بين ثنايا الأيام / للكاتبة صاحبة الكلمة ، مكتملة

[لامارا]

...:::][ الجزء العاشر][:::...

___________
بيت الريم .. الساعه : 2:00 مساءً
___________


** الريم **


رجعت من المدرسه بدلت ملابسي وصليت .. وعلى طول على بيت رهف ..وصلت البيت .. فتح لي سعد .. دخلت لقيت رهف وامها ومحمد .. جالسين بالصاله .. قلت : السلام عليكم

الكل قال : وعليكم السلام ورحمة الله وبركاته

من شافني محمد قال : يللا انا استأذن بروح الشغل

وطلع .. قالت لي رهف : اخبارك ريوم

قلت : تمام الحمد الله

قالت ام يوسف : تعالي يابنتي اجلسي .. كيف حال امك والاهل.. عساهم زينين

جلست وقلت : زينين يسألون عنك

قالت : تسأل عنهم العافيه .. يللا اجل انا بروح احط الغدا

جا سعد سلم علي وجلس بجنبي .. كان لاصق فيني .. كل شوي يلف علي ويبتسم

قالت له رهف : مافيه مكان بالصاله .. الا بجنب الريم

نزل راسه مستحي

قلت انا: خليه وش عليك

شغلت التلفزيون .. وحطت على mbc3 .. اشرت لسعد وقالت له : يللا شوف التلفزيون هذا توم وجيري انت تحبه

جلس يشوف التلفزيون .. شوي و قالت لي رهف : ريوم اممممم .. وش رايك باخوي محمد

مثل ماتوقعت رهف تحسب اني اكلم اخوها .. والحين تسويلي اختبار .. تبي توهقني

قلت لها : اما عاد .. وش دخلني في محمد عشان اقول رايي فيه

دخلت شعرها ورا اذنها وقالت : لا مو كذا .. مافهمتيني

قلت : اجل .. يللا قوليلي عشان افهمك

قالت : بصراحه امس اخوي قال لأمي .. انه يبي يخطبك .. بس بالاول قال اسألك عشان اعرف رايك .. قبل ما يروح مع اهلي

محمد يبي يخطبني ؟..يعني يحبني ويبيني !!.. لا يمكن مايحبني .. بيخطبني لاني بنت جيرانهم و صديقة اخته .. وحسني انسب وحده له

قالت : ماقلتي لي رايك

سكت ماقلت لها شي

قالت : يللا عاد لا تستحين

قلت لها : هااه .. رهف وش اقول لك .. مدري انا

قالت : مو مشكله فكري .. والله يعيني على حنة محمد اليوم

ابتسمت ونزلت راسي

قالت : ايه صح ترى المسج .. اللي جاك امس مو محمد اللي كتبه

قلت لها : اي مسج

قالت : اللي تسبح ومدري وشو .. سعد هو اللي ارسله

اها يعني محمد .. قال لها الصدق .. اني ما اكلمه .. وهو بس اللي يرسل لي مسجات

قال سعد بصوت عالي .. وهو منسدح بجنب التلفزيون : كذابه رهف .. انا ما ارسلت لك شي

قالت بصوت عالي : وانت قاط اذنك معانا وكملت بصوت هامس : ماعليك منه .. هو اللي ارسله

اشوى ان مو محمد اللي كتبه .. كنت بقول ماعنده ذوق ,,, شوي وجات ام يوسف بالغدا .. وقامت رهف تساعدها ,,,

.................................

** رهف **

رحت المطبخ عشان اساعد امي .. اخذت الصحون .. ولفيت عشان اطلع .. وقفتني امي

وقالت بهمس : انا حذتك يارهف ياويلك لو تقولين لأبوك بسالفة مشعل

ناظرتها وقلت بضيق : وليه بالله ما اقول ؟

قالت : حرام تزعلين ابوك

ضحكت وقلت : حرام ازعله ؟

قالت : ايه انتي ماتدرين ان ابوك زوجك مشعل لمصلحتك .. الحين ان عرف بـ....

قاطعتها وقلت : والله اللي يسمعك يقول .. انا مت اول صار فيني شي

قالت : بسم الله عليك يابنتي .. بس وش راح تستفيدين اذا قلتيله ؟

قلت : الا راح استفيد كثير .. لاني ادري ان ابوي زوجني مشعل عشان فلوسه مو عشان شي ثاني .. وانا ابيه يعرف ان الفلوس ماتدوم .. وانها مو اهم شي في الدنيا

قالت بحزن : ابوك عارف هالكلام

قلت : ما اتوقع

قالت بحزن : عشان خاطري يابنتي

قلت : يا الغاليه انتي على عيني وراسي .. وتامرين امر ماراح اقول لأبوي تدرين ليه ؟

قالت : ليه ؟

قلت : لاني ماراح استفيد شي هههههههه

ضحكت وقالت : ايه هذي بنتي اللي اعرفها .. يللا الغدا راح يبرد

قلت : ايه بس بودي الصحون

طلعت من المطبخ .. شافتني الريم

وقالت : وش فيك رحتي ونمتي ترا انا بموت جوع ههههههههه

قلت : هههههههههه شكلك ماتدرين ان الغدا عندنا بفلوس

قامت من مكانها وقالت بمرح : يووه بفلوس والله مادريت ؟ اجل باي باي بروح بيتنا

مسكت عبايتها وقلت : لا تخافين فيه تخفيض للاهلو المعارف والاصدقاء

ناظرت فوق وهي تفكر

قلت وانا ابتسم : خلاص بنخليه لك مجاني

حطت يدها على صدرها وقالت بأرتياح : ايه اشوا

قلت : بس مره ثانيه بفلوس

قالت : ماراح اجي مره ثانيه ههههههههه

قلت : اتحداك هههههههههههه

......................


___________
بيت مشعل .. الساعه :2:30 مساءً
___________


** نجود **

كنت جايه من برا ..ابشركم خلاص بشتغل .. بصير الاخصائيه الاجتماعيه نجود ..فتحت شنطتي .. جلست ادور فيها .. وين جوالي .. مو هنا .. تصدقون تو احس اني نسيت الجوال بغرفتي .. كنت افصخ العبايه .. طلعت خالتي فاطمه من المطبخ تقول : هاه يابنتي بشري

قلت لها وانا ابتسم : خلاص بشتغل

قالت لي :من متى بتداومين ؟

قلت : من بعد بكرا انا بداوم

قالت : بصير لحالي الصبح .. انتي ومشعل ونايف بالشغل .. ورهف بالمدرسه

قلت لها : وش نسوي بعد .. يللا معك رغد .. الا وين رهووف

قالت : راحت بيت اهلها

هزيت راسي .. ولفيت عشان بروح .. قالت لي : ايه صح .. كنت بنسى .. دقت عليك بنت عمتك حنان اليوم ثلاث مرات وقالت تبيك ضروري

قلت لها : يعني الحين التلفون شغال

قالت : ايه جا عامل صلحه لنا

هزيت راسي .. وركبت غرفتي .. دخلت .. كان جوالي فوق السرير .. اخذته وجلست على السرير .. كان فيه 10 مكالمات لم يرد عليها من حنونه

وثلاث مسجات
فتحت المسج الاول كان

^*^
/
\
/
\
/
\
/
\
/
^*^

جودي ردي على جوالك ابي اكلمك


.. والمسج الثاني ..

^*^
/
\
/
\
/
\
/
\
/
^*^

وينك انتي ؟ ابيك ضروري
كلميني اوكي


.. المسج الثالث ..


^*^
/
\
/
\
/
\
/
\
/
^*^

جودي دقيت على بيتكم قالت لي ام مشعل
انك طالعه لا رجعتي كلميني على طول
لا تنسين

^*^
/
\
/
\
/
\
/
\
/
^*^

غريبه ؟.. وش تبي حنان .. الظاهر فيه شي خطير .. الله يستر


.. جيت بدق عليها من جوالي .. لقيت الجوال مافيه شحن..حطيته يشحن .. بدلت ملابسي .طلعت من الغرفه للصاله ..جلست على الكنبه .. واخذت سماعة التلفون .. دقيت رقم بيت عمتي .. يووه هذا فيصل .. مافيه الا هو بالبيت عشان يرد ؟ ..انا مقهوره منه هالايام .. عشان كذا .. قلت له بجديه : الو السلام عليكم

قال : وعليكم السلام

قلت له : حنان موجوده

قال : ايه من نقول لها

ما ابيه يعرف ان هذي انا .. قلت : مشاعل

قال : طيب يامشاعل .. انا بقول لك سالفه

مايستحي فيصلوه .. يسولف مع اي بنت .. كل شي عنده عادي

قال : السالفه .. مره ناس مسويين لهم مكرونه بالباشميل .. بس ما كلوه مساكين ..قولي ليه ؟

هالغبي .. السخيف .. البايخ .. لو هو قدامي عطيته كف

كمل كلامه : المهم انا بقولك ليه .. لانهم مايقفلون دريشة المطبخ زين .. وتعرفين القطاوه مايدخلون الا من الدرايش .. دخلت عليهم قطوه من الدريشه .. وكلت المكرونه كله ههههههههههههههههههههههه

قلت له : بايخ .. ماتضحك

قال بعد ماوقف ضحك : وش فيك معصبه .. انا اقولك سالفة ناس مالك شغل فيهم

قلت له : فيصل ..ترى ....

قال : وش دراك ان اسمي فيصل ؟

جالس يستهبل علي .. طنشته وكملت كلامي : ترى كل شي له حدود

قال لي :حـبـك بـحـر مــالـه حــدود .. واسـمـك بـقلـبـي مـوجـود

هذا مايحس ..مايستحي .. قلت له : انصحك ماتغني مره ثانيه

قال : افااا ليه

قلت له : وين حنان

قال : تبين امي

قلت له : لا حنان

قال : تبين الهنوف

قلت : اووف لا حنــــان

قال : تبين فيصل

خلاص زودها ذا .. قلت له : خلاص فيصل

.
.
.

قفلت في وجهه ..احسن اجل جالس يستهل ويغني وينكت علي

رن التلفون .. ورفعته .. قلت : الووو

كان فيصل .. قال لي : مره ثانيه لا تقفلين السماعه بوجه الناس المحترمين اللي مثلي .. ,, قفل التلفون بوجهي ،،

معتبر حاله من الناس المحترمين !!

لكن كله مني يوم اقول بشوفه هذاك اليوم .. واطلع مع الدريشه .. مسكها علي القطوه والحراميه

.. المهم رجعت غرفتي .. اخذت الجوال .. دقيت على حنونه .. من اول رنه رفعت

قالت : وينك انتي من متى ادق عليك

قلت لها : وعليكم السلام

قالت : انتي تنسين الواحد حتى يسلم .. وين كنتي ؟

قلت : كنت طالعه

قالت : اهاااا .. جودي بما ان حناماعندنا شي .. وفاضيين قلت اجي انام معك اسبوع

قلت بفرح : والله بتنامين معي .. وناسه .. مو مصدقه

قالت : لا صدقي .. خلاص بجيك بعد المغرب .. اوكي

قلت لها : لا تعالي الحين .. والله طفشانه

قالت : لا الحين ما اقدر

قلت : اوكي براحتك

قالت : يللا اشوفك بعد المغرب

قلت : على خير ان شاء الله
.
.
.

انا بصراحه ماقلت لها اني بشتغل بعد بكرا .. لاني ادري فيها بتغير رايها .. لفيت لقيت نايف وراي يصارخ : بوووووووووه

حطيت يدي على قلبي .. وقلت : نيوف خرعتني .. لا تسويلي كذا مره ثانيه

قال : خرعتك ؟ .. خلاص مره ثانيه مابسويها

دققت في ملامح اخوي نايف زين .. اشتقت لوجود نايف في البيت

انا ما وصفت لكم اخوي

امممممم اخوي وسيم وشعره بني فاتح مره طويل شوي يوصل لذقنه تقريباً وكثيف وناعم بشكل مو طبيعي .. كل شوي يطيح على عيونه ويرفعه .. شكلي بقول له يحلقه .. وجسمه طويل وعريض معظل

عيونه عسليه مناسبه للون شعره وبشرته بين البياض والسمار وهذا الشي هو اللي مخلي لون الشعر والعيون تطلع حلوه .. ويهتم بنفسه يعنيي لبسه على طول كشخه

سمعته يقول : وين رحتي ؟

قلت : امممم من وين جاي ؟

قال : من الشغل

حطيت يدي على راسي وقلت : ايه صح نسيت انك بتداوم اليوم

قال : امحق دوام .. قسم بالله طفشت ..مليون شغله تعلمتها .. وشلون مشعل متحمل الدوام كل يوم

قلت له : نايف ترى ابوي الله يرحمه .. وصاك بالشركه .. مو بكره تقول ما ابي اشتغل

انسدح على السرير وقال وهو مغمض : لا تخافين بداوم

تكتفت وقلت : ياسلام منسدح على سريري ومتلحف بعد .. روح غرفتك

قال : غرفتي بعيده .. تعبان مو قادر اقوم

رحت لعنده وهزيته : قــــــوم قــــــــوم .. مافيه تنام بغرفتي .. بتجيني حنان اليوم

مافيه رد .. راح بسابع نومه ..شغلت التكيف .. وطفيت النور .. وطلعت من الغرفه


...........................


__________
بيت مشعل .. الساعه 5:30 مساءً
__________


** رهف **

رجعت من بيت اهلي .. اول مادخلت شفت خالتي ام مشعل ورغد جالسين بالصاله .. يشربون قهوه ويشوفون التلفزيون

قلت : السلام عليكم

قالت : وعليكم السلام .. تعالي اجلسي معنا نشرب قهوه

رحت على طول وجلست .. قلت لها : تسلمين خالتي .. وترى تسلم عليك امي

قالت : الله يسلمها من كل شر .. ليه امك ماتجينا البيت

قلت لها : جات بس انتي كنتي مسافره

قالت : والله ابي اشوفها امك

صبيت لي قهوه .. وقلت : ان شاء الله بقول لها تجي هالاسبوع .. الا وين نجود

قالت : والله مدري الظاهر نايمه .. رغد غيري القناة عاد .. كله كرتون كله كرتون .. طفشنا

قلت : ايه والله .. حطو لنا شي حلو

ناظرتني رغد وقالت : لا والله واللي احطه انامو حلو

انا اصلاً وش لي اتكلم .. قالت خالتي : والله يارغد بنتي مانبي كرتون

قالت رغد : هذا الكرتون احبه وابي اشوفه

قالت خالتي : خلاص اجل خليه

لفت علي رغد ومدت لي لسانها .. وكانها تقول لي حره .. موتي قهر .. تحسب اني مهتمه لها.. قالت خالتي : فـــوزيــــه .. روحي شوفي من عند الباب

قالت رغد وهي تضحك : ماما فاطمه مو اسمها فوزيه اسمها فريزيانا

قالت خالتي : وانا شدراني .. بلا فوزنيانا .. بلا فرننزلانا

انا على طول مت من الضحك .. ناظرتني رغد وقالت : وش دخلك تضحكين معانا

قالت خالتي : وش هالكلام رغد .. تبين تمسكين الناس عن الضحك بعد

زين تسوي فيها خالتي .. شوي وتدخل حنان بنت عمة مشعل .. سلمت وجلست بالصاله

قالت لي : كيف حالك رهف

قلت : تمام وانتي

قالت : تمام ... تعالي رغوده

جات رغد وجلست بجنبها .. مسحت حنان على شعرها وقالت : وانتي كيف حالك ياحلوه

قالت : زينه ... تقول نجود انك بتنامين معانا

قالت وهي تناظر فيني : صحيح

وش دخلني تناظرفيني ؟

قالت : الا وينها جودي

قالت رغد :مدري الظاهر نايمه

قلت انا : بروح بشوفها

قالت خالتي : اذا نايمه صحيها

قلت : ان شاء الله

.
.
.

ركبت فوق .. فتحت باب غرفة نجود .. كانت نايمه .. رحت لعندها قلت بصوت خفيف : نجود .. نجود .. قومي .. حنان تحت

بس ماصحت ولا تحركت .. الظاهر نومها ثقيل .. هزيتها .. وقلت : نجود بتقومين اولا .. ترى بشغل النور

ماشفت منها أي رد .. هزيت كتفها وقلت : نجود يللا عاد قومي

مافيه فايده .. قمت وشغلت النور .. ورحت اشوف عطوراتها .. تحركت شوي .. شكلها صحت .. قلت لها : بجي برش عليك عطر .. ’’ رشيت في الهوا ’’ .. وقلت : الله ريحته حلوه

رجعت لعندها .. 1.2.3 .. صرخت بصوت عالي : نــــــــــجـــــــــــــ ـــــود

انرفع الغطا على طول .. بس الشخص اللي كان موجود مو نجود .. قلنا بصوت واحد : بسم الله الرحمن الرحيم

قلت بخوف : م م من نانا ...... نـ ـ ـ ـ ـايف

رجعت على ورا بسرعه .. و من الخرعه طلعت من الغرفه وقفلت الباب .. وش يسوي نايف اخو مشعل .. بغرفة نجود ياربي وش هالفشله .. وش اسوي .. كله مني يوم جيت اصحيها .. اووف لو انا مخليه خالتي او رغد .. كنت واقفه عند الباب وحاطه يدي على قلبي .. سمعت صوت نجود وراي تقول : لا .. لاتدخلين نايف نايم بغرفتي

كان وجهي احمر ومتوتره .. قالت لي : وش فيك .. لا يكون دخلتي

قلت لها : ايه ... لا لا مادخلت .. انتي وين كنتي

قالت : كنت اتروش .. حنان بنت عمتي بتجي بعد شوي

قلت لها : ايه جات وهي تحت

وكنت بروح غرفتي .. قالت لي : مابتنزلين تجلسين معنا

قلت لها : الا بنزل .. بعد شوي

قالت: اوكي لا تتاخرين


.........................

_____________
بيت مشعل .. الساعه 5:40 مساءً
_____________


** نايف **

هذي رهف زوجة مشعل .. الظاهر حسبتني نجود .. لانها يوم صرخت قالت اسمها .. بس قسم بالله خرعتني ..اجل هي وش اقول مسكينه اكيد تفشلت .. اخر مره انام بغرفة نجود اذا هالمواقف بتصير .. خل اقوم اتروش واصلي احسن لي ..’’ رحت غرفتي تروشت وصليت وطلعت منها ’’

.
.
.

نزلت تحت .. كنت واقف بنص الصاله .. مافيه احد .. وين راحوا الناس ..سمعت صوت احد طالع من الحمام ( الله يكرمكم ) ناظرت .. من هذي .. ايه الهنوف بنت عمتي .. ناظرت فيني وهي متفاجأه.. وقالت : ولد خالي يجي من امريكا ومحد يقول لنا ؟

عادي يعني لو ماقالو لكم .. انا مو شخصيه مهمه !!

قالت : كيف حالك نايف

قلت : هلا الهنوف انا بخير
قالت وهي تتدلع بس دلعها ماعجبني : انا حنان مو الهنوف .. ماتعرف بنات عمتك

قلت : اها ...... ،، كنت بمشي ،،

قالت : وين رغد .. راحت فوق ومانزلت

لفيت عليها وقلت بملل : ماشفتها

قالت وهي تبتسم : حسبتها معك

قلت : لا مو معي

ورحت المطبخ .. قبل لا تقول لي شي ثاني ..وانا ابي اكل مو فاضي ..فتحت الثلاجه .. الله مسويين كريم كراميل .. اخذت لي من الكراميل .. وجلست على الطاوله اكل .. سمعت صوت برا .. وقفت ورحت عند دريشة المطبخ .. كانت هناك رغد .. بس معطيتني ظهرها .. ماكنت شايف هي كانت تلعب بوشو وقفت .. شكلها جايه تبي تدخل المطبخ .. تخبيت ورا الباب ..فتحته ودخلت بهدوء وهي تناظر يمين وشمال .. جابت كرسي .. وقربته عند الثلاجه .. ركبت فوقه .. وفتحتها ..اخذت تفاحتين وموزه ..نزلت من الكرسي .. وقفلت الثلاجه .. لفت وشافتني

قالت بخوف : خالي نايف

قلت لها : وش تسويين

قالت :جايه ابي اكل تفاح

قلت لها : نصابه تكلمي بسرعه

قالت : قلت لك ابي اكل

قلت بصوت عالي : رغد بلا كذب وقولي الصدق

نزلت راسها وقالت : ما اكذب

قلت : بتقولين الحين والا لا

قالت : بقول لك بس ما تعلم احد

قلت لها : ما اعلم

قالت : احلف

رفعت يدي وقلت : اتعهد بأسمي نايف ولد عبد العزيز .. اني ما اخبر احد عن اللي بتقولينه لي

قالت لي : تعال وراي

طلعت وراها من باب المطبخ .. رحنا عند الشجر .. رفعت كرتون كبير هناك .. كانت تحته قطوه صغيره

قلت لها : يوووه عندك قطوه

قالت : لا تقول لبابا

قلت لها : من متى عندك

قالت : وليد ولدعمتي جابها لي يوم يجي لنا

قلت : وليـــــدووه ماغيره

نزلت امسح على القطوه .. لفيت على رغد وقلت لها :رغوده وش راح تأكلينها

قالت لي : تفاح وموز

ابتسمت وقلت لها : لا ماتاكل هذا ... قومي معي

ورحت مع رغوده .. نجيب للقطوه حليب لانها صغيره


..........................


____________
بيت ابو يوسف .. الساعه 7:00 مساءً
____________

** محمد **

رهفوه هذي ماوراها فايده بذبحها .. قسم بالله اذتني .. الحين الريم تبيني اولا .. اموت واعرف .. لكن بتشوف رهفوه اذا تبي مني شي ماراح اسويه لها .. خلاص طفشت .. بقول لامي تخطبها خلاص .. ما اتوقع الريم ماتبيني .. لانها لو ماتبيني .. كان سوت سالفه على المسجات .. وتضايقت

.
.
.

طلعت من الغرفه .. ورحت الصاله .. كانت هناك امي تكوي الملابس

قلت لها : يمه

قالت لي وهي تكوي : هلا محمد وش تبي

قلت لها وانا احك راسي : يمه انا خلاص ابي اتزوج

تركت الكوي وقالت : خلاص يعني بتتزوج الريم .. هذي الساعه المباركه

جا سعد من المطبخ وقال : شفتي يمه قلت لك

وهذا مايخبي شي .. لفيت عليه وقلت : يابخورالبيت

قالت امي : انا ماصدقت سعد يوم قال لي .. لو ماقالت لي رهف كان للحين انا مو مصدقه

لا واثاري الكل هنا عارف السالفه .. وانا اخر من يعلم .. اما اخر من يعلم وانا صاحب الشآن

قلت : ايه يمه خلاص اخطبيلي الريم

قالت امي : الله يوفقك يا ولدي .. والريم مافيه احسن منها .. وانا من بكرا بكلم امها


................................


___________
بيت مشعل .. الساعه 9:00 مساءً
___________


** حنان **


رحنا الصاله انا ونجود وام مشعل بعد ماكنا بالمجلس .. صار لي 4 ساعات من جيت للحين .. ولا سويت ولا شي مفيد .. ونايف من دخل هالمطبخ ماطلع .. اوف مو حاله .. وهذيك الشينه رهف .. من شافتني ركبت فوق بحجة انها بتصحي نجود ومانزلت .. محتره مني .. جا مشعل من برا .. وسلم علينا .. جالسه اناظر فيه بتمعن .. هذا وش كان عاجبني فيه ؟..مافيه ولا صفه من الصفات اللي انا احبها .. فرق بينه وبين نايف

قالت نجود : مشعل عاد لا ركبت شوف رهف .. دخلت غرفتها وماطلعت خلها تنزل

قال : طيب بشوفها .. خلاص هذي هي نزلت .. رهف تعالي

جلس على كنبه من الكنب .. وجلست بجنبه رهف

قال لها : وش فيك يقولون دخلتي غرفتك وماطلعتي

قالت وهي تحط يدها على راسها : لا بس تعبانه شوي

وماتعبتي الا يوم انا جيت .. اعرفهم هالنوع من الناس .. يخافون اسرق منهم الاضواء .. وعشان كذا يسوون اي شي يلفت اللي حواليهم .. قالت تعبانه قالت .. توها يوم جيت مافيها شي

قالوا مشعل ونجود وخلاتي : سلامتك

قالت : الله يسلمكم

حسيت نفسي بس انا اللي ساكته وماقلت شي .. عشان كذا قلت : ماتشوفين شر

ايه بعد لا تقول محتره منها

قالت : الشر مايجيك

من سمعت صوت باب المطبخ .. لفيت على طول .. واخيراً جا نايف .. من متى انتظر

ناظرنا وقال : اشوف كلكم متجمعين .. وماتعزمون .. انا ورغوده مانكلمكم .. صح رغد

قالت رغد : ايه صح

قالت خالتي : اصلاً انت ورغد ماندري عنكم وين رحتوا .. تعال بس اجلس

جا وجلس .. وراحت رغوده عند ابوها

ابي اتكلم .. ابي اقول شي يلفت نظر نايف

قالت ام مشعل : رهف اذا مره تعبانه .. خلي مشعل يوديك المستشفى

قالت بصوت خفيف تسوي نفسها رقيقه : لا خالتي مايحتاج

قال نايف : وش فيها زوجة مشعل

حتى نايف يسأل عنها .. لا هذي ملفته نظر الكل هنا

قال مشعل : مافيها شي .. تعب خفيف

قال : ماتشوف شر

قالت رهف : الشر مايجيك

وقف مشعل وقال : انا بركب ببدل ملابسي دقايق وجاي

قالت ام مشعل : وانا بروح المطبخ بجهز العشا

مابقينا الا انا ونايف ونجود .. والخبله رهف .. لو تروح بعد هي احسن

قال نايف لنجود : جودي وين فيلم ( .. )

فرصتي اتكلم .. قبل ما يروح .. قلت : الله احب هالفيلم ..قصته حلوه

قالت نجود : ايه والله يجنن

الحين انا قلت هالكلام عشان يرد علي نايف .. او انتي يا الملقوفه

قام نايف يدور الفيلم بالمكتبه .. لازم انا افشل رهف والفت الانتباه لي بأي طريقه ..كانت دلة القهوه بجنب رهف .. ايه عندي فكره

قلت لها : رهف عاد صبيلي قهوه

اخذت فنجان .. وصبت لي .. عطتني ايه .. سويت كانها ماعطتني اياه زين .. وانكب على عبايتي .. شهقت بقوه .. عشان نايف ونجود يشوفون .. وقلت بدلع : يوووه رهف .. وش سويتي .. كبيتيه على عبايتي .. ياربي حار

حطت رهف يدها على فمها وقالت : مدري .. مانتبهت

جات نجود عندي وقالت : وش صار فيك احترقتي .. توصخت عبايتك

قلت انا : لا لا عادي بس احترقت يدي شوي .. حصل خير .. رهف ماتدري

نايف ماعلق .. بس التفت وشاف اللي صار وهذا يكفيني ..الحين اكيد نجود ونايف يقولون عن رهف غبيه

قالت نجود : بركب فوق .. بجيب لك عبايه ثانيه .. رهف قولي للخدامه تجي تمسح القهوه

قالت رهف : ان شاء الله

لف نايف .. واخيراً بيتكلم وبيعلق على اللي صار .. قال : نجود عاد في طريقك شوفي الفيلم وين راح .. يمكن في غرفتك .. او غرفتي

قالت نجود : طيب

انا في الشرق وهذيلا في الغرب




........................

** نايف **

ماكنت مهتم باللي يصير .. اللي يهمني فيلم ( .. ) وين راح .. ليكون
جودي عطته وحده من صديقاتها .. وخايفه تقول

اخذت فنجان قهوه .. وصبيت لي ..شربت شوي .. وبعدته على طول .. القهوه بارده .. غريبه .. ناظرت في حنان .. وكانت تمسح عبايتها بالكلينكس .. مو هي قالت انها احترقت ؟ .. ناديت خالتي ام مشعل .. فتحت باب المطبخ .. بس طلعت راسها

قلت لها : خالتي القهوه هذي من متى

قالت : سويتها العصر شربناها انا ورهف ورغد .. ونسيت اشيلها

معقوله رهف ماحست ان القهوه بارده .. وانها نفسها اللي شربتها بالعصر

قلت بصوت عالي : ايه خالتي غيريها لانها بارده

قالت لي : ان شاء الله ،، ورجعت المطبخ ،،

قالت حنان متفاجأه : بارده ؟ .. توها من شوي حاره

قلت لها بنظره حاده : لان القهوه تبرد بسرعه

ابتسمت وقالت : ايه صح

جات الخدامه تمسح القهوه .. وكانت رهف واقفه منزله راسها مستحيه

راقبت رهف شوي .. بعدين وقفت .. و ركبت غرفتي


.......................


____________
بيت ابو يوسف .. الساعه :2:00 مساءً
____________

** محمد **

كنت جالس على الكرسي اللي بغرفتي .. صار لي ثلاث ايام من قالولي امي وابوي .. ننتظر ردهم .. احسهم 3 سنين .. متى يعني .. مايبيله الموضوع كل هالوقت .. بس بيسألون البنت ..موافقه ؟؟ بتقول ايه اولا .. وينتهي الموضوع


~~قول امين عساك تحبني وتموت فيني
قول امين عسا يدينك ماتفارق يديني ~~

&رهف & يتصل بك

رديت وقلت : الووو

قالت : الووو هلا محمد

قلت : هلا والله رهف

قالت : هاه بشر .. ماعطوكم رد

قلت وانا مقهور : لا ماعطونا شي

قالت وهي تضحك : وش فيك .. مصيرهم بيردون عليكم

قلت : تأخيرهم هذا يخوف

قالت : لا يخوف ولا شي .. طبيعي الموضوع

قلت : ان شاء الله خير

قالت : ان شاء الله .. يللا اجل اخليك محمد .. واذا قال لك ابوي او امي انهم موافقين .. على طول دق علي

قلت لها : ولا يهمك

قالت باي وقفلت ..رميت الجوال على السرير فتحت الباب امي ..على طول وقفت قلت لها : اكيد عطوكم رد

قالت لي : وش فيك اجلس اجلس

قلت : عطوكم اولا

ماكنت مستانسه .. شكلها يخوفني .. قلت لها : قولي لي

قالت : ياولدي البنات واجد ..والريم فيه مليون مثلها

قلت بصراخ : ويعني .. ملخص هالكلام وشو

كانت ساكته .. قلت لها : قوليلي يمه .. لا تحرقين اعصابي .. قوليها .. قوليها خلاص عادي

قالت امي : مــحــمــد مـــا صــار نــصــيــب

^*^
/
\
/
\
/
\
/
\
/
^*^

**** نهاية الجزء العاشر ****

[لامارا]

...:::][ الجزء الحادي عشر ][:::...



____________
بيت ابو يوسف .. الساعه 3:00 مساءً
____________


** محمد **

امي تحسب اني بصدقها .. ادري فيها تمزح .. قلت لها : يمه تحسبين ما ادري انك تلعبي باعصابي

قالت بجديه : وهذا موضوع ينمزح فيه

قلت لها : اجل قولي الصدق

قالت : محمد الصدق ان البنت تبي تكمل دراستها .. خلاص هي مو من نصيبك .. انا بشوف لك بنت باخلاق وحلات الريم

امي ماتفهم اني ما ابي الا الريم .. ما ابي اتزوج غيرها ..ما اصدق ان الريم ماتبيني .. انا متأكد انها تبيني .. لاوالله الاصح اني كنت اقنع نفسي على طول انها تبيني

جلست على السرير وقلبي متحطم .. كل شي فيني متحطم .. ولا في حياتي حبيت .. او انعجبت في بنت .. حرام الايام تسوي فيني كذا

حطت امي يدها على كتفي وقالت : قوم ياولدي .. عادي مو نهاية الدنيا ..انا بخطب لك سماهر بنت عمك

قلت بصوت عالي : ما ابيها ما ابيها .. ماتفهمون انا ما ابي احد .. ابي الريم .. لازم توافق الحين ..كلميهم .. قولي لهم اني بخليها تكمل دراسه .. بخليها تسوي اللي تبيه

قالت : ما يصير هالكلام .. خلاص ماصار نصيب .. انا ما اقدر اسوي شي

دخل اخوي يوسف الغرفه ..فتح الدرج .. اخذ مفتاح سيارتي .. وجا بيطلع .. قلت له : هيه هيه انت .. وين سايبه الدنيا ولا سايبه

قال لي : وخر زين خلني اطلع

قلت له بعصبيه : طلعت روحك ..مضيع الغرفه انت .. تراك ماخذ مفتاح سيارتي كانك ماتدري

قال : ويعني .. سيارتي خربانه .. وانا ابي اطلع

قلت له : تحسب الناس فاظيه لك ..ماعندها شغله الا انت

قال ببرود : محمد رجاءً لا يكثر هرجك

في حالتي اللي كنت فيها .. ماحسيت بنفسي جلسنا نتهاوش .. وصلت هوشتنا للطق ..بس في النهايه يوسف اخذ مفتاح السياره وطلع .. وانا جلست بغرفتي بعذابي والمي وقهري


..................................


____________
بيت مشعل .. الساعه:2:30 مساءً
____________


** نايف **

جيت من الدوام تعبان .. دخلت المطبخ ابي اشرب مويه .. كانت هناك خالتي ام مشعل .. ورهف زوجة مشعل جالسه على الكرسي .. وكانت تسولف .. اول مادخلت انا سلمت .. ردت علي خالتي .. و وقفت رهف .. بتطلع

قالت لها خالتي :وين بتروحين ؟

قالت : بطلع بشوف نجود في الحديقه

قالت لها خالتي : بتطلعين بتشوفين نجود ولا عشان نايف دخل ؟ .. لا تستحين من نايف .. اعتبريه مثل اخوك يوسف او محمد

قالت وهي مستحيه: لا خالتي وش دعوه نايف مثل اخوي .. بس بطلع بشوف نجود .. يللا عن اذنكم

كنت اشرب المويه واناظر فيها وهي تطلع .. مو لهذي الدرجه .. تصدقون رهف اذا انا بالصاله ماتطلع من غرفتها .. واذا انا بالمطبخ ماتدخل .. او اذا انا برا ما تطلع .. تستحي مني مره .. وهالشي يقهرني مايخليني اخذ راحتي في البيت

قالت لي خالتي : نايف اخبار الشغل

قلت : امممم تمام .. اليوم فيصل داوم بالشركه

قالت : والله صدق

قلت لها : ايه .. تغديتوا ؟

قالت : ايه .. تبي احط لك غدا

قلت : ايه الله يطول لي عمرك

.
.
.

خلصت غدا ..وركبت غرفتي .. فتحت الدولاب .. طلعت لوح الرسم والالوان .. ماقلت لكم اني رسام ؟ .. الرسم من هواياتي غير الشعر بعد .. يوم كنت بالثانويه .. كانو يسموني شاعر الشله .. بنزل الحديقه برسم ..اخذت لوح الرسم وطلعت الحديقه .. كانت نجود جالسه مع رهف عند البركه يسولفون .. ناظرت لشكل البيت من برا .. كنت برسمه ..اخذت الالوان وتو ببدا بالرسم .. بس ناظرت لرهف وغيرت رايي .. ارسمها ؟ .. خلاص برسمها .. دققت في ملامحها ناعمه وحلوه ..المهم جلست ارسم وقربت اخلص .. اتوقع هالرسمه احلى رسمه رسمتها بحياتي .. بس مدري وش السبب اللي يخليني اقول كذا .. غيرت فيها شي واحد .. لون الحجاب .. كان ازرق ثقيل .. خليته وردي فاتح .. يناسبها هاللون


.......................





** حنان **


كنت جالسه اكلم امي في الجوال : ايه ماسويت ولا شي .. ونايف مايلتفت لي ابد .. ولا كاني موجوده

قالت لي : اذا انتي ماتسولفين معه .. وشلون بيكلمك

قلت : حتى ولو ما ابيه يقول اني قاطه عمري عليه .. وبعدين اسولف معه في وشو ؟

قالت : شوفي اهتماماته وشهي

قلت بضيق: اوووف ما اعرف عنه شي .. ولا ادري وش اهتماماته .. يدخل ويطلع .. ولاكانه يشوفني

قالت : يشوفك بس بدون ماتحسين له .. حتى من وراك يقول عنك حلوه

قلت بانفعال : والله صدق يمه .. قال عني حلوه ؟

قالت : ايه

قلت لها : وش عرفك

قالت : احساس الام مايخيب

صفعت على وجهي بقوه .. حسبته قال صدق .. اثاريه احساس امي اللي مايخيب

قلت : تصدقين يمه .. هاللي اسمها رهف .. تحاول تلفت اللي هنا باي طريقه .. صغيرهم وكبيرهم

قالت : لازم ماتسمحي لها .. من هي عشان تلفت انتبها الكل ؟ خربي عليها على طول لانك احق منها

قلت : هذا اللي اسويه .. بس اللي هنا يحبونها .. مافيه الا رغد ماتحبها

قالت : على الاقل معك وحده ماتحبها

قلت بقهر : يمه بزره

قالت : وهذا احسن شي

ناظرت وراي وقلت : يمه بخليك قبل لا يجي احد

قالت : طيب يا بنتي .. بس فتحي عقلك قبل ماتفتحين عيونك

قلت : ولا يهمك يمه .. يللا باي

قفلت وطلعت من غرفة نجود .. نزلت تحت ماشفت احد .. الظاهر جالسين بالحديقه ..طلعت وشفتهم عند البركه.. بس شفت نايف جالس يرسم .. تذكرت كلام امي يوم تقول شوفي اهتماماته .. الرسم من اهتماماته ؟ .. يعني من اليوم وطالع لازم ما اسولف الا عن الرسم .. تقربت منه .. حطيت يدي على فمي عشان ما اشهق .. ما تتخيلون الصدمه

نــــــــايف يـــــــــرســــــــم رهـــــــــــــــف ليــــــــــه ؟؟؟؟؟؟؟؟؟

هذي الحقيره انا احقد عليها .. اكرهها .. وش معنى هي اللي يرسمها .. ليه مارسم اخته ..او رسمني انا وحتى رسم الشغاله اووووف اكرهها .. اكرهها .. اكرهها
من زينها عشان يرسمها

رجعت على ورا ودخلت البيت .. جلست بالصاله .. وانا في قمة القهر .. جاتني رغد .. وناظرت فيني .. قالت لي : وش فيك جالسه لحالك

قلت وانا احس وجهي حار من العصبيه : مـــــقــــهـــــوره

قالت لي : من وشو

قلت لها : هذي رهف تلفت انظار الكل هنا

جلست وقالت : صحيح كلامك.. انا ما احبها

قلت لها : انا اكره اليوم اللي شفتها فيه

قالت : اجل انا وش اقول اللي عايشه معها في بيت واحد .. انا اتمنى لو انتي اللي عايشه معنا .. لاني احبك

قلت بأبتسامه : وانا اموت فيك .. واقدر اعيش معك في نفس البيت

قالت لي مستغربه : كيف تعيشين معنا ؟

قلت لها : اذا تزوجت خالك نايف

قالت بصوت عالي : صدق خالي نايف بيتزوجك

حطيت يدي على فمها وقلت لها : نزلي صوتك لاحد يسمعك .. ما ابي احد يدري .. وانتي لازم تساعديني

قالت : ليه اساعدك .. نايف مايبيك ؟

قلت لها بصوت اقرب للهمس : الا يبيني ويحبني .. وهو قال لي بيتزوجني

قالت : اجل وين المشكله

قلت : المشكله اني ما راح اعيش في هالبيت ورهف فيه

ناظرت فيني وسكتت

مسكت يدها وقلت لها : لازم انا وانتي نطلعها من هالبيت

قالت : وشلون ؟!

قلت :انتي ماعليك الا تطيعيني

ناظرت شوي فوق بتفكير .. وبعدين قالت : اتفقنا


.....................................


