آخر 10 مشاركات
|
| |||||||||||||
 |
| | LinkBack | أدوات الموضوع | انواع عرض الموضوع |
11-04-13, 11:19 PM
| #31 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام 
|  "]...:::][ الجزء الثلاثون ][:::... ™¤§°§¤ الأخير ¤§°§¤™ الفصل الأول _________________ بيت ابو يوسف .. الساعه : 9 مساءً __________________ ** يوسف ** كنت اسحبها لورا بيتنا .. وانا ماسك ايدينها الثنتين بيد .. واليد الثانيه حاطها على فمها .. وانا امشي فيها بسرعه .. ارخيت يدي اللي على فمها شوي كنت بعدلها .. فستغلت هي الفرصه وكانت تبي تصرخ .. رجعت قفلت فمها بقوه وانا معصب .. وربي كنت بمد يدي عليها وبصفعها كف .. بس مسكت نفسي .. وصلت لورا البيت ورميتها بقوه على الجدار وصرخت عليها : مـــــــن فــــــيــــــصـــــل هــــــاهـ كانت خايفه مره هزت راسها وقالت : أأ أأ .. مـــا اعرفه قلت لها : كذابــــه قالت وهي تبكي من الخوف .. بس تسوي انها مو خايفه : ايه كذابه ومابقول لك فتحت عيوني .. مستغرب منها .. بنت في موقفها هذا مفروض ماتتكلم لي ولا كلمه .. مو الا ترد علي بهذي الطريقه قربت منها .. ومسكت شعرها : غصب عنك بتقولين .. لا وربي ذبحتك ودفنتك هنا قالت بصوت متكسر : اتـ ... تـ ـ ـ .. اترك شعري شديته اكثر وقلت : مو تاركه .. يللا تكلمي قالت وهي تحاول تبعد عني : ولد عمتي قلت : ياسلام .. وليه يبي يخطبك ؟ يحبك !! قالت على طول : لالا مايحبني حاولت تهرب بس انا مسكتها بقوه وهزيتها : قولي يحبك .. او لا ؟ انا مقهور .. وبنفجر من العصبيه .. وهي بسكوتها هذا تزيد عصبيتي .. والله ان ماردت علي الحين بطقها طق عمرها ماشافته في حياتها .. ومو تاركها الى ان تتكلم عطيتها نظره .. وانا ضاغط بأسناني على شفايفي قالت بسرعه : مدري قلت لها : بتوافقين ؟ قالت وهي ترتجف وطبعاً ما وقفت بكي : ان قلت لا بتقول لي كذابه وان قلت ايه بتذبحني قلت وانا ماسك نفسي : لا مابذبحك يللا قولي .. ولا تختبرين صبري يانجود لانك بتندمين هزت راسها بأيه قلت لها وانا اخفض صوتي عشان محد يسمع : اسمعيني زيـن .. انتي ارفضيه وانا بتقدم لك على طول بلعت ريقها وقالت : بس انا ما ابيك قلت وانا اناظر عيونها بتركيز : انا مو جالس اخذ رايك .. وان وافقتي على فيصل والله لأوريكم انتي وفيصل نجوم الليل بعز الظهر ناظرتها من فوق لتحت .. ودفيتها عني بقوه ومشيت .................................................. .... ** نجود ** كنت مسنده نفسي على الجدار وحاطه يدي على قلبي واتنفس بقوه .. تحسست جسمي وانا منقرفه .. مسكت يوسف لي سببت لي اشمأزاز .. ياربي مو مصدقه شي من اللي صار .. معقوله يوسف مجنون لهذي الدرجه .. ما خاف احد يشوفه .. لا انسان مثل يوسف .. بايع الدنيا ومو فارقه معه .. مستحيل اتخيل حياتي معاه تذكرت نايف اللي ينتظرني بره .. مشيت بسرعه له .. يمكن يوسف يرجع في أي لحظه .. رجعت لعند الباب بعد ماحطيت على راسي الشيله وتغطيت سمعت صوت رغد وراي تقول : خالتي نجود لفيت وقلت لها وانا للحين خايفه : من اللي ناداك قالت لي : يوسف ’’ وبصوت خفيف ’’ المجرم لا تكون رغد شافت وش سوى يوسف قبل شوي سألتها وانا عاقده حواجبي : ليه تقولين عن يوسف مجرم ؟ هزت كتوفها وقالت بملل : اممم احسه مجرم ايه هو مجرم من قال غير كذا ؟ .. قلت : وانا بعد نفس احساسك مسكت يدها وطلعنا برا .. ركبنا السياره ونايف حرك على طول .. اكيد ماراح يسالني ليه تاخرتي .. لانه يحسبني كنت اسلم على رهف انا خايفه مره ان يوسف يضر فيصل .. هذا مجنون ويسوي أي شي بيت العمه .. الساعه : 9:30 مساءً ___________________ ** حنان ** كنت جالسه في الصاله ومتضايقه مره من نفسي ومن نايف .. مو مصدقه اني انا حنان بجمالي وبذكائي ماقدرت اطيح نايف .. ورهف الخبله خلته يحبها .. اصلاً ما اتوقع هو يحبها .. قال لي كذا عشان يقهرني .. بس ليه يقهرني دام انه مايحبني .. معقوله يحبني بس يكابر ؟ قمت من مكاني ومسكت سماعة التلفون .. ودقيت على بيت خالي ردت الشغاله : هالووو قلت : هالوو اللي ياخذك .. نايف موجود ؟ قالت : لحظه مدام بعد 10 دقايق جاتني وقالت : يقول نايم قلت : وش يقول نايم ؟ هو نايم اولا قالت : نايم قلت : اجل ليه تقولين يقول نايم .. قصدك انتي شفتيه نايم قالت : ايه مدام قلت : اوووه يللا انقلعي يا الخايسه قفلت السماعه في وجهها وانا معصبه .. ماتعرف تتكلم هالشغاله .. خبله قسم بالله قمت من مكاني ورحت الغرفه .. اول ماجلست على كرسي الكمبيوتر .. سمعت صوت نغمة المسج .. ناظرت بجنب شاشة الكمبيوتر لقيت جوال الهنوف لحول هنوفوه ماعندها الا هالمسجات .. ابي اعرف من هذي اللي طول الوقت تكتب لها مسجات مسكت جوالها وفتحت المسج كان المسج ^*^ / \ / \ / ^*^ هلا حبيبتي هنوفه سوري حياتي ما ردتيت عليك قبل شوي لاني كنت جالس مع اخوي احبك ^*^ / \ / \ / ^*^ من هذي اللي تكتب لهنوفوه حبيبتي وحياتي واحبك .. شي غريب ليكون هنوفوه تكلم واحد ؟؟ لالا ما اتوقع الخبله هنوفوه ماتسويها كتبت لنفس الشخص مسج ^*^ / \ / \ / ^*^ مالت عليك وعلى اخوك فوقك وانا ما احبك واكرهك ^*^ / \ / \ / ^*^ جاني مسج بسرعه ^*^ / \ / \ / ^*^ ههههههههههههههههههههه افاا ماتصدقين فارس قسم بالله اني كنت مع اخوي معقوله انا اطنشك يا بعد عمري ^*^ / \ / \ / ^*^ رفعت حاجب وانا ابتسم بسخريه .. ياما تحت السواهي دواهي هنوفوه اللي القطو ياكل عشاها تطلع منها هالسوالف اشوا مسكت عليها شي .. لاني ادري عنها حاقده علي و منى حياتها انها تمسك علي شي وتعلم علي بس سبقتك يا الهنوف اخذت الجوال وحطيته بالدولاب .. شوي وجات الهنوف تناظر هنا وهناك شوي وقلت لها بملل وانا اسوي ان الوضع عادي : اممم وش تدورين ؟ قالت : حنان ماشفتي جوالي قلت : لا ماشفته بعد مادورت عليه ومالقته طلعت من الغرفه بــــرا .. الله ياخذك على سواياك وسواد وجهك ............................................ _________________ بيت مشعل .. الساعه : 2:00 مساءً _________________ ** رهـف ** انا جالسه مع نجود ورغد بالصاله ماصار لي ربع ساعه من وصلت .. طبعاً انا ونجود سالفه ورا سالفه .. لان من زمان ماشفنا بعض قلت لها : صح وش صار عليك انتي وفيصل نزلت راسها وقالت : مدري متردده قلت لها : متردده في وشو قالت : كنت موافقه .. بس شكلي بغير رايي .. مو مستعده للزواج انا قـــهــــرتــــــني مره على هالرد .. فيصل رجال مايتعوض .. قلت لها بعصبيه : بس فيصل مايتفوت والله احسه رجال بمعنى الكلمه قالت وواضح انها تغير الموضوع : بروح بشوف وش الغدا .. تدرين تدرين تدرين اني مدري .. بس اكيد خالتي ام مشعل سوت طبخه انتي تحبينها .. لانها تدري انك تدرين .. و هههه بروح اشوف رفعت حاجب وقلت بهدوء : وش تخربطين انتي ؟ ابتسمت وقالت : ولا شي هزيت راسي .. وش فيها نجود خرفت سمعت صوت احد يفتح باب الصاله .. لفيت وشفت نايف داخل ويبتسم في وجهي ابتسمت له وسلم علي ورديت السلام قال : رهوفه كيف حالك قلت : الحمد الله على كل حال .. وانت ؟ قال : انا بخير .. بشوفتك قالت رغد : عمي نايف .. باقي ساعه ونبدا في الدرس قلت مستغربه : نايف يذاكر لك ؟ ضحك وقال : اما عاد انا اذاكر لرغد ههههههه عشان ترسب قلت : اجل قالت رغد : يعلمني الرسم .. واول رسمه برسمها لك ولبابا الله يرحمه قال نايف : الله يرحمه .. يللا حبيبتي روحي جهزي الألوان قالت رغد : ان شاء الله يوم شفتها قامت وصرنا لحالنا .. قلت : نايف قال : لبيه قلت : لبيت في منى ان شاء الله .. بس وش الموضوع اللي تبيني فيه قال والظاهر انه مايبي يتكلم في الموضوع الحين : امممم بعدين اقول لك .. يللا بروح ابدل ملابسي . . . بعد ماتغدينا .. طلعت برا اتمشا مع نجود وحنا نتمشى قالت لي : الا تعالي قلت : هلا قالت : أأ أخوك يوسف يدرس ؟ قلت : لا قالت : يشتغل يعني ؟ احرجني سؤالها لان يوسف لا يدرس ولا يشتغل .. شوي وقلت : هو اكيد يبي يشتغل بس في هالزمن وين الواحد يحصل وظيفه .. الوظيفه ماتجي الا بطلعة الروح سكتت شوي بعدين قالت : ههههه ايه وانتي الصادقه قلت : بس ليه تسألين ؟ قالت : هـاه .. لا بس كاني سمعت نايف يقول واحد يشتغل عندهم في الشركه اسمه يوسف .. حسبته اخوك قلت : اهـا لا مو يوسف اخوي وقفت عن المشي يوم شفت نايف ورغد جالسين يرسمون قلت لنجود : وش رايك نروح نجلس معهم هزت راسها ورحنا لهم قلت بأبتسامه : وش ترسمون قال نايف : ورده هههههههه تعرفين في دروسنا الاولى قالت نجود : هاتي رغوده فرشاة الرسم بكمل الرسمه عنك قالت رغد وهي نافخه خدودها : ما ابي قالت نجود بجديه : هاتيها قالت رغد : اذا صدتيني وراحت تركض ونجود تركض وراها وتصارخ : بصيدك يــــــا الدبــــــه وانا ونايف نضحك وانا اضحك تذكرت موضوع نايف .. وقفت ضحك وقلت له : ما راح تقول لي وش الموضوع ؟ حك نايف راسه وقال بصوت خفيف : الموضوع .. ايه صح الموضوع ولف يناظر في لوح الرسم بتفكير مدري حسيته منحرج .. لانه حاس الرسمه بالالوان .. ماخلا لون بنفسجي ولا برتقالي ولا ازرق الا حطه في ذيك اللوحه وهو يفكر .. وانا انتظر بعدين قال : اسمعيني يارهف .. انتي الحين رجعتي بيت اهلك .. وتحتاجين من يستر علـ.. قاطعته وقلت : وبعد هالكلام كله لف يناظرني وقال : رهف ابوك مابيضل لك .. الله يطول بعمره .. واخوك محمد متزوج ويوسف بعد مصيره بيتزوج وماعندك اولاد قلت : وش قصدك قال بسرعه : قصدي ابي ابي قلت : تبي ؟؟ قال : ابي اتزوجك عشان اكون لك سند وظهر دق قلبي بقوه يوم جاب نايف سيرة الزواج .. الا هالشي ماتوقعته انصدمت مره من الكلام اللي قاله نايف .. حتى اني سكت وجلست اناظر فيه بغرابه وبعدم تصديق ياليته ماقال لي قلت : من جدك نايف قال : ايه من جدي .. وش فيها ؟ ناظرت الارض وهزيت راسي وقلت : مستحيل هالشي يصير مستحيل قال بصوت شوي عالي : ليه مستحيل مو عشاني .. عشان رغد .. انا بصير ابوها وانتي امها قلت : نايف انسى .. وهالموضوع وربي ماراح اتكلم فيه مره ثانيه قال : حرام عليك .. انا ...... خفت يقول لي انا احبك .. فقلت بسرعه : نايف انا حلفت اني مابتكلم في هالموضوع سمعت صوت ضحكات نجود ورغد وهم راجعين من باب الصاله يركضون ناظرت في وجه نايف اللي تغير من العبوس الى الابتسامه العريضه وهو يقول بصوت عالي مره : من اللي فاز رفعت نجود يدها وهي تتنفس بصعوبه وقالت : انا طبعاً ههههههههههههه ......................................... بيت العمه .. الساعه :3:00 مساءً __________________ ** الهنوف** رجعت من الجامعه متأخر اليوم .. لان علينا محاضرات كثير وتعبت مره اول مادخلت الصاله شفت امي جالسه على الكنبه واختي حنان واقفه بجنبها قلت : السلام عليكم قالت امي : لا سلم الله فيك ولا عظمه قالت اختي حنان وهي ترفع يدها : آآمين قلت : وش صاير مدت امي جوالي في وجهي وقالت : مو هذا جوالك من طاحت عيوني على جوالي بيدها .. قلبي دق بقوه من الخوف قالت حنان بصراخ : ردي يا الداشره قلت : أأيـ ـ ـه قالت امي : حسبي الله عليك .. الله لا يبارك فيك ولا يوفقك لا دنيا ولا اخره قالت حنان : سودتي وجهنا الله يسود وجهك .. مافكرتي في فيصل مافكرتي فيني انا اختك .. قسم بالله انك انانيه .. تكلمين شباب يللي ماتستحين قلت بأنفعال : وربي ما اكلمه وقفت امي وقالت : الجوال خلاص انسي موضوعه و .... " بعصبيه زايده " انقلعي عن وجهي خلاص مو متحمله اشوفك كنت واقفه مكاني ماتحركت .. كل الدم اللي في جسمي نشف من الخوف ومالي عين اقول لأمي هاتي الجوال او شي .. كنت خايفه ومنحرجه .. ما توقعت هالشي يصير.. من راحت امي على طول طاحت دموعي قالت حنان : تسوين سواتك وتبكين بعد .. صدق خبله .. بروح اخبر عليك فيصل وابوي مسكتها بسرعه وقلت لها برجاء : لا حنان الله يخليك .. الا فيصل سحبت يدها وقالت : لا بقول .. اتركي يدي قلت : تكفين حنان قالت : طيب انا بسوي معك اتفاق .. انا بسكت وما بعلم فيصل وابوي .. وانتي ان خطبك نايف ترفضين على طول فاهمه انا ويـــــــــــــــــــــــ ـــــــــــــن وهــــي ويـــــــــــــــــــــــ ـــــــــــــــــن قلت : ومن قال لك ان نايف بيخطبني قالت : مو بعيده دام ام مشعل حاطتك في بالها .. وفيصل مستحيل يرفض لنايف طلب .. وابوي مابيصدق على الله نايف يخطب وحده من بناته بيوافقون على طول .. بس اذا انتي رفضتي ونايف عرف انك رافضته .. مستحيل ياخذك .. لان نايف عنده عزة نفس وكرامه قلت : خلاص اللي تبينه بيصر طبعاً انا قلت كلامي هذا اسايرها بس والا انا عارفه ان نايف ماراح يخطبني وماصدقت على الله تسوي معي اتفاق .. لاني لو وش ماكان اتفاقها بوافق عليه .. كله ولا تقول لفيصل وابوي مشت عني حنان وهي تغني : والله وتحقق منايا شوفوا حبيبي معايا ..... ركبت غرفتي وجلست على السرير ابكي .. الحين اكيد فارس كاتب لي مسجات كثير .. خايف علي .. مستحيل اقطع علاقتي بفارس .. انا احبه وهو يحبني .. ليه يفرقونا ................................................ ___________________ المطعم .. الساعه 3:30 مساءًَ ___________________ ** فارس ** ..: انت يــــا الغبي ماتشوف .. عقلك وين وانت تمشي .. ناظر قدامك يا الثور ..: اسف يا الاخو ماشفتك رديت عليه : امشي عني مو ناقصك انا يوم مشى عني الرجال .. جلست افكر في اللي صار .. وش فيني صاير اتنرفز بسرعه واقل شي يعصبني .. الحين عشان الرجال دف كتفي بالغلط .. سويت له سالفه وجلست اصارخ بس وربي الهنوف معصبتني .. زعلانه وماتكلمني عشان اني كنت جالس مع اخوي ومارديت على المسج حقها .. وانا مو اول مره اسويها واتأخر شوي بالرد على مسجاتها .. والحين كتبت لها مسجات كثير ماردت على ولا واحد فيهم .. والله ياالهنوف انا احبك واموت فيك .. ومستحيل اطنشك .. بس انتي متعبتني بزعلك هذا بس تدرون .. يمكن فيها شي ؟ مريضه او تعبانه .. لا صح .. هي ردت علي بمسج طلعت جوالي من جيبي .. وفتحت المسج مره ثانيه ^*^ / \ / \ / ^*^ مالت عليك وعلى اخوك فوقك وانا ما احبك واكرهك ^*^ / \ / \ / ^*^ ردها يدل على انها زعلانه ومعصبه علي .. جد انا كنت غلطان .. حتى لو كان اخوي معي مفروض ارد عليها .. لو بكلمه وحده نزلت راسي ادخل الجوال بجيبي واكمل مشي .. وانا امشي حسيت اني دفيت شي رفعت راسي شفت بنت في وجهي صرخت علي بصوت عالي : اوووف اعوذ بالله من شباب هالعالم يمشون ويدفون في البنات يسوون حالهم مايدرون .. حركاتك قديمه يا قليل الادب يوم صدمت في البنت .. غمضت عيوني و ابتسمت تذكرت اول موقف صار لي مع الهنوف .. تذكرون يوم ارجع على ورا بالسياره واصدم فيها .. يـــــاربي انا كنت نذل .. قلت لها كلام جارح بس هالشي اللي صار .. خلى علاقة حب حلوه تصير بيننا .. يالله لا تفرقنــا فتحت عيوني وانا اتنهد بصوت عالي سمعت صوت البنت تقول : الحمد الله والشكر وكملت مشي وانا اناظر فيها مستغرب .. استوعبت اللي صار .. ياربي احـــــــراج .. اكيد الرجال اللي قبل شوي دعى علي اطيح بنفس الموقف ___________________ بيت مشعل .. الساعه : 7:00 صباحاً ___________________ ** نجود ** نزلت مع الدرج بسرعه عشان ما اتأخر على نايف .. انبسطت يوم ماشفته بالصاله .. يعني انا مو متأخره .. جلست على الكنب انتظره .. سمعت صوت التلفون .. فزيت بسرعه .. اكيد هذا يوسف .. لالا مو يوسف .. يا الله هاليوسف مسبب لي رعب في حياتي .. يارب يارب يارب تبعده عن طريقي .. انا وش سويت بدنيتي عشان الله يبليني بواحد مثل هاليوسف جات الشغاله .. وردت على التلفون ..: نجود لحظه اشرت لي .. قلت لها بصوت خفيف : نايمه انا رجعت لسماعة التلفون وقالت : نايمه اشرت لي وقالت : سمع كلامك اشرت لها على نفسي بدون صوت قالت الشغاله : ايه انتي وش هالغباء حتى لو ماسمع بيسمعها الحين اخذت سماعة التلفون واشرت لها عشان تروح وقلت : الــــو سمعت صوت يوسف الرايق يقول برومانسيه : صباح الورد لاحول ولا قوة الا بالله .. قفلت في وجهه على طول رجع يدق ويدق .. خفت منه بصراحه .. فرفعت السماعه و قلت برجاء : يوسف الله يخليك .. خلاص خليني في حالي قال : انا مو يوسف بلعت ريقي وانا خايفه .. من هذا ؟ سمعت ضحكت يوسف ترن في اذني وقال : بسرعه تصدقين .. وبسرعه تخافين يللا ما اطول عليك .. بس حبيت اسألك رفضتي فيصل والا للحين قلت وانا ودي اسبه من هنا لسنه قدام : لا للحين قال : مو مشكله قلبي .. بس لا تطولين لاني انتظرك .. واعرفي ان انا احبك وربي .. مع السلامه قفلت بسرعه .. وانا اراقب نايف وهو ينزل الدرج اول ما نزل نايف قال لي : صباح الخير قلت : صباح النور قال : يللا عشان اوديك قلت : نايف اذا مسألة انك توديني وتجيبني من شغلي تتعبك او تضايقك .. عادي بخلي السواق يوديني مثل اول قال نايف : الحين انا قلت انك تتعبيني وتضايقيني بالعكس انا بسوي اللي يريحك .. مع اني مستغرب من شي .. فجأه كذا قلتي ما ابي السواق يوديني وتبيني انا .. قوليلي السواق عليه حركات او شي ؟ قلت : لالا السواق زين .. بس انا ما ابيه قال : على طاري ابيه وما ابيه .. عطيني رايك النهائي موافقه على فيصل اولا نزلت راسي وانا افكر .. ان وافقت ماراح تكون حياتي سعيده مع فيصل .. يوسف بكل بساطه يقدر يخربها .. وان ما وافقت بندم طول عمري لاني احب فيصل قال نايف : جودي .. انا ماراح اضغط عليك .. بس الرجال يبي رايك طيب هزيت راسي وقلت : يللا مشينا ابتسم وقال : يللا . . . وانا في السياره فكرت كثير بالموضوع قررت اخاطر واجازف .. لأول مره قراري هذا صعب اكيد .. وراح يخليني افقد شي مهم في حياتي والله يعينك يافيصل و يعينني انا معك و والله يسامحك يايوسف .. الله يسامحك .................................................. بيت العمه .. الساعه 7:30 صباحاً ___________________ ** الهنـوف ** لازم اشوف طريقه اطمن فيها فارس علي واطمن قلبي عليه .. مو متعوده يمر يومين بدون ما اكتب له شي .. وش اسوي ياربي .. الريـــم .. لا انا صحيح قليل ان شفت الريم في الجامعه .. بس معقوله اروح اقول لها قولي لفارس انا بخير .. يعني مافيه ولا طريقه أيـــــــــــــــه لقيتها .. بكتب له مسج من جوال حنانوه وبعدين امسحه .. انا كيف ماجاتني هالفكره من زمان بس كيف اخذه ؟؟ عادي اكيد الحين هي نايمه باخذه دقيقتين بكتب المسج وبرجعه .. ان شاء الله ماتحس رحت لعند غرفتها وفتحت الباب بشويش .. مشيت على اطراف اصابعي .. وصلت لعند سريرها.. مديت يدي تحت المخده ادور الجوال .. الى ان مسكته .. سحبته شوي شوي .. وطلعت من الغرفه مثل مادخلتها بسرعه كتبت لفارس مسج ^*^ / \ / \ / ^*^ هلا فارس حبيبي اخبارك ؟ ان شاء الله بخير المهم انا الهنوف وهذا جوال اختي حنان لان شافوا مسجاتك وصارت لي مشكله في البيت واخذوا جوالي وتراني الحين بخير لا تخاف علي ولا ترد على المسج احبك ^*^ / \ / \ / ^*^ ارسلته وحذفت الرساله .. دخلت الغرفه ورجعت الجوال مكانه وطلعت .. الحمد الله ماحست لي ولا كان رحت فيها .................................................. العمه .. الساعه : 8:00 صباحاً _____________________ ** فيصل ** طلعت من البيت وركبت السياره .. شغلتها ومشيت .. ناظرت في الساعه تأخرت كثير الساعه 8 .. اجل متى بوصل الشركه والله نجود سهرتني ماخلتني انام .. ودي اعرف بس ليـــــه التأخير مو كانت مفروض من البدايه تقول موافقه .. ونملك وينتهي الموضوع ؟ كذا انا ماراح ارتاح .. مدري هو تغلي منها والا ثقل بس هالبنت بالذات محد راح ياخذها غير لسببين .. الاول لاني احبها ..والثاني لانها تحبني فجأه السيــــاره اللي بجنبي وقفت .. وانا كنت مسرع .. حاولت اوقفها بس ماقدرت بحركه عفويه حطيت ايديني على اذني .. وطلع صوت قوي .. ناتج عن صدم سيارتي لسيارته فتحت باب السياره .. ونزلت اشوف وش صار في سيارتي من قدام لقيت الرجال اللي كان بالسياره الاولى وراي .. قال لي : آسف والله آسف يا الاخو .. بس سيارتي وقفت و ... اشرت له وانا مبتسم : مو مشكله اخوي حصل خير .. عسى ماشر وش فيها سيارتك ؟ قال : يبي لها دف قلت له : يللا بدفها معك _____________________ بيت الريم .. الساعه : 3:00 مساءً ____________________ ** الريم ** صحيت من النوم من زمان .. بس ماطلعت من الغرفه .. احس بأكتآب وبفراغ كبير من بعد سفر محمد .. افتقده مره وكل شي فيني يفتقده .. المشكله مادق علي ولا سأل عني .. وجواله دوم مقفل اكتب له مسجات بس مدري اذا يشوفها اولا .. اكيد مشغول مره .. بس وحشني موت موت موت .. ودي اكلمه لو دقيقه .. او حتى ثانيه .. بس ابي اعرف هو بخير او لا ياكل زين ينام مرتاح كيف عايش .. اكيد يفتقدني كثير مثل ما انا افتقده .. تتوقعون يفكر فيني بهاللحظه ؟ قطعت تفكيري ساره اللي فتحت باب غرفتي بقوه لفيت عليها وقلت : بسم الله الرحمن الرحيم قالت بخوف : ريوم انا جالسه في الصاله اشوف .. يووه وش كنت اشوف .. وش اسمها هذي .. نسيت .. ايه تذكرت .. mbc3 وفجأه دخلت امي الصاله .. وكانت عيونها حمرا .. وشكلها مره زعلانه .. وطبعاً كانت تبكي .. رحت سألتها : وش فيك .......... ماسمعت باقي كلامها قمت من سريري ونزلت بسرعه تحت .. شفت امي في الصاله جالسه على الارض وتبكي .. رحت لعندها وحضنتها وانا خايفه مره قلت لها : يمه وش فيك بس هي ماردت علي وكانت تبكي بقوه .. قلت : قوليلي وش فيك قالت بصوت متقطع من البكي : ريــوم بــــــــنــــــتـــــــي مـــحـــــمــــــد طلـــلـــقـــك ^*^ / \ / \ / \ / \ / ^*^ ***** نهاية الفصل الاول من الجزء الاخير ****** | ||||
