهم العنيده راحت وسبحت رغم ان الجو حيل بارد
صحيح ان المويه كانت دافئه بس من كثر البرد ماتحس بحرارتها..

خلصت بسرعه ولبست روب الحمام...يوم طلعت حست بلفحه هواء بارد..
شئ اكيد لانها طلعت من مكان دافي الى مكان بارد
ومو لابسه غير الروب اللي صار مليان مويه من شعرها ..

ارتجفت شفايفها ... وحست ببرد مو طبيعي

كان هو جالس على المكتب مكان ماكانت قاعده ويشوف اوراقها..
وكتبـها

لما رفع راسه شافها جلست على طرف السرير وترجف..

سعود: شوفي عنادك لوين وصلك...قلت لك الجو بارد لاتسبحين الحين
دينا وهي تحاول تدفي حالها بس بدون فايده: بررد..مو قادره اتحمل ..

كانت تبي تقوم تلبس ثيابها وتشيل روب الحمام المليان مويه بس مو قادره تتحرك..من كثر البرد

سعود: طيب قومي البسي شئ ثقيل
دينا بصوت منخفض وهي ترجف: والله مو قادره برد حييل حييل

لف سعود عالنافذه وانتبه انها مفتوحه والهواء البارد يدخل منها..

قام وقفلها وراح جلس جنبها: ها مادفيتي؟
دينا وشفايفها ترجف: لالا حيل بردانه

كان شكلها بروب الحمام الوردي وشعرها المفرود على اكتافها بعبث .. مره فاتن...

حاول يقاوم شعور الانجداب اللي حسه وهو يطالع شكلها الحلوو
بس صعبه المقاومه
مع بنت مثل دينـا

في النهايه سعود يملك شعور أي رجل ينفتن وينجذب لانثى جميله مثل دينـا

بس لا .. مايبي يتهور .. ويفقد صوابه
ويسوي شئ..مو في الحسبان..

لفت تطالعه بنظره كسيره...يعني بردانه وش اسووي

شد على روب الحمام اللي لابسته وسكره زين من فوق...
وجاب لها بطانيه ولفها عليها...

كان مستغرب من الحركه اللي سواهـا..
بس طلعت كذا بدون تفكير..

دقايق وبعد مادفت قامت دخلت غرفة التبديل ولبست بيجامه بيـج
وفيها من وراها قبعه

لبستها وشعرها صاير على جنب
كان شكلها مثل باربي وشلتها

وهي لابسه القبعه فـ صاير شكلها طفولـي مره

راحت انسدحت عالسرير..

اما هو فتح الدرج وطلـع اوراق وقام يناظرهم
سعود: اف مني كيف نسيتهم..
دينا وهي تطالعه: شفيك؟
سعود: بالشركه عمي قالب الدنيـا على هاالاوراق
اتاريهم عندي وانا ناسي مالت علي
دينا: مو مشكله ارسلهم له
سعود: الله يستر عسى مايعصب يوم يعرف انهم كانوا عندي

سكتت دينـا وهي تفكر..
الكل يخاف من ابـوي
رغم انه طيب وحنون لابعد درجـه
بس يوم يعصب لاحد يقرب

حط الاوراق على جنب حتى يرسلهم بكره..

وطفى الانوار واكتفى بالابجوره المشغله جنبها
وراح انسدح..

دينا لفت تطالعه...ياربي انا ماابي انـام جنبه..
بس وين اروح؟

اقوم واخليـه؟
واذا صارخ علي

بس وين انـام..

عالكنبه لا مستحيـل...

طيب ليش مايقوم هـو ويروح مكان ثاني

دينـا لسبب معين ماتبيه ينام معها على نفس السرير

البنت عندها ظروف نسائيه بحتـه
وتتضايق وهي في هالفتره..

وماودهـا حد ينام معها وجنبها


دينا : اممم اقول سعود
سعود: هلا
دينا: اممم يعني لو تكرمت ممكن تنام اليوم بره الغرفه
سعود وهي يلف لها: رجعنـا على طير يلللي
دينا: اليوم مضطره
سعود: ليش؟
دينا باحراج: مااقدر اقـول
سعود: شوفي قولي اسبابك وبعدين افكر اقوم
دينا وهي منزله راسه: مااقدر اقول..شئ استحي اقوله
سعود بخبث وكأنه عرف: امممم طيب قولي الحرف الاول وبشوف
دينا وهي ميته منه: د
سعود وهو وده يموت من الضحك: والثاني؟
دينا: اووه انت قلت بس حرف واحد
سعود: ماعرفته..قولي الحرف الثاني
دينا باستسلام : و..
سعود: اها قصدك الـدوره الشهـ

دينا قبل لايكمل استحت حيل قامت شالت المخده وطلعت بسرعه من الغرفه..

رغم ان ظهرها يألمها وماتقدر تركض بس غصبا عنها

اما هو ماقدر مايضحك على شكلها

ههههههههههههههههههههههههه هه
هههههههه ويلي منها

فلم هندي وربيي


ههههههههههههههههههههه

الحين هذا عذرها؟
وان شاء الله كل شهر بتسوي نفس السالفه لنا؟

لحووول الله من هالبنت الغريبه

وش فيها يعني اذا نمت جنبها وهي معها هالظرف

بجرح احساسها مالت..

ههههههههههههههههههههههههه

بس شكلها تحفه وربي..

قام سعود بكل شهامه ورجولـه..

وهو ناوي يتصرف تصرف عاقل..

البنت تعبانه وعندها ظرف..

مستحيل ينام عالسرير وهي عالكنب..

طلع لقاها حاظنه مخدتها وواقفه بالزاويه...
ويدها بفمها تفكر..

لما انتبهت له رفعت راسها ورجعت نزلته

سعود: خلاص روحي نامي عالسرير
دينا: وانت؟
سعود: بنام هنـا بالصاله
دينا: اكيد؟
سعود: أي ادخلي

بعد وفسح لها مكان تمر وتدخل..

اما هو فتح واحد من خزاين الموجوده بالصاله اللي فيها مخدات
وبطانيات احتياط..

طلع له فراش وبطانيه ومخده...

ونام عالنكبه..

اما هي ارتاحت ونامت عالسرير...


......................


بجامعة الملـك سعود في عليشه..
كانت مع صديقتها بسوق الجامعه يتمشون

سمر ورهف..
صاحبات امانـي وجوري بالمدرسه

تذكرتوهم؟

اللي صادفتهم اماني بيوم العيد مع خالد في جوفريز..

كانت رهف تدق على خويها ويعطيعا بزي

سمر: يااختي اثقلي خلاص لاتركضي وراه
رهف: اوووه سمر احبه شفيك انتي
سمر: مالت عليك..اي حب هذا اللي يخليك تركضين وراه وتهينين كرامتك
ياغبيه خليك مثلي
رهف: انا اللي بفهمه كيف مطنشه خويك ومع ذلك مصر انه يمشي وراك لاخر لحظه
سمر وهي تغمز لرهف: سر المهنه ياحلـوه..
المهم..بقولـك
رهف: خير؟
سمر: شرايك اليوم بعد مانطلع من الجامعه نروح الكلية اللي فيها جوري واماني
رهف: خدمة المجتمع؟
سمر: ايووه...ها شقلتي؟
رهف وهي تسحب سمر من اذنها: على شنو ناويه يالمجرمه؟
سمر وهي تسرح لبعيد: يااختي اخوها .. من هذاك اليوم داخل مزاجي
رهف: لحوول ردينا على نفس الموضوع
سمر: أي بجيب راسه يعني بجيب راسه مو شغلي
قولي لي وين القى مثله..

فل اوبشن...جمال وعنده واغنياء وثقل وشكله مو راعي سوالف البنات
ياختي خليني انشن عليه واخذه واضمن مستقبلي
رهف: امممم اوكي ياقمر نروح ليش لا...بس خليني اعطي بندوري خبر
سمر: اوووووف مالت عليك وعليه انزين

ومشت عن صديقتها ... اللي ضحكت عليها وتجهزوا حتى يروحوا لاماني وجوري..

......................

بالرياض ننتقل لمكان ثاني..

الساعه 9 صحت جوري وطالعت الساعه...

يالله صباح خير .. اقوم واجهز احسن لي..

قامت جوري واضواء الغرفه مشغله
اكيد اماني صحت..

لفت على سرير اماني شافتها عاطيتها ظهرها وتكلم جوال..

اماني: هههههههههههه الله يرجك....حلوو..طيب ووينك الحين؟....شعندك قاعد بالبيت؟..
اها....ومحاضراتك...
مطنش كالعاده ياخي انتبه لدروسك....
والله محد قالك تدخل اداره اعمال وانت ماتبيه
...يلا وانا اختك تحمل...

عرفت جوري ان اماني تكلم خالد...وتذكرت اللي قرته امس وحست بألم داخلها بقلبها..

اللي عرفته مو هين
صحيح علاقتها مو قويه بخاالد..لكن الحقيقه اللي قرتها بدفتر اماني صعبه على أي شخص..

سكرت اماني وهي مبتسمه وقالت: فديتك ياخوي

لفت شافت جوري تطالعها ونقزت من الخوف: بسم الله جنيه متى صحيتي؟
جوري وهي تتثاوب: من دقايق...شايفتني شبح قدامك هااا
اماني: أي شبح مع هالكشه لو شافها يهودي استسلم...قومي بس غسلي والبسي لايفوتنـا الباص
جوري: ابيك بموضوع بعد مااطلـع
اماني: وش موضوعه؟
جوري: بعدين..
اماني: طيب

استغربت اماني...انتظرت جوري تدخل الحمام تغسل وتلبس...

راحت اماني لعند غلايه المويه: اسوي لك نسكافيه؟
جوري: أي ياليت..وعلى طريقك سوي لي توست مربى
اماني وهي تحط مويه بالاله: عطيتك وجه...قومي هزي طولك وسوي لك..الا ماقلتي لي وش الموضوع؟
جوري وهي تشبك اصابعها ببعض : اممممم مدري كيف ابدأ
اماني: هههههههه الادب من وين نازل عليك تكلمي يالخبله
جوري : اممم اماني بصراحه...انا..انـا
اماني: يؤ...انتي شنو؟
جوري: اووف بقول خلاص....انا قرأت مذكراتك امس بعد مانمتي
اماني وهي تترك اللي بيدها وتروح لجوري بسرعه: شنو؟؟؟؟؟
جوري: انا اسفه بس...جاني فضول
اماني وقلبها يدق بعنف: أي صفحه شفتي؟
جوري وهي تنزل راسها: الاخيره
اماني وهي تشهق: لاااااااااااااا
جوري وهي تقوم وتمسك ذراع بنت خالتها: انا اسفه...سامحيني على لقافتي

اماني دمعت عينها...ماكانت تبي حد غيرها يعرف بحقيقه خالـد..

ماتبي صورته تتغير بعيونهم
وينظرون له بنقص لانه لقيط..
او يشفقون عليـه

جلست عالسرير وهي متضايقه حييل

جوري وهي تجلس جنبها: حبيبتي اماني...انا قريت اللي انتي كاتبته عن خالد
اماني وهي تبكي: أي وشنو بتقولين؟ انك عرفتي انه لقيط؟ وان وجوده بحياتنا مايشرفكم..
(وهي تأشر بوجه جوري) يكون لعلمك ياجوري خالد اخوي وبيكون اخوي لاخر يوم بحياتي

جوري كانت متسغربه ردة فعل اماني..

ليش هالهجوم وهي ماتكلمت ولاقالت شئ عن خالد

جوري: اماني شفيك الله يهداك انـا ماقلت شئ
اماني وهي تحط راسها بين ايدها وتبكي: من خوفي ... اخاف لما تعرفوا تكرهوه..
وخالد طيب يحبكم كلكم...مثل اهله..
لانه يظن ان احنا اهلـه..
ومايدري انه لقيط ماعنده ابو ..
جوري وهي تمسح على شعر اماني: اماني...خالد ماراح يعرف ولا أي حد غيري وغيرك....
اوعدك بهالشئ...
سرك في بير...وخالد مثل اخوي مايهون علي مهما صار
اماني: اكيد جوري؟
جوري ببتسامه: اكيدين يالدبه....بس علميني كيف عرفتي بهالشئ؟

وحكت اماني كل اللي صار يوم العيد لجوري اللي كانت طول الوقت تدمع للي تسمعه..ومذهولـه

جوري: وللحين امه عايشه؟
اماني: للاسف أي....
جوري: وتعرفه؟ وتعرف وين ساكنين؟
اماني: لالا..لو تدري كان جات واخذته
جوري بعصبيه: تاخذه؟ بعد هالسنين...مو من حقها
اماني: مدري ياجوري...انــا خايفه على اخوي..ماابي اخسره..
ماابي ماابي

وبكت .. قربت منها جوري اكثر وخلتها تبكي بحضنها: لاان شاء الله مابيصير هالشئ اموون...
وبعدين ماعرفته هالسنين اللي طافت راح تعرفه الحين؟مستحيل ماراح يصير هالشئ انا واثقه...
اماني: ان شاء الله...
جوري: قومي يلا نشرب قهوتنـا ونمشي للكليه
اماني: اوكي

.......................

خالــد..بعد ماقفل من اماني..

لف على الصور المعلقه على جدران الغرفه بترتيب حلوو..

شاف صوره قديمه عمرها 8 سنوات..
هو مع اماني..ومعاهم امـل..

كانوا بالنمسا .. بالصيف..

قاعدين بمطعم...ومبتسمين ووراهم فؤاد يسوي حركات استهبال عليهم وهم مو شايفينه

هههههههههههه الله يرجك يافؤاد..

والله اني احبكم يااخواني...لاخلا ولاعدم ان شاء الله..

حس بالباب ينفتح...لف شافها امه مبتسمه له...

ام فؤاد: ولدي في شنو سرحان؟
خالد وهو يبوس راسها: هلا بحبيبه ولدها....ابد يمه اطالع هالصور المصرقعه
ام فؤاد وهي تطالع الصور: هههههههه الله يرجه فؤاد..
خالد: هذا شفيه من تزوج مايطلع من الشقه...ليل نهار مطيح عند سموي
ام فؤاد: معاريس جدد يمه .. عادي
خالد: ومتى انا بعرس؟
ام فؤاد: ها خلوود شايف لك شوفه
خالد: مصدقه بعد...الزواج مأجل حتى اشعار اخر
ام فؤاد: انت الله يستر منك...عسى ماتصير مثل خالك مساعد
خالد: والله لاتستبعدين هالشئ...
ام فؤاد: الله يستر...اقول يمه ليه للحين مارحت الجامعه؟
خالد: يمه ماني رايق اليوم للجامعه...
ام فؤاد: ليش يمه شفيك؟
خالد: ماعندي الا محاضره وحده...مابدق مشوار للجامعه علشان محاضره ...خلاص بطنشها...
ام فؤاد: خلوود وجع قوم واترك الكسل
خالد: يممممممه
ام فؤاد: مصمه...ليش هالكسل هااا .. ناس ميته تبي تدخل الجامعه وانت تلعب فيها قوم يلا قدامي
خالد بدلع بنات: بليييز مامي هاليوم بس هههههههه
ام فؤاد وهي تضربه على كتفه: اخ منك انت....هاليوم وبس بكره بتروح
خالد: على هالخشم....

رن جوال خالد بهالوقت وكان فؤاد

خالد: ارحب هلا وغلا
فؤاد وبصوته نوم: هلا خلوود
خالد: بل بل حرام عليك خلصت نوم الشرقيه كلها
فؤاد: شسوي تعباااان
خالد: ها شتبي
فؤاد: وينك بالبيت؟
خالد: أي
فؤاد: يلا ثواني وانا عندك..
خالد: انتظرك...

قام فؤاد وغسل...وكانت اسماء لسه نايمه..لانهم ناموا متأخر امس...
سهرانين على فلـم bandidas

بعد ماصلى وخلص راح لها يصحيها: سمووي سمووي
اسماء وهي تغطي راسها بالبطانيه: امممممم
فؤاد: قومي يالدبه اوديك الجامعه
اسماء: ماابي اروح فؤاد
فؤاد: ليييش؟
اسماء: نعسانه
فؤاد: معليش حياتي...قومي لاتفوتك محاضراتك..ولما ترجعين تعالي ونامي
اسماء: طيب...
فؤاد: يلا انا بروح اسلم على امي وخلوود...وتعالي لي هناك لما تجهزين
اسماء وهي تقوم: طيب...

وهي رايحه بتمشي...سحبها من يدها وباسها على جبينها: احبك يالمعفنه
اسماء وهي تدزه: ههههههههه انت المعفن...
فؤاد: ههههه يلا حبي لاتتأخرين...تراني متأخر عالشغل
اسماء: دقايق روح وانا بلحقك


طلع من شقته وراح للمر اللي يوصل لبيتهم..دخل الصاله ولقى خالد وامه جالسين..

فؤاد: صبحكم لله بالخير
ام فؤاد: صباح النور حبيبي تعال حياك

حب راس امه وجلس جنبها

ام فؤاد: انت ماتقول لي وينك...معنا بنفس البيت ولا نشوفك
فؤاد: مشغوول يمه
ام فؤاد: مشغول عن مرتك وتركها لوحدها المسكينه
فؤاد: لاتفهميني غلط...مشغول معها
خالد وهو يصفق: ياهوووووو يالحركات...اعترف وش تسوي مشغول معها
فؤاد: خلوووود استح على وجهك..لاتتدخل بسوالف المتزوجين
ام فؤاد: هههههه الله يهديكم..مرتك وينها؟
فؤاد: تركتها تلبس..وبتجي وراي
خالد: شكنت تبي مني؟
فؤاد: وراك مارحت الجامعه؟
خالد: مابروح
فؤاد: حلووو اجل روح معاي الشركه...
خالد: اممممممم كم تدفع
فؤاد: مع هالوجه...ماادفع الا قرشين..
خالد: خخخخخ...خلاص نروح
ام فؤاد: ليش يمه يروح معك؟ صاير شئ؟
فؤاد: لايمه كذا جاء على بالي..بما انه قاعد اليوم بالبيت...
ام فؤاد: زين..الله يحنن قلوبكم على بعض ياعيالي...

دخلت بهالوقت اسماء...اللي كانت لابسه عبايتها ومتحجبه بس...

سلمت عليهم ووقفت جنب فؤاد...

اسماء: وشلونك خالتي عساك طيبه
ام فؤاد: ابد يمه...مافي جديد على حطه يدك
اسماء: وانت خالد؟
خالد: اشقح وانطح....
اسماء: هههههه دووم ان شاء الله...ها فؤاد مشينا؟
فؤاد وهو يقوم: يلا مشينـا..(ولف يطالع خالد) انت للحين بثياب البيت يلا تأخرنا
خالد وهو يروح يصعد الدرج: انزين لاتزف...
اسماء: ليش بيروح معنا؟
فؤاد: أي بيروح معاي الشركه
اسماء: حلووو
ام فؤاد: افطروا طيب قبل لاتطلعون
فؤاد: لايمه متأخرين مره ثانيه ان شاء الله
ام فؤاد: وش تبون عالغداء
اسماء: خلاص نجيب من برا واحنا راجعين ارتاحي يمه

ابتسمت لخالتها وراحت تبوس راسها
ام فؤاد: فديتك حبيبتي

طلعوا صعدت اسماء ورا حتى تخلي خالد يجلس قدام...

وصلوها اول للجامعه وبعدها راحوا الدوام...
بشركـة ابو ريان...

خالد وهو يطالع الشركه: يالله حيل تغيرت الشركه...خبري فيها من خمس سنوات
فؤاد: الخير كثير ولله الحمد...وبين فتره وفتره لازم يتغير ديكور الشركه
خالد: الله يزيد ويبارك...وين مكتبك؟
فؤاد: بالدور الثاني...عند مكتب مساعد
خالد: حلوووو ابهبل فيه
فؤاد: لا عز الله بيطردنا ابو ريان..
خالد: عادي قرايب ونمووون
فؤاد: ههههه يلا يلا صعدنا..

صعدوا للدور الثاني اللي فيه مكتب ابوريان نفسه وريان ومساعد وفؤاد...

اما سعود(اللي في اجازه) فـ مكتبه تحت...بعيد عنهم..

وهم يمشوا في الممرات...مروا على عصام وكان معاه واحد من الموظفين...

الموظف: اقول عصام..مو هذا من قرايب المعزب العود؟
عصام وهو يطالع فؤاد: أي هذا من قرايبه...بس مدري من هاللي معاه
الموظف: يمكن بعد يقرب لهم...
عصام: ياشيخ...مسيطرين عالوضع هالشله...مو تاركين لنا الحريه نسوي اللي نبي...
ان سوينا شئ في دقايق الخبر يوصل للمعزب
الموظف: هههههه تبي تلعب بعد اكثر من هاللعب..
عصام: شوف انا مابرتاح الا اذا سويت اللي في بالي..بس ابوريان وقرايبه مسوين لي قلق


راحوا لعند مكتب فؤاد...بس قبل دخلوا مكتب مساعد وماكان موجود...
قالوا يمكن لسه ماوصل..

بعدها دخـلوا المكتب..وجلسوا

خالد: اقول انت اشتغل وانا بسلي نفسي
فؤاد: شوف انا ماجبتك عندي هنـا كذا
خالد: ادري فيك..عندك سالفه
فؤاد: حسيت هالمكان الوحيد اللي اقدر اتكلم معاك فيه بحريه...هناك بالبيت اسماء وامي مااقدر اتكلم وهم موجودين
خالد: شصاير؟
فؤاد: انت اللي قول لي شصاير
خالد باستغراب: انا؟؟!!
فؤاد: تذكر كلامنا يوم عرسي...يوم اسـألك شصاير لك؟ قلت لي الوقت مو مناسب...
خالد وهو يبعد نظره عن اخوه: اها هذا الموضوع..
فؤاد: والوقت يناسبك الحين؟
خالد: عادي...
فؤاد: قولي ياخوي شفيك؟
خالد: فؤاد بصراحه...انــا
فؤاد: انت ايش؟
خالد: انا اتعالج...
فؤاد بخوف: تتعالج؟ انت مريض خلوود

وقام بسرعه وراح لعند اخوه وقعد مقابله..

خالد: اتعالج نفسيا مو جسديا
فؤاد بصدمه: نفسيا؟!!
خالد: عند دينـا..

فؤاد انصدم وسكت...ماعرف وش يقول

خالد: اشوفك منصدم...هذا اللي تبي تعرفه
فؤاد: من متى تروح لها؟
خالد: من فتره..قبل ماتملك ..
فؤاد: وليش؟
خالد: نفسيتي تعبانه وانا اخوك...مدري كاره كل شئ دراستي بيتنا ربعي
فؤاد: انا لاحظت عليك هالشئ حتى استراحات ماعاد تروح مثل قبل
خالد: قلت مالي الا بنت خالتي
فؤاد: واستفدت لما رحت لها؟
خالد: بصراحه كثير...بنت خالتك ماهي هينه...دكتوره قول وفعل
حسيت براحه لما صرت اروح لها...
خلتني افكر في اشياء ماكانت تجي على بالي...
مدري..ودي اكمل جلساتي معها..
فؤاد: وهي متى بترجع للعياده؟
خالد: مدري..
فؤاد: وليش ماقلت لنا وانا اخوك؟
خالد: تعرف امي كيف تخاف...ماكنت ابيها تحاتيني..
فؤاد: أي والله..يلا زين ماسويت...دامك مرتاح كمل بالعلاج..وان شاء الله ازمه وتعدي..
والله يخلي لنـا دينوه..
خالد: هههههههه سعود مايداوم صح؟
فؤاد: لا عمي عطاه اجازه مفتوحه
خالد: من قده...
فؤاد: سمعت من ريان انهم بيسافرون...
خالد: والله وين؟
فؤاد: ماليزيا...بعد 3 يام بيروحون
خالد: بياخذوا رزان ولا؟
فؤاد: لايالخبل بيخلوها عند خالتي...


ماشافوا الا مساعد داخل عليهم...وهو ميت ضحك

جلس عالكرسي وهو ميت من الضحك

خالد: ها الخال شفيك تضحك ضحكنا معاك
مساعد: هههههههههههه بطني ههههههه
فؤاد: لحوول...ترا مكتبي مو للمجانين اطلع اضحك بره ولما تخلص تعال
مساعد: ريان ههههههههههههه
فؤاد: شفيه ريان؟
مساعد: المصعد تعطل جينا نصعد عالدرج...وهو كان مستعجل لان ابوه اتصل يزفه لانه متأخر..ويسرع عالدرج...
وطاح هههههههههههههههههههه
هههههههه
فؤاد,خالد: هههههههههههههههههه
مساعد: وربي شكله وهو يطيح..هههههههههه قسم لو تشوفون مسخره رجال طول بعرض ويطيح...
هههههههههههههه
فؤاد: ههههههههه فاتنـا نص عمرنا

ماسمعوا الا صرخه عالباب

ريان: وجعاه...لو ماكنت خالي كنت ذبحتك..اييي يارجلي ايي

راح ريان وجلس عالكنبه الطويله القريبه منهم...

مساعد: ياخي خليهم يضحكون...هااااا خلووود اشوفك عندنـا...
خالد: ابد مارحت للجامعه .. قلت اجي مع فؤاد..
ريان: والله اني متفشل...اقول خالي من اللي شافني وانا اطيح؟
مساعد: ههههههههه انت لو شفت الهندي كيف مات من الضحك يوم طحت...
ريان: مالت هندي ويضحك...قسم بروح اتذابح معاه..اوووف والله احرااااااج
مساعد: شفت ابوك؟
ريان: معصب ومفول حده .. عطيته الملفات وطلعت عنه..
مساعد: الله يستر...عسى مايصكنا فصل
ريان: هذا اللي قاصر...
فؤاد:بس مصخناها كل يوم تأخير
ريان: يااااااخي شركتنـا مافيها شئ...ابتأخر بكيفي
مساعد: اتحداك تقول هالكلام قدامه قسم يصكك كف ماتدل طريقك بعده
ريان: شوف تراك محطمني من اول الـيوم..خليك بحالك...
فؤاد: والله مو ناقص هالقعده الا سعيدان
مساعد: خلوه مع مرته هالدب..مانبغاه

وبقوا الشباب على سوالف ونسوا الحبايب الشغل...
طلبوا لهم فطور وكملت القعده ضحك وسوالف وابوريان هناك معصب على التسيب اللي مسوينه

........................

كانت تشرح درس نحـوو وتعرب للطالبات جملـه

(( مشيت وسور الحديقه ))

كانت في طالبه تسولف وتسولف من اول الحصه ومو منتبهه للشرح

امل: ايوه عبير يلا قومي اعربي كلمة مشيت
عبير: استاذه ماابي
امل وهي ترمي الطبشور: ليش ان شاء الله؟
عبير: مااعرف
امل: مو حرام عليك...مشيت ماتعرفين اعرابها..
عبي بملل: امممم مبتدأ

ضحكوا البنات على هاالاجابـه..وامل معهم: الحين مشيت صارت مبتـدأ من متى؟
الله يهديك بس...
عبير: استاذه قلت لك مااعرف...
امل: مو مشكله...مشيت فعل ماضي...اوكي لاتنسين؟
عبير بملل: اوكي ابله
امل: ها مو عاجبك كلامي؟
عبير: ماقلت
امل: شوفي ماتبين الحصه..وودك تسولفين الباب يفوت جمل
عبير وهي تقوم: اوكي

وطلعت بكل برود ولاكأنها مسويه شئ

وامل عصبت عليها..بس كملت الشرح وطلعت...

صادفت صديقتها فرح(استاذه التربيه الفنيه)
طالعه من الفصل اللي مقابلها..

فرح: ها عندك حصه بأولى ثاني
امل: اوووووف دوخوني الله يدوخهم

ومشوا جنب بعض متوجهين لغرفه المعلمات...

امل: كنتي انتظار ولاحصه؟
فرح: انتظار...اليوم ماعندي الا الحصه الاخيره..
امل: كويس...اقول فروحه
فرح: هلا قولي
امل: عندك شئ يوم الاربعاء الجاي؟
فرح: امممممم لا مااظن ليش؟
امل: عازمتك عندي بالبيت...
فرح ببتسامه: اممم ماادري ان شاء الله الاقي سياره واجيك..
امل: افا عليك فروحه...خلاص انا ارسل لك سواقنـا
فرح: لافشله امول..عازمتني وترسلين سواقكم
امل:ابذبحك بيوم من الايام..وش فيها يعني..ولا معتبرتني غريبه عنك
فرح: افا عليك ياصديقتي العزيزه
امل: ههههههه احس ان احنا بمسلسل اطفال ..
فرح: ههههههه ..
امل: يلا مشينا وبتيجن لي يوم الاربعاء مو بكيفك
فرح: ههههه خلاص نشوف..

............................

[لامارا]

نروح للريـاض مره ثانيه...وبالتحديد بالناصريه بكليه خدمة المجتمع...

جوري واماني كانوا طالعين من محاضرة البايولوجي...

وينزلون الدرج...

اماني: قسم هاالاستاذه انـا اكرهها..اوووف منها كل اسبوع اختبار...
جوري: شنسوي بعد...الله يعيننا...يلا نروح نفطـر ميته جوع
اماني: ياخوفي تبلعيني بيوم من الجوع
جوري: لاتهذربين كثير

راحوا دخلوا الكافتيريـا واخذوا لهم كودو
..وبعدها جلسوا عالطاوله يسولفون...

ماحسوا الا بثنتين يجون من وراهم

سمر: مو معقوله...اماني وجوري

لفوا الثنتين ...

جوري وهي تقوم: سموووره ورهيف...شهالمفاجأه

وراحت سلمت عليهم وبعدها سلمت عليهم اماني

جوري: حياكم اقعدوا
سمر: ميرسي
اماني: شجايبكم هنـا يالدبيات؟
رهف: والله ابـد ماعندنا اليوم شئ..قلنـا نجي نغير جوو
جوري: ياحيكم والله...والله مفاجأه حلووه...وش علومكم يالقاطعين وش مسويين

اماني ماكانت حابـه وجود هالثنتين لكن يلا تتحملهم..من باب المجامله لااكثر..

اما جوري فـ عادي معهم..بالعكس تضحك وتسولف..

رهف: وها بنات مافي وحده من شلتنا تزوجت ولا ملكت..اعطوني العلوووم
اماني وهي تغمز لجوري: هالحلوه
سمر وهي تلف لجوري: انتي يالخاينه؟ عسى ماملكتي
جوري ببتسامه خجوله: لابس خطوبه
رهف: حركااااات ومن سعيد الحظ
جوري: ناس نعرفهم من زمان..وخوي اخوي فارس بنفس الوقت
سمر بخبث: اها

سمر حطت ببالها دامه صديق اخوها يعني اكيد بينهم علاقه وكلام..

ماتدري ان حب جوري وماجد بالعيون لااكثر..

بنفس الوقت سمر كانت حايسه تبي تاخذ جوال اماني بأي طريقه حتى تنفذ اللي ببالها...

وتاخذ رقم خالـد وتنشن عليـه..

فكرت شوي وهي متوتره..

سمر: امم اقول اماني
اماني: لبيه
سمر وهي تطالع جوال اماني: الله مره حلوه جوالك اشوفه
اماني وهي تعطيه سمر: شوفيه يالغلا..

كان موتورا الوردي,,,

سمر: الله مره حلووه..وهذا فيه بلوتوث
اماني: ايوه...
سمر: عادي افتحه ؟
اماني: أي شدعوه خذي راحتك

ولفت اماني لرهف وجوري وكملوا سوالفهم..

اما سمر فرحانه واخيرا طاح الجوال بيدها..

فتحت عالاسماء...تدور اسمه..

بس احتارت هي وش مسجلـه اسمه عندها...

فيه اسماء مره كثيره...وللحين مامرت على اسم خالـد..
او شئ يدل عليه..

كان اسمه مخزن بطيب القلب..

ماتوقعت سمر انه يكون هو..

خلصت الاسماء..وعصبت سمر..


اوووف وش مسجله رقمه...ياربي شسوي الحين..

لفت اماني على سمر: هااا اشوف احتليتي جوالي عطيتك وجه ههههههه
سمر وهي تسكر الجوال: هههه لا بس عاجبني شكلي باخذ مثلـه..


وبعد السوالف الساعه 12 طلعت رهف وسمر من الكليه..

وهم بالسياره..

رهف: مااخذتي الرقم؟
سمر بعصبيه: اوووف لا ماشفته
رهف: شهالغباء شلون ماشفتيه...يعني معقوله رقم اخوها ومو مخزن عندها...
سمر: وانا شعرفني وش كاتبه اسمه بجوالها....عندها ارقام كثيره...
رهف: وش بتسوين؟
سمر وهي تفكر: خليني افكر..

سكتوا حوالي ربع ساعه وهو واقفين بالاشاره..

سمر وهي تضرب يد بيد: بس لقيتها
رهف: وش؟
سمر: ابكلم عمر (واحد من اصدقائها) ومافي غيره بيجيب لي الرقم...
رهف باهتمام:كيف؟
سمر: شوفي انا اعطيه رقم بيت اماني واخليه يسأل عن خالد...وان شاء الله مايكون موجود..
وبعدها ياخذ رقمه منهم..وخلاص يعطيني اياه...
رهف: وعلى افتراض كان موجود بالبيت؟
سمر: لا بخليه يتصل الصباح..حتى مايكون موجود..وياخذ الرقم..
رهف: خلاص سويها...
سمر: اوكيك..

.............................

فارس بالمحاضره ..حاط جوالـه صامت بس هزاز
والجوال يهز صار لـه ربع ساعه

فارس وهو يقوم: دكتور لو سمحت
الدكتور: ايوه
فارس: ممكن اكلم جوال شوي بره
الدكتور: مهم؟
فارس: أي والله
الدكتور: تفضل ولاتتأخر


طلـع فارس ورد عالهندي المسؤول عن خيوله

فارس: ها وش تبي
الهندي بخوف: بابا فارس
فارس: شصاير ؟
الهندي: هزا خيل مال انته
فارس بسرعه: شفيهم الخيول؟ صار لهم شئ
الهندي: في واحد موت
فارس بصرخه: شنوووووووووووووو


بعد عشر دقايق كان عند بيتهم نزل ركض وراح للاسطبل...

دخل وشاف الهندي زعلان وجالس جنب الخيل الاسود اللي مرمي عاالارض
وحركته ساكنه

قرب فارس على طول وقعد جنب الخيل وهو محتار..

فارس وعينه عالخيل: ماتت؟
الهندي: ايوه بابا...انا في جيب دكتور بيطري يقول هزا موت
فارس وهو يمسح عالخيل: كيف صار طيب؟
الهندي: انا مايدري بابا...يصحى من النوم يشوف هزا خيل موت

جلس فارس عاالارض وهو زعلان ومتضايق..

هالخيل صار له معاه 4 سنوات وتعود عليه ويحبه..

الحين مابقت عنده من الخيول الا الريم...ووحده ثانيه..

فارس بحزن: نادي العمال يشيلوه بره الاسطبل

دخل لبيتهم وثيابه مستسخه لانه جلس عاالارض

سمعت امه وهي بالمطبخ صوت..طلعت للصاله واستغربت يوم شافته

ام سعود: فرووس وش جايبك؟

انتبهت لثيابه المستخه...قربت منه وهي تطالعهم: وش اللي سوى فيك كذا
فارس: ولاشئ
ام سعود: علمني شصاير وش اللي مرجعك هالوقت؟
فارس: واحد من خيولي مات
ام سعود: يوو..اي واحد منهم؟
فارس: الاسود...خساره مات كنت احبه

وقعد عالكنبه وهو متضايق

ام سعود: لاتزعل يمه...خذ لك واحد غيره ماصار شئ
فارس: يمه على بالك سهله اخذ واحد جديد واعلمه وادربه
ام سعود: ...اجل خلاص اللي عندك يكفي
فارس وهو يقوم: انا بروح اسبح...الا سعود وينه؟
ام سعود: مابعد صحى من النوم...روح يمه اسبح وبعدها انزل كل شئ
فارس: ان شاء الله يمه..

وفارس يصعد لقى سعود ينزل من الدرج ابتسم بوجهه
لكن سعود كمل ولاحتى طالع بفارس

فارس: سعود
سعود: تبي شئ؟
فارس: ياخوي ماتسوي تزعل مني خلاص انا وعدتك ان اللي صار مايتكرر
سعود: الرجال قول وفعل ..
فارس: جربني طيب واوعدك اكون فعل...
سعود: وريم؟
فارس: كانت غلطه بحياتي ماراح تتكرر
سعود ببتسامه : وعد؟
فارس وهو يبوس راس اخوه: وعد يابو رزان
سعود وهو يضرب على صدر فارس بفخر: كذا ابيك رجال..واترك عنك البنات ماوراهم الا وجع الراس وانا اخووك
فارس: هههههههههه

وكمل سعود طريقه ينزل الدرج وماانتبه ان غرفه بنته رزان مفتوحه والاضواء داخلها مشغله....

فارس قبل لايدخل غرفته انتبه ودخل...

استغرب!! رزان ماراحت المدرسه؟
غريبه !!

كانت جالسه عالسرير ويدها على خدها..وشكلها حيل زعلانه

فارس وهو يقعد جنبها: زيزي شفيك يالدبه ؟ مارحتي المدرسه
رزان بزعل: ماحد صحاني الصباح
فارس: اماااا...امي ماصحتك؟
رزان: لا حتى بابا وماما دينا ماصحوني..عمي
فارس: هلا حبيبتي
رزان: اخاف استاذتي تصارخ علي لاني مارحت اليووم
فارس: هذا اللي قاصر..لاحبيبتي ماحد بيصارخ عليك..بس غريبه ماحد صحاك..

بهالوقت حسوا بحد يقرب من الغرفه

سعود: رزان !!!
فارس وهو يقوم: الله يهداك من شوي كنت نازل وش رجعك
سعود: شفتك تدخل...قلت اشوف شسالفه
فارس: البنت ماراحت المدرسه اليوم...ليش ماحد صحاها
سعود بعصبيه: ماراحت؟ ليه مارحتي هااا؟
رزان: بابا..انت ماصحيتني
سعود: ودينا ماقعدت الصباح علشان تصحيك؟
رزان بنفي: لا..
سعود بعصبيه: اووووف وش هالحاله انا متزوجها علشان تنام يعني
فارس: ياخي صلي عالنبي .. اللي يسمعك يقول صار لكم سنه متزوجين..
سعود: انت لاتتدخل

طلـع سعود بعصبيه ورقى لجناحه فوق..

اما رزان خافت من عصبية ابوها...

رزان: عميي عميي
فارس: ممممم
رزان: بابا بيهاوش دينا صح؟
فارس: الله يستر..الدم اليوم للركب..اقول لامي احسن خلها تلحق عليهم


دخل سعود غرفتهم وشغل الاضواء...
هي انزعجت وانقلبت عالجهه الثانيه..

سعود بعصبيه وسخريه بنفس الوقت: قومي ياحضرة الدكتوره...كفايه نوم

استغربت وخافت بنفس الوقت.....

قامت وهي فيها النوم وتطالعه: شفيك؟
سعود وهو يقرب لها: وش مافيني...حضرتك نايمه ولا صحيتي رزان للمدرسه..وانا راحت علي نومه بعد
دينا: ماراحت المدرسه؟ طيب انا بعد نمت وماحسيت
سعود: ماشاء الله...اصفق لك على هاالاهتمام انا متزوجك تنامين ولا شنو بالضبط..
من اولها نوم واهمال والبنت راحت عليها دروس..
اوووووف شهالعيشه
دينا وهي تقوم وتوقف بوجهه ومن ورا اسنانها: شوف مااسمح لك تكلمني بهاالاسلوب مثل ماانت راحت عليك نومه انا بعد نفس الشئ..وبعدين لاتحمل الموضوع اكثر من حجمه..خلاص وغابت البنت يوم ماصار شئ الدنيا مااختربت
سعود: لااااااااوالله...خلاص اجل اطلعها من المدرسه واقعدها بالبيت مو ازين بعد؟
دينا وهي تحط يديها على اذنها ماتبي تسمعه: اوووف خلاص انتهى الموضوع ارجووك
سعود وهو يسحبها من ذراعها: شوفي انا اللي فتحت الموضوع وانا اللي اقفله مو انتي فاهمه
دينا : اتركني
سعود وهو يتركها بعنف: اسمعيني..زين يادينووه
دينا بعصبيه: اسمي دينا...مو دينوووه
سعود: دينوه غصبا عنك..هالمره بكسر الشر...بس والله وهذا انتي تسمعيني..اي اهمال واستهتار ماراح اسكت عنك
دينا: ياااشيخ وين قاعدين بمدرسه ولاايش انا شسويت حتى تقول هالكلام
سعود بنفاذ صبر: روحي بره الغرفه قبل لااتهور واذبحك هنـا
دينا وهي تتخصر: انت اللي اطلـع
سعود بعصبيه : دينووووووووه


https://songs2.6arab.com/nabeel_ma-ajberek.ram

ام سعود من وراهم: انت جنيت قاعد تكلم البنت بهالطريقه

لفوا عليها وكان شكلها معصبه

دينا راحت ووقفت ورا خالتها خايفه من عصبيه سعود

سعود: يمه...شجابك هنا؟
ام سعود: صلي عالنبي البنت وغابت يوم ماصار شئ عادي
سعود بعصبيه: يمه...ارجوك لاتتدخلين في حياتنا..انا مع زوجتي نحلها
ام سعود: وش تحل ومافي مشكله من الاساس...ياولدي صلي عالنبي ماصار الا كل خير
سعود: يمه ماتشوفيها ليل نهار نايمه...
دينا وهي تبكي: خالتي والله راحت علي نومه ونسيت اصحي رزان والله ..
ام سعود: مصدقتك يمه
سعود: يعني بتصدقيها وانا ولدك؟..مو كفايه تزوجتها وانا ماابيها..شوفي الحين اهمالها

دينا من سمعت هالطاري صارت دموعها تنزل غزيره ورا بعض

دينا وهي تتقدم وتخلي خالتها وراها وتوقف بوجهه: سكتت عن معاملتك واجد..مو مجبوره اسكت اكثر..هذي خالتي هنـا وشافت كل شئ
رضيت فيك ياولد عمي علشان رزان لاني احبها واعتبرها بنتي اللي ماجبتها...
عطفت عليها وقلت بوافق واتزوجك علشانها..ماابغاها تحس بنقص..
حبيتها وعزيتها واحترمتك واحترمتها...
بس انت ماقدرت هالشئ
ومصر انك تعاملني بكل قسوه وتهينني ..

ماقدرت تكمل لان خالتها حطت يدها على فمها بشويش

ام سعود: خلاص حبيبتي دينـا اطلعي وخلينا
دينا وهي تبكي بين يدين خالتها: حرام ياخالتي..والله حرام انا شسويت له

حضنتها خالتها وبكت بشكل هستيري بحضنها

ام سعود: خلاص دينا انزلي غرفتي وانا اجي وراك..
دينا وهي تطلع: طيب

ام سعود بعد ماطلعت دينا قربت من ولدها: تدري لو ماكنت ولدي الكبير وش سويت لك؟
سعود ببرود: وش سويتي؟
ام سعود وهي ترفع يدها: كنت علمتك وربيتك بهاليد...بس خساره انك ولدي الكبير

سعود انصدم...تربيني؟
ليش انا مو رجال قدامها؟

سعود: يمه وش تقولين انتي...شايفتني بزر قدامك
ام سعود بعصبيه وصراخ: ايوه بزر وش هالتصرفات الغبيه اللي تسويها...البنت ماقصرت معاك..تهتم في بنتك وتحبها وتهتم فيك
سعود بسخريه: تهتم فيني؟ اصلا هي متى قربت مني ولاكلمتني مثل الناس
ام سعود: لانك ماتعطيها فرصه.. البنت احترمتك وسكتت عنك رغم انك تجرحها اكثر من مره قدامنا..
سعود: والله هذا انـا وهذي اخلاقي...تبغاني اوكي ماتبغاني الباب يوسع جمل..
ام سعود عصبت بشكل كبير من سعود: انت من شنو مخلووق.. بتطرد البنت يعني ؟
سعود: مابطردها...بس لو الحياه عندي مو عاجبتها تقدر تتفضل بيت اهلها
ام سعود: شوف ياسعودوه قسما بالله...وتعرفني مااحلف بكذب...لو تزعلها بس مره ثانيه لاانت ولدي ولااعرفك فاهم

طلعت وسكرت الباب بقوتها ..

اما هو معصب لان امه واقفه بصفها ضده...

رمى كل الاغراض اللي على طاولتها عاالارض وقعد عالسرير وراسه بين يديه..
وهو يلهث ومعرق من العصبيه..


دخلت ام سعود غرفتها شافت دينا تبكي بصوت عالي وواقفه بالزاويه..

راحت لها وحضنتها وزاد صياحها اكثر..

ام سعود: خلاص يمه كفايه دموع
دينا بصوت متقطع: خالـ..خالتي..انا احـ .. احب رزان والله .. صد..صدقيني
ام سعود وهي تمسح على شعر دينا: خلاص اهدأي حبيبتي...وامسحيها بوجهي وانا خالتك
دينا : هو ليـ.. ليش يكرهني؟ انا ماسويت له شئ
ام سعود وهي تبعد دينا عن حضنها: دينا تعزيني؟
دينا وهي تنزل راسها ودموعها تطيح غزيره: اكيد
ام سعود: مو انا بحسبه امك؟
دينا: أي
ام سعود: اجل امسحي دموعك يمه علشاني...وحاولي تنسى اللي صار..وترجعين معاه طبيعي
دينا بانفعال: مااقدر...مااقدر..ياخالتي سعود اهاني..سمعتيه بأذنك مايبغاني..
وانا بعداللي صار ماابـي اقعد وياه...
ام سعود: وتزعلين خالتك منك يادينا؟ وتكسرين خاطري؟
دينا: مو بيدي..مااقدر اقعد وياه وهو يكرهني ياخالتي مااقدر
ام سعود: دينا...الكلام اللي قاله سعود بلحظه غضب...لو مايبغاك مااوافق يتزوجك من الاول
دينا وهي تضحك بحزن من تحت دموعها: ياخالتي نضحك على روحنا...انتي وانا نعرف زين انه ماتزوجني الا علشان عمي الله يرحمه ولاهو يحب بسمه وعمره ماراح ينساها..
ام سعود وهي تحط يدها على يد دينا: دينـا...سعود متعقد من موت بسمه للحين...ساعديني يد بيد حتى ينساها ويرجع مثل ماكان قبل
دينا وهي تهز راسها: صعب ينساها صعب...
ام سعود: اعتبريه اول واخر طلب اطلـبه منك دينـا..انتي دكتوره وهو محتاجك...
اتحمليه وساعديه ينساها...طيب اذا مو علشاني ..علشان بنته المسكينه

ماهان عليها تشوف خالتها الطيبه تترجاها...قربت من خالتها وحضنتها بقوه

دينا: انا علشانك وعلشان رزان بسوي أي شئ تبيه
ام سعود بفرح: جد دينا؟
دينا: أي خالتي...بتحمل علشانك بس ..
ام سعود : فديتك دينووه والله احبك وعمري مابنسى اللي تسويه...
والله مافي وحده غيرك بتتحمل مزاجيته وجنونه

دينا ابتسمت بحزن وطلعت...وهي منكسره..
من اول اسبوع بيضربها ويهينها...
كيف بعدين؟
اكيد بيوم بيعصب ويرميني بأغراضي بالحوش
يسويها..

ماكانت تبي تشوفه لذلك نزلت تحت غسلت وجهها ...
ودخلت المطبخ تشرب مويه وتريح شوي من بعد الصياح ...
شافت فارس هنـاك حاولت ماتحط عينها بعينه
حتى مايشوف اثار الدموع...وتنحرج


لكن فارس كان يعرف انها كانت تبكي ..

قرب منها وهي مستحي: دينا...
دينا وهي تلف له: هلا فارس
فارس: مادري وش اقول لكـ..بس انا اسف عاللي سواه سعود...
دينا وهي ترجع تدمع: انت ماسويت شئ..لاتعتذر
فارس: دينا...اعتبري انك ماسمعتي منه شئ..سعود متهور ويقول احيانا كلام مايقصده

طبعا من كثر عصبيه سعود وصوته المرتفع...فارس سمعه وهو بالطابق الثاني...
ورزان حتى ماتشوف وتسمع شئ نزلها المسبح تحت..

دينا: خلاص فارس ماصار شئ
فارس بحيره: مدري شقولك بصراحه...بس مهما صار يادينا ترا كلنا معاك وجنبك..
دينا: مشكور فارس.

تركها وطلـع من المطبخ...وماحست الا بسعود داخـل..
طالعته باحتقار وطلعت من المطبخ..

اما سعود جايته الظاهر حالة تبلد في المشاعر
ولااهتم ولاكأنه مسوي شئ...

اخذ تفاحه وراح يشاهد الاخبار في التلفزيون...

شوي وجاء فارس قعد جنبـه..

فارس: ياخي شهالبرود اللي عندك..البنت ذابحه نفسها من الصياح وانت تاكل تفاح وتطالع الاخبار
سعود وعينه عالتلفزيون:وش اسوي يعني...انتحر علشان ترتاح حضرتها..
فارس: اووووووووف منك...حرام عليك
سعود بعصبيه: فارس ... انقلع وريني عرض اكتافك
فارس: امرك يـا....ياابورزان

بعد ما مشي طالعه سعود بنص عين....فاضيلك انا بعد

وفارس يمشي للمسبح حتى يشوف رزان اللي تركها هنـاك...

رن جوالـه برقم غريب

ياربي شسالفه هاالارقام الغريبه

احم مهم من قــدي

فارس باستهبال: صاحب السمو الملكي فارس يتكلم...... من معاي؟
الطرف الثاني: ههههههههههههههههههههه

فارس انصدم....توقع يطلع واحد من اخوياه ولا حد غلطان..
بس طلعت بنت...

فارس: خخخخ اسف اختي اسف....
البنت: انا اللي اسفه الظاهر غلطانـه
فارس:ليش من بغيتي؟
البنت بدلع: وانت شدخلك؟
فارس: لقافه...يلا من بغيتي
البنت: اقول لايكثر يلا باي
فارس: تعالي تعالي
البنت: هاااااا
فارس: ممكن نتعرف

عاد البنت استحت وسكتت وصدقت روحها

البنت بحيا: وش قلت؟ ماسمعت؟
فارس : قلت نتعرف...بصراحه صوتك دوخني جنني عيشني بدنيا ثانيه

هههههههه اكبر نصاب يافارس

البنت: ياربيييه اسكت انا استحي
فارس:ياااااافديت الحيا انــا... ها نتعرف؟
البنت: امممممم بفكر
فارس: ياعمري مااقدر اصبر...
البنت: خلاص موافقه اوكي
فارس: ياجعلني فدوه لعيونك....بسألك
البنت: تفضل
فارس: سمعتي صوت قطار السعوديه الجديد
البنت باستغراب: لااااا
فارس: اجل اسمعيه زين

وقفل الخط بوجهها تووت توووت....
وهو ميت من الضحك على هبالتها ..

انتبه ان رزان واقفه وتسمعـه..

فارس: هاااااااا شعندها الملقوفه..انقلعي مناك يلا
رزان وهي تغمز: تكلم من؟
فارس: شوف وش تقول...انا اشهد منتي هينه..
رزان ببتسامه خبيثه: وش اسمها؟
فارس: هههههههههه هذي اممم هذي ايييه اخت صديقي اسألها عنه قالت لي مو موجود..
رزان وهي تضربه على بطنه: وليش قلت لها نتعرف..

ضحك عليها وشالها بيرميها في المسبح وهي تضحك بصوت عالـي وترفسه برجليها...

رماها ووقف شوي يطالعها وسرح...
وهو سرحان ماحس الا بحد من وراه يضربه على كتفه بضربات ناعمه وخفيفه...

فارس لف بسرعه لانه كان سرحان وتخرع...

شافها واقفه وزعلانـه..ومبرطمه
وشكلها طالع يجنن...

هو مو مصدق انها قدامـه...هالوقت 3 الظهر...؟؟!!!!
مو من عوايدها تجي بيتهم هالوقت..

وشفيها زعلانه وساكته؟

فارس: ديمووو متى جيتي؟
ديمه: الحين
فارس: ماسمحنا لك تجين بيتنا...اطلعي يلا مانبغاك

هي مشت عنه بتطلـع..وهو مستغرب
هذي صدقت وانـا امزح معها...

شكلها حيل زعلانـه..

فارس وهو يمشي وراها: ديوووم تعالي
ديمه وهي توقف وتلف له: هااا
فارس: امزح يالدبه...شفيك انتي
ديمه وهي تبرطم: صحيح اللي سمعته؟
فارس: وش اللي سمعتيه؟
ديمه: واحد من خيولك ماتوا
فارس: ههههههههههههههههه مالت عليك انا قلت عندك سالفه
ديمه: انت يعني مو زعلان؟ ماعندك احساس؟؟..ماتحس بالخيل المسكين اللي مات وهو لوحده...ماتدري عطشان جوعان زعلان...
مريض صاحي وش يعوره...
ماعنده لاام ولا ابـو ولااخوان

هو ماقدر يتحمل ومات من الضحك

ههههههههههههههههههههههههه هههههههههههه الله يرجك يالمخبوله
هههههههههههههه

فارس: وانا شسوي يعني اروح ابحث عن عائلته واجيبهم له...

ديمه بعصبيه: ياربيييييييه .. ليش هالقسوه؟؟ هذا خيل اليف مات ماله ذنب بدال ماتترحم عليه
فارس: ههههههههههههههههه الله يرحمه.....هههههههههههه خبله انتي ولا شنو بالضبط...خلاص مات وانتهينا
ديمه وهي تلعب بالسوار اللي بيدها: مدري زعلت يوم عرفت....انت مازعلت؟
فارس: فديييت الاحساس انـا وراعيته...الا زعلت بس خلاص مات وش اسوي يعني اعلق صورته بغرفتي وابكي عليه

مشت وصار يمشي جنبها...


فارس: وانتي من وين عرفتي؟
ديمه: سمعت امي وهي تكلم امك وقالت لها وجيت ركض...اي وحده اللي ماتت؟
فارس: عنتر الاسود
ديمه: أييييه الحمدلله
فارس: خبله انتي اقولك عنتر تقولين الحمدلله
ديمه: لاااا على بالي الريــم هي اللي مااتت
فارس: فااااااال الله ولافالـك...لو تموت انتحر
ديمه: خخخخخخ حد ينتحر علشان خيل
فارس: ماااااااالت ..مو هذا اللي من شوي تبغيه...وطايحه فيني عديم احساس وقاسي...
ديمه وهي تسحبه من بلوزتـه السودا: يلا يلا مشينـا للاسطبل

ركضت وهي فرحانه ومبسوطه....اما هو كان يطالعها...ومبتسم

فديت انـا البراءه والطفولـه كلها..
والله حبيتك ياديمووه يالخبله..
جد حبيتك..

وصل للاسطبل..لقاها داخلـه عند الريم..
خيلهم المفضلـه..

وقفوا ساكتين يطالعوها وهي تاكـل...

مد يده يمسح على شعرها بنفس الوقت هي كانت تمد يدها حتى تلمسها واستقرت على يده...

حست باحساس كهربائي مو طبيعي...
لفت تطالعه...كان مبتسم يطالعها..

شالت يدهـا وهي مستحيه بقوه وتنفض يدها...

صحيح هي متعوده تستهبل عليه وتضحك معاه..
بس استحت لان الموقف محرج...

بعدت عنه وجلست على الكرسي اللي بالحديقه والقريب من الريم...

وداخلها تمتزج مشاعر كثيره...

كانت تفكر في اميره...لو شافت هالموقف وش بيكون شعورها؟

بتقتلني؟
بتزعل مني؟

اكيد بتربطني من شعري في اقرب مروحه وبتشغلها..

ياربي انا غبيه....وعيب اللي اسويه
لازم ابعد شوي عن فارس..

بس فارس اخــووي..مااقدر اتعامل معاه برسميه..
ومااقدر اطنشه واحقره...
واعامله وكأنه واحد عادي

لانه باختصار مو عادي بالنسبه لي...

لاني حيل اعزه بالضبط كأنه اخوي مو ولـد عمي...

ياربي انا احترت..

انا ماابي اخسر اميره لانها اخت عزيزه بعد..

احب الاثنين....لهم معزه مميزه بقلبي

بس هي غيوره..
لو شافت اللي صار بتجن مافي شك !!

رفعت راسها لقته جالس على ركبته قدامها..ويعطيها ورده بيضاء صغيره..

ابتسمت لـه واخذتها ببراءه وطيب نيه...

فارس بهمس: تدري ديمه
ديمه ببتسامه روعه: شنو؟
فارس: يعني اممم .... هههه لاتضحكين علي بس..
ديمه: هههههه شفيك فارس
فارس: هالورده ابيك تحطيها بشعرك ورا اذنـك
ديمه باستغراب: ليش؟
فارس: متأكد .. بتطلع احلى بشعرك...
كان ودي احطها بنفسي بس....
بس اكيد مااقدر..

ديمه قامت تلعب فيها وبأوراقها...وهي مبتسمه...

ديمه: خلاص بحطها مثل مابغيت...
فارس: اكيد؟ ولا بترمينها بالزباله؟
ديمه : تتوقع اسويها؟
فارس ببتسامه: لاطبـعا...

بقى يطالعها فتره وهي تطالعه وتبعد نظرها فتره..

ماتدري ليش...في فتره حست ان الاكسجين خلـص..

حست ان نظراته العميقه...تخترقها بحريه..

قامت من الكرسي..وهي تبي تنهي هاللحظه القصيره الطويـله..

فارس مثل اللي صحى من حلم: وين رايحه؟
ديمه: اممم بروح البيت خلاص
فارس: لييش؟ خليك معنا
ديمه: مثلك شايف ماحد موجود لااسماء ولاجوري...مع من اقعد
فارس: معاي
ديمه: معاك؟ تبيني اموت مقتوله

فارس بقلبه: وش قصدها من اموت مقتولـه !!

مادرى انها تقصد اميره المسكينه..
اللي تموت عليه وهو ولا داري وعلى باله ديمو الخبله تحبه


فارس: اختك هنـا يالخبله اقعدي معها
ديمه: رحت لها كانت زعلانه...حسيتها ماتبي تسولف

فارس بقلبه....بلاك ماتعرفين اللي صار ياديووم

ابتسمت له وودعته وراحت سلمت على
اختها وخالتها ورجعت بيتهم..

وهي بالسياره...تفكر في كل اللي صار ...
كيف حطت يدها على يده بالغلط...

وكيف طالعها...وكيف عطاها الورده البيضاء...
وصوته الاقرب للهمس وهو يكلمها..

ياربي وش معنى هذا؟؟

حست وهي تعيد هاللحظات وكأنها تعيشها مره ثانيه بنفس التوتر والبروده اللي كانت تسري فيها..

اااااااه منك يافارس...

ليش تسوي كذا؟
حيرتني معاك..

بس لو اميره شافت اللي صار...بتزعل..
وانـا ماابيها تزعل مني..

اميره اختي وصديقتي...

وغلط اللي صار....انا غلطت وفارس غلط

ضغطت على السيت بيدها وهي تطالع الشارع..

اوووووووووف طيب والحل يعني؟

انـا مااتخيل اني اكون رسميه في تعاملي مع فارس...

بنفس الوقت ماابي اسوي شئ يزعل اميره ..

فرووس كل مره يخليني اسوي اشياء اندم عليها..

انا لازم اكلمه...واتفاهم معاه...

لان مو كل مره تسلم الجره...
خوفي مره تشوفنـا اميره وتفهم شئ غلـط...
وتفسر الموضوع بكيفها

.........................

رجع رامي من مدرسته متأخر لان الباص تعطل بالطريق..

حط يده على جيبه اليمين وهو فرحان...

تلمس الشئ اللي لو شافته امه ولا شافه ابوه بيهاوشوه..

ركض حتى يدخل الغرفه قبل لاتشوفه امه وتحس له...

بس صوتها خلاه يوقف وهو مرتبك...

لطيفه وهي لابسه مريله لانها تطبخ: تعال رامي تعال

جاء وراسه للارض...

لطيفه بشك: شفيك؟
رامي: مافيني شئ ماما
لطيفه: اشوفك تركض للغرفه...فيك شئ؟
رامي: اممم لا ماما انا بس جوعان وتعبان...
لطيفه وهي تطالع ساعتها وتشهق: الله ليش متأخر اليوم ساعه...ياربي كيف غفلت عن الساعه
رامي: تعطل الباص بالطريق ماما..وتعبنا وبررد
لطيفه ببتسامه وهي تمسح على شعره: يابعد عمري..روح يلا بدل ملابسك ونص ساعه على مايوصل ابوك من الدوام ونحط الغداء...
رامي: ليش مابتغدى اليوم تحت معى جدي وجدتي؟
لطيفه ببتسامه: لااليوم لوحدنـا...يلا روح ماما

دخل الغرفه سريع وقفل الباب

اما لطيفه دخلت المطبخ ودقت على ريان

ريان: الووو
لطيفه: هلا حبيبي
ريان: هلا قلبي..شفيك تعبانه؟
لطيفه: لالا مافيني شئ
ريان: واخبار بنتي
لطيفه وهي تحط يدها على بطنها: تسلم عليك
ريان: فديتها متى بس تجي وابوسها
لطيفه: متى حبيبي بتجي؟
ريان: جاء رامي من المدرسه؟
لطيفه: أي توه واصل ....
ريان: خلاص حبـي انا بالطريق قربت من البيت...
لطيفه: انتبه لحالك عمري..
ريان: ان شاء الله
لطيفه: ولاتسرع
ريان: ان شاء الله عمتي..اوامر ثانيه؟
لطيفه: هههههه سلامتك باي



نروح لرامي مره ثانيه...

طلـع الجوال اللي اشتراه له واحد من اصحابـه...

سرق فلوسه من جيب ابوه وهو نايم..

وعطى الفلوس واحد معاه بالمدرسه...وقاله يشتري له جوال وشريحة..

كان يطالع الجوال وهو فرحـان..

كان جديد موديل n70

قام يلعب فيه ويتعلم عليه...

وهو مندمج يلعب فيه....رن

والرنة عاليـه...هو ارتبك ماعرف وش يسوي

اكيد امه بتسمعه....لان الجو بارد ومافي مكيفات
وغرفته قريبه من المطبخ....

وكان المتصل نفس الولد اللي اشترى لرامي الجوال

لطيفه بالمطبخ تركت اللي بيدها وهي كأنها سمعت صوت رنة جوال ولاشئ كذا

طلعت وقربت من غرفة رامي وبالفعل سمعت صوت رنة نوكيا...

جن جنونها....جوال!!!!

طيب يمكن جوالها وماخذه يلعب فيه ليش تظن فيه ظن السوء...

راحت لعند المكتبه اللي بالصاله وشافت جوالها هناك...

لالا مو جوالي....هذا من وين له الجوال

راحت وبجنون دقت عليه الباب...

وهو من ورا الباب ميت خووف...وش يقول لهم اذا سألوه عن الجوال

لطيفه وهي تدق: رامي وجع ان شاء الله افتح
رامي بخوف: ماما وش تبين؟
لطيفه بعصبيه: افتح اقولك...

راح فتح الباب وهو خايف منها....رمى الجوال عالسرير وراح وقف بالزاويه وهو خايف...

سكرت الباب وراها حتى هاني ماينزعج ويصحى من النوم..

لطيفه باستغراب وهي تطالع رامي والجوال: جوال مين هذا؟
رامي بارتباك: اه...اه اممم هذا....
لطيفه: تكلم قبل لااذبحك



رامي صغير...مايعرف يدبر سالفه ويكذب...
وكل اللي سواه من تخطيط صديقه نفسه
اللي اكبر منه بثلاث سنوات...

لطيفه: جوالك؟
رامي وهو ينزل راسه وخايف منها: أي

لطيفه جن جنونها وقعدت عالسرير وهي تاخذ الجوال...

حست بألم ببطنها وظهرها...

لطيفه: انا ان متت بتكون انت السبب....لييييييييش سويت كذا ومن وين جبته

وهو طبعا من الخوف لاجواب

لطيفه بانفعال وصرخه قويه: تكلم...من وين جبته ياجعلك المرض...

على هالصرخه دخل ريان....اللي كان مستغرب ان لطيفه الهادئه تصارخ..

ناذر مايسمع صراخها...راح ركض لغرفه رامي ودخل عليهم

هنا رامي مات رعب....اليوم مذبوح يعني مذبوح

ريان وهو يطالع الاثنين: خير خير ... ليش الصراخ
لطيفه وهي ترمي الجوال عالسرير: ولدك ومصايبه
ريان : وش مسوي؟
لطيفه : هاك شوف وش عنده

وعطته الجوال...

ريان مافهم...

ريان: جوال مين هذا؟
لطيفه: ولدك عنده جوال وخط بعد...واحنا خبر خير ماندري
ريان بصدمه: شنووووووو؟

قرب من ولده:صحيح اللي تقوله امك
رامي بخوف وهو يصيح: عادي بابا...انا ماسويت شئ
ريان: ومن وين جبت فلوسه
رامي وهو خايف ويبعد عن ابوه حتى مايجيه كف: اخذت الفلوس من ثوبك وانت نايم

ريان جن جنونه...ولطيفه انصدمت...

رامي يسرق؟!!
اخر شئ كان متوقع..

ريان بدون شعوره رفع يده وضرب رامي كف رن خده رن ..

لطيفه نزلت راسها..وش تقدر تسوي
اللي سواه ولدها مو شويه

ريان بعصبيه: انا كذا ربيتك؟ ربيتك تسرق ومن ابوك يارامي...
قصرت عليك بحاجه حتى تاخذ فلوس مني وانا اللي ادور الفلوس اللي انسرقت...
واقول اكيد انسرقوا...
تطلع انت اللي سارقهم...
(قرب من ولده وضربه على وجهه) قولي شسوي فيك اذبحك

رامي خلاص ماتحمل وقعد عاالارض وهو خايف ....

هي ماهان عليها...صحيح معصبه منه بس راحت لهم تبي تسحبه قبل لايذبحه ريان..

ريان بعصبيه: خليني اعلمه الادب واربيه
لطيفه وهي تدفه: صلي عالنبي خلاص

وجات بتسحبه بس ريان لسه معصب يبي يفرغ عصبيه في ولده...

سحب منها رامي ودفها بالغلط بدون مايحس وصدمت من ورا بالطاوله..والضربه جاتها قويه بظهرها..

لطيفه وهي تغمض عينها: اييييي

ريان وهو يقرب منها وخايف عليها: لطيفه....وش صابك..ياربيي انا شسويت...اسف حبيبتي ماانتبهت

سحبها للسرير وخلاها تنسدح...

ريان بخوف يمسك يدها: حبيبتي تكلمي....يعورك؟
لطيفه: لاتحاتي .. مافيني شئ..الم وبيروح
ريان: انا الغبي مالت علي...
(ولف لولده) انقلع تحت ولاابي اشوف رقعة وجهك...يلااااااااااااا تحت انقلع

نزل رامي بدموعه تحت لعند جدته....اللي كانت
قاعده بالصاله ومعاها ديمه اللي توها واصله من بيت عمها...
ولسه قاعده بعبايتها...

كان يصيح ووجهه احمر...راح بحضن جدته

ام ريان: يؤيؤ..شفيك رامي تبكي؟
ديمه : يتدلع..بعد شفيه
رامي بعصبيه: انتي اسكتي مااحبك
ديمه: بسم الله الرحمن الرحيم...قل اعوذ برب الفلق شفيك انت جاي ومصعب علينا
ام ريان: اووف منك انتي خلاص اسكتي عن الولد...شفيك حبيبي؟ من زعلك؟
رامي: بابا ضربني
ديمه: تستاهل

ماحست ديمه الا بيد رامي تضربها بقوه على رجلها...

ديمه: قص اللي قص هاليد ياحمار
ام ريان: روحي دارك وفكينا يلا..(وتطالع رامي) ليش ابوك ضربك؟
رامي: لاجواب!!

ماكان يبي يقول لهم لذلك..سكتت جدته عنه ولاسألته اكثر...قالت اكيد مسوي ازعاج وريان عصب وضربه..

رامي وهي يصيح: جدتي جدتي
ام ريان: حبيبي خلاص لاتصيح...قولي وش تبي؟
رامي: ماما فوق تعبانه...
ام ريان: وي بسم الله عليها


قامت وراحت للمصعد حتى تروح للدور الثالث جات معاها ديمه بتشوف لطيفه...

دخلوا شقتهم ماشافوا حد

ديمه: رياااان لطييفه
ريان من غرفه رامي: تعالوا احنا هنا

دخلوا وكانت لطيفه عالسرير وعلى وجهها اثار التعب
وريان قاعد عالسرير جنبها وماسك يدها..

ام ريان وهي تجلس جنبها من الجهه الثانيه: شفيك يمه تعبانه
لطيفه بصوت متعب: لاتحاتين خالتي تعب بسيط بس تعرفين هالحمل متعبني..
ام ريان: يمه ريان شفيها مرتك؟
ريان بضيقه: كله من راميوه ياجعله الماحي..
ديمه: اوووه تراكم ضيعتونـا...قولوا شسالفه

وقص ريان اللي صار لامه واخته..واندهشوا...

ام ريان: لاحول ولاقوه الابالله..وكيف اخذ الفلوس وانتوا ماحسيتوا
ريان: يقول اخذهم وانا نايم...وتلاقين لطيفه تشتغل بالمطبخ ولاتنظف...
ديمه: واشوف الجوال وينه....

مد لها ريان الجوال واخذته وهي تضحك: بعد ان سفنتي مو هين والله
ام ريان: والله انك فاضيه وماصله..
ديمه: هههههههه ابشوف شفيه

فتحت الاستوديو تشوف الملفات...دخلت مقاطع فيديو...وشغلت اول مقطع شافته...

شهقت شهقه قويه وقفلت الجوال ورمته على ريان

ريان باستغراب: شفيك؟
ديمه بارتباك: ها..لا ولاشئ عادي
ريان: ديموووه تكلمي شفيك ليش شهقتي؟
ديمه وهي تمشي: مدري مدري انا بطلع

ركضت ونزلت لتحت قبل ماتقول لهم اللي شافته...

ريان شك...اكيد شايفه شئ مو هين بالجوال...

فتحته وقام يبي يشوف .. راح الرسايل مافي الا رساله وحده من شركة الاتصالات...

راح الاستوديو...مافيه الا مقاطع فيديو..

شغل نفس المقطع...وانصدم

مقطع اباحي؟!!!
بجوال ولدي؟

قام وهو منصدم وعينه عالجوال

لطيفه بخوف: ريان خوفوتنا شفيكم؟ وش شفتوا بالجوال

رمى عليها الجوال ونزل لرامي...

هي شغلت المقطع..وحست انفاسها اختفت...

لامستحيل رامي يشوف هاالاشياء

رامي تربيتي...مستحيل يطلع كذا مستحيل

ام ريان: ياعياااالي شفيكم وش شايفين
لطيفه بصدمه: مقطع..
ام ريان وهي مو فاهمه شئ: وش مقطعه يالطيفه تكلمي
لطيفه : مقطع فيه اشياء وسخه خالتي...

جات لطيفه بتقوم..تبي تلحق على ريان قبل لايموت رامي ويذبحه ...

حست بتعب مو قادره تقوم...

لطيفه وهي تبكي: خالتي تكفين الحقي عليهم .. والله ليذبح الولد

نزلت ام ريان بسرعه تحت...وهي ماتسمع الا صوت ريان مقوم الدينا...

ويضرب رامي...وبعنف

ريان بعصبيه: وصلت فيك المواصيل تحط هاالسخافات بجوالك...ليييش ليييش
ام ريان وهي تمسك ولدها: الولد بيموت ياريان خلاص خليه
ريان: مافيه ابذبحه اليوم...موته على ايدي

ديمه كانت تطالع وخايفه...محتاره وش تسوي..
راحت لعند التلفون..واتصلت على ابوها مافي غيره بيوقف ريان ... ويخليه يترك رامي...

رن وشاله ابوها

ديمه: الو الو يبه
ابوريان: ها الخبله شفيك طايره
ديمه: يبه الحق الحق علينا
ابوريان: شفييييكم؟
ديمه:يبه ريان بيذبح رامي الحق مو قادرين نوقفه
ابوريان: اخوك جن بيذبح ولده
ديمه: يااااايبه انت تعال الله يهداك
ابوريان: مسافة الطريق ..

وصل ابوريان بعد عشر دقايق وريان لسه يضرب رامي ورامي خلاص شبه ميت بين يدين ريان...

وام ريان تبكي وتبي تهدي ريان خايفه على رامي اللي سكنت حركته...وصار مايقاوم ضرب ابوه...

ام ريان : ياريان الولد بيموت..

ماحس الا بأبوه يسحبه من ذراعه بعيد عن رامي

ريان بعصبيه: خليني بذبحه يبه واشرب من دمه هالماصخ..

راحت ام ريان وحضنت رامي اللي وجهه وراسه مليانين دم...

ابوريان بعصبيه: جنيت انت بتذبح ضناك
ريان: بلاك ماتعرف وش سوا
ابوريان: بس تقوم تذبحه اقعد يلا ولااشوفك مقرب منه

راح ابوريان لعند رامي المرمي على الارض وجدته حاضنته: جيبوا له مويه بارده..
ديمه : يبه نوديه المستشفى...شوف الدم اللي ينزفه..

ماحسوا الا بلطيفه تطلع من المصعد وهي تمشي بصعوبه...
يوم شافت رامي عاالارض والدم بوجهه وراسه...
بكت بهستيريه...وقربت منه

لطيفه بصياح: ريان ليش سويت كذا ليييييش ذبحت ولدي ذبحته

..............................

الساعه 6 ونص المغرب

دينـا كانت تتمشى بالحديقه اووف زهق ملل..ابي ارجع عيادتي لشغلي
ليل نهار حكره بهالبيت..

الافندي من تزوجنا ماكلف نفسه يطلعني بره البيت..
اوووف ياربي شسوي بس..

اللهم لااعتراض...

وهي تمشي..لفت عالباب الداخلي شافته ينفتح ويطلع سعود منه..

كان مشخص ومرسم لابس شماغ وثوب

يوم انتبه لها جاء لناحيتها..اما هي طنشت وكملت مشيها وهي عاطته ظهرها..

سعود ببرود: دينـا..
دينا وهي توقف: أي خدمه؟
سعود: لما اكلمك تلفين وتعطيني وجهك مو ظهرك..

لفت له ببرود شديد: امرك ياسعود
سعود: اووووووف شفيك انتي مااحب هاالاسلوب تراني
دينا: اعوذ بالله من غضب الله..ان صارخنا قلت مشكلجيه ان سكتت وكلمتك بهدوء قلت مااحب هاالاسلوب ياخي حيرتني وياك وش اللي يرضيك
سعود: ياحلوه خير الامور الوسط..ماتعرفين هالشئ
دينا: المهم وش تبي؟
سعود: انا طالع بروح لاخوك...تبين شئ
دينا : لا...
سعود: انتبهي لرزان يلا سلااام

وهو بيمشي...تذكرت حاجه: اقول..
سعود وهو يلف: خير؟
دينا: لو سمحت كنسل تذاكر رحلتنا لماليزيا
سعود بدون اهتمام: ليش ان شاء الله؟
دينا بغرور: والله مو جاي على بالي اسافر
سعود: بكيفك..الحين ارجعهم لاخوك...

رقى فوق شال التذاكر وراح لريان بالمقهى اللي دايم يجلسون فيه...اوشيــانــا..


وهو داخل طلب له معسل عنب فاخر وجلس عالطاوله اللي عليها ريان..

ريان: ارررحب ابو الشباب
سعود: شدعوووه يالقاطع...ولاتكلم ولاتسأل
ريان: اوووف اسكت ياسعود اللي فيني كافيني
سعود: شفييك؟
ريان: اليوم صارت سالفه بالبيت
سعود: خير ان شاء الله متهاوش مع الحرمه؟
ريان: لاوالله...رامي..
سعود: رامي شفيه؟؟

وقال ريان كل شئ لاخوه وولد عمه سعود...اللي مايخبي عليه شئ

سعود: انت من جدك تتكلم؟
ريان: أي والله...
سعود: ووديت ولدك المستشفى؟
ريان بضيقه: أبوي اصر الا نوديه ووديناه...
سعود: عسى ماجاه شئ بس؟
ريان: والله من كثر الضرب اللي حصله طاح عاالارض ونزف راسه وخيطوا الجرح وانكسرت يده....اووف حاله
سعود: طوول بالك وانا اخووك..انت الغلطان ليش تتهور وتضربه كذا؟ كنت تفاهمت معاه بعقل
ريان: ياسعود انا ماتحملت اشوف عنده هالخرابيط...
سعود: ياخي اسأل تأكد منت خسران شئ...مو يمكن ماكان يعرف بهالمقاطع..واحتمال الجوال مستعمل وكانت فيه المقاطع من قبل لاياخذه
ريان: مدري انا هذيك اللحظه فارت اعصابي ولاعرفت كيف اتصرف...لاوازيدك من الشعر البيت من حزتها لطيفه ماكلمتني...
سعود: معاها حق الحرمه...ذابح ولدها وتبيها تكلمك
ريان: هو ولدي مثل ماهو ولدها... وهي شافت كل شئ غصبا عني تهورت وطقيته
سعود: الحين انت رووق...ولارجعت البيت تكلم معاها وطيب خاطرها وكلم ولدك بالهداوه..افهم منه ليش سوا كذا...ياخي الصراخ والضرب مو حل...صدقني
ريان: تتوقع؟
سعود: اكيد..

بهالوقت وصل المعسل للاثنين وقاموا يعسلوا برواق ولايعكر مزاجهم شئ...

ريان: الا اقول سعود
سعود: لبيه
ريان: اخبار دينا وياكـ؟

سعود بدون مايرد طلع التذاكر وحطهم عالطاوله

ريان باستغراب: لييش ؟
سعود: تقول ماتبي هالسفر من الاساس
ريان: شلوون؟
سعود: والله مدري...
ريان: مالت عليها من بنت..هذي مدري ليش تعاندني...وانت شسويت لها؟
سعود ببرود: ولاشئ بكيفها هي اللي تبي هالشئ
ريان: انا اوريك فيها
سعود: ياخي اتركها..وبلاش منها هالسفره...
ريان بعصبيه: هي البنت وانت الرجال لازم تسمع كلامك مو بكيفها تقرر وانت ساكت لها
سعود: وخير وش تبيني اسوي؟اذبحها...خلاص بكيفها ماتبي تسافر

ريان سكت وهو يفكر...اوريك يادينووه...الحين جايب لكم هالتذاكر تقومي ترديني...

مسكينه دينا الكل ظالمها...ريان مايعرف ان سعود هاوشها اليوم...
وغسل شراعها..لهالسبب جاتها ردة فعل وماتبي تسافر وياه..
ولاهي مسكينه كانت راضيه وبتسافر...


وفوق هالمعامله الزفته من سعود الا انها صابره تبقى معاه تصلح من حاله وتعالجه وتفك عقدته..
علشان بنته المسكينه...

.................................

#76
cherries_girl
أوزي نشيط




الجنس : Girl
تاريخ التسجيل: Jan 2007
المشاركات: 112 اتصلت له اكثر من مره بس مايرد...بعد ساعتين دق عليها

سمر: ايوووه عمر
عمر: هلا والله سمووره
سمر: اووف عمر ليش ماترد؟
عمر: كنت مشغول والله...هاعلومك اخبارك
سمر: دامي سمعت هالصوت اكيد بخير
عمر: هههههههههه ياهووو يالمصلحجيه .. عارف ورا هالكلام الحلووو سر...
سمر: هههههههههه ماحد غيرك يفهمني فديت قلبك..
عمر: خير ياقمر انت اشر امر تدلل بس...
سمر: يسلموو فديتك..اسمعني عمر...بغيت منك خدمه؟
عمر: بس خدمه؟ قولي خدمااات....
سمر: مشكور...بغيتك تجيب لي رقم..
عمر: رقم؟ رقم مين؟
سمر: والله واحد من العيال...ابعطيك رقم بيته وابيك تدق تسأل عنه وتاخذ رقمه من اهله على اساس انك تبيه بشغله ضروريه
عمر: اممممممم وش اسمه وكم رقم بيتهم اعطيني
سمر: اسمه خالد الـ....
عمر: لاتقولين..هذا من وين عرفتيه يالخطيره؟
سمر: لتكون تعرفه؟
عمر: أي طبعا اعرفه...هذول اكباريه يالمجنونه خليكي بعيده عنه...منتي قده
سمر: ياعمر الولد معجبني....واحلى شئ انه غني ووسيم...وش ابي اكثر ابضمن مستقبلي
عمر: مالت عليك...هذا وجهي كانه عبرك ولاعطاك وجه
سمر: اووووف عموور وجع بتجيب لي الرقم او لا؟
عمر: امري الى الله هاتي رقمهم بس...

اخذ الرقم ووعدها يدق الصبح وياخذ الرقم من اهله

...............................

نرجع للمقهى...سعود استأذن قال انه بيمر على خاله مساعد بالبيت...
وريان بقى شوي بالمقهى...استغل الفرصه ودق على دينا

دينا بصوت متعب: الوو
ريان: ايوه دينا
دينا: ياهلا اخوي هلا والله اخبارك فديتك
ريان: عايشين انتي اخبارك؟
دينا: ماشي الحال...واخبار العيال ولطيفه؟
ريان: والله خليها على الله
دينا: افا...صاير شئ لاسمح الله؟
ريان: مو مهم بعدين اقولك...الا تعالي انتي
دينا بخوف وهي تحس ان مصيبه بالطريق: هلا امر...
ريان: وشلوون تردين التذاكر ها؟الحين انا جايبهم هديه تقومين ترديهم

تنهدت وسكتت...ياربي اموت ولااشقق ثيابي ياناس بالله لو انتوا مكاني وش تسوون..