_____________
بيت مشعل .. الساعه : 3:00 مساءً
_____________

]** رهف **


كنت جالسه اسولف مع نجود بالحديقه .. كانت تقول لي : بكرا بروح لصديقتي .. تصدقين تبي تشوفك .. من كثر ما اسولف عنك

قلت وانا مبسوطه : والله !! وش تقولين عني ؟

قالت لي : اقول كلام كثير

قلت : مثل وشو

قالت : اقول لها انك صغيره وحلوه .. تدرين يوم قلت لها انك اصغر مني .. حسبتني اتكلم عن زوجة نايف ههههههههه.. قلت لها نايف مو متزوج

سكت .. ماعلقت على كلامها ..شوي وقلت لها : اخوك رسام

عقدت حواجبها وقالت : كيف عرفتي ؟

قلت : مو هذا هو اللي جالس يرسم وراك .. جالس يشيل اغرضه .. شكله خلص

لفت وناظرت فيه .. قالت بصوت عالي : نيوف وش جالس ترسم

قال لها بنفس الصوت العالي .. لان كان فيه مسافه : ارسم السمكه اللي في البركه

قالت له : هاهاهاي تعرف تنكت

قال لها وهو رايح :متعلم التنكيت منك

لفت علي بسرعه وقالت : الحين انا انكت ؟

ضحكت وهزيت راسي يعني لا

مسكت يدها وقلت لها : جودي خلينا ندخل داخل .. وابي بعد اكلم بيت اهلي اشوف وش صار على محمد

قالت : محمد اخوك .. وش فيه ؟

قلت لها : خطب صديقتي .. والحين ينتظرون رايها

قالت : ان شاء الله خير .. ولو كان اخوك مثلك اكيد بتوافق صديقتك عليه

ابتسمت بحيا وقلت : ان شاء الله .. يللا قومي

.
.
.

دخلنا الصاله .. كانوا جالسين فيها .. حنان ورغد .. قالت نجود : حنانوه اخيراً صحيتي من النوم .. مو نوم هذا اللي عليك

قالت لها : اصلاً انا صحيت من زمان .. بس جالسه بالصاله

رحت اكلم من تلفون المجلس .. لاني عارفه ان الصاله بتصير ازعاج وماراح اسمع زين .. دقيت على بيت اهلي .. ردت امي .. قلت لها : هلا يمه .. اخبارك

قالت : هلا بنتي انا الحمد الله .. وانتي .. عساك بخير

قلت لها : دووم .. انا بخير .. هاه يمه بشري وش صار على محمد

قالت امي بصوت كله حزن : ماصار نصيب

قلت : يمه عاد لا تمزحين

قالت : والله العظيم .. قال ابوها البنت تبي تكمل دراستها

عمري ما انصدمت كذا بحياتي كلها.. معقوله الريم ترفض اخوي محمد .. سمعت صوت امي تقول : الووو

قلت لها : يمه عطيني محمد

قالت : هو في غرفته ماطلع منها .. اكيد كان بيطلع بس يوسف اخذ مفتاح سيارته

قلت بقهر: وهذا يوسف الغبي متى بيتأدب عن حركاته الماصخه .. مأذي خلق الله

قالت : وش اسوي انا تعبانه معاه

قلت : زين يمه انا ابي محمد .. لازم اكلمه الحين .. والا اقولك بدق على جواله .. مع السلامه

قالت لي : الله يحفظك

قفلت ودقيت على جوال محمد .. مايرد علي .. بس ماراح اخليه .. لازم اكلمه .. جلست ادق وادق ...واخيراً رد علي

قلت له : هلا محمد اخوي فديتك .. كيف حالك

قال ومن صوته واضح انه متضايق مره : انتي تدرين كيف حالي

قلت بتأثر: بس الريم تبيك .. صدقني .. هذا اللي شفته في عيونها

قال : وش بيفيدني كلامك الحين

قلت : وش فيه صوتك كذا

قال : رهف بطلب منك طلب

قلت بسرعه: اطلب عشره

قال : كلمي الريم

قلت : اكلمها وش اقول

قال : هي صديقتك وانتي متعوده عليها .. اساليها ليه رفضتني

قلت له : ان شاء الله

قال : الحين كلميها .. وردي علي

قلت : اوكي ..باي

قفلت ودقيت على الريم .. شكلي اليوم بجلس كل الوقت على التلفون .. ردت وقالت بحماس : هلا وغلا رهوفه

قلت لها ببرود : هلا .. كيفك

قالت بروقان : ميه ميه ولا فراخ الجمعيه .. وانتي

قلت : الحمد الله .. ريوم انتي اكيد عارفه انا بوشو ابي اكلمك

قالت : اممممم .. ايه عارفه .. عشان اخوك محمد .. صح

قلت وانا اتنهد بضيق : ايه

قالت : انا خلاص فكرت

قلت : فكرتي ؟؟؟ وش فكرتي

قالت : بموضوع محمد .. انا ماراح اشوف احسن من اخو صديقة عمري .. ومحمد ماينعاب

وش تقول الريم .. انا مو فاهمه عليها شي ؟ انتوا فاهمين ؟!! .. قلت : وش قصدك

قالت : رهوف لا تستهبلين معي .. انتي عارفه ان قصدي موافقه

قلت لها : موافقه على وشو

قالت : رهف عاد

قلت : لا جد مو فاهمه عليك

قالت بحيا : موافقه على محمد

لا الظاهر انا بجن ..لعبه هي .. ساعه ماتوافق وساعه توافق .. قلت لها : اجل ليه يوم جوكم اهلي يخطبونك لمحمد ماوافقتي

قالت وشكلها متفاجأه : متى جونا اهلك .. انتي مو طبيعيه اليوم رهف

قلت لها : لا حبيبتي انتي اللي مو طبيعيه .. اهلي جوكم عشان يخطبونك لاخوي محمد ..وبعدين قالولنا البنت ماتبي تتزوج تبي تكمل دراسه

قالت : قسم بالله اني ماقلت هالكلام .. وربي مدري ان اهلك جونا

قلت : من جدك ماتدرين

قالت : وربي

قلت : يعني اهلك اللي مو موافقين .. مو انتي

قالت : ومو هم اللي يقررون عني

قلت وكاني ارتحت شوي :كلمي امك او ابوك وشوفي

قالت : استحي وش اقول لهم

قلت لها : مدري ريوم .. ولو ماصار نصيب عادي .. مابيغير شي من اللي بينا لا تخافين

قالت وكانت متضايقه : طيب

قلت لها : الحين بقفل .. عشان بدق بقول لمحمد

قالت : اوكي باي

قفلت .. ودقيت .. قلت لمحمد كل اللي قالته لي الريم .. كنت احسب ان هالشي بيخفف عليه .. ان مو الريم اللي رافضته اهلها .. بس ماغير شي .. قفلت ورجعت الصاله .. جلست على الكنبه

قالت حنان : شكلها زوجة اخوك من النوع اللي 24 ساعه ماسكه التلفون

،،وش دخلك .. انا جالسه في بيتي .. حره امسك التلفون او ما امسكه ،،

قالت نجود : بالعكس اصلاًً ولا مره شفتها ماسكه التلفون

قالت رغد : عاد مو لدرجة ولا مره

طفشت من هالحوار .. وقفت وقلت : بركب بشوف مشعل .. صحى اولا


...................................



** مشعل **

صحيت من النوم .. وناظرت للساعه .. اوف الساعه 4 العصر .. نمت كثير .. اليوم ماعندي دوام .. ومن بكرا بيقل وقت دوامي .. لاني خلاص بصير موظف عادي .. قمت من السرير وفتحت الباب رهف

قالت لي : صباح الليل

قلت لها : صباح الخير

جلست على الكرسي .. وقالت : وش فيك هالايام .. يانايم ياطالع يا ....

قاطعتها .. وقلت ببرود : وش تبيني اسوي يعني ؟

ناظرتني وقالت : لا تسوي شي

قلت : اجل ليه قلتي كلامك اللي تو

طنشتني ولفت تناظر بالمرايا .. اخذت علبة الخاتم اللي كانت بجنب المرايا فتحته وتلمست الخاتم .. ولفت علي مبتسمه .. قالت : الله يهبل .. مره مره حلو .. انت ماخذه لي ؟

قلت لها : لا طبعاً ليه اخذه لك .. وش المناسبه ؟ .. هذا من عند امي لك

رجعته مكانه وقالت : اها

حكيت راسي وقلت لها : رهف انزلي شوفي وش العشا اليوم

قالت لي : عشا هالوقت ؟

قلت : أأأ روحي شوفي نجود صحت اولا .. لان ابيها في سالفه

قلت : ايه صحت .. كانت معي قبل شوي

قلت لها : طيب حطيلي غدا .. بنزل اتغدا بعد شوي


...............................


** رهف **

والله واضح انه يبيني اطلع من الغرفه بأي طريقه .. بس وش السبب ؟؟؟ .. لازم اعرف .. نزلت تحت .. رحت المطبخ حطيت له الغدا على الطاوله ..ورجعت الغرفه .. فتحت الباب .. ماشفت مشعل .. سمعت صوت المويه بالحمام (( الله يكرمكم )) .. اكيد جالس يتروش .. لفيت شفت باب غرفة المكتب .. اللي قلت لكم عنه انه دايم مقفل .. الحين شفته مفتوح للمره الثانيه

رحت عند باب المكتب .. شفت درج المكتب الاخير مفتوح .. وبجنبه اوراق منثوره

بروح بشوف هالاوراق .. تو بقرب .. الا اسمع صوت باب الحمام ينفتح .. نقزت لعند الكرسي .. وجلست

قلت له : غداك جاهز

قال : اوكي .. اسبقيني .. انزلي قبلي

قلت له : وليه انزل ؟ .. تغديت

قال : اها

اقول لكم يبي يطلعني من الغرفه بأي طريقه

فتح الدولاب .. وعطاني قميص .. قال لي : اكويه لي .. ولا ماتعرفين بعد تكوين

قلت له : لا والله طبعاً اعرف

ناظرني .. كانه يقول يللا اطلعي .. ليه جالسه

فهمت .. وطلعت على طول .. هذا مايستحي .. يطردني من غرفتي بطريقه غير مباشره

كويت له القميص .. ورجعت الغرفه .. فتحت الباب .. لقيته طالع .. قال لي : بنزل اتغدا .. حطيه على السرير

قلت له : طيب

طلع من الغرفه .. ودخلت انا .. حطيت القميص على السرير .. ورحت لعند غرفة المكتب .. فتحت الباب .. الحمد الله ماقفله

رحت لعند الدرج الاخير .. اللي كان مفتوح قبل شوي .. ماكانت الاوراق حواليه .. و حاولت افتحه بس كان مقفل .. شفت مفتاح على المكتب .. اخذته وجربته .. بس مو مفتاحه .. اجل مفتاح وشو ذا .. جربته على كل ادراج المكتب .. فتح واحد منهم .. كان فاضي مافيه شي .. قفلته ورجعت المفتاح مكانه .. اووف مستحيل مشعل يخليلي المفتاح .. اكيد اخذه معه .. بس انا بفتحه .. يعني بفتحه

.
.
.

نزلت تحت .. دخلت المطبخ .. فتحت الدولاب .. واخذت لي سكين بهدوء .. سمعت صوت احد يفتح باب المطبخ الثاني .. اللي يطلعنا على برا .. ما ابي الف اشوف مين .. اخاف مشعل .. او خالتي فاطمه .. وش اقول لهم ..ايه بقول لهم اطبخ .. اطبخ وش اسوي وانا ما اعرف .. لفيت .. لقيت نايف ورغد .. ايه الحمد الله دامهم هذيلا

ناظرت رغد في السكين اللي بيدي وقالت : بسم الله الرحمن الرحيم .. نايف شوف هذي بتذبحنا

وش اذبحهم .. ليكون هذيلا على بالهم انا مجرمه .. لازم اتكلم واقول شي .. قلت .. وكنت متوتره : لا بقص لي قطعة قماش .. وماشفت مقص

قالت : انا عندي مقص .. ولا اقول لا ماعندي .. خليك قصي بسكين احسن

رن جوال نايف .. حط يده بجيبه .. واخذ الجوال .. قال : الوو .. هلا فيصل .. انت عند الباب .. اوكي الحين بطلع

اخذت نفسي .. وطلعت من المطبخ .. ركبت فوق .. دخلت غرفتنا .. فتحت المكتب .. ورحت لعند الدرج .. جلست على الارض .. كنت بفتح الدرج مثل مانفتحه بالمفتاح .. بس الفرق اني بفتحه بالسكين .. حاولت وحاولت مافتح .. غريبه انا اشوف بالافلام .. يسوون كذا .. يعني مافيه طريقه .. الا اني اكسر الدرج .. دخلت السكين من تحت .. وظغطت عليها بقوه .. عورتني يدي .. بس جبت نتيجه .. اهم شي الدرج انكسر .. فتحته .. وش هذا .. اوراق شغل وخرابيط مالها أي اهميه .. لو عارفه كذا .. مافتحت هالدرج .. شفت من بين الاوراق صوره .. اكيد صورة زوجته الاوليه .. بعدت الاوراق ورفعتها .. فتحت عيوني بأقوا ماعندي عشان اصدق اللي شفته


صــــــــــورة خــــــــــالــــــد ؟؟؟؟؟؟؟؟!!!!!!!!!!
بيت الريم .. الساعه : 5:00 مساءً
_________________

** الريم **

كنت جالسه بالصاله .. اراقب كل تصرفات امي .. ابيها تقول لي ان محمد جا خطبني .. لازم اكلمها بهذا الموضوع .. ما ابي محمد يشوف بنت غيري

قالت امي : ريوم

واخيراً .. قلت لها : هلا يمه .. امري

قالت : قومي طفي على قدر الشوربه .. نسيته على النار

وش هالحاله .. قمت طفيت عليه ورجعت جلست .. قلت لها : وبعد

قالت : وش وبعد

قلت : يعني ماتبين تكلميني بموضوع .. شي

قالت : لا ابد

لازم اتكلم .. ولا امي مستحيل تتكلم .. قلت لها : يمه اخو رهف جا خطبني ؟

قالت لي بتوتر : وش عرفك

قلت لها : رهف قالت لي .. انتو ليه ماقلتولي .. يمكن انا موافقه

قالت امي بحزن : والله يابنتي .. انا مره كنت مبسوطه يوم جا خطبك محمد .. لان ماراح نلقى احسن منه

قلت لها : طيب وبعدين .. ابوي ما وافق

قالت : لا .. تدرين .. قربي شوي بقول لك عشان ماحد يسمع

قربت .. وقلت : قولي

قالت بصوت خفيف : ابوك كان عادي .. مو قايل شي .. بس خالد وشوشه شوي .. قال له انه يعرف يوسف .. ويوسف هذا مو لهناك

قلت لها : وش دخلنا بيوسف .. هواللي خاطبني وانا مدري .. وبعدين لا يتكلم هالغبي عن اخو صديقتي

قالت : مدري .. وخالد قال لابوك .. انك تبين تكملين دراسه .. وان مايناسبك الا ولد عمك

اثاري كل شي من خالد .. هو اللي وشوش ابوي .. من جد ملقوف انا ما ابي ولد عمي .. حقدت على خالد مره

قالت لي امي : يعني انتي لو شاورناك كنتي بتوافقي ؟

قلت لها .. بتوتر : انا .. وشو .. لا طبعاً

ضحكت وقالت : والله انك نصابه .. اجل ليه مكلمتني

قلت لها : لان

قالت : بس بس .. عرفنا .. تدرين انا من زمان خاطري اشوفك عروس .. واشوف عيالك .. اذا تبيني اكلم ابوك .. بكلمه عادي .. لان ابوك ترى كان عادي بيشاورك ويمكن يوافق

قلت لها وانا مبتسمه: .. والله يمه بتكلمين ابوي

قالت امي وهي تضحك: موتو تقولين لا !!


....................................
___________________
بيت مشعل .. الساعه : 5:00 مساء
____________________


** رهف **

وش تسوي صورة خالد .. بدرج مكتب مشعل .. ياربي احس بخوف .. قلبي يدق بقوه ..راسي بدا يوجعني .. ما ابي افكر بشي .. وانا الخبله كسرت درج المكتب .. لو عرف مشعل .. وش بيسوي فيني .. هو بدون شي مو متحملني هالايام .. برتب الاوراق .. وبرجع الصوره مكانها .. ’’ رجعتهم بسرعه .. وقفلت الدرج .. مو واضح انه مكسور .. ان شاء الله مايلاحظ مشعل .. ان شاء الله يارب .. كنت بطلع .. تذكرت السكين .. بطلع غبيه لو نسيتها .. اخذتها .. وقفلت باب المكتب .. وطلعت من الغرفه اركض .. وصلت المطبخ بأمان ..محد شافني .. حطيت السكين مكانها .. ورجعت الغرفه .. انسدحت على السرير .. وغطيت نفسي .. فتح شخص الباب .. شوي وسمعت صوت مشعل يقول : رهف .. نايمه

من كلمني .. دقات قلبي زادت .. مدري ليه انا خايفه .. مو بس خايفه .. الا بموت من الخوف

مارديت عليه .. عشان يحسبني نايمه ويروح

كنت مغمضه عيوني بقوه .. سمعت صوت باب الغرفه يتقفل .. قمت على طول .. اشوه طلع .. اموت واعرف وش علاقة مشعل بخالد .. وليه مشعل قال لاهله اني صديقة نجود بالدراسه .. ياربي وش هالانسان الغامض


.............................


** حنان **

طفشت في هالبيت .. لانايف معبرني .. ولا حتى نجود راحت بيت صديقتها.. عشان تعلمها اشياء تخص الشغل .. لا المشكله تقول لي اجلسي مع امي ورهف على ما اجي هذا اللي ناقص اجلس معهم وحده غبيه ووحده عجيز وانا جالسه بالصاله .. مع هالبزره الغبيه .. وجعت راسي من السوالف .. وياليتني معاها .. ماسمعت الا اخر كلمتين قالتهم : واخذت السكين وطلعت

قلت لها بملل : مين اخذ مين

قالت : حنان صار لي ساعه اقول لك السالفه

قلت لها : معليه حبيبتي عيديها

قالت : انا ونايف كنا جايين من برا .. شفنا رهف ماخذه سكين .. صدقيني تبي تذبحنا

قلت لها : كان سألتوها وش بتسوي فيها

قالت : سالتها .. قالت بتقص قماش .. بس كانت خايفه وهي تقولها .. لان بالله عليك فيه وحده تقص قماش بسكين

قلت لها : ونايف وش قال

قالت : نايف ماقال شي .. لان دق عليه فيصل .. وعلى طول طلع

قلت لها : وهي وين راحت

قالت : شفتها راكبه فوق

قلت لها : يوم هي ركبت فوق .. نايف وين راح ؟

قالت : اووف حنان قلت لك طلع

ابتسمت ومسكتها .. قلت لها تعالي معي .. رحت المطبخ .. فتحت الدولاب .. قلت لها : أي وحده السكين اللي اخذتها

قالت لي : ما اشوف

رفعتها .. وقلت لها .. والحين

قالت : ما اعرفها

قلت لها : لازم تعرفيها

قالت : ايه ايه .. هذيك .. اكبر وحده

اخذت السكين .. وقلت لها امشي قبلي .. لاني ما بأي احد يشوفني

مشت رغد ومشيت وراها .. ركبت الدرج .. قلت لها بصوت هامس : فيه احد فوق

قالت لي : لا مافيه احد

واشرت لي عشان اجي .. دخلنا غرفة نايف .. وقفلنا الباب بالمفتاح

جلست على السرير وقالت لي : وش بنسوي

حطيت السكين بجنبها .. وقلت : الحين تشوفين

فتحت الادراج .. ماشفت شي .. نزلت اشوف تحت السرير .. ماشفت شي .. فتحت الدولاب جلست ادور بعد ماشفت شي .. رفعت القميص اللي بالدولاب .. شفتها .. اللوحه اللي رسمها نايف لرهف .. رحت لعند السرير .. حطيت اللوحده وحاولت اشقها بيدي عشان اتأكد .. وطبعاً هي سميكه و ما انشقت .. اخذت السكين .. وشقيت اللوحه

حطت رغد يدها على فمها وقالت : حنان شقيتي اللوحه

ابتسمت وقلت لها : لا مو انا اللي شقيتها .. رهــف اللــي شــقــتــهــا

^*^
/
\
/
\
/
\
/
\
/
^*^

**** نهاية الجزء الحادي عشر **

[لامارا]

...:::][ الجزء الثاني عشر ][:::...

____________
بيت مشعل ..الساعه :8:30 مساءً
____________

** مشعل **

كنت جالس بالمجلس .. ماعندي شي .. ورهف نايمه .. اكيد احد مضايقها .. ولا هي ماتنام بهالاوقات .. الا اذا كانت متضايقه .. شغلت التلفزيون .. وجلست اشوفه شوي .. قفلته وطلعت من المجلس .. شفت نجود فاتحه باب الصاله

قالت : السلام عليكم

قلت : وعليكم السلام .. هلا نجود .. وين كنتي ؟

قالت وهي تفصخ العبايه : كنت في بيت صديقتي .. وين البنات ؟

قلت لها : والله مدري انا كنت بالمجلس

قالت : رهوفه في بيت اهلها ؟

قلت لها : لا نايمه .. بركب بشوفها صحت اولا


.
.
.


فتحت الباب .. ودخلت الغرفه .. للحين رهف نايمه ؟ .. لفت ناظرتني .. ورجعت بسرعه .. قلت لها : صاحيه

ماردت علي .. رحت لعندها .. قلت : صاحيه

قالت : ايه

قلت لها : اجل قومي .. وش فيك طول الوقت منسدحه

قالت : بس كذا راسي يوجعني

قلت لها : والله كيفك ..المهم انا بطلع

ماردت علي .. اخذت القميص اللي كوته لي .. ولبسته .. وطلعت من الغرفه .. شفت رغد وحنان بنت عمتي .. يدخلون غرفة نجود .. قلت : رغوده تعالي

جاتني بسرعه .. نزلت لعندها و بستها .. قلت لها : كيف حال رغودتي اليوم

قالت لي : بخير

قلت لها : يللا حبيبتي .. قولي لماما فاطمه تبدل لك ملابسك .. عشان باخذك بنطلع ونتعشا سوا

قالت : ان شاء الله بابا

رجعت الغرفه عشان باخذ مفتاح السياره .. شفت رهف .. جالسه على السرير ومغطيه نفسها .. ناظرت فيها شوي ..واخذت المفتاح وطلعت

...............

** نايف **

فتحت .. باب الصاله .. ودخلت .. لقيت مشعل ورغد في وجهي

قلت لمشعل : طالعين ؟

قال : ايه

قلت : وجودي جات

قال : ايه

قلت : الظاهر فيه دوامات في الطلعه .. ناس تجي ناس تطلع

قال : ايه

ماعنده غير كلمة ايه ؟

قال : كنت مع فيصل

قلت له : ايه

قال : تعشيتوا

قلت : ايه

قال : يللا عن اذنك

قلت له : ايه

يللا دام كلمة ( ايه ) موضه .. بستخدمها على طول من اليوم وطالع .. المهم طلع مشعل مع بنته ..رحت المطبخ .. وحطيت كيس العشا اللي بيدي على طاولة المطبخ .. وطلعت من المطبخ ركبت فوق .. رحت لعند غرفة جودي .. وطقيت الباب ..ودخلت

قلت : السلام عليكم

ردت نجود السلام

سمعت صوت حنان تقول : كيف حالك نايف

تصدقون ما انتبهت لها .. قلت : نحمد الله .. المهم جبت لكم عشا من برا .. انزلوا تعشوا .. وشوفوا بعد رهف زوجة مشعل .. اذا تعشت اولا .. اوكي

قالت نجود : ان شاء الله

قالت حنان : تسلم على العشا

قلت وانا طالع : الله يسلمك

طلعت .. ورحت غرفتي .. فتحت الباب .. وانسدحت على طول على السرير .. نعسان شكلي بنام .. لا وش انام توها الساعه 9 .. بقوم ابدل ملابسي

قمت من السرير.. رحت لعند الدولاب .. حسيت لنفسي ادوس على شي .. نزلت راسي ..شفت لوحة رهف اللي رسمتها .. او بالأحرا اجزاء من اللوحه ..لانها كانت مشقوقه .. واحد شقها متعمد .. نزلت واخذت جزء من اللوحه .. وجلست افكر .. تتوقعون مشعل دخل غرفتي وشاف اللوحه وشقها ؟ .. مسكت السكين اللي على الارض .. السكين هذي انا شفتها قبل شوي في مكان .. وين ياربي .. صح تذكرت

^*^
/
\
/
\
/
^*^

*- بسم الله الرحمن الرحيم .. نايف شوف هذي بتذبحنا

- لا بقص لي قطعة قماش .. وماشفت مقص

*- انا عندي مقص .. ولا اقول لا ماعندي .. خليك قصي بالسكين احسن

^*^
/
\
/
\
/
^*^

رهف شقت اللوحه ؟؟؟؟؟ .. من غبائي لو كنت ادري هالشي بيصير .. كان مارسمتها ..اصلاً وش دخلني فيها ارسمها .. هي ماتركت السكين واللوحه كذا .. الا عشان تنبهني وتعطيني خبر اني ما احاول ارسمها مره ثانيه .. احس بالقهر يسري بدمي

من القهر ..اخذت السكين وجلست اشق في اللوحه اكثر


.....................

_____________
بيت الريم .. الساعه :11:00 مساءًً
_____________


** الريم **

كنت جالسه بغرفتي .. امشط شعري .. واسمع اغنية تامر حسني نور عيني

.
.

حبيبي تعالى .. بناديلك

تطمني

تريحني

ماتسيب ايدي من ايدك

***

ماتبعد عني ولا ثانيه

احضني نسيني الدنيا

واوعدني طول ما انت معاي

ماتسيب ايدي من ايدك
.
.

فتحت امي الباب .. طفيت الاغنيه على طول

قالت : ريوم كلمت ابوك

قلت لها : والله يمه .. وش قال

قالت : قال ماكنت متوقع ان الريم موافقه على محمد .. ولو هي موافقه انا بعد موافق

وقفت وقلت وانا مبسوطه : ما اصدق ابوي قال كذا

قالت : قلت لك انا .. ابوك عادي عنده ..لو ما خالد وشوشه

قلت : زين يمه .. والحين

قالت : والله مدري الرجال راح خلاص .. وتلقين شافوله وحده غيرك

ما اتوقع .. لان كلام رهف وضح لي .. ان محمد يبيني انا .. ولو كان يبي غيري .. ماكانت رهف كلمتني من اساس

قلت لامي : طيب يمه الحين انا بنام .. وان شاء الله مايصير الا الخير

قالت لي امي : تصبحين على خير

قلت لها : وانتي من اهله

طلعت .. وعلى طول على التلفون .. عشان اخبر رهف باللي صار


..................................

___________
بيت مشعل .. الساعه :9:00 مساءً
___________


** رهف **


قفلت من عند الريم .. ودقيت على اخوي محمد

رد علي .. قلت له : الووو.. هلا محمد .. اخبارك

قال : تمام .. اكيد عندك شي مهم

قلت له : طبعاً .. كم تدفع

قال : رهوف خلصينا

قلت له : عادي عندك تروح تخطب الريم مره ثانيه ؟
قال : لا طبعاً .. اذا هم مايبوني اروح ليه !

قلت له : ولو قلت لك ان الريم واهلها موافقين .. تروح او لا

قال بأندفاع : اروح مره ومرتين .. وثلاثه بعد

قلت: خلاص اجل مبروك من الحين

قال : وليه مستعجله .. والله ماتدرين وش تخبي لنا الايام

قلت : ان شاء الله ماتخبي لنا الايام الا الخير يااخوي .. يللا غلاي الحين انا بخليك

قال : اوكي وتسلمين يا احلى واغلى واعز اخت

قلت وانا اضحك : كل هذا عشان كلمت الريم

قال : لا يا الدبه من قال

قلت : انا قلت .. يللا باي

قفلت من عند محمد .. وانا للحين على السرير .. كنت بقوم بس سمعت صوت مشعل برا ..رجعت انسدحت .. شكلي بجلس طول يومي على السرير .. فتح الباب .. وقال : بل .. رهف للحين انتي منسدحه على السرير ما مليتي

سويت حالي نايمه .. ومارديت .. جا لعندي .. وقال : نصابه مو نايمه

قلت وانا مغمضه : مشعل خلني ابي انام

قال : طيب انتي وش فيك

قلت : مافيني شي

قال : بتقولين قولي .. مابتقولين خلاص .. ترى انا ما ادلع احد

قلت له : طيب وقلت لك مافيني شي

دخل الحمام (( الله يكرمكم )) .. و بعد ماطلع جا انسدح على السرير

امممممم الحمد الله انه انسدح .. خل ينام ويفكني .. شكله مابيقول لي عن خالد شي

قال : بقول لك رهف

لفيت عليه وقلت : لا .. لاتقول لي ما ابي اعرف

رفع حاجب وقال : وش اللي ماتبين تعرفينه ؟

ايه صحيح .. وش جالسه اخربط انا .. الحين اكيد يقول انا انهبلت .. لازم ارقع .. قلت له : قصدي كان فيه موضوع .. في بالي وحسبتك بتقول لي عنه .. وانا اعرفه .. يعني مايحتاج تقول

قال : طيب وش الموضوع اللي تعرفينه ؟

ياربي توهقت .. قسم بالله ولا كلمه قلتها تطلع من وحده صاحيه

قلت له : مو مهم .. مو مهم .. وش اللي كنت بتقوله

قال :انا كنت بس بقول تعشيتي اولا

قلت : لا ماتعشيت .. مالي نفس

قال : براحتك .. تصبحين على خير

قلت : وانت من اهله

مافيني نوم .. اصلاً ليه الخوف .. انا ماسويت شي .. انام احسن لي


____________
بيت ابو يوسف .. الساعه: 10:00 مساءً
____________


** محمد **

.
.

ثلاث ايام مرن في حياتي غير

ثلاث ايام عشت الحب واغليته

ثلاث ايام واتهجا كلام الطير

كلام اعذب من اعذب من تفديته

.
.

تدرون ليه اغني اغنية عبد المجيد ثلاث ايام ؟ .. باركولي .. باقي ثلاث ايام على ملكتي ..صدقت رهوف يوم تقول .. ان شاء الله مابتخبي لنا الايام الا الخير .. وهذا انا الخير اشوفه بعيوني .. الحمد الله ان الريم صارت من نصيبي .. هذا اسعد شي بيصير في حياتي كلها .. فتح باب غرفتي سعد .. وهو ماسك بيده بدلته .. حفظت كل شي فيها من كثر ما اشوفها .. حطها على السرير .. وقال : محمد هذي البدله اللي بلبسها في ملكتك .. حلوه ؟

قلت له : كم مره سألتني

قال : صحيح سالتك بس ماجاوبتني

قلت : الا جاوبتك .. وقلت لك ابيك تلبس ثوب وشماغ

قال : لا في عرسك بلبس ثوب وشماغ

قلت له : طيب

قال : ومتى انا بعرس

قلت له : وين انت باقيلك دهر .. بس لاتخاف .. مابتصير اخر من بيعرس في هالبيت .. لانك بتعرس قبل يوسف

قال : بل .. يوسف كبر ابوي .. واعرس انا قبله

اخذت جوالي .. ودقيت على رهف

ردت على طول : الووو هلا محمد

قلت : هلا رهوف .. وش هالازعاج اللي عندك

قالت بصوت عالي : محمد ما اسمعك

رفعت صوتي وقلت : اقولك وش هالازعاج اللي عندك

قالت : انا في السوق مع الريم .. ناخذ اغراض للملكه

قلت: سلمي عليها

قالت : يوصل

قلت : يللا اخليك .. باي

قفلت .. وناظرت في سعد .. لقيته يبكي .. قلت له : وش فيك سعودي تبكي ؟

قال : الحين رهف تزوجت وخلتني .. وانت بتتزوج وبتخليني .. انا ما ابي اجلس في البيت مع يوسفوه كله يطقني

مسحت على راسه وقلت : انت على بالك بملك وبعرس على طول .. لا حبيبي شارطين علي اخليها تخلص ثانويه .. يعني باقي وباقي

قال : احسن .. اجل انا بروح بوري امي بدلتي

مسكته وقلت : وشلون توريها .. وهي اللي اختارتها لك

قال : لا تلقاها الحين نست .. لان امي بسرعه تنسى

وهذا اللي بيموتني ضحك الحين


...........................

____________
بيت مشعل .. الساعه :10:30 مساءً
____________
** نايف **

طلعت من غرفتي .. وكنت بدخل غرفة نجود .. تذكرت ان ممنوع علي ادخل هالغرفه .. رهف صار لها كم يوم تنام فيها.. مدري وش السبب .. ماسألت .. اصلاً انا من سالفة اللوحه .. صرت اتجنب رهف اكثر من اول .. كنت بنزل الدرج .. بس شفت حنان تدف شنطه كبيره .. الظاهر بترجع بيتهم خلاص .. بصراحه زودتها .. من زمان وهي في بيتنا

قلت لي بدلع : هلا نايف .. مساء الخير

قلت : هلا بنت عمتي .. مساء النور

قالت : نايف ممكن تنزل لي الشنطه

عقدت حواجبها وكملت كلامها : لاني خلاص برجع البيت

اخذت الشنطه .. ونزلتها مع الدرج

وانا انزل كنت افكر .. من اول ماجات حنان بيتنا ماشفتها تجلس مع رهف لحالهم .. يمكن حتى رهف ماتستلطفها

مسكت حنان شنطتها وقالت : نايف

قلت بدون ما اناظرها : هلا رهف

يوم ماسمعت ردها .. لفيت عليها وقلت : امري ؟

قالت بعصبيه : انا بنزل الشنطه

رفعت كتوفي وقلت : براحتك

هي اللي طلبت مني انزلها مو انا اللي طلبت منها

مشت عني وقالت : اسمي حنان مو رهف

ادري ان اسمها حنان .. غريبه ليه تذكرني ؟

سلمت حنان على امي ونجود .. اللي كانوا جالسين بالصاله .. وطلعت

رحت انا جلست معاهم

كانت جودي تقول :رغد وحنان يقولون يمكن مجنونه

قالت خالتي : بسم الله عليها الرحمن الرحيم

قالت جودي :خالتي انا اقول .. يمكن هي فيها عقده نفسيه من يوم كانت صغيره ..صار لها موقف مع القطاوه ولا شي

قالت خالتي ام مشعل : لا غلطانه .. بنتي مافيها شي .. هذي احلام تجيها .. يقولون الاحلام اللي عن القطاوه مو زينه

قالت نجود : خالتي فيه وحده تحلم ثلاث ايام تقريباً نفس الحلم

قلت انا : احم احم انا هنا

قالت خالتي : هلا وغلا ولدي .. كيف حالك

قلت : تمام .. وش هالموضوع المهم .. اللي يخليكم ماتنتبهون لوجودي

قالت نجود : اهم واغرب موضوع صار في هالبيت

قلت انا : وش الموضوع

قالت خالتي : رهف زوجة مشعل .. صار لها ثلاث ايام .. تشوف في غرفتها قطوه .. وتخيل عاد .. لا رحنا حنا مانشوف شي .. تختفي هالقطوه .. والمشكله اذا مشعل كان معها ماتجي هالقطوه .. يعني معقوله مافيه الا هي تشوفها

كملت نجود :حتى خالتي قالت يمكن هالقطوه جني يطلع لرهف .. صارت رهف ماتقدر تجلس في الغرفه .. ماتطبها خير شر .. تخاف منها .. تجي تنام في غرفتي .. وهي نايمه تصحى فجأه .. وتقول لي قفلتي الدريشه عدل .. قفلتي الباب زين .. وماتحلم الا في القطاوه

من قالت كذا على طول وقفت .. وقلت بصوت عالي وبكل عصبيه: رغـــــــــــد .. رغـــــــــــد

نزلت رغد من فوق .. وقالت : نعم خالي

صفعتها كف ..وشديت شعرها .. صرخت عليها : تعالي معي

قالت خالتي : اترك رغد

قالت نجود : نايف مجنون

ماطاعت رغد تجي معي .. بس انا سحبتها من شعرها

سمعت صوت مشعل يقول بصوت عالي : شيــل يــدك عن بنــتي ^*^
/
\
/
\
/
\
/
\
/
^*^

**** نهاية الجزء الثاني عشر

[لامارا]

...:::][ الجزء الثالث عشر ][:::...


____________
بيت مشعل .. الساعه :10:30 مساءً
____________



** نايف **


طنشت مشعل ولا كاني اسمعه .. جاني وسحب يدي .. بس انا ماتركت شعرها .. رهف جات على طول من سمعت الصوت وصارت هي ونجود وخالتي ملتمين حولي

قال مشعل : اذا انا ابوها ماطقيتها .. تجي انت تطقها

تركت رغد وجلست اصفق : حلو حلو .. مشعل لا تجلس الحين تعطيني الدروس المستفاده في الابوه .. شوف بنتك وش مسويه

قالت رغد وهي تبكي : انا ماسويت شي

قلت : لو فيك خير تكلمتي

مسكتني خالتي ام مشعل .. وقالت : استهدي بالله ياولدي

قالت نجود : تعوذ من الشيطان نايف ..وقول لنا وش فيك

مسكت رغد بسرعه .. ورحت للمطبخ اركض .. الكل كان يركض وراي .. طلعت من باب المطبخ الثاني .. ورحت لمكان القطوه اللي ورتني اياها رغد .. قلت .. وكنت اصارخ : رهف هذي القطوه اللي كنتي تشوفينها

هزت راسها يعني ايه .. حطت نجود يدها على فمها .. مسكت خالتي ام مشعل رغد .. وقالت : نايف لا تطقها خلاص

قال مشعل : عفيه .. يللا كلكم حيوه .. مسوي هالحركات قدام الكل .. عشان نقول عنه بطل .. وش دخل بنتي اذا القطوه راحت الغرفه.. ليكون تتحكم عنها بريموت كنترول

قلت انا : شيء عجيب .. رهف بس اللي تشوفها

قال : وش دخلك هذي بنتي وهذي زوجتي

قلت ببرود : على العموم هالقطوه ماتجلس في البيت

قال مشعل : بس هذي قطوة بنتي يعني تبيها

تكتفت وقلت : والله لو كنت ناسي ترا هالبيت بيتي .. وانا ما ابي فيه قطاوه .. وبنتك غلطانه واعترف بهالشي

سحبت رغد يدها من يد خالتي ام مشعل .. وقالت بصوت عالي : عمي نايف وعدتني ماتقول لاحد عن هالقطوه .. انت كـــــــذاب كـــــذاب

وراحت تركض .. اخذت نفسي انا بعد .. وركبت غرفتي لاني مره متضايق .. دخلت وقفلت الباب .. سندت ظهري عليه .. وجلست افكر .. انا ليه سويت كذا .. عشان الحق .. او لاني موراضي على رهف ؟؟!!



..............................


** رهف **


ركب مشعل ..وركبت وراه ..على بالي بيدخل الغرفه .. بس مادخل ..راح لرغد .. كنت انا عند الباب .. شفته يحضنها ويبوسها .. اول مره اشوف احد يراضي شخص غلطان !! ..زين يسوي فيها نايف .. الحين اكيد كل اللي في البيت شمتان فيها .. بس وحده بعمر رغد .. ماتخطط وتسوي اللي سوته لحالها .. اكيد معاها احد .. ومو بعيد هالاحد يكون حنان .. لاني سمعتها تقول لنجود اني مجنونه واتخيل قطاوه و نفس الكلام قالته رغد ..ما احبها انا هالحنان .. زين انها رجعت بيتهم .. طولت معانا

المهم رجعت غرفتي .. بدلت ملابسي وجلست على السرير .. دخل الغرفه مشعل .. وجلس هو بعد على السرير وكان معصب

كنت بقول له ..حصل خير ومافيه داعي لهالعصبيه

قلت : مشعل حــصـ...

