12-06-13, 07:37 PM | #1 | |||||||||||
نجم روايتي و أخصائية تغذية - و افضل طاهية في مسابقة المعجنات ومترجمة بقصر الكتابة الخيالية وفراشة متالقة في عالم الازياء والاناقة
| بقى هو الحب كده !!!!! الموضوع ده على بالي من فترة كبيرة بفكر فيه فقلت اشارككم علشان تقولولي رايكم لو الحب فعلا زي مابنقرا عنه في الروايات اه بنحب ازواجنا باي شكل من اشكال الحب حب العشرة او حب الجواز او حب من قبل الجواز ايا كان طيب لو واحدة حطت نفسها مكان ابطال رواياتنا ياترى هتحب البطل يعني كتير بنقرا عن راجل بهدل مراته ومد ايده عليها وفالاخر حبته ! ياترى بتقتنعوا بده شخصيا ما اتخيلش اني احب اي حد يهني واللي يعملها بيتشطب من حياتي مابالكم لو زوجي طيب لو واحدة اتجوزت غصب واحد مش طايقاه وغصب كمان ممكن تحبه بعد البهدلة والذل والاهانة طيب وفين الكرامة والحب من غير كرامة صفر عالشمال يعني بنقرا ونقرا ونقرا بس ياترى ده فواقع حياتنا بيحصل ازاي كل واحدة تشوف شريك حياتها ولو عمل فيها عمايل ابطالنا هتحبه ولا لأ طيب واللي مش متجوزيين وخصوصا لو في فترة المراهقة ياترى الروايات دي ممكن تاثر على اختيارهم لشريك حياتهم تأثرا باللي بيقروه تقول انا مابحبوش بس شبه البطل ولا غني ولا وسيم فاتجوزه وهعمل زي الروايات ويحبني ؟ طيب والواقع اللي بيحصل انا وانا بكتبلكم دلوقتي بناقش جوزي في الموضوع قالي الزمن دلوقتي غير البنات نسبة منهم بتتكل ان الفيس والتويتر والنت مسهلين التعارف جدا مش منتظريين روايات تاثر على تفكيرهم طيب ما ممكن الروايات دي تاثر على تفكيرهم ان الروايات في منها اجنبي ودول ماعندهمش دين ممكن البطلة تغلط مع البطل او غيره حتى ده ماياثرش على طريقة التفكير للبنات بدل مايبقى غلط صغير يبقى غلط كبير منتظرة وجهة نظركم يا بنانيت كمان لو ام هتقبلي بنتك تقرا الروايات وخصوصا المترجمة والاجنبية انا مش شاطرة في التعبير بس اتمنى تكون فكرتي وصلت وماحدث يفكر اني ضد الروايات بالعكس انا متابعة في الصف الاول وبحب الروايات جدا بس مجرد فكرة للربط بين عالم القراءة والكتابة وبين الواقع اللي المفروض الروايات بتبنى عليه واعذروني على جرأة الموضوع التعديل الأخير تم بواسطة Aysel _2011 ; 12-06-13 الساعة 07:56 PM | |||||||||||
12-06-13, 08:14 PM | #2 | |||||||||||
نجم روايتي و أخصائية تغذية - و افضل طاهية في مسابقة المعجنات ومترجمة بقصر الكتابة الخيالية وفراشة متالقة في عالم الازياء والاناقة
| توضيح انا بقرا الروايات دي من وانا 13 سنة يعني من 12 سنة وما اثرتش على تفكيري ولا اختياري لزوجي بس في شخصيات ممكن تتاثر بسهولة من اللي بتقراه هي دي الشخصية المقصودة | |||||||||||
12-06-13, 08:25 PM | #3 | |||||||||||
عضو ذهبي