فوق انه غلطان ومهاوشني اليوم لاني ماصحيت رزان للمدرسه...
وماخلى ولابقى علي وفشلني قدام اهلـه لين قال بس...
رايح وبكل برود قايل لريان اني رفضت التذاكر...

ريان: هاساكته الحبيبه؟ قولي شعندك ليه رافضه؟
دينا وهي تحاول تكون هادئه: معليش ريان انا تعبانه هالفتره مااقدر اسافر
ريان: خلاص دامك تعبانه روحي وغيري جوو..ولاانا غلطان
دينا : أي كلامك صح...بس مو الحين ياخوي...
ريان: لحوول انتي ليش تعانديني...وبعدين سعود زوجك فاهمه يعني شنو زوجك...يعني تسمعين كل اللي يقوله...
دينا : ان شاء الله على امرك .. شئ ثاني؟
ريان: ماابي اسمع اخبار شينه فاهمه؟
دينا: طيب...
ريان: يلا سلمي عالكل باي

وسكر الخط...هي من كثر ماهي متضايقه جلست عاالارض تبكي...
ياربي انا شسويت بحياتي...
ليش رضيت فيه ؟
ليش اسكت عنه واخبي اللي يسويه..
انا مو مجبوره اتحمل عصبيته وعقده النفسيه...

...........................

مساعد راح مع سعود لبيتهم وحب يفاجأ دينا ويسلم عليها...
دخلوا البيت لقوا ام سعود جالسه قدام التلفزيون..

ام سعود بفرح: حيالله من جاء هلا مساعد حياك حبيبي
مساعد: يافديت اللسان الحلوو يانااااااااااااس من قدي انــا ..

وقرب منها مساعد وباسها على راسها: شلونك يالغاليه عساك طيبه؟
ام سعود: طيبه بشوفتك...بس زعلانه منك
مساعد: افااا لييش
ام سعود: سود الله وجهك اختك ولاتزورني الا بالشهر مره
مساعد ,سعود: هههههههههههههههه
سعود: ولهالسبب سحبته سحب وجبته لك...
مساعد: يلا الحين برقى لدينووه فوق وراجع لكم
سعود: اجي معاك الخال؟
مساعد: اضرب ارضك انت وخليك عند امك....
سعود: ههههههههه امرك خالي

رقى مساعد للدور الثالث ودخل جناح دينا وسعود....
مالقى حد بالصاله...انتبه ان باب غرفة النوم مفتوح استحى يدخل...

مساعد: احم احم..

لكن لاجواب...بس سمع صوت تنهيدات وبكي ...

طل من الغرفه لقاها عاالارض وتبكي بحرقه...

على طول دخل ورفعها لحضنه:دينووه شفيك؟
دينا وهي تبكي: تعبت ياخالي تعبت...

حضنها حتى يخفف عنها...وسحبها لبره الصاله وجلسها جنبه...

مساعد بخوف: تكلمي لاتخوفيني...صاير بينكم شئ؟
دينا وهي تمسح دموعها وتحاول تهدأ: تطمن ياخالي
مساعد: شلوون اتطمن وانا اشوفك كذا...طمنيني شفيك؟

قالت له اللي قالته...هو عصب مرره...ونزل طوالي لسعود..

تتوقعون مساعد يرتكب جريمه ويخلص على سعود من كثر عصبيته؟

يمكن..

نزل لتحت ... لما شافه سعود كذا...قال اكيد دينا قايله له شئ...اووف منها ماتخبي شئ
ومسوية لي فيها حافظه اسرار الزوجيه..

مساعد: انت ماتستحي على وجهك
ام سعود : خير خير ياخووي شفيك؟
مساعد: سألي ولدك ..
سعود : خالي صلي عالنبي..
مساعد: اللهم صلي وسلم عليه....مالت عليك هذي سواة تسويها

ام سعود حطت يدها على قلبها...عرفت ان دينا خرت الاكو والماكو لمساعد اللي اكيد ماراح يسكت وراح يقول لابوريان...
ساعتها عاد جد جد بتصير معركه الخندق


ام سعود سحبت مساعد للمجلس وهي تهديه...
وراح معها..

سعود رقى وهو معصب فوق لها...

لقاها جالسه عالكنبه وهي سرحانــه..

سعود كأنه بركان: انتي ماتقولين لي وش تبين؟
دينا وهي تبتسم ببرود: ولاشئ....
سعود: كان ضروري يعني تقولين كل شئ لخالي
دينا وهي تقوم له وتوقف مقابله: لازم ياولد عمي...لازم.
سعود بعصبيه وصراخ: هذي اسرار البيت ومفروض ماحد يعرف عنها...

كانت متوقعه هالعصبيه...مااستغربت منه...
كالعاده جاي ومعصب ولايدري عن هوا داره..

سعود: انا ابفهم وش قلتي له؟
دينا بحزن وانكسار: تبي تعرف وش قلت له؟
سعود وهو يقرب منها ويسحبها من يدها : أي وبعرف ليش تعانديني ومصره تجيبين المشاكل واحنا في غنى عنها
دينا وهي تدمع بصمت: قلت له ياولد عمي...اني بسافر وياك...واترجاك نسافر وانت مو راضي
بس..هذا اللي قلتـه...كذبت عليه حتى مااجيب مشاكل


سحبت ذراعها من يده بعصبيه...وشافت ان يدها صارت حمرا منه..

رفعت راسها تطالعه: شفت كيف اني ماابي صورتك تهتز قدامهم...

نزلت راسها تبكي ورجعت تكمل: يوم شافني ابكي...حاول يعرف مني وش صاير..ماكنت ابي مشاكل قلت له مشكله بسيطه...ودي اسافر وسعود مو راضي لانه مايبي يترك رزان...
لاتتصور اني قلت له انك تعاملني بقسوه ووحشيه...ومو حاط لي أي اعتبار...ومسويني نكره عندك..
وليل نهار تعايرني...وتقولي انك تزوجتني غصبا عنك...
لاتتخيل اني قلت له انك رحت لريان وقلت له اني ماابي اسافر كذا بدون اسباب..
وان ريان اتصل وهاوشني وانا ساكته
ومصره ابقى ساكته....واتحملك
لاتتصور اني اكرهك لهالدرجه ياولد عمي...
هذي وصية عمي وانفذها وبكل اصرار...
اهلي ربوني اكون اصيله حتى للشخص اللي يكرهني...اللي هو انت ياسعود...
بس مابكون مثلك...لا ياسعود...
عارف ليش..
لان مو دينــا اللي تشهر في ولد عمها ..
مو دينا اللي تطلع اسرار بيتها لاي احد..
سعود.. خالتي ترجتني ابقى معك ومع رزان...
مابكسر كلمتها لاني وعدتها...
اببقى..وانت سوي اللي تبيه ماتهمني ..
ولاتهز شعره وحده فيني
وتطمن ماقلت لخالي شئ...ولاشئ


تنهدت بألم ودخلت غرفه النوم وهو مصدوم !!!!!!!!!

دينا تسوي كذا؟!!

لالا انا احلم...ضرب على وجهه ضربات حتى يوعي..
بس هذا علــــم مو حلـم..!!

وانا اللي افكر انهـا قايله لخالي اللي صار بيننا..
بس لا...

حس بأحساس قوي ماحد بالعالم يقدر يقاومه...
تأنيب الضميــر...

جلس عالكنبه غصبا عنه نزلت دمعه من عينه وحس انه ولاشئ...

انه غبي انه ناكر للجميل...انه ظالم...
ظلم البنت وهي تجازيه بالمعروف...

نزل تحت وهو يمشي بخطوات مو ثابته ويفكر بدموعها وتضحيتها لـه...

هـي ليش تضحي؟
ليش مصره تبقى وياه؟
رغم انها ماتحبه ولاتبيه؟

وهو يمشي وسرحان وحالته ماينحسد عليها شاف فارس اللي توه راجع من بره..

فارس وهو يبتسم: الحلووو في شنو سرحان

سعود طالع فارس بعيون فيها من الصدمه والذهول والاستغراب الشئ الكثير...

فارس بخوف: يمه بسم الله...سعود شفيك ياخوي؟
سعود: ماادري...ماادري

طلع سعود وهو يمشي بدون وعـي...
وفارس خايف عليه...

مشى وراه ماتركه

صعد سعود سيارته وصعد جنبه فارس..ومشى سعود بدون مايدري وين يروح بعد اللي سمعه..

...........................


كانت جالسه مع امل واميره اللي ماسكه كتاب الفيزياء على اساس تذاكر بس العقل بمكان ثاني..

امل: اووف سمووري شفيك اليوم
اسماء: ولاشئ
امل وهي تقرب من اسماء: فيك شئ صار لك يومين مو على بعضك...
اسماء بصوت منخفض: بعدين مو الحين

امل وهي تلف لاميره: هيييييييييه انت يالحبيب ياللي سارح بعالم ثاني
اميره: ها....
امل: أي اقول كيف الحال..قومي بس وروحي لغرفتك وذاكري هذي ثانويه عامه مو أي كلام
اميره وهي تتربع عالكنبه: والله كيفي بجلس على قلوووبكم...

امل وهي تقوم وتسحب يد اسماء: بنقوم ونترك لك الصاله بروحك
اميره: يكون افضل....

راحوا الثنيتن وجلسوا بالصاله الثانيه...

امل: قولي لي شفيك؟
اسماء: قلت لك امول ولاشئ
امل: شلون ولاشئ وانا حاسه انك هاليومين مو طبيعيه سرحانه وساكته...حتى الضحكه ماتضحكين مثل العالم
اسماء: مو مني من اللي فيني اموول
امل: وش فيك يابعد عمري انتي.. يابعد اهلي وطوايفي
اسماء: ههههه مو رايقه لك اموول والله
امل: أي تكلمي فضفضي .. طلعي اللي داخلك وارتاحي وانا جدتك
اسماء: والله ان ماعندك ماعند جدتـي لايكثر وقلت لك مافيني شئ..
امل: انتي بتتكلمين ولابهاالابجوره على هالراس
اسماء: اموول انا خايفه
امل: من شنو
اسماء وهي تشبك اصابعها ببعض: من...من ...اووف ياربي خايفه اكون مااجيب عيال
امل: ههههههههههههههههههههههههه ه اقوووول مااااااااالت صحيح ان اللي يتزوج يصير خبل...الحين على بالي عندك سالفه..
اسماء بعصبيه: اووف منك انتي...اقولك اللي فيني تقومين تضحكين صحيح انك مو شئ
امل: ابفهم من وين تجيك هاالافكار السوداء .. يابنت الحلال صلي عالنبي توك متزوجه تهني بعرسك والعيال لاحقه عليهم
اسماء: امول فؤاد يحب العيال ودي افرحه واجيب له...والله اني اشوف الفرحه بعينه يوم اللي يشوف اطفال....ياربي ماودي احرمه من شئ يخليه فرحان..
صدقيني امول احبه...ودي بس افرحه بأي طريقه....
امل: ياربيييييييييه ياربييييييييه اموووت انا عالحب لالا مااقدر امبيه ابي امي ابي ابوي ابي زوجي لا ماني قادره مستحيييييييييل
اسماء: هههههههههههههه

رمت اسماء المخده على وجه امل وقامت عنها..وهي بتطلع من الصاله شافته واقف ومكتف يدينه على صدره ومبستم لها...

عرفت انه سمع كلامهم....ابتسمت له ومشت...
جاء وراها وحط يدينه حول كتفها وقربها لصدره ومشى لقسمهم..

فؤاد وهو يقرب منها ويهمس بأذنها: جد تحبيني؟
اسماء بخجل: مو هنا فؤاد...عيب
فؤاد: حياتي...جاوبيني...تحبيني؟

اسماء كانت مره مستحيه منه لانه يكلمها ويهمس بأذنها برومنسيه قويه وهي متفشله لاتطلع امل ولااميره او حتى خالتها...

دخلوا قسمهم وجلست عالكنبه جلس مقابلها عاالارض على ركبته..
وهو ماسك يدها مثل العاشق المتيم...

فؤاد بهمس: مابتردين يعني
اسماء وهي تحط يدينها على وجهه: أي احبـك..واحبك...لاخر يوم بعمري
فؤاد: يابعد عمري اسماء...وداامك تحبيني ليش مصره على هالسالفه..

قام وجلس جنبها وحط يدينه حول كتفها...

اسماء بحزن وهي تحط راسها على كتفه: ابي افرحك..
فؤاد: ليش مو راضيه تفهمين اني فرحان ومبسوط
اسماء: بس اكيد انك تبي ولد يشيل اسمك ..
فؤاد: أي اكيد ابي...بس مو الحين ابي اعيش معك براحه وهدوء..ولاحقين عالعيال..ولا؟

شالت راسها ولفت له: طيب ابقولك شئ
فؤاد: قولي حبيبتي
اسماء: ليش ماانروح ونفحص؟
فؤاد: اوووه سمووي ازعل يعني؟
اسماء وهي تبوس راسه: وهذي احلى بوسه على احلى راس بس لاتزعل خلاص بسكت...

وحطت يدها على فمها ببراءه..

فؤاد:ههههههههههههه فديت المطيعه

..............................

رجع ريـان البيت وكان ابوه وامه وديمه بالصاله وهاني جالس قريب من التلفزيون ويطالعه..

ريان: السلام عليكم
الكل: وعليكم السلام..
ابوريان: انت وينك ها..وليش جوالك مقفل
ريان وهو تعبان ودايخ: خلص الشحن..

قام هاني وقرب من ابوه: بابا بابا
ريان: هلا حبيبي
هاني: ابي حواوه ديموو الخبله اخذت حواوتي
ديمه:والله ماحد خبل بهالبيت غيرك...
ريان : ديمه عطيه الحلاوه.. وين لطيفه
ام ريان: وين بعد عند ولدها...انت ماتخجل على نفسك ولدك طايح وحالته حالته وهايت لي بالشوارع
ريان: يمه واللي يعافيك بدون شئ انا متضايق من اللي صاير وماابي اسمع شئ
ابوريان: يوم اللي امك تتكلم اسمعها فاهم...يلا روح فوق وشوف ولدك ومرتك...ولاعاد تعاود اللي صار اليوم
ريان بضيقه: امرك يبـه...

رقى فوق .. دخل كل شئ على حالـه...

دخل غرفة رامي لقاها حاضنته ودموعها على خدها وهو نايم بحضنها...

ماهان عليه يشوفها بهالمنظر...قرب منها وضمها لصدره...
هي بكت بصوت عالي وحطت يدينها ورا ظهره..

ريان: خلاص حبيبتي...لاتصيحين
لطيفه: ليش ضربته ياريان كذا ليش...
ريان : غصبا عني حبيبتي ماتحملت اللي سواه..انتي هدي الحين الدموع ماتفيد اللي صار صار...
لطيفه وهي تبعد عنه ودموعها تنزل: هو حكى لي كل شئ...
ريان: وش قال؟؟
لطيفه: قال انه مايعرف شئ عن المقاطع..واللي شرا له الجوال هو اللي حطهم لـه...ريان رامي مايستاهل الضرب اللي ضربته...
ريان: بس غلط يالطيفه انه يسرق مني فلوس ولايقول..ويروح يطلع له رقم وجوال
لطيفه: غلط عن غلط يهون ...
ريان وهو يطالع ولده: متى نـام؟
لطيفه: ابد قبل شوي بس...
ريان وهو يحط يدينه ورا ظهرها : يلا نطلع ونخليه ينـام..

طلعوا وجلسوا بالصاله

ريان: لاصحى من النوم باخذ اسم الولد اللي جاب له الجوال الله لايبارك فيه..وابتصرف
لطيفه: وش بتسوي؟
ريان: بكره تعرفين..بس ماراح اسكت له..والله لاخليه ينفصل من المدرسه
لطيفه: حبيبي مانبي مشاكل
ريان بعصبيه: واللي سواه هين يعني...يعلم رامي على هالمصاخه..لاوالله مابسكت عنه وبخبر حتى اهلـه ..

سكتت لطيفه..كالعاده ماتقدر تقول شئ وريان معصب ..

....................

فارس وسعود من شارع لشارع

فارس: دوخت راسي ارسى لك على بر...
سعود: اتركني بحالي فارس....
فارس: شفيك انت بس قولي انا اخوك ياسعود
سعود: ضايقه فيني هالدنيا والله ياخووي
فارس: عسى ماشر...متهاوش مع حد؟
سعود: لا لا...
فارس: اجــل؟ صار شئ بينك وبين دينـا؟
سعود وهو يتنهد: اااه ياخــوي شقولك بس...خليها على الله...
فارس: ماتبي تقول لي؟
سعود: خلاص مو مهم
فارس: مابجبرك وانا اخوك..ولابضغط عليك بس متى مابغيت تقول لي انا موجود....الحين تأخر الوقت يلا نرجع البيت

رجع سعود الــبيت وهو مو عارف كيف يحط عينه بعينها...
يحس انه بيكون صغير قدامها
وقدام اللي تسويـه...

دخـلوا الصالـه وكان مساعد لسه موجود..

سلم عليه فارس وانسحب بسرعه لداره وبقى سعود

مساعد وهو يقرب لسعود: وين رحت...كنت ابي اكلمك
سعود: عارف اللي بتقولـه..
مساعد وهو يمد يده ويحطها على كتف سعود الايمن: لاتكسر خاطرها وانا خالك دامها تبي تغير جو وتسافر سوي اللي تبيه...
سعود: من عيونـي ياخالي
مساعد: كفوو...اي هذا ولد اختي اللي اعرفه الحين روح وارتاح وانا بروح بعد البيت...
سعود: وين امي...
مساعد: نامت والله...يلا تصبح على خير
سعود: وانت من اهلــه...

طلع مساعد ..

طلعت الخدامه من المطبخ لسعود

الخدامه: بابا سعود
سعود: بغيتي شئ؟
الخدامه: يبي عشا؟
سعود: لا ماابي خلاص روحي نامي
الخدامه: اوكيه بابا
سعود: رزان نامت؟
الخدامه: يس بابا


طفى الاضواء ورقى بتعب لفوق وتحت عينه اثار التعب والتفكير والحيره....

مايدري من جد كيف بيقابلها بعد اللي قالته..

دينا كبيره بأخلاقها بس مين يقدر..

دخل غرفة النــوم كانت تقرأ ولابسه نظاره للقراءه..



سمعت صوت الباب بس ماحبـت ترفع راسها وتشوفه....

سعود: السلام عليكم
دينا وعينها عالكتاب: وعليكم السلام
سعود: امممم لسى صاحيه

طنشته وماردت....

هو احتار قال بيدخل يبدل وبيرجع يكلمها....

دخل غرفه التبديل لبس بيجامه بيضاء ورجع..

سعود: اممممممم وش تقرين؟

رفعت له الكتاب وهي ساكته حتى يشوف عنوانه ورجعت تقرأ

كانت روايـه...(( ذاكرة الجسـد ...لاحلام مستغانمي))

سعود وهو يقرب من مكتبها: امممممم حلوه هالروايه قد قريتها مره
دينا : اها

ماعرف كيف يتصرف...ابد مو عاطيته فرصه ....
حتى راسها ماترفعه من الكتاب...

اوووف وش السواة الحين ياسعود؟؟

اوووف ياربي...انا غلطت..بس غصبا عني
مو بيدي...

احب اهاوشها اعصب عليها..
مو قادر اتحكم بأنفعالاتي وتصرفاتي


سعود: دينــا
دينا: اممم
سعود: انـا...اممم بغيت اقولك شئ
دينا: اسمعك...
سعود: اتركي الكتاب
دينا: لا اسفه بقرأ

راح لعندها وسكر الروايه...قامت ووقفت بوجهه بتحدي: خير؟
سعود: انا اسـف...
دينا: على شنو؟
سعود: على سوء الفهم واللبس اللي صار
دينا بدون اهتمام: عادي
سعود: عادي؟!!
دينا ببتسامه مكسوره: شئ مو جديد عليك...

حس بسكين تنطعن فيه..لهالدرجه انا قاسي؟

اااخ مدري والله مدري

سعود: عالعموم بسألك...تبين تسافرين؟
دينا: مااتوقع لي رأي بهالبيت
سعود: انتي زوجتي الحين مثل مالي رأي لك رايك بعد
دينا: زوجتك بالاسم...سوي اللي تبيه عزيزي...تصبح على خير...

راحت لعند المكتب شالت الروايه وجات بتطلع بس سحبها من يدها...

ضميره لازال متعذب وده بعد يعتذر ويعتذر لين تهدأ نفسه

سعود: وين رايحه؟
دينا وراسها للارض: بخليك تنام...ماابي ازعجك
سعود: ليش مابتنامين؟
دينا: لامو نعسانه بقرأ....ممكن تترك يدي؟

ترك يدها طلعت وسكرت الباب وراها....


هو حـس انه يبي يرجع طفل صغير يبي يبكي بحضن دافي....
يبي يبكي ويبكي لين يرتــاح وماحد يلومه..
ضميره يتألم معذبه حييل
مو عارف يتصرف..

يبي يد تطبطب على ظهره...وقلب يفهمه....
ويخفف عنــه...

تنهد بألــم...

تعبت من الدنيــا....تعبت ابي اموت وارتـاح..
كل ماحاولت اصلح من حالي مافي فايده...

غبائي يهزمني ويخليني اعصب واصارخ بدون شعور....

اااه يادنيــا لييش ماانسى الماضي؟واعيش الحاضر وارتااح...

لين متى بتبقى كل الابواب مقفلــه بوجهي...

نزلت دموع عينــه على خده...بدون مايحس...

سعود طيب وحنون بس الظروف والصدمه العاطفيه لازالت مأثره عليه تخليه ساعه طيب والف ساعه عصبي ويتصرف بدون وعي....

فتح خزانته وطلع صورة بسمه وصارت دموعه تطيح على الصوره...

رغم انه رجال وقوي وماتنزل دموعه ابد..
لكن هاللحظه يحس انه متضايق وضايع..


جلس عالارض بيأس..

انتي السبب يابسمه...انتي
رحتي وعذبتيني...
رحتي وقلبتي حياتي فوق تحت...
مو قادر انساك واعيش حياتي طبيعي...
مو قادر....

احبك واهواك وابي اموت واجي معاك...

دينا من بره الصاله...كانت تفكر ليش الاضواء للحين مشغله؟
ليش مانام؟

انتبهت انها جالسه ببنطلون جنز وبلوزه سبورت...

قامت حتى تدخل الغرفه وتغير ملابسها وتلبس بيجامة نوم وترجع تقرأ...

فتحت الباب بهدوء وانصدمت يوم شافتـه...

جالس عالارض بيأس وبيده ضاغط على البرواز...

واصابعه صايره بيضا بدون دم لانه ضاغط بقوه عالصوره ...

سعود يبكي؟!!!

سعود البركان الهايج العصبي اللي ماحد يقدر يوقف بوجهه ضعيف ويبكي؟

كيـــــف؟!!!

سمعت هلوساته وكلماته وهو يناجي الحلــم الميت...

يناجي الراحلــة اللي لايمكن ترجع

سعود: رحتي .. وغيرتي كل مافيني....(وضحك بسخريه) على بالك نسيتك والحين مرتاح؟
غلطانه يابسمه...
انتي صحيح رحتي بس كسرتيني...
كسرتيني...

حط البرواز عاالارض مقابله بيأس ونزل راسه بين يدينه...

دمعت عينها وهي تشوف هالمنظر...

راحت لعنده بدون تفكير وحطت يدها على راسه...
وجلست عاالارض مقابله....

دينا وهي تبكي: سعود...

لكن سعود لاجواب .... ولازال يبكي لانه مل من المكابره واصطناع القوه اللي مو موجوده....

دينا: لاتبكي....على شئ مستحيل يرجع...
لاتبكي على حلم عشت في ظله فتره وراح....
اكيد انه ينتظرك حلم احلــى....

ماقدر يقاوم كلماتها العذبه وحط راسه بحضنها
....
هي ارتبكت...بس كانت تعرف انه ضايع...من جد ضايع ومكسور...
ووده يطلع اللي بقلبه...
وينزل دموعه اللي بقت فتره طويله متحجره بعينه

ومالقى حد غيري..

خلته يبكي براحته ويدها على راسها وكل ماسمعت تنهيداته المتألمه حست بشئ بقلبها...

ماعرفت تفسره...

شئ قوي مره سيطر عليها...وش هو ماتدري...

كان مرتاح بحضنها ويديها الدافيه تمسح عنه جروح تركتها الدنيا بقلبــه..طول خمس سنين عجز يداويها...


الساعه 8 الصباح...رفعت راسها وحست بألـم...وش اللي صاير؟؟
ليش انا عاالارض ؟

انتبهت ان راس سعود على رجلها..

تذكرت بسرعه اللي صار...وهو بحضنها غمضت عينه ونام وهي من التعب حطت راسها على راسه وغفت....

طالعته شكله مره تعبان وحول عينه هالات سودا...
كان يتنهد بصوت مسموع وهو نايـم...

ماتدري ليش ابتسمت وهي تطالعه...

كان مثل الطفل اللي ينام بحضن امـه..
قمه الهدوء....

اجتاحتها رغبـه قويـه عجزت تفسر منبعها ..
انها تمسح على راسه...

رفعت يدها وهي متردده...

شجاك يادينا؟ وش اللي صابك؟
ليش هالحنيه المفاجأه؟
وش هالمشاعر الغريبه اللي تحسيها...

طردت الافكار اللي تجيها..

لا اكيد لاني شفته امس يبكي بيأس وحسيته محتاج لي..وساعدتــه...

اكيد...اكيد مافي تفسير غيره....

الحين كيف بتقدر تتحرك...
وتقوم...

ماتبي تزعجه وتقومه...
ماصدقت انه هدأ ونام ...

دامه مرتاح خليه .. ماودها تصحيه بعد اللي جاه امس...
كان يوم صعب...من جد عليه...
ولاماكان بكى ....

من حركتها...قام يتحرك...وكأنه بيقوم...بس ماسوى شئ غير انه غير وضعيه راسه..
ومد يده ومسك يدها وحطها فوق راسه
قامت تمسح على راسه وهي مبتسمه...


بالله ابسألكم...
ياجماعه الخير
لقيتوا بطيبه وحنان هالبنت الملاك؟!
مااظن

فديت بطلتنا الحلووه امووواح >>> عايشه بجو القصه خخخخخ

تذكرت رزان...لاتكون ماصحت ياربيييه بنروح فيها..

لازم اصحي سعود حتى انزل اشوف رزان....

دينا بهدوء: سعود ... سعود
سعود وهو مغمض: اممم
دينا: قوم نام عالسرير...يلا

مارد عليها..وبقى نايم على رجلها...

ياربييه والحل....لفت لقت جوالها عالسرير قريب منها سحبته ودقت على تلفون الصالــه....ورد فارس

دينا: قوه فارس
فارس: اللي يقويك دينوو شفيك متصله؟ تعالي انزلي
دينا: مااقدر...بسألك رزان راحت المدرسه ولا؟
فارس: أي تطمني انا صحيتها وراحت
دينا: مشكوور فروس...
فارس: تعالي افطري معي دينوو مامعي حد زهق والله
دينا بخجل: مااقدر
فارس: لييش؟
دينا: امممم سلامتك ولاشئ
فارس بخبث: اعترفي ليش ماتقدرين
دينا: يؤؤؤؤ فرووس اعقل عاد
فارس: هههههههههه ابي اعرف مو شغلي
دينا بصوت منخفض: عيب يالدب روح يلا
فارس: والله مااسكر الا لما تقولين لي

البنت مستحيه وسكتت...وش تقول له؟
تسكر بوجهه؟

فارس: هيييييه انتي اعترفي يلا قبل لااجي واشوف بنفسي...
دينا: ههههههه ياربييه ليش انت ملقوف....
فارس: تراك على فكره تصرفين عالفاتوره واحنا ببيت واحد....فـ قولي وخلصي نفسك يلا..
دينا: ياربي شفيك انت اخوك نايم ماابي ازعجه...
فارس: اهاااا ... اوكيه انا بعرف منه بعدين باااااي مرت اخووي
دينا: ههههه بااي

سكرت وطلت بوجه سعود...

بعده نايم...وهي نعسانه بعد تبي تنام...

عدلت ظهرها وهي تحس انها تعبت من هالقعده من الفجر للحين....

حست له يسحبها ناحيته.. لين صار راسها على راسه....حتى تنام...
غمضت وهي مبتسمه....

..............................
الساعه 9 اتصل رن رن وردت ام فؤاد

عمر: السلام عليكم
ام فؤاد: ياهلا وعليكم السلام
عمر: شلونك ياخاله شخبارك
ام فؤاد: بخير ياولدي امر من بغيت؟
عمر: بغيت خالد لو سمحتي
ام فؤاد: اييه ومن تكون؟
عمر: انا زميله بالجامعه بغيت اكلمه
ام فؤاد: هو بالجامعه ليش انت مو وياه؟
عمر: أي وياه بس ماداومت اليوم ...ودي تعطيني بس ياخاله رقم موبايله ابيه يعطيني شويه محاضرات
ام فؤاد: من عيوني ياولدي خذ الرقم...xxxxxxxxxx
عمر: الف شكر مع السلامه...

ودق على طول لسمر واخذت الرقم وهي طايره بالجووو واخيرا بتحقق اللي ببالها...

............................

صحى الساعه 11 جاء بيرفع راسه بس حس ان راسها على راسها ....قام بشويش...

هي فتحت عينها وهي بعالم ثاني لسه مو فايقه ولاتحس للي حولها

سعود: قومي دينا عالسرير...

لكنها من النعس...مااستوعبت وكانت بتنام عاالارض بس سحبها بهدوء للسرير وخلاها تنام....

نامت بهدوء ملائكي وهي تحط يدينها على بعض وراسها عليهم...

تذكر اللي سوته امس..
احتوته بحنانها...
هدأته وخلته يبكي بحضنها...

تنهد تنهيده وراها الــم...

انا مااستاهلها..!!


طلع من الغرفه بهدوء

نزل تحت طل بغرفه رزان بيشوفها راحت او لا
تطمن يوم ماشافها ونزل للدور الارضي

دخل الصاله ولقى فارس قاعد وعلى رجله اللاب توب

فارس: صح النوم
سعود وهو يقعد مقابل فارس: صح بدنك...ليه مارحت الكليه؟
فارس: اليوم اوف ماعندي....
سعود: اها كويس..امي وينها ؟
فارس: ابد عند الجيران...الا تعال تعال بسألك
سعود: اسأل
فارس بخبث: كلمت دينوو الصبح قلت لها تنزل تفطر معاي مارضت ليش؟
سعود : هههههههههه مالت عليك انقلع بس
فارس: مالت علي اغصان الجنه كش مناك...يلا اعترف بسررعه
سعود: والله كنت نايم على رجلها
فارس وهو يصفر: ياسلاااااااام سلم...حركاااااات حركاات تطوور
سعود: شفت كيف
فارس وهو يقرب من سعود: تحبها يعني
سعود: أي حب انت الثاني...
فارس: ياويلي عالرومنسيه والله ابي اعرس اووف متى بس
سعود: انت ليش ميت عالعرس ياخي ترا بتندم بعدين
فارس: ولابندم ولاشئ...دامي بتزوج اللي احبها بعيش براحه معها
سعود: وفي حد بالبال؟
فارس: الصراحه أي وانا اخووك
سعود: وحده من الخايسات اللي معك؟
فارس: قلت لك انا تبت واللي ابغاها انت تعرفها
سعود: انا؟!!
فارس: أي
سعود: من تطلع؟؟ وحده من بنات خالاتي؟
فارس: أي ديموه
سعود: ههههههههههههههه مااتخيلكم والله
فارس بحزن: لييش
سعود: الخبل والخبله..واذا تزوجتوا وش بتجيبون
فارس بزعل وهو يدنق: اذا تزوجنا...
سعود: وليش ماتتزوجوا...خلها تخلص ثانويه وانت خلص دراستك ونخطبها من عمي
فارس وهو يتنهد: لاتحط ملح عالجرح خلاص سكر الموضوع
سعود: طيب لييش...فهمني
فارس وهو يقوم: سلامتك ياخوي
............................

كان حاط بباله يطلع بدري من الشركه ويرجع لبيتهم بدري ويقعد مع رامي..

لقى امه بالصاله

ام ريان: غريبه...راجع من بدري
ريان: ابد يمه ابقعد مع رامي شوي
ام ريان: عفيه يمه تكلم بهداوه معاه تراه صغير يبي من يفهمه
ريان: امرك يالغاليه...

وهو بيدخل المصعد انفتح باب الصاله ودخلت منه ديموه تسرررع وشغلت التلفزيوون

كانت توها راجعه من المدرسـه

ام ريان: خير خير وكاله من غير بواب
ريان: شفيك انتي طايره هااا عاالاقل سلمي
ديمه وهي تدور القناه: اووف ماشفت امس النومنيه بستار اكاديمي
ريان: الحمدلله والشكر...
ام ريان: وش يعني ديموه؟
ديمه: ياماما ياحياتي ياعمري نومنيه يعني تسميات يحطوها الاساتذه ويختاروا ثلاثه ويطلع واحد منهم يوم الجمعه
ام ريان: اقول يامال الوجع..اتركي عنك هالسخافات وقومي غيري ثيابك
ديمه وهي تحط على قناة نغم ستار اكاديمي: لحووووول 3 اسابيع ورا بعض نيللي وميسون نومنيه...
ام ريان بعصبيه: ديمووه لاتصيرين تافهه وسخيفه وش بتستفيدين من هالبرنامج؟
ديمه: بس حماس وتشجيع ماماتي...ها وش ناويين تسوون اليوم؟
ام ريان: عادي مثل كل يوم
ديمه وهي تقعد جنب امها: اووه ماي قاد....اليوم الاربعاء ومثل كل يوم؟!!
ام ريان: اقول ديمه حبيبتي روحي غرفتك قبل لاااتهور واذبحك..(وبصرخه قويه) قومي جننتيني لابارك الله فيك
ديمه وهي تقوم وتشيل شنطتها: انزين لاتزفين مامي

نروح لريان اللي لقى لطيفه تأكل رامي بغرفته...

ابتسم لرامي وجلس جنبه

رامي كان لسه خايف ومو قادر يرفع راسه ويطالع ابوه...

ريان: كيف صرت اليوم رامي؟
رامي بخوف: زين
ريان: أي اهم شئ....خلينا لطيفه بروحنا
لطيفه: بروحكم؟ لييش ؟
ريان: خلاص خلينا وبعدين اقول لك..

قامت طلعت وسكرت وراها الباب..

ريان: ليش خايف؟ طالعني وانا اكلمك
رامي: بابا....انا اسف
ريان ببتسامه: انا اللي اسف عاللي صار...بس ابيك الحين تخبرني بكل القصه من بدايتها لنهايتها...ولاتخبي عني شئ
رامي: طيب بابا..
ريان: كيف تعرفت عليه؟
رامي: انا تعرفت على متعب من سنه وهو اكبر مني بثلاث سنوات
ريان: اها يعني بصف سادس
رامي: أي...سألني مره ليش ماعندي جوال وكل اصحابي عندهم..قلت له بابا يقول اذا رحت متوسط بياخذ لي واحد
ريان: حلوو وبعدين؟؟
رامي: قال لي ماعليك من ابوك....انت لازم تشتري جوال قلت له مامعي فلوس...
ريان: اهاا فـ قال لك روح واسرق الفلوس ؟
رامي: أي واخذت منك الفلوس...وراح جاب لي رقم وجوال
ريان: والمقاطع يارامي اللي شفتهم بالجوال؟
رامي: بابا...متعب هو اللي قال لي بحط لك مقاطع حلووه...وماشفتهم ولااعرف وش فيهم
ريان وهو يطبطب على كتف رامي: ولايهمك يابابا...انا بكره ابتصرف
رامي وهو يرفع راسه: بابا....متعب صديقي لاتهاوشه
ريان: من اليوم وطالع ماابيك حتى تحط عينك بعينه...
رامي بزعل: بس هو صديقي
ريان: اووووووف رامي شقلنا...خلاص لاتكثر كلام.. الولد منحرف ماابيك تماشيه
رامي بخضوع: اوكي بابا

.......................

كان يتغدى معاهم وسوالف وضحك ماتخلص....

ام فؤاد: الله يرجك يامساعد
مساعد: هههههههههههه اسمعوا بعد وحده ثانيه...في دفتر يتمشى لييش
امل: لييش؟
مساعد: فاااااضي
اميره: هههههههههههههههه حلووه
ام فؤاد: اقول يمه امل
امل: لبيه يالغاليه
ام فؤاد: شصار مع خويتك اللي بتجينا(وتلف تطالع مساعد اللي شك بالموضوع)
امل وعينها على خالها: مين فروحه؟ اليوم بتجيني

طار قلبه يوم تذكرها....فروحه ماغيرها

مساعد بلهفه: متى بتجي؟
امل وهي تغمز: هالحبيب اشوفك واجد مهتم
مساعد: مين انا؟ اصلا ولاعلى بالي بس صديقه بنت اختي لازم بهتم فيها
امل: ايييييه هين لايطيح السقف علينا من الكذب بس...
ام فؤاد: ههههههههههههه ياخوي انا بشوف البنت اليوم وخالاتك بيشوفوها بعد...وكان عجبتنا نخطبها لك شقلت؟
مساعد: لحوووووول ابعرف انتوا الحريم ماعندكم سالفه غير الخطوبه والعرس..خلاااص اعتقووني لوجه الله
ام فؤاد: شدعووه..من شوي ميت عالبنت وتسأل عنها
مساعد: انا كيف اخطبها وحتى شكلها مااعرفه...
امل: مالت على ابليس...هذا عذر؟ في شئ اسمه النظره الشرعيه ولاماوصلك الاختراع
مساعد: لاوالله تصدقين ماوصلني
امل: اجل ارسل لي مسج اذا وصل
مساعد: تستهبلين مع هالكشه
اميره: عاشووو عاشووو بيتهاوشوا وبقضي عالغداء ياهوووو

وقامت اميره تاكل بسرررعه لانها مواعده ديمه عالماسنجر...

ام ريان: خلاص انتهينا يامساعد....البنت وبشوفها لاتحاول
مساعد: وانا بشوفها
امل: حيرتنا معك....ليش السالفه لعب...بتشوفها وانت ماتبي تعرس..حدد موقف بسررعه
مساعد: بفكرر
امل: اوووووووف منك والله لو ماكنت خالي قمت وطقيتك...البنت لاتطييير ارجووووك ماتتفووت
مساعد يبي يحر ويعصب امل: ابفكر وافكر حتى اشعار اخر...
امل وهي تقوم: اقول شكلك ماتبي وملزم على رايك...خلاص البنت وبتطير بعدين مو تتحسف
مساعد بتردد: ها؟ شلون يعني؟
امل بنذاله: البنت حد من قرايبها متقدم يخطبها..اذا مااستعجلنا تراها بتطيير

طبعا هذي كذبه من امل حتى بس يستعجل ويوافق

سكت وهو يفكر...هو ماينكر اسلوبها الرقيق شده لها...
احترامها الباين عليها بعد عجبـه.. بس لازال متردد...

ام فؤاد بداخلها تحس انه قرب يوافق بس متردد..

مساعد قام وراح بدون مايتكلم...وفكره مشغول..
مايبي يستعجل ويشوفها وبعدين يندم وماياخذ البنت...

بنفس الوقت مبدئيا اعجبتـه ..

جات وراه امول وهي تعطيه المنشفه ..
اخذها ونشف يده بعد ماغسلها...

امل: اممممممم فكرت؟
مساعد وهو يلف لها: امول طيب قولي لي كيف شكلها؟
امل: وصف ماراح اوصفها
مساعد: لحووول منك...طيب تشابه مين من الممثلات
امل: خخخخخخخخخ جنيت وقعدت ياخالي
مساعد: لاجد ماتشابه حد....
امل: اممممممممم مدري
مساعد: يعني ياغبيه تشابه بريتني بنعومتها ولا تشابه انجلينا جولي بأنوثتها ولا بياونسيه بسمارها الحلوو
امل وهي تتخصر: لاااااوالله ... كمل بعد
مساعد وهو يضربها على راسها: قولي لي وشجعيني يمكن اوافق
امل: اوووف انا بتحملك وعندي احساس كبير انك من نصيبها وانها من نصيبك..
مساعد: طيب قوولي وخلصيني
امل: بصراحه هي حلووه
مساعد: كيف يعني؟
امل: خلاص حلوه وبس
مساعد: ادري انها حلوه اجل بتخطبوا لي وحده شينه .. بس كيف حلاوتها؟
امل : عطيتك وووجه يلا بس منــاك تبيها اهلاوسهلا ماتبيها انت الخسران صدقني مابتلاقي مثلها...

راحت وتركته بحيرته..

واتصلت لخالاتها وبنات خالاتها تعزمهم الليله ببيتهم حتى يشوفوا فرح ويتعرفوا عليها
لانها حاسه ان خالها بيوافق بس انـه شووي متردد

...........................

الساعه 4 قامت من النـوم وهي تعبانـه...


دخلت سبحت وطلعت من غرفتهم..ماشافته..

اكيد تحت مع بنتـه وامـه..

جلست عالكنبـه وكانت لابسه مثل الثوب القصير القطني كات ولعند ركبتها

رغم ان الجوو بارد واللي لابسته مو وقته .. الا انها متعوده تحط لها كريم عطري بعد الحمام...ونست تحطه وهي بالحمام...

وهي مشغولـه..دخل وهو مبتسم شكل الاخ مروق اليـوم...

يوم شافها كذا..وقف فجأه يطالعها ...
قامت تطالعه هي بعد...

وهي ناسيـه انها بلبس شوي عاري وماقد شافها فيه من قبـل...

بعد ثواني من نظرات متبادلـه..انتبهت...
تركت الكريم عالكنبـه وقامت بتدخل الغرفـه...

قبل لاتسكر الباب كان جنبـها وسحبها من ذراعها...

دينا وراسها للارض: بروح البس...
سعود : ليش قمتي؟
دينا: اممم قلت لك بلبس..
سعود: دينا انا زوجك الحين .. الحيا لازم مايكون بينا..

بعدها شوي وقام يطالع اللي لابسته: وشئ عادي لما تلبسين هاالاشياء...ولاانا غلطان

ماتت مكانها...اليوم صاير مره جريء...وانا مااتحمل كذا....

بس كان احساس حلو يخالجها وهو قريب منها وماسك يدها ويكلمها بهدوء...

دخلت الغرفه ودخل وراها وسكر البـاب...

كانت بتدخـل غرفة التبديل بس اصر يكلمها...

دينا بخجل: طيب دقايق بس ابدل واجيك
سعود: انتي عنيده...طيب يلا روحي لاتموتين علينـا...عالعموم نتكلم بعدين انا بطلـع الحين شوي
دينا وهي تلف له: وين بتروح؟
سعود: يهمك؟
دينا وهي تصطنع البرود: ابدا الله معاكـ...

دخلت الغرفه سكرت الباب وتسندت عليه...

هذا مصدق حالـه...عمرك ماهميتني ولاراح تهمني بيوم...

ابتسمت بسخريه وغيرت ملابسها...

اما هو كان محتار من تصرفاتها...

ساعه تكون طيبه مثل البارحه يوم احتوته بحنانها وساعه مغروره متغطرسه مثل هاللحظه


بدل ملابسه اخذ جواله وبوكه والمفاتيح وطلـع راح البنـك....

بعد ساعتين ونـص...اتصلت فيه جوري

سعود: هلا والله
جوري: هلا سعود اخبارك؟
سعود: الحمدلله انتي علومك شخبارك؟
جوري: والله ماشي الحال
سعود: وينك بالرياض ولا؟
جوري: تونا وصلنا بس الشرقيه....وهذي نزلتي من الباص...تقدر تمرني السواق مع امي بالسوق...
سعود: اممم وفرووس ؟
جوري: مايرد الخبل مدري لييش ...
سعود: ولايهمك يالدبه دقايق واجيك
جوري: تسلم لي حبيبي يلا انتظرك...

وجاء سعود واخذها مع اماني .. نزل اماني ببيتهم وراح مع اخته لبيتهم..

وهم يدخلون للصاله كانت دينـا تكلم تلفون...

دينا وهي تطالع جوري وتبتسم: ايوه اخوي...اوكي خليها معجنات مشكلـه...اممم..ايووه ايووه....كيف الاسعار.....100 و200 ؟؟
تييب...خلاص خليها اجل 200 ايي ....متى تجهز طيب؟.....خلاص 8 نمر ناخذهم ... خلاص شكرا مع السلامه...

سكرت وقامت سلمت على جوري ..

سعود : وش معجناته؟ من تكلمين؟
دينا وهي تلف له: المخبز...موصيته على شوية معجنات مشكله
جوري : حق شنو دينوو؟ شصاير عندكم؟ امي بالسوق وانتي موصيه على معجنات
دينا: ابد ولاشئ..بس خالتي ام فؤاد مسويه عزيمه...بس مو أي عزيمه
جوري: خاااااااااااااااينين وانا اخر من يعلم...ليش ماقلتوا لي؟ وشلون اروح وانا كذا حالتي حاله..
خياس وتعب من الباص اوووف
دينا: ههههههه نو بروبلم روحي اسبحي...
جوري: ماقلتي لي ليش هالعزيمه مميزه؟
دينا وهي تسحب جوري وتقعد: عازمين فيها وحده من صديقات امول ...
جوري: يعني؟
دينا: يالدبه..يبون يخطبونها لخالي...
جوري وهي تضرب على صدرها: شلوووووووون لاوالله ماتخطوبها قبل مااشوفها واقتنع فيها واوافق عليها...
سعود: وانتي شدخلك..
جوري : شلون شدخلني...هذا خالي مساعد مو أي كلام....

اخذت اغراضها سررريع وراحت لعند المصعد..

جوري: يلا اسبح واجهز ونرووح سوا...مو تروحين عني
دينا: افكورس نت..يلا روحي بسرعه

بعد ماصعدت جوري بقوا لوحدهم .. هالشئ اللي يوترها بشكل كبيير ماتقدر تتحملـه...

لفت تطالعه...كان مسند كوعين يدينه على رجلـه وحاط يده على خده يطالعها...

دينـا ببرود وسخريه: ها شفيك تطالعني كذا؟
سعود: معجب
دينا: هههههههههههههههه
سعود: وين رزان مااشوفها؟
دينا: مارضت تترك خالتي الا تروح معها السوق...
سعود: ليه مارحتي معهم؟
دينا: لا مالي خلق..يلا بقوم اجهز انـا
سعود: واقعد بروحي...؟
دينا: يؤؤ...ليش بتضيع من دوني يعني.. اذا تبي تعال معي...
سعود وهو يقوم: يلا
صعدوا فوق...فتحت خزانتها واحتارت وش تلبس...

طلعت بدلـه سوداء تنوره قصيره وجاكيت جلـد..

طالعتها بعدم اقتناع... رمتها عالسرير وطالعت وحده عنابيـه مره انيقه بنطلون...وقميص ..

اووف وش البس انا الحين..

تركتها بعد وطلعت وحده بيضاء وفيها ورود صغار ...

جلست عالسرير وهي محتاره...

سعود: كل هالثياب ومحتاره وش تلبسين

كانت عاطيته ظهرها...وتقول بقلبها..وانت شدخلـك؟

حست له يجي لعندها ويطالع بثيابها...

سحب بدلـه بنيـه هديه من وحده من صديقاتها ولا مره لبستها...

كانت قميص طويل وتحته بنطلون من فوق ضيق ويتوسع لتحت...
وعالخصر حزام كبير اسود فيه كرستاله بيضاء بالوسط...

سعود: هذي حلــووه
دينا وهي تطالعها: امممممم مدري
سعود: جربيها طيب..

اخذتها ولبستها وطلعت له...

كان يحوس بجوالـه .حس فيها بس عطاها طنـاش

هي محتاره تبيه يشوف البدله ويعطيها رايها...
لانها متردده..

دينا : اممم اقول سعود
سعود وعينه بالجوال: امم؟؟
دينا: ممكن تطالعني
سعود وهو حاقرها: لا...مشغول شوي
دينا: اوووف انا الغلطانه اللي عاطيتك وجـه

تـركت الثياب اللي كانت بيدها وطلـعت من الغرفه وهي معصبه...

وقفت برا جناحهم محتاره...انا ليش مهتمه بمعاملته بالطقاق يسوي اللي يبيه
اوووف والله اني غبيـه وعاطيته وجـه..

اروح لجوري ابـرك لي..

..................

في بيت ام فؤاد..كل شئ جاهز ومرتب من حلويات وقهوه وشاي والعشاء طبعا..

نزلت امول من الدرج وهي تطالع ساعتها...

ام فؤاد: الساعه كم بتجي فرح؟
امل: قالت 8..
ام فؤاد: ايه الله يحييها...
امل: يمه وين خالاتي الله يبارك فيهم..مايصير تجي البنت وهم ماوصلوا..
ام فؤاد: لاتحاتين جايين بالطريق..ها خواتك وين؟
امل: اماني تقول تعبانه وبتنام واميره تلبس...

بهالوقت دخل خالد وبيده سجاره..
مايدري ليش حس بحاجه للتدخين رغم انه قاطعه من فتره...

ام فؤاد وهي تروح له: اوووف رجعنا للتدخين ياخــالد
خالد: يمه بس وحده ماتأثر
امل: يع الله يقرفك اطلع لاتخيس لنا المكان
خالد: ها اشوفكم كاشخين شسالفه؟
امل: والله عندنا عزيييمه يلا يلا اطلع اووف منك خيستنا
خالد: والله بقعد معكم مافيها شئ
ام فؤاد: قوم يمه بيجون خالاتك الحين
خالد: عاادي بقعد معكم
ام فؤاد: شلون تقعد في بنت بتجي
خالد : ومن هالبنت بعد؟
امل: يالقافتك اللي ماتخلص ياخي خطيبة خالي...
خالد: الله واكبر خطيبته مره وحده من متى وافق والله حركاااات

امل وهي تروح له وتسحبه من بلوزته: بره يلا وبلا كثرة حكي
خالد: هههههههه يالخبله اتركيني...

تركته ورقى فوق .. طفى الزقاره بالطفايه وقام يحك راسه وهو يطالع يمين ويسار..

زهق طفش روتيين شهالحاله ياربي...
اووووووف شسوي الحين؟
مالي قعده بالبيت
شسوي اقعد وسط الحريم...
اروح لفؤاد؟
لا مالي خلق

طالع غرفة اماني...وابتسم
ماشفتها الخبله من رجعت اشوف علومها..

دق الباب مرتين بس ماردت عليه...

فتح الباب بشويش لقاها منسدحه عالسرير وسماعات الجوال بأذنها تسمع اغاني..

يوم شافته شالت السماعات وابتسمت ابتسامه عريضه...

خالد وهو يجلس عالسرير مقابلها: ياهووو ابتسامات كرست ...
اماني: ههههههه وحشتني يالدب اخباارك
خالد: والله مافي جديد يااختي حياة ممله
اماني باهتمام: افا خلوود ليش عاد فديتك
خالد: ماعليك مني انتي اخبارك شمسويه بالجامعه..تذاكرين هناك ولا لعب وسوالف؟
اماني: والله تبي الصراحه هيك وهيك
خالد: انتي الله يستر منك ماحد معاك بالرياض مدري عنك وش تسوين...الا تعالي ليش قاعده بغرفتك ورا ماتنزلين تحت بيجون خالاتك
اماني: أي ادري بس تعبانه حيل والله بنام
خالد وهو يقوم: خلاص اجل اخليك
اماني: وين وين خليك خالد ماشبعت منك

سكت خالد وهو يطالعها...اماني واجد متغيره..للافضل طبعا..

معاملتها لي احسها صايره غير...كثير تهتم فيني..

انا ماانكر اماني طيوبه حيل بس ماكانت تبين هالشئ ولاتهتم كثير..
الحين احسها عقلت شوي اسلوبها صار انضج..
صارت تهتم وتعاملني بطريقه مختلفه عن قبل..

هي كذا ولا انا اتخيل اشياء مو موجوده..؟

خالد وهو يرجع يجلس: اقول امون
اماني: هلا لبيه
خالد: ليه احس معاملتك لي متغيره عن قبل؟
اماني: انا؟؟؟
خالد: اجل انــا..
اماني وهي تشيل عيونها من عينه: لا ابد يتهيأ لك..
خالد: لا مايتهيأ لي...فيك شئ انا مااعرفه؟
اماني بحزن: لا
خالد: ونظره هالحزن اللي بعيونك؟
اماني ببتسامه مصطنعه: تطمن ياخوي مافيني الا كل خير...ومعاملتي ماتغيرت تعرف اني احبك وببقى احبك مهما صار..

قام يفكر في جملتها الاخيره....مهما صار؟
ليش وش ممكن يصير يعني؟
اما غريبه هالبنت صايره...

خالد: انا اقوم قبل لااجن مثلك
اماني: هههههههه واللي تحب اخوها تصير مجنونه؟
خالد بحيره: اكيد لا...
اماني وهي تنسدح وتتغطى: وريني عرض اكتافك انا الغلطانه اللي احبك مالت عليك
خالد: هههههههههه يلا نوم العوافي

طلع وتركها وسط دموعها...
اسفه ياخوي بخفي عنك حقيقه اتمنى ماتنكشف لك بيوم..
احساسك بمحله انا متغيره...بس هالشئ من خوفي وحبي لك..
ماابي اخسرك ياخالــد....
ماابي اخسر اخو حنون وطيب مثلك

.......................



كانت جالسه بغرفه جوري...حطت لها مكياج شادو ناعم...
وغمقت الروج شويه..سوته عنابي بجلوس..
طلع شكلها خيال...

دينا: ها جوري جاهزه؟
جوري وهي تلبس البوت: يلا يلا خلصت...
دينا: نروح مع السايق؟
جوري: ليش امي رجعت؟
دينا: مدري اتوقع...
جوري: اكلمها واشوف...

ودقت على جوال امها..

ام سعود: ايوه حبيبتي
جوري: هلا يمه شلونك؟
ام سعود: بخير...هاوصلتي من الرياض؟
جوري: وييين من زماان...انتي وينك؟
ام سعود: والله قريب من بيت خالتك..
جوري: يمه الله يهداك ورا مامريتي علينا البيت بنروح انا ودينا
ام سعود: هذا اخوك موجود روحوا معه
جوري: خلاص بشوف يلا سلاام

سكرت ولفت لدينا: وين سعود؟
دينا: مدري
جوري: شلون ماتدرين طار يعني؟
دينا: شايفته حمامه حتى يطير
جوري: مدري عنك زوجك ماتعرفين وينه
دينا: شدراني انا طلعت وخليته
جوري: طيب ياحلوه روحي شوفيه لان السايق مع امي
دينا: عفيه جوري انتي روحي شوفيه
جوري: يؤؤ ليييش
دينا: علشااني يلا روحي..
جوري وهي تغمز: ماتبيه يشوفك وانتي كاشخه هاا؟؟مستحيه يعني؟
دينا: هههههههه مالك شغل يلا روحي
جوري بعناد: لاانا ابييه يشوفك كذا.. يلا روحي...بسررعه يادوب نمر عالمخبز ولانسيتي؟
دينا باستسلام: اروح يعني؟
جوري: انتي بكيفك...كان ماودك تروحين بروح انام
دينا: لاخلاص بروح...

طلعت وهي متردده..
تصعد درجه درجه ببطأ وهي تفكر..
اخاف يفشلني ومايرضى..
ساعتها اخاف اتهور واذبحـه..
ياربي..

وصلت فتحت الباب لقته مشغل التلفزيون ومنسدح عالكنبه يطالع..

رفع عينه يشوفها...طالعها من فوق لتحت ورجع يطالع التلفزيون..

هي بقلبها: مااااااالت بس مااالت شايفني شنو حتى يطالعني كذا...
وانا مع وجهي وش كنت متوقعه منه يعني..

كلمة اعجاب؟كلمة غزل؟
هاهاا هالشئ من سابع المستحيلات عالاقل حاليـا..

دينا: احم..
سعود: احمين
دينا وهي تقرب منه: اقووول سعود
سعود: عيونه
دينا: عيونك..تكفى اخاف اصدق
سعود: وش تبين يالدلوعه؟
دينا: انا مو دلووعه
سعود: مغروره..حلوو؟
دينا: اووه سعوووود

جلست على طرف الكنبـه اللي منسدح عليها

سعود: ياانعم وش بغيتي؟
دينا: قوم وصلنا
سعود: والسايق؟
دينا: الحين انا مرتك تبيني اروح مع السايق وانت فاضي
سعود: ليش لا
دينا: ياااااااربي من برودك يلا تأخرنا اكيد الكل وصل الحين...
سعود: تعبان ومالي خلق اسووق...
دينا: شنووووووووو؟
سعود: اللي سمعتيه...
دينا: طيب كيف نروح السايق مع خالتي..
سعود: مو لازم تروحين....
دينا: حرام عليك اهلي صار لي اسبوع ماشفتهم
سعود وهو يطالع بدلتها : والله حلوه هالبدله
دينا: اوووووووف وهذا وقته الحيين
سعود: كيفي
دينا: مابتوصلني يعني؟
سعود: لا يلا قومي شيلي هالمكياج مافي رووحه
دينا: لاموبكيفك...الكل بيروح وانا اجلس لوحدي..مايصييير
سعود: الحين بيحطوا مباره السعوديه وقطر تابعيها معاي
دينا: اوووه وش مباراته ومن متى انا احب المباريات...شووف انا بروح مو بكيفك
سعود: لامابتروووحين

نزلت راسها تبي تصيح...هذا لييش يعاندني
شسوووي فيه ...
ارتكب فيه جريمه يعاقب عليها القانووووون ولاشلوون
قسم لو اقدر طقيته بس مااقدر علييه

كان يطالعها ومبسووط لانه يعاندها ويضايقها..

اصبري يادينووه ماشفتي مني شئ..يالدلووعه مالت عليك

دينا برتجي: يلا سعوود
سعود ببرود وهو يطالع التلفزيون: شنو بعد؟
دينا بهدوء: وصلني بيت خالتي تكفى...حرام والله
سعود: والمقابل؟
دينا: اللي تبيه
سعود: متأكده؟
دينا: أي بس وصلني يلا علشاني
سعود: ااخ منكم يالحريم ... وقت اللي تبون شئ شحلاتكم...ووقت مااحنا نبي شئ قلبتوا علينا
دينا: افااااا انت قد مره طلبت مني شئ ورفضت؟
سعود: اممممممم يعني لو طلبت بتوافقين؟
دينا : جربنـي...
سعود: شوفي انا بوصلك الحين...لارجعتي نتفاهم..

قامت بفرح وقربت منه: جد بتوصلنـا؟
سعود: ايه..شفتي اني طيب مو مثلك
دينا: وانا بعد طيبه مو مثلك نذل...
سعود: ترى اهوون
دينا: لالا خلاص بنسكت..

قامت للغرفه وهي تضحك...وعينه تتبعها...

الله يرجك من دبـه..
هين لارجعتي انا اوريك...
ابطلع هالروحه من عينـك..
ابوريك مين النذل يادينووه


لبست عبايتها وشالت شنطتـها وطلعت من الغرفه...
وهي تمشي حست ان الاشياء قدامها مو واضحه...
حست بغمام حولـها خلاها مو عارفه تمشي..كل شئ صار ابيض من حولها وتحس بضغط على راسها...

غمضت عينها وكانت بتطيح عاالارض بس كان اسرع ومسكها..

جلس عالارض وهي بين يدينه.. محتار فيها..


سعود: دينا دينا تسمعيني

دينا لاجواب..

ضربها ضربات خفيفه على وجهها....

فتحت عينها وهي تطالعه وترجع تغمض...

سعود: شفيك دينـا..افتحي عينك

فتحت عينها وجات بترفع راسها...

دخلت جوري عليهم تستعجلـهم حتى يروحون...

جوري وهي تركض لهم: دينا دينا شفييك؟سعود شفيها البنت؟
سعود بحيره: مدري...من شوي عادي طبيعيه فجأه طاحت مدري شفيها..

رفعت راسها بصعوبه وهي تحس بثقل فيه...

دينا: انا ... انـا مافيني شئ...

جات بتقوم بس ماقدرت حست بدوخه مره ثانيـه ورجعت قعدت...

سعود: يابنت الحلال خليك وين قايمه
دينا: مافيني شئ..اقدر اقوم..
جوري: اجل مابتقدرين تروحين معي؟
دينا: لاعادي...يلا نروح
سعود: شلون بتروحين وانتي مو قادره تمشين..خلاص بلاها هالروحه ارتاحي هنـا..

كان كلامه بمحلـه..طول اليوم وهي تحس بتعب مو طبيعي..والحين راسها والدوخـه..
ماراح تقدر تروح وتسهر لوقت متأخر...

جوري: كلام سعود صح...خلاص انا بروح لوحدي..وانتي ارتاحي هنـا ولاتتعبين حالك..
دينا بتعب: اوكي...
سعود: اوصلك جوري؟؟
جوري: لابدبر نفسي بتصل لفارس...انت خليك معها...

طلعت جوري وسكرت الباب وراها...اما هو كان محتار...ليش طاحت غشيانه؟
معقولـه فيها شئ وهو مادري؟

سعود: صرتي احسن؟
دينا: أي
سعود: طيب شفيك؟
دينا: والله مدري...من صحيت من النوم احس بتعب...
سعود: قومي طيب داخـل الغرفه...
دينا: طيب...

ساعدها تقوم وبقى ماسكها لين حطها بالفراش..وغطاها...

بعد مابعد عنها..تذكر موقف..او بالاحرى سلسله مواقف...

لف وجه عنها حتى ماتشوف الذكريات اللي حفرت على ملامحه تعب السنين...

كانت بسمه ببدايه مرضها دوم تدوخ وتطيح عليـه..
وبكل مره يترجاها تروح المستشفى وهي ترفض وتقوله تعب عادي ويروح...

لين اكتشفوا مرضها الخبيث...
وتمنى لو مات وماعرف بهالمرض..

انتابه خوف وهو يفكر بهالافكـار...

استغفر الله في ايش افكر انـا..
لا...اكيد مافيها شئ...
مجرد دوخـه...وتعب وبيروح

لف يطالعها ومخاوف عقدته قاعده تهاجمه بعنف...

لا دينا مافيها شئ مو مريضه...
شلون تجي هاالافكار على بالـي...
والله اني مجنون...

طيب وانا ليش متأكد؟
يمكن فيها شئ انا مااعرفه؟

https://song1.ozq8.com/music/gulf/sau...m/rashed45.ram


قرب منها بخوف وقعد عالسرير: دينـــا

دينا بتعب: اممم
سعود: انتي فيك شئء انا مااعرفه؟
دينا: لاوالله...قلت لك تعب عادي ويروح
سعود: وش اللي يأكد لك؟
دينا: سعود.. وش بيكون فيني يعني الله يهداك
سعود بحيره: سلامتك...مجرد سؤال..

كانت عارفه في ايش يفكر..

واضح من طريقه تفكيره وملامحه...انه يفكر في موت بسمه...

الشئ اللي مو قادر يقتنع فيه ان مو شرط اللي صار لبسمه يصير لحد ثاني..
هذي اقدار..

بس صعب يقتنع سعود بهالشئ...
وعقدتـه موجوده داخلـه وماانفكت..

دينا: اعرف في ايش تفكر..

رفع راسه بسرعه وبتردد وارتباك: انا ماافكر في شئ
دينا: اقولك في ايش تفكر؟
سعود: قلت لك ماافكر في شئ

طبيعي ماراح يعترف بأفكاره ومخاوفه..
مافي حد مريض ويعترف بهالشئ..

دينا: انت ناسي اني دكتوره نفسيه وافهم من النظرات والتصرفات؟
سعود: مو شرط...

قام وهو متضايق وطلع عنها...

سكر الباب وراه وتسند عليه...مسك راسه بقوه بيده وضغط عليه..

اوووف انا في ايش افكر..
والله اني غبـي..
خلاص البنت مافيها شئ...

حس بالباب ينفتح وراه لف بسرعه...

قربت منه حيل قريب لين صار مقابلها عينها بعينه..

بقوا يطالعوا بعض...هي تبي توصل له فكره صعب يقتنع فيها...
وهو يبحث بعينها عن الكلام اللي تبي تقولـه...

سعود وهو يحط يدينه يمسك اكتافها: ليش قمتي ارجعي داخل
دينا: ابيك تفهم شغلـه وحده...سعود الموت مو بيدي ولابيدك..وكلنا على هالطريق..
سعود بيأس: انا ماادري ليش اخاف منه ومن طاريـه...غصبا عني..

بعد عنه وهو ماسك راسه يبي يبعد افكار اوجعته وتعبته...

كانت اصوات داخله تهاجمه..يحاول يرتب افكاره ويهدأ بس عبث..

كانت حالته صعبه..تعور القلب

سعود: انا ادري اني غلطان...بس غصبا عني...احس ان كل اللي حولي بيروحوا مني...
كل شخص احبه بيموت ويتركني..مثل ماهي تركتني..
انتي بعد بتسوين مثل ماسوت...

قعد عالكنبه وهو يصارخ: انتي بعد بتخدعيني وتقولين ببقى معاك لاخر لحظه بعمري...بس بتروحين...وببقى انا مامعي حد....

وصل لحاله ينخاف منها...كانت خايفه تقرب لانه حيل منفعل والمريض بهالحالـه..بيصدر منه أي تصرف...

تنهدت وقربت بأصرار ومسكت يدينه تبعدهم عن راسه وهو معاند...

سعود بعصبيه: لاتحاولين تخدعيني رووحي رووحي خلااص
دينا بصراخ تبيه يفوق: شلوون اورح وانت بهالحالــه
سعود: روووووحي وخليني خلاااص ماابيك ماابي اشووفك..
دينا: مو لازم تبيني....سعود مخاوفك مالها اساس...انا بموت وانت بتموت وكلنا بنمووت...
لاتخلي موتها يأثر عليك خلاص ارجووك خلاص...
هذي اقدار مو بيدي ولابيدك..
سعود بعصبيه تزداد: ماابي اسمع شئ...ادري انتي بتخليني وتروحي مثل مابسمه تركتني...مثل ماابوي راح وتركنا بروحنـا..
خلاص روحي روحي ماعاد ابي حد معاي...

عجزت تسيطر عليه وحست بالضعف...بكت غضبا عنها: ارحمني وريحني...ليش تسوي كذا

سكت وهدأت حركته يوم شاف دموعها...

دينا: قلت لك خلاص الشئ مو بيدنـا ليش مو راضي تفهم...ليش مصر تخلي حياتنا جحيم وتعذيب...
خلاص انسى وارتاح وريحني
سعود:ومن وين تجي الراحه...لاانتي ولاغيرك جرب اللي انا جربته...ماحد ذاق المر اللي انا ذقته...
كلكم تقولون انسى..
تقولوها بدون احساس..
قولي لي ليش انسى وارتاح واحب من جديد؟
حتى تروحي وتخليني؟
ها جاوبيني ليش ساكته
دينا بصياح: انا ماابيك تحبني انت حر....وادري انك مستحيل تحبني..اللي ابيه منك تفهم تفكر...حرام اللي تسويه فيني وفي نفسك وفي بنتك...
خلاص انسى الماضي انسـى..

قامت بتروح بس سحبها وضمها لصدره بقووه...
اما هي بكت بصوت اعلـى...

لانها تحس بالعجز قدام اللي يسويه...
متى بس ينسى حتى يساعدها تنسى ماضيها ويعيشوا براحه؟

حاولت تبعد وتفك عنه..تركها براحتها وقامت لداخل الغرفه...

.......................

كانت جوري مع فارس بالسياره وقربوا يوصلوا بيت خالتهم

فارس: ايه ماقلتي لي ليش دينا ماجات وياك؟
جوري: طاحت غشيانه والله المسكينه وماقدرت تجي
فارس: افااا شفيها؟
جوري: شكلها حامل
فارس: مالت عليك وش حامل توهم متزوجين
جوري: عادي تصير ..
فارس باستنكار: حامل؟ احسها قوويه شووي
جوري: اكيد حامل..ولاماكان طاحت غشيانه يالخبل ماتشوف الافلام لاحملت الحرمه تدووخ ويغمى عليها
فارس: جايز

وصلوا وجات بتنزل..


فارس: اقوول جوري
جوري: هلا
فارس: سلمي على ديمووه
جوري: اووه .. شرايك بعد اوصل لها القبلات الحاره
فارس: احلى واحلى
جوري: اقول انثبر يلا...واترك هالحركات
فارس: انا الغلطان اللي اوصلك انزلي بحط السياره باالبارك
جوري: بتنزل؟
فارس: أي بروح لخالي بالمجلس


دخلت بيت خالتها والكل كان موجود

جوري بصوت عالي حتى يسمعوا: سلاااااااااااااام جاااااااامد
الكل: وعليكم السلاااام
امل: بدرري كان لاجيتي بعد
جوري وهي تدور بينهم على فرح: وينها ماجات؟
امل: لا لسه حياك تعالي

قعدت بوسطهم...

جات لها رزان تركض وحضنتها
جوري: يابعد كلي انتي..شلوونك حبيبتي؟
رزان: انا زينه وحشتيني عمتيي
جوري: وانتي بعد قلبي
رزان وهي تطالع الباب: وين ماما دينا؟
ام سعود:الا صحيح... وينها ماجات معاك؟
جوري: البنت تعبت وماقدرت تجي
ام ريان بخوف: شفيها بنتي؟
جوري وهي تغمز: والله العالم اول حفيد من بنتك جاي بالطريق
ام ريان بذهول: حامل؟؟؟؟؟؟

انرسمت علامات الفرح والاستغراب على الوجوه...

لان الشئ غريب ومو متوقع حاليا..

ام سعود: جوري يمه من وين جبتي هاالاخبار؟
جوري: والله اذا مو مصدقين اسألوهااا

ام ريان كانت حايسه مستغربه وفرحانه بنفس الوقت...

ام ريان: انا ايش يصبرني بروح اكلمها
امل: ياخالتي وين رايحه خليك .. كلميها بعدين...وليش انتوا مكبرين الموضوع جايز تكون البنت حملت عادي يعني

كانت اسماء منزله راسها وتفكر..

انا متزوجه قبلها وهي تحمل قبلي؟
كييييييييييف؟

تنهدت وقلبها متعذب...
وكانت بتخونها دمعه بس تماسكت..

دق الجرس بهالوقت توجهت الانظار لامل

امل: هذي هي وصلت..مااوصيكم هالله هالله في البنت
ام فؤاد: يلا رووحي بسررعه

فتحت امل الباب لفرح: هلااااا وسهلا تو مانور المكان حياك ...
فرح: عسى ماتأخرت
امل: تأخرتي واجد يالدبه بس معليش....

وهم يمشون قربوا لباب الصالـه وسمعت ازعاج واصوات كثيره

فرح: اموول من معاك؟
امل: العائله الكريمه
فرح: وييه انا استحي ليش ماقلتي لي يالخاينه
امل: مفاجأه..
فرح بحيره: استحي اشوفهم
امل وهي تسحب فرح: لاتستحين عااادي يلا حياك

دخلت الفرح وهي مبتسمه وخجلانه : السلام عليكم
الكل: وعليكم السلام

قربت ام فؤاد وسلمت على فرح: حياك يابنتي ادخلي ليش مستحيه
امل: وهذي يمه فرووحه ارتحتي الحين
ام فؤاد باعجاب: قمر الله يحرسك يابنتي

ابتسمت فرح بشكر لام فؤاد وسلمت عالباقي وجلست جنب امل

جوري وهي تقرب من اسماء وتكلمها بشويش: حلووه والله
اسماء: اممم عاديه
جوري: حرام عليك والله مملووحه ابروح ابشر خالي
اسماء: اهاااا متفقه انتي وياه هااا
جوري: خخخخخ رسل لي مسج وصاني اول مااشوفها اقول له...يلا بروح له

قامت جوري وطلعت للحديقه تمشي لمجلس الرجال...

كانت الشيله على كتفها ماحطتها على راسها لانها تدري ان اخوها وخالها بس موجودين..

شافت خالها وراحت ركض له

جوري وهي تضربه على ركبته: ابشرك يالحبيب
مساعد وهو يطالع وراها وبعصبيه: وش جابك انتي هنا؟
جوري باستغراب: يؤؤؤ شفيك خالي ؟

طالعت وراها لقته مبتسم ومنزل راسه

مجووووود؟؟

في ثانيتين استوعبت الموقف وطلعت ركض..

ويلي ويلي انا شسوويت ...

ماااااالت .. لاوداخله اركض ياربي الحين وش بيقول عني
مخبوله ومطفوقه

اووووووووف

كان جالس وجنبه فارس ويسولفوا
اول ماسمع صوت حد عالباب لف وشافها

كانت اول مره يشوف شعرها ويشوف كشختها وزينتها
طار العقل والقلب منه...
بس يوم شاف نظرات مساعد نزل راسه

طلع لها مساعد وهو معصب

جوري تكلمت قبل لايتكلم: قسما عظما ماكنت ادري انه موجود
مساعد: وجع ان شاء الله اللي يوجعك خبله انتي...زين عاالاقل لفي شيلتك فضحتينا
جوري: قلت لك ماكنت ادري على بالي بس فارس معاك
مساعد: مالك عذر..ماتدرين ان فؤاد موجود؟
جوري وهي تفتح عينها: فؤاد كان داخل بعد؟
مساعد: من حظك كان رايح الحمام
جوري: خالي ماصار شئ...عادي خطيبي
مساعد: اووووف منك انتي اووف
جوري: مو كفايه ان حتى النظره الشرعيه ماشافني
مساعد: والله هو ماطلب يشوفك...وش اسوي له يعني؟
جوري: ماعليناااا جايتك بالاخبار الزينه
مساعد : ها بشري كيف شفتيها؟
جوري: والله جنان ياخالي البنت
مساعد بفرح: والله؟؟
جوري: أي والله وخجوووبه بشكل ماتتخيله.ياحليها والله
مساعد: جد يعني حلوه عجبتك .. لاتوهقيني يالدبه
جوري: وانا الصادقه...
مساعد: ابي اشوفها
جوري وهي تغمز: نتوكل على الله ؟
مساعد: مدري يابنت اختي
جوري: انت فكر ياخالي..وانا بروح اسولف معها واشوف كلامها
مساعد: أي تكفين يالدبه
جوري: غالي والطلب رخييص...بس بشرط
مساعد: امري تدللي
جوري وهي تمشي: سلم على خطيبي

جاء بيلحقها ويضربها بس سرعت عنه وهي تضحك...

...........................

بعد نص ساعه من دخول جوري

رجع خالــد من بره وكان بيدخل المجلس للرجال
بس رن جوالـه برقم غريب

من هاللي متصل علي؟

خالد: ايوه مرحبا
سمر: الووو
خالد بعد صمت: هلا اختي نعم؟
سمر: امم...هذا مو جوال عبدالرحمن؟
خالد: لاغلطانه والله
سمر: بس انا متأكده انه رقمه
خالد: قلت لك غلطانه...
سمر: اجل اعتذر منك عاالازعاج...عسى ماضايقتك بس
خالد: شدعوه اختي ماصار الا الخيير
سمر برقه: اشكرك على ذوقك ..

خالد سكت..ياحلووها وياحلوو صوتها وكلامها
امووت اناااا

رغم ان خالد ماعنده هالسوالف الا انه صوتها واسلوبها شده..

مافاق الا على ضحكتها

سمر: هههههههه انت وين سرحت؟
خالد: لالا ابد انا معاك بس مستغرب يعني
سمر: وليش مستغرب؟
خالد: من هالصدفه اللي خلتك تدقين ارقام بالغلط
سمر: شفت كيف...بس اكيد هالشئ من حسن حظي
خالد باحراج: ههههههه
سمر: امممم خلاص اخليك مااخذ من وقتك
خالد: اممم اقوول..
سمر: هلا لبيه..امر

مع هاللسان الحلوو الولد طار بالجوو..
شلون مايطير وسمر اسلوب ولسان ولااحلى
بس خساره طاحت بطريق خالـد..
وماندري وش ناويه عليـه..

خالد: نسيتيني وش كنت بقولك...
سمر: هههههههه اذا تذكرت انا موجوده..
خالد: اقول انتي وش اسمك؟
سمر بانتصار: سمر
خالد: عاشت الاسامي يالغلا...
سمر: مشكور يا....الا ماعرفت اسمك؟
خالد: خالد...
سمر: ياحبي لهاالاسم والله....خلاص ياخالد احس اني ثقلت عليك...
خالد: لالا شدعووه...ياليت كل الصدف مثل هالصدفه...
سمر: هههههههه اخ منك..يلا اخليك
خالد: ههههههه كل يوم اغلطي بالارقام مو تنسين
سمر: هههههههههه تامر امر باي
خالد: باااي

سكر وهو يطالع الجوال مبتسم...شحلاتها والله

.........................

بعد فتره تأقلمت معاهم وصارت تسولف طبيعي...
والكل مبدئيا منعجب فيها وفي كلامها واسلوبها الراقي..

لطيفه وهي تطالع امل وفرح: ومن متى تعرفون بعض؟
فرح ببتسامه: والله هالسنه بس تعرفت على امل..ومن جد ارتحت لها
امل: احم احم ارووح اناااا
لطيفه: هههههههههههه وكيف متحمله امول من جد الله يعينك
امل: وش شفيها امووول ياعيوووني مو عاجبتـك
لطيفه: وااي منك ومن لسانك انتي
امل: اقول اسكتي وخليك في دبتك وولدك
لطيفه: هههههههههههه

كانت ديمه جالسه جنب اميره وداقين حش في خلق الله..لين جات سيرة فارس

اميره: ديموووه وحشني والله
ديمه: تراه موجود بالمجلس
اميره: أي ادري سمعت جوري تقول..بس وش الفايده

طالعت ديمه اميره وهي تسولف عن حبها وسرحت في هذاك اليوم يوم مامات الخيل وراحت لفارس...
والورده اللي عطاها لها واللي لسه محتفظه فيها بدفتر يومياتها...



جوري كانت تسولف وتسولف مع فرح لين ماحست ان البنزين حقها قرب يخلص..

خلاص نعست وتعبت...

جوري وهي تقوم: اقول اميروه
اميره: هلا
جوري: بروح اتمدد بغرفتك لين وقت العشاء
اميره: أي اوكي روحي

صعدت جوري لغرفه اميره وانسدحت عالسرير وهي تفكر بالموقف اللي صار اليووم..

ااخ يانااس احبه...والله احبـه شسووي اموت حالي..

ااخ يامجوود يالخبل احبك..

لفت للطاوله اللي جنب سرير اميره شافت اوراق حلوه ومزينه سحبتها وقرأت اللي فيها..

حـاجه غريبه

قوه رهيبه تدفعـني للجنون

شوق جارف يسحبني بقوه لـك

لمعانقه صور ذكرياتنـا

لاحتضـان حلم فر هاربـا للاعلـى

هنـاك حبيبي حيث الغيوم والظلام

وحـدها النجوم حائره ..

تنظر لبعضها البعض لشئ من الاستنكـار..

لانها ملت من الانتظار

ملت من البقاء وحيـده..

تنتظر من يحركها برقه ..

من يداعب برقها الالماسي ..

...

كما داعبت بريقي يااحبيبي

وخطفته بعيدا .. جدا


احبــــــك F
استغربت وحطت الاوراق على جنــب...

تحب F ؟؟

ومن يطلع اف هذا بعد؟

الله يستر..

غمضت عينها بتنـام

غفت 10 دقايق ورن جوالها قطع عليها النووم

اووف من المزعج هاللي داق الحين

طالعت الرقم....ماجد؟

ردت عليه وهي ساكته ومتفشله..

ماجد: الوو
جوري: هلا ماجد
ماجد: هههههههههههه توني عرفت انك خبله ومصرقعه
جوري: هييييييه انا مو خبلـه عن الغلط
ماجد: والله هذا اللي شفته اليووم
جوري بزعل: وش تبي الحين؟
ماجد: افا طرده يعني؟
جوري: تقول عني خبله وتبيني اسكت واخذك بالاحضان بعد
ماجد بهمس: تصدقين جوري...والله من شفتك طار عقلي مني

سكتت البنت وهي مبتسمه

ماجد: متى بس اخدك حبيبتي وتصيرين لي انا بس
جوري : مجوود خلاص عاد
ماجد: ياناااااااس اموووت اموووت انا علميني شسوي بقلبي هاللي يحبك ويموت فيك
جوري بهمس: وانا بعد احبـ...

سكتت وماكلمت..

ماجد بلهفه: كمليها...تكفين قوليها..
جوري: لاتحلـم..
ماجد: بترديني يعني؟
جوري بعد صمت: وانا بعد احبــك..
ماجد: فديتك ياقلبـي انتي...وينك حبيبتي؟
جوري: انا بغرفه بنت خالتي قلت بريح شوي..وانت؟
ماجد: طلعت من شوي من عندكم
جوري: تعشيت؟
ماجد: لاوالله
جوري: ليش عاد
؟
ماجد: ابوي شوي تعبان بروح اقعد وياه.. تصدقين والله خايف
جوري: سلامته عمي مايشوف شر.خذه طيب للمستشفى
ماجد: راسه يابس .. مايرضى..(وتنهد بألـم) مابيدي شئ..المشكله يلومني ويتضايق لاخفت عليه يقولي انا مو جاهل تخاف علي..مو راضي يفهم ان مالي غيره بالدنيـا..

حسته شقد متضايق ومتألـم..

جوري كانت تدري ان ابوه مطلق امه من زمان وان عنده اخت بس مايعرف عنها شئ..
ومتعلق في ابوه حيل..