قاطعني وقال : رهف رجاءً لا تكلميني .. مالي خلق اسمع صوتك .. اللي فيني كافيني

قلت له : الحين بتحط الحره فيني

صرخ في وجهي : اقولك اسكتي ما ابي اسمع صوتك .. ماتفهمين

قلت : لا ما افهم

حط يده على المخده .. وشالها .. مدري وش كان بيسوي .. بيرميها علي والا وشو بالضبط

قال : نامي .. لا تجلسين تناظريني كذا

لا هذا الظاهر بينيمني على كيفه .. وبيصحيني على كيفه

قلت : ما ابي انام

وقف وقال : ياتنامين .. ياتبلعين لسانك .. كلش مو فاضيلك

سكت عنه .. انسدح على السرير .. وكان يهز رجوله طول الوقت .. كل هذا من العصبيه .. انسدحت ونمت انا بعد


_____________
السياره .. الساعه 8:00 صباحاً
______________



** فيصل **


كنت رايح بيت نايف عشان نطلع نفطر سوا .. وصلت بيتهم .. ووقفت السياره برا في الحديقه ..دقيت على جواله

رد علي :الووو هلا فياصل

قلت : هلا نيوف .. انا برا

قال : دقايق وبجيك

قلت : طيب باي

طلع من البيت هو ونجود .. قال : فيصل انتظرني لحظه بجيب القطوه معي .. عشان نوديها مكان بعيد .. تعرف يعني القطوه لا تعودت على بيت ماتفارقه

قالت نجود : خلاص بتودوها القطوه .. حرام .. حتى لو رغد غلطانه بس هي تبيها
قلت انا : اي قطوه

قال نايف : هذي القطوه في البيت من زمان .. بعدين اقولك السالفه .. بروح بجيبها

راح نايف .. وكانت نجود واقفه

قلت لها : كيف حالك نجود .. عساك طيبه

قالت : طيبه الحمد الله .. وانت

قلت : دووم .. انا تمام

سكتت وجلست تشوف نايف وهو رايح

قلت لها :حرام .. اكيد انتي زعلانه .. بيطلعون خويتك من البيت

قالت لي : فيصل

قلت : هلا .. سمي

قالت : سم اللي يسم بطنك

قلت : افا تدعين علي

حطت يدها على راسها .. وقالت : اصلاً انا ليه اتكلم معك

قلت : واحد ضربك على يدك .. وقال لك كلميني

ماردت علي .. قلت : اقول نجود

مافيه رد .. ساكته .. قلت : هيه نجود اكلمك

لفت وجهها عني ..حطيت يدي على السياره وقلت: تتغلين

ساكته .. قلت : طيب بغني

قالت بسرعه : لا تكفى .. الله يرحم والديك لا تغني ..جالسين من صباح الله خير مانبي نسمع اصوات مرعبه

قلت وانا اضحك : شفتي كيف خليتك تتكلمين

حطت يدها على خصرها .. وكانت بتقول شي .. بس جا نايف .. حامل القطوه

عطاني اياها .. وقال : وععع وصخت ملابسي

قلت له وانا اتمايل : يااي

قال : امش بس .. عشان نوصل نجود الدوام بعد .. راح نايف عشان يركب قدام من الباب الثاني .. وفتحت نجود الباب اللي وراي .. عشان تركب ..قلت لها بصوت هامس .. وانا ااشر عليها وااشر على القطوه : تشبهون لبعض .. القطاوه على اشكالها تقع

طنشتني وركبت ..شكلها مقهوره مني مره .. ركبنا كلنا .. وحركت السياره .. شغلت اغنية حبك بحر .. وكنت بلف وبحرك لها حواجبي .. راح عن بالي ان نايف معنا .. اشوا ماسويت هالحركه .. كان رحت فيها

.
.

حبك بحر ماله حدود

واسمك بقلبي موجود

انتظرك طول العمر

واقضي عمري كله وعود

***

تعال انسى يللي فات

خلني اشوفك بس لحظه

صدقني مقدر انساك حبي لك لممات

.
.

غير الاغنيه نايف وحط اغنية جاني حبيبي وقال : اهداء مني لكم

.
.

جاني حبيبي من بعد غيبة سنين

يقول سامحني برد لمكاني

وانا وربي ماتشافيت للحين

للحين وانا من جروحه اعاني

.
.

شلتها على طول وقلت له : من صباح الله خير تبينا نسمع طقطقه

رجعت شغلت حبك بحر

قالت نجود : ممكن فيصل تشيل الاغاني راسي يوجعني

قال نايف : ايه والله .. لا تحط شي خلاص

قلت : لا والله هذي سيارتي .. احط اللي ابيه

لف نايف على اخته .. وقال : بيذلنا عشان راكبين في سيارته .. اللي تقول عربة حمير .. امشي بس ننزل نروح مشي

من جده هذا ينزل ويروح مشي .. قلت له : اتحداك تنزل

قال :والله لو ما معي اختي كان نزلت .. بس انا اختي بنت عبد العزيز ماتمشي بالشوارع

قلت : يعني انت ولد شوارع .. عادي عندك تمشي فيها بأي وقت

قال وهو يأشر قدام : فيصلوه .. اقول ناظر قدامك وبلا استهبال

ناظرت في المرايا .. كانت مغطيه وجهها .. وتناظر بالدريشه .. خساره


...............



________
المدرسه .. الساعه : 9:00 صباحاً
____________
** الريم **


من بداية الدوام للحين .. وانا ورهف مانسولف الا عن ملكتي .. ملكتي ليلة بكرا .. ماباركتولي ؟

كانت تقول لي رهف : حطي لك الورد الازرق .. اللي اخذناه في شعرك .. صدقيني حلو .. انا في ملكتي حطيت لي ورده ورديه .. بنفس لون فستاني .. الكل قال لي مره حلوه

قلت لها : امممم مدري بشوف

قالت : مافيه بشوف .. تحطيه يعني تحطيه .. غصب

ضحكت وقلت لها : طيب من عيوني

قالت : تسلم عيونك يامرة اخوي

قلت : طيب بسألك ..انتي الحين بتلبسين الفستان الاحمر .. او البدله البنيه

قالت : مدري انتي وش رايك

قلت لها وانا افكر : اتوقع الفستان الاحمر احلى

قالت : الفستان الاحمر حلو .. بس البدله البنيه افخم

حطيت راسي على الطاوله .. وقلت : والله مدري .. بس ما اوصيك .. لاتفشليني قدام محمد .. ترى والله استحي

ابتسمت بمكر وقالت : نشوف

شلت راسي .. ورفعت يدي انادي هند .. جاتني هند .. وقلت لها : باركيلي ليلة بكرا ملكتي

قالت بأنفعال : احلفي ما اصدق .. غرتي مني انا ورهوفه ههههههههههه .. بس مبروك تستاهلين حبيبة قلبي

قلت : الله يبارك فيك .. تعالي طيب

قالت .. وهي تناظر في رهف : ايه انتي بجيلك في كل المناسبات .. بس رهفوه الدبه ماراح اجيها

قالت رهف : افا ليه

قالت هند وهي تتخصر : لانك ماجيتي ملكتي

قالت رهف : اهم شي اجي عرسك

قالت هند : ان ماجيتي بذبحك

ناظرتني رهف .. وقالت : على طاري نجي ومانجي .. ريوم لاتجين بكرا المدرسه

قلت : لا تخافين ماراح اجي

قالت رهف : وانا بعد ماراح اجي

قالت هند : اكيد ملكة صديقتك

قالت رهف : واخوي

قالت : صدق يعني الريم بتصير مرة اخوك .. حلوحلو

ناظرت في رهف وابتسمت


..................

____________
بيت العمه .. الساعه :1:30 مساءً
____________

** حنان **

كنت جالسه على النت .. من اول مارجعت من بيت خالي .. وانا 24 ساعه على النت ..ماعندي لا شغله ولا مشغله .. الهنوف تروح المدرسه .. وفيصل يروح الدوام .. وانا اجلس بالبيت ..كنت داخله الشات بنك !ملح الحياة ! وكل اللي بالشات يعرفوني .. يعني معروفه فيه اول مادخلت قلت


÷÷÷÷÷÷÷÷÷÷÷÷÷÷÷÷÷÷÷


!ملح الحياة!:وخروا وخروا ملح الحياة جات

*مدلع البنات* : هلا وغلا ملح الحياة منوره الشات

سارووونه : ولكمو حبيبتي ملووحه منوره الشات

!ملح الحياة!:يسلمو سارونه منور بوجودك

!ملح الحياة!: ومدلع ماراح ارد عليه امس يهاوشني هو والمشتاق

^بنت نجد ^: ولكموووووو ملوحه منوره يا الغاليه

!ملح الحياة!: يسلمووو بنورك ياقلبي

& الساهر & : سارونه مارديتي علي ممكن نتعرف اولا

!ملح الحياة!: الساهر وخر عن سارونه انت قال نتعرف قال

سارووونه : ايه والله ملوحه شوفيه من الصبح ناشب لي

(امير المحبين ):السلام عليكم ورحمة الله وبركاته

!ملح الحياة!: وعليكم السلام ورحمة الله وبركاته

*مدلع البنات*: ملوحه افا ليه ماتردين علي ترا المشتاق هو اللي قال خلينا نهاوشها

^بنت نجد ^:وعليكم السلام ورحمة الله وبركاته ولكمووووو اميرووه منور غريبه توك داخل العاده تدخل بدري

!ملح الحياة!: ايه مدلع بيحطها على المشتاق الحين

&الساهر&: مالك شغل ملح الحياة انا كلمت سارونه

!ملح الحياة!: الساهر الا لي شغل ومليون شغل صح سارونه

سارووونه : صحين

(اميرالمحبين): يسلموووووو فديتكم

(اميرالمحبين): بنت نجد مادخلت بدري اليوم كان عندي شغل

!ملح الحياة!: <<< تقول غريبه امير عنده شغل

*مدلع البنات*: قسم بالله ملوحه

(امير المحبين) : ياحب ملح الحياة للشماته

+المشتاق+: باااااااااك << ابوه بلشه الا غصب يصلح السياره

& الساهر & : ولكمووووو المشتاق
جلست اسولف بالشات شوي .. الا ويجيني المشتاق برايفت

+المشتاق+ : امس ترا مدلع البنات هو اللي بدا يهاوشك

!ملح الحياة!: هو يقول انت وانت تقول هو والله انكم يا الشباب نصابين

+المشتاق+: اكفش هههههههههههههههههههه

ّ!ملح الحياة!:ايه اضحك وش عليك

+المشتاق+ : عادي هذا شات والمزوح تجي وتروح

ّ!ملح الحياة!: ايه عادي انا موشايله على خاطري من احد

+المشتاق+: اعرفك انا ذووووووق

!ملح الحياة!: اوكي يا المشتاق الحين انا طالعه

+المشتاق+ : وين بتروحين ؟ بدري وتو الناس ياشمعة الجلاس

ّ!ملح الحياة!: بروح لايميلي من زمان ماسولفت فيه

+المشتاق+: بس انا ابي اسولف معك

!ملح الحياة!: طيب تعال ماسنجر

+المشتاق+: اوكي هذا ايميلي .....


÷÷÷÷÷÷÷÷÷÷÷÷÷÷÷÷

اظفته في ايميلي .. يسألني عن اسمي .. بقول له وعد .. مثل ماقلت لباقي اللي بالشات

ْْ~.؛~ الحياة ماتسوي شي بدوني ~.؛~ : اسمي وعد وانت ؟
ّّ
ّّّّ{1+4=8 وجهة نظر } : عاشت الاسامي انا اسمي احمد

ّّّّ{1+4=8 وجهة نظر } :تعالي انتي تعرفين احد في الشات من الشباب يعني معك رقمه ؟

ْْ~.؛~ الحياة ماتسوي شي بدوني ~.؛~ :لا طبعاً

ّّّّ{1+4=8 وجهة نظر } :نصابه مدلع البنات قال انك تكلمينه وامير المحبين بعد

ْْ~.؛~ الحياة ماتسوي شي بدوني ~.؛~ :مدلع كان معه رقمي ويكلمني بس انا تركته خلاص وامير المحبين قليل اذا كلمته

ّّّّ{1+4=8 وجهة نظر } :ايه قولي كذا من البدايه مو تقولين لا طبعاً


÷÷÷÷÷÷÷÷÷÷÷÷÷÷÷÷


جلست اسولف معه لليل .. وبعدين جاتني امي .. اضطريت اقول له اني بطلع .. وقفلت

قالت لي امي : امس جا خطبك واحد

قلت لها وانا اقوم من الكرسي : من هذا

قالت : واحد حافي منتف

قلت : مايستحي يجي يخطبني .. مايدري من هم بيت خالي

قالت : الظاهر جريء هذا .. المهم وش سويتي في موضوع نايف

جلست على السرير وقلت : اووف خطتنا حقة القطوه .. اللي قلت لك عنها يمه

قالت : ايه اذكرها

قلت : فشلة فشل موطبيعي .. واللي خربها هو نايف

قالت وهي متفاجأه : ما اصدق .. وانتي وش عرفك

قلت : رغد كلمتني وقالت لي .. بموت قهر .. اكيد الغبيه رهف شمتانه فينا

قالت : وش عرفها انك مع رغد ترا كل شي طاح على راس رغدوه

قلت بعصبيه : اكيد بتشك فيني .. بس قلعتها شكت او ماشكت

جات امي وجلست بجنبي وقالت : ماعليك يابنتي خيرها بغيرها ..وهذا وجهي ان ما اخذتي نايف ولد خالك

............................

____________
بيت مشعل .. الساعه 1:00 صباحاً
____________

** نايف **

جالس بسريري اتقلب .. ماجاني نوم .. مدري ليه .. طلعت من غرفتي ومعي دفتر اشعاري .. ونزلت تحت الحديقه .. الجو كان بارد .. قرب يجي الشتا .. متى يجي بس .. ملينا من هالصيف وهالحر ..جلست واخذت القلم وفتحت الدفتر.. كنت بكتب شعر .. بس لمحت شخص جالس من بعيد ..ليكون نجود ؟.. قربت اكثر .. شفتها لابسه حجاب يعني رهف مو نجود .. قلت برجع على ورا .. لاتشوفني .. ولاني كنت ارجع بسرعه شوي .. ماحسيت الا وانا طايح على ظهري

سمعت صوتها تقول : بسم الله .. من هنا ؟

ماقمت من مكاني قلت اكيد مابتحس لي .. ليل وظلمه

واللي توقعته صح .. ماشافتني .. اخذت نفسها ودخلت داخل .. وش تسوي رهف في الحديقه بهالوقت


.............

** رهف **

وش يسوي نايف في الحديقه وبهالوقت .. لا ومنسدح على ظهره وشكله يفكر بشي .. الحمد الله انه ماشافني ..وش اسوي ماجاني نوم .. دخلت المطبخ .. اخذت كاس .. صبيت لي مويه .. وشربتها .. جلست شوي بالمطبخ .. بعدين اخذت نفسي و ركبت فوق .. دخلت الغرفه .. وقفلت الباب بهدوء

صحى مشعل .. قال لي بصوت كله نوم : الساعه كم

قلت له : الساعه 1

قال : وش مصحيك

قلت : مو جايني نوم

قال : ليه طيب

قلت : مدري

جلس وقال لي بأبتسامه : قومي نطلع نتمشى بالسياره

قلت له : يللا

فتحت الدولاب وطلعت جاكيت : حطيته على السرير

قال لي : ليه صيف

قلت : ترا الجو بارد انت بعد البس لك شي

..............

____________
بيت الريم .. الساعه 9:30 مساءً
____________


** محمد **


حنا الحين في بيت الريم .. واخيراً مروا هالثلاث ايام .. ملكت وخلصت .. والحين الكل يبارك لي

باستني امي وقالت : مبرووك ياولدي

قالت لي رهف : مبروووك محمد

قلت لهم : الله يبارك فيكم

جا اخوها فارس .. واشر على المجلس .. قال : يللا ادخل .. حدك خمس دقايق

قلت : خمس دقايق مايمديني اقول السلام عليكم

قال : راح من الخمس دقايق دقيقتين .. تراني احسب

قلت : لا لاتحسب من الحين .. حرام عليك

قال : طيب ادخل

دخلني وقفل الباب ..شفتها جالسه على الكنبه .. بس ماتناظر فيني

قربت وقلت : السلام عليكم

قالت : وعليكم السلام

قلت لها : كيف حالك الريم

هزت راسها .. جلست بجنبها .. قسم بالله ودي اقوم ارقص من الوناسه

قلت لها : مو مصدق .. احس نفسي في حلم .. اصفعيني عشان اصدق ان اللي يصير حقيقه

ابتسمت بس .. جلست ادقق في ملامحها .. تذكرت الموقف اللي صار في بيتنا ..يوم تلعب هي واختي بالمويه .. كانت حلوه .. بس الحين هي احلى

قلت : اوعدك اني اسعدك .. وان شاء الله ماتمر لحظه في حياتنا فيها حزن .. الدرب اللي بمشيه انا وانتي كله سعاده وفرح

قالت وهي تعدل شعرها : ان شاء الله

قلت لها : عندك جوال .. عشان باخذ رقمك

رفعت راسها وناظرت فيني .. وش فيها تناظرني كذا .. كاني قلت شي غلط .. عادي هي زوجتي ولازم اخذ رقمها .. عضيت على شفايفي بسرعه .. تذكرت ان رقمها عندي وهي تدري .. راح عن بالي .. وش هالفشله بتقول عني استهبل من اولها

قلت لها : الورده اللي بشعرك بتطيح .. لحظه بعدلها

قمت عدلتها وانا مستانس .. ورجعت جلست .. دخل اخوها فارس وقال : خلصت الخمس دقايق .. يللا

ما ابي ما ابي .. ماراح اطلع .. ابي اجلس بعد

وقفت .. بست راسها .. وقلت : يللا عن اذنك يا الغاليه ..واي شي تحتاجينه انا حاظر

قال فارس : لاتجلس تزيد كلام عشان تطول المده

اووف هذا فارس انا حقدت عليه .. ناشب لي في البلعوم

^*^
/
\
/

^*^

**** نهاية الجزء الثالث عشر ****

[لامارا]

...:::][ الجزء الرابع عشر ][:::...

____________
بيت الريم ..الساعه 12:00 مساءً
____________

** الريم **

^*^
/
\
/
\
/
\
/
\
/
^*^


ابيك تعرف!

ان لا يمكن إحساس قلبي يخليك

لو الشعور بداخل القلب

ماات ..

العمر يمضي!

ونصه يناديك

والنص الاخر يمسح

بدموع الآآآهات ..

مستحيل؛؛

اتخلى عنك واقول

ناسيك

،،انا،،

لاخريوم في عمري

باكون وياك ...!

^*^
/
\
/
\
/
\
/
\
/
^*^

هذا المسج جاني الحين من محمد
كتبت له مسج

^*^
/
\
/
\
/
\
/
\
/
^*^

مشتاق...

صدقني مشتاق لشوفك ولقياك

وكل العيون بلا عيونك

ممله ...

اسمك على لساني

وشوقي لملقاك

ورسمك ترى بوسط

قلبي محله ...

كلي امل تجمعني الايام

وياك

ياملك القلب والعقل

كله...

^*^
/
\
/
\
/
\
/
\
/
^*^

اول مارسلت المسج .. على طول محمد دق علي

&مستحيل انساك& يتصل بك

~~)(~~ دنياك دنياي هو حد يسواك في القلب وياي وفي البال وياي
يا الغالي وشلون تضن ابنساك كيف الهوا يهون والقلب يهواي~~)(~~

اغنية راشد الماجد .. كانت نغمة جوالي

رديت .. قال لي : الووو.. هلا وغلا الريم

قلت : هلا فيك

قال : كيف حالك يا الغاليه

قلت : بخير الحمد الله

قال: ان شاء الله دوم مو يوم

قلت : يدوم غاليك ومغليك .. وانت كيف حالك

قال : بخير دام انا اسمع هالصوت

استحيت ومارديت عليه .. قال : ليه مانمتي

قلت : الحين بنام

قال: اجل اخليك تنامين .. تصبحين على خير

قلت : وانت من اهله

قفلت .. ورحت انسدحت على سريري وانا مبسوطه اني اكلم محمد

&مستحيل انساك& يتصل بك

~~)(~~ دنياك دنياي هو حد يسواك في القلب وياي وفي البال وياي
يا الغالي وشلون تضن ابنساك كيف الهوا يهون والقلب يهواي~~)(~~

رديت : الوو

قال : هلا الريم .. نسيت اقولك اني بكره الظهر بمرك .. عشان نطلع نتغدا سوا

قلت : اممممم

قال وهو يضحك : اممممم وشو ؟

قلت : ان شاء الله

قال : انتبهي لنفسك الريم

قلت : طيب .. وانت بعد

قال : من عيوني .. يللا مع السلامه

قلت : يحفظك الرحمن

ناظرت في الساعه .. شفتها 1ونص .. خل انام احسن .. اخاف يجي الصبح وانا مانمت .. بعدين يمرني محمد الظهر وانا نايمه .. طفيت النور وتغطيت .. ونمت

....................

_____________
بيت مشعل ..الساعه :1:30 الظهر
_____________


** رهف **


اليوم الخميس .. كل اهل مشعل في بيتنا ..عشان بيتغدون معانا .. كنت جالسه اسولف مع الهنوف

قالت لي : انا مو مره شاطره في الرياضيات .. والامتحانات قربت .. عشان كذا خايفه

قلت لها : انتي سنه ثالثه صح

قالت : ايه

قلت : خلاص اجل .. في الامتحانات تعالي لي كل يوم .. نذاكر سوا

قالت وهي مبسوطه : والله جد .. تسلمين حبيبتي

قلت : الله يسلمك .. انا شاطره في كل المواد .. عدا الانجليزي اتوهق فيه

جات حنان .. وقالت : تعالي هنوفه .. ابيك شوي

قالت الهنوف : لحظه رهف .. شوي واجيك

قلت وانا ابتسم : مو مشكله خذي راحتك

راحت الهنوف مع حنان .. وصرت جالسه لحالي

بدق على الريم باخذ اخبارها الجديده

دقيت عليها

ردت : الوو هلا رهوف

قلت : هلا ريوم .. وينك

قالت : اتغدا مع محمد

قلت : بل عليكم من ثاني يوم طلعات .. وش بتسوون بعدين

ضحكت وقالت : حسدتنا هالدبه

قلت : شوف هذي مايمدي الواحد يمزح معها .. قالت حسدوني .. ويغارون مني .. عطيني محمد بس

قالت بضحكه : لحظه

اخذ السماعه محمد وقال : هاه رهوف .. وش تبين .. مو فاظيين لك حنا

قلت : مالت على اللي يدق عليكم يبي ياخذ اخباركم

قال : طيب طيب وش تبين .. بقفل انا

قلت : ما ابي شي .. يللا باي

قال : باي

قلت بسرعه : لحظه لحظه

قال وشكله عصب : يووه وش تبين بعد

قلت : خلاص خلاص .. يللا باي هههههههههه

قفلت .. و حطيت الجوال بجنبي

** نجود **

كنت نازله مع الدرج .. بروح اجلس مع بنات عمتي

وانا نازله سمعت وليد اخو شجن يناديني

قلت : هلا لودي .. وش بغيت ؟

قال : فيه بنت تبيك برا تقول انها صديقتك

عقدت حواجبي وقلت : وش اسمها

قال : اسمها جوري

جوري .. مااذكر اني اعرف بنت بهذا الاسم .. يمكن وحده من الشغل اكيد في شي مهم .. لان وحده ما اعرفها زين .. تجيني بهالوقت وبدون ماتعطيني خبر حتى

ناظرت في وليد شفته للحين واقف .. ابتسمت له وقلت : خلاص الحين بطلع

راح وليد المجلس .. وانا رحت عند باب الصاله .. كنت بطلع .. بس تذكرت ان اهلنا هنا .. ويمكن .. زوج عمتي .. او سلطان او أي احد اشوفه برا .. بخلي الخدامه تناديها .. اممممم لالا انا بطلع وبشوف وش السالفه

رجعت غرفتي .. واخذت العبايه والشيله .. لبستهم ونزلت اركض

فتحت باب الصاله وطلعت .. وقفت شوي اناظر يمين وشمال .. مافيه احد

لمحت فيصل .. يناظر فوق وساند ظهره على سيارته

بسأله يمكن شافها ..

رحت لعنده وانا اغطي وجهي بيدي .. من الشمس

قلت : السلام عليكم

عدل وقفته وقال : وعليكم السلام

قلت بدون ما اناظر في وجهه : كانت فيه بنت واقفه عند الباب .. شفتها

قال : هاه ؟

قلت : اقولك فيه بنت واقفه عند الباب شفتها

قال : وش تقولين انتي ؟

عضيت على شفايفي وقلت : ولا شي

قال : زين وشوله جايه تكلميني

قلت : انا مو جايه اكلمك

رفع حاجب وقال : اجل ليه طالعه برا ؟

رفعت راسي كاني افكر بعمق وقلت : طالعه اسقي الزرع

قال : اجل بنغير اسمك من نجود الى راجو هههههههههههههههههههههههه

لويت فمي وقلت : هاهاها بايخ

تغيرت ملامحه الى الجد بعد ماكان يضحك .. وقال : جد نجود انا بايخ ؟

اففففف الحين بيطلع لي بسالفه جديده

لفيت عنه وكنت بمشي .. يوم سمعته يقول اسمي

وقفت وقلت بنرفزه : نعم

قال : انا

لفيت عليه وقلت : انت وشو

حك راسه وقال : انا .. انا ..أأنا

حركت راسي يعني وش تقصد

ابتسم ابتسامه عريضه وقال : انا جوري

حطيت يدي على خصري وقلت : لا والله

حط يده على خصره مثلي وقال : ايه والله

قلت بصوت عالي شوي : فيصلوه .. وش تبي

قال : اصغر عيالك فيصلوه

قلت : استاذ فيصل وش تبي

قال : اريد ان احادثك قليلاً

حطيت يدي على فمي امنع ضحكتي

قال : هي انتي .. ترا انا كنت اخذ الاول في اللغه العربيه

قلت بمزح : يعني انت رحت المدرسه ؟

قال : لا بس اسمع فيها .. المهم طسي داخل لا يجي اخوك نايف ويسويلك سالفه .. صدق بنات هالزمن مايستحون

لفيت راسي اناظر ورا .. قلت يمكن الشغاله واقفه وراي .. رجعت اناظره وقلت: انا اللي ما استحي ؟

رفع ايدينه فوق وكانه يستسلم وقال : لالا مو انتي اللي ماتستحين انا اللي ما استحي .. ايه لا تاكليني بعد

هزيت راسي ومشيت .. ما ابي اطول الوقفه معه .. اصلاً هذا وش يبي .. من يشوفني يقهرني .. لكن اوريه

ضربت الارض برجلي من القهر .. لفيت وراي لقيته ميت ضحك .. وهذا اللي قهرني اكثر .. دخلت داخل بسرعه

ماكان فيه احد بالصاله .. فصخت العبايه .. وعطيتها الخدامه

دخلت المجلس سلمت عليهم .. ورحت جلست بجنب رهف لانها جالسه لحالها

قلت لها : وين هنوفه وحنونه

قالت : هنوفه كانت معي .. نادت عليها حنان ومدري وين راحت

ابتسمت لها وقلت : ماقلتي لي اخبار الريم صديقتك

................................


** حنان **


كنت اكلم الغبيه هنوفوه : مو قلت لك الف مره .. لا تتكلمين معاها .. هذي نسره ماتدرين هي صديقه او عدوه

قالت : حنان خلاص عاد .. لحد يسمعك

قلت : ايه ماعندك الا هالكلام ..يللا روحي اجلسي مع نجود وشجن

قالت : وانتي وين بتروحين

تخصرت وقلت : مالك شغل

راحت .. ورحت انا غرفة رغد .. دخلت .. وجلست

قالت لي : اخيراً جيتي

قلت : وش اسوي .. ما ابيهم يحسون انك رحتي .. وانا رحت وراك

قالت : والحين وش نسوي

قلت لها : لازم يصير عندنا جوال رهف

انسدحت رغد على السرير .. وقالت : انا اخاف .. ما ابي يصير لي مثل المره اللي راحت .. ويطقني عمي نايف قدام الاعداء

قلت : لا هالمره محد راح يدري .. وبعدين الكل نسى سالفتك

رفعت راسها .. وقالت : ايه هين ..عمي نايف شافني امس وماعطاني وجه

بزره هذي .. وش اسوي فيها .. قلت : طيب حبيبتي .. جوال رهف وينه

قالت : تلقينه عندها .. هو على طول بيدها

قلت : روحي الغرفه شوفيه

قامت وطلعت من الغرفه .. تأخرت شوي

بعدين جات وقالت : مو في الغرفه

قلت : اووف اجل قومي ننزل تحت

.
.
.

نزلنا.. وجلسنا مع باقي البنات ..شوي وقالت ام مشعل : يللا بقوم بجهز الغدا

قامت رهف عشان بتساعدها .. ايه طبعاً تسوي حالها قدام الكل ..البنت المطيعه والخدومه .. شفت الجوال مرمي على الارض مكان ما كانت جالسه .. قربت رغد مني

وقلت : روحي جيبيه

قالت : ما ابي اخاف

قلت : روحي اجلسي عليه .. ولا جيتي بتقومي .. خذيه معك

قلت : اخاف والله

دفيتها بيدي وقلت : روحي

قامت بخوف .. وجلست عليه .. شوي و قامت وطلعت برا المجلس .. ايه زين اخذته معاها .. قمت انا عشان بطلع

قالت لي نجود : وش فيك حنونه قايمه قاعده

قلت : لا بس بروح الحمام (( الله يكرمكم ))

طلعت .. شفت خالتي ام مشعل ..بالصاله .. مدري وش تسوي

دخلت الحمام .. وفتحت الباب شوي .. انتظرتها تروح .. وبعدين طلعت .. ركبت غرفة رغد اركض

فتحت الباب .. شفت رغد جالسه على السرير .. وبيدها الجوال

قلت لها : كفك اخذناه

قالت وهي تضحك : بس وش فايدته

مابجلس افهم فيها .. لانها ماراح تفهم .. جلست ادور في الاسماء .. قلت يمكن رهف ماخذه رقمي .. تبي تخرب سمعتي ولا شي .. مالقيته .. ايه اشوا .. لانها تسويها احسها حاقده علي .. وودها تنتقم مني بأي طريقه .. مع اني ماسويت لها شي .. والله بتغدا فيك يارهف قبل ماتتعشين فيني

ارسلت لنفسي مسجات من جوالها .. وارسلت لها انا مسجات .. ودقيت على نفسي من جوالها

وحفظت رقمي في جوالها .. بـ عبد الرحمن

وحفظت رقم مشعل في جوالي

قلت خلاص .. رغد رجعي الجوال .. بس هاه .. لحد يشوفك


÷÷÷÷÷÷÷÷

المهم مشى كل شي في بيت خالي .. مثل ماخططت له .. ولا رهف ولا غيرها حس باللي يصير ..

رجعت من بيت خالي وانا مبسوطه مره .. اكيد يحق لي .. دخلت النت .. فتحت ايميلي .. شفت المشتاق .. رحت سلمت عليه وكلمته .. بعدين قلت له


~.؛~ الحياة ماتسوي شي بدوني ~.؛~ : احمد ممكن اطلب منك طلب ؟
ّّ
ّّّّ{1+4=8 وجهة نظر } : امري وتدللي

ْْ~.؛~ الحياة ماتسوي شي بدوني ~.؛~ :ما يامر عليك عدو .. بعطيك رقم جوال واسم وحده ..دق عليه وقول للي يرفع هالوحده تكلم واحد اسمه عبد الرحمن .. ممكن ؟

ّّّّ{1+4=8 وجهة نظر } :يعني اني اخرب سمعة البنت .. لاطبعاً مستحيل ما اسويها لو وش مايصير .. لا تربيتي ولا اخلاقي تسمح لي اسوي هالشي

وهذا بيسوي حاله الحين ابو الاخلاق .. ومترح مره .. قال وش قال ما اسويها مستحيل ..انت ماتسويها مليون غيرك يسويها

ْْ~.؛~ الحياة ماتسوي شي بدوني ~.؛~ : خلاص اجل .. اعتبر اني ماقلت الكلام اللي تو

ّّّّ{1+4=8 وجهة نظر } : مو مشكله .. وينك اليوم مادخلتي بدري ؟

وكملنا سوالفنا بالمسن انا واحمد عادي


.............................






____________
بيت الريم ..الساعه00 مساءً
____________


** محمد **

صار لي ساعه .. جالس بالمجلس .. انتظر الريم تخلص .. عشان نتطلع سوا.. واختها ساره وجعت لي راسي .. ماتسكت هذي .. اعضم من اخوي سعد .. الله يعين الريم عليها

هزتني .. وقالت : خلك معي .. ناظر فيني .. اخذت لي امي فستان .. عشان الملكه بس طلع ضيق
رجعناه .. واخذنا واحد ثاني .. بس مو حلو .. عطيته بنت خالتي .. وخليت الريم
تشتريلي فستان ثانيئ .. شرت لي فستان قصير لونه احمر .. حلو ..بعدين
سالت رهف اذا فستاني حلو اولا .. قالت حلو .. سالت امي اذا حلو اولا .. قالت حلو .. سالت ابوي .. قال حلو
سالت اخوي فارس .. قال حلو .. سالت اخوي خالد قال حلو .. الفستان هذا بخليه .. عشان البسه في المدرسه السنه الجايه .. واوريه مدرستنا.. تخيل لوكان الفستان ابيض
ماراح يكون حلو .. لان الفستان اللي بلبسه في العرس ابيض .. عشان اصير مثل العروس ..امممم لو وردي مثلاً او ازرق


ياربي .. بموت مخي بينفجر .. هذي ماتسكت ولا ثانيه .. قلت لها : الريم بتتاخر


قالت : الريم تتاخر .. تدري ليه .. لانها تتروش .. بعدين تمشط شعرها وتحط لها كريم ينعم الشعر مره حلو .. وريحته حلوه ..يشبه ريحة الورد .. خالتي شرته لنا .. حتى انا حاطه لي الحين منه .. قرب شم شعري .. المهم بعدين تحط لها
كريم في وجهها .. بعدين تحط كحله .. وبعدين تحط شي ما اعرف اسمه
لحظه لحظه بتذكر امممممم


فاضي لك تتذكرين وماتتذكرين .. قلت لها : انا ابي الريم .. الله يخليك روحي شوفيها .. عشان بنطلع نتعشا سوا


عدلت جلستها وقالت : الله بتروحون تتعشون .. مره رحنا تعشينا مع بيت عمي .. المطعم كان مره يجنن .. بس الريم ماعجبها .. مدري ليه .. بس امي عجبها .. كان يشبه البيوت القديمه ..
انا اكلت بيتزا .. انت تحب البيتزا ؟


وش تقول ذي .. وش تخربط علي .. عقدت حواجبي وقلت : خلاص ..ابوس يدك اسكتي


ناظرت في يدها وقالت : تخيل امس طاحت على يدي السكين .. وانجرحت .. قلت لامي .. وامي قالت لابوي .. وابوي وداني المستشفى .. خيطولي الجرح .. كان يعورني مره الحين يعورني بس مو مره


فتحت الريم الباب .. وقالت : تأخرت


واخيراً .. الله جابك .. خذي اختك وارميها برا بس .. قلت : لا عادي ماتأخرتي .. يللا نمشي

ناظرت الريم في ساره وقالت : سارونه حبيبتي مالبستي .. يللا روحي البسي

قلت مستغرب : وليه تلبس

ابتسمت وقالت : عشان باخذها معنا

قالت ساره : البس بدلتي ذيك البنيه .. اللي فيها شوي بيج مع عنابي ..وعند الخصر فيها ربطه .. اللي لبستها في ملكة صديقتك هند .. والكل قال حلوه .. حتى اخوي فارس هو اللي اختارها لي .. مره ذوقه يجنن .. او البس فستاني الاصفر .. اللي اخذناه من جده يوم نروح ذيك السنه


لا مستـــــحــــــيل اخذ هذي معي


_______________
بيت مشعل .. الساعه 30 مساءً
_______________



** مشعل **


كنت جالس بالصاله .. مع امي .. نشوف برنامج اليوم السابع على mbc1

~~)(~~مشتاق انا مشتاق تلعب بي الاشواق
ماتدري كيف الشواق في غيبتك حراق~~)(~~

اخذت جوالي .. وناظرت الرقم .. غريب

رديت قلت : الوو نعم

قال: الاخ مشعل

قلت : ايه مشعل معك .. من انت

قال : حبيت ابلغك .. ان زوجتك رهف .. تكلم واحد اسمه عبد الرحمن

قفلت الجوال بوجهه .. صدق مايستحي .. من وين طالع لي ذا بعد

رجع يدق .. ويدق .. ويدق

قالت امي : مشعل عاد شوف جوالك .. ازعجنا

اخذت الجوال .. ورحت عند باب الصاله .. ورديت

قلت بصوت عالي : خير انت .. وش تبي

قال : الحين انا اسوي فيك خير .. تجلس تصارخ علي

قلت : اي خير الله يلعن شكلك .. ماعندكم سالفه انتم .. وش تستفيد اذا خربت بيت الناس

قال : على العموم انا حذرتك .. زوجتك لعابه .. مافيه واحد ماكلمته .. واذا ماكنت مصدق روح شيك على جوالها

قفلت في وجهه مره ثانيه ..وركبت فوق .. دخلت الغرفه .. ماشفت رهف ..بس سمعت صوت المويه بالحمام (( الله يكرمكم )) .. اكيد تتروش .. انسدحت على السرير .. سمعت صوت نغمة المسج حق جوال رهف ..طنشته .. وغمضت عيوني .. سمعت النغمه مره ثانيه .. قمت واخذت الجوال .. فتحت المسج


^*^
/
\
/
\
/
\
/
\
/
^*^

__ عبد الرحمن __

رهف حبيبتي

اذا نام زوجك مشعل دقي علي

انتظرك اوكي

^*^
/
\
/
\
/
\
/
\
/
^*^

فتحت المسج الثاني

__ عبد الرحمن __

طولتي قلبي وانا ابي اطلع

خلاص اكلمك بكرا عند المدرسه

مثل كل يوم

^*^
/
\
/
\
/
\
/
\
/
^*^

بسرعه رحت للرسائل المرسله

وفتحت مسج من المسجات

^*^
/
\
/
\
/
\
/
\
/
^*^

هلا حبيبي عبد الرحمن

انا بخير بس هالمشعل نشبه مو راضي ينام

وما ابيه يشوفني اكلم بهالوقت ويشك

^*^
/
\
/
\
/
\
/
\
/
^*^
فتحت مسج ثاني هي كاتبته

^*^
/
\
/
\
/
\
/
\
/
^*^

مشكور عبد الرحمن على الهدايا اللي تجيبها لي
احسن من ها المشعل مايجيب لي شي

وبكرا طلعتي من المدرسه بعطيك هديه
شريتها لك

احبك


^*^


رميت الجوال على باب الحمام .. وتكسر.. رحت دست عليه .. ودقيت الباب بقوه

قالت رهف : مشعل وشو .. الحين بطلع

قلت : اطلعي الحين ابيك

كنت واقف عند الباب .. معصب مره ..انتظر هالخاينه تطلع من الحمام

ضربت الباب بقوه

طلعت وقالت : وش فيك مشـــ...