|  |
|
11-04-13, 11:20 PM
| #32 | ||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| ...:::][ الجزء الثلاثون ][:::... ™¤§°§¤ الأخير ¤§°§¤™ الفصل الثاني _____________________ بيت ابو يوسف .. الساعه : 4:00 مساءً ____________________ ** رهـف ** كنت جالسه مع سعد في الصاله اذاكر له .. فاضيه وماعندي شي .. رجعتي لبيت اهلي خلتني اذاكر لسعد .. واتعلم الطبخ .. واغسل ملابسي بنفسي واغسل ملابس غيري بعد .. واسعاد امي كثير في شغل البيت وو .... كثير اشياء وانا اذاكر له .. مسك الكتاب وقال لي : عادي اجيب المقص واقص صورة النمر قلت له : لا طبعاً .. تبي الاستاذ يفشلك قدام الطلاب قال : صوره وحده ما تأثر قلت له بنضرات حاده : سعد قال بزعل : خلاص خلاص سمعت صوت التلفون يرن .. على طول رد سعد وقال : وعليكم السلام .. رهف ؟ .. لحظه مد لي السماعه وقال : ام فارس تبيك اخذت السماعه وقلت : هلا ام فارس قالت بصوت مبحوح : اهلين بنتي .. تعالي البيت الحين الريم تعبانه وتبيك استغربت من عجلة ام فارس في الكلام .. ما سألت عن اخباري وما سألت عن شي اكيد الريم فيها شي قوي .. ياربي عورني قلبي .. الله يستر قلت بخوف : الحين بلبس عبايتي وجايتكم .. مع السلامه قفلت ورحت لبست عبايتي ورجعت قال سعد وهو مره مبسوط : هيــــه اليوم مافيه مذاكره هيـــه .. ونـــــــاســــه قلت بعصبيه : سعد تعال وصلني لبيت الريم .. وارجع اقرا الدرس وراجعه بعدين اسمع لك قام بسرعه عشان يوصلني .. وطلعنا من البيت دقيقتين الا وحنا واصلين طقيت الباب بقوه من خوفي على الريم فتحت الباب امها .. على طول قلت لها : وين الريم قالت : في غرفتها رحت اركض قبل امها .. لاني ادل كل مكان بهالبيت يوم وصلت غرفة الريم .. فتحت الباب وتفاجأت من المنظر اللي شفته .. ريوم جالسه على السرير وتبكي بصوت عالي .. وشعرها متناثر بطريقه غريبه كان احد طاقها او شي تقطع قلبي من منظرها رحت لعندها بسرعه وضميتها بقوه كنت ابي ابعدها عني عشان اعرف اتكلم معها .. بس هي ماخلتني .. فقلت لها وانا ضامتها : ريوم حبيبتي وش فيك ؟ ماردت علي كانت بس تبكي .. وش فيها بالضبط ؟ ؟ ؟ ؟ ؟ مسحت على شعرها وقلت لها : ريمي قلبي قوليلي وش فيك .. لا تبكين بعدت عني وكانت عيونها حمرا من البكي قالت بصعوبه : مـ ـ ـ حــ ـ مـ ــــد " وسالت الدموع بمجرد ماغمضت عيونها بألم " من قالت محمد قلبي بدا يدق .. ياربي وش فيه اخوي .. ان شاء الله مافيه الا الخير .. أي خير وانا اشوف الريم بهذي الحاله .. مسكتها وهزيتها بقوه : وش فيه محمد قالت ودموعها ماوقفت : طلقني حطيت يدي على فمي وفتحت عيوني مصدومه .. وقلت على طول : الريم محمد مستحيل يطلقك .. انا ما اصدق اللي تقولينه .. اكيد انتي تعبانه وفيك شي وجالسه تقولين كلام مو حاسه فيه من شفت امها داخله الغرفه والدموع تملى عيونها .. وقفت وقلت لها : صحيح انـ محمد هزت راسها بأيه محمد .. أي محمد ؟ محمد اخوي ؟؟ اخوي انا .. ليه محمد يطلق الريم .. هو يحبها .. وانا اشهد على هالحب .. اذا محمد " اخــــــــــــــــوي " طلق الريم اجل يحق لي اصرخ واقول الدنيا مافيه خـــــيـــــر جلست وضميت الريم مره ثانيه .. بس ضميتها بقوه هالمره .. ضميتها وانا اعرف وش اللي فيه .. ضميتها وانا حاسه بكل المها .. ضميتها وانا اسمع صرخة اوجاعها في اعماقها .. وبكيت بصمت .. ما اعرف اوصف لكم كيف قلبي يعورني على حال اختي اللي ما جابتها امي سمعتها تقول بهمس : بس محمد يحبني لا محمد اناني وحقيرما يحب احد .. لو كان يحبك ماطلقك مهما كانت الأسباب كملت كلامها بصوت متكسر : هو طلقني لانه يبي عيال .. ومافيه رجال ما يبي يصير ابو ويصير عنده عيال .. صح .. مسكين محمد فارقني بدون ما احقق له آمنيته انه يصير ابو مديت يدي ومسحت دموع الريم .. محمد مايستاهل تبكين عليه مسكت يدي وبعدتها عن وجهها وقالت : انا كنت بوافق انه يتزوج علي .. والله العظيم كنت بوافق بس انه يطلقني .... وجلست تبكي من كل قلبها .. يوم شفتها تبكي كذا .. تذكرت مشعل فجلست ابكي معها .. ابكي على حالي وحال صديقتي .. تزوجنا في نفس الفتره وردينا بيت اهلنا في نفس الفتره . . . في هذاك اليوم نمت في بيت الريم .. وكل ما اصحى القى الريم تبكي انام مره ثانيه وارجع اصحى الاقيها تبكي .. حاولت اهديها واهون عليها بس ماقدرت .. الريم تحب محمد من كل قلبها بس للأسف محمد مايستاهل هاالحب .................................................. بيت مشعل .. الساعه : 9:00 مساءً ____________________ ** نجود ** اليوم ملكتي انا وفيصل .. اكيد انتوا مبسوطين الحين .. بس انا لا لسببين .. السبب الاول ان رهف ماراح تكون معي في هذا اليوم لان صديقتها الريم مو من زمان تطلقت .. ويوم كلمتها عشان تجي اليوم قالت : ما اقدر افرح معك وصديقتي للحين مجروحه وتعاني عذرتها لان الريم اكثر من الاخت لها .. حتى انا تأثرت بطلاقها لانها طيبه وماتستاهل بس يللا هذي الدنيا .. يوم لك ويوم عليك والسبب الثاني .. اني خايفه .. خايفه مره من موافقتي .. يوسف مسبب لي رعب مو طبيعي وحتى لو مابخاف على نفسي .. بخاف على فيصل .. احبه وما ابي يصير له أي شي يضره وبموافقتي على فيصل بفقد اهم شي في حياتي .. " الآمان " ما ابي اعيش طول عمري الباقي وظل يوسف يلاحقني الحين ما اقدر اتراجع .. ان تراجعت عن الملكه في هاليوم .. بكسر قلب فيصل اللي مايستاهل كان الفستان اللي راح البسه احمر وابيض ناعم مره .. وشعري مجعدته وجايبته على كتفي و الحين انا جالسه على كرسي التسريحه .. والكوافيره تسويلي اظافري فتح الباب نايف وقال : جودي ماخلصتي .. يللا لا تتاخرين علينا وقفت وقلت له : الا خلصت قال بأ بتسامه : الله الله اختي مره تهبل دخلت خالتي ام مشعل وهي تزغرت وترمي علي ورد .. وانا اضحك قالت : يللا ياعروستنا انزلي نزلوني تحت ولبست عبايتي .. ودخلت المجلس مع نايف ................................................ ** فيصل ** كانوا برا بسألونها اذا موافقه اولا نايف قال لي دقيقه تقول للشيخ موافقه وتوقع .. بس الدقيقه صارت ساعه وش السالفه .. ليكون بتطلع من هنا يافيصل مثل مادخلت .. كنت اهز رجولي بقوه من التوتر وانا احس العرق يتصبب مني .. واناظر في التكيف اذا يشتغل اولا .. يللا نجود قولي انك موافقه ووقعي . . . ارتباطي في حب حياتي نجود .. هواسعد شي صار في حياتي .. وهذي اللحظه اللي انا فيها الحين .. هي احلى لحظه كنا جالسين مع بعض في المجلس وساكتين .. يا انا اكلمها او هي ماتتكلم .. اعذرها اكيد مستحيه قلت لها بحب: طالعه مره قمر قالت وهي تمسح على شعرها : من ذوقك قلت : الذوق تعلمته منك لفت بعيونها تتفحص المجلس .. قلت بأبتسامه : اول مره تشوفين مجلس بيتكم لفت ناظرتني وضحكت .. قالت : ما ادخله كثير قلت : امممم .. بتدقين علي الليله هزت راسها بـ " لا " ياذا التحطيم .. قلت : ليـــــــه ؟ قالت بدلع : نعسانه بنام قلت : ايه صح .. دقي علي بكره الصبح قالت : بكره الصبح عندي دوام قلت : اوكي غلاتي .. اول ماترجعين البيت دقي علي قالت مستغربه : اول ما ارجع على طول ؟ والصلاة ابتسمت وقلت : بعد الصلاة قالت : لا سوري بعد الصلاة اتغدا قلت بطولة بال : بعد ماتتغدين قالت : الجو حار .. يعني شي طبيعي بعد ما اتغدا بتروش قلت : اووه نجود خلاص لا تدقين قالت : ان شاء الله مابدق مسكت يدها وقلت بأبتسامه : لا تجننيني ناظرت وجهي شوي بعدين فطست ضحك تركت يدها وجلست اضحك معاها فتح الباب نايف تخصر وقال : ماشاء الله ضحك وسوالف لفيت وجهي وقلت : اوووف جا هالنشبه قال محتج : لا نجود اختي رفعت حاجب وقلت : احد سألك وش تقرب لك نجود ؟ قال وهو يتقرب لنا : لا بس اذكرك بهالشي .. يعني لا تحسب انك تقدر تنفرد فيها لحالك اول ماوصل لنا نايف وواضح انه بيجلس .. وقفت بسرعه ورحت له .. وانا ابتسم لنجود ببرود سحبت يده بدون ماتلاحظ نجود وقلت له بهمس : نايف الله يخليك لا تخرب جوي عقد حواجبه نايف وقال : أي جو ؟ قلت : جوي انا ونجود قال بأبتسامه عريضه : انا جاي هنا عشان اعيشكم جو حلو طلع جواله من جيبه وحط اغنية " الدنيا حلوه " وجلس يغني معاها ويرقص الدنيا حلوه واحلى سنين بنعيشها واحنا ياناس عاشأين ننسى اللي فاتنا ونعيش حياتنا عـ الحب متواعدين كل الاحبه اتنين اتنين متجمعين في الهوى دايبين على ايه تكشر وليه تفكر دا العمر كلو يومين لفيت اشوف نجود .. لقيت الابتسامه شاقه وجهها وواضح ان الوضع معجبها مسك كتفي نايف وقال لي " مع الاغنيه طبعاً " انسى اللي راح على طول على طول ماتسبش زعلك مره يطول افرح شوي واضحك شوي كدا خلي روحك عاليه وهاي وياألبي غني كمان وكمان وصل غنايا لكل مكان وانا لو علي دلوأتي جاي على شان أقول يازعل باي باي ماتحملت امسك نفسي اكثر من كذا .. مسكته مع يده وقلت له بصوت عالي : ياخي انت اللي باي باي .. اطلع خلاص غثيتنا ضحك وقال : هذا جزاي اللي جاي اونسكم .. على العموم يللا " باي باي " طلع وقفل الباب .. لفيت وكملت لنجود الاغنيه وهي تضحك : الحب غير معنى الكون خلالو شكل وطعم ولون سكر زياده لا مش بعاد دنا حاس اني هطير احنا اللي بالحب صالحنا ايامنا وارتاحت روحنا فوت وعدي على شان تعدي وارتاح من التفكير ............................................. __________________ بيت مشعل .. الساعه : 2:00 مساءً __________________ ** رغد ** كنت جالسه في الحديقه .. حاطه صورة بابا الله يرحمه على الطاوله .. وارسمها .. طبعاًًً الرسمه مو بالمستوى المطلوب .. بس تمشي الحال ههههههههه اذا خلصت من صورة بابا برسم رهف واذا خلصت من رهف برسم سعد وبعدين جدتي وبعدين نايف ونجود لان هذيلا الناس اللي احبهم وعشان ماتزعل نجود برسم فيصل خطيبها سمعت صوت سياره لفيت وراي شفت سيارة نايف .. وقفها ونزل من السياره .. تركت الرسم .. ورحت اركض لنايف يوم وصلت له قلت : عمي نايف لف علي ابتسم ومسح على راسي مد لي كندر وقال : جبت لك كندر ودباب حق اطفال .. اذا رحت البر هالمره باخذك معاي اوكي ابتسمت وقلت : ثانكس قال : ولكم ودخل الصاله وكان بيصعد الدرج بس انا لحقته وناديت عليه بتردد : أأ عمي نايف لف وقال : رغوده عمري تبين شي ؟ قلت : انا ابي اقول لك شي مو مخليني انام عقد حواجبه وقال : مو مخليك تنامين .. احد مزعلك ؟ قلت بصوت عالي : لااااااااا قال : اجل قلت : تذكر قبل مايموت بابا .. رهف طاحت من الدرج صح قال مستغرب : ايه بلعت ريقي وقلت : رهف ماطاحت جلس على الدرجه وجلسني معه .. وقال وهو يناظر في وجهي بتركيز : الا طاحت اجل كيف مات اللي في بطنها ؟ اخذت نفس عميق و قلت : حنان بنت عمتي هي اللي دفتها ............................................ _____________________ بيت العمه .. الساعه : 3:30 مساءً _____________________ ** حنان ** كنت في غرفتي ارقص على اغنية (( الحب انت )) الحب أنت وأنا أنت شمسي أنت ظلي أنت ومثلك أنت لي هواه قلبي وتمناه نبض قلبي وسط قلبك هام دربي لأجل دربك مثل ما تحبني أحبك يا حبيبي وأتمناك كل عام وأنت بحياتي حبيبي لا حد مثلك ولا حد سواك تسكن بقلبي ونبضاته قريب يا أغلى ناسي ويا أحلى ملاك عيد حبك شي ثاني دام قلبك مانساني أنت في كوني وغيرك ما أتمناه ورده حمراء رمز ذاتك ذابت في أحمر شفاتك كلها تشبه صفاتك وأتمناك كل عام وأنت بحياتي حبيبي لا حد مثلك ولا حد سواك تسكن بقلبي ومن فؤادي قريب يا أغلى ناسي ويا أحلى ملاك أنا منك وأنت مني جيتني أو رحت عني كلي أحلام وتمني وأتمناك الحب أنت وأنا أنت شمسي أنت ظلي أنت ومثلك أنت لي هواه قلبي وتمناه كل عام وأنت بحياتي حبيبي لا حد مثلك ولا حد سواك تسكن بقلبي ونبضاته قريب يا أغلى ناسي ويا أحلى ملاك وداخله جو مع الاغنيه .. قطعت جوي هنوفوه كالعاده .. محد غيرها يخرب جوي .. فتحت الباب وقالت : حنـــــــان قلت بملل : نعم قالت : تبيك رغد على التلفون اوف وش تبي ذي البزره بعد طلعت من الغرفه ورحت للتلفون .. رفعت السماعه وقلت بقهر : هــــــاه ..: هلا حنان فزيت على طول من سمعت صوت نايف .. ركزوا معي ياناس .. نايف داق علي .. مو انا اللي داقه عليه .. ابتسمت وقلت بدلع : نـــايف ؟ قال : ايه نايف .. اخبارك حنان قلت : بخير دام اني اسمع صوتك قال : تسلمين .. حنان انا قررت وش قراره يــــــاربي .. ان شاء الله هالقرار متعلق بالزواج .. يارب مايضيع تعبي اللي تعبته وانا احاول اطيح نايف .. يــــــارب يارب يارب قالت : وش قررت ؟ قال : الواحد ياخذ بنت تحبه احسن من ياخذ بنت مايعرفها وينصدم فيها صح والا لا ؟ غمضت عيوني .. و قلت بسرعه : وش تقصد بهذا الكلام !! قال : انا ابي اتزوجك بعدت السماعه .. وجلست اضرب في اذني .. ما اصدق اللي اسمعه .. واخيراً بتتحقق كل احلامي انا قلت لكم .. حنان مافيه شي تبيه .. ماتوصل له .. انا مو سهله ابد قربت السماعه .. و قلت واسوي حالي مستحيه : صدق يانايف قال وصوته مايعطي أي انطباع " كالعاده " : ايه صدق .. بس انا ابي اشوفك بتكلم معك قلت بحماس : وين تشوفني حدد المكان وبجيك قال : بخلي السواق يمرك ويجيبك بيتنا قلت : اوكي .. متى بيجي ؟ قال : الحين بقول له .. يللا باي قلت : بايات قمت من مكاني وانا في قمة سعادتي .. اللي يبي الشي يتعب عليه .. ومحد يقدر ينكر اني تعبت حتى اوصل لنايف .. بالله استاهله اولا ؟ .. ركبت بسرعه غرفتي حطيت لي مكياج احمر على السريع ولبست عبايتي تعطرت .. و لبست شنطه و جزمه " الله يعزكم " حمرا وطلعت من الغرفه شافتني الهنوف وقالت لي : وين رايحه ؟ دفيتها وانا ماشيه وقلت : مو شغلك طلعت برا لقيت سواق بيت خالي واقف ينتظرني .. ركبت بسرعه وحرك السياره كنت وانا في السياره اعد الدقايق واعد الثواني .. يالله متى نوصل ان شاء الله نايف يحدد يوم الملكه من اليوم ونملك ونتزوج بأسرع وقت ونفتك من هالسالفه .. ولازم اوصيه انه مايخبر احد بهالموضوع الا بعد الملكه .. اخاف تصكنا عين انا ونايف ومايصير شي .. ياحسره عيون الناس ماترحم تعطرت مره ثانيه قبل ما انزل وطلعت المرايا من شنطتي .. اشيك على شكلي .. قـمــر والله اطيح الطير من السما نزلت وشفت الشغاله واقفه عند الباب .. تقول لي : تفضلي مدام واخيراً بعيش العيشه اللي كنت اتمناها سواق وخدم وزوج عنده فلوس دخلت الصاله كان نايف جالس على الكنبه يوم شافني .. وقف وابتسم نزلت راسي وقلت : السلام عليكم قال : وعليكم السلام .. نورتي قلت : بنورك سكت شوي بعدين قال : وشوله حاطه مكياج .. بتعجبيني يعني كذا ؟ عقدت حواجبي .. مافهمت عليه ؟ قال بغرور : اسمعيني .. انا جبتك هنا عشان بقولك كلمتين لا اكثر ولا اقل .. لاني نايف ولد عبد العزيز اشكالك يجوني لعند البيت مو انا اللي اروح لهم قلت : اشكالي !! تراني بصير زوجتك قريب ضحك بصوت عالي وقال : انا اتزوجك انتي هههههههههههههههه قلت : وش اللي يضحك .. وبعدين هذا الكلام قلته لي في التلفون رفع حاجب وقال : وانتي ماصدقتي خبر ؟ اشر علي من فوق لتحت وكمل : انا اخذ وحده مثلك .. اخذ وحده ماعندها لا ذمه ولا ضمير " بصوت عالي " تحسبين مدري انك طيحتي رهف من الدرج تصدقون اول مره قلبي يخفق بهذي الطريقه .. هذا وشلون عرف .. لازم انكر وما ابين له الحقيقه يمكن جالس يختبرني قلت : حرام عليك .. انا اطيحها ليه ؟ قال : وتكذبين بعد ؟ قلت : ما سويت شي قال بكل غضب الكون : ابي اعرف بس من عبد الرحمن اللي خلى رهف ماتكمل دراسه ؟ من علمه بسالفة عبد الرحمن بعد .. ياويلي نايف معصب مره خايفه في أي لحظه يضربني قال : انا سمعت رهف تقول السالفه لصديقتها في التلفون .. قوليلي من عبد الرحمن .. تكلمين شباب ؟؟ مافيه الا هالتفسير قلت بعصبيه : ما اسمح لك تــ قاطعني وقال : انطمي ما ابي اسمع صوتك يقرفني .. انتي بكبرك تقرفيني .. يوم اشوفك اشمأز وكأني شايف حشره .. لانك مو بشر .. شي ثاني غير البشر .. انا مستغرب من شي واحد ماخفتي رهف تموت يوم دفيتيها ؟ قلت بأنفعال : احسن خلها تموت ونفتك منها ومن شرها .. واقفه في طريقي انا وانت .. نايف خلنا نتزوج وننسى هذا كله رفع صوته و قال : انا وربي اللي خلقني .. ما راح اتزوج غير رهف .. وان كانت ماتبيني بجلس بدون زواج لنهاية عمري .. ولو تصعدين للسما وتنزلين ما تزوجتك .. ومن الحين اقول لك لا انتي بنت عمتي ولا اعرفك .. اطلعي برا ولا عاد تجين تقدمت منه وقلت : نايف الله يخليك لا .. انت في التلفون قلت بتتزوجني مايصير تغير كلامك صرخ في وجهي : انقلعي برا .. ياويلك لو اشوفك في بيتي مره ثانيه .. حتى عرس اختي نجود ما ابيك تجينه .. ولا تكلمين لا اختي ولا خالتي ام مشعل ولا حتى رغد .. انا اللي اعرفهم فيصل والهنوف وبس .. انتي مانتشرف فيك قلت برجاء : نايف تكفى لا تطردني قال بعصبيه : بتطلعين ولا اطلعك بالقوه ونادى بسرعه وبصوت عالي على الخدم جوه على طول وقال لهم : طلعوا هذي الحقيره من البيت مسكوني وصرخت بصوت عالي : اتركوني ما ابي اطلع .. كله من رهف الحقيره ماخلتني اتزوج نايف .. اصلاً هو يحبني ويبيني .. اتركوني .. لا تلمسوني ........................................... ____________________ بيت العمه .. الساعه 4:00 مساءً ___________________ ** الهنوف ** انا الحين في غرفة حنان .. وين مخبيه جوالي هذي .. دورت عليه في كل مكان ماشفته لاتكون بس كسرته وتخلصت منه .. عشان حتى لو لقيته مااقدر اكلم فيه .. تسويها هذي أي شي مو بعيد عنها فتحت الدولاب مره ثانيه ودورت بين ملابسها .. ايه الحمد الله لقيته .. اخذته وانا الارض مو شايلتني من الفرح .. اخيراً بطمن قلبي على فارس .. طلعت من غرفتها ورحت غرفتي .. كتبت بسرعه لفارس مسج ^*^ / \ / \ / ^*^ هلا فارس اخبارك ؟ وحشتني وحشتني وحشتني مــــــــــــوت لا تنبسط كثير الجوال مارجع لي طمني عليك ؟ بسرعه ^*^ / \ / \ / ^*^ انتظرت وانتظرت وماجاني مسج منه .. كتبت مسج ثاني ^*^ / \ / \ / ^*^ شكلك نايم نوم العوافي ^*^ / \ / \ / ^*^ دام انه نايم خل ارجع الجوال مكانه .. لا ترجع حنان وتسويلي سالفه قبل ما اطلع من غرفتي سمعت نغمة المسج .. فتحته وانا مبتسمه .. اشوا اني مارجعته ^*^ / \ / \ / ^*^ هلا انا بخير انا اسف اني سببت لك مشكله بس مدري وش اقول لك انا يا الهنوف ما اقدر اكمل معك كثير اسباب تمنعني اتمنى تنسيني وتعيشين حياتك سعيده ولا تعتقدين اني كنت اضحك عليك لا انا فعلاً كنت احبك واموت في الارض اللي تمشين عليها والله .. وهذا انا احلف لك بالله ومافيه احسن من الله بس الواحد الزم ماعليه سمعته وسمعت خواته انا صدري ضايق وان جلست في المملكه بتعب ومابقدر انساك فقررت اكمل دراستي اللي قطعتها هنا برا والايام كفيله بأنها تنسيني حبك مع السلامه ^*^ / \ / \ / ^*^ ماكنت مستوعبه كلمه من اللي كاتبه فارس .. قريت المسج اكثر من مره .. اوقف عند كلمة الواحد الزم ماعليه سمعته وسمعت خواته ؟ لازم يفهمني فارس معنى كلامه طبعاً لا الكلام ولا الوقت يسمح لي اكتب شي في هاللحظه .. فدقيت عليه بسرعه ...... رد علي وقال : الووو هنوفه ؟ قلت بسرعه وبخوف : فارس وش كاتب لي تنهد وقال : انا ما اقدر اغير شي الليله بسافر قلت بعد مادمعت عيوني : لـــيــه بتسافر ؟ قال بتردد : هنوفه مو لازم الحب ينتصر في هالدنيا .. ومو أي علاقة حب تستمر وتنتهي بالزواج قلت : طيب فهمني سكت شوي بعدين قال : انتبهي لنفسك من اختك حنان .. تراها مره معروفه .. ومشهوره بين الشباب حتى انا كنت اعرفها واكلمها قلت : لالا اللي تتكلم عنها مو اختي حنان صدقني .. فارس انا احبك ما اقدر اكمل حياتي بدونك قال : لا انا متأكد انتي دقيتي علي من جوالها و.... قلت : الووو فارس وينك فارس يبكي ؟ مستحيل .. قلت : فارس لا تبكي .. دام انا احبك وانت تحبني وش اللي يمنع قال بصوت متكسر .. بصوت يعور قلب أي احد يسمعه .. بصوت يحمل مليون آه .. ماتمنيت في حياتي اشوف فارس متعذب ومتألم كذا : ما اقدر اكمل معاك يا الهنوف .. خلي بالك من نفسك تكفين .. ترا انتي يا الهنوف .. بنت أي واحد يتمناها .. انتي انسانه مو عاديه .. انتي انسانه طيبه وشفافه وحنونه وقلبها كبير تقدر تسعد أي احد يعيش معاها .. " احذري من اختك حنان " ولا تنسين كلمتي هذي وخليها حلقه في اذنك الله يخليك لا تخليها تضرك .. ربي يسعدك مع غيري .. مع السلامه قفل على طول .. قلت بصوت عالي : الوووو .. فارس لاااا .. فارس ارجع لي .. مابعيش حياتي بدونك .. انا احبك وانت تحبني .. فــــــــــــــــارس رميت الجوال على الجدار يوم ماتكسر اخذته ورميته مره ثانيه بقوه .. حتى صارت كل قطعه من الجوال في مكان .. اخذت كل شي في غرفتي وكسرته .. كنت اكسر كل شي تطيح عليه يدي .. فـــــارس ارجع لي .. الله يخليك .. لا تسااااافر .. تكفى ارجع لي .. جلست على الارض وكل شي حولي كان مكسر صرخت بصوت عالي : فـــــــــــــــــــــــا ااااااااااااااررررررررس قمت من مكاني وطلعت من الغرفه نزلت تحت الصاله مدري وين كنت بروح بس كنت اركض .. تعثرت بشي وطحت على الارض ضميت يديني بقوه وجلست ابكي .. فارس تركني ؟ لا ماتركني .. لا .. لا .. لا .. لالالالالالا لااااااااااا فتح اخوي فيصل الباب وجاني يركض .. جلس على الارض وحط يده على كتفي .. كان يكلمني بس مخي مو راضي يستوعب هو وش جالس يقول .. ركزت شوي يوم هز كتفي وقال : ليه تبكين اشرت على قلبي .. و قلت : هنا يحترق يافيصل ضمني بقوه وقال : عسى ماشر .. هنوفتي وش فيك ؟ اول ماشفت حنان فاتحه باب الصاله .. بعدت عن فيصل ورحت لها وانا اركض سحبتها من شعرها بكل وحشيه وانا اصرخ : كله منك .. انتي السبب .. اكرهك .. انتي مو اختي وهي ماسكه يدي وتقول لي : اتركيني يا المجنونه .. فيصل الحق علي بتذبحني آآآآآآآآآي فيصل كنت اضرب فيها بدون رحمه في هذاك الوقت مدري من وين جاتني هالقوه اللي خلت حتى فيصل مايقدر يبعدني عن حنان .. تركتها يوم شفت الدم في وجهها من اظافري مسكني فيصل وعطاني كف " ماحسيت فيه " وقال بصراخ : الهنوف وش فيك وين عقلك طحت على الارض منهاره .. حطيت راسي على الكنبه وغطيت وجهي كنت ابكي من كل قلبي ودموعي كانت حاره من القهر .. آآآآه يا القهر آآآآآآه ياقلبي .. محد بيحس باللي انا فيني الا فارس .. بس وينه فارس .................................................. ___________________ الطائره .. الساعه : 9:00 مساءً ___________________ ** فارس ** كنت في الطائره وساند راسي على الدريشه متألم لحالتي وحالتها .. يمكن اكون ظلمت الهنوف .. بس لو غيري كان سوا كذا .. الحب مو كل شي في هالدنيا .. وحبي للهنوف مابيخليني ادوس على اهلي .. لاني فعلاً بزواجي بالهنوف بدوس على اهلي .. ان عرفوا خالد وابوي .. اني ابي اتزوج اخت حنان ماراح يوافقون بمجرد اجيب طاري اسم حنان وعايلتها .. ولو كان واحد من اخوياي يبي يتزوج اختي بيغير رايه ان ناسبت هالعائلة .. والسمعه اهم من الحب .. وانا واحد اخاف على اخواتي واهلي وما ابي اظرهم بشي .. ان شاء الله تستقيم هالبنت " المعروفه بين الشباب " والله سبحانه يصلح حالها .. صحيح الهنوف طيبه وتستاهل واحد احسن مني .. بس انا ما راح اسعدها .. اتمنى تلقى رجال يحبها يسعدها ويعيشها الحياة اللي تستاهلها وانا بحاول انساها .. وهي اكيد بتنساني مع الايام .................................................. .... ____________________ الجامعه .. الساعه : 8:30 صباحاً ____________________ ** الريم ** طبعاً انا خلصت ايام العده من زمان بس للحين وجهي شاحب وعيوني حمر من كثر البكي .. كل ماذكرت محمد بكيت .. اسأل رهف عن محمد .. تقول لي ماتدري عنه شي .. اهله كلهم مايدرون عنه شي .. وين مختفي يا محمد .. ان شاء الله خير وانا امشي اسمع كلام البنات يتهامسون : طلقها واخذ صديقتها لا حولا ولاقوة الا بالله .. كل يوم نسمع خبر اسوء من الثاني .. وش صاير في الدنيا .. مانسمع الا اخبار تحزن الى ان دخلت الكلاس وانا اسمع البنات يتهامسون : والله دنيا طلقها واخذ صديقتها وهي احلى واحسن من صديقتها بمليون مره حطيت كتبي وعدلت شعري .. شفت البنات اللي اعرفهم متجمعات .. فتحت اذني معهم ابي اسمع وش يقولون .. سمعتهم يقولون : ايه زوج الريم طلقها واخذ اسراروه اللي تدرس معنا وقفت بروح لهم بس حسيت الدنيا كلها سودا ماقدرت اكمل .... طحت مغمى علي ........................................... __________________ شقة محمد .. الساعه :30 مساءً __________________ ** محمد ** ’’ الريم بسرعه بوديك بيت اهلك مو انتي تخافين تجلسين بالشقه بروحك.. يللا بسرعه عاد انا بروح الدوام تأخرت ’’ قالت لي : قلت لك الف مره اسمي اسرار مو الريم قلت ببرود : زين البسي عبايتك .. لا والله طلعت وخليتك قالت بدلع : ماتسويها .. تترك زوجتك وهي حامل .. لو احتاجت شي ؟ قلت وانا أأشر بيدي : خلك هنا بقلعتك طلعت وقفلت الباب بقوه وانا معصب .. كاره العيشه مع هالأنسانه مره .. بس اكيد بعد ماتجيب لي الولد او البنت بتتغير حياتي معها والريم اخبارها ؟ وش مسويه بدوني .. اكيد تتعذب .. لالا .. خلاص انا طلقتها وما ابي افكر فيها .. كفايه ان حياتي معها كانت عذاب ليه ما امر بيت ابوي .. اموت واعرف اخبارهم .. بمرهم لاني متأخر على الدوام كذا ولا كذا . . . وصلت بيت ابوي اخذت نفس وطقيت الباب .. حسيت بأاحد يفتح الباب دفيت الباب بشويش ودخلت .. طاحت عيوني على رهف اللي فتحت لي الباب يوم شافتني لفت نفسها عني وراحت تركض داخل .. لا حول انا طلقت صديقتها او طلقتها هي ؟ دخلت داخل .. شفت امي جالسه بالصاله .. قامت وسلمت علي بحراره .. لانها مشتاقه لي من زمان ماشافتني .. شي طبيعي انا ولدها بعد ماسلمت عليها قالت لي : بس قلبي شايل بخاطره عليك مره قلت بحزن : افا يا الغاليه تشيلين بقلبك على ولدك قالت : اللي سويته في بنت الناس مو قليل دق قلبي يوم سمعت طاريها .. قلت : وش اسوي انا ابي عيال .. والريم ماتقدر تجيب لي .. وان خليتها على ذمتي وتزوجت عليها ما بقدر اعدل بينهم .. انا رجال على قد حالي قالت لي : فطرت ؟ هزيت راسي بلا ناظرت في وجهي وقالت : انت مو مرتاح في حياتك نزلت راسي وقلت : ايه ومابذوق طعم الراحه .. انا تعبان مره قالت لي : اجلس ياولدي بحط لك الفطور قلت : تسلمين يمه بس ما اقدر مره ثانيه .. رهف ماراح تنزل يعني ؟ قالت : ما اعتقد تنهدت بتعب وقلت : طيب يللا يمه سلمي عليها وعلى سعد ويوسف .. فمان الله قالت : الله معاك .. انتبه لنفسك والله يوفقك ................................................. ** رهف ** كنت في غرفتي جالسه على طرف السرير .. ما ابي اشوف محمد .. مره مو طايقته اللي سواه مو شوي .. والمشكله ماعنده مبرر .. والله زمن بعد ماكان يموت عشان يتزوج الريم يطلقها ؟ مدري ليه يوم جا في بالي طاري الزواج فكرت في نايف .. وفي الموضوع اللي كلمني فيه امممم يمكن يكون صادق في شي .. ابوي كبر في السن وماراح يتحملني كثير .. خاصه اني كنت متزوجه .. وتعود على انه مايصرف علي .. ويوسف وجوده والعدم واحد .. ومحمد ما ابي منه شي حتى لو كان موجود .. وسعد صغير .. عادي الصغير مصيره بيكبر .. بس بعد متى .. اوف وش اسوي ياربي ما ابي اعيش وحيده .. ولا كبرت في السن ما بيصير معي احد .. رهف لا تضيعين عليك فرصة الزواج من نايف .. انتي تتمنين واحد مثله .. وكل البنات يتمنون نصه وهو يحبني وانا ادري ووقف معي كثير مايستاهل اني ارده .. ورغد محتاجتني مره .. خاصه انها صارت يتيمه .. مستحيل اخلي وحده غريبه تربيها .. وربي محتاره وش اسوي .............................................. __________________ بيت مشعل .. الساعه : 9:00 صباحاً __________________ ** نجود ** اوف ابي اروح اليوم الشغل .. عشان اوقع اوراق واخذ اجازه .. لازم اجهز لزواجي ماعندي وقت .. فيصل يبينا نتزوج بسرعه وانا مزحومه مره نايف وفيصل بالشغل .. مافيه الا السواق مستحيل اروح معاه بجرب ادق على نايف جوال يمكن فاضي دقيت عليه ورد بسرعه : الوو هلا جودي قلت : هلا .. نايف تقدر تجي البيت تاخذني للشغل بس بوقع اوراق عشان اخذ اجازه وبطلع على طول قال : جودي انا مشغول عندي اجتماع الحين بس فيصل ماعنده شي .. بقول له يجي يوديك اوكي .. يللا انا مستعجل باي قلت : اوكي باي بعد ربع ساعه دق على جوالي فيصل .. رديت : الوو هلا فيصل قال : هلا قلبي .. اخبارك ؟ قلت : بخير وانت قال : عــــــــــســـــــى دوم مــــــــــــو يـــــــــــــوم قلت : يدوم عـز ......... قال بسرعه : وعزك ياالغاليه .. يللا اطلعي انا برا قلت : اوكي .. باي قفلت من عنده ولبست عبايتي بسرعه .. وطلعت ركبت السياره وقلت: السلام عليكم قال : وعليكم السلام .. اخبارك ؟ ابتسمت وقلت : اخباري عرفتها قبل شوي قال : اممم مو مشكله حياتي انا ابي اعرف اخبارك كل دقيقه قلت : طيب كنت انتظره يحرك السياره .. بس مرة 10 دقايق وماحركها ناظرته وقلت : يللا نمشي ناظرني بغرابه وقال : ليه ؟ قلت : انت عارف ليه قال : انت عارف ليه بحبك ليه وحبك ليه بيحلالي ليه بسهر ليه وادوب في عينيك قلت بقهر : ليكون تسمع لهذي ؟ قال : ومالوو لويت فمي وغطيت وجهي وقلت : اوكي قال وهو يضحك : هااه بدينا نغار استحيت ولفيت اناظر الجهه الثانيه وقلت : فيصل عاد قال : زين بمشي على قولة اخوانا الكويتيين .. اتغشمر وياج قلت وانا اضحك : اونك عاد .. بس اذا جيه عادي .. انا بعد ارمسك اماراتي قال : هيه .. يللا نسير وفي الطريق كل شوي يحط لي اغنيه .. يغني مع المغني ويقول اهداء لك قلت : ماشبعت اهداءات قال : لا .. لا يكون مليتي .. ما مداك تملين مني .. انا قايل يمكن اتزوج وحده ثانيه .. بس الحين اكيد بسويها شهقت وحطيت يدي على صدري وقلت : تتزوج على نجود بنت عبد العزيز ؟ قال : الشرع حلل اشر لي بصبوعه الاربعه وهو يحرك حواجبه قلت وانا امثل عدم الاهتمام : ايه احسن .. بتجيني وحده تفكني منك دخل يده من تحت الشيله مسك شعري وقال : متأكده قلت : ايه شد شعري بشويش وقال مره ثانيه وهو يناظر للطريق قدامه : متأكده قلت : لالا امزح .. والله امزح قطع شعره من شعري وقال : حسبت بعد لف شعرتي على اصبعه وقال : حبيبي انزلي وصلنا لفيت انا وقلت بأندهاش : ما اصدق وصلنا بهالسرعه قال : شفتي اذا كنتي مع حبيبك ماتحسين للوقت ضحكت وفتحت الباب قال : انتبهي لنفسك قلت : نلتقي لاحقاً قال : ان شاء الله نزلت من السياره وقفلت الباب .. لفيت اناظره شفته يطبع بوسه على كف يده ويطيرها جهتي في الهوا ضحكت عليه وكملت طريقي دخلت وقعت وخلصت كل شي بسرعه عشان ما اتأخر عليه طلعت برا وانا اتلفت ادور سيارة فيصل بعيوني .. رحت لعند الشارع وانا اناظر بقهر .. وين راح فيصل .. لهذي الدرجه تأخرت ؟ بدق بشوفه .. فتحت الشنطه بملل وطلعت الجوال منها .. بس تركت الجوال لان احد مسك يدي بدون ما ارفع راسي قلت وانا ادخل الجوال واقفل الشنطه : فيصل خرعتني حسبتك مشيت عنـ..... لاحظت ان الملابس اللي عليه غير .. رفعت عيوني شوي شوي بخوف .. يـــوســـف سحبت يدي بقوه وبعدت عنه على طول .. فتحت الشنطه ابي اطلع الجوال بس هو سحب شنطتي بسرعه .. قلت وانا للحين ماسكه الشنطه : يوسف الله يخليك روح قال بهمس : انتي ماتسمعين الكلام خايفه فيصل يجي في أي لحظه .. عشان كذا كنت متوتره و ارجف بشكل مو طبيعي حس برجفتي وقال : دام انك خايفه مني لهذي الدرجه .. ليه تعانديني قلت وانا قريب ابكي : ماعاندتك قال : مو قلت لك لا توافقين على فيصل .. لان انا ابيك ؟ قلت بخوف كبير : فيصل ماله ذنب اهله غصبوه عشان ياخذني عصب يوم قلت كذا .. و قال بصوت شوي عالي : رجال اهله يغصبوه وين حنا فيه ؟ خايفه عليه .. تحبينه صح ؟ هزيت راسي بلا قال وهو يسحبني من الشنطه : زين امشي معاي من سحبني بكيت على طول وقلت : وين امشي معاك قال : امشي سيارتي انا ابيك .. مستحيل اخليك مع فيصل قلت برجاء : لا تنكفى يوسف انا ما ابي قال وهو ضاغط على اسنانه : امشي سيارتي وبلا فضايح ترا الكلام بيجيك انتي ان شافوني معاك قلت بفرح وانا احط يدي على فمي : فيـــصــــــل تركني يوسف بسرعه وراح يركض سيارته .. وتحرك على طول اخذت نفس بقوه .. ارتحت يوم تحرك .. طبعاً انا ماشفت فيصل كل هذا كان تمثيل مني عشان يتركني يوسف دقيت على فيصل اول ماراح وقلت : هلا هلا هلا هلا الو الو الو قال : علق الشريط ههههههههههه مو وقت مزح ابد .. قلت : فيصل ليه مشيت ؟ قال : وليه اوقف ؟ قلت : عشان ترجعني البيت قال : ماخلصتي دوامك وشلون ترجعين قلت : ماقال لك نايف اني بس بوقع اوراق وباخذ اجازه قال : اهـــــــــــــا لالا ماقال لي .. انتي وين الحين قلت : برا عند الباب قال : ادخلي داخل وانا لا وصلت بدق عليك .. بجيك طيران مابتأخر قلت : زين لا تسرع قال : اوكي .. باي .................................................. ____________________ السياره .. الساعه 11:00 مساءً ____________________ ** الريم ** كنت في سيارة خالد .. تعبانه مره .. تمنيت لو اني مارحت الدوام اليوم .. بموت من القهر احس بقلبي يحترق .. ابي اتأكد من اللي سمعته بنفسي من اسرار او من محمد .. مستحيل يسوونها فيني لفيت على خالد وقلت له : نزلني بيت رهف قال : لا بوديك المستشفى قلت بأنفعال وانا ابكي : ما ابي ما ابي .. بروح بيت رهف قال : انتي تعبانه مايصير كذا قلت بعصبيه : ترا بفتح باب السياره وبنزل .. انا بدون شي عفت العيشه قال بأستسلام : خلاص بوديك بس لا تقولين كذا . . . كنت حاضنه رهف عند الباب وابكي .. خلاص تعودت على البكي .. الدموع من يوم ماطلقني محمد ماتفارق عيوني .. الهم صار يلازمني في كل وقت قالت لي رهف : خلاص يا الريم مو زين اللي تسويينه .. محمد مايستاهل قلت وانا منهاره من البكي : ايه لانك ماتدرين وش صار بعد مسكتني من كتوفي وقالت : زين ادخلي اول دخلت معاها ورحنا غرفتنا .. قلت لها بكل السالفه قالت : هالحقيره اللي ماتستحي سراقة الرجال قلت ودموعي تكمل مسارها على خدي : الله يخليك دقي وتأكدي .. بعطيك الرقم قالت : طيب بس انتي اهدي عطيتها الرقم ودقت عليه ................................................ ** رهف ** ردت علي بنت .. قلت : الوو اسرار ؟ قالت : ايه نعم من انتي ؟ قلت بتردد : انتي زوجة محمد !! يوم سمعتها تقول ايه غمضت عيوني بقوه .. ما ابي اشوف الريم قلت : انا اخته رهف قالت بفرحه : والله انتي رهف .. هــــــــــلا وغــــــــــلا قلت بقرف : غلا في قلبك نار ان شاء الله .. الله ياخذك ولا يوفقك لا دنيا ولا اخره .. يا الحقيره ياللي ماتستحين .. سرقتي زوج الريم وهي طيبه وماتستاهل قالت : ما اسمح لك تتهجمين علي بهذي الطريقه قلت : ابلعي لسانك انتي اخر من يتكلم قالت : والله انا مالي ذنب هي اللي ماعرفت تحافظ على زوجها بغبائها قلت : والله على نياتها البنت مادرت ان فيه ناس في قمة النذاله مثلك .. ايه وش عليك ( خاويني واخوايك اخذ زوجك واخليك ) قالت : ماخليت احد هي اللي خبله .. تبين تعرفين دليل خبالتها .. كتبت لزوجها كلام حلو في ورقه .. وعطتني الورقه عشان الصقها في الورده .. غيرت الورقه بورقه ثانيه كاتبه فيها رقمي وكلام اوصف فيه حبي واعجابي بمحمد ولصقتها في الورده وهي ولا حست ولا عرفت للحين خبله او مو خبله قلت : مفتخره بللي سويتيه .. ابي افهم وش معنى محمد الرجال كثار قالت : هي دوم تسولف عنه عجبني .. وبعدين من يوم عرفت انها ماراح تجيب عيال قلت فرصتي .. وايه صح ابشركم انا الحين حامل انقرفت منها مره .. ماقدرت اكمل معاها .. قفلت في وجهها وحبست دموعي .. ابي اصير اقوه من الريم مسكت يدها وقلت لها : ريوم لا تبكين خلاص عشاني قالت وهي حاطه يدها على راسها : ابي ارجع البيت قلت: اجلسي معي شوي بعد تفاجأة يوم شفتها تضحك قالت وهي تضحك بيأس : شفتي الايام وش سوت فينا .. رجعنا مثل اول انا في بيت اهلي وانتي في بيت اهلك .. ماحققنا ولا شي من اللي كنا نحلم فيه قلت : انتي بتصيرين احسن دكتوره في المستقبل صدقيني قالت : لا مابصير شي .. انا خلاص مستحيل اقدر اكمل شي .. تعبت مره قلت : لا لازم تكملين هذا شي من احلامنا قلت : دام ماتحققت كل الاحلام وش الفايده من تحقيق حلم واحد بكيت وقلت : خسرنا الحلوه والمره .. وربحنا الآآه والحسره وقفت وقالت : يللا بمشي مسكت يدها ووصلت معها لعند الباب قالت لي : يللا مع السلامه قلت : الله معك كنت اتبع خطاها وانا عند الباب وهي تمشي لفت علي وقالت : سلمي على محمد صرخت بصوت عالي : الـــــــــــــــــريــــ ـــــــــــم سيـــــــــــــــاره قــــــــدامـــــــــك .................................................. الشركه .. الساعه :00 مساءًُ ____________________ ** يوسف ** اكيد مستغربين وجودي في الشركه .. بس ما اقدر اصبر اكثر .. قررت اجي اهدد فيصل واخليه يترك نجود .. والله لو يوصل الموضوع للذبح .. ما اخليه الا وهو تارك نجود زين اني ماتهورت وكلمته قدام نجود قبل شوي .. ولا كان كرهتني اكثر هي بدون شي كارهتني .. بس اذا تزوجتها بتحبني .. مسألة وقت بس دخلت الشركه .. وماكنت عارف وين اروح سألت شخص شكله يشتغل في الشركه : وين مكتب فيصل عبد الله قال : مكتب الاستاذ فيصل عبد الله في الطابق الرابع .. روح فوق واسأل قلت : مشكور بما ان المصعد يدوخ راسي .. رحت ركبت مع الدرج يوم وصلت الطابق الرابع وانا راكب اواخر الدرج جا واحد نازل بسرعه .. دفني بقوه وهو يركض طحت وضربت رجلي طرف الدرجه .. وراح يمشي ولا كأنه مسوي شي .. بس فيه واحد كان وراه جاني يسرع مد لي يده وقال : اخوي قوم شكلك تعورت مسكت يده بيدي وقمت .. ويده الثانيه حاطها على ظهري قال الرجال : والله هالموظف ماعنده اسلوب .. انا اعرف المدير في هذي الشركه .. بكلمه عن هالموظف .. وعن اسلوبه ابتسمت وقلت : مافيه داعي يا الطيب ... آآآآخ رجلي قال وهو يتفحص رجلي بيده : شكلها رجلك تعورت مره .. لازم تروح المستشفى يمكن فيه كسر ولا شي لا سمح الله .. لا تسكت عن نفسك قلت بملل : زين قال : شكلك تقول وش عنده ذا مسوي فيها دكتور هههههههههههه قلت : ههه .. يللا مشكور عن اذنك .. أأ على فكره وين مكتب فيصل عبد الله ابتسم وقال : فيصل عبد الله معاك .. امر اخوي انصدمت .. ماتوقعت ان اللي اكلمه فيصل .. على طول تداركت الموقف وقلت : قصدي فيصل عبد الرحمن ثبت ذراعي على كتفه وقال : تعال معاي بوصلك للمكتب مدري وش اللي خلاني اغير رايي واقول اسم ثاني .. ولحسن حظي كان الاسم اللي آلفته .. اسم موظف موجود عندهم وقف عند باب مكتب وقال : هذا مكتب الاستاذ فيصل عبد الرحمن .. تبيني اوصلك لداخل ؟ مديت يدي وقلت : لا مشكور اخوي ماتقصر صافحني وقال : العفو ماسويت الا الواجب .. حياك مشى عني وانا الاحقه بأنظاري .. يوم اختفى .. مشيت عن باب المكتب .. هذا هو فيصل خطيب نجود .. معاملته معي كانت عكس تماماً للمعامله اللي كنت بعامله فيها لو ماصار اللي صار .. مدري وش احس فيه بالضبط .. لأول مره في حياتي كلها احس بالذنب طلعت من باب الشركه .. ودق علي ياسر رديت عليه : الوو هلا يسور قال : هلا يسوف .. لا تنسى الليله بنسرق محل الفساتين قلت : بس الفساتين ماتجيب شي قال : لا هالمحل ارخص فستان عنده بألفين .. يعني بنحصل على شي وشويات قلت : اوكي تم ............................................ ___________________ المستشفى .. الساعه : 12:30 مساءً ____________________ ** رهف ** كنت في المستشفى عند السرير اللي فيه الريم .. تقول انها تبي تشوفني قبل ماتموت .. وهذا الشي اللي خلاني ابكي كانت كلها دم في وجهها وفي جسمها .. وانا ماسكه يدها .. مو مصدقه اللي صار قالت لي بصعوبه وهي مو قادره تتكلم : رهـ ـ ـ ـ ف انا ابي منك طلب اخيــ ـ ـ يـر قبل ما اموت قلت وانا امسح على شعرها ودموعي تطيح : بسم الله عليك .. عمرك طويل .. مابتموتين صدقيني بلعت ريقها وقالت : قولي لمحمد انـ ـ ـي احبه ......... ومسامحته على كل شي .. وع وعاذرته لانه ماغلط .. حلمه انه يصير ابو .. وانا ما حققت له هذا الشي ..و لو لو عشت مستحيل انساه انا حافظه اسمه في جوالي مستحيل انساك وهالكلمه محفوره في قلبي بعد .. قوليله هذا الكلام رهف ..أأأ مانه حطيت يدي على فمها وقلت : لالا لاتتعبين نفسك حبيبتي .. انتي بتعيشين قالت : خليني اكمل .. انتي بعد سامحي محمد عشاني ولا تقسون عليه .. وابيك تكملين دراسة الطب عنك ............ وعني .. هالحلم بالذات لازم يتحقق وما ابيك تبكين على موتي.. لاني ان مت برتاح .. لاني ما بقدر اكمل حياتي بدون محمد .. واذا تذكرتي ايام الدراسه وايامنا مع بعض .. ما ابيك تبكين بعد ..لانها ذكريات حلوه مانبكي عليها .. انا صحيح انحرمت من العيال ومن زوجي ومن كل شي احبه .. بس ما انحرمت من صديقتي واختي .. اللي لأخر لحظه في حياتي واقفه معاي من شفتها وقفت عن الحركه ونفسها انقطع .. ناديت على الدكتوره وانا اصرخ بصوت عالي جات لعندي حاولت تبعدني وماقدرت .. جات ممرضه ووراها ممرضه ثانيه مسكوني وبعدوني غطت الدكتوره وجه الريم بالغطا الابيض .. صرخت على طول : لاااا الريم مابتموت مابتخليني لحالي .. ريوم قومي .. تكفين طلعوني برا مكان ماكانوا موجودين امها اللي ماقدرت تدخل لها .. واخوها خالد .. من طلعت طحت على الارض ماقدرت اوقف مسكتني امها وقالت : رهف قومي قوليلي وش فيها الريم قلت وصوتي متقطع من البكي : الريم خلاص .. تركتنا وراحت .. تركتني صديقتي واختي الوحيده .. من لي غيرها بهالدنيا .. ابي اشوفهــا .. ما ابيها تموت ودخلت في نوبة بكي متواصل .. الى ان غبت عن الوعي ................................................ _________________ شقة محمد .. الساعه 1:30 مساءً _________________ ** محمد ** رجعت من الدوام تعبان .. شفت اسرار في وجهي قلت وانا لاف عنها : السلام عليكم قالت : وعليكم السلام قلت : جوعان قالت : انت تدري اني ما اعرف اطبخ قلت : ومتى بتتعلمين ان شالله .. والا اقول وخري وخري بروح انام ابرك لي وقفت وقالت : انت تبي حجه عشان تنام قلت : ايه ابي حجه ما ابي اشوف وجهك قالت : محمد اليوم عرفت ان اللي في بطني بنت قلت : مبروك قالت : ما اشوفك مستانس قلت : مو قادر اعرف وش يعني وناسه معاك قالت بيأس : اجل طلقني قلت بعصبيه : ايه بطلقك وبرجع للريم .. وبربي بنتي معاها قالت وهي تهز راسها : مو كل شي بالدنيا يمشي على كيفك يا محمد قلت : الا على كيفي ومثل ماطلقتها على كيفي برجعها فـــــــاهــــمـــــه .. ويللا روحي عن وجهي ما ابي اشوفك قالت : ابي افهم ليه تزوجتني قلت ببرود : لاني كذا ولا كذا بتزوج وحده غير الريم وبطلقها بما ان وضعي المادي مايسمح لي اصرف على ثنتين .. اخذ وحده تحبني وفوق هذا عارفه بقصتي مع الريم وماراح تسأل عن اهلي .. او تقول عرفني عليهم .. وبعدين يا الذكيه من وين بجيب وحده غيرك .. بقول لأهلي شوفولي بنت اتزوجها ؟ ماراح يوافقون لان الريم بنتهم .. او ارقم واشوف البنت اللي تناسبني ؟ .. انتي سهلتيها علي ورقمتيني قالت : محمد حرام اللي تســ... اشرت لها عشان تسكت يوم سمعت نغمة جوالي .. ناظرت في الشاشه & رهـف & يتصل بك رديت وانا متفاجأ اتصالها : الوو هلا رهف قالت وهي تبكي وصوتها مبحوح : محمد الريم ماتت .. ’’ وبكت بصوت يقطع القلب ’’ ماتت وهي تتكلم عنك رميت الجوال على الكنب وطلعت من البيت اركض .. جلست اركض في الشوارع اركض واركض .. وصلت للبحر وطيحت نفسي على بطني وبكيت بصوت عالي .. انا ابيها .. انا احبها .. ليه ماتت وخلتني .. كنت برجع لها .. لاااااااا اكيد انا بحلم . . . رجعت الشقه بالليل وانا تعبان .. وكنت حافي وشماغي مو على راسي .. فتحت الباب لقيت اسرار في وجهي .. مسكتها بقوه وطلعتها برا الشقه ورميت وراها عبايتها .. وانا اصرخ : انقلعي برا وما ابي اشوف وجهك رحت للمطبخ ورحت للغرفه ورحت للصاله .. وانا اتخيل الريم في كل مكان .. ليه طلقتها بموت من الحسره والندم .. وش بيفيدني هذا كله الحين .. ماتت وانا السبب .. قتلتها كان شريط حياتي مع الريم يمر قدام عيوني .. يوم اشوفها اول مره . . كانت بنت عند الباب واقفه ومنزله راسها .. ماعرفتها ..لانها حاطه الغطا على وجهها .. قلت اكيد هذي وحده من صديقات رهف ..... لالالا .. هذي الريم ... انا متأكد .. ايه ايه .. هذي الريم .. ريحة عطرها نفسها ... تكلمت وهي مستحيه ومنزله راسها قالت لي : رهف موجوده من تكلمت قلبي بدا يدق بقووه .. صوتها مره ناعم ..فديتك .. وفديت صوتك يا الريم رديت عليها : ايه ايه .. تفضلي كنت انا مسند يدي على الجدار .. وهي كانت واقفه قريب مني ..اناظرها وانا مبتسم ..وااشر لها عشان تدخل .. بس هي مادخلت .. الظاهر عجبتها الوقفه معي .. وتبي تطول .. يحظك ياحمود .. من قدك . . آآآآآآآه ماتوقعت الايام تاخذها مني .. مو الايام اللي اخذتها .. انت الحقير النذل اللي طلقتها وتركتها ......... ارجعيلي يا الريم وبعوضك .. ارجـــــــــــــــــــعــ ـــــــيـــــــــــــلـــ ـــــــــــــي ............................................... _____________________ محل الفساتين .. الساعه 11:00 مساءً ______________________ ** يوسف ** وقفنا برا عند المحل .. كان فيه رجال واحد بس يبيع وحنا ما حسبنا حساب ان فيه رجال واحد بس .. هالشي بيسهل علينا المهمه يعني .. وبنتين يشوفون الملابس .. انتظرنا هالبنتين يطلعون .. ودخلنا بعدهم .. هددت انا اللي يبيع بالسكين .. وياسر ودحوم قفلوا المحل .. اخذوا الفلوس اللي في المحل و بعدها اخذو كيس كبير .. وصاروا ياخذون الملابس ويحطونها بالكيس .. ضربت انا الرجال على رجله بالسكين .. عشان مايقدر يمشي .. حطيت السكين بجيبي .. ورحت اجمع معاهم .. وانا اجمع لمحت الرجال زحف للتلفون .. وكان بيدق رقم .. عرفت اني مابلحق عليه واكيد دق على الشرطه وبيوصلون .. تركت اللي بيدي بصمت ورحت لعند الدريشه اللي بالمحل .. كسرتها من الاطراف .. وطلعت منها .. بس اخوياي ماقدروا يطلعون والشرطه لحقوا عليهم .. مشيت بسرعه وكنت بركض .. بس لفيت وراي ناظرت للمحل وفكرت شوي .. حطيت يدي بجيبي وطلعت السكين وجوالي ومحفظتي وحطيتهم عند الدريشه اللي هربت منها .. ابتسمت بحزن ومشيت ’’ خسارة حريتي مو اعضم من خسارتي لأول حب في حياتي .. نجود ’’ ............................................. بيت ابو يوسف .. الساعه :00 مساءً ____________________ ** رهف ** كنت جالسه في غرفتي اقرا قرآن للريم الله يرحمها .. وانا في قمة الحزن .. محمد حالته حاله .. ويوسف بالسجن .. وانا طول الوقت ابكي .. خسرت كثير ناس احبهم واعزهم .. مابقى لي غير الذكرى فتح الباب اخوي سعد وقال لي : رهـــف فيه بنت تبيك عند الباب حطيت القرآن .. وطلعت من الغرفه .. نزلت تحت وفتحت للبنت ناظرت فيها شوي متفاجأه .. من هالبنت بعدين قالت : السلام عليكم قلت : وعليكم السلام قالت : انتي رهف قلت : ايه قالت بأرتباك : ممكن ادخل فتحت الباب وقلت : أأيه .. ت ت تفضلي دخلتها وكانت امي جالسه بالصاله .. سلمت عليها وجلست قالت : اكيد ماعرفتوني قلنا : لا قالت بخوف : انا اسرار .. محمد طلقني .. وبنتي للحين بدون اسم .. ابيه يسميها .. وشلـ .. قمت من مكاني وقلت بعصبيه : وجعله مايسميها .. وش جابك بيتنا قالت : الله يخليك رهف حاولي تفهميني رحت ومسكتها بقوه من يدها وصرخت : انـــــقـــــلعـــي برا بيتنا .. ولا عاد تجين .. يــــللا برا بس هي مو راضيه تطلع .. مسكتها امي من يدها الثانيه وقالت : اطلعي بالطيب يابنتي والله يستر عليك .. لان مالك جلسه في هالبيت قالت وهي تبكي : مو ذنبي قلت : الا ذنبك ويللا انقلعي برا مسكتها من شعرها وسحبتها لبرا البيت .. جا سعد يركض وفتح الباب .. دفيتها برا .. وقلت : بعد اللي سويتيه في الريم لك عين تجينا .. ياويلك لو تجين مره ثانيه وصفقت الباب بقوه ........................................ "]™±§•£‡ بعد مرور 10 سنوات من الاحداث السابقه ¦‡£•§±™ _____________________ بيت نايف .. الساعه : 1:00 صباحاً _____________________ ** نايف ** كنت نايم ورهف تصحي فيني .. وانا معطيها ظهري واقول : رهوفه خلاص خليني انام سحبت الغطا عني وقالت : حلوه هذي تنام وانا اجلس لحالي .. واذا صحيت بكرا تصحيني قلت وانا مغمض عيوني : نامي وش اللي يمنع قالت بقهر : اللي يمنع ولدك مشعل مو راضي يسكت قلت : اجل ارميه من الدريشه قالت بدهشه : ارمي ولدي ؟؟؟؟؟؟ قلت : عندنا بناتنا شهد ورغد مالنا حاجه فيه وش فيها سكتت وين راحت لا يكون نامت .. سمعت صوت الدريشه تنفتح .. نطيت من السرير .. ولفيت عليها شفتها فاتحه الدريشه وتاخذ مشعل بترميه رحت لها اركض .. سحبت الولد وقلت لها : هيييه تخبلتي هاتي ولدي .. بسته وحطيته على سريره ضحكت بصوت عالي وقالت : شفت كيف صحيتك تخصرت وقلت : تنصبين علي يعني تخصرت مثلي وقالت وهي تقلد صوتي : تنصبين علي يعني .. اكيد انصب عليك سحبت يدها وبستها .. وقلت : لا تقلديني قالت : كيفي قلت : لا مو كيفك قالت بتحدي : الا كيفي قلت : رهف قالت : نايف قلت : ترا بعضك قالت وهي تضحك : عادي دفيتها على السرير .. وطاحت على ظهرها .. وصرت ادغدغها واقول : هاه تتأدبين عن حركاتك وهي ميته ضحك ومو قادره تتكلم .. بعدين قالت : خلاص نايف الله يخليك بتأدب ههههههههههههههه .. نايف لا تدغدغني ما احب هههههههههههههه والله ما احب ههههههههههه قلت : قولي احبك يانايف وبوقف قالت : وقف الله يخليك هههههههههههههههههههه نايف خلاص عاد قلت : قولي اول قالت وهي تحاول تبعدني : بس عاد ههههههههه بتصحي مشعل يالله نام هههههههههه قلت وانا للحين ادغدغها : يعني مابتقولين ؟ قالت : احـــــــــــــبـــــــــ ـــك قلت : كملي .. قولي احبك يانايف .. ولا ترا مابوقف ضحكت وقالت : احبك يانايف ههههههههه امــــوت فــــيــك تركتها وقلت : ياقلب وعمر وحياة وروح نايف .. وانا اعشقك يادنيتي مو بس احبك قالت : الله يخليك لي ولـ رغد وشهد ومشعل انسدحت بجنبها على ظهري وقلت : ويخليك لنا حبيبتي .. رغد متى نامت ؟ قالت : نامت الساعه 10 .. انا غصبتها تنام .. هي مو راضيه تنام .. تحاتي حق ليلة بكرا .. ما الومها حالة أي عروس قلت : بنفتقد بنتنا رغد كثير اذا تزوجت قالت : ايه صح قلت : مو متعود تنام برا البيت قالت : لا تخاف عليها سعد رجال ويحبها ويخاف عليها بست عيونها اليمين وقلت : ايه والنعم فيه .. طالع على اخته " وبست عيونها الشمال " ابتسمت وقالت : الايام بسرعه تمشي .. احس عرسي انا وانت كأنه الامس .. وبكرا عرس رغد وسعد اخوي .. والله دنيا قلت : ايه والله ~~)(~~ كـذا من ربي حبــيته بسـرعه يوم لا قيـــــته ياناس اللي تمنيـــــته أخيـراً صـــار محبــوبي ~~)( سمعت نغمة جوال رهف وقلت : وش هالاغنيه المغبره .. وااااااااي قديمه ابتسمت وقالت : بس لها ذكريات ردت على الجوال وقالت : الووو هلا ام نايف .. ايه نامت .. طيب .. الساعه 8 .. عارفه .. الله يخليك .. بكرا تعالي بدري مانبي نتأخر .. العروس نامت من زمان .. طيب .. الله معك قلت : وش تبي نجود قالت : تسأل عن أمل بنتها قلت : يالليل أمل بنت نجود وفيصل .. انا خلاص اعتبرها فرد من افراد عائلتنا .. كل يوم تنام معنا قالت : تحب شهد .. وماترضى تطلع من البيت اذا جابتها امها وش تسويلها قلت : مشعل سكت شكله نام قالت : انا بعد بنام .. يللا تصبح على خير قلت بأعتراض : لا والله تطيرين النوم من عيوني..