جوري : لاتزعل ماجد ولاتتضايق..طول بالك..وبالهون عليه انت اهم شئ خليك معاه جنبه
ماجد: تدرين جوري لو انك بس معاي جنبي بالبيت ماراح اشيل هم عاالاقل وقت ماتضايقت جيت لك شكيت لك بس شسووي
جوري: كم باقي وتخلص تدريبك؟؟
ماجد: بالطول بالعرض شهر شهرين تقريبا
جوري: خلاص مابقى شئ مجوود
ماجد: بعد صرت مجوود الله يالدنيـا
جوري: هههههههه
ماجد: خلاص حبيبتي طولت عليك لايسمعك حد
جوري: خلاص اوكي..
ماجد: انتبهي لحالك قلبي...الا تعالي هنا بسألك
جوري: هلا
ماجد: وش مسويه بدراستك؟
جوري: ماشي الحال..بس صعب والله
ماجد: ابيك تجدين جوري يلا شدي على نفسك حتى تخلصين ماابيك تطولين هناك وتبقين بعيده عني
جوري: من عيونـي..
ماجد: تسلم لي عيـو...

قبل لايكمل سمع اشاره ان عنده مكالمه ثانيه طالع الجوال وكانت عايشه زميلته بالشغل..
غريبه متصلـه..
هي ماتتصل الا للطوارئ مرره..

ماجد: عندي خط ثاني...
جوري: من متصل؟
ماجد: هذي عايشه
جوري باستنكار: شنو؟؟؟ ومن عايشه هذي؟
ماجد: زميلتي بالشغل...
جوري بسخريه: حلوو والله وهذي ليش متصله
ماجد: يؤؤ شفيك جوري اكيد تبي شئ ضروري
جوري بعصبيه: خلاص رد عليها وشوف باي

سكرت الخط وهي معصبه..
شلوون تتصل له هذي بعد..

رمت الجوال بعصبيه جنبها ولفت عالجهه الثانيه وغمضت عينها بقهر...


...................................

[لامارا]

حست جوري بالباب يفتح وكانت اسماء

اسماء: انتي هنا يالدبه

لكن جوري ماردت عليها...

اسماء: هييه شفيك ماتردين
جوري: وش بغيتي

سكرت اسماء الباب وجلست مقابل جوري: شفيها اخلاقك بخشمك
جوري: مافيها شئ خليني اسماء تكفين
اسماء: لاوالله مااخليك تكلمي وش صاير...
جوري وهي تتنهد: ...كلمني ماجد من شوي
اسماء باستنكار: وليش يكلمك؟
جوري: اوووف منك مو هذا الموضوع اسمعي طيب
اسماء: كملي خلني اشووف
جوري: عادي متصل يسأل عن اخباري..بس وهو يكلمني جاه خط ثاني من زميلته بالشغل
اسماء وهي ترفع حاجبها: وليش متصله؟
جوري: مدري هذا اللي مضايقني
اسماء: امممممم لاتظنين ظن السوء...
جوري: شلوون مااظن..وش لها تتصل فيه ماعندها سالفه
اسماء وهي تغمز: تغارين عليه
جوري: ايوه اغار .. ماجد لي انا وبس..
اسماء: بل بل أي لك ماقلنا شئ قومي يلا عشاء
جوري: ماابي مالي نفس
اسماء: جوري حبيبتي كبري عقلك..يمكن البنت عندها شئ ضروري...لاتخلين الغيره تعميك...
ماينفع من اولها مشاكل...
وبعدين لو بينهم شئ ماكان قالك انها اتصلت عليه
كان ببساطه بيخش عنك...
جوري: خلاص سمووي ماابي اسمع شئ
اسماء: فكري بكلامي ويلا انزلي ننتظرك

.........................

الساعه 12 ... فتح عينه وطالع الساعه..
يااه كيف نمت ولاحسيت...

قام وهي يحك عينـه ودخل الغرفه...هي بعد كانت نايمه...

خفف الاضاءه وانسدح عالسرير جنبها والاحداث اللي صارت بينهم تمر مثل الشريط على بالـه..

لف عالكومدينوو اللي جنبه وانصدم..!!

كان برواز بسمه محطوط وجنبه ورقه سحبها بسرعه وقرأها..

حلـم ياعزيزي عانـقك أيــام وشهور...وسنين..
كان كالسراب تعلقت به حتى اخر رمق..
احببتـه ياعزيزي بكل شعورك واحاسيسك..

نسيت كل مافي الكون حتـى الاقدار,,
اقوى مخلوق على هذه الارض..

نسيت انها اقوي مني ومنك ومن حبــك الصادق,,
ابتسمت لك وكشرت على انيابها مجازاه لنسيانك لها..
وابتلعت منك حلمك..

تماما كما يبتلـع الحيوان المتوحش فريسة جميلـه,,

اليوم ياعزيزي شاءت الاقدار ان ترد لك بعضا مما اخذت..
اهدتني لك..وفي المقابل اهدتـك لي..

لااعلـم ,, لربما هديتها لم تعجبـك..
لم تكن كالهديه الاولى..

ولكن اخبرني مالعمل؟
هل تنتهي ايامنـا عن حدود احلام رماديه

ونبقى نتطلـع لادق تفاصيلها ولكن لانرى شيئا..
لانفهم شيئا..

اجبني بالله عليك مالعمل؟
فأنـا حائره..
لااقوى على الصمت..
والصمود..

لااملـك القوه الكافيه لذلـك..

دخلت بقوه لحياتي الحزينه لتسكب في مجاري انهارها الاما فوق الامها...

وترسم على جدرانها خطوط حيرتي وعجزي,,

هذا مااريد ان اقولـه ويعجز لساني عن قولـه..
لعل القلم كان امهر واشطر مني,,

زوجتــك...دينـا

ضغط عالورقه بيده...وغمض عينه..

فاقد الشئ لايعطيه يادينـا..

شلون اريحك وانا مااملك هالراحه...
لف يطالعها...

كانت مثل الملاك النايم بهدوء..

حاول ينام وينسى الكلام اللي قراه بس عبث..

........................

بعد شهرين....بدأت الاحداث تاخذ مجرى مختلف ..

لطيفه صارت بالشهر السابع والتعب كل ماله في ازدياد وصارت ماتتحرك وطول الوقت عالسرير وريان جنبها يحاول يخفف الامها

ماجد وخلص تطبيق والحمدلله بعد 3 اسابيع لقى وظيفه بنفس المستشفى اللي كان فيه...
واستلم قسم...
وحان الوقت علشان يملك على جوري...
اللي لازالت مو مرتاحه لعايشه..

ديمه..صراعات تعيشها مع احترامها وحبها الاخوي لفارس واميره وغيرتها...

مساعد واخيرا وافق ياخذ فرح بعد معاناه دامت شهرين من جد الكل تعب وياه يحاول يقنعه
واستسلم للامر الواقع اللي مافي مهرب منه..
وامل تكفلت بأنها تكلم فرح عن خالها وتفاتحها بموضوع الخطبه

سمر وخالد...علاقه من نوع خاص وتعلق خالد الغريب فيها وفي لسانها وكلامها المعسول والله يستر..

اسماء وفؤاد...يمكن ايامهم الحلوه صارت شوي مره..
والسبب افكار اسماء في انها عقيم..
هالشئ اللي كل يوم تناقشه مع فؤاد
اللي يعصب ويتضايق...
بس هي مصره وحسمت الامر انها تروح وتكشف بدون مايدري..

اماني وتعلقها كل ماله يزيد في خالـد هالشئ اللي مخلي خالد مبسوط لانه تقرب لاخته اكثر واكثر
بنفس الوقت بدت مشاعر غريبه تنولد داخلـه لسمر

واخيرا وليس اخرا دينا وسعود..

دينا رجعت لعيادتها وسعود لشغله..
علاقتهم اقدر اقول عنها مستقره هادئه..

مشاعر خفيه تظهر بين الحين والاخر...
لكن الهدوء سيــد الموقف !!

والكل متشوق ويحن على دينا تشد حيلها وتجيب لهم طفل..
خاصه بعد خيبه الامل يوم عرفوا انها ماطاحت لانها حامل..


فرح فاتحت اخوها بموضوع مساعد..
هو بدوره سأل عنه وعن عايلتهم والحمدلله الكل مدحهم واثنى عليهم..
وفضل يكون التفاهم شخصي بينه وبين مساعد..
وصلت فرح هالكلام لامل وعطتها رقم مساعد حتى توصله لاخوها ويتفاهموا على الرتيبات الروتينيه..

الساعه 1 لبست وطلعت وهي حاسمه الموضوع بتروح وتحلل وتشوف...

راحت للمسشتفى وحللت وخبروها ان النتيجه تطلـع بعد اسبوع..
كان التوتر مسيطر عليها من الحين فمابالكم بيوم النتيجه..

رجعت وهي خايفه ليكون فؤاد رجع من الشغل ويسألها وين راحت...

دخلت ويوم شافته بالصاله يحرك رجلينه بعصبيه خافت...

فؤاد : ليش راجعه بدري ياهانم ارجعي كملي مشاوريك..ماتقولين لي وين كنتي؟
اسماء بخوف: انا؟
فؤاد: ايوه...اجل انــا...فهميني وين رحتي؟
اسماء وهي تنزل راسها: المستشفى
فؤاد باستغراب: ليه ان شاء الله؟
اسماء: بصراحه...رحت احلل
فؤاد بعصبيه: اوووووووف يعني ماراح نرتاح من هالموضوع يااسماء...تراني مليت من جد
اسماء وهي تقرب منك وتمسك يده: حبيبي مو انت تبي ترتاح؟ خلاص انا رحت احلل وبس اعرف النتيجه اوعدك ماافتح هالموضوع لاخر يوم بعمري

لام نفسه على عصبيه..

فؤاد وهو يحضنها: اسف عصبت عليك...بس رفعتي ضغطي ليل نهار ماعندك الا هالسيره
اسماء وهي تحط يدينها ورا ظهره : انا اللي اسفه...احط لك الغداء حبيبي؟
فؤاد: لا اليوم ودي نطلـع نتغدى برا شرايك؟
اسماء: اكيد موافقه...
فؤاد وهو يبوس جبينها: يلا حبيبتي روحي اجهزي...انا بنتظرك
اسماء: هواااا ثواني

......................

اتفقت سعاد عمة ماجد مع ام سعود على ان الملكه تصير بعد اسبوعين يعني بعد الاختبارات..

حتى تكون جوري متفرغه ...

وبالفعل مرت اسبوعين ببطئ خاصه على اللي يدرسوا وانتهت الاختبارات ولله الحمد..

اسماء كانت بأخر مستوى جامعي واستلمت وثيقه التخرج وحاطه ببالها تقدم على وظيفه بس مو الحين..

يوم ملــكة جوري وماجد...
ماجد كان يبي الملكه تكون حفلـه كبيره..

اختار مع عمته قاعه مناسبه وحجزوها...

الساعه 3 الظهر في بيت ابوسعود وبالضبط في جناحهم..

طالعت الساعه بملل..ياربي والله تأخرت عالكوافير..

دينا وهي تدق عليه الباب: يلا ياسعووود
سعود: دينا قلت لك اسبح...
دينا: ماصارت حشى صار لك ساعه....والله تأخرت ياسعود عالكوافير...
سعود: اصبري ربع ساعه
دينا: سعووووود وش ربع ساعه شوف لك خمس دقايق
سعود: تهدديني يالقوويه
دينا: بتشووف

انتظرت خمس دقايق والاخ مبسووط عاالاخر ويسبح براحه في المويه الدافيـه..

وهي معصبه تحترق بره...

هيين هيين اوريك

اتصلت للعامل اللي يشتغل بالحديقه تحت من تلفون الصاله

دينا: اقوول نور
العامل: يس مدام
دينا: روحي اطفي سخانة المويه بسررعه
العامل: ليش ماما
دينا: انت اطفيها من عندك ولاعليـك بسررعه يلا

سمع كلامها وطفى سخانه المويه من العداد الاساسي..

ثواني وانقطعت المويه الحاره عن سعوود اللي مات تحت المويه البارده..

دينا ضحكت من قلب وراحت لعند الحمام تشوف النايج...

دينا: ها سعود ماخلصت
سعود: دينوو انقطعت المويه الحاره.... المويه صارت باااااااارده حييل
دينا ببراءه مصطعنه: والله؟ لاتقووول
سعود: بسرعه كلمي نور شوفيه يمكن طفى السخانه من عنده
دينا: يلا الحين اشووفه

طلعت الصاله وهي ميته ضحك...
رجعت بعد ثواني له

دينا: نور يقول انه ماطفى شئ..السخانه شغاله
سعود: بمووت والله... المشكله الشامبو بشعري (وهو يصارخ) برررررررد
دينا: هههههههه قلت لك اطلع انت ماتسمع الكلام تحمل الحين...

مارد عليها لانه من جد معصب الجو بارد والمويه ثلج...
ماحد يتحمل بصراحه..

تقدروا تتحملوا؟

مااتوقع..

ضغط على نفسه وغسل الشامبو وجسمه عالسريع ولبس ثيابه وطلع وهو برداان ويرجف

لقاها واقفه ويدها على خصرها...

دينا: ها نروح؟
سعود: يلا البس ثوبي وجاي
دينا: طيب انتظرك بالصاله

طلعت تنتظره بالصاله وهي مبسوطه ان خطتها جابت نتيجه...والعواقب للحين محموده ومافي أي اصابات...

وصلها للكوافير وجهزوا البنات عالساعه 7 ونص وراحوا للقاعه...

كانت جوري بتلبس ثوب سكري الاكمال خيوط عريضه لامعه كرستال
والخصر ضيق شوي..
ومن تحت طوويل ووراه ذيــل...

تحس انها مو مستوعبـه ان الليله ملكتها..
احساس غريب ينتابها...

وامها طول اليوم تدعي ان الله يبارك لهم ويتمم عليهم..
وخايفه لتكون تسرعت في هالملكه
وان جوري لسه صغيره


كانت في مفاجأه في انتظار ماجد اليوم..

وش هي بنعرف مع الاحداث..

......................

الساعه 9 وبعد ماملك الشيخ...والكل بارك لماجد ويوصيه على جوري..

رن جوال خالد وعطاها مشغول..
رجعت واتصلت مره ثانيه...

طلع برا ورد عليها

سمر: خالد انت وينك عني اليوم
خالد: والله مشغوول سمور
سمر: في شنو مشغول ماتقول لي
خالد: اليوم ملكة بنت خالتي وتعرفين رجال وزحمه
سمر: مين جوري؟
خالد باستغراب: تعرفيها؟!!!
سمر: جوري صديقتي من ايام المدرسه
خالد بصدمه: وليش ماقلتي لي؟
سمر: ماجات مناسبه
خالد: سمرو مااوصيك لاتعرف ولاحد يعرف باللي بيننا
سمر: افااااا عليك ياخالد لا ماتوقعتها منك..انا سموره حبيتك اسوي كذا؟مستحييل
خالد: أي كذا ابيك...خلاص حبيبتي اكلمك انا بعدين...ولا بتنامين؟
سمر: لاحبيبي كيف انام..لازم اسهر معاك
خالد: اووكي يلا
سمر: انتبه لحالك
خالد: وانتي بعد حياتي يلا باي

سكر خالـد .. ويحس بقلبه حب كبير لهاالانسانه اللي دخلت حياته فجأه...
وهي ناويه تاخذ منه شئ معين..
ومستعده تسوي أي شئ بس تملك خالد بكل مافيه...
حتى يتزوجها وتضمن مستقبلــها...

.......................

نروح لابطال جدد بقصتنا..

هم جدد وبنفس الوقت معروفين..

عبير اخت ماجد وامه...

دخلت على بنتها للمره المليون تناديه

ام ماجد: يلا تأخرنـا ياحظي
عبير: اوووف يمه كذا ماراح نخلص .. اتركيني لوحدي وانا اخلص
ام ماجد: لمتى يعني الساعه الان قربت تسعه يلا السايق ينتظرنا بره
عبير: انا بصراحه مو مقتنعه بهالروحه
ام ماجد: شلون يعني ماتبين تشوفين خطيبة اخوك المغفل
عبير: وليش مغفل عاد ؟
ام ماجد: لانه ماعرف يختار مادور الا بنت احلام ياخذها اللي مااواطنها بعيشة الله
عبير: وصحيح هو اللي اختارها مثل ماقالت عمتي سعاد؟
ام ماجد: أي لاتنسين انه خوي ولدهم هذاك اللي اسمه فارس..بس تدرين اخوك ذكي
عبير: ليش؟
ام ماجد: صحيح اني مااواطن اهل البنت بس والله ذكي يوم اختارها..
عبير: مو فاهمه شئ
ام ماجد: ياخبله بكره.. يتزوجها وتكتب كل فلوسها بأسمه
عبير: مااتوقع ماجد يفكر كذا
ام ماجد: ومن متى عرفتيه حتى تتوقعين كيف يفكر
عبير: مدري احس كذا...
ام ماجد وهي تستعجل بنتها : ها خلصتي
نوره : أي خلاص مامي

لبسوا الثنيتن عباياتهم وصعدوا السياره مع السايق متوجهين للقاعـه ..

تتسألون كيف عرفوا الثنتين بملكة ماجد على جوري..
طبعا من سعاد اللي حست ان من الواجب تخبر امه وتعزمها...

وهو في النهايه اكيد ماراح يشوفها لانها وصتها لو شافته ماتكلمه ولاتسلم عليه...
حتى ماتصير مشكلــله...

بس لو ماجد يعرف باللي سوته عمته قلب عليهم الحفلـه وخربها...

وصلوا الثنتين للقاعـه ودخلـوا معظم الوجوه غريبه عليهم..

ماعرفت ام ماجد الا احــلام اللي كانت واقفه جنب بنتها وماجد جالس عالكرسي جنبها ويضحكوا مع بعض..

شافت سعاد جالسه على كرسي وراحت مع بنتها لها

ام ماجد: سعاد
سعاد بفرح: هلا ام ماجد حياك تفضلي....
عبير: شلونك عمتي
سعاد: هلا وغلا ببنتي شلونك يمه؟
عبير: بخير الله يسلمك
سعاد: تفضلوا...

كانت عبير تطالع اخوها اللي كاشخ وجالس جنب مرتـه ومبسوط عاالاخر...

كان ودها تقوم وتصرخ بأعلـى صوتها وتقول هذا اخوي
اللي ارفع راسي فيه...

بس للاسف مااقدر...

ماراح يتقبلني كأخت..

سعاد: والله كنت شاكه انكم بتجون
ام ماجد: شدعوه شلون مانجي..
سعاد: عاد يااختي مثل ماوصيتك...
ام ماجد وهي تطالع ولدها من بعيد: تطمني ماراح اكلمه...ادري انه يكرهني ومايحب يسمع حتى اسمي
سعاد: يااختي مو وقته...

كانت ام ريان تأشر لسعاد من برا القاعه يعني تعالي

سعاد: عن اذنكم...ام ريان تناديني
ام ماجد: مين هذي بعد؟
سعاد: هذي خالـه العروس...يلا اروح اشوفها وارجع لكم..

تركتهم وعيونهم معلقه في ماجد وجوري اللي باين انهم منسجمين عاالاخر...

لفت عبير حست ان امها تفكر

عبير: في شنو تفكرين؟
ام ماجد: لازم اروح واكلمه
عبير: يمه جنيتي تبين تفضحينــا قدام الناس..صلي عالنبي وشيلي هاالافكار من راسك
ام ماجد: ولدي مافيها شئ
عبير بسخريه: توك تعرفين انه ولــدك
ام ماجد: انتي اسكتي بلا لقافه..

قامت ام ماجد بقوه وجبروت...
وعبير يدها على قلبها...
خوفا من المصيبه اللي بتصير..

عبير وهي تسحب يد امها: يمه علشاني لاتروحين وتخربين فرحته
ام ماجد وهي تدز يد بنتها: مصره اني اكلمه

مشت له وعبير خايفه ماتدري وش تسوي..
طلعت بسرعه تدور عمتها سعاد...
حتى تنقذ الموقف...
لكن وينها سعاد اخافت فجأه..

وكأن الاقدار مصره تخلي ماجد تعيس بهالليله..

كل ماقربت توسعت ابتسامتها الخبيثه..
وهي تشوفه ماسك يد مرته ويكلمها بهمس ورومنسيه..

صارت مقابلـه رفع عينه لها..
كان مبتسم وفرحان..





بس لما عرف هالملامح فتح عينه من الصدمه...
وطالع جوري اللي مو فاهمه شئ..

ام ماجد: مبروك يمه...الف مبروك

جوري انصدمت...هذي امه؟

ماجد بذهول وصدمه: انتي وش جابك
ام ماجد: عيب ياماما..تكلمني بهاالاسلوب
ماجد وهو يقوم: قولي لي وش جابك...
ام ماجد وهي تعدل ثوبه: لازم ياحبيبي اكون معاك بهالليله
ماجد وهو ينزل يدها بعنف: ومن قالك اني ابيك جنبي هالليله...من قالك اني ابغاك بحياتي...جاوبيني

ارتفعت نبره صوته...والكل انتبه لهالحرمه الغريبه اللي سوت ارتباك...

راحت ام فؤاد وام سعود بسرعه البرق لهم بيفهمون وش السالفه..

ام سعود وهي تطالع الحرمه: من انتي؟
ام ماجد: احلام؟ بعد هالسنين؟ مو معقولـه..
ام سعود بشك: لتكوني...؟ ام ماجد؟
ام ماجد : أي امه يانظر عيني...
ماجد: يمه اكسري الشئ واطلعي قبل لااسوي شئ اندم عليه
ام ماجد: ياحبيبي خلين افرح فيك واكحل عيني بشوفتك مع مرتك ..
ماجد: اقولك اطلعي ماابغاك هنا...
ام فؤاد وهي تسحب ام ماجد: ياام ماجد مانبي فضايح قدام الناس...
ام ماجد: لا ماراح اطلـع.. ولدي الوحيد وبفرح فيه
ماجد بحزن وسخريه: أي ولدك اللي مااعترفتي فيه ورميته...ولدك اللي زين انك تعرفين اسمه...

تركهم ماجد وطلـع...
تارك جوري بوسط دموعها..

المفروض بهالليله يكون جنبها مايتركها...
بس وجود امه غير كل شئ...

ام سعود قربت من بنتها تهديها..وام فؤاد عصبت من ام ماجد اللي خربت الحفله بحضورها...

ام فؤاد: كفايه اللي صار ياام ماجد ارجوك اطلعي
ام ماجد بغرور: أي طبعا بطلـع اجل بجلس معكم...

مشت بجبروت اخذت اغراضها وراحت تدور عبير..

كانت عبير عند البوابـه واقفه يوم شافت ماجد معصب عرفت كل شئ

عبير: ماجد

لف للصوت وهو مستغرب من هالغريبه اللي تناديه لا وكاشفه وجهها بعد؟

ماجد وهو ينزل راسه: من انتي ووش بغيتي؟
عبير وهي تقرب: انا اختك ياماجد...اختك عبير

رفع راسه بسرعه....هذي عبير؟

كانت المره الاولى بحياته اللي يشوفها وهي كبيره..

قد مره شافها وهي صغيره

بس الحين كبرت تغيرت صارت حرمه...

ماجد بعصبيه: وش تبغين بعد مو كفايه انكم خربتوا هالليله
عبير: ماجد انا مالي دعوه...كل هذا من تخطيط امي..
ماجد: من تخطيطها ولا تخطيطك .. مايهمني...اللي يهمني انكم تبعدوا عن طريقي ماابيكم بحياتي...فاهمه
عبير بحزن: ليش ياخوي ؟
ماجد: انا مو اخوك....ومايشرفني اكون اخو لوحده سيرتها على كل لسـان....

طالعها باحتقار من فوق لتحت وطلع...

كانت امل ودينا واماني واميره يسمعون هالكلام لانهم واقفين وراهم

امل: شهالفضااااايح...ياحرام ياجوري ماتستاهلين
دينا: لاحول ولاقوه الا بالله....خلونا ندخل ونشوف هالمصيبه وكيف بنحلها

كانت جوري لسه تبكي..ومو راضيه تهدأ...

سعاد كانت مع ام ريان يرتبون البوفيه حتى يدخلوا الضيوف...

رجعت للقاعه وانصدمت يوم ماشافت ماجد..ولاام ماجد ولا عبير..

وجوري تصيح!!

اللي خلفت منه صار..
وهي السبب..


....................


كان بمجلس الرجال قاعد معهم...

ريان ومساعد جنبه يسولفون وضحك ومسخره وهو يحس بتعب كبير...

يحس ان جسمه متكسر متألــم...
يبي يرتــــاح..

بس هذي ملكة اخته مايصير يطلع,,

استغرب يوم دخل ماجد عليهم بس قالهم استحى يقعد بوسط الحريم وحاول يكون طبيعي ولحسن الحظ ماحد حس بشئ..


ريان: سعووود
سعود: هااا
ريان: شفيك يارجال ؟
سعود: ابد سلامتك يابو رامي
مساعد: لاوالله ريان صادق....منت على بعضك
سعود: حاس بتعب والله....
مساعد: اكيد الحب وعمايلوووو
سعود: ههههههه لاوالله ياخالي بس اني اليوم سبحت بمويه بارده وطلعت من البيت بدون ماالبس زين
ريان: ماتشوف شر...
سعود: الشر مايجيك...

حاول سعود يقعد اطول وقت يقدر عليه بس الصداع يزيد عليه...
والالـم بجسمه...

ماقدر يتحمل استأذن من عمه والموجودين وطلع لسيارته واتصل على دينــا...

دينا وهي تبعد عن الازعاج: الوو
سعود بتعب: دينا
دينا: هلا سعود وش بغيت
سعود: انا بره بالسياره..يلا نرجع البيت
دينا: بدري
سعود: تعبان مابقعد اكثر
دينا: سعود توها الساعه 11 خلينا نجلس بعد
سعود بدأ يعصب: خلاص بكيفك

سكر بوجهها...اما هي رمت الجوال...

هذا شفيه جن الظاهر...الله يعيني عليه

..........................



جوري هدأت شوي وتماسكت قدام الموجودين...
لين بدأوا ينسحبوا وحده ورا الثانيه

وماحد بقى غير الاهل...

امها وخالاتها وبنات خالاتها كانوا جنبها ...

ام سعود: خلاص هدأتي يمه
جوري: اوف من حظي...من وين جات هالمصيبه
ام فؤاد: مافي مصايب ان شاء الله...صلي عالنبي وكل شئ ان شاء الله بيمشي تمام..
جوري: أي تمام ياخالتي وهو من شافها هب طلع وخلاني قدام اللي يسوى واللي مايسوى
اماني: غلطان بصراحه يوم يخليك ويطلـع
امل: هذا فمك نفق النهضه سكريه قبل لااسكره لك بطرقتي فاهمه...البنت مو ناقصتك...
اماني: اووف وانا شقلت الحين...
اسماء: خلاااص روقوناااا ماصار الا كل خيير..قوموا البوفيه ناكل يلا جوري من الظهر انتي على لحم بطنك...
جوري: مالي نفس...
ام سعود وهي تقوم بنتها: يلاا يمه علشاني واذا على ماجد بتشوفيه وتشبعي منه سلا حبيبي

وقاموا وراحوا للبوفيه ياكلـوا ويتعشوا..

......................

بعد ساعتين قررت ترجع مع رزان للبيت..

رجعت ومعاها خالتها..

بعد ماوصلت نومت رزان بغرفتها وصعدت فوق ..

دخلت غرفه نومهم كانت الاضواء مطفيه..قالت اكيد انـه نايم...

بدلت ملابسها بهدوء وجات عالسرير وانسدحت...

غمضت عينها .. بس سمعت اصوات تنهدات...

فتحت عينها ولفت عليه بس ظلام ماتشوف شئ..

شغلت الابجوره جنبها..وشافته كان معرق ويرجف شكلـه تعبان...

قربت وحطت يدها على جبينه .. حار مرره..

حطت يدها على فمها تفكر...انا السبب ..

خليته يسبح بمويه بارده ..

قامت بسرعه المطبخ وسوت له كمادات بارده...وقعدت جنبه تحطهم على راسه وهو بعالم ثاني..

دمعت عينها بخوف وهي تشوفه يرجف حييل وحرارته مو راضيه تنزل...

عجزت .. تركت اللي بيدها ودقت على فارس..

فارس: هلا دينا
دينا: فارس انت وينك؟
فارس: بالبيت لييش؟
دينا: الحق علي اخووك تعبان

طلع للدور الثالث وشال سعود وساعدته هي وراحوا للمستشفى..

ماحبوا يقولوا لام سعود حتى ماتحاتي..

دخلوا الطوارئ على طوول...

بقت تمشي بارتباك وفارس جنبها يهديها...

فارس: يادينا لاتربكيني اكثر خلاص مافيه شئ ان شاء الله..
دينا: مدري يافارس اول مره سعود يتعب كذا...

نزلت راسها وهي تبكي لانها هي السبب..لو صار فيه شئ بيكون بسببها..
خلته بدون اهتماام وتفكير يسبح في مويه مثل الثلج والجو حيل بارد...

فارس ماقدر يتحمل اكثر...دموعها كثير توتره دخل للغرفه وجات وراه...

فارس: ها يادكتور...
الدكتور: مااخفيك انفلونزا شديده لان حرارته 39 بننقله لغرفه الملاحظـه...

نقلوه بمساعده ممرضين لغرفه ثانيه..

وهي تطالعه شلون لونـه مخطوف اصفر..

حطوا الممرضين عليه مغدي.وكمادات صناعيه وعطوه ابره حتى تنزل درجة حرارتــه..

دينا: دكتور عادي ادخل لـه؟
الدكتور: أي بس خليه يرتـاح يااختي
دينا: امرك

دخلت مع فارس لغرفه الملاحظه اللي نقلوه لهـا...

فارس: المغرب كان عادي مافيه شئ..اكيد مالبس زين واخذ برد..

كانت ساكته ماتسمع كلامه .. تطالعه بأسف..وخوف!!

فارس: بتبقين معاه؟
دينا: اكيد
فارس: انا اقول لو ارجعك البيت احسن...ترا الشغلـه شكلها مطولـه..
دينا: لايافارس ماراح اخليـه لوحده
فارس: ببقى انا معاه ماراح يكون لوحده
دينا: لا ببقى معاه
فارس: احم لهالدرجه الحب

ابتسمت لفارس...

لا مو حب يافارس اللي احسه..
شئ غيـر...

شئ يحسسك انك مسؤول عن انسان..
مسؤول عن كل تصرفاته وافعالـه..

شئ يخليك ماتبي تترك هاالانسـان لحظه وحده...
لانه مرايـه لك ولنصايحك وتجاربك..

سعود مسؤول مني وانا مسؤلـه منه..

اثنينـا نكمل بعض....

فوق كل هذا انا المسؤله عن اللي صاير فيه الحين...
انا السبب في مرضـه..

لو بس يدري انا اشهد انــه بيذبحني ..

فارس: لا الاخت سرحانه بعالـم ثاني...
دينا: ههههه خليك في حالــك

تثاوب فارس وقعد عالكرسي دقايق وغمضت عينه ونااام..

اما هي عينها سهارى ماراح تنـام بتحرسه لين يصحى وتتطمن ان مافيه شئ..

جلست جنبه عالسرير تطالعه وتشوف المغدي وين وصل..

لسى باقي كثييير...

مسكت يده بين يديها...وهي تدفيهم لانهم حيل باردين...

حست ان حرك راسه وفتح عينه بهدوء..

دينا: سعوود..

قام يطالع المكان وهو مو مستوعب...حس ان بيده شئ...

يده اليسار فيها مغدي ويده اليمين بين يديها...

سعود بصوت متقطع: احن..ـا وين؟
دينا بهدؤء وهي تقرب منه: لاتتعب نفسك بالكلام
سعود: ليش انا هنا؟
دينا: تعبت وجبنــاك المستشفى..

تنهد بتعب وغمض عينـه

دينا : سعود تعبان؟
سعود: كثيير
دينا: اسفه والله ماكان قصدي
سعود وهو يفتح عينه بتعب: وانتي وش دخلك؟
دينا بخوف: انا السبب لاني...

سكتت واحتارت..

ياربي شقول له والله بيذبحني

سعود: لانك شنو؟
دينا: بصراحه..انا اللي فتحت المويه البارده
سعود: ادري
دينا بصدمه: شلوووووووووون؟



وش ممكن يسوي سعود في دينـــا وهو يدري انها ورا تعبه ومرضه؟؟



......................................



دينا: بصراحه..انا اللي فتحت المويه البارده
سعود: ادري
دينا بصدمه: شلون؟

سعود: انا قلت محد غيرك بيموتني...بالله هذي سواة تسوينها..في حرمة عاقله تسوي بزوجها كذا؟
دينا وهي تبكي: والله غصبا عني ماتوقعت انك بتتعب وتمرض كذا

لف عنها وهي متلومه ومتفشله ويـاه
تحس انها تصرفت بطفوليه وغبـاء...

دينا: سعود انـا...
قاطعها بهدوء: ارجعي البيت مالـه داعي تتعبين نفسك معاي انا بخير مافيني شئ
دينا: شلون اخليك وانت بهالحالـه

لف سعود يطالع فارس اللي نايم عالكرسي: هذا هو فارس معاي لاتحاتين

خلص كلامه ولف بوجهه الناحيه الثانيه مايبي يشوفها..

دينا بانكسار: اخر كلام؟
سعود: أي...
دينا: سعود لاتصير قاسي والله ماكان قصدي
سعود ببرود: ماابي اسمع شئ الحين ... خلاص ارجعي البيت

قامت وخاطرها مكسور والدمعه على خدها وطلعت من الغرفه...

قعدت في غرفة الانتظار..ماعندها خيار ثاني

........................

الساعه 1 ونص فجرا..

البنات لازالوا بالقاعه رقص ماينتهي..
كانوا يرقصون على اغنيه سلمان حميد .. لحن المفارق


ام فؤاد: انتوا ماتتعبون خلاص يلا نرجع
امل: يمممه شدعووه تو الناس
ام فؤاد: خافي ربك الساعه قريب ثنتين يلا مشينـا

كانت جوري قاعده بوسطهم مبتسمه بهدوء تشوفهم وهم فرحانين فيها...

وسعاد...بعد اللي صار والموقف اللي سوتـه ام ماجد لامت نفسها لانها هي السبب في هالمشكله اللي صارت لجوري وماجد..
خربت فرحتهم بتسرعها..

قبل لاتطلـع اعتذرت من جوري اللي ابد ماحطت ببالها وقالت لها ماصار الا كل خيـر..

وطلعت وتركتهم...بس خايفه من لقائها مع ماجد
شلون بيكون بعد اللي صار..

دق جوال اسماء وكان مساعد

اسماء: هلا سعووودي هلا حبيبي
مساعد: هلا سموووي..وين اختك الدعلـه
اسماء: دعله بعين العدو....كاهي موجوده قاعده معنـا
مساعد: الرومنسي زوجها يبغاها بـره
اسماء: اوبش اوبش وش يبي فيها
مساعد: مالك دخل زوجها ويبغاها.. يلا خليها تطلـع
اسماء: طيب

قفلت وراحت لعند جوري: جوري
جوري وهي ترفع راسها: اممم
اسماء: قومي البسي عبايتك واطلعي بره
جوري بصدمه: شنو؟
اسماء: هههههههههههه لاتخافين مو طرده...زوجك يبيك بره
جوري بزعل: ماابيه
امل: اما ماتبيه اجل باخذه انـا
اسماء: ليش لعبه تاخذيه
امل: عاالاقل اضمن مستقبلي
جوري: تلايطي امول مااسمح لي
امل: ياهووووو دامك خايفه لاحد يسرقه منك اطلعي قبل لااسرقه
جوري وهي تقوم: امري الى الله
اسماء: اجي معك؟
جوري: اووف الواحد ماياخذ راحته يعني
اسماء: ههههههههههههههه روحي الله والنبي حارسك

لبست جوري عبايتها وطلعت لبره شافت ماجد ومعاه مساعد وابوريـان...

استحت لان كلهم موجودين

ابوريان: يبه جوري
جوري: هلا يبه
ابوريان: زوجك بياخذك شوي لبيتهم بتروحين؟؟
جوري: مادري
مساعد: وش ماتدرين...الرجال يبيك بكلمة راس
جوري وهي ترفع عينها تطالعه: خلاص اوكي
ابوريان: ماجد ياولدي مااوصيك لاتتأخرون بالرجعه
ماجد: من عيوني عمي لاتوصي حريص...كلها ربع ساعه
مساعد: أي اصابات كلمونااااا 999 فاهمين
ماجد: ههههههههههههه...تطمنوا دامها معاي بحطها بعيوني

ابتسمت جوري من تحت الغطاء وهي مبسوطه حييل

مساعد: ياويلي مااقدرانـا عالغزل الصريح
ماجد: والله كيفي صارت مرتي الحين
مساعد: خلصني يابوو الشباب يلا...وانتبه لها زيين زيين مااوصيك
ماجد: ماطلبت غالي..
ابوريان: سلم لنا عالوالد ياولدي وقوله تمنياه يكون موجود
ماجد: يوصل ان شاء الله عمي..والسموحه منكم ماقدر يجي لانه تعب انت عارف الظروف الصحيه للوالـد
ابوريان: مافي مشاكل اهم شئ راحتـه
ماجد: الله يسلمك ويخليك....ها نروح جوري؟
جوري وهي تمشي جنبه: اوكي



راح ابوريان مع مساعد لداخـل...
وصارت معاه بالسياره جنبه لاول مره بحياتها..

احساس مخيف وغريب بس حلـو له نكهه خاصه..

احساس حلو لما تحب شخص معين ويكون حبكم بالنظرات لااكثر..فجأه وبدون مقدمات تلاقي ان هاالانسان صار لك من نصيبك...بيكون جنبك لاخر نفس بحياتك...
مابينكم أي قيود...


ماجد: ليش متغطيه خليني اشوفك..

ومد يده وشال غشوتها...كانت مبتسمه بهدوء ومنزله راسها...

ماجد وهي يقرب منها: مو مصدق ان احنا مع بعض
جوري بحيا: بتمشي ولاانزل ...
ماجد وهو يشغل السياره: نمشي وهناك نتفاهم...

كان يحاول يتكلم معها ويسحب منها الكلام بس حس بصعوبه لانها مستحيه ومو متعوده عالوضع الجديد..

وصلوا لبيتهم راح وفتح لها الباب...

جاء بيمسك يدها بس مارضت...غصب عليها ومسكها ودخلوا..

ماجد: وهذا ياستي بيتنا
جوري وهي تطالع الصاله: حلوو والله وين عمي؟ تمنيته يكون موجود اشوفه واسلم عليه
ماجد: ماعليه جوري لاتعتبين عليه..والله يوم خليته المغرب حالته حاله...مره تعبان
جوري: ووينه الحين
ماجد: دامه مو بالصاله..اكيد نايم بغرفته

رفعت عينها تطالعه ماقدرت تطالعه اكثر وحاولت تشغل نفسها وتطالع البيت واركانـه...

سحبها من يدها وجلسها جنبه عالكنبه: تعالي ليش واقفه

قعدت وحاولت تبقى بعيده

ماجد: الله يهديك وش بسوي لي انا يعني
جوري بحيا: خليني براحتي ماجد
ماجد: ياويل حالك ياماجد انا اشهد انك رحت فيها..

ضحكت بدلع ولفت عنه..

قرب منه وحط يدينه حول كتفها

جوري وهي تطالعه: ماجد بعد عني
ماجد: لاتحلمين يالدبه ابعد عنك بعد ماصرتي لـي..
جوري: اخاف عمي يطلـع
ماجد: واذا شافنا عادي مافيها شئ
جوري: لافشله استحي..
ماجد بهمس: جوري والله مو متخيل ان احنا مع بعض انا بحلم ولابعلم
جوري وهي تطالعه ومبتسمه: لاعلـم...

هي كانت تحس نفس الاحاسيس ..
مو مستوعبين انهم مو بعض..

الحين بس صارت تقدر تعبر عن حبها له بدون خجل لانه صار زوجها على سنه الله ورسولـه..

ماجد: جوري
جوري: اممم
ماجد: انا اسف عاللي صار اليوم
جوري بزعل: ماتوقعتك تطلع وتتركني بروحي
ماجد: حبيبتي اسف والله عقلي ماكان معاي بس اللي صار مو هين...اخر ثنتين توقعت اشوفهم بحياتي امي وعبير
جوري: اقولك شئ وماتزعل؟
ماجد: قولي
جوري: بصراحه ماجد..عمتك غلطانه يوم قالت لهم...رغم اني ادري انها سوت هالشئ بطيب نيه بس...
ماجد وهو يتنهد: كنت حاس انها بتقول لهم...بس كذبت احساسي وقلت عمتي ماتسويها...
يلا بس اشوفها بفهم منها السالفه...بس الاهم الحين انتي
جوري: شفيني انا؟
ماجد: مو زعلانه؟
جوري بحيا: دامك معاي اكيد مو زعلانه
ماجد: يابعد قلبي انتي...
جوري: ها نمشي؟
ماجد: بدري حبيبتي
جوري: بدري من عمرك ماجد...بس الوقت متأخر..اشوفك بكره ان شاء الله وياويلك اذا ماجيت
ماجد وهو يقوم ويمسك يدينها: امرك حبيبتي كم جوري معي

...........................

طالعت الساعه قربت 5 الفجر وهي لسه قاعده مكانها على كرسي الانتظار..
خايفه تدخل ويفشلـها..

قامت تمشي في الممرر اللي فيه غرفته رايحه وجايه
لين انتبهت للمرضه اللي طالعه من غرفته..

راحت لها بتسألها عنه

الممرضه: يس مدام
دينا: كيف صار؟ نزلت حرارته؟
الممرضه: لا هزا واجد مريض...
دينا بزعل: طيب نايم ولا صاحي؟
الممرضه: نايم ماما

وتركتها الممرضه وراحت عنها...
قررت تدخل دامه نايم واكيد مابيحس عليها..

دخلت ولقت فارس واقف عند السرير

دينا بهدوء حتى ماتزعج سعود: صح النوم
فارس: صح بدنـك..وين رحتي؟
دينا: ببغرفه الانتظار
فارس: دينا اسف بخليك بس مره تعبان بروح البيت اريح شوي وبرجع لكم اوكي؟
دينا: أي خلاص خذ راحتـك..
فارس: لابغيتي شئ كلميني...
دينا: ماتقصر تعبناك
فارس: وش تعبتيني بعد هذا اخوي وانتي زوجته غلاتك من غلاته
دينا ببتسامه شكر: مشكور ..

طلع وخلاها لوحدها معاه....
قعدت عالسرير جنبه وحطت يدها على جبينه لقتها لسه حاره...

اااه ياربي خفف عنه واشفيه..

طلعت من شنطتها مرايه شافت وجهها من جد متعب ومرهق...
رجعتها وبقت تطالعه...

الظاهر وجودها جنبه ازعجه شوي لانه قام يتحرك وفتح عينه بتعب...

سعود: للحين مارحتي
دينا: شلون اروح واخلـيك لوحدك
سعود: وين فارس؟
دينا: راح البيت..وبيرجع بعدين
سعود: ابي مويه
دينا: من عيوني

قامت وجابت له وشربته بنفسها...

دينا: كيف صرت الحين؟
سعود: عادي
دينا: خلاص نام وارتاح
سعود: وانتي مابترتاحين؟
دينا: انا كذا مرتاحه ماعليك...

قامت من السرير حتى ياخذ راحته وقربت لها كرسي وجلست جنبه...

سعود: ليش تسوين كل هذا علشاني ؟!!!

استغربت سؤالـه بس ردت عليه ببساطه: زوجي ومن واجبي اسوي كل هذا علشانك ولاانـا غلطانه؟
سعود: يعني واجب لااكثر؟
دينا وهي تنزل راسها: يمكن واجب ويمكن اكثر...
سعود: كيف؟
دينا: بكره مع الايـام بتعرف كيف...وبعدين لاتنسى ان اللي فيك بسببي
سعود وهو يبعد نظره عنها: روحي البيت
دينا بضيقه: لهالدرجه وجودي جنبك مضايقك
سعود: لا تتعبين مع شخص مايعني لك شئ...ارجعي البيت.. وجودك جنبي ماله داعي

اسلوبه كان جدا قاسي..نزلت راسها ودمعت عينها..
هذا بدال مايشكرني لاني سهرت معاه..

قامت من الكرسي وقربت من سريره بتاخذ شنطتها

سعود: ها بتمشين
دينا وهي ماتطالعه: بسوي اللي تبيه وبريحك
سعود ببرود: الله معاك

وصلت البيت بعد ساعه الا ربع تأخرت بزحمة الطريق لان كان فيه حادث..

دخلت لقت ام سعود تروح وتجي بالصالـه..

دينا بتعب: خالتي
ام سعود وهي تركض لدينا: سعود شفييه
دينا وهي تقعد عالكنبه: مافيه الا العافيه
ام سعود : فهميني لاتخبي علي يادينا شفيه ولدي؟
دينا: ياخالتي مافيه ان شاء الله الا الخير...تعب شوي علينا الفجر واخذناه للمستشفى
ام سعود: وش قالوا المستشفى؟
دينا: انفلونزا ياخالتي...بس تطمني .... من قالك؟
ام سعود: فروس.. صحيت من النوم نزلت لقيته نايم بالصاله..
صحيته وقال لي السالفه.. وراح داره يكمل نومته
دينا: اهااا....

تثاوبت دينا وهي تحس انها من جد تعبانه ونعساانه..

ام سعود: قومي يابنتي ارتاحي ونامي...
دينا: خلاص خالتي بروح انام ساعتين وصحيني حتى نروح له المستشفى
ام سعود: ولايهمك حبيبتي...روحي انتي ارتاحي..

..................


قام من النوم الساعه 8 الصباح..يعني مانام 5 ساعات على بعضهم...

الافكار تاخذه وتجيبه ..

يفكر في امه واخته عبير..وعمته !

انا لازم اروح اكلمها واشوفها..من جد ياعمتي خربتي فرحتي...
شلون تسوين هالشئ بدون علمي..شلووون

قام صلى ولبس وتوجه لبيت عمته..

دخل الصاله ولقى جدتـه تشرب شاهي ..

ماجد وهو يبوس راسها: صبحك الله بالخير يمه
الجده وهي تطالع ماجد: من انت؟
ماجد: لحووول .. انا صدام حسين
الجده: وي وي وي تف تف علي بسم الله الرحمن الرحيم
ماجد: ههههههههههه مدري عنك...انا ماجد
الجده وهي تبتسم: ايييه هلا بولدي هلا بريحانة قلبي
ماجد: فديييتك يمه وفدييت كلامك الحلووو...اقول
الجده: سم يمه
ماجد: وين عمتي؟
الجده: ياللي ماتستحي بدارها
ماجد بصدمه من كلام جدته: ماتستحي؟ ليش عاد يمه؟
الجده: من سواياها اجل تعزم امك واختك للملكه لابارك الله فيها كان هذي سواياها
ماجد وهو يسرح:ابروح لها

راح ماجد لغرفة عمته دق الباب بس ماردت...

فتح الباب بشويش لقاها قاعده عالارض وهي لابسه جلال الصلاه ورافعه يدها تدعي..

سعاد والدمعه على عينها وماحست بوجود ماجد وراها: يارب انك تسامحني عاللي سويته...يارب انك تهدي ولدي ماجد وتلين قلبه علي....يارب عونك مالي غيرك..

بعد ماخلصت هالدعوه ماحست فيه الا وهو يبوس جبينها ويضمها لصدره
بكت في صدره لانها متعذبه من اللي سوته..

ماجد: خلاص يمه كل شئ ولادموعك
سعاد: سامحني ياماجد ماكان قصدي اخرب فرحتك وفرحة زوجتك بس تسرعت وتهورت و...
ماجد: اووش خلاص ماابي اسمع شئ يمه..انتي اللي سامحيني...
سعاد: على شنو حبيبي اسامحك انت ماسويت شئ

بعد عنها وقعد عاالارض مقابلـها..

ماجد وهو يتنهد: ليش يمه سويتي كذا؟
سعاد وهي تصيح: كنت ابغاها تفرح معاك ومع زوجتك...بغيت احسسك ان عندك ام حالك من حال كل الناس..ماكنت ابيك تحس بنقص..
ماجد وهو يبوس يدها: انتي امي واختي .. وكل شئ بالدنيا..انا ماابي شئ ياعمتي غير انك تكونين معاي انتي وجدتي وابوي وجوري هذا اللي ابيه...(وهو ينزل راسه)وامي وعبير الله يوفقهم ويسعدهم بس ماابيهم بحياتي ماابي اشوفهم بعد اليوم...ممكن؟
سعاد وهي تمسح على راسه: وعد يمه مااعيدها..واسفه اني تصرفت من وراك
ماجد: حصل خير يمه....ها نقوم نفطر مع جدتي؟
سعاد: ياخوفي بس تشوفني ترميني بالعصا حقتها.. من امس معصبه علي لو فيها حيل لاحقتني من غرفه للثانيه
ماجد: ههههههههههههه أي اشوفها صايره قوويه اندر تيكر قومي ابهبل فيهاا

طلعوا وانظموا للجده اللي قربت تخرف..

الجده وهي تطالع سعاد: ها اشوفك قاعده قدامي..
سعاد: شدعوه يمه اقوم يعني
الجده: قوومي لابارك الله فيك ولافي مرت اخوك اللوعه...
ماجد: ههههههههه جدتي مااسمح لك ترا كل شئ ولاعمتي
الجده: انت اسكت ولاكلمه ... مو ناقص الا بزارين
ماجد: افا انا بزر
الجده: بزر أي .. حدك 17 سنه
سعاد: ههههههههههههههه
ماجد: حشى...طول وعرض وتقولين 17..ياحبيبتي يابعد قلبي عمري 23 سنه...لتكووني يامزموزيل خرفتي؟
الجده وهي تضربه بالعصا: انا بعدني شباب انت اللي خرفت
سعاد: اقووول شكلنا ماراح نخلص خلاص اتركها في حالها
الجده: ليش مفكرتني مجنوونه ولامافيني عقل
سعاد: يووووو يمممه خلاص
الجده وهي تلف عنهم: مصمه ان شاء الله اكمل الشاهي ابرك من مقابلكم...
ماجد: خخخخخخخخخخ ...اقول جدتي
الجده: أي يمه
ماجد: شفتي امس زوجتي ولا؟عجبتك؟
الجده: أي والله ياحليلها بنتنا....جيبها يابوي خلينا نقعد وياها نشوفها
ماجد: ان شاء الله من عيووني بس عاد تراني اغار لايكون تحبيها اكثر مني
الجده: معزتها من معزتك ياولدي
سعاد: أي مجوود يمه جيبها لنـا اليووم
ماجد: اليوم؟ اممممم خلاص ابكلمها واشوف اخوانها وابرد عليكم
.........................


.....................................


11 صباحـا

اليوم تطلع نتايجهم...ويخلصون من النص الاول...
وبعد اسبوعين يرجعوا للمدارس ويكملوا النص الثاني

كانت قاعده بالصالـه تطالع قناه نغم(ستار اكاديمي) وهاني جنبها ياكل كورن فلكس وحليب...
صحيح تطالع التلفزيون بس تفكيرها بالمدرسه
والنتيجه...وخايفه من جد تحس قلبها بيطلع منها..


سمعت صوت المصعد ينفتح لفت كان ابوها نازل...

فزت وراحت له ركض وحضنته

ابوريان: ههههههههههههههه الحياله وش تبي
ديمه: فدييتك يااحلى ابو بالدنيا فدييتك صلووحي...
ابوريان وهو يحط يده على كتفها ويمشون لوسط الصاله: شتبين يالدلووعه بدون مقدمات
ديمه وهي تجلس جنبه عالكنبه: يبه تكفى طالبتك..
ابوريان: لحظه قبل كل شئ مو اليوم تطلع نتايجك؟
ديمه وهي تشيل نظرها عن ابوها: أي يبه
ابوريان: ورا مارحتي المدرسه للحين تشوفينها؟
ديمه: خايفه يبه..بطنيي يعووورني ...خلاص مابرووح ماابغاها
ابوريان بعصبيه: ديمووو
ديمه بخوف: هلا يبه
ابوريان: قومي يلا روحي البسي بوديك المدرسه
ديمه: واذا طلعت نسبتي مو حلووه
ابوريان: لاان شاء الله تطلع حلووه...واذا لاسمح الله ماكانت حلوه بتعوضين الترم الثاني...

نزلت ام ريان من دارها وانضمت لهم..

ام ريان بلهفه: ديموو رحتي المدرسه؟ وريني نتيجتك
ابوريان: بنتك الشاطره للحين ماارحت
ام ريان بعصبيه: ليييييييش ان شاء الله برجلك حناء ولاشنوو
ديمه وهي تضرب برجلها الارض: خااااااييفه والله
ام ريان: خمس دقايق لك ديموو ان ماتحركتي بتشووفين اللي عمرك ماشفتيه...

بوسط هالكلام دق الجرس...راحت ديمه تشوف من

ديمه: مين
اميره بسرعه: ديمو ديمو انا اميره بسررعه افتحوا
ديمه باستغراب: وش جابك انتي هالوقت
اميره: اووووووف منك افتحي لي الباب يامصلك
ديمه: يالخبله مفتوح ولا خلي محمد يفتح لكم البوابه
اميره: هالعله ماهو موجود....
ديمه: اووف تيب جايتك...

طلعت ديمه وفتحت لاميره الباب..وشافت بيد اميره ورقتين...

ديمه وقلبها يدق: لاتقولين رحتي اخذتني النتايج
اميره وهي تغمز: اخذت نتيجتي ونتيجتك...

سكتت ديمه وقلبها يدق الف دقه بالساعه هالنسبه هي اللي بتحدد كيف بيكون مستواها بالنص الثاني...
لازم تكون نسبتها عاليه حتى تقدر تستمر...

ديمه بخوف وهي ترجف: كم نسبتي؟
اميره وهي تركض لداخل البيت: الحقيني وبوووريك

ركضت ديمه ورا اميره اللي سلمت على خالتها وزوج خالتها وقعدت..

هاني وهو ينتبه لاميره: اميلووو اميلووو ( اميروو اميروو)
اميره: هلا والله بحبيبي اللي ماتحمل غيابه..كل هالغيبه تغلي ولا انا شوقي بزياده....
ديمه وهي تدخل وهي تلهث من الركض: هاتي الشهاده بسرررعه
اميره باستهبال: حزري فزري كم جبتي
ديمه: اوووووووه اميروووه يلا هاتي

قربت ام ريان وهي خايفه على بنتها ونسبتها..

طالعت ديمه مكان النسبه وكانت صدمه!!

91 بس؟!!

ديمه وهي تشهق: لامستحيييل

قعدت ديمه عالكنبه وطاحت الشهاده من يدها...انا ذاكرت وجديت...المفروض نسبتي تكون عاالاقل 95...

ام ريان بخوف: ديموو يمه كم جبتي طمنيني...ديموو شفيك صاخه خوفتيني
ديمه بصدمه: 91
ام ريان: بس؟؟
اميره: الله يهديكم شفيها 91 والله زينه وتقدر ترفع معدلها النص الثاني...

ديمه ماقدرت تتحمل قامت تصيح من قلبها...

دام هذي نسبتها النص الاول..اكيد ماراح ترتفع كثير بالنص الثاني...

ابوريان وهو يقرب من ديمه: بابا ديمه لاتصيحين

ارتمت بحضن ابوها وهي تصيح بصوت عالـي..
هاني بخوف وهو مو فاهم شئ: ديموو ديموو ليث تثيحين

ام ريان بعصبيه: ماتقولين لي وش ناقصك حتى تجيبين لي هالعلامه الخايسه....كل شئ تبينه جبناه لك...
مدلعينك لاخر حد وموفرين لك جو مذاكره وهدوء...
واخر شئ تجين لي بهالعلامه ...
اميره وهي تقوم لخالتها: خالتي بدال ماتخففين عنها...خلاص صلوا عالنبي ماانتهت الدنيا...واصبروا لين تطلع النسبه الكبيره لاتحكموا من الحين ان شاء الله بتذاكر وتحل كويس بالاختبارات النهائيه وترتفع نسبتها....
ام ريان بقهر: هذي بنتي اللي تمنيتها تدخل طب...تجيب لي هالنسبه
ابوريان: انتصار الله هديك خلاص...البنت حالتها حاله
ام ريان: محد خـربها غير دلعك ياصالح...
ديمه بعصبيه وانفعال وهي تقوم: خلاص كفايه ارحميني كفااايه...ماابي دراسه ماابي شئ خلاص وهذي الشهاده هاا

قطعت الشهاده بهستيريه وعصبيه واميره وابوريان يحاولوا يهدوها بس مافي فايده....

رمت الاوراق الصغيره عاالارض وركضت فوق لغرفتها وراحت اميره وراهـا...

تنهدت ام ريان وقعدت ويدها على خدها..

هاني وهو يقرب من جدته: ماما...
ام ريان بقهر باين عليها: هلا حبيبي
هاني وهو يطالع المصعد: ديموو ليث تثيح؟
ام ريان: لانها تعبانه شوووي..اوووف الله يغربلها من بنت كانها رفعت ضغطي
ابوريان: انتصار ماله داعي الكلام اللي قلتيه للبنت خلاص .. البنت ذاكرت واجتهدت وهذا اللي طلع معاهـا..
ام ريان بانفعال: قولي دام جابت هالنسبه الحين كم بتجيب اخر السنه.... لكن ابوريها والله لاحرمها حتى من مصروفها خليها تخيس قاعده بغرفتها لازم تكون مسؤوله.. كفايه دلع ولعب....
ابوريان وهو يقوم يقعد جنب مرته: انتصار...هذا مو حل...البنت الحين حالتها النفسيه بتكون تعبانه...لازم نساعدها مو نزيد عليها...

دخل عليهم ريان وباين من عيونه انه قايم من النووم

ركض له هاني وقعد بحضنه

ريان: يمه يبه ديموو ليش تصارخ الخبله صوتها واصل لفووق...جنت ؟
ابوريان: الله يهديك ياولدي مو وقتك..
ريان: فهموني شصاير ليش صراخكم واصل لاخر الدنيا
ام ريان: اختك لابارك الله فيها اليوم طلعت نتيجتها
ريان: هابشروا كم جابت
ابوريان: 91...
ريان: اممممممم زينه
ابوريان: فهم امك شابه نار عالبنت..
ام ريان: اوووف انا ماحد بيموتني غير برودة اعصابكم...

تركتهم وراحت فووق...

ريان: امي شفيها....مو لهالدرجه عاااد مكبره الموضوع
ابوريان: بعدين تهدأ....
ريان يكلم ولده: بابا فطرت ولا؟
هاني: أي اكلت كوف ركلس
ريان: ههههههههههه اسمه كورن فلكس
هاني وهو يطالع فم ابوه ويتعلم ينطقها: كـو...كـوف.ركلس
ريان: ايه هين اقول تصبح على خير....
ابوريان: وشلون زوجتك الحين؟
ريان: ابد يبه على حطة يــدك...احاتيها حيل..
ابوريان: لاتحاتي يبه..ماعليها شر ان شاء الله
ريان: شلون يبه مااحاتي..لطيفه مو بس زوجتي... قطعه مني مااتحمل يجيها شئ كيف بعيش بدونها

نزل ريان راسه في لحظه ضعف وانهيار ناذر مانشوفه فيها..

نزلت دمعه من عينه مسحها بسرعه قبل لايشوفها ابوه

ابوريان وهو يربت على كتف ولده: لاتخاف وانا ابوك...زوجتك ماعليها شر ان شاء الله وبتقوم بالسلامه...عادي كل وحده تحمل تتعب
ريان: لايايبه...هي ماتعبت كذا يوم حملت برامي وهاني ...
ابوريان: ااه ياولدي مدري وش اقول لك...بس انا اشوف لو توديها تنام بالمستشفى يكون احسن..عاالاقل بتكون تحت ملاحظه الدكتور..
ريان: عجزت اقنعها بس راسها يابس...تقول ماتبي تترك عيالها
ابوريان: عيالها في الحفظ والصون كاهي امك موجوده بتهتم فيهم...روح يبه كلمها واقنعها...هناك راح نتطمن عليها اكثر
ريان: امرك يالغالي

........................

30 ظهرا

كانت تلبس عبايتها بغرفتها بتروح لولـدها المستفى..
بس تذكرت انها ماتعرف غرفته هنـاك ولاتدل...

جات بتطلع بس سبقتها رزان وفتحت الباب

ام سعود: صباح الخير حبيبتي...
رزان: جدتي...وين بابا وماما دينا
ام سعود: نايمين حبيبتي
رزان: لا انا رحت فوق شفت ماما دينا نايمه...بس ماشفت بابا

سكتت ام سعود..شقول لها الحين هالمسكينه..

رزان: جدتي...انتي بتطلعي؟
ام سعود: أي حبيبتي بروح المستشفى
رزان: بروح وياك..
ام سعود: أي والله مابخليك بروحك...تعالي بلبسك حبيبتي ونروح لابوك المستشفى
رزان بخوف: بابا في المستشفى؟ شفيه بابا؟

وقامت رزان تصيح

ام سعود: خلاص يمه لاتصيحين....يلا بلبسك ونصحي فارس يروح معنا

لبستها وصحت فارس اللي قام بالمووت وراح معهم المستشفى...

لما وصلوا فتحت رزان الباب قبلهم ولقت ابوها كان صاحي ووجهه متعب ومرهق من جد...

ركضت لحضنه...هو فتح يدينه وضمها...

ام سعود: سلامتك حبيبي كيف صرت الحين؟
سعود بتعب: هلا يمه...بخير بشوفتك...

باست ولدها على جبينه وقعدت جنبه...

طلعت دله الشاهي..وطلعت له صحن فيه مالذ وطاب من الحلويات والفطاير..

فارس: قسم لو انا اللي مريض ماجبتوا لي كل هاالاكل..اااه يالقهرر
ام سعود: كلكم لكم نفس الحب والمعزه
سعود وهو يطالع الباب: دينا ماجات معكم؟
ام سعود: لا يايمه...البنت سهرانه وتعبانه ماحبيت ازعجها....

سعود بخاطره...اي طبعا تبي الفكه مني ...ماتبي تشوفني...

حس بضيقه لما عرف انها ماجات..

ام سعود وهي تعطيه الشاي: يمه سعود خذ الشاي شفيك
سعود: لابس كنت افكر...

اخذه وشربه وفكره هناك بعييد

ليش ماجيتي معهم؟ لهالدرجه كارهتني..
ماودك بشوفتي وبقربي

اوووف انا شفيني براحتها اذا ماتبي تشوفني..
ليش اهتم وهي ولا على بالها

فاق على رزان تضربه ضربات خفيفه على خده

سعود: هلا حبيبتي
رزان وهي تطالع المغدي: بابا شنو هذا؟
سعود: هذا مغدي حبيبتي
رزان: يعني شنو مغدي...هذا مويه بابا
فارس: خخخخخخخخ مويه بعينك...هذا يابنت الحلال انا بشرح لك..

قرب فارس من المغدي ومسكه: طبعا هذا المغدي مواد سكريه مغديه...واهم ماده فيه الجلكوز..هذا اولا ثانيا ياطلاب ياحلوين...
سعود قاطعه: ااقووووول لايكثر يالبروفسور...مسوي لنا فيها فاهم وانت خرطي
فارس: أي خلني اشرح لبنتك العبيطه ماتفهم شئ
رزان بزعل: انا افهم...
فارس وهوي يشيلها على كتفه: اااخ منك انتي...
رزان وهي تضحك: ههههههههه نزلني عميي اخاااف
فارس وهو يمشي فيها بالغرفه بسرعه ويفحط : ابجننك ابدووخك..

ورزان مسكينه تصارخ خايفه تطيح

ام سعود: فرووووووووس غربلك الله من ولد فضحتنا بالمستشفى
سعود: فارس وجع نزل بنتـي لااقوم اكفخك
فارس وهو يطلع لسانه لاخوه: اتحداااااااك

وطلع فيها بالممر ونزلها...اما هي استلمته ضرب في بطنه وهو يضحـك ويبعد عنها لين صدم في شئ..

لف بسرعه لقاهـا واقفه مبتسمه لرزان..وبعدين طالعته وحلت مكان ابتسامتها نظره حزن...

فارس بصدمه: انتي؟ وش جابك هنـا
الريم: للاسف الصدفـه..جايه ازور جدتي مريضه
فارس وهو يبعد: اسف ماانتبهت لك....يلا رزان نروح
رزان وهي تطالع الريم: عمي عمي من هذي
فارس: مااعرفها
الريم بنبرة حزن: الله يالدنيـا يافارس...الحين صرت ماتعرفني
فارس: ريم لو سمحتي ماله داعي هالكلام..خاصه قدام الطفلـه..خلاص انا رايح
الريم وعينها تدمع: انت ليش قاسي...انا شسويت لك...(وبنبره وله وشوق) والله اني احبك وابيك..

تنهدت وبعدت عنه اما هو عوره قلبه...كان يتضايق حييل لما تبكي..
ابد مايحب يشوفها زعلانه متضايقه...
ااااه ياقلبي شسوي فيــك...

رزان وهي تجره من يده: عممي
فارس بضيقه: ها
رزان: ليش البنت تصييح..انت تعرفها؟
فارس: رزانووه يالدبه مااوصيك لاتقولين لاحد اللي صار فاهمه
رزان وهي تغمز له: بقول لهم
فارس وهو يرفعها من قميصها بيديه الثنتين: قسم لو تقولين لهم لو لاكسر اسنانك اللي كنهم طابور اول ابتدائي
رزان وهي ترفسه برجلها: نزلني عميي نزلني

نزلها وطالعها بتوعد: ترا ان قلتي لهم بنفذ التهديد

ركضت لداخل الغرفه وهي تضحك وقعدت بحضن جدتها تهرب منه

دخل وهو يطالعها بتوعد

سعود: وين رحتوا؟
رزان وهي تطالعه وتطلع لسانها: كنا برا من بنت
ام سعود وهي تطالع فارس: أي بنت
فارس: ها...اي هذي النيرس يمه تبي تدخل بس انا قلت لها انقلعي ماتشوفين ان احنا قاعدين وياه تعالي بعدين
ام سعود: يايمه كان خليتها تدخل تشوف شغلها
رزان: لاجدتي البنت اللي شفناها لابسه عبايه مو ابيض
سعود: اعوذ بالله منك فرووس وش مسوي يابو المصايب
فارس وهو يقرب من امه ويسحب رزان ويده على فمها وهي تضحك: ياخوووي هذي الا بزره لاتسمع كلامها...ايي وبعد علومك ابو السعد وش مسوي عساك صرت احسن الحين..والله البيت بدونك ظلمه مو شئ واللهي
سعود: لا والله احلف انت بس...رزان تعالي بابا

راحت ونطت عالسرير وقعدت بحضن ابوها

سعود: قولي لي وش قال عمك الثور للبنت؟
رزان وهي تاكل الحلاوه اللي طلعتها من جيبها: البنت تصيح بابا مسكينه...وعمي زفها وصارخ عليها..وبعدين قالت له انها تحبه
سعود: فروووس صحيح هالكلام؟
ام سعود: يمه فارس فهمنا شسالفه
فارس: رزانوووه بوريك اذا رجعنا ان ماخليتك تنامين اليوم بالحديقه عند الجني مااصير فارس
ام سعود وهي تقوم له: اوووووف اترك البنت وكلمني...من هالبنت
فارس بحزن وهو يتنهد: ريــــــم
سعود: هذي وش جابها هنا؟
فارس: تقول جايه تزور جدتها...
ام سعود: وش تبي منك؟
فارس: كالعاده...تبغاني...

نزلت ام سعود راسها بحيره..هالبنت حيل متعلقه في ولدها وولدها مايبغاها...هي وش ممكن تسوي؟

ام سعود: وينها البنت راحت؟
فارس: وش تبين فيها...خليها تروح في طريقها
ام سعود: وينها وديني لها
فارس بصدمه: وش تبين منها يمه؟
سعود: يممه الله يهداك..وش ناويه عليه؟
ام سعود: بعدين تعرفوا....بتوديني لها ولا اخلي رزان تدليني مكانها
فارس بحيره: فهميني طيب ليش كني اطرش في الزفه
ام سعود: فارس....يمه لاتعصبني خلاص وديني وانا بكلمها
فارس: بس يمه..
ام سعود بعصبيه: فاااااارس اتصرف بنفسي يعني؟
فارس باستسلام: خلاص خلاص اووكي...بس يمكن انها راحت وماتشوفينها
ام سعود: احنا ندور ونشوف..

طلعت مع فارس وسعود مستغرب مايدري امه على شنو ناويـه...

مشوا في اخر الممر اللي فيه الغرفه وماحصلوها...
دخلوا بممر ثاني ولمحوها قاعده عالكرسي من بعيد ويدها على خدها....

فارس وعينه عليها: هذي هي جالسه هناك
ام سعود وهي تطالعها: امممم خلاص اجل .. خليك مع اخوك وبنته وانا اذا خلصت برجع لكم
فارس بترجي: يمه تكفين لا...
قاطعته: ماراح اتصرف بتهور يايمه وانت تعرفني زين ابي مصلحتك وكمان مصلحة البنت
فارس ببتسامه وهو يبوس راسها: انا وين القى مثلك وحده تفهمني
ام سعود وهو تربت على كتفه: خلاص حبيبي روح لاخوك واذا خلصت جيتكم
فارس: من عيوني يالغاليه

تركها فارس وراح اما ام سعود مقرره ومصممه تكلم البنت وتفهم منها سبب التعلق الغريب...
وبتفهمها ان غلط اللي يصير لان فارس مايبغاها ...

وصلت لريم ووقفت

ريم رفعت راسها وطالعت ام سعود باستغراب

شفيها الحرمه واقفه تطالعني؟
لتكون مشبه علي؟
او غلطانه

ريم وهي توقف: خير ياخالـه بغيتي شئ؟
ام سعود: مو انتي ريم؟

ريم فسرت الموضوع على انها وحده من صديقات امها وجايه تزور جدتها

ريم ببتسامه:حياك ياخاله..جدتي بهالغرفه وامي داخل تقدرين تدخلين
ام سعود: فهمتيني غلط .. انا جايه علشانك
ريم : انا؟!!!!!!!!!!

ام سعود حست ان البنت خايفه ومستغربه ومو فاهمه شئ في الموضوع


ام سعود: تعالي معاي حبيبتي نروح نقعد بعيد شوي
ريم: على أي اساس اروح معاك وانا مااعرفك!
ام سعود: انتي تعرفيني ..ماعليك تعالي وانا بفهمك
ريم: ماراح اتحرك قبل ماتقولين لي
ام سعود: انا ام فارس

ريم انصدمت وبلمت في ام سعود....

صار عندها مزيج من الخوف الاحراج التوتر...

ريم بخوف: وش تبين مني؟
ام سعود: كل خير..نتكلم واحنا واقفين؟
ريم : خلاص نروح

ومشوا لين غرفة الانتظار اللي كانت خاليه وقعدوا جنب بعض...

كانت متوتره لابعد درجه و تحرك رجلها بعصبيه وتشبك اصابعها ببعض...

ام سعود ببتسامه: اجل انتي ريــم...الله يحفظك لاهلك
ريم وهي منزله راسها: الله يسلمك خالتي...امري وش بغيتي
ام سعود: ريم اعتبريني مثل امك او صديقتك وقولي لي وش تبين من فارس..صدقيتي راح اوقف معاك وبساعدك...
ريم وهي تدمع: ماابي شئ..
ام سعود: يابنيتي طلعي اللي بقلبك خلينا نفهم الموضوع....
ريم: وليش ماتفهمينه من فارس؟
ام سعود: فارس انا كلمته وقال اللي عنده..الدور والباقي عليك
ريم وهي تبكي: مااقدر اقول لك..

ام سعود حست ان ريم خايفه تتكلم او منحرجه...
بس حاولت تطمنها..



ام سعود وهي تربت على يد ريم: تكلمي يابنتي اسمعك..ومثل ماوعدتك بساعدك..
ريم باستسلام وهي تحس باالاطمئنان: خالتي ورب البيت مابكذب عليك بحرف...انا وفارس نحب بعض ومن زمان...ماانكر كنت خايفه انه يتسلى معاي ومايكون يحبني وبيوم راح يتركني..لكنه وعدني بالزواج اول مايتخرج من الكليه...
واستمريت معاه على امل نكون لبعض...
بس مدري فجأه تغير علي..مدري وش الاسباب
صدقيني ياخالتي انا ماسويت شئ..مره وحده صار يعصب علي يزفني وانا ساكته ومتحملـه لاني...
ام سعود وهي متعاطفه مع ريم: لانك شنو؟
ريم: لاني ياخالتي ابيه ومنتظره الوعد اللي عطاني اياه...
ام سعود: شوفي ياريـم..فارس ولدي واعرفه اكثر من أي حد ثاني..فارس مايحب الروتين يحب التغيير..انا يابنيتي ماودي اجرحك بس ولدي واعرفه زين مايقدر يستمر على نفس الوضع مده طويله..
ريم: قصدك انه مل مني وبيدور على وحده غيري؟
ام سعود: يمكن هالشئ يابنتي كان بيصير...لكن فارس الحين تغير خلاص ترك هالسواليف من بعد وفاه المرحوم (ابوسعود)..يحاول يخلي كل وقته وباله بدراسته او مع اصحابه...
يمكن موت ابوسعود اثر عليه وخلاه يرجع عاقل ويترك هالسواليف
ريم بيأس : وانا ياخالتي وش مصيري؟
ام سعود:انا بنصحك يابنيتي وانتي فكري بعقلك مو بمشاعرك...اي حد يعيفك بهالدنيا عيفيه اتركيه...
وانتي بعدك صغيره وحلوه بكره يجيك نصيبك وتتزوجين...وتنسين كل شئ فات...
الحين انتي فكري بدراستك بأهلك والحمدلله ماعرفوا باللي بينكم حتى ماتصير لك مشاكل...
واللي مايبيك ياريم انتي بعد لاتبيه...وكرامة البنت اهم شئ يابنيتي....
ريم وهي تصيح من قلب: خالتي الكلام سهل بس الفعل كثير صعب...
ام سعود وهي تمسح على كتف ريم: لاتبكين...وصدقيني اني اعتبرتك مثل بنتي وجيت نصحتك علشان مصلحتك...فكري بعقلك ياريم..لاتسمحين لاي حد انه يحس بضعفك انتي ان شاء الله بتكوني اقوى من كذا...واللي مايبغاك خلاص بعدي عنه في الف واحد غيره...
وعسى ان تكرهوا شيئا وهو خيرا لكــم..
وماتدري وين نصيبك

قامت بهالوقت ام سعود..ووقفت جنبها ريم

ريم: اممم خالتي مدري وش اقول لك بس....

ماقدرت ريم تتكلم بس انها بكت وام سعود مدت لها يدها وصارت تبكي بحضنها وهي تحس بالامان اللي ريم ماتحسه عند امها اللي كل همها طلعاتها وصديقاتها

ريم: خالتي صدقيني...اني ارتحت لك...ياليت عندي ام مثلك..
ام سعود: لايابنيتي اكيد ان امك مثلي ويمكن احسن مني الله يخليها لك
ريم: لاياخالتي..تصدقين امي في حياتها ماقعدت معاي مثل هالقعده..كل همها شكلها وصديقاتها وحفلاتها...وماعندي حد اتكلم معاه..
ام سعود: ماعندك خوات اكبر منك؟
ريم: عندي صغار...انا اكبر وحده بالبيت...وابوي كل وقته يقضيه في اشغاله والسفر....
ام سعود وهي تبتسم وتمسح على راس ريم: خلاص ياريم...انتي سوي اللي قلت له عليه وخلي بالك على خوانك مالهم غيرك...واهتمي بدراستك تراها مستقبلك..
ريم: ان شاء الله
ام سعود: خلاص بغيتي شئ يابنتي؟
ريم: سلامتك ياخاله ومشكوره انك تفهمتي الموضوع
ام سعود: مع السلامه

طلعت ام سعود وريم تطالعها
من جد ارتاحت لها وحستها مثل امها لانها فهمتها وفهمت مشاعرها وماعصبت عليها ...


...............................

رجعت الغرفه لولدها...اما ريم رجعت لعند جدتها واهلها وداخلها بصيص من الامل تتمنى يكبر يوم بعد يوم...


بغرفة سعود كان الدكتور عنده

دخلت ام سعود وقعدت على نفس الكرسي وفارس كان قاعد عالسرير مقابل سعود..ورزان بحضنه
ونظراته متجهه لامه يبي يعرف وش سوت مع ريييم ووش قالت لها...

ام سعود: ها دكتور كيف صار ولدي؟
الدكتور: الحمدلله يقدر يطلع اليوم بس مو الحين بالليل ان شاء الله...(وهو يطالع سعود)كتبت لك على شوية ادويه ومضادات حيويه خذها بانتظام ياسعود
سعود: ان شاء الله
الدكتور: عن اذنكم

طلع الدكتور وفارس فز وراح لعند امه

فارس: علميييييني بالتفصيل الممل
ام سعود: وش اعلمك
فارس: يوووه يمه يابرود اعصابك....وش صار معكم وش قلتي لها وش قالت لك..
ام سعود: حيلك حيلك..هب عليك كل هالكلام بنفس واحد
سعود:ههههههههههه الحب وعمايلووو
فارس: تلايط انت احسن...اي يمه قولي لي
ام سعود: ياولدي ماصار شئ بس اني تكلمت مع البنت بهداوه ونصحتها تفكر بدراستها ومستقبلها ولاتشغل بالها بهالسوالف
فارس : واقتنعت؟
ام سعود: ان شاء الله تكون اقتنعت....
فارس: بس؟
ام سعود: بس هذا اللي صار
فارس: الحييين يمه طول هالوقت تتكلمون بس على هالجملتين حشى....تنقلينها حرف حرف
ام سعود: لا بس تقريبا هذا اللي صار...
فارس: يممممه ترا ابفجر بنفسي اذا ماقلتي لي بالضبط وش صار
سعود: هااااا روميووو على اساس الحب الماضي نسيناه
فارس وهو يسرح: اكيد بس يهمني اعرف
ام سعود: فروووس جننتني وازعجتني خلاص ماصار شئ كنت احاول اهدي البنت وانصحها واقول لها تنساك لان مافيك فايده
فارس: افا بس افا ياام سعود...الحين انا مافيني فايده...ماكان هذا الظن فيكي ياعبله
ام سعود: عبله بعينك انقلع عني يلا..
فارس:ههههههههه امرك ياجميييييييل..


دخلت بهالوقت ممرضه تقول لهم ان وقت الزياره انتهى..

ام سعود: خلاص يمه سعود اخوك يمر عليك المغرب ياخذك
سعود: طيب...
رزان بزعل: بابا بقعد ويــــاك..
سعود: لاحبيبتي مايصير
رزان: جدتي بقعد مع بابا
ام سعود وهي تروح لرزان تمسك يدها: لايمه مايصير.. ترا بيجي لك الدكتور ويضربك ابره
رزان بخوف: لالا خلاص بروح معكم
سعود: هههههههههههه...تعالي لحظه رزان

بهالوقت تقدم فارس وام سعود وطلعوا من الغرفه ورزان رجعت لابوها

رزان: نعم بابا
سعود: بقولك شغله تقولينها لدينا
رزان: اوكي
سعود: قولي لها..(عطـ......
ولاتدرين لحظه

طلع سعود ورقه وقلم من الدرج اللي جنبه وكتب بخطه الحلو المميز..

**عطنـي وعد انك تمر**
**تلقاني اصبر لك عمر**

طوى الورقه وحطها بجيب رزان

سعود: اول ماتوصلين البيت اعطيها الورقه مو تنسين
رزان وهي تمشي للباب: اوكي بابا

............................

كانت جوري قاعدة عالنت فاتحه موقع جامعة الملك سعود تبي تطلع نتايجها...

ومن جد خايفه تشوف شئ مايعجبها

يلا توكلنـا على الله...
دخلت قسم النتايج ودخلت رقمها الجامعي والرقم السري قبل لاتضغط موافق رن جوالـها..
وكان ماجد متصل

ابتسمت وردت..


ماجد وبصوته النووم: صباح الخير
جوري: أي صباح ياماجد..قول ظهر الخير .. صح النووم
ماجد: صح بدنك ياااه تصدقين نمت واجد
جوري: أي انت خيشة نوم الله يعيني عليك
ماجد: والله لو انك جنبي الحين وريتك
جوري: لا ماما بابا الحقووني مرره خفت...كش بس مناك
ماجد: اكش ها هيين يالدبه بوريك....اقول تجهزي العصر بمرك
جوري: وين بنروح؟
ماجد: مالك شغل يلا الحرمه تسمع اوامر زوجها وتقول تم ابن عمي
جوري: لا قول قسم....والله مابطلع الا لما تقول لي اخاف بتخطفني
ماجد: وحتى لو خطفك محد يقدر يتنفس ويقول شئ....زوجتي وانا حر فيها

سكتت جوري وهي تقول بقلبها...فديت زوجي والله

ماجد ونبرة الصوت تنقلب 180 درجه للرومنسيه والهدوء: جوري
جوري: لبيه
ماجد: والله احبــك..اموت فيــك...
جوري وهي ميته: وانا بعد...
ماجد: اااه ياقلبي
جوري: سلامتك من الاه..
ماجد: ماقلتي لي حبيبتي وش قاعده تسوين
جوري: ابد جالسه عالنت بطلع النتايج
ماجد: يلا طلعيهم بشوووف
جوري: خااااايفه
ماجد: شوفي قسم لو جبتي لي علامات مثل وجه اخوك لااذبحك
جوري: نعم نعم نعم وش فييييييييييه وجه اخوووي مثل القمر
ماجد: اما فرووس قمر كثررري منها ارجوووك
جوري: هذي الغيره وماتسوي...
ماجد وهو يقلد البنات: احم وليش اغار وانا احلى واشيك منه
جوري: ههههههههههه ياويلي منك...
ماجد: يلا حبي طلعي النتيجه خلينا نتشمت شووي...
جوري بزعل: نذل

ضغطت موافق وطلعت النتيجه...