ماخليتها تكمل كلامها ..مسكت شعرها .. شديته وقلت لها : من عبد الرحمن

قالت : مشعل اترك شعري

شديته اكثر وقلت : أسألك انا ردي

قالت بصوت عالي : اي عبد الرحمن

عطيتها كف وقلت : لا تصارخين علي .. انا اللي المفروض اصارخ عليك

رميتها على السرير .. وقلت : بتتكلمين ولا اذبحك

حطت يدها على وجهها .. وجلست تبكي

رحت لعندها وبعدت يدها .. وقلت : لا تجلسين تبكين لي .. وتمثلين دور المسكينه المظلومه

قالت .. وهي تبكي : ما اعرف عن وشو تتكلم

قلت وانا ااشر على عيوني :اصدقك واكذب عيوني

ساكته .. ماقالت شي .. لان خلاص كل شي مكشوف

قلت لها : طلعي الهدايا

قالت : أي هدايا

جالسه تستهبل علي .. ماتدري اني عرفت كل شي .. لكن انا اوريك يارهف .. صرخت عليها وقلت : الحين جوال مافيه .. والمدرسه انسيها خلاص .. وياويلك لو اشوفك ماسكه التلفون
والا اقولك .....

فتحت الدرج .. وطلعت مقص

^*^
/
\
/
\
/
\
/
\
/
^*^

***
**** نهاية الجزء الرابع عشر ****

[لامارا]

...:::][ الجزء الخامس عشر ][:::...

____________
بيت مشعل .. الساعه30 مساءً
____________


** رهف **

طلع من الدرج مقص .. وراح قص سلك التلفون .. ورمى المقص على السرير .. وطلع من الغرفه وقفل الباب

اول ماطلع مشعل من الغرفه .. مسحت دموعي و رحت احاول افتح الباب .. ومقفل الباب بالمفتاح بعد .. يحسبني هالمجنون بسكت له ..يطقني واسكت .. بقول لابوي واخوي محمد .. قسم بالله ماراح اسكت .. بيشوف.. ماابي اجلس هنا ولا دقيقه .. هالبيت ما احبه .. اتمنى لوانا مادخلته

بعدت عن الباب .. ورحت جلست على السرير .. قمت من السرير .. ورحت عند الدريشه .. بعدت الستاره .. وفتحتها .. شفت نجود تركض ورا رغد في الحديقه .. راقبتهم شوي ..بعدين قفلت الدريشه .. اووف ماعندي شي اسويه .. ابي اطلع بروح بيت اهلي ..رحت عند الباب .. وجلست اطقه بقوه ..عشر دقايق وانا اطق .. يدي عورتني ..ومحد جا ..ورجعت اطق بقوه اكثر .. فتح مشعل الباب .. ودخل

عطاني نظره .. وقال : انهبلتي انتي انهبلتي .. غصب تبين امي تسمع الصوت وتجي

قلت : ايه انهبلت .. وان جلست في هالبيت بنهبل اكثر

جلس على الكرسي .. وحط رجل على رجل .. وقال : اجل اعطيك معلومه من الحين ..عشان تحسبين حسابك .. انك بتجلسين في هالبيت طول عمرك

رحت اركض عند الباب .. كنت بطلع .. قام من الكرسي .. وكان اسرع مني مسكني .. وقفل الباب

جلست امسح الدموع اللي على وجهي .. وقلت : ماابي اجلس .. غصب .. ابي ارجع بيت اهلي .. وش سويت لك انا

عقد حواجبه وقال : مسكينه .. للحين تمثلين .. اقولك عرفت كل شي ..واصلاً احمدي ربك .. انك تعيشين في هالبيت .. لو غيري طلقك على طول

قلت له : ما ابي اعيش في هالبيت .. طلقني خلاص

ضحك وقال : مجنون اطلقك

كنت بقول له .. ماعندك كرامه تجلس مع وحده ماتبيك .. بس ماقلتها ..خفت يطقني مره ثانيه

قلت : تجلس مع وحده ماتبيك

رجع جلس على الكرسي .. وقال : اجلس معها في حاله وحده

سكت شوي ..وكمل : اذا كنت انا بعد ما ابيها

وهذا اللي توقعته من زمان .. مشعل مايبيني ..قلت : اجل ليـ...

قاطعني وقال : بتقولين ليه متزوجك

قلت : ايه ليه متزوجني دام انك ماتبيني .. وانا لا اعرفك ولا انت تعرفني .. من اللي حذفك علي بس

ناظر فوق .. وجلس يفكر .. قال : خــالـد

غمضت عيوني من قال خالد .. خايفه من اللي بيقوله ..وصلنا لموضوع خالد .. لازم الحين يقول لي عن كل شي .. يريحني ويريح نفسه

رفع حاجب وقال : اشوف الاسم موغريب عليك

مااحب اسلوب مشعل هذا .. هو عارف احق المعرفه .. ان اسم خالد مو غريب علي

قال : انا ماكنت راح اقولك عن شي .. قلت البنت زينه معي ومحترمه .. بس على اللي سويتيه .. تستاهلين اقول لك باللي اخس والعن منه .. اجل انا مشعل ولد عبد العزيز وحده مثلك .. تضحك علي

سكت وجلست اناظر في الارض ..وش ضحكت عليه فيه .. قولولي

مدي يده و رفع راسي بقوه .. وقال : رهف اسمعيني زين .. ام رغد انا حبيتها حب موطبيعي .. حتى من حبي لها اخذتها غصب عن ابوي .. وخالد النذل الحقير .. اخذها مني بكل سهوله

خالد اخذ منه زوجته .. اي عقل اللي يصدق هالكلام ..يعني مثلاً خالد حبها واخذها من مشعل ..انا اللي اعرفه ان ام رغد يوم تموت في الحادث كانت زوجة مشعل .. وخالد كان صغير

كمل كلامه .. وقال : انتي تدرين ان ام رغد .. ماتت في حادث سياره

هزيت راسي بأيه .. قال : وتدرين من اللي كان يسوق السياره .. اللي دعمت ام رغد

كنت بقول له لا .. بس حطيت يدي على فمي .. وقلت بصدمه : خــالــد

لمعت عيونه وقال : ايه خالد .. مستحيل اسامحه .. ووعدت نفسي اني انتقم منه .. وانا الحين خلاص انتقمت منه .. مثل ماهو اخذ مني اعز شي عندي .. انا اخذت منه اعز شي عنده

طاحت دموع من عيوني .. هزيت راسي وقلت : مشعل انت غبي ..وعقليتك ماتتناسب مع عمرك .. لان مافيه احد يفكر بهالطريقه ..الا اللي تفكيره محدود مثلك

صرخ علي وقال : حطي نفسك في مكاني

قلت : فيه شي اسمه قانون

قال : الا مشعل ماعنده هالشي .. ياخذ اللي يبيه بأيده

رجعت شعري ورا اذني وقلت : مشعل لازم تفهم .. خالد ما اخذ منك شي ..استغفر ربك .. الاعمار بيد الله .. وكل شي مكتوب .. وام رغد هذا يومها .. وثاني شي خالد كان صغير

قال بعصبيه : دام انه صغير .. ليه يسوق سياره

قلت له : وش عرفك اني اعزشي عند خالد

اخذ نفس وقال : خالد درس مع صديقي وانا يوم عرفت انه يدرس مع صديقي .. اتفقت معه على انه يخبرني كل شي عنه .. وخالد يحبك من زمان .. وكان على طول يقول انه يحب بنت جيرانهم بنت ابو يوسف ..واذاخلصت ثانويه بيتزوجها ..ماكان صعب علي ابداً اني اطلعك .. واتزوجك لان ابو يوسف ماعنده الا بنت وحده .. ومحد من اهلي قال اني اخذت وحده غريبه مايعرفون عنها شي .. لاني قلت لهم انك صديقة نجود في الدراسه

قلت : مستحيل اجلس معك دقيقه وحده .. مشعل طلقني الله يخليك

قال : ولا يهمك بطلقك

حطيت يدي على قلبي .. وحسيت براحه شوي .. قلت له : متى

قال : اذا خالد تزوج .... والا انتي للحين تحبين خالد ؟

قلت بأنفعال : انت غبي .. ماتفهم .. فتح عقلك .. الحين خالد اكيد نساني ..وانا نسيته من زمان

ابتسم بسخريه .. وقال : لهذي الدرجه انا نسيتك خالد ..؟

حطيت راسي على السرير .. وجلست ابكي :مشعل انا وانت مانقدر نعيش مع بعض خلاص .. انا اكرهك

سمعت صوت احد يطق الباب .. بعدين دخل .. كانت خالتي ام مشعل .. قالت : وش فيها رهف تبكي

قال مشعل : هااه .. مدري يمه صار لي ساعه اسألها .. مو راضيه تقول

نزل لعندي .. مسح على راسي ..وقال : رهوفه تعبانه .. احد ضايقك

كذاب .. حقير يعرف يمثل .. بعدت يده الخايسه عني

قالت خالتي ام مشعل : قولي يابنتي وش فيك .. مايصير تبكين بدون سبب

رفعت راسي وقلت : ابي اجلس لحالي

قالت ام مشعل : اللي يريحك يابنتي .. مشعل يللا خلينا نطلع

قال مشعل : رهف .. اذا احتجتي اي شي .. انا تحت

طلعت خالتي ام مشعل .. وطلع مشعل وراها .. 5 دقايق .. وسمعت صوت الباب يتقفل بالمفتاح


....................................


____________
المطعم.. الساعه:00مساءً
____________


** محمد **


وصلنا المطعم .. نزلت من السياره .. ونزلت الريم ومعاها ساروه

مسكت يد الريم وحنا نمشي

لفت ناظتني .. ابتسمت لها ابتسامه حلوه

حسيت بأحد ماسك يدي الثانيه

لفيت ناظرت في يدي وناظرت في وجه ساره

شفتها تبتسم لي ابتسامه عريضه

اول مادخلنا وجلسنا

قلت : ريمي قلبي وش تبين تاكلين

قالت : مثلك

قالت ساره بدون ماسالها : انا ابي بيتزا .. مره رحنا مع بيت عمي مطعم حلو يشبه البيوت القدميه .. وانا طلبت بيتزا و...

قاطعتها بضحكه بارده : ههه ايه قلتي قبل .. اجل تبين بيتزا

قالت : ايه انا ابي بيتزا ..لاني احبها مره .. بس ما ابيها حاره .. بعدين ما اعرف اكلها .. ولاتجيب لي بيتزا كبيره .. ابي صغيره لاني بسرعه اشبع .. طالعه على الريم .. حنا في البيت ماناكل كثير .. اكثر واحد ياكل اخوي الدب خالد .. اما اخوي فارس مره ضعيف .. انا احب اخوي فارس لانه .....

قالت الريم وهي تضحك وشوي منحرجه: طيب ساره .. يعني خلاص بيتزا

زين سكتتها .. اليوم شكلي بطلع من المطعم للمستشفى على طول .. من وجع الراس

قلت : انا مشتهي اكل شي فيه دجاج امممم بس وش بالضبط مدري .. انتي وش رايك ريمي

قالت ساره : على فكره كبسة الدجاج اللي تسويها امي .. تهبل .. طعمها مدري كيف .. ريوم امي وش تحط فيها ..؟

الحين فيه احد جاب طاري كبسة الدجاج ؟

قالت الريم : ماعليه سارونه حبيبتي .. موهذا موضوعنا .. روحي العبي مع الصغار هناك

هزت راسها .. وقالت : لحظه اول بنشوف محمد وش يبي ياكل

ملقوفه ياناس .. وش سويت في حياتي .. عشان تجيني هالبزره تنكد علي طلعتي مع خطيبتي

قالت لها الريم :يللا سارونه روحي العبي .. واذا جا الطلب .. انا بناديك

قامت من الكرسي .. وراحت تلعب .. ناظرت في الريم .. وقلت لها : عجبك حبيبتي المطعم

قالت : ايه مره حلو

قلت : لان عيونك حلوه تشوف كل شي حلو

استحت .. وقالت : تسلم

قلت : الله يسلم قلبك فديتك

جات ساره تركض ..اخذت نفس وقالت : تخيلوا ..رحت بلعب مع باقي الصغار .. جا ولد دب .. مو دب الا فيل .. دفني وطيحني على الارض .. قسم بالله .. يوم جات امه .. قلت لها ولدك دفني .. الكذاب يقول قدام امه انه مادفني

ضحكت الريم .. وقالت : ياحليلها

الا قولي ياشينها ... صدقوني برتكب في هالبنت جريمه

جلست على الكرسي .. وضربت راسها بيدها .. وقالت : صح نسينا ما نسال محمد عن عمره

قلت لها : 24 سنه

هزت راسها وقالت : عمر مناسب .. وانتي ريوم كم عمرك اكيد عشر

قالت الريم : لا انا 18 سنه

قالت : وشلون تتزوجون وريوم اكبر من محمد بكثير

قلت انا على طول : عادي عادي الحين الكل يتزوج

عدلت ساره شعرها وقالت : اجل ليه للحين انا ماتزوجت

قالت الريم : اذا صرتي بعمري بنزوجك .. خلاص

شفت ريوم تناظر في الساعه .. قلت لها : تبين ترجعين بدري

ابتسمت وقالت : راح نتأخر اليوم اولا؟

قلت لها : لا ماراح نتأخر .. بنطلع من هنا .. وبنروح البيت بنزل شوية اغراض ،، اشرت على ساره من فوق عشان اوضح للريام ان الاغراض هي ساره ،، وبنروح نتمشى سوا

قالت ساره بسرعه : مايحتاج نمر ننزل الاغراض .. خليهم في السياره


............................


_____________
بيت مشعل .. الساعه:00 مساءً
_____________


** رهف **


ابي اطلع .. لازم اطلع من هنا بأي طريقه .. مو قادره اتنفس .. حابسني هنا كأني حيوان .. جلست على الارض .. مسكت سلك التلفون .. قصه ما اقدر الصقه مع بعض .. ايه عندي فكره .. رحت وجلست ادور في الادراج .. اخذت لصقه .. ولصقت سلك التلفون .. رفعت السماعه .. ماكان فيه خط .. حركت السلك شوي وجا الخط .. اقدر اكلم .. الحمد الله .. دقيت رقم بيت اهلي بسرعه .. قبل مايجي مشعل .. يللا احد يرد .. وينهم ..نايمين ولا وشو .. سمعت صوت احد يقول الوو

قلت : الووو الووو مين محمد

قال : لا انا يوسف

قلت : يوسف تعال بسرعه .. طلعني من بيت مشعل .. طقني وحبسني في الغرفه .. الوو يوسف وينك

قال بملل : ليكون تحسبيني فاضي لك .. لاتجلسين تسوين مثل الافلام .. برجع بيت اهلي .. وبروح لامي ..بلا دلع

قلت بصوت مبحوح من كثر البكي : يوسف الله يخليك انا اختك .. تعال طلعني .. او عطني محمد

قال بعصبيه : البنت السنعه هي اللي تجلس في بيت زوجها .. ولا تدقين البيت لان مافيه احد فاهمه .. بنات اخر زمن

قفل السماعه في وجهي .. ضميت سماعة التلفون وجلست ابكي .. شكلي ماراح اطلع من هنا طول عمري



.......................................
** مشعل **


دخلت الغرفه .. شفتها ماسكه السماعه .. رحت سحبتها من عندها بقوه .. قلت لها : كلمتي مين

قالت بخوف : ماكلمت احد

قلت : كذابه .. بسرعه قولي لا طقيتك

وقفت من الارض .. وقالت : ايه كلمت اخوي يوسف .. والحين بيجي ياخذني ..وش عندك

ضحكت على النكته اللي قالتها .. وقلت : لا دام انه اخوك يوسف الحرامي .. عادي

قالت : اخوي مو حرامي

ومدت يدها كانت بتصفعني .. بس انا مسكتها وقلت : ياويلك رهف لو تمدين يدك مره ثانيه

تركت يدها ..وكنت بطلع من الغرفه .. جات لعندي وقالت : زين بجلس هنا .. بس خلني اروح المدرسه

ابتسمت .. وقلت لها : لا تحلمين اخليك تروحين .. عشان تقابلين عبد الرحمن وغيره

قالت : قسم بالله ما اعرف واحد اسمه عبد الرحمن .. انت ظالمني .. قسم بالله ظالمني

قلت : بلا كلام فاضي .. ومدرسه مافيه

قالت : مشعل تكفى .. خلني اروح المدرسه .. حرام تقضي على مستقبلي

صرخت عليها .. وقلت : مافيه .. يللا قوليلي من بيوديك .. اذا انا مابوديك .. والسواق وصيته مايوديك

رجعت تبكي .. مالي خلق اسمع حنتها .. قلت لها : بخلي الباب مفتوح .. تقدرين تطلعين ..اذا حبيتي تتمشين في البيت .. بس طلعه برا البيت مافيه .. فاهمه

طلعت .. وقفلت الباب وراي

.
.
.

نزلت تحت .. شفت نجود وامي ..ونايف .. رحت سلمت وجلست

قالت امي : وش فيها رهف

قلت : مافيها شي .. شوية تعب

قالت امي : اجل خلها تغيب بكرا .. وخذها المستشفى

سكت شوي .. بعدين قلت : يمه رهف خلاص مابتكمل دراسه

لفت علي نجود وقالت : مشعل .. لاتمزح

قلت : والله زوجتي وانا حر .. ماابيها تكمل دراسه .. لانها كذا ولا كذا مصيرها بتخلص ثانوي .. وبخليها تجلس في البيت

قالت نجود بعصبيه : مشعل حرام عليك .. البنت شاطره وعندها طموح .. خليها تكمل

قلت : نجود .. لا تتدخلين في شي بيني وبين رهف

قالت امي بصوت هامس لنجود .. بس انا سمعتها : اسكتي .. مالك شغل فيه .. هو وزوجته احرار

الوحيد اللي ماعلق نايف .. قام من الكنبه .. وقال : تصبحون على خير

الكل قال : وانت من اهله


..............................

____________
بيت مشعل .. الساعه 6:30 صباحاً
____________


** نايف **


صحيت الصبح .. تروشت .. وبدلت ملابسي .. صليت .. ونزلت تحت .. دخلت المطبخ شفت نجود جالسه تفطر ..قلت : صباح الخير

قالت : صباح النور .. تعال نايف اجلس افطر معي

جلست معاها .. ماكان لي نفس الاكل .. فشربت حليب بس

قلت لها : وش فيك جالسه لحالك .. وين الناس

قالت : خالتي ام مشعل ورغد نايمين .. ومشعل راح الدوام

قلت لها : وبعد

ناظرتني .. وقالت : وبعد مين .... امممم رهف برا في الحديقه

سكت وشربت شوي من الحليب .. وقمت من مكاني .. طلعت من المطبخ .. ورحت الحديقه .. كنت بروح الدوام .. شفت رهف جالسه على كرسي بالحديقه ..قريب مني بس معطيتني ظهرها .. كانت تمسح دموعها ..شكلها اثر فيني اكيد تبي تروح المدرسه .. ولا وش مصحيها من الصبح .. دخلت داخل .. ورحت المطبخ .. جلست على الكرسي .. وقلت : نجود .. متى بتروحين الدوام

ناظرت للساعه اللي معلقه على جدار المطبخ .. وقالت : الساعه 8

قلت : قومي الحين

قالت : وليه اروح بدري

جلست افكر شوي .. وقلت لها : جودي ماتحسين رهف تكسر الخاطر

قالت : ومن وين طلعت لك هالمشاعر والاحاسيس المرهفه

قلت : لا جودي اكلمك جد

قالت : ايه والله نيوف .. هي تبي تروح المدرسه

قربت مني وقالت بصوت خفيف : لو شفتها يوم صحت الصبح .. قسم بالله كانت تبكي

قلت لها : قومي نجود ناخذها معانا

وهي تشرب الحليب ..هزت راسها يعني لا .. بعدت الحليب .. وقالت : ما اخاطر .. اخاف مشعل يذبحنا حنا الثلاثه

ضربت راسها وقلت : يا الخبله .. انا المدير .. ماراح اعطيه اذن انه يطلع من دوامه .. الا اذا رجعت رهف من المدرسه

مسكت يدي .. وقالت : بل عليك نيوف .. عليك افكار مو طبيعيه .. صحيح ولد عبد العزيز الله يرحمه

قلت : الله يرحمه .. يللا قومي البسي عشان تجين معانا .. وروحي قولي لها تلبس

قالت لي : بس تعال نيوف .. من بيرجعها من المدرسه

قلت : حنا بعد مين .. امر عليك اول واخذك .. بعدين نمر عليها وناخذها

قالت : مايحتاج تمر علي .. خذها على طول

قلت : ونصير انا وهي لحالنا

قالت : عادي اخو زوجها .. مافيها شي

قلت : لا مايصير .. يللا قومي

قالت : انا بروح ببدل .. وانت روح قول لها

قلت : لا انتي روحي

قالت : نايف ترا مافيه وقت

هزيت راسي ومشيت

وقفت وقالت : 1..2..3.. انـــــــطــــــــلاق



.
.
.

طلعت الحديقه .. ورحت لعندها

قلت : احم .. السلام عليكم

قالت بدون ماتناظر فيني .. وهي تلعب باصابعها : وعليكم السلام

قلت لها : رهف .. تبين نوديك المدرسه

لفت علي .. وقالت : انت توديني

ابتسمت وقلت : لا انا واختي جودي

قالت : لامشكور

قلت بصوت عالي : لــــــــيـــــــــــه

خفضت صوتي .. وقلت : قصدي ليه يعني

قالت : مشعل مايبـ ..

قاطعتها وقلت : بس انتي تبين .. ولا تخافين .. ماراح يعرف مشعل

كانت ساكته تفكر

قلت : يللا بسرعه مافيه وقت

وقفت .. وقالت : دقايق ببدل ملابسي .. وبجي .. انتظروني .. ماراح اتأخر


........................................

** رهف **


دخلت داخل بسرعه .. وكاني ماصدقت على الله .. واناراكبه الدرج .. نجود كانت نازله .. مسكت ايديني الثنتين .. وقالت : بسرعه بسرعه رهف روحي بدلي .. لا تتاخرين.. حنا تحت ننتظرك

قلت : اوكي ماراح اتاخر

تركتها .. ورحت الغرفه .. بدلت على السريع .. واخذت شنطتي والعبايه .. نزلت تحت .. شفت نايف ونجود .. واقفين عند باب الصاله .. يوم شافوني .. راحوا ركبوا السياره .. رحت وركبت ورا .. وحرك نايف

مو مصدقه اني رايحه المدرسه .. ان شاء الله مايعرف مشعل .. لاني بورط نفسي .. وبورط نايف ونوجود معي .. جلست اراقب كلام نايف ونجود طول الطريق
.
.

نجود : نيوف شوف الاشاره تشبه لك صح

نايف : ايه هو في الملامح تشبه لي .. بس الجسم مايشبه لي .. انا مو ضعيف .. بس انتي لو تشوفين الكوره تشبه لك في كل شي

نجود : وش قصدك انا دبه .. ان عضيتك لا تقول ماسويت شي

نايف : نجود لا تقربين لي .. ترا ان دعمتنا سياره .. بنروح فيها حنا الثلاثه .. ترا مالي خلق ادفع مصاريف مستشفيات

نجود : اما انا لو دعمتنا سياره .. ابي اموت على طول .. ما ابي ارجع البيت .. ويذبحني مشعل

نايف : اتحداه يلمس شعره منك .. تدرين انا لو دعمتنا سياره وش بسوي؟

نجود : صدق انا وانت دلوخ .. وش هالفال .. نتبلى على اعمارنا

نايف : ايه والله

نجود : بس انا نيوف ابي اموت قبلك

نايف : لا انتي عمرك طويل ان شاء الله .. انا ابي اموت قبلك

نجود : لا ما اقدر اعيش بدون اخوي .. ان شاء الله نموت جميع

نايف : الاعمار بيد الله

نجود : والنعم بالله ..... امممم نايف

نايف : هلا

نجود : وش هدفك في الحياة ؟

نايف : للأسف هدفي في الحياة طلع تسلل

نجود : هههههههههههههه من جدك

نايف : جدي الله يرحمه

نجود : هههههههههههههههههه نايف تنكت ؟

نايف : لا احاول

نجود : اجل ابشرك محاولاتك كلها فاشله هههههههههههههه

نايف : فاشله وانتي ميته ضحك .. ارحمي نفسك
.
.

اتمنى لو نجود اختي .. ونايف اخوي ..لو مشعل خذ شوي من نايف .. او شوي من نجود .. ماطلع عليهم ولا كانه اخوهم ؟.. نايف ونجود يحبون بعض .. ويحبون كل اللي حواليهم .. واحسهم يحبون مشعل بعد .. بس مشعل ثقيل دم وماينطاق مايحب احد .. مثل بنته رغد

^*^
/
\
/
\
/
\
/
\
/
^*^

**** نهاية الجزء الخامس عشر ****

[لامارا]

...:::][ الجزء السادس عشر ][:::...


___________
المدرسه ..الساعه:7:00 صباحاً
___________


** الريم **


كنت جالسه ادور على رهف .. بين البنات بالطابور .. ماشفتها .. ليكون بتغيب .. العاده رهف ما تتاخر .. مسكت يدي صديقتي هند .. وقالت : وش جالسه تدورين

قلت لها : ولا شي

قالت : وش عندنا الحصه الاولى

لفيت ورا .. اناظر جات رهف اولا.. قالت : ريوم اكلمك انا

قلت : هاه .. ايه سمعتك .. عندنا رياضيات

قالت : اووف رياضيات من الصبح

قلت وانا اضحك : قولي الحمد الله مو فيزياء

ضربت كتفي .. وقالت : عاد في هذي صدقتي

شفت رهف حاطه شنطتها على الارض .. وتعدل شعرها ..على طول قلت لهند : لحظه هنوده بروح وبجي

رحت ودفيت رهف من ورا .. قلت لها : صباح الخير

ابتسمت .. وقالت لي : صباح الشين .. خرعتيني مالت عليك

سحبتها .. وقلت : يللا رهوف نروح نصف بالطابور

رحنا صفينا طابور ..انا اتكلم ورهف ساكته .. كنت اقول : تخيلي امس ساروه فشلتني ..طيحت وجهي قدام محمد .. فضحتني ماخلت شي عني الا وقالته ..اخر مره اخذها معنا مكان .. مع اني احس محمد حبها مره

هزيت رهف .. وقلت : رهوفه اكلمك

ناظرتني وقالت : ايه اسمعك

قلت لها : تخيلي مانمت شي .. نعسانه ودي ارجع البيت وانام

ساكته ماترد علي .. شكلها هي بعد نعسانه ..ناظرت قدام ..وشفت مدرستنا الفيزياء واقفه بجنب طابورنا

لفيت لرهف وقلت : شوفي شوفي .. وش تبي ذي واقفه بجنب طابورنا

اوف وش فيها رهوف ماترد علي ابد .. ولا كاني اكلمها .. كانت هند صافه قدامي .. مسكت كتفها وقربت منها

قلت : هنوده تشوفين مدرستنا الفيزياء

رفعت راسها .. وجلست تناظر هنا وهناك ..رجعت راسها على ورا .. وقالت : ايه ايه اشوفها .. ليكون بتاخذنا الحصه الاولى النشبه ذي

قلت : مانبيها .. قسم بالله غاثتنا .. حنا نبي رياضيات

قالت هند : على الاقل احياء

قلت لها : لا حصة الاحياء حلوه انا احبها

قالت : لا انتي اصلاً تحبين كل الحصص .. يادكتورة المستقبل .. انتي ورهف

قلت وانا ابتسم واحرك رموشي : طبعاً .. بكره ما بتسمعين الا اسامينا انا ورهوف .. الدكتوره الريم .. والدكتوره رهف ..على مستوى العالم .. نبي نصير بنفس المستشفى .. صح رهف

ناظرت في رهف ..ساكته .. قلت لها مره ثانيه : صح

قالت : ايه صح

قالت هند : يــــــاي

قلت : هنوده تعالي وين راحت مدرسة الفيزياء .. مو كانت واقفه هناك

قالت هند : ايه والله .. يمكن حست انها نشبه بزياده عن اللزوم .. واستحت وراحت

قلت : تهقين كذا

سمعت صوت صراخها بجنبي ..تقول : الريم وهند من بداية الطابور وانتوا تسولفون .. استمعوا للاذاعه

قالت هند بصوت خفيف : وليه نستمع للاذاعه .. ثقافه بالغصب هي

ضحكت انا .. بس ماتكلمت .. خفت تصارخ علينا مدرسة الفيزياء مره ثانيه .. وتفشلنا قدام البنات

.
.
.

رحنا فصلنا .. اول مادخلنا ..جلست رهف وحطت راسها على الطاوله

جلست .. وحطيت يدي على راسها .. قربت منها .. وقلت : رهوفه حبيبتي وش فيك اليوم

قالت بدون ماترفع راسها : مافيني شي

مستحيل مافيها شي .. من الصبح وهي مو طبيعيه .. انا اعرفها رهف .. اكثر من نفسها

قلت لها : الا فيك شي .. قولي لي رهف

رفعت راسها .. وقالت : تعبانه شوي

ادري فيها تكذب علي ..حسيتها يوم تقول تعبانه شوي .. قريب تبكي .. بس ان شاء الله خير


........................

_____________
بيت العمه .. الساعه:30 صباحاً
_____________


** حنان **


كنت جالسه بالصاله افكر بموضوع رهف .. وش صار عليها هالشينه .. اموت واعرف ..الحين اكيد مشعل طلقها .. وطاحت من عيون نايف ونجود .. وطبعاً دام انه طلقها بترجع بيت اهلها .. يعني هي تطلع وانا ادخل .. وبيحلى لي الجو انا ونايف .. ما اطلع انا حنان ان ماتزوجته .. سمعت صوت امي .. وهي تقول : وين سرحانه ..جالسه اكلمك ماتردين علي

قلت لها : من متى انتي هنا .. ماشفتك

جلست على الكنبه .. وقالت : في مين تفكرين

قلت لها وانا ابتسم : وبفكر في مين يعني غير نيوف

قالت : وش فيك مبسوطه كذا

حطيت رجل على رجل .. وقلت لها وانا العب بخصله من شعري : لان خلاص .. قربت اتزوج نايف

حضنتني وقالت : مبروك يابنتي

قلت لها : الله يبارك فيك

بعدت عني وقالت : وش اول شي بتسوينه .. اذا تزوجتي نايف

قلت لها على طول : طبعاً بخليه يكتب البيت بأسمي

قالت : وبعد

قلت : وشلة مشعل وامه ونجود ورغد .. هذيلا بخليه يشوف لهم صرفه .. ماابي اجلس معهم في بيت واحد .. ابي البيت لي لحالي .. وانتي معي طبعاً

قالت امي : عادي اكيد مشعل بيتزوج وبياخذ بنته وامه معه .. ونجود في هذاك الوقت بتكون متزوجه

حطيت يدي على صدري بقوه .. وقلت : فال الله ولا فالك ..تخيلي نجودوه تتزوج قبلي وانا اكبر منها .... وبعدين اي وقت اللي تتكلمين عنه .. نايف بيتزوجني قريب

قالت : ان شاء الله

جا ابوي وقال لامي تقوم تجهز الفطور ..قامت امي .. ورجعت انا افكر ..ناظرت للتلفون شوي ..ايه صح .. بدق على بيت خالي .. وبشوف اذا رهف في البيت اولا

دقيت .. وردت الخدامه .. قلت لها : وين نجود

قالت : مو موجود

ايه صح .. نجود في الدوام .. قلت لها : مدام رهف موجوده ؟

قالت : لا مو موجود

قفلت السماعه في وجهها ..وركبت غرفتي ..دخلت وجلست على كرسي الكمبيوتر ..ايه الحين الواحد يقدر يخش نت مرتاح .. دام ان رهف مو في البيت .. يعني اكيد مشعل طلقها ورجعها بيت اهلها


...............................


_____________
السياره..الساعه:1:30 مساءً
_____________

** نجود **

كنت مع نايف في السياره .. رايحين لرهف المدرسه ..ومن النعس كل شوي اغمض عيوني وانام .. سمعت صوت نايف يقول لي : جودي .. جودي .. وينك نمتي

فتحت عيوني .. وعدلت جلستي .. قلت : هلا .. لا

قال : جودي تهقين تأخرنا على رهف

قلت : لا .. وقتنا حلو

قال بتفكير : بس وشلون بيشوفونها البنات تركب معي .. بيقولون من هذا ؟؟

قلت بأبتسامه : لا مابيقولون ..بيشوفوني معكم .. بيدرون ان حنا اهلها

هز راسه .. وسكت .. احس نايف يعتبر رهف مثل اخته .. ويخاف عليها مثل مايخاف علي .. وهالشي حبيته .. لاني ما ابي رهف تحس نفسها غريبه بيننا

وقف السياره بجنب المدرسه .. وقال : يللا انزلي نادي عليها

سندت ظهري .. وقلت : هي تعرف السياره .. بتشوفها وبتجي اكيد

قال : ونخليها تدور السياره في هالشمس

تكتفت وقلت : اجل انا انزل ادورها بين البنات .. في هالشمس

عطاني نظره جاده وقال : نـجـود

فتحت الباب وقلت : زين زين .. وش نسوي بعد ..حكم القوي على الضعيف

قال : اي ضعيف الا دبه ..ياتسوين رجيم ياماتركبين سيارتي

لفيت عليه وكنت بتكلم .. بس قال على طول : انزلي بس لاتتاخرين عليها

نزلت من السياره .. ودخلت المدرسه .. كانت زحمه مره .. وقفت وجلست اناظر هنا وهناك ..الحين وين اشوف رهف بهالزحمه ..دفتني وحده بقوه ..وقالت لي بصوت عالي : عميه انتي .. ماتعرفين تمشين

راحت على طول .. مامداني اقول لها شي ..غبيه تقول لي ما اعرف امشي وانا اصلاً كنت واقفه .. اعوذ بالله من بنات هالعالم .. مشيت شوي ..وانا ادور على رهف بعيون .. ايه شفتها .. بروح لها .. الزحمه مو مخليتني اروح .. وانا بموت من الحر .. قلت بصوت عالي : رهـــــــــف

لفت وناظرتني : قالت نجود

قربت شوي .. ومدت يدها سحبتني .. قلت لها : ياربي وش هالزحمه

ضحكت وقالت :لان كل البنات طالعين على بيوتهم .. اكيد بيصير زحمه

لفت رهف للريم .. وقالت : ريوم هذي نجود .. اخت زوجي مشعل

سلمت علي .. وقالت وهي مبتسمه :انتي جيتي ملكتي صح

قلت لها : ايه وكنتي مره حلوه

قالت : رهف قالت لي انك جيتي .. قلت لها وشلون جات وانا ماشفتها

قلت لها : غريبه مع اني سلمت عليك وباركت لك

قالت : ماركزت في الناس

ضحكت وقلت لها : ما الومك

لبست رهف العبايه .. وجات بتحمل الشنطه .. اخذتها من عندها وقلت : هاتي احملها عنك .. حاملتها طول اليوم اكيد انكسر ظهرك

اخذتها من عندي وقالت : لا عادي اصلاً ماحملتها اليوم كثير .. تسلمين حبيبتي

قلت بمرح : والله انتي الخسرانه

ضحكت رهف وضحكنا انا والريم معاها .. جات لهم البنت اللي دفتني .. وقالت وهي مستعجله : رهوف ريوم .. اشوفكم بكرا .. وانتي رهوف لا تتاخرين مثل اليوم

على طول قلت لرهف : تعرفينها

قالت : هذي هند صديقتي

قلت بسرعه : هذي دفتني وقالت عني عميه

ابتسمت رهف وقالت : انا اوريك فيها

هذيك كانت ماشيه .. سحبتها رهف من شنطتها ..وقالت : هيه انتي ..ماتستحين تقولين عن نجود عميه

عدلت شنطتها وقالت : وشو اي نجود

ضربتها رهف ضربه خفيفه .. قالت : نجود هذي حبيبتي ما ارضى عليها

حسيت البنت تفشلت .. قالت : مادري انا ما انتبهت

قالت الريم : الا انتبهتي ومبين من عيونك

قالت البنت : يللا عاد هالثنتين يبون الزله مني عشان يهاوشوني ..قلنا لكم ماندري وموقصدنا

ضحكت انا .. وقلت : لاعادي .. ماصار شي .. بس مره ثانيه مو تدفين بنت واقفه .. ومن فشلته تقولين عنها ماتعرف تمشي

ضحكنا كلنا مع بعض .. بعدين قالت رهف : يللا نجود خلينا نروح .. الحين اكيد اخوك احترق في هالشمس .. اشوفكم بكرا بنات
طلعنا انا ورهف من المدرسه .. وركبنا السياره .. اول ماركبنا قلت لنايف : تأخرنا

حرك السياره .. وقال : لا اصلاً بسرعه طلعتوا

بعد مامشينا ..جلست اناظر بالدريشه ..مرينا على باسكن روبنز .. لفيت على نايف وقلت له برجاء : نيوف عاد خذ لنا من باسكن .. اشتهيت

قال : من عيوني

قلت : تسلم عيونك الغاليه

وقف السياره بجنب باسكن .. وقال : وش تبون

قلت : اناابي توفي

قال : طيب ورهف وش تبي

قالت بصوت ماينسمع .. قصدي ينسمع بس مو مره : ماابي شي .. مشكور

دفني نايف بيده .. واشر لي بعيونه على ورا .. قلت : يللا عاد رهوف .. ماابي اكل لحالي

قالت : والله ما ابي

قلت : ترا بزعل عليك ان ما اكلتي معي ايس كريم

قال نايف : لا تستحين ترا مو انا اللي بدفع .. نجود هي اللي بتدفع

قلت بسرعه .. وبصوت عالي : نعم نعم ..ليه عازمنا اذا كنا حنا اللي بندفع

قال بدهشه : انا عزمت احد ؟ .. ماجبتكم هنا ..الا يوم قلتي انتي تبين

قلت : عادي قول ماراح اجيبكم .. مو تجيبنا وتخلينا ندفع

قال : اجل خلاص بدال هالهوشه كلها .. نخلي رهف تدفع

قالت رهف بنفس الصوت اللي قبل شوي : ولا يهمكم

ضحك نايف وقال : اما عاد انتوا تدفعون وانا موجود

ضحكت انا وقلت : ايه على بالي بعد

نزل من السياره .. وقفل الباب

قالت لي رهف : جودي كيف دوامك

قلت : حلو .. وانتي كيف الدراسه

قالت : قربت الامتحانات

قلت لها : الله يوفقك

قالت : الجميع يارب

قلت لها وانا اضحك : صديقتكم هذيك مرجوجه

قالت : من ؟ هنوده

قلت : ايه

قالت : مره مرجوجه .. بس ان شاء الله اذا تزوجت تركد

لفيت عليها وقلت : لا تقولين انها مخطوبه ؟

قالت : ايه مو من زمان .. يللا عقبالك

مدري ليه يوم قالت عقبالك جا على بالي فيصل .. نزلت راسي مستحيه من اللي في بالي

رفعته بشويش وناظرت في الدريشه .. لمحت نايف جاي جهتنا .. وكان عاقد حواجبه واضح انه متضايق من الشمس


فتح باب السياره .. ودخل .. قال : قسم بالله هالجو ماعرفنا له .. يوم برد ويوم حر

شفتوا قلت لكم ....!!

قلت له : ايه متعود على جو امريكا

ناظرني وقال : لاجو امريكا خلاص باي باي .. نسيته

عطاني اثنين ايس كريم .. اشر لي على ورا .. يعني عطيه رهف .. عطيته رهف واحد وخليت عندي واحد

فتحت وجهي .. عشان ابي اكل.. قال نايف بهدوء : مو قلت لك الف مره .. لا تفتحين وجهك بالشارع

قلت بقهر : بس حنا مو بالشارع .. حنا بالسياره ومافيه احد .. والبيت قريب

قال : هذا انتي قلتيها البيت قريب .. لا وصلنا كليه .. يللا غطي وجهك

غطيت وجهي .. وانا اناظر في الايس كريم .. اوف بيذوب

.............................