| موضوعك مهم جداااا عن نفسى متخيلش أبدااا ً إنى ممكن أصبر ع عمايل الأبطال >> خصوصا روايات بلوو و رواية كاردينيا الجديدة ^_^ مجرد الصبر على تصرفاتهم مش الحب ! بس فيه كتير من الواقع بيستحملوا ضرب و إهانة و جرح كرامة لأى سبب من الأسباب يعنى مش كل الشخصيات تتحمل ده أو حتى تفكر بحالمية فى شريك الحياة طبعاا مع و جود أساس تربوى صحيح و نزعة دينية بالنسبة بقى لتأثير الروايات ^_^ منكرش إن الروايات بتأثر عليا فى حاجات بالذات إنى بدايتى مع الروايات من قبل سن الرشد بزماااااان بس لغاية دلوقت التأثير ايجابى الحمد لله ^^ مع وجود وازع دينى ، و توازن مع الواقع و عالم الروايات الحمد لله و يبقى اختيار شريك الحياة حسب الدين و الأخلاق و القبول و التقارب الفكرى و الثقافى و لو فرضا ً كان الاختيار سىء من البداية يا إما تستحمل و تعتبره ابتلاء من الله ^^ و دى هتبقى حسب الشخصية برده ، تصلح الخلل أو يبقى الوضع ع ما هو عليه يا إما تنسحب من الحياة الرتيبة دى | |||||||||||
12-06-13, 08:29 PM | #4 | |||||||||||||
نجم روايتي وكاتبة في قسم قصص من وحي الأعضاء وفراشة متالقة في عالم الازياء والاناقةوسفيرة النوايا الحسنة
| بصى انا رقى ان الشخصية الضعيفة اللى بتتأثر باللى حوليها ممكن تتأثر بأى حاجة يعنى لو مش القصص هتبقى الافلام اوالاقارب او الاصحاب ومدام هى مش عارفة هى عايزه ايه ومتزبزبة يبقى هتلبس فى شجره ويجى هنا دور الاهل ازاى يوجهوا اولادهم اما بالنسبة للشخصيات المستقله فمتقدريش انك تقولى انها مش هتتأثر والا كان اى عمل ادبى ملوش اهمية لو الناس مش هتتأثر بيه بس هتأدر تاخد اللى يناسبها وتزودة لخبراتها الشخصية وتسيب اللى مش هيناسبها لوحدها من غير مساعدة وده لان بطبيعة مجتمعنا فى حجر على ثقافة الستات وهى مش بيبقى عندها اى مصدر اخر حتى كتير من الامهات مش بتحاول تساعد بنتها ازاى تختار ...لا دى بتقولها تختار مين | |||||||||||||
12-06-13, 08:30 PM | #5 | ||||||||||||
عضو ذهبي
| اقتباس:
هى بتبقى حسب الشخصيات و التربية و الوعى الدينى يعنى ( الظروف و البيئة المحيطة ) هتبقى أساس كل ده ! | ||||||||||||
12-06-13, 09:22 PM | #6 | |||||||||
مشرفة مطبخ روايتي ومنتدى المكياج والعطور وأميرة التسالي و سليلـ/ـة قصر الكتابة الخياليّة و زهرة البحوث وفراشة متالقة بعالم الازياء والاناقةوفراشة ازياء الحب الفضي
| انا اعشق قراءه الروايات مع معرفتي انه مجرد خيال لا يمكن ان يحدث في الواقع لكن قرائتها اشبه ما يكن الهروب من الواقع عن نفسي لا يمكن العيش مع رجل همه الوحيد هو اذلالي واهانتي ربما في البداية احاول تغيير ولو القليل من طبعه لكن في حال الفشل اتركه عائدة فالحالة النفسية لن تصيب المراه فقط بل ستمتد للاطفال في حال وجودهم فمثلا الاولاد سيرون انها المعامله التي تظهر قوتهم ورجولتهم وانه امر عادي ان تهان او تضرب المراة اما البنات فيشعرون بالرعب والخوف من الزواج خوفا من ان يكون الزوج نسخة عن الاب او الاخ المستبد واذا كانت المراة ترى انه يجب ان تعيش ما عاشته بطله الروايه فحتما سيسبب لها المشاكل لانها ستبدا بمقارنه حياتها مع ما تعيشه بطلة الرواية وتبدا بالصراع لما لا تفعل ما يفعله البطل لما لا تحضر لي الورود او السفر حول العالم او الذهاب لباريس وغيرها والتي سيجد الزوج نفسه في ورطة لا يعرف كيف يتخلص منها | |||||||||
12-06-13, 09:25 PM | #7 | ||||||||
مراقبة عامة ومشرفة وكاتبة وقاصة وقائدة فريق التصميم في قسم قصص من وحي الأعضاء