فيه a بلس وفيه b و c
يعني كوكتيل

ماجد: بشري
جوري وهي تتنهد: اوووووووووف ارتحت الحمدلله
ماجد: وش اقل علامه اخذتيها؟
جوري: سي في الاحياء بس يلا الحمدلله
ماجد: مبروك قلبي..عقابل التخرج ان شاء الله
جوري: ان شاء الله...اخبار عمي الحين؟
ماجد: لا اليوم صار احسن..
جوري: الحمدلله امانه تسلم لي عليه
ماجد: يوصل حبيبتي...
جوري: وكيفك مع الشغل؟ مرتاح؟؟
ماجد: مثل ايام التطبيق ماتغير علي شئ والحمدلله يوم اللي طلعت لي الوظيفه بنفس المستشفى

سكتت جوري وهي تتذكر عايشه...ماتدري ليش تكرهها رغم انها ماتعرفها..

ماجد:عالعموم جوري انا بقوم اكل شئ الحين ميت جووع ومثل ماقلت لك تجهزي العصر بمرك
جوري: هني وعافيه...قبل ماتطلع من البيت دق رنه حتى اجهز
ماجد: ولايهمك دلوعتي...

سكتت جوري وهي تحمد ربها اللي رزقها بشخص مثل ماجد..

ماجد: حبي...
جوري: هلا
ماجد: حياتي
جوري بحيا: هلا
ماجد: دلووعتي
جوري: خلاص مااااجد
ماجد: اااه ياقلبه رووحه انتي...احبك يالدبه
جوري: وانا بعد
ماجد: خلاص قلبي.....يلا سي يووو سلميلي على اهلك
جوري: يوصل
ماجد: مع السلامه

.................................


وصلوا البيت وفارس راح بجهه وام سعود بجهه اما رزان رقت فوق للدور الثالث لدينـا..

دخلت القسم

رزان: ماما
دينا وهي تطل من المطبخ: تعالي حبيبتي انا هنا

دخلت رزان المطبخ ودينا كانت تسوي لها كابتشينو..

دينا وهي تحضن رزاان: الحلوه وين راحت وخلتني لوحدي؟
رزان: رحنا المسشتفى نشوف بابا
دينا وهي ترفع رزان عالطاوله: ايووه

طلعت لها الورقه وعطتها دينـا

دينا: وش هذي حبيبتي؟
رزان: بابا عطاني هذي الورقه وقالي اعطيها لماما دينا

فتحت الورقه وقرتها...

عطني وعد انك تمر
تلقاني اصبر لك عمر

تنهدت وحست بشئ غريب ..
طوت الورقه وقعدت جنب رزان وهي سرحانه...

يعني فقدني يوم مارحت معاهم؟
حس بفراغ؟
كان ينتظرني؟


رزان: ماما شفيك
دينا: سلامتك زيزي..يلا حبيبتي قومي اغير ملابسك حتى نتغدى..

رزان سبقت دينا ونزلت تحت اما دينا قبل ماتطلع طاحت عينها عالتلفون...

اكلمه؟

اممممممم لا ماله داعي بيقول ماصدقت قرت الورقه على طول اتصلت...

طلعت من قسمهم وهي تحس انها تبي تكلمه تسمع صوته..

وقفت تسال نفسها ليش ابي اكلمه؟
وش ابي منه؟
لشنو ابغى اوصل معاه؟
هواش؟
نجره؟
عوار راس؟

سعود ماعنده الا هالثلاثه..
ومستحيل اخذ منه غير وجع القلب والراس

بس بكلمه حتى لو يهاوشني بهاوشه...


رجعت دخلت وراحت للتفون...
ودقت ارقام المسشتفى والتحويله وهالخرابيط..

سعود: الو
دينا: هلا
سعود بصدمه: دينا؟؟
دينا: شفيك مستغرب؟
سعود: ماتوقعت
دينا: اتصلت اعطيك الوعد...

بعـد صمت ثواني...

دينا: اممم سوري كان ودي اجي ازوك بس...
سعود يقاطعها: ادري ماودك بشوفتي
دينا: انت ليش تقول هالكلام؟
سعود: هذا الواقع يابنت عمي..خلاص مسموحه...
دينا: لا انت مو فاهم...انا..
سعود قاطعها مره ثانيه: انا بطلع اليوم المغرب..بعدين يصير خير باي

سكتت وهي منقهره وتحس انه فشلها وكسر خاطرها..

دينا بانكسار: طيب...
سعود: تبغين شئ؟
دينا: لا
سعود: طيب اشوفك بعدين..بــــاي

سكر السماعه بدون ماينتظر ردها

رمت التلفون بعصبيه...

انا شسويت له حتى يعاملني بهالطريقه
احاول اداريه اوقف جنبه اساعده..

بس هو ولاحاس...

هذي جزاتي..بعد كل اللي اسويه...
وش يبي مني اكثر..

انا الغبيه اللي مهتمه وهو مايستاهل...

بتشوووووف ياسعيدان وهذا وجهي ان ماجننتك مااطلع دينا هين..اصبر
.......................

ببيت ابو ريان الاوضاع مو على بعضها...

لطيفه تعبت على ريان ومن ساعه اخذها للمستشفى وترك عياله عند امه..

ديمه معتزله غرفتها واميره لازالت معها ماتبي تتركها..

ابوريان قاعد بالصاالـه والوضع مع عاجبه اصلا..

راح لزوجته المطبخ: ام ريان
ام ريان وهي تعطي هاني اكل: هلا ابوريان بغيت شئ
ابوريان بضيقه: ماتروحين تشوفين بنتك وتصالحيها
ام ريان: مو الحين..لازم تحس شوي وبعدين اكلمها
ابوريان بعصبيه: لا روحي الحين وكلميها خليها تنزل وتتغدى...
ام ريان: شفيك يابوريان متضايق؟
ابوريان: ماتشوفين الحال مايسر..ولدك وزوجته بالمستشفى والله يستر ..وبنتك صياح ونياح...وانتي هنا معانده وماتبين تكلميها...
وش هالحاله وش هالنكد

طلع زوجها من المطبخ وهي حاسه بأحساسه ..
من جد البيت صاير حزين كئيب..
يمكن قبل يوم كانت دينا موجوده...
وجودها كان له ثأثير ...
كانت تحاول كل ماصارت مشكله تعدل الوضع وتوقف مع الكل وتهون المشاكل...

الحين راحت وماحد يهتم...

طلعت ام ريان من المطبخ وراحت قعدت مع زوجها

ام ريان: لاتتضايق يالغالي وكل اللي تبيه بيصير...
ابوريان: طيب
ام ريان: مو زين لصحتك ياصالح خلاص ابروح انادي ديمه واميره ورامي ونتغدى كلنا سوا
ابوريان ببتسامه: أي هذي انتصار اللي اعرفها...روحي يالغاليه ناديهم..

رقت ام ريان لغرفه ديمه ودخلت..كانت ديمه منسدحه عالسرير واثار الدموع على خدها..
واميره غافيه عالكنبه..

ام ريان: يابنات

رفعت ديمه عينها لامها ونزلت دموعها مره ثانيه

ام ريان وهي تقرب من بنتها: يلا يمه غداء
ديمه وهي تمسح دموعها: ماابي اكل شئ
ام ريان وهي تمسح على راس بنتها: لاتزعلين حبيبتي مني والله ابي لك الاحسن...ابيك احسن وحده في البنات

هالكلام مازاد الا صياح ديمه..

ديمه: يمه انا اسفه
ام ريان: لاتتأسفين يمه بس ابيك تشدين حيلك النص الثاني

قامت وحضنت امها...وصحوا اميره ونزلوا يتغدوا

.........................

الساعه 5 العصر كانت بغرفتها حاايسه ماتدري وش تلبس..

رن جوالها راحت بترد حسبته ماجد

ردت بدون ماتناظر الشاشه

جوري: هلا مجوود
اسماء: سلاااااام يالعرووس
جوري: ههههههه هلا سمووي
اسماء: ها كيف امورك كل شئ تمام حبيبتي؟
جوري: حايسه سمووي ماجد بيجيني ماادري وش البس
اسماء: بتطلعون ولا بيقعد عندك؟
جوري: بيقعد شوي وبعدها بنطلع يقول بيوديني بيت عمته
اسماء: امممممم شوفي .. البسي هذيك البدله اللي اخذناها من الامارات اخر مره
جوري: أي قصدك الذهبيه؟
اسماء: أي البسيها مره خيال وحطي مكياج ذهبي خفيف مو تثقلينه يالدبه خلي يقولوا ان جمالك طبيعي
جوري: ان شاء الله عمتي...اخبار امول وامون واميروه وخالتي وفؤاد وخالد؟
اسماء: اميروه عند ديووم من الصبح...والباقي بخير..ابد بنطلع السوق بعد شوي
جوري: حركاااات ابجي معكم
اسماء: لا خليك مع زوجك...مانبيك
جوري: مو بكيفكم
اسماء: هذا وجهي اذا وافق يخليك تطلعين معنا
جوري: مايقدر يمنعني عنكم
اسماء: هيه انتي مو مسأله يمنعك بس اكيد وده يقعد معاك...
جوري: وانا بعد ودي اقعد معاه
اسماء: ايوه ايووه اطلعي على حقيقتك مو مسوية لي فيها ثقل وماودك تطلعين معه...
جوري: احم احم لازم اصير ثقل حتى مايقول ماصدقت على الله
اسماء: مالت عليك...اقول رجلي يناديني فديته بروح اشوفه وش يبي
جوري: روحي للدجاجه وسلمي عليه
اسماء: اقول عن الغلط .. اذا رجلي دجاجه مجود وش يطلع..طسي بس يلا
جوري: هههههههه تيب
اسماء: سلمي عليه وعلى امي ودينا وعالكل بااااي

لبست نفس البدله اللي قالت عنها اسماء كانت ذهبيه...بلوزه طويلـه وتحتها بنطلون اسود....
وحطت على البلوزه عند الخصر حزام فيه سلاسل وعطت شكل مره حلووو...


ولبست بوت كعب رفيع وطلع شكلها خيااال....

تعطرت وتزينت ونزلت...وكانت امها بالصالـه...

جوري: ها يمه شرايك
ام سعود: قمر حبيبتي قمرر...الله يحرسك..يلا روحي المجلس
جوري: فارس قاعد وياه؟
ام سعود: أي وياه...
جوري: سلم عليك ولا؟
ام سعود: يايييمه وش تبين الحين في هالاسئلـه أي يمه سلم علي الولد ماقصر يلا روحي..
جوري: ههههه طييب
ام سعود: اخذي معاك العصير والقهوه من المطبخ
جوري: من عيوني

دخلت المطبخ واخذت الصينيه الكبيره اللي فيها القهوه والعصير والحلويات...

وكان باب المجلس مسكر ومو عارفه كيف تدخل...

شافتها امها من بعيد وجات فتحت لها الباب

جوري: مشكوره يمه...تعالي ادخلي معي
ام سعود: لايمه...اخذوا راحتكم..لو بغيتي شئ ناديني

دخلت جوري وابتسمت لاخوها وماجد....

ضيفت فارس قبل

فارس: طالع الخبله...اعطي الرجال قبل انا ماابي شئ
جوري بصوت منخفض: فشلتني الله يفشلك
فارس: هههههههههه

قربت من ماجد ومدت له العصير..

اخذه منها وقال: تسلم ايد اللي مسويته
جوري بخجل: الله يسلمك
فارس: لايحووووشك بس..تراها ماسوت شئ
جوري: فرووووس
فارس: خخخخخخخخخ خلاص بنسكت

حطت الصينيه عالطاوله وقعدت على كنبه لوحدها

ماجد وهو يطالع جوري بأعجاب: الله شهالزين شهالحلاوه
فارس: لااحلف انت قول قسم....اشوف طالت وتشمخت
ماجد: انت ليه راز وجهك قوم اطلع
فارس وهو يقرب من ماجد ويدلع عليه مثل البنات: افا ياصديق الطفوله ... افا ياحبيبي تتخلى عني بهالسهوله..

وحط فارس راسه على صدر ماجد
اما جوري ماتت ضحك عليهم

ماجد وهو يشيل فارس بعيد: اووف منك يالغثــه اووف متى اتزوج وافتك منك ياخي قوم اطلع باخذ راحتي مع مرتي
فارس: ترا مرتك اللي تتكلم عنها اختي هاا...خليني بقعد بسمعكم وش تقولون
ماجد: جوري برتكب في اخوك جريمه...
جوري: وي بسم الله على اخوووي
فارس: فديت الجوري والكادي انا يانااااس

وقام عند اخته وحط يده حول كتفها وخلاها بحضنه وماجد ميييت من الغيييره...

ماجد: فروووووس يلا عاد مصختها اترك زوجتي.. وانتي ساكته عنه هاااا...
فارس وهويقوم: هههههههه خلاص كانت معكم الكاميرا الخفيه نيهاااااااااااااااي
ماجد: ياثقل دمك...قال شنو قال الكاميرا الخفيه..
فارس: ههههه بااااااي ياعصافير الحب

طلع فارس وتركهم بروحهم بعد عناااااااء وجهد..

ماجد وهو يقعد مكان فارس جنب جوري: اخبارك قلبي؟
جوري: زينه
ماجد وهو يطالع ملابسها: شهاالاناقه وش هالزين...ناويه علي انتي
جوري بغرور ودلع: شسوي في نفسي حلووه غصبا عني
ماجد: ياوييييييييييييييييلي

حط يده حول كتفها وباسها على خدها

هي تجمدت من هالحركه...وحست بخوف...
عمرها ماحسته..

ماجد: هييه ماتسوي علينا عاد.....
جوري بنص عين: اول واخر مره فاهم
ماجد: اقول روحي فحطي بس...
جوري: مجوود شيل يدك اخاف فارس يرجع
ماجد: والله كيفي ماحد له عندي شئ...
جوري وهي ترضخ له: امرك....
ماجد وهو يشد على كتفها: وين سعود مااشوفه
جوري: مسكين تعبان بالمستشفى
ماجد: افا بس افا ليه ماقلتي لي
جوري: انا ماعرفت الا اليوم الظهر...
ماجد: شفيه طيب؟
جوري: انفلونزا بس بيطلع اليوم المغرب
ماجد: ايه مايشوف شر مايستاهل...اشوف المرض داير هاليومين ..
جوري: أي الجو مره لخبطه ماعرفنا لـه

سمعوا صوت صياح رزان وام سعود تحاول تهديها...

جوري: لحظه ماجد بشوف شفيهم
ماجد: طيب قلبي

طلعت جوري لقت رزان تصييح تبي تدخل تقعد وياهم

جوري: خليها يمه تدخل
ام سعود: اخاف تلعوزكم
جوري وهي تسحب يد رزان: خليها تسوي اللي تبي فداها..تعالي زيزي

دخلت جوري مع رزان وسكرت الباب وراها...

جوري: رزان سلمي يلا
رزان وهي توقف ورا جوري مستحيه: لا استحي
جوري: ههههههههه عيب يالدبه سلمي..

سحبتها جوري وقعدتها بينها وبين ماجد

ماجد: الله مين هالمزيوووونه
رزان وهي تمد يدها: شلونك؟
ماجد وهو يسلم عليها: دامي بين قمرين اكيد بخيير وش ابي اكثر....(وهو يكلم جوري)هذي بنت سعود صح؟
جوري: أي هذي رزان
ماجد وهو يمسح على شعرها: حيالله رزان مغربي
رزان وهي تشيل يده عن شعرها: عيب ..
ماجد: ههههههههههههه وليش عيب ان شاء الله؟ ليكون زوجك ولا حبيبك مايرضى
رزان: أي اصلا رامي ولد عمي قال لي لاتخلي حد يقرب منك ويلمسك لاني بصير زوجك
جوري: هههههههههههههههههه والله انكم مصييبه توكم صغار على هالكلام
رزان : جوري هذا زوجك؟
جوري: أي حبيبتي
رزان: انا بعد ابي زوج....
جوري: يؤؤؤؤ...عييب يالدبه بعدك صغيررره على هالسوالف
رزان : لا مو صغييره انا ابي اصير عروس ابي البس فستان ابيض ويوفقوا البنات وراي يزفووني ويغنون لي
ماجد: ههههههههههههه منتي هينه...بأي صف انتي؟
رزان: ثاني ابتدائي
ماجد: الله يخليك ويوفقك....اقول جوري
جوري: هلا
ماجد: ها مشينــا
جوري وهي تقوم: يلا دقايق البس عبايتي
ماجد: انتظرك بره بالسياره
جوري: تيب

طلعت من المجلس وراحت لعند امها: يمه انا بطلع اوكي
ام سعود: في امان الله وسلمي لي على سعاد واجد وعلى امها مو تنسين..
جوري: من عيوني يمه...


لبست جوري عالسريع عبايتها وراحت لماجد...مشى وهو مشغل اغنيه انسان اكثر عبد المجيد

جوري: احب هاالاغنيه

ابتسم لها وعلى عالصوت ....

ماجد: حيالله حبيبتي
جوري: الله يحييك...

لفت جوري للسيت اللي ورا: حشى ياماجد وش هالحوووسه...صحون وملابس وشماغ....والله انك تمساح نمره واستماره
ماجد وهو يغني مع عبدالمجيد ويرقص: شفتي كييف...
انت منتا انسان اكثر قلبي مو من قلبك اكبر...مثل ماتشعر تأكد اني اشعر..

ومندمج حييل ويميل راسه ويغني وهو يطالعها ويسوي حركاات

جوري: ههههههههههههه الناس تطالع يالدب خلاص
ماجد: ياناااااااااااس احبهااااااا احبهااا بمووت حالي خلاااص
جوري: وي لاتجيب هالطاري لااذبحك
ماجد وهو يقرب منها: تخافين علي؟
جوري: اكيد يالدب..طالع الدرب قدامك لاتروحنا
ماجد: ااااه ياقلبي..

لف ماجد يطالعها فيها شئ لفت نظره..

اناقتها ..

من جد جوري انيقه لابعد درجه..رغم انها لابسه العبايه حاليا..الا انها ماقدرت تخفي اناقتها...

شنطتها جزمتها عبايتها العطر اللي حاطتـه..
حتى طريقة قعدها...حاطه رجل على رجل بس بدون تكلف واصطناع...

ماجد: تصدقين جوري...تعجبني اناقتك...احب البنت اللي تهتم بشكلها واناقتها
جوري: احم احم...اخجلت تواضعي
ماجد: ههههههههه مع هالراس...

وصلوا للبيت نزلت وكانت مره مبسوطه لاستقبال سعاد وامها...

واعتذرت سعاد مره ثانيه عاللي صار بالملكه بس جوري طيبه وماحطت في بالها وقالت لها ماصار الا الخيير

...........................

8:00 مســـــاء

كانت دينا بالصاله....تتصل لفارس اللي طلع من البيت بعد ماطلعت جوري وماجد بنص ساعه...
وللحين مارجع..

ام سعود: ها مايرد؟
دينا: مقفل جواله
ام سعود: سود الله وجهه....هذا وين راح نبي نروح نجيب سعود من المسشتفى مايصير كذا
دينا : شنسوي الحيـن ياخالتي...

رن جوال دينا وكان فارس المتصل...

دينا: ماتقول لي انت وينك
فارس: اسف مرت اخووي العزيزه...كنت بالمستشفى...ومقفل جوالي تعرفين يأثر على الاجهزه
دينا: عن الفلسفه يالدب..ها اخذت سعود؟
فارس وهو يلف لسعود: أي كاهو معاي بالسياره
دينا: صار احسن؟ مافيه شئ؟
فارس: ايييييييه من قدك ياسعيدان الحلوين خايفين عليك ويحاتونك
دينا: هههههه الله يرجك متى بتعقل....
فارس: أي رجلك زين مافيه شئ لاتخافين يشقح وينطح...يلا ثلث ساعه واحنا عندكم
دينا: هالله هالله بالطريق يلا سلاام..

سكرت وقعدت جنب خالتها

ام سعود: ها طمنيني
دينا: ثلث ساعه وهم عندنا
ام سعود: الحمدلله....اقول يمه
دينا: لبيه يمه
ام سعود: كيف سعود الحين وياك؟
دينا ببتسامه: الحمدلله..
ام سعود: مرتاحه؟
دينا: مابعترض على ارادة ربي...اللي كاتبه لازم ارضى فيه الحمدلله
ام سعود: الحمدلله.....بس وقت ماتضايقين ماابيك تخبين عني
دينا: لاتخافين خالتي انا بخيير.....
ام سعود: مو كأن جوري تأخرت؟
دينا: لاخالتي ماتأخرت.. واكيد سعاد مابتخليهم يطلعوا قبل العشاء...ابروح اشوف رزان

رقت دينا الدور الثاني وعين ام سعود تلاحقها...
وتحمد ربها انها صارت من نصيب سعود..

الحمدلله يارب عمرنا ماراح نشوف وحده بطيبتها وحنيتها..

كانت رزان كالعاده تمارس هوايتها المفضله وهي قراءة القصص...

دينا: ماما حبيبتي
رزان: نعم ماما
دينا: الحين بابا بيجي ماتبين تشوفيه
رزان وهي ترمي القصه: صحيح الحين بابا بيجي
دينا : أي حبيبتي يلا ننزل

نزلوا..وبقوا ينتظروا وصولـه..
لما سمعوا صوت البوابه الخارجيه تنفتح...دق قلبها بجنون
وكأنها بتشوفه لاول مره..

دخل وكان فارس جنبه شايل كيس فيه ادويه

فارس: تو مانور البيت بوجودي طبعا
سعود: هههههههههه

طاحت عينه على دينا..اللي كانت لابسه جلابيه عنابيه...
ولافه شيلتها عن فارس..

ام سعود: نور البيت ارقى يمه فوق ارتاح
سعود وهو يقعد: لا يمه مليت من امس منسدح..خلني بقعد معكم...تعالي رزان

راحت وقعدت جنبه وهو يمسح على شعرها ..

قعدت دينا جنبه وكانت رزان فاصله بينهم..
وفارس وامه مقابلهم...

ام سعود: يمه سعود لازم تنتظم عاالادويه مااوصيك
سعود: ياايمه مافيني شئ مالها داعي
فارس: الحين مخليني اروح اصرفهم وبعدين مافيك شئ..صحيح انك نذل هات اشربهم بنتك
سعود: تبي تموت بنتي حسبي الله عليك....اقول يمه وين جوري؟
ام سعود: اختك طالعه رايحة لاهل ماجد....
سعود: اييه...ومتى بترجع؟
ام سعود: مدري والله...

سكتوا ولف عليها سعود يطالعها...طالعته بحنان...لكنه تجاهل هالنظره لانه بعده زعلان منها عاللي سوته...
ومانسى ان اللي فيه بسببها...

ام سعود: قوم يمه دارك ارتاح
رزان: بابا بنام معاك
فارس: انتي يالغثه تعالي هنا اشووف...وش تنامين معاه..الاخ مشتاق لزوجته لازم تخربين الليله يعني
ام سعود: الله يهديك...عيييب يافارس
فارس: امركم عجيييييييب...زوج وزوجته مشتاقين لبعض مافيها شئ....صح دينا
دينا بحيا: ههههههههه فارس العب بعييد عني
فارس: طيب انتي خجوله فهمنا....نشوف سعوود
سعود: ههههههههه ليش الاحراج
فارس: امانه سعود مااشتقت لها ولغرفتكم....اوصف لنا يااخ سعود شعورك وانت نايم بالمستشفى بعيد عنها
سعود: شدعوه قاعدين في مقابله احنا...
فارس: خخخخخخخخ....لاجد خبرنا خلنا نحرجها شوووي
سعود وهو يطالعها ببرود: والله كلها ليله ماامداني اشتاق

سكت فارس وهو يلوم نفسه....حرااااااام عليك ياسعود تفشل البنت قدامنــا
انا الغبي يعني مااعرف انه لووح ودرج ومستحيل يحس على دمه

دينا طالعته بنظره مافهم معناها وتركتهم وراحت...

ام سعود: سعود وش اللي سويته حرام عليك
سعود: قلت الحقيقه .. تبوني اكذب؟ مااقدر
فارس: اووف منك..والله انها جوهره بس انت ماتعرف قيمتها..والله لو تجيب لي وحده مثلها اتزوجها بدون نقاااش
ام سعود: انت بتسكت ولا شلوووون
سعود: فروووس هذي مرتي مااسمح لك عاد
فارس وهو يقوم: ماوراكم الا وجع الراس انا طالع
ام سعود: وين
فارس: ابد مع الربع...



طلع فارس وتذكر ديمه....
يمكن نتايجهم طلعت الحين خلني اكلمها واشوف...

ديمه واميره كانوا بالغرفه وديمه صارت شوي تسولف بعد ماصالحتها امها وهدأت ...

رن جوالها ودق قلبها بخوف...فارس؟!!!


رفعت راسها تطالع اميره اللي قربت من ديمه بتشووف من المتصل..

كانت مسجلـه فارس بأسم.....( حليب مخفوووق )

اميره: هههههههههههه من حليب مخفووق؟
ديمه: ها...اي هذي مضاوي اللي معنا بالمدرسه
اميره: ورا ماتردين عليها؟
ديمه: لا وع وش ابي فيها.....اي ماعلينا نكمل السالفه

لكن فارس سكر ورجع اتصل مره ثانيه...ديمه اتوترت..
بس لو اميره تدري ان فارس المتصل..
بنرووح فيها.....

اميره: يؤؤؤ شفيها هذي وش تبي؟
ديمه: مدري
اميره وهي تسحب الجوال: انا برد اقول لها انك مشغوله
ديمه: لالالالا لاتردين بليييز
اميره باستغراب: ليش؟
ديمه: علشاني لاتردين اذا لي معزه بقلبك لاتردين

اميره مستغربه تغير ديمه...ليش مصره ماارد؟
شسالفه؟
معقولــه كل هذا تتهرب من البنت..
؟

بعد مايأس فارس وسكر..

ديمه: ليش تطالعيني كذا؟
اميره: لا سلامتك بس مستغربـه
ديمه بتوتر: من شنو....
اميره وهي تطمن بالها: لا سلامتك....
ديمه: وعاد اقووولك..

وكملوا سوالفهم ونسوا اللي صار

..........................

كان بالمستشفى توه طالع من غرفة الدكتوره المشرفه على علاج لطيفه..

قالت له ان وضعية الجنين غلط وصعبه جدا...
هالشئ اللي مخلي لطيفه تتعب هالمره..
وطبعا هالشئ له تأثير على عمودها الفقري..ومخليها ماتعرف تمشي مؤقتــا..
وكل شئ راح يبيبن وقت الولاده...
واذا اضطر الامر راح تولد قيصريه...

تنهد بألــم وهو خايف عليها...
يارب سترك...انا مالي غيرها بموت لو يصير فيها شئ...
دخل غرفتها وكان شكلها مره متعب وجهها اصفر وشاحب...

لطيفه وهي تمد له يدها: ريان...

مسك يدها وباس راسها: نعم حبيبتي محتاجه شئ
لطيفه: اقعد ابيك بكلمتين
ريان وهو يقعد جنبها ويحط يديه حول كتفها: قولي حبيبتي تدللي امري انا كلي تحت امرك
لطيفه: بس لاتقاطعني
ريان: طييب
لطيفه: ريان....انا مره تعبانه احس اني...

دمعت عينها وكملت: احس اني ماراح اطول معكم...احس اني بمووت...

ماتوقع انها تقول هالكلام...لف لها وهو يحس قلبه بيطلع منه....لا يالطيفه لاتقولين هالكلام....
انتي تموتيني كذا..
انا مابعيش من دونك...
انا ولاشئ من غيرك....

نزلت دمعة حايره من عينه وهو منصدم مو حاس باللي تقوله

لطيفه وهي تمسح دمعته: ماابي اشوف دموعك حبيبي....انت قوي وابيك دايم قوي...ريان عيالي ابيك تحطهم بعينك..انتبه لرامي تراه محتاجك..وهاني(بكت وهي مو عارفه كيف تكمل) وهاني مدري وش اقولك...خليك جنبه..اذا كبر قوله اني مره احبه وتمنيت اشوفه هو ورامي يكبروا قدام عيني بس....

نزلت راسها وبكت....بس حاولت تكون قويه...لان ريان حالته ماتسر عدو ولاصديق وماتبي تزيده..

لطيفه: ريان ابيك تفهم حاجه وحده.....انا احبك...اموت فيك عمري ماحبيت حد مثلك..انت خليت لحياتي طعم ثاني..وعمري ماراح انسى الايام اللي عشتها معاك....لانها احلى ايام بحياتي....
واهلك اعتربهم اعز من اهلي....
ريان قول لعممي وعمتي اني احبهم مره...
قول لديمه ودينا انهم خواتي اللي امي ماجابتهم...


قربت منه ومسكت يده اللي طاحت عليها دموعها: ريان ماابيك تزعل وتتضايق اذا متت...انا معاك حولك بكل لحظه.... ورامي وهاني محتاجين حد معهم...تزوج ولاتبقى وحيد من بعدي

ريان بانفعال: خلاص لاتموتيني ارجوووك خلاص....

حط راسه بحضنها وهو يبكي مثل الطفل الحاير اللي خايف حد يسرق منه اغلى ماعنده

لطيفه وهي تمسح على راسه: ريان..انت تعذبني كذا....
ريان: ابيك يالطيفه...والله احبك وابيك لاتروحين وتخليني...انا مابعيش من دونك..
ماابي حد بهالدنيا غيرك...

رفع راسه وهو يهزها: انتي واعيه وش تقولين...لالا انتي ماراح تموتين...انتي بتعيشين معاي ونربي عيالنـا سوا

اول مره تشوفه بهالحاله متوتر منفعل يصارخ بدون وعي....بكت من قلب وهويضمها لصدره بقوه..

لطيفه: اوعدني تكون قوي علشان عيالنا ياريان وخاصه رامي ... حبيبي هذي ارادة ربي...وانا تعبت ياريان خلاص ماراح اعيش حاسه اني بمووت...
ريان ودموعه تنزل: بموت من بعدك مااقدر على فرقاك...لارحتي اقعد مع مين اسولف مع مين...
مين بيهتم فيني وفي عيالي...
انا احبك ماتفهمين؟ احبك..كيف تروحي وتخليني...

قام تركها وطلع وهو في حاله صعبه مو قادر يستوعب كلامها....

حست بألالام شديده غمضت عينها تقاوم الامها الجسديه..والامها النفسيه...
ريان وين راح؟
اخاف يسوي في نفسه شئ

لطيفه بصوت متعب: ريان...ريااان ارجع ريان علشاني

لكن ماحد رد سوى صدى صوتها اللي رجع وسكنها...
بكت من قلب وهي تتألم...

سمعوا الممرضات صوت جهاز القلب وهو ينذرهم بمصيبه مشؤمه...

دقات قلبها صارت فجأه سريعه وغير منتظمه....

وش ممكن يصير...
هل احساسها بمحله بتموت وتخلي زوجها وحبيبها؟
ولا مجرد هواجس وبتعدي...

.....................
جوري وماجد كانوا لسـه جالسين مع العمه والجده عل ضحك وسوالف ماتخلص...

جوري وهي تطالع الساعه: يلا ماجد تأخرت عالبيت
سعاد: قعدي يايمه معنـا والله مبسوطين
جوري: ماعليه عمتي مره ثانيه ان شاء الله .. امانه مامليتوا مني؟
الجده: مابنمل منك....خليكي معنـا وانت مجوود روح بيتكم خلاص
ماجد: افا جدتي...خلاص حبيتوها وطلقتووني تهئ تهئ
سعاد: هههههههه واحنا نقدر....
ماجد: يلا جوري نمشي
جوري وهي تقوم: يلا عمتي توصين على شئ
سعاد وهي تقرب من جوري وتودعها: سلامتك حبيبتي وسلمي على اهلك وخاالاتك....
جوري: يوصل ان شاء الله....

راحت جوري وباست راس الجده وودعتهم وطلعت ورجعت البيت...وكانت تبي تسلم على سعود وتتحمد له بالسلامه بس قبل لاتوصل بدقايق رقى فوق حتى ينام ويرتاح


بغرفتهم...

كانت قاعده على مكتبها وحاطه راسها عليه ويدينها لافتهم على راسها...

من بعد مافشلها قدام اهله صعدت وبكت لين تعبت وحطت راسها عالمكتب....

دخل ويوم شافها ماتحركت قال اكيد نامت....
سكر الباب وقرب منهـا..

قرب راسه منها يوم سمع صوت تنفسها المنتظم عرف انها نامت...

عوره قلبه...خلاص مصخت ... بس لا
تستاهل اجل تخليني اسبح بمويه مثل الثلج وامرض....
الله يستر وش بتسوي بعد..
خليها بجننها علشان تتأدب...

سعود من غير نفس: دينا

ويعلي صوته: اووف ديناااا

قامت وهي مخترعه يوم شافته جنبها قالت اكيد نسى وسامحها

دينا ببتسامه وهي تقوم: سعود...خلاص سامحتني
سعود وهو يطالعها بسخريه: على شو اسامحك
دينا وهي تقرب منه: عاللي سويته...
سعود: مايهم...روحي نامي عالسرير..
دينا بانكسار: يعني ماسامحتني؟
سعود وهو ينهي الكلام: انا تعبان بنام.....

اااه ياسعود وش هالقسوه اللي انت عايش فيها...
ارحمني...ارحمني..
والله حرام..

طفت الاضواء وانسدحت جنبه وعطته ظهرها وهي مو عارفه تنام..والدموع ماليه وجهها ومخدتها....

كان يسمع صوت تنهداتها وصياحها...ومو عارف ينـام منها

سعود: دينا ابي انــام...اذا ماراح تنامين ارجوك لاتزعجيني
دينا وهي تنفجر بصياح: اوووووووف انت ماتحس .. لو انك حجر حسيت...بخلي لك الغرفه تهنى فيها...

طلعت وسكرت الباب بكل قوتها ونامت هالليله الحزينه بالصالــــه

..............................

هايت من شارع لشارع...عقله مو وياه
عقله هنـاك معاها...

يتخيل شكلها وهي على فراش الموت...

لالا لطيفه بتبقى معاي لاخر العمر...
لطيفه ماراح تموووت..

كان وده يتصل لها ويتطمن بس خايف حد غيرها يرد عليه ويقول له زوجتك ماتت...
لذلك قفل جواله

وقف بالاشاره وهو سرحان ..

مساعد كان بنفس الشارع وواقف جنب سيارة ريان..ومعاه خالد بالسياره

خالد وهو يطالع سيارة ريان: مو هذا ريان...اي ياخالي شوفه
مساعد وهو يطالع: أي ريان...

دق له زمور (هرن) بس ريان في عالم اخر لاحد يكلمه...

مساعد وهو يفتح النافذه: رياااااان

وريان لاجواااب

خالد: يؤؤ شفيه مو معقوله مايسمع؟
مساعد: شكله مو على بعضه....

صارت الاشاره خضرا مشى ريان ومساعد وراه بالسياره...

مساعد: بتصل عليه وبشوف

اتصل وكان جوال ريان مغلق...

خالد: ها؟
مساعد: مقفل جواله...لازم اعرف وش فيه

دخلوا بشارع هادئ مافيه سيارات كثير استغل مساعد هالفرصه وسرع لين صار بالضبط عند ريان: ريااان

ريان انتبه ولف بعين حزينه وابتسم بحزن لخاله

مساعد: مابغييييت.... اوقف على جنب بغيتك

وقف ريان ووقف مساعد وراه ونزل ومعاه خالد لريان

خالد: شلونك ابورامي وشلون الحرمه والعيال
ريان: الحمدلله .. وين رايحين هالوقت
خالد: والله نهيم بهالشوارع من الفضاوه
مساعد: انت ماتقول لي شفيك
ريان والتعب والحزن باين عليه: انا؟
مساعد: اجل انا...اي انت صار لنا ساعه وراك نكلمك نناديك وانت خبر خير
ريان: اسمح لي خالي بس مفووت اليووم
مساعد بتشكك: وين رايح هالحزه..؟
ريان: ولا مكان...
خالد: ريان انت مو طبيعي قول لنا شصاير
ريان: زوجتي...بالمستشفى
مساعد: بتولد؟
ريان: بدري على ولادتها باقي شهرين بس....ادعوا لها
مساعد وهو يحط يده على كتف ولد اخته: وسع صدرك وانا خالك...زوجتك مافيها الا العافيه ان شاء الله
خالد: كل الحريم يابو رامي يمرون بهالمرحله....تعب ويرووح..
ريان بانكسار وهو ينزل راسه قبل لاتخونه الدمعه: تحس انها بتموت...وصتني على عيالي و...

ماقدر يكمل لانه قام يبكي ..حضنه خاله لصدره حتى يهديه ويخفف عنه...

مساعد: ريان ماهقيتك ضعيف كذا..لازم تكون قوي حتى تاخذ قوتها منك
ريان: ياخالي..ماحد يتحمل هالشئ...مااتحمل فكرة انها تموت وتتركني لوحدي
مساعد: هالشئ ياريان مو بيدك ولا بيدها....بيد رب العالمين...والاعمار بيد الله...وجايز انها تهلوس ماهي بوعيها التعب والحمل مأثر عليها....
انت الحين ليش تستبق الاحداث...
ريان: مدري...
مساعد: طول لي بالك روح البيت ارتاح....وبكره ان شاء الله روح لها وتطمن عليها وخليك جنبها
خالد: أي والله ياريان...الحين هي محتاجتك جنبها تخفف عنها مو تزيدها..
ريان: خلاص انا بروح البيت
مساعد: في امان الله...مو محتاج شئ؟
ريان: سلامتك خالي...ماقصرتوا

رجع سيارته وتنهد كأنه يزيح عن صدره هموم كثيره..

رفع عينه للسماء وهو يدعي ربه انه يشفي لطيفه ويطول بعمرها...

فتح جواله وانصدم يو شاف بخدمة موجود 5 مكالمات من المستشفى !!!
وثنتين من رقم غريب...
ووحده من مساعد

ليش المستشفى متصلين؟
معقوله يخبروني بوفاتها؟

لااااااا ياربي لاااااا


بدون تفكير توجه للمستشفى وهو يسوق بسرعه جنونيه ويتعدى كل السيارات اللي قدامه..

دخل وقلبه وعقله مو معاه...عمره ماحس بالخوف مثل هاللحظه..
حبيبته وشريكة حياته بين الحياه والموت !!

راح لعند غرفتها فتح الباب ومالقاها...
السرير فاضي..

يعني مااتت؟

من هول الصدمه قعد عاالارض رجله مو شايلته...

لطيفه انتي تمزحين معاي...
ادري انك موجوده بس تبين تخوفيني...

لطيفه اطلعي عارف انك موجوده هنـا...

راح لعند الحمام اللي بالغرفه وهو حاس ببصيص صغير من الامل ... بس الحمام فاضي..مافيه حد!!

صرخ صرخة هزت المستشفى كله

لطييييييييييييييييييييييي يييييييييفـــــــــــــــ ـه!!!


معقوله تكون لطيفه سلمت روحها لربها وماتت؟!!



الممرضات جاوا حاولوا يهدونه بس مافي فايده..
مو فاهمين منه شئ ...

ريان بصراخ: اتركوووني خلوووني

بعد عناء وجهد فكوه وقام يمشي بين ممرات المستشفى هايم حاير....مايشوف شئ قدامه غير صورتها وهي توصيه على عيالها وعلى نفسه...

طلع من المستشفى وصعد سيارته..واخيرا استوعب الوضع..
وحط راسه بين يديه وبكى بشكل يقطع القلب

وينك يالطيفه رحتي وخليتيني....
وينك ياام عيالي...
ليش تروحين وتخلينا بروحنا...

ماتدرين اني اموت من غيرك...
شسوي الحين..وين اروح..كيف اقول لاهلي..

كيف بسكن بيت انتي مو موجوده فيه..كييييف

ضرب بيده على راسه كأنه يبعد فكرة موتها عنه...

مشى للبيت .. وقف سيارته ودخل الصاله وهو مو حاس بنفسه وش يسوي...

اول مادخل شاف ابوه وامه وشكلهم يخوف من التوتر والعصبيه

وشكله مو احسن منهم...

ابوريان بخوف وعصبيه: انت وينك هااااااا ساعه ادق عليك لييش ماتررد
ريان بدون وعي: منو انا؟
ام ريان بلهفه: ريان ريان زوجتك ولدت!!
ريان ودموعه تخونه: وش الفايده ولدت وماتت وتركتني..ياليت مات اللي ببطنها بس هي تعيش..
ابوريان وهو يكشر: انت جنييييت...وش ماتت بعد
ريان وهو يقعد عاالارض يبكي: ماتت لطيفه...ماتت
ام ريان وهي تبكي: يايمه من قالك؟ من وين جبت هاالاخبار
ريان: رحت لها غرفتها مالقيتها....راحت الغاليه يايمه
ابوريان: اوووووووووف منك طيحت قلوبنا خسك الله من ولد...اكيد ماراح تحصلها بنفس الغرفه لان نقلوها غرفه العمليات وولدت قيصريه...
ريان وهو يرفع راسه بصدمه: لطيفه عايشه؟ ماماتت؟
ابو ريان وهو يرفع ولده ويشيله من الارض: مبرووك ماجاك ياولدي وزوجتك عايشه ولله الحمد بس انت استعجلت وفسرت الامور بكيفك
ريان وهو يمسح دموعه:لالا انا مااصدق الا اذا شفتها بروح لها...

وطلع بسرعه وامه وابوه لحقوووه بسرعه للمستشفى

وصلوا للمستشفى وريان مثل المجنون يدور عليهااا...

بس ابوه سأل الاستعلامات ودلوه على غرفتها...

راح ريان بسرعه توه بيدخل صدم في الدكتوره تطلع...

الدكتوره: وين وين يااخوي؟
ريان بلهفه: انا..انا
ابوريان وهو حاس بشعور ولده: زوجها يابنتي...ممكن نشوفها
الدكتوره: أي ممكن بس بهدوء...لانها مره تعبانه والحين نايمه انا عطيتها ابره مهدئه حتى ترتاح
ريان بدموع فرح: يعني ماماتت بعدها عايشه
ام ريان وهي تحط يدها على ذراع ريان: شفت يايمه قلنا لك.....
الدكتوره ببتسامه: تطمن زوجتك تعدت مرحلة الخطر.....بس لازم ترتاح...وابيك بعد ماتشوفها تمرني غرفتي.....
ريان : ان شاء الله..
الدكتوره: يعني ماسألتوا عن البيبي؟
ابوريان: غربلك الله من ولد....نسينا نسأل بشرينا دكتوره
الدكتوره: بنت الله يحفظها لكم...بس حطيناها بالشيشه(مكان المواليد الغير مكتملين النمو) لانها صغيره ماكملت تسعه شهور....
ام ريان: اهم شئ يابنتي انها بخير مافيها شئ؟
الدكتوره: الحين ادخلوا تطمنوا على بنتكم وبعدين نتكلم...

كلام الدكتوره مايطمن!!
شكل الطفله فيها شئ..

بس ريان ابدا مااهتم بكلامها..
دام ان لطيفه بخير كل شئ يتعووض...

دخلوا وكانت نايمه بهدوء ووجها مره تعبان ومصفر..
والهالات مسويه حلقات حول عيونها...

تقرب ريان منها بلهفه وطبع بوسه طويله على جبينها وبكى...من الفرحه...

الحمدلله ياربي انك حفظتها لي ...

ام ريان: خلاص يمه...البنت بخير مافيها شئ
ريان وهو يتنهد براحه: والله ودي اصارخ من فرحتي..
ابوريان: ههههههههههههه اييه ياولدى ذكرتني بيوم ولادة دينا....شكثر كنت خايف على امك ماتتصور...
ام ريان: صااااالح عاد
ريان: ههههههههههههههههه ربي لايحرمني منكم

باس راس امه وابوه ولف يطالع زوجته...
اللي عينه ماتمل من شوفتها...

.............................
الساعه 11 راحت اميره بيتهم وتركت ديمه لانها تعبت تبي ترتاح...

ديمه كانت نص مرتاحه..كل ماتذكرت نسبتها دمعت عينها بس تقول انها بتجد وتذاكر وترفعها في النص الثاني
والله يوفق الجميـع...

نزلت الصالـه مافي حد!!
وين امها وابوها...

توها رايحه للتلفون بتكلمهم دخلوا...

ديمه وهي توقف: وين رحتوا؟
ام ريان: المستشفى...
ابوريان: مرت اخوك ولدت
ديمه بفرح: لطيفه ولدت؟ مبروووووووووك وش جابت
ام ريان: بنت قمر والله تشبه امها..الله يحفظها ويخلها بس مو سليمه الله يشفيها
ديمه بزعل: شفيها النونو؟
ام ريان: فيها فجوه صغيره بقلبها...
ديمه: بس يمه الفجوه يمكن تلتأم مع الايام وتختفي
ام ريان: بس اذا ماراحت بيسوون لها عمليه..مسكينه صغيره ماتتحمل عمليه
ابوريان: البنت ماعليها شر ان شاء الله...واهم شئ سلامة امها..بس انتوا ادعوا الله يقومهم بالسلامه
ام ريان: امين يارررب
ديمه: وريان وينه؟
ابوريان: عند مرته...الله يغربله طيح قلوبنا
ديمه: ليش وش اللي صار...

وقالوا لها اللي صار

ديمه: الحمدلله ماكنت موجوده معكم والله كنت بصدق كلامه....الحمدلله
ابوريان وهو يقعد جنب ديمه: اقوول ديوووم
ديمه وهي تبتستم له: لبيه حبيبي
ابوريان وهو يطالع ام ريان: ايييه لنا الله ماحد يدلعنا ولايقول لنا حبيبي عمري حياتي غير ديمه
ام ريان: هههههههههههههههه كبرنا ياصالح على هالسوالف
ابوريان: انتي اذا كبرتي بكيفك...بس انا شباب
ديمه: أي والله يبه اذا شافوك البنات عند المدرسه توصلني ينهبلوون عليك....تبغى وحده منهم؟

وعمزت لابوها..

ام ريان: ديموووه قص اللي يقص هاللسان قومي انقلعي دارك فكينا
ديمه: ههههههههههه اعترفي وقولي انك تغارين عليه
ام ريان: أي اكيد اغار ليش مو زووجي...
ابوريان: ربي لايحرمني منك ياام ريان..
ديمه: يبه وش كنت تبي تقول لي
ابوريان: شرايك نسافر لنا يومين؟
ديمه بفرح: يس يس...

وباست ابوها على راسه: الله يخليك لي يااحلى ابو بالدنيااا
ابوريان: عاد انتي اختاري المكان..
ديمه وهي تفكر: امممممممم قطـر ودي فيها
ابوريان: لالا الصيف اللي راح زرنا قطـر .. شرايك نروح الكويت
ديمه: احلى...حركاااااات...من زمان عنها والله
ام ريان: اشوف قررتوا وخلصتوا...ومين اللي بيسافر؟انا مابروح معكم
ديمه: لييش يممه
ام ريان: حرمة اخوك والده..مين بيقعد معها...
ديمه: بس بنتها بتبقى بالمستشفى مابتطلع الحين
ام ريان: بس لا مابخليها هنا بروحها الحرمه تعبانه وتحتاجني ومثلكم عارف مالها اهل غيرنـا..الله يرحم اهلها برحمته
ديمه: أممم براحتك يمه.. طيب يبه نقول لدينا وتروح هي وسعود معنا وجوري وفارس واسماء وفؤاد وامول واميروه وامون وخلوود..وخالي مساعد
ابوريان: بل كل هذوول ..
ديمه:ليش لا يبه
ابوريان: والله براحتكم...قولي لهم واتفقوا...عندك من اليوم لبكره..
ديمه: خلاص من الحييين بقوول لهم

..........................

كانت قاعده قدام لوحتها اللي ترسم فيها...

كانت ترسم بحر..وعالشاطئ بنت فارده شعرها بحريه وتلعب بالرمل...

وهي ترسم جاء على بالها....

فرح وحيرتها اللي ملازمتها من يوم ماخطبها مساعد..

ياربي بكون سعيده معاه؟
ليش احسه نكدي؟
ومو راعي سوالف؟

لا يافرح انتي ماتعرفينه حرام تحكمين عليه من نظره!

تنهدت وهي تحس انها ضايعه...
طيب ليش مااكلم امول واعرف منها كل شئ عنه..

واتصلت على صديقتها..


امول: هلا والله...هلا بالزين كله هلا بمرت الخال
فرح بحيا: هههههههههه هلا فيك حبيبتي شلونك
امل: دامي سمعت هالصوت الحلوو اكيد بخير..انتي علومك؟
فرح: والله ابد جالسه ارسم..
امل: اوووف انتي ماتملين من الرسم خلاص ارتاحي
فرح:هذي هوايتي امول مااقدر اتركها...
امل: غريبه يعني جينا عالبال..
فرح: امول....انا خايفه ومحتاره
امل: افا بس افا...من شنو يالغلا؟
فرح: نفس الموضوع
امل: خالي مساعد؟
فرح: امول احكي لي عنه عن اطباعه....انا يوم وافقت...استخرت ربي وارتحت بس...
مدري انا مااعرفه ولااعرف أي شئ عنه...
امل: يافرح ياحبيبتي....لاتخافين ولا تحاتين...صحيح ان مساعد خالي واعزه واحبه بس بعد انتي من اعز صديقاتي وانا مااخترتك الا وانا مطمنه عليه وعليك..
ماابي خالي ياخذ أي وحده..وانتي نفس الشئ...
لو ماكنتوا متوافقين مااخترناك وخطبناك....
الحين قولي لي.. وش تبين تعرفين عنه؟
فرح بحيره: مدري...اي شئ
امل: اممممممم شوفي ياطويله العمر...خالي مساعد هذا انسان وش اقولك..مايتكرر...هو بحسبة ابونا واخونا وكل شئ...شايلنا على راسه..
صدقيني ماامدحه لانه خالي...بس من جد فروحه..
ماادري بدونه وش كنا بنسوي...
فوق هذا...مساعد اغلب الاوقات هادئ ورايق بس بصراحه تجيه حالات يصير مزاااااااااجي لابعد درجه
عاد الله يعينك لاجاته هالحالـه...
يحب السوالف والضحك والمسخره..
يكره الروتييين...يعشق شئ اسمه افلام وسينما..
ياااه مدمن افلام...
فرح: هههههههههههههه وبعد؟
امل: يحب يسافر الله يعينك عليه كل يوم ناطين من ديره لديره
فرح: احلى شئ
امل: ههههههههه.... واهم شئ ونجي لبيت القصيد...
مساعد رومنسي بشكل..حنون يحب الاطفال وخاصه البناات
فرح بخجل: جد؟
امل: ايووه عاللي يستحوون...

وقاموا يسولفوا قريب النص ساعه بعدين دخل عليها ومعاه خالد..اللي رقى على طول فوق..

وانظم مساعد لبنت اخته..

مساعد: تكلمين منو امول
امل وهي تغمز: الحب
مساعد بثقل: هاتي اكلمها
فرح وهي مستحيه: اقول يلا باي
امل: تعالي تعالي وين بتهربين
مساعد: بتهرب لاوالله مااخليها هاتي اسلم عليها

ماترك لامل مجال تقول لفرح شئ...

مساعد: احم...السلام عليكم
فرح:ــــــــــــ
مساعد: ياناس ياهوو سلمنا ردو السلام...
فرح بحيا وبتموت: وعليكم السلام
مساعد: شلونك فرح شخبارك؟
فرح بارتباك: زينه...بخير.. الحمدلله..
مساعد هههههههه: دووم ان شاء الله...
فرح بارتباك: الحمدلله
مساعد: هههههههههههههههههه
فرح عصبت وانحرجت: ليش تضحك
مساعد: بل عصبوا خلاص اسفيين...بس حبينا نسلم
فرح: الله يسلمك

كانت امل تأشر لخالها وتقوله بحركه الشفايف يعني خف عليها..

مساعد: امول تلايطي انا حر...ايوه فرح
فرح:امممممم
مساعد: امممم.. متى ودك بالملكه؟
فرح بصوت هادئ وناعم: مدري انت اتفق مع اخوي
مساعد: اخوك قالي انتي بتحددين الموعد..
فرح: مدري براحتك..
مساعد: اقرر لوحدي يعني؟
فرح وهي مرتبكه ومستحيه: مدري خلاص براحتك
مساعد:هههههههههههه تيب لاتموتين علينا...يلا مااطول عليك يالغلا...بخاطرك شئ؟
فرح: سلامتك
مساعد: بس؟
فرح: وانت تبي شئ؟
مساعد: ماابي الا سلامتك... سلاام

وعطى امول السماعه سولفت مع فرح شوي وسكرت

امل: ها شرايك؟
مساعد: والله شئ ماعليها كلام...بس حييل خجوله اموول مااتاخذ وتعطي بالكلام
امل: ماعليه خالي بتتعود بعدين عليك
مساعد: لا من جد احسها بتمووت مو عارفه تتكلم...الله يعين كان بتبقى كذا
امل: اقووول اها بس اها..تبيها تعطيك لسان وش طوله يعني؟...حلاة البنت بخجلها...والله يزيدها جمال...على فكره متى بتملكون؟
مساعد: مدري مااخذت منها لاحق ولاباطـل...اسألها متى تقول اتفق مع اخووي..ودي اتفاهم معها ودها بحفله كبيره ولاصغيره ووين...بس ساكته
امل: ماعليك بخلي امي او وحده من خالاتي ترتب هالموضوع معها...
مساعد: يكون احسن...

رن جوال مساعد بهالوقت وكان ريان متصـل

مساعد وهو يرد بسرعه: هلا بو رامي
ريان بفرح: بارك لي
مساعد بفرح: مبرووك بس على شنوو
ريان: جاتني بنت
مساعد: اوووه الف الف مبرووك تستاهل يابو رامي..واخبار ام رامي عساها طيبه
ريان: لا الحمدلله صارت احسن...بس ان الطفله شوي تعبانه
مساعد: لا ان شاء الله ماعليها شر..بارك لام رامي وتحمد لها بالسلامه
ريان: الله يسلمك...يلا خالي مااطول عليك
مساعد: خذ راحتك..وان بغيت أي شئ اتصل..واحنا بكره نمركم المسشتفى نطمن عليكم
ريان: خلاص اووكي...

بعد ماسكر ..

امل: شصاير فرحنااااااااا
مساعد: لطيفه ولدت جابت بنت
امل بفرح: كلووووش .. عسى ماتعبت بس
مساعد: الحمدلله صارت احسن الحين..
امل: ياربي ابي اشووف الكتكووته..بكره من صبح الله برووح
مساعد: عاد انتي مخبوله مصرقعه ماصدقتي على الله..
امل: من حبي لهم...انا اذا تزوجت بجيب درزن بنات ودرزن عيال
مساعد: حشى قطوه تجيبين درزنين منتي ادميه
امل: كيفي عاد



من بكره الصباح...خبر ولادة لطيفه انتشر والكل فرح بهالشئ خاصه انها تعبت حيل هالمره...

وام سعود بما انها الاخت الكبيره بين ام فؤاد وام ريان قررت تتفق مع فرح على ترتيبات الملكه والحفله...

ويوم السبت العايله الكريمه ناويين يروحون الكويت...
واللي بيروح ابوريان طبعا و ديمه ودينا وسعود ورزان واسماء وفؤاد واميره وفارس...
واكيـــــــد مساعد اللي ماتحلى السفره بدونـه


اما امل واماني وخالـد مالهم مزاج لهالسفره...

رغم انها ماتتفووت..

وريان وعياله وامه بيبقوا مع لطيفه..


يــوم الخميـس...واليوم بتطلع نتيجه تحليل اسماء في المستشفى..

كانت ميته تبي تـروح تشوفها بس متردده وخايفه..

وجات سالفة السفر واشغلتها..
قررت ماتشوفها الحين بعد مايرجعوا تروح تاخذها..

الحين تبي تسافر وتغير جو وتنبسط مع زوجها واهلـها..
ومأجله التفكير في هالموضوع..


............................



00 العصــر..

سعود تغدى الساعه 2 ونام...وقال لها تصحيه العصر حتى يوديها المسشتفى تزور لطيفـه...

جات الساعه 5...مدري اصحيه او لا...
قربت منه وقعدت..وهي تطالعه...

كانت خصله من شعره طايحه على جبينه..
مدت يدها برقه ورفعتها على راسه

حست بقشعريره تسري بجسمها وهي تلمسه..

شالت يدها وغمضت عينها بقوه..

وهي تكلم نفسهـا
دينا انتي غبيه...
وحده غيرك كانت مافكرت مجرد التفكير تكلمه بعد كل اللي يسويه...

بس انا مو قاسيه..
مهما سوا يبقى زوجي..وولد عمي..

بس يادينا المسأله مو مسأله قسوه
مسأله كرامة وكبرياء..سعود مو حاطك على باله ولا معبرك اصلا..

بس مو مهم...المهم اعيش بهدوء وبدون وجع راس..
ماابي مشاكل...

بس لا...انا مو خدامه عنده يعاملني بهالطريقه..
حتى قدام اهله يحرجني ويفشلنـي
لازم يقدرني ويحترمني..

اوووووووووف مدري انا وش ابي

دينا: سعود
سعود: امممم
دينا: سعود ماراح تصحى؟

مارد عليها...مدت يدها تلمس راسه...مو حار..الحمدلله

دينا: مابتقوم؟
سعود: تعبان
دينا: سلامتك من التعب خلاص نام...

كانت بتقوم وتطلع بس سحبها من يدها ونومها جنبه..مد يدينه وضمها لصدره وهو مبتسم ومغمض..وهي خبر خير..

منصدمه...سعود يسوي كذا؟!
لا اكيد ماهو في وعيه..

مليوون بالمئه سعود بعالم ثاني ومو حاس باللي يسويه..

دينا بهمس: سعود بقوم..
سعود وهو نايم وبعالم ثاني: بسمه..وين بتروحين...خليك معاي

فتحت عينها من الصدمه ويدها على فمها!

بسمه؟!!

حست بالذل والمهانه وهي بحضنه..

سعود بعالم ثاني ومتخيلها بسمه مو دينــا..

حاولت تفك منه بس ماقدرت لانه متمسك فيها بقووه..

كانت تحس بأحاسيس مختلفه..ذل مهانه تحس ان مالها أي وجود بهالبيت..

ورغم انهم للحين مابينهم علاقة حب الا انها زوجته مهما صار ومستحيل ترضى ان زوجها يناديها بأسم وحده ثانيه...

دينا وهي تمسك ذراعه بقوه تبي تفك منه: سعود اترركي
سعود وهو يبتسم: بسمه حبيبتي وين بترووحين والله اشتقت لك.. لريحتك..لانفاسك..

وتنهد بحـب واضح..

سكنت حركتها ماتقدر تسوي شئ..
تحس انها عاجزه..

انا بحضنه وهو ينادي بأسم وحده ثانيه..
يالله انا كيف بتحمل هالعيشه كيف!!

ثواني وفتح عينه وانصدم!!

دينـــــــــا!!

دينا وهي تطالعه ببرود: أي دينا مو بسمه .. غلطان ياولد عمي..

شالت يده باشمئزاز وطلعت برا الغرفه..وهي تحس بالقهر منه ومن تصرفاتـه اللي مالها داعـي..

شافته يطلع يدور يمين يسار وطاحت عينه عليها وهي بتدخل المطبخ تتهرب منـه ومن نظراتـه..

سعود وهو يوقف وراها: دينـا
دينا وهي عاطيته ظهرها: نعم؟
سعود : مو قصدي...اللي صار..
قاطعته: راسي مصدع..ممكن تخليني لوحدي؟
سعود: مو قبل ماتسمعيني...دينـا انا كنت احلم ماكنت واعي
دينا وهي تلف له: وبعد؟ عندك شئ تقولـه ولا خلصت؟
سعود وهو يعصب: انتي ليش اخلاقك خايسه..
دينا: اعوذ بالله من غضب الله...الحين انت الغلطان وجاي تحط اللوم علـي..والله انـك فــ.....
ولاتدري خلني ساكته
سعود بصراخ: لا تكلمي قولي..ليش تخشين بقلبك...قولي اني مالي داعي قولي اني فاضي قولي اني مااحس قولي أي شئ..خذي راحتك..
دينا وهي تقرب منه وعينها بعينه: كلامك مايعنيني..لذلك تفضل اطلع وخلني بروحي


قعدت عالكرسي وهي تتنفس بصوت عالي لانها مره معصبه بس متحكمه كويس بأعصابها..

سعود وهو يحاول يستفزها: بس هذا اللي تقدرين عليه...انتي ليش مصممه تخلين حياتنا مشاكل وتحدي..
دينا وهي تفقد اعصابها وتصرخ بأعلى ماعندها: انا ولا انت ياسعووود..اوووف من هالعيشه اللي ماتنطاق..انا مليت منك مليييييييييت اكرهك

رمت الكاس اللي قدامها عالارض وانكسر تحت رجلـه..
طالعها باستخفاف وطلـع..

هالنظره خلتها تشب نار...ماتحب حد يستخف فيها..
طلعت من المطبخ بعصبيه وهي توسع خطواتها ونست ان اشلاء الكاس تحت رجلها وداست على قطعه زجاج...

دينا بأعلى ماعندها: ااااااااااااي

صرختها خلته يوقف ويلف لها بسرعه...يوم شافها طايحه عاالارض ويدها على رجلها اللي تنزف رجع لها ورفع رجلها يشوفها

دينا وهي تصيح: أي أي تعوررني..لالا تحركها
سعود: اووش...خليني اشووف
دينا : انت ماتحبني انت تكرهني...اتركني بحالي اتركني

كانت تحرك رجلها اللي ماسكها بشكل عصبه ونرفزه..عطاها نظره مضمونها خليكي عاقله قبل لااتصرف تصرف ثاني معاك..

قامت تصيح بصوت منخفض ورجلها لازالت بيده..

سحب الزجاجه بشكل هادئ وبطئ..هالشئ اللي خلاها تحط يدها على فمها تمنع صرخة الالم..

سعود: لاتتحركين...خليكي مكانك

دخل المطبخ وجاب مطهر جروح وضمادات ولزقـة..

نظف الجرح ولف الضماد وحط اللزقه..

بعد ماطلعت الزجاجه حست ان الالـم خف بكثير..

جات بتقوم بس سبقها ولف يده حول خصرها وسندها

دينا وهي تقاومه بعنف: اتركني..ماابيك تمسكني
سعود وهو يضغط على ذراعها : دينـا..هالشئ مو في صالحك...

قعدها عالكنبه..بشكل طولي..

قامت تطالع المكان اللي طاحت فيه واللي امتلى بدم رجلـها...

سعود: راح الالـم؟

طنشته ولا ردت...

حس انه يبي يقرب منها يذبحها ..
بس للاسف مايقدر..

سعود: اكلمك انــا
دينا وهي ترجع تصيح: ابي امي...ابي انام عندها انت ماتبغاني..

ابتسم بسخريه وهو يقول بنفسه....الاخت حليمة بولند على غفله

غطت وجهها بيدينها الثنتين وقامت تبكي

تنهد وهو يمسك راسه بيدينــه



..............................
................................

انا شسوويت بحياتي ياربي حتى يصير لي كل هذا
كل يوم هواش ومشاكل وصراخ وتوتر..
وين الراحه وين السعاده اللي انشدها..

هذا اللي كنتي تبينه يايمه..
تقولين لي تزوج وارتاح

ضحك بسخريه...ونعـم الراحه..
انا بوادي وهي بوادي..

اوووووف العيشه صارت بايخه ماتنطاق..

سعود: تبين تروحين عند امك؟
دينا وهي متفاجئه: أي
سعود وهو يدخل الغرفه: قومي جهزي نفسك بوديك عند امك
دينا: انا ببات عندها كم يوم
سعود: ادري....جهزي شنطتك..

سكر الباب وتسند عليـه..

خلاص مااتحمل تكون جنبي...
خلها تبعد وانا ابعد يمكن الوضع يتصلـح وتهدأ نفوسنــا..

اما هي ابتسمت بحزن وهي تقول..
طبعا ياسعود ماتبغاني معاك..
ودك ترتاح وتفتك مني...
لكن تطمن انا بريحك وبخلي لك البيت..

رفعت سماعة التلفون واتصلت لامها...

ام ريان: الووو
دينا وهي تصيح: يمه
ام ريان بخوف: بسم الله عليك يمه شفييك؟
دينا: يمه..ابجي بنام عندكم
ام ريان: لييييش صار شئ بينك وبين زوجك؟
دينا: لاتجيبين لي طاريه مااحبه ماابغاه
ام ريان بعصبيه: الحرمه العاقله ماتقول عن زوجها هالكلام..قولي لي وش صاير؟
دينا: متهاوشين
ام ريان: دينووو لاتجين ولاهم يحزنون...خليك في بيت زوجك فاهمه..لاوالله بغضب عليك
دينا بصياح وصوت متقطع: انتي بعد ماتبغيني....كلكم ماتحبوني
ام ريان: يادينـا لاني احبك ماابغاك تتهورين...الحرمه السنعه تتفاهم مع زوجها بالهداوه..تسمعه يسمعها..
مو من اول مشكله تلم اغراضها وتجي بيت اهلـها..

دينا بقلبها...اول مشكله؟!! هه كثري يايمه منها

ام ريان: سمعتيني او لا؟
دينا بترجي: تكفين يمه...ماابغى انام عنده اليوم
ام ريان: لحوووول دينــا لاتخليني اهاوشك واكلم ابوك...خلاص تفاهمي مع رجلك وحلوا المشكله بالهدوء...يلا روحي له الحين وكلميه وانا بتصل لك المغرب..
دينا بانكسار: طيب باي

سكرت وهي تحس انها محطمه...حتى امي تدافع عنه وواقفه بصفه..
وانا من لي؟
مين يفهمني...يقدرني...يحترم شعوري..

طلع سعود من الغرفه وهو لابس ثوبه وشماغه وبيده جواله ونظارته الشمسيه: ها اشوفك قاعده..
دينا وهي تمسح دموعها وتقرب منه: وين بتروح؟
سعود: بيت اهلك..ولا غيرتي رأيك
دينا وهي تنزل راسها: أي غيرت رأيي...مابروح

حس انه متلوم فيها...حرام تكسر الخاطر..
شفيك ياسعود صرت قاسي..
شوف البنت متحمله وساكته وانت كل مالك وتزيدها..

سعود وهو يرفع راسها بيده: انا اسـف,,

هالكلمه حسستها بأنه حس بغلطه...
بكت اكثر وارتمت بحضنـه..

لف يدينه حولها وخلاها براحتها...

سعود بهمس : خلاص دينـا ماتعبتي من كثر البكي ارحمي نفسك

ماكانت ترد عليه الا بتنهيدات معذبـه..
طالعه من داخل قلبهـا..

سعود وهو يمسح على راسها: اسف ادري اني مصختها وزودتها حبتين بس يالدبه تستاهلين عاللي سويتيه فيني
دينا وهي ترفع راسها تطالعه: كل هذا لاني فتحت عليك المويه البارده؟
سعود: اممممممممم تقدرين تقولين..
دينا وهي تضربه بصدره: يانـذل ياقاسي
سعود: ههههههههههههه..مو اقسى منك كنتي بتروحيني بس ربـك ستر..
دينا: ممكن اسألك سؤال؟
سعود ببتسامه تجنن: تفضلي
دينا: كنت تبغى الفكه منى واروح بيت اهلي صح؟
سعود: تبين الصراحه ولا بنت عمها
دينا: اكيد الصراحـه
سعود: كنت انك مابتروحين..وحتى لو فكرتي تروحين ماكنت بخليـك..
دينا: بس انت قلت لي قومي تجهزي بوديك..
سعود وهو يسحب خشمها بشويش وهي تضحك: وانتي صدقتي اني بخليـك...
دينا زعل: ليش لا..
سعود: وانا مع مين انــام ياحلوه؟
دينا : لوحدك..مافيه شئ
سعود وهو يمسح اثار دموعها بيدينه الثنتين: حد يترك القمر وينام مع النجوم
دينا: امممممم يعني انت نجمه
سعود: مالت عليك..رجال طول بعرض وتقولين نجمه
دينا:هههههههه انت اللي قلت
سعود: عاد مو تصدقين حالك ويكبر راسك على هالمدح
دينا: يلعن ام التحطيم...
سعود : هههههههههههههههههه

سكتوا قرابه الدقيقه وعينهم معلقه ببعض...مزيج وخليط من الاحاسيس المتضاربه اجتاحت قلبين...
يفصل بينهم الكبرياء والغرور واللامبالـه...
ويربط بينهم الشوق لمرسى وبر الامان المفقود!!
والحب الضائع في متاهات الحيـاة..

دينا بصوت اقرب للهمس: ممكن اعرف في ايش تفكر؟

كانت يدينه لازالت ورا ظهرها ومخليتها قريبه حيل منـه..

سعود: مو قبل مااعرف في ايش تفكرين..
دينا وهي تبعد نظرها عنه بتوتر: امممم مدري
سعود بخبث: تسمحين لي اتعدى حدودي شوي؟
دينا وهي ترفع عينها له: ها؟
سعود : ممكن اتهور؟
دينا وهي تحاول تبعد عنه: لا تكفى...

جات بتهرب منـه بس مافي مفر ولا مهرب من سعود..

وكانت المره الاولى اللي يطلقوا فيها العنان لمشاعر تحاكي بعضها البعض بحرية مطلقه...
واللبيب بالاشاره يفهم : )

...........................


بالمستشفى....ام ريان وديمه وريان نفسه وام فؤاد وام سعود وجوري وامل...
الكل فرحان ومبسووط بسلامة لطيفه...بس كله كوم وفرحة ريان كوم ثاني....

كان ريان قاعد جنبها عالسرير وماسك يدها بيده ومو راضي يفكها...خلاص مايبي يفارقها دقيقه وحده بعد اللي صار...

ام ريان: ياريااان اترك البنت ترتاح زهقتها
لطيفه:هههههههه خليه يمه ياخذ راحته
ريان: خلووني يمه انا ماصدقت رجعت لي بالسلامه
امل: مااقدر انـــا عالحب يارومنسي
ريان وهو يغمز لامل: بكره تتزوجين وتعرفين ..
ام فؤاد: اقول ياختي وينها دينا مو مبينه؟
ام سعود: مدري وانا اختك..احنا يوم نطلع قالت لنا دينا انها بتصحي سعود وبتجي ورانـا..مدري ليش تأخروا..يمه جوري اتصلي شوفيهم
جوري: من عيوني...

اتصلت جوري لجوال دينا مقفل وجوال سعود نفس الشئ...

جوري: غريبه..جوالاتهم مقفلـه
ام سعود بخوف: كلمي عالثابت شوفيهم...

اتصلت وبعد 5 رنات رد سعود: نعم؟
جوري: نعامه ترفس العدو ان شاء الله...انتوا شفيكم
سعود: يوووووووووه منك يالغثه وش تبين؟
جوري: وين دينا هات اكلمها
سعود: مو الحيين
جوري: ليش ان شاء الله
سعود: دينا مشغوله اتصلي بعديين باي
جوري: صبر لحظه لحظه....ماراح تجيبها المستشفى؟
سعود: مدري
جوري: طيب ورا جوالاتكم مقفله هااا اعترفواا
سعود: اعوووذ بالله منك حرام يعني نقفل جوالاتنا
جوري: لا بس من عوايدكم
سعود: واحد وبيقعد مع زوجته ومايبون حد يزعجهم انقلعي يلا
جوري: هههههههههههههههه ياهوووو ارووح عالرومنسييه يلا اخليك باااي

ام سعود: ها شفيهم؟
جوري وهي تغمز لامها: كل خييير
ريان: أي الحبيب هناك عقله طاير ..
جوري: اووه اسكت الا طاير وونص....
ام ريان ببتسامه: الله يسعدهم ان شاء الله...

وهم يسولفون دخلت نيرس فلبينيه مبتسمه وبيدها باقه ورد وعلبه شكولاته من انووش ..

حطتها عالطاوله وطلعت..

امل: خوووش باقه والله شحلاتها من مين..

قامت امل بتقرأ الكارد..

(( الحمدلله على سلامتك ياام رامي..وتتربى العروسه بعزكم ان شاء الله.... ماجـد))

جوري ابتسمت وحست انها حركه حلوه من ماجد..

ريان: والله طلع حركااات هالماجد بعد
جوري: ها اجل وش مفكر....
لطيفه: والله مكلف على نفسه .. اشكريه جوري
جوري ببتسامه: يوصل ..

........................

اسماء وصلت المستشفى ونزل معاها فؤاد: ها حبي اروح ولا انتظرك؟
اسماء: لا تعال معي بنشتري شوكولاته وورد وارقى معاي لفووق ماابي اروح لوحدي
فؤاد وهو يقفل السياره: من عيووني ياحلوو...

كان فؤاد لابس بنطلون اسود وبلوزه بنيه ديرتي..وكاب اسود ونظارة شمسيه..
مايحتاج اقول ان كل مامرت بنت عندهم تخبلت وطالعته...

اسماء وهم بمحل الهدايا: ماتقول لي وشوله متشيك عاالاخر
فؤاد: احم...والله ربي رزقني بجمال لازم امتع انظار الناس فيه
اسماء: لاياشييييخ اجل انا بعد بكشف الحين وبوري شكلي للناس
فؤاد: علشان اذبحك...
اسماء: اووووووف انت ماتحس...

ضحك عليها يدري انها غيووره لابعد درجه..
شالت هي الشوكولاته وهو شال بيده باقة الورد الكبيره ورقوا بالمصعد..

اول ماانفتح المصعد جاوا بنتين بيصعدوا بس شافوا فؤاد ووقفوا يطالعوه

اسماء بعصبيه: انتي وياها ماتستحون ..

صعدوا البنتين بالمصعد وراحوا

فؤاد: ههههههههههههههههه شفيك سموووي
اسماء وهي تمشي عنه: ولاشئ
فؤاد وهو يلحقها:ههههههههه سمووي حبيبتي ماله داعي تعصبين
اسماء: لاوالله زوجي ومتشيك عاالاخر والبنات ماشالوا عيونهم منه وتبغاني اسكت
فؤاد: ياحبي..لو تجي ملكة الجمال نفسها وتطالعني مااعبرها ولااحطها على بالي..دامك عندي ومعاي

ابتسمت له واخذت منه الباقه ودخلت غرفة لطيفه اما هو بقى ينتظرها بره وطلع له ريان ودقوها سالفه

.........................
نرجع لدينـا وسعود..

كان الوضع غير عليهم..توتر خوف..خجل..

نزل راسه يطالعها كانت بحضنه ولاف ذراعه عليها...

ابتسمت له بخجل وجات بتقوم بس منعها..
قرب منها وكلمها بهدوء وهمس..

سعود: وين رايحه؟
دينا وخدودها تصير حمرا: سعود...خلاص بقووم
سعود: لا مافيه
دينا: ههههههه بليييز

وطالعته بترجي...طبع بوسه على راسها وخلاها تقوم..

نص ساعه ورجعت له كانت جاهزه ولابسه..

سعود: ها على وين؟
دينا: مابنروح المستشفى؟
سعود: يلا ربع نص ساعه واكون جاهز انتظريني
دينا وهي تطلع الصاله: لاتتأخر..

دخل ياخذ له شاور وهو يفكر في الاحداث الجديده اللي صارت..

معقوله هذي تكون بدايه تقربنا من بعض..
وكسر حاجز المشاكل والروتين اللي عايشين فيه؟

مدري...حاليا فكري مفرغ...الايام راح تثبت لي كل شئ..

..............................

كان يتمشى من شارع لشارع والجوال بيده يدق عليها بس انتظار...

ياترى تكلم من؟!!

بعد نص ساعه اتصلت
خالد وهو معصب: سموور ماصارت لي ساعه ادق عليك
سمر:هههههه حبيبي شفيك معصب..كنت اكلم خويتي رهف
خالد: طيب عاالاقل ردي قولي انا مشغوله بكلمك بعدين
سمر: ياعمري مااحب اشوفك متضايق ومعصب..خلاص انا اسفه..
خالد وهو يهدأ: اخر مره فاهمه
سمر: من عيووني...ها وينك حبيبي؟
خالد: ابد احووم بهالشوارع...
سمر: أي على فكره خالد
خالد: هلا
سمر: احتمال نسافر انا واهلي
خالد : تسافرين؟ وين ؟
سمر: ابد قريب...الامارات
خالد: شنو؟؟؟؟؟ لا مافيه ياعيوني سفر
سمر: ليش؟
خالد وهو يعصب: الحين انا مابسافر مع اهلي علشان اقعد وياك..انتي تقولين ببساطه بسافر
سمر: ومن جبرك تبقى معاي...خلاص سافر مع اهلك انت بعد
خالد وهو يعصب: سمر شفيك انتي متغيره...ماتفهمين اني احبك ولو سافرت بشتاق لك حيل...(وهو يهدأ ويتكلم برومنسيه) سمر..والله احبك..مااقدر ابتعد عنك ..
سمر بزعل مصطنع: خلاص حبيبي مثل ماتحب..ماراح اسافر وبقعد في البيت لوحدي
خالد بحيره: لوحدك؟ لالا مايصير تقعدين لوحدك..اخاف عليك
سمر بخبث: اجل اسافر؟
خالد: خلاص حبي سافري وانبسطي...مافي غير هالحل..
سمر: لاقلبي..والله مستعده اقعد علشانك
خالد: لا حبيبتي...مابكون اناني..خلاص سافري اهم شئ ماتنسيني هناك..وخذي معك جوالك وبكلمك كل يوم
سمر: تامر امر حبيبي...يلا اخليك
خالد: تعشيتي؟
سمر: لاماودي شبعانه..
خالد: شبعانه وانتي ماتغديتي اليوم؟
سمر: اكلت شيبس وشربت بيبسي وشبعت
خالد: الف مره اقولك لاتشربين بيبسي ماتفهمين
سمر بزعل: اوووف خالد احبه مااقدر اتركه
خالد وهو يتنهد: ااااه منك يالعنيده..شسوي فيك...احبك مااقدر عليك
سمر:ههههههههه وانا بعد احبك
خالد: فديتك حبي..خلاص لايخلص رصيدك ونبتلش فيك
سمر بعصبيه: وش قصدك يعني؟
خالد:هههههههههه نمزح والله نمزح...ولاتزعلي بجيب لك كرت شحن لعيونك
سمر بغرور: لا عندي مايحتاج
خالد: لاوالله حالف اجيبه وتاخذيه
سمر: خلاص نشوووف...يلا حبي باي
خالد: باي ياقمر...

سكرت وانسدحت وهي تضحك عالسرير...

رهف: هههههههههه وربي انك داهيه...
سمر: والله مبسووطه حيل حيل...
رهف: انا اشهد ان حظك من السماء...
سمر: وي لاتحسديني صلي عالنبي...
رهف: اجل بتسافرين وتتركيه؟
سمر: هههههه وش علي منه...بسافر وانبسط..وهو بكيفه يسوي اللي يبي..
رهف وهي تقرب من سمر: سمور لاتشدين معاه حيل...مانبيه يروح منا
سمر: لاتحاتين..خالد لي وراح يبقى لي ان شاء الله...
رهف: الا اخبار جوري؟
سمر: ماقلت لك ملكت قبل يومين..
رهف: زين زين....تستاهل كل خير

سمر طالعت رهف بنظرات ماعجبت رهف...

رهف طيبه وسمر ماتحب هالطيبه اللي في اعتقادها ماتفيد بهالزمن


يوم السبت كان موعد رحلتهم للكويت
طلعوا في سيارتين..

سياره ابوريان وفيها ديمه واميره ودينا واسماء
اما بسياره سعود..فـكان وياه فؤاد وفارس ورزان..
واخيرا بسيارة مساعد معاه بنت اخته وصديقته جوري..

طلعوا الظهر الساعه 1..

كانت اكثر السوالف بسيارة الشباب (سيارة سعود)
وفارس مهبل في رزان المسكينه..

ابوها يسوق بسرعه وفارس فاتح النافده ويحاول يطلع راس رزان من النافده

رزان بخوف: لالا اخااااااااف .. بابا
سعود: ههههههههه فرووس يالخبل سكر النافده..
فارس وهو يسحب رزان: خليني بجننها...ابيها تصير مصرقعه مثلي...
فؤاد وهو يلف لفارس: فرووس البنت بتجن خلاص صدعت راسنـا..اللي يشوفك يقول بزر
فارس: اقوووووول نسينا ماكلينا...
فؤاد: لحووول..كلمة ثانيه ونرميك بالشارع وتعال الحقنا سيرا على الاقدام
فارس وهو يربطم مثل البنات: اوكي بسكت

رزان وهي تقرب من عمها: هههههههههه عمي
فارس: لاجواب..
رزان: هههههههههه عمي عمي تسمعني

فارس يستهبل عليها وساكت

رزان وهي تدغدغه ببطنه: فااااااارس
فارس وهو يحضنها ويدغدغها: هاهاهااااااااااااا

وصلوا واخذوا فندق بيرتاحون من المشوار اللي يعتبر قصير نسبيـا..

دينا وسعود بغرفه..وابوريان ومساعد وفارس بغرفه
وفؤاد واسماء بغرفه..وجوري واميره ورزان وديمه بغرفه

الكل مبسووط وفرحان بيتغيير الجوو...واللي زاد هالوناسه وجودهم بالكويت اللي يحبوها من كل قلبهم..


بعد ماارتاحوا توجهوا للمارينــا مول..تمشي وتشري واخر وناسـه..

كانت دينــا تتمشى مع سعود..من محل لمحل

سعود: دينووو والله تعبت
دينا: خلاص اخر محل وبعدها نجلس نرتاح..
سعود: يلا بسرعه..

دخلت وسعود وقف برا ينتظرها ويحوس بجواله..

هو كان يراقبها طول الوقت..ويوم دخلت المحل لوحدها استغل هالفرصه ودخل بدون مايشوفه سعود..

تركي وهو يوقف وراها وقريب منها: تعبت وانا امشي وراك

حست ان اطرافها انشلت..هذا صوت تركي اللي مستحيل تضيع بينه وبين أي صوت ثاني..