____________
بيت ابو يوسف ..الساعه :3:30 مساءً
____________


** محمد **

كنت منسدح على السرير والعب بالهديه اللي شاريها للريم
ابي اوديها لها الحين

بدق عليها بشوفها صاحيه او نايمه

دقيت عليها وجوالها كان مقفل .. مت قهر .. عندي انها ماترد علي ولا انها تقفل جوالها .. ماتدري اني اخاف عليها .. صبرت ربع ساعه بعدين دقيت عليها

ردت علي بصوتها الناعم : هلا محمد

قلت بسرعه : ليه مقفله جوالك ؟

قالت : اخبارك

قلت وانا ماسك اعصابي : الريم .. انا سألتك جاوبيني

اخذت نفس وقالت : ساره لعبت في جوالي وقفلته

تنهدت براحه

وقلت بهدوء : زين حبيبي مره ثانيه تأكدي من جوالك اذا مقفل اولا .. توقعي اتصالي في أي دقيقه

قالت بهمس : ان شاء الله

قلت : فديتها عمري اللي تسمع الكلام

كانت ساكته ناديت عليها

قالت : لبيه

قلت : لبى قلبك .. مشتاق لك

قالت وواضح من صوتها انها استحت : وانا بعد

قلت بأستهبال : انتي وشو

قالت : اشتقت لك

ياربي شكثر احب هالبنت .. قلت : طيب ليه ماقلتي لي .. ليه ماتقولين انك مشتاقه لي .. لازم اطر عندك

قالت : لا فديتك

قلت : حبيبي ابي اشوفك .. بجيك الحين اوكي

قالت : حياك .. انتظرك

ابتسمت لها كانها تشوفني وقلت : 5 دقايق وانا عندك .. باي حبي

قالت : بايات

ناديت على سعد بصوت عالي .. لازم اقنعه انه يجي معي .. لاني مستحيل اجلس مع ساروه مره ثانيه .. خلاص توبه

جاني وفي يده كاتب .. وقال : نعم

قلت : حبيبي سعودي

نزلت لعنده وبسته

ناظرتي مستغرب وقال : وش تبي

قلت : تعال معي بيت ابو فارس

قال بصدمه مخلوطه بدهشه مع اشوية قرف : بيت ســــــــــــــــــــاروو وووووه

قلت : وش فيها يعني

عطاني ظهره وقال : لالا ماابي اروح معك

مسكت يده وقلت : يللا عاد سعوودي

رفع حاجب وقال : ماتشوفني اذاكر

سحبت الكتاب من عنده ورميته على السرير

وقلت : لا تحطها على المذاكره

قال : امي مابترضى

قلت : انا بقنعها ’’ برجاء ’’ بس انت الله يخليك تعال معي

قال وهي يتأفأف : ما ابي .. ساروه الدبه ماتخليني اسوق السيكل

قلت : هي تحب تلعب معك

قال وهو يحرك صبعه : نو .. نو .. نو

قلت بأصرار : بتجي معي يعني بتجي

قال : وش تعطيني اذا رحت معك

قلت : بعطيك كف .. امش معي يللا

انسدح على الارض .. وقال : ماراح اجي

قومته من الارض .. وقلت : بشتريلك اللعبه اللي تبيها .. بس تعال معي

ضحك بصوت عالي وقال : ايه كذا الشغل ولا بلاش

طلعنا انا وسعد من البيت .. ومشينا لبيت الريم .. دقيت الباب .. فتحت ساره .. وقالت : واخيراً جا محمد حبيبي .. من زمان انتظرك

مسكت وجه سعد .. وقربته لها : سعد جا يلعب معك

صفقت بيدينها وقالت : الله وسعد بعد

سمعت صوت الريم .. تقول : ساره مين اللي عند الباب

قالت ساره بصوت عالي : محمد واخوه سعد

لمحت طيف الريم وهي جايه عندنا .. بمشيتها الهاديه .. وابتسامتها الرقيقه

على طول دق قلبي من شفتها .. وحشتني مره .. مع انها كانت معي امس .. بس هي غير عن كل الناس .. الريم توحشني كل دقيقه وكل ثانيه وحتى وهي معي توحشني

سلمت علي .. رديت عليها السلام

مسكت خد سعد وسحبته بشويش ابتسمت له وقالت : هلا سعودي .. كيفك

ابتسم لها وقال : زين

ناظرتني وقالت : ادخل محمد

مشت ومشيت وراها .. ورحنا المجلس ..جلست وانا مرتاح .. لان ساره النشبه مو معنا ..جلست هي بجنبي

قلت لها : اخبارك قلبي ..واخبار المدرسه

قالت بملل : ماشي الحال

قلت : وش فيك تقولينها كذا

قالت : خايفه من الامتحانات ’’ وملامحها كانت من جد تدل على انها خايفه ’’

سحبت يدها وضميتها بيديني الثنتين

قلت : وليه عاد الخوف.. انتي شاطره

ناظرت في يدها اللي بيدي يديني وقالت : بس هذا ثالث

قلت : طيب حياتي وش رايك اذاكر لك

ضحكت .. وقالت : اصلاً حنا مراح نشوف بعض في الامتحانات

فتحت عيوني وقلت : وليه مانشوف بعض

قالت : لان لا جلسنا مع بعض ..بنضيع الوقت .. وماراح اذاكر زين

قلت بأعتراض : بس انا ما اصبر عنك

سحبت يدها اللي كنت ماسكها .. قرصت خدي بشويش وقالت : في الامتحانات غصب عنك تصبر

قلت وانا لاوي فمي : وفي كل امتحانات ماراح نشوف بعض

هزت راسها بأيه .. قلت : ريمي ..اجل وش رايك نتزوج الحين في هالفتره

قالت : لا مستحيل نتزوج قبل ما اخلص ثالث

قالت هالكلام .. ووقفت .. قلت لها : وين بتروحين

قالت : ماتقهويت

مسكت يدها .. وخليتها تجلس .. عطيتها الكيس اللي فيه الهديه .. اخذته .. وقالت : وش هذا

ابتسمت .. وقلت لها : افتحيه

فتحت الكيس .. واخذت العلبه اللي فيها الساعه ..فتحتها وقالت : الله تجنن ..تسلم حبيبي .. الله يخليك لي

قلت لها : ويخليك لي حبيبي ولا يحرمني منك

مسكت الساعه .. ولبستها الريم .. رفعت يدها بستها وقلت : صارت احلى عليك

نزلت راسها بحيا .. وبعدت عني شوي

تركت يدها .. ومسكت الكيس الي كانت فيه الساعه فتحت.. وطلعت منه ورده رفعت حاجب وقلت : وش فيك بعدتي .. قربي

قربت بخجل .. مسكت شعرها .. وحطيت فيه الورده ..وقلت لها : شكلك كذا ذكرني بيوم الملكه .. لانك كنتي مره حلوه

قالت بدلع : كنت حلوه بيوم الملكه بس ..؟

قلت : لا فديتك في كل يوم تصيرين احلى واحلى ..بس تصدقين .. احلى مره شفتك فيها .. يوم كنتي في بيتنا

عقدت حواجبها .. وقالت : متى ؟

قلت : يوم تلعبين انتي ورهف بالمويه

لفت وجهها عني .. وقالت : محمد عاد لا تحرجني

ضحكت .. وقلت : امزح معك .. يللا انا الحين بروح

وقفت .. ووقفت هي بعد .. قالت : وين بتروح بدري .. توك جاي

قلت لها : ميخالف ياقلبي بكرا بجيكم

قالت : ماراح تجي الليله

قلت : لا الليله بطلع مع اخوياي

حركت شفايفها بقهر وقالت : طيب

حطيت ايدي .. على شعرها رجعته ورا اذنها وقلت : يعني تبيني اجي الليله

هزت راسها بأيه

قلت : بس انا ما اقدر اجي هههههههه

ضربت كتفي بشويش وقالت : خلاص بشوفك بكرا

وصلتني للباب .. ناظرت في سعد وهو يلعب بالسيكل مع ساره .. وقلت له : سعد .. يللا بنروح

جا يركض .. مسكت يده .. وقلت : يللا الريم خلي بالك من نفسك فديتك

قالت : ان شاء الله .. وانت بعد


......................


___________
بيت مشعل .. الساعه :4:00 مساءً
___________


** مشعل **

رجعت من الدوام .. معصب ..وين ايام اول .. ارجع وقت اللي يعجبني .. اكيد الحين الكل تغدا .. ركبت فوق على طول .. دخلت الغرفه .. شفت رهف فاتحه الدولاب .. وجالسه تطوي الملابس .. قفلت الباب . وقلت : ايه كذا شكلك حلو .. جالسه في بيت زوجك تطوين الملابس تشوفين لك شغله .. مو تروحين من الصبح هالمدارس

رمت القميص اللي بيدها .. وقالت : مشعل خلاص لا تكلمني .. انا بنسى وجودك .. وانت انسى وجودي

اخذت القميص اللي رمته .. وقلت : نونو .. كذا موصح ..خليني اعلمك الطريقه الصحيحه في طي الملابس

قفلت الدولاب .. وراحت جلست على السرير .. وتكتفت وهي تهز رجلها ..رحت جلست بجنبها .. وتكتفت وهزيت رجلي

لفت علي .. ناظرتني بستحقار وقالت : انت كم عمرك ؟

حطيت يدي على ذقني وقلت : 18 سنه

قالت : والله لو انا مكانك استحيت

انسدحت على السرير وقلت : طيب انا ما استحي

قامت من السرير .. وراحت عند الباب .. رفعت راسي ..قلت : وين بتروحين

قالت بملل : بطلع

قلت : من سمح لك تطلعين .. الحين انا اتكلم .. تقاطعيني وتطلعين .. هذا احترام الزوجه لزوجها

رجعت .. وجلست على الكرسي .. حطت يدها على خدها .. وقالت : جلسنا .. وش تبي تقول .. امر

تغطيت وغمضت عيوني قلت : طفي النور ابي انام

سمعت صوت باب الغرفه يتقفل بقوه

رفعت راسي وناظرت في الباب .. مجنونه هذي .. تبي تكسر لنا باب الغرفه !!.. حطيت راسي على المخده مره ثانيه ونمت

............................................
بيت العمه .. الساعه :7:00 مساءً
_______________

** فيصل **

كنت جالس بالصاله .. ارتب اوراق تخص الشغل .. الاوراق كانت متناثره بكل مكان .. لانها كثيره .. هنوفه اختي جالسه ترتبها معي .. واختي حنونه منسدحه على الكنبه تقرا مجله .. وامي تسولف بالتلفون

الهنوف : كم ورقه في يدك ..؟

قلت لها : 47 .. لا 48 .. ,, مسحت على شعري بقهر ,, مو مشكله بعد الاوراق مره ثانيه

قالت لي : فيصل انت مو مركز ابد

سمعت صوت حنا تقول ببرود : بدال ماتذاكرين

قهرتني .. صرخت بدون ما اناظرها : حنان عن اللقافه وانقلعي غرفتك .. ترا مره معصب

قالت بزعل : هذي جزاتي لاني ابي مصلحتها .. وابيها تجيب مجموع حلو

قلت بأستهزاء : تكفين عاد يللي جبتي مجموع حلو

وقفت وقالت : بسم الله علي اكلتوني ’’ وركبت غرفتها ’’

قلت وانا الم الاوراق : هنوفه خلاص .. ازعاج بالصاله ومو قادر اركز .. بروح غرفتي

مسكت يدي وقالت : لا فيصل بساعدك

ابتسمت لها ووقفت والاوراق بيدي .. وقلت : اذا توهقت فيها بنادي عليك

حركت راسها وقالت : ان شاء الله

من حطيت رجلي على الدرج .. سمعت صوت امي تقول : فـيـصل

لفيت عليها وقلت : نعم يمه

اشرت لي بيدها يعني انتظر .. وقالت للحرمه اللي تكلمها في التلفون : ماشاء الله خلصتي 10 في اسبوعين .. ايه اعرفه شغل ايدك حلو .. وحنان طالعه عليك .. شاطره في التفصيل مره .. تحب تخيط وتتفنن .. عندنا اشياء كثير في البيت شغل ايدها .. ايه والله.. ههههههه لا انا القماش حلو بس للحين مابديت اشتغل عليه .. ان شاء الله .. بخلي فيصل يجيبهم .. لا ربع ساعه .. يللا مع السـلامه

ناظرتني وقالت : فيصل ابيك تروح .. بيت خالك بتعطيك ام مشعل كيس .. جيبه لي

ضحكت بصوت عالي وقلت : يمه مااشوف شي في البيت من شغل ايد حنان ههههههههه

قالت امي : الا حنان تحب تشتغل وتخيط .. بس وقتها مايسمح لها

وش عندها ياحسره .. قلت : ان شاء الله يمه بخلص شغلي وبروح

تكتفت وقالت : يووه ماسمعتني اقول لها ربع ساعه وانت عندها .. تبيها تقول عني كذابه

ابتسمت وقلت : حاشاك يمه .. خلاص بروح الحين

.
.
.

وصلت بيت خالي .. وفتحت لي ام مشعل .. سلمت علي وقالت : تفظل يمه .. وش فيك واقف عند الباب

ابتسمت وقلت : تسلمين خالتي .. بس انا مستعجل

قالت وهي تدخل : ثواني .. بجيب لك الكيس

جلست انتظر كثير .. خالتي طولت

سمعت صوت خالتي ام مشعل تقول بصوت عالي : بنتي رهف ودي هالكيس لفيصل

شوي ولمحت زوجة مشعل جايه وعندها الكيس .. قالت : السلام عليكم

رديت السلام وانا اخذ الكيس .. رفعت شي داخل الكيس وقلت بسرعه وبعفويه : وش هذي مفارش ؟

ابتسمت وقالت : هذا شغل ايد خالتي .. ماتشوف الزخارف كيف مرتبه

قلت : وش عرفني انا

اخذت الكيس من عندي وقالت : لحظه فيصل .. خالتي حطتهم في الكيس بدون ماتطويهم .. بطويهم وبحطهم

قلت : مشكوره ماتقصرين

حطت الكيس على الارض .. وجلست تطوي اول مفرش

لو ام مشعل خلت الخدامه تجيب لي الكيس .. كان سألتها عن نجود

لاني كنت اتمنى اشوفها اليوم

فجأه فتح الباب نايف .. وقال بجديه : رهف ادخلي داخل الجو بارد

على طول رهف سمعت كلامه .. وطوتهم طوي سريع وحطتهم في الاكيس .. ودخلت

قلت بضحكه : أي برد نايف قول الا حر

ابتسم نايف وقال : كيف حالك فياصل

قلت : تمام الحمد الله

قال : ادخل تعشى معنا

قلت : ما احب عشاكم

سوى لي نايف حركه يعني مالت وقال : انت اصلاً صدقت اعزمك .. عشان تخلص عشانا

ضحكت بصوت عالي وقلت : احسك الحين تبي تبوس ايدي عشان ارضى واجلس اتعشى عندكم

دخل وكان بيسكر الباب وقال : اقول طس

مسكت الباب وانا مو قادر اوقف ضحك على شكل نايف .. قلت : امزح وش فيك انت ههههههههههههههه اللي يسمعك يقول انت اللي طابخه

لوى فمه وقال : يارجال مزحك شين

وقفت ضحك وقلت : مره ثانيه بجي اتعشى عندكم .. يللا فمان الله


ضرب كتفي وقال : الله معك

...................................

________________
بيت مشعل .. الساعه : 5:30 صباحاً
________________

** رهف **

صحيت على صوت المنبه .. لفيت وناظرت في مشعل وهو نايم

كانت ملامحه قمه في البراءه .. ماتدل على الشر اللي بداخله

حطيت يدي على كتفه وهزيته : مشــعل .. مشــعل قوم ..... مابتروح الدوام

طبعاً انا ما اصحيه عشان سواد عيونه .. اصحيه عشان يروح الدوام وانا اروح المدرسه

فتح عيونه بكسل .. وقال : كم الساعه

قلت وانا اقوم من السرير : خمس ونص

مد يده لجهتي وقال : تعبان .. قوميني

فتحت عيوني بدهشه .. قسم بالله سخيف .. اكسر ظهري عشانه .. والله لو الموت ماقومته

عطيته ظهري وكنت بدخل الحمام ’’ الله يكرمكم ’’ .. سمعته يضحك ويقول : انا اول .. انا اول

بعدت عن الحمام على طول .. وجلست على السرير يحسبني بضحك معه .. شفت جواله تحت المخده

على طول مديت يدي واخذته .. حطيت عيوني في عيونه .. وناظرته بخوف

غريبه .. ساكت توقعته يقول خلي الجوال .. قلت بصعوبه : أأأ بــ ... أبي اكــ.....لـــــم اهلي

قال ببرود : كلميهم

قلت : عادي ؟

هز راسه بأيه .. بصراحه خفت من بروده .. وخفت اكثر يوم جلس على السرير بجني

اشر على الجوال بيده وقال : دقي الرقم ؟

دقيت على الرقم بصعوبه .. ردت علي امي

...: هلا حبيبتي رهف .. شخبارك

ماقدرت اتكلم من نظرات مشعل .. قلت بتوتر : انا بـ..خــ..يــ.. ــر

سمعتها تقول : وش فيك يمه .. وش فيه صوتك كذا ؟؟ خوفتيني

دمعت عيوني .. وقلت : يمــه انــا

سحب مشعل الجوال من يدي .. حطه عند اذنه وقال : هلا عمتي شخبارك .. ادري ازعجناك .. لا تخافين مو صاير شي .. هههههه مدري عنها .. يمكن .. تقول مشتاقه لكم .. بجيبها هالاسبوع .. والله مو مني من الشغل .. السواق ؟ لالا مايحتاج انا بحاول اجيبها هالاسبوع .. ان شاء الله .. يللا فمان الله

قفل الجوال ورماه على السرير .. عطاني نظره مدري وش يقصد فيها .. ودخل الحمام ’’ الله يكرمكم ’’

اكرهه .. اكرهه .. اكرهه

.
.
.

بعد ماراح مشعل الدوام .. لبست بسرعه وخذت شنطتي .. وطلعت من الغرفه .. مريت على غرفة نجود .. طقيت الباب

سمعت صوتها تقول : تفظل

فتحت الباب شوي ودخلت راسي .. شفتها جالسه على الكرسي عند التسريحه تفك الشباصه اللي في شعرها المحتاس

قلت : صباح الخير

قالت وهي عاقده حواجبها : صباح النور .. آآآآآآي

قلت بخوف : وش فيك ؟

تركت الشباصه في شعرها .. وقالت بملل : مو قادره افكها .. افففف متشابكه مع شعري

ابتسمت على شكلها الطفولي .. حطيت شنطتي عند الباب ودخلت بسرعه

رحت لعندها .. ومسكت الشباصه .. كيف كذا متشابكه بطريقه معقده .. اشك انها بتقدر تفكها

طبعاً ماقلت لها .. يمكن تخاف .. قلت : انتي اللي ربطتيها

قالت وهي شوي وتبكي : أيــه

حاولت افكها بدون ما اعورها .. مع انها كانت تتعور .. وتقول لي شوي شوي

...: صـــــبـــــــــاح الخــــــــيـــــــــــر

لفينا انا ونجود مع بعض جهة نايف اللي واقف عند الباب وقلنا : صباح النور

فطس نايف ضحك وقال : من هذي الجنيه اللي قاعده ههههههههههههههههههه .. جودي شوفي كشتك في المرايا

حطيت يدي على فمي اكتم ضحكتي

ناظرتني من المرايه وقالت بقهر : حتى انتي رهوفه

شالت يدي من شعرها وسحبت الشباصه بقوه وصرخت من الالم .. مسكت شعرها وقلت : شوي شوي .. خليني افكها

قالت بزعل : ما ابي .. شوفي شكلي كيف صاير

تقدم نايف وقال : يعني الحين الشباصه مو راضيه تنفك ؟

قلت : ايه

قال : خلوني اشوف شغلي

تركت شعرها ووقفت بعيد شوي

ناظر في شعرها وقال : هاتي مقص

وقفت نجود بسرعه وقالت : نايف وش بتسوي

ابتسم وقال : بحلق شعرك

ضحكت وقلت : بيقص الشباصه

ناظرني وقال وهو يبتسم : ايه هذي الناس اللي تفهم مو انتي

وضرب راسها بشويش

يوم شفته يناظرني نزلت راسي بحيا

اشرت نجود على الدرج وقالت : طلعي منه مقص

فتحت الدرج .. وطلعت منه المقص .. عطيته نايف

اخذه نايف ورفع شعرها .. قال : بسم الله

غمضت نجود عيونها وقالت : نايف الله يخليك لا تقص شعري

قال نايف : الحمد الله على السلامه انفكت الشباصه

ضحكنا كلنا .. وضحكت اكثر يوم قال نايف : الحين من بيمشط هالشوشه

ضربت نجود نايف وقالت : يللا اسكت عن شعري .. ترا ما ارضى عليه

اخذت نفسي عشان اطلع .. وقبل ما اطلع قلت : انا تحت انتظركم اوكي

قال نايف : حتى انا .. بنزل اشغل السياره .. جودي لك 10 دقايق تخلصين فيها .. عشان ماتتأخر رهف على المدرسه

ماسمعت نجود وش قالت لاني نزلت تحت .. جلست شوي بالصاله .. ونزل نايف طلع برا على طول .. بعد ربع ساعه نزلت نجود تركض مع الدرج .. وقالت : يللا يللا رهوفه لانتأخر

وقفت وقلت : عجيب .. تتأخرين وتقولين لي يللا لا نتأخر

مسكت يدي وقالت : يللا نمشي

..........................................

** نايف **

السياره مو عاجبتني ابد .. ماكانها على طول تتغسل

رد علي سامي : بس انا في غسل سياره على طول

قلت بعصبيه : شوفها كيف مغبره

قال : خلاص انا غسل سياره الحين

هزيت راسي بالنفي .. فتحت باب السياره وقلت : خلاص سيارتي لا تغسلها .. انا بغسلها كل يوم

سمعت صوت نجود تضحك : معقوله الاستاذ نايف مدير شركة عبد العزيز اخو المكرمه نجود والسيد مشعل .. يغسل سيارات ؟

ركبت السياره وقلت : تكفين عاد يا المكرمه .. وش فيها يعني .. بعدين انا بغسل سيارتي بس .. سيارات هذي من وين جبتيها

قالت وهي تعدل نفسها بعد ماركبت : ياربيه .. وش اقول لصديقاتي بعدين .. من جد واخزياه

حركت السياره وقلت: نجودوه بلا حركات ماصخه .. نسيتي انك كنتي في بيتنا خدامه ولوما ابوي الله يرحمه عطف عليك ورقاك الى طباخه .. وضمك الى العائله

شهقت نجود وقالت : تتبرا مني يا السباك .. رهف شوفيه

قالت رهف : انا مالي شغل .. اخاف تطلعوني الحين خياطه

ضحكت على كلامها بصوت عالي

وقفت السياره وانا مازلت اضحك

قالت نجود : ليه وقفت هنا .. قرب شوي لبوابة المدرسه

ناظرتها وقلت : ماتشوفين زحمة السيارات

فجأه فتحت الباب رهف نزلت من السياره وراحت تركض لجهه.. غير جهة بوابة المدرسه

فتحت الباب بسرعه .. وركضت وراها ماناديت بأسمها عشان ما اسوي فضيحه

مسكت يدها بقوه وقلت وانا اتنفس بصعوبه من الركض : رهــــف وش فيك

نزلت راسها وماردت علي

تركت يدها وقلت بهدوء : يللا نرجع السياره عشان تاخذين شنطتك

هزت راسها بالرضا

خليتها تمشي قدامي عشان اتأكد انها مابتروح مكان

يوم وصلنا للسياره قلت : رهف

لفت علي بدون ماتتكلم

قلت بحنان : ليه سويتي كذا .. انتي ماتدرين انك امانه .. وطول ما انتي معي لازم اخاف عليك

قالت بصوت متكسر : مـح .. محــ .. مــد

نزلت راسي شوي لاني مو سامعها زين من صوت السيارات وقلت : وش فيه محمد

رفعت راسي بسرعه اناظر حواليني .. وكاني تذكرت ان حنا بجنب المدرسه .. واخاف احد يتكلم على رهف .. صحيح ان محد فاضي لاحد من الزحمه .. بس الاحتياط واجب

اشرت على السياره وقلت : اركبي

ركبت انا وركبت هي بعد .. قالت نجود بخوف : وش صاير

طنشتها ولفيت على رهف : شفتي محمد ؟

هزت راسها وقالت : ايه .. جايب خطيبته المدرسه

واضح من صوتها انها شوي وتبكي .. عورت قلبي بصراحه .. حسيتها ضايعه وحيده .. ومحتاجه احد من اهلها .. شكلها كسر خاطري

طلعت الجوال من جيبي .. مديته لها وقلت : تبين تكلمين محمد

هزت راسها بـ لا

قلت بعطف : امك ؟

هزت راسها بـ لا

اموت واعرف وش فيها بالضبط .. قلت: اوكي خلاص لا تروحين المدرسه انا بوديك الـ...

قاطعتني وقالت بأنفعال : لااا لااا .. بنزل خلاص

قربت السياره شوي من المدرسه .. ووقفت فتحت الباب .. كانت بتنزل

ابتسمت وقلت : شنطتك ماتبينها ؟

مدت يدها واخذت الشنطه وهي ساكته

قبل ماتقفل الباب قلت وانا اعدل شماغي: رهف خلي بالك من نفسك

قالت بهمس : ان شاء الله

انتظرتها تدخل المدرسه .. بعدين حركت السياره


.....................................

_______________
بيت ابو يوسف .. الساعه : 1:30 مساءً
________________

** نجود **


دخلنا البيت .. رهف على طول ركبت فوق .. وانا فصخت العبايه .. وجلست بالصاله .. اكل الايس كريم اللي اخذه لنا نايف .. وناسه شكله نايف كل يوم بياخذ لنا من باسكن

قال لي نايف وهو راكب الدرج : جودي انا في غرفتي ..لاصار الغدا جاهز .. تعالي ناديني

قلت : اوكي

وانا اكل الايس كريم .. سمعت صوت التلفون يرن .. كنت بطنشه وبكمل اكل

بس بعدين يوم شفته مو راضي يسكت .. قررت ارحم المتصل وارد : الووو

.... : هلا نجود .. اخبارك

قلت : هلا وغلا بك زود حنونه .. تمام .. انتي اخبارك

قالت : تمام .. وينكم امس دقيت عليكم محد في البيت

قلت : انا ونايف بالدوام .. بس رهف كانت بالبيت

قالت مستغربه : وشلون بالبيت والخدامه قالت لي انها مو فيه

قلت بدون ما احس : هالغبيه ..اللي ماتفهم ..ولا كاني موصيتها

قالت : غبيه ليه .. قولي لي نجود

قلت : ولا شي .. تعالي بسألك

بصراحه ماكان عندي سؤال ولا شي .. بس جالسه اصرف

سمعتها تقول : لا قولي وش صاير .. وليه عصبتي يوم قلت ان الخدامه قالت لي انها مو هنا

اقول لها اولا .. اقول لها اولا .. خلاص بقول لها : اسمعي ..مشعل اخوي .. مايبي رهف تكمل دراسه .. وانا ونايف .. اخذناها معنا اليوم .. وكل يوم بنسوي كذا.. بدون مايدري مشعل .. لان هي بصراحه ودها تكمل دراسه .. ووصيت الخدامه الغبيه مية مره .. ماتقول لاي احد يتصل ان رهف مو موجوده

قالت بتأثر : حرام مايخليها تكمل دراستها .. زين سويتي انتي ونايف

قلت : ايه .. وينها هنوفه حبيبتي من زمان ماكلمتها

قالت : الهنوف مارجعت من المدرسه

قلت : اها

قالت : اوكي نجود .. بخليك الحين .. بروح بتغدا

قلت : وشلون تتغدون والهنوف مارجعت من المدرسه .. لا تتغدون عنها .. انتظروها

قالت : خلاص ولا يهمك

قفلت من عندها .. وركبت غرفتي


...........................

** مشعل **

رجعت من الدوام .. وركبت فوق على طول .. فتحت باب غرفة رغد بهدوء

شفتها جالسه تمشط شعر لعبتها ( باربي ) اللي بيدها .. وكانت عاطيتني ظهرها


رحت غمضت عيونها .. وقلت وانا اغير صوتي : انا مين .. ياحلوه ؟

ضحكت وسوت نفسها تتوقع : اممم نايف ؟

قلت : لا

قالت : اجل نجود

قلت : لالا

صفقت بيدينها وقالت : بــــا بـــــا

فكيت يديني وحضنتها : جبت لك هديه حلوه مثلك

باستني وقالت : وش الهديه ؟

قلت : صديقة اللي كنتي ماسكتها

مديتها لها وانا ابتسم.. فرحت و قالت : واااو باربي .. فستانها حلو .. بابا ابي فستان مثلها

سحبت خشمها وقلت : من عيوني

قمت عنها ورحت الغرفه .. رهف مو هنا .. شكلها تحت مع امي

فتحت الدولاب اطلع لي ملابس عشان بتروش حطيت يدي بجيبي .. واخذت الجوال

.. بس سمعت صوت المسج من جوالي .. حطيت يدي بجيبي .. واخذت الجوال.. فتحت المسج كان


^*^
/
\
/
\
/
\
/
\
/
^*^


ماتوقعتك بهالغباء يامشعل

تروح الدوام ولا تدري زوجتك

وش تسوي من وراك


^*^
/
\
/
\
/
\
/
\
/
^*^


قمت من السرير بعصبيه .. ودقيت على الرقم

رد وقال : توقعت التصالك

قلت له بصوت عالي : وش تبي انت

قال : اقول ..انت تدري ..ان زوجتك راحت المدرسه اليوم ؟

قلت : كذاب .. زوجتي ماراحت المدرسه اليوم .. وثاني شي مايخصك فينا

قال : والله وهذا انا احلف لك بالله انها راحت .. ولا .. اللي موديها المدرسه نايف .. اخوك

وش يقول هذا .. مستحيل هالشي يصير .. قلت : على العموم روح اضحك على غيري

قال : يوم قلت لك عن عبد الرحمن .. كنت اضحك عليك ؟

قلت بصراخ : اقلب وجهك .. ولا عاد ترسل لي شي

قفلت بوجهه .. وجلست على السرير ..حطيك يدي على راسي .. بتجنني رهف هذي


...................
__________________

بيت مشعل .. الساعه00 مساءً
___________


** رهف **

ركبت الغرفه عشان انام .. فتحت الباب .. شفت مشعل منسدح على السرير .. الحمد الله انه نايم .. دخلت الحمام (( الله يكرمكم )) بدلت ملابسي وطلعت .. رحت عند السرير .. قبل ما اجلس لف علي مشعل .. وقال : بتنامين ؟

خاب ظني وماكان نايم .. جلست وقلت : ايه بنام

قال : وليه تنامين بدري ؟ .. ماعندك مدرسه.. ماوراك جلسه الصبح ولا شي

بيجيب لي حاله نفسيه .. وش دخله انام ولا اصحى .. دام هو مايدانيني ولا يحبني .. اجل ليه يتدخل في الشي اللي بسويه .. ماكانت حياتنا كذا .. صحيح ماكانت حلوه .. بس اهون من الحاله اللي نعيشها الحين

فكيت شعري .. وانسدحت

هز كتفي بقوه وقال : ردي علي ليه بتنامين من الحين

احسن .. خلك كذا تكلم الجدار .. ماراح ارد عليك

سحبني من يدي وقال : مافيه نوم من الحين .. قومي

صرخت عليه : مشعل ترا قسم بالله بطلع انام برا

قال ببرود : كيفك انتي اللي كل البيت بيتكلمون عليك

طنشته .. وغمضت عيوني .. هزني مره ثانيه .. وقال : قلت لك مافيه نوم

مارديت عليه .. ولا حتى ناظرته .. يوم طنشته سكت عني

.
.
.

فتحت عيوني .. وناظرت الساعه اللي بيدي .. معقوله الساعه 6 ونص ..ماحسيت لنفسي اني نمت

ناظرت بجني .. مالقيت مشعل .. اكيد راح الدوام

احد يطق الباب .. سمعت صوت نجود تقول : ادخل

قلت : ادخلي نجود

دخلت وقالت : صباح الخير

قلت : صباح النور

قالت : يللا البسي .. انا ونايف لبسنا وخلصنا

قلت : ومشعل راح الدوام

قالت : ايه .. حنا تحت طيب ..انزلي لنا لا خلصتي


................

____________
الشركه .. الساعه :30 صباحاً
____________


** مشعل **

كنت جالس في مكتبي .. وبالي مشغول .. راسي وجعني من كثر ما افكر .. معقوله الكلام اللي قاله صحيح .. اكيد صحيح لانه ماكذب يوم قال عن عبد الرحمن .. وانا افكر قال لي زميل معي بالشغل : وش فيك مشعل .. مو على بعضك اليوم

ناظرته وانا ساكت .. اصلاً ليه نايف يودي رهف المدرسه .. ما اتوقع يسويها

الا يسويها .. لالا مايسويها وش غرضه من هالسالفه

مستحيل اجلس بالشغل اكثر من كذا .. لان راسي بينفجر .. قمت بسرعه وطلعت .. حتى ما اخذت اذن من احد

.
.
.

وصلت البيت .. نزلت من السياره .. من العجله ما قفلت الباب ولا طفيت السياره ..دخلت بسرعه .. شفت الشغاله

قلت لها : وين مدام رهف

قالت بخوف: ماادري

تركتها وركبت فوق .. فتحت باب الغرفه .. ماشفت احد .. صرخت بصوت عالي : رهـــــــــــــــــــــــ ــــف
^*^
/
\
/
\
/
\
/
\
/
^*^
***** نهاية الجزء السادس عشر ****

[لامارا]

...:::][ الجزء السابع عشر ][:::...


___________
بيت العمه..الساعه:30 صباحاً
___________


** حنان **


كنت بالصاله ماسكه الجوال .. وجالسه على اعصابي .. ابيه بس يدق

؛×أمير المحبين ؛× يتصل بك

~~)(~~انت بحري وانا اليم يقولون اللي يقولون انا بحبك متيم
خلي الحساد يموتون انت في قلبي غالي لو عنك يسالون ~~)(~~

اغنية يوسف العماني ( احلى اثنين ) كانت نغمة جوالي

فزيت من مكاني

ورديت على طول : الوو..هلا عبودي

قال : هلا قلبي

قلت : وينك انت

قال : انا مو جود

قلت : اجل ليه مادقيت علي .. وقلت لي وش سويت

قال : لا ابشرك .. قلت اللي وصيتيني عليه للي اسمه مشعل

يوم قال لي كذا ..نطيت فوق الكنبه .. وقلت بصوت عالي : يــــــــس .. يعني دخلنا البيت

قال مستغرب : اي بيت ؟

حسيت لنفسي .. وقلت : لا لا .. ولاشي بس مستانسه

قال: اقول وعد

قلت وانا ابتسم : عيون وعد

قال : انتي وش مصلحتك من السالفه اللي انا سويتها

اف فاضي هذا .. ناقصه انا يسويلي تحقيقات ..قلت له : بس وحده اكرهها وعايشه عيشه مفروض انا اللي اعيشها

قال : مافهمت ..؟؟

قلت : ومو مهم تفهم

قال : طيب وعد ..اليوم العصر نتقابل

اقول لكم فاضي .. وش اسوي فيه الحين . .ايه : شوف عبود ..انا ما اقدر اتقابل معك

قال بأنفعال : ولـــــــيه

قلت بقهر : بــس .. آآآف

قال : انتي وعدتيني

قلت : طيب وما اوفيت بوعدي .. باي

قال بعصبيه : هي انتي انا عبد الله ما ينضحك علي .. ولو ماشفتك اليوم العصر .. بدق على مشعل وبقول له ان وعد هي اللي خلتني اقول اللي قلته .. والسالفه كلها كذب في كذب

ضحكت .. الا مت ضحك على هالغبي

قال بتهديد : والله يا وعد اسويها

وانا اضحك .. قلت : لحظه موقادره اوقف ضحك
ماتكلم .. كملت كلامي .. وقلت : ولو اقول لك اسمي مو وعد .. يعني بأختصار ياعبد الله يللي ماينضحك عليك .. انا ضحكت عليك هههههههههههههه .. بايووو

قفلت في وجهه .. وقفلت الجوال مره وحده وفتحت التلفزيون ..فرفرت بسرعه .. شفت اغنية شفت موتي لراشد الماجد .. خليتها ورفعت على الصوت .. وجلست ارقص


شفت موتي وأنـا حي والسبب هم فرقـاك
إرفق بحالي شوي قلبي ماطاع يسـلاك

أطلبك دامني حي تحفظه لي ويفـداك
خلني ألمح الضي..ضي طلت محيـاك

شوقي لك ماهو شوي ياحبيبي ولا أنسـاك
شوفتك عندي الفي عمري ألقاه ويـاك

والعذر مابقى شي غير قولة تمنـاك
حبكم طني طي والسبب هم فرقـاك


طلعت امي من المطبخ .. حطت يدها على صدرها .. وقالت : وش صاير .. وش فيك

كملت رقص ومارديت عليها .. جات لعندي مسكتني .. وقالت : ردي علي

مسكت يدينها الثنتين .. وقلت لها : دخلـنـــا البـــــــيــت

ضغطت على يديني .. وقالت : دخلــنــاه خــلاص

قلت بصوت عالي : ايـــه خـــلاص

تركت يديني ..وقالت وهي رايحه : خلاص يعني اخذ اثاث غرفتي

سحبتها وقلت : وععع يمه .. تخيلي تاخذين هالاثاث الخايس .. نايف بياخذ لك غيره

قالت : والله .. عسى الله يخلي لنا نايف .. قولي آآآآمين

قلت : قول آمين عساك تحبني وتموت فيني .. قول آمين عسى يدينك يانايف ماتفارق يديني

حطيت يديني على كتفها من ورا .. وقلت : خلينا نرقص بس

جلسنا انا وامي ندور بالصاله .. ونغني مع راشد الماجد

فجأه وقفت الاغنيه .. وقفنا رقص. .لفيت و لقيت اخوي فيصل .... ساند نفسه على التلفزيون .. ويهز راسه .. يقول : الحمد الله والشكر

قالت امي : تحمد الله على حالك انت .. ليه مارحت الدوام

قال : انا الحين بروح .. بس خايف اروح .. نايف بيفشني لاني كل يوم تقريباً اتأخر .. يقول لي ماراح يعطيني راتب

ناظرت فيني امي .. وقالت : بكرا يافيصل بتستلم حتى الاداره

قلت انا : ايه والله

ضحك .. وقال وهو رايح : يالله لا تبلاانا

طلع فيصل من البيت ..ناظرت في امي وانا ابتسم من وناستي ..ردت لي لي امي الابتسامه وراحت المطبخ .. وركبت انا فوق

.
.

فتحت باب الغرفه .. شفت الهنوف جالسه على كرسي الكمبيوتر .. ولاصقه وجهها بالشاشه .. تخصرت وقلت : هيه انتي مارحتي المدرسه اليوم
لفت علي .. وهي تبكي الا ذابحه عمرها من البكي .. قالت : رهام ماتت

عقدت حواجبي .. وقلت : ان لله وان اليه راجعون .. اي رهام ؟

قالت وهي تمسح دموعها : بطلة قصتي .. اللي جالسه اقراها الحين

دفيت كتفها بقوه وقلت : ياشينك خرعتيني .. قومي بس قومي وبلا كلام فاضي

قالت : ماراح اقوم .. بكمل القصه

سحبت يدها .. وصرخت عليها : قومي بخش النت

قالت : حرام عليك حنانوه .. تكفين خليني ..انا غايبه عشان اكمل القصه

شفتوا بحياتكم وحده بهالغباء

سحبت يدها بقوه .. وقومتها .. جلست على طول .. وقلت : وه دبه كسرتي ظهري .. سوي ريجيم

ماردت علي .. وطلعت من الغرفه .. مالت عليها .. بدال ماتروح المدرسه .. جالسه تقرا لي قصه

خشيت النت .. وفتحت ايميلي ..اول مافتحته .. جاني مسج من احمد على طول

{1+4=8 وجهة نظر } : ولكم باك .. منوره وعد


.......................