| السلام عليكم ورحمة الله وبركاته مساء الورد عزيزتي الف شكر للدعوة موضوع مهم فعلا انا اقول ... نعم الروايات تؤثر ... وتؤثر لابعد حد ايضا ... وهنا لااقصد مسألة الرومانسية فقط واختيار الشاب الوسيم وما الى ذلك ولكني اقصد بطريقة غير مباشرة بزرع الافكار بطريقة غير واضحة ....بمعنى لانشعر انها تنزرع اصلا ... الروايات الاجنبية المترجمة سابقا والتي هي باسم عبير واحلام كانت بريئة جدا وفيها احترام اكثر للمشاعر ... حاليا الروايات الاجنبية تجنح للتعبير الجسدي عن العاطفة ... وانا لن ادع ابنتي تقرأها ابدا ... ممكن الى ان تنضج بفكرها هي براحتها لكن في مرحلة المراهقة لن ادعها تقرأها البناء الفكري السليم ضروري في مرحلة النمو لانها تعمل استقرار وتوسع المدارك لاكتشاف الحقيقي والمزيف الى حد ما .. ابنتي بعمر ال 13 وجعلتها تقرأ بريد الجمعة لعبد الوهاب مطاوع وناقشتني بعدة حالات لانها لم تكن تستطيع تفسير ردود افعال الشخصيات بمعنى لماذا تصرفوا هكذا ... انصح اي ام ان تدع ابنتها تقرأ بريد الجمعة لانه يعطي واقع ونضج فكري ... بالنسبة للاهانة والضرب من قبل الزوج للزوجة انا غير مقتنعة به كحالة مقبولة يفترض ان تتغاضى عنها الزوجة .. انا مدركة تماما ان هناك الكثيرات عايشين حياتهم بهذه الطريقة والحياة ماشية لكن هناك خلل ... لايخلو الموضوع من وجود خلل في موضع ما حتى لو بدا ان المرأة تحب زوجها رغم اهانته لها ... فيه شيء ان الزوجة تقنع نفسها بالسعادة بعد ان يأتي الزوج معتذرا في كل مرة ... لانها ببساطة تريد العيش في حالة اسرية مستقرة .. لذلك تجبر نفسها على التسامح .. الاهانة تبقى اهانة لاتحوّر ولا تنمق ... وديننا كفل للنساء كرامتهن والتعامل معهن بالرفق ... (عاشروهن بمعروف او سرحوهن باحسان) ( زوج بنتك من ذي دين تقي فان احبها اكرمها وان كرهها لم يظلمها ) يعني حتى لو كرهها لايفترض ان يظلمها .... هذا هو الخط الصحيح هذه هي الفطرة السليمة وغيرها يعتبر خروج عنها ... نعم تحصل تجاوزات واقعيا سواء باللسان او حتى بالضرب الخفيف والزوجة تتسامح وتنسى ... وانا مع التسامح والغفران لاننا جميعا بشر ونخطأ لكن انا لست مع من تتسامح مع زوج يعتاد الامر ويكرره كحالة سائدة في اسلوب التعامل ... هنا يجب ان تقف الزوجة وقفة طويلة مع النفس لتحاول ان تجد حل ان امكن ... اسفة للاستفاضة وانا كتبت على السريع كل ما خطر ببالي ... موفقين يا رب | ||||||||
12-06-13, 09:36 PM | #8 | ||||||||
مشرفة وكاتبة وقاصة ومدققة وأميرة واحة الأسمر بمنتدى قلوب أحلام وعضومتألق ونشيط بالقسم الأدبي وقلم فضي برسائل أنثى ومحررةبالجريدةالأدبيةوقاصة هالوين
| أنا بقالي بتاع أربع أو خمس سنين بأقرا الروايات ديه مش هنكر إنها سابت تأثير في نفسيتي, يعني أنا دلوقتي لما أقرا كذا رواية وكل رواية ليها شخصياتها وظروفها, ده بيساعدني كتير ان أحدد أفكاري, وخلاني أقدر أفهم الناس أكتر وشخصياتها لا وبقيت أقدر أقول أراء كويسة وأنصحهم بالمناسب, فانا اعتقد انه نوعا ما ليها تأثير جيد في موضوع شخصية الواحد | ||||||||
12-06-13, 10:31 PM | #9 | ||||||||||