لفت وهي تحس انها منصدمه: تركي
تركي ببتسامه وهو يطالعها من فوق لتحت: ابي افهم سر جمالك..كل يوم تزيدين جمال عن اللي قبلـه
دينا بخوف وعصبيه: تركي روح واللي يسلمك لايشوفك زوجي
تركي وهو يطالع بره يشوف سعود: لاتخافين زوجك الحلوو مشغول...وماانتبه لي ادخل وراك..
دينا وهي تدمع: رووح رووح ماابي اشووفك لاتسوي لي مشاكل...اطلع من حياتي
تركي: شوفي انا من زمان ودي اشوفك واكلمك..ويوم عرفت انك جايه الكويت..جيت وراك والحمدلله شفتك...
فـ مستحيل اخليك
دينا وهي تطالع يمين يسار من الخوف: انا متزوجه الحين..يعني مالك امل معاي..خلاص روووح لاتسوي لي فضييحه

ماكملت جملتها الا وهو واقف وراها..

ضربت على خدها وهي تتوقع حدوث انفجار بالمجمع كلــه!!




....................................
ماكملت جملتها الا وهو واقف وراها..

ضربت على خدها وهي تتوقع حدوث انفجار بالمجمع كلــه!!

سعود ببتسامه بارده وهو يطالعهم: حلووو اصفق لك من كل قلبي..ياتركي

وقام يصفق بطريقة دراميه..

راحت ووقف ورا زوجها وخلته يواجه تركي..

سعود وهو يفقد اعصابـه ويسحب تركي من قميصه بعنف: انت ماعندك خوات..ماعندك غيره..ماتحس على دمك..ترضى هالموقف يصير لوحده من خواتك
تركي وهو ينزل يد سعود: انت اسكت ولا تتكلم..مو كفايه انك اخذتها مني وانا ابغاهــا..
سعود وهو يمثل الدهشه: اووه احلف...قول قسم انك تبغاهــا..ودامك تبغاها ليش سويت اللي سويته..كانت عندك ملكك..بس انت ماعرفت تصونهـا...يامحترم
تركي وهو يعصب ويقرب من سعود: بس مالك حق تاخذها منـي وانت ماتحبها ولاتبيها

دينا نزلت راسها وقامت تصيح من قلبها..
عالمشاكل اللي تعترض طريقها من يوم تزوجت تركي..

وكأن الدنيــا ماتبغاها ترتاح وتضحك..
وحكمت عليها بالدموع والقهر..

دينا وهي تدخل بينهم: بس كفايه كفايه...تركي والله ان مارحت وتركتني لاوصلك للشرطه
تركي وهو يطالعها: من تكونين حتى تهدديني...
دينا: انت اصلا مالك حق تلاحقني او حتى تكلمني...كنت زوجي وهالشئ انتهى الحين انا زوجه سعود..وماابيك بحياتي..ماابي غيره

ولفت يدها حول ذراع سعود تبيه يحميها من هالوحش المفترس...

سعود وهو يحط يده حولها ويطالع تركي باحتقار: هههههههههه شوف انت كلك على بعضك..مو داخل مزاجي...مو شايفك اصلا قدامي..يابابا روح بيتكم..رووح وشوف لك وحده من اشكالك.يمكن تنفعك...

تركي ماقدر يسكت هالجمله اثارته .. وقرب من سعود بيضربه بس دينا كانت اسرع ووقفت بوجه تركي ...
وطبعا تركي مايقدر يبعدها...

دينا بتحدي: مااسمح لك تلمسه او تقرب منه
تركي بانكسار واول مره دينا تشوفه بهالحاله: مسرع ماحبيتيه يادينــا...ونسيتيني

سعود متضايق من الموقف والناس بدت تتجمع وتطالع...سحب زوجته وطلعوا...

تركي: انا ماخلصت كلامي وين رايحين
سعود وهو يلف له: مابيني وبينك أي كلام...الشرطه تتفاهم معاك..

وسحب دينا من يدها وطلعوا..

لكن تركي ماتركهم لوحدهم..طلعوا من المجمع وهو وراهم...

سعود : دينا روحي اصعدي السياره وارجعي الفندق..
دينا بخوف: لا برجع معاك
سعود وهو يقرب منها ويمسكها من وجهها: خلاص خذي المفتاح وارجعي..وانا بتفاهم وياه
دينا وهي تبكي وتمسك يده: اخاف يسوي لك شئ
سعود وهو يمسح دموعها: مايقدر يسوي شئ...انتي ناسيه ان زوجك بطــل
دينا وضحكه من ورا الدموع: هههههه انتبه لنفسك ولاتتضارب ويـاه وخذه على قد عقلك..
سعود: لاتوصين...يلا روحي وهالله هالله بالطريق..لاتسرعين
دينا: لاتحاتي...

راحت دينـا لسياره سعود وبما انها تعرف تسوق.. رجعت لوحدها للفندق...بس قلبها عند زوجها سعود..

راح سعود لتركي ووقف مقابله بتحدي: ممكن اعرف لشنو تبغى توصل؟
تركي: ابغى اوصل لها...مالك حق فيها..انت ماتحبها ولاتبيها..... خليها لي
سعود: ومن قالك انها تبغاك وودها ترجع لك؟
تركي: انت مالك دعوه...انا بتفاهم معها

سعود فقد اعصابه وقرب من تركي ومسكه بيدينه الثنتين من قميصه: اللي تتكلم عنها زوجتي وبنت عمي تفهم او لا...(وبصوت عالي)زوووووجتي اللي مااسمح لك تجيب طاريها على لسانك...
تركي: انا احبها وابغاها...ياخي اتركها لي

خلاص سعود وصل لمرحلة فقد فيها عقله...وبدأ يتضارب مع تركي..

مافرق بينهم الا ابوريان وفؤاد ومساعد وهو يلحقون عليهم

ابوريان وهو يسحب سعود: ياسعود صلي عالنبي ذبحت الرجال...وانت ياتركي ابعد بريحة طيبه قبل لااخليك تندم عاليوم اللي انولدت فيه
سعود وهو يلهث ويحاول يتقدم من تركي: خليني اذبحة واشرب من دمه هاللي ماعنده نخوه ولااحترام
تركي بعصبيه: لاانت ولا عشره من امثالك تقدر علي
مساعد: تركي...اكسر الشر وفارقنا يلا...
فؤاد: ياجماعه خليتوا الناس تلتم علينا...حلوها وتفاهموا بهداوه قبل لاتوصل للشرطه...
سعود بصراخ: مابيني وبينه أي تفاهم...ياناس يتكلم عن زوجتي ويقول احبها في حد يرضى بهالشئ قولوا لي
ابوريان بعصبيه: تركي جعلني اشوف فيك يوم...انت عارف حاط راسك براس من...انت حاط راسك براس اعمامك يالخسيس...روح قبل لاادفنـك هنــا
مساعد وهو يسحب سعود: صلوا عالنبي ولا تحطوا عقلكم بعقله...يلا
سعود: خلوووني اذبحه..ابرد حرتي
فارس: سعود صلي عالنبي هذا مجنون وش لك فيه
تركي بصراخ: انا مو مجنون...مو مجنووون


سعود عاند شوي بس رضخ اخيرا ومشى مع مساعد...

جوري واسماء واميره وديمه يراقبوا الوضع من بعيد وهم خايفين...
ورزان تصيح خايفه على ابوها لايصير فيه شئ..

رجعوا الفندق وهم متضايقين وزعلانين من اللي صار...
لانهم جايين ينبسطوا ويفرحوا بعيييد عن المشاكل..
بس الظاهر ان حتى بهالسفرة المشاكل وراهم وراهم...

تركي بعد ماالكل انتشر وراح لملم المتبقي من كرامته اللي سعود مسح فيها الارض من ضرب وشتم..الخ
وهو متوعد في دينا وسعود...ويبي ينتقم منهم بأي طريقه عاللي سووه...

ويفكر في تهديد ابوريان له..
ابو ريان اذا قال كلمه مايقولها الا لازم ينفذها..


دينـا كانت في اللوبي تنتظر سعود..اول ماشافتهم داخلين راحت تسرع لهم وعينها على سعود: عسى ماصار شئ
ابوريان: دينا خذي زوجك واطلعوا غرفتكم
دينا: امرك يبه..

بعد ماراحت دينا مع سعود...

مساعد: يلعن الشيطان وساعته..اعوذ بالله من هالرجال متى ناوي يترك البنت في حالـها..
ابوريان: انت خليني ارجع السعوديه والله لاخليـه عبد ماينطق ولايتنفس..والله لارميه بالسجن
فارس: اااخ انا اروح الغرفه احسن لي..

راح فارس وعيون اميره معلقه فيه وعيون ديمه تتابع تجاهل فارس لاميره ولهفة اميره عليـه,,

فؤاد وهو يطالع اسماء: شفيك ساكته انتي بعد.. لايكون تبين تتهاوشين مع حد بعد
اسماء: ههههه سلامتك يلا نروح نريح..مره تعبانه
ابوريان: خلاص ياعيالي روحوا ارتاحوا..ولاتشغلوا بالكم..انا بتصرف وياه..

نرجع لدينـا وسعود...كانت سعود للحين معصب وقاعد على طرف السرير ويحرك رجلـه بعصبيه...
ودينـا واقفه جنبـه..وخايفه منه
تخاف تتكلم ويهب بوجهها...

راحت اخذت منديل وحطت فيه مويه بارده ومسحت الدم اللي طالع من فمه..
كان فية جرح عند فمه مسبب النزيف
وتحاول تمسح الدم بشويش حتى مايتألم

دينا: يعورك؟
سعود وهو يسحب المنديل من يدها: مشكوره...لاتتعبين حالك..

بعدت عنه وهي ودها تسأل وتتكلم..حاولت ماتكلمه حاليا..
بس ماقدرت..

دينا بهدوء: سعود
سعود بعصبيه: ماابي اسمع شئ...اتركيني لحالي
دينا وهي تقعد جنبه: ابي اعرف وش صار..
سعود: دينا...لو سمحتي خليني بروحي...لاهدأت نتكلم...
دينا بزعل: مثل ماتحب..

لفت شيلتها واخذت بوكها وجوالها وجات بتطلع من الغرفه

سعود: وين رايحه

ماردت عليه طلعت وسكرت الباب وراها..
تنهد بقهر وانسدح عالسرير...

ااخ ياتركي كان ودي اذبحك واشرب من دمك يمكن هالشئ يشفي غليلي...
شلون تسمح لنفسك تتعرض لزوجتي اللي هي ملكي انا وبس..
ومو من حق أي حد يشاركني فيهـا..
دينا ملكي بكل مافيها... مااسمح لك ولا لغيرك يقربوا منها...

ياترى ليش سعود يقول هالكلام...
هل هو حب التملك؟
لانه يحس ان دينا ملك له وحده؟

او حب فيها؟

ابتسم سعود بسخريه..لاانا مااحبها..
بس مهما كان هي زوجتي..
لازم بغار عليها..
__________________



قام سبح بموية دافيه بعد ماطلع جلس يناظر الساعه..هذي وين راحت؟
يمكن عند عمي ؟

لبس عالسريع وهو يحس ان اعصابه هدأت..وصار رايق..

طلع وهو متوجه للغرفه اللي فيها عمه..

بس لا دينــا اذا تضايقت ماتحب تجلس مع احد..
مهما كان عزيز وغالي عليهـا..
تحب تختلي بنفسها فتره لين تهدأ ..

عرف مكانها..لذلك نزل للوبي..شافها بالكوفي مثل ماتوقع كانت جالسه وتشرب قهوه وسرحانـه..

وكانت لابسه قميص طويل وبنطلون اسود واسع
وجزمه كعب وشيله بنفس لون قميصها..
وطالعه اخر اناقه..

سعود وهو يجلس جنبها: الحلو في شنو سرحان؟
دينا: سعود...انت من متى هنا؟
سعود: من ثواني بس..
دينا: اها طيب
سعود: في شنو سرحانه؟
دينا: في اللي صار
سعود: زعلتي يوم اعصب عليك..؟
دينا وشكلها يكسر الخاطر: لا مازعلت..انا ادري انك ماتحبني وماتواطني..ولو على ودك تهاوشني وتصارخ علي ليل ونهار
سعود بصدمه: انا يادينا؟
دينا: أي انت
سعود وهو يمسك يدها: افا يادينا...انا مااكرهك
دينا: بس ماتحبني
سعود وهو يتنهد: وانتي ماتحبيني اتوقع شعور متبادل
دينا وهي تلف له: عاالاقل احسك انسان قريب مني...احسك مثل الصديق اللي احتاجه طول الوقت جنبـي..تحميني تخاف علي تدافع عني...لكن انت معتبرني مجرد قطعة اثاث عندك
سعود وهو يلعب بيدها والخواتم اللي بأصابعها: دينـا..حطي ببالك حاجه وحده انتي زوجتي وام عيالي مستقبلا وصديقتي..احاسيسك اللي تحسيها تجاهي..تطابق المشاعر اللي اكنها لك
دينا ببتسامه لطيفه وناعمه: يعني تعتبرني صديقك اللي تعزك وتعزها..؟
سعود ببتسامه: اكيد..صديقتي اللي اعزها وتعزني...واللي لاتضايقت ماافكر اشكي لاحد غيرها..لاني متأكد انها بتساعدني...
دينا وهي تمد يدها له: اصدقاء؟
سعود وهو يضربها على يدها: للابد..
دينا:هههههههههههه قسم احس ان احنا بـفلم اجنبي...
سعود وهو يسحبها من يدها ويطلعوا من الفندق يتمشون: دينـا... الصداقه بين الزوجين احلى حاجه..واهم حتى من الحب..
وش فايدة الحب بدون صداقه..؟
مستحيل هالحب يستمر بدون مايكون التفاهم موجود بين الطرفين..
دينا: ممكن الصداقه تتطور لحب؟
سعود وهو يطالعها: قصدك ممكن نحب بعض بيوم من الايام؟
دينا : أي
سعود وهو يوقف ويطالعها: انتي وش رايك
دينا: مدري...بس احس احلى شئ ان الصداقه تتطور لحب..لان حتى لو الحب قل مع الايـام او انفقد..بيكون في رابط اقوى يربط هاالاثنين مع بعض...وهو الصداقه..
سعود وهو يمسك يدها: كلام سليم حضرة الدكتوره
دينا: ههههههههههههههههه

.....................

الدور الثامن..فارس يمشي بممر الفندق بحييره...يروح ويجي عند الغرفه اللي فيها ديمه...

بعد تفكير طويـل دق عليها..

كانت ديمه بداخل الغرفه جالسه جنب جوري ورزان واميره..
سوالف وضحك..

يوم رن وشافت اسمه..ارتبكت وطالعت اميره

جوري: ها شفيك ماتسمعين جوالك ردي
ديمه: امم طيب (وردت)..ايوه مرحبا
فارس: يامراااحب هلا والله
ديمه وعينها تتنقل بين جوري واميره: هلا فيك اكثر
فارس: شلونك ديوم؟
ديمه: كويسه
فارس: ممكن اطلب شئ منك؟
ديمه: تفضل...
فارس: ممكن تطلعين لي شوي برا..
ديمه بصدمه: ليـــش؟!!
فارس: انتي تعالي ولاعليــك..
ديمه وهي تقوم: جايتك...

وقفلت ديمه وجوري واميره محتارين شسالفه..

جوري: من متصل؟
ديمه: امممم هذا ابوي يبغاني
جوري: وش يبي عمي؟
ديمه: علمي علمكم بروح اشــوف سي يوو..

لفت بسرعه شيلتها وطلعت له...
كان متسند على الجدار..يوم شافها ابتسم..

قربت منه وهي خايفه..متوتره..

فارس: شفيك ديمه؟
ديمه: انا؟!!!.....مافيني شئ
فارس: اجل ليش مرتبكه غلاتي؟
ديمه: وش تبي...قول بسررعه
فارس: والله امرك غريب..عادي حبيت اسولف معاك..فيها شئ؟
ديمه وعينها على باب غرفتهم: الله يهداك وهذا وقتـه نسولف الحين...

فارس احتار...شفيها متغيره علي؟!
انا زعلتها بشئ؟
ضايقتها بحاجه؟

مااذكر اني زعلتها بالعكس احاول اكون وياها لبق قد مااقدر..

فارس بصوت رومنسي هادئ: ديمه...ليش متغيره علي؟
ديمه وهي تطالعه بصدمه وخوف: انا؟؟؟
فارس : اجل انــا...ليش احس ماودك تشوفيني وتكلميني...
ديمه وهي تنزل راسها: انا محتاره يافارس..
فارس وهو يقرب منها ويمسك يدها: حبيبتي تحتار وانا موجود !!

تتوقعون وش وقع هالجمله في نفس ديمه؟

اكــيد بتكون اكبر صدمــــه !!
ديمه فتحت فمها وحطت يدها عليه بصدمه...
حبيبتي؟

يعني شنــو..

ويدها الثانيه لازالت بيده..مو عاطيها فرصه تسحب يدها
الحبيب ماسك يد ديمه بقوه بين يدينه الثنتين

بداخل الغرفه...

جوري: ياختي روحي شوفيها وين راحت...ماهي طبيعيه
اميره: أي والله غريب امرها..حيل كانت متوتره...بروح اشوفها..

طلعت اميره لفت يمين وشافتهم..

شافت كل احلامها تتكسر في ثانيه..
كل الاحلام الورديه اللي رسمتها مع حبيبها فارس..تروح وتضيع في مهب الريح..

حبيبها واقف مع بنت خالتها وماسك يدها..وبعينه نظره حب وولــه..

ديمه يوم شاف اميره منصدمه ونظرة الموت بعيونها سحبت يدها من يد فارس وعينها تدمع ..

ركضت لاميره تفهمها : اميره حبيبتي لاتفهمين غلط

اميره بهستيريه: بس ولاكلمه....اخر شئ كنت اتوقعه منك...انــك..تسرقيه مني...

وبصرخه عاليه: يامنافقه ياخاااااينه..اكرهك

جلست اميره عاالارض وهي تبكي بجنون..

وفارس محتار ضايع بين الثنتين مو فاهم شئ..

ديمه وهي تبكي وتنزل لاميره: اميره..وش هالكلام
اميره وهي تدز ديمه بعنف: بعدي عني ياخاينه..وثقت فيك وعطيتك سري...واخر شئ تاخذيه مني...(وبكت من قلبها) ليش ياديمه...اعتبرتك اختي..ليش سويتي كذا لييش..

فارس وهو يقرب منهم: انتوا وش تقولون...
اميره وهي توقف تقابله: طبعا حضرتك...مسوي نفسك مو فاهم شئ...هذا الحب اللي تتكلم عنه؟ (وطالعته باحتقار) خساره ياولد خالتي....خساره حبي لك..
فارس بصدمه: حبك لي؟ أي حب أي خرابيط
اميره بعصبيه: حبي صار خرابيط؟ انت واحد حقير عديم احساس...

دزته بقوتها وبعدت عنه وهي تمشي تحس انه ماتشوف شئ..
الدموع مسويه حاجز يمنعها انها تشوف
او تفكر بأي شئ..

حس انها تتنفس بسرعه وبصعووبه..
لفت بتمسك ديمه قبل لاتطيح...

طاحت بشكل مخيف عاالارض وهي تغمض عينها تدريجيا..
وتتكلم بكلمات مو مفهومه..

ماقدرت تتحمل هالصدمه الكبيره..
الشئ اللي شافته مو هين..

ديمه وهي تركض لها: لا اميرووه قوومي..قوومي...اسمعيني

بس اميره لاجواب..

ديمه وهي تلف لفارس: شفيك واقف تطالع تعال اتصرف بتروح منا البنت....

بس فارس ماكان يسمع شئ...كان يحاول يفك الالغاز...
يعني شنو اميره تحبه؟
وديمه خايفه على مشاعر اميره..
رغم انها تحبه..لانها اعترفت له بهالشئ...

مسك راسه بقوه مو فاهم ..

ماحس الا على سعود ودينــا جايين وشافوا المنظر واستغربوا..

اميره طايحه عاالارض ديمه تبكي..وتصارخ على فارس حتى يجي يتصرف..

وفارس بعالم ثاني هايم..

راح سعود وشال اميره وساعدته دينـا وفتحت باب الغرفه ..

جوري وهي تشوفهم يدخلوا وشايلين اميره: شصاااااير...اميره شفيها....
دينا بحيره: مدري..
جوري بخوف وهي تروح لديمه: ديمووه ليش تبكين..وش فيها اميره
ديمه بصوت متقطع وخايفه: جوري....انــ..انــا ماسويت شئ..ماسويت شئ
جوري: طيب شفيها البنت...

ماقدرت جوري تفهم شئ..بس تداركوا الوضع وجابوا مويه يحاولوا يصحوا اميره..
اللي شهدت خيانه حبهـا..
وماقدرت تقاوم .. وانهارت...

بس اميره ماتصحى...

رزان بخوف وهي تروح لسعود اللي ماسك عطر يشمم اميره: بابا... وش فيها اميره...ماتت؟
سعود: يابابا...مافيها شئ...دينا خذي البنت....وروحي شغلي السياره يلا...
دينا: طيب...


دينا سحبت رزان وراحت شغلت السياره وهي تفكر...شصاير ياربي؟
وش هاللي يصير؟

شئ مو طبيعي مصيبه ورا الثانيه..
ياربي عونك...ارحمنا برحمتك..
...ودقايق ونزل سعود وهو شايل اميره ووراه جوري وديمه...

حطوها ورا وراح هو ساق ودينا جنبــه...

اما الباقي اللي بالفندق خبر خير ماحد يدرى بشئ..

........................

8 المغرب...

اسماء وهي تصحي فؤاد: ماشبعت نوم...يلا عاد فـيفو...
فؤاد وهو يتغطى: سمووي بنااام
اسماء وهي تقوم: مليييت قاعده برووحي
فؤاد: روحي للبنات..
اسماء: مافي الا هالحل...

لبست اسماء شيلتها وراحت لغرفة جوري واميره وديمه ودقت الباب..بس ماحد رد..

هذول وينهم..؟!!

اتصلت على جوال اميره...سمعته وهو يرن داخل الغرفه...

سكرت ودقت على جوري وبعد رنيتن: هلا اسماء
اسماء: انتوا وينكم..افتحوا الباب
جوري: احنا مو بالفندق
اسماء: اييه اكيد بالسوق...عالاقل خبرووني يـا...
جوري قاطعتها بصوت متعب: احنا بالمسشتفى
اسماء بعد ثواني صمت: لييييش؟؟ منو مريض؟؟
جوري: اميره طاحت علينــــا
اسماء: بسم الله عليها...وانتي مع مين الحين؟
جوري: اخوي سعود ودينا وديمه ورزان...
اسماء: طيب وش فيها..كيف طاحت؟ وش السبب
جوري: مدري علمي علمك...ديمه شافت كل شئ وكانت مع اميره وفارس بس مو راضيه تتكلم طول الوقت تبكي..
اسماء: لاحوول...طيب متى ترجعون؟
جوري: نص ساعه واحنـا عندكم..
اسماء: حشى..العصر هواش سعود وتركي..والحين اميره طايحه ياربي وش هاليوم النكد...استغفر الله
جوري: أي والله يااسماء...ماشفنا الهنا من جينــا..يلا ربك كريم...
اسماء: خلاص حبيبتي...لاوصلتوا دقي علي
جوري: من عيوني...

قفلت اسماء ورجعت الغرفه وقعدت جنب فؤاد

اسماء: فؤاد
فؤاد: سموووي بنام حرام عليك
اسماء: اووف من بروودة اعصابك..اختك طايحة بالمسشتفى وانت تبي تنــام..
فؤاد وهو يفز: اميره؟ شفيهااا
اسماء: طاحت عليهم واخذوها المستشفى
فؤاد: ليه ماحد قال لي؟
اسماء: لاتسألني ماادري...
فؤاد: انا بلبس بروح لهم...
اسماء: لاتتعب حالك...الحين بيرجعون..
فؤاد وهو يقعد عالسرير: شفيها طيب؟
اسماء: مدري..الخبر عند ديووم..

الكل عرف بهالخبر وتكدروا..
اليوم باين من اولــه نكد ولله الحمد..

وصلوا الفندق وخلينـــا نوصف حالة اميره..


في صدمه عنيفه...مو قادره تفسر وتستوعب اللي شافته..
تحس انها في كابوس وتبي تصحى منه...
ديمه صياح ونياح خايفه على اميره وتحاول تتكلم معها..
بس اميره مو عاطيتها فرصــه...
وجوري تبي تفهم السالفه بس ماحد يبي يتكـلم..
قالت مابتعرف الا من فارس الشاهد الثاني عاللي صــار..



دخلوها الغرفه ولقوا فؤاد ينتظرهم وهو خايف على اخته...

راح لها وقعد جنبها ومسك يدها بحنان: اموور وش تحسين..
اميره: لاجواب
فؤاد: اميره...انا اكلمك
ابوريان: خلاص ياولدي البنت تعبانه خلوها ترتاح..
مساعد: طيب فهمونــا وش اللي صار..وفارس وينه..

اميره من سمعت اسمه غصبا عنها بكت قدام الكــل..

دينا: حبيبتي اميره ريحي نفسك..ولاتبكين خلاص مافيك الا العافيه...
جوري: اميره بخاطرك شئ مزعلك؟؟

اميره بحركه منها نفت هالشئ..

ابوريان: يبه سعود دق على اخوك شووفه..يلا وخلوا البنت ترتاح..
اسماء: اموور لابغيتي شئ هذي جوري وديمه معاك..او نادوني وانا اجيكم...
اميره وهي منزله راسها: طيب..

ديمه قلبها متعذب على اميره من جهه...ومندهشه من اعتراف فارس الغير مباشر..

حــبيبتي؟

وش يقصد بهالكلمه...

كيف يقول لي حبيبتي وهو يحب اميره..كييييف؟!!

ليش طلعتي يااميره وشفتينا...لييييش
اوووف وينك يافارس تعال حل المشكله اللي سويتها...
والله انك ماتحس...البنت حالتها حاله وانت تتهرب...

بعد فتره رفعت اميره راسها تقريبا الكل طلع حتى يخلوها تنام وترتاح...

مافي الا جوري اللي قاعده عالسرير ومساعد جنبها يحاولوا يكلموا فارس على تلفونه

وديمه واقفه بعييد وبعينها خوف من اميره...تبي تقرب بس مو قادره..

مساعد: اووووف من اخوك العله.. مقفل جواله..شوفي انا بنزل .. يمكن انه جالس باللوبي
جوري: براحتك خالي
مساعد: اموور يلا نامي وارتاحي...جوري خليك معها
جوري: من عيوني خالي

.........................

تعب من كثر التفكير..يبي يفك اللغز بس ماعرف..

ياربي ليش انا اتعب نفسي؟
ليش مااواجه الثنتين وافهم..

مشى لين وصل الفندق دخل ولـقى سعود ومساعد هناك..

فارس: السلام
مساعد,سعود: وعليكم السلام
فارس: شفيكم واقفين هنــا؟
مساعد: ننتظرك حضرة الافندي..وين اختفيت انت؟
فارس بملل: هنـا قريب..
سعود: فهمنا ياخي وش صار.. جوري تقول انك كنت مع اميره وديمه...
فارس هو يبعد عنهم: انا ماشفت شئ ولااعرف شئ
مساعد بصرخه وقفت فارس: هييييييييه انت
فارس: امر خالي
مساعد: وش هاالاخلاق الخايسه اللي عندك..ماتستحي على وجهك احنا نكلمك وانت تطنش وتمشي
فارس: خالي وغلاة الوالده عندك..تعبااان حدي..ماادري عن شئ ولاني فاهم شئ

تركهم فارس ورقى بالمصعد وهم مستغربين ومو فاهمين شئ..

سعود: بـالله هذول وجههم وجه سفر ووناسه..قسم نكد
مساعد: صلي عالنبي..شرايك نطلع؟
سعود: وين؟
مساعد: نشوف لنـا مطعم ولا كوفي حلوو..
سعود: ودينــا؟؟
مساعد وهو يغمز: هااا صرنا مانقدر نترك الحبايب...سبحانه مغير الاحوال من كره الى حب وعشق
سعود: هههههههه..ياخالي ماودي اخليها بروحها..
مساعد: معها رزان والبنات..تتسلى معهم.يلا نطلع..

طلعوا وقعدوا في كوفي هادئ..وهم يعسلوا..

مساعد: يلا تكلم
سعود: وش اقوول
مساعد: اخبارك الحين معها؟
سعود: الحمدلله..
مساعد: ابي بالتفصيل..مرتاحين؟ مبسوطين؟
سعود: ااه ياخالي ش اقولك..ماراح اكذب عليك..لازالت قدامنـا عتبات ماتخطيناها...بس حاليا علاقتنـا هادئه
مساعد: حلوو وهذا اللي ابيه..وهي كيف تتعامل معاك؟ مقصره بشئ؟
سعود: دينـا مقصره؟ اكذب ياخالي لو اقولك مقصره بشئ..شايلتني انا ورزان فوق راسها..
مساعد ببتسامه: فديتها بنت اختي...حرمه عاقله..
سعود: وولد اختك ماهو عاقل؟
مساعد: ههههههه يالغيااار

.....................

نرجع للشرقيه والهوى الشرقي الرائع..

كان خالد طالع مع اثنين مع اخوياه للراشد..ومواعد سمر هنـاك..

اللي قررت في اللحظه الاخيره ماتسافر ولاتخلي خالد..
ماتبيه يتناساها وينشغل بشئ ثاني..

فـ فضلت انها تبقى..


كانت المره الاولى اللي يشوفها..


صحيح انه شافها وماشافها!


اكيد فاكرين يوم شافته سمر بيوم العيد مع اماني وعجبها..
بس هو مارفع راسه يطالعها اصلا ولاشاف شكلها..

يعني نقدر نقول انه حبها من صوتها من دلعها من اسلوبها...

كان متوتر لابعد درجـه..بيموت ويعرف شكلـها..

مشعل ( صديقه): ياخي انت منت طبيعي شفيك اليووم؟
خالد وهو سرحان: هاا
مشعل: ياهووو ياعاالم...نحن هناااا
خالد: وانا وياكم
منصور(صديقه الثاني): تقص على مين انت...شفيك سرحااان..ليكون بدينا نحب
خالد: بس احب؟ الا مييت
مشعل: ههههههههههههه مااقدر عليك ياروميو...انت من جدك تحب.. ليش في حب بهالزمن..
خالد: لعلمك يامشعل العيب ماهو في الزمن...العيب فينا احنــا..ولا الدنيا لازالت بخير..
ومثل مافيها الشين..فيها الزين
منصور: خليه عنك يامشعل .. شكل الولد غرقااان لاذنه..
وقام يخربط ويتفلسف علينـا ..

بعد خالد شوي عن اصحابه ودق عليها...

سمر: هلا حبيبي
خالد: ها عمري وينك؟
سمر: حبي انا في جرير..ها تجي ولا؟
خالد: جرير؟ يلا الحين ارقى واجيك..
سمر: بتجي لوحدك؟
خالد: طبعا...مابي حد غيري يشوفك..
سمر: خلاص حبيبي انتظرك....بتلاقيني عند قسم القصص والروايـات...
خالد: ااه ياسموور احس بمووت
سمر: يؤ..سلامتك قلبي...
خالد: تدرين ماراح اسكر...ببقى معاك لين ادخل واشوفك...
سمر: ههههههههههه لهالدرجه الشوق؟
خالد بصوت منخفض: احبك اموت فيك..

ابتسمت سمر بغرور..وهي تطالع خويتها رهف اللي واقفه جنبها..

سمر: حبيبي سكر..يلا بنتظرك انــا
خالد: اووكي يلا دقايق..

قفل خالد واستأذن من اصحابه وراح جرير الدور الثاني...

دخل وقلبه يدق بجنوون...وعينه على ناحية الكتب..

يمشي بكل خطوه يتنهد وينطق احبـك...احبك ياسمر بجنوون..

وصل لعند الروايات..طالع يمين ماشاف حد...لف يسار وشافها!

شك بالبدايه بس طالع شنطتها..

هي وعدته تكون شنطتها ورديـه..وهذي البنت عندها شنطه ورديه..

هذي سمر!!!!!!!!!

حلوه..لالا مو حلوه..ملكـة جمال..
اميره ناعمه وجميـله..

ابتسم خالد بفرحه وهي عرفته طبعا..لانها شايفته بيوم العيد لما كان مع اخته اماني بجوفريز..


ردت له الابتسامه بدلع ومشت..

وهو قلبه يمشي معاها...يسابقها بشوق وولـه..

ياويل قلبك ياخالد..هالقمر طلعت حبيبتك...حبيبتك انـت ووبس..

لالا مااصدق...


طلع جواله ودق عليها يبي يتأكد..

سمر بدلع: هلا خالد
خالد: عيون خالد روحه وكل دنيته...ماقلتي لي انك قمر..ملكة جمال
سمر: عيونك حبيبي الحلووه..
خالد: وين رحتي..ارجعي ماشبعت منــك..
سمر: لا حياتي اخاف حد يشوفني..
خالد: بس لمحـه..سريعه
سمر: من عيوني يلا باي

قفلت وجات مشت من قدامه وهي مبتسمه...ورهف جنبـها...

طار قلبه من مكانه وهو يشوفها تمشي مثل الاميره بزهو وغرور..

غمز لها وراح..مايبي يسوي لها مشاكل..
ويخلي حد يلتفت عليهم,,

يوم طلع من المكتبه اتصل عليها..

سمر: هلا حبيـبي
خالد: عيون حبيبك...
سمر: ها طلعت؟
خالد: أي قلبي خلاص طلعت بنزل لاصحابي...اسمعيني زين بقولك
سمر: قول
خالد: يلا تغطي الحين...ماابي حد يشوفك
سمر بزعل: اتغطى؟
خالد: اجل شنو...يلا بسرعه تغطي...
سمر: اووف لييش عاد خالد
خالد: شنو لييش سمور....اغار عليك ماابي حد غيري يشوفك...
سمر: بس انا اكشف مااتغطى من قبل مااعرفك..ومتعوده على هالشئ..
خالد: هذا قبل ماتعرفيني...الحين تغير الوضع..يلا حبيبتي ماابي ازعل عليك..تغطي
سمر: طيب طيب
خالد: عفيه حبيبتي الشطوره..انتبهي لحالك زين..
سمر بزعل: طيب
خالد: حبي سمر...لاتزعلي مني...والله اخاف عليك من الشباب ...
سمر: اوكي خلاص انا بروح..
خالد: اوكي قلبي...تسوقوا وخلصوا اموركم بسرعه..وارجعوا البيت...
سمر بملل: اوكي اوكي خلاص يلا باي...
خالد: باي حبي..

سكرت سمر وهي معصبه

رهف: يبيك تتغطين؟
سمر: أي تخيلي...
رهف: لانه يحبك سموور
سمر: اووف وش هالحب..تخيلي يقول..تغطي ماابي حد يشوفك غيري..وتسوقي بسرعه وارجعي البيت...من الحين يبي يتحكم فيني..اووف وش هالطفش
رهف: انتي مكبره الموضوع...من حقه يغار ويخاف عليك...
سمر: بس انا حره اسوي اللي ابي ماتعودت حد يتحكم فيني... يلايلا نطلع
رهف: ماراح تتغشين؟
سمر: لا طبعا
رهف: سمرووه...افرضي شافنـا واحنا نمشي....وش بتسووين؟
سمر بغرور: ولاشئ..خالد يموت فيني..وماراح يزعل مني..
رهف: الله يستر منك..يلا مشينـــــا..

وطلعوا الثنتين..وعيون الشباب تلاحق هالجمال من مكان لمكان...

رقوا فوق للدور الثالث...للمطاعم..
وعيون سمر تدور خالد بين جموع النــاس..

لين شافته..!!

سمر: وي خيبه....هذا خالد هنـا
رهف وهي تطالع خالد: وانتي برج مراقبه مايطوفك شئ..
سمر: لاتطالعيه مااسمح لك..
رهف: شدعوه بسرقه يعني منك؟
سمر: لا مو كذا...بس خالد لي انا وبس..واللي بس تطالعه اموتها..
رهف: بل عليك...بس تصدقين سمور..انه مملوح ومزيون
سمر: ادري..ماجبتي شئ جديد...

ومشى خالد مع اصحابه وهم يضحكون مع بعض...لين شافها واقفه ومعاها رهـف..

وعصـب!!

ليش للحين كاشفه وجهها...
هذا وانــا موصيها تتغطى..
انا اوريك ياسمور..

ترك اصحابه بعيد وكلمها وعينه عليها من بعيد..

سمر: هلا
خالد بعصبيه: تغطي يلا بسرعه
سمر: لاترفع صوتك علي
خالد بعصبيه اكبر: اقولك تغطي قبل لايصير شئ مايعجبك..ماتشوفين الرايح والجاي يطالعكم..
سمر: خليهم يطالعوا..وش علينا منهم..
خالد وهو يصر على اسنانه: سموور..بتتغطين ولا شنو
سمر: ولاشنو..
خالد: اجل روحي...باي

وقفل السماعه بوجهها..ورجع لاصحابه اللي شاكين بأمر خالد..

وطلعوا من المول..

وسمر بدون اكتراث بخالد..كملت تسوق وتعشت مع رهف...وقررت اذا رجعت البيت بتراضيه..
واكيد ماراح يردها ...

...................

بالكويت...الساعه 11:30 مساء..

دينـا..بعد احداث اليوم السيئه..صار مزاجها سيئ..ومتعكر

واللي زاد هالشئ عليها...سعود طلع بدون مايقول لها وين رايح...

فارس اول مارجع..ماحس برغبة في الكلام..فرفض الكلام مع أي حد واستسلم للنوم..لين تهدأ اعصابه..

نرجع لدينـا..اللي منسدحه عالسرير..ورزان نايمه بحضنها...
ودينا لافه ذراعها حول رزان بحنان بالغ..

وعينها عالساعه..اوووف هذا وين راح...
لمتى ببقى انتظره..

اكلمه؟

لالا مالي خص فيه...هو حر يرجع بالوقت اللي يبيه..

ماكملت افكارها وتساؤلاتها...الا هو داخل ومبتسم...
طنشته ولا ردت له الابتسامه...

قرب منها وانسدح جنبها عالسرير..وباس رزان بوسه طويله على خدها

دينا: خليها نايمه...لاتزعجها..
سعود: كيفي..بنتي

سحبت ذراعها من تحت راس رزان وغطتها وقامت من السرير...
ووقفت مقابل المرايه وهي معصبه منه...

ليش يتركها لوحدها ويروح؟
لا ويرجع بوقت متأخر ولا كأنه مسوي شئ..

في الحقيقه كان في سبب اقوى من كل هذا...
وهو خوفها عليه...

طلع وتأخر وهي يدها على قلبها..
ماتدري وين راح ومع من ووش صار له..

راح لها وهو مبتسم باعتذار

سعود: دينــا
دينا وهي تبعد عنه: لاتقول شئ...

وجات بتمشي عنه..بس مسكها ورجعها مكانها...
ومسكها من يدينها..

دينا: اتركني
سعود: ليش معصبه طيب؟
دينا: لاوالله....شوف ساعتك وبتعرف
سعود: ماتأخرت دينــا
دينا: انا مو زعلانه لانك تأخرت...بس ليه ماقلت لي انك بتطلع
سعود: اسمعيني...اقترح مساعد علي نطلع كنت بخبرك تروحين معنا بس قلت ماراح نتأخر كلها ساعه....
دينا وهي تطالع الساعه: وهالساعه صارت 3 ساعات ونص...
سعود: اخذتنــا السوالف...سالفه تجر سالفه
دينا وهي تدمع: وانا هنا لي الله..مااعرف عنك شئ...
سعود وهو يحضنها ويكلمها بأذنها برومنسيه: خفتي علي؟
دينا وهي تكابر وبغرور: مدري
سعود: ليش تكابرين....جاوبيني...
دينا بخجل وهي تحس انه حاضنها بحنان وقوه...وانفاسه بأذنها: أي خفت عليك...
سعود وهو يحرك يده على شعرها: وش بيصير فيني يعني..حتى لو متت..عادي بتنسيني
دينا وهي تبعد عنه وبعينها خوف: تموت؟
سعود وهو يبتسم وعينه تدور من حولها: راح تزعلين لو تركتك ومتت؟..

فكرت في هالفكره..
كيف بتقضي يومها من دون مشاكساتهم..خلافاتهم..مزحهم.. زعلهم..


دينا: انت ليش تقول هالكلام؟
سعود: مجرد سؤال
دينا: ولو انـا سألتك نفس السؤال..

كان وضع السؤال عليه صعب وحـساس جدا!!

سعود وهو يشيل يده عنها: فضيها سيره..
دينا بهدوء وهي تقرب منها وتحط يدها على قلبه: مثل ماتحس وتتضايق..انـا بعد اتضايق..
ومثل ماهذا يدق..انـا قلبي يدق..ويزعل ويحـس
سعود: وجودي مهم بحياتك؟
دينا: بنفس درجة الاهميه اللي تحسها تجاهي..
سعود: وانتي تعرفين اهميتك عندي؟
دينا بحيا: مدري..

قعدت عالكرسي المقابل للمرايه ..
جلس جنبها وهم يطالعون بعض من المرايه..

سعود: ماانكر دينــا..كنت اكرهك..بكل مااملك من قوه..
دينا: والحين؟
سعود: تعودت عليك..تعودت عليك ايامي..
دينا بمرح: يلا عقبال ماتحبني
سعود وهو يضربها بمزح على راسها: وياهالراس...واجد واثقه من نفسك
دينا وهي تلف تطالعه بغرور: احم احم..يحق لي..ليش انا وش ناقصني..
سعود وهو يطالعها بخبث: مو ناقصك شئ..
دينا وهي تضربه على يده: عيب وش هالنظرات
سعود: حرام بعد الواحد يطالع زوجته
دينا: بنتك هنـا
سعود: وش علي منها البنت نايمه...

قرب منها يبي يبوسها بس بعدت وهي تضحك...

سعود: دينووو بقوم اذبحك..
دينا: سعود جنيت..بنتك معانــا
سعود: اووووووف هاتيها بوديها عند جوري ...
دينا: حرام عليك...خليها مرتاحه..
سعود: اخ منك...اليوم بخليك علشان رزان...
دينا وهي تبوس رزان : الله يخلي رزان كل ليله بجيبها تنام معنـا
سعود وهو يرفع حاجب: اشوف عاجبك الموضوع...
دينا تبي تقهره وتعصبه: لا صحيح سعود شرايك اذا رجعنا السعوديه نجيب سرير رزان معنـا بالغرفه..
سعود وهو يصطنع الدهشه: والله؟ فكرة فتاكه من وين طحتي عليها يالعاقله؟؟
دينا وهي تأشر على راسها: من عقلي الفتـاك...

قام لها سعود يركض يبي يمسكها يضربها..حاولت تهرب وهي تضحك بس ماقدرت تفر منه...
مسكها بيدينه الثنتين ولفهم حولها بقوه وهي تضحك تبي تهرب...لين طاحوا الاثنين عالارض وهم يضحكوا...

سعود: اااااااااااي...حشى مو ادميه..كذا طيحتيني...اي ياظهري
دينا: منك مو مني...

سكت وهو يطالعها...وهي قريبه منه حيل بحضنه..ولاف يدينه حولها...

حس بأحساس حلوو يدغدغ قلبه...

طالعتها بعين مبتسمه..ماقدرت تقاومها..
ومن هالنظرات بث لها الاحساس نفسـه..

قام سعود يفكر وهو يناظرهـا..

دينـا..انسانه تزرع البسمه والضحكه على وجه أي شخص يعرفها ويقعد معها..




خلت لحياتي طعم..بعد ماكانت كئيبـه..

الحين اعتبرها صديقتي واختي وزوجتي...بس للاسف مو حبيبتي!!

دينا وهي تطالعه ورافعه حاجب: ها؟ في من تفكر؟ لتكون شايف لك شوفه؟
سعود: أي والله يادينوو...شفت اليوم بنت اف وش اقول لك..هو جسم اللي عليها..هو دلع ... ااخ بس خساره احنا المتزوجين محرومين....ودي والله ارقمها اكلمها اااااااخ
دينا وهي تصدق كلامه وتزعل: محروم؟ انت مو محروم..سوي اللي تبيه..

وجات بتقوم من الارض بس شد عليها وقرب منها

سعود وهو يكلمها بأذنها: امزح...ليش تصدقين أي شئ اقوله
دينا: لا ماتمزح...
سعود: امزح..زعلتي؟
دينا وهي تبرطم: أي زعلانه
سعود: براضيك..
دينا: شلون؟
سعود: بوسه؟
دينا:هههههه خلاص مو زعلانه
سعود: شدعوه...بتحرميني من هالشئ البسيط؟
دينا: روح للمزيونه اللي شفتها وهي تعطيك
سعود: اذا رحت لها تتوقعي تعطيني؟
دينا: اممممم...اتوقع..
سعود: واذا قلت انك انتي المزيونه اللي اشوفها كل يوم مقابلي...
دينا: يعني؟
سعود: يعني اتوقع لي بوسه..
دينا وهي تضربه ببطنه: ههههههه يانصاااب

وعدت هالليله على خير..بين الاثنين..
لحظات متأرجحه بين الرومنسيه اللي يكسيها طابع الخجل..

وبين المزح والضحك..

ماسكتوا الا يوم صحت رزان منزعجه من صوتهم..

ساعتها وقفوا ضحك وقرروا يناموا بعد يوم طووووووووويل

............................

[لامارا]

فارس كان اول شخص يصحى...بالاحرى ماعرف يـــنام ساعتين على بعض..

من الافكار اللي مسيطره عليـه..

يحاول حل اصعب لغز مر عليه..

اميره وديمه وانــا..!!

قام غسل وصلى وطلع من الغرفه اللي نايم فيها مساعد وابو ريان بدون مايزعجهم...

طلع وقلبـه يشده صوب غرفتها..

غرفة بنت عمه وحبيبته ديمه..

طالع ساعته 10 صباحـا...

اكيد صاحيه..

لازم اناديها وافهم منها كـل شئ..

دق عليها ماردت...انتظر خمس دقايق واتصل مره ثانيه..

ديمه بصوت كله نوم: نعم؟
فارس: نعم؟ الله ينعم عليك...لسه ماقمتي؟
ديمه: لا
فارس: قومي ابيك
ديمه وهي تحاول ماترفع صوتها: وش تبي فيني بعد اللي سويته...حرام اللي صار لاميره والله حراام
فارس: اووووف...تراني مو فاهم شئ..اطرش بالزفه...
ديمه: انت تستهبل علي ولا شسالفتك..
فارس بعصبيه: ديمه...تشوفين ان الوقت مناسب للاستهبال...قومي تعالي انا انتظرك باللوبي يلا
ديمه: طيب طيب...خمس دقايق

قامت وغسلت ولبست بدله عنابيه وشيله بيضاء ونزلت له...

كان قاعد عالكرسي وراسه بين يدينه ويهز رجله بعصبيه...

ديمه: فارس

رفع راسه ببرود..وسحبها بقوه من يدها لبره الفندق وهي مو فاهمه شئ...

ديمه: انت جنيييت...اتركني
فارس وهو يترك يدها بقسوه: ماتفهميني وش صاير.. ووش سالفه اميره؟
ديمه: مسوي فيها ماتعرف؟
فارس: اعرف شنوو...ممكن تتكلمين؟
ديمه: يافارس...انا ادري انك قلت حبيبتي من باب الاخوه اللي بينـا..ويمكن مسكت يدي بالغلط..بس اميره فهمت غير هالشئ...واثر الموقف فيها...اللي ابيه منك تروح وتعتذر منها وتفهمها..ان مابينا أي شئ...وانها حبك الوحيد
فارس وهو مو فاهم شئ: اميره حبي الوحيد؟
ديمه: ادري ان هالشئ صعب عليك...وتضايقت يوم فهمتك غلـط...بس انت روح واعتذر منها واميره طيبه وراح تسامحك...صدقني
فارس بجنون وعصبيه: على شنوو تسامحني...انا ماسويت شئ...واي حب وخرابيط اللي تتكلمين عنها انتي....
ديمه: فارس لاتخلي غرورك يعميك...ويخليك تنكر حبك لها..خلاص اعتبروني مو موجوده بينكم وتصالحوا..
فارس وهو يهزها من اكتافها: هيييه انتي وش تقووولين...ديمه مو وقت مزحك
ديمه: أي مزح؟!!
فارس: من متى انــا احب اميره؟
ديمه بصدمه: شنو؟
فارس: ديمه لا انتي مو على بعضك...اي حب ..انـا مااحبها شفيك جنيتي؟
ديمه بصدمه وهي تفتح عينها وتنزل يدينه بعنف : شنووو؟؟
فارس وهو مستغرب: انا احبك...وانتي تحبيني؟
ديمه: انا احبك؟؟؟؟؟؟؟؟؟؟ من متى؟
فارس وهو يحس انه مو مستوعب أي شئ: ديمه...شهالكلام..لتكوني ناسيه كلامك...واعترافك الغير مباشر لـي..
ديمه باستنكار: أي اعتراف؟
فارس وهو يحاول يتحكم بأعصابه رغم انها فلتت منه ويحس انه بيجن: يوم تجين لي بالحديقه هذاك اليوم وتوصلين لي الرساله؟
ديمه: أي هذي رساله اميره...
فارس بصدمه: رساله اميره؟ يعني اميره تحبني
ديمه: يؤ....صباح الخير..اي كانت رساله اميره مو رسالتي...لتكوون...

سكتت وشهقت ويدها على فمها..

الحين استوعب كل الموضوع...وفهمت سبب تطنيش فارس لاميره..

فارس يحبها وهي تفكر انه يحب اميره..
والرسايل اللي توصلهم له..
كان يظن انهم رسايلها..
اللي تعبر عن مشاعرهــا...


ياللمصيبــه..

فارس وهو يبتسم باستغراب: ديمه ... يعني انتي ماتحبيني؟ واللي كنتي تقولينه لي كذب؟
ديمه وعينها تدمع وتتكلم بأنفعال: انا ماكذبت عليك..لاني ماقلت اني احبك...اميره هي اللي تحبك يافارس مو انــا




وش تتوقعون ردة فعل فـــارس بعد مابانت الحقيقه قدام عينـه؟؟

فارس وهو يبتسم باستغراب: ديمه ... يعني انتي ماتحبيني؟ واللي كنتي تقولينه لي كذب؟
ديمه وعينها تدمع وتتكلم بأنفعال: انا ماكذبت عليك..لاني ماقلت اني احبك...اميره هي اللي تحبك يافارس مو انــا..

سكت يبي يستوعب الوضع...
بس هالموضع خطير..صعب أي شخص يستوعبه...

فارس ودمعه تطفر من محاجره : يعني انا ولاشئ بالنسبه لك؟
ديمه بانهيار: انا مو خاينه...انت حبيب اختي وبنت خالتي..ومستحيل اخدك منها مستحييل...

تركته وسط صدمه عنيفه...ورجعت تركض للفندق...

رجعت...ويتوقف الزمن عن نقطه...انكسار قلب...

قلب فارس المتيم في ديمه..

والنقطه اللي تلقت فيها ديمه...صاعقه عنييفه..وعرفت حقيقه مخيفه !!

وهي حب فارس لها...

.....................

بالسعوديـه 12 ظهرا,,,

الملل مسيطر عليـه...
من امس يحاول يدق عليهـا..
بس مطنشته ولاترد عليه,,

يمشي في الصاله رايح جاي وامل جالسه عالكنبه تكلم فروحه..

امل: اجل خلاص اتفقتوا على موعد الملكه؟
فرح: أي والله اتفق اخوي مع مساعد...بتكون بعد اسبوعين
امل: الف مبروك حبيبتي...والله بغيتك لخالي والحمدلله مارحتي لغيره
فرح بحيا: خلاص لاتحرجيني
امل: ههههههههه..يازينك...خلاص قلبي انا بخليك الحين سلميلي على اختك والجده..
فرح: يوصل....ولايهمك
امل: يلا مع السلامه
فرح: الله يسلمك..

سكرت امل وعينها على خالد اللي مو على بعضه..

شفيه متضايق متعصب...متوتر...؟؟

امل: خلووود
خالد وعينه معلقه بالفراغ: ها
امل: تعال هنا جنبي

راح وجلس جنبها عالكنبه...

امل: انت ماتقولي شفيك..
خالد: مين انا؟
امل: لا امي..اكيد انت ياحظي..اللي يشوفك يقول بنت بليلة دخلتها
خالد: هاهاها بايخه...
امل: والله ماحد بايخ غيرك....خلصني وقول شفيك
خالد: اموول...ابي اتزوج
امل: مشكله البزارين....اقول قم بس قم لايكثر...
خالد: اووووف انتي ليش همجيه...شفيها لاتزوجت يعني
امل: تتزوج بالعيد مالت عليك...انت خلص دراستك اول بعدين فكر بالعرس...
خالد: مو شغلي..ابي اخطبها...
امل باستغراب: منو تكون هاللي بتخطبها؟
خالد بارتباك: لا مااعرفها...يعني انتوا بتخطبوها لي..
امل: خلووووود علينا هالحركات النص كم؟
خالد: اموول بصراحه.. بحياتي وحده...!!
امل وهي مصدومه: بحياتك وحده؟ اخوي خالد المحترم بحياته وحده؟
خالد: امول الحب مو عيب ولاحرام..وين المشكله؟
امل وهي تنشد لكلامه: من تطلع؟ ومن يوم عرفتها؟
خالد وهو يحوس بيدها: بصراحه امول...تعرفت عليها بالصدفه
امل بصدمه: تكلمها؟!!!!!!!
خالد: أي عادي
امل وهي تضربه على ظهره: اقول ياماما روح دارك
خالد بعصبيه: وش ياماما شايفتني بزر مع وجهك
امل وهي تستغرب منه: يمه منك...انا شقلت الحين...ليش معصب

نزلت اماني من غرفتها وسمعتهم

اماني: خير خير شفيكم؟
امل: شوفي اخوك...متعرف على وحده ويبينا نخطبها
اماني ببتسامه وهي تروح لخالد: ياحليلك خلوود تحب من ورانـا..ليش ماقلت لي
خالد: شفتي الذوق...كذا الناس تتكلم يااستاذه..
امل وهي تقوم: شوف...تجيب لنا وحده من الشارع وتبغى تتزوجها مافيه...انسى ياحبيبي
خالد بعصبيه يبي يروح يضربها: وانتي شكو مالك دعوووه
اماني وهي تسحبه: خالد صلي عالنبي .. هذي اختك الكبيره..
امل بصدمه: تبي تضرب اختك الكبيره علشانها؟ ومن تطلع هذي الساحره اللي خطفت عقلك
خالد: ثمني كلامك ولا تغلطين عليها
اماني: اوووووف اموول روحي غرفتك مانبغى امي تسمعنا
امل: بالطقاق انتوا احرار

تركتهم امل وجلس خالد وهو معصب حيـل...

اماني بحنان وهي تمسح على راسه: لاتزعل خالد...امول ماتقصد
خالد: شفيها يعني اذا تزوجتها...
اماني: طيب وش اسمها
خالد: سمر
اماني: ياحركاات سمر بعد
خالد وهو ينسى عصبيته: هههههههه
اماني: من متى تعرفها؟
خالد: تقريبا شهر..
اماني: حبيبي خالد...انت توك تعرفها...كيف تبغى تتزوج بنت ماتعرفها الا من شهر...
خالد: اماني البنت عاجبتني...في هالشهر عرفتها زين....انا ابغاها...
اماني وهي تفكر: اممممم طيب انا عندي فكره...
خالد: قوولي
اماني: هات رقمها بتعرف عليها
خالد: من جدك؟؟؟
اماني: ليش لا...
خالد بفرح وهو يبوس جبينها: فديت اختي ياعالم..

ورجع باسها على خدها

اماني: هههههه خلاص هات رقمها....

طلع جواله وعطاها رقمها...وخالد ناسي ان سمر قايله له انها تعرف اخته وبنت خالته..

خالد غلط ونسى....والله يستر..

سبحان الله الانسان معرض للنسيان..وفي لحظه عصبيه ممزوجه بفرح...طارت هالفكره منه...

فتحت جوالها وخزنت الرقم..

وهي ناويه تكلم هالسمر بس مو الحين..


خالد: عاد مااوصيك فيهـا اماني...
اماني: وش بسوي باكلها يعني..انا ابي اتعرف عليها واشوف اخلاقها...لااكثر..
خالد: متأكد انها بتعجبك...
اماني ببتسامه: اتمنى..

دخلت الصاله عليهم امهم وانضمت لهم..

ام فؤاد: ها عيالي شفيكم؟
اماني: ابد يمه سلامتك....وين كنتي؟
ام فؤاد: اطبخ الغدا
اماني: يمه ... الخدامات ليش جايبينهم...ليه تتعبين نفسك

وقامت اماني وباست امها على خدها..

ام فؤاد: تحبين الكعبه ان شاء الله..

وكملت اماني سوالف مع امها وخالد العاشق الولهان بخبر كـــــــــان !!

........................



بالكويت....الاوضاع حيل متوتره بين فارس وديمه واكيد اميره..

ودها بس ترجع البيت وماتقابل ديمه...

بغرفة البنات..

جوري لسه نايمه اميره قاعده عالسرير ودموعها تطيح على خدها بدون قيود...

وتناظر صورة فارس بجوالها..

ديمه عالكنبه يدها على خدها...

مو عارفه تتصرف...

لفت ديمه تشوف اميره ... حالتها تقطع القلـب..

عورها قلبها على بنت خالتها...

قامت ديمه بتردد وقعدت جنب اميره

اميره: وش تبغين...بعدي عنـي
ديمه بصياح: اميرووه...اسمعيني
اميره: انتي خاينه وحقيره ماابي اسمع منك شئ
ديمه وهي تمسك راس اميره تهزه: اميره انا ديمه اختك وبنت خالتك شفيك جنيتي

بكت اميره واجد...وهي متألمه .. لان ديمه توأم روحها...
من يوم هم صغار ماافترقوا لحظه..

بس فارس..دخل بدون ارادته بينهم وخرب هالعلاقه..

ديمه: اميره انا انخدعت مثلك....
اميره بانكسار: ماحد انخدع مثلي...انا اللي انخدعت وانكسر قلبي...انا اللي احبه واموت فيه...وهو يلعب بمشاعري..
ديمه: لالا فارس مو كذا يااميره....

ديمه كانت بتعترف بحقيقه ان فارس يحبها بس سكتت...
وهي تشوف دمعة امل في عيـن اميره..

انا لازم مااقول لـها..

ماراح اكسرها وازعلها اكثر من زعلها...

لازم اكذب..

أي لازم اكذب حتى ترجع البسمه لشفاتها...
وترجع علاقتنـا مثل قبل..
اميره ماتستاهل اللي صار لها..


ديمه بقوه واصرار: فارس قابلني اليوم الصباح
اميره: وش يبغى الخاين؟
ديمه: اميره...فارس مو خاين...فارس(سكتت شوي) يحبـك ويموت فيك...بس اللي صار امس غلطتي انــا..
هو ماله شغـل...
كان طالع من غرفته وانا رحت كلمته ..
اميره ودموعها تطيح: وليه ماسك يدك؟
ديمه: انتي فهمتي غلـط...كنت امزح وياه واخذت مفاتيح سيارته...هو عصب ومسك يدي بياخده ويطلع
اميره ببتسامه: تتكلمين جد؟
ديمه وهي ترد لاميره الابتسامه: اكيد حبيبتي...فارس يحبك هو اكد لي هالشئ اليوم الصبــاح...ويبي يعتذر لك بس خايف تصديه
اميره وهي تمسح دموعها بفرح: كنت متأكده من برائته...فديت قلبـه...
ديمه: ههههه افرحي ياستي...من قدك..
اميره: بس ليه ماحاول يبرر لي الموقف امس؟
ديمه: هو كان متضايق من تصرفك....فسرها على انها قلة ثقه..وثانيا انتي ماعطيتيه فرصه يفهمك
اميره: انا الغبيه...ولا هو ماغلــط...وينه الحين؟
ديمه وهي تتهرب من اميره وتقوم: علمي علمك...
اميره: اسفه ديمووه اذا غلطت عليك..
ديمه وهي تحضن اميره وتبوسها: انا اللي اسفه....وان شاء الله اللي صار مايتكرر
اميره: ياقلبي انتي..

طلعت ديمه من الغرفه تحس انها مخنوقه..

غطت وجهها بيدينها وبكت..

ليش كذبتي ياديمه؟
ليش تخدعين البنت؟

حرااام عليـك...

بس انا ماكذبت الا علشان ابغاها تكون مبسوطه وفرحانــه...

وهي تبكي حست في احد واقف مقابلـها..

رفعت راسها وشافت واحد غريب !!

ارتبكت وهو ارتبك..

سألت نفسها....

منو هذا؟ وليش واقف مقابلي وساكت؟

الولد: احم..عفوا....محتاجه شئ اختي؟
ديمه باستغراب: انا؟ لا سلامتك...ليش؟
الولد: شفتك تبكين...قلت يمكن محتاجه...ولاتبغين شئ..
ديمه ببتسامه شكر: لا مشكور..

مسحت دموعها بيدها...وهي مستغربه منه..

طلع من جيبه منديــل وعطاها...

ديمه وهـي تاخذه: مشكور...


كان يراقبهم من بعيد ونار الغيره تلسعه..
من هاللي واقفه ويـــــــاه؟
وتسولف له بعد؟

تقدم وهو يحس انه بركان على وشك الانفجار...

فارس وهو يدرز الولد بعيد عن ديمه: ماتقول لي وش موقفك مع بنات الناس؟
الولد باستغراب: انا...انـا...حبيت اساعد بس
فارس: وريني عرض اكتافك...مو محتاجين مساعداتك يامحترم

بعد الولد وخاطره مكسور...لانه ماغلط ولاسوى غير الواجب..

شاف ديمه حايسه وتبكي..خاف لتكون ضايعه او محتاجه شئ..

عطاها المنديل وكان بيروح ويخليها...

بس فاجأهم فارس اللي جاي طاير ومعصب...

ديمه بعصبيه وهي تقرب منه: وش هاللي سويته؟ماعندك ذووق؟؟
فارس: ماسويت شئ...غير الاصول
ديمه: انت انسان فاضي...الرجال ماسوى شئ...
فارس: ياسلام داقه وياه سالفه وتقولين ماسوا شئ...
ديمه: كان يبي يخدم ويساعد لااكثر...وبعدين انت بأي حق تسوي اللي سويته..لاانت ابوي ولااخوي..
فارس بعصبيه وهو يمسك ذراعها: انا ولد عمك اليوم..وزوجك بكره فاهمه
ديمه: تخسي الا انت اتزوجك.... ولو سمحت خليني في حالي ولاتعاودها

عصبته بلهجتها وسخريتها...

رفع يده يبي يضربها....بس مسكت يده ورمتها..

ديمه: قسم ان فكرت تضربني لااقول لابوي وانت تعرف الباقي
فارس: والله قصورك تهدديني يافصعونـه...
ديمه وهي تطالعه باحتقار: بكون احسن منك وبسكت...

جات بتمشي لغرفه خالها وابوها....بس راح وراها..

ديمه وهي تلف له: لاتلحقني لو سمحت ماابغى اشوف وجهك...ممكن؟؟
فارس وهو يمسكها من اكتافك: ماتفهمين اني احبك...واغار عليك؟
ديمه وهي تنزل يده: لاتلمسني انت جنيت....خلاص روح بدربك وانا بدربي..

ومشت بسرعه واخذت اللفت..وطلعت...

اما هو نزل راسه بحيره والــــم...

جرحتني بدون أي اهتمام واكتراث...

الله يسامحك ياديمه...

....................

نروح للسعوديـه...

اليوم بتطلع من المستشفى...

وهي للحين ماتدري باللي في بنتها..
والفجوه اللي بقلبها..

ريان موصي الكل .. ماحد يجيب لها طاري..
مايبغاها تتضايق وتتكدر..
اهم شئ الحين راحتها...

وريــان راح يتكلم مع الدكتوره المشرفه عليها..
وعطته وصايـا انها ماتتعب نفسها ولاتسوي مجهود لين يلتأم الجرح..


رجع لها كانت جالسه على طرف السرير وسرحانـه...

ريان : حبيبتي في شنو سرحانه
لطيفه: ريان
ريان وهو يقعد جنبها: عيونه عمره كل دنيته
لطيفه: بطلع بدون بنتي؟
ريان: أي حبيبتي بنخليها هنـا ... لين تكمل شهرونص او شهرين وناخذها البيت...
لطيفه بزعل: مااقدر اخليها لوحدها هنــا
ريان: مو لوحدها...هنا في من يرعاها ويحافظ عليها....الحين مانقدر نطلعها من الشيشه...
لطيفه: لالا ماابي ارجع بدونها....ببقى قاعده في المستشفى
ريان: وتخلين زوجك لوحده بالبيت
لطيفه وهي تلف له: انت معاك رامي وهاني...بس هي مسكينه مامعها حد هنـا
ريان : خلاص بجيبك كل يوم تشوفينها
لطيفه وهي تبتسم: اكيد؟
ريان: اكيد... تصدقين مو مقتنع بأسمها
لطيفه: بالعكس...نجود مره يجنن
ريان: براحتك ياام نجود اللي تشوفيه...ها اغراضك جاهزه؟
لطيفه وهي تقوم بتعب: أي

ساعدها وسندها...لبست عبايتها...وشال شنطتها وطلعوا من الغرفه...

لطيفه: يلا بسررعه بشووف بنتي
ريان: شدعوه بنتك بتطير...
لطيفه: هذي حبيبتي اللي تعبت فيها
ريان: انا لو بكيفي فعصتها هالفصعونه...جابت لنا الوويل...
لطيفه: شهالكلام...والله لو تقرب منها بزعل...
ريان: لطووف
لطيفه: هلا
ريان: تذكرين يالخبله يوم بتولدين...تقولين بمووت ووصيتي تزوج وخرابييط
لطيفه: يووووه لاتذكرني..من جد شفت الموت بعيوني
ريان: انا متت الف مره من خوفي عليك...بس الحمدلله طلعتي منها
لطيفه: تخاف علي؟
ريان وهو يمسك يدها: شلوون مااخاف عليك ... يلا وصلنا

طلوا على نجود اللي نايمه ببراءه داخل الشيشه..كانت شبه لطيفه مره...

بس ماخذه خشم ريــان... ولا عيونها لون شعرها فمها لطيفه..

ريان: ها ارتحتي الحين؟
لطيفه: لا..مابرتاح الا اذا اخذتها معاي..
ريان: شنسوي بعد..نصبر ونشووف...يلا لطيفه نرجع عندي شغل واجد بالشركه...
لطيفه: عمي والموظفين موجودين...تكفى ريان خلني معاها
ريان: ابوي ماداوم اليوم
لطيفه: افا ليـش...
ريان: لا البنت خرفت وقعدت..ناسيه انهم بالكويت
لطيفه: اييييييه صح نسسيت...
ريان: شكلك خبرتي خرفتي...وشكلي بدور لي وحده صغيره واتزوجها
لطيفه: والله كان اذبحك واذبحها بيوم واحد..
ريان: ياشيخه احنا وحده ومو ملحقين..يلا يابنت الحلال مشينـا..

مشوا للمواقف..

وتوجهوا للبيت...ولما وصلوا كانت ام ريان بأنتظارهم..


........................

على صوت الاذان فاقت وهي تحك عينها...لفت على جهته كان نايم ومبستم..

ابتسمت وقربت منـه وهي تطالعه...

تنهدت ..

كيف قدرت ياولد عمي تحول كراهيتك اللي بقلبي الى ...!
الى شنو؟

سعود شنو بالنسبه لي؟؟

صديق؟
حبيب؟

مدري..يمكن تعود او استلطاف..

ماادري بس المهم انـه شعور حلـوو
يخليني احتاجه جنبي طول الوقـت..

بس بعد ياسعود قدامنـا عثرات كثيره لازم نتخطاها..واهمها عقدتك !!

انتبهت ان رزان مو معاهم عالسرير !!

وين راحت وهي امس كانت نايمه معهم؟

قامت دينـا بسرعه وجنون تدورها...فتحت الحمام ماشافتها !!

دينا وهي تقعد جنب سعود تقعده : قووم سعوود رزان اختفت

فز وهو مختلع ومو فاهم شئ..

سعود: شنو؟ من اللي اختفى؟
دينا بخوف: رزان ... صحيت من النوم مالقيتها..

قام مثل المجنون بدون مايغسل او يبدل ملابسه...
وطلع من الغرفه وهو خايف عليها..

مشى بسرعه في الممر وهو يدور..مالها اثر..

رقى بالمصعد لغرفة البنات..

وشاف ديمه ماسمه يد رزان وتتمشى معها

ديمه وهي تشوفه مبهدل: شصاير ؟
سعود وهو يركض لرزان يضمها: بابا حبيبتي وين رحتي؟
رزان : انا جيت لعمتي جوري بس نايمه...وديمه قالت بتشتري لي كيندر سبرايس

كان مره خايف ومعرق ويرجف...انتبهت ديمه لهالشئ...
ومااستغربت..لان من يوم ماماتت بسمه ورزان تعتبر كنز بالنسبه لسعود..
يخاف عليها من نسمه الهوا الطايره..

ديمه: خلاص لاتخاف مافيها شئ
سعود وهو يسحب رزان: اخر مره تسوينها فاهمه
رزان وهي تشد يدها ماتبي تروح: بابا....بروح مع ديمووو
سعود: ديمه وين بتروحين..
ديمه: ابد السوبر ماركت اللي تحت..
سعود: خمس دقايق مو تتأخرون...ولااجي معكم احسن
ديمه: لا ريح بالك...اقل من خمس دقايق وراجعين...
سعود: خلاص تمـام..

رجع لغرفتهم والباب كان مسكر..
فتحه ولقاها قاعده على طرف السرير تحرك رجلها بتوتر..

دينا وهي تقوم: ها شفتها
سعود وهي يرمي ثقلـه عالسرير: الحمدلله
دينا: وين شفتها؟
سعود: مع ديمه..
دينا: اووف...الحمدلله طمنتني..

غمض عينه وهو يتنفس بسرعه..هي لامت نفسها..
لانه كان نايم وهي صحته بصراخ وخوفتـه..

واكبر غلـط انها تصحي شخص نايم بهالطريقه المخيفه !!

راحت جنبه عالسرير وقعدت: خفت عليها؟
سعود: واجد...ماتشوفين قلبي احسه بيطلع من مكانه

واخذ يدها حطها على قلبه..

دينا: بسم الله عليـك...اسفه والله..بس
قاطعها: حصل خير..
دينا: كمل نومك..
سعود: وين يجيني الحين النوم..
دينا: بخليك تنام غصبا عنك..
سعود وهو يفتح عينه: شلون؟

انسدحت جنبه على مخدتها...

دينا وهي تلف له: ابيك تغمض عينك..بحريه وبدون ضغط...وترخي كل عضله بجسمك..
وابيك تتأكد ان كل عضله فيك مرتخيه..
سعود وهو يسمعها بأهتمام: وبعدين؟
دينا: خد ديب بريثنج..نفس عميق...لمده خمس مرات متتاليه...
ماابيك تفكر الا بحاجه وحده...
سعود: اللي هي...؟؟
دينا: تخيل وانت مغمض عينـك..انك فوق الغيم..بدون قيود..
سعود:هههههههه من جدك
دينا: تضحك يالدب...يلا سوي اللي اقولك عليه...وبترتاح..

غمض عينه وهو يرخي عضلاته....

لفت تطالعه لقته مركز وعابس...

دينا: قلنـا نرخي كل عضله...لاتعبس..

عدل ملامحه..ورخي جسمه

هي سوت نفس الشئ...

واخذوا نفسهم مع بعض...مدت يدها ومسكت يده..

5 انفاس منتظمه طويله طالعه من الاعماق...

وبعدين مافي أي صوت يعكر هدوئهم..

يدها بيده...وهم محلقين فوووق...بعييد..

قمه الاسترخاء والراحه..

بعد ربع ساعه

دينا بنبره هادئه لابعد درجه: وش تحس
سعود وهو يشد على يدها بلطف: احس براحه..
دينا: ماتحس انك تسمع اصوات اول مره تسمعها بحياتك..؟!!
سعود: أي والله...صوت السكون...الفراغ..

سكتت عنه حتى يكمل اللي بدئه...بعدين قامت وهو لسه مغمض حسته مرتـاح ماحبت تزعجه..

هذي وحده من التقنيات اللي دينا تعلمتها في علاج التوتر والخوف..

قربت منه اكثر وسحبت يده اليمين..وقامت بأطراف اصابعها تضغط بهدوء على مراكز الطاقه والقوه بيده..

كررت هالعميله 4 مرات وهي تضغط على راحة يده..

تركتها وقامت عنـه..

وعينها عليـه...

ابتسمت براحه بعد ماتأكدت انـه نـــام ودخلت تاخذ لها شور

....................

اليوم اللي بعده...

ببيت ام فؤاد...كانت اماني لحالها بغرفتها..

ملانه طفشانه..

تمنت لو انها راحت معهم الكويت...

جات سمر على بالها..حست انها الفرصه المناسبه..

اخذت جوالها وطلعت الرقم ودقت..

رنه ثنتين ثلاث...وردت سمر..

سمر: الوو
اماني: الو السلام عليكم
سمر: وعليكم السلام..ميين اماني؟!
اماني بصدمه: تعرفيني؟
سمر:هههههههه جنيتي يالخبله اكيد اعرفك...شدعوه نسيتي صداقه 3 سنوات
اماني : سمور ماغيرك !!!!!!!!!!!!!

سكتت اماني وهي مصدوومه...سمر تتكلم تسولف واماني مو مستوعبه ان سمر صديقتها هي نفسها حبيبة اخوها..

لا مستحــيل خالد يحب سمر اللعابه الفاضيه اللي كل همها بهالدنيـا نفسها..

هذي سمر اكبر منافقه بالعالم..تعاملك بطيبه ووراك تاكل بشرفك..

سمر ماتحب الا نفسها...يعني مستحيل تحب خالد..

سمر وهي تصارخ: هيييييييييييه وين رحتي انا اكلمك
اماني: أي معاك معاك...اقول سمر امي تناديني بشوف وش تبي وبرجع اكلمك
سمر: لاتتأخرين احتريك..

قفلت وهي تطالع جوالها..

انا احلـــــم؟!!

وش الصدف اللي جمعت اخوي
بصديقتي؟

سبحان الله...

خالد يطيح بطريق هالخبله؟

ياربي وش اسوي الحين وش اقولـه؟

اقوله ان سمر صديقتي؟

لالا مابقول...

لا اقول احسن..

اوووووووف مدررررررري...

قامت من السرير وهي تلف بغرفتها...

طلعت بسرعه من غرفتها وراحت لغرفته..
دقت الباب

خالد: ادخلي يمه
اماني وهي تطل براسها: انا اماني
خالد : حياك اموون تعالي..


دخلت وسكرت الباب وراها ..

كان جالس يكتب عالمكتب..

بعدت الاوراق وقعدت على طرف الطاوله

اماني: وش تكتب؟
خالد: ابد خرابيط...
اماني: اها
خالد: غريبه اماني بنفسها جايه تزورني
اماني: ابد اشتقت لـكـ قلت اجي اشوفك...
خالد وهو يغمز: هاتي من الاخر....
اماني ببتسا
مه: كيف عرفت سمر؟
خالد بصدمه: دقيتي عليها؟؟
اماني: انا...ابد...قلت بكلمها بالليل..
خالد: اها...وليش تبين تعرفين..
اماني: مو انا اختك الملقوفه...؟؟
خالد:هههههه واحلى ملقوفه...

سكتت وهي تشوفه فرحان لمجرد انها جابت سيرتها..
فديتك يااخوي..شقد طيب..

عسى الله لايحرمني منك ولامن ضحكتك اللي ترد فيني الرووح

خالد: ياطويله العمر عرفتها بالصدفه
اماني: شلون يعني؟
خالد: دقت علي..وكانت غلطانه..
اماني: غلطانه؟؟

معقوله .. تكون جد غلطانـه؟
بس ليش ماغلطت الا معاي اخوي؟
وش هالصدفه الكبيره اللي جمعتهم؟

لا انا هالكلام مايدخل مخي..
لازم في الموضوع سر..لازم اوصل له واتصرف..

اماني بشك: انت متأكد انها غلطانه؟
خالد: أي متأكد..اجل شلوون...ليش هالسؤال الغريب؟
اماني وهي تقوم: لا سلامتك
خالد وهو يسحبها من ذراعها: تعالي هنا مو علي هالحركات...
اماني : صدقني بس مجرد سؤال...
خالد:اوكي براحتكـ..

طلعت من عنده وهو مستغرب لهجتها وكلامها..

ادق علي سمور بس ..

دق عليها وردت من اول رنـه..

خالد: السلام عليكم
سمر بزعل: وعليكم السلام
خالد: بعد زعلانه؟ المفروض انا اللي ازعل مطنشتني ..
سمر: والله انت عارف الاسباب زين..
خالد: ياعمري ياسمور..لولا خوفي وحبي لك..ماهاوشتك هذاك اليووم..
سمر: اوكي خلاص
خالد: يعني طاح الحطب
سمر: مدري
خالد: يادلووووووووعه خلاص عاد..


وقام خالد يراضيها..وهي اصلا من الاساس مو زعلانه بس تتغلى..

....................

بالكويـت..

ديمه ورزان نزلوا للسوبر ماركت وكان مقفل..

رزان بزعل: ليش مقفل
ديمه: علمي علمك ..
رزان وهي تضرب الارض برجلها: ابي كيندر مو شغلييي
ديمه: من وين اجيب لك كيندر اصنعه لك مع وجهك يعني..يلا نرجع

مشت ديمه بس رزان مصره توقف عند السوبر ماركت وتنتظر يفتح..

ديمه: وش تنتظرين الله يرجك
رزان: بنتظر ليين يفتح واشتري بريال
ديمه: بريال؟ ريال وجهك مالت عليك...قولي دينار
رزان: لا رياااال..

وطلعت رزان لسانها لديمه..

وهم يتهاوشون...طلـع..وشافهم..
قام يطالعهم وهو يضحك من كلام ديمه وردود رزان الذكيه..

ديمه: رزاانووه بتقومين ولا اخليك واروح
رزان : رووحي اصلا انا ماابيك..
ديمه: ترا بتضيعين يالخبله
رزان: ادري تلعبين علي..ماراح اضيع .. ادل الفندق..

لفت ديمه من جد بتخلي البنت وبتمشي ولا انتبهت لـه

اما هو كلمها: ويين بتروحين وتخلينها حرام عليك
ديمه وهي تلف متفاجأه: شنو؟

طالعته وتذكرته..اي هذا هـو...اللي معنـا بالفندق..
اللي شافني ابكي وجاء يكلمني وفارس هاوشه..
ياحرام انـا لازم اعتذر لـه

ديمه ببتسامه: اهلا
الولد: ياهلا فيك...عسى ماضايقتكم بس
ديمه بخجل: لا عادي
الولد: اجل بتروحين وتخلينها,,حرام عليك
ديمه: ههههه لا بس بخوفها
الولد:ههههههه...بدون احراج.. ماعرفت اسمك
ديمه وهي متفاجأه جرأته: ليش؟
احمد: لاتفهميني غلـط...مجرد سؤال
ديمه: ديمه..
احمد: وانا احمد
ديمه: عاشت الاسامي..



رزان وهي تقوم لهم: وانا رزان
احمد:ههههه هلا بأحلى رزان...
رزان وهي تطلع لسانها لديمه: سمعتي قال احلى رزان
ديمه: لحووول منك ياالبلشه..وش لك تقوول الحين بتمسكها علي..
احمد:ههههه لاولايهمك اضبطها انـا...
ديمه: امممممم احمد بغيت اقولك شئ
احمد وهو يطالع حوله: هنا عاد بالشمس..تعالي بالظل..
ديمه باستنكار: لا ماله داعي...كلها كلمتين وماشيه
احمد: بس مايصير كذا بالشمس..

وحتى ترتاح من اصراره عليها ..
راحت جلست بالظل..ورزان جنبها وهو مقابلهم..

احمد: اتمنى مايسبب لك هالشئ احراج مثل المره اللي طافت..
ديمه: هذا اللي كنت بقوله...انا اعتذر منك عاللي صار..كان سوء تفاهم
احمد: لاعادي..يمكن اللي سويته غلـط..وتعدي على حدودك..بس قصدي كان شريف.حبيت اساعدك لااكثر..
ديمه ببتسامه: أي عارفـه...
احمد: عفوا...هو ايش يقرب لك؟
ديمه: فارس؟ ولـد عمي وخالتي بنفس الوقت
احمد: اها...الله يحفظه...
رزان: ديموو ديمووو
ديمه: هلا
رزان وهي تأشر على احمد: منو هذا؟
ديمه:احمد
رزان: مين احمد؟ يقرب لنـا؟؟
احمد:هههههه حلووه هالبنت...اختك؟
رزان: لا بنت ولد عمي...
احمد: شرايك رزان اخطفك؟
رزان: وين بتوديني
احمد: مكاان كله العاب وعيال من عمرك
رزان بفرح: أي اخطفني
ديمه: قسم بالله انتي مهبوله...

قامت ديمه من مكانها وهي منحرجه من رزان..

ديمه: عالعموم فرصه سعيده يااحمد...واعتذر مره ثانيه..
احمد وهو يقوم: انا اسعد...وحصل خير..خلينا نشوفك...

ابتسم لها وباس رزان على خدها ومشى..وعينها تتبعه..

فديتك والله...فديت ابتسامتك...

رزان: ديموو ديموو
ديمه: اوووف هااااااا لازم تقطعين علي حبل افكاري
رزان: شلون يعني حبل افكارك؟يعني براسك حبل
ديمه: ياناس غبيه هالبنت شسوي فيها..(وبصرخه)قدامي يالدبه..اول واخر مره اجي معك..
رزان وهي تمشي عن ديمه: اصلا انا ماابيك..

........................
مساعد..كان بالسوق ومعاه جوري بس بجهه ثانيه

..يختار هدايـا لفرح..
ومحتااار مايعرف ذوقها..ووش تحب..