___________
الشركه .. الساعه 00 صباحاً
___________



** نايف **


كنت طالع من مكتبي .. ابي اشوف اخرتها مع فيصلوه .. يحسب الدوام لعبه ..اول ماطلعت .. شفته يناظر في المرايا اللي عند الباب .. ويعدل الشماغ .. تقربت منه وقلت : ياسلام

قال : هلا وغلا .. حي الله المدير

قلت : الله لا يحيك .. فيصلوه .. ماتستحي على وجهك انت .. هذا دوام مو لعبه .. والله ان تأخرت مره ثـ....

مسك يدي .. وقال وهو يناظر هنا وهناك : نايف مو قدام الناس

شلت يدي من يده وقلت : روح زين

مشى ومشيت معه .. قال :اجل رقيني وما بتاخر

مسكت اذني وحركتها وقلت : نعم .. عيد اللي قلته لاني ما اسمع

قال : على الاقل عطني مكتب .. مع اخوك مشعل

ضحكت وقلت :انت قلتها ( اخوي )

قال : لا وانا مو مثل اخوك

قلت : انت مالك الا نحطك مع الحارس

قال بصوت عالي : تحطني انا مع الحارس ؟ .. حط خشمك

حطيت يدي على خشمي وضحكت

كملت مشي معه ..وحنا نمشي .. شفت مكتب مشعل فاضي .. ويــــــــن راح مـــــــــــشــــــــعـــ ــل ؟؟؟؟ تركت فيصل ودخلت بسرعه .. مسكت الباب وقلت : وين مشعل
وقف .. اللي معه بمكتب.. وقال : والله مدري طال عمرك

رحت لعنده .. وقلت بعصبيه : وشلون ماتدري .. متى طلع

بلع ريقه وقال بخوف : مـــ..ــو .. م م من زمان

اشرت له عشان يجلس .. وقلت : كمل شغلك

طلعت من المكتب .. شفت فيصل بعده واقف .. قال لي : وش فيك

ضربته على كتفه .. وقلت : لا ولا شي .. روح مكتبك

رجعت مكتبي .. دخلت وقفلت الباب.. كانت يدي على خصري ويدي الثانيه على راسي .. كنت اروح واجي في المكت افكر .. وش اللي يخلي مشعل يطلع من الشغل الحين ..لا وبدون اذن .. تتوقعون شك بالموضوع .. لا ما اتوقع وش اللي يخليه يشك .. يووه وش بيسوي اذا رجع وماشاف رهف .. بصراحه انا مو خايف من مشعل ابد .. لاني ما اخاف من احد بس خايف مره على رهف .. آآآه منك يارهف (( غمضت عيوني اتذكر شكلها وهي في غرفة نجود تضحك معي .. شكلها يصير احلى وهي تضحك .. ضحكتها حلوه .. هزيت راسي بقوه كاني اطرد هالافكار وارجع للموضوع الاساسي اللي كنت افكر فيه )) احسن حل ناخذها انا ونجود من المدرسه .. ونرجعها بيت اهلها (( جلست على كرسي المكتب وسندت راسي )) لا مالنا حق نرجعها بيت اهلها ..اجل وش اسوي ..ارجع البيت واتفاهم مع مشعل ؟ .. مابيرتاح لي بال وانا جالس هنا
.
.
.


جلست افكر للظهر .. وماكنت ابي الظهر يجي .. كنت اتمنى الزمن يوقف عشان رهف ماترجع البيت

اخذت نفسي وطلعت من المكتب .. مريت على نجود واخذتها

اول ماركبت نجود السياره .. قفلت الباب .. وقالت : اليوم مره حلو

حركت السياره .. بدون ما ارد عليها

قالت : نيوف قول لي .. ليه ؟

قلت بملل وانا اناظر الطريق : ليه ؟

قالت : جاتنا اخصائيه اجتماعيه مصريه مره تجنن .. صحيح هي كبيره في السن مره بس حبيتها .. احسها ذكيه مره .. حاولت استفيد من خبرتها قد ما اقدر .. تدري يوم شافتني وش قالت ؟

وقفت السياره على جنب .. وحطيت راسي على الدركسون

مسكت نجود كتفي وقربت مني .. قالت بخوف : وش فيك نيوف .. شي يعورك ؟

رفعت راسي .. اخذت نفس وقلت : مشعل عرف

فتحت عيونها وقالت : لاتمزح

قلت : قسم بالله ما امزح

حطت يدها على صدرها وقالت : يمه .. ياربي خايفه .. وش بنسوي

هزيت راسي .. يعني ما ادري

قالت : بيذبحنا مشعل

عقدت حواجبي .. وقلت : لا انتي مالك شغل في الموضوع ..انا بس المسؤول .. لو صار شي ياويلك ان تدخلتي .. طيب

قالت : بس حنا اللي سويناه صح .. والحق معانا
قلت لها : طبعاً صح .. ماعليك جودي .. ان شاء الله مابيصير الا الخير

قالت : الله يسمع منك يااخوي


...........................


__________
المدرسه ..الساعه:1:30 مساءً
__________

** رهـف **

كنت جالسه البس العبايه ..عشان اطلع قبل ماتجي نجود ..ماابيها تنزل لي كل يوم

قبل ما امشي مسكتني الريم .. قالت لي : وين

قلت : بطلع

نفخت خدودها وقالت : رهوفه .. قولي لاخوك محمد ..اني ما ابي نروح شهر العسل ابها

ناظرتها وضحك بصوت عالي

ضربت برجلها الارض وقالت : ما ابي .. ما ابي .. ما ابي

مسكتها وقالت : اركدي يا الخبله .. وش فيها ابها .. تجنن .. وانتي احسن من غيرك اللي ماراحوا مكان

ناظرت فوق بتفكير وقالت : ايه والله

قلت : وتقول ايه بعد .. من جدك تروحين ابها انتي .. بس ماعليك من هنا لذاك الوقت يمكن محمد يغير رايه .. ويوديك روما

رفعت يدينها .. وقالت : يــــــــــارب

.
.
.

طلعت من المدرسه .. وجلست ادور سيارة نايف .. ماشفتها .. الظاهر للحين ماجا .. وانا انتظر وقفت قريب مني سياره تشبه سيارته .. بس مو متأكده .. هذي هي اولا .. اخاف اروح وتطلع موهي واتفشل .. وقفت شوي .. شفت وحده تطلع من السياره .. ايه هذي نجود ..رحت لعند السياره .. لفت نجود لنايف .. قالت : هذي هي جات

ركبت السياره .. وتحرك نايف .. اليوم ساكتين .. مايتكلمون .. على غير العاده

مر نايف على باسكن روبنز ..قال : تبون شي اليوم من باسكن

لفت نجود تناظر للدريشه .. وقالت بقهر : والواحد له نفس ياكل

وش صاير ..شكلها نجود زعلانه من نايف .. ومالها نفس تاكل ..بس نجود ونايف مايتزاعلون !!!

يوم قربنا للبيت ..سمعت نايف يقول بصوت خفيف : جودي قولي لها ان زوجها بالبيت .. عشان على الاقل ماتتفاجأ

حطيت يدي على قلبي ..وقلت : مشعل بالبيت

لفت علي نجود .. وقالت بتوتر : بس لا تخافين انا ونايف معك

مااهتميت لدموع الخوف اللي طاحت من عيوني ..اللي يهمني وش اسوي الحين بهالمصيبه .. ياربي بيذبحني مشعل .. بخلي نايف يرجعني البيت

قلت : نايف رجعني البيت

قالت نجود بسرعه : لا نايف .. مالنا شغل

ولفت علي وقالت : وش بيسوي يعني مشعل ..ليه خايفه لهذي الدرجه

قلت ودموعي تطيح : الله يخليك نايف رجعني .. الموت اهون من اني اقابل مشعل الحين

كان نايف يحرك يده على الدركسون .. كانه يفكر

قالت نجود : خلونا نروح البيت .. يمكن مشعل موهناك اصلاً

قال نايف : متأكد انه هناك .. انتي نجود مثل ماقلت لك .. مالك شغل بالسالفه خير شر

وصلنا البيت .. وقف نايف السياره بالحديقه .. بس محد نزل

قال : وش فيكم جالسين

قالت نجود : ما ابي انزل اول وحده

قال : يعني وشلون بتجلسون بالسياره لليل

فتح الباب بينزل .. وفتحت الباب انا بعد .. حسيت ان نايف هو اللي بيوقف معي هالوقت .. عشان كذا قلت له : نايف خليك معاي

ناظر فيني .. ابتسم وهز راسه بأيه

نزلنا من السياره .. ودخلنا الصاله .. شفنت مشعل جالس على الكنبه .. اول ماشفته دقات قلبي زادت .. نزلت راسي .. ماابي حتى اناظر فيه .. رفعته مره ثانيه ..شفته يوقف ويناظر بالساعه .. ويقول : تأخرتوا..من زمان انتظركم

قال نايف بثقه : ابد الطريق كان زحمه

ابتسم مشعل .. وقرب مني .. مسك يدي وقال بهدوء : تعالي رهف بكلمك

مسكتني نجود من يدي الثانيه .. وقالت : لا رهف بتجلس معانا الحين

قال مشعل : نجود .. شيلي يدك عن زوجتي

مستحيل اروح مع مشعل .. ادري عنه بيذبحني .. قلت وصوتي كان يرجف : مشعل بجلس معاهم

عطاني نظره حاده .. قالت نجود : اتركها مشعل .. حنا ماسوينا جريمه

ناظر فينا كلنا وقال : بالنسبه لي اللي سويتوه اكبر جريمه

جلس نايف على الكنبه .. واشر على مشعل بصبعه .. وقال : بالنسبه لك انت بس
قال مشعل وشكله بدا يعصب : اصلاً انت وهذي اللي بجنبك .. وش دخلكم بزوجتي

قال نايف بهدوء : مشعل .. كلمنا زين لان حنا نكلمك زين .. اللي بجنبي .. اسمها اختك نجود

قال بصوت عالي : ادري انها اختي

سند نايف راسه على الكنبه وقال : زين انك تدري

حط يده بجيبه .. ورما الجوال على مشعل ..وقال بثقه : دق على اهل رهف .. وقول لهم بكل السالفه .. شوف مع من بيوقفون

انا مستغربه شي واحد .. ثقة نايف وبروده !!

مسك مشعل الجوال .. وصوته بدا يعلى اكثر : طبعاً معي انا .. لاني زوجها

ابتسم نايف وقال : انت الحين ليه تصارخ .. شايف احد غيرك هنا يصارخ ؟

ناظرفينا انا ونجود وحرك كتوفه وقال : والله مستغرب منه انا !!

كانت نجود كل شوي تضغط على يدي .. احسها تقول لي لا تخافين دام نايف معنا

ومشعل يناظر في الجوال بعصبيه

قال نايف : اقولك دق وش فيك واقف ..،،، اشر لنا ،،، تعالوا اجلسوا .. خلونا نسمع اهل رهف وش بيقولون .. يللا مشعل تعال سمعنا

المصيبه لو دق ورد اخوي يوسف .. ناظرت في مشعل .. ماكان يسوي شي .. فجأه رمى جوال نايف على الكنبه

رفع نايف حاجبه .. وقال : شفت ماتقدر .. يللا مو مشكله .. تصدق انا بموت جوع ،،،، صرخ ،،،، خــــــــالـــــــتي فـــاطـــــــمــه...خـــــ� �ــالـــــــتي فـــاطـــــــمــه

شوي و طلعت من المطبخ خالتي ام مشعل .. وقالت : نايف ناديتني ؟ .. ماسمعتك لاني برا عند باب المطبخ الخارجي

قال نايف : وش الغدا اليوم

قالت : كبسة لحم

تنهد وقال : الله من زمان خاطري فيها.. بروح بشوف

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟

انا مره مستغربه من برود نايف .. لفيت على مشعل ..شفته يعض شفايفه .. اكيد من القهر

اشر لي اروح وراه المجلس.. شلت يدي من يد نجود .. قالت : بتروحين

هزيت راسي لها .. كاني اقول عادي .. اصلاً مشعل مايقدر يسوي شي ..نايف طيح وجهه قدامنا كلنا .. لو الحق معه كان دق على اهلي ماخاف


..........................................
__________
بيت الريم ..الساعه:2:30 مساءً
__________


** الريم **

جالسه اكلم محمد .. في التلفون .. نتكلم عن العرس وتجهيزاته

محمد : اتخيلك بتطلعين مره حلوه في العرس

حتى انا اتخيل نفسي بطلع مره حلوه.. قلت له : وانت احلى

قال : الا تعالي ريمي .. وش لونه فستانك في عرسنا

قلت له بتفكير : امممم للحين مدري وش اللون

سمعته يضحك .. ليه يضحك ؟؟؟؟.. يووه تو استوعب انه يسأل عن لون فستان العرس .. ياربي انا دلخه .. اكيد ابيض .. اجل وشو .. بقول له كنت احسبك تتكلم عن عرس ثاني .. لا بيدري اني ارقع لانه قال في عرسنا .. للحين يضحك : محمد فستان العرس له الوان مو بس ابيض .. يعني سكري .. او

قاطعني وقال : وش فيك ؟ لايكون تحسبيني اضحك عليك .. انا اضحك على اخوي سعد .. جالس يدغدغني

قلت بزعل : اووف حمودي لا تفشلني

ضحك بصوت عالي .. وقال : امزح معك .. يللا عاد .. مو لاني احبك تتدلعين علي

قلت وانا العب بشعري : الدلع مطلوب

قال : فديت الدلع .. وصاحب الدلع .. وفديتك ريومتي

قلت : فداك اللاش

قال : ريمي

قلت : عيونها

قال : تحبيني

قلت على طول : اكيد

قال : اكيد وشو

قلت بخجل : احبك

قال : وانا احبك واموت فيك و... لحظه

شكله حاط يده على السماعه .. ما اسمع شي .... تأخر

رجع وقال : الوو .. اووف روح عني .. اتركني .. شيل يدك عن السماعه .. ترا بطقك

قلت : محمد وش صاير .. مين اللي بجنبك

قال : هذا .. اووووووف انقلع اقولك اترك السماعه ماتفهم انت .. ايه قلبي هذا سعد الغبي .. يبي يكلمك .. خرب علي الجو الشاعري اللي كنت فيه

ضحكت وقلت : خليه يكلمني

قال : طيب .. بس لا تعطينه وجه .. ترا اشكال سعد .. ماتنعطى وجه

عطى سعد السماعه .. قال سعد بصوته الطفولي : الوو .. السلام عليكم

قلت : وعليكم السلام ورحمة الله وبركاته .. اخبارك سعودي

قال : زين

سمعت محمد يقول : خلاص هات السماعه

قلت لسعد : قول له يطلع من الغرفه .. عندنا مواضيع مهمه

قال له سعد : تقول لك الريم .. اطلع من الغرفه .. مانبيك .. عندنا اسرار ومواضيع مهمه

اخذ محمد السماعه وقال : حلوه ذي

جلست اضحك .. قال : لا تضحكين .. اليوم انا بصير مجرم .. بذبحك .. وبذبح هالكمخه اللي معي

شهقت وقلت : تذبح خطيبتك

قال : اذا خطيبتي تخوني مع اخوي .. اذبحها واذبح ابوها

قلت له : بص ياحماده دنا حقرقرك ( اجرجرك ) في المحاكم

قال بضحكه : ماتقرقريني ياختي

قلت : اه واللهي

قال بسرعه : ايه صح .. ريوم بنطلع اليوم

قلت : لا انا من اليوم ببدا اذاكر

شهق وقال : من اليوم بتحكمين علي بالاعدام

قلت : وش اعدامه هههههههههههه .. ماتبيني اجيب نسبه حلوه ؟

قال : الا ياعمري طبعاً ابيك

ابتسمت وقلت : اجل خلاص

قال بزعل : بس اليوم بنطلع

قلت : لا

قال : يللا عاد قلبي

قلت : لالا

قال : والله بس اليوم

قلت : محمد قلت لك ماراح اطلع

قال وشكله عصب : 5 دقايق وانا عندك

قلت : محمـــ..........

قاطعني وقال : يللا باي اشوفك بعد شوي

قلت : زين باي

قفت الجوال ورميته على طاولة الكمبيوتر وكتفت يديني .. يااربي محمد عنيد .. لكن انا اوريه
مابعطيه وجه لا جا

فتحت الدولاب وطلعت لي برمودا وردي مع سير ابيض وبلوزه بيضا وطلعت عقد وحلق لونهم وردي

والا عندي فكره احسن .. ماراح انزل له اذا جا

رميت الملابس اللي طلعتهم على السرير

واخذت كتاب الرياضيات وحطيته على الطاوله .. قربت الكرسي وجلست

فتحته على الصفحه الاولى .. وجلست اذاكر

نص ساعه .. وسمعت طق على الباب .. قلت : ادخل

فتح الباب اخوي خالد وقال : ريوم محمد تحت ينتظرك اوكي

قلت : اوكي الحين بنزل

راح اخوي خالد وانا كملت مذاكره

&مستحيل انساك& يتصل بك

~~)(~~ دنياك دنياي هو حد يسواك في القلب وياي وفي البال وياي
يا الغالي وشلون تضن ابنساك كيف الهوا يهون والقلب يهواي~~)(~~

ناظرت في شاشة الجوال .. وطنشت محمد

بعانده مثل ماهو يعاندني

مثل ماتوقعت وصلني مسج من محمد
^*^
/
\
/
\
/
^*^

ريوم حياتي انا تحت اوكي

^*^
/
\
/
\
/
^*^

خلاص بنزل شكله بيعصب علي الحين

وصلني مسج ثاني

^*^
/
\
/
\
/
^*^

انا تحت يعني انزلي
يعني مليت وانا انتظر
يعني طفشت
يعني بتجين والا ارجع البيت

^*^
/
\
/
\
/
^*^

يعني يعني يعني .. بنزل الحين .. قلت لكم انه بيعصب

اخذت كتابي الرياضيات .. وطلعت من الغرفه ونزلت الدرج بسرعه

يوم وصلت الى نص الدرج لمحت محمد جالس على الكنب بالصاله ويناظر فوق

قبل ما انزل اكثر .. تذكرت اني بالبــــــيـــــــجــــــ ــامــــــــــه ( كانت بيجامه حرير لونها احمر ) .. وكشتي قايمه .. وحالتي حاله .. يافظيحتي .. والله لو يشوفني محمد مايفرق بيني وبين الشغاله

لفيت بهدوء ورفعت رجلي بشويش .. عشان ارجع فوق

غمضت عيوني بقوه يوم سمعت محمد يقول : ريــوم

والله في ذيك اللحظه عشت صراع بيني وبين نفسي .. هي ثلاث احتملات

اركب بسرعه ابدل وانزل ... او اني اطنشه واركب غرفتي وما انزل الى ان يروح
او انزل له بكشتي وبيجامتي

والله كله منك ياريموه .. وكله من عنادك .. وراسك اليابس .. لو اني لابسه الملابس اللي طلعتهم .. ومزينه شعري مو احسن

انا طلعتهم وش اللي خلاني اغير رايي .. من الدلاخه والله

اخر شي قررت امشي على الاحتمال الثالث .. وانزل لمحمد بكشتي وبيجامتي .. لان هو الاحتمال الصائب .. ان ركبت وطنشته بيزعل .. وان بدلت بسرعه ونزلت ماراح استفيد شي لانه شافني

لفيت ونزلت الدرج بشويش .. يوم طاحت عيوني بعيون محمد اللي كان واقف ابتسمت له ابتسامه بارده

رد لي محمد الابتسامه .. ناظرني شوي وقال : اخبارك

هزيت راسي .. وجلست على الكنبه وحطيت كتاب الرياضيات بجنبي

جلس معي وقال : وش فيك تأخرتي

ناظرت للجهه الثانيه ومارديت عليه لاني كنت متوتره مره .. طول ما حنا جالسين انا اعدل شعري .. ادخله ورا اثني .. وافكه والمه مرا ثانيه .. وامسح عليه بيدي .. بصراحه منحرجه منه مره .. احس اني شوي وابكي .. ماكنت ابي محمد يشوفني كذا

وانا امسح على شعري .. مسك يدي محمد وقال : زين خلي شعرك

يعني محمد ملاحظ اني كل شوي اعدله .. اكيد يضحك على شكلي

شوي وجات امي تقهوي محمد

ومحمد يقول لها : مايحتاج .. ليه تعبتي نفسك خالتي اصلاً انا والريم بنطلع الحين

قالت له امي : لا ياولدي لازم اقهويك .. ريوم صبي لمحــ .. ’’ وقفت عن الكلام شوي وقالت ’’

بتطلعون الحين والريم جالسه بالبيجامه

احرجتني امي مره .. واحرجني محمد اكثر يوم قال : مدري عنها .. مع اني كلمتها في التلفون وقلت لها ان حنا بنطلع

ماتكلمت لاني ان تكلمت ببكي

محمد : وين وصلتي

فتحت عيوني وقلت : هاه

وين راحت امي .. مو تو قبل شوي كانت هنا .. الظاهر سرحت

قال لي محمد : متى بنطلع
فتحت كتاب الرياضيات اللي كان بجنبي واخذت قلم من الطاوله

وكتب عليه : ماابي اطلع

رفع حاجب وقال : على كيفك

كتبت : طبعاً

قال : وش السالفه محرمه الكلام معي اليوم

كتبت له : ايه ماراح اتكلم

قال : طيب

وقام من مكانه .. من شفته وقف .. على طول وقفت وقلت له بخوف : وش بتسوي

ضحك بصوت عالي وقال : والله ماكنت بسوي شي

قلت بشك : اجل وشوله قايم

قال : كنت باخذ من يدك القلم بس هههههههههه

ضربته على صدره وقلت : لا تضحك زين

قال : اوكي مابضحك بس روحي بدلي ملابسك عشان نطلع

قلت له وانا رايحه : دقايق وراجعه


.......................................
بيت مشعل .. الساعه :2:30 مساءً
________________


** رهف **

دخل مشعل المجلس ودخلت وراه .. قفل الباب .. وجلس على الكنبه

اشر لي اجلس .. وجلست بعيد عنه .. ناظرني وقال : وش اسوي فيك انا الحين

ناظرت في الارض .. لاني مدري وش اقول له .. قال : اسمعيني رهف

رفعت راسي اشوفه .. قال : قولي سم

قلت على طول وبخوف : سم

قال : سم الله عدوينك اللي هم انا

ويعترف بعد ؟

عدل جلسته .. وكمل كلامه : بسوي معك اتفاق

هزيت راسي بأيه

قال : انا مستعد اسامحك على اللي سويته ..ومستعد اسامح نايف ونجود .. وامحي اللي صارمن حياتي

قلت :تسامحني على اللي سويته اليوم ؟

قال : واللي سويتيه قبل

قلت : وش اللي سويته قبل ؟

قال : علاقتك بعبد الرحمن

وهذا متى بيصدقني .. ما اعرف واحد اسمه عبد الرحمن والله العظيم ما اعرف .. بس لو انكرت الحين بعد مابيصدقني .. وبيهاوشني ويمكن يطقني بعد .. قلت : طيب ومن اللي قال لك عن عبد الرحمن

سند ظهره على الكنبه .. وقال : فاعل خير دق على جوالي وقال لي بكل شي .. واساساً شفت جوالك

جوالي ؟؟ قلت له : صح وينه جوالي .. ووش اللي شفته فيه ؟؟

قال : الجوال تكسر .. وهذا مو موضوعنا ..مثل ماقلت لك بنسى كل اللي صار .. وكل سواياك

بلعت ريقي وقلت : وبالمقابل ؟

قال بجديه : ماتروحين المدرسه

من جده هذا!!

وقفت على طول وقلت وصوتي كان شوي عالي : بس ما اقدر .. الشي اللي يهمني في الحياة اني اكمل دراسه .. مشعل الا هالشي

اشر لي وقال بهدوء : رهف اجلسي

سمعت كلامه وجلست

قال : وانا بس هالشي اللي ابيه .. انا اقدر اخليك ماتروحين غصب .. بس انا اللي ابيه قرار من داخلك انك خلاص ماتبين المدرسه

هزيت راسي .. وقلت بضيق : ما اقدر

قال : اجل خلاص اسم عبد الرحمن كل يوم بتسمعينه .. وطبعاً اللي صار اليوم ما بعديه لك

طاحت دموع من عيوني .. وقلت بهمس : والله العظيم ما اقدر .. ما اقدر اترك دراستي

رفع كتوفه .. كانه يقول لي كيفك انتي الخسرانه

وش اسوي .. عطوني حل ..انا اصلاً كذا ولا كذا مابروح المدرسه .. فأوافق على اللي قاله احسن لي .. على الاقل برتاح من سيرة عبد الرحمن .. وبينسى مشعل اللي صار اليوم

قال : هاه .. وش قلتي
قلت : خلاص طيب

قال : خلاص طيب وشو

نزلت راسي وقلت وانا ابكي : موافقه على اللي قلته

تقدم مني .. وباسني بين عيوني وقال : اجل قومي نتغدا

.................................................. ....

** نجود **

اوووه طفش هالبيت .. احس ان مشعل مابيسكت عن الموضوع وبيسوي لنا سالفه كبيره

وانا ليه متضايقه ؟ ماسويت شي غلط ومالي خص بالسالفه .. ومشعل اذا كان عاقل بيسكت .. وان كلمني بطنشه .. خل اطلع واستانس بس

بدق على حنونه بشوفها في البيت والا لا

دقيت عليها ردت علي : هلا نجودوه اخبارك يا الدبه ؟

قلت : بخير .. انتي اخبارك ؟

قالت : تمام .... ’’ بصوت واطي ’’ مايخصك .. فيصل خلاص عاد .. نجود بنتي خالي.. والله العظيم

قلت : نعم ؟

قالت : هاه .. لالا اكلم الهنوف

كنت ادري انها تكلم فيصل .. سمعتها تقول اسمه .. بصراحه وحشني فيصلوه .. من زمان ماشفته .. مدري ليه احس اليوم اللي اشوفه فيه غير عن كل الايام

قلت بصوت عالي .. كاني اطرد افكاري : حنونه يعني انتي بالبيت ؟


قالت : ايه

قلت : حلو .. بجيكم اليوم اوكي

قالت بوناسه : ايه تعالي حياك

ابتسمت وقلت : اوكي الحين بقفل

قالت : طيب ننتظرك .. باي

قلت : بايات

قفلت من عندها .. وبدلت ملابسي .. رحت لعند المرايا .. رسمت عيوني بالكحل وحطيت لي قلوس

زررت القميص الابيض اللي علي .. فصخت الشب شب (الله يكرمكم ) و لبست جزمه بيضا .. ورحت لعند دولاب الشنط والجزم .. وناظرت في الشنط بتمعن

الحين فيه 17 شنطه تقريباً لونهم ابيض .. امممممم اخذ أي شنطه بالضبط ؟

وبعدين ليه كثرة الشنط هذي .. وبالذات الشنط اللي لونهم وردي

كل مارحت سوق اخذت لي شنطه .. و المشكله بعضهم للحين ما استخدمتهم

شكلي بعطيهم كلهم الشغاله وبشتري لي شنط جديده .. هههههههه ما اتوب

وانا افكر في موضوع الشنط .. سمعت صوت طق على الباب

قلت بصوت عالي: ادخـــــــــــــــل

فتحت الباب الشغاله وقالت لي : مدام فاطمه تقول لك انزلي تغدي ؟

عطيتها ظهري .. واخذت شنطه بيضا .. قلت بعدم اهتمام وانا اقلب الشنطه : قولي لها ما ابي اتغدا

قالت : ان شاء الله

بعد تقريباً نص ساعه طلعت من الغرفه ( ضيعت الوقت وانا اختار الشنطه هههههههه)

رحت لغرفة نايف وفتحت الباب بسرعه وقلت بصوت عالي: هاي ,, يقال لي بخرعه ,,

بس كانت الغرفه ظلام والتكيف شغال .. ونايف نايم

قلت بهمس وانا مازلت عند الباب : نايف تسمعني

قال : امممم

قلت : انا بروح بيت عمتي اوكي ؟

قال : من بيوديك

قلت : يمكن مشعل

قال : اوكي روحي

كنت بقفل الباب بس نايف ناداني .. قلت له : نعم

قال : شوفي رهف اذا تبي تروح معك

قلت : ان شاء الله .. نوم العوافي

قفلت الباب ونزلت الدرج

وقفت يوم شفت مشعل مع رهف راكبين مع بعض .. الظاهر رضى باللي صار .. صحيح مشعل قلبه طيب ويرضى بسرعه

ابتسم لي وقال : ليه ماتغديتي

قلت وانا اناظرهم : اكلت كثير بالصبح

هز راسه وركب الدرج مع رهف

لفيت راسي وقلت : رهف تجين معي بيت عمتي ؟

قال مشعل : لا انا ورهف بنطلع الليله

يا مغير الاحوال .. بالظهر معصب وحالته حاله .. والحين هادي ورايق
سبحان الله

كنت بقول له يوديني بيت عمتي .. بس غيرت رايي لانه شافني لابسه العبايه .. وماسألني وين بتروحين

الله يخلي السواق بس

.
.
.
.
.

نزلت من السياره ورحت بطق الباب .. بس قبل ما امد يدي .. انفتح الباب بسرعه

................................
** فيصل **

من سمعت صوت سياره عند الباب .. على طول فتحت الباب .. لاني كنت داري ان نجود بتجي ’’ من اختي حنان ’’

من فتحت الباب .. شهقت ورجعت على ورا

قالت بصوت عالي : فـــــيـــــصــــل خرعتني

ابتسمت وقلت : ماسلمتي علي ؟

فتحت وجهها .. وناظرت للجهه الثانيه وقالت : السلام عليكم .. اخبارك ؟

لا شعورياً رحت للجهه اللي لفت وجهها عليها .. وتأملت عيونها الحلوه

ماكانت تناظر فيني .. نظراتها مشتته .. بس يوم حركت عيونها وناظرتني

نظرتها كانت كفيله بأنها تحرك كل الدم اللي في جسمي .. وتوقف كل شعره فيه

قلت وانا لازلت اناظرها : وينك انتي

قالت بصوت ناعم مايخلو من الغرابه : ويني ؟

قلت وانا اتأملها : ايه وينك عنا .. من زمان ماجيتينا .. غيابك عني اكد لي .. اكد لي وش كثر ...

’’ كنت بقول لها غيابك عني اكد لي وش كثير انا احــــبــــــك .. غيابك عني اكد لي المشاعر اللي كنت احس فيها يوم اشوفك وشهي .. غيابك عني اكد لي و شكثر انتي غاليه على قلبي اللي ماينبض الا عشانك .. و شكثر غاليه على عيوني اللي تتمنى بس تشوفك .. و شكثر غاليه على كل شي فيني .. وكل شي فيني يقول احبك ’’

نجود ووجهها صار احمر من نظراتي لها : فيصل اكد لك وشو ؟

قلت بسرعه : اكد لي وش كثر انتي خبله .. وماتستاهلين شي ؟

عقدت حواجبها وقالت : ما استاهل شي .. مثل وشو ؟

قلت : مثل ان الواحد يسأل عنك ؟

قالت وشكلها انبسطت : انت تسأل عني ؟

ضحكت وقلت : انا اسأل عنك ؟ سلامات .. انا اقصد الهنوف او حنان مثلاً

قالت بعصبيه : اصلاً من تكون انت عشان تسأل عن نجود عبد العزيز اخت نايف و.....

قاطعتها وقلت بلوعت كبد : من زينك انتي واخوك الخايس ’’ امزح معها طبعاً ’’

قالت : ما الخايس الا انت .. والله لا اعلم نايف عنك

قلت وانا اضحك عليها : لا انا اللي بعلمه ؟

كتفت ايدينها وقالت : جد جد انت ليه تحاول تقهرني وتنرفزني ؟

قلت بمرح : لاني احب اقهرك وانرفزك

هزت راسها ومشت عني .. مشيت انا بعد وسبقتها .. قلت بجديه : نجود انتي تزعلين اذا كلمتك وضحكت معك كذا ؟

ابتسمت ابتسامه حلوه وهي تمشي .. قالت : لا بالعكس .. لاني ادري انك تمزح

قلت بسرعه : ومن قال لك اني امزح ؟

وقفت عن المشي وقالت بصوت عالي : فيـــــصــــــــل

رفعت راسي وضحكت بصوت عالي


..............................................

__________________
سيارة محمد .. الساعه : 4:30 مساءً
__________________

** محمد **

كنت اسوق السياره بسرعه جنونيه .. وانا فاتح الدريشه اللي بجنبي واللي بجنب الريم .. والهوا يطير شماغي بس انا ماسكه

الريم وهي تصارخ وماسكه شيلتها : مــــــــــحــــــــــمــ ـــــد وقـــــــــــــف الله يخليك

قلت لها وانا ميت ضحك : مـــــاراح اوقف .. انا مستانس

طبعاًَ انا ما اسوي كذا الا عشان اخوف الريم .. لاني اعرفها تموت خوف يوم اسوق السياره بسرعه

قالت بصوت عالي لان صوت الهوا عالي مره : مــــحــــــمـــــد انـــــــــــــــــا اخــــــــــــــــــــاف وقــــــــــــــف .. تكــــــــــفى وقف عــــــــــــــاد

ناظرتها وانا اضحك : ريوم غطي وجهك .. غطيه شيلتك بتطير

قالت وهي شوي وتبكي : خفف السرعه عشان اغطي وجهي زين

قلت وانا الف السياره واضحك بصوت عالي : قلت لك ماراح اخفف ههههههههههههههه

مسكت يدي وقالت : قلبي والله لاعت كبدي .. بسك هبال .. ترا ان صار فينا شي انت السبب

غنيت بصوت عالي : الجو روعه كل شي صاير جنان

حطت الريم يدها على قلبها وقالت : آآآي محمد بموت .. قلبي يعورني .. بموت

وقفت السياره بسرعه .. مسكت كتف الريم .. وقلت بخوف : حبيبي وش فيك .. وش فيه قلبك ؟

عدلت شيلتها بس ماتغطت .. وقالت بضيق : قلبي يعورني لانه زعلان عليك ؟

ارتحت من كلامها .. خفت صار فيها شي من الخوف

قلت : افاااااااا .. وليه عاد ؟

لفت وجهها عني : كل هذا وتسأل ليه

مسكت وجهها ولفيته لي .. قلت بحنان : ريمي زوجك سواق محترف لا تخافين ؟

قالت بعصبيه : ولو .. محمد والله العظيم ان سقت بهذي الطريقه مره ثانيه .. مابطلع معك

قلت : لالا كله ولا هالشي .. خلاص حياتي مابسوق كذا مره ثانيه

قالت بشك : احلف ؟

قرصت خدها وقلت بضحكه : والله العظيم .. يللا غطي وجهك

&بيت رهف & يتصل بك

~~)(~~ دنياك دنياي هو حد يسواك في القلب وياي وفي البال وياي
يا الغالي وشلون تضن ابنساك كيف الهوا يهون والقلب يهواي~~)(~~

غطت وجهها وناظرت شاشة الجوال : هذي رهوف

سحبت الجوال من عندها وقلت : حبيبي كلميها بعدين

قالت : حمودي .. عطني بكلمها

حطيت الجوال في حضني وقلت : خلاص ريمي قلت لك كلميها بعدين

قالت : ان شاء الله

شوي ووصلنا عند البحر .. وقفت السياره

وقلت : يللا ننزل

قالت بوناسه : الله من زمان ماشفت البحر ههههههههه

ابتسمت لها ونزلت من السياره .. اول مانزلت سمعت صوت شي يتكسر

تلفت حاوليني وقلت : سمعتي ريوم
نزلت وقالت : وشو هذا

هزيت كتوفي .. تحركت ابي امشي .. بس حسيت نفسي ادوس على شي .. ناظرت تحتي

شفت جوال الريم مكـــــــســـــر .. يووه صح كان في حضني قبل ما انزل .. الحين وش يفكني في الريم

..........................................

_______________
بيت العمه .. الساعه 6:00 مساءً
_______________

** حنان **

كنا جالسين انا ونجود على الكمبيوتر .. اوريها القصايد اللي حافظتها بجهازي

نجود : وربي كلهم حلوين .. انا احب الشعر

قلت لها : نزليهم بجوالك

قالت : مايحتاج بنزلهم في جوالي بالبيت

قلت لها : طيب دام انك بتجلسين على الجهاز .. عشان تنزلين القصايد .. ليه ماتخشين نت معي الليله

سكتت شوي بعدين قالت : افكر

دفيتها وقلت : وش تفكرين .. يللا عاد .. ايميلك صار مهجور

قالت : لالا ماراح افتحه .. والله مالي خلق

قلعتها

قلت لها : كيفك

فتحت الباب امي .. وفي يدها العصير والكيك .. حطته على الطاوله

وقالت : تخيلي نجود .. الكيك والعصير مسويتهم حنان بيدها .. بس عشانك

من متى انا اسوي كيك وعصير ؟

قالت نجود بمرح : حنونه تتعلمين الطبخ من ورانا

ابتسمت وقلت : قالت لك امي بس عشانك

قالت لي : فديتك

قالت امي : لا حنان طباخه ماشاء الله .. لا يهني اللي بياخذها

قالت نجود : آآمين

نزلت راسي يقال لي مستحيه

ضحكت امي وهي طالعه وقالت : بسرعه تستحي هالبنت

بعد ماطلعت امي قالت نجود : هين انتي تستحين هههههههههههههههه

مشكلتها عارفتني

~~)(~~ ماقدرت اصبر ثواني في غيباك عن مكاني
انا عنك ماتصبر عودي يابسمة زماني ~~)(

كان جوال نجود يرن .. فتحت شنطتها نجود وطلعته .. قالت : هذا نايف

قلت بذهول : نـــــــــــــــــــايفــ ـــــ

ناظرتني نجود .. حسيت لنفسي ولفيت وجهي .. يووه الحين وش بتقول

ردت نجود على نايف : هلا غلاي نايف .. ايه .. بتجي تاخذني ؟

اشرت لها بصبعي يعني لالا مافيه روحه

قالت : نايف مايبوني اروح .. خذني بعدين .. ماتقدر .. طيب خلاص

هزيتها وقلت بهمس : مافيه روحه اجلسي

نزلت الجوال وقالت : مو راضي نايف وش فيك

سحبت الجوال من يدها وقلت : خليها تجلس معنا شوي

انا اصلاً عادي عندي راحت الحين والا بعدين .. بس اسوي كذا عشان اكلم نايف .. يوم سحبت الجوال من يدها وكلمت نايف .. ناظرتني نجود بغرابه وكانها ماتوقعت حركتي .. بس اكيد فهمت اني ابيها تجلس وعشان كذا كلمته

ردت علي نايف : الوو .. نعم

قلت واسوي نفسي مستحيه قدام نجود : انا حنان

قال : اها هلا بنت عمتي

كنت ابي اتكلم بس نايف على طول قال : قولي لنجود اني 5 دقايق وبمرها لان عندي شغل بالليل

قلت : أأأ ابـــ...

قاطعني وقال : يللا فمان الله

يوم قفل في وجهي .. وما انتظر حتى ردي عليه .. حسيت ان بقلبي بركان قهر بينفجر قريب .. حسيت ان وجهي احمر من العصبيه .. مع هذا ابتسمت عشان ماتلاحظ شي نجود

.........................
سيارة محمد .. الساعه : 7:30 مساءً
____________________

** محمد **

بعد ماتمشيت مع الريم عند البحر .. رحت معها السوق عشان اخذ لها جوال جديد

وقفت السياره .. وناظرت الريم وهي سانده ظهرها .. قلت : مابتنزلين

قالت بتعب : قلبي تعبانه .. مشينا كثير عند البحر

سويت نفسي اشغل السياره مره ثانيه وقلت : كيفك اليوم اخر يوم تشوفيني فيه لانك بتذاكرين صح .. وانا بمل ما اكلم احد ولا اشوف احد .. وعشان كذا في هالفتره بشوف لي بنت اكلمها

نقزت بسرعه وقالت بعصبيه : وش تشـــــــــــــــوف

ضحكت وقلت : لا يمكن هالبنت .. اختي رهف مثلاً

قالت : اقول يللا يللا ننزل

فديت اللي تغار علي

فتحت الباب ونزلت من السياره .. ناظرت بعيد لمحت اخوي يوسف يركب سياره .. او يمكن مو يوسف .. من وين له يوسف هالسياره الكشخه .. لا ومعه بنت بعد .. الا الا هذا يوسف

دقيت على يوسف بعد 3 محاولات رد علي : هلا محمد

قلت : يوسف وينك فيه

قال ببرود : مع اخوياي

قلت : مع اخوياك وين يعني ؟

قال : بمطعم

قلت : مو بالسوق يعني

قال : لا .. خير تبي شي

حكيت اذني وقلت : لا سلامتك

ايه انا قلت ان هذا مو هو

................................................