مراقبةومشرفةسابقة ونجم روايتي وكاتبة وقاصة وملكة واحة الأسمر بقلوب أحلام وفلفل حار،شاعرة وسوبر ستارالخواطر،حكواتي روايتي وراوي القلوب وكنز السراديب
| اسماء انا شاعرة انك كاتبة الموضوع ده علشانى انا هههههههههههههه وجوزى ههههههههههههه اولا الزواج وما يتبعة من حب هو يكون تراكم للعشرة الطيبة والأحترام المتبادل بين الزوجين ..والكرامة اساسى فأنا ارفض امتهان الكرامة بأى صورة من الصور وليس معنى ذلك ان اول ما سى السيد يغضب ويعمل عاملة ناقصة تلم البنوتة الهدمتين وتأخذ العيلين وعلى بيت الحاجة ...انا احب المثابرة وصدقينى دى خدتها من الروايات .... ثانيا نحن مجتمعات مغلقة اجد فى الروايات متنفس لبنتى للتعرف على انماط بشرية مختلفة فقد اعتادت ابنتى على قرأة كل ما تقع عليه يدها وتأتى لنتناقش بكل شىء بدون حرج ...حتى يوم كلمها شاب فى الطريق..جاءت وقالت لى وارشدتها بغلق اذنها عن كل كلمة ممكن ان تجعلها تميل مع الهوى بطريقة الأقناع..احيانا اجدنى ارد على موقف بعبارة تكون عالقة بذهنى من رواية معينه مثلا ..ليس كل الروايات تأثيرها سىء فلا نتحدث مثلا عن روايات اسماعيل ولى الدين الكاتب المتخصص لأفلام نادية الجندى المتخصص بالجتس والمخدرات ..وانما روايات منقحة نظيفة اما المترجمة فليست كلها مثال سىء فهناك روايات تعد من امهات الكتب فى العالم مثل روايات شكسبير حتى لو مترجمه ووقعت تحت يد ابنتى تأتى لتقص على ونتناقش بكل شىء اجدها فرصة سانحة لأبثها الفرق بين الصح والخطأ وحمدا لله الأولى دائما وتعد الطالبة المثالية دائما مشهود لها بالخلق والثقافة والتفوق العلمى.. ثالثا التربية الدينية هى ما تجعلنا نفرق بين شغل الفراغ وأختيار الكتاب او الرواية هنا المقصود شغل الفراغ وليست من نوعية الروايات اياها وبكل الهوايات وليست الروايات فقط كونى بجوار ابنتك خطوة بخطوة مدى جسر الصدافة بحيث تعبرين بها جسر المراهقة وتساعدينها على بناء الشخصية ...انا من ضمن القليلات التى يعلم زوجى بعشقى للروايات .. واحيانا يدخل وانا اكتب ويجلس يقرأ ما اكتب ...فيقول لا مانع طالما مشغولة عنى ..فلا زن علشان الخروج والفسح عرفتى الغرض ايةهههههههههههههههههههههه ومع ذلك فهى حسب المتلقى اى حسب الشخص الذى يقرأ اى روايه..مثلها مثل اى موضوع فكل شخص يرى الموضوع حسب منظوره الخاص... اسماء ان رغيت كثير والله دى وجهة نظرى الخاصة فأرى تحصين اولادنا بتعريفهم على المساؤى مع تعليمهم كيف يتجنبون الخبيث ويختارون الطيب دمت يا أسماء بخير وتسلمين دائما | ||||||||||
12-06-13, 11:06 PM | #10 | |||||||||||
نجم روايتي و أخصائية تغذية - و افضل طاهية في مسابقة المعجنات ومترجمة بقصر الكتابة الخيالية وفراشة متالقة في عالم الازياء والاناقة
| شكرا جميعا لمروركن الكريم وتقريبا الاراء متقاربة وعلى فكرة يا ملكة انا اتربيت اني شفت ماما بتقرا بريد الجمعة وكنت بقراه من وانا عيلة صغيرة حتى كانت ماما تقولي انتي صغيرة اديني كبرت والللي كنت بقراه ده ولا حاجة جنب واقع الحياة | |||||||||||
مواقع النشر (المفضلة) |
الكلمات الدلالية (Tags) |
!!!!!, الحب |
أدوات الموضوع | |
انواع عرض الموضوع | |
|
|