مالي الا اكلم اموول..

اتصل على خط البيت الثابت..ورد خالد

مساعد: الوووووو
خالد: الووين ثلاثه...هلا خالي كيفك؟
مساعد: هلا والله خلووود...انا بخير انتوا علومكم
خالد: عايشين....ها شلون الكويت وهلا فبراير
مساعد: اووووووه فلللله..ينادييكم..فاتك ياخلود
خالد: تنصحني اجي يعني؟
مساعد: ماراح تندم...اقووول وين اموول؟
خالد : مدري
مساعد: روح نادها
خالد: انا مااكلمها اصلا دق على جوالها
مساعد: وليش ماتكلمها يالثور..هذي اختك الكبيره
خالد: هذا اللي صار...خالي تكفى دق على جوالها مالي خلق اناديها
مساعد: هين اوريك طس..

سكر مساعد ودق على جوال امل..

امل: مرحباااااااا ملييييييون..اي يالخاين رحت هناك ونسيتنـا...
مساعد: انا؟ انسى نفسي ولا انساك ياقمر...
امل: أي قص علي...امر خالي وش بغيت..
مساعد: انا بالسوق اموول..ودي اخذ شئ لفرح..
امل: أي قول كذا من الصبح...
مساعد: هي وش تحب..
امل: امممممممم ياطوويل العمر فرح تحب..التماثيل الميداليات هذي الاشياء الرمزيه
مساعد: يعني ماتحب الشنط الثياب
امل: لا مو كثير...بس اعرفها تحب التذكارات حيل
مساعد: اجل اقلبي وجهك..
امل:ههههه سلم عالكل
مساعد: يوصل...ماتبغين شئ من هنا يالدبه؟
امل: سلامتك حبيبي
مساعد: جد قلبي ماتوصين على شئ ماشيات لايردك الا لسانك...
امل: سلامة قلبك خالي...ابغاكم بس ترجعوا بالسلامه...


قفل مساعد وراح لجوري اللي واقفه عند الملابس الرجاليه وتختار بدله لماجد..

مساعد: ها حرم الاخ ماجد
جوري وهي تلف لخالها: محتاره بين هالثنتين...مااعرف في الملابس الرجاليه
مساعد: اممممممم البني احلى من الرمادي
جوري: يلا شورك وهداية الله...

اخذت جوري البدله البنيـه لماجد...واشترت له دهن عـود لانه يحبه..وميداليه فيها اسمه بحركه مره حلووه...

طلعت من المحل وبعدت عن خالها ودقت عليه..

ماجد: لا مو معقووله...
جوري: هههههه لييش؟
ماجد: واخيرا الحلوه تذكرت ان عندها زووج لازم تكلمه
جوري:ههههه سامحني ماجد انشغلت شووي
ماجد: لا انا زعلان ابيك تراضيني
جوري بصوت منخفض: مو الحين..
ماجد: الحين
جوري: شلون الحين؟
ماجد: بوسه عالطاير...
جوري: ههههه لارجعت السعوديه نتفاهم...
ماجد: ها حبيبتي وينك فيه؟
جوري: ابد بالسوق
ماجد بصرخه: لووووووووحدك؟؟؟؟؟؟؟؟؟؟؟
جوري: لاوش لوحدي بطيت اذني مجوود
ماجد: حسبالي بعد...مافي طلعه لوحدك فاهمه
جوري: امرك سعادة البيه..
ماجد:وحشتيني يالدبه
جوري: وانت بعد حبيبي....شلوون عمي؟
ماجد: كاهو جنبي يبي يكلمك...
جوري: هات اكلمه..
ماجد: قفلي وانا بدق عليك..علشان مايصرف فواتير عليك..
جوري: عادي شدعووه
ماجد: قفلي اقولك
جوري: اوكي ..

قفلت ورجع ماجد اتصل

ابوماجد: السلام عليكم
جوري: وعليكم السلام...هلا عمي شلونك شخبارك؟
ابوماجد: حياك يابنتي...انا بخير انتي علومك وعلوم اهلك؟
جوري: نسأل عنك..شلون صحتك الحين عمي...ان شاء الله احسن؟
ابوماجد: مابقى بالعمر قد اللي راح يابنتي..
جوري: لاتقول هالكلام الله يعطيك طولة العمر ياعمي...انت تاج راسنـا مانسوى بدونك
ابوماجد: الله يخليك ويحفظك يابنتي....خلاص مااطول عليك..سلمي على عمك واهلك
جوري: اوكي عمي يوصل...انتبه لحالك مع السلامه...

اخذ ماجد السماعه ورجع يكلمها...

ماجد: ايوه قلبي..
جوري: هلا ماجد...مااوصيك انتبه له زين واعطيه الدوا
ماجد: ايي من قدك يابو ماجد الحلووين خايفين عليك
جوري:هههههه يالدب صار بحسبة ابوي لازم اخاف عليه..
ماجد: يابعد قلبي انتي...اصلا انا وين بشوف مثل طيبة قلبك..ااااه متى بس ترجعين
جوري:لا مطولين
ماجد: افااااا...مو انتي قلتي خمسه ايام
جوري:والله معجبنـا الجو هنـا..بنمدد الاقامه 4 ايام...
ماجد بعصبيه: وش اربعه ايام....والله ماتقعدين هنــــاك...من يوم مارحتي احتريك على احر من الجمر..
جوري: شسوي بعد ارجع بطياره لوحدي...خلاص اصبر اربعة ايام زياده..
ماجد: اووووووف شلوون بصبر عنك هااا
جوري: لهالدرجه الحب
ماجد: مالت عليك احر ماعندي ابرد ماعندك...
جوري:ههههه موعدنا بعد 4 ايام...يلا انتبه لنفسك حبيبي ولاكلك...مااوصيك اووكي؟
ماجد وهو متضايق: اوكي حبي وانت بعد انتبهي لحالك...مو تطلعين لوحدك...واكلي زين...
جوري: لاتوصي حريص....سلم على عمتي سعاد والجده
ماجد: يوصل...وانتي سلمي على اهلك...يلا باي
جوري: باي...

.............................

نروح لاحمد اللي من شاف ديمه ومخه مفتر..
ايش ذوق واحترام اللي عندها..

كان جالس في اللوبي ويده يحركها على لحيته ويفكر بعمق..

متى راح تنزل مرة ثانيـه؟

اخاف ماتطلع اليووم..

احتريها وش وراي..

انتظر احمد نص ساعه...ساعه...ساعه ونص..

وبينت ..

كانت نازلة لوحدها وتلعب بجوالها وماانتبهت لـه..

اوويلاه جوالها وردي بعد ارووح للرومنسيين...

احمد وهو يقرب منها: احم..
ديمه وهي ترفع راسها وتبتسم : اهليين..
احمد وهو يرد لها الابتسامه: هلا فيـك..ها وين العزم؟

استغربت سؤاله..

مره مطيح الميانه..


ديمه: ابد..المول اللي قريب من هنـا
احمد: لوحدك؟
ديمه: لااهلي جايين وراي..اممم خلاص عن اذنك
احمد: بتروحين؟
ديمه ببتسامه: ليه تبيني اوقف؟
احمد وهو يبعد ويترك لها المجال: تفضلي مااعطلك...

وتركها وراح..

وهي تطالعه .. ليكون زعــل؟

بس أنــا ماسويت شئ يزعل...
ليش يبغاني اوقف معاه واسولف..
؟

ماله داعــــي..


ليه طيب كذبت عليـه وقلت اني رايحة مع اهلي..
وانا بالاساس رايحة لوحدي...

اقووول ديمه شكلك مطوووله يلا اطلعي بـس..

طلعت وهو تمشي وعينه عليهـا..

وبقى ربع ساعه قاعد...وين اهلها؟

خلني احتري واشووف...

مرت ساعه الا ربع .. وماحد بين..

شك في امرها...

يمكن تكذب علي بس وش مصلحتها...



قرر يروح وراهـا..

وتمشى في المول يدورهـا..بس مالها اثر..



مشى عند كل المطاعم والكوفيهات يمكن تكون جالسـه..
واحساسه صدق يوم شافها في ستــار بكس..

تاكل كوكيز وتشرب موكـا...

شافته ..

طالعته مستغربـــــه !!

شسالفتة هذا؟

ليش يلاحقنــي؟؟

تجاهلته ورجعت تتصفح الكتاب اللي بيدهـا..

واحمد واقف محتـــــار وحايس..

اروح لها؟

عيب يااحمد ..

انت ماترضى هالشئ لوحده من خواتــك..
كيف ترضاه على بنـت النــاس..

رفعت راسها تتفقده..بس ماله اثر..

!!!!!

اما ان هالولد مجنون ولا انـا مجنونه

كان من شوي هنـا وين رااح؟؟

ياربي شسالفه..

ياشييييخه How Is Care

اقرأ احسن لـــــي..

............................
..............................

امل طفشانه ملانـه..

ياربي مليت من روتين حياتـــي..

متى بتنفرج واتزوج؟

أي ابــي اتزوج ليش مستغربين...

كل صديقاتي متزوجين مرتاحين الا انــا...

اوووف..

قامت وطلعت من غرفتهـا وهي تطالع غرف خواتها..

اماني مسكره عليها باب غرفتها يمكن نايمه...

وباب غرفـة اميره مفتـــوح...

جاها فضـول تدخـل..دخلت وشغلت الانوار..

الغرفه مرتبـه..الشمس تدخلها من النوافذ الكبيره...
ومنظرها يشرح النفس...

جلست امل على سرير اختها اللي وحشتها من جـد...

فتحت الدرج بلقافه...وشافت دفتر خواطـر...

بعد خواطر ياامور منتي هينه وانــــا اشهد..

قرأت امل 3 خواطر...لاحظت في نهاية كل خاطره حرف F

استغربت امل مره..

مين حرف الاف؟
اللي تكتبه اميره بنهاية كل خاطره..

قامت تفكر يمين يســار..

اممممم حد من قرايبنـا..

وهي تفكر طرا على بالها فارس..

فارس؟

لا مااتوقع...مااذكر انها جابت طاريه قدامي ...

ااخ يااميره..

لارجعتي نتفاهم ونشوف...

الله يعيني عليكم يااخوانـي..

خالد العاشق الولهان من جهه...

وانتي من جهه..

...............................

بالليل كانوا بيمشوا من الكويت...

وجوري كذبت على ماجد وقالت له بترجع بعد 4 يام..

حتى تسويها له مفاجــأه...

رتبوا ولموا اغراضهم...

ديمه لازالت قاعده بالمجمع...طالعت الساعه 4 العصر...

باقي ساعتين ونمشي...

دفعت الحساب وقامت..

رن جوالها..

حليب مخفوق..

اووووووف وش يبغى هذا بعد

ديمه: خير
فارس: وينك؟
ديمه: مو شغلكـ
فارس: الشره مو عليك .. على اللي يسأل عنكـ وخايف عليك
ديمه: مشكور يانشمي...مانبغى خوفك وسؤالك..الحين برجع....باي

قفلت الخط بوجهه...وهو عــــــصب...

كذا تعامليني انا اوريك...هييييييييين

كان الكل طالع يشتروا باقي الهدايـــــا..

كان هو الوحيد الموجود بالغرفه..

ابوريان ومساعد طالعين بعد..

نزل بسرعه عالدرج...

وراح كلم العامل اللي واقف عند اللفت...

فارس وهو يمد له 10 دنانير للعامل: تفضل
العامل الهندي: ليش بابا؟
فارس: شوف الحين في بنت بتجي...ابغاك تقول لها ان اللفت معطـل..حتى ماتصعد
العامل الهندي: ليش بابا يسوي هزا؟
فارس: انت ماعليك...قول لها ان اللفت متعطل وخربان وووبس...
العامل الهندي وهو ياخذ الفلوس: اوكي بابا..

وبالفعل وصلت ديمه وجات بتركب بس قالها الهندي ان اللفت خربان

ديمه: اووووف وهذا وقته يتعطل...يلا امري الى الله برقى الدرج ..

وصعدت دور ورا دور...

لين وصلت للدور اللي فيه غرفة فارس ومساعد وابوريان..

ديمه بصوت منخفض: اهم شئ مااشوفه مالت عليه...

ماكملت جملتها الا وحسته يتقدم ناحيتها بعين غاضبه...
هي خافت وسعت خطواتها للدرج فووق

فارس: وين بتروحين مني...تعاااالي
ديمه: وش تبي
فارس وهو يرقى وراها: اوقفي قبل لااسوي شئ مايعجبك

وقفت ولفت لــه وطالعته من فوق لتحت

ديمه ويدها على خصرها: خيييييييير وش تبي
فارس: ماني بزر قدامك تكلميني بهالطريقه...تعالي معاي ابيك
ديمه: لااااااوالله...
فارس: بتجين ولااشيلك قدام الرايح والجاي
ديمه: اوووووف بروح وامري الى الله متى بس نرجع وافتك..

ضحك بسخريه ومشى قدامها وهي وراه....

دخل غرفته دخلت وراه وهي تطالعه باستصغار...

سكر الباب..هي خافت..

ليكون يبي يذبحنــي؟؟؟

ليييش وافقت وجيت وياه...

انا خايفه...حيل خايفه


ديمه وهي تخفي الخوف وتتكلم بعصبيه: وش تبغى..افتح الباب بسررررعه..مالك حق تقفله...
فارس وهو يقرب منها ويمسكها بقوه: بس ولاكلمه فاهمه...
ديمه وهي تقاوم: ااااااي...اتركني مااحبك ماابغاك
فارس: مو لازم ... اهم شئ انـــــا احبك...
ديمه وهي تنزل يدينه: اوووووف منك انت ماتفهم حل عني خلااااااااص ...
فارس وهو يقرب منها اكثر ويسحبها من ذراعها: وش قلتي لاميره اليووم؟
ديمه بخوف: ماقلت شئ...اتركني فارس ارجووك
فارس وهو يضغط اكثر عليها حتى يعورها: لاتكذبين وتطلعيني من طوري فاهمه
ديمه: ماقلت شئ....صدقني
فارس بصرخه هزت الغرفه: اقولك لاتكذبي...ماتفهمين

نزلت راسها وهي خايفه منـه...وترجف

وش يبغى هالمجنون...ليش ماسكني كذا؟
وشلون عرف اني قلت لاميره شئ؟؟

فارس بصرخه اعلى من اللي قبلها: ماابغى اشوف دموع ....بسرعه مسحيها
ديمه وهي تمسحها بخوف: طيب....امرك..ارجوك خليني بطلع

سحبها وقعدها على الكرسي بقوه: فهميني وش قلتي؟
ديمه وهي تصيح: كيف عرفت؟
فارس: الاخت اميره جايتني قبل ساعه وتقول...انا مسامحتك...وديمه قالت لي كل شئ...وودي نرجع مثل قبل
ديمه بخوف: أي قلت
فارس وهو ينفجر بوجهها: بأي حق تتكلمين بلساني وانا ماقلت شئ غبييييه انتي ولا شلوووووون

رفع يده يبي يضربها..هي انصدمت...
لا ماتوصل فيه المواصيل لهاالحد...

ديمه: بتضربني؟(وهي تصارخ وتبكي بنفس الوقت)اضربني...يامحترم..ياول د عمي...هذي اخرتها
فارس وهو ينزل يده ويطالعها بحنيه: تنكسر يد اللي يضربك يابنت عمي...فهميني وش قلتي لها...
ديمه: يمكن اكون غلطت بس...انا احب اميره ماودي ازعلها...واضايقها..اميره فقدت ابوها..ماابغاها تفقد حبيبها بعد...
فارس: وش قلتي...بسرعه تكلمي

وقالت له كل اللي الفته من خيالها ونقلته لاميره..
ان فارس يحبها هي وبس..
وان اللي شافته مجرد لعبه ومزحه من العابه مع ديمه...


فارس بصدمه: ليش قلتي هالكلام...انا مااحبها ماتفهمين مااحبهااااااااااااااااا
ديمه ببرود: مو لازم...نفذ اللي بقولك عليه..
فارس بسخريه: اوووه قمتي تعطيني اوامر على اخر حياتي...

قرب منها وهو يصر على لسانه ويهزها من كتفها: يكون بعلمك اني احبك فاهمه....وهي بالطقاق ماتهمني...جعلها تموت ماعلي منهاااا...انتي غلطتي وروحي صلحي اخطائكـ بروحك...اسف مااقدر اكذب .... اووكي؟
ديمه وهي تدفه بعيد: روووح بعيد عني...وانت بتسووي اللي اقولك عليه...
فارس: لاتخليني اتهور واذبحك هنـــا....اطلعي بره بسرعه
ديمه بتحدي وهي تحط يدها على خصرها: اعلى مافي خيلك اركبه....هه

ضحكت بسخريه وفااارس خلاص وصل الف ووجهه من كثر العصبيه صار احمر...

قرب منها وحط يدينه حول رقبتها يبي يذبحها خلااااااص...

ديمه وهي تكح: بعد عني بمووووووت

رماها عالسرير بعنف وطلـــع وهو مايشوف قدامه من كثر العصبيه

...............................

بمحل العطورات كانت ويــــاه يختارون هدايا لخالاتهم...

دينا وهي تعطيه العطر: سعود هذا احلى...مانبغى عوود
سعود: بالله الحين امي تستعمل مثل هالعطور...روحي فحطي
دينا وهي تطالعه بنظره : افحط؟ متأكد؟
سعود: روحي حد ماسكك....

تركت اللي بيدهـا وجات بتطلع....سحب يدها: يابنت الحلال خليك...تدرين انا مابختار شئ...خذي لامي وامك وام فؤاد...
دينا: خلاص..

اختارت دينا لهم...وكملوا تسوق ...

مروا على محـل حلويات...

دينا وهي تطالعه: خلينا سعود ندخل...
سعود: وين؟
دينا: الحلويات
سعود: وش تبين منه؟
دينا: مشتهيه حلويات...يلا يلا

دخلت قبله وراح وراهـا...اختارت صحن مشكل وراح سعود بيدفع...

لفت وهي مبتسمه تطالع برا الشارع..

وشافته واقف من بعيد...

ارتجفت وهي تحس انها تبي تموت...

لف وهو يعطيها الكيس: تفضلي اميرتي...احلى صحن حلويات...

بس ماكانت ترد عليـه .. كانت دموعها تنزل بدون اذن..
والخوف ماكل قلبها...

وش يبغى؟؟

شكله صاير يخوف...

لابس اسود..

ومو حالق...

طالع مثل المجرمين بالافلام...

سعود: هو...دينووو

ودينا عينها معلقه برا ماتسمع شئ

طالع مكان ماهي تطالع...ماشاف شئ...

سعود وهو يمسكها: دينا...
دينا وهي تلف له: شفته...واقف هنــــــاك...

اشرت بيدها ورجع يطالع

سعود: منو....مافي حد
دينا بهستيريه: الا كان واقف هنــاك
سعود وهو يطالع يمين يسار: اوووص...فضحتينا قدام العالم يلا يلا..

يوم صاروا بالشارع..كانت تطالع الرايح والجاي برعب...
وهو مستغرب من شافت؟

سعود: دينـا من شفتي؟
دينا وهي تمسك يده: لاتتركني لوحدي...ارجووك...
سعود: دينـا لاتحرقين اعصابي..من شفتي تكلمي
دينا: تركي..كان واقف يطالعنـا
سعود:ههههههههههه شكلك بديتني تخرفين...بعد اللي صار مااتوقع نشوفه
دينا: والله والله شفته...
سعود: مجرد اوهـام ماعليك...
دينا : سعووود وربي شفته ليش ماتصدقني

اخذها على قد عقلها وقال: اوكي وحتى لو شفتيه الحين مافي حد...راااح..
دينا: اخاف يرجع يطلـع لنـا
سعود وهو يحط يده حول كتفها: لاتخافين قلبي انـا وياك..

كملوا طريقهم وهي طول الطريق تطالـع يمين يسار تدوره..

وهم يمشون..

سعود: دينـا..ماشفتي جوالي
دينا: شوفه بجيبك يمكن..

دوره في جيبـه بس مالقاه...

سعود: ياربي وين حطيتـه..ليكون نسيتـه في المحل
دينا: نرجـع للمحل نشووف...
سعود: بعيد عليـك...ارجعي الفندق وانا بروح اشووف
دينا وهي تلصق فيه وتمسكه: لالالا ماارجع لوحدي....لاتخليني برووحي
سعود:ههههههه دينـا..خبري فيك قويه مايهزك شئ..
دينا وهي تدمع: اخاف اشوفه..ويسوي فيني شئ...
سعود: دينا...منتي صغيره..خلاص ارجعي اخاف رزان ملعوزه جوري واسماء..
دينا باستسلام: خلاص خلاص...

تركها ومشوا في اتجاهين متعاكسين...هو رجع المحل يسأل عن جوالـه .. وهي رجعت تشوف رزان وتجهز باقي اغراضها..

كانت لافه ذراعيها حول بعض وراسها للارض...
وتحاول قد ماتقدر تمشي بوسط نـاس حتى لو شافها ماينتبه لهـا..

مشت ربع ساعه وتفصلها عن الفندق مسافه لابأس بهـا..

مرت من عندها سياره شبح اسود..مضلله كامل مخفي...

طالعتها دينـا برعب هذي سيارة تركـي..
انــا اعرفها..

أي أي صدقووني سيارته

جالس يلاحقني؟
يبي ياخذني وينتقم مني؟

لالالالالالالا مايقدر..

بهرب منه..


وسعت خطواتها اللي كـانت أقرب للركض..
ومااهتمت لنظرات الماره من حولـها..

وهي تمشي تطالع وراهـا خايفه يلحقها..

لين وصلت للفندق..وهي تلهث ومعرقه من الخوف ..

صدمت في جوري..

جوري: بسم الله عليك شفيكـ؟
دينـا وهي ترجف: ها لالا ولاشئ

ورقت المصعد واختفت في ظرف ثوانـي..

تاركه جوري المستغربـه



...............................

خالـد...رجع البيت كان يتمشى على كورنيش الدمام..ويغني مع راشد الماجد...

يابعيد عن عيوني دريت او مادريت..
قلبي اللي تسكنه دوم يسألني عليك..

اااه ياسموور..احبك يامغروره..ليش حبيتك مدري لاحد يسألني..
اللي اعرفه اني احبهااا وابغاهاا..

دقت عليه امـه...



خالد: هلا بأول واخر حب
ام فؤاد: حبيبي وينك ليش طلعت بدون ماتقول لي
خالد: اتمشى يمه وين بعد...
ام فؤاد: تعال يمه..اقعد وياي...كل واحد بجهه وانا صفيت بروحي
خالد: ماعااش اللي يخليك بروحك ياام فؤاد..مسافة الطريق..

وقفل ورجع البيت..وخالد للحين مخاصم امل مايكلمها من بعد رفضها لسمر اللي ماتعرفها...
واكيد لو تعرفت عليها بتكرهها اكثر واكثر..

دخل ولقى امل واقفه عند التلفزيون تغير في القنوات وهي عابسه...

بدون مايسلم ولاشئ:وين امي؟
امل: وعليكم السلام....الحمدلله احنا بخير .. انت اخبارك
خالد: مااتوقع سلمت عليك حتى تردين
امل: السلام سنه ورده واجب
خالد: عدااال ياام العريف....لايكثر وين امي؟
امل وهي تروح له وتحس انها اشتاقت له حيل: مالت عليك...
خالد وهو يحاول يخفي ابتسامته: اغصان الجنه ان شـاء الله...
امل وهي تضربه على راسه: ماوحشتك وياهالراس
خالد وهو يبتسم: وحشتيني ياوحشه

وتحاضنوا الاخوه ودخلت امهم على هالمشهد وهي مبتسمه براحه...

ام فؤاد: خلوني طيب اشارككم هاللحظه الرومنسيه
خالد:هههههههه يالغيووره انتي...

راح خالد لها وحضنها وباس راسها

ام فؤاد: تحب الكعبه ان شاء الله...
امل: يمه متى بيوصلون اهل الكويت؟
خالد: أي صح متى الوصول؟
ام فؤاد: كلمت فؤاد قبل ساعه وقالوا على الساعه 10 ان شاء الله واصلين....
خالد وهو يطالع الساعه: يعني مشوا الحين ؟
ام فؤاد: مدري ياولدي...المهم تجهزي امول بنروح بيت خالتك ام سعود...مسويه عزيمه...سلامة وصولهم...
خالد: اما خالتي هوايتها تسوي عزايم وبس..
ام فؤاد: انت طس غرفتك ولاتتكلم عن اختي
خالد: على راسي انتي واختك...

...........................

سعود رجع المحل وشاف جواله وحمدربـه انه ماضاع...
فيه ارقام مهمه لو فقدها بيضيع دونها...

وهو يمشي يسابق الخطوه...كان مستعجل بس مايدري ليش...

رن جواله توقع دينا رد بدون مايشوف: جاي بالطريق
جوري: هب عليك جني مو ادمي
سعود:هههه هلا جواري...شبغيتي على بالي دينـا
جوري: وينك فيه؟ يقولك عمي لاتتأخر
سعود: ماراح اتأخر جاي بالطريق..
جوري: أي تمـام...الا تعال اقولك...شفيها دينـا؟
سعود: شفيها؟..مافيها الا كل خير...
جوري: توني شفتها البنت حالتها حالـه..احسها متغيره..
سعود: وش بيكون فيها؟...مدري لاجيت اشوفها..
جوري: خلاص اخليكـ...
سعود: بـــــاي
.....................



سعود من اتصلت فيه جوري وباله مشغول...
وش فيها دينـا..


وسع خطواته للفندق...وشاف جوري على حالتها قاعده..

سعود: شمقعدك قدام خلق الله؟
جوري: اووووووف طفش زهق...
سعود: احمدي ربك ... غيرك قاعد حكره في البيت..
جوري: اقول روح شوف مرتك لاهنت
سعود: يلا سي يوو...وانتي بترقين لفوق معاي
جوري: لا بجلس هنــا
سعود وهو يمسك يدها ويمشي معها: مو بكيفك..

وصلها اخوها لغرفتهـا..وراح هو لغرفته وغرفة دينـا..

كان الباب مفتوح شوي..شفيها جنت تخلي الباب مفتوح وهي بروحها؟
لو حد لاسمح الله دخل عليها؟

وش قاعد افكر انـا..احنا في بلد امان..في الكويت ولانسيت...مالت علي..

دخل شاف منظر ماتوقعه..انصدم...

دموعها تطيح على خدها بصمت...ماتطلع منها الا تنهدات خفيفه..
وتقضم اظافرها بفمها..
وتطالع المكان برعب..

سكر الباب وراح بخطوات واسعه لها..

دينا يوم حست بحد حولها صرخت وقامت بسرعه: لالا ارجووك اتركني...لاتاخذني معاك...ارجوك تركي..انا ماسويت لك شئ..

وجات تبي تطلع من الغرفه بس مسكها بقوه وهزها

سعود بعصبيه: انا سعود...شفيك..

طالعته برعب وتأكدت....اي هذا سعود زوجي..

بعدت عنه وقعدت عاالارض وهي تصيح صياح يقطع القلب..

البنت عايشه في كابوس تركي اللي شكلـه ماراح ينتهي..

عورت قلبه راح وشالها بحضنها..
مسكت فيه وهي تصيح ...وهو يسمع ويحس ضربات قلبها المجنونه

سعود بهدوء: خلاص دينـا...ماتسوى عليك..
دينا وهي تمسك بلوزته وتشد عليها: لاتخليني بروحي...كان يبي يخطفني انـا شفته...شفته..
لكني...ركضت بسرعه...بس هو مجرم..اخاف منه

حاول يربط كلماتها المتقاطعه...وفهم انها شافته..
بس يمكن تتخيل؟

لا وش تتخيل دينـا عاقله ماهي مجنونه تتخيل اشياء ماهي موجوده..

سعود وهو يقعدها عالكنبه ويقعد جنبها ويمسح دموعها: خلاص ياقلبي...مافي احد بياخدك مني..لاتركي ولاالف واحد غيره..

سكتت وهي تطالع الباب برعب...تخاف يدخل عليهم وياخذها...

ويدها لازالت في فمها تقضم اظافرها..

تنهد بتعب وشال يدها من فمها...
البنت ماهي طبيعيه لهالدرجه تخاف من تركي؟

اعوذ بالله منك ياتركي كانك بتجنن البنت..


دينا: قفلت الباب؟
سعود: ليش؟
دينا بانفعال وصراخ: قوووووم قفله...قوم قوم,,الحين بيدخل علينـا..
سعود وهو متضايق: دينا...مجنونه انتي ولاصاحيه؟وين يدخل علينا الدنيا سايبه يعني
دينا بعصبيه وهي تهب فيه: انت حقير انت اناني...ماتخاف علي...انت مثل تركي...مثله مافي فرق...
روحي عني ماابي اشوفك اكرهك..

طالعها وهو مستغرب...لالا هذي مو زوجتي...
بدلوها ..
هذي وحده غيرها..

ليش تصارخ كذا؟
في حد عاقل يسوي اللي هي تسويه..

دق عليهم البـاب وانقطع حبـل افكار سعود..

دينا وعينها بتطلع من مكانها: شفت قلت لك بيجي ياخذني...انت ماتصدق...

راح بحركة تلقائيه لعنده ووقفت ورا ظهره...

طالعها سعود ببرود وجاء بيفتح..

دينا بصوت منخفض وهي تطالع الباب: لاتفتحه...لاتتكلم مانبيه يسمع صوتنـا...
سعود: اووف دينا اتركي حركات المبزره..

دفها عنه...وهي نزلت راسها تصيح...ليش يعاملني كذا؟
ليش مو خايف علي؟

فتح سعود الباب وعين دينـا معلقه عليه...

وكان مساعد

سعود: ياحيالله الخال اقرب اقرب
مساعد بلكنه اماراتيه: قريب قريب..مرحبا الساع
سعود: مرحبا مليون ولايسدن في ذمتيه....هههه

دخل مساعد وانصدم يوم شاف دينـا تصيح وترتجف شكلها مخيف..

مساعد وهو يطالع سعود: شفيها !!! سويت لها شئ...تكلم لا....
سعود يقاطعه: ماسويت لها شئ...تقدر تسألها...
مساعد وهو يقرب من دينا: اجل وش فيها؟
سعود: تقول شافت تركي...ياخي ماتسوي علينـا هالسفره كلها...
مساعد وهو يرفع شعرها عن وجهها: شفتيه؟
دينا بشفايف ترجف: كان يبي يخطفني...
مساعد وهو يكشر: متأكده؟
دينا: أي أي

وطاحت بحضن خالها اللي ممكن انه يتفهمها اكثر من سعود اللي مو مصدق سالفتها اصلا...

مساعد: طيب وين شفتيه قالك شئ؟
سعود: خاااااالي انت من جدك مصدقها...البنت تتخيل وين قاعدين يخطفها؟؟
دينا وهي تطالع سعود : خالي ليش سعود مايصدقني؟ والله اني مااكذب
مساعد وهو يطالع سعود بحقد: بالله البنت بتموت خايفه وانت تقول انها تتخيل...قسم بالله انك درج ماتعرف تتصرف...انقلع بس...

تأفأف سعود وطلع وخلاهم بروحهم...

دينا: خالي انت مصدقني؟
مساعد: أي مصدقك حبيبتي....بس الحين لاتخافين...احنا كلنـا وياكـ...صدقيني ماحد يقدر يسوي فيك شئ...
اذا رجعنـا السعوديه جد جد...بتصرف انا وابوك...وبيختفي تركي من حياتك..
دينا وهي تتطمن: جد خالي تتكلم؟
مساعد وهو يمسح على راسها: جد الجد....يلا يلا ماباقي شئ ونمشي....خاالتك مسويه عزيمه استقبال مانبي العشاء يفوتنـا..
دينا:هههههههه اوكي ...

طلـع عنها..اما هي كل مافكرت في اسلوب سعود وكلامه تحقد عليه..

تحسه عديم احساس ..

دقايق ودخل سعود..طالعته ببرود وقامت تشيل ملابسها..وهو يراقبها..

لاحظ انها ماتشيل ملابسه اللي عالسرير وتكتفي بملابسها..

سعود: وملابسي من يشيلهم؟
دينا: ماتعرف تحطهم في الشنطه بنفسك؟
سعود: اتوقع هالشئ من مهمامك ولا؟
دينا وهي تطالعه ببرود: امرك ياولد عمي ماطلبت غالـي..

راحت لمت كل اغراضه بهدوء وشالتهم...

سكرت الشنط وطالعته...:ها تبغاني بعد انزل الشنط لتحت بنفسي؟
سعود وهو متضايق من كلامها: please dont start
دينا: انت اللي بدأت..
سعود وهو يعصب: وانا شسويت..

يوم شافت عصبيته...فضلت تسكت...هي تعبانه ومتضايقه مالها خلق تسمع أي شئ..

دينا: اوكي لاتعصب...

كلم الرسبشن بالتلفون وهو معصب وقالهم يرسلون عامل..يشل الشنط..

في هالوقت هي لبست شيلتها واخذت كل اغراضها المتبقيه ونزلت بدون ماتقول له شئ...

وشافت تحت اسماء وفؤاد..

كانوا كالعاده مختلفين على شغله...وهي تحاول تثبت رايها بشتى الوسائل وفؤاد يعاندها..

قعدت دينا عالكرسي اللي مقابلهم...



........................
فؤاد: ياهلاااااا ومسهلا ببنت الخاله اللي تتغلى علينـا
دينا:هههه هلا فيك...ها شصاير؟
اسماء: دينوو شوفيه قاعد يغالطني...الحين وش اخر افلام احمد زكي...جعلتني مجرما ولا مطب صناعي
دينا: بالله هذا موضوعكم....على بالي عندكم سالفه
اسماء بزعل: صدقني جعلتني مجرما اخر شئ
فؤاد: لاتحاولين مطب صناعي اخر شئ...
اسماء: جعلتني مجرما
فؤاد: مطب صناعي
اسماء: اووه فيفوو
فؤاد وهو يقرب منها: عيونه انتي

استحت اسماء لان دينـا قاعده وياهم..
اما دينـا ابتسمت لهالثنائي اللي يكمل بعضه...

شوي ووصلت ديمه واميره وجوري .. ومعاهم مساعد

وعلاقه اميره وديمه الحين عال العال...بعد اللي سوته ديمه...

رغم ان اميره متضايقه لتجاهل فارس لها...بس ديمه اقنعتها ان نفسيته زفته بعد اللي صار...
ولازم تصبر عليه لين يرجعون ويرجع كل شئ طبيعي..

جوري مو داريه باللي يصير بين الثنيتن..ومطنشه السالفه ولافكرت تسأل فارس عن هذاك اليوم..

لانها حست انها سالفه عاديه دام ان الاوضاع رجعت روتينيه رتيبه..

باقي 3 افراد..فارس وابوريان وسعود...


مساعد: وين ابوريان....
فؤاد: عمي بسيارته .. بره...
مساعد: باقي سعود وفارس...قسم هذول اللي بيأخرونـا...نبي ناخذ الدرب بالنور...
اسماء: أي نبي نصل بدري...دقوا عليهم..
دينا: انا برقى اشوف زوجي..

وراحت عنهم للمصعد...حست ان كلمة زوجي طالعه منها حلووه..اول مره تقولها وهي قاصدتنها...

ابتسمت ووصلت للغرفه ودخلت...

دينا: سعوود...وينك
سعود: بالحمام ..

راحت لعند الحمام: بتطول....
سعود: شوي

طلع بعد دقيقتين...

سعود: عسى ماتأخرت عليكم..
دينا: الكل ينتظرك..تحت بسرعه

ناظرته وهي تتذكر اسلوبه البايخ وياها...
حبت تعانده شوي

دينا: بقولك شغله
سعود وهو يمشط شعره: هاتي
دينا: ابي اسوق لين الحدود...
سعود وهو يلف بسرعه: خيييير... وين قاعدين مدام دينـا...وش تسوقين بعد..
دينا: عادي ليش لا...
سعود: وتخيلي صادفتنـا دوريه وش نسوي فيك يامدام...بعد خليناك تسوقين هنا للظروره..لااكثر
دينا: قلت للحدود...لااكثر...وبعدين انا ماجيـت اخذ رايك
سعود بعصبيه: نجوم السماء اقرب لك...

نزلت وهي عاطيته طنــاش

وهوجهز نفسه ونزل..والكل كان موجود حتى فارس..

كانوا يسولفون...وديمه تطالع الرايح والجاي..

شافت احمد بيدخل الفندق بس يوم شافها مع اهلها وشكلهم بيسافروا..وقف يفكر..

بتروح خلاص؟..ماراح اشوفها مره ثانيه؟..

هي طالعته وتفكر...في شنو يفكر ياترى؟...

سوا لها حركه خلتها تنصدم...اشر لها بيده انها تجي لبره..وقال بحركة الشفايف...تعالي السوبر ماركت..

ياويل حالي جن الولد..وش يبي منـي..
اروح واشوف؟

واذا شافوني؟
لا ماراح يشوفون .. انا بدخل السوبر ماركت عادي...


ناظرت فارس كان مشغول يسولف مع اسماء..

ديمه: اممم بابا
ابوريان: هاحبيبتي
ديمه: بروح السوبر ماركت اوكي؟
مساعد: اووف دييموو مو وقته...خلاص نوقف في الدرب على بقاله يلا مشينـا..
ديمه: بروووح والله بشتري شغله مهمه جدا جدا جدا
اسماء: خلوها تروح...روحي حبيبتي ..
ديمه: يسلموو حياتي...

ودخلت ديمه السوبر ماركت وقلبها يدق وخايفه...لو حد شافني من اهلي..
بيذبحووني..

قوت نفسها..هي اخر مره تشوفه تغامر يلا مافيها شئ..

شافته عاطيها ظهره راحت وقفت وراه...

ديمه: احمد

لف بسرعه وهو مبتسم..: هلا ديمه
ديمه بخوف: شلون تأشر لي واهلي معاي؟ ماتخاف يذبحوك؟
احمد بحزن: لاتلوميني ياغلاتي....بتسافرين؟؟
ديمه: أي خلاص..
احمد: بس انا ماشبعـ...

كان بيقول ماشبع من شوفتها...كيف تروح بهالسرعه..

ديمه: كمل..
احمد: لا خلاص خلاص..يعني مابشوفك مره ثانيه؟
ديمه: الظاهر كذا...
احمد: اممم طيب ممكن اعطيك شغله تحتفظي فيها؟
ديمه: مااقبل هدايــا...
احمد: لاتعتبريها هديه...مجرد تذكار..
ديمه بحيره وهي تفكر بأهلها اللي برا: بسرعه احمد والله خايفه حد يشوفنـا..

طلع من جيبه دبدوب صغير وماسك رسالـه..
شراه لها امس وهو ناوي يعطيها في اقرب فرصه..
واليوم مناسب .. لانه ماراح يشوفها ثانيه..


احمد: تفضلي..

ابتسمت .. هي تحب الدباديب واجد..ترددت تاخذه او لا

احمد: اخذيه..

اخذته وحطته بالشنطه..

نروح لفارس...كان واقف على نــار ينتظرها...
كل هذا تشتري شئ مهم؟

وسعود اللي من طلعت دينا مع ابوها من اللوبي..وهو يشتعل نار منها..
شكلها ناويه تسوي اللي في بالها...

طلع والفضول ذابحه وشافها قاعده بسيارة ابوها مكان السايق وابوريان يضحك معها..

جن جنوونه...ياااعمي انت بعد تسمع كلامها..
بس وين شخصيتي؟
انا الرجال وهي الحرمه..
لازم تسمعني غصبا عنها...

نروح لفارس مره ثانيه...انتظرها فتره...بس الحبيبه مابيت..
لا بمووت اذا صبرت اكثر...


فارس: انا بروح اشوفها وراجع لكم..


دخل السوبر ماركت وهو معصب يبي الشاره بس علشان يهزأها ويزفها..

دورها يوم شافها كانت توها تمشي من عند احمد اللي عطاها ظهره ومشى..

شاف هالمشهد وطار العقل منـه..
وضرب اخماس بأسداس..

الحماره تقول بشتري شئ مهم..

هذا الشئ المهم يالمحترمه..
وهو بذبحه ياناس..خلاص بخلص عليه..
يوقف مع بنت عمي؟
بأي حق؟


راح لعندها وسحبها من يدها وقبضها بشكل عنيف : هذا الشئ المهم؟
ديمه بخوف: شنو؟
فارس وهو يطالع الناس: الحين الناس تطالعنا مااقدر اسوي شئ...اذا وصلنـا بذبحك واشرب من دمك ياقلية الحيا..

جرها ودزها قدامه وهي خايفه مره مره..

وراح يبي يتفاهم مع احمد بس اختفى !!
وين راح؟
دوره فارس مثل المجنون..
بس الولد طار..


صعدت السياره وهي خايفه من فارس وش بيسوي..

مساعد وهو يكلم ابوريان وجنبه سعود: يابو ريان ماعليك منها دلووعه
ابوريان وهو يمسك يد بنته: خليها تتدلع..كلي فداها
سعود بقهر: عمي وش تسوق...لو شافني حد من ربعي وش بيقول عني؟ مخلي مرته بكيفها تسوق؟..وبعدين لو صادفنا دوريات وطلبوا رخصتها..
ابوريان:هههههه ياسعود خلها...انا بتصرف...
سعود: عمي وش تتصرف المسأله فيها قانون...
دينا بزعل: خلاص مو مشكله ماابي اسوق..

وجات تبي تنزل بس ابوها منعها: لاتصير في نفسك لك نص ساعه مو اكثر
دينا وهي تطالع سعود: ممكن؟
سعود والشر يتطاير من عينه: نص ساعه..بس حدك

اووووف منك يادينوو..
اوريك اذا رجعنـا..

ودينا كانت مبسووطه طبعا...

سعود: فؤاد انت سوق سيارتي وانا بصعد معها...
ابوريان: هات هات اشووف.. انا اسوقها
سعود وهو يعطي عمه: تفضل عمي..


.......................

كانت بالسوق تشتري لها ملابس...خلاص مابقى شئ على ملكتها...

كانت معها اختها .. ومبسوطين واخيرا الفرح بيدخل حياتهم..

وتطلع فرح من قوقعتها وتتزوج..

سناء اخت فرح: اقول فروحه
فرح وهي مشغوله تطالع المحلات: اممم
سناء: فرحانه؟
فرح وهي تتنهد: بس خايفه...
سناء بهبالتها المعتاده: حد يحصل له مثل مساعد ويخاف...تدرين اذا ماتبيه ارسليه علي
فرح: لاوالله...ليش قاعدين نلعب احنـا
سناء: اقول اها لايكثر....شوفي هالفستان...

وكملوا تسوقهم وهم مبسوطين محد قدهم

...................
اماني بحيرتها محد يدري باللي في قلبها غير الله..

ااخ ياسمر...شسويتي في اخوي...ليه يحبك هالكثر وانتي ماتساهلين؟ ليييييييه

وفجأه جاء على بال اماني نسب خالد...وانه لقيط...
لو سمر عرفت وش بتسوي؟؟؟

قامت اماني من مكانها وهي متوتره وخايفه من جد...على اخوها من هالنسره سمور...

لازم اتصرف....خلاص مابسكت..بس كيف ياناس؟
وش اسوي؟

لو اقول لخالد عنها مابيصدق...وحتى لو صدق بيقول انها يمكن تغيرت وحبته...

لا هالطريقه ماتنفع...

كانت تمشي رايحه وجايه وتضرب يدينها في بعض....

دخلت عليها امل وهي بهالحاله...

امل: خير امون خانم شفيك؟

اماني وهي تطالع في امل وتفكر....اقول لها؟
أي بقول لها ليش لا...
امل اكبر وافهم مني..
وراح القى الحل عندها

اماني وهي تسحب يد اختها: اموول...انا في مشكله مو عارفه اتصرف...
امل وهي تمسك يد اختها تطمنها: خير حبيبتي شفيك؟
اماني: اخوي؟
امل: خلوود؟ ولا فؤاد؟
اماني: خلوود...
امل وهي تعتدل في جلستها: شفيه خالد؟
اماني: البنت اللي يحبها؟
امل وهي تكشر: وش فيها؟
اماني: طلعت اعرفها ياامل...
امل بحماس: انا اعرفها؟
اماني: أي تعرفينها....وشفتيها
امل ببروده تسري فيها: مين؟
اماني: سمر محمد الـ....
امل وهي تشهق: اللي سيرتها على كل لسان؟
اماني وهي تنزل راسها: ماودي اتكلم في البنت بس للاسف هذي هي
امل وهي تقوم مثل الثور الهايج: ابكسر راسها واريها شغلها زين
اماني: خييييييييير خييير....وش هالكلام...
امل: الحين هذي اللي ماتسوي قرش..مسويه علووم في اخووي وتبغيني اسكت...؟
اماني: للاسف اخوك مقتنع فيها...
امل: الا تعالي انتي كيف عرفتي؟
اماني: عطاني الحبيب رقمها ودقيت عليها وانصدمت...
امل وهي ترجع تجلس: صحيح مشكله...بس امون خالد كيف عرفها؟؟ شئ غريب..
اماني: قالي كانت داقه عليه غلطانه...وصار اللي صار
امل بخبث: غلطانه ها؟ مايمشي علي هالكلام...انا اخوي اعرفه ماعنده هالسوالف لكن هي السوسه اللي لعبت في مخه...

سكتت امل وهي تفكر...كيف ممكن سمر عرفت خالد؟
وبالصدفه تطلع اماني اختي صديقتها؟

لالا ماهي صدفه..مو معقوله...اكيد بحكم صداقتها مع اماني شافت خالد وعجبها...امممم ليش لا

امل: هي قد شافته مره؟
اماني: لا مااظن..
امل: متأكده؟
اماني وهي تفكر: أي...مااتوقع ....بس لالا لحظه تذكرت
امل: ها شنو؟
اماني: الا شافته معاي بيوم العيد في جوفريز....
امل: ايووه وبعدين؟
اماني: اذكر حتى انها قالت لي عندك اخو بهالحلاوه وخاشته عنا؟
امل وهي تضرب الطاوله القريبه من السرير بيدها: بس وصلنا خير....الاخت شافت خلوود وانلحس مخها
اماني: تهقين؟
امل: مليون بالمئه....
اماني: بس شلون جابت رقمه؟
امل: مو صعبه....
اماني: طيب امول...كل هالكلام مأخود خيره...نبي الحل كيف نبعدها عن خالد؟..خالد طيب وهي نسره...وبصراحه ماتستاهل اخوي...
امل: اممممم خليني انــا اتصرف معاه..واذا طلبت مساعدتك ساعتها بكلمك
اماني وهي تحضن امل تبوسها: فديتك يااحلى اخت بالعالم....
امل وهي تضرب على صدرها: بنت رجال اعجبك...
اماني:ههههههههههه

......................


الساعه 10 وصلوا من الكويت...الاوضاع ماكانت حلووه بشكل عام..

ديمه خايفه مره من فارس لانه شافها مع احمد...
فارس ميت غيره وقهر...بنتظر اقرب فرصه يختلي فيها مع ديمه حتى يعطيها عقابها..

سعود..ترك دينا تسوق نص ساعه وبعدها رجع سياره وابوريان رجع سيارته..وكملوا الدرب كلن في حاله ساكت..

جوري تعد الدقايق تبي تشوف ماجد ولهانه عليه حييل...

اسماء وفؤاد اخر رواق...بس تفكر في تحاليها...ومعزمه تروح تاخذهم خلال هاليومين...

اميره....حلم اصبح اقرب للسخافه....حلم ماله وجود...
ومصره على مشاعرها رغم تجاهل فارس الواضح لها...
بس الحب اعمى

الكل اجتمع في بيت ام سعود اللي مسويه عزيمه لسلامتهم...

الكل كان موجود ماحد ناقص...ضحك ووناسه وفلــه ..
والحياه حلووه بس نفهمها..

حتى لطيفه وريان وعيالهم كانوا موجودين ..
باستثناء نجود الصغنونه اللي اكيد لازالت بالمستشفى


بوسط هالقعده كانت تناظر الساعه...11...يلا بروح اكلمه مااقدر اصبر عنه اكثر...

طلعت جوري للحديقه ودقت على ماجد..

ماجد وبصوته نوم: الوو
جوري بنعومه وهدوء: نايم حبيبي؟
ماجد: هلا حبي....وحشتيني
جوري: وانت اكثر...خلاص كمل نومك ماازعجك...
ماجد: وين بتروحي...تعالي..
جوري وقلبها يدق لكلامه: امر بغيت شئ؟
ماجد: ابيك وش ابي غيرك...

سكتت شوي وهي مبتسمه بحيا...

ماجد: فديت اللي تستحي...وينك حبي؟اكيد بالسوق صح؟
جوري: امممم لا
ماجد: غريبه جالسه بالفندق؟
جوري: كمان لا
ماجد: اجل وين؟
جوري: تصدق لو اقولك اني اتنفس نفس الهواء اللي تتنفسه الحين..

ماصدق كلامها وقام فز من نومه: بالسعوديه؟؟؟؟؟؟؟؟؟
جوري:هههه أي
ماجد: لالا مااصدق.....متى وشلون؟
جوري: انت كمل نومك ولاصحيت ابعلمك...
ماجد: انام؟ قالت انام....وشلون انام وانتي قريبه مني....دقايق وانا عندك
جوري:هههههه لاتسرع هالله هالله....
ماجد: باي...

سكر بدون مايسمع ردها...لاحد يلومه هذي حبيبة قلبه جوري مو أي وحده..

بقت جالسه جوري بالحديقه تحتري وصوله....مرت ربع ساعه وماجد ماوصل..
بدت تحس بالتوتر...الخوف...

دقت عليه جواله مغلق..مسحت العرق عن جبينها اللي سببه التوتر والخوف...
وجلست لان رجلها بدت تخونها..
وقلبها يدق كل دقه اسرع من الثانيه..
ماتدري ليش...

رفعت عينها للسماء وهي تقول )) يارب احفظه لي مالي غيره ))

حست بسياره تقرب من المدخل ... لما دققت فيها راحت لعند البوابه وضغطت الزر وانفتحت البوابه...ودخلت سيارته..

ابتسمت له وفسحت له الطريق حتى يدخل...
وهي تتطمن ويزول كل خوفها..


وهي مشت بهدوء لعند البوابه الخلفيه...

نزل من السياره وهو مبتسم ويمشي ناحيتها بهدوء وهي قلبها يدق بقوه..تحس من زمان ماشافته..
بنفس الوقت ارتاحت لان ماصابه شئ...

لما صار مقابلها ماتفصل بينهم الا دقات مشتاقه واعين متلهفه..

كسر ماجد هالموقف بأنه مسك ذراعها بحنيه وطبع بوسه على جبينها...

نزلت راسها وهي مبتسمه وانتبهت لورده حمرا بيده..

ماجد وهي يعطيها الورده: لاحلى ورده بحياتي...
جوري وهي تاخذها: مشكور حبيبي...ليش تأخرت خفت عليك...
ماجد وهو يمسك يدها ويمشي معها للكراسي: كنت ادور محل ورد فاتح...وبالمووت لقيت
جوري:هههه اوكي...وليش مقفل جوالك؟
ماجد: الله يلعنه مافيه شحن....
جوري: امممم

تحس بتوتر يشابه توترها يوم ملكتها....
يمكن لانها ماشافته من ايام..
فرجع لها هاالاحساس..

ماجد وهو يطل بوجهها: سرحانه فيني ولا في الورده؟
جوري:هههههههههه....في الورده
ماجد وهو يمثل الزعل ويبرطم: لي الله متى اصير ورده حتى تسرحين فيني
جوري:هههههههههه مالت عليك....
ماجد: لك وحشه يالدبه...جد وحشتيني....حشى ماتسوى علينا هالخمسه ايام...كنها خمس سنين...
جوري وهي ترفع حاجب: يابكاش...

كانت لابسه بنطلون اسود لامع...وبلوزه واسعه بس تضيق على الاكمام....بلون احمر عنابي...
وحاطه روج عنابي اقرب للفوشي...وشادو ابيض...
وطالعه مثيره وجذابه..

قطع عليهم كلامهم مساعد وهو يقرب منهم...: لالالا مجووود هنا...ياشيخ اجل كل يوم بنسافر اذا بنشوفف هاللقطات الررومنصيه
ماجد:هههههههه هلا والله مساعد...

وقربوا الشباب وسلموا من بعض...وجوري مستحيه من خالها لانه شاف الموقف..

نروح لمكان ثاني في البيت...ديمه حابسه نفسها بغرفه جوري تصيح وتصييح..
خايفه من فارس وش بيسوي فيها....بنفس الوقت تلوم نفسها ليش اخذت الهديه من احمد ووقفت تكلمه...

رن جوالها وخمنت دايركت من المتصل

ديمه: نعم؟
فارس بصوت منخفض: لك دقيقه بس وابي اشوفك بره....يلا احتريك
ديمه: اووووف وش تبي انت خلاص حل عني.....قبل لااتصرف وياك تصرف ثاني
فارس بسخريه: تهددين؟ انا اللي مفروض اهدد...تبغين اوصل اللي شفتيه لابوك؟ وعاد تعرفين ابوك ماهو عصبي اصلا

ارتجففت من الخوف وهي تتخيل ابوها العصبي الحار وهو يجيها ويعطيها كف...

ديمه بتوسل: لاارجووك فارس...ابوي لايدري عن احمد..
فارس بتكبر: مرت نص دقيقه وللحين ماشفتك
ديمه وهي تمسح دموعها: ثواني

قامت المسكينه مسيره لامخيره لبست عبايتها ونزلت له...دورته وحصلته في مجلس الرجال قاعد بروحه...
سمت بسم الله وجات له..

فارس وهو يقوم وينظرها بغرور: صحيح ان البنات ماتجي الا بالتهديد والعين الحمرا..
ديمه وهي تنزل راسها: امر وش بغيت....

ابتسم بانتصار وقرب منها ومسك يدها بعنف: وش بينك وبينه؟
ديمه وهي تحاول تبعد عنه: ولاشئ...والله ولاشئ
فارس: امممم مصممه ماتتكلمين يعني؟
ديمه: اتركني...يافارس...اتركني قبل لاحد يشوفك ويسوي لك مشكله...انا بنت عمك كيف هنت عليك كييف

ونزلت راسها تصيح بشكل يعور القلب
...اما الحبيب حس انه حقير...

ياربي وش جاني انــا هذي حبيبتي ديمه...مو أي بنت...
حسبي الله عاللي كان السبب حسبي الله عليهم..
احمد واميره...

هم السبب...ماحد غيرهم سبب لنا المشاكل...

فارس وهو يدمع: اسف يالغاليه...اسف عسى يدي الكسر اذا فكرت امدها عليك ثاني مره
ديمه وهي ترفع راسها له: والله مابيني وبين احمد أي شئ...ناداني ورحت اشوف وش يبي بحسن نيه...والله ماابي منه حاجه وهو نفس الشئ...
فارس: وليش رحتي له؟هذي التربيه والاخلاق ياديمه؟

نزلت راسها وهي تحس بغلطتها ودموعها تطيح اربع اربع على خدها..

وفارس واقف مقابلها عاجز..وده يحضنها يخفف عنها بس مايقدر..

اللي قدر يسويه سحب منديل ومسح دموعها وقالها بهدوء مخلوط برومنسيه: اللي اعرفه ان بنت عمي بنت رجال مو حيالله..ماابي اغير هالنظره..
ديمه بأيجاب: من عيوني..
فارس: تسلم عيونكـ...مع السلامه..

تركها وطلع..وهي تطالعه ..
ابتسم لطييبة ولد عمها..
وهي مقرره ترجع علاقة الاخوه والصداقه مثل ماكانت قبل

..........................

..................................

وفارس واقف مقابلها عاجز..وده يحضنها يخفف عنها بس مايقدر..

اللي قدر يسويه سحب منديل ومسح دموعها وقالها بهدوء مخلوط برومنسيه: اللي اعرفه ان بنت عمي بنت رجال مو حيالله..ماابي اغير هالنظره..
ديمه بأيجاب: من عيوني..
فارس: تسلم عيونكـ...مع السلامه..

تركها وطلع..وهي تطالعه ..
ابتسم لطييبة ولد عمها..
وهي مقرره ترجع علاقة الاخوه والصداقه مثل ماكانت قبل
واميره بكيفها بتزعل ولابالطقاق..
اهم شئ فارس اخوي وصديقي اللي اعزه من كل قلبي...


اما فارس قوى قلبه..وفي لحظه تجمعت قوى العالم بقلبه..
صحيح اني احبها وابغاها بس رفضتني...
مو فارس اللي ترده بنت حتى لو كانت بنت عمه..

احبك ياديمه جد...بس مااقدر افرض نفسي عليك اكثر..
الله يسامحك..

..........................

البحث لازال جاري..
من وحده للثانيه
من رجال للثاني..

وين خالد؟

وين بيتهم؟

كيف اقدر اوصل لهم...مدرري

رغم انهم عائلـه كبيره لها سمعتها وصيتها بين الناس..
بس الشرقيه كبييييره حييل

مابقدر اوصل لهم بسهولـه..

سكرت التلفون بعصبيه..

هذي ام خالد حصه..اللي مصممه توصل لولدها اللي تنازلت عنه بيوم من الايام..

ويوم دارت الدنيـا عليها حبت ترجعه لها...
لانها وحيده..
ماحد وياهـا..

ولو عرف خالد عنها ماراح يتركها...وهي مستعده تسوي المستحيل علشان ترجعه لها..

للاسف كانت هذي افكارهـا...
والله يستر من اللي جاي بالطريق..

مسكين ياخالـد...ماتدري باللي صاير حولك...

بس هل ياترى بتقدر توصل له وتاخذه لها؟؟


........................

بعد يومين من رجعتهم...

كان موعد ملكة مساعد وفرح..واللي تقدم وقتها بسبب مساعد..اللي فجأه نزل عليه حب الزواج..هههههه
ويبي الزواج بعدها بأسبوع..
وهالقرار صدم الكل..

مساعد يملك ويتزوج خلال اسبوع !!!


في البيت العود كان ريان وسعود وياه..

مساعد وهو يقعد ويرجع يقوم: اوووووف ماكنت ادري ان الزواج يوتر كذا
سعود: والله انت اللي استعجلت اجل اليوم الملكه والزواج الاسبوع الجاي
مساعد: اوووف مو ناقصك انــا...
ريان وهو يربت على كتف خاله: ياخال لاتخاف اسأل مجرب...فلها وربك يحلها ( وغمز لخاله )
مساعد: يلا يلا تأخرنـا اخوها يحترينـا منذو مبطي
سعود:ههههههههه يلا يلا مشينـا..

وطلعوا الشباب متوجهين لبيت فرح...وقابلوا اخوها اللي اصلا ساكن بحايل مثل ماذكرنـا..
بس هالمناسبه خلته يترك كل شئ ويجي علشان اخته..

واجتمعوا باقي الرجال ومن ضمنهم اكيد ابوريان اللي حس انه يزوج ولد من اولاده...

لان مكانة مساعد عنده حيل حيل كبيره..

وتمت الملكه...ومساعد متحمس لهالتجربه الجديده الفريده من نوعها...

عند الحريم فرح متوتره وخايفه بس وجود امل وباقي البنات حولها مبسط عليها الامر...

وتقول دام البنات والحريم يحبونها مافي أي مشاكل..
واكيد مساعد بيحبها اكثر واكثر..

اسماء تعالوا شوي نوصف حالتها...

طرف اصبعها في فمها...فكرها هايم في المستشفى...
والله اني غبيه ادري..
مايحتاج تقولون..

اكيد نتايج تحاليلي طلعت وانا للحين ساكته ولاحركت ساكن..

مشكلتي ابي فؤاد يروح معاي بس انه انشغل هااليومين في الشركه...
ماقدر يروح معي..

وانا بصراحه خايفه بمووت من الخوف
ماابي اروح من دونه..فديت قلبه..

انتبهت اسماء لامها اللي تراقبها من اول السهره..
وحاولت ترسم على شفاتها شبه ابتسامه..
لكن امها مايطوفها شئ..
وعرفت اسماء في شنو تفكر...



سعود من اتصلت فيه جوري وباله مشغول...
وش فيها دينـا..


وسع خطواته للفندق...وشاف جوري على حالتها قاعده..

سعود: شمقعدك قدام خلق الله؟
جوري: اووووووف طفش زهق...
سعود: احمدي ربك ... غيرك قاعد حكره في البيت..
جوري: اقول روح شوف مرتك لاهنت
سعود: يلا سي يوو...وانتي بترقين لفوق معاي
جوري: لا بجلس هنــا
سعود وهو يمسك يدها ويمشي معها: مو بكيفك..

وصلها اخوها لغرفتهـا..وراح هو لغرفته وغرفة دينـا..

كان الباب مفتوح شوي..شفيها جنت تخلي الباب مفتوح وهي بروحها؟
لو حد لاسمح الله دخل عليها؟

وش قاعد افكر انـا..احنا في بلد امان..في الكويت ولانسيت...مالت علي..

دخل شاف منظر ماتوقعه..انصدم...

دموعها تطيح على خدها بصمت...ماتطلع منها الا تنهدات خفيفه..
وتقضم اظافرها بفمها..
وتطالع المكان برعب..

سكر الباب وراح بخطوات واسعه لها..

دينا يوم حست بحد حولها صرخت وقامت بسرعه: لالا ارجووك اتركني...لاتاخذني معاك...ارجوك تركي..انا ماسويت لك شئ..

وجات تبي تطلع من الغرفه بس مسكها بقوه وهزها

سعود بعصبيه: انا سعود...شفيك..

طالعته برعب وتأكدت....اي هذا سعود زوجي..

بعدت عنه وقعدت عاالارض وهي تصيح صياح يقطع القلب..

البنت عايشه في كابوس تركي اللي شكلـه ماراح ينتهي..

عورت قلبه راح وشالها بحضنها..
مسكت فيه وهي تصيح ...وهو يسمع ويحس ضربات قلبها المجنونه

سعود بهدوء: خلاص دينـا...ماتسوى عليك..
دينا وهي تمسك بلوزته وتشد عليها: لاتخليني بروحي...كان يبي يخطفني انـا شفته...شفته..
لكني...ركضت بسرعه...بس هو مجرم..اخاف منه

حاول يربط كلماتها المتقاطعه...وفهم انها شافته..
بس يمكن تتخيل؟

لا وش تتخيل دينـا عاقله ماهي مجنونه تتخيل اشياء ماهي موجوده..

سعود وهو يقعدها عالكنبه ويقعد جنبها ويمسح دموعها: خلاص ياقلبي...مافي احد بياخدك مني..لاتركي ولاالف واحد غيره..

سكتت وهي تطالع الباب برعب...تخاف يدخل عليهم وياخذها...

ويدها لازالت في فمها تقضم اظافرها..

تنهد بتعب وشال يدها من فمها...
البنت ماهي طبيعيه لهالدرجه تخاف من تركي؟

اعوذ بالله منك ياتركي كانك بتجنن البنت..


دينا: قفلت الباب؟
سعود: ليش؟
دينا بانفعال وصراخ: قوووووم قفله...قوم قوم,,الحين بيدخل علينـا..
سعود وهو متضايق: دينا...مجنونه انتي ولاصاحيه؟وين يدخل علينا الدنيا سايبه يعني
دينا بعصبيه وهي تهب فيه: انت حقير انت اناني...ماتخاف علي...انت مثل تركي...مثله مافي فرق...
روحي عني ماابي اشوفك اكرهك..

طالعها وهو مستغرب...لالا هذي مو زوجتي...
بدلوها ..
هذي وحده غيرها..

ليش تصارخ كذا؟
في حد عاقل يسوي اللي هي تسويه..

دق عليهم البـاب وانقطع حبـل افكار سعود..

دينا وعينها بتطلع من مكانها: شفت قلت لك بيجي ياخذني...انت ماتصدق...

راح بحركة تلقائيه لعنده ووقفت ورا ظهره...

طالعها سعود ببرود وجاء بيفتح..

دينا بصوت منخفض وهي تطالع الباب: لاتفتحه...لاتتكلم مانبيه يسمع صوتنـا...
سعود: اووف دينا اتركي حركات المبزره..

دفها عنه...وهي نزلت راسها تصيح...ليش يعاملني كذا؟
ليش مو خايف علي؟

فتح سعود الباب وعين دينـا معلقه عليه...

وكان مساعد

سعود: ياحيالله الخال اقرب اقرب
مساعد بلكنه اماراتيه: قريب قريب..مرحبا الساع
سعود: مرحبا مليون ولايسدن في ذمتيه....هههه

دخل مساعد وانصدم يوم شاف دينـا تصيح وترتجف شكلها مخيف..

مساعد وهو يطالع سعود: شفيها !!! سويت لها شئ...تكلم لا....
سعود يقاطعه: ماسويت لها شئ...تقدر تسألها...
مساعد وهو يقرب من دينا: اجل وش فيها؟
سعود: تقول شافت تركي...ياخي ماتسوي علينـا هالسفره كلها...
مساعد وهو يرفع شعرها عن وجهها: شفتيه؟
دينا بشفايف ترجف: كان يبي يخطفني...
مساعد وهو يكشر: متأكده؟
دينا: أي أي

وطاحت بحضن خالها اللي ممكن انه يتفهمها اكثر من سعود اللي مو مصدق سالفتها اصلا...

مساعد: طيب وين شفتيه قالك شئ؟
سعود: خاااااالي انت من جدك مصدقها...البنت تتخيل وين قاعدين يخطفها؟؟
دينا وهي تطالع سعود : خالي ليش سعود مايصدقني؟ والله اني مااكذب
مساعد وهو يطالع سعود بحقد: بالله البنت بتموت خايفه وانت تقول انها تتخيل...قسم بالله انك درج ماتعرف تتصرف...انقلع بس...

تأفأف سعود وطلع وخلاهم بروحهم...

دينا: خالي انت مصدقني؟
مساعد: أي مصدقك حبيبتي....بس الحين لاتخافين...احنا كلنـا وياكـ...صدقيني ماحد يقدر يسوي فيك شئ...
اذا رجعنـا السعوديه جد جد...بتصرف انا وابوك...وبيختفي تركي من حياتك..
دينا وهي تتطمن: جد خالي تتكلم؟
مساعد وهو يمسح على راسها: جد الجد....يلا يلا ماباقي شئ ونمشي....خاالتك مسويه عزيمه استقبال مانبي العشاء يفوتنـا..
دينا:هههههههه اوكي ...

طلـع عنها..اما هي كل مافكرت في اسلوب سعود وكلامه تحقد عليه..

تحسه عديم احساس ..

دقايق ودخل سعود..طالعته ببرود وقامت تشيل ملابسها..وهو يراقبها..

لاحظ انها ماتشيل ملابسه اللي عالسرير وتكتفي بملابسها..

سعود: وملابسي من يشيلهم؟
دينا: ماتعرف تحطهم في الشنطه بنفسك؟
سعود: اتوقع هالشئ من مهمامك ولا؟
دينا وهي تطالعه ببرود: امرك ياولد عمي ماطلبت غالـي..

راحت لمت كل اغراضه بهدوء وشالتهم...

سكرت الشنط وطالعته...:ها تبغاني بعد انزل الشنط لتحت بنفسي؟
سعود وهو متضايق من كلامها: please dont start
دينا: انت اللي بدأت..
سعود وهو يعصب: وانا شسويت..

يوم شافت عصبيته...فضلت تسكت...هي تعبانه ومتضايقه مالها خلق تسمع أي شئ..

دينا: اوكي لاتعصب...

كلم الرسبشن بالتلفون وهو معصب وقالهم يرسلون عامل..يشل الشنط..

في هالوقت هي لبست شيلتها واخذت كل اغراضها المتبقيه ونزلت بدون ماتقول له شئ...

وشافت تحت اسماء وفؤاد..

كانوا كالعاده مختلفين على شغله...وهي تحاول تثبت رايها بشتى الوسائل وفؤاد يعاندها..

قعدت دينا عالكرسي اللي مقابلهم...



........................
فؤاد: ياهلاااااا ومسهلا ببنت الخاله اللي تتغلى علينـا
دينا:هههه هلا فيك...ها شصاير؟
اسماء: دينوو شوفيه قاعد يغالطني...الحين وش اخر افلام احمد زكي...جعلتني مجرما ولا مطب صناعي
دينا: بالله هذا موضوعكم....على بالي عندكم سالفه
اسماء بزعل: صدقني جعلتني مجرما اخر شئ
فؤاد: لاتحاولين مطب صناعي اخر شئ...
اسماء: جعلتني مجرما
فؤاد: مطب صناعي
اسماء: اووه فيفوو
فؤاد وهو يقرب منها: عيونه انتي

استحت اسماء لان دينـا قاعده وياهم..
اما دينـا ابتسمت لهالثنائي اللي يكمل بعضه...

شوي ووصلت ديمه واميره وجوري .. ومعاهم مساعد

وعلاقه اميره وديمه الحين عال العال...بعد اللي سوته ديمه...

رغم ان اميره متضايقه لتجاهل فارس لها...بس ديمه اقنعتها ان نفسيته زفته بعد اللي صار...
ولازم تصبر عليه لين يرجعون ويرجع كل شئ طبيعي..

جوري مو داريه باللي يصير بين الثنيتن..ومطنشه السالفه ولافكرت تسأل فارس عن هذاك اليوم..

لانها حست انها سالفه عاديه دام ان الاوضاع رجعت روتينيه رتيبه..

باقي 3 افراد..فارس وابوريان وسعود...


مساعد: وين ابوريان....
فؤاد: عمي بسيارته .. بره...
مساعد: باقي سعود وفارس...قسم هذول اللي بيأخرونـا...نبي ناخذ الدرب بالنور...
اسماء: أي نبي نصل بدري...دقوا عليهم..
دينا: انا برقى اشوف زوجي..

وراحت عنهم للمصعد...حست ان كلمة زوجي طالعه منها حلووه..اول مره تقولها وهي قاصدتنها...

ابتسمت ووصلت للغرفه ودخلت...

دينا: سعوود...وينك
سعود: بالحمام ..

راحت لعند الحمام: بتطول....
سعود: شوي

طلع بعد دقيقتين...

سعود: عسى ماتأخرت عليكم..
دينا: الكل ينتظرك..تحت بسرعه

ناظرته وهي تتذكر اسلوبه البايخ وياها...
حبت تعانده شوي

دينا: بقولك شغله
سعود وهو يمشط شعره: هاتي
دينا: ابي اسوق لين الحدود...
سعود وهو يلف بسرعه: خيييير... وين قاعدين مدام دينـا...وش تسوقين بعد..
دينا: عادي ليش لا...
سعود: وتخيلي صادفتنـا دوريه وش نسوي فيك يامدام...بعد خليناك تسوقين هنا للظروره..لااكثر
دينا: قلت للحدود...لااكثر...وبعدين انا ماجيـت اخذ رايك
سعود بعصبيه: نجوم السماء اقرب لك...

نزلت وهي عاطيته طنــاش

وهوجهز نفسه ونزل..والكل كان موجود حتى فارس..

كانوا يسولفون...وديمه تطالع الرايح والجاي..

شافت احمد بيدخل الفندق بس يوم شافها مع اهلها وشكلهم بيسافروا..وقف يفكر..

بتروح خلاص؟..ماراح اشوفها مره ثانيه؟..

هي طالعته وتفكر...في شنو يفكر ياترى؟...

سوا لها حركه خلتها تنصدم...اشر لها بيده انها تجي لبره..وقال بحركة الشفايف...تعالي السوبر ماركت..

ياويل حالي جن الولد..وش يبي منـي..
اروح واشوف؟

واذا شافوني؟
لا ماراح يشوفون .. انا بدخل السوبر ماركت عادي...


ناظرت فارس كان مشغول يسولف مع اسماء..

ديمه: اممم بابا
ابوريان: هاحبيبتي
ديمه: بروح السوبر ماركت اوكي؟
مساعد: اووف دييموو مو وقته...خلاص نوقف في الدرب على بقاله يلا مشينـا..
ديمه: بروووح والله بشتري شغله مهمه جدا جدا جدا
اسماء: خلوها تروح...روحي حبيبتي ..
ديمه: يسلموو حياتي...

ودخلت ديمه السوبر ماركت وقلبها يدق وخايفه...لو حد شافني من اهلي..
بيذبحووني..

قوت نفسها..هي اخر مره تشوفه تغامر يلا مافيها شئ..

شافته عاطيها ظهره راحت وقفت وراه...

ديمه: احمد

لف بسرعه وهو مبتسم..: هلا ديمه
ديمه بخوف: شلون تأشر لي واهلي معاي؟ ماتخاف يذبحوك؟
احمد بحزن: لاتلوميني ياغلاتي....بتسافرين؟؟
ديمه: أي خلاص..
احمد: بس انا ماشبعـ...

كان بيقول ماشبع من شوفتها...كيف تروح بهالسرعه..

ديمه: كمل..
احمد: لا خلاص خلاص..يعني مابشوفك مره ثانيه؟
ديمه: الظاهر كذا...
احمد: اممم طيب ممكن اعطيك شغله تحتفظي فيها؟
ديمه: مااقبل هدايــا...
احمد: لاتعتبريها هديه...مجرد تذكار..
ديمه بحيره وهي تفكر بأهلها اللي برا: بسرعه احمد والله خايفه حد يشوفنـا..

طلع من جيبه دبدوب صغير وماسك رسالـه..
شراه لها امس وهو ناوي يعطيها في اقرب فرصه..
واليوم مناسب .. لانه ماراح يشوفها ثانيه..


احمد: تفضلي..

ابتسمت .. هي تحب الدباديب واجد..ترددت تاخذه او لا

احمد: اخذيه..

اخذته وحطته بالشنطه..

نروح لفارس...كان واقف على نــار ينتظرها...
كل هذا تشتري شئ مهم؟

وسعود اللي من طلعت دينا مع ابوها من اللوبي..وهو يشتعل نار منها..
شكلها ناويه تسوي اللي في بالها...

طلع والفضول ذابحه وشافها قاعده بسيارة ابوها مكان السايق وابوريان يضحك معها..

جن جنوونه...ياااعمي انت بعد تسمع كلامها..
بس وين شخصيتي؟
انا الرجال وهي الحرمه..
لازم تسمعني غصبا عنها...

نروح لفارس مره ثانيه...انتظرها فتره...بس الحبيبه مابيت..
لا بمووت اذا صبرت اكثر...


فارس: انا بروح اشوفها وراجع لكم..


دخل السوبر ماركت وهو معصب يبي الشاره بس علشان يهزأها ويزفها..

دورها يوم شافها كانت توها تمشي من عند احمد اللي عطاها ظهره ومشى..

شاف هالمشهد وطار العقل منـه..
وضرب اخماس بأسداس..

الحماره تقول بشتري شئ مهم..

هذا الشئ المهم يالمحترمه..
وهو بذبحه ياناس..خلاص بخلص عليه..
يوقف مع بنت عمي؟
بأي حق؟


راح لعندها وسحبها من يدها وقبضها بشكل عنيف : هذا الشئ المهم؟
ديمه بخوف: شنو؟
فارس وهو يطالع الناس: الحين الناس تطالعنا مااقدر اسوي شئ...اذا وصلنـا بذبحك واشرب من دمك ياقلية الحيا..

جرها ودزها قدامه وهي خايفه مره مره..

وراح يبي يتفاهم مع احمد بس اختفى !!
وين راح؟
دوره فارس مثل المجنون..
بس الولد طار..


صعدت السياره وهي خايفه من فارس وش بيسوي..

مساعد وهو يكلم ابوريان وجنبه سعود: يابو ريان ماعليك منها دلووعه
ابوريان وهو يمسك يد بنته: خليها تتدلع..كلي فداها
سعود بقهر: عمي وش تسوق...لو شافني حد من ربعي وش بيقول عني؟ مخلي مرته بكيفها تسوق؟..وبعدين لو صادفنا دوريات وطلبوا رخصتها..
ابوريان:هههههه ياسعود خلها...انا بتصرف...
سعود: عمي وش تتصرف المسأله فيها قانون...
دينا بزعل: خلاص مو مشكله ماابي اسوق..

وجات تبي تنزل بس ابوها منعها: لاتصير في نفسك لك نص ساعه مو اكثر
دينا وهي تطالع سعود: ممكن؟
سعود والشر يتطاير من عينه: نص ساعه..بس حدك

اووووف منك يادينوو..
اوريك اذا رجعنـا..

ودينا كانت مبسووطه طبعا...

سعود: فؤاد انت سوق سيارتي وانا بصعد معها...
ابوريان: هات هات اشووف.. انا اسوقها
سعود وهو يعطي عمه: تفضل عمي..


.......................

كانت بالسوق تشتري لها ملابس...خلاص مابقى شئ على ملكتها...

كانت معها اختها .. ومبسوطين واخيرا الفرح بيدخل حياتهم..

وتطلع فرح من قوقعتها وتتزوج..

سناء اخت فرح: اقول فروحه
فرح وهي مشغوله تطالع المحلات: اممم
سناء: فرحانه؟
فرح وهي تتنهد: بس خايفه...
سناء بهبالتها المعتاده: حد يحصل له مثل مساعد ويخاف...تدرين اذا ماتبيه ارسليه علي
فرح: لاوالله...ليش قاعدين نلعب احنـا
سناء: اقول اها لايكثر....شوفي هالفستان...

وكملوا تسوقهم وهم مبسوطين محد قدهم

...................
اماني بحيرتها محد يدري باللي في قلبها غير الله..

ااخ ياسمر...شسويتي في اخوي...ليه يحبك هالكثر وانتي ماتساهلين؟ ليييييييه

وفجأه جاء على بال اماني نسب خالد...وانه لقيط...
لو سمر عرفت وش بتسوي؟؟؟

قامت اماني من مكانها وهي متوتره وخايفه من جد...على اخوها من هالنسره سمور...

لازم اتصرف....خلاص مابسكت..بس كيف ياناس؟
وش اسوي؟

لو اقول لخالد عنها مابيصدق...وحتى لو صدق بيقول انها يمكن تغيرت وحبته...

لا هالطريقه ماتنفع...

كانت تمشي رايحه وجايه وتضرب يدينها في بعض....

دخلت عليها امل وهي بهالحاله...

امل: خير امون خانم شفيك؟

اماني وهي تطالع في امل وتفكر....اقول لها؟
أي بقول لها ليش لا...
امل اكبر وافهم مني..
وراح القى الحل عندها

اماني وهي تسحب يد اختها: اموول...انا في مشكله مو عارفه اتصرف...
امل وهي تمسك يد اختها تطمنها: خير حبيبتي شفيك؟
اماني: اخوي؟
امل: خلوود؟ ولا فؤاد؟
اماني: خلوود...
امل وهي تعتدل في جلستها: شفيه خالد؟
اماني: البنت اللي يحبها؟
امل وهي تكشر: وش فيها؟
اماني: طلعت اعرفها ياامل...
امل بحماس: انا اعرفها؟
اماني: أي تعرفينها....وشفتيها
امل ببروده تسري فيها: مين؟
اماني: سمر محمد الـ....
امل وهي تشهق: اللي سيرتها على كل لسان؟
اماني وهي تنزل راسها: ماودي اتكلم في البنت بس للاسف هذي هي
امل وهي تقوم مثل الثور الهايج: ابكسر راسها واريها شغلها زين
اماني: خييييييييير خييير....وش هالكلام...
امل: الحين هذي اللي ماتسوي قرش..مسويه علووم في اخووي وتبغيني اسكت...؟
اماني: للاسف اخوك مقتنع فيها...
امل: الا تعالي انتي كيف عرفتي؟
اماني: عطاني الحبيب رقمها ودقيت عليها وانصدمت...
امل وهي ترجع تجلس: صحيح مشكله...بس امون خالد كيف عرفها؟؟ شئ غريب..
اماني: قالي كانت داقه عليه غلطانه...وصار اللي صار
امل بخبث: غلطانه ها؟ مايمشي علي هالكلام...انا اخوي اعرفه ماعنده هالسوالف لكن هي السوسه اللي لعبت في مخه...

سكتت امل وهي تفكر...كيف ممكن سمر عرفت خالد؟
وبالصدفه تطلع اماني اختي صديقتها؟

لالا ماهي صدفه..مو معقوله...اكيد بحكم صداقتها مع اماني شافت خالد وعجبها...امممم ليش لا

امل: هي قد شافته مره؟
اماني: لا مااظن..
امل: متأكده؟
اماني وهي تفكر: أي...مااتوقع ....بس لالا لحظه تذكرت
امل: ها شنو؟
اماني: الا شافته معاي بيوم العيد في جوفريز....
امل: ايووه وبعدين؟
اماني: اذكر حتى انها قالت لي عندك اخو بهالحلاوه وخاشته عنا؟
امل وهي تضرب الطاوله القريبه من السرير بيدها: بس وصلنا خير....الاخت شافت خلوود وانلحس مخها
اماني: تهقين؟
امل: مليون بالمئه....
اماني: بس شلون جابت رقمه؟
امل: مو صعبه....
اماني: طيب امول...كل هالكلام مأخود خيره...نبي الحل كيف نبعدها عن خالد؟..خالد طيب وهي نسره...وبصراحه ماتستاهل اخوي...
امل: اممممم خليني انــا اتصرف معاه..واذا طلبت مساعدتك ساعتها بكلمك
اماني وهي تحضن امل تبوسها: فديتك يااحلى اخت بالعالم....
امل وهي تضرب على صدرها: بنت رجال اعجبك...
اماني:ههههههههههه

......................


الساعه 10 وصلوا من الكويت...الاوضاع ماكانت حلووه بشكل عام..

ديمه خايفه مره من فارس لانه شافها مع احمد...
فارس ميت غيره وقهر...بنتظر اقرب فرصه يختلي فيها مع ديمه حتى يعطيها عقابها..

سعود..ترك دينا تسوق نص ساعه وبعدها رجع سياره وابوريان رجع سيارته..وكملوا الدرب كلن في حاله ساكت..

جوري تعد الدقايق تبي تشوف ماجد ولهانه عليه حييل...