بعدين تنامين وتخليني .. مافيه تجلسين معي الى ان انام ضحكت وقالت : شكلنا بكرا راح ننام في العرس .................................................. .... __________________ بيت ابو يوسف .. الساعه : 1:30 مساءً __________________ ** محمد ** ’’ يــــــــمــــــــــه .. ما خلصت الـــــــــريــــــــم ’’ سمعت صوت امي تقول : جالسه امشط شعرها طلعت من غرفتي للصاله .. شفت امي جالسه تمشط شعر بنتي الريم .. والريم تبتسم لي وهي لابسه فستانها الاحمر قلت : يللا بسرعه يمه كنت انتظر امي تخلص منها .. عشان باخذها .. بطلع معها وبلعبها مثل ماوعدتها .. بنتي الريم اغلى شي بحياتي .. احبها مره .. سميتها الريم عشان اتذكر الريم الله يرحمها كل ماشفتها وناديتها .. انا الحين في بيت ابوي .. طبعاً امي تحبها وتدلعها ومو مقصره معاها كأنها امها .. وامها اسرار من يوم ما اخذتها منها ما سألت عنها .. عمري الحين 37 .. وماتزوجت بعد اسرار .. تقدمت الى ساره اخت الريم الله يرحمها .. لانها من كلام امي ورهف صارت مره تشبه للريم بشكل مو طبيعي نسخه منها .. بس رفضتني رفض قاطع .. وما الومها كنت اعتقد ان العيال اهم شي " عشان اعيش سعيد " بس اكتشفت انك لازم تحب " ام العيال " عشان تعيش سعيد .. ولو ما الله كتب انه يرزقك انت وزوجتك عيال اكتفي بـ " حبها واخلاصها لك " والسعاده ماعرفت طعمها الا بوجود " الريم " بجنبي ... والحين انا عايش مع بنتي احلى حياة ومع هذا افتقد فيها الريم الله يرحمها .............................................. _________________ بيت فيصل .. الساعه : 2:00 مساءً _________________ ** نجود ** اوف معصبه مره .. فيصل ساعه يتروش وساعه يتلبس و ساعه يضبط الشماغ .. وانا لابسه عبايتي ومقهوره قلت وانا سانده نفسي على باب الغرفه : فيصل وش رايك تحط لك ميك اب قال : ما اعرف .. لو اعرف حطيت قلت : حبيبي والله بيزعلون مني رهف ورغد ان تأخرت اكثر من كذا قال ببرود : وش اسويلك صاحيه من الصبح .. كان خليتيني اوديك لهم .. بدال القرقره اللي تقرقرينها في هالتلفونات شهقت وقلت : حرام عليك أي تلفونات .. بس كلمت عمتي ابارك لها عشان وليد تخرج من الثانويه بنسبه ترفع الراس قال : اهاا قولي كذا .. كم نسبته وليد قلت : قول ماشاء الله اول اخاف تصكه عين .. ’’ وبسرعه قلت قبل ماينطق بشي ’’ امزح معك .. نسبته 98 % قال : ماشاء الله .. توقعت وليد يجيب هالنسبه ماشاء الله متفوق من يوم كان صغير ناظرت في الساعه وقلت بقهر : خلاص الحين بيخلوني اتعدل اخر وحده قال : احسن تتعدلين اخر وحده .. يصير شكلك مبهر وتتفنن فيك الكوفيره بحكم ان مافيه وحده بتتعدل بعدك .. ومابيخترب الميك اب بسرعه ضحكت وقلت : هين بتتفنن فيني .. اصلاً بتكون طفشانه وتعبانه وتبي تخلص .. فبتخربط لي أي شي تقدم مني وباس خدي وقال : حياتي اصلاً انتي حلوه بدون مكياج وبدون شي ابتسمت مسكت يده وقلت : اتحداك تقول غير كذا .. يللا يللا تأخرنا ................................................. ___________________ بيت العمه .. الساعه : 4:00 مساءً ___________________ ** حنان ** كنت منسدحه على بطني في الصاله .. وماسكه الجوال بيدي واقول بقهر : اوف الشايب الغبي عنده كل هالملايين ليه سافر وماتزوجني قالت امي : ماعليك يابنتي انتي حلوه وجميله .. ومليون واحد يتمناك .. صدقيني بتلقين واحد اغنى واحسن منه ابتسمت بفرح وقلت : صدق يمه قالت : ايه .. بس اخو صديقتك مريم كان بيخطبك ليه مابغيتيه قلت وانا أأشر بيدي : خليه يولي هذا ماعنده ولا فلس .. وحده مثلي تستاهل واحد احسن من كذا قالت : ايه وانتي الصادقه .. بتروحين اليوم عرس رغد قلت : لا مو مرحب فيني هناك قالت : بروح انا والهنوف لفيت اناظر في الدريشه وانا افكر .. امي خلاص صارت عجيز مره .. بتموت قريب .. ان ماتت مابيضل لي احد في هالدنيا .. الهنوف ماتدانيني من هذاك اليوم .. يوم تطقني في الصاله وما اعرف السبب .. وابوي " مات الله يرحمه " وفيصل من عرف اني اكلم شباب تبرا مني وصار مايجي البيت ويقول اللي يبيه يروح له بيته هو ونجود .. وامي والهنوف يروحون له على طول بس انا ما اروح مالي وجه .. والبنات اللي اعرفهم كلهم تزوجوا .. حتى الشباب اللي كنت اعرفهم تزوجوا .. وكنت ابي اشتغل في شركة نايف .. لانهم شغلوا بنات هناك .. ويوم وديت ورقة تقديم الوظيفه .. شقها نايف في وجهي وقال لي مثل ماشقيتي اللوحه .. وللحين مدري أي لوحه اللي يتكلم عنها .. ابي اتزوج وش اسوي .. ابي الرجال اللي في بالي ويحق لي ما اخذ الا غني وعنده ملايين انا بنت حلوه ذكيه واهبل باقي 6 سنوات وادخل الـ 40 توه عمري 34 يعني صغيره يحق لي اتشرط ؟ ................................................. _______________________ صالة الافراح .. الساعه : 11:30 مساءً ______________________ ** رهف ** الليله فرحتي ماتنوصف .. كنت احلم اشوف رغد عروس والحين شفتها .. واخذت سعد اللي يحبها وتحبه من يوم كانوا صغار .. حياتي تبدلت من حزن الى فرح .. زوج يحبني ويقدرني ومايقصر علي بشي وانا ابادله نفس الشي بالحب والاحترام .. عيالي مشعل اللي عمره 4 اشهر ورغد اللي عمرها 18 سنه وشهد اللي عمرها 8 سنوات الله يخليهم لي .. وابشركم حققت حلمي وحلم الريم الله يرحمها و خلصت دراستي .. وانا الحين طبيبة اسنان .. عسى الله يديم الفرح علي وعليكم .. قولوا امين . . الحين انا ونجود نتمشى ونسلم على المعازيم .. كان العرس زحمه .. وكل الناس اللي نحبهم معنا .. بأستثناء اختي الريم الله يرحمها اللي افقدها في كل مناسبه سعيده دخلت الهنوف وامها .. جات الهنوف لعندنا تركض سلمت علينا وهي مبسوطه وقالت : الله تهبلون قلت : مافيه وحده تهبل هنا غيرك قالت : ايه هين .. ابي اشوف رغد متى بتدخل قلت بأبتسامه : شوي وراح تدخل ضحكت وقالت : زين انا بروح ارقص هههههه ضحكت معاها الى ان راحت .. صح ماقلت لكم عرس الهنوف بعد شهرين بتاخذ بندر ولد عمتها .. ادعولها بالتوفيق سحبت يدي نجود وقالت بهمس : شفتي الدنيا كيف بالمقلوب قلت : كيف مافهمت قالت : اجل وحده حلوه مثل الهنوف تتزوج وعمرها في الـ 30 غيرها مفروض تتزوج وعمرها على الاقل 22 .. ولا وفوق هذا بندر اخذها مع انه متزوج قبل .. يعني بتصير الزوجه الثانيه قلت : ايه والله .. بس يللا اهم شي تزوجت قالت : ترا تقدموا لها كثير قبل بندر بس هي ماتوافق .. كانت حالتها النفسيه مره تعبانه .. الله ينتقم من اللي كان السبب قلت : آمــــيــــــــن شوي وجاتني بنتي شهد ماسكه صديقتها راما مدت لي يدها تسلم علي .. سلمت عليها وقلت بحنان : كيف حالك راما حبيبتي قالت : زينه مسكت شهد ونزلت لمستوها .. قلت وانا انظف فستانها بيدي : شهوده حياتي شوفي كيف وصختي فستانك بالبسكوت قالت بصوتها الطفولي : جدتي ام مشعل هي اللي اعطتني اياه وقفت وقلت لها بأبتسامه : اوكي حبيبتي يللا روحي ارقصي مع صديقتك راما ابتسمت وراحت تركض ووراها صديقتها على فكره صديقتها راما هذي تصير بنت خالد اخو الريم الله يرحمها .. معاها بالفصل .. والله الحياه صدف لفيت على نجود وقلت لها : يللا انا بروح بدخل رغد مع نايف رحت لرغد الغرفه اللي هي فيها .. مسكتني وقالت بخوف : الحين بدخل قلت : ايه هزت راسها وقالت : ما ابي .. استحي .. اخاف .. شكلي حلو ؟ قلت : قمر وربي قمر قالت : يعني تهقين بعجب سعد !! قلت وانا اضحك : الا بيموت عليك .. انتي وهالعيون الزرق نزلت راسها بحيا .. ودخل نايف قال بعجله : الحين بندخل رغد ؟ قلنا مع بعض : ايه مسك نايف يدها اليمين ومسكت يدها الشمال كانت واقفه ماتمشي لفيت عليها وقلت : وش فيك رغد من قلت وش فيك على طول طاحت دموع من عيونها قالت وهي تبتسم : صحيح انا فقدت امي وابوي الله يرحمهم .. بس الله عوضني بأم وأبو مافيه منهم عيوني لمعت وكنت ببكي .. ضميتها وقلت : تدرين يابنتي احساس الفرح ماحسيت فيه الا مرتين في حياتي .. مره يوم اتزوج ابوك نايف .. والمره الثانيه اليوم .. والفرح مابيفارقني دام انتي وابوك واخوانك معي قال نايف بمرح : يعني ليلتنا بتصير فلم هندي الحين ؟ ضحكنا انا ورغد .. وضحك معانا نايف ودخلناها والكل انبهر بجمال رغد وحلاها .. قال نايف بهمس : ياربي استحيت الكل يناظر فينا قلت : الكل يناظر معليه بس انت تناظر ممنوع قال : معي رهف واناظر لغيرها معقوله ؟ قلت وانا ابتسم للناس : طيب يانايف قال : ااصلاً هو فيه احلى من رهف اللي اخترتها بين كل هالبنات قلت بحيا : تسلم يابعد عمري الله يخليك لي قالت رغد : لا تخلوني اضحك الحين .. هذا وقتكم تتغزلون في بعض ابتسمنا انا ونايف .. وحنا نحاول نكتم ضحكتنا .. وانا اتخيل الناس تموت وتعرف حنا في وشو نسولف . . . خلص العرس ورجعنا انا ونايف بيتنا ما كان احد صاحي في السياره غيري انا ونايف .. شهد من اول ماركبنا السياره ماقاومت النعاس ونامت .. ومشعل نايم في حضني .. وانا اسولف مع نايف تذكرت شي .. وقلت له على طول : حبيبي نزلني بيت اهلي ابي اخذ شي وبطبيعة نايف اللي مايرفض لي طلب قال : من عيوني وصلت بيت اهلي نزلت وفتحت الباب لان عندي مفتاح لبيت اهلي .. ركبت غرفتي فتحت الصندوق حقي .. وطلعت دفتر نايف حق الشعر تذكرونه ؟ ونزلت تحت بسرعه .. قفلت الباب وركبت السياره يوم دخلت قلت : هات مشعل ’’ لاني اعطيته مشعل قبل ما انزل بيت اهلي ’’ قال وهو يعطيني مشعل بحذر عشان مايصحيه : وش اخذتي ؟ مديت له الدفتر وقلت : هذا عقد حواجبه وجلس يدقق فيه بعدين قال بصوت عالي فقع السياره : دفــــتــــــــــراشــــع ــــــاري هزيت راسي وضحكت : ايه فطس ضحك .. وماسكت قلت له : وش فيك مارد علي لانه ميت ضحك هزيت كتفه وقلت : نايف قول لي قال : متى اخذتي هالدفتر ؟ قلت : من زمان قبل حتى ما اتزوجك .. تذكر يوم نتبادل بدون قصد بالشنط في المزرعه .. الفضول خلاني اخــ ..... حط يده على فمه وضحك .. قال لي : دفترك حق ذكرياتك عندي قلت : احلف يا الحرامي وانـــ... وقفت عن الكلام يوم استوعبت ان كل واحد اخذ شي للثاني وفي نفس اليوم جلسنا نضحك انا ونايف بعدين فتح الصفحه الاخيره وقال : قريتي هذي هزيت راسي وقلت : لا قال : هذي القصيده هي اللي فوزتني بمسابقة الشعر .. وانا كتبتها لك قلت بدهشه مخلوطه بالفرح : والله كتبتها لي قال : ايه لاني مثل ماقلت لك اول ايام خطوبتنا .. اني احبك من زمان من يوم شفتك بالبيت اول مره قلت : ايه مكتوب في دفتر الشعر ابتسم وقال : القصيده عنوانها "°o.O بــيــن ثــنــا يــا الأيـــــام O.o°" وانتي احلى شي شفته بين ثنايا ايامي .. والله احبك موت يارهف رديت له الابتسامه وقلت : وانا بعد احبك .. صحيح شفت في ايامي اشياء كثير حزينه وماتوقعتها بس الشي السعيد بين ثنايا هالايام هو زوجاي منك تحمحم وقال : يللا حياتي بلقي عليك قصيده الحين .. وان شاء الله اقدر اعبر فيها شوي من حبي لك "°o.O هذي رهفO.o°" بعيني شفتها وصورتها لي اميــــره كامله والكامل الله ومحد يوصل غلاها عرفتها وعرفت ان حبها ماهوبحقيقه محروماً علي ولازم انسى حـــــــلاها مهيب سهله القلب عقبهابحاله غريبه هذي رهف والقلب يفز لاشاف خطاويها اموت انا واخلي دمعتي بعيني حبيسه هذي سواتك ياقليبي مالقيت غيرها تغليها النار بقلبي حسيتها وحسبتهاوالله قليله اثاري القلب ميتاً فيها يغليها و يبيهـــــــا حتى يدي تحبها وتكتب لها الف قصيده والعين في كل لحظه تشوفها تشتريهـــا ياقوة الله عليها شوفتها ماهيب بسيطه وانا واعوذ بالله منها اعشق مواطيهـــا نستني حتى بـــــــرد الغرب وخريفه بقلم : صاحبة الكلمه كان نايف يلقي قصيدته لي بحب وانا سانده راسي واسمع له .. حرك السياره وناظرت لبيت الريم .. طاحت دمعه من عيوني .. مسحتها بسرعه وابتسمت ^*^ / \ / \ / \ / \ / ^*^ ***** النــهــاية ****** | ||||
|
| |
|
08-07-13, 05:26 PM
| #33 | |||||||||||||
| مراقبة عامة ومشرفة منتدى الروايات المنقولة وعضو فريق التصميم و كاتبة في قلوب أحلام
| 
التعديل الأخير تم بواسطة لامارا ; 20-07-13 الساعة 02:21 AM | |||||||||||||
|
| |
|
| الكلمات الدلالية (Tags) |
| الأيام |
| أدوات الموضوع | |
| انواع عرض الموضوع | |
|
|
1Likes
.png)
العرض العادي