** يوسف **

وش عرف محمد اني كنت بالسوق .. لا يكون شافني مع هذي

لفيت اناظر في وجهها اللي فاتحته .. الله يلوع كبدك مثل مالوعتي كبدي

قسم بالله شينه وخايسه .. والمشكله فاتحه وجهها .. والله ودي اقول لها قفلي وجهك خرعتي العالم .. بقولها لها بس مو الحين .. بعدين اذا تركتها .. لا والأ قطع من كذا تقول اسمها حلا .. انتي حلا انتي .. من جد قرف هالبنت .. وكل البنات قرف مستحيل في يوم احب بنت

تكلمت حلا ’’ على قولتها ’’ .. بصوتها الناعم .. صوتها بصراحه مره مره ناعم .. وهذا الشي اللي ما اقدر انكره .. غرتني بصوتها هالدبه

قالت : يوسف وين راح نروح ؟

قلت وانا اناظر للجهه الثانيه لاني مو طايق اناظرها : حياتي انتي وين ودك نروح ؟

قالت : أي مكان رومنسي

لفيت اناظرها وقلت بهمس : المشكله شكلك ما يشجع على الرومنسيه

قالت : نعم

قلت بصوت عالي : اقولك فديت الرومنسيه

نزلت راسها بحيا وقالت : فديت قلبك

قلت : بوديك مكان بعيد مره .. وظلام .. بس مشكلته هالمكان انه مرعب ومافيه احد

قالت : الله مكان مافيه الا انا وانت

مالت عليها .. انا ابيها تخاف .. بس ما الظاهر هذي تخاف .. تدرون خل نتسلى مع ذي اليوم .. وبكره نطلع مع خويتها .. لان خويتها ماشاء الله حلوه


.................................................

___________________
بيت مشعل .. الساعه 10 : 00 مساءً
___________________

** رهف **

بعد ماتعشيت مع مشعل .. قصدي بعد ماجلست على الطاوله .. لاني ما اكلت شي .. ركبت فوق الصاله .. اخذت التلفون ودقين على الريم .. محتاجه اسمع صوتها

ردت قالت : هلا وغلا رهوفه

من سمعت صوتها .. جاتني الظيقه .. تذكرت ايامنا مع بعض بالمدرسه

قالت : اخبارك ............ سوري رهف اليوم دقيتي علي وكنت مع محمد وما ... الووووو انتي معي .. وينك رهف ............ الوو

قلت والدموع تطيح من عيوني : ريوم بموت

قالت بخوف : بسم الله عليك حبيبتي .. وش فيك رهف

قلت بصوت متقطع : مــا.ـر.. رر .. اح

قالت بنفاذ صبر : رهف تكلمي ماراح وشو ؟

قلت : ماراح اكمل دراسه

قالت بأنفعال :وش تقولين انتي .. احلفي .. من جدك

قلت : والله العظيم .. مشعل ما يبيني اكمل دراسه

قالت وصوتها باين عليه انها تبكي : وشلون اخر سنه لك .. حاولي فيه .. ما اقدر اكمل دراسه عنك

غمضت عيوني و قلت : ريوم اذا تحبيني .. بتكملين دراسه .. عني وعنك .. انا اذا شفتك متخرجه .. ودكتوره ناجحه .. بحس نفسي انا اللي متخرجه

ماردت علي جلست تبكي .. بعدين قالت : انا ما اصدق اللي اسمعه .. رهوفه حنا بندرس الطب مع بعض

يوم قالت الطب .. بعدت السماعه وجلست ابكي .. ما ابي الريم تسمع صوتي وانا ابكي كذا ..كل مامسحت دموع .. ترجع تطيح دموع جديده.. اخذت السماعه مره ثانيه ..قلت : الووو .. ريوم حبيبتي لا تبكين

قالت وصوتها مبحوح : ليه مايبيك تكملين

قلت لها : سالفه طويله .. اللي فهمته منها ان فيه واحد
قال له اني اعرف واحد اسمه عبد الرحمن.. من وين طلع لي هالواحد مدري

قالت : وكيف يصدق على طول

قلت : يقول شاف جوالي .. (( رجعت ابكي بصوت عالي )) ااخ بموت قهر يا الريم .. ماتدرين قلبي كيف يحترق

سمعت صوت احد يتحرك وراي .. قلت للريم : لحظه

لفيت ماشفت احد .. الظاهر يتهيأ لي


^*^
/
\
/
\
/
\
/
\
/
^*^


***** نهاية الجزء السابع عشر *****

[لامارا]

...:::][ الجزء الثامن عشر ][:::...

___________
بيت الريم ..الساعه:1:00 مساءً
___________


** الريم **


كنت فاتحه البوم الصور .. اشوف صور تخرجي من الثانويه .. كل صديقاتي معي .. الا اهم صديقه ..اللي كان حلمي وحلمها ناخذ شهادة الثانويه ..وشهادة الطب مع بعض .. رهـــف .. يااه هالسنه اطول سنه دراسيه مرت علي ..اروح المدرسه والدمعه بعيوني .. ابي متى بس ارجع البيت وانزلها
فتحت رهف باب غرفتي .. وقالت : وانتي للحين جالسه هنا .. والمنشفه على راسك .. انزلي بسرعه سوي شعرك .. الكوافيره تنتظرك

مسحت الدموع اللي طاحت من عيوني .. وقلت لها : انتي ماراح تسوين شعرك

قربت مني .. وقالت : لا حبيبتي ..انتي تعرفيني ما اسوي في شعري شي .. راح افكه بس

قلت لها : ايه ناعم وش عليك

مسكت وجهي .. ولفته عليها .. قالت : تبكين وفي يوم عرسك ؟

اخذت المرايا ..وناظرت في وجهي .. قلت لها : واضح يعني اني كنت ابكي

قالت : طبعاً

قلت وانا اضحك : دموع الفرح على قولتهم

سحبتني .. وقالت : قومي بس .. لا يشوفك اخوي ويتخرع

تركتها وقلت : اما عاد يتخرع .. اللي يسمعك يقول بيشوفني الحين

مسحت على شعري وكملت كلامي بدلع : اول .. بسوي لي تسريحه .. بحط لي ميك اب .. بلبس فستاني الابيض .. وبغني اغنية ميامي

انا الليله انا وهو هنا وايدي بيدينا

والليله الحسد وهو الحسد سما علينا

انا والله ووصل قلبي وحصل اللي في بالي

الدنيا ضحكت وجمعت غالي بغالي

الليله غير الليالي .. كلولولولوليـــش

وجلست اضحك انا ورهف ..بعد ماوقفنا ضحك .. مسكت رهف الالبوم .. قفلته انا على طول عشان لا تشوفه .. قالت مستغربه : ليه قفلتي الالبوم ؟

انا قفلته بصراحه .. لاني ما ابي دموع في يوم عرسي .. بس انا ضيعت الموضوع وقلت : ماراح ننزل ؟

مسكت يدي .. وقالت : يللا ننزل يا عروسة ابها

قلت وانا اناظرها بقهر : وش قصدك بعروسة ابها .. لايكون تتشمتين علي ..؟

حطت يدها على فمها .. وكانها تحبس ضحكتها .. وقالت : لا ابد

قلت : وش فيها ابها يعني .. تجنن

قالت : هههههههه .. ماقلنا شي .. واصلاً انتي لو تجلسين في صحراء .. بتصير الصحراء حلوه لانك فيها

ابتسمت لها .. وطلعنا من الغرفه .. وحنا ننزل الدرج دق جوالها .. ردت وقالت : هلا محمد .. وش تبي بعد كل شوي داق ..تخيل اوصفها لك بتشوفها الليله .. اوووه محمد لا تأذيني .. ان شاء الله ..لا والله تبي ظهري يتكسر ... اما عاد اوصل لها قبلاتك واشواقك وين حنا فيه .. طيب باي

قفلت وجلست تضحك .. قلت لها : وش يبي محمد

قالت : يقول لي خلي بالك من الريم .. عاملوها اليوم معاملة اميره .. لا تخلونها تمشي على الارض لا يتعبون رجلينها .. احملوها على ظهوركم .. قلت له تبي ظهري يتكسر

تخصرت وقلت لها : وليه يتكسر ؟.. قالولك انا دبه

قالت : لا يكون تبيني احملك ؟

هزيت راسي .. قالت : انتي تحمليني ايه .. بس انا احملك لا

ناظرت في جسمي وكملت كلامها : صدقوني اللي قدامي فيل مو بشر

دفيتها بقوه .. وقلت : مالت عليك .. انا اضعف منك

حطت يدها مكان مادفيتها وقالت : آآآآي عورتيني

مسكتها وقلت :عورتك ؟ ..لا تقولين لأحد اني دفيتك .. لاتطلعين حامل وابتلش فيك

قالت : ايه لو اطلع حامل .. ويصير فيني شي من دفتك هذي .. كان يذبحك مشعل

قلدت صوتها : كان يذبحك مشعل .. يااي .. امشي بس .. قال يذبحني قال
العمه ..الساعه :00 مساءً
___________

** حنان **

جالسه اتعدل من الساعه 6 المغرب .. وللحين ماخلصت .. اووف مو راضي يضبط الميك اب

دخلت الهنوف الغرفه .. وقالت : بل للحين ماخلصتي ؟

لفيت عليها وانا اعدل شعري .. قلت :ايه للحين ماخلصت

جات امي ..بعدت الهنوف من عند الباب .. وقالت : اوف منك .. وش دخلك .. خليها تتزين ان شاء الله تتزين للفجر .. اجل انتي حاطه مكياج ازرق فاتح وكحله .. وتبين تروحين العرس .. هذا شكل بالله عليك

سكتت الهنوف .. قلت انا : لازم اصير احلى من رهــفوه وصديقتها

قالت الهنوف: اي صديقه ؟

قلت : الريم بعد مين

ماتت ضحك وقالت : لا تضحكيني عاد .. هههههههههههههه تبين تصيرين احلى من العروس ؟

ناظرت في المرايا وقلت : ياما وياما رحت عرس .. طلعت فيه احلى من العروس

قالت امي : ماشاء الله بنتي حنان .. آيه من الجمال

كانت الهنوف بتطلع .. بس مسكها اخوي فيصل اللي كان جاي من غرفته .. وقال : هنوفه صايره حلوه فديتك

قلت انا بصوت عالي : لانك ماشفت الحلوه اللي داخل

طل فيصل مع الباب ..وقال : بسم الله الرحمن الرحيم .. وش هذا .. حنانوه حاطه علبة المكياج كلها بوجهك ههههههههههههههههههههههههه هههه

تكتفت معصبه .. وقلت : اصلاً انت وش عرفك للحركات .. والموضه


~~)(~~وينك يادفى سنيني تعب قلبي الم وفراق
خريف البعد يطويني وتبكي حولي الاوراق ~~)(~~


اغنية بشار .. كانت نغمة جوال فيصل .. حط يده بجيبه.. طلع الجوال .. قربه عند اذنه .. وقال : هلا نايف .. ايه اكيد بجي معكم نزف محمد .. ولا يهمك .. مسافة الطريق وانا عندكم .. الله معك

رجع الجوال بجيبه .. وجا عند المرايا .. ناظر شوي وقال : شكلي بطلع احلى من المعرس

قالت امي للهنوف : شفتي فيصل طالع على حنان

قالت هنوفوه بصوت واطي : مستحيل فيصل يكون مثل حنان

رميت عليها الفرشه اللي بيدي .. وقلت : تحسبين ماسمعتك

اخذ فيصل الفرشه من الارض .. ورماها علي وقال : مره ثانيا لا ترميها على اختك

اووف بسكت عنه .. لا يرمي علي شي ثاني ويخرب الميك اب حقي .. غبي يسويها



..................
__________________
** الهنوف **


اخذنا فيصل للعرس .. وحنا بالسياره كل دقيقه جوال حنان يدق


~~)(~~انت بحري وانا اليم يقولون اللي يقولون انا بحبك متيم
خلي الحساد يموتون انت في قلبي غالي لو عنك يسالون ~~)(~~


ناظرت في حنان .. قلت لها : ردي عور راسنا جوالك

قالت :وانتي كل شي يعور راسك يا الملقوفه .. ما ابي ارد .. انا حره

قلت : كيفك

قال فيصل وهو يسوق : صحيح ليه ماتردين .. من اللي يدق عليك ؟

قالت وشكلها تلعثمت : أأأ.. وحده من البنات .. نشبه ما ابي ارد عليها

قالت امي : وش فيكم قمتوا عليها مسكينه .. ماتبي ترد خلاص

ايه هين هذي مسكينه .. كلنا مساكين الا هي .. مدري من وين طالعه ..ماتحبني ولا كاني اختها ..على طول تقول عني انانيه وحقوده.. وابي اخذ منها كل شي .. مع اني احبها واحاول ارضيها بأي طريقه .. ما اقول الا الله يهديها

مرينا على شارع مظلم .. وفاضي .. فتحت وجهي بعدل الشيله بسرعه .. قالت اختي حنان بصوت عالي : فيصل .. الهنوف فاتحه وجهها

قال فيصل بصراخ : هنــوفــه غطي وجهك

خفت من صرخة فيصل .. وغطيت وجهي على طول ....!!!!!!! هذي ليه تحب تقهرني ؟؟


.
.
.


وصلنا للعرس ..وقبل ما انزل .. قلت لفيصل : تعال لنا الساعه 12 مانبي نتأخر

قالت حنان : الا نبي نتأخر ولا تجمعين

قال فيصل : على العموم انا هنا ماراح ارجع البيت .. متى ماحبيتوا ترجعون دقوا علي .. اوكي


نزلنا من السياره .. واول مادخلت شفت رهف تكلم وحده من بعيد .. وكانت لابسه فستان فيه الوان كثير .. بنفسجي وعنابي واحمر .. فيه سلاسل طايحه عند الخصر وعند الكتوف ..قصير من قدام وطويل من ورا .. ومكياجها مره يجنن .. اشرت لها .. جاتني على طول سلمت علي .. وسلمت على امي واختي حنان .. وقالت : تو مانور العرس والله

امي وحنان كانوا ساكتين .. قلت انا : والله منور بوجودك

قالت وهي تضحك : بس اذا دخلت الريم ..محد بيصير منور غيرها

ضحكت وقلت لها : ايه وانتي الصادقه .. بس رهوفه صايره مره حلوه

مسكت يدي وقالت : وانتي احلى .. يللا وش فيكم واقفين

وقربت راسها من اذني : امشي عشان نرقص مع بعض

مسكتني حنان من يدي الثانيه .. وقالت وهي تبتسم ابتسامه بايخه : لا حنا بنروح الحمام (( الله يعزكم )) عشان نشيك على شكلنا

تفشلت من طريقة اختي في الكلام .. عشان كذا قلت : ايه صح بشوف شكلي .. تعرفين يعني لازم

هزت راسها ومشت

دخلت الحمام (( الله يعزكم )) ورى اختي حنان وامي .. ناظرت شكلي بالمرايا شوي .. وفصخت العبايه .. لفيت على اختي حنان .. شفتها تفصخ عبايتها .. ناظرت في تنورتها .. قصيره مره .. لو انا مكانها كان استحي امشي فيها قدام الناس .. وش بيقولون عني .. طبعاً لو اقول لها هالكلام بتهاوشني .. وبتسوي لي سالفه .. اسكت احسن ..صح ماقلت لكم انا وش لابسه .. ترا لبسي عادي .. تنوره بيضا للركبه .. فيها كسرات .. ولابسه بلوزه زرقا .. ولابسه حلق دائري كبير باللون الازرق .. وعقد بنفس اللون .. وفاكه شعري
المهم لفيت اناظر في المرايا مره ثانيه .. سمعت حنان تقول : يمه الميك اب حقي مثل ماهو صح ؟ .. اف شعري كان احسن في البيت .. التكيف في سيارة فيصل مره زفت

قالت امي : كل شي فيك حلو .. والله

مسكت حنان شعري من تحت .. شدته بقوه وقالت : هالشينه شعرها احلى من شعري .. مفروض انا اخذه .. لاني احلى منها

عدلت شعري وسكت عنها .. شفت امي تمسح على شعرها وتقول : بالعكس شعرك وش حلاته .. فيه ناس كثير تتمنى شعرها مثلك .. ولا وش رايك الهنوف

ناظرت في شعر اختي حنان .. يمكن فيه ناس تتمنى شعرها مثل شعرها ليه لا .. قلت : ايه صحيح

قالت حنان بثقه : اجل يللا خلونا نطلع

اخذت امي من شنطتها منديل ..ومسكت وجه حنان وقالت : لحظه حنونه .. بعدل لك الكحله .. تحت عيونك صاير اسود

سندت ظهري على الجدار .. انتظرهم يخلصون .. شوي وطلعنا .. رحنا جلسنا بنفس الطاوله اللي فيها ام مشعل وشجن طبعاًَ بعد ماسلمنا عليهم .. جاتنا نجود سلمت علينا وجلست .. قالت : وين رهف حسبتها معكم .. كانت معي ..بس ضاعت مني في الزحمه

ناظرت في اللي يرقصون .. شفت رهف ترقص معهم .. قلت وانا اضحك : مو كانها ذيك اللي ترقص

وقفت نجود وقالت : شوف هذي ..انا ادور عليها وهي جالسه ترقص

قالت حنان : ليه زوجة اخوك رقاصه ؟

ردت عليها نجود .. والظاهر ماعجبها الكلام : عرس صديقتها .. لا وعرس اخوها بعد.. وماتبينها ترقص وتستانس ..!!

تكلمت ام مشعل مع شجن في نفس الوقت : صادقه نجود

قالت حنان : نمزح عاد

جات رهف وسحبتني .. قمت وانا اقول لها : وين .. لا ما ابي ارقص

قالت : ترقصين غصب عنك

قلت : لا الله يخليك .. استحي ..ما ابي

تركتني وقالت : ترا بزعل منك

امري لله .. رقصت معها لاني ما اقدر على زعلها .. خلصنا رقص ورجعنا جلسنا على الطاوله .. اول ماجلست قربت مني حنان وقالت : اشكالكم تحفه وانتوا ترقصون

طنشتها كالعاده .. جات حرمه تقول وهي تأشر علي انا ورهف : انتوا خوات ؟

ناظرنا في بعض .. وقلنا : لا

قالت وهي تبتسم : ماشاء الله تشبهون لبعض .. اللي يشوفكم يقول خوات ،،،، ناظرت في رهف ،،،، انتي متزوجه ؟

قالت رهف : ايه متزوجه

قالت ام مشعل : هذي زوجة ولدي

قالت الحرمه : انتي ام مشعل ،، باستها ،، تصدقين ما انتبهت لك .. اخبارك .. واخبار الاهل

قالت ام مشعل : والله الحمد الله بخير

قالت الحرمه مستغربه : زوجة اي ولد .. نايف ؟

قالت ام مشعل : لا ولدي مشعل

هزت راسها واشرت علي : هذي بنت مين

قالت امي : بنتي

قالت الحرمه : ماشاء الله وش هالجمال .. كم عمرها ؟

نزلت راسي مستحيه .. تجاهلت امي السؤال .. وحطت يدها على ظهر حنان ..قالت : هذي اختها الكبيره حنان

لفت علي الحرمه وقالت : انتي تدرسين ؟

هزيت راسي .. قالت : اي سنه

قلت بخجل : تخرجت من الثانويه .. وبدرس طب ان شاء الله

فتحت عيونها الحرمه .. وقالت : ماشاء الله .. الله يوفقك يابنتي .. وش اسمك ؟

قلت : الهنوف

قالت : عاشت الاسامي .. يللا انا اخليكم الحين

راحت وعلى طول دفت كتفي شجن وقالت : انعجبت فيك الحرمه

مديت لساني وضحكت .. ناظرت رهف في الساعه .. ووقفت

قالت ام مشعل : رهف وين بتروحين ؟

قالت : خالتي بروح للريم .. الحين بتدخل

راحت وشوي الا والانوار تنطفي .. ودخلوا مجموعه من البنات صغار يعني بعمر رغد تقريباً .. لابسين لبس الفراشه .. على اغنية .. ’’ ابتدي ياحب ’’ .. للجسمي

ابتدي يا حب وارسم
في سما هاليله قلبين
اكتب الريم بالاول
واكتب الثاني لمحمد
او يجيلك راي وأكتب
ماله داعي ترسم اثنين
اكتب الاسمين لاكن
حطهم في قلب واحد....
يالفرح طرز مساهم
وانثر الاحسااس ما بين
حب وأشواق وتهاني
ود وأنغام وقصايد
دام هذا اليوم تاجه
عرس آل ذوق والزين
عرس نسل العز نسل
مجد والتاريخ شاهد....
يا ألاه الكون سلم
حبهم من شر كل عين
بالهنا طول عمرهم
واعمي عنهم كل حاسد
واحفظ منيره وخالد
مثل ماهم احلى رووحين
صوونهم بالخير واجعل
بيتهم بالعز شارك
وابتدي يا حب وارسم

الحركه كانت مره تجنن

بعدين دخل سعد اخو رهف .. يرقص لحاله على اغنية ’’ عيون كحال ’’

اخافك يا عيون اكحال
انا ما اقوى الولع فيني
عشقت الحل والترحال
وشفات الهمس تغريني
يعانق خاطر الجوال
نسى يوم ليل تسبيني
واشوف الليل مهما طال
بها الاشواق تغذيني
توجد خافقي وماقال
على منقفاه يسقيني
قنوع النفس انا والحال
عدله بموازيني
ضحت شمسك ولقيت اظلال
وانا لي ضل يحميني
انا عمري ابتدا رحال
سماحك لي تعذريني


قالت شجن : لا انا في عرسي محد سوالي حركات حلوه كذا .. دخلوني على طول

ضحكنا كلنا .. قالت ام مشعل : اسكتي بس عرسك قديم ومن زمان
قالت : لا والله عرسي مو قديم .. كان حلو .. بس ناقصه وليد يدخل يرقص على اغنية هلي لا تحرموني منه

قلت : ماتبي نفس الحركه .. الا ونفس الاغنيه بعد ههههههههههههههه

قالت شجن : بس بس .. اسكتوا دخلت العروس

لفيت شفت الريم وهي تدخل .. كانت كلها على بعضها تجنن .. فستانها وتسريحتها .. بس مكياجها مااشوفه زين لان بعيد .. بس باين عليه حلو .. دخلت على اغنية شيخة الزينات .. سمعت شجن وهي تقول : مالت علي .. لكن هنوفوه في عرسك مافيه تصيرين كذا

قلت : وليه ما اصير ان شاء الله

قالت حنان وهي لاويه فمها : انا اشوفها عاديه .. توقعتها احلى

شهقنا انا وشجن وقلنا مع بعض : اما عاد

قالت لي شجن بهمس : لفي بس عنها .. هذي ماعندها ذوق

قالت حنان : والله ذوقي احلى من ذوقك

عضت على شفايفها شجن وقالت : سمعتنا

هذي اذنها .. اذن ارنب .. وشلون ماتبينها تسمع

ناظرت في الريم وهي تجلس على الكوشه .. بصراحه رهيبه .. سمعت امي تقول : هلا ام سلمان .. شخبارك

لفيت عليها .. شفت الحرمه تسلم عليها وتقول : بخير الحمد الله .. بس ابي اسألك هذي بنتك ؟

اشرت امي على حنان وقالت وهي تبتسم : ايه هذي بنتي حنان

اشرت علي وقالت : لا اقصد هذي

اختفت الابتسامه من شفايف امي .. وقالت : اها .. ايه بنتي الهنوف


................................


** محمد **

كنت جالس برا مع فارس وخالد ونايف ومشعل وفيصل وابوي والرجاجيل يعني .. طفشت .. روحي بتطلع .. ابي ادخل اشوف الريم .. ورهف مو راضيه تعطيني اشاره عشان ادخل .. دقيت على جوالها .. ردت : الووو هاه محمد

قلت : متى بدخل

قالت :بعد ربع ساعه

اوف كثير ..قلت لها : طيب .. باي

قفلت ..وجلست اروح واجي .. وبعد عشر دقايق .. دقت علي مره ثانيه .. تقول : يللا محمد تعال عند الباب .. انا وامي ننتظرك

رحت بسرعه .. ماصدقت على الله .. دخلت .. و يوم وصلت للريم .. بست راسها .. ووقفت بجنبها عشان نصور .. ما اقدر اوصف لكم شكثر كانت حلوه ..تجنن .. ملكة جمال .. جلست معاها على الكوشه .. قلت لها : مبروك عليك

قالت : الله يبارك فيك .. مبروك عليك انت بعد

قلت لها : الله يبارك فيك .. ريمي .. انتي احلى عروس شفتها بحياتي

قالت : ليه كم عروس شايف ؟

ضحكت وقالت : ماشفت غير حبيبتي اللي واقفه قدامي

جات رهف عشان تصور معنا .. ومن بعدها امي وسعد صوروا معنا بعد .. شوي ودخل ابو الريم مع اخوها خالد وفارس .. صوروا معنا وباركوا لنا .. شوي و راح فارس مسك المايك والقى قصيده عشان الريم قصيده انا مستغرب من جراءته .. بس اعرفه فارس ماألقى القصيده .. الا عشان يتخبلون عليه البنات .. احسه مغرور بزياده .. عكس اخوه خالد متواضع .. الا صح وين اخوي يوسف ؟؟.. مو معتبر لعرسي اي اعتبار وش هالاخ الفاشل


.................................
يوسف **


كنت راجع مع اخوياي الشقه .. بعد ماسرقنا اووه سوري قصدي نظفنا محل لأجهزه كهربائيه .. دخلنا وجلسنا .. قال ياسر : يللا شباب كل واحد ياخذ نصيبه من هالتنظيف

جلست ادخن بدون اي اهتمام ..قال عبد العزيز : مثل ما اتفقنا .. اكثر واحد يخاطر بنفسه .. ياخذ النصيب الاكبر من التنظيف

قال ياسر : يعني يوسف ياخذ النصيب الاكبر

قلت انا : طبعاً

بعد ما اتفقنا على كذا .. وقف حمد وقال : انا بعد خاطرت بنفسي .. يعني تعطوني مثل اللي عطيتوه ليوسف

ضحكت بسخريه وقلت : وش جالس تخربط .. استريح مكانك بس ياشيخ

قالوا ياسر وعبد العزيز : صحيح حمد انت تاخذ نفس اللي اخذناه حنا .. مو نفس اللي اخذه يوسف

قال بعصبيه وهو يصارخ ويأشر بصبعه : قسم بالله ان ماعطيتوني مثل اللي عطيتوه يوسف .. بعلم عليكم واحد واحد

وقفت وقلت : علم وتشوف شي عمرك ماشفته

قرب مني وحط يده على رقبتي ..بعدت يده .. وطلعت سكين من جيبي .. خاف وبعد عني على طول

قال ياسر : لا يوسف استهدي بالله مانبي مشاكل

قلت ببرود : خلوا هالكمخه .. يتقلع عن وجهي .. وانا مابسوي مشاكل

قال عبد العزيز .. وشكله خايف : عطوا حمد اللي يبيه وفكونا

دخلت السكين بجيبي .. قلت وانا اهز راسي : لا ماياخذ اللي يبيه .. على كيفه السالفه

وقف حمد يبي يطلع من الشقه .. سحبته ورميته على الارض .. وقلت : انثبر مكانك وبلا لعب بزارين

~~)(~~خبروه اني على وصله حيت
وان تفارقنا ترى موتي دنا ~~)(~~

سمعت نغمة جوالي ..ناظرت هنا وهناك .. شفت الجوال على الكنبه .. رحت اخذته عشان اشوف من اللي يتصل شفت ..%بسام n%يتصل بك ..اممم هذي نوال ..لازم ارد عليها .. لانها خويتي الجديده

لفيت على هالشله الزفته .. وقلت : المهم تفاهموا مع بعض .. وعطوا هالثور اللي يبيه .. اهم شي نصيبي مايتغير

دخلت الغرفه ..رديت عليها : هلا وغلا نونو حبيبتي .. اخبارك

قالت : بخير .. وانت

قلت : تبيني اسمع هالصوت .. وما اصير بخير ؟

ضحكت وقالت : ليه مارديت علي بسرعه

قلت لها بسرعه : لاني الحين في الشركه .. وابوي معي .. فمارديت على طول

قالت مستغربه : الشركه هالوقت ؟

وش تبي ذي بعد ماتصدق .. وش اقول لها .. قلت : لان اليوم عندنا شغل كثير

قالت : الله يوفقك

قلت : الجميع

سكتت شوي .. وقالت : يوسف انا ابي اسالك سؤال مهم

قلت : اسألي يابعد عمري

قالت : انت تعرف وحده اسمها مي ؟

مي ؟؟ مر علي هالاسم قبل .. بس وين ؟؟... وين ياربي .. ايه صح ميوه الدبه الخايسه .. اللي رقمتها في سوق الراشد .. بسوي حالي مو ذاكرها .. قلت : اي مي .. ما اعرف وحده بهالأسم !!

قالت : يوسف قول الصراحه .. لاني شفت رقمك في جوالها .. وحافظته بأسم (نور عيوني )

عمى بعيونك .. قال نور عيني قال ..قلت : ايه مي .. صح ذكرتها .. هذي هي اللي عطتني رقمها .. ولاصقه فيني .. ولا انا ما ابيها .. لان مافيه بقلبي الا انتي .. يالبى قلبك

قالت بوناسه : والله يوسف .. حتى انا مافيه بقلبي الا انت

كذا البنات .. تضحك عليهم بكلمتين


.......................................
]** فيصل **

كنت انتظر امي وخواتي .. عشان نرجع البيت .. شفت نايف واقف عند سيارته .. حاط يده على خصره .. واليد الثانيه ماسك فيها الجوال .. وبجنبه وحده.. اكيد نجود .. رحت لعنده .. سمعته يقول وهو معصب : اوه مشعل جواله مقفل

قلت : نايف وش صاير

قال.. بعد مارجع الجوال بجيبه : مدري وش فيها سيارتي ماتشتغل .. ومشعل اخذ زوجته وامه وراح .. ومقفل جواله

قلت : افا عليك .. تعال معي .. انا الحين برجع امي وخواتي

ناظرني بنص عين .. وقال : انا بجي معك .. بس مو تجلس كل دقيقه والثانيه تقول لي .. انا وصلتك .. وانا وديتك .. مسوي فيها تمن علي

ضحكت وقلت : امش بس

المهم ركبنا السياره كلنا .. نجود وامي وحنان والهنوف ورا .. وانا ونايف قدام

كنت حاط اغنية نبيل شعيل ( مانسيتهم )

قالت حنان شي ماسمعته .. قلت : وشو حنان تكلميني

قالت بصوت هادي : اقولك غير الاغنيه .. ما احب الاغاني الرجه .. احب الاغاني الهاديه الرومنسيه

قلت : غريبه حنان تتكلم بهدوء .. مو على غير العاده

قالت : فيصل عاد

قالت الهنوف : خليها الاغنيه احبها

قلت : وانا اقول نايف على من طالع يحب هالاغاني .. اثاريه على اختي الهنوف .. على العموم بغير الاغنيه

قال نايف : اووه .. لا تحط لنا اغانيك البايخه .. خلاص خل هالاغنيه

خليتها .. وصلت بيتنا .. اول ماوقفت قال نايف : وش فيك نسيتنا ؟ .. ماراح توصلنا

قلت : ايه صح نسيت انكم معي.. بنزل الاهل اجل .. وبوديكم

هز نايف راسه وقال : مايعتمد عليك

المهم نزلت الاهل .. ورحت بيت نايف .. وقفت قلت لنايف : نايف الله لا يهينك جيب لي مويه

ناظرني وقال : من انت عشان اجيب لك مويه

قلت بملل : بدينا

قال : ماينمزح معك انت .. الحين انا بدخل بشرب مويه وبجيب لك معي ؟

نزل نايف.. ونزلت نجود وراه ..ناديتها : نجودوه .. نجودوه

قالت وواضح انها تعبانه ومالها خلق : اسمي نجود لو سمحت

قلت : زين نجود .. اخبارك ؟

قالت : الحين تناديني عشان تسأل عن اخباري ؟

قلت : وش فيها يعني .. وبعدين غريبه .. ليه مغطيه وجهك عني

قالت : اولاً حاطه في وجهي ميك اب .. ثانياً انا حره اغطي وجهي وقت مابغيت

قلت : اول مره اسمع ناس تحط لها في وجهها سفن اب

قالت : تستهبل

ايه جات في بالي فكرة نذاله .. بسوي حالي افتح وجهها .. بشوفها وش تسوي

قربت منها .. ومديت يدي بشويش .. مسكت الغطا .. صرخت صرخه قويه .. فقعت اذني .. بعدت عنها بسرعه

جا نايف يركض .. يقول : وش صاير .. وش فيها نجود

خفت من نايف يوم جا .. ماتوقعت ردت فعلها كذا .. قلت : شافت حشره ووووو .. ووووو

قال : علقت على حرف الواو ؟؟

كملت كلامي : ووو جلست تصارخ

قال نايف : جودي ادخلي داخل .. عشان ما تشوفين حشرات .. صحيتي النايمين الله يهديك

قالت بصوت واطي وهي تمشي : اوريك

لفيت وجهي .. عشان لايشوفني نايف وانا اضحك


..............................................
ابها .. الساعه : 2:30 مساءًُ
_______________


** الريم **


رجعنا من العرس امس انا ومحمد تعبانين .. مانمنا الا الساعه 6 الصبح .. وصحينا الساعه 9 .. عشان نجي لأبها .. مامداني حتى اروح لأهي .. كلمتهم في التلفون .. وكلمت رهف بعد .. اول ماوصلنا هنا محمد كمل نومه .. بس انا مو نعسانه .. جايبه لي كرسي جالسه عليه .. وفاتحه الدريشه .. الهوا هنا جنان .. ليت جونا كذا

سمعت صوت محمد يقول : ريمي قلبي قفلي الدريشه .. الشمس على عيوني

وقفت ورحت عند السرير .. وقلت : اي شمس .. مافيه شمس .. قوم عاد .. مو مخليني لحالي ونايم

غطى وجهه وقال : بس شوي

سحبت الغطا وقلت : حبيبي يللا عاد .. قوم .. نبي نروح نتغدا

ماطاع يقوم .. اخذت الجوال

فتح عيون وحده وقال : وش بتسوين

قلت : دام انت نايم وانا جالسه لحالي .. اكلم اهلي احسن

قام على طول .. سحب من عندي الجوال وقال : اي تكلمين اهلك .. الظاهر التنكيت صار من هواياتك

ضحكت وقلت : اجل يللا قوم

وقف وقال : طيب حبيبتي .. هذا انا قمت .. روحي تلبسي .. وانا بصلي وبلبس .. عشان نطلع ..لا تلبسين صيفي .. ترا الجو بارد

.
.
.

طلعنا من الشقه .. ورحنا مطعم تغدينا .. بعدين جلسنا نتمشى ونسولف .. شفنا ولد صغير يشرب عصير ..يجنن .. مسكه محمد .. ونزل نفسه عشان يصير بطوله .. قال له : وش اسمك ياقمر

قال الولد : محمد

قال محمد : حتى انا اسمي محمد .. اجل تقرب لي

وجلسنا نضحك .. انقهر منا الولد .. الظاهر حسبنا نضحك عليه .. كب العصير اللي بيده .. علي .. وراح يركض

وقف محمد .. وراح يركض وراه وهو يصارخ (( والله لوريـــك )) .. بدال ما اعصب .. جلست اضحك على شكل محمد وهو يركض ورا الولد .. مسكه محمد .. حمله وجابه لعندي .. والولد يرافس .. قال له : اعتذر منها

قال الولد : ما ابي

وانا ماوقفت ضحك .. قال محمد : غصب عنك تعتذر .. ولا شفت النافوره اللي هناك .. برميك فيها

قال الولد بخوف : لا الله يخليك لا ترميني .. برد

قلت : محمد خله عاد .. صغير مايدري

قال محمد : يللا اعتذر من زوجتي

قال الولد : انا اسف

حطه محمد على الارض .. وقال : يللا روح

من راح الولد .. لف علي محمد .. وقال : تبللتي كلك

قلت : لا .. بس العبايه راحت فيها

قال : حياتي بتبردين

مسكني وكمل كلامه : اجل بحملك وبنرجع الشقه

شلت يدي من يده بسرعه وقلت : حمودي وين تحملني .. ترانا في ابها .. مو في باريس

حك راسه وقال : مو هنا المشكله .. المشكله ان الجو مره بارد .. وبتمرضين ان جلستي كذا

فصخ الجاكيت اللي عليه .. وحطه على كتوفي .. مسك يدي وقال : امشي حبيبي .. بشتريلك عبايه جديده .. السوق قريب من هنا

هزيت راسي ومشيت معه .. وفرحت في نفسي لان محمد يهتم فيني ويحبني اكثر من نفسه .. مثل ما انا احبه واموت فيه


^*^
/
\
/
\
/
\
/
\
/
^*^


**** نهاية الجزء الثامن عشر ****

[لامارا]

...:::][ الجزء التاسع عشر][:::...