اسماء وفؤاد اخر رواق...بس تفكر في تحاليها...ومعزمه تروح تاخذهم خلال هاليومين...

اميره....حلم اصبح اقرب للسخافه....حلم ماله وجود...
ومصره على مشاعرها رغم تجاهل فارس الواضح لها...
بس الحب اعمى

الكل اجتمع في بيت ام سعود اللي مسويه عزيمه لسلامتهم...

الكل كان موجود ماحد ناقص...ضحك ووناسه وفلــه ..
والحياه حلووه بس نفهمها..

حتى لطيفه وريان وعيالهم كانوا موجودين ..
باستثناء نجود الصغنونه اللي اكيد لازالت بالمستشفى


بوسط هالقعده كانت تناظر الساعه...11...يلا بروح اكلمه مااقدر اصبر عنه اكثر...

طلعت جوري للحديقه ودقت على ماجد..

ماجد وبصوته نوم: الوو
جوري بنعومه وهدوء: نايم حبيبي؟
ماجد: هلا حبي....وحشتيني
جوري: وانت اكثر...خلاص كمل نومك ماازعجك...
ماجد: وين بتروحي...تعالي..
جوري وقلبها يدق لكلامه: امر بغيت شئ؟
ماجد: ابيك وش ابي غيرك...

سكتت شوي وهي مبتسمه بحيا...

ماجد: فديت اللي تستحي...وينك حبي؟اكيد بالسوق صح؟
جوري: امممم لا
ماجد: غريبه جالسه بالفندق؟
جوري: كمان لا
ماجد: اجل وين؟
جوري: تصدق لو اقولك اني اتنفس نفس الهواء اللي تتنفسه الحين..

ماصدق كلامها وقام فز من نومه: بالسعوديه؟؟؟؟؟؟؟؟؟
جوري:هههه أي
ماجد: لالا مااصدق.....متى وشلون؟
جوري: انت كمل نومك ولاصحيت ابعلمك...
ماجد: انام؟ قالت انام....وشلون انام وانتي قريبه مني....دقايق وانا عندك
جوري:هههههه لاتسرع هالله هالله....
ماجد: باي...

سكر بدون مايسمع ردها...لاحد يلومه هذي حبيبة قلبه جوري مو أي وحده..

بقت جالسه جوري بالحديقه تحتري وصوله....مرت ربع ساعه وماجد ماوصل..
بدت تحس بالتوتر...الخوف...

دقت عليه جواله مغلق..مسحت العرق عن جبينها اللي سببه التوتر والخوف...
وجلست لان رجلها بدت تخونها..
وقلبها يدق كل دقه اسرع من الثانيه..
ماتدري ليش...

رفعت عينها للسماء وهي تقول )) يارب احفظه لي مالي غيره ))

حست بسياره تقرب من المدخل ... لما دققت فيها راحت لعند البوابه وضغطت الزر وانفتحت البوابه...ودخلت سيارته..

ابتسمت له وفسحت له الطريق حتى يدخل...
وهي تتطمن ويزول كل خوفها..


وهي مشت بهدوء لعند البوابه الخلفيه...

نزل من السياره وهو مبتسم ويمشي ناحيتها بهدوء وهي قلبها يدق بقوه..تحس من زمان ماشافته..
بنفس الوقت ارتاحت لان ماصابه شئ...

لما صار مقابلها ماتفصل بينهم الا دقات مشتاقه واعين متلهفه..

كسر ماجد هالموقف بأنه مسك ذراعها بحنيه وطبع بوسه على جبينها...

نزلت راسها وهي مبتسمه وانتبهت لورده حمرا بيده..

ماجد وهي يعطيها الورده: لاحلى ورده بحياتي...
جوري وهي تاخذها: مشكور حبيبي...ليش تأخرت خفت عليك...
ماجد وهو يمسك يدها ويمشي معها للكراسي: كنت ادور محل ورد فاتح...وبالمووت لقيت
جوري:هههه اوكي...وليش مقفل جوالك؟
ماجد: الله يلعنه مافيه شحن....
جوري: امممم

تحس بتوتر يشابه توترها يوم ملكتها....
يمكن لانها ماشافته من ايام..
فرجع لها هاالاحساس..

ماجد وهو يطل بوجهها: سرحانه فيني ولا في الورده؟
جوري:هههههههههه....في الورده
ماجد وهو يمثل الزعل ويبرطم: لي الله متى اصير ورده حتى تسرحين فيني
جوري:هههههههههه مالت عليك....
ماجد: لك وحشه يالدبه...جد وحشتيني....حشى ماتسوى علينا هالخمسه ايام...كنها خمس سنين...
جوري وهي ترفع حاجب: يابكاش...

كانت لابسه بنطلون اسود لامع...وبلوزه واسعه بس تضيق على الاكمام....بلون احمر عنابي...
وحاطه روج عنابي اقرب للفوشي...وشادو ابيض...
وطالعه مثيره وجذابه..

قطع عليهم كلامهم مساعد وهو يقرب منهم...: لالالا مجووود هنا...ياشيخ اجل كل يوم بنسافر اذا بنشوفف هاللقطات الررومنصيه
ماجد:هههههههه هلا والله مساعد...

وقربوا الشباب وسلموا من بعض...وجوري مستحيه من خالها لانه شاف الموقف..

نروح لمكان ثاني في البيت...ديمه حابسه نفسها بغرفه جوري تصيح وتصييح..
خايفه من فارس وش بيسوي فيها....بنفس الوقت تلوم نفسها ليش اخذت الهديه من احمد ووقفت تكلمه...

رن جوالها وخمنت دايركت من المتصل

ديمه: نعم؟
فارس بصوت منخفض: لك دقيقه بس وابي اشوفك بره....يلا احتريك
ديمه: اووووف وش تبي انت خلاص حل عني.....قبل لااتصرف وياك تصرف ثاني
فارس بسخريه: تهددين؟ انا اللي مفروض اهدد...تبغين اوصل اللي شفتيه لابوك؟ وعاد تعرفين ابوك ماهو عصبي اصلا

ارتجففت من الخوف وهي تتخيل ابوها العصبي الحار وهو يجيها ويعطيها كف...

ديمه بتوسل: لاارجووك فارس...ابوي لايدري عن احمد..
فارس بتكبر: مرت نص دقيقه وللحين ماشفتك
ديمه وهي تمسح دموعها: ثواني

قامت المسكينه مسيره لامخيره لبست عبايتها ونزلت له...دورته وحصلته في مجلس الرجال قاعد بروحه...
سمت بسم الله وجات له..

فارس وهو يقوم وينظرها بغرور: صحيح ان البنات ماتجي الا بالتهديد والعين الحمرا..
ديمه وهي تنزل راسها: امر وش بغيت....

ابتسم بانتصار وقرب منها ومسك يدها بعنف: وش بينك وبينه؟
ديمه وهي تحاول تبعد عنه: ولاشئ...والله ولاشئ
فارس: امممم مصممه ماتتكلمين يعني؟
ديمه: اتركني...يافارس...اتركني قبل لاحد يشوفك ويسوي لك مشكله...انا بنت عمك كيف هنت عليك كييف

ونزلت راسها تصيح بشكل يعور القلب
...اما الحبيب حس انه حقير...

ياربي وش جاني انــا هذي حبيبتي ديمه...مو أي بنت...
حسبي الله عاللي كان السبب حسبي الله عليهم..
احمد واميره...

هم السبب...ماحد غيرهم سبب لنا المشاكل...

فارس وهو يدمع: اسف يالغاليه...اسف عسى يدي الكسر اذا فكرت امدها عليك ثاني مره
ديمه وهي ترفع راسها له: والله مابيني وبين احمد أي شئ...ناداني ورحت اشوف وش يبي بحسن نيه...والله ماابي منه حاجه وهو نفس الشئ...
فارس: وليش رحتي له؟هذي التربيه والاخلاق ياديمه؟

نزلت راسها وهي تحس بغلطتها ودموعها تطيح اربع اربع على خدها..

وفارس واقف مقابلها عاجز..وده يحضنها يخفف عنها بس مايقدر..

اللي قدر يسويه سحب منديل ومسح دموعها وقالها بهدوء مخلوط برومنسيه: اللي اعرفه ان بنت عمي بنت رجال مو حيالله..ماابي اغير هالنظره..
ديمه بأيجاب: من عيوني..
فارس: تسلم عيونكـ...مع السلامه..

تركها وطلع..وهي تطالعه ..
ابتسم لطييبة ولد عمها..
وهي مقرره ترجع علاقة الاخوه والصداقه مثل ماكانت قبل

..........................

..................................

وفارس واقف مقابلها عاجز..وده يحضنها يخفف عنها بس مايقدر..

اللي قدر يسويه سحب منديل ومسح دموعها وقالها بهدوء مخلوط برومنسيه: اللي اعرفه ان بنت عمي بنت رجال مو حيالله..ماابي اغير هالنظره..
ديمه بأيجاب: من عيوني..
فارس: تسلم عيونكـ...مع السلامه..

تركها وطلع..وهي تطالعه ..
ابتسم لطييبة ولد عمها..
وهي مقرره ترجع علاقة الاخوه والصداقه مثل ماكانت قبل
واميره بكيفها بتزعل ولابالطقاق..
اهم شئ فارس اخوي وصديقي اللي اعزه من كل قلبي...


اما فارس قوى قلبه..وفي لحظه تجمعت قوى العالم بقلبه..
صحيح اني احبها وابغاها بس رفضتني...
مو فارس اللي ترده بنت حتى لو كانت بنت عمه..

احبك ياديمه جد...بس مااقدر افرض نفسي عليك اكثر..
الله يسامحك..

..........................

البحث لازال جاري..
من وحده للثانيه
من رجال للثاني..

وين خالد؟

وين بيتهم؟

كيف اقدر اوصل لهم...مدرري

رغم انهم عائلـه كبيره لها سمعتها وصيتها بين الناس..
بس الشرقيه كبييييره حييل

مابقدر اوصل لهم بسهولـه..

سكرت التلفون بعصبيه..

هذي ام خالد حصه..اللي مصممه توصل لولدها اللي تنازلت عنه بيوم من الايام..

ويوم دارت الدنيـا عليها حبت ترجعه لها...
لانها وحيده..
ماحد وياهـا..

ولو عرف خالد عنها ماراح يتركها...وهي مستعده تسوي المستحيل علشان ترجعه لها..

للاسف كانت هذي افكارهـا...
والله يستر من اللي جاي بالطريق..

مسكين ياخالـد...ماتدري باللي صاير حولك...

بس هل ياترى بتقدر توصل له وتاخذه لها؟؟


........................

بعد يومين من رجعتهم...

كان موعد ملكة مساعد وفرح..واللي تقدم وقتها بسبب مساعد..اللي فجأه نزل عليه حب الزواج..هههههه
ويبي الزواج بعدها بأسبوع..
وهالقرار صدم الكل..

مساعد يملك ويتزوج خلال اسبوع !!!


في البيت العود كان ريان وسعود وياه..

مساعد وهو يقعد ويرجع يقوم: اوووووف ماكنت ادري ان الزواج يوتر كذا
سعود: والله انت اللي استعجلت اجل اليوم الملكه والزواج الاسبوع الجاي
مساعد: اوووف مو ناقصك انــا...
ريان وهو يربت على كتف خاله: ياخال لاتخاف اسأل مجرب...فلها وربك يحلها ( وغمز لخاله )
مساعد: يلا يلا تأخرنـا اخوها يحترينـا منذو مبطي
سعود:ههههههههه يلا يلا مشينـا..

وطلعوا الشباب متوجهين لبيت فرح...وقابلوا اخوها اللي اصلا ساكن بحايل مثل ماذكرنـا..
بس هالمناسبه خلته يترك كل شئ ويجي علشان اخته..

واجتمعوا باقي الرجال ومن ضمنهم اكيد ابوريان اللي حس انه يزوج ولد من اولاده...

لان مكانة مساعد عنده حيل حيل كبيره..

وتمت الملكه...ومساعد متحمس لهالتجربه الجديده الفريده من نوعها...

عند الحريم فرح متوتره وخايفه بس وجود امل وباقي البنات حولها مبسط عليها الامر...

وتقول دام البنات والحريم يحبونها مافي أي مشاكل..
واكيد مساعد بيحبها اكثر واكثر..

اسماء تعالوا شوي نوصف حالتها...

طرف اصبعها في فمها...فكرها هايم في المستشفى...
والله اني غبيه ادري..
مايحتاج تقولون..

اكيد نتايج تحاليلي طلعت وانا للحين ساكته ولاحركت ساكن..

مشكلتي ابي فؤاد يروح معاي بس انه انشغل هااليومين في الشركه...
ماقدر يروح معي..

وانا بصراحه خايفه بمووت من الخوف
ماابي اروح من دونه..فديت قلبه..

انتبهت اسماء لامها اللي تراقبها من اول السهره..
وحاولت ترسم على شفاتها شبه ابتسامه..
لكن امها مايطوفها شئ..
وعرفت اسماء في شنو تفكر...



لطيفه كانت بعد موجوده وقاعده جنب فرح من الناحيه الثانيه..

ديمه: اقول لطيفه
لطيفه: لبيه قلبي
ديمه: متى نجود بتطلع من المستشفى؟
لطيفه: اممممممم مطوله شوي
ام ريان وهي تمسك يد لطيفه: تطمني يابنتي..بتطلع وتشبعين منها....ادعي بس الله يحميها ويشفيها

سكتت لطيفه ولفت تناظر ام ريان بخوف...يشفيها؟
ليه بنتي مريضه؟
لا بنتي سليمه مافيها شئ...
نقص نمو لااكثر...
وشهر وراح نقدر ناخذها من المستشفى..

حست ان قلبها يعورها ويدق بخوف...حاولت تتجاهل هالمشاعر علشان ماتخرب الليله بدموعها وشوقها لحضن فلذه كبدها نجود..

قامت ام فؤاد قدام كل الجالسين وطلعت من كيس طقم الماسي يلمع...

كل الانظار توجت لها وهي تلبسه فرح...
ابتسمت فرح بخجل وماعرفت وش تقول..

ام فؤاد: هذي شبكتك يمه....عسى ربي يبارك لك ..
فرح ببتسامه مرتبكه: تسلمين لي خالتي..

سكتت فرح وهي تفكر بصمت...ماراح يلبسني الشبكه بنفسه؟
وخلى اخته تلبسني..

حز بخاطرها شوي...وحاولت تبحث عن الاسباب..

حست امل بهالشئ لانها كمان انصدمت...

امل وهي تكلم امها بصوت منخفض: حبيب خواته ليش ماتعب نفسه ولبسها الشبكه بنفسه؟
ام فؤاد وهي تضرب امل ببطنها: وجع قصري حسك....انا تصرفت من نفسي...اعرف اخوي مسكين يستحي...
امل وهي تضرب يد بيد: لا عز الله رحنـا فيهاااااااااااا هو بدون شئ مستخف ... قال شنو يستحي أي هين يوزع عالحاره حيا
ام فؤاد: يلا انطمي لاتحشين في اخووي
امل وهي تميل فمها: الله والاخوو الوليد على غفلــه...
ام فؤاد: خيييييييييير
امل: لا ابد ياامي..

وابتسمت امل ابتسامة كرست وراحت جنب اسماء

اسماء: وييي خالي مابيدخل عالبنت يشوفها؟
امل: بيدخل....بس امي الحلوه تصرفت بكيفها ولبستها الشبكه
اسماء:هههههه مشكله العجايز...
امل وهي تناظر فستان اسماء الاحمر الحرير: والله شئ هالفستان سموي .. ماتوقعته بيطلع عليم كذا حلوو
اسماء: قلت لك ذوق فؤاد دائما حلوو ومااختاره الا وهو متأكد انه بيطلع علي خيال
امل وهي تغمز: احمر والليله حمرا وياارض هدي ماعليك قدي واحاول اخفي احساسي
اسماء:هههههههههههه قسم بالله انتي سااالفه
امل: اعجبك افا عليك


بعدها بعشر دقايق بالضبط قرر مساعد يقعد مع البنت...
وفضوا له المكان كل البنات قاموا وتركوا فرح لوحدها...
حتى يدخل عليها مساعد..

دخل مساعد ومعاه اخو فرح ابو عبدالرحمن

ابوعبدالرحمن: عاد يامساعد مايحتاج اوصيك عليها...تراها مثل بنتي بحاتيها وبخاف عليها
مساعد ببتسامه: لاتطمن يابوعبدالرحمن...البنت في عيونا..

سلم عليها اخوها وبكت في حضنه...لانها مشتاقه له..
من بعد اهلها هو الام والاب وكل شئ...
بس للاسف ساكن بعيد عنهم...
ولظروف مرضه الخبييث يقضي طول وقته بالمستشفى...
ولايزورهم واجد..

ابوعبدالرحمن وهم يمسح على شعرها: مبروك فروحه..يلا من قدك الليله صرتي عروس...يلا اخليك مع زوجك وانا بالمجلس ابكلمك بعدين....

ابتسمت بخجل ونزلت راسها ومساعد مسكين طاير منه العقل..
لا بمووت ياناس انـا الليله وش هاللي اشوفه..

اقولكم وش اشوف...

ملاك بصورة بشر...تجنن .. تهبل...لو بس تشوفوها ماتلوموني...

تشبه الممثله شسمها....امممم أي ميساء مغربي...
نفس النعومه .. بمووت انا خلاص


الشعر اسود فاحم...البشره صافيه مثل القطن...
وابتسامتها تدوخ اللي مايدوخ...

حس مساعد ان ابوعبدالرحمن ترك لهم المكان لوحدهم...

مشى مساعد حتى يصير مقابلها وهي بعدت مشت على ورا..
وصدمت في الكنبه...

مافي مفر...!!

مساعد:هههههههه...شايفتني جني..


قرب منها وباسها على جبينها...وهي ماتت خلاص...
يدها ترجف كأنها قاعده في القطب الشمالي...

بصراحه مساعد خاف لايجيها شئ..
وين امووول تنقذني من الموقف؟

رفعت راسها للمره الأولى تناظره.....
اوف عليه جمال..
خيالي...

انتبه انها تناظره وفي نظرتها شئ من الاعجاب اللي تحاول تخفيه..

مساعد بغرور: بدون ماتقولين ادري....
فرح بصدمه ولاول مره تنطق قدامه: تدري بشنو؟
مساعد : اني حلوو
فرح وهي ترفع حاجب: مغرور...
مساعد: ويحق لي..

ماعجبها كلامه...من اولها كذا؟

بس مااهتمت مثل ماهو حلو...هي بعد تجنن...
مررت يدها بغرور على شعرها وجلست...

جن على حركتها...ومات على غرورها..

مساعد وهو يقعد جنبها وينتبه للشبكه: مثل ماتوقعت تصرفت بكيفها...
فرح وهي تلف له: وش تقصد؟
مساعد: هذي

وحط يده على العقد اللي لابسته برقبتها....
حست ان لمسته لها خنـقتها مافي اكسجين...
مافي هواء...

رغم انه حط يده وشالها بسرعه...

لاحظ مساعد ان الوانها تغيرت مره...

مساعد وهو يرفع حاجب: خلاص اسفين...لاتموتين علينــا
فرح وهي تلف له: لاتعاودها...

سكت مساعد ونزل راسه....وش هالنفس الخايسه؟
انا وش متزوج؟
بكل قواة عين تقول لي لاتعاودها...
ليش بكيفها؟
اخر زمن حريم يتكلمون بعد...

مساعد: اممم اجل كل شئ جاهز للعرس؟
فرح وهي تبتسم وتنزل راسها: أي
مساعد وترد له الروح: وين تبغين نسافر شهر العسل؟

سكت مساعد وهو متوقع سيل من الاقتراحات والاراء منها..
فجهز نفسه لطلبات البنات المعتاده والمبالغه طبعا..

فرح بهدوء: أي مكان عادي...
مساعد باستغراب: أي مكان؟
فرح: انت الرجال...شور علي

اعجبه احترامها لـه..

مساعد وهو يفرك يدينه ببعض ويعدل قعدته: شوفي انا احب فرنسـا ولندن....شرايك اختاري؟
فرح بحيره: انا ماقد رحت أي مكان من قبل..مااعرف..انت اختار

حسها في هاللحظه طفله بريئه بتمشي على شوره مهما كان..

مساعد ببتسامه خيال: خليها مفاجـأه..

ابتسمت برضا...ودخلوا خواته عليهم وهم مبسوطين من فرح اللي من جد دخلت على قلوبهم الفرح

ام سعود وهي تحضن سعود وتحضن فرح: مابغينا ياخووي نشووفك معرس يافديت قلبك
ام فؤاد: عقبال ياحبيبي مانشوف عيالك قول امين
مساعد وهو يطالع فرح بخبث: امين امييين
ام ريان وهي تضربه على كتفه: وجع..لاتخرع البنت عاد

ضحكت فرح بأحراج من تعليق ام ريان...
وحست براحه تغمرها ..
الحمدلله طلعوا اهله طيبين..
احمدك ياربي..

وشوي ووصلوا كل البنات اللي لعوزوا مساعد وفرح بتعليقاتهم..

نروح لزاويه ثانيه..

كانت سناء قاعده مع جدتها بروحها...وتفكر في فرحة اختها...

مسحت سناء دمعة طاحت على خدها

الجده: يمه سناء قومي اقعدي مع البنات فشيله جايين بيتنا وتاريكينهم بروحهم..
سناء: يمه..احسهم مغرورين...مدري ليش وخاصه هذيك اللي اسمها ديمه ماتقبلتها ابد ابد
الجده: دايم تحكمين على العالم من اول نظره...(وهي تربت على كتف بنتها) قومي يمه هاتي الكيك اللي بالمطبخ اللي برا...
سناء: من وين طالبينه؟
الجده: انتي يابنت ليش ملقوفه..وش عرفني من وين جابوه
سناء وهي ترفع يدها: ياااااارب من سعد الدين ابي تيرا ميسووو قولي يمه امين
الجده وهي تضرب كف بكف: ماهي بصاحيه هالبنت...
سناء:ههههههههههه

لفت سناء الشيله بأهمال وهي ماتتوقع اصلا تشوف حد بس للاحتياط...
لان اكيد كل الرجال بمجلسهم...
وماحد بيطلع لناحية المطبخ اللي صاير من ورا البيت...

ركضت بخفه وبخباله وهي تغني....اسمي ماركو الصغيره اهلا بكم يااصدقااااااء
ماروكووووووووو...ماروكوووو� �وو

ويافرحه ماتمت طاحت ماروكو الخبله بعد ماتزحلقت بالمويه اللي عاالارض....

سناء: ااااااااااااي اااااااي.....ياخساره تسرحيتك يامارووكو......>>> لها خلق تنكت الاخت بعد...
الله يلعن هالشغالات..يغسلون الارض ولاينشوف الموويه..

ماسمعت الا صوت ضحكه هزت المكان من حولها....انصدمت وفتحت عينها عاالاخر...
ضحكه رجال؟
ووين؟
هنا عندي؟

اجل بالراديوو

لالا اكيد اتخيل...

قامت بسرعه وهي ترتب فستانها اللي تلعوز بالمويه ... وهي معصبه ومو مستوعبه هالموقف السريع...

رفعت راسها تدور مصدر الضحكه..شـــافته مقابلها وهو ميت ضحك..

ولما استوعب قرب لها بسرعه: عسى ماتعورتي بس
سناء هي تنسى انها بس بشيله وماعليها عبايه: ضحكت بدون ضروس ياقليل الحيا

انفجر خالد من الضحك...

تتسائلون وش جيب خالد لهنـا...
الحبيب كان يكلم حبيبة قلبه شينة الحلايا سمور...
وطلع الحديقه يتمشى ويكلمها >> الاخ مفكر انه بهاواي....

خالد:ههههههههههههه خبله انتي وربي روحي بس عدلي فستانك...

وطالع خالد فستانها...كان خيال في خيال...بس حس على نفسه...
وش اللي قاعد يسويه مهما كان هذي بنت غريبه عنه...

قبل لايشيل عينه منها قربت منه سناء تبي تضربه كف: انت ماتستحي كيف تطالعني كذا
خالد وهو يمسك يدها بقوه: حيلك حيلك....مايصير التفاهم كذا...
سناء وهي منصدمه من جرأته: انت..انت...(وهي تصرخ) اترررررررررررركني

تركها وراحت تركض تركض

خالد: ياماروكو حاسبي لاتطيحين مره ثانيه هههههههه
سناء وهي تطالعه من بعيد: هاهاها مسوي ظريف ماتضحك
خالد:هههههههههههههه قسم بالله فله وربي فله

دخلت وهي تبي تصيح وش هالموقف الغبي...
والله انا الغبيه مفروض اكفخه كف...
بس ماقدرت...مسكني و...

وشنو ...

ااخ بس تبغون الصراحه يالجماعه وسيم يهبل..
بصراحه شكل عائلتهم رزه...
كل واحد يقول الزود عندي...

مساعد يهبل وهالخبل اللي شفته يجنن
وسعود زوج دينا شفت صورته بالصدفه بجوالها حاطته خلفيتها....وبصراحه قطعه..

ضربت راسها وهي تضحك على نفسها ولبست هالمره عبايتها وطلعت جابت الكيك وماكان هو موجود

....................

بعد 3 ساعات..في بيت ابوريان..

لطيفه كانت قاعده على طرف السرير وسرحانه في نجود...بنتها البعيده عنها

حست بريان يقعد جنبها ويضمها بقوه لصدره....
ابتسمت لحركته وحطت يدينها ورا ظهره تضمه اكثر

ريان وهو يكلمها في اذنها برومنسيه: حبيبتي في شنو سرحانه؟
لطيفه: نجود
ريان وهو يبعد ويقابلها: وش فيها نجود كل خير
لطيفه وهي تسرح: اليوم خالتي قالت شئ خوفني
ريان: اللي هو؟
لطيفه وهي تحط عينها بعينه: قالت الله يشفيها ويطلعها بالسلامه
ريان بربكه: أي عادي...
لطيفه وهي تحس بارتباكه لانها تعرفه زين: في شئ انــا مااعرفه؟
ريان: لا....لا
لطيفه وهي تمسك يده: ريان تكفى قول لـي...بنتي فيها شئ انا مااعرفه؟
ريان: يابنت الحلال بنتك مافيها شئ

وكان بيقوم يتهرب منها...لكنها مسكت ذراعه ووقفت مقابله: حبيبي...لاتخبي علي...انا ام..والام تحس بعيالها..قلبي ليش مو متطمن؟
ريان وهو يبعد نظره عنها ويتنهد: بنتك فيها فجوه بقلبها
لطيفه بصدمه: يعني شنو؟
ريان: يعني قلبها مو سليم
لطيفه وهي تفتح عينها عاالاخر: بتموت نجود يعني؟
ريان وهو يمسكها من اكتافها يقويها: لطيفه انتي انسانه مؤمنه....والفجوه بتلتأم مع الايام...واذا ماراحت الدكتور مضطر يسوي لها عمليه

نزلت دموعها وقعدت بيأس على السرير....بنتي صغيره ماتعدت الايام وتدخل غرفة العمليات..كيف بتتحمل وهي ضعيفه..

ريان وهو يبوس راسها ويحضنها: حبي...كل شئ بأرادة ربك...اهم شئ نسوي اللي علينا وندعي لها...
وبعدين تصير كثير هاليومين...ماهي مشكله
لطيفه وهي ترفع راسها له: يعني بتعيش؟
ريان بخفه دم: ياشيخه بتعيش شدعووووه عاد...بنتي بطله طالعة علي....

ابتسمت وهي تحاول تذكر ربها وتتطمن...

.......................

https://song5.6arab.com/3abdelmajeed_3omry.ram

جلست على الصوفـا الخضرا اللي بزوايه غرفتهم...
وفسخت الصندل الاسود اللي عليها...

شوي الا يدخل سعود عليها وهو ياكل تفاحه...

دينا: الله جوعانه ابي
سعود: مافيه الا وحده...
دينا بزعل: خلاص مانبي
سعود بنذاله: تبغين تعالي اكلي معاي
دينا وهي تتخصر: لاياعيوووني ...

قعد جنبها وهو ياكل ذيك التفاحه الحمرا الشهيه وهي تطالع ... اووف جوعانه ماتعشت ولااكلت شئ من الظهر...
اللهم شربت عصير برتقال واكلت قطعه كيك صغييره مرره...

لف يطالعها وهو يستنذل...

دينا وهي تلف عنه: بخيل...طول عمرك...

ترك التفاحه على الطاوله بدون مايكملها...

سعود: خلاص ماابيها....
دينا: ليش؟
سعود وهو يقرب منها ويحط يده حول كتفها: ابي تفاحتي الثانيه
دينا وهي تضربه بصدره وترتبك: وقح...
سعود: عجب...زوجتي كيفي...
دينا وهي تتدلع: واذا زوجتك يعني؟
سعود: احب دلعك..
دينا وقلبها يدق من جرأته وكلامه الغريب نوعا ما عليها: بس دلعي؟
سعود وهو مبهور فيها : واحب عيونك وابتسامتك...وحنيتك..ورقتك..

طالعته بعين .. تختلج فيها معاني كثيره...من اهمها الخوف من شئ...
وش هو ماتدري

سعود وهو يضم يدها بقوه: ليش خايفه مني؟
دينا برقه متناهيه: عمري ماخفت منك
سعود: ابد ابد؟
دينا ببتسامه: ابد...
سعود: ولاكرهتيني بيوم؟
دينا: هذي ماانكرها...كنت اكرهك واكرهك بكل مافيني
سعود وهو يقرب ويهمس بأذنها: وتفاحتي تكرهني للحين؟
دينا وهي تغمض عينها وتبتسم: لا...
فتحت عينها...تطالعه...

عمري مافكرت فيك ...
وماخطر بالبال حبك...
لين قلبي قال ابيك...
وقالت عيوني احبك.....




أي احبه ياناس....حد مايحب هالطيبه والحنان؟

حبيبته ... بكل مافيه...بحسناته وعيوبه...
هه بس وش الفايده وهو مايحبني...
ويحب وحده غيري...
انتهت من هالعالم من زمان...
بس قلبه لازال متعلق فيها...



ادري تستغربون هالحب اللي جاء بوسط كومه من الاحقاد والكره واللامبالاه...واهم شئ..الكبرياء..

بس كان في شعور اقوي يحركني تجاهه...طول الوقت..
كنت اجهل هالشعور..واخاف منه..

الحين وانا اطالع عينه اللي تسحر كل من شافها...
تأكدت اني احبه..
للاسف احبه..وهو مايحبني...


دينا وهي تدمع وتسحب نفسها من احضانه: عن اذنك
سعود وهو يكشر ويسحبها لحضنه: دينـا...شفيك ؟

كان مستغرب كيف تقطع هاللحظه الرومنسيه بهالبساطه...
وليش هالدمعه اللي غرقت عيونها الناعسه...

دينا وهي تحاول تكابر مشاعرها اللي تجتاحها بعنف: ابي انام تعبانه...
سعود وهو يحاول يستلطفها ويستميلها: انا قايل اني بسهر معاك اليوم للصبح...من زمان ماقعدنـا مع بعض...

انهت كلامه بنظره صارمه منها ودخلت تبدل ملابسها...
لبست ثوب نوم سكري...من الحرير يوصل لركبتها ..
يعتبر ساتر نوعا ما...

وترك شعرها مثل ماهو على اكتافها...
وخففت المكياج..
وقلبها يدق بعنف بين ضلوعها...

لا تعذبني ياولد عمي...مااقدر اعطيك واعطيك بدون مااخذ ..

انا ماابي منك شئ...
ولاشئ..

غير حبــــك...واخلاصك...
ابيك جسدا وروحا لدينـا وبس...

الظاهر انك يادينا تحلمين واجد...
سعود مايفكر فيك ياحلوه...
سعود اسير بسمه للابد..


دارت دمعه على وشك النزول وطلعت...
لقته واقف في البلكونه..

ابستمت بينها وبين نفسها وهي تشوف هيئته من ورا...
تعجبها هيئته ...
عريض ووسيم..
وشعره الاسود الفاحم وعيونه الواسعه تجننها اكثر واكثر...
ناهيك عن ابتسامته اللي تذوب الصخر...

قلبها يشدها له....
بس عقلها يرجعها الف خطوه لورا...

واحترت انــا بين عقلي وقلبي...
وش اسوي..

دائما قلب الانثى يهزم عقلها...قوت خطواتها وتقدمت له...
وبتردد وخوف لفت ذراعها حول خصره من ورا وسندت راسها على ظهره..

ماحست الا بيدينه تسحبها لحضنه برومنسيه...وهو يقرب وجهه منها ..

سعود: ليش تعانديني؟
دينا بدلع: كيفي
سعود وهو يقرص خدها: هين ... ابوريك يادينووه...
دينا وهي تطالع برا وتحط راسها على صدره: يامحلى الشرقيه...
سعود: الشرقيه موحلوه الا بوجود....

وسكت...ناظرته وهي مبتسمه حتى يكمل

سعود: ماتحلى الشرقيه الا بوجودي طبعا
دينا وهي تعصب: وجع وانا اللي اقول تبي تغازلني
سعود وهو يحضنها ويضحك:ههههههههههه مالت عليك
دينا: سعود...يلا بدخل انــام وراي دوام بكره...
سعود: بتسوين اللي براسك وترجعين العياده بكره...
دينا: أي خلاص....
سعود: امرك يامدام...

ضمها لصدره ودخلوا داخل الغرفه..

.....................


في بيت ام فؤاد...في جناح فؤاد واسماء...

اسماء وهي معصبه: خلاص لاتحاااول خلي الهنديه تنفعك
فؤاد:ههههههههههه والله امزح...
اسماء: الحين ياالدب جاي تقولي شفت اليوم ذيك الشغاله الهنديه اللي تطير الطيح من السما وتبغاني ادق اصبع وارقص....
فؤاد وهو يحضنها وهي تبعده: ياشينك لاتدلعتي امزززززززح ياهنديه طيب
اسماء وهي تشد اذنه: هنديه بنتك
فؤاد: لاتجيبين طاري بنتي على لسانك فاهمه

حست بالدموع تتجمع فجأه بعينها....دايم هالطاري يوترها يخوفها...

فؤاد وهو يحس لها: حبيبي سوسو ليش هالدموع...امزح وربي امزح...
اسماء وهي تصد: ابغاك تروح معاي المستشفى..
فؤاد وهو ناسي امر التحاليل: ليييه فيك شئ

ولفها من اكتافها يطالعها بتفحص

اسماء وهي تحاول ماتبكي رغم ان صوتها بدأ يتغير: التحاليل
فؤاد بضيقه: أي....
اسماء: ماودك تروح معاي ؟
فؤاد وهو يقعد عالكنبه اللي جنب السرير: من يقول بالعكس..

حست ان الجو صار مكهرب...ثقيييل...
دخلت بدلت ولبست بيجامه ورديه حرير... ورفعت شعرها ذيل الحصان وطلعت...

كان منزل راسه وشكله سرحان يفكر بعمق..وقاعد يلعب بطرف فراش السرير..

مالت علي ... كان ضروري يعني افتح هالسيره..اوووف..
فديتك فيفوو احبه ياناس...
حتى وهو يفكر يهبل...

راحت جنبه ولفت يدينها حول ذراعه وحطت راسها على صدره: تفكر في الهنديه؟
فؤاد:هههههههههههه واحلى هنديه
اسماء: فيفووووووو عاد بلا مصاخه.... اقول متى الاخ ناوي ينام؟
فؤاد وهو يطالعها: ماودي انــام...
اسماء وهي تقوم عنه بدلع: بكيفك انا بنام سلااام
فؤاد وهو يسحبها: وانا هندي تخليني بروحي هنا
اسماء: شفيك انت عالهنود اليووم...
فؤاد وهو يبرطم: سموووي لاتغيرين الموضوع
اسماء وهي تبوسه على خده: فديت الزعووولين...كان عندك فلم زين هات نتابعه....
فؤاد: فلم؟..لاماودي اتابع فلم يالخبله
اسماء : اجل؟

ناظرها وهو مبتسم بخبث..
هي ضربته على يده وجات بتقوم...بس سحبها لحضنه..
ضحكت غصبا عنها...


فؤاد وهو يطلع من الدرج فلم هندي: شراااااااااايك
اسماء بتشكك: بعد هندي؟(وهي تقوم) لالالا في الموضوع انااااااا شسالفتك انت اليووووم
فؤاد: اقول عن الهرج...بقوم اشووفه...الحقيني اذا بغيتي

وطلع عنها وهي واقفه مكانها....وش موقفني هنااااااا اروح معاه ازين لي

وتابعوا فلمهم الهندي وهالعاده صارت رسميه عندهم كل يومين...>>> مدمنين افلام : )

................................

بنفس البيت بس بزاويه ثانيه امل واماني....
قاعدين جنب بعض...
ويسولفوا...

واماني ماتدرري اختها امل على شنو ناويه الليله

امل وهي تطالع الساعه: مو كأن اخوك تأخر؟
اماني: مين؟
امل: عاصي الحلاني...مين يعني خلوود
اماني وهي تاكل سلطه فؤاكه: اهاااااااا
امل وهي تطالعها بنص عين: ابلعي ابلعي....مطرح مايسري يهري
اماني:هاااااااا؟؟؟؟؟
امل: احم اقصد يبني....اكلي اكلي وش وراك...

ووصل الاخ خالد بعد نص ساعه وهو يغني وطرباااان عاالاخر..

شايف البحر شو كبير...
كبر البحر بحبك..
شايف السما شو بعيده..
بعد السما بحبك..



امل بصوت منخفض: امحق امحق.....صار فيروز زمانه اخاف يحوشه شئ بس
اماني: ههههههههاااااي
امل بصوت عالي حتى يسمعها: اقووووووول فيرووز تعالي هنــا
خالد وهو يقعد جنب امول: نطرتك سنه ياطول السنه واسأل شجر الجوز..بشوفك بالصحو جاي من الصحو وضايع بورق اللوز...
امل: استغفر الله.....(حطت رجل على رجل) لاخلصت الوصله الغنائيه صحيني من النووم

وسوت نفسها نايمه على كتف اماني....

خالد:هههههه هاتي شعندك؟
امل وهي تقوم: انا؟ ابد سلامتك..مشتاقه لك يامال اللي منيت قايله..
خالد وهو يلف للتلفزيون: يلا جعله دووم مو يووم...


ناظرت اماني اختها..وهي محتاره...فيها شئ ذي اليوم..
ناويه على شئ الله يستر...
ياخوفي لسمر علاقه بالموضوع..

امل وهي تلف لاماني: اقووول اموونتي
اماني: عيون امونتك....
امل: الا شخبار خوياتك اللي بالثانويه ليه ماعاد نشوفهم مثل قبل

فهمت اماني وابتسمت...: والله تعرفين ظروف الحياة...
انشغلوا عني...
امل: والله ماهم اصيلين اللي يتركوا صديقه عمرهم...ولاشرايك خلوود
خالد بملل: مدري والله....
امل وهي تلف لاماني: تذكرين هذيك بنت الـ(....)

هنا خالد وقف قلبه...مين هذي اللي تحمل نفس اسم عايلة سمر؟ وتعرفها اماني؟

اماني وهي تحاول تكون طبيعيه: وع وع قصدك شينة الحلايا...لا حطينا عليها اكس...(حطت رجل على رجل وهي تشد على كلامها حتى يسمعه خالد زين) انا ماامشي مع بنات ماصخين...يكفي اسم عايلتهم مايشرف

هنا خالد وصل ضغطه الف ويحس قلبه بيطلع من حلقه...

امل: أي وانتي الصادقه....سمعتها خايسه وكل اهلها بعد..الزم ماعليك امون سمعتك...لاتمشين معاهم....
يالله انك تستر علينــا...
اماني: افا عليك تعجبك اختك..

امل تضايقت من نفسها..هي ماتحب تتكلم عن حد بالسوء..
ولاتحب تذم في اخلاق حد..
بس هنـا هي مضطره..لازم تصحي خالد ..
وتخليه يفهم ان سمر غير مناسبه له..

قام خالد وهو يحس ان رجليه ترجف من تحته: عن اذنكم
امل ببراءه: وين تو الناس؟ ماتحلى السهره دونك ....
خالد: تعبان بروح انام...

مارفع عينه يطالع امل وفضل انه ينسحب لغرفته...

https://songs1.6arab.com/3abdelmajeed_3a6ny-wa3ad.ram

اماني: يامجنووونه شسويتي فيه؟
امل: امهد له الطريق.... قبل لاامري القنبله
اماني وهي تضرب امل على راسها: وين قاعدين هااا.... أي قنبله بعد...
امل وهي تحط يدها على فم اماني: ماااااااااالك شغل ملقووفه ....
اماني وهل تلف عالصاله الثانيه وتشوف اميره اللي فاتحه كتاب بيدها بس سرحانه وماتقرأ: اقووول اموول
امل: لبيه قالوا لك وانا اقول لبيه...
اماني: ههههه....ماتحسين اميره متغيره؟
امل: من زمان....
اماني: ليش مانروح نكلمها حرام كاسره خاطري
امل وعينها على اميره: بدون مانكلمها انا ادري شفيها
اماني بصدمه: ياخاااينه وانا اخر من يعلم؟
امل: اميره تحب...
اماني بصدمه: شكوكي يعني بمحلها....بس انتي وش عرفك؟
امل ببتسامه غريبه: سمعتها اليوم !!
اماني مستغربه: وش سمعتي اليوم؟
امل: اليوم كنت رايحه للمطبخ في بيت خالتي...الا اشوف هناك ديمه وامور اختك...حسيتهم يتكلمون بصون منخفض..المهم وقفت ورا الباب حتى مايشوفوني وسمعت كلامهم
اماني: كملي..
امل: تحب فارس...
اماني بصدمه: فروووووووووووس ماغيره.....؟؟
امل: ليش في غيره....اي
اماني وهي تكشر: بس هو مايحبها
امل بصدمه وهي توقف: كذابه
اماني: مو متأكده...بس شوفي كيف فارس يعتبر اميره مثل اخته...ومهتم حيل بديمه...
سكتت امـل تفكر....بس لو يحب ديمه كانت عرفت اميره ..
لان ديمه صديقه اميره مرررره وماتخبي عنها حاجه

امل: بروح اكملها
اماني: بروح وياك
امل: قوومي الله يفكنا من لقافتك اووف
اماني: لاتحلمين...هع هع

راحوا وقعدوا مع اميره....

اميره وهي مستغربه: بسم الله كنكم جن..ملتيمن حولي وش تبون؟؟؟
امل: اييييييه اللي ماخذ عقلك عناااا
اميره بارتباك: لا ابد قاعده اقرا

وسوت نفسها تقرا...ونست ان الكتاب مقلوب..

امل وهي تسحب الكتاب وتعدله: حد يقرا بالمقلوب

حست اميره انها نمله صغيره.. وامرها مكشوووف بشكل او بأخر..

اميره: بغيتوا شئ؟
اماني: الشرهه مو عليك..علينا اللي معطينك فيس...
امل: اميره فيك شئ؟ بخاطرك شئ؟
اميره: مين انا؟ ابـد..
امل وهي تمسك ذراع اميره: انا اختك الكبيره...مثل صديقتك..صارحيني
اميره باصرار ولهجه دفاعيه: اصارحك بوشوووو...ماعندي شئ
امل وهي معصبه من لهجة اختها: اقووول بتتكلمين ولا اوريك
اميره وهي تطلع لسانها: وريني
امل: طيييب طييب...


قربت امل من اميره تدغدغها في بطنها واميييره تمووت من هالحركه...وطبت عليهم اماني تعاون امل..

واميره تضحك بصوت عالي وتصارخ: هههههه اااااااي..ههه بس بس اتركووني
امل: اعترررررررررررررفي ونتركك
اميره بصوت عالي: يمممممممه ههههههههه خلاص خلاص

نزلت لهم امهم من فوق وهي معصبه حيل
ام فؤاد: وش هاالازعاج وين حنا فيه؟

عقلوا البنات وصاروا مؤدبين

امل: عفوا ياامي

وطلعت لسانها لاماني

ام فؤاد: بس هذا انتي..مسخره وضحك...بدال ماتصيري قدوه لهم
امل وهي تبرطم: قدوه شنو الله يهديك ؟ عادي نمزح ونهيص
ام فؤاد: انتي الكبيره...وش هالهرج اللي تسويه؟؟
امل وهي تزعل من جد: خلاص فهمنـا كبيره وكبيره...تصبحوا على خير...

ومرت من عند امها وهي تصعد مسكتها امها من كتفهـا..

ام فؤاد: حبيبتي لاتزعلين...بس من جد مصدعه وتعبانه
امل وهي تفلها: ماعاش الصداع يابعد رووحي انتي

وحضنت امها وباستها على خدها 3 بوسات

ام فؤاد وهي تدزها: وجع خلاااااااص عاد
امل:هههههههه شسوي احبك...
ام فؤاد وهي تبتسم: الله يخليكم لـي...وين خالد؟
امل: ابد رقى ينــام..
ام فؤاد: زين يلا تصبحوا على خير
امل: وانتي من اهله يمه

.......................


..............................

بعد يومين..

اسماء مع فؤاد راحوا المستشفى...كلهم عزيمه قويه..

صحيح الخوف ماكل قلبهم..

والاكثر اسماء كانت تحس انها اليوم بتحدد مصيرها...

ياتعيش براحه للابد..

يــاتعيش في دمووع وتعاسه طول العمر..

وصلوا المختبر..

لفت تطالعه بخوف..

شجعها ببتسامه ومسك يدها: صلي عالنبي
اسماء: اللهم صلي عالنبي...
فؤاد وهو يشد على يدها: الله معانــا حبيبتي..ادخلي بحتريك هنــا
اسماء بخوف ويدها ترجف: اوكي

كانت تحس بعسر هضم...
بطنها يألمها...
مو عارفه تمشي..

جرت رجلها جر لداخل المختبر...وسألت عن نتيجتها...

والممرضه قامت تدور وتدور بين النتايج

الممرضه: قلتي لي اسمك اسماء؟
اسماء وقلبها يدق بعنف: اي
الممرضه: مش لاقيه النتيجه...اصبري شويه

طلعت الممرضه تسأل ..

ورجعت بعد عشر دقايق...

الممرضه: احنا اسفين يااسماء,,,,فنيه المختبر تخلصت من النتيجه
اسماء بصدمه: ليييش؟
الممرضه: اصلك تأخرتي اووي .. وكانت فاكره انك مش عيزاها
اسماء بصراخ: ليش هي ساااااااايبه ولاشنووو؟؟ على اي اساس ترمي نتيجتي زباله؟ وينها اوريها شغل الله
الممرضه الطيبه: ماتقلئيش ياحبيبي....تعالي اعمل لك تحليل غيرووو
اسماء: ليش دمي لعبه كل يوم ماخذين مني عينه؟...ابروح اشتكيها لللمدير هاللي ماتستحي...

سمع فؤاد صراخها خاف ودخل..


فؤاد: قصري حسك فضحتينا
الممرضه: تعال ياسيدي هديهاا دي متوتره اووي
فؤاد: شصار؟
اسماء وهي تتخصر: لاني تأخرت وماجيت اخذت النتيجه رموها في الزباله...مفكرين اني ماابغاها
الممرضه: بصي ياحبيبي الموضوع مش مستاهل...نتيجه طلعت قبل فتره طويله...بس انتي اللي ماجيتيش...دلوقتي حصل خير....مش مشكله..نحلل مره تانيه
فؤاد: وهي الصادقه سمووي
اسماء: وانت وياها بعد...
فؤاد: اسماء وراي شغل بتحللين ولا نمشي
اسماء:اووووو امري الى الله..

وراحت مع التيكنشن نيرس واخذت عينه دم...

الممرضه الطيبه: ماتزعليش يااسماء
اسماء وهي تروق: علشانك بس مابزعل
الممرضه ببتسامه: ايووه خليكي كدا مبتسمه ياحلووه...انا عيزاكي تجيني يوم الجمعه....هكون موجوده وهاديكي النتيجه بنفسي...
اسماء: الجمعه؟ واااااااااجد....5 ايام...
الممرضه: ايوم الشغل كتير اووي ياحبيبي ودا مستشفى حكومي...اصبري كام يووم....اهي كلها خمسه ايام...
اسماء: لو اني رايحه خاص افضل لي
الممرضه: اصبري .. دا الصبر حلووو
اسماء ببتسامه: خلاص يالغلا اشوفك يوم الجمعه...ماااشي
الممرضه: ماشي يابطه...

وطلعت اسماء والهدوء النفسي والامل المتجدد يرجع لها..
وتصبر ليوم الجمعه وتشوف..

.......................



زواج مساعد وفرح....

من صبح الله قامت فرح ومعاها اختها سنــاء رتبوا كل اغراضهم...

والمقرر ان فرح بتسكن مع مساعد في البيت العود بعد ماسوى له شوية ترميمات وتعديلات..
وصار جاهز من مجاميعوا...

وسناء زعلانه من جد ان اختها بتتركها مع جدتها بروحهم..
بس هذي سنة الحياه من يقدر يعترض..

ام سعود بدورها كأخت كبيره اتصلت لفرح الساعه 11 الظهر

فرح: هلا خالتـي..
ام سعود: هلا حبيبتي...شلونك شخبارك؟
فرح وهي خايفه وضايعه تحس مامعها حد: مو زينه ...
ام سعود: افا حبيبتي شفيك ناقصك شئ؟ تبغين شئ؟ تكلمي لاتستحي انا بحسبة امك...
فرح وهي تدمع: ضايعه يمه....مدري شسوي...
ام سعود: بس كذا؟ ولايهمك؟ .. يلا يمه اخليك الحين...برجع اكلمك بعدين
فرح وهي مو فاهمه: اوكي

قفلت ام سعود وراحت لجوري غرفتها...
وكانت جوري تحط فستانها واغراضها واكسسواراتها في الكيس حتى تروح فيهم الكوافير...

ام سعود: يمه جوري
جوري: لبيه يالغاليه
ام سعود: ورا ماتروحين انتي واختك لفرح...مسكينه لوحدها قاعده...سليها شوي وروحوا الكوافير سوا...
جوري: امممم فكره مش بطاله...وبكلم ديموو بعد
ام سعود: سوي اللي تبين بس اهم شئ تحس ان احنا اهلها..
جوري: اييييييييه اشوف من الحين كاسره خاطرك....لي الله
ام سعود وهي تمسح على شعرها: اعزها مثلكم...ولاتصيرين غيوره....يلا تجهزي على بال مااكلم اختك تجهز نفسها..
جوري: اووكي ماام

خلصت جوري بسرعه ودقت على ماجد...
وكان انتظار..
دقت مره ثانيه ونفس الشئ...

شسالفه؟
من يكلم.؟؟

قعدت عالكرسي وهي تهز رجلها بتوتر...

دقت للمره الثالثه بعد انتظار..

فار دمها...من يكلم كل هالوقت...
لاوحاقرني مايرد علي...
طيب يرد يقول أي شئ...

قامت لبست عبايتها....ورن جوالها...نغمه راشد تنحط عالجرح يبرى..

جوري بزعل: نعم
ماجد باستهبال: نعامه ترفسك قولي امين
جوري: من تكلم؟
ماجد: اكلم زوجتي الثانيه
جوري وهي تعصب: اتكلم جد...
ماجد: يؤ وانا اتكلم جد...كنت اكلم حبيبتي الي تشتغل معاي

جات عايشه على بالها وماتدري ليش تمنت يكون جنبها وتذبحه...

جوري: خليها تنفعك باي
ماجد:هههههههههههه تعاااالي يامخبوله
جوري: نعم؟ وش تبي؟ مشغووله
ماجد برومنسيه يغني: ان زعلت ارضيك وكل عمري فداك والزعل مازعله يالغالي عليك...

ابتسمت وسكتت

ماجد: لايزعلك يانظر عيني غيابي الغلا في القلب ماتشوفه عيونك...
جوري بهدوء: مااجد...خلاص
ماجد: ياناااااس ياعاااالم ياهوووو ياااازين اسمي منهاااا....
جوري: ههه مابتقول لي من كنت تكلم؟
ماجد: مشكله الغيره....بصراحه اكلم عايشه...تعرفيها صح؟
جوري وهي تعصب مره ثانيه: اللي تشتغل معك؟ ليه وش تبي؟
ماجد: شفيك معصبه...نتكلم عالحفل اللي بيصير في المستشفى...وتعرفي لازم تخطيطات وترتيبات...
راح يحضرون مدراء واطباء مهمين...
جوري: ايه...وضروري يعني هاالاتصالات؟
ماجد: جوري شفيك....تبغين الحفل يصير خرابيط واحنا المسؤلين عنه؟؟
جوري: خلاص براحتك....حبيت اقولك اني بطلع بروح لبيت فرح
ماجد وهي متضايق منها: وش عندك هناك..
جوري: ممنوع اروح يعني؟
ماجد: جووري شهالنفس الخايسه اللي عليك....خلاص روحي براحتك مع السلامه

قفل بدون ماينتظر ردها...

نزلت راسها وطاحت دموعها....هذي اول مره يسويها...ويكلمها كذا..

من الغلطان انا ولاهو...

دخلت عليها امها وهي حاولت تمسح دموعها وتكون طبيعيه...

ام سعود: جووووري يلا يمممه يحتريك السواق...ورزان بتروح معك...
جوري: ودينــا؟
ام سعود: دينا نايمه...تلحقكم بعدين..
جوري: خير ان شاء الله...

طلعت جوري مع رزان...ومروا ديمه اللي كلمتها جوري بالطريق...

وبعد ماصعدت ديمه كلموا اميره ... وتجهزت مع امل واماني وطلعوا مع اسماء لبيت فرح...
حتى يكونوا حولها يساعدوها يرتبوا اغراضها...
ويروحوا الكوافير سوا....

لما وصلوا دقوا الجرس وجات سناء تفتح لهم...وانصدمت!!

ماشاء الله ...

البنات بصوت واحد: سلاااااااااااااااااااام
سناء:ههههه وعليكم السلام...
امل: يعني بنوقف عالباب واجد؟
سناء: هههه لا حياكم حياكم جيتوا بوقتكم والله ... الاخت فرح قالبه البيت داااخل
اسماء وهي تتقدمهم: هيا يافتياااااااات العرررب
امل: هيا بناااااااااا

دخلوا كلهم وسناء انفتح قلبها من جد لهالبنات ...

والظاهر بتصحح فكرتها عنهم...

دخلت وراهم وكانوا جالسين في الصاله...وسوالف ووفله...

جوري: وينها فرح؟
سناء: بغرفتها...حياكم الصاله فووق...يلا
اميره: يؤ فشله
سناء وهي تتخصر: بدينا بالرسميات من الحييييييييين
اماني:ههههههههه قوموا يلا يلا ...

ورقوا البنات لفرح...مجموعه دخلوا غرفتها ومجموعه قعدوا بالصاله...

فرح يوم شافتهم انصدمت...ماتوقعت...
وعرفت ان ام سعود هي اللي ارسلتهم..

ابتسمت برااحه..وهي تشوف صديقتها امل..

ركضت لحضنها وبكت

امل وهي تضرب راسها: يالغبيه اليوم عرسك لاتبكين..
فرح من تحت الدموع:هههههههه احبك اموول
امل وهي ترفع راسها: احم...ماجبتي جديد..ياويلي منك ياخالي تعال اسمع زوجتك وش تقوول
اسماء وهي تسحب امل عن فرح: وجع اتركي البنت بلا قطات وجه...
فرح وهي تطالعهم بفرح: مدري شقولكم...
اسماء وهي تشيل عبايتها: شوفي مااحب الرسميات .. لاتقولين شئ..احنا مثل خواتك ولاعندك كلام ثاني
اماني: ليش تبغيني اذبحهااا...
فرح:ههههههههه حرام عليكم اكلتووني
اسماء: هههههه..ها يالغلا..شلتي اغراضك بالشناط؟
فرح: خلاص...بس احس بنسى اشياء...
امل وهي تضرب على صدرها: نحنووو في الخدمه ياعزيزتـي وخري اشووف..

طالعتهم فرح وهي تحس ان الخوف داخلها بدأ يتبدد...
لكن بقت المواجهه الكبرى بينها وبين مساعد !!

هالشخص اللي لازالت تحس انـه غريب عنها...!!

.......................




https://1.6arab.com/rashed..wedi-abki.ram


حست بشيء يحرقها في خلقها فتحت عينها وحست بألام في بطنها...

ركضت للحمام وهي تحس ان نفسها لايعه...
بقت عشر دقايق وهي منهكه...

ظهرها منحي عالمغسل...وماسكه حلقها ووبيدها الثانيه بطنها...

تحس بشئ يحرقها ودها تلفظه ماتدري شنو..!!

تماسكت وغسلت وجهها وهي جايه بتطلع صدمت فيه..
خلاص حست انها بتطيح..لانها بدون شئ دايخه...

لكن يدينه كانت اسرع وصارت بحضنه...

سعود وهو مكشر: دينوو...شفيك؟
دينا وعينها زايغه وحمرا: بطني...

وضغطت على بطنهـا بقووه...
مو قادره تتحمل هالالـم..

سعود وهو يحملها للسرير وينومها: شنو تحسين؟
دينا وهي تصيح: مدري لايعه كبدي...وبطني يألمني مرره..
سعود وهو يفكر: وش اكلتي امس؟
دينا: ولاشئ...

راح صب لها مويه بارده من الثلاجه وعطاهـا..

شربته بشويش ورمت راسها عالمخده بتعب...

لكنها ماارتاحت رجعت اللوعه بشكل اكبر...
وركضت للحمام ترجع اللي شربته..

وقف محتار في امرهـا..مو طبيعيه هالبنت شفيها...؟؟

الخــــــــــوف..!!

عقده ارتبطت زين بحياته..
عقده ماتبي تتركه مهما كانت الظروف...
شعور قوي اقوى من أي شئ...يمسك قلبه بعنف

يحسسه بعدم الامان...الرهبه..الرعب..

دينا بتموت؟

مسك راسه وهو محتاااار...غبي انا ولاغبي...
وش تموت بعد...كله بطنها

يمكن طيب الشئ اللي فيها خطير؟
كانسر؟ (سرطان)؟؟


اوووووووووووووه فال الله ولافالي...
راح لها الحمام وكانت طايحه عاالارض..
لام نفسه على غبائه...
المفروض بدل افكاره اللي مالها داعي يلحقها يمسكها...

رفعها وهي كاسره خاطره من .جد..
حسها مثل ورقه طايره في محب الريح....
مو قادره تتحكم في اطرافها من التعب..

سعود وهو خايف من جد: يلا البسي بوديك المستشفى...
دينا ودموعها تطيح لوحدها وتتكلم بصوت متقطع: لا...لا...تعبــ.....بنام..تعبـا� �ه...

رجع يحطها عالسرير وهالمره خلى راسها على رجله...
وهو يمسح على شعرها ويقرأ قران..

وهي غمضت عينها ودموعها لازالت تطيح من الالـم..

سعود وهو ينحني يكلمها في اذنها: ها دينـا؟ وش تحسين؟
دينا ويدها على بطنها: خفيت شوي...
سعود وهو مو متطمن: قوومي يلا اوديك المستشفى...
دينا وهي تحرك راسها بعنف: ماابي...ماابي...
سعود وهو يمسك بيدينه راسها: دينــا...أخـاف عليك
دينا وهي تعتدل في جلستها وتقعد: مافيني شئ...خلاص...
سعود وهو يمسك يدينها ويطالعها بتفحص: عندك مشكله في معدتك؟ تتأثر بالاكل؟
دينا: ابد....
سعود: حيرتيني معاك...

رفعت راسها تطالعه...ماهان عليها تشوف نظره الخوف بعيون زوجها حبيبها...

دينا وهي تحط يدها على وجهه وتبتسم ابتسامه باهته: لاتخاف .. وش بيصير لي يعني..قطوه بسبع ارواح...
سعود بعصبيه: اخر مره اسمعك تقولين عن نفسك هالكلام فاهمه؟
دينا وهي تروح لحضنه: ليش؟
سعود وهو يمسح على شعرها: ماودي اخسرك...بعد مالقيتك...

حست بدمعه حاره تطيح من عينه على يدها...
تقطع قلبها عليه..

لمتى ياولد عمي بتبقى خايف؟
متى بنعيش في سلام بدون رعب وخوف؟
بدون افكارك السودا؟

متى بتحرر من عقدتك متى بس؟

خلاص انا بتصرف ماعلي منك...
بعالجك...بطرقتي الخاصه...

ماعلي منك حتى لو صدمتك .. وكنت السبب في شئ لاتحمد عقباه..

بس لاااازم مافي غير هالحل....الا وهو الصدمـه النفسيه !!

سعود وهو يمسك يدينها بقوه: توعديني ماتروحي عني...
دينا بقسوه نوعا ما: هالشئ مو بيدي ولابيدك...بيد رب العالمين...

سحب يده بتوتر من يدينها وقام دخل الحمام يسبح...
وهي تتابعه بنظراتها..

اسفه ياحبيبي..
تحمل قسوتي عليك..
تحمل جفائي لك في بعض الاحيان..
تحمل الصدمه اللي بصدمك فيها..

بس عارفه انك بتشكرنـي...
لاني بفك عقدتــك...
للابــــد...!!

...............................

عالساعه 2 الظهر مساعد كان عند بيت فرح...
اتصل لاسماء..

اسماء وهي ترد وتطالع فرح: هلا بحبيبي هلا بسعوودي...هلا بأحلى خال بالدنيااا
مساعد: يلعن نصبك....هااا اطلعوا يلا
اسماء: وين نطلع؟
مساعد: ماتبون تروحون الكوافير؟؟
اسماء: وحضرتك بتودينــا يعني؟
مساعد: لابصور معك.....اجل شنووو

فرح مااتت من الرعب..لالا ماتبي تشووفه الحين..
بالليل يصير خير..

الحين هي متوتره مو مستقره نفسيـا..
وشوفته بتعقد الموضوع اكثر..


اسماء: بستشير العرووس

وبعدت الجوال عن اذنها بس سمعت صراخ مساعد: يلاااا اطلعوا لاادخل افجر فيكم
امل: يامامااااااا ... قوموا خل نطلع لانروح فيهاا
فرح وهي خايفه: مابركب معاه اخاااااف
ديمه: انا بطلع هيا يافتيات..

كان مساعد جايب السياره العائليه حتى تكفيهم...
تزاحموا فيها ودخلت ديمه واميره واماني وجوري..وطبعا سناء..

وامل واسماء داخل يشيلوا اغراض فرح..اللي معيه تطلع..

مساعد وهي يرجع يكلم اسماء: هااااااااا ماتحننت الاميره علينا؟
اسماء: لااياخالي تقول خايفه...
مساعد بخبث: اطلعي انتي وامل وخلوها علي...بدخل لهااا
اسماء: ايييييييييييييييش...
مساعد: بطيتي اذني جعلك اذنك البط...اطلعي بتصرف معها..

وفعلا طلعت اسماء وبقت امل مع فرح...
دخل مساعد البيت...

وكان هادئ...لان الجده للحين نايمه..مافي الا صوت الشغاله تحوس بالمطبخ..

نزلت اسماء عالدرج وهي مبتسمه لخالها...
قربت وحضنته

مساعد: مابعد اعرس بالليل احضنيني
اسماء: الحين وبعدين...
مساعد وهو يحط يده على كتفها: وينها المشاغبه؟
اسماء وهي تطالع فوق: مع اموول فوق
مساعد: ابرقى لها
اسماء: خااااااااالي جنيت تدخل عالبنت غرفتها مايصير
مساعد: هيييه البنت اللي تتكلمين عنها زووجتي..شرعا حلال علي فاهمه...
اسماء: بس....
مساعد وهو ماهو رايق اليوم: سموووي روحي السياره لاهنتي...اليوم مالي خلق شئ...

حسته متوتر هو بعد وعلى اعصابه...شالت الاكياس وطلعت السياره....

رقى للدور الثاني وقابلته غرفتها...لمحها واقفه مع امل وتبكي...

مساعد وهو يدق عالباب: احم احم...
امل وفرح بصدمه: مسااااااااااعد
مساعد وهو يبتسم: الشيخ مساعد وصل.....
فرح وهي تتخبى ورا امل: امول وش يبي؟
امل:هههههههه يبي ياكلك....وياكل اصابعه وراك

فرح شدت على بلوزه امل من ورا وهي خايفه

امل: هييييييه انتي بتفصخيني استحي...وخري بس
مساعد وهو يأشر لامل تطلع: يلا
امل: من جدك؟
مساعد: بدون نقاش....لاااتهور واخليكم واروح..ومافي عرس الليله....

امل شالت الاغراض وابتسمت لفرح بأعتذار وجات بتطلع

فرح وهي تبكي: امل امل لاتخليني...

لكن مساعد سكر الباب ورا امل وبقوا مع بعض لوحدهم...

قرب منها وبعينه نظره شر...
حسته بيكفخها كف بتروح بعدها في عالم ثاني...

فرح وهي تحط يدها فوق راسها بخوف: خلاص بطلع بطلع...
مساعد وهو يمسك يدها بحنيه ويقربها منه: ليش خايفه ياقلبي؟

انصدمت...!!

ماضربني؟
ماهاوشني؟
اكيد اتوهم..

رفعت راسها تتأكد لقته مبتسم...ابتسامته اللي تدوووخ قلوب العذارى...

تلقائيا ردت له الابتسامه

مساعد وهو يبوس يدها: فديت احلى ابتسامه بالكون...ربي لايحرمني منها...قــولي امين
فرح ببتسامه وهي تنزل راسها: امين..ولايحرمني منك
مساعد ويده على قلبه: اااه ياقلبي....لاتجننيني....بالليل ابتفاهم معاك...

استحت واحترقت مكانها...من الربكه حاست ماعرفت وش تسوي..

مساعد:ههههههه خلاص خلاص..بل عليك وش هالخجل...
فرح: تبيني اصير قليله ادب؟
مساعد:هههههههههه الحياء صفه احبها في البنت.. وهذا سبب من اسباب اعجابي فيك وفي شخصيتك...
فرح بخجل: شكرا...

مساعد: ها بتروحين ولا ابقط معاك للليل ومافي عرس
فرح برعب : لالا وعرسي؟؟؟؟؟ يلا نروووح
مساعد وهو ماسك يدها: يلا حبيبي...


لبست عبايتها وساعدها تشيل باقي اغراضها ونزلوا سوا

امل وهي تطالعهم بخبث كبير: هااااااااااا ماصارت نص ساعه فوووق....كل هذا تـ....ولااقول خلني ساكته عييب

فرح ماتت من الحيا...امووول جنت وش تقوول

مساعد وهو يطالع فرح: وماكفتني نص ساعه بعد....
فرح : مساااااعد...
مساعد: ها نرجع فووق
امل: اياقليلين الادب .. على شنو مستعجلين...الليله العرس خلاص باقي كم ساعه
مساعد: قالت كم ساعه...12 ساااااعه وانا صاابر على اعصابي...واردد ياليل مطولك....

مسكينه فرح حست انها اختفت ولاشئ...
مالقت نفسها الا تركض للسياره...
علشان لاتغير رايها...

وطبعا ماحبت تقعد قدام وخلت امل قدام وهي مع البنات ورا...

ومساعد يتوعد فيها....

........................




https://songs.6arab.com/rashed..wa7ashteeni.ram


في الكوافير تفاجـأت انه يتصل عليها...

غير الناس يتصل بك...

جوري وهي تبعد عن البنات اللي انضمت لهم دينا ولطيفه..

وترد بخوف لايزفها..

جوري بهدوء: هلا
ماجد برومنسيه: وحشتيني...وجيت اسأل..واظن اني على بالك...عسى ماشر ماتسأل..وش اللي غير احوالك...


جوري ذااااااااابت خلاااااااص لالا ماتقدر على هالرومنسيه..

جوري: حبيبي مو زعلان؟
ماجد: على شنو؟
جوري: على اسلوبي منك...
ماجد وهو يصطنع الزعل: احتريك بره يلا...
جوري بصدمه: وين؟ برا؟
ماجد: مو انتي في الكوافير...
جوري: كيف عرفت مكان الكوافير...
ماجد: سألت خالتي(ام سعود) ووصفت لي المكان...
جوري بفرح: دقايق وانا عندكـ...

جوري وهي تلبس عبايتها وتلقي نظره اخيره على نفسها بالمرايه: بنات انا رايحه....
اسماء: مع مين؟ رجلك؟
جوري: أي فديته....
اسماء: اقوول لاتروحون يمين يسار القاعه على طوول
جوري وهي تطالع اسماء بنص عين: حااااااضر على امرررك متى اتزوج بس وافتك....
اسماء وهي تطبطب على ظهر اختها: رووحي بلا كثرة حكي وسلمي عليه..
جوري: باي

كانت جوري لابسه فستان بني...عند الصدر شك وكريستال لامع....

والباقي حرير ...

وفيه ذيل من ورا....

وشعرها مرفوع كله بتسريحه ناعمه وحاطه عليه من قدام سلاسل ناعمه...
والمكياج سموك بني لامع ... يتدرج لين يفتح مرره...
والروح ثلجي خيال...

رقت السياره ورفعت ثوبها وسكرت: السلام عليكم
ماجد: وعليكم السلام....

لفت تطالعه...وش هاالاستقبال البارد؟
هين اوريك..يامجوود...
ابهبل فيك اليوم اصبر...

جوري: وش هاالاستقبال؟
ماجد: كيفي زعلان...

زعلان هااااا....بنشوف الحين الزعلان صدق...

طالعت الشارع المنطقه شبه خاليه مافيها سيارات...

استغلت الفرصه ونزلت الشيلـه بنعومه ولفت له..

اما هو انصدم !!!!!!!

لا هذي مو زوجتي...

وش هالحلاااااااااااه ... مااقدر انــا...

ماجد بذهول يمسك يدها: وحياة عيونك اللي عذبتني...وحياة عيونك اللي جننتني...
رغم العذاب والظنون...اموت بسحر العيون...

ابتسمت وهي منزله راسها....قال شنو قال زعلان ماشفت شئ..اوريك..

أي والله ان كيدهن لعظيم..

جوري بنعومه ودلع: اترك يدي...
ماجد وهو جان: اترك شنوو.؟
جوري بدلع: يدي...
ماجد وهو يضغط على يدها اكثر: مابتركك....انتي كلك لي...وش هالحلاوه ياعمري...اخاف عليك حد ينظرك
جوري بزعل مصطنع: هذا وانت زعلان ماتبي تكلمني
ماجد وهو يقرب منها اكثر ويكلمها بأذنها: من الغبي المجنوون اللي مايبي يكلم اميرتي...؟ دليني عليه وانا اذبحه

اشرت عليه بزعل وبرطمت

ماجد: انــا؟ انا مذبوح في كل الحالات....حرام تذبحيني اكثر...
جوري: بتمشي ولاانزل؟
ماجد وهو لازل ماسك يدها اللي باسها: ابمشي...وحطي في بالك العرس بعد 3 شهور
جوري: هاااااااااااااااااااااااا اااا؟؟؟؟
ماجد: 3 شهور تجهزي لاهنتي...
جوري: 3 شهور البطيخ يالدب....لالا خليها شهر 7
ماجد: لانقاش اكثر.....خلصي المستوى الجاي ونعرس...تبغين اهلا وسهلا ماتبغين مو بكيفك اصلا...
جوري وهي تزعل: ليش مستعجل؟
ماجد برومنسيه: حبيبي جوري...مااتحمل بعادك عني اكثر...شفيك انتي ماتحسين...اسمعي هذا كيف يحبك وينطق اسمك كل ثانيه

وحط يدها على قلبه اللي ينبض بسرعه...
حست انها في هاللحظه ملكت العالم...
وش تبي اكثر؟
زوج يحبها هالحب؟
تصده ؟ تقول له لا؟
تكون من جد خبلـه...

جوري ببتسامه: اللي تشوفه ياابو عيالي
ماجد:هههههههههه كثري منها ياام علي
جوري: ام علي بعينك انا توني صغيره...
ماجد: مدري عنك...اقول ابحرك قبل لانبات هنـا..

.............................

كان سعود مع رزان في البيت و دينــا اللي توهم واصلين مع السايق..

كانت رزان لابسه فستان باربي وردي منفووش وشعرها الذهبي على اكتافها...
وطالعه مرره كيووت..

وسعود مشخص بالشماغ والسكسوكه..فديته بطلنــا وسيم يذبح : )



ودينـا صعدت فوق غرفتها تكمل لبس مجوهراتها...
في الحقيقه كانت واقفه ومتسنده على الطاوله وتفكر...

يوم رجعت من الكوافير ماشاف وجهها ورقت بسررعه لفووق..
تفكر وتخطط على شئ...

ليش بس انا اللي احبك واشتاق لك واتعب؟
وانت خبر خير مرتاح؟
بجننك ياولد عمي..
بخليك تعشق شئ اسمه دينــا..

ابتسمت بخبث ممزوء ببراءه كبيره..
ودقت على تلفون الصاله وهي تدري انه موجود هناك..
ومحترق قلبه يبي يشوف زينتها...
بس عندت ورقت بسرعه قبل لايشووف..

سعود: نعم؟
دينا بنعومه: سعوود
سعود وهو يوقف: لبيه..
دينا باجرام: محتاجتك في مساعده ممكن ترقى لي شووي؟
سعود وهو يكابر: لا مو ممكن مشغوول...اي خدمه ثانيه؟
دينا بدلع: اهون عليك؟

خق الولد..البنت تتدلع وهو واقف مكانه...
يكون اكبر مجنون...

سعود وهو يكابر: لازم؟
دينا: انت وضميرك؟
سعود: بعد شوي بجي...
دينا: احتريك لاتتأخر..

وقفلت...اما هو تعمد يتأخر عشر دقايق وبعدها رقى بخطى متلهفه لها...
ويوم دخل جناحهم اصطنع الكبرياء..

قبل لايفتح الباب...انفتح له...وكانت وراه...

اضواء الغرفه صفرا....وفي شمعه فواحه بالزاويه..
الجو شاعري درجه اولى..

لهيب الشمعه يتراقص بحريه على اوتار الشوق..الحب المكتوم..

يحاول يحرق سكوت القلوب الـصامته..
هل ينجح؟

فتح فمه بذهول وهو يشوف اميره من الف ليله وليله..

تعالوا نوصف سعود وش شاف...

دينا المتألقه في فستان اخضر بدرجه ملكيه فخمه...
واطراف الفستان مذهب...

وشعرها منفوخ من فوق والباقي نازل على اكتافها...
ولابسه تاج ....

هالشئ اللي مخليها اميره من جد..

سحبت يده وسكرت الباب...وهو مصدووم..!!
وش تبي دينــا؟

دينا وهي تبتسم له: شفيك؟
سعود وهو يطالعها من فوق لتحت: ها؟
دينا وهي تنزل راسها: استحي لاتناظرني كذا..!

شعور قوي يحرك قلبه ناحيتها...
مغناطيس ..

لا شئ اقوى..
ليش يحس كأنه اول مره يشوف هالملاك؟
ليش في هاللحظه قام يتذكر طيبتها حنانها جنونها ..

عطته عقد ذهبي ناعم مره...

دينا : ممكن تلبسني؟
سعود ببتسامه: تامرين امر انتي...

عطته ظهرها ولف يده حول رقبتها وسكره بهدوء...

اما هي مبتسمه بانتصار...

اصبر ياسعيدان....ابجننك الليله...
مااكون دينا ان مادخلت قلبك وحبيتني بجنوون..

لما خلص لفها من اكتافها لحضنه....وباسها على خدها..

سعود: تدرين وش تذكرت؟
دينا ببتسامه تجنن: ايش؟
سعود: يوم ملكتنــا...يوم البسك العقد
دينا:هههههههههههه لاتذكرني...
سعود وهو يقرب منها: وش حسيتي ساعتها؟
دينا بتوتر تناظر عينه القريبه منها حيل: نفس اللي احسه هاللحظه..

وتنفست ببطء....كيف لا وحبيبها قريب منها...
اقرب من أي شئ باالعالم...

بس شرااايكم في مظاهرات النساء : ) ؟؟؟

جد خبيثين ...

.............................

................................
بقاعـــــة الاندلــس بالخبر..

كانوا كل البنات موجودين...وعازمين امة محمد ماشاء الله..
مابقت بنت ماحضرت الزواج...

باستنثاء اسماء وسناء اللي بقوا مع فرح بالكوافير لين تخلص

سناء كونت علاقه مع اميره وديمه...وصاروا ثلاثي مرح من جد : )

اميره وامل وجوري عند المرايات....

ويطالعوا السلات الكبيره اللي على عالطاولات...

فرح تموت في شئ اسمه جالكسي...لذلك مساعد وصى على سلات كبيره فيها كل انواع الجالكسي...
اللي يدخل واللي يطلع ياخذ بكيفه...
وموجده هالسلات عند المدخل...
وعند المرايات...
وعلى كل طاوله للمعازيم...




جوري: ماشاء الله كل هالجالكسي....اباكل بااااااي
امل وهي تسحب جوري: يخترب الرجيم ياغبيه ويبتلش فيك الرجال...مو كفايه عرسك بعد 3 شهور..
اميره وهي تشهق: امااااااااااااانه؟؟؟
جوري بخجل: الليله قال لي ماجد يبغيه بعد 3 شهور...
اميره: ومسويه خجووووووله مايمديك صدقيني...
ام سعود من وراهم: يمديها .. احنا على ايام قبل البنت تجهز في اقل من اسبوع

واميره تلف لخالتها: هذاك قبل خالتي الحين البنت تحتاج كل شئ جديد ... شنط جزم بدل اقمصه نوم بيجامات اكسسوارات مكياج..ناهيك عن مستحضرات التجميل من كريمات ووووو..محتاجه تطلع بنت جديده
ام سعود: الله واكبر كلتيني ياامووووررر
اميره وهي تحضن خالتها:هههههههههههههههه فديت قلبك....

انتبهت جوري لباب القاعه ينفتح وطالعت اللي تدخل وتنزل الشيله...كانت عمتها سعاد ووراها الجده...

جوري : عن اذنكم....تعالي يمه عمتي وصلت...

وراحوا البنات مع ام سعود يسلموا على العمه....

سعاد وهي تحضن جوري بحنان: وش هالحلاة يمه...وش تاكلين كل يوم تصيري احلى
امل: من حب ولد اخوك ياخالتي شوفي وش سوا فيها
جوري بخجل تضرب امول: عيب اموول
سعاد:هههههههه الله يحفظهم لبعض....
ام سعود وهي تسلم عالجده: حياك ياخاله تفضلي تفضلي
الجده: وين بنتنا جوري
جوري ببتسامه تحضن الجده: كاني يمه هنـــا
الجده وهي تمسح على راس جوري: قريتوا عليها؟
امل: مايحتاج ياخاله...
الجده بعصبيه: تبغي اللي تسوا واللي ماتسوا تحسد بنتي تعالي يمه....

وجلسوا على اقرب كنبه وقامت الجده تقرأ المعوذتين وايه الكرسي على جوري اللي تناظر الجده بحب,,,

وام سعود فرحانه لان اهل زوج بنتها بهالطيبه..

ام سعود: سعااد.. شيلي عبايتك يلا واعطيها البنات
سعاد: يااختي فشله....
ام سعود: سعاد...انتي وحده منا وفينا ومن الاهل...والله يشهد اعتبرك مثل اختي...ليش التكلف هذا...

دمعت عين سعاد من التأثر...صحيح الله حرمها من الاخت والاب والزوج والضنا...

لكن خلى لها اخوها ابو ماجد...وولدها ماجد..وامها الحنونه...وبنتها جوري...واكيد اختها ام سعود...

شالت سعاد العبايه وكانت لابسه فستان ناعم عنابي...

مبينها اصغر من عمرها واجد....

وكأنها في نهاية العشرينات....

سعاد بيضا وجميله من جد..وزينتها اليوم زادت هالشئ وصغرها عشر سنين ...

بعد ماحطت امــل عباية سعاد...طالعت في الساعه 9 ونص فرح للحين ماوصلت....ودينا بعد...

دقت على جوالها ... وردت دينا بسرعه...

امل: خير ياماما.....ليش كل هالتأخير....
دينا: جايه جايه....مسافة الطريق....
امل: اعترفي ليش تأخرتي؟
دينا بخجل: اموووول يادبه بعدين...
امل: الوسيم جنبك صح؟ فديت قلبه هاتي اكلمه
دينا: لاياماما....مافيه
امل بصراخ لعل وعسى يسمع سعود: ياوسييييييم ياصاااااااارووخ...ابغى اكلمك

ضحك سعود لانه سمع صوتها واخذ من دينــا الجوال

سعود يبي يقهر دينا اللي عاجبته وساحرته بقوه اليوم: ياهلا بأغلى الحبايب...ياهلا بريحة هلي..
امل خقت: هلا سعووودي...هلا ولد خالتي القمر...هلا بوسيم العايله....هلا بشبيه جدي
سعود: احم...(وهو يناظر دينا) هلا بأحلى بنت بالعايله....راحوا ولاجاوا...ولاتعدلوا..ولاتزي� �وا...ماراح يوصلون لمواصيلك ياقمر انتا
امل: فديييت لسانك سعوودي....امانه ارتفع ضغطها ولا لسه
سعود:هههههههههههه الا وصل مليوون...

دينا كانت ماسكه يدينها بقوه ومشبكتهم في بعض....
مسكينه يدها بتنفجر من الضغط اللي عليها...

ووجها احمررر من العصبيه....

سحبت منه الجوال بقوه: ياسخيفه امووول اوريك لاجيت
امل:هههههههههههه وي وي فديييت اللي تغار....
دينا: طسي بااااي
امل: اموااااااااااااااااه للزعلانين...
دينا ببتسامه: ماازعل منك قلبي....باي
امل: خليه يراضيك ياغبيه ... فاهمه...يلا باي
دينا:ههههه باي

سكرت امل وراحت عن الطاوله وسحبت ورده من الورود الطبيعيه اللي موجوده على كل الطاولات...
وخلتها بيدها..

اماني جالسه على اعصابها تحتري سمر تجي مع رهف..

عازمتهم مخصوص بأمر من أمــل...
ماتنكر اماني انها خايفه..
ماتدري امل على شنو ناويه الليله...!!
الله يستر...



نرجع لأعند واحلى اثنين...

الافضل ان هالموقف صار ومامعهم حد...
لان رزان راحت مع ام سعود للقاعه مع السايق..
وبقت معاه لوحدهم...


سكرت دينا وهي معصبه منه حيل..
كيف يكلم امل كذا؟

المشكله انها تدري انه يبي ينرفزها بأي طريقه..
ليش طيب؟

لهالدرجه هو قاسي؟
يمكن حس انها تحبه؟
فـ يبي يمارس عليها طقوسه الخاصه..

مايحس والله مايحس...

نزلت دينا راسها ونزلت دموعها غصبا عنها...
حست انها مسكينه لوحدها....
ماحد فاهمها...
حتى اقرب الناس لقلبها...

سعود يوم سمع صوت صياحها وقف على جنب يطالعها...

سعود وهو يسحب شيلتها عن وجهها: تبكين؟
دينا وهي تكابر وتمسح الدموع: شئ دخل بعيني...امشي لانتأخر..
سعود بصدمه: كنت امزح....لااكثر..
دينا: ادري...معليش اسفه..
سعود: انا اللي اسف دينـا...جد امزح وتعرفين امل مثل اختي واكثر ..
دينا: ادري..
سعود وهو يمسح دمعه جديده طاحت: اجل ليش هالدموع دام تدرين؟
دينا: مدري كذا..(وضحكت بوسط الدموع لانها ماتبي تضايقه) .. انا خبله مسويه حساسه

يالله هالبنت ملاك...حتى وهي تبكي تضحك للي جالس معها...
حتى ماتحسسه انها زعلانه منه...
وعلشان ماتضايقه..
حتى لو كان الحزن ينهش بداخلها...
بس من برا ابتسامتها توقف الزمن...
تخليه مايفكر الا بشئ واحد..

دينـا بكل مافيها...بكل مواقفها معاي..بصراحه وبدون مجامله..تستاهل احبها بجنووون وببكل مافيني..



دينا وهي تحط يدها على يده: حبيبي تأخرنــا..

قالت حبيبي؟
لف بصدمه ماتضاهيها صدمه...
دينا قالت حبيبي؟

هي مستغربه ليش يطالعها كذا؟
ماانتبهت للكلمه اللي طلعت بحريه من بين شفاتها..
تذكرت اللي قاللته...
ماثبتت..عادي قالت تأخرنـا بس؟
ماقالت شئ ثاني..

سعود بصدمه: وش قلتي
دينا باستغراب: قلت تأخرنــا
سعود: لالا اللي قبلها
دينا: ماقلت شئ قبلها....
سعود: الا قلتي...تذكري...
دينا: والله جد ماقلت
سعود وهو يفقد اعصابه: قلتي حبيبي...

لفت عنه وعينها تغرق بالدموع من جديد...
أي حبيبي وعمري....

أي لاتستغرب احبك...واموت عالتراب اللي تمشي عليه ياسعود....

احب ضحكتك...ابتسامتك...حنانك..روم نسيتك..جنونك..

كل شئ فيك احبه..وبجنون جوارحي..

دينا بقسوه: لاتتخيل اشياء ماصارت....ماقلت حبيبي...
سعود باصرار: الا قلتي سمعتها منك
دينا بغرور وهي ترفع اكتافها: جايز غلطه ماقصدتها...
سعود بيأس: ماتقصديها؟؟
دينا وهي تصطنع اللامبالاه: مو كـأن تأخرنــا؟ ماراح تمشي؟
سعود بعصبيه يشغل السياره: امرك...

مشى بأسرع ماعنده وهي يدها على قلبها...
وتصيح بصمت..

ليش قسيت عليه؟
كيف طاوعني قلبي؟

بس والله مو مني منه...
دايم يتعمد يحرق اعصابي ويقهرني...
مااحب غروره..

هذا الشئ الوحيد اللي اكرهه فيك ياسعود...غرورك..!!

............................


بالكوافير ... فؤاد انشغل مع مساعد وماقدر يمرهم الكوافير .. فاتصل على خالد وقاله يروح لهم..

خالد متحمس مرره عرف ان ماروكو الصغيره او بالاحرى سناء معاهم...
بيهبل فيها...

وطبعا اسماء ماتدري ان خالد بيمرهم..توقعت امها ترسل لهم السايق...
لان اكيد الشباب مشغولين مع خالهم العزيز.....عراب الوسامه : )

دق فؤاد على اسماء وقال لها عشر دقايق واطلعوا...

وبالفعل بعد عشر دقايق وصل خالد....

سناء: هذا صوت سياره....شكله سايقكم وصل...
اسماء بسرعه وهي حايسه تلم اغراضها: أي روحي سنوئه بسرعه اسبقيني وجايه مع فرح وراك....
سناء: ولايهمك....

لبست سناء عبايتـها اللي فيها من ورا عند الظهر فراشه لامعه بلون تركواز ..

وشنطتها الكريستاليه بلون ابيض..
فيها شريطه عريضه..
انيقه لابعد حد...

رفعت ذيل الفستان وطلعت وهي متغشيه ماتشوف....
شافت سياره بي ام اخر موديل تجنن...

سناء بقلبها...اخس حتى سواقهم سيارته بي ام اخر موديل...
اييييه لو بس يخطبني واحد منهم...
خخخخخخخخ بس عندهم حد عزوبي؟؟؟
مدري هع هع مالت علي...

فتحت سماء الباب ورمت اغراضها داخل وكشفت عن وجهها على اساس الهندي ماراح يتجرأ ويرفع عينه يطالع...
هي كانت بتدق على جدتها تطمنها وترجع تتغطى...لان ظلام جد والسياره تظليل كامل...

سناء تكلم نفسها: وين الجوااااااااااااااااال لحوووووول...مالت عليك من جوال...بعد لو انت هاي كلاس وموديل لك الحق....بس تفشل على ايام جدي..

وطلعت جوالها البصمه....اللي تستعمله لان جوالها n70 بالصيانه..

وخالد....يبي يضحك بصوت عالي بس يده على فمه....
لان شكل ماروكو تفكره هندي او تفكره ماهو بالسياره...

دقت الارقام ورفعت راسها لفوق تلقائيا تتنهد....وطاحت على المرايه اللي قدام....

وكانت الصدمه....!!!!!!!!!!!!

وووووووجع ووووووع هذا مره ثانيه؟

بس اتذكرت كل كلامها من شوي....ونزلت راسها فشللللللللللللللللللللللل لله من قلب............
قفلت الخط على طوول قبل لاترد جدتها


وش بيقول عنها؟
خبله؟
مصرقعه؟

خالد انفجر:ههههههههههههههههههه� �ههههههههههههه انا قلت انك خبله بس الحين تأكدت...
سناء بفشله ووجها طايح: الخبل انت انا اصلا....

وسكتت ماعرفت تكمل

خالد:ههههههه انتي شنو ياماروكو...
سناء وهي بتصيح من الفشله: افتكرتك الهندي...
خالد وهو يطالعها من المرايه اللي قدام: عاد انا وسيم اجنن...ماخبري اشبه الهنود...وبعدين هالسياره الكشخه وهندي؟

سناء صخت...كلامه عدل...وسيم ويخبل...
بس هي اصلا مارفعت عينها تتأكد انه هندي او لا..

سناء : وسيم الريش....مصدق حالك...واجد...
خالد: ليش لا وانا خالد...اجل انتي الحمدلله والشكر كنك سحليه
سناء بعصبيه: السحليه زوجتك...

وجات بتطلع من السياره خلاص ماودها تقعد معاه لوحدها واختها واسماء داخل..

بس انتبه لها بتنزل وقفل الابواب...

سناء بعصبيه: والله ان مافتحته بذبحكـ
خالد يسخر: هاهاهاهاااااا خوفتيني ياسحليه....تعالي اذبحيني

ولف راسه لها وناظرها هذيك النظره اللي تدووخ...
حست بشعور قوي بقلبهاااااا...

كل مااشافت هالعيون اللي تجنن...

نزلت راسها ودمعت عينها...خايفه منه...

خالد بهدوء: ماله داعي تنزلين....الحين تجي اسماء واختك..
سناء بهدوء اكبر: طيب


رن جواله نغمة عبدالمجيد....عسى ربي..
وكانت سمور اللزقه متصله...

هو جن ودايركت رد ونسى سناء الموجوده وياه بنفس السياره...

خالد: هلا حبي

سناء انصدمت......!!

حبي؟

يعني يحب؟
واللي تكلمه حبيبتة؟

جاتها حالة يأس ماتدري ليش...وبرطمت

خالد: ها ياقلبي رحتي الزواج....ليش؟....اها...طيب وش لابسه

بعد يسألها وش لاااااااابسه....
ياقليل الحيااا
ياللي ماعندك نخوه..

مالت عليك

خالد: فستان ليموني؟......ههههه اكيد طالعه ملكه...عارف ياعمري قمر بدون شئ...خلاص بخليك الحين...هههههههه حبيبي والله بكلمك بعدين...سموور..خلاااااص..يار� �ي...مابروح مكان بكلمك والله

وفجأه خالد كأنه حس انه مصخها وسناء معاه تسمعه:خلاص انا اكلمك بعدين....لا ربع ساعه....انتبهي لنفسك زين..خلاص باي

قفل وجات اسماء وفرح...والابواب كانت مقفله...

فتحها لهم وجلست اسماء قدام وفرح جنب اختها ورا...

اسماء: خلووووود ليش مقفل الباب
خالد:ها...لا شكله بالغلط والله....مبروك يامرت الخال
فرح بخجل: الله يبارك فيك...
خالد وهو يحرك: ليش متأخرين؟
اسماء: بعد تعرف حركات البنات مناكير بدكير .... الخ
خالد يبي يحرج فرح: اجل طالعه مرت خالنا اميره تخبل الليله وبتخبل الخال

فرح نزلت راسهاااااا الكل يبي يحرجها..: )

اسماء:ههههههههههه عقبالك ياخالد...
خالد من قلب: اااه امييين يامرت اخووي ادعي لي....
اسماء: ربي يوفقك باللي تستاهلك وتستاهل قلبك الطيب ياخالد....

سناء محترق دمها ليش ماتدري....
من هاللي يحبها ويبي يتزوجها بأسرع وقت؟
اكيد تقرب له...
لانه قالها رحتي العرس؟

ودام بتحضر يعني تقرب له...

مين من البنات فستانها ليموني؟

واستعرضت البنات كلهم في مخيلتها....
مافي حد..

اووووووف من هذي؟؟
لارحت العرس بشوف اللي ميت عليها مالت عليه

......................

وصلت دينــا العرس مع وصول خالد واسماء والعروس واكيد سنــاء..

حاولت دينا تتناسى جرحها والمها من سعود...اللي مو قادره تعيش وياه بسلام..
وعايشين بين مد وجزر..

لحظه حلووه والف لحظه مره...

راحت لعند فرح وساعتها ترفع فستانها الكبير والطويل..
ودخلوا داخل القاعه..

وعيون سعود تتابعها بلهفه مايدري مصدرها...
ليش تجرحيني يابنت عمي؟

ماتدري الزم ماعلى الرجال كرامته؟
وبكلامك القاسي حرجتي كرامتي..

((..كلمه حبيبي مااقصدها...))

شقد كلامك قاسي...

ابتسم بسخريه وشخط...

.............................
حد منكم شاف بالدنيــا بدر..
مقبل يمشي ومن حوله بشر
من حلاة يزف للناظر ضياء
ان ظهر للناس ولا ماظهر..

على انغلم اغنية بدر...صعدت الممر الاحمر الطويل...
وهي مبتسمه

تمشي بهدوء وتحت الممر سناء اللي كل شوي تعدل فستان اختها الطويل..

وفيها صيحه بس كاتمتها..
شلون بتتحمل فراق فرح اختها الحبيبه اللي عاشت معاها عالحلوه والمره..

لما قربت فرح توصل لنهايه الممر وتقعد على الكرسي المخصص لها بعدت سناء خلاص ماتقدر تتحمل...

راحت للحمامات تصيح بأقوى ماعندها...

موقف صعب .. خاصه ان فرح صديقتها اختها امها ابوها كل شئ..لهم..

واذا راحت بتصير لوحدها مع الجده...

حست بأحد يدخل الحمام رفعت راسها وانصدمت...

بنت لابسه ليموني؟

هذي هي؟

مسحت سناء دموعها لما شافت نظرات السخريه بعيون سمر...لانها تبكي

سمر تكلم رهف اللي لابسه فستان اسود: شفيها ذي جنت تبكي كذا...
سناء بعصبيه: والله مامجنونه الا انتي...
سمر بصدمه: حد كلمك؟
سناء: لا على بالك طرشه مااسمع...
سمر بغرور: بعدي بلييز لاتتلزقي....
سناء ببرودة اعصاب: ماتعودت اتلزق في ناس مو من مستواي
سمر وهي تطالع سناء من فوق لتحت: طبعا ماتوصلين لمستواي ياحلووه هههههههههه
رهف:هههه خلاص ياالدبه

سناء حقدت من جد ودها تقرب من سمر تكفخها بس ماتبي توسخ يدها بوحده منتهيه ماصخه مثل هذي..

سناء: انتي لو فيك خير ماتلزقتي في ولد الناس وانتي افهميها...


سناء خربتها بقوووه بعد

سمر انصدمت !! هذي من تقصد..؟
انا اتلزق في مين..

كانت ملامح سمر اقرب للخباثه عكس سناء الناعمه اللي تشبه اختها فرح لحد كبير..وفيهم من البراءه الشئ الكثير..

سمر كانت حاطه عدسات رمادي وراسمه عيونها ومحددتهم زين...وحاطه روج مطفي ...

وصايره عيونها مثل القطوه...



سمر وهي تقرب من سناء تمسكها من يدها بقوه: احترمي حالك واعرفي انتي من تكلمي....لاوالله...

وقطع عليها كلامها صوت من وراها..

امل بصرخه: ابقص يدك اذا مديتيها عليها ثاني مره

كانت امل داخله ومعاها لطيفه المنصدمه من الموقف...

وراحت لعند سناء اللي خايفه من جد من سمر ومو عارفه تتصرف...وبعدتها عن سمور الوحش...

سمر بغرور: هلا امل
امل بغرور اكبر: هلا سمر..جيتي؟
سمر: وش شايفه انتي
امل وهي تطالع سمر من فوق لتحت: نورتي....تفضلي...وبلييز مانبي حركات بنات شوارع...
سمر وهي بتمووت من الحقد: انا مااسمح لك تــ...
قاطعتها امل تضحك: يلا حبي سناء نطلع...اووف هنا من جد الريحه مو حلوووه...
سناء ببتسامه تقهر سمر: يلا ياقلبي

ضحكت لطيفه وطلعت وراهم..

وطلعوا وتركوا سمر بتمووووت من الغيظ


وبرا الحمام

لطيفه: اموول من هذي ؟
امل: لابارك الله فيها...خوية اماني...
لطيفه: عينها قويه حشى...في بنات كذا
سناء: وماشفتي ياام رامي شئ....
لطيفه: الله لايبلانــا..

وبداخل الحمام...

سمر: وانتي ماتدافعين عني ساااااااكته...القطوه اكلت لسانك...
رهف:ههههههههههههههههههه تستاهلين اللي جاك..هذا جزا اللي يتدخل بخصوصيات الناس...يعني جايه عرسهم وتغلطين عليهم
سمر بعصبيه: مين هذي الغبيه؟
رهف: النعوومه؟ تشابه العروس ماشفتيها كانت معاها طول الوقت اكيد اختها
سمر: هين اوريها ان ماشهرت فيهاااا وخليت طاريها على كل لسان مااصير سمر...وش اسمها هي؟ أي أي سناء..هه اوريك ياغبيه
رهف: اووووووف منك ومن شرك....اتركي الناس بحالها....ليش انتي حقووده كذا
سمر وهي تأشر على راسها: كيفي بمزاجي....مالك شغل..

رشت سمر رشتين من عطر كوكو شانيل وطلعت وطلعت رهف وراها...

سناء كانت اعصابها مره تعبانه من الموقف اللي صار..

صار الموقف بمحض الصدفه..وبسرعه..
تتهاوش مع البنت اللي كانت تبغى تشوفها...

سبحان الله..

خالد يحب هالعقربه؟ ويبغى يتزوجها؟
خالد خفيف الدم..الطيب .. يتزوج انسانه حاقده عالمجتمع مثل هذي..؟

ابتسمت سناء بحزن...يلا دامه مرتاح وياها الله يوفقه....

وامل كانت حاقده...على سمر خلاص تبغى تنهي موضوعها...
طفل الكيل...

قامت امل من مكانها ولطيفه سألتها: وين رايحه؟
امل وهي تطالع فرح اللي تبتسم للمصوره اللي تصورها وام فؤاد وام ريان وام سعود حولها....

امل: بروح لفرح تجين؟
لطيفه: ليش لا...



وراحت امل مع لطيفه وقفوا جنب فرح وبعدها نزلت امل لوحدها من المسرح متجهه لطاوله سمر...

كل هذا واماني تراقبها ويدها على قلبها حست ان ساعه الصفر قربت..

شكلها امل بتتهور وتخربها ..

كلمت امل سمر وعلى شفاها ابتسامه...تعرف اماني ان امل تبتسمها للناس اللي تستصغرهم وتحقد عليهم..

قامت لها اماني وراحت لعند الطاوله وارتسمت ابتسامه: ها امول شتسوين عند صديقاتي
امل وهي تمثل صح: امانه سمر صديقتك؟ايييييه وانا اقول يوم اشوفك بالحمام انك مو غريبه وشايفتك من قبل
اماني: أي صديقاتي من المدرسه...

وراحت اماني جلست جنب رهف اللي ترتاح لها اكثر من سمر..

اماني: ها رهوووف..مافي شئ بالطريق؟
رهف وهي تبتسم وتنزل راسها: الاسبوع الجاي ملكتي...

سمر انصدمت...!!!

كيف رهف صديقتها وماقالت لها؟

سمر بصدمه: الاسبوع الجاي؟ وانا ؟
رهف مستغربه: انتي ايش؟
سمر: صديقتك ياخاينه ولااعرف؟ شلون كذا؟
رهف: بعدين نتفاهم...
سمر بصراخ: لا الحييييييين....الغبي اللي تكلميه بياخذك؟ يلعب عليك يامجنونه

رهف انحرجت....شلون سمر تقول هالكلام وقدام الكل؟؟؟
وبالاخص قدام امل الاكبر منهم سنا؟؟

امل مستغربه من هالثنتين...
لكن حاولت ماتبين هالشئ

امل ببتسامه: ماعليك يارهف...مبروك تستاهلين كل خير...بس الوحده لازم تحط في بالها ان مو كل شخص تكلمه يتزوجها....
سمر باصرار: لو كانت تعرف تجيب راسه بتقدر

وكانت سمر تقصد اخوهم خالد

امل باحتقار: صدقيتي ماراح تقدر....تاخذه بدون موافقه خواته وامه..

سمر توترت... ليش امل ماقالت ابوه؟
وابو خالد متوفي؟

ليكون تعرف شئ؟

امل: ها اشوفك صخيتي...حطي في بالك ماراح تقدر هذي فيها رقاب بتطير فاهمه...

وابتسمت امل بغرور...ومستمتعه بتعذيب سمر اللي تحترق على نار هاديه لانها ماتقدر تقول انها تكلم خالد...

سمر بغرور: بنشوووف الايام بتثبت لك العكس...اللي عندها عقل يدبر ويخطط بتقدر تلف على أي واحد غبي وتاخذه ههه وبتشوفين....

امل ارتفع ضغطها....هذي شلون تقول عن اخوي غبي؟
والله ماغبيه الا انتي واللي رباك هالتربيه ... تربيه شوارع من جد...

لكن ماراح احرق اعصابي عليك...

امل بهدوء: عالعموم....الله يوفقك مع أي واحد...وحبيت اقولك واقول لرهف من الحين تجهزوا حق ملكة اخوي خالد قريب

سمر بلعت ريقها بصعوبه وصار تتنفس بطيء....
خالد يملك؟
على مين؟؟؟؟؟؟؟؟؟؟؟؟؟؟؟؟؟

اماني كانت مستمتعه جدا بهالتمثيليه وتمدح افكاااااااار امل...

ورهف بتموت على صديقتها من الضحك...لكنها متيقنه ان لكل شئ نهايه...
واللي تلعب على خلق الله
بيجي يوم الله يشمت فيها خلقه...

سمر وهي تبالع وتتنهد بصعوبه: ومن بياخذ؟

فكرت امل...اقرب وحده لقتها هي سناء..


امل بثقه وهي تأشر على سناء اللي ترقص مصري على اغنيه نانسي عجرم سي السيد: هذي الحلووه....شفتيها اللي لابسه فستان سكري..
سمر بصدمه وعيونها بتطلع من مكانها: هذييييييييييي؟؟؟؟
امل وهي تتجاهل صدمة سمر: أي...شافها اخوي خالد الليله وانهبل عليها...بصراحه وكلمني عليها...بس ها يابنات الموضوع سر ليين تصير الملكه...
تراه مايبي حد يعرف...بيخليها مفاجأه(ورفعت امل حاجب باحتقار لسمر)..

مفاجأه؟الا مصيييييييييييييبه وطاحت على راسك ياسمر...
قومي تلاحقي على عمرك...
قومي قبل لاتاخذه منك..

لالا حبيبي خالد لي انا وبس واللي تفكر فيه ابذبحها واشرب من دمها...

امل وهي تقوم: ها امووني بتجين معاي للعروس نرقص معاها
اماني ببتسامه: ليش لا..

بعد ماراحوا....

تنهدت سمر بألم من كل قلبها....: سمعتي يارهيييف وش تقوووووول....يلعب علي...بيتزوج...سمعتيهااااااا اا لا بموووووووووت بيذبحني هذا...وانا اللي كنت مفكره انه يحبني طلع يلعب علي....
رهف بقسوه: جزاك سموور...ذوقي جزاء افعالك الشينه في الناس...جاء دورك تخسرين...وحطي في بالك ربك مايضرب بعصا
سمر بعصبيه: انتي اخر وحده تتكلمي ياخاينه....شلون بتملكين من وراي...
رهف: بندر حبيبي اللي كنتي تحاولي تكرهيني فيه....طلع يحبني من جد....واول مااشتغل وكون نفسه راح وخطبني من ابوي ووافق....بندر اللي طايح من عينك وحاولتي تبعديني عنه بحجه انه لعاب وراعي بنات...طلع صادق...وبيصير الاسبوع الجاي زوجي...
طبعا اول المعزومين انتي...
سمر بعصبيه وهي تقوم: قلعتك وياه ربي لايوفقك...ياخاينه ولاعاد تكلميني فاهمه

وشالت سمر اغراضها وطلعت من القاعه...تاركه رهف اللي كانت مبتسمه بألم..

خسرت صديقتها...هه الله والصديقه...يلا الله يوفقها ويهديها...

ماحست الا بيد اماني تنحط حول كتفها: لاتزعلين رهووفه....انا معاك وببقى صديقتك لاخر العمر
رهف وهي تحضن اماني وتدمع: الله لايحرمنا من بعض
اماني: اميييين...يؤيؤ اغنيتك اللي تحبينها....يادااااار
رهف:هههههه انتي ماتنسين
اماني وهي تغمز: وازاي انسى بقى..يلا نرقص
رهف: على قلبي يلا ...
اماني:ههههههه

................................

اضواء القاعه مره خااافته وهو واقف بعيد عنها بأخر الممر...

ماكان يشوفها فيها شئ غير الكرستال اللي يلمع في فستانها...
وعقدها الالماس اللي يلمع برقه على رقبتها....

ومشى وخواته وبنات خواته من حوله يسموا ويصلوا عالنبي...

والمغنيه تغني...قمرهم كلهم...

لين وصل قريب منها اشتغلت الاضاءه البيضاء الخافته عليها وبانت ملامحها البريئه اللي طيحت قلبه...

قرب منها وحسها جامده بين يده....
رفع عنها الطرحه
وباسها على راسها وخدها....

مساعد: مبروك يافرحي وهناي
فرح وهي تطالعه ببتسامه مرتبكه: اللي يبارك فيك

لف مساعد يسلم على جدة فرح اللي واقفه وراه

الجده: مبروووك يمه...مااوصيك على بنتي
مساعد: لاتوصين يمه...غالي والطلب رخيص...فرح بقلبي وعيني

وناظر فرح اللي بكت وراحت حضنت جدتها...

مساعد: اموول اموول لايفوتك مشهد من فلم هندي هاتي الكاميرا
فرح وهي تلف له: مسااااعد ابذبحك ترا
مساعد:ههههههههههههههه أي اطلعي على حقيقتك يامجرمه....

وجات المصوره وصورت البنات مع خالهم....ومع الخالات...واخيرا مع العروس..

اكثر وحده كانت متأثره لعرس خالها جوري...
وبعد ماصورت وياه نزلت حتى لاتصيح

لكن محال...


انتبه لها مساعد من بعيد انها تصيح ... اشر لها تجي..

صعدت عالمسرح وهي تصيح والناس تطالع مستغربه...ليش تصيح هالكثر...

من وصلت له ارتمت بحضنه تصيح...وهو ضمها لصدره...

مساعد: جوري عاد ياقلبي خلاص...
جوري: خلاص بتروح منا
مساعد: شدعووه جوري....وين بروح...بقعد على قلبكم...
جوري وهي تبعد وتمسح دموعها وتمسك يده: مبرووك حبيبي....(وتطالع فرح المتأثره من الموقف)مبروك فرووحه...مااوصيكم على بعض..فرح خالي اغلى شئ على قلبي انتبهي له..
فرح: وصيه علي بعد
جوري:هههههههههه من عيوني انتبه لفروحه تراها مثل النسمه...اي شئ يأثر عليها
فرح:ههههههه.... عقبال مانزفك ونصيح بعرسك...
جوري ببتسامه: ان شاء الله...

وقربت جوري من خالها باسته على خده وكلمته في اذنه...

وماحد يعرف وش قالت له...



مساعد: من عيوني حبيبي...اهم شئ مانشوف دموعك...
جوري: تسلم خالي....يلا اخليكم....
امل وهي تقرب: مااقدر...ودي ابكي بس اخاف اطلع اخرع...واخسر الفلوس اللي دفعتها على مكياجي...تهئ تهئ
مساعد:ههههههههههه تعالي

وقربت امل من خالها حضنته....
وبعدها ديمه الدلووعه..

مساعد: عاد الدلوعه سلامها خاص...

وحضن ديمه اللي بكت اكثر من جوري

مساعد وهو يلف لفرح: شفتي كيف يحبوني...بس مااحب الا وحده...(وغمز لفرح اللي ضحكت)...

ديمه وهي تضربه بخفه: مالت يعني ماتحبني بس تحبها

وطالعت لفرح

فرح: مساعد بيحقدوا علي تراهم
مساعد: ماعليك منهم هالمخبل

وسوا نفسه يكلمها بصوت منخفض يقول ان ماعندهم سالفه ودلوعين وديمه تسمعه..

ديمه بعد ماخلص: لا احلف انت بس... مااالت هذا وجايبه لك هديه...
مساعد: جد؟ يااااااااابعد عمري ياديوووم انا اقول انك من زمان اتيكيت وذوووق....بس ماحد يقدر...

لفت ديمه واشرت على جوري حتى تتصرف..

حطوا اغنيه عبدالمجيد....من الغلا..

ودخلوا 3 فلبينيات...لابسين لبس موحد...ابيض واحمر...
وحاملين كيكه كبيره مرررررررررره وبوسطها شموع وشرار يتطاير....وحملوها لطاوله قرب فرح ومساعد...

ولما نزلوا الفلبينيات..صعدوا البنات وعطوا خالهم الهدايــا...

امل: يلا اقطع واكلها
فرح: لالا..مو قدام الناس...
امل: عنااااد فيك قدام الناس يلا خالي....

عطت امل سكين لمساعد قطع قطعه صغيره شالها بشوكه وقربها من فرح...اللي اكلتها مضطره..

فرح: وش هاليوم كله احراجات..خلاص ابي اروح البيت
مساعد وهو يغمز: مستعجل اكثر منك...
فرح: يؤؤ...لاتفهمني غلط انـا اقـ...
مساعد قاطعها:ههههههه ادري ادري...

..............................



امل واماني جالسين يسولفوا بعد ماطلع مساعد مع فرح..

اماني:ياخوفي ياامول تروح تهاوش خلوود...ساعتها بينكر موضوع الخطوبه...يعني مااستفدنـا شئ..
امل بخبث: هه...ماشفتي شئ...لارجعنـا البيت بكمل التمثيليه
اماني: اموول صرت اخاف منك...
امل: ياحبيبتي اللي يفكر يدوس لنا على طرف نمحيه من الكون ناسيه احنا عيال من؟
اماني: اقول لايكبر راسك...مانفرق عن كل العالم بشئ..الله خلقنـا من طينه وحده
امل: ونعم بالله لااعتراض...لكن بعد لسمعتنـا دور...مانبغى اللي يسوا واللي مايسوا يتكلم علينـا...
اماني وهي تسرح: في هذي صادقه يااختي...ربك يعين..


وفي طاوله قريبه منهم كانت دينـا جالسه مع رزان وام سعود وام ريان...

ام ريان: بصراحه يادينـا...يجنن فستانك من وين يمه اخذتيه
دينا ببتسامه: المصمم اللبناني يمه..عرفتيه؟
ام ريان: اللي بالراشد؟
دينا: عليك نور...
رزان: ماما
دينا: لبيه قلبي
رزان: ابي بعد فستان من المصمم اللبناني
دينا:ههههههه بس للكبار...
رزان وهي تبرطم: ليش احنا الصغار مالنا مصمم؟
ام سعود:ههههههههه فستانك بعد حلوو حبيبتي...اقول دينـا
دينا: هلا خالتي
ام سعود: ماودك نرجع البيت؟ تعبنــا
دينا بتوتر وهي تطالع الساعه 2 ونص: امممم عن اذنك خالتي انا بنام الليله عند امي
ام ريان: افا ليش؟ عسى ماشر
دينا وهي منحرجه: سلامتك يمه ماشر... بس اشتقت لك وبنام عندك يووم
ام ريان: قلتي لرجلك؟
دينا بسرعه: أي وموافق
ام سعود بتشكك: دينوووو متأكده قلتي له؟
دينا ماتعرف تكذب: بقوم اكلمه...

واخذت جوالها وراحت تكمل رجلها...

ام ريان: شلونها معاه؟
ام سعود: ماشي حالهم يااختي...رغم ان ودي تحمل هالبنت اليوم قبل بكره كان يتعدل وضعهم شوي
ام ريان: مستغربه كيف للحين ماحملت...خوفي تاخذ موانع من وراي والله كان اذبحها واشرب دمها
ام سعود: لامااظن دينا اعقل من كذا
ام ريان:اااه تعبتني هالبنت الله يعيني...

وعند دينــا

سعود ببرود: وليش متصله دامك قررتي وخلصتي؟
دينا بتوتر: اخذ منك الاذن قبل..
سعود بعصبيه: لامافيه نومه ببيت اهلك يلا تجهزي بمرك الحين
دينا بعناد: لا مو بكيفك..... امي ومن حقي انام عندها
سعود بصراخ: أي اولى انا ولاامك؟ من اللي له عليك حقوق انا ولاامك؟ امك على عيني وعلى راسي بس انا زوجك تفهمين او افهمك اكثر
دينا وهي تفتعل البرود: الحين ماتقدر تستغني عني هاليوم..هه من متى
سعود حس انه بينفجر: دينوووووووو قسم بربي ان ماقفلتي الحين وطلعتي بره لااذبحك الليله
دينا ببرود اكبر: على الاقل احسن من هالعيشه تمسيني على صراخ وتصبحني على صراخ....مليييييييت منك

وقفلت بوجهه وهي تصيح بقووه...حست انها مو عارفه توقف تسندت عالجدار وهي تشاهق وتصيح...

ياربي ليش قلت كذا؟لييييييييييش

ليش انا غبيه وحمااااااااره..
ليش اكذب عليه اقوله ان العيشه معاك تملل..
وفي الحقيقه عيشتي معاه احلى دينا عشتها
حتى لو ماكان يحبني...
بس انا احبه...اي احبه..وماودي ابعد عنه...


حست بيد تنحط على كتفها لفت لقتها اسماء..

لتكون سمعت شئ؟؟

دينا وهي تمسح دموعها: من متى انتي هنا؟
اسماء ببتسامه: من يوم ماطلبتي الاذن منه...ليش قلتي هالكلام يادينا؟ اخوي قصر معاك بشئ؟ غلط بحقك
دينا وهي تهز راسها بالنفي: ابد
اسماء: شايفه عليه شئ؟
دينا بصياح يقطع القلب: لا
اسماء: اجل ليش تكابرين وانتي تحبيه
دينا بقوه: مااحبه
اسماء:وهاللي بعيونك؟ لهفتك وشوقك؟ ناسيه اني افهمك من نظره؟؟

دينا صاحت اكثر وحضنت بنت عمها اسماء...

اسماء: لاتقطعين قلبي...والله سعود طيب مايستاهل اللي تسويه...ليش صرتي قاسيه يادينا...
دينا: انا غبيه .. وحماره...
اسماء:هههههه توك تدرين
دينا بعصبيه: اسمااااااء

اسماء وهي تبعد عن دينا: الحين ماصار الا كل خير...يلا اجهزي والحين هو جاي بالطريق
دينا وهي تنزل راسها: مااتوقع بيجي بعد الكلام اللي قلتـه
اسماء: لاتنسين ان رزان هنــا..واكيد بيجي علشان ياخذها...ماراح يخليها ترجع من امي بهالوقت مع السايق..
دينا وهي تبتسم بأمل: تتوقعين؟
اسماء: ياشيخه شوفي حالك اليوم تهبلين لازم تضيع الليله في صياح يعني ؟(وغمزت لدينا)
دينا وهي تضرب اسماء على كتفها: ههههههه خبله .. بروح البس عبايتي
اسماء وهي تسحب يد دينا: راضي اخوي مو تخليه ينام زعلان لاادفنك فاهمه
دينا: من عيوني ياقمر....
اسماء ببتسامه: الله يهديكم..
راحت دينا عدلت مكياجها وتعطرت وهي مقرره تراضي حبيبها وتخليه ينام وهو مرتاح وراضي عنها...

جد احيانا اصير غبيه اجل هذا كلام اقوله له؟
فديت قلبك سعوودي..

جلست على الكراسي تنتظر مرت ربع ساعه نص ساعه ساعه...وهو للحين مابين...!!

دقت على جواله مقفل...

اووف وهذا وقتـــــه..

رمت الجوال بشنطتها...وهي تهز رجلها بعصبيه..

طلعت ام سعود من القاعه وراحت لدينــا: يمه السواق وصل....بترجعين؟ولابتنامين عند امك
دينا وهي تقوم: يلا برجع معكم.....
ام سعود وهي تبتسم: أي يمه...الحرمه العاقله ماتترك رجلها لوحده...

ابتسمت دينا لخالتها واخذت رزان وراحوا البيت....
وشافت سيارة سعود بالمواقف هالشئ اللي خلاها تتطمن...وترتااااااااح..

وصلت رزان لغرفتها بدلت ملابسها ونومتها..

رزان: ماما لاتطفي النور اخاف...
دينا ببتسامه: ان شاء الله حبيبتي....ولاتخافي انا قريب منك....
رزان ببتسامه: أي لوف يو مام
دينا: ياهووو يالانجليزي قمتي ترطني بعد....اي لوف يو تو سويتي....جود نايت
رزان وهي تلف عالناحيه الثانيه: سيم تو يوو...


...............................

سكرت دينا الباب وهي مبتسمه....وعاجبنها ذكاء رزان وسرعه استيعابها لمناهجها...
وبالاخص اللغه الانجليزي اللي تاخذها من بدري...

ورقت برجل متحمسه ومتلهفه تسابقها دقاق قلبها الولهان لحبيب قلبها وروحها...سعود..

الجناح كان ظلام....بس نور خفيف يطلع من غرفتها...

دخلت بهدوء ...

كان منسدح عالسرير...وبيده برواز...

انصدمت دينــــا...!!

برواز بسمه؟ والحين؟ بهالوقت؟

لالالا مستحييييييييييييل

من كثر ماهي منصدمه كيف سعود تذكر بسمه بليلة مثل هذي راحت لعنده وشالت من يده البرواز...
وكانت الصدمه الاكبر..

صوره دينا مكان صورة بسمه؟!!!!!!!!!!!!!!
من متى؟

متى شال سعود صورة بسمه وحط مكانها صوره دينــا؟

حست بخجل وانها ولاشئ قدامه...

طالعته بعين مكسوره وحست بطيف دمعه بعينه تكابر حتى ماتنزل...

دينا: اسفه...
سعود وهو يلف عنها: على شنو؟
دينا: على كلامي القاسي...
سعود: هه...وش تبين جايه؟ مو العيشه معاي مو عاجبتك؟ مو العيشه مع ولد عمك يادكتوره تملل؟
دينا وهي تصيح وتنزل راسها: قول اللي تبي...ماراح اعترض...اغلط علي اجرحني...مابقولك لا..
سعود بسخريه: الحين نزلت عليك السكينه والملائكيه؟من ساعه تصارخين كأني بزر عندك
دينا وهي تتعذب من كلامه: ارجووك بس.....خلاص....حرام عليك
وقعدت عالكنبه ودفنت راسها بيديها وهي تصيح بصوت عالي..

شئ من داخله يشده لها لحضنها...بس كرامته وكبرياءه
هي الغلطانه مو هوو...

لازم تحس بغلطتها...

رفعت راسها وهي غرقانه بالدموع: ليش انت كذا قاسي؟ وش سويت لك؟ عمري غلطت عليك؟عمري قصرت معاك؟
سعود: للاسف لا......بس عالطالعه وعالنازله مصره تذكريني ان العيشه معاي تطفش تزهق....دام ماتبغيني ليش بتبقين معاي؟شوفي حياتك بعيد عني

دينا بصدمه مااستوعبت كلامه....يعني شنو؟....يطلقني مثلا؟

لالالا انا مااتحمل اعيش بعيد عنه..مااتحمل يمر يوم بدون مااشوفه..

شلون بتحمل سنين من الفراق....مااقدر والله مااقدر...

قامت وراحت وقفت مقابله قريب منه وبعينها نظره ذهول:تطلقني؟ جنيت؟ انت صاحي...؟

نزل راسه مايبغى يشوف نظره العذاب بعينها...
ماتهون عليه..

دينا وهي تهز يده بعنف: جاوبني....بتطلقني؟ لالا انت تمزح صح؟
سعود وهو يرفع راسه لها بكبرياء: لو بغيتي هالشئء ماراح اعترض

حطت يدها على فمها....يعني مايبغاها؟
ماوده فيها؟

خلاص عافها....
واصلا من متى حبها حتى يعافها

دينا وهي تصيح من قلب وتمسك وجهه: لاتقول هالكلام....لاتكسرني...حرام عليك...والله حرام...شلون بعيش من بعدك...فهمني شلووون..

علمتني وشلون احب...
علمني كيف انسى...

يابحر ضايع فيك الشط والمرسى...
علمتني وشلون احن..
علمني كيف اقسى..

سعود وهو مصر ييبس راسه ويعاند حتى تتوب وماتغلط عليه مره ثانيه: مااظن تفرق وياك لو طلقتك....لان وجودي بحياتك يساوي عدمه يابنت عمي....
دينا وهي تأشر قدام عينه : من قااااالك؟ من وين تجيب هالكلام؟ حراااام عليك بتذبحني انت...

خلاص حست انها بتنهار....غمضت عينها بتطيح بس مسكت فيه وهو مسكها بقووه وجعت اضلاعها...
ونظره الخوف بعيووونه...

بس بعد وشو ياسعود..
عذبت البنت بما فيه الكفايه

دينا وهي تمسح دموعها وتحاول تبعد عنه: اللي سمعته منك كفايه....كرامتي انهانت اليوم واجد....بسوي اللي تبيه...بروح الم اغراضي واخلي لك البيت....بريحك مني ياولد عمي....

الفكره مرعبه بالنسبه له ان دينــا تتركه...
لالا....صحيح قال هالكلام بس ماكان يقصده...

كان يبي يخليها تتوب ولاتغلط عليه...
بس شكلها صدقت وبتطلع من حياته جد..

سعود وهو يمنعها: مافي روحه...
دينا وهي تطالعه وتصيح: ماودي اروح....بس انت ماتبيني جنبك...

كسرت خاطره...حس ان قلبه يتألم بس ضلوعه..

كل اللي سواه سحبها لحضنه بقوه وضمها...

غمضت عينها تذرف اخر الدموع المتبقيه...

دينا وهي تتنهد: ممكن تخليني الم اغراضي؟
سعود بأصرار: من قالك بخليك تطلعين؟
دينا: لاتعلب علي...انت ماتبغاني..تكرهني...انت ماتحب الا بسمه...
سعود يكلمها في اذنها بهدوء: بسمه الله يرحمها راحت .... شوفي صورتك مكان صورتها...

وطاحت عينها عالبرواز...بالفعل قدر يشيل صورة بسمه ويحط مكانها صورتها...!!

بس ليش هالتغيير المفاجئ؟
كيف قدر يشيل صورة بسمه بسهوله ويحط صورة دينا مكانها؟

بعدت عنه تطالعه باستفهام: شلون قدرت؟
سعود: سر...مااعلم..
دينا: لاجد....شلون؟
سعود: ماراح اقولك الحين....اذا شفت الفرصه المناسبه بقولك...
دينا وهي تنزل راسها: براحتك...

رفع راسها بيده وابتسم بوجهها: تدرين تجننين وانتي تصيحين
دينا وهي تضربه ببطنه: مالت عليك..
سعود:ههههههههه

الاخ يضحك...وهي تتألم داخلها...
ماعرفت..هل هو يمزح يوم قال بطلقها؟
ولايتكلم جد؟

شلون من شوي يصارخ ومعصب والحين يضحك؟
والله انك غررررريب بقووه...
رسيني على بر ياسعود...

سعود: انا اقولك كيف...
دينا بصدمه: ها؟
سعود: ارسيك على بر؟
دينا: شلون عرفت؟
سعود: من عيونك....عيونك كتاب مفتوح اقدر اقراه بكل سهوله...
دينا ببتسامه مكسوره: خلاص ماابي اعرف كيف...تصبح على خير....
سعود وهو يمسكها : بتخلي حبيبك لوحده؟
دينا وهي تدمع: حبيبي مايبغاني

حس ان قلبه يدق بقووه...اعترفت للمره الثانيه بحبها بطريقه غير مباشره....
وكلمة حبيبي اكبر دليل عليها...

سعود: تحبيني؟

خافت....وش تقول...تقول له أي احبك وهو يجرح فيها من الصبح...
ولاتكابر مثل ماهو يكابر وتحرق اعصابه....

دينا: من يهتم؟
سعود: انا اهتم....
دينا وهي تطالعه بعين ولهانه: أي احبك ياسعود..احبك وانت ماتحبني...احبك وانت مصر تجرح فيني وانا ساكته..ارتحت الحين؟

نزل راسه ولمحت طيف ابتسامه على شفاته...

شفيه هذا يبتسم؟
جن؟

سعود وهو يرفع راسه: تذكرين ايام خطوبتنا وش كنتي تقولي اذا تهاوشنــا؟
دينا وهي تكشر: ايش؟
سعود(وهو يقلد صوتها): انا مستحيل بيوم احبك يامغرور....لان ماعندك سالفه
دينا:هههههههه...
سعود: بس حبيتيني....
دينا: وانت؟
سعود: انا شنو؟
دينا: ماتحبني؟
سعود: لحظه

ترك يدها وراح طفى الانوار...وفتحت عينها بذهول..

لانه شغل الابجوره اللي جنب سريرهم اللي حاط فوقها مجسم بأسمها...ومن الاضاءه صار اسمها عالسقف بشكل كبير....
بس بعد في جمله جنب اسمها....
حروفها ملخبطه...

دينا وهي تدقق النظر وهو جنبها يده حول خصرها: ها عرفتيها؟
دينا وهي ترتب الحروف: L I O E ....


نزلت راسها وقلبها يدق بسرررررعه....تدرون ليش؟

لان الجمله اللي طلعت معاها يوم رتبت الحروف هي

Dina I Love You For Ever


أحبــــــــك للابد..

........................................
...................................

الساعه 9 صباحا اليوم التالي..

كانت مع زوجها بالسياره رايحه لمستشفى تاخذ تحاليلها للمره الثانيه

اسماء وتحس بطنها من الخوف يألمها: فؤاد
فؤاد: لبيه
اسماء: بموت من الخوف
فؤاد: شدعووه سمووي صلي عالنبي
اسماء: اللهم صلي عالنبي..واذا طلعت النتيجه سلبيه
فؤاد وهو يلف لها ويبتسم: بعرس عليك
اسماء: يانذل بتسويهااا وتاخذ غيري

صدقت البنت ونزلت راسها تصيح...مره اعصابها تالفه ومتوتره...

فؤاد وهو يمسك يدها: لو على جثتي ماتركتك يابنت خالتي...
اسماء: اكيد؟
فؤاد: اكيد ياعمري...يلا وصلنــا

ونزلوا وهو ماسكين يد بعض..يبثوا لبعض شعور من الطمأنينه..

وصلوا للمختبر ودخلت اسماء بأراده قويه والتقت انجي الممرضه المصريه

انجي: ايه دا اسماء عندنــا يامرحبا يامرحبا
اسماء ببتسامه باهته: اهلا ياانجي كيفك؟
انجي: الحمدو لله ...

وحست اسماء ان انجي بدأت ترتبك شوي وابتسامتها تروح بعض الشئ..
هالشئ اللي خلاها بتمووت خلاص تبغى تعرف مصيرهااااا ملت..

انجي: اسماء قوزك فين؟
اسماء بتموت: فؤاد؟ بره...ليش؟
انجي: خليكي هنــا شويه..

واخذت انجي ظرف وطلعت لفؤاد بره...
اسماء حست بنذير شؤوم..
جلست بيأس على الكرسي وعينها حايره...
ودقات قلبها تسابق الوقت بجنوون...

وبره الغرفه...

جلس بكل جسمه العريض على اقرب كرسي ويده على فمه: اسماء عقيــــــــــــــــــــــ ــــم ؟؟!!
لالا قولي يااختي غير هالكلام زوجتي سليمه مافيها شئ...شلون؟
انجي رحمته: دي ارادة ربنا يافؤاد...اصبر واحتسب..

نزل راسه للارض وقلبه محطم...في دقايق محدوده تحدد مصير كل حياتهم..

خلاص مابيصير له عيال من حبيبتة وزوجته اسماء؟
خلاص بيعيشوا طول حياتهم وحيدين؟

انا مايهمني كل هذا...اللي يهمني الحين اسماء..
يالله شلون بتتحمل...

ماحس الا اسماء تطلع بسرعه من المختبر وعينها عليهم وبصوت متهدج: قولي ان النتيجه ايجابيه ارجوك...
انجي وهي تمسك يد اسماء: تصبري ياحبيبتي...للاسف النتيجه سلبيه

شهقت بصوت عالي وعينها بتطلع من مكانها: لاااااااااااااااااااااااا اا انتي كذابه..لالا مستحييييييييييييييل

قام لها فؤاد وبعينه دمعه وحضنها: مو قدام الناس اسماء
اسماء وهي تدفه وتصارخ: انتوا كذابين....كذاااااااااابين...� �نا سليمه...بجيب عيااااااااال...ليش ياربي لييييييييش تحرمني

وتسندت عالجدار وهي تصيح بصوت عالي...انجي دمعت عينها وتركتهم ودخلت...
اما فؤاد نزلت منه دمعه وهو يشوف اسماء كذا...

مسك بيدينه راسها وكلمها بهدوء: اسماء انتي مؤمنه وعاقله...هذي ارادة ربك.. والخيره فيما اختاره الله...
اسماء بصياح يقطع القلب وتحط يدها على بطنها: يعني مابجيب لك ولد؟ يعني مابيصير لنا عيال؟ لالالااااااااا قولي يافؤاد اني احلم ..

ودفنت راسها تصيح بحضنه وهو يمسح على راسها وماهمه الناس اللي تطالع مستغربه وش صاير..

فؤاد وهو يحط يدينه حول كتفها: كفايه الناس تتفرج علينــا...يلا نرجع
اسماء وهي تقاومه ودموعها سكايب: مو قبل مااخذ نتيجتي....هذي كذاااااااااابه انا ادررري
فؤاد بيأس: لااله الا الله...صلي عالنبي يااسماء يلا الناس تطالعنــا...

سحب يدها بالقوه وركبها السياره...
وهي تصيح صياح عمرها ماصاحت مثله..
حتى فؤاد كان محتار وخايف عليها من هاالانفعال لايأثر عليها


طول الطريق وهو يسوق يطالعها ومو مهتم بالشارع وهي على نفس وضعيتهااا..

منزله راسها بحضنها وتصيح بصوت عالي ...

فؤاد: اسماء بتمين على هالحاله واجد؟
اسماء بصراخ: انت ماتحس.....انا عقيم..يعني انسانه نااااقصه...يعني حياتنا انتهت تفهم او لا
فؤاد: وش تخربطين انتي.....بتعترضين على ارادة ربك؟ اعووذ بالله...وبعدين من قالك اني مهتم...بالطقاق مانبي عيال
اسماء وهي منفعله: كلكم تقولوا هالكلام...اصلا مافي رجال مايبغى عيال...مافييييييه لاتكذب علي

رجعت راسها عالكرسي وهي تضغط بيدها على بطنها وتصيح..

عوره قلبه عليها....وش يقدر يسوي...فكر ..
محتار...كيف يرجعها البيت وهي بهالحاله...

فؤاد: تبغين تروحين عند امك؟
اسماء بسرعه: أي أي الله يخليك بنام عند امي..انت ماودك فيني عارفه انا هالشئ...
فؤاد: من المجنون اللي قالك هالكلام....انا ماتزوجتك حتى تجيبين لي عيال...ماتزوجتك الا لاني احبك وميت فيك..وابغى اعيش عمري كله وياك
اسماء بنظره تكسر الخاطر: حرمتك ياحبيبي من ابسط الاشياء...سامحني...
فؤاد وهو يمسك يدها: حبيبتي يكفي وجودك بحياتي....يخليني مااحتاج لشئ...اذا حياتنا بتصير نحس وتعاسه بسبب العيال انا عفتهم خلاص ماابغاهم...

وصلوا لبيت ام سعود...راح فتح لها الباب وحط يدينه حول خصرها وهي تسندت عليه وراسها على كتفه...
تطالعه...تشوف فيه الانسان اللي دايم حلمت فيه وتمنته..
والظاهر ان هاالانسان يجاملها اليوم..
بس بكره بيتركها..
لامحــــــال...
لان مافي رجال مايحب العيال...

دخلوا الصاله وكان فارس وجوري قاعدين يستهبلوا مع بعض..وتوهم صاحيين من النوم..


وانصدموا لما دخلت اسماء وفؤاد وهم على هالحالـه...!!


كردة فعل اولى اثنينهم وقفوا يطالعوا اختهم اللي تبكي وخايفين...

جوري استوعبت انها مو لابسه شيله راحت ركض لبست..

فارس بخوف يقرب منهم: شفيكم؟ وش جابكم من صباح الله؟؟

لاجواب الاثنين يطالعوا بعض بصمت....

جوري وهي ترجع لهم: شفيييييكم؟ خالتي فيها شئ؟؟؟ خالي فيه شئ؟

راحت اسماء تصيح وطاحت بحضن اختها اللي منصدمه...

فؤاد: تعال فارس بغيتك شوي..
فارس: حياك الصاله الثانيه..

جلس مع ولد خالته..لوحدهم

فارس: وترتوني..تكلم الله يخليك..حد مات؟
فؤاد وهو يقاوم دمعه على وشط النزول:لا فال الله ولافالك...بس... اختك ياافارس
فارس وهو يمسك ذراع فؤاد: اسماء شفيهااااااا؟ مريضه؟؟؟؟تعبانه؟ تكلم الله يخليييييييييييك
فؤاد: اختك عقيم...
فارس وهو مو فاهم: ها؟
فؤاد: ها شنو انت بعد...
فارس بصدمه مو فاهم: يعني اسماء عــ....يعني ماتجيب عيال؟
فؤاد وهو ينزل راسه: للاسف هذا اللي صار...

قام فارس من مكانه وهو مو مصدق: لا ياخوووي قول غير هالكلام...اختي مافيها شئ
فؤاد بعصبيه: مو وقتك يافارس هذي ارادة ربنــا خلاص...
فارس بصراخ: ليش بكيفك هو؟؟ عيدوا التحاليل مره ثانيه جايز فيها غلــط..
فؤاد: اوووف منك ترا اللي فيني مكفيني مو ناقص شغل الحريم....وين الغلط يعني...؟
فارس بيأس يرجع يقعد: بتطلقها؟؟
فؤاد بعصبيه: ماني نذل لهالدرجه يافارس....اسماء زوجتي وحبيبتي...مافي وحده بتاخذ مكانها لو على جثتي..
فارس: بس من حقك تجيب عيال
فؤاد: وانا مستغني عن هالحق ماابغى...يؤؤ ليش غصب يعني؟
فارس ببتسامه سخريه: شئ مؤقت
فؤاد عصب بقووه: شايفني اتكلم هندي ولاباكستاني...ياخي فكناااا

وقام فؤاد معصب بيطلع بس مسكه فارس: لاتزعل مني ياخووي... مدري شصار لي...بس هذي اختي
فؤاد وهو يهدأ: فاهمك والله يافارس...لازم نوقف معاها مانزيدها...مسكينه تكسر الخاطر اللي فيها كافيها...
وانا اسف والله جيتكم هالوقت وخوفتكم
فارس: انت من اهل البيت وش هالكلام...انت الداخل واحنا الطالعين
فؤاد: تسلم والله... الا خالتي وينها؟ مااشوفها
فارس وكأنه تذكر مصيبه جديده: امي...لو عرفت وش بتسوي؟
فؤاد : خالتي مؤمنه...وماراح تسوي مثل باقي الحريم...ماقلت لي وينها
فارس: نايمه والله....
فؤاد: ماعلينــا لاصحت نتفاهم...يلا مشينــا..

طلعوا الصاله كانت اسماء نايمه بحضن جوري واثار دموع على خدها..وجوري تبكي حال اختها...

فؤاد بهدوء: نامت؟
جوري: أي..
فارس: المفروض ماتبكين ياجوري لاتزيديها اللي فيها كافيها
جوري وهي تمسح دموعها: ماتوقعت...جد صدمه..
فؤاد: هذي ارادة ربنــا..ياجوري
جوري: ونعم بالله...خليها تنام عندنا كم ليله...
فؤاد: مااقدر اخليها بعيده عنــي..
فارس: خلك انت بعد معنــا البيت ماشاء الله كبير...خد واحد من الاجنحه اللي فوق..
فؤاد: تتوقع؟
فارس وهو يحط يده على كتف فؤاد: خلينــا نرجع هذيك الايام...ايام ماكنا كلنا نبـات في البيت العوود
فؤاد: هههههههههه يلا ننام وش ورانــا..

في هاللحظه نزلت ام سعود وهي مستغربه اللي تشوفه..

فؤاد بهالوقت عندهم؟

واسماء نايمه بحضن جوري..وش صاير..

نزلت بسرعه لهم
فارس: حيلك حيلك يمه...لاتطيحين من الدرج
ام سعود وهي تروح تطالع اسماء: شفيها اسماء؟ ليش نايمه كذا؟
جوري بهدوء: لاتصحينها يمه...مابغت تهدأ وتنام
ام سعود وهي تعصب: تكلموا خوفتوني على بنتي...وش فيكم؟
فؤاد وهو يطالع فارس: خالتي تعالي احنا نفهمك...

وراحوا مع ام سعود الصاله البعيده شوي حتى يتكلموا وماتصحى اسماء

ام سعود وهي تدمع: بنتي عقيم؟ ماتجيب عيال؟...لالا قولوا غير هالكلام
فؤاد: خالتي...ارادة ربنا وانا راضي فيها...الحمدلله الله اخذ منا صح...بس عطاني اسماء اللي لو الف العالم مابلقى بحنيتها وخوفها علي وحبها واخلاصها لي..وبالطقاق ماابغى من هالدنيا حاجه...
ام سعود وهي تصيح: يعني ماراح تترك بنتي وتتزوج عليها؟
فؤاد: لو اسويها ماني برجال...وخذيها كلمه مني طال الزمان ولاقصر غير اسماء ماراح اخذ...

وقام فؤاد جلس جنبها وباس يدها: شلون تتوقعين اتركها بهالسهوله
ام سعود وهي تمسح على راسه: هذا عشمي فيك يمه...صدق ان اختي ربت رجال مو أي كلام
فارس: وانا بنت قدامكم يعني 
فؤاد:هههههههههه غيووووووووووور عمري ماشفت مثلك..
فارس بدلع: أي لي الله لازوجه تدلعني ولاام ولااخت...

جوري وهي تدخل عليهم: نصاااااااب مو من شوي اقولك بعزمك عالغدا بر
ام سعود بخوف: وين تركتي اختك يمه؟
جوري: نايمه عالكنبه برا...
ام سعود وهي تطالع فؤاد: يمه خليها عندنا في البيت..والله قلبي بيتقطع عليها وهي بعيده عني
فارس: خططنا قبل ماتقولين سوف يحل علينا الاستاذ فؤاد وحرمه اسماء ضيوف لدينا الى وقت غير معرووف
ام سعود بفرح: جد يمه؟ روح الله يكتب لك بكل خطوه سلامه وتوفيقه قول امين
فؤاد ببتسامه: جميعا يارب....

................................



بنفس البيت الدور الثالث...جنــاح سعود ودينــا..

بعد احلى ليله شاعريه رومنسيه واكشنيه بين احلى اثنين..

سعود&دينــــــــا...


صحى قبلها...لف عليها لقاها نايمه بهدوء وعلى شفاتها الورديه ابتسامه..

يالله كيف هالبنت سرقت قلبه؟
وخلته ينسى بسمه؟

هذا سر مع الاحداث المتبقيه بتعرفوه...

المهم انه حبها...

الفضل الاول يرجع الى الله
والثاني للـ......

والثالث اكيد لحنيتها وطيبتها جمالها كل مافيها هالبنت يجننك ويسحرك..

قام سبح وصلى ولبس بيجامة لونها ازرق غامق..

وجلس جنبها عالسرير...

سعود وهو يهمس في اذنها: حبي...
دينا: لاجواب لازالت نايمه
سعود: عمري

دينا ابتسمت ولاردت

سعود برومنسيه وهمس: فديتك..وفديت ابتسامتك اللي تجنني..

فتحت عينها طالعته..ولفت يدينها حول راسه: وحشتني..
سعود وهو يدخل يدينه بشعرها يلعب فيه: ياكذابه متى امداك تشتاقين لي..
دينا: طول الوقت اشتاق لك..حتى وانت جنبي
سعود: اااخ..بتجننيني انتي كذا...
دينا: مثل ماجننتني

سعود جن عليها وباسها على راسها..

سعود: تدرين دينــا
دينا: لبيه
سعود: أمس من جد..كانــت أحلى ليله اقضيها بحياتي..عمري ماحسيت بالسعاده قد اللي حسيتها أمس..
دينا بخجل: اكيد؟
سعود وهو يحضنها: اكيدين حبيبتي...اشكرك من قلبي..عطيتيني السعاده اللي انحرمت منها سنين..
دينا بهمس: انا كلي لك لعيونك...بخلي حياتك افراح في افراح..
سعود: يالبييييييييييييييييييييه عليك وعلى لسانك الحلوو...يلا قومي حبي..

ساعدها تقوم من السرير...حست انها نعسانه تبي تنـام بعد...
حضنته هو ابتسم ولف يدينه حولها: ها دلوعتي وش تبي؟
دينا: ابي حبيب قلبي
سعود: وينه اجيبه لك...
دينا وهي تضمه اكثر: كاهو عندي بيدي ....ماابي حد غيره..
سعود وهو يحرك بيده شعرها اللي يحبه بجنون: ارحميني دينوو قلبي مايتحمل

بعدت عنه ومسكت يدينه: أحبك
سعود وهو يغمز لها: احبك اكثر...
دينا باستفهام: سعود...انا للحين مستغربه...
سعود: من ايش؟
دينا: من متى انت تحبني؟ ليش مافكرت تقول لي؟ ليش؟ وكيف؟ وبسمه؟
سعود ببتسامه: ليش انتي متسرعه دايم؟ كل شئ بتعرفيه بوقته...مابتكلم الحين
دينا بزعل: ابي اعرف الحين...
سعود: لاتصيرين ملقووفه حياتي...بعدين مااحبك

طالعته من فوق لتحت وجات بتمشي عنه للحمام بس سحبها لحضنه وحضنها: احبك يامغرورره بجنون


وخلصوا الاثنين ونزلوا وانصدموا من وجود فؤاد واسماء !!

بس تكفلت جوري وحكت لهم كل شئ

سعود حزن من جد لاخته وولد خالته..
ودينا منصدمه من جد..
كيف هالشئ يصير ..
بس هذي ارادة ربنــا
لااعتــــــــــراض..


.......................

في الـــــــبيت العـــوود..الساعه 1 الظهر

في غرفــة مساعـــد وفـــــــــرح..

الهدوء مخيم على الغرفه..
ظلام..لان الستاير مانعه ضوء الشمس..

ريحة عطور الفواكه ماليه المكان..
والجو بارد ولا احلى..

فاق على صوت جوالــــــها...

هي ماصحت من تعب امس...
قام وهو منزعج وراح لجوالها: الووو
ام ريان: هلا حبيبي
مساعد ببتسامه: هلا ام ريان...
ام ريان: خوفتني ياخووي ليش مقفل جوالك مافتحته...
مساعد:ههههههه بعد تعرفين...
ام ريان:ههه شلون عروستنــا؟
مساعد وهو يطالع الملاك اللي كان نايم جنبه: تجنن يااختي...
ام ريان: الله يبارك لكم ويوفقكم...نايمه ولا؟
مساعد: أي لسه نايمه؟
ام ريان: شلونها معاك؟
مساعد: حلوه ماعليها كلام .. بس خجوووووووووله يااختي حيل..جننتني
ام ريان: صبرك عليها ياخوي...لو ماكانت سنعه ماصارت خجوله كان صارت وسيعة وجه...وعاد انت عارف الباقي
مساعد: أي والله...
ام ريان: يلا صحيها حبيبي...انا عازمتكم عالغداء وعازمه خالاتك وعيالهم
مساعد: ولايهمك...
ام ريان: مو تتأخروا
مساعد: ان شاء الله اصحيها ونجني..
ام ريان: حط بالك على البنت يمه تراها يتيمه مالها غيرك...
مساعد: من عيوني لاتوصين....
ام ريان: مع السلامه
مساعد: الله يسلمك...

رجع جوالها مكانه ورجع مكانه يتأملها ونسى الحبيب نفسه..

مساعد: فروحتي
فرح وهي تنقلب: امممم
مساعد: الساعه ست المغرب

قامت وهي مفزوعه: هاااا
مساعد:ههههه لو داري قلتها من زمان

برطمت وطالعت الساعه 1 وخمس...

رفعت يدها لفوووق وشالت شعرها...وربطته بمشبك صغير...وهو يراقبها وهي ولاداريه
لما انتبهت له ضحكت عليه

مساعد: يؤ جنت البنت تضحك لوحدها
فرح بخجل: لاتراقبني ...
مساعد: وهذي قعده براقبك لليل عندك مانع؟
فرح:هههههههه بقوم عنك...

وقامت راح وراها

فرح بتموت من الفشله: بتدخل معاي الحمام؟
مساعد:هههههههههههه بس حبيت اقولك معزومين في بيت اختي ام ريان
فرح: امول بتجي؟
مساعد: مو غاسل مخك الا اموول...اي الكل بيجي
فرح: امممممم يلا اسبح واجهز...
مساعد: مو تبطين قلبي...
فرح: ان شاء الله...مساعد
مساعد: عيون مساعد
فرح وهي تنزل راسها: انا بختار لبسك اليووم
مساعد متشقق: لو تبيني اروح بالبيجامه برووح
فرح:ههههههههه
مساعد: على شرط اختار لبسك انا بعد
فرح بنعومه: اوكي
مساعد ببتسامه: يلا روحي احتريك...

......................
من امس وسمر مقطعه بعضها اتصالات لجوال خالد..
بس انه انشغل مع الرجال والمعازيم وخاله
والجو زحمه ماقدر يرد عليها...
ولما رجع نااااااااام بدون مايحس من تعب اليوم الطويل
ولاكلم سمر..

لما فاق اول شئ سواه دق عليها...
وردت من ثاني رنه

سمر: نعم؟
خالد مستغرب: يمدحوا الاخلاق ترا..
سمر بعصبيه: مو كفايه مخليني من امس ملييت وانا اتصل عليك بس انت ساحب علي..وتبغاني بعد اكلمك بأسلوب حلوو...
خالد وراسه يوجعه : لاصرتي رايقه كلميني
سمر بصراخ: لا ياحبي ماراح تسكر قبل ماتفهمني شسالفه سنائوووو
خالد بصدمه: مين؟
سمر: لاتسوي نفسك مو فاهم...سالفة شينة الحلايا سنائووو تكلم لاتحرق اعصابي
خالد: سناء اخت فرح؟ وش سالفتها
سمر: طبعا طابخها مع اختك امووول من وراااي..(وهي تصرخ وتصيح) بتخطبها ياخااااااين وانااا؟؟ وين حبك وكلامك
خالد وهو يعصب: هيييييه انتي جنيتي...اي خطوبه ماتفهميني شصااااير
سمر بانفعال: مالي تفاهم وياااك ولاعاد تتصل علي فاهم باي

وقفلت بوجهه..اما هو قام مصدووم...وش صاير؟

غسل وصلي بسرعه ونزل تحت...

لقى خواته كاشخين وجالسين بالصاله مع امهم...

ام فؤاد: هلا يمه...صحيت
خالد واخلاقه بخشمه: أي يمه...امون لاهنتي تعالي
اماني: وش تبغى قلبي؟
خالد: انتي تعالي ولاعليك

طالعته امل وهي مبتسمه...
اكيد السالفه فيها سسموور...
يارب يصير اللي في بالي

قامت اماني اللي كانت لابسه بدي برتقالي وفيه شريطه حول رقبتها...جنز ازرق وجزمه بلون البلوزه.
وصايره كوول..

دخلوا المطبخ وقعد عالطاوله...
وكان باين انه متضايق..

اماني وهي تحط يدها على ذراعه: شفيك خالد؟
خالد وهو يتنهد: متضايق
اماني: ماعاش اللي يضايقك ياخوي...علمني شصاير
خالد: سمر
اماني وهي تبلع ريقها: شفيها؟
خالد وهو يلف لاماني: جات امس العرس صح؟
اماني: صح...
خالد: صار شئ امس؟
اماني مرتبكه: مثل؟
خالد: مدري....كلمتها من شوي قامت تصارخ وتخربط علي...جابت طاري سناء اخت مرت خالي
اماني وهي تفتعل المفاجأه: غريبه...ماصار شئ امس ... مشت الامور تمام
خالد بعصبيه: مدري من اللي قال لها اني بخطب سناء....ياربي ماتدري اني احبها وماراح اخذ غيرها

اماني بقلبها....عساك الماحي ياسمر كانك سحرتي اخووي وغسلتي مخه...روحي الله لايوفقك

خالد: وش اسوي؟البنت جنت تصارخ بدون وعي

كانت اماني بتتكلم بس دخلت امل وهي ناويه على مصيبه ثانيه...

امل: اموون الحقي الحقي
اماني وهي خايفه امل على شنو ناويه بعد: ها؟
امل: الحقي امي تتكلم عن خويتك ام الفستان الاصفر اللي امس

هنـا خالد تشقق....يمكن امه شافت سمر وعجبتها...وتخطبها له

ارتسمت على شفاته ابتسامه واسعه ونسى صراخها واللي سوته..

اماني وهي تقعد على اقرب كرسي: وش تقوول امي؟
امل: مو امس طلعت خويتك من العرس مستعجله بعد ماكلمت خويها مدري حبيبها...اتاريه مر عليها وسيعة الوجه ويقولك راحوا....وين الله اعلم..
اماني وهي تحاول تهدأ: وش عرفها امي؟
امل تتكلم بثقه: مافي شئ يتخبى..والبنت اهلها قلبوا عليها امس الدنيااا..بس اخر شئ لقوها معاه..اعووذ بالله..السالفه انتشرت امس ماسمعتيها؟

خــــــالد..مسكين انت ياخالد تعاني كثير...
قام من مكانه يطالعهم بذهوول

خالد: سمر حبيبتي طلعت مع غيري؟..لا لا مستحيل..الناس تكذب
امل تفتعل صدمه: لتكوون نفسها؟ سمور خوية اماني هي حبيبتك؟ لالا اسفه ياخالد...مادريت بس....
خالد بصدمه مو عارف حتى يمشي: سمر؟ لالا سمر اعرفها ماتسوي هالشئ..سمر تحبني أنــا
اماني خربتها: شفت كيف...واسلوبها اليوم اكبر دليل تبي تحط اللوم والغلط عليك وتخلق مشكله من لاشئ...وانت ياحياتي مصدقها....روح تفاهم وياها ياخوي هذي صايعه انانيه ماتحب الا نفسها حقووده...امس بالعرس تركت صديقه عمرها وزفتها قدام اللي يسوى واللي مايسوى...ودعت عليها الله لايوفقها...ابسألك في وحده محترمه تسوي كذا؟..اللي تبيع صديقتها علشان رجال..بكره تبيعك علشان أي رجال تقابله...
كفايه انها العام الماضي يوم ملكت الهنوف صديقتنا راحت ولفت على زوجها وخلته يطلق الهنوف..
لانها غايره منها...

رمي نفسه مره ثانيه عالكرسي ورجله ترتجف....سمر اللي احبها كذا؟ انا كيف كنت اعمى؟

امل تكمل على اختها: ماتوقعت ياخوي انك تحب هالانسانه..اخوي الحنون الطيب...تحب وحده سيرتها عاطله...اخلاق ماعندها...وحده كل همها الفلوس والبهرجه...لااسمح لي ياخالد...هذي مو من مستوانــا..
واسأل أي واحد عنها وعن عايلتها وشف وش راح يقولك..
خالد بصدمه: بس ارجوكم بس....قتلتوني...ذبحتوني..حرام عليكم

طلع وراسه للارض..ومصدووم..
مو مستوعب هاالاحداث السريعه..

الله يعينك ياخالد

وبداخل المطبخ...

اماني: تسرعتي ياامل..تسرعتي
امل بخبث: هه....ماشافت شئ هالعقربه...هين انا اوريها...حتى تعرف تحط راسه براس اعمامها
اماني وهي تدمع: خايفه على خالد...لايصير فيه شئ...
امل: خالد اخوي وحبيبي وراح نوقف كلنا معاه لين ينساها..وصدقيني يااماني ماسويت هالشئ الا لاني احبه..وابغى موضوعه ينتهي اليوم قبل بكره....
بس تصدقي سناء عاجبتني..خطبت فرح لخالي وودي في سناء لخلوود...من جد بنت كامله والكامل الله..
اماني: تصدقين عاجبتني بعد...ياحلوها هالبنت تجنن....

ام فؤاد من برا الصاله: اموول دقي على فؤاد شوفيه وشوفي بنت خالتك مابينوا اليوم
امل: دقيت يمه ماحد رد...اكيد لسه نايمين
ام فؤاد: اجل يلا مشينــا
امل : جايين يمه...قفلي امون عالموضوع لارجعنا من بيت خالتي نتفاهم...
اماني وهي تقوم: مشينا

.........................


لطيفه..كانت بالمستشفى تشوف نجود...وريان ورامي جنبها...وشايله هاني على كتفها..
جاهم الدكتور ووقف جنبهم وهو مبتسم

ريان: ها دكتور طمنا عالبنت...
الدكتور: لا الحمدلله في تطور وكبير جدا..امس اخذنـا لها اشعه والفجوه صغرت..وكلها ايام ان شاء الله وتلتأم وتختفي...

لطيفه نزلت راسها وبكت من الفرح..وودها تشيل بنتها وتضمها...

لطيفه: يعني دكتور متى راح تطلعوها؟
الدكتور: ان شاء الله بعد اسبوعين ..
هاني: ماما
لطيفه: ها ماما
هاني: وين لوود (يعني نجود)
ريان:هههه شوفها بابا هذيك الصغيروونه...عرفتها
هاني وهي يضحك بصوت عالي ويرفس يبي يدخل لها: ابغاهاا ابغاهاا بلعب ثياره معها (بلعب سياره)
الدكتور:هههههه عاد انتبهوا لها منه شكله ناوي على شر...الله يطلعها بالسلامه...استأذنكم
ريان: اذنك معك دكتور ماقصرت..يلا بابا مشينــا
رامي: بابا خلينا مع نجوود ماشبعنـا منها
ريان وهي يحط يده على ذراع رامي: بعد اسبوعين بتشبعوا منها بابا بتجي البيت..يلا جدتك تنتظرنـا عالغداء والمعازيم وصلوا
لطيفه وهي تطالع الساعه : يالله تأخرنـا حبيبي..يادوب يمديني اسوي شعري ومكياجي يلا يلا

ومشت وريان يناظرها...يالله يحبها هالمخلوقه جد جد...
يكفي حنيتها وطيبه قلبها...
اللي تهون عليه المصاعب
.............

البـــــارت الاخير
الفصل الثاني..

بنهايه هالاسبوع كـانت ملكة أمل ومنصور اللي للحين ماتكلموا مع بعض بعد الموقف اللي صار..

وأمل خايفه من جد ليهاوشها وينتقم منها..

وكانت ملكتها في بيتهم الكبير الواسع..

نزلت عالدرج وخواتها جنبها مبسوطين فرحانين من قدهم اختهم الكبيره وجاها نصيبها..

استقبلتها امها وام منصور في الاحضان..
باست امل على راسهم وقعدت بوسط البنات..

كانت دينا على يمينها واسماء على يسارها..

وباقي البنات حولهم..

وتمت الملكـه على خير والشيخ سأل امل وتم كل شئ تمام..

أمل وهي ترجع تقعد وقلبها طبول: اكيد الحين بيقول بيشوفني...
دينا:ههههه أي طبعا ليش لا
امل وملامحها تتغير: خايفه...انتي نسيتي وش مسويه له
؟
دينا:ههههههههه والله انكم فلـه..هو ماخطبك الا اكيد عجبتيه

وغمزت لامل..

وبالفعل دقايق وناداها فؤاد حتى تجيه المجلس وتقعد مع منصور..

جاتها فرح ومسكت يدها وقومتها: خلاص امول شفيك؟
امل وهي بتبكي: ماابيه خلاص قولوا له ماتبي تشوفك...
ام فؤاد وهي تقرب منهم: امول الرجال ينتظر يلا عاد
امل وهي تدمع: خايفه يمه...
ام فؤاد: انتي مايعرف لك الا خلود بروح اناديه

تغطوا البنيات وكلمت ام فؤاد خالد اللي اكيد بيقدر يقنع امل..

دخل عليهم وهو منزل راسه وكلم امل: ها عروستنا؟
امل وهي تمسك يده: خايفه شسوي؟
خالد وهو يمسح على راسها: حبيبتي تطمني منصور رجال والنعم فيه...وبس تقعدي معاه بترتاحي...صلي عالنبي
امل: اللهم صلي وسلم عليك ..
خالد: يلا قومي مو حلوه اموول

هنـا ام منصور ضحكت على دلع امل

ام فؤاد: سامحينا يااختي بس تعرفين دلع بنات
ام مصنور:هههههه عادي شدعوه كلنا سوينا كذا...

بهالوقت قامت امل وخالد ماسكها من يدها وراحوا المجلس...

دخلت مع اخوها وهي منزله راسها وماسكه يده بأقوى ماعندها

خالد وهو يطالع منصور ويغمز له: انا وصلت لك الامانه استلم..

منصور وقف وهو يطالعها مبهور منها...

كان فستانها كحـلي حرير مره ناعم..
وشعرها مرفوع بتسريحه ناعمه مره..

وشكلهاصاير هادئ وكيوت..

خالد:امول وجع كسرتي يدي خلاص فكيني عاد
امل وهي تقرب منه: لاتخليني اخاف منه
خالد بصوت عالي: ترا تقوول تخاف منك تعال احملها وفكني منها
امل برعب: لالالا....
منصور :هههه كيفك امل؟
امل بخوف: زينه...
خالد وهو يدزها: مصختيها خلاص...

بعدت عن اخوها مجبوره وقعدت على كنبه..

راح منصور وقعد مقابلها...وهو وده بس ترفع عينها وتطالعه...

خالد وهو يراقب: أي احفظ المسافات لاهنت...
منصور: انقلع لهنـا بتلحقني....
خالد: اخ عقبال مااخذ سناااااااااء
امل وهي تنسى منصور وترفع راسها: انت وافقت؟ اخطبها لك؟
منصور:ههههههههههههههه
خالد: مو قايل مشتغله خطابه زوجتك...الله يعينك عليها
امل بعصبيه: خلووووووود
خالد: خلاص بخليكم بااااي

طلع وخلاهم ومنصور طول الوقت يحاول يكلم امل وهي مطنشته

...............................

بعد الملكه سافر فؤاد مع اسماء وقالوا للكل انها سفرة للسياحه مو اكثر..

وقابلوا الدكتور اللي فهمهم سبب مرض اسماء والعلاج اللي راح يتبعوه وان شاء الله يجيب نتيجه

..............................

بــدأت الاختبارات والكل منشغل في مدرسته وجامعته وبالاخص ديمه واميره ليل نهار مذاكره مافي نوم وراحه....

والحمدلله جاء يوم نتاايج الثانويه العامه ..

واميره قاعده عالنت واعصابها متوتره واماني معاها وام فؤاد وخالد

خالد: حاولي مره ثانيه
اميره: الموقع حيل ثقيل مايتحرك...اوووف بمووت

وحاولت مره ثانيه وضبطت...هي هنــا خلاص بتموت قامت من مكانها مو قادره تشوف شئ

ام فؤاد وهي تحضن اميره: خلاص اهدأي يمه..
خالد: اماني تصرفي
اماني: طيب

جلست اماني عالكمبيوتر وشافت النسبه: كلووووووووووووووووش مبروووووووووك 94 يالدبه
اميره بصدمه: بس؟
خالد وهو يضرب راس اميره: شنو اللي بس الناس تقول الحمدلله...
اميره وهي تبكي ومبتسمه: الحمدلله الحمدلله ( وصارخت بأعلى صوتها) نجححححححححححححت

وعند ديمه كانت الاجواء ماتفرق واجد...
طلعت نتيجتها وراحت ركض لامها وابوها

ديمه بصراخ: يمه نجحت واخيييييييييييييييييرا...
ام ريان بفرح: كم جبتي؟
ديمه وهي تناطط: 93 هييييييييييييه

وراحت لامها وحضنتها وبعدها لابوها اللي جالس ومبتسم لهالموقف وحضن بنته بقوه وباسها على جبينها: شاطره بابا ابيك دووم كذا
ديمه وهي تتنهد: ارتحنااااااااااااااااا
لطيفه وهي تجيهم: ها ها بشروا؟
ديمه وهي تحضن لطيفه: 93
لطيفه بفرح: مبروك يادكتورتنــا

...................................

بعد شهر.....اسماء وفؤاد رجعوا من السفر على امل وان شاء الله يتحقق...
انه خلاص الايام الجايه العلاج بيجيب نتيجه وتصير اسماء حامل..


واليـوم عرس جوري ومـاجد..

عرس العشاق اللي اخيرا بيجتمعوا في بيت واحـد..تحت سقف واحد..

دخلت جوري عالحضور في فستان ابيض اقرب للذهبـي..فخم بكل معنى الكلمه..

وشعرها مرفوع لفوق والطرحه نصها ملفوف على التسريحه والباقي وراها...

مشت بهدوء وهي مرتاحه مبتسمه..
واسماء من بعيد تطالع اختها وتبكي..

يالله كيف السنوات تمشي بسرعه اختها امس الصغيره الدلوعه واليوم حرمه كبيره عندها بيت وزوج...

والبنات حول جوري فله وهيصه وفرحاانين..

انطفت الاضواء هنـا جوري استغربت وش صاير...

جوري: اماني ..
اماني وهي تقرب من جوري عالكوشه: هلا حبي
جوري: ليش مطفين الاضواء؟
اماني وهي تغمز: شوفي المفاجئه...

طالعت جوري البروجكتر والعرض اللي بدأ..

اول شئ طلــع جمله عريضه باللون الاحمر(( اهلا بكم في مملكتنــا))

وطلعت صور بيت جوري وماجد...وغرف البيت...

وبعدها صور جوري يوم كانت صغيره..
وصور ماجد بعد...

وتدريجيا لين كبروا...

وفي صوره ضحكت عليها جوري هي صورتها مع خالها مساعد وهم بالامارات واثنينهم ياكلوا ايس كريم...وعلى وجوههم الكريمه

وبعدين صور ملكــتهم وكانت جوري فيها مستحيه حيييل...

وبعدها صورهم بالامارات وهي تتشرى وهي تجرب الملابس وحركات الاستهبال مع فارس وماجد..

والحضور مبسوطين مرره على هالعرض الممتع...

والتعليقات الحلوه اللي حطتها المصوره والمصممه...

وبصوره ماجد لاف ذراعه حول جوري وهي حاطه راسها بحضنه وماسكه يده....

كانت صوره الختــام وصايره في اطار على شكل قلب...

ومكتوب جنبها...

هديه متواضعه وصغيره من عاشقك.....ماجد..

نزلت جوري راسها ودمعت من الفرحه...

...................................