____________
بيت العمه .. الساعه : 4:00 مساءً
____________


** حنان **


كنا كلنا متجمعين في الصاله .. الهنوف جالسه تلعب مع وليد بلاي ستيشن .. وانا جالسه اسولف مع امي عن عرس الريم .. سألت امي اذا شافتها حلوه اولا .. قالت عاديه .. انا اشوفها اقل من عاديه .. اممم اويمكن حلوه شوي .. لالا وش حلوه شوي وش جالسه اقول انا .. الا شينه وتفشل بعد ..طالعه على خويتها رهفوه

قالت امي : تدرين .. احس كل الحريم اللي في العرس .. يناظرون فيك ياحنان .. اشكالهم تقول من بنته هالمزيونه

لفيت وجهي .. وقلت بقهر : لا تضحكيني يمه .. لاناظروا فيني ولاشي .. كله من هذي الشينه هنوفوه .. لو ماجات معانا احسن .. انا قلت لك يمه مانبيها .. خربت علي ..تخيلي .. إلى طلعتنا من العرس .. والحريم يسألون عنها ويناظرونها .. ابي افهم وش شايفين فيها .. ودي اخذها وارميها بعيد .. اوف مقهوره منها مره .. موقادره حتى اناظر فيها

سمعتها تقول : وش دخلني انا

قلت بصوت عالي شوي : ولا كلمه .. ما ابي اسمع صوتك ..انتي اصلاً حقوده .. وتغارين مني .. وتبين بس تقهريني .. مدري على مين طالعه

قالت امي : حنان حبيبتي خلاص ..الهنوف صادقه وش دخلها .. ماسوت شي

من القهر لفيت على وليدوه .. وصرخت عليه : انت وش فيك مبسط في بيتنا من الظهر .. ماعندنا احد بعمرك عشان تجي

قالت الهنوف : حنان وش تقولين ..هذا بيت خالته يجيه بأي وقت ..وبعدين انا اللي قلت له يجي يلعب معي بلاي ستيشن

قلت : لانك بزره .. اجل وحده بعمرك تلعب بلاي ستيشن

قالت : اجازه وماعندنا شي

اقوم عن هالمجانين احسن لي .. قسم بالله متخلفين من كبيرهم لصغيرهم

قمت عنهم ورحت الصاله .. مسكت التلفون ودقيت رقم بيت خالي .. لعلى وعسى يرد علي نايف البارد

.. : الـــو نعـــم

ايه هذا نايف ..صدقوني نايف .. اعرف صوته .. لازم ادلع صوتي شوي

قلت بدلع : الــو .. السلام عليكم

قال : وعليكم السلام ورحمة الله وبركاته

بسوي حالي مو عارفته : كيف حالك مشعل

قال : والله بخير نحمد الله .. بس انا نايف مو مشعل

ضحكت ضحكه هاديه وقلت : اسفه والله اعذرني نايف .. تعرف يعني مانسمع اصوات بعض كثير بالتلفون .. فمانميز

توقعت بعد كلامي .. يسألني من انا .. بس طنش كلامي وقال : امري اختي ؟

ثقله هذا يقهرني .. ابيه يعرف ان اللي تكلمه حنونه بنت عمته .. قلت له : لحظه نايف

بعدت السماعه شوي عني .. وقلت بصوت كله طيبه وحنيه : وليد حبيبي مو قلت لك الف مره لا تركض .. حياتي اخاف عليك تطيح وتتعور .. وحنا ماعندنا غير لودي واحد

سكت شوي بعدين قلت : ايه وليد بشتري لك اليوم شوكولاته .. ولعبه مثل ماوعدتك

وقفت عن الكلام .. خفت يطب علي احد ويقول مجنونه اكلم حالي .. قلت : الووو

قال : الووو

قلت وانا اضحك بنعومه : هذا وليد .. ياحليله

قال : اهــــا .. شجن .. اخبارك ؟

يووه حسبني شجن .. قلت بسرعه : لا انا مو شجن .. انا حنان

قال : تبين نجود ؟

قلت : ايه

قال : راحت بيت صديقتها مع رهف .. تبيني اوصل لها شي

اوريك نجودوه .. تاخذين لي هالدبه رهفوه .. وتدورين معها من مكان لمكان .. وين ايام اول .. ماتطلعين الا معي ..قلت : سلامتك .. بس سلم لي على رغوده حبيبة قلبي

قال : ان شاء الله

قلت : مع السلامه

قال : الله معك
حسيته يبي بس يقفل .. بس انا وراك يانايف والزمن طويل .. ان ماخليتك تموت في الارض اللي امشي عليها .. ما اطلع حنان بنت مشاري


.
.
.


ركبت غرفتي .. خشيت النت .. فتحت ايميلي .. كان مره زحمه

÷÷÷÷÷÷÷÷÷÷÷÷÷÷÷÷

اّ اّ اّ العزه والثقه بذاتي ..وتاج الملك طموحي اّ اّ اّ : السلام عليكم

هذا احمد .. اللي كان نكه {1+4=8 وجهة نظر } .. ذكرتوه ؟

قلت .. ]¦[بزيني عرفوني]¦[** ومن دلعي حبوني ]¦[ : وعليكم السلام هلا وغلا احمد

اّ اّ اّ العزه والثقه بذاتي ..وتاج الملك طموحي اّ اّ اّ : هلا بك زود .. اشتقت لك

]¦[بزيني عرفوني]¦[** ومن دلعي حبوني ]¦[: وانا اكثر

بعد فتره من الصمت

اّ اّ اّ العزه والثقه بذاتي ..وتاج الملك طموحي اّ اّ اّ : وعد ممكن انصحك نصيحه ؟؟

]¦[بزيني عرفوني]¦[** ومن دلعي حبوني ]¦[: ممكنين

اّ اّ اّ العزه والثقه بذاتي ..وتاج الملك طموحي اّ اّ اّ : لو ما اعزك مانصحتك هالنصيحه

]¦[بزيني عرفوني]¦[** ومن دلعي حبوني ]¦[ : طيب وشهي النصيحه

اّ اّ اّ العزه والثقه بذاتي ..وتاج الملك طموحي اّ اّ اّ : وعد بصراحه انتي معروفه مره بالشات ..مافيه واحد ماعنده رقمك .. انا اقدر اصير مثلهم واخذ رقمك .. بس انا ما ابي .. ماتعجبني البنت اللي تكلمني وتكلم عشره غيري .. تعجبني البنت الثقيله .. اللي تكلمني بس انا

]¦[بزيني عرفوني]¦[** ومن دلعي حبوني ]¦[: وش قصدك يعني انا خفيفه ؟

اّ اّ اّ العزه والثقه بذاتي ..وتاج الملك طموحي اّ اّ اّ : ماقلت كذا .. وعد انتي بنت ولا كل البنات .. شخصيتك حلوه .. قويه مرحه حبوبه .. وربي تجننين .. بس لا تعطين رقمك اي واحد .. ماتخافين على نفسك .. صرتي معروفه .. كل الشباب يعرفونك

خل يولي هالغبي .. اصلاً هذا شات محد يعرف الثاني .. وش عرفهم انا مين .. بطنشه وبكلم غيره .. وربي قهرني .. انا بدون شي مقهوره من هنوفوه .. يجيني احمدوه بعد


÷÷÷÷÷÷÷÷÷÷÷÷÷÷÷÷

$$ دنـــ الــ،،ــوــلـــ ـ ـ ـ ـه ــيــــا $$ : ولــكــــمــوووو وعد المتغليه

]¦[بزيني عرفوني]¦[** ومن دلعي حبوني ]¦[: يسلمووووووو .. بس ليه انا متغليه

$$ دنـــ الــ،،ــوــلـــ ـ ـ ـ ـه ــيــــا $$ : ماتردين علي اذا دقيت على جوالك

]¦[بزيني عرفوني]¦[** ومن دلعي حبوني ]¦[: والله انا ما اعرف اتغلى .. لو اعرف تغليت .. بس مشغوله هالايام

$$ دنـــ الــ،،ــوــلـــ ـ ـ ـ ـه ــيــــا $$ : اهــــــا

ياربي طفشني .. صار له 5 دقايق ساكت .. برجع لاحمد بشوفه وش كاتب


÷÷÷÷÷÷÷÷÷÷÷÷÷÷÷÷


اّ اّ اّ العزه والثقه بذاتي ..وتاج الملك طموحي اّ اّ اّ : وينك

اّ اّ اّ العزه والثقه بذاتي ..وتاج الملك طموحي اّ اّ اّ : زعلتي ؟؟

اّ اّ اّ العزه والثقه بذاتي ..وتاج الملك طموحي اّ اّ اّ : خلاص اسحب نصيحتي

اّ اّ اّ العزه والثقه بذاتي ..وتاج الملك طموحي اّ اّ اّ : وعد ترا وربي بطيرك بلوك

الا البلوك .. احمد من الناس المميزين بأيميلي .. برد عليه لا يطيرني بلوك جد

]¦[بزيني عرفوني]¦[** ومن دلعي حبوني ]¦[: انا زعلانه

اّ اّ اّ العزه والثقه بذاتي ..وتاج الملك طموحي اّ اّ اّ : يؤيؤيؤ ..لبى الزعلانين .. وش اللي يرضيك

]¦[بزيني عرفوني]¦[** ومن دلعي حبوني ]¦[: انت شوف عاد

اّ اّ اّ العزه والثقه بذاتي ..وتاج الملك طموحي اّ اّ اّ : امممممم بوريك صورتي

يـــأي وناسه من زمان ابي اشوف صورة احمد

]¦[بزيني عرفوني]¦[** ومن دلعي حبوني ]¦[:يللا بشوف

ارسل لي الصوره .. وجالسه انتظرها توصل .........
ايه ايه هذي هي وصلت

فتحت الصوره .. وفتحت عيوني معها .. احمد يجنن .. ماتوقعته كذا .. ياربي وسيم .. لابس ثوب وشماغ وجالس على كرسي فخم .. مره حركات ,, قربت وجهي للشاشه .. ودققت في ملامحه .. فجأه انصدمت
انا هالاحمد شايفته قبل .. ومو من زمان بعد .. ياربي وين شفته .. وربي مو غريب علي

]¦[بزيني عرفوني]¦[** ومن دلعي حبوني ]¦[ : يا الله مملوح .. بس شكلك مو غريب علي

اّ اّ اّ العزه والثقه بذاتي ..وتاج الملك طموحي اّ اّ اّ : ايه طبعاً .. كل يوم تشوفيني

كل يوم اشوفه ؟؟ من جده هذا

]¦[بزيني عرفوني]¦[** ومن دلعي حبوني ]¦[ : وين تشوفني ..؟

اّ اّ اّ العزه والثقه بذاتي ..وتاج الملك طموحي اّ اّ اّ : انسي الموضوع

]¦[بزيني عرفوني]¦[** ومن دلعي حبوني ]¦[ : مستحيل انسى

اّ اّ اّ العزه والثقه بذاتي ..وتاج الملك طموحي اّ اّ اّ : وش فيك امزح معك

]¦[بزيني عرفوني]¦[** ومن دلعي حبوني ]¦[ : احلف انك تمزح ؟

اّ اّ اّ العزه والثقه بذاتي ..وتاج الملك طموحي اّ اّ اّ : صدقيني

]¦[بزيني عرفوني]¦[** ومن دلعي حبوني ]¦[ : ههههههههههه .. اوكي

مالت عليه وعلى مزحه

.........................

__________________
بيت صديقة نجود .. الساعه :5:00 مساءً
__________________

** رهف **

الجلسه في بيت صديقة نجود ماتنمل .. بصراحه صديقتها قمه في الاخلاق .. والاحترام والتواضع

كانت تقول لي : ترا انا من زمان اقول لنجود .. ابي اشوفك .. بس هي الظاهر تغار عليك .. وماتبي احد يشوفك

قالت نجود : طبعاً .. زوجة اخوي الكبير

ضحكت وقلت لها : حتى نجود تسولف عنك كثير

عدلت شعرها .. وقالت بدلع : قولي والله

ابتسمت لها وقلت : والله


~~)(~~ ماقدرت اصبر ثواني في غيباك عن مكاني
انا عنك ماتصبر عودي يابسمة زماني ~~)(~~

جوال نجود يرن .. فتحت شنطتها .. وطلعته .. قربته من اذنها .. وقالت : هلا نايف .. انت عند الباب .. اوكي الحين بنطلع .. باي

وقفت وقالت : يللا نشوفك على خير

قالت : على خير ان شاء الله.. نجود خلي رهف على طول تجي معك .. لا تقطعون

قالت نجود : ان شاء الله حبيبتي

قلنا : مع السلامه

قالت : في حفظ الرحمن

طلعنا من بيتهم .. شفنا نايف مسند ظهره على السياره من الجهة الثانيه ورافع راسه يناظر فوق .. يعني حنا نشوفه وهو مايشوفنا

قالت لي نجود : اسكتي بخرعه

قلت لها : حرام عليك

تقدمت له بشويش وقالت : بـــووه

ماتحرك .. ظل على نفس الوضعيه .. قال ببرود : خلصتوا

ضحكت نجود وقالت : خساره ماخرعتك

طنشها وماضحك معاها بس قال : رهف وينها

قالت : وراي

قال : اجل يللا

قربت منه نجود وقالت : نايف وش فيك

هز راسه .. وركب السياره

ركبت نجود قدام .. وركبت انا ورا

كان نايف طول الوقت ساكت .. على غير العاده

قلت انا : جودي صدق انك اخت مدري وش اقول عنها .. اسألي اخوك وش فيه

قالت بأندفاع : لا والله اجل انا وش سويت قبل شوي .. ماسمعتيني وانا اقول له ’’ بنبره حنونه ’’ نايف وش فيك

قلت انا قاصده نايف يسمعني : مايخالف اسأليه مره ومرتين وثلاثه

انا قصدي بالعربي نايف وش فيك لاني متأكده ان فيه شي .. صحيح انا الحين متعوده على نايف .. واعتبره مثل اخوي محمد .. لاني اشوفه 24 ساعه مو مثل قبل استحي حتى اكلمه .. بس مدري ليه مستحيه اسأله وش فيه واخته ماسألته الا مره

لفت علي نجود وقالت : اذا سألته مره ومرتين وثلاثه تهقين يستجيب ؟؟؟

قلت وانا اهز راسي : ايه اتوقع

مع هذا نايف ولا كانه يسمعنا .. مدري هو سرحان .. او قاصد يطنشنا

فجأه وقف السياره على جنب .. وحط راسه على الدركسون

مسكت كتفه نجود وقالت بخوف: وتقول مافيك شي

رفع راسه وطلع الجوال من جيبه .. واليد الثانيه كان حاطها على راسه

سمعته يقول : الووو هلا مشعل .. شخبارك .. ابد سلامتك بس انا الحين موقف السياره في الشارع .. تعبان شوي .. ومعي نجود ورهف .. ما أخاطر اسوق بهالحاله وهم معي .. ابيك تجي تاخذهم وترجعهم البيت .. وانا بروح المستشفى قريبه خطوتين وانا هناك .. هاه وش قلت ؟ ...,, بصوت عالي’’ .. ماتقدر؟؟ .. أي شغل اللي عندك هالوقت .. اسمعني مشعل زين .. انا يوم قلت ( هاه وش قلت) مو قصدي اخذ رايك ترضى اولا .. انت ملزوم تجي تاخذ نجود لانها اختك ورهف لانها زوجتك .. انا لو لحالي كان ماطلبت منك هالشي .. بس انــ .. اقولك ما اقدر اسوق السياره ..’’ بدا يعصب ’’ ,, وش اللي سوق ولا عليك وربك بيحفظكم .. انا الغلطان اني دقيت لك .. فمان الله
وشو يعني مشعل مو راضي يجي ياخذنا ؟؟ .. مو كفايه ماجابنا .. الا موراضي يرجعنا بعد ؟؟.. قسم بالله ماعنده مسؤوليه .. ما الوم نايف يوم عصب .. يقهر والله يقهر

شافت نجود اخوها كيف متضايق فقالت له : مايخالف نايف .. خلي السياره هنا .. وبنروح معك حنا المستشفى

قال : لالا مايصير .. المستشفى بعيده وما ابيكم تمشون

قلت بسرعه : اجل ليه تقول لمشعل المستشفى قريبه خطوتين وانت هناك ؟؟

قالت نجود : ايه والله اشوف غيرت كلامك .. وثانياً حنا نحب نتمشى .. ’’ بمزح ’’ .. لا تخاف مو عشانك .. عشان انفسنا لان انا ورهف .. كنا بنسوي ريجيم بس الحين غيرنا راينا .. من اليوم ورايح بنمشي عشان نضعف .. صح رهف

قلت : ايه صح انا قلت لك من اول المشي احسن من الريجيم ماطعتيني

فطس من الضحك وقال : المشكله ما اقدر عليكم لا صرتوا ثنتينكم علي .. من وين تجيبون الكلام مدري .. كل وحده اضعف من الثانيه .. قال يضعفون قال ههههههههههه .. يللا ننزل نتمشى لاني ابي ’’ غمض عيونه وشكله مره تعبان .. رجع ابتسم ’’ لاني ابي بعد اضعف معاكم

ضحكنا انا ونجود ونزلنا من السياره

مشينا شوي .. وفجأه......... وقف نايف .. مسك عمود الكهرباء اللي بالشارع .. وصرخ : آآآآآآآي

مسكته نجود وقالت : وش صايـــــر .. نايف رد علي

غمض عيونه وقال بصعوبه : نجــ ... نجــود .. بموت .. ما اقدر امشي

وقف قلبي يوم قال بموت .. وش فيه نايف .. مستحيل يكون تعب بسيط

هزته نجود وقالت : نايف وش اللي يعورك .. قول لي

جلس على الارض وحط يده على بطنه : تعبان مره .. كل شي فيني يعورني .. خلاص انا احس اني بموت .. ارجعوا السياره

طاحت دموع الخوف من عيوني غصب عني .. صرخت على نجود : خذي جوالك وكلمي احد بسرعه .. لا توقفين كذا

قالت نجود برتباك وهي ماسكته : اكلم مين يعني .. مشعل مابيجي .. رهف نايف بيموت علينا .. لا تبكين الحين لازم نتصرف .. شوفي حل الله يخليك


.........................................
__________________
ابها .. الساعه : 5:00 مساءًُ
_______________


** محمد **

دخلت مع الريم محل العبايات .. جلست تناظر ساعه .. بعدين قالت لي : يللا نمشي محمد

قلت : ليه ما اخذنا العبايه

قالت : اممم .. ماعجبني شي .. العبايات اللي هنا مو كشخه

قلت وانا رافع حاجب : اقول ريوم .. خذي لك عبايه

قالت : ما ابي من هنا .. خل نروح محل ثاني

سلامات .. وش اللي ماتبي

قلت بأصرار : ريوم قلت لك خذي عبايه

قالت بضيق : طيب

ولفت عني تناظر للعبي

مشكلتي ما احب اضايقها .. فقلت لها : حياتي خلاص امشي نروح محل ثاني

قالت : لاخلاص باخذ من هنا .. فيه عبايه عجبتني

قلت : اللي يريحك حبيبتي

.
.
.

طلعنا من المحل .. وعليها العبايه الجديده .. مشيت معاها على الرصيف وانا ماسك يدها .. واهز الكيس اللي بيدي ’’ فيه عبايتها القديمه ’’

كنا ساكتين قطعت ريوم السكوت بأغنية نانسي عجرم .. احساس جديد : انا ما بدي تألي كلام .. يدوب ألبي حنين وغرام .. بيكفيني تألي بحبك ...

قاطعتها .. وقلت وانا اناظر فيها : بحـــبـــك

ضحكت وكملت الاغنيه : هيدي الكلمه بتأتلني

ابتسمت وقلت : ريمي صوتك يجنن

قالت : احم .. تسلم حياتي .. طيب غنيلي انت

قلت : اما عاد .. لو اغني لك تندمين انك تزوجتيني

قالت : مو لهذي الدرجه ... يللا غني

ادري اني لو ماغنيت بتزعل علي .. خل اسوي نفسي زعلان عليها قبلها .. تركت يدها وقلت : ترا بزعل

ابتسمت وقالت : بأي مناسبه تزعل

تقدمت وصرت امشي على ورا .. يعني وجهي بوجه الريم

وقلت : مايخصني راضيني

ضحكت وقالت : حمودي .. امشي عدل يا الدلوع

قلت مثل البزارين : ما ابي ما ابي .. مو انا زوجك وحبيبك وعمرك و.....

قاطعتني وقالت : وقلبي وحياتي ودنيتي

قلت : اجل يللا راضيني

رفعت راسها تفكر .. نزلته وناظرت قدام .. فجأه صرخت : مــــحـــمـد وراك

مامداني الف اشوف وش صاير .. الا وانا احس نفسي اطيح على ورا

مسكت يدي الريم تحاول تسحبني ..بس مستحيل يد الريم تسحب جسمي .. فطحنا مع بعض

تبين لي ان الرصيف انتهى .. جلست اناظر في الناس وهي ميته ضحك ..صحيح كانوا شوي بس مهما كان ..الموقف محرج

ناظرنا انا والريم بوجه بعض في نفس الوقت .. ومتنا ضحك على انفسنا ههههههههههههههههههههههه
بس وقفت ضحك يوم شفت عبايتها اللي من فوقها لتحتها مويه .. لان ليلة امس كان عندهم مطر .. حطيت يدي على خدي وقلت : الفلوس اللي عندي بتروح كلها على العبايات .. يالله من فظلك ارحمني

.......................

___________
الشارع .. الساعه :5:30 مساءً
___________


** نايف **


’’ من جد جبانات وينضحك عليكم بسرعه ههههههههههههههههههههههههه ههههه ’’

هذي الجمله قلتها لرهف ونجود .. يوم شفتهم مصدقين كذبتي .. وبيموتون من الخوف .. بس وش رايكم فيني ممثل خطير صح

جاتني ضربه على كتفي بشنطة نجود .. وقالت لي : نيوف يا النصاب .. نهون عليك توقف قلوبنا كذا

مسحت على كتفي وقلت :ااي وش هالعنف .. انا قلت لكم من السياره تعب بسيط يعني ماكذبت .. بس الحين كنت اختبر غلاتي بقلوبكم

قالت لي نجود : امحق اختبار .. خرعتنا

اشرت على رهف وقالت بصوت خفيف : شوف سخافتك وش سوت .. خليت بنت الناس تبكي .. يرضيك كذا

سكت وانا اناظر في رهف .. ليه بكت .. لانها ماعرفت وش تسوي بهالموقف ؟ .. لا رهف تبكي لانها خايفه علي ؟؟ .. معقوله اخذت في الاختبار عشره على عشره !!!!!!

قلت : رهف انا اسف خرعتك .. بس ماتوقعتك حساسه لهذي الدرجه

قالت نجود : تحسبها مثلك ماحسيت فينا يوم تخرعنا .. بعدين ماتستحي تمثل علينا بالشارع ؟ .. صدق جراءه

قلت وانا للحين اناظر في رهف : هذا انتي قلتها حنا بالشارع .. يعني مايصير نوقف كثير .. يللا نمشي



قلت وانا للحين اناظر رهف : هذا انتي قلتها حنا بالشارع .. يعني مايصير نوقف كثير ..يللا نمشي

بعد كلامي هذا مشينا حنا الثلاثه للمستشفى ..كانت قريبه عشان كذا ماطولنا وحنا نمشي .. اول مادخلنا .. اشرت على كرسي وقلت : اجلسوا هنا انتظروني لا تتحركون ما بطول

رحت جبت لرهف مويه .. ورجعت .. مديته لها .. هزت راسها وقالت : لا موعطشانه

قلت : ميخالف اشربي

اخذت المويه من عندي وشربت شوي

قالت نجود : وانا يمكن عطشانه

قلت لها : ((( يمكن )))

ومشيت عنهم

.
.
.

طلعت من عند الدكتور وانا مبتسم .. الحمد الله مافيني شي خطير .. الدوخه اللي قبل شوي من ضعف الدم والارق .. صحيح انا ماصرت اكل وانام زين .. عكس اول .. هذا اكيد فيصلوه حسدني قبل ما احط اللقمه بحلقي .. يقول لي ’’ بل عليك تاكل تاكل وجسمك مايتغير ’’ لارجعت بوريه وجه البومه

رحت للمكان اللي خليت نجود ورهف يجلسون فيه .. شفت نجود بس هي اللي جالسه .. من وصلت وقفت و قالت : هاه نايف بشر وش طلع فيك

قلت لها بجديه : وين رهف

قالت : الحين انا اسألك وش فيك

قلت لها : وانا اسألك وين رهف

قالت : اول قول لي وش فيك

قلت بعصبيه : جودي لا ترفعين ظغطي وقولي لي وين راحت

جلست وقالت : مدري

قلت : وشو ماتدرين انا خليتها تجلس معك

اخذت جوالها.. قالت وهي تحوس فيه : ماشفتها الا فجأه تقوم ..وين راحت ؟ مدري

رحت عنها بسرعه .. وانا اناظر هنا وهناك .. وين راحت .. ماشفتوها وين راحت ؟ .. انا قايل لها تجلس ولا تتحرك .. ماتسمع الكلام .. كله من جودي .. مفروض تسألها وين رايحه على الاقل

جلست ادور في المستشفى .. وانا اتحرطم واهدد

لحظه .. كأنها هذي اللي واقفه مع واحد ؟؟ ايه هذي هي .. بس من هذا الحمار اللي واقفه معه .. اليوم هذي اكيد تبي تجنني .. رحت لعندها والشر يتطاير من عيوني .. كنت بذبحها وبذبحه وقفت .. وانا أأشر بصبعي عليه بدون أي مقدمات : من انت ؟

قال بسخريه : حلوه هذي من انت .. انت اللي من

قلت بتهديد : بتتكلم ولا قسم بالله موتك على ايدي اليوم

قال بملل : خير انت وش تبي

طنشته وناظرت في رهف .. اشرت عليه من فوق لتحت بصبعي .. وقلت : من هذا ؟

قالت رهف بصوتها الهادي : نايف هذا اخوي يوسف

وربي جاتني صدمه .. مو صدمه عشان موقفي المحرج .. لا .. صدمتي الكبيره ان واحد من هالاشكال يكون اخو رهف .. لا وفوق هذا اول مره اشوفه .. ’’ معقوله ’’

قلت ببرود وانا ابعد الخصلات اللي طاحت على وجهي : اها .. العذر والسموحه اخوي .. كيف حالك ؟

قال بغرور : الحمد الله

ناظرت لرهف وقلت : يللا رهف عشان نرجع البيت

هزت راسها وقالت : مع السلامه يوسف وسلم على امي وسعد

قال : يوصل

قلت : يللا بالأذن

مشينا عنه .. قالت لي : نايف وش فيك ؟

قلت : مافيني شي .. بس لان يوسف ما اعرفه ..وشفتك واقفه معه .. مهما كان انتي اختي وبخاف عليك ان شفتك تكلمين واحد ما اعرفه

سكتت شوي وشكلها كانت تضحك .. وش فيها ذي ؟ .. ليكون ماعجبها كلامي

قالت : انا اقصد وش فيك .. يعني وش طلع فيك .. وش قالك الدكتور

ياذي الفشله .. قلت لها : احم ..لا الحمد الله مافيني شي ..مثل ماقلت لكم تعب بسيط .. بس بروح بعد شوي بجيب الادويه

قالت : اها الحمد الله

شفت الكفتيريا اللي بالمستشفى .. اشرت عليها وقلت لها : تبين شي

قالت : لا شكراً شبعانه

قلت : انا اصلاً ليه اسألك .. وانا ادري انك بتقولين لا ما ابي

قالت : نايف انا مو كذا .. لو كنت ابي بقول

قلت وانا اقلدها : ،، لو كنت ابي بقول ،، ايه هين

سكتت شوي و قالت : الحين من بيرجعنا البيت ؟

ضربت راسي وقلت : صح .. نسيتيني حتى ادق على فيصل .. واقول له يجيني

قالت : وليه انا اللي نسيتك

كنت بقول مدري عنك انتي واخوك .. بس بعدين سكت وقلت لها : امشي بسرعه عشان لا نتأخر على نجود

قالت بهمس : ايه صرف وش عليك

ضحكت وقلت : ان شاء الله
__________________
رحنا لعند نجود وكانت تكلم جوال .. وتقول : ايه نايف تعبان .. قسم بالله .. وليه ماتصدقيني .. طيب بحط سبيكر عشان تسمعين صوت الازعاج بالمستشفى

سمعت البنت تقول : لا ما اصدق نايف في المستشفى .. وش فيه فديته .. قلبي عورني ..و

شالت نجود السبيكر

نفس الصوت اللي سمعته قبل ما اجيب نجود ورهف .. يعني هذي حنان بنت عمتي ؟

قالت نجود : لا اخوي مو منوم في المستشفى .. فال الله ولا فالك .. مافيه داعي تجين المستشفى .. اوكي يوصل .. طيب .. باي

قفلت وهي تضحك وتقول : ياحليلها خايفه على ولد عمتها .. تسلم عليك

هزيت راسي وماعلقت .. قلت : يللا نمشي الحين بيجي فيصل

قالت نجود : احلف فيصل

قلت : ادري ماتبونه حتى انا ما ابيه .. بس مافيه الا هو ههههههههههههه

ضحكت وقالت : وش فيك عليه انت ؟؟

قال : امشوا بس لا نتأخر

قالت رهف : ماتغير عاداتك

ناظرتها وقلت : أي عادات ؟

سكتت ومشت

ناديتها وقلت : رهف .. انا اسألك

ماردت علي .. فقلت : طيب وش اللي تبيني اغيره في عاداتي على قولتك

لفت علي وقالت : هذا

كانت تأشر على السلسله اللي كنت لابسها

كملت كلامها وقالت : تراك بالسعوديه مو بأمريكا

بصراحه انحرجت وظليت ساكت اناظر فيها ساعه

قطع سكوتي اغنية بشار من قال اللي كانت نغمة جوالي


~~)(~~ لا تخلط اوراق الهوا كلاً ترا له مستوا
كانك على غيري قدرت اصابعك ماهي سوا ~~)(~~

رديت : هااه جيت فيصلوه

قال : اذا ماسلمت برجع

نزلت الجوال وقلت لرهف ونجود : اقول لكم غثى ومسوي يمن علي

رجعت الجوال وقلت : هلا

قال : ليه تقول لهم اني غثى واحب امن عليك هاه .. الحين انا كذا

قلت : اخلص علينا

قال : انا برا 5 دقايق ان ماطلعتوا بمشي

قال : بنتأخر بس عشان اشوف تسويها وتمشي اولا

قال : طيب نشوف

قلت : زين باي

قفلت وقلت لهم : يللا نطلع

مشينا وطلعنا برا المستشفى .. واناطالع ناظرت في رهف .. ومسكت السلسله .. وش اللي خلاها تقول كذا ؟ .. من يوم عرفتني وانا البس سلاسل .. يعني اليوم بالذات لاحظت ؟

بس دام انها ماتحب لبس السلاسل .. ماراح البس .. مع اني تعودت من يوم رحت امريكا وانا البس سلاسل .. لحظه ....... اصلاً ليه اسوي الشي اللي هي تحبه ؟ .. اكيد طار عقلك يانايف

حركت راسي يمين وشمال بسرعه وكأني اطرد رهف من بالي .. وناظرت لقدام .. شفت فيصل موقف سيارته ويأشر لي

رحت لعنده وقلت:سلام

قال : وعليكم السلام

اول ماركبنا السياره

قال فيصل : كيف حالكم بنات عمي

قالوا مع بعض : تمام الحمد الله وانت

قال : انا بخير

لفيت عليه وقلت : نجود بس اللي بنت عمك

قال : صح .. ورهف اختي

قال : احلف انت بس

قال وهو يمد في الكلام : اصلاً انا ورهف عشرة عمر من زمان صح

اكتفت بضحكه ناعمه

قلت : من متى تقريباً

قال : مايخصك .. رهف بكرا بجي لكم وبجيب وليد معي .. هو يلعب مع رغد بلاي ستيشن .. وانا العب معك كوره في الحديقه

ضحكت مره ثانيه وقالت : ننتظرك

ناظرت فيصل بحده .. ماخذ راحته مع رهف .. مدري ليه هالشي قهرني

رجعت راسي على ورا وسندته .. جلست اضربه بيدي .. ابي رهف تطلع من راسي

رهف اطلعي من راسي .. اطلعي من راسي الله يخليك .. خلاص تعبتيني

..................................
المستشفى .. الساعه : 7:00 مساءً
_________________

** يوسف **

ابتسمت بسخريه .. وانا اشوف الاخ ’’ نايف ’’ يبتعد بالسياره عن المستشفى

قال ايش قال موتك على ايدي اليوم

بنشوف يا اخو مشعل .. من راح يهدد الثاني بعدين .. والله يا ان امك داعيه عليك اليوم

اجل انا يوسف .. اللي الكل يهابني يجي هالعنز يهددني ويصارخ علي
مهما عليت يا ولد عبد العزيز .. ما تعلى على يوسف

’’ حطيت اصبعي على راسي وكاني اكلمه ’’ : والله ودخلت هالراس يانايف

سمعت اصوات ناعمه قريبه مني : اسوم شوفي هالرجال يهبل .. قــمــــر

... : ايه ماشاء الله .. تتوقعين في وشو يفكر

.. : يمكن يحب ؟

.. : ياحظ اللي يحبها

انا هنا عطست لاني مريض .. سمعت نفس الاصوات الناعمه : حرام مريض مايستاهل

لفيت على البنات شفتهم .. العبايات مخصره والمكياج مصبغهم كلهم .. سلامات مو جايات مستشفى هههههههه ابتسمت ولوحت لهم بيدي .. كاني اقول لهم باي

ما لوحولي ولا تحركوا .. بس عرفت من كلامهم بصوت عالي قبل شوي .. انهم يبوني اسمعهم

’’ اعرف حركات البنات ’’

قربت منهم وقلت : السلام عليكم

من سلمت عليهم .. جلسوا يضحكون ويدفون بعض .. انا هنا مت ضحك

عجبتني شلة البنات هذي .. قلت : من فيكم اسوم ؟

قالت وحده بسرعه : انــــــا .. قصدي لالا مو انا
فطسوا البنات الثانيات ضحك عليها .. ماشاء الله راعيات ضحك

حطيت يدي بجيبي .. عرفت البنت اني برقمها .. قالت بسرعه : انت كم بنت تعرف ؟

ابتسمت وقلت : عشر ’’ غمزت ’’ ولعيونك عشرين

جلست اسولف معهم شوي وفي النهايه اخذت الرقم وحده منهم .. بس مو اسوم

يللا اسوم والا نسوم .. المهم وحده جديده نكلمها الليلى ونغير جو


...........................................
بيت العمه .. الساعه : 8:00 مساءً
__________________

** فيصل **

كنت واقف عند مراية غرفتي .. اظبط حالي .. بعد مارتبت شعري لبست الشماغ .. وتعطرت

’’ واااو شكلي صاير رهيب ’’

الله يطول عمركم انا الليله بقابل وحده .. واحس بجسمي يرجف لاني اول مره اتقابل

بس لازم اقابلها واعترف لها بكل شي ..... لمتى

عدلت الكرسي .. واخذت اللي بقابلها

يووه انا ماقلت لكم ان اللي بقابلها اليوم هي مخدتي ؟؟؟؟؟

السالفه ومافيها .. اني قررت اعترف لنجود اني احبها

’’ خطير انا ’’ وبسوي تجارب واختبارات قبل ما اعترف لها

تعرفون لازم اجهز كلام حلو ومرتب .. لاتقول هذا خبل ومايعرف يتكلم

وما ابي اعترف لها في التلفون .. لاتقول هذا مستحي

المهم يللا نبدا .. انتوا احكموا علي طيب

اخذت المخده وحطيتها على الكرسي

قلت بصوت ناعم : فيصل وش تبي تقول لي ؟

عدلت صوتي : نجود انتي من زمان داخله .....

لالا وشو يعني اقول لها من زمان .. وين الثقل

بشوف اسلوب ثاني

نزلت راسي وقلت وانا احكه : نجود انتي وش شعورك تجاهي ؟

ما احسها حلوه اني اسألها .. انا ابي اعترف لها مو احقق معها

ومفروض ابتسم عشان ترتاح .. وتعترف لي هي بعد بحبها
ههههههههههههههههههههههه مشكلة الثقه

لازم ابتدي كلامي بكلمه

’’ اقول ’’
لا اقول هذي كاني اكلم نيوف

’’ تصدقين ’’
كاني اكلم اختي

’’ اسمعيني يانجود ’’
لا رسمي بزياده

’’ حبيت اوضح لك شغله ’’
كاني في الشغل

’’ تدرين جودي ’’
لا مافيه جديه

’’ ياحبيبتي ’’
قطيت الميانه

اووووووف اجل بوشو ابتدي ؟ والله احترت

رفعت راسي ادور كلام اقوله لنجود ’’ المخده ’’

ليه ما اقول لها بيت شعر .. ابين فيه حبي لها .. وهي طبعاً بتفهم

جلست حوالي ساعتين ادور في كتب الشعر وفي المجلات وفي جوالي عن كلام حلو اقوله لنجود

مالقيت شي يعبر عن كل اللي في بالي

بعد هذا كله جات في بالي فكره مجنونه .. ليه ما اغني لها
اكيد بتقولون انا خبل لان هي تنقرف من صوتي اذا غنيت
بس مافيها شي لو تدربت على الاغنيه وعدلت صوتي

انطلقت إلى درجي وطلعت السيديات .. وجلست اسمع اغنيه ورا الثانيه .. إلى فنانيين وفنانات مختلفين .. اخر شي رسيت على اغنيه حلوه لراشد الماجد .. صحيح لحنها صعب بس نحاول

طبعاً بغنيها بعد ما امسي عليها : يسعد مساك يلي دايم عالبال وكل لحظة تمر احسك مثل النبض
والدم

بعدين اغني لها اغنية راشد الماجد ’’ مــــســغــــربــــه ’’

مستغربه تسألني وش غير عليك
لمه الوداع ارخى الستار
عيونك شتا والنار في رعشة ايديك
وصمتك بحر ماله قرار
يا اغلى امل انا هويت
ان كنتي يا حلوه دريت وما دريت
هذا الهوى هذا الهوى
اقسى واجمل تجربه

ما اوعدك الا بـ وفاء
وقلبٍ مراده يسعدك
ما اوهبك الا حياتي
وروحها اللي بيدك
مهما الليالي احرمتنا ودها
وايامك لغيرك تناهى شهدها
انتي المحبة كلها لا قبلها لا بعدها
ما يقدر النسيان عني يبعدك

مسافر انا كلي رجاء
لا تجرحين منهو التجاء
بعيونك الحلوه من الدنيا وجاء
كلي رجا كل رجاء
معنى حياته في كلمتين
حب ووفاء منك على مر السنين
يا اغلى امل انا هويت
ان كنتي يا حلوه دريت وما دريت
هذا الهوى هذا الهوى
اقسى واجمل تجربه

طبعاً الاغنيه طويله وانا مو حافظ منها شي .. وماسمعتها قبل الا مرتين

وما اكذب عليكم لا قلت لكم اني سهرت للصبح وانا افكر في حبيبتي نجود واحفظ الاغنيه
..........................................

________________
بيت مشعل .. الساعه : 9:30 مساءً
___________________

** مشعل **

راسي بينفجر .. تعرفون يعني وشو راسي بينفجر .. هالرهف من اول مارجعت وهي تقرقر فوق راسي

قالت بكل عصبيه : على ما اعتقد انا اكلمك

قلت بهدوء : وانا جالس ارد عليك

حطت يدها على راسها وقالت بقهر : لا تتصنع الهدوء

رفعت حاجب : اتصنع ؟

صرخت : أيــــــــه .. لاني ادري انك مقهور الحين

قلت ببرود : ومن وشو انقهر

قالت : مشعل لا تستهبل

قلت : رهف وش تبيني اسوي ان عصبت عليك زعلتي .. وان كلمتك بهدوء عصبتي .. عطيني حل وسط

لفت وجهها عني وقالت: انت ماعندك اسلوب في التعامل ابد

فتحت الدولاب .. وقلت وانا مشغول في الملابس : وانتي صايره لي مثل حريم اول .. اللي مايسكتون

قالت : جاوب على اسألتي وبسكت .. انا قلت لك ان موقفك مع نايف اليوم يـ........

قاطعتها وقلت : ان شاء الله رهف .. مابعيدها مره ثانيه .. يللا روحي نامي

انا خلاص تعبتني رهف .. صرت اسايرها كثير .. مهما كان هي بزره

قالت بصوت شوي عالي : لا تكلمـــــنـــي كذا كم مره اقول لك

امممم دولابي صاير زحمه .. مدري رهف اللي ترتبه او الشغاله .. بكره بستقعد لهالدولاب .. وبرتب ملابسي بنفسي .. احس كل شي في مكان .. ما ادل ملابسي

وانا افكر فجأه تقفل على يدي باب الدولاب بقوه
رفعت راسي شفت رهف واقفه تقول لي : رد علي مو تطنشني

حسيت بالدم تجمع كله في راسي من العصبيه

شلت يدي بهدوء .. ووقفت انظرها .. رجعت على ورا شوي من الخوف

مسكت كتوفها بــــــقــــوه وقلت وانا اضغط على اسناني : بتنامين والا لا ؟

حاولت تتحرك عشان تخلص نفسها .. بس مسكتي لها كانت قويه .. مستحيل تقدر تتحرك

هزيتها بعنف وقلت بصوت عالي : بتنامين والا لا

قالت بخوف وهي تهز راسها : بـ ـ ـ ــنام .. بنام

اشرت على السرير بعيوني و قلت : يللا روحي نامي

مامرت ثواني الا وهي منسدحه على السرير ومغطيه كل جسمها

اخذت نفس .. ومسحت على يدي اللي قفلت عليها باب الدولاب

عورتــــنــــي هالمتوحشه .. زين سويت فيها وخليتها تنام غصب عنها


^*^
/
/
\
/
^*^


**** نهاية الجزء التاسع عشر ****